CASEY'S SECRETS by ilefi imoz (Completed)

[Ngaia]

*Casey's Secrets*
Chapter - 1
(ilefi imoz)



*Hmangaihzuali POV*




A vawi tamtak na atan ka call nawn leh a, a ring quit leh thak!!



"Zawnga, engvangin nge i lak theihloh a?? Ka ringlo, min phatsan miahlo ang, min hmangaih kha!!"




Ti a au tuar in thlasik khawvawt tak karah chuan ka beer kenlai chu ka tlák leh pawp a!



"Saw mihring nen sawn eng inlaichinna mah inneih ka rem tilo, makpa atan phei chuan ka pawm ngailo ang, then nghal ang che"




Ti a ka pa in min hauh vak tum khan thinrim takin lo chhanglet lo ila chuan, hetiang khawvawt hnuai ah hian keimah chauhin khawlaiah ka tâl awm silo!!




Ka hua ani!! Ni e, min phatsan tu, Lallawmkima hi ka haw ngawih ngawih!



Kum hnih chhung ngawt kan inzui ve tawh a, amah vanga ka chhungte hauhna ka tawrh nasat tawh zia leh tuna min phatsan leh mai si vanga ka nat em em zia hi!!!



Kum 18 chauh, hmeichhia lehnghal hian heng natna te hi ka tuar chhuak zo dawn emni??



Zanin khan Lallawmkima vangin ka pa in min hau a, ka thinrim tawh lutuk chuan..



"Ka chhuak dawn, i fanu ah min ngai anih ngai chuan ka nundan hi pawm thiam tur ini!! Ka hmangaih takngial pawh min pawmpui theilo tu nu leh pa bula chen reng hi ka peihlo"




Tiin pan tur ber pawh hrelo in ka chhuak ve tawp anih kha!!




Zan dar 9:00pm a ri tawh a, ka chhuah rual khan text message in Lawmkima hnenah min rawn hruai turin ka hrilh anih kha!!




Mahse tun thlengin ala rawn langlo!! Ka message pawh a seen vek a, a reply lo a, Call lah a la duh bawk silo!!



Beidawn nan tal tiin ka call nawn leh ngat a!! A pick-up ta hrâm, a lak rual rual in keiman lo tawng khalh in,




"Zawnga, min rawn hruai rawh ka tih kha i hrelo emni?? Engvangin nge i reh a?? Tinge nichin zawng zawng khan ka call i pick-up loh?? Kan in piaha bar kawtah khan ka awm rawn kal nghal rawh"




Ka ti hlawk hlawk a, ka sawitur ka sawi zawh rual chuan ka thaw hawk thei nia mawle..



"Hello"



Chu aw chu!! Mipa aw nilo in hmeichhe aw ani!!



"Tunge inih? Engvangin nge ka bialpa bulah i awm?"



Ka ti tuar a, ka dang a sa hat hat bawk!!



"Tu zawk nge maw inih phiangsen le?? A bialnu ka nih hi"




Arawn ti anih chu!!
Sawi tur ber hrelo in ka ngawi tawp a, a mak ka ti em ani!



"Min chhang teh, tunge inih?"



Arawn ti nawn leh ngat anih chu mawle!!



"A bialnu hlui"



Tiin phone ka off nghal hmak a... Thil awmdan teh thut vang chuan ka chi ai a, ka na a, ka khur hial anih chu!



Min phatsan tak tak a maw?? Ka khawvel ang hiala ka ngaih thin, ka chhungten then tura min ti lawm lawm chung pawha ka kalsan theihloh!!



Chhungkua pawh thlahlel theilo khawpa ka pan khan bialnu spare alo nei reng anih chu!!



Ka piah lawka zu dawr ah chuan ka lut leh a, beer tam tham tak leiin ka awmna ngai ah chuan ka let leh a...




Ka haw leh mai dawn emni? Teuhlo, engtin nge ka chhungte hnenah ka sawi ang?



'minlo duh lehlo'
Ka ti dawn emni?? Hnai lo ve!! Duh leh zanin hian thi ila, ni e, thi bo daih ila tu te tan pawh ka hnawksak lo ber zawk ang!!




Ka awmna chu hmun fianrial ve tawk tak anih avangin veivak an tam lutuk lo a, a fianrial a, duhtawka au na tur hmun a awm bawk!



"Zawnga, tenawmpa!! Ka hua che, vawikhatmah ka hmu leh duh tawhlo che!! Tenawmpa!! Ka haw ngawih ngawih che tih inhre rawh!! Baihvai taka ka awm nachhan ini!! Ilo rapthlak hle mai"



Ti a au tuar in beer chu ka tlak leh pawp a, ka kawchhung a sa thla ham ham mai.. rui chhum hmak ila, ka dam ber ang!!


Kalo chatthla ani ve che ang chu, thlasik khaw vawt vin túk chuan min kai harh a, ka lu anat búr bakah ka luak a chhuak em em a, ka taksa te chu an sil thum mai bawk si..



Nilengin chu hmun chu ka chhuahsan leh talo a, kawnga rawn kal te chuan min enduh hlawm hle tih ka hria, mahse ka care hranlo, thih daih te ka chak a, mahse chutiang em em chu ka ngaingam bik chiah bawk silo! Ka nun hi a laklawh ani, kal belhna tur a awmlo a, let na kawng a awm bawk silo..


Thim hlim thet thet ah chuan ka rui chhe leh viau tawh a, ka theihtawpa nasa in ruam khâwk rawih rawih thei tur khawp chuan ka natna chu ka auchhuahpui leh ta!


Râl atanga motor éng rawn de vet vet chu a chhan pawh hre chuanglo hian kalo phar ve ngawt a, a la tlan tlang hmak lehnghal mawle!



"Zawnga leh!! Nang takngial pawn min hmusit ani maw?"

Tiin ka au khum hräm a, ka beer bawk chu lem leh sak in ka tho nulh a, ka ke chu a la in balance theilo em em mai lehngal!!



Thui ve fe a tlan hnu ah ding in, a rawn tlan let leh a!!! Ka bul arawn thlen chuan glass a down a, mipa, hmel rorum lutuk, pa hrâk bawk si hi arawn dak chhuak a, a hmel en mai pawhin mi zaidam anilo tih ka hre thei mai..


"Enge?"



Arawn ti hluk a, a vahan nelawm lo ve! Keia rui lungpuam lahin inhnial inpeih at in kalo melh ve bawk a..



"Minlo hruai ve teh"



Ka ti mawl tawp a, mak min tih hmel zet hian min melh nghal run anih chu!! Ka zam duh bik miahlo nia!!



"Aizawlah ka kal dawn"



Chhumbung zet hian arawn ti leh a, a sawi zawh hma hma in lu kalo thin khum vak a...



"Aw aw aw, khawiah pawh kalla ka lo kal ve duh ka tia lawm mawle"



Kalo ti hlam hlak a, a sir ah hel in kawngkhad chu ka hawng ami chhanna pawh nghak chuanglo chuan ka thu lut vei tharh a, ka la zak miahlo lehngal!!




Tihngaihna a hre biklo ani chek ang chu, a tlanchhuak ve mai!!
A phone a ri sek a, kei a rui lungpuam lah chuan kalo ning hmanhmawh a...



"Chhang vat ta che mawle a bengchheng!!"



Kalo ti hlar a, motor ti ding chawt in min huat hmel zet hian min rawn melh a..



"Chhuk rawh"



Ti hlukin chiang lehzual hian, min ei zawh vek châk hmel zet hian min melh nawn leh ngat a..



"Hmeichhe tawng tam lutuk hi ka ngaina lo, hmeichhe ruih ching phei chu ka ten"



Arawn tih leh sup chuan min chhuktir duh tak tak ka hlauh avangin ka thu tha et a, naupang thu awih deuh ang maiin mawle!!



"I tawng leh vaih chuan kawng laklawhah ka thehchhuak ang che"



Chhum bung zeta ti leh inn
motor a start a, a call a chhang zawm zat bawk! Avahan sual ber mai em..



*Casey Malsawmkima POV*



"Aw sawi rawh"



Nelawm fahranlo hian ka ti nghal tawng a..


"ilo thlen tawh chin rawn ngaihven ka tum mai ania"


Felina-i chuan arawn ti lang lang a, tul ka vahan ti lo tak.



"Ka rawn chhuak chiah"



Ti bul hmukin phone ka off a, seat ah ka thehthla nghal chawrh bawk..



"i va nelawm lo ve a!! Chulai chu kalo thleng tawh, te pawh tih ve tur che nia"



Ka sira thu, hmeichhe tereuhte, rui nawi ve zet chuan arawn ti a, Minute khat lek pawh tawng lova awm chu hrehawm ava ti awm em em ve le?!!



"En teh thianpa, hmangaih deuh inei ve tawh em?"



Arawn ti chhuak hlawl a, nui ro halh in lu kalo thin khum mai.


"Avan mak em em, i upat tawh hmel hmel nen ngaihzawng pawh ila neilo maw?"



Arawn ti leh hram a, Zawhna pawh chu ava ngah reuh ve mawle!!



"Hmangaih ka nei hmanlo, ngaihzawng erawh ka nei ve thin"



Tiin kalo chhang a, ka chhanna chu a duhkhawp lo hle tih a mitmeng atang hian ka hre thei..



"Nih chuan, i ngaihzawng te chu i hmangaih ngai miahlo ani maw?? I va mak ve"



A rawn ti leh hram a..Ta tang tang thin chuan a..,



"Ngawi tawh rawh, kawng laklawhah i chhuk duhlo anih chuan"



Ka lo ti leh hmuk a, a ngawi chiang kher asin!!



Ka phone arawn ri leh a, nicka nu!!



"Aw nu mafel"



"Bawiha, i thianpa hi a derthawng tawh lutuk ania, doctor ten darkar 24 chhungin a harhlo anih chuan a harh tawhlo hlen thei anti bawk si"



Tap hlawp hlawp chungin arawn ti a, steering chu nghet lehzuala hum in speed ka san zual sauh a..



"Engvangin nge ka pa damdawiin ah in dah nghal loh?? Tunah khan sawn phei nghal rawh u"



Ka ti hrawk a, a mi chhanna pawh nghaklo in phone ka off a, boruak awm zawng zawng chu hip zawh vek tum ang maiin ka hip lut kawk kawk a, ka mangang takzet ani..



"Doctor inia mi a?"



Ka sir ami chuan arawn ti leh tawh!!



"Nilo"


"Mahse, hospital innei tihna maw?"



"Aw"


"Chuti ngati nge doctor inih ve siloh?"


"Hospital kan neih vang maiin doctor ka ni ve dawn tihna anilo"


Ka lo ti leh hluk a, a ner nang nang mai...ka arawh kalo khi suk thung..



"Mahse ka.."



"Ngawi tawh rawh naupang"



Ka ti ro halh a, a kâ a chip chiang teh e..



Hmeichhe tawngthei deuh hi ka ngaina lo, mipa tawng tam lutuk ho phei chu ka ngaitheilo lehzual!!



"Thawnthu kalo hrilh ang che aw"




A ngawih deuh vang vang hnu ah arawn ti leh hram a, tawnglo hian a awm thei thlawtlo tak tak anih dawn hi!!



"Sawi rawh"


Ka ti ta tawp a, Sawi suh pawh ti ila a ngawi rei leh dawn chuanglo tig ka hre miau alawm!


"Ih maw, hmeichhe pakhat hi a awm a, kum 18 anih laiin a bialpa vangin an in(house) atang a tlanbo a, mahse a bialpa chuan alo kawp reng sia..


An in a kir leh a hreh ve tawh bawk sia, chuan mipakhat, a hmelhriat pawh ni ngai miahlo motor alo phar ding a, a motor ah chuan a chuang ve a..



Mahse maw chupa chu a sual hmel in, a nelawm lo lutuk a, "tawng tawh suh" a ti deuh reng bawk sia!!



Mahse sual hmel in, nelawmlo viau mahse chu hmeichhia chuan a cute a tia"



Nui hak hak chung hian arawn ti a, keipawh kalo kiai ve isuk mai, Ka chanchin a sawina tih ka hria a..



"Ngati nge cute itih ve ngawt?"



Tiin nuih insum deuh hian kalo ti a..


"A chhan chu,. A pa lian sia, mahse a len ai daihin a rilru a zim in ka hria a, a inhmehlo lutuk kha a cute ka tih chhan ania"



Arawn tih leh chuan ka in rin hman hma in ka nuichhuak hawk hawk anih chu mawle..


Ni e tunah khan ka nui!! Kei, Malsawmkima hi ka nui ve anih chu! Chu pawh a der tel hauhlo in!!



Chutah ka nuihchhan lah chu awihawmloh lutuk in, hmeichhe tereuhte, rui nawi em em, tawngthei zet vang zit zet in mawle!!



"Kha pa kha ka hmuh leh hun ah chuan a châklo viau ang"



Ati niah niah a, a lam hawiin a hmel chu ka enchiang nghal vut a!!



"Tu chu maw?"
Ka tih chuan


"Aww, min phatsan tu pa, tenawm lutuk, Lallawmkima kha mawle"



Tiin a mittui arawn luang ngiai ngiai a, Chutah motor chu ka tiding dawt a, ka lamah hnuk hnai rawkin ka kuahbet a, a mittui tla chu hmuh nuam ka ti miaulo..




A tap chhuak hawk a, a na viau ani ngei ang, hetiang khawpa a rui chhe chung pawha a rilru atanga a paihbo theihloh mihring chu ka huatpui!!



Mi ka thlem ngailo a, ka thiam bawk heklo!! Sawi tur thlawt ka hrelo, tap tawhlo sela, chu chu ka duh ber ani mai, tih ngaihna hre heklo, ka kuah ngawt ngawt ringawt..




Rei fe kan in buaipui hnu ah a muhil bém a... A lawmawm zawk viau e...




Seat hnungah chawi pheiin ka muttir a, puan sin tir in a hmel chu ka melh vang vang a...a tahna vanga a bianga mittui châmbang ngiai ngiai te nen hian a cute ka ti!!



Motor ka ti nung leh a, thaw chhuak hawk in ka tlan zawm leh ta a!



Nick chu engtin nge a awm zel ang?? Vawiin tlai khan a natna chungchang ka hre ve chauh a, kum hnih chhung ngawt khan engvanga minlo hrilh miahlo nge an nih tih hi ka hrethiam theilo!!




Ka hriat ve meuh chuan ka tlai lutuk mah mah tep tawh si a!!



Brain tumour maw?? A natna an hriatchhuah tlai chu thuhran, mahse ngati nge ka pa hospitalah an kalpui loh??



Ka thluak a buai vek, nick hi naupangte ka nih lai atang tawha ka kawm ber leh ka thiantha ber ani!!



Tuna a natna min hrilh loh pawh hian chhan a nei ngei ang!!




Aizawl kan lut a, ka ngaihtuahna a buai leh nak mai! Seat hnunga hmeichhe tereuhte saw engtin nge ka tih dawn??



A mutui si a, ka kaitho hreh ve tingtang tawh!! Pawilo e, ka in ah ka hruai lut anga, naktuk lamah, a harhfim hunah a chhungte in lama insawn phei turin ka ti tawh mai aniang chu..



In lam ka pan ding ngar ngar a, kan thlen chuan ka awmpuiten minlo chhawn vat vat a...



Hmeichhia ka hruai luh vang chuan mak anti ani mahna, an phun ser ser a, hmeichhe ho tak hi chu...



"In hna chauh ngaihtuah rawh u"



Ti hluk in inchungah ka pawmchho a, guest room ah ka nghat dat a, a harh chuang eihlo nia mawle...A mutui mai sia maw!!


"Kalo let vat ang"



Ti sup in ka chhuah san a, ka pa hospital lam pan in ka dawk chhuak leh nghal zawt, a tlai tawh em avangin mitor tawh tur avâng pharh a, a tihzia viau e..




Kawng tluan in ka ngaih a thalo a, engtin nge alo awm ang? Alo harhchhuak tawh angem??



"Khawnge"



Damdawiina tlan luh rawk pah chuan ka ti lut thawr a, nurse ho chuan ka sawi awmzia hrethiam heklo, minlo en heu ringawt mai, chu thil chuan ka thin a ti rim bawk!



"Khawnge Nick Zothansanga?"



Ka ti leh tuar a, an phu zawk hlawm...rang takin nurse pakhat chuan min rawn kai a, min kalpui nghal dawt dawt a, khatiang daih tawh tur kha alawm..



Icu ah anlo indah lut leh fel dawn chiah hi alo ni a...



"Bawiha, casey!!"



Nu mafelin min hmuh rual rual in minlo pan a, ka awm ah a lu nghat in a tap hawm hawm a, tih vak ngaihna ka hre bik silo!



"Min luhtir ve ru!! Min khawih hlek suh u, ka lut ve duh ka tih chu"



Chu aw lo chhuahna lam chu ka en vat a..hmeichhe pakhat hi nurse ten an rawn kaichhuak a, a tal nasa takzet bawk..



"Min luhtir ru ka tih chu, second khat lek pawh a hmel hmulo in ka awm duh tawhlo"



Ti leh tuar in a tapchhuak hawk hawk a, ka khawngaih takzet..mahse ka sawi tawh kha, mi ka hnem thiamlo a, en tawp bak tih theih ka neilo!!



"Bawiha, sarahi iti hrilhhai lulai emai"



Tiin nu Mafeli arawn thaw hak a, kalo pawm nghet sauh thung a...



"Khawnge ka pa?"



Nurse hnenah chuan ka ti bul hmuk a.


"Hna khawih laklawh ala nei a, nakinah kalo en ang atia"



Arawn tih chuan ka thin chhung hi a sa nghal vek thei nia!!



"A office ah a awm em?"


Inthunun tum hram hram chung hian ka ti a, lu alo buk nghat avang chuan ka thaw leh kawk a.



"Ka rei lo ang nu mafel"



Ti a kalsanin, kan mihringa office lam chu ka pan ding nghal buan buan a.



"Mahni mihringpuite nunna aia hlu zawk ni a i ngaih i sumdawnna tenawm tak kha chawlhsan in, ka thianpa saw va buaipui nghal rawh"



Office kawngkhar hawn rik bur pah chuan ka ti lut tuar a, min hmu thut chu mak ati ve ani ngei ang..


"Bawiha"

Alo ti ang he haw a..

"Kha thu i chhakchhuah hma khan ka thusawi chu zawm in, khawvela ka thian neihchhun nunna saw va chhanhim rawh"



Ka ti leh hrawk a, a thil lo tih mek chu ten zetin ka melh a, in thlahrung mitmeng a min melh chungin a doctor form a inbel a, min kalpel in a chhuak ta anih kha!!



He mihring hi ka pa chu ani ve si a maw?? Ka awih theilo hial zawk!! Ka nu tana a manganthlak thin dan tur mawlh mai hi!!




Ni e, heihi hringnun ani, a chaklo zawk te chu an dikna ngei ah pawh an tlawm fo a ngai thin si a!



(A tawp thlengin aw)


End of chapter - 1


[Ngaia]

*Casey's Secrets*
Chapter - 2
(ilefi imoz)




*Hmangaihzuali POV*



Ka dang ro huam huam leh ka taksa sil them thum vang chuan ka harh a, ka room a awm tur ang mai ah ka in ngai bawk.



Ka men(g)chhuah meuh chuan ka phu dawrh a!! Khawiah nge ka awm?? Helai hi eng hmun nge?? Zawhna chi tinreng hian min rawn bawh nghal tup tup a, ka chi ai takzet ani..



Room chhung chu ka enkual thuak thuak a,. A changkang tih chu hriatsa.
Nizan lam thilthleng ka ngaihtuah leh nghal zung zung a, Lalpa leh!!!



Nizan khan...nilo nilo, mahse, ni e, tunah hian shillong ah ka awm tawh reng renglo!!



Anih chuan, nizan khan, ka hmelhriat ngai miahloh, mipa lehnghal kha ka zui!! Aw Lalpa engthil nge ka hriat hi??



Ka taksa ka en kual a, nilo!! Nizana ka thawmhnaw hak kha ka ha tawh reng renglo, mut kawr ka lo ha daih anih chu!! Ani theilo, ka chungah hian enge thleng??



Kawngkhar arawn ri rak a, nizan ami, paliana kha alo lut nia!!



Rang mangkhengin puan chu ka sin tawm vek a, arawn kalphei zel lehngal..



"Min rawn hnaih tawh hauh suh"



Ti tuarin lukham a thlawkphei fua a, alo chet sawn zauh hman avangin a fuhlo a, kawngkhar a déng dawt thung..



"Tu pawh nila, ka ngaidam mai mai hauhlo ang che tih hre rawh"



Ka ti leh hram a, ka tah a chhuak..mahse a mithmuhah kher chuan ka van tap awmlo chiang tak..




"Enge maw i hriat reuh le"



Ti hluk in lukham chu a va chhar a, arawn phei pui ang tak deuh deuh a..



"Enge ka hriat maw?? Engmah ka hriat loh laia minlo khawih hi i zak miahlo emni?"



Ka lo ti hlar a, anui ro hawk ri ka hriat vang chuan a ngaihna hrelo zet hian ka melh a! Minlo kiai khum suk vang chuan Ka melh rum nek a, awmzia ava han awm silo tak!




"En teh té-i...thil hriatsual inei a ang"



Arawn ti hluk a..



"Te-i pawh ka nilo, hming ka nei ve"


"Oh, min hrilh hleinem"


"Hrilh thei che pawhin ka harhfimlo tih i hre reng a, tinge hetah min hruai ngawt?"



"Pathian leh!! Keimah zawk min mawhpuh tum hauh suh, tunge ka remtih leh remtih loh pawh min zawt miahlo a ka car a rawn lawn ve ngawt kha? 'Chhuk rawh' ka tih pawh a chhuk duh miahlo kha tunge?"




Arawn ti a, nizan thilthleng te chu ngaihtuah letin, ka duhloh thleng thlengin ka hrechhuak zut zut a, ka zak!! Ka zak lutuk!! Mahse ka zak tih hi a hriat kher a ngailo..



"Engpawh nise, vawiinah lo chhuak ang che"



Arawn ti a...nia ka chhuak ang..mahse tu hnenah nge ka kal ang?? Mizoramah hian chhungte, hmelhriat pahnih khan nei mah ila, an hnenah ka kal vaih chuan ka nu leh pa ten ka awmna an hre nghal dawn tihna ania..



"Rilru chhe pa"



Ka hriattham lekin ka sawi emaw tia kawngkhar a thlen hma in arawn hawi let vut anih chu!



"Chu chu ka nihdan"



Ti nghut in a inher a, a chhuak nal nal mawle!!


"Hmangaihzual i â vek tawh anih hi"



Tiin ka samah ka in kek chiam chiam a, tih theih ka vahan nei silo tak em!!



Taka Rinii kha!! Nia, aizawla awm, rini ka hmelhriat ve alawm, chupawh facebook atang ala ni zui a, amah lah chu mi in a awm mai mai ala ni ve leh chhawng bawk


Mahse tih theih dang ka nei chuanglo, kha mipa, nelawm lo lutuk bula awm ai kha chuan rini hnenah kal ila, mi ina awm ve na tur va dap tawp ang..




Khum bula dawhkan ah chuan ka phone alo let ngat a, ban in rini chu ka call nghal zat a..



Ka chanchin te chu hrilh zung zungin, an kianga reilote tal ka awm ve theih ka beisei thu te chu ka hrilh bawk a.. ani pawh in a pi te a lo dil ve phawt tur thu sawiin kan inbiakna kan titawp ta anih kha!




Peihlo zetin bathroomah ka lut a, a chhungah chuan thawmhnaw alo inthlep fel thân reuh anih chu!!



Ka thawmhnaw anilo tih hre reng mahila hak tur dang nei heklo, ka intihfai zawh chuan ka inthawlh ve hmiah!!



Ka ha tawk ve mai a, nice lutuk..


Choka lamah ka chhukthla chhet chhet a, kan paliana khan table a thu chung hian minlo melh rún a, awm a ti nuamlo!



"I va rei reuh ve, ka riltam tawh nen nen"


Ti in a thleng chu a bih a...chaw ei turin minlo nghak maw? A va awihawm chiahlo ve..



Engmah sawi lemlo in ka va kil ve tawp a...



"I thawmhnaw chu i inhmeh tawk hle mai, zanlaia bazara kual chiam chhan atan chuan a té reuh mange"



Ti sup in a nui hawk a, kei erawh in a ngaihna ka hrelo kher mai!!



"Ei vat vat rawh, i ei kham ah chhuak nghal ang che"



A ti leh tawh...tun lawka a mizia kha a bo leh nghal vek nia mawle!! Mize engzat tak nei ang maw??



Chaw eikham rualin ka insiam sawk sawk a, ani erawh a chhuak tawh thung..enge a tih dawn tih lam chu ka hrelo, ka ngaihtuah peih heklo.



"Awi, a bialnu ani teuhlo, ani ang, hmeltha satliah, pian nalh uchuak silo leh lâr em em bawk silo te chu boss hian a duh teuhlo mai a"




Step a ka chhukthlak chuan awmpuite ti ti chu ka hre reng.. an sawi dik tih hre tho mahila ka na ve ngawt mawle!!



An sawi hrelo ang hmakin ka kalpel a, pawnah ka chhuak nghal vang vang..



Hawi let tawh miahlo in taxi phar tur zawngin ka vak phei char char a, a vâng takzet ani!!


"Lo chuang rawh"


Rawn ti tu lam chu ka hawi vat a, Bullet nalh zet khalh in, kan paliana khan minlo en reng anih chu!!



"Ngailo ka lawm e, keimah pawn ka tih theih ka ring"


Ti hmak in ka kalsan a, ka sirah arawn ding leh hram ah..mai mai chuan aw....


"Lo chuang rawh ka tih chu"


Nelawmna pakhatmah neilo hian arawn ti leh a, ka hnial duh tawh biklo, duhleh a petrol hek zek rawh se ti rilru chungin a hnungah ka lawnkai vei tharh a,..



"Khawiah nge?"


Arawn tih chuan, rini te address chu ka hrilh a, a tlanchhuak nghal...speed a sân nghal vak bawk sia, ka hlau lutuk chuan amah chu ka pawmbet tawp a, ka van ngei ber mai em..




A nui nghawr dawt a, ngei pawh ka ngei hman tawhlo ka tla ang tih leh kan accident ang tih mawlh mai chu ka hlau tawh..


"I chhuk dawn nge dawnlo?"


Ti in min rawn nek a, ka harh zawk!! Kan thleng der maw?? Kan van thleng hma ti rilru niah niah chungin ka chhuk a, lawmthu ka sawi a beisei anih chuan a tisual let der ang?! Hawi let map lovin in ah chuan ka penlut hmak a, a chawh...



*Casey Malsawmkima POV*



Chu nu te reuh chu, ava ngeng reuh e aw!! Lawmthu takngial pawh sawilo in a lut tlang nal nal reuh anih chu!!



Chapo reuh si, mahse a cute viau lawi si!! Nizana dar 10pm hnu lama a thawmhnaw lei tura bazara ka talbuai zia kha!!



Khi suk in ka in turn pawp a, hospital lam pan in ka phit chhuak nghal fua a..







"Chanchin min hrilh nghal rawh"


Kawngkhar kik eihlo in ka pa office ah ka pen lut pawp a, mipakhat nen anlo ti ti melh melh a, a sumdawnna thil bâk ani leh dawnlo tih ka chiang lutuk tlat!!



"Ka kal phawt ang, naktukah kalo kal leh dawn nia"



Tiin chupa chuan min rawn melh zuk a, in thlahrun hmel zetin a chhuak ta a..ka melh zui râm râm thung, tenawm hlawm lutuk hian a..


"Bawiha"


"Thu dang ka ngaithla duhlo, nicka chanchin chauh sawi rawh"



Kalo ti bul hluk !! Thaw hawk chung hian min rawn pan a, kalo tawlh hnung dawrh thung..


"i pa ka nih hi...khawih takngial pawh ka khawih thei tawhlo che maw?"


Rilru nat hmel zet hian ati a, kei erawh kalo ner leh sawk a,...


"Ka nu rilru i hliamna ser a reh fel hunah chauh fapa angin min en thei ang, chuan..nicka chanchin chu sawi rawh, thudangah ka pakai peihlo!"



Kalo ti a, min melh vawng vawng ringawt...a hmel landanah chuan inthiamlo ve tak tak te pawh a ang alawm, mahse teuhlo!! Bâk, rúl rilru pu anih hi he mihring hi!!



"i thianpa chu a harh tawh e"



"Tak tak maw?"


Tiin kawngkhar lam chu ka pan nghal vut a..



"Mahse bawiha"



Arawn tih leh chuan ding datin, kawngkhar chu ka melh nghal run a!



"I thianpa sawn brain tumour natna a veilo"


Ka thu hriat vang chuan rang mangkhengin ka inher a, A hmel ka en a, dawtsawi hmel a pu hauh lo..


"Sawifiah rawh"



Ka ti chang fak a..


"Kum hnih khat kalta vel atang khan nitin tur (potion) an pe thin tih hi rin har ka ti khawp mai"



Arawn ti chhuak phawng a!! Mipa ah pawh pa ve tawk tak..ngeng leh luhlul em em mai ka ni, mahse ka thu hriat chuan min va déng na si ve!!



"Ka rin che beisei suh"



Ka ti nghat a, min rawn pan hnai ruak in ka kut arawn chelh a..



"Misual tak ka ni pawh ani thei e, mahse ka fapa tana mi pawimawhte chungah em chuan dawt ka sawi ring ngai suh"



Tak fé hian arawn ti a, ka melh ngawt ngawt a, ka kut lehlam chu ka hum ruh nghek nghek bawk a..



"Anih chuan chiang zawkin sawifiah ta che!! Tunge ka unaupa tur a lo hrai tu chu?"



A mi vawnna atanga talchhuak phut in office bang chu ka hnek pawp a... Ka chhungril hi a ipik ani!!





"Ka hrelo, mahse engvangin nge JK hospital sawn brain tumour natna vei treat a an treat tlat tih hi ngaihven ngai ber chu ani ta in ka hria"




A ti charh charh a, kalo bu nghauh nghauh... Eng eng emaw a sawi hnu in ka chhuak a, nicka pawh chu ka va hmu ve ngei ang chu mawle.


"Bro, hmuh i nuam hle mai"


A khum atanga nui var var chung hian alo ti a, a chauh hmel takzet a, mahse ani zawng, ka hrechiang a, mi tuarchhel lutuk tak mai, kan nick Zothansanga kha ani miau a..



"Nangpawh kha, i dam chak hmel khawp mai"


Tiin ka nuih let ve suk a, a kut lo vuan mektu hmeichhia chu melh vang vangin ka hmuh tawhna tur awm ang ka ngaihtuah nauh nauh a... Ni e, henu hi nizana lo tap vak vak kha ani chiang alawm..


"Sarahi anih hi, ka bialnu"


Ka ngaihtuahna hria ni awm takin nick chuan arawn ti chhuak a, sarahi pawh chuan min nuih ver ver chungin a kut arawn phar chhuak a, kiai sukin kalo ban ve nghal zat a..


"Ka hmu che chu ka lawm hle mai sarah"



Mawi hawih ah ka han ti ve ngei a, ani pawhin chutiang tho in...


Eng thil emawni kan sawidun ta vak a, a natna chungchang erawh ka sawichhuak duh rih lemlo, keimah ngei hian nakinah kala haichhuak dawn alawm!!!



"Ka kal phawt ang, thil pawimawh buaipui tur ka nei a, lo dam la aw"



Tiin ka tho thurh a, an chhanna pawh nghak tawh chuanglo in ka pen chhuak nghal zat a..



*Hmangaihzuali POV*



"Zual, ngati nge awmpui hna takngial pawh tunlai hian a vân(g) em em mai le?? Ka pi te lah hi an hmel hmuh anuamlo telh telh tawh bawk sia"



Rini chuan mut hmunah a ti sar sar a, a dik chiah, he hmunah hian ni thum ngawt ka awm tawh, rini pi te lah mi fel lutuk anlo ni bawk silo nen hrawn an hrehawm angreng a..



Hnaruak lah chu ahan vâng mai mai khawp a, ngati em em nge mawni le, hna thawh tur a zo vek tawh aniang ka ti rum rum alawm..



"Naktukah tha deuhin kalo zawng leh dawn nia aw, ka hmu tawh hrim hrim ang, ka tihpalh lutuk ania rin"



Tiin inthlahrung tak chungin ka kuah hle hle a, min chhang zui tawh chuanglo nâ in nuamlo a ti tih ka hria...



Lawmkima!! Ni e, he mihring hi alawm zan tina ka rilru a khéllo a rawn lang thin chu!!



Tunah hian enge a tih ve mek ang??ka ngaih ang hian min ngai ve angem le?? Ka thlâkhlelhna zatve ang tal hian min thlahlel ve angem??



Tunah pawh hian ka rilru ati na em em a, mahse ani chu ka hmangaih miau avangin min tihnatna ngawt kha ka hmu theilo a, hlimna tam tak minlo pek tawh zawng zawng te kha a buk a rit zawk miau zel si!!



Ka mut ti tuitu, min ti muhil theilo tu, hlimna zawng zawng min pe tu leh min laksak vektu, ka thinlung nei bet tlattu kha ka ngai a, a kianga awm leh ka châk a, hnaih thei silo hian ka hlat thei chuang bawk silo! Hringnun zet hi chu!!



Suangtuahna chu ka hlimpui theih awmchhun ani tawh mai si a, a tak rama ka chân (lose) tâk kha ka suangtuahna ramah erawh ka chelhbet tlat thei miau alawm...








"Bye aw rin, vawiin chu ka rawn hlawhtling tawh chiang ang"



Tiin kawngkhara ka thiannu ding ngawi reng chu bân ka vaikhum lauh lauh a, huphurh ru tak siin bazar lam ka pan leh ta hnak hnak a..




"Ka pi, in dawrah hian hnaruak te ala awm em?"



Nilengin ka vâk kual a, eichawp dawr, thawmhnaw dawr, thingpui dawr, dawr tin ah chuan ka lut kim vek tawh mai hian ka hria, mahse tuman ka tan hnaruak an neilo!!



Beidawng zetin thingpui dawr pakhat chu ka pan leh hnak hnak a, tlai lam dar 4:00pm ari tawh, ka ril atam tawh a, mahse thil ei nana pawisa han hman ka ui ve ting tang tawh bawk si!!



"Ka pi, in dawrah hian hnaruak inlo nei mial lo maw?"



Ka ti dek dek a lu minlo thin khum hmak mawle..mahse hetianga inhnar hi chu ngai ah ka neih tawh!



Beidawng zetin kawngkhar lam ka pan nghal nal nal a..



"Mami lo ding teh, hnathawh tur i duh maw?"



Hnunglam atangin pa pakhat hian min rawn chelh ding a, pavalai kan tih ang tur rual vel hi ani..



"Aw"


Tih zawngin kalo chhang..



"Lo kal rawh, i sawi dun ang hmiang"



Tiin chair chu min pawh chhuah sak a,. Châu fe hian ka thu thla hnak a, eng hna chiah nge a neih ang tih ka hre chak a, hna anih hrim hrim chuan ka thawk duh vek tih hi min hriatpui se chuan min khawngaih ngawt ang mawle..



"Delhi ah, awmpui tur ang in awmna hmuhsak thei che ila, i thawk duh angem?"



Arawn ti anih chu!! Duh e, duh lutuk ang chu tiin ka au chhuak vak vak lo chauh alawm mawle!!



"Hlawh lampang engtin?"



Ka ti ta zawk a.



"A tlem chhe lutuk lovang, vanneih thlak takin naktukah hian a tam zawk chu an thawnchhuak nghal dawn a, nangpawh, i duh chuan naktukah kan thawn thei nghal che a"

Arawn tih leh phei chuan halleluiah chorus hla kha sak vak vak mai te ka duh rum rum mawle... Pathian in ka kawng tura a ruat anih ngei dawn hi...rini pi te lahin min hmu kham tawh em em a, naktukah ka chhuahsan hmak thei dawn anih chu!!




Ti rilru rauh rauh chungin, inngaihtuah múk hmel fé in ka bu nghat a, ka rilru chhungril erawh chu a khi ver ver..



"Naktuk dar 9:00am ah Lengpui airport ah lo awm la, chuan heihi ka contact ania, i thlen veleh min lo call dawn nia"



Tiin card min pe a, a kal chhuak ta nghal a..hna ka hmu tawh tho alawm tiin ka riltam lutuk tih reh nan eitur ka chah ve leh hmiah kha!






"Awi ani maw?? Hna i hmu tak tak maw?? Ka van lawmpui tak che"



Rini chuan minlo kuah chung chung a, keimah ang bawkin a hlim tih ka hria..



"Ka lawm eeee, naktukah airport ah ka kal anga, ka hausak hunah kan inhmu leh dawn nia"




Tiin kan nui dun hak hak a, tunah chuan ka chhungte tello in hringnun hi ka fight ve tak tak dawn ta e!!







Airport ka thleng chiah a, card a number chu dial vatin ka ngaithla vang vang a, a tlang thei miahlo!! Ngati nge mawni le??



"Ka pi, minlo hrethiam lawk"



Tiin mipa pakhat hian min rawn pan a, coat suit dum a ha a, a lu ala kawlh zui, misual pâwl ami tur a ang!!


"Enge ni ta?"



"Mr.jeremy khan hruai tur che in min tia"



Arawn ti a, nimina mipa kha a sawi na ah ngaiin ngaihtha takin ka zui ve tawp a..



Airport kan chhuahsan leh tâk daih vang chuan ka ngaih a tha chiahlo...



"Minlo hrethiam teh, vawiin hian delhi a kal tur kan ni a"



"Ka hria lawm, mahse mr.jeremy chuan a tum a thlak leh tawh"



Ti rum rut in bolero ah min namlut dawrh a, chhuah leh tum in kawngkhar ka pawt nghal vak a, a lock anih chu!!



"Hmela min chhuahtir nghal rawh, tunge inih a?? I zak miahlo emni??"


Tiin ka au tawn tawn a, min ngaihven maplo in motor a start vut a, min tlânpui nul nul anih chu!!!




Kan tlan zel a, khawilai ah nge kan kal pawh ka hrelo, mizoramah ka awm ngai lo bawk nen eng veng veng nge tih takngial pawh ka hre silo!!



Building thim rek ruk sirah min dinpui a, min pawtchhuak rawkin gate duty te chuan mak minti hmel pawh an pu eihlo nia mawle!!



Building chhungah chuan min kailut a, step engzat zozaiah nge min chhohpui pawh ka hre seng tawhlo!!



"Lut rawh"



Ti nghut chungin min theh thuai a, room chep zet, rimchhe em em bawk si ah chuan ka bawk lut thlawrh a, ka khup ka sawh pem sawk bawk!!



Chutah le!! Keimah ang rual hmeichia, sawmhnih chuang vel zet, pawr phingpheng ho hian minlo melh thap anih chu!!



"I fel leh na i tuarlo deuh ang"



Tiin min hruai tupa chu a chhuak vut a, ka thiltawn hi ka hrethiamlo takzet ani tawp mai!!



'tunge i hming'


Hnunglam atanga rawn ti tu hmeichhia chuan ka tah ati chhuak!!



"Hmangaihzuali"



"Josephine-i ka nia...Thingtlang mi ve tho emni inih?"



"Aih"



"Anih chuan ngati nge he hmunah hian an rawn hruai ve che a"



Arawn ti leh a, a ngaihna hrelo zet in ka melh mawl tawp ringawt..


"Enge a awmzia? Heng mi te hian engvangin nge hetiang hian min tih?"



Ka ti chang fak a, ka aw chu a khur ru der der tih ka hre thei nâ in, pawnlama lanchhuah tir erawh ka tum lo thung..



"i hrethiamlo tak tak nge ni a, i hrelo tak tak zawk?? Keini ho hi thingtlang atanga hnathawh tur zawng vek kan ni a, tichuan mipakhat, a hming jeremy an ti emawni, chupa chuan min bum in delhi ah hnawthawh tur a awm thu min hrilh a, tichuan ka.."



"Tichuan airport ah amah chu lo nghak turin min ti a, chuan, amah lo kallo in lukawlh, lian deuh deuh anlo kal ta zawk a"



Tiin kalo phun khalh sap a, thil awmzia ka man ta thuak thuak e!!



"Ni chiah e, tichuan, an sawi ka hriatruk dan chuan keini hi, tenawm taka khawsa tura nawrluih kan ni dawn"



Josephine bawk chuan arawn ti leh a! Ka tawlhhnung dawrh a, ka hlau a,. Ka khur hial anih chu!


"Ka awihlo"



Ka ti tiau a, ka mittui arawn far zawih bawk..



"I awih leh awih loh in kawngro a su tehchiamlo"



Hmeichhe pakhat chuan arawn ti a, bang nghengin ka hmai ka hup vawng vawng a, ka nu leh pa te ka ngai!! Ni e, an kiang atanga kalo kalsawn ta ta kha ka inchhir a, chawh ka inti em em bawk!!





"Ka ei dawn chuanglo ka tih chu"


Tiin an chaw rawn sem them(h)lem zet chu a vawi tamtakna atan kalo nawrsawn leh a, josephine-in min lainat zetin ei turin min hnawn luih a tum leh thung..



"Zuali, hriatthiam tum rawh, chaw i nghei vang khan an dim phah dawnlo che, chuvang chuan inti pachang la, ei tum rawh"



Ka lu a chul hliau hliau pah hian ati a, kei chuan hnunglam kalo hawisan hmiah thung!!



"Nundan phung pangailo lutuka nun phét tum kan awm leh emni?"


Chu aw rawn chhuahna lam chu ka hawi nghal vut a, kawngkharah chuan putar pakhat hian minlo melh run anih chu!!!



"He hmunah hian nundan phung pangai kan nei ve a, chu dan chu i bawhchhia anih chuan hremna hmu tlak ini"



Ti khawl khawl in min rawn pan a, kei kalo ding mar ve at thung!!



"Nundan pangai taka nung mai mai lai hmeichhia te pawh nundan phung pel lutuka nawhchizuar tura hnawn luih intum vang hian hremna hmu tlak zawk chu inni"



Kalo ti ve sak sak a, josephine-in ka hmui alo hup vat a, kei erawh ka thin arim telh telh thung..



"Min thlah teh"


Tiin ka tal phat phat a...putar pa mitmengah chuan thisen chhuah châkna ka hmu tel hial hian ka hria!!



"Tawng tam lutuk, a thléng hi rawn laksak rawh u, tun atang chuan vawikhat mah chaw pe tawh suh u"



Tiin kawngkhara mipa pahnih lian em em ding te chu a au a, a chhuak zui nghal zat bawk a.



"Tar hmelchhepa"


Tiin ka phun sup a, a hriat phak erawh ka ring tawhlo..


"Kha kha an boss anih kha!! Khatiang khan vawikhat pawh tawngkhum tawh reng reng suh"



Josephine chuan arawn ti sap a, midang ho erawh in an chaw an ei leh mial mial tawh..



"Tu pawh chu nise ka zah viau nachhan tur ka hre hauhlo, chuan he hmun atang hian ka chhuak duh"



Tiin khum tetakte ah chuan zawi riai hian ka mu thla dat a...









Ni 3 a liam a, thian dangte chu tihluihna hmangin an inzawrh tir ta pheuh pheuh tan a, josephine-i pawh!!



Zana an rawn haw chuan an rawn tap lut faih faih thin a, tih theih nei mang silo hian kalo lainat ve em em thin!!


Keipawh min zuah rei bik dawnlo tih ka hria a, ka hun alo thlen ve hun tur huphurh tak chungin ka nghak ve ngawt ngawt ani ber mai!!



Chaw ka ei ngailo a, tui erawh ka in ve zeuh zeuh, chau chhe tawh tak ka ni tih hi sawi kher pawh a ngaih ka ringlo e!!



"Kan mi rapthlaki chuan a daih rei hle mai maw, hruai rawh u, tun atang hian a hna a tan ve tawh ang"



Kawngkhar atanga rawn pen lut putar hmelchhia leh tenawm zet chuan khuma zawi ngiaia ka mu lai chu min rawn phih tho sawk a, khum atang chuan min kek thla zui thlawrh bawk.



Mipa pahnih te chuan min rawn pawt tho in dim baksaklo hian kawngkhar lam chu min panpui a. Ka tâl thei derlo..


"In kut tenawm lutuk kha in la sawnlo anih chuan in vai khan ka that ang che u"



Chu aw chang fak rawn ri chhuak chu chiang manglo hian ka hria a, ka tha neih zawng² in ka hawichhuak ve hram hram hram a!



"Palian"



Ti in ka phun sep a, a thim nghal mup ringawt mai ani!


(Ngaihnawm i tih ngei ka beisei e comment theihnghilh awih loh)

End of chapter - 2

[Ngaia]

*Casey's Secrets*
Chapter - 3
(ilefi imoz)



*Casey Malsawmkima POV*


*Flashback*




A khât tawkin hospitalah ka kal zauh zauh tih loh chu ka hotel thar rur buaipuiin ka buai tawk ve em em a, he hotel hi chu ka in phén na atana ka hman tur mai mai chauh ani!



Felina-i nen kan inzui reng a, min zuilo tura ka duh viau chang pawha min zui luih phet a tum tlat thin erawhin min ti lawm fahranlo!!



Vawiin pawhin ani nen bawk ka hotel tur kan buaipui leh a, tlai lamah erawh a thawmhnaw tur kan en kual kuit thak ani ber e!!



Hmeichhe ho mak zia hi chu!!



"Anih aw duat"



Tiin min rawn fawp zauh a, lu buk khum nghutin ka in lam panin ka inkhalh chhuak ta nghal a.



Inchhung ka lut a, awmpui ho chu an lo phe vat vat a, nula hlir anni a, pathum!! Mahse ngatan vak ka ngai lemlo, tin, ka mamawh em em vanga heta lo awm hi an nilo bawk, thingtlang atanga lo kal, hlawh an mamawh em avanga ka lak ve mai te kha an nia..



Dik tak chuan keimah chauh pawhin ka khawsa thei, nuam pawh ka ti zawk mah, mahse sual viau e tilo hian hetiang mi te hi ka khawngaih ve leh tlat zel..



"Pu, coffee aw'


"Ngailo"

Tiin room ah ka chhohsan a, felina-i nen pawnah chaw kan ei tawh tho avangin mut bak tihtur ka neilo..



Khumah ka bawk vang vang a, mak tak maiin ka ngaihtuahnaah tereuhtei kha arawn lang ve ringawt anih chu!!



A hmel cute zet leh a thinchhe ve zet te, a mengrum ve ram ram thin te kha ka mitthlaah arawn lut zut zut nia!!



Be pawp turin a number ka neilo! Nei tehreng pawh ni ila enge ka sawi chuang ang??


'malsawmkim thildang ngaihtuah teh'


Tiin ka inlet thawk a, amah bawk lo chu mitthlaah a lang theilo!!



Ka tihngaihna hrelo lutuk chuan felina-i ka call tawp a, ala busy zui!!! Hrep chuan le...



Enge ka tih mek ka in hriatchhuah leh meuh chuan hmanni a tereuhtei ka thlah na in bulah khan ka lo ding rân tawh!!



Amah hmu turin helai thleng thleng hi ka kal chu ani sia!! Casey Malsawmkima tih atan chuan thilmawi ava nilo lulai ve!!



"Lo lut rawh"


Doorbell ka hmeh rik ruala rawn ti tu chu tereuhtei aw ani lo phawt mai!! Ka pen lut a, an awmpui ni awm tak hian min lo hmachhawn ran a,



"Tereuhtei ka hmu duh"



Ka ti mawl tawp a, A ngaihna hriatloh hmel zet hian min en aheu lehnghal.. kei lah in tereuhtei hming ka hre der silo!!



"Ka pi leh pu te an inkhawm a, tu nge irawn zawn hi ka hre hauhlo mai ka pu"


Nula chuan alo ti a, sitting room lamah kan inzui phei nghal zat bawk..



"Thingpui kalo lum dawn che emni?"


"Ngailo, tereuh...aa, englo, tereuhtei chu, he in neitu te chhungkaw lam hnai hi anih ka ring deuh ngawt a, hmanni khan helai kawt ah hian kalo drop a, shillong atanga rawn kal ani nghe nghe"



Ka ti bul bul a, nula chuan min en vang vang a..a hmelah ngaihthatlohna lian tak anei tih ka hre thei mai, a chhan erawh ka hrelo!


"Henu hi ani em i sawi chu?"



Tiin a phone screen chu ka hmai zawnah arawn lek kâng a, tereuhtei hmel ngei ani!! Lu kalo bu nghauh nghauh a..



"Ka..ka pu"



Tiin a insut nghal hrawih hrawih a, A ngaihna hrelo zetin ka melh tawp thung..


Tichuan thil thlen dan min hrilh ta a, delhi ah hna thar a hmuh thu te, airport a a awm lai kha an inbiak hnuhnun(g) berna anih thu te leh, chumi hnu chuan a phone a in switch off tâk tlat thu te mawle!!! Ka phi nghal chung a, a chungah thil thalo tak a thleng tlata hriatna hian tuipui ang maiin a tuam hian min tuam hlup hlup ani ber mai!!



"Anih chuan, i pi te pawh chuan an ngaihven chhunzawm eihlo emni?"



Ka ti kha fak a... Amah ngaihsak hauhlo tu chhungte anei hian ka thin a ti rim hlur bawk si..



"Ka pu, tuna ka awmna te hi a chhungte anni hleinem, amah kha keipawn chiang takin ka hre biklo, shillong atangin a ruih vangin alo chhuk ve tawp a, mizoramah hmelhriat aneih loh avangin he inah hian min rawn pan ve tawp alawm!! Chuan, englo, ka pi te hian an ngeih ta vaklo a, chuan..."



"A tawk"



Ka ti thawt a, ka kalchhuak nghal vut....bike ti nungin airport lam chu ka pan nghal a, kawngtluan chuan inthiamlohna hlir hian ka khat, ngati nge kalo kaltir kher kher ni???



Tereuhtei khan mizoram leilung a rah chhan chu keimah, tin, chhungkaw bul bal anei nge neilo tih pawh ngaihsak hauhlo a ka in atanga chhuak tura ti tu pawh keimah!! Chuan engkimah hian a bul tumtu leh a mawhphurtu chu keimah vek ka ni!!




Airport ka thleng a, CCtv ka check tir nghal thuak thuak a...ni thum kalta ami chu!!



Tah chuan le, tereuhtei ngei mai chu ka hmu ta!! Amahin a thu a, a phone a kheuh neuh neuh bawk, a hnu ah mipa pakhat arawn kal a, a hruai chhuak!!



Chumi chin zawng chu a lang!! Kha maw, ka hlauhthawn ang ngei ani, delhi a kal tur ni tak tak se engvangin nge thlawhna a kalsan ang??



"Lawkin, play nawn leh teh"


Ka ti thawt a!! A repeat leh ta!!! A hruaichhuak tu pa bâna tatoo chuan hlimna min va pe nasa si em!



"Lalpa ka lawm e",



Ti sup in ka thochhuak leh nawlh a, tereuhtei chu engtin mah anlo la tih hman loh hram beiseina in airport chu ka chhuahsan hlawk hlawk a.



"Michael, he number hi lo chhui la, a location min rawn thawn nghal ang che, a rang thei ang berin"



Tiin ka assistant michael-a, shillong ami chu number ka thawn nghal vat a, minute hnih hnu ah location min rawn thawn vat, ka chhuantawlawl-a ani miau!!!




Building lam chu ka pan mawp mawp a, 'tun tum chu i him tawh hauhlo ang' ti rilru nauh nauh chungin speed ka sán zual sauh..



"In kut tenawm lutuk kha in la sawnlo anih chuan in vai khan ka that ang che u"



Ti tuar in tereuhtei rawn hnuhchhuah tumtute chu ka au khum a!! Pistol ka phawrh nghal rap bawk..



"Palian"


Ti a rawn phunsep chu tereuhtei ngei ani, a â zo tawh emawni??


*End of flashback*



"He hmunah hian engmah rawn tihtur inei hauhlo asin"



Room chhung atanga rawn ti tu aw chu ka hrechiang ngei mai!!!



"Nangni mi tenawm te khawvel chen dan chu zanin hian tawp tawh rawh se, ka pu"



Nui lui sak chung hian ka ti a, putara erawhin min thamloh hmel zetin min melh thung!!



"Tum chhin la, kha i phone tetakte a police number i dial rual khan he hmeichhia hian a nunna duhawm tak a chân ngei ang tih ka tiam a che"



Then thaw chung hian arawn ti a! Rang takin tereuhtei chu ka en vat a, chhuatah alo mu sawp niaih, a hmel a hil bei a, a chauh hmel em em bawk si..



"Nangni ho hian engtin phiangsen nge inlo sawisak a?"



Ti leh tuar in putara chu ka melh hrâwk a, ka dinhmun erawh ka sawh sawn ngamlo, ka chet hlek chuan min rawn bei nghal dawn tih ka hria!!




"Enge inzawmna inneih?? He hmeichhe luhlul leh tenawm lutuk nen hian"



Chu zawhna vang chuan ka sa zawk a, putara kawr awm ah ka tham betin a hmai bulah hnai set sawtin ka melh rún a..



"I nunah chauh buai rawh, chuan he hmeichhia nena kan inlaichinna chu nang ni ang mi tenawm hriat atan chuan a mawilo putar"



Tiin ka thing nawk a, inhera kal ka tum leh chiah ka ding dawt..



"I nu in a mo atan hetiang hmeichhia hi a duh in i ring emni?"



Arawn ti miau am. Za lo fahran hian ka nui lui hak a..


"Ka nu chuan ka pa anglo takin min hmangaih alawm, ka nunah a buai velo, a tihsualah ka pa angin a fapa a mawhpuh ve ngailo"



Tiin tereuhtei chu ka pan mawp mawp a, tuman chet an la lo hlauh!!



A hmai hit thler chu ka dek a, amah chuan engmah a hrelo anih hmel, a dawldang em em a, a pawr fep a, a thuamhnaw te chu a thler duai bawk nen...



"Tichuan, inremna chu kan nei dawn em le?"



Putara bawk ani!!



"Tun tum chu ka hmeichhia vang hian ka chhuah ang che u, a lehpekah erawh in thiltih man in tuar ngei ngei tawh ang tih ka tiam a che u"



Ti hrawk in tereuhtei chu ka pawm a, pawnah chhuahpuiin motor seat hnunglamah ka nghat a, puan sin tirin,. A hmel chu ka en vang vang a.



'zanin hian nangmah vang liau liau in ka hmelma te ka chhuah phah ania, mahse ka inchhir hauh silo, tunah chuan ka chaklohna an hre ta, mahse maw, ka venghim ang che'


Tiin ka phun sup a, ka seat ah thu in motor ka start nghal vut a..



*Hmangaihzuali POV*



Ka lu na bur vang leh ka riltam kaw ruak lutuk vangin ka harh hlawl a, ka awm mekna erawh a thim leh khup tawh!!



Ka taksa dep chiaha taksa lum thur thur chu ka feel nghal zat a, engmah chiangkuang pawhin ka ngaihtuah hleitheilo, ka chau a, ka zawi a, ka dang a ro huam huam bawk si!!




Ka kianga mu chu josephine-i leh bawk anih ringin ka ban de de a, ka khawih fuh, mahse a lian lutuk hret!!



"I tha em?"



Rawn ti nghut thawm avang chuan ka phu dawrh a, ka sira mu chu arawn inlet thawk a, min rawn pawm bet tlat bawk a!!


"Ka.."


Ka tawngchhuak thei che che che ani mai..


"Tereuhte, i tha em?"



Ti thum leh sup in light a on a, ka awmna room ka en chuan ka thaw hak..


"I ril a tam em?"


Chiang zawka a hmel ka en chuan paliana kha ani tih ka hre thei ta!! Ka thaw hawk a, ka thlamuanpui veng veng anih chu!! Ni e, amah, paliana ngei kha mawle!!


"Choka ah ka pawm thla ang che"


Tiin a tho vut a, kei erawh ka la che thei chuanglo!! A zawi hian ka zawi vek miau alawm..



Choka ah min pawmthla a, tumah anlo awm tawhlo, a tlai tawh viau pawh ani mahna le!!



"Tah hian lo thu rawh, ei tur ka'n la ang"


Tiin chair ah min nghat dat a, zawi lutukin dawhkan chu ka bawh leh thlawp ringawt, ka zawi lutuk emai..






"Ni tam tak chaw ei tawhlo ang maiin alawm mawle i awm le!"


Mak min ti zetin ka chaw ei lai chu min en tlawk tlawk a, arsa hmawm zauh pahin. "Ni thum" kalo ti sap a..



"Zawng ho chu, an thil tihsual man an hmu ngei ang"



Tiin bawnghnute min rawn thlit belh zat a..



"Ka..zawh duh che ka nei'


"Sawi la"



"Engtin nge kha'ng ho bulah khan ka awm tih i hriat a?"


"Thawnthu sei tak ani tereuhte, engtikah emaw chuan ila hre ve ngei ang, anmahni ah khan han hriatchian deuh lai te inei em?"



Ti a min zawh pah in ka lu ah arawn fawp zauh a, ka lo t(r)im chhawk thei nia mawle? Ngagi nge min kiss ve ngawt?!

"Putar khan a ban dinglamah tatoo anei a, mahse tatoo ah chuan enge inziak tih ka hrelo, mahse, hmu leh zauh ila chuan ka hrechhuak tho in ka ring"

Kalo ti sep a, a mitmeng danglam zawk chu reilote ni mahse ka hmu hman chiang alawm..


"ka venghim ang che.. chuan, mutpui ila ngai angem?"


Tiin kan topic chu a rawn thlak daih a, rang mangkhengin lu kalo thin khum vak vak a.. kiai sukin a lu a bu nghat a, mahni room ah ve ve kan lut ta anih kha!!



Room a sana chu ka melh a, a second a kal ri chhet chhet a, dar 11:00pm alo ni tawh reng..mutthilh tum in theihtawp ka chhuah ve a, a hnailo mai!!



Lawmkima bawk ka ngaihtuah chhuak leh!! Ni e, man a, khungbeh ka nih lai pawh khan chawl miahlo a ka rilru a riak reng thin chu ani hi ani miau a!!



A hmel arawn lang anga, ka tanna hmun tenawm tak atang khan min rawn la chhuak dawn ni hian ka ring thin a, kawngkhar ri hlek se, amah anih ringin ka hawichhuak vat thin, mahse ani ngailo!! Ani chu thehhmeh ang maiin a reh vawng vawng a, a hmel hmuh te chu sawiloh a aw ri takngial pawh hriat tur a awm ngailo anih kha!!



Ka thinlunga châm reng thin anih avangin chutiang thil pawh chu ka ngaidam leh zel a, ngati nge min tihnat na aia hlimna min pek te hi tlem zawk chung si hian, chu hlimna chhete chu ka hriatchan fo zawk zel le???



Amah ka beisei em em laia ka beisei loh zawk, paliana(a hming pawh ka la hre silo) alo lan pawh khan amah zawk ni se tiin duhthu kalo sam leh hmanhmawh anih kha!!



'hmangaihzual, kha mihring tenawm zet kha ngaihtuah pawh ngaihtuah tawh suh, ivahan mawl em em ve'



Tiin ka tâl vak a, reilote chu a thlawkbo ve, mahse avan reilo lulai si em!!!



'ani ngaihtuah ai chuan, harsatna i tawh laia rawn lang hlawl, itana vantirhkoh, a hming pawh ila hriat miahloh hi ngaihtuah zawk ta che mawli'



Tiin ka sam ka tuai vak vak a, ni e, hepa, ka mamawh em em laia rawn lang hlawl mihring hi tu chiah nge maw anih le?



Thinlung na leh rum vawng vawnga ka awm laiin arawn lang hlawl a, chumi hnu ah a vawihnih nan misual tak lak atang min rawn chhanhim bawk!!



Tu chiah nge maw anih le??






Zingah chuan khum bul tukverh atanga ni zung lo lut chuan min kaiharh a, sana melh vatin, dar 8:00am alo nih der tawh avang chuan ka tho chhuak nghal vat a.. Ka van mu rei tak em..Ka taksa rawl thum vang erawh chuan ka ding mar hleitheilo..



Choka ah ka lut thla vat a, awmpui pakhatin eirawng alo bawl rak rak a, kei ai chuan a upa anga mahse a upa lutuk bik miahlo ang..



"Nang bawk maw?"


Min eiloh hmel fe hian arawn ti a, tím angreng takin lu ka bu nghat a..



"I rawn kir leh kan beisei lutuk lo asin mawle"


Ti hmarh hmarh in pawnah a chhuak a, ngei fe in ka melhrum tawp!!



'in eng pawi nge ka sawi chai le'


Ti sep in a eirawngbawl zawh loh chu ka chhunzawm sawk sawk a, ka thiam fahran silo a, a tui pawh ka ring neklo e a..



"Eng thil phiangsen nge ilo tih a?? Heihi ka choka anih hi"



Kawngkhar atangin kha nu bawk kha arawn lut a, a thinrim hmel takzet bawk, ka chemte ken lai chu min rawn chhuhsak sawk a, ka kut a thi nghal zâwi nia!!



"I phu tawk chiah"


Ti sak chungin salad chu a chan zawm mawlh mawlh a, kei erawhin *tap* lam ka pan nghal, khatiang em em a a sual kha chu ka ring biklo asin mawle!!



"Engthil nge thleng a??"



Rum fe a rawn ti tu lam chu ka hawi vat a, misualpa kha!! Kan mit a intawng nghal siah lehnghal, rang zetin hnuailam ka bih nghal daih..


"Pu, henu hi lawm, i hriat kha, ka choka hi tuman min tawmpui ka duhlo tih chu, chuan nichin khan ka phalna la hmasa miahlo in eitur alo siam ve ngawt alawm"



Pakhatnu chuan arawn ti t(r)iau a, a aw ah chuan tap mai tur te pawh a ang alawm...



"Thawh chhunzawm rawh"



Ti nghut in ka lam arawn pan a, ka lo tawlh hnung dawrh thung.


"I kut kha"


Ti in ka kut, hnunglama ka thuhruk tlat chu arawn ban a, a thi tih a hmuh chuan a thaw chhuak hawk mai..



"Engvang nge?"


"Ka..ka ti ât palh a!"


"Dawt sawi hauh suh"


"Dawt ka sawilo"


"I chiang em?"


"Aw"


"Anih chuan tifai la, ka room ah min rawn hmu dawn nia"


Tiin a kal nul nul a,ka en zui mawl tawp!!!



Ka kut ka tihfai zawh chuan a room lam pan in ka chho a, khawilai ber nge pawh ka hrelo, a in a zau si!!


"Hetah"


Kailawna ka pen chhoh lai chuan a hmawr tawp atangin minlo au a, ka enchho haw..



"Awle"



Tiin ka tlanchho dat dat a, a bul ka han thlen chuan a room lam pan in a kal nghal nul nul..


A room chhungah ka luh chuan phone alo hmang leh daih tawh!! Varendah ah alo chhuak a, räl hla tak thlir vung vung chungin a tawng sup sup.. ngawi rengin kawngkhar bulah ka ding..



"Zanin ah, dar sarih ah rawn phei ru, ok, ka buai!"


Tiin a phone chu a kekawr ipte ah a ak lut daih a, a rawn inher rual chuan kalo t(r)im sawk thei nia!



"Lo lut rawh"


Ti chang fak tu chu ka hlau lek lek alawm le, t(r)i dai hian ka penlut zal zal a, a khumah a thu a, a sir chu a beng thak thak a, khur deuh hlak hlak chungin a kiangah chuan ka va thu ve ta a..



"Vawiin atang chuan he in hi i in ang chiah ah ngai rawh, aizawlah hian engvanga rawn kal nge inih ka hre chiahlo, mahse keiman ka hruai che a, shillong a i let leh hma chu hetah i awm thei ang"



A ti sup a, mak ti lutuk in ka mengphar awn awn mai! A sual hmel tehreng nen, mahse chutiang em em a sual chu alo ni bik miahlo anih hi!!



"Ka..ka lawm lutuk, englo, ka haw leh vat ang tih ka tiam a che"


Ka ti bah niah a, a rum nghut ringawt..


"Zanin ah ka thiante anlo leng dawn a, ka ngaihzawng anga lem chang turin ka duh bawk che"



Min melh run run chung hian arawn ti leh a, mak ti zetin ka melh tawp!! A â zo tawh emawni le??


"Mahse, bialnu dik tak ineilo emni?"


"Nei e, mahse ka in(house) a hriat ka duhlo, chuvang in zanin chauh chu a ai i awh angai"



Tiin a tho nulh a, kawngkhar lam a pan nul nul anih chu!



"Lo chhuk harlo la, chaw kan ei dawn nia tereuhte"


Ti sup in rawn leh hawi maplo in a chhuak tlang nal nal anih chu!! Ka awih theilo!! Tereuhte te min ti vel!!! Aaa, enge maw ka hriat le? Ka â zo tawh aniang..







Zan alo thleng a, dar 6:30pm ah chuan sitting room ah kan paliana (a hming ka la hre ta chuanglo!) Nen kan thu dun rân a, ka hak tura a thawmhnaw min leisak chu ka duh chi tak ala ni zui a!!



Kan tawnglo a, sawi tur kan hrelo ve ve aniang, awi ka tawngtheih thin tehreng nen ngati nge a kiangah hian sawi tur ka haihchham viau le? Ani lah mi tawng tlem lutuk chi alo la ni ve bawk nen, zeplo chuan a mah hi ka hlau deuh ni berin ka hre tawh!!



"Pu, anlo thleng"


Awmpui pakhat chuan choka atang arawn ti lang lang a, chutih rual chiahin sitting room ah chuan nupa ni awm tak, inhmeh zet an rawn lang nghal hlawl a, misualpa a ding hluai a, a kiangah rang zet in ka ding ve nghal zat..



"Ka rin ai daihin in rawn thleng hma"


Nui suk hian ati a, a mizia a dam dup mai, awih awmloh zawk hian a!



"Henu tereuh hi a hmanhmawh thit thet lutuk a"




Tiin chupa chuan a bula hmeichhia chu a kawk a, a bân bulah alo chum taih, an in hmangaih hmel hliah hliah mai!



"Taka, heihi mi i bialnu?"


Chupa bawk chuan arawn ti leh a, kalo íp cháwih thei mawle!!



"Anih ve hi, tereuhte, heihi ka thianpa nick-a anih hi, chuan a bialnu hi sarahi heihi ka bialnu tereuh...ahh"



Min rawn en vut a, ka nui hawk dawn hial in ka hria!! Kan hming ve ve takngial pawh kan la inhre lo a, chuti chung chuan in ngaizawng lem kan la chang vel chu ania!!



"Zuali ka nia, hmangaihzuali"



Kalo ti vat a, ka nui ralh ralh...



"Chuan casey, ngati nge hetah min koh teh daih a?"



Sarahi chuan arawn ti a, casey maw?? Chu chu maw a hming?? Hriat ve reng tawh tur anih chu!!



"Thu ve ta phawt ula"


Tiin couch chu a kawk vah a, thu awih zetin an thu ve mai, sarahi chu a tawng siam siam a, ka ei zâwng alo ni lo hmanhmawh in ka hria!! Kam innel dawn hauhlo in ka hre bawk anih chu...tlat hian!!




"Englo ania, nick, i natna kha, brain tumour in ti emni kha?"



Misualpa, oh, casey chuan arawn ti a, pháwk zet in kalo melh haw a, nicka hmel chu ka en nghal vat bawk a, brain tumour te chu natna vâng lutuk leh serious lutuk ani a, kan bula mipa hian chu natna chu alo vei reng amaw? Ka khawngaihin ka lainat takzet!!



"Ni e mawle,. A zialo khawp mai, mahse ka kiangah ka naute a awm reng a, ka dam var var tawhin ka hria"



Sarahi chal a fawp zauh chung hian a ti a, kalo thík vel?! Kei hi, enge maw ka hriat le? Ka â zo tawh aniang!



"Anih leh a châng hian, brain tumour natna neilo deuh riau a inhriatna te i nei ngai em?"



Casey bawk ani!! Enge maw a hriat le??



"Nei hranlo, a tirah chuan ka ring ngamlo a, nautei leh ka nu kalsan ka hreh em avangin, mahse tunah chuan, ka pawm thlap tawh"



A thusawi chuan min hneh takzet, mahse engmah lém phei chu ka sawi ve chuang law...



"Ka zawhna tak zawk chu, na vut vut ang in i awm chiah silo anga, in rinhlelhna te inei ve deuh thin em?".


Chupa bawk chu!! Enge maw a hriat le?? Sarahi leh nicka mitmengah chuan zawhna zawt hmel a lang thei hial in ka hria!



"Bro, eng thil nge maw i sawi le? Natna nei ka ni a, doctor ten brain tumour natna ka vei tih an sawi chuan han in rinhlelh leh chuan na tur a awm emni?"



"Awm e, awm lutuk e nick...a chhan chu maw brain tumour natna i vei reng renglo!!"


Casey-an arawn tih leh chuan sarahi a ding uaih a, nickan mak tih hmel lutuk in caseya a melh haw bawka, kei pawn casey chu ka en vat a, fiamthu thawh hmel a pu hauhlo lehnghal!!



"Nick, ngun takin minlo ngaithla teh, kha mi kum chhung zawng khan tur (potion) a hrai thin ini, brain tumour natna vei ang taka i lan theih nana tur a hrai tu che an awm tihna anih chu!"



Casey chuan arawn ti leh a,


"Tunge chu chu!"



"A rawn thleng chiah"


Ti nghut in choka lam a hawi a, chutah nula pakhat, pawisawi loh hmel zet hi arawn pen lut zal zal a, kan buaina chu hre ve hmel pawh in a langlo!


(Lem, in thiante, a la chhiar velo ho kha minlo mention sak pawp pawp ula ka va lawm dawn em)


*End of chapter - 3

[Ngaia]

*Casey's Secrets*
Chapter - 4
(ilefi imoz)




"A rawn thleng chiah"


Ti nghut in choka lam a hawi a, chutah nula pakhat, pawisawi loh hmel zet hi arawn pen lut zal zal a, kan buaina chu hre ve hmel pawh in a langlo!



"Remsang!!!"



Sarahi chuan arawn ti hliai a, nicka a ding ve nghal âwk bawk!! Kei erawh in a ngaihna hrelo fahran in anni ho chu ka en mawl tawp a ...




"Sarah, mr.Casey, engvangin nge hetah hian kal tura min koh ve teh tlat a?"



A ngaihna hriatloh hmel zet hian remsangi chuan arawn ti a, casey erawh in thu turin kut alo vai khum zauh thung a, ka sir chiah ah chuan remsangi pawh chu arawn thu ve a, a hmel atang chuan a rilru tur awm ang ka hrethiamlo..



"Remsang, brain tumour natna ka vei takzet em?"



Nick chuan arawn ti nghut a, a sawi zawh ruala remsangi mitmeng pha nghal dai chu ka hmuh hmaih miahlo..



"Ka..englo, vei e"

"Dawt sawi hlek suh!!"



Casey chuan arawn ti hluk a, remsangi a phu dawrh thung!! A hmai ah a thlan a bawl tiam tiam a, thil sawi hreh tak nei ang mai hian a awm in ka hria..



"Remsang, khawngaih takin thudik min hrilh rawh, engthil sual pawh lo ti la, nicka min enkawl sak tu inih vang hrim hrim pawh hian kei chuan ka ngaidam vek ang che". Sarahi chuan hnuk ulh t(r)euh chung hian arawn ti a, chutah remsangi chuan thaw halh chung hian,


"Awle, engkim ka hrilh vek ang che u, englo, sarah, nick hian brain tumour natna a veilo, chutiang natna nei ang taka a lan chhan pawh chu ih.."



"Nitin a thil eitur ah Tur (potion) in pawlh sak ziah thin!"


Casey chuan ngai theih loh hmel zet hian alo ti hluk a..


"Engtin nge i hriat??". Mangang zet hian remsangi chuan casey chu a melh ruai ruai a, ani erawh alo nui mai, a ká a chip leh hmak ang lawi a..



"Nia nick, mr.casey khan a sawi dik alawm, a tirah chuan kan tum sa ani biklo, mahse i lu na avanga khawlaia i tluk ni khan, kan hospital kher kherah in rawn lut a, nangmahni tih chhiat tum reng reng cheu a khawsa mihring nen khan buaina liantham ve tak kan lo nei si a, chuan, dawt sawi a, brain tumour natna i vei thu hrilh tur cheu in chu mihring chuan min nawrlui alawm!!"



Tap chhuak hlawp hlawp chung hian arawn ti a, ka khawngaih a, ka lainat a, an buaina chu eng chiah nge ni ang tih ka hre châk takzet bawk!



"Anih leh engvangin nge ka hmangaih te hlat thei ang bera kaltur a thu min râwn?"


Nick chuan a ti chang fak a, remsangi pawh a insut leh faih, kei, casey leh sarahi te erawh in ngun takin anmahni chu kan en mawl tawp ringawt a...


"Englo, chu mihring chuan nang leh sarahi te hi awm hrang turin a duh cheu alawm, a ngaihdan chuan, kum hial a vei hunah chuan in rilru pawh a let anga, in in hmangaihna te pawh zawi zawiin a thamral ve ngei turin a ring a, keipawn ka rin dan ani, mahse a rei telh telh a, nick, sarahi chu i ngai zual sawt zel a, i hmangaihna kha a thar tulh tulh zel zawk anih kha!!



Chhan pakhat a awm bawk, chu chu, hmun dangah ka kalpui loh che chuan tur (potion) kha engti kawng mahin kan pe thei ngai dawnlo che a, chuvang chuan keimah hnaih taka i awm reng kha a ngai alawm?!



Mahse maw nick, sarahi i hmangaih zia ka hriat khan ka in thunun thei tawhlo a, amah hmu turin, ka zahawmna dahkham in ka kalpui ta tawp mai che anih kha, khatih laia vau/vo na ka dawn hnem zia kha.."



A insut hrawih a, a khur nghal hlawk hlawk bawk a!! Ka khawngaih lutuk avang chuan ka kuah tawp a, a pawi em lo vang chu..



"Mahse maw, kha mihring tenawm zet khan, nangni pahnih, in hmangaih taka awm te kha a hmu thei thlawtlo cheu a, amahin a pum bilh theilo cheu anih chuan nicka kha thi law law turin a duh fan alawm!



Tur (potion) min pe a, nicka in tir turin min tia, ka ti lo anih chuan video....ka..englo.."


A tap leh faih faih a, keini in che châng lo lekin amah chu lainat takin kan melh tlawk tlawk bawk a..


"Min tih mualpho tur thu min tiam a"


Tiin a rawn zawm leh a.


"Ka mualpho na tur kha ka ngaingam bik thlawt silo a, zanah khan tur(potion) chu i damdawi ah khan ka telh a, chuan"



"A tawk e remsang, sawi tawh suh, kan hre hnem tawk tawh alawm, kei phei chuan ka ngaidam vek che...


Ni e tu te pawn mualpho chu kan hlau vek alawm, hmeichhe tan phei chuan, vawikhat kan rah tléu hian kan nun pumpui a nghawng thui thei em em a, ka demlo che..mahse, mualphona ai chuan nunna hi a hlu zawk a, duh i thlang sual deuh hret tih loh ah chuan kei pawh ni ila ka tisual ve tho in ka ring..



Mahse ka hriat chak ber zawk chu, chu mihring blackmail tu che chu tu phiangsen nge maw anih le? engvanga keini pahnih min haw em em nge anih ang?"




Sarahi chuan zaidawh tak hian arawn ti a, a nunnem dan leh khawngaihna a ngah zia ka hmuh chuan ka ngaisang thar leh hnuhnawh viau ani...



"Englo, ka..ka sawi theilo, a chhan chu, mahse..."



A ti bah niaih a, nicka chu thinrim tih hriat zet in arawn ding leh hluai a..



"Grace Zodinpuii ani tih sawi tawp teh"



Aw khur hlawk hlawk chung hian arawn ti hrawk a, remsangi chuan lu alo bu nghat nghat a, a la khur tel cheu nia mawle..



"Ka unaunu chu ani ve si a!!"


Tiin sarahin a thin a dawm vang vang a, a thaw halh halh bawk..


Zan in a an buaina hi ka hrethiam tehnuaih lo, hriatthiam ve sek pawh ka duh lemlo, nangni pawn in hrethiam biklo anih chuan *SENIOR* tih story kha inlo va bih ve tawp mai dawn nia..



Eng eng emaw an sawi a, an buaina chungchang bawk...a tawp a tawp ah an haw ve hram e...



"Ka mu thei tawh em?"



Ka sir a mi melh ralh pah chuan ka ti sep a, sana a en vut a, keipawn ka bih ve nghal zat a,, dar 10:00pm alo ni vâ tawh..



"Mu thei, zanin a thilthleng hi khawi ah mah sawi chhuaklo turin ka duh che"



"Duh pawh ni ila sawichhuah na tur ka neilo hrim hrim"


Ti in ka room lam ka pan san daih a,. khumah chuan ka let tap a, sitting room a ka mut a chhuah tehlul vei nen, khum ka deh rual chiah chuan ka mutchhuak zawng zawng te chu khawiah nge an thlawh bo zawh tâk pawh ka hrelo e a...



Zanina thilthleng te chu ka ngaihtuah neuh neuh a, sarahi leh nicka inhmangaih hmel zia mawlh mai kha ka theihnghilh theih tawh pawh ka ringlo!!



Ni e a hma chuan khatiang chiah khan hmangaih kalo ni ve tawh thin!! Min duat a, min care a, min dah lal in min zah em em a, ka tana engmah ui nei ngailo tu mihring chu kalo tawng ve tawh ngei alawm!



Mahse hun alo inher danglam ve zel angin, ka laka a rilru put dan pawh a dang hret hret a, keimah ah khan a nghet zo tawhlo ani ber ang chu...a kal ta daih a!!



Mahse ka ti, min duh tawhlo a, min pawm thei tawhlo anih chuan tha taka min hrilh a, min then a, ngaihzawng dang va nei mai tur ani!! Mahse chutiang chuan ati lo, min bum a, min phatsan a, min hmangaih tak anga lang chung siin hmangaih dang alo nei reng zawk!!



"Lawmkim, khawngaih takin ka nun atang hian thlawkbo hram teh, min tina hnem tawh lutuk, ka â thei mai ang"



Ti chhuak sep chungin ka bianga mittui lo luangthla ngiai ngiai chu ka núl thuak a, mahse a zunzam chuan ka pindan pâwn thleng pawh min thlawhbo san thei silo!





Ni thum a liam a, betlo zetin caseya in (house) ah chuan kala awm ve ta reng a..



Ani chu a tawng em em ngailo a, ka awm ang angin min enliam tawp thin, mahse, tawrh hlelhawm ber zawk erawh chu a awmpui nula te pathum chu anni!!



An phun ser ser a, ka hriattham lek lek hian min rel fo tih ka hria!! Kut âwl a ka awm lai hi an hmu thei thlawtlo bawk..



Ni e, tunah chuan chhiahhlawh dik tak ka ni tawh, chhiahhlawh te chhiahhlawh chhâwng leh ang mai hi ka ni in ka hria!!



Kan khua, kan in leh kan véng te kha ka ngai thin! Ni e, kha in ah khan engkim kan nei a, awmpui pawh pahnih kan nei ve thin, khatih lai khan hetiang hun hi ka tawn kalo ring ngailo a, mahse, mumang pawha ka man(g) ngai loh dan angin ka hringnun chu a inher miau si!!



"Insiam la"


Ka room kawngkhar a rawn dak haw chungin casey chuan arawn ti a, a ngaihna hrelo zetin kalo melh he haw a..



"Hruai duhna che ka nei a"


Ti nghut in a inher a, inhnuai lam a pan vang vang..kan Paliana nghet nghut thin hi chu aw...



Khawiah pawh min hruai dawn se ka lawm vel vek ang, nithum chhung ngawt ka chhuaklo tawh a, chhuah thawven ve deuh te pawh ka mamawh alawm..



Thawmhnaw hak tur mumal ka neilo a, nimin piaha min rawn bazar sak a a thawmhnaw rawn lei ho chu ka phawrh dan dan a.



Half-neck dum chu inbelin a chungah leather jacket, a rawng dum tho chu ka hâk thuah a, thlasik lai anih avangin a nuam tawk chiah, jeans kekawr inthawlh in sneaker dum ka bun leh tawp a, ka sam, ka kâwng chen vela sei chu sâng takah ka tawn kawh lah a, ka zo der!!



Make-up ka ngainat thin tehlul nen eng make-up mah ka nei miau lo! Lipstick takngial pawh zu han neilo a mawle!!



"Pawilo, tumah care tur an awm chuanglo"



Ti halh in darthlalang chu ka kalsan a, inhnuai ah ka chhuk thla ta chhet chhet a..



"Boss bialnu te chu felina-i kha lawm, model kha, chhelo zet kha...khi nu te chu boss hian a duh teuhlo ang ka tih ka tih kha"



Chu thawn ri sar sar ka hriat vang chuan ka ding dat a, aw thian kharh in ka pen leh a, minlo hmuh chuan min ngei tih hriat fahran a min melh in an kaldarh ta sang sang a, hmeichhe ho zet hi chuhh..



"I hman tawh chuan kal ang"



Couch atangin a tho thurh a, pawnah a chhuak nghal nul nul mawle, chhân pawh ka chhân ve hma hma in!!



A bullet a ti nung hlurh hlurh a, a hnungah chuan ka pakai ve tharh a..ninawm, bike a chuan hi nuam ka tilo nasa asin mawle..



"Invuan nghet rawh"


Tiin a dawk chhuak leh zawk a, mahse ka rin lawk sa anih avangin a hma ang em em kha chuan ka talbuai tawh biklo e...







Bazarpuiah kan inkai kual dat dat a, ka rinloh lam daih kan ti!! Ka thawmhnaw tur leh make-up vel min enkual pui vak vak anih chu!!!




Millenium Centre ah min hruai a, ka bo a hlau emawni ka bân ah min kai bet tlat reng a, mahse pawi ka ti lemlo, keipawn ka bo ang tih ka hlau vetho a...



"MC ah hian vawikhat chu ka kal ve tawh a"



A sira kal dat dat pah chuan ka ti a, a rúm nghut ringawt..




"Nikum hmasa khan niin ka hria, Mizoramah christmas kan rawn hmang a, mahse kar khat chauh kan châm, chuvang ania Aizawl hi ka hriatchian em em loh ni!"



Ka ti leh zat zat a, dawr chi hrang hrangah kan lut kual leh ta nuk mai..



"A rit tawh e, duhtawk tawh mai ang"



Min vahkual pui zel takah chuan ka ti ta thlawt a, ni e, kan bawr lutuk mah mah tawh ani!! Mipa tih takah a duh duh, ka inhmeh tur ni a a rin apiang chu eng sawi set set lo in a la nghal tawp zel a, kan lei hnem tawh zia pawh ngaihtuah maplo in min la kai kual char char zui..



"I chau tawh emni?"


Arawn ti sup a, lu kalo bu nghat nghat a..



"Sorry"


Ti supin ka thilkhai lai chu min rawn lak then sak a, ani pawh a bawr ve tawh sa sa nen kalo tang vak na a, awmzia a awmlo chiang hle...



A tawp a tawpah kan chhuak ve hram a, driver call in, kan thawmhnaw te chu rawn la a, in a lo va dah turin a ti a,



"Keini pawh kan haw nghal dawnlo emni?"



Tiin kalo zawt ha a, lu thing mut mut chungin bullet a start leh hmiah, vanlalmisualpa, vanlalnelawmlo em em a leh vanlal ti nghut nghut pa-a hi ava ni ve chiang tak em...



"Vat la, kan tlai lutuk ange"



Tiin min rawn chhuk en rún a, mitko sán khum âk chungin a hnungah chuan ka bet leh t(r)ai tawh..



A tlan a, a tlan zel a, kan ding tawh dawnlo emaw tih hnu ah building lian leh nalh zet sirah hian a ding a, ka chhuk nghal tharh a..



Building kawngkhar chungah leh a bang khawilai lai ah emaw chuan.

*TRT hotel*
Tih tih hi alo inziak thluah a, nawm hmel ka ti ngei mai..



"Ka hotel thar anih hi"



Rawn kunhniam a, ka beng bula arawn tih sup rual chuan amah chu ka en haw a, ka awih chiahlo! Mahse ani ngei ang tih a mitmengah hian a lang bawk sia!!



"Takzet em?"



Ka ti hliai a, khi suk chungin lu alo bu nghat a, a va changkang veee!!



"Wow...anih chuan kan fangkual thei angem???"



Ka ti sek sek a, nui hawk hawk chungin min kailut ta dat dat a...a chhung kan luh chiah chuan a pawn lama a mawina te chu za a pakhat ang vel chauh ala ni tih ka hmu nghal mai a, ka mengphar awn awn mai!!



Hetiang em em a hotel ropui leh changkang hi Mizoramah te a awm ve tawh chu ania, avan awihawmlo reuh tak...



"Sir, ilo kal ani maw?? I office a hruai tur che u in min mamawh em?"


Nula pakhat, form inhmeh zet hian arawn ti a, hruai kan ngaihloh thu hrilhin min kai leh dawt dawt a..


"Lut la"


Tiin a office kawngkhar chu a hawng a, tím dai in ka pen lut zal zal a, ka hnungah arawn pen ve chhut chhut bawk..



"Ngati nge tah hian min hruai a?" Tiin amah chu ka melh a, kan mit a intawng chiang kher mai, rang takin hnuailam ka bih nghal daih. Ka lai chiang alawm tunah khan!!.


"in a awm mai mai i ning tawhin ka hria a, tun atang chuan he hotelah hian i thawk ve tawh dawn nia"



Arawn ti anih chu!! Ka mumang emaw ka ti....ni e, heihi ka mumang ani hrim hrim!! Hetiang em em hi chu kalo beisei pha ngai miahlo alawm?!!



"I duh em?"


Arawn ti leh sup a, ka phu zawk nghe nghe, rang zet in lu kalo bu nghat nghat a, kiai suk chungin a dawhkanah chuan a thu zui zat a.



"Duhthlan tur ka pe ang che, pakhatna: room pakhat i enkawl thei ang..pahnihna : counter lamah i thawk thei bawk..pathumna : ka assistant ini thei...chu zawng chu, i duh thlang la"



Tiin min melh vung vung a, ka ngaihtuahna a buai map, ka rilru chuan a assistant a tan chu a thlang nghal a, mahse ka tlin ka ring lo...



"Thlan tur i hriatloh chuan keiman kalo thlansak mai dawn che mi?"



"Aih ngailo, englo, room chu kalo enkawl ang"



Kalo tih khalh zat a, kiai leh suk in lu a bu nghauh nghauh...ka van lawm chiang tak em tunah chuan hna ka nei ve ta e!!



Engtikah emaw, ka hlawh ka khawl hnem theih hunah a in (house) atangin ka chhuak anga, ka la tâl hrang ve thei anga, ka chhungte puihna tel hauhlo pawhin keimahin ka inhai kaw ve thei tawh dawn tihna ania!!


"Tih tur ka la nei a, i rualin ka haw hman dawnlo a, pawnah driver in alo nghak ang che, lo va haw hmasa mai rawh, zanriah ei minlo nghak suh aw"



Ati a, "um" ti a chhang in ka chhuak zui nghal zat a, taxi ah chuan ka thu ngawi ran a, in thlen hun ka huphurh, caseya tello a ka haw vang chuan awmpui te ho khan min tiduhdah leh viau dawn tih ka hre miau a!!






Tlai hun mawlh chu, ka huphurh ang ngeiin a va hrehawm chiang tak aw!! Chaw ei min han siam sak duhlo vel a, huizz,



Hmeichhia vetho mah ni ila, a chang chuan hmeichhe mizia hi ka hrethiamlo lek lek thin! Ngati nge an chunga thil thleng te hi lawm taka pawm tâk a ruang a, phun nawina tur leh thinrimna tur hi an zawn zel tho le?



"Zanin chu pu ber a awmlo bawk a, a awmloh lai chuh in thil kalo sawi mai mai ang aw, he inah hian engmah tih tur inei lo tih inhria la, a rang thei ang berin he in hi chhuah san ang che, tumah hian kan lawm lo che tih i hriat kha"



U marami chuan dawhkan ka kil laiin arawn ti chhuak ta nge nge!! Ka thil thial lai chu ka tawp chawt a, chutah a hmaa ka dawh mai mai ang khan dawh leh ka tum tawh biklo!



"Chu chu nangni lo sawi ve tur a awm in ka hrelo, Casey hian he in atanga chhuak tura min tih hun hunah ka chhuak mai ang, a tih lem siloh chuan chhuah tumna ka nei biklo, chuan in, ka hriatloh tura min sawisel fo thin na te, min rel na zawng zawng te kha in boss hian a hriat in duhlo anih chuan tun atang chuan inlo ngawi mai mai tawh dawn nia"



Ti ve sakin ka tho a, kut silfaiin ka chaw eina pawh chu ngaihven duh tawh bik miahlo in room lam ka pan san ta nal nal a.


"Avahan rapthlak"



Ti a an phun sar sar thawm chu ka hre reng, nui sak in step chu ka rap zel a, ka room kawngkhar hawngin ka pen lut ta zal zal a..



"Over hlawm reuh lutuk"


Ti sap in bathroomah ka lut tlang nghal a, ha nawt in, ka intifai nghal sar sar bawk a.



He mipa, hriat pawh ka hriatngai miahloh hi ngati nge ka thlamuanpui em em?? Engvangin nge ka chungah a that em em bawk si??



A hmel pa lutuk leh a aw, thum deuh chhup, ril ruih si te, a pian, ft 6 pel zân, in khai thli thlarh mai te, a khabe hmul, rawn to siar siar, a hmaifang nena inchawih mawi zet te, a mize nelawm lo tak, mahse min hip em em tu ni lawi si te chu belhchian ka chak a...



Mahse, belchiang ve ngawt turin dikna ka neilo, kei chu, mi vakvai, a khawngaih avanga a in (house) a a awmtir ve hmeichhe pakhat ve mai ka ni tlat..


"Tupawh chu nila, ka chunga i thatna ah hian ka lawm lutuk e aw, engtikah emaw chuan ka la rul leh vek ang che"


Ti a ngaihtuah ru reuh reuh chungin ka maimit chhang ta riai riai a..


End of chapter - 4

[Ngaia]

*Casey's Secrets*
Chapter - 5
(ilefi imoz)



*Casey Malsawmkima POV*



In ka thlen meuh chuan zan dar 8 alo ri tawh a, tereuhtei pawh a lo muhil tawh ani ngei ang, vawiin khan a chau awm si a, kei hi! Engvangin nge he hmeichhe tereuhte hi ka buaipui em em le??



Amah vangin ka phuba ka la theilo a, ni e, tunah chuan kha'ng mi tenawm ho khan ka chaklohna an hre ta!!



Tereuhtei vang hian a hma ai zawngin an huangtau anga, min thamlo telh telh dawn!! Mahse chu thil chu hre sa in ani lawmni kha hmun atang khan ka va lakchhuah??



Putara hi ka hrechiang, engtiklai pawhin min tlânkhalh zat zat a, delhi khawpuia kan in um kual ziai ziai lai pawh khan amah vangin ka nunna ka chân phah lek lek anih kha..



Mihring hmanga sumdawnna tak hi chu engtiklai khan nge anlo chín tan ka hrelo a, tunah ka hre ta bawk a, ka tan thil tih a awlsam sawt dawn vei nen, an hnu ka chhui zel anih chuan tereuhtei hi an zuah dawn hauhlo!


Michael ka call nghal vat a, rei ring lovin alo pick up vat a..


"Body guard pahnih ka duh"


Ka ti tawng a, mak a ti deuh ani mahna, a au ring emai..


"Ngatan nge i tih a?? Nangmah leh nangmah te chu i in venghim thei lutuk tih ka hria"


Arawn ti réng a..


"Keima tan nilo in, hmeichhe pakhat tan zawk, ka sawi tam peihlo, naktukah rawn tir nghal ang che"


Tiin phone ka off nghal a, hetia ka tih hi a ngai tlat..tereuhtei hmel kha an chhinchhiah hman ngei tawh dawn a, keimah vang anih chu thu hran, an hnen atanga talchhuak thei awmchhun anih vang ngawt pawh khan thah tumin an zawng reng dawn tih hi ka hrechiang lutuk tlat ani..



"Ka venghim ang che"


Ti a phun supin ka tie chu ka pawt phelh a, bathroom ah lutin ka intifai sawk sawk a, felinai hmu tur bawkin ka chhuak leh dawn ta..


Ani nen hian kum hnih kan inzui tawh, ka duh takzet em tih ka hrelo, mahse ka hmangaihlo tih erawh ka chiang viau thung..



Mipa chuan mamawh kan nei, chu chu hmeichhia, hmeichhe dang dang kawp kual a, a rem rem mutpui thei mipa ang kha ka nilo a, pakhatah hian ka lungawi mai zel..


Chu ka mamawh phu hru tur chuan felinai hi ka thlang ti ila ka sawi sual lutuk lovang..



*Hmangaihzuali POV*...



Kawngkhar ri dat dat vang chuan ka harh hlawl a, ka mutna chu ni in alo chhun éng uar tawh, zing thawh hi chu awww, a tul ka van tilo thin chiang tak em..



Intuai mam deuh puat puat in kawngkhar ka va hawng a, Caseya hmel pa hrâk nen kan in hmachhawn nghal rún mai, ka thaw tha theilo nghal ni mai hian ka hre tlat pek lehnghal a.



"Vawiin atangin i hna i tan dawn, insiam la, kan kal ang, breakfast chu hotelah i ei mai dawn nia"



Tiin a inher a, a kal nghal daih anih chu mawle!! Mihringah hian tawng tlem chi hi an lo awm ve hrim hrim aniang a??



"Sual viau mahla i fel ka ti"


Ti a phun sepin bathroom ah ka lut a, in ti fai thuak thuak in ka inchei nghal mawlh mawlh bawk a, thawmhnaw chu ka in ha fel ve mai..


Mahse maw, make up mawlh mai hi!! Shillonga ka awm lai atang tawh khan, ka inchei rei thei lutuk kha ka chhungte min hauh fo thinna tam ber ani ziah!!



Ka chhungte?! Ni e, ka chhungte, ka nu leh ka pa te kha, tunah hian enge an tih ve mek ang le?? Min ngaihtuah em em in hun an hman ngei ka ring..



Ka nu phei kha chu a rilru a no si a, keimah vangin zan tin a tap ziah ngei ang!!!



Anmahni ka kalsan atang chiah khan nu leh pa ten an fa te an hmangaih zia hi ka hrechhuak thar in ka hria.. an thu kha lo zawm in, lawmkima kha lo bansan hle hle ila chuan, tunah te hian an kiangah awmin, hlim takin ka nui anga, hetiang em em hian ka na lo tur!!



"Nu, pa, ka tihpalh aw, in hmangaihna hrethiam maplo a hei leh chen ka hringnun kalo zawh ve ngat ngag avang hian ka tihpalh, ka inchhir lutuk, nia, ka inchhir, in fa ni tlâk pawh kalo ni miahlo anih hi!!



Nangni chuan ka tana thalo tur inlo ngaihtuah ngai miahlo a, mahse chu chu hrethiamlo in, min hmangaihloh vang emaw kalo ti a,...


Ka hua cheu a, ka haw takzet cheu a, mahse tunah hian ka diklo tih ka hrechhuak chiah, tu nu leh pa te mah hian an fa te thatlohna tur thil an ngaihtuah ngai lova, an zilh hau anih pawhin an thatna tur zawk ani tih ka hrethiam ve tawh asin!"



Tiin ka phun sep a, ka mittui a tla ngiai ngiai bawk,.



"Engkim a tha em?"


Hnunglama rawn ti sup ri ka hriat vang chuan darthlalang chu ka melh vat a, Caseyan minlo melh ve reng mawle... Ka tahna mittui chu núl kiang thuak in ka nui lui hap a, lu ka búk khum nghat bawk..



"Anih chuan kal tawh ang, kan tlai dawn tlat"



Tiin min pawt tho a, tun maia ka feelings lo neih vang kha anih ka ring, ka zawi em em tawp...



Ani chuan a ngai te bawkin coat suit a ha leh thlap a, mahse vawiin ah erawh a dum nilo in a grey ani ve thung a, a hnuaiah chuan kamis var a ha a, a inhmeh lehpek hle mai..


Kei pawh ka induang nalh ve tehmai ania keima tawk ah, mahse ka dress chu ka sawi kher lovang..



Car kawngkhar min hawnsak sa thlap ah chuan lutin ka bag nen ka inpawm fel thán a, hmun hi ka awh hnemlo ve tehmai ania, ft 5.3 lek, thau em em lo mai kha ka ni ve miau a..



"Tha takin i ti dawn nia, tlau dar li (4) ah driver in alo lam ang che"



Tiin min thlah a, ani erawh a in khalh chhuak leh nghal daih thung, enge a tih dawn zawh ka chak viau na in ka tawng hman talo..



"Zuali ini em?"


Nu pakhat hian minlo pan a, nervous ang reng takin lu kalo bu a..


"Minlo zui rawh, helamah hian i room enkawl tur a awm a"


Tiin ka chhanna pawh nghak lo in a kal hmawk hmawk a, Caseya nen an mizia avan in an hmel chiang tak em..



"Heihi ania, zan khat riah man 2000, chuan..."



Ka hna tur min hrilh zung zung a, a harsa vak dawnlo hlauh e, mikhual ka neihloh phei chuan nilenga engmah tilo a kalo awm ve ngawt châng te a awm dawn anih hmel..


"Khami zawng kha ani mai, mahse heihi hria ang che, he hotel hi a dinna a la reilo a, i thil tihsual chhete pawh a thangchhuak hma em em dawn, engmah i tisual hlek tur ani lo"



Chang fek fawk hian arawn ti a,


"Tin thil pakhat leh, boss nen in inhmelhriatna hi chhuangin, thamlo takin min be hauh tur anilo bawk, chu chu hrechiang ang che"


Tiin min chhuahsan zui nghal a, lalkhirhveli tiin a hming phuah ila a inhmeh awmm!!



Khi sak in ka hna chu ka thawk nghal vat vat a, room chu lian tham ve deuh hlek mahse alo thianglam sa teh hawrh lutuk a, tihfai a hautak em em lemlo..



Dar 10:00am ah chuan kawngkhar an rawn kik dat dat a, ka va hawn chuan room service hian eitur tam deuh mai hi alo nawr lut a, mak ti zeta ka lo melh vang chuan



"Boss in lo pe tur che in min tia, tui deuhin i ei dawn nia".



Tiin nui sâng chung hian min chhuahsan a, ka hnaah kalo tui fâl lehpek lutuka breakfast ka la ei miahlo tih pawh kalo theihnghilh hman daih alawm mawle...a zia viau zawk e..



Inhnuai lamah chuan chhukin kan khualchhawn hnenah vawiinah mikhual ka nei dawn leh dawnloh ka zawt a, ka neih loh tur thu minlo hrilh avang chuan rang takin casey ka call nghal vat a..


"Hello"


"Hello, casey, englo, keimah, zuali ka nia, vawiinah mikhual ka nei dawnlo a, ka lo va haw mai dawn asin"



"Minute 5 hnu ah motor alo thleng ang, i duh chuan pawn ah khan lo nghak la"



Arawn ti a, mak ti zetin ka áng hau ringawt..


"Hello!"


"Ahh, awle kalo nghak ang"


Tiin phone chu ka dah a, ngati nge a? Keimah in ka haw ve theih mai a ringlo emawni le? Chutiang em em a mawl chu ka ni biklo nan... Pawilo, a tha vek e...



Pawnah chuan din pawh ka ding rei hmanlo, car dum tliang hlarh mai hi a rawn ding a, driver chu arawn dak chhuak a..


"Zuali inih ka ring! Lo lut la, boss in lam tur che in min ti a!"


Arawn ti a, a dum suit vek in a inthuam mai bakah a lu a kawlh a, chuan sunglass dum a la vuah bawk.. hmanni a thilthleng kha ka ngaihtuah chhuak lo theilo,, ka taksa chu arawn khur nghal hlak hlak a, khatiang thil kha a thlen leh mai ka hlau..



"Engkim a tha vek em ka pi?"


Driver chuan mak min tih hmel zet hian arawn ti a, inthunun ka tum vei ngial na a ka hlawhchham chiang lutuk..



"Lawk aw!"


Tiin phone ka phawrh a, Casey bawk chu ka call leh nghal tawp a..


"Hello, alo la thlenglo emni?"


Arawn ti nghal vat a.


"Thleng a, thlenglo a, ka..ka hre..ka hrethiamlo..ka.."



Ka tawng bah nuaih a, ka tiril khur hlawk hlawk vang chuan ka chi ai vek tawh..


"Tereuhte,, i tha em?? Min chhang teh!!"



Arawn ti tuar a, ka la chhang thei ta chuanglo;!!


"Pathian leh, tereuhte, driver kha phone pe teh"


Arawn tih leh tâk ah chuan rang takin phone chu ka va hmeh bel nghal chawt a, an inbiak chhung zawng chuan che eihlo hian kalo en reng a, an tawng hre tur erawh chuan ka in concentrate thei derlo thung..


Driver chuan phone chu min rawn pe leh a, ka ngaithla nghal vat bawk..


"Tereuhte, hlauh tur a awmlo, Rinsanga kha ka driver anih kha, ka hrethiam, i hlau tih ka hria, mahse, inbumna ani tawhlo aw, in thlahdul la, car ah khan lut la, kan in ah a dah thlap ang che tih ka tiam a che"



Arawn ti a, mak tak maiin ka hlauhthawnna zawng zawng kha an kiang nghal duak a, ka taksa khur nasa lutuk pawh kha zuk han bo vek a mawle!!


Car chhungah chuan ka thu lut a, ka thin ka dawm nghal vang vang bawk..


"Hlauthawng suh, kan venghim ang che"


Driver chuan arawn ti sup a, a pa len ang ngeiin a aw pawh a bei no lo hle mai, ka phu leh dawrh alawm..


"Eng lak atangin maw min venhim ang?"


Ka ti he haw a..


"Engkim lak atangin, ngaihtuah hah lutuk duh suh, Casey hi a rintlak hle tih ah chiang phawt mai la"


Tiin a kiai suk a, kei erawh a thusawiah chuan bo haih haih tak ka ni...



"Ka lawm e aw"


Tiin inchhungah ka luhsan a, awi aw...ka lo haw palh palh ani, tlai ah, Caseya rualin lo haw mai mai ila tha tur!! A chhan chu.. hei, heng nula te ho hi!!!



An van ninawm ve chiang tak, nge ni a keimah hi ka sual zawk le? A awm hnungta ber ka nia, kalo ngei ve hlawm em em bawk a, keimah zawk hi ka sual ani mahna..



Mahse mak tak maiin anlo reh diak a, an thawm hriat tur eih pawh a awmlo, a hahdamthlak zawk khawp mai,



Room ah chho tlang nghal in ka in tifai thuak thuak a, ka chau ve deuh ani mahna, khumah ka bawk thlawp a, ka muhil chhunzawm ta nghal maiin ka hria...



"Sawisa rawh u, tuman an hmuh theihlohna turin a nung chungin tuichhunchhuah ah khan thlâk nghal bawk ang che u"


Chu aw chu ka hriat tawh hnu a ang lutuk tlat!! Ka dinglam leh veilamah chuan bân tha chak zet pahnih hian min chelh bet a, ka che thei derlo lehnghal!


"Min khawih suh u, khawngaihin min chhuah ru"

Tiin ka au rawng rawng a, awmzia a awmlo!! Zan anih miau avangin min khawih tu te hmel lah chu fiahlo zet hian ka hmu phe ruai a..


Tuichhunchhuah a min thehthlak dawn lai chuan anmahni thupe tu pa banah chuan ka chelh tawk tawk a, ani erawh chuan min hmusit zetin min nuihkhum uar uar a..


Theh thlak lâwp ka nih lai chuan chianglo zetin an hotupa bána tatoo chu ka hmu phe ruai a..



"Tereuhte!! I tha em??"


"CS!!!"


Tiin ka auchhuak tuar a, ka meng nghal kawk bawk.. ka hmai bul chét ah Caseyan minlo melh a, ka dang a ro hulh hulh a, hlauhna lian tak hian min uap bet churh bawk..



"Shh..hlauthawng suh, i tha leh mai ang, mumang mai anih kha, mumang, a tak tak anilo aw"


Tiin min kuah bet nghal hmiah a, kei erawhin chu ka mumang ngawt lo chu engmah ka ngaihtuah theilo...



"Tatoo ka hmu! CS tih a inchhú, chuan, man ka nih laia an hotupa aw ngei kha ani a, mahse a hmel erawh ka hmu chianglo ná in, kha pa hmel kha chu ani thung miahlo!"



Ka ti chhuak phawng a, ka sawichhuaklo anih chuan ka thi mai dawn in ka hre tlat miau alawm!!


"Mumang mai anih chu tereuhte, hlauthawng hauh suh, a takah engthil mah a thleng dawnlo, ka venghim ang che ka tih tawh kha"


Tiin ka sam chu a chúl hauh hauh a, 'imm' ti sep in amah chu ka kuah nghet ve salh salh a...



A lungphu ri dup dup chu chiang takin ka hre thei a, ka ngaithla kar bawk a, mahse thildang erawh ka ngaihtuah theilo, ka mumang chauh lo kha chu!!



Tunge kha'ng mi te kha ni ang? An lak atangin ka zalen tawh a, ngati nge min rawn umzui leh an tum tlat a ka hriat?? An tan tangkaina enge ka neih?


"Mutthilh tum rawh"


Ka chhip chung zawn atanga arawn tih sup vang chuan ka tâl laih a, min kuah na atang talchhuakin..


"Awmpui ka ngai tawhlo ang, ka tha lutuk tawh, va mu ve tawh rawh"


Tiin rizai ka sin tha a, a awmlohna lam zawk hawiin ka in lukhuh(p) ta daih a, reilote hnuah ngawi rengin a chhuak ve ta anih kha..


(Comment ngei ngei ula)

End of chapter - 5

[Ngaia]

*Casey's Secrets*
Chapter - 6
(ilefi imoz)



Ni zung in ka hmai a chhun tih hriat takin ka hmai chu a sa deuh hat hat a, phak chhelh chhawlh a meng chhuakin ka inlet tap a, nizan thilthleng kha ka mitthlaah an rawn lang nghal zut zut bawk a..



Ka zak!! Nia, zak tak ka ni, mumang vang mai maiin Casey kha ka tibuai vak a, chu mai bakah, keimah hrim hrim pawh hi, ngati nge mumang mai mai kha khatiang khawpa kalo lâk serious le?? Dawihzep leh lutuk mai..



Choka a ka chhuk chuan tumah anlo awmlo..a reh thiap a, sitting room ah an phei vek anih ringin thawm dím zet hian ka kalphei them them a, awmpui ho thawm erawh a reh thap thung..



Choka lama let leh mai tuma ka inher chiah chu ka ding khawng nghal chawt a..



"Engmah ka ngaithla duhlo, an chi leh kuang zawng zawng kha chu that vek rawh u, engzat chiah nge an nih kan hrelo a, kan rin ai pawh in anlo tam maithei, pakhat te te in kan suat anih loh chuan hneh loh chin kan la nei dawn!"



Casey chuan a ti bul bul a, kawngkhar áwng atang chuan ka bih dek dek a, sitting room ah chuan a kut lehlama phone ngaithla in, lehlam erawh a kekawr ipte ah a thun thung a.. râl lehlam thusawi a ngaithla mek anih saw..



"Hrep cheu hian, chu thil ho té pawh chu in titheilo amaw?? Tikhan lo phuarhlawm rawh u, in ti theilo anih chuan keiman ka rawn dahtha ang!"


Ti tuar in a rawn inher vut a, arawn pen phei nghal pawk pawk bawk!! Min hmuh hman hlau zetin choka ah ka tlanphei thuai thuai a, min hmu lo hrâm se ka ti lutuk tlat...



"i thawhna a rei tawh em?"


Choka kawngkhar atang chuan arawn ti a, ka lo phu nghek zui a..


"Um, nang zawk?"

Tiin pangai thei ang bera awm kalo tum a, mahse harsa ka ti, tualthat thin mihring bulah ka awm mek a, thlamuang taka awm a harsa lutuk tlat...



"Hna kal hma ka ngai a, i hman hunah hemi number hi i call dawn nia"

Tiin dawhkanah chuan lehkhathem a number inziak hi arawn dah a, chhân pawh ka chhân hman hma in a chhuak ta anih kha..


"Aw Lalpa min tanpui ang che aw"


Tiin rilru tawngtaina ka nei mawlh mawlh a, ka hlauthawng takzet ani, mi engzat chiah nge a lo thah tawh ang? Keipawh hi min thah ala tum ve mai angem??



Nge ni a, nichina a tawng kha ka hresual mai mai zawk? Chu thil chu ni se ka ti!! Engkim hi dawt vek anih zawk theih nan Lalpa min pui teh..



Chaw ka ei kham thleng pawhin awmpuite an rawn lang miahlo a, a nuam zawk fe.. number chu ka dial nghal vat a..


"Hello"


"Hello, englo, Caseyan call tur che in min ti a"

Ka ti biah niaih a.


"Zuali, ka rawn thleng tep"


Arawn ti sup a, nimina min thlah haw tu Rinsanga aw kha ani tlatin ka hria.


Motor horn a rik deuh that vang chuan rang takin pawnah ka chhuak nghal a, Rinsangan minlo melh vung vung a, nui hak chungin motorah chuan ka thu lut a, ka tawng nghal siam siam bawk a..



"Tah hian ding tawh mai la, a hla tawh chuanglo bawk a, let leh tawh zawk rawh, hna dang i neih ve phei chuan ka tibuai mai mai ang che"


Ka tih chuan lu a thing nghut a, a ding duh bik miahlo, tawng tlem viau mahse engtin emaw tak hian ka nel riau a, a ruk takin a fel aniang..



"Anih aw Rinsang, ka lawm lutuk ania"


Tiin hotelah chuan ka luhsan a, kan khualchhawn in vawiinah mikhual ka neih tur thu minlo hrilh avang chuan ka room enkawl chu ka pan ding nghal char char a, ka mikhual hmasa ber tur anih avangin engkim chu felfai thlarh a tih ka duh ani..



Chawhnu dar 1:00pm ah chuan ka mikhual tur chu alo thleng a, naktuk a Delhi a let leh mai tur anih avangin a hautak lo hle a, mahse, a hausa in a duhkhirh hmel riau thung a..


"Ka pu, mamawh inei anih chuan engtiklai pawh a koh theih reng ka ni e"


Tiin ka chhuahsan a, khi ver ver in coffee lam turin inhnuaiah ka chhuk san ta a...





Zan dar 7:00pm ani a, zanin chu hotelah ka riah mai a ngaih hmel, room ah khan kan pu-a (mr.navleen singh) chu a thianpa in arawn hmu a, an ti ti luam a,


Mr.Navleen chuan amah lo nghak turin min ti a, chuvangin hotelah ka riah mai angaih hmel ani..


"ilo lut thei ang"

Arawn tih chuan rang takin ka lut a, a inleng pa kha alo awm tawh miahlo, eitur ka va lak zawk chhung khan alo haw tawh ani ngei ang..


"Ka pu, engthil nge i mamawh ang?"

Tiin hawihhawm tak in ka bia a, ani erawh a mitmeng atang chuan a rui angreng hle tih ka hre thei..


"Hmeichhia ka duh".

Ti sup in ka banah min pawt lawp a, kalo inrin loh lutuk vang chuan amah chu ka bawh rawk a, chutah ka rilru a fím rual rualin ka che phat a, min bawh bet chawt chawt tawh mai si!!


"Min thlah nghal rawh, enge maw i hriat le??"


Tiin ka au tuar tuar a,

"I thla hnih hlawh aia tam ka pe ang che". Tiin ka kamis hák chu a pawt thler nghal hrawk a, nasa takin ka tál vak vak a, mahse awmzia a awm tamlo..



Ka theih ang tawka nasa in ka beilet a, a hmai ah leh a taksa, a rem lai lai ah chuan ka ham bawrh bawrh a,


"Zawngi leh!!"


Ti tuar a ka sam th(r)âm in min kék sawk a, a kut ka sehna chu a thlék vut bawk a, ka inchhir ther té lo!!


"Min thlah nghal rawh"

Ti that in a bân chu ka vai thla lâwp a, chumi rual chiah chuan ka bán lehlam chu arawn hmer leh sawk bawk a..vanneih thlak lutukin dawhkana a bottle ruak chu ka dap fuh hlauh e!


Engmah ngaihtuah chianna hman pawh ani tawhlo, ka tha neih zawng zawng sawmkhawmin putara lu ah chuan bottle chuan ka chhu nghek a, râk tuar in min thlah nawk a, a khumah chuan a hláwm thla nghal nawk bawk..


ka kamis hma thler duai chu ka pawt chip sawk sawkin,


"I ngaih ang mai maia mi sihhnip leh sum duh ka nilo ka nilo tih hria ang che, tin, hmeichhia te zahawmna tichhe zawnga i chét avang hian sum tam tak i chawi thei bawk tih hre rawh, hausakna leh neihnunna chhuanga tenawm taka che thin mihringte laka tlawm mai mai hi ka tumlo tih hre bawk ang che"


Tiin ka aukhum phiar phiar a, a lu atanga thisen rawn chhuak nguah nguah pawh chu buaipui sak ka tum thaklo, a chantawk a hmu ka ti mai..


"Engthil phiangsen nge thleng a? In thawm ava na em em ve!!".


Kawngkhar atanga rawn ti tu vang chuan ka phu zawk a, inhera ka en chuan khirhveli ( a hming ka la hrelo) khan thinrim meng sen rúm chung hian minlo melh a,


Putara, thisen nena in chiah piah nuaih chunga khuma mu hláwm reng arawn hmuh chiah chuan a t(r)e tuar a,

"Engthil nge itih hi i hria em zawngi?? Min rawn pui teh u, rawn kal vat teh u!!!". Tiin midang ho chu a au khawm chiam chiam a, rang takin an rawn tlánlut sup sup a, kei erawh bang káwmah ka tawlh lut rawk rawk thung a..


"Boss ko nghal ru, he hmeichhe rapthlak lutuk thiltih vek hi ani!"


Tiin min rawn kawk a, kei erawh kalo íp châwih thung, chutia an rawn punkhawm a, an râk chelchul tâkah chuan ka hlau thar a, ka chi ai ve ta ni mai hian ka hria..


Putara chu ka va en a, a harh deuh tawh tih hriat takin a che trual trual a, a lu chu a dawm vung vung bawk a,..


"Engthil nge min rawn tibuai tu chu? Engvangin nge hetah in punkhawm vak vak?"


Chang faka rawn titu lam hawi chuan kawngkhar chu kan melh thap a, Caseya mit leh ka mit a intawng nghal siah mai..


"Boss, he nu, Hmangaihzuali hi kan mikhual lakah a che mawilo hle ani, en la, a lu ah wine bottle in a chhu anih chu!!"


Khirhveli chuan arawn ti lawng lawng a, kalo íp nawn leh chawih thung.. mi zawng zawng mit chu keimah ah a fu thup a, ka inthiamlo in ka zak takzet ani..


"Sawifiah rawh"

Tiin min rawn hnaihchilh rawk a, kei kalo tawlhhnung dawrh a, ka hnunga bang chu ka nek nghal dawt bawk a..


Tlanchhiatna tur awm se tlanbo vang vang ka chák takzet!! Ka hmaa dingpa hmelah lah chuan lungawina reng reng hi ka hmu bawk silo..


"I insawifiah dawn nge dawnlo?"

A aia rum zawk hian arawn ti leh hluk a, kalo phu leh dawrh a.


"Englo, ihh, min..min khawih a tum a!"


Ka lo ti hap a, hnuailam bih in chil ka lem khawlh a, ka hlauthawng takzet ani, engtin chiah nge ka chungah hremna a lek kawh ang tih ka hre silo.


"Chuan??"


Ti leh nghut in ka dar arawn vuan a, min hmer na mah mah hret ani...


"Ka..ka lo indang velo anih chuan min khawihchhe mai dawn asin!"


Beidawng zet hian kalo ti leh thlawt a, midang ho chu an phun nghal mur mur a, min ringlo hlawm tih an hmelah chuan a lang reng alawm..


"Chhuak vek tawh rawh u, engkim a tha, ka rawn buaipui ang"


Ti thrat in midangte chu a hnawt kiang a, kei, amah, khirhveli leh putara chauh chu kan awm tawh..


"Tun a chin ah zuam awm takin awm tawh ngai suh!"


Ti hluk in min kalpel fua a, putara mutna khum lam chu a pan phei nghal hlawk hlawk a..


"I thawmhnaw la in i chhuak nghal thei, vawiina i chét tlatna man chu kan bill lo ang che, mahse thil pakhat, kan hotelah hian kanlo beisei tawhlo ang che"


Tiin putara chu a tung tho nawlh a, kalo mengphar âwk mai!! Ka rinloh dan lutukin a che miau alawm!!



Kalo rindan kha chuan, ngaihdam dilin thupha min chawitir turah kalo ngai ania!!


"Amanda, kan mihring-a hi zanin hian a chhuak ngei ani tih finfiah ang che, Hmangaihzual, pawnah driver in a nghak che a, haw nghal bawk rawh"


Tiin a chhuak zui daih a, a chet dan maksak zet vang chuan ka la hrilh hai takzet ani..


"Mai mai chuan Malsawmkima chu!! Láktlaklo leh lutuk"


Ti hmarh hmarh in Amanda (khirveli)-i chuan min rawn melh râm râm a, min hauh hrep hma in ka chhuahsan ta daih a..


Hotel kawt a ka din rual chuan ka theih ang tawka tam boruak chu ka hip lut vang vang a, room chhung boruak pik zet vanga ka normal loh zia kha ka hrechhuak ve chiah!


Nichin khan, putara kha thi ta se?! Tual ka that tihna ani ngawt dawn a!! Chumai bakah jail ah tângin, hremhmunah ka kal ngei awm si a!!


Ngati nge ka nunkawng hi a bumboh em em mai le?? Ka hrethiam tawh biklo, ka nu leh pa te ka ngai takzet ani!!

"Zuali!!"

Mipa aw in arawn tihna lam chu ka hawi vat a, a motor atangin Rinsangan minlo melh vung vung a, amah leh bawk hian maw inah min hruai haw dawn a?? Engmah sawi lemlo chuan ka pan vat a, kawngkhar chu hawngin ka thu lut ta vat a..



*CASEY MALSAWMKIMA POV*



"Tunge he nu hi?? Itan eng chiah nge anih a Casey?? Engvangin nge hotela awm zawng zawngte hian nangmah nen an hmehbel vek che u??"


Lawmlo tih hriat zetin Felina-i chuan a phone a tereuhtei thlalak chu ka hmaah a lek vâ vâ a, a thinrim biang tâi hlar chu inhmeh ka ti thin viau, mahse tunah chuan khatiang mood ah khan Ka chéng hauhlo!! Thinrimna leh huatna in ka khat a, thisen chhuah châkna in ka khat mek anih hi!


"Mawh min hrilh vat teh, engvangin nge i ngawih reng a.. he nu...."



"I ngawi theilo anih chuan he hmun atang hian chhuak nghal rawh!"


Kalo ti tuar a, a ka a chip chiang kher mai, ka thinrim chânga ka thil tih thin hrechiang bertu ani miau alawm!


"I hrechiang viau Lalnunpui, ka tih duh loh thleng thleng min tih tir tum hlek suh"


Ti nghut in dawhkana zu no khat pam chu ka tlâk pawp a, ka kawchhuk a sa thla nghal ham ham a..


"Zanin chu i haw thei ang"


Tiin bathroomah ka luhsan a, a haw ngei dawn tih pawh ka hre chiang viau! Ka thupek a zawm dawn tih ka hrechiang miau alawm..


Shower in min phuh sang sang rual chuan ka hmai ka tuai puat a, bathroom bang chu ka hnek nghal dawt bawk a..


"i vahan nep tak em Malsawmkim, i pa takngial pawh i tlânkhalh theilo chu ania!! Zanin hian nangmah vangin hmeichhe engzatin nge an zahawmna hlauh/hloh leh i hria em??


Mi engzat chiah in nge nangmah vang hian an lainate chân?? Engzat chiah nge nangmah vang hian thi leh mék i hria em?? Chu pawh i nép lutuk vang vekin!!


I nu hlimna takngial pawh tun thlengin ila hlawhchhuak zo lo a! Mi lâktlaklo leh tangkaina neilo inih hi!!"


Ti tuarin ka hmaa darthlalang chu ka hnek keh leh chuai a, ka thin chhung hi a sa hál buan buan ani ber e!!


Zanin khan putara leh a ho ten Mizoram an chhuahsan tur thu kan hria a, an sumdawnna nen an kal ngei dawn tih pawh kan chiang viau..


Airport thleng kan va umzui a, mahse..ha!! Kan nang hmanlo!! Pawisawilo mí engzat zozai nge tihluihna nen an hruai bo leh ang??


Hmânah khan putara khan engtin nge ka hnenah a sawi kha??


"Hmelma langsár neih ai chuan, kan thlâwp ve theih ngai loh tur chhungte, kan do tlat ngai laina hnâi neih hi a manganthlak zawk!"


A ti anih kha!! Ni e, a dik ani, ka hmelma lian ber chu ka pa! Ka pa dik tak ani miau ani!!


Mahse, hua in, ten viau mahila thisena kan inzawmna hian ka pa nih a thrulh tir chuang silo!! Hmelma dang ang chu nise kum tam tak jail ah a tâng tawh ngei ang chu!


Mahse pa chuan a fapa a hriatchian ém avangin enge a chaklohna ni a? Engin nge mi chak takah siam thin tih a hre khiau a, amah ka beihna hmanrua vékin min beilet a, a chak fo zawk thin!!


Tin, amah ka man ngei ngeina turah pawh vawitam ka haider lui a, ka peh hel thin anih kha!!


Mí fa te ang chu ni ila, sum kan neih theihna tur anih phawt chuan kan chhungte chét dân chu ka haider ve mai ang chu!!


Mahse kei hi, Casey Malsawmkima ka nih chhung chuan chu chu ka ti ve theilo! Ka thilhriat pakhat zel ka thupbo hian pawisawilo mi tam tak in an tuar nghal zel thin tih ka hre miau a...


Chuvang chuan alawm min hringtu ka pa ngei do a, hetiang khawpa anmahni man tuma ka beih tâk ni!!


"Ka pa, i fapa, i ríl a rah ngeiin ka do tlat vang che hian nangpawh i mangang ve thin ani tiraw? I thiltih zawng zawngte hi bansanin nun bul i tan leh thei mai lo em maw ni le?"


Ti in bathroom chu ka chhuahsan a, khumah inthawlhin theihtawp chhuaha mutthilh ve chu ka tum a, a theihloh!! A theih thlawt loh ani!!



End of episode - 6