A REM VE THEI MAI LAWM NI BY Becky Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

A REM VE THEI MAI LAWM NI BY Becky Khiangte (Completed)

Unread post by Ngaia » June 6th, 2021, 3:18 pm

3uby2yk0.jpg
3uby2yk0.jpg (11.31 KiB) Viewed 8685 times
A REM VE THEI MAI LAWM NI
#Chapter 1#
Khati khan min ti ziah suh, hetianga ka awmna chhan hi I hre lo...
Ka nu I ni a, thudik I hre duh anih chuan ka hrilh ang che. Mahse.... I ngaithla ngam ang emaw chu"... Ka kut chu a khur dur dur a, ka thinrim em avangin ka ding sai hlawk hlawk bawk. Ka rilru a na in ka tuar tam tawk tawh, min hringtu ka nu leh pa hriatloh hi ka tuar hnem tawh asin...
(Ti ve chhin phawt ang. Comment a zirin ka lo chhunzawm ang...)
Zing ka tho chu ka rit luk mai, ka tahna vangin ka mit a bui luk a, a sen vek bawk. Ka hnar lah chu a ping em em lehnghal a.. Bathroom ah lutin ka intihfai zawhah, choka ah ka chhukthla a. Ka nu chu a pangpar pot bulah thingpui in in a lo ding a, a tarmit phen atangin min lo melh leh kur tawh. A spy leh pek ania, huishhh...
"Ramnunmawi, I va tho tlai ve, I mitte chu, I tap leh pek elaw?? " a lo ti vat a, ka nu hi chu ka bum thei lo. " Aw, ka lung a leng alawm, ka u leh ka pa hi ka ngai ve tho asin.." tiin chhuanlam ka siam zaih, a awihloh hmel , a ner nung mai. Thingpui chu ka inthlit ve vat, ka nu bulah chuan ka va thu thla ve vat a, tlawn titih deuh hian, " Nu, ka nu I ni lo ang tih hi ka hlau em mai" tiin a banah kan kuah a. Min rawn en pahin" enge min dil I tum leh tak" a lo ti vat. Ka nu hi chuan min hrechiang mah mah. Engvangin nge min hriatchian loh ang? A fanu mal ka ni alawm, ka tana tha tur a hriat rual hian, ka tana tha tur hi ka lo hre ve tho sia. Kan duhzawng inmillo lutukah hian kan inhnial fo thin.
"Vawiinah ka thil chah kha alo thleng dawn a, ka mamawh tawh sia" " nek deuh salh pah chuan kan ti a. Ka chalsam tuaithur pah chuan" Mmmm.. ka ring reng a, tunbak chu khatiang mai mai chah tawh suh ang che, I zirna hi ngai pawimawh ve deuh tawh rawh aw.. tiin a tho nalh a, pindan ah lutin a purse nen alo chhuak leh a. " "Engzat nge I mamawh a" a ti hluai a. Nuih saih pahin," 3000 " ka lo ti vat. Meng phawk lutukin" Ramnunmawi, I va hautak ve, thawmhnaw man to deuh deuh hi hak kher tur ani lo, thawhchhuah I la nei bawk si lo. Mipa hian thawmhnaw lam ai chuan in nungchang an en zawk ania. " A va han tul teh duah lo tak...
Kei hi Ramnunmawi ka ni a, ka nu leh pa hi ka pian hnuah an inthen a, ka u hi mipa niin ka pa bulah a awm a, ka nu bulah hian keimah chauh ka awm. Unau dang awmlo ta chu ka nu hian min duatin min ngaihsak em em a, mahse office kal anih avangin chhunah min awmtu tur a ruai a, nula fel tak ani. A hming chu u Lani kan ti mai. Eirawngbawl leh inchhung Chet zawng zawng a ti vek bawk. Mahse, langin a lo kal thin. Ka nu hian mihrang nena chenho hi a ngai thei vak lo. A chhan chu nakinah ka la hrilh ang che u. Tunah hian cl-10 ka zir ve mek.. kan school hi kan in atangin a hla lo. Ka nu hian hmuh hla deuh a ka awm a phal lo. Kan inah pawh cctv a fittir thlap. A fimkhur em em mai ani. A awm ve reng bawk a, hmeichhia ve ve kan ni si a, kei lah hi fimkhurna tlachham chi, che pawlh pawlh, thu hnu dawn lo ve tak mai, huatthu chhe lo , tawngpawng rilru tha tawp ang chi kha ka lo ni ve bawk sia. Thiannu fel deuh mai maremi ka nei a, chu nen chuan kan inkawp chawt a, a chang chuan a lo riak thin ...
Ka nu pawisa min pek chu la in" ka lawm e, nu, ka hmangaih che" tiin a biangah kan chuks zeuh kha.. A meng rum leh ang chu. Inchung ka pan vat a, ka phone la vatin ka best maremi ka col nghal. "
" Nge, chheban"
"Lo phei vat tawh la, ka thilchah a lo thleng dawn a"
" Chuan.... "
"Hmmm ... I lo en ve ang chu, min lawmpui lo mi? "
" Lo phei nghal e, boss" a nui hawk hawk. Ka thiani hi chu a fel ania. Inhnuai ka chhuk leh chuan ka nu pawh chaw ei dawhkan bulah a lo ding a, u Lani hnenah chhun a a thiltih tur vel a lo hrilh leh melh melh a, u Lani hi chu kei pawn ka ngaina ve Chiang alawm. Nula upa lam kum 27 ani ve tawh. Nula fel tak hi chu ani Chiang, a zaidam a, ka nu hian a hau ve dawt dawt fo a, mahse a haw ngai lem lo. Ka nu rilru chhiatloh zia hi a hre ve miau alawm.
" E, ka nau duat, I lo chhuk tawh maw, chaw kan ei thei tawh asin, school I tlai palh ang, chaw ei kan siam vat ang e aw" tiin a che vat vat a. A chawhmeh siam a tui thei si, ka ei leh teuh mai dawn ni... " U lan, ka thil chah vawinah a lo thleng dawn a, ka school kal hlan a a lo thlen takin pawisa hi lo kawl la, a lo thlen loh leh min pe leh mai dawn nia. Tlaiah nge a lo thlen dawn ka Chiang lo a, helam min bialtu hi a chianglo thei lutuk a" ka ti a," Ole, ka naute" tiin ka biangah a piai zeuh a. Ka nui var var a, min duattu an awm hian ka rilru a no tlat thin. Ka nu hian tawngkam nem ahmang ngailo a, order pe deuh hian min be thin. Mahse a rilru chhungril hi chu a chhe Chuang miah lo.
Maremin min lo sawm a, kan chhuak nghal. Ka nu chu lo chhuak ve vatin, " banah inah haw tlang nghal tur" ka lo sawipui. A mengrum teh e, maremi chu a nui huk a, kan kal nghal daih." I nu hi chu a strick ve ngawt mai" a ti a. A rilru tak tak a sawichhuak ani. Ka haw lo, kei pawhin ka nu uapna hnuaia awm hi ka ning thin. Mahse ka tana tha tur a lo ni zawk a ni. Kan exam a hnai tawh hle, lehkhathiam thei tak ka ni a, mahse ka zir peih lo hle thung. Ka thiannu erawh rilru chaklo deuh , zir peih deuh ani thung. Enghelh teh vak hi ka nei lem lo a, ka nui reng thei a. Ka nunkhawhar thupna a ni deuh bawk. Pa hi ka awt ve lutuk thin. Mahse, ka pa kha ka hre ve Chiang hman lo. Engvanga ka nu nen inthen nge annih pawh ka hre lo.. ka hriat zawng chu a hnathawhna vangin a zin a, a lo haw tawh lo tih ani mai. Ka u hi mipa anih vangin ka pa bulah ka nu in a dah tih ka hre leh tawp. Kum thum chauh ka la nih avangin engmah kha ka hrechiang lo , ka nu in nakinah min la hrilh mai ang chu. A hun hma a lo zawh sek pawh hi a tul ber lo..
Class chu kan kal chho ve leh mawp mawp a, kan sir thana hian min en duh thei lutuk a, achang chuan ka hlau deuh thin. Min duhsak ang reng viau lawi sia. Vawiin pawh ka bagah kan class mipa ho in cd an lo dah a, miss rosy in min man chhuak a, mahse sir thana a lo awm hlauh a, " hetiang hi nunmawii bag ah a awm lo ang. Hriatsual palh aniang" tin min lo chhan leh pek kha. . Ka lawm viau rualin ka zah em em bawk. Engvanga min chik em em nge anih le!!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:18 pm

A REM VE THEI MAI LAWM NI...
# Chapter 2#
SIR Thana POV..
Lalthantluanga
ka ni a, kum 42 na ka hmang mek. Tlangnuama school tha ber st Paul's school ah maths teacher in ka awm mek a, teacher nih hi nuam ka tiin ka subject bik phei hi chu ka tui hle ani. Ka students te pawh hian ka teaching method hi an man chak in nuam anti thei hle thin.
Ka students zinga hmeichhe pakhat hian ka mit ala thei bik hle a, enge achhan ka hre bik lo. A bengah hian khuavang chhinchhiah a nei a, chu chuan engemaw zawng tak hian min hip in mawlhtu hi ka nei tlat thin. Classah hian a ninhlei ngailo a, a thu deuh chawt a, thildang ngaihtuah daih ni awm tak hian min melh reng Chung si hian a ngawi leh vung vung thin. Zawhna ka zawhte hian achang chuan min chhang fuh leh nulh thin a, a chang leh ngawi rengte hian min en ringawt zel. Thian pakhat chiah a kawm a, a thiannu bulah ve thung chuan a ri ve bawrh bawrh zel... Lehkha chu a thiamthei phian lawi sia. Ka ngaihvenin a chanchin hi ka chhui ru reng thin a, mahse tumah hian a chanchin min hrilh thei tlat lo. Vawiinah pawh a bagah CD
a lo awm a, miss rosy in a lo mansak a, ata anihloh ka rin avang leh mipa ho hian an chhaih peih tih ka hmuh ve reng vangin ka lo chhan anih kha.. A chanchin hi amah ngei ka la zawt chhuak ang.
Tlai kan ban chuan a thiannu nena an kalliam chu ka thlir reng a, han zuiruk em chu ka tih avang leh miss rosy in min nghah tlat avangin ka bike chu ka start a, miss rosy nen chuan kan inphurchhuak ta nghal a. Kulikawn kan thlenthlak chuan kulikawn biakin sir atanga nu pakhat lo chhuk chu ka hriathnu ni tlatin ka hria . Mahse, ka Chiang ngam lo. Kekawrtlawn dum leh kamis hringdal deuh lampang a ha a, specs dum a bun bawk. Min rawn hmu ve chiah lo na a, kan zawn a lo thlen chuan engtin emaw ka awm deuh tlat. Mahse, kan tlantlang laklawh tawh si a.. miss rosy hi nula senior ve tak mai niin min beisei ve tlat a, mahse kei chuan mipakhat ah chiah ka rilru ka pe tawh. Chu nu chu ka neilo anih chuan nupui neih ka tum tawh lo..
(20 years before)
Aizawl khawlum lutukah chuan traffic jam karah ka thianpa mafaka nen chuan kan inphurchhuak ve a, admission kan tihfel hnu in David's kitchen ah kan lut nghal a, eitur kan order zung zung a, ka ril a tam tawh vang chuan eitur ringawt chu ka lo ngaihtuah a.
"Thianpa, saw nula sawn a melh nasa che nia, a hope deuh che niang" ka thiana chuan a lo ti a. A hawina lam ka va en ve chuan angel an lo inlar ta emaw tih mai tur ani. A hmelthat dan mihring tawnga sawifiah chi ani lo. Min lo nuih seih a, ka lo ka ho ringawt.. kan eitur chah a lo thleng a. Mafaka chuan " thantluang, I ril atam tawh ani lawm ni" atih chuan dawhkana eitur chu ka hmu chiah. Ka hawichhuak leh chu ka angel hmuh kha a thiante nen an lo chhuak dawn chiah. Eitur chu ka ei zung zung a. " Mafak, khanu kha tunge a hming le, khawi vengah nge an awm ang le" ka ti a. Mafaka chu a lo nui var var a, ka dara ben thak thak pahin" lungngai suh, a thiannu pakhat kha ka naute dawrah a thawk alawm. Ka lo zawt ang e " a lo ti vat a.
Bill kan pek zawh chuan inlam panin kan inphur haw ta a. Ka nu chu kawngka bulah herhsawpah thuin kan ui snoopy a lo chul heuh heuh a, " bawiha, I lo thleng ta maw, admission chu in tifel thei em" a lo ti vat a. A bula thut ve pah chuan " Aw, kan tifel e, ka nu, ka pa nen hian engtinnge in intawn" ka ti hluai a, chik em em in ka nu chua I en phawt a. Chutah" bawiha, hmangaihna lamtluang I zawh ve tan a ni maw? " min ti a, " nu, ih vawiinah angel note ka hmu a" ka tih chuan ka nu chu a nui hak a." Ka fapa hi alo tlangval ve ta ani maw!! " tiin ka darah chuan min rawn kuah a. Ka u pasal nei tawh a fate kan in a lo lengte rawn lam tur a lo thleng a," mama, naktuk chu milleniumah min va kalpui teh aw, I u ruatfela(kan makpa) a lo la haw hman si lo a. A thawmhnaw tlem leh chawhmeh thawnthlak a ngai a" a rawn ti bawrh bawrh a. Ka u pasal hi lalruatfela niin kolasibah contract a thawk mek a, an hna alaklawh avangin a la haw chho hman lo ani. "Mmmm. Kan kal dawn nia.. tiin ka luhsan a." A pute, transformer min lo lei tawh, josepha ta ang ka duh ve" ka u fanu chuan min ban pahin a lo ti a, ka pawm vat a, a biangah ka chuks zeuh a, " nangte chu hmeichhia I nia, barbie I duh zawk lo mi?" Ka ti a " Aih, transformer ka duh zawk. Barbie chu hmeichhe khalh chi a lawm , mipa ka nih hi" anlo ti tlat. Babytei hi chu a dangdai ania. Ka u fanu neihchhun a nia, mipa rual zinga a awm vang hi aniang hmeichhe khawsak hian a khawsa lo reng reng . Kum 6 a ni ve tawh a, a naupang ber ani bawk , a ute hi kum 10, 12 an nia. A upa pahnih hi phir an la ni zui a. Chuvang chuan hmeichhe awmchhun chu an duatin nu taka enkawl an tum tehreng nen anu zo lo chu ni. " Mmm.. naktukah kan lei dawn nia. Homework I ti tawh em?" Ka ti a." Aw tizo vek tawh. Anu in ka lo lam hma che u in lo tizo rawh u atia" a ti leh barh barh a.
Ka u te nufa chu chaw ei ah kan sawm nghal a, chaw eikhamah ka va thlah a, haw pahin mafaka ka tlawh leh a. "Thantluang, hei I duhnu no aw, hma ka laksak tawh che a, bawhzui ve tawh rawh" tiin phone no hi min lo pe vat a, ka phone a he chuan ka save a, whatsapp ah ka lut nghal a, a dp a lo dah vang mai. Vawiina ka hmuh ai khan a hmeltha zawk daih.
9:30pm
Hi!!
Hi..
I dam tha maw??
Ka hria che em??🤔
Min la hrechiang ngawt ang🌹
Ka hriatchianloh ka be ngailo.
Tihpalh, David"s kichenah khan.
(Minute hnih hnuah)
Oh, ni maw...chuan enge nita?
Nula hmeltha chu ka be ve chak che a.
Ka va lawm ve,hmeltha lo mah ila..
Ka duh che..
Ka outsan. Engtinnge min chhan dawn ka hre lo ka zam lutuk zawk.ka khur hial zawkin ka hria. Ka kut chu ka chul deuh chhen a.ka msg tone chu a lo ri deuh tang a, ka open chak , min chhanna hrechak si huphurh bawk si chu thawk kan la deuh hap a, chutah thih leh thih tiin kan open ta.
Ka lawm e, mahse..pasal hual ka nei tawh a.
Ka chau hnawk ,ka phurna zawng zawng a reh vek. Ka zak bawk si chu ka sen vek.A ka inti lutuk.mahse mipa ka nia , hmeichhia pakhat chauh an awm hlei nem tin ka inhnem ve, ka lung a dam thei Chuang lo..
Sir, kan in I tlanpel ania, tiin miss rosy chuan ka darah a lo beng a, ka ngaihtuahna ka lo kawm thui deuh ani." Sorry" tiin ka back leh a, miss rosy te kawt kan thlen chuan," vawiin chu I mood a fuh lo riau, enge mawlhtu che a awm mi" miss chuan a ti a, "Awm hràn lo e. Ka lu a na deuh a, ka tha e" ka ti vat a.min en vung vung a, nih chuan , in enkawl tha la aw.a ti a, "ole , ka kal ang e"
Ka tlanliam chu side glass atangin ka enlet a,min lo thlir vung vung a, ka nui suk. Ka thinlungah hian hmeichhe pakhatin hmun achang tawh a, midang tan kawngkhar ani tawh tlat .ka tana hmeichhe pawimawh tak kha, ka nun ah ka Seng lut leh ngei ang a, ka ta ani ang a, kei pawh ata ka ni ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:18 pm

A REM VE THEI MAI LAWM NI.
#Chapter 3#
(Zankhat danah dah kan tum zet a, mahse.. In comment hian minti phur em a, kan lo
thai leh hram ang e.
Chuan, phone a ka type avang hian ka dah sei thei lo ang tih kha ka sawi lawk duh bawk.
Chuan, in fel em em vek a, ka hmangaih vek che u🥰)
Ramnunmawi P.O.V
Matric exam kan tan dawn ta, a huphurhawm hle mai.
Ka nu lah hian min vil peih si, ka lehkhazir peihlo lutuk hi a lo mangang thin. Maths hi chu ka man viau a, zirtam pawh ka ngailo. Subject dang hi ka ning hlawm em ani.
U Lani chuan waiwai min lo chhum a, a rimtui lehpek e. Ei leh teuh phawt ang.
"Ramnunmawi, ei in leh in I tan hmasa leh phawt dawn em ni, zanin chu zir nasa ang che, history kha ka duh angin I la bel lo ania, blah. blah. blah... " Hishhhh🤦.
"Ninawm eeee. Nuuuuu... Ka zir dawn reng a, min lo hau hmasa zel lo la"
Min melh leh nghek. Wai wai chhum ka ei zawh ah roomah ka chho a, lehkhabu ka keu tan.
Mohenjodaro declared war because...
Ka msg ringtone a lo ri keuh.
History kha ka ring hmiah che nia..
Chhia-i, zir ve rawh, ka ning lutuk...
Sorry, boss..
Data ka off nghal.
Zir peihloh nak alaia , keimah ah hian maremi a lo la innghat zui. Ka hmaah a lo thu thei hlauh a, kan school hi Board exam
center ah an hman avangin kan intithei hle. Kan home ah chuan kan lalber tur ani ringawt.
11pm thleng chu kan zir ve kha , ka nu pawh a lungawiin ka hria, ka bulah lehkhabu chhiarin alo thu ve a, a khat Tawkin coffee a lo lum bawk.
" Naktukah , in school gate thleng ka lo thlah ang che. Mu tawh rawh" a ti a,
Bye, nu ..muttui. a biangah ka chuks zeuh. A room a pan a,
Keipawh ka intihfai a, ka mu ve nghal.
Kan school gate thleng ka nu chuan maremi nen min thlah a, sir Thana pawh a lo thleng ve chiah, ka nu chu a en duh hle mai. Kan inang a ti ve deuh emaw ni.
"Sir, ka nu ania,"
Ka lo ti ringawt. Sir Thana pawh chu a hamhaih aniang, "ok ok" get inside" min ti ringawt..
Ngatinge kan sir kha a laih em em le,ka nu a hmuh khan. Ka hawilet leh a,an lo la inmelh char char, ... Hmmm.. kalsan phawt ang.
Exam question paper an sem ta, ka thiam a lo chhuak hlauh mai, chhang par par phawt ang.
Kan roomah chuan kan teacher te an lo duty miah lo ,school dang teachers hlir an duty a, mahse pawilo..
Ka thiam tho..
Subject khat chu kan zo leh ta phawt..
Canteenah kan chhuk a, maremi chuan" ka zir hlir alo chhuak a, ka vannei tawp" a ti barh barh a.
"Chutin kei pawh"
Yess, nuam eee.
E, enteh tukin khan ngatinge sir kha a danglam vek, inu a hmuh khan, a hmel kha I lo en em?
" Mmm.... An lo inhre tawh emawni dawn le" ka lo ti vat a.
"Zawt chhin la,"
"Naaa ... Ho em mai, ka nu te chuan hmelhriat a nei teuh ang chu..."
Kan order a lo thleng a, kan ei nghal bawrh bawrh, chowmein hi chu ka duh ve Chiang a lawm..
In kan pan nghal a, u Lani chuan min lo chiauau vat a,
" Ka nau duati a lo haw e, I exam chu I ti tha bawk maw" a lo ti vat a, in thlen hi a va tinuam tak.
Ka nuih seih a," Aw, ka thiam hlir a chhuak a" ka lo ti ve a.
"Eitur kan siam ang e"
" Aih, u lan , angailo, ka in eipuar tawh.ka inbual ang a, lehkha ka zir nghal dawn."
Roomah ka chho a, khumah ka mu thlawp, ka mut a chhuak lutuk. Mahse , ka inbual harh a, ka nuam sawng sawng mai.
Mahni chauha ka awm hian ka khua a har ngawih ngawih thin. Mi te chu unau pianpui an nei a, an unau te nen an inkawm in engkim an inshare tawn thin a, kei chu ka mal lutuk hi ngaihah neih har ka ti.
Ka u leh ka pa kha ka ngai ve vawng vawng thin. Ka pa hmel kha ka hre ve Chiang lo a, pasang lampang, hmuihmul zuah, tarmit bun tih zawng kha ka nu ka atanga ka hriat ani mai a,
Ka u thlalak erawh chu ka roomah ka tar ve avangin a hmel ka hrechiang a, ka nu anna a neilo em mai, ka pa achhun aniang..
Ka lehkhazir lai chuan ka nu pawh a lo haw ve tawh a, ka tihthat leh thatlohte chu min zawt ve luam a. A hmel chu chik taka em chuan khawharna leh chiaina a hmuh theih. Ka ngaihruat vang nge ka hre lo le. Ka nu hian a nunhluiah enge a lo tawn a, tunge a rilru lo ti na ang le??.
Zothanpuii( Ramnunmawi nu) P.O.V..
Vawiin khan Thana nen kan inhmu hlawl mai, ka fanu ka admit khan he school ah hian a thawk ve tih ka lo hre miah lo.. A hmel a lo puitling ve deuh tawh tihloh chu a la pangngai reng mai..
(20 years before)
David's kichena ka hmuh kha ka vawikhat hmuhna ani. Amahah khan ka duh a Kim vek, a khabe phir leh abiangsum khuar kalh thin chu a va inhmeh tehreng em!. Min rawn enreng lai khan ka thin a phu dut dut mai..
Zana min lo text pawh khan ka phur lutuk. Ka hre nghal vek alawm.
Mahse, ka inthup ve hram hram.
Ka duh che min tih khan pasal hual ka nei tih ka inhre chhuak leh chiah. Timing lo lutuk. Engvangin nge he mi hnawksak hi ka pasal atan ka nu leh paten an lo ruat. Ka haw so bawrh bawrh...
Hausakna mai umin an fanu hi min hralh chu ani si a.. . Pasal hual ka neih hnu ah ani kha ka lo tawng leh si... Ka mu theilo chu ka inlet deuh reng a, pasal hual ka neih thu ka hrilh hnu khan a reh ta vang vang anih kha, ngatinge ka lo hrilh kher. Ropuia( ka psal hual) hi ka hmangaih lo a, a mah hi chu mi tha tawpthang ani. A pa lianin a hmel pawh a chhe zawk zawk lo, mahse ka hmangaih thei lo tlat ani.
Millenium centerah ka u dawrah pheikhawk thlengthar en turin ka thiannu Lily nen kan kal a, main gate bula lo ding mipa ka hmuh chuan ka thaw a tawp dawn. Amah ngei kha a ni. Hmeichhe pakhat hi a lo dinpui a, chu nu chuan bag a ak puar luah mai, sumo nghak ni awm tak hian sumo lo thleng chu a lo thlek leh deuh thin..
Min rawn hmuh ve chuan ka hawilet vat, Lily banah ka kai a, ka hmer ngawt ngawt. Nupui neilai nge a bialnu zawk le!!
Ka lo vei ve em em a, ka van zak zawk tak em. Ka thiannu chu ka kalpui dawr dawr a,
" Enge a, nang hi"
" Awi, Lily, mipakhat min rawn be tu ka tih kha I hria em, ka hmu a, a nupui nge a bialnu nge ka hre lo , a lo dinpui a"
Hmm.. T.shirt var ha kha ni maw, I en uluk ka ti reng a..ka hria alawm. Tlangval anih kha....
Enge a, nang hi pasal nei mai tur I nih hi..
Pheikhawk chu kan en mawlh mawlh a, Bangkok atanga lo thleng a pawl dal high heel chu ka thlang a.
"Enteh, ka vei tawp. A hming kha Thana a niin ka hria," ka tihzawm leh a." Mate, pasal I neih dawn tawh hi"
Mahse ka duhlo , ka hmangaih lo alawm"
" I nei dawn tho sia lawm."...
Ka ning e mai, Lalropuia hi ka pasal anih chuan a rethei ngawt ang. Ka hmangaih lo Chung chungin min neih a tum chu ania.
Zanah chuan, ka number hriat loh atangin,
Hi🌹
Tunge aw
Keimah ..
Keimah hriat ka nei lo tlat mai. Ka hrechiang lutuk tlat. Amah ngei kha ni.. ka lungphu hian a hria alawm. Min ngainep ang tih ka hlauh avangin ka la hrelo der mai mi ni.
"Hmm... Enge I tih a,?
"Nula hmeltha deuh ka be mek.."
Ka va han lawm tak, ka hlim veng veng...
"A ni maw, ka van thik".. ka lei ka chhuah tawp.
"Thik duh suh... Lo len I phal em?"
Ka thinlung chuan Aw a ti ,mahse min ngainep lutuk ang tih ka hlau..
"Inleng kan hnar ngailo" .
Chutiang vel chu ani kan bultanna chu.
Nidangah pawh kan inhmu ta fo a, kan invei dun telh telh a, mahse pasal hual ka lo neih a vangin kan karah hmangaihna inhlan a rem si lo..
Ka pasal neih dawn zanah chuan a tawp nan tiin ka chhuak ru a, kan kawmthlangah ka lo nghak a, world bank road ah kan inhmu zuai anih kha. Kan inkuah a, mittui tla chungin thenna biahthu kan inhlan a, pian nawn leh na ah a nupui ni turin ka intiam anih kha. Ani chuan kei lo chu nupui a neih dawn loh thu leh lo thlawi leh pawh ni ila min la iailoh tur thu min tiam bawk... Kan infawp vawng vawng a, manchhuah nih kan hlau si. Rei pawh awm lo vin min thlah leh thuai a,
Ka thiannu Lily chuan min lo backup thuai a, thian nih avan tlin tak em!
"Monu kha nui deuh rawh le" thlalatu in a tih chuan ka kiai deuh sak a, hlim a va har em!
Mite chuan an hmangaih ber te an nei a, kei erawh chu ka nu leh pate sum duh luatah hmangaih miah loh ka nei ani ta si a...
Lawithat zan chu a lo intiam tawh angin ka pasal hnenah chuan ka hmangaih ve hma chu nupa nun hmanglo turin ka tih avangin kan mu hrang nghal a. Mahse min hrethiam em em a, chu chuan amah ka ngeina leh ka tenna a tizual tih a hre der si lo. A chhungte hmuhah chuan nupa inhmangaih ber anga awm angai a, min kuahin a biangah te min nawk zeuh thin.
Keilah chu a hmuh loh hian ka lo ner nasa thei sia maw!!
Ka huatzia ka tihlan pauh leh min hmangaihna a zual a, keiin ka haw tulh tulh mai si...
Thana chu ka ngai em em thin. A zirna chhunzawm turin Delhi ah a chhuk tih ka hria a, a tha , hlawhtling takin lo inzir chhuak rawh se.
Hun a liam zel a, Ropuia dawhtheihna a zual zel a, ka hmangaih ber beisei tur awm ta lo chu, pasal te pawh kan lo ngaina chho tan ve ta..
Zankhat chu a hna lamah a buai avangin alo haw har deuh a, keipawh online shopping te ka khawih ve avangin fb lamah ka lo tuan a, ka thil zawrh te ka post lai chuan notification a lo thleng a, ka en nghal vat. Ka pasal leh hmeichhe pakhat thlalak dun an comment na alo ni. Inhnaih em em mai hian an thu dun a, ahmeichhia zawk chuan kan pa darah a kuah a, kan pa pawn a huatloh hmel viau, an nui dun sang a.
Innu thar em ni, in van nalh dun..
Ka tim sawk, ka khur nghal der der, ka maimitchhing a, ka pasal nen hian fb ah kan infriend a, a chhan pawh ka nu hian engkim inshare tawn tur atih vangin a nia. Ka lo hmangaih ve ta em ni le! Ka thik deuh tlatin ka hria , ka awmdan hi. Lo haw teh se, a chak lo khawp ang..
Dar 10:30pm ah chuan a lo thleng ta hram.ka lo muhil der tlat, zan dangah pawh ka muhil ziah tho mahse zanin chu a derin ka mu.
A coat a hlip a, khum chu a hniam sat, a lo thuthla tih ka hre thei. Ka sam chu huikiangin ka biangah a lo fawp zeuh. Ka mit a khur der der.
" I muhillo tih ka hria ania, ka duat..
Ka muhil der peih tawh lo...
Ka phone a an thlalak awm chu ka hmuh nghal, " tunge, hei hi.."
A nui suk.. "Bawihte, ka nau anih hi, ka cousin. I lo thik deuh ami" zaidam takin min ti a. Ka thin a ur lutuk, a sam ka tuaithur a, ka beng bawk. " I cousin chu tihian thla I lakpui a maw, comment te hi en teh" ka ti tuar bawk.
"Ka duat, he ti hian I awm ngailo, nang hi.... Min hmangaih ve ta mi"
Ka hamhaih lutuk. Alakah hian tumah ka thik ngailo, chu ahnekin ngaihzawng dang nei se min then daih se ka ti thin kha ania. Ngatinge ka thik tak tlat le!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:19 pm

A REM VE THEI MAI LAWM NI.
#CHAPTER 4#
Thantluanga
(POV)
Ka guiter chu la chhuakin inchungah chuan ka chho a, k. Hminga hla ngei mai kha.
Ka Hringnun diary hi,
Miten chhiar se,
Phek 20 na atang I hming a ri ang,
Hringnun kawng zawh hrang tura I liamni pawn
A khat tawkin I hming ka thailang leh thin.
Aw, Hringnun hian
Tuahrem tura duan a nei ang hian,
Tuahrem lo tura duansa a nei anih dawn hi....
" E khai , thianpa hetah ni maw I lo awm daih a"
Ka thianpa mafaka a lo ni.
Kan pahnihin Delhi ah zirna chhunzawm turin kan kal a, in kan inluah tawm a ni.
" Aw, ka lo zai vel mai mai"
Ka bulah chuan a lo thu ve a. Van lam chu kan hawi dun a, khua athiang nuamin arsi a pe tuar mai. Khua a lum lutuk tawh lo a, boruak a nuam tawk chiah ani.
"
I hmangaih hle ani maw? "
"Ka nunna ai pawhin"
Ka thaw halh a,
"
"Engtikah
emaw chuan alo kir leh ang a, chu mi hun chu ka lo nghak ani"
" Ka thian, ka sawi tur chu a awm lo a, mahse nula dang tha tak tak an awmlai a, a nuthlawi hun lo nghahte chu a" a sawi zo hman lo. A biangah ka hnek chawrh.
Ka kut ka hum ruh a, ka khur ngawt ngawt. " Ka nunna ani, thlawi sarih pawh ni rawh se, ka ta anih hma chu ka nghak dawn"
"Thianpa, chuti khawp chuan ani maw i lo hmangaih a, khuannu chuan intawn tir leh ngei che u rawh se"
Ka thianpa hian ka thinlung na hi min hriatthiampui a, engtin pawhin ti ila , min hrethiam em em zawk ani. Ka darah a rawn kuah a, " Thianpa, ka hrethiam lutuk che ania, intawng leh mawlh rawh u, hawh I chhuk ang hmiang. "
Ka mut a va chhuak lo tak em!. Thianpa chu a hnar bur bur tawh a, ka harhfim tulh tulh mai si. Ka lung hi a leng ve em ani.
Engvangin nge intawnglo tur kan lo intawn? Kan intawn hun a tlai em ani... Ka ngai a, ka ta ani thei tawh si lo.. " Than, pian nawn lehna ah I nupui ni turin ka lo kir leh ang, chutah chuan kan pahnih chauhin damlai pialral kan chen dun tawh dawn nia aw" tiin min tiam anih kha.
A mittui luang zawih zawih karah min melh tawk tawk a, min kuah thlawp in a tap hlawp hlawp anih kha...
Aw... A har ka va ti tak em! Engvangin nge ka lo tlanbo pui mai loh le!! Inrukpuia min sawm te khan ka lo hnar fithla thak a, engvang nge a thu kha ka lo pawm mai loh le! Tap chungin ka phur haw leh a, kan inthlah dawnah kan infawp leh ngawih ngawih anih kha. 😭
Dar 12:48pm ah chuan a tuka ka chauh ka hlauh em avangin ka chhing lui ve ta hram a. Ka harh chuan mafaka chu alo awm lo a, ka hmai te ka phih zawh chuan verandah zimte kan neih ve ah chuan kan in vai vung ve deuh a, thianpa pawh a exar la alo kir ve ta bawk a, thingpui te in in breakfast tur kan buatsaih dun a. Mipa ve ve kan ni bawk a, artui kan leh salad ani mai. Awlsam apiang hi a tha mai...
Class turin kan chhuak a, college inangah kan kal lo va, kan subject lak a in an loh vangin. A haw hmasa zawk zawkin dinner kan buatsaih veleh mai thin. Tunkumah hian kan zo ve ve tawh dawn a, kan phur tawh khawp mai. Chhungte min chawmna hi rulhlet ngei tumin zirna ah pawh thahnem kan ngai dun khawp mai..
#After 5 months#
"Awi, mama a lo thleng ania" ka nu chu a lo au chul mai. Ka haw tur hi ka hrilhlawk lo a, surprise ka chak ve tlat ... Min lo kuah vat a, " Awi, bawiha, ka van ngai tawh tak che em, I lo tluang maw, min lo hrilhlo a, kan lo hmuak tur che nia" a ti a." Hmuah ka ngailo, in buai mai mai ang." Ka lo ti vat a, ka tupa phirte chu an lo lang thuai a, " Apute, enge min lo hawn" an lo ti ve chul a, ka pawm ve ve a, ka nu chuan ka bag leh luggage chu kan awmpui Raju chu a lo kenluh tur ve bawk a. "Babyte i hi khawnge a awm a" tiin transformer ka hawnsak chu ka phawrh mawlh mawlh a, Joseph a chuan" Apute, ka ta ang chiah I lo hawn sak alaw, babyte i chu anu in nakinah a lo hruai dawn a" anlo ti vat a. Phir unau te chu upa zawk an ni bawk a, thik en ah pawh an en lo. Anni chu T. Shirt inang an thlalak ka nemkaitir na chu ka hawnsak a, an va lawm tehreng em! An han ha chhin vel a, pawnah an chhuak thul, an lo tlanlut leh darthlalangah an in en leh thin. Api pawh chu bag leh shawllum tha tak ka hawnsak a, ka pa erawh chu coat puanthan duh taka a thui tir turin ka hawn sak a, an lawm dun khawp mai. " Ka fapa, tunah chuan kan bulah I awm ve tawh ang a, ka sumdasnna te min enkawlpui tawh la ka duh ani. Hei kan upa tawh a, kan che thei lo mai tawh dawn a, fapa mal I ni a, I u te nise pasal an nei vek tawh bawk sia, ka hnungdawltu tur hi ka mamawh tawh ania" a ti a. Kei pawhin ka thlawp khawp amai. ..
"Ni e, ka pa I thu vek alawm," tiin ka nu lam chu ka hawi a, " Nang ka nu, enge I ngaihdam ni ve a, zirtirtu nih tir min tum sia" ka ti zeuh a. Ka nu hi zirtirtu pension ania, kei pawh hi athawhna school akalchhuak ve ngat kha ka nia." Nu, nangmah anga zirtirtu nih hi ka chak " ka ti ve fo thin anih kha.
Ka pa chuan," A.. min puih pahin hna te I zawng pah ang a, I hmu ta anih leh I thawk nghal ang ani mai lawm" alo ti ve a..
Ka pa hian ka nu hi a duatin a duhthusam puitlintir hi a tum ve hle thin ani. Tlaiah chuan ka ute nufa pawh annlo thleng a, babytei chu ka lo pawm vat a, " bawihte, surprise tur che ka nei a" ka tih chuan a phur tawh hle mai." Apute, ka lo ngai tawh lutuk che asin" a ti a, a thil tur ka leisak chu ka phawrh a, " maimitchhing rawh le" ka ti a, dawhkanah transformer chu dahin" meng rawh le"
Ka tunu hlim hmel hmuhnawmzia kha!!
A ang Pham a, a ka a hup a, meng biak kawk in a te chul a, " transformer " a ti chul mai..
Api leh anu bulah a tlan kual a, "piii , nuuuu Apute an transformer min lo hawn ania" a va lawmthiam tak em! A lo tlanlet leh a, min lo chuks zeuh, a nui va var a, hmuh a nuam takzet. Naupang rilru thianghlim tak ani ka tunu te hi chu..
Ka pa chu kan pui ve ta lawp lawp a, zarkawtah dawr lian tak mai anei a, fridge , washing machine leh TV tih ho vel a zuar ve a, hlawhfa pawh a nei ve nual a, amah a fel bawk a, a chhawrte ho pawh an fel hlawm khawp mai. Junior tia min ko turin ka pa in a lo hrilh a. Ka pa hi ka ang viau aniang,' Lianchunga jr ' min ti thin. Ka pa hi Lianchunga khiangte ani a, ka nu hi Saihmingthangi sailo ani. Ka nu hi nulian leh hmeltha tak mai ani ve a, ka pa hian hmel ah na na na chuan a phu lo , mahse an hausakna hian a chaldelh ve a, bakah ka pa hian ka nu hi a hmangaih ve tlur a, ka nu in a lo haw em em bik bawk si la nen. An inkawp rem thei fu ani.
Vanglaini chanchinbu lo thlengthar chu kan nau te zinga pakhat zoa chuan min lo pe vat a, kan en thuak thuak a, a phek hnung lam panga advertisement leh hnaruak vel ka en chuan st Paul's higher secondary ah mathematics teacher hna a ruak tih ka lo hmu a, ka pa ka rawn a, ka dil ve ta rawih a. Vanneih thlak takin ka tling ve hlauh mai.. ka lawm em em a, ka subject tuina ber anih avangin ka phur hle ani.
School ka kal hmasak ber ni chuan joining report kan pe ve a, teachers dangte nen pawh introduction te kan nei , nula ho chuan min en duh hle . Ka hai lo a, in sawitheihna ni lo se, ka hmel hi a chhe zawk zawk lo a, ka palianin ka khabe phir hi nalh anti thei hle a, biangsum ka lo nei ve leh si nen. Charms i ngah e min ti ve fo thin..
Kan miss zingah chuan miss Rosy khatla a mi chuan min hope deuh riau mai, kan veng a lo inthenawm bawk nen. Kan inphur haw thin a, thawhpuite chuan min fiam nasa thei hle a, engah mah ka ngai lo. Ka thinlung Lalnu lo chuan keimah
ah engmah nghawng an nei pha lo. Ani erawh chuan thiante min fiamna te hi angai thutak hle thin a, ka hai miah lo....
Thlakhat ka thawh hnuah chuan naupangho pawh ka bel ve tan ta hle a, Chung zingga chuan naupang pakhat cl10 a mi chuan lai a la thei hle mai, an deuh anei ani.ka Chiang ngam lo a.mahse ka la hrechhuak em em ang..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:19 pm

A REM VE THEI MAI LAWM NI.
#CHAPTER 5#
" NU...."
" Nuuuuu...."
"Lal anuuuuu, koh I van hre thei lo tak"
Engthil nge ka hriat le! Naupang chhia em em pawh ka ni tawh si lo, chuti vak vak a kan auh hrep chu...
"Tinge khati vak vak a min koh"
Ka lo nui sak a, a banah ka lo kuah vat, pangpar a lo khawih leh tawh aniang, a kut a berh luai a, a lu ah pangpar hnah a lo awm bawk.
" I kut sil phawt rawh, hrilh tur che tha deuh ka nei" ka ti a. A insilfai zawh chuan ka bulah a lo thu ve a, ka phone ka lo khawih neuh neuh a. " Enge ni ta, Ramnunmawi"
"Ih maw, nuuu.., ka thiante nen outing nei ang u kan tia. Kan exam zawh lawmnan. "
" Khawiah maw, tu nge i thiante chu" dilchhut leh pek . Ka rinsa reng kha ania. Thian hi maremi lo hi ka kawm tam lo a, kan inbulah hian ka rualpui Lungmuana a awm ve a, chumi chauh chu ka nu hian mipa kawm a phal a, kan classmate ah hmingsanga nen a ni leh mai.
" Lungmuana leh hmingsanga ni mai, maremi u , u zoa a lo kal ve dawn a" ka ti a.
" Engtikah nge, engchen nge in awm dawn? I damdawi te kha keng la, ei theihnghilh suh ang che. "
Mmmm... Lecture kan ngaithla leh phawt, mahse kal a phal hrim hrim
kha a lawmawm tawh. Ka phur hle mai, maremi chu ka text nghal a, pawnah chhuakin Lungmuana te inah ka va kal nghal. " Nu maeng, khawnge bawiha hi?" Lungmuana hi anu hian "bawiha " tiin a ko thin a . Chu chu ka hre fuh tawh a, bawiha ka ti ve thin , a duh lo thei asin aw, min melh rum thei lutuk. " A roomah khan a awm kha, in exam chu in titha bawk maw, nang hi chu ka ngaihtuah lo che a, I bawiha hi a ni , a pass zo ang em maw chu" anlo ti duah a, chhang lem lovin a roomah ka chho nghal.
"Hei, mutduhpa..."
A puansin ka keu hawng an lei min lo chhuah, a bengah ka sik hrep. " Hmeli, a na lutuk" tih leh khumah min pawhthluk a rual a, kan han inbuan leh phawt, thaw hlawi hlawiin kan thu chhuak a.
" Motherin, kal ve a phal" ka ti nghal tawng a, " a va hit ve, enge a hriat le, ve teh mial a" a lo ti a. Ka lo ngaihtuah miah lo. Ka nu khan kal ve a phal kha a mak reng a ni, schoolah pawh ka thiannu nen min thlah deuh thlap loh pawhin kan ban veleh a haw turin min chah ngei ngei thin. Hmundangah hian a tel lovin ka kal ngai lo. A zia hi a danglam tlat. Ngatinge le???
Reiek kan thleng ta, a boruak a va nuam em! Ka inkengbawr nasa mai sia, u zoa motorin kan kal a, kan hlim khawp mai, u zoa hi maremi u a nia, tlangval fel tak ani. Hmeichhia a ngaihsak lo a, tunah hian UD&PA ah Director in a awm ve mek a, a in ti hotu em em lo va, a staff te pawh in nuam an ti a, an zah em em zawk ani. Keini a naute rual lek bulah pawh hian awmdan a thiamin min kawmhlim thiam em em a, eitur leh tul ngai zawng zawng pawh amah hian a ngaihtuah vek a, motor pawh aman a khalh vek a, a zahawm tawp. Mahse amah hi a friendly em em a, kan thian kawm bawrh bawrh thin. Tent kan ken chu mipa ho in an han zar a, kan bul vela thingtangte chu keini pahnihin kan lo fawmkhawm ve bawk a, kan buai mam mam mai. Lungmuana chuan tui chawina tur bucket chu khaiin " tui kan chawi ang e" tiin thlanglamah chuan a liam ve nghal a, kan chawhmeh siamsa kan kente chu tihlum mai angai a, mei kan lo chhem khu luih a, favang a thaw tan tawh a, khua athiang nuamin thosi a awmloh lai ani bawk a. A zia phian. Chaw chu kan chhum a, u zoa chuan guiter a lo keng a, kan zai vel vak vak a, hla thiamchhuah hi kan lo nei lo hlawm sia, chhumbung deuh deuhin kan sa a, kan nui leh vak vak thin ... Ka rilru a thawveng hawk mai. Rual ka pawl tlem si a, hetia thiante nen a hun fianrial taka awm hi ka lo mamawh anih hi...
Chaw kan ei kham chuan khua a lo tlai ve ta ruih mai.. kan meichhem chu kan han vur leh hluah a. Kan thut hual tuau a..
U zoa chu ka bulah a lo thu thurh a, " zai leh ang aw, hla han thlang teh le" a ti a . Kan ngaihtuah ngial a, hla hi ka va han hre lo tak!.
"Dancing in the dark" ka duh.. kan han sa a, ka thiam lau lai chu ka lo pawr thei khawp mai.. maremi chuan" ka thlang ve dawn, murvate tih hla kha ka duh" a lo ti ve a, kan han s an leh chu kan tuitla g ta khawp mai. Ka phone chu a rawn nghawr der der a " "Aw nuu.. hei chaw kan ei kham a, k an zai mai mai anih hi.
Dar 4:30 pm velah kan thleng a. Aw, bia ang. Ole ole" mi hi chu a ngaihtuah thei thin." Naute kan chhuahpui tih ka lo theihnghilh daih a" Lungmuana chuan a lo ti zauh a, " ve lutuk a che, nangmah anih kha... Bawiha" kan ti chu a meng rum teh e, ka hnungah a lo chum pawp, mi hi a mipa bawl reuh a, he pa hi. A na lutuk, ka hmang awl awl mai, u zoa chuan ka hnung chu a lo chul vat a. Min ngaihsak riau mai. Maremi chuan, a na viau em, "Lungmuana chu I mipa deh leh chawrh thin a, hmeichhia a nih hi" a lo ti ve bawk a. Lungmuana inthiamlo hmel chu ka hmu zeuh a, a reh leh mai." A ho lutuk , a na lo" ka lo ti a. Ka damdawi ka la ei lo tih ka hrechhuak a, ka tho tharh a, tentah chuan lutin ka eitur chu ka la chhuak vat a, ka nerve a thatloh avangin damdawi ka ei reng angai a. Ka hnungah chuan awm an awm tih ka hria, ka hawilet tur chiah chu Lungmuana kut chuan ka hnunglam atangin min lo kuah a, " sorry"... Ka lung a phu dut dut. Nidangah pawh min kuah fo a, engtinmah ka awm si lo. Engnge tunah tak ka danglam tak le!
Min kuahna chu a kut chu vuanin ka ngawi vang vang a, ka rilru a no leh tlat. Ka hawilet a, a hmel ka en chu a thutak hle mai. Ka awmdan hi kei pawhin ka hrethiamlo. A mit a meng zim a , Chiang deuhin min en a" I pawi ka sawi chuan min ngaidam rawh aw, ih.. englo ania. "
" In va rei ve ngaidam in indil.. " a sawi zo hmanlo. Lungmuana nena inhmatawn a kan lo ding leh Lungmuana kutin ka kawnga alo kuah a hmuh chuan a tawp chawt.. ka nui lui a, " aw, hei ka damdawi ka ei zo chiah a" ka ti bah nuai a. A van zialo tak em!
Kan pathum chuan kan phei leh a, kan zaiho leh a , mahse a hma boruak ka pha thei tawh lo. Lungmuana hmel chu ka en tha ngam lo chutih rualin ka awm nawmlohna turin engmah a ti lo na in u zoa chuan min ngaihven tha hle a, ka rilru a nuam thei tak tak tawh lo.
Zanah chuan maremi nen kan mu dun a, u zoa te chu tent hranah an mu a, mahse min hual velin an mu, min veng ngun hle mai. Kan thla a muang dun khawp mai. Titi pawh ka peih lo, ka chau ve deuh bawk nen , ka mu tui khawp mai. Sihal u ruah ruah in min tiharh a, maremi chu ka kuah vat, a lo harh ve thuai a, kan inkuah dun chial mai, u zoa chu a lo khuh kharh a, kan thlamuanpui nghal khawp mai, kan tent bul ah chuan a lo phei a, " hlau suh u aw, hetiang hi ramhnuaiah chuan a awm thin ania, a lung a leng ve nih chu" a rawn ti a, kan mei chhem chu a rawn vur hluah a. Min mutsan leh ta a, ka muhil lawk thei ta lo. " Hey, nang hi Lungmuana nen hian in inhnimhnai deuh mi" maremi chuan a ti ta nge nge a, min zawh ka rin em em , engtinnge ka chhan ang tih pawh ka la hriat loh zawhna chu ka chhan angai ta.
"Ih .. aaaa... aaa.. ka . Ka hre lo" ka ti bah nawk nawk a. Engvangin nge min kuah ringawt le! Ka hrethiam lo ani. Kan infiam fo a, kutthawh ang zawng pawh in, mahse vawiin tlai kha chu kan danglam ve ve tih ka hria. " Awi, ka thiannu hi ... Amak eeee. Hei chen kan lo inkawm tawh a, I van inzep thei em em ve.., ngaihzawng I la nei miah lo emaw ka tia, en teh, ka u ka hruai ve chhan hi I hria em?. A star lutuk che a, chance siam sak che u ka duh vangin ka hruai ve a nih hi.. mahse".
" Engmaw... Enga"
Kei hi u zoa hian min lo duh amaw? Ka thiantha ber u anih hi. Ka thian kawmngeih ber in min lo chukha bawk, tunge ka thlan zawk ang ? A va mak ngai em!
Ka buai zo vek, u zoa te chu u ang chiahin asin ka lo en, chuvang ani maw min lo ngaihsak em em?. Kei tleirawl mai tan hian rilru siam a va har em!!!!
Tawk leh phawt mai rawh se aw.
Ka story min lo chhiarsak a, like leh comment bakah fuihna tha tak tak min lo pek thin avang hian in chungah ka lawm em em ani. Min lo chhiarsak zel ula , a ngaihnawm chho tulh tulh dawn ani.
Ka lawm e.. 🥰

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 6th, 2021, 3:19 pm

#A REM VE THEI MAI LAWM NI#
#CHAPTER 6#
Ramnunmawi
POV
Nilaini a ni a, maremi nen bazar turin kan chhuak a, pheikhawk en ka ngaih avangin,. Reiek atanga kan haw na champha chiah ani. U zoa emaw lungmuana pawh ka la be leh lo. Inah ka inkhung chawrh chawrh a, u Lani nen kan inkawm reng zel. Inchhungkhur Chet dan te min zirtir a, buhthleite min zirtir a, nuam ka ti thei hle. Hetiang zawng zawng hi ka nu in min zirtir hman lo a, u Lani hi a ring tawp mai ani. Ani lah hi a lo felin a zaidam si a, kan inmil phian mai.
Milleniumah kan kal hmasa a, 2nd floor ah chuan kan chho a, pheikhawk awmna kan zawn dun dun lai chuan kan piah lawkah hian Lungmuana leh hmeichhe pakhat hi min tawk zawng in an lo phei ve chiah a, hmeichhia chuan a banah kaiin an inhuatloh hmel hle. Min rawn hmu hrih lo a, hlim takin an nui dun a. Engtin emawni ka awm nghulh. Ka thik emaw ni le! Ka en reng a, min rawn hmu ve chiah, a nui tawp chawt a, hmeichhia chuan a kutah a la kai reng tho. Maremi chuan, "Hey, malung, nge in tih ve a" a lo ti vat a, " "malung a". A ngei ang chu aw. A u tan hian maremi hian min duh avang hian Lungmuana hi a ko parat mai mai ani. Ka thin a lo sa zak mai ka tan deuh tlat. Mahse ngawi phawt ang. Ka thiani hi engtinnge a Chet dawn ka hre si lo. " Nia, hei mami hi a lo zin thla ve achamphai atangin, kan bazarpui ve nih hi, enge in tih zawk" Lungmuana chuan a lo ti ve mai a. Mami a tih chu a bana kai tu kha ani. " U, I thiante mi" a lo ti ve a. Mmmm . Tha lutuk anay lek lo niin. Mahse anpianpui hu a ni lovang.. Fapa mal ani tih ka hria a lawm, a cousin anih dawn hi.
" Aw, nih hi, hei hi umawite I ti ang a, hei hi u maremi" tiin min han inhmelhriattir zung zung a. Nui saih in min chibai a. " I hming chu ka hre tawh alawm, u mawite, ka u in a sawi zing lutuk" a lo ti a. Ka lai ve det. Engvang hian nge Lungmuana hmaah hian ka lo laih tak em em le!!
Maremi chuan " engtinnge a lo sawi a, I u chuan" a lo ti vat a. Maremi hmel a en chuan mamai chuan chhan chu ah angai lo nge ni" A ... An inkawmngeih dan vel mawle, u kan kal dawn mi. Ka ni khan lo haw har su a ti bawk sia" a lo ti vat a." Kan kal ang e" tiin Lungmuana chuan mi melh zawk a, an kal liam ta. Ka thaw hawk, ka lo va tang em em ve. Ka thawl buaiin ka hria. Maremi chuan pheikhawk dawrah chuan min luhpui a , kan duhzawng kan enkual zawh chuan a man kan pe a, kan chhuak chiah chu u zoa leh a driver no awm tak hi an lo kal ve chiah a. "U, awi in lo kal ve law, hei thiannu nen hian pheikhawk kan lo en a, hawh eitur min treat rawh" a lo ti seuh seuh a. U zoa chuan min en reng a, ka lo nuih ve ringawt a . "E... Lo kal ru, in duhna berah ka hruai ang che u" a ti a. Maremi nen chuan kan phur leh hle, ei eleh inah hi chuan kan phur fal thei. Kan duhzawng kan han lam tak tak mai chu " in eizo Seng ang maw" u zoa chuan a lo tihluai a, ka lo nui tawp. Maremi chuan" u, lo lungngai suh, hengte mai mai chu e, reilo te ah ka pumah hian a lut zo vek dawn a lawm" a lo ti mai sia. Kan han ei tak tak mai chu kan bula mi te pawhin min en hau mai, u zoa driver phei chu a meng phar nasa mai. Mukbang kan bei ani ringawt... " Bawihte, ni engzatnge, chaw I nghei tawh" a ti hluai mai mawle. "Nitin ka nghei" alo ti leh mai. Ka lo nui ve tawp. Ka hmanhmawh deuh tawh sia.." u zoa, kan lawm lutuk ania, min treat a, chuan ih. Ih... Kan kal a ngai tawh a, ka nu in dar 3pm a a inthlen tur a ti a, kan tlai tep tawh" tih pahin ka sona chu kan en nghal a, maremi chuan rang takin " u , min thlah pah thei tiraw, kal ang u" a lo ti vat. Kan thil lei chu a khai a, engmah pawh ka sawi ve hman lo, min chhuahpui nghal a.
" Hei, I a mi, ngatinge min chhuahpui dawr dawr a" ka ti a, ka thaw hlawi hlawi mai. Ka va hawilet leh chuan u zoa leh hmeichhe pakhat hi an lo inbe mek a, a hmeichhia zawk chuan a nek deuh sek a, u zoa erah chuan engtin mah a ti ve lo. Thian biak pangngaiin a be ringawt. "Hawilet suh" maremi chuan a lo ti tuar a, mahse ka hmu vek tawh. " Ka u bialnu a ni lo ania, hmingpuii a nih saw, ka u a lo bem nasa thei lutuk . Ka ngei ania aw" a lo ti barh barh a. Ka va hawi leh kher a, hmingpuii chuan u zoa bengah a lo khawih sak a, ka hawi let vat. " Ka hmanhmawh, kalsan mai ang, motheri sermon ka ngaithla peih lo" ka ti a. Mahse ka thiani hi a tang laklawh tlat. A va kal hnai a, " Ka u hi ka lo kalpui tawh Ange aw" a va ti tawng a, a rawn kai nghal. Ka va han duh thei tak em, ka thiani hi chu. Hmingpuii chuan a rawn en zui vawng vawng. Officer ve lem si, a nau zawkin a rawn kai dawr dawr ka hmuh chuan ka nuih a za tlat. Ka lo dir char char a, u zoa meng phawk leh hrilhhai hmel te chuan ka nuih a ti za ngawih ngawih. Min lo melh zawk a, "kal ang ule. Ka thiannu a nih kha, sawi tur hi a ngah ve thin a" a lo ti a. " Khatiang hmeichhia kha thian tawh suh, mawitei a hmanhmawh tawh lutuk" maremi chuan a lo ti ve bawk a. Kan chhuak nghal a, kawngtluanin hmingpui a ngei zia chu ka thiannu chuan a sermon phei char char. U zoa chu driver bulah a thu a, maremi nen a hnung seatah kan thu a, a front glass atang chuan u zoa chuan min lo melh leh zeuh thin a, kan mit lah a intawng fuh theih phian. Maremi titi pawh chu ka ngaihtuah thei lo. Ngatinge kei hi u zoa hian min lo duh ve le!. Hmeichhe ngaihsaklo tak aniin ka hre bawk si.
(Back in 20 years before)
Zothanpuii
( Ramnunmawi nu) POV
Ka pasal nen chuan kan inngeih ta viau. A mak hle mai. Englai atangin nge ka lo ngainat tak em em ka inhre bik lo. Thana laka uire ang deuh ah te ka inngai a, mahse ka pasal lakah hi chuan ka dik thlap si. A dawhtheihna in rah a chhuah ve tan ta a niang, keipawh ka awmdante siamtha in pasal chanvo tur pawh ka pe ve ta zeuh zeuh mai. Tunlai ka awmdan hi ka dik lo riau, chauh nghulh leh luakchhuak ka nei reng mai. Ka nu ka hrilh chuan nau i pai ve tawh ani lo maw min lo ti a, kei hi ...
Damdawi dawrah pregnancy test kid ka lei vat a, ka haw veleh ka intest nghal a, ka en ngamlo. Mit hup chungin ka lek va va a, ka kut chu tisawn in kan en ta che a rin hnihin a lo sem vat mai. Awi, kei hi nu ka ni ve tawh dawn maw!!.
Ka hmangaih ngawih ngawih Thana nena kan fa ni zawk se ka la ti fan. Mahse a ni thei si lo.
Tlaiah Ropuia lo haw chuan roomah ka lo awm a, kan awmpui chauhin a lo chhawn avangin, " khawnge I pi) a tih ri chu ka hria a, mahse ka chhuk peih lo. Roomah a lo lut a, " ka duat, enge I lo tih a, I lo tha em" tiin min rawn kuah a, ka chal ah a lo fawp zeuh a." Mmm... Ka tha, thil hrilh tur che ka nei a" tiin test kid chu ka hmuhtir a, A hrethiam ve lo aniang , a lek vut vut a, "hei enge, engthil nge ?" a ti hu a. Ka laksak leh thuai a, a mitah tak enin" fa neih ve tawh I chak em?" Ka ti a. " Aw, chak e,..., Ngawi teh " tiin ka test kid chu min laksak leh vut a, an thlek ngial hnuah min kuah thlawp in " bawihte, pa ka ni ve dawn tihna em ni" hlim em em in a ti a, min en leh a, ka lu ka lo bu nghauh a, ka nui var var a, min pawmkang lawp a, min virpui chiam anih kha. A chang hi chuan a che naupangchhia leh viau thin. "Pa ka ni ve dawn ta" ti leh in chhuatah min nghat leh a. "Ka naute, ka va duat dawn che em! I nu thu lo awih hle ang che, I lo chhuah hum ka van nghakhlel tawh em" tiin ka pum te chu a chul a, an ngaithla vel thin. A va han hl tak em.!. A chevel hian ka tah a tichhuak zawk. Ka duhloh thin zia leh ka thinrima ka tumkhum thin Chung pawn dawhthei takin min nghak in min enkawl a, ka duh lo Chung kha vawikhat mah nupa nun min hmanpui a tum ngai lo. Nupa ni si khan kumkhat leh a chanve dawn kan mu dun lo. Khumhranah kan mu thin anih kha. Hetianga hlim taka awm hi a phu ve hluah hluah tawh ani.
"Naktukah checkup turin kan kal nghal ang, doctor tha ber kan rawn ang" ati sauh sauh a. Ka biangah fawpin " ka duat, ka van lawm em, fa tha tak min hrinsak ang che aw" a ti a. Ka lo nuih ver ver a," fapa nge I duh fanu" ka lo ti a. Min kuah hnaiin ka sam chhawlleng chu ka bengah a zep zeuh a" engmi pawh ka duh, bawihte, ka hmangaih che," a ti a, keipawn ka hmangaih che" a vawikhat nan ka hmuiah min fawp ve ta ka lo dang miah lo. Ka lo fawp let ve ta zawk.
" Sang rawh le, aw I thiam lutuk" ka theihtawpa ka San leh hnu chuan naute tap ri ka hre ta. Ka fa ngei mai chu" mipa I nei e.. " ka va lawm tak em!. Naute chu min pawmtir a, a pa a chhun lutuk , a hnar leh a hmui te chu a pa siar ani mai. A biangah ka chuk zeuh a, " bawihte , ka hmangaih lutuk che" ka ti a. Nurse chuan min laksak leh vat a, room dangah a hruai a ka inhliamna te an thui zawh chuan wardah min sawn chhuak ve ta a. Khum bulah chuan ka nu leh kan pa an lo thu dun a, ka nu chuan kan fapa chu alo pawm a, khumah chuan ka mu fel tihin ka thisen te an rawn la a, kan pa chuan ka chalah min lo fawp zeuh a, " ka duat, ka va lawm em, fapa min hrin sak a, ka hmangaih zual sauh che" a ti a, a sam a chul pahin " kei pawn ka hmangaih che". Ka kut a vuan a, a fawp leh zeuh a, kan fapa chu ka bulah an lo mut a , ka thlir bang thei lo. Ka hmangaih ngawih ngawih mai ani.
Damdawiin kan chhuahsana pawh karhnih ani ta. Kan fapa chu Lalduhsaka tiin a hming kan phuah a, a hming kan phuah ni chuan kan pa unaute leh ka nu leh pa te pawh an kim ngei mai. Present pawh kan dawng nasa. Zanah phei chuan bawihte apawh a mu tha hlei theilo. An pawm lawr nasa lutuk a. Kan chhungkua ah chuan hlimna in par achhuang ve tan ta.
Bawihtea kum khat anih chuan theihtawpa ropuiin kan lawm a.
Kan in bulah chuan online shopping ka tih laia ka customer hlun deuh mai mahlimi a rawn awm ve a. Kan inah te pawh alo chuangkaiin kan inpawh em em thi. Bawihte a pawh a duatin a chulnel em em a, kan fapa pawh hian a ngai em em thin ani. Ani pawh hian online shopping bei ve lehin a insemchhuak deuh zak zak reng a, scooty a nei a, a bawr thei hle mai. Kanpa te staff ho hian an dawr ve fo avang hian kan pa hi a thawn ve zeuh zeuh thin a, kan pa pawh hian engmah sawisel lovin a lo kensak ve leh mai thin.
Inrinni zing ka tho chu ka ni deuh nghual mai, ka luak a chhuak a, ka hnute a tang deuh tlat. Ka inringhlel ta tlat ami. Kan intest leh chuan nau ka lo keng leh niin. Kan va chhangchhe dawn em. Kan pa ka hrilh chuan a lo lawm leh kher mai. Tunah chuan chhungkua kan pung leh dawn ta. Ka lo sawihmaih chu kan inneih tirh hian kan indang nghal ani. Ropuia hian kan inneih present atan Tuna kan chenna in hi min pe ani. RCC Building niin chhawnghnih ani. Awmpui lak ka duh lo a, mahse tunah chuan lohtheih login awmpui lak kan ngai tawh ang. Ka nau pai pawh a hram chho tan ta. Kan pa chhungte thingtlang lam ami chu min awmpui turin kan la a, Dampuii ani. A felin a biak a tha khawp mai. Bawihtea pawhin a ngaina a, inchhungkhur a enkawl tha in min awl hneh khawp mai.. Tunah chuan ka nau nei pawh a lo hun ve ta. Tha te in hmeichhia ka nei a, ka van lawm em! Vanlalpeki kan sa a, a u chuan aduatin a hlimpui thei em em a. A awm reng thin a, lo pawm ve hi a tum nasa thei sia, ven hi angai hle thin .
Zankhat chu kan pa hnathawk bang hi a lungawiloh hmel em em a, ka biak pawhin a rul tawh chauhin min chhang a, thingpui ka lumsak pawh a in duh miah lo. Naute a tah avangin roomah ka luhsan a, Dampuii chuan chawei a lo siamsak a, tlemte a ei a an roomah chuan a lo lut ve a. " A inthlakna tur ka lo pe vat a, " lungawilohna I nei em ni" ka ti a. Min chhang lo. A bag atangin reciept alo phawrhchhuak a, " hei hi enge" .ka enchian chuan zopa gold Smith a rangkaçhak zungbun leina a lo ni. A leitu hmingah ka hming a lo Chuang kalh. A va mak ve, kei hi khawiah mah ka chhuak si lo a. Date lah chu vawiin alo ni bawk si. " Ka hrethiamlo, ka chhuak miah lo, bakah rangkaçhak zungbunka mamawh lo, hei ka Inneih a min pek hi ka duhtawk viau asin.. " tiin ka kut chu ka lek chhuak a."zothanpui, dawt sawi suh, " . Enga , ka hmingpumin min ko maw?? Enge a hriat le. Bawihte min ti ziah thin kha ania. Fuihpawrhtu an awm em ni? Ka Bing mup mup. Ka mittui a tla fap fap a, ka tawn thei lo. Ka hnuk a hi ulh a, ka tawngchhuah chuan ka tap dawn tlat!! Eng hian nge ka pasal hi tidanglam thut le!!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)