HIS LOVE by Elyseen (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

HIS LOVE by Elyseen (Completed)

Unread post by Ngaia » May 30th, 2021, 3:24 pm

HIS LOVE
by Elyseen

#Completed

"Hei hi eng damdawi nge? " A kuta a damdawi ken lai ka hmuh chuan ka khur titih ringawt. Ka kut tin chu ka sik neuh neuh a, amah pawh melh ngam lovin ka kun tlat bawk.

"Min chhang dawn lo maw? " A âw khauh ru fak chuan min zem chhuak vek a, ka kâ chu ka âng a mahse ka tawng chhuak thei lo. Ka hmel a hmuh chuan a nui hak a. A damdawi ken lohna lam kut chuan a phone a ipte a awm chu a la chhuak a, tu emaw a call nghal, damdawi hming chu sawiin eng nge a nih a zawt a, chutia a tawng lai pawh chuan keimah atang a mit a la sawn chuang lo. Phone a ngaihthlak vang vang hnu chuan rum lutukin min rawn melh a, a mitmenga thinrimna nasa lutuk avang chuan ka tawlh hnung hret hret nghal.

"Mia Lenin, engtinnge i ngam zawk? " Phone a dah thlak rual chuan a ti chang fak. A hmai sen tawn tawn leh a hrawk bawr vel thazam awmdan atang chuan a thinrim hle tih ka hre thei.

"Min chhang rawh. " A rawn tih vin vak rual chuan ka ip chawih. Vawilehkhatah ka ban chu a rawn hmer vak a, na ti lutukin ka te chhuak that. Ka na ti hmel chu ngai thei lo tih hriat lutuk hian ka hmai chu a kut lehlamin na zetin a rawn sawk a. Ka mittui a tling pam tawh.

"Min thlah rawh... " Ka au vak a, min chelhna atang chuan ka tal chhuak nghal. Tawlh hnung dawrin a mitah tak chuan mittui tling pamin ka melh a, he huaisenna hi engtinnge ka neih ka hre lo. A ni paw'n ka chezia chu mak a ti tih ka hria.

"Ka nei ang che ka ti a, mahse i fa ka pai ang tih ka sawi tel lo. " Âw khur der der chuan tap tuauin ka tawng chhuak a. Ni e, he mihring fa pai hi tumna ka nei lo hrim hrim. Reilote chhung chu ngawi rengin min en a. A hnuah a rawn nui chhuak hak a, a nuih chhan chu hrethiam lo zetin ka melh ve vat.

"Tunah tak khan ka duh lutuk che. Khatiang kha i nih dan tur chu a ni. Aiden Ford nupui chu khatianga kawlh kha a ni tur a ni. " Tiin a nui hak hak a, hmel ngainatawm zet puin min rawn pan hnai a, bang ka ngheng nghal rawk rawk.

"... Min rawn hnaih suh. "Tap tuaua ka tih chuan ngai pawimawh lo zetin min rawn kal hnaih zel a.

"I pasal ka ni alawm.. " Ti lehin nuisangin min rawn hnaih zel a, ka lungphu ri dup dup leh ka tiril khur ru der der avang chuan ngaihtuahna mumal pawh ka pu thei lo.

"Mia, i huaisen hle tur a ni. He khawvelah hian tumah i hlau tur a ni lo, kei tih loh chu.... " A hmel rawn inthlak danglam dawr avang chuan ka meng ngam tawh lo. Min rawn hnaih chawpchilh nghal a, ka taksa si rata a rawn din rual chuan ka hawisawn ve tang tang a. Ka beng bula a rawn thawk lum sak sak phei chuan ka thaw tha ngam tawh lo.

"..... Mahse ka nupui i nihna angin ka fa chu i pai ngei ang. " Ka beng bula a rawn phun sap rual chuan ka meng bial kawk a, hlauhna namen lovin min rawn tuam nghal a


ifsr6i76.jpg

HIS LOVE
Chapter 1
by Elyseen








"Khawngaihin min pui rawh. " Ka kun ngar ngar a. Ka bianga mittui rawn luang chu ka kawr banin ka hru hul vat bawk.

"Engvanga ka puihna chu mamawh nge i nih.? " Chu mipa âw thum bul chu hlau hle mah ila ka mamawh miau si.

"Pawisa ka mamawh." Ka ti leh sap. A wine in lai chu a tem hlek a, a thutna atanga rawn ding chhuakin darthlalang bang lian pui lamah chuan a kal phei a, a chezia chu khur ru der derin ka en reng a. A kut lehlama ipte zenin a kut lehlam chuan wine no chu a keng bawk a. A hnunglam ringawt pawh chuan mi ti mur sung sung thei hial.

"I mamawh chu pe ta che ila eng nge min pek let ve ang? " Min hnungchhawn chung chuan a rawn ti a. Ka ngaihtuahna chu a buai map mai. He mihring hian phut let nei lovin min tanpui dawn lo tih ka hria, eng nge a duh tih chiang takin ka hre bawk. Tunah hian inher hmak a, he in hi chhuahsan vang vang ka duh mahse duhthlan tur dang ka nei si lo.

"Eng nge min pek ve ang.? " Rawn inherin ka mitah tak chuan min melh kar a. A mitmeng uk karh mai te chu ka rap zawk hial. A khabe hmul te, a hmel chang run leh a taksa inphut mawi tawk taka sek deuh tun te chu mawi leh tha tihna pakhat mah ka nei lo. A chhan chu he mihring hi mihlauhawm tak a ni tih ka hriat vang a ni. Lalpa, kei hian eng nge ka tih tak ang?

"Ka nei ang che. " Maimitchhing vakin ka inhum ruh nghal tun.

"Good." Rawn ti supin a nui hak a. Ka thinlung chhungril nat zia hi a hrethiam pha ve kher lo ang. Nilo, he mihring hian thinlung pawh a nei tawp nang. Engtinnge thinlung na te chu a hriatthiam ve tehlul ang.

"Kan inneih hnuah i mamawh chu pek i ni ang. "

"No.... Pawisa chu tunah hian ka mamawh nghal. " Ka lo ti vat a. Ni e, tunah hian ka thiannu nunna chhan nan ka mamawh takzet a ni. Zaninah la la hian ka neih ngei ngei angai.

"Chuti chu tunah kan innei nghal anga a ni mai lawm. " A ti awlsam et a. A thusawi chu awih lo lutukin ka meng deuh kawk.

"Tun ang zanah hian maw...? " Ka tih chuan tawngkaa min chhang lovin a lu a bu nghut.

"Duh I thlang thei ang. Zanina min neih nge pawisa chu i duh lo zawk....? " Tiin a bawp sei thlurh chu a rawn pen phei a, ka hmaah tak rawn dingin min melh chhuk run a. A mi uap na lutuk chu ka kutphah a thlan dap thei hial.

"A tha e. Ka nei ang che. Zaninah.... "

"Khati tur kha a ni. " Ti supin ka khabeah a rawn chelh a, min kuai dak a, uluk takin min en reng a, nui leh sukin a rawn kun hniam a, ka hmuiah chuan a rawn fawp a. Ka taksa chu a sa chhuak vek. Ka tha a khur a, hlauhna ka nei bawk. Min fawhna chu ka dawh mawl tawp a, ka la tawn ngai loh thil a nih avangin eng emaw chu ka feel ve ngeia mahse nuam tihna erawh ka nei hauh lo thung.

"Nupui thuawih tak ni ang che. " A inlakhran rual chuan a ti leh sup. Min kalsanin phone in tu emaw a bia a, keichu ka dinna ngaiah ka la ding zum at thung.

Reiloteah pindan kawngka chu an rawn kik a, kawngka lianpui chu rawn inhawngin mipa pakhat suit dum nalh taka inthuam hi a rawn lang nghal zat.

"Jose hian i buaina a chingfel ang a, a rawn hruai let leh ang che. Tichuan naktukah kan innei ang. " A tih chuan mak ti zetin ka en a. Hepa hian a rilru a thlak tihna em ni? He mihring hian a rilru a thlak ngai lo. Mahse tunah khan a ti bawk si.

"Mak ti tak khan min melh reng suh. Nge ni a tun tut tutah inneih nghal I duh zawk. " A tih chuan ka lu ka thing nghal nawk nawk.

"Kal rawh u. " A tih leh chuan Jose a tih pa chu ka va melh a, nuisang hian ka chhuah theihnan kawngka bulah chuan a ding a. Ka chhuah dawn chuan ka hawilet leh zawk a, min rawn ngaihven tawh lovin darthlalang atang chuan khawpui eng phe uar chu a thlir a.

"Miss.... "

"Oh... Kal ila. " Jose nen chuan damdawi in panin kan tlan chhuak nghal a.



Mia Lenin ka ni a, kum 20 a upa ka ni. Fahrah ina seilian ka ni a, ka thiannu Kaitlyn nen hian chu lai hmuna intawng kan ni a, vawiin ni thleng hian unau ang chiahin kan awm chho a ni. Kum 18 kan nihin fahrah in chu kan chhuahsan a, kan pahnihin in chhe te kan luah ve a, kan theih ang ang thawkin kan eitur kan thawk chhuak ve thin. Sum thawhchhuah chu harsa hle mah se thianghlim taka thawhchhuah erawh kan tum ve tang tang thin mahse tunah erawh he khawvela mihausa nunrawng an sawi apianga a hming lang tel ve ngei ngei Aiden Ford chu pawisa avangin ka nei dawn si a.

Kaitlyn-i'n accident a tawk a, a thluak lamah harsatna lian tham tak mai a nei a, tunah hian zai ngei ngei a ngai a ni. Mahse a zaina tur pawisa ngai zat chu ka damchhung pawh hian ka la hmu ngai lo. Chutianga tam pawisa chu ka tan neih ngaihna a awm loh avangin ka kawng hriat chhun chu ka thlang ta tawp a, chu chu Aiden Ford neih hi a ni.


Aiden Ford hi he khawpui chauh loah pawh khawvel hmun thuma thena hmun hnih hi chuan an hriat ka ring. A hausa a, thlahtute atanga hausa an nih mai bakah sumdawn thiam tak mai a ni a, a sumdawnna a hlawhtling hle. He khawpuia Bar lian zual leh Mall lian tak tak te chu a ta deuh vek an ni. Kei fahrah ve mai hi he mihring nen hian kan intawng ang tih rin ngaihna takngial pawh ka nei ngai lo.

Kum 18 ka tlin nan nihnih chauh a awm tawh tihin ka awmna Orphanage Home-ah a rawn kal a, min enkawltu Sister hnenah chuan min neih duh thu a rawn sawi ta mai a. Ka hlauhna leh mak ka tihna chu a inzat vel ang. Mahse kan sister chuan 'Duhthlang thei a nih hunah ama'n duh a la thlang dawn nia. ' tiin a lo hnar a, he khawvela ka lawm ber tum a ni. Fahrah satliah ve mai pawh ni mah ila, hmangaihna tel lo va pasal neih ka tum ngai lo. Chhungkua ka neih loh avangin hmangaihna nena chhungkaw din ka tum thin. Home a chhuahsan dawn chuan mitmeng thip rama min melhin 'Kan inhmu leh dawn nia. ' a ti sup. Kei erawh hlauin sister hnungah chuan ka biru nghal thung a, hepa hi hmuh leh ka duh tawh lo.

Kum 18 ka tlin hnuin home chu ka chhuahsan a, Kaitlyn-i hi kei aia a chuah hmasak avangin a in luahah chuan ka khawsa ve a, kha mihring kha ka ngaihtuah pha tawh lo. Hna ka zawng ve a, mahse ka hmu mai lo va. He khawpuia Restaurant lian leh changkang ber 'Manteno' atangin sawmna ka dawng hlawl mai a. Chu hun tha chu bawhpelh tum lovin ka chuh nghal vat a. Manteno-ah chuan Training tenau ka paltlang hnuin ka thawk a. Nilengin pheikhawk sang leh pawnfen tight nen kan ding a, hna awlsam tak a ni bik lo mahse hlawh a tha a, hahthlak ve deuh mah se lungawi takin ka thawk ve zel tho.

Ka mihring beisei loh leh hmuh leh pawh ka inrin tawh loh 'Aiden Ford' chu ka hmaah a rawn lang leh a. 'Manteno' neitu a ni tih ka hriat phei chuan thinrim lutuk avangin ka tha a khur thei hial. Ka hna chu ka bansan nghal a, hlawh tha mah se kha mihring hnaiha awm kha ka duh lo bur.
'Mia, khawngaihin, ka fapa chemo treatment la lai a ni a, ka nu zeng enkawl ka ngai bawk si, ka hna hi ka chan thei lo. Lo let leh hram rawh. ' tia kan manager-in min rawn ngen chuan mak ti lutukin ka awm a, Aiden Ford nunrawn zia chu a takin ka tem ve ta. 'Manteno' a ka let leh a nih loh chuan a thawk zawng zawng chu ban vek a tum thu a sawi a, he mihring hian a thutlukna a sawh sawn ngai loh avangin ka let lo a nih chuan a ti ngei dawn. Nitin mai chuan mi hrang hrangin min rawn ngen a, thenkhat an rawn tap bawk a, ka mimal thil bik avanga chung zawng zawngin an tuar chu ka remti thei bik lo.

Ka let leh a, midang pawh a ngai angin an thawk zawm leh mai bawk. Aiden chu a khat tawkin a rawn kal a, a rawn kal chang chuan a pindan bikah kan awmdun thin. A thil eitur ka buaipui a, a ei chhung zawngin ka ding ve reng a, a eizawhah ka seng fel leh thin. Min be ngai lo va, min khawih ngai hek lo mahse min kalbosan duh chuang lo. Chutiang chuan kum 2 tal tawp chu ka awm a ni.




______________________________________


Court-ah kan innei a, hriatpuitu tur chhungkua ka neih loh avangin ama'n a buaipui fel vek a. Mahse ka rin loh deuhin kan inneihna chu media lamah a tidarh thung. Court kawtah chuan reporter tam tham zet an lo inhawr khawm a, zawhna chi hrang hrang min rawn zawh rual chuan hrehawm ti lutukin ka inhumruh fan a. Ka kut a rawn vawn rual chuan ka ip nghal chawt bawk.

Reporter pakhat chu a kawk a. "Mr. Ford, tun hmain scandal ila nei ngai lo hrim hrim a, he hmeichhia vang hi em ni? "

"Mia Lenin... " Ka hming chu a lam sup a. 'He hmeichhia' tia min ko kha a duh lo.

"Oh.. Miss Lenin. " Reporter chuan a ti sup a.

"Mia hi ka nupui a ni a, a ni reng bawk ang. Chu chu ka sawi theih tawk a ni e. " A tih leh nghut chuan ka lo tang tun a. 'A ni reng bawk ang. ' tih avang khan ka awmdan chu ka dik meuh lo.


A bodyguard te an rawn thleng nghal a, car-ah chuan harsa lem lo takin kan lut nghal a. Car-a kan chuan hnu pawh chuan ka kut chu a la vuan ngar a, laksawn tuma ka tihchet paw'n hre lo ang hmakin a la vuan tlat tho.


A hmaa a apartment lamah khan min kal pui lovin kawng dangah kan tlan zel a. Ngaihngam zan lo chuan ka ngawi ve reng tho a. Khaw chhung reh rawih atanga kan pen hnu chuan ka zam ru takzet tawh. A ni hian khawi hmunah emaw min hruai ang a, min that ang tih ka hlau. Chu chu a tan thil harsa a ni dawn si lo va.

Car a din dat rual chuan a chhuk a, ka kut a chelh tlat chu thlah duh chuang lovin min kai chhuak a. Ka hawi chhuah rual chuan ka hma zawna in ropui leh lian lutuk tak mai chu kâ âng huauin ka en nghal.

"Bawihi, i kâ kha chip la. " Ka beng bula a rawn tihsup chuan ka chip nghal. A hmela min nuihzatna lang avang chuan ka zak hle bawk.

"Lut ang le.... " Tiin in lamah chuan min kai a. Kawngkhar bulah bangah chuan thil hmeh tur hi a awm a, chutah chuan number hi a chhu lut a, kawngkhar chu amahin a lo inhawng nghal a. Inchhung ka hmuh phei chuan pui riap riap tak hi a ni ringawt. Hetiang em ema in ropui leh lian hi ka la hmu ngai lo. A chhung chu darthlalanga chei emaw tih mai tur khawpin darthlalang bang a tam a. Thutna te chu eng ang nge an nih pawh ka sawifiah thiam lo, rangkachak rawng vek an ni a, vase thlengin rangkachak rawng vek. Hmuh an hrehawm hauh lo thung. Inchung chhohna step nalh zet chu a lai takah a awm a, chu lamah chuan min kai chho a.

Step kan chhoh chhuah rual chuan hall tenau hi a lo awm leh a. Pindan kawngkhar pathum a awm bawk. Pindan hmasa ber chu kalpelin a laiah chuan min luh pui a. Chu pindan chhung zet chu ropui tak a ni. Kawngkaa kan luh rual chuan khum lian leh mawi tak mai hi a lo awm ruah a, bedsheet vel te chu a to hle tih a hriat nghal bawk. Khum thlang lamah chuan darthlalang bang a awm a, pawn lama balcony zau zet chu ka hmu tlang thei bawk.

"I duh zawng a ni em? " Âw ka hriat rual chuan ka hawi chho vah a. Sawi tur pawh hre lovin ka lu ka bu nghut.

"Engkim hi i ta a ni. I duh angin i ti danglam thei ang. Engmah i tih a ngai lo va, nupui i nihna angin awm la a tawk. Mahse hei hi hre reng rawh he in hi ka phalna lo chuan i chhuahsan tur a ni lo. I tum lui emaw a nih chuan engpawh ti ila min dem suh ang che... " Chu tawngkam leh mitmeng thip ram avang chuan nichina ka chhungril hlimna te kha an bo duak a, ka chhungril chu a rawn vawt nghal sung sung bawk.

Kei hian eng ang mihring nge pasala ka neih hi!!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:24 pm

His Love
Chapter 2
by Elyseen







"Lawk.... " A inher rual chuan a banah ka va man chawt a. A ban ka chelhna a en rual chuan rang deuhin ka kut chu ka la let vat. A rawn inher leh a, a kekawr ipte chu zen atin eng nge tih melhin min melh ngur a.

"Damdawiinah tal chuan ka kal thei ang tiraw? " Ka ti sap. Nizanah khan Kaitlyn-i zai a ni a, ka haw san thleng kha chuan a la harh lo va, tunah eng nge a an a, a tha zel em tih min hrilh hre turin tumah an awm bawk si lo. Ka ngaihtuah tawh takzet.

"Karkhatah vawikhat. " Min melh vawng vawng hnu chuan a ti sup a. Nilo, karkhata vawikhat chu a tlem lutuk. Kei lo chu enkawltu a nei hleinem.

"Mahse.... " Rilru hah taka ka melh chuan rum lutuk tak maiin min rawn melh let a.

"Min hnial suh. Karkhata vawikhat chu i duh loh chuan i kal lo mai aniang chu. " A tih awlsam et rual chuan pawi ti lutukin ka ka hmui hnuai lam ka seh nghal vak.

"Nilo, ka duh alawm. " Duhthlan tur dang ka nei lo. Karkhata vawikhat pawh chu ka kal ngei ngei angai.

"A tha. Ka hrilh nawn leh ang che, ka thu i awih hle tur a ni. " A rawn kun deuh ngur ngur rual chuan ka lo ip deuh chawih a, min chhuahsan rual chuan ka thaw chhuak nghal hawk.

Taksa zawi zetin khum awmna lamah chuan ka pen phei a. Ka bag-a ka phone chu ka la chhuak a, Aiden nena kan thlalak chu Social media-ah a darh nasa ngei mai. Positive comment aiin negative comment a la tam zawk zui. Comment thenkhat ka chhiar chuan ka rilru no a chhuak a, Kaitlyn ka ngai bawk nen, tuna ka dinhmun hi ka ngaihtuah a, ka kâ ka hup a, khumah chuan bawkin ka tap zawih zawih a. 'Tinge...? ' tiin ka inzawt a, engkim thlen chhan hi tinge? Ka dream thin Hmangaihna nena pasal neih chu vana rah ang chauh a ni tawh si. Ka va han vanduai tehreng em!!!



Kawngkhar kik thawm ka hriat chuan ka mit ka meng deuh riai riai a, pawn lam ka hawi chuan khua a lo thim fel der tawh. Khumah chuan ka la mu reng a, ka mit a na deuh run bawk. Kei hi ka lo tap muhil a nih dawn hi. Kawngkhar an rawn kik nawn leh chuan ka thu ngil nghal awt. Aiden a nih takin tiin ka tho a, khum chu ka pawt mar vat a, mahse Aiden chu a ni thei lo. A inah hian kawngka kik tawp lo vang. Ka mutnaa ka sam thur bam chu chul mamin kawngka hawn tum chuan ka kal hnai a. Kawngkhar hawnna chu zawite hian ka herh a, a inhawn rualin ka pawt kau a.

"Miss, zanriah kan peih tawh e. " Hmeichhe pakhat ka kum rual awm vel hi a pawnah chuan a lo ding a, a inthuamna atang chuan he ina thawk hi a ni tih ka hria a. Min zah hmel tak hian a kun ngur bawk.

"Ka hria e. " Ka tih sap chuan a lu a nu nghut a, engmah sawi tawh lovin a inher a, a kal nghal.

Room bang hrula lama kalna awm chu ka zawh phei a, a tawpah chuan kawngkhar pahnih inhawitawnin an lo awm a, ding lam chu ka hawng hmasa a, closet a ni. Closet ka mumang ram pawha ka man phak ngai loh ngei chu. Darthlalang chhuarah chuan thawmhnaw chi hrang hrang a inrem dul a, a then a inkhai bawk a. Closet chu pindan pahnih anga then a ni a, a lehlamah chuan mipa thawmhnaw a awm ve thung a. Closet chu kharin pindan vei lama awm zawk chu ka hawng a, bathroom a ni. Ka lut a, bathroom chu Kaitlyn-i nena kan chenna tia deuh lawih a ni. Ka mamawh engkim a awm sa vek avang chuan kan intifai nghal a. Closet-ah chuan T-shirt ka zawng a, mahse ka hmu lo. Kekawr bul ka zawng leh a, chupawh chu a awm chuang lo. Kekawr tlawn leh kawrfual ngawt a awm a, kawrfual simple zet pakhat chu la chhuakin ka inthawlh nghal a. Ni e, Aiden khan a sawi chiang alawm, he inah hi chuan ka duh ang takin ka khawsa thei ang tih kha.

"Miss.... " Dining room ka thlen chuan ka thutna tur chair nichina hmeichhia khan min lo pawh chhuah sak a. Midang pawh chuan zah hmel takin min en hlawm a, an chezia avang chuan ka lai deuh tun a, nuam ka ti hauh lo.

"Khawngaihin Mia tiin min ko rawh u. " Tiin ka enkual hlawm a.

"Miss, kan thei lo ang. " An zinga nu upat hmel ber chuan a rawn ti sap a.

"Khawngaihin... 'Mia' tia koh ka duh a ni. " Ka tih leh chuan an inen hrek hrek hlawm a "Khawngaihin.... " ka tih leh chuan "Awle, Mia" ka chair min pawh chhuah saktu chuan a rawn ti sap a. Ka va nuih sak chuan min nuih leh ve a. "I hming ka hre thei ang em? "

"Jessy ka ni e. " Tiin min chhang vat a, midang pawh chu an hming ka zawt zel a, min hrilh chuan an hming chu ka lam nawn sap vek a.

Chair-ah chuan ka thu a, eitur chi hrang hrang tuihmel zet inchhawp dul te chu riltam hle mah ila ei chakna ka nei hauh lo thung. Plate leh fian chu pakhat chauh an chhawp avangin ka hawi kual nghal a.

"Mia, Sir chu a chhuak a, a rawn haw hun tur kan hre lo. I eitur buatsaih turin min ti a ni. " Jessy'n a tih chuan lu bu nghutin eitur chu ka plate-ah ka suak a, tlem ka ei a. Aiden tel lo a zanriah ka ei thei hrim hrim pawh hi a lawmawm tawk viau a ni. A ni nena in khata kan cheng dun tur pawh hi awih harsa ka la ti fan a nia.

"Zanriah avang hian ka lawm e. " Tiin ka thawhsan a, inchung pindanah ka chho nghal a.




Kawngkhar inhawng ri khep ka hriat rual chuan nghet takin ka maimitchhing a, ka puan sin lai ka hmer ngawt ngawt bawk. Ke pen thawmin a zui nghal zat a. Bathroom lam pana a pen chuan tlemin ka inthlahdul a deuh a. Reiloteah khum chu a rawn hniam deuh sawt a, mipa fai ser sawr rim a rawn nam nghal hak. Ka ngaihchan vang vang hnu pawh chuan thawm hriat zui tur a awm lo. A reh vawng vawng a, a muhil aniang a? A muhil a nih ringin ka inthlah dul deuh a, ka puan sin lai ka hmerna chu thlahin ka thaw chhuak hak bawk.

"I muhil der peih tawh lo em ni? " Ka beng bula a âw thum chhap ka hriat rual chuan ka chhip atanga ka ke ler thlengin a hit chhuak vek.

Ka kawngah a kut a rawn rawlh a, a saisir zawnga ka mu chu min kuai zangthal a. Ka kut pahnih chu a kut pakhata ka lu chung lama nem betin a kut pakhat zawk chuan ka hmui a rawn khawih a. A mitmeng pawl raih mai chuan ka mitah tak melh ngarin a rawn kunhniam a, ka hmuia a rawn fawh rual chiah chuan ip chawihin ka maimitchhing nghal. Ka hmui a fawhna chu duhthaw telh telhin a kut pakhat zawk chu a vahkual tir ruai a. A taksa ruak kang ka feel rual chuan eng nge thleng dawn tih hrilh kher ka ngai tawh lo. Ka hriat zawng chu zanin atang chuan kei hi hmeichhe thianghlim ka ni tawh dawn lo tih hi.

Ka taksa a rawn nat zawk rual chuan ka mittui a hnam nghal sawk. A thil tih lai chawl datin ka hmuiah a rawn fawp leh a, zawimuangin a che chhunzawm lehnghal.


Nî engin ka hmai a rawn kah chuan peih lo zetin ka meng diar diar a, ka thu chhuak nghal awt. Second reilote hnuah thil thleng zawng zawng chu ka hrechhuak leh a, ka awmna ka hai hman alawm mawle. Aiden-a mutna ka en chuan a lo ruak huai tawh. Nizana thil thleng kha ka ngaihtuah let a, nuam tihna pakhat mah ka nei lo kha mak ka ti hnuhnawh.


Khuma thisen val kalh ka hmuh chuan hlauthawng lutukin ka ding chhuak a.

"Mia...? " Jessy a ni.

"Lo lut rawh. "

"I bedsheet rawn thlak ka tum a. " Nuisanga a rawn luh chuan zah avangin ka sen tawn tawn.

"Keima'n ka ti thei alawm. " Ka ti ve tlat.

"Nilo, Mia, ka hna alawm. " Tiin ka hnial leh hmain khuma puan leh lukham vel chu a kawr a hlip nghal zung zung a. Chet ngaihna hre loin ka ding mawl tawp.

"Va intifai rawh. Sir in breakfast ei a nghak che nia. "

"Min nghak maw..? "

"Aw.. " Tiin a nui leh sak a. Hmanhmawh zetin bathroom lam ka pan nghal.




Aiden Ford P. O. V

Step a Mia kawrfual par thawl deuh hnuk haa rawn chhuk mek chu ka thlir reng a, mawina zawng zawng hi a ta vek emaw tih tur khawpa mawi a ni.

"Kal ila. " Ka bul a rawn thlen chuan min en lovin thil dang a melh tlat a, dining room-ah chuan ka phei san nghal.

"Vawiinah damdawi inah i kal thei ang. " Ka tih chuan a juice in lai dah thla nghalin hlim hmel zet hian min rawn melh a, he hlim hmel hi hmuh reng ka duh.

"Tak tak maw? Ka lawm lutuk e. " Tiin a nuisang a, a bula ding chhiahhlawh pakhat chu enin a nuih sak a. Chhiahhlawh nen hian thian an lo ni der tawh tihna em ni? He hmeichhia zet hi chu(h).

"Jose nen in kal dawn nia. "

"Awle... " Tiin a juice chu a in leh a, a rawn khuh that rual chuan ka thil thial lai ka tawp hmak. A juice in chu a hak a, a hnungah a bula ding hmeichhia chuan a chul heuh heuh a.

"Mia, zawimuangin in rawh. " Chu chhiahhlawhin a hnung chul heuh heuh paha a tih chuan rum lutukin ka melh nghal. Chu hmeichhia chuan a thil tihsual a hria tih hriat takin hlauh hmel takin min rawn en a, Mia lak atanga a kut la sawnin a kun nghal vat.

"Engtinnge i koh kha? " Ka ti chang fak a.

"Tihpalh Sir. " A tih sap chuan ka fian ken lai ka dah thla hmak.

"Aiden, ih.. Keima'n min ko turin ka ti alawm. " Mia-in âw zawi dapa a tih chuan ka kut dawhkana nghatin ka en a. A mitmeng pawisawi lo zet avang chuan ka thinrimna chuan min kiansan hlawk thei nia mawle!

"Engvangin? "

"Nangma'n i sawi kha... " A tih chuan a sawi tur ngaichang ranin ka thu ngil sauh a, a chawlh dat hnuin a tawng zawm leh a. "He inah hian ka duh angin ka khawsa thei ang i ti a ni lawm ni? Chu chuan min koh dan tur pawh ka thlak danglam thei tih a huam lo em ni? " Inrintawk hmel taka a tih chuan ka nui suk. A dinhmun a hrechiang viau e.

"Ni e, i ti thei ang. " Tiin ka thawhsan a. "Khum bul dawhkanah khan i card tur ka dah a, i mamawh angin i hmang thei ang. " ti nghutin ka kalsan a.

Jose nena chhuak dun tura ka tih avangin Rob nen zawk kan inkhalh chhuak a. He hmun hi ka hnathawhna hmun atanga hla tak a nih avangin chhuah hmat kan ngai a, Mia midang lak atanga ka dah hlat theihna a nih vang erawhin pawi ka ti tehchiam lo.

Mia Lenin ka hmuh hmasak ber khan ka ta a ni ngei ang tiin ka intiam a, chu ka thutiam chu hei ka tihlawhtling ta ngei e. A awmna Home Sister hnena neih ka dil khan min lo hnar a, mahse kha kha ka rin lawk sa tho a ni. Mia hnena inlan ka duh vang hrim hrima ti ka ni. Tichuan a nunah ka inrawlh thuk zel a, a hnathawh tur thlengin ka thlan sak vek bawk. A duh lo chung neih luih tumna erawh ka nei hauh lo thung, he hmeichhia hi atchilh hle mah ila mipa ka nihna angin hmeichhe pakhat ve mai hi a duh lo chung neih luih emaw ngen tumna ka nei lo.

"Sir, Miss Kaitlyn case chu ka tifel tawh e. Miss Mia chuan engtikah mah a hrechhuak ngai lo ang. " Jose call ka dawn chuan ka khi suk a. A dik alawm, ka nei lui lo a, ama duhthlanna ngeia min nei turin ka siam zawk mai a ni.





A ngaihnawm vak paw'n ka ring lo. Bul kan tan ve chauh a, a lo ngaihnawm vak loh pawn 'A ngaihnawm trep' tih talin comment hram ang aw🤭 Chuan chuan Sunday zan ka awl dawn aw....... 💋💋

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:24 pm

His Love
Chapter 3
by Elyseen









Mia Lenin pov

"Jessy.... " Jessy hlau lutuk kut khur der der chu ka vawn sak vat. Aiden mitmeng thip ram kha keipaw'n ka hlau lo a ni bik lo mahse ka intihpachan hram hram a ngaih zawk vang a ni.

"I tha em? " Tiin Jessy chu ka nuih sak a. Zawimuanga rawn hawi chhuakin mittui tling pam hian min nuih let ve a, ka thaw huai mai.

"Hlau suh aw.. Engtin mah a ti dawn lo che. "

"Mia, Sir hi I la hrechiang tawk lo a ni. " A tih sap chuan a sawi dikin ka ring. Nichin lawk kha chuan Jessy kha thah mai duh melhin a melh a nih kha.


Damdawi ina kal ka ngaih avangin Jessy chu ka pindan lamah ka chhoh san a, a that tawh thu a sawi bawk. Bathroom-ah lutin ka inbual a, nizana thil thleng kha ka ngaihtuah chhuah rualin ka tim deuh uai uai thei. Bathrobe ka ban vat a, ka sam ka chhem ro leh hnuin closet-ah ka lut a. Kekawr bul leh shirt hak tur awm miah lo chuan min tihrilhhai zawk hial. Pawi lo, vawiinah inah hawin ka la mai aniang chu. Kawrfual chawn puar thleng vel simple tak bawk chu ka ha a, thawmhnaw simple tak tak a tam a, a tihzia hlauh e.

Inhnuaia ka chhuk chuan Jose a lo awm tawh a, ka nuihsang pawh chuan min nuih let ve miah loh avangin ka zak leh hnuhnawh zawk.

"Miss, i inpeih chuan kan kal thei e. " A tih chuan pawn lamah kan inzui chhuak nghal a.

Car kawngkhar min hawn sak thlap a, ka thut luh hnuin a khar leh thlap bawk a, keimaha ka tih ve theih reng min tihsak zel chuan awm nawm lohna min thlen zawk. Driver seat a a rawn thut luh ve hnu chuan engmah sawi lovin kan tlan chhuak nghal a.

"Doctor, eng nge a an a? A harh dawn tawh em? " Kaitlyn-i engmah hre lo tih hriat zeta mu reng chu enin Doctor chu ka zawt a.

"Kan beisei aiin a dinhmun kha a lo tha lo daih mai a. Tunah hian tui taka muhil ang a ni. "

"Engtikah nge a rawn harh ang? "

"Chu tak chu buaina a ni. Naktukah pawh a harh thei a, thla 6 hnuah pawh a harh thei a, a harh miah lo thei bawk. " Dam thlupa a tih rual chuan bang ka ngheng nghal rawk rawk.

"Miss.... " Jose-an min ngaihtuah hmel takin min rawn en a. Bang rinchhan chung chuan ka ding ngil lui a, ka rilru na rum ri hi an hre pha ve kher lo ang.

"Ka tha. " Tiin Kaitlyn hmui duk raiha mu reng chu ka en a, ka mit chu mittui avangin a phe ruai tawh bawk.

"I harh ngei ngei angai. I tello chuan he khawvelah hian ka dam zo lo ang. " Ka rilruin ka phun sep sep a.





"Mia, dinner-ah eng nge I ei duh ang? " In ka thlen rualin Jessy-in min lo chhawn vat a. Nilengin Kaitlyn bulah ka awm a, a kut vuanin ka tap reng a, harh turin ka ngen mawlh mawlh bawk. Jose-an lunch ei tura min tih pawh khan ka chhang buai peih lo va, ka eitur min rawn pek khan tlem ka ei sak ve chauh. Ka thiannu thichhawnga a leh reng laiin engtinnge tui ti takin thil ka ei theih bik ang?

"Engmah.... " Ti sapin zawi zetin step lamah ka kal phei a.

"Mia, I chunga thil thleng chu hre lo mah ila I rilru la peng thei thil ti la, I tha deuh maithei asin. " Step a ka pen chhoh rual chuan a rawn ti a, a sawi dikin ka hria. Kaitlyn-i rawn harh leh hun atan chak taka ka awm a ngai a ni.

Ka inher a, choka lam panin ka kal phei a. Jessy chuan ka hnungah min rawn zui zel a.

"Pi Emily, ka lo pui dawn che u em ni? " Tiin apron chu ka ban nghal zat a. Chokaa awm mipathum chuan an thil tih lai chawl meuhin min en.

"Miss.. Ka tih, Mia, chokaa awm tur I ni lo. " Pi Emily-in a tih chuan ngaipawimawh duh lem lovin Chemte chu ka ban vut a, tomato ka zai nghal a.

"Mia, khawngaihin, I ei duh zawng sawi la keimahni'n kan lo siam vek ang e. " Pi Emily chu enin ka nui lui sak.

"In thil tihlai kha chhunzawm rawh u. Eisiam chu ka thiam ve zawng alawm, tihian ka lo pui ve ang che u. " Tiin tomato chu ka chan lui zel a. Min dang thei dawn lo tih an hrethiam ta a ni ang an thil tih lai chu an chhunzawm ve ta hlawm a. Home-ah khan eisiamtute ka pui ve thin a, nuam ka ti bawk. Ka siam ngei hi tui ka ti ber bawk.

"Mia, Inchung pindan tihfai ka ngai a, ka kalsan ang che aw.. " Jessy'n a tih chuan nui seihin ka lu ka bu a.

"Aish........ " Purunsen ka zai lai chuan ka kut a thip zawk a, ka en chian chuan ka kutzungchal a ni a, ka fawp nghal vat.

"Mia, awi.. a na em? " Pi Emily chuan hlauthawng lutuk hian min rawn ti vat a. A hlauthawng lutuk hmel chuan nuih a tiza zawk.

"Na lo ve. Ka inzai mai chauh alawm. " Tiin ka nui hak hak a.

"Awi, a ni thei lo. First aid kit? " Tiin tu emaw chu a tir a, an vai chuan an phili buai vek...

"Ka tha a nia. A na lo, hlauthawng suh u. " Ka tih paw'n awmzia a awm lo. An awm hle hle thei lo a ni ber e, an kal kual a, chhuar chu hawngin first aid kit chu an zawng hlawm a.

"Ka tha a nia. Hlauhthawn tur a awm lo. " Ka tihnawn leh sep pawhin awmzia a nei thui lem lo. Thaw hakin an che vel chu ka thlir a, ka kutzungchal chu ka fawp leh tawp.

"Eng thil nge thleng a? " Aiden âw thum fiah tak kan hriat rual chuan kan vai chuan kan hawi chhuak thap a. A hmel rum ul kan hmuh phei chuan tuma'n thawm kan chhuah ngam lo hrim hrim. A mitin ka kut ka fawh mek chu a en nghal chat a, ka kut chu ka kâ atanga la chhuakin ka hnungah ka thukru nghal vat bawk.

"Ih... Mia hi a inzai a. " Pi Emily-in hlauhthawn hmel taka a tih chuan Aiden chu a rawn pen phei vut a, a bawp sei thlurh nen chuan hun a mamawh tam lo kher mai. Ka kut ka hnunga ka thuhruk chu rawn a rawn phih deuh dawr a, thi chhuak tiam tiam a hmuh chuan hriat tham si loha phun hlukin a kut a hum ruh a, dawhkan chu a chum ri nghal chawrh. Ka ip chawih a, a chezia avang chuan ka lungphu a rang a, ka thaw dep dep tawh.

"Engvanga chokaa luh tir nge i nih? " Pi Emily zawk chu thip ramin a melh a. Nilo, keima duh thua lut ka ni a, Pi Emily a hauh chhan tur a awm lo.

"Aiden.... " Ka ti dek dek a "Tawng suh. " tiin min vin let vak. A insehruh hmel ka hmuh phei chuan ka kâ ka chip hmak.

"Ka tihpalh a ni. " Pi Emily-in a tih chuan inthiam lo lutukin ka ngawi ngul a. Ka kut atanga thisen chhuak chu plate var thianghlim takah chuan a far a, chu thil Aiden-an a hmuh ruala a hmel awm dan chu ka sawifiah thiam lo. A hlauhawm hi a ni tawp, ka ban rekah chuan hmer vakin a ipte atangin rawmawl var hi a rawn phawrh a, ka kut chu rawmawl hmang chuan a rawn hup bet nghal a.

"Tihpalh tih khan i thil tihsual a chingfel lo. " Pi Emily bawk chu a melh rum leh ul a.

"Aiden, keima thiam loh alawm. " Ngenngawl taka ka melh chuan thip ramin min rawn melh let a.

"Vawikhat pawh i tawng leh a nih chuan a pawi khawp ang. " A tih chan fak chuan ka tha a khur titih der.

"Le.. Chemte kha la la, a chunga thil thleng ang chiah hi i kutah khan ti ve rawh. " Pi Emily en chunga a tih fak rual chuan tawng duh, tawng chhuak thei loin ka awm a, min hnawh ut ut a, Pi Emily mittui luang ka hmuh phei chuan awmngaihna ka hre tawh lo. Aiden chu hrehawm ti lutukin ka melh a, min hmu lo der hmak.

".... Nge keima'n ka tihsak dawn che. " A tih leh rual chuan Pi Emily chuan chemte chu kut khur der derin a la kang a. A kut zungchal zawnah chemte chu dahin a maimitchhing a.

"Aiden.... " Ka phun sep rualin Pi Emily kut zungchal atang chuan thisen a rawn chhuak tiam tiam nghal. Lalpa! Kei hian eng thil nge ka tih tak hi?

"I tisual tawh tur a ni lo. " Aiden.

"Awle." Pi Emily chu mittui tling pamin ka en a, keimah vanga a thil tawn hi rapthlak ka ti.

Ka inrin hmain Aiden-an min kai dawr dawr a, inchungah min chhoh pui nghal. A khawsa zia avanga ka hlau lutuk chu ka tha a zawi hnawk a, min kaih dawr dawr ang chuan tal buai lovin ka zui ve hmawk hmawk.

"sh*t.... " Ti hlukin pindan kawngkhar chu a khar ri bur a, khumah min theh thla nghal thlawp.

"Khawi I kut kha.. " First aid box nen khumah a rawn thu a, ka kut ka pek lawk loh avang chuan min thut that tir nghalin ka kut chu a rawn la a.

"Misual tak i ni. " Tiril khur der dera ka tih chuan a nui suk duh chauh.

"Thil tisualtu chu hrem lohin ka chhuah ngai hleinem. " Tia min nuih sak chuan rap lutukin ka melh ngawt ngawt.

"Mahse ka duh apiang ka ti thei ang I ti a ni lawm ni? " Intihuaisen lui ve tang tangin ka en kar a.

"Ka sawi nawn leh ang. He in chhungah hian i duh duh danin ro i tel thei, engmah i tih a ngai lo thung. I tihtur awmchhun chu ka nupui nih a, min tihlawm a ni mai. " A thusawi awmzia chu kei hian engmah ti lovin ka awm tlut tlut dawn tihna maw? A nupui ka nihna angin khumah chauh ka awm dawn tihna em ni?

"A ni thei lo... "

"Thei e. Ka sawi tawh kha, ka thu I awih hle tur a ni. A nih loh chuan... " First aid box chu a chhin a, ka kut ka en chuan a lo tuam fel der tawh. Nichina rawmawl kha dust bin-ah a pain nghal a.

"Pi Emily ang khan min ti ve dawn em ni? " Inhumruh fana ka tawng chhuah chuan first aid box chu kawngka bul drawer-ah a dah a. Khumah rawn let lehin ka sam karah a kut a rawn rawlh lut a, hnai set sawtah min enin a nui suk.

"I hre dik lo. " Ti zawi sapin a hnar leh ka hnar chu a insik tir a, ka chhungril thleng hian a taksa lum ham ham chuan min fan chhuak thei hial. He mihring laka ka danglam ve fo mai hi ka hrethiam lo.

".... Ka thu I awih lo emaw, nangmah I intina emaw a nih chuan midangin an tuar zel ang. " Mak tihnaa khat mitmengin ka en a, nui lui leh sukin ka hmui chu a rawn fawp nghal nawk nawk.





Taksa chau hnawka min chetpui leh hnu chuan lungawi tih hriat tak hian a thaw sak sak a. Nizan ang lo takin keimahah nuam tihna ka nei ve a, ka ngaihtuah let hian ka inten hluah hluah zawk. He mihring min khawihna leh dehna kha nuam tiin ka dawh ngar ngar a nih kha. Ka pum a rawn leh but rualin bathroom lamah ka tlan phei nghal a, ka thil ei chhun tlem te ka luak chhuah rual chuan ka zawi nghal hnawk.

"Mia..... " Aiden kekawr chauh haa kawngkaa ding run ka hmuh chuan ka thut sawp nuaina atangin ka tho a. Nichin lawk kha chuan a mutui hle a ni si a.

"I tha em? " A tih chuan tawngkaa chhang lovin ka lu ka bu nghut.

"Jose hnen atangin ka lo hria a, Kaitlyn chu pawi ka tihpui lutuk che. " A rawn tih leh chuan ka hresual a nih ringin ka en kar a, hepa hian ka thiannu chunga thil thleng hi pawi a ti ve a maw.. Huh, awihawm lo hian.

"Tap rawh. I tap thei ang.. " Ka ding khawng reng chu min rawn kuah nghal vut. Darkar tin maia a mize inthlak reng avanga ka ngaihtuahna a buai lai chuan ka sam a chul heuh heuh a, ka tal chhuah hlau ang hrimin thawk harsa hial khawpin min kuah nghet sauh bawk. Duat taka ka sam a chul takah chuan ka rilru no a rawn chhuak a, Kaitlyn ka ngai a, mal ngawih ngawiha in hriatnain min rawn tuam chhuak a, ka tap nghal hlawp hlawp.

A kawngah chuan nghet takin ka kuah a, a awm zawnah chuan ka hmai phumin ka tap chhuak hawm hawm a. He khawvelah hian kei anga vanduai hi an awm ve kher ang em le? Fahrah, hmangaihtu nei lo hi.

"I duhtawk tawh em ni? " Ka mittui hru hulin inlakhran ka tum a, mahse min kuahna phelh duh chuang loin tlemin a kut a thlahdul ringawt.

"Intihfai ka duh. " Hnuai lam en ngurin ka ti a.

" Thil pakhat hriat tur I nei. Ka bulah chauh I tap thin tur a ni. He I mittui hi kei tih loh chuan an hru hul tur a ni lo. " Ti supin ka mita mittui chambang chu a kutin a rawn hru hul a.

"Lo intifai la, zanriah chu pindanah hian kan ei dawn nia. " Âw dam thlupa tiin a nui deuh suk a, ka chalah fawp zeuhin min kuahna kut chu a phelh a, bathroom atang chuan a chhuak nghal.

Aiden mize danglam thut thut thin ngaihtuah ran chung chuan shower hnuaiah ka ding vang a, ka taksa tui vawtin a phuh seng seng chuan ka dam huai thei.

"Ei ila.... " Shirt var thianghlim zet leh kekawr bul haa min nuih vartu chu ka nuih let ve seih. Eitur chi hrang hranga dawhkana tlar dul chu inhawitawn ranin kan kil a.

"Ih..... Aiden? "

"Um..... " Bawngsa tui tih hmel taka a ei lai chuan min rawn en zawk.

"Closet-ah hian..... " Ka fork ken lai dah thla chuan ka ti leh sep a.

"Mia, sawi rawh. "

"Tinge shirt pangngai leh kekawr bul a awm loh a.? "

"Ka duh lo va. " Ti tawi takin wine chu a tem hlek a. Shirt leh kekawr bul awm loh chhan chu a duh loh vang maw ni a? Ka thawmhnaw hak tur lehzel pawh hi a kuta awm tihna em ni?

"Mia, khatiang mitmeng khan min melh suh. "

"Eng ang....? "

Ka kâ ka hup nghal chawt. Ka inrin hmain ka tawng chhuak palh. A wine no chu dah thlain a chal tichuar nangin min melh a, ka thil thial lai pawh chu thial chip hman lovin ka lem vek.

"I hak tur chin chu a awm vek. Ka duh loh leh ka phal loh chu I ti lo mai tur a ni, min hnial buai lovin. I hrethiam em? "

"Mia, I hrethiam em? " A rawn tihnawn leh rual chuan rang lutukin ka lu ka bu vat vat.

"Good... Ei chhunzawm rawh. " A thusawi hnial lovin ka sa chu ka ei chhunzawm nghal a, ka thawmhnaw ngainat zawng ka hak theih loh chhan chu ho ka ti a, hnial pawh ka duh mahse ani hnial hian eng thil tha mah min thlen ka ring si lo. Ni e, a sawi kha, a thu ka awih chuan min duat tur thu a sawi kha.. A thuawih bak tihtheih dang ka nei chuang lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:24 pm

His Love
Chapter 4(17+)
by Elyseen









Nitin mai chuan engmah ti lem loin hun ka hmang ral ve zel a. Aiden thu ka awih a, midang buaina thlen ka hlauh avangin ka pindanah ka tawm tlawk tlawk ringawt. Zingah ka thawh hmain a tho a, inhnuaia insawizawina pindanah darkar 1 vel hun a hman hnuin a intifai a, breakfast kan ei rual a, tichuan a chhuak zui nghalnghal thin. Zanriah erawh hi chu a changin kan ei dun a, a changin pawn lamah a ei chhuak a. Nupa nun kan hmang a, a khat tawkin kan inbia a, chu chu nupa kan nihna a ni mai, thil dang vak a awm lo.


"Mia...? " Ka phone ken lai thlauh thlawpin ka ding hluai a, Jessy lah chuan kei aia phu zawk hmel a la pu zui. Kan phu dun lutuk chu kan inen a, kan innuih tawp.

"Tihpalh aw.. Lunch a ei theih tawh thu rawn hrilh che ka tum a. " Ka phone pangpar pot bula let reng chu chharin min rawn pe vat a.

"A pawi lo. "

"I tana mi pawimawh tak a nih ka ring. " Tia ka phone a rawn melh chuan nuisangin ka lu ka bu a.

"A pawimawh zia hi sawifiah ngaihna ka hre lo. Ka unaunu a nih hi. " Ka phone wallpaper a Kaitlyn-i nen nuisanga kan din dunna chu ka en a.

"Tinge a rawn tlawh ngai loh che a? "

"A dam lo a. Tunah hian na takin a dam lo a, damdawi inah a awm mek... "

"Oh.. Pawi ka ti lutuk. " Inthiam loh hmel taka a tih chuan "A pawi lo. A that ve thuai ka beisei a ni. " tiin ka phun sep a. Keimah leh keimah ka inhrilh a ni zawk mahin ka hria.

"Kal ila... " Min khawngaih hmel taka min en reng takah chuan nui deuh sakin ka ti a, balcony atang chuan pindanah inzui lutin Dining hall lamah kan inzui thla a. Eitur tuihnai tak tak te chu keimahin ka ei a, Jessy nena ei dun ka duh a mahse ka ruala thil ei tur takngial paw'n ka sawm ngam si lo. Eng emaw thleng leh ta se a chungah thil tha lo a thlen ve ka hlauh vang a ni.



"Movie en dun i duh em? " Bathroom atanga ka chhuah ruala ka thil hriat avang chuan ka ding mawl tawp.

"Tinge? " Sawi mai tur hre lo va ka tih sap chuan nui sukin a kamis hak lai kilh chu a phelh a, a phelh zawh vek hnuin couch-ah chuan a theh thla nghal a. A taksa ruak kang chu ngaihtuah ber pawh nei lovin ka dinna atang chuan ka en reng a.

"Mia....? Ka zawhna zawhna vekin min chhang let suh. " Tih leh ka lam pana rawn kal a rual a, a rawn kal phei pah chuan a kekawr kawng kilhna chu a phelh leh nghal a. Uluk taka a chezia en reng chung chuan ka chil ka lem khawlh.

"Mia....? "

Min rawn hnaih ruak rual chuan "Ka period.. " tiin ka maimitchhing hmak. Ka hma lawka thawmhnaw mumal inbel lo va ding mipa chu ka hmu ngam tawh lo. Second reilote hnuah chuan a rawn nui ri hawk a. A ngaihna hre lo zetin ka mit chu ka meng diar diar a, Aiden hlim tih hriat taka nui hak hak ka hmuh chuan rilru nuam zan lovin "Eng nge...? " ka ti sep.


"Ka thawmhnaw ka hlih vang mai hian eng thil nge ti tura min ngaih a? " Min nuihzat hmel taka a tih chuan ka beng thleng hian a sa hat hat tawh.

"... Thil" Ka chil lem leh khawlhin amah pawh chu ka en duh lo va.

"Mia duhtak, i ngaihtuahna kha a hmul em mai. Inbual tur chuan ka thawmhnaw ka phelh ve a ngai a ni lawm ni? " A tih rual chuan zah lutuk avangin tomato ang maiin ka sen nghal tawn tawn.

"Mawh..? Thawmhnaw phelh lovin ka inbual zawk dawn em ni? " Ka hmai bul set sawta a rawn phun sep chuan "Kal rawh.. " ti hmukin ka petek sawn nghal a, closet-ah chuan ka lut nghal vut.

"Movie en turin lo inpeih rawh aw. I period lai a ni si a, i ngaihtuahnaa awm kha chu ka tihpui lo mai ang che. " A âw a min nuihzatna chu ka haw hlur mai. Ka zak lutuk chu chhuara thawmhnaw chu ka hai vak vak ringawt. Lalpa! Eng ang ngaihtuahna nge maw ka put hi le? A thawmhnaw a phelh ve a ni mai a, nidangah a taksa ka hmu ngai lo pawh a ni lo mahse engngatinge keimahah danglamna a thlen tlat le. Ka duh thlawt lo... Zah lutuk vangin ka ke chu ka per vak vak ringawt.



"Mia, i inpeih tawh em ni? " Khumah chuan ke thluang diaiin ka thu a, webtoon a mi thawnthu ka chhiar mek bawk. Dik tak chuan ka la zah em avangin zak lo angin ka awm der a ni mah zawk.

"Tun ang zan tlaiah theatre inhawng a awm dawn mi? " Nichina thil thleng kha hria anga a lan tawh bik loh avang chuan keipaw'n pangngai takin ka chhang a.

"Tuin nge theatre-ah i kal a ngai ti a.? " Kekawr tlawn thawl hnuk ha chunga min melh chuan khum chu ka thawhsan vat a.

"Eng nge a awmzia..? "

"Min rawn zui rawh. In hi ilo la fang miah lo em ni? " Zawhna min zawt ve bawk a, ka chhan hun pawh nghak lem loin kawngka chu hawngin a chhuak nghal hmak. Hmanhmawh taka pen hmawk hmawkin a hnungah chuan ka zui ve a, kan pindan bula pindan awm lam a pan chuan 'Eng nge kan tih dawn le..? ' tih ngaihtuah neuh neuhin ka kal ve zel a. Lawk.. Nichin khan eng nge a sawi kha.. A awmzia chu Home Theatre maw? Karei!!

Pindan kawngka a hawn rual chuan hmanhmawh lutukin ka va tlan vak a, su deuh nawkin pindan chhungah chuan ka luh khalh a.

"Wow.... " Kâ âng huauin pindan chhungah chuan ka ding a, kei hian eng vanga lo hre vat lo nge ka nih? Home Theatre awm reng siin nilengin ning ngawih ngawihin ka lo awm thin a maw? Ka hun hman tawh te kha ka ui hnuhnawh zawk.

"Tinge min hrilh loh a? " Ka hnunga ding mipa min en rengtu ena ka tih chuan thil dang melh kualin "Tinge in hi i fan kual loh? " tih zawngin min chhang. Ni e, a ni hian eng vang tehlulin nge a hranpa ngatin Home Theatre a awm thu hi min hrilh tehlul ang ni? Nilo, tunah khan ka phur luatah zawhna ka zawt a nia, kei hian Aiden hi a hma ang ngawt kha chuan ka hlau tawh bik miah lo. Amah ka hlauhna kha a bo tial tial tlat. A mak a ni!

"Khatia i din reng chuan movie kan en har lutuk ang. " Ti hlukin ka kutah min rawn kai a, a palian mai si a, theatre mi 20 vel len zannaah chuan thutna dup nuam takah min thuttirin ka hmaah Popcorn leh in tur a lo inchhawp lawk sa diam bawk.

"Eng nge i en duh? " Ka bula rawn thut paha a tih chuan thu ngil awtin ka en chak ber chu ka ngaihtuah a. Kaitlyn-i nen khan movie en dun kan tum fo thin a mahse kan hnain a zir loh bakah kan hun neih hun kha a inang thin bawk si lo va, ti hian en chak em em, en loin kan awm zel a nih hi.

"Mulan.... "

"Maw..? " Tia min melh chuan hmui liak huh zeuhin "Ka la en ve lo va... " ka ti sap.

"Tha e. " A ti ve mai bawk. A rukin ka khi sak. Aiden Ford nupui nih nawmna a vawikhat nan ka hre ve ta.

Mulan movie chu mit lasawn lek lovin ka en kar a, popcorn bawm hnih ka ei zawh lai pawh ka hre lo. A hmuhnawm lutuk a, ka bula thu pawh ka hre chang tawh lo. A tawp rual chuan ui lutukin ka inzimar talh talh a. Aiden thutna lam ka hawi chuan tui lutuk tak mai hian a lo muhil a, a thaw ri sak sak thawm te chu ngaihthlak a nuam zawk emaw tih tur a ni. Ka thut dan chu siam rem sauh sauhin Aiden muhil pawisawi lo hmel tak chu ka en a, a chal atang chuan en thla zelin a hmuiah ka tawp chat. A hmui chu ka en ngar ngar a, âw hian 'Fawp rawh' a rawn ti ni maiin ka hria, keimahah hian fawh chakna a rawn awm thut. Zawimuangin Aiden hmui hnaih tur chuan ka kun hniam a, a hmui ka si tep tawh tihah a rawn che hluk a, ka tawlh hnung nghal dawr. Ka lungphu ri dup dup chu meng buai nak chungin ka ngaithla kar a.

Kaitlyn-i thusawi 'Hmeichhia chuan min ngaihsak deuhtu ngainat let ve chu kan awlsam lutuk. ' tih kha ka hre chhuak a. A dik a ni. Aiden hian ka lakah that a chhuah vang ringawtin kei hi ka lo tuiral hman tihna em ni? He misual hi ka duh thei lo hrim hrim, ka duh dawn lo bur. Nilo, nilo.

"Ka chau deuh a. " Aiden âw avang chuan ka phu zawk.

"A tawp tawh chuan mu ang. " A tih nghut chuan tawng ri lovin ka lu ka bu a, a ding hluai a, a kut ka vawn tura a rawn phar chhuah chuan rilru buai deuh nuaiin a kut chu ka vuan a, kan pindan lamah kan inzui phei leh a.

Ka lam hawia a muhil thaw ri sak sak chu ngaithla karin ka duh dawn loh thu ka inhrilh mawlh mawlh a.

__________________________________________

Lu na burin damdawi in atangin ka haw a, Kaitlyn-i'n hmasawnna a la nei thei bawk si lo, ka rilru hi a chau ngawih ngawih. Doctor khan damdawi thar hman chhin a duh thu a sawi a, ka ngaihtuah that hnua va be leh turin kan inti ringawt.

"Pi Emily... " Pi Emily hmel ka hmuh rual chuan lawm avangin a kutah ka va chelh nghal chawt.

"Mia, I lo tha maw? " Tiin a nuisang a. Kha thil thlen hnu khan ka hriat miah lohin Aidena'n karkhat chawlh a lo pe a, ngaihdam dilna hun tha pawh ka nei ta lo a nih kha.

"Aw, engkim avang khan pawi ka ti lutuk. Khatiang thil kha Aidena'n a tih ka ring pha bik lo a ni. "

"Nilo, pawi ti suh. Rilru tihhrehawmna tur a awm lo. "

"Ka lakah emaw, Aiden lakah pawh i lungawi lo miah lo em ni? " A nuihmel leh tawngkam dam thluam avang chuan ka zawt a. Ka sawi zawh rualin lo lungawi lo pawh nise min hrilh duh dawn lo tih ka hre leh chawpchilh nghal. Aiden-a lakah hian tu tehlulin nge lung awi lohna lantir ngam ang ni?

"Mia, hei hi ka sawi tur a ni em ka hre chiah lo va, mahse hre turin ka duh che a ni. Aiden hi a lan ang ngawt hi a ni lo, pawn lamah chuan sual hmelin a changin nunrawng ve deuh thin mah se a thinlung erawh tha tak a ni. "

A thusawi ka awih loh lutuk avang chuan ka nui hak. A pawnlam lan dan hi a nihna a ni a, tawngpawng sual a ni lo tih chu ka hria, mahse a pawnlam nihna aia nasaa a chhungril a that rinna erawh ka nei hauh lo thung.

"Mihring hi kan thil tawn te hian min thlak danglam hneh ve viau thin a, kan nihna lo ang puia lan kan thlan zawk chang pawh a awm ve chawk. " Ka nuih avanga a rawn sawi zawm leh chuan nui tawp hmakin Pi Emily hmel thutak run chu ka en a. Aiden hian amah thlak danglamtu thil a tawng tihna em ni le? Misual tak hi a sual lo a maw..?

"Pi Emily, ka hre thiam bik lo. " Rilru buai deuh nuaiin ka ti ve sap a, a changin a fel a, a changin a sual bawk sia, ka hrethiam bik lo takzet.

"Nakinah i la hrethiam ve mai ang. Mahse Mia, a pawimawh ber chu, Aiden hi i pasal a ni tih hre reng rawh. " A tih chuan ka nui mawl tawp. Ka pasal a ni a, nitin hian amah ka hlauhna te hi a bo tial tial a, ka ngaina tan der tih hi pawm duh lo mah ila ka thinlung hian chiang si.

"Awi Lalpa, ka soup siam ka theihnghilh alawm le... Ka kal phawt ang e.... " Tia Pi Emily choka lama tlan phei dawr dawr chu hlim taka nuiin ka thlir reng a, reiloteah in chhung chu a reh leh tlawk tlawk a, Aiden-ah bawk ka rilru chu a awm leh ta.



Ka pindanah chuan ka tei kual sek a, tun nihnih kal ta chhunga Kaitlyn aia Aiden ka ngaihtuah nasat zawk dan te chu ka ngaihtuah let neuh neuh bawk a. Mak tak maiin misual tak a ni lo tih min hrilh hriat vang ngawt pawh khan keimahah lawmna a awm tlat. Ka hriat ang leh ka ngaih anga misual a ni lo tih hriat chu ka hlim pui a nih chu mawle!

"Hello..... Doctor, damdawi chu thlak ta ila hmasawnna a awm theiin i ring em? " Doctor chu ka phone a.

"Miss Mia, ka tiam thei lo che a, mahse hmasawnna tlem tal a awm chu ka beisei a ni. " Doctor thusawi avang chuan tlemin beiseina ka nei leh deuh a.

"A tha e. Damdawi chu i thlak thei ang. "

"Awle, zanin atangin a inenkawlna chu ka lo thlak dawn nia. "

"Ka hrethiam e. Naktukah ka rawn be leh ang che. " Tiin phone chu ka off a, couch-ah chuan ka theh thla nghal. Ka kawng dawmin thawk ka la vang vang a, mahni intihhahdam tumin zawimuangin ka thaw chhuak leh a. A that ngei ka beisei.



Aiden Ford pov

Mia kawng dawma thaw chhuak ham ham chu a sir zawngin ka hmu thei a, min la hmu ve miah lo tih hriat tak hian a ban pahnih chu pharin a thaw leh ham ham a. A ni hian eng ang insawizawina nge maw a tih hi le?

"Tu maw naktuka i biak leh tur chu? "

Phu tih hriat lutuka a rawn lehhawi chuan ka khi suk. A mitmeng bial kawk chuan min en kal a, a sam thur deuh nuaia a phiar te chu inhmeh tak a ni. He hmeichhia hian engpawh hain, eng ang paw'n awm se tha ka ti reng zel chu a nih si hi. Kei Aiden Ford hi Mia Lenin lakah ka luangliam takzet a ni.

"Ih... Doctor a nia, Kaitlyn enkawltu Doctor. " Ti sapin a phone couch a a theh thlak kha a la kang a, hmeichhe naupang ang maiin a kut chu a suih a, a ding zum at a.

"Ka phalna la loin mipa ilo bia a... " Ti nghutin ka pan phei a. A hmela min hlauhna rawn lang chhuak chu duh lo hle mah ila min hlauh hian ka bulah a awm reng thei ang a, min kalsan ngam loh ka rin vang zawk a ni.

"Aiden, putar alawm.. "A dinna bula couch-ah chuan ka thu a.

" Putar pawh nise mipa a ni tho lawm ni? "

"Awi... Putar ai chuan ka duh zawk che. " Ka va melh rual chuan sawi sual inti takin a kâ a hup chawt a, meng buai nakin min rawn melh zawk a, kei erawh ka chhungril thleng hian lawmnain a khat thung. Putar ai chuan min duh zawk a, hma ka sawn ve det e.

"Ih.. Ka kal..... " Zak lutuka pen sawn a tum rual chuan a banah ka pawt thut a, inring loin ka malah a rawn thu nghal chawrh. Chu hun chu remchanga lain a kawngah nghet takin ka kuah a, a tal aih aih rual chuan a khabeah dawmin min en turin ka kuai her nghal a.

"Putar nena tehkhin chi ka ni em ni? " A mitmeng zam lutuk avang chuan ka hlim veng veng mai.

"Aih.... " Ti sapin a lu a thing a. A mitmeng mawi lutuk tak mai tuifinriat ang maia pawl deuh raih chu en vawng vawngin a hmui ka en thla zel a, a khabe ka chelhna chu thlah duh chuang lovin a hmuiah chuan ka fawp a, a hmuia fawh nawm zia hi engtikah mah ka theihnghilh phal ka ring lo. A kâ a ân zuai rual chuan nasa lutuka fawpin ka lei ka hmang tangkai vat a, ka fawh mek hmuiin min rawn fawh let ve rual chiah chuan ka lungphu a rawn rang a, keimahah phurna nasa tak a rawn awm a, a taksa chu ka hrawm deuh nawk nawk nghal a.

A kut rawn phar chhuakin ka nghawngah a rawn kuah deuh chawt a, nasa taka min fawh let ve phei chuan insum peih tawh lovin a thut dan chu ka siam rem sauh a. A bawp pahnih kar tirin ka malchungah chuan ka thut tir a, a kawrfual hak chu hlim chhoin a mal mam han mai chu ka zut kual vel a. A kawr dar bah sin tak chu a banah zut thlain a bra hrui pawh chu ka pawt thla zel a, a awmbawr mawi tak ka tham rual chuan a rawn rum ri hak a, min fawhna chu chawlh san lawkin mitmeng dâ vâin min en a, a mita melh leh ve chung chuan a hnute hmur chu ka hrual deuh hne hne a, eu zawkin a rum ri leh hawk a, a hmui bawk chu duhthaw lutukin ka fawp leh a.

Kan taksa inhiptawnna nasa lutuk avang chuan pawm tho nawlhin khum lam ka pan pui a, ka thawmhnaw hak lai chu awlsam taka hlip vatin khumah chuan ka bawh nghal run a, a nuam ti rum thawm nidanga ka la hriat ngai loh ka hriat rual chuan a aia nasa zawkin ka che nghal dawt dawt a, a vawr tawp kan thlen meuh chuan zawi deuh hnawkin a sirah ka let thla a.

"Muhil rawh.... " Chechang lo va a mut reng chuan a zak hnuhnawh a nih ringin ka kuah bet a, ka awmah a hmai phumin a luah ka chul heuh heuh a, he hmeichhia hi ka mamawh ngei chu a ni.


Ka taksa vawt deuh sung sung avangin ka harh a. Ka mutna bul ruak huai ka hmuh chiah chuan ka inperh tho nghal zawk.

"Mia.... " Pindan chu ka en kual vat a.

"Mia.... " Ti lehin bathroom lamah ka kal phei a, bathroom kawngka inkalh avang chuan hahdam deuh hawkin ka thaw chhuak hak. Min kalsan emaw tiin ka lo hlauthawng hman a.

"Mia...... " Tiin kawngka chu ka chum ri dawt dawt a, reiloteah kawngkhar chu rawng inhawngin Mia chu towel ringawt vengin a hmel ka hmu nghal a. A sam hnawng deuh chhap chuan a tilang sexy ngawih ngawih.

"Aiden, ka inbual dawn a... " Thawmhnaw inbel miah lo va ka awm min hmuh chuan thil dang enin a ti zawi sep. A zak hmel chu duhawm tak a ni.

"Keipaw'n inbual ka duh. " Tih leh bathroom a nawr luh ka rual nghal a, bathroom kawngka chu kharin bangah ka nem bet nghal a.

A towel ven lai ka pawh thlak rual chuan a maimitchhing daih. Nui sukin a hmuiah ka fawp a, a nghawng bawr vel chu fawp kualin ka kut ka vah kual tir ruai bawk. A pum ri ruk ka hriat rual chuan ka thil tihlai ka tawp nghal chut.

"Ka ril a tam aniang... " Tia a nuih deuh seih chuan inlahrangin shower lamah ka kai phei a.

"Inbual vat ila, zanriah ei zawhah kan chhunzawm leh dawn nia. "

A taksa mawi tak chu khawih chak hle mah ila ka insum hram hram a, hun kan la ngah alawm, zanin chu a tan zan hriat reng tlak a ni ngei ang.





(Hetiang hi thleng ve deuh ziah se in rilruin in ti😆🤣 Naktuk zan hi ka dah thei ang em ka chiang thei lo va, eng emaw buaipui tur ka nei a, mahse theih hram chu ka lo tum ang a, thei ta lo a nih paw'n in hriatthiamna ka dil lawk e aw...)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:25 pm

His Love
Chapter 5
by Elyseen







"Mia..... "

Ka hming ka hriat rual chuan mumang ram atangin fiah lutuk tak maiin ka harh nghal kawk. Ka inhriatchhuah meuh chuan khumah ka lo thu ngil at tawh. Aiden couch a thu a Laptop a thil chhu melh melh chu ka hmu hmasa ber a.

"I va phu ve... " Min rawn en zawka a nuih suk chuan lai lutukin ka nui ve sak. Lawk.... Kei hi. Ka taksa ka ruak vek ka hriat rualin ka rak vak a, ka puan sin lai ka pawt tawm nghal rawk.

"Mia, ka hmuh hnu vek alawm. " Aiden-an min en lem lo a a rawn tih phei chuan ka taksa hi a sa chhuak vek thei hial.

"Ka mutna lamah khan i thawmhnaw a awm, ha la breakfast ei dun ang. "

"Aw, min lo va chhuahsan lawk la... " Zawi deuh sapa ka tih rual chuan a laptop khawih lai atanga a mit la sawnin min rawn en a, a mitmeng avang chuan ka inhmu tè rawih rawih nghal.

"Mia, i zak em ni? " Tia a nuih suk phei chuan ka melh tha ngam tawh lo. Nimina thil thleng leh nizana thil thleng te kha ka ngaihtuah let ringawt pawhin ka zak lutuk a, hrehawm ka tih tawh tehreng nen tunah lah tihian min la nuih sawng lehnghal a. A laka ka insum theihna ka hloh vek mai kha ka hrethiam thei hlawl lo, eng vanga hepa hian min hip em em nge maw a nih le? Duhthaw lutuk taka maia ka fawh ngawng ngawng lai kha ka ngaihtuah phei chuan zah lutuk avangin ka tim deuh uai uai thei hial...

"Ka lo va chhuak ang e. Rei lo la.... " Ka chhan tak loah chuan tha takin min chhuahsan ve mai a. Engvanga tukin ataka khatia awm kher nge maw a nih le, ka ning ka ning.

Ka sam chu ka kek deuh nawk nawk a, a mutna lama ka underwear let deuh run ka hmuh phei chuan ka inkek na zual sawt. Ka underwear chu ka ha vat a, kawrfual chu thawlh leh vatin bathroom lamah ka tlan phei nghal a.



Dining room a Aiden dawhkan kila thu lam chu pan vatin ka thu ve nghal a. Amah en duh loin eitur ngawt chu ka en deuh ngur ngur bawk.

"I ril a tam tawh ang, ei teuh rawh. " A thusawi avang chuan ka va melh deuh kawk a, a fork keng kangin nuih zat hmel tak hian min lo en ve ran a, ka hmui hnuai lam seh vakin juice chu tlem ka in a.

"Vawiinah hunawl ka nei thei dawn a, i kal duhna hmun lo ngaihtuah la, kan chhuak dun dawn nia. "

"Maw? Tak tak em? " Ka kâ khat tuna thil ka ei avang chuan ka tawng tha thei lo va, ka helh nghal awt awt.

"Mia, naupang i nih tawh loh hi. " Ti nghutin a thutna a thawhsan a, ka hnungah a rawn chum deuh thak thak a, in tur min pe nghal vat bawk.

"I tha em? " In tur ka in zawh chuan min zawt leh a, ka hmui hru zeuhin ka lu ka bu vat.

"Jose-an a lo hruai ang che. " A thutnaa thu paha a tih chuan ka lo nui ver ver thung. A nuam dawn e... He in chhuahsan ka chakna hi a rei tawh bawk a. Mahse khawiah nge kan kal ang? Movie ka en tawh a, eng nge tih ka chak aw... Aw, ka hrechhuak e.

"Mia, ei phawt rawh. " Thil ei thulh meuha ka lo ngaihtuah leh veng veng chu.

Aiden chhuak tur chu pawn thleng ka thlah a, car-a luh dawn pawha a rawn hawi let miah lo chuan tlemin min ti hnual ve deuh. Mahse min hruai chhuak dawn tal a, mahni intihnual lo zawk mai teh ang.

"Mia, vawiin chu date i nei dawn a ni maw? " Jessy-in nui deuh sang chunga min tih chuan nuih let varin ka lu ka bu deuh ngat a.

Doorbell a rik chuan Jessy hawng turin a kal a, keipawh hall-ah chuan dingin tunge a nih tih ka lo nghak ve tho a. A chhan chu inleng kan nei ngai lo va, he ina ka awm hnu hian he ina hnathawk bak hi chu rawn kal an awm ngai loh vang a ni.

"Miss Mia thawmhnaw kan rawn dah dawn a. " Hmeichhe pahnihin an tih chuan Jessy chuan mitmeiin min rawn rawn a, ka hriat thiam bik loh avangin ka va kal hnai a.

"Eng nge ni a? "

"Miss, Sir Aiden-an I thawmhnaw rawn dah turin min ti a ni. " Pakhat zawkin a tih chuan "Eng thawmhnaw nge a? " Ti lehin an hnung lawka T-shirt inkhai dul chu ka va hmu a. Aiden-an T-shirt ka hak a phal tawh tihna..

"Aw, ka hrethiam e. Tihian in kalsan thei ang. " Min chhan hmaa ka tih chuan a lu bu nghutin T-shirt inkhai dul chu an rawn nawr lut a, min chhuahsan leh nghal a.

"Wow..... Mia, a nalh hlawm lutuk. " Jessy-in a tih chuan ka thlawp takzet. T-shirt mai mai hi hetiang hian a nalh thei ang tih ka hre ngai lo. Bodyfit leh shirt pangngai, mahse a print nalh zet an ni hlawm a. Ka lawm takzet. Vawiin chu ka vanneih ni a ringawt alawm le.

Jessy-in Shirt ho chu closet-ah min rem sak vek a, puih ka duh viau naa ti lo tura min tih bakah Aiden-a ka ngaihtuah a, pui ta lo in ka lo en tawp ringawt.

"Mia, nangmah i ang lo. " Jessy leh Pi Emily min melh dan avanga nui hak hakin step-ah chuan ka pen thla zel a.

"Ka inhmeh lo a mi? " An bul ka thlen ruala ka tih chuan an lu thingin "Nilo, i inhmeh lutuk zawk. " an ti rual sap a, ka nui ve sak.

Ni e, he ina ka awm atang khan shirt leh kekawr ka ha ngai lo hrim hrim a, kawrfual emaw pawnfen fengin kawr cheimawi deuh reuh ngawt ka ha thin a nih kha. Vawiin chu kan kalna tur nena inmil deuh thlapa incheiin T-shirt var ka taksa phuar lam leh Jeans paw dal thawl deuh tak ka ha a, pheikhawk pum bun lehin sling bag var ka ak bawk a.

"Miss...? " Jose-a hall a kut suih at a ding chu enin ka pan hnai nghal a.

"Mia, nuam deuhin... " Pi Emily leh Jessy chu ka kut lek kangin ka bye lauh lauh a, Jose nen chuan kan tlan chhuak nghal a.

Darkar khat vel kan tlan hnuin khawpui chhung kan lut a, kan tlan zel a, building lian tawk tak hmaa kan din rual chuan darthlalang atang chuan ka en vang vang a. 'Ford' tih inziak kalh avang chuan tu ta nge tih ka hre nghal mai bawk.

Aiden-a building lian tak atanga rawn chhuak mek chu mipa pakhat hian a rawn zui bawk a. Kawngkhar hawn sak tura Jose a chhuk rual chuan a rawn thut luh nan tiin ka tawlh sawn deuh a.

"Hi.... " A rawn luh rualin ka inchei dan chu hmuh hmaih hlau niawm takin min en deuh run a.

"Khawiah nge kal i duh? " Ti supin a coat hma kilh pakhat chu a phelh a.

"I hre mai ang. Jose hi ka hrilh tawh a... " Nuisanga ka tih chuan mitko san akin a ngawi ve mai a.

"No...... " Kan hmaa thil awm en vang vanga a tih chuan "Yes.... " ka lo ti vat.

"Mia, hmun nuam deuhah kal i duh lo em ni? " Lungawi lo deuh taka min en chuan lungawi loh hmel ka hmuh let ve vat a.

"Helai hi a nuam alawm. "

"No.. He hmun hi a nawm ka ring lo. " A ti leh nghut.

"Enteh, Aiden, ka kal chakna min zawt a ni lawm ni? Helai hi a ni e... He hmun aia kal chakna hi ka nei lo. " Ka ti ve hmak. Tunah hian a duh dana hmun danga kal ka remti a nih chuan he hmunah hian engtikah mah kalna hun tha ka neih tawh loh ka hlau.

"Mahse Mia..... "

"Aiden, mipa chuan an thusawi an hlen thin. " Ka lo tih khalh vat a, min rawn en chuan ngenngawl zetin ka melh let kar a, a thinrim ka rin nen a nuih suk rual chuan ka thaw huai mai.

"A tha e.. " A kut ka vawn tura a rawn lek kang chuan tim deuh aihin ka vuan a, nghet taka hum nghalin kan hmaa 'Amusement Park' tih inziak kulh chhungah chuan kan inzui lut nghal a.


Thawm bengchheng leh rak ri chul ka hriat phei chuan ka phur lutuk chu ka za zek zek thei hial. Aiden-a kutah chuan pawt vakin hmun hrang hrangah ka kai kual a, balloon kan kap puak a, infiamna chi hrang hrang kan ti bawk a, hrehawm a ti em tia ka va en chuan hlim hmel tak hian balloon chu a tin deuh vang vang a, a kah puah rual chuan lawm lutukin ka lo khek deuh tuar a.

"Kha le.... " Teddy bear te tak te min pek chuan lawm lutukin ka nuih ver ver.

"A lum em? " Ice cream ei a kan thut chawlh lai chuan ka zawt a, a coat hak avang hian lum a tih ka ring, ka tlan kual pui nasa ve ang reng sia.

"Aw.... " Tiin a coat chu a phelh a, a necktie pawh phelh lehin a kamis kilh chung ber chu a phelh leh a, a ban kilhna pawh phelh lehin tu emaw ka hnung lama ding hi a hui zeuh a, ka hawi let chuan Jose a lo ding run chu niin, kan kalsan daih emaw tia.
Jose chuan Aiden coat leh tie chu a rawn la vat a, min kalsan nghalin parking lamah a kal ta daih a.

"Ice cream I duh ve em? " A thil in lai tuihmel lo zet avanga ka zawh chuan nui hukin "Mia, ice cream te chu naupang ei chi alawm. " a ti thum bul a. Ka lo ner sak.

"Tah hian 'Naupang tan' tih a inziak miah lo. " Ka ice cream bawm kawk vaa ka tih chuan min hnial peih tawh lo aniang, a nui tawp.

"Le... Eng nge kan tih leh ang? "

"Mad Swing-ah ka chuang duh. "

"Chu chu eng nge? "

Mad Swing lam ka kawh chuan a meng phar deuh awk chu ka hmu hman ruai. Insiamtha leh rang hle mah se a hlau tih ka hre thei. Aiden Ford hian mad swing a hlau maw... Ava lawmawm reuh.

"I hlauh chuan thil dang pawh kan ti thei tho. "

"No, ka hlau lo. " Ka nui ru sak. A tih kha ka ring reng a, mipa inla pa ve tawk tak tan chuan 'ka hlau' tih chi ni hek lo.

"Aiden, ka ti tak tak a nia, i hlauh chuan ka tilui lo che. " Ngaihtuah hmel tak hian ka dak chho vah a.

"Mia, keipaw'n ka ti mai mai hleinem, ka hlau lo. Kal rawh, va chuang ang... " Mitmeng thutak deuh taka tia Mad Swing awmna lama min kaih phei chuan a hnunglam atangin ka nuih deuh rah rah a.

"A nuam........ " Ka rak chul a, hlauhna lam a lang lo hrim hrim. Aiden inhumruh a, ngawi ngul chu "Au ve rawh... " ka ti lang lang a, a tum hmuk.

"Lalpa! Ava nuam tehreng em. " Thaw deuh ham hama tiin ka sam ka zut mam a.

"Nuam i tih chuan a that chu. "

"Nuam i ti ve lo em ni? " Tia ka en chuan a nui duh miah lo. A nui duh lo hmel te chuan min tihlim ver ver thei nia mawle! Aiden hi ka duh tihna em ni? Nilo, Mia, inngaihtuah chiang rawh, i duh thei lo ang. Mahse tinge????

A sam thur hnawk nuai chu ngaihtuah lem loin ka va khawih a, ka zut mam sak a. A mita ka en fuh rual chuan a mitmenga min duhna rawn lang chhuak chu ka hai lo. He mipa hian ka tan hian eng feelings chiah nge maw a neih le?

"Min lo hrethiam lawk aw... " A phone a rawn rik chuan "Aw.. " ti sapin ka inlahrang nghal a.

A phone hmang lai chu hmuhnawm ti takin ka thlir reng a. A kut lehlamin a ipte a zen at a, a kut lehlama phone a keng vel ringawt pawh chu hmuhnawm tham a tling viau. Tun hma khan hetiang em em hian ka hmu tha ngai si lo va, tun atakah ka hmu tha ta em em a. Aw Lalpa, Aiden Ford zunah hian min uai tir lul suh.



Aiden ka lam pana a rawn pen hnaih chuan âw thian karhin amah en lo ang chiahin ka lo insiamrem vat a.

"Mia, office-ah ka let nghal a ngai a, Jose nen in lo va haw hmasa dawn nia. "

"A... Awle. " Zawi sapin ka ti a. Ka hnual deuh rawih nghal.

"Kal ila... "

Parking lamah kan inzui phei a, ka thutna tur min hawnsak thlapin lehlam atangin a rawn lut a.

"Ih.. Zanriah inah i ei ang em? " A chhuk dawn chuan ka zawh duh em avangin ka zawt ta tawp a. Min rawn enin "Dinner meeting kan nei dawn a. " a ti a. Ka hrethiam tih lantirnan ka mit ka khap deuh fak a.

"Ka sawi lo va, Mia, i nalh lutuk. " A rawn tih chuan nui seihin...

"Ka lawm e.... Nangpawh. " Laih lutuk luatah ka ti leh ngawt a, nidang aia a inchei danglam bikna a awm tawp si lo. Nui deuh suka a chhuk chuan ruak deuh huai hian ka inhre nghal.



Aiden Ford pov

"Sir, hei hi a nia. " Ka secretary Leah-in envelope ka dawhkana rawn dah paha a tih chuan a chhuak thei tih lantir nan ka lu ka bu nghat a.

Ka chair-ah thuin ka ngheng deuh ar ar a. Ka hmaa envelope var chu enin ka kut ka suih a. Second reilote chhung chutia ka awm hnu chuan envelope chu la kangin ka en chiang a, a thawntu address awm lo mah se 'SJ' tih inziak avang chuan tunge rawn thawn tih a hriat tawk viau.

Envelope chu ka hawng a, a chhunga paper awm chu ka la chhuak a.

"Kan inhmu vat dawn nia.! " Tih inziak ka chhiar rual chuan thinrim lutukin ka rum chhuak hawk. Chu lehkha chu ka hrual hlawm a, bawlhhlawh bawmah ka vawm lut nghal a.

"Ni e, a hun tawh viau a ni. " Mahnia phun chhuak hlukin ka nui suk a.




(Le...... Comment leh ads click kha taima hram ang aw.. Inthlahrung takin ka rawn sawi ve lawk🤭)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2021, 3:25 pm

His Love
Chapter 6
by Elyseen








Mia POV

"Aiden, min ko em ni? " Closet-ah lutin Aiden insiam lai chu ka thlir reng a, ka thawmhnaw thlan sak a ha tih ka hmuh rual chuan ka chhungril thleng hian a hlim veng veng mai. A ha duh lo ang tih hlauh vanga pindan chhuahsan daih kha ka ni reng a.

"Dawhkana box kha hawng rawh. " A mitin a enna lam chu ka hawi a, darthlang bula dawhkan hniama box awm chu ka la kang nghal a.

"Tinge? " Tia Aiden ka en chuan a kekawra a kamis hnawh lut pahin a mitko a san ak duh chauh. Min chhan tak loah chuan box chu zawimuangin ka hawng a, box chhunga thil awm ka hmuh chuan mak ti deuh takin Aiden chu ka va melh leh a.

"I ta tur a nih kha. " A tih sup phei chuan box chhunga thil awm bawkah ka mit a fu lehnghal. Tunlaia phone chhuak thar ber min pe a, ka ta tur a ti lehnghal.

"Phone ka nei reng alawm.. "

"Mia, i nei lo ka ti hleinem. I ta a ni tawh a, hmang rawh. " Ti leh nghutin min rawn din hnaih a. A sam chu uluk taka khawih vel a ni lo tih a thur em em danah chuan a hriat mai. A chhem ro ringawt a nih dawn hi.

"Mahse.... "

"Necktie I suih thiam em? " Ka sawi zawh hma chuan a tie awrh tura ka lak chhuah chu ka hmaah a rawn lek kang a. Box chu dawhkana dah thlain a tie ken lai chu a kut atangin ka la.

"Ih... Rawn kun la. " Ka tih sap chuan a rawn kun ve mai. A nghawngah tie chu batin ka din hnaih a, ka suih lai chuan ka kut a khur der der mai. Min en reng avang chuan ka hawi chhuak ngam lo hrim hrim.

"Tet hi hrehawm i ti em? " A thusawi avang chuan ka en chho ha a. A hmel ka hmuh chuan ka nui nghal hak. Amah leh a thusawi chu a inhmeh hlawl lo.

"Nuihzatthlak ka sawi em ni? " Tia min melh run phei chuan ka nuih a za zual sawt. Insum zo lovin ka nui hak hak a, ka mittui a tling pur thei hial.

"Ih.. I thusawi leh nangmah i inhmeh lo em alawm. " Ti sapin a tie chu ka suih zo a, tawlh sawn ka tum rualin ka kawngah a rawn kuah nghal chawt.

"Ka zawhna i la chhang lo. " A tih leh nghut chuan chiang takin kan inen ran a.

"Aiden, ka te hran lo. Nangmah hi i sang mah mah zawk alawm... "

Ka thusawi avanga a mitko san akin a rawn kun hniam a, eng nge a tih dawn ka hriat avangin maimitchhingin ka lo dawh a.

"Mia, eng nge ti tura min duh. " A âw a nuihzatna ri tel avang chuan zak lutukin ka meng nghal a, ka tal ak a, min thlah duh bawk si lo. Ka zak lutuk chu a hmel pawh ka en ngam tawh lo. Tinge tihian min tih ziah? A va han sual mai mai tak.

"Min thlah rawh... "

"Nizanah min mut san a... " A tih chuan tal tawh lovin ka tawp chut a.

"Ilo haw har em alawm.. " Amah en duh lovin ka kun tlat a.

"Zanin chu min lo nghak ang tiraw...? " Tiin min kuai dak nghal a.

"Um..... " Ka tih sap rualin a rawn kun hniam a, ka hmui chu duhthaw takin a rawn fawp nghal. Keipaw'n a nghawngah kuah let vein ka fawp let ve ngar ngar a.

Kan inthlah rual chuan thaw deuh ham hamin a chal leh ka chal a insik tir a. "Zaninah min lo nghak rawh aw... " ti leh supin ka biangah a rawn fawp zawk a, ka kawnga a chelhna chu a thlah nghal a.

"Breakfast ei ila.... " Ka sam ka benga zep paha ka tih chuan ka kut a rawn vuan a, a kut lehlamin a tie chu a khawih a.

"Tie suih i thiam hle mai. "

"Home-ah khan kan zir thin alawm. "

Inhnuaiah kan inzui thla a, breakfast tuihnai tak kan kil dun a. Kan boruak chu a nuam dangdai takzet. A chhuak tur chu ka thlah leh thlap bawk a, a ngai te bawkin a rawn hawi let leh chuang miah lo.

Pi Emily thusawi kha ka hre reng a, Aiden hi ka duh vanga nei ni lo mah ila hun kan hman dun hnu hian a laka ka rilru put hmang ka thlak chho ve bek bek a. Ka ngaina tawh a, a bula awm nuam ka ti tawh viau bawk. Ka hriat reng chu a ni hi ka pasal a ni tih hi. Mad Swing-ah khan hlau mah se keimah vangin a chuang a nih kha. Ka ngaihtuah let pawh hian ka nuih a la za zawk. Ka nuam tih zawng min tihpui a, keipaw'n ka rul let ve ngei tur a ni tiin ka inngaihtuah a. Tukin khan a inbual hlanin a thawmhnaw hak tur ka lo thlan sak a, engmah sawi lo va a ha ve mai te kha ka lawm takzet. Nupui ka nihna angin ka pasal thawmhnaw hak tur thlan sak chu ka tih tur a ni a, ka ti zel bawk ang.



"Pi Emily, he inah hian engtia rei nge i thawh tawh? " Pi Emily chu thingpui in puiah ka sawm a. Inchung hall-ah kan thu dun a.

"Kum 20 ka thawk tawh. "

"Aiden naupan lai atangin maw...? "

"Aw, a nu hnuaiah ka thawk thin a... "

"Oh.. Aiden nu leh pa chanchin hi ka hre ngai miah lo. " Ti sapin ka thingpui chu ka in a, thingpui hi ka ngaina ngai miah lo va, mahse Pi Emily thingpui siam erawh tui ka ti viau thung. Nitin hian ka in ngei ngei thin.

"Aiden hian tuma hriat a duh lo. " Ka va en chuan a thingpui no keng kangin min en ve reng a. Engvanga mi hriat duh lo nge a nih le, a hma khan a chanchin hi social media velah ka zawng chiam tawh a, a hlawhtlinna, hmelthatna leh hauhsakna bak chu hmuh tur a awm meuh lo. A chhungkaw chanchin mai bakah an chhungkaw thlalak takngial pawh a awm lo.

"Tinge...? " Hre chak lutukin Pi Emily thusawi tur chu ka ngaithla kar a.

"A nu hi a thi tawh a. "

"A ni maw? Tinge engmah a sawi loh le? Engvanga thi nge a..? "

"Mia, min hrethiam la, Aiden hnen atang ngei hria la ka duh a ni. " Pi Emily-in min zah hmel taka a tih chuan zawh luih chi niin ka hre ta bik lo va.

"Awle, ka lawm lutuk e. " Tiin ka nuih seih a. Thingpui kan in zawh hnu chuan no chu sengin inhnuaiah a chhuk lehnghal a. Keimahin chu hall zau takah chuan ka thu ngawi ran a. Aiden nu chu a thi tawh a, mahse khawnge a pa hi a awm le? Kan inneih khan a nu leh pa an rawn lang bik miah lo va, a hun lai kha chuan ka rilru ka sen peih loh bakah Kaitlyn chauh ka ngaihtuah avangin ka lo ngaihven ngai lo va mahse tunah erawh ka rilru zawng zawng hi Aiden hian a luah khat ta emaw tih mai tur a ni.






"Mia, pangpar thar a rawn thleng a, a rem fel dan tur hi i rawn en dik duh ang em? " Jessy chu ka melh vang vang a.

"Mia...? " A rawn tih leh rual chuan harh chhuak thut ang mai hian ka awm.

"Aw.... " Mit khap fak fakin ka ding a, Jessy chu ka en a, a nuih sang chuan nichina a thusawi kha ka hrechhuak nghal.

"Aw, duh e. Ka lo en ang... " Ti zung zungin ka kal nghal a.



Aiden chu zanriah kil hunah a rawn thleng a, kan pahnihin kan kil dun a. Wine tui tak kan in dun bawk a, a nuam takzet.

"Aiden, phone hi ka mamawh lo takzet. " Box atang pawh chuan la chhuak duh lovin Aiden chu ka en a, couch ah hahdam taka thuin min en a.

"Mia, i duh loh chuan i paih thei alawm. " Nui suka a tih chuan ka ner sak thung.

"Ka paih phal teuh lo.. " Ti ve hmukin box chu ka hawng a.

"A nih chuan min hnial tawh lovin hmang rawh. Mahse.... " Tiin a bula couch-ah chuan thu tur in min mitmei a. Thuawih takin ka thu ve leh mai.

"Eng nge...? "

"Comics chhiar nana hman chu ka remti lo. "
"Engtinnge comics ka chhiar thin tih i hriat? Nilo, chu chu a pawimawh lo. Comics ka chhiar lohin nilengin eng nge ka tih ang a...? " A thusawi avanga beidawng lutuk chuan ka en reng a, comics chhiar leh zel min khap sak a nih chuan khawhar luatah ka thi thei hialin nia ka rin ni.

"Mia, phone a comics emaw thil dang pawh chhiar vak vak hi a hrisel lo. " A âwki dam thlup avang chuan ngenngawl takin ka va en a.

"Nangpawh nilengin computer hmaah i thu ve tho. " Titau âw taka ka tih chuan a rawn nui suk. Ka hlimna neihchhun hi chu ka tihtawp tir dawn lo a ni tawp mai...

"Keichuan pawisa ka thawk chhuak alawm.. " A ti awlsam et a.

"Khawhara thi turin min duh em ni? " Ka sawi zawh rual chuan ka inchhir nghal. A mitmeng nichina dam thlup kha a bo hmak a, hrehawmna emaw thinrimna nge a mitmeng chu ka chhiar thiam lo.

"Mia, vawikhat mah 'Thi' tih tawngkam hi i hmang tawh tur a ni lo. " A tih chan fak chuan ngawi rengin ka lu ka bu a, reiloteah a hmel chu rawn inthlak leh vatin nichina nelawm tak kha a ni leh der tawh. 'Thi' tih ka sawi avang khan khati khawp khan a danglam a maw...?

"Mia, engtikah mah nang hian min kalsan dawn lo, ka phal ngai dawn lo. I hrethiam tiraw...? " Ka kut nghet taka chelhin ka mitah chuan min en kal a.

Ka lu ka buk chuan a duhthu a sam lo a ni ngei ang "Tawngkain min chhang rawh. " a ti sup a.

"Aw..... " Hlim hmel taka min enin a ding a. Keipawh min pawt dingin kawngka lam chu min panpui ta mai..

"Eng nge kan tih dawn? " Tiin ka ding a.

"I khawhar loh nana tih tur ka hrilh dawn che. "

Pindan atang chuan min kai chhuak a, hall kal pelin pindan pakhat zawkah chuan min luh pui a, light a on rualin ka boruak hip luh chu ka thaw chhuak nghal hawk. He hmun hi library tihna em ni?

"Nilenga tih tur i hriat loh chuan in hi fang kual la tih tur i hre mai tur. " Mawl min tih hmel zeta min en chuan ka ner sak.

"Ka tuina lam a ni lo a ni mai. " Min kaihna kut chu la thlain ka kut ka kuangkuah a.

"In fan kual nge, lehkhabu chhiar zawk.. " Ka beng bula a rawn phun sap chuan ngei lutukin ka en a, nui sukin ka biang a rawn piai zawk.

"Tah hian i hun i hmang thei ang... " Pindan chhung lehkhabua khat chu thlek kualin lehkhabu chu lak mai ka tum a, ka kuta a rawn chelh rual chuan eng nge tih melhin ka melh a.

"Naktuk atangin le.. Zaninah chuan tihtur dang kan nei. " Ti nghutin pindan atang chuan min kai chhuak lehnghal a. Lehkhabu rim kha ka hnarah a cham veng veng mai.

Kan pindana kan luh rualin min fawp nghal tawn tawn a, ka thawmhnaw hak chu ning tih hriat takin a hlim chho kawk a, awlsam takin min phelh sak nghal. A thawmhnaw pawh hlipin khumah chuan min nam mu a, panty leh bra nen chauh chuan a ka mu ran a. Ka taksa chu a thlek vang vang phawt a, a mita a enna vang ringawt pawh chuan ka za mer mer thei hial.

Rawn kun hniamin ka hmuiah bawk a rawn bur leh chat a, min kuai herin ka bra kilh chu a phelh a, chhuatah a theh thla nghal. Ka hnute chu dim lo takin a tham nawk nawk a, na tih chu sawi loh nuam ti lutukin ka lo thaw ham ham thung. Ka hmui atanga a hmui la sawnin ka awm zawnah a hmui a chuktuah a, ka hnute hmur a rawn hmuam rual chuan ka ip nghal awk.

Duhtawka ka hnute a khalh hnuin hnuai lamah a insawn thla zel a, ka panty hak hlipin ka kap karah tak chuan a hmai a phum nghal a. A hmui leh lei hmanga ka hmeichhiatna a rawn deh meuh chuan khur deuh hlawkin bedsheet ka hmer ngar ngar a. Ka taksa chhunga a rawn luh chuan nuam ti lutukin a tana remchang turin ka lo mu vat a. Vanram tlafual ngei mai chu kan fang dun a.




__________________________________________

"Doctor, a kut a tiche chiang alawm. " Doctor in Kaitlyn-i a endik lai chuan a sirah zam takin ka ding reng a. Nichin lawk khan a kut zungtang a rawn tiche a nih kha.

"Hetiang hi chu thil thleng ve thin a ni alawm. A dinhmun erawh a la ngai reng e.. " Doctor in a tih chuan ka hnual nghal rawih. Beiseina sang tak ka nei kha a ni si a.

"Awle, ka hre thiam e. " Ka tih sap chuan Doctor leh Nurse chu an inzui chhuak a. Kaitlyn hmel dang bel chu ka en vang vang a, engtikah nge maw rawn harh a tum le? Tinge hetianga manganga min siam mai le.



"I thupek angin Doctor chuan a ti e. " Jose phone hmang thawm ka hriat chuan chhuak mai lovin kawngka bulah chuan ka ding a. Chhuak mai tur ka nih laiin eng emaw hian min mawlh a, a thusawi chu ngaihthlak ka chak tlat.

"Ka hre thiam e. Miss Mia chuan a hrechhuak lo vang. " Kawgkhar hawnna chu ka vuan nghet sauh a, eng thil nge ka hriat chhuah loh tur chu? Eng thupek nge a sawi? Jose hian tunge a biak??

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)