Game Of Love By Zeuss Pach(Xhole) (Completed)

[Ngaia]

Chapter-7



Ka ú in min in hmelhriattir zung zung a , la in hre ngailo ang mai chuan kan awm ve ve , lehlam kawng zawng tak chuan a nuihzatthlak reuh.

"I awm hlen dawn ta em?" Ka u in a tih chuan "Ka chianglo" tih te in a chhang.

"Helam ah hian em ni in in a awm a ?" Pangai dauhin a tawng ve nia .

Ka ú chu bu nghatin kan veng anih thu a hrilh zui zat.

Rei inbe tawhlo in college lam kan pan san a ,kan tlan hlat hma chuan ka va lehhawi talh pek , minlo en ngur ka hmuh chuan rang lutukin ka hawi let vat.

Ka mur sung sung thei nia.

"In in kawm thin ami a ?" Engvanga zawt ve ngawt nge maw ka nih le.

Shilong a awm laia, inhria leh college an kal dun thu te , Mumbai lamah a nu bula a let san tak thu te chu tha deuh in min hrilh ve mai a.

Keilah in chu chu ka lo la duhkhawp lo nasa mai.


"Ihh an sawi dan chuan a pa hian nupui dang a nei leh an tia " kun hnai sauh chuan ka ti leh a.

"A nu nen an in neih lai rengin a pa in hmeichhe dang lakah fa alo nei a"

"Mahse anu te lam pawh khawsak harsa an ni lo bawka , an in then hnuah Mumbai lamah awmin alo let tawhlo hrim hrim , chutiang bak chuan an chanchin ka hre vaklo , amah Remruata ber hian a sawi duh ngai silo a " a tih zawm ta duah .


Ka hrethiam dauh ta kuar in ka hria , a awmzia chu Sawmdawnga nu hi Remruata pa in a nupui a phatsan na chu tihna!


"Tinge helamah Remruata chu alo let leh kher le" aww tinge zawhna hi ka van ngah tak.

"Ka hre biklo le " tih bak chhanna ka dawnglo.

Ka ngawih vung vung hnu ah "tinge ? Remruata kha i hre tawh hrim hrim em ni ?" a bike ti ding meuh chuan min zawt a.

"Hre mai mai lo" a darah ka chum tai.

Min kiss tih han sawi veih ila chu , ka ngaihtuah duhlo zawk chupawh ka phalna la hmasa loin ka ti leh lek phei chuan a sa vet vet ang chu!

"Ka nau hi hetiang taka dil chhut ani tih hi ka lo hrelo a " min fiam tih chu hre reng mah ila ka ner nang nang thung.

Ni e , a thian dang te hetiang hian ka hrechiang chak ngailo , midang hrim hrim pawh an chanchin ka ngaihven ngai lemloh avangin min ringhlel chu a awm ve tho.

La zawh belh zel duh mah ila , ka ngawih san ta daih.

Kan college kawtah chuan a ding dat , lam ka ngaih dawn leh dawnloh min zawt a .

"Lalmuani rualin ka lo haw mai ang" tiin a tlan liam thleng chu ka en zui vung vung.

Classroom lam ka pan ve dat dat lai chuan ka hnung lam atang ka mit an rawn hup chawt .

Lalmuani ani tih ka chian em vang chuan "lalmuan min thlah mai mai teh " ka ti hlak.

Phun niah niah chungin min thlah a , hetiang hian min fiam ve ziah , amah ani tih ka chian em vang hian 'min hrelo der ve thin teh' tum bar hian a ti thin.
A thothang a tha a , kawm a nuam viau bawk , unau pianpui dang a neihloh vang hian a pangchang ve riau thina chuan a la naupang chhia em em bawk, ngaihzawng erawh a nei ve nual tawh , an la chhelo thei em em reuh zui a.

Classroom lam kan pan lai chuan " ka nu in ilo kal khat atia , i hman veleh chaw ei ah sawm rawh ati che" thawveng fahran hian a ti a.

"Nu Zari chu min lo biak rawh , hun awl ka neih veleh ka lo tlawh ang , chaw ei kha chu nakin ah" mit ka siai khum zauh.

"Ti ve ziah" rum deuh chuan min melh kha kha.

Ka nuih tlawn chiam ringawt.

Nu zari te nupa hian min duat ve riaua , keipawn ka ngaina ve takzet. Eng hmunah pawh nise ka tel ve dawn anih phawt chuan an fanu hi chu an ngaihtuah ngai lo , an thlamuan pui ve em em ni hi ringawt , min rin ve reuh em avang hian lalmuani pawh a bialpa nen an in hmuh dawn emaw in ka hming a lo sawi tel ngei ngei zel.

Kan thu vel awrh chauh tihah class kan la nghal mawlh mawlh , lalmuani erawh a mutthlu leh bar tawh.

Chhunthil ei turin ka kaitho a , canteen lamah kan in zui phei nak nak.

"Keichu chawhnu ka kal peih tawhlo e" ngaihah ka nei tawh , chawhma chhung zawng a muhil a chawhnu ah off a tum leh ziah.

"I nu ka hrilh ngei ngei ang" ka tih chuan min melh no lo nasa mai.

"Ihh Sawmdawnga pa hian enge thawh a" ka ti chhuak tawl.

Mak ti hmel fahran chuan min melh deuh kha kha "i hre miahlo maw" a ti leh kher.

'Hria ila ka zawt dawn che mi?' tih vak mai ka tum et et mahse ka bu ta nghat ringawt.

"Awii Zothansang em em ache, ani te chu hrelo an awm dawn em ni? I thluak tereuhte ah khan heng tal te chu thun ve tur alawm" A ti chiam anih chu.

Khati teh vaka min chhan , ka tum dauh bar ringawt.

"Ihmawm , mi hausa lutuk tak mai ania, sumdawnna hrang hrang an nei a , Aizawl a damdawi zawrhna lian tak tak te pawh hi an chhungkaw enkawl vek alawm , chuan shilong a Hazard Drug Store lianpui pawh khu an mahni ta nia , à..Pu . lalthansanga Sailo hi chuh a fing bawka tunah pawh sumdawnna dang an buaipui leh mek a India ram hrang hrang ah inzarpharh an tum alawm, mak dauh chu engtin nge awlsam deuh hian an tih ve mai theih le " sawi nuam ti hmel fahran hian a kut zaizir nen meuh chuan ati hluai a.

"Aizawl mi hausa thenkhat phei hian an tlawn hlawm asin" a phone phawrh zui mawlh mawlh in ka hma ah tak a lek lang va a.

Instagram ah lutin "hei hepa hi, Remruata nen an in an zia hi" a tih leh takah chuan ka en chiang ngang mai.

An mitmeng chu in ang tak ani, chuan an sang tha em em bawk.

"Alo lang ve ziah a , amah ani tih ka hrelo reng reng " ka tih chuan min beng thlawp anihchu.

"Lehkha zir vak vak pawh hi nilo , vak chhuak tam ve deuh rawh hetiang mi lar lutuk han hriatloh te chu" a phone bih ngar pah chuan ati a.

An family ig account bik ah te chuan a lut a , an chhungkaw thlalak thenkhat te chu min hmuh zur zur , thlalak ah chuan Remruata telna pakhat chiah awm chupawh ala tum hmuk zui.

"I stalk nasa thin chiang" mit ko san ak ak pah chuan ka ti a.

"Loh theiloh " te chu a la ti ang tawk tawk a.

"A chhan ber zawk chu Remruata vang hian ania" a tih zawm zat .
A bialpa in hria se chu a thin a rim teh ang chu!


Hun a kal ve zel a , Remruata pawh khami ni bak kha ka hmu leh tawhlo hrim hrim lehlamah erawh ka ú a in thlak ve tial tial a , a leng chhuak mang mang lo , zu rim pawh a nam khat ta viau , ka pa pawh chanchin te hrilhin a lawm ve hle.

Chu ai mah chuan ka ú in bialnu a nei ve chu ni. Min hrilh tirh phei chuan a lai ve deuh tut in ka hria, a bialnu chu a duh hmel em em lehnghal , kan in ah pawh vawi hnih lai chaw alo ei tawh , a hmel a tha in a class hmel riau bawk, ka ú hmelah nui hmel ka hmu reng a , kan boruak chu a nuam takzet.


...............................

Inrinni nih vangin in tifai in ka buai nileng zak , tlai ah ka ú a rawn haw a hlim hmel pu sarin ka lo lawm, mahse a hmel chu nidang ai a ngui riauin ka hria thil diklo a awm em mawni chu aw tiin a room a alut chu ka zui lut ve nghal a , zu rim a nam thar thar.

Thla khat dawn meuh a rim a nam tawhlo nia vawinah ti hian a rawn haw a, dawrah thil diklo a awm mawni zawk le .

A ruih chhan ka hriat miauloh vang chuan pawngpaw lo thinrim hlur ka tum biklo.

"Ú" min hnungchhawn zawng a a din miau vangin a hmel ka hmu theilo.

Min chhanglo chuan a kawr hak lai a hlip zui mawlh mawlh a.

Thaw deuh hapin "diklo a awm em ni?" ka ti leh hram.

A rawn hawi phei chu a mit a sen ram mai , a thin ka ti rim ta emaw tihtur in 'chhuak rawh' tih melh hian min melh a.

"Ihh..tinge a ?" a tawng mai siloh vang chuan hlau chung chung ka zawt lui ve tlat.

A hma a ka ú nelawm loh zet kha ani leh tawh emaw ka ti hman "ka chau deuha " dam thlup hian a ti leh ang lawia .

Biak chhunzawm chak awmloh khawpin min ngaihsak lo , ka bu ve nghata a room chu ka chhuah san nghal.

'Nakinah ka la sawi pui mai ang ' tu rilru nauh nauh in eirawng ka bawl san a.

Lalmuanin min lo call a , a bialpa nen an inthen thu sawiin a rawn tap hluam mai .

Han hnem vak dan hrelo mah ila an intihthiamloh emaw buaina an neih chuan min rawn hrilh ve thlap zel.

Tuntum pawh "a van pawi tak" tih bak sawi tur ka hre lemlo .

A thusawi chu ngun deuhin ka ngaihthla a , a tap chu ka thlem leh zeuh zeuh a chuzawng chu.

Chaw ei hunah pawh ka ú alo chhuah mai loh vang chuan a room kawngkhar ka hawng them them.

Light in on lo a thim thuap chu ka va on nghal sat sat , khumah a vang zawngin kawr ha lo hian alo bawmkhup niai a .

Ka sawi dat dat , a harh mailoh vang chuan a bengah ka pawt vak ringawt.

A rawn zi mar ve deuh ar ar a"chaw ei ang " lungawilo deuh chuan ka ti hlak.

"Mate ka ril a tam lo lutuk a , minlo eisan mai rawh" a tih leh lek phei chuan a sam a keh nghek nghek ka chak.

Sawm buai leh vel kha ka tum lo , ani chaw ei loh vang khan ka pum in a tuar phah dawn pawh ni hleilo .

Kawngkhar chu ka khar ri pawp a, chaw ei in siam in ka ei hmawk hmawk.


Engpawh nise chaw eikhamah ka be tawh mai ang, ka chau deuh viau a, lalmuani bialpa then sawifel sak tur a min lo tur ve sek nen lehlamah ka ú lo rui bawk thawk hi an ti pik ngawih ngawih.


Ka chaw eilai chu melh zeuhin ka eitui lo kher mai , chaw chu hmuan deuh teuhin ka hma zawn chu ka melh ngur .

Kawngka an rawn kik dat dat a "rawn lut rawh" ka chaw ei lai la hmuan tun chung chuan ka ti a.

A hre theilo nge "Rawn lut rawh" vin mangkheng chuan ka ti nawn leh, ka mood fu lo nen zaidam hi chu a har ve thlawt.

A reh deuh vung vung vang chuan kawngka lam ka va melh rún .

Chutah rawn in hawng ri pawp in lalremruata rawn lut ta mai , ka chaw eilai ka phuh chhuak thelh ani.

Ka ka chhunga chaw khat vek nen ka mit ka khap fak fak a , ka hmuhnawm lo teh ang chu.

"I chaw ei lai thial rawh" nui deuh sukin min la kalpel vut zui.

Hepa hi kan in ah lehzel chuan thu neih rawn tumlo zawk rawhse , ka chaw ei lai chu ka chhak chhuak vek a , cooker chhin keng chung chuan sitting room a duhdah taka thu chu ka pan hmawk hmawk a , phone alo bih ngur mai.

Ka thil ken chu ka lek kang vut a , rawn hawi chhuak ve chiah in "i ú khawnge" ka thil lek a hmuh chuan mak ti hmel deuhin min en reng.

Ka thinrim ve laklawh tawh bawk si , ka thil tihtum atthlak lutuk leh a tawng dam thlup si chu a inhmehlo lulai lutuk a , dah thla zal zal in ka kut lehlam zawk chuan cooker chu ka kawk va va a , ka nuih tlawn chiam ringawt.

Amak ti hmel chu a zual tulh tulh emaw tihtur khawpin a phone hmet thim meuhin min en .

Eng rilru pu in nge maw he cooker chhin hi ka lo ken reng reng le , amah chu ka melh leh zeuh a, ka chhanna nghak tih hriat zetin a mit ko a san uk .

"Ahh ..aa ka u maw...ih a room ..aww a room ah " a room lam kawk zeuh pah chuan ka tih bah niai.

"Chuan" a ti hmuk.

"Ee, ,oo ka va ko ang" tih leh ka u room a tlan luh ka rual nghal.

Ka thawk chu rang tak ani , ka thin a phu dup dup a ka biang a sa hat hat bawk.

Ka ú inthlak fel chiah tih hriat taka lo in duang zuarh chuan min lo en ngur.

"Englo Remruata lo kal a" ka ti sep.

"Alo thleng hma hlemai" a helmet a ban nghal zut.

"I chhuak dawn maw" ka ti deuh hà a .

"Ka lo haw har maithei a , min lo mutsan mai rawh" awlsam deuh chuan a ti leh mai.

Sawi tur hrelo in ka en reng ringawt, zanin ah ka bia ang kha ka tia nia mahse biak hman miahlo in tunah chhuah a tum a , nghak lo turin min la ti zui.

A che vel chu ka en reng a , a room atanga ngawi renga a chhuah chuan ka zui ve zel.

Remruata lam hawiin" i hman hma kher mai" a ti sup.

"Kal kawi lawk na tur ka nei a " alo ti ve mai.

Awm ve lo ang mai chuan an pahnih chuan an tawng thum dút dút a.

Ka chaw eina pawh seng fel hmasa lo chuan pawn thleng ka zui chhuak ve zel , pawna bike lo ding chu Remruata ta ani tih ka hre mai, engtin nge kan in te thleng thleng a rawn hriat le.

Leather jacket an ha ve ve a an bike ah chuan chuangin tlan chhuah an tum ta mai !

"Ka kal ve duh " mittui tling piau chuan ka ti a.

Min rawn thlek ve ve "ihh keimah in ka awm duh biklo" tawh sual an tawk hlauh ang tih ka hlauh vang ani zawk mah , zu rim an nam ve ve lehnghal.

"Mate , tunah nilo nakinah" ka ú in dam thlup chuan a rawn ti a.

"Aih , , buaina ka siam miahlo ang" naupang in a thil duh a neih theihna nih dawn phawt chuan engpawh tih a huam ang mai hi ka ni.


" tuntum chu a theihloh, nidang ah nimai rawhse" ti a min chhan tlat avang chuan ka dil zawm duh ta biklo.

Remruata lam ka va melh zeuha nin hmel deuh hian min lo en reng anihchu.

" kal ila a rawn tih dút takah chuan chak fahran hian an dawk chhuak nghal.

Ngawi reng chuan kan in kawtah chuan ka ding reng a , kha lalremruata vang vek kha , rawn sawm lo nise chu zanin hian engtin emaw tak bia in ka sawi pui thei dawn asinle.


In chhungah ka lut a , ka chaw eina ka seng fel nghal vat vat.

Ka inbual a , khumah ka let nghal thlawp.

Ka chau ve deuh riau nen ka pa ka phone ang kha ka ti nia , ka lo mutthil san deih.

Ka dang ro lutuk vang chuan ka harh hlawl a , ka hmai a lo thlan deuh hluam mai , ka khum bula bottle chu banin tui ka in nghal khawlh khawlh.

Ka phone ka hmet enga dar 12:30 pel var var tawh.
Ka ú hi lo haw tawh ngem le , ka tho them them a ka phone a rawn rik tak thut vang chuan ka phu chiam ringawt.

Number hriatloh anih vangin ka la duh mai lo , mahse a rawn ti nawn tluk tluk mai si a ka la ve ta hram " hello "

"Kawngka hi rawn hawng la " mipa aw thum dutin a rawn tih chuan ka chil ka lem khalh .

" I mu tawh mi" a rawn ti leh a, lalremruata aw ani tih ka hre chiah.

'Mut loh a hun tawh mi' tih chiam mai ka tum nain phone chu ka hmet tawp a kawngka lam ka pan nghal vat.

Kawngka ka hawng tur chiah chu ka tim leh deuh a, ka ding ta reng ringawt.

Tinge ka ú nilo a aman min rawn biak deih? Khawnge ka ú awm ? Ani hian min rawn pawngsual te hi a tum ani lo maw?

Ka in ngaihtuah muk deuh lai chuan kawngka chu a in kik ri kharh kharh a.

Thaw vak in " Amanda , hawng rawh in in anih hi" keimah leh keimah chu ka in fuih chiam ringawt.

Vawilehkhatah ka hawng thuai a , ekhai leh ! Tuna ka thil hmuh hi ka awih theilo zawk!

[Ngaia]

Chapter-8



// Ka story minlo chhiar sak ve avangin ka lawm a , chuan diklo lai te, mizo tawng hman dikloh emaw ka nei thina , khang te kha min lo hrilh zel ru ka sawi tawh angin ka ziah ve vawikhat na nia in duhthusam ang a ka ziak lo nihpawn min lo hrethiam ula midang story chhiar thang tan phei chuan keia ziah ve te chu chhiar tlak pawh ani dawnlo tih ka hria mahse chuti chung chung a minlo la ngaihthlut sak a , min lo chhiar sak ve tawk tawk tu te chungah erawh thinlung takin lawmthu ka sawi mawlh mawlh aw//



Chhiar tui vek ule



Ka ú ding pawh ding tha hleitheiloin Remruata chuan alo kaihkuah a , a hmai a la thi deuh hniang zui, tih mai tur ka hriatloh vang chuan ka en reng ringawt.

"Minlo pui la" a rawn tih pawh chuan chet nachang ka la hre chuanglo.

Thaw vakin "e..enga tinge a?" Ka ti bah deuh niai.

Hetiang hian ka ú hi ka hmu ngai hauhlo , ohh class 8 ka kal laia mi in minlo tibuai min chhan tum bak kha chu!

Engang a nelawmloh leh tawhkhirh harsa emaw pawh nise , hetiang tehrep hian a a bula ka awm chin ah ala rawn haw ngailo hrim hrim.

Min chhan mai a tumloh vang chuan ka melh rum nghek ringawt!

"Mawhhh" ka ti chiam chu "lut fel phawt ang aw" dam thluam in a lo ti thung a.


Ka ú chu melh leh zeuhin 'min pui tache mawle' tih melh hian min melh a .

A ban lehlam kaihkuah loh zawk na lam ah chuan kaihkuah ve in sitting room kan thlen chhung lek pawh a rit lutuk chu ka thaw hlawp hlawp thei.


"Sawi tawh rawhle " ka ti ram ta hmarh mai.

"Mawipuii " ka ú bialnu hming a rawn sawi deih nachhan chu ka hrelo kher mai.

Amah chu ka en reng ringawt .


"Chu chu ngati nge?"

"A hrilh loh che chuan nakinah amah i zawt mai dawnnia" hepa hi enge maw hriat le.

"Tunah ka hre duh lawm " ka ti lui ve tlat.

Ú Mawipuiin alo kawp thu leh ka ú in a hriatchhuah si vanga an in then thu te , Ú Mawipuiin ngaihdam dil a alo la biak reng vang in a bialpa thar in a thiante pun in ka ú chu lo chang in an sawisak rawn thu te chu a sawi ta mawlh mawlh.

Hmeichhe fel hmel taka ka ngaih kha nia , va huat emaw ai mah chuan ka mak tihna chu a zual zawk, ka ú hian ngaihzawng a neih ngailoh vangin a atchilih in a duh em em a , mahse lehlamah a lo rinawmloh san ania , ala in chhir ve ngawt ang.


"An sawisak lai chuan khwnge ilo awma ? In chhuak dun reng sia" mak tak maiin ani erawh a hliam vaklo.

"Phone ka hman zawk chhungin alo bo hman" a vei nuih suk ringawt.

Ala harh mai siloh vang chuan ka chiai ti tih "hlauthawng suh a ruih vang anih hi , ka hmuh chuan an ni pawh an lo khem ve nual mai" ka mit a min en rún chung chuan ati a.

"An va sual em em " awmhmuna ka lo thinrim ve em em ringawt chu min nuih leh suk thin.

Tui ka lum a, a pem lai vel chu ka hrufai mawlh mawlh damdawi ka hnawih sak vek hnu ah banaid ka bel leh fúr a , ka han hawi chho chu lalremrutan ngun fe hian min lo en reng anihchu.

Ka biang a sa leh hat hat a , rei en ngamlo chuan ka mit ka la sawn vat.

Kan ngawi dun rauh rauh hi nimai , sawi tur chu vang tak ani , sana in khawng ri bak thawm dang hriattur a awmlo.

A thut ve tlat avang chuan ka mit sir in ka melh ru reng a , ni kamsir pem vel saw damdawi a phut ve niang chu, mi mawl leh!

"Kha lai kha athi a " a hmui bul chu ka kawk de de.

"Khawilai" keimah min en reng avang chuan tawng ka harsat leh tlat tawh.

"Ihh i ...i hmui bul kha ..damdawi hi hnawih rawh " hmeh chhuah chu a kutah ka hmehbel tawp tawp.

Thawh san nghal nal nal a , chuanlamah banaid dang ka va la leh ringawt.

Ka va let leh chuan duhdah deuha thu chung hian alu chu inchung lam hawiin a nghat a , a mit a chhin(g) tlat vang chuan a muhil emaw tiin ka va pan hnaih te te a.

Ka damdawi pek kha alo la in hnawih miahlo tih ka hmuh chuan ka kawng dawm meuhin ka melh vak.

A thaw ri sak sak a , a sam a pawr deuh fap a , a chauh hmel takzet.

Engvang tehrep nge pawh hreloin a hmai chu ka va tawk de de a , a hnar ngul sang vah mai chu ka kuttang in ka thai thla leh riak riak .

A mithmul chu a er ve deuh tan lehnghal , belhchian a dawl takzet bawk. Min en apianga ka lai em em zel ringawt pawh hi alo awmlo hranpa lo e .

Ka ú rawn rum deuh tiah tiah ah chuan ka kut ka dah sawn nghal vat a , a harhlo tih ka hmuh chuan ka thaw huai thei.

Damdawi a kuta ka hmehbel chu ka la a, hmet chhuak in ka hnawih sak niap niap .

Keimah hi ka in hrethiam tawhlo, lehlamah ka haw em em a , tihian a pem ah damdawi ka hnawih sak leh ang lawia nge ni a keihian ka lo haw tak tak lo zawk.

Ka hnawih zawh hnu pawh chuan kalsawn mai loin a hmel chu ka en ta reng , lalmuanin a lo duh em em chhan pawh kha ka dem ta hauhlo mai.

" min en reng anihchuan thil diklo ka ngaihtuah mai ang" mit la chhing reng chung chuan a rawn tu sup.

Ka phu nasa lutuk a , sofa tang chuan ka letthla tawp.

Ka zak lutuk chu na pawh ka hrelo , zak tak ka ni ringawt , hepa hi a muhil lo nihchuan ka hmai ka khawih dan zawng zawng te kha a hre vek dawn tihna nia.

"Ihh...haw ..haw tawh rawh" ka ti ta tawp .

Rawn meng ve chiah in a nui suk "ka riak dawn" a la ti tlat zui.

Awihlo lutuk chuan ka melh ta reng ringawt.

"I ú hi a room ah kailut lawk ang hmiang" engmah hrelo ang maia a awm vang chuan ka zak lutuk pawh ka zia ve ta deuh.

A room thleng kan kaikuah leh a , puan ka sin fel tir thlap hnu ah ka room ah lutin Remruata puan sin tur ka va la chhuak a .

Ka room kawngkhar bulah in kuangkuah than hian alo ding reng.

"Thutthlengah hian mu mai rawh aw" amah kal pel vut chuan ka ti a.

Ka lam ka hawi tur chiah chu ka bul ah alo ding reng tawh.

"Ee...Enge a " ka ti bah nawk a .

Hman zan ang tho khan min chhanglo in a mit chu ka hmui ah ringawt a fu leh ngur tawh.

Ka thawk a rang nghal salh a , ani erawh in min hnaih tual tual thung.

Ka hnung tawlh deuh data "i duhlo amaw " a tih chuan ka bu nghat nghat.

Ka kawngah rawn dawm thutin "Mahse nichin a min en reng man kha pe fel phawt la tiraw" atih leh tak sup ah chuan chet mai nachang pawh ka hre tawhlo , ka en mawl tawp ringawt.

Ka rileu chuan 'i hmel en man ringawt pawh chu a va to awm ve ' ka ti chiam a mahse ka sawi chhuak thei hleklo lehnghal.

Ka hmai bul chetah a rawn thaw lum leh hawk a , ka lo ip chawih thung , ka mitah reilo te min en vut in ka hmui ah tak chuan a rawn fawp nghal.

Ka mit ka meng kiau ringawt , dan chu duh hle mah ila engvang tehrep nge pawh ka hre lo ka thei miahlo nihchu , mak tak maiin hman zan ang kha chuan min kiss lo miahlo a , keimah ah nuam tih na ka nei ve ringawt bawk.

Dam thlup a min fawh tak reng avang chuan engtik laiin nge pawh ka hriatloh chuan ka mit chhingin ka chhang let ve nia!

Chu veleh a duhthawh em em a , mi ka la kiss ngailoh vangin ka zei tehchiam in ka ringlo ani erawh a zei tih piahlam ani thung.

Ka taksa emaw engmah a khawihlo thung , min khawih se ka tihna nilovin mak ka ti deuh.

Rei ngial kan in fawh hnu ah kan in thlah ve ta hram , akut in ka biang tawn tawn ah a vuan a , a mit chhing in a thaw ham ham mai.

A mit a rawn men chuan nelawm deuh hian min nuih leh suk a , ka zak leh hnuhnawh .

"I biang a sen vek" min tih zah te chu ala tum zawk amaw ni.

Ka hmai ka hup thak a , ka room lamah ka tlan phei nghal
Kawngka chu hawng leh dek dek in "muttui aw" ka ti sep.

Min chhanglo a, mahse a vei nuih sup thung.


Ka lo muttui ngang a niang ka harh leh chu dar 8:30 am a lo pel duai tawh.

Ka va tho a , Remruata ka zawng nghal ruai mahse hmuh tur a awm tawh hleklo

Ka zawng rilru deuha mahse ka hmu mai silo chu ka hnual ve em em ringawt.


Ka ú room lamah ka va lut a , alo la muttui nasa ngang mai !

Eirawng ka bawl a , chaw ka ei hun thleng pawn a rawn la tho lo , lalmuani phone in bazar a min kalpui turin ka sawm ta ngawt.

Min lo lam hma ngang mai , a bialpa nen an in then vang nge a ngui ve deuhin ka hria !

"Tih kawi tur ka nei ve nia , hmanhmawh ila" a tih khur khur takah chuan hreh viau mah ila ka ú ka kalsan ta tawp.

Nizan Remruata lo riah chungchang vel kha ka hrilh duh ngem? ti a ka in ngaihtuah mek lai chuan "Nizan ah i ú leh Remruata kan veng lamah ka hmu sin" min rawn thlek vut pah chuan a ti a.

"An leng a " tih bakin ka chhang lo .

"An chhelo dun e " nui vur vur pah chuan ati leh a , ka chhang tawh lemlo.

Lalremrutan ka phone number a neih dan mawlh chu ka ngaihtuah leh chet chet.

Scooty ti ding datin bazar lamah kan in zui ve nak nak, kan tawng ve bar bar renga thian dang hi kan va mamawh bik taklo em!

Thuamhnaw min en pui rawh atih tlat vangin dawr ah kan lut kual zut a , ka en kual pui lai chuan lalmuanin min rawn kheuh neuh neuh a " saw" a tih na lam chu ka thlek ve vut.

Remruata leh Chhuanawmi in kai deuh chialin kan lam pan chuan an lo kal phei a .

Tihtur ber pawh hrelo in ka en mawl ve tawp , nizan lawkah khatiang khan ka chungah a che a tunah lem Chhuanawmi nen an chhuak dun leh ang lawi a , hriathhiam siloh hian ka lo na ve em em ringawt!

Keihian lalremruata hi ka hriat miahlo in ka lo duh zawk em ni?





(A ngaihawm dawnlo lutuk hi ka in thlahrung zawk, ka buai ve reuh bawk sia , dah loh aiah tawite ka rawn dah )

[Ngaia]

Chapter-9



En loh chu duh viau mah ila Chhuanawmin a ban vuan a akuah leh deuh chial a vang chuan ka hawisawn thei tawhlo!


An lo hnai tial tial a , midang ho pawh chuan an hmu duh hle , inti thei hmel fahran a Chhuanawmi dah(k) vah mawlh chu ani , kei hian ka thik nge pawh ka hrelo ralkhat atang ka lo eilo ve em em ringawt.


Amah tak chuan min hmu lo nge min hmu lo der pawh ka hrelo , a pen ngai chuan a pen mawp mawp a, ka ngei tawk alo tling em em.


Kan bul an lo thlen chuan min kalpel tawh mai dawn emaw ka ti hman a , Chhuanawmi zawk chuan min lo thlek há há chungin "kan in hmu zing hle mai" a ti sup .

Ka chhanglo , chhan ka tum lemlo bawk Remruata zawk chu ka melh zeuh a , ani pawn min en ve chiah tih hriat takin kan mit a in tawng leh siah.


Lalmuani zawk chu rawn tawng chhuakin "kan hmanhmawh deuha " ani pawn biak a chak lemlo tih hriat zet hian a ti zung zung.

Ka inchei dan ngun thluk fe hian min en a , ngaih ti thalo tawk tur vel hian a bu nghat nghat , henu hian min haw ve hrim hrim anih dawn hi !


Ka banah lalmuanin min rawn kai a , min kalpui nghal dawr dawr, va lehhawi leh hram in an ni erawh dawr pakhat ah hian an lut zui nghal daih.


Remrutan min be miahlo a , vawikhat chiah min en bawk , ka tan engmah ni lo mahse a ruk in awm a ti nuamlo ve em em ringawt a, min kiss avang khan min rawn ngaihtuah zui tura ka ngaih vang nge pawh ka hre hreplo.


Ka lu ka thing nar nar a , enge maw ka ngaihtuah chu le, kei hi ka á tawh ani chek ang ani te chuan kei ang ve mai mai te chu min chhaih kual ani hrim hrim , ka lo la thutak lutuk chu ka in chhir leh hnuhnawh.


Lalmuani hi hrilh vek ta ila engtin nge a tih ang le? Min dem viau angem?Remruata laka khatiang tehtawp a ka lo sihhnip avang khan à...hrilh lo law law rih zawk mai ang, tihian tawp hmak ila Remruata misual lutuk tak mai bul hnaihah kha chuan awm tawhlo ila tha ber ang, chuti lo chu ka duh ai ka lo dawngsawng tha thin mah mah .


"Chhuanawmi ka nin zia hi chu aw " pen hlawk hlawk paha lalmuanin a tih chuan a hnungah ka lo nuih tet tet.

"Nichinah te khan Remruata hmel pawh ka hmu tha hmanlo , khanu ve sek kha chu tello se " a ding data a kawng a dawm zui vung vung.

"Kal mai mai teh ang" tiin a ban ah chuan ka vuan a ,min en deuh vung vung hnuah "tinge Chhuanawmi khan a biak ve ziah che a ? Sawi tawh teh" a ti phawng.


Khami ni a thil thleng zawng zawng chu ka hrilh vek a , a chet tlak tlak ringawt.

"Englo , , a huat hmel thei tawp che a " ner nanga a tih leh takah chuan "aho emmai sawi tawhlo ang " ka lo ti ve vat a , ka kalsan nghal daih.


Min rawn um tih hriat takin ka hnunga thaw hlawp hlawp paha tlan ri chu ka hre thei "nangte hi , i kal zet zet reuha , lo ding teh" a rawn ti lang lang.

Lehhawi in lei ka chhuah khum tet ringawt.

Ka bul a rawn thlen chuan a thaw deuh huam huam a , enge a din rei viau ni .

"Chhunawmi kha chu maw ig vel ah a in post sexy thei rapss" an chanchin sawi chu ala duh tawk ve hauhlo ani ngei ang.

"Fanu mal , duatsual an tih ang hi nia , a pa hausak na hi a chhuang ropui si" a tawng zui bawrh bawrh a , nichin a a hah hmel erawh kha chu a bo hmak tawh thung.

Sawi ve tur ka hriatloh em vang chuan ka ngaihthla mawl tawp , a duh chen chen han sawi phawt mai teh se.

Eirawng bawl ka ngaih vangin min haw hma pui a , in kawt kan thlen chuan "engtin nge in awm zel dawn?" A bialpa chanchin ka zawt ani tih a hrethiam aniang , a scooty a bawh deuh ar ar chungin "kan tawp hlen tawh mai ang chu" a ti deuh sap.

Va be mai tura ka tih pawn "biak hmasak ka duh bik teuhlo" a ti teu hlar bawk nen tih ngaihna tak pawh ka hre biklo.

Inchhung ka luhsan hnu ah kan in chhung boruak ipik zet ka hrechhuak a , ka ú room lam ka thlek zeuh.

Ka room lam ka pan hmasa a , ka inbual zui nghal mai , eirawng ka bawl hnu thleng pawn hmuh tur a awmlo , inah a awm em tih pawh ka hre chuanglo , a room ah ka lut duh miau tlat lo.


Zan riah ei a hun chuan loh theihloh in ka va lut ta hram a , earphone vuah chungin hla a lo ngaihthla a, min hmuh chuan a earphone dah thla in min lo nuih suk.


"Chaw ei ka peih tawh a " dam deuh a ka tih chuan a bu nghat a , ka nuih let ve chuanglo.

Chhuah lehnghal mai ka tum chu "mate " a rawn tih zawi sup avangin ka ding leh chat.

A lam chu hawiin a thusawi tur ngaichang ranin ka en ve reng a "Kan in then a " sawi chu harsa a tih ve hmel hle.

"Ka hria lawm " ka ti let khauh thung.

"Remruatan a hrilh che em ni?" A tih chuan ka bu nghat .

"Nep min ti em ? Midang laka ka venghim tawka ka ngaih viau chung pawn a rukin min lo bum char char thei ania " a thusawi tawp lam chu na thar leh tih hriat zetin a rí chhuak hrawk.

"Hmeichhe pakhat vang a rei tak chhung i tih tawhloh zu i in leh avang khan nep ka ti zawk che , i mizia i hlauh leh vek a vang khan ka dem bawk che " a rilru tihnat ka tum vanga sawi ka nilo .

"A har em atin ni" chung lam hawi pahnin a kut pahnih chuan a hmai a hup vang vang a.

" Hetianga i awm a hmuh hian nuam ti takin alo thlir zawk ang che , chulohah heng ruitheihthil te hian kan natna min chhawk emaw kan tih hian a ni hauhlo ania , kan duhloh lama min hruai thleng tu an ni zawk asin" ka thusawi tum chu hrethiam se ka ti takzet.

Nau zawkin ka zilh ve khanglang vang nge , a sawi tha ve duh vaklo.

In be em em lo chuan chaw kan ei dun mial mial a , a chhuah dawn leh dawnloh ka zawt a , a chhuah dawnloh thu a min chhan bak chu engmah kan in be lo tiila a dik ang.

Ka khumah ka mu mai mai a , mutthilh nan chuan a la hma deuh avangin ka phone ka kheuh ve mial mial .

Lalremruta khan ka number a nei tih ka hria , min lo call na chu ka en nawn ta vat .

Saved ve hrim hrim ka tum nain , vawina Chhuanawmi nen ka hmuh dun vang khan ka saved leh duh talo.

A number chu ka en nawn sek a , ka byheart hman thuakin ka hria.

Lalpa leh! A number ah chuan ka call palh anih chu .

Ka mu chu thu chhuak nghal vut a, hmeh tawp mai ka tum lah chuan ka kut khur nasa lutuk vang nge ka hmet dik hleithei der lo lehnghal.

A lak hman hma chuan ka off ta hram a , ka thin zawn dawm chung chuan ka thaw dep dep ringawt.

Ka kut chu a thlan vek a , ka biang a sa hat hat bawk , chutia mumal lo taka ka thut reng lai chuan ka phone a rawn ri ta thut .

Ka mit ka chhing ta tawp a , a rawn tih nawn leh sek vang chuan ka mit lehlam chu meng de de in ka phone chu ka melh zeuha .

Lalremruata number chu alo ni ngei mai !

Ka thaw vak a , ka la ang nge la lo ang tih ngaihtuah chuan ka rilru in sual nasa ngang lehnghal.

A tawp a tawp ah chuan ka la ve ta tawp a , muhil tawh ni awm fahran hian "hel..hello.." Ka ti deuh nuai.

"Ilo call a " a ti thum dut a.

Keiin ka lo hrelo der hmak zui, chutah a ngeithei/ngaithei vak tawh lo nge "Zothansang" a rawn ti khauh fuk .

"Ka mu tawh a , ka delh sual palh aniang " tih leh phone dah ka rual nghal zut.

Enge maw khatia min tih kher , ka hmingpum te khan min la ko zui a .

Phone pawh khawih zui duh tawhlo in ka mu tha fel te te a mutthilh mai ka tum chu Lalremruta ka ngaihtuah a ka zak thar leh hnuhnawh .

Tinge hepa lakah hian ka chet chhiat theih em em mai le , ka nunphung zawng zawng min hlauh tir a , 'Ka hua ' ti mah ila ka huat tak tak loh zia ka hrechhuak telh telh bawk a , a mize thalo leh sual lutuk te vang hian nelawmloh in min ti zak viau thin mahse amah hi ka duh a , midang laka ka la put ngaihloh vei burna leh mipa min ti zam em em theitu ani tlat si.

Hmeichhe naran ve mai mah ni ila , mipa nazawng lakah ka zam ngailo ka sawi awmzia chu hetiang lam hi ka ngaihtuah ngailo hrim hrim zawk.

Lawk nichin khan Lalremruata kha ka duh ka ti em? Anglo lutuk 'mahse Amanda i sawi ngei si alawm'

Naa...ka thluak hi a buai zo tawh , engtin nge ka duh ngawt theih ang ?Thil inhmeh lo lutuk anih chu a .

"Mawl viau lo teh" tiin ka lu chu khum lu lamah ka nawr vak ringawt.


..........................


Class kan kal a , chawhnu lamah ka neilo , lalmuanin erawhin a la neih avangin library ah ka lo nghak thung.

Kha zan bak kha Sawmdawnga ka la hmu leh miahlo tih ka hrechhuak , a online tawh ngai pawn ka hrelo, a reh hmak chu mak ka ti angreng.


Lalmuanin min rawn phauh chiam a , túr deuh hian ka lo melh kha kha , ka bula a rawn thut thlak veleh "Sawmdawnga nen in in be ngai em?" Ka ti nghal zat.

A bu liam rungawt a , ngaihna hrelo tak a ka en reng vang chuan " a number a thlak a " a tih zawm zat.

"Tinge class a rawn kal ngaihloh le" Lalmuani be em em chuanglo chuan ka ti a.

"A damlo lawm , i number pawh min dil a mahse hman zan vang khan biak che a inthlahrung a " a phone kheuh nuah nuah pah chuan a ti lang lang.


"A van mawl mai mai tak" a damloh chhan te chu ka zawh zawm nghal zat a.

A khaw sik a reh hleihtheihloh thu in min chhang ve mai a, a hrisel hmel tehlul nen , chutianga a damlo chu mak ka ti viau.

"Keichu class a thulh rei danah khawsik mai mai anih ka ringlo " a phone dah thla in a ti zeuh.

Muani tenah ka leng kawi a , Nu Zarin eitur min lo siam nghal mawlh mawlh , an chhungkua ang hi nawm hmel ka tia, ka awt ve thei takzet, hmanah kha chuan kei pawn hetiang chhungkua hi ka nei ve thin.

"Khawnge i pa " lalmuani zawk chu ka zawt a.

"Nú....khawnge ka pa hi" Nu Zari choka lama awm chu a a zawt chhawng ve lang lang a.

Ka van mawl tak lalmuani nen te chuan kan haw rual reng sia , a hre dawn biklo tih te chu hriat ve tur ania.

"I pa Mawia ten chaw ei ah min sawm tlat sia alo va kal hmasa nihkha " a rawn tih chuan "kan vaiin maw ?" Lalmuanin a tih zawm zat.

Choka atanga rawn chhuakin "Manda , , hetah Muani nen in lo nghak mai ula chuan chaw ilo ei nghal anga" keimah zawk chu min rawn be daih a.

Lalmuani lo phur ngang mai.

Hnial viau mah ila min sawm luih ngang avangin aw pawh lemlo mah ila ka hnial lui ta biklo


Ka ú in phal chu a phal ngei anga mahse eirawng bawl tu an awm dawn silo a .

Ka ngaihtuah na hria ni awm tak chuan lalmuanin " i ú chu eirawng kan va bawl sak anga , chuan keini chu tlai deuhah kan ei mai dawn lawm " awlsam zet hian a rawn ti a.

Chutiang tehtawp te chu a , chhan tum a ka an(g) zuau chu ka phone a rawn ri chiah .

" aw ú.."

"Mate , chaw eiin kan chhuak dawn a " a rawn ti hap.

Loudspeaker ah dah kher lo mah ila kan tawng lalmuanin a hriat phak ve vek avangin tifuh in ti hmel fahran hian a lo nui har har.

"Aw ihh tute nen" Remruata a tel ve ngem tih ka hriat duh vanga zawt ka ni mah zawk.

"Remruata te, pali bak kan ni lo ang" a ti ta chiah renga .

Thian hi chu nei ve nual mahse kan in chhung rawn chuang kai a kawm bik hi chu pathum bak aneilo chuan Remruata nen pali.

"U Amosa te ho ami?" Remruata ka zawt bik emaw ati ang tih ka hlauh vang chuan ka ti deuh kher.

Muani te in a chaw ka ei dawn thu te chu ka hrilh zui mawlh mawlh a , a haw hma chuan minlo lam nghal tur thu te rawn sawi ve in kan dah a.

Lalmuani lo phur nasa ngang mai , hetiang lam chaw ei emaw riahkhawm tih vel ah hian ka chhuah ve ngai vakloh avang hian ka chhuah ve chhun hi chuan lalmuani hi a lawm thei, keiai hian a phur daih zawk zel.

Nu zari eitur siam kan ei mawlh mawlh lai chuan a insiam zo alo chhuak vut a "frige ah hian chawhmeh siam tur chu a awm ang aw, arsa pawh kha in duhleh in siam tawp mai dawnnia" a ti nghal mawlh mawlh a.

Kan lo bu liam ve tawp.

"In lo haw har angem?" Muanin a tih chuan a hriat lawk loh thu leh an haw har deuh chuan Muani lo la awmpui turin keimah chu min chah leh a .

"Duhleh Muani hian alo va thlah mai dawn che nia , mahse kan lo haw hma chu in hi lo chhuahsan suhu" a tih zawm zat a.

A chhuah fel hnu ah eirawng kan bawl nghal sawk sawk a , lalmuanin uffer in hla a play dup dup a , àw tial ruai a a zai pui ve lang lang thin chu ka lo nuih chiam zel.

Kan chaw eikham ah thleng sil ka tum viau nain "khawi keiman , eirawng i bawl vek tawh kha" a tih tlat avangin ka hnial duh ta biklo.

A laptop ah movie kan en dun a , ka phone chu bih zeuhin dar 8:30pm a lo ri thuak tawh.

"An lo haw tep angem ?" Ka ti deuh chhen a.

A han phone leh rih thin , an lo haw mek thu a sawi chuan ka thaw hak.

Kawngka in kik ri kan hriat vang chuan kan in melh tawn zak zak ringawt, chutah kan nui chhuak leh chiam a "Ka nu te niang , an lo va thleng hma em em " tiin kawngka lam a pan hna hna .

A laptop a movie kan en chu ka bih deuh ngur a min rawn koh avang chuan ka hawi chhuak vut "I ú te " a ti zawm zat.

Ka tlan phei rawk rawk a , kawngka bulah ka ú leh Amosa an lo ding rún mai .

Muani hawsan chu hreh viau mah ila amah berin "apawilo an rawn thleng ve tep ang" tiin min nam chhuak dat dat a.

Rilru nuam zan lo chuan ka zui ve ta ngawt. Kawng chhak lam a an bike hunna kan han thlen dawn chuan mi pahnih hian bike a thu chugin meizial an lo pak talh talh a .

Kan pan ve zel a , lalremruata leh Ú Msa lek, an lo lan ve loh avang khan an lo kal ve lo maw ka ti hman a .

Lalremruata bul hnaiha ka awm leh tak avang chuan ka thawk a rang leh em em tawh .

Amosan "in in lam chu mi ?" ka ú thlek vut paha a tih chuan "in thu thu " a ti ve sup a.

"Kal ang ú" lalremruata chuan a rawn ti thum dút a.

"Matei ka phur dawn sia , tlan hmasa ru hnung kan rawn dawl ange " ka ú chuan a ti leh zeuh a.

U msa tlan hmasa berin ú Amosan a zui ve nghal zat a , lalremruata erawh a muang chang viau , a helmet lawk zet chu a khum tha te te a , kan lam rawn thlek leh zeuhin a thlawk chhuak ani ber.

Muangchang chuan min tlanpui a "enge an lo tih dawna ?" Ka tih chuan " an lo leng ang chu" a ti ve mai.

Engmah zawt zui tawh chuanglo in kan tlan ve mawp mawp a , kan inkawtah an lo ding fur hlawm mai , an ni thian ho hi an sang hlawm em em vek a , ú Amosa hian nau ang tak tak in min en ve a , ú msa pawn min duat tho mahse lalmuani nen an in biak ve zeuh thin tawh avang in min be tha ngam vak tawhlo.

Lalremruata erawh kan in hriatna a la reilo thung a , mize nelawmloh tih hian a sawifiah ber ang .Engtin nge ka ú te thian ho hi a kawm ve maitheih le nge an ni pawh hi an lo in hre lawk than tawh zawk? À...ngaihtuahna ho tak ani.

Mipa hi chu vawikhat an in hmelhriat hi chuan an in kawm thei mai a , hmeichhia te anga in eiloh tih vel ang kha an nei ve ngailo .


Kawngka in lock na chu ka chhuk tharhin ka va hawng nghal sat sat a , an luh hun ka chang deuh ran chu min en huang hlawm anihchu.

Ka hmai ah bal a kai emaw tiin ka han tuai puat puat a ú Amosa rawn nui huah huah "I che vut vut sia , i hamhaih hmel lutuk a " tih pahin ka sam a rawn tuai thur chiam a .

Ka lo ner nag thung , lalremruata erawh in uluk fahran hian min lo en reng a , ka hrelo der hmak.

Inchhung ah in zui lut dialin thingpui ka lum sak nghal vat a , mak tak maiin zu rim an nam miahlo .

An tawng thum dút dút avang chuan an tawng ka hre hleithei lo , an thian zingah saw chuan Ú Amosa saw a tawng duh hmel ber .
Lalremruta erawh a tawng ve zeuh zeuh chauh ani , a ngawi ngul reng mai.

Thingpui chu pe in inthlak turin room ah ka luh san ta daiha, an in zawh hun awm vel ah chiah chhuah ka tum .

Ka thut deuh rún hnuah ka va chhuak a , mahse tu amah chu hmuh tur an lo awm hauhlo!

Ka hawi kual thuaka ka hmuh mailoh avang chuan an thingpui in na no ruak chu ka seng fel leh te te a.

Ka han au leh deuh thin a , mahse tumah chuan min chhanglo .

Pawna ka va chhuah lah in an bike ala ding fúr hlawm tho si .

Ka ú ka call a , a phone a kenglo ani ngei ang sofa ah alo let bal mai.

Thu thla hnawkin ka lo nghak ve tawp , ka ú room lam ka va thlek a pawn lamah alo in lock khep bawk si.

Bangbo rilru tak chuan ka phone ka kheuh niap niap a , thawm a rawn ri kerh kerh a ka hawikual hrut.


Bathlar thlang lam ka pangpar khawi ve thin na chu ka pan nghal vut a , kawngka chu hawng thutin beer leh whiskey bur lo let ngal ka hmu hmasa ber a , an lo in zo chiah tih hriat zetin no ruak an lo dawm fúr hlawm .

"Ú" ka ti vin that chu an lo hawi thup.

Ka ú hi rui ve thin mahse a in lai tak hi chu ka la hmu ngailo hrim hrim a, amah pawh in chu chu a duh heklo , tunah pawh an in lai chu chiang takin va hmu hman tawhlo mah ila , hetiang tehnuai a ka va hmuh vang hian ka chiai thawkhat tawh.

"Zonunsang" sehchilh nawka ka ú in a rawn tih chuan ka tawlh hnung hrat.

"Engvangin nge i rawn chhuah a " ti leh khur khur in, a ruih vang ani tih chu hre tho mah ila min biak dan kher kher chu ka la na ve thlawt chulohah amah niloin keimah hi nilawm ni thinrim zawk tur chu.

Min rawn pan riak riak lai chuan ú Amosa chuan rawn khapin "Rocham a tawk " a ti hlut a .

"Mate lut rawh" a tih zawm zat.

Ka ú in mate min tih thin avang hian an thian ho pawh hian min ko ve mai zel.

Che lo a ka din reng vang chuan ka ú chu a thin a rim leh ta deuh nge "nuar i tum elaw?" A rawn ti leh fak.

Tinge maw a mizia hi hriathiam a har em em mai le , a chang leh a nelawm em em a a chang leh min tihnat mai pawh a hreh lo, a tawpah a in chhir leh ziah tho si insiamthat a tum chuang bawk silo.

Lalremruata ngawi ngul chu ka va en zeuh a , a mitmeng sen rama min min melh pah chuan ka lam panin a rawn kal hnai a , ka ban ah min rawn kai dawr dawr a , engmah a sawi bawk silo ka ú lam ka va thlek tawk tawk chu engmah ngaihtuah chhunzawm lo tih hiat zet hian an ti ti zui bawrh bawrh.

Tu a mah chuan min rawn ngaihven zui mai silo a mak ka ti deuh , nge Lalremruta hi an ring em em zawk pawh ka hrelo.

Amah chuan a hnuh hian min hnuk ka ti mai sofa ah chuan min theh thu tawp a.
.
Amah ka han en chu ka hma ah min en reng chung hian a ding rún a , min ti hlau deuh


(Edit hman tawhlo)

[Ngaia]

Chapter-10

//A hnuaiah khuan pawimawh deuh ka dah a , lo chhiar vek rawh u aw//



Chutiang a ngawi renga min en avang chuan ka che ve ta phat a, a chungah hian ka thinrim sa tun tawh bawk nen ding meuhin amah chu rum thei ang ber hian ka melh a.

"Suahsual rawng bawl ka phal hauhlo nia" min nuih zat tih hriat deuh hian min la tihkhum zui.

"Kan unau buaina ah lo in rawlh ve bawk suh, chuloh ah nangmah ni hi lawm suahsual rawng bawl chu" ka ti hlak hlak a.

Thinrim hmel pawh a pu ve tawhlo , chu ai mah chuan ka vin ve hlak hlak chuan a nuih a ti za telh telh zawk emaw tih mai tur hian nuih in sum zetin min en ngar a.

"Hetiang hian a awm tawh ngailo sin, a inthlak ve tial tial a , chuan tunah " chiang leh zual chuan ka en a "tunah hian nangmah ni vangin zu a in leh phah" ka sawi zo chu a hmel a tak ve deuh rún tawh a , thinrim hmel erawh a pu chuanglo.

"A duhthu alawm, keini chuan kan nawr lui hauhlo" sofa a thut thlak dawp pah chuan a ti a.

"A ni tak meuh mahse a hmuh lai ah in sek lo ulang chuan " sawi zo lo in ka chal ka dawm vawng vawng a.

A dik , a duhthu a in a ni ngei alawm mahse heng a thian te hian lo phalloh beh ve tlat mai tur ania , tunah chuan a rilru a na a , in hnem na tur a duh vangin he thil ah bawk hian tluk luh leh a tum dawn tih te chu kei ai pawn an hrechiang zawk ang , mahse chutah tak chuan a chakloh na lai hmu thiamlo in a bul hnaih ah heng ruihtheih thil te nen hian an rawn in lar a , lo hnar chu thil har tak ani ang , nge amah hian a pan zel zawk pawh ka hre tawh hreplo.

"Mate" a rawn tih a vang chuan ka hawi vut a.

Engvanga 'Mate' min ti ve ngawt nge maw anih le.

"I zaklo , khatiang a koh pawh kha ka duh bawk lo e" ka ti chiam a.

Ka ding hle hle lai chu ka banah pawt thutin min pawm chawt, han tal sateh ve mah ila mipa tha nge nge ka talchhuak hleithei der lo.

"I duhtawk dawn em" ka beng bula zawi te a alo tih chuan tan buai in awm zia a awm lo tih ka hriatchian em vangin ka thu ve hle hle.

Min kuah bet ngar a , ka beng bulah a rawn thaw leh deuh hawk thin chu ka ngei takzet, min tih zam hi a tum ve hrim hrim aniang.

"Hriatthiam tum rawh , hmangaih na vangin a na nih saw " a ti leh sep a.

Ka ngawih vung vung vang chuan "chuvangin nangte reuh pawh hian hmangaihna hi in bum tir ve hauh suh" nui deuh supin a rawn ti leh a.

A aw ri chu a dam thlup na in ka beng bul mai a a sawi vang chuan ka mur deuh sung sung thei.

"Hmangaihna" ka ti ve sep a.

A lu rawn bu nghat in " kan chhehvel a hmangaihna tak tak kan hmuh theih te chu 'NÚ HMANGAIH NA' chauh hi ani , a bak chu a lem vek" a ti khauh ta fak mai.

A hmel en tum chuan la dak tawk tawk a , a hmalam melh ngurin a mit a lo sen ram mai.

"Mi..min thlah tawh la" min phih sawn nawk ang tih ka hauh vang a sawi ka ni.

"I hlau em ni a?" Ka rilru rawn hria ni awm tak chuan a rawn ti thum dút .

Chhanglo in ka bu zauh, a thaw hak a chutah rawn leh hawi in "naktuk ah chhuak lawk ang hmiang" dam deuh zawk hian a rawn ti leh a.

Chhan mai nachang pawh ka hrelo , a ruih vanga sawi anih ka rin vang chuan "Chhuanawmi ka nilo a , ihhh keimah chu" ti a ka hming sawi ka tum chuan "Amanda"nui euh suk chung chuan min lo sawi khalh a.

Ka hamhaih letling zawk , a reng reng ah engvangin nge ka zui ngawt anga , a ruih vang anih chun ka la ring ta fan.

" i duhlo em ni?" A rawn tih leh pawh chuan chhanglo in ka ngawi ta reng a.

"Awle..ka bia che aw leh aih tih kha nimai" enga ti nge maw a hruatthiam ve mai loh le , ka chhan loh te chuan ka duhlo tihna ah ngai ve mai sela.

"Aih" inthiamlo deuh chuan ka ti a.

Eng vanga in thiamlo nge ka nih pawh ka hre chuanglo , ka kalpui duhlo ani mai a , chu zawng chu!

Min chhang tawhlo a , a nui ri leh deuh sup erawh ka hre hman ta tho.

Min pawm beh tlat na kut a phel thawl deuh ni a ka hriat vangin ka tho tharh a , ka ú te awmna lam pan lo in ka room ah ka tlan lut nghal a , ka lock nghal khep bawk.

'Kalpui ve mai pawh chu enge maw a pawina le' ka tu rilru nauh nauh a , ka inthiam chiah lo .

Mahse ka rilru chanve erawh chuan ' eng vangin nge i kalpui ngawt ang , i chunga a chet dan thin zawng zawng i hre vek a thil thalo zawk pawh a thleng thei asin' a ti thung si.

Ka buai loh tawp na tur a ka buai ni a ka hriat vang chuan kawngka ngheng a la ding reng chungin ka thaw vak ringawt.

Zanin khan nidang a ka la hmuh ngailoh ngenngawl taka min melh na a mitmeng ah khan ka hmu a , hmangaihna chungchang a sawi laia a thin rim hmel em em chhan te kha min ti hre chak zual sauh a .

Hepa hian tuma hriatpui loh rilru nat ruk na te hi alo nei ani lo maw ka ti ve ta hial.

Kawngkhar lock chu hawng in ka va chhuak leh ta nge nge a , kan sofa ah chuan alo la thu reng .

A hmel ah engmah ka hmu thiam lo , in thlak danglam emaw pawh a awm miau silo a tinni.

Ka va pan hnai ta zel a , a bul chiah ah chuan ka thu thla ve dawp.

A ngawi reng a min biak hmasak chu a tum hmelloh, ka melh leh zeuh zeuh thin pawh chu min ngaihsak chuangloin hmalam a en ngur a , a meizial zuk lai chu a sí leh ham ham thin.

"Ihh englo..nak" ka ti dek dek a.

"Ka nawrlui lo che" zawi takin sawi mahse ka hre chiang viau thung.

"Nia ka hria lawm..khawnge kal i tih re re a ?" A mah thlek deuh há chung chuan ka lo ti tha ve mai a.

"I kal dawnlo anih chuan hriat kher a tul em ni" rawn thle buk a ati chu ka ngei tawk alo tling em em.

Tha deuhin ka zawt a , ka kal pui tur thu pawh hrilh ka tum ve em em a hetia min chhan kher , kan kalna tur ka hriatloh te chuan engtin nge ka zui theih miau anga.

Ka ngawi ta hmak a , han in ngaihtlawm vel chu ka tum tawh teuhlo .

"Kan huan ah" nichin ah te khan tha deuha min chhan ve mai tur hi nia , sualthiam thlak leh lutuk.

"Chawhma ah class ka nei a , chawhnu ah ka kalpui dawn che nia" ka ti ta phawng a .

"Ohh ..i hmanhmawh viau chuan ka kalpui thei dawnlo che tih na nihchu , a hla viau em" ka tih zawt zat a.

"Hla hranlo e , ka lo lam dawn che nia" dam thlup a tih pah hian min rawn en ve ta chauh a.

.........................


Ka harh veleh ka lu na rún mai ka hre zawm zat , nizan khan rei ngial kan in thlem hnu ah Ú Amosa te ho pawn min haw san in ka ú pawh a room ah a lut ve duh ta chauh kha nia , khatiang em em a rui khan a awm ngai pawh ka la hrelo!

Remruata sawi ang tak in a na em a , hriatthiam na chin chu ka la neih ve rih mai a ngaih hmel .

Ka tho tharh a , khawizu leh tuilum ka chawhpawlh a ka ú room ah ka luhpui nghal.

La meng chiahlo mahse a harh tawh tho tih chu ka hria , a khum ah chuan ka thu tha sat sat a "Ú" ka ti sep.

A rawn meng diar diar a , thu tho nghal tharin khum bula tui bottle chu a ban nghal zat.

A in leh khawlh khawlh hnu ah min en ve ta chauh.

Ka thil siam a hma a lek va chung chuan ka pe a , alo ban ve mai bawk.

"Dawrah i kal dawn em?" Ka tih chuan a lu a thing mat mat a "tunkar chu ka chawl dawn" a ti leh hmiah tawh.

Chhawr lai hi pathum vel kan nei ve a , mahse regu tak chuan pahnih bak hi kan chhawr lo a , pakhat erawh a rawn kal zeuh zeuh thung, an hna an tlin em vang hian midang chhawr vak angai lemlo, chulohah kan hawnna a la rei lutuk lo bawk nen.


Chaw kan ei khamah lalmuani min rawn sawm turin ka ti a , a bialpa nen an in then tawh bawk a hun a nei ve deuh tawh ang chu.


College lam panin kan in phur leh nak nak a , vawin pawh Sawmdawnga hmel hmuh tur a awm ve ta lawm , kawtah kan din lai chuan kan lam pana rawn kal pahin a ban a rawn vai lauh lauh a .


"Ila dam ve elaw?" Lalmuanin alo fiam hlak.


"Muanrang" bak hlar hian pakhat in alo ti thung.

An hnial zui renga , an ni pahnih zawng an in ngam bawk a , an in hlau lo thei ania.

Class lam kan pan a Sawmdawnga nen pawn kan in be leh zeuh zeuh thin.

Chawhnu class kan kal dawn leh dawnloh Sawmdawngan min zawh chuan ka hre chhuak zawk!

Lalmuani chu ka melh chiama , ani erawh in a ngaihna hriatloh hmel takin a mit a lo khap fuk fuk .


Ka kaihrang deuh vut a "enge maw i hriat le" tiin a phun nang nang.

Lalremrutan chhuah pui tura min sawm thu te chu ka hrilh ta vek a , a lo rak chiam ringawt.

"Awileh , kal ang che engvangin nge i kalloh tehlul ang , , awii ka thik che e" a ti leh rih thin a.

A ngaihdan anga leng chhuak tur kan nilo tia ka hrilh fiah chiam chung pawn a bengkhawn tha duh hleklo lehnghal.

Ka lo hrilh ta kher kher ani ka ti leh hnuhnawh.

Sawmdawnga khuh ri kharh kharh ah chuan kan hawi let vat a "in sawi zawh tawh chuan " kiai deuh suk hian alo ti a.

Ka lu ka bu nghat a , kan thut na lam kan pan hna hna .

Lalmuani erawh a dilchhut ngang mai , min zawt sek sek a kei erawh in sawi tur ka nei lemlo.

A duh ang chhan na ka pekloh avang chuan a thin a rim leh lek lek thin , ka lo nuih tawp zel.

Nidang aiin vawin chawhma hi a rei riau in ka hria , ka nghakhlel tawh nge pawh ka hreplo.

Canteen lama kan in hnawhpuar hnu ah kawtah kan lo awm mai mai a , midang ho pawh an awm nual mai.

'Ka lo lam ang che ' kha min ti sia a theihnghilh leh tawh zawk amawnle !

Rin ai a rawn thlen har phian avang chuan kawngpui lam chu ka thlek leh deuh hà hà thin a , Sawmdawnga erawh in min hmu duh viau thung.

Ka phone chu ka thlek zeuha call hmasak erawh ka tum bik derlo , hepa hian minlo fiam kual mai mai anih vaih zawngin a nui lo chiang ang.

Lalmuani bul ka haih hrut hrut a "Teh , , Muan alo kal dawnlo niang a " ka ti sà sà.

"A la hma lawm , i hmanhmawh lutuk anih kha nangte hi i helhhawlh te hi ani zawk lo maw " min fiam mai mai ani tih hre mah ila mawl ka in ti takzet.


Rilru in alo thlen hun nghakhlel tawh viau mah ila , lan chhuah tir erawh ka tum bau lo thung.

Phone ka hmet eng a, ig ah lutin ka en kual vel ta mai mai , lalmuanin min rawn nghawk sawk avang chuan thip ram hian ka melh a.

"Eng a " ka ti chiam.

Min chhanglo a , a melhna lam ka va en ve chuan Lalremruata bolero atangin alo chhuk chiah.

T-shirt dum tak tha zet ha in, kekawr pawh joker pants a grey rawng a ha mawl leh tawp bawk, a pheikhawk bun te nen chuan a in rem thlap mai.

Chutianga a in chei ka hmuh vawikhat na ani a , nidangah chuan leather jacket emaw thuamhnaw mai mai an tih ang hi a ha ngailo .

Tuna a inchei dan chu a inhmeh viau tho , a man tlawm chi erawh ani hauhlo tih hriat zetin a puan atang sawn a hriat theih.

Alo kal phei zel a , ka lo en reng thung , kan bul a rawn thleng chuan min nuih suk a "kan kal dawn em ni?" a ti dam thlup.

Midang ho chuan an hmu duh khawp a , an rawn thlek hà hà hlawm ma.

Chhanglo chuan ka bu nghat a , ka sam ka hmai a rawn tla deuh chu min rawn hui sak in ka sam chu a chul hliau hliau anih chu.

Lalmuani erawh min chhaih laih tum ni awm fahran hian alo khuh lui kharh kharh a.

"Khawnge in kal dawn a , hetah te enge i rawn tih daiha ?" A u zawk abia ni tih hriat zeta Sawmdawngan a rawn tih takah chuan a kut chu a la sawn ve ta chauh.

"I hmuh ang hian ka rawn lam anihhi " a ti duh lek chauha , midang chu melh pawh a melh chhin eihlo ti ila a dik zawk ang.

Kan kal hma chuan lalmuanin min sik neuh neuh a hrechhuak thutin "aa..hei ..heihi Muani " tiin ka in hmelhruattir a.

"Ka hria lawm " a tih chuan phawk deuhin kan melh hra.

"Hman zanah min in hmelhriattir daih tawh kha" Sawmdawnga melh zauh pah chuan ati leh a .

Ni dawn tak hman zan khan lalmuani te nen hian alawm kan kal , ka che sual ta vek hian ka hria.

"Kal ang le " atih leh takah chuan a motor awmna lam kan pan phei a , a hnungah chuan ka zui ve dat dat.

Va lehhawi hramin lalmuanin a kutzungpui a rawn ti pir và mai , ka nuih let suk thung.


Motor a kan chuan luh chuan lukhum hmadawh var hi la chhuakin a khum nghal vut a , a in hmeh leh pek hle , engkim hi a inhmeh a a nih dan tur dikthlap
hi ka ti mai.

Chutia ka en reng vang chuan " ka va hmuhnawm awm ve a " hmalam melh ngur chung chuan a rawn ti a.

Ka hawisawn nghal vat a , tukverhah ka dak nghal daih.

"I ril a tam em? Duh chuan khitiang lai cafe ah khian kan take away tir tawh mai dawnnia , kan thleng har lutuk palh ang " a ti leh zung zung a.

"A..ka ril pawh a tam lo , kan lo eizo chiah a " ka ti tha ve mai.

Min en leh zeuhin "kan rei deuh maithei ania, duh chuan eirawng pawh a bawl chawp theih tho" mit min siai khum zeuhin"i duh zawk zawk" a ti leh sup.

"A van hla awm em em , ka ú pawh ka hrilh miahlo sin kan haw har phei chuan" ka ú in min lo ngaihtuah tak tak ang , chulohah chutiang em em a kan rei ka rin loh vang ani pakhat.

"Thimah chuan kan thleng anga mahse kan tlai lo ang , i ú lam chu hlauthawng suh" enghelh neilo hmel zet hian a ti leh a.

Ka chhang zui tawh lemlo.

Kan pahnih chauh in em mawni le kan kal dawn ? Nizan khan ka lo zawt miahlo, tuna zawh leh hnuhnawh chu ka zak deuh tlat anihchu.

Ka be ngam meuhlo , ngawi rengin kan chuang dun a , sawi tur avang takzet !

A motor chu cafe kawtah ati ding ta dat "ilo chhuk ve duh kher em?" min be ve leh ta hram.

"Aih ..reilo la aw " ka ti deuh sep chu a hrepha pawn ka ringlo.

Mahse a nui ri suk ka hre zawm zata , a hria ni ngei ang !


A motor atanga a chhuk in kawngkhar chu a khar ri dup a , ka phone ka lo en ve neuh neuh.

Lalmuanin chanchin min rawn zawt sek a, a dilchhut leh ngang tawh mai , kan la tlanchhuak chauh ania , hetiang anih chuan sawi tur pawh ka hre zozai nang.

A thil khai lai chu a rawn dah lut a , ka lo ban vat a ka dah tha nghal sawk sawk.

A stearing chu herh kual vut in kan tlan chhuak ngal mai bawk.

Sawi tur ka hriatloh em vang chuan "tinge min hruai i duh kher a ? awmzia zawk tak chu tinge midang?" Ka ti chhuak ta tawl a.

"Nangmah i ni miau a " tih bak chhanna ka dawng lo.

Engmah ka zawt zui duh ta biklo a , kan peng ta daih a , ka hawi kual thuak chutah khawchhung ah kan lut leh a traffic jam emaw pawh awm miahlo in kan tlan tlang zel a , khaw pawn lam kan pan tih ka hriat chuan ka va en leh zeuha motor a khalh miau a hma lam a lo en reng thung.

"Huan ah kan kal dawn ka tih tawh kha " min en chuanglo chuan a ti leh dút.

Ka thu tha te te a , nizan kan meng rei deuh nge ka ham zui bai bai a.

"I duh chuan muhil la , a la hla viau ania " min en leh zuk a hma lam a melh leh nghal daih.

Ka mut a chhuak miau si le "aih" ti a lo chhan chu tum biklo in ka bu nghat ringawt.

Kan thlen dawn hnaihah ka har a , gate pakhat lo in hawng sa ah chuan kan tlan lut a , 'SAILO' tih lian takin alo in tar kulh mai.

Motor parking na fel thlap a awm leh zut bawka , ka harh tih a hre ve chiah nge "i muhil tha theilo em ni?kawng achhe reuh lutuk a " dam deuh hian a ti a.

Ka mutthilh tui thu in ka lo chhang vat.

Hepa hi a mizia ang lo takin vawin chu a fel em em a, chuan ka ú ang chiah in min duat riau hian ka hria, min duat tu na na na hi chu kan lo hre hma khawp a , kei nghat phei chu midang han pawh viau ka nei hranlo a , ka bul hnaiah awm thang ka pa leh ú te an ni mai a , an ni hian min duat em em a , ka ú bula ka awm hnu ah Nu Zari te chhungkua an ni leh a , ka sawi tawh ang in duatna dawng zen zen lo tan phei chuan hetianga min lo duat ve deuh tu te an awm chuan kan hre rang ngang mai.


Ka chhuk ta tharh a , a ni pawh chhuk in motor chu a rawn kal hual a , a dress leh kan kalna hmun chu a in rem takzet tih ka hre chhuak leh hnuhnawh .


Ka lama a kut rawn phar chhuah pahin "kal ila " a ti leh sup.

Ka zui ve mup mup a , hetianga a bialnu ang maia min treat ta mai hi mak ka ti a , ka hamhaih letling zawk.

Kan phei zel chuan dil lian pui pui pali hi kan hmu hmasa a , kal pel zelin thlam ti dawn ila thlam anga sak ni chiah silo hi hmun thum ah lai alo ding bawk a , kan hnaih ber ami chu a lian bik hle bawk.


A kawt chu a zawl duah a , phul a la ni vek zui a kut min vawnna chu thlah in ka tlankual chiam ringawt , chutah hrechhuak vutin ka tawp chat a alam chu ka va hawi nghal hra , in kuangkuah meuhin ka che vel chu minlo en reng a, ka lai leh tut tawh.

Pa te ve lam in "Ee..Remruat nizan khan min rawn fiam emaw ka ti a " nui huah huah pah hian a rawn ti a.

Remruata bulah ka tawlg hnai hret hret , min rawn hmuh veleh" khà...tunge i rawn hruai ve teh tlata" a rawn tih zawm zat a.

A bul ah min pawt hnai leh hrut a min en leh vung vung a "ka bialnu" a ti sup anih chu!

Awihlo lutuk a ka melh chho hà chu kan hma a mipa chu a lo melh leh daih tawh.

"Awhaw , kan Remruata meuhin a bialnu a rawn hruai ve tak tak amaw " tiin kan lam a rawn pan riak riak a .

Tih mai tur pawh ka hrelo , an in biak danah an in nel hmel viau a , Lalremruata meuh hetiang taka nel thei chu mak ka ti hle.

Kan hma ah tak a rawn dinga "Remruata pa Tlana hi ka nia , pa Tlan min ti ve tawp mai dawnnia" pa nelawm tak anih ka ring.

"Ihh Amanda" ka ti ve sep a .

"A zakzum ve deuha " lalremruatan alo ti hmanhmawh hepa hi alo chimawm tel ani tih ka hriat phah.




(Ka edit hman tawh thlawtlo , chuan maw tih sei ve viau ka tum pawn lehkhazir ngai nen , ka nau te exam tur lehkha zirtir ka ngai ve tlat bawk sia ,inchhung lamah hmeichhia nih chuan chet na tur neuh neuh awm nen dah lo aiah tlem te tal ka lo dah ve tawk tawk aw a chang phei chuan ka tawpsan mai dawn emaw ka ti rum rum a , ka lo chawlhsan rih nihpawn min lo hrethiam mai dawnnia u )

(Mithar ve si , a ziah vawikhat naah chawlh san a tum nghal mai emaw hriatthiam ngai reng mai in tih pawn ka dem dawn hauhlo cheu nia)

[Ngaia]

Chapter-11



//Ka chawlsan rih maithei kha ka tia , comment na thenkhat leh whatsaap lama ka thianten min rawn vo nasa angreng sia ka hlau ve bawk si cheu a , han chhunzawm zel chu tum ve phawt ila , hmalam hun erawh a sawi lawk theiloh na in complete vat erawh ka tum dawnnia//


(Leh lawkss)

Ka mut hmunah ka ngaihtuah a, story dang ziah chak deuh mai ka nei a , ka rilru ah a rawn lut tlut tlut mai bawk si amaherawh chu tuna mi pawh ka ziak tha hleithei silo a ka tia , tuna mi ah hian tuina ka nei rihlo ani ber ka thluak a rawn awm ngawt ngawt zawk chuan ka rilru a luahkhat zawk mah (ninawm eee)



....................



Pa Tlana chu a nui leh huah huah a , tihtur dang a neih vangin min kalsan lehnghal mai.

Mit thip ram a ka en reng chu engah mah ngailo in zui turin min ti a , a pen san nghal mai.

"Hey nangkha " um dawr dawr chungin ka au lang lang.

Ani erawh a kut a rawn vai zeuh duh lek .

Thlam lian ber ah chuan kan lut a , ka riltam leh tamloh min zawt leh a "tam lo" ka ti hmuk.


"Khu lai ah khuan lui a awm a , a zuk pawh thlak maitheih" min rawn deuh titih hian a min en leh vut a.

"Helai a kan kal chhan hi keichuan ka hre chak" ka lo ti daih thung.

"Chhan a awm hranpa lo " tih zawngin min chhang leh mai a.

Nichin a pa Tlana atih kha an huan enkawl tu alo ni a , an in nel tawh danah a enkawl na rei ve tawh hle ani ngei ang.

Lui lam pan chuan kan kal zel a , reilo te ah kan thleng thla ve mai , a reh ruih a a thawnhveng reuh phian .

Lui pawh phei mai na tur thingphek hi tawite alo in rem phei a , thu in ka pheikhawk ka phelh zui mawlh mawlh , ka ke chu tui ah chiah in thla ka la kual sek a .

Ka hnungah ani erawh a ding rún thung , ka va lehhawi chuan a kawr a lo hlip mawlh mawlh a , ka hmai hup nghal chawt in "e..enge i tih dawn a ?" Ka ti bah niai.

A taksa chu sek tung lo mahse a in phiar ve vat a , a hrawkbawk a che ralh bawk nen ka zam chhe em em ringawt.

"Ka cheng dawn" tiin tui lam chu a melh leh zeuh a.

A kekawr hak lai phelh leh in boxer a ha tih ka hmuh chuan ka thaw huai .

A che vel chu ka en reng a , hawisan duh mah ila hmuhnawm ka ti ngang thung si , ka lam rawn pan in tui ah chuan a zuangthla a a hleuh lai chu uluk fahran in ka lo la en reng.

A sam chu a huh vangin a tlu siau a , a mitmeng te nen lam chuan a pà takzet tih bak sawi tur ka neilo.

A sam huh hliam chu hui chho puatin " min rawn zawm ve la " a ti sup.

"Teuhlo lutuk" ka ti tak na a , khua alum nen cheng ve mai chu ka chak rúm rúm.

"I rin ai a nuam ang" a rawn tih leh chuan "tui pawh ka hleuh thiam hleinem , chuloh ah thuamhnaw " ka ti leh zat a.

"Ka t-sh*t kha ha mai rawh" a ti awlsam leh then.

A kawr chu ha ringawt mah ila , engtin nge ka in thlak chuan anga !

Ka hawikual leh hrut a "hlauthawng suh ka lo en lo ang che , hnung lam kan hawi ve ve dawnnia" ka rirlu hria ni awm tak chuan a rawn ti leh a.

A kawr chu la in ka thaw hap .

Ka melh phei leh a "hawi la" ka ti leh sep chu a nui ri leh suk.

Thuawih tak chuan lehlam a hawi ve mai a , ka kawr ka hlip a , hnung lam hawi mahse a awm ve tlat erawh ka thla a muang derlo.

A kawr ka.ha tur chu ka hnung a rawn za mer mer a , min en reng ni a mgaihna ka nei tlat chu ka duhlo kher mai.

Ka hawilet ngam nganglo a , ka ha nghal sawk sawk.

A t-shirt chuan ka mal te thleng a kuh pha a , a lam ka hawi chuan min lo en reng tawh.

Min en rún a , tui lam chu pan in ka kalphei ve zel a , ani pawh ka lam panin a rawn hleuh phei ve bawk.

Tui hi ka hlau hranlo , ka hleuhthiamlo mai pawh a tui a han chen vel erawh nuam ka ti viau.

Thing dawh ah chuan thu hniam in min lo ban nghal thuai a, ka zak hnuaiha rawn dawm in min pawm thla a , a thuk lo lai deuh ni a asawi lamah chuan min hleuh pui a , ka thin thleng pha che che chauh ani.


Ka fiam hlak chak chu tui ti per in a hma lam ah chuan ka theh a "infiamna tha lo tak ani" nui suk a a rawn tih chuan "i duh chuan min zawm thei a , i duh chuan i lo dawh thei" melh ralh pah chuan ka ti let ve a.

Kan in theh chiam hnu ah tui chu kan chhuahsan a , la khamlo viau mah ila "i chau lutuk ang" a tih tlat vangin ui rú viau chungin thing dawh lam kan pan a .

Min hnung chhawn zawnga ding in keipawn lehlam ka hawi a , a kawr ka hak chu phelh ka harsat rú tlat.

Min hnaih lutuk a , ka zam chhe zo vek.

Hlih tum a kawr hmawr ka vuan chu a thaw ri deuh huam ka hria a , ka tawp ta chat.

Thlek zeuh in ani pawn min lo en leh reng tawh.

Min rawn hnaih leh zual a , ka banah rawn zut thla riak riak in ka ka beng bul chu a seh deuh ner ner ti dawn ila a seh fuh chiah mang silo a , a chet dan chuan min ti mur nasa takzet.

A t-shirts tlang ka hum ran na chu rawn vawn hnan in amah chuan a kawr chu min phelh sak a , a lam hawi turin min siam rem nghal zat.

Tunah hian bra leh kekawrte te nen chauh hepa hma ah hian ka ding.

Lo dan a hnekin a mi khawihna te chu ka lo dawngsawng tha mah mah , chuan tunah hian in chhir na pakhat te mah ka la neilo zui.

A tih ang ang chuan ka awm mawl ve tawp ani ber , ka hmui ah rawn fawpin a duh thawh ngang mai.

Ka hnung lam ah zut leh in ka bra kilh na chu a phelh a , ka lo thaw hak .

Ngaihtheihloh hmel zeta a paih thla hnawk in , a mit ah tak ka lo en rún thung.

Ka taksa chu uluk fe a en in a vei nuih suk "i nalh hle mai" sehchilh nak hian a ti leh sup.

Ka hnute a rawn tham takah chuan ka thawk a rang ta ngang mai !

A mi khawihna chin chu a hriat tak ani, a sa hat hat a , min fawhna erawh a dam thlup thung .

Ka mawng ah a rawn tham leh tawka a , ka pantie chhanah mah nise pantie tello a min khawihna nen a danglam na a awm ka ring chuanglo.

Keimah zawk pawh hi ka mumal tawh hauhlo , hetiang hian tu mipa hma ah mah ka la in phelhruak lo a , min la khawih ngai bawk heklo , chuan hetiang tak hian a nuam ang tih rin ngaihna ka hrelo bawk , mahse tuna ka hriatchian em em chu lalremruata nilo mipa dangin hetiang hian min khawih pawh tun ang tak hian ka lo dawngsawng kherlo ang, nilo min khawih kher in ka ringlo zawk , tuna mi erawh ka hriatthiam hleihtheih miahloh in lo dan ka harsat ang lawi a.

Ka pantie chhunga a kut rawn zen luh a tum chuan harhchhuak thut ang mai hian a kut chu ka vuan chawt a , a kut la dahsawn lo mahse a tawp ve chat tho.

Ka lu ka thing nar nar a , tawng chhuah mai ka harsat tlat vangin ka duhlo ani tih chu hrethiam se ka ti takzet.

Tunah tut tut chuan ka taksa chunglam ah hian ka duh tawk viau , hetiang a min khawih mai mai na pawh heti taka nuam ka ti nihchuan ngaihtuah pawh ka ngaihtuah thui duhlo zawk.


A che hrut a , a kut chu a la sawn ve ta hram , kei erawh ka lo thaw huai thung .

Ka ngawngah chuan a fawp lehnghal a , a sen hial in a nia ka rin ni , rei tak a fawh kual hnu ah a fawhna chu dim te hian a hmui in a ti si leh dek .

Ka hmui ah a bawk rawn chhilh leh hmiah in , ka hnute erawh a tham pah renga , amah ka en chu a hmai alo sen tún mai.

Chutianga a awm chhan chu hrechiang viau mah ila , ka thei ve tlat silo atin ni , chulohah a bialnu pawh ka nilo a , a thian tha tak ka ni heklo , enge atan ka nih ka hriatloh ang bawkin ani pawh ka tan enge anih ka hre biklo.

Rawn kun hniam deuhin a duhtawk mai dawn emaw ka ti a , mahse ka hnute a rawn hne leh dek dek anihchu , a za deuh mer mer lehnghal.


A zei zia chu ropui tak ani , ka tan a vawikhat na vek anih vangin ka lo dawngsawng thiamlo nge ka lo dawngsawng tha mah mah tih pawh ka hrethiam hreplo.


A thil tih lai a tawp chawt a min en leh vung vungin " in ha rawh le" a rawn ti chhuak hrawk.

Chet mai nangchang ka hriatloh vang chuan ka chalah min fawp leh vang vang a, chutah ka beng bula rawn kun hniam in "ka insum theih lai hian tlanchhe daih rawh" a rawn ti nihchu .


Min fiam ani tih chu ka hria , a hmel ka en chuan nui suk mahse , a insum ve tang tang ani tih ka hrechiang ngang thung, a hmel pawh a thutak rún mai.

Ka bra chu chharin ka ha tha mawlh mawlh a , a kilh na min rawn siam that sak ve bawk , kan in hak zawh fel vek hnu ah thlam lamah kan chho ta chauh.

Kan luh fel chuan "i inbual duh pawn " tiin bathroom ni awm tak lam chu a kawk ta vut a.

"Haw ka duh tawh zawk" ka lo ti tang thung.

"In hnawh puar phawt la , kan haw dawnnia " atih tlat vangin kan in hnawh puar leh te te a.

Kan awm dan chu a lai takzet , in ngaizawng kan ni bawk silo , kan la in pawh lutuk lo bawk nen chulohah lalremruata ngat phei chuan bialnu ala nei zui.

"Chhuanawmi kha" ka duhloh tawp chu ka sawi chhuak ve ta ngawt a.

Bathlar ah kan ding a , ni tla tur kan thlir ani mah zawk.


A ngawi ngul chu ka en reng a , ni tla tur ral lehlama lang chiang em em leh a hmel chu a in hmeh takzet.

A thlir ve vauh vauh a "helai hmun hi nuam i ti em?" Min en chuanglo chuan a rawn ti let daih.

Ka zawhna min chhanloh avang chuan ka ngei ru viau mai .


"Aw" tih te in ka chhang a , a nui leh suk.

"Kum tamtak hnu a ka kal leh vawikhat na" a ti leh sup chu ka melh leh hra.

Ka lam rawn hawiin min pawt hnai a , ahma ah chuan min ding tir in ka hnung lamah min kuah nghal thlup a , ka lu a a khabe a rawn nghat erawh ka lo ngei ru leh viau thung.

"Ka nu hian nuam a ti thei lutuk a " eng thil tak chu sawi tum ang maw.

"Kan putara tehrep vang khan a hlim hmel ka hmuhloh na a rei tawh sin" a thu sawi chu ngawi rengin ka lo ngaihthla ran a.

"Ka tet lai chuan khulai dil ah khuan kan chhungkhua ohh kha chhungkua kha sangha man in an kal thin a " a nui nghawr dat a , dil awmna a sawi lam chu ka en nghal.

"Chu thawnthu chu i ngaithla duh angem?" Min melh chhuk rana a tih chuan naupang fel ber awm ang in ka lo bu nghat nghat.

A ngawi vung vung a , hmalam ngawt chu a en leh ngur tawh.

"Khatih lai kha chuan chhungkaw hlim tak an ni thin , kha mipa naupang pawh khan he hmun hi nuam ati in a ngainat phah hle" a mah chu melh in ka hawichho há a.


Ka che vel pawh chu hrelo ang hmakin a sawi zawm char char thung.


"Mahse vawi lehkhatah kha putara lerh lutuk vang khan naupangte nú chu a mittui a tla ru ta fo a , an chhungkua chu a ral tial tial , chu mai bakah rawng taka sawisak ani thin a , kha naupangte khan chu thil chu hlau tak chungin alo en thin, zantin a mang ah a hmu a , mu thei lo a a siam chang lah a tam , a tap ri chu an hria ang tih hlau in lukham chhanah a tap rú thin , kha thil harsa tak kha paltlangin alo sei lian a , a ngaihtuah na chu phuba lak chakna in a khat bawk " a thaw hrawih a .

A hrawk bawk a che ralh bawk , a hmel landan chu hlauhawm tak ani , mahse hlau anga lan chu ka tum bik hauhlo.

"A tawpah chuan chu hmeichhe reithei tak chu a tlanbo ta a , kha putara khan a nupui hmuh lai ngeiin hmeichhe dang a in chhung ah a hruai lut a , an khawsak lai tenawm tak chu a en luih tir thin , chu tiang anih tawh hnu ah pawh a tlabo ta chu lawm a hnekin zawnchhuah a tum leh ang lawi a , a chhan erawh hriat chhuah in a awm talo" chu thil a sawi lai a a mitmeng chu rapthlak tak ani.

"Kha naupang té khan a nu chu zui duh viau mahse putara bulah khan a hnutchhiah ta tlata , mahse a hnu ah lo thang lianin a nu chu amah ngeiin a zawng chhuak a a bul ah chuan a awm ve leh ta chauh , khatiang hringnun tehrep a neih avang khan a nun chu a ruak a , ruihtheihthil ah a tuan in , depression nasa tak a nei a , a nun khawhar hnemtu a nei heklo , hlimna chu zawng ve thin mahse a tawpah chuan ruihtheihthil ah bawk a tlu lut leh thin" a chawl leh ta dat a , a thu sawi chu hriatchian zel chakin ka lo en kiau thung.


"Ka ngaithla nia" sawibelh a tum tawhlo hmel em vang chuan ti dak in ka lo ti a.

A nui deuh suk hnu ah a sawi zawm tawh dawnlo emaw ka ti hman a , mahse in paih thawlna tur a duh ve ni ngei ang " Mi thenkhat in thih an hlauh em em laiin a ni erawh chuan thih kha ahlaulo a hlaulo mai niloin vawi tamtak intihhlum a tum fo , mahse engvang tehrep nge pawh hriatloh in a thi thei hleklo lehnghal , hlimna ai a in hauhna leh in sawisak na kara thanglian ta fam chu khatianga nun kha a hmabak ani tlat si , sum chu a duh ang tawk chen tur nei mahse a hlim lo a kha tih lai atang khan tun ...tunthleng hian mangchhia chuan ala umzui reng thung , a ruka a tuar nasat zia kha tu man a hrethiam pha hauhlo ang" hrechhuak vut ni awm tak hian "engvanga hrilh che nge ka nih" amah leh amah a in bia nge keimah min bia tih pawh ka hrethiam lo.


Ka hrethiam e , sawi belh angai tawhlo a tawk lutuk ka rilru chuan a ti mawlh mawlh .


A mitmeng chu a sen rama mahse ka rin loh dan deuha a lo chet vang chuan ka hamhaih letling zawk , alam ah min kuai herin ka nghawngah a hmai a rawn phum a .


"Tuman kha mipa naupang kha Isua chanchin an hrilh ngailo , amah leh amah in haikua in Pathian chu a au ve thin mahse chhanna a hmuh chhun chu he ...he nun hreawm chauh hi ! A bak chhan na dang a awmlo" a aw chu a khur ve deuh hialin ka hria .


Kha mipa naupang chanchin a sawi kha amah ani tih ka hria , a nun beidawn zia ka hre thar bawk a ,ka lo rin ang mipa chapo tak kha niloin ka khawngaih takzet tawh zawk, han hnem dan vak pawh ka hrelo hnem thei turin kei teh lul engmah ka ni lo bawk nen .

"Enteh maww Pathian khian i tawrhna te hi alo hre vek a" ka ti tan dek dek a.

"Ka hria , mahse tinge tun thlengin ka tawngtai ve na kha min chhan siloh " min namsawn bawrh in a ti hrawk a.

"Thih a duh a athi thei bawk silo , a nung chuang bawk silo " a kut pahnih a a lu dawm meuh chuan kan hnaih ber a thuthleng chu a tlawh ri pawp.

A thusawi awmzia chu ka hrechiang viau!

He tiang boruak tehrep hi kan nei ang tih rin ngaihna ka neilo hrim hrim , hnem ka tum lah in a duh bawk silo .Anih chuan engvanga min hrilh mge anih si.

"Thurawn min pe turin ka tilo che , ngaihthla la a atawk chuan heng ka thusawi hmang a min bei let anih vaih chuan" ngawi leh vang vang in " ..i..i ka kha chip hmak ang che " sehchilh nuai chuan a ti leh khur khur a.

A awmdan chu a mak takzet !

Eng rilru pu in nge maw ka sawi chhuah ngawt ang le , mjn ngai diklo hle mai .

Vawilehkhatah bangah chuan min nam bet dawpin ka ngawnghah chuan min rek ti tih a , mahse min rek na lo thung , a mitmeng mawlh mai chu ka hlau tak zet "khangtiang khan min en suh" a rawn ti leh fawk chu "engtin nge ka en vak che a " ka ti ve ta hlar a .

"Min khawngaih hmel taka min en kha ka duh hleklo ania , min khawngaihna mitmeng kha ka hua tihna nihchu" engvangin nge maw hetiang tawngkam hi ka dawn fo mai le.

Midang an harsat na puih ka tum ve a piang hian hetiang hian min an khum ve ziah , ka ú pawh khan hetiang chiah hian min ti tawh .

Ka biang a rawn lum thla pap , ka mittui a tla ni tih ka chian em vang chuan ka hmui chu ka pet fan fan a.

" Tap hlek suh, ka thlem thiamlo che nia" a vin lutuk tawhlo mahse a khauh fuk thung , chumi hnu ah min thlah ta chauh a.

A in thiam leh chiahlo nge mi hnungchhawn zawngin a ding rún a.

A hnung lam a tang chuan ka va kuah ta ringawt ! Ka chet dan chuan a ti hamhaih tih ka hriat ang bawkin keipawh engvanga hetianga kuah ve ngawt hi nge ka nih ka hrelo.

Ani pawn hetiang hian a in sawi thinrim ang tih a hre lawk in ka ring bik tawplo.

[Ngaia]

Chapter-12




Lalremruata POV



Ka che lo , ka hnar chuang bawk heklo "ihh..haw tawh zawk ang ..úmm" ka hmel en tum ni awm fahran hian hnung lam atang min kuah chungin min rawn thlek hà há.


"Min thlah phawt loh chuan engtin nge kan haw ang tiraw?" Ka tih chuan a in la hrang chiang ngang mai.


He hmeichhe naupang chungah hian eng rilru nge ka put ka hre hauhlo, ka tan chuan ka thianpa Lalrochama nau ve mai ani.


'I tan engmah nih chuanloh chuan engvangin nge a chungah khatiang khan i chet ? Tuma bula i sawi chhuah ngailoh kha engvang phiangsena he nu bula hrilh hi nge i nih?' min ti maithei mahse vanduaithlak takin keipawn chu zawhna chhanna chu ka neilo!


Heng hmangaihna te hian mihringte hi a fiam kual a , a duh duh in a ti kawi a , chuan a tawpah beidawnna bak a hnutchhiah lo tih ka hre chiang viau, midangin min tawm pui lemlo mahse chu chu ka ngaihdan nghet tak ania , tun thlengin a lang chiang viau chuan ka hria , hmangaihna hi ka a awmlo ka tihna a ni hranlo a awm na meuh mai marawh chu chu hmangaihna chu 'Nú hmangaihna' ah bak hian belhchian a dawl lo thung ka tihna mai zawk ani.

KA NU BAK KA HMANGAIH TUR A NI LO, MIDANG CHU A LEM VEK AN NI tih hi ka rule pakhat ani ve tlat a , ka bawhchhe thiang heklo.


"I mit kha ...a ..a sen leh vek tawh a " a mitmeng a khup zal zal a , a thusawi chu tullo ti hmel zet hian a kut tereuhte chuan a chum hlak.


"Kal ang hmiang" a thil sawi ngaihsak lo a ka tih vang chuan min melh leh hrà tawh.

Kan motor awmna lam kan pan a , Pa tlana ka zawng ru viau a , hmuh tur a awm tawh lo, a luhna tur ka hawn sak hnu chuan a lut tha ve mai a , a ke chu dah that sak tuma ka vawn chuan a lo phu leh chiam a , min melh zawkin hma lam a en leh nghal vat thung.


A chet dan lawmawm rú zek vang chuan ka nui suk , motor kal hualin ka thu lut ve mai bawk a .

In be lemlo in kan tlanchhuak ve mai , a ruk in ka mit sir reng a , min en leh zeuh zeuh thin tih ka hria .

"I duh chuan muhil leh la " kawngpui kan han pawh chhoh takah chuan ka ti sup.


"Kan thlen hunah minlo kaitho rawh aw " a thutna siam tha sauh sauh chuan a ti a.

Ka lo bu nghat thung.

Music zawite a ka play chuan a àwi mu nge reilo te ah a thaw sak sak a , a hmai zar tu a sam chu ka hui kian sak in, ka en leh vang vang hnu ah motor chu a ai a dim deuh zawkin ka khalh a.

Kha hmun ah khan rei tak chhung ka kal tawhlo , engkim mai in ngaihtuah na ngaiah bawk min hruai lut leh dawn ani tih ka chian vang pawh a ni mahna !

Keimah chauha hmachhawn ka duhloh vangin Zothansangi pawh hi hruai ka ni reng bawk, in control ka tum viau na a , ka duhloh tawp sawiin ka hlawhchham dér anih kha!

Thaw hawkin ka hla play lai chu volume ka up a , ngaihtuahna a kal bing duh hle . Amanda hi Romchama nau ani ang tih rin ngaihna ka hrelo , khami ni a ka hmuh pawh khan ka hmu sual zawk emaw ka ti hial anihkha .

Rochama a len hle laiin Zothansangi erawh a dang hlawk thung a , a tir pawh khan min bum emaw ka ti hial reng ani.

Kan deal chu theihnghilh in tihbuai chhunzawm ka tum tawh lemlo a chhan pawh ka thianpa nau anih vang ani pakhat .

Chu vangin a hma ah pawh rei tak chhung ka in lan lo a , mahse ka hmuh leh tak fo avangin hetiang hian a chungah ka che leh a .

Ka chian em em chu ani hi ka hmangaihlo , ka tan engmah ani heklo , engvanga hetianga che fo mai hi nge ka nih a chhan puh tur ka hre mai biklo.


He nu hi a chunga ka chet dan vanga ngaihtuahna lawilo zet alo put hma in a hmuhah hian in lan tawhlo ila animai.


A phone a rawn ri ral ral a , a hma a bag pawm ve ràn chhungah a awm vangin lak ka tum lemlo.

A rawn rik tak sek ah chuan loh theihlohin ka ban ve ta hram .

"Aw" bung zet a ka ti chu tullo ti fe in tuverh lam ka hawi zui hmiah.

Bung zet zet a tawng hi ka thlah hleithei derlo lenghal !

Motor ka khalh avangin hma lam ka hawi leh thuai a, lehlam a ka biak lah chu a rawn tawng chhuak mai bawk silo , a phone chu dah hla in a screen ka melh zauh a 'lalmuani ' tih alo lang kulh.

Tawng nachang hre hleilo ti a dah mai ka tum chuan "nang..nagmah i ni em?" dang awk lek lek hian a rawn ti ve ta hram.

"Oh..ihmaw..Remruata i ni tiraw?" A rawn tih zawm leh zata .

"Ka ni lawm" nui har har ri in a rawn chhunzawm nghal.

"Uii..a nuam ee..taka khawnge Amanda?" A sawi tur hrechhuak thut ang mai hian a rawn ti leh hluai a.

"A muhil" tih baka chhan dan tur ka hre lemlo.

"Naa..in lo thleng dawn tawh em?" Zawhna a ngah reuh hle mai.

"Aih" ka phone a ni miaulo a , ka chhan ve zel mailoh in.

"Pawimah a awm em?" Ka tih zawm leh zata.


"Aih awmlo e..inlo thleng har lutuk a , chuan maw" a sawi zawh hma chuan phun hluk chungin ka hmet tawp ta daih.

Pawimawh a awmloh bera hnu , a bag a thun tawh chuangloin ka motor hma ah ka thehthla dawp a, a thin rim em lovang chu.
..

A lam ka va hawi chuan alo la mutui ngang mai , kan tlan thawt zawng a a sam a rawn chhem thlet chuan a shampo hman rim a rawn nam leh chial chial thin.

A biang a tai tek a , a ngo vei phian lehnghal , tereuh te mah nise a kim ve biai reuh chu a duhawm hle thung.

"I ngaihtuah na ho zet chu(h) " mahni in ka nui suk.

Keimah chu ka in hrilh nawn fo angai , he hmeichhia hi ka tan engmah a ni lo , ka game pakhat vanga ka tawn tih té mai a ka hriat tur .

Hmeltha hi chu hmuh an nuam a lawm , mahse ka vei zui tur a ni kherlo , ka ti ngailo bawk .

An mahni zawkin min rawn pan mai zel avangin ka bawhzui chiam ngai heklo.

Mipat hmeichhiat na ah erawh ka fihlim tawh hauhlo tih ka hria , ka duh chuan engtik lai pawh in hmeichhia ka phelh ruak thei , chutih laiin ka fimkhur hle thung cd telloin ka hman pui ngailo .

Ka hmeichhe kawp tawh te hi in ngaihzawnna lamah kalpui ka tum ngai heklo , hmeichhe thenkhat thinrim tawk an awm ve nawk , mahse thlem ngailoin min tihtauh khum rei ngam chuanglo.

An mamawh ka kawl miau tlat alawm , keiin an mamawh ka lo pe a , chu zawng chu !

Chhuanawmi erawh ka nu bula ka awm hma tang tawh a min zarbuai reng tu ani a , ka bialnu a ni lo nachungin min ta neih ve tlat a , han hauh chiamin awmzia a awm ngai heklo , a tawpah a ngai te in bul a tan leh thin .

..............................

Khawchhung kan luh dawn avangin la muttui viau mahse ka kaitho a , a mit nuai niah niah in a rawn harh ve mai bawk.

"Kan va thleng hma" a rawn tih chuan ka nui suk.

Khua a thim vek tawh , in eipuar pui phawt ka duh vangin cafe pakhat ah ka luhpui a.

A bag hawng rak rak in "ka phone kha ka theihnghilh amawnle " a rawn ti ta reng a.

A phone chu pe in alo ban ve mai bawk , cafe ah chuan kan lut a .

Kan thil duh kan chah lai chuan "enteh ..ka ú chu" a rawn ti sa sa.

Chhuahpui lawk ka duh thu kha ka hrilh tawh miau avangin a ngaihtuah lo turah ngaiang.

"I hrilh miahlo em ni?" Ka fiam chak ta tlat.

"Nangman buaipui suh i ti nihkha" tap mai tur hmel a pu.

A biang a tai leh hlar tawh.

"I hrilh ka rin vang ania , a ngaihtuah tawh ngawt ang che" kan thil chah rawn thleng chu ka ei zui mawlh mawlh.

Ani erawh min em reng thung "i van mak tak " tih bak a sawilo.

"Keichu ka ei duhlo , haw vat zawk mai ang" a rawn tih leh chuan "taxi la mai rawh" ka lo ti ve hmak thung.

Lungawiloh hmel fe a min en vang vamg hnu ah a tho ta tharh a " sual lutuk" zawi sep a tiin kal a tum ta mai.

Ka nui chhuak huk a , a rawn hawi let chiang ngang mai .

"I uang em?" Ka hmelah a hriat viau anih ka ring.

Ka bu nghat a , a thutna ah rawn letin " sawi chiang teh" a ti leh sek sek.

Engvangin nge maw a ú pawh chu a hlauh viau le , kan Romchama te mai mai .

Ka ngaihtuahna vang chuan ka nui suk a , ka hrilh vek tawh thu leh ngaihtuah a ngailoh thu ka sawi zui nghal.

"Anih chuan ei vat vat ang" thaw huai in a nui leh seih mai.

Kan nuih dun var var lai chuan "Remruat" Kan lam pana Chhunawmi te hian ho rawn in zui lut ka hmu zawm nghal mai.

"Hetah enge itih" rawn kal hnaiin Amanda hmel a en chiang a "chuan nangpawh maw?" A ti ram ta hmarh.

Chhangloin ka thil ei lai ka chhunzawm mawlh mawlh.

Zonunsangi erawh a ti dak mai "ei rawhle" amah en pah chuan ka ti dam dap.

Ka chet dan vangin Chhunawmi a lawmlo ani ngei ang "Okhay..kan zawm ve thei cheu" a thusawi tullo zet vang chuan ka ner sak.

Zothansangi erawh a ngawi ngul a , kei leh Chhunawmi chu min en tawn zak zak.

"Oh..ka hria lawm min hrilh lawk vek kha " Chhunawmi thusawi chu ka hrethiam der lo.

"Ee chuan maw , hun nuam tak in hmang ngei anga " kan bul a rawn thut thlak pahin Zothansangi chu a melh ralh.

Henu hian eng lem tak rawn chan chu tum ang maw!

"James keichu Remruata rual hian ka haw dawn" ati zui lang lang a .

Thip ram chungin ka lo en thung, midang awm ve chu ngaipawimawh lo hmel zetin min en vw ran thung.

Henu hi chu ka hne tih piah lam ani.

"Hmeichhe pakhat bak ka phur dawnlo" ka ti chhum hmuk chu "kei ka chuang anga , chuan tunge i hming khah" ka hma a thu hmeichhia chu a melh leh daih tawh.

"Keimah min be rawh" ka ti thung.

Chhuawmi hi chawp leh chilh a dawtsawi thiam tak ani tih ka hria tin a fing em em bawk.

"Amanda" Zothansangin a chhang kher chu tullo ti fe in ka lo melh rún .

Nichin mai pawj khan a hming te chu a hre daih tawh , hetianga rawn chet hi ka ngaithei derlo.

In rawlh vak ka tumlo , hmeichhe tawng na ah phei chuan mahse Amanda hi ka hruai chhuah a ni tlat , keiman ka thlah leh thlap bawk ang.

"Aww...Amanda James a rual hian haw mai tache , ka bialpa hi ka ngai ve tawh a" ti fuh in ti hmel zet chuan a ti vei ham ham.

A biak nu erawh a mitmemg hmangin keimah min rawn a ,muang changin ka lu ka lo thing thung.

"Chuan" Chhuawmi teivet chu.

"Keiman ka hruai haw dawn , James kan awmna tang hian hruai hrang vat teh" ka ti khur khur.

James a chuan min hlau tih hriat zetin a kai tho a , Chhuawmi erawh in alo duh bik baulo.

"A ..a ngai kher hleinem ka lawm tawh lutuk tho ania ..ihh taxi ka la mai ang ..lak ka lo tum hrim hrim a " Zothansangi dawt sawi chian lutuk vang chuan ka lo melh leh hrawk.

A bag ban rawk rawkin chelh hman miahloh hian atlan chhuak a , midang ho pawh in an thlir duh viau.