NANG CHAUH BY Ruati_ruatpuii (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NANG CHAUH BY Ruati_ruatpuii (Completed)

Unread post by Ngaia » June 13th, 2021, 7:28 pm

Chapter-7

Remruattluangi POV

Kan semester exam tur in buatsaihna nen...ka kalna te nu Sangi te tunlai an buai thei bawk nen.Tunlai chu ka chau thei hle a.

Zirtawpni a ni a,ka thianten 'Coffee Bloom'
ah chawlh leh an rawt a,Ramthanpuia thawhna nih vangin Anni kal an phur a,kei ka peih loh phah thung.Se ka chau bawk nen,engmah pawh ka sawi buai peih ta lova.Bakah an ei tur siam kha chu tui ve thlawt ani.

'Coffee Bloom' ah chuan kan thu a,ei tur pawh a lo thleng chiah a.Ka lu chu a na ut ut mai,ka ei tur chah pawh chu ka ei tha peih lova.Ka thianten an ei zawh chuan,kan tho chu ka lu hai muai muai a,Peki chuan "I tha em" min rawn ti a,ka lu hai chu tawng pawh ka tawng chhuak thei tawh lo....ka bawh a,ka tlu hi ni deuh mai a.

Ka thiante min ko thawm chu ka hre ruai ruai a,tu emawni mipa aw hian 'Tige a?'a tih ri te...'I tha em?' min tih ri te chu ka hre ruai ruai a.Ka kâng deuh nawlh hian ka hria....tu emawni hian min pawm tih bak chu engmah hriat ka nei tawh lo.

Ramthanpuia POV


'Coffee Bloom' a ka lut chiah chu hmanni a an thutna ah khan ka va hmu a.An ei zo chiah nih hmel.An kal tur chu ka en reng a,Remruattluangi chu a tlu ta mai a,a thiante chuan an buaipui a,keipawh ka thleng phei rang hle."Engati nge a?" Ka ti a....an thiannu pakhat chuan kan hre bik lo a lo tia...ka thu thla a a tha lo tih hre reng chungin "I tha em?" Ka ti a.Ka pawm kang a,ka motor lam chu ka panpui nghal a,a thiante chuan min rawn zui nghal a.

Damdawiin kan thlen pawh chuan a la harh lo,doctor te chuan an lo buaipui nghal a.A thiante chu an tap pur tawh mai bawk si.Keipawh ka mangang ve tak zet.

Doctor chuan thisen a tlakchham vang leh a taksa a chauh em vang a awm ani a ti a.Thisen pek angaih tur thu min hrilh nghal bawk a.

Thisen pekna room ah chuan kan awm a,ka thisen chu ka pe a....an thiannu 1 in a pe ve thei hlauh bawk.Hmeichhia hi chu thisen pe thei an awm vak thin lo.An thisen neih sa nen chuan a daih thei mai ang an ti a.

Thisen chu an pe nghal a,test hrang hrang an ti nghal bawk a.Doctor leh nurse te an fakawm tak zet.

Doctor chuan thisen an pek mek thu leh darkar 2 hnu velah chuan a rawn harh mai tur thu a sawi a.Doctor chuan min admit nghal a,a taksa a chauh em avangin chawlh hahdam a mamawh thu a sawi bawk a.Mahse lawmawm lam ve thung erawh chu engmah harsatna dang a nei lo chu ani.

A tlai tawh bawk nen a thian te chu haw turin ka ti a.An thian ho chuan a chhungte hrilh leh hrilh loh turah an lo buai a.Nakinah chuan an thiannu 1 chuan hrilh loh mai tha a tih thu a rawn sawi a.Chu chu tha an ti tlang a.An hrilh ta lo.

Remruattluangi POV

Ka harh a,ka meng riai riai a,Tetei chuan I lo harh tawh maw..min lo ti a.Ka tawng chhuak dawn a...ka aw a chhuak mai thei lo.

Ka hawi kual a,damdawiin niin ka hria.Tetei chuan damdawiinah kan hruai che a,a lo ti vat a.

Doctor leh Ramthanpuia chu an rawn in zui lut a,doctor chuan "I lo harh tawh maw..." Nui vur vur chung hian a rawn ti a.Doctor tawng ai mah chuan Ramthanpuia min melh run leh a awm ve chuan mak ka ti lutuk chu ka rilru a la zawk mah.

Doctor chuan ka chawlh hahdam ka mamawh thu leh ka chauh lutuk vang a tiang a awm ka nih thu min hrilh a...a chhuak ta a.
Ramthanpuia pawh chuan a zui chhuak a,ka thaw hawk mai lawm.

Tetei leh Esi'n min riahpui dawn a,ka nu te pawh an lo hrilh lo hlauh a,ka lawm tak tak.Tetei chuan an in a riak angin min lo va sawi a,ka hahdam phah sawt mai.

Esi chuan Ramthanpuia lo awm hlauh a lawmawm zia te chu a sawi a.An sawi dan chuan khatia min buaipui lai khan a rawn lan thut thu an sawi a,ama motor in Damdawiin pawh min lo kalpui nih hmel.Ka senso lah chu aman a lo tum vek hi nia.An lawm thu leh fel an tih thu chu an sawi mawlh mawlh a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 13th, 2021, 7:28 pm

Chapter-8

Ramthanpuia POV

Doctor enkawl tu tur chu ka va bia a...darkar 2 a liam tawh a,a la harh bawk si lo chu ka awm hle hle thei tawh lo.

Mahse ka hmanhmawh lutuk vang aniang chu.Room a kan va luh chuan a lo harh tawh a.Min hmu chu mak a tih hmel viau,a lawm vak lo anih hmel.

Doctor nen chuan kan inzui chhuak a,ngaih that lohna tur engmah a awm loh thu min hrilh nawn leh a.

Dawr ah a ei theih tur te ka zu lei a....damdawi lei ngai te pawh ka lei nghal a.Hetia ka hmeichhe hnaih leh hmasak ber chauh lutuk vang a a tlu mai chu ka lawm zawng a ni lem lo.Tun atang chuan ka enkawl that viau angai tawh ang..

Remruattluangi POV

Ramthanpuia chu a lo lut leh a....chu pawh ei tur tam tham tak nen.

Ka thian te lah chuan lo awmpui rawh kan va chhuak harh ve nge an tia...an kal daih leh nghal a.

Ka bula thutna awmah chuan a rawn thu a,keipawh ka thu deuh a.

"I tha tawh maw?...Na te I nei em?" A rawn ti dam thlup a,amah ang lo takin a tawng ngaih thlak a nuam in min ti hah dam sawt thei...

"Aw...ka tha e..ka ti a.Ka lawm lutuk ania...I lo awm hlauh a,I buai phah nasa sia te ka ti ve ta vel a." min melh run a...ka buai vek.

"I that chuan a lawmawm,I thiante an mangang lutuk a,an tap pur alawm"a rawn ti chu ka nui chhuak hak a,ani pawh a rawn nui ve suk tho.

"Hei eitur te hi ei teuh rawh...I ei zo vek dawn nia..." A tia.Eitur chu ka en a tam tak hi ni ringawt.Hetiang te engtia ei zo thei tur a min ngai nge maw nih le."Ka ei vek tur maw"ka ti ringawt a.
Ani lah chuan "Imm"a ti duh chauh a.

Min en nasa lutuk chu nuam ka ti lo lutuk chu haw turin ka ti ta ngawt a.''A tlai tawh si..va haw tawh rawh..Tetei te pawh an lo let tep ang "ka ti chu a lawm hmel vak loh.Min melh run a..mahse engmah sawi lo chuan "Nia..naktuk lamah ka lo kal leh dawn nia.Lo in enkawl tha la "a ti ta daih a.

Esi te pawh chu an lo lut vel chiah a...anni lah chuan la awm rih turin an la ti zui...a tawpah chuan tluang deuhin I haw dawn nia...an ti thei hram lawm.

Esi chuan "Tige I be tha lo mi?" min han ti nghal ngawt pek a.Engtin vak chuan nge ka biak anga lawm thu te pawh ka sawi ve lawm....awiii...pawisa chung chang ka sawi theihnghlih daih...ka ti chu Tetei chuan min rawn chum tawk a.Kei lah chuan dam lo in duat lo lutuk ka tia...kan nui ho ta vak ringawt a.

A hnu deuh chuan Tetei chuan tak takin a duh che tih a hriat reng a,vawin te khan a mangang ve teh asin o...tha deuh khan lo be ve tawh rawh,a ti a.

Ka chau ka mu dawn ka tih san daih a.An thinrim ngam chiah bawk si lova.Ka khawngaih reuh ania.

Ramthanpuia POV

A awmna room a ka lut chu min lo melh ve kalh reuh a.A bula thutna awmah chuan ka thu thla a.Lawm thu te chu a sawi ve niah niah a,a lawmawm reuh lutuk.

Ka en ning thei lo...ka en reng mai.Luhlul ve thawkhat hle in lang mahse hmeichhia anih ve zia a lang...tiang em em a min hip thei hi keipawhin mak ka ti...hriatchian lehzual ka duh..ka hrechiang ngei bawk ang.

Haw tawh tur a min tih chuan lawm lo viau mahila engmah ka sawi loh chhan chu mut a mamawh rih ber a ka hriat vang ani.

A thiante lah chuan min ngaihna phian tawh lehnghal a.A pawi ka ti lem lo.

Ka inbual zo chu,ka room varandah ah chuan chhuakin thli chu ka in chhem tir a,ka chhing vang vang a....ka mitthla ah Matei a lo lang a..vawin a Bawihi tlu ka hmuh khan keipawh ka chi ai ve hman viau mahse tih sual leh chu ka tum tawh lo.Ka chhing vang vang a...Mate I thik viau em? ka ti a...room ah chuan ka lut a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 13th, 2021, 7:28 pm

Chapter-9

Remruattluangi POV

Kei chuan chhuah mai ka duh na a,doctor chuan a la phal tlat lo.Thisen min pek vang leh ka taksa chu a la chak tawk lo a ti tlat a.Ka chhuah chuan ka chauh leh mai a hlauthawng deuh niin a lang.

Ni e...tun kar 2 chhung vel kha chu chau ve tak chu ka ni.Lehkha zirin ka meng rei ve thin bawk nen,ka kalna thin te Nu Sangi te lah an buai a,tih tur a lo tam ve bawk nen. A awm ve tho e.

Esi chuan apple vel pah chuan thil ei teuh teuh tur leh in enkawl tha turin min ti mawlh mawlh a.Ei tur lah chu a tam mai sia.Min ngaihtuah ve thei lutuk a.Keimahin ka awm thei ka tih pawhin class ka kal peih chuang lo,a ti tlat a.Class kallo in min awmpui ta ringawt a.

Lalze-i te ho pawh class ban veleh an rawn kal a.An rawn ri leh chel chul tawh.Chutah Rinzuala te thian dun an lo la tel zui.Thartei bulah chuan Tige in lo hruai ve a...ka ti ru chu..a ngaihtuah lutuk che a..a tha kan tih pawn ka hmu ve hrim hrim duh a ti tlat alawm a ti a.

A awm ve tho...Lalze-i pek hian min lo sawi na leh viau emaw vel ania nga.

Rinzuala hian min ngaina tih chu ka hria a,mahse hetiang lam ka ngaihtuah hman lo.Buaina ka ngah lutuk.Chuti chung chuan min ngaihtuah ve thei em em a,mi hi a be deuh reng mai ni.

Amah tak phei chu a fel reuh phian a..a hmel pawh chhe zawk zawk ani bik lo,kan college ah pawh a lar ve pawl ani.An lo nei ve pangai tho bawk si a.Ka thian te pawhin duh ve mai turin min ti thin a...mahse hetiang a buai hman niin ka in hre tlat thin lo.

Ka bula thutna ah chuan a rawn thu thla a,Ege ka an tawh te min zawt a...a message ka reply loh vang a a lawm vak loh thu te a sawi ve a.Nizanah ka phone ka khawih lo hrim hrim thu ka hrilh chuan min ngaihtuah lutuk vang ania a ti leh mai a.

Awm kan tam bawk a..eng eng emawni sawi in kan nui ho leh dar dar thin a,a hlimawm phian.Rinzuala lah hi ti ti thiam tak mai ani a..sawi tur a hre em em a,kan nui phah nasa khawp mai.

Chutia kan nuih dar dar lai chuan,kawngka a rawn in kik a..chumi rual chuan Ramthanpuia chu a lo lut nghal deuh mai a.Kan nui lai pawh kan tawp deuh chawt hlawm alawm.Nizana ka lo kal leh ang a tih khan a lo kal leh tak tak pawh ka lo ring lova.

Esi chuan a lo be vat a,thutna te a lo kian a..kan titi chhunzawm bawrh bawrh a,min rawn ngaihsak lem lo chuan phone a khawih a..mahse kei leh Rinzuala chu min rawn melh leh thin tih chu ka hria.

A tlai deuh tawh bawk a,ka thiante chuan haw an rawt a.An haw dawn chuan Rinzuala chuan "lo dam vat rawh "min ti a..chumi a sawi lai te chuan min lo melh run mai,an chhuak dial a.Esi chuan a va thlah a.Kan pahnih chauh chuan kan awm ta ran mai a.

Phone chu a en ngur a...nichin khan kan tam viau na chu..kan 2 chauh a kan awm hian boruak a tlem zawk mahin ka hria.A hmel chu nidang zawng ai hian a thim in a rum deuh ul hian ka hria a,nizan khan a haw tlai sia..a chauh phah viau mi le....aaaaaa...ka ngaihbel niang.

A rawn tho chhuak a,ka lam pana lo kal chu ka lo melh tawp ringawt.Ka khumah chuan a rawn thu ve a,a rit bawk aniang khum chu a hniam suai in ka hria..min rawn kuah a..ka ip chawi mai..Chet pawh ka che ngam lo.A ngawi vang vang a,keipawh chutiang tho.

Rei fe hnu chuan..."Vawin I lo tha em?" a ti a.Ka chhan hma hauhin "I nui nasa bawk a..I that hmel"a rawn ti thum dut a.Ka dar ah a lu a rawn nghat a...a ngawi leh vang vang a.Tawng ka tum lai tak chuan a phone a rawn ri a,a tho a,tukverh lamah a kal daih a.A hman zawh chuan "Bawihi..ka kal a ngai tlat mai..."atia a chhuak daih a.

A chhuak chu ka en mawl tawp ringawt.

"Bawihi...."tiang chuan min ko..ka pa tih loh chuan hetiang hian tuman min la ko leh ngai miah lo.

Nichin lawk a awm dan te kha mak ka ti takzet.
Rinzuala nen a min en reng vang khan min hauh hrep duh hmel ka tia se a awmdan chu mak ka ti taket.

Esi a rawn lut a..a va haw hma ve a rawn ti a.Nia ka ti ringawt chhan ngaihna vak ka hre lo.

Ka ngaihtuah zui char char a..a chhan tur lah ka hre der si lo.

Ka ngaihtuah chhuah tak chu ka vei mek tih hi ni.Tiang hian mipa tumah an awm dan vanga ngaihtuah zui vang vang ka la nei ngai lo...Rinzuala pawh tiamin.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 13th, 2021, 7:29 pm

Chapter-10

Remruattluangi POV

Damdawiin atang pawhin ka chhuak tawh a.Class kal chu ka nu in a la rem ti chuang lova.Damdawiin atang ka chhuah nghal mai loh vangin ka nu chu kan hrilh ta nge nge anih kha.Ka rin ang ngeiin a hlauthawng leh viau.Damdawiin bill ka lungkham em em lah chu Ramthanpuia'n a lo pe fel vek.Ani lah hmuh tur reng a awm tawh lo thung.

Class kal lo chuan inah theih ang angin ka in zir a,Zan lamah ka nu in men rei vak a phal loh vangin chhunah ka zir char char thung a.

Khami ni damdawiin atanga a chhuak kha ka la hmu leh miah lo.Amah lo kal lo mahse nurse 1 hian ka ei tur hi an rawn keng lut leh teuh thin.Mahse amah ber hmuh tur a awm ngai lo.

A chanchin hriat zui vak ngaihna ka hre lo,a phone number ka nei bawk si lo.A thawhna hmun lama va kal chilh em chu ka duh chiah bawk si lova.

Naktuk mai kan exam ani tawh a.Damdawiin atanga ka chhuah hnuin ka la leng chhuak leh miah lo bawk nen."Coffee Bloom" ah thian te nen inhmuh kan rawt a.Tlai lamah chuan ka chhuak a.

Ka thiante chu an lo awm tawh a,Rinzuala te thian dun pawh an lo awm ve a.
Kan titi a,kan nui ho a mahse ka kim lo,kailawn atang chuan a lo chhuk beisei in ka thlir leh thin.Chutih lai tak chuan kawngka atang hian hmeichhe pakhat chhelo zet nen an rawn in zui lut chu ka hmu a.Ka thil in lai chu ka tawp chawt mai.Ani pawh chuan min rawn melh ve run tho.

Kan lam panin an lo kal a,min melh run a,keipawh chuan ka en reng.Kan zawn an lo thlen chuan min kal pel hmak a,ka mittui a tling pam tawh a.

Keiin ka lo ngaihtuah ve em em laiin hmeichhe dang nen ka hmu chu ka na lutuk.Kan inlaichinna sawi tham la awm lo mahse ka chung a a thatna vangin ka rilru ka lo pe mah mah deuh aniang.

Rinzuala chuan ka thlah ang che a ti tlat a,a bike ah chuan ka thu chu Inchung lam ka han en chu Ramthanpuia hian min lo melh run mai hi lo nia.Ka hawi thla rang kher mai.

Rinzuala chuan kan in thleng min thlah a,ka kal mai tur chu "Remi ka nghak thei tawh lo,ni ve tawh mai ang." a rawn ti a.Chhan ngaihna ka hre lo takzet,a hma kha chuan pawi tih lohna chin ka nei tunah erawh mipa dang ka rilru ah a awm tawh tlat.Chhan ngaihna ka hriat loh em vang chuan ka lo inngaihtuah ang ka ti ta ngawt a.Step ka chho chu naktukah chhanna min pe rawh o a rawn ti a.Chhang tawh lo chuan ka chho tlang a.

Vawin kha ka mitthla ah a lang leh thin.Hetia hmeichhe dang bula kal leh mai tur si chu ka chungah that chhuah loh mai awm ka ti a.Beiseina min pe tawk chiahin a khawsa a..ka ngei rualin keimah ka in haw tel tho bawk.Chuti maia ka rilru ka lo pe thei pawh chu mak ka in ti viau.

Ka zing tho chu ka lu na bur mai,nizan ka tap bawk nen..ka inngaihtuah nasa bawk ne..chu vang aniang.

Exam tur ka ni bawk si a,ka lu na tih zia nan tui vawtin ka inbual a.Ka harh deuh huai mai.

Kan exam chu ka ti tha pangai viau.Ka chhuak chu ka thianten min lo nghak thap a,Lalze-i chuan nizan I mu tha lo ni maw ...min rawn ti a.Mu tha ka ti chu I mit khan a sawi vek alawm atia.ka chhang zawm peih tawh lo.

Rinzuala a rawn kal a,inbiak a duh vangin kan kal sawn daih a.Kan han ngawi dun vang vang a,ka sawi hreh viau nain awmzia awmin ka hre lova.A tawpah chuan..."Rinzual ka theih ka ring lo"ka ti tawp a.Sawi dan tur pawh ka thiam lo...tiang hi ka la sawi ngai miau lova.A tawng leh hma chuan ka kalsan ta tawp a.A chhan min zawt ta se sawi ngaihna ka hre dawn lo lutuk.

Zanah chuan Rinzuala chuan min rawn bia a,pangai deuh a thian ang tal a awm a duh thu a rawn sawi a.Ka lo aw ve mai bawk a.

Exam kan zawh ni ania,ka thiante chuan dawr chawlh an rawt a,Rinzuala te thian dun chu an rawn kal a,Rinzuala chuan hmun nuam deuh a hriat thu a sawi a,tah chuan kal kan tum ta a.Coffee Bloom a kal ai chuan keipawn ka duh viau.


Ka haw chu Rinzuala chuan min thlah leh a,kan tlai deuh bawk nen pawi ka ti lova.Se...kan in kawtah chuan Ramthanpuia hi lo ding run a.Min rawn melh na viau bawk.Bike atanga ka chhuk leh Rinzuala nen a kan inbia te chu min lo melh uluk khawp mai.Ka hre lo der hmak thung.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 13th, 2021, 7:29 pm

Chapter-11

Remruattluangi POV

Rinzuala kal hnu chuan ka hawi let chuan Ramthanpuia nen chuan kan inmelh ta ran mai.

Ka insiam tha sauh sauh a...kan in step chhoh na ah chuan chhoh san tho ka tum.Lo biak that chiam tumna ka nei lem lo.Bakah tunah pawh hian kha nu nen khan thil pawimawh tiin helai vel ah an kal pawh ni thei.Khatiang hmeichhe chhelo zet kha chu tu mipa tan pawh hnar mai a har ang tih chu ka ring thiam ve tho.

Ka chho tur chu "Bawhi inbia ang "a rawn ti a.Bawihi te chu min la ti a... chhoh tlang tho ka tum chu,"ka lo Nghak ang che"a la rawn ti a.Ka chho tlang a.Ni e...biak chu ka duh alawm..mahse tlawm mai ka duh bik lo.

Esi nen hian kan veng a inang a..exam kan zo nen a lo leng a.Zan Dar 7:30pm vel ani tawh a,Esi lo lut chuan in kawm thlang ah khuan U thanpuia ka hmu a..Tige a?Ege rawn tih a?a rawn ti a.Mak ka ti...tun thleng thleng a awm ka ring lo.Haw ve mai tur nia.

Esi haw tur thlah pah in ka chhuak a,Esi chuan a sawi tur te ngai thla ve phawt la..a ti a,keipawn ka tum.Kan chhuk chu a motor ngheng chuan a lo la ding run mai a,a va han peih tak e o....

Esi chu kawn thleng ka va thlah a,ka let leh lam chuan min lo melh run a,Biak ka duh nain va be hmasa tu nih chu ka tum bur lo.A zawn ka thlen chuan.."Bawihi...."a rawn ti leh a.Ka hawi phei chu motor rawn tlan phei hian a hmai a chhun chiah a..a hmel chu a bawr chhawr hle a..rei tak Zan mu mumal tawh lo hmel a pu..a chhan zawh ka duh a,mahse....dikna neiin ka in hre tlat lo.

Motor chhungah chuan kan thu ngawi vang vang a.Chhuah ka tum chu..."Bawihi I tha tawh em"a ti a.Tha tih zawngin ka chhang a.Sawi tur I neih tawh loh chuan ka kal ange ka ti a,motor kawngka ka hawng tur chiah chu ka hnung lam tang hian min rawn kuah a..a lamah min hnuk hnai in ka hnung ah chuan a bei a.Ka che lo....kan ngawih vang vang hnu chuan "Ka ngai lutuk che" a rawn ti thum dut a.Ka thaw hawk ringawt.Ka mittui te lah chu a rawn tling nghal pum ringawt a.
Min kuah nghet sauh a.."Ka tihpalh..ka buai lutuk a" a rawn ti chu ka mittui a luang ringawt.A lam hawiin min kuai her a..hnai te ah a rawn kun hniam tih ka hre thei..a hnar leh ka hnar a in sik tir a.."Ka tihpalh..Bawihi..kan tha tawh em"a rawn ti leh a..ka lu ka thing ringawt.That chu duh viau mahila ka duh tawh lo.Ka sawi thiam lo....

Ka inla hrang a,Tige a rawn ti a.''That ka duh lo...kan tih tur pawhin engmah kan la ni lo hrim hrim,Ege kan nih pawh ka hre thiam lo.'' Ka ti chhuak tawp a.A rum ri hrawih a.."Bawihi...kei hian ka duh che a..ka ta ni turin ka duh bawk che a,ka ta ini ngei bawk ang.nangpawhin mipa dang I en ang mai chuan min en bik lo bawk"a rawn ti chhuak a.

A sawi chu dik mahse keihian ani nen a awm dun chu duh viau mahila ka ngam lo.Kha hmeichhia kha ka rilru ah lo lang zel..ka tluk pha lo lutuk leh an inhmeh bik lutuk chuan ka rilru a ti na.

A tlai tawh...haw tawh rawh...ka ti a..keipawh motor tang chuan ka chhuk a."Bawihi muttui le...naktuk ah kan inhmu dawn nia" a ti a.

Ka chho a..a motor tlan liam ri pawh ka hre thei.Ka thaw hawk.Awm dan tur pawh ka hre tawh lo.

Ani nen hian inzawmna Siam ka duh tak tak em tih pawh ka hrelo...ka duh chuan ka hria...mahse..mahse hi a awm tlat..kan dinhmun inthlau lutuk leh...a chanchin hriat mang ka nei lo te hian min ti buai zual.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 13th, 2021, 7:29 pm

Chapter-12

Ramthanpuia POV

Kha mi zan ka haw kha ka mu lo.Kha zan kha ka mitthla ah a lo lang zel a.Naktuk hi a cham ani.


Matei thian kawm ve thin Clara-i chuan min rawn bia a.Phai atang Matei hun hmang turin a lo haw dawn a ni awm e.Airport a lo thlen hunah min rawn hrilh tur leh ka lam tur thu ka hrilh kha ani a.Matei tan hei tal chu ka la tihsak ve angai.



Kum tam liam tawh mahse ka tan chuan nimin ang reng ala ni.Vawin angah phei hi chuan keimaha awm ka duh thin kha ani a..mahse Bawihi hmuh ka chak tlat.Ka hmuh hian ka hah te hi a dam sawng sawng thin.

Damdawiin ka va thlen chuan a thiante an lo awm teuh a.A khum bula thutthlengah chuan mipa pakhat hi a thu a..an innel hmel viau bawk.

Phone ah chuan Clara-in Matei thlalak mawi taka a Siam...hlim taka a nui hmel chu ka en a.Ka na thar leh thin.

A thiante haw hnu chuan Bawihi bulah chuan ka va thu a...ka chau lutuk chu ka insum zo ngang lo..ka kuah a..ani chu a che lo.A rim chu a rawn nam veng veng a..reilote chhung atan pawn ka hahdam phah sawt mai.

Ka phone a rawn ri a..Clara-i ani..Bawihi bula awm duh viau mahila..hruai turin ka lo intiam ve tawh sia.

Matei Chhung te leh thian thenkhat te nen a pualin hun kan hmang a.Kan thianho tan pawh inhmuh khawmna hun remchang tak ani ve bawk.

Remsanga pawh naute nen a rawn in pawm lut bawr khawp mai.Nupuii chuan min hmuh veleh min rawn kuah nghal a..ani pawh vawin chu a hmang nuam lem lo anih hmel a mit a sen deuh a..a bui ve deuh luk bawk.Midang chuan an hre lo maithei mahse Nupuii hi chu Matei tih lovah chuan ka hmeichhe hriat chian ve ber ani ngei ang.

Clara-i chu a pa company aiawh a rawn kal pah hi a lo ni a.An company hi an tha ve hle a..ka pa in khu lama inremna a lo siam thar pui kha an company hi a lo ni reng a.

Clara-i te nen a kan company thawhhona tur buaipuiin ka buai a..Bawihi pawh ka tlawh hman lo..

Matei nu leh pa te an haw thlak na tur ka buaipui lo ngai nen..kan sumdawnna lamah kan lo buai ve deuh bawk nen ka chau tak zet.

Coffee Bloom a ka hmuh chuan ka hlim hle a..mahse a bul mai a lo thu ve pa chuan min ti lawm lem lo.Clara-i nen kan ni bawk nen..Clara-in kan chung chang a hriat kher tul ka tih loh vang a be lo kha ka ni a.

A thianpa chuan a bike in a thlah a..ka office atang chuan ka lo en reng a..

Kar 2 dawn chu Bawihi ka hmu tawh lova...kan inbiak lohna chin phei chu rei ve tawh tak ani.

Clara-i'n helama awm a tum leh thut a..a pa company helam ah enkawl tu tur an awm lo ani awm e.A awmna tur vel ka buaipui fel vek tawh a..a bak a mamawh chu ka assistant hnen a lo sawi mai tawh turin ka ti a.

Bawihi...ka ngai tawh tak zet.An in kawtah ka awm a,a tlai tawh viau class ban a hun tawh sia..a lo la haw lo.

Rei fe ka nghah hnu chuan a thianpa bawk chuan bike in a rawn thlah a,an inbia..a nui leh tawh..sawpa bula a awm saw chuan a hlim hmel riau hian ka hre thin.

Min hmu lo ang hmakin an in chhoh na ah chuan chhoh a tum a..a luhlul ania...ka lo nghah tur thu ka sawi pawh chuan min chhang lo.Mahse zanin chu ka Biak hma chu haw ka tum lo..a rei tawh lutuk..bakah ka ngai tawh takzet.

A thiannu Esi a lo lang hlawl mai..ani hi a fel viau,Bawihi phone number pawh chu ka dil nghal a,amah ka dil chuan min pe leh duh pawhin ka ring lo.

Esi a thlah a lo haw chu ka lo nghak a..min kal pel leh mai a tum chu ka ko a..ka koh chuan a lo hawi duh hram.

Motor chhungah chuan a ngawi reng a..Ka Biak na pawh chu a rul tawk chauhin min chhang a.

Ka kuah lai a..a rim nu chek mai nam te leh a thin phu ve det det ri ka hriat te chuan min ti hahdam sawng sawng thei.

A mittui tlakna khawp a ka lo awm lo a rilru ka lo tina chu hrehawm ka ti tak zet.Mahse a tla tawh lovang.Keihian ka hmeichhia hi an tih Nat ka phalloh ang bawkin keimah vanga a Nat pawh ka duh chuang lo.

That a duh loh thu a sawi chuan min ti hrilhhai viau..mahse a tan chuan a awm ve tho..ka rilru put hmang dik tak ka lo la hrilh miau lo.

Duh lo ti mahse a rilru chhungril tak chuan a ti lo tih leh min ngaina ve tho tih ka hre thei.

Naktuk a inhmu turin ka thlah liam ta a.A la naupanna hi a lang ve ni berin ka hria..tap tiau a min chhan te khan ka tan chuan a duhawm takzet ani.

Ka haw chu Clara-i a lo awm a..ka nu nen an inkawm thei viau a.Mahse duh aiin ka nun ah rawn inrawlh a tum tlat a hriatna ka nei chu chu ka duh lova..ka phal hauh lo bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)