A REM VE THEI MAI LAWM NI BY Becky Khiangte (Completed)

[Ngaia]

A REM VE THEI MAI LAWM NI.
#CHAPTER 7#
(Zothanpuii)
POV
Ka hmingpuma min ko chu ka na ngawih ngawih , ka mittui a tla zawih a, ka hru hul thuai a, dawta inpuhna nen. Ka chhuaklo tih hretu Dampuii a awm reng a, nilengin kan paliin inah kan awm ani si a. Tunge hetianga dawt Chiang lutuk a min lo puhtu hi ni ang. Reciept chu kan enchiang leh deuh a, chutah chuan rinhlelh ka nei ta. Hei hi a thleng ang tih ka hre pha ngai reng reng lo. Kei chuan thiantha leh nau angin ka en a, huphurh a leh rinhlelhna ka lo nei ngai lo.
Ropuia chu a ngawi ngul a, engmah ka hlau tawh bik lo. " Puia, hetiang hi thleng turin ka ring lo asin. I mizia hi a danglam tan tih ka hai miah lo. Keimah ka thiamloh hmasak avangin ka tuarthei mai mai a. Mahse, mahlimi lo lan atang hian I nungchang danglam hret 2 hi ka hailo asin" ka ti ta hrawk a. Ka thin a rim ve hle mai.
Dampuii chuan ka fate chu a lo la hrang vat a, room atang chuan a chhuahpuia , a roomah a lo awmpui a, ka inthlahdul deuh hlek a, ka thaw hak a, " ih e, he rangkaçhak zungbun hi ka mamawh lo. Hmanni deuh khan mahlimi hian a bialpa in a propose dawn a, eng ang zungbun nge a pek ang le tih thu ah min rawn tawh a, chuvang chuan a ni lo hi rinhlelh tur ka nei lo. I duh leh va zawt rawh. Keima lei angin a reciept an siamtir ani mai. " "Engvangin nge I hming chuan a siam ang a" a lo ti hluk a. Kan inkar hi a buai nuai mai. Ka pasal lakah hian ka rilru ka pe ve tan chauh a, hetiang hi kan ni leh si!. " Nangmah hi a ngaizawng che mawle, hmeichhia ka nia, ka hmeichhiatpui rilru hi ka hai bik lo sin, kan inkar chhiatna tur hian tan a khawih reng asin" ka ti tuar mai. Ka thinrim em avangin ka khur ngar ngar a. Hnunglam min chhawn zawngin a ding ngur a, a necktie a phelhthawl a, a kamis nghawng a phelh leh a , ka lam rawn hawiin" ka hmangaih vanga nei che ka nia, ka rosum pawh I ta vek tur ani.. mahse.. ka tana I inhawn theihloh chhung khan ka hnena rilru petu zawk na na na chu ka lo be ta zawk a, tichuan kan inthup viau na chungin hei I lo hrechhuak ta tho a. Zep leh I ngai lovin kan hrilh law law ang che. Kan fapa pawh hi I chi atanga siam ani ve lo" a ti ta a, mak ka va ti em! Ka ka ka hup a, ka hnungtawlh a, khumah ka thu thla chawrh. Ka chi a nih lohin kei hian engtinnge ka pumah ka pai theih... Ka naupai hma khan ka hriselna check turin damdawiinah min hruai thin a, ka chhul lam a fel leh felloh check turin. Mahse, Dr hnen ka luh hma khan reitak dr nen anin be hmasa thin anih kha. Kei hi bumin ka lo awm reng ani maw!.
Ka chi kha anla chhuak ve thin ngei a, chu chu an lo thlengkual anih dawn hi.
Hetianga buma ka awm hi ka zak lutuk....
Ka fate an la tet avangin inthen chu ka la duh lo. Hna ka nei bawk si lo. Engkim hre tawh mah ila ka tuar hram hram ang.... " Awle, anih chuan , ka thusawi I awih duh lo anih chuan kei chuan sawi tur ka nei lo. Ka fate vangin inthen hi ka duh lo a, kei aia thlan I nei tawh anih chuan tha takin sawi la, ka Kian vek ang. Mahse , he in hi ka tana min pek tawh ania, hetah hian ka fate nen kan Cheng ang. I duh leh I nupui thar chu hmun dangah I chenpui dawn nia. " Ka ti ve ta a. Hmusit hmel deuhin min en a, Anui suk a, " a tha e. Mahse ka fapa kha chu ka la rawnla leh ang" a ti a. A hmel te hi ka ten lutuk. Min hmangaih awm deuh khan a lo awm a, lemchan anlo va thiam tak em!
Room hranah a mu nghal a, kei pawh ka rilru ka siamfel tawh.. naupang chu ka bulah Dampuii chuan a lo hruai a, "te, ih umahlimi leh ka patea hi an inzui nasa thei lutuk anti asin. I rilru a nat ka hlau a, ka hrilh duh lo mai mai alawm " a lo ti ve a. Mak ka van ti tak em. Mahlimi khan kan inbul kher a rawn thlan nachhan kha Ropuia alo ngaihzawn vang mai mai a ni lo nih hi.. ka fapa te lah chu min la chuhpui zui.ka chi ni lo pawh nise, ka chhulchhungah thlakua ka pai a, na hrehawm tak tuarin ka hringchhuak a , ka ta a nia sin . Ka pe awmlo em mai...
Inrem em em lovin kàn la khawsa ho nawk nawk a, kan inbe ngai lo a, chaw pawh kan eirual ngailo. Kan inhmu khat tulh tulh a, alo riak ve thin tih zawng chu ka hriat ani mai.
A office kal hlanin zopa gold Smith a zungbun leina reciept chu ka la a, ka va fiah ta a. " Ka pi, hei he nu hi ania, zungbun lo leitu chu, zothanpuii a inti a" tin dawr nghaktu chuan min lo ti vat a, cctv footage chu min entir a. Mmmm... Ka fiah ta e..
Ka hawng a, ka rilru ka siamfel ta, he inah pawh hian ka awm lo vang, ka chhuak ang a, hna ka hmuh hmaloh chu ka nu te ka fin hrih ang a. Hna ka hmuh hunah chuan ka fate nen kan indang ang a., ka hmangaih em em Thana ka nei thei ta lo rau 2 bawk a, tumah hmangaih pawh ka nei tawh lo ang tiin ka rilru ka siamfel ta. Dampuii chu ka khawngaih ve khawp mai. Min ngai der ve thin si a. In ka thlen chuan Dampuii chu ka thutlukna ka hrilh a, " te, I awmloh chuan a nuamlo ang . I bulah min hruai ve mai rawh" a ti tiau a. Ka ngaihtuah a, a awmpui theih chuan naupang a lo kilkawi thei ang a. Ka nu te an awlthei ang a, zia phian ang.
" Ka bulah I awm ang" ka tih chuan alawm kher mai. Tlaiah puia lo hawn chuan engkim ka lo hrilh a, a hawihai hle mai. A inring hman lo aniang. Tun tut tut a chutiang thleng tur chuan. Mahse, ka luhlulna a chhuak tawh . Ka chhuak dawn tho tho. " Keiman ka va dah ang che u" a ti a, ka lo hnial dawn zet a, mahse ka chhungte hrilhhai lutuk tur ka duhloh vangin ka hnial ta lo. Ka duh lo Chung min neihtir mahse hetiang boruak kan thlen takah chuan an hrilhhai dawn em mai. ( Tawk phawt aw, hrilhhai dal tak tak )

[Ngaia]

#A REM VE THEI MAI LAWM NI#
(CHAPTER
(ZOTHANPUII POV)
Ka nu te in kan thlen chuan ka nu leh ka nau mipa chauh anlo awm a. An lo mengphawk ngang mai. Ropuia chuan thil awmzia a sawi zung zung a, mahse hna thila zinlawk tur angin a insawi a, ka nu chuan a awih leh hmiah tawh. A sum duh vanga min neihtir kha ani bawk a, a awm e.
Dampuii chu kan roomah a mutna tur ka nau(manuna) chuan a siamsak a. Ka room hlui kha kan luah leh a. Ka nu chu roomah a lo lut a, " mami, in pa kha khawiah maw a zin dawn a, enghna nge a thawh dawn a" an lo ti Chung a. Ka dinhmun aiin a makpa dinhmun a ngai pawimawh zawk. Sum men a meng kha a ni bawk a , kei thawhchhuah neilo ai chuan a makpa chu a hlu zawk daih ang chu. Ka rilru a nat tehreng nen, tun ang zanah kan tlawh ngailoh dan atang pawhin thilthleng a awm anih te chu rin ve awm hi ania... " Ka hrelo, I makpa hi I ngai pawimawh lutuk mai" ka ti ve a. " Ngatinge, enge thleng a, hetia I bak hlar tak mai".
Naute a tah avangin , hnute ka pe a, ka chau ani, ka chau takzet... A lum bawk si.. " ka nu, naktukah engkim ka hrilh ang che, tunah chuan ka chau takzet ani, min hahchawlhtir rawh" ka ti thlawt a. Dampuii chuan kan fapa chu a lo silfai a, mutkawr alo hak tir thlap. Dampuii hi awm lo se ka va buai dawn tak em!. Naupang te an mutthilh hnu chuan ka intifai ve a, ka mu ve ta nghal. Engkim theihnghilh a mutthilh veng veng ka duh. Mahse, ka ngaihtuahna a harh tulh tulh si. Thana ka ngai em em a, tunah te hian ka bulah awm se chu a awm nghenga tah hawm hawm ka chak. Engtiklai mah a ka rilru nat phallo tu kha ani sia.. Nupui a lo nei ve tawh em le??
Ka fanu chu thlaruk a tlin hma in ka ngaihtuah a, a hming ka thlaksak ta daih a, vanlalpeki kha Ramnunmawii tiin.. A hming hi a pa in a phuah anih avangin a pa ka huat vang hrim hrim a thlaksak ka ni. Ka nu chuan engvanga thlak nge ka nih min zawh chuan apa ka huat vang anih thuin ka chhang mai a." Mami, heti hian ngati nge I awm, in pa hian a hmangaihin a ngaihsak tehlul che nen, sum leh paiah lah nise, keini thlengin min vur a" a ti hman chiah a. Ka lo pawt tawp chat." Khati khan min ti ziah suh, ka nu I ni a, thudik I hrelo, I hre duh anih chuan ka hrilh ang che, mahse I ngaithla ngam ngut a nge maw chu" ka ti a, ka thinrim em vangin ka ding sai ngar ngar a, ka kut ka hum ruh ngawt ngawt bawk." Mami, enge I chungah thleng?" Ka nu in zaidam taka atih chuan ka lung a chhe thar ta tlat. Ka mittui lo luang pawh chu ka dang peih lo , a luang thla zawih a. Ka chunga thilthleng zawng zawng chu a bo a bang awm lovin ka hrilh ta vek a" kei hi bum ka ni" ka tap ri ta, a chhuak em a ni. Ka thinlung hi a na lutuk ani. Ka hmangaih zawk nei thei lovin ka duhloh zawk hnenah rosum vangin hlan ka ni a, ani lah chuan min lo bum reng si. Ka thianghlimna ka hlauh tawh piah lamah fanau ka lo neihpui tawh bawk si nen.. ka nu chuan " Lalropuia lakah chuan FIR ka thehlut ang, a ti ta hem mai. Chu em zawng thlenglo se ka duh mahse ka nu hi ka dang zo leh Chuang lo ang, ka thu a ngaipawimawh leh dawn Chuang lo. Ka pa chu a lo haw a, ka nu chuan engkim a lo hrilh vek a, a thinrim ve ngang mai. " Mate, engtikah nge Chung chu I hriat, chu Dr pawh chu a lakah case file chi anih chu, ka va han thinrim em, ngawi tak rawh ipa ka awm alawm, lo lungngai reng reng suh. " A thinrim ve ngang aniang, a hmai a sen hlar mai. Mama pawh chuan min lo hnem ve malh malh a. Ka fapa ti a ka lo chhal ve , ka fa hming koh ka tihve hial chu ka chhul an lo hawh mai mai ani tih ka hriat chuan ka khawngaih rualin ka haw leh deuh tlat thin. Tunah chuan kum 2 1/2 ani ve tawh a, engmah a hriat tak tak hma hian a pa bula dah daih ka duh a, ka nu leh pa pawh ka rawn a, mahni fa ni lo lo enkawl reng kha ka thei lo. A nu leh pa vangin ka nun a chhe zo tawh a, hmusit taka min tawngkhum ta kha ka tuar thei lo. Ka fapa ka la rawn la ang a tih bawk tak kha mawle, rawn la rawh se.
Ka pa in UD& PA hnuaiah LDC post ruak a rawn hrefuh a, kan bawhzui ve nghal a, hnadil kan tam khawp mai a, zamawm ve duh tak ani. Written kan zo chu ka thawveng huai mai. Ka chhandanah chuan tlin ve ngei chu ka inbeisei a, mahse personal interview a la awm tlat.
Personal kan interview dawn ni chuan ka pa chuan " mate, mal ka lo sawm ang che, hlawhtling takin lo haw ang che" a lo ti ve a, hlim tak chuan ka chhuak veleh ta pauh a, mi kan tam si, chawhnu lamah chuan ka lut ve thei ta hram a, ka zam takzet . Ka kut ka hum thlan dup mai. Zawhna te kha engtinnge ka chhan pawh ka hre mumal tawh lo. .
In ka thlen chuan puia motor chu kan kawtah a lo inhung a, inchhungah chuan mahlimi nui ri ka hre nghal zat bawk. Phur fahran lovin ka lut a, sitting roomah ka nu leh pa ho in an lo thu thap a. Puia chuan , " ka fapa hi kan lo enkawl ve tawh ang e, kan lo ti a" alo tinghal a, hemi chungchangah hi chuan ka chhungte ka rawn vek tawh avangin inrawlh ka tum em em lo. Ka nu chu ka melh a, a lo bu nghat a. " He nau hi ka fanu I lo bum na rahchuah anih avangin in la thei ang, kan fa kan thisen ani ve tlat lo. Amaherawh chu ka fanu in lo bum man hi chu inhmu ve ang" ka nu chuan ati chang ta fak mai. Ropuia chu a meng kawk mai, ka nu hian a duh em avangin a thu hi a awihsak vek zel a, mahse tun tum chu a thinrim ve em tawh ani. Tin, mahlimi pawh hi a haw ngawih ngawih bawk." Fa neih theihloh avanga mi chhul hawh hi a chhul neitu hriatloh anih bawk avangin case a rit viau dawn ani, chuvang chuan in lo inrin deuh chu a ngai ang" mahlimi en Chung chuan a ti leh a. Ropuia leh mahlimi hrilhhai lutuk hmel chu a hmuhnawm letling zawk. An chungah case kan file duh tak tak an ring lo aniang, mahse ka pa hian a thil tih tawh chu a kaltlangpui thin. " Nau chu in la ngei ang, mahse, in case hi kan file a, chinfel anih hma chu kanla kawl dawn" a lo ti ve bawk a," mmm" tin Ropuia chu a tho hluai a, kan lo " kal leh ang" a ti a, mahlimi chu a kai a, an chhuak ta nghal a, ka fapa chuan a pa chu a lo en ve vung vung a, pa te na na na chu ngainatna chin a nei ani. Ka enkawl dawn lo anih pawhin midang huatna thinlung kha amah ah hian tuh ka duh hràn lo. Engmah tihsual anei ve lo tlat alawm.
A tukah chuan ka pa chuan FIR a thehlut ta a, rei deuh hlek tawh mahse, kan hriatna ala rei loh avangin thiltih a harsa vak lo. Zanah chuan Rohlua te pahnih leh docter Sangpuia chu an man tih kan hre ta a, chanchinbu mi ho chuan an lo bawr leh luai luai tawh. Kei pawh thuzawhfiah tura koh ka ni a, engkim tuar huamin case kan file tawh a, thuzuk leh tit tet ka tum lo. Ka sawi tur ang ka sawi zawh vek hnu ah chuan lungmuangin ka haw leh ta. Police station a kal ngailo ka ni a, ka zam ve det. Mahse a thiamchangtu zawk ka ni a, ka intihuai lui mai zawk ani.
In ka thlen chuan Dampuii chuan" te, ka chhungten lo haw tawh la min ti a, engtinnge ni dawn" a lo ti vat a, ni dawn tak, Dampuii chantur ka lo ngaihtuah ngai lo , ka lo dawn pha lo reng reng ani. Puia chhungte an nia, keiin a lo hrenbeh reng kha ka tihtur ani lo. " E, ni e, I haw dawn nia, naktukah I hawna tur kan ngaihtuah dawn nia" ka lo ti vat a. Ka khawngaih ang reng, a fel si a . Ka nu te pawh hian an ngaina ve tawh viau asin. Kan chungchang velte chu kan sawiluam a, ka chauh em avangin ka roomah ka luhsan ta daih a, naute pawh alo muhil hlauh e. A bulah chuan ka tluzal ve a, hei hi chu ka fanu chauh ani , Ka fanu Ramnunmawii chauh anih hi...
Case kan file atangin kar hnih a liam ve ta. Vanneihthlak takin , ka hna dil pawh chu ka hmu ve hlauh mai. Ka van lawm tak em. Tunah chuan nuntharin bul ka tan thei tawh ang chu. Ka join ni chuan ka nauin min thlah a, ka va han phur em! Tha takin min lo welcome a, ka thutna tura kan thu te chu ka khur lek lek zawk. Kei nuthlawi mai hi hna neiin ka seatah kan thu ve ta chu ania. Kum 26 chauh ka la ni a, zep lovah chuan ka hmel a tha a, ka sangin ka ria chum bat mai bawk. Mahni infakna thil ni lo se, ka vun hi a nung sar mai bawk si a, chhelo min ti tu tan chuan en tham fe chu ka tling ve alawm. He he...
Dampuii pawh an khuaah a haw tawh a, lalnunpuii ( Lani) ti kan koh chu tleirawl te in kan awmpui leh a, nau awmtu tellovin ka khawsa thei lo tlat . Ka office chhungin ka nu in a lo pui ve bawk a, nau pahnih awm leh inchhung sekrek khawih chu a hahthlak ve det ang. Kan office hi temple bulah a awm a, driver fel deuh kan nei a, ka bulah hian a tap deuh chawt thin. Ala naupang in tirh berah hian kan nei a, chhuah a ngaihna apiangah hian kan tir a, a pu hrawn ber hian jojoa hi chu in ta anih ber hi a ti ve mai thin. A chang chuan ka kal lam te hi min phurh chang a nei thin, kulikawnah an awm ve si a, han inhmuh fuh chang hi chuan " miss, lo kal rawh leh" a lo ti ve mai thin.
Puia chuan kan fapa chu lo lak a tum thin a, mahse ka nu chuan "I nupuiin he nau a hrinsak manah che hian in inneih present a tana in I pek hi a chang tur ani"a lo ti ve leh tlat a. Min bum avanga case kan file ah khan pawisa tamtak anchawi bakah anla court zak zak a, dr sangpuia pawh kha suspend ani bawk tih kha ka lo sawihmaih a. Rei tawk fang a inngaihtuah hnu ah chuan puia pawh chuan a remti ve ta a. In chu ka awt em em lo, mahse kha ti tak maia min bum avang khan ka lo pawm ve ta mai a. Lani nen ka fate nen chuan kan insawnchhuak ta nghal a. Lehkha engkim sign fel vekin kan lut a ngaih a ngam sarh mai....
Ka fanu pawh tunah chuan kum thum hmel alo hmu ve ta a, a u pawh chu apa hnenah ka hlan tawh bawk a, Lani nen kan pathumin kan khawsa ve ta a. Nuam ka ti zawk, hmeichhia vek kan nih avangin ka fimkhur em em a, cctv ka fit tir thlap bawk. Lani hi engkimah kanfing vek tawh mai ani, a naupan ang aiin a che felin a rintlak em em bawk si.

[Ngaia]

A REM VE THEI MAI LAWM NI..
# CHAPTER 9#
(RAMNUNMAWII POV)
" CHHIA-I dist ah I pass ania" ka thiannu maremi alo ni. Ka tho zawk, sitting roomah chuan alo thu a, min lo nuih var var..
High five pahin" I lo va kal elaw, min thlim leh ta" ka lo ti a. Min nek salh pahin " u zoa min lo hrilh ania, I result a hre chak lutuk a, chuan kei pawh 1st ah ka pass aw" a ti a. Kan va hlim dun tak em!
Ka nu ka phone vat a, ka result ka hrilh chuan a lawm ngei mai, "chaw eikhawm a ngai nih chu, Lungmuana enge a result ve" a ti nghal zat bawk.. kei hi ka hlim luatah Lungmuana lam kalo ngaihtuah miah lo." Ka la hre lo, u zoa lo en ania, hei maremi alo kal a" ka ti a." Aw le, ka lo en ve ang e, hetah hian" tiin phone a dah nghal. Ka nu hian Lungmuana chauh kawm a phal ka tih tawh kha mipa ah chuan. A chanchin hi a ngaihven ve reng thin. A result ka hrelo chu ka zakin ka inthiamlo ve reng mai.
Pawnah chuan ka va chhuak a, a room tukverh chu a lo inhawng a. Va kal ka duh laiin maremi a la awm ve bawk si. Ka lut leh ta phawt. Ka thiannu hi ka tan a hnawk dawn tan tlat mai. U Lani chuan" ka nau duatte, I pass tha bawk a, ka lawmpui lutuk che, mahse hmun dangah min awmsan ang tih ka hlau" a lo ti a, ka kuah thlawp. Ka tan chuan u Lani hi a hlu em asin!. Khawiah mah ka kalsan phal lo. " Keipawh ka lawm lutuk. Khawiah mah ka kal dawn hlei nem, hetah Aizawlah hian ka kal zawm char char ang" ka lo ti a. Min piai zeuh a, a nui var var a, " mmm. A tha e, anih chuan engnge kan siam ang le, i duh duh sawi rawh ka siam ang che" a ti a, maremi chu ka va signal zeuh a, hmui phunin alo chowmein a lo ti a. "Chowmein a ni mai, I siam tui ber " ka ti a." Aw le. Ka naute duat" a ti a maremi bulah ka thu thla ve leh a, midang result a hriat leh hriatloh ka zawt leh a, " I phone ah khan en ve rawh" min lo ti... Awiiii .. kei hi ka à mi le. Mizoramah hian keimah chauh in ka awmlo asin. Smart phone nei ve reng , smart si lo an tih hi ka ni ve Chiang alawm...
Ka phone chu kan kheuh ve ta, kan school result ka en mek, Lungmuana hming ka zawng char char, ka hmu chiah, maremi hnunga Ben pawp pahin" Awi , ka lawm tawp, Lungmuana pawh dist ah a pass, maths leh english ah letter a la hmu zui" ka khek chiam. Ka thiannu chu kan melh chu leh , a hnung a lo khawih, a meng rum lutuk. Ka hlim lutuk khan ka beng na deuh anih dawn hi. Inthiamlo deuhin ka en du a, a hnung chu ka va zutsak. A hmang deuh emaw ni. A la tawngchhuak miah lo. A mittui a tla deuh pur lehnghal. Ka mang a ang ta, " u Lan" ka ti tial ruai a. Rang lutukin a lo phei, " Engnge awmzia " tiin maremi a buaipui nghal . A hnungah te chuan a zut a, a chum duh euh euh bawk. Maremi pawh chu a rawn pangngai tan. A thaw hawk a, rum tawka min melh chungin" min thah I tum mi, hetiang chuan kan inkawm thei tawh lo vang" a ti hlur a . Kei lah ka inthiamlo nasa , " ih ih... Ka thiamloh ani. Lungmuan result kha ka lawmpui lutuk a" ka ti bah niai a... U Lani chuan " mate, thiante I ti mangang alawm. Hlimna I tawn avang khan bula mi te ben vak tawh loh turka tih thin che kha" a lo ti ve a.. Nuamlo ka ti lutuk... "Chheban, min ngaidam rawh aw" ka ti a, ka inthiamlo lutuk hmel chu maremi chuan min en a, a nui ta chiam mai. Min tihrilhhai letling zawk. " Mate, ka na lo aw, i rilru ka en mai mai nih kha. Malunga chu a result ka hre daih tawh alawm. Nangman en ve reng reng la ka tih vang anih kha" a tih leh chuan ka beng leh hman tep. Ka tin hman uaih....
U Lanin min lo ko hlauh, choka ah chowmein ei turin kan lut a, dawhkanah chuan a rawn chhawp khu leh ta vut vut mai.. Tui leh dawn mange...
Tui tui takin kan eilai chuan kawngka pawh kik lovin Lungmuana a rawn lut, " min thlim ni maw" rawn ti lut. Chowmein hip lut zaih zaih pahin ka lo en hau a, u Lani chuan, " thlim lo ve, malunga alo thleng tep ang lo siamkep rawh an tih kha, ka lo suah ve nghal ang che" a lo ti vat. Maremi ka en vat a, a meng no lo ngang mai. Ka thiante pahnih hi chan ka duh lo ve ve. Mahse, duh zawk ka thlan a ngaih hun a thleng ang tih ka hlauhlel lo ve. "Dist ah I pass a, I induh hle mai, nge min lo kaihthawh loh a"
"Nang pawh dist tho nih kha, letter I la hmu leh nghal"
" Subject 2 chauh nih kha, nangte chu 4 ah nih kha letter I hmuh" ka hak ,ka khuh bawrh bawrh. Kei hian ka result ka la en reng reng hlei nem. Maremi sawi kha ka ring tawp a, ka phone chu kan kheuh tha ve leh a, ka scroll thla char char, ka hmu ta, " awi , English , mizo, ss, maths , a van mak, awi ka lawm dan hiii" ka kut ka lek leh hman ta, maremi a ding hluai. Lungmuana ka va beng ringawt ...Huissh..
Hahthlak eeee. Ka ching thang tawh lutuk.. tihtawp angai, keipawn a mawilo ka hre ve tho mahse ka titawp thut thei bik lo ani. Mipa zawk na na na chuan alo tuarthei ve mai. A nui suk a, "ka lo thlen hma in maremin a lo tuar hnem tawh ni maw" a ti sup a. Maremi a va on hneh tak em! An sawi leh par par kha, tawngkam a thiam si... A nihna piahlam thlengin a sawi leh tak kha...
Ka nu pawh a lo haw thuai a, a lawm ve ngang aniang, min kuah chuk chuk mai. Maremi , Lungmuana leh kei chu min lampui ani ringawt. Maremi chu st paul's ah tho kal a tum a, keipawh ngaiah ka la kal ang. Lungmuana chuan engmah ngaihdan a la sawi ve lo. Khawsak harsa an ni lo a, pune ah a pu in dah a tum tih ka hre ru daih tawh....
Ka lo huphurh lawk lutuk a, maremi lawmah a tla dawn tih ka hre khiau mai sia..
" Naktukah in thiante sawm u la , pass kan lawm dawn nia" ka nu chuan a ti a, a nui reng mai... Inthlak turin roomah min luhsan ta a. Ka nu hi chu a fel ve asin. A nelawm em em lemlo na a, a hunah hi chuan chet hun a hre chat zel... Ka pass thu hi ka pa leh ka u hrilh ve ka chak lutuk . Mahse khawnge an awm ka hre lo a an chungchang hi ka nu hian a sawilohna a rei tawh lutuk... Ka zawt ngam bik lo. Mite chu an pa ten an shool kalna tur an buaipui ang a, kei chu ka nu a buai leh vek angai ang a, nu leh pa hming ziahna turah khan inngaihtuah vung vung hnu ah a hming a ziak leh ang. Ka pa hming hi eng vanga ziak ve duh lo nge anih ka hre duh a ni..
Ka thiante chu chaw eikhawm tur ka hrilh hlawma, an phur ngang mai.. ka nu in bazar na tur pawisa min pe a, lungmuana ka sawm a, a lo in peih at mai. Maremi pawh chuan "ka kal ve duh" anlo ti vat a.Hmingsanga kan la sawm ve miah lo tak. Maremi kutah ka dah tawp. A lo hrilh ve tawh mai ang chu..
Zanah chuan ka mut a chhuak thei lawk lo. Ka pa leh ka u ka ngaihtuah a, ka ngai ve ani. Ka nu nen chauha he in lian taka awm tlawng mai hi chu a khawharthlak em ani. U Lani awmlo phei se chu ka à thei hial ang. Ka kawm ber Lungmuana lah hi a awmloh hmel bawk si. Maremi nen hian vengkhatah kan awm na a, kan inhlat deuh avangin kan inhmu thei Zen zen lo. Tulbik thilah lo chuan. Lungmuana hi biak a ngai tlat. Tukverhah ka dakchhuak a, a room a lo thim tawh. Va mu hma tak!
Sona ka en chuan 11pm a lo pel tawh , huishh... Ka mut a va chhuaklo tak em . Ngaihtuah a tam si...

[Ngaia]

(Ramnunmawii POV)

Zing ni chhuak chu a tang tha et awt hle mai. Ka tukverh parda chu ka han keu dek dek a, Lungmuana tukverh pawh a lo inhawng ta, a tho tawh a ni ngei ang. Ka inphihfai hnu chuan inhnuai lam ka pan vat a, choka ah lutin u Lani chawhmeh siam rimtui tak chu ka hip vang vang a...
"Ka nau duatte , morning le" min lo nuih leh var var tawh. Zinga u Lani nui hmel hmuh hi chuan mood hi a uih thei mawlh lo ani e. Ka wish let ve a, thingpui siamsa chu ka inthlit a, cake zaikhat chu lachhuakin chair ah chuan dawhkan kilin ka thu a . Ka nu hian yhawm a la nei miah lo. A la harh lo mi le ! Thingpui ka in zawh chuan ka nu room chu ka va kik karh karh a. Ka lut zui nghal a, ka nu khumah chuan thlalak pakhat a lo awm a, ka enchiang dawn chiah tih chuan anbathroom atangin ka nu chu a lo chhuak a, " enge ni ta, hei chu ka lo dahtha lo nih hi" tiin thlalak chu a la vat a. Ka hmu hman na a ka Chiang hman lo. Mipa leh hmeichhia an ni a. An inkuah rial a, mipa khan biangsum s nei ti ka hmu hman. Tu te tak ni ang maw?? ." Nu , ka pa chanvo hi ka hre chak em mai" tiin ka kuah a. Ka nu chu a thaw deuh hak a, " mmmm., Engkim hi I hriat ve a hun tawh e, tunah chuan I lo puitlin ve ta a, matric hial i lo pass ve ta bawk a" tiin min en deuh vang vang a. A mitmengah chuan rilru natna thuk tak anei ani tih ka hmu thiam . Vawiin hi hlim taka ka pass kan lawm ni tur ani a, zing atanga thu lungchhiatthlak hriat ka duh lo. Chuvangin ka nu hmel atang hian a thusawi tur ka man thiam vel avangin" Nu, Tunah engmah ka hre duh lo, ka tihpalh a ni, engmah ka zawt tawh lo ang che" ka ti a , a chalah ka fawp zeuh a. Ka chhuahsan ta a. Ka roomah ka chho a, T. Shirt hringdal leh parallel kekawr dum ka ha a, flats ka bun leh tawp, nka sam chu sang takah ka tawn a. Ka inpeih a ni mai. U Lani hnenah ka kalna tur ka hrilh a, Lungmuana ka sawm phei nghal. Ani pawh kekawr bul leh T. Shirt pawl lam a lo ha a, chapal kaih a bun tawp. Bazar tur chuan kan chhuak nghal a, maremi chu kawnah alo awm vang tawh.

Kan pathum chuan lei ngai tul zawng zawng kan lei zawh hnu ah restaurant ah kan lut a, " huishh. Ka riltam dan hi" maremi a ni . Ei hnem leh pek ang chu. Order han siam teh se, kei chu lassi chauh ka duh, u Lani eirawngbawl ka ei thei lo palh ang.. order chu kan nghak a, Maremi chu a titi barh barh a. Lungmuana hmel chu ka en thin, a muk lutuk . Sawi tur a nei tih ka hria, mahse maremi awmlai chuan engmah ka zawt duh bik lo. Nakinah hun a la tam alawm ka zawt mai ang.

Order a rawn thleng ta, chowmein leh momo lassi bakah aluchop a la tel. Hetiangte chuan tukthuan pawh a ei theih dawn mi. Momo chu Lungmuana(bawiha, tun atang chuan kan ti zel tawh ang) chuan ei ve turin min ti a, mahse ka hnar . Ka nu hian chaw hi pangngai taka a hunbi a eiturin min duh thin a, chu chu ka zawm tlat. Maremi chuan titi barh barh pahin a ei zo thuai, eileh in hi chu a awlsam ania. Kan ei zawh chuan a man ka pe dawn a, bawiha chuan anlo pe diam . " Ngatinge, ka pek tur alawm" ka tih chuan "mipa in hmeichhia an hruaichhuah chuan eiman anpe vek thin" lo ti sam et. A mit min siai zeuh a, ka lo lai leh em em ringawt. Kan in akbawr hlawm sia, taxi in kan kal leh mai ang chu.. treasury ka chhuak chho chiah chu u zoa motor hi a lo tlanphei ve chiah, maremi a che rang lehpek... A lo ko ding a, kan haw ve duh thu a hrilh chuan kan Chuang ve nghal. A hnungah kan pathumin kan thu a, u zoa chuan min lo melh leh talh thin. A rukin bawiha hnungah ka kheuh zeuh zeuh a, a lo man thiam ve mai aniang chu, ka kut chu a lo hum vat a. Ka zia huai mai. Tlangnel takin in be bawrh bawrh mahse, min lo duh ru reng ani tih hriat tawh chuan awmdan thiam a har tawh em bawk ani.

In kan thlen chuan ka nu chuan verandah ah min lo hmuak a, u Lani a lo chhuak vat bawk a, kan thillei te chu min khaichhuahpui zung zung a, ka nu chuan" pu zoa chu I va zahawm ve, hei I lo phur hawng a, vawiin pass lawm kan tum a, I lo tel ve ang chu" a lo ti a, ka nui sak a" nia, lo kal ngei ngei rawh aw" ka lo ti tawngkam tha ve a, a ruktak chuan lo kallo mahse pawi ka ti lo. Ka tan chuan awmthiam a har dawn em mai.
Bawiha chu ka en a, a chal alo chuar nung ringawt. Sawi zui tur ka hre lo. Ka nu leh u zoa hi dept khatah an thawk dun ani. " Nia, ka lo tum dawn nia, tlailamah chuan kan haw hma thei ang chu maw, enge pass lawmnan ka lo lei ang che" a tih zawm zat a. Kei chuan rang lutukin " eng" ka ti hman chauh tihin maremin ka ka a lo hup. " U, I duh duh lo lei sak rawh , tha deuh.. " a lo ti zung zung. Ka thiani hi chu aw a che rang thin mah mah.. ka nu chu a lo nui a, " Engmah tihsak a ngai lo, kan lawm em a, chaw eikhawm kan rawr mai mai alawm , thilleisak kan phut miah lo ania" a lo ti ve vat bawk a. U zoa chu an u nghat a, maremi en pah chuan " Anih, kan phei dawn mi, office kal ka la ngai sia" a ti a. An inphur phei ta a, ka lo thaw huai mai.

Inchhungah kan lut a, bawiha pawh chu chawei ah kan sawm nghal a, mahse a duhlo. Chaw eikhama lo phei a tum thu in min chhang a, tui a in a, " Nu zo, ka phei phawt ang e, vawiin chu mawitei thu thu in kan lo awm dawn sia, a huphurhawm dawn hle mai" tiin min siai zeuh a, a chhuak nghal . Ka nu pawh chuan " A nih le, chaw ei tui le, a lo thinchhe viau anih pawhin in lo hrethiam dawn nia" a lo ti ve mai a.
Chaw chu kan ei zui nghal mai a, u Lani bai siam a tui sia, ka ei leh teuh mai.. ka nu chuan thiante zinga awmdan tur te chu min han hrilh leh malh malh a. Ka ngaithla ve reng na in ka beng lehamah a chhuak lehnghal vek...
Office kal turin a chhuak ta, verandah thlengin ka thlah a, kan in vailiam lai chuan bawiha pawh a lo chhuak chiah. " Nu zo, I kal dawn chiah ni maw" a lo ti vat a. " Aw, ka kal ang e, vawiin chu nuam deuhin lo hmang rawh u" a ti a. Bawiha pawh a lo lut ve nghal a, phur leh thatho deuh ang hian a lang na a, a hmel ka enchian chuan khawharna inthup ka hmuh hmaih lo. Ka roomah kan chho dun a, kawngka ka Khar rualin" sawi rawh le, sawi tur I nei" ka ti nghal tawng a. A thaw halh a, ka mitah tak min en a, a hmel hi a va muk tak em! " Ramnunmawi, kei Lungmuana I bawiha hian, ka ... Ih ... Ka"
" Ka ... Ih.. chu enge" ka lo ti zung zung. Ka nghak zo lo. Ka chalah min nem vak, " ka duh che, hmeli" .. a na lutuk .. Enga?? Eng maw a sawi kha.. kei hi min duh maw, ka ang Pam a, mi à ka ang ngawt ang, ka meng bial kal bawk sia. " I chhe lutuk, tikhan awm ziah suh, " khumah min bawhthlu a, kan inchai leh ta phawt. Mahse tun tum chu a dang zar mai. Min khawihna apiang chu a khur vek , a tek chhawk emaw ni tih tur ani. Ka sa pup pup mai! Ka hmui chu a rawn tuai zeuh a, ka lo chhingsawk. Ka mur chuai mai.. A hmui chuan ka hmui a rawn si a, a lum ham ham mai, nuam ka ti ka thlawk delh delh in ka hria. A inla hrang vat , a va reilo e. Mahse ka zak ve tho alawm. Ani pawh chu alai ve deuh aniang. A lu thak lopui chu a tuai nauh anauh.. kan in en a, kan innuih ringawt.

Inhnuai lamah thawm a awm avangin kan chhuk vat a, kan thiante thenkhat an lo thleng a lo ni. Eirawng min bawlpui tur khan kan classmate thenkhat maremi chuan a lo sawm alo ni. Hmingsanga pawh a lo awm ve tawh. Kan ri ta hluai mai. U Lani chuan rawngbawl dan tur min han relpui zung zung a, kan che ta sang sang mai. Woffer kan play bawk, a khat tawkin kan lam bawk , nuam kan ti ve hle ani. Bawiha nen chuan kan inen a, kan nui leh sak thin. Kei pawhin ka ngaina in thian ang chuan ka en bik tlat tawh lo. Ka inhai bik lo. Ka duh ru ve tho tih hi, mahse a hmeichhia zawkin a han tihlan em em kha chu tlawmah ka la ve si a, chuvanga thup mai mai chu ka ni. Mahse tunah chuan thup buai pawh ka duh tawh bik lo. Maremi lah hian min chik thei sia maw, bawiha asmlohna lamah hlir min hruaikual a tum bawk. Salad kan chan a hmeichheho in , u Lanin bai min siamsak dawn a, vawksa leh arsa chu mipa ho chuan an lo si bawk a, kan buai ve hle mai. Mahse ka hlim ani. Zirna sangzawk zawh tur a kalkawng hmasa ber matric ka pass ta chu ania, ka zirna turah hian ka nu hian insen a ui reng reng lo lehnghal. A fanu neih chhun ka ni a, a tan ka hlu a, ka tan pawh a hlu em em ani. Ka thian tha ber in min duh thu min hrilh bawk..
Tlaiah chuan ka nu pawh a lo bang ta bawk a, an staffte ni awm tak anlo hruai bawk. An lo nui sang a, " Bawihi, hei kan thiante I pass an lo lawmpui ve dawn che a" ka nu chuan anlo ti a, ka chibai hlawm a, an fel hmel tawp. U zoa pawh a lo thleng a, a driver chuan parcel lian fahran mai hi a rawn khai chhuak a, enge ni ang le? Inchhungah chuan kan lut a, ka thiante pawh chuan ka nu thiante chu an lo chibai ve a. Kan ri leh ta hlut mai. Kan inpiah lawk a kan kohhran upa chu ka nu in hunserh hmang turin a lo be fel vek a lo ni a, dar 4:15pm ah chuan hunserh te kan han hmang a, chawei in a zui nghal a. Ka nu thiante honchu kan ei hmasak tir a, ka nu chuan a roomah min ko hrang a, ka va luh chuan parcel lian tak mai u zoa driverin a lo lakchhuah kha ka hmu a. " Hei hi I ta tur a nih hi, pu zoa pek che ania, pu zoa hian a ngaihsak viau che a nia, lo be chhe miah suh aw" ka hlimna a chuai vek tep ani. Kei chuan Lungmuana ka thlang tawh zawk . U zoa chu thian ang leh u ang bakin ka em thei lo ang. " Nu, a ngailo sin hetiang present te chu..

"Bawihi, I hre lo lutuk. I nawmna tur chiah hi ka ngaihtuah ania", min nuih sak. Engvanga ka nu hian Bawihi min ti nge anih le! Ka nu hi a phur tlat. Thil thleng a awm em maw ni le??

Chaw eikham chuan ka nu thiante chuan lawmpui min pe sap sap a, an zinga pakhat jojoa an tih chuan ka subject lak tur min lo zawt a, history ka tih chuan "Lo lungngai suh aw, history MBD ka present ang che" min ti a, ka van lawm em! A to thei bawk sia lehkhabu hi." Ka lawm e, a ngailo asin" te chu kan ti tawngkam mawi ve luam a, mi biangbiak hi ka la zei teh chiam lo. Mahse puitlin lam kan pan chu ani ve zel si a, nakinah chuan minhrang hrang dawr te kan la ngai dawn a, ka zahzumna pawh hi paih then a la ngai ang. U zoa haw tur chu maremi chuan a ko a, " u, ka awm ve hrih dawn , hmingsangan min lo thlah mai ang" a ti a, u zoa pawh chu a bu ve nghut a, ka lam rawn hawiin " anih leh aw, mawite, ka haw phawt ang e, kan la inhmu leh dawn nia" a ti a kan bye liam ve tak kha..

Ka thaw huai mai, ka lo tang nasa hle aniang. Kan thianho chuan kan sulhnu te tifelin kan buai leh mam mam a, kan thahnem bawk a, kanzo zung zumg mai. Kan va hlim tlang tak em. Bawiha tih loh chu St Paul's ah vek kal kan la tum a, kan la inhmu reng thei hlawm dawn a. A lawmawm viau. Mahse, ka khua a lo har lawk tlat.. engemaw tak min mawlhtu hi a awm tlat..
Ka thiante ho pawh chu an haw ve ta sap sap mai. Bawiha nen kan vailiam zel a, amah chauh a awm ta. Ka kawngah a rawnkuah a, ka darah a khabe a nghat a. Ka mur chuai mai. " ' Manun, ka ngai ngawt ang che." Ka biangah a rawn fawp zeuh. Ka ding khawng reng ringawt. A thaw leh hak a, " karleh hian Pune ah ka chhuk tawh dawn a, ka pu in ka patea te bulah awm turin min ti a, khulamah ka zirna ka zuk chhunzawm dawn nih chu" ahuphurh ve hle ani tih ka hria. Min kuahna chu phelin inhma tawn in kan ding a, a hmel ka enchian chuan a mittui a lo parawl a ni tih ka hmu, kei a hmeichhia zawk phei chu ka lo huphurh lawk nak alaiin. Ka kuah thlawp a, nghet lutuk in ka kuah a, ka tap tawp. Ka khur ngawr ngawr a. Rei tawk fang ka tah hnu ah ka chhipah min fawp zeuh a, "ka rawn be thin ang che, ka haw ve phawt ang. Marksheets lam dawnah ka lo sawm dawn che nia" tin chelh pawh ka chelh leh hma in min kalsan a, ka thlir reng, inchhung a luh hma in a lo hawi let leh a, ka lo nuihsak a. A lut ta, ka ruak huai mai.. ka lut ve a, u Lani chuan kawngka a rawn kalh tha nghal a, muangchangin ka nu room ka pan a, kawngka bulah ka ding vang vang a, kawngka chu ka kik day a, thawn a awm tawh lo. A muhil tawh aniang. Ka roomah ka chho a, ka inphihfai hnuah khumah ka thu thla hnawk a, ka chau ani.

Ka mut a chhuak hlawllo. Bawiha room ka va thlir a a lo la eng. A la mu bik lo aniang. Zahtheihloh chhuahin ka phone ka ban a, ka va text ringawt.
" Ngai che"
"Poh ngai che"
" Ka muhil thei lo"
" Tukverh lo hawng la"
Ka va hawng a, thlifim a lo lut heuh heuh mai. Ani pawh chuan a lo hawng ve a, inhmu reng chungin rei fe kan han intext leh phawt.
" Ka tan lo rinawm reng ang che aw "
" Aw le, lutuk"
Dar khat kan thleng tep.kan duhtawk thei ta hram e. Ka mut ve meuh chuan naktuk ani tawh.

Zingah thawh ka la hai zui, ka nu chuan min lo kaitho a, inphih faiin inhnuai ka chhuk chuan u zoa a lo thu reng tawh. " E he" ka tihluai. Ka nu in min lo khap vat. " U zoa hian a duh ber ka leisak ang a ti che a, vawiin chu bazarpui che a lo tum a, " anlo ti vat a. Ka hlimna a chuai hnawk thei. Mahse ka tilang lemlo. " Engmah lei a ngai tawh hlei nem, niminah present min pe tawh bawk a"ka la hawng miah lo lehnghal. U zoa chuan hrilhhai hmel zet a min melhin " I la hawng miahlo ni maw? " a ti a, ka zak tep."Vawinah ka hawng ang ka lo tia" ka ti a, ka nui ringawt. U Lani chuan thingpui leh cake a rawn chhawp a, thingpui nokhat chu la in choka ka pan vat a, " u Lan, u zoa hi ka duhlo" ka va ti ringawt. A lo nui sak a, "ka hria alawm, ka naute , engmah ka hai bik lo" Ehe, nizana kan awmdan kha a lo hmu vek ami le? Ka sa deuh pup pup. Misual man chhuah ang mai ka ni. Thingpui pawh chu inzo lo in sitting room ka pan a, ka nu chuan " Han insiam rawh, zing karah hian va bazar ula, u zoa office kalleh a ngai si" min lo ti a. Ka phur vak lo sin le!

Ka roomah ka chho leh vat a, thu ka van awih tak em! Jeans pawdal ka ha, T. Shirt var ka ha leh tawp. Inchei em em angai ka ti lo. U zoa hian min nula chei tih ka hria , ka hai lo. Mahse , ka thinlung hi bawiha ta a ni tawh a, midang tan Khar a ni tlat tawh. Thian anga kawm ka tum hram hram ani. Inhnuai ka chhuk chuan ka incheina chu ka nu chuan a lo em a, simple a tih hmel hle mai. A ner nung a, officer meuh chhuahpui ve tur kha ka ni a, a lungawithlak loh viau a ni mai thei. Ka melh vak a, ka nuih sak," ka hman e, kal ila ." Ka ti a. Pawn kan chhuah chuan bawiha pawh verandah ah a lo ding a, ka va nuih sak. " Bawih, kan bazar lawk dawn, kan reilo ang. Min lo nghak rawh aw" ka ti a, kan tlanliam nghal a.

Milleniumah kan kal hmasa a, pheikhawk leh tlereuh kan enkual dan dan a, thawveng awm deuha lan ka tum hram hram a, mi in min enduhthei bawk si. U zoa hi a palianin a hmel a chhe em em lo a, kei ka lo nu te zawk zawk lo bawk si. Hmelchhia ti a sawi tur ka ni lo a, ka pian hi a inkhaithli thlarh a, ka nu ka chhun a, ka vun a ngo bawk. Ka hmui hi a sexy an ti thin bawk. Min hmu apiangin min enzui vawng vawng zel.

U zoa chuan ka kutah a kai thin a, ka duhlo viau mai, mahse lo tan Tung kha a mawi viau si lo. Thi silver chu min lei a, kurtah nalh deuh mai ka hmu a, ka en deuh vang vang, ka kal pel a a, dawr dangah thawmhnaw dang ka enlai chuan u zoa chu ka be mawlh mawlh a, min chhan tak mai loh avangin ka hawilet chuan ka hmu mai lo. Ka hawikual fe pawn ka hmu zo lo. Dawr atanga ka chhuah leh chuan kurtah ka enna dawr atangin a lo chhuak chu ka hmu a, a kutah chuan paper bag in khai a nei. Ka lam a rawn pan a, ka lo en reng ringawt. " I duhzawng I thlangzo tawh mi" min ti a. Ka mit ka khap fak fak a." Ummm. Kal ila," ka lo ti vat. " Ka la lei hlei nem che, eng ber hi nge I duh" a ti leh a." Angai tawh lo, hei thi min lei a, a tawk" kut phar meuhin ka ti a. Dar 8:23am a ri tawh , office kal leh tur anih avangin kan haw ta a.

In kan thlen chuan ka nu in min lo chiauau vat a, u zoa hnenah pawh lawmthu a hrilh vat, a titi pui leh luam a. Kei chu roomah ka chho vat. Ka phone ka ban nghal, bawiha msg a lo awm. " In va rei ve"
" Lo haw dawn tawh em, ka ngai che"
Ka chhang vat. " Kan lo thleng chiah, chaw eikhamah lo phei rawh aw, ka ngai che"
Inhnuaiah ka chhuk leh chuan u zoa pawh a lo awm tawh lo. A thutna bulah chuan paper bag ankhai kha a lo la awm a. " U zoa chu a thil lei a theihnghilh a nih hi" ka tih chuan ka nu chuan" I ta tur anih kha" a lo ti a, mak ka ti. Kan enchian chuan kurtah ka nalh tih deuh kha a lo ni. Ngawi rengin a lo lei anih dawn hi. Ka lawm rualin ka tana a inpekna hian min beiseina a siamsak tam ang tih ka hlau ani. Maremi pawh engmah a leisak awm ka hre si lo. Hmmm . Poilo, ka duhzawng ka neih phah tho lawm ti mai ang. U Lanin chaw ei a siam a, kan kil nghal. " Nu, marksheets lam angai a, ka kal dawn nia" ka ti a. Ka thlenga artui chhum dah pah chuan" mmm. Haw har lo u la, heheu vak loh tur ani. Blah blah..." Ka hre ve tho, ninawm eee. U zoa nen kan chhuah dawn chuan a phur em em a, midang nen kan chhuah dawn chuan sermon pa te ngaihthlak a ngai ziah..
Bawiha pawh a lo thleng a, maremin min lo col zui nghal zat bawk. " Chhia I, khawnge i awm"
Ka u rualin ka kal, school gate bulah ka nghak che u"
" Aw le, lo thleng nghal ni mai"
Bawiha hian scooty a nei ve tawh a, a pu in pass lawmnan a leisak ania. Kan inphur tur chu ka nu a lo tlanchhuak leh" bawihi, fimkhur ru aw" a rawn ti leh chul mai. " Bye" kan tlan liam nghal. Bawiha kawngah chuan ka kuah tlat a, ka thla a muang hle mai.
Gate bulah maremi a lo ding run a, bawiha kawnga ka kuahna ka lo la phelh hman si lo, a lo melh ngun leh pek.. ka chhuk hnu chuan ka va pan vat a, min lo beng chawrh. " Nge"
" I van kuah fet"
" Naaa, I ho" kal ang u le, bawiha chuan a lo ti a. Compound chhungah chuan Hmingsanga pawh alo awm a, office kan pan tlang hlawm a, sirThana chuan min lo ko a, " congratulations, mawitei. We are really proud of you" min lo ti a, kan in chibai a, min hmer nghet hle mai.. ka thiante pawh chu an chibai ve sap sap a, principal roomah marksheets kan lak hnu chuan kan chhuak dial a, bawiha chu a let leh zuk a, engnge a tih dawn le?

Rei vak lo ah alo chhuak veleh mai. Kan marks te kan in ensak a, kan ri chul mai... Kan inchibai kual sap sap a, a then hlim taka kan awm laiin a then erawh lungngai hmel hmuhtir an awm tlat mai. Vanduaithlak takin hemi kum hian pathum an fail tlat mai.

Ka nu in haw vat tura min tih avangin bawiha nen kan inphur leh a, maremi chu hmingsangan a phur bawk a, kan haw leh dial. Ina awm reng hi nuam ka ti zawk a, pawn boruak dawn reng hi ka zo lo zawk thin. Ka lu a na ngut ngut mai. U Lani chuan theitui vawt raih min lo hlui a, ka in hnu chuan ka dai sawng sawng mai.. ka thiante pawh mahni inlamah an haw vek hnu chuan ka roomah ka chho a, ka inbual harh a, ka lu na pawh a ziaawm deuhin ka hria.. Nipui hi ka tan chuan a nuam zawk a, a chhan chu ka nerve thatloh a vang hian ka taksa na thin pawh a ziaawm thin ani.


Karhnih a liam leh chuan school kan tan leh der tawh. Maremi nen kan la thu dun thei zel a, Hmingsanga pawh thian dang mipa a kawm tur a hmu tawh bawk a, min ngaihsak vak tawh lo. Bawiha chu ka ngai thei thin hle mai. Pune a a kal dawn tlaiah dinner ei turin min hruaichhuak a, hun hlimawm tak kan hman rualin hlim reng erawh a har kan ti dun anih kha! Kan nuih karah tahna tur a awm zel a, hlim taka inthen chu a har ve em ani. Ngaihzawng ka la neih ngailoh avangin ka la na em em bawk si. World bank road ah nitla tur kan en a, ka hnungah dingin ka kawngah a kuah bet tlat a, ka darah a khabe nghatin" duat, lo rinawm reng la, kum nga chauh ani dawn alawm, hlawhtling takin ka zuk zir ang a, ka lo chhuah leh chuan I tan pasal neih pawh a lo hun ve tawh ang a, kan innei thuai dawn nia" a ti sep sep a, ka mittui a hnai leh ta! Kumnga chu a rei lutuk.. Nikhat pawh a tel lovin rei ka ti ania. " Kumnga... A va rei ve"
" Duat, ka lo haw zeuh thin dawn alawm, nakina kan nawmsakna tur zawk alawm, lunglen khawharte chu tawrh huam angai ania" ka tluk lo hepa hi... A puitling bik lutuk. A lungleng ve dawn tho tih ka hria, mahse a hnual zawng hian a awm duh tlat lo.. ka biangah a hmuiin a rawn nul , a lam ka lo hawi thuai a, kan infawp vawng vawng a..

" Ramnunmawii, stand up. What are you dreaming?" Ka harh Chiang lutuk. Ka lo muthlu niin. Sir sejiv ani . History period a nih vang nih hi ka lo mutthluk .. ka ding tual tual a, ka zak lutuk ka sen vek. " Sir, I... I am sorry" ka ti bah nawk a. "Next time, pay attention, you please sit down" a ti hlauh mai. Ka thu hnawk, ka harh kar tawh. Maremi chuan min lo nui vur vur . Ka va ngei tak. Min lo kaihthawh ve mai awm. Ka kuttum chu kan hmuh ve bawk a, a hlau lo Chiang teh e..

Tawk leh phawts aw, next ah chuan sir Thana POV atangin kan tan tawh ang aw. Chuan advertisement hi min lo click sak theuh dawn nia.

[Ngaia]

A REM VE THEI MAI LAWM NI

#CHAPTER 11#


(Sir Thana POV)

Kan school result pawh a tha khawp mai, teacher' s te pawh kan lawm a, kan naute pathum fail awmte pawh kha an hriselna thatloh vanga class miss zeuh zeuh , exam loh aia exam ve hram hram te an ni a, kan tawrhpuiin fuihna thu tha tak tak kan fah a, anmahni pawhin an tuarthiam hle in kan hria.

Ramnunmawii chu ka hmangaih em em zothanpuii fanu ani tih ka hre ta bawk a, ka lawmpui zual hle bawk ani. Zoi nen kan inhmuh hmasak ber ni kha kan lai dun hle anih kha .. Tawng hmasa zawk nih kha kan hreh dun emaw ni tih turin ngawi rengin kan inen vawng vawng ringawt a nih kha ..
Ka hmangaih kha a lo la ngai reng a, tap chunga kalsan lo tura min ngen laite kha ka mitthla ah a lo thar leh a, mahse tunah chuan mi nupui a ni tawh si. Dar a dik tak avangin ka kalsan a, staff room ka thlen chuan ka hawi let a, a lo la ding reng. Min lo en reng a, a sam chu a bengah a zep zeuh a, a kalsawn ve ta. Ka khua a har nghal vawng vawng, a huhang kha keimahah a la awm reng asin.

Nilengin ka ngaihtuahna ah a awm a, class pawh ka lak mumal pawh ka hre lo. Miss Rosy chuan min lo chik hle aniang, " Sir, mawlhtu I nei em ni" a ti hial ani. Engtin mah ka chhang lem lo. Tlaiah pawh ka hawsan hial mai. In ka thlen chuan phir unau te pawh an lo awm a, college an kal ve tawh a, an khawhawi a zau ve tawh bawk a, an naupanlai ang em em kha chuan an ninhlei em em tawh bik lo. Ka u leh u ruatfela te hi u ruatfela contract thawhna lamah an awm hrih avangin phir unau te pawh kan bulah an awm hrih ani. Babyi chu ka nu bulah a lo thu a, min hmuh veleh chuan, " pute, kan college ah laptop ka mamawh lutuk, min lei rawh aw, ka pa ten pawisa an la thei hrih si lo a, " a lo ti nghal a. Nula ve uaih tawh si hi ka lakah hian a la pangchang reng mai anih hi.
" Aw le, kan ngaihtuah dawn nia" ka ti a, ka nu chuan thingpui min lo siam a, ka bulah a rawn thu ve a, ka nu hi ka tan hian a va han hlu zual em!

Zoi pawh ka hmu leh zeuh thin a, inkawmna hun kan nei thei lo na a," I dam em?" tih te mai inzawh pawh a nuam hrim hrim. A hmel ka hmuh hian keimahah huhang a la ngah em avangin ka danglam nghal vek thin. A chanchin zawh chian thuai ka chak zek zek thin.
A fanu lah cl- 11 a nih tawh avangin ka hmu khat viau tawh mai. A school bang gate a aliam tur te hi ka hmu leh zeuh thin , chupawh a hnunglam zawngin..

Inrinni a ni a, baby nen bazar turin kan chhuak a, laptop a mamawh thu a sawi zing bawk a, kan enpui ve chu a nia. A zawrhna lah chu kei aiin a hria, a duh ang chu a lo to thei em em lehnghal a, keini ang zirtirtu hlawh atanga lei atan chuan a to mah mah ani. Mahse, ka tunu tana ka tih ve theih chhun a nia, ka ui lo hrim hrim. A duh ang tak ka leipui chu a lawm ngei mai. " Pute, ka ril a tam e, restaurant ah chawl ang" a ti a, sana kan en chu dar 1:32pm a lo ni tawh, ka hawi kual a, kan piah lawkah chuan David's kichen a lo awm. Lunghlui a leng leh ta. Ka tunu chu ka luhpui a, thutna awl alo awm tawh lo. Dawhkan pakhat hi hmeichhe pakhat hian alo kil a, a hnunglam min chhawn avangin a hmel ka hmu thei lo . Va pan hnaiin " thiannu, kan lo join ve che a rem em" ka va ti a, a lo hawi chu ka tel chhawk. Ani pawh a ang Pham, a meng bial kawk mai. Kan inen reng ringawt. "pute" baby in a tih chuan ka harh zawk." Ih, aw, lo thu ru, um... Min lo join ve ru.." a ti bah ve nawk mai ..
Chiangkuang taka inhmachhawn a inbiakna hun kan la neih loh avangin kan lai dun khawp mai. Chow a lo ei mek a, baby chuan, " ka pi, ih englo pute hi tlangval a la nia aw" tiin min siai zeuh a, he nu han nghal zia hi chu aw... Zoi hma chu ni lo se ka kek hrep duh ang. A laptop ka leisak pawh hi ka laksak leh duh hial ang. Tlangval senior tawh pawh hi D hlui bulah chuan kan lo la lai thei viau a nih hi. Alo nui ve suk a, " Chu ti maw, nupui tur lo zawnpui vat vat ta che" a lo ti ve a. Menu ka en dan dan a, baby chuan min lo chhuhsak vat a" val senior , chah tur I hre lo nih kha , keiman kan order ang e. " A duhzawng a ziak ta mawlh 2 mai... Hmmmm... Ni vel mai mai teh se..
Eitur a dawn thleng a, kan ei nghal mawlh mawlh a, zoi pawh ka be ve ngam ta. Titi phungleng panngai chu kan sawi a, a private chanchin chu ka zawt duh bik lo. Ka tunu te hi a nghal sia, hriatloh tur tur hi a lo hre palh ang. Ani chu a eizawh thuai avangin min thawhsan dawn chuan a in address chu min pe zeuh a, ka va lawm kher em!

One week later.

School bana chuan zoi address min pek chu ka zawng ta a, hmuh a har lo , school atangin a lo hla miah lo lehnghal a, engtinnge ka lo hriatloh zawk le... Name plate chu ka en a, zonunmawii tih a lo intar kalh mai.. Ngatinge an pa hming a intar loh le? Nge a thi tawh zawk em ni le??
Doorbell chu kan hmet a, ka zam ru viau mai.. Hmeichhe pakhat kum 25 bawr vel tur awm hian kawngka min lo hawn a" Enge I duh, lo lut rawh" fel takin a lo ti a, ka penluh rualin" pi zoi te in a ni em kha? " Ka ti a. Inchhung chu ka enkual a, a felin a fai em em a, ngun taka enkawl ani ti a hriat khawp mai. Thutna tur min kawhhmu h ah chuan a thu a, " Aw, ni e, office a la bang lo a, eng thil nge ni ta," a lo ti ve thuai a. " A, ka hmu ve duh mai mai a, Ramnunmawii te sir ka nia" a ti a, zoi nena kan inkungkaih dan ka sawi duh bik lo. He hmeichhia hi tunge anih pawh ka hre hlei nem, zoi pasal nau pawh a lo ni mai thei asin. Thingpui min lo pe thuai a, choka ah min luhsan leh daih a, thingpui chu tui titakin ka in a, doorbell a lo ri tlang mai. "U lan, ka ril a tam tawp" Ramnunmawii a ni, min hmu chu a ngawi chawt." Ehe.... sir, engnge I lo tih dawn?" A lai ve hle mai. A lai hmel te sawn anu a chhun lutuk. Engtinnge hmaaaanah khan a lo hriatchhuah daih loh le?

Ka lu ka hiat zeuh a, " nia, I nu hi biak lawk ka duh deuh a", ka ti a. " Ih, sir, keima chungchang chu a ni lo ang tiraw? "

Min nuih tlawn pah deuh," Ni lo ve, hlauthawng suh, " a lo ti vat a, a thaw huai mai..

U Lan a tih chu nichin a nula lo awm kha a lo ni. Mmm. A tha e, pa farnu chu a ni lo phawt a, a cousin a niang, an inang lo em mai...

"Sir, lo thu rawh aw, u Lan, sir hi thingpui I lo pe tawh em? "
" Hei, ka in mek, I u chu a fel hle mai" ka lo ti vat a. Inchung lamah min chhohsan a, banga an milem tar te chu a lo enkual a, sitetable sir a, an pangpar khawina hnuaiah chuan frame hian an nufa thlalak niawm tak hi an lo tar a, an nui sang a, an inhmeh tak zet. Pawnah chuan motor inhung ri thawm ka hre ta, ka thin a phu zaih zaih mai. Zoi hi a pasal nen an lo haw em mi ni ang? Mipa aw in , " A nih le, zanah ka lo leng ang" a tih ri chu ka hre nghal zat, ka lo thik nghal ringawt. Kei ve ringawt hi.... Lani chuan kawngka a lo hawnsak thuai a, ka hmangaih, ka thinlung neitu chu a lo lut ta zan zan mai le!. Ka lo ding hluai a, min hnu chu hmuh thianglo hmu ang maiin a var vek, min lo beisei vaklo a nih dawn hi...

" Awi, Thana leh, I lo thu rei tawh em" a rawn tichhuak thei hram. Ka lo nuih var var a." Rei lo e, hei in innei nuam hle mai" ka lo ti vat a. Ka bulah a rawn thu ve a, a hmel hi a va han tha thlawt tak em! Sawitur ber pawh kan hre lo, kan han innuih leh ringawt a, inchung atangin thawm a lo awm a, kan inthut hlat sauh. Ramnunmawii chu kekawr bul leh T. Shirt fual deuh ha in a lo chhuk a, a nu chuan a lo melh hrawk a, dang lutukin a tlanchho leh nghal. A lo chhuak leh chu leggins dum a rawn ha ta. Zirtirtu te awmlai a bul deuh hak kha chu a nalh lo reng ani. Choka ah a lut zui ta daih a, zoi nen chuan kan inthut hnaih leh ta. A kutah chuan ka chelh a, min hnial lem lo, " I chanchin min hrilh vek rawh" ka ti tawl mai. A thaw hak a" ka pasal in min bum a, Nula dang a lo nei a. Chuan kan inthen" " fa engzat nge in neih hman"
" Pahnih , pakhat chauh hi ka ta anih hi" tiin choka lam a melh a, Ramnunmawii a sawina ah ka ngai mai. " Nang, min hrilh ve rawh" a ti a.

" Kei chu tihian ka la tlangval ta reng mai, tuemaw thlawi hun ka nghak a" tiin beisei nei deuh in ka han melh a.
Ka mitmeng chu a man rang tih ka hria" hmm.. I over" tih pah chuan min han chum taih a. A nulat laia a tih thin ang tho kha ala ni.. " kei chuan ka tan i lo let leh hun ka lo la nghak reng anih hi" ka ti leh a, thutak zawkin min rawn melh leh a, " Awi, Than, min duh tawh lo ang, keite chu nuthlawi fa ." Ka hmui a lo hup a, " Thlawi sarih pawh ni la , ka tan chuan nula thianghlim ang reng I la ni. Hmana ka hmangaih zoi kha I la ni reng asin" ka ti a. Min en a, a nui var var a, mitmei ven a nat em avangin engmah kan sawi zui ta lo. School chungchang leh a office chunchang thu phungleng pangngai te te kan sawi chhunzawm ta zawk a... Chaw ei turin min sawm na a, ka duh lo. Zan lamah leng tur an awm kha ka tibuai palh ang. Ka hmangaih em avang hian a alakah hian ka thikthu hi la chhe reng mai ni. "Zan lamah lo len tum an awm sia, ka hnawksak palh ang , ka haw zawk ang e" kan tikher a, min melh no lo teh e. Mahse kha a mitmengah khan min huatna a langlo tih ka hria, a duhloh zawng ka sawia min melhna mitmeng reng thin kha a la ni. Kawngka thlengin min thlah a, ka kalliam tur chu min lo la thlir reng ani tih ka bike siteglass atangin ka hmu thei. Ka hmangaih kha ka tan lo par vul leh ngei se tih chunka duhsam ania a, ka duhsam hi a lo thlen dik ngei pawh ka beisei.

In ka thlen chuan mafaka a lo thu reng mai, "Hey, bro" kan han in kuah thuak a, ka van ngai tawh tak em! A ni chu mass communication lam a zir a, tunah hian broadcast lampang a bei chho tan ve a lo ni. Ka nu in chawei turin a lo chelh nghal a, sawi tur kan va ngah tak em. Ka in silfai zuai a, ka pa in chhung inkhawmna a hman zawhah chaw kan eizui nghal a. Ka ute nupa pawh an lo haw ve tawh avangin ka pa in chaw ei ah a lo sawm ve a lo ni a, kan ri laih laih mai. Chaw eikhamah ka roomah kan lut a, guiter la chhuakin kan han zai leh phawt a.. "
Chuan , d hlui chu I tawng leh thei ta em?"
" Tawng e le. Fa pahnih a lo nei tawh a, an pa in a lo bum a, an inthen tawh" ka lo ti vat a." Mmm.. I tan chance tha lutuk anih chu, bawhzui nghal vat chi" ka dara min Ben thak pahin a ti a. Nia, ka thianpa hi min hrethiam bertu ani ka tih kha, ka hmanngaih ber nghakin kum 42 ka lo hmang ve tawh chu nia. Midang hi chu ka melh peih tawh lo hrim hrim. Zoi khan a no min pek tho avangin whatsapp lam atangin kan try chho leh ta, a val senior hna tawh lo e mai.. mahse a tul tlat si. Mafaka chuan min buaipui leh ta khawp mai. "In inneih leh ngei hi ka duhsak a che u, bro" a ti ve hial ani.

Zirtawpni tlaikhat chu miss rosy in"tunlai chu I induh thei emai, keimah hian min haw tir ziah mai" a lo tih avangin school ban veleh chuan ka phur haw nghal a, engemaw a hriat ni, nidanga ka dar a chelh de de thin khan a mipa thut sauh sauh a, ka kawngah nghet deuhin a rawn kuah a, kulikawn kan chhuakthla tan tiha, kan hmaah chuan bolero a rawn tlan chho a, zoi chu a lo Chuang a, a driver niawm tak nen chuan inhaw lo takin an lo nui dun a, min hmu lo nge ni, zoi chuan driver ban bulah chuan a va hnek taih a, driver chu a lo nui var var a. Ka thin a sa zawk mai. Ka bike chu ka rest vak a, miss rosy chuan nghet lehzualin min lo kuah a, ka thawmah chuan zoi chu a lo hawichhuak a, min rawn hnu ta, a thik ngei turin miss rosy kut chu kan khawih zeuh a, ka nuih var var bawk a, mahse ka mitsirin zoi reaction chu ka en reng . A ka a hup chu ka hmu a, a mitmenga thikna chu ka hmuhhmaih lo bawk. Lawm takin ka tlanliam San ta. Miss rosy hi hmanruaah a la tangkai dawn ani tih ka hrechhuak thar a, amah erawh chu ani hian min lo beisei reng avang hian chance a lo zawng ang tih chu ka hlau ve reng tho. Inveng ru tak chungin ka kawm chho ta , ka plan a a hre si lo. A hriat hun chuan min haw teh ang chu.

(Tawk leh rih phawt aw... Lockdown te ania, ka hman ve viau ang chu ka tia , ka buai zawk tlat. Dawr nghah theihloh laiin ka tia , inchhung lamah chetna tur a lo tam bawk sia, a hminga nutling lo nih ve chuan ngaimawh a lo tam bawk sia, phone kan chuk reng hman lo zawk. Min lo hrethiam hram hram dawn nia. Karkhatah vawihnih zel lo dah ka tum ang aw..)

[Ngaia]

#A REM VE THEI MAI LAWM NI. #

#CHAPTER 12#

Sir Thana POV

Miss Rosy chuan min be tha kher mai, engmah lah hi a hre silo. Pawilo, ka hmangaih ber ka neihlet leh theihna anih chuan duh leh min ngei mai mai rawh se.

Kei pawh chuan zoi runluih chu nuam ka tichho tan riau mai. A chhan chu min lo la hmangaih ve hle a ni tih ka hriat in phah miau ani.

Zanah chuan ka phone ka khalh ve leh tan ta.
" Phurtu nei chhe lo kher mai" a seen vek, min chhang mai lo.
" Nang pawh , bialnu I lo nei chhe lo hle mai"
A thik Chiang, eh , nuam eee... Lo thik rawh se. Thudik a hriat hun chuan a nuih a za ve zawk awm sia, mahse thudik a hriat a la hun lo.
" Chuti mi, engtik nge tihhuk lam te in tih dawn, ha kan lo tathriam ang e"
Ka outsan vel, ngai pawimawh lo awm deuh a awm kha ka duh alawm. Ka msg chu a seen hman tih ka hria, ka phone chu ka en sek, tukverh ah ka hawichhuak a, van chu a thiang kuk mai, arsi a pe tuar a. Ka phone a ri ta tlang mai. Rang lutukin ka check vat. Ka rin ang a ni ta hauh lo mai.

" Than, kei chuan ka hmangaih ber ka chan tawh a, min diriam leh mai mai tur chuan min lo be tawh suh, ka na nawn duh tawh lo"
Lalpa leh! Engthil nge ka tih tak hi. Ka hmangaih hi ka chan thei lo. Rilru na in ka siam dawn tawh lo.
" Bawihte, ka tihpalh, khawngaihin min ngaidam rawh aw" ka send rualin a seen nghal , mahse a out daih. Kei hi ka thiam a tawp ta, mafaka ka rawn a ngai ta tlat.
Val senior lamah hi chuan kan zeilo zontawh tlat. Tun thlengin midang ka la hawi miahloh hi enge a chhan dik tak ? Ka zeiloh vang nge ka hmangaih laka ka rinawm vang pawh hi ka hre hrep tawh lo ve.

Msg chu ka chhiarlet leh thin, engvangin nge ka lo chhaih kher le!
Mmmm.. Mafaka a awm alawm , lungngai lo phawt ang,. Dawhkana ka sikret dah chu ka tan a, kan zu leh hlarh hlarh phawt a...

ZOTHANPUII POV

Ka msg dawn chu ka en vat. Thana a lo ni reng mai. Ka thin a phu dup dup mai. " Phurtu nei chhe lo kher mai" .Ehe.. jojoa khan min phur haw tak e. Tlangnuam kan chho tan tihkhan nula pakhat phurin Thana kha a raw tlan thla a, a raw rest vak tak kha le!. Jojoa fiamthu thawh avang khan a banbulah ka hneksak taih anih kha, kan innuih zui a, a lo thik em ni le?. Hmmm, ani pawn bula dang a phut ve tho lawm. " Nang pawh bialnu nei chhe lo hle mai" kan ti ve nih kha. A ruk tak chuan ka thik hle ani. Kei chu nuthlawi fa nula dawn dawn tawh ka nei a, ani tlangval tlahlang , duh duh thing thei ala ni. A biangsum khuar kek thin leh a khabe phir mawlh kha, ka mit la em em thintu ani renga, nula dang te pawhin a an star rawn luai luai kha ani asin.

A msg min lo thawn leh chuan ka thin a thawng takzet, engtik hunah nge pasal ka neih dawn min zawt amaw? Thana, ka na duh tawh lo asin. Ka hmangaih vawikhat ka chan tawh a, chan nawn leh ka duh tawh lo. Mahse min diriam leh mai tur chuan ka beisei lo a sin! Ka na a, ka na nawn leh ta anih hi.. pawhdawh a kan thlalak dun chu ka phawrhchhuak a, ka en leh vang vang.. ka hnungah dingin ka kawngah a rawn kuah a, ka darah a khabe nghatin kan la dun anih kha.. ka mittui a tla a, thana hmai zawnntak chu a rawn far keuh a, ka hui fai vat. Thlalak chu ka fawp vang vang a, Than, ka hmangaih reng che asin. Min phatsan mah la kei chuan ka thihni thleng pawhin ka hmangaih reng ang che...

Ka fanu a rawn chhuk tlatin ka hria, ka mittui ka lo hru hul vat a, pangngai thei ang berinnka hmelnka lo siam a, " nu" tih leh rawn luh a rual a ka bula tui bottle chu ka lo ban vat a, " enge ni, I va phawk ve" ka lo ti vat. Ka bulah a rawn thu thla a, ka mitah min en ran a," Nu, sir Thana nen hian in inhria em ni, enge hmanni khan a rawn tih ve ? a ti ta. Ka meng buai deuh chu a hmuhhmaih bik miah lo. Lukham hnuaia ka thlalak dah chu a lo la lawr a, a lo hmu vat, a pawhchhuak ta, a en vang vang a, " in lo in hmangaih tawh maw, Ehe, nu sir Thana hi ka pa ani tih sawi miah suh" a ti a, rang takin " vanduaithlak takin I pa a ni lo hlauh" ka lo ti vat. A beisei ang chhanna a hmai lo nge ni, min en hau chungin," chuan, in inngaizawng a, mahse I phatsan a, ka pa I nei ta zawk tihna mi? " ...

Ka fanu hiannthudik engkim a hriat a hun ta takzet ani. Ni e, engkim chu ka hrilh ta vek. Ka sawi zawh chuan ka zang huai zawk nia, mittui parawl teuh chungin min lo en a, min kuah thlawp. " Nu, ni lo van khawngaihthlak em, I lo va han tuarchhel em em ve... Ngawi tak rawh I fanu ka awm alawm . Lo lungngai suh" a ti a, a nui saih a," ih maw, u zoa hi ka duhlo ania. Kei chuan nangmah ang a ka hmangaih chan ve hi ka duh lo a.. ih ... Ih.. bawiha hi ka duh a, ani pawhi min hmangaih lutuk... Thian ang chuan ka kawm thei tawh bik lo. " Ka thuhriat hi ka awih lo..

Ka fanu hi a lo va huaisen ve le! Kan chenna khawvel hi a in ang lo lutuk. Engmah pawh ka sawi hmain min chhuahsan daih. Ngaihtuah tur ka va ngah em!

Ka mitthla ah kha nula a phurh kha alo lang leh a, ka hriat hnu ani . Khawiah nge ka hriat ka hrechhuak zo mai tawh lo. Midang tan ka hmanngaih hi ka phallo, chutih rualin minnlo hmangaihnve tawhnlo anih erawh chuan ka hauh tung thei bik si lo.. kan in a a lo len khan min la nghah reng thu a sawi kha ani si a. Mipa hi an lo va mak ngai em! Rin hi an har tawh ani.

Ka mutchhuah em avangin ka lo chhing ve sek a, ka phone msg tone avangin ka harh a, ka mit lehlam siai chungin kan en dek dek a, Thana msg ani. Ka open peih hrih lo. Ka chhing zui leh nghal daih.

Ka fanu thawm vangin ka harh. " Awi, chheban, lo phei vat teh aw, ka rilru buai , ka à mai dawn"
Enge maw thleng le, chutia a tawng tak vak le!
Ngawiteh, kei hi... Nizan khan engkim ka hrilh tak e. A rilru chu a buai ve khawp ang le!. Kha chen kha alakah thudik kanlo zep a, bum ka ni tih a hriat a, a thinrim ve zia te kha... Lungngai suh I fanu ka awm alawm a tih ve tak kha mawle! Engnge a tih dawn le aw??? ...
Hmmmm... Lo ngawi hrih phawt ang.

Ka tho chhuak ve ta, ka inphihfai zawhah Chiang taka ka hmel ka en chuan lungngaihna inthup a hmuh theih a, ka mithnuai pawh a dum deuh, ka mu tlem thei hle a, nizan kha ka mut that ber tum aniang...

Bum ka nihna hian keimah ah hianntlawmna leh thinrimna min pe a, tawngkam hi ka hmang no fahran ngai lo. Ka fanu takngial pawh a hmingpuma ko thin ka ni. Tunlai tak hian "bawihi" ti a koh hi ka zir ve mek ani.

Choka ka pan vat a, Lani chuan min lo wish vat a, thingpui min lo thlit nghal a, Lani kan lo awmpui hi chu kan va tifuh tak em!. A mah hi a lerh si lo a, engkimah a rinngam vek bawk si. Pasal pawh nei duh se, ka laizawn angin ka thlahnthlap ang a, thil pawh ka chhawm tir teuh ang. Mahse, min kalsan tur chuan ka la phal Chuang si lo. Anni pawhin mipa lam hi a melhlo hrim hrim.
Ka u tin min ko ve mai thin a, ka fanu pawh hian a ngaina em em a, a u ang maiin a en ve bawk ani. Inchunga tangin ka fanu pawh a lo chhuk a, "nu, good morning, I tho nuam em" tiin min lo kuah leh thuak a, aninbual zo chiah anih dawn hi, a sam a la huh a , lotion rim a nam chek bawk. Ka lo wish let ve a. " Kal na tur ka nei a, vawiinah" tih pahin thingpuiin a ban ve nghal. Thingpui thliin ka bulah a lo thu thla ve nghal a, " enge I tih dawn? Inrinni te ania, inah kan awm vek ang chu ka lo ti sin" ka ti a. " Nia, mi hmuh lawk tur ka nei a, maremi nen kan kal lawk ang. " a lo ti a. Chiang takin a hmel ka en a, engmah ka hmu lo, ka fanu hi a lo inthup thiam ve tawh hle mai. Lo haw harlo turin ka chah a, ka ngaihtuah ang em em hian ka fanu hi ngaihtuahawmin a awmlo tih ka hria, mahse ka neihchhun a ni a, ka ngaihtuah lo thei lo.

Lanin eirawng a bawl chhungin ka pangpar ho ka lo buaipui a, ka fanu chu lungmuana te inah a lut a, reilo te ah a lo let ve leh mai. Lungmuana chauh hi ka fanu tana rinngam ka neih avangin thian a kawm atan mipa ah chuan ka thlang ber a, ani ka fanu pawh hian a kawmngeihin an in lenpawh nasa hle a, kan chhungkaw hnih hian kan inpawh em em bawk ani...

Chaw eikham chuan ka fanu pawh a thiannu ber maremin a lo sawm a, an kal chhuak tur chu lo bazar haw turin ka chah nghal turin ka chah nghal a, leitur list ka siam chu pe inpawisa ka pe nghal a.

Keipawh ka pangpar huanah ka lut leh nghal, ka hun tam zawk hi ka pangpar bulah ka hmang zawk thin. Lani chuan broiler vulh ve a chak avangin 10 lek kan inbulah chuan ka vulh tir ve a, a tidai peihin a enkawl tha bawk a, an lian chak khawp mai.. " ka u, thingpui lo in tawh" tia min lo kohna chu chhang vatin inchhungah chuan ka lut a.

Thingpui kan imali chuan taxi anlo ding dat a, a chhung atang chuan Thana, mafaka leh maremi leh ka fanu an lo chhuak a, ka fate chu an lo inkhai bawr nasa mai. Mipa pahnih chuan an lo chhawk a, an lo thiar lut zung zung a, ka hawihai lutuk, ka ngawi reng ringawt, sawi tur pawh ka hre lo.. " Nu, hei, sir Thana te nen hian bazarah kan inhmu a, chaw ei ah kan lo sawm nghal mai" ka fanu in a tih chuan lai deuhin ka nui ringawt." Nia, pass lawmna ah min sawm si lo a, keimahni in kan lo insawm ve tawp mai" mafaka chuan a lo ti ve zung zung a, ka harh zawk. Nu ber hawihai lutuka ka awm chuanna tha dawn lo. " In va fel ve, nia, ngaihtuah kim hi a har a, kan lo hmaihpalh a ni. In lo in bengvar a, a tihzia hlauh e" tiin ka lo chhawn ve ta vat a. Inchhungah kan lut a, Lani chuan theitui vawt a lo thlit. Ka fa te pahnih chu inchhungah an chho a, mafaka, Thana leh kei chu sitting roomah kan lo thu a, khua a lum hle mai. Mafaka chuan in huan vel hi kan fang teh ang tiin kawmthlang lam pangparnleh ar kan vulhna lam chu panin a chhuak nulh a, Thana nen chauh chuan kan ni ta. Tawng hmasa zawk nih kan hreh ve ve.. ka kut ka khal niap niap a, ka aw ka thian leh kharh a. Ani pawh chu an hui leh pap a, min rawn en leh zeuh a" bawihi , I rilru ka tina em ni, min ngaidam rawh aw" a tichhuak ta a. Ka rilru no a chhuak, ka mittui a hnam ringawt, min duatna tawngkam kha ka dawnlohna a rei tawh lutuk. Ni e... Ka lo la hmangaih em ani. " Keimah alawm, ih.. ka .. ih... Ka lo la hmangaih em che a, ka tan I la awm reng turah ka lo ngai a, mahse nang chuannmin lo fiamkual mai mai a lo ni reng si a" ka tichhuak thei hram. Ka thawl huai zawkin ka hria. Ka kut a rawn chelh vat a, " Chutiang a ni lo, ka hmangaih lutuk che, ka nghak rei tawh lutuk che sin. Tawngkam ka thiamlo... I duh chuan kan innei thei" a ti tawl mai. Ka lo beiseilo lutuk a, ka hamhaih zawk.

Ka mitah tak a en a," min la hmangaih chuan maw, bawihi, innei ang aw" ka tahnuih tawp. Kan inkuah thlawp a," ka hmangaih che"
" Bawihte, kei pawhin ka hmangaih che"...

Ramnunmawii POV

Ka nu leh sir Thana chu tiam tlat e anti ve ta.. sir Thana chu ka pa a lo nih takah chuan kei pawhin Pa tiin koh ka zir ve a, tun atang chuan ka pa tiin kan sawi zel tawh ang. Ka pa nu leh pa te rem tihna in ka pa pawh kan inlamah a rawn awm ve a. A tirah chuan thlahnih vel chu ka pa te in lamah an khawsa ve a, mahse keileh u Lani chauh kalsan kha an hreh avang leh school kala a hmaih zawk avangin kan in lamah an lo awm ta zawk a. Mite chuan makpa chhungkhung tiin an sawi thin a, mahse engah mah ka pa chuan a ngai lo. Pa ka nei ve ta chu nuam ka ti hle mai. Ka nu leh pa chu an inhmangaihndun bawk a, an thlazar hnuaia awm chu nuam ka tiin ka thla a muang em em ani.

Tawk leh phawt se. Next ah Lungmuana POV ah kan tan ang. Chhiar nuam vek u le