LAWMSANGZUALA BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LAWMSANGZUALA BY Ruati Renthlei (Completed)

Unread post by Ngaia » July 11th, 2021, 1:01 pm

Lawmsangzuala

Chapter-31

Dar 2 velah ka haw a, in ka thlen chuan ka chhungte chu an lo awm thap, Lawmsangzuala nen lam, "tinge I office loh?" sofa a thut pah chuan ka tia, ka zawhna pawh chhang lemlo chuan "Enge i thawhna chu a an?" min lo ti let daih.





A nawm thu leh a thawk te pawh an fel thu ka sawi a, "Kan inneih hun tur kan lo sawi a" tih pahin min kiai suk a, ka chhungte chu ka melh kual ralh2 hlawm mai.





Anni lah chuan min lo en ve thup bawk ai, Lawmsangzuala lah chu thutak hmel zetin a nui duh miahlo lehnghal, ka tihngaihna hrelo chuan "Enge a?" ka ti vak a, an nui huk hlawm.






Ka pa chuan "Zuala sawi ang kha ani mai" a rawn tia, "Mahse pa, hna ka nei chauh a, ka la chawm dawn cheu alawm" ka tih chuan "Akhaii keini te chu chawm kan ngailo, ka ei khawp hi chu Pathian zarah ka hmu ve zel ania" ka nu chuan a rawn ti vat a.






"Mahse... " ka ti deuh ruih, "I buaina a ho emai, inneih vat in duh thu Zuala hian a lo sawi tawh a" ka pa chuan a ti leh a, Lawmsangzuala chu ka va melh zeuh a, min lo siai zeuh anih chu, ka va ngei mai2 tak.





"Thla leh ni 14 hi kan tia, enge i ngaih dan" patea chuan dam thlup in a rawn tia, chhan mai dan tur pawh ka hrelo, ka hlim bawk si, ka hrilh hai bawk si.





"Ka inthlak dawn" tih leh inchunga tlan chhoh chu ka rual nghal, an nui huk ri pawh chu ka la hre thei.





Kawngka chu ka khar a, khumah chuan ka thu hnawk, ka melh ngai chu ka melh reng a, pasal ka nei dawn amaw, chupawh ka mipa hmangaih ber lehnghal.






Ka biang chu ka dawm a, a sa hat2 thei hial, ka lai lutuk, lawm bawk si chu chhuat ah te chuan ka per vak2 a, a chang leh ka zuang thul.




Kawngkhar inhawng ri ah chuan ka hawi vat a, Lawmsangzuala chu rawn lutin ka bulah a rawn thu a, "I zak ami?" a rawn ti nghal, "A teuhlo" ka ti ringawt a, chutah "Tak tak maw" tih pahin khumah chuan min bawh thlu a, chiang lutuk in ka melh.






"Min rawn hmu ange" ka ti sup a, hrelo ang hmakin min en reng, "Tho teh" a awm ah chuan ka nam/nem a, a hma aia min rawn hnaih in "Ka ta i nih kha" a rawn ti sap a, ka lo lai leh em2 ringawt.






Aaaaa Remruatfel, ngatinge i zei loh em2 mai le, ngawi reng chuan ka melh reng a, chutah tho pahin "Kan fa ten an chhun te chuan an zeilo ve ngawt ang" a tia nih chu.






"Hmela" ti hluk in khum atang chuan ka tho a, "Tikhan min ti hmuk zel suh, I pasal tur ka nih hi" a la ti hram.






"Ka nei dawn che pawh ka la tih loh kha" ka ti chuan rang zetin "Remruatfel" a rawn ti vak a, nui pahin "Tikhan min ko ziah suh, ka nei duhlo tawp mai tur che asin" ka ti ve ngat a, "Nangte hi" tih pahin khum ah bawk chuan min bawh thlu leh a, ka nui tawp hmak.






Ngawi rengin kan in en a, min rawn hnaih zel a, a tawp ah chuan duhthawh zetin kan in fawp leh mial2 tawh.





"Min nei ang tiraw" a rawn tih leh chuan ka nuih sak a, "Mi pakhat tan chauh ka piang, chu chu nangmah i ni" tih pahin a hnar ah chuan ka fawp leh zeuh a, kan nui dun vur2 ringawt.




Lawmsangzuala POV


"Remruatfel" tiang em2 a han muttui theih mai chu(h), "I tlai dawn ania, tho vat teh" ka sawi nawk2 takah chuan phak chuap in a rawn meng siar2 a, zing karah pawh a hmeltha tho anih hi a.






"Vawiin chu chawlh ka la" henu hian eng thu nge maw a sawi le,thla khat awrh chauh a la thawk sia, "I damlo ami?" tih pahin a chal chu ka khawih nghal a, a lo dai duak bawk si, "Tinge I chawlh ringawt, tho teh" tih pahin a darah chuan ka vuan a, ka tung tho nawlh2.






Chutah ner nungin, "Inneih na tur thil buaipui ka ngai ka tia, chawlh min pe alawm" a rawn ti hlur ringawt. "Mahse kar hnih dawn a la awm sia" ka ti hu a.






"I van â tak, buaipui tur a tam alawm, I hrelo si" ti nuah2 in mut leh nghal a tum a, ka lo man chat. "Anih te chuan tho ta che" ka ti leh a, "I ninawm eee" tih pahin bathroom ah a kal phei nghawng2 mai.





A va han duhawm tak,bathroom kawngka atang chuan ka thlir reng a, a ha a nawh lai te chuan a muthlu lo chauh, a rawn chhuah leh pawh chuan a la lungawi theilo a ni chek ang chu, ka biak pawn min chhang duhlo.






Chaw ei laiin ka nu chuan "Chutia chawlh i lak tho chuan kan bazaar dawn ami?" Ruatfeli melh pah chuan a tia, a ni lah chuan phur hmel zetin "Aw aw nutei leh ka nu in min bazaar pui rawh se" a mood chu a fuh hmel leh tawh viau sia.






Keichu chawlh la ringawt thei pawh ka ni rih lo, kei mah ber ka awm loh chuan an buai deuh tlat thin bawk si, "Mamawh i nei em?" ka room a rawn luh pah chuan a tia, "Neih pawh ka hrelo, mipa dang melh lo la ni mai" ka tih chuan ner sak in, "In neih dawn tawh ah chutiang te lo la sawi" a tia, ka nui suk.







"Mipa dang i lo melh anih chuan engtinmah ka ti lo ang che, mahse a mipa te chuan an tuar khawp ang" ka kamis kilh mawlh2 pah chuan ka tia, min rawn tihsak pah chuan "Chulam chu lungkham duh suh, ka melh dawn lo tih i hriat kha" confi zet chuan a tia, ka nui ta ringawt.


***


"Vawiin chu i lo kal ve hman ang tiraw" inthlahrung aw deuh chuan ka room a ka awm laiin a rawn tia, bazaar tura min sawm apiang in hospital ah tihtur pawimawh ka nei ziah a, vawiin pawh chuti tho, "Lo kal teh" tih pahin a banah ka lo chelh a, couch a ka thut avangin ka malchungah chuan a rawn thu a.

"Vawiin chuan tih tur pawimawh lutuk ka nei a, naktukah chuan ka hman tak2 tawh ang" a tum bur a, "Thinrim lo la, hna te chu ngaih pawimawh ber tur i tih thin kha" tih pahin ka nuih tlawn a, a tawp ah chuan a lungawi ve hram.






"Naktuk ah i hman loh chuan ka hre rei viau ang" tih leh thawh a rual a, "In siam rawh, ka lo thlah ang che" tih pahin a chhuak nghal.





Ka insiam zo ka chhuak chu car ah a lo thu ran tawh, "Keiman ka khalh dawn, lo lut rawh" henu te hian enge maw ahriat le...





Engmah sawi lo chuan ka lut ve mai a,"License pawh i la neih loh kha" ka tih chuan a nui hak a, a bag chu hai rawk2 in "Hei" driving license a rawn keng va va a, "Nangte hi, engtik laiin nge i lo siam tir hman a" ka tia, "A pawimawh lo, kal ang" tih pahin a tlan chhuak nghal, minute khat danah a break a test zel emaw tih tur khawp a ni, a ding leh thut2 thin.







Hospital kan thlen meuh chuan lungphu pawh a rang dut2 hle mai, "Ka haw leh nghal dawn" a tih chuan "A ngailo" ka lo ti vak, "I haw dawn chuan taxi in haw rawh, nangmaha motor khalh chi I la nilo, min hnial enga ang mahla ka phal dawn chuanglo" ka in sawi khalh leh mai loh chuan min hnial leh dawn tih ka hria.







"Kha" tih pahin chabi a rawn theh phei a, a kut kuang kuah in a tum bur ringawt.


A bulah chuan pheiin a darah ka kuah a, "Ka ngaihtuah vang che alawm, thinrim suh le" ka tih chuan thaw hak in, "Ngaihtuah ka ngailo" a ti hmuk.





"Mahse ka ngaihtuah tho che sia, chuvang chuan taxi in haw mai rawh aw ummm" a chal ah chuan ka fawp zeuh a, min en chho hu, "Khawlai anih hi" a rawn ti leh a, "Ka hria" tih pahin a chal ah bawk chuan ka fawp leh a, a nui leh ta nge2.






Taxi a an tlan liam thleng chuan ka thlir a, tuna kalliam chiah hmelichhia kha ka ta chauh ani, tuman min laksak lo ang, ka ta chauh ania, a ni reng bawk ang.




***


"Naktukah chuan ka nupui i ni tawh dawn ania" a hnung lam atanga kuah pah chuan ka ti sup a, ka lam rawn hawi pahin a rawn nui seih, ka hnaih zel a, ka kiss tep tih ah khuh kherh2 ri chuan kut tel miahlo in min pawt then sawk.






Rang lutuk in kan hawi phei a, kan nu leh pa te ve ve chuan min lo en kur mai,choka ah kan awm tih reng ka lo hre tawh lo, Ruatfeli nen chuan kan in melh zak2 a, chutah ka pa chuan "In inneih hun te chu nghak thleng hram2 ula mawle" a rawn tia, eng emaw tal ka sawi loh chuan Remruatfeli chu a lai chhe leh mai dawn tih ka hria, a dara kuah pah chuan "Ka nupui a ni tep tawh a, a pawi ka lo ring vak hleinem" nui chung chuan ka tia, an nui ve leh ta vek.



Common room ah chuan kan inzui phei a, sofa a thut pah chuan Ruatfeli chu ka lamah ka pawt hnai a, "Nangmahni chauh kha in taken tawh biklo ania" ka nu leh pate chu ka melh a, an nuih za chu insum lo tih hriat zetin an nuih huah2 ringawt.



Remruatfeli POV



"Nu eng nge ka an?" tih pahin ka nu hma ah chuan ka mo kawr nen ka vir kual a, "I mawi lutuk, tunah chuan ka fanu neih chhun in pasal I nei ve tawh dawn chu ani sia" a mittui tling pam chu ka hmuh hmai lo chiang hle.





"Nu, tikhan awmlo la, kal bo vang2 tur ka nih loh hi" tiin ka'n hnem ve tak naa kei mah pawh chu ka insum thei meuhlo, kal bo vang2 tur nen chuan danglamna kan nei hran pawhin ka hre lo e a, "mo" ka ni tawh dawn tlat si a.





Nutei chu a rawn lut a, "Khai aww bawihi, i kawr chu i i hmeh hle mai" a rawn ti lut nghal, nutei pwh hi ka nu ang chiah tho a ka en ani.




Zuala te hi Shillong a awm nghet tawh an nih avangin Mizoram ngeia inneih duh mah ila a rem lohna chen a awm tlat si a.




Kan chhungte pawh duh ang in ka sawm tam thei lo a, sawm pawh ni ila a tam zawk chu an lo kal thei dawn chuanglo a, chhungkhat hnai vai tak te chauh an lo kal.





Inneih ceremony kan zawh chuan mo lawmna neiin kan in lamah kan phei leh a, thu an sawi lai chuan "I mawi teh mai ania" Zuala chuan ka beng bulah a rawn ti sar2 a, "Nang pawh I smart khawp mai" ka va ti ve sup, thusawi lai mah nise kan nui dun vur2 ringawt.







Zan dar 9 velah chuan hotel changkang ve ang reng deuh ah Honeymoon hmang turin kan kal a, keichuan hmun danga kal kher pawh tul ka ti hran lo a, mahse kan chhungte zawkin min ti lui deuh tlat sia.






Hotel room a kan lut chiah chu khumah ka mu nghal thlawp a, "Ka chau lutuk" ka ti sap a, ka bula rawn mut ve pah chuan "Ka lo tidam ang che" tih leh ka bianga kiss chu a rual a, "Tunah chuan i pum hian ka ta i ni tawh, i hria em" tih pahin ka hmui ah chuan min rawn kiss leh a, tha deuh in ka lo welcome vat.







"Ka va in ti fai phawt" tih leh thawh ka ruala, bathroom ah ka lut zui nghal, ka chhuah chuan khumah thu in min lo en reng a, "I inbual ve dawn em?" ka sam hruk mawlh2 pah chuan ka tia, min chhang lo.






Inneih zanah chuan eng nge thleng tur tih leh eng nge thleng ang tih chu hrilh ngai lovin kan hre vek. A bulah chuan mu in a dul, six pack in a phuar ve deuh tang chu a kamis kilhna a phelh avangin ka khawih a, ka hmui chu rawn bawhthuah nghal zatin


**CENSOR**CENSOR**





Zing ka harh chuan ka bulah ka pasal, ka hmangaih em2 chu tui zetin a lo la muhil a, thawh mai ka tum chu engmah ka ha lo tih ka hre chhuak. Ka taksa lah chu a sil thum mai bawk si, thawm dim zet chuan ka tho a, bathroom ah ka lut nghal.






Ka chhuah leh chuan a lo tho tawh a,
"I mutui em?" nui sang chuan a rawn tia, "Immm mutui, nang? "
Ka zawh na pawh chu hrelo ang hmakin a awm leh tawh, "Lo kal teh" tih pahin min hui zeuh a, ka kal ve mai bawk.






A bulah chuan min pawt thu in, "Engtikah mah min kalsan suh aw" zawi sup in a tia, mahse ka bengah chuan a ring viau tho, "I nupui ka nih hi, engvangin nge ka kalsan ang che" a hnar ah chuan ka piai zeuh a, a nui suk.






"I hria em., kan pahnih inkarah hian thuruk a awm tur ani lo, tunah chuan ka nupui I ni tawh a, 'ka ti tap ngailo ang che' ka ti lo, mahse I tap anih chuan I bulah hnem tur che in ka awm reng ang" a thil sawi chuan min ti lawm ka ti dawn nge, sawi tur hrelo in ka melh tlawk2 a.







"Kei hian ka hmangaih lutuk che ania, chu chu hre reng ang che" ka hmui ah chuan a fawp zeuh a, ka nui sen2 ringawt.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:01 pm

Lawmsangzuala

Chapter-32


After 3 months


Lawmsangzuala POV


"Lo kal vat teh, Lawmsangzual" ngati vak2 nge mawni le, mi muttui lai laiin, "Lo tlan teh" a rawn tih leh chuan thoin bathroom ah chuan ka phei a, "Eng nge a? Mi muttui laia" ti nuah2 in ka lut a.







"I mit chhing rawh" henu te hian eng nge maw a hriat le, "Enge a?" ka tia, "I mit chhing rawh ka tih chu" a thin chhe siah, ka mit chu ka chhing a, "Leee meng rawh le"

Kareiiii ka thil hmuh vang chuan ka lung phu te chu a chhuak dawn emaw tih tur khawp in a rawn rang, "A tak2 ani em?" ka la awih ngam lo, "Awww a tak2 anih hi" ka kuah nghal chawt a, tunah chuan pa ka ni ve tawh dawn, pa tak tak!!







Ka lawm lutuk chuan test kit te chu ka fawp mawlh2 mai, "ka nu te i hrilh tawh em?" ka tih chuan "Aih tunah khan ka test chiah a" a lo ti vat a.






"I nu te lo call rawh, in hnuai ah ka lo zuk hrilh ang" tih pahin ka tlan thla nghal, ka nu te pawh chu an hlim lutuk, ka pa hmel phei chu hmuh nuam tak a ni ringawt.





Ka nu te ka hrilh zawh chuan inchung ah bawk ka tlan chho leh a, Ruatfeli phone hman lai te chuan ka lo phi sek mai.






Phone a dah hnu chuan ka kuah chung chung a, chutah ka hrechhuak zawk, khum a thut tir pahin "Hospital ah pawh kal tawh rih suh, naute tan a thalo" ka tih chuan a nui hak anih chu.







"Eng nge i nuih?" mi thutak lai laiin, "I over emai aww, thla khat vel bak a la ni lo ang" a rawn tia, "Chupawh nise, vawiin chu in check up turin kal hrim2 ang" ka tih chuan a lu a but ve nghut.








Chhuat ah chuan thu hniam in a dul la thep deuh chu ka khawih a, pa ka ni ve tak tak dawn chu a ni sia, ka la awih thei lo.






Ka nu leh pa te chu an rawn lang ve thuai a, ka nu pawh chuan Ruatfeli chu a kuah vawng vawng mai, kan hlim tlang ani tawp.






Remruatfeli POV


Ka tah te chu a chhuak rum rum mai, kei hi nu ka ni tawh dawn, nu tak tak. Lawmsangzuala lah over ve bawk, chaw ei ka siam te chu a'n phallo nghal ringawt ahh



Chaw kan ei kham chuan hospital ah in check up turin kan kal a, Zuala thawhna hi a hnaih zawk avangin chulam chu kan pan a, car atanga ka chhuah dawn te chuan kawngka min hawn sak thlap.





Kalkawnga kan hmuh apiang te hnen ah chuan nau ka pai thu a sawi hi a ni ringawt, khap ka tum ve pawn awmzia a awmlo.







Doctor chuan thla khat leh a chanve a nih tawh thu min lo hrilh a, damdawi eng eng emaw min pek hnu chuan kan chhuak leh nghal.




"Taxi ka la mai ang, hna a tam hmel si, awm tlang rawh" ka sawi zo hman mang lo, "Aih, nangmah in I haw dawn lo, vawiin chu ka chawl mai ang".




" Teh tlat ache, in buai em hi, awm tlang rawh" min chhang tawh lo, ka kut ah min kai a, min kalpui nal2.






Motor kan lut chiah chu "In dim viau rawh, naute kha hrisel deuhin a awm angai ania" a ti sap a, ka nui tawp.






"Min duat viau angai dawn anih chu" ka tih chuan rang zetin "Tehreng mai" a rawn tia, kan nui dun hak.






A tlan chhuak mai dawn emaw ka tih laiin ka kut chu a rawn hum vang vang a, "Tunah chuan nu leh pa kan ni tawh dawn ania" ka lam hawi zawng chuan a rawn nui suk a, a kut lo vawn ve pah chuan ka lo nui ve sak.





"Ei chak i nei em?" motor a kan tlan lai chuan a tia, chutianga ei chak em em ka neih pawh ka hre chuanglo, mahse a in huam bawk a, ka'n tir kual ve hrim hrim teh ang.


"Ihhhhh bawngsa ka ei chak" ka mit chhing diar diar pah chuan ka tia, "Anih chuan dawr ah kawi ila" a lo ti nghal.





Restaurant ah chuan kan chawl a, bawngsa chu an rawn chhawp ngei a, in ah chuan ka pa(Zuala pa) hian a ei duh loh avangin kan siam zen zen lo , "Ka ei chak tawh lutuk" tih pahin ei mai ka tum a, mahse ka l**k(vomit) chu a rawn chhuak tlat a, rang lutuk in bathroom ah ka tlan phei nghal.





Ka uak tuarh tuarh a, Lawmsangzuala lah chuan kawngka beng pahin min rawn ko sek lehnghal, zawi deuh chuan kawngka chu ka hawng a, "I tha em? Ngatinge a?" a ti nghal zung zung, "Ka hre bik lo, a rim khan ka l**k(vomit) a ti chhuak tlat" ka lo ti sap.







"Anih chuan thithil dang kan ei mai dawn nia, lo kal rawh" tih pahin ka kawngah a rawn vuan a, a kut leh lamin ka kut a chelh bawk.





"" Engmah pawh ka ei chak tawh lo, haw tawh mai ang" ka tih chuan motor awmna lamah min phei pui nghal a, "Na i nei em? Ei chak chu i neilo tak tak maw?" kawng tluan in chu chu min zawt, ka hne lek lek.







In kan thlen pawh chuan ninawm khawp in min ngaihsak, mahse ninawm han tih ah, chu chu tawngkam mai ania, dik tak te chuan hmangaih ber ten duat taka min chul hliau hliau te chuan a nuam a lawm.






Champhai a ka chhungte pawh an hlim lutuk Lalrinpuia phei chu a bulah awm ila chuan a zuang leh tawr tawr ang, kan inneih ni khan training lai a neih avangin a lo kal thei lo a, kei lah hna nghet ka neih tawh avangin ka zin thei bik silo.






Kum li tal tawp chu kan inhmu tawhlo, ka ngai ve thin, ka chhungte tih loh ah chuan ka ngai ber.




"Damdawi ei a hun ania" ka chaw ei kham sofa a T.V ka en lai chuan a rawn tia, tui nen a rawn keng nghal thlap.


Nidang ah pawh damdawi ei hi chu ka huphurh thei hrim hrim a, tunah chuan nay ka pai tir bawk nen, thih hreh in ka hreh.




"Ka ei duh lo ka tih chu" min barh luih a tum chuan ka ti thawt a, a thaw hawk. "I ei tho angai alawm, naute tan" dam thlup in a rawn tia, min vin let vak ka ring ania, chutia min thlem min thlem ta nafam chu ka ei ta nge nge.





Kan chhungkua in T.V kan en thap a, ka pa chuan a khat tawkin naute chanchin sawiin fiamthu a rawn thawh leh zeuh thin a, kan nui leh huk zel.






Dar 9 a ri chiah tih ah Lawmsangzuala chu a tho thut a, "Mut a hun" tih pahin min kai tho a, inchungah min chhoh pui nal nal. "Kan movie en kha a tawp tep kha, en zo law law ang" ka tih pawn a phallo tlat.





Khumah chuan min thut tir a, chhuat ah thingthi pah in ka pum chu a khawih a, "Naute, i nu hian mut a la duh lo tlat a, hai ve teh" a ti sup a, ka nui ta ringawt.




"Chu, naute in ka mut a chhuak tawh a ti ania, lo kal rawh" tih pahin bathroom ah min hruai phei a, ka toothbrush te chu min lak sak thlap, ha kan nawh zawh chuan kan mu a, min hnaih deuha rawn mut pah in ka pum bawk chu a rawn khawih leh.


"Eng nge a hming ah kan phuah ang" a ti sar sar a, "Ka hrelo, mipa nge hmeichhia anih pawh kan hre si lo va" ka lo ti vat, "Mipa anih chuan Jessie kan ti ang"
"Hmpp anih hmeichhia lo ni ta se" ka tih chuan "Hmeichhia anih chuan Jessica" a ti leh a, ka nuih za lutuk chu ka mur chhuak vek thei.





"I van ho tak, mipa anih chuan nangmah ang lo tak in a puitling viau ang" ka tia, "Hmpp ka puitling alawm" a lo ti hmuk. "Kha i puitlin loh zia kha" ka nui a, a ni pawh chu a nui leh ta tho.





"Kan naute hi hmeichhia anih chuan a nu anga hmel tha leh duhawm a ni hrim hrim ang" a tih chuan ka melh kiau a, "I hria em?A nu angin a la inring tawk ve bawk anga" ka chal ah chuan a fawp zeuh a, ngawi rengin ka melh reng.











A tawi tih in tum chiang😆vawiin chu class ka nei bawk nen, ka buai full leh lutuk a, nak zanah thui deuh hlek ka lo dah ang☺



Chuan chuan like leh comment kha awww😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:01 pm

Lawmsangzuala

Chapter-33





"Ka sawi chu, kal tawh lo mai rawh" ka insiam mawlh mawlh lai chuan bathroom atang a rawn ti lung lung a, thla 2 vel chauh a la nia, min dim leh lutuk hi a change chuan ka haw lek lek zel.







"Ka dul pawh a la thep vek hi, i over thei lutuk" ka lo ti hluk a, "Mahse a hrisello alawm" a la ti hram.





"Tikhan damdawiin i thleng anga, i phi buai leh chung ang a, chu chu naute tan a hrisello, bakah mi i zai anga, dar kar eng emaw zat i ke a i din angai dawn asin" a ti zung zung a, ngawi reng in ka lo en tawp.







"Ka hre tho a, mahse naute neih dawn tak takah chawlh lak a ngai dawn a, a buaithlak a lawm" ka tih chuan a hrethiam a ni ve chek ang chu, a lu a bu nghut.






"Anih chuan nang mahin kal suh, driver la ang che" ka rin dan vel chiah chiah, Zuala nen hian kan thawhna a inan loh avangin in thlah reng a harsa a, ka pa(Zuala pa) in car thar min lei a, chu chuan ka kal ve mai thin.





"Aw ka hria" tih pahin inhnuai ah ka chhuk a, driver tur ka zawn ka zawn hnu chuan college naupang ka be fuh hram, kan thenawm lawk ami ania, a fel ve viau in ka hria.







Kal lamah min thlah in college ah a tlang a, an ban velah min rawn lam leh mai thin.






Zeploh chuan hospital boruak leh rim vel hi chu ka hne khawp mai, operation room a darkar 6 darkar 7 vel han din phei hi chu ka tlim meuh tawhlo, ka sil thum zel.






Nau pai huat em em ka nei hran lo a, ka thawhpui te pawn vannei min ti thei lutuk, a chang hi chuan chawhmeh rim duhloh deuh ka nei thin a, mahse chu pawh chu zeuh zeuh chauh.





"Vawiin chu in bang har deuh ami?" motor a luh pah chuan ka tia, "Jimmy(driver) chuan " Aww" tih zawngin min chhang.






"Thil diklo a awm ami a? I va ngui ve" ka tih chuan a khi sak a, engmah a nih loh thu chu sawi mahse eng emaw tak a thleng tih chu ka hre thiam.




"Ti teh, i û angin min en ani lawm ni, min hrilh ve la" ka tih chuan a thaw hak a, a sawi hun chu nghak in ka lo melh kiau, "Nangmah ang hmeichhia hi tawng ve i la ka ti" a rawn ti sup a, ka rin loh lutuk lam a rawn sawi avangin ka hrilh hai deuh a, mahse ka in control leh thuai.





Ka nui a, "Ngatinge keimah ang chu i duh a?" ka tih chuan motor chu kawngsir ah chuan a dintir a, rilru hahna eng emaw tak anei tih ka hriat a avangin a chhan pawh ka zawt duhlo.







Thaw hawkin a hma lam chu a melh run a, "I pasal hi a vannei bik e" a rawn ti sap a, ka lo nui ringawt, "I buai na chu min hrilh la, ka theih tawpin ka pui ang che" ka tia.






"Ka thian tha ber leh ka bialnu an lo inkawp a" a nui zui hak, ngawi rengin a tawng leh hun chu ka lo nghak ran a, "Vawiin ah ka hrechhuak chauh ania" a rilru nat dan tur chu hrethiam vek lo mah ila a na viau ang tih chu ka hria.






A kut ah chuan ka vuan a, a rawn hawi vat, "A hreawm ngawt ang, mahse rilru fim put hram hram tum la, chunglam khian i ta tur dik tak chu a pe mai ang che" tih pahin ka mit ko ka san zeuh a, a nui hak. Han hnem dan vak ka thiam silo a, tihhlim dan ka ngaihtuah mai loh chuan tihngaih na ka hrelo.







"Nangmah ang hi awm leh se" a ti zui sap a, ka nui ringawt, "Kei aia tha an tam lutuk, i la tawng vat mai ang, nui tawh rawh le" tih pah chuan a biang chu ka piai a, a nui ve sak.







Glass ri rawk ah chuan kan hawi vat a, ka thutna zawn ah Lawmsangzuala a lo ding reng, kawngkhar chu hawngin ka lo nuih sang a, mahse a hmel chu a rum lutuk, lungawina hmu zo lo te pawh a ang hial zawk.




"Tinge a? I va lungawi lo hmel ve" tih pahin chhuah mai ka tum a, kalsawn in Jimmy awmna zawn kawngkhar chu a rawn hawng a, "Chhuak rawh, keiman ka khalh haw mai ang" a ti hmuk, eng nge maw a hriat thin le...





Jimmy chuan min rawn en zeuh a, ka lu chu ka lo bu nghut, a chhuak chiah tih ah Lawmsangzuala chu a rawn thu lut nghal a, ngawi rengin a khalh.



"Tinge a? I thin ka ti rim ami?" chhan na ka hmu lo, "Lawmsangzual, ka biak che chu" ka ti thawt a, motor chu a ti ding rawk.





"Eng nge ka thil hmuh kha" a hma lam en ngur chung chuan a ti ram hmak a, "Ka hre nang, eng nge i hmuh?" ka ti hu a, "Remruarfel" min ti hrawk anih chu!!







"Eng nge a? Tinge min vin vak vak a" ka thin in a tuar lo leh mai dawn, "Kha vang khan ami driver a tan i lo lak a" a thaw hawk a, ka hrethiam ta chiah, Jimmy nen khan min ringhlel amaw "Jimmy chungchang anih chuan sawi tur ka neilo" tih pahin chhuah ka tum a, ka ban rek ah a lo vuan chat.







"A kut i vawn lai leh i nuih lai te kha ka hmu vek asin" a ti sup a, hnuai lam chu a bih ngur bawk. Ka nui ta ringawt, "Chuvang chuan min ringhlel amaw" ka nui vak vak a, mahse a nui ve duh der lo.






A kut chu ka hum vang vang a, "Ka hrilh ang che, engmah kan inkar ah a awm lo, a bialnu nen an inkar a tha vaklo a, ka lo sawi pui mai alawm" ka tia, min en run ringawt.






"I ti mak reng reng ee, Jimmy nen ber kher" tih pahin ka nui leh chiam a, "Eng nge a kut te kha i vawn kher" a la ti hram, a tawp ah ngaihdam ka dil leh phah.






"Anih leh tinge damdawiin ah i awm loh a?" kan tlan chhuah leh hnu chuan ka tia, "ka lo call che a, a tlang thei silo aa, lo kal ka tum" ka phone chu ka en vat a, battery a lo law vek chu niin.
"Thil pawimawh a awm ami?"
"Aih"
"Anih chuan tinge lo kal i tum?"
"Ka ngai che" hmalam chu en in a nui duh der bawk silo.






In kan thlen chuan a lo reh thap a, ka nu hi a bazaar anih ka ring, sofa ah chuan ka thu hnawk a, khua a lum bawk nen, ka thlan hluam mai.









Choka atangin tui in tur min rawn lak nghal a,ka bula rawn thut pah chuan "Thil hrilh tur che ka nei a" a rawn ti sup a, ka hawi vat, chutah thawk chu a la hawk a, "Project pawimawi deuh min pe a" a sawi hreh hmel, engtak chu ni ang maw, ngawi rengin a sawi tur chu ka lo nghak tawp a, "Dubai ah hospital din turin min ti" ka tui in lai chu ka phuh chhuak lo chauh, ka hak deuh bawrh bawrh lehnghal





"Engmaw?" ka ti thawt a, a hmel ah lah chuan dawt a sawi lo tih a hriat vek bawk si."Hmanni a contract kan sign kha hei hi a nia, ka hrilh lawk loh che avangin ka tihpalh lutuk" sawi tur ber pawh ka hrelo e a.





"Chuan" ka ti ringawt a, "Mahse thil lawmawm sawi tur ka la nei" a nui a, "Eng nge?" ka lo ti hmuk.
"I lo kal ve ang" hepa hian eng nge maw a sawi le, "I tha chiah maw?" tih pah in a mit zawnah chuan ka kut a vai a, ka kut lakthlak pah chuan "Ka fiamthu lo ania" a ti nghut.





"A nih te chuan chiang deuhin sawi ve la" ka tia, "Ka sawi dawn a I lo tawng zel anih kha" a rawn ti ve bawk, kan han nui leh lai rih a.




"Project hi ka kut ah an dah a" a sawi laklawh lai chuan "Lawk engineer i ti ta ami" ka nui a, "Lo uang zello la, ka sawi dawn alawm" a nui tha ve duh hauhlo.

"Aww anih chuan sawi rawh" ka thut dan te chu ka'n siam rem vel a, "Project hi ka kut ah an dah a, Dubai ah hospital dinna tur leh engineer vel chu an buaipui vek tawh a, mahse thil pawimawh leh mawhphurhna zawng zawng ka kut ah an dah a, chuan" "Cuan eng nge" ka lo ti vat.
"Chuan thawk nghal turin min sawm bawk a" a ti zuai deuh raih, diktak chuan amah hi chuan Dubai a awm chu a hreh lo tih ka hria, a kal chak na hmun ber kha a ni tlat a.




"Mahse i rem tih loh chuan ka cancel thei tho ania" a rawn ti leh vat. "Engvang in nge ka remtih loh ngawt ang, a tha lutuk a lawm, ka nu te i hrilh tawh em" ka tia, a lu bu nghut in "Aww hrilh tawh e" "Anih te chuan a tha a ni mai alawm" ka lo ti then a, min en reng.






"Engtik ah nge project chu in tan dawn" ka tia, "Tun atang a thla hnih velah aniang, chuan maw bawihi, lo kal ve la ka duh a" inthlahrung hmel deuh chuan a ti leh sup a, ka nui vak ringawt, "Ka tel lo a i kal ka phalsak che i ring ami" ka tih chuan a nui ve sak.






Min rawn thut hnaih sauh in ka pum chu a rawn khawih a, "Naute tan hian a pawi angem?" a ti sap, "Engvangin?" ka lo ti vat a, ka zawhna pawh chhang lemlo chuan "I hreh lo tak tak maw?" min melh kiau a, a biang leh lam leh lama dawn pah chuan "I bulah chuan engmah ka hreh lo, Omar Borkan te in kawt ah kan leng thin dawn nia" ka tih chuan a rawn nui chhuak hak, "Nangte hi chu" tih pahin thutthleng ah min bawh thlu a, min kiss a tum chu a tho leh thut, "Naute tan hian a pawi angem" huizzz tun atang naute ringawt a buaipui chu a ni sia, ka chhan hma chuan "Aaa a pawi lo ang tiraw naute, anu hi ka ngai ve tho a" tih pahin min bawh leh a,, duhthawh zetin kan in kiss mawlh mawlh.



***


Tunah chuan ka naute pawh thla nga(5) lai a ni tawh a, a rit ve tawhin ka dul pawh a lian ve tawh lutuk, Dubai a han thlawh vang vang pawh chu chak awm viau mahse ka huphurh ru ve tho, naktuk ah kan flight a chhuak dawn a, kan thuamhnaw ka siam mawlh mawlh lai chuan Zuala chu rawn lut in ka bulah chuan a rawn thu a, "I huphurh viau chuan hetah pawh I lo awm thei a nia" niaaa zeploh chuan ka huphurh thu ka sawi tawh kha, mahse Zuala tel lo a hun hman chu a ka ngaingam thlawt silo a.





"Huphurh lo e" ka lo nui sak a, ka chala min fawp zeuh in, "I awm ve tur hi ka lawm lutuk, naute pawh hi hrisel deuhin a lo piang mai ang" a tih chuan kan nui dun leh ta nge nge.



***



Airport thleng ka nu leh pate chuan min thlah a, ka nu chuan min kuah a, min ngaihtuah tih ka hria, "Nu, a theih velah kan lo haw leh ang" ka ti sup a, ka pum puar ve tawh deuh chu rawn khawih in "Naute hi tha tak in nei la, kan inhmu leh vat dawn nia" a tia, Shillong pawh chu kan thlawh kan leh ta vung vung mai, Mizoram phei chu hla tak ani, ka lung te chu a leng thar vel.



"Engtiknge kan haw leh theih ang le" ka tih chuan ka kut chu rawn hum vang vang in a rawn nui sak a, sawi tur a hre bik lo tih ka hria, a kut lo vawn ve pah chuan ka nuih let sak a, tawngkam tello in kan khawhar ruk thu leh mahni rama awm kan chak thu chu kan in hrilh mawlh mawlh a ni ber mai.



Dubai kan thlen chuan Zuala thawhpui turte ni awm tak chuan min lo hmuak a, in luah tur te pawh min lo zawn sak thlap tawh, a zau in a fel fai thlup mai.







Midang in min chhuah San hnu chuan khumah ka mu thlawp a, ka thaw hle hle ringawt. Ka mawng te chu a kham thum mai, "I chau viau ami?" ka bul rawn mut pah chuan a tia, ka zep peihlo, "Imm chau" ka ti sup a, ka chal a min fawp pah zeuhin "Lo hahdam rawh, ei tur ka'n chah ange" a tia, a phone chu a ban nghal.







Thil kan ei zawh chuan kan thuamhnaw vel chu ka rem fel a, engkim hi a fel fai thlap tur a ni tawp. Zan dar 10 a rik chuan ka ti fel thawkhat tawh in ka hria, choka ah pawh buhfai leh eitur chawhmeh eng eng emaw chu a lo awm sa nual a, tunah chuan chhungkaw tak tak in a ang ve tawh lutuk.






Khuma mut pah chuan Champhaia ka nu te zawk ka video call a, ka nu tak hi chuan Dubai a kal ve hi a rem ti lutuk lo, thlawhna a chuan kha min hlauhthawn pui a, mahse eng chu kan tih bik em loh hi.






Phone ka dah hnu chuan Zuala inbual pawh a rawn chhuak ve chiah, "I rawn mu ve nghal dawn em?" ka tih chuan a lu a bu nghut a, kawr pawh ha lovin boxer nen a rawn mu tha ve nghal.






Min hnaih deuha rawn mu in a ban lehlam chu ka lo kham vat a, a kut lehlam in ka pum bawk chu a khawih leh, kan chau dun bawk aniang rei lo te ah kan muhil vat.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:01 pm

Lawmsangzuala


Chapter-34



Lawmsangzuala POV


Ka hna thar vang chuan ka buaiin hun awl ka neilo thei hle a, Ruatfeli lakah pawh ka inthiam lo lek lek zel. Mahse mawhphurhna zawng zawng ka kut ah an dah vek avangin thil engkim mai chu a tha thei ang ber a tih ka duh si a.





"Lo in enkawl tha ang che, chuan ka lo haw har deuh anih chuan damdawi ei kha theihnghilh lo la, riltam in lo awm suh aww" pawna chhuah pah chuan ka tia, kawngka thleng min thlah ziah a, "Imm nangpawh thil ei tha ang che, bye" motor a ka tlan liam thlengin min thlir thin.





Hospital chu regular deuhin an sa a, sak pawh an sa chak viau, ka hna thar ni ta fam chu a changin carpenter ka nia, a chang in plumber, doctor ka ni tih hria mang pawh an awmlo.





An hnathawh tur ka hrilh mawlh mawlh lai chuan ka phone chu a rawn ri ve sek a, ka en chuan ka nupui a lo ni, nidangah tiang hunah hian min lo call ngailo a sin le, "Hello" a tawng chu ka hre thei lo, ka hello vak vak a, a tawp ah ka off ta ringawt.





A rawn ri leh thin a, a tawng chu ka hre thei bawk silo, kan buai bawk nen ka off leh ta ringawt, tihtur dang kan neih leh avangin ka haw tlai a, dar 9 velah in ka thleng chauh, a lo thim thap a, light on in bedroom lamah ka phei a, ka thil hmuh chuan min pawt ding zawk.





Ruatfeli chu bedroom chhuatah engmah hrelo in a lo let reng a, a bulah pheiin ka ko vak vak a, min chhang turin a biak theih tlat loh.






Pawm kan ka tum chu a mawng lam a lo huh dup a, ka kut ka en chuan thisen hlir a lo ni, rang lutuk in ka pawm chhuak a, ka ko mawlh mawlh bawk.






Chutiang a thenawm hnai han koh turin hmelhriat tha em em kan la nei bawk silo, motor ah muttir in ka khalh chhuak nghal a, ka khalh chak lutuk ngam silo, ka rilru a hmangmawh bawk si, a tawp ah chuan damdawiin chu ka thlen pui ve hram.






Emergency room ah chuan an nawr lut nghal a, nurse te chuan min lo dang vat. Room pawn ah chuan ka tei sek a, ka rilru chu a chawmawlh vek a ni ber.





Min lo call sek chhan kha hei vang hi a ni ngei ang, i va han mawl tak Lawmsangzual, i â lutuk, thil diklo a awm tih hrethiam ve mai tur ka nia, vawi khat tal lo call back ila chuan hetiang hi a thleng lo tur ania, engkim hi ka thiam loh vek ani.








Rei fee ka nghah hnu velah doctor chu a rawn chhuak a, "Ka nupui chu eng nge a an? Naute a tha em?" ka lo ti vat a, "Aww naute chu mipa a nia, mahse i la hmu thei lo ang, a nu pawh a tha e" doctor thil sawi avanga chuan ka mit deuh sulh a, ka nupui chu a tha, mahse naute chungchang a sawi kha eng nge awm zia, thla sarihna chauh a la ni sia.



"Doctor, fapa ka nei amaw?" ka ti sap a, "Awww mahse thla kim lova piang anih avangin enkawlna a dawn deuh a la ngai dawn a, i nupui chu a la biak theih loh a, i hmu thei ang" a sawi zawh rual chuan ka lut nghal








Ka nupui chu damdawiin khumah dâng bal in a lo mu a, a chauh hmel tak zet. Nau vei chu a nat zia kan hre vek a, tumah ngaihsak Tu neilo in a mahin a lo tuar tlawk tlawk dawn chu a ni sia, ka va han lainat tak.






A kut chu ka hum vang vang a, a biang chu khawihin mipa, in ti pa ve thin tak pawh ka pa thei meuhlo, ka mittui chu a rawn hnam sawk a, engkim hi ka thiamloh vek ani si a.







Rei fee ngawi renga ka thut reng lai chuan ka hrechhuak zawk, ka nu te ka call nghal a, tupa an neih tawh thu ka hrilh chuan an lawm ve ngang aniang, ka nu phei chu a rak deuh chul mai.





Ka nu chuan "Mahse a neih a la hun silo a" a rawn tia, ka sawi hreh lutuk, keimah vangin Ruatfeli'n hreawm tak a tuar si a, mahse ka sawi ngei angai bawk si, "Ihh nu, hnathawk a ka chhuah laiin a lo na thut a, chuan" ka rilru a hre thiam a ni chek ang chu "Aw le, ka hria e, naute chu in hmuh theih velah a thlalak te min lo thawn dawn nia" a tih laiin Ruatfeli chu a rawn mrng siar siar a, "Nu ka dah phawt dawn" tih leh phone dah ka rual nghal.







A bulah chuan kal hnaiin a biang chu ka khawih a, "Ka tihpalh lutuk" ka ti sup, "Fapa kan nei asin" ka tih chuan a rawn nui sak a, mahse tawng chhuak turin a la chak tawklo, a chalah chuan ka fawp a, "Ka tihpalh takzet" ngaihdam dil mawlh mawlh bak chu tih theih ka nei lo, ka kut chu a rawn vuan a, a nui leh sak, tiang khawpa hreawm a tawrh hnu pawh khan a la nui thei ania, mi tha tak hi chu a ni ve alawm.





*****





Kar hnih a liam hnu chuan kan naute pawh kan bulah ngei a mu ve thei tawh a, thla kim lova piang a ni chung hian a hriselna a tha in nau harsa lo tak ania, mahse a nu erawh an zaina a la dam chian loh avangin enkawl deuh a la ngai.






Ka pa in Zothansanga ni rawh se a tia, a hming hmasa ah Jessie ka'n tih tel hram kha. Jessie Zothansanga a nih chu.





Ruatfeli a la dam chian loh avangin ka hna pawh ka chawlh San rih a, in ah ka nupui leh ka fapa chu ka enkawl a ni tawp. Mahse ka hlim a lawm, chhungkua tak tak kan ni tawh tlat a.





Remruatfeli POV



Bawihtea pawh a changkang chak viau a, a pa in a awm hneh bawk a, ka hahdam viau. Hnute tui ka neih loh avangin a chang zeuh zeuh bakin ka pawm ngai lo, a pa nen an in awm chawt a ni ber.






Hetia hna chawlh san meuh a a awm chhan hi ka hre uar uar in ka hria, khami ni, ka pum a nat vak a, ka thi a pût chiam ni khan kan in be mumal thei lova, a tawng chu ka hria, mahse ka tawng engmah a hre ve thei lo, keilah ka na tawh ropui si, midang han call leh turin tha pawh ka nei tawh lo, ka tuar tlawk tlawk kha a nia, a in thiam lo tih ka hria, lo hauh a lo tih tauh khum chiam chi ni lo a ka hriat a vangin engtinmah ka ti duhlo a, ka khawngaih let ling hial zawk.







"Vawiin chu kal tawh rawh, kan lo awm thei lutuk ang" bawihtea thlak mawlh mawlh pah chuan ka tia, a thaw hawk, "Engtinnge ka kalsan theih ang cheu? Thla khat pawh a liam lo a, aih, khawi ah mah ka kalsan dawn lo cheu" a ti deuh bur, mahse chutia min ngaihtuah viau te chuan han tirh luih chiam pawh ka tum biklo.





Nileng in tihtur em em pawh nei chuang lovin kan awm leh tawp a, mahse kan hlim viau, bawihtea chu ka fapa a nih vang nge pawh ka hre lo, a hmeltha hi ka ti lutuk a, a mitmeng ah te chuan a pa chiah chiah, a vun a ngo in a duhawm thlawt, Tu fapa mah hi ka awt biklo.





After 3 years




"Zothansang" nu nih hi chuan a lo zaidam tak tak theih loh anih hi a, "Tho vat rawh, a tlai tawh lutuk" ka ti zung zung a, "I pa nen hian mut te hi in thei leh lutuk, tho teh u" an puan sin lai te chu ka hlim a, phak chuap in an rawn meng.






"Dar 8 a pel tawh ania" zaidam deuh zawk chuan ka tia, Zuala hian naupang hmuha inhauh leh vin vak vak hi a rem ti lo a, mahse a chang chuan ka insum hman thin lo.






"Papa, mom hi sual ee" a pa bula tawlh peih sut sut pah chuan a tia, "Ni chiah mai, mom hi kan hau dawn ami?" huizzz an in tan pafa thei siah, "Vin ngaiin awm lo ta reng che u, office kal angai si, in ti fai la, chaw a ei nghal theih" tih pahin bawihtea chu ka pawm a, bathroom ah hruaiin ka tifai nghal zung zung.







Chaw ei laiin Zuala chuan "Nau awm Tu tur chu la mai ila, nangpawh i hah lo deuh ang a" a tia, nau awm Tu hran lak hi ka duhlo bur a, mahse a chang hi chuan ka hah lutuk hian ka rilru te hi ka thlak lek lek zel.






Ka thaw hawk a "Ni tho mai mahse ka ngaih a ngam thei lo" bawihtea'n tui ti deuha chaw a ei lai chu ka thlir a, " A tha em em ang, mi tha deuh kan zawng dawn nia" a tih chuan ka nui sak a, midang bula dah hi ka ngam thlawt lo, ram dang daiha kan awm vang te pawh a ni mah na.





Hospital pawh tha takin an zo a, Zuala pawn dinhmun sang tak a chelh a, keipawh surgeon bawkin ka thawk ve. Nau awm tu lak ka duh loh avangin bawihtea chu ka hruai ve mai thin a, mahse a lo lian ve tawh bawk nen, ka veng reng hman lo hian mi pawi a lo sawi leh zeuh thin.






Bawihtea siam a ka buai lai in Zuala chuan "Heyyy boy, i nu hi ka be lawk duh a" a phone chu a keng kang va va a, "Yess" tih pahin a pa phone chu a ban a, living room ah a kal nal nal.








"Eng nge a?" ka darah min vuanin khumah chuan min thut tir a, ka hmaah thu in chiang deuhin min en, "Bawihtea awm tu tur chu mi tha deuh ka hria a, i hmu duh angem?" a mit meng ah chuan khawngaih in hmu duh rawh tih ka hmu tel ruai ruai in ka hria, ngawi rengin ka thaw leh hawk thin.






Chiang ren rawn a min en in ka kut chu a vuan a, "A tha i ti em em ang, khawngaih in hmu ve chhin reng reng la" a ti leh sap a, "Anih chuan a tha e, engtik ah nge a lo kal theih ang" ka tia, lawm hmel zetin a nui vur vur.




"Vawiin ah pawh a lo kal thei nghal ang" a tih chuan ka lu ka lo bu nghut a, living room ah pheiin bawihtea chu ka thlir vawng vawng a, Zuala pawh chu a rawn phei ve vat, "Kean phal pawh ni ila a mah hian a duh kher angem" ka ti sup.







"Papa, soccer" tih pahin a phone chu a rawn keng kang a, a nu leh pa hi in khelh hrat ngang kan ni bawk a, a ni pawh hian a tui pui viau dawn anih hi, Zuala nen chuan kan in en a, kan nui ta ringawt.







Hospital lam chu call in kan tlai deuh tur thu ka hrilh a, rei vak lo ah door bell chu a rawn ti ral ral a, ka va hawng vat, nu thau lam pang, kum ah phei chuan kei aiin a upa daih ang, a ngo in a vun chu a var vak a ni ber.





Zuala chu rawn lang vatin an inbe nghal luam a, "Bawihte hei hi u Sofia anih hi, chuan hei hi ka nupui" ka dara vuan pah chuan min hmelhriat zung zung a, a fel hmel viau chuan ka hria.






Inchhung kan luh te chuan bawiha chu a lawmin a chhaih nghal bawrh bawrh a, Zuala chuan ka kawr bana min pawt zeuh in bedroom lamah a lu a thle zeuh a, ngawi rengin kan inzui phei nghal.







"A tha hmel em?" a mit ko san pah zeuh chuan a tia, "Imm that hmel kha, mahse han rin nghal tawp chu a harsa ka ti tho" niaa zep thu a cheng lul lo, midang bulah ka la hnutchhiah ngai tlat lo a.







"A tha em em ang min ring la" a tih chuan ka nui sak, "Anih chuan min hrilh teh, engtinnge u sofia-i nen hian in in hriat a?" ka tia, "Heta kan awm tirh khan kan hnathawh naah ei tur a rawn zuar thin a, nu tha tak ani in ka hria, a rin tlak em em ang" a ti duah.






Living room lamah chuan phei leh in Zuala chuan office kal kan ngaih tawh thu a sawi a, chutah rang lutuk bawihtea chu ka bulah a rawn tlan phei nghal, english in la tawng thiam lutuk lo mahse a hrethiam ve viau a, "Papa, kal tawh ang u" min kuah chung pah chuan a tia, ka khawngaih leh tlat tawh.








A hma ah chuan thingthiin a kut chu ka vuan a, "Bawihte, hospital ah khan mi ka chiu(injection) dawn a, i lo kal ve chuan an chiu ve mai ang che" ka tih laiin Zuala chu a rawn thu hniam ve bawk a, "Vawiin chuan anu Sofia hian a lo awm dawn che a, i ngaina a ni lawm ni?" tih pahin a nui a, u Sofia-i chu melh ralh ralh pahin "Mahse papa, ka kal ve duh sia" a ti nang nang a, "Khaii Superman i nih kha, a nu Sofia-i hian duat deuh in a lo awm dawn che a lawm" a ti leh a, kan thlem kan thlem takah chuan a lungawi ve leh mai a, mahse ka khawngaih tlat.








Motor ah pawh chuan bawihtea chanchin bak sawi tur ka hrelo, "Kan rin ang hi lo ni lo ta se, bawihtea chungah eng emaw lo thleng ta se" "Aaaa tinge ta se ta se i tih reng a, a thim zawng ringawt in thil thlir thin suh, a tha em em ang" a tia, mahse nu tan chuan ngaihtuah loh a har ve em bawk a ni.








Hospital ah pawh chuan bawihtea chanchin min lo zawt nuk hlawm a, a damlo emaw te an ti thul, nilengin kan buai a, kan chhun chawlh laiin Sofia-i chu ka video call a, a lo la vat, bawihtea pawh a hlim hmel khawp mai, ka thaw huai thei.











Spelling mistake a awm zeuh zeuh mai thei, ka review hman thinlo a, min lo hre thiam dawn nia☺

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:01 pm

A tawp ami khu khawngaih in in lo chhiar hram hram dawn nia👉😗👈



Lawmsangzuala


Chapter-35(Last)





Kan kal tlai deuh avangin nidang aiin kan buai a, in kan thlen chuan hmanhmawh zetin ka tlan lut nghal a, mahse Living room luh dawnah chuan ka ding chawt, Zuala pawh a rawn lut ve vat a, bawihtea te chu sofa ah u Sofia-i nen an lo muhil chu niin, hmuhnawm ti zetin kan thlir reng a, Zuala chuan ka dara rawn vuan pahin "I hmu em? An tha lutuk alawm" a ti sup a, kan nui dun ta ringawt.





Thawm chu dim ve viau mah ila u Sofia-i chu a rawn harh ta tho a, bawihtea harh hlau zeta rawn tho in chaw a ei theih nghal thu a sawi a, Zuala chuan "Nau awm tur ringawt in a lawm kan lak che tinge ei rawng te i lo bawl a?" a ti vat a, a harsat loh thu sawiin chaw ei siam turin a kal nghal.







Bawihtea chu a muttui em avangin kan kaitho duhlo a, chaw ei lai chuan u Sofia-i chu an chhungkaw chanchin te kan zawt a, fanu pahnih a neih thu leh apasal in a boral San tawh thu a sawi chuan Zuala nen kan inmelh zeuh a, a khawngaih thlak viauin ka hria.







Ka intih fai lai chuan bawihtea nui ri ka hria a, a lo tho tawh a ni ngei ang, kan meng rei duh dawn tlak tlak hle mai.





U Sofia-i chu awmpui anga lak mai pawh pawi ka ti vak ta lo a, Zuala'n a lo duh hlei hlei bawk nen, zan riak lovin zing atang kan in a hna rawn thawk thin mai tur in kan ti ta a, dar 8 a rik hnu chuan a fate a ngaihtuah bawk nen, a haw ve ta a.






Zuala chu hospital thil eng eng emaw buaipui tur a neih avangin a laptop nen a inchhawp nghal tup a, bawihtea chu awm pahin T.V ka lo en mai mai thung, ka melh loh hlek hlanin a pa bul a lo va thleng phei ve hman ziah, "Bawihi, i fapa hiiii" rawn ti lang lang tu lam ah chuan ka tlan phei vat a, a pa file pawimawh a lo chuhpui chu niin, "I naupan lai a chhun anih hi, a harh dan em em hi a" tih pahin ka pawm lawp a, "Nang alawm a chhun che" a la nui tut tut zui.Ka chhiat khum vak a, common room ah ka phei pui nghal.







Dar 10 a rik dawn ah pawh chuan bawihtea chu a la meng kiau mai si, ka chau bawk nen keilah chu mut ka chak tawh mai sia, bawihtea chu pawmin bedroom ah chuan ka luhpui a, "I la zo dawn lo ami?" ka ti deuh tuau.


"Zo chiah" tih pahin a laptop chu a khup nghal hmak a, "Ka fapa te chu a va la meng fiah ve" tih pahin ka kut atang chuan a rawn pawm lawp a, ka lo thaw hawk.


"Papa, soccer" tih pahin a pa laptop chu a kawk a, kan in en zauh a, kan nui leh ta nge nge.


"A tlai tawh sia, naktuk ah soccer chu kan khel dawn nia aw" tih pahin khumah chuan rawn mutpui mai a tum a, a lo duhlo nasa mai, a tap ta chiam a, beidawn hmel zetin min rawn en,"Buaipui teh" ka siai zeuh a, min ner khum sak, zan rei ah bedroom ah lehnghal, bawihtea air ball te chu an han pet leh ang lawp lawp a, an rawn mut lai pawh ka hrelo, ka lo mutsan tawp.




Lawmsangzuala POV

Nizan ka mut tlem tehreng nen, ka zun chhuak in min la tiharh hram lehnghal, dar 6 velah ka tho a, ka bul ah ka nupui leh ka fapa chu tui zetin an lo la muhil, ka zun zawh chuan mut leh mai ka tum a, patling han mut that leh nan chuan a tlai tawh bawk si, u Sofia-i chaw ei khamah a lo kal chauh dawn avangin Ruatfeli kaitho lovin eirawng bawl turin choka ah ka phei a, chaw ei ka peih vek hnu pawh chuan bawihtea te nufa chu an lo la tho lo, dar 8 a pel duai tawh bawk si, a chau viau anih dawn hi.








Room ah chuan pheiin bawihtea harh hlau zetin Ruatfeli chu ka ko sar sar a, rawn meng diar diar pahin a rawn nui seih, a hmui ah chuan fawp zeuh in ka kaitho a, kan thawm a hria ani chek ang chu, bawihtea pawh a rawn meng kuau mai, "Papa, soccer" a rawn ti leh nghal ringawt, tiang te chuan hna kan thawk hman nang mawle.

"Soccer khelh a la hun lo, time to eat" tih pahin ka pawm a, choka ah ka pheipui nghal. Chaw kan ei laiin u Sofia-i chu a rawn thleng a, bawihtea'n a ngaina nghal mai hi thil mak tak ani, keimah ang thoin mi nel a harsat viau sia.




"Papa" ner nungin ka in siam lai chuan a rawn tia, eng nge a beisei tih chu ka hre reng, thu hniamin a mit ah tak ka en a, "Soccer chu zan ah kan khel leh mai dawn nia, papa hian hnathawh phawt ka ngai sia" ka nuih sak a, a la tum bur tho, a nu ang mai, tih tauh te hi a thiam leh lutuk.


U Sofia-i chu soccer lo khelh pui turin ka ngen ta ringawt, anih loh chuan hnathawk turin kan chhuak thei lo ang, min ngen a tum tlat.

"Nizan i mu tlem sia, ka lo khalh dawn ami?" ka nupui duh tak chuan pawn a kan chhuah pahin a tia, a kut a kai pah chuan "Ka muthlu em lo tur ah ngai ang" ka kiai suk a, min chum awrh a nih chu.






Vawiin chu nidang ang lo tak in ka awl viau a, ka patient te ka tlawh kual mai mai lai chuan Ruatfeli chu a rawn tlan phei chiam a, ka bul a rawn thlen chuan a thaw deuh hlawp hlawp, "Tinge a? Thil thleng a awm ami?" ka lo ti vat a, a hah viau a niang, a sawi hleithei lo, "I office ah phei phawt ang" a tih chuan ka phei pui mai a, englam nge tia ka zawh pawh chuan a sawi tha duhlo.





Couch ah chuan a thu ar ar a, "Sawi vat teh, awm I ti nuam lo" ka ti ta thlawt. Awm ti nuam thlawt heklo, nichinah hlauhthawn hmel zetin a rawn tlan chiam a, tunah lem a hahdam leh hmel viau sia.


"News ka nei"
"Eng news"
"Nichin khan director nen kan inbe zo chiah a"
"Chuan... "
"Mizoram ah kan haw thei dawn" tih pahin ka thutna sofa ah chuan a rawn thu phei hnawk a, min kuah nghal chung chung.




Ka rin loh lutuk leh beisei loh lutuk a sawi avang chuan ngawi reng in ka awm ngaiin ka awm tawp. Remruatfeli lah chu beng hrep pawh ni ila a nui reng ang tih tur khawpin a hlim hmel bawk si.



"Dawt i sawi lo tiraw" ka ti sap a, "Immm sawi lo, thla hnih(2) chhung kan chawlh theih thu a sawi" kan hlim lutuk chu kan inkuah leh chung zel.



Remruatfeli POV



Phur zetin in ah kan haw a, bawihtea pawh min hmuh rualin a rawn tlan phei a, a pa nen chuan an in pawm chawt. A tet lai atangin a pa nen hian an in awm nasa deuh a, kei ai mahin a ngai zawk.





U Sofia-i chu chaw ei ve nghal tura kan tihin a hmanhmawh thu a sawi a, a haw nghal daih, mahse a pawi vak chuang lo.



Chaw ei kham chuan Champhai a ka nu te ka call a, kan haw theih tur thu ka sawi chuan keini ai mah in an lo lawm zawk, an tupa neihchhun pawh kum 3 ani tawh a, tun thlengin an la hmu lo ania.


"Bawihi" bawihtea ka mutpui lai chuan a rawn ti dek dek a, ka mitko ka lo san khum zeuh ringawt. "Mizoram thlen vat vat i duh tih chu ka hre tho a, mahse Shillong ah kan haw kawi lawk loh chuan" hepa hian engthu nge maw a sawi le, thawm dim deuha khuma thut that pah chuan "I van â tak, Shillong a kan haw hmasak loh te chuan.. Ka nu te pawn bawihtea an la hmu reng reng hleinem" ka nui a, ani pawh a nui ve sak.






"I van duhawm tak" tihpahin min rawn kuah a, inthlahlel zetin kan inpawm vawng vawng, bawihtea rawn thaw deuh hap ah chuan ka phu zawk a, kan en chuan a lo la mutui viau sia, "I mak" tih pahin min pawm lawp a, living room lamah min phei pui nghal.



"Eng nge a?" ka ti deuh thawt a, "Kan buai thei lutuk a, zanin chu ka duat dawn che" min la siai zeuh zui, ka van ngei tak.





Sofa ah chuan min muttir in min rawn bawh thuah nghal chat a, hnai set sawt ah chuan ngawi rengin kan in en reng.


"Bawihtea hian nau a duh tawh ang" a ti sup a, kei ka lo nui hak. "A la hun lo" tih pahin nam/nem sawn mai ka tum a, ka hlawhchham chiang kuang lutuk.



Min en run a, hei chen kan innei tawh chung hian ka la lai zel tho chu a nih hi a, "A hun tawh viau a lawm" tih pahin ka nghawng vel chu a nul kual nghal thuak thuak a, ka lo thaw leh halh thin.



Ka hmui ah chuan rawn fawpin duhthawh zetin ka lo chhang let vat a, tichuan...
**CENSOR**CENSOR**




Zinga ka harh chuan sofa ah ka lo la mu reng, ka thuamhnaw chu ka ha sawk sawk a, bedroom ka luh chuan bawihtea a lo awm miahlo, a pa nen hian khawnge maw an kal daih le, choka ka en a, an awm bawk silo, ka rilru chu a hah leh ringawt tawh.





Mahse a pa nen an chhuak anih ka ring ber a, rilru nuam lo deuh chuan ei rawng chu ka bawl nghal mawlh mawlh, kartawp ah kan haw thei tawh dawn ania, ka ngaihtuah ringawt pawn ka phur lutuk hi ka mur uai uai thei.



Rei vak lovah kawngka chu a rawn ri rawk a, bawihtea te fapa chu an rawn zai lut rat rat a, "Mommy hi a tho tawh em awww" Zuala chuan a rawn ti lut nghal bawk.

"Khawnge in kal a, ka ngaihtuah lutuk cheu alawm" choka atang chuan ka ti mawlh mawlh a, ka bula rawn phei pah chuan "Papa nen hian kan walk a" a rawn ti nung nung a.



"A ni maw, in van tho hma awm ve" a chal ah chuan ka fawp zeuh a, a nui ver ver mai, ka fapa ani hi chu ka van vannei tak, Lawmsangzuala pek chuan "Keipawh" tih pahin a biang a rawn dawh ve ringawt, "A teuhlo" tih pahin na vak lo in ka beng a, bawihtea chu a lo nui hak hak.





U Sofia-i pawh tuk dang ang thoin a rawn hma leh viau a, Mizoram a kan haw tur thu ka hrilh chuan a ni pawn min lawmpui thiam khawp mai, bawihtea erawh a ngaina ngang a niang, hruai ve lo mai tur ten min ti vel.




Kan buai thei bawk a, rei lo te ah kar tawp chu a ni der mai, phur zetin airport lam kan pan a, bawihtea pawh a ma tawk ah a hlim in a phur khawp mai, naupang inhlei tih tak ah thlawh naah pawh chuan khap deuh chhen a ngai, ka lo zak zawk thin. Mahse Zuala hian a ti thiam em zawk ah, chuti nilo phei se chuan ka thinrim ka ang leh nghawng nghawng tawh ang.




Darkar 20 leh minute 30 chhung thlawh naa chuan te chu engmah ti lem lo mah ila a hahthlak ve tho, hun rei tak hnu ah shillong lei ling chu kan rap ve leh ta der mai. Airport ah chuan ka nu leh pa(Zuala nu leh pa) ten min lo hmuak a, kan inhmuh rual chuan thei leh thei loin ka nu chu a rawn tlan phei hlawk hlawk.



Thil dang sawi lo chuan bawihtea chu a pawm nghal a, ani lah hrilh hai hmel zetin a rawn hawi ha mai bawk si, "Bawihte, grandma anih kha" ka lo ti vat a, "Grandma" tih pahin a nui sen sen ringawt.



Ka pa pawh a dang chuanglo, keini ai mah chuan bawihtea chu an ngai zawk emaw tih mai tur a lawm, mi tam tak zi nuai nuai karah chuan bawihtea chu an chhaih te chul a, Zuala nen in en in kan nui ta ringawt.





Mizoram ah tak la awm lo mah ila thla chu muang veng veng tawh tak ani, ka intih fai hmain bawihtea chu ka bualfai hmasa a, a pi leh pute lah chuan an hauh bur mai bawk si, ka bual a, thuamhnaw pawh a pi nen vek an ha.





Inbual tura ka lut chu bra nen chauh ka awm laiin kawngka chu a rawn ri dat dat a, "Bawihi" Lawmsangzuala a ni tih ka hre nghal, "Ka inbual tih i hre reng a lawm" ka'n lo ti nghal ringawt pek ah, "Ka hria chuvang chuan lo hawng teh, a rualin inbual ang" hepa hian eng nge maw a hriat leh tak le.



Engmah sawilo chuan ka hawng ve mai a, rang lutuk a rawn lut in kawngka chu a kalh leh hmak. "Eng nge i hriat a?" ka lo ti hu a, min pawm kangin bang ah chuan min nawr bet a, "Min bual rawh" ka nui hak a, ner nungin ka melh.
"I fapa pawh tih tawh nak alaiin nang leh zel te chu ka peih teuhlo" tih pahin ka tal vak a, ngawi rengin min en, a nui duh derlo lehnghal.
"Nang hi.. I ti tak tak ami a?" ka aw te chu a khur lek lek in ka hria, chutah a rawn nui chhuak hak a, "I hlau hmel kha in hmu ve la ka ti" a nuih chu a zat hmel em em lehnghal, "Hmela" ti hlukin ka pet pawp a, "I duh leh nangmahin inbual rawh" tih pahin shower chu ka on a, ka speed chak ber hmangin ka inbual sawk sawk a, ka chhuak nghal hmak.






Chaw ei lai te chuan min melh laih tum niawm takin min rawn en leh thin, ka va han ngei tak.


********


"Lo kal ve thei mai ula" airport a kan awm lai chuan ka tia, ka nu chuan "Niaa a chakawm tehlul nen i pa hi an hna a laklawh sia" a tia, bawihtea chu fawp in let leh vat turin min chah a, kan ram ngei mai Mizoram pan chuan kan thlawk leh ta vung vung mai.

Aizawl kan thlen chuan chawl lovin Champhai ah kan tlang a, Lawmsangzuala hian hmelhriat hi a ngah khawp a, a thian Tu emaw car kan hawh ringawt.






In kan thlen chuan ka nu nen kan inkuah leh vawng vawng phawt a, bawihtea chu pawmin inchhung kan lut nghal. Mahni ram a mahni in ngei maia han awm chu a hahdamthlak ngawih ngawih. Mahse Zuala erawh ka ngaihtuah ve deuh.

"Shillong ah kan let thla leh vat dawn nia" tui in tur pek pah chuan ka tia, "Lo kal teh" tih pahin a bulah chuan min pawt thu a, "Tunah chuan nang leh ka fapa te hi ka chhungkua, ka mawhphurhna in nia, in bula ka awm chhung chuan ka ngaihtuah awm loh" a nui sak a, hetiang em em hian a lo puitling a ni maww!!!!




Bawihtea chu an duatin a ni pawn a ngaina viau a,mahse "Mom Shillong ah grandma leh grandpa an awm sia" tih hi min zawl awllo, a la hrethiam chho ve zel ang chu.





Ka mipa hmangaih ber pasal ah ka nei a, ka hmangaih ai nasa a min hmangaih in khawvela fapa tha ber ka nei bawk a, piang nawn leh pawh ni ila ka tan chuan hei baka khawvel nuam hi a awm tawh lo ang, ka hmangaih te ka bulah an awm tlat si a.












(A tawp ta🤗a tawp thlenga ka story min ngaihhlut sak a min lo chhiar sak thin tute lawmthu ka hrilh mawlh mawlh cheu a, chutihrual chuan a ending hi in duh dan leh rindan a ni chiahlo tih ka hria, mimal harsatna ka neih deuh avangin complete vat vat ka duh sia, min lo hrethiam dawn nia)


(Chuan chuan story thar rawn chhawp chhuah leh zel ka tum ang a, khawngaih a min lo chhiar sak leh zel tur pawn ka dil nghal cheu😘engkim ah ka lawm vek e❤🌹)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)