Game Of Love By Zeuss Pach(Xhole) (Completed)

[Ngaia]

Chapter-1



By~Zeuss Pach




"I thiam loh a awmlo ka tih tawh kha " ka thusawi hre lo ang hmaka ka u kun ngul chu ka en tlawk tlawk a.

.

A ngawih vung vung hnu ah rawn che thut in bang chu a rawn hnek chawrh a nihchu.
.

Rapthlak ti hmel lutuk chuan ka en reng a "hmana ka u kha ni leh rawh, tuna mi hi chu a danglam tawh emmai " ka ti phawng ringawt .


A nui suk a "Hmana I u mi laktlakloh kha em ni I sawi ?" A ti sup .


"U ,,,hetiang lam zawng hi chuan awm lo teh,khathil kha theihnghilh tum rawh a thleng vek tawh,siamthat theih ani tawhlo" ka ti a .


"Tu mihring phiangsen hi nge mahni hringtu nu ngei a thah hnu a hlim taka nun hmang thei awm chuang ang,,,mawhh?I hria em ka nu thlabar hmel kha zantin ka mang ah ka hmu a ,he hetiang lai hi a na ngawih ngawih a inthiamloh na in a khat vek zel asin" thaw hlawi hlawi pah chuan a thin zawn chu a dawm a.

.


"Mahse I duh reng vanga thleng anilo tih ka hria lawm " ka ti ve tlat .


Za lo tih hriat tak hian a nui lui suk a,chutah mitsen rama min en chung hian "khathil thlen chhan kha keimah ka ni tih i hria chuan a hmunah I awm velo a I hmu bawk heklo ,chu vangin khang min hnem I tumna thumal tin te khan min ti na zawk tih hria la,ka mamawh hleklo a nia" a ti hrawk.

Tawng tuma ka an(g) zuau lai chuan a ban rawn phar hliai in "Zanin atan chuan a tawk viau in ka hria ,I room ah lut la mu rawh " a rawn ti khauh leh fak.

Teuhlo lutuk ,,a duh duh dan a a awm hi ka phal tawhlo ,che lo chuan ka ding ve reng a "Amanda,,ka thusawi kha I hre miahlo em ni?" A tawng ring tawh hram lo mahse dawihtheihna tlachham hmel tak tak hian a thaw leh hak a .

.

A ruk tak chuan ka hlau ,,mahse hlau anga lan ka duh bik baulo thung ,bang a hnekna a kut thi chu melh zeuh in"kha kha tuam phawt ang " ka ti a .

A kut ka vuan tur chu alo thing per nawlh anih chu " ka tha ,chuan tun chiah ka sawi tawh ang I room ah lut la lock nghhal ang che .Zanin ah ka lo haw ang" melh pawh min melh chhin tawh eihlo chuan a bike chahbi a ban vut a.


"Mahse vawinah pawh min tiam vek tawh kha ,,I chhuak lo ang tih I sawi a chuan nak" ka thusawi lai hre lo ang hmak chuan " naktuk zing khawvar veleh ka lo let ang pawn lamah ka kalh hnan che nga, I room kha kalh tha ang che class chu lunngai suh I tlai lo ang " a rawn ti hmiah.


Ka in sum thei tawh lo tihngaihna hre bawk silo chuan "Nunrawng pa ,I sual lutuk aw " ka ti tiau a ,ka duh vang ni miahlo a ka mittui rawn luang zung zung chu ka hru tawk bawk.

.

Ngaihpawimawh loh hmel zet a ka room lam melh zeuh chuan a thle buk a , kal tau nghawng nghawng in ka pindan kawngkhar chu na fahran hian ka khar ri pawp a.


A thawm ka ngaithla reng a ,a reh deuh vung vung hnu ah ka room tukverh lam pan vat in a bike ti nung a chak taka a tlan liam lai chu a lan theih chin thleng chuan ka thlir zui reng a ,tukverh ah chuan la dak rengin ka ding ngawi vung vung a.


Rei tawk fang ka din hnu ah khum lam pan in ka mu thlawp,ka pa biak ka tum viau nangin ralkhat atang chuan a rilru ka ti hah mai mai ang tih ka hlau leh hnuhnawh si a ,ka biak loh phah ta ngawt .Inchung lam chu ka melh reng a ngaihtuahna ngai bawk a rawn lut leh a,hmana kan chhungkua kha ka ngai takzet kum 5 lai liam tawh mahse nimin lawka thleng ang mai hian a la chiang em em thung si.



"Pa ,,au mama hi ka lehkha zir min ti buai reng ania" pangchang aw tak chuan ka pa thutna lam pan in ka vui a .

" mama hetah lo kal teh " ati dut dut a ,ka pa hian min duat tih ka hriat ve tlat avangin a bulah hi chuan ka in la pangchang thei bik hle.

Ka pa ngheng dal dal pah chuan ka u chu ka nuih ruh ruh a "I nau lehkha zir lai tihbuai lo turin ka ka hrilh che em? " ka u bulah chuan ati a.

Ka nu choka atanga lo chhuak vut in " Buaina awm em ?" A rawn ti thuai .

Ka u in " matei hi lawm ,lehkha a zir reng amaw ka tia mi lem ringawt alo ziak a ka hau a chuan ka pa bulah min khing let deih nihkha " a ti niah niah .

" a awihawmloh " ka lo ti vat a , lei ka chhuah zeuh bawk.

Ka nu in " Amanda dawt kan duh miahlo nia " chiang kelkawl a min en pah chuan ati a.
Ka pa in minlo chhan vat in " Mama nu I chawhmeh chhuan a so a nia " a rawn ti a.

Ka nu hmanhmawh takin choka lamah a tlan phei a , rawn chhuak lehnghal in "nangni pafa kha Zanin ah chaw in nghhei dawn ania" a rawn tia ,fianpui a kut lehlam ah keng in ka pa nen chuan inchhungah an in um kual zak zak a,ka u nen kan lo nui chiam bawk .

Kan inchhung chu hlimna in a khat ka ti mai , kan nui har har hlawm a tu chhungkua mah ka awt ngai biklo ,ka pa hi police officer niin pa lian ve tak ani a,ka u hian a chhun hle bawk an dam thlup nain an thin thawk erawh na ve tek tuk tak ani.Ka nu erawh te ve lam ngo vingveng hi a ni a , ka chhun hle thung .

Unau hi pahnih chauh kan nih vangin min duat dun hle, tunah cl 8 ka kal mek a ,ka u erawh 11 a zir mek thung ,ka u hian min duat in miin min tihbuai pawn min chhan thin hle a , ka thian te pawn 'û hi I nei bik lutuk ' min tih phah fo ,ka tet ve em vang hian school naupang thenkhat in min chhaih hi an ching a ,ka u bulah hian ka sawi a tuman min chhaih zui tawh ngailo .

Ka u birthday anih vangin school banah pawh thiante in a leng kawilo in in lam ka pan nghhal a nutei te nufa an lo phei bawka ,ka u in bike a ngen na rei ve tawh bawka ka pa pawh office atanga rawn bang hma in ka nu te nen an pathum chuan ka u bike en tur in an chhuak a .


Birthday cake hi ngaina lo viau mahse surprise kan duh ve hrim hrim vangin kan lo order sak ve kha nia ((lalromchamliana)) tih chu kan chhut tir a ,a hmuh hunah chuan a nuih a za leh teh ang chu.


"Khaw awmdan chu(h) ruah a sur dawn a va ang ve " nute in a tih chuan tukverh ka khar tha sauh sauh a ,keini kan lo phur tawh nen ka pa te lo haw hun chu ka nghhakhlel tawh lutuk a kan lo phi cheng hlawm .


Reilo te ah ruah chu a rawn sur nghhal buan buan a ,tlai dar 3:30 bawrah chuan ka u in minlo call a " mate ,, ruah hi sur nasa angreng sia ka pa te rualin ka lo let a bike chu naktuk ah ka khalh haw mai ang kan hnutchhiah tawp rih " a rawn ti lang lang a ,a tawngkam hman zangkhai danah a phur tawh tih hriat.

" aw ,,in lo haw mek ami? Kan nghhak rei tawh cheu nia " ka ti vat .

" umm kan lo haw mek ,kan lo thleng har lo ang " ati a signal bo nghhal hmak bawk .


Darkar 2 hnu ah pawh an rawn thleng thei mai bawk silo ka call thin a an la thei ngai bawk silo ,,ka pa call alo thleng a " aw, pa in van rei" ka ti nghhal tawng .

"Manda ,keimah Pa Sanga " khuh deuh khak khak pah chuan phone lehlam atang chuan a rawn ti a.

Ka phone chu la thla in ka melh zeuh " khawnge ka pa te ,an lo van thleng har tawh I bul hnaihah an awm em? Tinge a phone I kawl deiha ?" ka ti leh nghal zung zung .

.

"Englo ania ,,ruah sur nasa lutuk khan lei a ti min a ,I pa te motor tlan lan lai hi a hnawl ani awm e ,motor tlan ve dang ten an lo hmu a ,I pa chu a vawrhchhuak hman a I nu leh I u kan la zawng mek ,vanneih thlak deuhin I pa phone hi lo la eng thei hlauha, a biak hnuhnun ber I ni sia kan lo be nghhal che " a rawn ti a.


Mak ka tih na leh awihloh na chu a in chen vel ang ,ka mittui a rawn luang thla pap a nutei ka bulah lo kal in ka phone chu min chhuh saka ,engtin nge an in biak chhunzawm tak pawh ka hre muamal tawhlo .


Kan chhung hnai thenkhat te bia in an accident na lam chu kan pan nghhal a , ka pa kha hospital an panpui nghal avangin a then damdawiin lamah an kal bawk, kei leh patea te nen ka nu leh ka unau pa te zawnna ah chuan kan kal thung .Vanneih thlak takin a hnawl thlang lutuk lo a mihring pawn an zuk pawh mai thei bawk .


Ruah a sur tawhlo a , khua erawh a thim tawh viau thung ,,darkar 1 vel hnu ah Pa Sanga chu rawn au tlauh tlauh in " helai ah hian kan hmu e ,an marphu pawh kan la hmu ve ve e " a rawn ti a .Ka lo thaw huai thei.


Ambulance ah hlang lut nghhal in keichu ka ngawi reng a , ka awm mawl tawp ringawt, tih tur ber pawh ka hrelo ,kan zui ve zel a mahse hospital kan thlen hma chuan ka nu marphu chu an hmu ve ta hauhlo mai ,ka sawi vak vak a ka berh vek bawk
" Nû,,, harh teh kan thleng dawn ania ,tang hram hram rawh ,mawhh" ka ti chiam ,mahse nunna nei tawhlo tih hriat takin a vawt thler tawh .


Ka mittui chu a hul vek a ,ka tap theilo ani ber tah a , au vak ka chak mahse ka thei lo ,nutei te chu an tap hawm hawm a ,in hnem leh chuang tur kan awm biklo .Ka thin zawn chu ka dawm ngawih ngawih mai ni .


Ka pa leh û te pawh an lo harh a ,ka pa hawihai hmel leh ka u in thiamlo hmel taka in dawm kun ngawih ngawih kha mitthla ah hian a cham reng a ka theihnghilh thei tawhlo.


Ka nu kan vuini chuan ka tap ve hawm hawm thei ta ,ka mittui tla theilo zawng zawng ai kha ka tap chhuak ta emaw tih tur khawpin ka tap nasa ,ka pa pawh a in hru zeuh zeuh reng a , a ka u erawh ka nu biang vawt thler chu chul in a en tlawk tlawk mai ,a phun leh sep sep thin.


Ka nu thihni tang khan ka u chu kan hlauh ta ka ti ber ,ka nu thihna ah amah a in puh tlata ,a in la hrang em em a ,harhvang tak thin kha biak tawng zawh loh chang a tam ta ,thian a kawm ngailo a ,ruihtheihthil tih chhoh a ching tan a , a nui ngailo a, mahni leh mahni in bia in a phun leh sep sep thin.


Kha mi ni khan ka nu phallo chung ka u in ka pa ai motor a rawn khalh haw a , khang vanduai na te kha an tawh leh si vangin ka u chuan a thiamloh ah a ngai nghet hmiah mai bawk.

.

Ka pa in " mama I thiamloh a awmlo ,Pathian remruatna mai chauh ani ,khami ni khan keiman motor kha lo khalh pawh ni ila Pathian in kan thihni tura a ruat anih chuan kan dang thei chuanglo ang ,chuvangin pawm thiam tum rawh " ti a hnem a tum ngial pawh in Pathian dem a tum tlat zel a ,amah kha ani tawhlo ka ti mai .

.


Thihna hi zawng a run thlak em a ,keini mihring tena lo dan theih ani silo , mi chhungkua ah chauh thleng thin emaw ka tih kha keimahni chhungkua ah ngei pawh a thleng ve ta chu a ni si a, sawifiah thiam siloh hian kan mal ngawih ngawih a .Dam chhunga inhmu leh tawh ngai miahlo tura min hringtunu ngei han thlah liam chu har tak ani .Thih dan pangai tal han nise lung pawh a dam ve deuh tur " Lalpa hetiang lo zawng tal hian I hnenah chuan I hruai thei mai lo em ni?" tiin Pathian dem ka tum leh ut ut thina mahse ka ngam leh ngai silo.


Thla khat vel a liam a , ka pa in ka nu sulhnu a hmuh reng thin avangin transfer a dil ta ringawt a , Aizawl a kan inhmun chu hralhin Serchhip lamah an transfer avangin kan insawnchhuak rum rum a , mahse kan rualin ka u chu alo kal ve duh ta tlatlo .Shilong lamah a zir na a chhunzawm ta ngawt a ,ka pa nen chauh kan khawsak tawh vangin lung pawh a leng duh viau , ka u chuan kan biak loh chuan min rawn be ngailo tih theih tluk ani .Ka pa in a ngaihtuah em avangin Aizawl ah inhmun a leisak a college chu helama kal turin a ti ta tawp a , mahse duhlo in college chu Shilong ah a zawm zui ta zel a , a inhmun lei pawh chu hralh chuanglo in a duh huna awm mai turin thuthlukna kan siam a , college a zo a Aizawl ah let in thil chi hrang hrang a buaipui ve a , ka pa a hmuh hreh vang nge Serchhip lamah chuan vawikhatte mah alo la kallo , hna a zawng ve pah reng vangin sum hailuh ve na tur tiin ka pa in patea te glass house pakhat chu ka u enkawl chhunzawm turin a khar sak tawp a .


Higher ka zawh hnu in ka pa in ka u a ngaihtuah na chu a reh thei siloa ,college chu Aizawl a zawm mai turin min ti a ,ka pa rilru dam nan tal tiin hreh viau mah ila ka u bulah chuan ka chhuk san ta renrawn a ,awmpui a lak thu te rawn sawiin let leh ta biklo chuan ka u bulah kum hnih dawn chu tihian ka awm tling ve ta chu ania .



///////////////////////////////////////////






Ka pindan kawngka rawn in chum ri dawt dawt thawmah chuan ka harh zawk , ka thu chhuak a nizan khan ka thil ngaihtuah vangin ka lo mu tlang deih tih hriat takin puan pawh alo la in thlep fel than .

" mate " ka chhanna beisei tih hriat taka min rawn ko tu chu chhanglo in kawngka ka va hawn a ka melh zawk a ka kalpel nghhal hmak .


Ka hnungah zel min zui a ni tih ka hriat chuan , ka lehhawi thut a " engeee,,,?" Ka ti chiam ringawt .


A nui suk a " class I kal dawn lo em ni ? " tiin a sana chu ka hma ah tak a rawn lek kang a .

Ka en chiang a Lalpa leh! vawiin hian ka tlai thiang miahlo sinle " nangmah vang " tiin rum takin ka melh a , a mit ko a lo san uk ringawt .

Washroom lam ka pan lai chuan " ka chhuak dawn a minlo zui ve duh zawk em?" A rawn ti leh dut dut a .

" aih" tih bakin ka chhanglo , diktak chuan chhanglo pawh niila a phu hliah hliah zawk.

"Ka thlah hman dawnlo che nia, I tlai tho tho min zui ve zawk mai rawh " a rawn ti leh sup .

" khawnge I kal dawn " ka ti a.

" Remruata Mizoramah rawn let ve tawh dawna , chuan ilo kal ve duh dawnlo nihchuan eitur lo order mai rawh party kan nei nghhal dawn" a ti leh zung zung a .

" Thian lah hi I ngah si , tumah mi fel tak an awm ngai silo " ka ti leh hram pek.

Mit min siai zeuh in a room lam a pan a , ka phone ka on chiah chu message tone a rawn ri nghal mawlh mawlh a Lalmuani missed call vawi 7 lai alo awm a whatsaaps ah nen .
Ka call let nghal vat , tawng pawh ka tawng hma chuan " Amanda Zothansang hmeli engvangin nge class i rawn kal loh a, rawn sawm che ka tuma pawn lamah kawngka in lock bawk si ,call la thei silo I pa bulah I let ta maw ka ti hman " a rawn ti chiam a , phone chu dah hla hretin " I duhtawk dawn tawh em? " ti dak hian ka ti a , a rawn nui leh vak tawh.


" thawh ka hai a , Nizan ah kan in hau a a chhuak dawn bawk sia pawn lamah min kalh hnan alawm " ka tih zawm zat.

Muani hian kan chhungkaw chanchin chu a hre ve nual tawh a , ka mangan na pawh ka thlen fo , ka thuruk zavai chuan hrilh vek lo mah ila ka harsatna tam zawk chu a a hriat vek tawh vangin zep ka nei vak hranpa tawh chuanglo .


" huizz ,,I u hi chu(h) star viau lo ila chuan ka bin ang mawle " a rawn ti a , a khek lehnghal chiam.


Muani hian bialpa chu nei tho mahse kan in kawm hma tang deih tawh in ka u hi lo star ve tawh a , kan inkawm hnu fe ah min hrilh chauh zui...... Ngaihzawng neih lam hi ka buaipui lemlo a , pakhat chiah bialpa angreng ti a koh tur chu ka la nei ,chu pawh ka u phalna thlapin , chhelo tih hi han nei ve thin mah ila ka u hian min duh pui loh chuan ka bansan hmak zel , ka lo duh viau ngailo nge awlsam takin ka theihnghilh ve nghal mai zel bawka
.
Class 8 ka kal tirh kha ka neih ve vawikhat na leh tawpa ala ni rih char char , in kiss an tih te chu hnailo tak ani ,naupangchhe in ngaihzawnna ang vel kha ani mai a .In then na thu em em pawh sawilo in kan in tha then ve mai bawk, ka nu thihna nen ka theihnghilh zui ta ka ti mai.


" amak ziah ,Amanda " ka thil lo ngaihtuah vang chuan Lalmuani pawh ka lo hre leh tawhlo .

Tunlai hi thil ngaihtuah ngut ngut ka hriat lutuk a sim vat ka ngai .

" aww..ihhh ,,, chawhnu ah class I nei dawn em?" Ka ti thuai a .

" kan thil tih tur pawimawh dan a zirin a nimai " a rawn tih chuan kuk pawp ka chak ania .

" hmm,,chuti chu keimah in ka kal mai ang " ka fiam lek hlak a .

" awi awi, nangmah in khawiihah mah I u in chhuah phallo tih te chu ka hre ve vek , ka hrilh veih chuan e " a rawn ti vei ham ham .

Kan nui dun chiama " tak taka class I neihloh chuan bazar ah min kalpui la " ka ti a .

A rawn ' yesss' leh zat tawh ..



Ka u chhuah lai pawh ka hrelo , keimah in chaw ka eia , ka seng fel vek hnu ah ka insiam a pawn lama horn rawn ri tuar tuar chu Lalmuani ani tih hriat reng reng ka nui suka .

Ka bag ka ban vut a pawnah chhuak in kawngka ka lock leh thlapa , ka u nen chahbi hran ve ve kan kawl tho tiin ka pai ta ngawt " I awm na chin hi chu hriat theih " ka ti vak a .

Ngaipawimawh loh hmel tak chuan " rawn chuang hmanhmawh mai teh , I rei over lutuk ka tlukpui thakss mai ang che" a rawn ti leh vei ham ham tawh.

Lei ka chhuah khum zeuh a " Bazar lam pan nghhal mai ang aw" a scooty a lawn pah chuan ka ti a .

"Kan vanlal boss tereuhtei thu chu kan zawmloh phal nang" rawn thle buk pah hian a ti a , ka ngei tawk a lo tling leh em em , tê hi min ti ve ziah a hnu pui rauh hi ka la bin thak ang .


Ka thil ngaihtuah vang chuan ka nui suk a " ka kal ania " tiin min tlan pui leh vuk vuk tawh , tlan chak ka hlau tih a hriat vang ni hmiang chak tawk chuan a tlan a ,a hnungah ka chum nghhek nghhek ringawt , nui khek tuar tuar in a aia chak chuan min tlanpui leh a , a kawrah ka tham vak ringawt.




(Ka sawi tawh kha , tawngkam ka thiamlo chuan mistake tam dawn lutuk , minlo hrethiam hram hram dawnnia ,ziah zawm Chi a ni ngem ? Nge a changtupa lan ve hma in kan tawp mai dawn in thu thu aw)

[Ngaia]

Chapter-2





"A tawk a tawk min thihpui I tum anih loh chuan ding vat teh" ka ti lang lang a.

.

"Kan thi dun ang chu le!" nuam ti hmel fahran a nui chung chuan a rawn ti a. A banah chum leh pawp in "Lamuan ,ka hlau ania ! ding mai mai teh thih pawh ka la duhlo" ka ti tiau tawh.

.

"Sim vat tawh zawk teh ,chuang ngailo pawh ni hleilo" rawn ti leh hluaiin a tlan muang ve ta deuh .Ka hlau tih pawh hre ve reng , midang khalh ah ka chuang ngai hranlo Lalmuani leh ka û hi ni deuh mai, ka û in tlanchak vak ka hlau tih hriat vangin min phurh hi chuan a speed a san ngailo hrim hrim Lalmuani ah erawh in ring rana chuan angai thin .

.

"Kan thlenna hmun tur chu kan thleng dawn tho ,khati vak vak a ngai zello" ka ti let hrep.

.

"Kan thleng hma ting ani mai lawm,,ahh boss hian a hlau hle nimaw a nui theilo " a scooty glass atanga min rawn melh zeuh pah chuan min nuih tlawn a .Ka chhang tawh lemlo.
.

A tawng ve barh barh tak rengah chuan kan nui dun leh kur kur a , a bialpa Rintea nen an in tih thiamloh dan te sawiin a thusawi chu ka ngaithla tluan zak , a tawng lai chu ka lo zawm leh zeuh zeuh thin .

.

Vawin chu traffic jam a awmlo deuh bawka , kan thleng harlo ,a scooty park fel hnu ah chawhmeh leh thil dang dang kan enkual a "ka ril a tam deuh " nuih tlawn pah chuan ka ti dut dut .
.

"Ka hre sa vek ,eiduh reuh si thang thei mang silo" a tih chuan lei ka chhuah khum zeuh ringawt .
.

Lei tur em em kan nei hranlo bawka ,class kalloh aiah in tih harh nan chhuah thawven ve kha ka duh vang a ni pakhat bawk nen cafe pakhat ah chuan kan lut a, kan eitur chah alo thlen veleh ka ei nghhal mawlh mawlh.
.
"Ei duh nu ei teuh rawh,tuman an eikhalh lo ang che"chimawm zet chuan a rawn ti leh kher, rum tawka melh in " I plate ami zawng zawng pawh kha ka eizo vek mai tur nia" ka ti nghhal vat . A phone a rawn rik avangin min chhang tawh lemlo chuan a bag a dap nghhal chung chung a , ka hmai zawnah tak a phone chu rawn lek kang in hmui phun hian "I û" a rawn ti a.

.

"Aww,hello!"
Lehlama ka û tawng chu ka hre pha velo.

"Umm, ka bulah awm ,, thil kan ei mek a ,ka rawn hawpui tep" Muani chuan min rawn melh deuh ran chuan a ti leh a .

"Awle" ti tawitak in phone chu dah a.

"I û hi chu ah" a ti leh ringawt.

"Eng nge rawn sawi?" Ka lo ti let hâ .
.

"Ka bula I awm leh awm loh min zawt a "

"Chuan"

"I awm thu ka hrilh a , alo haw hma thu leh chhuah leh vat a duh zawk avangin hruai haw tur che in min ti" a ti a .

"I û hi chuan min ring ve thlawt" a tih zawm nghhal zat.
.

Kan thil ei zawh vel chuan dar 2:00pm a ri vel deuh chiah . Lalmuanin kal lawk na tur a neih vangin ka lo nghak a ,cafe piah a
ice-cream dawrah chuan ka lut nghhal vat,khua a lum bawk nen chulohah ka ngaina ve hrim hrim a ,ka chhuah hi chuan lei ka tum ngei ngei zel .
.

Ka kut lehlama Lalmuani ta tur keng pah chuan ka ta chu ka ei a , rin ai a rei phian zui .A kalna lam chu thlek leh zeuh zeuh in ' ka lo zui ve mai mai lo ni' ka ti ta ringawt . Amah zawng deuh pah chuan motor ri ben(g)chhen loh na lam pan chuan ka ding ta reng ,ka piah lawkah vaipa mix zuar ni ngei tur hi a thu a thuamhnaw dawr ni ngei tur lian deuh tak hi a awm leh tawp bawk .
.
Ka ice-cream pawh ka ei zo tawh, eng em em nge kan Lalmuani chuan a tih ni ,a reihloh tur thu sawi ve si ka û in minlo phone tawh lehnghal .
.

Ka phone chu phawrhin selfie tum chuan ka hmet eng a , rin ai thlalak a nalh phian reuh video a ka lakkual lai chuan inchhuih deuh pawpin 'Lalpa leh ' tu emaw chu ka su chiang mai,ka kut lehlama Lalmuani ice-cream tur a ka tih tui pur tawh chunga ka ken chu tuna ka sut mek pheikhawk tliang hlarh ah chuan ka thlauh anihchu , ka khup ka la sawh deuh chawrh zui.

.

Ngaihdam ka dil nghhal mawlh mawlh 'a thinrim viau angem le ?' hawi pawh ka hawi chho ngamlo , rum nghhut ri ka hriat chuan loh theih loh in duhlo sateh mah ila ka hawi chhoh ngei ngei a ngai tih ka hria , ti deuh dûk chung chuan ka dak chhuak a , tawi tak hian ka nuih tlawn tawp ka biang a sa vek in ka hria ,ka hmuhnawm loh ngawt ang chu le !
.

A mit ko rawn san uk in a kut pakhat chu a kekawr ipte tanga rawn la chhuak in a phun deuh sup a "ihh,, ka tihpalh takzet ka tum dan pawh a ni biklo" ka ti tha leh a .

.

"Thing reuh lutuk " a bulah hmeichhia a awm ve tih ka hre chiah .
.

"Aih , ihh thla ka lo la kual a chuan" ka ti dek dek a .

" Liak fai rawh" aw thum deuh dút a rawn ti tu chu ka melh nghhal vut . A fiamthu nih ringin "maw!" Ka ti deuh hà .
.

" Liak rawh ka ti che " a pheikhawk chu melh zeuh in a rawn ti leh fak ,fiamthu hmel lah a pu der mai bawk silo .

Ka thin tertek a chhuak ve tlat ,ngaihdam ka dil chung pawhin mi hriatthiamna neilo ka tihluih pawh ni hleilo , hetia min ti thei hi ni biklo hrim hrim chuan a pheikhawk hi ka liak ang maw?hah teuhlo lutuk .

.

Ka phone chu hum ran chungin ka tho a , dak vah pah hian " I pheikhawk hi engzah man nge? A va to awm em em ve a ,ngaihdam ka dil tawh reng che kha " ka ti chiam .A bula hmeichhia chuan min lo nuih suk anih chu , an laka ka tet zia ka hre chiah hepa hi mizo pawh anglo chuan a bula hmeichhia ding ve pawh hi mizo ah chuang sang pawl tak aniang model vel nise a inhmeh ngawtin ka ring , lian zawk zawk ka lo ni lo kher bawk nen 'â...chutiang ngaihtuah hun pawh nilo ' ka lu chu ka kuk deuh pawp a . Sawitur hre tawhlo chuan ka en dun ta reng.

.

"Naupang kawlh reuh lutuk " zawi sup a a ti ri chu ka hria ,lawk hepa hian tunah khan naupang min ti em? Chuan kawlh min ti bawk amaw!

.

Hmeichhia zawk chuan a banah vuan in "hetiang hi chu hmun tinah an awm , kalsan ang" tiin a ban ah chuan a vuan a .Ingaizawng an nih ka ring ve tawp.
.

Ka hmaa ding palian tak chu a kal ve mai dawn maw ka ti a , mahse nui suk hian "tissue" a ti leh sup .
.

Chu veleh ka bag atanga la chhuak nghhal vat in a hma lamah chuan ka lek kang vut a , ka kut a ka tissue ken chu melh zeuh in a pheikhawk bawk chu a melh leh a " tifai rawh le " a ti nihchu.
.

Engpawh nise ka tih ngei angai kalsan a tum hmel bawk silo(h) , chulohah kawng awl dang a tam tehlul nen tinge maw keipawh , , àhh...thil tisual tu ni miau hek hawi kual thuak in tu mah veivak an awmlo hlauh , thu hniam ruai ruai in a pheikhawk chu ka hru a , ka hmelhriat loh hma a hetiang khawpa ka tlawm leh zah hi ka ring ngailo!

[Ngaia]

Ka thil ti chu tawp chawt in ka ding ta thut a , a pheikhawk ka hrukna ngei mai chuan a hmai ah ka vawm pawp , nuih let sakin " kha kha ka thiamloh fai vek ani biklo tih ka entir na che nimai rawhse aw" a mitah tak en chung chuan ka ti a, 'enge an ni pawh kawng sir deuhah kal ve maitur lawm ' ka ti rilru mawlh mawlh.

.

Ka pen san nghhal hlawk hlawk a "Nangnu kha " hmeichhia zawk chuan rawn ti that in ka pen lai ka tawp chat " tuna i thil tih kha i hria em?" thinrim tih hriat taka a rawn tih leh takah chuan muang changin ka inher a " i hmuh ve reng kha" ka nui lui leh sak.
.

Ka sam rawn pawt til vek duh hmel a pu , a bula mipa erawh a kekawr ip zen chung chuan a ding ngawi ngul thung, a thinrim em tihpawh a hmel atang sawn ka hre theilo .
.

Tawng leh tum a an(g) zuau lai chuan mipa chu rawn nui deuh dat in ka lam pan chuan a rawn kal ta mai, a rawn thleng chawpchilh nghhal bawk, min hmuhtlang vek tum ang hrim hian ka chhip atanga ke ler thleng chuan min en deuh rún a, chutah min beng hrep tawh turah ngaiin ka lo inring lawk nghal hmiah , ka taksa chu a khur ru deuh dar dar a nichina ka huaisen ve na te khan min tlanchhiat san vek nge ka mit ah tak min en avang chuan ka zam nghal em em ringawt .
.

"Kan inhmuh leh ka beisei" thum deuh bal a a rawn tih chuan thaw nghal suai suai in " Pathian zarah beisei lo zawk phawt ang chuti lo chu i pheikhawk manto tak hi ka tibal leh palh hlauh ange " zam lo ang tak chuan ka lang lui ve tlat , a mitah erawh ka en ngam tawhlo .

.

A nui leh deuh suk a , ka kalsan nghhal hmawk hmawk chuti lo chu helai hmunah hian a boruak tlachham in ka tlu nawn leh mai ang.

.

Ka hlauh vang nge pawh ka hre hreplo khatiang khan ka la awm ngai tlatlo ka mit ah min en khan ka zam nghal em em ringawt , mi thunun theih riau na a nei vawikhat inhmuh na ah a thuhnuaiah min dah thei nghhal chu nia , , , huizz ka lu chu thing deuh nawkin ka hawilet hram .

.

Min lo la melh rún a "khatiang khan i kaltir ringawt amaw?" hmeichhe aw tliang fak ka hriat chuan a hma ai ka kalchak zual sauh .
.
Min hmu theilo ta maw tihah ding meuhin ka thaw chhuak vaka , ka hah em em ringawt anihchu.
.

Ka phone ri vang chuan ka phu deuh chiam .Lalmuani lek " aw" ka ti tawitak.

.

"Khawnge i lo kalsan daiha ka zawng nasa che" a rawn ti vei khur khur .

"Kha chu nakinah i rei lutuk , khawnge i awm?" ka ti a .

"Cafe kawtah khan , tinge i lo kalsan daih i û in vawi 3 lai a rawn call tawh zui, i biak tlang hleitheih siloh a ka pick-up lo tawp" rawn ti leh hlak hlak in ka kal nghhal tur thu ka hrilha phone chu dahin a tlan in ka tlan ani ber .
.

" awii nangmah vang " a bul ka thlen veleh ka ti nghal tawng .

"Saw lam atanga i rawn phei daih dan hi ka hre chak zawk" mit min siai khum zeuh chuan a ti a .

A banah beng thlawp in " ka lo nghak che mawle!" ka ti nghhek .

A beng pawt zeuhin " sorry , , saw lamah ka kallo a " chimawm zet a rawn ti kher in ka kal phei na lam chu ka melh a kan nui dun chiam .
.
Kan in thleng min thlah leh thlap a , kawtah chuan dingin ka thil lei vel ka siam rem nghal zung zung.

"Ka lo lut kawilo mai ang aw mother-in minlo call tawh" a phone lek zeuh pah chuan a ti a.

"Umm anih zanah ka lo bia ang che" tiin a tlan liam thleng chu ka thlir a inchhungah ka lut zui ve nghal mai bawk.
.

Hawi kual thuakin ka û ka au a , a room ah a awm amawle , ka thil lei ka dah fel hnu ah a room lam ka pan nghhal zat , headphone vuah pahin alo maimichhing vang vanga , a thutna lam pan chuan ka kalhnaia a headphone chu la thla in " ka lo thleng chiah" nui sang chuan ka ti a , rawn meng diar diar in " i kalna tur min hrilh lo a " a ti tha ve mai.
.
Room atanga in zui chhuakin inthlak tawh lemlo chuan eirawng ka bawl nghal a, ani erawh fridge hawngin tui a in nghal khawlh khawlh .
.
Nizana kan buaina kha chu a sawichhuak leh tawh lo , kepawn sawi ka tum tawh biklo .
.
Ka chawhmeh lei ho ka sil pah chuan "tinge ilo va let hma si ve " ka ti a.
.
"Ka awm a nuamlo deuha " a ti tawi tup thung.
.

"Zanah chuan i chhuak dawn tho em?" a lam hawi chuan ka ti leh nghal zat.

Ka bulah rawn kalin chawhmeh dang ho chu min siampui ve nghal mawlh mawlh.

"Mawhh" ti leh sep in ka melh deuh run a .

"Umm , , ka chhuak hma nga ka rawn haw tlai lo ang" a ti ve leh mai bawka .

In be em em tawh chuanglo chuan kan bawl dun mawlh mawlh , chaw ei hma a intleuh zuai ka duh vangin washroom ah ka luh san a.

.
Chaw kan eifel hnu ah hla ngaithla pah in thleng ka sil a . Ka whatsapps message tone a rawn rik deuh tung tung vang chuan ka kut hru hul in ka open nghal zat Lalmuani messange hlir ....

"Enteh Remruata kha mizoramah rawn let tak tak dawn amawnle vawinah khan ka hmu asin ?" Emoji a rawn dah tlar tuar a .

"Ka hmusual nge i hmu ve miahlo mi?"
"I lo phei na lam atang khan Chhuanawmi nen an lo inzui phei sia" tih zawng chu a rawn send .

Type ve nghal zat in "tute nge i sawi pawh chu ka hriat ve siloh" tih ka thawn let a , a rawn typing nghal "over suh , , i hriatloh chuan e , , aaa ka sawi peihlo zawk a chhiatloh zia kha "rawn ti chiam in emoji tap lem rawn dah leh tuar .

" hre miau heklo "tihte ka thawn a phone chu dah in thleng ka sil san ta daih.

Ka sil zawh hnu ah ka u chu room atangin a rawn chhuak chiahin " ka kal aw, ka lo haw har lo ang ka tih kha " min en deuh vung vung pah chuan ati a .

Ka bu nghut ringawt.
.

Nizan ka mutthilh lai ka hre miahlo phone pawh khawih leh tawh chuanglo in ka thleng sil zo room ah lutin lehkhabu ka chhiar kha nia , ka û lo haw lai pawh hre maplo in ka lo mutthlu ni ngei ang , nizan khan puan sinlo in ka mu tih ka hria , minlo sin tirtu ka hriat chian em vang chuan ka nui suk a , heipawh kan hun kal tawh ami vek .
.

Ka tho a , washroom panin ka intleuh nghal zung zung , eirawng ka bawl zawh vek hnu ah ka u kaitho in chaw kan ei a , dawr a kal hma in kan collenge ah min thlah leh phawt.
.
Kan collenge hmeichhe thenkhat ka û vanga min be tha hi an awm ve nawk, hmeichhe pakhat chhelo deuh pawh ka tihpui chiam tawh ka û hian a úksak lemlo nen ka beidawng thak .
.
"Min thlen khalh ve tum " Sawmdawngan a rawn tih chuan ka melh nghal rawm rawm .

Sawmdawnga nen hian Lalmuani tanga inkawm tan kan ni a , an hausa in a inchei na pawh changkang thei hle , a pa hi Aizawl pa hausa lar tak ani nghe nghe mahse chapo nan a hmang ngai chuanglo , a fel em em a kawm a nuam in collenge lamah chuan kan mipa kawm ve ber ani hial ang.

"I mit khan power aneilo nia aw" a tih takah chuan kan nui dun chiam ringawt.

Gate bulah chuan dingin Lalmuani kan lo nghak a , a rawn thlen chuan a ri leh nghal hluai tawh .Class lamah in zui lut dial in a tawng leh par par.

Chawhma zenzawn class kan neih tluan zak hnu ah canteen lam kan pan a .Lalmuanin "Sawm , Remruata chu alo let tak tak ami?" atih chuan ka lo nui tawp.
Amak henu hi nizan atang tawh Remruata ti reng tu fako chu nimaw .

"Ti leh tan ta " ka lo ti zeuh a.

"Umm ka pa in let turin a duh tlata" Sawmdawnga chuan ati ve mai bawk.

"Amanda Remruata chu i hrelo tak tak ami a ?" Lalmuanin a rawn tih chuan ka bu nghat ringawt .

"Sawmdawnga unaupa hi lawm" ati leh nghal zat .
"Mahse i sawi ngai silo a , ka sawi awmzia chu unaupa i nei tih ka hre mialo" Sawmdawnga en pah chuan ka ti a.

"Unaupa tih ah ka pa fa bik , a nupui hmasa nena an fa tihna nihchu "nui sukin
" Mizoramah awm ngailo a" sawi nuam ti chiahlo hmel apu in ka hria .

"Remruata " ka ti ve sep , , lawk he hming hi ka hre tawh .

Sawmdangan " chuan zanin ah lo kal ang cheu , ka pa in alo haw lawmna ni pah fawmin party a buatsaih dawna "

"Heichu hmaih chiloh ka sawm chhan zawk tak cheu chu ka nu nen inhmelhriat tir cheu ka duh vang ani zawk mah " a tih zawm nghhal zat.

Lalmuani lo 'yess' rang nasa mai.

"Keichu" ka ti dek dek a "chhuanlam ka duh dawn hauhlo nia, ahma pawn lehpek ah tiin min tiam tawh" a lo ti vat.

Ka nui tawp ringawt "ka û rawn dil la " ka tih chuan a ner nasa mai .Ka ú hi a nello tlat a kan inah pawh a rawn kal ngailo .

Kan inhnawhpuar hnu ah chawhnu class ka neihloh vangin keichu ka haw hma a , taxi la in in lam ka pan nghal .


.

[Ngaia]

Kan in thleng min drop a , ka chuan man ka pek fel hnu ah in lam ka pan nghal.

Hawi kual thuakin ka sana bun lai chu ka bih leh zeuh , khawlum nen ka in dah fel mawlh mawlh a inbual turin batroom lam ka pan chawpchilh nghal mai bawk, ka harh sawng sawngin ka hre hial.


A vang zawngin khumah ka mu a , ka rilru ah ka pa rawn lang thut avangin la mu reng pah chuan ka phone ka ban de de a ,a buai lai a nih loh hram ka beisei , a number ka hmet chhuaka , ala dawn lo emaw ka tih tawh hnu ah a rawn la ve hram.

"Aw...mamte thil thleng a awm em ni" a ti chuarh chuarh .

"Awmlo e , ihh enge tih a ?" Ka call a chhan lawk loh vang chuan a buai lai anih ringin inthlahrung dek chuan ka ti a.

"Hei ka chau deuh riau nen , vawin chu chawlh ka la a" a aw chu a dang deuhin ka hria.

"Damdawi i ei tha lo em ni?" Ka ti vat .

A nui huah huah a , a ei that thu leh tunlai an hna khawih an hahpui ve deuh thu te a sawi leh zung zung a.

Chhanglo a ka ngawih reng vang chuan "ka fanu hian a pa hi angai tawh ni ngei ang , ka ti dik em?" Ka rilru nawm loh a hlauh vanga min fiam ani tih ka hria.

"Pa"

"Mamte , thil diklo a awm em ni ?" Min ngaihtuah hmel taka a tih chuan ka rilru rawn no thutin ka tap deuh tiau ringawt , engvang nge pawh ka hre hreplo.


"I tap em ni?" A thaw deuh hawk ri chu ka hre thei.

"Ka ngaiche " ka ti sep a.

"Keipawn ka fa te hi ka ngai tawh lawm , in enkawl tha ula kei chu ngaihtuah ka ngailo nia " thil dang dang te sawiin kan nui dun leh var var a , kan inbiakna chunkan ti tawp ve ta hram.


Kumin kum tawp lam hian ka pa pawh penson ve tawh dawna , kan bulah pawh awm ve thei tawh ang chu.Ka nu sulhnu a hmuh reng thin avang hian hreawm a ti tih ka hria mahse ralkhat atang ringawt chuan ngaihtuah a na si a , kan hmuh phakah hian awm reng se ka duh tawh.


Mit ka chhing leh vang vang a , ka room kawkhar rawn in kik ri dat dat avang chuan ka phu chiam ringawt .

"Mate , lo chhuak lawk la" ka u aw ka hriat chuan ka thaw dep dep ringawt.

Tho tharhin kawngka ka hawng a , ka hma ah tak a lo ding rûn .

"Hei enge" a thil ken lai ka hma a lek kang và chu ban ta mai lo chuan ka ti phawt.

"Hawng la "

Awihlo hmel fahran a melh pah chuan ka la a "mahse tinge min pek a ? Ka sawi awmzia chu ka birthday emaw pawh ani silo a ".

Mit min siai khum zauhin " ka nau hi thilpek ka pe theilo em ni a ?" A ti dût dût .

Kawrfual sendang hi a ni a , ka in tehchhin mawlh mawlh , ka che vel chu uluk deuh hian min en reng ka ti mai.

Ka thil ti lai chu tawp chatin ka kuah ta thlawp.

"Ihh, tuna mi hi ni reng tawh rawhaw , inthlak tawh suh , ahma mi kha chu a sual si ka ngaina lo" pangchang deuh chuan ka ti nghèr nghèr .

Min chhanglo chuan a nui nghawr dat ringawt.

Ka kuahna phelh thawl deuhin ka thlek hà a "iti ang tiraw?" Ka ti leh sep.

A bu nghat a , min kuah bet lehnghawl chawt.

Eirawng te kan bawl duna hmana ka û bawk kha rawn let leh ta niin ka hria , nidang anglo takin a nui ve huah huah reng a , kan boruak chu a dang zar mai , ka hlim a nuam ka ti takzet.

"U"
Min chhanglo chuan min thlek vút .

"Ihh zanin ah chhuah ka tum deuha " min melh deuh rún .

"Khawiah ?" A thil ti lai a chawl deuh dat.

"Englo ka thianpa in lalmuani nen party na angreng deuhah min sawm ve tlata" a phal pawh ring chiahlo chuan ka ti niah niah .

"Zanin chu inah kan awm dun ang ka lo tia , ka chhuah tur ka thulh phah" a nui deuh suk.

"Naa, , nihchuan ka kallo zawk mai ang " ka nui deuh sen sen a.

Zanah hian a chhuah deih zel avangin chutianga hun a lo insiam rem ve chu ka awihlo zawk.

" lo haw harlo la , hruai i ngaih pawn i awmna hmun min rawn hrilh leh thlap dawnnia, in ka lo nghak mai ang " ka hawi chhuak vút .

Diktak chuan a phal kha ka ring miahlo nia , a inthlak ve tial tial in ka hria.

..............................


Ka phone ka bih deuh ngur a Sawmdawngan hruai kan ngaih leh ngaihloh te min rawn zawtin kan ngaihloh thu leh lalmuani nen a kan kal mai tur thu te ka hrilh nghal zung zung.


Zanriah kan eikham hnu ah lalmuani min rawn sawm turin alo kal chiah a , room ah lutin ka insiam ve nghal sawk sawk , ka ú in tlaia kawr min rawn lei chu ha in ka in thlek deuh renga , Lalmuanin min lo tur sek nen ka sam chu ka thlah mawl tawp , ka intuai puat puat ani mai.


Thukhawmna ah ka ú nen an lo thu dun ve ngei .

"Kan kal dawn aw " ka ú ka melh zeuh .

A kawr min rawn lei ka ha a ni tih a hria ni chek ang chu min en vung vung a , nui deuh sukin " i inhmeh lutuk" a ti ve sep a.

Haw tlai lo tura min chah leh mawlh mawlh in kan chhuak ve thei hram.

In be tawh em em chuanglo chuan Sawmdawnga te in lam ah kan in khalh phei ve mawp mawp a.

Khaw pawn deuh kan tlan takah chuan hawi vual vual in " a van hla reuh" ka ti niah niah .

"Saw lai kawi lawk saw ani tawh" Lalmuani hi chu a kal ve fo tawh , kei erawh tun hi ka vawikhat kal na tur ani thung.

In lianpui kawt ah hian kan ding a , kan hma a gate ding deuh úr chu melh zeuhin ka thaw hak .

Gate chu mipa hnih hian an rawn hawng a , lalmuani chu zuiin ka kal ve dat dat . An hausa tih chu hre tho mah ila an in chu a pu ka ti takzet , chhawng hnih chauh a sak ni mahse engtin emaw riau hian an sa changkang vei thlap a , motor tlan bengchheng vel hriat tur a awmlo bawk nen thingkung in a hual deuh khup bawk , kawtah grass phah leh vekin eng a in chhi fúr a, a nuam reuh phian.


Lalmuani chu ka zui mawl tawp , ani hi chu a kal fo tawh ka tihkha , kawngka pui chu a hawng a , tumah hmuh tur an awmlo , music ri deuh dúm dúm ri kan hriat na lam chu panin kan kal phei zel a , mi an lo awm deuh teuh.

Sawndawngan min rawn hmuh veleh chuan kan lam panin a rawn kal nghal a " ilo kal ve thei hrama" a melh ralh ralh , hepa han chimawm zia hi chu.

Ka hmui ka ti pawrg tarh ringawt.

Lalmuanin " a ú in min lo hnawt haw leh ang tih ka hlauh hman zia " a ti chiam , kan nui dar dar a.

Thutkhawmna lam panin kan in zui phei leh dial.

Kan tawng mawlh mawlh lai chuan hmeichhe sang lam , sam thlah hnàp mai hi kan lam panin a rawn kal a , ka lo en deuh hà ringawt , kan bul a rawn thlen chuan a nui deuh seih zui.

"Muani , inlo kal ve thei hram a , ka fapa hian in lo kalloh hlau in a phi cheng a " Lalmuani nen chuan an in be mawlh mawlh.

"Heihi em ni in thiannu chu ?" tiin min thlek leh vut a .

Ka hma ah a kut rawn pharin "Sawmdawnga nu hi ka nia , i hmeltha hle mai , ka fapa hian a sawi nasa thin che" ngaihnat awm fe hian ati a .

Ka kut chu pe ve vatin "Amanda" ka ti ve sep.

Mi han biak lumlam dan vak hi ka hre lo thin.

A fapa chu a beng bulah a hrilh ru deuh zar zar a , chutah min melh leh zeuhin a nui leh seih , a kalsawn ve nghal mai bawk .

A hawiher reng reng a zangkhai vah mai.

Sawman " saw lam ah sawn phei lawk ila" atih takah chuan kan in zui leh hnak hnak hlawm.

Room pakhat ah hian min luh pui a a thim deuh chhul lehnghal, music zawite in a ri deuh ràt ràt a , hmeichhe pali leh mipa pathum vel hi zu no dawm far in an lo thu bial dal a, an hnung thim deuh lai ah chuan hmeichhia leh mipa hi an lo in fawp ngawng ngawng bawk , an ni erawh an hmel ka va hmu thei chiahlo thung.


An thil ti lai chawlin kan lam an rawn hawi deuh thup a , an zinga mipakhat chuan an hnung lam thlek zeuhin "bawiha tlawh tu kan nei" ati deuh sap.

An tawng hrelo ang mai chuan an hnunga mi te chu an la in fawp ngawng ngawng a .

Sawmdawngan "Remruat" a tih chiah chuan in thlah deuhin an phun ri leh ser ser.

Chutah kan lam pan chuan a rawn pen phei pawk pawk a , a eng chin a ahmel ka hmuh chuan ka ip deuh chawt.

Lalmuanin min rawn sik ru vút vút a , ka lo melh vak thung.

Hepa hi hmani a ka hmuh kha ni chiang lutuk , a pheikhawk ka tihbalh vanga tifai tura thu min pe tu kha , melh pawh melh tha ngamlo in lalmuani hnungah chuan ka in zep deuh ngar a .

"Saw saw lawm ka tih chu chhelo iti dawn lutuk" kan ngaihtuahna in anloh lutuk vang chuan ka thin a rim deuh tun tawh .

Ka khur ru dar dar a , tinge maw tun hnai te hi khurh ka hrat tak em em le!

"Helai hmunah hian sawmloh a lo kal an awm ani ngei ang" Sawmdawnga melh pah chuan a mit ko a san uk.

Lalmuani phen atang chuan ka va en leh de de a , kan mit alo in tawng siah nihchu.

A vei nuih sak a , ka lam panin a rawn kal ta mai , khuk ral daih baka duh tunah hian ka neilo .

"Kan in tawng leh ta a ang hle mai" engtik laiin nge ka bul a lo thlen hman pawh ka hrelo.

Chhanglo chuan ka ngawingul a .

Lalmuani leh Sawmdawngan a ngaihna hriat loh hmel deuh chuan min en reng .

" bae , , , i rei " hmeichhe aw tliang fak in a rawn tih lam chu ka melh vút a.

A rawn kal phei zela , mak ka ti lutuk chu ka biang a sa vek in ka hria , henu pawh hi hmani mi tho kha !

Min rawn hmuh veleh chuan "nangnu hi , enge hetah i tih ve a ?" A mitmeng a ling leh hlar tawh.

Ka la chhanglo cheu.

Ka thaw vaka lalmuani leh sawmdawngan zawhna mitmeng bawkin min melh leh khui tawh.

An vai mai chuan keimah ah an mit a fu vek mai hian ka hria , helai hmunah hian engvanga lo kal kher kher nge maw ka nih le!

Ka lu ka thing nar nar a , ka hma a hmeichhe ding erawh chu meizial tan in a sí vei hlar hlar " okhay , kan game in rawn zawm ve thei reng" an thut khawm dal na lam pan chuan min tihel zet hian a ti leh a.

Sawmdawnga chu melh in ka lu ka thing nghér nghér ,a bu nghata " kan tello zawk ange , hlim deuhin awm zawk rawh u" ka lawm hman zia chu.

Remruata lam chu hawiin " ka thiante hi zanin ah ka sawm ve a , inhmelhriattir tur che in helai hmunah hian ka lo hruai a , mahse hei in thil tih lai kan tibuai cheu a ang zawk khawp mai " Kan chhuak mai dawn emaw ka tih tawh hnu ah Sawmdawnga chuan ala ti hram.

"Chuan" ati duh lek anihchu.

Keimah min kawk zeuhin "Amanda" lalmuani a kawk leh zeuha "chuan heihi muani" ka rilru in 'atul tawhlo Sawmdawng chhuak vat zawk teh ang ú' ka ti mawlh mawlh thung.

"Amanda" ti ve sep tu lam chu melhin ka hawi chhuak nghal vut , min lo en deuh ngur anihchu.

Ka zam em em reng te hi enge a chhan pawh ka hre neklo!.

Sawmdawnga chuan kan boruak a hrethiam deuh ani ngei ang , a rawn khuh deuh kharh kharh a "kan kal mai nge , kan tihbuai cheu vangin thupa kan chawi nawn nimai rawhse " a ti dam leh dap.


Kal mai tum chuan kan in her a "in ti dik e !" Kan lam pana rawn pen hnai leh hrutin " Min rawn tihbuai vek tawh hnu ah engtin nge awlsam takin in chhuah bik ang... tiraw ? " a nui leh suk . " Vawikhat tal kan game in rawn zawm ve ang chu" tel tura min duh tak tak vang niloin enge maw tak tih a tum vang ani tih hepa chapo zet-a hmel atang hian ka hre thei.

" Nilawm ni?" min tihel hmel taka min en in a thle leh buk .









Online class kan kal ve renga , ka buai ve deuh bawk nen duh angin rilru ka hmang theilo a , chuta karah ka type sa kha submit theihloh in vawihnih lai a awm zel a , thupha ka chawi reng mai dawn anihhi

[Ngaia]

Chapter-5




Ka han hnial dawn ut ut a , mahse tawngka a min sawm nawn leh tawhlo chung pawh a a hmel chang rat maiin a thusawi hnial a duhloh zia a tihlan vek avangin ka hnial tha ngam meuhlo chu ni ber!

Ni e , engtin nge a unaupa ngei pawh in a hnial that ngamloh chu keiin ka lo hnial theih tehlul ang ni.


Duhlo sateh mah ila , hepa lak atang hian kan chhuak mai mai dawnlo tih kan hriat vang ni hlawm ang chu 'AW' kan pawh ve ta ringawt.

Lalmuani erawh kan boruak hrethiam lekloin a phul hlut renga , ka ngei hlur tawh!

.

Ti dakin an thutkhawmna sofa lam chu ka pan ve de de a.

Kan thut bial dal hnu ah , Remruata bialnu chuan "he game ah hian engpawh a thianga , ti tura kan tih chu hnial emaw lo dan theih anilo!" A ti ta fuk mai le.

Ka hma zawna duhdah taka thu chu ka melh leh zeuh zeuh thin, ani erawhin kan awm ve tih pawh hrelo ang hmakin kan lam a rawn ngaihtuah leh tawh lo hrim hrim , melh pawh min rawn melh chhin eih tawhlo ani zawk mah.

Lawk , , tunah khan min rawn ngaihven a , min rawn en ka phut ve tihna em ni a ! Rapthlak hian .
Zanin hi ka dik thei hlawllo , saw pa sawn min en apiangin ka zam a , ka khur a , ka thin te pawh a rim hlur zel ani lawm ni? Tunah lem min en beiseiin ka ngaihven reng chu nia.

Ka lu ka thing deuh nar nar a , ka thaw leh vak ringawt.

Ka thutbial thup hma a dawhkan te ah chuan eng zu bur ber nge pawh ka hriatloh hi an tuai vir a .

Remruata hma ah tak a tawp ta chat mai !
A vei nuih suk ringawt.

A bula a bialnu thu ve reng chuan muan fan raih hian "Truth , , , or, , , dare?" a tu sep.

A ngawih deuh vung vung hnu ah "dare" a bialnu mit ah tak chuan a melh rún .

Lehlam kawng zawng tak chuan an in fiamna hi a naupang chhia ! Ka nui tet tet a, chu erawh tuman min hmulo an inhmehlo ka tih em vang ani pakhat.


An nui har har hlawm a , kei erawh mood ngaihah bawk letin ka thaw ipik tulh tulh nimai hian ka hria , Sawmdawnga leh lalmuani te lah engmah ngaihtuah lekloin an thu mawl tawp ang lawia .


An zinga hmeichhe pakhat sam phiar chuan "Chhuanawm , i bialpa nih vangin i chhuah ngawt theilo tih chu i hria tiraw?" signal zeuh pah chuan ati a.

Henu hming hi Chhuanawmi tihna!

"Yap, lo thlir i hna " nui suk chuan a ti ram ve hmarh mai.

Hemi te thianho hian engthil chiah nge tih an tum le, an chet dan hian min ti tim deuh bul lehnghal.

Remruata beng bulah chuan a hrilh ru ser ser a , uluk fahran chuan ka melh ve kiau .

"Ti turin min duh takzet a " chhum bul a atih takah chuan Chhuanawmi thil tihtur tum hi thil pangai anilo tih ka hrethiam mai.

A lu a buk nghat takah chuan Remruata chu tho in ka lam pan chuan a rawn kal ta mai .A ngaihna hrelo tak chuan ka en reng ringawt.

Engpawh nise tuna a thil tih tum hi helai zinga mi te hian an ti thang tawh tih hriat , hre lawk vek ang hrim hian an lo nui leh har har hlawm bawk nen , chu tak chuan min ti zam zual sauh tih an hre tawp lo ang.

Chhuanawmi chuan a phone phawrhin kan chetla lai vel chu video hian a la kual zut zut reng a ,
' a tul kher em mawni chu le' ner nang hian ka ti sep.

Ka bul a rawn thlen chuan ka tih ngaihna hrelo chu ka ding ta tharh ringawt.

"He game dan ka sawi kha i hria ang tiraw?" Chhuanawmi bawk in a rawn tih leh takah chuan an laka tlawm nih ka duh bik derlo, ka kawr tlang chu tham in ka in sang mar teuh.

Lalmuani lam ka va hawi a 'hahdam rawh' min ti ni awm fahran hian a lu alo bu nghat.

Ka hma ah tak a din tak rún ah chuan melh pawh ka melh ngam tawhlo.

Chu pawh chu tih tawh laiin ka hmai zawnah a rawn kun hniam anihchu, min rawn hnaih lutuk chu ka thaw chham dawnin ka hre hial , a perfium rim pa hrak ka hriat leh lek phei chuan duh ai kan in hnaih ta mah mah tih ka hria.

Kan hmai a insi lek lek a , ka hmui zawnah a rawn thaw lum hiam mai, eng rilru pu in nge ka lo maimichhin(g) ve ngawt pawh ka hrelo , a nui ri deuh suk ka hriat chuam mawl inti lutuk in ka mit ka meng nghal vat.

Chu veleh a hmui in ka hmui a rawn ti si de de a, a tihtum ka chian tak em avang chuan che phatin nam sawn nghal ka tuma mahse chet pawh che eihlo chuan a thle buk duh chauh anihchu!

Keimah zawk chu ka tawlh hnung hrut hrut a "In game ah hian ka tel ve duhlo , hetiang in fiamna tawp tak hi ka hlimpui ve lo ni mai rawhse" ka ti tan tan , he game hi a naupang chhia ka lo ti kha ka ti diklo hle tih ka hre chiah!

Sofa a ka bag let bal chu ka ban nghal sawk a , ka hma a mipa ding erawh chuan engah mah a ngailo tih hriat reng a meizial min tan khum siah siah .

"Tenawm lutuk " ka ti chiam a , midang ho chuan hmuhnawm thlir in min thlir ka ti mai , lalmuanin min rawn hnaih nghal vatin , a mitmeng in min khap pah reng bawk .

"Aww...I like that girl" An zinga mipakhat chuan chimawm zeta min melh ralh ralh pah chuan a ti a , ngaihsak tawhlo in room chu ka chhuahsan nghal hmak .

Lalmuani min koh na chu hre reng mah ila , saw room ah sawn ka let tawh teuhlo mai!

Khanu Chhuanawmi pawh kha a mawl deuh em ni?Engtin nge a bialpa khatiang thil a hmuh lai ngeiin a tihtir theih zawk! Infiam na ni mahse khang kha chu a serious mah mah .

Sawmdawnga ngawih reng chhan te kha enge ni ang? Nidang ah lem min chhan theih teh lul nen aú hi a hlau ve hle em mawni zawk chu, mahse ka dem hranlo hepa mizia ngilngel hi chu a nel awmloh ve em atin ni, mipa chupawh a unaupa ngeiin a hlauh chuan engvangin nge ka hlauh loh tehlul ang .


Washroom ang ni a ka rin ah chuan ka lut ve tawp ringawt .

Tunah chuan lalmuani emaw tupawh biak ka chak lo, boruak chu a tam thei ang ber ka hip lut a , ka hma a darthlalang lianpui ah chuan ka in en ta reng.
Ka kut ka sil leh mawlh mawlh a , rei fe ka awm hnu ah ka chhuak ta chauh.

Pawn ah chhuakin ka ú biak ka tum ut ut a , mahse lalmuani ruala kal ka ni si a , thil diklo a thleng tih a hre nghal dawn tih ka hriat vang chuan ka phone chu ka dahlet leh rih.

Ka bulah hnaiha mi awm ang maia ka feel rual chuan hnung lama ka sam thlah hniang chu hma lamah dah thla in ka nghawng ah a rawn fawp dek dek a , ka phu chiam ringawt .

"Keimah" ti sep tu chu a perfium rim a tang ka hre thei mai.

Ka awmsawn leh nghal dawr" i hlau em ni?" a ti dam dap.

"Min rawn hnaih tawh suh" ka lam pan a a rawn kal ve zel avang chuan ka ti hrawk.

Ka tawlh hnung leh hret hret a , bang ka ngheng ta nge nge !

Ka kut chu ka hnung lamah min man beh sak a , ka talh aih aih mai "i duh chuan i au thei" a nui hmel te chu ka rap takzet.

"Min thlah rawh" ka tap deuh tiau tawh.

"Ohhh....naupang tap ka thlem thiam hauhlo nia" a ti leh dut dut.

Ka thinrim leh hlau bawk si, che theilo tihngaihna hrelo chu ka hmuhnawm loh viau ta ve ang!

"Che suh, naupang sual hrem dan ka thiam ania, i duh chuan ka ti thei reng" ka mitah tak min en rún a.

Ka ngawi reng a , ka che tawh eihlo .

A mit chu ka hmui ah tak rawn fu leh chatin a nui nghawr dat .

"Game kha khel zo loin i chhuak deiha"

" tunah hian kan khel zo thei reng" a tih zawm zat.

A hmui a liak zeuh a "a thil ngaihtuah ka hriat em vang chuan ka lo ner nang thung.

" nang" ka ti chiah chu ka sawi zawh hma in ka ka hmuiah a rawn fawp nghal anih chu!







Changtupa POV ka ziak tep aw...Ka tum ang in story hi ka ziak thei lo a , midang te nena tehkhin phei chuan chhiar tlak pawh anilo tih ka hria , mahse thenkhat comment na te ka hmuh in ka la ziak ve hram hram aw.

[Ngaia]

Chapter-6


Chechang lo chuan ka dawh mawl tawp.

Tihluihna tak meuh meuha min fawh vang nge engmah ka feel theilo.

Rei min fawp loin ka mitah tak chuan min en leh rún a , nui sukin min fawh a tum leh ta mai chutah harh chhuak zawkin "Tawp rawh" ka ti vin hlar.


A mit in ka hmui en reng pah chuan "takzet" a ti thum chhak.


"Aw, , , , tunah hian min thlah nghal rawh" ka aw chu thinrim lutuk vangin a khur ti tih.


A nui leh suka , ka kut a vawnbeh tlat pawh chu a thlah ve mai bawk .Hepa hi eng ang mihring nge a nih, kha room a a thil tihtum kha duhtawk mai lovin helai thleng min la rawn umzui ania !

Nam sawn bawrh ka tum a , mahse a che eihlo , ka tihngaihna hrelo chuan rum taka melh in ka awmsawn deuh rawk rawk , kawta motor leh two wheeler din teuhna lam chu ka pan mawl ve tawp.



Hawi pawh hawi let tawhlo in ka phun phei niah niah a , min rawn umzui leh ang tih ka hlau ani mah zawk.


Ngati nge lalmuani pawh chu a rawn chhuah ve mai loh le , henu hi zanin chu min ti thinrim lutuk ringawt, a number hmet chhuakin ka phone nghala a in ring ral thak thak lehnghal .

Engpawh nise saw inchhungah saw chuan ka lut tawh awmlo emai ka ti ve tlat.

"A hunlo lutuk " ti hlakin phone chu ka melh deuh ngur a , Remruata din na lam chu ka va bih leh dek dek , a kalsawn tawh ni ngei ang hmuh tur alo awm tawhlo .

Ka thaw deuh huai a , khapa kha ka hlau ni berin ka hre tawh , tumah ka la kiss ngailo mahse zan khat thil thu ah ka first kiss khapa khan game ho te vangin a nei chu nia!


Hmeichhe naran ve mai chu ni mah ila , khatiang zawng khera in tih chu ka duh bik derlo.


Chhiat chu a chhe mawlh lo , hmeichhe tamtak duh chi a ni ngei ang tih pawh ka chiang, a mitmeng a pa hrak a , a sam dum leh hlapin a kir deuh lek lek bawk chu erawh a inhmeh vei phian ang thung , chuan nichin ah khan a hrawk bawk zawnah tak khuavang a nei tih ka hmu chiang lutuk ringawt , hmeltha vút tih aiin a hmel chu a pà ti ila a dik zawk ang mahse a mize nelawm loh lutuk leh à...nichin a a rawn chet dan vang kha nge ka ngei hlur ringawt, a nelawmloh ropui mai bawk si , mipa tawng duh lutuk an tih hi chu nilo tawp ang , khatiang mizia tehrep kha chu pulo se amah ah sawisel tur ka hre hauhlo.


Ka lo suangtuah ve thin mipa chu kohhran a inhmang , fel leh Pathian tih em em , ruihtheihthil tilo , khapa letling thawk ang vel kha nimai , Remruata ve kha a inkhawm ve thin pawh ka ring nek love!


Ka phone rawn ri thut vang chuan ka phu chiam .

"Mate , , a tlai tawh nia" ka u in min ngaihtuah hmel fe a a rawh tih chuan ka inthiamlo deuh , kan haw tlailoh tur thu kha ka hrilh a engmah ka sawi leh silo nen , min lo la nghak ani ngei ang.

"Aww hei kan rawn haw dawn mek aw" dawt ka sawi ta ringawt.

"Ka lo nghak che" a rawn ti ta chiah reng a .

Kan thlen vat tur thu te hrilh leh zung zungin phone kan dah a.


Huizz lalmuanin ka call a lak theih tlat siloh ah chuan Sawmdawnga ka call leh ta tawp.

Phone in ring ri ral ral chu ngaihthla ranin ka hmui ka seh ner ner.

"Aw"

"Englo lalmuani kha , haw ka duh tawh a"

"Alo zui ve nghal mai che sia" a tih chuan ka hawi kual thuak .

"Ka hmu miahlo " ka nui suk.

"Awle, kan zawng ange, khawnge i awm a?" Atih leh takah chuan pawn a ka awm thu ka hrilh nghal vat.


Lehlam atanga Sawmdawnga tawng lang lang lai chuan Lalmuani a rawn chhuak tawl, ka hmuh chiah thu leh kan haw nghal mai tur thu chu ka hrilh nghal a .

Zanin thil thleng vanga a inthiamloh thu te sawiin thupha rawn chawi ve mawlh mawlh.

Lalmuanin ka bul a rawn thlen chuan kan in biakna kan ti tawpa "awii khawnge i lo kalbo daiha ?ka zawng nasa lutuk che" a thinrim zawkah te chuan ka tang é te chu ala ti nia .


A zawhna pawh chhangloin "haw tawh ang" ka ti chiam .


A scooty awmna lam kan pan lai chuan Sawmdawnga rawn chhuak in min rawn au a , kan lo ding dat .

Kan dinna lam pan chuan a rawn tlan phei a .

"Zanin vang khan thupha kan chawi tak meuh , naktukah lunch ka treat mai ang che u" nuamlo ti hmel deuh chuan a ti a.

Amah niloin kha kan Lalremruata leh Chhuanawmi te zawk kha lawm kha game a min hnuk lut tu, Sawmdawnga thiamloh a awm miahlo.


Kan tlan liam thleng chu min thlir zui vung vunga , a unaupa te vanga a inthiamlo lutuk chu ka khawngaih letling zawk.A rilru nuamlo lutuk tur dal ah ka kut ka vai lauh lauha , a nui ta sang mai.



Lalmuani chu a tawng leh bawrh bawrh a , engtin nge Remruata leh Chhuanawmi te nen kan in hriat tihte min zawt zui mawlh mawlh .

Engmah ka sawi peihlo thu in ka chhang deuh hmuk a , ka la titau ve rih ni ber, ka sawi dawn rihlo tih a chian em vang ni hmiang "nakinah ka la zawt chhuak dawn tho che" chimawm zet a ti in a ngawi zui ve mai.


Tlan pah chuan a zai ri leh lang lang a , ka titau min thlem dan hi chu hre thin a nia , a zai thiamlo ve lutuk hi eng anga mood chhia ah pawh ka nui pui tiah tiah thei .

"Chhunawmi ka ngei zia kha" a zai lai tawp chawtin a rawn ti chhuak phawng.

Ka nui mai a , diktak chuan keipawn a mizia kha ka ngaihthei lo à...mi an chapo ar tawh hi chuan ka ngaina lo ve tawp , mahse an mahnin min biak erawh chuan lo biak chhiat nghal hlur ka tum biklo.


Kan in kawt kan thlen chuan chhuk tharhin riak ve nghal mai tuirn ka sawm a , a hnial ve tlat.


Sawm lui duh ta biklo in inchhung lam ah ka luhsan a , ka u sitting room ah a phone bih ngur chungin a lo la thu kur.

Ka thawmah ka haw ni tih a hria niang, a bul ka thlen hma hma chuan a phone la bih reng chung chuan "ilo haw tlai lutuk a " a ti sep

"Nia , , ihh dar zat kan lo en miahlo a " ka ti bah deuh niai.

Inthlahrung deuh dawk chuan ka sana ka bih vut a dar 11:00 a lo ri vá vá tawh.

Thawhma kan ngaih thu sawiin kan room lam kan pan ta ve ve .


Ka inthlak fel vek hnu ah khumah ka mu ta thlawp a , mit chhing vang vang in mutthil mai ka tuma mahse ka muhil thei hleklo nihchu.

Ka in let kual seka , ka hmui chu tawk leh de de in Lalremruata ka mitthla ah chiang lutukin ka hmu nghal zut ,ka tal chiam a , khapa khan min kiss pawh nise engvangin nge ka lo dawhmawl ve tawp le , 'i à lutuk Amanda' ka ti mawlh mawlh , hmeichhe easy lutuk ah min ngai ngei ang le!

Higher ka kal lai vel khan biak ve zeuh thin hi ka nei a , mahse kan in ngaizawng chuanglo . A birthday lawmna a min sawm ve tlat avangin ka kal ve a tah pawh chuan ka inrin loh laiin min kiss a tum a , ka tap deuh pur nghe nghe , ka duhlo lutuk kha engtin nge ka dan theih pawh ka hrelo , a hmai ah ka ham vak ringawt , chumi hnu chuan kan in be chhunzawm tawhlo hrim hrim.

Zanin ah lalremruatan game pakhat vang mai mai in min kiss atum leh a , mahse ka lo dawh mawl ve tawp anihkha ! Ka hmui kha duh chuan ka chip tlat thei a , ka kut min man beh sak tlat pawh nise ka lu ka ka a hup bet lova ka auchhuak thei mahse ka ti miahlo , khang zawng zawng kha hre vek mah ila enge ka tih kha , atthlak lutukin a tih ang angin ka lo awm tawp ani lawm ni.

Keimah chu ka in haw hlur ringawt! Ka sam ah chuan ka kek nghek nghek ringawt .



Engtik laiin nge ka mutthilh pawh hrelo in phak chuap hian zingah ka tho a , eirawng bawl ka ngaih vangin ham bai bai chungin ka khum ka chhuahsan ve mai .

Ka hmai ka phiha , eirawng ka bawl zui sawk sawk , ka ú erawh a walk leh tawh ni ngei ang , a bedroom lam ka thlek zauha , ka ring dik chiah inkalh lo tih hriat zetin tlem a in hawng.


A hma kha chuan ka zui ve thin mahse ka taimak na in a tlin hlawlloh vangin ka chhunzawm ta lo kha nia.


Eirawng ka bawl zawh hnu ah ka ú rawn haw chiaha , a inbual chhugin chaw ei ka lo siam mawlh mawlh thung, kan eikham fel hnu ah in bual ve nghal sawk sawkin kan college lam ah kan in phur phei a .

Kan in leh college inkar hi a hla ve reuh phiana , kawngpui pangai han pawh chhoh a ngaih leh thin avangin motor tlan a awm vak ngailo , traffic jam tih vel kha kawngpui chin ah lo chuan a awm velo bawk.


Kawngpui kan han tlan chhoh hma chuan kan hma ah tak bolero dum hi kan tlanna tur dal zawng in a rawn ding dat , ka u chu a nui deuh suk a "hmela chuh" a ti leh sup.

Lalpa leh! Motor atang chuan Lalremruata rawn chhuak ka ta mai , hepa hi enge maw ka hmuh sek mai le , kan lam pana rawn pen phei pawk pawk in a kekawr ipte ah a kut pakhat a zen lut a , ka tin chu a phu nghal dup dup , ka ú phenah chuan ka biru nghal vat , ka ú hi a lian bawk a ,keia taksa ve mai mai chu a hliah khuh nasa dawn lutuk ringawt.

"Nizan min rawn zawm velo a " engtik laiin nge kan bul a lo thlen hman pawh ka hrelo, ka u phena ka biruk deuh ngur vang nge min hmu velo ani ngei ang emaw keimah ka ni tih a hrelo ani phawt ang.

Eh..tunah khan kei min biak siloh chuan tunge a biak , tlem ka dakchhuak deuhin ka hawikual thuak , tumah dang ka hmu mai bawk silo , amah chu ka thlek zeuha ka ú a lo melh ngúr thung , ka ú nen hian an in hria mawnle .

Ka hmel ti lang lo mah ila , ka ú hian phur anei ani tih a hriat vang nge " kha kha em ni?" en pawh min en chuanglo chuan a ti a .

A rawn thle deuh búk , 'enge maw hepa ka hmuh piang hian thil tisual tu ang maia ka biruk ve chiam chiam zel le ' ti rilru in ka thu mar ta vut.


Ka u in " heichu ka nau " ti a a chhan chuan min rawn en ve ta chauh.

Min rawn hmuh takah chuan min la hria ni ngei ang , min ennawn leh kalh a , hamhaih leh mak ti hmel a pu ve dauh , mahse a reilo , a hmel tak rún in a thlak lehnghal.