HIS LOVE by Elyseen (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HIS LOVE by Elyseen (Completed)

Unread post by Ngaia » May 30th, 2021, 3:25 pm

His Love
Chapter 7(17+)
by Elyseen









"Miss...?? "


Phawk lutuka Jose chu enin "Oh... " ka ti deuh that a. Ka hawi chhuah chuan in kan lo thleng fel der tawh. Ka chhuahna tura kawngka hawn saah chuan ka chhuk nghal a, kawng tluanin Jose thusawi kha ka ngaihtuah vang vek a ni.

"Ka lawm e... " Ti sapin Jose chu ka nuih a, in chhungah ka lut nghal a.

"Mia, eng nge i ei duh ang? " Jessy-in min lo chhawn vat a.

"Ka ril a tam lo. " Ti zawi sapin zawi zetin step lam chu ka pan a.

"Mahse Mia eng emaw tal i ei loh chuan.... " Jessy-in a tih leh chuan sawi zo lo mah se a sawi tum ka hre thiam mai. Ning lutukin ka thaw hak a, eng emaw tal ka ei loh chuan an tan a pawi thei tlat.

"Awle, a nih chuan engpawh a ni mai. Pindanah ka ei thei ang em?? "

"Tehreng mai. Ka rei lo ang.. " Lu bu zeuhin Jessy chu kitchen lamah a phei nghal a, keipawh step vawn chhan zut chho zelin pindanah ka lut a. Ka bag chu khuma theh thlain ka bawk thlawp nghal. Taksa na sawi tur awm si loin ka ni deuh nghulh mai. Ka luak te hi a chhuak deuh run lehnghal. Ka luak chhuak ka ngaihtuah chhuah rual chuan ka thu ngil nghal awt.

Ka tho a, closet-ah hmanhmawh deuhin ka kal a, ka underwear bawm lian tak chu pawt chhuakin a kil lam chu ka dap vat a. Eng emaw ka khawih fuh rual chuan ka thaw huai mai. Damdawi chu la chhuakin ka en a, tun kar chu min daih mai ang a, mahse karlehah chuan lei ngei ngei ka ngai tawh dawn a nih hi. Drawer chu ka nawr lut leh a, closet atang chuan ka chhuak nghal a.

Kawngka kik thawm ka hriat chuan lo lut turin ka ti a. Jessy chuan tray lian deuh tak hian eng emaw a rawn chawi lut a, min nuih sangin dawhkanah chuan a dah a. Eitur tuihnai tak a rawn chhawp rual chuan ka pum a rawn ri ruk nghal. Ka ril a tam lo khan ka hre sia, ava mak ve!!

"Ei tui le.... "

"Ka lawm e.. "

Jessy chhuah hnu chuan ka ei tan a, ka rin ai takin ka ei tui phian. Pi Emily thil siam tui lo a awm ngai tlat lo. Ka ei a tha bawk ka taksa pawh a hma zawng aiin a tha a, ka thau deuh a, ka vun a nung sar mai a. Keimah tawkah ka that lai ber a ni hialin ka hria.

Ka ei zawh chuan inbual turin bathroom-ah ka lut a. Bathtub lum nuam taka ka inchiah meuh chuan ka taksa a dam sawng sawng mai.

Bathroom ka chhuahsan rualin ka phone ri ral ral ka hria a, bathrobe nen khum awmna lamah ka phei a, khuma ka bag chhung atang ka phone chu la chhuakin ka la kang vat a, caller ID ka hmuh chuan ka nui var var phawt a.

"Hello... "

"Vawihnih ka rawn call hman." Mipa âw nem lem lo takin a rawn tih chuan khumah thuin ka bawp ka khawkherh a.

"Ka inbual a. Eng nge ni ta...? " Hahdam zetin ka ti a.

"Zanriah ei dun i duh em? "

"Zantin kan ei dun ziah alawm. "

"Pawnlamah.... " A tih leh chuan ka inngaihtuah a, tunah tak hi chuan ka chhuak chak hlawl lo.

"Aiden, ka chau deuh a, inah kan ei dun zawk mai dawn mi? Nidangah pawi i ti em? " Inthlahrung tak chuan ka ti a. Reilote chhung a reh raih hnu chuan...

"Ka hrethiam e. Ka rawn haw hma dawn nia. " A tih takah chuan ka nui leh ver ver a.

"Aw, nalh deuhin ka lo inchei ang. " A lungawi loh hlauin ka ti leh sap a, min chhang tawh lovin phone a off a. A mize thenkhat hi chu a danglam thei hlawl lo. Zaninah eng nge ka hak ang aw... Phur deuhin closet-ah ka lut a.








Aiden Ford pov


"Karkhat hun i nei? "

"Awle, ka hrethiam e. "

A chhuak nghal a, zaninah haw hmat ka duh avangin ka dawhkana file ho chu ka en zung zung a. Leah hnenah khan Mia nena kan zin chhuahna tur hmun nuam tak zawn nan karkhat hun ka pe a. Kan inneih tirh khan honeymoon hmang pawhin kan zin chhuak miah lo va, chhuah ka phal sak lo zui bawk a, keimah ngeiin hmun nuam takah zin pui ngei ka duh.

"Sir. " Jose a rawn luh chuan ka pen hum lai dah thlain a thusawi tur ngaichang ran chuan ka kut ka suih a.

"Sawi rawh. " Ka dawhkan hmaa a lu a buk rual chuan ka lo ti vat.

"Miss Kaitlyn chuan hma a sawn deuh a, Doctor paw'n beisei aia a harh chhuah hmat a ring bawk. " A tih chuan ka thaw deuh hrawk. Ka duh aiin a harh hma dawn tlat. A harh hma ngeia Mia hian min hmangaih a ngai, keimahah chauh a innghat tur a ni.

"Ruahman ang khan kal zel phawt ang. " Ka inngaihtuah vang vang hnu chuan ka ti a. Harh chhuak pawh ni se ka tan buaina tur dang a awm lo. Ka duh loh ber erawh Mia hi ka lak atang a la hrang ang tih a ni. Chu chu engtikah mah a thlen ka phal lo.

"Awle, ka hrethiam e. "

"SJ kha eng nge chanchin ni ta zel? "

"Tunah tak chuan a awmna tak kan la zawng chhuak thei lo va. Mahse kan hmu thuai ang... "

Ka nui deuh suk a, ka kut hum ruhin Jose chu ka en a. "Min tihbeidawn loh ka beisei. " ka tih leh chuan min en ngam lovin a kun ngal a. Ni e, anni hian min tibeidawng tur a ni lo.

"I chhuak thei ang. "

"Awle." Tiin a inher a, a chhuak nghal a. Ka chair nghenchhan chu nghengin boruak ka hip vang vang a. 'SJ' ka ngaihtuah chhuah rualin ka thinrim tun nghal.



"Aiden.... " Mia evening gown sen duk nalh taka in thuam zaih chuan min nuih ver verin min rawn pan nghal vat a. He khawvela hmeichhe mawi ber a ni hial ang.

"I ril a tam tawh em? " Ka banah rawn chelhin inchungah kan inzui chho a.

"Inbual la, zanriah kan ei dawn nia. " A sam a tukhuma a bawk avang chuan a awm var han chu a lang chiang hle a. He hmeichhia te reuh hian min thlem a tum deuh nge maw ni. A lan dan duhawm lutuk avang chuan ka nui suk a.

"Inbual vat rawh... " Ti lehin bathroom lamah min nawr phei a.

"Hei hi ka lo thlan sak che a. Ha rawh aw... " Ka suit hak tur a thlan sa chu enin ka lu ka bu zeuh a, kalsawn mai a tum rual chuan a kawngah vuanin ka pawt hnai dawr a.

"Tawng na hun min pek ve i tum lo em ni? " A hmui sen no ham mai chu ka kutzungpuia khawihin a mitah ka melh kar a. Mitmeng nalh zet maia min melh let vena chu tawrh a har lam hret a ni.

"Aiden, zanriah ei phawt ang. " A tih sap chuan nui hakin ka thlah a.

"A tha alawm. Pawn lama hruai chhuah che ka tum a, i duh bawk si lo va. Eng emaw tak min pek ngei ka beisei a nia. " Tiin a suit thlan sa chu ka ha nghal a.

"Eng nge...? Engmah ka lei hleinem. " Ka insiam lai min en reng chungin a ti a.

"Mia, i lei kher a ngai lo. " Ka thusawi a hrethiam lo lutuk hmel avang chuan ka nui suk. A hunah a hre ve mai ang.

Ka inpeih hnu chuan kan inzui thla a. Dining room dim raihah chuan inhawitawnin kan thu ran a. Kan hmaa eitur inchhawp chu zawimuangin kan ei a, wine tui tak kan lem sek bawk a. Thil ei lai pawh chuan eng eng emaw sawiin a titi siam siam a, a nui rah rah bawk a. Damdawiina thil thleng erawh a sawi hauh lo. Keiin a hlim hmel chu hmuhnawm ti taka enin a titi pawh chu ka ngaithla ve thung a.


"Aiden, wine hi ka duh leh. " A tawng danah a kai deuh tawh a nih hmel. Ka thutna thawhsanin a thutna lamah ka phei a.

"Mia, i rui lutuk palh ang. " Tiin kaihthawh mai ka tum a, duh lo lutukin ka kut a thing thla nghal. Ani hi ka rin aiin a rui daih mai.

"Ka in leh duh.... " Vin deuh khura a tih chuan tihngaihna hre loin ka nui tawp.

"Mia, i rui tawh. " Ti nghutin a thutna atang chuan ka pawm tho nulh a, a duh lo tal vel te chu engah mah ngai loin pindanah ka chhoh pui a.

"Aiden... Ka in leh duh ka tih chu. " Khuma ka mut rual chuan thinrim lutukin a tal aih aih a, kan in zat a inang reng sia, hetiang em em hian a lo rui hman a nia.

"Mia, min en rawh. " A biangah sawkin min en turin ka ti a, a mitmeng phe deuh chiai chuan min en kar a.

"Aiden, tinge In chhungkaw chanchin min hrilh ngai miah loh a. I nupui ka ni a, hre turin dikna ka nei ve lo em ni? " A thusawi chuan min ti nghing deuh lawihin ka hria. Min ngaihven em em pawha ka hriat loh avangin hrilh hriat kher tul ka ti lo a nih kha. Bakah kan chhungkaw chanchin hi sawi chhuah tulin ka hre ngai lo.

"Nidangah ka hrilh ang che. " Ni e, hre ve turin dikna a nei alawm. A ni hi ka nupui a ni a, a hre ngei tur a ni.

A nui ver ver hmel chu tha tak a ni. A rui meng si deuh sap te chuan a tilang sexy ngawih ngawih.

Chutia ka en reng lai chuan ka nghawngah rawn kuahin min rawn fawp thut a, keipaw'n ka fawp let ve nghal. Duhthaw lutukin min fawp zel a, min rawn hnaih nghal rawk rawkin ka mal chungah a bawp pahnih karin a rawn thu a. A ruih vang nge a duhthaw lutuk tlat, mahse tawp turin ka duh der si lo, tuna a awm dan avang hian ka hlim zawk tlat.

A gown hak chu hnawksak ti niawm takin a sira zipper chu a phelh a, thu chung chuan a mawng kan akin a thawmhnaw chu a lu lamah a hlip chho a, a thawmhnaw phelh mai chu duhtawk lovin min nuih sak a, a bra pawh chu amah ngeiin a phelh leh a. A awmbawr ruak kang, var han mai ka hmuh chuan thaw hakin a hnute chu ka fawp nghal tawn tawn a. Ka samah kekin a rum ham ham a, min nam sawn deuh dawt rual chuan a ngaihna hre lo takin ka hawi chhuak a.

"I thawmhnaw hi ka lo phelh ang. " Nui ver vera tiin ka thawmhnaw chu a phelh a, ka kamis a phelh zawh chuan ka kekawr chu hlih mai turin ka khawih a, ka kut a rawn man bet nghal chat.

"Keiman le.... " Mit siai zeuhin ka kekawr kawng chu a khawih rak rak a, a chet dan avang chuan phurna namen lovin min tuam a, ka kekawr a phelh rual chuan a hnuaia ka hak pawh chu a hlip tel nghal a. Khumah chuan min mut tirin a panty hak lai chu ding chungin zawimuangin a hlip a, min rawn fawp leh tawn tawnin ka malah bawk chuan a rawn thu a, a taksa a tihchet kual vel phei chuan nuam ti lutukin ka rum ri dur dur a, he hmeichhia hi ka ta chauh a ni.

"Eng nge? " A chawlh dat chuan hrilhhai deuh takin ka en a.

"'Manteno' ka duh. Min pe rawh.... " A thusawi avang chuan ka nui ri hawk. He hmeichhia hi rui ang lo takin a che vel a, a tawngkam chhuakah erawh a rui tih a chiang hle thung si.

"He thil hmang hian min thlem i tum tihna em ni? " A mawng chu ka tham deuh hrawk a.

"Thlem i ngai hleinem. Hei te chu i ta alawm, mahse 'Manteno' chu ka duh. "

"I duh chhan?? "

"Nangmah anga thunei taka duh duh huna kal ve ka chak. " Naupangchhia taka a tih chuan a lawmawm reuh lutuk tlat.

"I ta a ni e... "

"Tak tak? Yes.... " A nui ver ver a, a taksa chu ka chung atanga kuai thlain ka bawhbet nghal a, a hmuia fawp zeuhin ka chet chhunzawm nghal a.



( A hnuaiah chapter 8 a awm aw.....)




His Love
Chapter 8
by Elyseen










Mia pov

"Hei hi eng nge.... ? " Aiden chu melh zawkin lehkha chu ka la a, min chhang lovin a coffee chu a tem hlek a. Lehkha ka en chian chuan ka kâ hup nghal chawtin Aiden chu ka melh nghal kawk.

"Eng nge a awmzia....? "

"Khami tihfel nan khan nikhat ka hmang a, tihian i ta a ni e. " A tih chuan sawi tur pawh hre loin ka en reng tawp. Ani hian 'Manteno' min pe a nia, Aiden Ford-an Manteno min pe. Lalpa!!

"Mahse tinge....? "

A rawn ding a, a coat chu lain a ha nghal a. "Min dil a ni lawm ni? I duh apiang chu I nei zel ang... " Ti supin a nui a, ka biangah rawn fawp zeuhin pindan atang chuan a chhuak nghal a.

Lalpa!! Kei hian Manteno hi ka dil a maw, mahse engtikah nge? Lawk.. Hman zan khan ka dil tihna em ni? Kha zan kha ka hre mumal thei tawh bawk si lo. Chi loh lutuk, engvanga dil nge ka nih? Ka ke per vak vakin ka rak vak ringawt.




Nilengin Library-ah hun ka hmang a, lehkhabu chi hrang hrang chhiarin lunch ei hunah ka chhuak zuai a, ka lut leh nghal vat a. Ka lehkhabu chhiarah pawh chuan ka rilru ka pe vak paw'n ka hre lem lo. 'Manteno' ka ta a ni ta ringawt chu awih har ka la ti em em a, ka ngaihtuah zawm reng a ni ringawt.

Tlai lamah chuan pawnah ka tei vel mai mai a, in hnung lama pangpar huanah te chuan ka kal vel a. A changin thla ka la bawk a. Let ka tum lai chuan ka awmna atanga hla lo tea in hnunglam banga kawngka awm chu ka va hmu thut a, nidangah ka hmu ngai miah si lo va. Zawimuangin chu kawngka lam chu ka pan phei dat dat a, ka thlen chuan tala te tak te hian a inkalh tih ka hmu a. Store room aniang ti dawn ila inchhungah pindan hman sen loh a awm bawk si. Chu pindanah chuan eng nge awm tih hriat chaknain ka khat nghal. Ka hawi kual a, tala tihchhiat theihna tur thir emaw chu ka melh kual a, mahse a awm lo. Inngaihtuah chhuak thutin in chhungah hmanhmawh deuhin ka lut a.

"Seri, khawnge Pi Emily? " Chhiahhlawh pakhat chu ka zawt a.

"Thlai rah lei turin a chhuak lawk a. " A tih chuan ka hre chhuak leh chiah. Tun hun hi chu thlai lei tura a kal hun a ni tak e. Amah ngeiin lei a duh thin a.

"A rawn haw veleh min rawn hmu turin ilo hrilh dawn nia. " Tiin library lamah ka chho nghal a. Ka lo nghah chhungin lehkhabu ka chhiar anga a ni mai.



"Mia, min mamawh em ni? " Pi Emily ka hmuh rual chuan ka thutna atanga thoin ka pan hnai nghal vut a.

"Inhnung lama pindan saw I hria tiraw? Chabi ka duh a... " Ka tih chuan phu deuh dawr hmel a pu a, a hmel atang chuan pindanah chuan eng nge awm tih hriat ka chak zual sauh thung.

"Mia, ka kawl miah lo. Sir-in min pe lo va... " Mitmeng pha deuh daia a tih chuan dawt a sawi tih ka hrethiam mai.

"Pi Emily, tunah hian chabi chu ka duh a ni. " Ka ti chang deuh fak a. Hetianga tih hi duh lo mah ila, chabi kawl lo anga a insawina avang chuan kha pindanah khan luh ngei ngei ka duh.

"Mia, Sir phalna lo chuan..... "

"He inah hi chuan ka thu berin ka hria. " Ka ti leh khauh a. A hmela hrehawm tihna rawn lang chhuak chu haider luiin chabi chu ka dil lui tlat a.

Hreh taka chabi min pek hnu chuan ka chhuak vat a, in hnungah chuan ka kal ohei nghal a. Kawngka hawn ka tum lai chuan Pi Emily ka tih dan avang khan ka inthiam lo thar a, engvanga he pindan pawh hi hmuh chak em em nge ka nih tih ka ngaihtuah nawn leh bawk. Hawng lo va let mai ka tum ta zawk a, mahse ka kuta chabi chu ka en a, nakin zela hriat chakna ka neih loh nan he pindan hi ka hawn ngei a tul zawkin ka hria.

Zawimuangin chabi chu ka rawlh lut a, ka herh ri khep a, a inhawn rual chuan ka zam nghal ringawt. Ka chil lem khalhin kawngka chu ka hawng a, hmuar rim rawn chhuak avang chuan ka khuh nghal kharh. Step a lo awm a, ka zawh thla nghal a, maimawm ril zam vel chu ka kutin ka vai deuh nawk nawk a. Step tawpah chuan ka ding vang a, a thim em avangin engmah chu ka hmu chiang thei lo va. Bang ka dap rual chuan eng emaw hi ka khawih fuh a, light on na a nih ringin ka hmet a, ka ring dik chiah. Pindan chu a eng tuar a, ka thil hmuh avang chuan ka hawikual nghal hrek hrek. Banga thlalak intar thup mai te chu hnaih deuh ruakin ka en kual a, Aiden-a te chhungkaw thlalak a ni. Thlalak lian ber chu ka en chiang a, paw deuh mah se a nu hmelthat zia chu a lang chiang em em tho si. A nu leh pa inkara thu Aiden chu ka en chiang a, a hmel atang chuan high school zirlai vel a nih ka ring. A pa hmel rum ul ka hmuh chuan ka ip deuh chawih. Aiden leh a pa chu inang tak an ni. An hmel rum dan leh an mizia pawh a inan ka ring.

"Hetah eng nge i tih? "

Aiden âw avanga phu zawkin ka lehhawi a, ipte zen ruta min melh reng tih ka hmuh phei chuan bang nghengin ka tawlh hnung nghal dawt.

"Ih.... Aiden..... " Tawng ka tum a, mahse sawi tur ka hre lo. Ka thawk a rang a, a thinrim ang tih mawlh chu ka hlau.

"Mia, hetah eng nge i tih? " Dawhthei lo zeta ti lehin a rawn pen hnai a.

"Ih...... Kawngka hi ka hmu.. thut a... "

"Thlalak kha i lo en em? " Min rawn din hnaih ruala dam thlupa a tih chuan thaw dep depin ka en reng a.

"Ka nu leh pa an nih hi. " Rin loh lutuk taka maia pangngai taka a tih chuan angaihna ka hre lo. Nichin lawk khan a thinrim emaw ka ti a, mahse tunah erawh banga thlalak intar chu a en vang vang a.

"Ka nu hian kum 20 ka nihin min thihsan a. "

"... Pawi ka ti. " A thusawi avang chuan ka lo ti sap a, min rawn melh chhuk runin a nui suk a. Ka darah rawn chelhin thlalak en tur chuan min kuai her nghal a.

"Ka pa nen hian kum 8 zet kan inhmu tawh lo bawk. " A hmelah chuan hrehawm tihna ka hmu tel.

"Tinge? "

"Min hmu duh lo. " A pa chuan a nu thih atanga reiloteah a kalsan daih a maw.. Hei hi maw an chhungkaw chanchin chu... A kut ka vawn sak a.

"I ngai thin em? "

"Ka hmu leh duh. " A tih chuan hrehawm ka tihpui takzet. Ka nu leh pa hre lovin ka seilian a, zantin mai min rawn hruai hun ka nghak thin a nih kha. Aiden chu fahrah ni ve lo mah se ka dinhmun aia a dinhmun that bikna erawh a tam hmel bik lo ka ti. A hausa tih loh chu... A mitmenga khawharna lang te chu ka hriat thiam pui ngawih ngawih.

"Hmu leh ngei turin ka duhsak che... " Tia ka nuih seih chuan min rawn en a.

"Ka hmu leh ngei ang. " Tiin a nui ve a.

"Chhuak tawh ila. " A tih chuan ka lu buin kan inzui chhuak nghal a. Khua a lo thim fel der tawh.

"Tinge I lo va haw hma ve... "

"Ka ngai tawh che a. " A tih chuan ka nui sak. Kawngkaa lut mai lovin min pawt ding a.

"Eng nge...? "

"Aiden Ford ngaih ni tur hian ka nun hmasaah khawvel ka chhanhim a ni ngei ang. " Nui hak haka ka sawi chuan nui ve sukin a mitko a san ak a. A hmeltha lutuk hi a mak zawk hial, a nuih hian a tha zual.



__________________________________________

Aiden pov




"Paradise Resort maw? " Laptop chu enin ka ti sup a.

"Aw, hmanni lawka hawn thar a ni a. Paris khawpui daifema awm a ni a, tunah hian Resort tha thlan khawm 20 zingah a tel pha a ni. " Leah.

"Mia duhzawng a ni ang em? " Tia ka melh chuan inrintawk hmel tak hian a hawi sang vah a.

"Sir, Miss Mia chuan a duh ngei ang tih 100% in ka tiam a che. " A tih chuan lungawi takin laptop-ah bawk chuan ka mit a fu lehnghal a. Thlalak atang chuan a that hmel e. Leah a inrintawk chuan rinngam a ni ngei ang.

"A tha e. Karleh kartawp atan ruahmanna ilo siam dawn nia. " A lu bu zeuhin laptop chu a rawn la a, a chhuak nghal a.

Karlehah New York-ah company thil avangin ka kal a ngai dawn a, ka haw veleh Mia zin chhuahpui turin ruahmanna ka siam a, amah phei chu ka la hrilh lo va, thawn thut ka duh vang a ni.

Kan chhungkaw thlalak kha a hmuh ngei tura ka duh vanga kha kawngka pawh kha hliah bo tir lo ka ni a, tunah chuan a hriat duh a hre tawh bawk a, kan inkar a tha sawt a, Mia hian min hmangaih em sawi thei lo mah ila min duhna erawh ka hai bik lo. He hmeichhia hian min duh tawh hle a ni. Ka ngaihtuah zawng ringawt pawh hian hlimnain ka khat thei nia mawle!



"Sawi rawh. " Jose call chu ka pick up vat a. Vawiin hian Mia nen damdawiinah an kal a.

"Sir, Miss Mia chu ka thlah fel tawh e. "

"A that chu. "

"Sir.... "

"Thil dang a awm em ni? "

"Miss Mia khan Coffee lei tur anga insawiin car-a nghak turin min ti a. A rei deuh tak avangin ka va en a, damdawi dawr atanga eng damdawi emaw a lei lai ka va hmu a.. "

"Eng damdawi nge? A dam lo em ni? " Ka thutna atang chuan ka ding nghal hluai. Engvanga a ruka damdawi lei nge a nih? Ani hi na a nei emaw ni le??

"Chu chu ka hre thei lo a ni. A credit card hmanna ka check a, mahse Miss Kaitlyn hospital bill a pekna bak a awm lo. "

Phone chu off in darthlalang atanga khawpui lang tuar lam chu ka hawi a, ka kutkuangkuahin Mia thil tih chu ka ngaihtuah zui a. Jose dawt a hrilh a, credit card hmang lovin cash in a pe bawk a, eng vanga ti nge a nih? Ani hian ka lakah zep a nei tihna.

"Rob, car lo peih rawh. "

"Awle, Sir. "

Ka kut hum ruh vakin office chu ka chhuahsan nghal a. Ka hriat ve duh loh thil a tih ngei chu ka hrechhuak khawp ang.

"Sir, Miss chu Library-ah a awm a. " Chu chhiahhlawh thusawi chu ngaihven lovin kan pindanah ka chho nghal a. Pindana ka luh dawn chuan Library kawngka lam hawiin ka ding phawt a, pindanah chuan lutin ka hawi kual a. Khum bul dawhkan pawhdawh chu pawt hawngin damdawi chu ka zawng nghal a. Hmun dangah pawh chuan ka zawng zel a.

Bathroom-ah lutin ka en kual a, mahse eng damdawi mah ka hmu lo. Bathroom atanga chhuakin Closet-ah ka lut leh a, Mia thawmhnaw inthlep thap te chu ka hai let nawk nawk a, a thawmhnaw khai te pawh dim baksak lovin chhuatah chuan ka paih thla zel a. A la awm lo cheu. Darthlalang drawer lam ka hawi chuan ka nui suk. Drawer chu ka hawng a, ka dap rawk rawk a, a kil lama eng emaw ka dap fuh rual chuan nui sukin ka la chhuak a. Damdawi tablet chu a bawm atanga la chhuakin ka en a.

"Mia Lenin, ka duh loh zawnga i khawsa a nih vaih chuan a pawi khawp ang. " Damdawi chu hum ruh vakin ka phun chhuak nghal hluk.




(Naktuk sunday....... Sa hmeh ni. Ka chawlh aw🤣)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:25 pm

His Love
Chapter 9
by Elyseen









Mia pov


Library chhung chu thlir kualin ka rilru ka kawm melh melh a. Damdawi ina ka hmuh kha tunge tih bawk chu ka inzawt nawn leh thin. A ni kha Aiden-a pa a ni takzet em? Nilo, nilo, a ni thei lo ang, mahse a hmel kha chu thlalak a mi ang chiah a ni bawk si. Aiden-an khatiang thil rapthlak kha a tih theih ka ring lo, ama hringtupa chungah lehnghal. Mahse... Mahse...... Video kha. Lalpa! Eng thil nge thleng ta hi.??

Kaitlyn-i kut vuana ka thut reng laiin pawn lamah thawm a awm a, eng nge thleng tih hriat tuma ka chhuah chuan Jose kawngka bula ding chu nu pakhat hian a lo tah ngawih ngawih mai a. Jose pawh chuan tihngaihna vak a hre bik lo. Tichuan Jose chu chu nu chu hruai a, va ngaihven zui turin ka tir ta ngawt a. Chu nu tap zawih zawih kaia a kal pui hnu chuan keipawh Kaitlyn-i room-ah luh leh nghal mai ka tum a, mahse mipa lian deuh pakhat hian min hmu duhtu an awm thu a rawn sawi a, a tirah chuan ka hlau deuh a, mahse nelawm taka min sawm leh takah chuan ka zui ta a.

"Mia Lenin.. Nge ni a Ford zawk? " Wheelchair a min hnungchhawn zawnga thu chuan a ti thum bul a.

"Min hria em ni? "

"Ka fapa nupui te chu ka hre ve alawm. " Tia a wheelchair a rawn her meuh chuan ka phu deuh dawr. Aiden-a te chhungkaw thlalaka a pa ngei kha a ni.

"Oh.. Tihpalh. " Pangngai tak chuan ka ti chhuak hram a.

"Min la hmu ngai lo va, a awm alawm. Thil pawimawh tak i hriat ngei ngei tur a awm avanga hmu duh che ka ni. " Thutak deuh taka a tih chuan ka awm a nuam meuh lo. Nichina paliana lah kha ka hnung lawkah a ding run mai bawk si.

"Sawi la.... " Ka ti sap a. Aiden-a pa hian engvanga Aiden hmu lo va kei min hmu nge a nih tih chu ka ngaihtuah hmanhmawh a. Eng nge sawi a tum chiah hi ni ang.

"Kaitlyn Gourd hi accident satliah avanga hetianga awm hi a ni lo. "

"Eng nge a awmzia..? " Ka ti nghal vat. Kaitlyn chungchang thlengin a hre vek a maw?

"I pasal duh tak, nilo, ka fapa duh tak hian a neih theih nan che I thiannu hi ti hian a siam a ni. " A thusawi chu awih lo lutukin ka nui hak. Aiden hi mi fel tak ni lo mah se hetiang em em hi chuan a che lo tawp ang, kei min neih duh vang lek phei chuan.

"Mr. Ford, min hrethiam la i thusawi ho te ngaithla tur chuan hun ka nei lo a ni. " Tiin ka nui sak a.

"Min ring lo em ni? " Ka inher rual chuan a rawn ti leh a. Lehhawi zawkin "Ka pasal hi ka ring tawk. " ka ti ve nghut.

Kal sawn mai ka tum a mahse Mr. Ford nui vak vak thawm ka hriat chuan ka ding chawt a, za lutuk tak maia a nuih avang chuan zawimuangin ka lehhawi a.

"Mia duhtak, ka fapa tan chuan bum i lo nuam dawn hle a nih hi. A hringtupa ngei chungah pawh hetiang hi a ti thei a nih chuan kha hmeichhe khawngaihthlak phei kha chu.... I hrethiam mai em? " Min nuihzat hmel taka a tih chuan hrethiam lo lutukin ka en a.

"I chunga a thil tih maw...? "

"Aw, ni e. Engvanga wheelchair a thu nge ka nih I rin? " A ke ka en nghal a.

"A ni lo. Awihawm loh... " Tiin ka lu ka thing nghal nawk nawk.

"Ni e. Ka fapa duh tak leh i pasal duh tak ni bawk sawn kei hi damchhunga kal leh thei tawh lo tur in min siam asin. I awih lo a maw...? "

"Ka awih lo. Aiden-an chutiang thil rapthlak chu a ti lo ang. " Tiin ka la tang ve fan a.

Ka hnunga paliana kha mitmeiin eng emaw a hrilh a. Chu paliana chuan tablet min rawn pein video a play nghal a. Chu video ka hmuh rual chuan ka taksa a khur hlawk hlawk a, ka mittui a rawn luang nghal ringawt. Ka kut khur avangin tablet chu ka thlauh nghal a.

"A ni lo...... " Ka kâ hupin ka lu ka thing a, kha video kha siam chawp a ni ang. Aiden-an khatiang thil rapthlak kha a ti lo ang.

"Mia, a chiang tawh em? He thil ka hrilh chhan che chu fimkhur tura ka duh vang che a ni. I thiannu hetianga siamtu bulah hian awm reng i tum em lo ang chu tiraw? "

"Engtinnge a tih theih.....? " Mahni ka inbia ni maiin ka hria. Kha video-ah khan Aiden-an baseball bat hmanga Mr. Ford-ke a vaw lai ka hmu ngei bawk si. Vawikhat mai duhtawk lovin vawi tam a vua a nih kha. Mr. Ford-a na tuar rak avanga hlim hmel zeta a nui te kha.... Ka ngaihtuah ringawt pawhin ka tim uai uai thei.

"Mia, ngaithla rawh. Aiden-an kei leh Kaitlyn-i chunga a thil tih avang hian nang chauhin i tuar tir thei? "

Mr. Ford-a chu mittui tling kiauin ka melh a. "Engtin.....? "

"I telloin a awm thei lo. " Mr. Ford nui hul hak chu ka melh vung vung a.





"Mia.......? " Jessy âw avang chuan ka ngaihtuahna atangin ka harh nghal hawk a.

"Aw, eng nge ni a? "

"Sir a lo haw tawh a. Tun mai khan in pindanah a lut. "

"A... Aw, min hrilh a, ka lawm e... Ka rawn kal vat ang. " Bah deuh naka ka tawng chuan nui sakin a chhuak nghal a. Ka sam ka zut mam a, damdawi ina thil thleng kha ngaihtuah loh hram tumin ka rilru tihfim ka tum bawk. Ni e, khatiang thil kha ka ngaihtuah tur a ni lo. Tunah chuan ka ngaihtuah tur a ni lo.




"Aiden....? " Kawngka chu zawitein ka hawng a.


"Hei hi eng damdawi nge? " A kuta a damdawi ken lai ka hmuh chuan ka khur titih ringawt. Ka kut tin chu ka sik neuh neuh a, amah pawh melh ngam lovin ka kun tlat bawk.

"Min chhang dawn lo maw? " A âw khauh ru fak chuan min zem chhuak vek a, ka kâ chu ka âng a mahse ka tawng chhuak thei lo. Ka hmel a hmuh chuan a nui hak a. A damdawi ken lohna lam kut chuan a phone a ipte a awm chu a la chhuak a, tu emaw a call nghal, damdawi hming chu sawiin eng nge a nih a zawt a, chutia a tawng lai pawh chuan keimah atang a mit a la sawn chuang lo. Phone a ngaihthlak vang vang hnu chuan rum lutukin min rawn melh a, a mitmenga thinrimna nasa lutuk avang chuan ka tawlh hnung hret hret nghal.

"Mia Lenin, engtinnge i ngam zawk? " Phone a dah thlak rual chuan a ti chang fak. A hmai sen tawn tawn leh a hrawk bawr vel thazam awmdan atang chuan a thinrim hle tih ka hre thei.

"Min chhang rawh. " A rawn tih vin vak rual chuan ka ip chawih. Vawilehkhatah ka ban chu a rawn hmer vak a, na ti lutukin ka te chhuak that. Ka na ti hmel chu ngai thei lo tih hriat lutuk hian ka hmai chu a kut lehlamin na zetin a rawn sawk a. Ka mittui a tling pam tawh.

"Min thlah rawh... " Ka au vak a, min chelhna atang chuan ka tal chhuak nghal. Tawlh hnung dawrin a mitah tak chuan mittui tling pamin ka melh a, he huaisenna hi engtinnge ka neih ka hre lo. A ni paw'n ka chezia chu mak a ti tih ka hria.

"Ka nei ang che ka ti a, mahse i fa ka pai ang tih ka sawi tel lo. " Âw khur der der chuan tap tuauin ka tawng chhuak a. Ni e, he mihring fa pai hi a tir atang khan tumna ka nei lo hrim hrim. Reilote chhung chu ngawi rengin min en a. A hnuah a rawn nui chhuak hak a, a nuih chhan chu hrethiam lo zetin ka melh ve vat.

"Tunah tak khan ka duh lutuk che. Khatiang kha i nih dan tur chu a ni. Aiden Ford nupui chu khatianga kawlh kha a ni tur a ni. " Tiin a nui hak hak a, hmel ngainatawm zet puin min rawn pan hnai a, bang ka ngheng nghal rawk rawk.

"... Min rawn hnaih suh. "Tap tuaua ka tih chuan ngai pawimawh lo zetin min rawn kal hnaih zel a.

"I pasal ka ni alawm.. " Ti lehin nuisangin min rawn hnaih zel a, ka lungphu ri dup dup leh ka tiril khur ru der der avang chuan ngaihtuahna mumal pawh ka pu thei lo.

"Mia, i huaisen hle tur a ni. He khawvelah hian tumah i hlau tur a ni lo, kei tih loh chu.... " A hmel rawn inthlak danglam dawr avang chuan ka meng ngam tawh lo. Min rawn hnaih chawpchilh nghal a, ka taksa si rata a rawn din rual chuan ka hawisawn ve tang tang a. Ka beng bula a rawn thawk lum sak sak phei chuan ka thaw tha ngam tawh lo.

"..... Mahse ka nupui i nihna angin ka fa chu i pai ngei ang. " Ka beng bula a rawn phun sap rual chuan ka meng bial kawk a, hlauhna namen lovin min rawn tuam nghal a.



"Nilo, Aiden..... " Ka phun sap rual chuan ka kut atang min pawt dawrin khum lamah min hruai phei a, ka tang ve tang tang chu ngai thei lo lutukin khumah min bawhbet nghal run a.



"Aiden, khawngaihin, min thlah rawh. " Vawiina thil thleng leh a hmel hlauhawm lutuk avang chuan hlau lutukin ka tap chhuak nghal.

"Mia, i pasal ka nih hi. Ka duh angin ka khawih thei che. "

Ka kawrfual a pawhthler hrawk rual chuan hlau lutukin ka tap khur zawih zawih a. Kha video a chet dan kha ka mitthlaah a rawn lang uar uar a. Ka bra chu hlim chho tawkin ka hnute chu na zetin a rawn tham a. A nat em avangin ka then tlawk tlawk.



"Ka fa pai tum miah lovin nupa nun min lo hman pui a. A rukin damdawi i lei a, i ei a, engtinnge i ngam zawk? " A âw chu a chang tha hle a. Ka hnute a thamna kut chu la thlain ka panty chu a pawt thla leh vut. Ka bawp chipin ka tap zawih zawih a.



"Aiden, khawngaihin...... " Tia ka ngen tang tang chuan a mitah tak en turin ka lu a kuai her a, kan mit a intawn rual chiah chuan kha video a a nuihmel rapawm zet kha a pu nghal.



"No. Hrem lohin i chhuak dawn lo. Nang hian ka fa i pai ngei ngei dawn. "



Ka bawp kuai kakin ka hmeichhiatnaah chuan mi dimna nei miah lovin a rawn lut nghal a. Nidanga min khawih thin dan ang loin min bawh tir a, ka hnunglam atang chuan a rawn che a. A na lutuk chu ka tap chhuak thei tawh lo. Bedsheets ka hmer ngar ngar a, ka taksa mai bakah ka thinlung na lutuk chu tawrh har ka ti takzet. A ni hian min tikehsawm chiang hle a ni. He khawvela ka tihsual lian ber chu Aiden Ford ka lo hmangaih hi a ni.





"Mia, tun atang chuan min ti lungawi lo tawh suh ang che. " A thawmhnaw ha tha mawlh mawlhin ka luah a rawn fawp a. Kawngkhar ri khep thawm a awm rual chuan bedsheet chu tham khawmin ka tap chhuak hawm hawm a. Ka taksa a nat em avang chuan ka duh angin ka tho chhuak mai thei lo. Zawimuangin ka thu chhuak a, ka thawmhnaw thler vek leh ka underwear ka hmuh phei chuan ka ten hluah hluah.



"Aiden Ford, ka haw lutuk che. " Ka theih anga ringin ka rak tuar a. Ka haw takzet.









__________________________________________



"Naktukah New York-ah ka kal dawn a, nihnih hnuah ka rawn haw ang. " A laptop bih ngur chunga a tih chuan chhang lovin ka phone-ah ka bur ve chat a.



"Paris-ah kan kal dawn nia. " A tih leh chuan ka nui chhuak hawk.



"Min pawngsual leh turin maw? " Ngeiawm lutuka ka tih chuan a laptop atanga a mit lasawnin min rawn en a.



"Ka fa I pai theihna a nih phawt chuan ka pawi ti hran lo. "



"Huh.... I fa chu lo pai ta pawh ni ila, ka tihlum duh mai ang. " Nui haka ka tih chuan thinrim lutukin min rawn pan hnai vut a. Ka biangah a rawn sawk nghal tawk a.



"Mia Lenin, I tawngkam kha fimkhur rawh. A nih loh chuan...... " A âw khur atang chuan a thinrim zia ka hre thei, mahse kei hian a ni hi ka hlau tawh bik lo. Tihluihna hmanga min mutpui hnu khan kan inkar a zau sawt hle a. Inah a awm tlem a, keipawh Library-ah ka inkhung ve tlat bawk. Hlim hmel chu sawi loh biak pawh kan inbe ngai lo. Vawikhat mah min khawih leh tawh lo bawk.



".... A nih loh chuan eng nge? I pa I tih ang khan ka ke I vaw tliak ve dawn em ni? " Ka thusawi avanga a mak ti hmel chu a rapawm zawk hial.



"Ka pa I hmu a maw? " A âw chu a zawi hle a. Ka hmai atanga a kut lasawnin a ding ngil a, rilru buai hmel takin a lu a nghawng a khawih a.



"Khawiah nge I hmuh? "



"Sawi rawh. " Ka ngawih reng chuan min rawn vin hrawk a.



"Damdawi inah... "



"sh*t!! A tina che em? A khawih che em? Engtinnge a tih che? " Vawileh khatah min ngaihtuah hmel lutukin ka kut a rawn vuan a. Ka taksa chu a en kual vel a, chutianga a hlauthawng hmel chu ka la hmuh ngai loh avangin Aiden chu chechang lovin ka melh reng tawp.



"Mia, min chhang rawh. "



"Aih...... " Ti sapin ka en a. A mitmenga hlauhthawnna leh hrehawm tihna avang chuan ka lo na ve ringawt. Ka awm dan chu ka sawi thiam lo, he mihring hi ka haw hle a, mahse a mitmeng chuan amah ngaihtuahna min neih tir daih si. Tinge hetiang hian ka awm?



"Mia, vawikhat mah I hmu tawh tur a ni lo. Nang hi ka neihchhun I ni. I hrethiam tiraw? " Aiden mitmeng ngenngawl lutuk avang chuan ka lu ka bu nghut a, min rawn kuah nghalin ka hnung a chul heuh heuh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:26 pm

His Love
Chapter 10
by Elyseen










Ka harh rualin keimah chauhin ka mu tih ka hre hmasa ber a. Khum bula sana ka en chuan zing dar 7 chiah chiah a ni. Aiden hmuh inring deuh takin pindan chu ka en kual a, a hmel chu sawi loh a thawm takngial pawh hriat tur a awm lo. Khum ka thawhsan a, bathroom-ah ka lut a, ka intihfai zawhin closet-ah ka lut leh a. Hetah pawh a awm chuang lo. Ngaihven anga lang duh si lo ngaihven ru reng thoin pindan ka chhuahsan a.

"Jessy....? " Step-ah chuan zawimuangin ka pen thla a. In chu ka en kual vel a Aiden hmel hmuh tur reng reng a awm lo.

"Eng nge ni a? " Jessy kitchen atanga rawn kal phei chu nuihsangin ka din hnaih a.

"Khawnge Aiden hi? "

"Sir chu zingkarah khan a chhuak tawh. Chawhnu lamah New York panin a tlang nghal bawk ang. "

Nizanah khan New York a kal tur thu a sawi tak e, mahse zingkarah a lo chhuak bo daih a maw? Nizanah a taksa ngheng chialin ka muhil a, nghet takin min kuah bawk a, zingah erawh ka thawh hma hauhin in a chhuahsan a. Huh....

"Mia....? "

"Aw.... " Mitmeng pawng deuh dawrin Jessy chu ka melh a.

"Tinge? Thil dik lo a awm em ni? " Min ngaihtuah hmel taka min zawh chuan nui sakin a awm loh thu ka hrilh a. In chungah ka chhoh san lehnghal a.


Aiden nena kan inneih khan hmangaihna vang ni lovin pawisa vang a ni a, chuvanga a fa pai tumna nei lo ka ni. Ka hmangaih miah loh mipa fa chu pai ka tum lo bur a, bakah kan inneih rei ka ring lo bawk. Ka lo ngaihtuah dan kha chuan Kaitlyn-i a dam ang a, kan pahnihin pawisa kan thawk chhuak ang a, Aiden hnenah ka ba ka rul a, tichuan ka zalen ve mai ang tih kha a ni a. Mahse rin loh leh tum loh deuhin Aiden chu ka ngaina ta tial tial a, ka hmangaih ta hial a. Kha damdawi kha ei tumna ka nei tawh lo va, khami ni pawh khan rai lohna tur damdawi ni lovin vitamin pangngai zawk a ni ka lei, chu pawh chu Jessy tan. Mahse ka underwear bawma ka damdawi thuhruk erawh kha chu paih nachang ka lo hre lo va, Aiden-an a hmu ta reng a nih kha. Insawifiah lo va khatianga ka tawngkhum kha engvang nge ka hre thiam bik lo. Mahse khatiang khawp khan ka chungah a che duh ang tih rinna ka neih loh vang pawh a ni mahna. Ka rilru lehlam chuan huat ka duh a, lehlam erawh chuan ka la hmangaih tlat thung si.

Nizana a pa chanchin ka sawi chhuah ruala a awm dan kha ka ngaihtuah chhuak a, ka tho chhuak nghal awt. Mr. Ford-a kut a thlak dan kha rapthlak ka ti nawn leh a, engvanga khati khawpa che kha nge a nih? Engvanga a pa ka hmuh chu hlau em em bawk nge a nih? Aiden hian zep a nei chiang a ni. Mr. Ford-a khan Kaitlyn chetsualna pawh hi Aiden ruahmanna ang veka thleng niin a sawi bawk a, tinge engmah ngaihtuah zui lo va ka lo awm mai mai?




Chhunah chuan eng emaw tal hmuh inbeiseiin inhnuaia Aiden-a study room-ah chuan mi hmuh hlau takin ka lut ru them them a. Tuma'n min hmu lo va ka hriat avangin zawitein kawngka ka khar a. Mahse ka in ve tho a nia, engvanga mi hmuh pawh chu hlau em em nge maw ka nih le. Ka ngaihtuah chian rualin ka thaw huai a. Aiden-a study room chu a zau nuam hle a, engkim mai chu a fai tle sar mai bawk. A study room-ah hian hna pawimawh a neih chuan a khawih chhunzawm mai thin a, vawithum chiah ka la lut bawk.

Bul tan dan tur hre lo takin ka hawi kual a, eng atang hian nge ka zawn tan ang. Banga lehkhabu intiang kulh leh file thenkhat te chu ka en tan a, fel takin ka dah let leh thlap zel bawk. Chhuar pakhat ka en zawh chuan ka beidawng titih der. File te lah chu ka hriatthiam loh thil ngawt a ni hlawm bawk si.


Beidawng ru takin ka hawi kual a, ka thaw hap bawk. Aiden dawhkan hnuaia shelf chuan ka mit a la nghal zat. Phur takin ka pan phei nghal a, shelf chu password hmang hian a in lock a. Ka kut thlan dap chu ka tin ren rawn a, zawimuangin Aiden birthday chu ka chhu lut a, mahse a dik lo. Ka ngaihtuah vang vang a, a birthday lo a tana ni pawimawh dang ka hre bawk si lo. Entirnan- A nu thihni emaw birthday te, mahse chu pawh chu min hrilh miau loh avangin ka hre bawk si lo. Ka kut tin chu zam avangin ka seh ta ngawt a, thil ka hre chhuak zawk.

Zawimuangin number chu ka chhu lut a, a inhawng nghal khap. Kan inneih ni kha a password chu a ni. Shelf chu ka hawng a, a chhungah chuan file dum pali hi a lo intiang urh a, lak mai ka tum lai chuan ka phone a lo ri a. Ka phone chu ka ipte atanga la chhuakin ka pick up nghal a, number tawp a ni.

"Hello."

"Miss Mia Lenin, Kaitlyn Gourd guardian I ni em aw...? " Hmeichhe âw tliang takin a rawn tih chuan "Aw, ni e. Thil thleng a awm em ni? " ka ti nghal a.

"Kaitlyn Gourd dinhmun a tha vak lo va, tun mai khan ICU-ah an nawr lut leh chiah a. A rang lama I rawn kal a ngai a ni. " Chu hmeichhe thusawi avang chuan ka ding nghal a, shelf chu kharin thinphu dep depin room chu rang takin ka chhuahsan a.

"Ka hre thiam e. Ka rawn kal nghal ang. "

Phone chu ka off a, inchungah hmanhmawh taka chhoin ka bag ka la a.
Ka rilrua tawngtai mawlh mawlhin pindan chu ka chhuahsan a, inhnuaiah ka tlan thla a, hall zau tak kalpelin in chu chhuahsan nghal mai ka tum a.

"Mia, eng nge I tih dawn? " Jessy chu enin "Damdawi inah ka kal nghal angai. " ka ti a, chhuah mai tumin kawngka chu ka pawt hawng a.

"Mia, Sir in I chhuah a remti lo a ni. " Jessy-in min rawn hnaih nghal vutin ka hmaah tak a rawn ding a.

"Min dang suh. Tunah hian ka kal ngei ngei angai, ka thiannu dinhmun a tha lo takzet a ni. " Rilru hrehawm tak chuan ka ti leh a.

"Mia, in atang hian chhuak mah la gate I pel thei chuang lo vang. " Kawngka ka hawn rual chuan Gate lian pui bula mipa pali suit inbel thlap te chu ka hmu nghal a. Mangang lutuk tihngaihna hre bawk si lovin ka thaw chhuak hawk.

"Engtinnge ka tih ang? " Ka rilru a hrehawm lutuk chu ka tah a chhuak zawk hial.

"Ka dil mai ang... "

"Mia, sawmi te sawn Sir thu lo chuan an chhuahtir dawn lo che. " Jessy-in fiah taka a tih chuan ka rilruin Aiden anchhia ka lawh nghal a, ka damchhunga mi anchhia ka lawh awmchhun a ni.

"Sir chu hrilh zawk mai la, a lo hrethiam maithei asin. "

"No, Aiden hian engti kawng zawng mahin ka chhuah a remti dawn lo. " Ka rilru tak ka sawi chhuak. Hetianga min vengtu tur a dah thlap a nih chuan dil mah ila a phal dawn lo bur.

"Chhuah ruk dan a awm mai thei. " In chu ka en kual nghal a, hetiang khawpa in lianah te chuan khawi emaw atangin a chhuan ruk theih hrim hrim ang.

"Mia, a tha lo. " Jessy hlauthawng hmel avang chuan chhuah rukna a awm ngeiin ka ring nghet tlat.

"Jessy, khawngaihin min pui hram rawh. Ka thiannu hi ka chan thei lo, ka kal ngei ngei angai. " A kuta vuain ka ngen ngawih ngawih a.

"Min lo zui rawh. " A tih chuan hmanhmawh zetin a kalna lamah ka zui nghal a.

Ka rin ang ngeiin store room atang chuan in a chhuahsan theih a, chuta tang chuan in hnunglamah kan chhuak a, thingkung buk laih sirah chuan chhuah theihna tur kawngka gate tetakte hi a lo awm a.

"Fimkhur rawh aw... "

Jessy chu nuih sakin "Ka lawm e.. " ka ti a, gate atang chuan ka chhuak nghal a. Thui vak lo ramhnuai ang renga ka kal hnuin kawngpui ka pawh a, car rawn tlan hmasa ber chu ka phar a, vanneih thlak takin a ding a. Pitar pakhat hian a khalh a, ka kal duhna leh ka hmanhmawh zia ka sawi chuan min phurh a remti a, lawmthu hrilhin ka chuang nghal a.







Aiden pov

New York-a kal turin ka private jet-ah chuan ka thu ran a. Call ka dawn chuan number ringawt hi a lo ni a, ka off nghal hmak. Mit chhing der derin Mia ngawt ka ngaihtuah a, ani nena kan inkar hi engtinnge ka siam that ang tih ngawt chu ka ngaihtuah a ni. A chunga ka chet dan kha zahthlak ka ti a, pawi ka ti bawk. Mahse a thleng tur chu a thleng zo vek tawh a, a bula pawi ti leh hrehawm ti anga lan kha a tul berin ka hre hek lo.

Number ngai bawk khan a rawn call nawn leh chuan phun hlukin ka la a.

"I nupui awmna I hria em? " Chu mipa nui ri avang chuan thinrim lutukin ka insehruh nghal. Tunah khan Mia chanchin a sawi tihna. Ka hmaa thu Jose chu mitmeiin in call nghal turin ka ti vat a.

"Ka pa duhtak, I dam thin maw? " Tiin ka chhanglet a.

"Ka fapa, ka dam leh dam loh ngaihtuah lovin I nupui ngaihtuah zawk ta che. Tunah hian ka duh chuan a chungah engpawh ka ti thei asin. " A thusawi avang chuan thu hlei thei tawh lovin Jose phone hman lai chu ka va chhuh a, Mia number chhu lutin ka dial nghal a, a ring ral thak chuan thinrim tunin in telephone ka call nghal a.

"Bawiha, min rin loh chuan ka thalak rawn thawn che kha en ta che. " Ka phone a thalak rawn thleng thar chu enin Jose hnenah a phone chu ka pe let a. Mia car chhunga hmeichhe pakhat nena an chuang dun ka hmuh chuan inhumruh vak ka thaw nghal hrawih.

"I kut hmawr pawha I khawih a nih chuan I chunga thil thleng tur I hriat kha. " Ka ti chang fak a. Phone ka off nghal. Hmanhmawh takin Jet atang chuan ka chhuk a, Mia awmna ka hriat nghal angai.

"Sir, Miss Mia chu inah a awm lo. Zawng turin mi ka tir tawh e. "

Ka phone chu hmet kualin Jose ka pe a. A en chuan hrethiam nghalin car in kan inphur chhuak nghal a.

Damdawi in panin chak takin kan tlan a, Mia na tuar tura ka ngaihtuah ringawt pawhin ka thisen a lum thei hial. A phone-a amah chhui theihna ka lo dah kha ka tifuh takzet a ni.

Damdawi in chhungah chuan ka pen lut nghal vut a, lobby a Mia ka lam pana rawn kal mek ka hmuh chuan dingin ka en reng a. Zawi zeta rawn kal pheiin a kun ngal a, a sam hnawk niai leh a chapal bun atang chuan hmanhmawh taka rawn chhuak a ni tih a hriat hle bawk. Zawimuangin a rawn hawi chhuak a, mipui zi nuai nuai kara ka hmel a rawn hmuh chuan a ding nghal chawt. Mitmeng rum deuh takin ka melh a, a bag hrui a zut sek a. A din tlat avangin ka va pan hnai ta zawk a.

"Ka thu loin ilo chhuak a. " A hmaah tak dingin ka ti thum bul a. A mitmeng atang chuan min hlau tih ka hria. Engvanga he hmeichhia hian ka thu awih lo nge a nih ka hrethiam thei lo. A himna hi ka duh ber a ni asin.

"Ih... Kaitlyn-i that loh thu min rawn hrilh a. " Min en lovin hnuai lam a en tlat.

"A tha lo em ni? "

"Aih, tha.... " A tih sap chuan ka thaw ri huk.

"Min rawn zui rawh. " A kutah kaiin ka chhuah pui nghal a. Car-ah chuan thut luh tirin ka lut ve nghal a.

"Tunge a that loh thu rawn hrilh che. "

"Ka hre bik lo.. Number pakhat atangin call ka dawng a. " A phone min rawn pek chuan number chu ka en a, za lo zetin ka nui nghal. Ka pa chet duh dan thing zet chu engtikah emaw ka la rul let ngei dawn alawm. Kaitlyn-i hi a tha lo emaw, danglamna a nei a nih chuan mi zawng zawng aia hre hmasa tur chu keimah ka ni.

"In i chhuahsan theih nan tanpuitu che an awm tih ka hria a. "

Ka thusawi avang chuan phawk hrain min rawn en a. "Aiden, keima duh thua chhuak ka ni. " Mittui tling pama a tih chuan a khabeah dawmin ka en vang vang a.

"Eng nge ka sawi kha? I duh thu emaw a ni lo emaw, ka duh loh anga I che a nih chuan midang ka tina ang ka ti a ni lawm ni? I chhuah theih nana tanpuitu che chu awlsam taka ka awm tir mai mai ring hauh suh. "

"Nilo, Aiden, Jessy engtin mah ti suh. Khawngaihin, a thiam loh a ni lo. " A mittui luang chu ka hruk hul sak a. Nui suikin hmalam ka en san a.



"Jessy.......? " Car atanga a chhuk rualin in panin a tlan vat a. A hnunglam atangin ka en reng thung.

Kan pindan lamah ka chho tlang a. Meeting pawimawh tak ka thulh a, eng emaw tak ka tih a ngai ngei ang le?

"Khawnge Jessy? " Kawngkhar chu na zetin a khar ri thuai a. A mitmeng a sen ram a, a taksa a khur hlawk hlawk bawk.

"Ka hrilh tawh che kha. Ka thu I awih lo a nih chuan midangin an tuar ang. " Ka coat phelhin hahdam zetin couch-ah ka thu a.

"Nang ang mihring ka lo hmangaih thei che hi â ka inti takzet. "

Mia thusawi avang chuan ka thinlung hi a che dawt. Chechang lovin a mitah ka en kar a, a mitmenga min huatna lantir chungin min hmangaih thu a sawi a nia. He hmeichhia hian min hmangaih thu a sawi. Ka chhungril hlim veng veng avangin ka khi sak.

"I â miah lo. Min hmangaih hun tur ka nghah rei tawh zia I hre lo zawk mai a ni. "
Tiin ka ding a.

"No, tunah chuan hmangaih che ka duh tawh lo. Nang ang ramhuai.... Tunah Jessy ka hmu duh. "

"Hremna a tawrh zawhah le.... "

"Min hmuh tir dawn lo maw? "

Tawngkaa chhang lovin ka mitko ka san ak a.

"A tha e. " Tiin zawimuangin a thaw ham ham a. Min hmangaih thu a sawi avanga ka lungphu rang chu a pangngai thei meuh lo. Aiden Ford lungphu tirang theitu awmchhun a ni tih engtikah tak inhria ang maw?


"..... Inchhir suh ang che. "

A thil tih avang chuan ka nghing nghal lawih.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:26 pm

His Love
Chapter 11
by Elyseen









Mia pov


Ka nghawnga chemte chuktuahin Aiden chu ka melh kar a. A mitmeng atang chuan a hlauthawng tih ka hre bawk. Kei hian engtimahin Jessy na tawrh ka phal dawn lo.

"Eng thil nge maw I tih le? " Vin hrawkin min rawn hnaih a tum a. Ka kut lehlamin ka lo dang vat.

"Min rawn hnaih a nih chuan ka inzai ang. " Ka vun pan teah chuan na deuh takin chem hriam zet chu ka nghat a.

"Mia, chemte kha dah thla rawh. " Sehchilh nawka a tih chuan ka nui lui hak.

"Tunah Jessy ka hmu duh. " Ka ti chang fak a.

"Kha chhiahhlawh avang khan intihnat i tum a maw? " Thinrim hlura a tih leh chuan ka rak vak a. Ka awm dan chu keimah paw'n hriat thiam har ka ti. Ka beidawng lutuk a ni ber.

"Tunah ka hmu duh. Aiden, min hmuh tir lo a nih chuan i damchhungin hrehawm ti reng rengin hun i hmang tawh ang. Ka hre vek, nang hi ka tel lo in i awm thei lo. "

"A tha e. Chemte kha dah thla la, ka hmuh tir ang che. " A tih chuan ka lu ka thing a, a mitmeng phi ruai atang chuan thil pakhat ka rinhlelh leh ka beisei ngam bawk si loh chu ka chiang ta. Aiden Ford hian min hmangaih chiang a ni.

Chemte dah thlak ka tum miau loh avangin a thaw hak a. Dawhkana a phone chu la kangin tu emaw a call nghal a.

"Pindanah rawn chhoh tir rawh. " A tih rual chuan ka thaw deuh huai a, kut khur ru der dera ka chemte ken chu dah thla duh rih lovin ka ngaichang a. Aiden-an hriat thiam harsa leh hrehawm tih hmel taka min enna chu hai derin ka ding ngawi reng a.

Kawngka kik thawm ka hriat rual chuan hmanhmawh takin ka hawng nghal a, Jessy tah avanga mit bui luk ka hmuh rual chuan thawveng hawkin ka chemte ken chu ka dah thla a.

"I hliam kha enkawl vat ang che. " Ka chemte ken lai Aiden-an min rawn chhuhin pindan atang chuan lungawi lo tih hriat takin a chhuak nghal a.

"I tha em? " Jessy chu pindanah ka hruai lut a, kawngka ka khar nghal a.

"Pawi ka ti lutuk. " Tia a tah zawih zawih chuan khawngaih lutukin ka kuah bet a.

"Engtinnge an tih che? Na i nei em? " Tiin a taksa ka en kual vel a.

A lu thingin "Mia, ka tha. Engtin mah min ti lo. " a tih chuan ka hahdam huai mai. A mittui luang chu ka hruk hul sak a.

"I nghawng hi a thi a nia. " Ka nghawng ka khawih chuan a thip zawk a, ka mit ka chhing nghal sawk. Nichin kha chuan na ka hre miah lo.

"Tah hian lo thu rawh. First aid box ka'n la ang e... " Couch-ah chuan min thuttir a, first aid box lain ka hliam chu a enkawl nghal a, a kak zau lo va, a thuk lo bawk a, hlauhthawn awm a ni lem lo.

"Pawi ka ti lutuk, keimah vang vek a ni. " Inthiam lo taka ka hliam a enkawl chuan "I thiam loh a ni lo. " tiin ka nuih sak a.










Kawngka atanga mi rawn lut thawm ka hriat rual chuan maimitchhingin ka muhil der nghal a. Thawm a reh vang vang hnua khum a rawn hniam sawt rual chuan ka lungphu a rang ringawt. Ka hnunglam atangin min rawn kuah vang vang a, che lovin ka mu khawng at thung. Ka luah rawn fawp lehin a inlahrang nghal a, min rawn khawih tawh lovin khum sir lamah chuan a tawlh phei nghal a.

Zingkarah ka thawh hmain a chhuak a, zan tlai tak takah a rawn let leh a, a rawn haw hma ve chang pawhin a study room-ah zan tlai tak tak thleng a inkhung ziah thin. Chutiang chuan hun kan hmang a. Nilengin Jessy ka hmuh phakah ka awm tir a, a chhan chu Aiden-an tihnat a tum ang tih ka hlauh vang a ni. Chu in lian takah chuan rilru na leh thinlung ruak takin ka awm ve tawp a.


Hun a liam ve zel a, karkhat tawp chu mi hrang ang maiin kan khawsa tawh. Pi Emily breakfast siam riltam lo zetin ka ei lui hram a, nidanga tui ka tih thin nen tunlai chu ka boruak tawnin a zir hlawl lo a ni.

"Mia, i package tur a lo thleng a. "

"Ka ta tur maw? " Package chu lain ka en a, ka hming a inziak chiang bawk si.

"Awle, ka lawm e. "

Pindanah lutin package chu ka hawng a, a chhungah chuan usb leh lehkha hi a lo awm a. Lehkha chu ka chhiar hmasa a.

"KEI LEH I THIANNU TAN PHUBA LA ANG CHE. "

Lehkhaa thu inziak ka chhiar hnu chuan usb chu laptop-ah ka vuah a, file pakhat chiah a awm a, chu chu ka hawng nghal a.

"Sir, Miss Kaitlyn case chu ka tifel tawh. Miss Mia chuan engtikah mah a hrechhuak ngai lo vang. "

Chu âw chu...... Ka play nawn leh a, Jose âw ngei a ni. Ka ding hluai a, hmana damdawi ina Jose phone hmang ka ngaihthlak ruk tum kha ka ngaihtuah chhuak a.

Aiden-a study room-ah ka tlan thla nghal vat a, dawhkan hnuaia shelf chu ka hawng a, a chhunga file awm te chu la chhuakin ka en a. A hmasa ber chu a company lam thil a niin ka hria. A pahnihna ka keu chuan ka tawp nghal chawt. Ka chanchin engkim inziahna a ni. Fahrah ina ka awm tirh atanga ka chanchin kimchang, ka ngainat zawng leh huat zawng, engkim mai chu a awm kim vek.

File pakhat chu ka keu leh a, ka thil hmuh avang chuan ka kâ ka hup nghal chawt. Kaitlyn-i thlalak chi hrang hrang, a hnathawhna hmuna mi leh kan pahnih thlalak dun te chu a awm vek. Ka keu zel a, a tawp bera ka thil hmuh avang chuan ka rilru a buai nuai a. Kha zan, Kaitlyn-i accident zana hliam nasa tak tuara kawngpuia a let hlawm reng lai thlalak a ni.

Lalpa! Hetianga Kaitlyn-i siamtu chu Aiden ngei hi a ni. Ka mit ngeia finfiahna ka hmuh meuh chuan pawm duh lo mah ila a chiang vek tawh. A thil tih man hi a la hmu ve khawp ang. Ka inhumruh vak a, Kaitlyn-i file chu kengin pindanah ka chho a.







Aiden pov

In atanga call ka dawn chuan meeting lai chhuahsanin in ka pan nghal a. Mia package dawn chu eng nge ni ang a, tu hnen atang nge tih rin dan ka neih lawk sa avangin kawng tluanin ka tang tun a.

Pindan panin ka pen chho pawk pawk a, pindana ka luh rualin Mia couch-a ngawi renga thu nen kan inhmachhawn nghal a.

"Ka rin aiin i rawn thleng har. " A sana bun lai en zeuha a tih chuan ka ding reng a.

"Hei hi eng nge i hre duh tiraw? " Laptop-a file chu a hawng a, a play nghal a. Min huat hmel taka min melh kar chuan ka hmai ka tuai a, a thil play chu off in a rawn ding a.

"I pa min rawn thawn a nih hi. " Min rawn hnaih zelin a nui sak a. Ka rin ang ngeiin ka pa thusawi chu a lo awih fai vek tawh.

"Tichuan kha thil kha ilo awih a? "

"Huh... Ka hmaa finfiahna a awm hnu pawh hian sawi tur dang i hre thlawt lo em ni? " Thlalak a vawm darh chuai chuan ka thaw hawk.

"Hriat duh I neih chuan min zawt tur a ni. Hetianga mi thusawi mai mai awih a, I duh dana che ringawt lo hian. "

"Aiden Ford, ramhuai tenawmpa. Kei min neih theih nana ka thiannu I tihnat hnuin chu chauh chu maw sawi tur I neih a? " Mitmeng huatnaa khata min melh chuan va khawih ka tum a, a tawlh hnung dawt nghal.

"I kut hmawr pawh khan min khawih hlek suh. Nang ang ramhuai, mahni pa ngei sawisa a, ka thiannu thah pawh pawisa lotu.... "

"Mia, Kaitlyn-i chu a la dam, a ni lawm ni? " Ka tawngkam avanga mak ti lutuka min en reng chuan hrehawm ka ti chawpchilh nghal, mahse sawi zawm tur ka hre lo. Ka damchhungin insawifiahna leh ngaihdam dil na tawngkam ka la hman ngai loh avangin engtianga tih tur nge ka hre hlawl lo. Engah mah hmaa min ring lo nghal ringawt chu ka haw hlur.

"I tihsual I pawm bawk a, nang leh kei hi kan inneih reng a tul tawh lo ve. " A mittui hru hula min kal pelh a tum chuan a banah ka chelh a.

"Engtikah mah min kalsan ka phal dawn lo. Tum lui suh.... " Ka ti chang fak a.

"Aiden Ford, ka thei. Ka kalsan bawk ang che. He ina I kianga chen reng ai chuan thih pawh ka thlang zawk. " A thusawi avang chuan ka thinlungah che dawt a awm, hetiang em em hian maw min lo huat a.

A thusawi chu a ti duh tak tak dawna ka hriat avangin ka thawk a sak talh a, a ni hi thi tur anga ka ngaihtuah ringawt pawhin ka na ngawih ngawih thei hial a ni si a.

"A tha e. Hospital epa Building-ah khan I khawsa ang. He in hi I chhuahsan thei ang a, mahse min then emaw kha chu tum buai duh suh. Jose I kiangah a awm reng bawk ang, ka sawi anga I awm lo a nih chuan eng nge ka tih theih I hriat kha. " Tiin ka melh rum al a. Hei chauh hi ka kawng neih chhun a ni.

"Ka then khawp ang che. I duh angin ka awm hek lo vang. " A tih chuan nui lui hakin a ban atang chuan ka pawt thut a, ka taksa a rawn sik rual chuan tal chhuah a tum nghal a, nghet takin ka chelh ve tlat thung.

"Mia Lenin, kei hi min hringtupa ngei pawh sawisa a, ka hmeichhe hmangaih ka neih theih nana a thiannu pawh tina thei mihring ka ni tih theihnghilh hauh suh. " A mitmenga min rapna chu tawrh har ka ti a, ka thlah nghal vut a. A pai dawr dawr a, bang a ngheng nghal dawt.

"I duh hunah I chhuak thei ang. Jose-an a lo nghak ang che. " Vawikhat mah en tawh lovin ka chhuahsan a.




Zan tlai tak thleng ka office a zu ka in hnuin ka haw a. Pindan thim zetah chuan ka lut a, light ka on rualin khum ruak kang ka hmu nghal a, rilru na lutukin ka inhumruh vak a, bang ka hnek nghal chawrh. Zantin mai Mia muhil bam thlira ka mut thinnaah chuan keimahin ka mu meng kar a. Engmah min zawt lovin ka pa thusawi a awih a, min ringhlel a, a rukin ka bungrua a lo hai a, a duh ang thil a hmuh rualin thutawp a siam nghal a. Hrep tak hian...Min rinna chhe te mah a nei hlawl lo. Chu thil ka ngaihtuah ringawt pawh chuan ka na ngawih ngawih a, thinrimna namen lovin min tuam nghal. Ka pa hian he thil a tih man hi a tuar dawn khawp alawm. Mia ka hmuh hmasak ber atang khan kan hun hman dun te chu ka chhui kir a, Mia nuihmel ka mitthla chuan ka nui ver ver a.








After 1 month
Mia pov



"Mia, a hmangaih che a, nang paw'n i hmangaih bawk a. Keimah avanga hetianga in awm hi ka duh lo. Let leh rawh. "

"A teuh lo. Vawikhat mah sawi tawh suh. "

Kaitlyn-i chu lungawi lo lutukin ka melh ngawt ngawt a. Engtinnge a chunga hetiang thil thlen tirtu, vawikhat mah a hmuh pawh a la hmuh loh hnenah chuan let tura min tihtheih zawk.

Kaitlyn-i hi karhnih liam ta khan a rawn harh chhuak a, ka lawm avanga ka tah nasat zia kha aw... Mahse chutiang maiin hospital a la chhuahsan thei lo va, tihian nitin that lam a pan ve bek bek a. Nilengin a bulah ka hun ka hmang thin. Engkim ka hrilh vek a, pasal ka neih dan te leh ka pasal ngei chu amah tinatu a ni tih ka hrilh chuan hrehawm ka ti takzet. Mahse ani erawh chuan awlsam takin a ngaihdam thu a sawi daih si.

Aiden sawi angin hospital ep chiaha building-ah sawn ka cheng a, Jose ka kiangah a awm reng thin bawk. Inthen chu ka la duh fan a, ka huatna kha ka pai dam thei meuh lo. A thil tih pha miah lo va a pawm vang ngawt pawh khan ka haw hluah hluah. Mahse zantin mai keimaha khum ruaka ka mut chang erawh chuan ka ngai a, muhil thei lovin ka tal sek thin. Hmangaihna tak hi chu aw... Kan duha kan thlan theih a ni si lo. Ka mi huat ber hi ka hmangaih ber a ni tlat si.




Kaitlyn-i eitur nurse-in a rawn chhawp chuan a rim ka lo hip vat a, luak chhuak lutukin ka uak nghal tuar. Hmanhmawh takin rest room-ah chuan ka tlan lut a, ka luak teuh a. Ka luak zo ka hawi chhuah rual chuan "A ni thei lo. " tiin ka phun nghal sap.

"Mia, i tha em? Engtinnge i awm? " Kaitlyn-in hlauhthawn hmel taka min tih chuan chhang lovin ka bag ka ban vat a.

"Ka lo let leh ang. " Tiin ka chhuahsan nghal a.

Hmanhmawh takin lift-ah ka chuang a. Damdawi in ka chhuahsan nghal vat. Ka hnunga min rawn zuitu Jose pawh chu ngaihsak loin ka tlan phei hlawp hlawp a.

"Pregnancy test kit?? "

Dawr nghaktuin test kit min pek rual chuan an toilet hman ka dil a.


Thinphu dep depin test kit chu ka la kang a. 'Positive' tin inziak kalh avang chuan lawm avangin ka kâ ka hup nghal chawt. Kei hi ka rai a ni. 'Lalpa, ka lawm e. ' tiin ka tawngtai mawlh mawlh a.




"Miss Mia, I tha em? " Pawnlam atanga Jose âw ka hriat rualin test kit chu ka bag-ah ka khung a.

"Ka tha e. Kal ang. " Tiin ka kalpel nghal a. Aiden hrilh tumna ka nei rih lo a, thla khat chhung tawp ka hmu tawh lo va, ka chet dan engkim Jose kaltlangin a hre vek thei a, mahse ka rai thu erawh hrilh tumna ka nei lo.





"Hello."Lift kan nghah lai chuan ka phone a rawn ri a.

"A tawpa tawpah chuan ka call I chhang ve ta maw..? Rawn hmuh che ka lo rilruk mek a. " Chu mipa âw avang chuan phone chu ka beng atanga la sawnin number chu ka en a, ka thaw hak. En chiang lem lova ka pick up vang a ni. In ka chhuahsan atang khan Mr. Ford-an min rawn biak a tum pawhin ka chhang ngai lo va, ani nena inbiak chhunzawm zel ka duh tawh hek lo.

"Sawi duh I nei em ni? "

"Âw...... Engvanga in chhuahsan ringawt nge I nih ka hre thiam lo a ni. Kei leh I thiannu tan phuba la turin ka ti che. "

"In ka chhuahsan hian Aiden chu a na tawk tawh viau. I duh anga ka chet chhunzawm chhan tur ka hre lo. Bakah ka thiannu chuan a ngaidam thlap.... "

A rawn nui ri hak hak a.

"Mia, â viau teh suh. In chhuahsan kha phuba lakna a ni lo. Min tihnat ang khan i tina ve tur a ni. Chu chu i tih tur a ni. "

"Engvangin nge i thusawi chu ka zawm ang a? "

"Mia, Aiden hi i hrechiang tawk lo a ni. A duh angin engkim a thlen tir thin. Tunah pawh khan Kaitlyn-i amah chauhin i kalsan a ni lawm ni? " Mr. Ford-a thusawi avang chuan hlauhthawnnain ka khat nghal. Lift inhawn rualin ka lut nghal a.

"..... Thawh dun I duh chuan min rawn be dawn nia. " A rawn tih leh rualin phone chu ka off nghal a. Nichina Aiden ang deuh ka hmuh kha amah a ni thei ang em? Tunah hian Kaitlyn-i chungah thil tha lo dang ti turin a rawn kal a maw.. Ka ngaihtuah zawng chuan ka kut ka hum ruh vak a.



"Kaitlyn.........? " Pindana ka luh ruala ka thil hmuh avang chuan chechang lovin ka ding zum at a. Khuma Kaitlyn-i thawk harsa ti zeta tal vak vak bula Aiden lukham keng chunga ding chuan min rawn en a, keipaw'n ka mit lak sawn nachang ka hre lawk lo.

Doctor leh nurse rawn tlan luh rual chuan ka harh nghal kawk. Doctor te chuan Kaitlyn-i chu an buaipui nghal vat a. Aiden chu thinrim lutuka pan phei rawk rawkin insum zo lovin a hmaiah ka beng a. Thinrimna nasa lutuk avanga tha khur der der leh mittui tling pamin ka melh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:26 pm

His Love
Chapter 12
by Elyseen








"Mia........ "

"Ka hming pawh kha lam ri ve tawh suh. " A mitmenga natna te chu haiderin ka ti fak a. He mihring hi hetiang em ema nunrawng a nih ka ring lo lutuk a, tunah ka hmaah a nihna tak a rawn lang ta a, chu chuan min tina takzet. Min hmangaih inti siin ka neihchhun min lak sak a tum a, hei hi ka zawn thin hmangaihna chu a ni lo.

"Enteh, Mia, thil i hresual a nia... " Tiin a lukham ken chu a theh thla a.

"Khawngaihin min lo va chhuahsan lawk ta che u. " Nurse in a rawn tih chuan Kaitlyn-i oxygen hip mek chu enin Aiden bawk ka melh leh a. Ka rilru na lutuk chu puah darh daih ka chak zawk.

"Min rawn zui rawh... " Intithunei taka a tih chuan ka nui hul hak. A chhuak nghal a, awm reng theih ni bik hek lo, a thu anga awm duh lo mah ila ka zui chhuak leh ta nge nge a.

Jose-a chu eng emaw hrilhin a tir bo nghal a. A thil tih avanga pawi tihna a lantir miah lo leh, tha ber awm anga a che kual vel chu ka haw hluah hluah.

"I rawn hmuh ang kha a ni lo. Kaitlyn-i kha....... "

"Ngawi rawh. I kâ khan ka thiannu hming lam miah suh. "

"Mia Lenin, tawhkhirh viau suh aw. "

"Huh... Aiden Ford, khatianga min tawngkhum thei niin I inhria em? " Tiin ka melh kar a.

"Eng nge sawi tura min beisei? Ka thil tih miah loh avanga ngaihdam dil maw...? " Awihawm lo tih hmel zeta a tawng chuan ka thaw a sa pap a.

"Duhtawk ang. Ka be duh tawh lo che. " Ka ti zawi sap a, a kekawr ipte zen ata min en reng lai chuan ka inher a, ka kalsan nghal a. Ka piantirhin nu leh pa duh loh ka ni a, fahrah inah ka seilian a, ka hmalam hun suangtuah reng reng a hun ka hman laiin thil danglam a rawn thleng a, ka nun hi a tan chuan infiamna ang lek a ni si. Tih tur ber hre lovin rooftop-ah chuan ka tei kual sek a. Tunah tak hi chuan Aiden ka huatna hi ka pai dam mai mai thei tlat lo.





"Kaitlyn..... " A mit a rawn men diar diar rual chuan ka thut hnaih nghal vat a. A mitmeng dul raih chuan min rawn enin 'Tui.. ' tiin a phun sep a.

Glass no-ah tui ka thli a, ka thut that tir hnuin tui chu ka pe a. Tuihal hmel tak hian a lem khawlh khawlh a.

"Mia, ani khan ih.. Lukhamin...... " A hmela hlauhthawnna avang chuan ka kuah vat a.

"Ka hria alawm. I tha tawh e. Hlau suh aw.... "

"Mia, eng nge tihsual ka neih a.... Tinge... Tinge hetia min tih? " A tah chhuah rual chuan hrehawm ti lutukin ka kuah nghet sauh a. Engkim hi keimah vang vek a ni.

"Min tihnat a tum leh ang em... ? " Ka inlahrang a, a mittui luang chu ka hruk hul sak a. Tun hma kha chuan ka mittui min hruk sak thin a, ka him thu min hrilh thin. Tunah erawh a inthlak vek tawh. A mittui ka hruk hul sak a, a tan hian chak taka ka awm a ngai.

"A tum tawh ngai lo ang. Ka tiam che.... " Mahni inringtawk takin ka ti sap a. Ni e, Aiden Ford hian engtikah mah a tina tawh ngai lo vang.

"Le..... Lo mu hahdam la. Chhuah lawk ka ngai a, ka chhuah rualin nurse-in a rawn awmpui nghal ang che. Hlauh tur a awm lo a nia... " Tiin ka mut that tir leh a.

"Mia.....? " Kawngka hawnna ka vawn ruala ka hming a rawn lam chuan ka lehhawi a.





"Inhmuh puiah min sawm a, ka lawm hle mai..... " Mr. Ford-a âw ka hriat chuan ka lehhawi a. Thli thaw heuh heuhin ka sam a chhem chu hui kiangin ka bengah ka zep a.

"Engkim min hrilh a, thawh dun ka duh leh duh loh ka ngaihtuah ang. " Inringtawk takin ka ti a.

"Thawk dun lo ta ila Aiden-an i thiannu chunga a thil tih hi engtin nge i rulh let ang? "

"Dân angin ka che ang. " Ka tih chuan a nui hak hak a.

"Mia Bawihi, he ramah hian mihausa te thil tih theih zia i la hre lo em ni? " Elhsen deuh taka min tawngkhum chuan ka nui ve hak a.

"Ka hriat avangin hun pek che ka duh a, mahse i duh lo a nih chuan dân ang chuan ka bei tho ang. "

"A tha e. Eng nge i hriat duh? " Ka nui sak a. Ani hian min hnial dawn lo tih ka ring sa reng a ni.

"Aiden-an ka laka zep a neih zawng zawng hi ka hre vek duh. "

"Ka nupui thih dan thlengin maw...? " Tia min melh chuan ka lu ka bu nghut a.

"Hun kal tawh sawi hi kan chhungkaw tihdan a ni chiah lo va, mahse nang chu ka monu i ni tho a, hre turin dikna i nei ve alawm. " Tiin a âw a thian karh a. Reiloteah a mitmeng chu rilru na tak ang maiin a rawn inthlak nghal a.

"Ka nupui, Betty Ford kha depression in a chenchilh reng a ni a. Theihtawp chhuahin enkawl ve thin mah ila ka hun zawng zawng ka pe thei bik si lo. Tichuan ka zin bo hlanin beisei loh lutuk thil a thleng ta a. Hmuh hlan nghakhlel taka ka haw laiin a thih thuin min thawng ta zawk a. Ka nupui, mite zah rawn, Ford Industries neitunu chu amah leh amah a intihlum a. " A thaw halh a, sawi harsa a tih hmel hle a.

"...... Kan vaia kan tuar em em lai chuan Aiden-a hian ka lakah rilru dang a pu tan ta a. Ani chuan a nu thattuah min puh ta tlat a, a nu a ngai beidawng lutuk khan puhmawh tur a zawng a ni berin ka hria. Ka fapa hian min chhun fuh hle a, a fing a, ruahmanna siam a thiam a, a tumah a chiang thin, eng emaw chang chuan thinlung nei ve lo ang maiin a che thin bawk. Ka ke pahnih min titliah sak a, ka ro zawng zawng tihluihna hmangin min chhuhsak a. Hah leh rim taka ka thawh chhuah industry leh foundation te chu a kutah a awm ta vek a ni. "

Kan pahnih chuan kan ngawi dun vang vang a. "Khati zawng kha a ni e... "

"I ro chu I duh let leh a..? "

"Âw, ka ta an ni a, ka duh let leh a ni. Chu chu min tihhlawhtlin sak ngei pawh ka beisei... " Tia min melh chuan ka mitko ka san ak a.

"Eng nge hlawkna ka neih ve ang? " Ka thusawi avang chuan a rawn nui leh hak hak a.

"I nun a tihchhiat vangin I tichhe ve dawn alawm. Chu chu a tawk lo a nih chuan I damchhunga I hman sen loh tur sum ka pe ang che. " A tih chuan ka khi sak a.

"A tha e. Thawhdunna tha tak kan neih ka beisei. " Tiin kan inchibai a.

"Mr. Ford, chutiang khawpa thil tithei I fapa chuan tunah hian I awmna chin a hre miah lo tihna em ni? "

"Hre lutuk e. A hriat chian em avanga hetia zalen taka awm thei hi ka ni. Ka fapa nen hian kan inang hle ka tih tawh kha, kan hmeichhe hmangaih te an nat kan phal lo va, mi tupaw'n an tina a nih chuan a let kan tawrh tir thin. " Aiden leh a pa chu an lo inchhun fuh takzet a nih dawn hi.

"Kan thawk dun ang a, mahse hun a duh ve deuh dawn tih erawh ilo hre lawk dawn nia. "

"Hlawhtling tur chuan dawhtheihna neih hi a tul reng asin. I plan ka zawt thei che ang em? " Mitko san akin ka nuih ver ver a.

"Lem ka chang dawn mawle. A hnenah ka let leh a, a damchhunga a hlim ber hun ka siam sak ang. Tichuan thih a chak vawng vawng na tur khawpa hrehawmin ka hnutchhiah ang. "

"Alo ring dawn che em ni? Ka sawi tawh ang khan Aiden hi mi fing tak a ni. A lo pawm leh che pawh a ni mahna, mahse ka duh ang hmu tur chuan a rinngamna I mamawh zawk a ni. "

"Min hmangaih tih I hriat kha. Bakah, min rin ngei ngeina tur hmanrua tha tak ka nei... " Tiin ka pum chu ka chul zeuh a.



Tichuan a documents pawimawh ho awmna tura a rin ho chu min hrilh leh a, tuna kan chenna inah saw chuan a awm lo a. Aiden tana in pawimawh tak dang pathum zinga pakhatah tal chuan a awm a ring a, chung in te chu hmuh chu sawi loh an hming leh awmna takngial pawh ka la hre ngai lo. Mahse ka theihtawp erawh chhuah ka tum thung. Kei hian Aiden Ford thinlung hi na takin ka hliam dawn a ni.





Shower hnuaiah chuan ka ding ran a. Ka sam atanga tui luang thlain ka taksa chu a huh vek tawh a. Mr. Ford-a nena kan inhmuh atangin a nithumna chiah a ni a, zanin hi ka chet hun tur chu a ni.

Thawmhnaw inbelin damdawiinah ka kal hmasa phawt a. Kaitlyn-i hnenah chuan ka plan engkim ka hrilh vek a, a tirah chuan a hlauthawng deuh a, mahse ka hrilhfiah hnu chuan fimkhur taka awm reng turin min chah a.

Car-a ka thuh lut rualin "Inah haw ang. " ka ti nghal a.

"Maw.....? " Jose-a mak ti ri chu a nuihzatthlak zawk hial.

"Jose, ka pasal bulah min hruai rawh. " Ka tih leh chuan min chhang tawh lovin car chu a tlan chhuah tir nghal a. Zan boruak nuam tak a ni.

"Ehe... Mia? " Jessy leh Pi Emily-in min hmuh chuan hlim hmel takin min nuihsang a.

"Ka rawn let tawh e. " Ti sapin ka nuih a.

"Ava lawmawm em.... " Pi Emily.

"Mia,....... " Jessy chu a ngawi leh dat a. Ani hi a lungchhe ringawt mai.

"Aiden hi khawiah nge...? "

"Study room-ah a awm. I awm loh atang khan chaw a ei mumal lo va, zan tlai tak takah rawn hawin study room-ah a riak nghal thin. Hmuh theih khawpin a khawsak dan a danglam... " A sawi zawng pawh chuan awihawm loh a tih hmel hle a.

Study room kawngka chu ka hawng a. Light chu a dim ruih a. Couch-a duhdah zeta Aiden-a zu no dawm ran chunga thu ka hmuh rual chuan ka thaw nghal hawk.
A maimitchhing a, a sam a thur bam a, dawhkanah chuan zu bottle ruak hi a lo awm deuh thap bawk.

"Aiden.....? " Room-ah chuan lutin a bulah ka ding a. Zawimuanga a mit rawn mengin min rawn melh a, min hmuh chuan nui hakin "Ka mitthla mai i ni. " tiin a phun sap a.

"Keimah ka ni e.... " Ka tih leh chuan ding vutin min rawn en a. A mitmengah chuan mak a tih hmel hle bawk.

"Mia, i ni tak tak em? Hetah eng nge i rawn tih? "

"Ka inah ka rawn haw. " Nui saka tiin ka din hnain a, a kawngah ka kut rawlh lutin a awmah chuan ka bei thlap a. "Ka ngai lutuk che.. " A lungphu ri dawt dawt chu ngaithlain ka ti leh sep a.

"Keipaw'n....... " Nghet taka min kuah rual chuan ka maimitchhing vang vang a.

"Min haw hle khan ka hre si a. " Min kuahna atanga min thlahin min namsawn a, a mitmeng fing tak chuan min en kar bawk.

"Ka hua che, tunah pawh hian ka la haw reng che. " Ka tih chuan nui hul hakin a inher a, dawhkana zu noah chuan zu thli lehin a tlak nghal pap a. A lan dan chu rilru na tak ang mai a ni.

"A nih chuan engvanga rawn let nge i nih? " Min hnungchhawn a.

"Ka huatna che aia ka hmangaihna che a nasat zawk vang a ni. "

"Huh..... "

"Kal turin min duh em ni? "

"Duh lo... " Ka sawi zawh rual chuan min hnungchhawn reng chungin a rawn ti nghal hmuk. Ka nui sak a.

"Aiden, min en teh. " A kutah vuanin ka kuai her a, ka mitah tak min en theih nan a nghawngah ka kut lehlamin ka khawih bawk a.

"Ka haw lutuk che, ka thiannu i tihnat avangin ka hua che a, ka nun min tihchhiat sak avangin ka hua che a, engkim hi thungrulh vek che ka duh. Mahse ka hmangaihna che hian i laka ka huatna te chu a paih bo hneh lutuk a, zantin hian ka ngai che a, kuah che ka chak a, i mi fawhna te kha ka ngai thin. Ka damchhung hian i hnena rawn let leh hi ka tum ngai lo. Mahse ka thei tawh lo.... Mahni intihrehawm reng renga ka nun hman ka duh lo. I kiangah ka him a, ka hlim bawk a, chu chu ka duh ber chu a ni. Khawngaihin min la hmangaih reng thu min hrilh rawh... "Ngenngawl zeta tiin a mitah chuan ka melh kiau a.

"Mia, ka hmangaih che.... " Reilote hnua a rawn tawng chhuah rual chuan lawm avangin ka nui ver ver a.

"Thil hrilh tur che ka nei a... " Tiin a kut chu ka pum zawnah ka dah a. Ka pum chu ka chul tir a.... Chuta a mitmeng chuan hlimna min thlen thei hial. Mak a ti a, a awih lo hmel mawlh chu...

"Tak tak... Ka ring thei lo. " Ka pum chu a en a, a kut chuan a zut kual a, hlim takin a nui ri hawk hawk a. Aiden Ford-a hlim hmel ka hmuh tawh azawngah a la mawi ber awm.

Ka hmuiah a rawn fawp zeuh a, thingthiin ka pum chu a rawn fawp leh a.

Kan pindanah kan inzui chho a, kawngka a khar rual chuan duhthaw takin kan infawp nghal bawrh bawrh. Kan thawmhnaw te chu thaw hlawp hlawpin kan hlip vat a. Khumah min bawhin ka underwear te chu min hlih sak leh a. A hmui lum ham ham chuan ka hmuiah a rawn fawp leh vang vang phawt a, a nghawng leh ir bawr vel chu fawp thal zelin na vak loin a seh tel bawk a. Ka hnute chu a kut lum taka hum vang vangin a hmur te chu a khawih a. Nuam ti lutukin ka taksa chu ka kân dawr dawr a. Ka dul chu a fawp kual vel a, a nui leh hak a. Hnuai lamah insawn thla zelin ka kap karah a hmai a rawn phum a, tichuan duhthaw takin a che zel a. Ka taksaa a rawn luh rual chuan nuam tiin ka thaw ham ham a. Kan inmamawhna a sang bawk a, kan duhthaw dun ngei mai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:26 pm

His Love
Chapter 13(last)
by Elyseen









After 6 months

"Ka ei dawn lo. " Ka ti hluk a. Dawhkana plate chu ka nawr sawn nghal a.

"Mia, naupang chhia ang khan awm lo teh. "

"Naupang chhia a? A tu phiangsenin nge broccoli hi naute tan a tha tih hrilh che? " Ka vin nghal khur khur a. Nithum chhung chu broccoli ka ei tawh a, ka luak a chhuak hluah hluah. Naute tana tha nia a hriat apiang min eitir tlut tlut reng hi ka hne ngawih ngawih.

"Mia, I tawngkam uluk deuh rawh. " Chhiahhlawh ho en zawkin a ti sap a.

"Ka ei dawn chuang lo. " Ti leh hmukin ka kut ka kuangkuah nghal.

"Eng nge i ei duh? " A tih chuan ka khi ru sak a. Ka chak leh ta.

"Bawngsa.... " Tiin ka melh no raih a, a khi ve suk.

"Ka chhuah a hun tawh sia, tlaiah kan ei chhuak mai dawn em ni? "

Phur deuhin ka khabe ka dawm a, "Um, mahse inah chuan ka duh lo. Hmun dangah ei chhuak ang... " ka ti leh a.

"Khawiah nge ei i duh? "

"Ka'n ngaihtuah ang e. Mipui tamna ni lo, mahse hmun nuam tak ni si..... " Tiin chunglam ka melh vang vang a, ngaihtuah chhuak thut angin ka meng bial kawk a "Aiden, helai hmun lo hi in dang i nei lo em ni? "

A mitko san akin tui a in a, chumi hnu chuan min rawn enin a nui leh suk a. "Ka lo la hrilh lo che a, mansion dang ka la nei a, I ta ve tho a ni e. A address ka rawn thawn che ang a, I duh ilo thlang dawn nia. "

Ka lu buin ka nui ver ver a. Ka bianga min rawn fawp zeuhin min thawhsan a. Building tam tak a nei tih ka hria, mahse mansion erawh a dan a dang thung. Chung a mansion te chu ka hmuh ngei ngei a ngai tlat.

Aiden ka thlah liam hnuin zawimuangin ka lut a.

"Ni chiah. Sir hi a khawngaihthlak ka ti letling zawk. " Hall-a pangpar ho hru faia titi te chuan min rawn hmu ve lo va.

"Miss Mia hi a duh em a, hetiang em ema Sir vin phara, a duh anga tikawi thei hi ka la hre ngai lo. "

"Mia....? " Jessy-in min rawn koh rual chuan chumi te chu an rawn hawi a, min hmuh rualin an kun nghal a.

"Aw, eng nge ni a? " Pangngai takin Jessy zawk chu ka chhang a. Chumi te lam hawi chuan ka nui suk a, Jessy nen inchungah kan inzui chho nghal a.

"Jessy, an sawi ang kha ka ni tak tak em ni? Aiden hi ka tikhawngaihthlak em ni? "

"An thusawi kha i ngai thutak a nih kha. Engah mah ngai suh. " Nui sen sena a tih pawh chuan ka hmui tipawrhin ka thaw hak a.

Ka naupai avang hian ka thin a chhe em em a, ka sual bawk. Engkim hi ka duh dan ang thlapa kal tir vek ka tum a, hetiang mizia ka nei hi keipaw'n mak ka inti ve tho. Mahse ka chungah Aiden a tha em em reng a, min dawhthei a, min insawizawi pui a, engkim chu ka duh danin a ti thin. Vawikhat mah tawngkam vin emawin min be ngai lo. A ngaihdan a ni lo deuha ka hriat chang paw'n ka chungah a tilang ngai lo. Hetiang khawpa mipa danglam leh dawhthei a ni ang tih rin ngaihna ka nei bik hek lo. Ka pum puar luah chu enin ka khawih a, a lian ve viau tawh nain ka fit hle thung.

Ka phone ri avangin ka phu deuh zawk a. Caller Id ka hmuh chuan Jessy chu nuih sakin "Ka'n chhang lawk ang e aw... " tiin pindanah ka luh san a. Pindan kawngkhar chu uluk takin ka khar a, balcony-ah chhuak nghalin balcony kawngkhar darthlalanga siam pawh chu ka khar leh thlap a.

"Ka rawn biak loh che chuan min rawn be lo turin ka ti che a ni lawm ni? " Thinrim takin ka ti chang fak a.

"Mia Bawihi, i reh rei em a tin ni. Rawn be lo thei lo chein min siam alawm. " Dam thluama a rawn tih chuan ka maimitchhing a.

"Thu lawmawm sawi tur ka la nei lo. "

"I chet hmanhmawh a ngai. I let leh tawh a, Aiden-an ka chunga kut a lek loh chhan tur a awm tawh hauh lo a nia. Bihruk reng hi ka hne tawh tih hre bawk la... "

Ka msg tone a rik chuan phone chu ka beng atanga la sawnin msg chu ka open a.

"Lo lungngai suh. Kartawpah chuan i duh ka neih theih tawh ka beisei. " Ka ngaihtuah zawng ringawt pawhin ka hlim veng veng thei hial.

"I titha lutuk e.. A ringhlel miah lo che maw? "

"Mr. Ford, min la hrechiang tawk lo a ni. Kaitlyn kha lo enkawl tha ang che. " Tiin phone chu ka off a, Aiden msg a mansion pahnih te address chu ka en vang vang a, in hawnna tur password pawh min rawn thawn thlap bawk.

"Naute, lo nghak hram hram rawh aw. A tawp vek tep tawh e, hlim takin kan awm tep tawh... " Ka pum chulin ka naute chu ka bia a. Tun kar chhungin engkim ka chingfel ngei ang.




"Wow...... " Mansion kan thlen rual chuan ka kâ ka âng huau a. Ka kuta vuantu mipa chu nghet takin ka vuan let ve a.

"I duhzawng a ni em? " A tih chuan a hmuiah ka va fawp zeuh a.

"Tinge min hruai vat loh? " Titau âw tak hian ka ti leh a.

"Hun a awm lo em a, pawi ka ti. " Tiin inchhungah chuan min kai lut a. Kan in ai kha chuan a te deuh zawk a, mahse engkim mai chu a changkangin a thengthaw nuam hle a, tuipui kama awm a nih avangin a boruak pawh nuam tak a ni.

Zanriah tuihnai tak kan kil dun a, min vil run thintu an awm ta lo chu ka veng deuh hawk mai.

Zanriah kan ei zawh hnuin master bedroom nuam takah kan thu dun ran a. Pawnlam atang boruak a rawn thaw lut heuh heuh a.

"Aiden, kan haw dawn lo em ni? "

"Helai hmuna riah hi i duh lo em ni? " Tiin min en deuh vang vang a, ka chhan hmain ka hmuiah a rawn fawp nghal a. Khumah min kuai tluin ka taksa chu a fawp kual dan dan a.


Aiden tui taka muhil thaw sak sak chu ngaichang ranin ka tho chhuak them them a. Pindan atang chuan ka chhuak a, zawimuangin kan awmna pindan opposite a room-ah chuan ka lut nghal a. Helai hmun kan thlen tirh khan ka fang kual vek tawh a, he pindanah chiah hian lehkhabu leh shelf a awm.

Shelf changkang tak chu password hmanga lock a ni a. Kan inneih ni bawk kha ka chhu lut leh a, ka zam avangin ka kut a thlan deuh dap bawk a. Mahse.... A inhawng tlat. Ka nui sak a, engvanga Aiden hian kan inneih ni hi ngai pawimawh em em nge maw a nih le. Shelf chhunga file hrang hrang te chu uluk taka khawihin ka en a. Ka duh ka hmuh rual chuan mahniin ka nui leh ver ver phawt a. Shelf chu uluk taka kalhin pindan atang chuan ka chhuak nghal a.

"Mia.....? " Aiden hmel ka hmuh rualin ka phu nghal dawrh.

"Mia, eng nge i tih a? " Ka rawn chhuahna pindan chu melh pahin min rawn pan phei a.

"Ih..... Ka tui a hal a, chuan he pindan atang hian thawm a rawn chhuakin ka hria a, en tumin ka kal a nih hi. " Ka dawt sawi avang chuan ka thin a phu nghal dawt dawt.

"I hlau em ni? " Ka dara rawn chelhin min nuih a, ka lu ka bu nghal vat vat.

"Hlauh tur a awm lo a nia. He inah hian nang leh kei chiah kan lut thei alawm.. Hawh, mu leh tawh ang. " Tiin min kai sawn nghal a.



"Jose, vawiin chu Jessy nen kan chhuak dun ang. " Thutawp ka siam hmak avangin Jose chuan min hnial lui bik lo va. Jessy nen chuan TJ Mall-ah min drop a. Kan mamawh huna koh theih turin parking-ah min lo nghah tur thu erawh a sawi hram kha. Aiden nau rinawm hi tirh bo mai mai a harsa a ni.

"Jessy, ka kal a ngai. "

"Mia, eng nge a awmzia? " Hmanhmawh taka ka kai phei hlawp hlawp chu mak tih hmel takin min en a.

"Lo bazar la, i duh duh lo lei rawh. Ka rawn let har lo ang. " Tiin mall hnunglama chhuahna lam chu ka pan san a.

"Mia......? " Jessy chu a hlauthawng tih ka hria, a ngaihna hriat loh hmel taka min en reng lai chuan ka kalsan ta daih a. Tun baka hun tha hi ka neih leh tawh dawn loh avangin chet ka lak ngei ngei a ngai.

Taxi-ah lutin ka kal duhna ka hrilh nghal a. Ka kuttin seh neuh neuhin thil ka ngaihtuah ut ut a. Darkar chanve aia rei kan tlan hnu chuan kan thleng a. Driver chu min nghak tura tiin mansion-ah chuan awlsam tein ka lut a. Thawm dim lo tak leh fimkhur lem lo takin ka che nghal vut vut a, pindanah lutin shelf chu ka hawng a, ka file duh ngei mai chu ka la chhuak a. Nui sukin in chu ka chhuahsan a. Ka pum bawk chul lehin "A tawp a hun tawh e.. " tiin ka phun sep a.


"Jessy..... " Jessy rilru hah hmel taka ka kalsanna hmuna ding reng ka hmuh chuan ka pan hnai a.

"Awi Lalpa, Mia, eng thil nge maw I tih le? " A hlauthawng hmel chu nuih tiza tham a ni.

"Engkim a tha vek tawh e. Jessy, engkim ka chinfel hunah ka bulah i rawn kal ve duh ang em? "

Hriatthiam loh hmel takin min en a. "Mia, eng nge maw sawi i tum le? "

"Aiden hi ka kalsan dawn. Ka kianga hruai ve che ka duh. " A kâ hupin a meng bial kawk a.

"Mia, i ti thei lo ang. Sir hi i kalsan chuan a dam zo lo ang. "

"Chu chu alawm ka duh. " Tia ka nuih seih chuan mitmeng buai nakin min en reng ringawt.













Ka tarmit vuah lai la thlain ka hmaa mipa lian tak pali vel ding run chu ka melh kual a. "Mr. Ford ka hmu duh. " Ka ti chang nghal fak. An inenkual phawt a, a ngaihna an hre lo hmel avang chuan ka thin a rim hlur thei nia mawle. Hetiang em ema dawhtheihna ka tlachham ta mai hi hriatthiam a har a ni.

"Min rawn zui rawh.. " Paliana kha inchhung atanga rawn chhuakin amah zui turin min rawn ti a. Mipa pali te chuan kawng min lo kian nghal a. Chu hmun workshop ang reng deuh tak bal takah chuan Paliana chu ka zui lut a. Ka hnungah kha mi pali zinga pahnih khan min rawn zui ve nghal bawk a.


"Ka lo beisei reng che a... " Mr. Ford nui rah rah chu nuih let ve sakin chair-ah chuan ka thu nghal a.

"Ka naupai avang hian ka ding rei thei lo va. " Inthlahrun hmel takin ka ti sap a.

"Ka fapa tana i hlut dan tur chu ka man thiam e. " Ka pum en vang vangin a ti leh a. Chutah inngaihtuah harh thut ang maiin ka mitah min rawn en a, a wheelchair nena min rawn panin ka hma lawkah a rawn tawo chawt a.

"I rawn hlawhtlin ka beisei. " A tih sup chuan ka lo khi sak thung.

Ka bag chu ka zen rak rak a, file chu la chhuakin Mr. Ford a ban phak maiah chuan ka lek kang a. Phur hmel taka ka kut atanga rawn lak a tum rual chuan ka kut chu ka la let nghal vut a.

"Pawisa min pek tur kha ila hre reng ang chu tiraw? "

"Mia duhtak, i duh aia tam ka pe mawlh ang che. "

"Kei leh ka fa, Kaitlyn-i leh Jessy nen Aiden lak atanga min venhimna ka duh bawk ang. " Ka tih leh chuan a nui ri hak hak a.

"Rosum leh nihna ka neih phawt chuan Aiden chuan a kut hmawr pawhin a khawih ngai lo ang che. " Inringtawk taka a tih chuan zawimuangin File chu ka pe a. A la nghal vat a, file chu enin a nui ri hak hak a. Phur hmel taka file a keu lai chuan hmuh hmaih hlau ang hrimin ka melh reng a.

File chu a keu a, phek tin chu a keu a, a mitmeng chu rawn inthlak danglam hlawkin file chu dim baksak lovin a keu ta vak vak a.

"Hei hi eng thil phiangsen nge? " Thinrim sehchilh nawka min enin a vin khur khur a.

"Mr. Ford, kha kha i lehkha duh chu alawm. " Pangngai takin ka ti sap a.

"Min bum i tum khanglang elaw...? " File a pain darh rual chuan ka kut bengin ka nui vak vak a.

"Tum teh suh e. I mit tifiah kawk tur thil ka pe mai che a ni. "

"Nang hi..... Hmeli, min phatsan a maw? Tuma'n min phatsan ngai lo. " A vin leh hrawk a. Thei chu nise min thah mai duh hmel a pu.

"Mr. Ford, I hresual deuhin ka hria. A tir atang khan thil thuhmun tum kan nei lo hrim hrim a, ka phatsan che ni lovin kan thawkdun ngai lo zawk a ni e. " Nuihsawh hmel takin ka en a.

"Huh.... I huaisen mah mah a ni. Hmeichhe satliah ve mai mai. I hmangaih em em I thiannu leh kha i fa chunga ka thil tihtheih hi i hre lo a ni. " A bula paliana chu a melh zeuh a, chu paliana chuan min rawn pan hnai nghal a. Ka thutnaah chuan hahdam taka thuin Paliana rawn kal hnai min rawn khawih tum chu ka kutin ka lo dang a. A tawp nghal chawt.



Ka thutna chu thawhsanin Mr. Ford a bulah chuan ka va ding a, kun hniamin a beng bulah ka phun sep a.

"Hmeichhe satliah i tih hi i hrechiang tawk lo a ni. " Tiin a hma zawnah ka ding a. Mak ti taka min en reng chuan ka nuih let ver ver a.

"Ka pasal phatsanin nang hi ka puih duh che i ring em ni? I thusawi phuahchawp hmang khan min hneh mai theih i ring a, i tisual chhiava a ni. "

"Eng nge maw in la tih le? A kâ hi chip tir ta che u... " A nau te ho chu enkualin a vin hrawk a.

"Anni hi thu ka pe a nih loh chuan an che eih lo ang. " Ka thusawi avanga a mak ti hmel chu hmuhnawm letling zawk tak a ni. "Engvanga hei leh chen zalen taka leng thei nge i nih i rin a....? " Ka tih zawm leh a. Chair-ah chuan thu lehin Mr. Ford hlauthawng taka meng buai nak chu ka nuih sak a.







__________________________________________
(Flashback)




"Kaitlyn..... " A mit a rawn men diar diar rual chuan ka thut hnaih nghal vat a. A mitmeng dul raih chuan min rawn enin 'Tui.. ' tiin a phun sep a.

Glass no-ah tui ka thli a, ka thut that tir hnuin tui chu ka pe a. Tuihal hmel tak hian a lem khawlh khawlh a.

"Mia, ani khan ih.. Lukhamin...... " A hmela hlauhthawnna avang chuan ka kuah vat a.

"Ka hria alawm. I tha tawh e. Hlau suh aw.... "

"Mia, eng nge tihsual ka neih a.... Tinge... Tinge hetia min tih? " A tah chhuah rual chuan hrehawm ti lutukin ka kuah nghet sauh a. Engkim hi keimah vang vek a ni.

"Min tihnat a tum leh ang em... ? " Ka inlahrang a, a mittui luang chu ka hruk hul sak a. Tun hma kha chuan ka mittui min hruk sak thin a, ka him thu min hrilh thin. Tunah erawh a inthlak vek tawh. A mittui ka hruk hul sak a, a tan hian chak taka ka awm a ngai.

"A tum tawh ngai lo ang. Ka tiam che.... " Mahni inringtawk takin ka ti sap a. Ni e, Aiden Ford hian engtikah mah a tina tawh ngai lo vang.

"Le..... Lo mu hahdam la. Chhuah lawk ka ngai a, ka chhuah rualin nurse-in a rawn awmpui nghal ang che. Hlauh tur a awm lo a nia... " Tiin ka mut that tir leh a.

"Mia.....? " Kawngka hawnna ka vawn ruala ka hming a rawn lam chuan ka lehhawi a. "Nichina min tihnat tumtu kha Aiden a ni lo. Ani kha chuan min rawn pui zawk alawm... " Kawngka hawnna chu thlahin Kaitlyn chu ka en reng a. Hrehawm tihhmel tak hian a thaw vang vang a.

"I lakah hian zep ka nei a ni. "

"Eng nge? " Ka ti chuai raih nghal.

"Mia, kha zan khan, kha motor khan min zui ngei a, mahse ka chunga hetiang thil thlen tirtu hi Aiden a ni lo. Min tihnat chu a tum ngei a ni maithei, mahse hetianga ka awm chhan chu keimah vang a ni. "

"Kait, Aiden hnena ka let leh theih nana khatiang kha sawi i nih chuan..... "

"Nilo, Mia, ka ti takzet. Intihhlum ka tum alawm. " Engkim chu a reh nghal dukin ka hria. Kaitlyn-i chu a maimitchhing nghal a. He khawvel mihring ka hriat tawh azawnga fel leh tha ber hian intihhlum a tum a maw? Mahse tinge....? Engmah chu ka hre thiam hlawl lo.

"Tinge.....?? " Ti zawi sapin khum bulah chuan ka kal phei a.

"Mia, ani khan min tichhe vek a ni. Min hmangaih thu sawiin a tan ka engkim ka hlan a mahse ani chuan min phatsan leh thung si. Lo let tura ka ngen lawm lawm pawh khan hnawmhne ang chauhin min en a, ka taksa chauh a duh thu kha chiang takin min hrilh a. Ka nuna ka mipa seng luh hmasak ber leh ka khawvel tluk hiala ka ngaih khan bawlhhlawh tlukah pawh min ngai si lo. Mia, ka tuar zo thlawt lo a ni. Vawi tam tak hrilh che ka duh a, mahse mithianghlim ang maia i en leh i zah ngawih ngawih mihring hi engmah ka ni lo tih ka hrilh ngam thlawt lo che. Kha zan khan beidawng takin ka awm a, ka sawi chhuak thei bawk si lo. Car khan min zui reng tih ka hria a, khalai hmun reh laiah khan ka ding ran a, chak taka a rawn tlan khan ngaihtuahna mumal ka nei lo. Ka tlan thut a, khatiang kha a thleng ta a ni. Mia, min ngaidam rawh.... " Kaitlyn-i chu ka kuah nghal a, a tap zawih zawih a, keipawh ka mittui luang avangin ka hnar a ping a. Awih harsa ka tih em avangin ka hmui ka pet ngawit ngawt. Harsatna a tawk a, a tan ka awm si lo. Ka neihchhun a ni a, a neihchhun ka ni ve tih ka lo theihnghilh a ni.

"Nilo, keimah hi min ngaidam rawh. Pawi ka ti lutuk, ka lo ngaihven tawk lo che a..... " Kan pahnih chuan kan insut hlap hlap a.













"Aiden.....? " Room-ah chuan lutin a bulah ka ding a. Zawimuanga a mit rawn mengin min rawn melh a, min hmuh chuan nui hakin "Ka mitthla mai i ni. " tiin a phun sap a.

"Keimah ka ni e.... " Ka tih leh chuan ding vutin min rawn en a. A mitmengah chuan mak a tih hmel hle bawk.

"Mia, i ni tak tak em? Hetah eng nge i rawn tih? "

"Ka inah ka rawn haw. " Nui saka tiin ka din hnain a, a kawngah ka kut rawlh lutin a awmah chuan ka bei thlap a. "Ka ngai lutuk che.. " A lungphu ri dawt dawt chu ngaithlain ka ti leh sep a.

"Keipaw'n....... " Nghet taka min kuah rual chuan ka maimitchhing vang vang a.

"Min haw hle khan ka hre si a. " Min kuahna atanga min thlahin min namsawn a, a mitmeng fing tak chuan min en kar bawk.

"Ka hua che, tunah pawh hian ka la haw reng che. " Ka tih chuan nui hul hakin a inher a, dawhkana zu noah chuan zu thli lehin a tlak nghal pap a. A lan dan chu rilru na tak ang mai a ni.

"A nih chuan engvanga rawn let nge i nih? " Min hnungchhawn a.

"Ka huatna che aia ka hmangaihna che a nasat zawk vang a ni. "

"Huh..... "

"Kal turin min duh em ni? "

"Duh lo... " Ka sawi zawh rual chuan min hnungchhawn reng chungin a rawn ti nghal hmuk. Ka nui sak a.

"Aiden, min en teh. " A kutah vuanin ka kuai her a, ka mitah tak min en theih nan a nghawngah ka kut lehlamin ka khawih bawk a.

"Ka haw lutuk che, ka thiannu i tihnat avangin ka hua che a, ka nun min tihchhiat sak avangin ka hua che a, engkim hi thungrulh vek che ka duh. Mahse ka hmangaihna che hian i laka ka huatna te chu a paih bo hneh lutuk a, zantin hian ka ngai che a, kuah che ka chak a, i mi fawhna te kha ka ngai thin. Ka damchhung hian i hnena rawn let leh hi ka tum ngai lo. Mahse ka thei tawh lo.... Mahni intihrehawm reng renga ka nun hman ka duh lo. I kiangah ka him a, ka hlim bawk a, chu chu ka duh ber chu a ni. Khawngaihin min la hmangaih reng thu min hrilh rawh... "Ngenngawl zeta tiin a mitah chuan ka melh kiau a.

"Mia, ka hmangaih che.... " Reilote hnua a rawn tawng chhuah rual chuan lawm avangin ka nui ver ver a.

"Thil hrilh tur che ka nei a... " Tiin a kut chu ka pum zawnah ka dah a. Ka pum chu ka chul tir a.... Chuta a mitmeng chuan hlimna min thlen thei hial. Mak a ti a, a awih lo hmel mawlh chu...

"Tak tak... Ka ring thei lo. " Ka pum chu a en a, a kut chuan a zut kual a, hlim takin a nui ri hawk hawk a. Aiden Ford-a hlim hmel ka hmuh tawh azawngah a la mawi ber awm.

Ka hmuiah a rawn fawp zeuh a, thingthiin ka pum chu a rawn fawp leh a.

"Aiden, zep nei miah lo in engkim min hrilh rawh. Tunah chuan chhungkua kan ni tawh a, engkim ka hre duh. "

"Lo thu rawh... " Ka kut vuan reng chung chuan couch-ah chuan min thut tir a. A sam tuai puatin a thaw leh hawk a.

"Ka nu kha he khawvela ka hmangaih ber a ni. Khami ni khan school trip avangin in ka chhuahsan a, mahse ka kal peih loh em avangin ka let leh a, in ka thlen chuan a lo ruak vek a, ka nu au thawm kha ka hria a, hmanhmawh takin an pindan ka pan nghal a. " A chawl dat a, a kut chu nghet takin ka chelh a.

"...... Ka pa khan ka nu chu chhuatah a lo rek bet a. Thah ngei kha a tum. Ka nu kha pui tur ka nih laiin ka nu hnukchat lai chu kawngka phen atangin ka thlir reng ringawt. Mia, kei hi fapa nep tak ka ni. Ka nu thi lai thlir bak kha tih theih ka nei lo. " Aiden Ford mittui luang chu ka kutin ka hruk hul sak a. Thinlung pawh nei ve lo a ka lo ngaih thin mipa mit atangin mittui a luang chhuak a.

"Ka pa kha ka sawisa alawm. Kha bak kha ka nu tan tihtheih ka nei lo. Kei hi mipa tha tak ka ni lo, ka nunrawng a, ka hma ka sial bawk. Kaitlyn-i pawh kha nang ka neih theihna tur a nih chuan tihnat ka pawi ti lo a...... "


"A tawk e..... " Aiden chu ka kuah nghal a.

"Mia, min ngaidam rawh. Khawngaihin..
... "

"Ka hmangaih che... " Ti sapin a luah chuan ka fawp a.


Mr. Ford-a nena kan inremsiamna vel chu ka hrilh fai vek a. "Min hringtupa a nih avangin ka dawh hram hram a, tunah chuan a tawk tawh e. " A ti chang fak a.

"Damdawi ina Kaitlyn-i khawih Tu kha a ni em? " Ka tih chuan a lu a bu nghut a.

"Ka ring reng a ni. "

"Ka that khawp ang... " Tiin a inhumruh a.

"Nilo, keima'n le...."

"Mia, a teuh lo. Saw mihring saw I hnaih tawh dawn lo. "

"Enteh, Aiden, hlauthawng suh. Inremsiamna kan nei a, game kan khel ve ringawt dawn alawm. Bakah nang ka nei che a, ka him tih ka hria alawm. " Tiin ka nuih tlawn a.

"Ka chan thei lo che. Engtikah mah... "

"Min chan dawn lo. Kan naute nen hian hlim takin kan awm ang, ka tiam a che. Mahse Mr. Ford-a hian a beisei loh lam atanga beihna tawh natzia leh i nu a laksak man che a hmu ngei ang. "


Aiden rilru chu a nuam zan lo tih ka hria, mahse ka tihluih tlat avangin min hnial ta bik lo va. Min venghim dawn tih ka hria a, hlauh tur ka nei lo. Ruahmanna kan siam dun a, Mr. Ford-a nau Paliana khan kan hmang tangkai bawk ang.

"Pindanah kan chho tawh dawn em ni? " Awmze nei taka a tih chuan ka chhang duh lawk lo va.

"Thil min tihsak chauhin..... " Tiin ka melh raih a. Sawi rawh ti ang hrimin a mitko a san ak a.

"He inah hian jail tang ang maiin ka awm tawh dawn lo. Ka duh hunah ka chhuak ang a, ka duh ka ti ang. "

"Jose a tel ve zel dawn chuan...... " Ka ngaihtuah vang vang hnuin ka pawm a. He Jose-a hi a tan eng tianga taka pawimawh nge maw a nih tehhrep le..

"Chho ila.... " Ka tih rualin min pawm kang nghal a.


__________________________________________

__________________________________________

"I sawi ang ngeiin Aiden nen hian inanna in nei. Nangpaw'n hmeichhe hmangaih tak i nei a mahse chu hmeichhia chu a hausa ve tlat lo. I hauhsakna leh I hmingthatna belhchhah turin neih a nei lo. Tichuan, Betty Gina Stan chu nupuiah I nei ta a, mahse kha I hmeichhe hmangaih kha I la thlah ta chuang lo fo a. Betty kha a rilru a na thei em em a, a tawpah chuan I hmei chu ava hmu ta reng a nih kha. I hmeiin a kalsan theihna tur chein rapthlak takin a va che a, I hmangaih tina tu chu chhuah hauh lovin I that ta a. A ni lawm ni? " Ka tawngkam tin avanga mak ti taka a meng phawk hra chu hmusit zetin ka en reng a.

"Nilo... A theih loh. A hrilh lo ang che..... "

"Min hrilh alawm. Ka pasal hian min ringtawk a, kan inhmangaihna hi hmangaihna dik a ni bawk. "

"Kaitlyn-i a tih dan hre vek chungin I pawm leh a maw....? "

"Mr. Ford, mihring kan nih hi. A tisual a, a thiam lo a, mahse a tihsual chu pawmin a inchhir a, ngaihdamna a ngen a, a ngen leh a dil chu a hmu mai a ni. Nang ang lo takin. Aiden hian I inhmuh chhuah a, I thil tih avanga pawi I tih hun a nghak reng thin a, mahse chutiang chu i ti si lo. Tunah chuan a duh loh ber thil ti lo thei loin I siam ta a ni. "

"A teuh lo...... Kha mihring khan min khawih theihna a nei lo. Ka rosum chena khawsa ve mai mai.... " Chapo taka a tih leh chuan ka vin hrawk a.

"I ta a awm lo. Aiden rosum leh neih zawng zawng hi I pa(Aiden-a pu) pek leh a thawhchhuah te an ni. I pa khan I tan engmah a dah lo tih hrechiangtu I ni. "

"...... Hahaha....... " A nui ri hawk hawk a.
"I titha lutuk e... Nupui tha tak I ni e....... " A kut bengin a nui leh hawk hawk a.

"....... Mahse thil pakhat I hmaih a ni. Kaitlyn-i ka kutah a awm tih hi..... Tun second la la hian ka thah tir nghal thei asin. "

"Ti la...... " Ka lo ti awlsam et a. "Eng maw? " Phawk taka a tih chuan "Thah tir chu tum chhin la..... " ka ti leh a.

"Ka ti khawp ang. " Tiin a phone chuan Tu emaw a call nghal a. Phone chhangtu an awm lo tih hriat takin a call nawn leh a, thinrim tak maia a phone a paih darh chuan ka lo hui deuh pap a.

"Jessy hman tangkai i tum luatah i chesual ta a ni. Ka ngaina hman viau a, mahse i tana ui rinawm tak a ni tih ka hrechhuak ta sia, a pawi takzet. " Jessy hi Mr. Ford-a fanu a ni a, a hmei laka a fa, Aiden haw em emtu leh kei ngei pawh min thah mai duh khawpa min hawtu a ni. Hei leh chen inthup taka a lo awm thei hi a fakawm zawk hial, mahse engmah hi thup hlen theih a ni si lo. Khami nia in hnunglam atanga min chhuah ruk tir khan ka ringhlel daih tawh. Ka rinhlelhna fiah turin leh tichiang tawk turin mall-ah khan ka kalsan a nih kha. An thangkamah ka awk ta emaw tia Mr. Ford a be lai kha ka lo hre ve vek tih erawh a hre lo thung. Ka mi ngainat leh ka rin em emin min phatsan a ni a, thil na tak a ni. Chutiang chiah chu tem tir ve ka duh.


"Mia....... " Aiden âw ka hriat rual chuan dingin ka lo en a. Suit nalh taka i thuam zaihin a, a bawp sei thlurh chu a rawn pen phei a, kei min en kanin ka hmaa wheelchair a thu mipa chu a melh rum ul a.

"Kan inhmu ta e..... " Ti sapin a pa chu a en a. Mr. Ford chu awmze nei lovin a nui ta chiam chiam a.

"Min thah i duh a ni lawm ni, ti ta che.... " Aiden chu a vin vak vak a, Aiden insum hmel ka hmuh chuan a kutah ka va chelh a.

"Ni love, thih chu i tan thil nuam tak a ni ang. "

Mipa rual rawn tlan lut chu ka lo en reng a. "Mr. Arthur Ford, Betty Ford i thah avangin man i ni e. " Chung mite chu Mr. Ford kuta kutkawl vuahin an rawn ti ta mai.

"Ka pa duhtak, hei hi i tana ka tihtheih hnuhnung ber a ni e.... " Tiin Aiden chuan min kai a, Mr. Ford-a au lawm lawm leh tawngkam chhe ti renga Aiden a koh zuina chu hre lo derin chulai hmun chu kan chhuahsan a. Car-a kan thut fel hnu chuan a kut lak sakin ka fawp vang vang a. "Ka chhuang lutuk che.. " ka ti sap a.

"Ka hmangaih che. " Ka sam rawn chulin a nuihmel mawi tak min hmuh a. "Ka lawm e aw..... " A tih leh chuan ka nuih let var var a.











Pheikhawk sang tak nen chuan ka pen zel a, mi tam tak zawi te tea titi sep sep te chu melh kualin ka hawi sang vah bawk.

"Miss, hetah hian i signature kan mamawh a. " Hmeichhe pakhatin a rawn tih chuan ka sign nghal a.

"Mia, i mokawr hak tur en kan ngaih kha. " Ka phone ka pick up rual chuan Kaitlyn-in a rawn ti nghal a.

"Ka hria e. Ka rawn chhuak chiah. " Tiin 'Manteno' chu ka chhuahsan a.




Mipa thinlung sak tak mai chu hmangaihna avangin a nem a, a natin a rum a, a mittui a luang bawk. Ka hmangaihna aia nasa leh tam zawka min hmangaihtu a ni. A tih ngai loh thil tam tak a zir thar a, lawmthu sawi te, ngaihdam dil leh khawngaih dil te chu a tan thil thar vek a ni. Mahse mipa a ni a, a thiam harsa lo. A hmangaihna avangin hmeichhe chak tak ka ni ta a, ka fanu kum 2 mi tan nu tha tak ka ni bawk.


"I zam em? " A tih chuan ka lu ka thing a.

"Ka nghakhlel tawh lutuk.... " Tiin ka veil phen atang chuan ka nuih seih a.






(Kan hun tawnin a zir lo lutuk a, duh angin a kal thei ta lo va, in hrethiam hram hram dawn nia. Dawhthei taka lo nghaktu leh, a bul atanga he thawnthu lo chhiar tang tangtute chungah lawmthu ka sawi e. )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)