29th APRIL BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: 29th APRIL BY PAPUII SAILO (Completed)

Unread post by Ngaia » May 23rd, 2021, 4:05 pm

29th April
By Papuii Sailo




CHAPTER - 13




Ka quarter lam pan lo in Zothanpuii te In lam panin ka tlan tlang a,an kawtah motor ti ding dawtin kawngkhar ka nam hawng nghal thuai a, an In lam panin ka pen phei nghal pawk pawk. Hrep hianin ! A in lock vek anih chu! Zantir a ka phone lai khan Samuela phiangsen khan a phone a lo chhan sak kha ania, chuan tunah zanlai a pel tawh, an la awmdun reng anih teh hrep chuan! Kawngkhar chu ka chhir zui nghal pawp. Zan reh a ni tawh bawk nen a ring duh phian leh nghal.





Motor lam pan phei lehin ka phone motor hma lama ka dah lo ri chur chur chu ka ban vat a, ka beng bulah ka dah rualin " Khawiah teh hrep nge i awm? " Ka tichhuak nghal hrawk.




" Ava mak vak vak thin tak, Inah lo khawnge ka awm ang "




" Huhh... in In a inkalh chung hian a chhungah i mu tih sawi tum hlek suh " Ka bung nghut.




" Maw! Tunah khan eng maw i sawi? " A rawn ti vak chu na lutukin ka thaw chhuak nghal hawk. " Zothanpuii te In inkalh thiap hmaah ka ding mek ka ti a nih chu " Ka ti leh hrawk.




" Mahse... Enge itih? Engtin? Aizawlah i awm a ni lawm ni? " A rawn ti nghal zung zung.





" Khawiah nge i awm sawi vat rawh? " Ka ti chu " Lawk aw " A rawn ti a, a ri zui nghal rak rak.





Aizawl leh Lunglei inkar ka tlan chhung zawng khan phone ka tum char char a, vawi engzat fa ko nge ka phone pawh ka hre hrep lo, switch off a in ti char char a, tunah min rawn phone hmasa tu zawk a ni leh lawi si.Lehlam a mi chu enge maw a tih ni? Tlan deuh khat khat ri te pawh ka hria in ka hria, phone a dah chuang bawk silo.




" Lo hawi thla la " Thaw deuh hlawi hlawi chung chuan a rawn ti hap a, ka inher vat a, mahse tumah ka hmu lo. " Kha lam lo zawkah " A tih leh sup rualin dinglamah ka inher deuh a, ban a lo vai vat vat reuh a, a ban pakhatin a khup a dawm ran bawk. Ka phone ka kekawr ipteah thunin a dinna lam pan chuan ka kal thla a, min hmu thut chu mak tih hmel deuh hian min en char char.





A bul ka thlen pawh chuan hah tih hriat tak hian boruak a hip lut kawk kawk a, thla eng hnuaiah pawh hah vanga a biang tai tek chu hmuhnawm tham tak a ni.




" Enge i lo tih dawn? " Rawn dak chho ha chung a, a tih chuan helai thleng thleng a zan khaw tai rek a, ka phei nghal chuk chuk nachhan ka hrechhuak nghal zawk a, ka thinrim leh tung tawh. A hmeltha lutuk ka hmuh avang maiin ka lo theihnghilh leh hman daih a ni, hetiang khawp hian hmeichhia vangin ka danglam hneh ka ring ngailo.




" Khawi atangin nge i lokal? " Ka aw a nel awm fahran loh.




"Khum atang lo in khawi atangin nge ni ang? " A ti awlsam êt chu ka thisen a lum nghal bulh bulh. Samuela nen an riak dun anih vaih zawngin




" Zawhna min zawt let lo in sawichiang rawh Zothanpui "




" Min vin vak vak zel suh, Kan Inkawtah i awm thu i sawi avangin ka nu te hriat hlau lutukin ka rawn chhuak a, hetiangin min vin vak vak dawn tih hria ila chu ka rawn chho miahlo ang " Lungawi lo tih hriat tak chuan a ti a, lehlam a hawi nghal hmak bawk. A awm dan avang chuan ka vin lutuk kha ka inchhir leh nghal der, a awm dan ho te te avang a ka danglam zung zung zel hi ka in awih theilo hial zawk. Van va dakin ka hmai ka tuai nghal pawk a, thawk ka la zui nghal vang vang. Zothanpuii erawhin melh pawh min melh duh tawhlo.





" Eng vanga i phone switch off tlat nge i nih? "Dam deuh zawk chuan ka ti a, a che chang eihlo. Chu chuan vin lo tur a ka inthununna chu a ti chhe leh vek " Zothanpui " Ka ti nghal hluk.





" Keipawn a in switch off tih ka hriat loh laiin engtin nge ka switch off ngawt theih ang, dawr atang a ka haw tlai avangin phone khawih hmanin ka awm lo hrim hrim a, ka mu zui nghal hmak bawk. Chuan nichinah khan ka harh laklawhin phone khawih ka tum a,ka hre ve chiah, ka on rualin min rawn call tumna message rawn lut tuk tuk avangin thil pawimawh anih takah tiin ka rawn call let chauh che " A sawi tam lutuk chu thawk ala zui nghal hawlh. Keiin a tawng zawng a a hmui sexy lutuk che niap niap thin khan ka mit ala hle thung a, a hmuiah ka mit a fu chat.





" Ka kiss chak lutuk che " Ka tih sup rualin ngaihtuah mang hleilo in " A hun rihlo " A rawn ti then chu ka nuichhuak hawk a, ka thusawi a ngaihtuah chiang chiah nge a meng deuh kawk.





" A hun rihloh chuan engtik nge a hun ang " Nuih insum takin ka ti chu min melh thip nghal rawm chungin " Engtikah mah a hunlo ang " A rawn ti hlar.




Motor ka hunna lamah inzui chhoin motor hnung lam ka hawng a, nawr lutin ka thu lut zui ve nghal hmiah. Ka taksa si chet a pawt hnaiin ka kuah bet hmiah a, a sam karah ka hmai phumin a rim tui lutuk chu ka hip lut nghal vang vang a, ka hahdam zui sawng sawngin ka hria.




" Dawrah i thawk tih nichin khan i sawi thânin ka hria, a dik em? " Nichin khan a sawi tel thanin ka hria.




" Thawk e, vawiin atangin ka tan alawm , mahse tinge ilo phei teh thut, zing lamah kha chuan Aizawlah i la awm reng sia "




" Samuela te dawrah i thawk tih sawi miah suh " A hna atanga a haw tlai thu a sawi a,Samuela'n a phone a lo chhan sak bawk a, an dawrah a thawk tihna a ni thei mai em? Samuela te dawr a a thawh thu a sawi chuan bang turin ka hrilh a, mahse min hnial ve tang tang.





*



" Engvangin nge engmah sawilo a i phei? " Ka u chuan min rawn hau tawn tawn a, nizan khan ka hmu bawk silo nen ka hrilh miahlo tak anih kha, emergency a awm thu sawiin dawt ka hrilh ta ngawt pek a, a vawikhat nan Zothanpuii vangin ka u hnenah dawt ka hrilh phah. Zinglamah ka roomah min enin ka lo awm ta silo an hrilhhai viau a ni awm e. Nidangah ching tam tawhlo turin min hrilh zui hrep.





Ka tum aiin ka phei hma na'ngin hna zawm erawh ka tum rih chuanglo, Office luah theih hun helamah ka nghak tawh mai aniang chu. Chawhmeh lei sa ka neih loh avangin bazar lamah ka kal chawp ta chuk chuk a. Chaw ka ei fel vek hnuah Thanpuii te In lam pan bawkin ka inkhalh chhuak leh.




Nizan ti ila tukin a ni tawh zawk ang chu, a dawr thawhna a thawh zawmlo tur leh ka hnena thawk leh turin ka hrilh a, mahse ' dawr a thawk chung pawhin eirawngbawl te chu ka tihsak thei tho che lawm, zing leh tlaiah ania, dawrah ka kal hma dawn chuanglo a, chhunah hnadang ka thawk thei pah dawn a, a tha iti ve lo mi? " Tiin min hnial char char a, ka thu tlukna sawh sawn ka tum silo a ni in a tum bik silo nen kan inhnial thinrim leh a, Dingpuii te In lamah min let tak san hmak a, ka chelh zui ta rih bik lo. Vawiin lam a hmin tho ka tum vang a ni pakhat.





A ngaihdanah kha chuan sawisel tur pakhat mah ka hre lo, Samuela te dawr kher nilo se chuan ka pawmpui theih mai ka ring.Mahse midang nilo in Samuela a ni, a bialpa hlui rei tak a lo kawp ve tawh a ni bawk nen, nilenga an awmdun tur kha ka duhlo a ni ber.





An In ka thlen chuan dawr kal turin a lo insiam peih vek tawh tih ka hmu nghal a, lungawilo lutukin ka rum nghal nghut a, hria ang pawn a awmlo.Samuela'n a phone a lo chhan vang a phei ka nih thu ka hrilh khan, chutiang a hriat loh thu leh, call log-ah pawh engmah a awm loh thu a sawi a, mahse thu dik ka sawi tih a hria nge a zawhfiah tur thu a sawi anih kha.





" Kal luih tal chu i tum a! " Ka tih chuan a lu a bu nghat.




" Enteh, Hmahruai eng vanga ka kal duhlo ve ngawt nge inih chu ka hre lo. Mahse pawisa thawh chhuah ka ngai tih hrethiam teh " Ka lawmlo hmel a hrethiam nge ban phar hluai chungin a rawn ti chhuak hliai.




" Ka duh loh chhan i hre lo maw? Ka thik vang anih phiangsen hi! I bialpa hlui nen a nileng leng a inhnaih tak a in awm reng tur ka duh loh vang phiangsen maw le, chuti chung chuan kal luih tho ila tum em? " Ka tichhuak hrawk a, mak ti lutukin min melh reng ringawt a, thinrim vangin thawk ka la kawk kawk thung.





" Mahse engvangin nge i thik ve ngawt? " Henu hian engthil nge a sawi hi? Ka nui rum hawk, khati khawp a ka tilang chung khan ka duh tih a hre miahlo nge a hre lo der zawk?





" Zothanpui i hrelo tak zet em? Ka duh che tih hi i hre lo tak zet em? " Ka ti nghut.




" Mahse hmeichhe kawp lai i neih reng kha,hmanni lawkah hotelah pawh i awmdun pui nghe nghe kha " A rawn ti sap a, khami tum khan Atlani chungchang kha sawifiah miahlo in kan inthlah tih ka hrechhuak nghal. Terini vanga ka duh tih hre reng chung a ka hnaih duh ngailoh chhan te, mahse min lo bum reng thu te leh Atlani ka buaipui chungchang chu ka hrilh fai ta kelh.



" Chuan "


" Enge chuan "



" Min duh ve tih chu ka hre tho a, mahse i sawi ngei ka phut " A hmai zawn a kun hniam chungin ka ti thum sup a, hnunglam a eu deuh chungin " Ka duh thlawtlo che " A rawn ti nghal vak, mahse kei hian min duh ve tih ka chiang lutuk tlat.



" Min duhlo tih i tang ngam chiah ang maw? " Tisupin a hmui ka nawr nghal zeuh a, phawk lutukin a rawn meng nghal kawk.




Samuela te dawr lamah a kal ta tho a, thlah pahin Station lamah ka tlang zawk a, naute ho in Terini boral pawi an tih thu an lo sawi sap sap a, sawizui vak tur ka hrelo nen ka um e liam vel mai mai a ni.




Thanpuii hnathawk hman lêklo a siamin a khat tawkin ka zuk phone zut a, vawikhat phei chu min rawn vin tan tan a, mahse eng he hu ah ka ngai chuanglo a, ka call chhunzawm reng tho. Hnathawk theilo lekin awm se, Zothanpuia'n ban mahse pawi tihna ka neilo.





Hna ka zawm leh tawh a, office lamah ka thu tawh, Thanpuii nen kan inkawp chho a, min duh thu chu min la hrilh lo, mahse a che ziaah min thlakhlelh zia a tilang ve fo a. Pangchanna tur nu leh pa nei tawhlo chu pangchan deuh hlek chang pawh a nei, mahse chu chu ka duhdan zawk a ni. Samuela nen ka mit tikham zawng a an awmzui lem loh avangin a duhthlanna zah sakin a kal chhunzawm ka phal sak a, zing leh tlaiah ka quarter lamah a rawn kal thin bawk a, chaw kan ei dun ziah.





Kan inzui tam bawk nen mi sawi kan kai thuai a,mi hmuhah nupui sun hlim ka lo ni leh zel bawk nen, mi titi tui ber kan ni. A pawimawh ber erawh kan pahnihin thu dik kan hria a, chutiang sawi sep mai mai chu ngaihmawhah kan nei hran lo.





Terini nu leh pa in Atlani chungchang thuah min rawn be zeuh zeuh a, mahse phone kaltlanga han zilh bak engvak tih theih ka nei bik chuang lo. A rei leh deuh ang a, nu leh pa enkawl tur a nei bawk nen a unaunu avanga a inthiamlohna te chu a reh ve mai turah ka ngai.





Dawr ka luhin Thanpuii ka hmuh mai loh vang chuan ka hawi kual deuh a, a hmel hmuh tur reng a awmlo. Hmeichhe pakhat lo awm ve chu ka zawt a, store room lamah a awm thuin min chhang a,store room awmna lam zawtin a awmna lam ni a a sawi lam chu ka pan zui hmiah a, min en zui dauh dauh ringawt.






Hemi an dawr Thanpuii thawhna bik hi naupang thawmhnaw hrang hrang zawrhna anih avangin dawr chhung pawh a zau a, hnathawk pawh hmeichhia panga vel an awm.Store room kawngka ka hawng a, a lo thum deuh ruih a, bungrua in pack a awm deuh hnur bawk. Ka hmu mailo chuan ka ko a, min chhang bawk silo.





A awmlo aniang ti a chhuah ka tum lai tamin bungraw intian ur na phen atang chuan thawm a rawn awm a, ka ngaichang deuh a, mahse a reh zui leh nghal hmiah bawk si nen kawngka lam panin ka pen leh a, a hma aia ring deuh zawk chuan thawm a rawn awm leh. Dim takin thawm rawn chhuahna lam chu ka pan phei them them a.Thawm siamtu ni ngei tur te ka va hmuh rual erawhin ka thisen a so bulh bulh a, insehruh ngawt ngawtin ka kut ka hum nghet hle.






Samuela chuan Zothanpuii chu bangah nawr betin a lo fawp ngawng ngawng a,Zothanpuii lah dan tum a khawsa awm pawh a awmlo in a ding mawl tawp ringawt.





Thuruk ka hrilh ang che u Hmahruaia leh Zothanpuii hi an awm tak tak😗 Muttui vek u❤❤❤



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:05 pm

29th April
By Papuii Sailo




CHAPTER - 14




❀Zothanpuii Pov❀




" Hemi hi pakhat chiah a awm tawh anih hi, Mampui nang adang va la khawm lawk mai teh aw " Tih pahin U Amuani chuan naupang pheikhawk hi a rawn lek va va a,a bula ding hnaiin ka enchiang a, store room lam ka pan nghal vat.




Naupang pheikhawk kan dahna lam ka pan a, a awmna a lo pilril viau leh nghal. A chunga thil dang awm ho ka hai hmasa chiam, a hautak reuh phian mai!




Thla khat chu ka thawk ve tawh a,midang ho nen kan inpawh ta phian bawk nen ka peihloh ang aiin a nuam ka ti ta zek. Samuela lah dawr neitu anihna ang bak a danglam deuh a khawsak a nei zui ta lo bawk a, Hmahruaia nen kan inkar a pangngai a, min ngaihtuah em em reng bawk nen ka pa boral hnuah tunlai hi ka hlim ve ber tum a ni.





Pheikhawk chu pair 5 vel ka la chhuak a, bungraw dang pawh chu ka dah tha ta lem chuang lo.Pheikhawk pawm tun chungin ka ding chhuak a, ka inher rual chiahin ka phu nghal zuk.




" Min ti phu nasa lutuk, thawm te neih ve tur che lawm " Ka awm zawn dawm vawng vawng pahin ka ti hliai a,Samuela erawh a nui suk duh chauh. " Mamawh i nei mi? " A tawng mai loh avang chuan ka ti hâ a, min chhang chuanglo dar a san leh awk ringawt.





" Enge maw i hriat le? "Ka kal pel tur ka banah man a min pawh let leh dawr rual chuan ka ti that a, ka pheikhawk pawm lai pawh chhuatah ka thlauh nghal vek.




" Ka thlah zalen rei tawh viau che " A rawn tisup chu zaklo ti lutuk hian ka melh nghek a, min vawnna a kut ka phih sak dawr bawk.




" Zothanpui i kut hi la sawn rawh " Ka kawngah a kut a rawn rawlh lutin a taksa si chetin min pawt hnai a,phelh sak ka tum chu a kut pahnih chu ka hnunglamah a suih bet hmiah a, min pawt bet zual sauh. Ka hmai zawnah a rawn kun hniam rualin na lutukin a awmah ka nam a,chumai duh tawklo in a hmaiah ka beng zui nghal sawk a, ka kut a thip nghal vawng vawng thei. Chumi rual chiahin Hmahruaia'n min au ri ka hre zui zat bawk. Chhan tum a ka ang zuau tawh chu a kut pakhatin ka hmui a rawn hup bet hmiah a,pakhatin ka kawngah ala chelh run bawk, chuti chung chuan hnunglamah min nam phei dat dat a, ka hnungzangin bang hit thler a si zawm zat.





" Thawm siam tum hlek suh ang che " A ti zawi sup a, ka benna kha a sen talh a, hmeichhia zawkin kut ka thlak chu a thinrim nge insehruh teuh chung thawk ala hrawk hrawk. A mit meng thip leh sen ram chuan ka thauah min man a, ka khup a sai dar dar thei hial. A tawng ri ngam tawh biklo nen a mitmeng chuan min vau a ni ber.




Hmahruia pen ri thlup thlup ri chu ka ngaichang reng a, helamah hian a rawn phei theih nan ka rilruin ka tawngtai char char. Kan awmna lai hi tlemin a puk deuh bakah bungrua in tiang ûrin min hliah bawk si nen,min hmu bawk silo a let leh mai ka hlau tak zet. Kawngka lam pan a ke pen ri a awm chuan hlau chung chungin ka ke chuan bang chu ka kheng ri a, pen ri pawh a tawp zui chawt.




" Thawm chhuah suh ka ti che ni lawm ni? " A rawn ti hrawk a, a aw hlauhawm lutuk vang chuan ka ip nghal chawih. Mahse ka tlawm tur a nilo, Hmahruaia'n min rawn hmulo anih chuan hepa hian enge a tih ang ka hre lo. A hma aia ring deuh chuan ka pheikhawh hnuailamin bang chu ka kheng ri leh a, mahse enge thleng hi Samuela chuan ka dulah tak ka hmui a hup loh zawkna kut chuan a rawn hnek zui pawp a, ana lutuk chu thawm pawh ka chhuah theilo ka heh ka pet fan fan a, ka mittui a dir thla nghal zung zung. Reilo te a mitmengah chuan inthiamlohna a rawn lang zawk a, mahse reilo te tak tak chiah a ni, 'enge ka sawi kha' tih melhin min melh zui nghal khui.





Eng sawi set set lo in a hmuiin ka hmui a rawn bawhthuah a, ka pumna lutuk si nen chet pawh ka che tha thei tawhlo, din tak ngial pawh ka ding ngil thei tawhlo, Samuela hian min chelh ding tlat zawk mai pawh a, a hmui a rawn chet zui ngawng ngawng a, namsawn turin ka tha ka pe thei bawk silo nen ka hmui ka pet vak ringawt.





" Ka that dawn chiang lutuk che ! " Tithawtin Hmahruai chuan Samuela chu a rawn pawt hrang nawlh a, kei erawh chhuatah bang nghengin ka thu thla nghal hnawk a, ka pum chu ka dawm zui vawng vawng a, ana lutuk chu thawk pawh ka thaw tha theilo ka awm zawnah hian min hnawh tlat a, ka tapchhuak thei bawk silo nen ka tawt up up a ni ber.





Hmahruaia chuan Samuela chu leiah nawr betin a hmaiah chuan a hnek zui siah siah a, a hnar a hnek thi sak phung tawh. A thinrimna zawng zawng an tho emaw tih mai turin dimna nei hleklo in Samuela chu a sawisa a ni ber. Mittui tling teuh chungin an sir atangin ka lo en reng, tunah tak hian Samuela saw khawngaihna chhe teh mah ka neilo, a phu tawk chiah a hmuah ka ngai. Kan thawm a bengchheng deuh nge hnathawktu dang rawn lutin Samuela sawisa tu Hmahruaia chu an rawn pawt hrang a, hmeichhe ho chuan rap hmel lutukin an melh tlawk tlawk bawk.





" Bawihte, i tha tiraw? Khawilai nge na sawi rawh " Rawn ti tâwkin ka bulah a rawn thu hniam a, a banah lo vuanin ka melh tawk tawk a, ka thaw tha theilo tih a hria a ni ngei ang, thaw chhuak hrawkin Samuela an kaihthawh mekna lam chu ava hawi phei a, a lan danah chuan thah mai chak hmel a pu. A taksa zawng zawng chu a tang vek a, a thazam a lang tuak bawk. Ka awmdan min siamrem sakin ka awmah chuan a rawn nem deuh a, tlem chuan ka zia te deuh, mahse la na vawng vawng tak a ni, mipa thankin tawhin ka dul nemah min hnek ania, a tha zawng zawng a hmanglo chung pawhin min vilh ngut ngut thei.





" I zia deuh em? " Rei tawk fang min thutpui hnu chuan a rawn ti sup a, ka lu ka bu nghut chu hahdan huai tih hriat takin a thaw huai a, ka chalah a hmuiin a rawn nawr zui nghal vang vang. Store room atanga min pawm chhuakin motor-ah dimdawih takin min nghat a, thinrim tih hriat taka la insehruh teuh chungin a che erawh a dam thlup lawi.





" Tikhan lo mu rawh aw, kan inbual lawk ang e ka reilo ang " Min rawn fawp zauhin a in la hrang leh nghal a, bathroom-ah a lut nghal vat. A lut pil chiah tihin blanket tlang sehin ka tap khur ta dar dar. Ka tah leh tawhlo tur thu ka tiam kha hrechhuak zawkin ka mittui ka hru hul sawk sawk a, mahse ka mittui chuan rawn chhuah a chak zek zek a maw tih tur khawpin ka hru zo chiah a a rawn luang leh nghal zel.




Khatiang khan engtin nge hmeichhe chungah a chet theih zawk, chumai pawh nilo in kei nen phei chuan kan lo inkawp ve hial tawh a,khawvel awm chhung hian ngaihdam min dil sang sawm sarih mah se ka ngaihdam ka ringlo.





" I lo muhil hman elo? "Ti ri chu ka hre ruai ruai chauh tawh. Zawi thum sup a, a phun ri leh ka sam a chul heuh heuhna chuan manglamah min luhpui zui nghal riai riai.





Ka harh leh chuan tlemin ka zia deuh hawk tawh a, mahse ka tahna avangin ka mit chu a thial ur a, a thip deuh bawk nen men pawh ka meng tha theilo. Ka hnar lah a ping vek bawk. Khum atanga tho chhuakin ka hawi kual a, khua a lo thim vek tawh chu sana ka melh kual nghal vat a, dar 8 a lo hnai kuar tawh, ka va han mu rei em em ve le.




Room atang chuan ka chhuak a, Choka lama faifuk rat rat chung a chawhmeh lo chan mawlh mawlh tu chu ka hmu hmasa ber. Pan phei mailo in ka dinna atang chuan a che vel chu ka thlir zui ta reng a, engkim mai chu a zei vel vek a ni mai, palian tak choka vel a eisiam a a che chu khawvela thil hmuhnawm berte zing a mi a ni.




A hawichhuakin min rawn hmu chu mawi deuh hian min rawn nuih suk a, ka lam panin a rawn pen phei zui nghal.




" I lo harh tawh maw? I intifai nghal dawn em? " Tisupin min kuah nghal vang vang. Vawiin lam a ka chetpui ka la inbel bawk nen inbual chu ka duh, thlan rim ka nam vekin ka hria. Mahse hetah chuan inthlakna engmah ka nei bawk silo a, haw hunah a nimai.




" Ngailo mai rawh se, In-ah a nimai " Ner deuh nang chung chuan ka ti a. Ka chal a rawn tauh nghal dat.




" Hetah i riak dawn " A ti thum dut a, ka melh chho nghal vat. " A chiloh lutuk " Ka ti hlak chu engmah sawilo in ka hmuiah a rawn fawp zauh a, choka lam a pan nghal daih.





" Eirawng i bawl tho sia chaw chu hetah ka ei ang a, chaw eikhamah min thlah mai la " A awmna lamah pheiin ka ti a, ka thusawi chu ngaihsak ang pawn a lang lo. A thil tih lai a tih chhunzawm char char.





" Hmahruai... "




" Sawi sawi mahla a sawtlo,zanin chu hetah i riak dawn " A ti nghut chu ka ban ka phar nghal hluai a, min lo en ngur bawk si nen ka ang zuau tawh chu ka tawp leh hmak. A sawi dik a hmelah pawh hian a lang reng, eng ang pawn hnialin haw ka duh thu sawi mah ila, a thutlukna sawhsawn tum hmel a pu lo.





" Anih chuan thawmhnaw inthlakna tur tal kan la thei angem " Ka ti ta zawk, eng ang pawn sawi ila a thutlukna sawh sawn tum hmel a pu lo.





" Ka thawmhnaw ha mai la "





" Ka thawmhnaw kan lak dawnloh chuan ka riak lo law law zawk mai ang " Ka ti ve ta tlat. A thawmhnaw te chu ka ha thei mai ang, mahse ka underwear hi ka inbual chuan suk ngei a ngai dawn a, a lawngin a thawmhnaw ka ha duh teuhlo mai.





" A tha lawm, chaw ei hmain nge tunah " Chal ri chuar nang chuan a ti ve ta sup a, chaw ei hma a lak ka duh thu a sawi chuan a pawm ve mai bawk.






Ka thawmhnaw kan la a, kan let leh nghal. A quarter kan thlen velah ka inbual zui a, ka harh deuh kawkin ka hria. Chaw kan ei dawn a, ka tih ve a phal miau loh avangin aman a siam vek a, a sil lam erawh a phallo chung ka chuh lui ta tlat thung.





" Tun ang hunah tu nge lokal tur awm? " Amah chu rem leh remlo in ka han melh chho ha, zantir lam ka mu bawk si nen ka mut a chhuak hlawl silo a, T.V kan en ta ringawt a, sofa nghenchhan nghengin a thu mu a, keiin ka ngheng chhawng ve leh thung. Tunah dar 10 a ri tawh a, kawngka an rawn kik karh karh chu mak ka ti ang reng viau.





" Ka hre biklo emergency a awm a ni maithei a ni " Ni e chuvang chu aniang hetiang te hi chu a hna nen awm ve chawk tur chu a ni. Thutna atang chuan a tho a, kei erawhin ka film enlai ka enzawm daih thung.





" Oh.. Nangmahin i awm a maw ka tia " Ti ri ah chuan ka hawichhuak a, hmeichhe pakhat hmeltha zet nen kan inmelh nghal siah. Ka lo awm ve chu mak ti hmel a pu deuh bawk. A awm ve reng tun ang zan rei tawhah a nupui pawh nilo ka awm ve chu ania, mahse ani hi tunge a nih? A hmel hi chu ka hmuh hnu a ang lutuk.





" Mampui, hei hi Atlani chuan Atlan hei hi Mampuii anih hi " Hmahruaia chuan a ti a, a hming a sawi chuan ka hrechhuak ta chiah,a hmaa hotela ka hmuh tum a mi hmeichhia kha a ni. A nupui boral ta Terini nau anih thu a sawi bawk tak kha mawle.





" Hi " Nui ver ver chung chuan ka ti a, a ruk tak chuan ka zakin ka inthlahrung, a u pasal thin a ni a, an chhungte ni miahlo tun ang zan rei tawhah ka lo awm ve bawk nen. A hmelah hian a rilru a awm ang tur a hriat nghal ruak bawk.





"Hi " Nui sak chung chuan a rawn ti let ve mai a, a hamhaih hmel erawh a bo chuanglo, Hmahruaia nen chuan min melh tawn chhan bawk. Nuam ka ti ta miahlo.





" Chuan, tun ang hunah i rawn lan nawlh chhan hi " Ka bula rawn thu thla thuk pah chuan Hmahruaia chuan a ti a, Atlani pawh kan epah chuan a thu thla ve nghal bawk.





" Ka thiannu in pasal a nei dawn a,vawiinah kan lo phei a, an inah riah ka tum vek tawh hnuin an chhungte an lo thleng leh thut bawk nen, mutna kan indaih chiah si lo a, ka rawn hrechhuak thut che a,ka rawn chho ta tawp anih hi " A ti ta duah a, a aw a zangkhai ta phian bawk.






" Pawi itih loh chuan ka riak ve thei ang tiraw ? " A tih leh chuan Hmahruaia chuan a riah theih tur thu a hrilh a, a nui nghal ver ver, a hmeltha tak zet bawk. A vun nung sar te leh a pian inkhaithli zaih te chu mipa tamtak hrilhfak a tling ngei ang tih tur khawpin a fuh thlawt.





Lawkin ngawi teh! Atlani hetah a riah ve dawn chuan khawian nge ka mut ve ang, he Inah hian room pahnih chiah a awm a, pakhat lah Hmahruaia room a ni si! Atlani mutna tur roomah ka mu ang tingawt ila a theih bawk siloh! Sitting room-ah hian ka mut ngaih a ngaih hmel. Ka ngaihtuahna avang chuan ka ner deuh nang, heta riah kha lo pawm loh tawp tur ania. Kan Inah ka khumah ngei nuam sa deuh a mu thei tur sofa-ah ka mut dawn phah.




" Kha tin ngaihtuah vak vak suh, ka bulah i mu dawn" Ka thil ngaihtuah lai hria ni awm hrim a nui ri suk chunga ka beng bulah a rawn sawi chuan ka khawng nghal auh a ni mai. Inngaizawng pawh ni ila a chiloh rapthlak lutuk a nupui lo ni thin Terini nau ngei awmlai a khum khat a riah dun chu mi pangngai tan chuan thil tih chi a nilo, a hmai eng zah ana, bakah Atlani pawh awmlo se ka duhlo hrim hrim. Ka tum dan a nilo bawk.





" I duh chuan mu nghal daih rawh Atlan, room pakhat saw i hmang mai dawn nia " Hmahruaia'n a tih chuan ka tang tung thei.





" Mampuii hetah i riak ve dawn mi? " Atlani chuan nui sang chungin a rawn ti ta daih thung. Chhan dan tur ka hrelo kher mai, riah chu ka tum dan kha ania,mahse han sawi khum chu a nuam ka ti biklo.





" A riak dawn " Pakhata lah chuan awlsam lutukin min lo chhan khalh hmiah bawk su ka nui tawi ta tak ringawt. " Awii.. Chuti chu i mutna ka chan khalh dawn che tihna mi? Avan nuamlo va mu zawk la, sofa-ah hian ka lo mu zawk dawn mi? " A ti nghal sawk sawk, a sawidanah he ina hnathawk a awm riak ve nghal mai thin ni hian ka hria.





" Aih angailo, motor chuanna i chau palh ang keimah ka mu zawk mai ang " Nui sang chung chuan ka chhang let a, Hmahruaia lehlam hawi chung a nui leh suk suk thin chu ka haw ru kher mai!





Mu turin kan siam a, keipawn Hmahruaia rawn miahlo in tlangnel fahranin a room a blanket ka la chhuak a, sofa a riah tumin ka insiam hmiah. Atlani erawh a mutna tur lamah a lut tawh thung. Hmahruaia chuan ka che vel chu angaihna hrelo lutukin min en reng a, a bulah riak turin min ngai tih ka hria, mahse ka tum reng reng lo.






" Khatah khan enge itih dawn? " Ka mu than tawh chu ka bula ding ngur chungin a rawn ti nghut a, hrelo der hmakin lehlam hawiin ka inher hmak. Ka chhan chuan kan inhnial leh maw nia nga, Atlani sawn kan thawm a hre palh ang.




" Zothanpui, ka bulah rawn mu rawh " Ka la chhang duh chuanglo.




" A tha e, sofa chep zet a insi riala mut i duh tihnaah ka ngai mai ang e " Tih leh rawn inthawlh ve a rual nghal anih chu!





" Hey hey tho vat rawh " Tawng rin ngam bawk silo nen ka tizawi sa sa a, ka kawngah a ban lianpui a min rawn kuahin ka samah a hmai a phum a, muhil ang hmiahin a awm zui nghal hmiah.





"Hmahruai,, Lalhmahruai tho vat rawh " Ka ti leh hlak a, a che chang duh bawk silo chu ka hnungzang ti pawng vakin ka nek vak a, ani lo inring bawk silo nen chhuatah a thal thla nghal huang ! Rang lutukin ka tho a, hrilhhai tih hriat lutuk a palian deuh thla huang chu pum dawm meuhin ka nui dir nghal char char.Keihian engtin nge ka nek thlak theih zawk. A inringlo hle a ni ve ngei ang, ka nui ring ngam bawk silo nen ka pum ana vek thei.





" I chak dawnlo lutuk Zothanpui " Tinghutin min pawm kang lawp a, a room lam panin min pen pui nghal pawk pawk a, ka tal ve sa teh nangin awmzia a awm tampui lo kher mai.




Ka tum ang pawn a sei theilo, ka type tlai bawk si nen ka mut a chhuak ropui😂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:05 pm

29th April
By Papuii Sailo




CHAPTER - 15




" Atlan hetah chaw ei ve phawt la " Kei ai chuan a u deuh tih nizan khan Hmahruaia'n min hrilh tawh na'ngin U Atlan han tih chu nuam ka tih chiahlo. Amah pawn a duhin ka ringlo zawk.




" Zinglamah man inhlan an tia, awm ve turin ka thiannu khan min duh bawk sia, ka eilo mai ang. " Nui sang chuan min chhang letin " U Hruai i buai loh chuan min thlah thla lawk mai la " Hmahruaia lam hawi chung chuan a ti zawm sap a.




Hmahruaia chuan min rawn en zawk a, a mit chuan a thlah dawn leh dawn loh min zawt ni maiin ka hria, tihngaihna hre lo lutukin ka lo nuih let seih ringawt a.





" Nangmahin ilo awm hreh em? " A rawn ti ta sup, ka hreh loh thuin ka lo chhang vat. Min ngaihtuah tih ka hriat chuan ka hlim veng veng, midang nilo in a nupui nau a thlah dawn a, min rawn kherlo a kal tawp thei anih reng laiin min rawn kher chuan min zah der ve ah ka ngai.
" Ka hman chuan ka lokal leh ang " Tiin Atlani chuan min thlah a, kawt lam panin an inzui chhuak nghal.






Nizanah khan Hmahruaia'n " Ka bula i mut dawn loh chuan i mu bik lo ang,kan pahnihin kan tlaivar thak ang. " Ti tlatin min zui kual reng a, mutthilh ka tum pawn min tibuai char char a, ka mutchhuak tawh bawk si nen rilru nuam zan lo in a khumah kan mu dun a, mahse engthil dang mah kan ti chuanglo nghet zetin min kuah bet tlat a chu zawng chu a ni mai. Zingah Atlani'n min hmuh ka hlauh em avangin hma tawkah ka tho a, Hmahruaia pawh ka thawh te chuan ala mutui lutuk.




Nizan lamah chawhmeh ala rin vek theih avangin chhuan lum a, chaw chhum ringawt anih avangin chaw ka chhuang a, chawhmeh erawh Hmahruaia lo let hun a chhuanah ka dah a.





Atlani kha ka ngaihtuahnaah a rawn lut zawk a, a hmelthat ang bawkin a rilru pawh a thain ka hria. Tukin pawh khan a lo thawh hlim atangin min be seuh seuh reng a, kan inkawm zui thei ta phian. Terini chungchang a sawi lan ka hlauh ruk deuh avang khan ka ip ru reng a, mahse a sawi lang ta miahlo.




Rei vakloah Hmahruaia a rawn thleng a, a inbual lawk tur thu sawiin bathroom-ah a lut a, keiin chawhmeh ho ka chhuanglum zui nghal bawk. Hnadang thawhtur zawn vat ka ngai dawn tih ka hria. Nimin thil thleng vang khan kha mi tenawm lutuk te dawrah khan kal zui leh pawh ka duh tawhlo. Mahse tun thla ka thawh chin hlawh chu lak ngei ka duh dawn thung, vawiinah la tur a kal ka tum a, Hmahruaia erawh ka la hrilh lo,a phal kher angem pawh ka hre lo. Ka kal phawt ang a,min pe duhlo anih chuan ka hmuh ngei theih dan tur kawng ka dap mai aniang chu. A lo thlawn maiin ka thawh ve tang tang na kha luan liam tir mai ka phal teuhlo mai, Samuela ka chunga a chet dan nen phei chuan sual duh ila pawisa an chawi teuh thei zawk.





" Atlani khan ka michhawr ini em tih min zawt a " Chaw eilai chuan thutak deuh hian a rawn ti a, ka tang nghal tung ringawt. " Ka bialnu inih thu ka hrilh " Nui put put chung chuan a tih zawm zat a,
" Chu chu nuih tur nge tah tur " A fiamthu anih ka rin avang chuan ka lo ti then a, a nui hmel a tawp nghal hmak.




" Fiamthuah chiah an nui thin " A rawn ti ta hmuk a, ka antui hawp ka hak zui nghal bawrh bawrh chu chek hlut chung a a thutna atanga rawn tho in ka hnung a rawn chum nghal det det a. Ka khuhna lamah ka mittui a tla phung thei.




" I ti tak tak lo tiraw ? "



" Dawt ka sawi ngai miahlo mawle " Ngeiawm deuh a a rawn ti chu ka run kher mai, dawt a sawilo anih pawn sawilo ti tha ve mai se, mahse engtin nge Atlani bulah a sawi nghal mai theih zawk ka duhlo tihna ni lo in, a hriat hun chu ala awm dawn tho a, mahse tun tut tutah chuan ka la inring chiahlo a ni ber.




Keima lam chu thuhran amah zawk hi Terini boralna thla tam a liam hmain hmeichhe dang a kawp nghal tih Terini chhungte lamin an hriat chuan an dem ang tih pawh a hlauhawm, anni chuan Terini thil tihsual te kha an hre ve miahlo tih amah ngei hian ala sawi zui ania, an fanu mitmu pawh a keh hmaa ngaihzawng dang a neih chuan an ngaihnep phah ang tih ka hlauhpui vang zawk a ni. Midang hi chu ka ngai pawimawh hran lem lo, mahse Terini chhungte ber kher chu.





" I ngaihtuah ka hria eng ang pawn min sawi dawn mah se ka ngai pawimawh hran lo,ka michhawr nilo in ka bialnu, ka hmeichhia, ka duh em em,ka atchilh hlum loh chauh ini a, chu chu zep a tulna ka hre hran lo. News-ah te hial puan tir ania ka duh ni " A sawi tawp lam chu fiamthu tih hriat takin a nui ri hawk a, over ti lutukin ka melh zui rawm.






" Samuela te dawrah min drop mai rawh aw " A kawt zawl atanga kan tlanchhuak chiah tihin ka sawi a, motor a tiding nghal dawt chu la inring bawk silo nen hma lamah ka bu zui dawrh a, mahse ka intauh lo hlauh.





" Ngati nge khatia itih? " Ka ti nghal vak a, kawngpui lam melh ngurin steering nghet lutukin a hum ngawt ngawt thung.





" Khatianga i chung a a chet hnu pawn an dawrah kal ila tum tho a maw? " Nui ro hawkin a rawn ti chhuak hrawk a. A motor tihdin chhan kha ka hre nghalin ka hria.




" Kal dawn e.. Mahse... "




" Enge mahse chu ni teh hrep, I kal dawn chuanglo " A rawn ti chang leh bul chu ka thaw chhuak ta hak.




" Ka sawi tur ngaithla phawt la mawle, kal ka tumchhan te chu.. "




" Samuela i hmuh chak vang maw ?" Hepa thikthu chhiat em em dan hi chu angaihna a awmlo, ka hmu dawn lul lo ti a aukhum hrep mai ka duh, mahse ka insum hram hramloh a ka vin ve vak chuan thu mumal sawilo in kan buai vak zawk ang.




" Amak e...ka sawi lo ngaithla phawt rawh, kal ka tum chhan te chu ka hlawh lak ka tum vang alawm " A lam hawia inherin ka tichhuak ta hap a,ngun zetin min melh ngur thung.





" Ka hlawh kha lak ka duh alawm ,nileng thak thak a ka hah ve na te kha a lo thlawnin ka liam tir dawn teuhlo mai, min han pe lo na teh se ka nasa viau ang. " Ka ti tan tan chu a hmui a pet sawi zauh ringawt.





Motor ti nungin a tlanchhuak leh a, a thinrim a maw tih mai turin a ngawi zui ngul bawk nen motor chhung chu a ni deuh churh ka ti mai, han biak mai dan tur ka hre mailo leh nghal. Ka kut ka malchung a ka dah chu ka ti che dat dat reng ringawt. Hei hi chu ka nervous deuh apianga ka tih thin dan a ni,a chang phei chuan ka kut hi ka elh kual a, ka sawisa chiam zel.





Hmahruaia a lungawi zan lo a ka hriat avang chuan dawra min drop mai tur a ka lo hrilh kha ka inchhir ta rum rum, a hriat loh khan lokal mai tur ania, Nizan lam leh nichin lawk a a mizia dam raih hmuh tur a awmlo chu a nuamlo ka ti tak zet.




" I chhuk dawnlo mi? " Ti nghut riah chuan ka phu deuh zawk a, phun hluk ri ka hre zui nghal. Ka lo ngaihtuah nasa lutuk anih hmel. " Eng maw..? " Ka ti deuh haw chu min chhanna avang chuan ka hamhaih leh tho




" Pawisa chu i dil dawnlo em ni? " A ti a, tukverhah ka dak chhuak nghal vat, Samuela te dawr kawtah kan lo ding reng tawh.




" Maw.. Aaa.. Dil dawn e mahse i lungawilo lo a mi? " Ka ti a, " Lokal rawh ka luhpui ang che, mahse keiman ka dil ang a tha em? " A tih chuan nui sen senin ka bu nghat. Nichin lawk a a awmdanah te kha chuan In lamah min dah ka ring kha ania.





" Hmeli ka that dawn che, nang hmeichhe tlaktlailo zet vangin kan chhungkua kan buai nasat zia hi i hria em? Engtin nge i hmel i la rawn lan ngam zawk " Ruati'n min hmuh rual chuan a rawn ti phiar phiar a, min sawisak tum niawm hranin min rawn pan a, mahse Hmahruaia ka hmaah a ding nghal vat thung.





" Kan chhungkua hian nangmah vangin hminghliauna kan neih nasat zia hi dam ve reng tlak pawh ini lo fahrah leh nghal " A thinrim lutuk chu a vun a sen tawn tawn a, a thaw hrawk hrawk bawk. A thusawi vang erawh chuan ka inhumruh nasa hle thung.





" Ngawi mai mai zawk la i tan a that ka ring " Hmahruaia chuan a ti bul hmuk a. Ruati erawh a hmai zartu a sam chu a chhipah hui chhoin a nui nghal hak.




" Nang pawh hi police ini ni lawm ni? Engtin nge pawisawilo thichhawngin i sawisak theih, chumai duhtawk lo in i thiltihtheihna hmang tangkaiin lock-up-ah i la khung zui, hre rawh court-ah ka khung dawn khawp che " A kut zungchal a kawk sawk sawk chungin Hmahruaia chu an ankhum tawn tawn a,





" Samuela chu engtin maw? " Ka tihliai, tunah khan Vanlalruati hian lock-up -ah Hmahruaia'n a dah thu a sawi anih kha, mahse engtik laiin engtin nge anih theih?




" Nangnu vang hian lockup-ah a awm ka ti anih chu, in awmdun a thik vang mai che u in thi chhawnga a sawisak hnuin lock-up ah a khung ania, nge ni a nangmah hian ti turin i lo thlem zawk "




" Dawt a lo la hrilh tal che a ni maw? Dawihzel zul lutuk, i unaupa kha mipa ni ve tlak pawh a nilo, pawnfen feng se a inhmeh tawk chiah ang. Saw lai a ka khung nachhan saw chu amah ilo zawt chiang leh dawn nia, ka sawi sak pawh a phu lo, a chanchin sawi turin ka chil per ka ui , chuan i tawngtam hmain Mampuii hlawh la tur a lokal kan ni " Hmahruaia chuan a ti ta duah a, kan inhriat hnuah a sawi tam ber tum a la ni hial ang.





" Hmeichhe zaktheilo lutuk, hetiang ka u chunga i thlen tir hnuah hlawh i la beisei ngam a maw? Ka pek che inring reng reng suh, chutia pawisa i mamawh viau anih chuan bazarah kut va dawh rawh " A tawngkam rapthlak zet avang chuan Hmahruaia chuan kut a thlak lo turin a insum ngat ngat nimaiin ka hria, ka bang bik chuanglo.






Hmahruaia chu che deuh hrutin a ipte a zen a, enge a tih dawn tih ka ngaichang reng thung. A wallet rawn phawrhin pawisa thahnem fe hi a rawn phawrh a, ka lam rawn hawiin ka kutah a rawn hmeh bel a, a chet dan chu ka hrethiamlo hle. Engvanga a pawisa hi min pe ngawt nge anih! Chutah Ruati mitmeng thip ram a min melh tu lam hawi chuan a inher leh a,ka kut a pawisa chu tihngaihna hre lo lutukin ka melh reng ringawt.






" Pawisa i neih loh vangin i pe theilo anih ka ring a ka pek sak che anih kha, tikhan ka pawisa i puk, min rulh ngei ka phut bawk ang. Chuan Samuela'n Mampuii kut a thlakna avang khan zangnadawmna inpek ngei ka beisei bawk. Ka pawisa i puk ka dawng let lo emaw Mampuii'n zangnadawmna a dawnglo anih bawk chuan court lamah kan chingfel dawn nia, nih loh pawn in dawr pakhat hi chu in chan ngei theih nan hma ka la ang, hnathawkte hnen a hlawh pe theilo chuan dawr hi neuh ve in phu lo " Thumal tin chu a lam chiang em em vek a, Ruati chu a meng phawk kawk kawk reng a ni ber. Hmahruaia chet dan leh thusawi chuan kei ang tho in a thawng ve tih a hriat reng.




*
*



" Zothanpuii " Rawn ti riah chuan ka thutna atangin ka tho kang vat a, ka zam lutuk vang hian ka kutphah te hi a thlan huh dap mai. Ka piantirh ata interview ka hmachhawn vawikhatna tur anih vang pawh ani mahna heti em em ka zam.




Interiview room-ah chuan ka pen lut a,mipa pahnih ka pa rual vel tur leh thalai deuh hlek mipa tho hi an lo thu a, ka lut lai chu uluk lutukin min lo en reng. An hmaa thutna awmah chuan ka thu thla a, ka tha te hi ka zam lutukna lamah a khur dar dar thei hial.





" Zothanpuii, experience ila nei miahlo chungin he hna hi engvanga dil nge inih ? " An zinga upat hmel deuh ber chuan a ti thum dut a. A aw chu a nelawm fahran loh tih ka lo ngaihtuah hman.




" Sir, experience neih kher tur tih insawi hlei nem, bakah ka ngaih dan chuan eng hna pawh hi thawk dawn ila experience nei teuh tawh thawk tha leh peih silo ai chuan experience nei tur a, taima taka thawh hi a pawimawh zawk ka ti. Chuan ka hna dilchhan chu ka mamawh vang a ni " Ka rin aidaihin ka chhang thain ka inring tawk ta hle bawk. A bu zui nghat mai.





"B.A final semester-ah hian ka hriatsual loh chuan topper aiin i mark a sang zawk. Enge a chhan? " Tlangval ber khan a rawn ti ve leh thung a. Thawk ka la te te phawt.





" Nia i sawi dik alawm, 2nd semester-ah khan ka nu boral avangin ka exam thei lo a, 4th semester-ah ka clear chauh a,chu vang chuan rank holder ka ni theilo a, mahse engtin nge i hriat ? " Ka hriat chak êm avang chuan ka zawt let ta tawp.





" In batch economic subject topper kha ka nau ania " Nui suk suk chung chuan a ti a, chuvang anih chiah chu a hriat theih. Khatih hunlai khan kei aimahin kan lecturer te khan an ui zawk, topper ai khan ka mark kha a sang deuh hlek zawk a, inthlau tak phei chu kan nilo. Mahse rank holder ka nih theihloh chhan kha engdang nilo in ka nu min boral san vang a ni a, ka pawm thiam vek.




Zawhna eng eng a maw min zawh hnu chuan ka chhuak ta hram a, ka tling angem pawh ka hre lo. Chhang tha ve viau chuan ka inhria.





Hotel Adamo-in Lungleiah Adamo hming tho in hotel an rawn hawng thar dawn a, hna thawk an lak nual dawn avangin ka dil ve a, midang ho chu interview an nei lem lo, an resume atangin an select dawn anih hmel.





Kei erawh receiptionist turin dilna form-ah ka ziah avang receiptionist dil bik ho chu interview kan nei bik. Kan awm nual a midang ho kha chu experience nei tha tak tak deuh vek an ni, chuvang chuan ka tlin pawh ka ring chiahlo.





" Enge a an? " Phone ka lakrual a rawn ti aw ka hriat chuan ka hahdam nghal huai. Ka hriatthiam loh thu ka sawi chuan a rawn nui ri hawk.





Hna tul vangin Lawngtlai lamah a zin a, ni li lai a cham tawh. Hna ka dil thu ka hrilh khan min hnial buai miahlo a, mahse hotel anih thu chiah ka hrilh a, tu te nge an nih tak ka hrilh lo. Interview neih angaih thu leh ka huphurh thu ka hrilh khan min fuih ve ngei a, interview vela an zawh thin ni awm tak tak a sawi nual bawk a, mahse a sawi ho erawh pakhat mah vawiin khan min zawt lo.





Ka tan hian a hlut zia hi ka sawithiam lo zawk, min ngaihtuah em em reng a, Dingpuii ai a awh a ni ber. Ani lo chu inbunruahna tur ka neih loh avangin ka nu leh pa ka ngaih deuh chuan kan chhungkaw kim lai chanchin ka sawikhum chiam zel a, engmah sawisel lo in uluk deuhin a lo ngaithla thin. A chang hi chuan ka bialpa mai nilo in ka thian tha ber hi a ang ka ti zawk mah zel.




Amah vang liau liauin Samuela te hnen atangin zangnadawmna pawh ka dawng ta nge nge a,lock-up ah pawh khan ama lo dah ani tak tak,FIR pawh alo file vek. India sawrkarin hmeichhia a humhalh that zia kan hre bawk a, kut min thlak vang khan thla enge maw tichhung chu jail-ah a tan phah dawn.




A lo la haw theih chiah loh tur thu a sawi chuan ka lung chhe deuh tlat, ka ngaih lutuk tawh vang a ni ngei ang.




"Lawk aw, lo vuan lawk rawh "

"Zothanpui " Rawn ti tu awm tlat a ka hriat avang chuan ka ti a, ka hawi kual a, ka lam pana nichin a mi interview room a thu ve thalai ber kha a rawn pen phei pawk pawk.




" Ka dah rih lawk ania aw, nakinah ka lo call tha mai ang che " Tiin min chhanna pawh ngaihsak tawhlo in ka off nghal daih.




" Tihsak theih che ka nei em Sir " Ka bula lo thlen rualin hawihawm takin ka lo ti var a.




" Receptionnist chu beisei duh suh " A tih chuan ka hnim ruih, ka tlin ka inring vaklo chungin tiang em em a hma a inhrilh te chu a, hmaichhanah lehnghal.




" A tha lawm, ka lawm lutuk e " Ti sapin ka inher zui nghal nalh a, mahse a thusawi vang chuan tawp chutin, a lam hawiin ka inher a rinhlelh hmel lutukin ka melh reng.





" Eng maw i sawi kha? " A sawi kha hrelo ka nilo, ka awih chiah loh vang zawk a zawt nawn leh ngat ka ni.





" Receptionist nih chu beisei duh suh, ka personal assistant turin ka la che " Nui vur vur chung chuan a rawn tinawn leh ta sup.






Test kan neih dawn avangin April ni 9 hma chu zan kar thlak a ka dah rih angai dawn a nia.😬

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:05 pm

CHAPTER - 16 By Papuii Sailo




" I ti tak tak em? Min bawl kual i tum chu a ni êm lo maw? " Ka awih loh em avang chuan ka ti nawn leh ngat. Nin hmel deuh hian a ner leh nghal nak.





" Dawt sawi hmel ka pu mi? I duh loh chuan midang... "



" Ka duh lo ka tih loh kha, engtik atangin nge ka lokal ang ? " A thusawi lai pawt chatin phur deuh hian ka lo ti sârh a.



" Karlehah hotel hawnna kan neih ni atangin thawhlehni atangin tihna nih chu " A tih chuan ka bu nghauh nghauh a, ka nui ver ver reng bawk ka mawl hmel ngawtin ka ring.




" Ka lawm lutuk e, Sir " Ka tih chuan a hmel chu ka hrethiam lo lawm vaklo hmel deuh hi a pu in ka hria.




" Nangte hi min hre tawhlo tak tak a mi a? " A ti zawi sap chu ka hawihai der.



" Kei.. Keimah hi maw? Kan inhmu tawh ngai em ni? " Ka ti nghal hâw




" Naupang tê siin i hriatna a tha vaklo anih dawn hi ! " A tih chuan ka ner khum nghek. " Aizawlah khan kan hotel-ah tho kan inhmuh tawh kha mawle tereuhte, ka chal min tauhsak te kha i hre tawh miahlo em ni? "A thusawi avang chuan Dingpuii thlah tur a Aizawl kan phei tum kha ka mitthla let iar iar a, khami zan a mi kha hepa hi maw! a chalah ka tauh sak anih kha, mahse ka thiamloh a ni pawn ka hre chiahlo kha chu ka bengbul mai a a rawn kun vang vek anih kha, mahse a nuam duh ta lemlo khawp mai, tunah ka boss ala ni dawn zui.Khawvel hi chu a zim chiang a ni.





" Khalam kha chu theihnghilh phawt ang, Thawhlehni zing dar 9:30-ah hetah hian,tlai hi ka ngaina vaklo a, rawn tlai lo la, tunah chuan ka let phawt angai. Kan inhmu leh dawn nia " Tiin hotel lam pan a a let leh chu ka thlir zui reng ringawt.





"PA maw? Ka beisei loh tawp thil a ni, a hahthlak a ngem le? Chutiang ngaihtuah suh Zothanpui,lo hahthlak deuh pawh ni se a pawilo hna i nei tawh a, chu chu a pawimawh ber " Ka rilru chuan ka ti mawlh mawlh a, ni e tha takin ka thawk ngei tur a ni.





Ka che vel reng reng chu ka phur sarh a,hna pangngai tak ka nei ve tawh tur chuan ka kâ min chip tir hlei theilo a ni ber. Hmahruaia hrilh ka chak ve tawh takzet, ani pawn min lawmpui ve ngawt ang. Chhunah interview zawh a, kan inbiak bak kha kan inbe leh ta miah lo. Tlailamah lah Ka pa te (Dingpuii pa ) Inah zanriah ka ei daih a,ka nu eirawng ka bawlpui bawk nen ka buai ve ta char char kha a nia, kan Inah ka haw chhohna pawh ala reilo.






Phone ka tumlai tak chuan pawnlam atangin kawngka chu a rawn in kik ri dat dat a,ka phone dahin kawngka lam ka pan vat a, " Lo lut rawh u " Ka ti pah lang lang bawk. Kawngka ka hawn chuan ka beisei loh lutukin kan kohhran thalai hruaitu te pahnih nui sang chungin an lo ding reng.





" E... U Mahmingi te tehhlawl chu enge ni ta? Lo lut rawh u" Tihpah chuan kawngka chu ka hawng zau a, anni pawh an lo lut ve nghal a, kawngka chu pawt khat leh te te phawtin an thutlohna lam long chair-ah chuan ka thu thla ve nghal vat.




" I dam tha maw? Kan inhmu khat riau tunlai hi i inkhawm ngai meuh na nge ? " U Rama'n a tih chuan chhanglo in ka nui tawi tak ringawt. Jail ka chhuah hnu atang khan ka inkhawm leh tawhlo hrim hrim.





" Naktukah blanket suk hnatlang kan nei dawn a, kan rawn sawm che anih hi! Kalloh awihloh ania aw! " Nuamlo ka ti deuh a a hriat vang nge u Mahmingi chuan a rawn ti ta hluai a.




" Naa... U Mahming ka kallo.... "




" Het, inhnial awihloh, kumbul picnic pah ani dawn a, kan vai chuan thei dawnlo mah ila, a tam zawk tal hi kalthei ila kan duhthusam ania, intuaitharna ni pah fawmin kan tia, bakah kohhran te thahnem ngaihna a zarah suk tur kan hmu nual bawk nen,nangpawh i tel ngei ngei angai. Tihtur i nei zawk nge? " A ti leh zung zung a




" Tihtur chu ka nei hran chuanglo, mahse midang bula awm hi nuam ka ti teh chiamlo a " Ka malchunga ka kut khal neuh neuh chung chuan ka ti niah niah.





" Mai mai ! I hun tawn vang te khan i lo inkiltawih a ni lo maw? I tih a ni lo tih tupawn kan hre vek tawh a, kan duhdan leh tum dan vekin nun hi a kal theilo tih hi hriat reng tur. Nang pawn khatiang thil kha i duhdan a ni bik tawp nang " U Rama chuan a ti charh charh a.





Kei a kara min ngai pawimawh a min sawm ve tawng tawng chu han hnial deuh bur chu thil nuam anih loh avangin aw ka pawh ve ta nge nge a. A hma atang tawh a thalai hruaituah chuan ka nel ve ve te an lo ni bawk nen, an ni pawn nau en takin min en ve ve a, thu tha sawiin min fuih nasa ve hle a. An lokal chu lehlam takah chuan ka hlawkpui ta viau.An pahnih hian an inkawp na a rei ve tawh bawk tih kan sawi tel hram ang e,an innei tep tawh bawkin ka ring.





" Hei Rama te nen hian kan pathumin a motor-in kan kal ang a, ka bulah i awm char char dawn nia. " An chhuah dawn chuan nui sen sen chungin a ti a, muttui tiin kan inthlah zui a.





Kawngka ka kalh fel room lam pan tum a ka kal tur chiah chu kawngka ri leh avang chuan ka let leh rih, U Mahmingi te khan theihnghilh an nei ang a, an rawn let leh pawh a ni maithei a ni.





" Nangmaw? Mahse engtin nge hetah? " Ka ti nawi nak a, nui sukin min rawn kuah nghal thlawp thung. " Ka ngai tawh reuh lutuk che " ka nghawngah hmai phumin thawk ala zui nghal siai siai a, ka hmu thut ka hamhaih bawk si nen ka ding mawl tawp ringawt, kuahlet nachang pawh ka hre lo.





" Chhunah khan ilo la haw theih loh tur thu i sawi sia " Ka lak atanga a inlakhran hnu chuan ka ti a, min chhang lo in thutphah awmna lam a pan a, duhdah deuhin a thu thla nghal hmiah. A ke pakhat a khup chungah dahin a phut hlarh hlarh a, kawngka bula ka ding reng chu mit ti zim sanin min en reng bawk.





Chhunah khan a lo la haw theih loh tur thu a sawi a, tunah lah a rawn lang leh hlawl bawk si. Ka hrethiam teh nuai lo ve a, a rawn haw dawn te chuan min rawn hrilh ve tal tur hi ania. Kawng lakah tawhsual te lo tawk palh ta se,engtin nge ka awm ang? Ka ngaihtuahna vang chuan a lo haw min hrilh lo chu ka thinrim leh hnuhnawh, amah chu ka va melh nghal rawm rawm a.





" Khatah khan i ding reng dawn mi? Lokal teh, ka ngai che ka tih kha " Nui suk suk chung a a tih chuan ka pan phei ve mai a, a thutna lo zawk a ka thuthlak dat rualin a rum ri nghal nghut.





" Lungawilohna i nei em? " Ka lam a thle buk chungin a ti thum dut a.




"Ka neiin i hria em? "




" I neih chuan tha takin sawi la,inhnial ka peihlo ania "




" Ngati nge i lo haw tur thu min hrilh loh ? " Vui aw taka ka tih chuan a nui ri hawk a, chu chuan ka thin a ti sa phat, a englaiah khan nge nuih tur a hmuh bik ni. Ka thutna atangin ka tho lawk a, room lamah lutin kawngkhar ka lock zui nghal hmiah. Ka awmdan chu a naupanchhiatthlak tih pawh ka hria, mahse ka ngaihtuah vang a zawt ka ni ve mai a, khatia nui kherlo khan min hrilh loh chhan sawi tha ve hle hle se.




Khumah ka inthawlh nghal then a, a duh duh danin awm ve mai rawh se.Ka be tawh awm hlei lo emai.




" Lo hawng teh " Kawngkhar pawn lam atang chuan a rawn ti dut dut a, ka chechang map lo.




" I muhil lo tih ka hria ania, lo hawng rawh inbia ang le, i lo hawn hma chu ka tibuai char char dawn che ania " Ka titau laklawh tawh nen tlawm mai chu ka hreh ru tlat.




Kawngkhar chu a khat tawkin a rawn kik ri leh kerh kerh thin a,mahse ka mut a chhuak bawk nen engtik laiin nge ka mutthilh reng ka hre lo. Ka harh leh meuh chuan khua a lo var iar tawh a, rang lutukin khum atangin ka tho nghal vat. Dim lutukin kawngkhar ka hawng a, Hmahruaia a lo la awm tak mialin tih thip thuah a ni. Mahse inchhungah chuan hmuh tur a awmlo, thawm a reh duk a, thenawm te kawl ar khawi khuang ul ul ri chiah hriat tur a awm.





Amah ka hmuh tak lohah chuan nizana ka tihtauh khum bar bar chu ka inthiamloh hnuhnawh kher mai.Ka tihtauh chhan lah kha ka ngaihtuah let hian a ho ropui si, min hrilh hman loh vang te pawh a lo ni ve thei tho a. A lakah ka pangchang leh lutuk chu keimah leh keimah hi ka in haw hlur thei.




" Mahse tinge min thlem tumlo a a haw daih le? "



" A tum reng a, kawngkhar i hawng duh lo anih kha Zothanpui, chuta karah i la mutthilh san daih zui leh nghal "



"Mahse hawng tur pawn min ti lui thei tho si a "




Keimah leh keimah chu ka inhnial a, thiam ka inchan chawp thul, inngei lutukin la lu ka tuai nghal nghek. A bul berah chuan keima thiamloh vek a ni,ka rilru tet lutuk vang vek.Ka tisual tih ka inhria, mahse ka call leh duh chuang der bawk silo.





Hnatlang tur khan zing chaw ei hma a chhuah a, chaw pai tur an tih avang khan chaw ka chhuang a, ka inphihfai hnuah ka insiam zui nghal mawlh mawlh. Hmahruaia pawh phone atang nilo a, hmaichhan ngeia sawifel pui ka tum ta zawk a, blanket su kan haw hun hunah a quarter-ah ka kal mai aniang chu.





U Rama leh U Mahmingi'n min lo lam a, hnatlang chhuak kan tam angreng viau. Mahni motor an ken hlawm mai bakah taxi van pahnih an hmang tel a, blanket vel phur tur an hmang tel bawk.




A hmun kan thleng a, kawngpui atanga zuk pen thlak deuh lawk anih vangin kawng a motor tlan thawm pawh a hriat vek theih. U Mahmingi nen eirawngbawl na lamah kan awm a, hmeichhe dang pawh an awm ve nual tho a, a then chu ka hmelhriat vakloh te an awm. Hmundanga lehkha zir rawn haw tih vel an ni maithei a ni.





Mipa thenkhatin bantlang an siam a,thenkhatin insuk an lo tan bawk a, kan ri le lu mai. Kohhran leh YMA tih vel insu ve dang an awm ve nuk bawk nen lui dung chu bazar te nau nen ka tehkhin ber.




An tha a thain thahnem an ngai tlang bawk a, kan insuk zawh chuan dar 2 vel er awrh chauh ala ni. Suk hnu hnun ho thlithlawr nghah pah mi fawmin inbual turin kan kal hrang nak nak hlawm a, mipa thenkhat a thuk deuh lai a li luh bawrh bawrh tawk lah bo lo, hruaitu te ho in fimkhur turin an chah lawm lawm bawk.




U Mahming ho in hmeichhe panga vel chu kan insukna lui rawn fintu luite lam kan zawh chho a,a han pilril deuh lai hmun rem laiah chuan kan inbual a, kan awmna lai chu tui cheng ho pawh khan min rawn hmu pha kher tawh lo ang.





Kan inbual zawhin midang awmna lamah kan inzui thla leh dam dam a, thenkhat chuan tui an la cheng tui nasa hlawm mai. Kan kalna hi khaw chhung atangin a hla vaklo bawk nen an hmanhmawh vak hlawmlo ni in ka hria . Kei erawh Hmahruaia hmuh ka la duh bawk nen ka rilru a hmanhmawh ru riau tawh.




A vawt ka tih deuh avangin lungpui chungah chuan nilum ai pahin ka thu a, midang ho erawh thla la turin an chhuk thla vek thung. A hmun hma a mawi bawk nen thlalak a nalh viau ang, mahse ka tuipui zawng a ni lem lo.





" Heyy Tereuhte " Ti hlut ri ah chuan ka hawi vat a, khapa ni leh lo ka boss tur nen kan inmelh nghal siah. A hming ka la hre miahlo tak.





" Tereuhtei ka nilo, Lianpui " Ka ti hlak a, ka kohdan vang nge a meng deuh awk a, ka inthiamlo leh hnu hnawh ka boss tur a ni bawk nen, mahse ala nichuang hlei nem a, Tereuhtei ka nilo bawk.





"Engtin maw min koh, Lianpui aa..! " A ti hliai a, ka thlang deuh a ding hmeichhe hoin ka bula ding vang hi nge min en duh ngang hlawm mai.




" Aw i len zer zuar em kha "




" Nang chu i te thung a, khulai atang khuan midang aia i tet fal nalh bik avangin ka rawn hre chat che mawle, chuan ka hming chu Remruatsanga aw, ka chinlai lenrual min hmangaih tu te chuan Remruat tiin min ko thin, nang atan erawh i boss tur " Mit ko san euh euh chung chuan a rawn ti hlut a, over ti lutukin ka lo ner vak.




Engtin nge hetiang mi thawven hmel lutuk hian Mizorama hotel lar leh changtlung lutuk hi a enkawl theih.Ka tet avangin min rawn hre hrang nalh a maw? Awihawm loh lutuk, 5.5ft te chu ka ni ve, helaiah hian kei aia khan hniam an tam mai.





Ka bulah chuan a thu ve ta reng a, an thian ho a picnic an nih thu te leh kan thawhdunna a tana tangkai tur eng eng e maw a sawi nual a. Kan titi dun thei ta phian bawk.Over ni silo in a tawng barh barh reng a, sawitur a hre phian bawk nen ka nuihpui leh hak hak thin. Thla la ve hrim hrim ang tiin ka peihlo chung min nawrlui a, kan la ta hram. Number kan in pe a, amah ka melh chhoh deuh rawmna, ani chuan camera a melh na chu status-ah hmangin caption-ah * KA TEREUHTEI*
ala ti kher zui. Delete rawh ka tih mawlh mawlh pawn "Tuman an hre chuanglo che, ka bialnu amaw an lo tih tak che le kan inngaizawng ang a, tha mai lo'm ni? " Nui pawt pawt chungin a ti sam et lehnghal.





A thiante'n an rawn koh tak avangin an chhuk thla a, keini lam pawh haw turin kan intintuah nghal a, motor-ah blanket chu mipa ho in an dah lut sap sap a, kan hmun hnawk vel hmeichhe ho in kan thianfai a, garbage bag-ah khung khawmin hnawkpaih paih tir turin kan hawn leh dawn anih hmel.




" Khawnge i awm? " Ka phone ka lak rualin Hmahruaia'n a rawn ti hmuk.



" Luiah blanket kan su a " Ka ti tha ve mai a.




" Ka hria khawilai takah nge in awm sawi rawh " A ti bung leh hmuk chu ka phone la thlain ka melh nghal vak. Kan awmna bawr vel ka hriatthiam danin ka sawi a, phone a dah nghal hmak. Enga tan nge maw a tih reng reng ni? Ka bawlhhlawh chhar lai ka chhar chhunzawm mawlh mawlh chu Ziri'n min ko tu an awm thu sawiin min rawn ko a, mak ti deuh chungin a awmna lam ni a sawi lam panin kan inzui phei hnak hnak a.




An lo awmkhawm laihnaah chuan police form dak thlarh ha chungin Hmahruaia a lo ding ve run a, Ziri nen kan inzui phei chu a kekawr ipte a a kut pahnih zen runin hmel rum ul hian min lo melh ding ngar ngar.



Zanah kher dah tur tih ziak pawh a awm chuang hlei nem😝😝

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:06 pm

CHAPTER - 17 By Pâpuii Sailo




♠︎ HMAHRUAIA POV ♠︎



Ka phone ang nge phone lo ang tih ngaihtuahin dawhkan a ka phone chu ka tuai let ka tuai let a.Call ringawt ila hnatlang lai anih avangin ka va tih buai ka hlau ve tho si.Nizan khan an in a kal te an chhuah hma khan ka thleng tawh. Inleng a neih ngai mang loh avangin a tir kha chuan mak ka ti viau, kawngkhar ka pawt hawng dawn chiah tihin hnatlang vel chungchang an sawi avang khan ka tibuai duhlo a, an chhuah hun ka nghak ta zawk kha ania.





Ka haw tur thu ka hre lawk biklo a, ka haw thut ani ber. Phone ka tum deuh uk tawh a, mahse surprise ka duh avangin ka tum ka thulh leh ta zawk a.Min hmuh thut chuan a lawm ka rin laiin a thinrim ta hlauh zawk lehnghal, min be duhlo in room-ah ala inkalh hnan phah zui.




A rawn hawn hma chu ka kal sawn lo ang ka ti zet na in, ka auh ngial pawn min chhang tawh silo, a muhil anih ka ring nghet hmiah. Sitting room lamah mut ve mai tum a ka intintuah lai takin hna lamah call pawimawh ka dawn avangin ka haw leh ta phut a. Tlaivar thakin kan buai zui ta bawk nen biak pawh ka be hman biklo.




Ka call loh chuan min rawn call ve mai ka rinlaiin a reh zui ta vung vung a, a buai vang nge a la thinrim vang tih ngaihtuahin ka office-ah chawhma pum chu ka buai a ni ber. A awmloh lai pawn ka rilru tibuaiin ka ngaihtuah ngut ngut reng a, ka bulah a awm lahin min hne in min kalsan ang a, ka chan mai ang tih hlauin ka ngaihtuahna a chawl chuanglo bawk. Heti em em hian hmeichhia hian ka ngaihtuahna khawvel hi min chawh buai sak ka ring ngailo.





A last seen a zirin ka bia in ka be lo ang tih rilru pu in whatsapp-ah ka lut a, zinglam daih kha a last seen anih avangin ala buai anih ka ring a.Ka tihtur hre bawk silo in status ka en kual a, ka fel ve na lam tak a ni nge, ka contact list a mi te hi chu hman deuh chang hian an status ka en sak vek thin.




Out mai ka tum lai takin Remruata'n a rawn up ve leh chiah a, ka view chiah chu ka thutna atangin ka ding nghal hluai. A hmeichhe lakpui chu tudang nilo in Zothanpuii ngei a ni. Engtik laiin nge an inhriat? Ka ngaihtuah ngial pawn an inhriat dan tur ka hre lo. Chuchang nilo in Remruatsanga hian Lungleiah enge a rawn tih? Thla an lak dun danah an inhre tha thawkhat viau anih hmela, a hma pawhin Remruata te hotelah an pahnih tho hian ka hmuh dun tawh tak kha mawle. A buai ka rin avanga ka call duh loh laiin mipa dang thla a lo lakpui mai mai a maw!!






Ka office atanga chhuakin driver hnenah chahbi ka dil a, kalpui ka ngaih loh thu ka hrilh nghal bawk. Bolero la chhuakin kawt zawl atangin ka tlanchhuak a. Tunah hian hmeichhe pakhat laka thik thu ka pek chhiat luatah hna tlansanin a awmna lam ka pan chuk chuk ania, engthil atthlak nge maw ka tih hrep ni? Remruatsanga khan 'Ka Tereuhtei' a ti maw kha'h, huhh, ka hriatloh a inzawmna an lo nei anih vaih chuan an pahnih khan ka chhuah miahlo ang.





Thui fe ka tlan hnuah an hnatlanna tur hmun ka hre miahlo tih ka hrechhuak leh hnuhnawh a,motor tiding dawtin za lo lutukin ka nui to halh ringawt. Lunglei chhehvelah hian insuk na tur awm ang hmun chu a awm nual a, khawiah ber nge an kal ang tih ngaihtuah tham a ni. Ka naute zingah an veng ami a awm ve tih ka hriatchhuah thut avangin tlawmah pawh la thei tawhlo in ka zawt a, mak a tih hmel viau na in min hrilh tha ve tho. An hnatlan lohna lamah ka la tlan zui. Turn ka la pawp a an awmna lam ni a a sawilam panin ka tlanchhuak leh nghal.





Ka lam pana a lo phei chu ka lo melh ding ngar a, Remruata nen an nih ka rin laiin hmeichhe pakhat nen an rawn inzui phei a, Ka kal ve chu mak a tih hmel viau bawk.



" Enge hetah ilo tih ve? " Ka bul a rawn thlen rualin a tizawi sap a, thawk ka la nghal hrawk.Nichin lawkah mipa dang a awmpui tih hriat miahloh khawp a pawisawi loh hmelin min melh kiau a, thlalak pakhat lek avanga ka pan rum rum chu atthlak ka ti ta viau.




" Min lo zui lawk la " Aw dam thei ang berin ka ti a, ka kalchhan hriattir kher ka tum lo.Mahse Remruata nen a an thlalak dun erawh a sawifiah ngei angai ang. Ngawi rengin ka motor hunna lam panin ka chho a, ka hnungah tim deuh dai chungin min rawn zui ve det det.




" Enge ilo tih? Chuan engtin nge hetah kan awm tih i hriat zawk a? " Motor bun kan thlen rualin a ti a, Remruata nen in thlalak dun ka hmuh avangin ka thik lutukin ka rawn pan che tih nghek mai ka duh.





"Tihtur pawimawh ka neih avangin helai hi ka paltlang a, ka rawn kal kawi mai mai. I lung a awi tawh em tih te ka hre duh a , " Ka thusawi ngei chu kei takngial pawh hian ka awih lo, engtin nge awlsam taka dawt ka phuah chhuah theih zawk pawh ka hre lo e.




" Tak tak em? " A mit meng mawi zet chuan min melh let ve kal a, dawt ka sawi vang nge a mitah tak ka melh let tha ngam mang lo.




" Ka mitah tak en la, i sawi ngai kha sawi nawn leh teh " Nuihza insum tih hriat taka a ti chu ka rum nghal nghut.Dawt sawi hi ka chem kalna a ni hlawl lo.




" Motor-ah lut rawh " Ka ti ta hluk zawk a, a rawn meng zui nghal kawk.Ka sawi a hre lo nge a din reng avang chuan lut turin ka tinawn leh a, a rawn ner ta nang.




" Chutin ka haw ngawt theilo " Remruatsanga bula awm a thlakhlelh vang bak va ni suh! Mahse ka rualin a haw dawn hi a ni tawp.




" Khawilaiah nge i bag i dah? " Ka ti leh nghut a. Ner nawng nawng chungin a sawi ve mai a, lui lam panin ka kal zui nghal a, min au zui lang lang chu ka hrelo der hmak. Mipa ho in an blanket suk motor-ah an lo hlang tan mek a, nichin a ka thlen tirh a mi, an hruaitu niawm tak kha panin Thanpuii chu ka ruala a haw dawn thu ka hrilh sup a, a bag awmna ni a a sawiah chuan ka hmu mailo a, ka hawi kual deuhna in a bag-ah rawng tak ngial pawh ka hre lawi silo. Vawiin hi ngaihtuah chiang mang hlei lo a ka chet phut phut avangin ka che phelh pheng phung mai zawng anih hi.





" U Mahming ka bag kha khawiah nge i dah ? " Ti ri ka hriat rualin ka inher a, Thanpuii chuan hmeichhe pakhatin a bag a dahna lam a hrilh na chu panin a ak a, min rawn melh rawm chungin a haw tur thu chu nu bulah chuan a sawi leh a, min melh zui tawh miahlo in kawnglam panin a chho zui nghal nal nal. A awmdan lawmawm lutuk vang chuan nui suk suk chungin a hnungah ka zui chho.





Hnunglam kawngkhar pawt hawng dawpin tum bur chungin a thu lut a, a pawt khar leh bur bawk. A eng chuan a thin ti rim leh tawh nimaw? Driver side pawt hawngin ka thu lut a, darthlalang atangin a hnung lama thu tum hmen chu ka nuih suk, darthlalang vek atang chuan min rawn melh zui nghekin tukverhah a dak chhuak nghal daih.





" I period dawn a ni lo maw? " Ka seat belt hreng pah chuan ka ti a, motor ka start zui bawk.




" Engvang ngawt chuan maw? " A rawn ti hlar.




" Anih thil ka zawt ang che, tunah khan enge i thinrimna chhan ber? "





" Ka hre biklo " Ban phar hliai chung a a rawn tihtakah chuan a period dawn hnai anih ka ring nghet hmiah. U Nunthari pawh hi a period dawn hnaih hi chuan a vin hlar zel a, thil ho tham te teah a thinrim hlur zelin, huat a nei thei si,raino tan tir kan hrawn hi a ni ringawt zel.




" Hetah enge kan tih? Min thlah dawnlo mi? " Ka kawta motor ka tih din rualin a ti chul a.




" Chaw ilo ei dawn maw le, ka ru tlang nghal mai thei bawk che " Ka tih chuan hlauthawng hmel a pu deuh.




" I zaktheilo lutuk Lalhmahruai " A ti chiam.




" A hunah te chuan zak ve thin tho ve a " Ka ti sam then





Chaw ka lo eidawn chuan eirawng bawl tal rawh a tih avangin ka bawl a, chawhmeh siam belh angai vak tawh lo na in, antam chu ka bai leh a, ka piah deuh atangin hmuhnawm tih hmel lutukin min lo thlir dauh dauh thung.




" Mipa eisiam ka ei tawhah chuan ala tui ber, Samuela ai pawn i siam thiam zawk daih " A chaw thial mial mial chung chuan a ti a, a thusawi chu vei zui hmel pawh a pu lo. Samuela nen min tehkhin avangin ka lawmlo viau thung.





" I bialpa hlui laktlak loh zet Zothanpuia ai te chuan engkimah ka tha reng a lawm " Ti hmukin thutna atangin ka tho a, tuikhawihnaah thleng ka dah a, ka intihfai hnuah sitting room lamah ngawi rengin ka phei a, choka ka chhuahsan dawn laia a lu a a inkuk lawlh chu ka mitsir zeuh, ka nuichhuak huk lo chauh a ni.





" Heii, ihh... Ka sawi tum pawh a ni miahlo, ka kâ atang hian a lo chhuak ve tawp anih kha " Tim daiin ka bulah a rawn thu thla a, ka ngaihsak lo der tlat. Ka thinrim lo na in,min han thlem ve chhin hrim hrim teh se.



" Ka tihpalh , i thinrim mi? "



" A ho e, khatiang thik tham pawh anih loh kha, engatan mah pawh ka ti tawhlo hrim hrim baibing tlukah bak ka ngai tawhlo " Ceiling lam melh voh voh chung a a tih chuan ka nuichhuak ta hawk.




" Baibing kher maw? " Nui hawk hawk chung chuan ka ti a, a bu vei nghat nghat reuh leh nghal.



" Baibing hi maw ei chu sawiloh a rim pawh hi ka ngai theilo,khawvelah hian awmlo daih mah se pawi ka ti miahlo, chutiang chiah chu a ni mai "




" Anih leh Remruatsanga ve thung kha? " Remruata ka zawt ang ka ti tawh zet na in ka kâ ka veng hmanlo.





" Tu nge chu chu? " A hrelo tak tak te pawh a ang alawm mawle. Ka phone ka dap a, mahse ka ak lo. Ka melh kual a, ka hmu mai loh avangin room lamah ka dah anih ringin lak tumin ka tho a, a hria nge hre lo chu kan finfiah dawn alawm.





" Amak ngati nge? Ngawi reng hian i kal nul nul zel a, zawhna ka zawh che kha " A rawn tih vak avang chuan room a ka lut tep chu ka ding deuh a, mahse chhanglo in ka lut tlang ta tho.Ka phone khum a lo let reng chu la in ka chhuak leh nghal a.Mahse Zothanpuii kawngkhar hawn tum mek ka va hmuh chuan ka pen phei pawk pawk a, ka kuai her nghal sawk.




" Eng thil nge maw i hriat le? " Ka ti nghal hrawk.





" Nangmah hian enge i hriat zawk a? Tinge vawiin hian lungawilohna tur i zawn reng,i ngawi ngul reng bawk si,nizan a kawngkhar ka hawn sak duh loh che vang khan min rul let tihna mi? " A rawn ti ve ta phiar phiar.






" Ka thinrim chhan i hre duh maw? Ka haw tur thu ka hrilh loh che avangin i lungawi lo a, min ngaihtuah vang tih ka hriat chian em avangin ka inthiam lo letling a,i hnatlang dawn tih ka hriat avangin i buai ka ring a, be chak em em chung che in rawn tibuai lo tur che in ka insum tang tang a, nang erawh buai chu sawi loh mipa nen thla in lo la dun vel mai mai ania.Chu thil teh hrep vang chuan hna kalsanin i awmna thleng thlengin ka rawn kal phah bawk. Inthiamloh a hnekin hre lo ang hmiahin i awm zui bawk a. " Ka thusawi avang chuan a hmel a danglam nghal vek.






" Anih te chuan i rawn kal chhan ka zawh che khan pehhel kual vel lo khan eng vang a sawi mailo nge i nih? I thiam bik hlei nem. Ka lakah i lungawi loh chhan ka hriat miau loh te chuan engtin nge kan chinfel reng ang. Sawi duh lo in chumi khami vang itia, dawt i sawi kual vel anih kha " A ti leh hlaih hlaih




" Nichin lawk a Remruatsanga ka hre lo titu kha tu nge? " Ka ti bung nghut.




" Kha tih lai te kha chuan ka hre rêng hlei nem. Mahse thlalak chungchang i sawi khan ka ngaihbel ve thiam chauh alawm... Englo.. "




" I mi hriat chianloh nen inpawh hmel takin thla in la dun tih i sawi tumna a ni em? " A tawnglai pawt chatin ka ti ram hmarh a, a thaw chhuak ve nghal hawk.




" Hre chianglo ti ila, hre deuh reuh tho " Bah niai a a ti chu ka kut ka hum nghet hle tawh.




" One night stand em ni?" Ka sawi zawh rualin ka inchhir nghal. A kut a vai fua rualin ka biang a thip zawk a, a sa nghal ham ham bawk.





" Enge maw i hriat le? Min va han ngai chhe em em ve, i nupui ang mai mai a hmeichhe le lo leh mipa pakhata lungawi zo lo ka ni ve lo " A tih thawt chuan insum hman lo in kawngkhar ka nam ri chawrh a, a tim nghal chawi bawk.





" Mangtha le " A heh pet ruh fan fan chungin a ti sap a, kawngkhar kalhna hawngin a chhuak zui nghal nal nal chu dan pawh ka tumlo, ka thil sawi khan a vuak nat zia ka hria a, chelh mah ila thu pangngai kan sawi thei tawh chuanglo ang. A rilru nat zia a hmelah khan a lang chhuak zut zut a, ka inchhir hle bawk.





Hmai tuai pawkin thutna lam ka pan phei a, a bag leh a phone a kalsan chu ka melh tlawk tlawk ringawt.






*
*


" E, Hruaia i rawn thleng thei maw? Ka lo beisei ngam tawh chiah lo che a " Min hmuh rualin Pa Sangpuia'n a lo ti var a,




" Nia, Meeting an thulh leh ta hlauh a, ka rawn lang thei ta hram anih hi " A kut rawn phar chhuah chu ka vuan zui vat. " Khawnge Remruata ? " Ka tih chuan an lokal mek thu a sawi a, Nu Ahruaii'n ka nu leh pa chanchin min zawt ve bawk nen an bulah chuan ka ding ve ta reng a.




Vawiin hi an hotel hawn ni a ni a,a hranpa liau liauin sawmna min rawn pe a, meeting kan neih dawn avangin ka thulh zet tawh na in DC ber a dam loh avangin kan thulh leh a, ka tum tlai khaw hnu leh.




" Saw Bawihpuia te pawh an lo thleng alawm " Nu Ahruaii hawina lam chu ka en vat a, Remruata chu a motor atangin a lo chhuak mek a, Thanpuii nen amah vangin kan inhnial buai tih ka ngaihtuah chhuak zui bawk nen ka thinrim nghal hlur. An inkara awm ka la hre ta lo cheu bawk.




A rawn phei mai dawn emaw ka tih laiin motor a kal hual a, passenger seat kawngkhar a hawng a, chuta tang a rawn chhuak ka hmuh rualin ka in seh ruh nghal tawlh tawlh.




Remruata lam hawi chuan a nui sen sen a, lawmthu hrilh ni awm takin a phun zui sap, smart takin coat suit a ha in high heel a bun bawk a, a lang zahawm viau. Tiang ang function thleng thleng a an rawn inzui danah hian an inkawp tihna a ni mai ang em? Kan dinna lam panin an rawn phei a, min hmuh chuan Zothanpuii chu a meng deuh kawk a, mahse a insiam tha nghal thuai.





A phone leh bag vel a theihnghilh kha a rawn lam mai ka rin nen, tun thlengin a la awm a, an Inah amah hmu tur a ka kal a hlau nge a thiannu te in lamah a awm thla leh tih ka hria a,chutah pawh vawi hnih ka zuk kal tawh a, mahse a hmuh tur a awm ngailo a. Biak theih a ni bawk silo nen, tun hi kan inhnial buai atanga ka hmuh hmasak leh ber a ni, chupawh kan inhauh chhan Remruatsanga nen a la ni kher leh nghal.




" In lo thleng thei maw? Mampui " Nu Ahruaii'n a lo tih chuan ka hawi dawrh, anu nen thleng thlengin an lo in hre tawh a maw?




" Imm thleng thei e, nangni in thlenna a rei tawh em? " Nui sang chung chuan a chhang let a, a awmdan pangngai chiahlo chu ka hre thei. A zam ve te pawh a ni mahna.




" E tak a, i hre tawh tho chuan ka ring tho na in, i lo la hriat loh takah, hei hi Bawihpuia u Hmahruaia anih hi, chuan Hruaia hei hi Mampuii Bawihpuia PA tur, a fel teh mai ania" Nu Ahruaii bawk chuan a ti leh zung zung a, Thanpuii nen chuan kan inmelh zui nghal ran a, kan hmel lan dan a inang viauin ka ring.




Tunlai chu 5 vel nih ava chakawm ve le....! Test hma chu ka dah tawhlo mai dawn mawni aw ka ti rum2 a, mahse thu kan thlung ta sa2(bawhpelh zeuh2 mah ila😆)
Mipa in ka sawi tawh chu ka sawi a ni mai. Tih a nih kha maww!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:06 pm

CHAPTER - 18 BY Pâpuii Sailo




Ka piah lawk a thu te pahnih avang chuan ka tang tung reng a, function pawh ka ngaihtuah thei meuh lo. Hnai te a an in be leh se se thin chuan min tihah vek, thawh lawk a Remruata chu va tham thawh nawk mai hi ka duh ut ut hial. Nu Ahruaii khan a PA anih thu a sawi tak kha, mahse engtik laiin nge? Engvangin nge ka hriat ve loh,Lawngtlaia ka zin lai kha chuan hotel-ah receptionist hna a dil tur thu kha chu a sawi ngei a,ka haw hnu atangin mumal taka inbiak kan neih leh loh vangin a tling ta em pawh ka hre lo. Tunah PA angin a awm ta daih a, an inhmelhriatsa avangin Thanpuii hian Remruata hnenah PA ang a awm a duh thu a sawi a ni mai lo maw? Ka lu ka thing nghal nghut, Thanpuii'n chutiang mizia a neih loh zia hrechiang ber tu ka ni, a thiantha ber Dingpuii te chhungkaw chungah tak ngial pawh a inthlahrun zia min hriilh min hrilh fo thin a. A hnaih em em pawh nilo a hmelhriat lakah chuan chutiang a dil ngam dawn em ni? Nge an lo in hre tha viau reng zawk.





Ka rilru a insual buai nasa nang mai, a zahve in a tan em em laiin a zatve lehlamin a chhe thei ang berin a puh lawi si. Ka thluak min suk sak a ni ber e, amah lah chuan a hre der bawk silo.




"Inbe lawk ang " Washroom atanga a rawn chhuak chu ka lo ti sup a, a phu nasa lutuk chu a kat deuh dawrh. A awm dawm vang vang chungin a rawn inher a " I mawl lutuk Lalhmahruai " A rawn ti nghek. Ka chhang pawh ruallo hian ka hmingpumin min ko chu a nia.




" In be lawk ang " Ka ti nawn leh a, a lu a thing zui nghal nak. Mahse a duh loh avang ngawtin kan inbiak loh phah loh ang. " Hey,, min thlah teh, min thlah vat rawh " A ti chul a, a ban rekah manin corridor lam ka pan pui hmiah hmiah thung.




" Receptionist dil si khan, engtin nge PA i nih daih theih ? " Ka ti ram hmarh a, a ka a ang zuau tawh tih a a phone rawn ri avang chuan tullo ti lutukin ka rum nghal nghut a, a ban ka vawnna thing thlain a bag a dap zui rak rak a, kan indinchilh reng avangin rawn call tu chu ka hmu ve vek, Remruatsanga leh bawk!



" Chhang hlek suh " Ka sawi zawh hmain a pick up hman,inthlahrun hmel deuh hian min melh chho ralh a.



" Aw Remruat " A ti zawi nghal sap a, ka en reng vang nge a awmdan chu a khawr deuh tut mai. Lehlam a mi chuan a awmna a zawt a ni mahna washroom a hman lawk thu a sawi a, ka ner nghal sawk. Engvang a kei nen a kan awmdun thu sawi mai lo nge anih? Min thik a hlauh vang maw?




" Aw , ka lokal dawn nia " Ti a kal a tum chu ka pawt let dawrh a, a rak nghal that.




" Kan inbiak hma chu khawiah mah i kal dawn lo " Ti hmukin a kawngah ka kut rawlhin ka taksa thlawp thlapin ka pawt bet hmiah a, ka kut phelh tumin a pawt ve laih laih nangin a awmdanin a zir lo bawk nen a rem teh chiamlo.




" Amak, min thlah teh, a hmanhmawh thlak ania " Ka awm zawn atanga min melh chho kar chung chuan a ti hap.




" Ka thlah che ang a, Remruatsanga bulah khan i kal ang maw? Chutiang thil a thlen chu ring suh "




" Min thlah vat mai teh " A ti zui leh hlak hlak.




" I kal dawn chuan inbiak phawt kan ngai,sawifel tur kan ngah lutuk. Ka ngai tawh hle bawk che " A nghawng a ka hmai phum chungin ka ti sup sup a, a taksa tang nghal tung chu ka feel thei.




" Hmahruai.... " A rawn ti fan raih.




" Ka tawngkhum dan che avang khan ka tihpalh, dik tak chuan ka sawitum pawh a ni lo, ka thinrim ka insum hman loh vang anih kha " Ka tih chuan





" Mihring hian kan thinrim lai hian kan rilru tak tak kan sawichhuak thin an tih hi i hre ve tawh em? " A rawn ti zawi sap a, na lutukin ka thawk ka la hawlh




" Bawihte.. Khatiang hmeichhia i nilo tih ka hria lawm, min ring rawh " A bek tawn tawnah dawmin a hmai bul chetah chuan ka ti chhuak hrawk a, min melh let ve kiau bawk. A mitah chuan a rilru nat zia ka hmuh sak thei, ka inthiamloh na a nasa tulh tulh bawk.





" Min thlah tawh la " A heh pet zauh chung a a tih zawih sap rual chuan ka insehruh leh nghal tawlh tawlh.




" Ka ngaihdam dilna che i pawmlo tihna maw? A tha e, Remruatsanga bulah chuan va kal mawlh rawh " Ti nghutin ka dawmna ka thlah a, ka in la hrang nghal hlawk. A mitmeng a buai nghal nak thung.





" Tunah chuan ka kal rih phawt angai, zanah kan sawi dun dawn nia, ummm...." Tim daiin a ti a, chhang lo in ka kalsan nghal hmak. Kei aiin kha mihring kha a ngaih pawimawh zawk a, kei chu zan hun nghal turin min ti a maw? Zet che hianin le'h Zothanpui!





❀ ZOTHANPUII POV ❀




Min hnungchhawn zawng a Hmahruaia kal nul nul chu ka thlir zui reng ringawt. A mitmengah leh a awmdanah khan hman zan a min tawngkhum dan kha a inchhir hle tih ka hre thei. A inthiamloh lutuk ka hmuh khan keimah zawk hi ka lo hreawm vek , ring turin min duh tih hriat ngawih ngawih a min melh na vang khan ka inthiamlo let hlauh zawk.Mipa tan hmeichhe bula ring tur a ngen ngawih ngawih chu a tlawm thlak tur zia ka hria, mipa nazawngin an ngen ngailo bawk. Ka thinlung chuan a ngaidam nghal vek a, sawi mai ka tum a, mahse ka mihring mihrinna hian chapo na tlemte a neih ve avang hian ka thei thlawtlo.





Ka phone rawn ri leh avang chuan ka harh chhuak zawk a, rang lutukin hotel kawt zawl panin ka kal nghal. Ka hmanhmawh lutuk chu ka tlan deuh titih a, heels sang euh ka bun bawk nen ka la inpal deuh khut zui leh nghal a,vanneihthlak lutukin ka tlu lo hlauh. Remruata te lo dinna bul ka thlen chuan ka thaw deuh hlawp hlawp.




" Thil ruk tum, man chhuah avanga tlanchhia i va ang hlawi hlawi ve " Remruata'n a lo tih chuan ka kut ka lek uai a, Pa Sangpuia nui suk ri ka hriat avangin rang lutukin ka kut ka la thla a, ka zak lutuk hi ka hmai a sa up up a, hnuailam ka melh zui nghal tlat bawk. Remruata ka han melh zeuh lah chuan a lo la nui dir char char zui.





" Mampui, lo in enkawl tha rawh aw, kan inhmu leh vat dawn nia " Nu Ahruaii'n dam diai a a tih chuan ka hawi chhuak ta hram a, nelawm lutukin min lo nuih sang bawk.





" In phei nghal tak tak dawn law? In fiamthu mai mai a maw ka tia " Ka ti hliai a, Naktuk zinglamah Pa Sangpuia'n meeting pawimawh a neih avang anih thu a min chhan chuan ka bu nghat nghat. Kan la inhre reilo nâ chu a tawngduh barh barh a, kan innel nghal thuai,a nelawm em em bawk a hmeichhe fel leh rilru tha tak anih ka ring. Remruata hian mizia velah chuan pa Sangpuia ai mahin a chhun zawkin ka hria.




" I tap a nge? "An tlan liam ka thlir nui put put chunga ka bul a mi in a rawn tih chuan melh nghekin lei ka chhuah khum vak.




" I nu leh pa i van chhunlo em em? " Ka tih chuan a mit ko a san zauh, " Ka tihna chhan chu an pahnih hnih khan an hmeltha dunin an fel dun sia, an fa inih duh loh hmel " Ka tih zat zat chuan a lawmloh hmel ngang mai.




" Kei hi Rosangpuia leh Remlalhruaii te fa neih chhun liau liau ka nih hi, ka hmeltha in ka luck hle bawk " A awm beng thak thak chunga a tih hluai chuan ka lo chek tlak tlak a, " Ka ti tak tak ania, khaw khat tlangval hmeltha leh luck ka nih hi " A tih leh chuan ka nui chhuak ta hawk hawk.




" Fapa mal duat sual pawh ini tel ang ka ring " Ka lo ti leh zauh a




" Haha Tereuhte le... Hmanah ka tleirawl chhuahin ka thiante nen weed kan zu ru ve ngei a, ka nu hian a hriatin room-ah min kalh hnan sauh sauh a, bible-in fa te that nan chuan vuak a phal chang chawiin hmunphiah til thawt thawt khawpin min vaw mai anih kha, ka duk deuh nual nghe nghe, khami hnu atang khan min duat viau mah se,thil sual tih ka tum tawh lo hrim hrim " Motor kawng lam thlir vung vung pah a a tih chuan ka meng deuh kawk.




" Nu Ahruaii'n a vua che maw? Pa Sangpuia ni lo in " Ka ti hâw




" Ka nu te chu tê viau mah se, a bawn a lawm, ka cousin te ho pawn ngaina em em vek mah se, an hlau ber vek tho. " A ti nuah nuah, Nu Ahruaii ka ngaisang ru hle thung. Fa te enkawl har zia nu leh pa tamtakin an sawi thin ka hre ve miau.





Kan in thlengin min thlah haw a, tawngthei ni silo a a tawngduh em em hi a bul a awm tinuamtu a ni ka ti. Fiamthu mak sak pui pui a hre thei si, ka boss ang pawn ka en tawh meuhlo, kan inthian kawm a ni ber zawk. Mipa thian ka nei ngailo a, mipa chu sawi loh hmeichhia pawh ka kawm ngailo zawk, hman atangin Dingpuii nen kan ni chawt reng. Remruata erawh ka inhriatna la reilo mah se kan awmdun tawh chuan kum tamtak in hre tawh ang mai kan ni.





Vawiin a Nu Ahruaii'n Hmahruaia Remruata u anih thu a sawi khan,mak ka ti hman a, Hmahruaia nau kha chu Remruata aiin a upa deuh a ka hriat vang a ni. Ka hriat chak êm avangin hall chhungah khan Remruata ka zawt tut tut a, tha deuh chuan min hrilh ve mai. Pa Sangpuia thianpa ber fapa anih avangin u ang chiah a a en thu a sawi a, Remruata nen thla kan la dun tih a hriat theih dan ka hrethiam zui ruak bawk.





Inchhung ruak huaiah ka lut a, ngai a neih hi har ka la ti reng. He khawvel a kan lei Pathian te tel lo a nun hman hi chu a ho riau, mi fa te'n an manganna leh lungnihlohna te an nu leh pa te bulah an thlen laiin nu leh pa sun tawh te erawh chuan chutiang hun lo thlen hunah pawh an thla lak en chungin ' la dam ve ula chuan aw ' tih vawng vawng kan chantawk a ni si a.





Ka ril a tam vak loh avangin noodles chhumin chaw thing nen ka ei tawp a, ka puar ve em em tho. Ka ril a tam vak loh deuh hi chuan mahni chauh a chaw ei chu a tuilo thin bawk nen,ka inhrek riltam loh leh noodles a maw Wai Wai tih vel hi chhumin chaw thing nen ka hmeh mai zel.





Kawngka kik dat dat ri ka hriat chuan Hmahruaia anih ringin ka tho vat a, ka kutin ka inhui mam pah sawk sawk bawk. Mahse kawngka ka hawn chuan ka beisei loh zawk a ni.




" Inleng ka duhlo i haw nghal thei ang " Tih paha kawngkhar pawh khar ka tum zui chu a rawn che zui vat.




" Inleng tur hmu zo hlei lo in i inleng neih chhun min hnar chuan a ngai ngaiin i let leh mai ang " A tih chuan kan nui dun hawk hawk.




" In la tha ta chuanglo a mi? " A tih chuan ka bu nghat, zaninah sawifel ang kha ka ti ania, mahse a awmdanah kha chuan a rawn kal duh pawh ka ringlo.




" Amak ka la ti reng, in kum a inthlau sia, in inneih hlauh te anih chuan lawi chalah min hmang la " Thawveng fahrana a tih chuan ka nuih ta tawp.




Whatsapp-ah Dingpuii nen kan inbiak laiin a rawn bih duk duk a, ka wallpaper-ah Hmahruaia thlalak ka hmang si kha, min zawt zui chiam a, loh theih lohin kan inkar ka hrilh vek phah. Amah vanga kan intihthiamloh dan pawh zep buai peih lo in ka hrilh tlang vek.




" Thingpui i in duh em? Kan lum ang aw " Ka tih chuan rang fahranin a duh thu a sawi a, gas-ah thingpui ka chhuang nghal a. Ani erawh a phone phawrhin a kap ri nghal bur bur a, a chang leh a ding leh hluai thin a, a khat tawkin a tawng bual bual bawk.




Kan inhriat tirh khan hetiang mizia a neih hi ka ringlo hrim hrim, midang pawhin an ring bik kher lo ang. Hotel-ah chuan business man dik tak angin a awm a, kei nen pawh midang bulah chuan boss leh a hnuaia hnathawktu kan ni. Mahse midang awm ve lohna hmunah chuan hetiang mai mai hi ani si, tichung hian kum 30 ral a kai ve tep tawh chu a ni sia.




" Tui khep khep hle mai , a hang lo thli leh nghal teh a " A ti ham ham chu ka bula lukhamin ka vaw pawp a. Min rawn vawm let ve a, pillow fight kan nei zui nghal der. Kan rak teng tung a, tuai aw deuh a a aw a ti danglam kual vel chu mittui tla phungin ka nuih phah.




Kawngkhar inpawt hawng dawpah chuan nui tawp chawtin kan hawi rual thawt a, Hmahruaia hmel rum ul ka hmu zui nghal. A kal kan dil emaw tih mai turin a hmel chu a lang hriamin a hlauhawm. Sa pui hliam tuar in hrosa vel anih duh hmel ber. Ngawi rengin a rawn lut a, Remruata nen a kan thutna hma zawnah chiah chuan a rawn thu tum hmuk a, biak chakawm loh khawpin a hmel a dur tha, min melh alh a tum a maw tih mai turin min melh ngur a, a nuam ka ti ta chiah lo.





" U Hruaia chu ka nula rim lai hi rawn rim ve i tum tihna mi a " Nui suk suk chung a Remruata'n a tih chuan a nakah ka piai hlak a, ' ai ah 'tih pahin a eu nghal zawk. Hmahruaia a rum ri nghal nghut a, ngaihtheih loh hmel fe a, Remruata taksa a ka kut la awm chu a en avangin ka la let vat a. Ka malchungah ka kut lehlam nen ka suih kawp nghal hmiah. Nichin lawk a kan boruak nen chuan danglam hneh tak a ni.





" Ih... Thingpui i duh ve em? " A ngawih reng avang chuan ka tichhuak hlawl a, min chhanglo a, min en reng avang chuan boruak uap churh kalsan ka duh bawk nen, thingpui siam tumin ka tho a, chumi rual chiahin Hmahruaia'n " Thu rawh " A rawn ti hmuk a, ka thu thla leh reng teh e, chet pawh ka che zui ngam tawhlo.





" Remruatsang haw rawh " A tih leh nghut rual chuan mak ti lutukin ka melh dawrh, a In a maw a ti a ni êm lo maw? Ka inleng hnar haw theihna dan a neilo hrim hrim. A thik vang pawh ni sawm sarih rawh se, a haw hun tur chu amah Remruata thu thu a ni. Bakah keimah chauh chuan ka hmachhawn duh teuhlo.




"Remruatsang ka sawi chu i hria em?"



" Hoiii... He lai hi i lalna ram a ni lo ania aw, ka inleng hnar haw ngawt turin thu i neilo, a duh duh hunah a hawng ang. Ti raw ? Remruat " Ka ti ve ta salh, ka chhanna avang chuan a hmel a rum zual sauh a maw tih mai tur a ni. Remruata lahin ka hauin min melh ringawt thung.




" I haw dawn nge ka thehchhuak dawn che " Ka thusawi ngai pawimawh lo lutuk a a rawn tih leh rual chuan ka ding hluai a, Remruata rawn ding ve in ka kawngah a rawn kuah kher chu ka khawng nghal lah, he pa hian eng thil nge a tih hi?





" Ka va haw ang e " Ti sup a, ka chal a rawn fawp zauh phei chu ka hamhaih vek, Hmahruaia ka zuk melh zeuh a, a kut hum ruh tawlh tawlhin hma lam a lo melh run, a mit te chu a sen vek tawh.





" Mangtha aw ka tereuhte " Ti chungin kawngka lam a pan a, a kal mai dawn a maw tih laiin ding lehin a rawn inher a,




" U Hruai, keipawn ka changlo a, nang pawn i chan bik ka ringlo. A chhan chu a thinlung neitu chuan kum 4 chuang a whatsapp wallpaper a luah tawh a, tunah pawh a la luah reng " A tih chuan tullo ti lutukin ka va melh nghek a, min nuih suk chungin salute min pe zauh a, a chhuak zui nghal vang vang.






A thut ngawih reng avang chuan nuamlo ti lutukin ka che sek a, ka kut ka khal neuh neuh reng bawk. Ani lah thinrim insum tum tih hriat takin thawk ala leh hrawk thin a. Han sawi hmasak tur ka hre bawk silo nen, ka pik ngawih ngawih. Kalsawn tumin che ila a pawr leh hlur awm bawk si.




" Khawnge i phone ? " Rei fe a ngawih hnu chuan a rawn ti ta sup a, " Enga tan nge i tih? " Ka lo ti nghal thuai, mahse Remruata thil sawi chhuah tullo lutuk vang kha anih ka ring leh hnuhnawh, ni lo se engvangin nge ka phone a tih teh lul ang ni. Ka entir awm chuang hlei lo emai, ka zahna ti tam tu tur mai mai ani, hman atang tawhin ka duh thin tih hi a hre tur a ni lo hrim hrim.




" Min tih thinrim belh tawh lo teh? " A tih leh hmuk chuan ka insik vak ringawt. Remruatsanga vang vek, ka hmuh leh hunah a chaklo teh ang chu.




" Ka ngaidam tawh che " Kan thusawi lai thlak tum chuan ka ti ta ringawt a, dawt sawi pawh ka ni chuang hlei nem.



" I thinlung neitu ka nih chuan si loh chuan enge ka tan a tangkaina " A hmai tuai puat chung chuan a ti thum leh dut. Amah hi a ni tih inhre ngat se zawng.




A awmna ka sawi hrilh duh tlat loh avangin a tho thut a aman a zawng ta mai, room-ah ava lut a, ka thuthmun atangin a hmuh loh nan rilru tawngtaina ka lo nei char char thung. Rei vaklo hnuah a va hmu ta nge nui suk suk chungin a rawn chhuak a, ka phone a password ka dah loh ka inchhir ber tum a ni.




Min en chunga a nui leh suk suk thin chu khuk ral daih hi ka duh, ka bula a rawn thut thlak phei chuan en pawh ka en ngamlo, Chhuat lam en char charin ka heh ka pet nghek ringawt. Ka thaw tawh pawn ka hre lo.




" Min lo en teh " Nui ri suk chung chuan a ti a, ka en ngam hi a ring reng reng a maw ni?




" I lai reuh a maw ni le? Duhawm reuh lutuk " Ti leh supin a awmah min kuah bet hlun a, a awmah hmai ka phum nghal tlat chu a nui chhuak ta hawk hawk.Ka zak lutuk tih ahriat vang nge min fiam zui tawh lo in min kuah bet hlu hlu a, mahse nidangah a sawi chhuah leh mawlh ka hlau.




" Min duh em? " Rei fe hnuah a rawn ti chhuak hlawl a," Duh lo che ila kan inkawp dawn mi? " Ka lo ti nghal hlar. Mahse tun thlengin a bulah ka la sawi miahlo chu a nia.




" Anih chuan sawi rawh " A tih chuan ka ner nang a.



" Enge sawi kher angaihna " ka ti ve tlat thung. Lungawilo lutukin a rum nghal nghut.



" Ka ti tak tak, inngaihzawn naah hian kan induh thu inhrilh chiam kher enge a tulna, chu ai chuan kan che ziaah ti lang ila, inrintawnna nei bawk ila. Chu chu a hlu zawk daih lo mi? " Ka ti leh.



" Sawi chu a harsa viau a mi? Min duh tih chu ka hai biklo, mahse i kâ ngei a i sawi ka hre duh " A ti ve tlat thung.
" Tunah lo nidangah ka hrilh ang che " Ka tih fiam chuan a duh lo nasa mai.



" If tommorrow never comes " A rawn ti ril ruih. " Naktuk ti a sawi tur awmlo in vawiin hian khawvel hi tawp thut ta ni se, min duh thu vawikhat min hrilh loh avangin i inchhir ang, chuvangin tunah sawi rawh " A tih leh sup rual chuan ka huaisenna zawng zawng sawmkhawmin ka fawp nghal vawng vawng. A thil sawi hi a dik chiah, naktuk ti a sawi tur awmlo in zanin hian khawvel tawp thut se,a hnenah hian ka duh thu ka hrilh loh avangin ka inchhir ngei ang.




" Ka duh che Lalhmahruai " Ka inlakhran rualin ka ti ta sap.



*

" I hmelah khan ka tactic ropui lutuk a hlawhtling tih ka hre mai " Office a rawn luh rualin Remruata chuan a rawn ti ham ham a, ka then sak ringawt.




" Thil tullo lutuk i sawichhuah avang khan ka ngei tho che,ka chal a fawh kher te kha a tul ber em?" Ka lo ti hlar thung.



" Kha kha chu ka tum a ni biklo, min thik lutuk tih ka hriat khan ka ti pa rat chak a lawm, a alh lo chauh anih ber kha maw? " Uang fahran chuan a la ti zui.




Ding tan tir chauh ala nih avangin meeting an nei kal zut a, tu tu emaw hmuh a lo ngai ve bawk nen kan kal kual nileng leh deuh thaw. Tlai lamah meuh chuan ke a rawl leh thum tawh,mahse hei hi chu a rei ang a ngaiah ka nei chho ve thei maiin ka ring. Hmahruaia lahin Remruata a thik tlat avangin nizan khan bang turin min ti ringawt leh nghal. Mahse kan inkarah awm a awmloh zia ka hrilh fe hnuah lung si zanlo chungin a pawm ta hram .





Tlaiah chuan Remruata'n min thlah a tum chuan thlah ka ngaihloh thu leh Hmahruaia In a ka pen kawi tur thu ka hrilh chuan chimawm fahranin min melh a, min fiam zui zat bawk.





Nilengin kan in be miah lo,chhun a meeting lai khan min rawn call ngei a, phone ka lo silent daih bawk si a, ka khawih hman tawh bawk silo nen, nichin khan ka hmu chiah a, call let lo kher lo va, a In a pen ka tum ta zawk a. A call ka chhanloh vangin a lo thinrim leh ringawt tawh maithei bawk.






Hotel atangin auto-rickshow ka hmang phei a, ka phone lawk loh avangin a bang tawh nge tawhlo pawh ka hre lo. Mahse tunah tlailam dar 5 a ri dawn tawh a, ban chu hun ve tawh awm tak chu a nia. A kawt kan thlen chuan kawngka inkalh leh kalh lo ka va thlek hmasa ber a, a haw tawh ngei anih hmel. Driver chu pawisa pe in ka chhuk a, a tlan let leh nghal.





Door bell chu ka hmet ri kher a, a chhan pawh rawn hawng se min hmu thut se ka duh vang a ni pakhat. Rei vakloah kawngka chu a rawn inhawng ri khep a, mahse min lo chhawn tu ka hmuh rualin ka nui hmel a tawp nghal riai riai. Hmeichhe hleitling tha lerh lawrh pian inkhaithli zarh mai hian min lo nuih sang a, chu zawng ai ka mit la tu chu a thawmhnaw inbel chu ama ta a nilo tih hriat lutuk a ha chu a ni. Mipa shirt lian hnek hnawk a ha in a hmawr a suih bawk tap a, a kekawr hak pawh mipa jogger pant tih hriat takin a kawng te chu a thlep let deuh hnawk bawk. Chung zawng zawng chu reilo te chhungin ka hmu vek hman anih chu!





" I lo lut dawn lo em ni? " Aw sin ralh a, a tih chuan ka harh zawk a, amah chu ka en chho nghal vat a, ka nui lui sak bawk.





" Hmahruaia a awm em? " Ka tih chuan a hmui pan hling hleng sen zet a a hnawih chu a pet sawi zauh, Hmahruaia ka ti tawng chu mak a ti pawh a ni mahna.




Inchhung lamah kan inzui lut a, sitting room-ah chuan Atlani leh Hmahruaia an lo ti ti malh malh a, min hmu thut chu Hmahruaia chu a meng deuh awk a, mahse a reilo insiamtha thuaiin min nuih var var chungin a kut a rawn lek chhuak a, ka kut ka pek rualin a bul a thu turin min pawt thu nghal zat a, ka kawngah a ban rawlh lutin a taksa si chetin min pawt bet zui hmiah.




" I lokal dawn tih i sawilo a " A ti zawi sup a, ka nui tawi tak ringawt. Aw thian kharh ri ka hriatin ka hawichhuak vat a, Atlani'n min lo nuih sen sen a, a bul a thu hmeichhia erawhin ka kawng a Hmahruaia kut hrawl zet awm run chu melh bik ngar thung.





Hmahruaia chuan chu nu chu a classmate thin anih thu leh doctor anih tawh thu te, tunah hian Atlani nen Lunglei Civil Hospital-ah an rawn transfer thu te chu a sawi a, a bialnu ka nih thu a sawi chuan ka lo ip chawi chawi, Atlani awm ve vang a ni pakhat. Mahse Atlani ka en chuan a hmel ngai reng a put avangin tlem chuan ka inthlahrunna a bo then ta deuh.





An titi a, sawi tur ve alawi ka hre lo, a chhan pawh an titi chu a sang lutuk tlat. Chu lo ah Sangkimi hian an pathum chiah hriat deuh hlir a sawi a, ka tan lo zawm a har lutuk. Ngawi reng a an sir a lo thut mawl tawp a ni mai. Kal sawn ka tum lahin Hmahruaia'n min chelh bet tlat bawk si. A ninawm duh kher mai.



👇Chhiar chhuak hram hram


A tawi ka hria, mahse min lo pawmsak hram mai teh u, ka mit a thip lutuk a ka type tha hlei theilo🤧 Chuan Friday zanah chiah ka rawn zawm thei tawh rih dawn aw. Naktuk atangin kan test dawn a, kan insawrbing ve lawk ang e, mit hahdam tir pahin😄

Ads kha in la click loh chuan min lo click bawk ula hmeltha ho😘😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)