CASEY'S SECRETS by ilefi imoz (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: CASEY'S SECRETS by ilefi imoz (Completed)

Unread post by Ngaia » June 6th, 2021, 3:08 pm

*Casey's Secrets*
chapter - 25
(ilefi imoz)



"Engmah kalo keng lova, ka hmanhmawh lutuka engmah pawh ka ngaihtuah hmanlo!"



Choka a min kaihluh lai chuan kalo ti zat zat a,


"Jordan khan alo keng teuh alawm, hetah riak rawh aw.."


Tiin chair ah min thuttir a, vawt ka la ti reng, ruah ala tla cherh cherh bawk sia..


"Lo han mu la, eitur kalo siam chhungin!"


Mitko min sân khum úk pahin ati a, lu kalo thing vat a, amah chauha eirawngbawl tir ka tum hauhlo mai!


"Kalo pui ang che, hotelah kan khawsa nasa lutuk a, eirawngbawl dan pawh ka theihnghilh then tawh maithei ani!"



Nui hak hak chunga kalo tih chuan a kiai ve suk a, jordana sawi ang tak takin a inzuah buk em em a, mahse, a ti lang pâ zawk daih ka ti!



"Min en reng chuan eirawngbawl nachang hrelo lékin ka khawsa mai ang aw!"



Atih vang chuan ka hawisawn thuai a, a nui hawk chu bengkhawn duhlo in fridge ka hawn san ta daih a, min ti lai dawn alawm le!



"Casey.. thla leh ah putara te chungthu an rél tawh dawn tih i hria em?"


Purunsen chan paha alam ka va hawi chuan minlo melh lét ngur a,


"Aw.. hria e dolly!"



Tiin minlo chhang thuai a,


"Chumi hnu ah chuan zalen takin kan awm ve thei tawh ang tiraw?"



Tiin ka zawt leh a, min chhân vat loh vanga ngaihthalo zeta a lam ka va hawi chuan tukverh lam thlirin inngaihtuah múk hmel fé hian a hmui alo pet a,



"Dolly, ka chianglo, mahse, ka beisei, beisei tal chu a thiang ang chu ka ti mai a!"



Tiin chair atang a tho thurh a, min rawn pan nghal vut bawk a..



"I sawi awmzia ka manlo!"


Ka tih leh rualin ka sira chair chu keimah min si chét in arawn húng a, arawn thu zui nghal thurh a,


"Putara hi i rinai daihin a hlauhawm ang dolly, a damchhungin jail ah tâng dawn pawh nise, a damchhung daih tur pawisa a nei tawh!



Keini min that tur hian mí a ruai lovang tih kan sawitheilo ania! Kei hi ka la dam ani tih a hriat ngat phei chuan, a chet ngei ngei dan tur zawk ania!"


Arawn tih chuan kalo thaw hak a.


"Chuti chu, damchhungin, a ruka kan nun a ngai reng dawn tihna ani maw?"



Kalo ti halh a, ka mangang ani! Engtikah mah Caseya ala dam thu hi kan tlangzarh thei dawnlo tihna anih chu!


"Dolly, hlauthawng suh, hahdam la, kan theih ang tawkin kan bei dawn alawm, chuan, kan hlawhtling ngei ang!"


Alo ti thuai a, enge thleng dawn tih hre bik miahlo mahse a thusawiah din ngheh a tum ang tih ka rinna chuan tlémin min ti thlamuang ve deuh..


"Le, tunah chuan kha lam chu dahtha ila, eirawng i bawl tan tak tak dawn ang hmiang!"


Tiin min kai tho tharh a, thâwklehkhata a awmdan a siamrem nghal zung zung thei hi mak ti thin! Kei chu ka la ni deuh ruih a, ani erawhin tun lawka kan thusawi te kha hre tawh âwm pawhin a lang lo!



A eirawngbawl lai kalo en hi ani ringawt mai! Lo tih ve ka tum hlek leh min hau zel a, a buaithlak ania, a inti nula tlat vawiin chu..



"Tam deuh ei rawh!"



Tiin chawhmeh chu ka thlengah arawn suak teuh a, nui ver verin kalo ei mial mial thung a..


A hma ang bawkin ala tawng tlem hle a, a tawngkam hman thiam chhun te hi a chhumbung thei viau bawk a! Mahse chuti chung chuan min care thiam in, min duat em em zel bawk sia, umm, ani hi chu engtikah mah ka hrethiam ve tak tak ngai dawnlo anih hi!



Thleng ka seng a, ani in Apron nen thleng a sil thung a, tihian chhungkua kan ni tawh mai lawm mawni le? Huh,, ka ngaihtuahna zet chu..



Kan intih fel hnu in room ah kan chho nghal a, ani chu computer hmaah thu in keiin khumah laptop kalo khawih thung a, en tur ber pawh ka hre chuanglo, ka thaikual vel mai mai ani ber e!



File ah lutin gallery chu ka hai kual vel a, ka thlalak alo tam lutuk chu mak ka ti! A lâk lai áwm ka hre ngai miah silo a! A then te chu shillong ami ania, damdawiina ka awm lai ami te kha anlo awm nuk a, alo kawl that khiau vangin ka lawm takzet ani!




Thlalak pakhat ka hmuh nawlh vang chuan ka phu deuh zawk a, henu hi ka hria! Casey-an thilru tu a min puh tum khan, khami ní a lo kal, pawisa leh eng emaw min pe tu, chuan, Vaphaia ka awm laia a thih thu ka hriat nu kha ani chiang lutuk tlat! A hming erawh ka hre the tawh mailo!


"Casey!"


Ti a ka au deuh hliai vang chuan rawn hawiin a rúm nghut a,


"Henu hi tunge?"


Tiin laptop chu alamah ka kuai her a, a hmel a hmuh chuan a mitmeng a danglam deuh zawk hian kalo hre tlat pek a!


"Felina-i anih kha!"


Tih zawngin min chhâng a, min chhanna chu ka duhkhawp loh zia a hrelo nge ni a, a hre duhlo zawk le?



Mahse felina-i atih chuan chanchinthara a hming an rawn sawi kha ka hrechhuak leh tho mai!



"I sawi chiang thei emmm?"



Ti a ka va auh leh vang chuan a rawn tho thurh a, khumah arawn lawnkai nghal vut bawk a, ka sirah chuan a mu zangthal nghal ar a, thilsawi hreh deuh nei a ang ka ti!



"Ka bialnu hlui ania!"



Arawn tih chuan kalo trim deuh chhawk a, a bialnu hlui! *Hlui* tih tel tawh tho mahse ka thik lo chuang miahlo in ka hria! Ka van sual tak..



"Ok! I bialnu hlui hi ka hmu tawh asin, ka hlauh em em ní che khan, alo kal a, shillonga ka haw na tur pawisa min pe a!"



Kalo ti leh niah niah a, ngati nge chu thu chu ka sawi kher pawh ka hre tawh biklo e a!



"Ka hria lawm dolly, amah kha, pendrive ru tu kha alo nia!"


Arawn tih hul hak chuan mak ti zetin kalo melh a, a awmzia ka man tehnuaih tawhlo reng reng..


"Enge a awmzia?"



Kalo ti thuai a,


"Dolly, a ho emai, ngaihtuah zui vak tawh lo teh!"



Tiin min kuai thlu dat a, a ke chuan min khan in a bán min lukham tir hle hle a, ngaihtuahloh chu ka tum ve alawm, mahse a harsa lutuk ani!!!



"Pendrive kha itan engtiang chiaha hlu nge anih a?"



Ka ti chhuak leh ta nge nge a, thaw hawk chungin min pawmbet vak a,


"Thih leh dam inkar thil ania!"


Ti supin ka áwmah hmai a phum vang vang a, a thaw lum ham ham chuan pressure a pe sâng viau ani!


Sawi tam a châk hmel loh em avangin ka zawt zui duh ta biklo a, mahse, rilru ah erawh ngaihdan hrang hrang a lang nghal zut zut tho..



Pendrive chu engtiang chiaha hlu nge anih ang? Thih leh dam inkar thu hial thlen thei chu, a va hlu awm em em ve!



A pendrive chu rúkbo sak ani a, chutah putara kut a thleng a, putaran a tihchhiat sak a, chuan, a ru tu chu a bialnu, felina-i ani a, chuan, felina-i chu tu emaw in a that bawk!



Lalpa! Ani lovang, awihawmloh lutuk! Ani theilo hrim hrim! Ka ngaihtuahna hi dawt vek ani!



Mahse, a chiang viau tho si a! Thih leh dam inkar ati a, a bialnu hlui a thi réng bawk ani lawmni? Aaa, Casey chu anilo ang, ka nu leh pa te thihna ah pawh khan amah hi ka ringhlel a, ka ringhlel sual tawh ani lawmni?


Tunah pawh hian, ka ngaihtuahna vak kual vel vang mai maiin ka ringhlel lehpek ani chauh zawk ang, ni chauh zawk bawk rawh se!



"Dolly!"


Thatchhe zeta arawn tih truak vang chuan ka phu nghek a, nghet lehzuala min kuahin, "sorry" a ti leh sup a.. kei erawh kalo ngawi reng thung..



"Pasal atan tualthat thin mipa i duh em?"


Arawn tih chuan, phâwk zetin ka meng hlawl a, a hmel ka han en chuan alo maimitchhing vang vang a, thil buaichuar tak ka ngaihtuah chânga ka awm thin dan ang chiahin mawle!



"Casey, tinge chutiang te i sawi a?"


Kalo ti tiau a, ka tapchhuak mai ang tih ka hlau ani!



"Dolly, tual ka that asin! Vawi tamtak! Min kalsan i duh chuan, ka dang bet lovang che, dang bet thei tur che pawh ka nilo, a chhan chu, mahni mihring pui nunna ráwng taka laksak tu hi i fa te pa atan chuan ka tling tawklo!"


Tiin a thaw chhuak hawk a, ka mittui chu ka dang zo tawh nganglo! A luang a, a luang zel a, a tawp thei ngai dawnlo emaw tih thlengin a luang ani!


"Dolly, kei chuan, hlim takin i nun hmang la ka duh a, tualthattu nena hringnun i hman reng chuan, nakinah ila inchhir ang tih ka hlau!"



Arawn tih leh chuan a hmui ka lo hup sak nghal hmak a, sawi zawm leh turin ka duh tawhlo ani!



"Anih leh nangpawh, nupui atan KS i duh em?"


Kalo ti chhuak ve hap a, ka thin chhung thip hlur vang chuan thâwk lâk a harsa tawh takzet ani,


"Chutiang thu sawi suh!"


Arawn ti hluk a, keiin lu kalo thing vak vak thung..


"Sawi la, casey, i fa ten, *nu* ti a an koh tur chu KS ni se i duh angem?"



Kalo ti leh a, a tawp lam phei chu a zuih ral takzet ani!


"Duhlo! Dolly, ka duhlo!"


A ti chhuak hrawih a, a tháwk dana ipik rúkna rawn lang tel chu kalo hriat hmaih miahlo! A duh reng a, amah kalsan tura min duh zawk avangin dawt a sawi ani tih ka hria ani!



"Keipawhin tualthah hmang mipa chu ka duh biklo! Mahse ka kianga awm, Casey Malsawmkima hi kumkhua atana ka pasal ni a, ka faten, *á pa* ti a an koh atan ka duh ani!"



Kalo ti chhuak ve that a, engmah a sawilo! Rawn che phutin ka hmui arawn chhilh nghal hmiah a!



A kutin ka mittui arawn núl thuak bawk a, chhánlet loh atan chuan ka phallo!



Kan inthlah fel hnu ah pawh nghet zetin min kuah leh a, a thinphu dawt dawt chu ring tak ani!



"Tu te pawhin nunhlui kan nei a, tumah hi kan fel famkim theilo tih kan hriat kha.. mahse chutih rualin, kan famkim lohna denchhena famkim loh kan tum ngar ngar chuan a dik biklo a!



Harsatna tawklo mihring kan awmlo ang bawkin, harsatna in a eiral ták pawh an tam lutuk, keini erawh chu, engpawh tawk in, kan chungah engpawh thleng se, kan vawn hi thlah lo ve ve ang!"



Tiin a áwmah ka bei hle hle a, engmah sawilo mahse min vuan reng dawn tih hi ka thinlung hian a hria ani!


(Chhe té in a sexy laiah lut leh zuaii ang😂)



Rei ngial kan insík takah chuan thaw a sa tan a, kan normal lo tan riai riai tih chu tu ma hrilh nawn kan ngai lo!



Ka nghawngah núl thuakin ka âwmbawr a dap nghal chat a, kalo íp chawih vang chuan a nui nghawr dat a, a tum erawh a hlah chuanglo!


Bla bla bla👻😆



Min bawhbet rún chunga ka âwm zawna a thawk lum ham ham laiin a in la hrang thut a, a ngaihna hrelo zeta kalo melh reng lai chuan a thaw chhuak hrawih a! Balcony lam pana a kal tur chu,



"Casey! A tawp min thlenpui rawh! Engmah ka ni tawhlo tih i hre reng a!"



Tiin ka au zui tawk tawk a, dik tak chuan, ka engemaw lam vang chauh pawh nilo in, amah ka hmaizah thin vang ani!



Kar hnih chhung khan vawitam a tum tawh thin, mahse, a tum a puitlin ngailo! Keimah min véngthâwng zawk anih ka ring a, chuvang a inthiamlo chu ka ni bawk..



A lo lét leh chuan puan sin in kalo mu tha tawh a, khumah chuan zâwi té a rawn lawn kaiin rizai a hawng a, a bân lian tha nelh nawlh chuan min rawn kuah hlu hlu a..



"Nangmah leh nangmah i inhrem mai mai tih hi i hria em?"


Kalo ti hlak a, ani erawh a nui nghawr dat thung! Engmah a sawi loh vang chuan vín deuh tak hian,


"Casey! Ka virgin tawhlo! Chu chu i hrechiang ani lawmni? Nula virgin ang maia min dim dawi a, inneih zân atana khék khal khan awmzia anei tawhlo!"


Ka ti leh that a, hnunglam atanga ka hmui rawn hupin, "shh" a ti sup a..



"Hmeichhe thianghlimna hi chi khat chauh anilo, mahni duhthlanna ngei leh tawhsual tawh avanga virginity hlauh hi a danglam lutuk tih hre rawh dolly..nangmah anga tawhsual tawk ve mi tamtak te pawh hian hria se ka duh..



Pawngsual ilo tawk tawh emaw, thildang vang pawh nise, i duhthlanna vang leh i khawsak dan in a zir vang anih loh a, tawhsual takmeuh meuh anih phawt chuan, mahni i insit thinna kha bansan ang che!



Kha i thil tawn vang khan midangte, i hmeichhiatpuite kianga hun hman pawh hrehawm iti a, zahpuiawm ta bík riau ah i inngai a, ka hrethiam lutuk che, mahse maw, i zah em em thin te pawh kha khatiang thil tawng ve thei dinhmuna ding vek anni..



Anni chuan an vanneih avangin an la tawnglo ani lek fang a, mahse chutih rualin vanduai ta bik riau ah inngai leh chuang miah suh aw, a chhan chu, i tawrh aia nasa, i tahpui aia tahpui tur nei liantham hi khawvelah hian mí sáng tam tak an awm!



Tin, heihi hre bawk rawh, i virgin tawhloh vang ringawta i ngaihzawngin a kalsan che a, a hlat che anih chuan, a hmangaihlo che tihna ani mai!



Kan hmangaih tak takte hi chu maw, an nihna ang ang hian kan pawm thin.. zanin pawh hian maw dolly, ka châklo ani lo..



Mahse ka tana i vawn tlat thin, i rilru thianghlimna zawk kha, kan inneih hma chuan tihchhiat ka phal rihlo alawm!"



Tiin ka chhípah a fawp zui vang vang a, ka mittui an rawn hnäi leh kuar thei nia! A thusawi lungrun zet vang khan a hma zawng aiin ka hmangaih a, ka thlahlel in ka thlamuanpui takzet ani!



"Ka hmangaih che Casey!"



Ti a phun sepin mit ka chhing ta riai riai a.



A tukah chuan hma takah tho in hotel lam ka pan nghal a, ka office a minlo nghaktu chu ka rinloh daihin, anita alo nia!


"ilo thleng har siah!"



A ha vâr zet lang thrâ a alo tih chuan ka nui ve hak a, hmân ang chiah kha ani! Amah huatna ka nei hranlo ka tih tawh kha..



"i awmna a rei tawh em? Coffee ka'n chah ang aw!"


Tiin phone ka phawrh nghal a,


"Ka office ah coffee no hnih minlo pe mai ula!"


Ti a ka chah zawh chuan anita chu ka thlék vang vang a, ani pawn minlo melh ve reng a.


"I chanchin kalo hria a, lo hre vat zawk tur ka nih laiin ka hre tlâi ber ta zawk a, a zialo hle mai!"



Tiin ka kut arawn ban a, a hum vang vang a, naupanlai atanga ka thian, ka best friend anih na kha alo la danglam lo!



"Englo, dolly, min hua em?"



Tiin inthlahrun hmel tak hian min zawt a, lu thing nghat chungin "teuhlo" ka lo ti thuai a, a hmelah erawh min ring chiahlo tih ka hmu thei tho mai!



"Anita, min ring teh, a ho emai, in induh ve ve chuan a tha ani mai a, engmah vénthâwn tur a awm hleinem!"



Nui var var chunga kalo tih chuan a thaw huai a, a fel thin ania,



"Nimin khan, ka inthlahrung lutuk a, ka hmu thut che bawk nen khan, bakah kalo pan che khan i kal daih sia, i lawmlo anih ka ring a"


Arawn ti leh sep a, kalo nui hak mai, nimina ka chétdan kha chu keipawn mawi ka ti chiah lo deuh ani..


"Hlauthawng suh, Lawmkima te chu, ka bialpa hlui ang kha ani ve mai a, tu te pawn nunhlui kan nei alawm anita, tunah chuan keipawn casey ka nei tawh tho a.. ah!"


Rang lutukin ka hmui ka chíp nghal a, tunah khan sawisual ka nei chiang ani!


"Casey ala dam emni?"


Ka hlauh ang ngei ngeiin arawn ti hluai a, ka tawnghnem lutuk vang chuan ka inhaw kher mai!



"Aih anita.. ka.."


"Zep kher a ngai emni dolly, i thiannu ka nih hi! Min ringtawk lo emai aw!"


Tiin minlo tawng khalh zat zat a, a lawm chiahlo hmel chu hmuh nuam ka tilo kher mai!



"Anita...."



Tiin ka ngawi leh vang vang a, ka bestfriend hian ka chanchin engkim chu hriat ve a phu ani lawmni? Ka tette atanga thiandang kawm lova a kip a kawia ka zui thin lakah thuruk ka nei anih chuan, engtikah mah ka inthiam thei ngai dawnlo in ka hria a, chuvang chuan a bul atanga a tawp thlengin engkim ka hrilh ta vek a..



"Dolly, ka lainat che emai!"


Tiin mittui tling pam chungin chair atang a tho a, rawn kal hnaiin min kuah thlawp a, amah ber a tah tâkah chuan insum reng a harsa ka ti! Ka baw chhuak ve hawk hawk a..



Hun rei tak ata hetianga tah hawm hawm pui tur mihring hi ka mamawh tawh a, an awmloh avangin engmah nâ tuarlo ang maiin ka tuar tlawk tlawk thin anih kha!


"Engtikah emaw Casey chu ka la rawn tlawh ve ang aw, i phal chuan!"


Tiin a chhuak zui a, ka ngai nghal dér mai, bestfriend te bula awm nge nge, a hahdam thlak thin e..



Chawlhkâr khat a liam leh meuh chuan Jordana a phur vut vut tawh hle a, karleh maia mí pasal anih ve tawh dawn vang te pawh ani mahna le!



Caseya ka tlawh hman meuh thinlo a, phone in erawh kan inbe reng thin tho a, mahse tunlai tak hi chu online game a inti khel ve a, tlém in kan inbe regular lutuk lo a, mahse keiin hna kalo nei ve zel bawk nen, a tha zawk phian tho mai..



"Inbiak kan kan ngaiin ka hria!"



Tih message min rawn thawn tu chu tudang nilovin, Lallawmkima ani! Kan inhmuh ní atang khan zantin min rawn text tluk tluk a, a then phei chu, tenawm hlawm tak ani!


*Anita-i hi ka duhlo, nangmah ka duh zawk che*


Tih te,


*Anita hi ka then anga, innei ang*


Tih vel te ani nawk hlawm a, ten zetin kalo chhiarliam sak puat puat thin a, anita-i ka khawngaih thin viau ani!.



Amah hmangaih miahlo tu nupui ani miau si a! Mahse engmah ka sawichhuak ngai chuang hleilo a, a chhan pawh, mí nupa inkara inrawlh hi thil fihthlak ber anilo a ka hriat vang ani..



Nidang ang bawkin message chu reply lovin ka dah leh tawp a, ka ten em em ani..



Jordana leh Lawmi te an bazar a, an awmloh hlânin kalo buai ve em em bawk a, chu zawng chu ani ka vawiin hun hmanral dan chu..



👣👣



Inrinni chawhnu lam ani a, naktuk chawlhni anih avangin Caseya in lama insawn ka tum rilru a, a khawhar thei ngiai nguai thin lutuk hi a khawngaihthlak thei hnup hnup lutuk a..



"Dolly! Enge i tih dawn??"



Kawngpui lehlam atanga bán rawn vai lauh lauh tu chu anita ani!



"Lawk aw"


Ti a a bán phar chhuak hliai in kawng arawn kán a, ka bul a rawn thlen chuan in bengfai thuak thuakin a nui zui var var a..


"Inpa bulah kal i tum chiang lutuk, kalo telve dawn! Lungngai suh chaw ka rawn ei zuai anga ka haw lehnghal mai dawn alawm"



Arawn ti mauh mai a, hnial chi ni bik heklo le, Caseya in lam pan chuan kan inzui hnak hnak a..



"Eheu, palian, i va inzuah buk ve! Hnam mâwl i ang kher mai!"



Kawngkhara Caseya lo ding reng a hmuh rualin a phúl nghal hluai a, a ngaihna hrelo zeta Casey-an min rawn melh chuan ka mitmeiin ngaihdam kalo dil thuai a, a bu ve ta nghauh nghauh mai..



Chaw eiin dar sarih thleng zet a leng a, kan inngai dun bawk a, sawi tur a tam ém ani..



Kan titi chhung zawngin Caseyan TV a en a, hmeichhe titi a lo inrawlh ve zut zut chi anih lohna te hi ka duh dan tak a ni leh mauh mai!



Anita-i a haw hnu chuan kan mu zui a, lawmlo hmel min hmuh hauhloh vang chuan ka lawm takzet ani!


👣👣



Dar a ri ral ral a, monu leh a neitupa te chu nalh takin biakinah an rawn lut a, an van mawi chiang tak em!



Mahse, ka ti ve tlat, dân khatna a inneihna hlut zia hi kan hre tawh chiahlo emawni? Tu te pawh mai hian kan palzam em em hlawm a, ka rél na lam nilo se, jordan leh Lawmi te hi, thianghlim takin an inkawp biklo tih ka hrechiang a, mahse, midangin an hriat ve miau loh chuan a pawina a awmlo anti ani ve chék ang chu, kohhran dân thianghlim ngat in an innei ve tho!



A hmuna kal mipuiten engmah hrelo mahila, a kuta kan in kawltirna, kan Pathian ngei mai chuan engkim a hre vek lawi si a! Pathian pawi kan sawi reu reu ang tih ka hlau rum rum mai..



Mahse, engpawh nise, a mihring lam zawnga thlirsak chuan, an vahan inhmeh tehlul nen!


Pathian leh kohhran hmaah "tiam tlat e" an tih zawh chuan páwnah thlalakna hun kan hmang laih laih a, jordan-an min ngai pawimawh leh lutuka ka inthiamlo lek lek zawk ani..



An theitui siamna lamah pheiin midangte nen chuan kan titi luam a, hmanhmawh taka jordana rawn kalphei hlawk hlawk vang chuan ka tawng lai ka tawp chawt mai!



Ka bânah vuanin mipui tam lohna lamah min kai dawr dawr a, a ngaihna ka hrelo! A hmelah hian hlauhthawnna tam tak a langchhuak bawk si a! Mipui ho chuan mak ti zetin kei leh jordan chu min melh he haw hlawm a, a áwm ve réng ani, mo neitu khan hmeichhe dang min kai miau sia!


"Lut rawh!"



Tiin kan piaha car rawn dingah chuan min namlut rawk a,


"Thil awmzia sawi fiah rawh!"



Thlabar zeta kalo tih chuan,


"Putara te an chhuah zalen!"


Ati sup a, ka mangang lutuk leh chi ai lutuk chu ka khawng lo chauh ani ber mai!



(Like leh comments kha minlo pek thar sak leh hram hram ula aw🥺)


End of chapter - 25



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:08 pm

Casey's Secrets
chapter - 26
(ilefi imoz)



("Putara te an chhuah zalen!"


A ti sup a, ka mangang lutuk leh chi âi lutuk chu ka khawng lo chauh ani ber mai!)



"Sawi chianna hun a awmlo didi, nakinah kalo kal thuai ang.."



Tiin kawngkhar a khâr a, ka thin ka dawm vang vang a, boruak chu ka theih ang tâwka tam ka hip lut kawk kawk bawk a..




Ka lo beisei loh lutuk thil a thlen vang chuan awmdan tur ka thiamlo a, han hlauh chiam dan tur pawh ka la bangbo rih viau ani..



"Ka lawm e.."



Tiin driver chu ka let tir lehnghal a, kawngkhar ka hawn rual rualin minlo pawt lut rawk a, a âwmah min beitir in a thaw chhuak ve ham ham bawk a..



"Hlauthawng suh aw dolly, engkim a tha vek ang? Itan engmah hlauhawm a awmlo ania!"



Tiin ka sam a chul a, chutah chiah chuan hlauhthawnna ka nei ve ta chauh zawk a!



"Casey!!"


Ka ti chhuak tiau a, ka hlau takzet ani..



Engmah sawi lovin sitting room ah min kai phei a, sofa ah min thut tirin min melh vang vang a,


"Anni ho khan min zawng in, min that dawn ani tiraw?"


Nui ro halh chungin kalo ti a, ka mittui ka khap per sak bawk..


"Teuhlo, chu thil chu ka thlen tir ngai lovang, ka venghim ang che, a hma pawhin ka sawi thin kha, ka venghim em em ang che!"



Tiin ka kut arawn vuan a, mahse, thlamuanna ka neih phah chuanglo! Min thah a phalloh thu chauh a sawi a, min thah an tumlo tih a sawi tel miau silo a!



"Engkim buaina hi keimah ka niin ka hria casey, kalo lan ve hma khan he'ng buaina zawng zawng hi i tawk ngai lova, kei kalo telve chiah khan i talbuai tan anih kha!



Tunah pawh, jail atanga a chhuah ruala a zawn hmasak ber tur chu keimah ka ni! I hriat kha, an duh chu pe ila, zalen ve tawh rawh, dam reng chunga mitthi tawh ang maia i khawsak hi a ngai tawh lovang?"



Tiin ka kut a vawnna chu ka thin thlâk sak a,


"Chutiang thil chu vawikhat pawh ngaihtuah tawh suh!!!!"



Ti hrâwk chungin a lu a tuai puat a, a hmela thinrimna leh manganna rawn langchhuak chu kalo hmuhhmaihlo nasa mai!



"Casey, ngaihtuah chiang la, kei hi ka thi anih chuan, mi zawng zawng an zalen thei maithei asin!"


Kalo ti leh hap a, a kutzungchal meuha min rawn kâwk in,


"Khatiang thu kha vawikhat pawh sawi ri tawh ngai suh, chuti lo chu keimah hian ka that duh mai ang che!!"



Arawn ti leh tuar a, tawlhhla dáwrhin amah chu kan melh ngawt ngawt a, ka khawng awt thei hial ani! Khatiang thu dengkhawng kha sawi turin kalo beisei ngai lova!



Che eih lo a kalo ding khawng reng min hmuh rualin a thaw chhuak leh hrâwih a, ka lam pana a rawn kalphei buan buan lai chuan hlau zetin hnunglamah kalo tawlh dawt dawt a..



"Dolly! Huh?"



Nui hawk chunga tiin a ding dawt a, amah hlat thei tur bera ka hnungtawlh zel vang chuan a lawmlo anih ka ring!



"Sorry dolly, ka sawi tawh lovang!"



Tiin ka lamah a kut arawn pharchhuak a, 'vuan rawh' min tih hmel takin a mitmeng chu a dam ruih mai bawk a..



Túm deuh bár chungin kalo ban ta nge nge a, chutih rual chiahin a lamah min pawt hnai nghal hráwk a, amah si chét a min kuah betin, min en rún a..



"Min ring em?"


Zawi supa arawn tih chuan,


"Ka hrelo!"


Tiin kalo chhang sep a,


"Min ring turin ka duh che, nang berin min rin loh chuan tuman min ring dawnlo asin!"



Tiin a chal leh ka chal chu a in sík tir nghal dat a, ka lo chhing sawk thung, rin ka duh a, rin ngamin a che lovang tih ka hlau bawk si!



Kawngkhar rawn beng ri dawt dawt thâwm avang chuan kan inthlah nghal thuai a, hawn sak tuma ka kal tur chu ka kâwngah alo kuah vut a, a kutzungchal leh ka hmui chuktuah in, bengchhenglo turin min hrilh zui sup a..



Thâwm dim zetin kawngkhar lam chu kan pan them them a, thinphu a rang duh zaih zaih viau ani! Putara te anni angem?



"Casey! Keimah!"



Kawngkhar beng leh dawt chunga pawnlam ami in arawn tih chuan ka phu zawk a, phu chiang viau e tilo chuan ka thaw huai thung a, a chhan chu, Jordana ani miau a!



Casey-an kawngkhar a hawn rualin Jordana arawn pen lut nghal a, a thlan hluam avangin ngaih a tha zân lo kher mai!



"Didi tui in tur minlo pe thei em?"



Tiin sitting room sofa ah chuan a thu hnawk a, tawhsual a tawk emni ang?



Fridge hawngin tui vawt chu ka la chhuak thuai a, jordan pék pahin, "insawi fiah teh!" Ka ti vat a,


Tui chu a in khawlh khawlh a, a dang ro hmel hem huam lutuk te chuan ngaih thatna tur engmah min thlen hlawllo ani!


"Putara ho ten min hmu! Ka rawn kal lamah kan intawk a, min úm in, ka rawn relh ru thei hrâm ani!"



La thaw huam huam chungin a ti a, ka hlauthawng takzet ani!


"Khawilaiah nge i relh ruk? in(house) hi a him angem?"



Casey-an alo ti thuai a,


"Him ang, sâwlai deuh ah ania, mahse kan him rei lutuk in ka ring chuanglo!"


Jordan chuan alo ti leh a, ka hlauthawng takzet ani!



"Engtin nge an chhuah zalen reng reng a? Khatiang khawpa an thilsual tih an mualpho pui tawh hnu khan, an chhuah zalen leh mai a maw?"



Mangang zetin kalo ti a, Caseyan minlo kuah thuai a, ka chi ai takzet ani..



"Sum an nei ka tih tawh kha dolly.."


Tiin ka chhípah a fawp vang vang a,


"Nuai sawmnga chawi turin an tia, an tan te chuan tam heklo.."


Jordan-an alo ti ve hluk a, khawvel zet hi chu... Tualthattu pawh a neihnun avangin an chhuah zalen dawn chu ania! Khawvel hian sum chauh alo ngaihtuah anih hi!



*Putara pov*



"Reilote chhung chu shillong lamah kan awmbo rih a ngai ang, insiam ru!"



Tiin jail atanga ka chhuahpui te ho chu ka vin tuar a, thla hnih chhung zet jail thima min khungtu, an pahnih khan chhuah ka tum hleklo!



"Tunah kan che nghal dawn lo emni boss!"



Akash-an arawn tih chuan,


"Mimawlpa!"


Kalo ti tuar a,


"Mizoram mipuite thinrimna sosang hulh hulh tawngbaw tur khawpa mi mawl ka nilo! Nakinah, thâwm a daih deuh hunah, kan che chhuak ang!"




Tiin ka kalpél a, kawngah chilchhâk thawt in Mizoram chhuahsan tumin ka inpuahchah ta nghal a..



Ka fapa kha ka ngai thin! Ni e, mihring pawisak neilo, engmah tih hreh nei ngailo, kei hian ani kha ka ngai anih chu!



Ka thu hnial a, ka duhloh dana a awm fo chung pawhin ka fapa anihna a bo chuang lova, mahse, ani pawh a nu ang chauh ani! Thihna hmachhawn kha a phu tawh chiah! Mahse, ka ngai ani!



"Kal ang u!"



briefcase la kâng nawlh chungin ka ti a, hma lam pan in ka kal nul nul a.



*Hmangaihzuali pov*



"Jordan, la kal chhuak rihlo la ka duh khawp mai?"


Hna a kal tura jordana a insiam mawlh mawlh laiin Casey chuan alo ti charh charh a,


"Ka ngaihtuah awm lovang, thih ka hlau hleinem!"


Kiai suk chunga jordan-an a chhânna chu a thlamuanthlak duhlo kher mai..



"Dear, i hman chuan, kal ila!"


Lawmin arawn ti lang lang a, room atang arawn chhuak zui zat bawk a.



Lawmi pawh hi ka khawngaih takzet ani, an inneih atangin helamah an khawsa char char a, hlauthawng dep depin nun a hmang nitin bawk si!



Kan buaina te chu a zavaiin hre kil kel lo mahse, a pasal nunna a derthâwn zia hretu ani ve tho si a! A lainatawm kher mai..



Mahse hmeichhe chak ngang hi ani a, kan hmuh ah lungngai hmel a pu ngai lova, hlim tak anga lan a tum lui hram hram thin ani!



An kal liam hnu chuan sitting room ah kan phei a, computer min bih san avangin keiin tv kalo en ve a, tunlai chu zanah a meng rim in, chhunah lah hian a rilru a châwl ngai meuh silo a, a taksa in a chhiatphah mai ang tih ka hlau thin..



"Spicy ka siam dawn, i duhve em?"


Tiin a kiangah ka kal hnai a, ka kawngah manin minlo pawt hráwk a, a malah min thut tirin min fawp zui vang vang a, chhánlet loh atan chuan a uiawm lehpek lutuk!



"Tui deuhin siam rawh aw"


Tiin min thlah thei hrám a, khi ver ver chungin choka ah ka luhsan ta a, gas ka on lai chuan tukverh a ruahhmi rawn tla seng seng chu ka va hmu thei a..



Kan nun ipik ru zet chu arawn ti chiang ni mai hian ka hria! Kâr khat lai a liam tawh a, chutih chhung zawng chuan pawnah takngial pawh kan chhuak ngam lova, inchhungah inkhung in, chu hmunah pawh chuan hlauthawng dep dep in hringnun kan hmang tho si a!


"Min pui dawn lo maw? Buaina i neih changin vawi engzat nge ka thlahthlam tawh che!"


Ti a áu hrâwk chu phone kehdarh riin a zui nghal a, ka thil chhúan lai pawh ngaihsak tawh lovin sitting room lam panin ka tlanphei nghal dawt dawt a..



Thinrim tih hriat fahrana Caseya lo in húmruh chu ka panphei thuai a, a thlan bawl tak tak chu hruk sakin ka kuah a, a che lo, milim ang maiin a khawng reng ringawt a, ka hlauthawng takzet ani..



"Engkim a tha vek em?"


Tiin a lu ah ka fawp a, min la chhâng chuang silo a, ka mangang hman takzet ani!



"Hrep hlawm hian, min mamawh châng an neihin ka phatsan ngailo asin mawle!"


Arawn ti chhuak hrâwih a, ka phu nasa lutuk chu ka per dawrh thei hial in ka hria!


"Ka tihpalh dolly! Lo kal teh!"



Tiin a lamah min pawt hnai rawk a, ka hlauthawng lutuk hmel chu a hmuh hmaih biklo anih ka ring...



A laptop, ka khawihsak kha a rawn eng pap pap a, call alo lut anih ka ring, screen ah chuan *big boss* tih a inziak a..


"Lawi si chuan!"


Tiin laptop chu a la vut a, a pick up nghal thuai a.



"Engzat nge i duh a?"


Lehlam ami chuan arawn ti tâwng a.


"A tam thei ang ber! Kan nunna a himlo ka tih chu!"


Casey-an alo ti hluk thung a, an thusawi awmzia ka man loh ém avangin kei chu kalo ngawi kar a,



"Tún bak hi chu min beisei suh ang che Lion, ka pui thei tawh dawn hauhlo che ania!"



Lehlam ami in arawn tih leh chuan casey chu alo rúm hawk a..


"Ka hria!"


Tiin a off zui hmak a, a awmzia ka hrethiamlo, ngati nge mood a pek chhiat em em le?


"Sawifiah i tum em?"


Ti a ka zawh chuan,


"I phone minlo hawh lawk!"


Alo ti daih a, lawm vaklo chung chuan ka pe ta tho mai!



"Jordan, chanmari ah rawn kual lawk teh, house number ka sawi hi chiang deuhin ngaithla la, bungrua rawn lam haw ang che.... Aih, a hlauhawm loh, putara te Mizoramah an awmlo!"


A ti nghal zung zung a, putara te mizoramah an awmlo maw? Kalo thaw hak a, ka lawm lutuk vang anih ngei ka ring!



"Min hrilhfiah i tum em?"



Phone min pek let rual chuan kalo ti leh a, ka melh deuh khai khai bawk a..


"Dolly.. thil káng rim i hre ve em?"


Arawn tih sup rual chuan rang lutukin ka zuangtho zawk a, ka spicy! Avan hitlo tak, tuilum khan lo chiah tha hle hle ila tha tur! Kalo chhum khanglang aaa!



Rang lutuka choka a ka tlanphei chu minlo nuih hak a, ka ngei kher mai, a nuihzatthlakna ka hre hauh silo a!



A bél chawpin a út vek! Ka van ngei tak em.. Ngati nge kalo kalsan kher kher ni!!




A hnu lamah pawh spicy chungchang ngawt ka ngaihtuah a, ka sawi a, ka sawi leh thin a, ka ui ve ngang aniang, ka chhumna bél lah chu hman tlâk ani tawh der mai silo a!



Tlaiah Lawmi alo haw hmasa a, dar 6 velah jordana arawn thleng ve chiah bawk a, parcel a intuam hi arawn khai lut pár pâr a, a rih/rit hmel em em mai lehnghal!



"Enge a?"


Kalo tih chuan lu thing nakin dâr min chhin khum úk a, dawhkanah a nghat zui charh a..



"I ti tha e jordan!"



Casey-an phur hmel fahrana arawn tih hluai tâkah chuan amah chu kan en thap hlawm a..


"Ti teh u, kan mamawh dawn alawm, kha tin, thil tisualtu ang hrim in min melh hlawm lo teh u!"


Arawn ti leh deuh nghut a, a ngaihna kan hrelo tlâng kher mai..



Parcel chu a chârna a phelh chat chat a, jordan-an alo pui thuai bawk a..



Ka bai chhuan a liam avangin rang takin gas lamah ka pheisan ta hlawm a!



"Wow! Bawn lutuk!"


Jordan-an arawn tih hluai vang chuan rang takin dawhkana an thil dah chu ka va en ve vat a, ka tawlh hla leh rang kher mai!



"Kha kha engatan nge?"



Ka ti vín hlar a, Caseyan inthiamloh hmel zeta min rawn melh chuan rum lutukin kalo melh lét ngar a..



"Min hrilh ru! Silai kha engatan nge in tih???"


Ka ti leh tuar a, Lawmi pawn mak a ti tih a hmelah ka hmu thei ani!



"Dolly!"



Tiin min rawn pan hnai ruak a, ka káwngah chelh in,


"Kan mamawh dawn si alawm! An lo let leh hunah chuan, kan rinphâk baka nasa in chét an tum ang, kanlo beilet velo anih chuan kan thi mai dawn asin!"


Ka rilru hneh tum tak hian arawn ti a, kei erawh kalo hel zual sauh thung..


"Tualthat leh turin ka duh lo che! Casey! Kan dam ang...beihlet ai chuan, kan damchhungin biru zawk mai ang u, min hmuh theihlohna tur hmunah awm bo vek zawk ang u!"



Kalo ti leh pâr a, ka mipa hmangaih hi tualthat thintu ani tih ka hria a, chu chu a nunhlui anih avangin ka pawm! Mahse, kan tun hun ah lehzel chuan, mí nunna a laksak ka phal tawhlo!



"Dolly, kan mi thah tur te hi pawisawilo anni lo, mi tamtak nunna la a, i nun leh kan zavaia nun tichhe vektu te anni, chu chu hrethiam turin ka duh che, khawngaihin min dang suh!"



Arawn ti leh hap a, ka ngaihtuahna vir muai muai avang chuan ka â thei mai dawn hian ka hre hial ani!



"Didi, zalen hi kan phu ve tawh i ti lo maw?"


Jordan-an arawn ti ve bawk a, ka hrelo! Engmah hi ka hrethiamlo ani!



"Kan hna hi kan zawh hunah chuan, nun thar nen kan nung ve thei tawh ang dolly!"


Casey-an arawn tih leh chuan kan hun tawn tawh te ka chhuikir nghal zut zut a, hetiang khawpa hrehawma min siamtute hi kan beihlet ve ngei ang ngai niin ka hre ve ta!


"Anmahni chauh aw!"


Kalo tih halh chuan lawm zetin casey chuan minlo kuah thuai a, a thlamuanthlak e!



"Khawi atanga ineih nge ni reng reng a?"


Jordanan arawn ti hluai a, silai ho chu a en kual pah dan dan bawk a, Lawmi erawh inthlak turin roomah a lut daih thung, a rilru a hah ve takzet ang tih ka hria ani!



"CID ka nih laia ka thianpa, big boss hnen atanga ka neih anih kha!"


Awlsam zetin casey chuan alo ti mai a! CID a? Chutiang lam chu kalo la hre ngailo reng reng a!



"Anih chuan, anmahni chu min pui turin i ti thei mai lovemni?"


Jordan chuan alo ti leh a,


"Aih, tuna kan buaina hi chu mimal thil ani jordan, sawrkar reng reng an inrawlh ve tawh lovang, vawikhat kan tisual tawh, i hriat kha! Tihsual nawn leh ka tum tawhlo! Kan ram sawrkar ve hian engmah min chinfel pui lovange!"


Ngaihnep hmel zetin casey chuan alo ti leh hluk a,



"Ani Ve tho mai, keipawn, sawrkar kuta kan hlan khan engkim atawp vek dawn emaw ka lo tia, tun ang dinhmun kan thlen hi chu kalo ring ngai biklo asin mawle!"



Jordan-an alo ti ve hap bawk a..



Zanah chuan anita-i nen rei fé kan inbia a, shillongah a chhungte kiangah Lawmkima nen an lo awm leh daih tawh a, anita hian a hmangaih tak tak emaw ni le..


"In pa khan a châwm tha che em?"



Nui har har chunga alo tih chuan,


"Ka enkawl tha mah mah a, duhaiin a thau hret tawh!"


Computer hma atangin casey-an alo ti lauh lauh a, kan nui hak hak hlawm a..



"Dolly, ka dah phawt dawn, nidangah kan inbe leh dawn nia!"



Tiin a phone a off zui a, nui ver ver chunga whatsapp ka luh chuan Lallawmkima number atangin message alo tam leh tawh kher mai!



Tun lawkah khan annu nen kan inbia ani tih hria se chuan, a inthiamlo ve deuh in ka ring ani..



"Lallawmkima hi a nasa sawt eee!"


Ka ti chhuak hap a, caseya alo nui hak thung a, a thikthu te hi a pe chhe lo ve mai sia! Engkim ka hrilh vek vangin min ringtawk lutuk te pawh ani mahna!



"Reply ve mai mai la, i ti khawngaihthlak!"


Nui hawk hawk chungin alo ti mai a, rúm tawka kalo melh vang chuan min siai khum zauh a..



"Lo mu teh, a vawt ania!"


Ka tih rual in rang tawkin arawn thlengphei nghal a, nui hak hak chungin rizai kalo keu sak thuai thuai a,



"Dolly!"



Ril ruiha ti chungin arawn inthawlh nghal thuai a..



*Putara pov*



"A chenna i hre takzet maw?"



Ka hmaa mihring ding chu ten zetin ka melh a,



"Ka hria ka tih chu! Ka hrilh nghal thei bawk ang che!"



Tiin min ani chuan melh ve kar bawk a, kiai suk chungin,


"A lét ah enge i beisei?"


Kalo ti leh sup a.


"Engmah ka beisei lo! That ula ka duh ani mai!"


Alo tih chuan ka mengphar deuh âwk a, "that turin min duh maw?" Tinghlel deuhin kalo ti leh kher a, Ka rin ai zetin a rothap tlat mai!



"Aw, that turin ka duh che u, in tih hlawhtlin dawn phawt chuan, a awmna ka hrilh ngei ngei ang che u!"



Tiin minlo chhâng leh a,


"Jordan Lalremruata awmna i hre tel em?"


Ti a kalo zawh chuan lu alo thing nghat a, a pawi chuanglo e, Hmangaihzuali hlat takah a awm chuang tawp nang!



"Sawi rawh!"



Ti sup in ka melh leh nghal rún a..


(Comments in pe chhe tran ee, naktuk zanah ka induh maithei ania aw😒)


End of chapter - 26

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:08 pm

*Casey's Secrets*
chapter - 27
(ilefi imoz)



(awi awi awi, in vahan phakar hlawm tak😆 nizan ang vek khan comment pe leh ang cheu😂)



*Hmangaihzuali pov*



"Mawhhh, léng ang, thla khat a liam tawh, eng thâwm mah kan hriat loh hi! Jordan leh Lawmi te takngial pawh anmahni inah an insawn phei tawh hi! Nitin inah kan awm char char a, a ninawm ve tawh ania aw, bazar tal ang!"



Tiin khuma Caseya mu kawm ngul chu kaihthawh tumin ka tâl fat fat a,



"Dolyyy!"



Ti supin a in lukhup thawk a, ka van ngei tak..


"Casey, leng ang ka tih chu, ka khua a har ania, bazar i peihloh tal pawn jordana te inah va kal ang!"


Ka la ti tang tang a, min hnial leh vaih chuan keimahin ka chhuak tho tho ang ka ti rilru a..



"Lo insiam la, jordana te inah kan kal dawn nia"



Tiin a inlet leh thawk a, lawm avangin ka khék nghal râih a, ani alo nui nghawr dat thung a..




Ka thawmhnaw chu a rem ang ang ka inbel mawp mawp a, ka phur tawh bawk nen nalh ka tum tawh lemlo..



Khatih chhung zawng khan hlauthawng takin, thaw dep dep chungin kan awm a, pawnah takngial pawh kan chhuak ngamlo! Mahse an rawn lang lova, mizoramah an thâwm engmah a awmloh avangin ka ngaih a tha ta deuh a, chuvang ania lénchhuah ka sâwm tâk vak vak ni!



"Ka hman ania, tho teh!"



Tiin a puan sin lai chu ka theh sawn sak lâwp a, peihloh hmel tawka a rawn che hrut chu hmui pet sawi nângin kalo melh kar mai bawk a, kan la innei hauhlo nâ in, nupa ang tho chu kan ni tawh in ka hria!



"Casey, i nu leh pa te chanchin hi min la hrilh miahlo a!"



Tiin a kawr hâk tur kalo pe a, a hmel tak nghal ngul vang chuan sawiloh tur ka sawi anih ka ring hman rum rum a..



"Ka nu chu shillong ah, ka pa erawh, chanchin sawi tur aneilo!"



Alo ti nghut a,


"I nu chu, amah chauhin emni shillongah chuan a awm a?"



Tiin kalo zawt leh a, tawngkaa min chhâng lovin lu a bu nghut ringawt a, sawi belh a châklo tih a hmelah ka hmuh avangin ka zawt zui zel duh ta biklo!



A pa chu a ngaina hauhlo tih ka hria a, tin, ka pa nena in ngaina lo tak anlo nih thin avangin amah ka hmuh hma hauhin ka ngaina biklo! Tin, putara te nen hian an thawk ho ve tho anih ka ring nghet hmiah bawk a!




Mahse, ka ngaihtuahna tibuaitu ber erawh, a nu a hlamchhiah lutuk hi ani! Amahin, shillongah khawhar takin a awm char char dawn tihna ania!


"I nu chu, a ngaihtuah awm lovemni?"



Kalo ti chhuak leh hap a,


"A ngaihtuahawm lo dolly! Kal ang.."



Tiin min kai nghal zat a, ngati nge a chhungkaw chanchin ka sawi veleh a zia a danglam tâk thut le?



"Kan bazar ang nge? Enge kan tih dawn?"



Car kawngkhar min hawnsak pah hian ati a, keiin mak ti zetin kalo melh thung a.


"Jordana te inah kal ang i ti ani lawmni?"



Lawm vaklo chunga kalo tih chuan, "sorry dolly, ka theihnghilh palh a!" A beng pawt zauh in alo ti thuai a, ka ngei lek lek ani!




Kawng kama an eitur zawrh te chu kan lei kual hlawm a, amah tak phei chuan a ei mumal leh miahlo ang mawle!



"I mask kha vuah reng lo la, motor a kan awm lai em em te chuan!"




Kalo ti niah niah a, thuawih zetin a phelh ve mai bawk a, steering a húm lohna lam a kut chuan ka kut a húm vang vang a, special riaua inhriatna kha ka nei leh tawh mawle!



"Engpawh thleng se min vuan reng rawh aw!"



Amah en kal chungin ka ti sap a, rawn hawi vutin, min melh let ve thuak a,



"Nangmah té reuh hian min vuan theilo maithei ania dolly, Lawmkiman a.."




"Ngawi tehhh!"



Kalo nghal chúl a, min fiam zauh hi a hmang thei lutuka a buaithlak, ka túm bâr a, ani erawh a nui hawk hawk thung a, chimawm chhuah hi a hrât riau mai!



"Kan thleng!"



Ti supin motor a tiding a, Jordana te tualah kanlo awm reng tawh a, chhuk vatin motor hnunga kan thil lei ho chu ka pawm bawr nghal a, aniin a then a pawm ve bawk a, kan bawr kher mai!



"Awi didi, inlo kal dawn tih min hrilh hmasa ula chuan, kanlo hmuak tur cheu ania!"



Lawm-in alo ti chúl a, nui var varin dawhkanah kan thil lei ho chu ka nghat dat hlawm a,



"Casey hian chhuah vak ala duhlo a, ka rawn dil hlawhtling thei hram hram anih hi!"



Tiin casey chu ka melh ralh a,


"Thingpui kalo lum ang, tlaiah chaw ei nghal law law ula!"


Tiin Lawmi chu a phúl hlut a,



"Khawnge jordan?"


Tiin jordana chu kalo zawngkual nghal a, arawn lang har lutuka mak ka ti deuh a.



"Awi, i awihlo zawk ang!"



Lawmin arawn tih sep rual chuan casey chu sitting room lamah a phei nghal daih a,



"Engmaw ka awihloh ang?"
Ti a kalo zawh chuan,



"Gym ah a kal nasa a, bakah, a hun âwl neih zawng zawng hi a taksa siam nan a hmang ani ber mai! Putara te anlo lan hun atan alo inpuahchah ni berin ka hria!"



Atih chuan kalo nui tâwi tak a, nuih erawh a za tak tak hauhlo thung! A thleng tawh dawnlo emaw ka tih hnu a jordana alo la inrâlrin zia ka hriat chuan ka hlauthawng thar leh a, awmngaihna ka hrelo mai dawn alawm le!



"Didi! Inlo kal ani maw? Khawnge casey!"



Kawmchâr lam kawngkhar atanga rawn luh pahin jordan chuan arawn ti lang lang a, a taksa kalo melh vat a, a sa a tha sâwt hle a, a fit teng tawng ang tih a rin theih mai bawk..



"Sitting room ah, lo va phei la!"



Tiin Lawmin alo chhâng thuai a, bu nghauh in a phei zui ve mai bawk a.



"Chaw chu... Ei nghal ru aw, inhmuhkhawm a khât emai!"



Tiin Lawmi bawk chuan min be zui sat sat a, caseya thu thu anih thu ka hrilh chuan a phun nâng nâng a, caseya thu duh zia hrechiangtu kha ani ve miau a..



"Naktuk chu, i picnic hluai teh ang u!!"



Thingpui no dawm chungin jordan-an arawn tih leh hluai a,


"Chutiang mai mai!"


Ti hluk tu chu ka rin ang ngei ngeiin casey ani...a duhloh zawng hi chu a pe na ve thei sia!


"A mai mailo aw Malsawmkim, kan picnic tur hi ani ringawt mai!"



Lawmin alo ti ve hlak a, kan pakhatpa erawh a tawng zui duh tawh dérlo a!



"Awi taka didi, thil hrilh tur che ka nei a! A zahthlak tehmai ania aw!"



Lawmi bawk chuan arawn ti leh hliai a, keiin kalo en vat a,


"Englo, nau ka pai a!"


Arawn tih chuan ka thu mar zawt a, ka lawmpui kher mai..


"Avan lawmawm em em ve! Chutiang te zahthlak an ti ngai emni?"


Kalo ti chúl a, a pum chu ka chul sak zui zat bawk a..



"Aaa, chutiang lam pawh anilo, englo, thla hnihna ani tawh a... Dan khatna khan kan innei ve bawk sia, a zahthlak alawm! thlakharmt chiah ania kan la inneih!"


Arawn tih leh chuan kalo íp chawih a, a hmaa ka sawi tawh ang bawk, dankhatna a innei te hi an thianghlim kherlo, a rah chu a langchhuak vat thin réng ani!



"A, lungngai suh, tuman an hre tak tak lovang, thlahnih chauh ala nih chu, a âwmlo em em chuang hleinem!"



Tiin kalo tawng thlamuan ve a, ni hram hram se ka tihpui takzet bawk..



"Chaw ei nghal ru aw, kan naupai lawmna angah ngai ula!"



Jordan-an alo ti ve bawk a, casey pawn a hnial ta biklo, hnial chi pawh ni ta lo chuan a!



Chaw kan han ei meuh chu sawi tur a tam zual emaw tih tur hi ani a, casey meuh pawh, amah ka hriat tirh atanga a tawng hnem ve ber tum anih ka ring hial ani!



Kan ei laklawh laiin caseya phone arawn ri a,



"Ka'n chhâng lawk ange aw!"


Tiin a tho nulh a, kan en thap vang chuan, "lo ei ru" tiin balcony lam a pan zui nghal a.



"Engtia awm zel nge in tum a? Nangni pahnih hi?"


Lawmin a chaw ei lai thulh meuhin arawn ti a, keiin ngaihsak loh hmel zetin lu kalo thin khum a, rilru erawh chuan a ngaihtuah thui viau ani!



Kan awmdan tur ka ngaihtuah chang apiang hian a thim khup a, hma hun hi kan nei ve pawhin ka hrelo hial thin!



"Dolly, kalchhuahna tur ka nei tlat mai, jordan, lo va thlah mai la, ka rei lutuk chu ka ringlo, ka thlenkhalh hman tho che u in ka ring a, ka tlâi deuh tâk leh kalo thlen hma chu lo awmpui rawh aw!"


Tiin kan chhanna pawh nghak eihlo in a chhuak zui a, mak ti tâwkin kan thlirliam ta thap anih kha!



"Hetah lo nghak zawk daih la, alo lam leh mai che anga!"



Lawmin a ti a, ka hrethiam tawh biklo, lo nghah ringawt chu a tihchi bik dawn emni le?



"Thupek a khauh emai, ka va thlah loh chuan, bawihi, nangmaha lo awm i hreh em?"



Jordan chuan lawmi thlék deuh zauh pahin a ti a,


"Aih, hrehlo e, a pawi hleinem!"


Alo tih zung zung avang chuan ka lawm kher mai!



Chaw eikham hnu pawh chuan rinaiin kan titi tui zék a, haw tura kan inpuahchah meuh chuan dar 8:00pm alo ri dér tawh a, Casey pawh in ah a awm tawh ngei ka ring a, minlo hauh loh hrâm ka beisei!



Jordan nen chuan kan inzui chhuak a, car kawngkhar min hawnsakin tawi té in min nuih a, kiai ve sakin ka thu lút zui tharh a,



"A cháng chuan, delhi kha ka ngai rum rum thin!"



Steering húm a hmalam melh ngur chung hian arawn ti chhuak hap a, ka melh nghal dâwrh bawk a, mahse, hmalam alo la en reng thung!



"I sawi awmzia ka manlo!"


Kalo ti ve tak nâ in, ka man takzet lawi a..



"I hriat kha didi, thlah che hi harsa ka la ti reng, mahse, min ring rawh, misual ka nilo ania, i hlim chuan engkim hi a tha vek!"



Tiin arawn hawi ve vut a, mahni inthiamlohna in ka khat nghal tun a, tháwk lák harsa ka ti kher mai..



Hetiang khawp hian ka chungah a ngilneiin a tha a, chuti chung chuan, casey ka la pan san tho ania! Ani ang tluka mi tha chungchuang hi an awm thei ngaiin ka ringlo!



"Inpa pawh a thleng dér tawh anih hmel!"



A tih sup rualin hma lam ka melh ve nghal thuai a, kan in (house) lo lang chu ka hmu vat a, Casey mai mai chu, tinge light a on that ve hle hle loh le?



Bati éng ang deuh hi choka tukverh atangin a lang a, a dang chu eng éng mah a awmlo..




He pa hian min surprise a tum chiang lutuk! Kual vel hian aw, engmah a tilo chung pawhin ka tan a hlu lutuk tih hi a hrelo emawni?



"ka man che ania aw! Min thrâwn thut i tum vel a!"



Ti lâng lâng chungin kawngkhar ka pawt hawng a, ka pén luh hma chiahin ka bânah vuan in min pawt lút rawk a, a kut chu! Caseya kut ani hauhlo!



"Didi! Tlanchhuak rawh!"


Jordan-an arawn tih rualin a ri dawt a, chhuata jordana thingthi hnawk chu ka hmu nghal zat bawk!



"Jordan?!! Tu te nge in nih?"



Ti tuar in min vawnna atâ chu tâlchhuah ka tum a, ka hlawhchham chiang lutuk tlat!



"Kan intawng leh ta maw?"



Rawn ti hriam hráih tu aw chu ka hailo chiang lutuk!



"Putar!"



Tiin ka phun sep a, rapthlak zeta a nui khâwk riin a zui nghal zat bawk a..



"I huaisen zia hi ka damchhung sawi a tling dawn anih hi!"



Ka sama tham láwp pahin min kuai dak dawrh a, bati éng hnuaiah chuan a hmel chhe zet chu a lang riai ruai a, ka râp takzet ani!!



"Bum hmang leh phatsantu! Nangnen pawh kan intawng leh ta!"



Tih leh jordana dula chhir a rual a, kei kalo tre chúl bawk!



"In thusawi hnuhnung ber tur in sawi ka phalsak ang che u!"



Nui ro hawk chungin putara bawk chuan arawn ti leh a..



"Hremhmunah kal rawh!"



Kalo tih that rualin,


"Kal hmasa la!"



Ti tuarin a chemte chu ka hnungzanga rawn vih tlang a tum a,



Chutih rual chiah in silai ri pawp thâwm arawn awm a, a rin(g) ém avangin ka beng a chhét lo chauh ani! ka hma a chemte rawn tla ri bawl chu a ngaihna hrelo zetin kalo melh a,



Chumi rual chiahin putara tré thâwm ka hre zawm zat bawk!



"i la dam maw??"



Mak tih hmel zeta putara hawina lam chu ka melh ve vat a, châr lam kawngkhar bula caseya lo ding reng ka hmuh rualin ka phu zawk a! Ka thla a muang nghal sawt thung!



"Chibai le! Keini pawh kan intawng leh ta putar!"



Kiai suk chunga caseyan arawn tih chuan sehchilh rap rap chungin putara chu a phun hluk a, a hmela thlâbarna rawn lang ve thung chu kalo hmuhhmaih lehpek hauhlo!



"Minlo bum char char a maw? Hah! Lo hre daih tawh tur hi ka nia, he mihring lâktlakloh lutukin min bum tih a puanzar ní khan, i thihna kha lo ringhlel daih tawh tur ka ni mawle!"



Thinrim zeta arawn tih leh chuan casey alo nui zui hawk a.



"A hma in min chétkhalh thin ani mahna! Tunah erawh ka chét khalh ve thung tlat mai che putar!"



Thamlo zetin alo ti ve sak a, chutah ka rinloh lutukin putara chu arawn nui leh hawk a!



"Han in en chiang teh! Nang chuan kha, i bialnu leh a thianpa te chauh lamtang inei a, keini chu pasarih kan ni thung! Chakna chan inring taka i tawng vel kha nakinah ila zahpui ange!"



Ti el tak hian putara chuan arawn ti leh a,



"Min chhiarsual anilo maw ka pu? Ka hnunga mihringte hi ilo hmuh hmaih palh anih ka va ring ve!"


Sír lama tawlh dat pah hian casey chuan alo ti ve a!



"Malsawmkim leh!"



Vawt ruiha putaran atih rualin caseya hnunglam chu ka en ve vat a, mipa panga, infit hmel zet zet hi anlo ding thap hlawm a, ka lawm lutuk chu ka tap thei mai dawn in ka hria!



An lam pana tlánphei ka tum chu thâwklehkhatah putara chuan minlo man bet nawlh a, ka tâl ve tak nâ in awmzia a awmlo kher mai!



"Thlah nghal rawh putar!!!"



Arawn ti tuar a, min vuan bet tu pa lah chuan a tum hmel bau silo!



"Eng chiah nge ka tih theih enchhin ve reng reng ila! i bána tattoo khan ka ta inih zia a lantir chiang viau in ka hria! i hmingchhala ka siam anih kha! I bialnu tereuhte ka thah chhung nge rei anga, i silai mu in ka chal dâr a thlen hun zawk hi le? enchhin ang hmiang"


Tiin chhuata a chemte tla chu a chhar vut a, ka hrawk arawn thíp zawk rualin silai a ri pawp a,



"Casey! I pa ani tih theihnghilh suh!!"



Tih ri in a zui nghal zat bawk a! A ngaihna ka hrelo takzet a! ka hrawk thip hlur leh ka lu hai deuh chhawlh vang chuan thâwk lak a harsa lam hret ani!



An phék buai luai luai a, na tuar tre thawm leh rum ngal ngal riin a zui bawk a, ka khaw hmuh fiahlo ruai ruai kârah chuan men(g) tumin theihtawp kalo chhuah ve mek bawk a..



*i pa anih kha* tih thu chu ka ngaihtuah ngut ngut a, ka natna hrechanglo léka min tibuaitu thil atan chuan thil te tham mai mai ani miau lo alawm!



"I tha em dolly! Putara kha chelh bet rawh michael!"



Ti a min rawn pawm nawlh tu chu casey ani! Ka theih ang tâwk in kalo kuah lét ve tawk tawk a,



"I tha leh vat ang tih ka tiam a che dolly! Jordan! Lo kal teh!"



Tiin thutthlengah min nghat a, jordana chu lo phei vatin min rawn bawihsawm thuai a, caseyan min kalsan a putara lam a pan rualin a èng uar a, chiang takin kan inhmu thei hlawm ta.



"A zai thuk hmanlo hlauh anih hi didi, i vannei khawp mai!"



Tiin Caseya lapaw/lapua rawn pék chuan thisen rawn luangthla chu a hru zung zung a,



"I hmaikawr hlip rawh!"



Casey-an atih mek laiin, jordan chuan,


"Damdawiinah ka hruai ang che!"



Tiin minlo be ve thung a,


"Aih, buaina a tawp hunah!"


Tiin casey leh putara te chu ka melh ve kar a, na ngut ngut angin a awmlo a, tawrh a hahdam phian a! tawrh hrehawm tak pawh nise kan buaina zawng zawng tawpna tur chu ka thlir tho vang..



"Ka sawi chu i hria em? I hmaikawr hlíp rawh!"


Putara melh ngur chungin casey chuan a ti leh fak a, keiin ka hrawk dawm vawng vawng chungin kalo melh ve reng a..



Putara chu che hrutin, a hmai chu a tuai puat a, ka hrethiam tawh biklo! A hmai chu a hlíp ti ila ka sawi dik ber ang!



A hmel chu hmana putara hmel kha ni tawhlo in, midang, mi zahawm tak hmelah a inthlak danglam daih!



Hmaikawr alo vuah char char thin a maw? Chu hmaikawr nen chuan thil tenawm tak tak alo ti thin tihna ani maw?



A hmel chu ka en a, ka en nawn leh thin a, ka hmuh tawh hnu a ang takzet ani!



Ka hria! Amah hi! Ka nu leh pa te album ka en châng hian, ka pa tleirawllai thlalak a tam thei em em a, chutah chuan a thianpa nena an lâkdunna a tam em em a! Chuan, a thianpa chu putara hi ani!



Ni e, hmanah khan, putara an man dawn khan, ka pa nen bestfriend annih thin thu a sawi tak kha! A tleirawllai hmel chu tun thlengin ala paih lova, a upa deuh hret tawh tih mai loh ah chuan!



"I pa ka nih hi MS! Min that dawnlo tih ka hria!"



Zahngaihna ngén mitmeng taka caseya a melh chuan kalo trim sawk a, putara hi?!! Caseya pa ani tak tak! Ka awih theilo hial zawk!



A pa nen maw heti khawpa an indo a, an nunna in lâksak anlo tum a?



"Ka pa inih thu hi i kâ atanga chhuak atan chuan a mawilo lam hret ani!"



Chang fek fawkin caseyan alo ti a, thaw chhuah hawkin putara chuan a fapa chu a melh ngur a!



"Tun a chinah eng thil sual mah ka ti tawh ngailo ang, tirawh!"



Caseyan chema tin rap pahin a ti hráwk a,



"Chu zawng, hremhmun ka thlen hunah le!"



Nui suk chungin alo tih san hmiah a! Kalo íp chawih thei hial ani!



"I bialnu saw then teh! Ka mo ni turin ka hmelma pa fanu saw ka duh hauhlo, i nu pawhin a pawm ka ringlo!"



Min ten hmel zeta min rawn melh chuan kalo tím hle a, caseya pa alo nih vang leh, a hmel danglam ta hlawk vang chuan a hmaa ka huatna kha an reh then ka tilo theilo!



"Nangpawh hi i nu ang chiah inih hi!"



Nuihsawh zeta a tih leh chuan "ngawi rawh!" Caseyan alo ti tuar a!



"I nu ang chiah! I nu ang chiaha laktlakloh inih hi!"



"Ngawi hmak rawh putar!!"



"Casey nilo!"



Tiin kalo au tuar a! Mahse ka tlai hman hret ani! Putara dul atanga chemte, thisen kai hnuang a phawi chhuah rualin a thaw hrâwk a,



"Kha kha ka nu rilru na taka i siam man! Kha kha ka tan! Kha kha dolly tan! Kha pawh, a nu leh pa te tan...Kha kha an nun i tihchhiat sak tâk zawng zawngte tan! Kha kha i thah tâk zawng zawngte thlarau tan!"



Tiin putara chu a vih zawm mawlh mawlh a, a thianpa in man beh tuma a beih pawhin awmzia a awmlo kher mai!



Kei kalo tapchhuak hawk thung a!



"Casey a tawk tawh!"



Tiin alamah ka tlanphei thuai a, ka hrawk páwn lam sahâl leh thip hlur vang chuan ka che hleithei meuh bawk silo!


"A tawk e! Inbengdai rawh, a tawk tawh e!"



Tiin a kâwngah ka pawmbet a, thimrim meng sen rúm chungin a thaw chhuak hráwih hrâwih bawk!



"A tawk e, phuba i la tawh, a tawk tawh casey!"



Tap pur chungin ka ti nawn leh a, chutah a inthlahdul riai riai a, ka lam rawn hawiin min kuahbet nghal hmiah a, a lungphu ri dawt dawt chu ka hre thei hial ani!



"Ani hi ka pa anih hi dolly!"


Nui ro halh chunga atih chuan ka lungchhe zual sauh a, a pa ber kan hmelma anih laia a thawpik thin dan turzia leh, kan laka a inthlahrun thin dan tur ka ngaihtuah a, ka khawngaih takzet ani!



"Casey, engkim a tha vek e, hahdam rawh, a tawp tawh, engkim a tawp vek tawh ania!"



Tiin kalo kuah nghet ve
salh a..



"Sawi rawh, nungdama la awm i duh chuan! Engtin nge kan chénna hmun hi in hriat?"



Jordan-an a tih khur khur tâkah chuan kan inthlah a, jordana te lam chu kan melh nghal thuai bawk a.




Putara guard pakhat chu jordan-an a kawr áwmah tham sakin a dawp hi alo nia!



"I sawi dawnlo a ang tlat! Ka that ve nghal law law teh ang che!"


Ti a thinrim zeta a thin leh nawk rualin chu pa chuan,



"Ka sawi ang! Ka hrilh ang che u!?"



Tiin hlauthawng takin kan lam chu arawn hawi a, caseya mitmeng, rum leh thíp lutuk a hmuh vang chuan a kun leh nghal chhel a.



"Hmeichhe pakhat ania, boss arawn hmu a, chu nu chuan, hei, hmeichhia hi thah a duh thu a sawi a, chuan, a awmna a hrilh bawk alawm!"



Tiin min rawn kawk a, a ngaihna ka hrelo kher mai! Chutiang chiahin ka thiante pawh chu an meng tang hrâ hlawm a..



"Aw! i thi kha! Khatiang chiah kha chu nu chuan a awrh ve!"



Tiin ka thi awrh lai chu arawn kawk leh a! Chutah zet zawng! A chiang ta...ka ring theilo ani!



Engvangin nge Anita chuan min thah a duh ang? He thi hi Vaphaia ka kal dawna ama min lei ngei, *engtikah mah phelh suh* ti a min awrhtir ngei kha ani a! Tin, amah pawhin a khingphel chu a awrh ve anih kha!



"Anita-i!"


Caseya melh kal pahin ka ti chhuak hap a, ani alo thaw hawk thung a!



"Dolly!"



Tiin min kuah nghal vut a, kei erawh ka khawng vek thungin ka hria!



Ka thiantha berin min phatsanna chu a pa a sunna ai chuan a nép hle ang tih ka hria! Mahse, na ka ti ve ém ani! Ka unaunu ang maia kalo ngaih thin khan min phatsan in, min thah hial alo duh chu ania!



"Kan zalen tawh dolly, i duh duh ti turin dikna inei tawh a, tualthattu fapa leh amah tualthattu ve tho pawh chu kalsan i duh chuan! Ka hrethiam che!"



Tiin min melh rún a, a mitmengah erawh na a tuar ani tih ka hrethei ani!



"Ka hmangaih che!"



Tiin kalo chhang tawp a, thudang sawibelh chiam a ngaiin ka hrelo! Ka hmangaih a, ka hmangaih reng dawn bawk ani lawmni?



"I hliam kha damdawiinah kan kalpui vat loh chuan a pún mai ang tih a hlauhawm!"



Jordan-an arawn ti a, inthlahin casey chuan min nuih suk a..



"A ruang hi phúm ula, midangho erawh, an harh hunah anmahni in lam theuh pan tura hrilh in, an zalen tawh in hrilh dawn nia"



Tiin min kai dat dat a...



(like leh comments kha minlo pek thar sak hram hram ula😥)


End of chapter - 27

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:08 pm

*Casey's Secrets*
(ilefi imoz)
chapter - 28



*Casey Malsawmkima pov*



"casey, sawti sawn kan chhuah ringawt dawn maw? nakinah kan tan an la hlauhawm ange!"



jordan chuan arawn ti a, keiin lu kalo thin khum nghut a,



"putara a awmloh chuan an zalen tihna ani mai, an hlauhawmloh jordan, tun atan chuan thildang buaipui thei kan nilo, dolly hi damdawiinah kan kalpui hmasak phawt angai!"



tiin motor kawngkhar ka hawng pawp a, jordan pawh chuan min chhâng zui tawhlo in driver seat lam chu a pan ve nghal zat a.



"hlauthawng suh engkim a tha vek ang dolly, i dam dawn ania!"



tiin dolly meng dul raih chu ka be mawlh mawlh a, a chau takzet tih ka hria a, chuvanga biak harh tum lui tlat ka ni rěng bawk!



"ka na hleinem, engtinmah ka awmlo!"



ka áwm zawna rawn ti hap tu chuan dawt a sawi chiang lutuk tih ka hria! a hrawk kha ka en mai pawhin a kak thui hman tih ka hria a, hei chen ngawi renga a lo tuar thei pawh hi thil mak tak ani a, dolly tawrhchhel zia ka hriat chian phah ani!




putara ho te kha an hlauhawm tawhlo tih ka chiang a, a chhan chu, putara pui a, a báwih a an tán nachhan chu putara pawisa tam tham tak an bat hlawm vang vek ani!



a fing em em a, pawisa tam tham tak puk tir in an rulh zawh loh tur khawpa tam a pe thin a, an ba rulh nan chuan an damchhunga a rawng an bawl sak a ngai tawh thin!



tunah chuan amah ber a thi tawh a, a thuihhruai te chu an saltánna ata an zalen ta a! an lawm viau zawk ang tih ka hria ani..



"tlan chak teh jordan!"



ka ti hluk a, ka rilru hmanhmawh ut ut vang chuan ka teu hlur tawh mai! dolly hian a tawngtheihna a chán mai ang tih ka hlauhpui takzet a, chuvang chuan a rangthei ang bera damdawiin thlenpui chu ka duh ani..




"hlauthawng suh casey, ka tha lutuk alawm!"


ro halh a ka áwma bei kèk in arawn tih leh chuan kalo thaw hawk ringawt a, a chau tawhin a tawng hleithei tawhlo tih ka hria.. mahse amah hian ka mangan zia hi a hrethiamlo nge ni a, a hre duhlo zawk le?



hmeichhe lainatawm tak, a hun neih zawng zawng tih theih deuhthaw rilru na tak chunga hmangral a, mihringin a huntawn rapthlak theih ang ber tawng chho vek tu hmeichhia hian min thlah pawh tum mahse, ka vuan reng tawh dawn tih hi ka chiang ani!



"emergency!"


ti tuarin damdawiin chhungah chuan dolly pawm chungin ka tlanpui hlawk hlawk a, ka hnungah jordan-an min rawn zui bawk..



"kan zai nghal a ngaih ka ring, a chhûng lam a khawih tel deuh a!"



doctor in alo tih chuan ka in hûmruh ngawt ngawt a,


"a chhungte i ko thei em?"


tiin min rawn melh haw a, lu thing nghut chungin,


"chhungte a mamawh lo, a pasal ka nih hi!"



ka lo ti that a! ngaihthat loh hmel zeta min rawn melh leh chuan thinrim hmai sen rûm chungin kalo melh let ngur a!


"awle, minute 5 hnu ah kan tan ang!"



tiin min kalsan a, chumi chhung lek pawh chu a rei ka va ti si em!



jordan-an ka dárah vuan in hlauthawnglo turin min fuih ve bawk a, mihringte kan in tawng thlamuanna mai mai awmzia hi chu ka hre ve tawh alawm! ka rilru hmanhmawh ut ut leh chhunglama min tur ut ut tu chuan min kiansan phah lo takzet ani..



*Hmangaihzuali pov*



"casey"



tiin ka phun sep a, èng de riai riai ka hmu zat bawk a, a chiang tulh tulh a, ka awmna pawh damdawiin ani tih ka hre thei ta..



"dolly, i harh tawh emni?"


ka kut vuana rawn ti tu vang chuan ka thaw huai a, amah casey ngei ani!



"min hmu thei em?"


ti a ka mit záwna a bán arawn vai chuan kalo nui hak a, chutih ruala ka hrawk thip zawk vang chuan ka tawp rang kher mai..



"ka va lawm em dolly, min ti mangang tawh hauh suh!"


thaw hawk chungin casey chuan arawn ti leh a,


"ka..ka tha lawm!"


tiin kalo chháng ve bawk a, ka hrawk bawk chu ani, engemaw hian pawt tlat ta se, chutiang vel chuan a awm a, ka then nghal chak chak mai..



"khawnge jordan? a tha em?"


ti a kalo zawh chuan lu min buk khum zauh a, ka thaw huai e, a nupui leh a fa, lo piang mai tawh tur te tan khan a damchhuah ngei ngei angai a!



"damdawiin ah hian ka awm rei tawh em?"


ka ti thám deuh tiak a,


"ni thum! dolly, ka mangan zia i hria em? ka venghim zo leh peklo ta che emaw ka tia!"


tiin ka chalah arawn fawp vang vang a, keiin ngawi rengin kalo dawh tawp a, thu tam tak sawilo mahse min ngaihsak zia chu chetzia in a lantir a, chu aia hlu ka tan a awm chuanglo!




👣👣

(kal leh puat ang)



Damdawiin atanga kan chhuah ni chuan hotel lam min panpui a, mak ka ti! ngati nge a inah min hruai loh le tih ka ngaihtuah chhungin hotel kawt kanlo thleng der tawh a.



"i hotel hi a hming thlák daih ang!"



ka tih chuan min rawn melh vut a, kei kalo nui hak thung..



"hotel hian hming put chhan pahnih anei asin!"


arawn tih chuan, "sawi la". kalo ti thuai a,


"ka hruai hmasak ber tum che kha ila hria em? kha mi hmâ chiah nî khan hotel hi kan tlangzarh a, anih leh hotel hming hmasa kha ila hre reng reng em?"



ti a min zawh chuan rang takin,


"TRT hotel anih kha, ka thawh ve chhung zawng pawh khan khami hming kha a pu char char a!"



tiin kalo chhâng thuai a, kiai suk chungin lu alo bu zauh a,


"TRT lam pum kha enge anih i hre reng reng em?"


ti a min lo zawh leh chuan lu kalo thing vak a,


"i hriat ka ringlo rěng ah!"


ti supin motor kawngkhar a hawng a, a chhuak zui vut a, motor chu kal hualin kawngkhar min rawn hawn sak nghal thuai a, a kut rawn pharchhuah chu vuan in kalo chhuak ve mai a.


"a lam pum chu min hrilh i tum em?"


kalo tih leh hrám chuan ding datin hotel chu a thlîr vang vang a,



"ho tê, ril zet mawle dolly, *dolly* tih hming i pu tih ka hriat hmaa ka koh dan che!"


nui hak chunga alo tih chuan a ngaihna hrelo zetin ka melh leh hâw a,



"TeReuhTe tihna mai mawle dolly! ka rilru a i tlâk nat rei tawh zia hi! khatih lai kha chuan ka thuruk kha ini thin a, i hriat hlau tak chung khan ka vei che a, chuan, i hriatlohin i hming chu he hotelah hian ka thukru ta alawml!"


tiin ka darah min kuah salh a, tereuhte tihna maw? chu pawh keimah! tunah lah, hotel dolly tiin a hming a thlak a, keimah behchhan tho ala ni zui a!



"ka lawm e casey!"


tiin a káwngah ka kuah lět ve salh a, hman atang khan ani chuan minlo duh tawh tihna ania! a thlamuanthlak ka ti ani!



"mahse maw casey, i hotel hi a hming thlák leh daih ka van duh!"


melh chho háw chungin kalo ti leh hrám a,


"engtin nge kan thlak anga dolly, tihian a nalh tawk viau in kei chuan kalo hria a!"



tiin min rawn melh lět ve nghal vut a.. kei chuan,


"i nuna i thuruk i vawnthatna, thuruk tamtak nei chunga i din leh i enkawl he hotel hian, *Casey's Secrets* tih hming pu ta se, engkim a kim vek dawn asin!"



kalo ti a, kiai suk chunga lungchim zeta min melhna chu tawrh harsa khawpin kalo dawngsawng a, tawng leh ka tum laiin ka hmui arawn chhilh hmiah a, nam sawn ka duh nen, ka che thei der lo thung!



"kan va in pháwk nasa lulai ve leh!"



nui hawk chunga rawn ti tu vang chuan rang lutukin casey chu ka nam dawt a, kan inthlah rualin a hma aia nasa hian jordan chu arawn nui leh hawk a..



"khawlai em em ah chuan zahngai ve deuh ula mawle, a zialo emai!"


nui leh ruh ruh chunga min kalpel in a ti leh hrám a, ka zak lutuk chu ka sen awp awp thei hial in ka ring ani!


"monday ah shillongah kan kal anga, tih tur kan ngah in ka ring, i nu leh pa te thlán pawh i tlawh duh anga, tin, ka nu min hmuhpui bawk anga!"


tiin ka bán arawn vuan a, hotel lam panin min kai dat dat a, ka lungphu erawh a phu dawt dawt ani ber mai!


ka rinloh taka ka nu leh pa te minlo hriatreng sak vang in ka lawm em em a, kalo beisei ngai hauh loh thil ani miau a! chu ai maha ka rilru tibuaitu zawk chu a nu hmu tura min hruai tur chu ani!


Putara khan engtin nge caseya hnenah khan a sawi kha(h)? a nu chuan min lo pawm a rinloh thu a sawi anih kha! a hun a thlen hma hma in kalo zám a, minlo hnawl mai ang tih ka hlauhna chu nasa tak ani!



hotela kan luh chuan hnathawk ho chuan hlim takin minlo be siam siam a, ka rin anglo taka caseya an kalpel leh, mak tih hmel map loh a an be vel te chuan ka mak tih anlo tling leh em em a..



"casey, ila dam tih an hre tawh hlawm emni? mak an van tilo hlawm che ve!"

tiin ka zawt a, office kawngkhar hawng chungin anui hak a, mak kalo ti kher mai..



"damdawiina i awm lai khan ka va inlan tawh alawm dolly, a tirah chuan mak an tia, mahse hei, tunah chuan ngáiah min neih leh tawh anih hi"



tiin min rawn hnaihchilh nghal ruak a, kawngkhar ka khar hman hlauh a tuman min hmu hmanlo èm ang chu maw!



ka ngháwng zawna a tháwk lum hiam hiam tákah chuan chhunglam atangin min tur ut ut a, insum a harsa leh dawn mange! mahse, a tawp min thlenpui dawnlo ani tih ka hria a, ka rinna zawng zawng amah ah hian a awm tawh miau ani!



👣👣



Shillong kan thleng a, an in a min hruai tlang nghal a tum chuan kalo duh biklo..


"casey, kan la innei bawk silo a, kan inah ka haw ve phawt anga, chuan, engtikah emaw i nu hmu tur chuan kalo kal leh dawn nia!"



tiin kalo hnial ve tlat a,


"dolly, ka inchhung chu i inchhung ani ve tawh mai lovemni?"


arawn tih chuan nasa zetin lu kalo thin khum a,

"kan inneih hunah chuan ni dawn e, mahse tunah chuan kan la innei lova, ka haw ve phawt anga, chuan, kan la ngaihtuah leh dawn alawm!"



ti a kalo hnial leh chuan a ngaihdan anih hmel tawhloh hle a, sumo stand a lo awm ve midang ho chuan min melh hrak hrak hlawm a,



"zanah kalo leng ang, nangmah chauhin i awm dawn a, fimkhur ang che!"


tiin ka chalah arawn fawp zauh a, ka lawm kher mai, Caseya ka duh em em nachhan chu ka ngaihdan min zah sak thiam thei lutuk hi ani..



"anih leh ka kal dawn ania aw dolly, in enkawl tha la!"


tiin bân min vai khum zauh a, nui var var chungin kalo vai let ve thuai bawk a..



sumo stand atangin kan in(house) a hla lova, ke in ka kal phei mai a, minute nga vel chauh ka kal, kan kawt zawl kalo thleng der tawh a!



gate a inkalh lova, kawngkhar a inhawng bawk a! ka ni te emaw, nupuii te emaw in anlo thianfai anih ka ring a, an hmuh ah inlan ka duhloh avangin ka tawlh kir leh rih a, ni e, tun atan chuan ka chhungte ho hi ka la hmu ngam ngang lo ani! engtikah mah ka hmu ngam dawnlo te pawh ani mahna le!




thui lo tě ka kal hnu in Caseya nena kan intawnna piahna zu dawr tereuhte kha ka thleng a, alo la danglamlo! chhûnlai mah nise anlo zi nuaih nuaih tho a, ka lung an ti lěng kher mai!



amah nena kan intawnna kawr ruam chunga thutna an siam pawh kha alo la awm a, ka pan phei thuai a, ka lung a leng thar takzet ani..



kha tih lai kha chuan rilru na tak chungin zu no kha ka dawm ve rán a, ka ruih em em zia te kha aw! Lallawmkima vanga ka natna te kha an rawn kir leh ni mai hian ka hria a, a hunlai kha ka ngai ngái hian ka ringlo!



mahse ka ngai ani! khatihlai kha chuan ka nu leh pa te kha he khawvelah hian anla awm ve a! tin, na tak tuar chung pawh khan nula virgin ngat kha ka la ni ve bawk!


tunah chuan hlimna nen he hmunah hian awm mahila, chhungrila lungchhiatna hi keima lakah ngei chuan ka thup zo der mai silo a!




thil tamtak ngaihtuaha ka rilru ka sěn chhungin nî alo tla fel der tawh a, sana ka en chuan tlai lam dar 4 alo pel fel vek tawh!




kan inah pawh tumah an awm tawhin ka ringlo a, rang taka tho in kan in lam chu ka pan thuai a..



mahse! inchhung atanga tháwm rawn ri hak vang chuan ka ding dawt a!



"Jason! fimkhur rawh, i tlu palh ange!"


nu pakhatin a tih làng láng ri ka hriat rualin kawngkhar arawn inhawng dat a, mipa naupang tetakte hi nui har har chungin arawn tlánchhuak a, a hnungah a nu ni âwm tak hian arawn um ve zel bawk a...




gate bula ngawi renga ka ding min hmuh rualin a nu chu a ding ve nghal chawt a, ngaihthatloh hmel taka min rawn pan lai chuan chět mai nachang pawh kalo hrelo!



"minlo hrethiam teh thiannu, mamawh inei emni?"



hawihhawm taka arawn tih chuan ka harh zawk a, ka hmaah alo ding reng tawh!

"englo, he in hi, a nei tu te ka hmu duh a!"



thu khuh deuh takin kalo ti sep a,


"keimahni hi a neitute chu kan nia!"



mak tih hmel zeta arawn tih chuan kalo meng phar awn awn a, kan in hi engvanga an ta ni ta daih nge anih ka hrethiamlo!



"thil hriatsual palh a awm anilo maw? he in hi kan ta ania!"



kalo ti bah niaih a,



"min hrethiam la, i hresual zawk anih ka va ring ve, thla thum kalta khan pu Rodingliana kut atangin kan lei alawm!"



tiin min melh vang vang a, ka thinlung nghawr dawt chu alo hriat phâk ve ka ring hial ani! tunah khan ka nî pasal hming ngei a sawi miau ani!



"ahh... ni e, ka hresual anih ka ring, ka kal phawt mai ang!"



ti bah niaih chungin ka inher a, ka mittui rawn hnám tiam tiam chu tuai puatin keima in ngei chu ka kalsan ta a!



kawngkawi ka thlen chuan ka thu hnawk a, ka rilru ana ani! chhia leh tha ka hriat hma atanga kalo chèn na ngei kha midangin anmahni ta anih thu min hrilh ania!




ka nî te chuan eng rilru pu in nge an hralh ang le tih ka ngaihtuah a, ka thimrim hlur a, ka thin a thîp tùk bawk! Vaphaia ka kal dawn khan anmahni ngeiin kan in chu a him tur thu min hrilh a, kumkhat ěm pawh ka awmbo hma in anlo tiral leh mai amaw?




Caseya ka call nghal a, a lák rual rualin kalo tah khum vak a, ka insum theihna bang a chim miau ani!



"dolly, engthil phiangsen nge i chungah thleng a?"



arawn tih hráwk chuan ka lungchhe zual sauh a, ka tap uar sauh bawk a..



"casey, in(house) ka nei tawhlo! ka..."



sawi zawm theilo in ka insùt leh nghal hráwih a, ka dang sa hut hut vang chuan chil lem takngial pawh harsa tak ani!



"kalo kal dawn dolly, khawiah nge i awm sawi teh!"


tiin a thaw chhuak hráwih a, kan in bula ka awm thu ka hrilh chuan arawn kal nghal tur thu sawi ve zatin phone a dah nghal a..



a rawn thang reilo, a car tháwm ka hriat avangin ka hawichhuak vat a, thinrim hmel zeta rawn chhukin min rawn pan nghat vut a..



"dolly!"



tiin min pawt tho a, a áwmah amah si chètin min kuahbet nghal rawk a, ka tap zo thei meuhlo! ka baw chhuak leh hawk a, ka thin tawt lutuk chu tihreh ka tum ni ber hian ka hre tawh ani!


"tunge?"



ati hluk a, a tawngkam chu bul viau mahse min ngaihsakna a lang tel a, chuvang ngawt pawh chuan ka thla amuang ani!



"ka nî pasal hnen atanga an lei thu an sawi a!"



insut feih feih/ faih faih chunga kalo tih chuan a thaw hak a,


"sawifel angai anih chu"


tiin min pawm láwp a, motorah min nghatin a khalhchhuak zui nghal zat bawk a...



a tirah kha chuan, ka chhungte hmu lovin kan inah khan ka awm char char anga, amah casey-an inneih a duh hunah kan innei ve tawp bawk anga, chhungkaw thar din in mualpho taka ka siam ka chhungkua te tibuai lovin ka damchhung hun ka hmangral ang kalo ti a!



mahse, hetiang boruak teh hrep kárah hi chuan ngawi bo mai lova engkim chinfel ka duh tawh zawk ani!



"kan thleng e!"



tiin motor a tiding a, kan hmaa in lianpui ding chu naupangtè ka nihlai atang tawha ngampa taka ka chèt tlat ve fo na, ka nî te in ngei ani!



"hlauthawng suh aw, i kiangah ka awm ania!"



tiin ka kut a hum vang vang a, thaw chhuak hak in amah chu ka en a, keimah ang tho in helhkam lian tak anei ve tih ka hria!



"kal ila!"


ti a phun sep in ka kut a vawnna chu ka la sawn a, kawngkhar hawngin ka pènchhuak ta zal zal a..



ani pawh arawn chhuak ve nghal zat a, ka sirah ding in min kuah leh vang vang phawt a, ka rilru no a chhuak leh ang tih hlau takin in(house) lam pan chuan ka phei pui nghal thuai a...



doorbell ka hmeh hma hma in aman min hmeh khalh a, thaw hak chungin kawngkhar minlo hawnsak hun chu ka lo ngaichâng rân a...



"lo lut rawh u!"


ti a kawngkhar rawn hawngtu chu ka hmelhriat ngai anilo! a hmaa an awmpui thin chu u siamtei ani a, tunah anlo thlâk tawh ani ngei ang..



"midang an awm em?"


kalo ti hap a, "awm e, lo lut rawh u!" ti a kawng minlo ken/kian chuan caseyan ka bân vuan in min luhpui nghal thuai a..



sittiing room lamah min hruaiphei zel a, ka thinphu dawt dawt vang chuan ngaihtuahna a tawi tàk a, hrehawm khawpin ka hrawk a thîp hlur bawk si!



"pu..hei inleng innei a.."



ti in sitting room sofa a ka ni leh pu ro-a te lo thu chu a au zui a..



"tute nge ni a? an va..."


ka niin a ti hluai a, min hmuh thut vang chuan a thusawi pawh sawi zo theilo in arawn ding nghal hluai a! a mitmeng danglam hlawk pawh chu hmuh hmaih a harsa hlè!



"nang maw?"


chang faka pu ro-an arawn tih chuan ka thaw chhuak hak a, a hma kha chuan duat taka min ko in, keh thei dawm khan min dawm thin a, tunah erawh, ava danglam ta si ve!



"kan in(house) saw inlo hralh daih a!"


tiin ka kun deuh láp a, chutih rual chiahin casey chuan min rawn hnaih nghal hrut a, ka darah min kuah nghal hmiah mai bawk a.



"chhuak teh u! hmangaihzual kan mamawhlo nasa che ania! nang, KS! mipa hrang hrang mutpuia fawr kual pui thin! i nihna hi kan hai hauh hleinem..


KS in a chhawm kual mai mai atan ka u te in(house) saw ka phal hauhlo! chuvang chuan engmah sawibuai lovin, chhuak teh u, i hmel pawh hi kan hmu peihlo e!"



ka ni chuan ati phiar phiar a, a sawi chhung zawng chuan tháwk ka la em tih pawh ka hrelo!



ni e heihi ka lo rindan ang chiah kha ni tho mahse, ataka alo thlen meuh chuan, chhungte hnawl nih chu a mi deh dan a dang zar tho ani!



"saw in saw ka in anih saww!"


tap lek leka kalo tih leh chuan a bán a vai thuak a,



"ti teh suh khai, i nu leh pa te an dam lai pawhin, rilru hah taka siam bak thiam ineih ngai loh kha! tun a taka in(house) te irawn beisei vei ni! kha, pasal te i ûm ani hial lo maw? tenawm lutuk, engtikah mah i chang lul lo ange! chhuak vat teh u!"


tiin minlo hnial leh zung zung a, ka rilru ana! a na vawng vawng ani! ka thlavang hauh a, ka lamtang atana ka duh ber ka chhungkua ten min hnawl anih chu!



"i ti lutuk mah mah deuh lo maw ka pi? nge ni a a tir atang khan saw in(house) saw neih tumin i rilru ilo sěng rán tawh zawk?"



caseyan alo tih ve chuan,


"ngawi hmak rawh nang kha! chhungkaw thilah pawnlam mi lo inrawlh ve hlek suh! tu nge inih ka hria che! kha mi tenawm tak fapa kha ini! zuali pa pawhin a duhloh zia che kan hre vek a, anmahni an thih hnu ah pawh an fanu chu bumin, nupui atan ila nei fan ani maw?"



ka ni bawk chuan arawn ti leh phiar phiar a, lo in humruh ngawt ngawt bák tih theih ka neilo! che turin chakna ka nei miau silo a!



"pawnlam mi ka nihna ka hrelo e! a chhungte, a chhiatna tur ringawt ngaihtuah a hmanhlel ho ai chuan, kei pawnlam mî kiangah hian cheng sela, a hlim rei zawk ang!



ka pi, tun atang chuan zuali hi kalo enkawl ve tawh ange, a chhungkua pawh keimah chauh ka ni tawh ang! nangni chu a nun hmasa a a chhungte lo ni tawh thin chauh inni tawh ang!"



tiin casey chuan ka bán arawn vuana, engmah ka sawi hman hma in pawn lamah min kaichhuak nghal dawt dawt a, tap turin ka mittui a hul a, ka thinlung erawh a rùm vawng vawng lawi si!



"hahdam rawh dolly, ka kiangah i awm anga, i dam ang, i hlutna hrethiam pha lo te tana hlut tum luih tlat a ngaihna a awmlo a, keimah ah erawh i thih hnu thleng i hlu reng ang!"



ka chala fawp vang vang chungin a ti a, ka la tap thei ta chuanglo! mahse, tun atang chuan amah hi Ka chhungkaw neihchhun ani tawh anga, ka inchhir bawk heklo ang!



(nizan ang tho khan tam tawkkkin comments leh ru aw😘)


end of chapter - 28

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:09 pm

*Casey's Secrets*
chapter - 29
(ilefi imoz)



"dolly, ka sawi chu i hria em? a chiang tawk tiraw? he khawvelah hian tumah midang kan mamawhlo, kan pahniha kan awm a, nang leh kei kan nih chhung chuan, kan hlim ang! ka tiam a che!"




tiin ka bianga mittui luang ngiah ngiah chu min hruk hul sak a, bu nghat chungin kalo nui lui hap a, ni e, duhthlanna ka siam ah hian ka inchhir loh ka beisei!



"ka hruai haw ang che"


tiin motor kawngkhar min hawnsak a, thaw chhuak leh hawkin ka thu lût a, ani pawh motor kal hualin driver seat ah arawn thu lut ve a, a mi uap na zet hi ngái ah ka neih thei ngai dawnlo anih hi..




kan tlán zel a, sana ka en chuan zan dar ruk alo ri thuak tawh a, an in a min hruai dawn avangin ka zámchhe hle bawk.. anu chuan minlo duhlo ta se, minlo hnawl ta tlat sela, engmah sawi theih ka nei dawn miahlo ania!


"hahdam teh!"


ti a ka kut arawn vawn rualin mit kalo chhing zui vang vang a, ka hringnun hman dan buaichuar lutuk leh rapthlak lutuk hi tlánchhiatsan daih theih ni se ka ti!



midangte awm ve miahlohna hmunah kei leh amah nen chauh hian khawsa ila, kan pahnih chauh kan nih chuan engkim a dik vek awm sia!



"dolly, kan thleng ania!"



arawn tih chuan ka meng chhuak hlawl a, in vâr lian zet kawtah kanlo ding reng tawh tih ka hriat chuan ka thaw zui hak a, amah ka va en chuan hahdam tura min hrilh ni awm tak hian lu minlo buk khum zauh a, mahse a hmelah hian engemaw helhkam lian tak anei tlat in ka hria a, enge ni ang tih erawh ka hre chuang hauhlo!


"lo kal rawh le, kan in(house) ah kalo lawm a che dolly, tun atang chuan he in hi i ta ani ve tawh a, inthlahrung hauh lovin awm rawh aw, ka ta inih chuan ka engkim hi i ta vek ani ve ania!"


tiin min rawn fawp zauh a, ka sawi thin a, ka sawi nawn leh tho ang, a kiangah hian ka thlamuang takzet zet ani! ka hlauhna leh ka zahna ten min kiansan a, a ta ang ah ka inngai hmiah tawh bawk ani!



motor atanga chhuakin an in lam chu kan pan dun a, gate a inkalh! a nu a awmlo maw?


"casey! i nu a awmlo maw?"


tiin mak ti zet hian ka zawt a, ani chuan rûm nghut chungin,


"naktuk zingah hmu turin kan kal dawn nia dolly, tunah chuan khua a thim tawh sia, naktukah chiangkuang taka inhmelhriattir che u ka duh a!"



tiin gate arawn hawng a, a awmzia ka man chiahlo! heihi an in pui ani lovemni? nge ni a casey-an ama pualin in(house) anei leh tho zawk le?


"ngaihtuah thui lutuk lo la dolly!"


tiin ka chalah arawn fawp vang vang a, ka kut vuan in tualzawl chu min panpui a, mahni in thleng ta ang riakah ka in chan a, ngaihngamna ka neih ruk hi a chhan ka hre mai lo! ka mipa hmangaih tak tana ka nun ve tawh dawn vang pawh ani mahna le!



"welcome home dolly!"


ti a phun sup chungin inchhungah chuan min kailut a, ka rin ang chiahin a chhung chu ropui tak ani!



ceiling ringawt pawh en ngawt ngawt tham hi ani a, a thianghlim in a felfai thlup mai bawk si a!



"chaw ei la, kan mu dawn nia, i chau ve tho in ka ring.."


tiin min melh vut a, keiin lu kalo thing nghat a, "chaw ka ei peihlo, ka intifai anga, kan mu dawn nia" kalo tih chuan a chek hluk a,


"dolly, a pâwng ataka chaw nghei loh tur, chhěte tal ei rawh" tiin ka darah arawn vuan dat a,



"casey, ka ril a tamlo, chu lo ah, chaw ka ei chaklo bawk a!"


tiin lu kalo thing vak vak a.


"anih chuan inbual la, kan mu dawn nia, rei suh aw dolly.."


tiin ka chal arawn fawp zauh a, ka sawi kha, ka ngaihdan hi min zah sak tlat thin, ka tana a special na em em ani bawk..



tui hit thlar in ka taksa a deh rual chuan ngaihtuahna a cháwl nghal dûk a, chutih rualin thil pakhatah chauh ka in concentrate lawi a!



ka hringnun zinkawng zawng zawng kha! casey nen kan intawn dan ho lam lutuk kha ngaihtuah chhuakin ka nui hak a, ho lam tě mah nise hei, tunah chuan kan nghet tawh takzet thung a!



ani hi ka hmelma kumhlun tur anih laiin engvanga hmangaih tlat nge ka nih ka hrethiam lova, mahse, ka thinlungin duh taka a pawm awmchhun chu amah hi ani tih ka hre chiang viau thung!



"dolly, i tha em?"



bathroom kawngkhar rawn kik dat dat chunga arawn tih chuan ka harh zawk a,



"aw ka tha casey, minute khat aw!"



tiin bathtub ka chhuahsan thuai a, in tleuhfai thuak thuakin bathrobe nen ka chhuak nghal zat a... bathroom kawngkhar biang vuana alo din reng vang chuan ka tîm deuh dai a, kiai suk chung hian a lamah min pawt hnai nghal hráwk bawk!



"chiangkuang taka kan inneih hun atan ka la khěk rih ang, mahse, a laihawl erawh thlenpui che ka tum tho ania dolly!"



ti thám truak in khum lamah min pawm phei nawlh a, min bawh bet nghal run bawk a.



(Amen, skip skip skip😂)



thaw halh halh chungin a taksa chungah ka bei thlap a, a áwm thlan hlap chuan tun maia kan thlen chin kha a hril chiang viau in ka hria!



"dolly, thil ka zawt ang che!"


arawn tih sup chuan, "um..min zawt la" tiin kalo chháng thuai a.


"putara...hmm. ka pa ka that kha min dem em?"


a ti a, kalo chhing sawk mai, chutiang kher chu min zawh kalo ringlo asin mawle..


"dolly, thudik sawi la, dawt ka duhlo ania aw!"



arawn tih leh tákah chuan thaw chhuak hap in..


"casey, dik tak chuan, Lawmkima vang khan ka pa kha ka hua a, a hnu ah nangmah vangin ka haw leh em em bawk a, mahse ka pa kha ka pa anihna a bo chuanglo a!


vawikhat ka tihsual tawh avangin nangmah vanga ka pa ka huat nawn leh lai pawh khan nang leh ka pa ah khan duhthlan tur awm ta se, ka pa kha ka thlan tawh ngei ka ring! ka hmangaih loh vang che ani miahlo ania aw..


i pa kha misual tak ani pawh ani mahna, mahse, a nunna i láksak duh em em kha chu ka ring lova!"



kalo ti ta sep a, chutah thaw hráwkin min kuah vawng vawng a, a nghet lutuk mah mah tep ani!!



"dolly, naktukah chuan i rilru i thlák ngei ka beisei! ka nun hi nun nuam tak ani miahlo tih min hriatpui tiraw? chuan, ka thiltih ah khan ka inchhir ka ringlo bawk, i hrethiam thuai ang dolly, tunah chuan mutthilh phawt kan ngai a, zingah engkim ka hrilh ang che!"



tiin ka dárah a khabe a nghat dat a, a chhing zui ani ngei ang, a tawng zui tawhlo, keipawhin hmalam hun tam tak thlîr chungin mit ka chhing zui ve ta vang vang a..




zinga ka harh chuan ni zungin ka hmai alo chhun ěng iar tawh a, ka sîr lam ka dap rak rak a, a lo awm tawhlo, a tho tawh anih ngei ka ring a, peihlo zetin ka mengchhuak ve ta nge nge a..



bathroom ah lutin ka intleuh fai zung zung a, inhnuai lamah ka chhuk nghal thuai a, choka lam ni áwm taka ka hriatah chuan kalin ka pen phei zel a.



"i nu in hmu tawh em?"


choka atanga hmeichhe aw in arawn tih chuan ka ding dat a, tunge? nutling aw ani chuan ka hria a, mahse tunge ni ang?



"amah rawn thochhuak phawt sela, nakinah kan hmu lang chu!"


ti a caseya phun sup chu ka hre zawm leh zat a,


"a that hlauh chu, tlai lamah chaw rawn ei phei ula, kanlo beisei ang che u!"


hmeichhia in a tih leh rualin ka lam pana pen ri khap khap ka hre zui a, kan intawk chhunzawm nghal zat bawk!



"awi aw, zuali! ilo tho tawh ani maw? MSa nî hi ka nia! ka hmu che chu ka va lawm em!"



tiin min rawn kuah thak a, ka rinloh dan lutuk anih avang chuan kalo phu zawk hial ani!


"i dam em?"


kalo ti ve sep a, ka hnuk a ulh lek lek bawk! ka chhungte ngei pawhin min duhlo a, mahse, caseya nî erawh chuan! sawi zawm lo zawk teh ang..



"ka dam alawm, tlai ah chaw lo ei ula aw, chhûn lam erawh hun áwl kan pe ang che u!"



nui var var chunga tiin min chhuhsan nghal a, ka thaw chhuak hawk thei hial ani! a kianga awm kha a hahdamthlak hmel lutuk a, nu zaidam tak ani ang tih ka ring thiam nghal mai bawk..



"ilo tho tawh maw, coffee in phawt la!"



choka a ka luh rualin apron nen casey chuan alo ti var var a, ka nuih a za lek lek zawk! mipa tam takin an tih duh miahloh tur thil hi a ti ta zauh zauh mai! mahse ka tan chuan mipa sáng tam tak ai in a lět in a pa zawk fě tho!



a coffee no min rawn pek chu kalo ban thuai a, tukverh bula chair ah chuan ka thu nghal dat bawk a..


"i in zawh ah ka nu hmu turin kan kal dawn nia"


tiin ka chair nghenchhan chu hnunglam atangin arawn vuan a,


"ka nî alo kal a, tlai lamah an in a chaw ei turin min sawm a, i duh chuan kan va ei dawn emni?"



min care zeta arawn tih leh chuan,


"kan rawn inhmu alawm, kan ei phei dawn nia, mahse ka zak deuh!"


tiin kalo chhâng thuai a..


"michaela nu alawm..michaela chu i hriat kha! a pa nen an pathum chauhin an awm a, a zahthlak loh ang! bakah, an chhungkua chu an tlěm na a, an zau ania!"



tiin ka chalah arawn fawp zauh a, anih ngei ka ring! mahse ka hriatthiamloh chu a nî te hian a pa chetdan engkim hi an hria angem? tunah a thi tawh tih hi an hre bawk angem? ka hrethiamlo ani..



coffee ka in zawh chuan ka bânah vuan in min pawt tho a, a nu hmu turin min hruai dawn emaw ka tia, mahse, châr lam kawngkhar hawngin an kawmchâr lamah min hruaichhuak ta daih a!



"khawiah nge kan kal dawn a??"


ti a kalo zawh chuan, "ka nu hmu turin kan kal ang ka tih tawh kha dolly". tiin minlo chhâng mai a! mak ka tih lutuk vangin engmah pawh ka sawi zui talo!



" dolly, ka nu nen hian inhmelhriat ula!"



ti a ka lam arawn hawi vut chuan mak ti zetin amah chu ka melh hâw a, a hnunglam ka va hawi ve chuan thlânlung vár nalh zet mai hi ka hmu ve ta chauh a!



"casey!!"


tiin ka phun sep a, kalo beisei loh lutuk thil ka hmuh vang chuan ka phîlî vek ni ber hian ka hre hial ani!


"dolly, ka nu anih hi!"


kiai suk chunga tiin thlán lung lamah chuan min kai phei a, ka tha zawi reih reih vang chuan pěn harsa ka ti takzet!


"dolly anih hi nu!"



tih thu zawng sawiin a nu thlân chu a thlir vang vang a, a mitmenga lunglenna nasa tak rawn langchhuak vang chuan ka lainat takzet ani!



"chibai le, Hmangaihzuali ka nia!"


ti a phun ve sep chungin thlânlung lam chu ka pan phei chhat chhat a,


*Lalrinliani
kum 38
thih nî : ni 8, december, 2000.
thih chhan : accident*


tih inziak ka chhiar chuan ka mit deuh sulh a, sawi tur hlawl hrelo in ka dang a ro hulh hulh bawk! caseya nunkawng heti khawpa a bumboh chhan chu, amah kaihruai tu tur, nu(mother) aneih tawhloh vang alo ni maw?



"hetih lai hian kum 7 mi chauh ka ni a! khatih lai kha chuan thihna awmzia takngial pawh kha ka hrelo!


mahse ka hriatthiam tâk atang chuan, a tir atang rěngin tum lawk thil vang liau liau a thi ani tih ka hria a, ka pa khan a ti tu kan zawnchhuah ngei tur thu min tiam bawk..



amah ka pa ngei khan min train thin! ka hmelma chu chhuah hlek lo tura min hrilhin min chher hriam zel a!



zawn hna kan tan hma in ama hna thil min khawihpui ta char char a! chu a hna chu enge anih i hria em dolly? tun thlenga a sumdawnna liantham tak lo ni ta, mihring kal(kidney) hmanga sumdawnna leh ruihhlo tawlhruk hi ani!



thûk tak thleng chu ka inhnîmphum ve a, kan bána tatto hi en la, CS tih hi, CaSey tihna mai ania! ka pa khan a hnungzui a, a ái la awh turin min duh thin!



mahse maw dolly, kum 18 ka nih tum in ka nu thattu dik tak chu ka zawngchhuak ta a! i hre mai tiraw? ka nu nunna la tu chu mi tenawm, mahni nupui te ngei that duh tur khawpa mi rapthlak! ka pa ngei kha alo ni a!



kha ta tanga ka pa ka huat thin tawh dan tur chu, sawi kher ngailo pawhin i hria ang tiraw? ka nu khan ka pa sumdawnna thalo tak kha hrechhuakin, bansan turin a ti a, mahse ka pa khan a ngaihsak duhlo... ani hmeichhe mangang tawh khan police te hrilh ah vo in ka pa kha a kar ta a, chuan! a that!"



ati chhuak hráwih a, a aw a natna thûk lutuk ri tel vang chuan kalo tap lo chauh ani!


"casey! pawi ka tihpui lutuk che!"



tiin a kâwngah kalo pawm chawt a, ani erawh na tak tuar ang maiin a thaw hráwih hráwih thung!


"ka pa ka that chu min la dem fo em dolly? ka nu nunna râwng taka la a, a fapa sual kawng hlir zirtir thintu kha mihring tha tak ani thei dawn emni?"


tiin minlo kuah lět ve rawk a, keiin lu kalo thing vak vak thung a! ka tap chhuak mai ang tih ka hlau hle bawk ani!



"Casey, ka demlo che, ka hria! misual inilo tih ka hria a, i thiltih a i chian zia pawh ka hriatpui che, i nu thihna chu ka tawrhpui lutuk che ania!"



tiin kalo hněm ve a, ka tawngkam thiamna in daih hek lo le, ngawi rengin a taksa nghet churh chu ka kuah vawng vawng ringawt a.



"shillong a ka awm châng hian he inah hian ka kal khát khawp mai, michaela te inah ka awm deuh chawt thin, a chhan chu he inah hi chuan ka duhloh chen chen sulhnu chhui tur a tam lutuk a!



he inchhung boruak ka dâi chiah hian thinrimna nasa tak hian min bawh nghal a, ka pa ka huatna chu tum dang zawng aiin a nasa a, ka nu ka venhim zawhloh avanga ka indemna chuan min ti hlum thei mai dawn hian ka hre thin bawk!"



ti hrâwkin vân lam hawiin a thaw zui hawk a, ka vahan lainat tehlul em! kei chuan kum 18 mî ka nih laiin ka nu leh pa ka chán a, ná kalo tih ve tehlul nen, ani erawh chuan kum 7 mi lek anih laiin a nu a chân a, chutah a pa kut atang ngeia thi ala ni zui a!



"casey, tun atang chuan i kiangah ka awm reng tawh anga, eng harsatna pawh tawk ila kan paltlang ang, fahrah kan nihna avang ngawt pawh hian fahrah leh mai mai turin fâ kan hring lo anga, fahrah nun tem ve turin kan fa te chu kan phal lo ang! ani lawmni?"


tiin a lak atang ka in la hrang hlek a, a áwm ah nem datin a hmel hmu thei tur chuan ka dâkchhuak deuh hâ a, a mitmeng sen râm chu hmuh nuam tak nilo mahse, he mihring ka hmangaihna tizualtu hi ani zawk tho tho!



"ka lawm e dolly, ka nunah nang ka senglut che hi vannei ka inti thin, hmeichhe chak tak ini!"



tiin min rawn melh thla ve nghal thuai a, lo nui lui sak in lu kalo bu nghat a.



"kei chuan dân anga inneih kher hi a hlutna ka hre velo a! Pathian leh min hriatpui tura kan duh mi tlěmte chauh hmaa inneih mai hi ka duh zawk mah bawk! nang ve le?"


ti a min rawn zawh chuan lu kalo bu ve nghat a, ka ngaihtuahna ang chiah a ngaihtuah ve avang chuan mak ka ti kher mai!



"anih chuan minlo nghak lawk la, kalo kîr har lovang!"


phur hmel taka tiin inchhungah a lut nghal thurh a, a ngaihna hrelo zeta kawngkhar lam kalo melh reng laiin reilote ah arawn let leh thuai a, a kutah chuan zungbun bâwm a keng tih ka va hmu thei!


ka bul arawn thlen chuan,



"dolly, kan inneihna min hriatpui tur hian Pathian, i nu leh pa leh ka nu te chauh sawm ila, an niin anlo hriat chuan a tawk maiin ka hria!"


tiin ka mitah tak min melh a,



"ni e, casey!"



lungchhe zet hian kalo ti ve a, ka lungchhe takzet zet ani! naupangte ka nih lai atang tawhin dán khatna ngeiin pasal neih ka tum thin! midangten min lawmpuiin, lawmpuina thilpek tam tak dawng bawk ila tih te kha ka duhthusam thin ani a,



mipui tam tak hmaa mo kawr thianghlim zet nena dan khatna ngeia pasal ka neih chuan, Pathian in mal min sawm in, kan inneihna kha min hriatpui bik hliah hliah dawn niin ka hre thin!



mahse tunah chuan, mihring lam dána dân khatna ang ěm in innei dawnlo mahila, ka nu leh pa, caseya nu leh kan rin Pathian ten min hriatpui dawn a! chu aia hlu chu a awm in ka ring tawh biklo ani!



"dolly, vawiin ni hian ka nupui ni turin ka sawm che a, a nuam ah leh a hrehawm ah pawh, ka bân vuan tlat turin, min pawm thei angem?"



ka bán pahnih la kâng a ka mit taka min en chung hian arawn ti a, ka tapchhuak nghal hawk thei hial ani!"



"aw Casey, ka pawm che! engtikah mah ka thlah lovang che, nangman min thloh/thlauh thla anih ngawt loh chuan!"


kalo ti sap a, ka mittui chu min hrùk hul sakin zungbun min buntir a, tunah chuan a ta ka ni tak tak ta!



kan inneihna hunserh chu ho leh mawlmang tak niin, midangte angin chham kûr dup velo mahila! kan thinlungah hian a chiang em em thung a! thu tam tak sawiin intiam kamna nen ti ve hluai lo mahila, kan thusawi ho lam tak chuan amah leh keimah chu min phuar nghet ve takzet tih ka hria ani!


nilengin kan nui a, kan nuna natna tam tak inzep ru te chu mangnghilh in kan hlim ani! hmalam hun tur ngaihtuaha duhthu kan sam zawng zawngte pawh hlawhtling vek thei dawnlo mahsela, beiseina nung kan neih miau avangin, kan chan tawkah kan lungawi em em zel tho ang tih kan hria ani!



"ka nî te ina chaw ei chu, i huphurh chuan kan kallo thei tho ania!"


tiin hnunglam atangin min pawm vang vang a, inchung zâwlah kan ding a, ni tla turin kâwl a chhun ěn phùt avangin khawvel chu a mawi takzet ani!



"huphurh teh nang, ka châk lutuk zawk mawle, i chhungte chu ka chhungte anni tawh a, ka hmaizah tlat chuan engtikah mah ka nel thei nang..michaela a awm ve angem?"


tiin zawhna kalo zawt lět thuai a, ka nghawnga nûl thuak pahin a nui nghawr dat a,


"ka duh em em chhan che hi tunah ka hre chiahin ka hria, rilru tha nu, an ngaina thuai ang che, michaela pawh a awm ngei ka ring"



tiin ka nghawng chu a nûl leh thuak a,.kei kalo tâl aih thung a, nui hawk chunga min pawm nawlh in inhnuai lamah min chhukpui ta dat dat a..



"inlo thleng ve hram maw, inlo kal dawnlo emaw kan lo ti hman a, michaelan a phone tlang theihloh che u thu a sawi a, va lam lawk rawh kanlo ti měk a!"



caseya nî chuan alo ti zung zung a, a tawng duh bawk a, ka něl thuai dawn in ka hria!


"kha kha in innei ta tawp tihna emni?"


michaelan arawn ti khauh a, ka zak kher mai! ka kianga ding pa lah chuan zak maplo hian, "ni ta tawp e" alo ti hmiah bawk a! ka zak nawn chiang asin!



chaw ei dawn ah chhung inkhawm kan nei a, pa berin kei leh casey chu Pathian hnenah min hlán in, kan nun hman chhoh zel turah pawh hlimna tluantling nei turin Pathian hnenah min dilsak a, a thlamuanthlak hle mai!




"ka nupui duh tak hi a van mutui ve a!"



ka bianga thaikual riak riak chunga a tih sup chuan mumang ram ata fiahlo zetin la harh siar siar a, ka hmai bul chět a minlo en reng vang chuan ka lai lek lek ani!



"good morning ka nupui duhtak!"


kiai suka tiin min rawn fawp zauh a, a inlák hran rualin kei kalo nui hak thung a..


"in la nupui nei vel eee!"


nui har har chunga kalo tih chuan a kiai leh suk mai! a pa chiang mange ka pasal hi chu!



khum atanga thawh tuma ka inbengkân(g) rualin rang lutuk ka inthawlh tha leh hmiah a! ani lah chu alo nui hawk zui!



"ti teh dolly, ka hmuh hnu vek anih kha!"


tiin blanket chhanah min rawn pawm khawm vek a, kei erawh ka in lukhup tlat thung! saruak ngal ngata a hmuh laia thawhchhuah chu ka duh teuhlo mai!



"va in tifai hmasa teh! nakinah keichu, i chhuk hunah!"


kalo ti hlar a, ani alo nui leh hawk thung a!


"zakzum reuh lutuk! rei suh aw!"


tiin a tho thurh a, blanket keu hawnga ka en děk děk rualin a aia chiang hian ka in khuh tha nghal sawk sawk a, ani pawh saruak ngal ngatin a awm ve tho alawm!



bathroom a a zai rat rat chu ngaithla kalo nuihpui leh hak thin a, a zai ve thin tih ka vawikhat hriatna ani hial ang! zaithiamlo tak anilo a, mahse a zai uangthuang lutuk chu nuihpui loh a harsa ka ti!



inhnuaia a chhuk hnu chuan ka thochhuak ve nghal thuai a, chhuata underpant leh eng engemaw tla nuaih chu zak zetin ka chharkhawm nghal sawk sawk a, ka vawikhatna chu ani tawh hauhlo!



mahse amah nen chuan a dán a dang ani! ka hmangaih leh ka duh ber anih vang pawh ani mahna! engkim kha a tir atanga hrilh chawp ngai ang maiin ka khawr anih kha!


chuan, nizan khan engtin nge a sawi kha(h)?


*virgin leh virgin loh hi taksa lam nilovin, rilru zawk ani dolly*


tiin a sawi anih kha! kha khan nasa takin keimah ah inrintawkna min neihtir a, keimaha rinna a nghah zia ka hriatchian phah viau bawk ani..



(zanin chu ka'n tlak deuh duah teh ang, hei kan story pawh a tawp lam kan hnaih tawh hle mai a, chhiartu duhawm tak takte in mi support na ah ka lawm lutuk ania! comments chhiar nuamlo tak hmuh tur a awm ngailo te hian min ti phur thin..


chuan in, kan tâwp tak tak hnu ah pawh thawnthu dang tih chhuah lehzel kan tum anga, min tawiawm nawn fo turin ka sawm nghal cheu ania aw!


kalo sawi ve deuh duah anih chu😇 ka lawm e😘)




end of chapter - 29

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:09 pm

*Casey's Secrets*
chapter - 30
(ilefi imoz)



(thu hma nei ve ang u aw zanin chu!


a tir atanga a tawp thlenga min phatsan lova, a tawp min thlenpui rak tu te, in chunga ka lawm zia hi ka sawi thiamlo zawk!


ka thawnthu ziak minlo hlutpui a, comment dawnsawn nuam tak tak min pek thin avanga ka lawmna pawh hi ka sawi báng thei dawnlo ania aw⚡


thawnthu thar tihchhuah leh zel kan tum anga, min tawiawm a minlo chhiarsak leh hram hram thin turin ka sawm bawk che u ania! tin, zanin chu kan zan hnuhnung ber ani bawk a, zan danga comment pe ngei ngei thinty te leh, pe ngailo te pawh khan he thawnthu chungchanga in ngaihdan te kha minlo ziah chhuah sak ve ula, ka sawm nghal che u anih chu! ka lawm e, chhiar nuam vek ule🌹🌹 ilefi)



*hmangaihzuali pov*




"dolly, ka kal dawn ania, hotelah chaw ka ei mai ang, ka tlai dawn tlat!"



rawn ti lang lang tu chu ka pasal ani!


"ngawi teh ngawi teh, i bag kha en nawn leh teh, ken hmaih i nei ange aw! awi aw! i laptop i keng em? hmai i phih em?"



tiin kalo phi chung a, ani erawh alo nui hawk hawk thung a, a chi ai ve miahlo emawni le?



"ka keng kim chuan ka hria, lo in enkawl tha rawh aw dolly, kalo haw har lovang!"


tiin ka phi ruai chu dam dup hian min rawn dawm bet a, kan chal insik tirin ka mitah tak min melh ngar bawk..


"ka hmangaih che ka nupui duh tak, hlauthawng suh, tùk khat thawh hai palh vang mai maiin kan hotel a tawp phah dawn hleinem!"


tiin a nui hawk a, keipawh kalo nui ve tho! a zialo tak tak ani, dar riat ah kan tho ve chauh a! dar riat leh a chanve ah meeting pawimawh tak anei bawk sia, ka phî cheng pawh hi thil áwmlo tak ani bik miahlo ania!


"ka kal dawn, anih aw, tlaiah kan inhmu dawn nia!"


ka chala fawp zauh chungin ati a, kawngkhar thleng ka thlah leh tâk hrâm kha!


Aizawlah kan awm leh tawh a, hotel kha, a enkawl a ngai si a, shillongah ka nî (caseya nî te zawk) ten min ngai der viau mahse, helam hna tulin min pawt na ve ngang si a, kan awm rei thei ta nganglo anih kha!



lehkha chhiarna room ah lutin ka lehkhabu chap hnawk nuaih kar ah chuan ka bùr leh ngar tawh a, writer nih hi ka châk ngailo, mahse, caseyan hnathawh a phal tawh ták siloh ah chuan ani nena kan hringnun kalkawngte kha ka ziak chhuak ve tlauh tlauh thin a! alo nuam phian mai bawk sia!!



chhunah thil ka ei zawk tih loh chu ka hnaah chuan ka bûr ngar ngar a, kut a kham duhin mit a rim duh phian mai lehnghal a.. mahse, nilenga engmah tilo a awm mai mai ai chuan a zia viau tho e!



tlai dar 5 velah casey arawn haw a, a chauh hmel em em mai lehnghal..


"in tluang em?"


ti a zawtin a tie kalo phelhsak thuai a, a lamah min pawthnai hrâwkin min melh nghal ngur a..


"tluang e, ka ngai lutuk che tih mai loh chu!"


ti supin min fawp nghal tawng a, ka áwmbawr arawn zen luh tákah chuan tawp turin hrilh pawh ni ila awmzia a awm dawn chuanglo tih ka hrechiang a, kan tawpna tur pawh kan hrechiang dun ngang in ka ring!



👣👣


"nang hi! ka hria che!"


ka bana rawn vuan chawttu vang chuan ka ding dat a, ka kianga ka pasal ding ve dawt pawh chuan minlo ti ding tu pa chu a melh ve nghal ngur bawk a!


"min hrethiam teh ka hre ve tlatlo che!"


a ngaihna hrelo zeta kalo tih chuan ner nawk in,


"anih ka ring, mahni mipa mutpui tawh zat takngial pawh hre thei tawhlo tur khawpa mahni taksa hralh duh chin kha i nia!"


arawn ti a! ka khawng lo chauh ani ber mai! tunah khan ka negative point chat ah min bei a! engtikah mah ka theihnghilh theih ka ring tawhlo!


"i thusawi kha i chiang maw?"



chang fek fawka casey-an arawn tih chuan kalo trim sawk a, ka zak chem chem bawk a, chupa lah chuan thamloh hmel fe in casey chu alo melh let ve rân bawk a!


"nangpawh hian dáwr ve i tum ani maw? ka hre mai, free advice i duh em? a zei chiamlo! min ring rawh"


arawn tih leh rualin a bek a ri chawrh a, kalo au that bawk! leia a let hláwm reng chu a âwmah tham sakin a hnuk tho lawp a, ka theihtawpa duhtawk tura kalo auh na chuan awmzia aneih loh hmel kher mai!



"tupawh chu ni la he hmeichhia hian a bum kual nasa áwm hle mai che! i bialnu hi maw, sum duh vanga mahni inzawrh hrehlo, a taksa hmanga eizawng thin anih hi! Vai ho lakah in phalrai in, kan hnam mualpho na tur khawpa thil rapthlak a ti asin!"



chu pa chuan alo ti leh hrâm a, ka na nawn leh dawt ti ila tuman min dem bik ka ringlo!



"kan hnam in hma a sawn theihloh nachhan ka hrilh ang che, nangni ang mipa, mahni hnampuite lan mawina tur aia an chèt phelhna ringawt buaipui a, an that tawk lohna lai ngawt kher char char thin te vang hi ani!


vai ho khan vawikhat pawh diriam takin an tawngkhum em? teuhlo! anih leh engvangin nge a hnampui, a mizo pui ngeiin nasa taka diriam a, a chaklohna záwna i kher ngar ngar!


nangni ang ho vang hian alawm ram a than theih loh a, hnam a ro thin! sim hmak tawh ang che!"



casey-an a tih phiar phiar lai chuan ka mittui far chu kalo hru thuai a, ka chhungril na lutuk vang hian thih daih mai ka châk ut ut hial ani!



a dái hlen dawn emaw ka tih laiin ka hnampui ngei lak atangin hmuhsitna ka tawk leh a! ka duhthlanna vanga ti ka ni biklo tih hi an hrelo nge ni a? an hre duhlo thin zawk le?



"kan mit hmuh ah vawikhat pawh rawn inlan tawh ngai suh!"



tiin a thing nawk a, pai khat khat chungin a tlan ta tuang tuang a, ani chu kal liam mahse a thusawi te kha thinlungah an liam ve thei lova! rilru hian a hre rauh rauh fo thin dawn!


"dolly, ka tihpalh, a thleng tawh lovang!"


ti a min rawn pan chuan lu kalo thing nghat a,


"casey i thiamloh anilo! kan chunga vanduaina thleng hi tu thiamloh mah anilo! khuarel thil ani zawk!"


tiin a banah kalo vuan a, min hriatthiamloh hmel zeta min melh in in(house) lam panin min kalpui ta a..



in(house) kan thlen thlengin thildang ngaihtuah harsa ka ti a, ka sawi ang chiah in thinlung hian a hre reih reih mai!



hnam mualphona tur thil ka tih kha ka duh vang rèng ani emni? sum ka duh vanga ka ka taksa hralh maw ka nih a? ani pawh kha enge anih bik?



call girl dáwr thin, ngaihzawngte laka rinawm ber awm ang ziazanga langa, a ruka hmeichhe dang dang CK pui thei mipa ani ve tho lo emni?


"dolly! ka tawng i ngaithla lova,!"

ka hma zawna a kut vai zauh chunga arawn tih chuan kalo phu nghek a, lungphu thalo te hi ka nei hial emawni?


"sorry, kalo in ngaihtuah mûk deuh a!"


ti a kalo chhán chuan chal chuar náng náng chungin a hmui a pet sawi a, kalo nui lui hap chu mak min tih hmel zet hian min rawn melh nghal run a...



"naute ka nei ve chák tawh e!"


kalo tih sep ruala a hmela beiseina rawn zám riai riai chu kalo hmuh hmaihlo!



"a siam lamah hma kan la uar deuh mai dawn emmi?"


mei nei zeta arawn tih chuan nui hawk chungin a hmui kalo hup sak a, arawn che nghal phat bawk!



(skip, skip again, skip nawn leh again😂)



"naktukah khawnge kan kal ang?"


ka sam chul hauh hauh paha a rawn tih chuan,


"i chawl leh dawn emni? i tello chuan anlo buai lutuk ange.. vawiinah i chawl tawh bawk sia!"


kalo ti zung zung a, nui hawk chunga ka biang rawn fawp zauh pah hian,



"ka nupui tana ni hnih lek khawhral te chu a pawina a awm dawn emni?"



ati leh sup a... mî te hian, inneih hnu hian kan induhna zatve a kiam thin an ti fo a! mahse keimahni ah chuan a ni teuhlo mai! nitin zantina kan inhmu chung pawhin kan inngai em em a, kan inthlahlel em em zawk anih hi!



"naute kan neih hunah chuan awmpui kan la anga, i buai lutuk lo deuh ang chu!"



tiin kan thusawi a rawn thlák a, keiin lu kalo thing nghat thung a..


"nu in a tih tur zawng zawng chu hmaih awm hauh lova tih ka duh! bakah tunlai hian mahni fa te ngei pawh pawm peih lova, awmpui te kuta dah tawp thin mî an awm!


tha ka ti velo! an rawn seilen hunah nu leh pa te an hmangaihna a páwnláng a, thinlung takin an pawh thei tawh thinlo!


chuvangin, fa kan neih hunah chuan keimahni ngeiin kan enkawl anga, naute in a mamawh tur ang zawng zawng chu kan pe vek ang!"



tiin kalo chháng thuai a.. ka chala arawn fawh vang vang avang chuan ka ngaihdan min tawmpui leh ta tih ka hrethiam mai a, rilru pik tun a ka awm hnu pawha thu tam sawilova min tihlim leh fo thintu anih vang hian alawm ka hmangaih em em ni!


👣👣


"awi aw!! Caseya te ni reng in! hei, Zuali kha ani em?"



thingpui dawr neitunu in alo tih hliai vang chuan kan nui dun hak a, a hma ai deuh chuan alo lang upa hlek tawh a, mahse a hmelthatna erawh alo la paihlo anih hi!


"in pa?"


caseyan alo tih hluk chuan,


"hna ah a kal a, chhun thil ei turin alo kal dawn, alo thleng har tawh lovang, lo nghak ve law law ula!"


tiin Sarahi chuan alo chhâng thuai a,


"enge in ei ang zuali?"


tiin min rawn be ve nghal thuai bawk a..


"aa.... ka hrelo! enge ni ang?"


ti bah niaih a Caseya lam ka melh chuan,


"amah Nick-a lo nghak ila pawi i ti em? kan pali in kan ei ho ang chu!"


alo ti a, pawi ka tih loh thu ka hrilh hnu chuan sarahi chuan choka lamah min luhphei san a..


"hemi te pahnih in mil lutuk hi ka nuih pui fo thin ania dolly, kan Nick-rilru-lian-a thinlung hneh sak ve thei tlattu sarahi hi chu a fakawm ania!"


nui hak chunga arawn tih chuan kalo kiai ve sak a,


"anmahni hi ka hrechiang lutuk lo a, i bialnu lem lem anga ka chan zân kha ka hmuh hmasak berna ania! chuan, tun tum hi ani leh deuh tawp bawk a, nicka kha alo na tak taklo khan ka hria a!"



kalo tih niah niah chuan lu a bu nghauh a.


"nia mawle, tunah chuan, an innei tawh..sarahi pum kha ilo en lo emni? thla thum mî a pai ve ák tawh kha!"



tiin dawhkana ka kut dah chu arawn ban a, a hum zui rauh rauh bawk a...



"keini pawh hi, pai ve vat ila ka ti, kan fanu kái a, kan fapa kokichhuan chunga christmas bazar tawt tak kara inzeh phei ve tawh a chákawm!"


kalo tih sep chuan anui chhuak hawk a, chutiang chiahin keipawh! mahse ka thil tih chák ka sawi ve mai ania!



"hlim deuh bik te kan awm emni?"


kan sîr lam atanga rawn ti tu vang chuan kan hawi chhuak thuai a, kan piah deuhah chuan Nicka ngei mai kha, phùr hmel fahran hian alo ding reng a!


a hmeltha chiang lutuk tlat! hmeichhia in duhthu a sám chánga a sawi ngei ngei thin mai bakah, a thinlungin a duh em em mahse a sawithiam siloh chen in, amah ah sawn a kim vekin ka ring! ah...ka fak mah mah in ka hria keipawn!



"lo kal vat teh, hei kan nu chu ka rawn hruai a, a hmel i hmuh chák thu i sawi ngun bawk sia!"


casey-an alo ti ve hluai a, min ti lai thei lek lek dawn alawm mawle!



chhun thil chu kan pali in kan ei ho a, sawitur a tam bawk nen kan ri barh barh hlawm a, sarahi nen pawh kan inpawh in, kan titi dun thei viau ani!



nidanga kan inhmuh leh tur thu intiam in kan in kalsan ta hlawm a, ni nuam tak ani!


👣👣
(kal leh puat ang aw)


"i hman em dolly!"


ti a ka pasalin inhnuai atanga min auh chuan hreh ru tak chungin kailawnah ka chhukthla zan zan a, thla nga hnu ah pawh nau ka la keng thei lova, a ni em em tawhlo nî a kan hriat avangin doctor kan pan dawn ani!



"i va hlauthawng awm ve a dolly!"


ka kut hit thler rawn vuan in a ti sup a, nuih luih ka tum a, ka hlawhchham chiang kher mai!


"hlauthawng suh, i bulah ka awm hi! engpawh thleng se kan tuar dun dawn alawm!"



tiin motor kawngkhar min hawnsak a, thinphu dat dat chungin ani ka thut luh ni!



damdawiin kan thleng a, test hrang hrang kan neih hnu ah naktuk lama result ngaihven turin min ti a, rilru a hah rei deuh dawn ani maw? ka ti rilru reuh reuh mai!



"thil hmuh tir tur che ka nei a, hotelah kual lawk ang aw!"


tiin steering a her kual pawp a, ngawi renga ka thu ngawi ngal chu a khát tawkin min rawn melh leh vut thin! ngaipawimawh duhlo in ka chhing zui vang vang a, rilru in ár bo a zawng takmeuh meuh ani!



motor a din dat rualin ka meng chhuak thuai a, hotel kawtah kanlo ding reng tawh chu niin!


"lo chhuak la, thil hmuh tir tur che ka nei ania!"


tiin min pawt chhuak a, ka mit a hup zui zat bawk a.. thui lo tě kan kal hnu ah min dinpui dat a, ka beng bulah rawn kun hniam in,


"meng rawh le dolly!"



ti a phun zui supin ka mit a hupna chu a la thla a, ka hmaa hotel lianpui bangah chuan banner lian zet hian,


*CASEY'S SECRETS*


tih hi rangkachak rawngin alo inziak tuar a, ka khèk nghál râih hial ani!


"casey! a nalh lutuk!"



ti hliai in amah chu ka melh a, kiai suk chungin hnunglam atang chuan min rawn kuah a..


"i sawi tákah khan ngaihdan ka nei a, ka bawhzui vat theilo mai pawh a!


i hriat kha dolly, *Casey* tih chu ka hming ani a, ka thuruk (secrets) erawh nangmah hi ini thung a! anih chuan, kan pahnih hmingchawia ka phuah anih chu aw!"


tiin ka chalah arawn fáwp vang vang a, hetiang khawpa dinhmun sáng a nuna ka chan vang hian ka lawm a, ka inchhuang takzet ani!


"casey ka lawm e!"


tih thu bák sawi tur ka hrelo! mahse ani chuan a hrethiam leh em em tho dawn a!


"kan fa te anlo len deuh hunah folkland ah sawn hotel dang kan din anga, anmahni tan! nih loh pawn, anmahni nuam tih zawng tur tak sumdawnna kan ngaihtuahsak anga!"


beisei sáng tak chunga arawn tih leh chuan a chhan pawh ka hre biklo, inthiamlohna kalo nei ve ngawt a, mahse ka sawichhuak lemlo thung..


rei fè hotela kan awm hnu in kan haw a, nilenga kan inzui chung pawhin kan inkham thei chuanglo ania nge! zan lamah pawh kan duh thawh leh lutuk tho mai!


👣👣


"dawt sawi suh! a awihawmloh emai! dawt vek anih chu!"


tiin ka au tuar tuar a, casey-an minlo kuahbet nghal thuai bawk! mahse chu thil meuh pawh chuan min hnem zo lo ani!



ka hmaa doctor thu chuan min tihder anih ka ring a, mahse a hmelah dawtsawi hmel ka hmu hauh silo!



ka ching anih chu! ni e kei hian nau ka pai theilo! chutiang chuan he doctor hian a sawi alawm! engtikah mah casey hi fá ka hrin sak thei dawnlo tihna anih chu!


"ka pu..dawt ka sawilo ania, i nupui hian tun hma lam khan náu pai lohna damdawi a ei nasa lutuk a, chu chuan a taksa a thrîng lět ta ani! a pawi ka ti khawp mai, mahse beidawn nan hman phah chuanglo ula, Pathian ropuina tilangtu zawk pawh ani maithei asin!"


tiin doctor chuan casey a hrilh a, kei kalo in hûmruh ngar ngar thung! mihring nun hi hetiang khawp hian alo rapthlak thei ani maw? Min siamtu Pathian hi chu a fairlo ve ngawt mai!



rilru nat hmel taka ka pasal insehruh teuh chu thil hmuh nuam tak ava nilo tehreng em!


"kan lawm e doctor!"



ti supin ka lamah a bán arawn lek chhuak a, zawi ngiai chunga ka kut kalo pěk let chuan nghet tak hian a hùm a, pawn lam min panpui ta hnak hnak a..



motorah pawh chuan ka kut a vawnna chu a thlah lo! steering a hûm lohna lam chuan nghet takin ka kut chu a hùm a, hma lam a bih ngur bawk a!



kalkawnga mî kan tlánpelh te chu ngaihtuahna mang zet chungin ka thlir a, ka mit chuan hmu mahse ka ngaihtuahna vak kual vak vak te chu an lang chiang zawk thung ani!



kan fanu kâi a, kan fapa kokichhuan chunga christmas bazar tâwt tak kara inzeh lam chu kan kalpel ta! ni e, a hunlai pawh khan duhthusam mai ani a, duhthusam kan tih hlawhtlin chuan duhthusam ani náng tiraw!



ka pasal pa mah nise putara ka huatna a zual takzet a, engkim hi amah vang vek ani ka tilo theilo ani!



a thleng tawh dawnlo emaw ka tih hnu ah vawi tam a thleng nawn a, a thleng leh zel chu anih hi! sumdawnna atana hman kan nih lai khan, zantin in damdawi pek thin kan ni a, engtin nge kalo ngaihtuah chhuah vat zawk loh le? beiseina thláwn mai mai tur beisei ai chuan, a tir atang khan lo in ringhlel ila ni zawk tur..



"hahdam rawh dolly, kan chan tur anilo tihna ani mai! awmlo ngěna tap rual inih tawh loh kha!"


tiin ka bianga mittui rawn luang chu min hruk hul sak a, ka rilru no a chhuak laklawh bawk nen, kalo insût zui hap a, motor tiding dawtin ka lamah arawn tawlh hnai ruak a, nghet zeta min kuah in a thaw chhuak ham ham bawk!


"kan duhthusam ve te kha! engtikah mah kan ti puitling thei ngai dawnlo asin Casey! fa kan neih hun atana i duhthusam, kan suangtuahna zawng zawngte kha an thámral dawn!"



tiin ka hmai ka hup a, a áwmah beiin ka tapchhuak hawk hawk a, ka hringnun ah hian *tap* tih thumal hi ka vahan hmang ngun tawh mawlh mawlh tak em!


"nangmah hi ka duh ber ini! thildang ka mamawhlo! i awm chuan a tawk viau! damchhunga nangnen chauha chengdun reng turin ka inpeih dolly!!"


tiin min pawm nghet sauh a, a zia deuh! mahse ka thinlung chhunga natna thûk tak reh hlen tur erawh chuan, hun ala ngai deuh in ka ring!



"nang leh kei kan nih chhung chuan dolly, kan famkim ani!"



tiin a thaw chhuak ham ham a, a aw ri a natna lang tel chu hriatloh der har tak ava ni si em!



👣👣



kár a liam a, kar hnih ngawt a ral ta! engmah tihtur dang a awmlo bawk nen ka thu ziah ah ka in concentrate em em a, chuti lo chu depression ka nei mai ang tih ka hlau ani!



ni e a chhe lam ringawt ngaihtuaha nileng hun ka hmanral vaih chuan! mahni insitna leh indemna in ka khat anga, depression ka nei mai ang tih ka hlau a, ka lehkha ziah lai ah chuan theihtawpa in sawrbing ka tum ani!



ka hun tawn tawh hlîr tak tak chauh ka ziak a, hun harsa ka tawn tawh te ka ziah lai chuan ka han tap leh rih thin a, hun nuam leh hlim awm tak ka tawn te ka ziah chhuah chángin ka nui ver ver thin bawk a!




keimah anga hlauhthawn ruk riau na nei emaw, rilru ipik taka hringnun hmang thin te leh depression an neih avanga beidawng lek lek te hian lehkha ziah(k) hlut zia hi han hre ve tehreng sela!




khawvel thil te ngaihven duh lova, nunhlui chhuikira han ziah chhuah te hi a nuam dangdai riau asin! a hunlaia kanlo tahpui zawih zawih te khan min vel nawn ve bawk mahse, nakinah, kum hnih kum thum a ral hnu ah han chhiar let leh ila, min nuih var var tir thei hial thin!



"ka nupui duat chu avan buai awm ve a! a pasal hna báng lo hmuak hmanlo lèka alo tawm bo le?"



kawngkhara rawn pen lut chungin caseyan arawn ti a, rang taka tho in ka hnaihchilh nghal thuai a, ka kâwnga vuan in amah hnaih thei tur ang berin minlo pawt hnai ve salh bawk a..


"nilengin ilo hmeltha em em emni?"


ti a min zawh chuan kalo nui hak a, a tawngkam vang hian vawitam ka la lai fo mai!



"ka inthlak lawk anga, thil sawipui tur che ka nei a!"



atih chuan lu kalo bu nghat a, ka chalah fawpin inchung lamah min chhohsan a, keipawn ka lehkhabu lâk darh ho chu kalo remkhawm ve zung zung bawk a,




alo chhuk leh chuan a perfume rim chu kalo hnîm vang vang a, ka leisak kha ani tih ka hria, ka duh ber chi ani tih a hriat avangin ani pawhin a inkâp reng zel!



ka thutna sîrah chuan arawn thu thla dat a, thu pawimawh tak sawi tur anei anih ka rin vangin a tawngchhuah hmasak hun kalo ngai cháng rán a..



"englo, dolly, vawiinah motor accident vangin nu pakhat a thi a!"


arawn tih chuan kalo meng phâwk hrâ a!


"avan zialo ve! a chhungte an lainatawm dawn mange!"



kalo ti hliai a, lu thing nghat chunga, "chhungte aneilo" alo tih chuan ka phu nawn leh áwk mai!


"dolly, chhungkua aneilo a, a chhungkaw neih ve chhun chu vawiina an zaichhuah sak, a fapa kha ani mai!"


mit khap fak chung hian alo ti leh a, ka thin a sa nghal pup pup thei hial ani! nausen pianghlim chu a pianni la la in a nu in a thihsan a maw?



"avahan rapthlak ve!"



hnuk ulh teuh chunga kalo tih leh chuan lu min buk khum zauh a..



"dolly, kalo ngaihdan chuan, a fapa chu enkawl mai ila ka ti a!"



tiin a mitmeiin min ráwn zung zung a, ka ngaihtuahna tawi tup vang chuan ka thluak a buai nuaih nuaih mai!



"mahse casey! fa lâk chu! kalo ngaihtuah ngailo! ka.. ka theih ka ringlo! mahnî fá dik tak nilo enkawl chu.. ka.. ka theilo ang, casey, khawngaihin min ngaidam teh!"



kalo ti bah niaih a! ka khawngaih loh vang anilo! ka inrintawkloh vang zawk ani tih hi hrethiam se ka duh ani!



ka fa! ka rîl a rah ngei mah ka enkawl thiam angem ti a ka inzawh laiin, thisena ka zawmpui ni hauhlo phei chu! ka theih ka ringlo ani! lo thanglian in, a nu leh pa diktak kan nilo tih a hriat hunah min do in, minti mangang tu lek rawn ni chho ta se!!



"dolly, ka nawrlui lo che ania! mahse thil ka hrilh ang che, nu ni tur hian eng experience mah neih angai lova, i cháwm a, i enkawl nanana chu thisena i milpui nilo mahse, i fa ang chiahin i ngai dawn!



keipawn a tirah chuan duhthlanna siam harsa ka ti a! mahse tihian ngaihtuah teh! chu naute chu fa anga i enkawl a, nu hmangaihna in a thlen theih chin zawng zawng hmangaihna i pe anih phawt chuan! ani kha fa atan i la ani ringawt dawnlo! chu naupang tan chuan khawvel thar i siam dawn tihna ania!



tu emaw, a damchhunga nu leh pa a neih dawn leh dawnloh pawh hriat loh cháwm a, enkawl a, hmangaih taka tuamhlawm a, *a nu* tih hming pu tu inih phawt chuan, engvang tehlul in nge a hmangaih lět ve lul loh ang che ni dolly!



mihringte hian keimahni thu in tumah nunna kan pe theilo! mahse, nun thar erawh kan pe thei thung ani lawmni? dolly? i ngaihtuahna fîm tak hmang a, duhthlang turin ka duh che ani!"



tiin ka bán arawn vuan vang vang a, ka hrelo! engtia awm tur nge ka hrelo a, ka zám a, a hmel ka hmuh hma hauh in chu náute lainatawm tak chu ka hmangaih ni tlat hian ka hre bawk!



👣👣



🎇kum thum hnu ah chuan🎇



"Eric.. fimkhur rawh!"


tiin ka fapa tlan dat dat chu ka umzui a, nui har har chunga kawngkhar hawn a tum rualin a pa hna báng, rawn lut tur nen an intawk hlawl a, a pa chuan duat zeta pawm kángin sáng tak takah a vawr a, Eric lah chu anui khèk tuar tuar a! pa fa inngeih tak chu an van ni ve chiang tak em!



"ka fapa hian vawiinah áma thu alo awih em le?"



ti a a zawh chuan,


"yep! papa, ama nen kanlo ngai tawh che a!"



tiin a pa beng chu a khal niap niap a, dam dupa min rawn melh tu ka pasal mitmengah chuan lungawina thùk tak ka hmu thei ani!



kum thum meuh a ral chhung khan kei leh ka chhungkua te hian buaina neuh neuh kan tawk ve reng a, mahse, kan chhungkua in kan tangrual a, eng buaina mah hian vawikhatmah min la then hrang ngailo!


kan fapa, Eric Lalchhuansanga pawhin naktuk tukleh hian a pianchampha vawithumna a hmang ve tawh dawn a, hotelah a lawmna programme kan hmang dawn ani!





ka fapa kalo thlan avang hian vawikhat pawh ka la inchhir ngai lova, chutih a hnekin, kalo thlang lovang tih mawlh ka hlau thin tawh zawk ani!


"le bawihte, papa kha han in tifai sela, chutih chhungin keini in chaw ei kanlo siam anga"



tiin eric chu caseya kut atangin ka la thla a, kum thum meuh a ni ve tawh dawn bawk a, duh ang zánin a tawng ve thei tawh! chuta tang ngat phei chuan kan chhungkaw hlimna chu amah ah a innghat thui takzet ani!


"papa bulah ka awm duh!"


ti a a pa a ngen leh tâk tlat avangin inchung lamah an in pawmchho leh ta nge nge a! engtiang khawpa chau pawhin rawn haw se, a fapa a hmuh tawh hi chuan a hlim hûrh nghal zel a, thilmak ve tak chu ani e!



"ama, hei enge?"


chaw ei ka siam mawlh mawlh laia ka fapa in arawn tih chuan kalo en pui vat a, a kuta ka thi (necklace) lek va va chung hian minlo melh lět ve kal bawk!


"junior!"


ti a Caseyan arawn auh láwng láwng avangin a thil kenlai chu min pe in a pa bulah a tlanchho leh nghal thuai a, kei erawhin ka chaw ei siam lai theihnghilh thak khawpin chu thi (necklace) chu ka melh vawng vawng thung!


Anita nena kan couple thi kha ani miau a! min awrh tir lai khan engtikah mah phelh lo turin min ti a! ka phelh ngailo rěng bawk a! mahse, ka chungah rilru chhe tak a pu ti ka hriat nî la la khan awrh leh tawh ngailo turin ka phelh ta anih kha!



mahse ani chu ka thian ani a, ka lak atanga hla takah erawh ka dah theilo! ka ro bâwmah dahtha in, ka lungchhiat nî in ka phawrhchhuak chauh thin!


hmangaihna in mihring rilru alo kawih pěn(g) theih zia hi a taka tawngtu ang maiin ka chiang ani! ka dem lova, dem thei ni pawhin ka inhrelo! a pasal in min biak thinna kha hria in a thinrim tihna ania!



keipawh ni ila ka thinrim ve tho ang chu...mahse, mihring nunna aia a pasal a hauh/hoh zawkna tak kha a tihsual lai niin ka hria!


"ama!!"



eric-an arawn tih hliai chuan ka harhchhuak zawk a, hnuailam atanga ka kekawr lo pawt trai tu ka fapa chu melh in, ka piah deuha minlo en reng tu ka pasal chu ka melh leh vat a..



ka chaw ei siam lai kalo ngaihven tawh miahlo tih ka hre chhunzawm leh bawk a, ka inthiamlo kher mai..


"a pawi hleinem dolly, zankhua in chaw ei na hun kan nei!"



tiin casey chuan gas lam a pan vut a, ka chawhmeh la suah loh ho chu arawn suak nghal zung zung a, eric-a pawh chair ah arawn thu ve tharh bawk a, heihi ani chhungkua kalo suangtuah thin chu!


👣👣


*"happy birthday to you"*


ti a kan zai ho dar dar hnu in ka fapa chuan a birthday cake a batti chu a chhem hlum a, kut beng dar dar tháwm in a zui nghal zat bawk a..


kan suangtuah ang ngeiin kan hotel, *CASEY'S SECRETS* ah thian hnaivai te nen kan lawm ho a, kan hlim takzet ani..



zanah chuan present tam tham tak a dawn te chu phûr takin a hawng a, in lamah haw lova hotela kan riah dawn avangin a phur hle bawk a..



"Le, junior, lo kal rawh le, â nu in a thuziak min chhiarsak dawn ania!"


tiin casey chuan eric-a a pawm nawlh a, khumah mutpuiin kei chu min rawn hûi zauh bawk a.. kiai sak chunga drower a ka lehkhabutè (tè-small) phawrh chungin an pa fa kiangah chuan ka kal ve thuai a,



a kut lehlam lukham in eric-a a meng kiau a, keiin a kut lehlam chu kalo lukham ve bawk a..


"a thupui chu maw, *Casey's Secrets* tih ania! kan chhungkaw thawnthu ania eric, uluk tawkin lo ngaithla rawh aw..


mihringte hian kan nunah vanduaina kan tawh chángin, engtikah mah hlimna in kan kawtthler an rawn fang leh tawh ngai dawnlo emaw tiin beidawnsan mai kan chîng thin!


mahse hringnun hi a hring reng thei lova, a ro rup châng a awm ve thin! tunah i tap anih chuan nakin lawkah hlim takin ila nui leh dawn tihna ania! lungngai takin tunah rum mahla nakinah lawm avangin i la zai dawn ani tih hre reng rawh aw ka fapa!


keipawh ka nunah khan hlimna aiin tahna ka hmachhawn cháng a tam zawk! mahse beidawng lova ka kal hram hram thinna rah chu nang, ka fapa leh i pa, ka pasal hi inni!


lemm, chhiar ang aw,


Casey tih chu i pa hming hi ania, chuan, a thuruk chu nang leh kei hi kan ni bawk a! chhungkaw hlim tak kan nih theih nana kan hringnun zinkawng te ka ziahchhuahna anih hi aw!"



tiin ka fapa meng kiau biangah chuan ka chûl a,


nunhlui te a thara chhuilèt leh turin lehkhabu phěk hmalam chu ka keulèt ta niap niap a!




A TAWP TA😊😊

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)