WIFE FOR RENT BY Sangpuii Eunoia (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

WIFE FOR RENT BY Sangpuii Eunoia (Completed)

Unread post by Ngaia » July 4th, 2021, 2:23 pm

of04hmi5.jpg
CHAPTER-01



WIFE FOR RENT


"Awi, a hmelthat em em zia hi! A pa ropui si, tiang em em a tha hi khawvel ah a awm theih ami?"

Ka thiante hawina lam ah chuan hawi in a ruk a an in sih hlak hlak na ah chuan ka va inrawlh ve nghal zat, a hmeltha em a tin ni.

High school-ka kal lai atang a tun thleng a ka star-ngat ngat a ni. Celebrity-a ni lova mahse company-pakhat president-tupa ani. A pa a boral tawh a, api leh anu nen an cheng ho mek.

Mipa cool-tak ani a, an company-ah chuan a pi hnuai ah nihna sang ve tak chelhin a thawk ve, kum naupang tê a nih lai atang tawh school-pawh kal mumal em em lovin company-ah chuan a thawk a, mahse, mi pangngai aiin a thluak a tha daih. Amah aia mi inzir sang zawk te aiin a rem hria a, a fing in a inti zahawm thiam em em a, an company-tan pawh mi tangkai tak ani.

Kan thian ho star-rawn a ni a, a bikin keimah. Kum tam tak chhun chu a fans-ka lo ni ve tlat tawh. Tv-a an chhungkaw thum a an lo lan tawh hi chuan ka thil tih lai kalsan hmakin tv-hma ah ka thu ngar ngar zel a, ka chhungte pawhin ngai ah an nei tawh. A tir lamah kha chuan thil dang ka tih theih thin loh miau avang khan min hau ve thin, ka nu phei chu a tawng hlawk thei bik si, mahse a rei telh telh a, ka duh zia an hrethiam in an hmu thiam tulh tulh a. Min hau duh lovin min en liam tawp zel, ka nu erawh chuan sawi chhuah chang a nei leh zauh zel.

"Muani, kal ang u" a kal liam thleng a ka lo la thlir bik reng avang chuan ka thiante bawk chuan min pawh dawr dawr pah chuan an ti a, keipawh chuan ka zui ve mai.

"Zoliansanga hian ngaihzawng a nei lo ami a?" University-lam pan a kal hnak hnak pah chuan sasha-chuan a ti a. Kan ngawi dak.

"I hre lo ami?" An vai a min melh pah chuan min ti ha a, ka lo ner nang.

"Ka hre lo, ngaihzawng a neih thu engmah an sawi lo"

"Nia, an sawi ve chhun pawh 'ngaihzawng a ngaihsak lo' tih vel mai mai a ni thin" ka thusawi thlawp zetin Belinda-chuan a rawn tih zawm ve zat.

University-kan thlen chuan kan sawi zawm tawh lo, class-ah lutin kan lecturer-lo thlen hun kan nghak tawp.

Lalmuankimi ka ni a, Mizoram university-ah zirlai ka ni mek bawk. Ka nu leh pate nen kan cheng ho a, ka zirlai ah min support-tha thei hle. Belinda-leh Sasha-te nen hian college-kan kal lai a intawng kan ni a, tun thlengin kan la inkawm ta reng a, thian tha tak kan ni bawk.

"Zan in chu kan thian thum in kan dine out-dawn a mi?" Kan thian ho group-a Sasha-in a rawn tih chuan kan lo thlawp ngang mai. Sasha-leh Belinda-i te nen a kan awm khawm na chu khawi hmun pawh nise hreawm ka ti ngai lo reng ani.

"Nia, insiam nghal ang u" phur zet a ka tih chuan nui lai emoji-an rawn thawn teuh.

"Muani a phur ber mai, ka kal nghal a nia aw. Ka va insiam ang e" sasha-in a rawn tih chuan ka nui hak, thian ho a awm te zawng a nuam em mai.

"Ama, kan dine out-dawn nia" sitting room-a thu ka nu chu zuk auh lang lang pah chuan ka ti vat. Kan room-hi inchung a awm ani a, ka room-leh room-awl pakhat inkar ah chuan computer room-a awm a, keimah chauh in ka hmang thin bawk. Room-awl dawt chiah a ka nu leh pate room-a awm bawk.

"Khawi ah? Tu te nen?" Ka rin dan chiah ani, ka nu, nu a zawng a khirh leh fate ngaihsak lutuk hian zawhna za chuang min zawh phawt loh chuan min kaltir kher ang emaw ni!

"Sasha-leh belinda-te nen mawle.." Ka ti sep, a lu a bu ve nghat. Zawhna min zawt teuh lo te pawh chu thil mak tak a ni zawk, ve teh mial chuan.

"Rawn haw har loh hram in tum dawn nia" a la rawn ti hram.



"Awi, sasha-i rei zia hi, eng em em nge maw a tih bik thin le!" Dawhtheih loh hmel zet a Belinda-in a tih chuan ka lo nui hak hak. Kan thian ho zing ah sasha-hi chu a che muang fal ve thei em bawk ani, a in uluk thei lutuk hi Belinda-nen hian fiamthu in an inhauh phah leh nge nge zel.

"Awi, nu zo, Sasha-i hian eng nge maw a tih chen chen le" A dawh theih loh tawp ah Belinda-chua Nu zoi, sasha-i nu hnen ah chuan a ti hak, nu zoi nen chuan kan a ri meuhin kan in nuih tawp.

"Mambawih, rawn chhuk vat rawh. Belinda-in a kek duh mai ang che" Nu zoi'n auh lang lang pah a a tih chuan Belinda-chuan Nu zoi chu a melh rawm rawm. Kan thiante nu mah nise kan nu tak tak ang in kan en vek a, an ni pawh in fate ang ah min ngaiin min hmangaih tlang a, hauh kan ngaihna ah chuan dim bak sak lo hian min hau leh chiam zel, huat ah kan la lem lo. Zawm erawh kan tum ve hram zel.

"Ka rawn chhuk" Sasha-pawh chuan ring leng lawng a rawn au pah chuan a ti ve vat.

"Dress code-nei thlap lo ila chuan he nu hian jumper-hnuai ah kekawr lian tawk a rawn ha lovang tih tunge sawi thei" Sasha-in Belinda-melh zauh pah a a tih chuan Nu zoi nen chuan kan nui hawk hawk. A ni rêng bawk a, Belinda-hi a hmeltha a, a pian pawh a fuh. An khawsa thei a, thawmhnaw pawh a nei tha mahse inchei dan a thiam thlawt lo ani. Dress code-nei lo ila chuan Sasha-i sawi ang hian a ti leh duh tak tak mai ang.

"Ama, kan kal dawn nia aw" Sasha-in a tih rual chuan kan chhuak diak. Kan thian ho hian kan nu te hi 'ama' tiin kan ko vek. Nu zoi pawh chuan fimkhur turin min rawn chah lawm lawm bawk.

"Kan professor-kha engtin nge I chhan dawn tak a?" Dawhkan kan kil thap hnu rei lote ah ka thiante chuan an rawn ti rual zat.

Kan professor-pakhat, senior-aia tar lam pawl hret tawh, senior over-a ni tawh mai ang chu, professor Ruatzela'n thla hnih vel liam ta atang khan min bem tawh. Chumi chungchang bawk chuan an rawn sawi leh tawh bawk, a hneawm ka ti ngang mai.

"Girls, a awm ang lo em mai a. Kan professor-a nihna kha chu dah tha ta ila, a tar tawh ropui si. Bakah, star-nghet ka nei tih in hre ve reng a, nangni pawh ni ula in duh bik miah lovang" uar zet a ka tih chuan min nuih sak, an lu an bu ngat bawk.

"Nia, kan hrethiam tho a. Mahse, nang chu ni ila ka sugar daddy-atan chauh pawh ka chhai kual peih ang" Sasha-chuan a rawn ka ti hram.

"Pathian malsawmna a zar ah sugar daddy-mamawh lo in ka la awm ve tawk tawk alawm. Bakah, ka tan pawh ka duh lo a nia in tan phei chuan ka duh pui lo lehzual cheu"

Ka thutak zia an hrethiam a ni mah na an sawi zawm tawh lo. Thil dang sawiin kan titi leh char char. Kan thian ho tan leh keimah ni mimal tan a hlawk tur a nih loh chuan mi han rel vel chiam hi kan ti ve ngai lo, keimah ni tawk ah kan buai ve em em.

Thawk leh khat a ka thiante awmdan rawn danglam thut chu mak ti zetin ka en tawn zak zak. Tawng ri mur mur thawm pawh a reh hmak. Chutah an pahnih chuan min rawn melh ngar ngar.

"Thil kan hrilh ang che, mahse chi ai miah suh ang che. Saw I hnung lam saw han en teh" zawi sep a tawng sar sar pah a ka thian ten an tih chuan ka hnung lam en chuan zawi muang chuan ka hawi let. Ka phu zuk thei hial! Ka awmdan zawng zawng ka hloh thei takngial dawn in ka hria. Ka star-lutuk pa leh a zun a ka uai ngawih ngawih pa Zoliansanga chu kan dinner-ei na hotel-ah chuan a rawn lut mek a nih chu! A hnung ah hmeichhe pakhat leh mipa pahnih vel in an rawn zui ve a. Rawn zui tu hmeichhia chu a assistant-emaw a nih ka ring ve tawp. Ka biang rawn sa hat hat avang chuan ka kut chuan ka khawih sek a.

"Thiante u, ka mit vai a nilo tiraw? Amah ani tiraw?" Ka thiante sih nawk nawk pah chuan ka ti a, an au ring ngam silo, na an ti si insum hmel chu a nuihzatthlak takzet! Mahse, nuih na chi lah a ni der silo. Ka hnung chiah dawhkan ah chuan an rawn thu a, Zoliansanga nen chuan kan in hnung chhawn a, a mi uapna nat zia chu pui tak ani. A rim tui in kah rim chu na zet in ka hip lut vang vang, a rimtui hman ringawt pawh hian zûn a nei takzet.

"Muan, muani, i suangtuahna khawvel atang khan rawn chhuak rawh." Ka thian ten an rawn tih sep sep tak ah chuan ka harh chhuak zawk. Ka awmdan hloh thak khawpin ka lo ngaihtuah leh pek a nih hi.

Tv-leh ral atang chauh ah ka hmuh thin, ka vei ngawih ngawih, celebrity crush-ang hial a ka neih nen in hnung chhawn in kan thu chu thuhran, kan taksa a in si lek lek a nia. Ka thidang lo hi ka vannei zawk takzet!

"Thiante u, dinner-pangngai tur lo chah ula, ngaihtuahna fim ka put theih na tur in boruak dang ka va hip lawk ang e" tih keh din ka rual nghal. Ka inher leh rual chuan Zoliansanga rawn zuitu nu nen khan kan insu chawrh, ka rak that a, ka tlu lek lek tih ah tu emaw hian min lo chelh hman hram. Ka meng siar siar a, huizz! Amah ani, Zoliansanga. Engmah pawh tih nachang hre lo chuan ka melh tlawk tlawk ringawt.


"I duh tawk a min en zawh tawh chuan i kal thei" nelawm lo zet a a rawn tih hmuk tak ah chuan ka harh kawk, ka in sut pui nu chu melh in in thiam lo zetin ka en a.

"Ka tihpalh lutuk aw, ka thiam loh ani, ka inthlahrung takzet" ka ti sep, mawi zet in a nui seih. A hmel chu a tha takzet!

"Ka thiam loh pawh a ni ve tho alawm, kal tawh rawh" a tih zawm zat. Nuih sak pah chuan ka kalsan ve nghal zat, ka kal sawn dawn chuan Zoliansanga chu ka en a, ka in sut pui nu chu melh in a that leh that loh thu a lo zawt ve mek bawk.
.
Hmanhmawh zet in pawn ah ka tlan chhuak a, duh thawh zetin boruak chu ka hip lut kawk kawk, a mi uap na na zet kha ka zo lo ni berin ka hria. A mitmeng tawrh har zet te kha! In thing harh leh in hmanhmawh zetin ka lut leh, mak min tih hmel zet a min melh tu ka thiante chu hla deuh tak atang chuan ka nuih seih. Kan dawhkan ka pawh phei dawn a ka nervous-zia chu rapthlak tak ani. Kut in hum ruh teuh chung chuan ka pen phei chhat chhat.

"Ei vat vat ila haw teh ang u, muani a ât zawh vek hma hian" belinda-in a tih sep tak ah chuan sasha-chuan a lo thlawp ngang mai, a lu a bu nghut nghut. Keimah ni chauh pawh nilo, midang hrim hrim pawh khan an en ve dauh dauh tih ka hre reng, en loh leh ngaihven loh harsat zia an hmu thiam ve tihna a nimai.

Kan ei zawh hnu chuan bill-te chu pe in hmanhmawh zetin kan haw nghal. Min drop-hmasa ber a, kan inchhung a ka luh phat atangin ka rak chel chul mai, ka chhungte'n min melh ha hlawm. Ka lam kual vak vak bawk nen, a mak an ti a ni tawp mai.



🖤

Chapter-tir lam a nih avangin a kal zung zung maithei, min lo hrethiam rih dawn nia aw😄

Cover pic-mawi eltiang min present-tu Uririni(Abbra Reo Khiangte) chungah ka lawm lutuk bawk!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:23 pm

CHAPTER-02



"Ama, vawiin chu eng nge kan tih ang?" Choka a luh pah chuan ka nu ka zawt a, tui hit tha zet chu fridge-atang a la chhuak in min rawn pe nghal zat.

"I walk-zo der a nimaw?" Min nuih seih pah chuan a ti a, ka lu ka lo bu ngat.

"Vawiin chu bazaar-ila ka tia, tih tur I neih loh chuan" a tih zawm zat. Ka neih loh thu sawiin inbual tur in ka kalsan a.

Kar tluan a university, zirlai leh thil dang dang a buai hnu a weekend-a nu te nen a bazaar-leh hi thil man hla tak niin ka hria, ka ngaina takzet bawk. Ka intleuh thuak thuak hnu chuan ka nu eirawng bawl ka pui leh a. Artui kan hi engtik lai pawh in kan siam reng. Ka pa hian a duh ziah avangin.

"Mambawih, tomato-hi a kan nge I duh rawh hnu a rawt thak?" Ka nu in a rawn ti ha, kei in thei ka lo zai ve mial mial bawk.

"Rawh hnu a rawt thak le, a tui dan hi dangdai tak ani" uar zet a ka tih chuan ka nu chuan min nuih hak hak. Ka nu hi awm lo ta se ka taksa peng hrang hi lak bo ang hmak a nih ka ring, ka nu tello hian ka awm thei lo ti ila a dik ber ang!

Pa te hi chu mipa an nihna ah engkim hrilh a rem loh chang a awm a, chhan awm miah lova pa te nen a in close-lo ringawt pawh a awm theih bawk, keimah ngei pawh hi. Ka nu hnen a ka hrilh thin tam tak hi ka pa lak ah chuan ka zep tlat. A hna ah a buai ve theih em avangin in kawm na hun leh han in close-na em em tur khawp a hun hman tam kan nei ngai meuh lo reng bawk a.

"Vawiin eng nge I tih dawn a?" Video chat-kan nei chiah tih ah ka thian te chuan an rawn ti lang lang. Ka nu nen a bazaar-kan tum thu ka sawi chuan a phur phur ah an rawn tang a. Breakfast-kan ei vek tawh avangin kan insiam nghal mawp mawp. Ka thiante nghal lutuk vang hian kan inbiak laklawh lai a nih pawn inbual dawn eng ang mah ila camera off-tal a inbiak an la ti tang tang zel. University-ah ni ruk chhung kan in hmu nitin a, weekend-ah kan bazaar-ho loh leh kan leng ho a, engkim kan sawi khawm vek thin. Mahse, eng lai mah in sawi tur hi kan tla chham ngai lo reng reng, a chang chuan mak ka ti hial zawk thin.

"Ama, sasha-i leh belinda-i te pawn min lo sawm tawh a nia. I rei reuh mang e" a room-ah luh pah chuan ka ti lang lang a, ka nu lah chu a lo la insiam lo hrim hrim! Khum ah thu in thawmhnaw a lo thlep mial mial.

"Ama, min chhang miah lova" tih pah chuan a dar ah ka va khawih zauh, phu zawkin a rawn dak chhuak a, min nuih ver ver.

"Nangmah ni in lo va bazar-mai ta cheu, kei chu tih tur ka ngah leh riau sia ka lokal lo mai ang" a ti zawi sep, ka nu chu ka melh ha, engmah a sawi lawk der silo.

"Ma, mahse.." Ka ti leh.

"Kal mai mai teh u, bakah in thian ho bul a awm tur hi chuan energy-ngah a ngai lutuk. Ka chau sia, ka lokal lo mai ang"

"A nih, kan kal aw" nuih sen sen pah chuan ka ti a, ka thiante bulah chuan kan kal theih tawh thu hrilh in kan chhuak nghal dial.

An scooty-an lo ken ve ve avang chuan keipawn ka scooty-chu ka khalh chhuak ve a, bazar-tak tak hma in park-ah kan kal hmasa dawn ani.

"Awi, a hmun hi a mawi lutuk. A view-lah hi a fuh vel tawp" uar zet a belinda-in a tih chuan a hmun vel chu ka en kual ve nghal. Tlawh tu dang an lo awm ve nual bawk a, a hmun chuan mi a hip ve a ni chek ang chu.

Ka hawi kual ka hawi kual lai chuan ka lam pan a Zoliansanga ngei mai rawn phei ka hmu a nih chu! Ka mit vai emaw tiin ka mit te chu ka nuai nawk nawk, ka thian te lah chu hmundang ah an kal kual daih nen. Kal sawn mai ka tum lai chuan Zoliansanga'n ka hming ngei a min koh avang chuan ka ding dat.

"Muani, hetah ka hmuh che ka beisei lova" a tih dam thluam avang chuan mak ka ti ngang mai. Kan inhmuh hmasak ber tum a kan inbiak ve khan a aw kha a chang lam hret a ni a, tunah lem a dam leh thluam si.

"Nia, ih.. Kan thian ho in kan kal a, bazaar-kan tum a" ka ti bah nawk nawk. Ka thusawi kha kei ngei pawh in ka hre mumal thei lo. Ka tawng bah nawk nawk avang a ni ngei ang a nui suk a, ral leh lam a thlir vang vang, a thaw leh hak thin. Kei lah chuan tih mai tur ka hriat loh avangin a thlir na lam pang en chuan ka lo ding zum ve reng. Ka mipa vei ngawih ngawih, hmuhna chance-ka neih pawh ka rin phak ngai miah loh nen kan ding dun a nia, leh lam zawng tak a ngaihtuah chuan mumang a ang. Ka nervous-zia lah chu pui tak ani.

"Kar leh saturday-zan ah dinner-min kil pui duh ang em?" A tih sup avang chuan a hmuh theih siloh tur hian ka meng kawk. Ka thu hriat kha ka awih lo hial zawk! Zoliansanga nen dinner-maw? Ka suangtuahna ah ka cheng ti dawn ila min en ngur pah in ka bul ah a ding ve run sia.

"Ka bul a dinner-ei chu I duh ang em?" A ti leh sup, rang zet in ka bu nghut. Engtin nge chu sawmna zahawm leh phurawm, lawm awm bawk si chu ka hnar theih ang!

"Ok, in in ah ka lo lam dawn che nia. Ka kal phawt mai ang e" mawi zet a nuih suk pah chuan a ti a, ka buk nghut rual chuan a ni pawh a kal ve nghal zat. Ngawi reng a ka din reng lai chuan ka dar a min beng sawk tu an awm avang chuan ka harh zawk.

"Muani, Lalmuankim, eng thil nge thleng a? Tinge tikhan I din reng a? A mak e, Lalmuankim.." Ka thiante min sawi nawk nawk pawh chu engmah ka lo hre leh pek lo a nih hmel.

"Eng nge a?" Ngawi reng a anmahni ka en reng lai chuan an ti rual that.

"Zoliansanga'n dinner-ei pui ah min sawm a nih chu" zawi sep a ka tih chuan an meng kawk! An awih lo tih chu an hmel ah pawh a lang reng.

"Chhun pachang ah eng nge I lo dream-leh tawh a?" Sasha-in a ti a, belinda-in a lu a lo bu ve zauh bawk. Min sawm ngei a ni tih fiahna tur in thil tih vak tur ka hre der silo!

"Dawt ka sawi hleinem, in awih loh leh inrinni ah in hre ve mai ang" ka ti hmuk. Ka thu tak zia an hrethiam ve nge ni min hnial tawh lem lo, mahse, min rin hmel chuang lo bawk.

"Muani, saturday-chu aw.." Kan bul mai a bolero-rawn ding chhung atang chuan Zoliansanga chuan a rawn ti hmuk, ka lu ka lo bu zauh, a tlan liam ve nghal mai.

Chutah zet chuan kei ai mah in ka thiante an phur tawh zawk, park-atang chuan bazar-lam kan pan a. Ka scooty-khalh te kha ka rilru ah a lang lo lutuk, him pial a bazar-ka thleng a nih chuan chu chu thil lawmawm tak a ni ang.

Him pial in bazar-chu kan thleng teh mial a, chawhmeh chi hrang hrang kan en kual ren rawn a, kan lei ve teuh bawk. Scooty seat-chhung ah kan khung vek a, ka thian ten thawmhnaw en kual an rawt chu ka hnial lem lo.

"Hei hi han ha chhin teh" Sasha-i'n a tih chuan ka hawi chhuak zauh. Kawrfual, ke rek chen vel, ban sin zet mai a ni a. Navy blue-a ni a, a nalh zia chu pui tak ani. A kawng ah chuan lastic-sin zet mai, a dum rawng hi a in vuah a. Ban vat in trial room-ah chuan ka va inbel chhin a, darthlalang lian zet hma ah chuan ding in ka thla lang chu ka thlir vang vang a, ka inhmeh takzet!

Trial room-atang a ka chhuah rual chuan ka thian te chu an lo ru hluai, ka inhmeh thu an sawi sap sap a, dawr nghak tu te lah bang lo, min bawl emaw ka tih phah hial zawk.

"Lalmuan, hei hi la ngei ngei ang che. Satursay-a I hak ah. Pheikhawk sin deuh kha chu I nei a, clutch-pawh I ngah lutuk" belinda-i chuan a lo nghal var, keipawh ka lo nui ver ver. Kawrfual chu ka la a, ka thian te pawh chuan eng emaw neuh neuh an lei ve nual bawk. Darkar hnih dâwn kan en kual hnu chuan kan haw ve thei hram.

Monday-a kan class-bang chu motor-ka ken loh avangin Sasha-i rual a haw ka tum a. Gate-pawn kan thlen a ka thil hmuh erawh chuan min ti phu nghek! Bolero-pawn ah ding in Zoliansanga chuan kei leh ka thian te chu min lo melh run a nih chu. Hmeichhe ho chuan an en duh ngang mai, a awm ve tho, a chhelo ve em bawk ani. Kan university-ah tih tur a nei a nih ngei ka ring, a bul ah chuan hman zan ah ka hmeichhe sut, hmeltha zet pawh kha a lo ding ve reng. Hel hram ka duh avang chua Sasha-i chu kaiin a scooty-dinna lam ah chuan ka kai dat dat a, Belinda-i chuan min rawn um ve der der bawk.

"Muani" ti sup tu avang chuan ka ding chiang ngang mai. Ka tha khur nasa lutuk avang leh ka tan deuh tung avang chuan ka hah hluah hluah. Muang chang hian ka in her a, kan dinna lam a lo pan ve mek bawk.

"Chibai" zawi zet chuan ka lo ti ve a.

"Pawi I tih lem loh chuan vawiin chu ka thlah haw ang che chu" A thusawi chu ka hresual emaw ka ti hial! Hepa hian eng nge a hriat a, min ngaihsak em em chu le. Nilo, tun hnai atang chiah khan ani, eng mah a awmzia ka hre tawh lo.

"Mahse..." Ka ti khur der der.

"Lungngai suh. In in ngei ah ka drop-ang che" nuih suk pah chuan a ti sup. Ka thian ten min lo nawr ve chhen bawk nen ka remti ta a, mahse ka hlauhthawng ani. Nilo, ka phur lutuk a, awm ngaihna ka hre lo a ni zawk mah ang chu.

"Liansang, office-ah tih tur pawimawh a awm avang in kei chu ka lo va let leh ang e" hmeichhe hmeltha zet khan a lo ti var a, a nui sen sen bawk.

"Ok, e, heihi Muani. Muani, ani hi Fiona, ka personal assistant" Liansanga chuan a lo ti zung zung. Ka hriat ve kher a tulna em em hre lo mah ila ka lu ka lo bu ve nghut tho. Motor-a kan thut luh hnu chuan Liansanga chu a tlan chhuak nghal zat a, kan tlan chhuah thleng chuan Fiona-kha a la ding reng. An boss-chu an zah ve hle a ni ngei ang ka ti rilru rauh rauh.

Kawng tluan in kan inbe lo, kei erawh motor-a chuang e ti lo chuan ka hah ngawih ngawih, ka thaw mang pawn ka hre lo. A mi uap a nat em avang pawh chu a ni mahna.

"Naktuk zan ah kan inhmu leh dawn nia" a motor-atang a ka chhuah rual chuan a ti a, na zet in ka thaw hak bawk. Kawngkhar te lah chu min lo hawn sak vei diam lehnghal.

"Awle, ih.. I lo lut duh em? Coffee-te I duh chuan I in nghal thei bawk ang a" ka ti nuah nuah, a nui khi suk.

"Nilo e, nidang ah zawk le. Tunah chuan tih tur ka la nei a, lut tawh rawh le" tih leh ka biang a lo fawh zauh a rual a, ka thin phu a nasa lutuk.ka beisei loh lam daih thil a thlen avang te pawh a ni maithei. Rang zet in ka tlan lut daih.


Saturday-a ni a, nidang ang lo takin ka che reng reng hi ka zang khai takzet! Min thlah haw ni atang khan Liansanga chuan min rawn be ve reng a, ka hamhaih thei nasa. Ka awmdan chu ka nu in a hrethiam nge ni min nuih leh vur vur zel, Liansanga nen a dinner-kan ei dun tur thu ka hrilh ni a mak a tih zia chu. Ka pa pawh a hrilh ve tih a sawi bawk. Nileng mai chuan ka phe sek a, dik tak chuan zan ni thuai thuai se ka ti a, ka huphurh bawk si. Tlai dar 4:30 vel ah ka thian te pahnih chu kan in ah an lokal a, kei ai ai in an phur zawk nimai hian ka hria.

Liansanga'n dar 6 ah min rawn lam dawn avangin ka thiante pahnih chuan ka thawmhnaw hak tur chu an khai tha mawlh mawlh a, ka pheikhawk ka lo la chhuak ve bawk. Sasha-in ka clutch-zing a a duh ber a rawn la chhuak ve nalh bawk a.


Dar 5 atang ka make up-an buaipui nghal char char bawk. Make up-hi ka hmang nasa lova, natural-leh simple-thei ang ber ka duh bawk. Vanneihthlak takin Sasha-hian make up-lam hi a thiam riau a, belinda-i nen hian min chei chiam zel thin bawk.

"Mate, i vun hi a mawi e. Ka awt lutuk..." Ka hmai chei mawlh mawlh pah chuan a ti a, ka lo ner nasa ngang mai. Tihian a sawi ve ziah.

Belinda-in ka sam, ka kawng chen vel a sei chu a lo roll-ve mek bawk, tiang em em a ka tan a an inpe hi a mak ka ti hial zawk thin, vannei ka in ti a, ka hmangaih dun takzet bawk.

"I thawmhnaw hi thlak vat rawh, dar 6 a ri tep" Belinda-in a tih tak chul ah chuan ka suangtuahna atang chuan ka harh nghal kawk. Hmanhmawh zetin kawr chu ka va la. Ka thiante awm tho mahse ka inthlak mial mial tho, an ni ka zah lohna ni lovin ngai ah ka neih tawh vang zawk in.

"Muan, I pian a van mawi" Belinda-in a lo tih chuan ka t-shirt chuan ka vawm pawp, a na dawn chuang lo.

"Ngawi mai mai teh aw" ka lo ti hlak.

"Tak tak alawm, I kawng a fek a, I mawng a mawi tawk chiah in a rawn lian leh a"

"Ngawi mai mai teh, sasha. A nuam lo ka ti a nia" sasha-i a lo tawng ve tak ah chuan ka ti leh hlak. An nui ang hak hak duh lek, he mite pahnih zet hi chu.

Kawrfual ka inbel hnu chuan pheikhawk ka bun leh a, darthlalang a ka in en chuan keimah pawh chu chhelo ka inti ve reng. Tiang em em hian ka inchei uluk ngai lo reng ani.

"Mambawih, Liansanga a lokal a. Rawn chhuk la" ka nu in ka room-a rawn luh pah a a tih chuan ka thin a phu leh dup dup, ka nervous-zia chu pui tak ani. Sasha-in ka clutch-min rawn pe a. Ka nu pawh chuan min en vang vang.

"Ama, eng nge ka an? Ka inchei over-em?" Ka duh en pah chuan ka ti a, ngainatawm zet in min nuih.

"A teuh lo, inhnuai a mipa smart-lutuk, ding reng nen khuan in inhmeh dawn lutuk" a ti deuh duah, ka nu zet. Nghet deuhin ka kuah a, ka tha te chu a khur hial in ka hria. Ka nu chhuk rual chuan a hnung ah ka zui ve a.

In hnuai a mipa lian tha thelh thawlh, hmeltha zet lo ding reng chu ka en a, ka hlim ani. Ka khawvel chu a par vul nawn leh thin nimai in ka hria. Chik zet in min lo melh run a, ka lai takzet. Kan kal dawn chuan ka chhungte chu tha tak leh polite-takin a thlah thlap.

Hmun zawl nuam tak, reh ruih mai ah chuan dawhkan tê fel ren rawn a lo in hung a, a lai ah bati in chhi in dawhkan ah chuan puan mawi zet chu a in phah a. Dawhkan pakhat chauh a in hun avangin kan pahnih chauh kan awm dawn tih ka hrethiam mai. Liansanga hriat loh chuan ka thaw hak a, ka nui leh sak thin. Ka hlim a, ka awmdan ka hrethiam lo.

"Muani, hetah lo thu rawh le" ka thutthleng tur pawh chhuah pah chuan a ti suk a, lai zet in ka thu ve ren rawn. Ka hma ah a thu ve a, ka kut a rawn hum salh bawk. A deh na chu a sa hat hat mai hian ka hria, waiter-in eng eng emaw a rawn dah lai chuan ka kut chu a thlah ve.

"Thil pawimawh deuh sawi pui tur che ka nei a" a ti halh a, amah chu ka lo melh kiau.

"Nang hi nupui a neih che ka duh ani" ka thil in lai chu ka hak chiang lutuk, ka bulah rawn kal vatin ka hnung a rawn chum dat dat a, ka kut ka phar chhuah hnu chuan a thut na ah a thu ve leh mai.

"I tha takzet em?" A rawn ti sup.

"Aw, ka tha. Min ngaihtuah suh" ka ti ve a.

"I chhanna ka hre duh" a ti hmuk, engtin nge maw kei tehlul hian ka hnar theih ang ni!

Ka lu ka bu a, a lu chu kun deuh in a nui suk, chutah lawm thu min hrilh mawlh mawlh bawk. Dinner-te chu ka ei mumal pawh in ka hre lo.

Kan in ah min drop-thlap a, a let leh dawn chuan ka hmui ah a fawp zauh. Ka hlim takzet ani.

Kan thian ho group-a thil awm dan ka sawi chuan call-a lo lut rang ngei mai. Conference call-ang reng hian kan pathum in kan inbe mai zel. Tawng an in chuh nak nak a, a hahthlak thin a nia.

"Lo ngawi ula, ka sawi dawn alawm" ka tih chuan an ngawi ve ta hram. Thil thlen dan vel ka sawi chuan an lo rak leh that thin.

"Awi, a nuam dawn e.. Mo nu thiannu ah tu zawk nge min hman dawn? Keimah zawk min hmang rawh aw" sasha-i chuan ka ti zat zat, belinda-lah chuan a lo duh bik lo nasa mai. An inhnial ngat ngat.

"Eng nge maw in lo inhnial ve vak vak chu le. A neih pawh kan innei lo maithei asin" ka tih chuan an nui hak. Kan inneih lo a nih chuan thil mak tak a nih tur thu an sawi uar hle. Rei tawk fang kan inbiak hnu chuan call-kan dah ve thei ta hram.


Thil engkim chu a thleng zut zut nimaiin ka hria, thil awmdan ka nu ka hrilh tuk zan ah palai hmel kan hmu a. Ka pa lah pek chuan kan inkawp lai a hriat loh thu leh mak a tih thu a sawi chamchi. A dik ve tho mai, kei ngei pawh hian kan in ngaihzawm âwm pawh ka hre bik lo e a. Ka zir zo tep tawh tho a, ka pa in nghah hret a that a rin thu a sawi lai chuan kan palai te chuan inneih hnu a ka zir zawm mai theih tur thu an sawi a. Ka hlim takzet, pasal tha tak ka nei dawn a, ka pasal nen a kan in ngei atangin lehkha ka la zir zawm thei dawn bawk a!

Monu thiannu atan chuan Sasha-zawk chu hman ka tum ta nge nge. "Engtin nge I phal zawk a?" Belinda-i bul a ka tih chuan nuih sak pah hian "Nitin min chei ziah a tiam bakah Sasha-i bulah ka rawn ding ve tlat dawn alawm" a tih chuan ka nui hak hak. In rem siamna an lo nei chu thuhran, monu thiannu pahnih an awm dawn a nia! An mak dangdai ve thin, ka thiante zet hi chu.

"Mambawih, I mawi lutuk" Biakin maicham lam pan a kan phei lai chuan ka pa chuan a ti sup. A fanu hian pasal hial ka nei tawh dawn a, a kut ah kaiin ka pasal tur awmna lam ka pan mek bawk a! A tan chuan a mak ngei ang, ka tan pawh a ni ve tho. Naupang te ka nih lai atang a ka vei, a fan-ruhkawl ka in tih hial ngam, ka dream boy-ni thin, ka dream man-ni ta nen lan innei tak tak tawh dawn chu a ni sia!

Kan inneih na chu biakin a nih avangin ropui lutuk a tih a rem lova, after party-erawh a ropui ham ham hle. Liansanga pi leh anu, tun a ka pi leh ka nu lo ni ta te pawh chuan min nuih var var reng mai. Ka tan chuan hlimna vawrh tawp hi a ni ringawt. Mi hause leh mi challang tak tak te, mi pawimawh tak tak te an awm ve nawk bawk a, ka tan chuan awmdan thiam a har mah zawk.

"Mambawih, I pasal in ah chuan mo ang ni lovin fanu ang a awm I tum tur a ni a, I chhungte min hmangaih ang chiah chiah hian I hmangaih ve tur ani. Fanu tha tak va ni la, mi te sawisel nih tum loh tur. I pasal mai nilo, I pi leh I nu te I hmangaih tel ve dawn nia.." Kan awm fal deuh lai chuan ka nu chuan a ti dam dap a, ka hnuk a ulh tep tep.

"Ama, min ngai dawn ee.." Ka ti vak.

"Ngai dawn lutuk e le, in enkawl tha ang che aw" a ti leh dap dap.

"Aw, lutuk.. Nu, ka lo tlawh thin dawn cheu alawm, lungngai miah suh. Min ngai hman mang lovang" ka tih chuan pasal neih tawh hnu a mahni in a len len chu thil mawi a nih loh thu a sawi leh dap dap, nu te hi zawng an ropui ngei mai.


Party-a zo a, ka pasal in ah ka lawi lut. Fiona-i khan puih ka ngaihna ah min pui zel a, Sasha-leh Belinda-te pawh an awm ve reng. University-a kan la inhmu khawm reng thei tur avang a kan hlim zia chu pui tak ani.

Zan dar 10:30pm vel ah an haw ve a, Liansanga te driver-in a thlah thlap, thlah ve duh viau mah ila tihfel tur ka ngah lutuk a, ka kal hman ngang lo.

"Muan, zanin chu room-lehlam ah sawn ka riak mai ang. Ka chau deuh riau" ka inbual zo chu Liansanga chhuak tur nen kan intawk chiah, ka hamhaih takzet.

"Mahse.." Ka ti hman tawk.

"Min hrethiam tih ka hria, muttui le" ka biang a fawh zauh pah chuan a ti a, a chhuak nghal daih.










🖤

An kal chak mai mai!😄

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:23 pm

CHAPTER-03

"Good morning.." Bathroom-atang a ka chhuah hnu rei lote ah Liansanga chu rawn lutin a rawn ti nghal var. Lo nuih mawl tawp in ka wish-let ve mai.

Dik tak chuan nizan a a awmdan kha a mak ka ti, kan inneih zan a ni a, ka bul a a mut ve ka lo ring a. Mipat hmeichhiatna lam hawi kher lo pawn ka bulah a lo mut ve hrim hrim khan engkim a dik thlup zawk a, mahse, keimah a min kalsan ngawt thei kha a mak ka ti takzet!

"Rawng bawl ka zuk pui ang e" tih leh chhuah ka rual daih, a bul a ka awm chuan ka lungawi lohna ten min hneh ang a, inneih tuk atang kan inhau mai ang tih ka hlau.

Awmpui hi pahnih lai mai an awm a, in ah an riak ve mai thin a nih hmel. Choka thlen hma a room-a rawn inhawn khep tak ah chuan ka phu dawr. Ka inrin hman hma in ka rak that.

"Awi, ka ti phu che elaw? Ka tihpalh lutuk aw" Fiona-chuan a rawn ti dam thluam. Hetah a riak ve tihna mawni le!

"A pawi lo, ka lo inring lawk lo lutuk a. Chuvang mai mai alawm" ka ti ve luam.

"Nizan kha, ka haw hman ve meuh kha chuan a tlai tawh sia, Liansanga'n min riah tir ringawt a" in sawifiah deuh ti tih chuan a ti a, ka nui tawp. Kan tan a a thawh rim zia ka hria a, ka lawm ve em a tin ni.

"Breakfast-hetah ei ve law law la, ka eisiam I ei ve ang a" ka tih chuan a nui hak hak. A hmeltha takzet!

"A.. Awle, ka lawm ngawt ang. Ih, ka va inthlak lawk ang a, rawng ka lo bawl pui ang che" a ti zat, lu bu nghut in choka lam ah ka luhsan a, ani pawh inthlak turin a lut ve nghal.

Ka pi leh ka nu te nen kan cheng ho dawn emaw ka ti a, mahse an in pakhat zawk ah kan cheng daih. Ka nu chuan Liansanga'n privacy-a ngaih pawimawh thu leh chim buai vak a duh loh avang a cheng ho lo an nih thu a lo sawi tawh nghe nghe tak e.

"Nu Awmte, eng nge breakfast-ah kan siam dawn a?" Choka a kan awmpui pakhat zawk rawng lo bawl malh malh bulah chuan ka ti var. Ka nu nen an inrual thuak maithei ani, ka hmuh tirh atang khan ka ngaina dawn ti ka chiang. Pakhat zawk erawh chu lâng in a lokal thin a, in vel a tifai a, insuk tur a suk vek hnu ah a haw mai thin tih ka nu in min hrilh tawh.

"Hei, bawngsa ti ka kang mek a. Duh bik riau te I nei em?" Min nuih var var pah chuan a ti a.

"Nei lem lo e, khawi ka lo bawl pui ang che, tak a Fiona-in a rawn en ve nghal dawn a nia aw" ka ti mawlh mawlh. Ka sawi zawh rual chuan a chawhmeh chawh lai chu a chawl deuh dat, min lo en a, ka lo nuih sen sen. Min nuih in a chawh zawm leh mial mial.

"Bawl pui kher ka ngai lo asin mawle" chaw chhum ka tum lai chuan a lo ti vei nuah nuah, ka nui hak ringawt.

"Awl ringawt te chu ka duh bik teuh lo, bakah ama khan pasal ka neih hun ami turin alawm in lam hna min zirtir thin" ka ti ta duah. Nui hak hak in fel min tih thu a sawi siam siam.

"Awmte, puih in ngai em?" Fiona-i aw rikna lam en in ka hawi chhuak vah. A lo nui sak.

"Ngai lo e, hei, muani hian min pui a. Nang chu lo va awm mai mai rawh" Nu awmtei chuan a ti dam thluam a, chaw ka chhuang chho ve chiah bawk.

"Nu Awmtei zar ah thil tui tawk kan ei dawn alawm, nang chu mikhual I nih kha, kan lo awl ang che" fiamthu hian ka ti a, Fiona-i pawh a nui ve hak hak.

"A nih, balcony-ah ka lo va awm ang e" tih leh kal a rual nghal.

"Muani, nang pawn duh chuan AWMTE tiin min ko thei tho a nia" Fiona-i kal liam hnu chuan Nu Awmtei chuan a ti vat, ka lo ner sak.

"A awm ang lo e mai a, Nu awmte, keite chu I fanu alawm ka nih. Fa ten nu te an hming in an ko ngai lo" ka ti sam et. Ngainat hmel zet a min melh in ka biang a chul hauh hauh bawk.

Bawngsa ti a kan hnu ah Nu Awmtei chuan dal a kang leh a, puih ka tum pawn a duh der lo.

"Dal tlak hi a tui ka ti, nang tui I ti ve em, Nu awmte?" Purun chan malh malh pah chuan ka ti a.

"Tui ti e, mahse Fiona-i khan a kan chauh a duh a.." A ti a, min melh zauh.

"Tihian ti ang, a hran in tlak ang. Khawi ka lo ti ang" ka ti leh a, min nuih tawp. Ka purun chan lai chu melh zauh in lo chhunzawm mai mai turin min ti a, ka zawm ve mai.

An chhungkaw chanchin te ka zawt a, kum hmasa lam a a pasal boral thu leh fapa pakhat an neih thu te, a fapa chuan hna nghet a neih tawh thu te pawh a sawi nel nual bawk.

"Kan fate duh tih hlawhtlin nan kan duhthusam kan thlauh thla a, an nin kan tar hnu ah min enkawl leh peih tak tak silo" a tih chuan ka lo thinrim ngang mai. A fapa chuan nupui a nei a, a nupui chuan Nu Awmtei a milh loh em avang chuan a in hauh phah fo bawk. A monu lah chu a fing chi a lo ni bawk nen a pasal chu a fuihpawrh hneh em a, bakah, a pasal awm ve lai chuan mo tha ber ang a awm a thiam a ni awm em. An inhauh changin a fapa chuan 'mo tha tak a ni a, i mil lo zawk a nih kha' a tih phah fo reng. A sawi zawng pawh chuan a rilru nat zia a lang thei. Liansanga bul a hna a hmuh vel leh hian a in ah hian a awm chawt a, a fa te ve chu vairam lah ah an sawn tak avangin an in bengbel ve daih a ni awm e, ka khawngaih takzet.

"Nu Awmte, lungngai miah suh aw. Fanu thar min nei alawm" ka lo ti zauh, mittui kar atangin min nuih hak hak.

Class-kal ka ngaih avang chuan ka hmanhmawh rilru hle, rawng pawh kan bawl zo chu a ni der tawh.

"Nu Awmte, chaw kan ei tawh mai dawn mi? Liansanga ka han ko ang e, class-kal te ka ngai sia" ka ti a, a lu a lo bu zauh.

Choka atangin ka chhuak a, balcony-a Fiona-i nui har har thawm chu ka hre thei. Ka chhuk thlak leh lamah koh tho ka tum avangin kan room-ah ka chho a, Liansanga ka hmu mai lo. Bathroom-ah a awm ringin ka va en leh, a awm chuang lo. Kan room-chu a rimtui hman thin rim a nam vang vang bawk, duhthawh zetin ka hip lut vang vang.

Chutah choka a ka chhuk leh chuan Fiona-leh Liansanga chuan dinning table-an lo kil der tawh. Ka hamhaih lek lek zawk. Liansanga bulah ka thu vat a, Fiona-i chu Liansanga ep chiah ah a thu bawk. Nu Awmtei'n chawhmeh vel min chhawp sak hnu chuan chhuah a tum ta mai.

"Nu Awmte, kan rualin lo ei ve rawh" ka ti tawk, Nu awmtei chu a meng kawk.

"Aih, in ei hnu ah ka ei thei alawm" a ti talh.

"Mahni a ei chuan chaw ei a tui duh lo alawm, lokal rawh. Liansang, a pawi lo tiraw?" Ka pasal melh ha pah chuan ka ti a, nui sukin a lu a bu nghut.

"Nu Awmte, lo ei ve nghal daih rawh" a ti thum dut. A thleng tur ka va lak sak a, Fiona-i bulah ka thut tir a.

Class-tlai ka hlauh avangin ka ei sawk sawk, dal tlak chu Nu Awmtei nen chuan in nuih ruh ruh pah chuan tui ti zetin kan hawp a.

Mo thar tuk a heti khawp a tlang nel nghal hi keimah bak ka nih ka ring lo, ka pi leh ka nu te nen a cheng ho chu ni ila a dan a dang deuh maithei bawk.

"Liansang, ka hmanhmawh sia, ka puar mai aw. Fiona-nen in kal rual dawn ami?" Ka ti zung zung.

"Ka lo thlah ang che, Fiona-chu amah in a kal thei alawm" tih leh rawn din chu a rual ve nghal. Nu Awmtei ka thlah fel hnu chuan room-ah kan in zui chho a. Ka inthlak laia a awm ve chu ka zak ang reng hle. Ka lam a lo hawi lo hlauh zawk a.





ZOLIANSANGA'S P.O.V

"Henu nupui a ka neih kher hi a tulna a awm miah lo" Fiona-i melh pah chuan ka ti hluk. Nupui ka nei dawn a nih chuan Fiona Lalthanmawii a ni ang ti a duhthu ka sam zawng zawng kha amah, ka hmeichhe duh ngawih ngawih thurawn ang in a thleng dik lo a, eng nge a ngaihtuah hi ka hrethiam thin lo.

"Babe, ani hi I nei lo a nih chuan nakinah I duh reng vang ni lovin ani saw I neih tho a la ngai dawn..." dam zet chuan a ti a. Ka hriatthiam loh zia ka hmel a lang chhuak avang chu a ni ngei ang, nuih hak pah chuan min rawn pan hnai a.

"I pu thurochhiah kha I hre ve lo ami? An ni chhung nen a inzawmna siam a duh thu a sawi kha! I pi sawn a neih tir ngei ngei ang che" ka kawr nghawng siam that zauh pah chuan a ti a.

Ka pu khan engvang a an ni chhung nen a inzawmna siam duh nge a nih ka hrethiam lo, Fiona-hi ka P.A-satliah ni lovin ka bialnu pawh a ni a, kum hnih zet kan inzui ve tawh. Midang te erawh chuan an hre ve lem lo. Hmeichhe fing tak a ni a, Muani pawh hi amah avang a ka tawn ka ti dawn nge ruahmanna a siam lawk zar a ka tawn ka ti zawk dawn! Nupui a nei turin min ti nghal tingawt bawk, chuan tihian, kan inneih ni a ni nghal mai bawk.

Ka hriat dan in Muani hian min duh viau a ni awm e, an khawsak a harsa lova, fanu mal a ni. An background-zawng zawng ka chhui chian tir vek a, an chanchin zawng zawng ka hai leh tir vek hnu ah pawh eng vang a ka pu in khatiang kha duh nge a nih tih ka hrethiam thei chuang hauh lo. Rei tak nupui a neih ka tum lo bawk, ka hmangaih neih ka duh miau!

A mawi atan a ka nui ve suk thin tih loh chu kan inneihna chu ka hlim pui viau lo.
Muani thiante chuan an thiannu chu an lawmpui zia an hmel ah a lang chhuak hial, ka rilru tak tak hria se chuan an nui miah lovang! Room-dang a mu tur ang a in sawiin Fiona-i bulah ka riak daih. Ka inthiam lo ve reng, mahse, feelings-ka nei miau lo, amah ah hian.

"Class-kal zawm leh hi tinge I duh tlat a?" Ka zawhna avang chuan min nuih ver ver, amah thlah ka tum avang hian Fiona-a tum bur a nih kha. Mahse, a hming in a pasal ka ni ve a, mite hmuh a a lan mawi ve deuh nan tal pawh ka tih a ngai miau ani.

"Nupui satliah ka ni duh hleinem, nang leh ka pi leh ka nu te tan a chhuanawm deuh nih ka duh alawm. Ka chhungte tan pawh" a ti a, tih luih ni miah lovin ka nui huk.Thil a sawi zawm melh melh a, a rilru la thianghlim zia a lang chiang hle. University-a kal chhuah hnu ah law-zir a duh thu a sawi a, lawyer-tha tak nih a tum tih a sawi bawk, ka lu ka lo bu leh zauh thin. Ka hmangaih in ka duh lo pawh a ni thei, mahse a lak ah rilru chhia put kher ka tum lo. Mi fanu duat lai a ni a, naute lem ang lek a ngai ang hrim a hetia nupui a ka nei ringawt pawh hi ka in thiam lo ang reng hle bawk.

"Hnathawh nuam aw" university gate-kan thleng a, motor-atang a chhuk pah chuan a rawn ti zauh. Min nuih sen sen a, ka lo khi ve suk.

"Nang pawh class-kal nuam le" ti a thlah in company-lam pan in ka dawk chhuak nghal zat.

🍃

"Vawiin chu suppliers-te nen meeting-in nei dawn a, chhun ah co-workers-te nen lunch-in ei ho dawn bawk. Tlai lam ah I pi leh I nu te I tlawh A ngai bawk, I nupui pawh I hruai a ngai ang" office-ka luh rual chuan Fiona-chuan a lo ti zung zung.

"Hna lam hlir ami I rilru ah awm a?" Ka lo ti zawi sap. A ner nak. A hawi sawn hmuk bawk, Muani ka thlah avang khan a lungawi chiah lo tih ka hria, mahse ngaihven zui lem lo chuan ka paper works-chu ka thawk mawlh mawlh.

"Come on babe, lungawi lo tur zawk chu keimah ka ni lawm ni?" Ka ngaihven zui lem loh avang chuan amah zawk chuan a rawn ti leh, ka lo nui suk. Thlem a, buaipui chiam dan ka hre ve lo, ka thiam lo bawk.

"Midang te hmuh a mawi tur ringawt pawh in ka ngaihven der ve a ngai tih I hriatthiam a tul. I thik zel dawn ai chuan ka then thei bawk" ka ti hmuk.

"Thik loh ka tum ve lutuk mahse, ka hmuh dun cheu khan, ka hrethiam lo. Ka thik takzet" a rawn ti a, ka nui suk ringawt.

"Heihi chu nakinah kan sawi leh dawn nia, hna tan ang" ka ti a, ka phone-ka phawrh nghal zat. Muani chu break-an neih vel a min lo call-tur a hrilh in text-ka hnutchhiah a.

Suppliers-te nen a meeting-kan neih laiin ka phone-a lo nghawr dat dat, ka en zauh a, Muani call-a lo ni. Meeting-neih lai a call-ka dawng chu ka lawm lo ru kher mai. "Min lo hrethiam lawk" tih leh meeting room-chhuahsan ka rual nghal. Fiona-i pawn zawhna mitmengin min lo melh ve bawk.

"Meeting-pawimawh kan neih lai a ni asin" ka ti hmuk.

"Ih, I text-kha ka lo hmu a. Free period-laiin ka lo call-che a" inthlahrun hmel zet chuan a rawn ti a, ka thaw hawk. Keiman min lo call-turin ka chah tak e!

"Ka pi leh ka nuin tlai lamah anmahni tlawh turin min duh a, class-in ban dawn ah min lo call-leh mai ta che. Ka lo hruai ang che" a aia hriat nuam zawk chuan ka ti sup, a khek raih.

"A ni maw? Ka pi leh ka nu te chu ka hmu chak lutuk alawm. Ka lo call-dawn che nia, I meeting-ka tihbuai avangin ka tihpalh, kal tawh rawh, bye" a sawi zawh rualin call-a cut-daih. Henu ve lil lel hian a thu a duh ve hmel phian nang in min ngaichang ve thin tho, chu chu kan in ngaihzawn(?) Nilo! Ka ngaihzawn der lai vel atang khan ka hre tawh.

"Chuti fako a call-pawimawh chu tu hnen atangin nge I dawn a?" Ka hnung lam atang a Fiona-in a tih chuan ka ipte ah phone-khungin ka inher vut, a lungawi hmel teh chiam lo.

"Engmah pawimawh a awm lo, lut ang" ka ti a, kawngkhar lam ka pan nghal zat.

"Min hmangaih em?" Ka hnung lam atang a min rawn kuahin Fiona-chuan a rawn ti tuak, ka nui suk.

"I hrechiang alawm, nakinah pangngai deuh zawkin kan inbe dawn nia" ka ti a, min thlah ve mai.













🖤

Huiz.. A laimu hi a la thleng thei thlawt rih lo😂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:24 pm

CHAPTER-04

"Professor-vangin ka tlai vek, ka tihpalh lutuk aw" lehkhabu inpawm bawr nuai in Muani chuan a ti sawk sawk, a thiante erawh an kal tlang nghal. Ka lu ka lo bu zauh bawk. Motor-a kan thut luh hnu chuan a lehkha bu te chu a rem fel malh malh.

"Class-a neih hlek hi chuan min zirtir tam lovang tih hi a hlau thei lutuk a, a pawi tak tak ani" a ti leh zauh bawk.

"A tlai lutuk loh hi" ka ti a, min en in a nui ver ver, ka khalh chak lehzual sauh. Ka pi leh ka nu ten min thlahlel ve bawk nen, kan awm rei hman loh ka hlau rilru deuh bawk ani.

"Hon, tah hian ding lawk mai teh a. Thil lei kawi lawk duh ka nei.." Min koh dan avang a lai tih hriat zet chuan a ti sep.(Hon=Honey) Eng nge maw lei a tum ni, haw lamah a lei kawi thei mai zawk lo emaw nile!! Keiman ka va lei mai tur thu ka hrilh chuan a duh ang ka lei loh a hlauh thu a sawi a, duh leh amah chu zui ve mai turin min la ti zui! Deuh tlat zel an a.

Motor-atang chuan chhukin wholesale-dawr lian ve deuh tak ah chuan Muani chu ka zui phei ve a. A chhung a awm ve te chuan min lo en duh ngang mai, engah mah ka ngai lem lo.

Cheese cake-leh soft drinks-chu la in min ken tir deuh hmak, eng nge maw a hriat reuh le. Chutah kal kual in chocolate-lian ve pangngai tak chu a rawn lachhuak leh, a thil duh a naupangchhia ngei mai.

"Motor-ah ka bag-ka dah daih, tikhan lo awm lawk ru aw" motor-awmna lam pan a tlan chhuah pah chuan a ti a, ka ner nak. Ka pawisa a hmang ve thei reng, thil min ken bawr tir tun a,min kalsan leh daih a. Motor-a kal tur tho si ken tel mai tur a nia. Pawisa chu pek sak in dawr atang chuan ka chhuak vut.

"Hey, eng nge I rawn chhuah ngawt a? Dawr neitu te khan ruk kan tum emaw an ti palh ang e, let leh vat ang. Pawisa ka la pe hleinem" tih hlak hlak pah chuan ka kawr banah chuan min pawt a, ka lo rum hak.

"Pawisa ka pe tawh, tuman ruk tum ah an puh lovang che. Lokal rawh" tih leh kal ka rual a, ka kawr ban a la pawh reng pah chuan min rawn zui ve dawr dawr.

"Ih.. Ka lawm e aw, nakinah in ah pawisa chu ka pe let lejlh mai ang che" ka tlan chhuah leh rual chuan a ti a, melh zauhin ka nui hawk.

"Enteh, thil tul lo deuh deuh ngaihtuah suh. Pawisa kha min pek let a ngai miah lo bawk" ka ti a, min melh ha.

"Mahse.."

"Mahse a awm lo, a tha em?" Ka ti sup.

"Ok, a tha alawm. Ka lawm e" a ti sep a, kan thil lei ho chu ban vatin chocolate-chu a kheh mial mial. Keih khat a keih hnuah ka hmai zawn ah a rawn lek va.

"Kha, ei ve rawh" a rawn ti, henu hi tinge maw a maksak em em mai le.

"Chocolate-ka ei ngai lo" ka lo ti hmuk.

"A vawikhat nan I ei dawn tihna a nimai, kha, kan accident-hma hian ei vat rawh" a rawn ti leh, a va han luhlul tehlul.

Lungawi zan lo chuan ka keih ve a, a nui sen sen, reuh hian a. "Tikhan, pawisa I lo pek man a nih kha" a la ti hleuh lehnghal.

"Kan thleng e" motor ka tih din rual chuan a ti a, a chhuk nghal vat. Cake leh drinks chu a rawn la leh vatin inchhungah min tlan luh san daih, hetiang em em a han naupang chhiat theih.

"Vawiin hi a pawimawh tih a hriatthiam ve ngei ka beisei" ti rilru neuh neuh in ka lut ve nghal.




MUANI'S P.O.V

"Muani, min lo va tlawh har em em ve a" inchhung kan luh rual chuan ka pi chuan min kuah pah chuan a lo ti vat, ka nu pawh lo nui hak hak in a lu a lo bu zauh. Liansanga pawh a rawn lut zui ve mai bawk.

"Awi, pi. Class kal ka lo ngai ve zel nen ka buai ve thin em alawm" ka lo ti ve nuah nuah bawk. Min thut pui vatin cake-vel chu center table-ah chuan a dah sawk sawk a.

"Class kal tawh lo mai la, kan company-ah I thawk ve mai ang a" a tih chuan ka nui hak hak, "a teuh lo e, ka duh lo" ka ti thla rawk, ka nu leh ka pi te chuan a ri meuhin min nuih hawk hawk a nih chu. Chutah keipawn ka chhan dan naupangchhiat thlak zia hrechhuakin, ka zak ang reng hle.

"Bawiha, zanriah kan ei nghal mai dawn ami?" Ka nu chuan Liansanga chu zawtin a va be râwn ve deuh a, ani pawh a lo bu ve nghauh, tawngtlem leh lutuk mai.

"Muan, nakinah zanriah eikham ah cake-hi chu kan ei dawn nia aw" ka nu chuan min nuih sen sen pah chuan a ti a, phur zetin choka lam kan pan nghal.

"Awi nu, bawkbawn rawt thak hi ka duh tih engtin nge I hriat theih a?" Ka nu in dawhkan a a chhawp rual chuan ka ti vak, awmpui pawh an nei reng, mahse amah hian thil hi a ti ve duh tlat zel.

"I duhzawng ka hriat loh hi alawm ka hlauh" a ti a, fiamthu a thawh ve zauh na chuan min ti nui chhuak ve leh hak.

Ka pi leh Liansanga te pawh chuan dawhkan an rawn kil ve tawh, kan ei dawn chiah tih Liansanga phone chu a rawn ri ral ral, kei phei chu ka phu deuh zawk nghe nghe. A phone chu en in a tho chhuak vut, a tawng ri bul bul chu ka hre thei, a sawi erawh ka hre thei lo thung.

"Thil pawimawh deuh a awm thut a, ka chhuak lawk dawn a nia" Liansanga chuan tiin a motor chabi nen a kal nghal vut.

"Bawiha, mahse.. Zanriah hi.! Chuan, Muani pawh?" Ka nu chuan a ti lawm lawm a, ka pi pawh a lungawi lo tih a hmel ah a lang chhuak bawk. Liansanga chuan min en a, chhuah chu a tum leh tho.

"He zanriah hi a pawimawh zia I hriat kha. Hei aia pawimawh hi eng nge awm a?" Liansanga en ha pah chuan ka ti a, a rawn hawi let zauh.

"Heihi a pawimawh, chuan, taxi emaw la in I lo va haw mai dawn nia" a ti a, hmanhmawh zetin a tlanchhuak nghal. Ka hamhaih takzet! Company-ah buaina awm ni se ka pi hian a hre ve dawn tih ka chiang, a nih chuan chuti fako a thil pawimawh chu eng nge ni ta ang? Ka rilru a buai takzet!

"Pi, nu, keipawh ka haw ve nghal mai ang. Ih, assignment-kan ngah lutuk a" ka ti bah nawk nawk, an awih hmel lem lo. Mahse, ka awm lui thei lo, Liansanga ka ngaihtuah takzet!

"I haw duh tlat si chuan driver ka thlah haw tir ang che, mate, lo nghak lawk rawh aw" tih leh phone hman a rual nghal a, ka nu erawh chuan ka kut a hmer vawng vawng. A kut khur ru dar dar avang chuan a mak ka ti ang reng.

"Mate, pawn ah sawn driver a awm aw, zanriah chu nidangah in lo ei leh mai dawn nia, a zia lo tak tak ani" a ti a, ka nui lui hram.

"Pi, hun a la tam alawm, khawngaihin cake leh soft drink-saw chu ka nu nen tal hian lo ei ru aw" ka ti zâng vah a, an pahnih chuan min nuih sen sen in an lu an bu nghat a, pawn ah min thlah thlap bawk. Kan tlan liam hnu chuan na zetin ka thaw hawk, ka phone phawrh in Liansanga number ka dial nghal ngat ngat, a tlang thei der lo lehnghal.

In ka thleng a, ka luh rualin Nu Awmtei'n min lo chhawn vat. "Muani, I lo va haw har ve, tinge Liansanga nen in lo haw rual loh a?" A lo ti sawk sawk, a mak ka ti ngei mai. Call pawh ka call tlang thei lo kha a nia, in a haw tur tho si, tinge a rual a min haw tir mai loh ni! Ka pi te in a zanriah kan ei thu hrilhin kan room lam ah ka kalsan daih.

Room ka luh hma a tawng bul bul thawm ka hriat avang chuan ka ding dat, Liansanga aw ngei a ni si a, tunge a biak ni ta ang? Hmanhmawh zetin ka lut a, ka thil hmuh avang chuan mak ka ti a, ka ding deuh dat. Kan nupa khum ah chuan Fiona-i chu a lo mu a, khum bul sofa ah chuan Fiona-i lam hawi zawng in Liansanga chu a lo thu run a, Fiona-i chuan min hmuh rual chuan min lo nuih seih. Rawn thawh chhuah a tum rual chuan Liansanga chuan a lo nam mu leh vat. Ka lam a rawn pan nghal vat bawk.

"Zanriah I ei hman ami?" A ti thum dut, ka lu ka bu nghut. Ani chu kal pelin ka closet lam ka pan a, ka thawmhnaw lachhuakin room-lehlam ah ka kal nghal daih. Ani pawh in min rawn zui chhuak tih a pen thawm atang chuan ka hre thei, ka ngaihven lem lo. Ka thawmhnaw chu khum ah dah in ka bag atang chuan ka lehkhabu ka phawrh mawlh mawlh, kawngkhar bulah a lo ding ngawi reng.

"I duh tawk i din tawh chuan room-ah khan I let leh thei tawh ang, inbual a, assignment-tih te ka ngai a" amah pawh en lem lo chuan ka ti a, ka bag-te chu ka rem tha malh malh.

"Fiona-i kha a dam lo a, chuan, ka lo buai pui a. Room a ka lo awm tir avang a lungawi lo I nih chuan..." A ti hman chauh a, ka melh tawp. Ani pawh a ngawi daih.

"Ka hrethiam alawm, kal rawh. Tih tur ka ngah a nia" zawi sep chuan ka ti a, a thaw hawk. A chhuak zui nghal daih, chu chuan min tina hle bawk!

Room a let tur a min sawm in Fiona-i chu room dangah a awm theih tho thu te a sawi ka beisei a, mahse, a P.A-ai pawhin ka pawimawh lo zawk te pawh a ni mahna, dam lo a tanpui chu ka hrethiam, mahse, kei aia a ngai pawimawh zawk erawh chuan min tina takzet!

Thinrim zetin bualin ah ka lut a, ka inbual nghal sawk sawk. Assignment tih tur ka ngah avangin bathroom ah pawh chuan ka in khung rei lem lo. Science department ho in project-kan ngah thei em em hi chu a mak ka ti, lawyer nih ka chak bawk nen college atang a arts lampang ka lo zir lo leh law college a ka lo lut daih lo kha ka inchhir thin. Mahse, nakinah law chu ka zir leh thei tho, pawisa lam vang ngawr ngawr ni lo mahse vanneihthlak takin pasal hausa tak ka nei a, ka duh chen chen ka zir thei ang tih ka chiang! Ka pasal ka dil ngam lo a nih leh ka pa te an ni mai, ka tan a insen ral an huam lutuk tih ka hria, mahse va tibuai chiam erawh ka tum lo.

Thawmhnaw hak nuam zet leh kekawr bul ka ha a, project leh assignment in kawp bawk chu ka buaipui char char. Kan room ah Fiona-i a awm avangin Liansanga pawh hetah a rawn kal ka ring a, khum ah pawh engmah ti ngam lovin dawhkan ah puan sin hlun chungin ka ti a, ka rilru ah erawh a lut lo chiang hle. Liansanga lokal hun tur mawlh ka ngaihtuah. Ka chauh tawng khawng vang nge ni ka lo muthlu daih.

"Muan, muani, tinge khum ah I mut loh a?" Nu awmtei aw chu ka hre riai riai, harh chiang mang lo chuan ka nui seih.

"Awi, nu awmte, ka nghawng hi a kham lutuk. A tlai tawh viau em? Liansanga hi a lo mu tawh em?" Ka ti a, ka nghawng chu ka chum deuh dat dat.

"I tho â a ni em lo maw? Mate, zing a nih tawh hi" a tih chuan ka harh chiang takzet! Zing a ni tawh a, Liansanga a lo mu lo a, a nih chuan.. Nilo, nilo, ka ngaihdan ang hi engmah a thleng lo.

"Nu awmte, chaw ka ei duh lo aw. Ka.. Ka insiam ang a, ka kal nghal mai ang" ka ti a, ka lehkhabu chu ka khung mawlh mawlh. Kan room a ka luh chuan a lo ruak huai, ka meng deuh kawk. Kan room a awm ngai khawp a damlo Fiona-i kha khawi ah nge a awm ni?!

"Mate, Liansanga'n a chhuak lawk dawn thu leh breakfast ei tur a a lo luh leh tur thu a sawi aw" inhnuai lam a chhuk pah chuan nu awmtei chuan a ti a, keipawh in tleuh thuak thuak in Liansanga lo let leh hma a chhuah daih tumin ka insiam sawk sawk. Top-ha in mom jeans ka inthawlh sawk sawk, sneaker bun leh in ka sam, ka hnung zâng chen vel, kawi deuh ngiai chu ka thlah hnalh a, bag ak leh in hmanhmawh zetin room-atang chuan ka tlan chhuak vang vang. Nu awmtei chu au in ka kal thu ka hrilh a, min chhan letna erawh ka hre pha tawh lem lo!

Ka scooty-khalh chhuak in Sasha-i te in lam ka pan. Kalkawng ah chuan in hnawh puar lawk ka duh avangin restaurant ah ka lut a, dawhkan a ka thut rual a ka mi hmuh avang chuan ka thaw deuh hak. Fiona-i a ni, min hmuh rual chuan ka dawhkan lam a rawn pan a, ka lo ngaihven duh lo lui tlat.

"Muani, tinge hetah zing zing ah I kal a?" A ti a, ka nui sak. Ka hma a rawn thut pah chuan min melh kar a, ka lo melh let ve.

"Nia, sasha-i te in ah ka kal duh sia, ka hmanhmawh deuh mawle" ka ti a, a nui seih. Ngainat loh ruk riauna ka neih avang chuan nuam ka tilo takzet bawk!

"Khawngaihin ka in luahah min thlah thei ang em le? Motor-ka keng miah lova" inthlahrun hmel zet chuan a ti a, ka nui sak.

"Breakfast-tur ka chah ve tawh sia, ka ei lawk ang a min lo nghak la" ka tih chuan nuih sen sen pah in a lu a bu nghat.


Rei vak lo hnuah a ka in ei puar a, a in ah chuan thlah thlap in Sasha-i te in lam pan chuan ka tlan nghal vang vang.











🖤
Nizan ah khan signal a bo daih a, ka lo dah thei lova. Sorry😄

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:24 pm

CHAPTER-05

"Muani, Lalmuankim, lo chhuak teh. Khawi ah teh hrep nge I awm a?" Liansanga'n thinrim hmel zet a min kohna avang chuan ka phu zawk! Nu awmtei pawh chuan mak tih hmel zetin min en a, ka ei rawngbawl lai kalsan in tim ru deuh tak chuan sitting room lamah chuan ka phei a. Min hnung chhawn zawng a ding chu na zet hian a thaw hawk, hlauthawng zetin ka pan phei chhat chhat.

"Engvangin nge kha thil kha I tih?" Ka lam pawh lo hawi lem lova vin lek lek a a tih chuan ka phu dawr(h)! Ka thlarau a thlawk chhuak lo chauh in ka hria. Ka hamhaih em avangin sawi mai tur ka hre lo, chu mai bakah eng chungchang nge a sawi hi ka hre miah lo bawk.

"I beng a ngawng ami? Ka zawhna che chu chhang ta che" ka lam rawn hawi pah chuan a ti leh, a aw chu a ring hran lo, mahse, a hlauhawm zia chu pui tak ani.

"Engthil nge I sawi hi ka hre miah lo" ka ti dek dek a, chak zetin min rawn pan rawk rawk. Ka lo tim chawih.

"Dawt sawi khanglang suh! Engvangin nge i tih ka tih chu?" A ti vin leh tuar a, ka hlau lutuk chu ka mittui a tling pam mai.

"Ka hre lo tak tak alawm" ka tih leh chuan ngeiawm zetin a ner sak.

"Engvangin nge Fiona-i kha a in step-ah I nam thlak?" Zawi zet chuan a ti a, ka meng kawk thung! Kei hian engthil maw ka tih a? Fiona-i ka nam thla maw? A awihawm loh lutuk tlat!

"Kei hian ka nam thla maw?" Ngeiawm zet a nuih pah chuan ka ti a, ani erawh a mitmeng a hlauhawm takzet!

"Lalmuankim, kha ti khan engmah ti lo ang maiin tawng reng reng suh. A dam loh avang a I khum a lo mu ve chu engvang a ngai thei lo viau nge I nih a, a nunna hial pawh I pawisak loh le?" Liansanga thusawi mal tin chuan min vit sawk sawk nimaiin ka hria. A thusawi dan zawng zawng ah chuan min demna a ri chhuak a, kei hian a dam loh avang a kan khum a a mut avangin Fiona-i kha ka nam thla miah lo! Ka lawm vak lovin ka ngaina lo ru riau tih chu sawi chhuak pawh nise ka pha miah lovang, mahse, nam thlak erawh chu ka ti hauh lo thung!

"Ka zawhna chu chhang ta che mawle" ka dar leh lam lah lam a min vawn pah chuan min thing nawk nawk, lo tal vel emaw kha ka tum buai duh lo, a thin ka ti rim zual mai mai.

"Engthil mah ka ti lo" ka ti a, ngeiawm zet chuan min nuih suk.

"Vawiin ah Fiona-i nen in inhmu em?" A ti a, a hma ai chuan a aw hriat a nuam deuh, ka lu ka bu nghut.

"Restaurant-ah kan inhmu a, a in thleng thlah tur a min ngen avangin ka thlah thlap, mahse, a in ah pawh chuan lut lovin Sasha-i te in lam ka pan nghal" ka ti a, rum zetin min melh kar thung.

"A in a a chhoh hun ah a ruk a zui chho in, Fiona-i in kawngkhar bulah step chhuk thla ah khan i nam thla ta a nih kha. Engtiang fako a rilru chhia pawh ni la, mi nunna em lak sak duhna rilru I put chu ka la ring chhin miah lo asin" a ti a, a thaw hawk.


"Engthil mah ka.." Ka ti hman chauh a, rum zet a min melhna avang chuan ka ngawi chiang hle.

"A nunna laksak I tum nu kha tunah hian damdawiin ah a awm mek. Ka rual in kal ve la, ngaihdam dil ang che." A tih chuan awih lo zetin ka melh, engtin mah pawh a ka tih hlei loh, min huat avang mai a dawt a min puh duhtu ngaihdam dil chu ka tum lo bur!

"Ka tih a ni lova, ngaihdam ka dil chhan tur ka hre lo. I duh leh I P.A, I tan hlum loh chauh nu chu nangman ngaihdam va dil rawh" tih leh kal ka rual a, ka thleng thui hman lo kher mai. Min pawh her rualin ka biang a ri siah!

"Nang hian ka nupui nih chu I lo chak viau ami a? Midangte nunna tuar tir lo khan min hrilh ta che. Lokal rawh, i duh chu ka pe ngei ang che" tih leh min pawh a rual a. Kan room-ah min kai chho in khum bul a sofa-ah chuan min nam thu dawr(h). Chutah dim lo zet a min fawpin ka kawr hak lak chu a pawt thler kawk, a biang a ri nghal chawrh bawk.

"Zoliansang.." A bak chu ka ka atang hian thu dang a chhuak thei lo, ka rilru a na a, ka awm chhung chu a na nghut nghut bawk. Ka pasal ngeiin min khawih luih a tum chu a na ka ti a, chu ai mah chuan hmeichhe dang vang a a thil tih chuan min tina ani. Ani pawh chu a ding ngur a, min melh run ringawt.

Ka mittui a luang ngiai ngiai a, ka tah chhuah mai loh nan ka hmui ka pet fan fan. Zawi muang a tho vin ka closet atang chuan t-shirt ka lachhuak a, bathroom ah ka luh san daih. Ka ka chu hup tlat in ka tap chhuak hawm hawm a, ka kawr thler hnuang chu phelh in t-shirt chu ka inbel tha vat. Ka duh tawk ka tah hnu chuan ka hmai ka phih a, ka hnar te chu a tai hlar tawh.

Room ah chuan Liansanga chu a lo la awm a, ka chhuah pawh chuan min lo be lo. Closet-atang bawk chuan jumper lachhuakin ka inthawlh sawk sawk a, inhnuai ah ka chhuk daih.

"Nu awmte, ka chhuak lawk dawn a nia aw" tih leh kal ka rual nghal, thil min zawh a, min biak buai ka hlau ani. Scooty chabi chu ban vatin ka chhuak nghal. Tlai lam mah nise khua a la eng tha a, kalna tur lam em em hre lovin ka khalh kual ve mawp mawp.

Ka nih lohna ah puh ka ni a, engmah fiah hmasa lovin ka pasal ve chuan kut min thlak bakah ka chungah mawi lo zet a khawsak a tum bawk a! Fiona-i khan engvang teh hrep a khatia min puh nge a nih ka hrethiam lo, a pawi ka sawi awm ka hre lo. Ka ngaina lo tih ka pha miah lo, mahse, a nunna hlauhawm a dah sak duh khawp in ka haw miah lo!

Ka speed chu ti sang leh deuhin Sasha-i te in bawk ka pan. Zingah pawh khan belinda-in an in ah min rawn sawm a, nileng a class kan kal hnuah kan haw leh theuh a nimai a, Fiona-i nam nan khan hun ka nei hlawl lo!

"Awi, mate. Min van ngai hma em em ve" min hmuh rual chuan sasha-i chuan a lo ti vat a, keipawh ka lo nui ve mai. Mahse, ka hmel a natna lang chhuak leh ka tahna avang a ka mit leh hnar sen tek te chu a hrethiam a ni mahna chhuanlam siam in a room-ah min kalpui nghal daih. Room-a kan luh rualin ka thaw hawk, ka mittui a hnai leh kuar tawh.

"Mate, tinge I tah a?" Ngaih that loh hmel zet a Sasha-in a tih chuan insum zo lovin ka kuah thlawp, ka tap zui nghal hawm hawm. Ani pawh chuan min kuah let vatin ka sam a chul hauh hauh.

"Mate, tinge a? " a ti dam diai a, chung a awm ri te hlei hlei chuan min ti tap nasa. Tap insut hlawp hlawp chuan Liansanga min puhna te chu ka sawi a, min ben thu leh ka chung a a chet dan erawh ka sawi lem lo, ka sawi a nih chuan ka thiannu hi a thin a rim mai bakah ka nat ang chiah hian a na dawn tih ka chiang.

Ka sawi zawh hnu chuan a thinrim zia chu a hmel ah pawh a lang chhuak hial! Rang zetin Belinda-i a call-a, a rawn thleng har lo kher mai. Sasha-i chuan ka hrilh ang ang chu belinda-i chu a hrilh ve a, an pahnih in an han sawi dun a, an sawi thui poh leh Fiona-i an huat zual nasat zia chu an hmelah a lang reng. Ka bulah an rawn thu a, ka lo kuah rawk rawk.

"Ka.. Ka nam thlak a nilo, tak tak dawt ka sawi lo.." Ka ti sep a, ka hnungah an lo chul hauh hauh.

"Mate, i tih a nilo tih kan chiang alawm" aw dam diai chuan an ti a, ka tap hawm hawm. Tih takzet a min hmangaihtu leh min ring tlattu ka la nei a, ka hlim zia chu pui tak ani!

Bathroom ah ka hmai ka phih mawlh mawlh, ka rilru hahna zual pui chu a reh deuh tawh a. Ka thiante leh ka chhungte, a bikin ka nu tan pawh chak tak a ka awm a ngai a. Dawt a min puhna hi ka hai lan a tul bawk, engtin nge, engtikah nge tih lam a pawimawh lo. Darthlalang a ka thla chu ka en a, ka biang a sen tek a, ka hnai a tai hlar bawk.

Sasha-i chuan ka hmel danglam lutuk tih reh nan makeup na lo te in min hnawih a, Fiona-i leh Liansanga hma a tlawm tak ang a ka lan an hlau ani. Dik tak chuan keipawhin ka hlau.

Ka thiante chuan min thlah in huam viau mahse min ngaihtuah lo tur a hrilh in ka hnial a, ka tlan chhuak vat. Ka nui lui hram bawk, min ngaihtuah lutuk mawlh ka hlau ani.

Inchhung ah ka lut a, hmanhmawh zetin nu awmtei'n min rawn pan vat. Eng nge thleng tih min lo zawt sawk sawk.

"Nu awmte, engmah a nilo. Kan thu a inhmu lo deuh a nimai. Ka mu dawn nia aw" tih leh kalsan ka rual a. Room ah chuan Liansanga a lo awm lo a, ka lawm hle. Ka hmu chak hlawl lo ani!

Insil sawk sawk in room lehlam ah mu turin ka phei daih. Ka chau rim tawng bawk nen rei lo te ah ka muhil zui nghal mai.




ZOLIANSANGA'S P.O.V

Kan room lo ruak huai avang chuan mak ti zet in bathroom te ka en kual a, Muani hmel reng reng ka hmu lo. Haw daih pawh ni se pawi ka tilo, ka hmeichhe hmangaih a tina miau! Mahse, a chung a ka chet dan erawh a dik lovin a mawi lo ka ti ve hle bawk.

Hmanhmawh zet a inchung lam a rawn tlan chho thawm ka hriat chuan room pawn ah ka chhuak ve vat. Room lehlam kawngkhar bulah chuan Nu Awmtei chu lo dingin hah hmel zetin a thaw hlawp hlawp. Chutah rang zetin room ah chuan a tlan lut a, thil tha lo tak a thleng a ni ngei ang ti rilru chungin ka zui lut ve nghal.

Bathroom ah a tlan tlang a, ka zui ve zel. Bathroom chhuat ah chuan Muani chu a lo thu a, a hnar atang in thisen a luang chhuak ngiai ngiai a.

"Nu awmte, lapua vel awmna ka hre lova. Ka tibuai che a pawi ka ti lutuk" nuih seih pah chuan a lo ti a, kei erawh awm ve lo ang ah hmak min ngaiin a melh pawh min melh eih lo.

Nu awmtei chuan a va buaipui vat a, first aid box chu lachhuakin a hnar thi te chu a hruk fai sak a.

"Engthil nge thleng a?" Ka tih chuan Nu awmtei chuan min melh zawk, muani erawh chu ka thusawi hre lo ang hmakin a awm.

"Muani" ka ti zawi leh sap, muang changin min lo en a, a mithmul a kan ak.

"Eng nge thleng?" Ka lo ti leh hmuk. "Ka hnar a thi" tih zawng a min chhang in Nu awmtei chu a be zui bawrh bawrh.

"Min puih avangin ka lawm lutuk aw, Nu awmte" a ti a, amah ngaihtuah hmel zel in Nu awmtei chuan a chhuahsan a, kei erawh ka la ding reng.

"Ngaihdam dil tur bawk a min tih leh dawn chuan ka chhanna a la ngai reng, tih tur ka ngah a, khawngaih in lo va chhuak mai ta che" a ti zawi sep, tawng ngaihna pawh ka hre lo zawk! Henu hian eng ah mah min ngai thlawt lo.











🖤

A ngaihnawm lo ngawt ang😅😅

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:24 pm

CHAPTER-06

"Babe, ka chhuak duh tawh" breakfast kan ei lai ani a, Fiona in min lo call in a chhuah duh tawh thu a rawn sawi deuh reng bawk.

"A chi dawn mi?" Ka ti a, a nihna ang rawt rawt in engmah ka sawi thei bik lo, Muani ka ep chiah ah a thu a, engmah erawh chu a sawi lem lo, min ngaihven ang pawn ka hre lo. A tan a a nawm ka rin loh vang a ni deuh bawk.


"Ka dam tawh lutuk alawm" no zet chuan a rawn ti leh a, ka thaw ri halh. Ka buaipui tur thu hrilh in call ka cut a. Hmanhmawh ang reng deuhin breakfast ka ei nghal bawk.

"Nu awmte, ka scooty rawng saw thlak ka duh a, chhun ah off period kan neih vel ah ka lo haw dawn a nia aw. In ah I awm dawn em?" Muani chuan a ti a, Nu awmtei chuan a lu a lo bu nghat.

"Awm dawn e, lo haw ngei ngei rawh" nu awmtei chuan a ti dam diai a, muani chu a nui var var.

"Rawng kah tir turin mi ka tir mai ang, haw duh suh" Muani en pah chuan ka ti a, min en ve lem lo. Aw a ti lova, aih a ti hek lo, a awmdan chu ka thin in a tuar lo lek lek thin.

"Muani, ka sawi chu I hria em?" A ti deuh hak, chutah min huat hmel zet hian min rawn melh a.

"Ka pu duhtak, I puihna ka dil miah lo che, nilawm ni? Keimah in ka ti ve thei. Chuan..." Tih leh a ipte atang a eng emaw rawn lak chhuah a rual a.

".... I pawisa min hman hawh tir avangin ka lawm e" tih pah chuan ka hma ah chuan pawisa hi a rawn dah a, awmzia ka hre lo kher mai. Ka mak ti hmel a hmu nge ni cheese cake leh soft drinks man a nih thu sawiin a puar tawh thu a sawi leh a, tap lam chu a pan nghal daih.

"Min rulh a ngai lo ka tih kha.." Dinning room atang a a chhuah hma chuan ka ti a, nu awmtei chuan nuam a ti chiah lo tih a awmdan ah a lang ve bawk.

"C'mon. I hnen atangin eng thil mah a thlawn in ka duh lo, ka lawm e" a ti a, a chhuak vang vang. Henu tê reuh zet chu le!

"Muani, lalmuankim.." Ka kohna chu a hre lo nge a hre lo der zawk pawh ka hre lo, min lo chhawn miah lo bawk. Thinrim zetin ka breakfast te chu ka ei sawk sawk.


"Nu awmte, ka kal" Muani rawn au lung lung ri ka hriat chuan ka tho thurh, a scooty chabi la in pawn ah a chhuak nghal vat.

"Muani, lo ding teh. Sawi dun tur kan nei" ka tih pawh chuan a kal muan phah eih lo, ka sawi hria ang pawh in a lang leh pek tawh lo.

Hmanhmawh zetin a lam pan chuan ka kal hlawk hlawk, scooty a a thut rual chuan a ban ah ka kai a, 'Eng nge ni leh tawh?' Ti ang hrim in min melh kar. A kut a pawisa hmeh bel pah chuan "Heihi I ta a nih hi" ka ti a, a nui hak.

"I hnen atangin a thlawn in eng thil mah ka la dawn lo, chuan, eng ngaihdam mah dil ka tum lo bawk" a ti fiah fak, henu luhlul dan em em hi chu luhlulna pathiannu fanu ni awm tak ani. Engmah sawi zawm lo chuan min tlan chhuah san hmak!

Fiona-i awmna damdawiin lam pan chuan ka in khalh chhuak ve nghal, a awmna cabin a ka lut min lo hmuh rual chuan a lo nui ver ver. A khum bulah kalin a chal ah ka va fawp vang vang.

"Babe, ka chhuak duh tawh. A ninawm si" a ti a, ka nui suk. Lehkha vel buaipui fel turin ka chhuak a, nurse lo awm te ho chuan min lo buaipui nghal vat. Nurse Duhsaki, hman atang a ka lo hriat tawh chuan signature lak tur awm ang ang te chu ka buai ngai hauh lovin min lak sak vek a, lawmthu te ka hrilh ve nual. Cabin a kan in zui lut chu Fiona-i chuan min lo nuih var var a, ka hnung a hmeichhe lokal ve a hmuh chuan a tum nghal deuh hmuk,thik thu chhe reuh lutuk mai.

"I chhuak thei tawh e aw" dam diai a Duhsaki'n a tih chuan a nui sak, a pheikhawk a bun nghal mawlh mawlh bawk. A bag te chu ak in ka ban ah a kai nghal a, Duhsaki chuan Fiona-i min kaihna chu a lo en chiang ngang mai. Hman ni lawk ah nupui ka nei a,tihian ka awm leh a,a awm ve tho.


Fiona-i chu a in thleng ka thlah a, rei lote lut ve tur a min tih avangin ka lut ve a. Thik a sawi sep sep.

"Muani khan a nam thluk I nilo tih a sawi a..." A rawng lai chu tawp chat in min melh kar, ka lo melh let ve a.

"Tinge dawt I sawi?" Ka ti a, a meng buai bak, dawt a sawi tak tak emaw nile.

"Dawt ka sawi ah I ngai tak tak maw? Ti khawp hian ami min rin loh a?" A ti a, a thinur in, a tah a chhuak hle tih a hmel ah a lang reng.

"Ka ring lo che tih ka sawi lo" ka ti hmuk, engmah ka sawi belh tawh lo. Rei tak chhung a khawih tak reng ah chuan office kal ka lo ngai ve bawk nen, ka chhuah san ta daih a.

Office ah chuan Fiona-i secretary ve leh chhawng chuan ka hun hman dan tur a sawi mawlh mawlh a, keipawh chuan ka hna chu ka thawk mawlh mawlh.



In ka then rual chuan Nu awmtei chuan min lo chhawn vat a, Muani awmna ka zawh chuan a awm a nawm loh thu leh khum a a mut thu a sawi a. Room lamah chuan ka chho ve vat. A hma kha chuan a lak ah rilru chhia ka pu ngai lo, ka lak ah tih dual a nei lo chung pawhin ka hmangaih lo chung pawh chuan nupui ah ka nei a, ka pu duh dan ang takin. Fiona-i chung a a chet dan avang khan ka lawm vak lo, mahse, ka tilang a nih chuan Fiona-i nen a ka inzawmna puang zar ang lek ka ni dawn tih ka hre ve tho.

Khum ah chuan a lo mu bam a, ka va pan hnai a, hria ang pawh in a awm lo. Ka va en chian chuan a lo muhil tui hle. Thawm dim ang reng tak chuan ka inthlak a, inbual turin bathroom ah ka lut nghal. Nileng in Fiona-i ka be lo a, ani pawh in min lo be hek lo. Tlai lam ah erawh min lo call in, min lo text zing hle, mahse meeting pawimawh ka ngah em avangin ka be hman ta lem lo bawk.

Ka inbual zawh hnu chuan Muani chu ka va en leh a, a lo la muhil tho. Ka in thlak mawlh mawlh a, dawhkan a ka sana ka la tur chuan pangpar pot chu ka titla a, a leh darh chuai bawk. A thawm a ring angreng bawk nen khum bulah chuan kal in Muani chu ka en vat, a la harh chuang lo.

Chutiang khawp a thawm ring pawh in a tih harh theih loh chu a mutui hle a ni ngei ang ti a kalsan leh mai ka tum chuan ka thil hmuh avang chuan ka ding dat. Muani chuan a kut ah chuan eng emaw hi a lo hum a, chhiat ah chuan a phone a lo let bal bawk.

A kut a a this him chu laksak ka tum a, a kut a lo hit vek. A pang ka dek a, a lo hit vek bawk, ka sawi nawk nawk a, a harh thei bawk silo. A taksa zawk lutuk hi lawm in inhnuai lam ah ka chhuak pui nghal.


"Tinge Muani chu?" Hlauhthawn hmel zet chuan Nu awmtei chuan a lo ti mawlh mawlh a, ka motor chabi la tur in ka ti vat. Hmanhmawh zet chuan motor chu a hawng a, seat hnung ah a thu lut vat. A mal chu Muani chu ka kham tir a, chak zetin ka in khalh chhuak nghal.

Nu awmtei chuan Muani chu a ko mawlh mawlh a, a kut te chu a nuai sak tih darthlalang atang chuan ka hmu thei. Khua a thin ve lek lek tawh nen motor tlan an tam lai tak a la ni lehnghal.

"Ka tih ka nilo, Muani kha ka nam thla lo tak tak a nia aw. Hon, min ring hram rawh. Engmah ka tilo" Muani chuan a rawn ti zawi sap a, kawng sir ah ka ding nghal dat. Nu awmtei chuan a ko a ko a, a la harh chiang lo a nih hmel.

Motor atang chuan chhuak in seat hnung lam ka pan a, Nu awmtei thutna ah chuan keimah zawk ka thu a, ani erawh chuan tui a lei tur the sawiin dawr awmna lam a pan nghal.

"Min ring tih ka hria lawm, min hmangaih a, min ring tur ani" a ti leh sep sep a.

"Muani, harh teh. Tinge hetia I awm a?" Ka ti a, a sam ah chuan ka chul mawlh mawlh, a la harh thei chuang lo.

"Ka pum, ka pum hi a na lutuk. Damdawi kha khawnge a awm?" A ti a, a rawn meng deuh kawk!

"Hon, khawnge ka damdawi? " a ti a, a vial ngawt ngawt. A pum a dawn a, a thlan fim a bawl tawk tawk bawk.

"Heihi ami?" Tih pah chuan nichin mai a a kut a lo awm damdawi kha ka lek kang a, rang lutuk in a rawn ban vat. Nu awmtei pawh tui bottle keng in a lo let ve chiah bawk.

"Tui..." Muani chuan a lo ti tawk tawk a, ka lo pe vat. Damdawi chu a hmawm nghal a, a pum chu a dawn leg ngawt ngawt bawk. Nghet zetin ka kawng ah a kuah bet a, a sam ah ka lo chul hauh hauh bawk. Chutih lai chuan ka phone a lo ri ral ral a.

Rem lo zet a ka phone chu phawrh in screen a hming lo lang che ka en vat. Fiona! Tun ang hunah tinge? Niang ah chuan tun ang hunah hian kan in be ngai lo, tinge zanin ah kher?

A ring tawp tep tih ah chuan ka la a, a nui hak. "I pick up dawn lo emaw ka ti a" a rawn ti a, ka lo thaw deuh hak. Ka T-shirt hak chu a rawn lum tlang pap. Muani taksa chu a rawn khur der der a, min kuah nghet sauh bawk.

"I sawi duh sawi vat rawh" ka ti a, Muani chu ka en leh thin, a pum chu a nia hle a niang a dawn ngawt ngawt a.

"Tunah lokal rawh, khawngaihin.." Fiona-i chuan a rawn ti a, chutih rual chuan ka T-shirt bawk chu a rawn lum tlang leh pap.

"Nakinah ka lo be leh ang che" ka ti a, phone dah ka tum lai chuan Fiona-i thusawi ka ngaichang leh deuh rih a, ka rilru erawh a hmanhmawh takzet!

"Babe, lokal ngei ngei rawh aw. Ka lu hi a nia leh deuh a.." A rawn ti than tuak, ka rilru a buai takzet. Ka nupui leh ka bialnu te hi tinge hun in and ah an damloh rual kher ni.

"Awle, ka lokal ang" tih pah chuan phone ka dah a.

"Muani, damdawiin a kal I duh em?" Ka ti a, a lu a thing nak nak. A sam ah ka chul a, a sam pawh chu a thlan avang chuan a huh deuh hluam bawk.

"I kal duh loh chuan Nu awmtei nen hian lo thu ula, motor hi kan khalh ang e" ka ti a, a lu chu dawn kang in Nu awmtei ka thut tir vat.

Kan in lam pan chuan ka inkhalh haw leh a, vanneihthlak takin motor tlan a tam lo hlauh.

In kan thlen chuan motor atang a chhuak in Muani chu ka lawm lut leh vat a, a damdawi leh tui vel keng chuan nu awmtei chuan min rawn zui ve a.

Room ah mut in puan te ka sin tir a, nu awmtei nen chuan kan thutchilh tawp, ka kut chu a hmer leg vang vang zel.

"Chhun ah a scooty rawng kah tir tur chuan a lo haw a, a room ah a chho tlang daih sia. Mak ka lo ti ang reng a, a hnu ah a awm nawm vak loh thu a sawi a. Damdawi dawr ah a va kal a, a lo haw hnu atang tihian a la mu char char, ka hriat loh lai pawh in a lo buai viau maithei ani" Nu awmtei chuan a ti cap dap a, a inthiam loh hmel hle bawk. Muani erawh a tawng peih vak lo a nih hmel, ka kut him in a mu zawi ngiai a.

Chutih lai tak chuan ka phone a rawn ri leh, screen ka en a, Fiona-i bawk.

"Babe, I lo va thleng har" call ka pick up rual chuan a ti a, ka thaw hawk.

"I lu na chu a la zia lo ami?" Ka ti a, a zia loh thu chu tah chhuah hmel zet chuan a ti a, ka ngaihtuah ang reng viau.

Ka kal nghal tir thu sawiin phone ka dah a, Nu awmtei bulah chuan kalna tur pawimawh ka neih thu leh Muani lo awmpui turin ka ti a.

"Hon, khawngaih takin zanin chauh chu chhuak lo hram rawh" ka kut a hmer na tih nghet zual sauh pah chuan Muani chuan a ti zawi sap a, ka khawngaih takzet! Mahse, min pawt lam in min pawt na em a, ka kal lo thei bawk silo.

"Ka lo let leh vat ang, muthilh I lo tum dawn nia aw" ka ti a, ka kut chu ka ka vat, a rawn ban deuh tawk.

"Hon.." A ti zawi leh sap, hawi let lem lo chiang room chu ka chhuahsan a. Hmanhmawh zet chuan Fiona-i in lam pan chuan ka ti khalh chhuak lehnghal. Ka speed a hniam lo bawk a, ka thleng har lo hle bawk.

Fiona-i in ka luh chuan current a lo tithim vek a, sitting room lam atang chuan eng a rawn chhuak ve det det chauh ani.

Hlauthawng zet in ka phei a, sitting room ah chuan Fiona-i chu ka hmu lo.

"Surprise!!..." Ka hnung lam atang a min rawn kuah pah chuan Fiona-i chu an a rawn ti a, ka nghawng ah chuan a rawn fawp zauh bawk.

"I lu a na emaw ka tia...." Amah ka ngaihtuah avang a ka rilru hah zia hrethiam miah lovin pawi sawi loh hmel zet a min melhin min la nih sen sen zui.

"Ka hmangaih ka hnen a a awm theih nan a ka tihtheih awm chhun ka ti a nih kha" ti pah chuan min rawn fawp nghal buan buan a.
















💕

Tawi si, ngaihnawm lo si.
Ka keyboard hman hi a chhe lutuk a, ka type lui thei tawh thlawt lo. Chuan, naktuk (sunday) ka awl dawn nia aw😅😅

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)