FIRST LOVE AFTER 30 YEARS BY Sandy Sweet (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

FIRST LOVE AFTER 30 YEARS BY Sandy Sweet (Completed)

Unread post by Ngaia » July 4th, 2021, 2:53 pm

l5d0uqgk.jpg
Ka pianni chuan khua a thim hle a , nipui lai mah nise , ka nu in min pai lai hian a hrisel lo hle a , ka pian tirh pawhin kar khat chhung zet chu ka vawt vek a , tuilum ip nen meuh min pawm nghe nghe.

Ka ute chuan ka nu an chhun a , mite pawhin hmeltha tiin an fak fo a , keinen chuan danglam tak kan ni , ka nu leh pate chu ka chhun lo ve ve tiin an sawi thin.

Unau hi pathum kan ni a , ka ute pahnih chu inchhangbung an ni bawk a , an inkawm ngeih hle, keichu ka u chiah ai hian kum sawm in ka naupang a , kan inkawm rual lo hle .

Ka nuin min pai lai hian ka pa chuan mipa ka nih a ring hle a , ka hming pawh a phuah lawk hial reng a, mahse ka han piang ta cheng a hmeichhia ka ni leh ta si a ka pa chu a lawm lo hle a . Ka hming pawh ka pi(ka nunu) in min phuahsak a, Jupiter Lallianpuii ti ngat in , achhan chu ka pian tirh hian ka tet em vang in ka lian lo ang tih a hlauh vang ani.

Ka hming hi a mawi ka ti tungthleng pawh hian mahse ka ute ngaihtuah chuan a danglam leh bik ta tlat . Ka ute chuan an hming tawpah hnam hming an dah laiin keichuan ka hming tawpah hnam hming ka nei ve lo.

Ka ute chu an thiante zingah pawh zahpui awm loh nula hleitling leh rualpawl thiam mite pawhin pasal vannei tak a la nei ngei ang an tih zui thin ngat kha an nih lai in kei chu nute ve tak thinchhe hlar , boring leh tihmawh tiin min sawi thin thung ....

Ka pian hlim in 2kg chiah ka nih laiin , kan upaber chuan a pian hlim in naupiang lianber lawmman a dawng zawk daih thung a.....


Tun thleng pawh a he khawvel a ka la lei ngam loh leh thilman to tak nia ka la hriat reng thin chu Vaimim rawh hi a la ni reng .....


Ka pa nen ka naupan laiin vaimim rawh an zawrhna kan kal pelh tum in ,ka pa bul ah chuan inthlahrung tak chungin min lei ve turin ka dil a , mahse ka pa chhanna chuan tun thleng hian ka nun ah nghawng a la nei thin...

School ka kal hma hian belh leh paih ka thiam der tawh a , ka naupan lai hian ka nu lah pate an buai thin avangin ka pi bulah min dah thin a , ka pi chuan dawr te a nei a , kut zung tang hmangin belh leh paih min zirtir thin a ka thiam hmat phah ani..

Kum thum lek ka nih laiin sikul ka kal tan a, ka thian te chu an chhungten an rawn lam thin a , keipawhin ka chhungten min lo lam hun chu nghak hlel takin ka lo nghak ve thin mahse vawikhat pawh an lo lang lo....

Kan zirtirtunu hi ka pite thenawm a awm anih avangin a rual in ka kal a , ka haw leh mai thin ani...

Ka nun hi a hlim lo a , a ngui a, achau a , abeidawng a, a lungngai bawk ani ...... He khawvel ah hian hmangaihna hi a awm tak tak em , nu leh fa in hmangaihna te , nula leh tlangval inhmangaihna te leh Pathian hmangaihna chen in ......

Hmangaihna hi lo awm tak tak ta se , midang ka hmangaih ve thei a ngem , mi tu emaw hian min hmangaih ve thei angem ??


Ka nunah hian eng pawh nei dawn ila ka beih hram hram a ngai thin....

Kum sawmpakhat ka nihin thingtlang ah kan pem a, ka pa'n a hnathawh bansanin politics ah a zuang lut a , ka nu pawhin a dawr a ti tawp bawk a ,mahse ka retheihna bul intanna lek a ni ta si ....

Inthlan ah chuan ka pa chu vote khat lekin a chak lo a , Khawpuia han let leh dawnin kan thil neih zawng zawng deuh thaw sumah chantirin kutbengin kan awm ta si....

Ka nu leh pate chuan leipui te an siam ta ringawt a , keipawh ka ute kan bula an awm theih tak loh avangin inchhungkhur enkawl zawng zawng ka kutah a tla ta a , thiam leh thiam lo in eirawng te chu ka han bawl ve a...

Ka chaw chhum hmasak ber kha ka la hria , a ut ang tih ka hlauh luatah a hmin lo lutuk a , ka pa riltam tawh si khan chhang ringawt a ei ve tak kha 😆....

Bai te chu ka thiam lo em em a , mahse mihring hi a tulna in min lo nangchin tawh chuan thiam loh a awm thei tawh lo a, hlauh pawh a sawi theih tawh hek loh , ka nu leh pate chuan eng sawi lem loin an ei ve mai thin bawk a....

Thingtlang nun chu ka awm tirh chuan hreawm ka ti hle a , meikau mawlh mai chu har ka ti a , ka kut ka tina fo reng a, thing phurh te a lo ngai a , ka thiam lehpek lo , aphurh ngo ngo chu han dahtha ta ila , a thawn mawlh mai kha ni , sawi mangkhengin thinte rualin ka phur ve a , in kan thlen chuan reingial ka nghawng ka tiche tha ngam lo....

Vawikhat pawh ka thiante nen thingtuai put a ngai a , sikula thawh tur ka dar chu na ka ti tawh lutuk a , ka thlak thiam si lo ka putna lam chu, kawngkawi kan thlen in ka thil put lo sei bawk nen , ka kawi ve thiam lehpek lo a , ka thil put chawp chuan akawngthlanga kan liam dun a , na ka ti si ka tap ngam si lo , ka inla pa ve si ka tah chuan min nuiha min sawizui ka hlau bawk si chu ka na lo awm ve hmiah a , mahse in kan thlen chuan ka kut veilam chu ka tiche ngam ta tlat lo a, hmehthiam kan khawihtir hnu chuan a ruh a lo pelh chu niin.....

Hun a liam a keipawn high school ka zi ve ta . Mahse ka kal lehna tur ah kan buai ta tlat , ka ute zirna senso ah ringawt pawh kan neihchhun te leh mita puk chawpin an la zir ve tawk tawk ani a , keiin ka belhchhah ve leh chuan kan buai dawn lutuk a , chuvang chuan ka pa chuan ka putea(ka nu nuta) te bula awm mai tur in min ti a (kan khua atang a hla vak lo a ) zir chhunzawm ka la duh si chuan duhthlan tur ka nei lo ......

Kan khua chhuahsan in ka putea te chu ka han bel ve leh ta rawih a , hetih lai hian kan rethei zual hle a textbook leina tur kan neih loh a vangin , science subject chu ka la ve ringawt a , a chhan chu ka ute textbook ka chhawm theih dawn vang ani....

Kan luh tirh chuan ka tui lem lo a mahse kan kal rei tulh tulh a Math chu nuam ka ti ta hle a, term exam ah pawh 80 ka pel vang mai a, mahse in lamah ka buai thei hle a , ka pitei (ka putea nupui) chu bank ah a thawk a , fa phir hmeichhia leh mipa an nei a , kum kua lai chu an ni ve tawh , mahse engkim naute sen ang mai a tih sak anla ngai a , ka buai phah thei hle....

Ka putea hi an khua VCP ani a, ka pitei zawk chu sum la lut hnem zawk a nih vangin a lal hi nitawp mai , hmeichhe hmeltha tak a ni bawk a , an sawithin dan chuan" hmeltha nana chu an rilru pawh a tha "an ti thin . Mahse kei ka ngaih ve dan chuan khawvela hmeltha zaa sawmnga hi chu an rilru a chhiat tlangpui ka ring......

Lehkha zirna hun tha ka nei lo hle in ka hria a , hun awl zawng zawng ah pawh lehkha zir duh mi ka ni si a , ka rilru chu a buai tan ta khawp mai . Kum tawp exam ah chuan kan class pumpui ah pahnihna ka ni a . Ka topper ta lo , minti hnual a keimaha ka chak lohna lai kha a rawn chhuak ni maiin ka hria ....

Pawl sawmpahnih ka nih chuan Math chu ka la chhunzawm thei ta lo, achhan chu textbook leina tur kan neih loh vang ani . A tlangpuiin kan textbook hi a to hle thin a science subject bik ah hian , kan senior te ka dil lahin an rem si lo , ahlui han lei mai tur a awm si lo , ui chung chung in ka subject duh ber chu ka drop ta ani.

Tui lo deuhin bio chu ka la chhunzawm a .ka hne a , ka zir that peih loh phah a , in lamah chuan ka pitei chu a hran hian a hrang ka ti mai . Zingkarah chhuat nawh vek tur tih thuchhuah a han siam phei chu tah zawih zawih mai hi ka nap a . Kan eirawng bawl tak ngial pawh a hau tak a nia ...

Ka nitin hna chu zinga thawh a eirawngbawl, chhuat nawh , sikul kal , sikul bana eirawngbawl leh nghal . Kan eirawngbawl hi a hautak a nitin in chawhmeh thing kan ring ve ngai lo a , athar zel a ngai thin a , englai pawhin dal kan a awm ngei ngei a ngai a, chawhmeh kan hmingkhat tal, bai chuan chaw pawh chithum chhum a ngai thin , ka putea , kapitei leh keima tan chaw pangai , ka naute tan an ei duh a piang siam sak , ka pi ( ka piteinu) tan btmammam chhum leh a ngai bawk a, salad tih ang reng eng eng emaw rawt neuh neuh , ka buai hi a ni tawp mai....

Ka putea VCP a lo ni bawk nen in leng hi kan nei deuh reng zel a , thingpui lum leuh leuh lo ngai bawk thawk na thleng hian ka chang lo nite hian ka inhre thin ....

Tichuan pawl sawmpahnih chu kan han exam ve dawn ta a , ka zam a , ka thiam loh zia ka inhre chiang bawk a exam loh mai ka duh rum rum a ....

Hemi kum hi chu ka nun a ka thil tawn ka sawi leh a pianga ngaihnawm loh ber a ni hial ang . Stress ka nei nasa hle a , engkim kal san a , ka nu leh pate bula haw a , lo thlawh hial te duh rum rum chang ka nei a ....

Mahse ka nun ah hian duh thlang thei turin duhthlan tur ka nei tlem em a tin ni .....Tun hnua ka hriat chhuah tak chu HLAWHCHHAM TUR PAWHIN KAN BEIH VE PHAWT HI A LO NGAI ANI!! ........



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:53 pm

FIRST LOVE AFTER 30 YEARS


Ka rilru buaina chu a zual zel a ( rilru kimlo tihna ni loin) thil ka ngaihtuah nasa lutuk leh ka inngaihtuah lungpuam vang a ni mai ang chu thawhah ka neih phah hial a, tun thleng hian puipun khawmna a tel hi hreawm ka la ti thin....

A rukin school kallo in damdawiin ah ka kal a , mahse doctor pawhin thawhah ka neihchhan chu a hre chuang lo , test hrang hrang kan tia mahse ka normal vek, ka pumpui lamah fel lohna a awm a nih a ring zawk a pumpui damdawi min chawh teuh a , ka lei chuang hlei lo a....

He ka hun tawn hian nasa takin keimah ah nghawng a nei chho zel a , tun thleng pawhin , mite aiin ka hreawm chuang bik lo , he khawvelah hian nu leh pa nei lo leh chhungte tak ngial pawh nei lo , vawiinah eitur nei mahse naktukah enge an ei ang tia rilru hah an awm laiin , engvangin nge keive tehlul hian heng mai mai pawh hi ka tuar theih loh a mak hle mai , thil engkim hi a tawngtu a zir hi a lo ni ....

Mi faten ragpickers mai mai ni chung leh pheikhawk bunkhat chu sawi loh ke lawng a he khawvel an hmachhawn lai pawha an nuih theih laiin engvangin nge keive teh lul hi ka lungawi theih miah loh le .....

Lungawi ka tum ngai lo , engpawh tawk ila ka dai chin a piangah beidawnna ka chhar thin , tun hnu hian a zahthlak ka ti a , ka hringnun thawnthu sawichhawn leh pawh hi ka zak thin....

Kum sawmparuk mi lek tan kha chuan a lo har ania nge!!..


Tichuan pawl sawmpahnih chu ka han exam ve a , ka chhang tha lo tih ka hria , mahse kan exam zawh hun chu ka nghakhlel ve hle a, ka chhungte hmuh ka chak lutuk chu ka za sek nimai hianin ka inhria. Ni dangah chuan ka pitei hian kan chawlh laite hian haw a phallo thina ka haw ngai lo.

Ka han haw a nuam pawh ka ti ka nuna vawikhatna atan ka hlim ve hlein ka inhria , mahse kan result a han chhuak ka hlim leh ta lo second devision ah ka pass a , engah mah chuan tih that bik na ka nei lo , ka mark hmuh chu a inang put a, ka thiam ve ber nia ka hriat chemistry ah takngial pawh 60 ka hmu tling lo , lo tang deuh ni ila tiin keimah ka indem leh a .....

Ka tih that loh avangin kapa bulah chuan a vawihnihna atan thil ka dil leh a , pawl sawmpahnih kal that chu ka la naupang bawk a , aremtih ve mai ka ring a mahse "tu nge chawm ang che ? " A ti ta daih mai , ka rilru chu a mang lehzual a , ka nuna ka thil lo ruahmansa te leh ka nih tum te chuan awmzia a nei ta lo .....

Ka pa berin chutia a tih takah chuan ka ngawi mai a, mahse hemi tum hi chuan pataka awm ka duh ta bik lo , ka tap char char a , ka tap nasa lutuk a kan thenawm nuin ka fail vanga tap a maw ka nih a lo tia , mibulah te a lo sawikual chiam a .....

Pastor fate leh politician fate kan inan na pakhat nia ka hriat chu mite hian kan thil tihsual hun hi an chang emaw tih mai tur hian , kan lakah hian sawisel natur hi an zawng reng a , mitute pawh kan biak that vek angai a , thil han tisual hlek ila "pastor fa " ve si an tih loh leh "politician fa " ve si hi an ti thei deuh zel mai....

Tichuan colledge kal tur chuan ka inbuatsaih ve ta a , ka phur lo hle a kal loh a in lama hlo thlawhte chu ka thlang deuh rum rum a ......

Colledge chu kan han tan ve a , tunah chuan mi bula awm ngai lo in ka ute bulah ka awm thei ve tawh a a zia phian , ka ute chuan an zirlai an zirzo tawh a , private sikul ah an inhlawh a , kan unau thum chuan in kan luah ho ta a.....

Ka ute chu hostel a awm thang tih takah eirawngbawl te hi an thiam lo a , atui hlawl lo ka ei duh lo ve khang lang bawk nen in chhung khur chet zawng zawng chu ka kut ah a tla leh vek a , mahse ute bulah nana chuan ka duh ang ang in ka awm thei tawh a nuam pawh ka ti chho tan......

Colledge ah hian thian ka tawng thar a , mak tak maiin kan inkawm thei ve phian a , a tawng tam lo a mahse a hnen atang hian zirlai tam tak ka zirchhuak a ni. Athim zawng a thil thlir thin mi ka ni bawk a , ka thil tih ngam loh te leh ka ti thei a ka inrin loh te hi ka hrilh ve thin a ....

A ni chuan tihian min hrilh thin "hun hreawm tawk mah ila , beidawn san lo a kan kal zel chuan kan la tuarchhuak em em ang" tih hi. An chhungkaw background ka hriatpui hauh lo mahse beidawng lo tura min hrilh thin na hian ani ka vawiin hun hi siam ni...

Hun rei lo te emaw ka tih laiin , kum thum chu a ral a kan graduate ve ta ...

Mahse kan graduate hnu rei vak loah chuan ka thiannu chu a roomah inawk hlum in an hmu a, min va thawng tak em , a hlim hmel te , atawngkam chhuak tin reng te leh mi pawi sawi hlautak ka thiannu ngei mai kha a ni si .....

Keipawhin ka tuarna hle a , tun thleng hian a thih cham a lo thlen a piangin a mah hriat reng nan kawrsen ka la ha thin , kan inkawm thin lai khan kawr sen hi a ha uar hle a , an rethei ve tho emaw ka ti a mahse a lo ni lo chhan tha tak a lo nei zawk apa biral ta in a piancham a a pek a nih vanga in , akawr dangte ai pawha ngaina kha a lo ni daih zawk sia....

A nunah khan beiseina a nei tlat thin , hreawm tamtak tuar mahse a beih hram hram na chuan rah tha a chhuah a ring a, a hmalam hun engtakin a thlir hram hram thin zawk a mahse a tawpah chuan a tuar chhuak zo ta bik lo ani.....

Note: hemi chapter bik hi chu ka thiantha tak pakhat ka hmuh hnuhnun ber na tur a ni tih hre lo a , a buaina siam lai ka hmuh a vang a be lem lo a ka kalsan tak mahse ,a naktuka a boral(suicide) thu ka hriat leh tak si chungchang tlem ka rawn zep tel ani....

A boring rih hle mai.... Min lo chhiarsak avangin ka lawm e

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:53 pm

Colledge ka zawh chuan ka la naupang bawk a , doctor ka ni thei lo ro ro a nih chuan nurse tal ka han zir a nge ka ti a , mahse ka buaina chu pawisa leh bawk ani .

A rukin student loan lak dan ka ngaihtuah a , mi in phal te zarah ka tifel thei hram a , mahse ka loan lak chuan kum hnih chiah min daih dawn a vangin ka riru chu a buai leh ta a mahse hemi tum hi chuan risk ka la ve ta a ni ....

Ka uten min support bawk a ka pa pawhin engmah a sawi bik lo, vanneihthlak lutuk tak maiin ka u chuan hna nghet a hmu hlauh a , ka lungngaih a ngai ta lo....

Kum li ka zir a , ka zir zawh chuan mizoramah ka lo haw a , kum khat damdawiin a ka thawh hnuin ka hna chu ka ning tan a . ka hna chu bansan in designing ka zir leh ta daih a kum li chhung , ka zir zo a Mizoramah ka lo haw leh a ....

Keimahin dawr ka hawng a loan te puk chawp in , chutiang chuan ka dawr te a lo puitlina fashion designing school hial ka din tak ah chuan , lehkha ka zirlaia rethei ka intih thin zia te kha hre reng in kan khua a naupang te chuan rethei taka miin a awm chunga lehkha an zir ngai tawh lo turin . . .

Zirlai thenkhatte chu ka sponsor ta a , atir chuan pakhat chauh ka sponsor thei a mahse ka sumdawnna te ka han zauh zel takah chuan hostel siam in , a thlawn in an awm thei a mahse rules hrang hrang kan neia chu chu anzawm ngei ngei angai thung a , zirlai titha peih lo chu kan enkawl ngai lo.

Zirlai tam zawk ka sponsor theih tak chhan pakhat chu sawrkar sikulah an kal a tichuan an ei leh in , hostel awm man keiin ka lo tum thung a , zirlai naupang hi kan khua ah chuan kan tam ngai lo hrim hrim bawk a , sawm lek ten high school an pass thin avangin a harsa lem lo....

Chungte a vang chu a ni mahna interview hrang hrang ka hmachhawn a, a ni kha ka tawn theih phah a....

Interview na pakhatah chuan
"Hei miten pasal neih a tum lo e, ani hi chu amah leh amah inneih a tum anti che a ,i tum lo reng em ni"tih zawhna ka dawng a, keipawh chuan uang pah chung hian " He khawvel ah hian hmangaihna a awm ani tih min finfiah sak thei tu an awm a nih phawt chuan chumi chu pasalah ka nei ang engang mi pawh nise " tiin ka chhang ve a.....

Tlai khat chu ka office a ka thut laiin , tlawhtu ka nei tih thu min hrilh lo hrilh a, ka room a lo luh tir mai turin ka ti a .....

A tlai tawh ang reng si a , tu chuan nge maw min hmuduh chu le tiin ka ngaihtuah a , a tlangpui in min dawrtu te hian keimah hi a hranpa in min hmu ngai lo a , keichu a neitu leh langlo lamah thawk ka ni deuh tawp tawh a ....

Tah chiah hianin , ka tawn tak amah William Laltlawmlova Inhmai (Inhmai hi hnam hming aw) ngei mai chu......

Ka office chhung a lo luh chuan maktak maiin ka hawisawn thei meuh lo , a hmel faisar te leh a pian chu sawi lo ta ila , a san zawng engkim ,a lo berah ft"6 chu a tling hrim hrim , a sam chu smart tak ani tawitak ni si lo , sei tih tur ni chuang si lo . Ka sawihmaih phal loh tur amah a ka duh ber a nuih zawng a a ha ui ngho rawn lang chu ani tun thleng pawha ka mitthla ah a la chham reng thin .....

Ka en reng hnu chuan harh chhuak zawkin thu turin ka hrilh a , ka ngaihtuahna a awm hmasaber chu ani ang mipa hian helai hmunah hian enge a lo tih dawn tih hi ani.....

A thut ngawih reng a vang chuan ka han enchiang deuh a , min lo en ve chiah bawk a, kei nula ah pawh kawngkhara in seh tang thei ang an tih tur khawpa senior chin ngat leh mipui hma pawha zam chhe mai mai ngai lo hi he mipa ka hmelhriat pawh nilo hmaah hian ka zama sawitur ka van tlat mai nih chu , tiang hian vawikhatmah ka la awm ngai lo amak hi a ni ringawt mai....

A hawi vual vual a , a ding thut a engthil nge a sawidawn tih ka lo ngaihchan lai chuan eng dang sawi lo chuan "Khawvel ah hian hmangaihna a awm a ni tih ka fin fiah anga kan in nei ang " a ti ta thut mai ...Mipangai ani emaw ka tia atna chikhat chu a nei a nih hi tiin ka ngaituah a.....

A Mawl deuh emaw tia ka en reng lai chuan, a ha ui ngho lang chiang mangkheng hian a nui a , kei nula ( nula ah pawh kum sawmthum pahnih ngat) mite pawh in ka hnunglam atanga khawnvartui pawl hma pawhin a piang tawh ang an tih chin ngat hi ka luangphu a rang ngei mai....A vawikhat nuih ah ringawt pawh chuan a zunah ka uai nghal ka uai mai pawh ni loin ka tawlh thlu.....

Min thawng lutuk nge a hmel vang zawk chu ,sawi mai tur pawh ka hre lo mahse, vanneih a siamin thingpui min lo pe hlauh a , ngaihtuahna fim ka hmang thei ve ta....

Zawhna ka zawt phawt ang che ka ti ve ngat a , a bu liam mai a ka rilru tete chuan min ngai pawimawh lo riau hian ka hre tlat pek a , ka hnual rawih thei mai.

A hming chiah ka zawt a , a hming min hrilha a lam dan chu nalh chiang a pa hliah hliah 'LALTLAWMLOVA ' tih a a lam dan bik tak phei hi chu, ka bengah hian a ri ring bik viau mai ,engthilah mah tlawm ngai lo tur niin ka hria.......

Zahawmin puitlin hmel viau mahse keiai chuan a naupang hrim hrim ka ring a....

. Ka naupan deuh lai khan tihian ka ngaihtuah thin keiai naupang pasalah ka nei anga , ka chhawrkual thin anga awm hmunah keiin ka lo kawkkual vel mai mai anga tiin .Mahse a tak ram leh sawi mai mai hi chu a inang thei lo....

Ka lo upat hnu hian hmeichhia aia mipaa naupang zawk nupa tamtak ka hmua chhungkua ..A upa zawk nana chu Kaihruaitu a ni zawk lo theilo a thil kal fuh chiah lo a lo awm ta thin a ni.... ( an vai chuan an ni bik lo)

,Hmeichhia chuan pasal naupang tein nei mahse fate a han neih meuh chuan rilru puitling a pu nghal a mahse ...Mipa chu an ni ve tawh lo an rilru hi a puitling har a , kei ngei pawh hian patlingpui naupangchhia deuh mahni nupui te pawh ngam lo ka hmu ve nual mai....

Christian kan ni a , kan in zirtir na pakhat ah chuan ' HMEICHHE LU CHU MIPA A NI A , MIPA LU CHU KRISTA ' tih hi . Chhungkuaah hmeichhiain ro a rel chuan thil a kal dik thei ngai lo , hmeichhia ka hmusit e tihna lam a ni lo mahse chhungkaw inkaih hruaina dik ka duh vang pakhat a ni....

Ka hmingpum in min ko lawh a , ava na reuh ve mawle miin ka hmingpuma min koh vawikhatna a ni lo mahse ka la na tlat , a aw thum bik vang em ni!!

Melh rawm rawm pah chung chuan , 'hnawl ini ' tih zawng hi ka sawi ve hmaka ,a ni paehin thil dang a sawi bel chuang hleinem chuvang chuan ka sawikual duah bik ngai ka ti lo....

Mak ti hmel pawh a pu leh chuang lo ,a lo ringlawk sa nge hepa hi mi mak dangdai ve tak chu a ni chiang a ni....

No worry !! Kan inhmu leh vat ang tih zawng hi a sawi a , achhuak nghal a. Tawngkam bungrua a ngah lo nge infiamnan min hmang a min ngainep zawk ......

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:53 pm

Chapter 4:






Tlai kan ban dawn chuan a lo lang hlawl a, ka be lem lo a min be bik chuang lo a "eng infiam na nge a khelh hi "tiin ka ngaihtuah a .....

Ka office a tang chuan ka chhuak a min lo zui ve mai bawk a , ka hnungah chuan a kal zel a, min lo thlir tute tan chuan kan nuihzatthlak ngawtin nia ka rin ni...

Kei hi mizo nuah pawh a te chi ft'5 boruak a hip pha lo ang an tih tur chu ka nia , kan insan hleih mah mah ani, pafa te pawh kan ang zawk ngawt ang....

Ka hnungah chuan a kal zel a , ka car ah chuan ka luh hmak a ,ani pawh chu eng sawi lem lo chuan a carah a lut ve a ,ka tlan chhuahsan a , traffic jam laia ka din chuan ka bulah a lo ding ve a, min lo zui tih ka hre ve chiah ....

A awm leh zel dan tur chu hriat ka chak ve hrim hrim avang chuan zawi muangin ka inlam ka pan a .......



In ka thlen chuan ka indah fel zung zung a, inchhung ka luh dawn chuan min lo nangching a " Jupiter Lallianpui muttui " tih zawng hi a sawi leh a, a kal leh nghal daih a....

Min kauh dan mai mai chu ava na tak !! Ka lawm lo kei Lallianpuii hi ka lawm lo hlawl lo ,enge a lak atang hian ka beisei pawh ka hre lo, chhan pawh chhang lem loin inchhungah chuan ka luhsan daih a......


Mahni chauha awm ka ni bawk a ka in chu a lo reh thuap a ,hmuaktu leh min lo lawmtu an awm lo ,mal riau a inhriatna leh nun khawhar rukna riau hi ka nei a ...

Maktak maiin ani kha ka ngai tlat in ka inhria a , aho em mai ka ngai emaw ka zun ah khan uai pawh ni ila a rem dawn chuang lo ,mu daih ila ni mai ka ti a, chawpawh ei lo in ka mu hmak .....


Tu emaw avanga nat hi ka hlau a ,midangte ngaihsakna leh an duhsakna dawn te hi ka hlau ani ber ang chu ,mipa vang mai mai a tah ka duh lo a ,mahse hepa hi chuan ka lo inkharkhip ve na te hi zawi zawi in min thiahsak ani....

Ka thinlung hneh tumin thu tam a sawi ngai lem lo ,thiltih in a lantir a ,min care zia pawh ngawi reng in a lantir a, engang zinkawng tak zawh dun zel ang imaw??...

Hmangaihna zingkawgah( love line) hian ka tluang lem lo a , higher kan kal laiin arsi ve deuh pakhat chu ka nei a mahse tunah ka thinnu nen an innei daih🤣....

Bialpa pangai takin colledge ka kal lai khan ka nei ve zuai a , mahse karkhat kan nih hnuin kan class ami pakhat nen an lo inngaizawng ve tho tih ka hrechhuak a , vawikhat mah ka be leh tawh lo chupa in a sawi chu ka la hre reng 'hmeichhe inla lutuk chu ka duh ngai lo , ka infiamna pakhat ve mai i ni' tih hi ......

Ni e , mipa chu sawi loh hmeichhia tak ngial pawhin inla ,chapo leh tinlung vawttak nei min ti thin a ,ka boring in ka nelawm loh minti bawk....

Thenkhat phei chuan nui ngai lo hialah min chhuah..... Ka cousin pakhat pawhin "au ngatinge i nuih hian i khiksuk zela (nui tak tak lo) i nuih a za ve ngai lo a mi? "ti .... Chutianga ka awm pawh ka inhre chuang lo a ka nui ve ziah chuan ka inhria.......


...

Phaia ka awm laiin Garo tlangval pakhat nen kan intawng a , min ngaihzawng a keipawhin thian ka neih lem loh a vangin ka kawm ve ziah a....


Ka tan chuan a tha mah mah a, chhungkaw hausa tak a tanga seilian a ni a , kei aiin kum thum ngawtin anau zawk a Mizorama ka lo haw dawn te pawhin min thlah a tum a mahse ka remti lo....

Kan inhmuh loh hnu kum tamtak ah pawh fb a tangin min lo la be thin , tunah chuan nupui te neiin fa pawh pahnih lai an nei ve tawh....

Hepa hi chuan min duh ve tak tak in ka hria a,an hausak teh lul nen khan ka awm ang ang in a awm ve mai a kan inhmuh chang pawhin min sawisel ngai lo a ka nihna ang ang khan min pawm a, nupui atan hial min sawm a ,mahse ka thei lo...

Hnamdang pasal a neih chu ka duh lo , hnamdang pasala neite hi ka dem hran lo a, hmangaihna diktak anih phawt chuan , mitamtak chuan hnamdang nupui pasala neih hi bible nen kan kaihlek a 'Bible ah hnam dang reng reng i nei tur a ni lo ' tih ziak a ni tiin

Mahse kei ka ngaih ve dan chuan Israel fa ten hnamdang an neih a chimrala an awm loh nana bible a inziak ani . Keini Jentail te tan a ni ve lo....

Hnam dang nupui/pasala neite hi ka hmusit lo a , ka ngaihve dan chuan enghnam pawh eng sakhua te pawh hi Pathianin duh taka a siam te vek kan ni a , hmangaih hi kan phu vek ani......



Phone ka neihtirh in fb ah thian pakhat ka chharthar a ni nen chuan chawlhni a piangin kan inbe thin a , a hnu chuan min duhthu min hrilh a, ka duh ve tho a mahse keiai a naupan a vangin aw ka pawh lo a , a zak ta lutuk a min block hmak a 🤣 kan inbe ngai ta lo

Hepa te hi chu ka duh ve reuh lutuk a, a hnu pawhin biak leh ka tum thin , a indah dan te a thlak vang nge ka hmu zo ta lo a ( a tak tak a ka thiannu thil tawn) hetih hunlaia ka buaina pakhat leh chu kan kum inthlauhna bawk kha a ni .....

Anvai hian ka tawng vek a hun hran theuh ah ,a hunlaiin duh ve viauin inhre thin mah ila 'hmangaihna' a ni lo tih ka hria,........


Ngaihzawng tak tak phei chu pakhat chiah ka la nei nghe nghe ,kan inthen pawh in ka la na lem lo a, va tihbuai pawh ka tum lem lo .....

Miin Hmangaihna an teh dan hi ka hre lo mahse kei ka ngaihdan ve thungah chuan, mi kan hmangaih nia kan inhriat hian ....'Mihringte hi kan rilru te , na ( pain) kan hriat theihna te , kan hmuh theihna ,kan taksa pum hian kan thluak in a control vek a' mi a hmuh tam a , abula a awmtam a ,thil a tihdunpui tam a piang kha hmangaih niin a inhre ta thin a , chu a hmangaih nia a inhriat chuan kalsan tase kumtam inhmu lo tase emaw chumi chu boral tase zawi zawi in a memory a tangin a bo tial tial ang a (chu chu khuarei hian min hnem an tih thin kha) miin an sawichhuah changin a hriatna kilkhawr atang khan lo thar leh in( kum tamtak hnuah pawh ka theihnghilh thei lo an tih kha) ....

Mi kan tawn hnuhnun a piang kha kan hmangaih niin kan inhre thin ( ka sawifiah dan hi hriatthiam a har ang mahse heti bak hi chuan ka sawifiah thiam lo)..... a khaikhawm nan chuan 'hmangaihna hi a awm tak tak lo a , kan ngaihtuahna mai mai ani.....


Kan rilru te pawh hi kan thluak in a control vek a vang hian , kan thluak chuan a duhna lam lam ah a hruai a, midangte hi hmangaih niin kan lo inhre ta thin ani.......

Chuti nisuhse eng vangin nge ka hmangaih ti reng chung siin mi a uire ang?...eng vangin nge chhungkaw kehchhia a awm ang a?....eng vanginnge indona te hi a awm teh lul ang ni???.....

Hengte a vang hian hmangaihna a awm tak tak hi ka ring lo lehzual a .... Ka dik angem , hmangaihna chu a awm ngei tih hi min finfiah sak thei chiah angem kan thlir zel phawt mai aniang chu........





Note: Chhiartu duhtakte u .....keimahni avangin kan hmangaih kan chhungten ( kum upa lam kan chhungkuaah an awm anih phei chuan) Covid19 an kai thei tih hi hre thar leh theuh ila..... In ah i in khung hram hram ang uuu ......
Tul bik thilah lo chuan pawn ah chhuak mai mai lo ila, pawn kan chhuak dawn a nih pawhin , mask leh senitizer kha ngai pawimawh leh theuh ila......
Kum 2011 chhiarpui a tanga tehin mihring mi 1000 zelah mi sawmpali in Covid19 vei ang kan ni a , tiang zela covid vei kan pun chhoh zel chuan kan ral tak ngial ang tih a hlauhawm ......
Kan ram leh hnam kan hmangaihna chu tun hi kan lan chhuahtir
huntur chu niin ka hria......
Invaiin lo him ula , lo fimkhur zual zel ula , hrisel taka awmtheuh turin duhsak na ka hlan theuh a che uuuuu.......
Ka thawnthu te min lo chhiarsak avangin ka lawmm em em bawk eeeee......

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:54 pm

Karkhat chhung zet chu nitin kan ban hian pawnah chuan a lo awm ziah a ,ka be ngai lo a ,ka kal pel tawp mai thin, a ni pawhin min be bik lo...

In thleng min zui a ,in ka luh hnuah a haw ve leh mai thin....

Vawikhat chu a ngai te bawkin a lo lang leh a , ka kal pel leh mai a mahse ka car ka han start chu ka tlan thei ta reng reng lo a, a ke a lo thep chu lo ni in han siamtir ngawt dawn ila a tlai dawn si tih ngaihna dang awm ta hek lo Tlawmlova motor ah chuan ka chuang ve ta nge nge a....

A hmaah pawh thu duh loin a hnungah ka thu a, engmah a sawi leh ta lo ka rilru tete chuan hepa hian eng tectic nge a hman hi ka rilru hneh a duh a nih chuan min be ve tur a ni dawn lawm ni ? Ka ti a...

Mahse engmah a sawi ngai si lo mipakhat hi chu a ni ve chiang a lawm ,ngawi rengin min hneh theih a inring nge ka khawngaihna dawn a inbeisei zawk??.....

In ka thlen chuan hmanhmawh deuh in ka chhuk a, ka chhuk rual chuan a lo chhuk ve nghal a ...

Ka hnungah chuan min lo zuiin in chhung ka luh dawn chuan ka kut ah a lo vuan a 'Min lo ngai hle rawh aw, lo in enkawl tha la' tih zawng hi a sawi a , a kal lehnghal daih a hepa tak hi chu aw.....

Karthar a lo nia ka hnaah ka kal a , ka car pawh chu ka siamtira a siamtupa chuan 'tuemaw in a vitpawp a nih dawn hi 'a tia a tir chuan ka ring chiah lo.....

mahse tlai a lo nih chuan Tlawmlova chu a lo lang ta lo a ,kan inhmuh hnuhnun ber a a thil sawi a vang chuan amah chuan ka motor ke chu a vit pawp a nih ka ring hlel hle a......

kartluan chuan a lo lang lo a..
Maktak mai in ka ngai a , hmuhleh ka chak a, thu tam sawi lo mahse a thusawi chhun te kha ka hre leh chak a ka hna ah pawh ka rilru ka pe tha thei lo , kartluan chuan ka ngui a ,ka mood a fuh thei lo....

Karthar a lo inher chhuah chuan hna kal te chu ka phur hluah hluah a , tlai ban te chu ni thuai thuai se ka ti a , Tlawmlova hmuh ka inbeisei avangin mahse a lo lang leh ta chuang lo ...

Phur lo tak chuan ka haw a , in ka thlen chuan ka in dah fel a luh nghal mai ka tum lai chuan rin loh taka ka mi hmuh a vang chuan ka ding chawt a....


Tunhmaa ka la tawn ngai reng reng loh keimah ah hian phu rang lutuk tak mai a awma chuan ahmel ka hmuh chiah khan ka pum atanga lo chho che muai muai a awm, ka sawithiam dan ber chuan phengphehlep hi ka pumah chuan a thlawk vel ni maiin ka hria...

Dawnsawn dan tur ka hre lo a ka ham haih a pen na chang pawh ka hre lo hial. Amah zawk chuan min lo pana ka bul a lo thlen chuan min kuah nghal chawt a ka beng bul chet ah chuan 'Min lo ngai em? 'ati a ....

Ka nuna a vawikhatna atan mipa emaw hmeichhia emaw pawhin nise min kuah vawikhatna a ni a. Ka zam zual lutuk chu ka thaw a hah a ka che buai vek ani ....

Ka tal buai chiam chuan min thlah vatin ka bag a thil awm zawng zawng chu a bunchhuak vek a ....

ka inhaler chu min pe a , min hnaih mai ngam tawh lo a ,ka buai zual a hlau aniang. Nula a pumpa romantic zolo ber of the year-i ka ni ringawt ka zak lutuk chu thla neiha thlawh bo vang vang ka chak ber tum a ni hial ang.....

Ka pangai deuh hnu chuan min lo hnaih lehin damdawiin kal a rawt a ka zawi em avang chuan min pawm a tum a mahse min hnaih lo turin ka ti a , amah vang ani reng sia ,a ni lah chuan a hre si lo .......

A ngaih chu a that hmel zan loh reingial step-a ka thut hnu chuan inchhunga luh ka tum a ...

Ngawi rengin min lo nghak a ka chet tak phut ah chuan ka bag chu min lo pe a ka ban ve mai bawk a engmah sawi loin in chu ka hawng rawk rawk a ka luhsan hmak a....

A hnu deuh chuan a car start thawm ka hria a .... Keipawh zawizet in ka inti faia chaw pawh ei lo in ka mu hmak..,


A tuk a lo nih chuan ka la hah hle a mahse chawlh chu ka duh loh avangin ka kal lui ta tho a ...

Tlai ban hun hma a haw chu ka duh a ,ani kha hmuh ka duh lo ani....

Mahse tihfel tur dang ka nei leh thut sia , ka haw hma leh thei lo , ka haw dawn chuan pawnah a lo awm ka ring a ,lo awm ta se engtin nge ka peh hel ang tiin ka inngaihtuah a, hmuh ka inbeisei viau laiin a lo awm miah lo ... Maktak maiin hmuh hreh viau si khan a mah hmuh chakin ka mit ka len leh ta sia..,..

Eng ka ti ta nge kei hi, hmuh ka duh lo a , ka hmuh loh lahin hmuh ka chak leh si ,ka mak hle mai....

In ka thlen pawhin ka hmu lo a min lo nghah ka beisei deuh nge mawni ....

Ka intih fel hnu chuan mut tum in room ah ka lut a 'ka phone chu a lo ri a number hriat ngai loh anih avangin lak loh ka tum zet a mahse thil pawimawh a awm thu hla ah tiin ka la ta zawk a.....

"Hello" ka tia mahse tuman min chhang lo ,thawm ka hriat loh avangin dah leh mai ka tum a mahse lehlam atang chuan aw pa leh ril ruih mai hian 'enge i an i zia tawh em? Vawiin chu ka buai deuh a ka lo kal thei lo a ' a lo ti a .....

Amah Tlawmlova a ni tih ka hre nghal mai a, ka rilru ah chuan lawm na te zamna te leh phur riauna te ka nei thar a ....

Thu tam kan sawi leh chuang lo kan ngawi leh vang vang thin a ...

Min mangtha hma chuan 'in ngaizawng ve tawh mai ila 'a tia ....han chhan mai dan tur pawh ka hre lo mahse ka vawikhat hmuhna a ka awmdan te ka ngaihtuah a ....

Engmah chan tur ka nei chuang lo a, bakah ani hian engvang a ka lungphu ti rang a ,amah ngai a vei zui vawng vawng tur a min siam thei nge a nih tih chu hriatchhuah ka duh ani .....

Ka 'aw' ve ta tawp a....


"Thla thum chhung kan inkawp phawt anga chumi chhung chuan 'hmangaihna hi ka finfiah sak thei lo che a nih chuan i duh dan in kan awm dawn nia , kei pawhin ka tibuai tawh lo ang che"a tia ..,..

Thla thum chu a rei ve thawkha a , kan in hne thuai ang a , in hmuhzui zel pawh la duh tawh kherin ka ring lo , ka ngaihtuahna atangin ka paihbo thei tawh anga , ka vei zui zel pawh ka ring lo.....


Bialpa ka nei ve ta chu ania...ka nun pangai nen chuan a danglamna ka hre hran lo a, ka be tha em em ngai chuang lo a hma ang tho khan .....

mahse, ani chuan theihtawp a chhuah thung a min tih lawm dan tur ngawt hi a zawng a.......

Min tih hlim a hram hram thin, ka be tha ngai lo chung pawh in ,a beidawng duh lo a ,ka tan hun thawl a insiam hram hram thin ....


Thu tamtak sawiin tlak duah lo mahse ,ka thinlung hneh a tumna chu ka ngaisang a , a hming chu a pu zo hliah hliah.....

Nitin in min lo hruai ziah a , a hnaah a buai ve thin bawk avangin a hranpa in kan in hmu ngai vak lo......

Ni a liam a , thla hial a vei tak ah chuan Keipawhin ka duh lutuk tawh a ,ni lo ka hmuh hmasak ber khan a zunah chuan ka uai daih tawh.....


mahse ka duhna te chu ka tilang duh lo a, he thinlung chapo tak hi chu aw....


Kan inhmuh loh chhung reilo te ah pawh hian ka ngai lutuk hman thin , a zun chuan min phuar hneh lutuk a ka kaltir phal lo ang tih ka hlau a......

Engemaw kawng zawng tak hian remlohna awm dawn tlata hriatna ka neia .....


Tichuan kan kal thui tak tak hma a inthen chu tha zawkin ka hria a. ...


Inthen ka rawt chuan a duh lo a , han chhuanlam vak tur lah ka hre si lo , ' thla thum kha kan intiam na a ni bawk si nen' ti hian ka ti ta ringawt a "kan buai dun bawk sia bakah kan in hrechiang lo lutuk" .........

"Engtiang vak in nge inhriatchian chu i duh ,ka hming i hria a , i hming ka hria a,ka duh che a nang pawh in min duh a(a tlawm lo ve chiang a sin ) chu chu a tawk mai lo em ni "a ti a.....

Sawi leh tur ka hre lo ka dang chiang hle thu dik a sawi miau sia , mahse chuti maia tlawm ka hreh ve tum hrang a ....

Kan inmil theih loh na te chu sawiin ..... Kan kum inthlauhna te chu chhuanlamah ka hmang a (amah hi kum sawmhnih pasarih chiah a la nia, kum nga laiin kan inthlau bawk )....

Mahse min hnial dan tur chu a la hre fan a.....

A tawp ah chuan keipawh in sawitur ka hre tawh bik lo 'Tlawmlova ' hma ah hi chuan tlawm zawk a tan hi a ngai ziah , a tlawm ve ngai si lo a......


Note: he thawnthu hi ka tum angin ka ziak chhuak zo lo a , ka ngaihtuah na a awmte hi ka han ziak dawn a , dik lo lai leh fel hlel deuh lai a awm zel sia..... Ka duh ang leh a thawnthu in a tum ang tak pawh ka kalpel fo a (a point ah tak ka lut thei thin lo)

Thuhma bet(prefix) a dah tur kha a hnung zawk ah te ka dah a, thuhnungbet (suffix) kha a hma zawkah te ka dah leh daiha ....

Min lo hrethiam hram hram dawn nia ... 🙏🙏

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 2:54 pm

FIRST LOVE AFTER 30 YEARS dt 17




Reilo ah thla thum chu a ral thuai a , chung thla thum chhung chuan thil tamtak a thleng hman a......


Kan awm zel dan tur te sawifel a ngaih a vangin ,tlai ban chuan ka lo nghak a, kan in hmuh hunah ...inthen arawt ang tih mawlh chu ka hlau a ,lo rawt ta se,a ni khan min lo ning ta se tih te ka ngaihtuaha.....

Mahse thlathum kha kan intiam dan kha a ni sia.....inthen ngei chu kan tan a tha tur a ni bawk si......Duh viau mah ila 'Ka hmangaih lo a,hmangaihna hi a awm tak tak em tih pawh ka la hre lo cheu ........pasal ah han nei ngawt dawn ila thil tam tak ah kan inmil thei dawn si lo........



ka kum te nen pawh a inmil thei in ka hre lo a ......a ni hian min lo nei duh ta pawh nise .....hmalam hun thui tak ka ngaihtuahin ,kan hmalam hun chu thim dawn riau in ka hria a .......lo inthen ta teh reng pawh ni ila a ni chuan midang a hmu leh nghal thei mai ang a , mahse keive hi ...midang han tawng leh tur chuan ka upat tawh mai bakah ani ang hi ka tawng leh a ngem???


Thil ka ngaihtuah thui pauh leh ngaihtuah tur a tam ting a , a tawpah chuan "a Pawi lo ka leng tar mai ang mahni chauh hian kan hlim ber ,kan rilru pawh a na lo nge nge " Inthen mai chu tu tan ve ve pawh chuan a tha zawk ang .........

Ka mangtha dan tur te leh ka tah mai lohnan fiamthu te chu ka ngaithla hmasa te te phawt a ......ka rilru tih nat loh dan tur te thleng chuan ka ngaihtuah a.....

Mahse min lo hruai tur chuan chumi ni chuan a lo lang thei si lo ka mangang chuan ka phone ta tawp a ....

Keimah hian ka be (phone) hmasa ngai lo a, message tak ngial pawh hi ka type peih lo thin ka senior tawh vang nge .....

Mahse zing tin morning wish min lo thawn ziah a ... Zanah lah 'muttui ' tih te mai hi min lo thawn thin bawk a ...ka seen ringawt a .. Ka chhang peih lem lo....

Ka han phone chuan hmeichhe pakhat hian min lo chhang a , bathroom-a a awm thu a sawi a ,ka thinrim lutuk chu ka insum hman lo "khawiah nge in awm "tiin ka vin thawt a , chunu pawh chuan damdawiin a an awm thu a sawi ve maia.....

Hmanhmawh mangkheng in ka tlan a , a sawi na hmun ka thlen chuan rang takin ka lut a , zawnna lai ber tur pawh hrechuang loin ka pawngpaw zawn ve ringawt a ....

Khanu kha nasa takin ka thik a , tunang hunah engvanga damdawiin a awm nge an nih ,engthil chiah nge thleng a ?? Khanu kha tunge?? Engvanga phone chu lo chhang ve ringawt nge a nih ??? Tlawmlova chu a dam lo nge??? ka rilru ah chuan zawhna tam tak a lo lut a........

Ani hian min lo phatsan reng em ni ?, lnthen rawt thin tu zawk ni mah ila , tlawm taka in phatsan chu ka ngaingam lo .......

Zan a nih tawh vangin nurse pakhat chu lo kalin , in kan hun a tawp tawh thu leh a tuka kal leh mai turin min ti a ,mahse ka bialpa neih ve chhun ngei mai chuan min lo panin a mah awmpuitu tur ka nih thu a sawi a nurse chuan min kalsan ta a .....

A awmna cabin kan luh rual chuan eng sawi set set loin ka kuah a , abiangah chuan dawmin ka kuaikun a ka maimit chhinga a hmui ah chuan ka fawp ta a , mahse romantic life hi ka zo ve lo 🤣🤣 ....

A hmuiah ka fawp emaw ka tih kha, a nghawng ah ka lo fawp daih chu niin kan insan hleih em a ka demawm hran lo e , ka mit ka chhing daih bawk nen ka lo tifuh chiah lo ani ....

Engmah ka feel tak loh ah chuan ka mit chu ka meng a , min lo enkhiau a ka va zak em mipui tamtak hmaa puan bih thlauh ai pawhin ka zak zawk ang. Inlak hran ka tum chuan min kuah nghet sawt a ....

'Tunah khan min fawh i tum em ni ' ati a , zak hle mah ila naupang chhia ka nih tawh bik loh avangin ka lu chu ka bu zeuh a , min en vang vang hnu chuan 'mintih' .... Ka ti hman trawk a min lo fawp thut a lungchim takin ka in ring hman lo lutuk chu ka khawng awt a ....

Mi ka vawikhat fawhna ani a han tih ve dan vak ka hriat loh avangin ka dawh mawl tawp a , a duh thawh tulh tulh a ,a zei hle bawk keipawh in ka lo feel veng veng thei ...

Kan inthlah hnu chuan a ding ngil sauh sauh a , "ka kawng hi ana lutuk min han rap mai teh" a ti a......

khumah chuan a lawn a , a uang mai mai emaw ka tih laiin a lo ti tak tak sia a chung ah chuan lawn in ka rap a mahse ka chhuk leh vat a ka zut sak ta zawk a...

Ka zut zawh chuan a mu tha te te a , ka mit a en chungin "i thik tiraw" atia..... Ka thik miau bawk sia aw ka titha ve maia .... Damdawiin a awm chhan te chu min hrilh a ,a phone lo chhang tu pawh kha nurse duty a lo nia ........

Thil hrechiang hmasa hauh lo a ka lo thlasik mauchang puah ve phiar phiar chu ka inthiam lo hnuhnawh a......

A kawng nat chhan ka zawh chuan , ka hniam lutuk kha , kan infawh lai khan a lo kun nasa deuh a ,kei lah zei lo bawk si dingdihlip bna chang ka lo hre bawk si lo .....kan lo infawp rei ve bawk nen ani damsam lo bawk si kha a, a kawng chu a lo na tak tak a ....,

Thudik min hrilh lai chuan ka mittui a hnam sawk thei, ka zah luatah, mahse thudik a sawi miau sia , a hreawm duh khawp mai ....

A ni bulah hi chuan ka zak rei ngai lo zawk a a zia phian.....zak vak dawn pawh ni ila a aia zah na tur a bula ka awm reng chuan ka la tawng dawn chauh tih ka hria..... Min tih zah tum miah silo hian ka zah vawng vawng theihna tur thil hi a thleng ziah mai.....

Romantic life hi ka zo lo ka tih tawh kha.......

Vawikhat chu , kan lengchhuak ve ngei a ruah a sur bawk nen nihliap kan khum a keiman ka keng kher bawk si ,ani a lo sang bawk nen, ka san zawng milin ka lo keng pek , amit ah chuan ka nihliap hmawr chuan a hawlh a , a mit chu a dawm vawng vawng ,a na viau ang....

Vanneihthlak takin ka hawlh na lo hlauh . Ka che chhe thei hle a , ka pheikhawk bunlai kalsan daih chang pawh ka nei ......

Damdawiin ah chuan kar khat zet a awm a ,a chhungte chu vawikhat mah an lo lang lo .......

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)