LAWMSANGZUALA BY Ruati Renthlei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

LAWMSANGZUALA BY Ruati Renthlei (Completed)

Unread post by Ngaia » July 11th, 2021, 12:55 pm

LAWMSANGZUALA

~prolouge~

Ka mipa lo duh ruk ve em2 nen kan inngaizawng a, ka ngaihzawng neih hmasak ber ani. A bulah chuan ka him ber niin ka inhre tlat a, ka rin lutuk na lamah min rinawmloh sanna ka lo hmuhmaih si. Beisei tur engmah nei tawh lo nia a ka inngaih laiin ka mipa huat ber hnen atangin beisei na kawl eng ka hmu leh a, ani chuan ka beidawnna chu min beidawnsan tir ani.

7prqa9i5.jpg
Chapter-1
Ruah chu a sur cherh2 a, mahse khua chu a lum viau tho, peihlo tawka tho pahin ka phone chu ka en a, ka thil hmuh chuan min ti phu chiang kher asin. Vawiin atangin coaching kan tan dawn tih ka lo theihnghilh leh tawh, ' Remruatfel'tih pahin ka chal chu ka dawm vang2, dar9 A ri tep tawh a,an bang leh vek tawh ang, ka thiante tal pawn min lo sawm ve tur ania, ka chhungte lahin min kaihthawh an tum bawk silo, hahthlakk hlawm emai.
In hnuaia chhuk pah chuan ka zai thla luah2 a, ka thil hmuh vang chuan ka tawp chawt, mipa pakhat leh ka pa hi sofa a thuin an lo titi mawlh2 a, min rawn hui zeuh a, an bulah chuan ka thu thla ve nghal.
"Hei, i pa Ramsanga fapa, kan sawi fo thin kha anih hi" tih pahin ka pa chuan chupa darah chuan a beng thak2 a, "Lawmsangzuala ka nia" A kut chu A rawn phar chhuak a,'Remruatfel' tiin ka lo chibai ve mai bawk.
" I lawmawm reuh hle mai, school I la kal em? "Chupa mai2 chu'h " Class 12 result ka nghak mek,lawm rual pawh ka ni tawh lo" ka lo ti vak, a nui suk duh chauh lehnghal.
A hnar ngul sang vah te, a dar hlai zet leh a mitmeng rum deuh ul te, a inla class leh lutuk te chu keia zo lanu hian ka to thei thaklo, ka hmuh tirh atang khan ka ngei hrim2 i lawmawm te min ti mai2 lehnghal.
"Anih pa Hming, ka va phei phawt ange" tih leh thawh a rual a, ka pa pawh a ding ve nghal"Ni e, Zuala i hmanhmawh ang reng sia, nidangah chaw te i la rawn ei dawn nia, kan GSA hruaitute lah chuan kan in a rawn thlen an phal mang silo che a"a nui huah2 a, an inzui chhuak lai chu lei ka lo chhuah khum hram kha, i lawmawm min ti kha ka ngaidam theilo, ka rualpuite zingah chuan ka sang ve tho emai a, ka nu in chaw ei siam turin min tia, tum bura ka siam leh tak kha.
**
Min rawn sawi nawk2 avang chuan peih leh peihlo in ka meng a, Lalrinpuian min lo melh rum nasa mai, "Mut duhnu, kan tlai tep hi, in siam rawh" ka thin chu a rim thar leh, "Zingah pawh min rawn sawmlo" tih pahin blanket in ka inkhuh lehnghal, ka thian tha ber anih vang nge a bulah hi chuan ka titau bur2 reng mai.
A ngawih reng avang chuan kei mah bawk chu ka hawichhuak a,inthlahrung deuha min lo en ka hmuh chuan ka inthiamlo leh deuh, "Min lo sawm chu a har viau ami? " ka ti tiau a, chutah nui vur2 in "Ka kal biklo, thawh ka hai ve tho a" a rawn ti chu'h, kan nuih leh vak2 kha, mut te chu kan duh thian dun emm.
Hmanhmawh tawkin ka insiam a, inhnuai ah tlan thlain ka nu min biak na pawh chhanglo chuan bike in kan in phur chhuak nghal. Kan thlen ve chuan an lo line thap tawh, kan GSA president pu Rina chuan "In pahnih hian zingah pawh in rawn lang lo a, tunah in lo tlai leh a, enge a chhan le? " a ti dam thlup a.
Ka dawt sawi dan tur ka ngaihtuah mek laiin Lalrinpuia pek chuan "Zing kha chu thawh kan hai a, Remruatfeli ka nghak rei lutuk a, ka tlai phah alawm" a va tullo tak. "A nilo a nia aw sir" tih pahin Rinpuia lu ah chuan ka beng a, an lo nui huk hlawm mai, fiamthu ka thawh tawp silo, ve mai2 a.
Players dangte hmachhawn zawng chuan min dintir a, ka rin aiin hmeichhia an tam zek lehnghal, nidanga inkhel ngai hleilo te pawh coach a lo thlen meuh chuan an ding khawng vah mai alawm, tenawm hlawm lutuk.
Kan coach ve lah hi kan thlen tirh atang mask ala vuah char2, a hmel a zahpui aniang hahhhh. Rapid fire drill kan nei anga, chumi zawh ah upper hand leh under arm dik kan zir leh dawn nia tih pahin a mask chu a phelh a, 'kareiii' tunge ka hmuh hi, Lawmsangzuala ngeiawm deuh kha mawww, ka meng phawk ngang aniang, Rinpuia chuan min rawn nghawk zeuh a,"Hmeltha i ti ni maw?"a nui vur2 a, "Ti mai2 lo" tih pah chuan ka beng leh pawp, sawtiang nelawm lo lutuk saw engtikawng pawn hmeltha ka tilo angee.
Drill chu kan nei ta cheng a, a hahthlak hrep lehnghal, "In game eng ang nge ka la hrelo a, chuvang chuan 15 in inkhel lawk ang" a in la thu ve siah. Kan inkhel chiah chu ngatinge mawni, ka khel hlei theilo, kan chak lo ta nge2. Min hrem nghal pawh ka ring lo a, volleyball court vawi 20 min round tir mai anih kha, "Remruatfeli khan a ti sual tam ber, vawi 5 round leh raw" chupa mia2 chu'h,ka chau tawh bawk si, thinrim bawk si chu 'Lawmsangzuala' ka'n ti vak ami anih kha, mak an ti hlawm teh e, a awm ve tho, kan coach, chupawh vawiin atang chauha training min petu a hming pumin ka ko tlat alawm, A ho ee, min hrem man anih kha.
Hnai lutuk a min rawn enin"Ka hming chu i hrechiang viau naa 'sir' tiin min ko tawh dawn nia, khanglang chuan, zawi deuha sir tih pahin ka kalsan daih. Pu Rina chu ka bulah a rawn kal a"Ruatfel, i hriat angin ka players zingah chuan ka chhuan leh rin ber pawl i ni a, sir Zuala bulah pawh hian kan lo fak viau tawh che a, chuvang chuan tha taka training i tum dawn nia"a rawn ti teh duah a, ka inthiamlo ang reng "ole, theihtawp ka lo chhuah ang"
Ban dawnah chuan kan line leh a, kan sir ahhh ka tih Lawmsangzuala chuan" Vawiin chu ni khatna chauh ala ni a, in hmelah ti tak2 na nen in bei tih ka hria, kan thil zir ho tete emaw kan tih hi a la tangkai dawn ania, chuvang chuan hmasawn ngei tumin in training dawn nia"teh duah a, tunge hmasawm tum lo a coaching kal peih ang.
"E chuan, naktuk zingah chuan kim taka kal tawh tur, tlai kan awm leh chuan kan in hrem tawh ang" min rawn melh kher pawh a ngailo, ka vawi 1 tlai na, mahse ka vawi 1 kalna heheee
A sawi zo dawn tawh emaw tih laiin tawngtai ala ti ve khanglang lehnghal, kan tawngtai rual a,kan bang ve hram. Kei leh Rinpuia leh kan thiante pahnih nen chuan kan leng kual leh nghek kha. Hmeichhia chu ni mah ila ka hmeichhiat puite aiin mipa ka kawm tam zawk, mahse lesbian chu ka ni chuang miahlo, a ho emai, Bible ah hmeichhia in mipa a kawm tur ani lo tih a inziah ka hrelo e.


Show post links



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:55 pm

Chapter-2
Karkhat dawn lai kan training tawh a, kan misual pawh a la strict tluang zel e, engtinnge maw an duh hlawm em2 theih le?! an mit entir a ngai hlawm anih hi. Keipawh a hma ang mai2 chuan ka khel tawh biklo, kan hruaitute pawn min fak viau khaa nuam ve tak ani hehe.

Friday tlai kan haw tur chu misuala chuan min lo ko a, ngaihsak lo deuh chungin 'enge'ka lo ti hmuk a. "Vawiin chu i khel tha hle mai, in inah chaw ka lo ei dawn a, kan phei rual dawn ami? " va tul mai2 lo tak, kan coach chu nilo se ka beng pawp ang mawle, ka ngai na lo tih a in hre reng a, hetia rawn tih kher.

Rinpuia te chu min kalsan tutin ka ti tawp, puitling an awm ve thup sia, ka haw pui peihlo che han tih chi ni tawh heklo, kan inchhawm haw tak kha.Kawng tluanin kan inbe lo ang vel ani, sawi tur a vang em tak a.

Chaw ei laiin ka pa chuan "Bawihi, in 'sir' chu a thiam i ti bawk maw? " Lawmsangzuala en chungin a nui vur2 lehnghal. "Thiam a mahse., " ka ti chiah chu"Ruatfeli chu inkhelh a lo thiam hle mai, hrem a ngai zing mai pawh a" ve khanglang chuan, midang pawh hrem an ngai ve thin tho.

Chaw ei kham chuan ka room ah ka tawm leh tlat tawh, ka nu chu rawn lutin"In coach a awm ve reng a, ngatinge i tawm bo daih" "A ho e, inah te chuan coach pawh a nilo" ka lo ti zek. "Chutiang tea I tih, I pa Ramsanga fapa ania, I thianpa ngawih2 tur asin, hrim2 in, I room ah hian I tawm bo nghal daih zel mai, chhungkua a awm ho na hun pawh a awm thin lo, rawn chhuk nghal rawh" a ti deuh bur.Room a ka awm bo daih thin vang hian min hauh phah ziah, ka zawm lem hlei lo a.

In hnuaiah chuan kan inzui thlaa, misuala chuan chiang lutuk min lo melh,ka pa bula thut pah chuan"mi ngaihmelh suh"kan tih nghek kha. Ka pa chuan "ngaihmelh awmzia pawh i hria ami? " Min lo ti vat, "hre mai2 lo" tih pahin a malchungah chuan ka mu a.

"I in tih nulat tawh nen, tinge I pa malchunga I la mut a? " he pa ninawm zia hi, ka duh a ka mu a ni mai ani, ka in tih nulat pawh ka hre heklo, chhan pawh chhanglo chuan ka melhrum vak a, ka pa chuan "Inchhungah hi chuan a inla naute thei ania" a lo tia, lei ka'n chhuah khum hram kha.

Ka chhungte an titi bawrh2 lai chuan ka phone ka lo khawih ve char2 a,ka rooma awm nen a inang reng tho sia, ninawm. Ka phone bih ngur2 chung chuan ka rilru ah bialpa neih te a rawn lang, ka nui huk lehnghal, mahse bialpa han nei ve ngawt dawn ila min rawn be tute hi ka type an ni hlawl thin silo a, Hmingduhawma lah hian min vei lo ve hmel ropui bawk sia, a inkhel tluk2 ringawt, mahse nitin ka hmu ziah a, a tha vek tho e,.Ka tet lai atanga ka mipa duh ruk awm chhun ala ni, mahse min be ngai lem lo, a bialnu Ruthi'n a kawp a tang khan bialnu dang ala nei leh pawn ka hrelo, engpawh nise a single a, kei ka single bawk a, a tha viau tho mai.

Ka lo ngaihtuah nasa lutuk nge, ka nu min kohna pawh ka lo hre lawk lo"Phone in khawih tawh hi chuan in biak thei reng2 loh mai"tih pahin choka ah chuan a phei a, thingpui lum pahin a la ang hmiarh2 mai, ka nuih a ti za zawk. Kan chhungkaw rapper hi chu a ni ve chiang alawm, a bulah chuan ka va phei ve a, "Ka nu thinchhe tei hi kan pui ve ange" mi tlawnte lah hi i thiam si tih pahin ka lu ah min kuk a, thingpui kengin kan nui phei leh bawk2 tho.

Dar 10 rik dawnah misuala chu a haw ve chauh, haw hun pawh hrelo, mawl lutuk. Ka khumah chuan ka bawk thlawp a ka muhil zui nghal, dar 4 rik dawn ah chuan ka zun chhuak in min ti harh a, ka muhil leh thei tawh lo. Khumah chuan ka let ka let a, ka phone chu ka khawih ta nge2, biak tur em2 pawh hrelo a ka thai kual mai2 lai chuan Omoma(Hmingduhawma) message ka dawng hlawl anih chu, mak ka ti teh e.

"I muhil thei bik nange" smiley a rawn dah a.
"Immm, nangpawh maw? "
"Aww, zingah I kal dawn em?"
"Kal ang, I kal dawnlo ami? "
"Dawn e, kal rual ila, ka lo sawm ang che"
Ka hlim lutuk chu khumah ka zuang vak2 ringawt, "ole, ka lo nghak ang che"
Dar 5 rik hun chu ka nghak char2 a, ka nghahhlelh lutuk vang nge, a ri har hrep lehnghal. Rinpuia ka call a, Omoma nen kan kal tur thu ka hrilh, kan inbiak dan zawng2 nen ka hrilh vek, kei ai mahin a lo lawm zawk. Ani hi chu ka thianpa mai nilo in ka unaupa angin ka en, ani pawn chutiang tho chuan.

Zingah chuan min lo sawm ngei a, ka nu leh pa te pawn mak an ti ngei mai, nidangah alo kal ngai tlat lo a. Kan inzui chhuak a, a bike emaw scooty emaw ka hmu miahlo, nidangah chuan a keng ziah sia, "Ke in ami kan kal dawn? " "Immm bike te chuan ka thleng hma dawn lutuk asin" awiiij a nui hmel han that zia hi.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:55 pm

Lawmsangzuala

Chapter-3

Ke chuan kan phei duh rak2 a, ka rin aiin a tawng duh lehnghal, thil ho tete sawiin ka titi phei zel a, "Ngatinge min lo sawm teh thut a? " ka hre chak tawh lutuk a, ka insum thei tawh lo. "Tinge I duh vaklo ami? " "Duh e" ka ti leh lawi, a va zeiloh theih tak. "Rinpuia te chauh I kalpui thin a, I rual kal ve te pawh ka chak alawm" a nui vur2 a, ka lai lutuk chuan I over ee tih pahin ka sam chu ka tuai thur sak vek a, a thinrim deuh bawk si chu kan in um thleng thak.

Drill kan neih lai chuan ka pum chu a rawn na thut a, kan tlan nasat lutuk vang kha ani tih ka hria, ka tlan vak chuan ka pum a na ziah. Lei ah chuan ka thu hnawk a, Lawmsangzuala chu rawn kalin a chhan min rawn zawt, chhan pawh chhanglo chuan ka pum ka dawm ringawt, min pawm kan a tum chu Omoma'n "Sir, keiman ka lo ti ang" tih pahin min pawm a, a nawm zia kha awww

Ground sirah chuan min pawm phei a, Lawmsangzuala pawh a rawn phei ve nghal, "Khawi lai tak nge na? " tih paha ka pum rawn khawih a tum chu Omoma'n a kut a lo man vat, rum lutuk in a melh. Tinge tiang hian Omoma hi a awm le, Lawmsangzuala chuan "Ka khawih chhe dawn hlei nem, i thiante va zawm rawh" a kut chu a vai thla pawp a, ka van ngei tak. "Kan haw rual dawn nia" Ka tih chuan Omoma chuan a lu a bu zauh a, a kal nghal.

Damdawi min pe a, "Hetia buaipui ngaia awm bik hi a zahthlak ania" a rawn ti kher, "Min buaipui tur pawn ka tilo che" Anih chuan damdawi pawh kha ei suh tih leh min laksak a rual a, "Heyy misualpa ka pum a nat hi" ka ti leh vak "anih chuan ngawi rawh" ka melh rum vak a, ngatan mah ngailo ang maiin a kal nghal daih.

Damdawi ka ei zawh hnu deuhah chuan ka inkhel ve leh mai a, drill lai takin ka chawl hlauh a, ka lawm zia. Karlehah Inter Dist Volleyball Championship a khel tur selection an nei dawn a, ka miss phal teuhlo, chuvang chuan tan viau angai. Rin ai tak chuan ka khel leh thei lawi a, ka'n block thlak pawp2 kha hehee

Ban hun mawlh chu ka nghakhlel, thu lah hi an sawi kual leh vak zel a, ninawm zo zai. Omoma chuan min lo nghak a, Rinpuia nen kan pathum in ka haw rual, mipa leh mipa hi chu an Inkawm zel thei a, a zia viau. Omoma chuan, "I pum chu a la na em?" "Aih damdawi ka ei alawm" ka lo ti vat.

"Sir Zuala khan sawi a nei em?" a ti leh nghut a, Rinpuia nen kan in en hu ringawt, "Aih tinge" ka tih chuan, "Ka ti mai2, kan sir hian a duh deuh che in ka hria" a nui vur2 a, keilah pek chuan "Awiii kha mihring te kha chuan hmeichhia ang pawn min enlo, a sual ropui si, ka coach chu nilo se ka sawisa hrep ang mawle, min hrem ve ziah lehnghal" ka kut chu ka'n hum ruh vela, an lo nui tlak2.

"Tinge tlai an awm apiang hian i tel ve ziah in ka hria" Omoma chuan nui chungin a rawn tia, fiamthu mah nise ka zak chem2 mai, "Keimah hi ka tlai thei lutuk a, ka tel lo hi chuan a kal duh bawk silo" Rinpuia'n a lo ti zeuh, hepa te hi chuan min ngaihtuah a nia.

"Nangni pahnih hi chu in khata in chen dun lohna chiah hi unau in nih loh na niin ka hria" a nui a, "Nia mi pawn unau tak2 emaw min ti for alawm, mahse ka hmeltha bik lutuk hi chu nuam ka ti chiah thinlo" Lalrinpuia tak hi chu awww "Ka hmeltha daih zawk" tih pahin Rinpuia nghawngah chuan ka kuai vak a, a rak chiam mai, kan insual titih, Omoma chuan, "Insum rawh insum rawh"tih pahin ka darah chuan a rawn vuan a, ka tawp chiang hle. A mit ah tak chuan ka en a, ka mit pahnih chu intawng chiang tak hi hi ringawt, ka hawi sawn leh vat a, ka dara a vawnna chu a phelh leh mai ka hlau a, thawk pawh ka thaw tha ngam meuh hleinem mawle.

Kan inkawt kan thlen chuan kan inmangtha a, an kal liam lai chu ka thlir reng ringawt. "Min duh ve mai la" ka ti sap chu ka inten leh hnuhnawh, hahthlak emai a.

****
Hun a liam a, Omoma nen pawh kan inbe ziah, 'inngaizawng' tih thumal kan sawi lan lohna chiah chu kan inngaihzawng lohna niin ka hria, mahse min duh ve tih hi chu ka chiang viau tawh.

Sunday zan kan inkhawm bang chu ka nu leh pa nen movie kan en a, door bell rawn ri chu peihlo tawkin ka va hawng. Lawmsangzuala lek chu lo niin, a nui sen2 a, kei lah ka lo tum bur. Inchhungah chuan kan inzui lut a, ka nu chuan thingpui lum tur in min ti nghal, hei hi lawm inleng neih ka nin em2 na, 'thingpui thingpui' ti reng hlawm mai. Mahni in tur pawh lum peihlo laia Lawmsangzuala in tur lehnghal lo lum, ninawm a.

Thingpui ka pek zawh a ka room a ka chho tur chu ka pa in min ko let leh, enge maw an hriat hlawm ni, ka mut a chhuak ka tih pawn an phallo tlat. Lawmsangzuala lah hi lo len ve ziah pawh a ngailo, "Ruatifeli chu Inter Dist Volleyball ah chuan i tel theih i in ring em? " a tih chuan "Tunge hria ang" ka lo ti vat, a nui hmel chuan min ti confi lo vek. "Players thinchhe deuh chu ka duh lo a nia" a tih chuan chhan ka tum zet a, ka thulh leh, ka chhungte nen chuan an la nui huah2 zui, engtinnge ka nu leh pa te hi a inngainat tir em2 theih mai le.

Ka ngaituah vang2 a, a sawi dik viau chuan ka hria. Kan coach nen ber kan inmil lo hi chu a buaithlak viau, midang bulah te chuan ka zaidam ve tho, a man a zir loh vang mai2 anih kha. Inter Dist a khelh duh vanga that han chhuah leh vel chu ka type a ni chuang silo, a ho emai, ka tel dawn anih chuan ka thiam na vangin ka tel ang.

Ka nu chuan thil dang a rawn sawi ta daih a, ka lawm viau, Lawmsangzuala lah hi leng rei thei ropui si, tlai deuh ah ka mut leh phah. Mutna ah chuan District ai awh a ka khelh theih leh theih loh tur ringawt ka ngaituah a, Omoma ka ngaituah thleng vat. Han kal tlang thei ila, a nawm tur zia hi. Kan kal tlang thei a nih ngat chuan kan pahnih chunchang hi ka sawi fel ngei ang, hetia awm reng chu a mumal loh thlak emai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:55 pm

Chapter-4

Lawmsangzuala POV

Kar hnih lai coaching pawh ka kal pui tawh a, Remruatfeli hian engvanga min ngaina lo em2 nge a nih ka hre thiam theilo. Dik tak chuan amah vang chauha he coaching hi pe ka ni. Ka pa leh Ruatfeli pa hi thian tha tak an ni a, kan tet deuh lai chuan kan inkawm ve thin a ni awm e, mahse ka pa hna a vangin Shillong ah kan pem a, tun hi kan inhmuh leh hmasak ber ani.

Ka pa Champhaia a han zin tum khan Ruatfeli te inah hian a thleng a, a lo haw dawn ah an chhungkua leh ka pa ten thla an la ho a, chuta Ruatfeli ka hmuh atang chuan ka vei nghal em2 ringawt. A chanchin ka theih ang2in ka chhui a, volleyball a khel ve thin tih ka hriat avangin mi dang min sawmna zawng2 hnawlin Champhai kher ka thlang reng a.

Ka thlen tuk atangin coaching ka pe nghal a, mahse Ruatfeli hmel ka hmulo. Ka pa leh pa Hminga an inhriat that em avangin an inah ka va leng ve tawp a, an ina thleng tur pawn min ti nasa viau, mahse mimal thil a zin ka nih loh avangin a rem chiah bawk silo a.

Pa Hminga nen kan titi mawlh2 laiin inchung step atang chuan ka kal chhan ber chu a rawn chhuk zal2 a, a tho chiah tih ka hre thei. Kekawr bul pawl dal deuh leh T-shirt lian ve tak a dum a ha a, a vun chu a mamin a ngo takzet, a sam chuan a kawng a thleng titih a, a hmel mawlh chu tha ka ti.

Mahse, kan inhmuh hmasak ber ni atangin a bak hlar mai, min ral en hi a ni ringawt, a thinchhe bawk si, a zia chu thup lo ve tak ani. Ka chhaih kawlh chak em avangin ho tete ah pawh ho tete ah ka hrem bik ziah a, a thinrim hmel chu ka lawm tlat.

A ni telin ka duh telh2 a, min hawa telh2 thung hehee., an ina ka len ve pawn min be tha duh ngailo, a lo tum bur a, chu chu hmuhnawm ti deuh in ka lo thlir mai thin.

Ti thinrim thin viau mah ila mipa dang nen an inhnaih leh hnaih loh ka thlithlai reng a, Rinpuia nen hi chuan then hran theihloh ang vel an ni. Mahse a bialpa anilo a, a tawk rih viau tho mai.

"Vawiin hi Inter Dist Volleyball Championship a khel tur te select hun a lo ni ta a, in hming ka lam anga, a hmaah hian inlo ding dawn nia" Ruatfeli chu ka va melh zeuh a, chiang lutuk in min lo en, a in beisei tih hi chu ka hre reng mawle.

Hmeichhia chu ka ko hmasa a, Remruatfeli hming ka lam chiah chu a rawn thlawk phei nghal hi ni ringawt, a lawm lutuk chu a thiante a kuah chung2 mai, lawmawm reuh lutuk.

Mipa ah chuan Hmingduhawma hi a zuang sang a, a zia deuh ber. Mahse, tun hnaiah Ruatfeli nen ka hmuh dun zing mah2, hmannia Ruatfeli pum a nat a min chhan dan leh a chet dan a vang khan pangai taka biak leh tih vel chu ka harsat ta tlat. Ani pawn min ngaina lo tih ka hria, mahse coach ka ni a, ka mimal thil avanga buaina siam ka duhlo, Hmingduhawma pawh kan select tak tho kha.

A hma aiin kan practice nasa a, a lut tur tak2 chauh te selection kan neih leh dawn avangin players ho pawh an tang viau a, zirtir pawh a hma aiin a hahdam zawk.

Aizawl atangin ka thianpa Eric-a a awl lai a ni bawk a, min pui turin a rawn chho vang2. Hma an sawn in beisei pawh kan tisang viau a, Ruatfeli tak phei chu thiam tawh tak ani, service a uluk lo thin emai pawh a.

Kar hnih hnuah chuan a khel tur tak2 te kan select leha, Remruatfeli pawh kan thlan ve leh kha, a lawm viau chuan ka hria.

Mipa hming tawp ber ka lam tur chu ka tawp chawt, 'Hmingduhawma' he mihring hi chu ka ngaina hlawl lo. Mahse keimah chauh inngaihtuah thei ka ni silo a, an hming ka lam zawh chuan pu Rina chuan fuihna thu te a sawi leh a, "Karleh Wednesday hi Aizawl kal hun tur chu a nia, theilo tur kan awm em? " ka tih chuan an ngawi thap mai, an phur tlang viau ani.
***
Ka thlenna in te an inkhawm vek a, mikhual ka lo ni bawk nen, thlarau lamah ka lo chuti teh vak bawk silo chu in ka lo nghak ang ka ti tawp. Ka inbual zo ka inthlak lai chuan message a rawn thleng a, ka en thuak a, dah leh mai ka tum chu ka thulh leh chiang hle.

Remruatfeli number hi chu ka neihna a rei tawh, mahse ka number a nei ve tih ka hre miahlo, group vel ami a ni mai thei.

"Hey, min select ve avangin ka lawm e" teh zawng chuan, "Ka hming i hriat chian nen 'hey' han in tih chu, i lawmthu sawina pawh hi ka pawm thei ange maw" ka va ti ngat a, a thinrim leh ang chu.

"I pawm leh pawm lohah ka buailo" ka rin dan vel ani, "I thinchhe bawk sia, ka select ve loh che chuan min sawisa ang tih ka hlau alawm" ka va tih leh chuan a seen ringawt, min reply duh tawh thaklo, henu in la value lutuk hi chu a la buaithlak dawn anih hi.

Monday zingah chuan kan jersey thui tir chu kan sem a, a dum leh a sen in a tial a, a hnung ah an hming kan chhut tir vek bawk a, a mawi phian, an hak chhin deuh sup2 laiin Ruatfeli chuan a ha ve duh miahlo. A chhan ka zawh chuan tum burin "A lian lutuk, mipa size a nih hi" a lo ti tuau mai, a tap tep in ka hria,ka enchhin chuan a lo lian em taka, lungawi lohna tham chu a ni.

Kan hruaitute nen chuan kan inrawn khawm a, Ruatfeli lah chu a Tum lian nasa tawh mai si, a pawi tak2 ani. A dang thui tir lehnghal a ngaih thu ka sawi laiin Hmingduhawma chu a rawn kal a, "In timak hle mai sir, uluk taking a size in hrilh tur a ni asin" a rawn ti khanglang a, ka sa zak mai.

Ka in hum ruh nasa hman viau a, mahse a sawi dik tlat bawk si, ka hrilh chiang viau chuan ka hria asin mawle. Eric-a chuan thupha chawi pahin an thui that tir lehnghal tur thu a hrilh a, ka ngawi reng. Ruatfeli ka va en a, a hmaa min melh rum thin te kha chu nep te ani ringawt, min huat hmel lehzual lutuk. Tihngaihna lah ka hre der silo, a bulah va kalin ka siam tir lehnghal tur thu ka hrilh a, engmah a sawi duh lo.

Hmingduhawma chuan a banah a vuan a, a kalpui tak kha. Ka thinrim nge ka rilru a na tih pawh ka hre thiam lo. Hemi te pahnih hi an inngaizawng ta em ni? Nilo, a ni theilo.

Ruatfeli jersey chu kengin Eric-a nen dawr lamah kan in phur phei a, kan thlen chuan vin deuhin " Hei hi enge awmzia? A thui dan tur leh a size zawng2 nen ka hrilh vek cheu a, engtinnge in thui dikloh theih zawk?! " tiang em2 a ka thinrim sosan hi ka la hrelo, Remruatfeli kawr kher hi ngati nge a nih? Mi dang ta chu nise tiang em2 hian ka awm lo tur.

Dawra thawk ho pawh chuan min en thup a, Eric-a'n hmanhmawh taka thui that lehnghal a ngaih thu a hrilh a, anni pawh an inthiamlo khawp mai.

An thui tha lai kan nghah chhung chuan engmah sawi lo in ka ngawi reng a, Ruatfeli ringawt ka rilru ah a awm, Hmingduhawma nen khan an inngaizawng tak2 em ni? Ni e, inngaizawnglo se chuan khatiang khan a kalpui ngawt lo ang.

Ka mit deuh sulh a, Eric-a min biak na pawh ka lo hrelo. "Bro, inthiamlo vak duh suh, hei an thui tha leh mai dawn alawm" a rawn tih chuan ka harh zawk mai, "Nia" tih ringawt in ka chhang a, min en danah a ngaih a tha zanlo tih ka hria.






Lawmsangzuala POV hi a har ka ti lutuk a🥺a feeling tur hi ka ziak chhuak thiamlo ani ber, comment theuh ula, in ngaihdan te lo sawi ve teh u,🤗

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:56 pm

Lawmsangzuala

Chapter-5

An thui zawh meuh chuan dar 10 a lo ri thuak tawh. Eric-a chu min hawsan turin ka tia, Ruatfeli te inah ka tlang nghal. Kawngka chu a nu in min rawn hawn a, Ruatfeli awm leh awmloh ka zawt a, a thianpa nen an chhuah tawh thu a sawi chuan ka tawp chawt.

Ngawi rengin ka ding a, Hmingduhawma nen an chhuak anih ka ring tawp. Nu Sangi bulah chuan jersey chu ka dah a, a thawl deuh avanga kan thui that tir thu hrilh in ka chhuak lehnghal.

In ka thlen chuan pu Rina chuan chanchin min lo zawt vat a, kan thui that tir a, ka pek tawh thu ka hrilh a, a thaw huai mai. "A lungawi lo hmel sia, a inkhel duhlo mai ang tih a hlauhawm alawm" a tih chuan ka nui ringawt, engang pawn thinrim mahse a inkhel tho ang tih ka chiang lutuk tlat.


Remruatfeli POV

Lo phur ve tawh tehreng nen, mood off vek, khatiang te chu mipa pawn an ha duh tawp nang, ka khup a thleng tep alawm. Lawmsangzuala tih a ni chiang lutuk, min haw viau mahse hetiang em2 atih hi chu ka ringlo asin, mai2 chuan a.

Omoma nen kan haw tlang a, tunah chuan kan inngaizawng tak2 tawh, official takin min bem a🤭,ani pawn min thinrim pui viau, a chhungte an zin vek avangin an ina leng turin min sawm a, hmeichhia zawk mipa ina lena daw2 chu ka duh bik silo, "keipawh ka lo leng ve thin tho" tih tanin a tang tlat bawk si.

Dar 9:30 a nih chuan kawngka a rawn kik dat2 a, hmanhmawh tawkin ka va hawng, a lo nui ver2 mai. Ka nu bulah chuan kan chhuah tur thu hrilhin kan inzui chhuak nghal.

An ina lut nghal mai lovin bazaar ah te kan kal a, 'hun hlimawm tak kan hmang dun' ti ila ka sawi suallo ber ang. Chawhnu dar 1 velah an in ah chuan kan lut chauh a, a lo reh thap mai.

Thil dang sawi lo chuan a room ah min kai phei a, kawngka pawh kharlo in khum ah min tluk pui a, min kiss a tum chu enge a chhan pawh ka hre biklo, thih hreh tak2 in ka hreh, ka hawi sawn zel avang chuan a rum nghut a, "Ruatfel, enge i hriat a" a ti ta thlawt.

Ka chung atanga nam sawn pahin " Ka hre bik lo, Omom, ka la inpeihlo ani" ka tih chuan ka nui hul hak ringawt. Khum ah chuan ka thu a, min rawn thut hnaih pahin, " Ti teh, i bialpa ka nih hi, hetiang te chu inngaizawng zawng2 te Inkara thleng thin alawm, a ho lutuk, sex kan hman dawn pawh anilo" tih pahin min bawh tlu leh a, engmah ka sawi tawh lo.

Ka pian tirh ata mi ka vawi 1 kiss na a nia, awmdan tur pawh ka thiam lo. Ani chuan hmanhmawh miah lo in a tih tur ang chu a ti mial2 a, ka hmui hnuai lam chu a hip ka ti dawn nge, a ei deuh mawlh2 a, a leia min hawl kualin thlah leh mai hlau niawm takin min pawm nghet sauh a.

Chutia duhthawh taka min fawh zel takah chuan a bek lehlam lehlam a dawmin ka thiam ang2 in ka chhang let a, kan inkeih mawlh2 ani ber. A thaw hawk a, ka chung atanga in la hrangin a lam hawiin min pawt hnai a, ka chala min fawp zauhin "Kha i zei em kha" a la ti zui, ka zak lutuk chu ka sa up2 thei, a sawi loh pawh khan ka zak tawk viau tho asin mawle.

Khum atanga thawh ka tum chu ka banah a rawn vuan leh a, " Ruatfel ka hmangaih tak zet che ania aw" ka melh reng ringawt, ka hmaa mipa hi Hmingduhawma a ni meuh maw?!

"Keipawn ka hmangaih che" tih pahin ka kuah a, kan in pawm vawng2. Balcony atang chuan khawchhung chu kan thlir dun a, " I jersey chu engtinnge ni dawn? " A tih chuan ka hrechhuak zawk, " An thui that tir ka ring, thui tha lo pawh ni se Libero angin ka khel tho ang" ka tia, a nui vur2 ringawt.

" Kalloh chu i duhlo bur tihna ni maw? " a tih leh chuan " Teuh lo, hetiang thleng tur hian ka bei nasa lutuk, bakah i kal ve dawn a, kal ngei2 ka ngai" ka ti leh vat a, ka zak leh hnuhnawh, hahthlak hian a.

Ka kut a vawn pah chuan" Ruatfel, Aizawlah chuan ka bulah awm la, ka patea'n a mahin in a luah a, a hna avangin in ah pawh a awm mang ngai lo, kan pahnih chiahin kan awm dawn nia" a tih chuan chhan ngaihna ka hrelo,lo duh pawh ni ila ka chhungten an remtih ka ring lo, "Aaaa i bula awm chu ka duh lutuk a, mahse ka chhungten an remti lo ang" ka tih chuan engmah a sawi zui biklo.

Dar 4 rik dawnah min thlah a, kan Inkawt kan thlen chuan ka biangah min fawp zauh a, a tlan liam lehnghal. Ka inher a, inchhung ka lut tur chu 'kareii' ka nu in chiang lutuk in min lo melh, tihngaihna ka hrelo lutuk chu ka nuih tlawn vel ringawt, ka zak bawk si.

"Ihhhhh, englo., nu ihhhh....," " Lo lut phawt teh" khaiii a va den deuh ve. Inchhungah chuan kan inzui lut a, ka pa pawh office a lo bang tawh, ka nu in a hria chu pawi pawh ka ti hran lo, ka nu a ni tlat a. Mahse ka pa hi chuan hrelo se ka duh zawk, ka nu chuan min melh ralh2 a, ka pa a hrilh dawn emaw ka ti hman tawh.

" Zinga in chhuah hnu khan Zuala alo kal a, i jersey tur a rawn keng a, i room ah ka dah kha" awiii ka thaw huai mai. "Anih chuan ka han en ange" tih pahin ka tlan chho nghal, ka nu pawh nise ka zak tho2

Kawngka chu kharin khumah ka bawk thlawp a, khuk ral daih mai te ka duh, khatianga kan awm lai ber kher kha ngatinge min hmuh le? Kawngka ri rawkah chuan ka phu zawk mai, " Ihhh nu, nichin kha chu..... " " Ka hre vek alawm, zak duh suh" a tih lai pawh chuan a nui duh miahlo.

" I hre vek maw? " mak ti deuh in ka en ringawt, khumah chuan min thut pui a, "Ka fanu tê hian ngaihzawng a nei ve tawh ania, ka la man chiang em2 zui a" tih pah chuan a nui hak a, ka zak lutuk chuan 'nu' ka ti vak ringawt.

Chutah ka kutah a rawn vuan a, "Bawihte, ka fanu neih chhun i ni a, i tana tha tur nia ka hriat apiang ka ti thin. Tunah chuan i lo puitling ve tawh a, duhthlanna pawh nangmaha i siam a ngaih hun a lo la thleng fo dawn a, duhthlanna diklo i siam ang tih ka hlau ani" a tih chuan ka en reng ringawt, sawi tur pawh ka hrelo.

Han nuih ringawt dawn in a hmelah nuih ti za tur hmel alang bawk silo, "Ngatinge chuchu min hrilh?" ka tih chuan a nui a, chhan tha tak aneih vanga sawi ani tih ka hria. "Tuna i bialpa neih pawh hi nangma duhthlanna a i neih ani lawm ni?" a tih chuan tihngaihna ka hre leh tawh lo, ka zak bawk si.

" A nih leh engtik atangin nge i hriat? " ka tih leh chuan " I nu ka nia, engkim ka hria"tih leh thawh arual a, "I jersey chu han ha chhin teh " tih pahin ka bulah chuan a rawn theh a, ka hrechhuak leh chiah. Ka ha tawk thlap tawh a, a mawi zek lehnghal, ka nu chuan ka nu tih takah min fak leh luam tawh kha.

Hmingduhawma nena kan chanchin pawh a sawi zawm tawh biklo, zanah Rinpuia a lo leng a, ka chhungten khel tawhlo turin min ti nasa viau naa, Mobile Legend chu match hnih kan khelh leh hram kha.

Kan khelh zawh chuan dar 9 a ri thuak tawh a, "Aizawl chu ka kal ve dawn lo" teh thut a, a hmel chu ka en reng a, a thutak viau bawk si, "Lalrinpui" ka ti vak ringawt, "Thursday ah hian Reubena'n nupui a nei dawn a, naktukah Lungleia kal kan ngai" a ti leh a, Reubena chu a ni fapa ania, hetah pawh a lo zin tawh, kan innel ve hman viau, Rinpuia nen phei chuan thian tha tak an nia, a hun ropui ber hi hmaih a phallo ang tih ka hria.

"Mahse, Inter Dist a khel tur hian i bei ve nasa sia, engtinnge ni dawn?" ka tih chuan ka lu ah min kuk chawrh. "Ka dam te chuan inkhelh na hun chu a awm leh mai ang mahse inneih na hi chu a hlu a, min rawn sawm nasa bawk nen, ka thlang ta zawk ani" akhai awww engtik atangin nge kan Rinpuia hi a lo puitlin tak em2 a, ka nuih a ti za tlat pek.

"Ngee i nuih" a tih chuan ka hmui ka chip nghal. "Engmah ka nuihlo, anih leh i kal theihloh thu chu sir te i hrilh tawh em? " ka ti leh a, "Tuk in zing khan sir Zuala ka hrilh a, aw chu a pawh har viau, mahse a pawimawh ka ti tlat a, a phal hram, keimah ai Kimkima'n a khel ang" a tia, kei lah pek chuan "Awiiii Lalnunkima maw, a thiam lo siah, mipa chu in chak dawn lo anih chu" ka sawi zawh rual chuan kan in um chhuak nghal hi ni ringawt, "Remruatfel, ka hnek dawn che" tih pahin min la um kual char2,ka pa bulah ka tlan kual sek mai lawm, ka hah lutuk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:56 pm

Chapter-6

Naktuk hi Aizawla kan kal hun tur ani tawh a, ka phur lutuk hi ka muhil theilo mai thei ani. Ka thawmhnaw ka pack mawlh2 laiin ka nu chuan inhnuai atang min lo ko a, rang zetin ka tlan thla nghal.

Ka pa leh Lawmsangzuala chu an lo nui dun leh huah2 tawha, an pahniha an awm tawh hi chuan ka pa pawh hi ka haw lek2 zel, engtinnge maw a ngainat em2 theih zawk ni?

Ka nu bula thut pahin "Enge" ka ti hmuk a, he Lawmsangzuala hi ka jersey vang pawh khan ka ngei, khatianga ati lo chung pawha huat sa nak alaiin, amah lah chu a inthlahrung der silo.

Ka pa chuan"Bawihi, i nu nen kan lo ngaihtuah a, i thiante nena thlen khawm vak ai chuan hei, Zuala hian Aizawlah Apartment luah lai anei tho a, mihrang kan nilo bawk a, a bulah hian awm ve zawk la ka tia" a thil sawi chu ka rinloh lutuk lam anih avangin chhan mai ngaihna pawh ka hrelo.

Lawmsangzuala ka va en a, min lo melh kur mai, nahhh a hmel hmuh ringawt pawh hi ka nin tehlul nen, in khata chen dun maw! Thla khat chuang a la ngai dawn zui. "Pa, ka thiante nen awm ho vek kan duh alawm, kan sawi fel vek tawh a" tum burin ka tia, Lawmsangzuala nui suk chu ka va hmu hman, ben hrep ania ka chak ni.

"Awww bawihte, i thiante nen chuan in inhmu thei tho alawm" ka nu pawh chu. Ka pa chuan fiah fek fawkin "Hmel hriat ngailoh te ina thlen khawm vak ai chuan Zuala'n Apartment a luah tho a, i naupang chhia si, i va che khawlo ang tih a hlauhawm mai2, chu ai chuan Zuala bulah hian awm la kan ngaihtuah lo zawk ang che, i remti tho ani lawm ni? " tih pahin a melh zeuh a, a lu a lo bu nghauh2. Ka pa hi ka hrechiang a, a sawi tawh chu a ti ngei2 thin, chuvang chuan hnialin awmzia a nei lo.

A haw hnu chuan khumah ka mu a, ka huphurh lutuk chu ka tah te lam2 a chhuak, Lawmsangzuala chu ka va text a "Heyyy misualpa, ka pa bulah i bula ka thlen theihloh thu ka pa hrilh rawh" ka thawn rual chuan a seen nghal. "Mahse i thei alawm" tih zawngin min chhang anih chu, hahhh Tu ah nge maw a inngaih thin ni.

"I bula awm ka duh lo, ka hmu peih hlawllo che, chuvang chuan ka pa bulah ka thlen theihloh thu hrilh ang che" ka ti leh a, "Naktukah kan inhmu dawn nia" a tih rual chuan a out nghal hmak, a va beidawnthlak ngawih2 tak.

Zingah chuan ground ah kan innghakkhawm a, Omoma nen kan titi mawlh2 laiin Lawmsangzuala chuan ka darah a rawn beng thak2 a, "In va sawi ril awm ve" a rawn ti leh ringawt tawh. "I hriat ve zel angailo" tih pahin rum deuhin ka melh a, hrelo ang hmakin a la awm zui.

Bus in kan kal dawn a, bungrua kan dah fel hnu ah Lawmsangzuala chuan"Ka bulah i lo chiang dawn em? " a rawn tia, bike in a kal dawn tak e, ka va han chuang awmlo. "Aih, bus a chuan ka duh zawk" tih pahin Omoma banah ka kai a, ka luhpui nghal daih.

Kan thut thap tawh hnu chuan "Tinge sir khan a bula chuang tura a sawm che a" a ti nghut a, a hmelah a lungawi zanlo tih a hriat theih.Ni tak e, Zuala bulah ka thleng dawn tih ka la hrilh lo tak, "Nia, a bulah ka thleng dawn a" ka tih chuan min melh kawk mai.

"Tinge hmeichhe ho chu kan thleng khawm vek dawn i ti sia" min en ran chung chuan a ti leh a, "A pa in a phal tlatlo alawm, Zuala bulah thleng la kan ngaih a tha zawk a ti tlat a" tiin zep nei lemlo chuan ka hrilh leh a, a nui hul hak duh chauh mawle.

"I thinrim ami? " tih pahin a kut ah ka vuan a, a la sawn hmak anih chu! "Heyy" tiin ka melh reng a, ka mit ah tak min en chungin, "Sir Zuala chuan Aizawlah ina nei ami? " "Neilo a, apartment luah lai anei a" ka tih chuan "Chu lehnghal, in pahnih chauhin apartment khatah i awm dawn a, i hnial eih lo ami? " a aw chu a vin lam lek2 ani.

Mahse thinrim let thei ka ni chuanglo, "Hnial te chu hnial ve e, mahse ka pa te chu a luhlul lutuk, a rilru a thlak mai2 ngailo" ka tih leh chuan a ngawi reng ringawt, "Thinrimlo hram la, ummm" ka tih pawh chuan engmah a la sawilo, a hnu deuh ah"Engtin emaw tih lo tum ta che sela" a rawn ti chhuak leh thut a, ka nui tawp. A bianga piai zeuh pahin "Chutiang chuan a ti lo ang, tih a tum vaih chuan ka sawisa hrep ani mai, i bialnu hi ka nasa reuh teh mai nia" ka tih chuan a nui ve huk.

"Anih chuan ka lo call sek dawn che ania, min ning lo ang tiraw" a tia, ka lu ka lo bu nghauh2, kan nui dun vur2 mai.

Kawngtluanin ka muhil a ni ringawt, bus atanga ka chhuak chiah chu Lawmsangzuala a lo ding reng tawh. Ka bula rawn kal pah chuan ka thawnhnaw awmna min zawt a, "A chhungah" tih paha kalsawn ka tum chu min pawt let dawrh a, ka kat nawk2 mai.

"I lo kal ve loh te chuan I bag ka hre hleinem" tih pahin min kai lut dawr2 a, Omoma chu thei leh thei lo in ka va melh a, min lo en reng, ka van inthiamlo tak. Bag chu kan la a, kan awmna tur lam ah kan darh sung2 ani ber, Omoma nen pawh kan in mangtha rih. Taxi ah kan bungrua te kan dah a, ka chuang ve mai ang ka tih pawn angailo a ti tlat a, a bike ah chuangin kan in chhawm phei leh tak kha.

Lawmsangzuala POV

Hmingduhawma nen chuan lo inngaizawng pawh nise enge, remchang ka va han siam awm hleilo. Pa Hminga'n ka rinloh deuhin Ruatfeli ka bulah awm se a duh thu a sawi a, engang pawn duhlo se a pa chu a hnial theilo tih ka hria, kan chen dun chhungin a rilru ka thlak khawp ang.

Ka Apartment zawn kan thlen pawh chuan engmah a la sawi lo, a la lungawi zan lo chu ni phawt a. Inchhung kan lut chiah chu thutthleng ah ka mu nghal tawp, kawngtluana bike khalh chuan chauh chu na ve tak ani. Remruatfeli chu kan luh tirh atangin a la tei kual char2, bathroom te a en kual a, a tawp ber ah bedroom a en leh a, a rawn chhuah leh rual chuan "Khum pakhat chiah a awm saw" a rawn ti chhuak nghal.

"Khum pahnih a awm thu ka sawi ami" ka tih chuan vin lutuk in "Lawmsangzual" a ti thawt a, ka phu zawk thei mawle, a duh naah chuan a tawng ring thei khawp mai.

Ka tawng ve hma chuan "Khum ah ka mu anga, thutthleng ah mu ang che" a ti lehnghal a, "I va in la boss ve" ka tih chuan min chhang leh duh tawhlo. A bag la in bedroom ah a phei nghal a, ka va luh ve chuan a thuamhnaw a lo rem malh2 tawh.

"Kha kha ka wardrobe a nih kha" ka tih chuan a dangah dah mai rawh a ti leh ringawt. Khuma mu zuar chung chuan"Hmingduhawma hian engtinnge a duh theih che le? " ka ti sap a, a rawn hawi rang teh e. "I thinchhe si, innei ula chuan a thai bawih hrim2 ang" ka tih zawm leh zat a, ka bula rawn pheiin "Chutah chuan i lo buai ve angailo ang" a thinrim chu a sen vekin ka hria, a nu leh pa an fel teh lul nen, engtinnge a thinchhiat em2 bik theih le?!

Inbual tura a lut chiah chu a phone a rawn ri a, ka en chuan 'babe' a lo in ti kulh mai, ka sa deuh phat a, henu hian 'babe' tiin a save vel amaw, chhan loh ka tum zet naa, ka chhang chak leh tlat pek.
"Hello"
"Ruatfeli ka be duh, phone kha pe rawh" khanglang chuan, a va polite lo reuh ee.
"A be hmanlo che" tih pahin ka off hmak. A hriat hunah a thinrim leh viau ang.

Kan thlen tlai deuh avangin hotel ami zanriah ka order a, ka hmeichhe awmpui ve lah hian ei rawngbawl a ngaihsak lo ve hmel ropui bawk si. A inbual chhung chuan dawhkanah ei tur ka lo chhawp sa vek a, tiang em2 hian Hmeichhia hi an inbual rei thin tih pawh ka hrelo, darkar 1 hnu velah a rawn chhuak thei hram a, engtinnge maw a inbual bik ni.

Dining table ah chuan chaw leh chawhmeh siam sa vekin, a bulah ka lo thu than bawk si chu mak ti deuh in min rawn en ha a, "Ei rawng i bawl hman ami? " "Hman ang chu, i inbual rei elawm, ei vat ang, a dai dawn" ka tih chuan "I inbual ve dawn lo ami? " "Zanah ka inbual mai ang, lo thu phawt teh" ka tia, a rawn thu ve nghal mai.

Kan ril a tam dun bawk aniang, kan ei teuh mai, Ruatfeli pawn ngawi rengin a ei mial2, "A seng leh sil lam chu i kut ah ka dah ania" ka tih chuan a lu a but ve nghauh2.

Ka inbual zawh ve meuh chuan dar 9 a ri tep tawh, Remruatfeli hian enge maw a hriat le., nichin a tang tawh in phone a la hmang char2, "Dah ve tawh em2 ula" ka va tih hram a, a hnu deuhah chuan a dah ve hram.

"Tinge nichin ah ka phone i lo lak? " a rawn ti ta chiah, "A ri a, ka lo laksak che ni mai alawm, lawmthu min hrilh zawk ta che" "Vawi khat mah ka thu lo in ka phone lo khawih tawh suh ang che" hahhhh henu hian ka hlauh a ring reng2 a mawni le!

Bedroom a luh pah chuan "ka mut a chhuak, ka mu dawn" a tia, kawngka a khar zui hmak. Ka va zui ve nghal a, "Choka a min muttir chu i tum bik lo ang tiraw" ka tih chuan chhanna ka hmu lo. Chutah a rawn tho a, Almirah chu hawngin lukham pakhat leh blanket a rawn phawrh a, room sofa a theh thla in "Tah hian muh rawh" a tia, khum ah lawnin a inkhuh lehnghal. Ka nui suk a, room khata mut tal a rem ti a, a zia viau tho a lawm le.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)