LAWMSANGZUALA BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LAWMSANGZUALA BY Ruati Renthlei (Completed)

Unread post by Ngaia » July 11th, 2021, 1:00 pm

Lawmsangzuala


Chapter-25


"Ka hria, mahse khawnge a kal chuan ang, enteh, Emily lakah hian feeling engmah ka nei tawh lo, chuchu ngatinge i hriat thiam duh miahloh a" a ti leh a, ka nui hak.






"Engvangin nge ka hriat thiam ang, vawi engzat nge in awm dun lai ka hmuh tawh cheu" ka tih chuan ka hmui a rawn hup hmak a, keilah ka thinrim ka âng laklawh bawk si, a kut lakthlak pah chuan "Mihring ve tho ka nih hi, ka na ve thei, thinlung ka nei ve a, ka rum ve vawng2 thin asin" tih pahin chhuatah ka thu hnawk a, ka mittui chu a rawn luang nghal zawih2.







A awmna ngaia awm chung chuan min melh ngawt2 a, chutah Hriathlua ka hrechhuak zawk, ka mittui hru pah chuan ka tho a, "Emily a awm ve chhung chu ka chhuak dawn" tih pahin room atang chuan ka chhuak a, in hnuai ah chhuk in Hriathlua bulah tak ka thu nghal.




Rei lo te ah a rawn chhuk ve a, chaw ei lai pawh chuan a tawng eih lo, biak pawn a chhang chuang lo, kan ei kham hnu chuan Hriathlua chu rei pawh awm lo in a haw leh mai a, ka duh dan pawh a ni chiah reng a, common room ah kan thu thap a, "Nute, pate, nichin ah ka nu nen kan in bia a, tunlai a hrisel na a tha vaklo a, karleh atang college week a ni dawn tho a, ka han haw chho ve lawk dawn amawn le ka tia" ka sawi zawh rual chuan Lawmsangzuala chu a rum nghal hawk a, mahse engmah a sawi zui lo.






"Anih chu mawle, ni e, chutia college week anih dawn tho chuan chhoh ve pawh a tha alawm, i lung te pawh a leng ve tawh ang chu" patea'n nui huahhuah2 chunga atih chuan ka thaw huai thei, an phalloh mawlh kha ka hlau a.






Lawmsangzuala chu ka ve melh zeuh a, ngawi reng in a hmaa dawhkan in hung chu a melh char2.




Emily pawh mikhual room ah a riak tawh a, ka duh dan ang chiah in, ka mutna tur ka siam fel laiin Lawmsangzuala chu a rawn lut thut a, khum ah min nem/nam thu in, "Dawt tiraw" a rawn ti ringawt, "Engmaw" ka lo ti hu a, "Nichina i thil sawi kha, dawt anih thu min hrilh rawh" a ti thawt, "Enge a, dawt a nilo, naktuk zan flight ticket ka la tawh" ka tih chuan a thaw hawk.






Chhuat ah chuan a tei kual sek a, a khât tawk chuan a thaw leh hawk thin, "Ka sawi tawh kha, Emily awm ve chhung chu ka awm bo dawn" ka sawi zawh rual chuan "Remruatfel" a rawn ti hrawk.





"Tinge? Min ui leh si ami? Hahh a chhuah hun hun ah ka lo let ang, a chhuak lo anih leh ka lo let tawh lo anga" ka nui hak a, fiah fek fawk in "Tinge tiang hian i tih a? Ngatinge min rin theih loh?" a rawn ti leh, "Ka rin lutuk na ah che tiang hian kan awm phah anih hi" ka lo ti ve hmiah, mahse ka thusawi awmzia chu keimah pawn ka hrethiam lo.



Lawmsangzuala POV


Henu hian kal bo a tum tak2 amaw,chupawh Emily vangin, ka awih theilo, ka thinrim chuan thil pawi ka tih leh mai ka hlauh avangin ngawi rengin ka chhuah San a, ka khum ah chuan bawk thlawp in ka thaw hawk.



Tinge thetiang buaina hian min kiansan theih thlawt loh le, Emily lah amaha awm turin ka hnutchhiah ringawt thei bawk si lo, huizzz hringnun pawh hi a lo hring reng biklo anih hi a.




Mutthilh chu sawiloh, ka harh tulh2 mai bawk si, engtinnge Remruatfeli tel lo in ka awm theih ang, aih, a theihloh, engtikawng pawn ka kal tir theilo.





In khat a awm dun e tilo chuan ka call a, a off hmak, ka text erawh chu a seen hram, mahse min reply chuang lo. "Khawngaihin kal suh, Emily chu a rang thei ang berin ka chhuah tir ang" ka tih chuan rei fee hnu ah "A chhuah hun ah chuan min sawm lo mahla ka lo let leh dawn tho, mahse tun ah chuan a la chhuak lo tlat" tiin min rawn reply a, ka tihngaihna hrelo thinrim bawk si chuan ka phone chu ka paih darh vek a,ka khur dar2 thei hial.





Engtin tin emaw zan chu a ral mai a, ka mu mumal lo bawk nen ka chau thlawt, pajamas nen chuan in hnuai ah ka chhuk a, Remruatfeli chu a la tho lo aniang, Emily room ah ka lut a, a tho tawh ngei tur ani, ka hmu lo.





Choka ah pheiin ka nu chu Emily awmna ka zawt a, Ruatfeli nen an awm dun thu a sawi chuan ka tui in lai ka phuh chhuak lo chauh, "Khawnge an awm?" ka tih chuan Ruatfeli room ah an awm thu a sawi a, hmanhmawh lutuk in ka tlan chho nghal.






Kawngka chu ka hawng thut a, an rawn hawi vat, "Enge in tih?" ka ti tawp a, Emily chuan "Ka hrelo, Ruatfeli hian biak lawk che ka duh atia, mahse engmah pawh a sawi lo" tih pahin a melh zeuh a, ka lo melh tawn zak2.





A sawi tur chu ka hria in ka hria, henu hian enge maw tih a tum leh tak le, "Engmah anih loh chu, chaw a ei theih tawh, chhuk ang u" tihpahin ka In her a, Emily chuan "Zual min lo pui mai" a rawn tia, ka hawi vat, a thut na atang chuan a tho theilo chu niin, puih tuma ka phei lai chuan Remruatfeli'n "Na der thiam siah" a tih chu ka hre hman, ka khi sak a, ka pui ta tho.






Remruatfeli chu kut kuangkuahin a kal hmak a, in hnuai ah chhukin chaw kan ei nghal.




Ka pa chuan "Bawihi chu vawiin tlai aah chhuah chu i tum tak2 em ni?" a tia, "Aww college ah engvak kan zir tawh rih chuanglo a" a tih chuan ka rûm nghut a, "Emily pawh vawiin atangin hotel ah a awm tawh dawn" ka thil sawi chuan a thawng viau hlawm aniang, an lo hawi thap mai, Emily ngei pawn mak ati, a chhan chu ka hrilh lawk tlat lo a.





Ka nu chuan "Ngati teh thut nge, a la dam chiang silo a" a rawn tia, "Nurse amah enkawl Tu tur ka dah dawn a, a ngaihtuah awm lo ang, ani lawm ni Ame" tih pahin Emily chu ka melh zeuh a, a hrilh hai bawk si, min hnial thei ani bawk si lo chu a lu a bu nghut ringawt.






Remruatfeli ka va melh zeuh a, min lo en reng, ka nuih sak a, "Keipawh Remruatfeli rualin Mizoram ah ka kal ang" ka ti leh a, a hma ai aiin an meng phawk zawk.




Remruatfeli chuan "Engmaw" a rawn ti tuarh a, nui sak pahin "Ka hruai dawn che" ka ti vat, "A tullo, keimahin ka kal dawn" a ti ram hmak a, ka va han hlau mai2 lo tak.






"Mizoram boruak han hip leh te pawh ka châk alawm" tih pahin ka nui sak a, ka nu chuan "Anih chuan kan chhungkua in han kal vek ila ni mai alawm" a lo ti ve bawk, kan nui bawk2 a, Emily erawh a hmel ah a hlim lo tih ka hria, tianga ka tih avang hian ka inthiam lo tak zet, mahse Emily ai chuan Remruatfeli hi ka tan a pawimawh tawh tlat.






Chaw ei kham chuan "Ame, in be lawk ang" tih pahin huan lamah ka kal pui a,"Enge i thil tih hi awm zia?" a ti nghal pur a, "In beng dai phawt teh, ka sawi kha, engmah tilo in ka awm dawn hleinem, nurse ka dah anga, tha tak in a enkawl dawn che alawm" ka sawi zawh rual chuan ka biang chu a thip zawk, kut min thlak avang chuan a in thiamlo leh deuh ni ngei tur ani, "Ka... Ka tihpalh lutuk" a ti bah nuaih a.







"A pawilo, ka hrethiam che alawm" ka ti sup, "Tinge tiang hian i tih a?I hlat a awm ka duhlo" a tih chuan ka insum thei tawh lo, "Lalruatdik" ka ti vak a, ni e,Ruatfeli nen kan chanchin a hre vek a, chuti chung a a bialpa ang maia min chei bawl reng hi ka ning tawh lutuk, thildang sawi lo chuan inchhung ah ka lut hmak.








Remruatfeli room ah chuan ka lut a, a thuamhnaw chu a lo pack thlap tawh, a mah ka hmuh mai loh avang chuan let leh mai ka tum a, bedside table a a phone dah chu message a thleng ni awm takin a ri ral2 a, en loh ka tum zet a, ka en ta hram.






Hriathlua a lo nia, ka sa nghal phat, ka hawng a, "Vawiin chuan reilo te tal in hmu ila" tih hi alo nia, hepa hi ka haw ngawih2, ka hmangaihte a piang min laksak atum, Emily ngei pawh kha.






Ni e, ka la sawi lo mai thei, Emily'n min kalsan chhan chu Hriathlua a nia, tun ah Ruatfeli ani leh a, "Ka hman lo" tih pahin ka block hmiah, chutiang tih theihna chu ka nei, a bialpa ka la ni tlat, ka ta ania, a ni reng bawk ang.






Kawngka ri ah chuan ka phu zawk a, Remruatfeli chu rang lutuk a lo kalin ka kuta a phone chu a rawn la hmak a, a en chuan a thinrim tih ka hre mai, "Engpawh nise min hauh hmain hei hi hre rawh, i single lo ania" ka ti zaih a, ner sak in "Anih chu" a tia, a chhuak leh nghal daih.







Ka dinna ngaia ding chung chuan ka nui vur2 ringawt, akhaiiii Emily ka theihnghilh chiang lutuk, inhnuai ah chhuk in Emily ka zawng nghal a, a thuamhnaw a lo pack thlap tawh, "I hman chuan kal ila" ka tia, a lu bu nghutin kan in zui chhuak nghal.










Dah loh ai tak meuh2 aw👆home assignment kan ngah lutuk a, regular deuh pawn ka dah thei tawh rih lo ang, mahse ni kar thlak tal chuan dah ka lo tum dawn nia☺ads khu click zeuh bawk la👇



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:00 pm

Lawmsangzuala


Chapter-26



Motor ah pawh chuan a tawng eihlo, ka be biklo bawk, zinga ka tawngkam vang khan a la lungawi zân lo tih ka hria, mahse ka ngai pawimawh hranlo, Emily chu ka first love ania, Remruatfeli chu a tawpna leh a awmchhun ani.




Hotel kan thlen chuan ngawi rengin ka chhuak a, a bag la in kan lut nghal. Reception ah pawh kawi lovin kan tlang nghal a, a chhan chu booking ka tifel vek tawh a, bakah he hotel ah hi chuan ka mikhual hranlo, a nei tu pa hi ka thian tha tak ania.





Room ah chuan kan lut a, a zau in a felfai khawp mai, "Thla khat chhung atan booking ka ti tawh a, a man i pek a ngailo ang, nakin ah nurse chu a rawn thleng mai ang" ka ti nghal zung2 a, engmah a la sawi chuanglo.






"Sawi tur i neilo ami?" ka ti ta thlawt a, chutah muang ban chat in, "Tinge tiang hi i tih?" a rawn ti sup."Engmaw?" ka lo ti vat a, "Engmah ti lo in min chhuah tir thei tho sia" a ti leh a, ka khi sak.





Sofa ah chuan ka pawt thu a, "I sawi dik, engmah ti lo in ka chhuah tir thei che, mahse tih ka duh alawm, a chhan chu ka thian I nia, thian tan te chuan" tih pahin ka siai zeuh a, a ner sak.






"Tak2 ah, mipa ka nih hi, mipa tih tur ka ti mai alawm" tih pah chuan ka ding hluai a, min en chho hu, "Ka kal phawt dawn, tihtur ka la ngah lutuk, nurse pawh chu a lo thleng tep ang" ka tia, ka chhuah san nghal.







Remruatfeli ka call a, a chhang thei lo, henu hi Mizoram a haw chu a tum tak2 ami le, zui ve ngawt dawn ila, hospital kan buai ropui bawk si,ka nu chu ka call ta ringawt a, ina Ruatfeli a awm leh awmloh ka zawt a, a awm thu a sawi chuan ka thaw hawk thei hial.







Damdawiin a tlang lovin in ah ka haw a,Remruatfeli room ah ka lut nghal, a lo mutui mai siah, ngawi rengin a muhil lai chu ka thlir reng a, a hmeltha thlawt a ni, a thinchhia a, a cute a, a rilru a tha bawk a, chuzawng ai chuan a thikthu chhe lutuk hi ka duh lehzual.






Ka lo en nasa lutuk nge ni, a rawn meng kuau a, chiang lutuk in min rawn en, "Enge a?" a rawn ti nghal a, bah deuh nuaih chuan "Aa.. eng.. engmah" ka ti thei hram.





Khuma thut pah chuan a khuh kharh2 a, "I damlo ami?" tih paha a chal dawm ka tum chu a lo duhlo nasa mai. "Ka seh dawn lo che, khawimaw" tih pahin a chal chu a khawih a, a lo sa vur mai, "I khua asik anih hi, damdawi ka lo la ang" tih paha thawh ka tum chu ka kut a lo vuan a, mak ti zetin ka en ran mai.






"Damdawi ka ei tawh, ka tha mai ang, chuan... " "Chuan enge?" ka lo ti vat a, "Tinge Emily kha I chhuah tir a?" ka rin dan vel tho ani, a bula thu pah chuan "Tun ah chuan a chhuak tawh a, nang pawh khawi ah mah I kal lo ang" ka ti hmiah a, a ner sak duh chauh.






"Ka kal dawn tho" a la ti hram, ka thaw hak a, "Tinge?" ka ti ringawt, "Ka nu a damlo ka tih kha, dawt ka sawi hleinem" a ti leh a, "Anih chuan ka lo kal ve ang" ka ti leh hmiah, hospital ringawt ngaihtuah thei ka ni biklo, a lo damlo tak2 anih phei chuan, bakah Remruatfeli tel lo in ka awm thei lo.








"A ngailo ka tih kha, hetah tih tur a tam" a tia, ka nuih sak, a kutah chuan ka vuan a, a mit ah tak en chungin "Ka tello in khawi ah mah I kal dawnlo, chuan Emily vang in kan buai tawhlo bawk ang, nangmah chauh ka ngaihsak tawh dawn che" tih pahin a kut chu ka fawp zeuh a, a nui sei tih ka hria, duhawm lutuk.









"Engkim vang khan min ngaidam rawh, a thleng nawn tawh lo vang" ka ti leh a, a ngawih vang2 hnu ah "I chiang chiah maw" a rawn ti tham chalh a, ka lu bu nghut in nghet zetin ka kuah a, ngawi rengin kan in pawm vawng2.






Kawngka ri ah chuan kan phu zawk a, kan in thlah rang teh e, ka nu chuan nui vur2 chungin "In va hlim hmel ve" a rawn ti lut a, kan vai nuih ta vek.





Khuma rawn thut pah chuan "Bawihtei chu I dam samlo sia, I kal thei dawn ami?" a rawn tia, "Immm thei ang" Remruatfeli lah hi luhlul ve bawk si, a tih tawh hi chu a thlak tir mai2 theih loh.






"Nu keipawh ka kal ve dawn" ka lo ti vat a, Remruatfeli chuan min melh rum ngang mai, "Aww chungte chu nangma thu a lawm, hospital lam an ngaihtuah awm loh ang maw" a ti leh a, "Immm ngaihtuah an ngailo, hmanni ah doctor pakhat a rawn thawk thar bawk a, ka tello pawn an tha tawk" in ring tawk zet chuan ka tia, mahse dik tak chuan ka thawh pui te chuan kallo turin min duh khawp mai.







"Anih te chuan kal ve pawh a tha tho alawm, cham hlen mai te a lo tum ang tih a hlauhawm a, i lo hruai thla leh vat dawn nia" ka nu chuan a ti leh a, kan nuih ho leh vak ringawt.


Remruatfeli POV


Tinge ka nem hma em2 zel le, ka bula thu mipa, hlim tak a nui hi ka hmangaih tak zet, eng ang pawn thinrim khum in ka lung ti awilo thin mahse vawi 1 lek a nui hmel min hmuh a, ngaihdam min dil hian ka tlawm leh mai thin zawng anih hi.






"I lo kal ve dawn tak2 ami?" ka tia, a lu bu nghut in "Ka sawi kha, ka tello in khawi ah mah I kal dawn lo" tih pahin a dung hluai a, ka ban rek ah min kaiin "Ka thuamhnaw min lo siam pui la" tih leh min kaih chhuah a rual nghal, mak thawt2 thei emai.






"Ken tam vak pawh a ngailo, kan cham rei dawn chuang ami?" a rawn tih chuan ka ngawi vang2 a,amah bawk chuan "Tinge, eng chen nge cham I lo rilruk deuh a" serious deuh chuan a rawn ti leh a, "Ka hrelo, ka nu vanga chho tur ka ni deuh mai a, college week hi a rei lutuk si lo a,aaaaa hun in a la hrilh mai ang chu" ka ti ta ringawt.







A thuamhnaw kan pack zawh chuan a khum ah ka mu thlawp a, zawi te in "Ka chau" ka ti sup, chutah ka chungah a rawn mu a,"Ka lo duat ang che" tih pahin ka hmui ah a rawn kiss zeuh a, ka lo lai leh em2 mai ni.






"Nia, min duat viau rawh, Emily ang khan" ka'n ti hram pekah, ka mita min en run pah chuan "Sawi chhuak tawh lo ang ka ti ani lawm ni" a ti ram hmak, hetia a awm hian ka in thiamlo leh si, a nghawng ah chuan ka kuah a "Tihpalh" tih sup in a vawi khat nan keiman ka'n kiss mai nih kha, engkim theihnghilh ang maiin kan duhthawh zetin kan in fawp mial2 a, a khât tawkin a thaw leh hawk thin.







Sana chu ka melh zeuh a, dar 2 a lo ri tawh, "Kan insiam zawh meuh chuan kal a hun mai ang" ka ti sap a, chutah "In nei tawh mai ila" a rawn tia nih chu, "I mawl" tih hluk in khum atang chuan thawh ka tum a, min pawt let leh dawr anih chu.







"Ka ît che" a ti leh sup a, ka zak lutuk, tihngaihna hre bawk silo chu ngawi reng in ka melh tlawk2 ringawt a, ka hmai te chu a sa vek thei, chutah a rawn nui a, "Ka fiamthu a nih kha" tih pahin ka hnar ah chuan a fawp zeuh a, keilah ka lo thinrim tung ringawt.







"I mawl ami" ti hlak in ka tho a, ka chhuak nghal vang2, in hnuaia rawn chhuk pah chuan ka hming pum in min la rawn au vak2 zui, naupang chhia leh lutuk mai.






Airport lam pan a motor a kan chuan chhung pawh chuan ka tawng eih lo, patea a hna thil ah a buai sia, nutei chuan min thlah a duh viau naa, Lawmsangzuala'n 'a ngailo de dei dei' a ti kual vel a, awm ve se chuan tun ai hian boruak a zia daih zawk ang mawle.







"Remruatfel" a tih chuan ka phu zawk, "Enge i ngaihtuah a, ka biakna che hre awm pawn I lang lo" a rawn ti leh a, a dik ang, thil dang ka lo ngaihtuah daih a, a tawng tih pawh ka lo hrelo.






"Engmaw? Enge I sawi a?" ka tih chuan a nui hak a, "In a ka thil sawi kha I la ngaihtuah ani maw?" a rawn ti leh hram, "Hmela" ka ti hluk a, a ni lah chu a nui mai2 bawk si.






Airport kan thlen pawh chuan ka la tum bur tho, mahse le, kan thlawk chhuak dawn a, ka ti tau thei tawhlo, a chhan chu kan thlawh chhuah dawn hian ka nu leh pa emaw, ka thian te emaw in ka kut min vawn sak ziah a, Delhi a kan zin tum pawh khan Rinpuia'n min vuan tlat kha ania, a hre lawk sa aniang chu, Lawmsangzuala chuan ka kut chu a rawn vawn thuah chat a, ka melh vat, "Ka hriat loh i ring ami?" ti sup in a nui a, ni tak, kan chhuk lam pawh khan ka hrilh tawh tak e.






Thawk chu ka la hawk a, "Tinge?" a rawn ti vat, "Aa engmah, ka lungphu hi a rang thei lutuk a" ka ti ve mai a, ka kut chu a hma aiin a rawn hum nghet a, "Hlau miah suh, i bulah ka awm hi" tih pahin a nui sak a, ka va han duh chiang tak.



*****



"Mizoram lei lung ah ngei i ding leh sia, I hlim awm" rawn ti tu chu ka en vat a, Lalrinpuia a lo ni, tlan phei in ka kuah thlawp a, ka hnuk te chu a ulh vel, a hma in ka lung a len em2 ka hre silo a, han thlen meuh chuan ka ngaihzia ka hrechhuak uarh2 mai alawm.






"Enge Aizawl ah i tih a?" ka tih chuan ner sak in, "I nu in I lo haw dawn tih min hrilh a, heta ka awm lai kher a lo ni sia, peihlo tawkin ka lo hmuak che anih hi" a'n ti ngei ah, "Min ngai anih kha" ka tih chuan Lawmsangzuala chu a rawn khuh kharh2 a, ni tak, a awm ve tih ka lo theihnghilh tep alawm hehee






"Eheee sir chu, enge hetah I tih a?" Lalrinpuia zung2 thin hi a, "Nia Rutfeli ka lo kal pui a" a tih chuan mak tih hmel zetin min rawn en a, nui vur2 chungin "Nangni pahnih hi in inngaizawng chiang lutuk" a tia, a nui zui chiam lehnghal, mawl ve siah.






"Au vak2 suh, a zahthlak kal ang u" tih pahin kal mai ka tum a, Lalrinpuia bawk chuan "Aw kal ang u, Remruatfel nakinah ka hau hrep dawn che ania" tih pahin a kal nal2.





Zuala nen chuan kan zui ve mai a, "Bialpa I nei tih I theihnghilh hlauh ange aw" a rawn ti sup a, melh chhoh hu pah chuan "Ka hrelo le" tih pah in ka nuih sak a, "Nang tê hi" tih pah chuan ka lu ah min beng a, ka lei chu ka la chhuah hram, a thinrim tak2 nge pawh ka hrelo, min ûm phei chiam a, ka nui vak2 ringawt.












Huizz a van tawi ve😅😅 a story hi ka tih kawi vak chuan a boring ka hlau bawk sia, lungawi lohna te in neih chuan comment ah te lo sawi ula, insiam that ka lo tum dawn nia🙃



Ka story te min lo chhiar sak thin avangin lawmthu ka sawi a, comment tha tak2 min pe zel turin ka sawm nghal bawk cheu😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:00 pm

Lawmsangzuala

Chapter-27



"Min lo nghak teh" tih pahin Rinpuia chu ka um phei hlawk2 a, ka hnungah Lawmsangzuala chu a rawn kal ve mek bawk, ahmaa Zuala apartment ah tho khan kan awm leh a, Rinpuia pawn min rawn zui ve zel.





Ka chau deuh bawk nen sofa ah chuan ka thu hnawk a,tawng pawh ka tawng peih tawhlo, ka awm hle2 ringawt. "Enge min hauhna tur i neih?" tih pahin Rinpuia chu ka melh zeuh a, "Ka la sawi dawnlo nakin ah" a ti deuh tlat.





Lawmsangzuala chu kan thlen tirh atang bathroom ah a la awm char2, a awm rei tak em avang chuan ka ngaih a tha vak tawhlo, bathroom kawngka beng pah chuan "Eng em2 nge i tih a?" ka tia, min chhang lo, Lalrinpuia lah phone a hmang daih bawk si tunge maw a biak ni, "Lo hawng teh" ka ti leh a, a hnu deuh ah chuan a rawng hawng hram, kareiii ka thil hmuh chuan min ti phu zawk thei hial alawm.






Lawmsangzuala chu a lo l**k (vomit) chu niin, a chalah chuan ka dawm vat a, a hnung ah ka beng deuh dat2 bawk. "Tinge min hrilh mai loh a?" ka tih chuan a rawn hawi chhuak a, "Rinpuia ringawt i ngaihsak a nih kha" a la rawn ti zui, ner khum sak pah chuan "Sawi ve mai la" ka tia, a zia awm deuh hnu chuan kan in zui chhuak a.





Bedroom ah chuan hruai lutin couch ah chuan ka thut tir a,a hma ah chuan thingthiin "Enge i an?" ka tih chuan a that thu in min chhang mai a, mahse a la tha chiah pawn ka hrelo.





"A hma in i rui ngai silo a" ka ti leh a, chiang lutuk a min rawn en in, "Nangmah vang anih hi" a rawn ti hmuk. "Enge keimah vang anih na" ka lo ti vak a, "Min ngaihsak lo" a rawn ti hlawl, amah lah chu anui duh derlo legnghal,"Rinpuia i hmuh rulain min theihnghilh nghal" arawn ti leh a, ka nui ta ringawt.






A mal chungah chuan thu in a nghawng ah ka kuah a, "Anih chuan ka ngaihsak chu i lo duh viau ani maw" tih pahin a chalah chuan ka fawp a, "Duh" a la ti hmuk tho, a hmui ah chuan fawp leh zeuhin "Anih chuan nangmah chauh ka ngaihsak tawh ang che" ka ti leh a, ka nuih tlawn vel takah chuan ani pawh a nui ve leh mai.





Kan in tih fai zawh meuh chuan khua a thim ti tih tawh a, Rinpuia chu chaw ei ve nghal turin ka tia, min hnial ve tlat. "Naktuk ah chhoh nghal in tum em?" a tih chuan Zuala chu ka melh zeuh a, min lo en reng, "Immm tum ang" ka tia, "Anih chuan keipawh in rual in ka chho ve nghal ang, in chhuah hun tur min lo hrilh la" a ti leh nghal zung2 a, "Umm ka lo call ang che" ka tih chuan kan in mangtha ve hram.







Rinpuia ka thlah zo in chhung ka lut chu min lo en leh run tawh, "Enge a?" tih pahin choka ah chuan ka phei nghal a, rawn phei ve pah chuan "Chaw ei ah te chuan i sawm ve bawka, ei rawng pawh i la bawl hleinem" a rawn tia, ni tak, kan buai a ta langin engmah ka la siamlo a, "Aa ka siam peihlo ee, noodles ei mai ila" nuih tlawn pah chuan ka tia, ka lu ah min beng deuh chawrh.







"Ka nupui hual hian ei rawng pawh a bawl peihlo ania" tih pahin noodles chhum na tur chu a la a, a siam nghal mawlh2. Dining table a thut pah chuan "Khaaa nangpawn i siam peihlo a anih kha" tih pah chuan ka nui vak a, "Mipa in an siam ngai hleinem" tih pah in a rawn hawi a, ka mit ah tak min en chung chuan "Kan inneih hun ah phei chuan i ei rawng bawl chauh ka ei tawh ang, tui lo viau mahse" a'n ti hram ah.








Ka chhang buai peih tawhlo, a thil siam lai chu uluk zetin ka lo en a, a tui hmel lutuk chu ka pum a ri nghal rawk2 theiin ka hria, kan ei lai chuan "Ei siam hi i zir ami?" ka ti chhuak hlawl a, mak a ti deuh nge min en hu mai, "Aih mahse nuam ka ti" a sawi zawh rual chuan a ei leh nghal mawlh2.






"Chutia nuam i tih tho chuan ka ei siam Tu ah lo tang mai la, hlawh ka pe tha viau ang che" ka tih chuan a spoon hman laiin min khawng fawk anih chu, "Ei mai2 teh" a tia, ka ei teuh kha.






Ka chau deuh bawk nen dar 9 velah chuan ka mut a rawn chhuak a, "Ka mu dawn ania aw, ka chau" tih pahin bedroom ah chuan ka phei a, puan pawh sin lo in khum ah chuan ka bawk nghal thlawp.





Rei lo te ah a rawn phei ve a, puan min sin tir pah chuan a rawn in thawlh lut ve nghal, ka va melh zeuh a, a lo hmu hman aniang chu "Kan riak tlang fo alawm, lungngai suh, ka khawih chhe lo vang che" tih pahin ka kawng ah chuan a rawn kuah a, ka va bawh deuh rawk.






"Ti teh, enge i zah vak a" tih pahin min rawn kiss a, zeploh chuan a zei thlawt alawm, a bianga dawm chung chuan ka thiam ang2 in ka chhang let a, anin ka kawngah a dawm thung. Mahse mak ve deuh chuan hetiang hian eng ang pawn awm thin mah ila sex min hman pui tumna a la nei ngailo.






Zing a ka harh chuan ka bulah tui lutuk in a lo la muhil a, hmuhnawm ti zetin ka thlir reng ringawt, "Tikhan min en reng dawn ami?" a rawn tih chuan ka meng kawk, a mit chu a la chhing tlat bawk sia, "Engtik ah nge i harh a?" ka tih chu a rawn meng a, ka mit ah tak min en chung chuan "I harh hma khan" a ti ringawt.






"Anih chu" tih paha thawh ka tum chu min pawt let leh dawrh a, "Kan haw na tur i ngaihtuah tawh em?" a rawn ti sup, ni tak, ka nu te ka la be lo rere, hepa bula ka awm hi chuan ka â zo vek thin zawng anih hi a.







Ka phone chu la in "Ka chhungte ka'n be lawk ange" tih paha call ka tum chu a lo dang vat a, "Ti buai duh suh, motor chu a awm, chaw ei kham ah kan chhuak ang" a ti leh a, "Engtik ah nge i lo buaipui hman a?" ka ti vak ringawt, ni e, engtik laiin nge a lo buaipui hman ka hrelo rere.







"Naupang hriat chiloh, tho ang ang" tih pah chuan khum ah a rawn thu hluai a, "Naupang ka ni bawk lo, mawhhh engtik laiin nge i lo buaipui a?" ka ti leh a, min chhang lo chuan bathroom ah a lut nghal daih, ngeiawm leh lutuk mai.







A rawn chhuah hnu a ka zawh leh pawn min chhang tha duhlo, "Naupang hriat chiloh" a ti tlat ringawt, "Tuk in zing chu ei rawng bawl ve teh, chaw pangai ka ei loh chuan kal kawng ah ka l**k (vomit) khum vak mai ang che" sofa a thut pah chuan a tia, keilah pek chuan "A tlai tawh em hi, ei rawng bawlna hun pawh a awm tawhlo, kalkawng ah ei na tur a awm mai ang" ka lo ti then a.






Ka dar ah chuan vuanin min tung tho nawlh a, "Siam ringawt mai teh" tih pahin choka ah min nam phei dawt2, "Siam tur pawh a awm loh hi" vin deuh chuan ka ti vak a, hrelo ang hmak in a la awm zui.






"Alu a awm a, artui a awm bawk a, chaw nen, a tawk viau alawm, siam vat mai teh" a ti leh a, lehlam ah chuan motor a ruih leh ka hlau deuh bawk nen, tum bur chuan alu chu ka chan mawlh2 a, a nin chaw a lo chhum thung.





"Artui leh alu chauh han hmeh chuh" chaw ei siam mawlh2 pah chuan ka tia, "Phun lo mai teh, i ei leh teuh tho ang" tih pahin chair ah chuan min thut tir a, "Thleng i sil dawn sia, chaw ei chu ka lo siam ang" min siai zeuh a, ka lo ter at.






A sawi ang tak2 in ka ei leh teuh, chaw ei khan chuan Rinpuia ka call a, taxi a kan haw tur thu hrilh in lo phei nghal turin ka tia, min la vin hluk zui. "Taxi a chuan ka peihlo chuti khati" a ti kual vel a, peih vanga chuang tur ka ni bik tawp silo.






Kan insiam zawh chuan dar 9 a lo pel duai tawh a, Lalrinpuia lah chu a rei phian bawk si, kan chuan na tur motor pawh a lo thleng tawh, Rinpuia nghaka kan phun kan phun lai chuan kawngka a rawn ti rawk a, Rinpuia chu opawr deuh phungin a rawn lut.






"I la insiam nange" ka lo ti nghal vat a, "Thawh ka hai alawm, tian ka kal mai ang a ho emai" a la ti mai2 zui, Zuala nen chuan kan in en a, kan nui ta ringawt.







"Anih chuan kal vat ang u, kan tlai tawh lutuk" tih pah chuan Lawmsangzuala chu bag nen a chhuak nghal a, ngawi rengin kan zui ve nghal, kan chhuah meuh chuan dar 10 a lo hnai leh viau tawh.






Kan thleng tep tawh tih ah Lawmsangzuala chuan ka kut a rawn dawm a, glass chu down in a in bunruak nghal hawk, ka thiam ang2 chuan ka buai pui a, minute 15 vel chu kan din phah ringawt lehnghal.





"I zia deuh em?" bottle pek pah chuan ka tia, tawng pawh a tawng peih lo, "Chaw kha I ei ve teuh sia, tinge le" ka ti leh a, a mitmeng dul ruih a min en pah chuan "Ka tihpalh" a rawn ti sup, ka lo nui sukl a, "A ho emai, kal leh tawh ang u aw, i tha tawh tiraw" tih pahin ka mit ko chu ka san zeuh a, a lu a lo bu nghut a, kan tlan chhuak lehnghal.




Khaw thim dawn ah Champhai chu kan thleng a, engkim mai chuan ka lung a ti leng vek mai hian ka hria, kan in kawt ka thlen chuan ka chhungte chu ka au deuh chiam a, phur zetin ka nu chu a rawn chhuak a, ka pa pawh a rawn chhuak ve nghal.






Ka nu chu ka kuah thlawp a, ka ngaih zia hi ka sawi thiam lo zawk, in chhung ah chuan kan inzui lut a, Rinpuia erawh kan driver kha a in thlah tir nghal a, a haw nghal daih.






Kan inchhung engkim mai chu a lo la ngai vek a, ka room te, choka te, engkim mai chu a ngai vek ala ni. "In lo thleng tluang a, a tihzia khawp mai, Zuala pawh rawn kalpui a ngaihloh teh lul nen, i ti lawmawm hle mai" ka pa chuan ka ti dap2 a, Zuala nen kan chanchin hi ka chhungte ka la hrilh lemlo a, hria pawh ni se min hauh ka ring chuanglo, hun remchang a awm velah ka hrilh ang.






Kan thleng tlai bawk nen inti fai hmasa lovin chaw kan ei a, mahni nu te thilsiam ngei han ei leh chuah tah te pawh a chhuak rum2 alawm mawle, ka ei teuh a, ka nu chuan thleng seng leh sil vel chu min awl vek, a fanu neihchhun hi chu min duat ve alawm.







Zuala chu mikhual room ah chuan ka kai phei a, mak tih hmel zetin min en haw ringawt, "Enge ni a?" a tih chuan thawk ka la hawk a, "Englo ka chhungte hi kan hrilh ve dawn em?" lai deuh titih chuan ka tia, a lo nui sak.






Ka kawngah min kuah in a lamah min pawt phei a, ka mit ah tak min enin, "Engtik ah nge niang" a ti sup a, "Ka hrelo, aaaa ka zam deuhin ka hria" ka ti tawp, mahse dawt ka sawi lo, ka ngaihtuah ringawt pawn ka lungphu te hi a rang vek thei.






"Keiman ka sawi dawn ami?" hepa hian engthu nge maw a sawi le"Maw" ka lo ti vat a, "I sawi hreh viau chuan ka sawi mai ang" tih paha chhuah nghal mai chu a tum a, ka lo dang vat.







"I ngam ami?" ka tia, a mit ko san vah pah chuan "Enge ka ngam loh ang, lo kal rawh, min ring la" tih pahin ka ban rekah min kai a, engmah sawi hman lohin min chhuah pui nghal.






Ka nu leh pa te chu common room ah an lo awm a, Lawmsangzuala chu engmah thleng lo tur ang maiin a hahdam hmel ropui sia, keilah in melh pawh ka melh tha ngam bawk silo.






"Pa Hming, sawi duh kan nei a" min rawn en pah zeuh a, ka lo nghawk deuh sawk, "Aw enge ni?" ka pa chuan a lo ti vat a, ka nu pawh hriat loh hlau ni awm takin a rawn hawi vat, "In ngaihdan tur chu kan hre lo naa, Ruatfeli nen hian kan inngaizawng a" huizzzz a sawi ta!!







Ka pa chu a ngawi reng a, "Pa" ka ti tham deuh tiau, chutah ka pa chu a rawn nui huah2 a, ka nu pawh a khi sung mai, "Pa tinge I nuih vak a?" vui aw lek2 chuan ka tia, za hmel fahran in a la nui char2.






"I pa Ramsanga'n min rawn hrilh daih tawh alawm, nangmah ni sawi hi kan nghak mai2 a" ka nu chuan a lo tia, Lawmsangzuala nen chuan kan in en hu ringawt.







"Anih chuan in hre tawh maw?" ka tia, "Hria ang chu mawle, tikhan inngeih takin awm ula, in la innei mai thei asin" ka pa thin hi a, uanna chi pawh a ni tawp silo.






"In zep tet2 duh suh u, khu lama in awm ang tho in hetah pawh in awm thei ania aw Zuala" ka nu chuan a lo ti leh a, Lawmsangzuala lai hmel chu ka hmu hman, hepa hi a lo zak ve thei anih hi a.




Lawmsangzuala POV



Zep loh chuan ka zak ve tho, chuvangin inbual chhuan lamin bathroom ah ka lut reng a, aaa ka van zak tak, ka pa pawh hi tinge alo han hrilh chawng2 le, mahse a tha viau tho.





Ka in tihfai zawh chuan dar 10 a lo ri tep tawh, motor ka rui bawk nen, ka chau ngawih2, pa Hminga te chu an m lpu tawh anih ka ring, common room lam chu a lo thim thap tawh, thawm dim deuhin Ruatfeli room lam chu ka pan a, kawngka chu hawngin ka lut a, khum ngheng in chhuat ah a lo muthlu anih chu, enge maw a hriat thin ni.






A hmaah tak chuan thu in ngawi rengin a hmeltha tak chu ka thlir reng a, a awmdan chu a hreawm hmel bawk si, khum a amut loh chuan naktuk ah tho tur a awm lo ang, a sil viau ang.





Ka pawm lawp a, khum ah chuan dim deuhin ka mut tir a, a harh eih lo, a chau ve viau anih dawn hi, puan chu ka sin tir a, a chal ah fawp zeuhin in hnuai ah ka chhuk San a.






Keipawh chu khuma ka mut rualin ka muhil nghal ani ringawt, zing a ka harh chuan sana ka en a, ka tho chhuak hlawl, dar 11 a lo ri tep tawh alawm le, thawh chu ka va hai chiang deuh ve, sitting room lamah chuan ka phei a, Remruatfeli chuan choka atang min rawn morning vak a, a van tullo tak.






"A chau viau anih hi kan tia, kan kaitho duhlo che anih kha" nu Sangi chuan a lo tia, ka nui ringawt. Tiang em2 hian ka tho tlai ngailo asin mawle.






"Chaw i ei nghal dawn em?" Remruatfeli zung2 thin hi a, "Tunge thawh hlima chaw ei peih ang" ka lo ti mai a, a huat tawk a tling leh viau aniang, "Ei tawp suh" a rawn ti hmuk a, nu Sangi nen chuan in en in ka nui ta ringawt.






"Vawiin chu ka lo bazaar pui ang che aw nu" a chhungte chu a lo ngai ve tawh viau anih dawn hi, "I peih te chuan a pawi hleinem, kan bazaar dun lohna pawh a rei tawh alawm, Zuala lo kal ve ta che" nu Sangi chuan a tih zawm zat a, mahse ka chauh deuh thu sawiin ka lo hnial a, a nu nen chauha hun hman dun a duh ve ngei ka ring, tibuai Tu nih chu ka duhlo tawp.






Remruatfeli chu insiam turin a chho nghal a, rawn tlan thlak dawt2 pah chuan "I ril tam chuan choka ah eitur ka dah sa ania, nu, kal ang" tih pahin a chhuak nghal nal2, a phur hmel hle mai.






Pa Hminga chu ka thawh hlim ah pawh ka hmu tawhlo, a hna ah a buai ve hle aniang, sofa ah chuan thu in ka phone chu ka kheuh melh2 a, chutah phone ri ang deuh ka hria a, in ah keimah nilo midang an awm bawk silo, phone ri ka hriatna lam choka chu ka pan phei zel a, Remruatfeli hian a phone a kenglo leh pek anih hi!!






A va han haihawt thei tak, phone ka en chuan number hlang atang alo nia, ka beng bula ka dah rual chuan "Ruatfel, keimah Omoma, in hmu lawk ang" ngawi rengin phone chu ka dah hmak a, ka lungphu chu rangin ka thin chu a rim nghal em2 ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:00 pm

Lawmsangzuala

Chapter-28



Chair ah chuan ka thu hnawk a, Remruatfeli phone chu nghet zetin ka hum a, ka melh tlawk2. Hmingduhawma nen khan an inbe tawh ngailo tih ka hria, mahse tinge tun ataka a rawn biak leh.







Ka thinrim lutuk chu ka khur hlawk2 thei hial in ka hria, Ruatfeli'n duh tawhlo mahse a mipa kawp hmasa ber ania, chuti maiin a theihnghilh dawn lo tih ka hria, chuvang chuan he mihring hi chu Ruatfeli hmaah rawn inlan tawhlo se ka duh ani tawp.







Ka awm mai2 thei lo, chhuat ah chuan ka tei sek a, a khat tawkin ka thaw leh hawk thin, engtin tin emaw hun chu a lo ral ve zel a, dar 3 velah Ruatfeli te pawh an lo thleng a, an hlim dun hmel khawp mai.







"Thil chu i lo ei em" min hmuh rual chuan a rawn ti nghal a, "Imm ei e, a nuam em?" ka lo ti vat a, "Nuam rapthlak, e chuan thil ka lo lei che asin" tih pahin a bag chu a hai rawk2 a, hre châk hmel zetin ka lo bih duk2 a, "Hei le" T-shirt nalh deuh hi a rawn phawrh a, keimah aiin a hlim zawk emaw tih mai tur a ni, min teh kual chhen a, "Va ha chhin teh" a sawi rual chuan room ah min nam/nem phei dawrh.







Ka hak zawh chuan chhuak mai lovin darthlalang hmaah chuan ka ding reng a, a thlang thiam reuh lutuk, keimah pawh ka infak chiam lo chauh alawm mawle, "I va rei" tih pahin Remruatfeli chu a rawn lut a, ka lo hawi vat.






"Khaiii va nice reuh ve, I inhmeh tawp, ka thlang thiam em" min nuih sang a, "Immm ka duh lutuk,ka lawm e" tih pahin a chal ah chuan ka fawp zauh a, kan chhuak zui nghal.






"Nu ka sawi kha, a inhmeh zia hi" tih pah chuan min fak nghal luam a, khap ka tum ve pawn awmzia a awmlo, a tawng tui laklawh hi chuan a pawh chah theih loh rere.







"Ka va in thlak rih ang" tih pahin room ah chuan ka phei leh a, a lo lut ve leh nghal, "Khawi fai tawk in ka lo su ang" a tih chuan ka hlip ve mai a, ka taksa chu a mit la sawn miah lovin a en char2, "Enge a?" ka tia, a mit a hup ringawt, "I va ho tak, I hmuh vek tawh hnu ah" ka ti leh a, lehlam a hawi hmak anih chu.







"Tiang kha ka la hmu ngai miahlo" a rawn ti sup a, "Mipa dang pawh maw?" ka lo ti vat, "Immm mahse a mawi" arawn ti leh a, ka khi suk ringawt, a bulah chuan pheiin a hnunglam atang chuan ka kuah a, a phu deuh zawkin ka hria, "A mawi i ti tak2 maw?" ka tia, ka lam rawn hawiin uluk zetin ka taksa chu en leh a, nia,zep loh chuan ka taksa hi chu ka chhuang ru ve alawm, han show na hun hi a awm lo em zawk ah.







"I ta anih hi" ka tih chuan harh chhuak zawk ni awm takin a kat deuh dawt2 a, "I tenawm" ti hluk in chhuah nghal a tum a, ka nuih a van ti za tak, che tawng ve thei ropui sia, a kal liam tur chu "I kawr suk tur hi" ka va ti vak a, rawn let lehin ka ken lai chu a rawn pawt thla hlawk a, a kal nal2.





Remruatfeli POV


Awiii ka zah zia kha, ka mur chhuak nghal vekin ka hria, hei chen hi kan inngaizawng ve tawh a, engtinnge tun ah chiah ka hmuh theih zawk le, aaa ka van zak tak, mahse a mawi thlawt, a six pack khan a ti lang pa lehzual, awiiii kha kha ka ta maw




Chhuat ah chuan ka ter awt2 a, a chang leh ka zuang thul, "Remruatfel" a rawn tih chuan rang lutuk in ka hawi phei a, Lawmsangzuala'n min lo en reng, "Eng... Enge a?" ka ti bah nuai a, "I insu dawn amaw ka tia, enge choka ah hian I tih?" a rawn ti leh a, ka hawi hu ringawt.






Ka zah lutuk na lamah ka kalna pawh ka lo hre hleinem, "Engmah, ka kal" tih pahin bathroom lam chu ka pan nal2 a, ngawi reng in ka insu nghal mawlh2.





Insuk hi a lo hahthlak ve anih hi, ka kawng a na lutuk, sofa ah chuan ka thu hnawk a, khawnge Lawmsangzuala hi a lo kal leh hman ni?! "Nu khawnge Zuala" tih pahin ka nu chu ka melh zeuh a, "Hetah" tih pahin ka bulah a rawn thu nghal.





"Bawihi tikhan in pahnih in lo awm ula, thenawm ah ka va kal lawk ang" tih pahin a chhuak nghal ka nu chu a chhuak nghal a, ngawi reng in kan pahnih chuan kan thu ngawt2 a ni ber.






Chutah ka mal chunga rawn mut pah chuan "Tinge I zah tlat zel a, a ho e" a rawn ti nghal a, "Ka zak bawk lo" ka lo ti hlar, "I zak lo maw" tih pahin a kawr chu a hlim a, ka lo melh kawk.





"Lawmsangzual" ka ti vak a, "Enge i zah loh kha, khawih chhin teh" tih pahin ka kut chu a rawn vuan a, ka tang eih lo, a dul in phuar ve deuh tang,mahse tenawm miah silo chu zawite in ka khawih a, awiii a va han nalh tak.







Kun hniam in a hmui ah chuan ka fawp zeuh a, "I rit si, tho vat teh" tih pahin ka mal chung atang chuan ka nam thla a, chhuat ah a ri thla rawk, ka nuih vak a, "Nangte hi" tih pahin min um kual hrep a, a bulah hian ka hlim tih ka hria, tiang khawp a min hmangaih Tu hi ka lak atang ka kal ti thei lo ang.







Thlan hluam in khum ah chuan ka mu a, Lawmsangzuala chu a in bual mek aniang, ka phone khawi ka tum chu a awmna ka hrelo rere, in hnuai ah chhuk in ka zawng kual a, choka ah a lo awm daih chu niin, a va haihawt theih ve.







Chair a thut pah chuan ka phone chu ka khawih melh2 a, whatsApp ka luh chuan number hlang atang hian min lo text a, hmeichhe in la value ve tih takah ka seen lawk duh lo a, mahse ka online lai chuan chumi number atang chuan message a rawn thleng leh a, ka hawng ta nge2.






"Ruatfel, khawngaihin in hmu ang, rei lo te chiah" tunge tih chu hrilh ka ngai lo, ka hrechiang mah2 zawk ani.






Ka thaw hawk a, hei chen hi kan inbe tawh lo a, tinge tun ataka min rawn biak leh, ka rilru chu a buailo ka tih chuan dawt ka sawi chiang viau ang.






Ni e, ka reply dawn nge dawnlo pawh ka hrelo, a chat ah chuan ka awm reng a, enge ka sawi ang, min sawmna chu hnawlin ka hmuh duh loh thu ka hrilh dawn nge, kan inhmuhna tur ka zawt dawn zawk.









"A va hmuhnawm hmel ve" a rawn tih chuan ka kat dawrh a, ka phone pawh chu ka thlauhlo chauh,"I inbual zo der alaw" ka ti bah nuaih a, "Enge a?" tih pahin ka phone chu rawn lak a tum a, "Engmah" tih pahin ka hnung ah ka lo thuk ru vat.







"Khawimaw" tih pahin a rawn kal hnai a, ka phone chu a rawn ban leh, ka lo tang tung a, a on vaih chuan Omoma chat ah ka la awm sia, a ngaihdan a ni lo viau dawn tih ka hria.







Mahse keia han hneh chi rual ni heklo, ka phone chu a la ta nge2, ka password zawng2 a hriat vek avangin a hawng zui nghal a, ngawi reng in a en char2.






"In la in be thin ami?" a rawn ti ram hmak a, ka lu chu ka lo thing vat, "Teuhlo, kan in be ngai lo, khawi maw" tih pahin ka phone chu ka va ban leh a, a ban a lo phar hmak.







Min en run a, keilah ka tawng ngam der silo, a ngawih reng avang chuan "I thinrim ami?" ka ti sup a, ka phone min pek pah chuan "I reply hun a nghak reng ang" tih pahin a kalsawn hmak anih chu.







Han reply na khua kaw heklo, ka umzui vat a, common room a thlen chuan ka ko ding thei hram, "I thinrim ami a?" ka tia, a ngawi reng, sofa ah chuan thut puiin thawk chu ka la hawk a, "Ti hian awm lo teh, biak pawh ka biak loh kha" ka tia, "Nia mahse I la bia ang" a ti hmuk.







Mahse a sawi dik mai thei, "Aaaa tian awm lo teh" ka tum deuh bur a, "Anih engtinnge awm se min tih a?" a tih leh chuan ka ngawi reng, "Ka thik ve tho alawm, I bialpa hluiin a rawn bia che a" a sawi zawh hma2 chuan ka nui vak a, min en run mai.





A khabe a dawm zeuh pah chuan "I thik amaw" ka tia, lehlam a hawi hmak anih chu, "Anih chuan ka block hmak ang, hei en rawh" tih pahin ka phone chu a hma ah tak ka dah a, a hmuh laiin ka block hmak.







"A number pawh kha delete rawh, I unblock leh palh ang" huizzzz he pa han chetnawi theih zia hi aww, number pawh chu ka delete nghal a, "Tikhan a tha em?" tih pahin ka nuih sang a, ka dara min kuah pah chuan "Mipa dang chu melh pawh melh suh" a ti leh hmuk a, ka nuih vak ringawt.







"Ka inbual ve lawk dawn" tih pahin ka tho a, "Ka lo bual ang che" "Kal mai teh" tih leh ka room a tlan chhoh ka rual a, a nui ri chu ka hre thei.






Ka inbual zawh chuan chaw kan ei nghal a, "Bawihte engtik nge chhuk leh in rulruk deuh a" ka pa chuan a tia, Lawmsangzuala chu ka melh zauh a, a lu alo bu nghut, enge a sawi tum phei chu ka hre chuanglo.







"Aaa ka hrelo, college hi kan tan leh vat dawn a" Ka tia, ka nu chuan "In kal leh hun tur hi ka huphurh emai, Zuala hauh a ngaih chuan lo hau bawrh2 zel rawh, a naupangchhia si" a'n ti tel hram ah, "Hauh ka ngai bawk lo" ka lo ti vak a, Lawmsangzuala chuan "Remruatfeli chu a hauh theih loh, a chimawm lutuk a" ala ti zui!







An nui deuh dar2 a, ka tum bur ringawt, chaw ei kham chuan Rinpuia a lo leng a, ka room ah kan pathum in kan awm a, tihtur vak a awm bawk silo, "ML ila" Lalrinpuia chu a rawn nui thaw a, Zuala ka en vat, ka chhungte chauh nilo in Lawmsangzuala pawh hian online game hi khelh a phal lo bur.









Ka dil hma hmain "A ngailo" a lo ti ringawt lehnghal, "Mawhhh please zanin chiah, ka khelh khat tawh em hi" ka tum bur a, "A ngailo ka tih chu" a ti leh hmak.






Rinpuia chu ka melh zauh a, "Lut ang" tih pahin ka phone chu ka khawih zui nghal, phal lo mahse ka va han khel awm tho.







"Remruatfel"
"Ka laklawh tawh" tih pahin ka ri nghal thuai2 a, Lawmsangzuala'n min ner khum sak chu ka mit sirin ka hmuh reng, ka hlau lo ve emai a.





Dar 8 velah kan khel tan a, 11 rik dawn ah kan dah ve hram, "Ka khel ngailo I tih kha, I va thiam si ve" Rinpuia chuan a ti nghal a, keilah chuan in ti thiam zetin "Ka hria" ka lo ti mai a.






"Ka haw dawn, a tlai tawh, min thlah buai duh suh" tih pahin Rinpuia chu a chhuak nghal a, Zuala ka en chuan min lo melh rum teh e, nuih tlawn pah chuan "I thinrim lo tiraw" ka tia, min chhang lo chuan min en reng.







"Game i khel char2 a, min ngaihsak lo rere" a tih chuan ka nui tawp, "Anih chuan ka bawiha hi kan duat tawh ange" tih pahin a hmaah chuan ka thu a, "Ve che hian a" tih hluk in kal a tum a, a ban ah chuan ka lo vuan hman hram, "Engee lo kal teh" tih pahin ka pawt dawrh a, khum ah chuan min bawh rawk.








Ka meng kawk a, chutah a mit chu ti thla zelin ka awm zawn chu a melh a, ka lo inhup vat, "Enge" ka ti hmuk a, "Engmah" tih pahin min kiss a, inthlah leh mai hlau ni awm takin duhthawh zetin ka in kiss mial2 a.Mahse kiss bak chu ai a thui kan thleng ngailo.













A va ngaihnawm loh tawh tak in ti chiang mai😒next ah chuan ngaihnawm deuhin rawn ziah ka tum ania, chuvang chuan lo vui suh u😆

Ka buai deuh thin avangin typing mistake ka ngah deuh mai thei a, min lo
ngaidam dawn nia😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:00 pm

Lawmsangzuala

Chapter-29


Zinga ka harh chuan ka bulah ka mipa hmangaih leh duh em2 chu tui deuhin a lo la muhil a, ka awm dan chu siam tha in a hmel tha tak leh pa zet chu ka thlir char2.







Kareiii engtinnge ka room ah a awm theih, nizan khan a lo riak amaw, anih chuan eng thil nge kan tih, sex maw, hahhhh Remruatfel I va han mawl chhah tak, engmah a thleng lo chiang emai.






Thawm dim deuh chuan thawh ka tum a, ka ban rek ah a rawn man chat, ka hawi vat a, min lo en reng, "Khawnge kal I tum a?" a rawn ti nghal a, "Ka tho dawn, ka chhungte an tho tawh ang, nang pawh chhuak vat teh" tih pahin ka tho chhuak nghal a, "A ho e, enge I chhungte chu" he pa hian rilru a nei thlawt lo anih hi, "I mawl ami, nupa kan nih loh hi, room khata riah dun phei chu" ka ti leh vak a, "Kan riak tlang fo alawm, thil pawi kan ti chuanglo a" a la nui vur2 zui, hahthlak emai.







"Tho vat mai teh" tih pahin lukham chuan ka vawm a, a lo man chat. "Vawiin chu leng chhuak ila" tho pah chuan a tia, "Khawi ah?" ka lo ti vat.






"Ka hre nang, lenna tur te chu nangman I hre zawk ang chu" a ti daih, "Nia, kan leng dawn nia" ka lo ti ve mai a, hlim zet chuan in hnuai ah kan inzui thla a, ka pa chuan min lo en duh dun viau mai, a
nuam hranlo.








Engmah phei chu a sawi hranlo, "Chaw ei a siam theih" ka nu chuan choka atang a rawn ti lauh2 a, ka phei ve nghal.






Thawh hlima chaw ei chu ei hnem a har an tia, kei ve chu patling ei zat ngawt ka ei leh tawh, mahse ka thau thei chuanglo.






"Pa vawiin chu kan leng chhuak dawn ania aw" Zuala chu ka melh zeuh a, ka pa chuan "Nia Zuala pawh ina awm reng te chu a ning ve bawk ang chu mawle, in leng chhuak dawn nia" pa zawng2 a pa tha ber hi chu a van ni chiang tak.








"I va rei ve" tih pahin a rawn lut a, "Ka kawr hi ka ha thei lo" ka thau em2 ka hre silo a, tinge le?! "Khawi ka lo tih sak ang che" tih pahin a rawn kal hnai a, awlsam deuh chuan a rawn ti leh lawi a.











"I hman tawh ami?" pheikhawk bun mawlh2 pah chuan ka tia, "Hman tawh, hmeichhe ho tak hi chu a" a ti hluk anih chu, "Enge, hmeichhia te chu mipa aiin in uluk kan ngai alawm" ka lo ti vat a, ka insiam zawh chuan kan chhuak zui nghal.






Ka pa chuan motor keng turin min ti naa, ke in kan kal ta zawk, khawi khawi ah emaw kan kal a, nuam tak ani.






Ni e, hmangaih ber te bula hun hlimawm tak hman aia nuam thil dang enge awm chuang ang, ka bula mipa hi ka ring a, a bulah chuan ka him tih ka hria, chuvang chuan engtikawng pawn ka thlah lo ang.







Khaw thim dawn tep ah in kan thleng a, sofa ah chuan ka thu nghal hnawk, ka ke chu a mur chuai2 thei in ka hria, kan kal nasa bawk a, a chauh theih khawp mai.






Ka phone chu ka khawih a, miss call lo awm chu number hlang chauh ni mahse tunge anih ka hria, Hmingduhawma, mahse chhan emaw, call back emaw ka tum lo, a tangkaina lah ka hre heklo tunah chuan ka mipa hmangaih ber bulah ka awm a, midang chu midang an ni tawh.







Chaw ei kham chuan common room ah a thu thap a, ka phone rawn ri chu rang zetin ka ban a, Jolly a lo ni, ka pick up vat a, college kan tan leh tawh tur thu min rawn hrilh chu niin, ka hrilhhai ang reng viau a, kar hnih ngawt chawlh kan la nei sia.






A chhan ka zawh chuan a sawi mumal lo, chhuk leh vat turin min ti ringawt, mahse a sawi dan berah chuan karleh ah class kan tan leh tawh tur thu ani.






Phone ka dah hnu chuan ka awm danah thil a dik chiah lo tih an hria ani chek ang chu, ka nu chuan "Tunge a, bawihte" a rawn ti vat a, thaw hawk in "Shillong a ka thiannu ania, class kan tan leh tawh dawn anih chu" ka ti zuai raih a, Lawmsangzuala chuan rang zetin "Mahse kar hnih lai hun a la awm sia" a rawn ti leh a, "Ka hre bik lo, tun kar atang an tan dawn a, pa, naktuk ah chhuk nghal kan ngai ang"







"A va buathlak ve aww in la awm rei loh tehlul nen, mahse kan la inhmu leh vat ang chu, motor ka'n ngaihtuah nghal ange" tih pahin tu emaw a call nghal a, ka mood a diklo nghal vek, ngawi reng in ka thu a, ka pa in motor te a biak fel hnu chuan ka thuamhnaw siam turin room ah ka chho a, Zuala'n min lo zui ve bawk.







Khum ah chuan ka mu thlawp a, ka tah te hial a chhuak, ka kal hmasak ai khan ka lung a leng zawk dawnin ka hria, "Ti teh, tiang khan awmlo la, kan dam te chuan kan chho leh vat dawn alawm" titu chu ka en a, ka kuah nghal thlawp







Ka mittui chu a rawn luang leh ta nge2, mahse dan buai ka tumlo, a chang chuan mittui hian min ti chak zawk fo si a.






"Aw le, bawihi, insiam i ngai ania" ka biang a dawm pah chuan a tia, ka khi sak, ka thuamhnaw chu kan siam fel a, inhnuai ah chhuk in a bag chu ka pack pui leh.







Ka insiam zawh meuh chuan mut a lo hun leh der tawh a, naktuk tlai flight nan hman kan duh avangin hma deuha chhuah kan tum a, kan mu ta nghal.






Zingah chuan ka nu in min lo kai tho a, ka harh chuan engmah sawi lovin ka kuah nghal a, ngawi rengin kan inkuah vawng2 a, chutah kawngka bulah chuan ka pa in min lo en reng a, "Pa" ka ti sup a, ka mutnaa rawn phei in ka pa nen chuan kan in pawm leh vawng2 a, "Ka ngai ngawt ang cheu, a theih velah ka lo chho lehnghal ang" ka tia.








Ka pa chuan "In hnuai ah Zuala'n a nghak reng che ania, driver pawh a lo thleng tawh" a tih chuan ka tho a, insiam in ka chhuk thla ve nghal.







A vawi hnih nan ka chhungte chu hmun hla takah ka kalsan leh dawn chu ania, huizzz ka van ngai dawn tak, mittui tling pam chuan kan inthlah thei hram.






Kan chhuak hma bawk a, chawhnu dar 1 velah Aizawl kan thleng a, hmun danga kal kawi lovin Airport ah kan tlang nghal, rei pawh kan awm hma in chhuah a hun mai a, Mizoram chu kan thlawh kan leh ta vung2 mai.








Nutei'n min lo hmuak a, kan han inhmuh leh takah chuan helam pawh hi ka ngai tho mai. In kan thlen chuan patea pawn min lo lawm vat a, living room ah chuan thu pahin ka chauh thu ka sawi nghal char2.







Jolly chu ka call a, class tan hun tur ka zawh chuan 'naktuk' a ti mai lehnghal, ka va han peihlo tak.




Chaw kan ei a, ka chau deuh bawk nen, mu turin ka chho nghal, ka muhil dawn chiah tih ah Lawmsangzuala chu a rawn lut a, ka bula rawn mut pah chuan "I chau viau ami?" a rawn ti sap a, chhan pawh ka chhang lo, "Anih chuan ka bawihtei hi ka'n kuah ange" tih pahin min kuah a, reilo te ah ka muhil nghal.





After 2 years




"Helam ah, a hliam hi a serious lutuk" rawn titu chu ka en vat a, "Emergency room ah hruai ula, nurse pahnih in min rawn zui rawh se" tih pahin ka lut ve nghal a.





Tunah chuan ka zirlai ka zir zo tawh a, ka duh ang takin surgeon hna thawkin Zuala thawhna hospital ah nghet lemlo in ka thawk ve rih a, mahse ka duh tawk rih viau tho.






"Kan zei nghal angai ang, inbuatsaih rawh u" ka tih chuan an inpeih tawh thu min hrilh a, mi hrang2 chu ka lo enkawl dam ve tawh, mahse tun thleng hian ka la zam tho.





Thawk chu ka la hawk a, ka zei tan ta. Darkar 6 hnu vel ah chuan kan zo thei hram a, rin ai tak chuan kan hlawhtling in ka hria.





Office ka thlen chuan couch ah ka thu hnawk a, ka chau thlawt, ka phone chu la in Zuala ka call a, hospital khat ah awm mah ila va pan turin tha ka nei thlawt lo.





"Hello"
"Ka zo chiah, i buai loh chuan haw tawh ila" ka tia, "Awww ka lo nghak che alawm, motor ka lo la chhuak ang, lo chhuk rawh" a tih chuan phone dah in ka chhuak zui nghal.








Motor ah pawh chuan ka tawng peih meuhlo, ka muthlu lo chauh. "I chau viau ami?"a rawn tih chuan ka harh zawk a, "Immm a harsa reuh lutuk a" ka ti sap a, "Mahse I hlawhtlin viau kha tiraw" a rawn nui sang a, a nui hmel ka hmuh hi chuan ka hahdam huai zel anih hi a.







"Immm rin ai chuan" ka nui a, in kan thlen chuan khua a thim leh tawh, nutei chuan "In lo haw chuan chaw a ei theih nghal" a lo ti vat a, "In la ei lo ami?" ka lo ti hu, "Aww nangni hnathawk a in chhuah laia chaw kan lo ei san daih cheu chuan a tha nang" nutei thin hi chu awww, chauh pawh a sawi leh theih tawhloh, kan nui kan nui ringawt.







Chaw ei kham chuan in ti fai turin inchung lamah ka chho a, ka inbual zo ka inthlak mawlh2 laiin Lawmsangzuala chu a rawn lut thut a, ka phu zawk.






"I mawl thei" ka lo ti hlak a, ngaihpawimawh loh hmel zetin ka khum ah chuan a rawn bawk a, "Innei tawh mai ang" arawn ti ringawt anih chu.





"I mawl" ka ti hrawk a, "Ka fiamthu lo ania" a rawn tih chuan a aw ah afiamthu loh zia ka hre thei.




Ka melh reng a, chutah ka kut ah rawn vuanin "In nei tawh mai ang" a rawn ti leh sup a, "Mahse hna mumal pawh ka la nei lo a, chutiang ringawt chuan ka thei lo" ka lo ti ve sap.





Lawmsangzuala POV


Han hnial ka tum ngial pawn a sawi dik tlat si a, hna nghet a la nei lo a, a duhlo pawh chu ka hre thiam viau tho.






"Anih chuan hna i neih vat angai anih chu, dil rawh" ka ti leh a, min melh kawk, "Chuti maiin a awlsam hleinem" a rawn ti leh hlar a, a thinchhiat hi a sim thei dawnlo anih hi a.






"A awlsam lutuk, i thiam a, i inpe zo bawk a, hna chu i hmu vat mai ang, chuan kan innei nghal ang" ka tih chuan min ner khum sak a, "Taka hmanni ka interview kha naktuk ah result a chhuak dawn asin"






"Anih chuan kan innei thei tep anih chu" ka ti leh hram a, "Ringawt a che, ka tling lo mai thei asin" a ti leh a, ka tawng leh hma chuan "Ka chau ania, ka mu dawn" tih leh khum a mut chu a rual a, ka lo bawk ve tlat bawk nen min tlawh deuh sawk2 ringawt.







Khum mawng atang chuan ka tawlh chho zel a, a bula mut that pah in "Hna i neih hun ah chuan min nei tak2 rawh aw" ka ti sap a, a mit meng lian kel kawl, achauh avanga sen deuh ram chuan min en kiau mai.






"Ka hre lo le, tunlai ah chuan hmeltha hi an tam tawh lutuk a" a tia nih chu, "Remruatfel, uanna chi a nih loh hi" ka ti ram hmak a, a nui sak duh chauh lehnghal.





"Muhil phawt ang, ka chau ka tih kha" tih pahin blanket in a inkhuh hmak a, tihbuai chu ka duh lem lo, a kawng ah chuan ka kuah a, rei lo te ah kan muhil zui nghal.











Leee,,,in ngaihdan sawiin lo Comment theuh ula😘

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 1:01 pm

Lawmsangzuala

Chapter-30


"Vawiin chu result nghak in in ah lo awm mai rawh" ka tih chuan a rawn hawi vat a, "Hospital ah tih tur a tam alawm, hna thawk chung pawn result chu ka nei tho ang" a luhlul leh tan dawn e, "Hna i neih hun ah chuan in duh miah suh ang che" ka tia, a huat a tling leh viau aniang chu "I over" ti hluk in inhnuai ah a chhuk nal2.





Chaw ei kham chuan hospital lamah kan in phur phei leh a, kan buai leh nghal char2, inhmuh na hun pawh kan nei ngai meuhlo, lunch pawh hi kan ei dun khat khawp mai.






"Vawiin chu lunch ei dun ang, ka treat ang che" tiin ka va text a, a seen rang teh e, "Aww mahse ka la buai" a out zui hmak anih chu.





A ma hospital phei chu ni se a mu hman mang lo ang tih tur khawp ani, a vei em2 reng mai, a chang hi chuan a damlo enkawl te hi ka thik lek2 zel.





Dar 12 a rik chuan ka call a, a chhang thei lo, vawi 3 lai ka try hnu pawh chuan a la theilo. A office ka thlen chuan a lo awm lo a, a dawhkan ah a phone chu a awm, ka call kha lo chhang se chuan a mak viau dawn anih hi...





Emergency em2 thil a awm silo a, khawnge maw a kal daih le, ka zawn ka zawn hnu chuan hospital hnung ah damlo pakhat wheel chair a thu nen an lo nui dun bawk2 lai chu ka va hmu a, kan hospital ah chuan damlo senior ber a ni hial mai thei, ke in a kal thei lo va, a hrisel na a that tawkloh avangin damdawiin chhuah san phal sak ani lo.







An bula va kal mai lo chuan ka thlir reng a, damlo tih takah tih lungawi a har phian a, putar ti a sawi tur nilo mahse kum 50 chu a tling tawh ang, Remruatfeli hi heta a thawhna a la rei silo a, engtinnge an inngainat theih em2 zawk ni.






Ka lo ngaihtuah nasa lutuk nge, Ruatfeli min rawn vai lawp2 pawh chu ka lo hmu lawk lo, an bulah chuan pheiin, "In va hlim hmel ve, ka pu chu i tha zel maw" k ti nghal luam a, Remruatfeli chuan "Koh I va hre thei lo ve, vung2 zel ache" a lo ti nghal ringawt.






"I la hria ang chu tiraw" tih pahin ka kut vei lam chu ka khawng kerh2 a, chutah meng deuh kawk in "Ni tak, ka pu chhuah lawk kan ngai a, ka lo hmu leh ang che aw" a ti nghal a, "I hruai lut leh dawn lo ami?" ka tih chuan Ruatfeli min chhan hmain "A ngailo, keimah in ka inbuai pui thei alawm, min ngaihtuah suh u" a rawn tia, ngaih tha deuh chuan kan kal nghal.







Hospital atanga hla vaklo, dawr lian pangai ve deuh ah chuan kan lut a, "Ka ei teuh dawn ania" thu pah chuan a ti nghal, "I ei teuh lo ngai ami?" ka tih chuan min melh rum leh ringawt tawh.







A sawi ang tak2 in a ei hnem lutuk chu ka ngaih a tha lo lek2 zawk, "Muangchang in ei teh, i helh ang" ka tih pawh chu hre lo ang maiin a ei ngal char2 tho.








Kan ei zo kan chhuak tur chiah chu a phone a rawn ri a, an in biak dan ah thil ka hre thiam nghal, phone a dah chiah chu "Zual" a rawn ti sup a, ka melh reng, chutah a tho thut a, "Hna ka nei" tih pahin min kuah nghal chuk2.






"Ka lawmpui lutuk che" a chal ah chuan ka fawp zeuh a, hospital lamah kan phei leh nghal. Result chu an lo hre ve hlawm aniang chu, lawmpuitu pawh a ngah khawp mai, a nui vur2 reng mai alawm.






In kan thlen chuan ka nu te pawh an lo hlim viau aniang, 'Ruatfeli' an ti deuh reng mai. Ka lawmpui viau rualin ka lawm kim chiah lo, achhan chu kan hnathawhna hmun a in ang dawn tawh lo tlat a.






Zan ah chuan ka nu leh pa an chhuah daih avangin kan pahnih chauhin in ah kan awm a, living room a T.V a en lai chuan a bulah thu pahin "Tun ah chuan hnathawk tur pawn kan kal rual thei tawh awm si lova" ka ti sup a, a rawn hawi vat.






"Ni ve tho mai" tih zawng a sawi, ka lung chu a awilo thar thut a, "Kan hospital ah dil rawh ka tih lai khan dil mai ta che" ka ti deuh hrawk a, amah lah chuan "Tuna ka dilna ah te hi chuan surgeon pangai tak angin ka awm dawn a, sawtah te kha chuan doctor pangai emaw min ti hlawm a, a hahthlak" a ti mai bawk si.






Mahse a sawi dik ve tho, kan thawhna ah hi chuan damlo serious tak2 hi an awm deuh reng a, kan surgical doctor te an hah thei lutuk, lehlam ah chuan a tan pawh a tha zawk tho mai.






Thaw hawkin sofa ah chuan ka mu a, "Chhim leh hmar ah kan inthen ziah a ngai tawh dawn si" ka ti sap a, ka huphurh tih a hria ani chek ang chu, ka chunga rawn bawh pah chuan "Kan innei mai dawn alawm" a nui sen2 a, inneih chungchang a sawi ka vawi khat hriat na, a hmui ah chuan ka fawp zeuh a, kan nui dun vur2 ringawt.






Remruatfeli POV


Tunah chuan hna ka nei ve der tawh chu ania, ka thawhna tur hi private hospital ania, an dinna pawh a rei tawhin hospital changtlung tak ani nghe2.





Ka nu leh pa pawh an hlim hle aniang, lo chhuk te an tum in ka hria, mahse a âwm lo hran lo, an fanu neih chhun in hna ka hmu ve tlat a.




Ka nu chu ka call a, "Hello nu, in lo kal tak2 dawn em?" a tawng ve hma chuan ka ti nghal zung2 a, "Aww hei i pa phei chu a phur lutuk a, naktuk ah Aizawl kan chhuk anga, tlai ah kan lo chhuak lehnghal ang" "Yesss tluang deuhin lo kal ru aw, ka dah phawt" tih pahin phone chu ka dah nghal.






"An lo kal dawn ami?" Lawmsangzuala chuan min en hu a, "Imm kal dawn, ka hmu chak tawh lutuk" tih pahin sofa ah chuan ka thu awn duai a, ka khi ver2 ringawt.






Nutei te an lo haw chuan kan bula rawn thut pahin "I pa te chu an lo kal thei ang maw" patea chuan a rawn ti nghal a, an theih tur thu ka sawi chuan nui huah2 pahin "Chutia an lo kal theih dawn chuan in inneih hun tur te pawh kan sawi fel nghal ang chu" patea thin hi a, Lawmsangzuala nen chuan kan in melh zak2 a, kan lai chhe lo chauh.


****


"Vawiin chu ka lo kallo mai dawn, naktuk atang Greenwood(ka thawhna tur hospital) lamah thawh nghal ka ngai dawn sia" Zuala insiam mawlh2 lai chuan ka tia, chutah "Last nan i lo kal ang chu, hna thawh tur em2 i nei chuanglo, kan kal tlang khat tawh dawn si" a ti mai a.






Mahse a sawi dikve tho mai, a ni chhim lam ah a kal anga, kei hmar lamah, kan hnathawhna chu a in then hrang phawk dawn ania'h....





"Nih chuan min lo nghak rawh" tih pahin ka room ah ka phei a, ka inthlak zawh chuan hospital lamah bawk kan in phur phei leh.




A hming in damdawiin ah chuan min ui thu te an lo sawi ve luam a, keipawn hahthlak viau mah se nuam ka tia, ka ngai dawn hlawm lutuk, a bik in ka pu kha, a kal thei lo a, a tawng tam lo bawk, mahse ka ngai na riau.






A hranpa deuha mangtha ka duh avangin a awmna cabin lamah ka kal a, min hmuh rual chuan min lo phar nghal, a bula thut pah chuan, "Ka pu, hetah hian ka thawk tawh dawnlo a" ka mittui chu a rawn hnai leh ringawt tawh, tinge maw a luan hma em2 le.






Ngawi rengin min en a, a mit, a hrisel loh avanga a bul vel zur deuh riai ka en chuan min ui tih ka hre thiam, hunawl ka neih apiangin ka kan thin a, hospital te ka fan pui thin, a chhungte hian kartawp ah bak an lo tlawh hman ngailo a, a khua a har thin tih ka hria.







Ka kut chu a rawn vuan a, a mittui tling pam chu ka hmuhmaih hauhlo"Ka hman chang apiang in ka lo tlawh thin ang che, hrisel deuhin lo awm zel rawh aw" a kut chu ka fawp a, lungchhe ang reng deuh chuan ka kalsan ta a.






Zuala office ah chuan ka tlang a, min hmuh rual chuan "I tap ami?" a rawn ti nghal, ka lu thing pahin a dawhkana tui chu ka in khawlh2 a, thutthlengah chuan ka thu hnawk.






"I tap chiang ee, tinge a?" ka bula rawn thut pah chuan a ti leh a, a bulah hi chuan dawt a sawi theih loh, "Ka pu kha ka va hmu a, ka ngai dawn e" ka ti sup a.






Ka dara min rawn kuah pah in "I rawn tlawh ziah thei alawm, " a nuu sang a, ka tawng leh hma chuan "Ho deuh2 ah tap ziah suh, leee big smile" tih pahin a nui a, ka nui ve leh ta nge2.






Ka nu leh pa te chu zan dar 12 rik dawn ah an lo thleng a, kan lo hmuak thup. Ka nu ka hmuh rual chuan ka kuah nghal thlawp a, zep thu a chenglo, ka ngai ani tawp.






In kan thlen chuan ka pa te thian dun chu an titi nghal bawrh2 a, a changin an nui huah2 reng bawk. Nutei'n "Naktukah office i ngai sia, mu tawh rawh" a tih chuan hnial lem lovin ka chho ve mai a, ka mut chu chhuak lemlo mahse zing ah duh chen2 ka mu thei dawn silo a, khuma ka leh ka leh hnu chuan ka muhil ve mai.








Ka phone ri chu thei leh thei lovin ka va ban a, Dr.Franky tih ka hriat chuan ka tho nghal at.

"Hello"
"Doctor, vawiin i lo kal thei dawn em?" ka rin dan vel tho, sana ka en a, dar 9 a lo ri tawh, "Aw aw ka lo kal dawn alawm" tih leh phone dah ka rual nghal.





Ka insiam sawk2 a, inhnuai a ka chhuk chuan a lo la reh thap, nizan lam kan meng rei bawk nen, thawh an hai vek anih hi, Zuala pawh kaitho lovin ka chhuak nghal a, taxi in ka thawhna tur Greenwood hospital lamah ka kal nghal.







First day atanga han tlai em2 mai chu'h, ka thlen chuan min lo welcome tha hlawm hle a, kan boss, Dr.Franky office ah chuan ka lut nghal a, a hmel hmuh chu ka rin aiin a nuam, min lo hauh deuh ring saa kal ka nia, mahse ka rin ai daih in a fel.






Ka office tur ah min hruai thlap a, a zauin a felfal thlup mai. "Harsatna i neih chuan min hrilh dawn nia, chuan vawiin chu i ni hmasa ber ani bawk a, i duh hun2 ah i haw thei ang, mahse a lehpek ah chuan tlai a thiang tawh lo ang" a ti nghal zung2 a, ka ngainat zawng tak ani, het Remruatfel, chutiang ngaihtuah suh







A chhuah hnu chuan couch ah ka thu hnawk a, in ti neitu zetin dawhkan ah ka ke te chu ka thluang chho vel a, kan thil duh zawng2 kan neih theihlohna khawvelah hian ka duhthusam zawng2 chu ka nei ta vek ni maiin ka hria.







Han haw leh nghal ringawt aiah tiin hospital chhehvel chu ka fang kual e ka tia, zeploh chuan min fang pui tur in mi an rawn tirh te ka lo beisei ve deuh a.






Hospital hnung lama ka awm lai in Dr.Franky chuan ka hnung lam atang min lo ko a, ka hawi let vat.

"Enge i lo tih a? ka bula lo din ve pah chuan a tia, ka fang kual mai2 thu ka sawi chuan phur hmel zetin, " ka lo fan pui dawn che ami?" a ti nghal a, hepa hi chu misual tak chu a ni lo phawt mai.






Isolation room kan chhuah San chiah tih ah ka phone chu a rawn ri a, Lawmsangzuala a lo ni, "Hello" "Tinge engmah sawi lo va i kal daih a" vui aw lek2 in a rawn ti nghal a, "Tumah in la tho hleinem, keipawh ka tlai phah vek" ka ti ve nghal a, mizo tawnga kan inbiak avanginn Dr.Franky chuan min en deuh hu mai.



"Ka dah phawt dawn, ka buai" tih pahin ka dah zui nghal a, office lamah kan inzui phei lehnghal.










An innei tep tawh ania, lo nghak hram2 ru😄😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)