MY SEXY BILLIONAIRE MOM By Tevala Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MY SEXY BILLIONAIRE MOM By Tevala Renthlei (Completed)

Unread post by Ngaia » June 27th, 2021, 5:51 pm

CHAPTER 41

Chu thu a hriat chuan a bang bo hle a, second reilote hnuah, ‘Nang...’ a ti hman chauhva, a beng bulah chuan, ‘Uncle Wendel a’n hmu tur che in min rawn tir’ tiin a hrilh ru sar sar a.

City Square nihna an inhlan fel lai khan Harold Wendel hnenah Manager tha tak zawn sak turin alo ngen tawh kha a ni a, chu chu a ngaihtuah let a, nuih tur nge tah tur tih pawh a hrethiam lo. Plaza chu lian lutuk nilo mahse, a hmun a tha a, sumdawnna kalpuina hmun a ni a, Manager atan chuan mi fing leh angaihna hria a mamawh, hmelthatna leh mawina lam ni lovin.

A ngawih reng lai chuan, ‘ka la graduat chiah lo alawm, mahse a rei tawh dawn lova, experience chu ka la neilo mai thei, mahse min ring ngam a ngem, anih loh pawhin self introduction neih angai angem’ a ti leh a. Chu tawng ri hre pha chin chuan mak an tih mai bakah Chuck chu an thik ngawih ngawih a ni.

Thenkhat, a tawng ri hre pha ve lo te pawh chuan, Yolanda chet daan vel chu an lo thlir ve reng a, Chuck chu lenchhuahpuiah a sawm mek anih te an lo ring a.

Chuck chuan, chulai hmunah chuan thil sawi thui vak chi niin a hre lova, lu bu nghauh chungin, ‘Aw le, mahse helai hmunah lo hian’ tiin zawite in a chhang a.

Yolanda chu a thaw huai a.

‘Helai hmunah chuan midang an tam lutuk, engmah kan ti thei lo’ tiin na lo te hian lu a thing zauh zauh a.

‘I nihna hi midang hriattir i duh lo a ni maw,’ a ti hman zet a, mahse thil awmdan a ngaihruat thiam a, reilote a ngawi a, ‘anih chuan field lamah kan kal dawn em ni’ tiin a zawt leh ta zawk a.

Chuck pawh chuan, ‘a beisei ang ngawt aiin Yolanda chu thil ngaihruat thiamna a nei tha niin a hmu deuh va, ‘umm’ tih pah chuan classroom atang chuan an inzui chhuak ta a.

Room chhung a mi te chu an phun mur mur mai, an thil hmuh mek chu awih harsa an ti ngang mai. Campus Beauty Yolanda in kan clas mi rethei Chuck a date pui ang maw, a mah hmu turin a rawn kal maw?’ an ti a, Thildang reng an ngaihtuah thei lo.

Field sir lam pan chuan corridor ah chuan an phei zel a, midang hriattham lohvin eng eng emaw an sawi phei a, Yvette pawh chu classroom atanga a chhuah hnu chuan chutiang boruak vel lak atang chuan inthiar fihlim vat tumin parking lot chu a pan a, company lamah chuan a inkhalh chhuak ta nghal a.

Field sir ah chuan Yolanda leh Chuck chu an inhmachhawn a, engemaw chu an sawi ngei a ni, a sirah chuan mipa pakhat hian a awmpui bawk a, vei lam, dinglamah a vei tawn chhen bawk a, a piah atang chuan an thlir deuh thup a ni ber.

‘Khawngaih takin he hna hi mn ring ngam la, min thawhtir rawh, rintlak ka nihzia hi ni thum chhung min en la, chumi hnuah i duh anih chuan thutlukna dang i siam leh dawn nia. Eng teh, class kal bak chu awm mai mai ah min lo ngai ani mai thei, 1st year ka nih tantirh atangin part time job hna ka thawk pah a, salesperson ah te ka tang a, waitress hna ka thawk leh lawp lawp a, dawr te reuh te ka neih theih nan rim takin ka thawk ve a, thlakhatah dollar 3000 ka la lut thin a, tunah chuan dollar singkhat sangthum ka lalut ve mek a ni. Chungte chu ka experience neih chhun an ni mai a, mahse i tan theihtawp ka chhuah ngei ngei ang’ tiin tih takzet hian aw ki sang silovin a dil ngawih ngawih a.

Chuck chuan, Lara laka inthlahrung leh mamawh ngawih ngawiha aw ki hniam te a pawisa puk a dil lai kha a hre chhuak uar uar a. Hmeichhe hmeltha leh nalh tak tak pathum a tawng tawh a, awm awl viau tura a ngaih laiin theihtawpa sum thawkchhuak, part time job hna thawk an la ni vek mai chu mak a ti a, tluk lo a inti ang reng viau bawk a.

‘’Aw le’ tiin Yoland chu a chhang ta a. A lawm lutuk chu a mittui a parawl piau va, chuzet chu Chuck tan pawh en a har ngei mai, chutiang dinhmunah chuan alo ding ve tawh thin bawk nen. Hmeichhe hmeltha lutuk mit atanga mittui lo luang chhuak tur chu hruk hul sak pawh a chakawm ve viau ang le. Mahse chulai hmunah chuan midang ten an lo en ve reng bawk nen, engtin mah chet a rem lo.

A lawm lutuk leh phur lutuk chu, ‘tunah kal nghal ang’ tiin Chuck chu a en a.

‘Tunah maw?’

‘Aw, tunah, i hnuaia Manager ka ni thei tur hi ka chak tawh lutuk, rintlak ka nih leh nih loh hmuhtir che ka chak tawh a ni’ a ti ihlut a.

Chuck pawh chuan awle tiin, kawngpui lam panin campus chu an chhuahsan a, parking lot ah car chu a dah loh avangin kawngpui chu cross in, a piah deuh kawngsir BMW 7 series ah chuan an lut dun ta a.

Campus field a mipa thenkhat te chuan, Yolanda bialpa William Yuri chu hrilh vat tha in an hria a. An thik a, awlsam taka Yolanda nen an inkawp tur chu thleng lo se an duh a ni.

Kawnga an tlan lai chuan, ‘Engzat nge salary hi nise i tih’

A tlangpuiin Manager hi chuan, dollar 7000 atanga 9000 an hlawh tlangpui a ti a.

Mak ti ang reng deuhvin, ‘chu te chu tuna i pawisa lak luh thin ai pawhin a tlem asin’ tiin Chuck chuan alo chhang vat a.
Yolanda chuan, ‘Ni e, ka hria a lawm, mahse uncle Wendel in min hrih danin, naupang tak nise, City Square pawh leichhawng vek theitu chuan hmalam hun eng tak a nei a ni, chumi hnuaia thawh chu nakin zel atan a la hlu telh telh ang’ tiin min hrilh alawm a ti a, zep nei lovin a sawi vek a.

Chuck chuan alo en reng a, engtin mah a chhang lo. ‘Uncle Wendel in min hrilh dan chuan City Square leichhawngtu chu naupangte a ni a, theihna nasa ta nei a ni, mahse nundan mawl takin a nung a, a nihna hi midang lakah a thup rih a ni’ tia min hrilh lai chuan, tullo ka lo ti viau a, hausakna chu anihna anga lanchhuah tir mai tur tih hi ka ngaihdan thin a ni.

Mahse, ka hmuh atang che hian ka ngaihdan a inthlak deuh tlat’ a ti a. Office chu an pan ding char char bawk a, khawpuiah chuan duh tawkin tlan mahse tumahin an lo khak ngam hauh lo, chu lo rengah, car darthlalang atangin an hnunga BMW 7 series rawn tlan an hmuh chuan rang takin kawng an lo kian zung zung thin bawk a, reilo te chhungin Square chu an thleng a. An pahnih chuan Manager room ah chuan an lut tlang nghal a, Yolanda chuan a bag atang chuan document pawimawh chi hrang hrang a rawn phawrhchhuak nghal a, chuck chuan a en reng a, Yolanda chu Manager ni turin alo inbuatsaih nasa hle tawh alo ni.

Chutihlai chuan, Mi pakhat hi manager hmuh tumina rawn lut a, chuveleh, Chuck chuan Yolanda chu melhin ‘tha takin aw’ tiin ava nuih a, Yolanda chuan ‘ka hun a intan ani lawm ni’ tiin zangkhai tak hian alo chhang let vat a. Chuck chuan room kawngkhar chu hawngin a chhuahsan a.

Chutia, manager thar an neih takah chuan hmuh tumin an rawn lut deuh sap sap a, ‘Hello, Yolanda Lane ka ni a, Manager thar ka ni e’ tiin rawn lut te hnenah chuan self introduction chu alo pe zung zung a, thenkhat chuan, Manager dawhkana thil engemaw dah pahin, ‘englo a ni’ an han ti dek dek a, Yolanda chuan, tak deuh ram hian, ‘engmah hetiang lam hi angai lovang, in duh chu tha takin sawi mai ru’ alo ti vat a.

Manager thar chu mi dik tak a ni dawnin an hria a, tin, eng anga milian pawh lo hmachhawn se, a zam hauh lovang tih chu an rin dan a ni. Chulo rengah, Manager awm tawh zawng zawngah chuan ala hmeltha ber angem tih tur ala ni lehzel a, a engamah hma chuan an manager thar chu an chhuang ru viau a ni.

Chuck chuan ni thum chhung enchhin phawt a, chumi hnuah thuthlukna siam that leh a tum a ni. Square chhuahsan a tum mek lai chuan Yvette chu a rawn lut ve leh chiah a. Helai hmunah hian a training company contract renew tuma rawn kal a ni ngei ang, baller khan engkim a that vek thu leh lunggaihna tur engmah a awm loh thu a hrilh tawh anih kha.

Chulai hmuna Chuck a hmu leh chu mak a ti rilru viau a, chumaibakah Manager thutnaa Yolanda thu a va hmuh leh ngat phei chuan thil a hrethiam lo hle. Chuck chu zawhna zawt ni awm tak hian a en deuh ha a, Chuck pawh chuan Yvette chu uluk taka lo en in, thil engemaw diklo a awmin a hria.




CHAPTER 42

Campus beauty in classroom ah meuh rawn kal chilhin Chuck a rawn zawng pawh thilmak anih tawh nak laiin, rei fe an titi dun a, campus pawnlamah an chhuak dun bawk a, Chuck chu alo hmeltha tawh em a, an in date pawh ani thei, square ah lehzel an pahniha a hmu dun chu hriatthiam har a ti takzet a ni.

Square hi mi chi hrang hrangin an luah a, tleirawl tan chuan hun khawhral nan leh intihhlim nan pawh rawn hmang mahse a awm lutuk. Mahse, chutiang ngawt a ni lo, Manager seat ah meuh Yolanda thu ava hmu bawk si. Engtik laiin nge Manager in alo awm? Chupawhnise, ala Graduate lova, engtin nge a nih theih? Chuck nen hian eng relation nge an neih? Zawhna hlir zawhna hlir a ni.

Chuck chuan Yvette hmela zawhna tam tak awm chu a hmu a, tihngaihna dang awm heklo, ‘Hello, Yvette, enge i rawn tih dawn?” tiin a zawt a. Yvette chuan, ‘contract renew tumin ka rawn kal’ ti a a kalpelh pah chuan, ‘engtikah nge Yolanda saw manager in a awm?’ tiin a zawt zui a.

Chuck chuan, ‘ka hre lo, helai hmunah hian part time job min hmuhsak thei dawnin min hrilh a, tichuan ka zui ta a ni’ tiin a chhang a.

Manager Yolanda chuan, Chuck rilru chu hrethiamin, Miss Yvette hnenah chuan, ‘helai hmunah hian Manager anga ka awm tak avangin Chuck hi min pui thei turah ka ngai a, ka ko ta a ni’ a lo ti ve thuai a. Yvette hnunga ding Chuck pawh chu alo nui a, Yolanda chu a siai zeuh va.

Hmanni Manager Yarn nena ain buaina vang khan Zelda Maine chuan Yolanda hi a hmelhriat anga, Manager ah a la zui ta anih dawn hi’ a ti rilru a. Mahse ala Graduate hma hauhva square pumpui Manager tura Zelda Maine in a chhawr ngam chu mak a ti rilru hle a.

Yvette chuan, leh hawiin, Chuck chu a en a, ‘i thawkrim reuh hle mai, hmanni khan sales agency lamah khan i ti bawk a, tunah helamah. Inpekna zawng zawng nen hna hi chu thawh tur a ni reng a ni’ a ti a.

Nui deuh sang chungin, ‘ni e, ka ti dawn alawm’ tiin alo chhang a.

Yvette chuan, contract renew tura a rawn kal thu a han hrilh a, Yolanda pawh chu Yvette thlen hma lawka Manager ve mai chauh ala ni a, chulo rengah Yvette hian helaiah training company a nei tih pawh a hre ve chauh a ni. Chutia, Yvette duhu anga han tihfel nghal mai chu fimkhur thu hlaah tih chi niin angai lova.

Yolanda chuan, ‘naktuk emaw, tuk leh emaw rawn kal ta che, kan boss pawh ka hrilh ve leh phawt anga, chumi hnuah chuan process ngai ang angte kan ti dawn nia,’ tiin chhuanlam alo siam vat a.
Chutia, Boss ka lo hrilh leh phawt ang atih avang chuan Yvette chu a sa deuh zak a, ‘Eng thu nge i hrilh tawh chuan ang le, ka thianpa chuan helai ka harsatna hi chinfel anih tawh thu leh ka contract renew theih anih thu min hrilh alawm’ a ti ram deuh hmak a.

Yolanda chuan, angaihna hre lo takin, ‘Teacher Jordan, tunge ka thian i tih chu le’? tiin a lo zawt let a.

Hreh deuh tak hian, bah deuh nuai in, ‘ka hre chiah lo’ tiin a chhang a. Ni e, Baller chu mi thiltithei tak a ni a, mahse eng hmelpu nge, upa lam nge naupang lam, a thau nge cher tak ngial pawh a hre lo a ni.

Yolanda tan pawh chuan thutlukna siam harsa tak a ni. Contract chu renew tir lo ngawt se, intership a tih hunah Yvette duhsakna a dawnglo anih chuan a pawi ve thei tho bawk si. Chumai bakah, a thian, a sawi chu, tunge anih a sawi thei leh bawk si lo.

Yvette chuan, ‘a awmzia ah chuan ka thianpa chuan, contract ka renew leh theih nan engkim a tifel tawh ngei alawm’ ala ti fan a.

I thianpa chuan City Square boss chu a hria em? Boss thar chu Chuck a ni tawh’ tih mai a duh rum rum a, mahse Yvette laka Chuck chezia a hmuh khan sawichhuah loh tha zawkin a hria a. ‘Chuck, Boss thar chu va call lawk ta che, Teacher Yvette contract hi renew tur a ni em? va zawt lawk rawh’ tiin Yolanda chuan Chuck chu lam chu a hawi a.

Chuck chuan, Yolanda finzia leh thil a ngaihruat thiamzia a hmuh chuan mak a ti hle. Chulai boruak khirh zet chu awlsam te in a chingfel thei dawn a ni. Chuck chuan lu bu nghauhvin, phone lekchhuak pahin Boss thar be tur ni awm takin manager office atang chuan chhuak a.

Yvette chuan Chuck chhuak tur chu pan vatin, zawite hian, ‘Chuck, boss i biak hunah ka thianpa ka sawi hi a hming min lo zawh sak nghal ta che. Wechat hmang chiahin kan la inkawm thin a, Baller tih bakin ka hre lova, thiltithei tak a ni tih chiah ka hria, Boss chuan tunge tih a hriat ngei ka ring’ tiin a bengbulah chuan ava hrilh sar sar a.

Chuck chu nui sukin, ‘nie, a hriat ngei ka ring, ka lo zawt dawn nia’ tiin a chhang a.

A chhuah hlan chuan Manager room ah Yvette leh Manager Yolanda chu an thu ngawi reng a, Yolanda chuan ‘teacher Yvette, engkim a tha vek ang, square neitu boss thian hi i hmelhriat anih a, i thian anih phawt chuan contract chu renew sak a phal ngei che ka ring’ a ti a. A ruk tak chuan a nuih a za deuh a ni. Chuck hian Yvette lakah anihina a thup tlat tih a hrethiam a, chumi piahlamah, Chuck hian Yvette duhzawng chu tihhlawhtlin sak ngei a tum dawn bawk tih a man thiam khawp mai.

Thaw deuh huaiin, ‘ni e, ka beisei’. ‘Tunge Square neitupa hi, i hria ang tiraw’? tiin a zawt a.
Yolanda chuan, ‘Hria e’. tiin a chhang a, A rilru chuan, vawiin ah kan inhmu ve chiah’ a tih chhunzawm a. Aruk tak chuan a nuih a za ni.

‘Square neitupa phone number chu min pe ve thei ang tiraw? Ka thianpa in contract renew turin min biaksak vek a, anih chuan an inhre tha viau ani ngei ang. Ka thianpa ka tih hi, tunge anih chiah ka la hrechiang bik lova, chumi avang chuan square neitupa hnen atang hian hriat theih ka inbeisei a. A number min pek theih chuan ka zawt mai ang’ tiin Yolanda chu Square boss nnumber a dil a.

Yolanda chuan, chhan ngaihna a hre lo khawp mai, a ngawi reng a. Boss number a pek chuan, chu number ngei chu Baller number a ni bawk si. Engkim hriatchhuahin a awm anga, Manager nihna atang hian nikhat pawh thawk tling hman lovin ban a ni zui nghal thei tlat.

Chutia, Yolanda in chhanna a pek mai loh avang chuan, ‘a pawi love,’ a ti leh ta a. Chuck chuan Boss a call mek a, chuvangin Chuck hnen atangin Boss number chu neih mai a rilruk a ni. ‘Chuck hian helaiah eng ber nge a thawh ve’? A tul tul a ni mai, a pawimawh khawp ania’ tiin Yolanda chuan a chhang a.

Chuck chu Manager room ah rawn lutin, “Boss chuan Yvette contract renew chu a remtih sak anih chu” a ti a.

‘A lawmawm hle mai, contract renew na tifel turin naktuk lamah rawn kal ta che,’ tiin Yolanda chuan Yvette chu a hrilh a.

‘Ka lawm e’ tih pahin a thova, ‘Chuck min rawn zui chhuak lawk ta che’ a ti a, office chu a chhuahsan nghal a.

Ngawi rengin Chuck chuan a zui chhuak a, ‘Chuck, Boss number chu min lo pe ta che, biak duhna ka nei tlat’ ti a. Chuck chu a ding ngawi reng. Engtin nge Boss number chu a pek theih teh lul ang. Chutichung chuan engtin nge Yvette dilna chu a hnar ang?






CHAPTER 43

‘Englo a nia, in boss ka biak duhna chhan chu thil engemaw zawh ka duh ringawt a ni. Hlauhthawn tur a awm love’ tiin Yvette chuan Chuck chu thil awmzia a hrilh a.

‘I ngenna chu tihsak che a harsa ka ti khawp mai, helai hmunah hian Yolanda ka pui a ni mai a, Boss chu a lungni lo anih pawhin ka tan a pawina em em a awm lo, mahse Yolanda chunga thil tha lo tak a thlen phah chuan a pawi dawn lutuk a ni’ tiin Yvette chu a chhang ta ringawt a.

Lungni lo zet hian, ‘anih chuan i hna thawk chhunzawm rawh, keipawh naktukah company lamah ka kal anga, hriat theih dan ka nei mai ang’ a ti a.

‘Tunah chuan ka awl tawh rih a, chunglamah chuan ka rawn chho ve zawk ange’ alo ti vat a. Yvette chuan, ‘Yolanda in helaiah hian pui turin a ko che ni lawm ni, hna hi zel thel taka thawh tur a ni lova nia’ tiin a hrilh a. Yolanda laka a mark a chhia ang tih a venthawn pui a ni.

Chuck chuan, ‘anih chuan ka rei dawn chuang lova, Manager chu ka va hrilh ange’ tih pahnin Manager room a let phei chu a rual a.

Manager Yolanda chuan, ‘engtia rei nge contract hi ka sign pui dawn’ tiin a lo zawt su su a. A theih anga rei sign pui turin Chuck chuan a hrilh a, Yolanda chu a lo bu nghat nghat a.

Office chhuahsanin floor nga na lam panin Yvette nen chuan an chho dun a, Manager thar nena Contract sawi dun tura rawn kal ani bawk a, smart takin a in chei a, pawnfen khup khuh tawk vel, tight nalh tak a feng a, chu chuan a kawng fek leh mawng bawr nalh tak chu a tilang chiang lehzual. A chawn nalh tak leh ngo var har chu hmuhnawm tham a tling a ni. Chuck chuan, mawi a ti ve ngang mai, Yvette hmuh lohvin a melh leh thin a, khum khata an mut thin laia, thla en zana tukverh bula a inthlak lai hlimthla a hmuha a pianmawi zia a hmuh kha a hrechhuak a, ngaihtuahna ramah a cheng mek a ni. Chu chuan a mipatna rawn kai thovin, ngaihtuahna ram atang chuan a thangharh vat a, Yvette in a hriat hma ngeiin tihtawp angai. Thildang a ngaihtuah lui ta vat a. Yvette in, chung thil chu hmu ta se, engtin nge a tih ang?

‘Eng incharge nge i nih? Ka rilruah a hma aia nasa zawka company hi advertise ka duh deuhva, mahse a tih man hi a sang viau em tih ka la hre chiah lo’ tih pahin a hnung deuhva Chuck ding chu lehhawiin a rawn en a, Chuck awmdan diklo tak chu mak a ti ngei mai. A thil en mek leh ngaihtuahna avanga a taksa control theih loh lai chu Yvette hmuh tir chi a ni lo.

‘Engatinge lehlam i hawi daih’

Engmah a ni love, advertisement chungchangah chuan Yolanda i zawt chiang dawn nia, ani in engkim chiang zawkin a hrilh thei ang che’ tiin Chuck chuan a chhang vat a.

Elevator kawngkhar a inhawng a, Yvette a chhuak a, mahse Chuck chuan zui nghal mai turin dinhmun pangngaiah ala awm rih lo. Theihtawpa in control in, a inbeng dai a, Yvette hmuh loh turin a kekawr a siam tha a, Yvette chu a zui a.

Manager room atanga chhuah pahin Yolanda chuan document te chu uluk takin a en a, a keu phei mawlh mawlh a, chutih lai tak chuan manager room rawn kik deuh dat dat a, rawn lut nghal Zelda Maine nen chuan an inhmachhawn chawt mai. Yolanda hian Zelda Maine chu mi hausa tak leh Modern restaurant neitu ani tih chu hre tho mahse, square nena an inkungkaihna engmah a hre lem lo. Helai hmuna a rawn lang thut chu mak a ti hle.

Chutiang tho chuan Zelda Maine pawhin Manager room a Yolanda lo awm ve ringawt chu mak a ti hle a, tlangkam atangin alo hre ve tawh sa thova, nula hmeltha leh fel tak ani tih pawh a hria. Mahse, abaka han hriat chian em emna chu a nei bik lem lo.
Plaza ah hian contract sign ngei tuma manager hmuh rawn tum ani a, chutihlaiin, manager chu a bang tawh a, a thar an la tawh tih erawh a hre lem lo. Yolanda chuan, ‘Director Maine, helaiah nang maw, eng thil nge ni ta?’ tiin alo zawt vat a.

‘Khawiah nge in Boss, ka hmu lawk duh’ tiin a chhang a.

‘Boss chu tunah chuan a awm rih lo’. Yolanda rilru ah chuan engkim sawi chi ani em tih zawhna a inzawt nghal a. Zelda hian Boss chu Chuck ani tih a hria em? Chuck hian chu chu hriattir a duh nge thup a duh zawk ang?

‘Hetah a awm lova maw’? mak ti takin Yolada chu a en a.

Zelda chu chair ah chuan a thu a, ‘training company contract hi a tawp tawh dawn a, engtin nge Boss chuan tih chhunzawm a tum’?

Yolanda chuan Director Maine chu enin, ‘a pangngaiin a kal ang, contract chu renew tir a ni ang’ tiin a chhang a. Zelda in contract chungchang engmah a hrelo tih ahriat chuan Boss in anihna thup a duh tih a hrethiam nghal a. Yolanda chu Manager working experience la nei miah lo nimahse, thil khirhkhan takah pawh a ngaihtuahna a hmang thiam hle a ni.

‘A ngai angin maw’. Zelda chu a ner deuh nang a. Square neitu hian amah luahtir se Plaza pawhin hlawkna nasa zawk an neih thar leh phah dawn si a. Nge, training company neitu Yvette leh Square neitu hi an inhre tha viau zawk?

‘Chutianga Boss berin a tih chuan a tha e’. Zelda chu lungawi lo tih hriat deuh hian manager room chu a chhuahsan a.

Training company ah chuan rei vaklo an awm hnuin, dinner ei hun alo ni ve tawh bawk nen, Chuck chuan dinner eipui turin a sawm a. Alaka thil a tihsak tawhte avang pawh ani pakhat ang chu, Yvette pawh chuan dinner eipui tura sawm chu alo rilruk ve sa reng a, tichuan, floor 4 naah chuan dinner ei turin an chhuk thla dun a.

Plaza chu mi tam zawkin an tlawh theihna tura entertainment nasa zawk buatsaih tha in a hria a, hemi chungchang hi Yolanda nena la titi dun pawh a tum a ni.

‘Englam nge i ei duh’? Chuck lam chu a hawi a. Helai hmuna restaurant te hi mi hausa deuh ho bak an chawl vak ngailova, a man a to viau tih a hria a.

‘Engpawh ani mai’. Yvette nena dinner an eidun lohna pawh a rei ta hle tihte a ngaihtuah pah a.

‘Restaurant rawn awm tharah hian i eidun ang hmiang’ tia a zawh chuan, Chuck chuan lu a lo bu nghauh va.

Chutihlaitak chuan, hnung lam atangin rawn ko tu an awm tlat. Chawpleh chilha thih dang mai a duh rum rum. Vawiin zet chu mualpho theihna tur a tawk zing ta malh malh hle. ‘Chuck Cannon’ tiin Zelda chuan a rawn kova.

Yvette leh Chuck chu an hawi let a, an lam panin Zelda chu a rawn phei a, engtiin nge Zelda chu helai hmunah a rawn kal. Training company luahlai chu rawn luah a la tum tlat em ni, ala beidawng lovem ni?

Chuck chuan talbuaina hun anilo tih hriain, a in control vat a, rilru fim taka chu hun chu hmachhawn angai tih a inhria. Zelda chuan fifth floor a Training company neitu chu Yvette ani tih pawh a hre chuang lova, a hriat zawng chu, training company contract a tawp dawn hnai a, chumi hmun chu luah tumin a bei a ni.

Yvette pawh chuan Zelda rawn lang hlawl chu mak a ti a, training company a luah chhunzawm theihna chhan niin a hria a, Chuck thiannu a nih angin Plaza neitupa biak saktu ah khan a ngai bawk a. ‘Director Maine, dinner ei kan lo tum mek a, kan pathumin i ei ho ang u hmiang’ tiin a sawm vat a.

‘Angai love, helaiah hian ka rawn tei lut deuh mai mai a ni’ tiin polite takin a lo hnar a. An pathumin dinner eiho ta se, Chuck leh Yvette te inkar boruak hi a hria a, chung ngaihtuah chuan, Zelda chu ngaihsak hlawh lo ber a ni thei angem?

‘Director Maine, thil thleng avang khan ilakah lawmthu sawina hun pawh ka la nei hleinem, dinner ei ho ila’ tiin tawngkam tha satliah nilova a sawm nawn leh takah chuan, Zelda pawh chuan hnial ta lovin, ‘ni e mawle’ tih pahin, mak ti ang reng deuh hian, ‘eng thilthlengah nge lawmthu sawina tur awm a’? a ti a.

Yvette thusawi avang chuan Chuck chu alo hlauthawng ru khawp mai. Engkim hriatchhuahin a awm thei dawn tlat.

‘Helaiah hian restaurant thar a awm a, an siam tui khawp mai, Director Maine restaurant ni awma mawi a ni’ tiin restaurant awmna lamah chuan hma a hruai a, a phei pui a.

‘Anih chuan ei ve chhin ngei angai nih chu’ tiin Zelda chu a nui deuh sang a.

Dawhkan kil khat a an pathuma an thu fel hnu chuan, waitress chu rang takin a rawn phei vat a, Chuck chuan waitress rawn phei ahmuh chuan, a phu deuh zawk a, rstaurant a part time job thawk mek, a thiannu Queenie Carson kha a lo ni.


CHAPTER 44

Quennie khan restaurant a part time job a thawh thu a hrilh tawh a, mahse khawi hmunah nge a thawh tir a sawi duhlo anih kha. Helai hmunah hian Queenie Carson hi a thawk tih hre sa ngat se, chhuanlam siamin dinner a eipui miah lo tur a ni a. A plaza a restaurant pakhatah a thawk ve tih reng a hre lo.

A landan thin pangngai ang thovin Queenie chu a innocent em em a, a sam chu fel than hian a thukhumah a tawn a, wiatress uniform pawh chu a inhmeh leh hle mai. Uniform chu a khup chung vel thleng a ni a, a mal mum leh chawn mam nalh zet chu hmuh thelh theih a ni lo. Queenie chetla hnuh chak vangin miten restaurant rawn pan thin pawh nita se, an demawm lohvang.

Yvette ngei pawh chuan chulai hmuna Queenie a han hmu thut chu mak a ti ve ngei mai. Chutihrualin, a piannalh leh duhawmzia chu alo la notice ngai bik miah lova, college ah kha chuan simple takin jeans leh tshirt nen a rawn kal mai thin kha a ni a. A lehlamah chuan an chhungkaw dinhmunin a zir loh vanga nasa taka hna a thawk chu a khawngaih ru viau bawk a.

Chuck a hmu chu mak a ti ve lutuk bawk a, Yvette a hmuh leh tak siah chuan, nuam a ti ang reng phian a, an zirtirtunu a ni a, a hnathawhna hmuna dinner an rawn ei duh ve avang leh, serve sak theia a awm avang chuan a hlim ru hle a ni.

Waitress uniform nena hna a thawk lai a hmuh avang chuan a ngaihnep phah angem? A thianpa chuan a biak duh tawh loh phah angem? Chu erawh chu a inzawt nasa hle mai.

‘Zirtirtunu, Chuck, hei menu aw’ tiin menu chu a pe a.

Yvette chuan, menu lak pah chuan, ‘thil i ei tawh em, kan bulah hian rawn ei ve nghal ta che’ tiin alo sawm vat a. Chuck pawh chuan lo tuihnihin, ‘ni e, rawn thu ve nghal rawh, dinner ei ho ang u’ tiin a lo sawm a.

Queenie chuan, lu thing pahin ‘hnathawh laiin customer chawkilpui a remlo a’ tiin a chhang a.

‘A ni maw’. Yvette chuan a duhzawng chu a thlang fel a, Chuck hnenah menu chu a pe phei a, Chuck chuan lu thingin Zelda chu a hlawn chhawng nghal a. Chutia Zelda in a order zawh hnu chuan, ‘kitchen lamah i ta tur ka lo buatsaih tir ange’ tiin Chuck chu a melh a, menu nen chuan Queenie chu a phei ta nghal a.

Chuck chuan kitchen lamah eitur siam tir tum ni awm takin Queenie phei hnu chuan a phei ve a. Hetianga hna rim tak thawka hlawh tlemte neih ai chuan Yolanda hnuaiah thawk ve ta zawk se, a hahdam zawk anga, tin, a hlawh pawh a sang zawk ang. Chung thil thlentir theitu chu amah a ni. Yolanda hnena vawikhat sawi kha a tawk mai bawk.

Restaurant chu Yvette sawi ang deuh tak takin Zelda restaurant tihdan nen a in ang em em vek a, a in an lohna chu restaurant hming chauh a ni atih theih hial ang. Room design zawng zawngte, interior painting zawng zawngte chu, zan tam ngaihtuahna sengin mite hip theih dan tur berin Zelda in Modern restaurant a siam a ni a, chutia awlsam taka a tihdan zawng zawng an lo copy ringawt mai chu a lungawi bik miah lo. Chuck phei hlan chuan, ‘nichin khan enge i sawi kha, ka hnena lawmthu sawi chungchang kha’ tiin Yvette chu a zawt a.

‘Chuck in a rawn call chungchangah che khan maw le’.

Zelda chu mak tiin a ka hau a, a ngaihtuah let a, Yvette lawmthu sawina tur ang chiin Chuck in a call lai reng reng a hre chhuak theilo.

Zelda hmela mak tihna rawn lang chu Yvette chuan mak a ti let viau a, Chuck khan Zelda hi call lo ta se, tunge a call chu ni ta ang? Manager Yarn in thingthi a ngaihdam a dil phah hialna ni si kha.

Zelda chuan thil awmdan chu a ngaihruat zung zung a, Modern restaurant a thil thleng tawh avang khan thil tam tak a ngaihruat thiam a, Chuck kalna lam chu melh phei pahin, a rilru chuan, ‘Chuck, i nihna thup tur hian min hman tangkai i tum em ni?’ a ti a. Yvette hriat loh tur tam tak a awm tih a ngaihtuah a. Nui sang hian, ‘khangte chu phone call vawikhat lek alawm, a ho lutuk’ a ti a.

Yvette chuan Zelda in hriatthiam hmel loh taka a awm lai chu a hmuh hmaih bik lova, chutihrualin han ngaihtha lo viau mahse Chuck khan Zelda lo chu pui thei tur hmelhriat a neih a ring bawk silo. ‘Engpawhnise, ka lawm lutuk a nia’ a ti a.

Lu a lo bu nghauh nghauh a, thudik tak sawi chhuah a fuhloh avangin titi dang vawrh vat tha in a hria a. Zep thu lovah chuan, anmahni tawka nula chhe lo em em an ni ve ve a, an in en a, an innuih a, titi dang an sawi dun ta zawk a. Chutihlai chuan, Chuck chu kitchen lamah chuan nghah nei ni awm takin a ding reng a, waiter chuan lo hmuin, Chuck hnenah chuan luh phal anih loh thu a hrilh nghal vat a, mahse Chuck chuan mi tuemaw zawn a neih thu a hrilh a.

Queenie chuan Chuck ding reng chu alo hmu a, zah hmel taka hmui pet chungin ava pan a. Chuck chuan lo en rengin, ‘engatinge helai hmunah hian i thawk tih min hrilh loh’? a tih chuan, zah vanga kun deuh chung hian, ‘ka tihpalh’ tih chiahin a chhang a. Queenie leh Chuck hi college a inthian satliah deuh mai an ni a, mahse rokhawlhna avanga in pakhata an riahdun tum a, gentleman taka a awm vang leh hmel thar a rawn put chhoh tak avang chuan a ruk takn Chuck lakah feeling a nei deuh tawh a ni. A hmuh hniam a hlauh vangin a hnathawhna hmuna Chuck in a rawn hmuh chu a duh lova, chuvanga hrilh lo chu a ni reng a.

‘Ka sawi tum zawk tak chu hetiang nilo hian thildang i thawk zawk duh lo em ni?

Chuck tawngkam hman dan chu a lawm lem lo khawp mai, a hmu hniam tih a inhria. ‘He hna hi ka tan chuan a tha tawk e, hlawh pawh hmun dang ai chuan a tha zawk bawk a’ tiin a chhang a. Anihna takah chuan a hmuh hniam vang nilovin a khawngaih vang zawka sawi a ni. Mahse hna dang offer turin anihna chu pholan a la rem rih si lo.

‘Queenie, helaiah hian midang nena titi mai mai turin hlawh kan pe lo che a nia, i tih tur leh tih loh tur chu i hria tiraw’ tiin a piah deuh atang chuan rawn titu a awm a. aw ri rawn chhuahna lam chu an pahnih chuan an hawi phei nghal vat a. Zuit zahawm tak ha, pa thau deuh chu an lam pan chuan a rawn phei a.

Hlauthawng zetin, ‘Manager, engmah’ a ti hman chauhva.

Aw vin deuh thak hian, ‘engmaw i sawi, mitdel ah min ngai em ni?’ tih pah chuan Queenie chu a rawn melh tun tun a. Ngaihdamna leh hriatthiamna a neih tlem hmel khawp mai. ‘Dan i zawm loh avangin i hlawh atangin dollar 100 ka cut ang, Chutiang chu i duhlo anih chuan he hna hi i tawpsan thei ang’ ’ a ti chhum hmuk a.

Queenie hmel innocent deuh chu manganna in a rawn tuam a, darkarah dollar tlemte chauh a hlawh a, manager in dollar 100 a cut sak chuan, ni tam tak alo thawh tawhna kha engmah lo mai a ni dawn si a. A mangang takzet tih a hmel atang chuan a hriat theih. Mahse Manager berin a ti si a, sawi tur dang a nei lo. A ngawi reng a, a mit ah chuan mittui a rawn hnam par par a. A bula a thianpa ve ber Chuck a awm a, mittui chu tih tlak loh tumin a insum hram hram a. A heh sen no chek chu pet fan fanin, ‘sir, ka bang lovanga, ka hlawh tur chu cut mai rawh’ a ti tham tiak a.

‘Hmmm, thu tlukna tha tak a ni. Table saw va tifai vat ta che, tinge i la din reng. Hetiang hi a thleng leh anih chuan ngaihdam in dilin emaw awmzia a nei tawh lovang tih i hre dawn nia’ tiin a warning zui a.

‘Aw le, sir. ka kal nghal e’ tih pahin zah takin manager hmaah chuan a kun zauh va, lehlam hawiin table tifai tur chuan kal nghal a tum a. A banah chuan a rawn chelh ding chat mai, a hawi let a, a ban chelh tu chu tudang nilovin Chuck a ni. Chuveleh a lo intihpaukhauhna zawng zawngin a tlin ta lo, Chuck chu a melh a, a mittui a dir ta zung zung a.

‘He hna hi ban san rawh’

‘Mahse..., a in sut hlawp hlawp a,

Manager pa thau deuh chuan Chuck leh Queenie chu en in, ‘Helai hmunah hian tunge hnathawk chhunzawm tur, tunge ban tur tih chu ka thu thu a ni. Ka phalna hmang chauhvin henu hi a thawk chhunzawmin a chhunzawm lo thei’ a rawn ti a.

‘Thuneihna i nei sang hle a ni maw’

‘He restaurant manager hi ka ni a, ka thu thu a ni’

Chuck chuan a nuih a, ‘restaurant manager maw, rank sang tak a nih chu’ a tih khum ve sak a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:52 pm

CHAPTER 45
Chu tawngkam avang chuan a thinrim zual hle, a hmaiah kawkin, ‘hei hi ka restaurant anih hi, engmah in ei ka remti hauh lovang, chhuak nghal ang che, ka thusawi chu i hria maw’

Queenie chuan ‘Pawi ka ti hle mai, Chuck i thiante bulah chuan phei ta la, dinner chu va ei tawh phawt rawh’ tiin mangan hmel zet hian zawitein Chuck chu a ngen a. Restaurant manager ani ringawt lova, he plaza ah hian share a nei ve bawk a, chu chu Queenie hian a hria a, amah leh Chuck tan chuan cho rual niin a hre lo.

Manager chuan a kuta chhuah tura hnar pahin, ‘helai hmun atang hian i chhuak duh lo maw? Anih a hnu, Queenie hetah hian i thawk chhunzawm thei tawh lovang, i bungrua la la, chhuak nghal rawh, i awm dan phung hi ka duh zawng a ni lo’ tiin Queenie chu hna atang chuan a ban a.

A mittui luang leh la tling piau chu a hru mawlh mawlh a, a thianpa Chuck chu enin, nui luiin, ‘hawh, i chhuahsan ang, ka bang e’ tiin Chuck banah chuan a chelh a, chhuahpui a tum a.

Manager lah chuan chhuak vat vat turin alo tur ve chhen bawk a, Queenie chu a in sut hlawp hlawp a. Dik tak chuan tihsual a nei em em lova, chubakah a intun nunna ve ber a ni bawk si.

Chuck chuan, ‘a tha e, he hna i bansan hi, mahse min lo nghak lawk teh’ a tih avang chuan Queenie chu a mangang tak zet. ‘Chuck, i chhuak vat vat zawk teh ang, engmah tih angai lo a nia’ tiin chhuahpui vat vat a duh a. Chuck chuan, Queenie bianga mittui luang chu a hruk hul sak a, ‘tao tawh suh, engmah hlauhthawn tur a awm lo ania’ tiin a hnem a.

Manager lam chu hawiin, ‘in boss call rawh, ka be duh’ tiin a hrilh a. Manager chuan nuihsawh zet hian ‘boss a, keimah hi boss chu ka ni’ tiin a chhang a. Queenie chuan, zawite hian ‘Chuck, he plaza ah hian share a nei a nia’ a rawn ti ser ser a.

‘Boss chu i ni meuh maw, i bungrua te kha pack la, helai hmun atang hian chhuak turin lo inring ang che’ tih pahin phone a lekchhuak a, Manager Yolanda chu a bia a, zawitete a engemaw an sawi zawh hnu chuan phone chu pocket ah a ak tha leh nghal mai a.

Restaurant manager chuan, ei lo hmel zetin a ner khum a, ‘nang hian phone call hmangin min vau i tum a maw’? Helai hmun chhuahsan tur in min vau vel a maw? Tunge ni a i inngaih reng reng a’ a ti el vel lung lung a.

Chuck chuan, ‘helai hmun hi chhuahsan vat turin ka duh che a nih chu’ a tih avang chuan Manager thinrim insum zo lo chuan Chuck chu ben pawp a tum a, Queenie chu a lo mangang takzet. Mahse Chuck chuan thil thleng tur hresa ni awm takin, a rawn ben tumna kut chu alo man chat a. A phih thla nawk a, rawn ben nawn a tum leh lai tak chuan, dim bak sak lovin a biangah tak Chuck chuan a beng thuai a. Manager thau a chu a thu deuh hnawk a. Thilthleng mek avang chuan Queenie chu phawk taka meng kawkin, a ka a hup tawp a.

‘Nang ve khanglang hian kut min thlak ngam a maw’? tih pahin a rawn tho tual tual a. Chutihlai tak chuan thinrim tih hriat tak hian ‘Dyson Lowe’ a rawn ti tuar a. Manager chuan chu aw a hriat rual chuan a ding chawt a, chulam chu hawiin, mak ti zetin, ‘Sir, hepa...’ a ti hman chauhva.

‘Engthil nge i tih hi i hria em’ a ti ram hmak a.

Manager chuan, ‘he mi laktlak loh hian min beng ve khang lang a lawm le’ tih pahin Chuck chu a kawk a.

A sawi zawh rual rual chuan Restaurant boss Henry chuan a beng pawp a, kitchen chhunga awm ve te zawng zawng pawh chuan che chang lovin an lo thlir thap a. Manager chuan a hrethiam lo hle a, waitress lak tlak loh tak a ban a, a thianpa ngeng ve tak ben a tumna lamah alo beng let zawk a ni a. Boss in a ben ve leh na chhan chu a hrethiam lo hle a ni.

‘Nang mi laktlak loh lutuk, heta tang hian chhuak nghal rawh’ a ti vin tuar a. Henry chu a thinur ngei mai. Boss in chulai hmun atanga chhuak nghal tura a tih avang chuan tih theih dang a nei lo tih hriain, Chuck hmaa chuan ngaihdam dilin ‘ka pu, engtiang taka thiltithei nge inih ka lo hre lo a ni, khawngaihin min ngaidam hram rawh, ka tihpalh a ni’ tiin a ngen mawlh mawlh a. Boss Henry lam chu a hawi thul, a hawi tawn sek a, ngaihdam a dil mawlh mawlh a, Boss hnenah chuan hetah hian share ka nei ve thova, khawngaihin min ngaidam hram teh. a ti bawk a.

Henry chuan, ram hmak hian, ‘nanga dollar sanghnih vel invest khan share ka nei i ti ngam a maw? He Plaza ah hian dollar nuai thum chuang ka invest tih hre ta che’ alo tih khum a.

Chuck lam hawia ngaihdam a dil lai chuan, aw dam tak hian, ‘helai hmun hi chhuahsan phawt la a tha in ka ring’ tiin Chuck chuan a hrilh a.


CHAPTER 46
A ngaihdam dilna chuan awmzia a nei lo tih a hriat hnu chuan thinrim ha chang thial rap rap chungin, ‘in pahnih thiltih dan hi ka theihnghilh lovang, lo ngai reng rawh u’ tiin chulai restaurant chu chhuahsan tumina inher a.

Manager Yolanda pawh chu a rawn thleng hlawl a, Queenie chu mak tihna in a khat a ni ringawt. An zirtirtu nu a hmu a, Chuck thiltih a hmu bawk a, an college beauty Yolanda a rawn lang leh zel bawk nen. Manager Dyson chuan, ‘nang phiangsen hi tunge i nih, ka kawng min dal suh, tawlhsawn nghal rawh’ a ti tun tun a.

‘Pawi i khawih vaih chuan i inchhir khawp ang’ tiin a mitmeng mawi tak atang chuan a ti mai mai lo tih a lang thei a.

‘Nang hian ka chungah enge i tih theih a’ a ti khur khur a.

Security pahnih chu an rawn lut a, Chuck chuan ‘engtin maha beih let che ka tum reng reng lo, helai hmun hi chhuahsan rawh ka ti mai a ni’ tiin dam takin a hrilh a.

Henry pawh chuan Plaza manager chu alo la hre bik reng reng lo. Chutiang thovin Queenie pawh chuan a hre bik lo.

Security te pahnih chu an lian dun khawp mai, an rawn thuai nek ang tih a hlau ve thova, Dyson chu tlemin a zam ta deuhva. Pawnlama chhuah a tum chu a rawn inher leh a, a dinhmun chhiat zia hriain, ‘i thusawi chu ka hre reng ania, ka chhuahsan anga, mahse ka chungah thiltha lo i thlentir zui zel loh ka beisei’ tiin Chuck chu a melh a.

Yolanda chua a mit ko alo san ak a, Dyson an a chhuahsan hnu chuan Chuck chu melhin, ‘hna ka zo tawh’ tiin nui seih in a melh a,

‘Anih chuan dinner min rawn zawm la’.

‘Ni love, hnadang thawhtur ka la nei, chutilo chu boss in min vel palh ang’ Chuck melh pah chuan a han tia, a hmeltha in a nalh bawk a, mipa ngainat tura han vehthlem vel pawh a thiam ngei mai.

Sawi tur reng a hre lo, Chuck chuan a en reng ringawt a.

A sira Queenie duhawm reuh tak pawh chuan Yolanda a hmuh chuan a insit rum rum a. Ni e, an college beauty meuh ter pha tur chuan a finna pawhin a la tlin chiahlo deuh a ni.

‘Hlim takin hun i hmang dawn nia’ tih pah chuan a chhuahsan a. An bulhnaiah chuan midang an awm ve nual avangin Yolanda chuan Boss tih tawngkam pawh a chhep tel duh lova, thil awmzia a hrethiamin a fing takzet a ni.

Chutia Plaza manager Yolanda in a chhuahsan hnu chuan, restaurant boss neitu chuan ‘i thian anih angin Queenie hi ka restaurant a head waitress turin awm sela a that ka ring’ tiin Chuck chu a hrilh a.

Chuck leh Queenie chu ngawi rengin an in en a, college kal a ngai a, part time job bak hna ala thawk hman lova, engtin nge hnathawh nan hun zawng zawng a pek theih ang? Chuck chuan, ‘nilo, helaiah hian a thawk lovang’ tiin a chhang a. Queenie chuan thawk thei dawnlo tih inhre tho mahse, chutia Chuck in a hnar tak tawp siah chuan a ui ru hle a, hlawh pawh a sang dawn tih a hria, ‘ka thawk mai ang’ a ti hram a. Chuck chuan, nilo, Yolanda hnuaiah hna awlsam tak i thaw zawk dawn nia, ka lo bia ang’ tiin a hrilh a.

Queenie chuan, Chuck leh Yolanda relation that thut tak dan chu a hrethiamlo ru ang reng hle. Yolanda nena an inhmu fo tur angaihtuah phei chuan a rilru takin a thik ve rum rum a ni. Mahse, a chunga a rilru thatna zawng zawng avang chuan a lawm ru em em thova. Yolanda chuan lo remti lo ta se’ tiin chhanna hre chak deuhvin Chuck chu a zawt a.

‘Engkim a tha vek ang, Yolanda hnuaiah chuan hunbi tuk a awm lova nga, college banah thawk turin i kal mai thin dawn nia’ tih thleng chuan a hrilh ta kelh kelh a.

‘Lu kun pahin, ka lawm e, ka lawm lutuk’

Chuck chuan Queenie mitah chuan enin, a hah tawh tih leh in eipuar a mamawh tawh tih a hria a, ‘vawiinah atan chuan chawl tawh rih la, kan rualin dinner rawn kil ve rawh’ tiin a sawm a.

‘Ni love, keichuan ka la ei thei rih lo, i thiante chu va zawm tawh zawk rawh’ tiin alo hnial a.

A thiante awmna lam pan chuan Chuck chu a inher a, Queenie chu a kalsan ta a. Anihna takah chuan Chuck bula dinner ei chu a chak takzet a ni. Sawm lui ngawng ngawng se, a hnial theiin a inring lo.

A thianpa, a harsatna tawh laia tanpui thintu Chuck lakah chuan a luangliam tan deuh der tihna em ni?

Zelda leh Yvette bul ava thlen chuan engmah an lo zawt lem lova, mahse a ruk tak chuan kitchen lama ava thang rei lutuk chu an ngaih a tha teh chiam lo ve ve a ni. Mipa berin titi vawrh tur a hre miau silova, ngawi rengin dinner chu an ei a, an ei fel hnu chuan Yvette chuan bill pe in, an chhuak a. Zelda chuan boruak inlumlet laklawh deuhva awm chu thain a hre lova, chhuanlam siamin an pahnih chuan a kalsan ta a.

Yvette chuan, ‘I thiannu Zelda chu a fel takzet a ni, ka harsatnaah min pui a, hmanni a mi kha amah a nih thu ka zawt chhuak a,’ tiin Chuck kalsawn hlana an titi chu a hrilh mawlh mawlh a. Ngawi rengin Chuck chuan alo ngaihthla a. Zelda in thil awmzia hrethiam a, Chuck nihna leh thilthleng a thup sakte chu hre ta se, Yvette hi a thinrim viau zawk ngei ang.

‘Ka thlah haw ang che’ Yvette chuan a ti a. Mahse Yolanda nen Queenie hna tur chungchang sawidun a tul avangin hnathawh tur ala neih thuin a chhang a. Yvette pawh chuan a hnatharah chuan rinawm taka thawk turin a duhsak ve thova, a chhuanlam siam chu a hrethiam lutuk.

‘Ka rei dawn emai, min nghah chuan, i tlai lutuk ang’ a ti a. Chuveleh mak ti deuhvin, tlai maw’ alo ti vat a. Yvette mitmenga mak ti lutuk chu a hmu a. A sawi loh danin Yvette hian a ngaihtuah ni ngeiin alang. Mahse Yvette chuan chutianga angaihtuah pawh chu thil awm tak a ni reng a, Elevator ah khan a mawng bawr a melh lai a lo hmu ru ve reng tawh a, chumai bakah Chuck chu in control thei lo lekin a mipatna a tho tih pawh a hmu lo der tawh anih kha.

‘Anih chuan, tha takin i thawk dawn nia’ mangtha phawt’ tiin a kalsawn san a. Chuck chuan Yvette chu hnunglam atang chuan a thlir reng a. A nui suk a, Yolanda hmu turin a kal zui ve ta a.

Manager room ah chuan plaza tana tha tur thil hrang hrang an sawi dun a, nikhat thilthu ah pawh Yolanda chet dan chu a lungawi hle a, Manager nghet a lak a rilruk a ni. Mahse an intiam tawh angin, ni thum ral hma chu engmah sawi ala rem lo. Manager office atang chuan zan dar 9 pelh hnu ah an rawn chhuak thei chauhva.

‘Ka thlah haw ang che chu’ tiin Chuck chuan college beauty nilai mek, Plaza manager hna chelh mektu Yolanda chu a sawm a, nui saih hian, ‘awle’ tiin alo chhang a.

CHAPTER 47
Parking lot a a car awmna an pan mek lai chuan hnung lam tangin ‘kha kha i car alaw’ titu an lo awm, Chuck chu ngaihtha lo ru takin a hawi let vat a, Queenie chuan a rawn pan phei pah mek a. Thil a pawi zo dawn ta. Kha leh chen rilru hrehawm takin BMW 7 series neitupa in a rawn call hun nghakin ngaihtha lo takin hun a hmang anih kha. Chu a chhapah, amah ngei Chuck chuan engmah hrilh lovin a nghahpui bawk si. Engvangin nge rei tak rilru hrehawma a siam, engatinge a hrilh mai loh.

Mahse, BMW 7 series hi amah chiahin a nei lova, bakah car plate a vuah tawh a, tin, a rang lai kha a siam tha leh tawh bawk a.
Queenie chu rawn phei hnai zel in Chuck chu a melh ta reng reng lo, Yolanda zawk chu melhin, a ngaihzawng kha mi hausa tak fapa a ni a, chuvangin Yolanda car zawkah angai a ni.

Chuck chu a thaw huai a. Yolanda chuan chutia amah zaw Queenie in a rawn zawh tak avang chuan Chuck chu a melh zauhva. Chuck pawh chu a thaw deuh huai. Yolanda alo ni kher chu a vanneih phah leh dawn tih a inhre mai.

Yolanda chuan, Queenie chu car a rawn chuang ve nghal turin a sawm a, Chuck chuan rang takin car chahbi chu Yolanda a pe zauhva, a chhan engmah zawhbuai angai lo. Yolanda chuan a hrethiam nghal vek tawh a, chahbi chu la in, car kawngkhar chu a hawng thuai a. A ma car cheibawl ta tawp a. Anihna takah chuan car chhung a lut a, changkang lutuk tak mai a, interior design a hmuh chuan amah pawh chuan mak a ti hial a, mahse a car a ni rih mek a, mak ti hmel a put a rem lo.

Fimkhur leh dim takin a tawlh chhuak a, parking lot atang chuan an tlan chhuak ta zel zel a.
Car chhunga an chuan lai chuan, hetiang chiah car hi tihpalh thilah ka tauh ran sak tawh a’.
Ava pawi ve le, car manto ani a, pawisa engzat nge a chawitir che’ Yolanda chuan a ti a.
‘Car neitu chu tun thlengin ka hre thei lova, min rawn call mai turin phone number ka dah chung pawhin min rawn la be miah lo’.

‘A ngaidam che anih dawn chu, pa fel tak a ni ngei ang’ tiin a chhang a, hnunglam enna darthlalang atang chuan Chuck chu a han melh zauh va. Chuck chu sawi tur hrelo takin a ngawi reng a. Chuck awm danah chuan a car chu Queenie hian alo tih ran sak tawh a ni maw tih ngaihdan a siam thiam mai a.
Yolanda in a rawn en zeuh zeuh a hmuh chuan Chuck chu a nui zauh ringawt a, engmah a sawizui lo.
School gate an thlen phei chuan Queenie chu car atanga chhuk vatin Yolanda hnenah chuan lawmthu a sawi a. Yolanda chuan nui sang hian, ‘awle awle’ tiin alo chhang vat a.
An tlan chhuah leh hnuin ‘ka rin dan chuan Queenie sawi, BMW car rang kha i car ngei hi a nih ka ring’ tiin Chuck chu a melh a. A dik alawm, tih nuih hian Chuck chu alo nui sak a.
‘Anih chuan, i ngai pawimawh viau ani maw’ tiin a fiam zui zauh va. Chuck chuan chhan dan tur a hre lo hle a, a ngawi ta ringawt a.

College gate an thlen dawn hnaih chuan car chu tidingin, a chhuak a, Chuck chu melhin, ‘ka lawm hle mai, min thlah avangin’ a ti a. Chuck chuan a hrethiam lo hle. Bialpa hausa tak chhungkua a nei a, engatinge helai hmunah a chhuk san. Zantin deuh thaw hotel changkang tak takah riak dawn pawh nise, a bialpa chuan a tihsak thei awm reng si a.
Mak ti deuh tak hian, ‘engatinge hetah i chhuk’? tiin a zawt a. Yolanda chuan college campus ah hian riahna ka nei lawm’ tiin a chhang mai a. Chuck mitmengah zawhna awm a hmuh chuan, ‘bialpa te pawisa hmanga nuam taka khawsak ringawt ka duh hleinem’ a ti leh a. Awm awl vanga nalh tur chu nise Yolanda hi a nalh ve ngai dawn lo anih hi. An college beauty, biak en pawha an en ngam loh thin nula hmeltha leh duhawm chu theihtawp chhuaha hna thawk thin, mahnia intun nun tum tlat mi ani tih a hmuh chuan a ngaisang ru hle a, tluk lo riau hian a i inhre ngawih ngawih a ni.
‘Anih mangtha phawt le, naktuk ah a hun takah ka rawn thleng dawn nia’ tiin Chuck chu a bye bye a, a leh hawi a, a kal san a.
Car chu turn in, a tlan let pah chuan Yolanda chu darthlalang atang chuan a en pah reng a, a hmelthatna leh duhawmna chu a nungchang mawi takin a belhchhah tih a experience ve meuh chuan a phu lo hliah hliahin a inhria a ni.

Zelda chu inah a thleng tawh a, phone call chu pick in, phur deuh hian engdang sawi hmasa lovin ‘i bialpa chu a hausa takzet a ni, kan dawrah Porsche 911 a rawn lei a, a man zawng zawng a pe tlak nghal vek’ tiin Quincy chuan a rawn hrilh bawrh bawrh a. Chhan dan tur vak a hre lo. Chuck hi a bialpa ni lovin tumkhat chu a bialpa angin a awm mai chauh kha a ni a. Wilbur nena an intiamna kha a hriatpui a, mahse Cayenne car lei tura inremsiam kha an ni si a, chumi man to lutuk zawk, Porsche 911 zawk a lei leh ta daih si chu mak a ti a. BMW & series leh Porsche 911 man tur awm chu angaihruat thiam a, chutiang taka man tam chu engtin nge awlsam te in a thehchhuah theih? tihte a ngaihtuah zel a. Tute nge Chuck chhungkua te hi ni ang?

‘A inbual zo tep tawh a, min lo hrethiam ta che’ tiin Zelda chuan dawt a hrilh ta ngawt a, chutianga a tih loh chuan an inbe thui telh telh anga, Chuck nena an inkar chu engmah anih loh zia a hrechhuak ve thei tlat a ni. Chulo rengah dawt sawi mar zung zung turin theih loh hun a nei palh ang tih a hlau ru ve tho va.

Quincy chuan, i bialpa anga mi hausa leh fel neih ve ka chak ngawt mai, a ti hlut a, a ngawi leh deuh vang vang a, ka ti mai mai nih kha, hun nuam tak inhmang dawn nia tiin phone chu a dah a.

Zelda chu a thaw hawlh a, inbual tumin a inhlip a, bathroom a pan mek lai chuan mak tak maiin light chu a rawn thim ta thut mai. Thil thleng ngailo a ni a, enge a awmzia ni ang le? Current line ah chiang lo a awm em ni zawk? Switch chu a han hmet tha leh thin a, awmzia a awm lo. Hlauthawng rilru takin a awm a, thim vek hnuaiah engtin nge amahin a mut ngam teh lul ang?

A thawmhnaw chu pack in, hotel lama riah mai tumin a chhuak a. Anihna takah chuan Zelda hian hmun hrang hrangah in a nei thluah mai. Mahse va kal buai vak ngai lova hotel lam pan mai chu awlsam zawkin a hriat vang a ni. Chutia a chhuah lai tak chuan Chuck nen an inhmu thut mai le. An pahnih chuan mak an ti ve ve a, an hamhaih lek lek a ni.

‘Chuck, hetah enge i tih dawn’, helai velah hian in i nei a ni maw’? tiin a zawt ta vat a. Chuck chuan chhuanlam siam na boruak ani lo tih hriain, ‘umm,’ lu alo bu nghauh va, sister Zelda, tun ang zan tlaiah tawh enge i tih dawn?’ tiin a zawt let thuai a.
‘Light a awm lova, hotel lam ka pan mai teh ang ka lo tia’
‘A tlai tawh riau mai, ka inah rawn riak ve mai la’ tiin Chuck chuan a sawm a.

CHAPTER 48
Mipa in hmeichhia riahpui a a sawm anih chuan thilthleng tur chua hriatthiam ruak a, Zelda rilruah pawh chu chu a awm a ni. Mahse Chuck chuan chutiang rilru pu chuan a sawm lem lova, tun ang hun zan rei tawh lama hmeichhei tan hotel pan chu tha a tihi loh vang a ni zawk mah.

Zelda chuan, ni love, angai lo tiin a lo hnial a. Chuck pawh chuan tih luih chi ah angai lova, ‘anih chuan fimkhur takin i tlan dawn nia’ a ti a. A kalpelh pah chuan an innuih seih a, in lamah pan chuan Chuck chu a phei a, in chhung a lut tep tawh tih chuan a hawi let a, Zelda chu hmanhmawh takin a in a a let leh chu a en reng a, a rawn chhuk thlak thlengin. Zelda chuan chutia Chuck la ding reng a hmuh chuan mangan hmel takin, a rawn pan phei a, ka car chahbi ka hmu zo hauh lo, a rawn ti a.

Ka room ah room ruak pahnih a awm a, i duhna zawk zawkah riak ve mai ta che’ tiin a sawm leh a. Zelda pawh chuan tha zawkin a hria a, Chuck sawmna chu a aw ta a. Chuck inah chuan an in zui lut a. Chuck chuan hnung dawlin Zelda chu a zui lut a, A mawngbawr nalh zet chu hmuh loh theih a ni lo. Tlangval hrisel tha tak a ni a, amaha danglamna awm chu a thup thei lo tran mek a ni. A duhna zawk zawka riak tura a tih hnu chuan Zelda chuan Chuck chu melhin mangtha le ti ni awm tak hian a rawn hawi let a, a nuih sak a.

Chuck chu inbualfaia mut tumin a lo inbuatsaih mek a, short pant hak nuam tak, pan te a ha a, chutih lai chuan room kawngkhar chu a rawn ri deuh dawt dawt a, va hawng thuaiin Zelda chuan mutkawr pan zet hi a rawn ha a, a va duhawm teh reng em!!

An inhmachhawn ta ran mai. Zelda chuan Chuck shorst pan tak a hak chu melh zauhvin, thil awmdan a hrethiam nghal vek. Chuck chu a zak a, a inthiam lova, a sen trawn trawn a, theih ang angin thup a tum. An inhnaih chilh tawh em a, awmzia a awm lo.

Towel spare a kawl leh kawl loh a rawn zawt a ni. Ni e, Hotel ah chuan riak se, hotel changkang tak chinah a riak ngei ang. Chutiangah chuan room tin ah an mamawh tur ang chi reng reng chu a thar vek an provide thin reng a. Chuck erawh, tlangval tir mai a ni a, room ruak nuam tak tak nei mahse, chung mamawh zawng zawng chu a gaihtuah thleng pha bik lova, dah pawh a lo dah lem lo a ni.

Towel hman nuam ber ber chi, tam tak, la hman miah loh chu a nei teuh ngei mai. ‘Ani maw, a nachang ka lo hre hauh lo ani, tia thupha chawi pahin almirah a towel chu lak tumin a phei pui a, chutia an phei lai chuan tum vang reng ni miah lovin Zelda ke artui a chhuih fuh palh hlauh mai le. Hmeichhe no nalh lutuk, a la intihliam ngai miah lovang tih tur khawpa ser pawh nei lo Zelda chuan ‘ouchhh’ tih leh a bul chiaha khuma tluk a rual a, Chuck pawh chu inveng hman tawh bik heklo, khumah chuan Zelda chu a bawh ta titih a.

Zelda night dress hmalam kilhna chu a inphelh a, a mal var nalh zet, tu ma bula ala hlim miah loh chu a kau hawk a, Shorts nen chauhva awm, Zelda mawng bawr nalh zet avanga a mipatna la pangngai lo chuan a bawhna lamah a do chiang ngei mai. Thup theih a ni lo, Zelda pawh chuan hai luih tum mahse, hai luih chi a nilo.
Second reilo te chhung chu mit la sawn thei lovin Zelda awm bawr kawh lah, var har chu a en reng a, Zelda pawh chuan thil thleng tur zawng zawng chu thleng zel mai rawh se ti ni awm takin ngawi rengin Chuck mit chu a en reng a. A che chang lo.

‘Ka tihpalh takzet Miss Zelda’ tiin inthiam lo takin a thova, chutiang anih tak siah chuan Zelda pawh chuan a awmbawr kau huau leh mal lang vek chu siamtha vatin, a tho ve nghal a. Aw a thian te te a, ‘englo a nia, i chungah ka lawm takzet a, naktuk breakfast ka treat ang che chu’ tiin thildang a sawi ta vat a.

Chuck chuan, almirah a towel dah chu la in, ‘ni e kan ei dun dawn nia’tih p ah chuan Zelda a pe a. Sawi tur dang a avang bawk nen, room atang chuan lai deuh tak chungin Zelda chu a chhuak a.

A chhuah hnu chuan thilthleng chu a ngaihtuah let a, a zah viau rualin atak ram thleng thei dinhmunah an ding niin a hria a, thilthleng chu a mitthla a, a nui ru ver ver a. Chutiangin Chuck pawh chuan a ngaihtuah mek ve tho a ni. Kha thil kha ti tlang ta ila, a pawi viau dawn em ni? tih te a inzawt a. Tichuan bathroom lamah lutin a inbualfai a, a mut pah chuan wechat message hrang hrang chu a en leh thuak thuak a. Lara chu a pian a nalh tak zet a ni.

A tukah chuan Plaza lamah a inkhalh phei a, a thlen phei hma deuhvin document ken theihnghilh a nei tih hriain, a let leh a, hmanghmawh taka lut a ni a, tum loh deuhvin a hma zana Zelda riahna room zawk ah chuan a lut a, room kawngka a hawng chiah chu mur chum chum theih hial a ni. A rimtui chek chek ngei mai.

Plaza a thlen phei leh hnu chuan Yolanda pawh chu a hma ni aia zahawm leh nalh zawkin a lo inchei a, manager room ah chuan a lo thu vang tawh a. A thiltih reng reng chu a fel thlap vek a, Chuck pawh a lungawi hliah hliah a ni ber. Khawvelah Manager nei hmeltha ber ni hialin a inhria a ni.

Yvette chu hmanmawh takin Yolanda room ah chuan company renew turin a rawn lut a, Yolanda chuan kum 5 chhung atan contract chu alo pawhsei sak avangin Yvette pawh chu a lungawiin a hlim hle a, paper sign fel ngaite an tihfel hnu chuan manager room a chhuahsan nghal a, Chuck melh pahin, ‘rim takin hnathawh tur a nia’ tiih a fuih leh zauh va. A training company apartment lam pan chuan elevator ah a chho a.

Minute 3 em pawh ala ral hman lovang tihah chuan, wechat message a dawng a, baller, ka lawm e, tih message hi a lo ni a. ‘Engpawhnise, i laka lawmthu sawi hi ka bat a ni, thiltihsak theih che ka nei em’ tih chu a rawn thawn leh a.

Yvette hian Baller chu a ngaina in, amah la hmu lo mahse, a chunga a thiltih sak zawng zawng avang chuan a lakah a luangliam tan tawh tih chu hriatthiam theih a ni. Mahse Chuck nilovin. Chumi avang tak chuan anihna dik tak chu hrilh chi a ni angem, nge kumkhuaa zep chi. Kumkhua in a zep thei angem? Duhthlan tur chu engpawhnise risk sang tak vek a ni.

Rei vaklo office a a thut hnu chuan, a hnawthawk te chuan mi tuin emaw an hmuh duh thu leh pawnah an nghah thu an rawn hrilh a. Yvette chu pawnah chuan ava chhuak a, tum loh deuhvin Zelda chu alo ding reng a. An pahniha an han inhmu leh chu mak an ti dun khawp mai. ‘He training company hi i ta a ni maw’ tiin a zawt tawl a. Yvette chuan, ‘ni e, ka company a ni a’ tiin a chhang a.

Zelda chuan helai hmun neih tum hian alo bei ve mek a ni si a, Yvette lah chuan Zelda tanpuina vanga contract renew thei angah a inngai bawk si. Yvette hian contract renew theihna chance a nei tawh lo khan a hria a, mahse boss an inthlak thut avanga contract renew leh ni ngeiin a ngai a, thil thlen theih dan zawng zawng a ngaihtuah a, a rilru ah mipakhat an lo lang a.

CHAPTER 49
Chu chu Chuck Cannon a ni, vawilehkhata Plaza neitu nihna thlak nghal thei tur khawpa thil tithei chu Chuck bak an awm lo. Mahse Chuck chu a thianpa closed tak a ni a, engtin nge he thil hi a tih theih ang? Nge ni, Yvette hi a nunah a pawimawh zawk? Thil tam tak a ngaihtuah a.

He plaza neitu ni tur hian a lo berah dollar nuai 600 chu sen a ngai ngei ngei dawn a ni. Chutiang ti thei tur khawp chuan Chuck hi a hausa em ni? Awih har a ti ve hle mai. Plaza boss hi Chuck a ni angem, nilo angem? Rin thiam harsa a ti ve tho mai.

He plaza neitu hi Chuck anih ngat chuan alakah a lungawi viau bik miah lovang. A hma khan helai hmunah hian restaurant hawn belh a duhthu a hrilh tawh a, Yvette training company chhuhsak a remtih loh vang maiin he plaza hi a lei anih ngat chuan an inkar chu a tha lo viau ang le. A lu chu a thing a, a ngaihtuah na chu a tak ram nilo hram se a duh a ni. A chhan chu, a thianpa Chuck hi mi inngaitlawm leh mi dik lutuk,thian atana tha em em a ni si a.

Director maine, rawn lut la, coffee dawm dun ang hmiang’ tiin Yvette chuan tha takin welcome a. Zelda chuan, ‘engtia rei nge Chuck nen hian in inhriat tawh’ tiin alo zawt let a.
‘A rei tawh khawp mai’
‘A nih chu, Chuck chhungte hi tute nge le?’

‘Chuck hian, a naupan tet atangin chhungkua, nu leh pa a nei lo’

‘Nu leh pa a nei lo maw’ Zelda chuan mak a ti zual ngei mai. Khawi atangin nge heng pawisa zawng zawng hi a neih tak si ang le. Nu leh pa a nei lo anih ngat chuan he plaza lei thei tur khawpa powerful chu a ni lo tawp ang. Zelda chu tlemin a hahdam deuhva.

‘A ngai love, ka rawn en kual deuh mai mai a ni’ tiin a kalsan a. A kal thui hma chuan a ding dat a, ‘he plaza neitupa hi i hriatzawng a ni em?’ Yvette chu a rawn melh a.
‘Ka hre chiang bik miah lo’ tia lu thingin Yvette chuan alo chhang vat a.
‘Mi hausa deuh tu emaw niin hmanni lawk khan dollar nuai 600 emaw 700 in emaw a lei’ tiin a hrilh a.
Chu thu a hriat chuan Yvette pawh chuan mak a ti hle mai. Hmanni lawkah manager Yarn lakah Chuck in a chhanchhuak a, Mr. Wendel ngennain a office a ava lut a. Chung thil zawng zawng chu a mitthla let a.

He plaza mit khap kar lova leitu hi Baller a ni thei angem. mahse dollar nuai 600 chuang seng ral tur khawpin a hausa tihna em ni? Chuck phone call kha Baller chu a lo ni zawk angem? Chuck leh Baller hi an lo inhre ru reng tihna em ni? Yvette pawh chuan zawhna a inzawt mawlh mawlh mai.

A office a aluh leh hnu chuan, ‘baller engtin nge min tanpui dan tak hi hriat ka duh’ tiin baller chu message a thawn a. Chuck chuan, chhan loh chi niin a hre lova, ‘ka thianpa pui tur che in ka hrilh alawm’

‘Anih i thianpa chuan plaza hi a lei em ni’?
Chu message tawite chuan a ti phu deuh zuk a, ‘Ni lo’ tih chiahin a reply a.
‘A nih chu, nangmah i nih ka ring deuh va, ilo ni anih chuan hriat ngei ngei che ka mamawh a ni’
Yvette chuan phone chu a hum reng a, mahse reply message a dawng thei si lo. Baller chu mi fel tak a ni, ka hriat zawng tak anih vangin a intilang duh lo zawk em ni le tihte chu angaihtuah a. Engvanga tun thlenga ka laka inthup tlat nge anih le. Baller lo hi chu hetiang tithei tur thian dang reng ka nei silo tiin a phun sep sep a.

Rei tak chhung Yolanda nen chuan Plaza kalpui dan tur an sawi dun a, an duh tawk hnuin Yolanda chu college lama thlah turin car chuan an chhuak dun a, Zelda chuan a rawn phone a, ‘hello Chuck, khawiah nge i awm, i haw dawn tawh em? Thil zawh lawk duh che ka nei a nia’ a rawn ti a. Chuck chuan, ka la hman lo deuhva, ka haw tlai ka ring’ tiin a chhang a. I haw theih hunah min lo hrilh dawn nia’ tiin Zelda chuan phone chu a dah a.

College an thlen dawn hnaih chuan car chu tidingin Yolanda chu a chhuk a, chutihlai chuan William Yuri chu a piah lawk alo ding a. Yolanda chuan, mak tih hmel zetin ‘enge helaiah i rawn tih’ tiin a zawt thuai a.
William chuan BMW 7 series chu uluk zetin a en a, a khaltu chu a en bawk a, tunge anih a hre lem lo. ‘Helaia ka lo awm chhan hi maw. Tun hnaiah mi pakhat zawn i nei tih ka hria, a hming chu Chuck Cannon a ni a, enge thil awmzia min hrilhfiah thei em’? tiin Yolanda zawhna chu a chhang let a.
‘Engmah chutiang zawnga sawifiah tur a awm lo ve, thil engemaw zawh duh ka neih vang chauh a ni’ tiin a lu a thing a.

‘Thil engemaw chu engnge’ tih pahin BMW 7 series tlan liam mek chu a en a. Kha car khalhtu kha em ni Chuck chu tiin a zawt leh a.

Anihna takah chuan Yolanda in Chuck a rawn zawn atang khan Chuck chu mi tupawhin an hmelhriat a, mahse mi rethei tak, dollar singhnih vel chhartu niin an ngai vek a ni. William pawh chuan BMW 7 series khalhtu chu Chuck nih a ring bik miah lo.

Lu thin pahin, ‘ni love’ tiin Yolanda chuan a chhang a
‘Ni e, kha chu Chuck Cannon a ni miah lo tih ka hria lawm’ ka zawh tak zawk che chu, kha car khalhtu, rawn thlahtu che kha tunge ni?’ ti tak zetin Yolanda chu a melh a.

Yolanda chuan engtinmaha chhang lovin, gate chhunga luh tumin a tawlh sawn a, William chu a thinrim sauh mai. Tunah hian thil awmzia i sawi nghal vek anih loh chuan ka luh tir hauh lovang che tiin a kalna turah chuan a dang tlat a. Khatiang car man tlawmah khan engatinge i chuan, kalna tur i mamawh anih chuan a let tam taka man to zawk car ka nei a ni lawm ni, engahnge min hrilh mai loh a ti khur khur a.
Ner nangin, ‘mi hi an landan ah ringawt teh loh tur’ tiin a chhang a.

‘Chuti anih ahnu, i thianpa chu call leh ta che, tunge chungnunga hausa zawk kan en chhin dawn em ni’. Kei aia hausa chu ka hmu chak alawm tih pah chuan a ner khum sak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:52 pm

CHAPTER 50

A thusawi chu tul lo a ti takzet tih a hmel atang chuan a hriat theih, ‘i naupang chhia lutuk’ a ti a.
‘I call ngam meuh lo ani maw, ka laka a tlawm hmel lai chu i hmu hreh deuh em ni’ tiin ti el tak hian a tawngkhum al al a. Yolanda chu chuti maia awlsama midangin an chhuh chu a remti lo bur. A hausakna hmanga hneh chhuh reng a tum a ni.

William chu nam sawnin gate a luh pah chuan, ‘nangmah zawk hi anih hi chaklo zawka inngai ta chu’ a ti a.
William ngaihdan a nilo ta takzet mai. A banah chelhin, ‘I chhan hle mai maw, i mutpui tawh em ni?’
‘Mi laktlak loh tak ilo nih hi’ tiin Yolanda chu a meng nur hle mai.
‘Anih ahnu, engatinge i chhan em em? Hun rei tak chhung chu Yolanda hi a veng him char char thei a, chuti chung chuan tun thlengin Yolanda hian mipat hmeichhiatna ang zawngin vawite khatmah ala awmpui duh ngai lova. Hmeichhe invawng tak mi a ni a, a hmalam hun chhiat phahna tur ang chi reng reng chu tih a duh ngai lo.
A thusawi pawh chu chhang tawh lem lovin, a vawnna kut chu a phih thla a, kal a tum a, William thinrim chuan a ban chu a man sak leh a, ‘tunge anih kha pa kha, min hrilh rawh. Ti chhe turin mi ka tir ngei ang’ a ti tun tun a.

‘I a ta mi’ Yolanda chu a thinur hle mai.
‘Anih chuan sawi ta che, keimahin ka hmachhawn ang’
‘Ka hrilh ang che, eng thil atthlak mah ti suh, pawi i ti viau zawk ang’ tiin William chu a melh dur khuih a.
‘Haha, pawi ka ti ang maw, I laka ka dawh thei lutuk hi pawi ka ti tan tawh zawk’ tlangval chhelo tak William hmel pawh chu a tur tawh khawp mai.


A hmaiah chuan a beng pawp a.
‘Nang hian min beng ve ngam a maw. Vawiin ah ngei hian ka thiltih tur hi lo en rawh tih pahin Yolanda chu a car Ferrari ah chuan hnuh luh tumin a pawt phei bawrh bawrh a, theihtawp chhuahin tan khawh ve mahse Yolanda chuan thaah a hneh miau si lova, car kawngkhar bulah chuan a thu sawp nuaih a.
‘William, duh tawk rawh, police ka phone dawn a nia’

‘Haha, Police a, vawiin ah hian ka bialpui ka mutpui dawn a, chu chu pahl loh a ni em ni’?
‘Eng thil nge i tih’ tiin gate security, kum 60 chuanga upa tawh chu a rawn tlan phei tuang tuang a.
‘Nang kha, rawn inrawlh hlek suh ang che. I hna hi chân i duh em ni? Ka bialnu a nih hi’ William chuan a ti khur khur a.
‘I bialnu anih chuan khatianga tharuma tih tur ani ngai em ni. In en ta che, i chet dan kha. Mipa chet dan tur ava nilo ve. Police ka call tawh a, an rawn thleng thuai ang’ alo ti ve a.
William ngaihdan chu a nilo takzet. Yolanda chu melh khur khurin, ‘vawiin hian i vannei rih a nih hi, engtia rei nge a daih dawn kan en ang? tiin Ferrari car ah chuan a lut a, a start thum ham ham a, a phit chhuak zawk a, chak takin a tlan zui ta nghal a.
‘Nula, i tha em’? tih pahin Yolanda thu sawp nuai chu a kai thova. A khup pilh thi ser ser chu a hmu a.

‘Ka lawm e, ka tha alawm’ tha chhuak tak insum tak siin a hmui chu a pet a.
College lam chu a pan a.
Hmeichhe khawngaihthlak tak a ni, a bialpa kha mipa tha lo tak a ni, tiin Security Guard chuan hnung lam atanga a thlir reng a.

Chuck chuan in a thleng a, Zelda chu phone in, engthil nge ni ta tiin a zawt a. Zelda chu a piah lam deuh atang chuan rawn pheiin, Chuck chuan alo en reng a.
‘Room ah khan thil theihnghilh ka nei a, ka rawn la lawk thei angem’?
Kawngka chu hawngin ‘Rawn lut rawh’ tiin a hruai lut a. Zelda chuan a hma zana a mutna room lam chu a pan ding nghal vat a, khuma a thawmhnaw leh bathroom a underwear chu la vatin a kawr chhungah a thukru nghal thuai a.

Room atanga rawn chhuakin Chuck hnenah chuan lawmthu a sawi a, chhuah leh nghal mai a tum a. A ding deuh dat a, ‘engpawhnise, Plaza neitu thar hi i hriat mi a ni em’ tiin a zawt leh a.
Anihna takah chuan document theihnghilh va lam tura Chuck a haw leh khan Yolanda room a underwear sexy zet chu a va hmu tawh a ni. Engtik niah emaw chu zawhna chu Zelda emaw Yvette emaw chuan an la zawt nawn leh dawn tih a ring lawk sa a.

Ti tak deuhvin, ‘engtin nge ka hriat teh lul ang le’ tiin a chhang a. A hmal landan pangngai tak avang chuan Zelda pawh chuan rinhlelh enah a en lem lo.

‘Anih chuan, engmah a ni love, ka kal phawt ange. Ka lawm lutuk’ tih pah chuan a chhuak a. Verandah chuan a inchhuih palh hlauh mai, a thawmhnaw ken lai chu a thlauh va. Rang takin Chuck chu rawn tlan chhuakin, Zelda kawngah chuan a chelh a,

‘I tha em’
Zelda chu theih ang angin a thawmhnaw hak chuan a inkhuh tha a, Chuck in a kaihthawh hnu chuan rang takin a kal nghal a,mahse a tluknaah khan a khel a tih nat deuh vangin a kal tha thei lo, a bai suih suih a.
Chuck chuan au dingin, ava pan a, ‘Hospitalah ka hruai ang che chu’?
‘A ngai love, ka tha alawm’

‘Anih chuan, i inah ka hruai haw ang che’ A landan chuan kal harsa ati ani tih a hriatthiam pui a.
‘Ka lawm e’ tiin Chuck chu a en a

Zelda chuan Chuck dar ah a kuah a, ani chuan a kawng bawrah a vuan a, tiang chuan a inkai phei a. Loh theih lohna avangin an inhnim hnai hle a, Zelda Fragrance rim nam chek chek pawh chu a hre thei a.


Chuck chu thei leh thei lovin, remlo zet hian a melh a, hmeichhe fing leh mahni chauh pawha dinhmun sang taka inhlang kai thei a ni a, Chuck rilru kilkhat chu a hmu thiam a ni.

Hmeichhe chhelo tak tak pawh a thei alawm, a duh phawt chuan. Mahse chutiang chuan tu lakah mah ala awm ngai lova, hetiang khawpa taksa inhnaih chilh hian hmeichhia ala kuah ngai bawk hek lo.

A hmuh dan dik tak sawi duh nise, nizan lama thilthleng kha Chuck hian a mutnaah a dream chhunzawm niin a hria. Tunah kuah a ngaih vangin heti khawp hian an inpawm a ni si a, zaninah a chhunzawm leh angem? Zelda chuan nuamlo tihi rukna riau a nei a, chumi piahah, mipa hi a bengkhawn ngai lo viau thin bawk si. Chuck hian a lo duh ru ngawih ngawih tawh zawk nge?

In a a hruai luh hnu chuan sawi vak tur a hre lo bawk nen, ‘ka chhuak mai ange, in enkawl tha la aw’ a ti a.
‘Ka lawm lutuk e’

A tuk zing ah chuan Plaza lama kal turin Chuck chu a insiam mawlh mawlh a, ava thlen phei chuan Yolanda chu Manager room ah alo awm leh reng tawh. Yolanda chuan pawnfen khup chung vel thleng hi a feng a.

Document hrang hrang tifel turin Chuck thutna chu a rawn pan a, Chuck chuan Yolanda khup pilh chu alo hmu vat a. a chhan a zawt nghal thuai a.
‘Nimin min thlah hnu khan ka tlu palh a lawm le’
‘Anih chuan vawiin chu chawl la, va awm hahdam rawh’
‘Engmah tham ani love, tih tur a tam hi’ Yolanda chuan Chuck chu haw lo tih hriat zet hian a melh a.

‘Hlauhthawn tur a awm lo ania, i hnathawh danah ka lungawi a, Manager atan ka dah tawh che lawm’

‘Heheh, Manager puitling ka nih phei chuan haw thei ka ni lo anih chu, thawh tur hmachhawp ka ngah dawn em mai’ nui chungin a chhang a.

Plaza tih lar zel dan tur ruahmanna an siam ang chuan hmalak an tum a. Yolanda chuan, Lara in a cousin nena Plaza rawn luah ve a tum thu a rawn hrilh a. Chuck chuan chhan ngaihna a hre lo, mak a ti hle a. Engvangin nge Lara chuan helai hmunah dawr rawn hawn ve a duh ngawt mai le. Ngawi renga a ngaihtuah lai chuan, Plaza tih larna turin advertisement an chhuah ah khan kum khat chhung chu apartment thenkhat luah man free an tih chu a hrechhuak a. Chu chu Lara hian alo hmu ani ngei ang.



CHAPTER 51

Chutia a ngawih reng tak avang chuan, ‘kan luah tir dawn em’ tiin Yolanda chuan a zawt a. ‘Helaiah ber kher, eng ber nge tih an tum chu le’ Chuck chuan angaihna hrelo takin Yolanda chu a zawt let a.
‘A landanah chuan milk tea dawr siam an tum a ni awm e’. Yolanda chuan Chuck chezia chu uluk takin a en pah a.

‘Milk Tea Shop a, hahah’...Room decoration nen chuan dollar sing nga, sing ruk vel bak sen a ngai dawn lo a ni. A cousin Charlotte Yates nen chuan an in partner fuh meuh angem? ‘Luah tir rawh’ tiin a hrilh a.
Plaza ah chuan apartment sawm vel chiah luah theih a awm tawh a, mahse training company anga duhthusam chu a ni hlawm lutuk lova. Chutiang anih avang chuan Zelda pawh khan Training Company luah room kher kha beisei a ni reng a.

Chuck chuan beiseina sang tak neiin, a hma aia nasa zawkin Plaza chu a lun dawnin a hria a, a nu lakah pawh inchhuang takin a awm theih a inbeisei a ni.
Plaza company account ah chuan dollar million thum chu a tul tula hman turin deposit thain a hria a, Plaza ah beiseina sang tak a ni. Chutihrualin million thum a transfer anih chuan a account ah pawisa a neih tawh dawn loh vangin, a nu chu pawisa dil leh a mamawh ngei ang.

Chung pawisa te chu Manager Yolanda chuan a manage anga, Plaza pumpuia mawhphurtu lian ber anih angin, engkim a kutah a awm dawn a ni.
‘Ka lawm hle mai, min rin ngam ang ngeiin theihtawp ka chhuah ang’ tiin Yolanda chuan Chuck ruahmanna chu a pawmpui a.
‘Chutiang sawi kher angaih loh chu’ tiin a nuih sang a, dik tak chuan amah zawk hian lawmthu hrilh hial a duh a. Busineess a ti tan dawn chauhva, Manager hmeltha leh fing tak mai a hmu thei chu a lawm ru viau zawk a ni.
‘Pawisa i mamawh belh anih chuan min hrilh leh dawn nia’
‘A ngai lovang, Plaza luahtute atanga thlatina kan hmuh tur ringawt pawh hi a tam tham dawn lutuk’ nui sang chung chuan Chuck chu a chhang a. Chuck chu a haw lo takzet tan ni mai hian a lang.

Plaza ah chuan tih tur em em aneih tawh lemloh avangin class va kal leh lawk chu a rilruk a.
An dawr thar chu lo buaipui ve mekin, Lungawi hmel zet hian, ‘Charlotte enteh, tha i ti ve lo maw’ a va ti a. Lara hian hman atang tawhin ama puala dawr neih alo rilruk tawh thin a, sum lamah dawr siam thei dinhmuna ala din loh vangin leh kum khat luahman free alo ni lehzel bawk nen, a cousin Charlotte chu hmin in, dawr a siampui a ni ber zawk.
‘A tha khawp mai’ Charlotte chuan lu a lo bu nghat nghat a.
‘Enteh, luahman chi chawi ngai nita se, thlatin dollar sangsarih kan sen angai dawn a, hlawkna tel tur chuan kan beih angai nasa dawn. Mahse hei, luahman awl chhung hian theihtawp kan chhuah anga, dollar singriat chuang khawl ang kan ni dawn a. Dawr hmalam hi duhthusamin a lian lova, chuvangin hnathawk mi pahnih chhawr ta ila, university lamah advertisement kan buaipui bawk anga, reilo te chhungin engvak tilovin pawisa kan hlawh chhuak teuh mai dawn alawm. Engvakmah tilova thlakhata dollar sang chuang kan lalut thei anih ngat chuan Plaza luahve tute zawng zawng hian min chung en vek thuai ang’ tiin a duhthusam chu phur takin Charlotte chu a hrilh mawlh mawlh a.
Charlotte chuan nui deuh chung hian a thusawi lai chu a en reng a.

‘A tha ang tiraw.’ Hlim takin pawnlamah an chhuak dun a. Gate an nam hawng chauh tih ah Lara chuan ‘Hey’ tiin pawnlama mi chu ava au a.
Rawn au tu awmna lam lehhawi nghalin, mak a ti ang reng hle, sawi tur ber pawh hrelovin Chuck chu a ding ngawi reng a.

Charlotte chuan Chuck a hmuh avang chuan a lawm hle a. An inhmuh hnuhnun berah engtinmah Chuck hian chet a la duhlo anih kha. A lawm viau rualin, Chuck hian min duh miah lo em ni’ tihte chu a ngaihtuah a, hmeichhe chhelo ve tak a ni tih pawh a inhre ve. A lungawi lo lek lek zawk hial a ni.
‘Charlotte, hepa hi ka hmelhriattir ang che, Ih maw, kan class a mirethei ber leh lak tlak loh ber anih hi’ tih pahin Charlotte banah a kai a, Chuck bulah chuan hnaih set sawt hian a ding a.

‘Chuck, helaiah hian enge i rawn tih ve a, dawr luahtur i zawng ve em ni’? Classroom ah meuh college beauty Yolanda in Chuck a rawn zawng tawh a, tunah Plaza manager in a awm a, manager room ah chuan Chuck pawh a hmu nawlh tawh a, tin, tunah Plaza kawtah a hmu leh a, thil ngaihruat thiam tan chuan engemaw chu ngaihthat lohna neihna tham a ni tawh. Mahse, Lara hian Chuck hi a hmu hniam tawh laklawh a, Chuck hian a nihna zawng zawng pawh hi hrilh mahse a awih sak kher angem? Chung thil zawng zawng chu Zelda Maine nena an inthianthatna avanga thleng vek niin a ngai nghet bur a ni.

Chulo rengah, Yolanda in Chuck a mamawhna chhan chu Zelda Maine nena a inkar a that theih nan a thianpa Chuck chu middle-man angin a hmang ni maiin a ngai a, chumi avang tak chuan ‘LOSER’ tiin a ko a ni.

‘Helaiah hian dawr luah tuma rawn kal ka ni lo, ka tei vel mai mai a ni’ ti a chhan pahin Charlotte chu a melh zeuhva. Charlotte chuan Lara chu thil engkim hrilh a, mi hausa tak anih zia te hrilh vek a duh a, mahse engmah sawi chhuak lo turin alo intiam tawh a nih kha.

‘Ni tak e, engtin nge chutiang te a ka zawh theih zawk che le, i tan chuan dawr luah tumte chu beisei ngam chi ani lo tak e. Tei vel mai mai hi i inhmeh tawk chiah’ Lara chuan a tih khum lang lang a.
‘Loser dik tak chu ilo ni ngei e, Yolanda hian hman tangkai a duh vang mai mai che a nih hi, nang lahin Yolanda bula awm theihna chance ah ilo ngai a, i la hlim ve em em a, mawl lutuk suh, college beauty anih kha hre reng rawh, i tan beisei tur a awm lo’ a ti zawm zat a.
Chuck in sawi ve na hun pawh a nei hman meuh lo. ‘Helaiah hian dawr ka nei tih i hre miah lovang tiraw, Manager Yolanda hi phone call in ka bia a, ka luah ve duh thu ka sawi a, rang takin min luahtir nghal’ tiin intithei zet hian Chuck a en a.

‘Anih chu, ka lawmpui lutuk che’ Chuck chu a nui a.
‘Engvangin nge i nuih a, helaiah hian reilote hnuah boss ka ni thuai ang. Nang chuan Zelda hnung zui leh tuang tuang mai rawh. Hun kaltawh kha chu engpawhnise, lokal rawh, Opening Ceremony lai hian in tur ka show sak ang che’

‘E, tehreng mai, ka lawm lutuk e’ Chuck chuan a chhang thuai a.

Charlotte chuan hrehawm a ti ru hle tih a mitmeng leh chezia atang chuan a hriat theih a, Lara in chuti tak maia tawngkam hnehsawh deuh deuhva a be ta mai chu nuamlo a lo ti takzet a ni.
‘Engpawhnise, heihi ka cousin Charlotte anih hi’

Charlotte chu boruak kham loh hmel zet hian a thaw hawlh hawlh a, nui sangin hmai sen ap ap in, Chuck chu a chibai a. Chuck pawh chuan chibai tumin a rawn ban thuai a. Charlotte kut chu a no ngei mai. A chibai lai chuan, kut zungpir in Charlotte chu a kheuh pah zeuhva, Charlotte chu a sen nasa zual ngei mai, a lai takzet a, hrehawm a titakzet a ni.
‘Thlah ta che, ka cousin lakah hian remchang zawng reng reng suh’ alo ti ram deuh hmak a. ‘Tenawm lutuk mai’ tih pah chuan a kut chu a phihtlak sak a.

‘Tenawm a, khami zan khan ka mutpui che em?’ a ti let ve khauh a
‘Nang hi’... Lara chu a thinrim sen tawn tawn a. Zelda ngaihdamna a dilsak lai khan lawmthu sawinan mutpui a remti a nih kha.
Charlotte chu mak tiin a lo meng phawk nasa hle. Chutiang khawp chuan an lo inchul nel tawh zawk em ni? Kei aiin a duh zawk em ni? Thil hrang hrang angaihtuahnaah a lut zut zut a.

‘Chuck, i sawi nawn leh anih ngai chuan, ka ngaihdam hauh lovang che’
‘Ka mutpui che i remtih thu hi midang bula sawichhuah i zak leh deuh em ni?’ a ti let ve sak a.
‘Hmela, ka sawi ngei alawm, mahse ilo kal bik em ni? Chance ka pek che kha i tihlawhtling em? Khatiang kha ka lak atangin beisei duh tawh suh, duhthlan tur ka neih loh vang mai anih kha’. Bialpa hausa tak ka nei tih hre reng rawh’.

‘Chutia law, tunge chutiang khawpa hausa chu’?

‘Baller, abak chu min zawt tam lo zawk teh, anihna i hriat chian lutuk chuan keipawh hi min be ngamlo hial ang’
‘ohh, Baller, chutiang khawpa mi tha chungchuang a intih ngam chuan a hausak viau dawn chu. Tunge baller chu le’ Chuck chu a nui a.



CHAPTER 52

Mi hausa lutuk ka tih chuan awih mai rawh,’ a ti tan tan a. Charlotte chuan engkim sawichhuah a, a bialpa baller tia a sawi chu a hmaa ding Chuck hi a nih thu hrilh mai a duh a ni.

‘Ka bialpa hi nangni ang mai mai hmu turin hun a neilo, company lian tak nei a ni a, hun khawhral mai mai hman a ni ve hleinem...nangni angin’

‘Chutia law, anih chuan i bialpa chu tinge nangmah hmu tur talin i koh mai loh’ confi deuh hian a chhang let a.

‘Kan inhmu dawn e, nizan maiah pawh dinner kan ei dun a, tunah rih chuan va tihbuai tul ka tilo, a chhanchu keihi midangte hriatthiamna ngah tak mi ka ni tlat a’ Lara chuan awihawm deuhvin dawt a sawi zung zung tih chu Chuck leh Charlotte te chuan an hre fai leng bawk si.

‘Lara, ngawi tawh rawh’ Charlotte chuan a ngaithei tawh lo, a pawtsawn nghal vat a.

‘Engvangin nge min lo dan a, ka duhtawk ka la sawi hleinem, he mi laktlak loh pa lakah hian’ Lara chu a meng rum hle.

‘A awmzia berah chuan i bialpa anga i sawi Baller chu i ko eih zo lo tihna ni maw’ Chuck chuan alo tih khum ve sak a.

‘Hey, ngawi hmak rawh’ Lara chuan Chuck chu kutzungpir va in a kawk a. ‘Tunah heta rawn kal turin ka be nghal khawp ang’ tih leh phone lakchhuah a rual a.

Chuck chu a lo nui mai a. Engang pawhin message thawn se, Chuck chuan a silent avangin engmah hlauhthawn tur a awm lo.

Message a thawn nual hnu pawh chuan reply na a dawng thei silo. ‘Baller, khawngaih vawikhat chiah message kha read la, minlo chhang hram teh’ Lara chuan beisei tak chungin a thawn zel a.

‘Baller, minlo reply hram teh, zaninah i duh duh danin ka awm ang’. Phone chu a en reng a, a rawn chhang silo. Hrehawm a tiin, nuamlo a ti takzet tan. Nghakhlel takin hmui a pet fan fan a, phone a zu bih leh thin.

‘Tinge, i bialpa chuan a rawn chhang thei na che nge?’ ‘I bialpa tak tak a ni lo em ni zawk’ nui chung hian Chuck chuan a ti el vel a.

‘Hey, ka bialpa hi mi hausa tak a ni a, a buai thei hle, nang anga tei raw lai mai mai hman a ni ve lo’. Lara chu thinrim vang chuan a thaw hawlh hawlh a. A awm bawr kah lah chu a insep a ni ber mai.

‘Lara duh tawk teh’ tih pah chuan a pawt sawn leh a. Chutia chaklo zawk anga Chuck laka a awm chu a ngai thiam thei lo hle.

‘Chuck, heihi hre rawh, vawiin niah hian i vannei hlauhva, i hmaah hian ka bialpa chu ka la rawn pho chhuak ngei ang. Nang hi Zelda hmelhriat i nih vang hian ilo intithei ve em em a, Chumi avang chauh chuan Yolanda pawh hian a be tha che anih hi. An lak atang hian beisei tur i nei lo, i mumang ram atang khan harhchhuak rawh’.

Hnunglam atang chuan Chuck rawn ko tu hmeichhe aw rawn chhuahna lam chu an thiandun Charlotte nen chuan an hawi nghal a.

Casual jeans ha, hmeichhe hmeltha leh pian zel lutuk an hmuh chuan sawi tur an hre lo, an thlir tawp mai a ni. A jeans hak te chu a ma ta tur bika an siam ni awma mawi a ni. A va inhmeh chiang kher em! A piannalh zia a lantir chiang ngei mai.

Chutia ngawi renga an thlir lai chuan, anmahni lehpelin Chuck chu a rawn phei vat a, Yolanda chu a kai vat a, ‘fimkhur tawh rawh, hei kal pawh i kal tha thei lo anih hi’.

Chuck chu melhin a nui sak a, ‘ka lawm e’

An thusawi chu hrepha chiah lovin Lara leh Charlotte chuan an lo thlir reng a, thikna thinlung atang ni lovin en ta se, an va inhmeh dun kher tehreng em!

Mahse, Lara chu a thinrim leh tut tut tawh. Engnge an sawi, nizan lamah eng thil an tih vanga Yolanda ke chu na nge a nih? Chumai a nilo, mi tlaktlailo engvangin nge Chuck te ang tanpuina a lo pawm theih zawk? Engatinge nui sangin lawmthu a la hrilh theih zawk?

‘Hetiang khawpa hmeichhe hmeltha nen an lo inzui vang anih hi. Ka lakah rilru a pek miah lohna chhan’. Charlotte chuan thil awmzia hre vek ta niin a inngai.

‘Min lo hrethiam teh u, kan pahnih hian tih tur kan nei tlat’. Nui sangin Yolanda chuan a melh a.

Lara hmelah chuan thinrimna hlir alang a chhuak. ‘Engawhnise, plaza boss hian theihtawp chhuah turin a beisei vek che u a nia’ tiin Lara chu a melh a.

‘Teh reng mai, theihtawp kan lo chhuah ange, mahse tunge boss chu ni reng reng?’ Lara chuan chutiang khawpa mi hausa chu a hre chak tlat.

‘Engatan nge min zawh a?’ Yolanda chuan titak deuh hian a melh a

Chhan ngaihna a hre lo. hmui a pet a. chhuanlam tur a ngaihtuah, chulai tak chuan, Charlotte chuan ‘lo kal teh, kan room thar tur tan ngaihtuahna seng teh ang’ tiin alo chhan a. A kalsawn pui a. Charlotte chuan thil awmzia chiang zawka hriat a duh a, ‘Chuck nena mut dun chungchang kha engtin maw?’ Lara chu a melh a.

Kha mi laktlak loh lutuk pa khan vawikhat puih ka ngaihna laiah min pui ve tawh a, lawmthu sawinan mutpui ka remtih thu ka hrilh a, mahse rawn kal nachang a hre lo. Mawl lutuk. Nidangah min beisei anih vaih chuan a inchhir viau ang’ a ti tan tan a.

An dawr hmaah chuan dingin, chei that dan tur an en a ni. ‘En teh, car changkang leh man to zet leitu baller hi nge Plaza lei tu hi hausa zawk i rin?’ Lara chuan Charlotte chu a melh a.

‘Plaza neitu hi a hausak zawk ka ring’. Car manto tak leisaktu Chuck chu mi hausa tak ni mahse, Plaza lei tur chuan dollar million za tam tak sen a ngai dawn a, Chuck ai chuan a hausak zawk ngei a ring.


‘Ho lutuk, kal teh ang, chei tha tut tur company atangin tihdan tur te ngaihtuah ang’ tiin Charlotte chu a kuah a. An chhuak a. Plaza an chhuahsan lai chuan Lara chu hawi letin, ‘Chuck, mi rinawm lovah min ngai em ni. Min beisei anih chuan vawikhat chiah chance ka pe leh ang che, chu chuan ka thusawi ah khan ka ding nghet tih a lantir ang, abak chu beisei theih ka ni tawh lovang’ tiin a phun sep sep a.

Chuck leh Yolanda chu Manager room lamah chuan an awm mek a, Yolanda chuan Plaza hmachhawp atan idea thar a neih vangin Chuck nena sawi dun turin pawnlamah a rawn umzui a lo ni a.

Chair a thut tir tuma a puihna lamah a kun zawng chuan a taksa atanga fragrant rim na lo tak, rawn nam chak chak chu a hre thei a, a awm bawr it awm zet chu a melh hnai ngei mai. Mipa tam tak chu nise, tihpalh thilthuin an tawk pah ngei ngei ang. Mahse chutiang mi a ni lo.

Yolanda ang manager fing leh fel, chhelo lutuk a nei thei chu a lawm ngawih ngawih a ni. Mahse bialpa a nei, a bialpa William chu a thik lek lek. Yolanda hmel leh pianzia te, a finna te a ngaihtuah chuan sawiselna tur reng reng a hre thlawt lo a ni ber.

Idea thar chu a hrilh zung zung a, Yolanda ngaihtuahna chu Chuck pawh chuan tha a tihpui hle. Chawhnu lamah chuan Yvette hnena eitur thawn turin a chhuak a. Kal pah chuan phone chu lachhuakin, Lara message tam tak chu a hawng diat diat a. Tih vak ngaihna a hre lo. Chutihlai tak chuan message a rawn thleng leh. ‘Baller, khawngaihin dollar singkhat vel min puk tir ta che’. Lara message chu a chhiar a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:53 pm

CHAPTER 53

Milk Tea dawr an siamna tur atan a ni ngei ang. A nui ringawt a, chhan enah pawh a en lo, phone chu pocket ah dah lutin manager office lamah hawiletin Yolanda chu ‘enge ei duh i neih’? Yvette eitur order a tum thova, a manager ei tur pawh chu order a remchang hle.
‘Ka lawm e, nakin deuhvah min rawn pe turin ka lo order ve mai ange’ Chuck chu darthlalang chhan atang chuan a rawn en a, a nui sang a.

‘Anih chuan, a tha e, hunbi dik takin ei i tum thin dawn nia, theihnghilh lo la’ tiin Chuck chu eitur order turin a kal ta nghal a.

Yvette eitur chu kengin training company lamah chuan a chhova, mahse chutah chuan Yvette a lo awm reng reng lo, a hrilh lawk sa bawk silo, a rei viau angem? Lo nghah ngawt chi niin a hre lova, Yolanda office lamah chuan a let san leh ta zawk a, Yolanda in alo hmuh veleh, phur zet hian, ‘ei tur chu minlo laksak tak tak em ni’?

‘Ka thiannu tan a ni a, mahse a awm lova’. Chuck chuan Yvette ta tur tih chu a hrilh lova, mahse dawt sawi kher tul a ti lo.

‘Ka ta tur ni chiah lo mahse, a pawi loh chu, ka ril alo tam tawh lutuk a’. Chuck chu a en a, lawmthu a sawi a.

An pahnih chuan hlim takin an ei dun a, an ril a tam dun tawh deuh bawk aniang, an ei zo vek a. Chutianga nula hmeltha leh duhawm a eipui thei chu amah pawhin nuam a ti ru viau.

Khua a tlai zel a, ‘vawiin atan chuan duhtawk tawh ta che, ka thlah haw ang che’ Chuck chuan Yolanda chu a en a. Yolanda chuan ‘angai love, ka lawm e, nakinah keimahin ka rawn haw ve mai dawn nia’ tiin chuck chu a lo chhang a.

Engatinge, Chuck rual hian a haw duh tawh lo nge, University lamah chuan haw a tum tawh lo zawk? Chutah chuan harsatna a tawk viua em ni? Anihna takah chuan, University lamah chuan haw leh ta se, a bialpa William Yuri khan alo chan ngei a ring a, tih luihna in tlawm a tum ngei ang. Chung zawng zawng chu thil ngaihtuah thiam tak Yolanda chuan a ngaihtuah thleng pha a ni.

A chet vel danah chuan a ke na chu a khawr pui hle tih a hriat theih a, Chuck chuan ngaih tha lo zet hian a melh a. ‘Ka tha e, hnathawh tur ka la zo lo deuhva, min nghak lo mai rawh’ tiin chhuanlam siam mahse Chuck chuan thil dik tawklo awm niin a hria a.

‘I chungah thil thalo a thleng em ni? Tanpui inhuam tih hriat tak hian Yolanda chu a melh a. Yolanda mitmeng mawi tak kar atang chuan lungngaihna leh thlaphan rukna a hmu thei a ni.

‘Engmah a awm lo ve’.

‘Tak tak maw’ Chiang lehzual zawkin Yolanda chu a en a.


‘Tak tak, min ngaihsak avangin ka lawm e’ Yolanda chuan Chuck chu a melh tha ngam tawh lo, a rilru no a chhuak a, diktak chuan kuah a, tah khum hawm hawm a chak a ni. Mahse,

‘I chungah harsatna a awm anih chuan min hrilh vek rawh’ Chuck chuan Yolanda chunga harsatna thlentu chu tupawhnise, chinfel sak a inhuam takzet a ni. Mahse bialpa a nei tih a hria a, an inkara inrawlh chu thiltih chi niin a hre lo. Hna thawkrim lutuk lo turin leh, eiin a hun dik taka ti thin turin leh haw hma thin tura a ngenna chu amah Yolanda angaihsak zia alantir theih awm chhun niin a hria.

‘Anih chuan haw tlai suh aw’ Chuck chu a thova, Office chu a chhuahsan a.

Yolanda chuan Chuck chhuak mek chu hnung lam atang chuan a thlir reng a. A kal liam hnu chuan hna tlem azawng a thawh chhunzawm leh a, minute nga vel hnuah a bialpa William Yuri chuan a rawn call a, lak loh mai a duh viau naa, buai a tam mai mai dawnin a hria a.

‘Nimina rawn thlahtu che kha tunge, khapa bulah khan zanin i riak dawn em ni, Darkar tam tak college gate ah ka nghak tawh che, girls dormitory ah pawh ka en vek tawh che, William chuan thinrim tak hian a rawn ti nghal bawrh bawrh mai.

“A harsa zawng hlir hian awm lo teh’ Yolanda aw chu a hriam tak mai.

‘Harsa a, nang hian vawikhat chauh nilovin vawi tam tak ilo mutpui twah zawk em ni, min han hrilh teh’ William chuan intitatu takin Yolanda chu a tawngkhum tun tun a.

Yolanda chuan awmzia a nei dawnlo tih hriain, phone chu a dah nghal a. William chuan a rawn call nawn tluk tluk a, mahse a chhang duh tawh lo. A hnu deuhah William chuan diriam zet hian message a rawn thawn a. Yolanda chuan ‘theihnghilh rawh’ tiin amah leh amah chu a inhrilh sap a. Plaza lian takah Manager dinhmunah a ding mek a, heihi a hlawhtlinna kawng sialtu ber tur anih hriain, a dah pawimawh hmasak ber rih angai a ni. Mite anga awm mai mai thei a nilo, atan chuan nun hi fight tur a tam bik ni hian a inhre thin.

Office room chu lock in, thutthleng ah chuan ke a hlang chhova, a kut chu tukhum lamah dahin a kham a, a maimitchhing siar siar a. Rim takin a thawk a, a taksa pawh chuan chawl hahdam a mamawh takzet a ni. Tui taka a muhil siai siai chu van angel te pawh hian an en ning thei bik lovang. A hmelthatna leh pian mawina chu mite en nin loh anih mai piahlamah a finna leh rilru thatna chu amah belchiangtuten an hmu tel thin.

Chuck chu car chu a remchang laiah tidingin, Yvette chu a call a, ‘engatinge tlailam atang khan plaza lamah i awm tawh loh, harsatna i nei em ni’?

‘Ka lu a na deuhva, ka haw ta mai’ Yvette chuan aw pangngai takin alo chhang a. A hmaa a vin deuh tuar tuar ang khan a be tawh ngai bik lem lo.

‘Damdawi i ei em’

‘Ei lo, hritlang satliah anih ka ring’

‘Anih chuan, damdawi ka rawn lei dawn che nia’

‘Aw le, mahse ka awmna hi a hla deuh hlek, car pawhini darkar chanve kal a ni hial ang, i tan a buaithlak viau mai thei’

‘Okay okay, ka rawn pe ang che’.

Yvette chuan a awmna address a hrilh hnu chuan phone chu an dah a. Damdawi dawrah damdawi a lei fel hnu chuan ei tur a lei sak nghal a, nilengin engmah a la ei lo anga, a ril a tam viau tawh ngei ang.

Yvette awmna a thlen hnu chuan tlemin a zam ve deuhva, muangchangin kawngka lam chu a pan a. Kawngka chu kik in, ‘rawn lut rawh, lo thu rawh’ Yvette chuan kawngka chu a rawn hawng a.

Dam tha lo, khuma lo mu reng a ni a, mut kawr pan tak nen ringawt a lo awm a, mipa tan chuan en reng awl tak tur a ni, chulo rengah a pian a nalh si.

‘Heihi damdawi eitur, heihi ei hmasa rawh, i ril a tam ang’ Chuck chuan Yvette khumah chuan a dah a. Ngaihtuahna hruaisual thei tur lakah a inveng hram hram a ni. Chutia damdawi leh eitur a pek hnu chuan bathroom lamah a luh san a, Yvette undergarments vel inkhai a hmuh chuan lu a thing a, en loh a duh a ni. Chutihlai chuan ‘baller, dollar singkhat min puktir lawk thei angem, thlakhat chhungin ka rul leh ang che’ tih pahin Lara chuan a thlalak hmuhnawm deuh deuh a rawn thawn tel a.

‘Ka puk tirna chhan tur che enge’

Lara chu a phur hle, hun rei tak atang tawhin baller hian message a reply tawh loh hnuah a reply ve leh ta a. ‘Min puk tir chuan i kiangah ni thum hun ka hmang dawn nia, tin thlakhat chhungin ka rul leh ang che’

Chuck chuan Lara thiltih duh dan zawng zawng angaihtuah chuan mak a ti viau a, engtianga reply leh tur nge, a inngaihtuah vang vang a. vawi tam tihmualpho tumin Chuck a veh tawh thin a, tih let ve na remchang tak ni dawnin a hria a, ‘i saruak thlalak min rawn thawn la’. Message chu a thawn let a. Phone chu ak in, bathroom atang chuan a chhuak a.

Minute pawh a ral hman meuh lo, message a rawn thleng a, saruak ngial ngan chu a ni lo, mahse a taksa mawizia leh dikzia chu engkim a hriat theih a ni, a nalh takzet e. ‘Baller, hetiang zawng hi chuan min ti suh, saruak thlalak thawn hi chu ka duh zawng a nilo, tuna ka rawn thawn che kha en la, ka nalh leh nalh loh chu i hre thei ang’.

Chuck chu a nui suk a, Lara mizia a hrechiang, a ignore nasat poh leh thlalak a rawn thawn nasa dawn tih chu.


CHAPTER 54


‘Ka haw tawh mai ang aw’. Yvette chu a en a. A taksa a chaklo hle tih a hmu thei a ni.

‘Awle, ka lawm lutuk’ tiin Yvette chu a rawn ding a, ‘main street lamah kal char char la, taxi i hmu hma zawk ang’ tih pahin kawngka thleng a thlah a. Kha, heihi la lawh tiin dollar 500 chu Chuck chu pek a tum a.
‘Engvangin maw’ Chuck chuan mak a ti ngei mai.

‘Damdawi leh eitur min leisak mai bakah helai thleng i rawn kal leh haw na turin’. A kut vawt thlur chuan Chuck ban chu a vawn sak a, pek a tum a.

‘Teuh lo, tikhan kawl tha rawh’ Chuck chuan alo hnar a. A kut vawt thlur chu chelh lum sak a chak ngawih ngawih a ni.

Step a a chhuk lai chuan, ‘engpawhnise, plaza lamah boss dang in nei em ni?’

‘Nei love,’ Chuck chu a hawi let zawk a. Yvette in engmah a sawi zui tak si loh avang chuan a kal ve leh zui ta mai a.

‘I haw kawngah fimkhur ang che aw’ tiin a rawn au leh hram a. Mahse a hawi let lo, a chhang tawh lem lo.

Yvette chu lutin, ngawi rengin kawngkhar chu a ngheng a. A nuam sam lo ve bawk nen, rei vak lo tal chu Chuck chuan awmpui mahse pawi a ti lova, chutiang pawh chu alo beisei ve tho a ni.

Haw kawnga a tlan lai chuan Wilbur Wendel chuan a rawn call a, naktuk tlaia five star hotela dinner eipui turin a rawn sawm a. Chulai hmunah chuan Hotel thar lawmna dinner tui tak an buatsaih dawn a, sawmna card neilo tan chuan kal ve ngawt theih a ni lo. Chu hotel leichhawngtu chuan million dollar a seng ngei ang le.

Karen Lee chuan a hotel thar lawmna buatsaihin dinner changkang ber ber chi chu a mikhual sawm bikte tan buatsaih sak a tum a, Wilbur pawh chu tel ve turin a sawm a. Mahse, Chuck chuan Madame Lee chu ala hre ve ngai hauh lo. Engpawhnise, mi hausa tak chu a ni ngei ang.

‘Sawmna ka dawng lo, hun nuam tak i hmang dawn nia’ tiin duhsakna a hlan a.

Engpawhnise, engatinge, tun thleng thlenga i car thar 911 Porsche kha ila hawn loh’?

‘Ka rawn la thuai dawn nia’

Awle, i duh hun hunah i la thei ania’ anih phawt le.

Yolanda awmdan a hmuh khan ngaih that lohna lian tak a nei a. A tuk zingah chuan Plaza lamah a phei leh phawt a, Plaza kawngkaa card in tar va chu la in, a han hawng a, invitional card alo ni ngei mai le. Karen Lee chuan dinner a buatsaihnaa tel turin a rawn sawm a ni. Yolanda pawh chu Plaza ah chuan a lo awm a.

‘Yolanda, en teh, hei eng thil nge ni le’ tiin kawngka bula box in hung chu a hawng a, thawmhnaw hak tur leather pheikhawk, sana, kawnghren, leh tie te alo ni a. Thawmhnaw lama pawisa seng ve ngai vaklo Chuck chuan a hlut zawng leh changkan dan a hrethiam lo. Yolanda chuan mengphawk takin, ‘ehe, Italian suit anih kha, limited edition ngat’ alo ti a. Pheikhawk leh sana tel miah lovin, Suit ringawt pawh chu dollar nuai thum chuang man ani tih a hria.

Chuck chuan Karen Lee chet dan chu mak a ti ang reng hle a, dinner eitura a sawmte hnenah dress a chhawm tir vek anih ngat chuan mi hausa lutuk a ni ngei ang le. Invition card a dawn tak avangin dinner chu eisak ngei angai a ni. Chu chu a zahawmna vawnhim zel nan pawh a pawimawh dawn tih a hria a.

Madame Lee in dress a dah tel sakte chu an ha tawk angem tih ah buai angai lo, mi hausa tak tak kalkhawmna tur a ni a, an kawppui te pawh an chhelovin, an pian a nalh viau hlawm ang tih chu hriat sa a ni.

Box pakhat dang chu a hawng leh a, a chhungah chuan a kalpui tur hmeichhe thawmhnaw nalh eltiang, limited edition alo awm kim leh thap mai. Chu thawmhnaw ha tur chuan duhthlan tur nita se, Yolanda tluka inhmeh an awm hauh lovang le.

A rilru peng khatah chuan Yvette leh Zelda te chu an rawn lang a. Ni e, dress pawh chu an inhmeh viau tho ang, mahse, Yolanda tluk chuan an inhmeh hauh lovang le.

Yolanda mitmeng mawi takah chuan enin, ‘zanin i hman em’? Chuck chuan a zawt a.

‘Aw’. Limited Edition chu hak a chak ve hle a, chhuanlam siam vel pawh a thei biklo a ni. Chulo rengah boss Chuck nen chutianga hunpui a, an in partner thei tur chu a hnial phal bik lo.

‘Dress hi i ta a ni e’ Yolanda chu a melh a, a hlim tih a hmel atangin a hriat theih.

Yolanda chuan nuam lo a ti leh deuhva, ‘hmeichhe dang kalpui duh i nei zawk lawm ni’ tiin awmze nei takin Yvette leh Chuck inkar boruak hrethiam takin a zawt a.

Chuck chuan engtin mah a chhang lo, a nui suk ringawt a, lu a thing a.

‘Anih chuan, boss in min sawmna chu ka tan hnar phal chi a ni hleinem’ tih pahin thawmhnaw chu a la chhuak a. A nui sang a.

‘College lama let phei phawt i duh chuan ka thlah thei che nia’ a ngaihdan chuan an orm ah uluk taka in makeup a duh ve te a ring a, Yolanda chuan a chhan nghal mai loh avangin, a hma ni a a thawmhnaw hak ngai ala ha tih a hre chhuak a, Yolanda hian harsatna engemaw tak chu a tawk mek tih a ringhlel lo. Nizan lamah haw lovin office ah hian a riak tihna em ni? College dormitory lamah eng harsata nge a tawh?

A chhan a hre lo, ‘awle, ka in lamah phei ila pawi iti em? hotel room kan ngaihtuah zawk mai dawn em ni? Chuck chuan a zawt nghal zung zung a.

‘I in lamah chuan, pawi i tih loh chuan’ Yolanda chuan Chuck chu a melh a.

BMW 7 series ah chuan lutin, kawngtluangin fiamthu a thawh ve a, Chuck chu a hlim a ni. Restaurant pangngai ve takah lunch an ei dun a, muangchangin in lamah chuan an phei leh a.

‘Zanin dinner tur chungchangah hian i bialpa a thinrim viau lovang maw’?
‘Aih’. Chutihlai chuan William chuan a rawn call ve mek a, rang takin a hmet tawp a.

Chuck chuan sawi tur a van hle. A bialpa nen intihthiamlohna an nei em ni? Nizan a haw loh chhan a ni thei angem?

In an thlen hnu chuan, room ruak pahnih chu a duh zawk zawk a hman theih thu a hrilh a. Room hran ve ve a an kal hnu chuan Chuck chu bathroom lamah a lut a, a inbualfai hnu chuan muangchangin Karen Lee thawmhnaw pek chu a han thlek kual vel a. Yolanda pawh chu zan lama dinner eichhuak tur an nih mai bakah mi lian tak takte fuankhawmna tur a ni bawk a, uluk takin a inbuatsaih ve bawk a.

Chuck pawh chuan chutiang khawpa thawmhnaw nalh leh hak nuam chu ala inbel ngai lova, darthlalangah in enin inhmeh a inti ve viau mai. Common room lamah chuan rawn chhuakin sofa ah rei vaklo a thut hnu chuan room kawngkhar rawn hawngin Yolanda pawh chu a rawn chhuak a.

Chuck chu a in control hman lo, a meng phawk hle a. Yolanda hi college beauty ani tih a hria, a hmelthain a nalh tih pawh a hria. Mahse chu Gown zet chuan a pianmawizia a rawn phochhuak tak zet a ni. Makeup lah a tawk chauhvin a hmang a. A va han chhelo teh reng em!

‘Nang ang hi chu ram dangah pawh ka hmuh ka inring lo’ tum loh deuhvin Chuck chuan a ti sep a.

Yolanda pawh chuan Chuck thawmhnaw inbel chu inhmeh a ti takzet a, chhelo a ti ru ve hle. Chuck chu enin, nui sang hian, ‘ka inpeih e’

Chuck chu rawn thovin, Yolanda bulah rawn pheiin an pahnih chuan car ah lutin five star hotel lam pan chuan an inkhalh chhuak a. Mahni tawka nalh inti an ni bawk a, a ruk tak chuan thlen hlan an nghakhlel ve ve a ni.

Hotel hmun an thlen chuan car chu park felin, Chuck chuan Yolanda chu a melh a, a insum hman lo, a siai zeuhva, car atanga chhuakin Yolanda car kawngka chu a hawn sak a. ‘Ka lawm e’ tih pahin Chuck kutah chuan a vuan a, car atang chuan a rawn chhuak a.

Lehlama Yolanda vuan chungin a lehlamah invitation card chu a keng a. Security guard hnenah card chu pe in, zah takin security chuan inchhung lama lut turin kawng alo kian a.

Five Star hotel, dinner an buatsaihna hmun chu a ropuiin a mawi ngei mai. Mi lar tak tak te pawh an lo awm nual tawh a, pathum pali vel te te hian awmkhawmin an lo la ti ti deuh mar mar hlawm a. Lut phei zel lovin an bulhnaia thutna awlah chuan an thu ta zawk a.

‘Karen Lee hi hriatchianna em em ka la nei miah lo’. An bulhnaia titi pawh chu an hre pha a, amah ang bawka Madam Lee la hrechiang lo pawh an awm ve tho mai.

Wilbur chuan rawn hmu in, a rawn pan vat a. Chuck sana bun leh suit hak a hmuh chuan a inhmu te chem chem a ni ber. Tun ang hunah engatinge Zelda a rawn hruai loh? Tinge Yolanda a rawn lan ve teh daih? Mak a ti hle.
Yolanda chuan polite takin Wilbur chu alo chhawn a, chutihlai chuan a piah deuhva lo en rengtu Zelda thu chu Chuck chuan ava hmu a. Yolanda hnenah ‘ka thiannu ka hmu a, ka va be lawk ang chu’ tih leh thawh chu a rual a. Yolanda chuan remti tih hriat tak hian nui sangin a lo bu nghauh va.

William Yuri pawh chu a rawn lut ve hlawl mai. Invitation card dawng pha tur khawpin chhungkaw hausa an ni ve reng bawk a. A rawn phei zel a, a zir deuhva Yolanda amah chauhva thu chu a rawn hmu vat a, rawn pan ding nghalin, waiter in Red Wine a serve kual chu kal pelh pahin a la a.

Zelda chuan chutia Chuck in a rawn pan tih a hriat chuan hmun dang alo melh vat a, a rilru ah chuan, ‘engatinge Chuck leh manager Yolanda hi an rawn kal dun teh daih’? zawhna a inzawt a, a hrethiam lo hle.

‘Zelda’ Chuck chuan a bulhnai a thlen chuan a ko va.

‘Hello, i rawn kal dawn lo emaw ka ti’ A rawn kalpui hi Plaza manager thar a ni a, a hma lawkin Plaza neitu thar an awm bawk a, tunah an pahnihin an rawn kal dun leh zel a. Chuck hi Plaza leichhawngtu chu a ni mai angem tiin a ngaihtuah a. Plaza chungchang chu sawi hun ni chiahin a hre silo, mahse dawr luah a tum chungchangah thil hriat belh ngai chu a nei a ni.

‘Engpawhnise, ilo kal ta bawk a, Madam Lee nen hian in inhria em ni? Zelda chuan Chuck chu a zawt a.

‘Inhriatna keima lam atang chuan kan nei miah lo’

‘Chuti ve tho maw, keipawhin ka hre sa ngai miah lo, keimah ang thova sawmna dawng hi an awm nual niin ka hria’ tiin Chuck chu a hrilh a.

‘Yolanda, tu nen nge helai hmunah hian in kal?’ William chu a thinrim hmel hle mai.

‘I hriat kher angai love, a thu hrimah helaiah hian mi tam tak an awm a, ring taka tawng kher tur a ni lo’ Yolanda chuan William chu khap daih a tum a, an mualpho ang tih a hlau a ni.

‘Helai hmunah hian ka lo kal hi mak i ti em ni? Kei hi kal lo ila tunge kal chuang ang, he khawpuiah hian duh duh ka sawi theih lohna tur khawpa hmun ropui a awm em ni’ intithei zet hian ring deuh tak hian Yolanda chu a tawng khum lang lang a. King Cross Realty hotel hi William a pa hotel a ni a, Karen Lee hnenah hian a hralh ta a ni. Neitu tharin hotel thar lawmna a buatsaihah chuan William pawh chu tel ve awm ngawih ngawih a ni reng a.

‘Helai hmunah hian tuin nge hruai che, min hrilh ngam lo em ni. Ka bialnu i nih hi, chupa chu ka khawih ngei ang’ a ti tun tun a.

‘Keimah in lawm ka kal’ tih pahin pawnlamah chuan William chu hruaichhuah a, sawifel pui a tum a, inchhunga thawm ring zawk an siam chuan boss in a hria anga, a thinrim chuan manager atangin a a bantir a hlau a ni. A dinhmun siamtha tura a fight mek lai a ni si a.

‘Um, tun tumah chuan i kalpui pa hi ka khawih lo mai ang, lan pawh a rawn lang ngamlo anih hi, dawihzep lutuk mai, toilet room lamah rawn phei rawh’ tiin Yolanda chu inti neitu tak hian a hrilh a. Yolanda awm bawr chu a melh a, a khi suk a.

William rilru put hmang bawlhhlawh zet chu a ngai theilo hle, thinrim takin a melh a. William chuan, ‘ka thu i awih lo anih chuan i kalpui pa hian a tuar khawp ang, chu chu i hre lo em ni? Ka bialnu min chhuh tumtu hi chuan nun a ning tawh tihna a ni’ tiin a vau khur khur a. Toilet room lama zui phei turin a ti zui bawk a.

A thusawi anga awm a tumlo nia a hriat vangin Yolanda banah chuan chelhin a kai a, mi zingah mualpho a hlau si, chulo rengah mipa chu engtin nge a hneh teh lul ang, a chelh nghet bawk nen. A kai phei zel a.

Chutia a kaih phei deuh dawt dawt lai chuan a kut lehlam chu mi pakhat hian arawn man chat mai, Yolanda chu hawilet nghalin, tu dang an ni lo, dinner eipui tura a kalpui Chuck ngei a ni. William pawh chu a ding deuh chawt a, thinrim hmel zet hian a rawn hawi let ve nghal a.

Chuck chuan Yolanda chu a hnung lamah a pawt a, a phen ta ran mai. Thinrim zet hian ‘eng thil nge i tih’? tiin William chu a melh a.

William chuan Chuck chu tunge anih ala hre ngai lo, mahse a thawmhnaw inbel a hmuh chuan mi naran chu a nilo tih a hre thei nghal mai a. Mahse chung pawh chu lo nise, an chhungkaw dinhmun rawn ter pha tur chu ani hauh lovang tih chu a ngaihdan a ni. Chu lo rengah, duh duha a tirh kual theih Gang support tu a nei a, awlsam takin Chuck chu a dahtha thei ngei ang.

Chung zawng zawng angaihtuah hnu chuan, ‘nang hi, tunge ka nih i hre duh chiah maw’?

‘Tunge i nih ka pawisa love’ Chuck chuan nungchang mawilo tak leh hmeichhe nawrluih ching chu a ngai thei lo hle.

William chu a thinrim tak zet a, Chuck chu a pet pawp a, Chuck inringlo bawk nen, chhuat charah chuan a tlu sawp hnawk a, Yolanda lam chu hawiin a beng pawp bawk a, a hnar chu a thi ser ser a. Chuck rawn thawh tum mek chu a pet zui pawp pawp a.

Yolanda chuan, ‘a tawk i ti lovem ni’ tiin tap pur hian William chu a en a.

An thawm vel avang chuan chulai hmuna awm ve midangte pawh chuan an rawn kil tuau tuau hlawm a, mahse Richard Yuri fapa ani tih an hmuh chuan inrawlh ve na chi niin an ngai lo. Thenkhat chuan Chuck chu an khawngaih a, vanduai an ti a, Yuri fapa nen buaina an nei anih chuan a chan chhiat turzia te an ngaihtuah a.

Yolanda thusawi avang chuan rawn hawi pheiin, chutih lai tak chuan Chuck chu a rawn thova, Red Wine bottle chuan William lu ah a tauh keh chuaih mai. Chhuatah wine chu a luang sen nuai a.

Chutia, an hmelhriat ngai pawh nilovin William Yuri a bei let mai ngam chu mak an ti hle mai. A hmachhawn mek chu a hrechiang lo hle niin an ngai hlawm a. A chan ala chhe viau turah an ngai.

William chu bottle keh darh avang leh a lu thi avang chuan a sen sung a, thisen chu a hmaiah a luang thla nuai a.


CHAPTER 55

Chu buaina chu Yuri chhungkaw buaina ala nih theih dawn avangin midang tumah inrawlh ngam an awm lo. Hotel thar neitu Karen Lee meuh pawhin chu buaina chu a chinfel duh an ring lo.

Yolanda chu a hmui leh hnar chu hupin a sirah chuan alo ding khur hlawk hlawk a. Tumah rengin tanpui an tum si lo.

Zelda pawh chu a mangang hle. Chuck chet dan chu a lutuk ve deuhvin a hria a, Richard Yuri fapa ani lehzel bawk nen, Chuck chan chu a chhe viau dawnin a hria a. Engtinnge a puih ang? Puih theihna a nei em?

Wilbur leh Harold pawh chuan thilthleng chu pawi an ti takzet. Yuri hian thurualpui Gang a nei a, thilthalo tak a la thleng dawn a ni tih chu an hmuh dan a ni.

A hmai thi sung chu tuai pawkin, thinrim zet hian ‘tunge ka nih i hre nange, engvanga min khawih ngam nge i nih? Chuck chu a kawk siah siah a, a thinrim hle. Khawih leh a tum a.

Chuck chu a insum thei tawh bik lo, William thusawi chu engahmah angai lo, na tawk tak mai hian William dul nemah chuan a tlawh leh pawp a, na tiin a dul chu William chuan a dawm kun ngawih ngawih a.

‘Nangni pahnih...’ a ti hman chauhva. Chuck chian a beng leh nghal thuai a. William chu a tlu ta hnawk a.

Chulai a awm ve zawng zawngte chuan thilthleng chu mak an ti hle, a hnu zela thil thleng tur lah an ngaihruat thiam vek a, chupa chu mak an ti takzet a ni.

‘I thi ngei ang, ka tiam a che, vawiin ni bak hi i dam tawh lovang’ William chuan thei leh thei lovin Chuck chu a vau a.

‘Tunge i hmachhawn hi i hre chiang lo ani, Yuri chhungkua kan ni. Ka pa hi Richard Yuri a ni. I thih hmain ka ke bulah ngaihdam min dil khawp ang’ William chuan a sawi mai mai lo tih a hriat theih.

‘Ni rawh se’ tih leh pet a rual a, a dul vawnna kut nen chuan a pet chilh leh rawp a.

Yolanda chu rawn tlan pheiin, ‘ka tihpalh ka tihpalh takzet, helai hmun atang hian inthiar fihlim hmasa vawt rawh’ tiin Chuck chu a ngen mawlh mawlh a. Chuck chu pawisa ngah leh hausa tak a ni tih a hria, mahse Gang nena inkungkaihna nei William chu cho chi ani lo tih a hre tawh a.

Kum hnihkhat kal ta khan, midang nen an intibuai a, William phone call vawikhat lek vangin reilo te chhung mi motor khat tlatin rawn sawisatu tur an rawn thleng tawh a, william tibuaitu chu damdawiinah serious taka admit a ni zui ta a ni. Chu thilthleng chu a mit ngeiin a hmu tawh a. Chuck chungah pawh hian William hian chutiang tho chuan a ti leh ngei ang.

‘In thiar fihlim a, ka lak atang hian khawiah mah tlanchhiatna a awm lo’ William chu a rawn thova, thi sung hian a nui lui huah huah a, phuba lak chu a tum chiang hle. ‘Min phatsan avangin i chungah hian thil nasa tak ka la ti ang, i thisen luang thi zuih chu ka la maimitchhin san ang che, ngaihdam min dil nasa khawp ang’ tiin Yolanda chu a vau zui bawk a. Phone chu la chhuakin, number a dial a, chulai a awm ve zawng zawngte chu an reh duk mai, an thlir thuap ringawt mai a ni.

Yolanda chu a hlauthawng tak zet a, a mangang takzet a ni. Williama thiltih tum avanga mangang chu a ni chiah lo, boss a hnuk lut ve chu pawi a ti takzet zawk a ni.

Reilo te hnuah chuan pawnlamah mi an rawn ri khup khup a, mi 30 rual chu an kawngka hawng thuaiin an rawn lut a, chulaia awm ho chu an kiang duak duak a, an zinga hotu ber, hmai ser nung tawh chuan William awmna lam chu pan nghalin ‘tu ber hi nge’ a ti khur khur a.

William chu chapo tak mai hian a hawi lah lah a, a kutzungoir chuan Chuck chu a kawk va a, ‘ka that nghal dawn em’ ti pahin rum zet hian Chuck lam hawiin chupa chu a phei a, ngawi rengin Chuck chuan alo en a.

William chuan ‘that nghal love, ka bulah rawn hruai la, thingthiin ngaihdam min rawn dil phawt teh se, a bak chu a tlachawp zelin’ tiin a chhang a.

Chupa chuan Chuck banah a phih lawp a, Yolanda chu a lo mangang takzet, kilsir khat ah chuan ngawi rengin a lo ding khur dat dat a,

Chutia Chuck an pawh lawp lawp avang chuan William hnenah tlanpheiin, ‘Khawngaih takin duhtawk rawh, i thu thu in ka awm ang’ tiin ngaihdam a lo dil sak mawlh mawlh a.

William bul a thlen phei chuan a hmaiah a beng leh thuai a, William chu a thle sawk a, a thinrim takzet. ‘Nang hian engthil nge i tih, mi mawl tak i ni’ tih leh sawisa turin a kid te chu thu a pe nghal a.

‘Thingthi leh la, ngaihdam min dil rawh’ William chuan thupe aw tak hian a hrilh a. Ngawi rengin Chuck chuan phone a phawrh a, chu chu William chuan a hmuhin a nuihzat hle. ‘He khuaah hian mi thiltithei ho zawng zawng hi ka pa thuhnuai deuh vek an ni, tunge call i tum ve ngawt a, police em ni, police pawh hi kan lam tang an nih hi hre rawh’ William chuan a duh duh call se a pawiti lo, anmahni beilet zawngin tumah an awm ngam dawn lo tih a chiang a ni.

A sir deuhvah kalin, zawite in phone ah chuan,
‘Ka nu’

‘Enge ni ta, bawiha’

‘Englo ania, tunah hian harsatna ka tawk tlat mai, min pui turin mi i rawn tir thei angem’?

Bawiha, i buaina chu ka buaina a nia lawm, i duh ang chuan ka tithei teh meuh mai, khawiah nge i awm’

A awmna lai hmun a hrilh hnu chuan muangchangin William hmachhawn zawngin a rawn ding leh a. ‘Police i ko em ni, enge an tih theih kan en ang chu’ William chu a nui lui vel a.

Gang rawn hruaitupa chuan Chuck chu a tlawh thu hnawk a, a chhip samah a pawt tho leh a. Ngaihdam dil nghal rawh’ a ti khur khur a.

Room chhunga awm ve te chu. ‘kei ka ni’ ti thei chin thah, mi hausa tak tak te an ni, mahse Yuri chhungkaw buainaa inrawlh ngam tur khawp chuan Richard hausakna chu an zawl pha lo deuh a ni. Chumi avang tak chuan an inrawlh ngam lo a ni.

Minute rei vaklo hnuah chuan pawnlamah misual rual rawn kalna motor chu miten an lo vaw chhe bur bur mai. Chu thawm hria chuan a naute ho chu a chhuah tir a, mahse an chhuak reilo, rang takin an rawn tawlh lut leh nghal.

Mi za rual zet chuan an rawn luh chilh a ni. Han en reng reng pawhin zuamawm loh tak tak, misual hmachhawn tura trained chhuak vek an ni ngei ang. An thawmhnaw hak chu in ang vek a ni a, an chetzia atang chuan mi naran an nilo tih a hriat. An hotu ber chu hmeichhia niin, coat dum leh kekawr dum a ha in, a tukhum lamah a sam chu a tawn fel than a. William te awmna lam chu rawn pan ding nghalin, Gang rawn kaihruaitu ber chuan lo dan a tum a, a kutah lo chelhin, awlsam zet hian a elh thlu tawp a, a kaizaah chuan a tlawh thu nghal hnawk a. William hnenah chuan a hmaa ding Chuck chu ngaihdam dil turin a hrilh nghal a.

‘Tunge i nih...’

A tawng zo hman lo, a dulah a tiang ken chuan a hawlh chu nu chuan a hawlh nghal pawp. Gang rawn kalte tan chuan chet ngamna chi a ni lo, an intam hleih mai piahlamah, pakhat pawh chu an tan chuan panga velin an beihrawn angai ngei ang. Chet la ngam an awm lo, a sirah chuan ngawi rengin an ding a, an mahni hmachhawn zawngin mi za rual zette chuan an din chilh bawk a. Chulai room a thil thleng chu awihawm loh khawpin vawilehkhatah a inthlak chiang ngei mai.

‘Chuck hian vawiin ni bak a hmu tawh dawn lo anih hi’ tih chu an lo inhrilh ruk dan a ni hlawm a, mahse chutiangin thil a kal ta reng reng lo. Zelda pawh chuan mak tiin a sir atang chuan angaihna hrethiam lo tak hian a lo thlir ve reng ringawt a.

‘Yuri chhungkua kan nih hi, ka pa cchu Richard Yuri a ni, he thil avang hian ka pa in a ngaidam hauh lovang che u’ William chuan a vau let a.

A dulah chuan hawlh in, a tuai vir nawk mai, na tih vangin William chu a vial ngawih ngawih a. Thei leh thei lovin phone a lachhuak a, a pa Richard a call. Phone call chu kawngka lamah chuan a rawn ri chhuak a, ava haw phei chuan, a pa Richard chu a rawn lut mek a.

‘Hahaha, in hria maw, ka pa anih saw, Richard Yuri. Vawiina in thiltih avang hian in inchhir khawp ang’ William chu a rawn ding chhuak leh a.

‘Ka pa, hemi te hi ania, min khawih tu chu, engtin nge i tih dawn’? thilthlen dan chu a pa a hrilh zung zung a.

Chulaia mi awm ve zawng zawngte pawh chuan thilthleng mek chu an lo thlir thap a, an reh thuap a ni. Mi thiltithei lutuk chhungkua an ni a, an buainaa inrawlh ve an ngam lo a ni.

A hmaiah chuan a beng thuai a, William chu a her sawk a, a biang dawm pahin mak ti zet hian a pa chu a melh a, ‘ka pa eng thil nge i tih hi’. William chuan a hrethiam lo hle.

‘Ngawi hmak rawh, harsatna hi min siam tam tawh mah mah a ni, i hmaa tlangval hi ngaihdam dil la, a ngaidam thei che anih chuan helai atang hian kan chhuak nghal ang’ Richard Yuri chuan a fapa chu a thu pe in, a mitmeng atang chuan a ti mai mai lo tih a hriat.

Ni e, a fapa chanchin hriatchian tumin chulai hmun chu a rawn pan ngei alawm. A fapa laka che mawilo chu a dim ngailo a ni. Kawnga a rawn tlan laiin, a hriat ngailoh phone call a dawng a, a rawn call nawn avangin a chhang a, tiang hian thil a kal ta zawk a ni.

‘Ka fapa hian a thiltih sual a inhria a, khawngaihin ngaidam rawh’ Richard chuan Chuck leh a fapa hmachhawntu hmeichhia chu a hawi tawn chhen a.

Duhthlan tur dang a nei tawh lo, ‘khawngaihin min ngaidam rawh, ka ti leh tawh lovang’ William chu Chuck hmaah chuan hreh tak chungin a thingthi a. A kun lap mai.

‘A tha e, tun hnuah chuan fimkhur tawh ang che’ Chuck chuan William chu tawngka dam tak hian a chhang a. Chu tawngkam avang chuan Richard Yuri chu a lawm takset, rang takin a fapa chu kai thovin pawnah a chhuah pui ta nghal a.

Yolanda awmna lamah chuan pheiin, ‘i tha em’, a biang vel chu a khawih sak a. ‘aw, ka tha alawm’ Yolanda chuan a biang sen vual tut chu hliah tumin a kun deuhva.

‘Young Master, min lo zui lawk thei angem’. Mi za rual rawn hruaitu chuan zah takin a ko va.

Yolanda chu en in, ‘ei tur vel kha tha takin lo ei rawh, ka rei lovang’ tiin Chuck chuan Yolanda chu a siai zauh va.

‘Young Master, ka hming chu Betty a ni a,inchung lamah khian min zui lawk angai a, hmu duh che an awm a ni’

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:53 pm

CHAPTER 56
A ngaihna a hrelo hle, tunge ni ang tih a ring thiam lo, beisei si beisei ngam vak silo hian, ‘Ka nu maw’? A zawt ta tawp a.

‘Aw, i nu’ nui sangin Betty chuan alo chhang a.

Elevator atanga chhuakin, room kawngka chu zau vak lovin Betty chuan a hawng a, Young master chu lut turin a zaizir a, amah chu kawngka bulah chuan inringtawk tak mai hian a ding tau a.

‘Ka nu’ Chuck chu a luh pah chuan a zam ru ve hle.

‘Chucky, lo lut rawh’. Phone call a, anu aw ngei kha a ni tlat.

Chuck chuan a nu a hmu chu a rin aiin a la naupan hmel daih mai, kum 35 vel awm lek hmel ala pu a ni. A hmelthain, a invawng uluk tih a hriat hle a. Mitmengah a nu chu chhun hle.

‘Ka fapa, Chucky, lo kal hnai teh’ Chuck chuan anu chu panin a kuah vawng vawng a. Vanlaitla ang maia inngai, nu leh pa pawh neilo, chhungte pawh neilo ni a a inhriat thin te kha a rilruah lo tharin a mittui chu a rawn hnam tial tial a, a far zawih mai, dan hman a ni lo.

‘Ka fapa, ti khan awm suh, hringnun ah hian fight tur tam tak a awm a, chutah chuan i chhel a ngai’ tiin a kuah bet a.

‘Ka pa hi khawiah nge’

‘Ka rawn haw hmasa a ni, ka fapa, Karen Lee kha keimah’

Chuck chu a meng bial kawk a. Mak a ti ngei mai. He hotel, Richard Yuri hnen atanga leichhawngtu Karen Lee maw. Anih chuan Surname hi enge awmzia ni ta ang le? Chu erawh a zawt ngam rih chiah lo.

‘Ka nu, engatan nge he hotel man to lutuk tur hi i lei kher a’

‘Ka fapa, ka business tihnawk thei chu ka thenfai zel angai lawm chu chu business i tih chhoh hunah pawh hre reng ang che’

‘Aw le, ka nu.

‘Bawiha, eitur ka siam sak che hi ei dun ang’ A nu chuan eitur a siamsak chu a rawn la a. Chuck chu a lungchhe hle mai, chutia a nu thilsiam ngei mai a han ei chu, hun kal tawh zawng zawngte a ngaihtuah a, hetianga hmangaihna hi a dawng ngai lo kha a ni a.

‘Ka nu, ka awm rei lo mai ange, ka thiannu khan minlo la nghak reng ang’ tiin chulai hmun chu chhuahsan a tum rilru a.

‘Awle, bawiha, fimkhur takin aw’

‘Kan inhmu leh thuai dawn nia’ Anu chu melhin, Chuck chu a chhuak ta nghal a.
Elevator ah chuan chhukin Yolanda pawh chu alo la awm reng a. Midangte pawh chu, chulai hmunah chuan thil engmah thleng ni awm lo tak hian an lo phusa leh tan tawh a. Chutia, elevator atanga Chuck rawn chhuak an hmuh chuan an titi lai chu an tawp deuh thuap mai. Chuck chu an lo en thap hlawm a.

‘Kha mite kha eng ang nge an nih min hrilh chiang thei em’ Karen Lee chuan Betty chu a melh a.

‘He khawpuiah hi chuan mi hausa ber pawl an ni awm e, company lian ve tak tak pathum an nei a, thil an tithei fu mai, tin, Gang rualkhat hi an zawm deuh ni awm tak a ni’ Betty chuan a hriat ang ang chu a hrilh a.

‘Company pathum chauh an nei a, tiang khan mi chunga leng ang maiin an khawsa a maw? Ka pafa duatlai lakah kut an thawh leh nghal a’ a ti ram hmak a. A awki chu vin lo mahse khawngaihna aw a tel lo tih a hriat theih.

‘Boss, tunah chuan damdawi in lamah hruai an ni a, an chhuak har lutukin ka ring lo, engtia tih nge i duh’ Betty chuan Karen Lee chu uluk takin a en a.

‘Ka fapa chungah harsatna an siam tawh tur a ni lo’

‘Boss, kan dahtha mai dawn em ni? Tunah ka naute ka hrilh nghal mai dawn em ni’ Betty chuan Boss Karen Lee tana rinawm taka thawh chu a tum a ni. Tin, Boss chu mi hausak anih mai piahlamah rilru tha tak, midangte harsatna siam zawnga awm hmasa duh ngailo mi a ni tih a hria a.

‘Ni love, helai hmuna thilthleng hretu tam tak an awm a, Hospitala va umzui a, chutiang thlentir chu ka la duh love, Miten Chuck an hmuh zui dan tur hi ka ngai pawimawh ber rih’ Betty hnenah chuan a fapa chu a ruka venhimna pe turin a hrilh a.

‘Ka kalsan lawk che avangi min hrethiam dawn nia’ Yolanda bulah chuan Chuck chu a ding a. chutia thuthmun a rem ve tak nghal mai loh avang chuan Chuck chuan chulai hmuna awm reng chu a duh vaklo ni turah ngaiin, ‘a pawi love, boruakin a zir lo bawk nen, haw mai ila pawi iti em’ tiin Yolanda chuan a zawt a.

Chuck chu a nui sak a, ‘tha i tihte chuan’

Yolanda chu chair atanga rawn thovin pawnlamah chuan an inkai chhuak a. Thil thleng chu sawi tur tam viau mahse an pahnih inkarah feeling engemaw tak an neih ve ve avangin sawi tur reng an hre lo. Reife ngawi renga an tlan hnuin, Yolanda chuan Chuck chu melhin thinlung leh tihtak zet hian ‘Zanin thilthleng kha pawi ka ti takzet’ tiin a hrilh a.

Car chu muang changa tlanin, ‘kan duh vang renga thleng a ni hleinem’ Chuck chuan Yolanda rilru hrehawm chu a thiam ang tawkin thawi dam a tum a.

‘Mi tha lo tak anih kha, i tan kawpzui zel chi a nih ka ringlo’

‘Um, a dik alawm, hun kha leh chen kan inkawp chhung khan harsatna lian tham em em min siam lo mahse, chhungkaw hausakna hmachhuan tak mi ani tih ka hria a, chumi avang chuan ka laka a insawitheihna tur engmah ka la siam lo, tun thlengin’ Yolanda chuan a thu dik tak chu a hrilh vek a.

Chuck chuan chhan vak ngaihna a hrelo, a ngawi reng a.

‘Boss, he thil thleng avang hian ka chungah engpawh thleng se dem thei che ka nei lo’ a ti chuai raih a. Lehlam hawiin darthlalang chhanah chuan pawnlam chu a thlir daih a.

‘Ni love, chutiang ngaihtuah a ngai reng reng lo’ Chuck chuan aw dam tak hian a chhang a.

An pahnih chauhva chuang an ni bawk a, Boss tia ko a ni. Yolanda tan hian Manager hna thawh chu duhthusam a ni. Chulorengah Plaza lian tak ani leh nghal, Boss future bright tak hnuaiah ala ni lehzel nen. Zanin thilthleng avang khan Manager atanga ban a ni thei tlat. Amah avangin Boss chuan mualphona nasa tak a tawk a.

Pawnlam melh pah chuan a mittui a far zawih zawih a, a dinhmun tur angaihtuah a, a lungchhe tak zet a ni.

Car chu kawngsirah muangchanga tidingin, minute rei lote car steering vuanin a ngawi vang vang a, Yolanda kutah chuan ava chelh sak a, Yolanda chu a rawn hawi chuang lo, pawnlam chu a la melh reng a.

A rilru lehlamah a tette atanga alo chenpui, a nupui, Yvette. Mahse, an inkarah engmah la thleng lo. A thinlung atanga paihbo tur chuan hun tam tak a mamawh dawn tih a inhria. Lehlamah a tana mi tha em em, rilru tluang leh duhawm, Yolanda chuan hnemtu a mamawh takzet.

Va awm hnaiin, Yolanda banah chuan na vaklo hian a pawt a, a insum zo lo, Chuck chu a boss ni mahse, a awmah chuan a bei thlawp a, a tap khur dar dar a.


Chuck chuan nghet taka kuahin, a rilru leh thinlung zawng zawng chuan a khawngaih a ni. Mahse, heihi khawngaihna ringawt nge, hmangaihna zawk?


Minute rei a nilo, Chuck chuan Yolanda khabe ah chuan dim te a dawm kangin, a sam chu a bengah chuan a hui phei sak a, William in a ben na lai, a hmui chu dim te in a tuai sak a, a hmuiah chuan muangchangin a fawhsak ta vawng vawng a.

Yolanda pawh chuan ngawi rengin a lo dawh ve tawp a, chutia a thlah tak mai siloh avang chuan Yolanda pawh chuan rilru zawng zawnga inpumpek turin a chhang let ve ta a. Rei ngial, lungchim taka an infawh hnu chuan Yolanda chu a koki ah a pawt bei thlawp a, a tukhum sam chu a chul sak heuh heuh va.

Chuck chuan a nun mal tak tawmpui turin Yolanda chu a thlang fel ta. Chu a thutlukna siam chu Yvette a hmuh leh hunah a thlak mai angem? Nge gentleman anih zia a lantir zel zawk dawn?

Sawi tur ber pawh an hre lo, Yolanda chuan ngawi rengin hmalam chu a en char char a, chutiangin Chuck pawh chuan a car chu ngawi rengin a khalh a. Mahse, an rilru erawh hmun khatah a awm. Tawng lo mahse, an hlim ve ve a ni.

Phone alo ri a, “Hello, Chuck, naktuk chu ka company chungchangah thil sawipui lawk che ka duh a, city square ah kan inhmu dawn nia’ Yvette chuan a rawn ti a.

Chuck chuan chhan ngaihna a hre lo, a ngawi reng a, rei vaklo hnuah chuan, ‘Awle, a tha lawm” tiin a chhang a. “A that chu, anih phawt le” Yvette chuan phone chu a dah nghal a.

A tukah chuan Yvette chu hmu ta se, Yolanda nena an inkara thilthleng hi hrilh chi a ni angem? Eng angin nge a ngaih ang. A rilru chu a kal thui viau a, mahse Yvette lam ngaihtuah hman a ni tawh lo tih a inhria.

Phone a rawn ri a, Chuck chuan “hello, ka nu, eng thil pawimawh nge ni ta, tun ang zing zingah te min rawn biak tak” tiin a nu Karen Lee chuan thil pawimawh hmanhmawh thlak tak hrilh duh a nei anih ngei a ring a. “Chucky, vawiin tlai lamah hun i nei angem, dinner ei pui che ka duh a”


CHAPTER 57
“Awle, ka nu, vawiin ah hian city square kal chhoh pui dan turah ruahmanna siam kan lo tum a, mahse renovation ti tura company ka biak te chu nidanga inhmu turin appointment ka lo siampui mai ang. Ka rawn kal dawn nia” tiin a chhang thuai a.

“Awle, Chucky bawih, tlai dar 5 ah, Royal Villa, Grant Resort ah” dar 5 anih chu aw” tiin phone chu a dah a.

(Yvette company pawh chu a thawrimna vangin a lo thanglian leh ta, a harsatna lian tak avanga a in ngei a hralh hnuah in pangngai tia sawi tur a la nei lo. Lei a rilruk. Wendel hnen atangin vanneihthlak takin man tlawm takin lei tur a hmu.)

Yvette pawh chu college ah hun tam zawk hmang mahse, chawlh pawh sawi lovin a training company tan chuan theihtawp a chhuah chhunzawm reng a, hah pawh a hah phah viau a. A company pawh chuan beiseina eng tak an nei chho leh tan mek a ni.

“Chuck, helaiah hian i duty shift hi ka hrethiam lo hle mai, zing ah i rawn lang ziah a, rotation in in kal lovem ni” tiin City Square a Chuck rawn lut chu alo zawt a. Chuck chu a hamhaih lek lek mai, mahse insiamtha vatin, “college kal tur ka ni thova, zing lamah zirlai ka zir hman vak chuanglo nen, zing lam duty hi ka duh zawk deuh thu ka hrilh a” tiin a chhang a.
“Anih chu, i zirlaiah rilru pe la, exam a hnai tawh a, part time job i tih pah avang hian i zirlai ah i tihchhiat phah ange” tiin Yvette chuan Chuck chu duhsakna aw ka chuan a hrilh a. Chuck chuan a rilru takin mak a ti a, hetiang ang hian, tun hma zawngin a be ngailo kha a ni a.

“Ka lawm e, ka hna ka tan phawt ange” tiin Yvette chu a kal pel a, Manager room lamah chuan a lut a. Chutia hnathawk tura kal si, manager room a a lut leh phawt a hmuh chuan thil nihphung pangngai anilo tih Yvette chuan a hria. Mahse, Manager Yolanda hnuaiah thawk mahse inthiantha tak an niin a ngai a, mak pawh a ti lutuk lem lo.

Yolanda chu dan pangngaiin, a thawmhnaw hak chuan a ti hmeltha leh ngei mai. Chuck rawn lut a hmuh chuan nui sangin alo welcome a. Dawhkan hmaa thutna awm chu a kawh hmuh a, Yolanda hmachhawn chuan Chuck chu a thu a.

Nidang chu nise, city square tana an hmathlir te an sawi dun leh nghal tur a ni a, mahse, tun tum chu nidang ang a ni tlat lo. Chuck chuan sawi tur a hre lo hle a, a ngawi deuh reng a,a hmaa thu, nula hmeltha leh pian thiam zet chu a melh a, tukverh lam a melh leh thin a. Yolanda pawh chuan tih vak ngaihna a hre lo, chhuanlam tur siamin city square tana ruahmanna a siam, file chu a keu a, Chuck chu a hmuh a.

“A tha lawm” tih chauhvin Chuck chuan a chhang a. Aw a thian a, “en teh, nizana” a ti hman chauhva, “ka tihpalh lutuk, i awm ti nuam lo duh suh, ka thiam loh a nih kha, theihnghilh zawk ang” tiin Yolanda chuan alo pawt chat vat a.

“Ni lo, englo a nia” a ti hman chauhva, phone a rawn ri a, Chuck chuan phone la chhuakin a han en chu Lara Jean chuan video ngatin a rawn call a, ‘henu hi engtinnge ka tih dawn ni, a huangtau tak zet a ni’ a ti rilru a. Phone chu a hmet tawp a. Chuck chuan sawi chhunzawm a duh viau naa, mahse Yolanda chuan file chu a keu a, a rawn melh tawh loh avang chuan, “Ka kal phawt ange” tiin chair atang chuan a thova, office chu a chhuahsan a. A chhuah fel hnu chuan Yolanda chuan a en zui reng a. A rilru ah ngaihtuahna hrang hrang a lut a, mahse chu zawng aia pawimawh, a hnathawh laiah chuan rilru zawng zawng pek a ngai a ni tiin amah leh amah chu a inhrilh a.

Royal Villa, Grant Resort ah chuan dawhkan pakhat kil in karen Lee leh Chuck chu an thu a, ei tur erawh an la order lo. A nu chuan “en teh bawih a, i hmalam hun hi enge a nih zel dawn chu ka hre hauh lo naa, rinawmna leh taihmakna nen i thawh chuan hmalam hun eng tak i nei a, i nu hian ka puih theih loh hun che pawh alo thleng thut thei” tiin thutak fe hian titi bul a han tan phawt a.

“Ka nu, eng thu nge sawi i tum” tiin Chuck chuan thil awmzia hriatthiam loh hmel takin a zawt let a. Ni e, nu a nei tih a inhriat tirh atang khan a nu hian thil reng reng chu sawi kual lovin anihna tak sawi nghal mai turin a duh thin kha a ni a. Tun tumah pawh hian anihna tak sawi nghal mai turin alo beisei a ni.

“Mihring nun tichhetu hmasa ber chu rinawm lohna hi a ni. Chu chuan hlet tam tak a nei a” Karen Lee chuan Chuck en pah chuan a ti leh phawt a.

“Ka hre reng ang ka nu” tih bakin chhan ngaihna a hre lo.

“En teh Chucky bawiha, ila naupang viau a, thutlukna dik leh diklo pawh kawng tam takah ila thliar hrang thiam lo ang tih pawh ka ring che, tin, tuna ka sawi tur hi ila ngaihtuah ngai loh pawh a ni thei a, thutlukna siam pawh i harsa viau mai thei”

Chuck chuan chhan dan tur a hre tawh lo, enge a sawi tum lah a hre bawk si lo, a ngawi reng ringawt a.

“Bawiha, i tana tha tur bak hi engmah duh ka nei lova, hun rei tak chhung chu ka lo ngaihtuah tawh a, midang bula i la inthup dan zawng zawng pawh hi ka hre vek a, chulamah chuan sawi tur ka nei lo. Tha i ti anih chuan a tha a ni mai. Mahse, hetiang reng hian nihna thup theih loh hun i nei ang”

“Tin, mahni nihna kan thup avang hian nasa takin thil thalo tihna chance a sang tih hre reng la, chutiang chu thleng lo se ka duh a ni”

Chuck chuan, a nu thusawi dan hmang a hriat chuan thil engemaw lian tham taka thutlukna siam tir a tum niin a ngai a, mahse engthil nge tih a hre thiam thei lo.

“I nihna dik tak i lan chhuah tir hunah chuan hmeichhe tam tak hian an rawn pan ngei dawn che a, tunah pawh a ni tawh reng mai thei, chu chu ka hriatpui chiah lo che”

Chuck chuan sawi tur a hre lo, dawhkana tui chu a thli a, a nu a pe a, amah pawh a inthlir bawk a.

“Hmanzana i hmeichhe rawn hruai kha tunge anih a, engti mi nge anih tih te ka hre vek tawh a, in pahnih inkar erawh chu ka hriat phak a ni lo”

“Chucky, puitling i ni ve tawh a, chumi chungchangah chuan engemaw tak sawipui duh min nei em”? A nu Karen Lee chuan Chuck chu nelawm tak si, thutak hmel takin a melh a.

Chuck chuan a nu thiltih theih zia a hria a, sawikual vak ngai lovin Yolanda chungchang pawh a hre vek tawh tih chu a ring nghet bur.

“Ka nu, i hriat angin Yolanda kha reilo te chhung atan Manager atan ka ruai lawk a” Chuck chuan aw a thian karh karh a, “mahse ka nu, Manager puitling ang maiin, a hnaah a inpe zova, a fing em em a, a remhre em em a, Manager tak tak turin lak mai ka lo rilruk a”

“Chucky, chung zawng zawng chu ka hria alawm” tiin a nu chuan thildang beisei zawk ni awm takin Chuck chu a melh a.

“Ka nu, ka tana tha tura i ngai anih chuan ka hnial lo che” tiin Chuck chuan a hrilh a. Chu chu a nu chhanna beisei ani tih pawh a hria.

“Chucky, final decision siam chu i rilru ah ala awm lo pawh a ni thei, mahse ka sawi hi ngun takin ngaithla la, ka sawi tawh angin i nihna hi i zep reng thei dawn lo, chu hunah chuan hmeichhe tam takin an rawn la zar buai dawn che, mahniin i ding zo lo fovang, chumi thlen hma ngei chuan venpui tur che i thlang duh anih chuan, keipawhin tha ka ti khawp mai.”

Chuck chuan, a nu chu uluk takin a en reng a, an titi na chu eng tiang takin nge a tawp tir dawn tih erawh ala hrethiam chiah lo.

A nu chuan, Chuck awmdan atang chuan a ngaihtuahna chu a rin zawn thei a, “Chucky, tun tumah hian inneih chungchang kan sawi rih lo a nia, mahse chutianga i remti anih chuan inhual lawkna i neihpui ngei a tha ang” tiin a hrilh a.

Mak tih hmel deuhvin Chuck chuan a nu chu a en a, “mahse engtin, heichu kan pahnih inkar chauh pawhin a tihtheih mai lovem ni?”

“Ni love, i duhthlan turah ka inrawlh lova, mahse ka rilrem zawng tak i thlang tih ka hria a, min ti lawm hle a ni. He inhual lawkna hi nangmah venpuitu tur anih ang chiahin lian tham takin kan buatsaih ang” tiin Chuck chu a hrilh a.

A tana a nu pawimawh zia a hria a, hnial chi ah a ngai lo, “Aw le, ka nu i remruat ang chuan i duh hunah ruahmanna i siam dawn nia” tiin Chuck chuan a nu chu a chhang a.

Waiter an kova, eitur chi hrang hrang, man to ber ber chi an order hnu chuan, “Ka nu, i ruahmanna siamah chuan ka pa hi engtin nge ni ang? A rawn tel dawn nge dawn lo? Ka pa hian engtin nge a ngaih ang”

“Chucky bawih, heng zawng zawng hi i pa ka sawipui a, i pa remtihnaa ti ka ni”

“Anih ka pa chu a rawn kal ve dawn em?” Chuck chuan a pa ala hmuh loh avangin a phur ru hle mai. A pa hmuhna remchang a nei thuai dawn niin a ngai a.

“Chucky, i pa hi a rawn tel thei lo anih pawhin reilo te hnuah in inhmu thuai ang, a business hi i hriat thiam phak bakin a lian a, a buai khawp mai a, dawhthei taka i awm a ngai rih a ni” ti chauhvin a chhang thei a. Engmah a sawi chiang ngam bik lo.



(Zelda chuan a restaurant lamah rilru zawng zawng pe thar lehin city square chu boss a hriat chhuah huna hmalak leh chauh a tum)

Kar khat dawn aliam ta, Chuck leh Yolanda pawh chu nitin office ah an inhmu a, mahse, an inkar chungchang titi hnuhnung bera an thusawi ah khan laklawh takin an pawtchat anih kha.Yolanda tan pawh ngaihzawng anga en ngam chi a ni lova. Chutihrualin, a boss anih miau avangin an inbe tha em em reng thova. Zanlamah pawh wechat hmangin an inbe reng thova, mahse plaza chungchang bak an sawi dun ngai meuh lo.

“Weekend a ni a, shower a a inbual lai chuan phone message a lo dawng nual a, a inbual zawh hnu chuan phone phe zek zek chu a en a, Lara Jean chuan thlalak hrang hrang a rawn thawn leh chu niin. “He nu tak hi chu aw” tiin a nui suk a. A dah leh mai a.

Chutia Baller in message a read tih a hriat chuan, Lara Jean chuan ‘baller, naktuk tlailamah i hman angem, mall ah min kalpui lawk la” tiin message a rawn thawn leh a, emoji a rawn dah tlar bawk a. Chuck chuan engtinmah a chhang chuang lo.

Khuma mu pah chuan, Yolanda profile chu a check a, a thlalak chu a en reng a, “Yolanda, i buai em, biak lawk che ka duh a” tiin message a va thawn a.

Yolanda chu a online lo, mahse Chuck message a dawn atanga rei vaklo hnuah “buai love, min lo bia la” tiin a reply a.

A nu nena an titi na chu engkim hrilh a ngai tawh tih a hria a, engtik ah nge a nuin, ruahmanna a rawn siam dawn a hre bawk si lo, chumi hma ngeia a hrilh chu a ngai a ni. Engtin nge a sawi tan ang? A rilru a buai ru takzet.

Anih nih ni turin Yolanda chu a call a, rei pawh a in ring hman lo, Yolanda chuan a lo la vat a, “Yolanda, thil sawi pui duh che ka nei a, i awmna hmunin a zir lo em” tiin bul a han tan te te a.

CHAPTER 58
“Rem lo love, zanin phei chu dorm ah ka riak lova, hotel lama riah ka lo rilruk zan tak a ni a” tiin a rawn chhang a.

Chuck chuan ngaihthat lo hmel deuh hian “Engati nge hotel ah” tiin a zawt vat a.

“Eng dang ni love, exam te a hnai tawh bawk nen, dorm ah chuan duh aiin rilru pek a har a, chhun lamah Manager ka ni bawk si a, lehkhazirna hun ka nei tlem deuh ka tia” tiin a rawn nu pah a.

“Engatinge, chutiang te chu min hrilh loh, ka hnenah pawh room ruak a awm a, tin, hmun dangah pawh ruahmanna ka siam sak thei che a” tiin Chuck chu a lungawi lo lek lek zawk hial a.

“Sir, ka ti buai tam tawh che em mai, ka hnathawhna pawn lam ah chuan tihbuai che a tul reng reng lo” tiin Yolanda chuan a chhang a.

“Ka hmingin min ko thei lom ni, Sir, tia inkoh te chu”. Titi pawh kal mar chho viau mai, a tantira a huphurh teh lul nen.

“Yolanda, ka sawi tur hi uluk takin min ngaihthlak sak la” Yolanda chuan “Aw le,” ti chiahin a rawn chhang a.

“Hmanzan thilthleng kha i hria anga”

“Aw, thil thleng palh ani lawm ni” tiin Yolanda chuan Chuck inthiam lo lutuk tur chu alo pui vat a.
“Ni lo, kha thil thleng kha, thu tlukna ka siam hnua thil thleng asin” Chuck chu a ngawi deuh vang vang a. Yolanda pawh chuan sawi tur a hre lo. A ngawi reng a, rei deuh fe an ngawih dun hnu chuan, “Ka nihna hi engtik hunah emaw chuan thup sen loh hun ka la nei dawn a, chumi min venpui tur chuan ka duh che ni”

Yolanda chu a ngawi deuh reng a, “Aw le, ka theihtawkin ka venpui ang che”

“Nilo, Yolanda, ka sawi awmzia chu, chu hunah chuan ka nuna rawh luh tumin hmeichhe tam tak an rawn lang dawn a ni. Chumi min dan pui tur chuan ka nunah hian rawn lut la ka ti a ni”

“Chuck, engmaw? Mahse.. a ti bah nuai a.

“Thu tlukna ka siam tawh a, ka nun min tawmpui turin ka thlang che a, chu chu min remtihpui em, hmanni thilthleng kha tihpalh a ni lo tih ka sawi duh”

Yolanda chu a ngawi reng a. “Chuck, i tan hnawksak mai ka ni ang tih ka hlau a ni”

“Ni lo, ka tan engkim i ni zawk”

Rei fe an ngawih dun hnu chuan, “Chuck i thutlukna siam chu keipawhin ka pawm a, i nun venpuitu tura min thlang anih chuan i tan rinawm takin theihtawp ka chhuah zel ang che”

“Mahse hei hi min hriatsak la, William Yuri hian ka lakah insawitheihna tur ala nei miah lova, chuti chung chuan awlsam taka min thlah hi a tum dawn miah lo a nia”

“Chu chu nangma buaina a ni tawh dawn hleinem, ka buaina a ni tawh a, ka kutah engkim i dah dawn nia, keiman ka chingfel dawn nia” tiin Chuck chuan Yolanda chu a tawng thlamuan a. Zep lova thil nihna dik tak leh thil rawn la thleng tur a hrilh avang chuan Chuck chu a lawm rilru hle zawk a.

“Yolanda”

“Aw, enge Chuck”

“Kha mi zana thiltleng”. “Ni lo, buaina thleng kha, khami tuma min pui tura rawn kal kha thil awmzia ila hre lo mai thei a.”

“Hotel thar neitu, Karen Lee kha i hria ang tiraw”

“A hming chu ka hria a, mahse tunge anih ka hre lo”

“Karen Lee kha ka nu a ni a, phone call a ka biak kha a ni. Min rawn puitute kha ka nu in a rawn tirh te an ni a”

“Karen Lee kha i nu maw”. Mak tih hmel deuhvin a thusawi lai chu a rawn pawt chat a.

“Aw, ka nu a ni”. Thil tam tak i hriat thiam loh a awm ang tih ka ring. Tun huna sawi vek sen a ni lova, hun remchang ala awm zawk ang. Ka sawi chhuahna chhan chu, ka nu nena kan ruahmanna in Inhual lawkna hun buatsaih tha kan ti a, rem kan lo ruat a, i ngaihdan hriat ka duh hle mai” tiin Chuck chuan Yolanda chu a ngaihdan a zawt a.

“Chuck, min surprise tam tawh hle mai, hemi chungchang hi chu kan la sawi tha zawk dawn mi niang” tiin a chhang a. Zankhat thilthua ruahmanna siam vek chu a fuh lohna chin awmin a hre ve deuh a ni.

Darkar dawn fe an inbiak tawh avangin Chuck pawh chuan a sawi tur pawimawh zual a sawi zo tawh bawk nen, tin, Yolanda chu lehkhazir a duh vanga Hotela riak a ni bawk nen, a lehkhazirna hun tur a pawh hek sak nasa dawn lutukin a hria a, “Aw le, a tha lawm, naktuk lamah te pawh sawina hun kan la nei mahna, tin, i zirlai chu zir tawh la, naktuk ah kan inhmu leh dawn nia. Mangtha phawt le” tiin phone chu an dah a.

Phone an dah hnu chuan darkar chanve dawn lai chu Yolanda chuan lehkhazir reng a ngaihtuah lo, an inbiak chungchang chu a ngaihtuah let a, Chuck te ang, mi hausa leh inngaitlawm, nun ngil, a nuna tel ve tura a sawm chu mak a tiin a lawm a, zep lo chuan a mizia avang ringawt pawh Feeling alo nei ru ve fe tawh kha a ni a. Thilthleng tawhte a ngaihtuah let a, Chuck chuan a sawi mai mai lo niin a hria. Chulo rengah hmeichhe flirt mai mai chi anilo tih pawh a hrechiang a. A hlim ru veng veng a ni.


(Chuck chuan sawi tur reng a hre lo, hria pawh nise sawi hun niin a hre lo, a falin sawipui a rilruk. A duh aiin a hre hma, Yvette reaction a hlauhthawn avanga hrilh ngam lo char2 a ni.)

Bar ah chuan a thiante nen William Yuri te chu an awm a, darkar fe an awm tawh a, an boruak hip pawh a sang tawh viau mai. Yuri pawh a invaupung chho tan. A nihna leh an chhungkaw dinhmun avang chuan chu bar a midang awm ve te pawh chuan an khak ngam meuh lo. Thinrimna tur a zawng ni ber hian a lang a. An sir vela thu te chu tihbuai chak tak hian a melh kual vel a.

A khat tawkin Yolanda chu a call nawn deuh reng a, mahse Yolanda chuan a pick duh tlat loh avangin a ngaihdan a ni lo takzet bawk nen.

“Thiante u, a tawk viau tawh lawm ni, min chhuahsan tawh mai dawn em ni” tiin Manager chuan hawihhawm takin a rawn ti a,

“Helaiah hian awm rei theih hun insiam em ni”. I sumdawnna hi a tlak chhiat phah dawn em ni?” Yuri chuan nelawm loh zet hian Manager chu a melh khawi khawi a.

‘Ni love, helai hmunah hian hun hlimawm tak hmang turin ka duhsak che u, mahse a landanah chuan buaina a hnai zawk tlatin ka hria” Manager chuan thil awmzia chu tha takin a hrilh a.

“Ni e, thianpa, kan kal tawh mai dawn em ni? Helaia awm reng pawh a ninawm alawm le” tiin Yuri chu hmin tumin alo ti ve bawk a.

Yuri lah chuan a thinrimna hrik thlak a chak tlat, a bialnu nen an boruak a chhiat vang ringawt pawhin engemaw hlekah thinrim a chak em em a. Chumai piahlamah, a ngamloh val, Chuck a tawng a, nasa taka diriam leh hmuhsit a tawk niin a inhria a, chhungkaw hausa tak, mi chunga leng nia a inngaih laia khatianga a tlawm em em kha a pai dam thei lo a ni.

“Engvangin nge helai hi ka chhuahsan ngawt anga, ka duh chen chen ka awm ang, a ngam chuan min pawt tho rawh u, William Yuri ka nih hi” a ti lung lung a. Chulaia awm ve te pawh chuan ngawi rengin an melh deuh hrak hrak ngam tawk a ni.

“Kan inkar thu a tawp tih i hriat kha, min rawn tibuai leh tawh suh” tiin Yolanda chuan message in a chhang let a. Chu message a hmuh chiah phei chuan a thinrim zual hle.

“I ngaih ang ngawta awlsam chuan thil ka ti hauh lovang, nang leh i bialpa hian in la tuar khawp ang” tih leh phone chu chhuat charah chuan a vawm darh chu a rual a.

Boruak a sosang a, thawm a ring tulh tulh mai. Anihna takah chuan Yuri hian a pa hmachhuan viau mahse, a hma lawkin an che chhe hle tawh a, a pa chuan a pui duh tawh kher angem?

Manager chuan phone la chhuakin police call a tum tak siah chuan harsatna lian zawk an tawk ang tih hlauvin, a thiante chuan Yuri rui tawh tak chu an hruai chhuak lui ta a.


“Hello, Chucky, ruahmanna siam turin engkim ilo tifel ang chu maw?” Karen Lee chuan Chuck chu a rawn bia a.

“Aw, ka nu, thutlukna ka siam tawh tih i hriat kha, i remruatna chu engtik ah nge”

“Ka fapa, i thil tih hian min ti lawm hle mai, kar leh thawhlehni zan hian tiin ruahmanna kalpui ka rilruk a, nangmahni pahnih lamah harsatna a awm loh chuan”

“Ka nu, i ruahmanna siam fel hunah min lo hriattir dawn nia”

“Chucky, he thil kan tih turah hian mi tlemte chauh kan sawm anga, chungte chu keiman ruahmanna ka lo siam ang”

Chuck chu a ngawi deuh vang vang a, a rilruah zawhna tam tak a rawn lut a, “Mahse... ka nu,” a ti hman chauhva.

“Thutlukna i siam tawh kha, tupawh, eng mi pawh sawm ila, chulamah chuan rilru ti hah suh, i thuthlukna siam tawhah khan i rilru zawng zawng i pek angaih hunlai a ni” A nu chuan an mi sawm tur chungchang chu sawi tam pui tulin a hre lo.

“Aw le, ka nu” phone an dah hnu chuan Chuck chu chair ah a thu mu a, a kut pahniha tukhum vuanin dawhkanah chuan a ke a hlang a, thil tam tak a ngaihtuahnaah a lo lut a. A hun kal ta zawng zawngah harsatna leh diriamna a tawh thin zawng zawngte a mitthlaah a lo lang a. A chenpui Yvette hnen atanga hmangaihna leh duhsakna tawngkam a dawng ngai lo te, class ah mite nuih sawh anih thin lai te, tin chhunah riltam em em, engmah eitur nei lova a tei ruk ruk thin lai te chu a ngaihtuah a, a rilru a na thar hle a, a mittui a rawn hnam tial tial a. A mit a nuai a, thawk a la hak a.

Thawk leh khatah amah hmangaihtu, a nu ngei aw a hriat atanga a nun rawn danglam chhoh dan te, midangte diriam thei dinhmuna a ding chung pawha a nihna a la zep tlat mai te chu engvang nge, mi zawng zawng ngaihsan leh tlawn rawn ni turin a awm thei reng si a, tihte chu a ngaihtuah zel a. Anihna pholan a la duh loh chhan chu Yvette vang niin a hre ta tlat mai.

Hmun ropui leh mi naran tlawh phak loh, mi hausa ah pawh mi hausa tawntaw te chauh chet tlatna The Muraka Suite a hnathawk te chuan mawng vawm ba ang maiin hotel chu an buatsaih a, chu building lian zet chu Thawhlehni zana hman turin nu pakhat hian a pumpuiin a book a. Chulai hmunah chuan sawm bikte lo chu tumah an lut tur ani lo tih chu an thu hmuh awm chhun a ni. Hotel book nan ringawt pawh dollar 5 million lai a rawn transfer a, chumaia nilo, decoration a tha thei ang bera titurin leh an senso chu hriattir leh turin a rawn ti bawk a.

Zelda Maine pawh chu a restaurant lamah chuan khual tha tak tak te a thleng awl lova, ram hrang hrang atanga rawn kal mi hausa tak takte pawh chuan tlawh ngei turah an ngai a ni ber. Zelda Maine, pianthiam leh hmeltha chuan henhsawh leh zeihawi takin a mikhual te chu alo dawngsawng a, a buai ve thei hle a. Chutih laiin a rilru pangkhingah City Square boss thar hriat chu ala tum fan a.

Yvette pawh a hnalamah theihtawp a chhuah a, zan dar 8 hmain a haw hman lo a ni ber, a tih thin dan pangngaiin dar 7:30 rik hma deuh chuan City Square chhuahsanin in lam panin a inkhalh haw a, car a park fel hnuin kawngka bianga Letter box ah chuan envelope alo awm a. A hmaa alo tih thin tawh ang bawkin kawngka luhna bulah chuan box alo awm bawk a.Yvette chuan angaihna a hre lo hle. Envelope chu la in, kawngka a hawng a, box chu inchhungah chuan a pawm lut ta a.

Khumah chuan thuin, envelope chu a hawng a, ‘Special Invitation tih chu a zu chhiar hmasa ber a. phek chhung zawkah chuan,

ENGAGE

Join us for Celebration
The Muraka Suite / 54th Street
8:00 P.M at Sharp

tih hi alo in ziak a. invitation card chu a en nawn leh thin, a hrethiam lo hle a, tute nge an nih a, khawi atangin nge tih lah a inziak bawk si lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:53 pm

CHAPTER 59

Box chu a hawng a, thawmhnaw nalh tak, en reng pawha limited edition tih hriat theih chu box chhungah chuan alo awm a, chumai a ni lo, a bun tur pheikhawk nen alo awm a. a hnuai berah chuan ‘Hope You Like It / I duhzawng anih ka beisei” tih hi alo inziak bawk a.

A thil dawn chu mak a tiin, engmah thuchiang a inziak si lo, inbumna a ni ang ti dawn se, chutianga thawmhnaw manto chu an dah tel a rinawm si loh. Engpawhnise mi hausa tak thiltih anih dawn hi ti rilru in, chu sawmnaah chuan kal ve ngei a tum a.

Karen Lee chuan thil a tih dawnin engkim a chhui chhuah hmasak thin avangin a tisual ngai zen zen lo, Yvette thawmhnaw hak tur pawh chu a inhmeh tur leh a pian nalh tak tilang chiang zual tur chi a ni.

Office ban hun awm velah chuan Chuck chuan City Square chu ava tlawh a, Yvette training company chu floor sang zawk a ni a, chumi floor a luh kher chu a tan a tulna a awm tawh lo bawk nen, Manager room lamah chuan a lut tlang ta nghal a. Yolanda chuan a tih dan thin pangngaiin nelawm takin an boss, a bialpa ni bawk Chuck chu alo welcome a. A bialpa thar nimahse, lo hmu ve tute tan pawha ngaihbel tur ang chi engmah a lan tir chuang lo.

Chuck chuan Yolanda dawhkanah chuan Box a ken luh chu a dah a, titi na hun muanawm zawk an neih theih nan office kawngka chu a rawh luh rual khan a khar nghal bawk a.

“Manager” a ti hman chauhva, Yolanda chu alo kiai sak a.

In thiamloh hmek deuhvin, “Anih leh, Yolanda, ka rawn hrilh tawh ang che khan naktuk zan hi kan pahnih tana hun duhawm tak a nih kha aw” a han ti te te a.

“Yolanda chuan, “Boss, ka hre reng e” tiin an fiam let ve sak a. Chuck chu a lai lek lek a. Sawi tur a hre lo.

“Naktuk chu office kal loh thain ka hria, nilenga inbuatsaihna hun i mamawh takin” Chuck chuan Yolanda chu a melh a.

Engemaw ngaihtuah nei ni awm takin Yolanda chuan mit a khap zauh zauh a, chuveleh Chuck chuan “Ni lo, naktuk chu dorm ah i awm dawn hleinem, zanin ah ka room pindan pakhata i riak duh lo anih pawhin, ka in pakhatah i riak anga, chutah chuan nilengin inbuatsaihna hun i hmang dawn nia, ka ruahmanna chu tha i tih ngei ka beisei” tiin alo tawng khalh vat a.

Yolanda chuan Chuck chu a nui seih a, a mitmeng mawi tak chuan ahma ai zawnga ngaihno beiin a melh a. A mitmeng avang ringawt pawh chuan Chuck chu a hnîm ruih ani ber mai.

Box chu hawng turin a ti a, nak zana a thawmhnaw hak tur anih thu a hrilh a, tin a nu in a present anih thu a hrilh nghal bawk a. Mak ti bawk si, lawm bawk si, Yolanda chu a mit a parawl piau va, mit a khap fak fak a, chu emotional feeling chu Chuck tan chuan ava hmuhnawm tehreng em!

“Chuck, ka hmangaih che”

Chuck chuan a kuah a, “keipawn ka hmangaih lutuk che” A biang lehlam lehlamah chuan vuanin, an chal chu an ti si a, Yolanda mit atanga mittui rawn hnâm chu dim tein a hruk hul sak a.


Yolanda hian dorm aluah avangin Yvette laka box a pek ang khan pek ve a remchang lova, chumi avang chuan Karen Lee chuan Chuck kaltlangin Yolanda chu present a pe a ni reng a.

Reilote emaw an tih lai chuan darkar alo liam duai tawh a, office pawh chu chhuahsan an rilruk a, Chuck chuan Yolanda chu pawna a car thar Porsche ah chuan alo nghah tur thu a hrilh a. Tichuan Manager room chu a chhuahsan a.

Chuck in office a chhuahsan lai chuan Yolanda chuan a thlir reng a, a kalliam hnu chuan, file eng eng emaw chu a ching fel a, tichuan box nen chuan a inpawm chhuak ve ta nghal a.

Dar 7:30pm ah chuan 54th Street, The Muraka Suite chu Yvette chuan a thleng phei a, chulai kawngpui chu lun viau e tilo chuan, chu hotel ropui zet leh a compound zau takah chuan mi naran tei vak hmuh tur reng an awm lo, kawngka bulah chuan duty pahnih an lo awm a, tin parking lot a duty chuan Yvette car hun rem sak pahin Token chu a pe nghal a.

Chutiang khawpa thawmhnaw manto leh nalh chu ala inbel ngai lova, a inhmehpui bawk a, tute buatsaih nge tih hre lo mahse, confi takin a hotel ah chuan a lut a, room chhung a han lut chiah chu, chutiang anga ropui leh nalh ah chuan ala khawsa ngai lo tih a hria a. A piah deuhva dawhkan pakhat chu kilin, chutah chuan thut hmun a rem a.

Reilote hnuah chuan a hnung lam atangin hmeichhe inkhaithli tak, confi tih hriat tak hian a rawn kal pel a, a en reng a.

Chuck leh Yolanda pawh chu car chuan rawn kalin, chulai hmun chu an rawn thleng tep tawh a, zanin hi an pahnih tana a nu in a buatsaih sak a ni a, an phur ru viau nain, an nervous ve ve a ni. A nu chuan eng ang takin nge ruahmanna a siam lah an hre silo.

Yolanda chuan a thawmhnaw hak chu a inhmeh tak zet a, chu hotel ah chuan hmeichhe nalh tak tak fuankhawm mahse, Yolanda anga inhmeh leh nalh chu an awm hauh lovang.

The Muraka Suite chu an thleng phei a, parking lot ah pawh chuan car man to leh nalh tak tak a lo in park nual tawh a. A nu chuan mi naran a sawm lo tih a hre thei nghal mai a. Car atang chuan chhukin Yolanda kawngkhar chu a hawn sak a, a kutah chuan chelhin a kai chhuak a. Engdang mah sawi lovin, “Yolanda, ka hmangaih che” tiin a beng bulah chuan zawite hian a hrilh ru sap a. An pahnih tana hun buatsaih a ni a, chu hun rawn lawmpuitute chu mi theuneu lo tak tak an nih dawn avangin Yolanda chu a zam ru khawp mai. Mahse, a bengbula Chuck thu rawn sawi avang chuan a awm a nuam deuh huai hian a inhria.

Car atanga an chhuah hnu chuan, kawngkapui lamah chuan pheiin duty te hnenah chuan “Chuck ka ni a, heihi ka kawppui Yolanda a ni e” tiin a hrilh a, thildang engmah sawi angai lo, rang takin kawng an lo kian a, duhsakna chibai an bûk a, Chuck chuan chibai bûk letin room ah chuan an lut dun ta a.

A hmalam ah chuan an phei zel a, dawhkan pakhat ah chuan thut hmun an rem a, dar 8 a rikna tur minute 5 ala awm. Chulaia lo awm tawh sa te chuan uluk takin tlangval la naupan hmel tak, chhe lo deuh leh nula hmeltha lutuk rawn inkai phei an hmuh chuan hmuhnawm an ti ngei mai.

Ni e, College Beauty Yolanda in thawmhnaw man to leh nalh a han inbel meuh chuan amah tluk pha tur reng an awm lo a ni. ‘Kei ka ni’ ti ngam ve pha ho te pawh chuan mit tla lek lovin an lo thlir a. An inhmeh dun takzet a ni.

Thutna an rem el hnu chuan, Chulai hmuna awm te chuan an duh zawng zawngte sawiin anmahni bialah theuh an ti ti laih laih hlawm a.

Yvette erawh, kalpui a neih lem loh avangin dawhkan pakhatah chuan amah chauhvin a thu ngawi reng a. Mi te chu a thlir kual a, Chuck leh Yolanda rawn lut kha alo hmu miah lo, a hmalama Chuck leh Yolanda chu thu ava hmu thut chu mak a ti ngei mai. ‘Helai hmuah Chuck maw? Yolanda nen leh bawk’. Tun hnuah hian Chuck awmdanah hian zawhna tam tak, hriat loh a nei a. Zaninah pawh chutiang thil chu a thleng leh a ni. Chu, a rilrua zawhna nasa tak chu reilote hnuah chhanna pekin a awm dawn tih erawh a hre chuang miah lo.

Yvette hian, tun hma zawng kha chuan Chuck hi mi derdep, chhan ngai reng, tanpui ngai reng niin a hmu thin a, chumi avang chuan a ngeiin a haw thei em em thin kha a ni. Amaherawhchu, hun rei vak lo atang khan a mizia a danglamin mahni inrintawkna a nei thar hle a,

Tin, Tlangval hmeltha tak anih hnuah phei chuan a confident a rawn pung chho nasa hle. Yvette harsatna tawh tumah pawh a hmaah a ding ngam anih kha. Chungte avang chuan Chuck chunga a rilru put hmang pawh a thlak ve hret hret a, a chang phei chuan alakah feeling a nei ni hial te pawhin inhria.

Zelda Maine erawh chuan Chuck nihna diktak hre vek lo mahse, mi hausa tak a ni tih a hre sa a, Yolanda nena an rawn inzui lut pawh chu mak tihna em em a neilo. Chutihrualin, training company luah a tum mek laia plaza pumpui leichhawn a nih thut thu te, manager thar Yolanda a rawn ni thut dan te, Yvette in company a luah chhunzawm theih leh zel dan te angaihtuah chuan thil engemaw diklo awm ngeiin a ngai a. Chu erawh ala hrechhuak thei mai lo. Chuck hia Yvette hi a hmangaih niin a hria a, mahse anihna a thup tlat zia te a ngaihtuah chhuak a, tunah Yolanda nen an inzui leh bawk si erawh a la hrethiam chuang lo.

Dawhsanah chuan hmeichhe pakhat, la upa lo tak hi a rawn chhuak a, horel chhunga awmte chuan an lo en thap a. “Zanina helai hun min hmanpuitute zawng zawng, in zaivai a chungah a hmasain lawmthu ka sawi e” tiin bul a han tan te te a.

Chulai hmuna awm, mi hausa leh thiltithei tak tak awm khawm te chuan chu nu chu tunge anih an hre mai hlawm lo. Mahse, a tawngkam hmasa ber atang khan, mi engemaw tak chu a ni ang tih a hriat theih. Chulo rengah Hotel lian leh man to ah celebration event a buatsaih bawk nen.

‘Zanin hi ka fapa tana hun buatsaih a ni a, hringnunah hian kan beisei loh harsatna tam tak alo thleng thin a, chu chu hmachhawn turin mahni chauhva hneh a harsat chang a awm thin. Chutiang hunah chuan puitu, kan kianga awm reng thei kan mamawh fo thin a ni.’

‘Ka fapa hi ka chhuang em em a, harsatna tam tak a paltlang laia ka puih theih lohnaah a hmasa in ngaihdam ka dil bawk a ni”

Chulaia awm te chuan a thusawi chu uluk takin an ngaithla a, thil thleng tur chu tu te nge tih erawh tumahin an la hre thiam lo.

“Ka hming chu Karen Lee a ni a” a han tih chuan chulaia awm te chu an ri deuh mam mam a, nu hausa lutuk, Mr. Wendel company meuh pawh leisak tu, chutah pawh full payment hmiah tu ani tih an han hriat chuan mi hausa tak tak kalkhawmte pawh chuan an inhmu te cham cham a. A thusawi zel tur chu hriat chakin uluk takin an ngaithla thap a.

Zelda Maine pawh chuan a ma business ah alo kuai lut vat a, city square leitu kha henu ngei hi anih dawn hi. Ani lo chu midang leisak thei tu tur an awm lo tih alo ngaihtuah ve mek bawk a.

“Zanin hun min hmanpui tute hnenah, he hun hi min hriatsak reng nan, thiltihsak duh ka nei che u a, in remtih zawng anih ngei ka beisei” tiin. Chulai hmuna kalkhawmte beng chu a verh hle mai. A thiltih sak tur chu hnar phal chi ani dawn lo tih an hrethiam vek a.

“In hriat theuh angin Glencore Mining Company neitu ka ni a, Switzerland a, Baar ah hmunpui nei kan ni. Helaiah hian kum tam tak kaltaah khan kan lo khawsa tawh thin a, amaherawhchu, kan awmlohna a rei deuh tawh avangin min hrelotu tam tak in awm ang tih pawh ka ring” tiin Chuck leh Yolanda chu a melh a.

Yolanda chuan Karen Lee thusawi chu ngun takin alo ngaithla a.

“He hunpui duhawm takah hian ka pasal hi rawn tel ve thei se tih kan duh viau laiin, Ezzo BP PLC (company) neitu anih angin, a hun neihin a zir ngang si lova, chuti chung chuan tunah hian a awmna hmun atangin min lo thlir reng tho a.

Kalkhawmte chuan Ezzo BP PLC (Company) chu sawifiah hranpa ngai lovin an hrechiang khawp mai. Revenue ringawt pawh dollar billion 230 TMM (tailing twelve months) chuang lai an hawlh pha tih pawh an hria. An family chu mite cho ngam rual loh, el rual loh an ni tih an han hriat ngat phei chuan chulai hmuna sawm an ni ve ringawt pawh chu an inchhuang ru hle a.

“Tunah hian ka fapa hi helaiah hian koh chhoh ka duh a” a han tih chuan mite chuan tunge a ni ang tiin an hawi kual hrek hrek a.

“Ka fapa, Chuck..Chuck Cannon, helai hmunah hian i rawn chho thei angem” Chuck chu a zu melh a.

Chu thu a hriat chiah chuan Yvette chu a meng phar nasa mai. Mumang awihawm loh lutuk ni ber hian a hria. Tette atanga alo awmpui, naupang reithei leh puih ngai, mahni inrintawkna nei reng reng lo, kawng engkima a chhawmdawl, chutihruala a tih duhdah em em nisi Chuck Cannon chu Karen Lee te fapa maw a nih. Thil ni theiin a hre lo. Mahse tuna thilthleng mek hian a tak ani tih a lantir mek bawk si.




CHAPTER 60

Chuck chu thutna atanga rawn thovin, dawhsan lam pan chuan a rawn chhova, chutih mek lai chuan Zelda Maine pawh chuan City Square chungchanga Boss thar awm thut dan te, Yvette in company a luah chhunzawm theih dan te, manager Yolanda chu helai hmuna a rawn hruai lehzel danah thil awmzia a hrethiam ruak ruak a. Yvette training company chhuhsak a remtih loh vangin a thiantha Chuck chuan inthup takin City Square chu a lei phah ngei tih pawh a hrethiam ta a. Mahse, engatinge chutiang khawpa Yvette angaihsak si chuan, Yolanda nen an inzui tak si le?

“Ka nu ka lawm e,” Mic chu a hnaih a, “vawiin a ka nu in ka chunga a thiltih zawng zawng hi ka lawm takzet a” a tih lai chuan a nu chu a melh a, “Ka nu, ka hmangaih che, ka lawm e” tiin a hrilh a. A nu chuan alo nuih sak a. A lawmthu sawi chu a pawmpui tih lantir nan lu alo bu nghat a.

Yvette chuan awm ngaihna a hre tawh lo. Hun kal tawh angaihtuah let lo thei lova, Chuck chunga a rilru tha lo zawng zawngte kha pawi a ti tak zet a, tunhnuah phei chuan Chuck lakah hian feeling a nei hial tawh anih kha. Mahse, a ngeina leh a hmuhsitna chuan a hliah khuh leh fo thin.

“Mi huaisen ka ni lova, puih ngai reng ka ni thin, ka nihna dik tak pawh hi ka lanchhuah tir ngam lova” ti a a sawilai chuan Yvette chu ava melh zauhva. Yvette chuan a rawn melh tha ngam tawh lo, a kun deuh tlat a.

“Mihringte hian harsatna kan tawh theuhva, hmachhawn ngam lo bik zingah pawh ka tel ve thin. Chutiang hunah chuan huaisenna min pe tu tur ka mamawh ngawih ngawih thin a. Ka nunah mi pawimawh tak tak an awm a, an tawngkam vawikhat lek pawh ka tan chuan huaisenna min pe theitu turte an ni.

Kalkhawmte chuan uluk takin Chuck thusawi chu an ngaithla a, thuril tak, hringnuna pawimawh em em niin an hria. Yvette erawh a dak chhuak ngam tawh lo. A zak a, a inchhir a. Chhuahsan mai a duh a, mahse mi puitiling kalkhawm an ni a, thiltih chi niin a hre silo.

Yolanda chuan chhuang tak hian Chuck thusawi lai chu a en reng a. “Ka nu sawi tak ang khan, ka hmalam hunah beisei loh harsatna tam tak ka la tawk ngei ang. Mi huaisen ka ni lova, chumi hunah chuan min puitu tur ka mamawh zual bik em em a. Ka nun zawng zawng min tawmpui theitu tur ka tawng ta hlauh hi vannei ka inti a, ka lawm a, ka hlim a, amah avangin ka hmazawnah eng harsatna pawh lo thleng se, huaisen takin ka hmachhawn tawh dawn a ni.” A ngawi deuh vang vang a, Yolanda chu zu melhin, “YOLANDA, KA HMANGAIH CHE”

Yolanda chuan hmui phun sap in “KEIPAWN KA HMANGAIH CHE”

Chu thu an sawi chu Yvette tan chuan khawvela thil ri bengchheng ber a tling hial ang. Beng hupa tlanchhuah a chak tak zet a ni. Pawi a ti a, a inchhir a, a tap lo chauh a ni.

A nu, Karen Lee chuan Chuck thusawi lai chu rawn pawt chatin, “hlim takin hun kan hmang ang, ka fanu tur kha helaiah hian lo chho teh se” a rawn ti a.

Yolanda chu a thutna atang chuan rawn tho chhuakin, dawhsan lamah chuan a rawn chhova, Chuck chuan alo kai vat a. An hmeltha in an inhmeh ngei mai. An pahnih puala hun buatsaih anih angin, an thawmhnaw inbel chu a nu in a present a ni a, One on One limited edition ngat niin, company pawhin a dang an siam leh tawh dawn lo a ni, chutiang tur chuan agreement a sign pui thlap a ni.

“Yolanda ka hmangaihna che hi hmangaihnaa min chhan let avangin ka lawm e” Chuck chu Yolanda hmaah chuan a thingthi a, bawm te reuhte chu a ipte atanga phawrhin, “Will You Marry Me?” ti pah chuan a hawng a, Engagement Ring’ lunghlu a chei, mawi zet mai chu a awm a.

Yolanda mit ah chuan mittui a tling piau va, a hmui a hup a, Chuck chuan dawhthei takin Yolanda chu a nghak a. “YES” Chuck chu kuah tumin a ban a, chuveleh Chuck chu a rawn ding a. a hmangaih Yolanda chu a kuah a.

Chulai hmuna awm zawng zawngte chuan kut an lo beng hluah hluah a, music play tute chuan ‘A thousand Years’ tih hla chu an rawn play riai riai a.

Chuck chuan Yolanda kut chu chelh sakin, lunghlu a chei chhuah vek, ‘Engagement Ring’, chu a bun tir ta a. An infawp vawng vawng a, an inkuah a.

Chu thil thleng lai mek chu Yvette tan chuan en a harsa ngei mai, programme chu zo vat vat se, mahni room a awm vat vat a duh tawh takzet a ni. A rilru ah zawhna hrang hrang a lut a, City Square a Training company chu luah chhunzawm zel chi niin a hre lova, mahse insawn chhuak ta se, khawiah nge hmathar alak leh ang. Chutiang turin pawisa a nei si lo, a company dinthar leh nan pawisa tam tak a seng ral deuh hlawt a ni si. Luh lul chhuahin chulai hmunah chuan company chu a kalpui zel dawn nge? Thutlukna siam dan tur pawh a hrethiam lo tak zet.

Chu hotel a an thiltih tur ber an tih zawh hnu chuan ei leh in tur hniar hnar takin an rawn serve a, Chuck leh Yolanda table ah chuan mite chu rawn kalkhawmin lawmpuina thu an rawn sawi liam liam hlawm a. Zelda Maine pawh chuan thildang zawng dahtha in, Chuck te bulah chuan raw pheiin a lawmpui thu a rawn hrilh a. Chutih laiin Yvette erawh, awm dan tur pawh hrethiam lovin table pakhatah chuan a la thu reng a. Lawmpuina thu va sawi pawh a thei ngang lo a ni.

Chuck leh Yolanda chu reilo te hnuah Hotel Muraka chu chhuahsan turin an inkai chhuak ta a, Yvette chuan hnung lam atangin a thlir reng a.


THE END

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)