KA U THIANPA BY Irene H Muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KA U THIANPA BY Irene H Muankimi (Completed)

Unread post by Ngaia » July 11th, 2021, 12:50 pm

mvgw5wvf.jpg
Chapter 1



Tawngri thum bul bul leh hmeichhe nui riah te chuan ka thangharha.khum bul dawhkana ka phone chu banin dar zat ka en vat. 6:00pm alo ri hnai tawh chu niin.Ka duh ai rei ka mut avang chuan khum atang ka tho chhuak nghal vat bawk.


Room kawngkhar hawnga ka chhuak tur chu kan thutthleng seia lo thu thup te avang in ka ding khawng nghal au a.An ni pawh min rawn hmuh chuan an thawm a reh nghal vek.Tunah tak hian hriau pawh chhuatah tla se a ri a hriat theih hial ang tih tur khawpin thawm a reh a ni.


"Ngati diak nge" choka lam atanga ka u aw ka hriat chuan rang zetin ka hawi pheia ka u chuan kan lam pawh rawn hawi lem chuanglo hian tuidehna ah chuan eng thil emaw hi alo sil a.


Chutia ka u alo tawng takah chuan an ni ho pawh chuan an titi chu an chhunzawm leh nghal mai a.Mahse bang kil bera thu,meizial lo zu mek tu erawh chuan ngawi rengin min la melh reng.Chu min melhna chuan engtin emaw tak ka awm a ti nuamlo.Ka u bulah chuan rang zetin ka tlan pheia.


"U tute nge" abul a va din pah chuan ka ti vat.


"Ka thiante an nih sawh, an ti harh che em ni?"


"Ai,mahse tiang saw I kawm thin tih ka hrelo reng reng" tih pahin nichina min melh reng tupa kha ka va en zeuh mahse ka va han hawilet rang chiang.Min lo la melh reng a nih chu mawle.


Ka u alo nuih suk chuan ka thusawi kalhmang atang athiante ka ngaihdan chu a hrethiam nghal tih ka hria.Ani reng bawk sawng kan in luah tereuhtea kan thutthleng sei neih ve chhun pahniha thu khat vek te saw an lan dan reng atang pawn thalai awm tha duhlo an ni tih a chiang em a ni.


"Ka pa ten hria se kawm an phal miahlo ang che" lungawilo zetin ka ti leh hram.


"Aho lutuk mate ka nun ka uluk loh phah chuang hleinem chubakah sual zawk zawk chu an ni biklo ania" a kut hruk hul paha a tih chuan ka lo ner sawk.Sawtiang mi ho saw an fel hi ka ringlo ve em a ni.


"Um,eng pawh chu nise ka ril atam chaw kan ei tep tawh em?" Ka pum chu ka beng thak thak a.


Thingtlang khua kan ni a.Zirna avangin Aizawl veng pakhatah ka u hian in a luaha chuan Kummin hian college ka luh ve tan dawn avangin vawiin ah ka u inluah hi ka thleng ve chiah a ni.


Chhun 12:30 pm velah in ka thlenga.Ka chau lutuk leh motor ka ruih avang khan ka intihfai zawhah ka tlu zal e ka tia,chu chu ka lo muhil tlang daiha chaw pawh ka la ei lo a,ka ril atam tawh takzet a ni.


"A..rawng ka bawl lo"


Ka rei tuna ka thuhriat kha adik theilo ang.Ka ril atam tawh takzet asin.


"Hei leh chena thui ka rawn kala rawng pawh min bawllo a maw" ka thin a rim lek lek,ka riltam lai phei hi chuan ka thinchhe ropui sia ka bulah hian tumah awmlo mahse pawi ka ti lo.Anih loh chuan ka inhnial pui chiam zel.


"Ka tihpalh mate" a beng pawt zeuhin khawngaih beisei zet hian min melh zui zat.

"Ka ril atam alawm"


"Kha hei ei mai la,naktukah tui tawkin rawng ka bawl ang che" Gas bula cup noodles lo awm chu min kawhhmuh vat.

"U.."

"Ka hria, chawhmeh ka nei tawh lo a,sawng ilo hawn ho sawh naktukah tui deuhin ka siam ang che" ti zung zungin ka tawng leh hma chuan athiante bulah a kal vat.


Kan inluah hi a lian hranlo.Bed room pakhat,Bath room pakhat leh choka leh sitting room inzawm hi a ni deuh tawp.


Lungawilo deuh mahse riltam bawk si chuan ka eitur chu ka buaipui nghala.Hetiang khat lek hian kei thingtlangnu hi puar turin min ngai amaw ni.


Ka hnunga ding an awm tlata ka hriat avangin ka hawi leta,mahse ka phu chiang lutuk chu ka thil ei ka hak phah.Ka ti thak bawk nen ka khuh nghal bawrh bawrh,ka hrawk thip lutuk avang chuan ka mittui pawh a thla hial.


Ngawi renga ka bula lo ding lah chuan a kut pahnih a kekawripte zen chungin min lo en renga,ka va han haw mai mai tak.


"Mawla min thah itum em ni" ka khuh chhuak zualpui a reh rual chuan rum zeta melh hian ka ti nghal that.


"Hmeichhe kawlh"


"Maw" a thil sawi avang chuan ka lo ti let leh vat.


"Hmeichhe kawlh hi ka ngaina,abikin khumah" Eng nge a sawi awmzia hi.


Ka taksa chu a mit hmanga x-ray tum ang mai hian ka chhip atanga ka ke ler thleng chik zeta min en chuan rang zet hian ka kutin ka awm ka lo hup vat.


Ka chet dan chuan a nuih ati za pawh a ni mahna,a kiai deuh suka ka huat tawk alo tling leh em em.Rum theih patawma ka melh chuan min rawn pan hnai a.


"Mahse mitek leh chilthli luanna thla nen nilo" ka hmui a kut zungpui hmanga a rawn tawh meuh chuan ka thinrimna kha zamna a rawn in thlakin ka dang ro lutuk tih reh tum chuan ka chil ka han lem khalha.Mahse awmzia a awm lem pawn ka hrelo.


"I gaihtuahna ang kha chu nidangah" min hmuhsitna rawng kai taka ti chunga a nui leh suk chuan harh chhuak thut ang mai hian a kut chu ka lo ben thlak sak a.


Engmah sawi leh tawh lem lo hian min nuih suk suk hnu chuan min kalsana.Mak tak maiin tun maia thil thleng ka ngaihtuah let chuan nasa takin ka lung phutdan a danglam nghal.


Ka u kawngka kalh ri ah chuan ka hawichhuak vata a thiante an lo haw vek tawh chu niin.Ka noodles ei pawh ei chhunzawm chakna ka neih tawh loh avangin ka eina tifaiin mu tur chuan room lam bawk ka pan leh nghal.


"Ka pa te an dam em" ahmai a cream hnawih mawlh mawlh paha a tih chuan an that thuin ka lo chhang vata,khawlam chanchin sawiin kan titi chhunzawm nghal luam bawk.

...............

"Min hrethiam la tah hian thu an awm em?" Inthlahrung tih hriat taka min be tu chu nuih var varin ka lu ka thin khuma.


"Siampuii ka nia,hnunglama thutna va zawn saw ka ngam thlawt lo a"


"Tleipuii chuan kei chu hnunglam ai chuan ahma lam hi nuam ka ti zawk asin" ka lo ti thuai a.


"Keipawh,mahse ka lo tlai tawh sia ahma lam thutna ka chan ka lo in ringlo deuh kha ania mahse hei I zarah" a han nui leha keipawh ka lo nui ve mai.A phone a rawn rik avang chuan ka be zui lemlo.

"Aw,tlar hmasa berah ka thu" tih pahin hnunglam a hawi phei a.


"Tleipui ka cousin lo thu ve se pawi I ti em?" A rawn ti nghal zat bawk.


"Ai,tilo e"


"Aw,lo kal rawh" tia phone ami chu be leh in phone chu a off a.

Reilo teah mipa pakhat hi kan hnunglam atanga rawn kalin kan bulah chuan a rawn thu ve a.


Nikhatna a nih avangin college chu chawhma chiah kan kala ka rin ai daihin students kan tam a,nuam pawh a nuam phian.Theih hmasak berah college campus vel hi la fan kual tur a ni.A nawm hmel riau.


"Sawpa sawn a en char char che" siampuii hawina lam ka va hawi ve chu two wheeler park-na atanga min lo en rengtu chu ka va hmu nghal.


"I hmelhriat em ni,Avan hmeltha" ka ner vak.Mahse a sawi dik a hmel chu a tha Chiang alawm.


"Ai,aa...I ka u thianpa a ni in ka hria,hmani khan kan in luahah ka hmu tawh"


"Awi,anuam awm nakinah ka lo leng ang,ka story chhiara achangtupa te kha a ang ka ti" leh daih thin hian in a.Siampuii hian kei ang tho in thawnthu chhiar a peih ve a,mahse phone atang a ni chuan a chhiar thin.


Chhiar nuam kan tih zawng pawh a in anglo.Ani chuan love story lam a ngainat laiin kei chuan fairy tale hi ka ngaina thung mahse fairy tale ringawta finna a tam loh avang hian lehkhabu dang pawh ka chhiar ve nual,achang phei chuan ka hriatna atana tha tur lehkhabu te hi peihlo tawkin ka chhiar zo thak zel.


Lehkhabu chhiar nuam ti viau e tilo hian zirna lam kaihhnawih lehkhabu hi ka chhiar peih leh lo tlat zel a.Hei vang pawh hian ka nu hian min hau zing malh malh hle bawk.

"Min lo nghak rei tawh em kal ila" Ben-a'n (Siampuii cousin) kan bul a rawn thlen ruala a tih chuan kan kal nghal vat.


"I thlenna a rei tawh em" ka u leh kha athianpa rawn in zui lut chu ka lo melh zawk.


"Um,in banghma ve lo em ni I van lo haw har"

Lungawi vaklo chuan ka lo ti hmuk,eng vanga hetiang ang mi hi ka u hian kawm tlat nge maw a nih le.


"Hma e,mahse kan leng kuala" min hmu chuanglo tiin ka hmui ka lo ti pawrh vaka chu mi rual chiah chuan mipa nui ri ka hre zawm zat.


Chu a nuih ri chuan ka thin a tirim leh tlat pek.Rum zeta ka han melh chuan a hnar tuai zeuh hian min rawn pan hnaia.


"Eng tikah emaw kha I mitmengah khan min mamawhna mitmeng ka la hmu ang" zawi tak mahse fiah tak hian a rawn ti a.


Ka chair tlang vuana a rawn kun hniam chuan phawk zet hian ka lo melh, nam sawna kal sawn tura hrilh tur ka ni tih ka in hria mahse mak tak maiin ka kawchhunglam atanga min control tu awm ang maiin chu tiang chuan ka ti thei tlat lo.


Alo kun hnaih tak zelah chuan ka mit ka lo chhing ta ringawt.Engthil nge tih a tum ka hrelo a mahse hnai taka amit a en kha ka theilo.A rimtui in kah rimte lah chu apa in ala rimtui em em zui.


A nui ri ka hriat chuan ka meng chhuak leh vat.hnai zetah min lo la en reng,ka mit chu chhin leh pawh tum ila ka thei tawhlo.He a mitmeng mawi lutuk hian min aikaih tlat tawh a ni.


Engvanga hepa bula ka awm apianga lungphu danglam nei thin nge ka nih.A kut zungpui chuan ka hmui chu rawn khawih zeuhin,"ka fawp chak che" tiin a rawn phun leh sup a.


"Min fawp rawh" tia chhang mai lo tura ka in thunun a ngaih ta hial chu eng nge a chhan ka hre ta hauhlo.Ani hi ka u thianpa a ni a.Ka bialpa pawh a ni lo mahse tinge a mi fawhna chu dawn ka chak tlat.


Chu tia hnai zeta kan lo in melh reng lai chuan ka u chuan Bathroom atang thawm a rawn neih a,rang zetin ka hmaa ding pa chu nam sawnin room ah ka lut nghal hmak.


Khumah kan puan sin hmangin ka in khuh hluna,ka u pawh a rawn lut zui ve nghal zat.


"Ti nge mate I nuamsam lo em ni"


"Um,tlemin ka lu ana deuh nangman rawng chu bawl chhunzawm mai rawh" hawi pawh hawi chhuaklo in ka u chu ka chhang ta ringawt.


Min chhang let lem tawh lo in a zai nghal rat rat a.Keiin tun maia ka awm dan te leh nimin lama ka awmdan ka ngaihtuah chuan zahthlak ka tih rualin engvanga khapa kianga ka awm apianga danglam ziah nge ka nih tih chu ka ngaihtuaha achhan awm ang ka hre chuang hauh lo.
............

"U, Muana'n alo phone che" a hriat phakloh ka hlauh avang chuan khum atang ka u bathroom a awm chu ka au vak.


"Hello" ka beng atang phone chu ka u in a rawn phih thla nghal.Engtikin nge ka bul alo thlen hman.


"Um,nakinah ka lo bia ang che" tiin phone a off chuan ka u chu ka lo en reng.


"Eng nge,kha tin min melh vak vak suh" ka chal rawn nem deuh sawka atih chuan ka ner khum vak.


"Min hrilh rawh" ka han ti nghal deuh tawnga.


"Eng chu! Engmah hrilh tur che ka neilo" chimawm zeta nuiin a ti a.khumah chuan a rawn in thawlh ve nghal sat sat bawk.


"Ka ring dik ngaihzawng I nei a nih kha" a mit taka melh rana ka tih chuan a nui duh lek chauha,a ke hik zet chuan ka ke ka lo tih lum sa chu a rawn tlawh nghal chat bawk.


"U,min hrilh duh loh danah hian khang I thian laktlak loh deuh deuh te kha an ni lo ang tiraw" a thiante ang a ngaizawng tura ka ngaihtuah hian ka thin alo rim lawk.


"Mate atawk ka thiante hi haw viau suh.Chuan ngaihzawng ka neilo"


"Ka awilo che,mifel deuh anih loh chuan I kawppui atan ka duh miahlo ania" ka la tih khum leh hram.


Thlakhat ka u bulah hian ka awm tling ve dawn tawh mahse thian kawm vak mi ka nih loh avang hian college ka kal tih loh chu in ah ka awm deuh chawta,ka mi hmuh ngun ber te chu khang ka u thiante ho kha an ni.An ni kha tun thleng hian ka la ngaina theilo a,an lo len tawh chuan a theih anga rei room ah ka tawm thin.


Kha athianpa min hmuh apianga tawngkam maksak deuh deuha min be thin tu phei kha chu hmuh pawh ka hmu duh tawh lo.Anih loh chuan thil thalo lo ka suangtuah leh mai ang.Hmaniah pawh ka mumangah ka kut kaiin min lo fawp ringawta,rang zetin ka thangharh nghal a nih kha, kha ka mang ka ngaihtuah chhuah apianga ka zahna nasa thin lutuk hi tuman min tih reh sak thei pawh in ka ringlo.
...............

"Class ah lo thu ve mai la,darkar khat dawn hepa bula awm chu ka peihlo" a unaupa kan sira thu game khel en chuan a ner vak a.


"Siamkung keipawn I bula awm hi ka peih bikah ngai suh" pakhat lah chuan a phone bih rengin a rawn ti ve leh a.


Ti hian an in hnial renga mahse thian dang kawmlo in nitin hian an awm dun reng tho a,an bula awm pawh a nuam.


"Vawiin chu tikhan in pahnihin han in hrawn leh teh u, geography lecture ka phone a ka download hi hmun reh deuha ngaihthlak ka duh a" ka tih takah chuan class a thu ve turin min sawm lui ta em lo.


Education ka lak ve loh avang chuan class room chu ka chhuahsan vat a.Core ho building hnunglam midang kal vak ngailohna hmun lam chu ka pan a.


He lai hi nimin ka period awl lai khan ka va hmu a,darkar khat dawn ka awm hnu pawh khan midang tumah an rawn kallo.Chumi vang chuan midang hian he hmun hi an hre ve lo turah ka ngai ve hmiah.


Zawl tlem awm in a thlang lei hniam deuhah hungna an siama,abak zawng hungna pawn chu kham a ni tawh mai.thli a tam em em a,a reh nuam hle bawk.


"Min ngai em ni" ka earphone vuah la thla a,ti tu chu phawk zetin ka en a.


Ka hmu duh loh leh ka lo pumpelh ve tang tang chu tunah hian ka hnaitaka thu in ka hmu leh chu a ni sia,chutah kan bul velah tumah an awm bawk silo.Ka mang kha hre chhuakin a hmui chu ka melha ka chil ka lem nghal khawlh.


A tih fo dan nge,mit ti zim sun hian min nuih leh suka,ka earphone chu a benga vuahin a thutdan chu a rawn siamrem ve nghal zat.Kei lahin a che zia chu mak tizetin ka lo en reng.


"Hneawm" tia phun hlukin ka kuta ka ken ka phone chu a rawn phih thla hlawka,eng nge a tih tih ka en lai chuan 'Ava mak em' tih Daduhi sak chu rawn play in ka phone chu ka mal chungah a dah leh a.


Mak ti a ka lo en reng chu min nuih suk hian ka kut a rawn chelh nghal zat bawk.Eng nge thleng pawh ka hrelo vawiin chu he ka u thianpa a hming pawh ka hriatloh hi ka hlau miahlo tih ka hria.In thlah dulin ka hmalam en chuan ka nui suk a.


Chu tianga tumah mah tawng loa rei tawk fang kan thut hnu chuan ka sana bun chu ka en a,class ka neih hun alo ni der tawh.Ka bula thu ka va en chuan a muhil nge ni a mit chhingin bang chu alo nghena.


"I muhil em ni?" Ka tih pawha ala chet loh avang chuan a earphone vuah chu ka phawi saka,a muhil a ni ngei ang a che eih lo.


Thawm dim taka dingin ka bula muhil chu ka en leh vang vang,a hmel chu a tha chiang alawm.Mahse a nungchang a uluk lo deuh mah mah.Chu tia ka en reng lai chuan a hmuiah ka mit a tawp leh chat.Engvanga ka mumang kha hre chhuak fo nge maw ka nih le.


"Harh rawh Laltleipui" ka lu thing nawka tiin ka kalsan ta vat.
.......

"Lo Chuang rawh" kan bula lo dingin a ti a.


"Ai" deuh tawpa ka hamhaih leh laih deuh Chang hian bul deuh deuhin ka in rin hma hian ka tawng chhuak leh fuk fuk zel.A helmet kar atang min melh run tu avang chuan ka inthiamlo leh deuh a "a,hei ka thiante rual hian ka haw thei alawm" Siampuii bana vawn sak pahin ka ti tha leh.


"Tih luih kher I duh em ni"rawn ti leh hmukin kan bula ding ve Ben-a chu a melh nghal run bawk.


"Tleipui kal rawh,keini chu min ngaihtuah suh thui kan kal dun theih Chuang loh kha" Siampuii'n a rawn tih tak avang leh midang min kal pel tu ten min en duh em avang chuan chupa bike ah chuan ka Chuang ta hram a.


Adara ka vawnna chu duhlo ang hrimin a rum deuh hrak a,chumi rual chiah chuan rang zeta rawn che in ka kut chu la in a kawngah min kuah tira rang leh chak zetin a tlan chhuak nghal fua bawk.


Kan in luahna te inkawt kan thlena bike a tih din chuan ka hawi chhuak ve chiah.Bike chu ka lo Chuang ve fo tawh mahse kha tiang khawma chakah erawh kha chuan ka la Chuang ngailo.


Muangchangin bike atang chuan ka chhuka,lei ka rah chiah te chuan ka tha a khurin ka hria.


"Ka lawm e,min thlah haw avangin" tia kal mai ka tum chu ka kutah a rawn chelh vat.Ani chu a bike ah ala thu reng thung.


"Eng nge I hriat,min thlah teh" kan dinna a khawlai bawk nen miin min lo hmu em tiin ka hawikuala mahse naupang pahnih thum kan hlat deuh taka inkawm tih loh chu hmu tur an awmlo.


"Lut tawh rawh" ka kut thlahin a rawn ti leh ang hlawla.


"Maw!...a...aw..I lo lut kawi dawn lo em ni? Ka u pawh a awm ang" tun maia a chetdan avanga ka mak tihna leh laih em avang chuan ka ti buhta nuai.


"Nidangah le" a hmel hmu theilo mahila a mit atang chuan a nui tih ka hre thei.


"Aw le,tluang deuhin nangpawh I haw dawn ania" nui let var vara ka tih chuan ka lu ah a rawn tuai zeuh a.


"Zuk lut tawh rawh" tiin a bike chu herin a tlan chhuak leh nghal.A bike tlan liam ta chu a lan theih chhung zawng ka thlir renga a tlan pil hnu pawn ka dinna ah chuan ka la ding reng.Chuan achhan ka hriat siloh avangin ka nui ver ver bawk.


"Tah khan eng nge I tih" ka u aw ka hriat chuan ka la phu zuk zui.


"U" ka han ti ringawta


"Chhuk ang,kha tia mahnia lo nuih ver ver kha bansan rawh miin mi a emaw an ti ang che" tiin kan in panna step-ah chuan a pen thla phawk phawka.


Akuta cup noodles polythene hmanga a khai ka hmuh chuan zanin kan zanriah tur chu ka hre nghal.Ka u bula ka awm atang hian chaw pangngai ka ei khat takzet.A chang chuan awlsam zawk mahse ka thin a rim lek lek zel.In ni ve em chu ka hrelo a mah se kei chu chaw ngei ka ei loh hi chuan ka puarlo deuh tlat hian ka in hre thin a.Thintlangnu ka nih vang pawh a ni mahna hehe....


"Aw nu" phur zetin ka nu phone call chu ka chhanga.


"Tleii in dam maw,chaw te in ei ve tawh em" ka nu pawn a rawn ti nghal alal.


"Um,mahse nu au hian chaw pangngai min ei pui duh ngailo a" ka u thutthlenga phone khawih mawlh mawlh chu ka melh deuh kher.


"Ti nge a,chaw te chu a hunah chtt chat ei tur,chaw aia thil dang rin tih te kha tih miah loh tur" kha maw ka nu pawn ka ngaihdan chiah a rawn sawi chu.


"Chawhmeh siam tur a awmlo alawm,helaia thlaite chu a thar lo hlawm si.Eng tik lai pawha dal leh alu hmeh reng kha a ninawm" pakhat lah chuan alo ti ve zat zat.


"Chu pawh nise chaw kha lo ei hram hram zel ru" ka nu in rawn ti leh mahse ka u hian a zawm dawn lo tih ka hre reng.


"Nu,Pek luliana te an dam em"


"Tleivawk kan lu alian lo" an rawn ti rual nghal thawt.


Ka nu leh pa,ka u kan vai chuan kan nui nghal dar dar.Ka naute hi mipa niin phir an ni a.Pekhlua leh Peksanga an ni.Mahse an hminga ko lo hian Peklulian tiin ka ko mai thin.Ka nu hian I nau te an nih kha ti thin mahse ka sim theilo an ni pawn Tleivawk min ti ve tho a,tunah phei chuan ka nu pawn min hau peih tawh lo.


"Autepui chaw lo nghei tir char char rawh anih loh chuan pasal tur hmu zo loin a thau vak palh ang" chimawm chhuaha an rawn tih chuan ka u chuan 'aw' alo ti vat.


"In Zak em,ka lo haw hunah marbles ka lo hawn nguar ang che u"


"Autepuii kan chah mai ang" thu ho deuh deuh sawiin ka nau te nen kan in hnial hnuah ka nu chuan naktuka a chawhme rawn thawn sumo counter-a lam tura min hrilhin phone chu kan ti tawp ta a.
.............

Khuh ri khar ka hriat chuan ka sir lam chu ka hawi vat.Ka mi hmuh avang chuan ka nui nghal ver ver.


"Ti nge,I thiante bula awm loa he tah I awm? Nge ni a nang hian min..."


"Awiawm loh,ka thian ten class an lak vang alawm" a tawng zawh hma hma ka lo tih chuan ka chhip sam tuai thurin a nui a.


Vawi 10 pawh kan la in hmu tlinglo a,kan in hmuha min biak pawn ka awm ti nuamlo tur deuh deuhin min tawngkhum thin.Mahse tun nihnih thum atang khan ka lo ngeia ka lo hlau ruk em em thin kha hmu ka chak zek zeka ka hriat miahloh laiin ka lo ngaihtuah leh veng veng zel.


"I phone min lo pe teh" a tih chuan ka lo pe ve maia,eng eng emaw a hmeh hnuah min pe let leh a.


Ahnu deuha ka phone rawn ri ral ralah chuan a screen a hming in ziak ka hmuh chuan ka bula thu chu ka en nghal vat,anih lah chu alo nui suk " ka duata" tiin a hming alo save a nih chu,he mi mawlhpa hian.


Thil dang vak kan sawilo.Mafaa lehkhabu 'Vaihna vartian' ka chhiar chu ngawirengin alo ngaithlaa,ka class neih hun anih dawn chuan ka in siam a.

"Tlaiah ka lo nghak ang che" a tih chuan ka en nghal vat.

"Min hrethiam la,I hming ka hre lo a" inthlahrung taka ka tih chuan a rawn meng deuh zawk.


"Ka duata" rawn ti supin a rawn ding chhuak ve a.


"I sawi loh chuan tlaiah ka hawsan ang che" ka tih leh chuan chal ti chuar nung hian min melha,mahse a hming chu min hrilh a tum hmel lem loh.


Ka u nen inkawmin kan inah pawh khan lo leng ve fo mahse an bula awmlo a room a ka awm thin avangin ka u thiante hi an hming pawh ka hre manglo,ka hriat ve chhun te pawh tute nge an nih tih pawh ka hre leh chuanglo.


"A tha alawm" ti deuh hmakin amah chu hnung chawnin ka kala.


"Lalhriatpuia"

..........

Nikatah vawikhat ads click kha ti hram hram ang u aw😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:51 pm

Chapter 2



Rang zetin ka hawi leta,a kekawr ipte a akut pahnih zen lut rana dingin chik zet hian min lo en a.


"Tlaiah chuan min lo nghak ang che" a rawn tih leh chuan nui var varin ka lu ka buk khum zeuh a.Ani pawh a nui ve suk tho.


Mipa te hi an nui vak ngailo ami le,mahse sawtianga a nui deuh suk sawn apa in a hmeltha ka ti daih zawk.Awi eng nge ka ngaihtuah tak hi!


"I ka reh a thler em ni" Ben-a chuan a rawn ti leh thin.Siampuii pawn mak ti zetin min lo melh leh veng veng zel.


"I ninawm" tiin ka tum deuh hmaka mahse reilo teah ka lo nui leh thin aniang.Ka thiante pahnih chuan min fiam leh zuk zuk thin.


Kawmchhaka bike a din rual chiahin ka u pawh taxi atang in khai bawr deuhin a rawn chhuk ve chiah.Kei leh a thianpa chutia min hmu dun chu mak a ti tih min hmu ruala a awmdanah ka hre thei.


Aizawl leh kan khaw kar kawnga leimin a awm avangin ka nu ten chawhmeh min rawn thawn an tum an thulh avangin vawiin hian an rawn thawna chu chu a lam avangin a bawr hle bawk.


"U" tiin ka pan hnaia a thil khai chu ka khai thensaka,Hriatpuia'n ka u thil khai ka lak bang zawng chu ngawi rengin a khai chhawk ve nghal bawk.


Ka u chu a tawnglo a nilo ka u chang a nilo kei leh Hriatpuia pawh kan tawng biklo.In chhung kan luh chuan ka u chu thutthleng seiah a thu nghal a kei leh Hriatpuia chuan kan chaw ei dawhkanah kan thil khai kan nghata.


"Zanah ka rawn bia ang che" tiin ka u awmna lam a pana.


"Te,ka haw nghal mai ang aw" tiin ka u chu be mahse ka u chuan a chhang lemlo,kawngkaa a chhuah dawn chuan rawn hawi letin min nuih suk a,a chhuak zui nghal.


"U,ka sawifiah thei" ti daka athutna bul chhuata va thut pah chuan ka ti tawp.Hriatpuia nena min hmuh dun avanga he tia awm hi a nih ka ring nghet bur a ni.


"U,ani nen khan kan inkarah engmah a awm lo a nia" ala ngawih reng avangin ka ti leh ringawt.


Chutia ka tih takah chuan min rawn en in min nuiha,ka kut a khupa ka dah chu nghet zet hian a rawn hum vang vanga.


"Ka hria alawm mahse mate I sawi dik ka thiante hi mitha an nilo chuvang chuan ahma ang khan tumah hi hnaih suh ang che" thu tak zeta atih chuan mak tiin ka meng deuh kawka mahse ka insiam tha leh vat.


"Um,ka lo tum dawn nia" ka tih chuan hahdam huai ang mai hian a rawn thaw chhuak hawka.


"Le,Rawngbawl ang ka pa in Chakai a rawn thawn tel ania" boruak thlak tum ni awm taka a rawn tih hluai chuan ka nui suka.


Chakai kan hmeh vang nge ka nu thlai tharte avang chuan ka u nen chuan chaw kan ei hnem takzet.Zanah lehkha kan zir dun leha mahse kan puar bawk aniang kan thu ngil peih manglo.


"Tu nge a" ka phone massage tone lo rika massage lo thleng ka en reng lai chuan ka u in a rawn ti a.


"Tumah" phone chu hmet thimin ka mu tha nghal.Zanah hian lehkha kan zir rei vak ngailo.Ka sawi tawh em ka hrelo kan unau hian lehkha hi Pathian zarah zahpui awmlo tawk chuan kan thiam ve a,chuvang chuan zanah pawh rei kan zir ngai manglo.
..................

"Eng nge I rawn tih dawn" 11:30am atang chauaha class ka neih avangin zingah ka u rualin class ka kallo a,mahse Hriatpuia class kal tura ka chhuah dawnin kan kawngkharah a rawn lut hlawl.


"Engvanga ka massage reply lo nge I nih" rum zeta min melhin a rawn ti hmuka.


"Kha...kha kha" sawi tur ka hriatloh avangin ka ngawi leh riha.


"Tun hnuah chuan ka massage emaw ka phone call min chhang zel tawh ang che" tihpaha min din hnaih deuha akut hmanga ka biang rawn khawih a tum.
Rang zetin hnunglamah ka tawlh nghal vat,ka awmdan chu mak ti zet hian min en a.A mit menga zawhna chu ka hmu nghal bawk.


"Kan pahnih hian.."


"Kan pahnih hian in hip tawnna nasa tak kan nei tih sawi I tum em ni?" Min nuih suk hian ka kawngah a kutin min kuah nghal hmak.


A thil sawi avang chuan amitah tak ka en a,chutah muangchangin a kut chu ka kawng atang ka dah thlak saka.hnuailam bih chungin ka thilsawi tur chu ka ngaihtuaha.


"Tiang hian awm lo ang,nang chu ka u thianpa I ni a chuvang chuan...." Elsen hmel zeta a rawn nuih avang chuan ka thilsawi lai chu chawlin a hmel chu ka en chho nghal vat.


"U thianpa! chuan I u thianpa ka nih avangin nang hian min hnawl maw?" Min melh khura a rawn tih chuan ka hlau ve lek lek.


"Ai,chutiang a ni lo"


"Anih sawi rawh nang hian min duh em" inring tawk taka chu zawhna min zawttu chu ngawi rengin ka melh reng.


'Min chhang rawh' tih melha min melh khurtu chu ka duh em tih ka hrelo,a kianga awm kha hun reilo te chhungin nuam ka ti a,tun nihnih thum chhunga ka ngaihtuahna luahtu awm chhun a ni bawk.


Chubakah ka hmuh tirh te atang khan keimah-ah danglamna mak tak tak a thlen thin a.Ka ngei em em laia amah hmuh reng ka chak thut te hi ka duh vang a ni thei a ngem.Mahse ka u bulah ka in tiam tawh si a.


"Ka duh lo che" rei tawk fang ka ngaihtuahna a in sual hnuah ka ti ta hram.Chuan tuna ka thil sawi kha ka inchhir loh ngei ka beisei bawk.


Ngawirengin kawngka lam pan chuan a chhuak nghal nal nal.Chu tia akal ta chu ka ruak nghal vekin ka hria.Ani kha chu lo duh pawh ni ila ka tan a tha dawn chuanglo a chuvang chuan tiang khan kan kal thui hmain ti tawp ila a tha zawk.
............

"Tun lai chu Tleipui I nguai thei riau,dam lohna I nei em ni?" Siampuii'n a rawn tih chuan Ben-an ka chal a kut hmangin a rawn dawm vat.


"A khua chu a siklo" ka nui chhuak hawk chu mak ti zetin min la en ve ve zui.


"In unau hian ka tawnglo ang che u tih ka van hlau" an inkara ka thut avangin an pahnih chuan ka kuaha.


"Nia,kei tluka mifel hi chu an awm lo" Ben-an a tih chuan Siampuii huat tawk alo tling leh ta pek a niang chu a chum ri leh nghal dup mai.


Lalhriatpuia ka duh loh thu ka sawi ni atang khan karkhat aliam leh tawh a.Mahse kha ka thusawi kha dawt a ni tih tunah chuan Chiang takin ka hre tawh Lalhriatpuia kha kei hian ka lo duh hman hle a ni.Achhan pawh tun karkhat chhung leka amah ka ngaih avanga ka taksa chauh dan em em hi duhna vang vek a ni.


Kan Lalhriatpuia lah hmuh a har phian leh nghal,ka hmuh chhun chu a college bang haw tur hi a ni a.Chu tah hmeichhia ala phur tel ngei ngei zel bawk si.Kha mi ni khan ka duh thu kha huai takin lo sawi ila kan in kawp a ngem le.


Internal exam kan neih avangin nidang aiin lehkha ka zir ngawrha,1st internal aia tih that zawk ka duh avangin ka zir ngawrh khawp mai.


Ka u pawn keimah vangin a thiante kan in ah a rawn hruai lut ngai tawh lo a,Hriatpuia pawh tunah chuan ka ngaihtuah tawh ngai manglo.Atir kha chuan hreawm ka ti ve deuh a mahse ka hmu lo rei tul tula a reh ve mai niin ka hria.


Mahse hmeichhe dang nena ka han hmuh fuh leh chang chuan tlem chuan nuamlo tihna ka la nei ve deuh.
.............

Ka spicy siam tur ka buaipui lai chuan kawngka a rawn in hawnga,ka u anih ka rin avangin ka ngaihsak lem lo.


"I van rawn haw hma,chaw in van ei hma ve" amah pawh melh lem lo a,ka tih chuan min chhanglo.


A reh rei tak em avangin ka hnunglam chu ka hawia, Lalhriatpuia'n thutthleng seia thu hian min lo melh reng.


Ka u a rawn thlah a nih ka rin avangin ring zet hian ka u chu ka au leh vak.


"Alo la haw lo" thum zet hian a rawn ti bul hmuk.


"Anih chuan eng nge ilo tih dawn,ka u chu khawnge" pangngai tak chuan ka zawt let a.


Min chhan loh avang chuan ka ngaihtuah zawm lem lo.Ka u te pawh an lo haw vat ka rin avangin ka eitur chu lo ei zawh vat vat ka duh a ni.


"Ka ngai che" ka hnunglam atanga min kuah hian a rawn ti sup.


"Eng ...eng thil nge I tih"


Ka zawhna pawh chhanglo in ka kawrin a khuh loh chin ka dar leh nghawng chu a rawn fawpa,ka ding khawng nghal awt.


A kut chuan ka ban te chu a rawn thai riak riaka,chu tah amah si chetin min pawt hnung nghal dawr bawk.hnunglam atanga ka kawnga rawn kuaha ka nghawng a fawh ngawng ngawng chuan ka lo rum hak.


Ka tha a rawn zawi vek avangin amah chu ka nghen nghal rawk rawk a,tuna thil thleng hi a diklo tih ka hria mahse ahma a ka lo sawi tawh ang khan hepa bula ka awm hian ka danglam nghal vek zela ka sawi thiam dan ber chu min zem a vek tih hi a ni.A thil tih chu eng in nge a zui dawn ka hre chaka,abak leh zel hriat chakna chuan min luahkhat a ni ber.


Chungtianga ka ngaihtuahna nu bulh a reh rual erawh chuan ka tlai tawh tih ka hria,tu nge a nih pawh ka hriat chianloh ka u thianpa hnenah ka pasal tur tan chauha ka lo tih ka thianghlimna chu ka hlan ta der chu a ni si a.


"Ka lawm e" tiin ka chalah a rawn fawh te chuan ka chhungril nat avangin ka tawngchhuak theilo.


Ngawi rengin kan chaw ei na dawhkan atang chuan min pawmin room lam min pan pui a,khumah min muttirin puan min sin tir leh thlap.


Chu tah room chhuahsan in eng nge ava tih ka hrelo.A hnu rei vaklo-ah a rawn lut leh a,bawihi kha hei ei rawh chuan I in ti fai dawn ania damdawi ka hmai bula rawn lek hian a ti nghal zung zung.


"Kalbo rawh"


"Bawihi..."


"Kalbo rawh,hmuh leh che pawh ka duh tawh lo" rum zeta melha ka tih khum fak fak takah chuan a dawhtheihna in a tlinlo leh tawh te pawh a ni mahna ngawi rengin min chhuahsan nghal daih.


Ka rilru leh taksa chu na hle mahse ka tap chhauk thei lo.Ka awmah hian min hnawh tlattu awm ang maiin ana a.Ka ngaihtuahna in thui a ngaihtuah ngam heklo.a ngam awm chhun chu tun maia thil thlen zawh hnu leh tun hi a ni mai.Abak ka ngaihtuah letin ka ngaihtuah zawm ngam tawh lo.


Ka lo ngaihhniam leh dahhniam ve thin em em ang te kha tunah chuan ka lo ni ve ta reng chu ania.Hmeichhe awlsam tak ni anga ka in ngaihtuah te hian thih daih mai te ka duh.Mihring tumah hi han in dah hniama in hmusit thei kan loh nih loh zia ka thil tawn atang khan ka in hre thar a ni.
..............

Ka awmdan avang chuan ka u pawn ka damlo amaw a ti hial,mahse 1sem exam a hnai tawh avangin ka chauh deuh tia chhuanlam ka siam avangin a ngaih a tha leh mai zel.


Tha takin exam kan zo a,kan exam zawh tuka kan khua a haw tur kan nih avangin ka u nen chuan kan phur tawh hle.


Ka chunga thil thleng chu tumah ka hrilhlo.Keima thiamloh a nih ve tho avangin ka sawi chhuak ngamlo a ni.Pathian hnenah pawh in thlahrung tak chungin ka tawngtaia ngaihdam ka dil awllo bawk.Hriatpuia ka hmu leh zeuh zeuh thin a.Mahse min hria ang pawn a awm lo,chuan ka u sawi dan atang in leh college hmeichhe ho titi ka hriat atang a bula hmeichhie awm thin, kan college miss chhelo zet kha a bialnu a ni tih ka hre bawk.


Tun hnai mai nilo, college an luh tan tir atanga in kawp tawh an lo ni awm e chuan chu chu hrelo in ka taksa chauh duh hnenah khan kei hian mawl takin ka thianghlimna ka lo hlan chu a ni si a.Ka a takzet a ni.


Kan khua kan thlen chuan ka chhungte chuan "I va cher ve" min lo ti sup sup.Pekluliana te pahnih pawn ka cher lutuk chu min khawngaih leh deuh nge Utepuii an hau an hau mai.


Marbles ka hawn te chu an han lawm mai mai khawpa.Kum 15 an ni ve tawh chung hian marble man tih te hi an la bansan thei thlawtlo.


Kan in hi kawngpui kiang maia awm ni mahse kawt zawl kan nei a,kan compound chin chu thingzai hmanga pal siamin kan hung chhuak veka.pal chhung lamah kawldai,rose par leh pangpar chi hrang hrang kan phun khat veka kan veng hmeichhe naupang ho hian in barbie nan an rawn hmang thin.


Kawngpui atanga han chuan kai mai a awmsam em avangin kan thlenni tlai pawn inleng neuh neuh kan ngah khawp mai.Thingtlangah hi chuan mikhual leh hetianga keimahni anga veng danga awm chhuak lo haw te hi kan lawm bik thin a.Kan in ah pawh rin loh deuh deuh mi hrang hrang an rawn lut nawlh nawlh zel.


College luh leh hma chu tiin kan khua-ah chuan kan awm ta renga.Azawl lama kan chhuk leh dawn meuh chuan Pekluliana te unau bawkin min ui bet leh tawh.


An bula ka awm te hian min han hnial in min han sawichhe chiam thin mahse ka ngaih ang tho hian min ngai tih ka hria.Ka u an ngailo e tihna lam nilo in kan pathum hi chuan an tette atang thil kan ti ho thin a,kan in ngai leh zual bik a ni.


Result kan nei tha bawka Siampuii nen pawn kan hlim takzet.Ben-a pawh pass tho mahse kan ai a ti chhe deuh.Chuvang pawh chu a ni mahna group ah pawh a nawi ve peihlo.Kan group ah hian pathum chauh pawh awm mahila ka bengchheng tawk hle a ni.


Aizawl kan thlen thlak hnu lawkah Adventure club zan hnih riah chhuaha kal an tih avangin ka u chuan min riah bo san nghal a.Kalloh kha tum viau mahse keiman ka ngaihtuah awmloh thu ka sawi avangin a kal ta hram a ni.


"Laltleipui" kawngka rawn beng dawt dawta ti aw ka hriat chuan ka mu tawh chu ka khum atang ka tho chhuak nghal vat.


"Lo hawng rawh ka tih chu" a rawn tih leh tuar chuan kawngka pui chu muangchangin ka hawnga.


"Ka ngai lutuk che" kawngka ka hawng tih a hriat rual rualin min kuah nghal chuk chuk.


"Khawiteh Lalhriatpui" tal chhuah ka tum chu a phallo ni hmiang,min kuah nghet sauh.


"Ai,khawiahmah I kal ka phal tawh lo" a aw a hlauhthawnna awm chu ka hre thei,mahse a tak tak a ni em ti erawh ka hre hauh lo.


"I rui a nih kha" zaidam zeta tiin nam sawn ka tuma mahse a che eih lo.


"Ai,ka rui lo hei I hria em kha thil kha itna satliahah ka lo ngaia mahse a ni lo tih tunah chuan ka hre tawh" tia atawng lawng lawng chu a awmzia ka hrelo.


"Eng itna" ka lo ti hu,kawngka bulah min kuaha a zawi em avangin a taksa rihna chuan min delh ur bawk sia ka hah takzet.


"Laltleipui kei hian ka duh che"


"Maw,Eng nge I sawi kha" mahse min chhang tawh lo.Ahnu a ka biakna pawh min chhang chuanglo.Harsa zeta min kuahna atanga ka tal chhuah rual chiahin Lalhriatpuia chu chhuatah a tlu ri nghal bur.


Kawngkhar chu kalh tha in Lalhriatpuia chu ka khumah ka mut tir thei hram.A hmai vel ka han en Chiang chu alo khem deuh nuai a.Tui lum leh lapua,damdawite chu la khawmin a hmaite chu ka tifaia damdawi ka hnawi lai te chuan a rawn ner leh sawk sawk thin.

A kut chang pilh deuh hrep hruap te chu ka tifai zawm leh a.Ka zawh chuan kalsan mailo in Lalhriatpuia hmel chu ka en ta renga.


Nichina a thil sawi kha ka ngaihtuah leta,thudik a sawi a ngem le? Nge ni a min bum nan dawt thu a sawi leh zawk.


Ka hmai za mer merah chuan ka meng chhuaka,hnai zetah Lalhriatpuia chuan min lo melh reng chu niin.Rang zeta thawhchhuah ka tum chuan rangzet hian min kuah bet nghal vat.


Lawk nichin khan chhuatah ka thu kha a ni sia, Lalhriatpuia hian khumah min sawn tihna em ni.


"Min thlah rawh" ka tih chuan a ai nghetin min kuah leh.


"Ka thusawi hi ngaithla phawt rawh" ti supin ka mitah tak min rawn en a.


"Ai,dawt...dawt bak nang hian min hrilh ngailo.Bialnu nei rengin nang hian ka...." Sawi zawm theilo in ka tap chhuak ta tawp.

Ni e,kha thil avanga ka tahna hmasa ber a ni hial ang.Khang hun lai khan ka tap theilo a,mahse tunah chuan ka tap chhuak thei ta.

"Shittt,bawihi tap tawh suh le" dam dapa rawn tiin ka hnungah chuan a rawn chul a.


"Eng tin nge I tih thei,kei chuan ka lo ring hman che a" hnuk ulh tunin ka ti leh.

"Ka tihpalh,mahse ka sawi tur hi ngaithla phawt rawh" a tih avang chuan engin nge min mawlh te reng a thusawi chu ngawi rengin ka ngaihthlak sak ta a.


"Ka hmu tir atang che khan ka mit ila nghal em em a.Hnaih che kha ka thil tum ber a ni thin.I...." min rawn melh zawk hian ka chalah chuan a rawn fawp vang vanga " I kiangah ka awm tawh chuan keimah-ah danglamna nasa tak a awm thin a.Chu thil chu sex kan hman dun hnuah a reh mai ka ringa mahse ka lo tisual a ni."A tih chuan ka thinrim hman tepa mahse a thu rawn sawi leh avang chuan ka hlim takzet.


"Ka duh che,I kianga ka awm theih nana ka bul tan dan a thalo tih ka hria.Ka duhna che ka pawm mailoh avanga ka tihnat na che hi ka tihdam leh min phal sak rawh.Tunah chuan ka duhna che hi ka Chiang tawh a ni"


"Ka ringlo che" lungawi nghal anga lan ka duhloh avangin ka lo ti a.


"Hun min pe rawh rintlak ka nih zia ka hmuh tir ang che" a hmela in rintawkna nasa lutuk lo lang chu ka hmusual amaw ka ti hial.
...........

Meng manglo a Hriatpuia mutna lam chu ka kutin ka dapa mahse a awm miahlo.ka thuchhuak nghala room ka en kaual chuan Hriatpuia sulhnu hmuh tur a awmlo.A reh hian a reh tlawk tlawk a ni ber.


Ka mumang a ni chuan ka hre bawk silo.Nge ni a aruih areh rual rualin min kalsan leh nghal.Lalhriatpui dawt min hrilh leh em ni.


Chutia a lungkuai zawnga ka lo inngaihtuah lai chuan choka lama thawmnka hriat avangin room atang chuan hmanhmawh zetin ka tlan chhuaka.


Tui dehnaa ka thil hmuh erawh chuan ka nuih a tiza ka ti dawn nge mak ka ti lutuk hi sawidan tur ber pawh ka hrelo.Ka khuh kherh ri ah chuan Lalhriatpuia chuan hnunglam a rawn hawi a.


"Eng nge I tih kha" Buhfai leh a brush ken melh kual pah chuan ka mit hmul ka san khum zeuh a.


"A...chaw chhum sak che ka lo tuma mahse bufai hi vawi 5 vel ka sil hnu pawn atui hi ala paw reng bawk sia brush hmanga lo tihfai ka tuma"


Ka rei,insum hmanlo in ka nui chhuak vaka.Ka nui a hmuh ruala a hmel awmdan hlei hleite chuan ka nuih a tiza zual.Pumna vek khawma ka nuih chhung chuan ngawi rengin min en a.


"Le,engvanga nui chiam nge I nih min hrilh tawh rawh le" ka nuihza zualpui a reh deuh hnua a rawn tih chuan abul atanga nuih that leh mai ka duh.Mahse ka hmaa dinga min melh run tu avang hian ka nui leh ngam tawh bawk silo.

Ka hmui hnuailam chu ka nui chhuah mai loh nan ka han seh vak ringawta mahse awmzia a awmlo khawp mai.


"Laltleipui ka dawhtheihna fiah tum suh" ti thum dupin ka hmuiah a rawn fawp nghal hmiah.Ka nuih chu za tawh lo tak a ni.


Chaw chu keiman ka chhum ta a.Ka nuih chhan te ka hrilh chuan a nui ve suk ringawt.A nui tamlo ve hrim hrimah ka puh hmiah tawh.


Nilengin pawn chhuaklo in kan inluah tereuhte ah chuan hun kan hmanga,inbiak pawh kan in be tam em em lo.Anin games a khela keiin lehkhabu ka chhiar thung.
.....

"Ka haw peihlo" zuk han ti bura.


"Haw rawh,chaw pawh ka phallo chung I ei tawha I zaklo lutuk" kawngka bul atang chuan thutthlenga a thu chu ka melh khui tawh.


"I bialpa ka nihhi tiang khan tuman an bialpa te an ti ngailo" aphone a kekawr iptea thunin min rawn en a.


"Bialpa,bialpa nih vanga bialnu te ina awmreng tur tihna a ni lo" ka lo tih khum leh hmak.


"Ka awm reng dawnlo.Zanin chiah I u awmloh laiin ka lo riak leh duh ka ti mai alawm."chu thu a sawi lai chuan min melh no lo teh e.


"A theih loh"


"Ngati,thil nuam deuh tihpui tur che pawh ka la nei asin" chimawm zeta min melh hian min rawn pan hnaia.


"Ding rawh Lalhriatpui" kawngka bula hmunphiah kan dah hmang chuan ka lo hawlha.


"Bawihi engnge maw I tih le,abal si dah teh" a kawrawm hmunphiah hmawrin a tawh fuhna bengfai chuan a rawn ti hluk.


"Ai,haw rawh I duh leh nidangah ilo leng leh dawn ania,mut ka duh tawh" banga sana intar chu ka melh zeuh.9:30pm a ri tawha ka mut a chhuak tan tawh.

Ka inrin loh lai chuan ka hmunphiah chu min laksakin amah si chet chuan min pawm beta.A kut lehlamin ka biang a rawn dawm nghal zat bawk.


"Haw tur chuan min duh viau em ni" ka bengbula rawn phun ser ser hian a ti a.ka beng hnung leh nghawng vel a fawh tel avang chuan la chhang mai theilo.


Nilo hetiang hi ka thlen tir thei tawh lo.Ngaihtuahna fim tlem ka neih lai chuan Lalhriatpuia kut ka kawr chhunga awm chu ka man bet vat.


"Bawihi nang pawn min mamawh" thawpsapa tiin chet lak leh atuma mahse ka lo dang leh vat.


"Nilo,heihi kan ti theilo" ka tih chuan chal ti chuar deuh hian min melha.


"Hria....Hriatpui vawikhat kan tisual tawha tihsual nawn leh ka duh tawh lo" harsa ti zet chuan ka sawi chhuak thei hram.


"Aho..."


"Chutiang a ni lo" ka lo tivat "Vawikhat Pathian duhloh zawngin thil kan lo tisual tawha abak chu tih leh ka duh tawhlo.Thil thleng tawh kan siam tha thei tawhlo mahse kan hma hun erawh Pathian duh zawngin kan nun ka la siam thei a ni" Hre thiamse ka duh em avangin amit taka en in ka sawia.


"Pathian...Pathian chuan kan inkarah eng nge a rawn tih ve"


"Maw...?" A zawhna chu mak ka tih em avangin ka meng nghal kawk.


"I hria alawm,kan pahnih chauh kan nih chuan a tawk,kan inkarah Pathian inrawlh tir suh" a rawn ti leh hmuk.


Chu thu a sawi avang chuan min kuahna atang ka tal chhuaka ani pawn min dang lem lo.


"Pathian chu I ringlo em ni?" Han sawi mai tur ka hriat loh avangin chu zawhna chu ka zawt ta ringawt.


"Tinge,ringlo ti ila" ahmel awmdan chu ka sawifiah thiamlo.Dur zet hian min en chhuk run a.Chu min melhna avang chuan ka zam chhe lek lek a ni.
................

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:51 pm

Chapter 3


"Hriatpui" a kut chu nghet zet hian ka hum sak a "kei chuan mipa Pathiana in nghat tlat,a fate hnena zilhna thu a sawi chang pawha Pathian thu hmanga afate hmakhua tur hrilh thei tur khawpa Pathian hnaih hi pasal leh kawppui atan ka duh a.Chuan...."



"Chuan a vawihnih nan min duhloh thu sawi leh I tuma" akut ka vawn chu phithla hnawkin rum zet hian min melh khui a.


"Chutiang a ni lo" pan hnaih ka tuma hnunglamah alo tawlh avang chuan ka ding dat.


"Ka haw ang mahse heihi lo ngaihtuah ang che" tiin ka dar tawn tawnah a rawn chelh a.


"I Pathian nge keimah" ti supin vung zet in pawnlamah a chhuak nghal.


Zan khuain Lalhriatpuia thusawi ringawt chu ka ngaihtuaha ka rilru a hah takzet.He thil hi ka tihsual hremna tura Pathianin min pek a ni thei mai a ngem.


Ahma ang khan kal tir leh ta ila ka na leh dawn tho si a.Nilo ahma ai khan ka na tawh zawk ngei ang le,mah se chelh ta ila ka rinna ve hi eng tin nge ni ang.Ka dam chhung zawng Pathian tello a hun hman chu ka zuam bawk silo.


Nilengin Lalhriatpuia message emaw phone call pawh ka dawnglo.Ka u lo haw ni tur a nih avangin Bazar-ah thlai hnah tharlam deuh lei tur ka zawnga Inrinni hi chuan thingtlang lam atang thlai thar alo thleng tama bazar pawh a nuam ve deuh.


"Awi,ka chauh zia hi" kawngka alo luh rual rualin a ti nghal.


"Ti nge a hahthlak viau elaw" ka bai siam tui chu hawpin chi ka telh belh leh sak.


"Teh reng,Avan rimtui ve eng nge I siam a" a hnar len vat vata a tih chuan ka lo nuih ver ver.


"Hrelo,I ei anga I hre mai ang.Tuilum kan siam ang che.I Inbual zawhah chaw kan ei vat anga I mu hmak dawn ania" ka ti nghal zung zung.
.........

"Pawnah lo chhuak rawh" massage chu ka en reng.Ka kal dawn nge dawnlo tih ka ngaihtuah lai chuan massage dang alo thleng leh.


"Ka lo luh I duh loh chuan tunah lo chhuak rawh" ka u a mutui tho tiin ka kawrlum ha in pawnlamah ka chhuaka.


"Zan zanah tinge min koh chhuah,ka u alo harh a nge aw" kan inkarah pen thum vel ala awm tih chuan ka ti nghal a.


"Ilo ngaihtuah em?" A bike nghena dingin min melh leh khui tawh.


"Eng chu" ka hrelo der hmak.


"Laltleipui" a rawn tih thawt takah chuan ka chil ka lem nghal dawk.


"I...kha kha,hriat... Hriatpui thuthlukna ka siam theilo" ka ti ta ringawt.Pathian leh he mipa Lalhriatpuia lakah hian duh ka thlang theilo a ni.


"Lo kal teh" a ban rawn phar chhuak hian a ti a.


"Hriatpui" dim(thi) zet hian ka pan hnaia,aban phak china ka din rualin min pawtin min kuah bet nghal hmak.


"A pawilo,I duhthlanna ka zahsak che mahse ka kianga I awm lai chuan keimahlo thil dang I ngaihtuah ka phal dawnlo ania" a rawn tih sup takah chuan ka hahdam huai hian ka in hria.



"Chocolate ka van ei chak" ngawi renga kan awm hnu ah ka ti ta nghe nghe.Tunlai chu eng nge ka hriat ni ahma pawha ka ei ngailemloh hi ka ei chak thut thut zel.


"Naupangchhia tun angah khawilai dawr nge in hawng se I tih" hnunglam atanga min kuah a nih avangin ka chhipah a khabe a nghata.


"Hawng ka ti ami,ka ei chak thu ka sawi mai alawm" lungawilo aw taka ka tih chuan a nui ri suk a.


"Ka hria e,thinchhe Lalnu naktukah tamtawk ka lei ang che"


"Naktuk te chu Sunday ania kan in hmu dawn hleinem" ka lo ti leh vat.


"Nitin kan in hmu ziah dawn" tih te a min chhang in ka chhipah chuan a rawn fawp zeuh.


"Hriatpui kan inkar hi kan la zep rih thei a ngem" engtin nge alo dawn sawn leh ang tih ka hriat duh avangin a hmel ka hmuh theih nan ka awmdan ka siamrem a.


Ka rin ang chiah a hmelah chuan zawhna leh lawmlohna alang chhuak nghal.


"Englo,ka u hian kan pahnih hian.."


"Atha alawm,I inpeih hma chu ka nghak ang che" dam zeta a rawn tih takah chuan ka kuah nghal vat.He mipa hi ka duh takzet.
...........

"Tho teh,chaw ei ka peih tawh ania" ka puansin min pawhthlak sak hnu pawn ka la meng peihlo.


"Laltleipui" ka u in a tih leh chuan peihlo zetin ka meng chhuak diar diara,khum bula ding ka u tur zeta min melh tu chu ka hmuh hmasak ber a ni.Ka tih ngaihna hrelo chuan ka han nuih tlawn ta ringawta.


"Nui suh Sunday a nih vang maia 8:00am pelh thleng thlenga mut.Intifai la chaw ei ka lo siam ang" tiin room atang chuan a chhuaka.


8:00am ka u in a tih avang chuan sana ka en a,alo ni tak tak. Ka thau dawn anianga thil ka ei thei em em a,mut pawh chu ti tho.


"U ka thau deuhin I hria em" chaw kan ei lai chuan ka zawt ta nghe nghe.


"Thau pawh ka hrelo tinge" min en vang vang hnuah a rawn ti a.


"Ka hrelo tun hnaite hi mut ka duhin ei ka duh thar em a" ka tih chuan ka u chu a nui chhuak hawk hawk.Kei pawh ka thil sawi zawh chiah ka ngaihtuah chhuah chuan ka nui ve leh tho.


"Tunah I ei duh zia I in hre chauha maw" tiin min fiam zui chiam bawk.Mahse a awmlo lemlo ei lamah hi chuan min u tur an tam ve hle in ka hria,mahse ka vanneiha siamin ka ei tam ang hu in ka thau leh Chuang miahlo a.


"Exam lai vel khan I cher deuha,chaw pawh kha I ei tha lo a.Mahse hei ngai I awh leh dawn tawh aniang" ahnu ah chuan pangngai takin a rawn ti leh.


Chupawh chu a dik tho.khang hun lai kha chuan ngaihtuah tur leh rilru hahna ka ngah lutuka ka cher reng a ni.Ka taksa in ngai a awh leh dawn vang mai mai alo nih chu.


Room a ka awm laiin sitting room lama ka u thiante tawngri ka hriat chuan Lalhriatpuia ka ngaihtuah chhuak nghal.Rang zetin ka chhuak pheia mahse ka hmuh duh ber ka hmu tel ve hauhlo.


"Tleii khawnge I u" an thian zinga pakhat chuan nelawm zeta min nuihin a ti a.


"Bathroom ah,ti khan lo thu ru a rawn chhuak tep tawh ang" kawngka lam la en reng chung chuan ka ti a.


"Nangni elaw" ka u pawh thlanglam bathlar atang a rawn lut a.A thiante nen an in fiam nghal bawrh bawrh.Kei chu ka mi hmuh duh ber ka hmuh ve loh avang chuan lungawi vaklo hian room a luh leh mai ka tuma mahse ka in her rual chiaha tawngri ka hriat chuan rang zetin ka hawi let leh nghal.


Ka nuiha mahse min nuih ve chu khawilam melh pawh min melh eihlo.Ka lam pana alo kal lai chuan ka lo en renga min kalpelh dawn chuan ka kawrlum ipte ah eng emaw hi a rawn dah zeuh tih ka hria.


Lalhriatpuia awmdan avanga ka lungawi loh em avangin,Nidanga ka tih thin ang thoin room ah chuan ka luta,ka luh dawna bang kila thu ka va melh leh lai pawh khan min ngaihsak ang pawn ala awm chuanglo.


Khuma ka phone eng vat vat ka hmuh chuan ka ban vat "vawikhatah ei zo vek suh" tih Lalhriatpuia massage hi alo ni a.


Massage ka hmuh rual rual chuan ka kawrlum ipte ka zen nghala chocolate ball chengkhat man ang kha 20 lai lo zu awma.


"Hei eng nge a awmzia,ilo luh pawn min hrelo der vela😡" tih ka thawn let nghal.


"Chocolate I ei chak thu I sawi anih kha,khang bak kha chocolate an lo neilo a"


"Mahse min hrelo der khera"


"I duhdan a nih kha" a rawn tih chuan ka nui tawp.Nizan ka thusawi kha alo hre reng a ni maw.


In hnaih takah awm dun mahila mite angin hmaichhanah kan in biak a rem lo a.message hmangin chu ni chu kan in be renga mahse kan hlimin chutia in biak pawh chu kan tan chuan a hlu takzet.
............

"Hello"


"Aw,Tleipui khawnge I u" lehlam ami aw chu ka hriat hnu a ni.


"Ka man ta che u" ka han ti nghal deuh tawnga,ani pawh a rawn nui tawp.


"A tute chu maw I man"


"Nangmah ,zantin ka u nen in in be fo va in in karah engmah a awmlo ti reng reng suh ang che u" ka tih chuan Umuana chu a rawn nui nasa mai.


"Anih I hre ta rau rau I u chu ka lo be teh ang" ka nui a,ka u pawh chu ka au nghal lang lang.Ka u tan hian mipa tha tak ka duha chuan chumi atan chuan Umuansanga tluk hi an awmlo.


"Ka u hi I duh viau a ni maw,ilo biak ngun danah"


"Naupangte te in chutiang an sawi ngailo"


"Naupang pawh ka ni tawh lo.Ka u hian tlangval inleng a ngah thei teh mai ania" tiin ka fiam zui leh.

Umuana hi kan khua Kohhran thalai pawl hruaitu a ni a.Kan khua English medium ah Mathematics teacher in a thawk nghal bawk a ni.


"Chuti chu ka tan I u chu ilo ven that hle a ngai dawn a nih chu"


"Hlawh min pek dawn chuan"


"Iduh duh mahse ka pek theih tur chin atanga chhutin aw" chutianga fiamthu hmanga kan lo in biak lai chuan ka u pawh room ah a rawn lut a.


Phone ka pek lai te chuan alai lutuk te chuan min melh tha ngamlo.An thusawi hriat ka lo tum ve phet avangin room atang chuan a chhuak daih leh nghal.


Ka u awmdan ka ngaihtuah chuan khuma mu chungin ka nui vak vak.Amize harh tak en hi chuan eng tin nge Umuana te ang mipa tha a bum thluk theih mai le.Chutia ka u te ka ngaihtuah lai chuan Lalhriatpuia ka ngaihtuah chhuaka.


Engtin nge ni ang,ka chhungten an hriat hunah kan in kawp an phal dawnlo tih ka hre nghal.Ka u chuan an duhthusam ang ngei ngaihzawngah a nei a mahse kei chuan.


Ka phone ri chuan ka ngaihtuahna atang min thanharh tira,mahse phone screen a hming rawn lang avang chuan ahma aiin ka tawt leh zual zawk in ka hria.Thawk ka lak vak hnuah phone chu ka chhanga.


"Lo chhuak lawk teh" leh ngawt zela.


"A chiloh ka u pawh ala menga" ka u in ka aw a hriat ka hlauh avangin ka aw pawh a zawi takzet.


"Engtia rei nge zep kan la ngaih" a aw atang chuan a lungawi vaklo tih ka hria.


Ni e,engtia rei nge hetianga kan awm ala ngaih dawn.Aruka hetia inlaichinna neih pui reng hi a dik ka tilo a,mah se ka chhungten an hriat hunah kan in then mai ka hlau si a.Ka chhungte mai nilo a chhungte pawh,keini ang thingtlangmi hi an fapa kawppui atan min duh ka ring kherlo.


"Arei dawnlo lo chhuak lawk rawh" ka chhan mai loh avanga a rawn tih leh hluk chuan ka hnial duh tawh biklo.


Ka u chuan bathlar thlanglamah phone a biak avangin engmah sawilo in pawnah chuan ka chhuaka.


"Kha.." Sarang akhai na kut chu ka lamah a rawn phara.


"Eng nge a" ban paha ka tih chuan min chhanglo,mahse keiman Sarang chhung chu ka en a,ice cream, chocolate leh watok vel hi alo ni a.


"Hriatpui"


"Ka kal leh nghal mai ang" alo tih deuh hmuk chuan a hnunglam atang ka kuah nghal vat.


"Ka tihpalh" ka kut chu a rawn hum vang vanga.


"Min zahpui anih chuan kan inkar hi kan titawp thei alawm" a aw a in sitna ri chuan min tina takzet.


"Ai,ka zahpuilo che keimah...keimah zawk hi alawm" ka ti nghal chul a.


Rawn in herin nghet zet hian min kuaha "I kawppui ni tura ka in rintawkloh vang a ni" ka ti leh ngat.


"Shittt .... Chutiang chuan ngai tawh suh" ka chhipa a rawn fawh vang vang chuan ka biang a rawn lum thla nghal pum.


"Laltleipui" ka u aw ring leh fiak tak kan hriat rual chuan Hriatpuia nen kan inkuahna kan thlah nghal vat.


Ka u chuan ka hnunglam atang thinrim zet hian min lo en renga,thinrim satliah mai a ni lo tih ahmel atang chuan ka hre nghal.


"U.."


Ka tawng zawm hmaa ka kut rawn chelh tu chu ka en nghal vat.Ani pawn hahdam rawh tih melhin min lo melh ve reng bawk.


"Laltleipui tunah lo kal nghal rawh" ka hriat tir ata ka u in thinrim/lungawiloa min biakna hmasa ber a ni.


"Tepui I nau hi amaha thuthlukna siam turin a puitling ve tawk tawh" a hma ai ngheta ka kut rawn hum chunga ka u be tu leh ka u chu ka melh tawn zak zak hi a ni ber.


"Ilo buai ve a ngailo ang,hei chu kei leh ka nau buaina a ni"ka u zaidam tak kha khawnge a awm tak tuna ka hmaa ding hi chu midang daih a ang takzet.


"U.."


"Lo kal rawh" min rawn panin ka banah a rawn chelha min kalpui nghal mai a tum chu Lalhriatpuia'n ka kut a chelhna alo la thlah loh avangin kan ding leh dat.


"Ka sawi lawk tawh chung pawha hetianga ka chunga I ti duh hi ka ngaidam ngailo ang che" Lalhriatpuia melh runa tiin, chu kan kut inchelh tlat chu na zet hian a pawt then nghal hlawka.

Min kai chungin kan inluah pan thlakna step ah chuan min pen thlak pui nghal hlawk hlawka,kan pil dawna ka hawi leh chuan lei lam bihin Lalhriatpuia pawh a dinna ngaiah ala ding reng.


"Mu rawh" pawn ka chhuah leh hlau niawm taka thutthleng seiah thuin chhuat chu a melh renga.


"U.."


"Va mu rawh,naktukah kan sawi tha dawn ania" pangngai zawka a rawn tih takah chuan engmah sawilo in mu tur chuan ka in siam nghala.


"Chhang suh" ka phone a rik rual rualin ka u chuan khumbul table te chunga ka phone chu min lak khalh daih.


Lalhriatpuia kha mi tha tak a ni chu ka tilo mahse a thianpa ania,kan chungchang a hriat tak vang maia ti em em a a thianpa huatna mit menga a en mai chu mak ka ti ve det.



College kal turin kan chhuak ruala,kawngka a kalh lai chuan keimahni kawngpui ka lo han chhuakchho a.A dinna thin atanga min lo thlir rengtu ka hmuh chuan pan mai ka tuma,ka u in ka banah min rawn chelh hman.


Tun atang chuan ani sawh I hmuh leh ka rem ti tawh lo.Hriatpuia dinna lam melh chuan a ti leh fak fak a.Ka bula taxi lo dungah chuan min nam lut nghal rawk rawk bawk.


Lalhriatpuia kan tlanpelh laite chuan ka en renga anipawn adinna hmun atang min en zui ve reng tho.



"U,I thianpa a nih kha nga ti nge hetianga I awm" ka u nizan atanga mize dang hlak nei,Nidanga zing zing atanga fiam thu thawh thin vawiin zinga a nui hmel vawikhat mah hmuh tur la awmlo chu ka zawt ta tawp.



"A chhan chu kha vang chiah kha a ni" hmalam en reng chung hian a rawn ti deuh hmuk.


"Maw!"


"Lalhriatpuia hi ka thian a nih avang chauha hetia awm hi ka ni.A mizia leh a nungchang tha lo lai zawng zawng hi ka hre vek chuan I kawppui tur atan hian ka duhlo bawk."


"Mahse nangmah pawn I thiante an sual loh thu I sawi a nih kha" lulul zetin ka lo ti leh hram.


Hahthlak min tih hmel zet hian thawk alak vang vang hnuah min rawn en a.


"Ka sawi ngei alawm mahse hei min han hrilh teh.Arinna vawikhat tal I sawipui tawh em?" Mak ti zetin ka u chu en ta reng.


Eng nge a awmzia,arinna maw hmani zan khan heti lam chu kan sawi ngeia mah se he ti taka lak thutak tur a awm pawh ka hrelo.


Thawnthu ka lo chhiar thenkhatah chuan an nunah hun harsa tak an paltlang laiin Pathian in a tanpui loh niin an in ngai thin a.Chuvang tak chuan PATHIAN hi an ring ngailo.Chuan tiang chu Lalhriatpuia pawh hi a nih ka ring.


Atir kha chuan ngaihtuahna ka seng thiamlo a mahse ahnu a ka han ngaihtuah chian hian Lalhriatpuia pawh a rilru ka thlaksak theih thuai ka ring a ni.


"Aw,mahse chu chu eng nge a pawimawhna,"


"Hetah lo kal teh" taxi atang chhukin college lam min pan pui lo hian kawng chhaklama Restaurant ah chuan min luh pui a.


"Hriatpuia pa hi Muslim kulh muk lutuk chhungkua atanga rawn seilian hi ania" ka u in a rawn tih chuan ka meng nghal awk.


"Thlahpawlh maw" ka ngaihtuahna a lo lang hmasa ber chu ka sawi chhuak ta tawp.


"Aw,mahse a pa ni lo in a nu tak tak zawk kha ania vai" ka u thil sawite chu ka hrethiam ta nuai lo.A pa kha Muslim a ti bawk sia mahse anu zawk vai, ati tho bawk sia eng chiah hi nge sawi a tum.


"Mak I ti tiraw" ka lu ka lo bu nghut nghut "ngaithla rawh" rawn tiin ka lamah a rawn kun hniama Lalhriatpuia chanchin a hriat zawng zawng chu min hrilh ta vek.


A pa hi a sen laiin fa atan an la a.Arrange marriage in Hriatpuia nu nen hian an in neih hnu ah Hriatpuia hi alo pianga.Mahse Hriatpuia kum 10 a nih hian apa hi Mizoram-ah hna thil avangin a rawn zin a, tah chuan thla 2 a chama.A rawn cham chhung hian tuna a nu(nuhrawn)hi a tawnga.


A pa chuan adiklo tih hre reng chungin Hriatpuia nu hrawn chu a hmangaih tulh tulh mai bawk si.Ahnu ah nupui nei lai a ni tih tuna a nu(nuhrawn) hian a hriat chhuahin a thena.Hriatpuia pa pawh Pakistan lamah a haw leh ta a.Mahse a ngaihtuahna atang tuna Hriatpuia nu(nuhrawn) hi a paihchhuak thei tawh bawk silo.Nitin mai chuan a thil tih leh a chhungte theihnghilh thak thak khawpa lo ngaihtuah a ching ta fo mai a.


A tawp tawpah chuan a nupui thena Mizoram lama lo leta Hriatpuia nuhrawn hi nei turin duhthlanna a siam a ni awm e.Thudik tak hrilhin a nupui chu a thena,a chhungte pawn an fapa an hmangaih em em in Christian na sakhua a vawn tak avangin an in zawmna an chhu chat a.



Hriatpuia nu diktak pawn apasal chu dan ngaihna vak a hre biklo.Inthenna an tih fel veleh Hriatpuia pa chuan Mizoram lam chu alo pan nghala,Kum 2 hnu ah Hriatpuia nu chu a boral avangin Hriatpuia hi apa in a kianga awm turin a hruai a.Ta tang chuan a pa bulah ala awm ta reng a ni.


A tette atanga zirtirna a dawn thin chu dikah a ngai a.A pa awm dan avang khan Christian sakhua hi a haw hle bawk a ni.Ka rin loh lam daih ka hriat avang chuan ngaihtuahna fim hman mai pawh ka thei lo.


Pathian a ringhlel satliah ve mai mai tura ka lo ngaih laiin a aia nasa daiha Pathian a hlatna chuan min ti na a.A chunga thil thlengte ka ngaihtuah chuan ka khawngaihna leh a kianga ka awm duhna ahma aiin a sang zawk bawk.
...........

"Maw..!"



"Doctor I Chiang maw" ban deuh chuapa ka u in Doctor a biak lai chuan kha ni a Lalhriatpuia nena kan khawsak dan chu ka ngaihtuah let a.Tun maia Doctor thu sawi kha ka hriat sual a nih ka ring ta hauh lo.



Period mumal lo tih hi chu ka nei ve hrim hrima,mahse tun tum kha chu thildang ngaihtuah ka ngah em a.Mahni in rin hlelhna chang pawh ka lo hrelo a ni.


Doctor chuan nau thla thum mi ka pai thu leh ka nau pai chu a dinhmun a that vak loh thu min hrilh a.Ka u pawh arin loh lam daih Doctor in a rawn sawi avang chuan a ka ve ho tho.


Tukin zing khan ka luhai avangin ka tlu lek leka,chuvanga Damdawiina college kal hmaa in checkup tir zuai tum kha kan nia,mahse kan rin loh lam daih result kan neih takah chuan ka u nen chuan kan in luah lam panin kan haw leh ta zawk a.


"Tih ngaihna a awmlo,insiam la naktukah kan khua-ah kan haw ang" in kan thlen hnua a vawikhat nan ka u chu a rawn tawng chhuak ta a.


"Mahse Hriatpuia"


"Sumo ticket ka va buaipui ang lo in siam rawh" ka thusawi hrelo ang hmiaha tiin a kal chhuak leh nghal daih.


Artui kan rim ka hriat rual rualin bathroom ah ka tlan lut nghal.Ka u chuan min rawn zui vatin ka hnungah zawite te hian alo beng thek theka.ka mittui nen a hreawm takzet.


"Ka tihpalh,ti khan lo awmla ka va paih lawk ang" tiin ka u chu inchhungah a lut hmasa a.Ka han ngaihtuah chian hian engtin nge ka rai tih ka lo in hriat loh theih zawk.


Mahse raino hi ka haw vaklo aniang.Luakchhuak te hi ka nei vaklo mahse tun ni hnih thum vel hi chu ka ngaihtuahna ka seng nasa deuha ka taksa a chak vaklo nen ka uak ve ta vo mai.Chuan ka han chhuta thlakhatna awm val lai khan tiang chiah hian ka awm tawh bawk.Kan exam lai vel alo ni bawk nen khan taksa chaklo satliahah ka lo ngai mai zel a nih kha.


Ka u nen chuan ngawi rengin chaw kan ei a,tun hnai kan unau in kar hla ta lutuk te hian min ti chauh zo tawh.


Zan ka mut dawn chuan Lalhriatpuia ka call leh hram mahse a ring ral thak thak.Tlaiah ka u chhuah lai pawh khan biak ka tum tawh mahse phone a la theilo kha ania.


"Tunah chuan I be tlang thei hauhlo ang" ka u tawng ka hriat thut avang chuan ka phone ken ka thlauh nghal bawl.


"U,I...I ..englo" hlauthawng zeta ka tih chuan min rawn kuah nghal thlawp.


"Eng tin nge ka tih ang che" tah aw tuau a a rawn tih chuan ka tah a chhuak ve nghal der.Ka naupai vang hi nge ka tah belh zual sawt bawk.


"U, Hriatpuia bulah kal ka duh" ka ti ta ringawt.Karkhat kan in hmuh tawh lo.Phone call a kan in biak hnuhnung ber chu nimin piah kha ania,ka u thinrim reh hun kan nghah a ngaihthu min hrilh a nih kha.


"Mate..."


"Ai,U khawngaihin" ka tih luih tlat avang chuan inchhirlo tura min hrilh hnu ah,pawnlamah min chhuah pui nghal.


Taxi a thui fe kan tlan hnu chuan gate lian tak zawnah hian min chhuk puia,gate chhunglamah chuan party an nei a ni ngeiang,eng a de chuai chuaia hla pawh an play ring dup dup khawp mai.


"Ka pu tah hian min lo nghakla kan lo let leh thuai ang" ka u in taxi driver hnena a tih zawhin chu gate chhungah chuan min luh pui a.


In chhung kan luh hnu rei vakloa ka thil hmuh vang erawh chuan helai hmuna ka u ruala ka lo kal ve chu ka inchhir takzet.


Lalhriatpuia chuan hmeichhia duh thawh zetin alo fawp ngawng ngawng a nih chu.A hmeichhe fawh lah chuan thawmhnaw themhle zet a ha a.


Ka en reng duh loh avangin ka u chu rilru na zetin ka ena,'i mittui he mi laktlakloh pa avang hian a tla tur a ni lo' ti ang hrim hian min lo melh ve reng .Ka hawi chhuah leh rual chiahin Lalhriatpuia mit leh ka mit chu a in tawngfuh nghal chiah bawk.Chutia min hmu thut chu mak a ti deuh nge phawk zet hian min en renga.Mahse rei a ni lo kan lam pana alo kal rual chiahin ka u chu kaiin pawnlam ka pan pui nghal hlawk hlawk.
.......

"Mate" bag a ka thawmhnaw ka khung mawlh mawlh lai chuan ka u chuan ka darah min rawn chelh a.


"I tha tiraw" min ngaihtuah hmel zet hian ka mitah tak min en kar bawk.


"Ka ringa,u ka lo ring ve hman em em a" ka tap chhuak nghal hawk hawk.


"A tina dawn che tih ka hriat vang ania,atir pawh khan hnaih lo tura ka tih che.Mate an ni nen chuan kan khawsak dan a in thlau lutuk.Engtikah mah khang a nun ho tak tak kha a bansan thei ngai dawn lo"


"Bawihi,Laltleipui kawngka lo hawng teh" ka u tawng zawh rual chiahin kan kawngka rawn chum vak vakin Lalhriatpuia chu a rawn au nghal chiam chiam a.


Ngaihtuah chiang manglo a,kawngka lam ka pan tur chu ka u in ka banah alo chelh nghal vat.


Thinrim viauin khatiang thil pawh kha hmuh mahila Lalhriatpuia'n min koh meuh chuan ka thinrimna te ka hre chang tawh lo a.Thinrim a hnekin a in sawifiahna te ngaihthlak a,ka hmangaih ang chiaha min hmangaihthu sawi ve turin ka la beisei fan a ni.


Huh! Tunah khan hmangaih ka ti em ni? Ni e,adik kei hian Lalhriatpuia hi ka hmangaih a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:51 pm

Chapter 4


HRIATPUIA POV



"Tho teh" tia min rawn chhuihtu an awm avangin rang zetin ka ding chhuak nghal.


Mahse ka thianpa Robert-a hnung kawngkhara tala lo in khai chuan ahma zawng aiin ka chi aina a belh chhah zual sawt.


"Hmeichhia vangin Lalhriatpuia hi atal buai ang tih ka lo ring ngai hauhlo" a aw a mak tihna leh a hmela min nuihzatna ka hmuh chuan ka thin a rim nghal em em ringawt bawk.


"Khawiah nge an kal sawi rawh" ti hrawkin a kawr awmah chuan ka thamsaka.


"Hei,hei min thlah teh" ka kut vuan chunga a rawn tih chuan ka thlah leh thuai.Ani hi khawih ringawt mahila eng nge hlawkna awm ang.Tuna pawimawh ber chu Laltleipuii awmna hriat a ni.


"Sawi rawh" thip zeta melhin ka ti leh nghuta.


"Ka hrelo,zingah khan Tepuii khan lo ngaihven tur che in min chaha chuvang chauh chuan keipawn I awmna hi ka hria" ka awmdan avanga lungawi chiahlo hian a ti ve khui khui a.


Heihi ka thiamloh vek a ni.Nizan khan kha hmunah khan lo kallo tawp tur kha ka nia sin.Atirah a sawi lawk veka ka tina nawn leh a nih chuan min kalsan tur thu.Chuan hre reng chungin nizan khan ka insum theih loh luatah kha hmeichhe duhawm tak kha ka ti na a ni.


Nizan khan kan tih fo angin party na ah kan thian ho in kan kal a.Chhun lamah ka phone ka tih bo avangin Laltleipuii ka biak loh a vangin ka awm a nuam lo hle a.Hmu tura va kal duh hle mahila au vangin ka thei silo.


Party na ah pawh rilru nuamlo zetin ka awm reng a.A chhan pawh Laltleipuii vang bawk a ni.Ka duh tih ka pawma mahse he ti em em hian ka lo vei tih ka hre lo.Tepuii kan thian ho zingah pawh ka lo dahsan ve em em thin.Mizo hmeichhia ka lo ngaih ang ngawt an nihloh zia min hmuh tir tu in anau ka hnaih a rem tih loh thu min hrilh khan hnaihloh chu ka tuma mahse ka hlawhchham thak a nih kha.


Rilru mumal lo zeta keimaha ka thut reng laiin Aria-i ka lo kawp ve fo tawh chuan intur min rawn pe in,kan pahnih chuan midang ngaihven lemlo in no chu kan dawm dun zela.Ka inrin loh laia ka hmui a rawn fawh thut khan eng nge ka hriat ka hrelo.Laltleipuii ringawt ka ngaihtuah avangin Tleipuii turah ka ngai teh hrep nge ni duhthawh zetin ka lo fawp let nghal tawn tawn a.


Mahse ka harhchhuaha ka mal chunga thu ka fawh mek hi Laltleipuii nilo in midang an ni tih ka hriat chuan ka tlai tawh.Hla deuh hlek a tanga min lo thlir rengtu mit mengah chuan natna ka va hmu a.Tun maia ka lo khawsak dan tenawm zet kha a hmuh vek tih pawh a chiang reng.


Alam pan tuma ka thawhchhuah khan min kalsan nghal a nih kha.Karkhat lek a u vanga kan in hmuh theih loh lai khan ka ngaiin hmuh ka chak thei em em a.Tunah eng tin nge ni ta ang.


Christian na hi eng atan teh vak ka ngailo.Ka pa avang ngat phei hi chuan Christian hmeichhia hi tisa chakna hrik thlak nan bak ka duh ngailo.Mahse Tepuii ka tawnga ka ngaihdan chu tlemin a in thlak a,chuan anau Laltleipuii ka tawng leh chiah phei hi chu maw Christian sakhua a in leh pawh pawi tih lohna avawikhat nan ka neih phah hial a ni.



Ka pa in ka nu nen hmeichhe pakhat vangin min kalsan a.Ka nu khan a thih dawnin ka pa bulah awm turin min ti lo se chuan he khawvela ka mihuat ber bula khawsa tur hian ka kal hauh lo ang.


Mahse tunah chuan ka pa fapa ka lo nih chian zia ka hre ta.Laltleipuii ka ta a siam ka duh em avangin Chritian ho Bible pawh la chhiar lo mahila,ka room lehkhabu dahna chu a lush ve ta ran mai.


Pawn lam boruak nuam ti thin em em khan kha hmeichhia 'Laltleipuii' vang teh hrem khan ni eng zat nge ka nun phung pangngai hlauha ka room a ka tawm tak hi.


"Kei chuan mipa Pathiana in nghat tlatmi kawppui atan ka duh" tihthu a sawi te ka han ngaihtuah chhuah chang phei chuan Laltleipuii hian khatiang thil a mit hmuh lai renga ka tih hnuah ka kut avawn leh ka ring lo. Chungthil ka ngaihtuah chang apiang hian kei Lalhriatpuia hian tlawm ka in ti a.Hmeichhia min duh miahlo tu avanga hetia ka nun ka hmang mai hi duhlo hle mahila tih theih ka nei silo.


Hetiang tur tih hria ila Tepuii'n warning min pek hmasak ber khan ka bansan daih tawh tur.Eng nge ka hriat taka ka thil lo tih tawh te avanga pawi tia ka inchhirna chhan em em hi.


Lalhriatpuia hian a inchhirna tur thil engmah ala tilo asin mah se he hmeichhia Laltleipuii avang hian rilru fim pawh pu theilo in ka inchhir thute ka auchhuah pui ta chu a ni si a.Huh..,thil nuihzatthlak tak a ni.


Kha tleirawl duhawm tak,ka vawikhat hmuhna atanga ataksa awmdan tur ka lo suangtuah leh a kianga ka awm apianga sex vang pawh nilo a nuam tih veng vengna leh hlim bik riaua ka in hriatna te kha tunah hian ka ngaia,a kianga awm ka chak ngawih ngawih a ni.


"Bawiha,tho teh" ka nuhrawn eng tik lai pawha min ngaihtuah thin em em tu chu ka en a.


"Hetia I awm chhan chu hrelo mah ila,han in ti har reng rengte.Chuti lo zawng inu hi ka a thei mai ang" ti hlak hlaka ka kiang vela zu bur ruakte chu a la khawm a.



'I....nu' chu thu chuan min hneh deuh nge pawh ka hrelo,ka nuhrawn chu nghetzet hian ka kuaha.



"Nu,ani kha alo let leh ang tiraw,nu ani kha ka ngai lutuk khawngaihin min koh kir sak rawh" naupangchhe thil ngen ang maiin ka nuhrawn bulah chuan ka ngen chiama,mahse a thim zui nghal vek.


Ka harh leh chuan ka khumah ka lo mu a.ka rim lah chu a chhe em em bawk si.Ka room erawh ahma ang tho in alo felfai leh thlarh tawh.


"Ilo harh tawh a,kha hei I pentawng rehna tur" tiin no hmang hian theitui ka room ah chuan a rawn keng lut a.


A hmel ka hmu rual khan nizan ka awmdan anthlak zet kha ka hre chhuak nghal.


"Nizan kha.."


"Aho lutuk,I ruia ka hrethiam che alawm" a rawn tih chuan chhang tawh lemlo in theitui chu ka in nghal a.


"Mahse,I hmangaih viau a ni ngei ang ahma in khatiang khan ila awm ngai hauhlo" chik zeta min en tu chu ka en zawka bathroom lam ka pansan nghal.


"Ka lawm e" a rawn tih leh takah chuan ka kal lai chu dingin Alam ka va hawia,a mittui tlingpam hian min lo nuih suk a.


"Nu,ti a min ko hun hi ka lo nghak reng thin a.." a in hrut nghal hraih hraih.


"Chu tia I lawm viau te chuan ka ko ziah tawh dawn che ania" awlsam zeta ka lo tih chuan mak ti zet hian min en a.Mahse kei hian mak ka in ti zawk engtin nge kha thu kha awlsam zeta ka sawi maithei zawk le.


He in ka luh tirh khan huatna thinlung nen ka lut a.Ka nu phuba lak tum reng renga khawsa na fam chuan ka pa nupui thar eng tik lai pawha min ngaihsak em em tu.Ka nu tak tak ai pawha min ngaihsak thin zawktu chu huatna tur ringawt ka zawng thin a nih kha.


Mahse tunah hian eng nge ka hriat ka hrelo.He hmeichhie hlimna hi thlensak ka chak tlat a ni.



.............


"Ka lo pui dawn che em ni" kawngka lam ka hawi chuan ka nu chuan min lo nuih ver ver.


"A ngailo,ka lo en vel mai mai a nih hi" ka bible ken en pah chuan ka ti a.Diktak chuan engvanga he bu ber kher pawh hi keng nge ka nih pawh ka in hrelo.Hengte hi Laltleipuii ka ngaihtuah nasat lutuk vang leh bawk a ni ngei ang.


"Min han hrilh te heti taka ka fapa thlakdanglam theitu hi tunge a nih a,eng ang hmeichhia nge a nih ka hre chak riau mai" phur zeta tiin ka bulah chuan thut hmun a rawn rem ve nghal.


"Hmeichhe te ve tak,ngo ving veng leh hmelthatna piahlama zun ngahtak" chutianga Tleipuii chanchin ka sawi lai zawng chuan khang kan hun hmandun tlemte te te kha Chiang tak takin ka hmaah hian an rawn in lar zawt zawta.A chanchin ka sawi zawng ringawt pawhin ka khi leh suk suk zel.


"I hmangaih a ni tiraw" ka tawng laklawhlaia chu zawhna min rawn zawh thut avang chuan ka nu chu ngawi rengin ka melha.


"A chiang a ni,khang I mitmengte kha a finfiahna chu an nih kha,ka fapa chu I hmeichhe hmangaih chu neih let leh I duh chuan Arin Pathian chu eng ang taka rintlak nge a nih I fiah hmasa dawn lawm ni.Tleipuii'na arin Pathian kei leh ipa pawh in a kan rin hi eng ang taka Pathian thil ti thei nge anih tih hi hre hmasa phawt la,Chu kan Pathian chuan engkimah in pahnih tana tha turin rem a Ruati'n ro a rel sak ngei ang che u.Chuan hei ka ring bawk, ani pawn I hmangaih ang chiah hian a hmangaih ve ngei ang che" ka nu in a rawn tih leh takah chuan ka zawhna chu Chhani a awma ka rilru hahna leh manganna zawng zawngte chu thawk leh khatah a vengta huai ni mai hian ka hria.


Ni e, Laltleipuii ka hmangaiha.Amah ka neih let nan hian eng vangin nge chu amipa duhthusam chu ka nih mai loh Lalhriatpuia hian a duh tawh chu a nei ngei ngei thin.Abikin a hmangaihte chu tu lakah mah chan a tum ngailo ang.

........................

TLEIPUII POV


"Tu fa nge" tia ka pa zawhna chu chhan mai dan tur ka hrelo a.Mahse min zawh zui tak reng avangin "ka u thianpa" tih te chauhin ka chhanga abak chu min zawt zui tawh lem lo.



Thingtlang a nihna angin ka chanchin pawn khawchhung a deng chhuak rang hle a.Thenkhat hnen atang tuar hram hram tura min fuihna leh min lainatna tawngkam dawng ve fo mahila a tam zawkin min hmu dan erawh a tha vaklo.



Ka chhungte pawh ka chungah thinrimin lungawilo viau mahse an fanu chu min thlahthlam lo a.Mite sawiselna zawng zawng chu dahtha in an fanu tan chuan eng pawh tih an huam a ni.


Zan reia mittui tla zawih zawih chunga ka nu leh pa tawngtai lai ka hmuhte hian inthiamloh nasa tak ka neihte chu an lo pun belh zel a.Chumi rualin Lalhriatpuia ka huatna a nasa ting bawk.


Tunah chuan ka pum pawh alo lian ve zela,ka chhungte pawn an thei ang angin min awl nasa khawp mai.Atir ang em em khan kan inchhung boruak pawh a chhe tawh lo.


Ka naupai chu tunah chuan kan hlimpui phian a.Abikin Pekluliana te unau hian alo pian chhuah hun an nghakhlel khawp mai.


"Naktukah Aizawlah in checkup turin I kal dawn tiraw" ka nu zawhna chu lu buk khum zeuhin ka chhang a.


"Zuk fimkhur hle ang che,naupai lai hi chuan ho te a kan ngaih pawh hi pawi lian zawk thlen tir tu a ni Chawk ania" ka nu in a tih leh chuan ngawi rengin a thusawi chu ka lo ngaihthlak chhunzawm zel a.


Thla 5 a ni ve tawha,naktuk chauh hi Aizawl lamah in checkup a kal a ngai rih tawh ang.Abak chu kan neih dawn hnaihah a ni tawh ami.Hmani mai khan kan khua ah nurse thar an rawn daha tah chuan abak chu ka in checkup tir tawh dawn a ni.


Aizawl a ka kal tur thu Siampuii ka hrilh chuan alo phur ngang mai.Anni unau pawh hi ka tan thian tha tak an ni.Ka chanchin an hriat atang fuihna thu tha tak tak nitin massage leh call hmangin min rawn hrilh renga,ka tan hian an hlu takzet.
..........

"Naute leh a nu chu an tha e" Doctor in min check zawh a,a tih chuan ka hlim lutuk hi ka nui ver ver reng mai.


Atir kha chuan Lalhriatpuia avangin ka naupai pawn a tuar hman lek lek a nih kha mah se ka chhungte leh thiante avang liau liauin hmalam pan ka tuma.Chuan hei tunah chuan hma ka sawn chak khawp mai.


"Kan lawm lutuk e Doctor.Ahnu ah chuan kan khaw lamah in checkup hi nei tawh mai ila kan tia a pawi em lo ang chu tiraw" titu ka u chu a awm lo ang tih ka hlau takzet.



"I mizia ka hre chianga chuvang chuan ania ka thiante pawh kha hnaih lo tura ka tih che.Rilru thianghlim tak I neih avangin mi rin nghal mai I awlsama.Thian I kawm tam loh avangin mi ningkhawng I man thiam zung zung heklo.Mipa lah kan chhungte tih loh chu I be ngailo bawk a.Chuvang chuan I thinlungin a mipa duh zawng tak atawn khan lo dawnsawn dan a thiamlo a.Hetiang thil hi a thlen phah a ni.Mahse hei vang hian hmeichhe awlsam tak ni ah in ngai ngailo la.Hmalam pana kan kawng zawhna ah hian mitin mai hian kan hmachhawn tur a in anglo theuh a.Tuna I paltlang tur hi Pathianin paltlang tlaka a ngaih avang chauh che a heng harsatna te hi I chunga tlak tir a ni tih hi hre reng la,beidawngin in dawm kun reng suh.Pathianin a siam chhan che kawng tha leh thalo ah hian a thalo lam chu in pawhhniam tir mai lo in a tha lam zawk a beiseina eng tlemte pawh nise chu beiseina eng chu zui hram hram turin ka duh che"



Ka beidawn mai a hlauh avang a hethu min hrilhtu ka u hi ka tan chuan u satliah mai mai a ni lo a.Khawvela u thaber a ni ti ila uar pawh min ti mai thei mahse ka tan chuan a ni tlat si a ni.


Damdawiin atang chuan ka u nen chuan hlim zet hian kan chhuaka.He naute ka pum chhunga awm mek hian alo pian chhuah hma hauh atang in kei leh ka chhungte min ti nui reng mai dawn chu a nih hi.



Mahse Ka hmaa Lalhriatpuia alo din meuh chuan hlimna te chuan min thlawhkhum zo leh ta vek.


"Eng nge a awmzia" ka pum lo puar ve lak tawh chu en in ka mitah tak min rawn en a.


Ka hamhaih em avang leh Lalhriatpuia ka hmuh thut avanga ka thinphu ka control theih loh avangin ka u ka bul maia ding banrekah chuan ka tha tawmin ka chelh a.


"Sawi rawh Laltleipui hethil hi eng nge a awmzia" ka dar tawn tawna min chelhin min thing nawk a.



"Lalhriatpui duhtawk teh,I hmu a ni lawmni nau pai lai a nih hi" ka u mangang chuan Hriatpuia banah alo chelh ve vat.



"Nilo e,Tepui tun tum chu ilo in rawlh tawh lo ang.Hei chu kei leh Laltleipuii inkar thu a ni" hriam hraka tiin ka mitah chuan thip zet hian min melh khur bawk.


"A tha e,mahse hetah nilo hmun dangah in be ru" ka u in a rawn tih leh takah chuan Lalhriatpuia chuan Damdawiin bula cafe ah chuan min luh pui vat.


"Ka..ka fa a ni em?" A tu amah mah tawnglo a kan ngawih dun reng hnu chuan zam hmel zet hian a rawn ti chhuak sap a.


Kei lahin chutia 'ka fa a ni em' tia zawhna min zawh avang chuan thinrim zet hian ka lo melh let a.Ka kut tha te chu ka thinrim insum tuma ka kut ka hum ruh ngawt ngawt avangin a khur thei hial.


"Nilo,a ni tih ka chiang.Eng vanga he thu hi ka laka zep nge I nih" a rawn tih leh meuh chuan ka insum thei ta biklo.


"Ifa a ni lo.Hun reilo te chhunga hmeichhe dang min pansan tu hi apa a ni thei ngailo ang" chutia ka tawngkhum lai te chuan kha zana a hmeichhe lo awmpui nena duhthaw zeta an in fawh lai kha ka mitthlaah a rawn lang leh chuai chuai a.


Ka thinrim lutuk avanga ka kawchhung sa ham ham tihreh tum chuan ka hma dawhkan chunga no a tui lo in chhawp chu ka tlak nghal pap.



"Kha thil kha ka sawifiah thei" nghet chura a rawn tih chuan ka lo khik khum suk.


"Atullo,eng ang pawn in sawifiah mahla ka ring dawn chuanglo che" ka tih khum leh fak fak takah chuan aka atang buruak a rawn thaw chhuak ham ham a.



"Bawiha" tawng leh tura aka a an rual chiaha kan bula hmeichhia in a rawn au takah chuan aka chipin chunu aw lo chhuahna lam chu a hawi nghal vat.


"Hetah ilo awm daiha Hospital chhungah ka zawng kual hrep che alawm" pangchang taka tiin Lalhriatpuia bulah chuan a rawn thu ve nghal hmak.


"In buai hmel sia,ka kal phawt a nge" an awm dun lai ka hmuh reng peih loh avang chuan ka tho chhuak nghal a.


"Laltleipui"


"Bawiha,tu nge a" a thutna atang a a rawn ding chhuak ve tur chu chunu chuan alo chelh vat.


Chu thil ka hmuh chian em avang chuan Lalhriatpuia chu amit taka enin ka nuih a,ani chuan eng atan mah min lo ti lo tak tak a nih hi.


"Ka kal a nge" tiin pawna ka u in min lo nghahna lam chu vung zet hian ka pan nghal dawr dawr.


Ni e,hetiang hian a tha zawk.Lalhriatpui keipawn ka thei em em ang.Tun ang khan nung reng la vawikhat pawh min rawn ngaihven tawh suh ang che.A tir atang khan inzawmna lo siam pui loh tawp tur che kha ka nia.


Heng zawng zawng hi ka thiamloh a ni.Ka hmangaih loh tur ka lo hmangaih avang che hian dem tur an awm a nih chuan keimah chauh hi ka ni.Huat che ka duh,chumi tura ka in fuih nasat em avang nge ka hua che in ka hria a.Mahse vawiin hian keimah-ah huatna aiin nang ka hmangaihna che hian hmun a luah hnem zawk tih ka hria a ni.


Elsen deuhin tawng khum mahila kha hmeichhia in akuta alo chelh lai khan ka kut chelha kallo tura min ngen ka beisei a.Huh,ka a te em ni! Mah se ka kut zawk chelh tur khan Lalhriatpuia kha ka duh em a ni.


Chung zawng zawng ka ngaihtuah lai chuan a ni chuan kei nilo in kha hmeichhia zawk kha ngaihsakin Cafe atanga ka chhuak tur pawh min chelh a tum lo a.Ka na a,ka na takzet a ni.

................

"Mate thil lo ei la" bathlar thlanglama ka ngaihtuahna kawma ka lo hawi vauh vauh lai chuan ka u in a rawn ti sup.


Chutia ka u in thil ei tura min koh takah chuan hetah ka lo thut rei zia ka in hre ve chiah.Ka thut chhuah tirh khan khua ala eng tha hle a,tunah erawh khua alo thim der tawh.



Tunlai chu ka naupai vang nge thil reng renghi a thim zawnga thlira lo ngaihtuah leh veng veng hi ka chinga.Tullo ah ka mittui a tlak phah leh fo thin.


"Vawiin khan engmah I sawi silo a,dawr chhungah khan eng nge thleng" ka thil ei lai min en kar hian a ti a.


Vawiin dawr atanga ka chhuah khan ka u hnenah pawh thil thleng engmah ka hrilhlo.Zawh kha chu min zawt ngeia mahse chhanna pek mai kha ka harsat avangin ngawi rengin ka haw pui kha a nia.


Lalhriatpuia kha kei chuan hua angin lang mahila ka hmangaih tawh zia ka in hria a.Tihtak zeta ngaihdam min dil a nih chuan ka ngaihdam mai duh ka in ring.


Chu Chu ka thinrim a reh rual apianga ka ngaihtuah thin a ni.Vawiin pawh khan khanu kha chu lo kallo se engtin nge kan boruak a awm ang ka hrelo mahse khatiang ang em em a thinrim kha chuan ka kalsan kher lo ang.


A bialnu thar hma ah tlawm tak anga lan ka duhloh avangin ka chapona neih zawng zawng leh huaisenna neih ve te nen tangkawpin ti khan rilru na lo ang takin ka lang thei mai mai tih dawr ka chhuahsan ruala ka taksa awmdan atang khan a Chiang hle a ni.



Hmangaihna hi ho te ah a pian theih ang chiahin kan hmangaihte chuan ho te te ah pawh na takin min siam thei thin alo nih hi.Pangngai taka inzawmna kan neih hma kha chuan hmeichhe dang nena ka hmuh fuh pawh in eng vakah ka ngailo a.Mahse tunah chuan a kianga hmeichhe awm tawh phawt chu ka thikin ka haw hlur zel tawh chu a nih hi.


"I sawi dawn lo ami" alo tih leh chuan ka ngaihtuahna kawmin ka lo ngawi leh veng veng tih ka hre chiah.


"A bialnu alo kal a" ti tawi takin ka then suk.


"Bialnu a!" A hmela mak tihna lo lang chu engvang nge ka hrelo a,ka ngaihsak heklo.'bialnu' tih thumal chuan min tina a,vawiina Hriatpuia ban a kuahna leh a chelhna te chu ka mitthlain ka hmu leh nghal zawt zawt.


Ka rilru natna leh thinrimna te an rawn let thar leh dawna ka hriat avangin ka chaw chu ka ka khat veka barin chawl lo lek hian ka ei zawm mawlh mawlh.Thinrim te lungawi loh deuhte hian thil ei tawk tawk ila a zia ve mai an tih hi a lo dik pawh a ni mahna.Keipawh hian ka ching riau.



Thinrimna a reh mai bakah puarna a nia a tha phianin ka hria😂😂😂......


...........

#NOTE## 👇👇 apawimawh 😁😁 chhiar ngei ngei ru aw.........


Comments in that dan azirin naktuk zanah awllo in last chapter ka lo dah ang.Tunkar chho atang hian ka story thar tur "A CHHAN CHU SUM" tih kha dah tan ka lo tum ang a.Rinawm tak khan min lo chhiar sak ve leh theuh ru aw.

Nikhatah vawikhat ads click apawimawh zia kan hriat kha.Keipawn story ka chhiar emaw story ka dah dawn loh pawh hian nikhatah vawikhat tal ads click tur hian Eng story link emaw ber hi ka open thin.Chuvang chuan vawiin a ads la click lo ho zawng zawng kha ads hi click vek ang u aw..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:53 pm

Chapter 5


"I u a awm bawka nangchu lo feh ve lo mai rawh" a chetlai chawl Chuang hau lo a,ka nu in a rawn tih chuan pawi ka tihloh thu ka lo sawi vat.


Vawiinah buh kan seng zo tawh dawna,feh ve chu chak hle mahila nimin lam ka sumo chuanna ka Chuang fuh vaklo a,chubakah ka naupaiin min uai rit ve luk tawh bawk avangin kalloh pawh kha pawi ka ti vaklo a ni.


Chaw ei kham chuan ka chhungte chu an vaiin lo lamah feh tur chuan an chhuak diala,in chu a reh tlawk tlawk hi a ni ber.


Reilo te hnuah thenawm naupang panga vel hian kan tualzawla infiam min rawn dila,ka phal thu ka hrilh chuan hlim zet hian an au ve dual a.


Mahni a inchhunga awm reng ka nin avangin pawn bathlar atang chuan kan tual zawla hmeichhe naupang barbie khalh chu ka thlir ta mai mai a.


Hetiang chiah hian ka pum chhunga naute pawh hi naupang duhawm tak rawn niin kan tualzawlah te hian ala in fiam ve thin awm sia.Chu ka ngaihtuahna avang chuan ka nui chhuak hawk.


"Au,Tleipui nga ti nge nangmaha I nui a" kan thenawm naupang Papari chuan mak ti zet hian min lo thlir reng chu niin.


"Ka hlim lutuk a" ka ti takah chuan a rawn nui ve ang sun suna,a ha hmai chunglam bal nen chuan ka nuih a tiza zual sauh.


"Anu in I pumah khan naute a awm atia" ka pum puar ve lak tawh chu thei leh theilo hian a rawn thlek a.


"Um,hetah lo chho teh" kan bathlar hi lei hrulah siam lo in step hnih vel kan dawh sanga,hei hian inchhunga awlsam taka vaivut lut zung zung tur pawh a veng ve deuh a ni.


"I khawih duh em" ka bul alo thlen ruala ka dul zawn a melh reng avang chuan ka ti a.Alu a rawn buk ngat ngat takah chuan a kut chu chelhin ka kawr chhana ka pumah chuan ka khawih tir a.


"Ka nau tur pawh anu pum chhungah lo awm ve leh tawh se ka ti e"


Papari hi kum 8 mi lek ala ni a.Thla 2 liamta khan anu chuan a nau pai thla 1 mi a chhiat bawk.Kha thil kha Papari hian a hriat ve vek avangin a tuar ve hle a.Nau a awh em em laia anu in a nau tur chu a pum chhungah a boral tih a hrilh khan thlem hleihtheih loh in naute a ngen avang khan a tam chiam a.


"Hei pawh I nau tur tho alawm.Alo pian chhuah hunah nitin ilo awm thin dawn alawm" ka tih chuan a rawn nui leh var vara,ka pum chu a en leh a.


"Naute au ka nih hi aw,lo piang vat vat la kan in toys thin dawn ania" chutia naupangte in ka pum chhunga naute tawngpawh la hrethiamlo tur,a biak meuh chuan ka tah nuih hak.


A thian ten an rawn au avangin tualah chuan a let thla leh a.Ka boruak hip fuh vel ta lutuk chuan Lalhriatpuia nena kan hla ngaihthlak dun thin 'Ava mak em' tih chu ring vak silo a play in ka mit ka chhinga, Lalhriatpuia hmel ringawt chu ka ngaihtuah chhunzawm nghal.


" Chhing zo awm hian ka ring lo che,
Tuar zawh I har ariang tan hian;
I zun ka phur sual em ni le?
I tello chuan Tuan ka rel theilo.


Ava mak em,ka hril thiam theilo,
Ti em a lung I dum mai hi;
I sakhmel a dar a zam em ni le?
I tello chuan ka tlei theilo"....


Rim danglam tak mah se ka hriat than em em mai.Rim pa tak ka hnarin a hip luh rual chiahin boruak chu a rit nghal luk mai hian ka hria.Ka hnar ka han len deuh vat vata ka rim hriat chu a dik bawk si .


Nui ri suk ka hriat takah chuan ka mek nghal kawk.Ka rei Lalhriatpuia chuan ka hma ah thuin kut kuangkuah chung hian min lo en reng a nih chu.A hmel te lah chu a tha ang te vawta.Ka hmu thut chu ka hamhaih ve bawk em a,sawi mai tur pawh ka hre lo.


Tunah khan amah ka lo ngaihtuah mek tih hrelo hram se engkim a tha vek a ni mai.


"Ilo la ngaithla reng thin a" ka phone thutthleng bana ka dah chu a melh zeuh.


"Aw...eng...eng nge pawi ipa hla bik pawh a ni lo" phone chu off in ka kawr ipte ah ka khung hmak.


"Ilo la thinchhe reng bawk a" zaidam tak hian a rawn ti leh sup.


"Aw,aw...eng nge I buaina eng vanga he ta lo kal nge I nih?" Ka ti nghal hluk.


"Nupui nei turin"


"Ma...maw!" Ka duhtawk ka sawi tawh ti ang hrimin ding vut hian tuala naupang infiam lam chu min hnungchhawn hian ala thlir daih zui.


Nupui a ti Chiang alawm.Anih chuan tu asawi na nge keimah ka ni......Nilo,nilo Laltleipui I a ta em ni? Nangni te chu in in then daih tawh kha.Eng tikin,eng tik laiin nge kan in then? AAA...ka ngaihtuah peih tawh lo.A nupui tur chu ka nilo tih a chiang reng alawm,nilo se chu eng emaw tal chu ka hre ve ang chu.


"Eng nge I ngaihtuaha kha tia I tih leh thin" ahmel ka han en chuan ka tih dan alo zir chu niin.


"Ka lawmpui a che"


"Eng chu maw" vela tun mai khan a sawi zo chiaha tunah lem a hrelo der leh vela,ka ei thlawtlo.


"Aw..nupui I neih dawn chu" thinchhe zet hian ka thutna atanga ding chhuakin ka ti nghal chiam.


Chutia ka chet vang nge chal chuar nunga min en in a rawn nui zui chiam.Mahse ka mitmeng a hmuh chuan a nui tawp ve riai riai a,a hmui chu hup zeuh zeuh thin mah se ala nui ru tho tih ka hre thei.


"Nuihna tur engmah ka sawilo,I nupui tur bulah chuan va kal rawh kan in ah hian tih tur I nei lo" ti leh hramin inchhungah luh ka tuma mah se a thu rawn sawi leh avang chuan ka ding chawt.



"Ka nupui tur chu Laltleipuii ania chuan heihi min kawhhmuh tu te sawi dan chuan an in chu ania"


Muang changa ka hawi let chuan ahma a ahmel uang zet kha lo bo tawh in.Tak run hian min lo melh a.Amit ah chuan lunglenna thuk tak hmu hian ka in hria.


"Dawt bawk, Lalhriatpui engah nge min ngaih.I thusawi apiang ka awi ring suh" ka ti chuan na tak tuar ang mai hian min melh reng.


"Kal rawh ka hmuh duh tawh lo che" ti lehin inchhungah ka luta kawngka pawh ka kalh nghal hmak.


Rilru mumallo zetin rawng ka bawl a.Pawnlamah naupangho leh Lalhriatpuia in be thawm a awm reng avangin kawngka pawh ka va hawk leh tawh lo hrim hrim.


'ka nupui tur chu Laltleipuii' atih lai khan eng vanga awi lo nge ka nih.Tuna ka ngaihtuah let hian a ka in ti dawn dawn a.Mahse ka rilru lehlam chuan Lalhriatpuia nen kan in kara thil thleng tawh zawng zawngte ngaihtuahin awilo a ka lo hnar kha thil tha tak ka ti tih min hrilh ve thung.



Heihi ania tunlai ka mizia chu,ka thinrim laiin a hnu leh tur dawn lo lek hian ka khawsa thin a.A hnu ah khang hun laia ka lo chet dan kha a tha ber lo tiin mahni leh mahni ka in hnial char char zel.


"Mambawih lo hawng teh" ka pa au lang lang ri ka hriat chuan ka harh zawk.


Choka ah dawhkan bawhin ka lo muthlu reng chu niin.Hmanhmawh zeta kawngka lam panin kawngka chu ka va hawng vat.


Kawngka ka hawna an kianga Lalhriatpuia lo awmve ka hmuh chuan min ti ang phuau thei.


"I ka ah tho a lut" tih pahin ka ka chu Pekluliana (pekhlua) chuan a rawn beng a.Na ka ti lutuk leh thinrim bawk siin khawih let ve ka tuma mahse ka man phak loh avangin ka hnaiha lo ding Peksanga zawk chu a hnungah ka chum tawk.



Ka chumna thawkhat bawka,a eu nghal awn awn mai.Ka nu lah chuan 'in hahthlak' tiin min hau nghal vat bawk a.Pakhat lah chuan a hnungzang pha leh phalo a dawm chung hian min melh rum em em a.Kei lahin eng ah vak ka ngai der silo.Phir alawm an nih pakhatin a tuar ai a tuar sak a ni mai.


"Nu I ni tawh dawn chung pawn chiltli ila thlauh thei ania" kan pahnih chauha kawngka a kan din hnu chuan a rawn ti sup.


Ti nge hepa hi a zaidam tak em em mai le.A hma zawng aiin a nui ngun bawk a.Kan in hmuh loh chhung khan natna maksak deuh veiin a lo a ta em niang.


"Kan naute chu Chakai ka eitir lo khawp ang" ka kam sir a rawn khawih chuan chil ka lo lem nghal khalh.


Chakai a rawn tih kher na chhan chu Chakai ka duh zia a hria a.Naupai laia ei thin te fa chuan chilthli an ngah duh thin vang a ni.


"Tleii I thianpa nen khan lo lut ru" ka pa in a rawn tih takah chuan ngawi rengin inchhungah chuan kan in zui lut a.


Ka pa in chaw ei vat a rawt avangin kan ei thuai a.Lalhriatpuia pawh mi tawng tamlo tih takah ngawi rengin ka bulah a tam chawt a ni ber.


"Le Bawiha tu nge I nih a,khawi lam atanga lo kal maw I nih" ka thleng sillai chuan ka pa chuan Lalhriatpuia chu a zawt a.


Pakhat lah chuan 'ka pa,ka nu' tia ka nu leh pa te chu ko in a chanchin hriat pawilo tur ang china a hriat te chu a hrilh ve zung zunga.Ka naupai lai lah chu a fa ani tih an hriat loh hlauh ni awm takin a lam chhuak sek bawk.


"Ila thinrim reng em ni?" A mutna tur chhuata ka siam sak lai chuan a rawn ti a.


"Puan hi pakhat chauhhi sin la vawt I ti a ngem" a zawhna chhanglo a thil dang ka zawt daih chu a lungawi vaklo aniang,a ngawi hmak.


"Vawt I tih chuan hei tah hian blanket pakhat ka dah chhuak a nga I duh hunah I sin belh mai dawn ania" ka tih zawm leh chuan ka hnunglam atang min rawn kuah a.


"Ka tihpalh,tun hnu ah chuan I duh loh zawngin engmah ka ti tawh lo ang" ka tal deuh chuan min kuah nghet sauh " Khawngaihin min ngaidam tawh la,kan naute nen hian ka ngai tawh lutuk che u ania" ka beka rawn fawpin ka dul puar ve tawh tak chu a chul a.


"Muttui" mahni in control tum taka tiin min kuahna atang chuan ka tal chhuaka,ka u nena kan room ka pan nghal.


Lalhriatpuia hi hmangaihlo ka ni lo mahse khang ka chunga a thil tih tawh te avang khan rin leh mai hi ka harsat a ni.Tunah lo ring ila reilo te ah hmeichhe dang hnen min pan san leh mai ka hlau a ni.


"Kan mimawl Lalhriatpuia chuan alo atchilh ve tak tak che a nih dawn hi" a bula ka mut thlak rual rualin ka u chuan alo ti vat.


"I ring tak tak em? Hei leh chen hi keimah avang chauha alo kal I ring tak tak em" ka ti let vat.


"Ka hrelo mahse Lalhriatpuia mizia han en hi chuan hetiang ti duh tur chi a ni lo a.Achhan awm thei chu a duh vang che emaw a hmangaih vang che aniang" in tifing zeta mit hmul min kan khum zeuh hian a rawn ti a.


"Min hmangaihlo ang,kha a bialnu..."


"Lawk..." Ka tawnglai titawpin a phone chu la in a hmet nghal mawlh mawlh.


"Heihi a ni em,a bialnu chu" thlalak pakhat hi min rawn pe a.Ka lu ka lo buk khum zeuh chuan hahdam huai ang mai hian a ka atang boruak a rawn thaw chhuak ham ham.


"A putea fanu a nih hi.A damlo a hmani kan hmuh pawh khan an in entir ve a ni ngei ang.Ani te hi chuan pasal a nei tep tawh" awlsam zet hian a rawn ti a.


"Mahse hmani khan" ka la ti hram achhan chu ka hmuh dan kha chuan in ngaizawng ang chiah an ni.


"Nakinah amah I zawt Chiang dawn ania.Mahse ka Chiang an inkarah engmah a awm lo.Chuan ka sawi duhlo mai mai a,khatia kan khawlama I haw tak hnu a Lalhriatpuia mizia hi chu a hmaa Lalhriatpuia nen chuan mihrang hlak an ni."


"Ti nge chungte chu atir khan min hrilh loh"


"Aw,amizia hre Chiang tan kha chuan afel thut hi a awiawm loh a.In in neih hnu lawkah midang lakah a uire san ang che tih hlauhna leh Christian a nih ve lohna hian atello a nun i hman theih chuan theihnghilh mahla pawi ka ti lo a" a tih chuan ka ngaihtuahna a kal thui ta khawp mai.


'Christian a ni lo' engtin nge chu chu ka lo theihnghilh thei.Anihchuan tunah hian lo ngaidamin lo pawm leh ta pawh ni ila kan awmdun thei chuanglo ang.Christian a nih loh chuan ka nu leh pa hian neih an rem ti dawn lo a Kei ngei pawh hian Christian lo chu neih ka duh biklo a ni.
.................

"Ka fanu hi neih I duh chuan ram lam hna pawh I thawh thiam vek a ngai dawn ania" chaw ei lai chuan ka pa in a rawn ti ta rup mai.


Chaw eikhamah chuan ka pa in alo sawi lawk ang ngeiin Lalhriatpuia nen an vai chuan feh turin an chhuak ho ta vek.Nileng chuan Lalhriatpuia ringawt ka ngaihtuah avangin ka awm hle hle thei lo.


Eng hna ber nge an thawh tir ang a.A thiamlo lutuk hian a taksa khawi emaw lai berte hi ava ti khawlo ang tih ka hlauhna chuan nilengin min tibuai a.A chang leh huanah chuan ka lo kal ve lo a ni ka ti thul.Ka ni hman liam dan chu engvak tilo in ka chauh em em ringawt mai a ni.


Kan khua leh a chhevel hi a ram leilung ala that avangin huan hnaiah buh pawh kan la ching thei a ni.


Khawthim thet thetah ka chhungte chu an rawn haw ve hram a.Ka chhungte dang chu lo be ve luam mah ila,aruka ka mit fukna leh ka ngaihtuahna a awm reng chu Lalhriatpuia chauh a ni.


An thawmhnaw hak thlan vanga huhte chu tlangbanah ka zar nghal malh malha.Ngawi renga leilam bih chunga bathlar step tawpa thu chu ka melh leh zeuh thin.A thawmhnaw pawh ala thlak ve lo a,ka chhungte dang zawng chu an kawrte thlakin inchhung lamah an lut vek tawh.


"In thlakla" abulah dinga ka tih pawn min chhanglo.Eng emaw ngaihtuah bing tak nei hmel a pu.Nikhat lek huanah a feh ve a.A beidawng nghal tihna em ni?


A kut pilh hrep hruap leh a hmel pawr takte ka hmuh hian khawngaih lo bik ka nilo.Mahse hre lawk tur a ni asin.He lai thleng lo kala kei min neih a tumna hi a ti takzet a nih ngai chuan a awlsam lo ang tih hi.


"Lalhriatpui haw leh mai rawh" ka tih chuan muang chang hian a rawn hawi chhuak a.A mitmeng awmdan chu ka sawifiah thiam chiahlo na chu mipa kei ka ni in ti ve ngat ngamina akawng daltu apiang thenfai zel duhtu mitmeng ni hian ka tehkhian thiam ber.



Innghahna tlak mah se nelawmna nei hauhlo ang mai a ni tuna ka hmuh dan hi chu.



"Eng tikah mah kan nundan milh hian I in siam rem thei ngailo ang" zawi zet hian ka ti leh.



"Naute nen vawiin lam eng nge in lo an" a hmel nena in hmeh lo zet hian a rawn ti dam thluam a.


Min biak dan leh a zawhna chu ka beisei loh lutuk a nih vangin mak ti zetin ka en a.Chu chuan a nuih a ti za nge.Nui chung hian ka kut a rawn vuanin a lamah min pawt hnai deuh a.


"Vawiin chu ni hahthlak tak a ni" ka kawngah kuahin ka dul zawnah chuan a hmai a phum bawk.Ka pum puar ve lak tawh a rawn fawh zeuh chuan thawk ka lo hip let vak.


"Ha .... Hahthlak I tih viau chuan ilo kalna ah khan let leh mai rawh" Aw,ti a min chhan mai hlauhna nen a ni chu thil chu ka sawi.Hreawm deuh mahse ka tan hian eng tianga nasa in nge a tuar ngam ka hriat theihna awm chhun a ni ve tlat.


"Kan inthlak a nge" ka zawhna chhanglo a inchhunglam a pan chuan hetah ala awm dawn tih min hrilhna anga ka ngaih avangin ka thaw a veng huai thei.


"Ngati nge Utepuii hi" tlai atang khan ala tum buau a.Tunah lah thleng a sil zawh veleh room ah a tawm bo leh hmak.Lalhriatpuia pawh Pekluliana te unau nen games bawk buaipuiin choka ah an leh tawh.Mite angin ka nu leh pa te han biak tlangnel vakhi a tum ve lem lo.


"Ti nge,a nuamsam lo em ni"


"E Muana chu lo leng rawh" ka nu in a tih takah chuan kawngka a Umuana lo lut chu ka en nghal vat.A mitmeng atang ka u a zawng tih ka hre bawk.He mite pahnih hi an in hau em ni le.



"Khawnge I u" ka bula a rawn thut thlak rual chiahin a ti nghal.



"Ti nge in in hau em ni" ka lo tih chuan a nui ang vur vur a.


"U,Umuana alo kal"


"Amak thin va kal mai la,ipa chanchinthar ngaihthlak lai laiin" ka nu in ka au zawh rual chiahin a rawn ti nghal hluk.


Lalhriatpuia sitting room a rawn thu phei pawh chu ka nu thutna bulah a thu ve a.Ka va en changa rum zet zeta min loh melh thin avang chuan ka awmdan a lai tut hi a ni ber.Eng nge ka tihsual tih ka ngaihtuaha ka hre bawk silo.A mood fuhloh avang maia ka chunga hrikthlak a tum ni a ka hriatna chuan ka thin a tirim ve ringawt bawk.


"Hriat leng ila,kan khua hi ka fan pui ang che" Ani pawh chu eng hria ni maw! Lalhriatpuia pawh chu a thutna atang alo tho ve nghal vut.


"Aw,kha Muana alo lenga tikhan in kawm ve mai mai rawh u" ka nu in a rawn ti pawh chuan awmzia a awm lo.


"Matei a awm tho alawm" ka u chuan rawn ti leh hramin an pahnih chuan an in zui chhuak a.


"Amak thin Lalchhuansangi(Tepuii an koh duatna a nih hi aw) hi chu U ber nisi hian a mawl ber amaw tih tur hi ania.Muana kan fate zawng kawm dan tawk ithiam mai dawn ania aw" ka pa in a rawn tih thuai bawk.


"In in hau tak tak em ni" ka zawh nawn leh pawha ala nuih vur vur chuan a ban puamah ka chum tawk.


"Sawi vat teh"


"Serthlum vang mai mai mawle" ka nu in a rawn tih phei chuan ka hre chak zual sawt.


"Sawi vat teh u" ka tih leh chiam chuan thil thleng an ngaihtuah tih hriat tak hian an han nui ho dar dar a.


"I u te thian dun khan Serthlum Pu Khuma huan ami kha rawn ruk haw an tuma,mahse I Umuana khan a phallo a." Ka nu chuan a rawn ti chhuak ta nghe nghe.


"Serthlum ruk phalhloh vang ringawt a nih ka van ringlo" tiin Umuana chu ka en a.


"I u te thian dun bawn zia chu" rawn ti ve in ahma aia uar in a nui ta vak vak a.Ka hriat chakna a zual sawt.Lalhriatpuia pawh chu engtin nge alo va khawsak reng reng le.


"Kawngchhang a serthlum kung lo hnai ber ami kha ania lawh ruk an tum.Kopanga iu lawn mai theilo khan I Umuana hi a puna anih lah khan lo ru loa dil turin alo tia.Mahse iu beidawng duhlo khan Hriata kha koki chhuan turin a ti a.Ani lah khan iu in serthlum kha I naupai tan a that thu leh I ei chak thu a hrilh khan ihe loin iu kha a lo tanpui ve nghal mai a." Chutianga ka u leh Lalhriatpuia thil ruk tum tur lai vel mitthla chuan ka nui ve chiam.



"Mahse serthlum chu in lo Hawn bawk silo a" ka tih vat.A ni renga serthlum pakhat mah an lo hawn lo.


"Pu khum I serthlum ruk an tum ania tiin ka au vaka,an lo ru leh lo" pakhatlah chuan a rawn ti sam et.


Ruk an ruk theihloh tak avang chuan tikhan ka u te pahnih kha an awm maw,an va han ho mai mai tak.
....

Atukah pawh an vaiin feh turin an chhuak leh a.buh chil te a ngaih avangin ka pa a duham deuh bawk nen nitin mai hian chhung feh a rawt reng zel.


"Khawnge Hriatpuia" tlaia ka chhungte ruala ka hmuh tel ve tak lohah chuan ka lo zawt vat.


"Tih tur a neih thu kha asawi a,a rawn haw hmasa a nih kha alo la thleng na nge" ka u in a rawn tih chuan ka hlauthawng nghal.


Rawn haw hma si ti nge in a la rawn thlen loh.Tunah lah khua a thim tep tawh a,a rawn haw kawngah tawhsual a tawk nge ni a,kawng a bo zawk.


"Ngaihtuah vak duh suh alo thleng ve vat mai ang" rawn ti mahse ka hlauhthawnna in zia lam a pan thei lo.


"Pawnah chuan ka lo nghak ta tawp a." Unau hmel hai hun vela kan inlam pana rawn kal ka hmuh chuan ka thutna atang tho in ka pan nghal vat.


"Ti nge pawnah te ilo awm,I hritlang a nga sin" min ngaihtuah hmel takin ala rawn ti zui.Kei hian ania ngaihtuah zawk.Eng nge a tih a tun ang hunah te a rawn haw.



"Khawnge I kal" ka ti nghal tawng.


A kut hnunglama athuhruk ka ti dawn nge ka lo chiknloh vang zawkin ka hmu lo mai mai.Sarang hian serthlum tam zet hi a rawn khai lang a.



"Nang leh kan naute tan" a tih sup chuan ka tah nuih hak.


"Min lo ngai hman viau a ni maw" chimawm zeta min melh hian a rawn ti sup.


"Tu nge ti,ka ngailo che" ka mittui chu ka tuai hul tawk a."I ru a ni maw" ka zahzelah ka ti ta ringawt.


"Tu nge ti" ka tih ang chiaha rawn ti ve hmukin min kalsan nghal nal nal.


In kava luh ve pawn midang chu a be siam siam a,kei ve chu awmlo ang chiaha min ngaiin min kal pel nghut nghut zel.


Chaw ei dawn lah hian reilo te hi a meimit chhing ve ngei zel a,eng thil chu hria ni maw.A kut a hmang tha theilo tih ka va hmuh te chuan tlaia ka lo tih dan kha ka inthiam loh hnuhnawh.Ti nge ka ka hi ka ven sen thlawt loh thin.


Zana Lalhriatpuia rum leh thin chuan min ti muhil thei lo a.Atawp tawpah chuan ka tho chhuak ta nghe nghe.


Abula ka va kal lai pawh chuan mit chhing chung hian a lo rum leh tiah tiah a.A thlanfimte a chhuah avang chuan a chal chu dimte hian ka zuk tawk de de a,alo sa vawr zui.


"Lalhriatpui" ka sawi deuh chuan chauh hmel zet hian a rawn meng diar diara mahse a chhing leh nghal.


"I tha em,I pang hi ava sa ve" ka tih pawh chuan 'ka tha' tih te maia min chhangin ka kut chu a kutin a rawn hum nghal hmiah.


"Ti nge I lulul em em,atir khan haw nghal mai la chu hetiang hian I awm miahlo tur" tap lek leka ka tih chuan a mit chu a rawn meng leh a.


"Ka nunna leh chakna ber te pahnih hetah in awm laiin khawiah mah ka kal theilo" chauh hmel zeta a rawn tih chuan ka in sum hman lo,ka biang chu a rawn lum thla nghal pum.



"Lalhriatpui.."



"Ka hmangaih che" Chu a thu rawn sawi avang chuan ka tawng leh tura ka ka ka an zuai chu ka chip leh riai riai.


"Ka chungah I thinrim tawh lo tiraw" a tih leh sup chuan rang zet hian ka lu ka lo buk khum vat.


"A vawt lutuk" rawn khuh kharh kharha atih chuan ka chi ai leh nghal vek.


"Maw,...aw lawkin puansin tur kan lak belh a nge" ti sawk sawkin thawh ka tuma mahse ka kut a chelhna chu a thlah duh tlatlo.


"Khawiteh,puansin tur ka lakbelh loh che chuan vawt I ti reng dawn asin"



"Ai,hetah hian ka bulah lo mu ve rawh" tiin ka mut theih nan a mut dan chu a siam rem nghal sut sut bawk.

.........

Last na siam ka tum uk uk a,mahse tu te emaw in abik taka min ngenna avangin ka ziah sa edit in thu ka belh leh nual a.Ala last ta lo mai.😝🙈😂😂😂 Mahse naktuk Zan chu last ngei ngei tawh ang.❤️❤️❤️

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:53 pm

Chapter 6(last chapter)


"Han sawi leh teh" ka tih chuan rang zet hian "ka hmangaih che" a rawn ti nghala.Vawitam tak pawh he thu hi sawi mahse ka ngaihthla ning theihin ka ringlo.


"Bawihi min nei duh em" ka bengbulah chuan a rawn ti sa sa.Chhuatah kan pahnihin kan mu a.Ka chhungte tih harh kan hlauh em avangin kan tawng ring ngamlo a ni.


"Ka pa te thu thu"


"Ti nge I pa te thu a nih daih,nangmah alawm min neitu tur" a ti ta daih mai.


"Aw,ka pa ten neih che an phalloh chuan ka neilo mai thei che tihna a nih chu" ka tih chuan a lungawi chiahlo tih a thawk lak danah a hriat.


"Chu nang chuan min lo duh ve tak taklo a ni maw" ti hmukin lehlam min hawi san daih.


"I tum ami" ahnu deuha ka tih pawn min chhang duh tawh miahlo.


"Naute apa hian min be duh bawk silo a,kan rumah let leh tawh mai ang aw" ka han ti zeuh chu a rawn hawi rang nasa.


"A ngailo,mu mai mai rawh u" ti hlukin minrawn kuah tha leh ngat.


"Pa ni tawh tur si,tum ila ching ania" ka tih chuan a duhlo nasa mai ka hnarah min piai sak vak.


"Min neih duh thu I sawi loh chuan ka rilru thlakin ka haw mai thei a ni" mit hmul min kan khum zeuh chuan a uang a nih ringin a mitah chuan ka en rana mahse uang hmel a pu a ka hriat loh avangin thutak sawi hun a ni tih hria in ka rilru kaptu ber chu ka sawi chhuak nghal.


"Hriatpui neih che chu ka duh lutuk alawm mahse ka sakhua I hria a.Ka an pui sakhua ami lo chu pasal atan ka neih theih ka in ringlo" ni e,thudik sawi nghal mai hi atha.A hnu ah thudik a hriat leh si a,rilru na taka a awm ai chuan tunah hian hre law law se tha ka ti a ni.



Lalhriatpuia hi ka hmangaiha mahse pasala ka nei lo a nih pawhin ani lo chu midang pasalah ka nei chuanglo ang tih hi Lalhriatpuia sakhaw rin ka hriat tir atanga tun thlenga ka ngaihtuahna a riak reng chu a ni.


"Christian ka ni tawh" deuh hmuk a maw...!Christian a ni tawh maw,mahse engtin????


"Tak tak"


"Min ring ngai reng reng a mi" a ti leh tlat bawk si.Ringlo lam pawh a ni tawp silo.Ka hre Chiang ve chak a ni mai a.Mahse ka han ngaihtuah chian hian a dik maithei a ni.


"I kawng sawi chu ka hmuh tawh mahse I tel ve dawn loh chuan chu kawng chu zawh ka duh lo"


"Anih chuan chawei dawna I mit I chhin thin khan I tawngtai tihna ami" ka ti leh hram chuan rum zetin min melha mahse ka sawi dik alo tawngtai ve ngei thin alo ni.


"Eng nge I sawi thin" ka hriat chak em avangin ka zawt nghal chung chung.Min chhan tum hmel lah chu a pu lo nasa.


"Min hrilh loh chuan ka neilo ang che"


"Laltleipui"


"Aw,sawi ve mai la chuan ka nei dawn che alawm" ka tih hnu pawha min la chhan mai loh avangin lehlam hawi tumin ka mut dan ka siam rem a.


"I awm a nih chuan ka hmeichhe hmangaihhi min neih tir rawh ka ti thin" rang zetin a hmel chu ka en nghal vat.


"Thildang sawi tur ka hrelo.Mahse neih che ka duh em avangin ani chu ka be ta mai a ni" ka bianga rawn dawmin ka mitah tak chuan min en a.


Engtin nge he mipa hi min hmangaihtu a nih thei.Ka hre Chiang tulh tulha ka phu loh zia ka hre tam tulh tulh.

...........


Choka lama thawmri avang chuan ka thangharha mahse khua alo var chian tawh em avangin ka in perh tho zawt hi a ni ber.


Chhuatah chuan keimah chauhin ka lo mu tawh a,choka a ka nu in rawng a bawl danah ka chhungte an tho vek tawh tih ka hre nghal.


An rawn thawh hunah Lalhriatpuia nen min rawn hmu awm sia,engtin nge ka tih ang.Lalhriatpuia pawh hi khawnge maw a awm le.Amah kha chu awmlo se hetiang dinhmun zahthlakah hian ka dinglo mai tur.Ka hmu hun chu ka va han sawisa dawn chiang tak.


"Khatia thu renglo khan in ti fel rawh chaw ei a hun dawn,Ipa in vawiin chu feh hma a duh ania" ka nu in a rawn tih chuan hawi pawh hawi chhuak ngamlo in mutbu chu ka thlep fel nghal mawlh mawlh.


"Vawiin chu Hriata Tleii hi in ilo nghah pui dawn nia" ka pa chuan chaw ei laiin a rawn ti leh.Ka u lah chuan mei nei zet zet hian min nuih ang tet teta,ka ngei lutuk chuan lei ka chhuah khum vak ringawt.


"Ka sil zo,eng nge kan tih leh tak ang" thutthleng seiah chuan rawn mu thlain ka malah chuan lu a rawn nghat a.


"I sil fai maw,ka nu in afai lo chu a duh lo ania" zinga kan chaw ei na bal zawng zawng ka lo sil ang a tih avangin tunah khan a silfai zo ve chiah a ni.


"I nu chuan bal pakhat pawh a hmulo ang" tih paha ka naka a rawn khawi zeuh chuan ka lo rak chiam.


"I mak mi flim en tui lai laiin" a kut man beta ka tih chuan a tawp ve mai bawk a.


"Eng flim nge a"


"Hacksaw Ridge" ka ti sup.He flim hi vawi engzat nge ka en chhuah tawh ka hrelo "Miracles from heaven" tih nen khan ka en nawn reng peih.


"Khitiang naupai laia en chi pawh a nih loh khi" rawn tiin tv chu a hmet thi hmak.


"Lalhriatpui"


Ka hmuia a rawn fawh zeuh chuan ka ngawi nghal hmak.


"Ka nu in naupai lai chuan thisen chhuahna lam flim te hi en nasat loh tur a ti " ka pum zut delh delha a tih chuan a sawi dik ti viau mah ila hnial dan kawng ka la zawng hram.


"An hliam lam nilo in a changtupa in Pathiana rinna a nghahna nghet zia leh arinna chak zet zawk kha alawm ka en chhan" ka ti ta hram a.Mahse sawi dikloh ka nei lo.He flim ka hlut ve na chhan em em chu a tak behchhana siam a nihna leh a changtu pa ber 'Desmond Doss' a rinna chakzia kha a ni.


Nileng chuan kan titi a.Ahma Anglo takin tun tum chu thil dang kan in tihsan phal thawtlo.


"He hla hi ka pa khan ka naupan lai khan a ngaithla nasa thei lutuk.Ahla awmzia pawh hrelo khan nalh ka lo ti ve em em thin a.Ahnu a ahla thu awmzia ka hriat hnu leh nang ka tawn hnu che hian ka duhna a zual sawt"


Daduhi hla 'Ava mak em' tih rawn play pah hian a ti sup.Keipawh hian he hla hi Lalhriatpuia ka tawn atang chiahin a hlutna tak tak chu ka hre ve chauhin ka in hria.


"Ei ve rawh,a thlum tui lutuk" nimina a serthlum rawn hawn kha ka ei a,amah pek ve ka tum chuan zu han duh tlatlo a.


"I ruk a nih si loh chuan engtin nge I rawn hawn theih" ka tih lahin min hrilh duh bawk silo.


"Ka ruk a ni lo" tih zawng chu a sawi a ni mai.
......


Tlai chaw ei lai chuan ka pa in Lalhriatpuia hnenah chuan min neih a rem tih thu a hrilh ta a Kha tih laia Lalhriatpuia hlim hmel kha tun thleng hian ka theihnghilh leh tawh ngailo ang.


"Chiangsa chu nitho mahse zuk haw thla phawtla ipa te nen sawi ho in Palai hmel pawh mawihhnaiah tal hmuh ve kan lo in ring dawn a nia". Dam dap hian ka pa chuan a ti a.


"Maw..Bawihi neih min rem tih hnu ah ti nge ka haw leh a ngaih.Tleipuii tello chuan ka haw tawh dawn lo" ka kut rawn humin ka pa mitah tak chuan melhin a ti nghal charh charh a.


"Mawla,chutiang a ni lo." Ka u pawn a thianpa mawl zet chu a rawn tih khum hrep.


"Ni e,Hriatpui hei chu kan mizo dan ania" tiin thil awmdan chu ka hrilh fiaha a tawp atawpah chuan lungawi zetin a lu a bu ta nghut nghut.


"Ka pa(keima pa) chutianga buai a ngai hleinem tun laiah phone a awm tawha,chutianga ka pa(ama pa)te in biak hnu a Tleipuii ka ruala alo kal theih tawh dawn chuan video call in ka pa te chu in be mai dawn ania" a hrethiam tawh amaw tih lai lai a.Kan va han mangan thlak tak.


Lalhriatpuia rawtna ang chuan ka pa te chuan video call chuan Lalhriatpuia nu leh pa chu bia in chinchang an sawi dun a.Palai pawh Aizawl lam atang an rawn kal dawn a ni awm e.
............

"Pa Hriatpuia hi pasal atan nei tak tak ila,pawi I ti lo ang maw" Tun Christmas leh kumthar inkar ni 29 hi kan in neihni tura ruat fel a ni a.Inneihna pawh kan khua ah kan ti nghal dawn a ni.


"Ni e,in nghahna atan chuan ka ringlo a,mahse a hmangaih lutuk che avang hrim hrim hian 'ai'ti a min dilna kha chhan ka thei nganglo a ni" ka pa in a rawn tih chuan ka nui chhuak haka,ka pa pawh a bang Lalhriatpuia hi chu diktak chuan Innghahna tlak a nih hmel loh ve em a ni.


Ka sawi tawh ang khan Lalhriatpuia hian min neih theih nan ka chhungte tlawn ti tiha han biak ve vak hi a tum lo a.Mahse ka chhungte tu pawn an biak chuan tha tak leh hawihhawm takin a chhang zel thung.


Arinna chungchang thu vela ka pa nen an in biak pawh khan zep engmah a nei lo.


"Charsut phawi manah thil tamtawk ka dil ang che u" ka u chuan Lalhriatpuia nena min en hian a ti a.


"Tehreng iduh chuan serthlum huan ka pe ang che ruk I ngahih tawh loh nan" uang zeta Lalhriatpuia'n alo chhan let chuan ka u alo ner vak.


"Tak taka Muana nen pawn kan in neih ve tep tawh anga chuti hunah chuan chenna in tur tha tak kan mamawh dawna chuvang chuan chhenna in ka dil ang che u mawle" a tih chuan kan nui ho dar dar.Ka u fiamthu duh lutuk hi chu kan chhungkaw hlimna thlentu ber a ni ve Chiang alawm.


Chutia kan nuih ho dar dar lai chuan Lalhriatpuia phone ka ken sakah chuan Seni in ti hnen atang in massage hi a rawn thleng a.


'bawiha engtia rei nge in nu hnenah chuan cham I tum a'


"Ti nge I nuamsam lo em ni" rang zetin phone chu ka hmet thim nghal.


"Um,ka tha" ka ti supa mahse ka ngaihtuahna ah erawh tun maia massage chauh kha a ni awm chu.


"Ka ring chiahlo I dang vek alawm" a rawn tih leh chuan ka u pawn ka chal a rawn dek nghal.


"Itan hian eng chiah nge ka lo nih le" Lalhriatpuia chuan ka sawi awmzia hrelo zet hian min en a.


"Bawihi eng nge I sawi awmzia chu"


"Hrelo der suh.Nang hian hmeichhe dang eng zat nge ilo kawp" ka ti chhuak chiam a.Chutia ka awm thut chu ka u leh Lalhriatpuia chuan mak ti zetin min en ta reng.


"Ka nuna ilo lan ni atang khan nanglo chu hmeichhe dang an awm lo" zaidam taka a rawn tih chuan party na a thil thlengte kha ngaihtuah in ka nui suk a.


"Ka awilo,party na ah pawh hmeichhia ilo fawh kha"


"Mate.." ka u in a rawn ti vat.


"Ai,u tuna ka zawh loh chuan engtikah nge ka zawh ang.Kan in neih hunah maw.Nilo e tunah ka zawh loh chuan nakinah chuan awmzia a awm tawh lo ang". Ti leh charh charhin Lalhriatpuia min melh run tu chu ka en let ve ta kar.


"Kha chu,englo.."


"Ti nge sawi tur I hre leh si na nge" a ngawih leh tak daih avang chuan ka lo tih khalh a.


"Laltleipui eng nge I hriat" vin zeta rawn tiin ka darah chuan min rawn sawi ta vak.


"Eng nge ka hriat maw,ka hriat chu heihi" tiin phone chu a kutah ka hmehbela inchhungah lutin room ah ka lut tlang nghal.Ka nu leh pa te an awmlo chu kan vannei takzet.Chuti ni lo se thil awmzia min zawt a nga,an makpa atana an hual hian ngaihzawng a nei tih an hre awm si a.
..............

HRIATPUIA POV



Tleipuii in chhunga a tlan luh hnu chuan ka phone chu ka en a.Seni ka putea fanu message chu ka hmu nghal.A message min rawn thawn dan ka chhiar chuan Laltleipuii lungawi loh thut chhan kha ka ring thiam nghal.


"Eng thil nge a" Tepuii pawn ka phone chu a rawn en ve vat.


"Ila hrilhlo em ni?" a ti ve sup a.


"Ka lo hre chang tawh lo a" ka tih chuan rawn chek tlak tlakin ka darah chuan a rawn beng thak thak a.


"Va kal rawh ka nau I hi I rinaiin a thikthu a chhe phian a nia" tiin a ni pawn min kalsan ve nghal.


Pawn bathlarah chuan keimah chauh chuan ka ding ta reng a.Ka nun dan ka chhui kir a,ka nu in min boral san atanga ka nun mal takte leh ka pa bula ka awm tan dan zawng zawngte nen.


Khang hun lai atanga tun hun thlenga ka nuna hlimna rawn thlen tu chu Laltleipuii chauh hi a ni.


Amah vang hian ka thil tih ngai loh tam tak ka tih phah tawh a.Amah vangin huanah te fehin vawikhat pawh ka la hum chhinloh chempui ka hum phah bawk.Amah vang bawkin serthlum ruk ka tum bawk a.Huh, Lalhriatpuia tih a tana awmlo tak tak chu ka va han ti hnem tak em.


Serthlum a ei chak tih ka hriat avangin kha putar khirh zet kha ka puih a ngai bawk Laltleipuii lah chuan ka ruk a nih ala ring nghet bur zui a.


A pa hnena neih ka dil khan engtiangin nge min chhan dawn ka hrelo a,mah se lo phallo pawh nise Laltleipuii hi chu neih tho tho ka tum ruh tlat a ni.


Thiam ngat ilang chuan a chhungte mit tlung taka awm kha chu ka duh mahse an nun dan leh ka lo nun dan thin a in thlauh em avangin an duh ang thlapa awm kha ka thiam lo a ni.


Mahse Bawihi pa hi mifel tak a nih avangin a fanu chu min neih tir a phal ta tho a.Pathian Laltleipuii'n a sawi ve ziah chu a awm tih keimah ngeiin ka fiah tak avang pawh hian ka thaw a veng huai a ni.
.........

TLEIPUII POV


Room a lo lut mek chu ka mit sir in ka lo en reng.ngawi renga ka bula alo thut chuan thawh nghal ka tuma mahse ka kuta lo chelhin khumah chuan min pawt thu leh nghal dawt.


"Message kha"


"Atir atang khan beiseina min pek loh lawh lawh mai tur che a nia" tah chhuak zetin ka ti nghal.


"Min en teh" ka darah a rawn chelh a.


"Ai,ka duhlo ti nge hetiang hian ka chungah I tih nawn leh a,maw.." ka tap chhuak ta tawp.


"Bawihi" tiin a awmah chuan min kuah beta,tal ve deuh mahila ka tal reilo.A chhan chu he akuahna hi tunah chuan ka mamawh ber rih tlat a ni.


"Message avanga hetia awm I nih chuan awm tawh suh.Ka causin a nih kha" ka tukhum chul pah hian a ti a.


"Mahse a koh dan che kha,Dawrah pawh khan I kutah a chelh a..."Kha mi ni a ka thik zia chu ti khan a hre ve chiahin ka ring.


"Kha chu a...I..ka chhungte hian Bawiha min ti vek a.Dawra a khawsak danah kha chuan a uang ve a nih kha.Fiamthu hi a duh ve a,miin an lo haw dawn nge dawnlo tih pawh hi a ngaihtuah chang ngailo".a ti dam leh dap a.

Chutia a sawi takah chuan hmana ka u in min hrilh kha ka hre chhuak leh si.Ka u pawh khan a unaunu a nih thu a sawi tawh tak.


"Anih party na ami kha"


"Kha chu insawifiahna tur ka nei lo.Mahse ka hmangaih che tih hi ringhlel ngai suh.Khatiang thil kha a thleng leh tawh ngailo ang"


"min tiam em?" A awm atanga ka lo ti sup chuan min kuahna thlain a hmel ka hmuh theih nan ka biang tawn tawnah chuan a kut lian zetin a rawn dawm a.


"Ka tiam e,kha tih lai Lalhriatpuia kha ka ni tawh hleinem" nui suka tiin ka hmuiah a rawn fawp zeuh.


"Awiawm loh dawt sawi hi hrat viau suh"


"Ka tih tak tak"


"Anih tunge ahma ami kha" ka ti leh hram.


"Kha chu Lalhriatpuia ve tawp" a'n rawn ti vel ngei a.


"Anih tuna ka hma ami hi"


"Hei chu Laltleipuii hmangaih em em tu Lalhriatpuia" a awm dawm meuha a tih chuan ka nui chhuak ta var var.


"Kha ti tur kha" ka biang a rawn piai chuan a kut ka lo beng nghal vut."zawhna dang ila nei em?" Uang zeta rawn ti leh in a thu ngil nghal auh a.


"I in tih pa pa nen I chhungte'n Bawiha tiin an ko thin che maw" ka tih chuan a duhlo nasa mai nichina min hrilh dawn pawh khan a sawi hreh deuh tih ka hre reng.


"Laltleipuii" rawn ti hluka min man a tum chuan room atang ka tlan chhuak nghal.


"Bawiha..." Ka ko fiam leh thin a.Anih lahin min man tumin inchhungah chuan min um kual chiam.


"I chak dawn lo" tiin min man rual rualin min dek nghal chiam.


"Ka duh tawh lo, Lalhriatpui a za lutuk" ti in ka rak nghal tuar tuar a.


"Ka tihpalh ti phawt la chuan khatiang khan min ko tawh dawnlo tih sawi bawk rawh" tiin min thlah duh lo ve tlat zui bawk sia ka thawm a ring tha khawp mai.


"Ka hmangaih che"


"Chutiang ka pawm...."a nui lai leh min dekna chu tawpin min en run a.


"Lalhriatpui ka hmangaih che" ka sawi zawh rual chiahin ka hmuiah a rawn fawp zeuha.Chu ta a awm san leh nghal mai tur chu lo kuah betin keimah zawk chuan ka fawp a.Atirah chuan chu tia keimah zawkin ka fawp chu mak a ti deuh nge che lo in a dawh reng a.Mahse rei a ni lo duhthawh zetin hian min rawn fawp let nghal tawn tawn.

......................

After 5 years


Pawn atanga ka fapa Hosea tap thawm ka hriat chuan kawngka lam chu muang changin ka pan a.


Ka pasal leh Hosea Sunday dress nena rawn in thlem phei mawlh mawlh chu kawka a dingin ka lo en reng.


"Bawiha tinge chhun chhunah te I tah vak vaka" ka bul an lo thlen rualin ka lo ti vat.


"Nu apa hi hau rawh" tiin inchhungah a tlan lut daih.


"A chhan ka hrelo,Sunday school a bang ka zuk lam khan min tah khum nghal ringawt alawm" a pa ka en chuan a thiam thu alo sawi nghal zuah zuah.


Tunah hian nau thla riat mi ka pai avangin ka tan inkhawm a harsat deuh thin avangin an pafain an va in khawm ve kha ania.An kallama an hlim teh lul nen engvanga rawn in ti tap haw chiam nge maw an nih le!



"Hosea tap lo khan han sawi teh eng vangin nge I pa chu ka hauh a nga" sofa ah bawkin rilru na zet hian a tap ri karh karh reng a.


"Apa hi asual si" rawn hawichhuak miahlo hian a ti a.


"Hosea taplo khan I lungawi loh chhan chu han sawi teh" pakhat lah chuan dawhthei lo zet hian a lo ti hluk.


"Apa chu i sual si.Nangmah vangin Dami, zirtirtu leh midangin min nuih vek ania" Hosea'n a rawn tih takah chuan a tah chhan ka hre chiah.


A Sunday school home work a pa alo zawt leh a ni ngei ang.Ahma pawn Isua pianna home work angin an lo pe a.Kei min zawt lo in a pa alo zawt ve ngei a.A pa lah chuan Bethlehem ti a chhang ta mai lo in 'Bawng in ah' tiin alo chhanga chung tiang chuan Sunday school a an zawhin alo chhang bawk si.Khami tum pawh khan tiang chiah hian a lungawi lohna a pa chungah a ti lang tawh.



"Vawiinah eng zawhna nge a zawh che?" Lalhriatpuia chu ka melh a.Nuihza insum tih hriat tak hian min en a.


"Isua in mit del tih dam a nei em ni?" A rawn ti chhuak ta phawng.


"Chu Chu a zawt che a" a lu a rawn bu nghut "eng tin nge I chhan?"



"Chutiang a awmlo ka ti" ava han hahthlak thin tak.


Tum viau mahse Bible chhung thu hi a a hre thei thlawtlo.A hma ang em em kha chu ni tawh lo mahse kan la in hrilh ngun khawp mai.


"Le Hosea apa khan a tihpalh a nih kha,titau tawh suh aw" pawm thawh ka tuma mahse a la duh chuanglo.


"Pa te chuan thil engkim an hre thin tur ania,apa chu adiklo chauh I hria a.Dami'n min nuih leh phah" ala ti pang pang.


Dami hi a ti ve ziah, beginner department ah an thu duna,apa chhun na fam chuan tun atang star ka nei e,a tia a hahthlak thin.


"My boy mipa chu hmeichhia vangin an tap tur a ni lo." Tiin a pawm Kang nghal nawlh.


"Ka tap lo" a mittui tuaia a tih chuan ka lo nui suk.


"Inthlak ula in pafa khan bible va chhiar rawh u.eitur ka rawn keng ang,tun thleng thlenga 'Bartimaia' chanchin pawh la hriat loh." Ka ti hlak hlak chuan an pafa in an ner dun nasa lutuk.


Nitin Bible hi ka chhiar tir thin a.Mahse an chhiar dawn hian chhuanlam an siam ve ziah.


"Vawiin chu Sunday ania" kha maw Lalhriatpuia chuan mei nei zeta min melhin a rawn ti nghal.


"Eng nge Sunday chu"


"Room ah lut ila I hre mai ang"he pa han zah theih loh zia hi chu.


"Hosea apa hi study room ah hruai rawh,anih loh chuan Dami'n a nuih reng mai ang che" ka tih chuan a pa duhlo chung chu Study room ah a hnuk lut ta nghe nghe.


Keipawh an ei tur siamin choka ah ka buai ve nghal.Nitinin kan chhungkua in Pathian pawl ho na hun kan nei thin a.Chu chuan nasa takin kan chhungkaw Thlarau nunah chakna thar min pe thin a.Nitin mai hian in hmangaih tlang takin nun kan hman reng theih phah thin a ni.


Tray a eitur chawi chung chuan study room ah ka lut a.Ka pasal leh ka fapa te pahnihin uluk taka Bible an lo chhiar lai ka hmuh chuan ngawi rengin kawngka bul atang chuan ka thlir a.


Tu in nge ka u thianpa Lalhriatpuia hi ka pasal a ni ring.Tu in nge a nun dan tha lo sima tun anga a nun hi a neih ring.Tu in nge chhungkaw hlim tak kan din ring le.Mahse Pathian nen chuan theih loh alo awm lo.Tunah chuan tu chhungkua mah awtin ka awm lo a.Ka chhungkaw neih chun hi ka hmangaiha eng thil hlu nen maha thleng ka phal ngai hauh lo ang.Pathian in a min pek ka chhungkhua hi ka engkim an ni a veng him tur chuan ka neih zawng zawng hi ka hlan ral thak duh ngei ang.


...... THE END........

In duhthusam angin ka ti tawp lo tih ka hria,atir atanga min hrilh a tawp dan uluk rawh aw tih kha chu ka hre reng a.Mahse motor ruih nen chhungte an lo zi nuai nuai ve bawk nen ngaihtuahna ka hmang hlei thei lo a.Hre reng chunga ti sual lui an sawi ang deuh khan atawp uluk tura min hrilhna kha hre reng mahila ka ti thei ta ngang lo a ni e😭😭😭


Ka thawnthu beitham tak min lo chhiar saktu te zawng zawng kha in chungah thinlung takin ka lawm a.Comments min pe tu te abikin in chungah ka lawm takzet.Tawngkam thiam tak nih a,in chunga ka lawm thin zia hi han sawi thei chak viau thin mah ila ka tawngkam thiamna hian "ka lawm e" tih baka lawm thu sawi ngaihna a hriat loh avang erawh hi chuan in mi hriat thiamna ka rawn ngen a ni e.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)