VANLALHLUPUII POV
"Hetah I lo awm daih a, rawn lam ve ta che a nuam teh mai nia, lawk tinge, Pui I tap a mi" chik fê a melh chuan ka ti a, "Hlutei" ti a min kuah pah chuan a tap nghal zawih zawih
"Engthil nge thleng a" hlauhthawng zet chuan ka ti a...."a ni khan min hmangaih lo, midang hnenah min kalsan tawh" insut faih faih chuan a ti a....
"Enge awmzia Matt-a I hmu mi" ka ti leh sep, a bu nghut nghut, rui viau e ti lo chuan ka harh nghal kâwk mai lawm, "a va zak thei lo ve, a nih loh pawn lem a chang te a ni lo maw" ka tih chuan a lu a thing dat dat
"Nilo lem a chang lo, ka hria lawm a....n..ni khan min..hma..ngaih ngai.. lo , a fanu awmtu ah chiah a ni khan" sawi chhunzawm thei tawh lo chuan a tap nghal zawih zawih..
Kha pa phiangsen kha a la chak lo khawp ang, amah vang hian a mittui a tla hnem tawk tawh, "haw phawt ang aw" ka tih chuan a bu ve zeuh.....
"Hlutei a ni khan min tihder mai mai tiraw min hmangaih lutuk a lawm, min kalsan miah lo ang, lem a chang mai mai tiraw" pawna kan chhuah hnu chuan a rawn ti leh sep, "a..ni khan... u ..Tluangtea ....nen ..khan...." sawi pawh a sawi hlei thei lo...
"Sawi tawh rih suh, engkim a tha leh vek dawn lawm" a hnungah beng thek thek pah chuan ka ti a...."Puipui, engthil nge thleng"
u Tluangtea chuan a rawn ti vat, hetah enge a rawn tih ni
"U Tluangte hetah enge I tih ve a"
ka ti nghal vat, "nakinah ka hrilh ang che, khawi Puipuii chu ka va thlah ang" a ti leh nghal zat....
"U Tluangte nangman hrilh fiah rawh aw, Matt-a khan kan ingaizawng emaw a tia, kan inkarah engmah a awm lo tih hrilh rawh aw I sawi chuan a awih ngei ngei ang" Nunui chuan a rawn ti vat..
U Tluangtea pawh a hrilhhai hmel kher mai, hetiang em em hian a rilru a na ang tih ka hre lo, Adik"n a bum a, tunah a pasal in a phatsan leh bawk a...
Tu in nge tuar thei bik ang le, ka mittui chu ka hru ve zeuh thin, "u Tluangte I sawi ang tiraw" lawi rat chuan a ti a, "imm ka sawi dawn lawm tunah chuan mut hahdam I mamawh rih" dam thlup chuan u Tluangtea chuan a ti a....
"U Nunu tinge I tha em" an in kan thleng chu Gracy-I chuan a rawn ti vat, hei chu a nu leh a u ang a ni ve em lo ve, "khaw nge a room lam hi chawlh hahdam a mamawh"
ka tih chuan min hrilh ve mai bawk..
"Hlute engkim a tha leh vek dawn tiraw, zing ka thawh hunah Matt-a pawh ka bulah a awmdawn tiraw" ka thusawi ngai chang chuan min melh kar, sawi tur a vang talh talh hle mai, "mu hahdam tawh rawh naktukah ka rawn kal leh dawn nia" tiin puan chu ka sin tir a
"Engthil pawh thleng se, nangmah chiah kha in ngaihtuah lo la, I naupai pawh kha ngaihtuah tel ve la aw a nih phawt" a chah ah fawp zeuh chuan ka chhuak a...
"U Nunui chu enge a an" ka chhuak chiah chu Gracy'n a rawn ti vat, "tisawn mu hahdam rih rawh se, naupai lai phei chuan indim a ngai a nia" ka tih chuan a bu ve zeuh.... Engmah min zawh loh danah u Tluangte'n a hrilh tawh a ni ngei ang...
"Lut tawh lo mai rawh mu hahdam rih rawh se" a lut tur chu ka ti vat, a thaw hawk, Nunu'n a sawi tawh tak kha an inngaizawn thin tih, a ngaihven viau tak ang,
"Kal ang ka va thlah ang che" tiin a chhuak zui nghal zat, "a nih kan kal mai nge" tih leh chhuah ka rual,
"Enge I tih dawn" motor ti ding thut in a chhuak nghal vat, rang takin ka chhuak thuai, a hnungah chuan ka zui a, "hei enge I tih dawn va kal kher angai lo" kan hma lam chu a melh ngur, a kut pawh a hum ruh nghek...
"Mi tenawmpa" tiin Matt-a chu a hnek thlu nghal tawp, "u Tluangte" ka ti nghal nghek, "hah, a hero chuan I rawn chhan hle mai maw" kiai suk chuan a ti a, ka melh vat, "A rilru ti na leh tur si eng vang a ka lak atang a la hrang nge I nih" u Tluangtea chuan a ti thawt...
"A duhthu ngei a ka hnenah rawn kal a lawm a nih" ngeiawm zet chuan a ti a, hetiang mi hi maw a lo ni a..."I lo tenawm hle mai, tun atang chuan Nunui chu kan lo enkawl ve tawh ang, I lak a tang engmah a mamawh lo, a naupai ah pawh sawn rawn inrawlh suh ang che, u Tluangte kal ang" tiin ka kal nghal..
"I thlahthlam tawh bawk a hre rawh ka venghim tlat tawh dawn rawn inrawlh hlek suh ang che" u Tluangtea chuan tiin a kal zui nghal, Nunui hi a lo hmangaih tak zet anih dawn hi...
RAMNUNPUII POV
"Bawihi, ka hmangaih che tih I hria tiraw" ka kut pahnih a vuan chung chuan a ti a, ka bu zeuh, nui sukin ka sam ah chuan a tuai a, "ka kal a hun dawn kan fa te kha tha deuhin lo enkawl rawh aw" ka chalah chuan fawp tawkin a ti a.."Matt khaw nge I kal dawn min kalsan thei lo" a kutah chuan ka man bet nghal vat...
"Bawihi I kiangah ka awm reng dawn lawm"
tiin ka vawnna chu a phelh a, "aih kalsuh min hruai ve rawh I tel lovin engtin nge ka awm ang" ka thusawi chu ngaihven tawh lo in a kal nal nal, "Matt min kalsan thei lo kal suh kal suh"
"Kal suh" tiin ka harh hlawl, ka thlan fim pawh aluang ngiai ngiai, mumang mai a ni, tiin ka bul chu ka en a, a ruak vek, a rawn haw miah lo maw...nizan thil thleng kha ka mangchhia mai mai a nilo maw...
Tho chhuak vatin hmai pawh phih lo chuan inhnuaiah ka chhuk thla nghal vat, "u Nunu han mu hahdam rih ta che tinge I rawn chhuk duh a" choka ka lut chu Gracy chuan a rawn ti vat, "e...Nunu I rawn tho tawh a, coffee I duh em" nu Rini pawh chuan a ti nghal zat...
"Matt a la rawn haw lo mi" ka tih chuan Gracy chuan min melh vat, "aaa... U" a sawi dawn lai tak chuan door bell a rawn ri a ka va hawng vat, Matt-a nen chuan kan inmelh nghal siah...
Min melh zukin a hawi sawn leh vut, rawn lutin room lamah a kal tlang nghal, ka lakah hian zep anei chiang a ni, u Tluangtea nen kan inkarah in unauna bak a awm lo tih a hre reng tawh sia tunah lem min ringhlelh leh bawk sj..
Ka pasal ani tawh a, a chhan diktak ka hriat hma chu ka kalsan hauh lo ang, amaherawh chu hmeichhe nep tak ang kha ka ni tawh dawn bik lo, ka fa tan chhel taka awm tura min ti tu kha a nia, chu chu ka ti ngei bawk ang, keimah anga fahrah ni ve turin ka fa hi ka phal lo...
Ti mawlh mawlh chung chuan room lamah chuan ka chho ve vat, "khawnnge I riah a"
Laptop a bih ngur ngru lai chuan ka ti a, melh pawh min rawn melh eih lo.....
"Ka biak che chu" tiin ka khup sak hmiah
"Ka duh duhna ah ka riak ang, chuvang chuan nupui fel ber ang khan lo awm lo teh"
min ten hmel zet chuan a ti a, "ka lakah hian zep I nei tih ka hria ka zawm chhuah hma chu ka then dawn hauh lo che nia" tiin batroom lam ka pan a....
"Nunu vawin chu kal chhuak ila" sitting roomah kan awm thup lai chuan a rawn ti a, Sofia-i pawm chungin ka melh ve kar, Matt-a ka va melh chuan phone a big ngur, ka pa pawh chuan a chanchinbu chhiar lai chu dah in min melh ve ran...
"Khawi lamah" a rawn tivat reng bawk, "kan thianpa birthday a nia" Hlutei chuan a rawn ti a, mawl hmel zetin ka melh kiau, vawin tu birthday nge u Tluangtea chu a ni si lo a, Eng dawt nge maw a sawi ni....
"I duh leh va kal la,,rawn haw har lo la" ka pa chuan a ti a, "Sofia-i kha hruai ve ang che" kil khat atang chuan a rawn ti hmuk,
"Lo kal rawh le Sofia" tiin room lamah chuan ka chho zui vat...
"Enge kan tih dawn, tu birthday mah ani silo a" pawn kan chhuak chu ka ti nghal zat, "ka hria lawm dawt ka rawn sawj mai mai nih kha in a awm kha I ning ka ring a" a tih chuan ka nui suk...min ngaihtuah thei a nia..
"Engtin nge I tih dawn I then dawn nge engtin awm zel nge I tum" thutak zet chuan a ti a, Sofia-i chu ka melh zeuh, "ka hrelo le kalsan chu ka duh lutuk mahse inthen ngawt kha a dik bik silo a lawm ka pa pawn rem a tih ka ring lo, mahse ka ngaidam erawh a ni chuang lo, tih dan tur pawh ka hre tawh lo"
thaw hawk chuan ka ti a...
"Nia keipawn ka ngei ania, mahse inthen ngawt lah in inneih na a la rei bawk si lo, ka rin ang a lo ni lo" a ti ve sup, "sawi tawh lo ang eng emaw va ei teh ang u kan chhuak ta sa sa" tiin thingpui dawr lam chu kan pan a...
MATTHIAS MALSAWMTLUANGA POV
"Malsawmtluang ka sawi tawh a ni lawm ni in inthen lo ang" ka pa chuan a ti hmuk,
"A tan pawn a tha zawk dawn pa hriat thiam tum ta che kan thup hlen thei dawn lo engtikah emaw ni chuan a hre dawn tho tho, a rilru a nat lutuk loh nan kan inthen a ka hlata a awm hi a tha zawk" ka tih chuan ngawi rengin tukverh lam chu a en a....
"Hmeichhe luhlul tak leh tumruh tak a ni a, keiman ka then loh chuan min then mai mai dawn lo, keipawn harsa ka ti lutuk mahse Bawihi tan vek zawk ani" a ngawih reng avang chuan ka ti leh a...
Kha thu ka sawi laia a rilru na hmel kha kuah vang vang tluk a chak ka nei lo, ka tawngkam hman kha keipawn ka haw takzet mahse kha thu ka sawi loh kha chuan min haw thei dawn silo...
A tan a tha ber chu min huat hi ni, kan inneih hma khan lo hre vat tur hi ka nia, Bawihi pawh a rilru ka tihnat sak loh mai tur, mahse kha tih hun lai kha chuan ka pa leh midang ho te pawh khan a reh kan ring vek tawh kha nia.... Hrep hian...
Kha a thianpa kha ka zah takzet, a mitah khan Bawihi a hmangaih zia ka hre thei, a hmangaih a hlim chuan a hlimpui ve thei a, a rilru a nat in a hnem a, bawih'n hetiang mitha a tawng hi ka lawm tak zet...
"In inthen lovang chu chu ka thutlukna a ni"
ka pa chuan a ti deuh hmuk, hahthlak ti zet chuan ka thaw hrâwk, "a reh thut maithei chu vang chuan kan nghah hram hram angai"
harsa ti zet chuan a ti a, "lo reh lo ta se Bawihi rilru a na dawn sin chu thil chu ka hmu theilo" a ril na lai hmel hmuh nawm leh ka duh tawh lo hlim a phu ve tawh...
"Emily kha enge a chanchin" a rawn tih chuan ka melh vat, "an zawng mek heng thil hi Hminghlui leh Adiki chuan kha zawng phiangsen Ruatfela te thil tih a nih dawn ngei hi" an thil tih man hi an la hmu dawn khawp...
"Ruatfela kha a rawn la inlan ngam a ni maw" ka pa chuan a ti bul hmuk, ka pa pawh hian mi a ring hma lutuk a, Ruatfela pawh kha a ring em em a, hei vang hian mi hi a chhui chhuak hmasa vek phawt zel...
Bawihi chanchin pawh a lo chhui hman tawh bawk...ka pa hi chu a fimkhur em em a, ka zah ngawih ngawih bawk...."ka la zawng chhuak khawp ang Bawihi an tihnat man an tuar ve ngei bawk ang"
"Enge" ka lak rual rual chuan ka ri hmuk, "Nunui... aaa" bah nuai chaun a rawn ti a, "engtin nge a awm" ka ti nghal vat, "a bo ka hmu zo tawh lo Sofia-i pawh" tiin a tap nghal zawih zawih, "tunah khawiah nge in awm" ka ti nghal thawt...
"IH..venglai taitesena hall bulah khan" a tih zawh rual rual chuan chahbi la in ka tlan chhuak nghal, a chungah eng emaw a thlen chuan ka inthiam thei ngai lo ang, "Bawihi ka rawn kal aw lo tuar hram hram rawh" chak zet chuan ka tlan nghal...
RAMNUNPUII POV
"Tunge I nih khawnge ka fanu I dah"
ka hma a ding hmai tuam chu melh in ka ti nghek, ka hlauthawng takzet khawnge Sofia a awm ang a chungah eng emaw a thlen chuan Matt a thinrim dawn lutuk..
"Khawnge ka fanu" ka ti leh nghek....muangchang chuan a hmai tuamna.chu a phelh a,
"Nang khaw nge ka fanu I dah" ka.ti ram.hmak, engtin nge ka hmaah hian a la rawn inlan ngam zawk, "kan inhmu khat hle mai, ka ngai hman lutuk che a" tiin min melh kual dan dan, a hmel chu ka rap takzet...
"Khawngaihin min chhuah rawh" a tih chuan a nui suk, "chhuah ta che I la min nei dawn a mi" kiai suk chuan a ti a, "enge I lo an" ran titu lam chu ka melh vat, nui ver ver in Adiki chu a rawn lut a, "ka chungah hian enge tih in tum khawng ka fanu" tal faih faih chuan ka ti a..
"I fanu maw, nangmah ngai in a tap ring teh mai nia" a tih leh lek phei chuan ka hlauthawng takzet... "I kutah ka dah tawh e"
Adiki chuan tiin a kal chhuak zui nghal..
"Ka chungah hian enge tih I tum min chhuah hram rawh" tiin min phuarna chu phelh ka tum ngat ngat..."Emily pawh kha inthuk ru a ni maw" Ka tih chuan a nui suk, "a awm tawh lo zawk" a tih phei chuan ka mittui a tla nghal zawih zawih...
An ni hian an that a maw, mihring an ni ve chiah a maw..."in va rapthlak ve, mihring pawh in ni lo" ka ti nghek...
"Insum rawh duati" tiin ka hmai chu a rawn zut vel a, hetiang mi hi anih ka ring ngai miah lo, Ka ten takzet, "min kal tir hram rawh"
tiin ka tal vak vak, "ngawi rawh" tih pah chuan ka biang a ri nghal chawrh...a thip vung vung...
"Zan in hian ka ta ah ka siam dawn cge"
tiin ka nghawng chu a rawn fawp kual dan dan a, ka tal nasa ngang mai, kan tha a in chak hleih ropui si... "Khawngaihin ti suh"
mittui tla zawih zawih chuan ka ti a..
Vawi leh khatah kawngkhar a rawn ri thawt, Lalpa khawngaihin min tanpui hram rawh ka ti nghal mawlh mawlh...
"Nang zawng phiangsen thlah nghal rawh"
ti leh pawh sawn a rual nghal, a hmel ka hmuh ringawt pawh hian ka hahdam sawng sawng thei...
Police ho chuan an man vat, min phuarna chu an phelh a, "Bawihi" tiin min kuah nghal thlawp, kuah letin Ka tap chhuak nghal zawih zawih...
(A tawi tih ka hria, naktuk ah sei tawkkkk rawn dah ka tum ang last pawh a ni tawh maithei, angaihnawm loh tawp
...chuan comment ngei ngei aw, ka rawn dah har a min hrethiam dawn nia)(Vtei Jahau IN THE NAME OF LOVE tih kha lo chhiar ve theuh ula, ka tel ve a nia
in lo comment ngei ngei dawn nia
a fel teh mai a nia
)Fakna hmet keuh
