LAWMSANGZUALA BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LAWMSANGZUALA BY Ruati Renthlei (Completed)

Unread post by Ngaia » July 11th, 2021, 12:56 pm

Chapter-7

Nimin lamah ka chau deuh bawk nen, thawh nachang pawh ka lo hrelo, ka harh chuan dar 10 a lo pel tawh, ka inperh tho at a, Remruatfeli chu a lo la mu tui nasa mai, thawm dim deuhin a bulah ka va kal a, a hmel han that zia hi awww


Ka hnaih tulh2 a, chutah a rawn meng ta kuau mai, a phu eih lo mawle, "Enge tih i tum a?" a ti fiah nghal kuk a, ka mit ah tak min la en zui. Ka zak lutuk chu ka awm ngaiin ka awm reng, "Engmah tih ka tum lo, ka ril a tam a, lo kaihthawh che ka tum" Ka tia, choka ah ka tlan chhuak nghal. Eng rilru pu in nge maw khatiang kha ka tih reng2 le, zahthlak emai.


A rawn chhuah ve hnu pawh chuan ka melh tha ngam meuhlo, mahse engmah a sawi zui biklo. "Buhfai a awm hlei nem" a tih chuan ka harh leh zawk, "Ni tak, vawiin chu bazaar a ngai ang" "Nahhh vawiin chu len chhuah ka tum a sin" a tih chuan Hmingduhawma nen an chhuak dawn tih ka hre nghal.


Khai le, Lawmsangzual, mipa chet a hun e..




"Keimah chauh chuan ka keng seng lo ang, bakah lei tur pawh ka hre ve lo" sawi tha in ti zet chuan ka melh reng "Mahsee, aaa, anih chuan kan bazaar mai dawn nia" a ti bah deuh nuaih a, ka rin dan chiah ani, zaidam deuha ka biak chuan pangai deuhin min chhang ve mai alawm.


"Tukin chu noodles chhum mai ang" Ka tia, kan ei lai chuan a rum nghut, "Buhfai a awm silo a, nimin tlaia kan ei kha dawr ami i chah ani maw? " a nui duh derlo lehnghal,, "Ihhhh nia" ka ti ringawt


A hmel chu a dur leh khup tawh, tha tete in kan awm tawh dawn emaw tih lai a, a thinrim na te hi a ho thei si, "Tikhan tum nghal bur suh, i ei teuh tho kha" ka tia "anih chu" tih pahin a tho daih.



Dar 12 rik dawn ah kan chhuak ve hman chauh alawm, bazaar puiah kan tlang nghal a, a chawhmeh duh ang chu a thlang mawlh2, "I lei tam tawh si, pawisa pawh I nei ami? " ka ti hram pek ah, "Mikhual zawk ka nia, nangman I pe ang chu le" henu te hi, a duh naah chuan tawngkam a thiam zek mai.


Kan in lei fel meuh chuan dar 2 a lo hnai leh kuar tawh, "Buhfai ber chu engtinnge? " taxi a chawhmeh dah lut pahchuan a tia, "Nakinah ka thianpa in a rawn dah mai ang" ka tih chuan a sawi zawm leh tawh lo.

****

Chawhmeh chu a rem mawlh2 a, a hmai phih in bedroom ah a lut nghal, minute 5 hnu velah a rawn chhuak leh a, a inthlak hman vek mawle, "Ka chhuak lawk dawn, ka rei lovang" tih paha kal mai a tum chu "Remruatfel" ka tih thawt a, mak tih hmel deuhin a rawn hawi let a, "A tlai tawh em hi, chhuah a hun tawhlo" "Awww ka rei dawn hleinem" a ti leh hram. "I chhuah daih ten tunge ei rawng bawl ang? " ka tih leh pawh chu hre awm pawn a lang tawhlo, a bo zui nghal hmak.


Ka thinrim awm ngaihna hrelo chu ka sa up2 thei mawle, a kal chhan chu a mah tluk zetin ka hre chiang si a.


Dar 6 a rik pawh chuan a lo la haw lo, khua lah chu a thim ani mai tawh bawk si, ka call a chhang thei bawk silo chu ka tei kual sek tawh, tawhsual emaw lo tawk palh ta sela, kawngka ri ah chuan rang zetin ka hawi a, "Remruatfel, dar engzat nge I hria em? " tih pahin a darah chuan ka sawi nawk , "Awww ke in ka lo haw alawm" henu hian min vin let vel amaw.


"I bialpa chuan ke in a lo haw tir che maw? " ka nui hak a, mahse ka nuih zat vang erawh anilo chiang hle. "Lawmsangzual, I buaina tur ah chiah buai rawh" a kalsawn nghal a, "Engvangin? Engvangin nge ngaihzawng I neih kher? " chhanna ka hmu lo, room ah a lut hmak.


In bengdaih hram ka tum a, mahse a awlsam lo khawp mai, thawk la hakin kawngka chu ka va hawng a, "Chaw a ei theih" "Ka ei dawnlo, nangmah in ei rawh"

Ka thin chu a rim leh mai dawn in ka hria a, ka sawm lui ta lo. Runluih ka duh hrim2 avangin chaw chu ka ei ta tho a, mahni chauha ei chuan ei tui chu har tak ani.


Common room ah chuan keimahin ka thu ta ran mai, engtinnge hetiang te chuan kan chendun reng theih ang? Khatianga tawngkhum vak tur kha ka nilo asin mawle, ngaihdam dil tura ka va lut chu phone alo hmang a, min hmuh rual chuan, "Nu, nakinah ka lo be leh ang che" a dah hmak a, min melh ran mai.



"Ruatfel, ka tihpalh lutuk, khatianga awm tur kha ka nilo tih ka hria, mahse i lo haw har bawk sia, ka ngaihtuah lutuk che a" "Naupang ka nilo, ngaihtuah vak ka ngai lo" min chhan dan mai2 chu'h.


"Awlee anih chuan a tha alawm, khatianga tlaia i lo haw leh chuan nangmah nilo in i chhungte ka call tawh ang" ka kiai suk a, min melh rum teh e.

"Lawmsangzual" ka hming hi chu nalh a ti mawle, min au leh vak zel, ka mitko San khum zeuhin sofa ah chuan ka mu a, "Naktuk chu second match ah Khawzawl nen in khelh dawn kha, group te kha en ve thin la" ka tih chuan "ka hria" a lo ti hlar mai, a thinchhiat dan em2 hi doctor pan vat angai ang.
******
'Remruatfel' a tho theilo lutuk chu ka thin a rim hlur tawh, thei leh theilo in a rawn meng a, "Enge" te chu a la rawn ti zawk mah. "Enge lam anilo, a tlai tawh lutuk tho vat rawh" ka ti leh a, a rawn tho tuah2 a, a tho hlim hmel pawh hi a van duhawm tak.

Mipa zawk hian ei rawng ka bawl ve ziah lehnghal, a in tih fai zawh chuan chaw ei ka lo peih diam tawh, "Ei vat ang" ka tia, "Ka ei peih rihlo" a la ti zui. "Peih leh peihlo in eirawng ka bawl a, ei ringawt rawh" ka tih leh pawh chuan "Thawh hlima chaw ei te chu a peih awmloh elawm" a la ti hram.


"Nizan ah pawh i ei tawh lo a, engtinnge i khelh that theih ang, ei mai2 teh" tih pahin ka nem/nam thu a, a tum leh bur tawh. A ei a ei takah chuan a ei leh teuh tho, kei ai mahin a ei hnem in ka hria, 'ka ei peihlo' ti kual vello khan a tir atangin ei that ve hle2 tur a nia.

'Dar 10 ah Hawla Indoor Stadium, Mualpui ah kim vek tawh tur ani' tih chu WhatsApp group ah chuan ka post a, an rawn like sup2 hnuah Remruatfeli chuan full stop(.) zawng arawn dah anih chu! Message ka hmuh rual chuan 'react lo mai la' ka hmaa hmeichhia chu ka melh reng, "Awwww, i post ve thlap sia, react loh te chu a nuam bik nang" a nui a, inthlak turin a kal nghal, a duh naah chuan chimawm pawh a lo thiam khawp mai.


A inthlak zo a rawn chhuak chu mit tla lo lekin ka lo en, jersey chu ama tan liau2 a siam emaw tih mai tur ani. A sam a tawn sang vah a, a chhelo tih bak chu sawi tur pawh ka hrelo.


"Kekawr bul hi ka ha nghal dawn nge a hmun ah ka thlak dawn" atih chuan ka harh leh zawk, henu te reuh hian min ti â thei mai dawn alawm le.


"Ha nghal lo ang, a hmun ah i inthlak leh mai dawn nia" ka tih chuan a aw ve mai. Eric-a'n min lo call a, an awm vek tawh thu leh keimah ni chauh min nghah thu a rawn sawi a, kan kal nghal tur thu hrilh in ka off zui nghal.


"An thleng vek tawh anih chu, i hman chuan kal ila" "I inthlak ve dawn lo ami? " a tia, ka lu thin khum in bike in kan inphur chhuak nghal.


Ka tlan chak ang reng bawk a, kan thleng hma viau, first match chu deciding set an lo khel tawh. Kan naute pawh an lo inring viau tawh, an lo zuang zak2 tawh mai.


Hall kan lut chiah chu Hmingduhawma a rawn phei nghal a, Remruatfeli nen an inkaih phei leh daw2 kha. Chelh ka tum zet naa, midang min be Tu an lo awm bawk nen, ka hman ta lo.


Erica nen kan titi mawlh2 laiin Ruatfeli chuan"Sir, khawnge ka in thlak dawn? " a rawn ti sar2 a, pangai deuh a 'sir' min tih ka vawi 1 hriat na. "Hmun danga kal vak angai ami? " ka tih chuan a meng rum leh viau tawh.


"Awwww jersey kawr leh kekawr te chu a hnuai ah i ha sa vek ani lawm ni? " ka tih zawm leh a, "Kawr chu ka ha a, kekawr chu hei" tih pahin a bag ami chu a rawn phawrh a, "I ha sa emaw ka tia lawm" ka ti chu ka ke ah min pet pawp, a na zek lehnghal.


"Bathroom a awm ang, ka lo kalpui dawn che ami? " ka tih chuan a ngawi vang2 a, "Immm kal ang" ve tlat mai a, kalpui ka ngai lo a tih leh vak ka ring ania, engpawh chu nise a hma ang em2 chuan min haw tawhlo chu ani phawt a, hma kan sawn viau alawm le.




A inthlak zawh chuan kan phei a, first match chu an lo zo chiah. A thiante chuan court chhungah ball an lo chhaih mai2 tawh. "Ka zam in ka hria" a rawn ti chhuak hlawl a, a mit ah tak chuan ka en a, dawt a sawilo tih ka hria, a kut chu ka vuan a, a lo hit thlur mai.


"Akhai Remruatfeli hi a lo zam ve thei ani maw" ka tih rual chuan ka lu ah a ri nghal fawk. Ka nui a, a ni pawh a nui suk, "Tak2 ah, zam duh reng2 suh, i game pangai in khel la, Remruatfeli i nih kha hre reng rawh" ka tih chuan a lu but nghut in a thian te lam a pan ve nghal.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:56 pm

Lawmsangzuala

Chapter-8

Remruatfeli POV

Han inhnial lawp2 thin mah ila inhmuh reng chuan a inhuat senloh, mahse a chang chuan a fel leh lutuk hi mak ka ti thin, mipa tawh khirh leh in la class em2 thin khan ei rawng te a bawl a, pangai deuhin min be ve thin.




Mak ve leh deuh chu ei rawng bawl turin min ti ngai miah lo, a man a siam vek a, a seng leh sil erawh chu tih a tumlo bur thung, pawi ka ti hranlo, ei rawng bawl ai chuan nilenga thleng sil pawh ka thlang zawk, ka bawl thiamlo chu thuhran, ka peih lo hrim2.





Khelh dawn a ruaiah ka nervous tlat pek, ka kut pawh chu a hit vek thei. Mahse kan tum puite kha an thiam vaklo ve hrim2 bawk a, straight in kan chak tho, ka khel pangai viau tho e.



Kan inkhel zo kan chawlh hahdam lai chuan Omoma a rawn kal a, "Biak lawk che ka duh ania" teh tawp a, a va pawimawh hmel ve.



Midang awm loh na lai deuhah chuan kan phei a, "A van pawimawh hmel ve" tih pahin ka nui a, a nui ve duh miahlo. "TakTak in enge a? " ka ti leh a, chutah "Sir Zuala hi i duh tiraw? " a rawn tia nih chu.




Thu awih awmloh lutuk a sawi avanga chuan ka nui hak a, "I uang emai, ani te chu kan 'sir' alawm"
"Hahhhhh sir maw, in khat ah in cheng dun a, sir chauh maw? "
"Hmingduhawm, enge i hriat a? " ka ti ta thlawt, ni e, a thil sawi awmzia hi ka hrelo, engvanga Lawmsangzuala nen min hmehbel tum tlat nge anih ka hre thiam theilo.



A nui hul hak a, "Nichina i kut a vawn kha engtinnge i sawi fiah dawn? " a ti chang fak.


A ni dawn tak, ka zam lutuk ka tih khan a kut a rawn vuan tak e, mahse vuan tih ah, rei pawh ani tawp silo, thinrim na tur a awm pawh ka hre lo e a.



"Ka kut a vawt vek a, a rawn khawih ringawt alawm" ka tia, engmah a sawilo.


A kut vawn pah chuan, "Omom, hetiang hian awmlo teh, Lawmsangzuala vanga in hauh ka duhlo" ka ti leh a, min en ran mai.


A chhanna ka nghah reng laiin Zuala chuan min rawn ko a, tunah chuan rawn in lan lo se a tha ber a sin mawle.


Kan bul a rawn thlen rual chuan, "A tlai tawh sia, kan haw nghal mai dawn ami? " a tih chuan Omoma'n rang zetin, "Haw San rawh ka bul ah a awm tawh dawn, a thuamhnaw chu keiman ka rawn la ang" hepa hian enge maw a hriat le.


Lawmsangzuala mak ti hmel chu ka hmuh hmaih lo, a mit meng atang ka lakah chhanna a beisei tih ka hria, mahse ka neilo, Omoma'n engvanga hetianga ti nge anih ka hre bik lo ani.



"Enge a sawi hi? " Lawmsangzuala'n atih chuan chhan ngaihna ka hre bik lo, Omoma hi chan ka duhlo, mahse a bul ah ka awm thei lo.



Ka ngawih reng avangin Lawmsangzuala bawk chuan "I bialnu chu a ni mai thei, mahse a chhungten ka bula awm turin an duh a, hrethiam ang che" ka kut ah min chelh a, min kalpui nghal dawr2.




Pawn kan chhuak chiah chu ka kut thing thla pahin, "I buaina nilo ah inrawlh tawh suh ka ti che ni lawm ni? " ka ti vak a, "Anih chuan khapa bulah khan I awm dawn ami? " chhan ngaihna ka hre leh tawh lo.




"Enteh, I nu leh pa ten ka bulah an dah che a, ka mawhphurh na I nih hi hre ta che, Hmingduhawma bulah awm la engtinnge I chhungte ka hrilh ang? " a sawi dik chiah, hmun danga awm thei ka nilo, ka chhungte an hriat chhuah vaih chuan an thinrim khawp ang.




"Haw phawt ang" ka ti sap a, in kan thlen chuan khum ah ka bawk nghal thlawp, ka mittui chu a rawn luang dawn ta mai, Lawmsangzuala awm laia tah ka duhlo.




Lukham ah ka hmai ka phum tlat a, min biak pawn ka chhanglo, mahse "Hmingduhawma hi then mai rawh" a rawn tih chuan ka hawi chhuak lo thei lo.



"Engmaw? Tunah khan engmaw i sawi? " ka aw chu a ngaihno bei lo viau ang, mahse pawi tihna ka neilo.

"Hmingduhawma hi then rawh ka ti" Lawmsangzuala mai2 chu'h "I hrethiam lo ami? Khapa khan a hmangaih hlawllo che, rin pawh a rin theih loh lai chein engtinnge a hmangaih theih teh lul ang che"

"I lo buai ve angai lo, nangmah vang vek anih hi I hria em? " ka ti let fak a, "Keimah vang maw? Sawi teh, enge ka tih? " "Aww engkim hi nangmah vang, lo piang lo tawp la chuan hetiang hi kan thleng lo ang" he mittui ve sek lah hi, dan ka tum viau pawn a luang chhuak lo thei lo.



Chhuat ah chuan ka thu hnawk a, ka mittui lah chu dan sen lohin a luang zung2 mai bawk si. Lawmsangzuala chuan min en reng tih ka hria, ka ziaawm deuh hnu chuan ka tho a, "Engpawh nise Omoma chu ka then lo ang"ka sawi rual chuan a nui hak mai.


" I nunah hian vawi 1 pawh ka inrawlh tawh em? Khawngaihin ka mimal nunah hi chuan lo buai tawh suh" mi mawl let tawp anih loh chuan ka tawng danah ka beidawng hle tih a hre tel ngei ang.



"Awle, I duh dan anih chuan" tih apah in a chhuak a, a bike ri in a zawm nghal. Ni e, tunah hi chuan awm dun rihlo ila a tha ber. Omoma ka call a, a la duh lo, ka message erawh a seen hram, "Hey khawngaihin tiang chuan awm suh" min reply lo. Mahse ka tlawm lo ang, ka chan theilo ani.



Lawmsangzuala POV


Chak takin ka tlan a, ka hmaah chuan enge awm tih pawh ka hmufiah theilo. Hmun reh lai tak ah chuan ka ding a, khua chu a thim tan tawh.



Engatinge? Engvang nge?


Ka kut ah chuan a rawn far fap2 a, ni e, kei hi Remruatfeli vang in ka tap.


Engtinnge ka hrilh fiah tak ang, amah hmangaih miahlo Tu hi engvangin nge a hmangaih tlat?


Ka phone ri chu en in pa Hminga a lo in ti kulh mai, tunah tak hi chuan ka be chak lo viau a sin mawle.
"Hello"
"Zuala, vawiin chu in chak ta em? "
"Aw chak e"
"Bawihi hi ka call a chhang thei lo a, i bulah a awm em? " kan mi mawli chuan a pa call tal te chu lo lak ve tur alawm mawle.
"Aih thil pawimawh tiin ka chhuak lawk a, ka haw veleh ka lo biak tir ang che" phone ka dah rual chuan ka thaw hak a, Remruatfeli hian thil tha lo tih te hi a tum anilo maw, ka tho thut a, in la panin chak zetin ka tlan nghal.



Kawngka chu pawt hawngin ka tlan lut nghal a, mahse ka thil hmuh vang chuan ka ding chawt, eirawng a lo bawl ve ni ngei tur ani, chawhmeh a lo chan mial2.


Min hmuh rual chuan a tho a, "Khawnge i kal daih a? " vui aw lek2 in a tia, a hmel ah chuan engmah thlenglo ang mai ani, henu te hian engtinnge a mood a thlak zung2 theih bik le.



"Ka leng" tih zawngin ka chhang a, a bulah chuan ka phei ve nghal. "I va that leh tawh hmel ve? " ka'n ti hram pekah. "Nangmah vang mai2 in ka mood ka tichhe phal teuhlo" a la ti zui.



"Enge keimah vang anih na, I bialpa vang zawk anih kha" ka tih chuan chemte in min khawng fawk. "kha lam kha chu sawi tawh lo ang" a hmel ah sawi zawm a duh loh zia a lang vek.



"Awle, anih chuan eng rilru pu in nge ei rawng I bawl a" ka tia, "Engmah sawi lo in I chhuak daih sia, chaw kan nghei dawn asin" a tih chuan kan nui dun hak.



Ka in tihfai zawh chuan chaw ei a lo peih diam tawh, bawng sa a lo siam ve ngei a, ka'n ei chaih chu'h 'kareiii' hi ni ringawt, a tuiloh zia chu pui tak ani.




"Tinge a tui lo ami a" min melh kuau mai, "Tui e, ei ve la I hre mai ang" ka tia, a ei ve chiah chu le, lem pawh a lem thei lo, a uak nghal tuar2 a, ka lo nuih vak2.



"Misual pa" min ti nghal hlur, "Enge nangma siam anih kha" ka tia, ka nuih chu a za tulh2.


Bathroom ah a tlan lut a, "Heyyy chawhmeh hi a dai dawn ania" ka tia, a rawn chhuak har lutuk chu keimah zawk ka buai leh.



Kawngka chu ka kik a, a hawng duhlo, "I hawn loh chuan ka tichhe dawn ania" ka tih chuan a rawn hawng hram.


Khai leh, henu han tah belh dan hi, "Enge I tah a" ka tih chuan "I sual em alawm" a rawn ti tuau, ka nuih za lutuk chu ka ip chawih2 thei.



"Lo chhuak phawt teh" tih pahin ka kai chhuak a, thutthlenga thut pah chuan, "Ei tur chu a dang siam leh mai rawh" a inthlahrung hmel chu hmuh hreawm ka ti, "Thil pakhat ka zawt ang che aw" ka tih chuan a lu a bu nghut, "Ei rawng I bawl ngailo hrim2 ami?" ka tia, "Bawl ngai tho e, mahse ka siam tui ngailo" a tih chuan ka nuih suk a, "Kan siam tha leh dawn nia, ka zir tir ang che" ka tia, a teu hlur mai.




"I zir tir kher pawh ka ngailo" a ti leh hram, "Nula eirawng bawl thiamlo nih te chu I zak lawm ni? Lo kal mai2 rawh" tih pahin choka ah chuan ka kai phei a.






Dah loh ai ka rawn dah mai2, tawp laklawh bawk sia😂a mood ah hian ka cheng lutuk lo deuh a, a boring deuh pawn min lo hre thiam mai ru aw😪

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:56 pm

Chapter-9

Dar 9 rik dawnah chaw pangai kan ei ve chauh alawm, "I siam tui tawh khawp mai, tunge zirtir che a? " ka ti chu min melh rum leh ringawt tawh.





"Taka I pa in min lo call a, tinge phone I lak theihlo? " ka tih leh chuan a tho thut a, "Khawnge ka phone ka dah" tih pahin a tlan kual nghal char2."Ka dahna ka hrelo rere, han call teh" a tih chuan ka call ve mai a, a ri chhuak lo aniang, thawm engmah kan hrelo.




"I va han tlaw tak, mahni phone awmna pawh hriat loh theih" ka tih chuan vin lutuk in"tawng zuah2 lo khan min rawn zawn pui ta che" a tawng ring leng lawng thei siah.





Kan zawn kan zawn tak ah chuan kan hmu ve mai alawm, khum hnuai ah a lo dah chu niin, engtinnge maw a khawsak bik thin ni.

After 2 Week

Remruatfeli POV

Omoma nen pawh kan tha leh tawh viau mahse Lawmsangzuala nen hi chuan an la inmul thei thlawt lo. Hmeichhia chu final kan lut a, mipa ve chu semifinal pawh an thleng lo, Rinpuia tal chu awm se an chak ve tur ania, Lalnunkima tlaw lutuk vang vek.

Final kan lut tih kan hriat zanah chuan Omoma'n len chhuah pui ah min sawm a, Lawmsangzuala vang hian hmuh pawh kan inhmu mumal theilo, chhuanlam siam angai dawn tih ka hria, engtinnge ka tih ang aww?



"Ihhh zanin chu ka thian te nen len chhuah kan tum a" phone a khawih mawlh2 lai chu ti dekin ka va tia, min melh danah a lawm loh hmel.



"Khawnge in len dawn? " min en dan mai2 chu'h, "I hriat ve zel pawh angailo, min va ringhlel ve"ka ti let nghek a, ka inthiamlo leh, A bula thut pah chuan, " Kan rei miahlo ang, promise " ka nuih tlawn vel ta ringawt.



"Anih chuan ka lo thlah ang che" tih pahin a tho hlut a, "aih" ka lo ti tuarh. "Thlah ka ngailo, keimahin ka kal mai ang" Ka sawi rual chuan bedroom ah ka tlan lut a, ka bag leh phone kengin ka tlan chhuak lehnghal, kawngka atang chuan, "Ka lo haw har lo ang" chu ka'n tih hram kha, min rawn umzui em lo ang chu maww.



Omoma'n min lo nghak a, bike bul ah a lo ding reng tawh, "Tu bike nge a" ka ti nghal hu a, "Ka thianpa ta anih hi, chuang rawh" hepa hian tu thianpa nge maw a lo neih leh hman le.



Hmun mak deuh ah min hruai a, party na ni awm takin a ri ruai2 ringawt, a chhung kan lut chiah chu an lo lam nasa mai, "Tinge tah hian kan kal a? " helai hmun hi ka ngai na lo, bengchheng hi ka ti thei thlawt lo.


"Awww kan party dawn" a ti sam et a, "Mahse tinge min hrilh lawk loh" ka lung chu a awi zan lo, mi lah chu an tam ropui si.



"Hrilh lawk vak angai ami? Lo kal rawh" tih pahin min kai phei a, hmeichhia, zurui tih hriat ngawih2 te bula awm chu hreawm ka ti, mahse Omona tih lungawi loh ka hlau bawk si, amah lah chu a hlim hmel ropui sia.



"Hiii bawiha, i lo va kal har ve" titu chu ka melh kawk a, Omoma nen chuan an inkuah, ka lo ner nasa mai, bawiha te a ti mai2 lehnghal.



"Va lam ve ila" tih pahin Omoma chu a kai tho a, "Ka lo let leh vat ang" an in zui phei lai chu ngawi rengin ka en.


Party naah min hruai a, hmeichhe dang bulah min lam San leh daih lawi si, Cork ka in lai chuan mipa pakhat hian ka bula rawn thut pahin min rawn kuah titih, "Aaa thianpa, min hai ani lo maw" ka tia, "Hai lo, Hmingduhawma rawn hruai kha i ni lawm ni? " hepa hian Omoma a hria maw"Aww ni e, min hria ami? " ka ti let vat a.



"Lo kal rawh" tih pahin min kai tho a, "Khawnge min hruai I tum" ka tang tung a, mahse a chak lutuk.Omoma chu ka au vak2 a, mahse hrelo ang hmakin khanu nen khan an lam anih chu.



Pawnah chuan min kai chhuak dawr2 a, "Min thlah vat teh, tunge maw i nih le? " ka tih chuan Ka hmai ah min beng a,lei ah chuan ka tlu tawp.



"Tunge ka nih i hriat a ngailo, Hmingduhawma'n zanin a tan nang hi min pe tih hre rawh" a thil sawi chuan min deng dawt mai, heng zawng2 hi Omoma plan vek maw, ka awih thei lo.



"Dawt sawi lo mai teh, i va zakthei lo ve" ka tih chuan a rui lungpuam tawh bawk si chu leia ka awm lai ka sam ah thamin min pawt tho dawrh a, "Khanglang che chuan, hmeichhia tete si, " tih pahin ka pum ah min nghawk chawrh a, ka tlu leh tawp.




Ka mittui chu danin awmzia a neilo tih ka hria, a rawn luang zung2 mai, min pui tura ka beisei ve ber lah a ruahman na vek alo ni zawk si a.




Chhuat a ka let lai reng chu min pet leh pawp a, ka rilru nge ka taksa hi na tih pawh ka hre thiam lo. Reilo te ah engmah ka hre zui tawhlo.

**

Ni eng chuan min rawn chhun sar2 a, ka hmuh leh hmasak ber chu Lawmsangzuala a ni., Thawh ka tum a, ka hnung zâng leh lu vel chu a na vek, ka thawm hria in a rawn meng a, min melh kur mai.



"Nizan ah enge thleng i hria em? " "Immm party naah kan kal a, chuan.... " ka hrechhuak, ka phone chu la in Omoma hming zawn ah ka tawp chawt, ka call tur chu ka kut a rawn vuan a, "tunah rih lo" a ti sap.


Ka dah veleh mai a, "Enge awmzia? " a ti nghal, chhan dan tur mai pawh ka hrelo, a remti vaklo chunga chhuak ka ni bawk si, aaaaa chuzawng aisai chuan nizan a khapa thilsawi kha ani, hetianga min sawisak chhan hi Omoma tihtir vek maw.



"Ka hrelo" ka ti sup ringawt, tah ka duh miahlo, mahse ka mittui hian luan a chak em ani, engmah sawi lo chuan ka tap nghal hlawp2 a, lo kal hnaiin a awm ah min bei tir a, ka sam chu a chul heuh2 mai.


"A pawi lo e, thlamuang deuhin awm tawh rawh" ka kuah thlawp a, chhuak lutuk in ka tap char2.


"I ziaawm tawh ami? " a tih chuan aw ka ti ve mai, ka hrechhuak thut a, "Engtinnge hetah hian ka awm thut theih a?" ka melh kar mai.


Chutah "ka zui ru che a" tih zawngin min la chhang zui, uanna hun pawh anih loh nen, ka zawt chhunzawm peih tawhlo, nakinah aman a sawi leh tho ang.



Thawh ka tum chuan ka harsat ta tlat, ka hmui sir veilam a pem a, a thip phian lehnghal. Ka hnung mawlh chu a ni, a tliak emaw ka ti hman alawm.


"Thawh kha chu tum rih lo mai rawh" a tia, "Omoma chu ka call dawn, a chhan hriat ka duh" ka thin chu a rim leh hlut, ka phone ban in a hming ka hmet chhuak lehnghal, ka call a, a chhang lo, ka text lahin a online bawk silo.


Ka mittui chu a rawn hnai leh ringawt tawh, he mittui ve sek lah hi, "Call suh ka tih che kha" a ti nghut a, "Engmah hi ka hrethiam lo, engvanga hetianga ti nge nih hi ka hrethiam lo ani"ka sawi rual chuan ka hmui a rawn hup.



"Damdawi ka va la ang" rei lo te ah a rawn let leh nghal, ka hmui chu a hnawih a, a thip deuh bawk si chu ka ip zawk2 mai, "A na ami?" zawhna awm leh awm lo te hi a hre ve lo emaw ni le, "Na" ka ti tuar a, min ei lo hmel tawk in a ner suk.


"Ka chhungte i hrilh em?" hrilh lo hram se ka van ti tak, "aih" a ti chiah chu ka thaw huai mai, "Tak2 maw, ka van lawm tak" ka tih chuan, "ka la hrilh hman rihlo a" a tia nih chu.



"Heyyy khawngaihin hrilh lo hram la" an hriat vaih chuan min ngaihtuah dawn lutuk, min hau nasa viau bawk ang.



"I awm dan in a la hril ang chu" hepa ngeiawm lutuk hi chu a.





Dah loh ai tak meuh2🙈a tawi tih ka hria, ka buai ve lutuk a, a ngaihnawm viau loh pawn min ngaidam hram2 teh u😪

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:56 pm

Chapter-10


Lawmsangzuala POV

Chhuah min dil dan kha ka ngaih a tha theilo, henu hi Hmingduhawma nen an chhuak dawn ani chiang mai, khapa kha ka ring hlawllo.



A chhuak ka umzui chu ka rin ang ngeiin bike a a chuang lai ka hmu a, mahse mipa chuan helmet a khum a vangin a hmel ka hmuh theilo, chuzawng ai chuan engvangin nge Remruatfeli hian dawt min hrilh kher.




Zui ruk chu ka duh miahlo, mahse ka ngaihtuah lo thei silo a, ka zui ta nge. Ka rin aiin an kalna chu a hla zek, khaw dai ah chuan an lo ri ruai2 mai, an party dawn ani ngei ang.




Inchhung an lut tur a helmet a phelh chiah chu ka rin ang ngeiin Hmingduhawma ngei ani. A chhunga luh ve chu ka tum zet naa, ka thulh leh. Remruatfeli'n min hmuh chuan a lungawilo dawn emai.



'Pawnah ka lo nghak mai ang' ti rilru chungin ka insiam rem a, mahse reilo te ah mipa pakhat nen an lo chhuak a, chutih lai tak chuan ka phone a rawn ri bawk nen, chhan loh ka tum zet naa, Ruatfeli nu a ni bawk si.




Kan inbe zo ka hawi let chiah chu'h, rang lutuk in ka tlan phei nghal a, tunge anih pawh ka hriat loh ka hmangaih kut lo thlak Tu chu a hmai ah ka hnek nghal chawrh a, lei ah bawhtlu in ka sawisa chhunzawm nghal.




Ruatfeli ka va en a, engmah hrelo in lei ah a lo let reng tawh. Ka pawm tho a, a hmui no tak chu a thi ser2 a, a dâng bal mai.




Engatinge dawt I sawi? Lo kal lo ta ila i chungah hian enge thleng ang, mawl lutuk mai. Ka harh zawk a, Hmingduhawma ka hrechhuak, helaia Ruatfeli hruai Tu hi a mah ania, a mawhphurhna a ni.




Hmun rem deuh ah chuan ka mut that tir a,a chhung ah lutin Hmingduhawma ka zawng nghal. Ka thil hmuh chuan min ti phu zawk thei mawle, Hmingduhawma chu hmeichhe pakhat nen zu an lo in dun anih chu.




An bul ka thlen rual chuan ka hnek tlu tawp a, "Enge maw I hriat le? " seh chilh nawk2 chuan min la rawn tih khum zawk anih chu! hahhhh




"I bialnu pawn ah miin engmah hrelo in an sawisa a, nang hetah zu i lo la in mai2 amaw" ka thinrim lutuk chu ka in control zo dawnlo in ka hria a, "Remruatfeli hnaih ah ka hmuh leh che anih chuan ka student i ni tih ka theihnghilh ang" tih pahin ka chhuak nghal.




Remruatfeli mai2 chu awww bike achuang thei ziazâng a ni bawk silo, Erica ka call ta ringawt, motor lo keng turin ka tia, a lo thlen chuan car chu ka khalh a, anin ka bike a khalh haw thung.



Khum ah chuan ka mut a, a hmeltha tak, pawisak nei miahlo a an sawisak chu ka en reng ringawt. Ka hriatthiam theih loh chu engvanga Hmingduhawma'n hetiang thil hi ti nge anih tih hi? Remruatfeli lah chuan a ring ropui mai sia.

***

Thawm a rawn neih deuh takah chuan ka harh a, ni pawh a lo chhuak tawh, nizan khan ka lo muhil ve daih a nih dawn hi.


"Nizanah enge thleng I hria em? " ka tih chuan a phone a ban nghal a, Hmingduhawma a call dawn tih ka hria, call tih lo tura ka tih chuan a dah ve leh mai a.


Thil awmzia ka zawh chuan sawi ngaihna a hrelo, a mittui chu a rawn luang nghal zung2 a, ka awm ah bei tirin ka thiam ang2 chuan ka hnem ve bawk a, mahse a tap bang thei meuhlo.




In a a awm theih dan min zawh chuan ka hrilh duh lo a, "Omoma ka call dawn" ti leh hlut in a phone chu a la leh a, ka dang duh ka biklo. Mahse chhan na a dawnglo ni ngei tur ani.



A chhungte ka hrilh leh hrilh loh min zawh chuan ka chhang tha duhlo a, a tum bur mai, engtinnge maw duhawm deuh hian a awm thiam bik thin le.




Chaw ei ka siam mawlh2 lai chuan sofa ah a phone a lo khawih a, a mittui chu a la tling pam in ka hria, a mit hnuai lam a duk deuh churh bawk si.




Ni e, a tan chuan a hrilh hai thlak dawn em asin, a bialpa nen party naah an kal a, hetiang hi a chan ani ta si.




Engpawh nise Hmingduhawma chu ka ngaidam hauhlo ang, tiang khawp hian a ti na a, a mah lah chu a reh zui hmak bawk si.



Chaw kan ei lai chuan "Zual, engtinnge niang? " a aw atang chuan a beidawn hmel ngawih2, "Engmaw" ka lo ti vat a, "Engtinnge a reh hmak theih zawk le? " a tih leh chuan ka hrethiam chiah.



"Pawi ti reng2 suh, a hmangaih tak2che anih chuan alo kir leh em2 ang, ka ti leh a, " Mahse, lo kir tawhlo ta se" a tih chuan ka dang a awk ta tlat.



Dik tak chuan hnem reng hi har ka ti, theihloh chin pawh ka la nei mai thei, ka hmangaih chu a hmangaih vangin a na a, hnem viau chu duh mah ila harsa tih na ka nei tlat.





"La in ngaihtuah muk lutuk lo la, engkim a tha leh vek mai ang" ka tih chuan a tawng ta lo. "Vawiin chu chhuak bik suh aw" a rawn ti hlawl a, ka melh reng ringawt.




"I chhuah daih chuan ka tap leh palh ang" a nui a, keipawh ka nui suk,"Anih chuan ka chhuak lo mai ang, i tap thlem i har thei emai" ka tih chuan kan nui dun hak2.





Nilengin kan in awm chu a ni ta ringawt, Ruatfeli pawh a rilru natna dahtha in taksa natna lam a tuan a, ho tete ah a"awiah" reng mai, min tibuai lutuk.





You tube ah 𝗠𝗮𝗴𝗻𝗶𝗳𝗶𝗰𝗲𝗻𝘁 𝗖𝗲𝗻𝘁𝘂𝗿𝘆 hmuhnawm ti lutuk a ka en laiin bathroom atangin thil ri rawk ka hria a, hmanhmawh zet in ka tlan phei nghal, henu inbual hi a va chesual ringawt ami le.




"Remruatfel, tinge a? " kawngka chu ka beng dawt2 a, min chhan mai loh avang chuan ka hlauthawng deuh bawk si chu kawngka ka tichhe ta nge2, 'kareii leh' shower chu a lo lik nasa mai, bathroom chhungah chuan tui a lo tling teuh tawh.




"I tha em? " tih pahin ka va pan a, thawmhnaw mumal a ha bawk si lo, "Lo kal suh" a ti thawt a, ka ding nghal chawt.




"Awle, mahse engtinnge shower hi a chhiat thut theih a? " ka tih chuan a rawn khuh kharh2 a, "ihhh ka lam a, chuan a on na kha ka tauh palh a," a ti nih chu.




"I lam maw? mahse tinge? " zingah kha chuan ala broke viau sia, "Awww ka duh a, ka lam" a la ti hluk zui, ka nui ta ringawt.




Tui lah chu a liam zung2 mai bawk si, plumber han nih zawk te pawh a chakawm viau mai, mahse ka thiamloh lam tak ani bawk si.




Engpawh nise a tui hi tih liam loh dan ngaihtuah phawt a ngai, tube chuan tawn ka tum a, a harsa zek lehnghak. Nghet deuha tih ka duh avangin ka pawt vak a, chhuat alo nal tawh bawk si chu Remruatfeli awmna lamah ka tleng zawk a, bath tub ah chuan kan pahnihin kan awm ta ran mai.






Kan hmui chu a in si lo chauh,a mitmeng lian kel kawl chuan min melh a, ngawi reng in kan in en.





Chutah ka rilru chu a nilo lamah a kal ta tlat, kaihthawh vat awm zawk chu ka hnaih telh2 a, a hmui ka dek tep tawh tih ah, "I rit lutuk" a rawn ti sup, huizzzzz a bam leh ta vek mai.



Tihngaihna hre tawh bik heklo, ka tho a, helai bathroom boruak hi chu a nuam ta zanlo. Tui chu ka tawn phui tawh bawk a, a tling ho paihchhuah a la ngai.




Bath drop chauh a hak avangin a nghawng vel chu a lang chiang viau a, a var han mai. A dar dinglamah chuan hmuh ka nei tlat in ka hria a, ka va pan hnaih chuan a lo hnung tawlh hret2 thung.





Mahse eng ang pawn min hlat tum se a theilo, bang ngheng chuan a ding ta ran mai le, keilah chuan ka hnaih zel si.





"E... Enge tih i tum a? " hahhhh henu hian kiss ka tum emaw a ti amawni le, hnai deuh ah chuan ka en a, a mit a chhing ringawt.




Ka nui hak a "I dar ami hi ngatinge? " ka sawi rual chuan a meng kuau mai, a en chuan a hma ai ai in a meng lian zawk.





"Eheee ngatinge hetia a duk ringawt le" a ngaihna ahriat loh hmel. "I hrelo ami? " ka tih chuan a lu a thing, "Nizan ami aniang, engtinnge I hriat loh theih le? " ka tia, "A na bawk silo a,hriat dan a awm hleinem" a tih leh chuan "I inbual naah pawh I hmu lo a, I inbual fai awmlo" ka'n ti hram pek ah, a lungawi lo teh e.





Bathroom tih fai chu ka peih thlawt lo, Remruatfeli a chhawr theih bawk silo, damtha tal se chu engmah sawi lo in ka tifai zung2 mai tur, mahse a tello chuan ka peih biklo







In ti fai tur ka ko ta ringawt, an tih fai zawh meuh chuan khua a thim tawh. Chaw kan ei a, a in ti damlo tlat bawk si, thleng ka sil leh ringawt phah.




Chaw ei kham chuan dar 8 a ri dawn tawh, living room ah T.V kan en a, a phone a rik a vang chuan room ah peihlo tawk chuan a va phei a, minute 5 hnu vel ah hmanhmawh lutuk in a rawn chhuak, a hmel awm dan chu a diklo, a tap emaw ni.




"Khawnge i kal dawn? " ka tih chuan "Min rawn zui suh" tih zawngin min chhang a, a chhuak zui nghal.


Remruatfeli POV

Ka phone ka en chuan Omoma a ni, ka thin chu a phu dup2 mai, "Hello, Om tinge ka call i lak theih miahloh a? " ka tah chu a chhuak leh nghal ringawt tawh.
"Ruatfel, in hmu lawk ang"
"Aw, aw, aw, khawi ah? "a awmna hmun min hrilh chuan ka chhuak nghal, Lawmsangzuala pawh ka care thei tawh lo.


Omoma'n hetianga min tih hi ka la ring theilo, chhan tha tak chu a awm ngei ang.



He mittui ve sek lah hi, luan hun pawh hrelo, kawnga kal pah chuan ka hmai chu ka hru tawk a, ka hnung vel chu a na thum mai bawk si, mahse chutiang ngaihtuah thei ka nilo.







A thui ve tho em🙈kei chuan thui ka ti teh mai nia aw🤭hetia laklawh deuha tawp tir hi ka duh biklo a, mahse a ngai leh thin😂min ngaidam leh mai teh u🙃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:57 pm

Chapter-11

Bus stand ah chuan a lo awm ngei a, engmah sawilo chuan ka kuah thlawp, "Dawt tiraw, engkim hi thil thleng palh anih thu min hrilh rawh" ka ti nghal tawp.




"Thu phawt ang" a tih chuan kan thu a, engmah a la sawilo, "Om,sawi teh, nizan khan enge thleng? " " Ngatinge khapa sawi sak tur khan i awm rere a, a sawi ang khan zui mai ta che" min ti hrawk anih chu!!




A thil sawi chu ka beisei loh lutuk lam anih avngin ka mit deuh sulh a, kha misualpa khan thuduk a sawi amaw, "Anih..., anih chuan nang hian min zuar ami? " ka tawng pawh chu a ri chang2 chauh ani.






"I hrethiamlo anih kha, enteh" min khawih a tum chu ka lo indang vat, "Zawhna ka zawh che chu, min chhang rawh" ka ti tuarh a, mi reh lam anih tawh avangin tawng pawh a ring duh viau, mahse pawi ka tilo.





"Nawmchenna anih kha" enga?enge a thil sawi awm zia hi? "Engmaw?" ka ti vat, "Nawmchenna, Ruatfel, khawvel anih hi, tun ang ah te chuan ngaihzawng te pawh an in kawl thleng mai2 alawm" a hmai ah chuan ka beng sawk a, a mitmeng sen ram chuan min en in, "Remruatfel" min ti hrawk.






Ka beng hup in "Engmah sawi suh, engmah ka ngaithla duh lo" ni e, tun ah chuan engmah ka hriat belh duh tawhlo.



"A tha alawm, i duh ang chuan le, tun atang chuan kan inbiak tawhloh ka beisei" tih pahin a tho a, a kalliam lai chu ka aw rawl tawp tak meuh2 in ka au leh, mahse a kal tawh, min hnung chhawnin a kal tawh, vawi khat pawh a rawn hawi let miahlo.




Lei ah chuan ka thu hnawk a, tah zawih2 bak chu tihtheih ka neilo, a thusawi engkim khan mi ti na ani.





Min lo hmangaih ve emaw ka tia, mahse nawmchen nan lek maw min lo hman, ka rilru natna chu 'a na' tih hian a sawi fiah zo kherlo ang, ka kehchhe vek ni berin ka hria.





Ka tah nasat em avang chuan ka khawhmuh pawh a fiahlo vek tawh, ka tho a, in lam pana ka let leh tur chu ka ding chawt.






Lawmsangzuala ka hmuh rual chuan a awm ah ka bei leh thlawp a, "A kal tawh, Zual, vawi khat pawh a rawn hawi let miahlo" ka in hnit leh nghal hlawp2.




Ka sam ah chulin min kuah hle2 a, "Ka hria" a ti sup. Ka zia deuh hnu chuan in lam panin kan kal dun a,ka tawng lo a, ani pawh a ngawi reng.




In kan thlen chuan khum ah ka mu nghal a, ka mittui chu dan buai ka tum tawhlo. Ni e, tawngkamin a nat zia a sawi fiah zawhloh chin ah mittui a rawn luang a, engvangin nge chu mittui hlu tak chu ka dan buai teh lul ang.





"I mu nghal dawn ami? " a tih chuan ka lu ka bu nghut ringawt, ani pawn engmah a sawi tawh lo.





Ka boruak tawn mek leh mutthilh chu in hlat tak ani, ka mu meng kar a, thil tam tak ka ngaih tuah. Ka rilru chu a na tak meuh alawm, ka mipa hmangaih, ka ngaihzawng hmasa ber ni bawk chuan hetiang dinhmun ah hian min dah si a.





Hmingduhawma hmuh theih tura status up ka tum a, mahse ka chapo na rawn chhuak chuan a duh leh ta tlat lo. Remruatfeli ka nih hi, mipa pakhat mai2 vanga social media a broke vak a tul na ka hrelo, hahhh tunah chuan ka duh2 ti thei turin ka zalen a ni mai alawm.






Khum ah chuan ka thu chhuak thut a, Lawmsangzuala'n min lo en kur, bathroom ah kalin ka in tifai a, ka tap nasa bawk nen ka mit vel chu a bui luk mai.




Inbual laia thil ngaihtuah vak2 hi ka ching hrim2 a, Omoma ka ngaihtuah reng chuan ka inngaihtuah lungpuam leh mai dawn in ka hria a, thil dang ngaihtuah hram2 ka tum.





Ka inbual zawh meuh chuan dar10 a ri leh tawh, Lawmsangzuala chuan min lo la nghak ani ngei ang, a lo la mu lo.





"I zia deuh tawh ami?" "Immm, tunah chuan ka tha tawh, e chuan engtik nge final kha?"Omoma nen kan chanchin sawi chu ka duh tawhlo, " Karleh Tuesday " a tih chuan ka lo aw vat.





"I tha tak2 maw?" a ti leh hram, "Ka tha, a tawk em?" ka thinchhe leh lutuk hi a chang chuan ka inhaw lek2 zel, "Ka tha, khawngaihin min zawt tawh suh" ka ti leh sap.




"Mahse nichin kha chuan.. " a va mak tak, "Hun kal tawh chu a liam vek tawh, keimahin ka inngaihtuah thei, lo inrawlh tawh suh" ka ti leh vak.




Lukham leh blanket nen a chhuak nghal, living room lamah a mu dawn ani ngei ang, a ho emai mu daih rawh se.



Khum ah chuan ka lawn a, ka muhil ve ta mai. Zinga ka harh chuan dar 7 chauh alo la nia, ka tho peihlo viau naa chu nizan ah ka ti thinrim deuh bawk sia, ka tho ta hram.




Thutthlengah lehkhabu chhiarin a lo thu reng tawh, biak chu sawiloh, melh pawh min melh duhlo, nizan vang khan a la lungawilo ami le.




Zing dang ah chuan min wish ziah sia, be biklo chuan choka ah ka tlang a, ei rawng pawh a lo la bawllo. Alu chu ka chan a, chaw chu ka'n chhum ve tak naa, a nem leh viau mai thei ani, min pui turin ka ti ngam der bawk silo.





Ka siam zawh chuan a bulah kalin chaw a ei theih tawh thu ka hrilh a, "Ka ril a tamlo" A lo ti hmuk.


.
"Mahse chaw ei tho angai alawm" ka ti leh a, "Ka ril a tamlo ka tih chu" a rawn ti hrawk, "Lawmsangzual" ka ti tuarh a, "Thinrim pawh ni la ei tur ah hian tuan kher angai ami?" ka ti let ve vak.






"Remruatfel, i mood i thlak thut2 a, nizan ah lem nin haw viau si, i mood time table hi siam la, min pe mai rawh, i mood fuh hun tur leh chhiat hun tur ziak la, chumi mil chuan kan khawsa dawn nia" a thinrim tak2 ava ang ve, khatianga ti vak tur kha ka nilo a sin le.




A mah chu ka en tlawk2 ringawt, mahse ka tlawm mai2 lo ang, ama thiamloh zawk anih kha, 'ka tha ka tih pawn min zawt lui zel a, a ma cho chhuah liau2.



"Keimahin ka ei mai ang" ka tia, ka pheisan daih, a duh leh a ei lo anga, a thu alawm, mi peihlo chung ei luih tir tum tlat te chu ka peih teuhlo.




Chaw ka ei kham hnu pawh chuan thutthlengah ngawi rengin a la thu, mihring luhlul hi chu a va ni ve chiang tak.




Ka pa in min lo call a, rei ngial kan inbiak hnu ah, "Zuala chu ka lo be ve ang" a'n ti hram pekah, "Kha" ti hmuk in phone chu ka pe a, ka pa bul ah chuan a nui leh vur2 tho sia, ngeiawm e.




An inbiak zawh chuan phone chu min pe leh mai dawn emaw tiin ka va ban a, ka ban rekah lo man in, "Time table chu i ziak tawh em?" hahhh hepa hian min bawl a tum a mi le, "Ziak mai2 lo" tih pahin phone chu va lak ka tum a, a kenna kut chu a phar sang thut a, ka va bawh rawk.






Kan hmui chu a in deklo ka tih chuan dawt ani ngei ang, ni e, a in dek ngei alawm, cheng thir tiat ngawt a ka men ka ring, ka meng kawk mai lawm.




Rang lutuk in ka tho a, a ni chu a awm ngai rengin a awm, zak hmel pawh a pu ve lo, kan boruak chu a inthlak chiang hle.





Ka phone chu la in bedroom ah ka tlan phei nghal, ka zak bawk si, ka inthiamlo bawk si, huizzzz ka thinphu lah chu a rang em2 lehnghal.





Lawmsangzuala POV

Ka hmui chu ka khawih a, ka nui suk, a lak ah hi chuan thinrim duh viau mah ila ka tlin rei theilo.



A hmel ah a zah zia ka hmu thei, bedroom a a tlan lut chu engtinnge a awm zel ka va hre chak mai2 tak, mahse a zak ve sia, luh chi ni rihlo.




Darkar khat hnu ah pawh chuan a lo la chhuak lo, lunch ei a hun tawh bawk si, chuti vaka zah tur pawh a ni amawni le.





Kawngka chu a va hawng dek2 a, sofa ah thu in chips ei pahin a phone chu a lo en a, a la nui vur2 zui. Thawm ka neih deuh chuan a rawn hawi rang teh e.






"Ei tur i neih vang ani maw i rawn chhuah duh loh?" tih pahin a thil ei lai chu ka ban sak a, a bula ka thu chu a la tawlh hla hrut2 zui.





"Ka phalna lo a min kiss leh chuan i chhungte ka hrilh tawh ang" ka tia, tih thinrim hi ka chak leh tlat thin.





"Min kiss rawh ti ngawih2 mahla ka kiss tawhlo ang che" a va han duailo ve chiang tak, ka nuih sak a, min la melh rum em2 zui.





"Awww anih kha lam kha chu theihnghilh ang" tih pahin a thil ei lai chu ka lak sak a, a lo awm tawh manglo.




"I va ei chak ve" rap hmel deuhin ka melh a, min chhang duh thraks lo lehnghal.




Ngawi rengin mahni phone veve kan khawih a, "Bialnu i nei em?" a rawn ti hlawl, ka mit ah tak min la en zui, ka lai lek2 ani.




Phur rilru deuh chuan "Aih, ti nge?" ka ti vat a, chutah, "Ka ring reng ah, i bialnu tur hi ka khawngaih lawk e a" a rawn tia nih chu.





"Remruatfel" ka ti tuarh a, a la nui mai2 zui, "Enge, i sual si, khirh bawk si, hei vang anih hi bialnu i neih theih loh" a la ti ta deuh2





"Bialnu te chu ka nei reng" ka tih chuan a rawn hawi rang teh e, "Tunge, tunge?? " min zawt nghal char2, "Mahse a man min bialpa ve lo a" ka ti chu a lo ner nang.




"I duh tih I hrilh lo ami? " a ti leh a, "Hrilh chi a nilo alawm" "Bialpa a nei ani maw?" a ti leh hram, henu dilchhut lutuk hi chu a, "neilo" ka ti hluk.




"Anih chuan hrilh ta che, i va han mawl tak" a beidawng hmel, achal te a dawm vel anih chu. "A chiloh ka tih chu mawle" ka ti leh.






"I va han dawih, i hrilh hma chu in ni dawn silo a, midang a neih san daih mai ang che" a ti leh hram a, ka chhang buai peih tawh lo.





Ka la hrilh dawn khawp alawm, mahse tun ah rih lo. Aaaa, nangma chungchang ka sawi tih lah i hre i mang silo a, i hrechak ve bawk sia aww

**

Hun chu a liam ve zel a, Hmingduhawma chanchin pawh a sawi ngai talo. Final khel Tu pawn kan in buatsaih nasa bawk a, Remruatfeli pawh a phur khawp mai.




Zana an khelh dawn avang in chhun lam chu kan awl viau a, "I khelh theih I ring chiah maw?" a phone hmang lai tihbuai chu ka duh viau lo na in ka va zawt hram, an party zana an sawisak na kha a la nat deuh avangin a khelh theih pawh kan ring lo a, mahse a chak tlat bawk si.



Phone chu dah in"Ka khel thei ka tih kha, hei ka dam vek tawh" "I practice mumal ve bawk silo a, I inhliam mai2 ange" ka tih leh chuan a rum nghut.

"Ka thiamna theihnghilh tur khawpin ka rilru a buai lo, ka khel dawn ka tih chuan ak khel dawn ani mai, I rawn sawi ho ropui si,ka phone hman lai ka dah phah lehnghal" tih pahin a phone chu a khawih a, a call lehnghal, a biak danah chuan Rinpuia ani tih ka hria, an pahnih a an inbiak tawh chuan sawi tur hi an tlachham lo rere.




Inter. Dist. Volleyball Championship woman final chu ka thleng ta reng mai, mipa kha chu kan beisei sang vaklo bawk a, an tlak pawh khan an thlen chin ah kan lungawi tlang viau tho.




Hmeichhia chu kan tang bawk a, final kan lut mai alawm, mahse kan tum tur te hi Aizawl district an nia, a awlsam lo viau mai thei ani.





Khelh dawn tep ah Remruatfeli kan hmu lo, khawnge maw a lo kal hman ni, inkhel lah chu an tan tep tawh bawk si, bathroom chu ka en kual dan2 a, a tawp ber ka thlen chuan a lo awm tak2.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:57 pm

Chapter-12

"Enge hetah i tih? An nghah thup tawh che saw, lo kal rawh" tih pahin a banah ka kai a, a lo vawt leh vek tawh. "Nang hi i zam leh tawh ami a?" ka tih chuan a bu nghut.





"Khello mai rawh ka tih kha" ka tia, "aih" a ti tlat bawk si. "Anih chuan phei phawt ang" tih pahin kan phei a, ka banah a hmer tlat lehnghal.





Kan thlen chuan a thaw hawk a, zawi te in, "Zual, Omoma ka hmuh hian ka lungphu hi a la dik theilo, engtinnge ka tih dawn?" a rawn ti sup.






"Ngatan mah ngai suh, hmulo der la, i game ah chiah rilru pe ang che" ka tia, a thiante awmna lam ah a phei nghal, a thil sawi khan min tih nat zia lah chu a hre silo a awww




"Hmingduhawma lah hi kan inhmu lo thei silo a, ani chu rilru na hmel pawh a pu lo, mahse hmangaihtu kalsanin hmangaih tur a zawng a, a inchhir hun ah chuan Remruatfeli hi ka ta ani tawh khawp ang.




Ka tang bawk a, ka au deuh vak2 mai, Aizawl lam chuan fans pawh an ngah viau a, Ruatfeli chu a zam chhe mai ang tih ka hlau viau mai.



Mahse ka rin ai tak chuan a che tha lawi a, first set chu harsa lo tak in kan la a, second set ah pawh a tir chuan an lead, mahse 10 points vel atang chuan an game a dik ta zan lo.





Ho tete ah pawh an tisual zel a, service lah an lose hnem, second set chu kan la ta lo a, kan ui viau hlawm.




Deciding set chu kan innghahna a ni ta, an inhneh tawk chho viau a, mahse hringnun pawh a hring reng bik hleinem mawle, a hlim reng theih loh a, chutiang bawkin a tah reng theih loh,sawi duah lo ila kan chak ta lo.




. Kan ui viau a, mahse tihnghaihna vak a awm chuanglo, players te chu an khelh that thu leh theihtawp an chhuahna chu lawmawm tiin ka fak mawlh2 a.





Mahse Remruatfeli a awm ve lo, ka hawi kual a, ka zawn ka zawn hnu chuan bathroom a a lut tur chu ka va hmu hman a, chhuanlam siamin ka va zui nghal.





Kawngka chu ka kik a, mahse a chhung lamah a kalh tlat, "Kawngka hi hawng teh" ka tia, "aih" a lo ti tuau mai, a tap amawni.





"Remruatfel, kawngka hi hawng rawh ka tih chu, i hawnloh chuan ka tichhe dawn ania" ka tih leh chuan a hawnglo ngam biklo.





Akhaiii a tahna a mit a lo bui luk tawh, "Ngatinge i tah a?" ka tia, "Khel suh i tih lai khan lo pawm mai ila tha tur ania" sawi pawh a sawi tha theilo, a tap dawn zel.






"Nahhhh a va ho tak, in khelh that em kha"

"Khello ila chuan kan chak hrim2 ang, lehlam ho tan point box ka ni ringawt alawm" a tap hluam2 mai, ka khawngaih reuh lutuk.






Han hnem dan vak pawh ka hre tawh biklo, a tisual tam ve reng2 bawk sia, a sam ah chulin "A ho lutuk, midang pawn an tisual ve tho alawm" ka tia, a la inhnit feih2 tho.





"Helai a awm reng chu a diklo, min lo zawng palh ang" a hmai a phih zawh chuan kan phei a, Champion ta chiahlo mah ila lawmpui Tu chu kan ngah ve viau alawm le.







Kan awm zel dan tur kan sawi ho a, Sawma, GSA secretary chuan, " Naktuk zan hi mipa final ani bawk a, kan la awm ve dawn lawm ni" a ti chu kan pawm tlang viau.





Dar 11 ah in kan thleng chauh a, mahse inkhel boruak vel nen khawlai chu a la reh lutuk lemlo. "Va in ti fai phawt rawh" ka tih chuan sawi buai lo in a kal nghal a.






Ka tang lutuk, au nasa bawk nen ka chau ve deuh, thutthlengah chuan ka mu a, ka lo chhing sek ni tur ani, Ruatfeli'n min koh chuan ka harh zawk.






"Ka zo tawh a" a rawn ti sup"Anih chuan ka'n inbual ve lawk ange" tih pahin ka tho a, "Zual" a tih chuan ka hawi rang teh e, "Ka lawm e aw"
"Engvangin maw?"
"Engkim vangin, awmlo la chuan thil thleng zawng2 vang hian ka rilru na ka in tihlum daih tawh mai thei ani" a thil sawi chuan min thawng ve bawk ani, chhan mai ngaihna ka hre dawn hleinem.




"Chutiang an sawi ngailo, in tihhlum lam phei kha chu ngaihtuah pawh ngaihtuah suh" ka tia, a nui sak.




"A tir kha chuan ka haw viau che a, mahse hriat chian chuan i lo sual lutuk bik loh hi, tiraw" ka nui ringawt, a thil sawi khan min tih lawn zia chu hria se kei ai mahin a lawm ang.






"Nang pawh ka hmuh tirh che kha chuan lesbian emaw ka ti che lawm" ka'n ti zauh pekah, a ner sak a, "Va inbual mai teh" tih pahin min nam phei dawr2.







Inbual lai pawh chuan ka nui vur2 reng mai, min haw tawh lo a, bialpa a nei tawh lo bawk a, Lawmsangzuala chet a hun dawn chiah e.







Ka inbual zo bedroom a ka lut chu khum ah a lo mu than tawh, "I va inbual rei reuh" khaiii henu te hian a rilru min pe ve deuh chiang mai, "Min lo ngai hman ami?" ka tih rual chuan a lukham a rawn thlawk phei nghal.







"Ngaih vang pawh anilo, nidang ah chuan I zo hma thei sia, khaa I inbual rei deuh chuan I êng sawt2 mai alawm" a'n ti hram ah, ngeiawm thei.







"Kei te chu reilo te chhung a fai deuha inbual dan ka thiam a lawm" tih pahin ka siai zeuh a, lei min chhuah khum in blanket in a inkhuh nghal.





Sofa ah chuan ka mu a,dar 12 a pela tawh, zingah duh chen2 a mut theih bawk a, hmanhmawh vak lo teh ang.





Ka phone chu ka en a, status ka view thuak lai chuan Remruatfeli'n a rawn upload ve hlawl, just now a view kulh chu ka duh bik silo, mahse ka insum theihloh na lam a ni bawk si chu ka view ta nge2.




'Remlo tura ruat a rem theilo' tih zawng, tunge a mention tih chu hrilh buai ka ngai lo, chhungril lam chu a rawn na zawk a, ngatinge maw ka lo view kher2 le.









Zanin chu muttui ka tum tehlul nen, Remruatfeli chu ka va en a, a la inkhuh phui tlat. Huizzz mutthilh chu a va la hla ve, a mutna bulah chuan ka va phei a, "Remruatfel, i la muhil lo tih ka hria a nia" ka ti deuh thawr.





Rawn dak chhuak in, "Enge" a rawn ti hlar, khum ah chuan ka thu a, "Hmingduhawma chu theihnghilh tawh rawh, engatan mah a tih tawhloh che hi" ka ti hrawk a, ka tawngkam chu a mawi lemlo tih ka hria, mahse ka insum hman thlawt lo ani.






"Enge i hriat a?" a ti tuarh, "Hahhh status a mention vak pawh angai ami? In inthen tawh kha" ka ti leh, "Chuan enge, ka duh2 ka hmang anga, enge pawi, i tana tangkaina awm lo ah lo inrawlh tawh suh" "Ka inrawlh a ngai lawm" "Engvangin?" "A chhan chu ka.... " ka hrawk chu a rawn phui ta tlat, thunah chuan ka hrilh thei rihlo.









"A chhan chu ven him che ka duh alawm" ka ti zawi raih a, a nui hak. "Tunge min veng tura ti che" a tawng chang fak2 hle mai, "Ka thinlung in" ka ti sap a, ka chhuah San nghal.









Living room ah chuan ka thu reng a, ngatinge maw buaina hian min kiansan theih reng2 loh le?! Beiseina ka lo nei sang ve hman viau a, mahse tiang hi kan thleng leh bawk si.









Rei ngial ka rilru kawmin ka inngaihtuah a, ding hluaiin bedroom ah chuan ka phei nghal. Ka thil hmuh vang chuan ka ding dawt a, khum ngheng in chhuat ah a lo thu a, a khup ah a lu nghatin a lo tap, ka pan hnai a, a hma zawn ah tak thu in ka melh reng.







Chutah a rawn hawi chhuak a, min hmuh rual chuan a hmai chu a hru nghal tawk, "I tha em?" min chhang lo, "Ka tih palh aw" ka tih leh pawh chu hrelo ang hmak in a awm.








"Min chhang ve la" ka zaidam na in a tlin lo leh mai dawn, Lawmsangzual insum hram2 teh, "Enteh, i rilru tih nat hi ka duh lo ania, Hmingduhawma vanga i nat phei chu ka duhlo lehzual, chuvang chuan a mah vangin i rilru ti na tawh suh" tawp mai a, Lawmsangzual lehh i va huai rem2 ve.









"Engvangin?" min en hau mai, "A chhan chu ka sawi tawh kha, ven him che ka duh, veng tur che in min ti lo mahla ka venghim zel ang che"






Min chhan mai loh avang chuan ka zak leh hnuhnawh, a kut a chelhin "Ruatfel, tha deuh in awm tawh ang" amit meng tle sawr chuan min en reng.






"Ka buaina a i inrawlh tawh dawn loh chuan" a ti sup a, "Hmingduhawma chungchang anih loh chuan ka inrawlh lo ang" ka tia, a ner sak.






"Anih chuan min hrilh teh, tinge Omoma hi i huat em2 a, i pawi a sawi awm ka hre silo a, " a tih chuan ka thaw hak, "Mahni bialnu te pawh ngaihsak lo a nawmchen nan chauh duhtu hi engvangin nge ka huat loh teh lul ang, bakah a rinawm loh vangin kut i tawrh phah lehnghal a" ka ti deuh bawrh2.





"Anih chuan nang hian min ngaihtuah viau ani maw?" a nui a, ka mit ah tak min en.






"Aww a chhan chu i nu leh pa ten ka kut ah an dah tlat che a" ka ti hram, awww ka duhzia che hi sawi thei ila ka ti, mahse a la rem rih silo a.







A lu a bu nghut2 a, "Ni ve tho mai" tih pahin a tho hluai, "A tlai tawh si, mu tawh ang" khum ah chuan a lawn nghal a, sana ka en chuan dar 2 a lo ti tawh, kan in hau a, ka thlem leh chhungin hun a lo kal duak hman a lawm hehee







Kan in mangtha hnu chuan chhuah ka tum a, "Khawnge i kal dawn?" a tih chuan ka hawi let vat, "Living room ah" ka tia, "Tha deuh in awm tawh ang i tih kha, hetah lo mu ve rawh" a thinrim hma ang hu hian tih lungawi hi a awl a.






A bul ah chuan pheiin, "I sawi har ka ti reng ah, khum a mut ve te pawh ka chak alawm" ka tia, chutah Remruatfeli chuan, "Khum ah ka ti lo, hetah bedroom ah, sofa ah hian a lawm ka tih" a tia nih chu, a nuih lah chu a zat hmel em2 lehnghal.







'Hetah lo mu ve rawh' a tih khan khum ah a tihna maw ka lo tia, ka va zak tak. "Enge hetah lo mu ve rawh i tih" ti hluk in sofa ah chuan ka phei a, a mah lah chu a la nui char2 zui.




"Mu vat rawh, zing thawh i hrelo ropui si" ka tia, ka mu nghal hmak.











‌A van tawi ve🙊ka buai thei lutuk a, lehkhabu chhiar pah ten a nia aw ka ziah thin😪min ngaidam hram teh u🙈🥀💕

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)