A REM VE THEI MAI LAWM NI BY Becky Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: A REM VE THEI MAI LAWM NI BY Becky Khiangte (Completed)

Unread post by Ngaia » June 6th, 2021, 3:21 pm

#A REM VE THEI MAI LAWM NI#

#Chapter 13

(Lungmuana POV)

Ka pu remruat angin Pune ah ka awm ve ta ran mai le.. Hostelah awmin lunglei lam mi sailo Muana chu ka roommate ani. Kei aiin a upa hret na a, kan inkawm thei viau. A lo awm rei ve deuh tawh avangin thil ningkhawng a hre zau tawh a, a zia viau. Call centerah a thawk a, kan inhmu zing theilo zawk, zanlam a duty thin avangin keimahin ka riak deuh tlangpui thin. A chang chuan a khawharthlak viau thin..

Mawitei ka ngai thin hle a, vawihnih chu kan inbe tawh a, mahse kan timing a inmil theihloh avangin kan inbe Zen zen thei lo.

Class pawh ka chhunzawm ve ta a, northeast mi pakhat Assam atanga tawn kal Deepak nen chuan kan inkawm nel nghal viau mai. Ani pawh 11 zirlai tho ani a, a nu leh pa an inthen avangin a nu bulah hian a lo awm ve alo ni. Kan zirlaiah pawh kan inpui tawnin asignment pawh kan tidun thin a, unau ang maiin kan inen tawh a, an inah pawh min hruai a tum thin , hun a la awmlo zawk ani.

Inrinni a ni a, sailo Muana pawh zinglamah a lo haw a, ka exer la nen kan inhmu fuh a, hostel kan pan rual a, kan titi mawlh mawlh lai chuan ka lu a rawn hai thut, ka bawh thlawp a, ka hnar a rawn thi zui..

Hmanhmawh takin Hostelah min hruailut a, warden te chuan min lo buaipui zung zung a, khumah min muttirin, ka hnarthi tihtawp tumin an bei char char a, ka luhai lutuk chu ka lu pawh ka Chet ngam lo , ka maimitchhing ngam lo. A van hrehawm tak em!

Jehangir hopitalah min hruai ta tawp, kalkawngah pawh mumalin engmah ka hre lo.

Ka harh leh chuan drip an lo khai a, ka lu ka Chet hlek chu a la hai nasa lutuk, a vir muai muai a, ka mit a vai chum chum mai..ka nu ka ngai lutuk..
Mahse, ka inti pachang lui a, engmah ka hrilh tur ani lo, hre vaih sela chu lo chhuk a tum leh ang a,min hruai haw daih duh ang.ka zirna ka chhunzawm leh mai a phal lo ang a, ka dream ka tihlawhtling thei nang.

Ka tui a hal em em a, ka dang chu a thip hlur mai.Nurse duty chuan ka harh tih hriain min lo buaipui vat a, ka bp te check-in ka mamawh min zawt a, ka kutzungpui ti pir in ka hmui zawnah ka dah a, a lo hrethiam ve mai.No faitakin tui min thlit a, ka han in dawn a, ka lu ka Chet ngam thlawtlo. Hrethiamin straw min lo pe a,no ah chuan dahin min fawh tir a, ka dangro lutukah chuan a lut thip zawk thei..

Engvangin nge hetianga ka awm tak le! Tlangval hrisel tha pangngai tak ka ni ve asin le.

Ka harh tih hrilh turin nurse chu a chhuak a, doctor a lo lut vat a, min han check zung zung a, test ngai a sawi zar zar a, ka lo ip chawih mai. Tunge min buaipui ta ang le?
U Sailo Muana kha khawnge a awm tak le? Ka ngaihtuahna hria niawm takin Nurse chuan " I unaupa chu pawnah a awm a, kan ko lut ang e" a lo ti a,ka thaw huai mai..

Reilo te ah Sailo Muana pawh a lo lut a," E, partner, lungngai suh aw, ka awm hi .keiman ka buaipui vek ang che" a lo ti a, a nui var var a, a va thlamuanthlak em! Hnamdang zingah ka mizopui ngei mai min buaipui tura Pathianin min lo chhawpchhuahsak hi ka lawm hle mai.

Test ngai te kan han tihfel hnu chuan a lo tlailam ta ruih mai. Ka luhai pawh a ziaawm tan ta bawk a, ka harh deuh hlek tawh.Wardah min sawmin min admit chu a ni ta reng mai. Damdawiin khuma han mut chu ka zak deuh tlat,Pathian zarah ka hrisel tha a, nat ka nei ngai si lo.

Deepak chuan min lo phone hlauh mai, ka chanchin ka hrilh chuan a lo kal tur thu a sawi a, phone kan titawp nghal.A fel ve ania ka thiana hi chu.
A rial reilo, a lo thleng thuai a," Bro, a tirah min lo hrilh tur a lawm, hetah hian ka u a thawk ve a, ka lo biaksak nghal che a, zaninah a duty dawn bawk a, ka lo riahpui ang che" an ti mai anih chu...

A mak asin, keini chuan vai kan ti a,kan hmuhsit thin kha anni.An lo tlawmngai ve thei hle mai.pawisa ah ka buai lo, ka pu in min thawn teuh thei, mahse pawisa aia mamawh ka neih chu hmangaihtu, ngaihsaktu hi ani.Chu chu helaiah pawh hian Pathianin min lo hunchhuahsak reng si hi a mak ani.


Dr shashi, neurologist thiam tak mai chu Deepak a u a lo ni reng a, min buaipui ta char char a, Sailo Muana chu night duty tur anih avangin ka haw tir a, ka thawmhnaw tlem leh ka mamawh tur ang chi chu a duty paha a lo dah tur thu min hrilh bawk a, a hna thulha min buaipui chu ka duhbik lo ani.

Karkhat hnuah chuan ka test result chu a lo chhuak ta, Dr Sashi chuan ka result min hrilh chiah chu ka bing mup mup mai.
A ni thei lo, kei hi ... Ka tho thut a, ka lu hai lutuk, ka mit a vai, a thim vek , engmah ka hre tawh lo..

" A cancer hi 2 nd stage a ni tawh a, a lo tai darh deuh hlek tawh na in, enkawl dam kan tum dawn nia, lo mangang suh u" tih ri chu hla takah ka hria...
Ka rihriatna chu a lo hnai zel a" Dr, beisei awm a la ni ti raw" ... Ka la thi duh lo.. Thi thei ka la ni lo. Hmabak ka la ngah lutuk...

Ka kut ka vai vak vak a, ka mumang ni se, harhchhuah San daih ka duh..ka chanchin hi ka chhungte hrilh ka duhlo viau na a, hetiang anih chuan hrilh a ngai ngei dawn a nih hi.ka thiante ka tibuai hnem tawh lutuk..

Ka harh tih hriain Sailo Muana chuan min lo chelh vat a, " E, ka nau, ilo harh tawh maw, I bulah kan awm reng ania aw" a lo ti vat a, Dr shashi chu ka en vat a," ka thi dawn lo tiraw" ka ti tham tuak a.ka chalah a rawn dek zeuh a" Don't worry, we will try our best to cure you" a ti a, a nui suk a, mahse a mitmeng ka chhiarthiam ve vek , mi à nileng ka ni bik lo.

Ka maimitchhing a, mawitei ka tello a awm tur te, ka nu min hmangaih em em tu , ka tello a zankhat pawh awmtheilo kha engtinnge ka thih hunah an lo awm tak ang??

Lalpa, min la thihtir lul suh, he cancer hrik hi nangman min hneh sak ang che!!
Sailo Muana chuan " enge I ngaihtuah a,inngaihtuah hah suh aw, ka awm hi, I chhungte pawh nangman hrilh tha a I tih chuan kan hrilh dawn nia" tiin min hnem reng a.
Ni e, ka chhungte chu ka hrilh a ngai ngei ang, mahse a thinthawng lo ang zawng berin ...

Nizan khan min lo phone miah lo a, ka chanchin hi zankhat danah kan inhrilh thin kha ani sia.khawnge ka phone hi a awm daih le! Ka lukham chu ka zen lut a, ka dapfuh mai si lo." I phone chu a battery a low a, ka charge sak che, nizanah I nu in alo phone che a, ka lo chhang a,i that thu leh assignment in tih avanga inbuai thu ka lo hrilh a" a ti a, ka thawveng huai. Ka thu lo chuan ka chanchin dik tak hi alo hrilh ngam bik lo anih hi..

"Thudik chu ka hrilh a la ngai dawn si a, ka va hreh ber em!! Ngatinge he natna hi ka lo neih kher le?" Ka mittui a hnai tlat. Tlangval chaklai, ka zirlai nise a la laklawh lutuk, nun hmannawm hunlai tak anla ni asin!

Nakinah chuan chemo khai a la ngai ang a, ka sam a la tlakawlh vek ang a.
Ka ngaihtuah sei ngamlo..

Ka account atangin pawisa chu Sailo Muana accountah ka transfer zel.A niin a tul ang zawng zawngah min buaipui zel bawk a, hospital staff leh Dr te ka lakah an fel em em bawk a, Deepak lahin min ngaihsak em em mai bawk a, natna karah pawh lawmna tur chu ka chhar leh tho mai.

Thukhuh deuh in ka pu hnenah ka chanchin chu ka hrilh ta nge nge a, mahse ka nu hrilh lo turin ka intiam tir thlap bawk...
Ka patea chu a lo chhuktir thuai a, ka kawmrual vel a fapa mapuia a lo hruai bawk a.ka thla a muang ta huai mai.

Chemo pawh kan khai tan ta, ka chau thei ngei mai..mawitei nen chuan kan la inbe mumal ta miah lo.ka ngai em em a, ka taksa chak that Iai thlalakte chu a lo en let atan tiin ka dahtha zel a.Mapuia chuan ka chanchin engkim a hriat vek avangin hrilh mai turin min ti thin a, mahse, ka hmangaih khan ka chanchin a hriat hunah engtinnge a awm ang! A tap ang a, a nun a chhe vek ang, keimah avanga a nunchhe vek tur chu ka ngaingam lo.. ka hmangaih avangin hlim takin awm se ka duh. Ka thihsan hunah hlim takin, hmangaih dang neiin nuthai la chang se la , a nun hlim takin hmang zawk rawh se..


( Ramnunmawii POV)

Bawiha chuan min lo phone khat takzet!! Ngatinge a reh tak tlat le??

A zirlaiah a buai ve deuh em ni le? A nu pawh chuan min lo be khat lutuk atih avangin kan ngaih a tha lo dun hle mai. Ka lunglen deuh chuan an inah te ka va phei leh ringawt thin.

Ka nu leh pa pawhin min hrethiam hle mai.school banah maremi nen kan haw kawngah bawiha pu kan hmu hlauh mai, bank kal haw tihhriat deuh hian passbook anlo khai bawk a, " E, ka pu Dara chu, I va Hausa awm ve kha," kan lo ti luam a, " Nia , hei I bawiha hi a mamawh kan thawn a kan ti mawle" a lo ti ve thuai a.. " A nih tak chu, a dam maw, ani hi, a reh vung vung mai, chanchin pawh kan inhre thei tawh lo" ka ti a.A nui sak a, " Aaa ..aw.. a tlangval tawh viau mai," tiin min kalsan ve ta mai a..


Min chhanna kha a liam hnuah ka ngaihtuah let a, " A tlangval ve tawh viau mai"

Tlangval tih tawngkam kha ngatinge a hman.. ani hi a lo damlo reng em ni, nge ngaihzawng dang hi a lo nei reng zawk??.
Maremi pawh ngaihsaklo chuan ka kal ta hmawk hmawk mai.".midang min neihsan teh chuan aw, I chaklo ang,ka tan chauha rinawm turin I intiam a nih kha, keipawh I tan ka lo rinawm em em a" tiin ka insehruh nasa mai..

" Awi, chheban, enge I hriat a, ka hah lutuk" tiin Maremi chuan min lo um a.kei hi ka best ka lo theihnghilh leh daih tawh!
"Bawiha chanchin sawi tawh a, mi I theihnghilh ziah hi chu" tiin min ka chalah a nem sawk a, ka haw duh bik lo.engtin pawh min ti se, ka thian ania, ka Mangan rilru hah lai pawha ka inhnem ve na kha ani tlat .

"Sorry" tiin ka beng ka pawt zeuh a, a lo nui leh var var tawh, a lungawi hma ania ka thiannu hi chu.kut inkaiin kan kal dunnleh ta hnak hnak a, an inpeng kan thleng ta, " ka u hi ngaihsak ve deuh tawh la, " a ti zeuh a.ka lei ka chhuah zeuh a, ka kalsan daih.
Bawiha te inah ka peng hmasa a, anu chauh a lo awm.." Nu Maeng, bawiha hian a lo be thin che em, min biak lohna a rei tawh lutuk" tiin vui hmuipu deuhin ka sawi a, filtera tui chu ka inthlit pah a." Phone ngai bik lo, tinge mawnile, ka phone hnuhnun ber chuan a roomate khan min lo chhang a, asignment an ti laklawh a ti mai a, hei tunah chuan ka be tlang leh thei tawh lo. " A lo ti ve nuap nuap a. Thingpui senhang a lo in leh tawh. Thingpuisen hi chu a heh ve Chiang a lawm. "Nichin khan ka pu kha ka lo hmu a, bawiha chu a tlangval tah khawp mai, te kha a tia, a lo lwrh ve ta viau mawni le a ka tia" ka ti a, " A... A ni lo ang, a khawhawi a zim em mai a, hmundanga an awm takah chuan a harhvang ve deuh aniang" a lo ti satliah ve mai a..

Kan inah ka lut a, ka inthlak zawh chuan kanphone ka la chhuak a, ka data kan on chu msg a lo lut zut zut mai. Bawiha msg a lo awm . Ka open
"Inthen ang"
Ka awih theilo,ava mak em!
"E,amak e, enge i awmzia hi??"...
A seen vek, min chhang tawh lo. Ka rilru a va na em! Ka thin a tawt, ka tah a chhuak lutuk, ka tap thei si lo.. ka awm chu ka chum leh tawp thin. Ka thaw hak a, nka mittui anluang zawih zawih... Ka dawhkana ka thildah ho chu ka hai darh chiam a, ka rak thawt ka thawmah u Lani a lo tlanchho vat, a rawn lut a, " ka nau duat , enge thil awmzia?" Min kuah a, ka kuah let ve a, ka tap ta hlawp hlawp mai. Chhuak lutukin ka tap a, ka khur ngawt ngawt.. ka mittui chuan u Lani darah a luan huh zuih mai... " Bawihan inthen a duh" ka ti tuau a. Ka hnungah min zut heuh heuh a, ka ziaawm hnuah chuan khumah min muttirin ka sulhnu chu a ti fel vek a. Ka tahna ah ka chauh em avangin ka lo muhil daih a.

Ka harh leh chuan ka nu in min lo thutpui a, ka phone chu a lo ri a, a lo ban vat, " hello, bawiha" ka tek sawk. " Aw, hei a nula khawp mai, enge I an zawk, lo ngaihtuah duh suh, a tha e... Aw... Aw le... "

Ka chungchang a la rawn zawt ngam ani maw?. Min then duh tu khan ka tawrhnat leh tawrhnat loh a rawn zawt a ni maw?? A va han zak thei lo tak. !

Bawiha , ti em em hian I lo nunrawng ang tih ngaihna ka lo hre lo. I lo va han mak em? Ka tana rinawm tura I intiam a zawng zawng te kha ka bengah hian ala ri nawn tluk tluk a, ka thinlungah hian a cham reng asin...

Chaw ka ei ngai lo a, ka cher telh telh a, school ah pawh ka kal tha peih lo...

Maremi chuan school banah min rawn awmpui thin a, asignment pawh min tihsak vek zel. A chang chuan nu maengi a lo kal bawk thin a, a fapa avanga ka tawrhna te min eawn hnem ve thin. Ka nu pawhin engkim a hriat ve vek avangin min hrethiam em em a. Bawiha ka theihnghilh theih nan min pui nasa em em a, kan pahniha kan sulhnu zawng zawng te chu ka dahbo vek tawh ani.

Thlakhat a ral leh meuh chuan ka pangngai leh ta viau mai. Class pawh ka tan ve leh thei ta a, chaw ka ei tha ta bawk a, ka taksa pawh a tha chho chak viau. Bawiha nen a kan inzawmna thil zawng zawng ka chhutchah vek tawh avangin ka theihnghilh tan tawh viau mai.

Maremi leh u zoa pawh an lo leng dun zeuh zeuh thin. U zoa hian engmah sawi lo mahse ka chunga a thatna hian min hneh chho tan em em a, mahse ngaihzawng ang chuan ka la en thei lo.Tlangval nula ngaihdaklo tak a lo ni bawk nen, maremi hi chuan a u rilru a chhiarthiam bawk a, min duh thu hi chu min hrilh fo thin.kei pawh lunglen hnem ah ka lo kawm ve ta zel mai ani.

Tawk leh phawt se, ka story min chhiarsak tute chungah thinlung takin lawmthu ka sawi a, ads click kha min lo ngaih pawimawh sak leh theuh dawn nia.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:22 pm

#A REM VE THEI MAI LAWM NI#

#CHAPTER 14#


(Lungmuana POV)

Ka chemo khai avangin ka sam pawh a tlakawlh ta. Ka pate a chuan lukhum min lei sak a, ka khum reng tawh mai, ka taksa a chau tawh takzet.. ka damdawi ei te pawh hian min tichau tel bawk ani. Mahse, Mawitei hmel ka mitthla hian chuan ka hlim leh deuh thin.

Inthen ang ti a message ka thawn atang khan a reh ta vang vang mai. A tawrh nasatzia ka chhungten min hrilh khan ka na vawng vawng. Ka natna pawhin a tawrhphah em em bawk ni. Mahse, ka awmlohsan hunah a khawhar lutuk loh nan amah lo tihlim theitu tawng se ka duh ani.


U zoa khan a duh tih ka hria, mipa ka nia, engmah ka hai bik lo. Ni e, ani kha chu officer meuh a ni a, mawitei pawh nuamsa takin a siam thei ngei ang. Hmangaih taka enkawltu tur hnenah chuan hlim takin ka hlan thei ngei ang. Ka hmangaih kha a hlim alawm ka duh ber.

Kei chuan nuamsa takin ka siam thei dawn si lo. Mahse ka hmangaih a ni. Ka hmangaih em em asin. Midang tan ka phal thei lo.

Hmmmm.. Nun hi a va harsa tak em!.

" Hey, buddy, enge I lo an " tih ri chuan ka ngaihtuahna atangin min ti harh zawk mai. Tunge he pa hi, ka va hrelo ve??

"Min hre na nge" a lu kawlh tuai vut vut pah chuan a ti a, ka la hre Chuang lo. Ka ngaihtuah vang vang a, " Deepak" ka ti tial ruan a, alo nui var var. Ngatinge a lu a ziah kawlh vek le??

" I tan ka in volunteer a nih hi, buddy, tihian unau kan nih na a Chiang ber. I lukawlh kha lo inngaihhniam phah tawh suh aw" a ti a, ka va lawm em! Ka mittui a hnai kuar mai.. Het, mipa ka nih hi... Ka tap tur ani lo..


" Buddy, ka tan I va hlu em!" Kan inkuah thlawp a. Ka patea pawh chuan lawmthu a lo sawi ve mawlh mawlh a.

Deepak a zarah duhsakna tamtak kan dawn phah a, lawm tur kan nih tawh laiin ka tana a la involunteer leh phei hi chu.. Kan Pathian hi ka tan hian a va tha tehlul em!

Karhnih kan awm leh hnu chuan kan chhuak ve thei ta a, ka taksa pawh a ziaawm ve tan a, ka chau ngawih ngawih leh luak chhuak hi a ni deuh mai. Chaw pangngai ka la ei thei meuh lo a, buhhawp leh apple, nutrition tha an tih ang apiang ka ei a. Min hemna avangin ka dum deuh thul tawh a. Tumah min hresa pawhin min hre mai tawh lo ang tih tur ka ni tawh..

Min hringtu ka nu leh pa tan chuan hmuh hrehawm ka ni ve khawp ang.. Hostel chu a zim deuh avangin hotelah kan insuan a, ka cousin mapuia chuan min kawmhlim peih em em a, ka khawhar lutukna turah min hnem em em thin. A lo zaithiam em em lehnghal a. U tube ah karoake atangin zawi te te in a zai riai riai thin.

" Hlat I tum poh leh, ama ngaih a zual thin.
I huatna chuan I hmangaihna a tizual thin a,
Mahni pawh in hmangaih zo lovin a tan I in pe a,
A tan chuan engkim tih I huam si thin. "
" Ngawi teh, kha hla kha tu nge sa, a va nalh ve" ka lo pawtchat vat a

Mapuia chu alo hawi vat a, ka hmel a en chuan min lainat hle a ni tih ka hria, lainat hmel deuha min en hian keimah hi ka lo na zawk thin.

Ka dam leh ang a, min lainat em emtu te hi an hlimna ka la thlen leh ngei ang.
" Manuna sak anih hi, kan play dawn mi? " Mapuia chuan a ti a, ka lo bu nghauh a, zawi te, ngaihthlak nuam tawk chiahin a play riai riai a.

Maimitchhingin ka lo ngaithla a. A hla thu tin mai chu Mawitei nen kan inkar angin ka lo ngaihruat a, ka hnuk a ulh tlat mai. Ka mittui a tla zawih zawih a. Ka insut hruih ri ah chuan Mapuia chuan anplay lai chu a off a, " ka nau, I dam leh ang a, I hmangaih nen chuan dinhmun in leng dun ngei ang, lungngai suh" a lo ti a...

" Ka thi dawn lo tiraw" ..... 😭😭

Ka tawt up up.. Thlahnih liam ta mai kha chuan tlangval chak tha tak ka la ni asin le!. Tinge kei kher hetiang a ka awm?

Dam thlahlello tak tak inawkhlum te , inchhawng sang atanga zuangthla te an awm laiin kei dam thlahlel ngawih ngawih in ka awm a. Hringnun hi a va fair lo tak em!.

Ka incheck up hun kan thlen chuan ka patea leh Mapuia chuan min hruai leh a, Sailo Muana nen pawh kan inhmu khat ve ta. A khat tawkin min lo call thin a, mahse ka tawng that peih loh avangin Mapuian a lo chhang mai thin.

Dr shashi pawh a lo duty a, min han check hnu chuan thlahnih ei damdawi min pekbelh leh a, thlahnih hnua incheckup leh turin min ti a, min nuih sen sen a, " you will recover soon, don't worry" tiin min hnem ve tak na in, ka pate a chu la thufual tura a tih atangin engkim ka man ve thiam vek. Mapuia nen chuan corridor ah kan lo nghak a, ka tui a hal em avangin Mapuia chuan tui vawt min intir a. Ka hmazawn tukverh a ka thla kan hmu chiah chu lungawi har ka van titak em!

Ka sam a kawlh tul a, ka cherin ka thu dum em em tawh bawk si. Hmel pangngai pawh ka pu tawh lo. Ngawi renga ka thut ngawt2 avang chuan Mapuia chuan ka hmel a rawn enchiang a, ka hmazawn a en ve chuan ka ngaihtuahna a chhiarthiam ve aniang chu. " I la tha chho zel dawn ania, lungngai suh" a lo ti a.


(RAMNUNMAWII POV)

Final exam kan bei ve dawn ta, tan a na duh hle mai. Lehkhazir hi ka peihloh em avang hian ka nu pawhin min nawr lutuk duh lem lo. Ka inchhiar ve deuh hlek chuan ka thiam chak viau tho. Maremi pawh chuan thahnem angai viau mai. Exam chhung zawng chuan ka nu leh pa in min vil chawt a, a thlamuanthlak tak zet. Ei leh in tha min hlui a, tawngtaina nen min pui bawk a. Result tha tak ka nei leh ngei ang.

Bawiha te inah chuan thawm a awm tlat mai. Enge an tih le! " Ka fapa, I lo thleng tawh maw" ti tu chu Nu maengi aw ngei ani. Kawngkapuiah ka tlanchhuak a, mipakhat lukawlh cher deuh an kuahlut chu ka hmu hman. Tu tak ni ang maw??. Nu maengi hian fapa dang a lo nei reng em ni le?

Ka nu chuan min ko lut vat a, a hmel ahlauhthawnna chu ka hmu hman, a inthlak leh thuai a, min nuih seih a. Ka pa pawh a lo awm ve bawk a, ka kutah chelhin " in exam zawh ah kan zin thawveng dawn em ni" min lo ti a, ka chak zawng tak ani" Aw le, pa. Ka chak lutuk" ka ti a. Ka pa chu ka kuah thlawp mai... Rei tak pa ka lo mamawh ve em em chu ka nei ta a, hmangaihna khingbai hnuaia lo seilian khan nu leh pa hmangaihna kan dawn hi nuam ka tiin pangchang tawp lovin ka pangchang em em bawk ani. Ka nu leh pa pawh chuan min kuah dunin ka hnungzangah an chul heuh heuh a..

Subject khat chiah kan nei tawh bawk a, phur takin ka zir leh tlauh tlauh a, Maremi pawh chu kan zin tur thu ka hrilh chuan a lo huphurh leh ngei mai. " Lo kal ve ka lo dil ang aw"
" Aw, lo dil rawh, keimah chauhte chuan ka kal peih bik lo, hmelhriat ka nei bawk si lo a" ka lo ti ve a.

A tukah chuan min lo sawm a, ka pa hoin kan kal rual vek. " Sir, oh.. pa.." maremin min lo sik vak, ka nui ringawt. " Enge ni, ka fanu"
" Ih, maremi hi kan zinna ah a lo kal ve in phal em, hmelhriat ka la nei si lo a" ka ti a. Ka pa chuan ," E... Alo kal ve duh phawt te chuan, lo kal ve sela"...
"Yesss , " ka kut ka vai vak, ka va lawm em!.


School kan thleng a, roomah kan lut nghal, ka seata ka thut hnu chuan tawngtaina tawite ka nei a, question paper an lo sem nghal a, phur tak chuan ka chhang leh ta malh malh a, ka thiamloh pahnih chiah a awm. Ka van lawm em.

(3:30pm The same day)

Ka nu chu inah a lo awm reng tawh, a hmelah chuan thil inthup a awm tih ka hria, u Lani chuan eirawng a lo bawl a, an pahnih chuan hlim luih an tum tih ka hria, an hmel chu Chiang takin ka en a, an nuihna phenah chuan lungngaihna a awm tlat. Ka roomah ka chho a, ka inthlak zawh hnu chuan , inhnuaiah ka chhuka leh a, ka insum thei tawh ngang lo" Nu, sawi tawh rawh le, min hrilh tur I nei" ka ti tawl mai. Ka nu hmel chu a buai nuai mai. A thaw halh a, a ka a ang hman zuau tih ah kapa alo lut a, " Awi, Than , I lo thleng tawh maw, hei eirawng kan bawl zo tep tawh a, I chau em? " A lo ti sawk zawk a, ka pa chuan, chau lo ve, bawihi, exam chu I chhang tha em" hlim sangin min bia a, ka lu ah a tuai zauh a, ka nu nen roomah an inzui lut ta daih a. U Lani chuan, "ka nau duatte , lo kal rawh, exam zawh lawm nan I chawhmeh duh ber ka lo siam che a" tiin choka ah chuan min kai lut a. Bawngsa curry a lo siam niin, ka va lawm em! Ka khi deuh var var a, ka tem chhin, " mmmmmm.. tui lutukkk" ....


Ka nu leh pa lo chhuak leh chuan hlim hmel an lo pu sang a. Chaw chu kan ei nghal a, " bawihi, kan zinna ah chuan Maremi chu lo kal ve sela, naktuk hi inbuatsaih nan hmang ila a tuk lehah kal ta ila, tha I ti em" ka pa chuan a lo ti a. Nia, a tha lawm. Zin dawn chuan zin vat ka duh. " Aw le, ka lo hrilh dawn nia" ka ti a, ka nu chu a lo nui var var a, ka pa in hmangaih taka min biak hian ka nu hi a lo lawm thin. Kei pawhin nuam ka ti em em thin a ni.

Zanah chuan ka roomah ka awm a, Maremi nen kan inbia a, kan zin dan tur chungchang vel te sawiin rei tak kan inbia a, kan phur dun tawh khawp mai. Kan inbiak zawh chuan khumah ka thu a, ka hma zawn chu ka melh ngur ngur a. Bawiha room a eng tlatin ka hria. Parda chu ka va keu dek dek a, a dik , bawiha room a ni , a eng tlat.

Nizan thleng kha chuan a la thim thiap asin. Vawiin khan mipakhat lukawlh , cher deuh a lo thlen tak kha mawle. Bawiha hian u mipa a nei nge maw ni aw??. Bawiha roomah an muttir anih dawn hi..

A tuk ah chuan zinna a kan mamawh tur ho maremi nen kan lam khawm a, Bawiha te in kan kal pelh dawn lai chuan Nu Maengi aw ngeiin, " ka fapa, he cancer hrik hi chu ka va han run tak em!" ti a a tapri ngei mai chu ka hre pha a. Va luh ka duh viau rualin ka huphurh mai bakah Maremi hian a remti dawn lo lutuk..


In kan lut chu ka nu leh pa pawh inchhungkhur tifaiin an lo che dun bawrh bawrh a, hmuhnawm hi ka va titak em!.
Inhmangaih taka an han che dun ka hmuh hian an hlimna hi tuma tihchhiat ka phal lo. Hlim reng se, inngeih takin awm tlang dial dial ila ka duh ani.

" E, in lo thleng tawh maw, in va fel em aw" ka nu chuan a lo ti sawk sawk a, ka pa chuan " Maremi chu I lo riak ve thei nghal ti raw? Zing hma takah chhuak thei ila , a tha ang" a lo ti ve a...

Kan zinna tur hi Champhai ani a, rihdil te pawh tlawh kan tum bawk ani.
U Lani chuan eirawng a bawl zo tawh bawk a, kan inbualfai sang sang a, chaw kan ei ta nghal a.

Zanah maremi thawmhnaw ken tur chu u zoa kan phone a, a rawn phei thuai a, mipa tih takah a kengkim lo hlawm sia. " Naaaaa... U... Hei hi a ni lo, ka kekawrtlawn ka sawi pawh I lo dah lo, min va hruai la , va la leh ang u" a ti hluai a. Ka nu chuan nui bawk bawk chungin, " Aw, kan pu chu intir bawrh bawrh chu ani sia, Sir, hmeichheho hi chu hriatthiam kan har ania, in lungawina zan chu va la mawlh ta che u" alo ti a. U zoa ho chuan Maremi te inah chuan kan inphur chhuak leh ta pauh a.

A duhtawk a lak hnu chuan kan phei leh thuai a. U zoa chu kan driver ang maiin a hma ah amah chauhin a thu a, keini pahnih chu a hnungah kan thu a. Thawveng takin kan titi bawrh bawrh a. A front glass atang chuan min lo melh leh zeuh thin. Ka han hmu fuh thei lutuk. Kan innuih ringawt. Ka lo hlim ve deuh ringawt...

In kan thlen chuan, " u, tikhan inbe lawk ru," tihleh kawngka hawna tlanchhuah a rual a, ka lam kawngka chu a rawn lock nghal zat a. Chimawm reuh lutuk.

U zoa chuan, " I va ngaihawm dawn ve, in cham rei ang em? "

" Cham rei lo ang, Karkhat vel aniang, ka nu chawlh neih a rei si lo a" tiin ka melh ralh a, ka kuttah a rawn
hum a, ka lo phu zuk... Ka van thing tak!.
" Ka ngai ngawt ang che"
Sawi tur ka hrelo. Ka zak deuh tlat. U zoa hi chu tlangval puitling ani tawh a, ka zah deuh tlat alawm, bakah officer te an nia, an luck dawn teh lul nen. Kei berkher min lo duh ve hi a mak ka tia.. ka thiannu u anih vang pawh hian ngaihzawng anga en hi har ka ti ve alawm.

Mahse, heti taka min ngaihven takah leh Bawiha laka ka beiseina a bo takah chuan ka rilru chu ka pe ve tan tih ka hai lo, ani tlangval fing lo ni bawk si chuan ka mitmeng atangin engmah a hai bik lo ani.
" Keipawn , ka .. ih ... ih... Ka ngai ngawt ang che" ka zak lutuk. Ka kun tlat a, ka khabe a rawn tuai zeuh. Min nuih var var a, a van tha Chiang tak..

Motor atangin kan chhuak a, inchhung kan thlen hma chu kan inkai rial a, Bawiha te kawngka ah chuan Nu Maengi a lo ding a, min lo en reng, ka va hawi phei chuan a mit a khawih zeuh a, a lut ta nghal a.

Inchhung kan luh chuan a ni leh pa te chu an lo nui thaw a, a lai leh pek. Maremi ka chum ringawt. Ani lah chuan " Insawi fel thei maw" a lo la ti zui. Ka nui ve ringawt. Ka ni chuan " kha sir , leng ve reng rawh aw" a lo ti a, u zoa chuan, " khwngaihin, hetah chuan sir min ti lo la , zoa min ti mai rawh, office ah chuan min pu mahla a pawi lo a" a ti ve a. A dik ve reng ani. Ka nu tan pawh an pu ber kha a ni ve sia , an lai dun ve ve ang. Inpawh takin ka inkawm tlang a, U Lani chuan thingpui tui tak mai a lo siam a, kan in zawh chuan u zoa pawh a haw phei ve ta a, keini pawh zing chhuak tur kan nih vangin an mu ve ta thuai a, Maremi nen ka khumah kan mu a. " En teh, Nu maengi hian fapa dang a nei mi le? " Ka ti hluai a,
" Hre bik lo, tinge"
" Ka fapa, I lo haw tawh maw, a tih ri ka hria a, lu kawlh deuh , cher deuh mai hi an lo kuah lut a" ka ti a..
" A lo nei mi kei chu ka hre miah lo, aaaaa... Ho lutuk, ngaihtuah tawh suh, an chhungkua nen hi chuan inhnimhnai tawh lo teh, I natna bak I tawng lo" a ti hmuk a.

Ni e, a dik reng, min duh lo a, thenna thu min hlan vanga ka tawrhna hi theihnghilh ka duh tawh. Ka natna ah khan nat nawn leh ka duh tawh lo.

Ka inlukhuh a, ka muhil ta thuai a.


Zingah chuan ka harh hma ngang mai, Maremi ka kaitho vat a, alo thawh chuan ka lo intifai vek tawh.

A in siam ve thuai a, ka nu in min lo ko zui bawk a, kan chhuk vat. u Lani thingpui siam kan in var vat a, kan chhuak chu ani mai. U Lani chuan in anlo nghak dawn a ni.


Kan chhuak tur chu Nu Maengi chuan min lo thlir reng a, kan tlanpel ve mai. Mahse , ka inthiam thei lo. A hmel ah khan tawrhna ka hmu tlat a ni..


Tawk leh phawt se, zan tin rawn dah ka tum ang e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:22 pm

AREM VE THEI MAI LAWM NI

#CHAPTER 15#

Champhai chu tlai dar thum bawr velah tluang takin an thleng a, zotlangah Thana nutei te inah an thleng a, Aizawl nen chuan boruak a inanglo hle mai. Mawitei chu a vawikhat kalna ni bawk a, nuam a ti hle mai. Thana nutei chu pi Rampari ani a, an pa pu Laltanpuia niin fa an nei thei lova, chuvang chuan Thana hi an duatin fa ang tak takin an en thin a, Champhai ah hi chuan anni lo hi chu a tlawh vak ngai lo. Venglaiah a putea te an awm a, kahrawtah an awm bawk a, mahse anutei te bak hi chu an dam anih chuan a tlawh ngai lo.

Rampari chuan" Awi , bawiha nupui I va nei hmeltha ve hei, bawihi te pawh chu tute nge an hming" a lo ti a,

" Ka nute, I va ti lawmawm ve, kan nu hi zothanpuii ania, zoi kan tia , chuan hei kan fanu hi Ramnunmawii ania, mawitei tiin an ko a, keini chuan Bawihi kan ti mai. Chuan hei hi a thiannu Maremi nih hi" tiin a han chibai tir liam liam a.

Tanpuia chuan " in chau awm mang e, a thui tham ve si a, han inbual harh ula, naktukah khua ka chuan pui ang che u" a lo ti ve suah suah a. Pa hlim thei tak mai hi ani a, titi a bawrh thiamin a nelawm e em mai ani. Horticulture ah UDC in a thawk ve a, a pension hnai ve tawh ani.

Mawitei chuan a pi leh pu chu a thlamuanpui hle mai, maremi nen chuan an inbual fai a, pawnah an thu chhuak a.

An kawt lawkah chuan field a awm a, tah chuan ball an lo pet a. Tlangval pakhat chuan a mit a la tlat mai. A hriat tawh hnu ni tlatin a hria.. A biang chu a han enchiang a, a hnar bulah chuan khuavang chhinchhiah a nei a, a khabe hnuaiah ser a awm bawk. " I thlek ngun lutuk, I star mi"

Maremi chuan a nghawk zauh, chumi rual chuan an lamah ball an lo pet phei a, mawitei chalah a fuh hlauh mai. A tlu tawp a, Maremi a rak tuar.

" Kan tihpalh lutuk, a na viau em" nichina tlangval kha ani. Mawitei chuan a lu a tuai vut vut a, a la hai chhulh, bakah a force a na bawk si a, a chal chu a sen deuh tul bawk.

An thawmah Rampari a lo chhuak vat a, " Awi, engtizia nge, duhsak" a rawn ti chul a. Tlangval chu Duhsakna a lo nih chu...

Zoi a rawn tlanchhuak ve nghal a, Duhsaka hmel a hmuh chuan a khur ngawt ngawt mai. Chelo chang lo vin a ding reng ringawt a.

Mawitei inchhungah an rawn zawnlut a, tui vawt in an han theh deuh bawrh bawrh a, a lo harh ve leh mai. A chal chu na a ti hle a, a lu a hai em em bawk. " Kan thiamloh liau liau ani, nu parte, ka lo pet na mah mah a" inthiamlo takin Duhsakna chuan a lo ti a. Zoi chuan a beng leh a khabe a ser chu a lo enchik ngei mai. Engmah a sawi thei hrih lo.

"Enkawl a ngaih chuan keiman ka enkawl ang" Duhsaka chuan a lo ti leh a. " Mmm. Dr I ni bawk a, I enkawl thiam ber ang, mahse kan tunu ania, I enkawlna senso chu kan tum vek ang" pu Tanpuia chuan a lo ti ve tlat. Dr Duhsaka chu an hnial zo ang e maw. A phone phawrhin no a dial mawlh mawlh a, " Ambulance, please, near zotlang field" , keiman ka enkawl ang a, a senso intum a ngai lovang, ka tihpalh ania, in insen a ngai lo. Ka rilru dam nan min hnila suh u, khawngaihin" a ti leh zat a.

A mizia reng reng mai chu zoi chuan a chik lutuk. Inngaitlawm deuh si a, midang thupe deuh si a a awmdan te chu...
A fapa, a pumchhunga thla kua ngawt a lo pai ve, na tak tuara a hrin ngei kha ani. A hai thei lo. A khabe a ser pawh kha a naupan laia a tlukna a tauh kak a, an thuina ser ani..

A chi tel ve lo mahse, a paitu leh hringtu a nih a vangin a hmangaih lo thei lo.

Mi fing tak Thantluanga chuan a nupui awmdan chu a lo hai bik lo, mahse thil inzawhna hun a ni lo tih a hre ve tho a, nakinah a la chhui Chiang Mai ang chu.


Ambulance a lo thleng a, mawitei chu hospitalah an kalpui ta. A luhai avang chuan kalkawngah a luak leh nghal a, zoi chu a hlauthawng ngei mai. "Ka fanu, awi, a pawi em mai," tiin a inhup tlawk tlawk a. Dr a lah chu a inthiamlo sauh sauh mai bawk sia. ," Ka pi, lungngai suh, luak danna in kan jection dawn nia, a tha leh mai ang" tiin a lo hnem ve bawk a. Damdawiin an thlen chuan casualty ah an dahlut a, Dr dang nen Duhsaka chuan an han buaipui char char a, x. Ray te an ti bawk a. Luak danna chu an hmang bawk a.

Maremi leh zoi chu an lo vei dun sek, an hmangaih, pakhat tan a thiannu, pakhat tan a fanu ni bawk, a tello chuan an awm thei lo ve ve ani. Zoi ngat phei chuan a fapa a han haw leh dawn dawn thin. Rei tak a hmu lo tawh a, tunah hetiang zawng kher kher a an han inhmu leh hi a mak a ti ani.

Result a lo chhuak ta, a lu ruh tlem a lo khi a lo ni. Result hrilh chu a va huphurhawm em!.

Nurse pakhat hian parda a lo keu dek dek a, " Ramnunmawii chhungte in awm em" a rawn ti a, Zoi chuan "Aw , awm e" a lo ti vat. "Dr Duhsaka cabinah aw" tiin a hruai lut nghal a. A inkhelhna thawmhnaw nen Dr Duhsaka chu a lo la awm a, a chal dawmin a lo inngaihtuah muk hle mai.
Zoi lo lut chu a lo chhawn vat a, " Ka pi, hei a pawi khawp mai, I fanu hi a luruh tlem a lo khi a, mahse hlauhthawn tur a awm lo ania. Hei surgion tha tak kan nei a, kan zai ang a, a dam leh vat mai ang. Pawisa pawh inngaihtuah a ngai reng reng lo. Keimah vanga hei hi thleng a nia, chuvangin ka enkawl hi ka ngaihdam dilna ah min pawmsak hram rawh u" a ti ngawih ngawih a.

Zoi chu a rilru a buai ngei mai. A fanu neihchhun a taksa peng tluka a ngaih kha a ni a sin. A tawrh ai te chu tawrhsak a chak takzet.
" Kan lawm e," tin a chhuak vut a. Thana chuan a lo ko vat a, " Duhtak" tiin a kuah thlawp a, a tap ta bawrh bawrh mai. " Shhhhhh, insum rawh" tiin a hnungah a chul hauh hauh a. A duhtawk a tah hnu chuan, amittui a hruhul zauh a, Thana chuan a chalah a lo fawp a, Bawihte, enge chanchin" a ti a." Hmmm. " A luruh a khi a, zai angai dawn anih chu" a bula thutphah ah chuan anpa chuan a thutpui a." Lo lungngai suh, duhtak, an zai anga , a tha leh em em ang" tiin a lo hnem ve a. An zin chu tum angin thil a kaltluang lo ta em em a, hrehawm a tiin a inthiam thei lo. Mawitei rilru tih thawven tumin a zinchhuahpui ve a, heti hi an lo ni leh ta si a.

Cabin no 4 chu Mawitei tan anlo dahsak a, a mamawh turte an dah fel sak zung zung a, hmanhmawh takin ani pawh chu an zai ta nghal a. Maremi leh zoi chu inlamah chaw ei turin an tir lui a, Thana leh pu Tanpuia chuan an lo nghak a. " Ka pa Tan, Dr kha khawilam ami nge, tunge a pa le" a ti ta nge nge a. Tana chuan" aaa.. pu Duhsaka kha maw?, Pu Ropuia fapa ania,, he hospital hi an mahni ta ania, mi Hausa tak mai an nia. Aizawl atangin an lo pem a, Annu Khan a uire San a, tihian an pafa hian an awm ve ta a nih hi. Pu Ropuia chhungte an awmpui a. " a ti boh boh a. "A lo nih tak chu damdawi leh a enkawlna man kha a la duh si lo a, ka ngaihdam dilna ah min ngaihsak ru a lo ti tlat mai lehnghal a" a ti a.

Tana chuan ," That hlauh chu, a hrehawm dawn em asin atan khan, mi fel tak mai hi ani reuh a, a staffte tan hi chuan a chang chuan a ninawm ve deuh thin ang. Thahnem hi a ngai si a, a han vin deuh chang te pawh hi a awm a, mahse a rilru hi chu tha tak ani" a ti leh a. An ngawi dun leh vang vang a, a khat tawkin sona an en leh ringawt thin.

Maremi te haw ta pawh chu chaw an ei sawk sawk a, khua pawh a thim fel tawh. Zoi chuan a hmingin bar hnih thum a bar ve mai mai, rilru mumal pawh a pu lo. Pi Rampari nen pawh an inhre chho dawn chauh a, hetiang boruak an tawng leh ta nuaih si hi a tan pawh a inthlahrunawm em em zawk ani.. Chaw eikham chuan an pathumin rickshaw in damdawiin lam anpan leh ta a.

Thana chuan a lo chiauau vat a, " An la zai zo lo deuh a, hei darkar hnih a ni tawh a, lu lam ani bawk a, hun a duh rei ve deuh anih hi" a lo ti a, thutna ah chuan an thu tlat thap a." Ka u hi ka hrilh ve dawn maw ni le" Maremi chuan a lo ti a. Zoi chuan " Hrilh hrih lo mai rawh, a rilru a hah lutuk ang" a lo ti vat a. A pasal lakah pawh a ruk tak chuan a inthlahrun tawh nak alaia, zoa leh zel chu tihbuai a duh lo ani.. theater kawngka chu a lo inhawng a, nurse a lo chhuak a, " Enge chanchin"
" Thisen pek a ngai dawn a, A+ ania, lo inring u la, a mil in awmloh chuan blood bank ami pek a ngai dawn a, rulh leh angai ang" a ti a, hmanhmawh takin a lut leh nghal a.

Thana chuan" O+ ka nia , kei hi" zoi chu a chiai nasa mai. "Ka... Ka.. ih .. ka blood group hi ka hre lo" a ti bah nuaih a. Thana chuan a lo kuah a, " Duhtak, nang chuan pe lo ve, keiman ka pe thei alawm. Ka fanu ania, ka thisen hi ka ui hlei nem ka fanu tan hian" tiin a lo hnem a.." A va lawmawm leh zel ve aw, Pathian zarah eng em kan ti nang, a tha leh mai ang thisen te a dawn chuan, mahse engmah I ei si lo va, khawi maw nu i canteenah khan rosgula kan em ang e" tiin pu Tana chu a tho chhuak a, hnial hman miah lohin a liam ta daih a. A lo let leh chuan rosgula , biscuit leh energy drinks a rawn lei teuh a, kuhva leh hmawmsawm dang a rawn lei nual bawk a, Thana chuan bi rosgula leh energy drinks te chu a han ei thuak thuak a, thisen pe tur chuan a lut ve ta a a..


(Zothanpuii POV)

Ka fanu chu a lu an lo tuam bur a, cabinah khumah an rawn mut ve ta, ka va lainat tak em!

Ka en ninloh, ka neihchhun kha ani sin. Min kalsan ka phallo...

Amah zaitu Dr Hmunsanga chuan " a dam vat, nlo lungngai suh u, kan zai hlawhtling khawp mai" a tih avangin ngaihtha tak chua ka awm tak na in fate na tuar mu hlawm reng chu hmuh an hrehawm ani. Thisen pawh unit 4 an khai hnu chuan alo meng ve peih ta. A mitmen a vai riai mai. " Bawihi, inlo harh tawh maw, na I nei em?" Ka lo ti vat a. Mahse min hre awmin a awm tlat lo. A hawi à ruai mai a, a , a maimitchhing leh daih. Ka lo lawm hman ve tawh teh lul nen. Ka ko vak vak a, nurse a lo lut a, " nurse, ka fanu anlo harh a, mahse..." ."ka pi pawnah lo va chhuak lawk ta che"
" Ka duh lo, ka fanu hi engtinnge in tih dawn " ka ti tuar a, a kutah hmawrah eng eng emaw an vuah a, " ka pu, pawnah lo va chhuahpui lawk ta che u" a ti leh a, Thana chuan min kuah chhuak a." Ka fanu kha a thi dawn lo tiraw " ka ti tuau a


" Duhtak, lungngai suh engtin mah a awm lo vang, a tha leh vek ang" tiin min hnem mawlh mawlh a. Ka pasal hi ka tan a va hlu tak em!.


Rei vaklo ah chuan nurse chu a lo chhuak leh a. " Nurse, engnge chanchin" ka pasal chuan a ti vat a. " Ka pu, tunah mai chuan ka sawi thei lo, lo chim buai lo ula , Dr kan ko ang e" tiin hmanhmawh takin min kalsan hmawk hmawk a.


Ngaih a va han tha lo tak em! Cabin pawnah chuan kan thu ta tawp a, chutih lai tak chuan coatsuit ha palian lampang hi hmanhmawh taka lo kal ka hmuh chuan ka ding ngil zawt mai. Thinrim em em in a lo thlen hun chu ka lo nghak a, kan bul a lo thlen chuan engmah a sawi hmain a biangah ka lo beng pawp . A coat nghawngah ka kut khinghniha vuanin " i fapa vanga ka fanu in a nunna a chan anih chuan ka ngaidam thei ngai lo vang che u, ka that duh hial ang che" ka ti hrawk a. Thana chuan min lo khap hlauh zawk a, ka thinrim lutuk chu ka khur zawih zawih mai ani.

Ropuia pawh chu a hrilhhai ang reng zawk. Hetianga ka Chet hi a ring bik lo a niang. Min khawih let pawh tum se ka pasal in min chhan dawn tih ka hrechiang ve em mai!.


" Kan tihpalh lutuk, I fanu a lo ni maw, kan thiamloh liau liau ani, khawngaihin min ngaidam rawh u" anlo ti ve zawk a, ka awihlo lek lek ani. Ropuia ka atanga ngaihdam dilna thu chhuak hi. .

Kan pa pawh chuan ngaihdam dil na na na chu ngaihdam chu a duh ngei ang. Mahse, ka thu a ngaichang ve tlat. " Khawngaihin, min ngaidam hram rawh u, pawisa engkim a senso ngai zawng zawng chu keimah nin kan Seng vek ang" a ti leh mawlh mawlh a. Cabin panin Dr Hmunsanga a lo kal a, " Dr, I theihtawp chhuah sak rawh aw," Ropuia chuan anlo ti a, a lu a bu nghauh a, " Yes sir" a ti a, a lut leh nghal.

Ropuia hi an va zah ve , enge awmzia le??. "Hospital hi an ta ania" kan pa chuan a lo ti zeuh. Hrilhtu alo awm leh tawh ani maw??..

Rei vaklo ah chuan an lo chhuak leh a, "" tlemin a hriatna a hloh deuh a, va be buai Chung lo u la, a hrelo che u kha lo zamphah suh u. Zawi zawiin a rawn tha chho leh mai ang. "

" Enga, a hriatna a hloh maw" ka fanu hian min hre tawh lo maw??.. ka tello a tlei theilo anih kha... Cabinah chuan ka lut vat a, a lo meng ve tawh a, theihtawpa in thununin hlim hmel pu sangin" Bawihi, I lo harh tawh maw," ka ti a..
Min en reng a, " um, ka pi, tunge I nih? " Ka insum zo lo tep. Ka aw ka thian kharh a. "Ih, I cabin bul chiaha awm te hi kan nia. I chanchin an sawi a, nkan lo ngaihven che a, harsa takin ka sawi zo thei hram.

Thana chuan ka kutah a lo chelh vat a, " Bawihi, I chhungte kan kohsak ang che aw" a lo ti a. Maremi chu kan luhtir ve a. Kan chhuahsan leh nghal. Pahnih aia tam luh an phalloh avangin Maremi leh nutei chu an lut a. Minute hnih velah chuan nui ri kan hre ta. Ka va lawm em!. Kawngka a rawn inhawng a, Maremi a rawn nui chhuak var var.

" Kei chu min hria asin, " a rawn ti a.. ka hlim sawt, mahse tinge kei amah hringu hi min hriat ve loh?


Nithum kan awm hnu ah an han check leh a, tlemin a ziaawm tawh na in a hriatna a la pangngai zan lo. Ka chawlh a zo dawn tawh bawk si. Aizawl lama phurh thlak mai kan han rel a, mahse Dr ten an phal ttlat lo. A lu a zawh khawloh an hlau ve bawk si. Ka manganna chu Maremi chuan hrethiamin a u zoa chu min phone saka, kan chanchin engkim a hrilh ta tawp a, leave min pekbelh bakah ani pawh chu rawn chhoh ve a tum thu a sawi bawk a, a va inthlahrunawm zozai em!

Maremi chauh a hriat avangin keini chu inlamah kan lo hahchawl hrih a, va kal fo pawhnkha awmzia a awmlo. A ngaihtuahna kan tibuai mai mai ang.

Zoa pawh chu a lo thleng ve tawh a, hospital a pan nghal a, mak tak maiin bawihi hian an hnaiin a lo hre ve ve tlat mai. Keini nupa chiah hi min hrelo tlat hi a mak ani.

Zoa pawh chu kan hnenah a thleng ve mai a, midang ina thlen kan remti lo ni. Ka fanu in a hriatchhun te anih avang hian kan tan hia an hlu em em ani.

Karkhat kan awm leh hnu chuan amah mawitei a nin tawh em avangin chhuah kan dil ta a. Mahse, kan buaina a intan dawn tih reng kan hre si lo..

Pasal nei tawh ah a ingai tlat a, kan bulah a awm duh tlat lo. Dr Duhsaka chu a pasal ah a ngai tlat mai. Ka fanu hi engtin nge he ramhuai in ah hian ka awmtir theih ang. Anmahni pafa vangin hetiang dinhmun hi kan thlen phah a ni a. Ka va buai tak em!..

Ro kan han rel mam mam a, Thana chuan " kan fanu hi kan chan thei tawh lo. A duhna ah chuan awm phawt se la, Dr Duhsaka pawhin enkawl dam a thiam zawk ang a, Maremi a awm ve dawn tho a" a ti ta a. Pawm harsa ka ti khawp mai, mahse ka fanu tana a thatna tur a ni zawk si . Zoa pawh chu a hmin chiah lo in ka hria , mahse a ni chuan a va tlawh ziah thei dawn tho a.. zoa hi a thian angin ka fanu hian a hre tlat ani.

Dr Duhsaka inah chuan kan dah ta phawt a, ngaihtha taka thlah a har ka ti. Mahse, Maremi chuan , " Nu Zo, lungngai suh ka awm alawm, Duhsaka pawhin engkim a hre vek tho a, kan veng thei em em ang" a lo tih tlat avangin ka kalsan thei ta a.


(Dr Faka POV)

He hmeichhia hian a pasal angah min ngai tlat mai sia, a va buaithlak em!. Kan khum pawh ka siamlian sa hrim hrim a, nupa khum angin ka sawngbawl vek a, mahse mut hunah chuan a damdawi ei turah mutna tlem ka pawlh thin a, duat taka kuahin ka chul mu a, a mutthilh hnuah ka thawhsan a, a bulah couchah ka mu leh mai thin a, zingah a harh hma in ka Insawn phei leh mai thin. Vawikhat mah a hmui pawh ka tawk lo va, nupa nun a beisei pawhin a la chakloh chhuanlamin ka hnar thei zel. Hmeichhia angin ka en thei lo hrim hrim a. Ka pa hian a thlek leh vung vung thin a. Vawikhat phei chu, " Ramnunmawii maw, I hmingpum kha" a ti chhuak hlawl mai. Enge maw hriat a nei ani chek ang chu...

Zirtawpni ka duty laiin phone call ka dawng a, Maremi hnen a tangin, " Mawitei a bo daih" a tap deuh par in ka hria. Ka thiltihlai kalsan in rang lutukin ka tlan haw a. Kawngka ah Maremi a lo ding a, " Engtikah nge a bo tih I hriat" ka ti vat a. " A muhil a, ka inbual San a, thingpui ka in laiin thawm ka hria a, a lo harh ve anih dawn hi tiin a room ka va pan chu a puan sin chiah a lo awm a, hei hi a lo hnutchhiah a", tiin lehkha hi a lo keng va a.
Lehkha chu ka la vat a,

To,

Ka pasal duhtak,

Ka tana I inpek na ah ka lawm lutuk.
Mahse, kei hi tunge ka nih ka inhre thei si lo. Min hretu ka hriatchhuah zawh loh avang hian ka inhua a, hrehawm ka ti. Mi à ang maiah ka inngai tlat ani.

Ka inhriatchhuahnhma loh chu ka lo let dawn lo, min lo hrethiam la , minnlo zawng buai duh suh ang che,
I nupui
duhtak,

Lehkha chh ka en tlawk tlawk a, Champhaiah hian karthum aia rei a la awm lo, a vawikhat kalna a ni bawk. Khawiah nge a kal ang. Tinge , he Harsatna hi ka chungah a lo thlen reng mai le!!.

(Present day at 12:45pm)

Mawitei chu tukverhah a zuangchhuak a, a lu chu a na deuh tlat, a han thu deuh vang vang a. Amah a inhrechhuak zo lo chu hrehawm a ti ngawih ngawih a ni. Ni a sa si, thlanglam pang a huan zau deuh awmna ah chuan a lut thla a, mauhmunndeuh hi a lo nia, a dai raih mai. Thutna tur a zawng a, mai bul pakhat a vawn chu a lo masih deuh a, a chhum hmawk a, a thlangah chuan a lumthla ta daih. Thingbulah a inhauh chawrh a, engmah a hre zui ta lo..


Maremi chuan mawitei room tukverh chu a en leh a, zuangthla ni se, a sang ve reuh si, a zuanthlak a ring chiah si lo.

Mahse, hnimnpe deuh sul chu a hmu fuh ta hlauh. Dr Duhsaka a ko nghal a, anni lah chu Mawitei zawng turin hmun dangah a lo kal hman daih. Pu Ropuia chua, " A chhuak chiah nih kha, engnge ni ta" a lo ti a. Maremi chuan thil awmzia a hrilh ta vek a, chik zawkin Ropuia chuan Maremi chu a han zawt a. Mawitei chu zoi fa nu neihchhun a nih thu leh a nu leh pa inthen thu te, nita a neih thu leh apa bula a awm thu te chu a hrilh ta vek a. Ropuia chuan Ramnunmawii hi a fanu ngei nia a Rinna chu nemnghehin a awm ta. Mahse, a fanu kha chu vanlalpeki ani sia, a hmel lah chu peki hmel ang a pu bawk si, anu hian engtinnge a lo tih le??

"Vanlalpeki ani lo mi, a hming hi" a ti ta reng a. " Ka hrelo, chutiang ka nu zoi ka lo zawt ang e," a ti a, a phone a hmet nuap nuap a.
" U, mawitei a bo"
" Ka lo kal nghal "

Rei lo te ah bolero a lo thleng a, zoa chu phawk zet in a lo tlan lut a, maremi chuan a lo kuah thlawp. " U, min hau suh aw, a mut laiin ka inbual San a, thingpui ka I leh lawk a, roomah thawm ka hriat avangin ka va lut a, a lo awm tawh lo" tiin Mawitei roomah chuan a hruai lut a.

Tukverh zawna hnim pe deuh sul chu a kawhhmuh a, zoa pawh chu rang takin tukverah chuan a zuangthla a, kalna tur a hre mai lo. Thlang lam chu a pan ve tawp a, mai hmun a nih avangin thosi a tam phian mai.

A invai thla nasa mai, thlang deuhah chuan mihring ke ni awm tak hi a hmu ta . Hlauthawng takin a tlanthla leh a, a phihrit hle mai. A hmangaih Mawitei chu thingbul lian deuh bulah hian a lu thlanglam hawi hian a lo let ngat a.
" Mawite, I harh em? A lu chu dimte in a tuai a, a lo thi deuh ser ser a, a mar a khawih a, a lo la phu det det e..

Hmanhmawh takin a pawm a, harsa takin chu lai hmun atang chuan a chhohpui a, Maremi a ko tuar2 bawk a, pu Ropuia ho chuan damdawiin an panpui leh ta.

Kalkawngah chuan a fapa chu pu Ropuia chuan a call nghal a, Mawitei an hmuh thu leh damdawiina lo awm nghal turin a hrilh a.

Hospital ah chuan an lo buaipui vat vat a. Zoi leh Thana pawh an lo thleng ve thuai a, " Awi , ka fanu, a va han pawi lehzel em" tiin a tap tlawk tlawk a. Tuntum chu a fanu hi channngei turin a indah hmiah tawh. Mitthi sun tak hian a sun a, a tawngtai thei hlawl lo ani. Casualty ah chuan an la lut a, a hliamte chunuluk takin an check a, x-ray leh test ngai chi hrang hrang an hanti leh zung zung a. Cabinah bawk chuan an sawn chhuak leh a. Zoi chu a fanu kut vuanin a thu a, lainat takin a en tlawk tlawk a.

Thana pashan bulah a thu ve a, maremi leh zoa pawhin an kal hlatsan phal lo. Thana chuan zoa te unau lakah chuan lawmthu a hrilh mawlh mawlh a, anni unau lah chu an inthiamlo em em mai si.

Darkar hnih zet a liam hnu chuan Mawitei chu a rawn che tial 2 a, zoi chuan " Ka fanu, I lo harh tawh maw," tiin a kutah chuan nghet lehzualin a lo hum a. Mawitei chu a meng siar siar a, ani lam hawiin " Nu, ka mu rei tawh em" an ti mai chu !!

Zoi chu a tahnuih a, Maremi a lo rak chul bawk. " Bawihi min hre tawh maw" tiin a fanu hmaiah chuan a tuai a, a khabe ah dawmin, " LALPA, ka lawm e, ka fanu min pek let leh vangin" a ti a, Zoa chuan Nurse duty a ko vat a, an han check leh chuan thatlohna pakhat mah a lo nei tawh lo.

A hma a, a lu zawhna kha a sawh nawn leh chiah khan a hriatna a lo let leh zawk alo ni. Hetiang hi thil thleng ve thei reng anih laiin a thleng zen zen bik lo.

Ropuia te pafa pawh chu an lawm khawp mai. Tunah chuan Mawitei lakah an zalen thei tawh ang. Mahse Thana chu pa fing fel tak ani a. A rukin Ropuia nen chuan an lo inkawm fal vek tawh a. Duhsaka leh Ramnunmawii chu Ropuia fa anih thu te chu a lo hre vek tawh a, engkim an lo in hrilh tawn vek tawh ani. Chutah tak chuan a mize thatna a lo chhuak ta chiah reng ani.

" E, khai , hei a lawmawm em mai, kan chunga thul thleng hi, chuvangin keini chhung hnih hian ka fanu thlahual nan hian chaw eikhawm ila , a tha ang. Mawitei han nula deuh sela, ka nutei te inlamah hian eikhawm ila ka duh ani, enge in ngaih ve dan? " tiin a han rawn kual vel a. Pu Tanpuia chuan " I thuthluk dan chu ka va han lawm em, mi puitling zia tak ani. Kan eikhawm ngei ang, keiman a senso pawh ka tum vek ang" a lo ti vat a.

Mahse, chu chu tumahin an phal bik lo. "I Mal tan lo vang, kan thawhho dial dial ang chu" an lo ti a.

An chaw ei khawm ni chu a lo thleng ta. Mawitei pawh a nula tawh hle mai. Zoa nen chuan an hmehbel reng tawh mai . Makpa interview te an tia , an fiam reng mai. Langsar tak chuan inngaizawng ang in an la awm dun lo na a, tuman engmah an hai bik lo.

Hunserh hman lai chuan pu Tana chuan, ," Aw le, hei kan tunu mawitei avangin chhungkua tihian kannhan inhriatchhuah phah a, zoi leh Ropuia pawh rilru pangngai tak in pu a, a lawmawm hle mai a, zaninah hian thil sawi tur ka nei a. Mawite, I vawikhat hriatna tur ani mai thei. Pu Ropuia hi I pa nangmah hringtu niin, Dr Duhsaka hi I nuta pa ania, I pasal ni lovin" tiin an fiam leh deuh salh a.

Mawitei mak ti hmel leh Duhsaka mak tihmel chu a hmuhnawm kher mai.

" Ka lakah thudik in lo thup a maw" a ka ang deuh phamin a ti hluai a." Hei vang hi nih hi hmeichhia anga ka en theih miah loh che" Duhsaka chuan a lo ti ve bawk a. Unau an han inhrechhuak leh a pa ahan hria chu Mawitei tan chuan mak tih lohna tham ani lo. A pa a huatna kha a lo thar leh a, mahse, a dam leh nan atheihtawp a chhuahna kha a hre ve tawh si a. Ngaihdamna in thila tihtheihzia a hre ve tawh bawk si nen. A pa pawh chu thinlung takin a ngaidam thei ta zawk a. Thana a fakawm takzet zet ani. Zoi te nufa chu a backup hneh khawp mai.

Hlim takin chaw an eitlang a . Duhsaka pawhin a farnu chu a fiam ve ta chhen mai. "Ka nupui duhtak" tiin a ko fiam thin a, Mawitei huat tawk a lo tling leh em em a. A chum leh chawrh zel a, an nuihpui leh bawk bawk thin. Inpawh taka an inkawmtlang thei chu a nuam an titlang hle mai.

Zoa pawh chu Mawitei nen chuan hun fal an pe ta zeuh a. " Ka tana I inpek na ah hian ka lawm lutuk. Maremin engkim min hrilh a, nang chu awmlo la, hetiang dinhmun hi ka thleng pha lo ang" mawitei chuan a ti siap siap a. Zoa chuan , ka hmangaih che a, I tan chuan engtik lai pawhin ka awm reng ang. Ka kalsan lo vang che. Chàn che ka duh lo ani. " a ti a, Mawitei kutah chuan a hum a, a thin zawnah a kut dahin" Hethinlung hi a phut chhung chuan I tan ka awm reng ang," tin a kut chu a fawh sak zeuh a, Mawitei chuan" kei pawn ka thlah lo ang che, ka hmangaih che" a ti ve ta a, an inkuah a, an inpawm vawng vawng a..

(Tawk leh ta phawt se, nakzanah ka lo chhunzawm leh ang aw.)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:22 pm

#A REM VE THEI MAI LAWM NI#

#CHAPTER 16#

(Lungmuana POV)


Vawiin chu ka lu a va han na em! Ka chau hle mai. Mawitei tukverh lam hawiin ka khum chu min hun remsak a, inhnaih taka awmin kan inhmu thei si lo. Ka hmangaih hi a dam em? Enge a tih ve ang le?

A tukverh chu a inhawnglo rei tawh hle mai. An chhungkua hrim hrim hi an reh hmak mai a, enge maw an awmzia le?

Ka nu chu eitur chawiin a lo lut a, " Bawiha , hei apple hi ei leh ta che " tiin min velsak a, engmah ka eichak hràn em em lo. Mahse chhungte hrilhhai dalah ka ei mai mai ani. " Nu, mawitei ka hmu chak em mai" ka tichhuak hluai a. Ka nu chuan min en ngawih 2 a, " An chhungin an zin a" a ti a..

Ni e, zin thawveng rawh se. Chuti lo zawng ka chanchin hi hriat hun a la nei ngei dawn si..
Ka hmangaih em avangin hrehawm taka a awm ka phal lo. Keimah avanga a mittui tlak ka remti lo ani tawp mai.
"Bawiha, ka van khawngaih tak che em, I dam leh ang a, I hmangaih nen chuan hlim takin in awm leh ngei ang" ka nu chuan a ti a. Ka nui suk, ka hlim vang ani lo. A thusawi hi amah ngei pawh hian a awih lo tih ka hria. Ka taksa cher thiak mai chu a zut a, ka lu na em em mai chu hrehawm ka ti tak zet. Ka hrilh ta nge nge a, rang takin ka room atang chuan achhuak a, home nurse kan lak chu a ko nghal vat. Thingpui a in ve avangin min chhuahsan lawk ani. Nurse chu a lo lut vat a, min jection nghal a. Ka khum bulah hian a mutna tur kan dawh ve mai a. Min vil char char mai ani. A zuanzangin , a kut a dam bawk si a, kan hire fuh ngei mai.

Ni a ral a, thla a ral a, ka taksa pawh tlem chuan a ziaawm ve tan ta e. Ka sam pawh a to khat leh tawhin meh pangngaiin min mehsak thlap tawh a.Mawitei te pawh an lo haw ve tawh a, a rooma a chetla te hi ka hmu zeuh thin. Ka va han ngai tak em! A hlim nuiri ka hriat te chuan ka lo hlim veng veng thin a, keimah vanga hlim ani lo tih ka hriatna erawh chuan min tina deuh thin.

U zoa pawh a leng ngun tih ka hria a, hlim takin awm se, inneiin fa tha tak tak nei rawh se.


(Ramnunmawii POV)


Aizawl kan thlen leh hnu chuan kan result pawh a lo chhuak ve a ka pass tha a, maremi pawh a pass tha a, kan lawm dun khawp mai. U zoa pawh a lo leng ta zeuh zeuh a, inngaizawng pangngai ang chuan kan awm ta chu a ni ber mai. Ka hlimna tur chiah a ngaihtuah a min ngaihsak em em a, engtikah mah ka thlah lo ang che ka phatsan ve lo ang che a ti thin. Zirlai ka la nih avangin thupui berah chuan ka la nei duh Chuang lo. Ka nu leh pa pawhin min hriatpuiin min duhpui ve em em a. Fimkhur taka kawm turin min chah mawlh mawlh thin. Chumi piah lamah chuan a nula mi lo em em kan tih kha , a hlauhawmlo ve thlawt. Ha ha...

Tukkhat chu ka zingtho tukverhah ka dak vang vang a, Bawiha room chu ka thlir a, a khum chu ka tukverh lam hawiin an lo hun sak tawh a, a bulah chuan khum pakhat a lo awm bawk. Hmeichhe pakhat hian a lu a lo hmehsak a, damdawite eitirin duat takin a lo enkawl ka hmu a, ka na zawk thei.

Kha chen a chanchin hrelo in ka lo awm tawh a, kan inthen hnu ah khan hmeichhe dang a lo kawp nghal mai em ni??
Hei vang hi anih dawn hi inthen a lo duh chhan??

Ka hmangaihna thi tawh emaw ka tih kha lo nung thar lehin thikna in ka khat a. Thinrim teuhin inhnuai ka pan a.. ka nu chu ka pa nen eng thil nge maw sawiin an lo titi muk hle mai. Min hmuh veleh" E, Bawihi I lo tho tawh maw?"

" Mmm, Nu, enge ka lakah hian inthup tlat hi, min hrilh rawh u. Invai hian min endan a dik lo, ka hre thei vek? " Ka ti a. Ka nu leh pa chu an inmelh zawk a. Ka pa chu lo tho vin ka darah min rawn kuah a, " Bawihi engmah kan zep lo. I hlim hi kan duh ber ani" an ti phawt a, ka nu chu a rawn titih deuh hian a mit an San zeuh a, a lo bu zeuh a. " Nau I duh ve em kha,"

Enga, ka hawi phawk hru mai, " Nau a..... Ka nu hian ka nau tur apai maw"
Yess, ka hlim lutuk. Ka zuang tawr tawr mai. " Nu, ka van lawm em, ka lawmpui lutuk che." Ka ti a ka kuah nawk mai.

Kum 19 ka ni ve tawh a, kan chhang akhàt dawn hle mai. Ka duat viau ang. Maremi ka call nghal chung2 mai. Ka hlimna leh lawmna , lungaihna engkim hi Maremi lo chu ka share ngai lo. Ka hrilh chuan a lo lawm ve hle mai.

Thla hnih a liam leh chuan ka nu dul pawh a lo puar ve deuh ta ak mai. Ka pa in a duat bawk a, ka pi leh pu te (both sides) pawh an lawm lutuk.. ka nu lam side phei chu ka putea nupui a Rai theih loh avangin keimah bak tu an nei si lo a, lawm tak an ni.

Ka nu hmel chu hmuh a nuam em em a, hlimtakin a awm tih ka hria. Mahse , keimah ah hian ka la hlim famkim thei tak tak lo. Enghelh enge maw ni ka la nei tlat. Ka chunga thil thleng zawng zawng ka chhut neuh neuh hian kimlo a awm tlat.

Bawiha room pawh hmuh a nuam sawt hle mai. Nu Maengi chuan min lo be ve zeuh thin a, mahse tawngkam pangngai , I " I damtha maw, school kal dawn mi" tih vel bak ani lo. Nui sang thin mahse, a hmela lungngaihna inphum ru chu ka hmuhhmaih bik lo. Bawiha chanchin zawh ka chak thin hle a, mahse ka rilru natna chawktho tu mai ani dawn si.. ka hmangaihin min phatsana avang khan ka la dam kim thei lo ani.

U zoa office kal tur a rawn peng zawk a, ka nu a rawn sawm a lo ni. An kal rual ve zeuh thin a, pu te ruala kal hi chu nuam a ti em em bik lo, mahse makpa interview lai kha ni ve tlat sia, an inphurchhuak leh nge nge thin. Kei chu ka nawmsamloh avangin school ka kallo va , u Lani nen inah kan lo awm dawn ani. U zoa chuan min ngaihtuah ve hle a, ka eichak zawng te min zawt ve luam a, engmah eichak ka neihloh thu in ka chhang tak na a, engemaw tal min leisak chu a intiam tho.

Chhunah min rawn video call ngei a, keilah lan thatloh ka lo hlau, ka pickj duh lawk lo, ka intuai fai deuh hnuah ka pick up ve chauh.. " ka naute, enge I an tawh a"
Awi, he khawvelah hian amah nen a inrem lo ber ang..

Ka nui hak, "ka tha lutuk, ih... Ka ngai che a.."

Ka van zak theilo tak!
Nge, ka ngai ve sia lawm, dawt ka sawi lo. Min duattu lakah hi chuan ka pangchang ve lawm.
" Ka lo haw tep, kei pawn ka ngai che, enge ka lo hawn ang"
" Chicken humburger"
" Aw le, anih bye phawt aw, ka naute, lo inenkawl tha la aw"

Phone a dah hmasa ngai lo.. ka muah fe hnuah keiman ka dah hmasa.. Tleirawl tha za lai kha kan la ni ve a, ei leh inlam hi chu inhrek a har ka ti ve ani. Ka thau lem lo a, ka cherchhe zawk zawk lo. Inphut mawi tawk an tih ang kha ka ni ve a , ka figure hi chu tawngthuchhelo ah ka chhuang ve thlawt alawm.. 🙊


Dar thum a pel deuh awrh tihah kan kawtah chuan bolero a lo ding leh ta vang mai. Thutthlengseiah ka lo mu a, puannuam ka lo sin a, u zoa lo luhlai chuan ka lo muhil der vel. " A muhil ni maw, hei a eitur ka lo hawn a, lo pe mai rawh aw, ka va haw phawt ang e, zanah ka lo tlawh leh dawn nia" a tih ri ka hriat chuan ka insum thei tawh lo .
Harh chiah niawm deuhin ka zi kual vel a, kan meng chu ka bulah dingin min lo melh kur, a nui suk a, " ka naute, I muhil der tih ka hria lawm, tho rawh le" ka tho rang teh e.. ka zak ve deuh. " Engtinnge I hriat" ka ti hluai a." I mitchhin dan leh I thawk dan atangin ka hre vek" ka bulah a rawn thu thla ve a. Duat takin ka samah a rawn chul a, " ka naute hi lo dam tawh rawh se" a tih chuan ka hnuk a khawih tlat. Duatna tawngkam hian min ti pangchang tlat thin. Ka hak ta bawrh bawrh mai, ka hnungah a chum deuh ak ak a, a bag atangin sting a lo phawrh a, min intir vat. Ka ziaawm deuh hnu pawh chuan ka mittui a la tla phung mai.

" Tinge, khatia I awm, ei muang deuh rawh , I hak leh palh ang" a ti a, a hmel chu ka en Chiang a, min duhna leh lainatna Chiang takin ka hmu thei. Hepa ah hian ka luangliam ta zawih zawih ber a ni tawh mai. " Bawihte, min ei dawn mi, min en reng a, ka zak ve tho nia" a tih chuan lai deuh in ka hawisawn ve tawk a.

Ka khawsik awm reng hi ka ning tawh khawp mai. Damdawiina in entir te hi ka peih lo sia, ka nu hian thian tha tak mai nurse a nei a, chumi chu kan rawn mai thin.. Nu Melody a ni a, civil hospitalah a duty thin a. Ka phone chu ka ban a, " Nu, ka khawsik hi a reh thei lo, ka tlun leh tep tawh ania"
" Ka lo haw ang, u Lani kha damdawi lo pe tur che in kan hrilh ang e"
Phone ka dah rualin" ka naute, hei damdawi lo ei leh phawt ta che" U Lanin a rawn ti nghal a. Ka va ei peih lo ber mai em! Hmmm... Dam duh chuan ei a ngai bawk si. Ka hrawkah a tang leh ta. A kha em em lehnghal.tui ka in khawlh khawlh a. Ka ning tawh e, damloh hi.

U zoa pawhin min haw San tawh. Chaw ka ei peih lo. Ka ka a tuilo si. Khumah ngawi rengin ka mu a, ka khawsik deuh vangin ka lu a na em em mai. Light pawh ka on peih lo. Ka maimitchhing a, Bawiha room atanga thawm lo chhuak vang chuan rang lutukin ka meng zawk. " Bawiha, I harh em? Motor kha start vat ru, awi ka duh theilo, ka fapa" Nu Maengi ani. Engnge thleng ta! Ka lu ka chetzawng ringawt pawh a, a nat em avangin ka chhing leh sawk a. Bawiha chungah engnge thleng le!.

Min duh lo a, min thentu zawk ni mahse, ka hmangaihna a la thih tlat loh avangin keimahah hian engemaw diklo min thamtu hi a la awm tlat ani.. ka nu chu hmanhmawh takin roomah a rawn tlanchho a, ka room parda a rawn kharphui sawk sawk a, hlauhthawn hmel takin a phi deuh Chung a, " Nu, zep in neih hi min hrilh rawh u" ka tawng zawngin ka lu a na lutuk..." Bawihi, engkim a tha leh vek ang" ... Ka ri hriatna a hla riai riai, a thim mup a.

Ka harh chuan ka Chung zawna cieling var chu ka hmu a, fan alo vir deuh vut vut a, tawng ri deuh nawk nawk a awm. " A pulse a rawn awm tan e, bp check leh rawh"

A khawsik a sang hle mai, a mah thawng deuhtu thuhriat anei em ni".

Ka mit chu an rawn keu a, "a bp kha a hniam em"

"90/70."
"Thilthlum lam in lo pe dawn nia, a harh hunah aw, a khawsik a sang riau a, malaria kan test dawn nia"

Huishh... 🤦‍♀️🤦‍♀️

Hriau ka hlauh zia te hi an hre lo maw ni le!!
Ka harh tawh tih an hrelo nge ni an thuruk ril ber an phawrh ta!
" Lungmuana nu authawm kha a hre pha vek aniang, a lakah kan zep rei tawh viau asin le, la hrechhhak tho dawn mahse, tunah chuan a la hunlo tlat ani" ka nu aw ngei ani. Enge anla zep tlat le! Bawiha ngaihzawng neih thu ka hriat anhlau em em a ni maw? Ka hre vek tawh, ka na zo vek tawh bawk... Min hrilh tha ve mai se, lainat hmel deuh leh inthup deuh a min en reng hi ka ning tawh. ..

Ka khuh kharh a, ka lu a na zawk bawk. Ka dawm nghal vawng vawng. Ka chhing leh sawk. Ka nu chuan min lo be vat a, " Bawihi , ilo harh tawh maw , I khua a sik leh a" a aw chu a khur deuh dar dar, ka hai miah lo. " Hmmmm.." ka lo ti ringawt.

Ka ka tuilo lutuk chu ka tep chap chap a, a kha vekin ka hria . Ka laka an zep tlat hi eng ber hi nge pawh ka hrethiam tawh lo. Ka nu chu a pum a rih ve deuh tawh vangin ka pa in inlama hahchawl turin a ti a, Maremi min phone sak a, u zoa nen anlo kal vat. Hemi te unau hi chu ka tan hian an va hlu tak em!

U zoa chuan lainat hmel takin min thlir reng a, Ka bul thutphah ah thu in ka kut a vuan tlat a, maremi leh ka pa chu dr in a koh avangin an kalsawn daih a. "Ka Naute , lo dam thuai rawh aw, ngatinge I lo damloh leh thin le" ka nghilh dup mai. Heti em em mai a ka vanduai bik mai hi engnge ni le.?

Ka hmangaih leh ka thian tha ber in min phatsan a. Chutah ka la hrisello em em zui a, ka chhungte lah hian ka lakah thup an nei tlat hian ka hre bawk. Eng natna nge ka lo vei tak le!..

Ka rilru a na a, hnawl nihna rilru te ka pu hman thuak thuak ani. Mahse, u zoa te unau vang hian ka rilru down lutuk pawh a ziaawm chho tan a, heti taka min duat leh min ngaihsak na avang phei hi chuan ka rilru no a chhuak ziah thin. Tunah pawh ka mittui a luang leh tawh.
Ka va nep tak!

Ka mittui chu duat takin min hrukfai sak a, ka chalah a rawn fawp vang vang a. " Tap tawh suh le, ka hmangaih lutuk che nia. I dam leh vat mai ang"

Ka pa leh Maremi chu an lo lut a, " U, zanin chu ka lo riahpui ang, Pa Thana nen hian lo va haw u la, chaw min rawn ken ang a, inthlakna tur nen" a ti sawk sawk a. U Zoa chuan hreh hmel takin min hawsan ta a. Maremi hmel chu ka en a, thilthup a nei. Ngatinge thup an neih reng? Ka awm an ti nuam lo...

" Engnge ka natna hi, ngatinge ka lakah hian inthup tlat a" ka tichhuak ta thlawt a. Min melh nghek .." "Engtinnge ka hriat ang, Dr pawhin min hrilh hlei nem. Test tih tur an la ziahbelh zel a" a ti a. Eng teh hrep nge ka chungah hian thleng ta le!

Tui ka induh thu ka sawi a, min tulh vat a, engkim mai hi ka ka ah hian a kha vek. Ka awmna hospital hi Alpha hospital ani a, a bulah hian dawr leh restaurant ni kawp a awm a, tin ward tinah hian emergency a koh theih canteen no leh an menu an tar thluah bawk. Ka ril a tam ve deuh avangin eitur kan chah ve a, chu pawh chu tlem te chauh ka ei thei. Ka pum a ri ruk ruk a, riltam tuar theilo ber ka ni ve asin. Mahse, ka ka tuiloh vangin engmah ka eitui si lo. Ka thisen lah chu an la deuh mawlh mawlh maiin ka hria..

Tlaiah chuan u zoa chu tiffin leh bag nen a rawn inkhai bawr nasa mai. Ka nu leh pa chu inlama awma min ngaihtuah lo turin a lo chah ve thlap a lo ni.

Cabin a awm min dilsak a, min sawn ta daih . A lo nuam viau zawk. Khum spare a awm a, TV a awm bawk sia, a thawveng viau lehnghal. Rosgula chu u zoa chuan fiante in min eitur a, tlem chu ka ei ve thei mai. " A changtupa a lo thleng a, thil pawh I eithei mai lawm.. Nichin kha chuan chowmein pawh I lem theilo kha nia, I dam vat mai ang" Maremi chuan a lo ti a, a nui bawk bawk a. " E he, a lo ni maw, ka naute hian min ngai a ni ngei ang, kan awmpui ang a, a dam sawt sawt mai ang" U Zoa chuan a lo ti ve a.. Min siai zeuh. Ka lo nuih var var a, " in over eeee... Ka haw dawn , lo inawmpui zawk tak teh u. Nichin kha chuan a rilru a hah hmel ka tia, a lo ngaih vang lek che nih kha , ka hnawk tan tlat" tiin bathroom a pan a.

Duat taka min enkawltu avang chuan ka tha chak viau mai. Maremin min riahpui char2 a, chhunah school a kal ve tho si a, a chau thei viau ang. Ka result pawh a lo chhuak ta a, Malaria pf a lo ni a, pneumonia ka lo nei bawk a lo ni. Mahse, treatment te kan lak chuan ka ziaawm leh thuai mai. Karkhat leh nithum kan awm hnu chuan kan chhuak ve ta a, ka vun chu a thu that mai, hmel eng leh tisen reng reng ka nei tawh lo. Malaria damdawi ka ei avangin ani tih min hrilh a, ka eizawh hunah chuan ka ziaawm deuh tur thu min hrilh bawk. Mahni inah duhthusam kan inbual fai sar chuan ka harh ve deuh hawk mai. Ka roomah ka awm a, parda keiin Bawiha room ka melh vang vang a. A lo inkhar thap a. Hmmmm... Ngatinge hepa hi ka theihnghilh theih theih loh le, ka hriatchhuah a piang hian rilru natna bak min thlen si lo!!!

(Dah loh aiah ka lo dah e aw.

Chuan kan ziaawm viau tawh ania, min lo tawngtaipui a ni tihte kan lo hria a, kan lawm em em ani tih kha min lo hriatpui dawn nia)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:22 pm

A REM VE THEI MAI LAWM NI.. #CHAPTER 17#.


(Zothanpuii POV)

Lungmuana leh ka fanu vang hian zantam ka mu tha tawh lo.


Ka nau pai pawh a hràm ve tan tawh hle a, senior tawh lama naupai ka ni bawk a, ka inzo lo hle mai. Zai ka ngai dawn lehnghal a, huphurhawm ve tak chu a ni.

Rilru hahna ka neih belhchhah bawk si nen. Lungmuana chanchin hi ka fanu kan hrilh ngam silo, mahse hei chen inhmu lo a an awm dun hi kan lainat ngawih ngawih si ani. Chanchin han inhre tawn se, an tan tahna mai ani dawn si, bakah an natna ve ve in a tawrh nasat phah kan hlau si.


Ka dinhmun atanga ka thlir phei chuan ka fanu ka lainat lutuk hi a rukin zan tam ka tah phah fo thin reng ani.


Lungmuana lah hi a hniam tual tual mai sia, maengi pawh a mangang tih ka hre reng, an inah ka kal zeuh chang hian kan fate chungchang kan ngaihtuah thin a, thudik hi thup lo a, sawichhuah mai duh chang kan ngah thin. Mahse, kan kawppuite zawk hian min lo khap leh thin.


Thla thum a ral leh chuan tha te in nau chu ka nei ve ta. Durtlangah kan nei a, zai ka nih avangin ka cousin lianmawiin min awmpui a, ani hi fa pahnih aneih hnuah an pa in a boralsan a, an pa te inah hian a la awm a, mo dang an awm loh avangin a hotu berah a tanga, a pasal nu leh pa lah hian rinrawl berah an nei a, mo enpawhin an en tawh lo. Fanu pasal nei kokir leh ang maiin an treat a, a Lal tawh khawp mai.


Naute mipa kg 3.100gms a rit ka nei a, Thana pawh a lawm ngei mai. Bawihi pawh a damchian em em hrih loh avangin a lo kal thei lo na a, kan hrilh chuan a lawm lutuk chu a khek rawih 2 mai..


" Nu, nau mipa ka nei maw, awi ka lawm lutuk" a tih te chu ka bengah a cham reng. Karhnih hnuah dam takin kan chhuak a, naute thar min lawmpuitu an lo chuangkai sap sap a. Kan inchhung chu hlimna in a khat ani mai.

Bawihi pawh a harhchho ve zel a, ka lawm khawp mai, a hlim nui ri te hian ka beng a fah ngawih ngawih thin. A chetla te hi ka en ning thei lo.


A nau pawh a awm ve thin nasa mai. A diaperte thlaksak in a thawmhnawte pawh amah vekin a su thin.

Lani hian khawih a phal lo Chung pawhin a lo tifel leh zung zung thin a. Keipawhin ka khap duh bik tawh lo.

Ka fanu hi ka chàn phallo a, thudik a hriat huna a natnawn leh hi ka phal tawh lo ani.

Mahse, mihring hian kan hmalam hun tur hi kan va lo hre lo em!

Naute hming kan phuah ni chuan ka nu leh pa, ka nau leh mafaka, kan pa nu leh pa leh chhungkhat hnai vai kan sawm a, ka thiannu Lily kha khawhranah pasal a neih tak avangin a lo kal ve thei lo na chu present min rawn thawn vang vang a, ka va lawm em!

Hlim takin hun kan hmang a, naute hming tur an phuah, paper a an dah chu kan pawt dawn a ni. Paper chu panga an thamchhuak tawp , chuta tang chuan pathum, chuan pakhat an la chhuak leh... Kan han en chuan" Samuel lalhmingsanga"


Kut kan beng dar dar a, kan va hlim em!. Samuela chu a tlei reuh bawk sia, an pawm lawr reng mai. Thana hlim nui hmel mawlh hian min ti lawm. Ka hmangaih a, ka ta ani leh thei hi vannei ka inti em em ani.


Chawhlui kan buatsaihte chu kan kil tlang a, bawihi pawh a inti nalh ve hle mai. Kawrfual khup chen vel, a kawng atanga arh deuh hlek a ha a, silver thi zoa leisak kha a awrh a, hmuh a va nuam em! Ka fanu hi chu a hmeltha ani. A malaria vanga a tinung tawh lo te pawh kha tunah chuan a lo nung leh tawh in tisenin a kap eng leh tawh bawk a, a hmel hmuh a nuam viau ani.

Zanah chuan kan misawmte pawh an haw darh zo ta a, kan roomah naute kanlo mutpui a, chhunlam boruak a zo lo deuh emawni a tleilo tlat. Hnute tui ka la neih that loh vangin Nan ( milk powder)kan hnektir a. Tuilum ka lo neihsa loh vangin tuichhuanso la turin ka chhuahsan a. Flashah tuichhuanso ka dah a, room lam ka pan leh chuan Lungmuana te in atanga thawm ri deuh hak chu ka hria a, ka hlauthawng kher mai. Kan nupa chuan kan inen hru a, rang lutukin bawihi room ka pan nghal. A lo mu dawn chiah a, bawiha tukverh chu a lo inhawng rak rak a, " boruak thianghlim a mamawh nih kha, min chhuahsan hrih ru"" hmeichhe aw in a tih chu ka hre pha a.

" Engnge a, Bawiha hi a damlo mi?

"Dam e, a roomah anau a riak ve a"

" Nau a nei lo, thudik in zep anih hi, ngawi rengin nupui dang a nei em ni?

Ka zep thei tawh lo..
" Bawihi, Bawiha hian hun tam a nei tawh lo" ka thingthi a , ka tap nghal tlawk tlawk.


Ka fanu hmel ka en a, hrilhhai lutuk a min en na mitmeng chu hmuh a har ka ti. " Nu, engmaw I sawi, bawiha chu eng hun maw a ngah tawh loh"
Ka fanu hmel à riai chu ka thlir tha ngam lo... Lani a lo chho vat a, kan pahnih hmel ahmun chuan chiai lutukin a tlanthla leh a, Thana a rawn chho vat. Lani chuan a lo ko a lo ni. Kan nufa a tap chunga kan lo inkuah a hmuh chuan min pawm dun chawt a, "Engkim a tha leh vek ang" a ti ringawt. A mah ngei pawhin a awih lo ang. Ka fanu chu apa kuahna atangin a talchhuak vat a, " min hrilh vek rawh u, enge inthup hi, chhungkua ah thuruk ka duh lo" tiin a au tuar a, ka khur zawih zawih. " Bawihi, insum rawh, I hmangaih lungmuana hi ..... Thluak cancer ania.... Hun a nei tam tawh lo" Thana chuan a ti ta a. Ngawi rengin min en a, a mittui a tla zawih zawih a, a awm chumin a tap chhuak ta hawk hawk mai... Inhnuai lamah a tlanthla nghal a.


Dan hman pawh a ni lo, kawngka a hawng thuai a, bawiha te in lam a pan chu ka hmu phe vuai..

Naute tapin min tiharh zawk. A u ringawt kan lo ngaihtuah vangin samuela kan lo hlamchhiah rei lutuk a lo ni. Lani chuan Nan a lo hnektir diam tawh a, a lo timu dawn chiah a lo ni.


(Ramnunmawii POV)

Bawiha te inah chuan ka tlan lut a, tute nge lo awm pawh ka ngaihtuah lo, a roomah ka lut nghal, hmeichhe pakhatin drip a lo khailai chu ka va hmu a.

"Enge awmzia, hei vang hian min kalsan I lo tum amaw" tiin bawiha bulah chuan ka thu thla a, ka tap hlawp hlawp. Ani chu chau takin a lo hawichhuak a, nula chuan min lo khap a tum a, mahse bawiha chuan a lo dang a, amah zawk chu chhuak hrih turin a ti a, lungawi lo fe chuan a chhuak nghawng 2 a.

Ka hmai a rawn chul a, a kut ka lo vuan vat, a nui suk a, " tap tawh suh, I mittui hi ka phu lo. Kei chuan hlim takin ka siam thei dawn lo che, ka dam rei tawh dawn lo, min hmuh vek hi" a khuh bawrh bawrh a, tui ka lo pe vat, tlem a lem a, hah takin a thaw hrawk hrawk a, ka mangang hle mai. " Duat, min kalsan suh, ka na nawn duh tawh lo, ka phallo che" ka lo ti tuau a.. Nula kha a lo lut leh a, "khawngaihin, be buai hrihlo lawk ta che" a rawn ti a. Oxygen a rawn hip tir thuai a. Ka duh thei lo, hetianga bawiha hmel hmuh hi ka lo inring hlei nem.


A damloh vang hian min lo kalsan a lo tum zawk a lo ni maw. ???

Nu maengi chu roomah a lo lut ve a, " Bawihi, engmah kan hrilh ngam lo che a, I lo hre ta tho ni maw" tiin min lo kuah nghal a.kan tap dun hawm hawm a.

Sitting roomah min kuah phei a, chutah chiah chuan ani midang lo awm ve te ka hmuh tak ni. Bawiha pa pu Chhinga, a pate a, ani Rami a lo awm bawk a. Min lo en thap. Ka va zak leh si em!

Mahse, Bawiha ka hmangaih avangin zah te mai mai chu ka tuar thei lutuk. " Bawihi, I hmangaih tih kan hriat avangin nakinah a awmlohsan hunah che hrehawm I tih lutuk kan hlau a, nangmah hmangaihtu dang tawng la, hlim takin awm la kan duh a ni. Chu chu nangmah kan hmangaih vang che leh I hmakhua kan ngaih vang ani" tiin nu Maengi chuan min hrilh dap dap a.


Mahse, ka hmangaih hi ka kalsan dawn lo, min duhloh a min hnawl ah ngaiin midang ka lo pansan tawh na a, thudik ka hriat hnu ah hi chuan ka phatsan tawh dawn lo reng reng.. .


Bawiha room chu ka melh leh zeuh thin a, " home nurse kan la a, a thu kan awih a ngai hrih ani. Keini pawhin kan chim ngam biklo" inthlahrung takin nu maengi chuan a ti leh a. Ka tho ta hluai mai." Home nurse hi ka duh lo, Bawiha enkawltu tur chu keiman ka hire ang" ka ti tawp a. Ka chhuak nghal. Inah lutin, ka roomah ka chho a, ka phone phawrh chhuakin no ka dial mawlh mawlh.

" Aw, u. Ka mamawh che"
Ka thaw a chham tep, ka hah lutuk..
" Naktukah I lo chhuk thei ang em, I patient tur ka nei, cancer ania, I enkawl a ngai. Hun kan ngah tawh lo... Third stage ani tawh.... "


Zan a rei ta, ka nu te pawh thawm an nei tawh lo. Bawiha hian min hmangaih vangin thudik thupin hrehawm tamtak a lo tuar tawh a. Ka phatsan thei tawh lo. A damchhung chu ka enkawl dawn ani.

U zoa chu msg ka thawn a, engkim ka hrilh vek, min hrethiam hrih turin ka ngen tawp.

Ka phone dahin ka thochhuak hluai a, ka tawngtai nghal.

" Bawiha damchhuah leh nan nasa takin ka tawngtai a, hetiang em em hian Pathian hnenah ka la tawngtai ngai lo.
Ngaihngam takin ka muhil ta siai siai a.



Aizawl khawpuiah chuan mi an zi leh mur mur tawh mai. Khua a tlai lam tawh a, hmanhmawh taka two wheelers tlan an awm leh fua2 tawh mai. XUV dum tle zak mai a register no atang chuan Champhai tih hriat reng mai chu a khalhtu chuan dim takin kulikawn lam pan chuan a khalh phei zel a. Tlangval hmeltha tak mai ani. A hawiher atang chuan mi induh tak anih hmel. A chhungril nun hrechiang lo tan chuan tawhkhirh tak anih hmel.

Kulikawn atanga tlangnuam panchhohna a thlen lai chuan phone call a chhang ani ngei ang, bluetooth earphone chu a khawih zeuh a, a nui sang a.


Reilo te ah, a tumhmun a thleng a ni ngei ang. Nula sang thlerh thlawrh mai hian a lo hmuak a, motor a park zawh hnu chuan muangchang a lo chhuakin nula chu a chibai a, innel takin an in be bawrh bawrh a, a motor hnung atanga a luggage lachhuakin inchhungah an lut ta a.


Chu tlangval chu tudang ni lovin Ropuia leh Zothanpuii fapa Dr Duhsaka a ni. Anau Ramnunmawiin a hmangaih em em Lungmuana ,cancer patient a enkawl dawn ani.

Thana chuan a lo dawngsawng thuai a, a ma fa bik emaw tih zawk tur khawpin a lo chiauau tha a, Zoi pawh a lawm hle mai. Mawitei chuan a thiltum zawng zawng hi anu leh pa te a lo hrilh vek tawh a, an lo remtihsak thlap a ni.

Chaw ei khamah chuan muangchangin Lungmuana te inlamah chuan an phei ta a. Pi maengi chuan a lo chiauau vat a.

Mawitei chuan, " Nu maeng, hei hi ka u Dr Duhsaka a nia, Bawiha enkawl tu tur anih hi, engmah pawisa ah buaina tur a awmlo. Ka u hian a thlawn vekin a enkawl dawn ani" a ti a.

"Bawiha hi ka hmangaih a, ka tan a hlu a, ka damchhan a ni" anti leh a. Lungmuana roomah chuan a lut a, ani chu chau takin a lo mu a, drip an la khai a. Dr Duhsaka chuan an check deuh vat vat a, a chemo khaina avang leh therapy lakna avanga a taksa dum deuh thul tawh te pawh chu damdawi hnawih tur a ziak a, a kenho ah chuan a then chu a awm a, a dang chu lei ngai ho chu Mawitei chuan a lei zung zung a .


Nitin mawitei leh lungmuana chu an inawm chawt mai, hmangaih biahthu an inhlan bang lo a. Mahse tu emaw zawk chu rilru na takin a la awm dawn si....



(Lungmuana POV)


Mawitei u Dr Duhsaka chuan min enkawl ta char char a, kan home nurse chhawrlai pawh chu kan chawlhtir ta a. Nitin Mawitei chu a lo kal thin a, a changin tuilum ten min zut a, min kalsan ngai lo. Riak turin a haw phei thin. Kan inhmangaihna a par vul leh a. Tumah kan zah zo lo. Mahse mawilo leh hmuh nuamlo khawpin kan awm ngailo.

U Zoa pawh a lo kal ve zeuh thin. A rilru a va tha tak em! Ka zah ngawih ngawih. Ka chanah dah ta ila ka thei ang em ka ti thin. Tlang hriat khawpin Mawitei nen chuan an inkawp tawh ania.


Kei min enkawl tir a phal ringawt pawh hi a lawmawm tehreng nen, ka hmangaih min pe kir leh hi a lawmawmin amah hi ka zah in ka ngaisang ngawih ngawih ani.


Nitinin ziaawm lam ka pan ve hret hret na in thachhuak leh tur chuan ka inbeisei tawh lo. Mawitei chuan chaw te min hrai thin a, ka thil ei a tui lo na in a hlimnan ka ei ve mai mai ani. A chang chuan guiter perhin kan zai dun thin. Kan hlim a, hun tawite kan neih lai hian hlim taka awmpui ka duh. Ka bulah hian hlim reng se, ka awmloh hunah pawh amah hmangaihtu hnenah ka hlan leh mai dawn ani.

Ka lu a na leh tlat mai, ka hrilh duh lo , a mangang leh dawn si. Ka mut chhuah thu ka hrilh a, rem takin min muttir a, ka lu ah a chul heuh heuh a, "🎼 ka Chhandamtun , min vengin a hnai reng....
A kutphah ropui chhungah" 🎼

Ka lu na chu a zual zel, zep theih ani ta lo.. " ka Duat, ka lu a na lutuk" a thim mup engmah ka hre tawh lo...


(Ramnunmawii POV)

Ka u ka ko a, ka te tuar tuar mai, rang lutukin a lo lut a, Bawiha hmel a en chuan" mami, in ti pachang rawh aw" min ti tawp . Engkim ka ngaihtuah thiam vek . Mahse ka hmangaih hi min kalsan turin ka phal lo. Ka kaltir dawn lo. Ka u chuan a mitah torch light in a chhun a, " u , a thi dawn lo tiraw" ka tap pur mai. Nu maengi chuan sitting room lamah min kalpui a. Ani pawh a insum thei bik lo.


Kan pahnih chuan kan inkuah a, kan tap pur mai. Ka nu te ka phone a, rang takin ka pa nen an lo phei ve nghal. Engmah tithei lo mah ila , midang an lo awm ve hian ka thla a muang ve thin.


" Muana, hei, mipa I nih kha, ka nau hi I kalsan thei lo ania" ka u aw a ni. Rang lutukin ka tlanlut. Bawiha awmah a lo nem a ." Duat, min kalsan thei lo, ka phallo" a rawn meng awk mai. Ka va lawm em!


A nui suk a, a kutin min hui a, a hmui bulah ka beng ka chuktuah a" ka duat, pialralah ka lo nghak ang che, ka thu lo awih ang che aw" ka biangah a hmuiin a rawn si a, " ka hmangaih che, ka damchhungin"

A thusawi tawp ber ani ta.. A hmel chu ka enchiang leh a, a maimitchhing tlat. " Bawiha, kei pawhin ka hmangaih che sin"

Ka u chuan hospitalah hruai ang u a tih avangin ambulance kan phone nghal a.Alpha a hnaih ber avangin kan pan ta phawt.


Mahse, duh angin hmanrua an lo neih that loh avangin oxygen nen ebenezer kan pan ta. Kalkawngah chuan mang a va hman tak em!. Bawiha chu ka kuah ngawih ngawih a, a chang leh a hmaiah te ka fawp leh ringawt thin. " Bawiha,min kalsan theilo ania" tiin a kutah ka chelh tlat a.


Ebenezer kan thleng ta, ka u zarah staff te chuan min lo buaipui vat vat a, Dr pawh a lo awm tawh , icu ah an nawr lut nghal a. Hrilh a va hai tak em!.

Toilet ah ka kal a, tui ka herh haw vak a" LALPA, KA HMANGAIH HI MIN LAKSAK SUH AW"

TAWK LEH IN PHAWT SE. NEXT CHAPTER HI A TAWPNA TUR ANI TAWH ANG.
KA STORY MIN LO CHHIARSAK THINTU ZAWNG ZAWNGTE IN ZAVAIIN NEXT CHAPTETAH KAN INHMU LEH THEUH DAWN NIA.

HAPPY ENDING NGE SAD ENDING IN DUH ZAWK?? COMMENT SECTIONAH IN CHHANNA IN LO DAH DAWN NIA.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:22 pm

A REM VE THEI MAI LAWM NI.

CHAPTER 18.

( LAST CHAPTER)

KAN THAWNTHU KALLAI A REM VE THEI MAI LAWM NI TIH CHU A LO TAWP DAWN TA A, KA STORY MIN LO NGAIHHLUT SAKA MIN LO CHHIARSAK THIN TU LEH COMMENT THA TAK TAK MIN LO PE TU LEH MIN LO LIKE A, ADS MIN LO CLICK SAK TU ZAWNG ZAWNGTE A VANGIN KA LAWM A, NANGMAHNI VANGIN KA STORY PAWH PHUR TAKIN KA ZIAH THEIH PHAH ANI TIH KHA MIN LO HRIATSAK DAWN NIA .

NIDANGAH STORY DANG NEN KA LO LET LEH THUAI ANG.
LOVE U ALL😘😘..



"Lalpa, ka hmangaih hi min laksak suh"

ICU kawngka a darthlalang chu ka va bih thin . Engmah a hmuh theih Chuang loh. Ka u chu ICU chhungah a awm ve avangin ka ngaih chu tlemin a ngam deuh. Ka pa leh nu maengi, pa chhinga leh an thenawm tlangval pakhat an awm a. Kei chu ka tap deuh pur mai.

Nu maengi chu ka kuah thlawp a, " bawiha hian min kalsan lo vang tiraw?"
" A kalsan lo ang che, a la mamawh che asin"
Min lo kuah ve thlawp.
Ka pa chuan ka darah a rawn kuah a, " engkim a tha leh vek ang, lungngai suh" a ti ve tak na in mi à ber tan pawh thachhuak leh tur a ni lo tih a hriat reng.

Engmah tihtheih a awmloh avangin pa chhinga leh ka pa leh thenawm tlangval chuan min hawsan ta a, nu Maengi nen chuan kan thu dun a, ka u a awm tho a, kan buai em em lo.

Oxygen an khai a, a pulse an en reng a, bp nen, chu chu ni deuh tawp mai. Ka ril a tam thei lo va, ka chau theilo bawk. Ka rilru in ka tawngtai reng a. Ka thaw leh deuh hak thin.


ICU atanga chhuak an lo awm apiangin enge chanchin ka lo zawt ziah a, a pangngai tih chu ka chhanna dawn ani reng mai.

Ni hnih kan awm hmu chuan nu Maengi chuan " bawihi, va haw ve tawh rawh, I chau lutuk ang, engmah tihtheih a awm Chuang lo, chanchin a awm chuan ka lo phone ang che" min tih avangin haw ka tum ve ta a, ka pa a lo kal bawk a. Nu maengi bulah chuan " ka kal hlan in bawiha a lo harh chuan, ka lo kal leh tur thu I lo hrilh dawn nia, ka hmangaih thu nen aw" ka ti a. Ka pa nen chuan kan haw ta a.

In kan thlen chuan, ka inbual nghal a, ka harh huai mai. Chaw tlem ka ei a, samuela ka pawm zawk a, a hmui a lo kum leh phut phut mai, ka van duh reuh tak em!.


Ka nu chuan lainat takin min lo melh vawng vawng a, " Bawihi, I tha em?"
Naute pek let pah chuan, "Nu, ka tha e. Min ngaihtuah suh. Engkimah min hriatthiam avang hian ka lawm em em zawk asin"

Ka roomah ka chho a, khumah chuan ka thuthla a, ka ring leh kawng kham zia ka hrechiah. ICU ah khan kan thumu rei lutuk a, kha vang kha niang. Ka sam a la huh avang chuan hair dryer chuan kan chhemro tir phawt a, tukverh hawngin parda ka Khar thim deuh a, ka muzal ta a. Ka chau deuh ani, ka lo muhil bawrh bawrh mai. Ka phone vibrate char char chu ka hria a, ka ban vat . No save loh atangin a ni. Ka va ngei tak em! No save loh atangin col ka pick ngai lo..

Ka chhing leh mai, reilo te ah a lo ri leh, " ka van Ning tak" tih pah chuan ka en a, angai bawk.
Hmmm. Pick hram ang.

" Hello"
" Bawihi, lo tlan rawh, bawiha a harh"
Engtik laiin nge inhnuai ka thlenthlak hman ka hre lo.

" Nu, bawiha a harh, khawnge ka pa hi" ka phi cheng mai. U Lani chuan, " a va lawmawm ve aw, " tiin min lo kuah a.


Ka pa chu room atangin a lo chhuak chiah a, bike in phei mai ang aw" tiin a bike chu a start vat a. Samuela ka fawp zeuh a" Nu, kan kal" ka tlanchhuak nghal . Ka va phur tak em!

Traffic a lo la jam zui, hmanawh nen a va han in tuha lo tak em! Ka phone chu a lo ri leh. Video col ani tlat. Ka pic vat. Bawiha harsa titaka a lo thaw hrawk hrawk lai alo ni. A kutin min lo kawk a, a nui suk. A awm zawn kawkin love sign siamin min lo kawk leh . Ka hmangaih che. A tih ang chuan ka ti ve a. Bike chu a tlan leh ta, signal a chhe nghal zui. Ka hmet tawp a. Col pangaiin ka be nghal a, " bawiha, min lo nghak rawh, ka lo thleng tep"
Tap ri ka hria, ka bing mup ." Ka fapa, ka duh theilo... Bawiha.... I hmangaih in a lo pan mek che sin, I lo nghak dawn lo mi" ka pa chu nghet lutukin ka kuah tih chiah ka hria.

Damdawiin kan thlen chuan mi an lo zi hut hut a, ICU kan pan nghal. Nu maengi chuan min lo kuah chawt, " Bawiha , hei I hmangaih ber a lo thleng tawh asin, I ngaih kha, a lo thlen hunah min kaitho rawh i tih kha . Lo tho ta che" tiin aw rawl chhuahin a lo tap rawih rawih a.

Bawiha chu a khabe ah an lo tawn a, nichin lawk a, ka hmangaih che, min titu kha minung a ni tawh lo. An sawngbawl dan chu ka lung a va awi lo em!. Nichin mai kha chuan min la nuih suk asin. " Bawiha, tinge I lo thawh duh loh, ka lo thlen tawh hi, min lo chhang ta che" tiin ka bawh tawp, ka tap thei lo. Ka awm chhung hi a tawt lutuk. Ka mittui a tla a, a chang leh ka nui leh ringawt thin... Mi à angaiin ka awm a.

Ka u chuan min lo la hrang vat a. Bawiha ruang chu ambulance ah an dah lut ta. Ka zui lut ve nghal. A ruang bulah thu in ka kuah tlat a. Nu maengi nen chuan kan thudun a, ani chu a tap bawrh bawrh a, kei chu ka tap thei lo. Ka na a, ka na ngawih ngawih ani..

Lumen tur anih avangin kan in lamah ka u chuan min hruai hrih a, u zoa pawh a rawn lang ve vat. Ka kutah chelhin thutna tur min panpui vat a. Ka nu chuan min lo pan vat bawk. Ka tawng lo a, ka tap hek lo. Min en thap a, mahse engmah an sawi bik lo. U Lani chuan tui min lo pe a, lemkhat ka lem a, no pawh chu ka keng reng ringawt a, muangchangin min laksak leh a.

Ka enngai enin ngawi rengin ka awm tlawk tlawk a, ka tah theihloh vang hian ka awmchhung a na in chillem takngial pawh a har ani. Ka mittui erawh a luang char char a.

Luangzo vek mahse pawi ka ti lo. Ka hmangaih ka Sun anih hi. Ka mittui zawng zawng pawh hian ka hmangaih hi a kokir leh thei dawn si lo.

Engtia rei nge chutia ka thut pawh ka hre lo. Ka harhchhuah leh chuan ka khumah ka lo mu a, drip an lo khai a. Ka bulah chuan ka nu a lo thu a, ka ke lamah ka u leh u zoa an lo ding bawk. Ka inngaihtuah harh thut. Ka kuta drip khaina chu ka pawt phawi a, " bawiha bulah ka kal duh, bawihan min ngai tawh ang" ka ti thut a, ka u chuan rang takin mi lo chelh vat a, " shhhh....ka nau, bawiha chuan a lo nghak reng che, drip khai zawh ah I kal dawn nia.." tiin min nem mu leh a, mi à ang maiin ka nui ar ar a.

" U, bawiha chuan min la nghak reng tiraw " ka ti a. " Umm, nghak reng che, thu awih phawt la aw" tiin drip chu a khai tha leh mawlh mawlh a.ka nu chuan a mittui a dang zo lo.A khap per sawk a, a insut hruih a." Ka fanu, ka va lainat tak che em!"

Ka maimitchhing leh a, " Bawiha ,ka lo kal tep aw,"

Khawhar hla sa a an zai dup dup chu ka ngaithla reng a, min va hnem lo tak em!.


🎼Min ngailo in an leng, ram thianghlimah.
Kir an rello , an kal zel e🎼

Ni e, ka hmangiah khan min ngai tawh lovin, ram tiam lam min pansan tawh, ka hnenah rawn kir leh a tum tawh lo. Engtikah mah a rawn kir leh dawn tawh lo😢


Zanah chuan ka u leh u zovan bawiha te inah chuan min hruai thla a, ruang bula kan thu chiah chu ka mittui a tla leh ta zawi zawih mai. Ka awm ka chum a, ka la tap thei Chuang lo. A va hrehawm tak em!


A biangah te chuan ka chul thin, hrilh a hai thlawn mai ani. " Bawiha, min lo nghak reng ang che, ka lo thleng harlo ang ka tih kha, tinge min kalsan leh si, I hma I lo va sial ve, misualpa" ....

Nu maengi nen chuan bawiha hmai chu kan khawih sek ringawt..
Pa chhinga chuan thusawina hun tawite a hmang a, bialtu upa in tawngtaina hun a hman zawhah zai an chhunzawm leh nghal a.
🎼 Pakhat zela an kal bovin , an kiam thin chhungkaw tinreng.
Lungduh zawng zawng chatuan hmunah
Kim leh ni a awm ang em? 🎼

Ni e, Bawiha kalna ah hian keipawh ka la kal ve ngei ang, Bawiha ,Tlantu kiangah chuan ka awmna hmun tur min lo hauh ve ang che aw! "

Zan chu kan hmangzo ani leh ta mai. YMA nula tlangval an tin sang sang a, pa valai ho leh putar zing tho hma ho an lo lut sang sang a, keini pawh kan in lamah kan chho ve nghal. Bawiha kalsan chu ka huphurh tak zet a, mahse ka u leh nu maengin nakin lama ka hmakhua tur min dawn pui avangin min hruai haw lui ani. Keimah ringawt inngaihtuah ila chuan ka mualpho ngei ang. Mahse, u zova leh ka u in nasa takin min backup a, u zoa pawh a zahawm takzet ani.

Inthlak turin u zoa pawh a haw phei a, Maremi nen an lo kal leh dawn ani. Keipawh ka inbual fai a, chaw te kan eikham chuan ka harh deuh hawk. A hming mai mai in ei mah ila , ka tamhnem chu a ni tho. Chaw chu chaw nge nge a lo ni e.

Vui dawn hnaih chuan ka u, Maremi leh U Zoa chuan Bawiha ruang bulah chuan min hruai a, ka thutna tur min lo Kian a, ka thu chawt mai. " Bawiha , ka lo kal leh tawh sin, min lo ngai em?, En teh ,hei mi an tam lutuk, lo tho la lo chibai rawh" ka tap thei lo. Ka awm chhung na lutuk chu ka chum leh ringawt. " Bawiha hei I hmangaih a lo thleng asin. I lo chhawn dawn lo mi, I ngaih em kha, lo tho ta che" tiin nu Maengi pawh chu a lo tap rawih rawih a.

Vuitu pastor a ding ta, thuchah a sawi te chu ka hre mumal lo. Lei chu leiah vaivut chu vaivutah a tih chiah chuan ka inngaihtuah harh a. Ka hmangaih chu reilo te ah leithim thuahriat hnuaiah zalhin a awm tawh dawn si. Ka hmangaih ka thlakhlelh ngawih ngawih kha lei daiah an zalh ang maw! Na ka ti lutuk... Ka tap chhuak ta hawk mai. Maremi chuan min lo kuah vat, tumah ka zah pah tawh lo, aw rawl chhuah meuhin ka tap ta bawrh bawrh mai. Vanneihthlak takin hla an sa ka hlauh mai. Chu chuan ka tap ri pawh chu a hliah ta zawk.
🎼 Lungduh zawng zawng,
Chatuan hmunah Kim leh ni a awm ang em?🎼

A kuang an rawn chhin tur chu ka lo dang tawp."Bawiha , mangtha aw, ka hmangaih che, ka tan hmun min lo hauhsak ve dawn nia" tiin a chalah ka fawp ngawih ngawih a. An chhinphui nghal, an zawn chhuak ta.ka hmangaih, ka khawvel chu an chhuahpui ta.

Ka ruak vek . Thlanah chuan kal ve min remtihsak loh avangin u zo an min hruai hawng a, Maremi leh ka u erawh chu thlan lamah an kal thung.

Ka roomah min chhohpui a, khumah min muttir diam a, ka kutah chuan a hmer vawng vawng a. Min en ngawih ngawih. Heti em em a ka tana mipa fel hi an awmthei ngai dawn mi le.
A bialnu in ka hmangaih ka sun a, min la tawiawm zel chu ania. Ka zah ngawih ngawih tawh. Ka bula chairah chuan a thu ve a. Ka chal ah a fawp zeuh a, " muhil rawh , I chau ang, ka lo veng tlat ang che" a ti a. Ka hahdam huai mai. Ka maimitchhing a, bawiha hmel ka hmu nghal . A hlim nui te, zaizira ka hmangaih che a ti lai te, ka mittui chu a luang leh ta. Ka beng chhunga a luang lut tur chu kut nem tak hian a lo hrufai a. " Insum miah suh, a hunlai nih hi" ka meng a, ani pawn rilru nat hmel takin min lo thlir ve ngawih ngawih. A ni pawh hi ana ve tho ang tih ka hrethiam ta. Ni e, tunge na lo ang le?.
Mahni bialnu ten an bialpa hlui an Sun laia an bula lo awm ve reng chu tunge tuarzo bik ang le!

" U zo, ka lawm e"
" In thlahrung reng reng suh, ka hrethiam che ania"
Kan boruak rit tak tizang turin u Lani a lo chho ve hlauh mai. Room kawngka a lo kik dat2 , a lo lut nghal. Thingpui no 2 leh a hmeh a rawn chawi lut a. " In ril a tam tawh awm sia, lo in eipuar rawh u. Ka Naute, pachang takin awm rawh aw" min rawn ti a. A lu ah a rawn chul heuh 2 a. U zoa chu en in" I fel hle mai, lo thlahthlam miah suh aw" a tia, min chhuahsan zui leh mai.

Thingpui chu min inluih tir a, cake tui tak nen chuan , ka harh huai mai.
Rei vakloah chuan ka u leh Maremi pawh an rawn inzui chho ve nghal. Ka u chuan u zoa hnenah chuan lawmthu a hrilh mawlh mawlh a, ka u bulah hian engkim ka lo sawi vek tawh a, chuvang chuan innel takin u zoa nen pawh an inkawm bawrh bawrh thei tawh ani.

Mahni chauha ka awm an phal lo a, min kawm hlim tumin fiamthu nen an ri reng a, chu chu kei hian ka lo Ning em em si tih anhre si lo.. ka tawrhna an hrethiamlo ka ti mai. Mahse, keimah min ngaihtuah vang ani si.


Karkhat hnu ah chuan..


Bawiha thlanah nu Maengi nen chauh kan kal a, ni a sa lutuk lo a, bawiha thlan bulah chuan vaube kung a zar duai a, chu chuan Nisa pawh a hliah deuh a, thlifim a thaw heuh heuh bawk. Thlan chunga krossa a hming LALLUNGMUANA KUM 19 tih intar chu ka en reng a, ka chul kual reng ringawt. " Bawiha, I hma I lo va sial ve, ngatinge min kalsan daih le, I tel hian ka hlim thei lo asin! Awm ngaihna pawh ka hre lo. Ka ngai em che asin! Ka mittui chu dan rual lohin a sur zung zung a. Nu Maengi pawh chu a insum thei bik lo. " Bawiha , ka fapa, bawihi nen hian min va tihrilhai em em ve le! Ka nu Bawihi lo thlen hunah min kai harh rawh I tia , hei a lo thleng ta Cheng a, heti hian maw I lo chhawn dawn, hrilh a va hai em! " tiin a lo tap ve zawih zawih bawk.
Kan lungchhe zual a reh hnu ah chuan " Bawihi, hei hi I ta tur ania" tiin lehkhabu diary tiat lek hi min pe a. Ka pawm vawng vawng a. Khua a tlailam tawh avangin kan hawsan dawn ta, " Anih leh, ka hmangaih , kan hawsan ang che aw, damtakin le" hawilet tawh lovin kan kalsan ta a.

In ka thlen chuan samuela pawh a lo nui ar ar mai, u Lanin chaw a lo hrai a, ka nau ka hmuh hian ka hahdam sawng sawng thin. Kan chhaih leh phawt a, ka roomah ka chhohsan ta a. Lehkhabu chu ka lukham hnuaiah ka dah a. Ka tahna avangin ka lu a na deuh bur tawh a, ka mit pawh asen rum tawh mai. Khumah chuan thuin ka tukhumah ka kut ka suih a, ka chhing deuh vang vang a. Ka room kawngka chu an lo kik dat dat a, " lo lut" ka pa a lo ni. " I chau em, bawihi, I fel hle mai, pachang takin awm zel rawh aw"
" Ka lawm e, pa. Nangmahni hi awmlo ula chuan ka tuar zo lo ang" ka lo ti ve a, kan inkuah zui a, ka pa thlazar hnuaiah hian ka thla a muang ani. Pahrawn ani tih hriat miah lohin ka nau nen hian inang rengin min hmangaih a, hei lo liam. Kei pawh hian min hringtu ang chiahin ka en ani.

Chaw ei turin kan chhukthla dun a, ka u pawh office thil pawimawh ti a a chhuak chu a lo haw tawh bawk a. Hlim takin chawhlui chu kan kil ho ta a.

" Kartawp lam chu ka haw chho ve tawh dawn em ni ka tia, ka hna ber ka zo ta bawk a, khilamah an lo indaih lo ve tawh sia " min rawn titih chuan a ti a, ka pa chuan" Ni e, kan chelh rei tawh che a, I pa pawh a zahawm tawh alawm le. Bawihi pawh hma a sawn chho zel ang a, han chho tawh la, a tha ang" a lo ti ve a. Kan unau a kan inhmuh leh hmasak ber na a nih vang leh kan boruak tawn in a zir loh em avang hian duh angin kan inkawm tam em em an lo zawk a. Ka ngai ve dawn hle ani. Zirtawpni ah chhungkaw chawhlui kil kan rel a, Maremi te unau leh Nu maengi te nupa kan sawm bawk a. Ka u leh Maremi hi an inhaw lo tih ka hmu thiam ve vek. An pahnih chuan chetdunna tur an zawng ve reng a.

Keilah ka lo nghal nasa mai sia. An arpuah dun lai chuan" u. I phone ah an be thei lo chee ... Ka phone ah an lo call a, va chhang lawk rawh, ka lo phei hman lo," ka lo ko buai ve reng. Samuela ka pua a, ka phone chu a rawn ban vat, " hello"
Rum tawkin min lo en. " Hmeli, company call nih hi" min rawn man a tum , ka nau puak nen kan tlanchhia, a hla thei ber leh a kual thei ang berin kan tlan kual a, a hun tihheksak ka tum tih a hre der si lo... Ka nu pangpar huan lamah ka tlanthla a, min rawn man chat. Ka khabe ah a seh vak a, " a naaa, ka sawi dawn, maremi bialpa" kan ti vak mai nih kha... Ka ka a rawn hup inchhunglam a hawi phei, ka nu a lo nui var var a. "Mo nei turin kan inring reng ania" kan ti leh zeuh. " Tawngthei viau suh aw" min ti leh a, " keipawh makpa neih thuai ka lo inring reng ania" min ti ve leh sak a, " hmmm. Kan nei rual dawn nia" ka chalah a rawn pen karh " zamlo ve sia maw" a ti a," a naa... Ka sawi buai vek mai ang che u" ka tih leh chuan kan nui dun hak hak a, samuela chuan " engteng tuh" alo ti ve . Ka hmathlak a, ka fawp zeuh. Tihian kan unau kan kim der. Ka phone chuan kan han selfie leh hrih a. Ka nu chuan " lo chho tawh ru, in thiante hrilh a hai ang e" a tih chuan kan inzui lut a. Ar pawh chu an puah zo ta thuai a. Buh tlem nen an chhum a, hetiang hian a tui ber mai.


Zanriah ei dawn chuan ka pa chuan hunserh tawite ahmang a, a tawngtai zawh chuan chawhlui kan kiltlang ta a. Nu Maengi bulah ka thu chawt a, hrehawm a ti ang tih ka hlau ani. A chaw ei ka vil ani deuh tawp mai. Monu interview pawh a zuan a zang khawp mai. Chawbel a vil a, chaw pawh a bar hman pawhin ka hre lo. A bula thu in a zir em a, a puar ve tho ang.

Chaw eikham thingpui hang in zawh chuan nu Maengi te pawh inleng kawm tur an la awm neuh neuh vangin min hawsan ta a.

Inrinni ah ka u a haw tawh dawn vangin Maremi chu" Marem, ka u kha insiampui a ngai ang, lo va insiampui teh, eng eng emaw kha a lei ve nual a, a in theihnghilh ang e" tiin mitmei kan hmuh zeuh a, nui var var in ka u room lamah an inzui luh tak kha. Kan mikhual room pakhat zawkah ka u hi a riak ani.

Kei pawh u zoa nen sitting roomah TV kan en mai mai a. Kan TV enah chuan kan rilru a awm lo dun khawp mai. Kan ngawi dun reng a. A khat tawkin aw kan thian leh kharh thin. " U zo"
" Um"
" Min hrethiam a, ka lawm lutuk ania"
" A ho lutuk, ka tihtur alawm "
" Awmlo ula chu ka tuarchhuak zo lo ang"

" Nangmah hi I chhel ve hrim hrim alawm"

" Min hua em" Chiang takin a mitah ka en a. Min rawn en ve reng. A mit a meng zim sun a, " ka haw lo che, ka lainat lutuk che sin"

Maremi te pawh hlim hmel pu takin an lo chhuah leh tak hi.. "zan a rei dawn ta, kan phei ve tawh dawn mi" u zoa chuan a ti a. Maremi chuan " Nia, poilo, Duha pawh a chau ang, a menrei chuan motor khalh puitu a nei si lo. " a lo ti vat. Ka la fuh lutuk " in va induat deuh ve" ka lo ti zeuh. " Chheban, nghal suh aw, ka u hi ka fuihpawrh ang e" lo ti ve vat. He nu bulah hi chuan tlawm zawka ka tan a ngai reng dawn nih hi...
Ka u nen gate thlengin kan thlah a, an tlanliam ta. Ka kawngah min lo kuah a, " mate, Maremi hi a fel riauin ka hria" a ti a. " Mmmm, a sual hran lo, a lerh lo bawk " ka recommend tha thei ania.

Ka roomah ka mu leh der tawh, bawiha room chu a rawn eng zawk a, minute nga hnu velah a thim leh mai. Nu maengi a lut ani ngei ang. Bawiha lehkhabu min pek kha ka la chhiarlo tak e.

Ka lukham atang chuan ka la chhuak a, a phek hmasa ber ah chuan.

Ka hmangaih em em, ka nunna kawltu tih a lo inziak kalh a, a hnuaiah love sign chhungah ka thlalak a lo awm . Ka nui sak a. Phek lehlam ka keu leh.

Duat, vawiin kan inbiak hnu khan ka lu a na lutuk..😢 ka ngai vawng vawng che🥰


Ka hmangaih che asin, ka dam chhungin ka hmangaih ang che. 😘
Min hmangaih thu a ziahna deuh vek.

Phek 7 na atang chuan a danglam ta.

Duat, thenna biahthu ka hlan che vang khan min dem suh. Aw, kei tak hian hrehawm ka ti asin😞.


Ka natna ka hrilh ngam silo che a, he cancer hrik hian min ei chhe mek anih hi. Ka dam rei pui dawn tawh lo che . Ka thih hunah hrehawm tak leh rilru nataka I awm ka phal lo ani.



Nangmah siam nuam thei tu tur che lo tawng la , ani chu pasalah neiin fanau maltluan lo chawi pui ang che.


In maw, ka naute, u zoa lakah khan I rilru lo pe ang che. A endan che kha ka hai miah lo. Mipa ve tho ka ni a, a hmangaih che tih ka hria ania.


Duat, vawiin chu ka va chau em, ka ngai lutuk che , hun tam ka nei tawh lo. Ka thih hma a I hmel hmuh ka van chak em! 😢



Ka mittui ka dang zo lo. " Bawiha , heti khawp hian maw min lo hmangaih a, ka nat hlauin thudik I lo thup a, ka hrehawm hlau in I hmangaih hi midang hnenah min hlan phal amaw! Kei hian ka hma ka lo sial zawk anih hi. Min ngaidam rawh aw. "

Ka mittui a hul thlengin ka tap a, ka maimitchhing vang vang a.

Lehkhabu bawk chu keu lehin, a karah chuan thlalak a lo bel teuh a, a damloh hma a a lak aniang . A roommate Sailo Muana nena anlak te , Dr shashi & my buddy Deepak tih te, a single thlalak leh a lukawlh lai te. A chang leh ka nui a, a chang leh ka tap a. Ka mut a chhuak thei lo.

" Ka Duat, bawihte, ka awmloh hunah keimah vangin lo tap lo la, I nunna atana pawi tur engmah ti lo ang che aw, min tiam rawh, u zoa nen khan innei ang che u. Ani kha I tan a tha ber ania.
A tawp berah chuan , ka hmangaih che, ka thawk tawp thlengin ka hmangaih reng ang che.
Thihna lui ral I lo thlen ve hunah ka lo hmuak ang che.
Ka hmangaih che😘😘😘.


He mihring hian heti em em hian maw, min lo hmangaih a, ni e. Kei pawhin ka hmangaih che. I thu ka awih ang.

A phek tawp berah chuan lehkha them a lo inzep a, " ka nu bulah khan bawmte ka dah a , pasal I neih hunah lo pe tur che in min lo pawmsak dawn nia, I pasal neih huna inneih present atana ka lei anih kha , chuan a tawp nan tak tak ka tan vawikhat han nui teh le, " tih hi a lo inziak a. Tukverh ka hawng a, van lam ka hawi a, thla chu a eng tha hle mai. " Bawiha, ka lawm e, min lo thlir reng tiraw, I thu ka awi ania aw, hei ka nui ania" tiin ka nui sak a.

(After three years)

Inneih dar ri mawi tak chu a va ni em!

Mo thuam famkima inthuamin Maremi leh Mawitei chu an lo kal dun a, maicham bulah chuan an pasal tur Dr Duhsaka leh Zomuankima te chuan an lo nghak ran a. A vawikhat nan a ruala inneihna , a thleng dawn ta ani. Upa in inkhata kumkhat chhunga lut leh chhuak awm an duh lo a, mahse anni hi chu inneihna a thlen zawhah Dr, Duhsaka te nupa bik hi chu Champhai lamah an chho nghal dawn ani. Inneih thutiam an chhamlai te chuan an hlim ani tih an hmelah a lang reng. An va nalh hlawm tak em!.


Zanah chuan inneih present te chu Mr& Mrs Zoa te nupa chuan an hawng ta. An va hlim em! .Present zingah chuan bawmte deuh bik a lo awm a, Mawitei chuan a la vat a, kut khur dar Darin a hawng a, gold thi mawi em em mai a lo awm a, a locket chu lunghlu hringnghalh ani. Lehkha a lo awm a, a han chhiar chuan , a pasal Zoa chu a pe vat a. Zoa chuan an chhiar ve ta.
U Zoa,
ka hmangaih hi I hnenah ka hlan ta e, lo titap lo la, hlim takin lo siam ang che aw, he thi hi in inneih thilpek atan ka hlan a, khawngaihin ka hmingin lo awrh tir ang che. Ka lawm e, min hriatthiamna zawng zawngah, mi puitling tak I ni e. Chuan , in nupa in ka lawmpui che u. Lungmuana ( bawiha)

tih a lo in ziak a.
Thi chu la in a nupui duhtak lo ni ta, mawitei chu a awrhtir ta a. Mawitei pawh a mittui a tla tawp. A tawp nan tak tak tiin " Bawiha, ka lawm e aw" tiin a thi locket chu a fawp zeuh a.

A tawp ta...

Happy ending kha in duh sia, ka phuah kawi nasa ta lutuk a, a ngaihnawmna a bo em lo ang chu maw... Ads kha lo ngai pawimawh leh theuh I la aw, click zeuh ani mai aw... Ka lawm em em vek e.. 😘

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)