29th APRIL BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: 29th APRIL BY PAPUII SAILO (Completed)

Unread post by Ngaia » May 23rd, 2021, 4:08 pm

CHAPTER - 31 BY Pápuii Sailo




Kawr fual var a pian nen a inrem zet ha chung a ka lam rawn pan mektu chu khawvel a hmeichhe hmeltha ber, leh pek awm tawhlo hial tur a ka hmeichhe hmangaih leh ka thinlung neitu ni bawk a ni. A vun no sar leh thianghlim zet chu a kawr hak nen chuan a inchawih mawi em em a, Hmeichhe thianghlim a ni tih hriat nan a a veil khim te hlei hlei chuan ka thlan sual loh zia min hriattir. Mipa leh hmeichhia kan ni a kal thui lek lek chang kan nei fo, mahse a hun takah rilru fim pu in min thunun thei tlat thin.




Remruata ban kaihkuah chungin music ri riai karah min rawn pan a, min en chung a mawi tak a a rawn nuih sen sen rual chuan ka taksa peng tin hian tun atanga reiloteah ka ta chauh a ni tawh dawn tih min rawn hrilh nimaiin ka hria.



" I mawi lutuk ka hmangaih " A kut ka lak rualin a beng bula kun hniamin ka ti sup a, min nuih nghal sen sen.



Inneih thu chham lai te chuan ka thinlung zawng zawng nen ka chham, hreawm táwp pawh lo thleng se engtikah mah ka kalsan ngai lo vang. Thihna pawhin engtikah mah min then hran ka phal hek lo. Pastor-in nupaah min puan zawh rual chuan ka ta a ni tawh tiin ka inhrilh nawn ve sup.




" Sir, ka lawmpui lutuk che " Biak In kawt a thla la tur a kan din lai a rawn titu chu Zothantluanga a ni.




" Ehe ! Sir, i rawn kal thei maw? " Ka ti let vat a, kan in koh dan vang chu nge Mampuii leh Zothana nupui chuan min en duh viau.




" I boss tur chu i phulo hle mai, mahse ka boss hi ala tluklo hret a ni. " A nupui kawnga kuah salh chung chuan a ti uang a, Ka nui nghal hawk.




" Bawihte, hei hi Mizo in a kan lawyer neih that ber te zing ami Zothana anih hi, chuan a bul a mi hi a nupui Adiki " Mampuii chu ka hrilhfiah a, Adiki nen an inchibai nghal vat a, Mampuii ai hian Adiki hi a nau zawk hlekin ka ring. Mahse Pathlawi zûnah a tang ve tho a nih hmel.Pathlawi chuan zûn an ngah duh an tih te pawh kha a lo ni tak tak a nia nge. Ka ngaihtuahna avang chuan ka nui nghal suk.



" Zawh chi che a ni em ka hre lo a,mahse i dul ka en khan rai i van ang " Adiki dul en chung chuan Mampuii'n a rawn ti hliai a, a awmdan naupang chhia zet vang chu nge Zothana te nupa an nui suk ringawt.



" Yupp, thla nga a ni tawh a lawm "



" Ani maw! Ka lawmpui lutuk che. Mahse neih hun ka huphurh pui lawk che, kei chu ka rai ngam pawn ka ringlo " A thusawi vang chu nge Adiki a meng deuh kawk a " Zothanpui " Ka tih hluk rualin a thil sawi hrechhuak thut ni awm takin a lei a chhuah nghal vak a, min nuih tlawn nghal var var.



" Nau neih na te chu kan fate hmel kan hmuh rualin a bo nghal vek, chuvangin huphurh duh suh. " Nui hak chungin Adiki chuan a chhang a.



" Sir, chaw hlui min kilpui nghal ang chu tiraw? " Zothana bulah chuan ka ti a.



" Ei lo mai ang, Puipuii Emily te bulah kan dah ringawt a, kan haw nghal mai ang. Kan ei tlukah ngai mai rawh " A tih chuan ka phun nghal hluk



" Zothan, ka zun a chhuak lutuk " Adiki'n a rawn tih tham chhelh rualin Zothana'n a en thla vut a, pakhat lahin a melh chho ve kiau bawk.



" A cheh hma hian kan hruai vat vat ang e, kan haw tlang nghal takah a nih phawt u. Nupa hlim tak ni mawlh ang che u " A nupui kuah run chung a duhsakna min hlan leh chuan Mampuii'n lawmthu hrilh pahin naute hrisel tak nei turin duhsakna a hlan ve nghal bawk.




" An va han inhmeh tak " Bathroom awmna lam pan a an kal thlir zui dauh dauh chung chuan a rawn ti chhuak hlawl a. " Kan inhmeh fe zawk " ka lo tinghal hluk.




" A nupui a en dan kha i lo hmu em, a ngaihsak zia te kha a hmangaih hmel hluah hluah. Adiki dinhmun kha meichhe tam tak duhthusam a ni,hlim tak a an awmdun reng ka beisei " A ti zui leh niah niah chu ka hnar ka tum nghal dat.



"I sawi hmangah chuan Zothantluanga nupui kha i ni chak i tihna em ni? "




" Thikthu chhe hlek hluk lutuk, ka hmuh dan ka sawi mai alawm, a nupui a duat leh a hmangaihna aia nasa khan min hmangaihin min duat tih ka hria, tuna ka dinhmunah hian ka lungawi lutuk mah mah " A rawn ti hlak chu ka nui ri nghal hawk. Ka fiam tih a hre miahlo a nih dawn hi!




Aizawl ka post lai khan Zothana te nen hian kan inhria a, kan hna a lo inkaihhnawih bawk nen kan inhre tha phian a, mahse khatih hunlai kha chuan Sangpuii nen an la innei thung. Lunglei lama min sawn hma chiahin an inthen ta thut a, chuan hmanni lawk khan Adiki nen hian an innei leh tih ka hre chiah. An sawi hmangah Adiki pawh a thlawi ve tho a ni awm e.


( Amy Cck story Zothantluanga te kha aw, ama phalna thlapin ka rawn dah lut)




Shooting pangngai naktuk lamah neih turin kan ruahman avangin Biak In kawt a kan lak chu kan duh tawk ta rih a. A thiante leh midang an awm ve nual a hlimlo hmel apu hreh nge ka hre lo a, ka tum ai daihin a hmel ka hmu pangngai. Chu erawh ka duhthusam a ni,kan pahnih tana ni ropui lutukah hian hian hmel dul ruih nilo in a hlim hmel hi ka hmuh duh ngei a ni.




Kan room turah a bungrua rem felin kan ri nak nak a, Dingpuii leh Remruatan an fiam leh zuk zuk thin chu a zak tih hriat takin a hmai a sen tan tan a, a chhang let tha ngam meuh lo. A hmel hmuh chian chak hrim hrim avang leh mo thar lawm a rawn leng lut an awm nawk avangin room leh sitting room a kar tawn sek angai a,vawiin lamah nilengin pheikhawk sak a bun bawk nen sawiloh mah se a ke chu na a ti tih a hmelah ka hmu thei, a hnuah phei chuan a nawmsam vak loh thu sawiin room lamah ka awm tir ta daih.



" Mama, room-ah min lo zui lawk teh " Ka pa in a tih avangin an room lamah kan pahnihin kan inzui lut a. Single sofa in hungah chuan thu thlain min en nghal vung vung, a thusawi tur ngai changin a bul lawkah ka ding reng thung.



" Terini nu te lamin min lo bia a Atlani chungchangah "



" Engvangin? " Ka ti nghal nghut chu inbengdai turin min ti hrilh nghal sup.



" Eng ang a thil sual leh rapthlak pawh lo ti se an fanu anih na a bo chuanglo a, Terini an chan tawh a, tunah an fanu naupang zawk rilru buai avangin enkawl mek a ni a.Atlani'n englai pawhin i hming a lamin a zawng reng zel che a ni awm e, vawiin phei kha chuan i nupui neih tur a hria nge a che baw raw viau a niang, treatment a la tha duh bawk silo a, vawikhat tal va hmu a treatment la tur a hrilh turin an duh che a. " Zawi fiah kelh kawlh hian a sawi charh charh a.



" Treatment la in dam pawh ni se, lung inah a tang dawn tho a lawm " Ka ti bung hmuk. Ani lah tak a,treatment tha takin la pawh ni se, a dam velah jail-ah phurh a ni nghal dawn. Chu pawh damchhung tang turin.




" Hmu rawh ka ti dawnlo che, kha chu i thutlukna tur a ni. Mahse han ngaihtuah teh, hringtu nu leh pa tan chuan nunphung hloh vek khawp a fa te rilru buai thlir ai chuan, dam tha var chung a a thiltih sual hremna tuar a lung In a tang chu hmuh a nuam zawklo ang tih tu nge sawi thei "




" I sawi dik a lawm ka pa, mahse Mampuii nena kan inkar a tihchhiat tum dan te leh Mampuii a tih nat zia te kha, a u ngei pawh a thik thu vangin a nunna a chhah sak thei ania, amah ka hmuh chuan ka that duh zawk mai ang. Ka hmuh loh a tha zawk " Ti halhin room chhuahsan turin ka inher a.




" A tha e, tihluih che ka tumlo ka tih tawh kha, Nghaka te nupa pawh ka lo hrilh leh dawn nia. " A tih chuan hawilet tawhlo in ka bu nghut a, ka chhuahsan zui nghal.




Nu leh pa dang tam tak ai a an fate an hmangaih zia leh tan an pek nat thin zia khang kum reilo te chhung khan ka hre hman, an fanu upa zawk anauin a tihlum tih hre mah se,an fanu an ril a rah an thisen zawm ngei anih na a bo chuang lo a, thil kal tawh lah an thlak danglam thei heklo. An fanu mi â ang maia a khawsa chu hmangaihtu tan chuan hmuh a hreawm viau ang tih ka hria, min atchilh vang leh min neih duh lutuk avanga a thil tih ni mah se ka tan a lawmawm hlawlloh, chumai bakah a tuartu zingah ka tel ve hial bawk.




A rilru ka thunun sak theilo ang chiahin treatment la turin hrilh ngawt mah ila, a bulah ka awm reng dawnloh chuan a la tha duh tak tak chuangin ka ringlo bawk. Ka nupui mit mei ven tel a ngai tawh leh nghal,Atlani vangin na takin a awm a, chulai karah ka va hmu a nih chuan a hrethiam kher lo ang.




" I lo va chho har ve, hei pui hi mut a chak tawh thu sawiin a lo iak a lo iak tawh ania " Kan room ka luh rualin Remruatan a lo ti nghal vat a, a sawi zawh rual chiahin lukham a dawng nghal zat.




" In pa awm tak mai avanga i zah kual vel, nichin lawk te kha chuan i chet lak dan tur sawiin i pawt zurh zurh kha " Nui duh miahlo hian a ti leh chu Mampuiin" Remruatsang haw nal nal rawh " Hmai sen tan tan chung a a ti bak hlar chu Dingpuii a lo nui dir char char.




" Min han huphurh nghal ngawt a'h " Nur nang chunga a tih leh chuan Dingpuii a rawn nui chhuak nghal hawk hawk a, chhan ngaihna a hre tawhlo nge Mampuii pawh za lo deuhin a then ve ta sak sak ringawt.





Rei vaklo an awm leh hnuin an hawng a. Dingpuii a pu te In lamah an thleng a,an inthlah hawng pah dawn anih hmel.




" Ka mut a chhuak " Ka awm zawn atanga rawn dak chho heu chung chuan a ti zawi sap a, kan thil tih zawh chiah avangin a thlan dap a, a hnar a sen ter bawk, a lan dan chu a duhawm hliah hliah. A tana mipa hmasa ber ka ni a, chu tluka mipa te tan a thil hlu a awm kher lo ang.




" Muhil rawh, mahse zinglamah i harh hma thung ang " Nui suk chunga ka tih chuan a nui ri ve hak a, vawiin lam a chau bawk nen a meng hlei thei tawh meuh lo. Minute 5 a ral leh meuh chuan lungmuang deuhin a thaw sâk sâk tawh.




❀ Zothanpuii Pov ❀



" In lo va tho hma ve " Min hmuh rualin ka nu in (Hmahruaia nu) min lo chhawn vat a. Ka bula ding Hmahruaia a nui ri nghal suk. Khawvar hma khan min ti harhin a duh tawkin a che tawh.Tunah pawh chhuk thlak a phal lo chung ka chhukpui lui a ni zawk.



" Thingpui in duh em? " A tih chuan 'ka lo siam ang' ka ti vat a, hmanrua awmna vel min hrilhin a chawhmeh siam lai a buaipui chhunzawm leh mawlh mawlh.




Nula pakhat hnathawk an nei a, a awmna a rei tawh nge ka nu nen an titi bawrh bawrh thei a, a fel thawkhat dawn tih a hriat. Ka chet ve an remtih rih loh avangin an bul a thu chungin an hmanraw lakna te leh bungbel dahna vel chu nidang a ka buai loh nan ka lo chhinchhiah ru ve kar thung.




" Mama, ka pa in a ko che " Choka a u Nunthari te nufa rawn inzui lut chuan a rawn ti lang lang a, Hmahruaia a tho zui nghal vatin sitting room lamah a phei zui nghal a, ka bulah an nufa in an rawn thu thla nghal tharh chu Ronny-a'n " Pite, zing chibai" A rawn ti chu lawmawm ti lutukin ka nuih nghal sen sen a, anu hian a enkawl tha tih hi a hriat ngawih ngawih.





" Zinglam chibai le, zanah i mutui em? " Ka tih chuan a bu ve lap lap reuh a, api in bawnghnute a rawn chhawp chu
khek rai chungin a ban nghal vat.




" Mampui, thingpui hi inlengte va pe lawk mai ta che " Ka nu in a rawn tih chuan tray chu chawiin sitting room lam ka pan a, Atlani nu leh pa ka va hmu hmasa ber. Ka pa leh Atlani pa chuan enge mawni hi an sawi sup sup a, Hmahruaia a thu ngawi ve ngur bawk.




Dawhkana tray ka dah lai chuan Atlani nu in nui sang chungin min lo bia a,a fanu vanga ani thleng thleng a huat ngawt thu awm suh! Tha deuhin ka chhang let a, Hmahruaia ka melh zauh chuan ka awm ve tih hre awm pawn a awmlo, a melh ngai a melh ngawt ngawt ringawt.




Ka mo thar tuk khatna chu harsatna awm lemlo in ka tuk pum ve thei mai, a tir a ka nelloh ang aiin Hmahruaia nu nen kan inpawh ta phian a, tukthuan kan kil lai chuan ka pa in kan nupa min fuihna thu an lo tawnhriat tawh atangin a sawi a, nupa nih hi nunbul tanna chauh ani tih a sawi chu ka pawm pui viau. Hmahruaia nen pawh hian kan inhmangaih ve ve tih chu kan chiang, mahse zir tur tam tak kan la nei dawn tan chauh zawk a ni.




Vawiin lamah shooting kan neih dawn avangin chaw ei hmun vel ka tihfel pui vek hnuah roomah kan inzui chho a, Hmahruaia chu rilru buai hmel zet hian thawk a la leh kawk thin.




" Atlani hmu turin a nu leh pa te khan min ngen a " Ka insiam mawlh mawlh lai chuan a rawn ti zawi sup a, darthlalang atangin ka en nghal vat. Ani pawhin khum a thu run chungin min lo en ve chiah.




A buai dan chungchang vel leh treatment la duh lo a, a intihnat thin dan a sawi chu rapthlak ti lutuk ka chek pui tlak tlak.



" Chuan kal i tum em? " Ka ti ta sap, anu leh pa meuhin zah pawh dawnlo in an rawn ngen a ni a, a kal duh anih chuan hnial ka tum hran lem lo.





" Ka hre lo, diktak chuan ka rilru a buai a ni. Kei chuan hmuh tumna ka neilo a,amaherawhchu a nu leh pa te khan min ngen ngawih ngawih a ni ber,mahse va hmu ta ila keimahah beiseina a neih phah ang em? Ka rilru a buai tak zet, tih ber tur pawh ka hre lo " Hmai tuai puat chungin thawk zin hmel deuh hian a tichhuak halh a, ka thutna atanga tho in a lam ka pan nghal vat.




" Va hmu rawh " Ka tih chuan min rawn en nghal kawk a, a bianga dawmin ka bu nghal nghut..




" Mahse.. Natna a thlen zozai che vang te khan... "




" Kha chu hun liam tawh a ni a, kan siam tha thei tawh hlei nem, a pawimawh ber chu kan pahnihin kan inhmangaih a hlim takin kan awm dun tawh, a ni em? Min rawn tibuai zui thei tawhlo, min veng thawng duh suh,hmu turin ka duh che. A chang hi chuan thil thleng theihnghilh theitu nih hi a tul fo ania, kan chung a a thil lo tih tawh vang ngawtin anu leh pa te ngenna kan hnawl tur a ni hlei nem. Vawikhat chiah i hmuh a, treatment la tur a i thlem an beisei mai a ni. I tihsak theih chuan an lawm tur zia i hria em? I thu a lo awih a, a lo lak that duh hlauh phei chuan Midang tan malsawmna i ni dawn tihna a sin " Ka thusawi avang chuan a rilru a insual buai tih hriat takin thawk a la zui kawk a,




Atlani kha chu ka hua a, ka huatna a reh mai maiin ka ringlo bawk. Mahse ka huatna avang ngawtin anu leh pa in tlawm pawh hrehlo a an rawn ngenna kha ka hmuh hmaih sak ngawt thei lo a ni. Chubakah kan inkarah a rawn inrawlh thei tawh chuanglo a, hmuh han phal sakloh bur nachhan tur a awmlo. Kan inkarah buaina siam thei tur dinhmunah la ding se la chuan tun ang hian awlsam takin kal turin ka hrilh kherlo mai thei bawk.




" KA HMANGAIH CHE " Ril ruih a a rawn tih chuan ka nui nghal suk. Thutlukna a siam fel tawh tih ka hrethei.




" Keipawn ka hmangaih che " Ka ti let ve ta sap.




" Insiam kan ngai, min nghak rei lutuk ang " Min fawh tuma a rawn kun hniam chu ka ti nghal chul a, hnunglamah ka eu nghal vak bawk. Mahse ka thusawi ngai pawimawh lo zetin a tum chu a ti hlawhtling leh ta tho.





Story fb kum 5 tlin champhaphak chibai ka buk vek a che u🥰he group hi a awmlo ang tih kei ang tho hian in hlau ve vek hlawmin ka ring. Chuvangin a awm reng theih nan ads click i uar leh zual ang u aw😀


Ka hma hle mai zanin chu a tawp teuh tawh bawk a, comment lam inthlahrung reng2 suh u🤣next chapter-ah kan khar tawh mai dawn mi😀



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:09 pm

CHAPTER - 32 BY Pápuii Sailo




Thla khat zet chu kan innei ve ta, krismas vuak vet chawlhin a nang zui bawk nen Aizawl lamah kan awm zui ta rih a, kumthar lamah erawh Lunglei lamah hna kan nei ve ve bawk nen kan phei ang a, a quarter a awm tawhlo in an chhungte In sak zawh hlim Serkawnah luah tur a awm dawn a, chutah chuan kan awm tawh thung ang. A lehlam takah chuan phei nghal mai chu ka inthlahrung ru ang reng, Hmahruaia chu loh theih loh a ni dawn a, kei erawh mi in engtin nge min sawi chhun zawm ang, pasal chhungte hrawn peih lo min ti ve mai ang em tih te ka ngaihtuah a, phei nghal lo a la awm ve rih chu ka duh, Remruata pawn ka tello in a thawk thei dawn lutuk tih ka hria, Hmahruaia erawh ka la sawipui lo thung.




A rualin phei ve nghal mah ila, a chhungte hian min sawisel dawnlo tih ka hre chiang,An fapa hi ka tello a a awm rei theihloh zia hrechiang ve tute an ni a, ka chungah an felin min en hranna an nei miahlo bawk nen, thil ho te teah pawh min rawn der ve thlap hlawm zel a, ka lawina tur chungkaw dik tak an ni. Kan thutlukna chu engpawh ni se min pawmpui vek ang, mahse enge maw chenah thenawm khaw veng leh chhung dangte mit mei ven ve angaihna chen a awm.




" I inpeih dawn tawh em? " Ti chung a kawngka a rawn lut chu darthlalang atang chuan ka lo en reng a, dressing table ka phone dah chu banin ka inpeih thuin ka lo chhang nghal vat a, a lam ka inher rualin mawi zetin a kiai zui nghal sukin " Perfect "a rawn ti thum dut.




" U Nunthari te an inpeih tawh mi? " Ka tih chuan Ronny-a a inthiar leh rih thu nui hawk chungin a sawi a,ka nuih pui ve hak. Naktuk mai hi Krismas a nih tawh avangin vah harh pahin bazar ve reng reng ang u an ti a, ka huphurh ru viau thung. Vawiin ni angah hi chuan tih tur em em neilo a chhuah ve chak hrim hrim an tam thin avang hian khawi lai pawh hi a tawt em em vek zel a,mi kara inhnawh tawng tawng ngai hi ka peih thin loh bakah boruak ka zo thinlo a ka chau nghulh zel.




Inhnuai lamah kan inzui thla a, an bul kan thlen ruala Ronny-a'n ka kut a a lo kai nghal tharh reuh chu, anu leh a putea ten an chhaih zauh a, lai deuhin a nui ri nghal hek hek. Chhun lamah Inchhung chet vel bak tih vak tur a awm silo nen kan in awm tam a, min ngaina ve viau. Zan khat ka bulah a riah a ngen tlat phei kha chuan Hmahruaia ngaih dan nilo lutuk kha a nuih zatthlak zawk, lungni chiahlo chungin kan mutpui a, chhungkua kan nih duh hmel e ti leh hluai thinin a hlim ber berah a tang zui leh ta tho.




U Nunthari te nufa nen kan pali chuan kan inzui chhuak a, a khawi lai hmun mai pawh chu a chep em em vek. Hmahruaian ka bo hlau ni awm takin ka darah a taksa si chetin min kuah bet reng a, u Nunthari te nufa kan bulah an kal ve bawk. Ronny chuan mipui zi nuai nuai chu a zo lo nge a khat tawkin " Nuamlo e " A ti nui nui reng mai.




" Mampui, saw saw Ronny pa anih saw " Min kheuh ru zeuhin ka beng bulah u Nunthari'n a rawn ti ru sa sa a, a en na lam ka en chuan pa sar veh vuah, ruakhau zet mai leh hmeichhe pakhat dingdun hi ka va hmu a, hmeichhia chu a nupui anih thu a sawi zui nghal zauh bawk. A pasal nena an inthenna a rei tawh thu leh nikum lawk khan nupui a neih leh thu a hma khan min hrilh tawh. A nupui thar ka hmuh saw chuan engkimah u Nunthari a tha fal nalh zawkin ka hria.




Tih tur em em a awmlo bawk nen chawhma chhung chiah kan chhuak a,an unau a min nawr chilh tlat avangin kawr pakhat ka lei a, ti ila Hmahruaia min lei a ni zawk mah ang chu. Ani pawh ka hlawh ka khawl ve in leather jacket ka lei sak a, amah a palian bawk nen a hak atan liau liau a an siam a maw tih mai turin a inhmeh, a lawm thiam lutuk chuan min ti hlim veng veng.





" I nu leh pa lung engtik nge kan phun ang " Zan mut naah chuan min rawn ni pah fawm hian a ti sup a, chutia a rawn sawichhuak teh phut chu ka hamhaih ang reng viau.




" Ka hrelo... Pawisa ka duh angin ka la ngah tawklo a, nakum kum tawp lamah te chuan a theih mahna " A awm a bei thlep chung chuan ka ti a.Thawklehkhatah min chawi kang nghal nawlh a, kan inmelh chiang ta kher mai.




" I pasal ka nih hi, engvanga nangmah chauh a insawi nge inih? I duh hun sawi tawp la keiman engkim ka buaipui vek ang " Lungawi chiahlo tih hriat tak hian a rawn ti hmuk a, za lo lutuk a ka then sak chu ka hmuiah a rawn seh avangin ka rak nghal that.





" Vawikhat mah 'ka' tih thumal kha hmang leh tawh suh, pumkhat kan ni tawha engkimah kan pahnih zel a ni tur a ni, a chiang em? " Ka chal a chal a rawn nawrh chilh run chung chuan a ti charh charh a, ka hmangaih ngawih ngawih chiang a ni hepa hi chu.




Lungphun ka rilruk avangin a tir phat atangin ka hlawh ka dah hrang thlap zel a, a awm ve nual tawh chungin duh angin ala tam lo thung. Hmahruaia'n a hian tiang rilru a pu hian min hneh tak zet, kei chauh nilo a he khawvela awm ve tawhlo ka nu leh pa te thleng puala hun tawp ber ang tur ang a ngaihtuah thleng hian tawngka mai nilo a min hmangaih zia a lantir ka tilo thei lo. Ani ang vek hi he khawvel a mipa te hi ni se tumah hian an pasal te an then phalin ka ringlo mai pawh nilo in an then lo ang tih ka chiang.




" Kha thupui kha chu kalsan ang, tunah chuan.... " Awmze nei fê hian min melh ralh a, a awmzia ka hriatthiam avangin ka nui chhuak nghal hawk. Nupa kar chauha thleng tur angel te dai ngai loh ram chu kan thlen leh tak kha!




*


Zing ka tho chu ka rit lúk a, ka lu a hai muai muai bawk nen Krismas tuk a awmdan a tan chuan nuamlo tak a ni. Ka vai ruai mai te hian ka hria. Ka awmdanah a hriat nge ka nu in min zawt ta chat reng a,ka awmdan ka sawi chuan " I rai a ni lo maw? " Nui deuh suk chung hian a tiliam puat a, ka inngaihtuah nghal roh roh chu tun thla ka hunbi ka pel tawh tih ka hre chhuak a, ka chhunglamah hian ka phur nghal sur'h.




" Nu, tun thla hi ka hun bi ka pel daih tawh a, ka rai a ni thei ang em? " Ka tih zawih sap rual chuan a che lai chawl meuhin ka melh vang vang hnuah a rawn phul hlut.




" A lo ni maithei asin, test kit leisa i nei em? " Ti a min zawh chuan ka lu ka lo thing nak a, chutiang lam ka la ngaihtuah thleng pha lo hrim hrim.




" Ava buaithlak ve aw, krismas tuk a ni sia dawr inhawng... Ngawi teh khilaiah khian mahni In a damdawi dawr nei nghal an awm in pa kan tir dawn nia " A ti ta chuk chuk a



" Nu, Hmahruaia chu hrilh rihlo law law ila, ka lo rai leh siloh chuan a beisei ve tawh ting tang si ang a, lunghnur deuha a awm ka hlau " Ka tih chuan a inngaihtuah vang vang hnuah min pawmpui ve nge amah a kal tur thu a sawi ta mai. Chu erawh ka beisei loh lam daih a ni.





" Nangmah i kal ang maw? Mahse a hla lo mi? Kan pahnih talin kal ila " Ka tih chuan a hlat vak loh thu leh ka kal ve chuan Hmahruaia'n min lo zawng si ang a, a hre vek zawk ang a ti ta tlat a. A fanu pawh nilo a mo tana pregnancy test kit a lei tur chu a lawmawm rualin inthlahrun na duh tak a ni. Tuna ka hun tawn mek ang hi hmeichhia te hian an tawng zen zenin ka ringlo.




Ka nu chu a chhuak nghal a, keiin eirawngbawl ka chhunzawm nghal char char thung. Ka chhunglamah hian ka phur lutuk hi ka awmthiamlo a ni ber. Ka awm mai mai te chu ka nui leh vur vur zel. Lo rai tak tak ila ka ti tak zet.




An rawn tho chuan ka nu choka mawitu ber ni thin a awmlo chu khawnge an rawn ti sap sap hlawm a, thenawm te inah a kal lawk tiin dawt var ka lo sawi hmiah. Ka finfiah thlap loh chuan sawilan loh ka duh zawk rih.




" Enge kan hmeh dawn? " Ka hnunglam atanga min rawn kuah hlun chungin a rawn ti a, tunlai a tho hma theilo leh a harh vanglo lutuk te hi a nu hah a ni ang em tih ka lo ngaihtuah thleng hmanhmawh.




Ka chhang lawklo chu " Nge i nuih vur vur a? " Ka biang a rawn piai zauh chungin a ti leh a, chawhmeh a rawn bih zui nghal du du bawk.




" Krismas chibai ka pasal duhtak " A bianga fawp zeuh chung a ka ti chu a kiai suk a, " Krismas chibai leh ka nupui duhtak " Zawi ril ruih hian a rawn ti let ve sup.




Ka nu lo thlen lai chuan Hmahruaia chokaah ala awm ve run bawk nen a hriatthiam hlau fe in kan in signal ru zauh zauh a, nuih te lam lam a za zawk kan awmdan chu, pa te hriatloh a chhuah ruk dan tur rel hi kan ang ka ti ber.




Hmahruaia a kalsawn lawk hlanin kan inpe ru zauh a, ka ak tha nghal vat. Chaw ei a ni zui nghal mai bawk nen inbual paha in test ka tum ta a,chaw eilai pawh chuan ka rai ang nge rai lo ang le tih mawlh ngaituahin ka rilru a in khap nasa hle.




Inkhawm kan ngaih dawn avangin inchunglamah insiam turin kan chho ta thuai a, inbual hmasak ka chuh zui tharh. Bathroom ka luh rualin ka test kit ah lai chu ka phawrh chhuak nghal vat a, ka test zawh hnu chuan ka en lawk ngamlo a,ka enchiah chu ka zuang tawr tawr lo chauh, ka au chhuah ka hlauh lutuk avangin ka kut ka seh bet hmiah.




" Krismas present pek tur che ka nei ania " Kan insiam peih vek hnu chuan ka ti a, present pangngai anih a ring nge room a melh kual nghal vat.




" Niminah min pek tawh kha a tul tawhlo " A ti hluk, present pangngai ang tur a angaih vang ani tih ka hria. Angaih danah chuan thil pek pe tu tur chu hmeichhia nilo in mipa zawk a ni tur a ni tih a ni bur tlat.



" Oh.. I duhlo tak zet "



" Ka duhlo a nilo, mahse thil tullo a ni "




Ka dul thep zai mai ka kut a dawmin ka en thla a " Naute, I pa hian thil tullo a ti che ania , i rilru ana em? " Lungawi lo pangchang aw zet a ka tih chuan Hmahruaia a ner nak, mahse a reilo a rawn phawk nghal zui nghal hra " Tunah khan eng maw i sawi kha? " A rawn ti ta hlut a. Min rawn din chilh nghal hmiah bawk.




" Engmah ka sawilo reng reng " Ka tih chuan " Nghal lo teh Zothanpui " Dawhthei lo fe hian a rawn ti nghal hluk chu ka chek tlak tlak.



Thutak zet a ka rai thu ka hrilh nawn leh chuan a hmel a dang hlawk a, awihlohna leh phurna , mak tihna a mitmengah chuan a inlanchhawk nghal zut zut. Ka hriattirh a ka lawm ai daih khan a lawm zawk hialin ka hria.




Krismas tuk kher a lo ni bawk nen kan lawmna a thuahhnih a ni ringawt. Pa Sangpuia te chhung leh Dingpuii te chhung kan hrilh ve thuai a,lawmpuina min rawn hlan mawlh mawlh a, Pa Sangpuia te pawhin an rawn len tur thu an rawn sawi nghal.



Chawhnu lamah an rawn thleng phei a, kan lawm tlang hlawm bawk a ni Kan then thaw reng hlawm mai.Doctor bula in check up ve reng reng a that thu an sawi a,buai duah ngailo zawngin Hmahruaia hmelhriat hmeichhe lam doctor tha deuh a lo awm hlauh bawk nen pan buai ngailo in tlai lamah a rawn kal thei dawn leh zel zui.





Pa Sangpuia te chhung chaw ei turin Hmahruaia'n a sawm nghal a, ar lei tur te an zawng chawp leh ang chuk chuk a, krismas ka hman tawh zawng zawng a nuam ber a la ni. Chutih rualin ka nu leh pa ka hrechhuak lo theilo, la dam ve se an lawm dawn tehlul nen,ka nu phei kha chu nau lawm mi a ni a, kei chiah fa min nei bawk nen, thenawm naute te ho hi a la kawi reng zel a, kan thenawm hnai naupang hi chu a chawi tlei loh tak tak an awm manglo tih theih a ni.





" I ngaihtuah ka hria nia? " Ka beng bula a rawn tih thawp sup rualin ka mittui ka hru nghal vat a,alamah inherin ka nui lui nghal sang a, mit ti hnum khui a min en chung a " I pasal lakah hi chuan inthup i mamawh lo ka tih fo kha " A tih chuan ka nui tawp leh nghal riai riai.




" Ka nu leh pa ten ka rai tih hi an hriat ve i ring em? " Nui ro halh chung a ka tih chuan a awmah min kuah bet nghal hmiah a, a pangtilumin min ur ham ham rual chuan ka him bik hliah hliah hian ka in hria.




" Tu nge sawi thei? Nang aiin an hre hmasa zawklo ang tih hi? " Ti a min chhan chuan ka ngaihtuah chiang a anih duh hmel riau, anni chu khawvel piah lamah an awm tawh a an lo hre daih tawh mai thei a sin ! An fanu hi nakin lawkah nu ka ni ve tawh dawn tih a hriat rualin ka nu chu lawm avangin a mittui a tla ngei ang a, duat zetin ka pa in a lo hnem leh bawk ang a. Ka zeldinna thu chuan nichin lawk a lungngai hmel kha hlimna in a rawn thlak a ka nuih pui nghal seih.




" I tap zo chiah a maw tia, i va hlim leh tawh si ve ? " Nghal zet a a rawn tih chuan ka lei ka chhuah khum vak a,naupang chhia min tih hmel zetin a nui nghal hawk hawk.




Tawngtam duah nilo mah se, a tawng chhunah ka natna tur nilo a ka tana tha leh min tichaktu a chhakchhuak thin hi lawm ka tan a hlut zual em em nachhan.




*

Kum a thar a, Lunglei lamah Hmahruaia a phei dawn a kei erawh helamah ka awm rih dawn ta thung.A phei dawn zan chuan a huphurh lawk lutuk chu zui phei ve mai ka duh rum rum zawk hial, mahse ka sawilang duhlo, sawi lang ila chuan min hruai phei ve leh phet a tum dawn tih ka chiang. A phei ang a, hna lamah a buai ang a zanin ang hian a awm reng dawnlo tih ka chiang.





" A mak Enge maw i hriat le! Ka zun a chhuak a lawm " Ka tho tur min kherh beh tlat avang chuan ka ti hlak hlak a, ka zun lah chu a chhuak tawh em em mai leh nghal.




" Ka zung ve duh tho " A rawn ti hluk chu a hnungah ka beng ri nghal thlawrh.




" Anih te chuan tho la, ka cheh tep tawh ania, zun khum i duh mi? "




" Zan dang zawng zawng a i zun chhuahin ka kalpui i ngai ziah a, ka mutthilh tawh pawn min kaitho ziah a, zaninah kalpui i ngai ta lo a! " Deu rawngkai deuh taka a rawn tih chuan thinrim lamah pawh kal theilo. Zanreiah ka zun a chhuak ziah a,bathroom hi kan room chhung a awm reng ni mah se ka kaitho tel ve ziah a, phunnawi miahlo in min kalpui thin. Zantirah lah ni se ka zun dawn chuan ka zawt ve ziah zel tho, zanin pawh hian zawh tumlo ka ni miahlo. Nghak hlek se la chuan ka zawt hman mai tur hi a nia.




" Ka pasal hi naktukah a Lungleiah a phei daih dawn sia, a tello a awmdan zir ka ngai tan alawm " Nuih insum zet a ka tih chuan phun nghal hluk a, min melh dur nghal khui chu nui lo tur a ka insum na lamah ka kut ka hum ngar ngar tawh.




" Khatin min melh khui khui suh, i mak hmen hmun lutuk " Ner nang chungin ka ti a, rawn che phut a ka tai a rawn nem chu ka ke ka leng nghal awt awt




" Thlah rawh " Ka ti tawk a, nui suk chungin a rawn nem leh deuh salh chu ka che ngam tawhlo , ka cheh thei mai dawnin ka hria, ka ke tang ka tawm ngawt ngawt a, ka mit na zetin chhing tlat bawk.





" Min ngai dawn em? " A rawn tih nghut chuan rang zetin ka lu ka bu nghal vat a, nui ri nghal sukin ka mawngah a rawn beng ri thlawp a, min thlah zui rualin rang lutukin khum atangin ka chhuk nghal a, bathroom ah a tlan a ka tlan lut chu a nui ri in room chhung a luah khat vek. Sualthiam lutuk mai!





In atangin zing dar 10 velah a chhuak a, a kal chiah chu ka ruak nghal huai hian ka inhria, kan inneih atangin kan awmdun chawt ti mai ang zanah a chhuak ngailo a,chawhmeh lei a bazar angaih lahin kan pahnih zelin kan kal bawk a, thla hnih pawh tlinglo chhung khan kan inawm hlat san ngai meuhlo a ni bawk a a awmlo hran lemlo viau.




" Zanin atang chuan phone i be deuh chawt reng dawn a ni maw? " U Nunthari min fiamna avang chuan ka nui ta hak hak a, ani pawh a nui ve tho. " Inpa a awm tawhlo bawk a,Dawrah i lo thu ve daih thin ang a, a nuam viau ang" A tih zawm leh zat.




Cosmetic dawr hlun deuh a nei a,direct dealer a ni bawk nen dawr dang aiin a tlawm zawk a, a product a tha tho si a, mi hausa ho hian bawm viau. Aizawl mi hlun deuh fa te ho hi chu hriatloh a mang pawh a nei lo.





A khat tawkin a thlen chin min rawn hrilh reng a, kar kawng hla bawk nen a hma lahin a lo accident tawh avang khan awm nuamin ka awm meuhlo a ni ber, chawhnu dar 2 velah a thlen thu min rawn hrilh chuan hah a dam deuh huai. Amahin rawng a va bawl chawp rak rak dawn chu a ni sia, mahse chu lam erawh a hnehsawh zawng tak a ni thung. A tih that duh phei chuan kei ai pawn chawhmeh a siam tui thei daih zawk.





Zan a kan in video call chuan U Nunthari'n dawrah lokal ve la min tih vek chu ka hrilh chhin mai mai a, ka duh chuan kal ve turin min rawn ti hlauh,kan nula an khaw lam a a haw a lo let leh tawh bawk a, engmah tih vak tur a awmlo bawk nen, In a awm chawt chawt ai chuan ka chak ve zawk.




" Kan fanu nen khan ka ngai tawh che u " Kiai suk chung a a rawn tih chuan ka ner nang a. Dul pawh ala puar lian eihlo ania fanu nih tih nghal ngawt a tum tlat hi ka nuih a za deuh tlat zel. Tunah hian ka bulah awm phei se chuan ka dul a chul a chul leh tawh ang.




" Fanu a ni ngawt dawn mi? Fapa sual luhlul deuh lukawlh mil mel a ni maithei a sin " Nui duh miahlo a ka tih chuan a nui chhuak hawk a, a chek zui tlak tlak ri pawh chu ka hre thei.




Khumah a bawk duai a,a lunglen thu a rawn sawi chuan ka khawngaih ru ang reng.Zan dangah te kha chuan ka dul zawnah a hmai dahin, ka dul a fawh loh leh a be sup sup reng a, 'thi hlawm chauh alawm ala nih, i thusawi a hre theilo' ka tih pawn a thulh chuanglo, a hnuah phei kha chuan ngaiah ka nei chho tawh zawk, zanin erawh ka bula mu a, thum deuh taka tawng dut dut ri a awmlo chu keipawh ka khua a har tak zet.




*

" Nizan chu i muhil thei em? I muhil pawn ka ringlo zawk " U Nunthari'n a tih chuan ka nui tawi tak ringawt. Kan inbe rei lutuk, ka lo mutthluk san daih leh nghal. Zinga min lo biak khan rei tawk tak ka muhil a thlir hnuah call a titawp chauh tih a la sawi zui leh nghal.





" In inneihna a la rei silo a, lo mu theilo pawh nila ka demlo che, inngaih hi ana duh te mai ania.... Keipawh " Atih lai tak chuan an rawn koh avangin a a kal phei nghal a, a dawr a lun ka tih tawh kha, hnathawk a chhawr chu nula pathum chu a nei. Mahse amah rawn ko kher pawl hi an awm leh zauh zauh thin.




Dawr lamah ka nu leh pa phalna thlapin ka zui ve ta nge nge, ka chhuak khat bawk a, boruak dang hip chu ka harh deuh kawk hian ka hria, motor ri beng chheng a tam mai pawh a!




Bathroom a ka lut ka chhuak leh tur kawngka ka hawng tur chiah chu ka pum rawn na lutuk avangin ka che hlei thei ta lo. Ka thlan fim a rawn bawl nghal tiak a, anat dan chu kut lawnga ka taksa chhung zuk tham tawk hi ka tehkhin ber,ka tai bawrah min pawh kawm tlat avangin ka ding kun ngal a, inpetruh fan fan chungin ka pum zawn ka dawm ngawt ngawt.




Ka rilruah ka naute a rawn lan thut avang chuan ka hahdam ta lo kher mai ! Nilo!! Engtin mah a awm tur a ni lo, pumna satliah mai mai a ni. Mahse zing lamah chaw bak engmah ka ei bawk silo. Kawngka pawh hawnna chu chelhin ka ding khur ngawt ngawt a, ka mittui a hnam nghal tiam tiam. Ka phone a rawn ri chu harsa tak chungin ka pick up hram a, ka pum na lutuk chu ka mittui a luang zawih zawih tawh.




" Bawihte... " Hmahruaia'n a rawn tih zawih sup rual chuan ka tapchhuak ta hawk a, " Bawihte... I tha em? " A rawn ti nghal ruai, a aw ah chuan a ngaih a tha lo tih ka hre thei.





" Hmahruai... Ka pum... Ka pum ana lutuk... Nilo... Kan naute... " Ka ke a thisen rawn luang thla ka hmuh chuan ka meng kawk a, Hmahruaia rawn tawng leh chuan enge a sawi pawh ka hre tawhlo. Ka lu a hai nghal muai muai a,ka khawhhmu a phe nghal vek, bathroom chhuatah chuan ka let thla nghal riai riai.






Ka bul vela ri nak nak chu ka mang hriat deuh ruai ruai a, men tumin mit ka khap nghal fak fak, mit ka meng a thil eng deuh hian min chhun khalh avangin ka chhing zui leh sawk a,ka bul lawka tawng ri chu enge an sawi ka hre hlei theilo.




" Doctor, a harhin ka hria ! Mampui, i harh em? " Ka nu (Hmahruaia nu) aw hian a rawn tih chuan ka meng leh siar siar a, nichin ai chuan a zia ta deuh.




" I tha em? " Doctor ni awm tak tur chuan a rawn ti a, ka tha em pawh ka chianglo, ka mit te chu a rawn keu kau a, ka that thu a sawi zui nghal sup.



" Nu, khawnge ka awm? " Thawh mai tumin ka ti a, ka ban a thip nghal zawk chu ka ner nghal sak a, ka nu in la mu rih turin min ti nghal vat.




Ka hawi kual a, Damdawi In a ang riauin ka hria, a ni theilo! Ka naute kha... Thisen chhuak te kha..!




" Nu , ka naute, naute chungah khan engmah a thlenglo tiraw? " Ka ti nghal ruai a, a hmel ka hmuh rualin thil awmzia ka hre nghal ruak.



" Nu.... "



" Thildang engmah ngaihtuah rih suh, i hahdam angai ania " A ti dam thluam a, engtin nge ka hahdam theih tehlul ang ka naute thla hnih êm pawh la tlinglo kha ka chan a sin!




U Nunthari dawr bathroom a ka tluk thu leh Hmahruaia'n ka chhan lawkloh avanga a u a phone thu te leh min rawn hmuh thu chu a sawi a, naute ka chhiat tih a sawi lai chuan ka taksa hi a tang tun a, ka mittui a luang ngiah ngiah bawk, ka rilru nat lutuk vang nge ka mittui luang reng chung si chuan ka tap thei miahlo thung.




" Hruaii, hmanhmawh suh,hun ala tam dawn. Nakinah kan zawt dawn nia. Hmanhmawh rihlo ang, a tha em? " Mipa aw in a tih thum dut dut riah chuan ka harh a,nichin khan ka lo intap muhil anih hmel.




" Sangpui, i hrethiam lo a ni " Ti tu chu Nu Ahruaii a ni.




" Ka hrethiam alawm, i rilru tur chu ka hriatthiam pui che mahse kan nghah a ngai, a chunga thil thleng i hriat kha " Pa Sangpuia chuan a ti sup sup a,an thil sawi awmzia lah ka man pha der lo.




Ka mit ka men rualin Hmahruaia ka hmu hmasa ber a, ka kut humin a hmuiah a nawr a, a mit a chhing tlat bawk. Ka kut ka chet hrut rualin a rawn hawichhuak a " Bawihte.. " Arawn tih thawp sut rualin thil thleng ka hrechhuak leh iar iar a, ka rilru a no tha leh.




" Hmahruai, kan naute ka venghim zo lo... Nu nep tak ka ni tiraw " Ka ti tiau a, rum nghut chungin ka hmai zawnah a rawn awm hnai a ka thiamloh anih loh thu leh vanduai vang anih thu min hrilh nghal sup. Mahse tun tum chu a thusawi chuan min hnem zo hlawllo. A lo pian hun tur thlenga ka suangtuah kha a taksa pawh a insiam hma hauhin ka chan leh si! Khang ka lo suangtuahna ve zawng zawng te kha mitkhap kar lek chhungin a ral ta vek.




Ka hawikual chu an lo awm kim vek a, Lunglei a awm tur anih laiin Remruata ka hmu chu mak ti hle, mahse hna tul vanga rawn phei pawh a ni thei tho. Keimah vang chuan a ni lo ang.





An sawi hmangah thisen ka hloh hnem avangin thisen pek ngaiin ka awm a, blood bank-ah ka thisen mil a awm remchang lo nen pa Sangpuia nen a lo inmil hlauh a, min pek thu an sawi a, an chungah hian lawmthu sawi sen loh ka ba nasa tawh a ni, ka rul let seng tawhlo hial zawk ang.



Min biakna ka chhan theihloh hnuin Hmahruaia a rawn phei nghal vut vut tih ka hriat phei chuan ka in haw ngawih ngawih nimin lawkah a phei chauh a ni a, keimah vangin bak lengin a rawn phei leh nghal chu a ni sia.




" Mampui, tun hun hi inzawh hun a nilo tih ka hria, mahse ka hriat ngei angai " Ngaihtuahna buai hmel zet a Nu Ahruaiin a tih chuan ka bu nghat a, Pa Sangpuia'n nghet zet a a kut a lo chelh sak chuan ka ngaih a ti tha vaklo.




" I nu leh pa fa tak tak i ni em? " A tih chuan ka hamhaih kher mai! Eng zawhna nge ni ngai? An fa tak ka nih thu a ka chhan chuan a thaw hak a, a mitmeng buai deuh nuai chuan ka awm a ti nuamlo tak zet.



" I ni tak tak maw? " A rawn ti leh hap a



" Aw ka ni alawm, ka pian tirh thlalak pawh albumah ka la kawl tha " Ka tih chuan tap mai tur hmel hi a pu in ka hria.




" Anih engtik kumah nge i pian? " Remruata'n a lo ti ve khauh thung, an chhungkaw awm dan hian ka awm an ti nuam hlawllo, Hmahruaia ka en a, ani pawh a mitmeng a buai ru nak tho .




" 29th April, 1993 " Ka ti zawi sap chu an pathum chuan an meng deuh kawk.




"Mahse enga ti nge min zawh vak vak nachhan hi? " An awm dan ka bang bo em avang chuan ka ti ta thlawt a, mak deuh deuh min zawt a, a chhan ka hre ve der bawk silo.




" Lawkin pa Sangpui thisen min pe tiraw? Anih chuan enge ka blood group " Ka tih leh rih chuan Min melh thup hlawm mai. Ka blood group tun thlengin ka la hre lo, Pathian zarah ka hrisel viau a, nachhawkna tak ngial pawh hi ka ei khat lutuk. Thisen test lampang pawh ka ngaihtuah ngai loh phah.




" I blood group tun thleng thlengin i la hre lo a maw? " Remruata'n a rawn ti haw chu ka bu nghat a, pa Sangpuia'n B+ a nih thu a rawn sawi sup. Mahse ngawi teh, engtin nge a nih theih.




" I chiang maw? " Ka tih chuan a bu nghut bawk si. Mahse ka pa AB ania ka nu O, engtin nge B+ ka nih daih theih ?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:09 pm

CHAPTER - 33 (LAST) BY Pápuii Sailo



☆ Remruata Pov ☆



Hmanni lawkah ka farnu, ka nu in thi sa a a neih ni a kan hriat kha ka nu hrin a nilo tih kan hrechhuak a, chu erawh kan chhungkua leh Nite Ruatfeli te nupa chiahin kan hria.Nite Ruatfeli nurse a ni a, ka nu zai anih lai khan a thiannu chu duty zingah a awm ve a,amah tak hi chu free clinic ti tura thingtlang lamah an chhuah lai a ni thung.




Nite Ruatfeli thiannu chuan hmanniah nite Ruatfeli lo hmuin khami zan a thil thleng dik tak a rawn sawi hlawl a, a inthiam theih hlawl loh vanga rawn hmu a ni tih a sawi bawk.





A sawi dan chuan khami zan khan ka nu leh hmeichhe pakhatin nau an vei rual chiah chiah a, ka nu zai a ni a, pakhat erawh chuan neih pangaiin a nei thung. Chunu chu ka nu zaitu doctor enkawlna hnuai a nau pai a ni a, a sawi dan hmangah vawitam nau a chhiat tawh a, a pai lai pawh a nunna atan a hlauhawm thei tih doctor'in a hrilh chungin fa a awh em avangin a enkawlna hnuaiah a pai lui a, mahse vanduaithlak takin thi sa in a hring leh a, ka nu erawhin him dam takin a nei.




Thla kaw chhung nun thap chung meuh a a pai kha thi sa in a hring leh a, a kehchhia kha hmuh a hreawm zia niteii thiannu chuan a sawi hial bawk. Doctor bulah khan ka nu hrin zawk chu pe turin a dil char char a, ka nu ala harh chuanglo a, naute thlak thleng sak mai turin a ngen a, doctor-in thil theih anih loh thu a hrilh ngial pawhin tha tak a a enkawl tur thu tiamin a dil luih ngawng ngawng avangin an thlak thleng tak thu leh chumi zana duty ho zawng zawng chu naute thlak thleng chung chang sawi chhuak lo tur a vau beh vek an ni tih nen.




Ka nu an la zai a maw ti a, kan chhungkaw ho in an nghah thup lai khan thil tam tak a lo thleng reng a lo ni.



A fanu a la dam thu hnuk ulh tun chunga niteiin ka nu a hrilh zan a ka nu mak ti hmel leh hamhaih hmel, awihlohna a khat kha ka mitthlaah hian chiang takin a la lang thei. Tu nu in nge a fanu thi hrin a hrin chu kum 30 dawn hnuah ala dam tih miin rawn hrilh se awih nghal mai bik ang?




A thiannu nen a an inbiakna zawng zawng a lo record min ngaihthlak tir vek a, thudik a hriat ruala ka nu rilru na lutuk kehchhia kha khawvela ka thil hmuh hreawm tih ber ala ni. Ka pa leh keipawh kan bang bik chuanglo, mahse ka nu ang êm in kan mittui a tla ve lo thung.





A tuk atangin zawn hna kan thawk zui nghal a, niteii leh ka pa in Damdawi In lam record hlui an hai nghal a, an zawng chhuak har lo. Khami zana doctor duty kha a lo boral tawh zel zui leh nghal.




Niteii thiannu in ka farnu enkawltute chu Damdawi In atanga an chhuah hnuah Lunglei lamah an insawn zui nghal tih a sawi avangin Lunglei lamah ka phei nghal chuk chuk a,an hming chauh ka hria a, an veng insawnna ka hriat loh avangin ka buaipui rei phian.





A tawpah ka hrechhuak thei hram a, mahse ka thil hriatchhuah erawh chuan naute inthleng chungchang ka hriattirh a min thawn tluk zet khan min thawng zui leh, a chhan pawh ka chhui chhuah chu tudang nilo in Mampuii te chhungkua a ni!




Kan vawikhat inhmuhna atanga mak deuh a keimaha thawk a awmna chhan te, ka nu leh pa te nena an inngaina nghal mai te kha! Ka nu phei chuan " Mampuii ka hmuh hi chuan ka naute kha ka hrechhuak ziah thin" A lo tih nachhan te kha inzawmna kan lo neih reng vang a lo ni mai ang em?




Hmeichhe chhia a nilo chung a hmeichhe pangngai ang nilo a ka farnu anga ka en tlat na chhan te kha! Engkim khan chhan a lo nei ru vek!





Hmaichhan ngeiah ka hrilh duh avangin Aizawl lam ka pan nghal a, mahse ka thlen chuan Mampuii'n nau a chhiat thu ka va hre zawm zat a.




Ka ngaihtuah chian pauh leh ka pa nena an mizia in an zia te ka ngaihtuah thleng chho a, a hmelah ka nu a ang riau hian ka hre thar bawk anih chu! Tlangval a pumpa ka pangai hleithei bik meuhlo.




Ka nu leh pa ka hrilh chuan a thawng ve takzet tho. Ka nu phei chuan khum a Mampuii muhil chu mittui tling pam chungin a melh zui ngawt ngawt. Mahse kha naute kha amah a ni ngei em tih kan chiang ngam chiah bik chuang lo.




Ka pa in inbengdai turin a hrilh sa teh nangin ka nu insumthei hlawllo in a rawn harh rualin a zawt a, kan zawhna a chhan dan atangin kei chuan ka farnu ngei a ni tih ka nem nghet nghal hmiah.




An pianni leh thla, a kum nen lam a in an bakah a pianna hmun thlengin a inang vek tlat. A enkawltu khan a fanu anih loh thu chiah a lakah a zep a nimahna.





❀ Zothanpuii Pov ❀




Vawiin hi DNA test result chhuah ni a ni a, ka awm hle hle theilo a ni ber. Kei hi Pa Sangpuia leh Nu Ahruaii fanu niin Remruata farnu ka lo ni tak tak ang em? Tih ngaihtuahin room chhungah ka teikual sek a, Hmahruaia'n thu hahdam tur a min tih pawn ka thei meuhlo.Thil engkim fiah fel fai tak a min hrilh khan ka rilru hi a buai nuai nuai a, ka rilru a mang vek bawk.




An thusawi hi a dik anih chuan kum tam tak ka nu leh pa ang a ka lo neih te hi ka nu leh pa diktak lak atanga min lahrang tu an ni dawn tihna a nia.Misual an ni lo tih kum tam min enkawl chhung khan ka hria, ka nu leh pa tak nilo tur chuan ka ngaihtuah ngamlo, hmangaih tawp lo va min hmangaihtu te an ni miau. Anni lo midang neih ka nei lo bawk.




Boruak dang hlawk kan tawng ta bawk nen ka nau chhiat hian rilru luahin inthiamlo viau mah ila, a zawng zawngin ka rilru a luah hlei theilo. Ka chunga thil mak pui pui thleng thin hi ka ngaihtuah ngai loh leh ka suangtuah ngailoh vek a ni. Ka hringnun hi thil mak hlir a ni ber.




" Mampui, Pa Sangpuia te an lokal a" Kawngka a rawn dak chung u Nunthari'n a rawn tih chuan ka tha a khur thei hial. Hmahruaia ka melh nghal ruai a, a mitmeng chu ka chhiar sak thiamlo, thil thleng mek hi a dawng sawng thiam chiah biklo tih erawh ka hria.





" Bawihte.. Kan chhuk a ngai ania " Zawi sup a a rawn tih chuan boruak ka hip lut kawk a, thudik ka hriat chak rualin ka hre chak lo bawk. Rilru pangai pawh ka pu hlei thei meuh lo.




" Hmahruai, ka nu leh pa te kha ka nu leh pa tak tak lo nilo ta se... "




" Hahdam rawh le...inhnuaiah kan chhuk thlak angai ania, hmeichhe chak tak inih kha " Ka chal a rawn fawp vawng vawng chung a a tih chuan tlem chuan ka zia ta deuh.



Muang changin kan inzui thla a, sitting room a lan theih chuan Pa Sangpuia te chhung an lo thu thap a, an lam ka pan chu chik zetin min lo en a, nu Ahruaii phei chu a mittui a tling deuh pamin ka hria.




*


*



" Anu, a mawi em? " Nui sen sen chung a min lo hmuaktu ka fanu ka hmuh chuan ka meng kawk a, ka nui hlei thei meuhlo.



" I sam kha tu tan nge ? " Ka ti bul hmak.


" Apa.... " A rawn ti fan ruih chuw ka meng kual nghal ralh.



" Khawnge i pa chu a awm? " Ka tih chuan choka lam a kawk nghal va va



" Anu, a sam chu a mawi em? " A rawn tih leh chuan nui lui sak chungin a mawi ka tih thu ka hrilh a, mahse a mawi hlawllo hi a ni tawp. Hmahruaia hian eng vanga heti ang a cut sak nge anih?




" Duati, lo infiam lawk la, apa bulah ka kal lawk ang aw " Ka tih chuan bu lap lap chungin a toys a khalh zawm leh nghal a, keiin Hmahruaia awmna lam ka pan nghal thung.




" Ka rin aiin ilo thleng hma leh sia... Diklo a awm em ni? " Ka hmel tum bar a hmuh chuan a tih zawm zat a, diklo chu amah hi




" Duati sam saw engtin nge itih ? " Ka tih chuan nui suk chungin " Ka cut " A ti awlsam then a, ka ner nang thung.




" Pangngai deuhin a cut theih loh mi? A chalsam te saw veilam atangjn dinglamah a chhuk thlak saw "lungawi lo lutuk a ka tih chuan a nui chhuak hawk.



" Hmahruai, a nuihzatthlak loh ania, naktuk a birthday a ni a, sawtiang tw chuan miin an nuih vek ang a sin, cut that dawnin a chhing lutuk dawn bawk si " Ka ti hlar a.




Naktuk a birthday anih avangin vawiin lamah ka chhuak a, an pafa in an in awm thung a, kawngka ka luh rual a ka fanu sam ka hmuh khan ka thinrim bawk si, ka nuih a za deuh bawk si. A sam a dar pel tawh kha, a beng hnuaiah a lo tan sak a, chu chu ka hrethiam thei mai, a mawilo hran lo bawk. Mahse a chal sam ber hi! Ka sawi thiam dan chuan a dinglam atangin a chho zawngin a cut chho pawp niin ka hre ber. Veilam a bul deuh mat a, dinglam pawh a mithmul chungah a awm daih.




" Kan fanu harh thit thet zia leh a awm hle hle theihloh zia i hriat kha, sarah-i sam angin ka duh ve a ti reng a, duh ve na na na chu tiin ka tan a, tha deuhin a awm ve mai. Mahse a chalsam ka cut laiin zawhte miau ri a hriat avangin a hawi thut a saw ti sawn a lo chhuak " Nuih insum zet a a tih chuan ka nui tawi tak ringawt.





" A inhmeh em saw, a biang chum zet nen phei saw chuan a lang duhawm zawk daih " A rawn tih leh chuan kan fanu Arabella Lalhriatpuii infiam chu ka en a, a sam chu enge maw kawng zawng tak chuan a inhmeh riau tho. Mahse kan fanu anih avangin keini chuan kan hmu mawi thei mai a, midang tan chuan a nuihzatthlak tho ang.




Naktukah kum thum a tling dawn a, Pathian zarah a kum phu lohin a ruangam a lian bawk. Fiahlo deuh hian a tawng ve niap niap zel a, naupang chiar hiar chi a nilo bawk nen mi lawm a hlawh viau.





Ka hmuiah fawp zauhin a fanu duatlai hrai puar turin a bowl ken lai nen a fanu lam a pan zui nghal chu ka en zui ta reng.





Ka chhungte dik tak ka hriat hnu atangin kum li lai a liam leh tawh. Kan DNA a inmil tih kan hriat ni khan tu mai pawh kha min thawng em em vek, lo inhmu fo tawh mah ila an fanu anga min hmuh leh na hmasa ber anih avangin nghet zet a min kuah chungin ka nu khan min tah khum hawm hawm a, ka pa pawh a mit a hnawm ve chap nghe nghe.Ka chhungte ang chiaha ka lo ngaih thin te kha ka chhungkua tak tak zawk an lo ni reng tih ka hriat khan awmdan ka thiamlo.





Min enkawltu ka nu kha ka chhungte lak atanga min lak hran avangin a thiamlo chu ka ti a mahse ka dem theilo, ka pa khan a hriatpui ve em ka hre lo na chu, ka nu leh pa tak tak bulah hian seilian ta ila ka nun a nuam deuh zawk ang tih mai loh chu an hmangaihna ka dawn a in ang rengin ka ring. Khawsa thei tak kan nilo chung khan ka nu leh pa te khan ka duh leh mamawh min tih hlawhtlin sak lo ngailo.





" Ka hmangaihte u, happy birthday u le " Ka mit ka men rualin Hmahruaia'n a rawn ti sup a, nui seih chungin lawmthu ka hrilh let sap. A fanu bulah ' anu happy birthday ti rawh le' a ti zawm zat bawk.




" Anu, Happy birthday " Ka hmai zawn a rawn nui sen sen chungin pakhatin a rawn ti ve vat bawk a




" Ka vantirhkoh hmeltha te nangpawh happy birthday " A chal a fawp chungin ka ti let ve sap chu a nui ri nghal hak hak.




Apa in a signal zauh rualin ka dul zawnah an insawn thla nghal vat a, rang lutukin ka kawr a hlim chho nghal a, a beng a dawh zui nghal hmiah. Chu veleh ka pum chhung a mi te reuh chuan a u tawhna chu hria ni awm takin a rawn pet ve leh nghal a,Duati a rak nghal tung mai. Zingkarah hi chuan kan beng chheng thei a nia.




Naute thla sarih mi ka pai leh mek a, an pafa hian ka dul hi infiam nan an hmang a ni ringawt. Zingah lah ka harh hmain ka dul an chul an chul zel a, zanah lah chuti bawk. An khawih lai lah hian a rawn che ve ziah leh nghal, a pian hma hauh atangin an inzawmna a tha nghal em em a, a rawn pian hunah phei chuan an inchhun pafa hlawm khawpin ka ring.Duati pawh hi a pa fanu bik liau liau a ni.




Nikum lam khan Aizawlah an transfer leh a, mahse a nauin nupui a nei ve ta bawk nen infin lo in In hrang kan chang ta thung a, In pui nen a inhlat lutuk chuanglo bawk.




Chhungte ho an rawn thleng khawm tak tak a, Duati'n nuam a ti leh hle tawh. Kan pahnih birthday anih avangin kawr in ang deuhin ka order a, Hmahruaia pawn Duati nen a kan kawr hak rawng ang tho a ha ve.




" Pa, Remruata chu a lo thleng dawn tawh em? " Ka tih chuan a phone tur thuin min chhang a, a phone a hmet zui nghal mual mual.




Kan tan chhuah leh a rem tawh loh avangin cake rawn lam kawi turin ka ti a, ka pa te rawn thlengin an ni aia a chhuah hmasak thu an sawi a, a rawn thlen zui ve mai ka rinlaiin a rawn thleng har ta phian.




" Duhsaki a lam kawi lawk a ti anih chu " A phone a off hnuin ka pa chuan nui suk chungin a rawn ti a, ka then zui ve sak. Duhsaki nen hian kum hnih zet chu an inkawp ve tawh, an nghet tha viau bawk chuan ka hria.




Rei vaklo hnuah an rawn thleng ve mai a, Duhsakin min rawn pan vatin present min rawn pe chu lawmthu ka lo hrilh luam a, Remruatan ani ang hmeichhe fel leh nunnem lutuk a thlang chat hi a thiam ka ti viau. An innei har vak pawn ka ring tawhlo.




" Cake in order na neitu te hi i hria em? " Ka bula rawn dingin Remruata'n a rawn ti zawi ruih a. Ka hriat loh thu leh kan order laia a neitu ber a awm loh thu la hrilh nghal zat.



" Phirte nu kha ka hmu a" Nui ro halh chunga a tih chuan ka melh nghal kawk a



" Duhteii maw? " Ka tih chuan a lu a bu nghat,



" A dawr anih kha " A rawn ti zawm leh zat. Hmanni kan order khan a neitunu ber a awmlo an ti kha ania,



"Anih phir te chu... "



" An awmlo aniang, ka hmu tello Duhsangi chiah ka hmu " Ner sak chungin a ti bul hmuk.




Zawhna zawh leh ka tum lai takin Hmahruaia'n min rawn ko a, va kal rawh a tih avangin ka kalsan a. Zawh tur ka la nei nual, nakinah ka la zawt leh bawk ang. Ka beidawn san tawh a tih hnu khan ala zawng zui tho em ka hrelo a,mahse ka hriatah vawikhat pawh a sawi ri leh tawh ngailo.




"HAPPY BIRTHDAY, KA HMANGAIH " A bul ka thlen rualin a ti ril ruih a, kan bula thil phek zet hlai deuh intuam chu kawk zauhin " Present " A nih thu a sawi zauh a, hawng nghal rawh a tih leh sup bawk.




A tuamna chu zawi muangin ka phelh a, uluk zetin min lo en reng bawk.




" Aw Lalpa !! " Lemziak ka hmuh rualin ka hmui ka hup chawt a, ka mittui a tling nghal pam bawk. Engtin nge anih theih zawk?



Ka nu leh pa, min enkawl seilian tu te zawk leh kan fanu chu an lem a lo ziah tlan tir a nih chu! Thla an la ho a maw tih mai turin a tak a ang em em mai leh nghal. Engtin nge a nachang a hriat zawk?




" Ka lawm lutuk e " Ti tiauin ka kuah a, ka hnungaj chul heuh heuhin ka chhip a hmuiin a rawn nawr zui nghal vang vang.



Ka nu leh pa te khan ka fanu hi hmu ve se an hlimpui ve ngawt ang tiin a bulah hian ka sawi fo thin. He lemziak mawi zet avang hian ka fanu hi an hmu ve hman nimaiin ka hre hial.





Tui zet a ka pasal leh a fanu muhil thaw sak sak chu ka thlir a, Duati mang chhe lutuk chu ka nuih pui hak a, a ban phar hiang reuhin a bawp dinglam apa awmah a nghat a, chuti chung chuan tui em emin a la muhil tho. Ka phone phawrh vatin thla ka laksak a, ka la zo ka en chu ka nuih pui nghal vur vur. Ka phone hi an pafa thlalak deuh hlirin a khat, chutiangin Hmahruaia phone-ah kei leh Duati a ni ve thung.




He khawvela mal ngawih ngawih a ka inhriat avanga he khawvel chhuahsan ve daih ka duh lai khan lo ti puitling ta ila hetiang hun hlimawm lutuk hi ka tawng awm tawp silo. Lungngaihna in min hual vel lai khan ka hma hunah tun ang hun hi ka tawng ang tih ka ring lo a,ka beiseilo a ni mah zawk.




Hmahruaia'n " Pathian hian kan chungah chhan neilo in thil a thlen tir ngailo, kan hmalam hunah remruat lawk a neih avangin hreawmna leh harsatna te min pe fo thin" A tih kha a dik zia ka hre chiang tulh tulh.




A hunlai kha chuan hreawm tak a ni, mahse Hmahruaia min fuihna avangin beiseina ka nei thar a, Pathianin min puihna nen tun hun hi ka thleng theiin ka tan a rem a lo ruat lawk hi hmu thei ka ni.




Dawizep takin khawvel ka chhuahsan chak em em lai khan ka nunna lo chhat ta ila ka nu leh pa dik tak ka hre ngailo ang a, ka fanu ngei pawh hi ka nei awm silo. Ka harsatna te a puihna zarah ka tuar chhuah theih avangin ka chan emaw ka tih zawng zawng te kha min pe let leh vek zawk a, Pathian hi chu a tha a ni.




" I muhil theilo mi? " Rawn meng phak chual chung a Hmahruaia'n a rawn tih chuan ka lu ka lo thing vat a, a fanu mut dan chu a hmu ve tih hriat takin a nui suk a " Mangchhe reuh lutuk mai " A ti nghal hluk.




" Ka hmangaih muttui " A rawn tih thawp sup chuan ka nui nghal ver ver a



" Muttui le ka pasal duhtak" Ti chungin mangram lamah ka lut zui ve ta ruai ruai.





29th April min lo hlut sak a min lo chhiar sak thin tu te ka hmangaih riau che u😍😍

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)