LALNUNMAWIA By Puitea Libra (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

LALNUNMAWIA By Puitea Libra (Completed)

Unread post by Ngaia » July 4th, 2021, 3:42 pm

imjez348.jpg
Chapter 1

..........................




Zandang ang lo takin Zualtei chu a mutui ngei mai. Tui taka a mut siai siai lai chuan mumang a nei hlauh a, tlangval pakhat chuan hlim hmel tak hian a lam hawi pah in, a hui lauh lauh a, rang tak chuan chu tlangval thutna lam chu a pan nghal a, "Zualte kei hi min hria em?"tiin a zawt thawr a, Zualtei a bang bo ngei mai. " Aih ka hre miah lo che. Tunge i nih?"




" Ka nu leh pa chuan engmah an hrilh lo che ni maw......? Kei hi i u ka nia"


"Maw pianpui unau ka nei awm ka hre si lo a. Bakah anu leh pa pawn pianpui unau ka nei tih an sawi miah lo"


" Ihh......maw Zualte tuna ka sawi tur hi ngun tak khan ngaithla la, i pian hma a thlil thleng ani. Kei hi damdawi inah khan thah ka ni sin, chu chu apa te ngei pawn an hre lo. Ka chungah dik lo taka titu lakah hian phuba i la ang tirawh" hlim hmel chu lungnaihna hian a thlak a.



" Nga tinge chu thu chu anute'n min hrilh ve miah loh a....?



" Chuzawng ka hre hauh lo mai.....hei khua a var hnai tawh a, kei chu ka kal hun leh trep ta e, Detective Lalnunmawia kha zawng chhuak la, ani chuan a puih theih che ka ring. Khawngaih in ka phuba hi min laksak hram ang che aw" tiin Zualtei hmuh lai ngei chuan a bo ta daih a.



Zualtei mutui lai chu a harh hlawl a, a mumang chu ngaihtuah zui nauh nauh a, a hrethiam lo kher mai. A muhil thei mai lo a, a rilrua zawhna awm chu atuka anu leh pa zawh chu a tum ruh hle ani. Zing dar 5 arik velah a tho vat a, a intifai vat a, chumi zawh ah chuan eirawng a bawl nghal a, dar 7 a rik meuh chuan engkim a peih fel ta.




Long chair ah chuan thuin phone chu a hmet eng a, number hriat loh SMS a dawng tlat. "He ka number pek ah hian call la, thil i hrethiam mai ang" tih ringawt ani. Chutah a thawntu number chu a call chhin a, mahse tlang tlat lo, a swift off ani. Chutah a number thawn zawk kha call leh a tum a, " Zualte chaw ei ang hmiang office kal ka tlai dawn tlat" tia apa auh ri a hriat vang chuan call leh lovin a dah hrih a.





Chaw an ei lai mek chuan a mumang chu hrechhuak hlawl a, apa chu a zawt nghal thuai a. " Pa Unau pianpui ka nei ami" a meng kawk a, mak ati deuh nge ni, a chaw thial lai tawp chat in anupui chu melh tlawk tlawk.


" Pa ka zawhna chu min chhang dawn lo mi....?apa chu hre chak tih hriat tak hian a melh a. Anu chuan afanu chu a melh vang vang a, " tu sawi nge i hriat a Zualte? Bakah i thil hriat duh chu trangkai lo emai" a ti a.




"Ka zawhna chu min hrilh phawt u la, thil awmzia ka hrilh ang che u" anu leh pa melh pah chuan a sawi a. Apa chu ngawi vang vang a, rei fe a ngawi hnu chuan ti hian a sawi ta ani.



" He thu hi hre lo la, ka duh che a mahse tunah chuan i puitling ve tawh a, engkim ka hrilh tawh ang che. I u te thian ho chuan picnic an rawt a, i u pawh a phurh ngei mai, kal ve lo tur chuan kan duh viau mai mahse amah tih lawm kha kan duh ngai lo va, i nu nen ngun taka kan ngaihtuah hnuah kan phalsak ta ani.




Zing takah thovin a insiam sawk sawk a, a kal dawn ah chuan kan room ah a lo lut a, a kal hun tawh tih min lo hrilh a. Zankhat riah an tum ani. Ti chuan fimkhur taka awm turin kan chah a, kan kawt thleng i nu nen kan thlah a, tichuan a thiante lam chu a bike ti nungin a pan ta ngal a....





Thiante nen a ni bawk a, kan thla a muang angreng khawp mai. Zanriah kan ei hma chuan number hriat loh atangin call ka dawng a, ka rin phakbak ani. ' Ruatfela pa i ni em aw....? A sawi zawm nghal a. Hei thianpa Ruatfela hi a chesual hlauh mai a, Lunglei Civil Hospital lam kan panpui mek a, a rang lamin hospital lam rawn pan nghal u la tha ang...' phone a dah nghal a, engmah ka sawi ve hman lo.




Hospital lam chu kan pan nghal a, nurse lo duty te ka zawt nghal a, nurse chuan min hrilh a, tichuan arang rangin i u an dahna ward ah chuan ka kal nghal vat. A thiante chuan min hmuh veleh thutna kian in a chetsual dan min hrilh hlawm a, mahse engtin mah ka chhang thei lo, ka fapa hmel hmuh mawlh ni ka duh. Doctor-in la biak theih loh thu min hrilh avang chuan a thiante nen kan inkawm hlawm a.....





Nithum a ral chuan tlem in hma asawn ve deuh a, kan lawm angreng khawp mai. Aizawl ah meeting pawimawh deuh i nu nen hian kan nei hlauh mai a, athat chho zel bawk nen, a thiante an awmpui thei taka chuan a Aizawl lam Kan pansan ta a(Zualtei nu leh pa hi an hna a inang ani).....




Zan tlan ka ni bawk nen....kan chau deuh aniang, meeting kha 9 : 30 ah tan tur ani a, kan harh meuh chuan 9 a ri der tawh. Rang zeta thovin kan insiam sawk sawk a, meeting zawh ah loh chuan chaw pawh kan ei hman ta lo. Meeting kal hma chuan i u chanchin hriat ka duh vang chuan a thiante ka call a, a ngaihtuah awm lo thu min hrilh a, ka thawveng huai mai.




Dar 12 ah meeting kan zo a, phone ka en chiah chu vawi 10 lai mai i u thianpa'n min call a, meeting naah chuan phone silent ngai ve bawk si ani. I nu phone ah pawn an call tho a, mahse ani pawh kei angin alo silent ve tho si a, tichuan ka call let nghal a..... Jerrya(Ruatfela thianpa) chuan rang zet in a pick a, 'a pawi hle mai thianpa Ruatfela chu dar 10 khan kan chan ta ani' tiin min hrilh zo chiah tih ah chuan phone chu thlauh thut in engmah hriat ka nei tawh lo.




Ka harh meuh chuan engkim an lo tifel tawh a, nithum lai chu engmah ka hre lo tihna anih chu....." tiin Zualtei chu a hrilh a, a bianga mittui chu hru zauh in a tho nawlh a, room ah chuan a lut nghal a, a insum zo ngang lo aniang a tap bawrh bawrh mai. Zualtei chu anu a melh tlawk tlawk a, a rilru na lutuk chu abiang atangin mittui a luang a, tumah chaw ei thei reng an awm lo niber mai.




Chhunah chuan amah chauh in inah a awm a, apa thil sawi chu a ngaihtuah vang vang a, hriattiam loh a nei tlat, "ngatinge ka u chungchang min hrilh duh miah loh.....? Bakah ka u hi kum 20 laiin a upa bawk sia, kei hi anfa tak tak ka ni lo tihna em ni....?" Zawhna a ngah takzet mahse chhan na erawh a nei si lo.....................



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:42 pm

Chapter 2


...............................




Number ringawt kha a call leh chhin a, a call tlang hlauh mai. A pick tawh dawn lo emaw a ti hial a, mipa aw tih hriat tak hian a chhang a......

" Hello......."

" Tunge ka biak aw.....?"

" Detective Lalnunmawia ka nia, eng nge ni ta? Puih theihna che ka nei em?

A mumang kha a hrechhuak nghal vat a, a u ina asawi Detective Lalnunmawia ngei kha ni.......



" Zualtei ka ni a, ka u thihna ah hian thil dik lo awmin ka hre tlat mai a, khawngaih in min pui thei ngem le....?"



" I u thihdan tlema zawng min hrilh thei em....?"


" Aw thei tehreng mai; picnic tura an kal kha ani chu vanduai bik ah atanga, bike in a accident a, rang zeta damdawi in pan pui nghal ani. That lam a pan chho zel avang chuan ka nu leh pate chuan meeting pawimawh deuh an neih vang chuan Aizawl lam an pan a, a thiante nena an inbiak tawpna ber ah pawn a ngaihtuah awm lo thu an hrilh a. Meeting an neih zawh ah chuan a thih thu an hre leh si a....."




" A van pawi ve aw, ka pui ang che u. I address min hrilh teh le...?

" Bazar veng Lunglei, state bank bul"

" Awle.....ka rawn kal hun tur ka hrilh tha leh dawn che nia," an inbiak na chu an ti tawp hrih a....




Jerrya te lam ve thung.........


"Thianpa Ruatfela hi a ngaihawm thin khawp mai, amah hi a fel a, fiamthu a duh bawk a, kan thian ho min tihlim ber tu kha ania, " Jerrya chuan a ti a.



" Nia i sawi chhuah takah chuan kei pawn ka ngai em asin," sangi chuan ati ve bawk a.

Chutah sangi bawk chuan, " bike khalh a thiam tehreng nen a, khami tum ah kher a accident hi chu a mak ka ti em asin! Kawng a nal ti dawn i la ruah a sur tawp si lo," ati zawm nghal a.



" Kei pawn mak ka tia lawm," Jerrya pawn a ti ve a. Rinzuala leh mahlimi chuan engmah an sawi ve lo. An ngawi reng mai ani.




" Uhh.....thil dang sawi ang u, thil kal tawh hnu sawi in awmzia vak a nei lo, lunglênna mai mai a lawm. E taka Jerry bialnu kha i nei ve tawh ami?" Tluangtlangi chuan Rinzuala leh mahlimi khan nuam an ti lo tlata hriatna a neih vang chuan a fiamthu nghal a.




" Ehe.....tluang hnap duh chuan 10 pawh ka kawp thei ang chu, ka luck over aw," tluangtlangi lam hawi pah chuan lei a chhuah khum a.



" Tluang in lamah tihtur ka nei a, ka tin tawh mai dawn sin," Rinzuala chuan a ti a, chutia rinzuala' n a tih takah chuan chhuanlam siam in an tin ta hlawm a.



Zualtei muhil chu a harh hlawl a, sana a en nghal vat a, tlai dar 3 a ri der tawh. Rin aiin a muhil rei phian mai, a chau deuh te pawh ni mahna; rang zet in phone chu a hmet eng a, number hriat lo bawk chuan SMS in, " zualte min puih duh avangin ka lawm lutuk aw, " tih ringawt ani..... A hrethiam lo kher mai.




A call leh chhin a, mahse switch off a ti leh tlat si. Phone chu dah in choka lamah chuan eirawng bawl turin a pan ta nghal a. Eirawng a bawl sawk sawk a, a buai kher mai. Dar 5 a rik meuh chuan a zo fel thei hram. A inbual nghal vat......





Chaw an ei mek lai chuan, " pa tinge ka u nen hian kum 20 laiin kan inthlau a, " tiin a zawt ta hlawl mai. Apa mak ti lutuk chu a melh ngai a melh tlawk tlawk. " Pa ka zawhna chu," ati leh a, chutah apa chhan hma chuan, " Zualte chu chu engtin nge i hriat a, " tiin anu chuan hriattiam loh zet hian a melh leh bawk a.




" Nu nakin ah ka la hrilh ang che, " ti ringawt in a chhang a, anu pawn a zawt zui ta bik lo. " Pa ka zawhna che kha min la chhang lo ani a," tiin a pa chu hriat chak hmel zet hian a melh hu a, apa chuan, " I piang har tihna ni mai lawm, " a ti liam puat a. Awih lo hle mahse Zualtei chuan a aw liam ve mai.





Zualtei bawk chuan, " nu....pa detective Lalnunmawia ka bia a, zanin ah a lo leng dawn sin," tiin a nu leh pa chu a hrilh a. Anu leh pa pawn an lu an bu nghat ringawt.




Zan dar 8 ah Detective Lalnunmawia leh nula pakhat chu an rawn lang hlawl a, chutah pa ber chu an thutna tur a kawhhmuh nghal zat. " Zualte hei inleng kan nei a, thingpui va lum ta che," apa in a tih vang chuan engmah sawi ve lem lovin a tho va thingpui lum tur chuan a choka lam chu a pan ta nghal a.





" Kei hi detective Lalnunmawia chu ka ni a, ka bulah mi hi Hlutei kawng engkima min pui tu ani, " a ti te te a. Chutah sawi zawm leh nghal in, i fanu hian min hrilh nual tawh a, tunge i fapa awm puitu chu....? tiin a zawt zui hlawm a.




" A rei ve tawh deuh nen ka van hre tawh mai lo ve aw.....(ngaihtuah niawm tak hian a ngawi vang vang a) E pakhat chu ka hre leh si Jerrya, " tiin a chhang a..........

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:42 pm

Chapter 3

................................



" " Midang an la awm em....? Nge amah chiah," tiin a zawt ve leh a.


A ngaihtuah vang vang a...... " Ka hre thei tawh tlat lo, a rei tawh em ani," tiin a chhang a.


" Anih leh Jerrya biak pawh theihna, ka van duh ve," ati leh a. Tichuan Jerrya number chu a pe a, thingpui an in zawh chuan detective Lalnunmawia leh Hlutei chu an tin ve ta a.




Zualtei pawh a mutui leh ngang mai, mumang a nei leh a, " Zualte naktuk ah mitthi in nei dawn a, a hming erawh ka sawi lovang," ti ringawt ani a, a hmel hmuh chian tumin a melh tlawk tlawk a, mahse chupa hmel reng reng a hmu thei hauh lo.



A harh hlawl a, chu a thil hriat leh a u Ruatfela thihna hi a inzawm tlat a, hriatna a nei tlat. Mahse mumang mai ani a, awih chi nge awih loh tur tih pawh a hrethiam hauh lo mai. Mitthi chu lo awm ta pawh ni teh reng se, tunge hming..? A u nen hian an inkawm ngai em...? Sana a en a, zing dar 3 a ri der tawh...... Phone a khawih peih si lo nen a khum ah chuan a mumang hmuh chu a ngaihtuah a ngaihtuah a, zawhna hlir ani.....





" Zualte tho rawh....tho rawh; hei mitthi kan nei ani a, " tia kai tho tu anu chu mak ti zet mai hian a melh a, chutah a mumang chu hrechhuak leh in, " nu tunge a," tiin a zawt zui nghal a. " I u thiannu Mahlimi kha a room ah a in awk hlum anih chu," tiin a nu chuan a hrilh nghal vat a. Mak ati ngei mai; an veng nula fel tia sawi thin kha in awkhlum a thih chu a ring ngai lo ani.




YMA president Alfred-a chuan police lamin engmah la ti lo tura phone hmanga hrilh anih vang chuan tumah hmuh a rem ti tlat lo. Chutia a fanu rin lo taka a thih mai chu Mahlimi nu a tuar thiam lo kher mai. A tap bawrh bawrh a, Mahlimi thiante pawh an bang bik lo. Chutia an thian engmah nat lawk nei lo va, a kal ta mai hi an hrethiam lo tak zet. Chutah pa ber erawh a thutna ngai ah chuan thuin a melh ngai a melh tlawk tlawk a, tap em lo mahse a na ve tih chu a hmel atang chuan tuman an hmu hmaih bik lo.......






Police lam pawh lo thleng ve thuai in, YMA president Alfred-a chuan Mahlimi room ah chuan a hruai lut nghal a. SI David-a chuan constable 5 a hruai te chu Mahlimi ruang la thla tur leh postmortem tura thawn vat tur chuan a ti a, chutah mahlimi ruang an lakthlak hnu chuan midang hmuh theih loh turin YMA puan khuh in postmortem tur chuan an hruai ta nghal a.




Postmortem zawh ah chuan Mahlimi ruang chu an thawn a, YMA lam in engkim an peih fel tawh avang chuan a tlai tawh bawk nen an phum nghal thuai a. Mahlimi thihna atangin ni thum lai a liam ve ta, SI David-a chuan Mahlimi chungchang vel zawt tur chuan an in lam chu constable 2 hruaiin an pan nal nal a....




Inleng an la nei nual mai; mahse, police hmel an hmuh takah chuan tin zai an rel hlawm a.....


Chutah SI David-a chuan, " Pu sawm in chhungkua ina vanduaina in tawk mai hi a pawi ka tia ka tawrh pui bawk che ani," ati te te a. ( Pu sawma hi Mahlimi pa ani) Chutah pu sawma chuan sawitur a hre nge lo ni anga, sawi chhuak turin chakna a nei lo zawk, engtin mah chhang lo chuan SI David-a chu en chungin pawm tih hriat tak hian alu abu ringawt. SI David-a pawn a hrethiam lutuk tlat.






" I fanu hian hlim lohna a nei in i hria em? A theih chuan a thian kawmte pawh ka van hre duh ve...?"




" Ka fanu hi ka hrechiang viau chuan ka hria," ati a. Chutah a biang atanga mittui luang chu a hru te te a, a sawi zawm leh nghal. " A thiante pawn fel an ti em em a, amah ah hlim lohna awm pawn ka hre lo, hetia a thih mai hi ka ring pha lo asin," tiin a chhang a.





"Pu sawm ka hrethiam khawp mai che. Mahse ka zawhna kha i la chhang kim lo a, khawngaih in min chhansak leh la,"



" Eng ber kha nge.....?"



" A thian kawm te hming......?"



" E ni dawn tak maw....... Jerrya, Ruatfela, a sawi zawh hma chuan SI David-a chuan, ' Ruatfela thih thu kha ka hre si a, sawi zawm leh rawh le,' aw ni e Ruatfela kha chu a thihna rei ve deuh tawh a, mahse a ka sawi lang lo thei lo ani; chuan Tluangtlangi, Rinzuala an ni hi a kawm thin chu ani," tiin a chhang a.




SI David-a chuan hriat duh la ngah mahse a zawt zui ta bik lo. Engkima puih an huam thu sawiin an tin ta hlawm a......




Jerrya pawh Mahlimi thihna ah khan a buai ve deuh ani mahna, zanhnih lai a tlaivar si a, a chau deuh ani ngei ang mut chhuak in a zem chiai chiai takah chuan muthilh a tum a, mahse phone call a dawng tlat. A han en a, number ringawt ani, chhang ta mai lo chuan phone chu dah in a muhil a, tu call tak ni ang maw.....?




A harh meuh chuan zan 7 a lo ri der tawh. Ti chuan a phone chu hmet engin a call back nghal a, tluangtlangi nih a ring ber a, a chhan chu tluangtlangi hian thiante bawl a chin vang ani...




" Hello......." Mipa aw ani


" Tunge aw, nichina min call tu kha i ni em..?"


" Aw ni e, Detective Lalnunmawia kha ka ni," a sawi zawm leh nghal a, " I thianpa Ruatfela thihna ah hian an chhungte chuan lungawi lohna an nei a, a thih chhan chiang zawk a hriat an duh avang chuan kei hian ka pui dawn ani,"



" E.....puih theih na che ka nei em...?


" Nei tehreng mai; mahse, phone ah inbiak ai chuan hmai chhanah inbiak ngei ka duh a, rem i ti em aw....? Lawk in, Ruatfela kawm thin a thiante hming min hrilh thei em...?"



" Tluangtlangi, Rinzuala, Kei leh Mahlimi, "


" Mahlimi kha nimin piah lawk a, in awkhlum a thi ta kha ani em aw...?

" Aw ni e, ka khawngaih lutuk tlat" tiin a chhang a, Detective Lalnunmawia khan hmai chhanah inbiak a duh vang chuan an inbiakna chu an ti tawp hrih a.



......................................................



Mahlimi hi a in awkhlum tak tak em....?
Nge thah ani zawk...?

Next chapter ah ve thung aw...........

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:42 pm

Chapter 4



.....................................



Nithum lai a liam ta a, tumah ringhlel tur erawh an la nei lo. Detective Lalnunmawia chu ngaihtuah nei ni awm tak in a thu ngawi vang vang a, chutah Jerrya sawi kha hre chhuak hlawl in Mahlimi thihna leh Ruatfela thihna hian inzawmna neiin a hre tlat mai. Jerrya chu hmuh vat tha in a hre ta a.




Chutah Jerrya number chu hmet chhuak vat in a call nghal a, rei an inbe lem lo. Tlai dar 3 ah Jonny hotel ah inhmuh an tum ani.



Hlutei a call leh a, a buai deuh ani ngei ang a chhang hman lo tlat. Hlutei inbual zo phone a en chu detective Lalnunmawia miss call a hmu a, rang zet in a call back ve nghal.




" Aw Hlute....i buai em?"


" Buai tawh lo e, enge ni ta,"


" Tlai dar 3 ah Jerrya nen kan inhmu dawn a, tah chuan a thiante chanchin vel ka hre nual dawn a, an zing ami tu emaw ber kha Jerrya'n dawt min hrilh leh hrilh loh i lo proof ang"


" Awle tehreng mai; mahse, in inbiak na ah ka telve dawn loh chuan engtin nge an mahni ka hriat theih ang....?"




" WhatsApp ah engkim ka ka hrilh dawn che nia, hei dar 3 a ri trep tawh si a, duhtawk hrih phawt ang,"



Detective Lalnunmawia chu a insiam sawk sawk a, an inhmuh na hmun tur chu a pan nghal vat. Jerrya chu a thleng der tawh. Hotel kawt ah chuan an inhmu a, a chhungah chuan lut in thutna awl lai ah chuan an thu a.



" Phone call ah kha chuan engkim zawh a rem loh vangin hmai chhanah inbiak kha ka duh ani" ati te te a. Sawi zawm leh nghal in, " Ruatfela khan bialnu a nei in i hria em?" tiin a zawt zui nghal a.



" Aw nei e, Mahlimi kha a ni a,"


" Mahlimi kha hman ni a, in awkhlum a thi kha tirawh,"


" Aw ni e, hetia a awm ta mai hi ka hrethiam lo takzet ani,"


" Tun hnu hian bialpa a nei in i hria em?"


" Ruatfela a thih atanga thla thum vel a ral khan thianpa Rinzuala nen an ni nghal a,"


" Anih leh Ruatfela damlai khan insual pui emaw amah ho tu emaw awmin i hria em?"



" Uhhh.....insual pui a neih awm ka hre lo va; mahse, thianpa Rinzuala nen hi chuan an inbe khat ve khawp mai,"



" A chhan i hria em ?"



" Hre hauh lo mai, mahse tluangtluangi khan Rinzuala in Mahlimi a star thu min hrilh a, kei chuan ka awih vak lo a,"



" Tluangtluangi biak theihna number ka van duh ve i kawl chuan,"



Jerrya'n tluangtluangi number a pek zawh chuan a zun chhuak chu chhuanlam in Hlutei chu Tluangtluangi
zawn chhuah a, Jerrya'n dawt a sawi leh sawi loh chian tur chuan a WhatsApp a. An thutna lam chu a pan leh nghal a.




" Ka rei em....?"


" Rei lo ve..."



" Anih Ruatfela thihni khan nangmah in ami Ruatfela i awmpui?"


" Aih ni lo ve, Rinzuala leh Mahlimi pawh an tel ve, Ruatfela kha a mutui em a, Rinzuala leh Mahlimi an awm bawk a, eitur lei tur chuan dawr ah ka kal a, mahse rei pawh ka kal lo tih ah chuan Rinzuala'n Ruatfela thih thu min hrilh ta mai ani."



Detective Lalnunmawia a khi suk a, " anih leh Mahlimi kha i bulah thih a chak thu vawi khat tal sawi a nei tawh em?"


" Vawi khat mai ni lo e, a sawi zing khawp mai,"


" A chhan i zawt em?"


" Aih zawt miah lo.......kei chuan dam chhan tam tehreng nen, thih duhna rilru put tawh lo turin ka ti a,"



" Mahlimi a thih thu kha Rinzuala'n a hria em?"



" Hre lo aniang, ka hmu miah lo," tiin a chhang a, detective Lalnunmawia pawn a hre kim thawkhat viau chuan a hria a, thil an ei dun ta a.



Hlutei pawn tluangtluangi chu engkim a zawt a, mahse Jerrya sawi nen chuan a inang tlat lo. Mi pakhat chiah bang ta, chu chu Rinzuala ani.




Ni hnih lai a liam leh ta, Zualtei khan Rinzuala te in awmna a hriat vang chuan detective Lalnunmawia, Hlutei leh Zualtei te chuan Rinzuala te in lam chu an pan a.



Kawngka kik thawm a hriat veleh Rinzuala nu chuan kawng hawn nghal in thutna chu a kawhhmuh nghal a.



" Ka pi in fapa Rinzuala hi a awm em le? Kei hi detective Lalnunmawia ka ni a, hei hi ka thiante," tiin Hlutei leh Zualtei te chu a in hmelhriat tir a.



" Aw awm e, a room ah aniang. Enge ni ta...? Kan fapa chuan tihsual a nei em ni? " hlauthawng hmel tak chuan detective Lalnunmawia chu a melh tlawk tlawk a.



" Engmah hlauthawn na tur awm lo e ka pi, Ruatfela thihna ah khan zawh tur tlem kan nei a, kan hriat duh te min hrilh zawh chuan kan haw leh mai dawn lawm" tin a chhang a.





Rinzuala room lam chu a pan nghal a, a fapa hnenah chuan inleng a neih thu leh sitting room ah phei nghal tur chuan ati a



" E..... nangmah mi Rinzuala, kei hi detective Lalnunmawia ka ni a, ka bulah thu te hi ka thiante an ni e,"



" Aw.... Rinzuala chu ka ni e,"


" Mahlimi thihna kha i hria em?"


" Aw hre lutuk tlat, min kalsan ta mai hi rin har ka ti a, tuar dan ka thiam lo tak zet,"


" I tel ve lo ami, i hmel kan va hmu si lo ve,"



" Tel lo phal nang, mi an tam lutuk a, min hmu lo mai mai aniang, kei chu pu sawma bulah ka awm reng lawm"


Detective Lalnunmawia chu a lu bu nghat pah chuan, " anih leh Ruatfela thih ni khan khawi ah nge i awm?"


" Khami ni kha chuan Ruatfela ka awmpui ve a, a chhan chu anu leh pa khan meeting pawimawh an neih avanga Aizawl lam an pan tur thu Jerrya'n min hrilh a, amah chauh chuan a buai dawn tih ka hriat avangin Mahlimi ka sawm a, ani pawh lo hman ve hlauh nen, Mahlimi kei leh Jerrya kan pathum chuan Ruatfela kan awmpui a," tiin a chhang a.



" Anih leh khami ni khan Jerrya kha eitur lei turin a chhuak em?"



" Aw chhuak e, kei pawh a chhuah hnu rei vak lovah khan inthiar turin bathroom ah ka kal a, Ruatfela an dahna ward atang khan bathroom a hla ve angreng si a, ka inthiar zo a ward-a ka va thlen kha chuan tih theih awm tawh lo, ka thianpa chu nunna nei tawh lo tih hriat tak hian puan in an khuh tawh ani,"





" I va thlen khan Jerrya hmel i hmu nghal em?"



" Aih.....ani chu Mahlimi khan a call a, a hrilh hnu minute 15 vel ah a rawn thleng ve chiah,"




...................................

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:43 pm

A hmasa in ka story lo chhiar thin tu leh comment lamah min fuih thinte in chungah lawmthu ka sawi tak meuh meuh a, last episode ani a, comment kha khawngaih min tihsak leh ula.....🤭🤭 Story hi ziak chak leh mah ila lehkha lam a pawimawh bawk nen, ka chawlhsan hrih dawn a, detective story nen ka lo let leh ang..... 🤗🤗🤗





Chapter 5 (LAST)


................................




" Chuan
" Chuan Mahlimi kha i bialnu ami....?"


" Uhhh..... Mahlimi chu thianpa Ruatfela bialnu ani a, a ni nen chuan thian bak kan ni hleinem,"



" Hlute a chiang tawh viau chuan ka hria, " Rinzuala lam hawi leh nghal chuan , " i thil min hrilh vang khan kan lawm lutuk e, chuan naktuk dar 10 ah Tluangtluangi nen police station ah in lo kal dawn nia. Zanrei tawh si a, kan tin tawh mai nge, " tih leh chhuah an rual nghal a.






Detective Lalnunmawia chuan Hlutei leh Zualtei chu a thlah te te a, ani pawh peng kawi tawh lo chuan an in lam chu a pan nghal a. In a thlen chuan mut hma in a bual ta phawt a, a inthlak fel hnu ah chuan a khum ah muthilh tumin a chhing ta riai riai mai.





Mahse a muhil thei mai lo, hriattiam loh a nei leh tlat. Rinzuala leh Tluangtluangi sawi kha a inang a, Jerrya hian dawt a sawi nge ni ang a, Rinzuala leh Tluangtluangi te kha an inthurual zawk....? SI David-a chu call ngei tha in a hria a, chutah phone chu la in SI David-a chu a call nghal vat.





" Aw hello......"


" Aw Pu David keimah detective Lalnunmawia ka nia,"


" E ni tak maw....enge nita tun ang zan zan ah te min lo call tak ni....?


" Eng lo ani a, Ruatfela thihna ah khan a chhungte lungawi thei lo chuan kei min pun a, chutah ka chhui ve bêk bêk a, Jerrya thu min hrilh dan leh a thiante min hrilh dan kha a inang tlat lo va, thudik kan hriat theihnan min puih theih chuan ka lawm viau ang,"




" Eng ti turin nge min duh....?"




" Rinzuala hnenah khan Tluangtluangi nen police station ah dar 10 ah in awm dawn ni a, ka ti a. Chuan Jerrya kha police station ah hruai ve turin ka duh che a,"



" A address min pe la,"


" Ti hian ti ang; kan in awmna i hre tho a, Kan inah in lo kal phawt nga, a chhan chu thian pahnih hruai tur ka nei si a,"



" Awle tehreng mai," tichuan an inbiak na chu an ti tawp ta a.



A tuka ah chuan zing tawk ah thovin in lamah a tihtur neih te ti zung zungin chaw a eikham meuh chuan 9: 30 AM a ri der tawh. Rei pawh a thut hma chuan SI David-a te chu an thleng ve nghal a. Tichuan rei thu lovin an tlan chhuak ve nghal a, Rinzuala te in lam an pan nghal. Hlutei leh Zualtei hnenah chuan police station-a awm tur chuan a message a.





" Bawiha nu eirawng bawl i peih chuan i siam tawh mai dawn ami? Ka ril a tam tawh emai,"


" Dik chiah ka riltam tawh rapss" Jerrya'n a pa chu a thlawp a.



Chaw an ei mek lai chuan kawngka kik ri an hria a, pa ber chuan lut turin a ti vat a. Chutah SI David-a leh detective Lalnunmawia a hmu thut chu mak a ti deuh nge ni, a melh tlawk tlawk a.



Chutah SI David-a chuan, " in fapa Jerrya hi Ruatfela thihna ah khan thu zawh fiah kan duh vangin police station ah khawngaih in min zui lawk mai se," ati a. A chaw ei chu thawh sanin motor ah chuan lut ve nghal in police station lam chu an pan nghal a.





Police station- a Rinzuala leh Tluangtluangi hmel a hmu thut chu Jerrya'n mak ati ngei mai.


Detective Lalnunmawia chuan Jerrya chu melh pahin, " engkim min hrilh thei" a ti a. Jerrya'n dawt sawi in awmzia a nei tawh dawn lo tih a hriat avang chuan thup buai a tum ta bik lo a.



Jerrya inpuan na............



" Khatia Ruatfela leh Mahlimi an ingaizawng tih ka hriat khan ka rilru a na em em a, a chhan chu Mahlimi kha ka hmangaih ve em ani. Ruatfela leh Mahlimi kha inthen tir ngei tumin Ruatfela bulah chuan Mahlimi chungchang chu dawt in ka hrilh thin. Mahse Ruatfela hian engahmah a ngai lo.



Tichuan picnic chu ka rawt ta a, Ruatfela leh Mahlimi chu a phur ber anni hial ang. Ruatfela hnenah chuan chhuanlam siam in a bike hawh ka dil a, a phal mai bawk a. Tichuan mi hmuh lohna ah chuan kalpui in a brake kha ka ti chhia a, chuan ka va dah ta ani.





Kan chhuah hma khan a check lo aniang, a tlan chak lutuk kha kawngkawi ah a chesual ta a. A hliam ngaihtuah chuan thihpui tham kha ani; mahse that lam a pan chho zel si. A that chhuah leh kha chuan Mahlimi ka chan dawn tih ka hriat avang chuan idea dang ka vawrh leh ta a, chu chu Ruatfela kha thah ani.




Tichuan hun tha ka nei leh ta, anu leh pa'n meeting pawimawh an neih tih ka hriat khan ka lawm tak zet. A chhan chu ka tan chance tha ani tlat lawm. Rinzuala leh Mahlimi ka sawm chhan kha chu police hovin an chhui chuan Rinzuala tal awhtir ka tum ani. Mahse ka rin aiin an chhui har ta si.




Rinzuala leh Mahlimi bulah khan thil lei turin ka chhuanlam a, mi tamna lai atang chuan an chhuah hun kha ka chang reng a, Rinzuala a chhuak hmasa a, a kalna tur erawh ka hre lo. Tichuan rei vak lovah nurse pakhat chu Ruatfela awmna ward-ah chuan lutin Mahlimi leh nurse inzui chhuak ka hmuh khan lut nghal vat in Rinzuala mutui lai chu ka rek hlum ta ani.




A mutna vel siam rem vat vat in, chhuahsan nghal ka tum a, mahse Mahlimi khan min hmu hman tlat. Police hnenah engkim a hrilh ka hlauh vang chuan ani pawh thah ah ka vau ani. Mahlimi kha thah ah ka vau takah chuan Rinzuala hnenah engmah a hrilh dawn lo tih ka chian em avang chuan Rinzuala hmuh hma chuan ka chhuak nghal a,"



Sawi zawm leh a tum lai tak chuan detective Lalnunmawia chuan, " chu Rinzuala hnenah Mahlimi khan dawt a sawi ni maw....?" tiin a zawt thuai a.



" Aw ni e, a chhan chu thudik a sawi chuan thah ah ka vau vang ani. Hun a kal chho zel a, Ruatfela thihna kha chhui ani bawk lo nen ka thla amuang tak zet. Mahse tum lo deuh a detective Lalnunmawia call ka dawn khan engkim ka hrethiam nghal a, Mahlimi'n engkim a hrilh ka hlauh vang chuan ani pawh dahthat ka tum ta nghal a.



A tuk zanah chuan a laptop ah movie en chhuanlam chuan ka va leng a, a room ah chuan movie kha kan en dun a, a tui in na tur ah chuan muttui na damdawi ka pawlh a, movie kan en reng lai chuan bawk thlawpin a muhil nghal a. Tichuan ani pawh chu a muttui lai chu rem changah la in ka rek hlum a, in awkhluma thi tura an ngaih theih nan engkim ka siam fel ta a. Tichuan thawm nei miah lovin an in chu ka chhuahsan ta a,"





Chutah Rinzuala lam hawi pah chuan, dawta ka puhna vang che khan min ngaidam rawh aw," ati a, Rinzuala'n engtin mah chhang lo. Tluangtluangi chuan Jerrya bulah chuan kal in," i van tenawm tak mahni thian pawh thah duhna rilru i pu nia," atih zawh rual chuan a beng thuai a, tuman an khap duh bik lo. Zualtei erawh a thu ngawi reng a, a melh ngai a melh tlawk tlawk.






Jerrya chu police ten central jail ah an thawn nghal thuai a.





Zualtei chu eirawng bawl in a buai kher mai. Chutah a pa chuan, " Zualte lo phei lawk teh," tia auh ri a hriat vang chuan apa awmna lam chu a pan nghal a.




" Zualtei ka chhuang ngawt mai che," ati te te a, sawi zawm leh nghal in, " khatia Ruatfela kan neih atanga kum 20 ral tawh hnu ah pawn i nu nen hian fa kan nei thei ta reng reng lo mai a, hmeichhia kan awt ve si nen, Ruatfela thihna atanga kum khat vel ral khan nang hi fa atan Kan la ta che ani," tiin a hrilh a






Atawp ta....................


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)