MY SEXY BILLIONAIRE MOM By Tevala Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MY SEXY BILLIONAIRE MOM By Tevala Renthlei (Completed)

Unread post by Ngaia » June 27th, 2021, 5:47 pm

MY SEXY BILLIONAIRE MOM

Chapter 1-4

By Tevala Renthlei

“Tho rawh”

Thu pe aw takin Chuck Cannon a beng bulah chuan a rawn ti a, chumi pah chuan a paunsin lai chu a rawn phih kau lâwp a, chuck a chuan mit nuai nuah nuah chungin a puan rawn pawt hlimtu chu a melh a, ei loh hmel deuh hian a ner sak a, a hmaa ding nula hleitling leh pian thiam zet mai, hmeltha bawk si chu tudang ni lovin Yvette Jordan a ni.
Yvette Jordan hi Chuck ai hian kum nga velin a upa zawk a, a pu in fa atan alak niin, inchhungkhur enkawltu ber a ni a, Chuck nupui tur atan apu in a hual lawk niin, a inneih tir a ni.

Chuck pu thih hnu chuan Yvette chu Chuck a chungah a rilru put hmang a langchiang tulh tulh a, a dawh thei lovin, thu a duh em em a, thil ho mai maiah pawh Chuck chu a hau hrep zel thin.

Hmeichhe hmeltha tak hmelah chuan duhawmna reng reng a lang lo, “Tangkaina nei lo pa, lak tlak loh lutuk, I hmel hmuh ringawt pawh hi ka hne” tiin a ang bawrh bawrh a.
Chuck chuan chung thusawi zawng zawng chu a hriat than tawh em avangin rilrua pai emaw lak nat vak emaw a tum lemlo, a ner khum sak ringawt a.

“I tan theihtawp ka chhuah a, nunphung pangngaia i nung duh dawn lo anih chuan he in atang hian ka hnawtchhuak ang che” a ti a,

Chuveleh Chuck chuan thawmhnaw ha tha mawlh mawlh pahin a kut in an kawk zeuh a, “ka nupui i nih kha” a ti awlsam et a.

“I nupui ka ni reng reng lo, i pu in tihluihna in min inneih tir anih kha, i pu khan he inneihna hi ka pawm leh pawm loh vawikhat pawh min zawt eih lo, ka duhthlanna nise nang ang mi laktlak loh hi ka nei ngai lo ang che” a ti bawrh bawrh a.

Chuck chuan thawmhnaw a hak zawh chuan, Yvette hmaah dingin, “Ka nupui” tiin a ko va, Yvette chuan, “tiang khan vawikhat mah mi ko tawh ngai suh, i nupui ka ni lo, i pawisa hmanral zawng zawngte hi ka ta vek anih hi, tun tum kha min koh tawpna ni rawh se, min ko nawn leh anih chuan khawlaiah ei tur nei lovin ka thih tir ang che, nang ang mi laktlak loh lutuk hi khawiah mah i survive dawn lo” a ti hmiar hmiar a.

“Ummm, ka nupui, Yvette, pawisa pakhat mah ka nei lo” a ti hram a, Chuck hi college rawn rap tantir ve mai chauh a ni a, a nupui Yvette hi University lecturer anih mai piahlamah company hran a nei a, sum a la lut hnem reng a ni.

“Tawngka hriam takin, “in en ta che, mi rethei kut dawh ang mai i nih kha, lak tlak loh lutuk mai tih pah chuan a bag a dollar 200 chu a phawrh a, Chuck hmaah chuan a vawm phei a, a kalsawn san nghal a.

Yvette kal hnu chuan Chuck chuan pawisa chu chhar ta mai lovin, a en reng a, pawisa chu zu kawk pahin, “ka la lovang che’ tiin in atang chuan a chhuak ve ta nghal a.

Chutihlai tak chuan, Yvette chu garage atangin BMW car nalh tak nen a rawn tawlh chhuak zel zel a, Chuck chuan alo thlir reng a. Chuck college kalna leh Yvette thawhna hi university thuhmun a ni a, Yvette chuan melh zauh pahin “hmanhmawh rawh, Bus i nang lo ange, nang ang mi laktlak loh lutuk, ka car a chuan i phu mawlh lo” tiin a tlansan ta nghal a.

Ngawi renga dingin a lan tawp thleng a thlir a, “Yvette, i kal thui ta mah mah a ni” tiin a inseh ruh a, A chhungril thinrimna meialh chu thup zawh rual lohvin a mitmengah chuan a rawn lang chhuak a.

College chu a thleng ve thei mai a, amaherawhchu, Yvette i pawisa pek a lak duh loh avang khan chhun chaw eina tur pawisa takngial pawh a nei lo, chu a chhapah a hma ni khan a thianpa hian chhun chaw a lo treat tawh avangin vawiin hi a thianpa a treat hun alo ni ve leh zel bawk nen, engtinnge a tih tak ang le?

A buaina belhchhah turin school gate bulah tak mai chuan Lara Jean leh a thiante chuan coffee an lo in mek a, chutia Chuck rawn kal a hmuh chuan va pan vatin “hey, Chuck, pawisa ka mamawh tawh teh mai a nia, vawiin hi min rulh let leh ni tur a ni tih ila hre reng ang chu maw?” a ti a.

Chuck rilru chu a hah ngei mai, chhuanlam tur nei bawk si lo, a hmel atang chuan a zak hle tih a hriat thei a, lu thak hiat pah chuan, “khawngaihin Lara Jean, vawiin chiah min ngaichang leh hram rawh, part time job ka thawk anga, naktuk tlai anih hmain ka pe ngei ngei ang che” tiin a ngen a.

Aw ki ngainat awm loh zet maiin Lara Jean chuan, “engchen nge min tih khawmuan i tum? vawiin ah hian min pe ngei ngei tur a ni” a ti chang fal a.

A aw ki atang chuan khawngaih dil zuiin awmzia a nei dawn lo tih a hrethiam a, mahse tihngaihna dang awm hek lo le, “tunah chuan pawisa ka nei lo takzet a ni” a ti leh hram a.

Lara chuan, “i chhungte dil ta che, fahrah a mi i nih a”? an ti khawl khawl a, chu tawngkam chu Chuck tan chuan a na ngei mai. A rukin a kut tum chu a hum a, tawrh har a ti ngei mai.

Ni e, Chuck hian nikhua a hriat tantirh atangin a nu leh pa a la hmu lova, tute nge an nih a hre lova, a pu bula seilian ve mai a ni.
Ngawi renga a dinhmun zawng zawng a ngaihtuah lai chuan, Lara Jean chuan, nang hi fahrah chu ilo ni chiang anih hi, naktuk thleng hun ka pe leh ang che, hun tiam i bawh pelh leh chuan ka bialpa leh a thiante ka rawn hruai anga, in chinfel angai tawh ang” tih pahin a kalsan ta nghal a.

Chuck chu zah vangin a ding ngawi reng a, a nunah zawhna tam tak. chhanna pek theih siloh a rawn lut zut zut a, engvanga he khawvelah hian piang ve nge ka nih, nu leh pa duh loh, nupui pawhin a duh loh, tumahin thian atan pawha an duh loh, “engvangin nge he khawvelah hian tu ma duh loh hi survive tura ka pian ve?” tihte a rilru ah alo lut zut zut a, chumi piahah “ka ba tal hi engtinnge ka rulh ang? khawiah nge part time job chu ka thawh ang? tu hnenah nge ka dil ang? Hmu nghal ta lo ila, ba ka rul hman dawn si lo” tihte a a ngaihtuahnaah a lut bawk a.

Chutia rilru na leh beidawng em em a a din reng lai chuan, phone number hriat ngai loh atanga phone call dawngin, chu number chu ramdang daih number ani tih pawh a hai lo, scammer ho annih ringin lak loh mai a tha in a hria a, mahse Syria rama awm tur sipai online recruitment an tih nasat lai ani a, chung sipaite chuan nikhatah dollar 8000 lai an hlawh bawk nen, chumi chungchang chu alo nih ve tak mialin phone call pawh chu lo chhan tha zawkin a hria a.

“Hello,” Chuck ka nia, enge ni ta?

Aw ngainatawm em em leh dam tak chuan, “Hello, Chucky, i dam tha maw, i nu ka ni e” a rawn ti a.

Chuck chuan a awih lem hlei lova, miin fiamthu thawh nan an rawn hmang leh niin a ngai a, tih vak ngaihna a hriat loh vangin a ngawi reng a, rei deuh fe an ngawih dun vang vang hnu chuan Chuck chu rilru nat avangin a mit atang chuan mittui a rawn hnam chhuak par par a, a tak a ni emaw ni lo emaw, nu leh pa nei ngai lo, mi te duh loh chu a vawikhat nan “ i nu ka ni e” tih ri a benga rawn lut chuan dan zawh rual lovin a pangchanna leh rilru natna a rawn kai tho ani.

“Chuck, min dem mai suh ang che, kum kha leh chen ka kalsan che vang khan. Duhthlan tur dang ka nei ngang lo a ni, nang nen hlim taka kan awm dun leh thuai theih nan khang hun chhung zawng khan theihtawp ka chhuah a, tunah chuan rawn haw a, awm dun turin ka inpeih tawh e, ka rawn let thuai ang, hlim takin kan awm dun tawh dawn nia, pawisa ilo hman atan dollar million nga ka rawn transfer dawn a, i hmang zo a nih chuan min lo hrilh leh vat dawn nia”

An inbiak zawh hnu lawk chuan message a rawn thleng a, a en chuan, (“your account with ending number ****0123 has been credited with 5,000,000 dollars and your account balance is 5,000,000.83 dollars.) a account a dollar nuai 50 a luh thu hriattirna alo ni a, mak a ti lutuk chu awih harsa a ti a, a tak ngei a ni si.

Tu ma duh loh, van lai tla ang maia chhungte belh tur pawh nei lo chuan a vawikhat nan a beng hriatah ngei, “I nu ka ni e” titu a tawng a, chu nu ngei mai chuan mit khap kar lovah dollar nuai 50 a account ah a rawn thun nghal bawk si. Message chu a chhiar nawn leh thin a, awih har a ti a, zero awm zat te chu a chhiar nawn a chhiar nawn a.

Dinhmun a tleu tawh laklawh hi chuan mihringte hi bum kan nuam em a, Chuck pawh hian bumna a ni nge ni lo ala thliar hrang ngam chuang lo. ATM ah kalin a dik ngei em tih ava finfiah a, chutah zet chuan lawm avangin a mittui chu dan rual lohvin abiangah chuan a far ta zawih zawih a, a account ah ngei mai dollar nuai 50 a lo awm, chupawh pocket money tur chauh ala ni, heng pawisa te hi a hman zawh hunah pawisa diltur, billionaire nu ala nei cheu!

Yvette erawh chu a company atang leh a sawrkar hnathawhna atanga a pawisa neih zawng zawng pawh nuai 10 vel bak a ni phak lovang tih tur a ni a.

Chuck chu rilru hlim tak chungin college campus lam chu a pan a, chutihlai mek chuan Yvette pawh chu class la turin a rawn chhuak ve leh chiah a, ei lo tih hriat tak maiin, “engngatinge helaiah ilo awm mai mai, class ah thu ta che” a rawn ti a.

Chuck chuan, thildanga chhang ta vak lovin, “class hi ka kal tawh dawn hleinem” ti chiahin a chhang a,
Yvette chuan chutiang renga inringtawk tak hmel chu Chuck atang hian ala hmu ngai lova, mak a ti rilru viau mai.

“Chutiang te chuan min tawng khum ngam a ni maw, vawiin hian ka inah rawn haw thak suh ang che, i rawn haw lui anih chuan i ngal ruh ka titliak ang” tih pahin classroom lam pan a tum a,

Chuck pawh chuan Yvette thusawi ngai pawimawh lo tih hriat fahranin lehlam a hawi a, a kalsawn ve nghal a, Yvette mizia leh a laka a awmdan chu a kham tawh hle a, “ka rawn let miah lovang, mutna tur dang ka zawng mai ang” tiin a phun sep a. A rilru te te chuan, “Yvette, i duh duha thinrim khum tur ka ni tawh bik hlei nem” a ti a.

Chutia, a thusawi engahmah a ngailo a ni tih a hmuh chuan Yvette ngaihdan chu a nilo nasa zual em em a, tih theih a nei bawk si lo, thinrim takin classroom lamah chuan a kal zui ve ta a.

Chuck pawh chuan taxi phar in, khawpui laili taka real estate awmna hmun lam pan chuan an tlan liam a, Chuck rilru a lian hmasa ber chu a ma puala in neih a ni.

Chuck an real estate lam pan a kawngka a hawn lai chuan agency hnathawktute chuan a inchei dan vel atangin han ngaihven viau tlakah an ngai lem lova, an lo bengkhawn lem lova, an ni ang hi part time job rawn zawng leh eitur rawn diltu tam tak an nei thin a, a thente chu AC hnuaia chawlh hahdam duh vanga rawn lut te pawh an awm thin a ni.

Minute rei vaklo hnuah employees te chuan an manager chu a pindan atanga rawn chhuak an hmuh avangin rang takin Chuck hnenah, “ka pu, enge i mamawh le? tih sak theih che kan nei em” an va ti a.

An beisei loh deuhvin Chuck chuan In lei a duh thu chuan a lo chhang a, employee Natalie chuan a mit a tihniam suih a, awih har a ti a, kum tam tak real estate agent hna alo thawk tawh a, anmahni rawn dawrtute dinhmun milin a lo hmachhawn thiam em em thin a, tun tum zet chu customer lakah a chesual thelh a ni.

Chuck te ang kum 20 vel lek a upa nisi, In rawn lei tumtu hi an tawng ngai meuh lova, mi sangkhatah mi pakhat vel hi an awm angem tih tur a ni a, tin, chung mite chu thawmhnaw man to tak inbel in, car nalh leh changkang ber berin an rawn kal thin a, Chutiang chu Chuck lan dan nen inpersan tak a ni. Anihna takah chuan an room air condition nuam tak thlahlela chhuanlam siama rawn tei lut ve fang ah an ngai a ni.

Natalie chuan Chuck laka hun khawhral satliah mai maiah inngaiin, tham lo tih hriat takin, “ka pu, he khawpuia In lei tur kan neih man tlawm ber pawh square meter za a lian niin dollar nuai 10 tal i sen a ngai dawn a nih chu, Apartment lian lo tak pawh dollar sing nga, singruk man te an ni” a tih khum a.



CHAPTER 2
“Aw, lei ka duh alawm”

Chutihlai chuan, pa thau deuh tak, rangkachak thi lianpui awrh, en reng reng pawha hausak hmel tak hi a rawn lut a, Natalie chuan Chuck chhanna pawh chu nghak lovin chu pa thau deuh rawn lut chu theihtawpa thaa welcome turin nui sangin a pan a, “ka pu, In lei tur i zawng em ni? I duhzawng tak ka lo kawhhmu ang che” tiin ava be nghal var a.

Anihna takah chuan, Chuck alo welcome dan nen chuan inthlau tak a ni.

Chu pa thau tak rawn lut chuan, “aw duh e, In tha tak min han kawhhmuh ta che” tiin a lo chhang a.

Natalie chuan hmel hlim takin, “ka pu, i duhthusam tur ka kawhhmuh ang che, mi tam tak rawn lutte hi chu an lei phak miah loh tur lei tuma rawn kalte an ni hlawm a, hun khawhralna mai a ni” tih pahin Chuck chu a zu melh a.

Chuck chuan Natalie rilru put hmang leh awm dan chu hriatthiam har a ti viau mai a, tun hma kha chun tupawhin en hniam nise, chhuan tur engmah a neih loh vangin a phu reng a ni a tih theih ang. Amaherawhchu, tunah chuan pocket money tur ringawt pawh dollar million nga lawih a nei miauva.

Chuck chuan Natalie hnenah chuan, “Khawiah nge in manager hi, ka hmu duh” a ti a.
Natalie chuan, “nangni ang hian kan manager hmu turin theihna enge in neih ve? Inngaihtuah chiang la, helai hmun atang hian min chuahsan vat mai rawh, awmze nei lova minute khat lek hmanral pawh hi pawisa tam tak hloh theihna a nih i hre lovem ni?” a tih khum piap piap a.

Chutih lai chuan, muang changin manager chu alo phei mek a, “Natalie, eng thil nge thleng a” tiin a rawn zawt a, chuveleh Natialie chuan, “Chuck kawk pah chuan, In lei tum tak tak anih loh thu leh Air condition hnuaia rawn thu chak mai mai anih thu te, chhuahtir alo tum mek thute an manager chu a hrilh a.

Manager chuan Chuck chu uluk takin a luchhip atanga ke ler thlengin a en a, tlangval kum 19 bawr vel lek hmel pu, thawmhnaw satliah in bel chu, Natalie sawi ang ngeiin, In lei tum a rawn lut tak tak a nih a ring lo a ni.

Chuck chu ngawi rengin a thova, “nangni chauh hi helaia real estate agency in ni love, a piah a mi agency saw ka va dawr zawk ange” ti pahin a chhuahsan a,

Natalie chuan ngainep tih hriat takin a hnung lam atang chuan, “nangni ang mi rethei chuan helai hmunah hian In lei tur rawn zawng duh tawh suh u” a ti a, hnathawktu dangte pawh chuan lo nuihsawh pahin, agency piah zawk dawr tum anga a chhuak chu chhuanlam tur hrelo chhuak niin an ngai a.

Chuck chhuah fel hnu chuan rang takin Natalie chu pa thau deuh bulah chuan ava pheiin, a innghah khawmuan tir avanga ngaihdam te dil pahin In lei tur chu a man te sawi fel pui a tum a, amaherawhchu, chu pa thau chuan a man tur chungchang chu a sawi zui pui duh vak si lo, Natalie dawhtheihna chuan a tlin lo lek lek leh tawh a ni.

Chutihlai chuan, agency a athawhpui te zawng zawng chuan mak ti takin pâwn lam chu an thlir ta thup a, an thenawm agency tual zawla Mercedes Benz tawlh lut chhung atanga rawn chhuak chu a hma chiaha an lo welcome that peih loh Chuck ngei mai chu a ni a, agency atanga In lei te chauhvin tualzawlah chuan Car an hung lut thei thin tih chu sawi nawn ngai lovin an hrechiang bawk si.

Chutianga hnathawktu ten pawnlam chauh ngaihtuah a an thlir lai chuan Natalie customer pa chu a chhuak ta daih mai a, Natalie chu a han hawi kual vel ruai a, a hmu tawh si lo, a ke a per dat dat a, customer hausa tak ni a a ngaih kha air condition hnuaia rawn awm duh vanga In lei duh anga rawn lut ani tih a hriat phei chuan Natalie chu thinrim vangin a khur dar dar a, puah darh vek châk hmêl a pu a ni.

Natalie chu inchhir a hnekin Chuck hmel a hmuh chuan a ngei zual em em a, ner nawng chungin, “nangni ang lemchan thiam hi” a tih khum a, chutihlai chuan agency pakhata hnathawktu pakhat chu rawn lutin, polite tak mai hian, “Miss Natalie, customer tha tak min rawn pek avangin kan lawm e, kan agency hian hetiang anga sum tam tham hi kum hnih kal ta atang khan kan hmu thei tawh lova, vawiin chu kan tan ni ropui tak a ni” tiin a hrilh a.

Chuveleh, Manager chuan, “customer tha a? eng ni ropui tak maw? he pa hian eng thil nge a lei a? tiin employee chu a zawt let nghal vat a, employee chuan tifuh intizet hian, nui sangin, “vawiin hian ka pu zahawm tak Chuck hian In min lei sak a, chupawh, kan neih zinga a man to ber, dollar million thum man zet min lei sak a, kan lawm takzet a ni” tiin a chhang a. Heng hi nangmahni min duhsakna avang a ni a, in chungah pawh kan lawm hle” a ti zui a.

Tichuan, Chuck chu Mercedez Benz ah chuan an hruai lut a, a In thar lei chu en turin an tawlh chhuak ta zal zal a.

Natalie chuan awih har ala ti ngang mai, mahse a takin a thleng miau si a, Mercedez Benz chhunga Chuck nui sang a va hmuh chuan nuam lo a ti em em a. Manager chu rawn kal pheiin engmah sawi set set lovin Natalie hmaiah chuan a beng her sawk a, “i thiltih hi i hria em” tiin a hmaiah a kawk a.

Ni e, tha tak khan lo welcome se, tluang takin indawr ta se chuan, Natalie khan 5% vel a chang ve thei dawn a, chu chu dollar nuai khat leh singnga bawr vel a ni. Manager phei chuan transaction an tih fel rualin 10% lai a chang ve dawn a ni a, dollar nuai thum chu thli ang maiin a thlawk bo si a, a thinrim lutuk chuan, Natalie chu a pet a, “chhuak nghal rawh, helai hmun atang hian ban i ni e” a ti a.

Natalie chu a bing mup mup a, an manager in a pet tlukna pawh a nat leh nat loh ngaihtuah lovin rang taka thovin, a tlanchhuak a, kawngsir a Mercedez Benz chhunga chuang Chuck hnenah chuan “ka pu, ka pu, khawngaihin min ngaidam rawh, chance min pe leh hram rawh, i hausakzia kan hriat loh avang khan min ngaidam hram ang che, lokal rawh, hetah In tha zawk leh changkang zawk lei tur kan nei a nia” tiin motor darthlalang chu a chum dawt dawt a.

Chuck chuan a lu thing in, tawngka dam tak hian, a pawi hlei nem, In chu customer dang hnenah in lo hralh mai dawn nia” tiin a chhang a, tichuan a In lei thar en tur chuan an tlan zui ta nghal a.

Natalie chuan an tlan liam hma chu a thlir reng a, an tlan liam hnu chuan a thu hnawk a, an manager chuan a bungrua te chu pawnah rawn thehchhuakin, “helai hmun atang hian chhuak la, vawikhatmah i hmel rawn inlan tawh suh ang che” tiin kawng a khar nghal a.

Chuck Cannon chuan a in lei thar chu a han fang kual vel a, a duhthu a sam em em a, a zau tha a, bedroom pathum a awm a, bathroom pahnih awmin, living room zau tak pahnih a awm bawk a, tin, hemi bakah hian cheithat ngai room tam tak a la awm cheu, chutiang khawpa in lian leh zau chu a ni.

Hetianga In lian an leisak hi chuan vawikhatah a man zawng zawng hi an pe tlak nghal vek chuang lem thin lova, chuck erawh chuan In a leina man zawng zawng bakah chei thatna tur nen lam a pe tel nghal vek a, salesman chuan mak a tiin, chutiang anga mi hausa chu tumah ala deal pui loh avangin a ngaisang em em a, engkim an tihfel hnu chuan salesman chuan Chuck chu university lamah a let pui leh ta a, university campus thlen dawn tepah chuan, “helai hmun thleng hi ni rawh se” tiin Mercedez Benz atang chuan a chhuksan ta a.

Salesman chuan, “ka pu, hun hlimawm tak i hmang dawn nia, i In lei thar hi naktuk lamah document engkim kan lo tifel anga, a tuk leh atang chuan i luah lut thei tawh ang” tiin a hrilh a,

Chuck chuan, hun reilo te chhung chu hotel a awm hi ka duh rih zawk ange a ti a.
Dollar singhnih chu a phawrh lâwk sa a, university lam pan chuan muangchangin a phei a, chawhnu lamah chuan class a nei tam lova, chuti chung chuan vawiin ni atan class a absent vek tawh tho tho bawk nen hmanhmawh lo takin class room ah chuan a lut ve ta thova,

Lara Jean chuan lo hmu in, ner nung hian “tunge rawn lut hi,? kan class a kutdawh Chuck anih hi, ka hrilh ang che u, lo ngaithla ru, tumahin hepa hi pawisa pûk tir su, khawngaih thlala deuhvin a awm anga, pek let che u a tum chuang miah lovang, keipawh tun thlengin ka pawisa min la rulh theih loh hi” a lo tih khum a. chumai pawh duhtawk lovin, “oh, hepa hian chhungte a nei reng reng hleinem, engtin nge tactic thing lutuk te hi a ngaihtuah chhuah thiam zawk” a ti bawrh bawrh a. Lara Jean thusawi avang chuan classroom chhunga midang awm ve te chu an nui ta dur dur a.

CHAPTER 3
Chuck chu mi rethei tak a ni tih an class a mi te chuan an hre vek a, kumtluan hian tshirt pahnih bak hakthlak tur a nei lo tih pawh an hrechiang a ni. Chutiang taka rethei anih avang chuan a tshirt hak thinte pawh chu a dal in, a hlui tawh hle reng a,
Class room a tlangval pakhat chuan, “engzat chiah nge pawisa a bat sak che a?” tiin Lara Jean chu a zawt a. Lara Jean chuan, intithei deuh tak hian, “dollar 400 maw le, ka ni khat hmanral thin zat vel a ni” a ti deuh lang lang a. Ka pawisa a bat hrim hrim chu thuhran ni se, hepa hi a trawp a, a rim te hi a chhe deuhvin ka hria, ka pheikhawk liak faitu atan pawh ka duh lo” a tih chhunzawm zat a.
Chuck chu a hmaa mize inngaitlawm tak a nih thin ang tho khan, danglamna leh chapona engmah a nei lova, Lara Jean chu enin, a ipte atang chuan dollar 400 chu phawrh pahin, “Lara Jean, ka mamawh lai taka pawisa min pûk tir avangin ka lawm em em a, ka rulh tlai tak che avangin min hrethiam dawn nia, chutihrualin min sawi dan zawng zawng kha chu a dik vek bik lo a nia” tih pahin pawisa chu a pe a.
Lara Jean chuan ner nâng a en pahin, “engtinnge heng pawisa hi i neih theih? khawi tange i ruk nge” tiin tham lo zet chuan a ti zui a.
Mi thenkhat chuan, a ipte kha check ang u, pawisa a nei tawh miah lovang, midang ta puk tur a zawng leh mai ang” an lo ti el vel a,
Chuck chuan, dam deuh tak hian, ka hman khawp lek chu ka la nei ve e” a ti mai a.
Lara chuan duhtawk mai lovin, chawhma lamah engtin nge dollar 400 lai i neih ve theih a, i taksa engemaw lai te hi i hralh em ni” tiin thamlo zet chuan a melh pah a. Thenkhatte lah chuan, nui chungin, “hepa hrep hi chuan a taksa zawng zawng hralh pawh nise, hlutna a nei chuang lova nge” an lo ti vel a.
Chuck chu ngawi rengin a thutna tur lam pan chuan a kal a, Lara chuan engtin nge pawisa hi i neih? tiin a la zawt ta fan a,
Reilote a ngawi vang vang a, “ka vannei a, ka chhar hlauh alawm le” tiin a chhang a. Lara chuan deusawh tih hriat tak hian a nuih khum a, midangte pawh chuan an lo nuih bawk a, “engzat chiah nge i chhar min hrilh rawh” an ti a.
Chhanna pek ngei a ngai dawn tih a hriat avangin, chu boruak hrehawm tak chu zo vat se a duh em em a, a thutna atang chuan amah elsen em em tute chu a mal te te in a enkual a, “dollar sanghnih ka char alawm” tiin a chhang ta a.
Thenkhat chuan vannei an lo ti viau a, a chhan chu dollar sanghnih lai chu an thla tam tak inluah man daih a ni si a, thenkhat thung erawh chuan, “mi pawisa i ruk hnuah pawisa chhar angin i insawi leh vel a maw, zak ta che” ti tawk lah an bo lo.
Queenie Carson rawn ding chhuakin, “a tawk tawh e, hetianga intih vak vak hi a tul tawh hlei nem, duh tawk teh u” a rawn ti a. Chuck thalvang rawn hauhtu awm chhun a ni.
Chuck erawh chuan, chutianga an deusawhna te chu a ngai thutak lem hlei lova, an duh duh sawi se a pawiti em em tawh lem lo, a chhan chu, millionaire a ni tawh tlat a lawm.
Class ban ah chuan Yvette Jordan awmna staff room ah chuan va lutin, Yvette chuan headphone in hla a lo ngaithla mek a, Chuck a hmuh chuan, “engvangin nge min hmu tura ilo kal, helai hmuna i rawn kal hi ka phal hleinem” a lo ti nghal a.
Nuih pahin, Chuck chuan, “thildang ni love, vawiin atangin in ka chhuahsan tawh dawn a, chute mai chu” tiin a let leh nghal mai a tum a.
Tet te atanga awm dun an ni a, Yvette hian a hrechiang bawk a, engti kawng mahin awmna tur a neih dawn loh zia te, riltamin khawlaiah a vak mai mai dawn tih a hmu sa vek a, awih loh hmel tak hian a melh a.
“Ka ti tak tak e, ka chhuahsan tawh ang che” ti a a sawi nawn lai tak chuan, Yvette chuan, “anih phawt a hnu, rawn let leh tum miah suh ang che, ngaihdam rawn dil lehin awmzia a nei lovang” a lo tih khum a.
“tehreng mai, chutiang chu a thleng lovang” ti a a sawi zawh chuan a inher a, office atang chuan a chhuak ta nghal a.
Yvette chuan, a hnung lam atanga thlir rengin, eng ang pawhin hau nasa thin mahse, engtinmah a chhang let ngam ngailo kha a ni a, vawiin a a chhanlet dan chu a ngaihtuah a, mak a ti zawk hial a.
Chutihlai chuan, phone call a rawn kal a, a en chuan director phone call alo ni a, “hello, Director, enge ni ta, min rawn call tak mai le” tiin a zawt nghal vat a, director chuan, Yvette, i company dinhmun hian hniam lam a pan hret hret niin a lang a, business dang tha tak rawn sawipui che ka duh a,” a tih chuan, Yvette chuan, phur tak maiin, eng lam ni nge, tiin a lo chhang nghal vat a.
A ni tak a, Yvette company hian hma a sawn theilo em em a, company a tlakchhiat loh nana thla hnih chhung leka pawisa a sen ral zawng zawng pawh dollar nuai khat vel lai a tling tawh hial a ni.
Director Chester in chutia a rawn tih avang chuan beiseina thar, sang tak a nei a, “director, min duhsakna zawng zawngah ka lawm hle mai” tiin lawmthu a hrilh a.
Truimph Hotel, room no 1218 ah zanin ah rawn kal la, kan inbe dawn nia tiin Director Chester chuan phone chu dah mai a tum a, Yvette chuan, nuamlo tih rukna a nei a, “nilo Director, khawpuia five star hotel ah dinner ka show sak che anga, chutah chuan kan sawi thei mai lawm ni” a ti hram a.
Hlauh thawn tur a awm lo, chu chu ruahmanna ka lo siampui tawh dan a ni a, i rawn tihlawhtling thei lo anih chuan he business hi ka thian company dangte ka pe mai ange” tiin phone chu a ti tawp zui nghal a.
Yvette chu a inngaihtuah neuh neuhva, zana hotel hriat ngai lova va kal chu a himin a hre chiah si lo, kal lo dawn se, business tha lutuk chân chu a phal bawk si lo. Engpawhnise, ka company tlakchhiat ai chuan risk ka la mai aniang chu” tiin Truimph Hotel a kal tur chuan thutlukna a siam ta a.
University chhuahsanin, in lamah chuan a inkhalh haw a, in a luh dawn lai tak chuan suitcase khai chunga Chuck rawn chhuak a hmu a, Chuck chuan, aw dam takin, “hello, ka nupui” alo ti a, chuveleh Yvette chu hawi kual zuk zuk pahin, “tiang khan vawi khatmah min ko tawh suh ka ti che a ni lawm ni” a ti deuh hlar a.
Yvette, ka pu thih hnu kum khat dawn min enkawl tawh na zawng zawngah khan ka lawm a... a tih mek lai chuan Yvette chuan lo pawt chatin, “i awm danah nuam i ti lova, ngaihdam min dil i tum a, rawn let leh i duh a, chance pe leh tur chein min beisei em ni” a lo ti zung zung a,
Chuck chuan, “chutiang lam ni love, harsatna i tawk a, tanpui i ngai a nih chuan min lo hrilh dawn nia” tiin a kal pel zui ta nghal a.
Zep lovah chuan, nupa angin khum khatah an lo mu dun tawh thin a, Yvette lakah hian engemaw ti takin feelings chu ala nei a ni.
Yvette chuan, mak a tih lutuk vang leh chutiang tawngkam chu Chuck lak atanga chhuak theiah angaih loh em avangin sawi tur ber pawh a hre lova, awih lo sa teh mahse, a lehlam takah chuan “chutianga tawng thlamuanna tal a dawng chu a lawm ve tho mai”
Yvette chuan, “nang hian eng thil tha nge min pek theih i neih ve? Pawisa phei chu ilak atang hian vana rah ang a ni a, customer tha min kawhhmuh i tum zawk em ni? Tlai khat chaweina tur pawisa tak ngial pawh i nei lo a nia” a ti a.
A kut zalah million khat aia tam ala kawl a, a hmang zo anih pawhin phone call vawikhat lek hmangin pawisa tam tak a nei thei, nu millionaire a nei miau a lawm. A ding dat a, “Ni love, pawisa i mamawh anih chuan ka pe ang che” a ti a.
Yvette chuan, ner khum nângin, “i pawisa pek ka ngai love, i neih chhun chu Noodles lei nan hmang zawk ang che” a ti a.
Engtinmah chhang lovin, Chuck chuan a kalsan zui ta a. Taxi la in, Hotel thlenna tur a melh kual hnu chuan, Truimph Hotel ah chuan a kal ta a.
He Hotel zet hi chu a ropui ngei mai, mi lian tak tak fuankhawmna hmun a nih vangin an hnathawkte pawh an buai thei hle a, room man tlawm ber pawh zan khat dollar zariat man a ni. Chutiang khawpa hotel changkang chu a ni.
Mumangah pawh a man phak loh, mi hausa tawntaw te thlenna hotel ah ngei mai chuan a thleng ve dawn ta reng chu niin, amah pawh chuan awih harsa a ti lek lek a ni.
Chutia, hotel kawngka a pan lai chuan Yvette car rawn kal leh, park tura inher rem mek chu ava hmu a, mak a ti in, “engvangin nge helai hmunah hian a rawn kal? mi hausa tawntaw te bula hun hmang turin a rawn inphalrai dawn em ni? tih te a ngaihtuah a, a thin chu a rim ut ut a, amaherawhchu, nupa anga khawsa dun thin lo ni tawh mahse, inneihna tak tak an nei lova, inneih certificate pawh an nei lo, a pu remruatnaa nupa anga awm chho mai kha an ni miau va, dan beh theihna a nei lo a ni.
Yvette luh fel hnu ah chuan Chuck chu a bungraw tlemte khaiin a lut ve a, chutia hotel kawngka a lut chiah chu, hmeichhe pakhat hian alo hmu a, “eheee, tunge rawn lut saw, mi rethei deuh, mi pawisa puk ching Chuck kha a ni lo vem ni?” tiin a hriat turin a lo tawng khum a, a han hawi phei chuan chu nu chu, Lara Jean kha a lo ni. A bialpa Conrad Lee nen inkuah rialin an lo thu dun a,
Hetiang hotel changkang, High end hotel ah hian Chuck hi rawn lut ve ngam tur a ni lo” tih melhin a melh a, a bialpa Conrada Lee chuan pangngai tak hian, “tunge a nih a?” tiin a zawt a.
Lara Jean chuan sawi nuam ti takin, “hepa hi kan class a mi a ni a, mi rethei, mi pawisa pûk ching, pek leh harsat em em a ni a, dollar sanghnih vel a chhar a, a neitu pawh pe let lovin helai hmunah hian khawhral a rawn tum ve anih hi, hetiang mi hi ka ngaisang a nia” a ti el vel a.
Conrad Lee chuan, nuihsawh deuh hian, “a hmain dollar sanghnih pawh ala hmu ngai lo anga, nuam a ti ve viau ang chu, biak pawh be teh suh” tih pahin Lara Jean bânah chuan “hawh teh, room chu iva book vat teh ang” tiin a kai thova.
Chuck chuan an thusawi chu hre mahse, engah vak mah a ngai lova, a suitcase ken lai nen chuan room lam chu pan a,
Reception counter ah chuan Conrad Lee chuan, ID phawrh pahin, “standard room min lo pe ta che” a ti a,
Counter a hmeichhe hmeltha zet mai chuan, hotel database chu a en thuak thuak a, Conrad Lee hnenah, “a pawi ka ti hle mai, standard room awl kan nei tawh hauh lo” tiin a hrilh a.
Lara Jean hmelah chuan lungawi lohna leh thinrim hmel a rawn langchhuak a, tih theih an nei bawk si lo, room man tlawm ho chu booked vek a lo ni tawh si a.
“Room lian deuh zawk pawh kan la mai ange” tiin Conrad Lee chuan staff chu a check tir leh a, uluk taka room ruak la awm a check hnu pawh chuan, awl pakhatmah a lo awm tawh lova, “ka pu, pawi ka ti takzet a ni, room ruak reng reng kan nei tawh lo, Presidential Suit chiah room awl a awm tawh” tiin a hrilh a,
Conrad Lee chuan, chu chu engzat man nge? tiin a zawt a,
“Presidential Suit chu dollar 8888 man a ni e, ka pu” a ti a.
Chuveleh, Corad Lee chuan lu thing nar nar pahin Lara Jean lam chu a hawi a, Lara Jean chuan “chhuak ang, hmun dang kan zawng mai dawn nia” tiin a kai chhuak a.
Ni e, tum danga an kal pawhin standard room bak an book ngailo kha a ni a, anihna takah chuan, an ni zirlai tan chuan standard room pawh kha a to a ni.
Chutia, chhuahsan an tum lai mek chuan, counter lam rawn pana rawn phei mek Chuck nen chuan an intawk a, an ding deuh dat a, dollar 2000 chhar vanga inla hausa ringawt pa hian eng angin nge room a book ve dawn? tih hriat chaka ding an ni ber.
Reception counter lo nghaktu nena an inbiak fel hnu chuan, room luhna card keng chunga elevator lam a pan an hmuh chuan mak an ti a, Conrad Lee chu counter lamah phei lehin “engatinge standard room a awm tawh lo” ti a min hnar hnuah khatiang mi rethei thawmhnaw hak tur tha pawh neilo hnenah khan in pek leh si, in manager kan be duh, heihi customer te laka awm dan tur a ni lo” tiin an va chhuahchhal a, Lara Jean pawh chuan thinrim tak maiin, “manager ko nghal vat ru, complain kan siam dawn” a ti vin tak a.
Counter nghaktunu chuan an thusawi chu mak tiin reilo te chhung chu a ngawi a, tichuan aw ki dam takin, “ka pu, thil inhresual a ni, standard room chu booked vek tawh a nia lawm, tuna inhmuh kha standard room kan pe reng reng hlei nem, Presidential Suit alawm a rawn book” tiin a hrilh a.
Lara Jean chuan rang tak maiin payment receipt chu a han ensak a, staff nu sawi ang chuan Presidential Suit ngei chu alo payment thlap si a, mak a ti lutuk chu a hmui hupin a mengphar awn awn a,
Conrad Lee chuan, “he pa hian dollar sanghnih chauh lo deuh a chhar a ni ngei ang” a ti rilru a. Chutiang deuh tho chuan Lara Jean pawh chuan, “dollar singhnih lai a chhar a nih a ring zawk a, chu chu a kumkhat pawisa hmanral zawng zawng ai pawhin a tam mah a” lawmpui a hnekin a thik hle zawk a ni.
“Mi mawl chu an mawl reng anih hi, pawisa a chhar vang ngawtin mi hausa ah a inngai a, an nundana nun a rawn tum ringawt a, dollar singhnih te chu ka pa ni thum hlawh vel lek a ni, mahse a ni ang hian thil tul lovah a hmangral ve ngai lo, Presidential Suit pawh a book ve kher lo, a hmang zo thuai anga, kan thlir zel ang chu,” tiin Conrad Lee chuan Lara Jean lam en pah chuan a bekbawr su su a.
Suitcase vel a dah fel hnu chuan, Presidential Suit atanga rawn chhuakin, elevator hmangin a rawn chhuk thla a, Lara leh Conrad Lee chuan an lo en reng a, Lara chuan “pawisa inti ngah pa saw han play kual vel ila” tih pah chuan a bialpa Conrad Lee chu a siai zeuh a,
“Hey, Chuck, khawiah nge i kal dawn a?” tiin Chuck kalna lam umzui pah chuan a nuih sâng a.

CHAPTER 4
Aw rawn chhuahna lam chu hawi let nghalin, “khawiah mah kal dawn love, inhnawhpuar ka lo tum mek a” tiin Lara chu a chhang mai a.
Lara rilruah te te chuan, mi hausa ang maia hotel man to ber a luah hnuah tawhte chuan street food vel mai mai ei turah a ngai deuh va, “pawisa hmanral chu a thiam ngei dawn e” tiin a phur ru phian mai. Khuh kherh pahin, “Chuck, en teh, ka pawisa i pûk kha tiraw, lawmthu pangngai takin ila sawi lo tlatin ka hria” a ti a.
Lara thusawi chu tullo a ti ngei mai, amaherawhchu, a chet zia chuan tilang duh lovin ngawirengin a ngaithla a, Lara hnen atang hian dollar 200 a puk laiin dollar 400 a rul turin a tilui anih kha, mahse a mamawh lai tak khan a puk tir ve miau si a. “A ni tak e, lawmthu sawi chu ka tih ngei ngei tur alawm” tiin Lara chu a chhang a.
Ner sak pahin Lara chuan a bialpa a melh zeuhva, “vawiin hian ka bialpa nen engmah kan la ei lova, i thil einaah min sawm ve duh lawm ni?” tiin beisei nei takin Chuck chu a bia a.
“Tehreng mai, ei ho ila” tih pahin thutna tur lam chu an pan a, anihna takah chuan Chuck a rawn luh hma khan mi nawlpuiina an ei thin thil an lo ei zo chiah kha a ni a.
An thut fel hnu chuan, Conrad Lee ban chu zu vawn sak pahin, “kan lawm hle mai, kan ril a lo tam tawh lutuk a, eitur kan order nghal mai dawn mi niang?” a ti nghal zat a.
Chuck chuan Lara in a play kual dan vel zawng zawng chu a hai miah lo, mahse hre awm angin a awm duh lova.
Waiter chu rawn kalin, “Good evening sir, vawiin hian special offer kan nei a” tiin an thil siam hrang hrang chu a sawi zat zat a, zirlaite vek annih avangin an pathum tana eitur man tlawm ber ber chi chu a kawhhmuh a ni.
Lara Jean chuan, “chutiang chu ka duh lem love tih pah chuan a bialpa chu a melh a, a bialpa pawh chuan “keipawhin ka duh love” a lo ti ve nghal zat a, Chuck a melh pah chuan “heng offer te hi chu ei lo ila, thildang kan order zawk mai dawn em ni ang?” a ti a.
Chuck chuan, “tehreng mai, in duh duh in lam thei ang” a lo ti awlsam then a.
Lara chuan mak ti zet hian, “engpawh maw”? a ti deuh ha a. Menu chu la in, eitur man to tak tak hlir chu a order ta hmiah hmiah a, a thil order te chu Triumph Hotel changkang lutuka ei tur man to ber ber te an ni hlawm a. An bula lo ding ve waiter chuan mak a ti hle mai a, dollar sang nga man vel lai a ni si a “in order te hi in thlak danglam duh dawn em”? tiin a zawt leh hram a.
Lara chuan, Chuck mangang hmel chu hmuh a chak ngei mai, ava melh a, Chuck chuan waiter hnenah “a tha lawm, kan order ang khan min lo tihsak dawn nia” tiin a hrilh a.
Rei vaklo hnuah chuan an thil order zawng zawng chu a rawn thleng a, mi pathum ei atan chuan a tam ngei mai, Lara Jean chuan plate khat chiah a ei hnuin, “Chuck, a landan chuan duh aiin kan lo order tam anih hmel a, kan ei zo seng dawn hauh lo, ka thiante ko ila, min rawn eipui se pawi iti em?” tiin a zawt a.
Lara rilru chhe lutuk leh a laka a thil tih tum zawng zawng chu a hre vek a, mahse pangngai takin “in duh te chuan a tha lawm” a ti leh mai a.
Heng zawng zawng an tih tawh hnu pawha Chuck hmela danglamna leh hlauhthawnna la awm miah lo chuan a thin a tirim zual a, tih mualpho a tum hle a. “Thiante an lo kal dawn si a, eitur hi tlem kan lam belh hlek mai dawn em ni” tiin a zawt leh a
Chuck chuan engmah sawi lovin, a lu alo bu nghauh ringawt a,
Midang rawn kal turte tana eitur lam belh teuh ngai tur hisap ranin an thil order chu an ei lui hram hram a. Reilote hnuah chuan hmeichhe hmeltha deuh pahnih leh an bialpate chu an rawn inzui lut a, Chuck pawh chuan hriain, pakhat zawk chu Moon Cherise a ni a, pakhat leh chu Tia Thomas a ni, an bialpate erawhchu khawilam mi nge tih a hre ngai lo thung.
Lara Jean chuan lo ko vatin, an lama rawn kal turin alo hui a, hmeichhe rawn lutte’n Chuck an hmuh chuan mak an ti hle a, phun ru sep sepin Lara hnenah chuan, “hepa hi Chuck kha a ni lovem ni? khawia pawisa nge a neih a?” an ti a,
An vaia hriat theih turin Lara chuan, “pawisa a chhar hnu khan vanneihna ala dawng tluang rih a nih hi” tih pahin waiter chu a ko nghal a, dollar sang nga man bawr vel eitur chu a order belh leh ta a, an ei man zawng zawng chu dollar sang khat chuang man a ni tawh dawn avangin Lara chu a hlim hle mai a. Chuck hmela lungngaihna leh manganna rawn lang tur chu a hmu chak tawh a ni.
Eitur a rawn thlen hnu chuan hlim leh nuam ti takin an ei hova, Chuck erawh an hre chang tawh lo, an paruk chuan an inkawm char char a, Chuck chuan sawi tur a neih bik loh avangin ngawi rengin a eitur chu a ei mial mial a.
A ei zo tep tih ah chuan, waiter chu a kova, waiter chu hmanhmawh taka rawn pheiin, “ka pu in eiman zawng zawng chu dollar 9302 a ni e” tiin a rawn hrilh a.
Chutihlai chuan, Lara leh a thiante chuan Chuck chu an lo en reng a, ‘he mirethei, thawmhnaw tha pawh hak tur neilo hian engtinnge kan eina man chu a pek dawn tehreng’ tih melhin an lo melh a. Thil lo thleng tur nghak chuan an hlim ru hle mai.
Chuck Cannon in a bag atanga dollar singkhat la chhuakin, dollar sang khat (1000) a rawn pawt chhuak an hmuh chuan mak an ti ngei mai. Dollar singhnih zawk alo chhar anih ngei hi’ Lara chuan a ti rilru a. a bialpa leh midangte pawh chu lawm a hnekin an thik hle mai a, an thin a rim tut tut zawk hial a ni.
Chuck Cannon chuan dollar sangthum (3000) pawt chhuak lehin, waiter chu a pe a, waiter chuan, “ka pu, ala daih hleinem” a ti a, chulaitak chuan, Lara chuan “Ni e, dollar 9302 man alawm” a lo ti vat a.
Chuck chuan Lara hnenah, “engthil nge i tih hi? i pawisa min puk tir a, lawmthu sawi nana eirtur ka treat che u hi ka tih âwm tak a ni, mahse heng i thiante thil ei chungchangah hian tel ve na ka nei lo e, tute nge an nih ka hre hleinem” a ti a.

Chu thu a hriat chuan, Lara chuan, “Eng thu phiangsen nge maw i sawi le, heng ka thiante hi i remtihnaa sawm ka ni lovem ni, ka sawm dawn lai khan nangpawhin pawi i ti lo anih kha, tunah engmah hre lo anga i awm leh si?” tiin thinrim takin a au khum vak mai a. Chuck chu a kawk sawk sawk a. Hotela awm zawng zawng chuan an rawn en ta thup a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:48 pm

CHAPTER 5
A thian Moon Cherise te Tia Thomas leh an bialpa te pawh chuan nuamlo an ti hle mai, helai hmunah hian free meal eitura rawn kal mai chauh an ni si a.
Chutia thinrim taka a au khum chung pawh chuan, Chuck chuan aw pangngai takin a sawi ngai chu sawi lehin, “pawisa min puk tir avang khan lawmthu sawi nan eitur ka treat che u hi ka tih awm tak a ni reng a ni, mahse hmelhriat loh eitur treat ringawt nachhan tur ka hre lo” a ti a.
Conrad Lee chu rawn ding chhuakin, Chuck chu a melh khui khui a, “nang hian kan lakah phakar chhuah i tum a ni maw?” a ti khur khur a, kut tum a hum ruh a, i pawisa pek bang zawng hi min pek tir i tum ani maw? a ti bung hmuk a.
Aw pangngai takin Chuck chuan, “ka tihpalh, ka hre ngailo a che” ati mai a. Tun hma kha chu nise, Chuck hian chutiang tawngkam chu midang hmaah a hmang ngam hauh lo ang, mahse tunah chuan a hausa tawh a, Hlauhna chhan tur a nei tawh tlat lo.
A thiante pawh chu an thinrim tawh hle mai a, “nang mi rethei, kan ei man pawh i pe kim thei lo maw, mi hausa anga lan tum tawh suh, mi rethei, thawmhnaw tha hak tur pawh i neih loh kha” tiin Moon Cherise pawh chuan a rawn kawk sawk sawk a.
Tia pawh chu a insum thei lo, thiante eiman pawh pe duhlo, zak rawh, zak hle rawh” a lo ti bawrh bawrh a.
Lara chuan, thinrim tak leh thupe aw tak mai hian, “ i duh emaw duh lo emaw kan ei man zawng zawng hi i pe tur a ni” tiin a kawk siah siah a.
Chuck chuan, “chutiang zawnga kan ti dawn anih chuan, nangpawhin helaia awm zawng zawngte, kan hmelhriat ni miahlo te ei man hi i pe vek thung ang” a ti a.
Hotela awm zawng zawngte chuan a dawhtheih zia leh cool zia an hmuh chuan mak an ti hle a.
Lara chuan, “engvang ngawtin nge heng mite eiman hi ka pek sak anga, ka hmelhriatte an ni hleinem” a ti vin tuar a.
“Keipawhin chutiang chiah chuan i thiante ei man hi ka pek nachhan tur a awm lo, ka hriat zawng an ni hleinem” tiin kal sawn tumin thutna atang chuan a thova.
“Mi rethei tlaktlai lo pa” tiin anchhia a lawh bawrh bawrh a,
A nu in pocket money tur atan ringawt pawh million 5 a rawn pek thu hi hria se, chu tawngkam chu a la hmang tho angem?
Chuck chuan, Lara chu melhin, “Mi rethei tlaktlai lo pa a?” tiin a chhang let a, bowl pakhat a hrut tla palh hlauh mai a, bowl tla chu a keh darh vek bawk nen, waiter chuan polite takin, “ka pu, i tha maw” a rawn ti nghal vat a.
“Ka tha e, bowl ka ti keh avangin min ngaidam dawn nia, heihi bowl ka tih kehna senso ni rawh se” tih pah chuan pawisa ala ken lai zawng dollar 6000 chu waiter kutah chuan a pe a,
Waiter mak ti lutuk chuan, “ka pu hei chu” a ti hman chauh va, Chuck chuan, “a pawi love” a lo ti nghal a.
Chulai hmuna awm ve zawng zawngte chuan mak an ti a, an meng phawk nasa hle. “bowl dollar 6000 man” an ti ka hau hlawm a.
Conrad Lee pawh a rawn meng phawk chiang ngei mai, “bowl pakhat tichhiat vangin awlsam takin dollar 6000 a pe maw? bowl kha chu dollar 3 man vel chauh a ni si a” a ti rilru a.
Tia leh Moon te pawh chuan mak an ti lutuk chu chet nachang pawh an hre lo, ngawi rengin an lo thlir a, chutiang zat pawisa chu thlahnih chhunga pawisa an hmanral zat vel lai a ni si. Chupawh bowl mai mai tih keh vangin awlsam takin a pe mai bawk si.


CHAPTER 6

Chuck chuan elevator lam a pan a, Lara chuan tawngkam bawlhhlawh tak takin a hnunglam tang chuan a an khum a. Chutia Chuck a chhuah tak siah chuan, “engtinnge ni dawn, pawisa kan nei bawk si lo” tiin mangan hmel takin Tia chuan Lara lam chu a hawi a, Moon cherise te thiandun pawh chuan “keini pawh pawisa kan nei miah lo” an lo ti ve nghal zat a.
Lara chuan ha thrial rap rap chungin a bag atang chuan credit card a phawrh a, waiter hnenah chuan “card hmang hian ka lo pe ang” a ti ram hmak a, Tia leh Moon te chu an thaw huai a.
Dollar sing hnih dawn a hmang ral tawh a, engtia rei nge hetianga a nun theih kan en dawn a lawm’ tih pahin a tin chu a seh nawk nawk a, thinrimna hlirin a khat a, a hmai chu thisen ang maiin a sen vek tawh a ni.
Conrad Lee chuan, “khatiang mihring kha nuamin an dam reng lovang, a pawisa neih a zo tep tawh, i hmaah bawkkhupin pawisa puk a rawn dil leh che anih pawhin naia them pawh puk tir tawp suh ang che’ alo ti ve bawk a.
“teuh lo lutuk, ka nu tiin min ko lawm lawm mahse ka pe hauh lovang” tiin a insawh tau nghawng nghawng a
“Lara thinrim tawh suh, khatiang mihring lak tlak loh lutuk lakah khan i rilru tihah duh suh, kan ei man pawh pe tlak duh lovin, bowl pakhat keh vang mai maiin dollar 6000 a pe a nia, ka mihring huat zawng tak a ni” Moon pawh chuan alo ti ve bawk a.
“Dollar 6000 lai ka seng a, ka pa chuan min hau nasa dawn lutuk, engti nge ka tih tak ang” tiin mangang takin a bialpa Conrad Lee lam chu a hawi a, “hepa hi zirtirna ka la pe dawn chiang khawp mai” tih pahin elevator pana lut mek Chuck lam chu a en a.
Chuck chu a rilru a nuam lo ru hle mai, a chhan chu chu Hotel ah chuan Yvette a awm ve vang a ni. Kum 10 chuang zet khum khatah an lo mu dun tawh thin a, chumai bakah a pu thih hnu phei chuan Yvette pawisa thawhchhuah ring hian alo nung ve reng tawh thin a, ti duhdah viau thin mahse a ruk tak chuan Yvette lakah hian feeling engemaw chu ala nei tlat a ni. Yvette in a hmuh hmasak hma ngeiin Yvette awmna room chu hriatchhuah a duh hle a, amaherawhchu, chutiang Hotel lian leh ropuiah chuan a awmna hriat ngawt chu thil theih a ni lo.
Room a lut dawn chiah tih ah chuan pindan pakhat atanga Yvette rawn tlan chhuak chu a hmu a, a hmai chu a sen hle mai a, a bula mipa palian tak pahnihte chuan innuih chung hian room lamah chuan an hruai lut leh a,
“Ni lo, ka haw tawh dawn, ka rui tawk tawh viau e” tih pahin a theih ang angin a kut chuan a hnute bawr tha lah chu a thup hram hram a, luak tur ang hian a uak tuar tuar pah bawk a.
Chu veleh Chuck chu a sirah chuan a biru vat a, chung mi te chuan “lungngai suh, i ruih tawh viau te chuan room ah hian lut ila i awm hahdam anga, duat takin kan enkawl ang che” tih pahin an innuih a.
Thei leh thei lovin, Yvette chuan, “ka haw dawn, business chungchanga inbe turin ka lo kal a, zu in min hrai rui anih hi... min tanpui ru” tiin a au a, theihtawpa insanmar han tum sa teh mahse zu hnathawh chuan a fan hneh em avangin a che hlei theilo a ni ber.
“Tunah business dang kan ti hmasa phawt dawn alawm, chutiang anih loh te chuan engtin nge kan business tur chu kan sawiho theih ang” tiin an innuih vel a. Room ah chuan an nawr lut nawk nawk a.
Chuck chu a thil hmuh leh hriatte chuan a ti thinrim khawp mai, a nupui ala ni ve miau a, en liam mai harsa a ti a ni. A kut tum chu hum ruhin, an awmna room lamah chuan a tlan phei a, ring taka auvin, “tawp nghal hmak rawh u” tiin mipa pahnih chu a va kawk a.
Mipa pahnih chuan chuck chu an en a, tleirawl te in chutianga a rawn khap ngam chu an thin a rim viau mai, “nang kha helai hmun atang hian chhuak nghal rawh, i inrawlh lohna turah i inrawlh a ni, chutilo chu nangmah khawih turin midang kan ko ang” tiin an vau let a, Chuck chuan a mobile phone la chhuak nghalin, “police ka phone e” a ti a, chung mi pahnih te chuan an ha chang an thial rap rap a, i hmel hi kan chhinchhiah a, nidangah kan inhmu leh dawn nia” tiin room chu an chhuahsan a.
Chhuata zawi taka mu mek Yvette chu a en reng a, room lamah a pu phei a, mi pahnihte kha an lo let leh takin tiin room kawngkhar chu a lock a, chair hmangin a do bawk a.
“Zawnga min khawih miah suh” tiin theihtawp chhuahin Yvette chu a tal a, khuma mut tir a tum chu a tlu tel ve a, tum loh deuhvin Yvette awm bawrah tak chuan a zu bawh a, a kut chuan a zu nem a, rilru inthiam lo em em chuan rang takin a tho leh nghal a.
Yvette chu a muhil zui nghal a, theih ang angin a taksa lang lai te chu a khuh that sak a, a en deuh reng a, “Yvette chu hmeichhe hmeltha leh nalh tak a ni tih a hai lo.
Kum 10 dawn lai liam taa nghet taka kuah vawng vawng thintu khan tunah chuan deh tak ngial pawh a duh tawh si lo. Chutia a en reng hnu chuan chhuahsan tumin a inher a, kal a tum lai tak chuan Yvette chuan, “chuck” tiin a rawn au tuar a. A ding chat a, a hawi let a, mahse Yvette mangchhia a ni ngei ang.


CHAPTER 7
Chuck chuan Yvette phone chu la chhuakin, ‘we chat account ah chuan a in add a”, nie Chuck hi tun hma kha chuan tu ma duh loh kha a ni thin a, we chat a siam atangin tumah thian ala nei lova, Yvette tak ngial pawh hian a hriatpui lo a ni.
Yvette chungah hian harsatna thil engngemaw tak chu a thleng a ni, chutiang nilo sela chu, helai hmun thleng thlenga zu rawn in tur hian a rawn kal hauh lovang. Chutianga harsatna a nei a, pawisa a tlachham a nih chuan, Chuck hian a mamawh zat a account a transfer chu a hreh reng reng lo a ni.
Chutia We Chat hmanga a in accept hnu chuan a kalsawn ta a. Shower ah inbualfaiin, Real Estate lama a In thar lei document chingfel turin a chhuak ta a.
“Ka lu a va na ve”
Thil thleng ngaihtuah let a tum a, mi tuemaw chu ring takin a rawn au tih a la hre thei,
“umm, tu emaw ni chuan min chhan chiang a ni”, chutiang ni ta se, tunge niang? tiin a ngaihtuah a, a hrethiam lo hle.
Yvette chu a khuma thu in thawmhnaw a inbel tha a, a thaw deuh halh halh a, a company chu midang kuta hlan mai thain a hria a, nizan thilthleng ang kha a chunga thleng nawn atan a duh tawh lo a ni.
We chat message tone a lo ri a, a en chuan, a hriat ngai pawh nilo, Baller tih hming pu chuan message a rawn thawn chu niin.
Baller i ni tak tak em? tiin a reply vat a
“I harh tawh em”? a rawn ti leh a
Message chu a en a, mak a ti hle a, he pa hi a ni ngei ang, nizan thil thlen laia min chhantu kha, tichuan we chat account ah min add anih dawn hi a ti rilru a.
“Hey, nizana min chhantu kha i ni em?” tiin a zawt tawp a.
Mesage tone alo ri a, “Chutiang deuh chu a ni e”
Yvette chuan, “ka lawm takzet a ni, ka hria che em”
“hre lo” tih chiahin a rawn chhang a.
“Anih chuan engtin nge lawmthu ka hrilh ang che, nizan khan awm lo la chuan” tiin tap lai emoji pathum a dah a.
“Lawmthu sawi angai love, mahse hotelah mipa dang nen awm tawh suh, hmeichhe tan a hlauhawm” tiin a rawn reply a
“Ka company ah thil dik lo a thleng a, chu vang chu alawm le” tiin a chhang leh a
Minute 20 dawn lai chu a reh a, Yvette chuan, nghakhlel takin phone chu a bih leh thin a, hmeichhe easy takah min ngai anga, min be duhtawk tawh ani ange tihte a ngaihtuah hman rum rum a, chutipawhnise, a thinlung takin a lawm thova, chupa chu hmuh theih nise a duh e em bawk a. Phone chu khumah a dah a, chumi hnu deuh lawk chuan message chu a rawn thleng leh a, a hawng nghal vat a,
Baller chuan dollar nuaikhat a account ah a rawn transfer chu niin.
Mak a ti lutuk chu a hamhaih vek a, hmanhmawh taka message in, “hey Baller, eng thil nge i tih hi?” tiin ava thawn a.
Rei vaklo hnuah, “i company in harsatna a tawk a ni lawm ni, chuvang chuan ka rawn transfer a ni. Tun atang chuan hotel ah mipa zu i inpui a ngai tawh lovang” a rawn ti a.
Message chu a chhiar sual nge ni tiin a chhiar nawn leh thin a, “nizanah min chhanchhuak tawh a, lawmthu ka sawi hmain pawisa tam tham tak min rawn pe leh a, engtin nge ka lak theih ang? a ti a.
Minute 10 chhung chu chhanna a dawng lova, Yvette chuan rei a ti in, a nghakhlel ru hle a, tichuan message tone a rawn ri a, rang takin a en nghal a, Baller chuan dollar nuai khat a rawn transfer nawn leh a ni.
Yvette chuan mak a ti hle mai a, “he pa hi baller a ni tak tak em? ni ta se khawilai ah nge engtiklaia a hmelhriat nge ni ta ang?
A profile atang chuan a thlalak en a tum a, mahse engmah a dah bawk si lo. Hepa hi tunge ni?
“engpawhnise ka lawm lutuk e, mahse ka harsatna chu keimahin ka solve dawn alawm” tia a type zawh hnu chuan rei fe a ngaihtuah a, tichuan a thawn ta a.
A hmelhriat pawh ni lovin, reilo te chhungin dollar nuaihnih a rawn pe a, chu chu lo laksak ngawt a thei lo a, lo pawm ngawt a duh bik lo a ni.
“Awle, Engpawhnise, harsatna i tawk anih chuan min lo hrilh thin ang che” a rawn ti a, “ka lawm e” ti chiahin a chhanglet a, phone a dah hnu chuan mak tiin a ngaihtuah nasa hle mai a, hepa hi tunge ni ang? rinhlelhna hlirin a khat a ni.
Rei fe a inngaihtuah hnu chuan, a In hralh a, chenna in te deuh zawk lei a, pawisa la bang atang chuan a company chu tundin leh hram a tum a ni. A bungrua zawng zawng la chhuaka Real Estate Agency hnena hralh a tum ta a.
Chuck chu Real Estate Agency lamah chuan a va tei lut a, hnathawktu ten an lo hmuh rual rualin thutna an lo kawhhmuh nghal vat a, thingpui in tur an rawn pe nghal a, theihtawpin an lo ngaihsak a, Amah vang hian tun thla chhungin pawisa tam tham tak an dawn phah a, an tan chuan a hlu em em a ni.
“Sir, hotel owner a rawn kal nghal dawn e, reilo te lo nghak lawk rawh” an ti a,
holiday a ni dawn tawh a, zing lamah class a nei lo bawk nen, hmanhmawhna chhan em em tur a nei lova, muang changin thingpui in paha phone a khawih nuap nuap lai chuan kawngka bula Yvette rawn ding chu a hmu thut mai le.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:49 pm

CHAPTER 8

An inkawmna WeChat hmang chuan a awmna a track theih dawn avangin a hlauthawng hle mai, amah leh amah chu inthununin, “hlauthawng suh, engmah a thleng lovang” tiin a inhrilh mawlh mawlh a.
Mahse, helaiah hian enge a rawn tih dawn, a In chu hralh a tum tak tak em ni?” washroom lama luh phei vat chu thain a hria a, fimkhur takin pawnlam chu a en a, Yvette chu thawmhnaw nalh tak nen a car bulah chuan a ding a, employee te chuan zah takin anlo welcome a, paper ah chuan engeng emaw a sign fel hnuin car chuan a inkhalh chhuak leh ta a.
Chutia a tlanliam hnu chuan, Chuck chu pawnlamah va chhuak ve in, “kha nula hmeltha deuh khan enge a rawn tih” tiin a zawt a, employee te chuan, in hralh a tum thuin an lo chhang a.
Chuck chu sawi tur hre lovin a ding ngawi reng a, ‘In chu hralh a tum tak tak a ni maw, a company chuan harsatna ava tawk nasa awm ve, hengte hi engatinge a hming tal pawhin min hrilh hriat ve loh’ tiin amah leh mah chu a inzawt rilru a.
A in lei chingfel turin salesman nen chuan an chhuak ta a, a In lei awmna lam an pan lai chuan “tunge nichin a hmeichhe rawn kal kha” tiin chik zawkin a zawt leh a, salesman chuan, “keimahni kaltlangin in hralh a duh a, room pathum a awm a, square meter 130 a lian a ni a, market price ah chuan dollar 1.2 million man vel a ni, amaherawhchu, tumkhata pe tlak vek thei an awm chuan dollar singnga vela discount theih ani” tiin a sawi a.
“dollar 1.2 milion chuan a leisak theih tihna ni maw?” tiin a thusawi leh tur chu alo pawt chat a.
Salesman chu mak tiin a meng phawk deuh hra a, “ka pu, lei belh i duh tihna mi?” tiinn a zawt deuh ha a.
Chuck chuan, phone lekchhuak pahin, “lo nghak lawk rawh” tiin a nu chu a phone a, a nu chuan rang taka lo la in, “hello Chuky,” a rawn ti a, thildang pawh sawi kual lovin, “ka nu pawisa ka mamawh a” a ti a,
A nu chuan, Chucky, ka fapa, i mamawh te chuan ten million ka rawn transfer nghal dawn nia” tiin a lo chhang nghal vat a.
Chuck chuan, “i pawisa min thawn khan awmna tur In ka lei ve a” a ti tran dek dek a, a nu chuan, “a chhan min hrilh angai hlei nem, ka fapa in pawisa i mamawh anih chuan, i mamawhnaah i hmang mai tur a lawm, i nu ka nih hi hre reng ta che tunah ka rawn thawn nghal ang che,” a ti a.

A hriattheih chin atangin tuma duh loh leh hmangaihna dawng tha lo ani a, chutia a nu in amah hrethiam taka arawn ti chu a thinlung a hlimin, a lawm veng veng a, pawisa a pek thin aimahin hmangaihna leh duhsakna a dawng chu a lawm hle a ni. “ka nu ka lawm e” tiin phone chu an titawp a, minute 10 bawr vel hnuah message dawngin, a han en vat a, a rin ang ngeiin a nu chuan a account ah million transfer a rawn transfer a ni.
Thâwk a han la vang vang a, employee hnenah chuan nichina in hralh duh nu kha bia a, mi pakhatin a lei duh thu hrilh turin a ti a.

Yvette chuan a phone rawn ri chu chhangin, Real Estate Agency lam atangin an rawn call chu niin, mak ti tak mai hian, engtinmaw, ka in chu tunah lei duh an awm nghal maw, a man zawng zawng pe tlak in maw” tiin a meng phawk hle a. Real Estate Agency te nena an inbiak zawh hnu chuan a ngaihtuah let a, mak a ti em em a, zing lamah In a hralh duh thu an chhuah chauh kha a ni si a.
Yvette chuan, salesman hnenah chuan a tuka real estate agency lama inhmu turin leh chutah chuan In lei tumtu pawh chu rawn kal ve turin a hrilh a.
Salesman chuan, Yvette thusawi ang chuan engkim tluang taka tih a tum a.
An inbiak zawh hnu chuan, Chuck chuan, salesman chu en in, hmeichhe chhan dan chu a zawt vat a.
Salesman chuan, nuisang hian chuck chu a en a, “thil lawmawm tak a ni” tiin a chhang a, thawmhnaw changkang pawh inbel lo, nundan normal taka nung ve maiin ni hnih chhungin In pahnih a lei a chu pawh, full payment ve ve in a lei a, salesman tan chuan biak chhiat phal chi ani lo reng a ni.
“A that chu, naktukah pawh nangman engkim min tihfel sak nghal dawn nia” tiin salesman chu a hrilh a. Yvette in lei saktu chu amah Chuck ani tih hriattir a duh lo a ni.
“Keimah maw, ka pu, thil tul zawng zawng chu ka buaipui thei a, mahse a tawpa pawisa inhlan fel chungchangah chuan nangman i tih angai alawm” tiin alo chhang a. Mak a ti rilru hle a, agency ah hian kum tam tak alo thawk ve tawh a, hetiang request hi ala dawng ngai lova, an kalphung pawh a ni lo reng a ni.
“Khawngaihin, min tihfel sak dawn nia, pawisa pawh naktuk ah i kutah ka rawn dah ang a, i hmingin In hi i lei phawt anga, a hnuah ka hmingin kan thlak leh mai dawn nia” ala ti ta deuh deuh va.
Sawi tur hre lovin a ngawi deuh reng a, Chuck an a rin ngam zia a hmuh chuan a lawm bawk si a, “awle ka pu, naktuk zingah ka rawn be tha leh dawn che nia” tiin a chhang ta a.
Chuck chuan dollar nuai khat chu deposit nghalin a chhuahsan ta a. A chhuahsan hnu chuan ngaisang leh zah takin a en zui vawng vawng a. student mai ala ni lovem ni? ngatinge thawmhnaw changkang leh inlak changkan tumna engmah a neih ve miah loh? mi hausa fa te zingah hetiang anga nundan pangngai taka nung hi ka la hmu ngai reng reng lo” a ti rilru a,
Chuck chuan Taxi rawn kal chu nghakin, a rilru chuan nuam lo tihna deuh a nei a, Yvette hian a hrechhuak anga, lawm a hnekin ka lakah a thinrim nasa zual sauh angem”? tihte a ngaihtuah a.

Taxi chuan furniture dawr awmna lam chu an pan a, a in lei hmasak zawk chu engkim tihfel tawh a ni a, in neitupa khan furniture zawng zawng a chhuahpui vek avanga furniture lei tura kal an ni reng a ni. Mahse, a in lei thar chu siam that emaw thawm that emaw engmah a ngai lova, in thar tha tak, nuam tak a ni sa a.
Taxi ringawta tei kual fo chu a buaithlakna chin a awm tih a hria a, driving license alo nei ve tawh sa bawk nen, pawisa lamah lungkham tur a nei lo bawk nen, furniture mamawh ang a lei zawh hnu chuan car zawrhna lam pan chuan a kal leh ta a, mawi a tih leh a lo it ve ngawih ngawihi thin BMW lei tum chuan 4S Automobile Store ah chuan a lut a, amaherawhchu, thawmhnaw changkang leh man to a inbel lem loh avang chuan chulai hmuna hnathawkte chuan motor rawn enkual satliah ah an lo ngai a, an lo ngaihsak lem lova, thawmhnaw changkang tak tak inbel se, a landan atangin Yvette chuan rinhlelhna a neih phah dawn mai bakah amah pawhin tul a ti lem lo a ni.
A han enkual thuak thuak a, a mit la deuhtu BMW top series chu saleswoman hnenah chuan engzat man nge, eng car nge ni” tiin mawlmang takin a zawt ava zawt a, saleswoman chuan, phur lo tih hriat deuh hian a melh a, engtin maha chhang ta lo chuan a kalsawn san ta daih a. Chutianga car manto lei tur chuan thutlukna fumfe tak neih sa a ngai a, enge anih a hrechiang viau tur a ni reng a ni.
Chuck chuan han belh chian a, a chhung awmdan vel en tumin car kawngkhar chu hawn a tum a, mahse a in lock tlat avangin pawnlam bak chu a en thei ta chuang lo a ni.
Chutia a thlek kual lai vel chu manager chuan lo hmuin, Intern ti lai mek “Charlotte Yates chu kovin, “saw laia car enkualtu saw va buaipui ta che, amah saw chuan leina tur pawisa a nei kher lo pawh ani thei, nakin zelah, midang helai hmuna rawn kalte ilo buaipui thiam theih nan inzirna tha tak a nih dawn saw, customer te car lei tir thei khawpa theihna i neih a ngai ania” tiin a tir phei a.
Manager chuan, Charlotte Yates chu au zuiin, “motor kha khawih tir suh ang che, a ti hmelhem anih chuan atan a buaithlak ang” tiin a hrilh a.
Charlotte Yates chuan “ka pu ka hria e” tih pah chuan Chuck lam chu a pan a, nui sang hian, “ka pu he car hi i duhzawng a ni em” tiin ava bia a.
Thaw lak hawlh pah chuan, “tehreng mai, hei hi eng series nge a nih min hrilh thei em” tiin a lo chhang let a.
“Hei hi version sang ber niin BMW seven series a ni a, luxurious version a nih hi, tiin a thatzia te sawi a tum mek lai chuan “engzat man nge” tiin Chuck chuan alo pawtchat nghal a.
Charlotte chu reilote chhung a ngawi tawp a, a hnuah chuan thawk rawn la in, “hei hi BMW ah pawh top class a ni a, dollar 2,48,000 man a ni” a ti a.
Chuck chuan, “anih chuan ka la ange, zawrh lai in la nei em” tiin a zawt nghal a, chu tawngkam a hriat chuan Charlotte chuan mak a ti hle a, “ka pu i fiamthu em ni” tiin a zawt let nghal vat a.
Chuck chuan “rilru ka siam tawh alawm, zawrh lai in la nei em” tiin a zawt nawn leh a.
Mak ti bawk si, lawm bawk si chu, ring deuh hian, “i ti tak tak maw” a ti a, chu chu midangte chuan lo hriain an rawn hawi nghal thup a, mi tam zawk rin dan chuan, a khawih hmelhem emaw anih an ring a, manager chu lungawi loh hmel fahran hian a rawn phei a, “motor saw khawih tir lo turin ka hrilh ani lawm ni, titha turin pawisa a nei lovang ka tih kha maw le” tiin a rawn phun deuh nuah nuah a,
An awmna hmun a rawn thlen chuan, “enge diklo awm a” tiin Charlotte chu a zawt a, manager chu a in control hram hram a ni. “ka pu hepa hian car hi lei a duh a” tiin alo hrilh vat a.
A beisei loh deuh tawngkam a hre zui bawk nen, ner nung chung hian Chuck chu a lu atanga ke ler thlengin uluk takin an en tha leh a, ka thu hriat hi a dik em? BMW i lei anga maw, chupawh class sang ber leh nghal, ka rin dan chuan Bycicle lei la a that zawk ka ring” tiin Chuck chu a hrilh a.
Salesman dang ho pawh chu an lo ner nung hlawm a, Chuck ang midang tam tak hi an lo tawng tawh thin a, a man an hrilh hnuin an chhuak leh vang vang thin. Chutiang chuan, a chhuanlam tur an lo ngaihtuah vel mek a.
Chhuak ta mai lova a din tlat avang chuan, Manager chuan, “ka pu, i ti tak tak em” tiin a zawt leh ta a.
Ngawi rengin card chu phawrh chhuakin Charlotte hnenah “zawrh lai inla nei em” tih pahin a pe a. Charlotte chu alo bu nghauh a. “Anih chuan card kha va swipe la, he BMW hi ka lo lei ange” tiin counter lama kal tur chuan a ti a.
Charlotte chu a hamhaih ang reng hle a, saleswoman ni tura a intern ni hmasa berah chutiang ang chu a tawng a ni si a, dawt nge thutak a hre hrang lo a ni. manager lam chu hawiin, “engtin nge ka tih dawn” a ti ta ringawt a,
Manager chuan, “a sawi ang khan va tih sak phawt mai ta che, a lei thei tak takte anih chuan discount dollar singthum a awm kha, dollar nuai nuai 24 leh singnga in a la thei ang” tih pah chuan a ner khum sak a.
Kum tam tak Car lam sumdawnnaah a lo thawk ve tawh thin a, BMW ngat lei tumtute zingah amah anga thawmhnaw man tlawm inbel an la awm ngai lova, a bawl kual vel ni turah a ngai tlat a ni.
Counter lamah Charlotte chuan Card chu a han swipe a, chutianga a process lai vel chuan midang hnathawktute pawh chuan tham lo deuh deuhvin an lo tawngkhum a, “he pa hian truth or dare’ a rawn ti nih hi, a card pawh hi a nun ka ring nek love” te an lo ti hlawm a. second 30 dawn lai a buaipui hnu pawhin an manager hnenah engmah a rawn la hrilh si loh avang chuan, thinrim takin manager chuan, “card kha pe la, chhuah tir nghal vat ru” a ti vin tuar a.
Chuveleh, Charlotte chuan, “ka pu, nilo, motor man chu tikhan a pe tlak vek e” a rawn ti ta mai.

CHAPTER 9


“engtin maw” mak ti takin Charlotte lam hawiin ava ti a. Midang awm ve ho pawh chuan mak an ti a, an inhrilh ru sur sur hlawm a,
“I ti tak tak maw, car bill chu a pe tak tak maw” tiin an manager chuan a zawt nawn leh a, kum tam tak lo thawk tawh a ni a, car lei thei tur hi chu a hre hrang em em thin kha a ni a, tun tum zet chu a hriatsual chiang ngei mai.
Charlote chuan “Aw, ka pu, tak tak a ni e, Bill a pe tlak vek e” tiin a chhang a, thil ni theia an ngaih loh kha a takin a thleng si, manager chuan mak a ti em em a, a rilru te te chuan, “ka che fuh lo hle mai, hepa hi mi hausa tak alo nih hi, hria ila chuan khatiang khan ka be lo tur, a chet ze tlawm tak leh incheina hian min bum chiang hle mai, a ti a.
Amah khan dawr sela chuan, an hralhna atangin share a neih tam belh tur a ni a, mahse khua a tlai zo tawh si. Chuck lam chu hawi letin, nuih sang chungin, polite tak hian “ka pu, i hming ka hre thei angem” tiin a zawt a.
Chuck chuan aw pangngai takin “Cannon ka ni a” tiin a lo chhang a. “khawngaihin number plate leh insurance min lo buaipui sak nghal thei angem, hun remchangah car hi chu ka rawn la chhuak mai dawn nia” tiin Charlotte chu ava melh a.
A sawi ang apiang tihsak inhuam tih hriat takin Charlotte chu alo bu nghauh nghauh a. Chutihlai chuan manager chuan “kan customer pawimawh tak tur anih hi, tha takin ilo dawngsawng zel dawn nia” ti ni awm tak hian Charlotte chu ava siai zeuh va.
Car man a pek zawh hnuin thil tih fel ngai ang angte tifel turin Charlotte chuan Chuck chu a hruai a, tichuan engkim peihfel a nih hnu chuan a tuk tuk leha number plate vuah turin 4S Automobile Store atang chuan muangchangin a inkhalh chhuak ta a. A chhuah hma chuan Charlotte chu nakinah a car thar chungchangah mamawhna ala neih takin tiin Wechat account ah a add nghal a.
Mumang ram pawha a man phak loh car man to uchuak leh changkang lutuk chu a khalh mek a ni si a, khawlaiah chak takin tlan mahse mi hausa tak chauhvin an neih theih car manto a khalh miau avangin hlauhawm a awm lem lo. Mahse, a rilrua hlimna nasa tak chu kawm pahin muangchangin a tlan zel zel a. A hnunga motor te chuan hmanhmawh tir turin Horn an pe ngam hek lo.
Furniture dawr pan a tum leh mek lai chuan Yvette chuan rawn call in, a car leh phone chu in connect vek anih vangin han pick na lai tur a hmu zo mai lova, rei fe hnuah chuan a zu hmu ta a, chutia a lak rual rual chuan, aw ki sang zet hian Yvette chuan, “phone call iva chhang har ve” a rawn ti zung zung a, chuck chuan ‘ka buai deuhva tih chiahin a lo chhang mai a.
“In ah rawn haw la, a rang thei ang berin i bungrua hi la chhuak ang che” a rawn tih chuan, Chuck chu a lo nui suk a, Yvette chuan thupe aw zet hian, “i beng ngawng a mi, ka sawi chu i hria maw” a rawn ti leh a.
Chuck chuan, engvanga ka thawmhnaw chu pack tura min duh nge i nih”? tiin a zawt a, Yvette chuan, ka in hi ka hralh a, i thawmhnaw bal chhe tak tak hi tifel turin min beisei tihna em ni”? a ti let a. Chuck chuan, aw dam tak hian, “awle, ka rawn la dawn nia” a ti a.

Anihna takah chuan a thawmhnaw chu pack lo pawh nise, ama in thar tur a ni a, a pawina engmah a awm lo, mahse Yvette khan a hre miau silova, ti tura a beisei anga thiltih hmasak chu tha zawkin a hria a, a hrilh angin Yvette In lam ah chuan a inkhalh phei ta a. Muang changa a tlan mek lai chuan Wechat message a dawng a, “Baller, i buai em? chhun chaw ei dun ila, lawmthu sawina hun pawh ka la nei silova” tiin Yvette message chu alo ni a.
“Hun i nei em ni” ti chauhvin a chhang let a.
“Mi laktlak loh lutuk ka nghak lawk a, a thawmhnaw vel rawn la fel turin ka hrilh a, chumi zawhah chuan ka hman nghal a ni mai” tiin message chu a dawng leh a.
Message a chhiar zawh chuan Chuck chu a ner sak a, mi lak tlak loh lutuk a tih hi dinner eipuia a sawm mek hi ani tih hria se, engtin nge Yvette chu a awm ang le?
“Kan hman rih lo” ti chauhvin a chhang let a, a hma zan lawka chhanchhuaktu baller kha amah ani tih hriattir a duh rih lo a ni.
“Ah, a pawi hlei nem, engtikah nge hun i neih theih ang” tiin a rawn thawn leh a.
Chuck chuan, “pawi ka tih hle mai, tun hnaiah chuan hunawl ka nei rih vak lo” tiin a reply a.
“Okay, a tha lawm, i hman hunah kan inbe tha leh dawn nia” tiin Yvette chuan a rawn thawn leh a
Yvette chu sofa a thu awn pah chuan baller profile chu a en thin a, mahse thlalak engmah hmuh tur a awm si lova, a lungawi lo lek lek a ni. Hmeichhe nikhua lo leh fllirt mai mai thin ah min ngai anga, min kawm duh tak tak lo pawh ani thei” tite in a inngaihtuah a. Beidawn hmel tak chuan a thaw leh hawlh thin a.
Hotela chhanchhuaktu leh a account a dollar nuai hnih lai rawn pe tu chu hriat a chak em em a, tlangval hmeltha tak a ni angem le? tih te a ngaihtuah pah mai mai a.
Thawmhnaw zawng zawng leng thei tur bag lian tak lei turin kawngpui lamah chuan a chhuk a, chutih lai mek chuan Chuck chuan car chu a lo park fel a, in lam pana rawn chhoh a tum mek a, Yvette chu rawn thleng thlain, vin zet hian, “vawi engzat nge ka hrilh dawn che, khatiang car man to tak bul ah khan awm awm suh, i tih hmelhemsak vaih chuan i tan a pawi viau ang, pawisa chawi tur i nei bawk si lo” a rawn ti a”
Chuck chu za vak lo hian a nui mai a, engmah sawi zui lovin in chhungah chuan a lut a, Yvette chuan bag lian deuh chu pek pahin, i bawlhhlawh zawng zawng hi khung khawm vek la, la chhuak nghal ang che” a ti deuh hmak a.
A hmaa a chhuahsan khan a thawmhnaw chu a keng chhuak vek tawh kha a ni a, tuna la awm ho hi chu thiltha lak tlak em em a ni tawh hlawm lova, mahse Yvette sawi ang chuan a khungkhawm vek a, darkar khat dawn a pack hnu chuan in hnuai lamah chuan a pu thla ta a.
Yvette chuan, pawna zui chhuah pahin “thil chhia i va ngah ve, i inpu thleng zo lovang, khawilaiah nge i awm, ka va dah lawk ang che” a ti a.
Chuck chuan rang takin, “angai love keimahin” a ti hman chauhva. Yvette chuan “pawisa i nei a mi, taxi lakna tur i nei a mi” alo ti zawm zat a.
Pawn lama chawei chhuah a rilruk a, chumi pah chuan reilo te chhung in luah tur melh kual pah a tum deuh va, vanneih thlak takin In a zawrh ni ah a hralh nghal thei a,mahse in te zawk lei leh nghal tur chuan a vanneihna pawhin a tlin bik lo ange.
Pawna an awm mek lai chuan, mi pakhat hian pawr zet hian, “heihi tu car nge, tupawhnise, eng anga car changkang pawh nise, dah sawn vat rawh se, mite car park na thin a ni tih a hre lovem ni” a lo ti lung lung a.
Chu aw a hriat chuan, Chuck chu a inthiamlo ru hle mai a, car a park lai khan ngaihtuah chiang lem lovin hmun awl remchang laiah a dah ve tawp kha a ni si a. Hetiang anih chuan parking area lei ka ngai dawn anih hi” a ti rilru neuh neuh va.
Chupa chuan, a phone chu lekchhuakin car neitu chu call a tum mek a, mahse vanneihthlak takin car ah chuan phone number alo la bel lo hlauh va, chutiang titurin hun a la nei lo bawk nen, Chuti nilo sela chuan, Yvette nen an awm dun lai ngeiin a rawn call dawn si a, boruak tha lo tak a thleng thei a ni.
Chupa chuan car chu a hel kual nawn leh a, number engmah ala awm lo bawk nen, a thinrim tihngaihna hre lo chuan, car chu a pet deuh trawk a, Chuck chu a sa deuh zak a, a kut chu hum ruhin zu hnek mai a duh a, chutianga a zu tih chuan boruak tha lo zawk a thleng dawn bawk si a. A insum hram hram a ni.
“Eng anga hausa pawh nise, eng anga car man to pawhnise, call na tur number dah nachang hre lo, number plate tak ngial pawh nei lo lehnghal, ka let leh huna alo la awm chuan ka vaw chhe khawp ang” tiin thinrim takin a tawng lung lung a, A landan chuan a neitupain a hriat theih beiseia sawi a ni. Motor ah lutin a inkhalh chhuak zui ta a.
Chuck chu a rukin a thaw huai a, car kha suasam se a inrawlh ngei a ngai dawn si a, Yvette “i rawn kal lai khan he car neitupa hi i hmu lovemni”? tiin a lo zawt a.
Chuck chuan, lu thing pahin, “hmu lo” tih chiahin a chhang a
Motor a luh pah chuan, “hetiang mai maia i awm reng chuan i hmalam hunah eng thil tha mah i nei thei ve dawn lo a nih hi” tiin Chuck chu a tlansan zui ta nghal a.
Hnar tuai niah niah chungin “hmalam hun a” a ti sap a. Tunah chuan mihausa tawntaw ani tawh a, a hmalam hun chu êng tak a ni. Chu chu a hriatpui lo a ni zawk.
Yvette a tlan liam hnuin car chahbi lachhuakin a BMW nalh zet ah chuan a bag pack chu a dah lut a, muangchangin a inher a, a inkhalh chhuah lai tak chuan Yvette rawn tlan let leh chu a hmu thut mai, a thin a phu nasa ngei mai, thil engemaw theihnghilh neiin a rawn let leh a ni ngei ang, min hmu ngei dawn e” tiin a lo ngaihtuah a.
Chu car leh Chuck chu inzawmna tur reng reng an neia a rin loh vangte pawh a niang chu, a rawn hawi lem lova, Chuck chu a thaw huai mai, rang takin a tlan chhuak ve nghal a, Yvette chuan mortor darthlalang atang chuan a en thuak ringawt a, car nalh leh man to tak a ni tih a hria, tu car nge ni ang? a in bula rawn park ve ringawt chu? tiin a ngaihtuah satliah a.
Chutia ina thil theihnghilh la leh tura a chhuk chu Chuck kha la hmu turah a inruat a, mahse chuck hmel reng a hmu tawh lo, bag lianpui nen chuan a kalsawn hman a ring si lo, a rilru chuan, a pawisa neih tlemte hmangin mi thatchhe takin taxi a la lehpek aniang, hmm, mi beisei bo” ti a lu thing deuh nar nar pah chuan a ner nuk a.
Furniture dawr lam pan chuan a inkhalh phei a, chutianga car man to leh changkang khalh ta hu, dawr nghaktu saleswoman chuan furniture man to leh changkang kang alo kawhhmuh a, mahse thil tul lo leh ho lam mai mai a pawisa sen ral vak vak a tum lem lo a, khum te, sofa te leh thildang a mamawh tur ang chu leiin dollar nuai hnih chu a hmang a.
Chutia a mamawh a lei zo pawna a chhuak chu, college a a thian ve deuh ber Queenie Carson chuan cycle in car chu a lo tauh rang hlek a, hlauthawng taka a ding chu a va hmu a, classroom a Lara leh midangin an diriam lai a lo chhantu a kha a ni.
Queenie chu hmuh theih khawpin a hmai chu a dâng lawp lawp a, mittui tla pur chung hian a tih ran lai chu tissue paper in a lo nawt mawlh mawlh a, mahse chutia tih reh mai theih a ni si lo, a mangang em em a. A neitu rawn kal se, engtin nge a tih ang tih pawh a ngaihtuah ngam lo, chumai bakah, a siamna man tur pawisa a nei zo dawn bawk si lo. a tap pur tawh a, abiangah mittui a luang zawih zawih a. a mangang takzet a ni.
Chuck chuan a en harsa a ti hle a, rang takin Queenie awmna lamah chuan a tlan phei a, “Queenie, ngatinge i tah a”? tiin ava kuah a. Chutia a mangan laia hmelhriat a hmu ringawt pawh chu a lawm hle a, a ding a, a tap ta hlawp hlawp a. “Chuck, mi car ka ti rang palh a, ti reh ka tum a, a theih bawk si loh, engtin nge ka tih ang, mawh engtin nge ka tih ang?” tiin mangang tak chuan Chuck chu a zawt mawlh mawlh a.
A rilru tak chuan, “tap tawh suh, a pawi love, ka car anih hi” tih mai a chak hle a, mahse chu chuan nakinah buaina tam zawk a hring chhuak dawna a, khawi atangin nge pawisa a neih zawt ta se, a nu tak ngial pawh vawiin ni thlengin a la hmu lo a ni si a.
A lo berah motor siam nan hian dollar sangthum (3000) chu a chawi ngei angaih hmel a, pek tur a nei dawn si lo, a mangang chu a tap pur reng a. BMW seven series a ni a, dollar nuai sawmhnih pali man a ni tih hrilh phei se la chu nilengin a tap thei hial ang.
Mahse Chuck chuan, i ti rang te tham lutuk, an hre lovang, lokal rawh, kal san ang” tiin Queenie chu kalsawn puiah a sawm a, mahse Queenie chuan kalsawn san ringawt a duh lo, ka thiltihsualah chuan mawh ka phur tur alawm, motor neitu hi nghah ka duh, ka pawisa chawi tur chu installment tala pek ka dil dawn alawm a ti ve tlat a, a hmui chu pet fan fanin a mittui a luang par par a.
Queenie hi mi rilru tluang leh nun mawi tak a ni a, midangte hriatthiamna ngah tak mi a ni.
“Chuck, khawngaihin a neitupa rawn kal hun thleng min nghahpui thei angem” tiin a sawm a, Chuck chuan, nui sak pahin,”tehreng mai, kan nghak dun dawn nia” tiin an sir a thutna awmah chuan a kuah thu a.

CHAPTER 10

“Ka lawm e aw, Chuck” ti a lawmthu a hrilh chuan Chuck chuan, “a ho lutuk” a lo ti a.
Anih, Chuck enge i tih tak ber a” tiin a zawt leh a, “aaaa.. part time job ka zawng mek a ni” tiin alo chhang leh mai a.
Rei vaklo an ngawih dun vang vang hnu chuan, hlauthawng tih hriat tak hian, “a neitupa hi a thinrim viau angem le?, kut min thlak duh hial i ring em?” a rawn ti leh a.
Motor neitu hi engtikawng emaw tala ka hmelhriat tawh hnu lo ni hlauh se, installment a pek ka dil ngam tur a nia, mahse hetiang motor nei thei tur chu tumah ka hmelhriat an awm lovang” a ti leh a.
I ngaihtuah thui lutuk anih kha, tih takzeta i dil phawt chuan a phalsak em em ang che” a lo ti a.
Zan dar 10 a ri tawh, chutah pawh motor neitu chu a rawn lang thei silo, an bul vela dawr inhawngte pawhin an khar tan tawh a, Queenie chu a mangang leh tawh hle a.
Chuck chuan, “ka rindan chuan a neitupa hi a rawn kal dawn lo aniang, i haw san mai ang” a ti a.
Mahse... a ti a, a ngawi deuh vang vang a, paper leh pen la chhuakin motor a tauh ran sak avanga thupha chawiin, siamthatna chu chawi a hreh loh thu a ziak a, a phone number chu dahin motor wiper karah chuan a zep ta a, a ding deuh vang vang a, thaw a la hak a, “kan nghak chhuak zo silova, ti kha chuan a neitupain min rawn call mai ka ring” tiin a hawi let a, Chuck chu a lo bu nghauh va,
Chuck chuan Saleswoman Charlotte Yates a bia anga, a rang lai chu alo siamthat tir vek mai dawn a ni.
“Rei tak min nghahpui avangin ka lawm e, tlai chaw ila ei bik lova, ei dun mai ang hmiang, mahse pawisa erawh ka nei tam vak lova, dollar 50 hian kan pahnih min daih mai angem” tiin zawi tak fiah tak si hian Chuck chu a zawt a.
Chuveleh, Chuck chuan, tun tum chu keiman ka treat zawk ang che” tiin alo chhang vat a.
“Ni love, rei tak ka tan hun i khawhral a, ka treat zawk tur che alawm” a ti ve tlat a,
Chuck chuan, “i tih tlatte chuan” a ti ve mai a.
Noodles kan ei mai dawn em ni” tiin Chuck chu a melh zauhva.
Restaurant ah chuan lut dunin noodles chu an ei a, an ei chhung zawng chuan Queennie chu hlauhthawnna in a la tuam tih a hriat theih a,
Ngawi renga an ei lai chuan Chuck chu Lara in a rawn phone tlat mai, mahse thilmak a ni hranlo, nimin khan Lara khan dollar 6000 chuang a seng tlat a.
Hey, Chuck, nimin thil thleng kha ka tihpalh a ni e, ngaihdam dil nan dinner ka treat ang che chu, engtikah nge i hman theih ang” tiin aw dam leh nelawm zet hian a rawn bia a.
“A nih chu maw le, hun nei ila a duhawm teh reng nen, naktuk atang hian part time job ka thawk tan tawh dawn a, a pawi ka ti hle mai” tiin a chhang a, Lara rilru put hmang a hrechiang a, a thangkamah awh a tum reng reng lo.
Lara chuan “I pawisa chhar i hmang zo tawh em ni?” a ti el vel a, anihna takah chuan dollar 6000 a pek kha Chuck a hnen atang hian hmuh let leh a tum tlat a ni.
Chuck chuan, “Ni e” tiin a chhang mai a, “keiman ka treat dawn che alawm, kan pahnih chauhvin nise” a rawn ti leh a. Chuck chuan mak a ti rilru viau a.

Lara hi hmeichhe hmeltha leh nalh, mipa mit la tak, awm bawr lawk tha lah niin, a duh duh mipa chhai kual thei tur khawpa itawm a ni reng lah tak a, amah pawh hi hetiang lamah chuan a confi viau reng a ni.
“Khawiah nge i bialpa kha” tiin Chuck chuan alo zawt a,
“Nimin ah khan kan in break a, chuvangin boruak dang hip ka mamawh a, ka sawmna che chu i remti thei em, khawngaihin” tih pah chuan Conrad Lee chu a kuah a, an innuih a.
“In inthen maw, mahse hun awl ka nei tawh lo alawm, midang zawng mai ta che” tiin a chhang let a. Lara chuan, chutiang anih chuan, i hun awl neih remchang hmasa berah min lo hrilh la, kan inhmu dawn nia, mahse kan inthen thu hi midang hrilh miah suh ang che” tiin phone chu an dah a. “ka ring thei lo, ka sawmna a hnar thei kha, kan thangkamah a awk duh dawn miah lo” tiin a bialpa lam chu a en a.
A bialpa chuan, vawikhat flirt pui la, chhuah dun puiah a rawn sawm che nga, hun tha chu kan nei mai ang” tiin alo chhang a.
Lara chuan thinrim hmel takin, “flirt pui maw, teuh lo mai, a hmel hrim hrim pawh hi ka hmu peih lo” a lo ti hlur a.
“Engtinnge kan tih chuan anga, i thangkamah a lut duhlo chu a nih hi, khawi atangin nge dollar 6000 chu kan hmuhlet chuan ang” Conrad chuan a ti a.
“a lawmna ka ni dawn tihna nih chu” tiin lungawi lo tak chuan a ke chu a per dat a.
a bialpa chuan “dollar 6000 hmu let tur chuan engemaw i sacrifice chu a ngai dawn ani” alo ti ve bawk a.

Chuck leh Queenie chu restaurant atang chuan an rawn chhuak a, sana chu a han en a, “ehe, dar 11 a ri tawh, dormitory gate an khar tawh, engtinnge ka tih tak ang” tiin mangang takin chuck chu a en a.
Chuck chuan, “engtinnge kan tih ang, zanin atan room kan la mai dawn em ni” tiin a han zawt a, a in lei thar ah chuan naktuka furniture dah luh a tum chauh avangin zanina riah nan room chu a lo book tawh sa hrim hrim a, chutianga riah dun chu hmeichhe pangngai lakah chuan zawh ngawt chi a ni si lo. Chu lo rengah Queenie pawh chuan alo duh miah lo thei.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:49 pm

Chapter 11 - 13

CHAPTER 11

Quennie chuan zak tih hriat tak hian zawite hian “chutianga mipa nena riahdunte chu ka nu in a phal teuh lo mai” a han ti a.
Anihna takah chuan Chuck pawh chuan chutiang mipat hmeichhiatna beiseia zawt a ni reng reng lova, a harsatna chinfel pui dan ni a a hriat angin a zawt satliah mai a ni.
Queenie hi la tleirawl tak, hmeltha tak niin, a nunchang a mawi em em bawk a, an harsat avangin thawmhnaw man tlawm te te a inbel a, a teichhuah dawn reng rengin makeup a hmang ngai lem lova, chuvangin mi tam tak chuan a hmelthatna leh nalhna hi an hmu fuh lo mai chauh a ni.
Midang angin makeup tlemte chauh pawh han hmang ve se, a mal sei nalh tak lang thei tur thawmhnaw te inbel ve ta ngat se, Lara Jean leh hmeichhe dang ai mahin a nalh zawk ang tih tur a ni a.
“Tunah dormitory gate an khar vek tawh a, room i lak loh chuan engtin nge i tih ang, khawiah nge i mut anga” tiin Chuck chuan a zawt leh a.
Anihna takah chuan, Chuck nen hian thian an nih mai bak chu feeling engmah a nei lem lova, chutihrualin a laka a thatna te, a mangan laia motor neitu a nghahpui char char avangte khan a law rilru em em bawk si. Mahse, chumi avang ngawt chuan room a share pui ngawt thei lo a ni.
Room la lo ta se, khawlaia mut bak duhthlan tur a nei bawk si lo, a ngaihna hre lo chuan a heh sen no nalh tak chu a pet fan fan a, chuck chu en in, hlauhthawnna a nei bawk si. Engemaw sawi tuma a an zuau lai tak chuan, Chuck chuan, “a tha e, room chu kan la lovang, i hahdam theih na hmun turah ka hruai zawk mai ang che” tiin alo tawng khalh a.
“Tak tak a mi, khawilaiah” tiin mak ti zetin alo chhang thuai a
A in lei thar address chu a hrilh in, high street district ah a nih thu leh furniture engmah a awm loh thu a hrilh a,
in neitu hmasain engkim a lakchhuah vek avangin mattress lei a zankhat na na na chu chulaiah chuan awm a hahdam theih mai a ring a.
Queenie chuan mak a tiin a mengphawk hle a, chutiang khawpui hmun laili laia awmna tur in a hria chu awih har a ti ang reng viau a, Chuck chu amah anga mi rethei a ni tih pawh a hai si lo.
Chutia, ringhlel hmel taka a en reng lai chuan, “nie agent angin part time job ka thawk tawh thin a, In neitupa chu a hmanhmawh deuh avangin, lei tumtute tan a awlsam zawk nan tiin In chahbi min kawl tir a” alo ti thuai a.
Qeeunie chuan nuam ti vak lo, mahse duhthlan tur dang nei silovin, “chutiang te chu thil tihdan phung a ni dawn em ni” tiin a zawt let a.
Chuck chuan, “i tih dan dan a ni mai, tumahin an hre dawn lova, chulo rengah In neitupa hi he khawpuia a awm loh lai a nia” tiin a chhang a.
Queenie chuan duhthlan tur dang a neih loh avangin nuam ti vaklo chungin chulai hmuna riah mai chu thain a hre ta a, chutiang anih loh chuan, hotel ah emaw room an luah dun angai dawn a, mipa nena room luahdun chu midangin an hmuhu dan tur zawng zawng a hrethiam bawk si. Chuck nen hian thianthatna bak engmah an inkarah thlen a duh lem lo a ni.
Chuck chuan, “awle, motor ka rawn..” a ti hman chauhva, Queenie chuan a rawn melh a, a tawngsual dawn tih a hre chhuak a, “engmah a nilove, taxi ka rawn la dawn nia” a ti leh ta zawk a.
Taxi la tur chuan an chhuak dun ta a, chuck chuan a BMW chu kawngsira riah tawp mai loh chu duhthlan tur dang a nei ta lo a ni.
Taxi chu la in, chuck In thar lam chu an pan ta a, an thlen hnu chuan taxi driver chuan, mak tih hmel em em hian, he in lian leh ropui zet hi nangma in maw, mi hausa tak i nih ngei dawn hi” a ti a.
Engmah sawilovin Chuck chu a khuh kheuh ringawt a. Taxi driver zawhna chu thudik takin chhang duh se, “aw ka in lei thar a ni a, heilo pawh hi a dang ka lei bawk” tiin a chhang ngei ang. Mahse chutiang mi chu a ni tlat lo.
Queenie chu a nervous hle tih a hriat theih a, In neitupa hi rawn haw thut se, engtin nge an tih ang? Mahse Chuck zui luh bak chu duhthlan tur a nei si lova, nuamlo ti rilru tak chung chuan Chuck chu a zui lut ta a.
Inchhung chu a fel faiin, fix furniture ho reng reng chu a nalh a, a fel thlap vek bawk a, engkim mai chu a man to chi hlir an hmang ti a hriat theih a ni.
Queenie chuan hmuhnawm tiin a hawi kual vel a, hetiang in mawi hi engzatin nge hralh a tum a?” tiin a han zawt a. Chuck chuan dollar nuai 35 velin” tiin a chhang a
A to hle mai, tunge chutiang man zah zah chu lei thei ang” a ti deuh hlut a.
Chuck chuan chhang lemlovin alo nuih mai a. room tin ah hian bathroom attatched vek a ni a, i duhna berah i riak thei ang tiin a hrilh zui a.
Queenie chuan a hmalam chu kawkin, he room ah hian ka riak ange, tiin room lam chu a pan zui nghal a, Chuck chuan a en reng a, room a luh dawn chuan rawn leh hawiin Chuck hnena lawmthu sawi pahin a mangtha a.
Chutia Queenie room aluh tak hnu chuan, engtin nge furniture a lei tharte chu a dah ang tiin room hrang hrangah chuan a lut kual a, rooma lut thawm ahriat tak hnu chuan hlauthawng ru taka room kawngka bang nghenga thu reng Queenie pawh chu a thaw hawlh a,
Mahse hlauhthawnna chuan a kiansan tak tak chuang lo, in pakhatah mipa nen an riak dun a, room hrangah riak mahse tharumin a rawn luh chilh thut angem? rawn luhchilh ta se, a hneh dawn silo, khawngaih a lo ngen tawp mai dawn em ni ang? tihte chu a ngaihtuahnaah a rawn lut zut zut a,
Chumai piahlamah, motor neitu khan naktuk hian a rawn call tawh anga, engtinnge alo chhan ang, installment a rulh phal lo ta se engtin nge a tih tak ang? tihte chu a ngaihtuah a, a muhil thei reng reng lova.
Zingah chuan Real Estate Agent chuan a rawn call harh a, Yvette in a a in hralh chu a chhuahsan theih tawh thu a rawn hrilh a,
Zankhuaa chhuat lawnga a mut avangin a taksa chu a na thrum a, mahse zanin atang chuan khum nuam takah a mu thei tawh dawn thova, pawi a ti lem lo a ni. Room atanga a chhuak chu Queenie chuan alo nghak reng tawh a, “i va tho hma ve, nizan i muhil miah lo em ni” tiin a zawt vat a, Queenie chuan, “In neitupa a rawn haw thut ka hlau va” tiin a lo chhang a, “hawh, i chhuahsan thuai thuai ang, in neitupa a rawn thlen palh hlauh chuan kan chan a chhe dawn emai” tiin Chuck chu a hrilh a.
Chuck chu a nui ringawt a, chutiang khawpa thil diklo an tichung pawh chuan Chuck hmela inthiamlohna awm miah lo chu mak a ti hle a. An riahna in an chhuahsan hnu chuan university a a ruala kal a duh ve leh duh ve loh a zawt a, mahse a in lei thar chungchangah tihfel tur ala neih avangin chhuanlam siamin, part time job tih a tul thu in a chhang a, Queenie chuan bus la in university lam pan chuan a kalsan ta a. Kalkawnga an tlan lai chuan kawngsira BMW a tih ran sak kha a awmna ngaiah alo la ding reng a.
An tlanliam hnu chuan a BMW dahna lam pan chuan taxi a la a, motor awmna hmun ava thlen chuan agent chu a call a, agent a rawn thlen chuan, Chuck bula BMW 7 series ding chu inhmeh a ti hle a, “car collection zinga nalh pawl ber anih dawn hi” a ti a. Chuck chuan, “ni love, hei bak hi car ka nei hleinem” a lo ti a.
Agent chuan ngaisang takin, a rilru te te chuan, “he pa hi mi hausa dang ang a ni lo, in show off a tum miah lo, a la naupang si a, future bright tak a nei a ni” a ti a.
A hmaa alo sawi lawk tawh ang khan process engkim an tihfel lai chuan Agent hmingin a kal anga, chumi hnuah a ma hmingin an thlak leh mai dawn a ni. Chutiang anih chuan Yvette nen inhmuh a tulna a awm lovanga, Yvette tan a In leisak tu chu Chuck a ni tih hriat ngaihna a awm dawn lo a ni.
Chutia, an titi lai chuan, hnung lam atangin “Chuck, hetah enge i tiih ve” rawn titu an awm ta tlat mai le.
Phawk tak maiin Chuck chu a hawi let vat a, a duh loh thil a thleng ta tlat mai, Yvette chu lo niin, chhuanlam siam mai tur a hamhaih deuh tlat, “he thil hi ka hriat tir tur a ni lo” ti rilru chungin a ngawi ta reng a

CHAPTER 12

“A aia awki sang deuh zawkin “helaiah hian enge i tih ve” tiin a rawn zawt nawn leh a.
“Hetah hian part time job tiin customer te leh ownership te inremsiam dan ka zir mek a” tiin chhuanlam a siam ta ngawt a.
“Part time job maw, he thil hi i tan chuan a harsa lu deuh lovang maw, mahse tih i tum ta sa sa anih chuan tha taka tih i tum dawn nia, a hlawh pawh a chhe em em lovin ka hria, dollar singkhat aia tam pawh i hlawh pha ve mai thei asin” tiin ngaithutak vaklo hian a chhang let a.
A tan chuan dollar singkhat lek chu it tham a ni bik tawh lova, a ma in ngei leisaktu ani tih hre ngat se la chuan engtin nge a awm ang le?
Agent chuan mak ti takin a lo en reng a, mahse Chuck a thusawi dan atang chuan thil awmzia a hrethiam nghal vat a, nui sang chung hian, “nangni pahnih chu inlo inhre tha tawh viau a ni maw, a sawi ang khan Chuck hi part time job ti tan tir a ni a, helai hmunah hian process dan hrechiang turin ka rawn hruai a ni” a ti ta a.
Yvette chuan, “a that chu” a ti deuh hmak a. Chuck chu a lo thaw huai a.
Yvette chu a hawi kual a, hrethiam lo takin “khawiah nge ka in lei tupa chu”? a ti a
Agent chuan, kan pu chu a buai lutuk a, vawiin hian a rawn tel thei ta lo a ni” tiin alo chhang vat a.
Yvette chuan, “engtinnge amah ber tel lovin kan chinfel theih ang” a ti a, a hmela chuan lungawi lo hmel chu Chuck chuan a lo en reng a.
Miss Jordan, engmah buaina tur a awm love, kan pu chuan neitu nihna chu ka kuta dah phawt turin min ti a, chumi hnuah ama kutah ka hlan chhawng leh mai dawn a ni” tiin agent chuan a chhang a.
Chu chuan nakinah harsatna a thlen lovang maw, in pu chu engtik nge a hman theih dawn, pawisa kan tihfel te chuan in pu chu ni hnih thum pawh nise ka nghak thei alawm” tiin Yvette chuan a chhang a.
Chuck chuan agent chu a lo siai zauh va, agent chuan, miss Jordan, kan pu chu tunhnaiah a hman rih dawn lova chumi avang chuan ka kuta hlan turin min ti a ni. kalphung pangngai ai chuan a buaithlak deuh hlek a, mahse kawng dang a awm si lova, document kan tihfel hnuah rang takin i account ah pawisa chu kan transfer nghal mai dawn nia” a ti a.
Yvette ngaihdan chu a ni vaklo nachungin, chutia an tih tlat avang chuan, “ni mai e, in sawi ang chuan a tha alawm, mahse in pu chu tunge ni reng reng a, heti khawpa in laka rinna nghat ngam chu” tiin a zawt leh a.
Nui deuh hauh hauh chungin Real Estate ganet chuan, “mi rinawm tak ka ni lawm” tiin a lo chhang mai a.
“A rinngamna che hi chu kawngkhat nise, hetianga pawisa tam thamah hian thil kalsual palh thei a ni a, chu pawh chu engatan mah a ngailo tihna a ni maw, he khawpuiah hian mi hausa tak tak hmelhriat ka nei ve nual a, in boss chu tunge, ka hria ang” a ti chang fawl a.
Agent chuan, nui chungin, kan pu hi chu a naupangin a fing hle a, Miss Jordan te ang chuan in hre ngei ang” tiin a chhang a
“hre ngei ang maw” tiin Yvette chu engemaw ngaiihtuah neiin a ngawi ta vang vang a, Chuck chuan a lo en reng a, “hepa hian engvangin nge chawhma lama ka In zawrh chu full payment a leisak min tum nghal, transfer process naah a rawn inlan duh miah siloh, chhan a awm ngei ang” tiin a ngaihtuah a.
“In pu hming chu min han hrilh teh u” tiin a tawngka atang chuan a dawhthei vak tawh lo tih a hriat theih a.
Chuck chuan alo hlauthawng ru tawh viau a, agent chuan a sawi chhuak mai ang tih a hlau a ni.
Mahse agent chuan, Miss Jordan, kan pu chu naupang tak leh fing tak a ni ka tih tawh kha, nangmahin hriatchhuah tum mai la a that ka ring” tiin a lo chhang ve leh a.
Yvette chuan duhtawk mai lovin, Baller, a hming chu Baller a ni em”? a ti leh a
Baller chu a ni ngei ang, i In pawh full payment a lei duhtu chu engtinnge baller anih loh theih ang? tiin nui sang chungin a chhang let a. Chumi pah chuan, “khawngaihin Miss Jordan min rawn zui lut ta che” a ti ta nghal a.
Luh tuma a ke pen a chheh rem mek lai chuan, Chuck chu melhin, rawn luh ve i tum lovem ni? engtinnge heng process hi tha taka i tih ve theih ang, rawn lut ve ta che, engkim hriat tum ta che” a ti deuh hlak hlak a.
An pathuma an luh hnu chuan thil tih fel ngai ang ang te an buaipui a, chutah chuan mi hausa tak tak, in lei tumte pawh an awm teuh va, Chuck phone ah chuan message rawn thleng a, ngaihthalo takin a rukte in Wechat message chu a hawng a, “baller, ka bul hnaiah hian i awm em”? tih message chu Yvette hian a rawn thawn chu niin.
A chhiar zawh rual rual chuan Yvette chuan a rawn en leh en loh a melh zauhva, mahse amah melh lovin hausak hmel pui puite chu alo melh kual zawk a, phone call a ni ang tih hlauvin rang takin silent ah a dah zui ta nghal a.
Chumi hnuah vawi tam tak phone chu a vibrate mawlh mawlh a, mahse inrinhlelh palh thei anih vangin message rawn thleng pawh chu a en tawh lo. A mitsir chuan Yvette chu ava melh a, a hmelah chuan a lungawi lo tih a hriat theih a.
Darkar hnih vel an process hnu chuan bank lamah an kal a, pawisa an lakchhuah hnuin Yvette chuan, “he hna hi chhawr tlakin i thiam ve dawn lo” tiin chuck a melh a, motor chuan a tlansan zui ta nghal a.
A in lei tharah chuan a furniture lei te chu an rawn dah a, reilote hahdam tumin sofa dup nuam takah chuan a thu a, a hun hmasa lam te a ngaihtuah a, tuna a thil tawn lai mek te pawh a ngaihtuah neuh neuh va. Thil hriatchhuah nei ni awm tak hian a phone chu a phawrhchhuak a, a hmalawk khan Yvette in vawi tam message a rawn thawn kha ala hawng lova, a mal te te in a chhiar thla zel a,
“baller, ngatinge min chhan miah lo, ka hmuh che hi i hlau em ni?
“baller, min chhantu kha i ni a, tin dollar nuai hnih i rawn transfer bawk a, nangmah hi tiraw ka in leitu chu”
“baller, i buai viau em ni?
“ka tihbuai che vangin tihpalh, i hnathawh tur chu thawk zo hmasa phawt rawh”
“baller, transfer tih fel a ni e, dinner ka show ang, min hnial lo la, Modern Restaurant ah ka lo awm ang”
“modern restaurant ka thleng chiah a, khawiah nge i awm, ka lo nghak reng dawn che ania”
“ka nawr tut tut che a i ngai anih chuan ka tihpalh nise, tunah modern restaurant ah ka nghak che aw”
“i rawn kal dawn emaw dawnlo emaw ka nghak tho tho ang che” tih te alo ni hlawm a.
message hnuhnung ber chu minute khat liam ta mai a a rawn thawn kha a ni.
Zan dar 8 leh tlem a ni tawh a, a lo berah Yvette chuan baller chu darkar khat aia rei a nghak tawh tihna ni. A beidawngin a haw tawh ang nge, luhlul takin a la nghak reng ang? Chuck rilru chu a kalthui khawp mai a, tichuan sofa dup nuam tak atanga thovin a car nalh zet BMW 7 series chuan Modern Restaurant awmna lamah a inkhalh phei ta a.
A tlanlai chuan Queenie Carson chuan a rawn bia a, vawiin ni thlenga motor neituin a rawn la phone loh thu leh a hlauhthawn thu a rawn hrilh a, nui sak chung hian, “rilru tha tak pu mi i ni tih a hria nga, pawisa chawitir che tul a ti lem lo a nih dawn chu, ngaihtuah duh tawh suh” a lo ti mai a.
“Awle, min rawn call hun ka lo nghak tawp mai ang, western restaurant ah part time job ka thawk ve a, darkar a dollar 15 in. ka thawhrim deuh loh chuan motr neitu kha pawisa pek tur ka nei hman lo palh ang” a ti a.
“anih chu” tih ringawta chhangin inbiakna chu an titawp a. tleirawl hmeltha leh nun mawi, chutiang taka rilru helhkamtu a nei chu a khawngaih viau a ni” chutia a rilru a kawm melh melh lai chuan Modern Restaurant chu a thleng der mai.

Car park na hmunah chuan luxury car changkang tak tak pawh alo intlar nual mai, security in BMW 7 series rawn park tum a hmuh veleh hmanhmawh takin a lo pui a, hmun awl a lo kawhhmuh vat a, motor inkara park luh vel chu Chuck hian a la zei fahran lova, engtin tin emawni rem lo zet hian a dah ve mai a, motor atanga a chhuk chu Yvette car pawh alo la in park reng tih a hmu a. reilote a ding deuh dat a, chutihlai chuan wechat message a rawn ri a, a han en chuan, “lungawi lo tih hriat deuh tak hian “baller i rawn kal dawn em” tih chiah hi alo inziak a.


CHAPTER 13

Chuck chu a ngawi deuh vang vang a, ‘chhuanlam siamin ka reply dawn nge, ka lut zawk dawn’ tia a inngaihtuah buai lai chuan “i rawn kal emaw kal lo emaw, ka nghak dawn tho tho che, hmuh che ka duh” tih message a rawn thawn leh a.
Message reply ta lo chuan, restaurant chhung lut turin a phei ta a. A lut dawn tep tih ah chuan hmeichhe hmeltha leh pian dik, bawp sei nalh zet chuan car man to leh changkang tak chu parking space pakhat chiah awm tawhah chuan dah a tum a, mahse a bula motor indah danin a zir loh em avangin a tawlh lut thei lova.
Chuck chuan a motor chu dahthat deuh tumin a va phei a, chutihlai chuan hmeichhe hmeltha leh piannalh, a pen zawnga bawp sei no nalh tak lang hawk hawk thei chu lungawi lo zet hian security guard nen an rawn let phei mek a, A landan leh chetzia atang chuan hmeichhe inringtawk tak ani tih hairual ani lo.
Motor chu kawk pahin, “heihi tu ta nge, vawi tam ka hrilh tawh che u ni lawm ni, helai hmuna car park tur reng rengten midang ngaihtuah chungin felfai takin an park thin tur a ni” ka tih kha tiin security chu a hau a. Phone number a hnutchhiah bawk si lo, va lut la, a neitu va ko rawh” tiin thupe aw deuh hian a hrilh a. security chu restaurant lama lut tur chuan a inher hman chauhva,
A sir atang chuan Chuck chuan, hello, ka pi” a ti hman chauhva, rawn hawi pheiin, Chuck thawmhnaw hak chu a en thuak a, hmel ngainat awm loh zet hian, “enge i duh a, helaiah hian part time job’ hna i rawn zawng anih chuan kan nei lo, kan duh lo che” a ti nghal zat a. A aw ki chu sang tak nilo mahse, a landan zawng zawng nen chuan mipa te tan pawh zuam mai mai chi anih loh zia a lang thei a ni.
Chuck chu mi hausa tawntaw ni mahse, high end restaurant vela chetla tur chuan a thawmhnaw hak chu a thlak danglam ve deuh angai a ni, chutiang anih lohva a hak thin ngai reng nena a khawsa zui zel anih chuan mi tam takin an la judge sual fo dawn a ni.
Security chuan rawn kal hnaiin,” kan pi sawi chu i hria em, helai hmun atanga chhuak nghal turin a ti che nih chu” tiin a hrilh a.
Chuck chuan, “part time job dil tura rawn kal ka ni reng reng hlei nem” a ti hman chauhva, security guard palian tak chuan, pawn lam kawk pahin, “chuti anih chuan helaiah enge i rawn tih ve, chhuak nghal vat rawh” a ti khur khur a.
“Motor neitu hi in zawng a ni lawm ni” tia a chhang chu Director maine chuan lo hria in, ner nung chung hian, “motor neitu chu va koh tir vat rawh” tiin security chu a signal a,
Director Maine, nula changkang leh inringtawk, khawvela mi hausa tak tak te kalkhawmna restaurant neitu ni pha ngat chuan BMW 7 series khalh pha chin chu engtiang taka hausa nge tih chu a ring thiam mai a.
Security chuan, “ka pi, hepa thusawi hi engahmah ngai suh, heng motor changkang neitu hi a ni teh lul hian tunge a hre lovang” a lo ti a.
Chuck chuan security guard thusawi chu ngaithla lemlovin, motor dahna lam panin chahbi chu a han lek chhuak a, a BMW 7 series ngei mai chu auto lock hmangin an ti de zek a, chutah zet zawng, director maine, nula chhe lo lutuk mai pawh chuan a en dan a thlak chiang ngei mai.
Kawngkhar hawn pahin “driving experience ka la nei tam lova” tiin Director maine chu a en a, ngawi reng hian alo en reng ringawt a. A mak ti lutuk chu “kha kha nangma ta maw” a ti ta ngawt a. Chuck chuan, “ka lo double park vangin min ngaidam dawn nia, theihtawpin park that kan tum ange” tiin a BMW 7 series chu a ti nung ham ham a.
He nu hian mi hausa tam tak alo hmachhawn tawh thin a, a thente chu upa lam deuh te, valai deuh te an ni a, a thente erawh chu naupang tak takte pawh an ni hlawm, chungte chuan an landan leh chetziaah midang chunga leng nih tum tak hian an khawsa thin a, mahse Chuck ang reng hi ala hmu ngailova, mak a ti takzet a ni.
Motor a park fel hnu chuan restaurant a lam panin a rawn phei a, director Maine bulah chuan “min hrethiam dawn nia, i park thei tawh ang” tiin a kalpel zui nghal a.
Chhan ngaihna hre lovin Miss Maine chu a lo ngawi reng ringawt a. a pelh fel hnu chuan security guard hnenah “kha pa kha khawi room nge a book hriat lo tum teh u” tiin a hrilh a, rang takin walkie talkie hmang chuan manager hnenah tuna mipa rawn lut kha a reservation seat min lo hrilh teh” tiin ava bia a.
Manager chuan reserve seat chu hnawhkhah vek anih tawh thu a rawn hrilh chuan Director Maine chu a mengphawk hle mai a, mak a ti ngei mai. Mi hausa tak tak, mize in anglo tak tak hmaah pawh che chhe ngailo khawpa confi, nula hmeltha leh zei Director maine meuh pawh reilote chhungin vawihnih ngawt hawihai takin a siam hman a. He tlangval hi thil play hi a dang hle mai” a ti rilru a.
Security Guard hnenah “VIP Room pe turin a hrilh a, rang takin manager chu ava hrilh chhawng nghal a. Chuck hian chutiangin reservation neih hmasak a tul tih pawh a lo hre lem lova, a lut phei zel a, revetionist pakhat hian ner nang hian alo en a, helaiah seat awl a awm tawh lo, inthiar turin i rawn lut zawk em ni? a lo tih khum a,
A incheina mawlmang tak leh lan dan atang chuan hetiang restaurant changkang lutuk, high end restaurant ah hi chuan lut ve thei chi niin alang lo reng a ni. Cup pakhat pawh ti keh palh se, chawi tur pawisa a neih hmel si loh.
Chutihlai tak chuan phone chu rawn riin, Lara Jean a lo ni a, “hey Chuck” i tha em, khawiah nge i awm” ti a zawhlai chuan, Restaurant a midang rawn lut ve te chu receptionist ten polite taka ‘Modern Restaurant ah kan lo lawm a che u, reservation seat in nei em’ ti a an lo welcome ri leh “aw nei e” tih ri chu an hre thei a.
“Chuck, tute nge i bula awm kha?, modern restaurant ah i awm tihna em ni” a rawn ti nghal chul a, Lara chuan Modern restaurant changkan zia leh eiman san zia te, steak plate khat ringawt pawh dollar sangthum man te, red wine pawh dollar singnga leh sing ruk man hial ani tihte a hria a, ala kal ngailo hrim hrim a ni.
Lara bialpa chuan, modern restaurant ah part time job in a thawk anih dawn chu alo ti sam et a. Lara pawh chuan tawmpui tih hriat tak hian alo bu nghat a.
“Chuck, moodern restaurant ah khan part time job in i thawk em ni” tiin a han zawt a,
Chuck chuan, chutiang ani lo” tiin a chhang a, Lara chuan tawngam ngeiawm zet hian “pawi tisuh, ka hmuhsit phah chuang lo che, tinge class i rawn kal loh” tiin a zawt nghal a.
Chhanna pawh nghak hman lovin, part time job hrang hrang i thawh loh chuan engtinnge dollar 6000 kha min pek theih ang tiraw?” a ti zui nghal zat a. Len chhuah puia sawm a tum lai mek chuan, hmeichhe aw no nalh zet in, ‘VIP room chu i tan peih fel a ni tawh e, khawngaihin min zui rawh’ a ti ri chu phone ah chuan an hre thei a.
Lara leh Conrad Lee chu an han inmelh dun ren rawn a, “hepa hi lemchan a thiam hle mai, waiter hnathawkin a thiante nen inthurualin min bum an tum vel anih hi” tiin a bialpa chu a en a. ‘Min bumah a inngai ngei ang’ a ti zui sap a.
Conrad chuan Lara chu siai zauhvin, “Chuck, modern restaurant ah VIP Room i la maw, kan rawn kal nghal dawn ania” a lo ti a.
Ngaihtuah chiang miah lovin, “a pawi hlem” a ti liam puat a, a ngaihtuah chiang a, thil a khawlo vek dawnin a hria a, a rilru a buai takzet a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:49 pm

CHAPTER 14 - 17

CHAPTER 14

Manager pawh chu a chhe lo ngei mai, mihausa fuankhawmna hmuna thawk an ni bawk a, an nalhin an chhelo takzet a ni.
VIP Room lamah chuan chuck chu manager chuan a hruai lut a, Miss he room hi ka book hlei nem, thil hriatsual palh a awm a ni ang” tiin Chuck chuan alo hnar a,
Manager nu chuan nuih seih pah hian, nilove, Director Maine ruahmanna zawk a ni e” tiin a chhang let thuai a.
Modern Restaurant pawisa nei tak tak rawn lut zingah pawh VIP Room a buatsaih sak hi an tam lo khawp mai, tuna VIP Room a pek mek hian thawmhnaw man tlawm tih hriat tak ha in engmah thil hlu a inbel silo.
A ngaihna hre lo em em chuan Manager chu a zui ve zel mai a, an kalna tur lamah chuan Yvette, amah chauhva lo thu reng chu pelh angai dawn si, a hmuh vaih chuan thil a buai zo dawn tih hriain, manager chhelo zet hnungah chuan nek deuh pah hian a zui phei a,
Yvette chu a mitsir pah reng a, a makeup hmandan tawk tak mai chu a inhmeh ngawih ngawih a, a hmel a titha zual hle a ni. Yvette laka feelings ala neih deuh chu thu hran nise, a pian nalhin, a mal mum nalh tak lang thei tura a thawmhnaw inbel chu, a pheikhawk sang bun nen chuan a inhmeh takzet a ni. Baller pawhin a hnar phal loh tur khawpa nalhin a inchei reng bawk a, dik tak chuan, engmah ngaihtuah lova zu pawm vawng vawng a, baller anih thu hrilh mai a chak a ni. Mahse chutiang chu a thlentir thei si lo.
Chutia, si deuh chat a a zui vang chuan polite tak hian “ka pu min hrethiam rawh, bialpa ka nei a” ti a rawn leh hawiin a nui sang a.
Yvette awmna an pelh fel hnu chuan ngaihdam dilin manager hnenah chuan “ka tihpalh ani”a ti a, a zak tih a hmel atang chuan a lang thei a ni. VIP Room ah chuan lutin, a han hawi kuall vel a, room satliah lo tak a ni, thil awm reng reng chu a tha ber chi leh to ber ber chi te anni hlawm a, a mawiin hmuhnawm tham a tling a ni. Chutiang hmunah chuan vawikhatmah a la lut ngai lova, a awm tih pawh a lo la hre ngai lo. Thutna nuam takah chuan thuin steak plate khat a order a, manager chuan mak a ti tulh tulh mai, hetiang room man to lutukah lehngal, kawppui nei lo va eitur a order chu mak a ti thlawt a, “ka pu, midang rawn kal tur an awm em? nangmah chauh em ni? tiin a zawt ta tawp a.
Chuck chuan, awlsam te hian, “aw keimahin” tiin lu a bu nghat a.
“Awle, lo nghak lawk rawh, kan rawn peih thuai ang” tiin a chhuahsan ta nghal a. reilo te hnuah a thil order chu manager chuan a rawn pe a,
“Steak ka la ei ngai lova, khawngaihin Chop Stick min rawn pe thei angem” a tih phei chuan mak a ti lehzual a, Director Maine in VIP Room meuh a arrange sak si a, manager chu a chhuah pah chuan a nui ta ringawt a.
Pawn lamah chuan Conrad leh Lara te chu an rawn thleng ve hlawl mai a, helai hmun changkang lutuk nia kan lo hriatah hian Chuck te angin part time job an hmu thei anih chuan kan lo hriat thin ang em em in a changkang dawnlo anih hi an ti vel a.
Conrad Lee chuan, “i kal vat teh ang, waiter Chuck ka hmuh hunah chuan zak takin min en anga, engmah a sawi ngam hauh lovang, an ni ang mi rethei lutuk chu an zam chhe thuai zel, ngaiihdam min dil dawn alawm, dollar sanghnih khat chu ka chawi tir dawn khawp” tiin Lara chu a melh a, Lara pawh chuan duhthawh zet in, dollar 6000 mai bakah a pung tur nen lam ka rulh tir dawn chiang khawp” alo ti ve bawk a.
“Kawngkhar kha hawng fimkhur rawh, BMW 7 series car a awm kha, i tiih ran vaih chuan a chhe ber ah dollar singkhat tal chu i chawi angai dawn nia” tiin Conrad Lee chuan Lara chu a va hrilh a.
A chhuk pah chuan a bialpa sawi car chu a han thlek kual vel a, number pawh alo invuah lova, a rilru te te chuan number meuh pawh vuah ngailo khawpa mi hausa leh thiltithei a nh dawn hi” a ti a. A bialpa car nen chuan a han melh chhawk a, “engvangin nge hetiang car nei pha chin hi ka ngaihzawn theih loh bik ang” a ti rilru a. University ah mi zawng zawng hmuh turin a bialpa chuan min han thlah se” tiin a ngaihtuah a, nuam a tih dawn zia chu a inhria a ni.
Tichuan lut turin kawngka lam chu an pan a. Chuck a hmuh huna a diriam dan tur te chu a ngaihtuah zui ta zel a, Chuck hmuh tuma kal mah nise, high end restaurant a kal tur annih avangin a nalh thei ang berin Lara pawh chu a inchei a, a chhelovin, a nalh ngei mai.
Reception counter a lo awm chuan, nui sang hian “ka pui thei che u ngem” tiin alo chhawn a, Lara chuan “helaiah hian waiter Chuck tih hming pu an awm em?” tiin a zawt let a.
Receptionist chuan, lu thing pahin, ‘chutiang hmingpu chu kan nei lo’ tiin a lo chhang a.
A bialpa Conrad Lee chu melhin, ‘hepa hian lemchan a thiam hle mai, a thawhpuite pawh alo hmin vek a nih dawn hi” a ti a.
Tichuan, a han melh kual vel a, an lecturer Yvette Jordan chu kil khatah a va hmu thut a, mak a ti ngei mai, “engti in nge Yvette hi helaiah hian a awm” tiin a ngaihtuah a.
VIP Room ah chuan Chuck chuan wechat message chu en in, “baller ilo kal dawn tawh em”? tiin Yvette chuan message chu a rawn thawn leh a.
Eng ti tihin nge receptionist chuan Lara chu VIP room ah chuan a rawn hruai luh theih, Chuck awmna room ah chuan a rawn lang hlawl mai a, “he room ah hian i thawmhnaw chhe zet nen khan awm tur i ni hlei nem, engtianga thui nge play kual i tum” tiin a rawn ti nghal bawrh bawrh a, thilthleng chu Chuck chuan duh lo viau mahse phone a an inbiak lai khan alo aw tawh si a, hnar theih ani tawh si lo, thutna chu pawt tawlhin Chuck a sirah chuan a thu in, “Chuck, ka bialpa nen kan in break a” tih pahin khawngaih thla la zet chuan Chuck chu a ngheng a, a perfume rimtui tak chuan Chuck chu a zem chiai chiai bawk a.
Dik tak chuan Lara ang hmeichhe nalh leh hmeltha chu hnar phal har tak a ni, mahse a mizia leh a chunga a rilru put hmang a hria a, eng thil mah thlen tir a duh lo.
Chutia a tawlh deuh tih a hriat chuan, “mipa i ni lovem ni, tinge kalsawn i tum a” ti a a chelh chu a kekawr ipte khawih fuh in, “ahh, motor chahbi” tiin phawrh sak a tum a, a nui chhuak hman tep a, mahse a insum ve hram a, anihna takah chuan game player anih angin lighter mai mai anih a ring a ni.
Chuck chuan, car key anih loh kha, lighter anih kha” alo ti ve thuai a, eng motor chahbi nge tia chhuahpui a tum tak si ah chuan loh theih lovin thudik a hrilh taah a ngai a, mahse ala duhtawk chuang lo.

CHAPTER 15

Chuck, he VIP room hi i tana reserve ani a, tumah an rawn lut dawn lova, ka laka hian duh te i nei em” tih pah chuan a koki atang chuan kawr chu a tla thla hnawk a, a taksa nalh zet chu Chuck hma zawnah tak chuan hmuh hmaih tur awm chuang lovin a rawn ding chapo ar ani ber mai. Chutiang khawpa taksa nalh chu suala hrin hringfate zingah nep zo an awm thei angem le?
A awm bawr nalh tak chu classroom velah engtin tin emaw alo melh fuh fo tawh thin a, mahse tiang renga belhchian dawl hi a ni ang tihngaihna a hre pha lo.
Chuck thinlung chu a phu dut dut a, mahse Lara mizia leh a chunga a rilru puthmang a hrechiang a, a in control hram hram a. kalsawm san tumin a pen chu, rang takin Lara chuan alo kuah titih a, chutiang khawpa hmeichhe no nalh chu engtinnge kalsawn san a tum theih zawk? Lara chuan a kut vawn sak pahin hnuailam a zu melh a, Chuck pawh chuan control theih loh chin a nei ani tih a zu hmu a, nuih seih pah hian dimte in a zen thla riai riai a, Chuck chuan tihngaihna a hre lo, ngawi rengin a ding ngawt mai a,
Chutihlai tak chuan a bialpa Conrad Lee kha rawn lut tur a ni si a, ngaihdan nilo zet hian, “khawiah nge maw a awm le, a tawp thleng turin min duh tihna em ni” tiin a thawmhnaw leia tla chu chharin a inha tha a, a bialpa, innghahna tlak loh lutuk avang chuan a lungawi lo hle a, phone la chhuakin message ava thawn a, mahse a rawn chhanglet si lo, social activity chu enin ner nung hian ‘takzet che chuan’ a ti a.
Conrad Lee chu BMW 7 series hmaah duh ang tawkin alo in post kual vel a, ‘ka pa car thar, chhuahpui ka chak tawh hle’ tiin caption alo dah a, a bialnu leh Chuck reng a ngaihtuah tawh lo.
Chuck pawh chuan wechat message chu a hawng a, Lara pawh chuan message dawngin a bialpa Conrad Lee in rawn luh thuai a tum thu leh, lo play kual rih turin Lara chu a rawn message a.
Lara chuan Chuck chhuah tum mek chu kuai dingin a dar vel chu a chul sak leh tran mek a, pawnlama thawm a hriat veleh a inbiangah chuan a in beng sawk a, “engtin nge hetiang hi i tih theih zawk tiin a tap ta nghal pur a. Conrad Lee chu rawn tlan lut nghalin,
“Lara, i tha maw,”
“Chuck hian tih luihna min min sual a tum a, en ta che, hei ka kawr te hi” tiin a bialpa lamah chuan inhnit hlawp hlawpin a tlan phei a, ava kuah nghal a,
Chuck chuan an pahnih inthuruala thilti an ni tih a hrethiam nghal mai a, an thangkama awhtir an tum a lo ni.
“en ta che ka hmai min benna te hi, engtinnge hetiang hian ka lakah a tihtheih zawk” tiin a bialpa awmah chuan a insut hlap hlap a.
Thinrim tak maiin “engvangin nge nang teh chai hian ka bialnu hi ilo khawih ngam a” tiin chuck chu kawk siah a. Chuck chuan bawkkhupin a hmaah chuan ngaihdam dil se a ti hle a ni.
Mahse, engdangmaha chhang lovin, “police call ula” a lo ti awlsam then a. chair chu pawt tawlhin a thu a, zamna chhete mah a neilova, hlauthawng hmel pawh a pu hek lo.
Engthil nge a sawi, Lara chu a rawn mengphawk hle mai, chutiang chiahin Conrad pawh chu mak ti deuh hian a rawn hawi a, “heng thil zawng zawng hnuah hian engmah thiamlohna nei lo angin ila awm ngam a maw” a tih chhunzawm nghal a.
“anih a hnu, engnge titura min beisei” tiin a lo chhang let a.
sawi tur a haihchham a, rei vaklo hnuah chuan, “nang misual hi, jail ah i tang ngei ang, police call vat rawh” tiin a vau a, Lara chu a va melh a.
Chuck chu a lo nui a, police call tak tak se la, thiamloh chang tur zawk an ni tih an ni si a.
“Min nuih ngam ve khanglang a law, helai hmunah hian dan i bawhchhia tih i inhre nange, jail ah kum 5 kum 6 chu i tang ngei ang, lo en rawh” a ti khur khur a,
aw ki pangngai tak hian “anih te chuan police call vat ula, engge innghah”? alo ti mai a.
Conrad Lee chuan sawi tur a hre lo hle, chutah, Lara chu a aia uar leh zualin alo tap a, a mittui hru hul pah chuan Chuck chu a en a,
“show ropui tak a ni, bill ka pe anga, ka chhuauhsan ang che u” tiin Chuck chu kalsawn tumin a inher a.
“Waiter mai i nih kha, i lemchan hi duhtawk rawh” Lara chuan a rawn ti zui hram a. Conrad Lee pawh chuan, “ka bialnu kut i thlak avang hian ila tuar khawp ang” tiin a tawng khum a,
Chuck chu ding deuh datin, “anih te chuan police ko ta vat ula, kutthlakna hnuhma te chu enchian tir ula, tu tih nge an hre thei ang” tiin aw pangngai takin a chhang let a.
Conrad tihngaihna hrelo insum zo lo chu, Chuck kawr nghawngah chuan ava tham a, “i duh angin che rawh, police in call ngamlo anih chuan keiman ka call dawn alawm” tiin Chuck chuan phone a lachhuak a,
Police rawn kal tak tak se, a che chhe zawk tur leh jail bang hial zut thei dinhmuna ding an nih zawk avangin Lara chuan thinrim tak hian, “Canrad, thlah la, kal tir rawh” a va ti vat a.
An thawm hriain manager chu a rawn lut a, “ka pu, thil diklo a awm em” tiin Chuck chu a zawt a, mahse Lara chuan Chuck leh a thiante lemchan vek niin ala ngai bur a, “chhuak nghal rawh, i inrawlhna tur a ni love” a lo ti vin hlar a.
“Miss, helaiah hian a harsa zawngin thil kalpui tum lo hram ang che” manager chuan Lara lam enin zawldawh aw deuh, mahse thupe aw deuh si hian a ti a.
‘In lemchan hi duhtawk rawh u, he mi rethei lutuk, thawmhnaw tha pawh nei lo hian VIP room hi a book ang maw, waiter mai mai” tiin Chuck chu a kawk a.
“Miss, khawngaihin i tawng fimkhur rawh, amah hi modern restaurant a VIP a ni” tiin zah takin Chuck chu a melh zauh va.
deuhsawh tak hian a nuih a, “innuihzatth;ak hle mai, in boss chuan hre se, tunah la la hian a ban nghal ang che u, manager va ko rawh, complain ka siam duh” tiin a kut chuan a kal turin a ti a. “Keimah hi manager ka ni” tiin a lo chhang a.
Ner nung chung hian, “manager nih i qualified lo, in boss ka hmu duh, in lemchan hi ka hrilh vek dawn” tiin ring takin a tawng lung lung a.
Manager chuan Chuck chu ava melh a, ngawi rengin alo thu a, mahse a thil va hmuh chuan a thinphu a tirang ngei mai, manager rawn lut khan kawngka a khar si lova, thutna atang chuan Yvette kalsawn tur leh an lam hawia rawn phei tur chu a va hmu thei a.
Lara thinrim tawng ring bawk nen, Yvette chu thawm awmna lam melh chuan a rawn hawi phei ta ngei a, chutah a beisei loh lutuk mai, Conrad, Lara leh Jean chu a hmu ta le.
Lara, Conrad, Chuck, hetah enge in tih? tiin mak ti takin a zawt a, Chuck thinphu ru a rang ngei mai, Lara leh Conrad an rawn lan apiang hian buaina ala tawk zel chu a nisi a.
Lara chuan rang takin “teacher, hei Chuck kut min thlakna hi” tiin a biang sen chur leh mit duk chu alo hmuh vat a.
“Kut a thlak che maw” tih pahin rum zet hian Chuck chu a melh a.
“Helai hmunah hian thil eipui turin min sawm a, ka lakah beisei a nei lian zel a, mahse ka remtih loh avangin kut min thlak anih hi” tiin a chhang a.
Yvette mit mengah chuan thinrimna alo lang a, a ngaidam dawnlo tih a hmel atang chuan a hriat theih a ni. Aw ki hriam takin “engvangin nge heng thil hi i tih, i classmate anih hi” tiin Chuck chu a hau a.
“Chutiang thil engmah ka ti love, helaiah hian dinner ei tur ringawtin ka kal” a ti hman chauhva, Yvette chuan, nang teh lul hian helai hmunah dinner ei i tum amaw, i nihna hi hrechiang ta che, helai hmun expensive zia te hi i hre nange” alo tih khum nek bawk a.
Ei loh hmel zetin, “nangte chuan engmah neilo mahla, nei em em angin an thil i ei sak leh thei tho ang chu” a ti zui nghal a.
Chu tawngkam zet chuan, Chuck thin a tirim ngei mai, a thil thup zawng zawng chu engkim sawichhuah vek mai a duh a.


CHAPTER 16

I lemchan hi duhtawk tawh teh, helaia dinner ei tur hian tunge i nih” a ti a, chutia duh ang tawka Yvette in a hau khum lai chuan Lara chuan nuam a ti ngei mai. Chutiang tho chuan Conrad Lee pawh chu, chak zawk chan chang ang maiin alo ding chapo hle tawh a.
Chuck, “min ti lunghnur zing ta hle mai, helai hmuna awm ve tur hi ini lo, khawiah nge VIP room reservation message chu min han hmuh teh” a ti a. Chuck chuan, “chutiang reservation message hmuh tur che ka nei lo” tiin alo chhang a.
Lara chuan remchang zawngin alo inrawlh ve chhen a, “helai hmunah hian waiter hna thawkte zingah VIP room tifai phalo an awm teuh a sin, i tan chuan chawimawina sang tak a ni ringawt, chu chu remchanga la in helai hmunah hian thil ei tur anin lem i chang vel chu a nia” a lo ti ve bawk a.
Yvette chuan thinrim taka a hauh mek chu hmuh tuma rei tak a nghah mek baller kha a ni tih hria se la zawng, mak tih lutuk vangin a thidang thei hial ang. Baller lakah chuan hmeichhe zaidam leh nunnem, midangte hriatthiamna thui tak nei mi a ni a, Chuck lakah erawh chuan hriatthiamna leh dawhtheihna a tlachham ngei mai. Chu mize pahnih in ang lo lutuk chu Chuck chuan mak a tiin awih har a ti hle a.
Lara chuan “Zirtirtunu, a ID hi waiter nih nan a hmang a, chumi hmang bawk chuan hmeichhe hrang hrang helai hmunah hian mi hausa anga awmin a hruai thin a nih hi, kei ngei pawh min kova, mi fel leh mi tha tak niin ka ngai a” alo ti zawt zawt a.
“VIP Reservation nei miah lovin helaiah hian i lut ve ringawt a maw, hrechhuak che se la, engtinnge i tih ang, nidangah chuan lem i chan dawnin, i lemchan tur zir chiang hmasa tawh ang che” ti a a hauh zawh hnu chuan kalsan tumin a inher a, Lara pawh chuan che fuh inti zet hian Conrad banah vuanin kawngkapui lam panin an chhuak mek a.
Chutihlai tak chuan, an lam panin hmeichhe hmeltha leh hleitling zet hi a rawn phei a, an bulah chuan dingin, a heh zen no nalh tak leh mitmeng mawi tak, mahni inringtawk tih hriat tak mai chuan aw dam tak hian “Miss, tunge reservation seat tellovin VIP room a luah theih loh ti” a rawn ti a.
Yvette chuan “tunge i nih” tiin alo ner khum a, mahse a hawiher leh awmdan zawng zawng atang chuan mi pangngai mai anilo tih a hriattheih a.
“Ka hming chu Zelda Maine a ni e” tiin alo chhang let a.
“Zelda Maine maw, he restaurant neitu hi” tiin mak ti tak chuan a zawt a. Helai hmunah hian a kal ve fo tawh a, engtinnge a neitu hi alo la hriat loh theih zawk.
“Aw,” tiin a lu a bu nghauh a, “Miss, kan mikhual VIP te tan hian VIP room hi book a ngai reng reng hlei nem, an tana buatsaih ani zawk” tiin a hrilh zui a.
Yvette chuan lu bu nghauh nghauh chungin, “ka hria lawm” a lo ti a
Lara chu sir khatah ner nungin, Chuck hi an VIP a ni ang maw, hetiang mi rethei, thawmhnaw tha pawh neilo, dollar 20000 a chhar vang mai hian maw, a pawisa neih zawng zawng pawh kha hmang vek pawh nise, engtin nge VIP anih ve phak. VIP hi kan ngaih ang teh ual in a lo ropui lo anih dawn hi” tiin a rilru chuan ngaihdan a lo siam zung zung a, a nui a,
Miss Zelda chuan Lara chu melh in, complain i duh chu enge ni a” tiin a zawt let a
“Waiter in enkawl dan hi a tha ka ti khawp mai, a thiante nen inthurualin VIP room book tu angin a awm vel a nia” a lo ti thuai a
Zelda chuan, aw dam tak hian, “chu, in hmaa ding hi waiter angah in ngai tihna ni maw” tiin a lo chhang let thuai a.
lara chuan, “Tehreng e, a incheina te hi en ta che, avai hian dollar 100 man pawh a tling lovang, helai hmunah hian minute reilote chhung awm thei tur pawh anih loh hi, waiter bak va ni suh, a thiante nena an awmdan avang hian na takin hrem la, i restaurant hming a hliau loh nan ban vat rawh” a ti bawrh bawrh a.
Zelda chuan lu thing pahin, “chutiang chu ka ti thei lo” alo ti mai a.
“Boss i ni a, customer hmaah i hnathawkte i tan zawk dawn maw, hetiang hi high end restaurant a customer te an treat dan maw? haha” tiin a nuih khum vel a.
“a hmasa berah, nang hi ka customer i ni lova”
“a pahnihnaah chuan Chuck chu en pahin, a ni hi kan hnathawktu ni lovin, kan VIP anih hi” tiin Lara chu a hrilh a
“Kan awih i ring em ni? VIP room luah thei tur chuan pawisa tam tak sen angai, an ni ang tan hi chuan van a rah ang a ni, nge, high end restaurant ani tawh lo zawk” tiin Lara chuan alo chhang let a.
Zelda chuan “A dik alawm, VIP room meuh chang pha tur chuan pawisa sen a sang khawp mai, hepa hi ka thian a ni a, VIP a ni theilo vem ni? tiin aw ki thlang danglam chuang miah lovin pangngai takin a chhang let a.
Yvette rilru ah chuan, nichina Chuck a’n dinner ei turin ka kal a tih kha, alo awih lo viau ringawt a, mahse Zelda tawngkam atang chuan thudik a sawi ve thei deuh thovin a hria a. Chuck chu uluk takin a han en leh a, mak tihna leh rinhlehna rinhleh theih siloh chu Yvette hmelah a rawn lang chhuak a, angaihtuah let a, nichina a hau vak te khan cool takin a awm reng a, khatiang kha ani ngai lo, mi confi lo tak mai a nihte chu a ngaihtuah chhuak a. mak a ti hle a ni.
“Thian a, hetiang mi rethei lutuk hi thian i ti a maw, zahawmna i hlawhchhuah zawng zawngte hi ngaihtuah ta che, engtinnge hetiang hi i tih theih?” tiin Lara chuan lungawi lo zet hian a chhang let a. Mi hausa pakhat tal pawh thian tih tur a neih ve loh te chu a ngaihtuah pah a. A thinrim hlur tawh mai a ni.
Zelda te ang, hmeichhe fing leh remhria, mi hausa tak tak vawi duailo lo hmachhawn tawhtu chuan an incheina ringawt a en lova, mi hausa tak tak chin chu a hre hrang hle a ni. “Engtin nge ka VIP hi ka ban theih ang, tiin Yvette chu a zawt leh a.
Yvette chuan chhan zui dan tur mai a hre lova, a ngawih deuh vang vang hnu chuan, “engtinnge hepa nen hian in inhriat” tiin a zawt let a.

CHAPTER 17

Zelda chuan Chuck chu a melh zauhva, a hma zawnga cool taka lo ding ve reng Chuck chu a zam deuh tih ava hmu vat a, thil thup duh a nei ani tih a hrethiam nghal mai a, tichuan, Yvette chu enin “mi fel tak a ni a, thian atan ka duh a, chuti bak chu ka chhang thei lovang che” a ti a.
Awih loh hmel zet hian “mi fel tak a” a lo ti zauhva, kum tam tak an inhrawn tawh a, mi fel tak angin a la hmu ngai lo, mahse vawiin ni a alandan chu a cool takzet a ni.
Zelda chuan, remchang la vatin, “ilo la belchiang lo hle a ni maw” alo ti thuai a. Yvette chu a inher a, engmah sawi lovin a kal ta daih a.
Chutia a kalsawn hnu chuan a thutna ngaiah bwak chuan a thu leh a, Lara leh Conrad chu an inmelh a, an zirtirtunu chuan tunge a nghah ang tih melhin an in melh a.
Wechat message chu a en a, mahse baller chuan tun thlengin a la rawn reply lo, Zelda chuan Yvette chu a en a, a inchei dan te, rei tak chhung amah chauhva table a awm chu, nghah a nei a ni tih a hrethiam vek a, a bula ding mek Chuck hmelah leh chezia ah nuam tih lohna leh, confi lo deuha awm a hmuh chuan thil awmzia a chhuizawn thiam chak ngei mai.
Chuck chu melhin, a mitko san zauh pahin, nangmah a ni maw a nghah chu, engatinge i inhriattir mai loh” tiin a nui sak a, Thil awmzia a hriatchian hnu phei chuan a hmui no nalh tak chu nuiza insum tih hriat tak hian a pet a, chu chuan a ti duhawm zual ngei mai.
Zelda nen chuan car park naah khan an inhmu ve chauh kha a ni si a, buaina a tawh laiin an inkarah rawn awmin, mawi takin a chhanchhuak leh bawk nen, mak a tiin a lawm rilru hle a.
Zelda hnenah chuan “Chuck hi ka thian a ni a, VIP title min pe ve thei lawm ni” tiin Lara chuan a zawt a,
tun lawka alaka i awmdan zawng zawng kha thian inkara tih chi em ni” tiin a lo chhang let a.
Ngaihdan nilo zet chuan, “helaiah hian waiter anilo pawh ani thei, hmundangah chuan waiter hna bak a thawk lovang e, nang ang thian a chhar che hi chu a vannei takzet a ni” a tih khum a.
Miss Zelda chuan a ning ta deuh a ni ang, aw ki, san hlekin “eng motor nge a khalh hria em?” a tih chiah chuan rang takin Chuck chuan aw a lo thian vat a, sawi chhunzawm lo turin Zelda chu a signal a.
Lara chuan “enge ani hian a khalh i rin a, engchu nge a khalh a?” tiin a lo zawt let vat a
Chuck an sawi a duh lo tih a hriat avangin lungawilo zet hian Zelda chuan, “engmah a nilo” tiin lu a thing nghat nghat a.
Lara chuan, “a ni ang pawh VIP title in pek theih chuan engahnge min pek ve theih loh, a ni ai hian a let tam takin ka hlu zawk” tiin thinrim takin a an khum a.
“A ni ai hian i tawng theiin, harsatna siamtu mai i ni” tiin Zelda chuan chang fal hian a chhang let a.
Lara chuan, thinrim tak hian, “chutiangin min ti miah suh, hepa hi i duh hun huna sex hman pui tura i kawp a nih hi, nangni ang mi changkang ve si, i duhtui lo hle mai” tiin tawngkam chhe tak takin a ang bawrh bawrh a,
Zelda thin chuan a tuar ta lo, a beng her sawk a, Chuck pawh chu a insum zo ta bik lo, Lara chu melhin pawnlam a kawk a, “a tawk, helai hmun hi chhuahsan nghal rawh” a ti a.
Conrad pawh chuan a bialnu Lara chu a thleng thui mah mahin a hria a, chu lo rengah Zelda hian phuba la duh se, a chhuan ve em em, a pa company chuan a chhiatpui zawk ngei dawn tih a hmutlang vek a, Lara chu chhuahpui turin a banah a pawt a,
Lara chuan, mi laktlak loh pa, kut min thlak hi i hmu lovem ni, min chhan ta che” a lo ti chul a, Conrad Lee chuan, “ka rualin ilo chhuak dawn nge dawn lo, ka chhuahsan dawn che a nia” a ti a. Lara ban a vawnna chu thlah pahin, Miss Zelda chu ngaihdam a dil a, ka tihpalh takzet, khawngaihin min umzui lo la” tiin a chhuak ta nghal a.
Lara pawh chuan tantu tumah a neih tak silovah chuan, angaihtuah a, Zelda te ang mi hausa, a restaurant hlutzawng ringawt pawh dollar million tam tak hu, a thinrim a, apa chunga a rawn truan zui vaih chuan che chhe tur zawk an nih zia chu a hria a, a hlau thar ta tulh tulh a, Zelda lam hawiin mittui tla pur chung chuan, khawngaih a dil mawlh mawlh a, an chhungkaw chunga truan zui lo turin a ngen lawm lawm a, Chuck lam a hawi a, khawngaihna ngenpuia ngaihdam dilpui turin a ti a, a phi ruai a.
Chuck chuan, “khang thil zawng zawng i tih hnuah khan engtin nge ka tanpui theih ang che” a lo ti a.
“Ka diklo alawm, dikna ka nei lo, khawngaihin min pui rawh” tiin tap purin a ngen mawlh mawlh a.
Chuck chuan, a eiin bill pe pah chuan, ka lawm e, director Maine” tiin Miss Maine lam chu a hawi a,
Chuck in a rawn biak lai chuan, chawplehchilhin a mize nelawm tak chuan Zelda tiin min ko dawn nia nui sang hian a rawn ti a.
Lu thing pahin “Chutiangte chu thildik a ni hleinem, Sister Zelda tiin ka ko zawk ang che” tiin alo chhang let a.
Modern Restaurant neitu a ni a, mi zahkai a ni a, dinhmun pawh mi chung en a ni, chuvangin Zelda tia koh tawp chu thil tihphung ani lo reng a ni.
Hmel hlim taka an inbiak lai chu remchangah la in, Lara chuan Zelda lam hawiin ngaihdam a rawn dil leh mawlh mawlh a, Zelda thinrimna chu ala reh mai lo, mahse a chetzia ah engmah tilang tawh lovin a ngawi reng a.
Chuck pawh chu ngaihdam dilpui turin a ngen pah bawk a, “khawngaihtakin min lo sawisak la, tichuan zanin hun ka hmanpui ang che” tiin Chuck kutah chuan a chelh a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2021, 5:50 pm

CHAPTER 18
Chuck chuan Lara tawngkam chu mak a ti takzet a, Zelda pawh chu mit ko san awk in, a lo nui sak a.
Conrad Lee in a harsatna tawh laiin a chhuahsan a, innghahna tlak anih loh zia leh kut an thlak lai pawha a hmaa ding ngam lo a bialpa chu engmahlo mai ni hian a hria a, Chuck te ang, mi hausa leh mi zah kai hmelhriat nei thei ngat chuan a rukin talent tha tak a nei ngei ang tih a ring ta a, chulo reng ah, VIP room a thil thleng kha, a taksa zawng zawng a hmuh sak tawh a, chu chu remchanga la in Chuck chuan a puih theih ringin, lawmman pek pawh a hnial lo ani.
A thusawi avang chuan zak ru hle mahse, a ni ang hmeichhe nalh chu Chuck pawhin a hnar theih bik a ring lova, Zelda in a umzui loh nan chu offer chu Chuck a pe a ni.
“Zelda i hnenah tha takin thu min sawi sak phawt chuan zanin hian i ta ka ni anga, ka taksa nalh tak hi i chen dawn nia” tiin Chuck chu a hrilh mawlh mawlh a.
Chuck chuan chutiang thu a chhakchhuak chu mak a ti hle a, Zelda laka thu tha sawi sak tura a duh vang chauh leh nghal. A offer ang chuan ti ta se, Zelda chuan thianthaa a neih angin a lo pawm ngei ang, mahse chu chuan an inthianthatna chu a tichhe zual zawk ngei dawn a ni. Chu chu ni theiin a hre bawk silo,
“Ni love, nangmah ngeiin ngaihdam chu i dawl dawn nia” tiin Lara chu a chhang let a.
Mittui tling piau kara rawn enin “Director Maine, ka diklo tih ka hria, khawngaihin min ngaidam rawh, ka ti leh tawh ngai lovang” a rawn tih chuan.
Chuck chuan khawngaihna leh alakah bat nei ve thoin a inhria a, a pung awmin pawisa puktir mahse, a mamawh lai takin a ni a, amah avangin ril tam lovin a awm kha a ni ve tho si a, thu engngemaw sawi sak chu thain a hria a,
Sister Zelda” a ti hman chauh va,
“engmah sawi angai love, theihnghilh ang” a lo ti vat a.
Lara chu a lawm ngei mai, Zelda lam chu enin, lawmthu a hrilh a,
Zelda chuan, “ka hnenah nilovin” Chuck lam en in “a hnenah sawn” a lo ti a
Lara chuan, Chuck chu enin, zawite hian, “ka lawm e, ka lawm e, nakinah ka rawn call ang che” tiin zak takin a chhuak zui a.
Zelda chuan, nui sang chung hian, “i hming pawh ka la hre lova” tiin Chuck chu a melh a.
Chuck Cannon” ka ni e alo ti vat a,
Zelda rilru ah chuan mi hausa chhungkuaah Chuck thlah chhungkua awm reng reng a hre lova, tunge Chuck chhungte ni ta ang? tiin a ngaihtuah a, i hming ang hian ka ko zui mai dawn che nia” a ti a.
An pahnih chuan wechat ah an in add a, topic thlakin boruak dang an hip ta bawk a, Zelda chu a duhawm ngei mai, a hmelthain a pian a nalh bawk a, he nu hi emni Chuck tana khuanu ruat chu ni zawk?
Zelda chuan, Chuck melh pahin “va kal mai la” tiin Yvette thutna lam chu ava mitsir zauhva
A hmaa an relation chu hrilh chi niin a hre lova, bill a pe fel tawh bawk a, “ka kal tawh phawt ange” tiin pawn lamah chuan a chhuak a, Zelda pawh chu chhuak zui ve in, “dinner ka treat ang che” tiin Chuck chu a sawm a, mahse Chuck chuan mawihnai takin, “kan inhre chauh a ni a, nidangah zawk le” tiin a lu alo thing a, chu chuan Zelda mak tih a hlawh zual ngei mai.
Tlangval tam tak nise la Zelda te ang sawmna chu hnar phal chi a ni lo, chubakah hepa hian mipa leh hmeichhe inkar thil kalchhohpui dan a hre ru hle mai, tute chhungkua nge maw anih le” tiin a ngaihtuah a.
Restaurant kawngkapui an pelh fel hnu chuan Zelda chuan, “ka luh san leh tawh zawk ang che” tiin an in mangtha zui a.
Zelda chuan a tuk tukleha party a buatsaihnaah sawm ve a rilruk ta a,
Hrilhhai taka Yvette thu reng chu a en a, staff chu kovin steak plate khat rawn la turin a ti a, rang taka rawn pe in, Zelda chuan Yvette thutna dawhkanah chuan ava chhawp a, Yvette chuan, lu thin pahin, “engmah ka la order lo ve” a lo ti a, Zelda chuan “tu in emaw a treat che nih kha” a ti mai a.
Treat maw?, hetah hian a awm em ni? tiin phawk takin Zelda chu a en a. Zelda chuan, nichinah VIP room ah i hmuh tawh kha” tiin alo chhang a
Yvette chuan, ngaihdan nih loh hmel zet hian, “Chuck maw, steak plate khat pawh dollar 800 man chuang a ni a, engvangin nge he thil hi a tih, mi laktlak loh lutu” a ti nung nung a.
“I hmuh dan ang em em kha chu a niin ka hre lo” tiin Zelda chuan a chhang a
“Ni e” ti bakin a chhang let lo, Ngawi reng chuan steak plate chu a en a, ei tumna rilru pawh nei chuang lovin, a lu a thing nghat nghat a, a ngaihdan a nilo hle.
Chulai hmun chu chhuahsan a tumin a thova, chulorengah restaurant pawh khar tumin an inbuatsaih chho tan mek tawh a, in lamah chuan lunghnur zetin muangchangin a inkhalh haw a, a room darthlalang lianah chuan in en in, mawi theihtawpa a incheina te chuan awmzia a neilo hle ti niawm tak hian a in en reng ringawt a,
Mahse, chutiang ngawta beidawn a tum lo, harsatna atawh laiin minute hnih khat chhung lekin dollar nuai hnih a rawn transfer a, hepa ngei hian nikhat thilthuah a in zawrh chu full payment in a leisak bawk a, hriatchhuah a, lawmthu sawi ngei a tum tlat a ni.
A phone chu lachhuakin, a video call ta a, chuveleh rang lutukin a video call chu baller chuan alo reject a.
A tawlh hnung dawt a, “restaurant ah khan ala awm ve reng zawk em ni? ngatinge min hmuh duh miah loh, ka tan thil nasa tak i ti a, mahse min ignore tlat bawk si, ilakah tihsual ka nei em ni” tiin amah leh mah chu a inbe mawlh mawlh a. ‘Baller, tihsual ka nei em ni’ tiin message a va thawn a,
Chuck pawh chu a inah chuan sofa dup nuam taka thu in ngaihtuahna a lo kawm mek a, message rawn thleng chu a han chhiar a, rei tawk fang angaihtuah hnu chuan, engmah tihsual i nei lo, vawiin ni hian tumah hmuh ka duhlo ani” tiin a reply a,
Yvette chuan, rang takin, ‘anih chuan naktukah sawi tha ila’ tiin a chhang vat a. Khumah chuan a bawk thlawp a, dollar nuaihnih hi engah vakmah angai lo emawni dawn le’ tiin a ngaihtuah neuh neuhva.
Chuck chu, inbualfai tumin shower awmna lam a pan a, Lara chuan rawn call in, mak ti tak chuan, “he nu hi, min bumna tur dang angaihtuah chhuak leh tawh em ni” tiin phone pawh chu a la duh lova, mahse a rawn call nawn lehzel avang chuan, “enge i duh a” tiin phone ah chuan rum deuh tak hian ava bia a.
‘Chuck, i bula ka sawi kha, ka sawi ang khan zanin hian room book ila, hun ka hmanpui dawn che nia’ tiin inthiamlo tak chung hian a rawn sawi a, rang takin Chuck chuan, a “chutiang angai love” alo ti vat a, an ni ang hmeichhia te nen a inhnimhnaih fo chu a duhlo a ni.
Chutia alo chhan tak siah chuan, mahnia nalh intive tawk chapona rilru rawn chawk thovin, ‘Chuck, a der a nun hi uar viau suh, classroom a ka kun lai khan ka awm bawr i thlir nasat zia kha ka hre vek’, ‘duh lo anga lan tum duh suh’ a rawn ti tawn tawn a.
Thildang sawi belh a tum mek lai chuan, Chuck chuan phone chu a titawp ta hmak a.
Lara lungawilo chu a phun mawlh mawlh a, ‘Chuck i lemchan hi duhtawk rawh, ka duh vang reng nilovin mahni thusawia ding mi ka ni a, hreh tak chungin chu thil chu ka offer che a, min han hnar vel a, min phu hlawl hleinem, i vanneihna i bawhpelh anih hi, min dem hauh suh ang che’ tiin dormitory lam pan chuan a phei tau nghawng nghawng a.


CHAPTER 19

Tun hma nun kha chu nise, Chuck hian Lara te ang sawmna hi a hnar phal lo ngei ang le, mahse tunah chuan duhthlang thei tur khawpin a sum dinhmun a tha tawh tlat a.
Chuck chuan a BMW chu registration tih fel hmnasak phawt thain a hria a, mahse chutihlaiin Queenie Carson in a tih ran sakna lai kha siamtha hman pawhin a la khawsa si lo, salesman Charlotte Yates, chu message in thil awmzia a va hrilh a, Charlotte yates chuan, an dawr a rawn kalpui turin leh a rang lai chu lo ensak turin a chhang a.
A thawhna ni hmasa bera a thiltawn kha beisei phak bak ani a, chulo rengah, Chuck kha a ngainat zawng tak a ni a, a mizia zawng zawng te kha a mipa duhzawng tak alo ni bawk nen, chutia Chuck message a hmu chu reply pawh nuam a ti ngei mai.
“Engzat nge pawisa sen ngai ang” tiin a rawn zawt leh a, rang taka reply in “dollar singhnih vel chu angai ang” a ti a.
Chuck chuan, “okay, naktuk emaw tukleh emaw rawn kal ka lo tum dawn nia” tiin an in message na chu a ti tawp a.
Chuck chu shower ah inbualfaiin khum nuam takah chuan tui ti takin a muhil ta bawrh bawrh a.
A tuk ni a lo chhuah chuan, tuk thuan a ei zawh hnuin, 4S Automobile Store lam pan chuan a inkhalh chhuak a, tlemte chauh rang nimahse, car satliah anih loh miau avangin an ulukin an siamchhung chua rei phian mai a, alandan chuan vawiin hian a car chu a hmang hman dawn lo a ni. Taxi laa chhuahsan mai a tum a,
Chuck te ang customer tha chu tu saleswoman tan pawh biak chhiat chi ani lo nachungin Charlotte hian chumi piahlamah Charlotte hian Chuck lakah feeling engemaw a nei bawk nen, Chuck chu auvin, “sir, a zia lo hle mai, i kalna turah ka lo hruai ang che’ tiin ti tak deuh hian a rawn bia a.
Chuck chuan, ‘angai love, tihdan a awm mai ang, ka lawm lutuk e’ tih pah chuan a chhuak ta a, kawngpui sirah kalin, taxi phar tur a melh pah a,
Charlotte in a en reng lai chuan, a phone chu a rawn ri a, a cousin Lara chu niin, “hello, Lara tiin a lo chhang vat a,
Lara chuan, “unaunu, pawisa min hmantir lawk tur i nei em” a rawn ti a. Dollar 6000 lai kha a hnawhkhah leh vat loh chuan buaina leh harsatna a tawk nasa dawn si a, tihdan kawng hrang hrangin angaihtuah a ni.
Charlotte chuan, ‘engzat nge i mamawh a” tiin a lo chhang a, a hna hi tan ve deuh chauh mahse, a thawhni hmasa berah khan tlangval hmeltha tak lak atangin hlawkna nasa tak a tawng nghal kha a ni a,
Lara chuan, ‘ehe unaunu, pawisa i hlawhchhuah tam hman viau em ni’ tiin mak ti deuh tak hian a zawt a
‘Ni love, hmanni khan motor ka hralh ve hlauh va’ tiin a lo chhang mai a
Chik zawkin ‘motor satliah a ni lovem ni’ tiin a zawt leh a, Charlotte chuan ‘Motor man to ber kan neih zing a mi a ni a’ tiin a chhang a
Lara chuan chutiang motor man to leitu chu a unaunu hnen atang chuan a hriat theih inbeiseiin a zawt dilchhut tulh tulh a, ‘eng ang hmelpu nge’ tiin a zawt zel a
Charlotte chuan, zirlai ni awm tak a ni’ tiin a lo chhang leh a
“Zirlai maw, chhungkaw hausa tak an nih dawn chu” a lo ti ve a
“Ni e, mi hausa tak an ni ngei ang, chuti chung chuan thawmhnaw man to a inbel ve lem lova, nungchang mawi tak a nei bawk a, a sam kha met deuh se, a hmeltha lehzual ngawt ang’ tiin a chanchin sawi nuam ti tak chuan Lara chu a hrilh bawrh bawrh a,
Lara chuan, ‘chuti maw, min inhmelhriattir ta che’ a lo ti vat a. Conrad Lee nen an in break zo deuh chauhva, mi hausa tak ngaihzawn tur a melh lai mek a ni bawk a, phur fahran hi an ‘Wechat contact i nei ang chu tiraw’ a ti nghal zat a, inringtawk a, mipa; a zuna uaitir turin huphurh em em a nei bik lo ani.
Charlotte chuan chhuanlam mai tur a hre lova,
“unaunu, a contact no chu minlo thawn vat vat rawh” a lo ti chul bawk si.
Charlotte chuan ‘Aw le, mahse a chimawm zawngin va che miah suh ang che, chu chu i hria maw” a ti ta ngawt a
Lara chua, ‘lutuk, chuan pawisa chu dollar 6000 ka mamawh a, min rawn thawn thhuai bawk dawn nia’ a ti nghal a
Charlotte chuan, aw ki san hretin, engmaw, dollar 6000 a, chutiang zat zat engatan nge i tih?” tiin a zawt leh vat a
“thil thui tak ani, remchangah ka la hrilhfiah zawk ang che, hmanhmawh la aw, chuan contact no. pawh chu theihnghilh lo la’ tiin an inbiakna chu an ti tawp a.
Reilote hnuah message rawn thleng chu hawngin, nickname a baller’ tih a hmang chu mak a ti ang reng viau a, friend request chu thawn nghalin. Chuck chuan a phone chu enin, Lara friend request rawn thleng nawlh chu mak a ti hle a, a private account ah, chutah he account atang hian mi pahnih chiah ala bia a ni si a, a ngaihna ahrelo hle a ni.
reject a tum zet taknaa, phuba lakna remchang tak a ni thei dawnin a hria a, request chu a accept ta zawk a, minute pawh a ral hmain Lara chuan ‘hi baller’ tiin smiley emoji a rawn thawn nghal a, chhanlet vak ngaihna hrelovin, emoji bawk chu a thawn let ve leh mai a.
‘baller, ka cousin in zirlai ila nih thu min hrilh a, keipawh zirlai tho ka ni a, university khatah te hian kan lo kal dun reng lo maw’ tiin a tawpa emoji dahin ava thawn leh a.
‘ni mai thei’ tih chuahvin a chhang let a.
“alo nih tak mialin inhmu ila, vawiin chawhnuah hian hun i nei thei angem, ka treat dawn che nia’ tiin a thawn let leh a. A taksa nalh tak lang tam thei tur ang ber thawmhnaw sexy tak hak a tum rilru a, baller chu a taksa nalhna hmanga hneh a tum a ni.
Chutia a ngaihtuah mek lai chuan, wechatmessage chu a dawng a, phur fahran hian a hawng vat a, ‘vawiin chu ka hman tlat lo’ tiin baller chuan alo chhang a.
Chutiang maia awlsamin beidawn a tum reng reng lo, baller chuan hriatloh vang a ni, a taksa nalh tak, mipa in an hnar phal loh hmang chuan chhai tluk ngei a tum ruh hle a.
A taksa thenkhat lang theiin a selfie a, ‘hey baller, ka thawmhnaw hak hi enge ang i tih, ka inhmeh ve tho em?’ tiin a tawpa emoji dahin ava thawn a.
A nalh lah taka, Chuck chuan a zoom a, a thawmhnaw inbel chu mipa hip chi tak a ni. ‘tha reng’ ti chiahin a reply a.
“okay, anih chuan heihi vawiina ka rawn hak tur ania” tiin a chhang leh a,
Lara hian mipa play dan vel chu a hre viau a, chubak chu message thawn hmasak a tum lo, tiang hunah tawh hi chuan mipa zawk an rawn phur viau a, chu chu awlsam takin alo play kual tawh mai thin a ni.
Mahse, Chuck chuan Lara play dan vel chu a ngai pawimawh teh chiam lova, phone chu ak tha in, taxi chuan mall changkang ber ber te zinga an sawiah chuan thawmhnaw lei turin a kal ta a.
Casual outfits awmna lamah chuan pheiin a duhzawng tur chu a thlek kual a, salesperson te chuan a incheina enin, ngaihsak vak tul lovin an hria a, mahse Chuck chuan chutiang ngaihthahna chu a tawn fo hnu a ni a, a ngai pawimawh teh chiam lo, a duh ang zat pheikhawk leh thawmhnaw lei nan chuan dollar nuaikhat vel lai a seng ral a, salesperson te ngaih ang ngawt chu a lo nilo. mak ti takin an melh hrek hrek a,
Dressing room atanga thawmhnaw thar nalh tak nena a rawn chhuak zet chu a landan adang ta ngei mai, a inhmeh tak zet a ni.
Shop assistant chuan, sir, i nalh hle mai’ a rawn ti a, mit la sawn lek lovin a en reng a.
Mall atanga a chhuah hnu chuan sam mehna dawr changkang ber leh manto na berah chuan a phei a, dawr chu hnaite a ni a, mite chuan an lo en duh sawt khawp mai.
Sam mehna dawr a luh hnu chuan, mi an lo awm nual a, a incheina in a zir ta bawk a, manager nu chuan, rang takin alo welcome vat a, hair style nalh tak nen chuan a hmeltha hle dawn a ni tih a hrethiam mai bawk a.
Zui tura a tihna lamah chuan zui phei zelin, lu a suk hnu chuan, executive hairstylish te, director hairstylish te chu a introduce pah zel a, pawisa lamah buaina a neilo bawk a, a man to ber tur chu a thlang a, manager chuan director hairstylish hnenah chuan a hruai ta a.
Director hairstylish room ava luh chuan, mak a ti hle a, chutiang khawpa hmeichhe hmeltha chu sam mettu ah an awm thei ani maw’ a ti rilru a. A lo hriat thin dan kha chuan, sam mettu chu mipa upa lam deuh chauh kha niin a hria a, a thil hmuh chuan a thil lo hriat thin dan chu a thaichhe chiang hle.
Rei fe chu mit la sawn lek lovin a en reng a, ‘ka pu, puih theihna che ka nei em’ a rawn tih takah chuan harhchhuak zawk ang mai hian a mit a khap zawk a, ‘hmeltha deuhvin min chhuah rawh’ a ti deuh tawl a.
Darkar chanve vel zet hnuah chuan, “sir, i sam thar chu engnge ang i tih’ tiin a han zawt a, uluk takin darthlalangah chuan a han in en a, amah pawhin awih har a ti ngei mai, hetiang anga hmeltha hian a chhuah theih a inring lo hial zawk a. MIdang pawhin hmu se, an awih bikin a ring lova, Yvette in a hmuh hunah phei chuan engtin tak ngai ang maw?


CHAPTER 20

Bill a pek fel hnu chuan, hairstylish chuan ‘ilo kal leh thin dawn nia’tih pahin a contact no pek a phal leh phalloh a zawt a, a sam meh sak danah a lungawithlak bawk a, tin hairstylish nu chu a chhe lo bawk a, a contact no chu a pe a.
Pawn a chhuah hnu chuan amah tawk zawnga mi rawn kal tam tak te pawh chuan a sam thar vang leh incheina vang chuan an melh zauh zauh thin tih chu a inhria a, hmeichhe hmeltha zet, amah tawk zawnga rawn kal phei chuan vawi hnih lai a mitsir tih chu a hai lo.
Amah pawh chuan a incheina thar leh sam thar avanga miten an thlir dan danglam ta chu nuam a tih rualin a nervous lek lek thin a, a tha zawngin thil a inher chho zel dawn niin a hria a.
Restaurant a noodles a ei zawh hnuin University lam pan chuan a kal ta a.
Lara Jean pawh chu zan lama baller nen an inbiak huna thlalak thawn tur ngaihtuahin angle hrang hranga thla la in alo hmanhlel hle a, Qeeunie carson pawh chu ngui nghiai hian classroom ah chuan alo thu a, motor neitu khan tun thlengin engmah arawn la sawi loh vang a ni.
Corridor a pheikhawk sang rawn pen ri khauh khauh an hriat chuan classroom chhung ri nuai nuai chu a reh nghal thap a, Yvette chu class la turin a rawn kal chu niin, classroom a rawn luh fel hnu chuan a han hawikual a, Queenie sira thutna awl chu va en in, ‘ah, Chuck hi a class a rawn absent lehpek a ni maw’ tiin zirlaite chu a zawt a.
Lara chuan, ‘tu emawni nena an inhmuh hnu khan class kal a tum tawh lo ni lawm ni’ ti pahin thla chu a la in lak mawlh mawlh a,
Zirlai dangte chuan, nuihza deuh hian ‘tu maw Chuck chuan a date pui ve ngei a’ an lo ti hlawm a.
Lara chu a hun taka a ngawi hman hlauuhva, chuti nilose la chuan, Zelda lakah ngaihdam a dil nawn leh ngei a ngaih phah mai thei a ni. ‘Hmeichhe hausa deuh nen a nih ka ring’ a ti ta hlauhva.
Hmeichhe thenkhat chuan, ‘chutiang chu a thleng lovang, hausa deuh duh tur chi a nilo, kei takngial pawhin ka duh lo’ tiin an awih lo zia chu hmelah zawng zawng nen an tilang a.
Thenkhatin, a pawisa chhar hmang khan mi hausa ho zingah ala chetla ve aniang chu’ an lo ti bawk a, classroom ah chuan an nui dur dur hlawm a.
‘Zirlai kan tan ang, in ring tawh rawh u le’ tiin Yvette chuan room a nui dur dur chu a khap a,
Chutia a sawi mek lai chuan, kawngka bula mi pakhat rawn lut tur chu ava en a, ‘ka tihpalh, ka rawn tlai avangin’ a rawn ti a.
Chu aw chu, an hriat than fo tawh a ni. An va hawi phei chuan, tlangval hmeltha leh duhawm em em, a thawmhnaw hak pawh a man a theuneu lo tih hriat tak mai, engkima danglam Chuck chu an lo ni reng a. an mengphawkin, mak an ti chu an ka hau hlawm a, ngawi rengin an en reng a.
‘Hei hi Chuck kha a ni lovemni, ka mitvai a ni lo maw’ tiin pakhat chu a rawn tawngchhuak hmasa ber a.
‘Chuck anih hi, engthil nge thleng ta’ thenkhat chuan an lo ti bawk a.
Thenkhatte chuan, ‘khawiah nge a sam hi a meh tir’ an lo ti bawk a.
Thenkhat phur lutuk chu an lo phul hlut bawk a. CK a ni ang, a lo ber ah dollar sang chuang man chu a ni hrim hrim te an lo ti a.
A thawmhnaw hak hi original ani lovang, a theih loh’ ti tawk lah an bo lo.
Thenkhat chuan, heng thawmhnaw hi tupawhin ha ila kan mawipui vek ang chu, mahse a sam mehna hmun hi kan hriat ve angai nih hi, nidangah kan la meh tir ve dawn nia’ an lo ti a.
A incheina man to tak chu thuhran nise, a hairstyle chu a landan ti danglam tu ber leh a hmelthatna phochhuak tu ber a ni reng a.
Second rei vaklo chu Chuck lamah rilru an pe vek a tihtheih ang, a thente chuan mak an ti a, a thente chuan an lo thik em em a

Lara chuan Chuck chu ngawi rengin a lo thlir a, a landan danglam leh inhmeh tak chuan a ngaihtuahna thui takin a hruai a, a hmaa thil lo thleng tawhte chu a ngaihtuah chhuak a, Chuck confident ta em em leh tuna a landan zel avang hian mak a ti rilru viau a, a hmaa verther taka thiltih tum a neih vanga Chuck mutpuia alo sawm kha tunah chuan thildang vang awm miahlova mutpui pawh a hnial lo rum rum a ni.
Chutia a ngaihtuah lai chuan, a rilru pakhatah, a incheina leh landan vang mai maiin hepa hi ka flirt pui phah anga maw, a teuh lo, tuna ka chhai mek lai baller hi ka chhuah tur a ni lo, a ti ve bawk a, anihna takah chuan baller chu Chuck anga mipa hmeltha nise a ti ru viau a ni.
Queenie pawh chuan Chuck chu a lo en reng a, a thinphu a rang ngei mai, Chuck rawn luh tirh khan a tum loh deuhvin, “ehe Chuck, i van hmeltha ve” tiin alo tawng chhuak a, chubak chu engmah sawilovin alo thu char char a.
Harsatna a tawh laia Chuck an dawhthei taka a awmpui te, a ruka mi ina an riah dunte chu a ngaihtuah chhuak a, khattih hunlai khan hetiang hmelpu hi nise, room khatah khan a inriahpui tir mai angem tih thleng thlengin angaihtuahna chu alo zeldin a, a thinphu a rang tulh tulh a, a diklo vek dawnin a inhria a,
Heihi hmangaihna chu em ni?
Queenie chuan chutiang ‘ni lo nilo’ tiin a rilru atanga paih bo tumin a lu a thing a, ka thianpa, ka classmate chauh a ni, a bak a awm lo tiin a inhrilh a.
Yvette pawh chuan mak a tihzia chu a thup thei biklova, a mitmeng a tang chuan alang chhuak hial a,
A tette atanga a hriatchian, a chenpui thin a ni a, mi pangngai mai, chaklo tak, huaisenna neilo, midangte tluk ngai reng renglo, mahse tunhnai mai atang khan inrintawkna a rawn neih takzia te, tin, a incheina chu a ori emaw ori lo emaw a nalhpuiin a sam meh dan chuan a ti hmelthain a duhawm takzet tih chu a ngaihdan leh hmuhdan a ni.
A rilru chuan, baller kha hetiang anga mipa hmeltha hi ni hram se a ti a, mahse chu chu duhthusam mai a ni tih hriain, baller hmuh thuai thuai duh na chu a rawn lian leh hle a.
Ni danga Chuck laka a aw ki hman ngai mang loh aw ki pangngai tak chuan, ‘a tha e, nidangah chuan tlai tawh suh ang che, rawn lut rawh’ tiin a hui a.
A thutna lam pana a kalphei lai chuan classroom a mi te zawng zawng chuan amahah attention an pe vek tih chu a hre thei a, nuamlo a ti letling ru viau a, Queenie bula a seat ah chuan thuin, Queenie hmaisen vek chu enin, ‘Queenie, i hmai chu engatinge’ tiin a zawt vat a.
Queenie chuan, ‘engmah a nilo, tiin thawk a han la vak a, a rilru chuan, ‘ka thianpa mai a ni e’ tiin thildang ngaihtuah luih a tum a, mahse a thinphu erawh control theih a ni lo, a phu dup dup a, theihtawpin a thup hram hram a ni.
Chutia an pahniha eng eng emaw sawia an titi chu Yvette chuan hmu thei lovin, ring zet hian, class kan tan dawn’ a rawn ti thawt a. Chuck lakah hian chutiang thikna chu vawite khat mah a la neih ngailoh thil a ni.


CHAPTER 21
Tun tum Yvette class la chu, a thin chhia in, nidang a anglo takzet a, class period a zawh chuan an thaw huai hlawm reng lah tak a. Chuck chu an mitsir zauh zauh leh tawh hlawm a, vawiin zet chu Chuck hian a classmate te a surprise chiang em bawk a, amah chuan attention an pe vek a ni. Chutiang khawpa hmeichhe hovin Chuck ringawt an buaipui chu classroom a mipa ho chuan an thik viau a,
‘Lara, tinge sexy deuh deuhva i selfie” tiin a bula thu chuan mak ti takin a zawt hlawl a, Lara chuan a melh kawk a. Baller thawn turin sexy tak takin a selfie a, mahse a bula thu nu chuan a rawn en pawh a ring chiah lemlo a ni. thlalak hi ka bialpa thawn ila enge a pawina? tiin a chhang let a. A thlalak te chu baller thawn pah chuan bag ala a, classroom atang chuan a chhuak a.
Chuck chuan classroom a luh hma khan phone a silent tawh sa a, a phone rawn vibrate chu phawrhin a han en a, wechat account ah chuan message alo awm nual a, a han hawng chu, thlalak sexy tak hlir alo ni hlawm a, class an ban tawh thu sawiin lenchhuahpuiah arawn sawm pah bawk a,
Ngaihdan nih loh hmel tak chuan lu thing deuh nghat nghat pahin chhang let chuang lovin a kekor ipte ah chuan a ak tha leh mai a.
Lara hian mi hausa ni a a hriat apiangte chu chance a awm hram chuan flirt pui a tum a ni ber.
A phone chu rawn ri lehin, Lara tho anih a ring a, henu zet hi chuan a duh ahmuhna tur anih phawt chuan zah pawh a dawnlo anih hi’ ti rilru chung chuan phone chu a en a, mahse, car an siamthat tawh thu leh a hman hun huna rawn la chhuak turin Charlottee Yates chuan a rawn message zawk a lo ni a.
An service rintlak tak avang chuan Chuck chu a lawm rilru hle a. class a awm tawh lo bawk nen phur tak chuan a thova, chuveleh, Queenie chuan abula awm beisei ru deuh hian, ‘khawiah nge kal i tum a’ a lo ti vat a,
Chuck chuan, ka haw tawh dawn’ tiin a chhang a, a car chu va lakchhuah vat vat a chak tawh a ni.
‘Anih chuan fimkhur ang che, keipawh part time job lamah ka kal dawn e’ tiin a bag chu ak in a tho ve nghal a.
Chuck chuan, Queenie chu enin, part time job engnge i thawh ber, hun remchangah ka rawn tlawh dawn che nia’ a ti a.
‘Tlawh maw, a theih loh ang’ tiin alo chhang let vat a, a thawhna restaurant changkang leh expensive takah chuan Chuck chu awmze nei lova pawisa khawhral tir a duh loh mai piahlamah, a hnathawhna hmun chu hrelo se a duh zawk a ni.
‘Ka kal phawt ange’ tiin hmanhmawh deuh chuan Chuck chu a kal pel a, pen hnih khat vel a kal pelh hnu chuan rawn hawi let lehin, “car neitu khan minlo la call miah lo” a ti a, a hmelah chuan nuamlo a ti tih a hriat theih a ni.
Chuck chu a nui hman tep a, mahse a insum hman hram a, Queenie rilru thatzia leh innocent zia chu mak a ti zawk hial a, ‘a neitu chuan engahmah a ngailo anih chu, i rilru tihah duh tawh suh’ tiin a lo chhang a.
‘nie tiraw, mahse rawn call thut thei a ni a, chuvangin a rulhna tur ka lo tuak lawk alawm, anih phawt le, naktukah kan inhmu leh dawn nia’ tiin a bye bye a, a kal san a.
Lara lah chuan chhum lo chat lovin message a rawn thawn deuh reng a, chhuahpui turin alo sawm ve char char a, mahse Chuck chuan Lara laka intheh de re chu a tum lem lo, ‘ka hman lo’ tiin a reply a.
Khawngaihthlala deuh emoji pathum chu Lara chuan a thawn let leh a, Chuck chuan reply tawh lem lovin phone chu a kekor ipte ah chuan a thun a, second tam pawh a ral hman lovang tih chuan phone call a dawng nghal a.
Nin hmel deuh hian phone chu phawrhchhuakin, a hmel chu chawp leh chilhin a inthlak danglam nghal a, mak a ti hle a, Zelda in a rawn call chu niin. Zelda te ang, hmeichhe hmeltha leh nalh, hausa bawk si chuan a rawn biak hmasak a ring pha lo a ni.
“Hello, sister Zelda” tiin a lo chhang a.
Aw fiah felfai tak, nalh bawk si chuan, ‘hello, school ah mi i awm’? a rawn ti a.
‘Aw, hei haw ka lo tum mek a’ tiin a chhang a
‘University bul vela ka awm lai a ni a, i luhna university te alo nih takin ka tia’ tiin Zelda chuan a luhna university chu a zawt a.
‘Design College’ ania tiin a lo chhang vat a.
‘a that hlauh chu, thil hrilh tur che ka nei ania, reilo te minlo nghak lawk dawn nia’ a rawn tih hnu chuan, “aw le’ tiin an inbiakna chu an titawp a.
Chuck chu gate pawn lam pana a phei lai chuan, a piah parking lot ah chuan, Yvette chu car-a a phurh tur dah lutin a lo buai hle a.
Chuck chuan puih tumin ava pan a, Yvette ‘i puih ka ngai lo’ a lo ti hmak a.
Chutia alo tih tak siah chuan Chuck chu leh hawiin, kal mai a tum a, Yvette chuan, ‘engatinge class ah khan i tawng reng’ tiin a chhuahchhal a.
Tun hma kha chu nise, Class lak laia Queenie nen an titi chu eng teh ual ah a ngai lovang, mahse mi thar, tlangval hmeltha tak anih tawh miau avangin Queenie nena an titi chu a a hmu mawh viau a ni.
Chuck chuan ‘ka tihpalh’ a ti a, mahse a rilru te te chuan ngaimawh thamin Queenie nen an titi pawh a hre lem lova.
Yvette chuan, ‘exam a hnaih tawh em hi, nitin class rawn kal tawh ang che, Zelda i hmelhriat vang ngawt khan class i miss tur tihna ni lo’ tiin a hrilh a.
Chuck rilru ah chuan class kal a, exam tih vel aimahin a In lei thar tih fai a, cheimawi chu a lian zawk a. Ngawi rengin thildang daih alo ngaihtuah a, engtinmaha a chhan let loh avang chuan Yvette chu a thin a ur sauh a, mit ko chuarin thutak zet hian, ‘Zelda te ang thiana nei zui tur chuan hlutna i neih a ngai , lehkha i zir nasat loh chuan mi thaah i chhuak thei lovang’ tiin a hrilh a.
“A dik alawm” tiin alo chhang a. Yvette hian Chuck laka a rilru put hmang chu engpawhnise, a thusawi chu a dik viau reng a ni. Miin hlutna engemaw tal a neih loh chuan midang lak atanga malsawmna dawn reng chu tawp hun a awm thin. Inthianthatnaah pawh nise, hlutna nei ve tura beih angai fo reng a ni.
Mahse chung zawng zawng piahah, mihringtena hlutna kan tehna lian ber pawisa ah harsatna a nei tawh miau lova. inthianthatna karah pawh nise, a dawngtu dinhmunah chauh a ding tawh bik lo a ni.
“Ka nupui, Yvette, i company chu enge a an, a dinhmun a tha maw”? tiin topic change a tum a,
Nidang ang chu nise, a koh dan avang ringawt pawh chuan hauh hrep a tawk leh ngei ang.
Yvette chuan enggtinmah chhang lovin, Chuck chu a en a, a company khaichhuak tura a in hralh te chu hrilh tul a ti lem lova,
Chuck chuan, ‘tanpui i ngaih chuan min hrilh dawn nia’ a ti leh a
Yvette chuan, ‘i zirlaiah khan rilru pe la a tawk mai, pui ka ngai love, i thawmhnaw hak te kha Zelda leisak che em ni”? a ti a.
‘Ni love, keima lei anih hi’ tiin a chhang a.
“Khai a, ava ropui ve’ tiin Yvette chuan a vawikhatna ni hial turin fakna in a lo chhang let a. A incheina mai piahlamah a sam meh thar chu a inhmeh bawk a, fak pawh nise a awm lo lem lo.
A fak zo deuh chauh nachungin, “haw na tur pawisa te i nei em, ka pe dawn che mi’ tiin ei loh hmel deuh hian a ti leh nghal zat a.
‘A ngai love, ka nei e’ a tih tak siah chuan kalsan tumin a inher a,
A hnung lama car nalh zet rawn tlan lut mek chu hmuin, car chhung atanga Chuck rawn hui lauh lauh chu a hmu bawk a, rang takin car ah chuan a lut a, a ma hriat tawk lekin, “tu emaw chu rawn lam turin alo kal anih dawn hi’ a ti a,
Chuck chuan car chhunga Yvette chu zu en zauh pahin, ‘ka kal ange’ a ti a, Zelda lam chu a pan phei a.
Zelda chuan mit tla lo lekin a lo en a, hmeltha a tiin, a thawmhnaw inbel chu mawi a ti ngei mai, mi hausa tam tak alo hmachhawn fo tawh a, hetiang reng renga tleirawl duhawm leh hmeltha hi ala hmu ngai lo a ni. Modern Restaurant ah kha chuan thawmhnaw satliah inbelin, sam buk chhep chhup kha a ni a, tuna a landan nen hi chuan sawizawm theih pawh a nilo.
Zelda chuan, ‘engatinge khatia i inchei a’ alo ti vat a,
‘Sister Zelda in min ko ani lawm ni? atana inchei ka ni” tiin nui sangin a chhang a.
‘Killer smile’ tih mai tura mawiin Zelda chuan Chuck chu a nuih sen sen a, chu hlim hmel, duhawmna zawng zawng nen a rawn langchhuak chu van angel te pawhin an thik ve hial ang. ‘Khawiah nge i car’ tiin a hawikual a,
‘Workshop ah a awm’ tiin a chhang a
‘Anih chuan rawn lut rawh, thil hrilh tur che ka nei a nia’ tiin car ah chuan Chuck chu a lut a. Car chhung chu fragrant Aroma rim ngei mai chu alo nam chek chek a,
An tlan chhuak tur chu an bul lawka car chhunga Yvette thu chu ava hmu fuh hlauh mai, car chu tidingin,
Chuveleh, Chuck chuan, Sister Zelda, engthil nge i tih dawn’? a ti vat a.
Yvette be tur chuan a chhuk a, Chuck melh pahin reilo te a ni ang, a ti a.
Chuck chuan dan chi niin angai lova, nuam lo a ti hle a, enge a sawipui dawn, ka chanchin hi hrilh a tum em ni? tiin a ngaihtuah a.
Yvette chuan a lam pana Zelda rawn phei chu alo hmu a, mak ti takin, ‘Director Maine, engthil nge ni ta’? a ti a,
Zelda chuan ‘engmah ni lo e, thil zawh duh che ka nei a’ nui sangin a ti a.
Lu bu nghat pah chuan, ‘a tha lawm, sawi ta che’ tiin Yvette chuan alo chhang a.
Chuck chuan an thusawi chu hriat a duh hle mai, a chanchin an sawi anih chuan thil a kalfuh dawnlo in a hria a, mahse hmeichhe pahnih titi ah va inrawlh ringawt chi a ni si lo.
Chutihlai tak chuan, a phone rawn riin, en lem lo chuan a chhang a, “hello Chucky, i nu ka rawn haw e’ a rawn ti ta mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)