MATTHIAS MALSAWMTLUANGA BY Denna Pachuau (Completed)

[Ngaia]

PROLOGUE

"Eng thu maw I sawi kha...nang...nang hian min lo hmangaih ngai miah lo a maw"
ka mittui a tlak loh nan ka hmui hnuai ka pet fan fan, "hmangaih a, nang hi maw" min ngainep tih hriat zet chuan a kiai suk... "Nang ang fahrah ve mai mai ka fanu awmtunu hi ka hmangaih ang che maw,hah" za lo zeta nuiin ten hmel zet chuan min en a, a bula ding lah chuan I phu tawk chiah a nih kha tih melh in min melh...tawng tur pawn chak na ka neilo, hei bak bak a inhmuhsitna hi a awm thei dawn mi...."hetiang bula awm awm chi pawh nilo kal ang" min melh hrâwk pah chuan in her vut in an kal nghal nal nal...e mangchhe rapthlak tak atang hian harh chhuah ka duh tak zet...





CHAPTER-1

RAMNUNPUII POV

"Over thlak e...nau awm turah interview han neih kher" ka hma a concrete building lian leh changkang zet chu ka en vauh vauh "an sawi dan chuan a duh uluk in a khirh tel bawk an ti" ka thiantha ber Adiki chuan a ti sep, ka ner nang mai.....
"Chu chu I hriat dan niloin an sawi dan maw"
ka nuih loh nan ka insum tang tang, a thinrim hma ve thei sia..."Hriat ngaihna vak a awm lo mi na zawng phei chuan an hmu zen zen lo, a fanu phei chu a chhung khat te bakin an la hmu lo" a tih zawm zat...





"Chutiangte chu a khirh dawn tih chiang sa reng lalfapa emaw a inti a ni chêk ang chu...lut phawt teh ang" tih leh kal ka rual nghal... A chanchin hi chu tlemte ka hre ve tawh...kum kalta mai khan a nupui a boral a, fanu hmeltha deuh an nei bawk, an sawi dan chuan...a fanu chu hmulo mah ila a hmeltha dawn tih hriat reng reng, a nu leh pa in an zir miau a...a thlalak chiah hmu mahila mizo mipa ah chuan amah tluktu hi an awm kher lo ang... Ama thawchhuah vekin hmun hrang hrang ah hotel a nei a, Mizoramah chauh lo pawh khawi khawi nge chu ka hre si se tawh lo...





Interview neihna tur lam chu kan pan a, a chhung chu a changkang ngei mai, zankhat riah man pawh a tlem lo khawp ang, a then riak tur a then chhuak tur an phu suau suau hi ani ringawt, Mizoramah hetiang hmun changkang hi awm ang tih rin ngaihna ka hrelo "puih theihna che u ka nei em" hmeichhe pakhat cher sang lam smart tak mai hian a rawn ti a....."interview neihna lam hi khawi lai nge" ka ti ve sep..






"Min lo zui ru" nelawm tak chuan a ti a, keini pawn kan zui ve thuai, interview nei tur chu an tam ngang mai, haw leh mai te ka duh rum rum,Adiki pawn min rawn melh nghal vat... Hmeichhe in ha chhing zet mai te hmui ling hlarh te ka hmuh dan chuan nauawmtu ai chuan anmahni saw inzuar zawk se an hlawkpui ka ring mah zak...naute ai apa an awm dawn emaw tih tur khawp ani ... Thutna awl a awm tawh loh avangin kil khatah chuan kan ding ve ran...






Ka vanduai nge ka hnathawhna apiangah ban ka hlawh ziah a ka thiam loh te an thiam loh vang te in ka che pawhlawh ve mai sia...tunah pawh hian nauawm hi ka duh vang reng pawh anilo, thiam pawh ka thiam lo mahse a hlawh a that em avangin ka dil ve thuai... Ka tlin phei chu ka ring lo bur, engpawh hi tum ve chhin hrim hrim hi a tha..."Dik, college I ka bawk sia lo tling ta la college I chawlhsan dawn tihna mi " tawng ring hlau zet chuan ka ti se se, "ni mai ang chu a hlawh a tha a lo graduate pawh ni ila hna pawh ka hmu lo maithei a, lehkha thiam hna hmulo an tam em hi..." A ti ve sup, nia tunlaiah chuan hna hi a vang in a awm chhun lah sawipuitu neih that a ngai thei si...






"Anih college hi graduate ta la enge nih I tum hrim hrim sawi ve reng reng teh" ka la zawt ngai lo reng reng ka hre chak tlat "a le dawithiam" nui tut tut pah chuan a ti a ka nui ve suk "uang lo teh" a ni hi chu thawvenger-i a nia achang chuan a nun hi ka awt thei lutuk.. Nu leh pa kiangah ngei seilian in an duat em em a, u mipa pakhat amah duat em em tu a nei bawk.. Highschool kan kal ho thin a, kan inkawm ngai em em lo, fahrah in atanga ka chhuah hnuin ka thingpui dawr thawhnaah kan inhmu leh hlawl a, khata tang khan kan inkawm tan a,an in a awm turah min ngen char char avangin inthlahrung tak chungin ka awm ve kha nia.. A nu leh pa a u amah thlengin an Chhungkaw mi ang chiah chiah in min en a..ka tan chuan lawm man ropui tak a ni...hna nghet ka neih hunah ka la rul let ve ngei bawk ang...






Dar kar 1leh a chanve dawn kan awm tawh hetiang tur tih hria ila tlai deuha lo kal tur ania Lalnundiki zer zawr vang vek...a hmanhmawh chêk chuk lutuk a "Lalnundiki a awm em" a tawp a tawpah chuan Adki chuan awm e tihpah in a kal nghal thuai... A tling angem le, in awih em kan hmaa awm zozai te zingah khan tumah tling zu han awm lova...minutes 10 hnuah a rawn chhuak ve thei hram "enge a an I tling em" ka ti nghal vat... "Ka hmel hi enteh ka tling I ring reng reng em, interview ai mah chuan min dawp a ni ringawt a lawm le naute awm tura kha ti vak vak in zawh, hmeltha hle lo phei se lang chuan ka spin nghek tawh ang" a phun nghal char char, a mizia ve hrim hrim.a ni bawk...







Ka huhphurh zo vek ka let leh daih dawn maw ni chu le...ka hming an rawn lam leh takah chuan huphurh ru takin ka lut a...mipa pakhat tukverh bula ding Matthias-a ni ngei tur chu min hnungchhawn zawngin phone a be mawlh mawlh a...a hnung zawng ringawt pawn a pian a nalh..coat suit pawl tak tha zet mai a ha a smart shoes dum tle nalh zet man to tih hriat reng reng...hei pawh van lama chaw zawng chi, a san dan chu fit 6 leh inches 5 vel chu a ni hrim hrim...







Chair a ka thu tur ka chhir palh a, kan awmna a reh em avangin a ring tha duh khep khep mang e...a na reuh phian leh nghal....Matthias-a pawh chu a rawn hawi nghal vut.... Min melh no lo ve chiang e, thlalak ah chuan ka hmu ve tawh thin.. a hmu tawh ho ina a hmelthat zia leh a chhiatloh zia an sawi hian an lo sawi uar lutuk hi a awm lo hran lo ve,..


*I pian ni khan angel var ten mihring mithmuha mawi ber tur an duan em ni"



Tih hla kha ama tana phuah ni awm tak a ni...
"Ramnunpuii maw" tih thum dut ah chuan ka harh chhuak thut "aw ni e" ka ti nghal zat, khabe tuai vut vut in ka form chu a en a, a awm dan engkim saw a pa vek mai.... "Nu leh pa enkawl sei len loh chu naute pawh I enkawl thei dawn mi" ngeiawm rawng kai lek lek chuan a ti a, a chapo an tih tak kha maw...." Nu leh pa tello pawn ka inenkawl thei a, naute pakhat lek chu ka enkawl thei em em ang" zâm map lo chuan ka ti let ve sak...






Hmeichhe dang a nga rilru no leh mittui tla hma chi ka ni ve lo bawk...nui sukin "naute pangai a ni lo ania" a ti ve sep....hmm.. Angel fa pawh ni hlei lo, over lutuk mai..."engvanga he hna hi dil nge I nih " keimah atang mit a sawn aih lo, zâm chu awl duh tak a ni... "Pawisa vang" ka ti chuan mit ti zim sun in min melh.... "Mipa tam tak I thlem thlu thei reng ang chu..." min hmusit taka a tawng vel chu ka ngaithei (heihi ngei/ngai ka hre miah lo)thak lo......"ka pu I ti mah mah lo maw" ka thutna atang ka tho phat...."hna chu I duh lo mi" a ti leh sup... Ka sawi hmaih a aw pawh duhthusam movie vela achangtupa aw atan ka awt ngei mai...
"Duh te chu duh e mahse min hmusit taka min tawng khum reng dawn te chuan ka thawk paih teuuuulo...." uar fê chuan ka ti a...a nui suk ka thusawi ah khan nui zat tur pakhat a awmlo...






Lut hmasa ho thinrim taka an rawn chhuah chhan pawh ka hre ta chiah, a ngawih reng vang chuan "ka pu ka kal thei tawh angem"
Ka ti ta nge nge "theih loh" a ti hmuk a nih chu...ka ngei dan chu, chhuah a phal bawk silo a ni lah a ngawi ang kur bawk si...
Amahah sawn hmeichhe duh ang chi zawng zawng chu a kim vek...a sam chu khuih pialin a dum tle siau a, a mithmul dum tha tak zet mai leh a mit khur tlem a thuk deuh te chu a ti pa hluah hluah...a hnar nghul sang vah te engkim mai sawn a ti pa hluah hluah (a lema mi nen khian suangtuah ula..)






Tho vutin ka lam a rawn pan ta mai hepa hi min pawngsual a tum a mawle, ka hawi kual zuk zuk a kan pahnih chiahin kan awm bawk nen... Min rawn hnaih tulh tulh mai bawk si, ka thin phu rang dan chu pui tak a ni, chair vawn chhan lehlam lehlam chu rawn vuan in ka hmai bul chetah a rawn kun a, a inkah rimpui pawh ka hre rang kher mai, en chian poh leh a hmeltha, "e...eng..thil nge... tih.. I tum.. a". engvang teh hrep a ka dang awk thut nge maw a nih le.... "Ka pu" ka ti leh sep chu a kekawr ipte atang card hi a rawn phawrh chhuak a, mit khap lek loh in ka en ngar ngar "vawin tlai atang I rawn insuan lut dawn nia, hei ka address" card chu min pe a ka ban ve mai, lawk tunah khan insuan lut a ti mi..... "Insuan lut a, langin a ni lo maw"
Ka at hmel ngawt in ka ring, a tirin a sawi tel tawp silo... "Awm chilh in a tha ber zawk ang naute tan pawn" awm chilh te chuan Adiki pawn a phal dawn mawle..







"I duh vak lo mi midang pawh an tam tho ania" min si lo chauh tawh, ka thinphu ri pawh a hre pha hialin ka ring... "A...duh e, kal sawn tawh la" ka ti ve sep, kiai sukin a awm sawn ve thei hram.... Ka thaw nghal kâwk mai lawm... "Ka kal thei tawh ang tiraw" ka ti chuan a bu ve zeuh, ka kal sawn nghal vat kawngka ka hawng dawn chiah chu "lawkin" a tih leh avang chuan ka ding dat, rawn kal hnaiin ka beng bulah rawn kun hniamin "a leh pekah chuan I mascara hmang kha a pherh tawh loh hram ka beisei"
nui sukin a inla hrang vut...







Rang takin ka tlan chhuak nghal, ka zak lutuk... "I riak nghal dawn maw ka tia I va rei em em ve, engtin mah a ti lo che maw" ka lam panin Adiki chuan a ti zawm zat, "ka mascara hman hi a pherh a mi" a zawhna pawh chhang lem lo chuan ka tia..."imm pherh deuh mahse a lang chiang vak lo tinge" ka mit en pah chuan a ti zeuh "ti vak mah..e taka ka tling a sin" ka ti chuan a rak that "tak tak maw i van vanneih bik" min beng pah zeuh "mahse awmchilh tur a nia" ka ti chuai raih "awm chilh tur a nih loh ten naute kum 1 mi lek a nia veng ngun a ngai a lawm, I awm hunah chuan ka rawn leng thin ang" kei ai pawn a phur mah zawk.... "Mahse.." ka thusawi lai rawn pawt chatin " mahse..mahse tih a ngailo kal ang insiam te I ngai lo mi" thawveng zet chuan a ti lang lang..







Nia hlawh ka lak veleh ka nu le pa (Adiki nu leh pa) te hi ka pe hnsa ber ang...ti rilru neuh neuh chung chuan ka zui ve mai bawk a...
In kan thleng chu Adiki a ri chel chul mai, heihi nia kawm a nawm em em na chhan chu kan hlimin min hlimpui a kan lungaihin min fuih sauh sauh bawk...a ni anga thian tha hi mi zawng zawng hian nei ve se ka ti ngawt mai... Ka nu leh pa te chu a hrilh siam siam a, ka nu le pa te pawn min lawmpui thu an sawi mai bakah fimkhur turin min hrilh mawlh mawlh bawk...






Room-ah insiam turin ka lut a Adiki pawn min rawn zui nghal thuai, "va in tifai rawh keiman I thuamhnaw vel chu ka lo khung ang" a tih tlat avangin intifai tur chuan ka luh san ta nge nge....




MATTHIAS MALSAWMTLUANGA POV

Ramnunpuii maw a hming kha hmeichhe danglam tak a ni, a confi hle bawk...enchiang poh leh a hmeltha a nih kha, a mitmu lian leh bial kulh mai khan min melh ve kiau chu nia... Malsawmtluang enge maw I ngaihtuah le... Hmangaih neih hi rilru natna mai a ni, ka pu ka hmangaih le khawvela ka nghaihsan ber maiin min boral san a, a dawtah ka nupui khawvel a ka hmeichhe hmangaih awm chhun in min kalsan leh bawk a, ka nupui thih atang in hmeichhe dang mah ka ngaihven tawh ngai lo, ka hmeichhe mutpui thin te ah pawh vei zui ka nei ngai lo bawk..







Mahse kha hmeichhia khan ka ngaihtuahna a luah reng mai chu nua hrep chuan...he khawvelah hian hmeichhe pakhat chauh ka hmangaih chu chu ka fanu hi a ni... Mi hausa nu ho in an fanu te pasal atan min it tih ka hmu hmaih hauh lo, heng ho hian sum leh pai bak an ngaihtuah lo...kawngka rawn kik tu chu ka melh nghal vut, a ngai te bawkin a chhelo leh tawh "ka tibuai che em" aw tham tiak chuan a ti a, pawnfen chhing zet mai fengin a mal no pawh alang chiang mang e, Emily-I hi kan model niin a hna pawh a tlin bawk, kan inkarah engmah a awm lo kan mamawh kan in pe tawn mai chauh a ni...





"I chau tawh a nih kha ka lo chhawk zangkhang dawn che mi" ka dar zut kual den den pah chuan a ti a, min tihphur dan chu thiam tak a ni, ka mit ka chhing a piangin Ramnunpuii hmel hlir a rawn lang.. Thaw hawkin a banah vuanin ka mal chungah ka thut tir zat, a mawng chu zei takin a chet kual tir vela, a tukhumah dawmin ka fawp nghal buan buan min chhang let rang kher mai... Ramnunpuii ka theihnghilh thei loh chu ka thin a rim hlur tawh...Emily chu ka thinrim hrik thlak nan ka hmang mah zawk...





Pawm kang lawpin khum lam ka pan pui nghal vut....ka office ah hian riah ka ching em vangin khum ka dah tir phah tawp...khum ah chuan theh thla in ka che chunzawn nghal buan buan...
*********
Ka zawh hnu chuan ka in ha tha nghal mawlh mawlh, "zanin chu zanriah ei chhuak ila"
khuma mu reng chung chuan a rawn zang vah "kan tum dawn nia" tiin ka chhuak nghal vut...in lamah ka inkhal haw nghal zat.






(Lala-i ralte)

(Ti zawng hi ni mai teh se, dah sei chu ka tum ve viau a nia, induhthusam a phalo maithei bawk a min hre thiam hram hram dawn nia..tih tawp induh pawn kan titawp hmak dawn nia...in ngaihdan te rawn sawi ve ula tiraw)

[Ngaia]

Chapter-2


RAMNUNPUII POV

An vai chuan pawn thleng min thlah a,
in mangtha in taxi ah chuan ka lut a, address chu hrilhin kan tlan chhuak nghal, reilote hnuah in lian leh ropui zet hmaah chuan taxi chu a ding dat keipawh ka chhuak vat, ka bungrua te chu la in a man ka pe a... "wow...pui riap riap hle mai" hetiang in hi chu ka mumangah pawh ka la mangpha lo hrim hrim... Door bell chu ka hmet zeuh a, nu upa lam deuh apron hreng hian kawngka chu a rawn hawng a....pu Matthias-a nu ni dawn se an inang lo ropui mai sia "mami enge ni ta" dam diai hian a rawn ti a....




"Naute awm tu tur ka nia" pangai tak chuan ka ti ve sep, "a ni maw, kan lo nghak reng tawh che lawm lo lut la" ka kalna tur kawng chu min kian pah zeuh a "Rinpui rawn kal lawk teh" kan piah lawka mipa tleirawl ding chu a au a, "enge ni" Rinpuia chuan a ti vat
"Hei a bungrua hi a room turah lo han dah sak rawh" a tih nghal zat... Rinpuia bu zeuh in a kal zui ve mai... "In hi I fang hmasa duh em nge I intifai hmasa phawt dawn" polite tak chu a ni..."min fang pui theih chuan a lawmawm ngawt ang" a zauin room a tam ropui si mipawh thukru ila tuman an hre miah ang.... Fahrah in a ka nau te ho chuan inbiruk siak nan an awt ngawt ang...






Bang lai takah chuan Matthias-a te chhungkua thlalak lian zet mai a in tar a, a nupui ni ngei tur chuan naute hmeltha zet mai hi a pawm a, an inhmeh in an inhmangaih hmel takzet....a thik awm lek lek.... A nupui chu a hmeltha ngei mai, "An inhmeh ngawt mai tiraw" ka bulah rawn dingin a ti a...."nia" ka ti ve sep.... "Tu nge I hming pawh min la hrilh miah lo"
amah bawk chuan a tih zawm zat....."Ramnunpuii, nunu min ti mai dawn nia" ka tih chuan "awle hming mawi tak anih chu keipawh nu Rin min ti mai dawn nia" a tih zawm zat... Room hrang hrang a then library a then gym chaw ei khawmna te committee hmun tih neuh neuh a tam khawp mai...





"Chuan heihi kan pu room a nia a piah lawk saw naute room.. naute room bulah sawn I room tur pawh a awm" fiah fai tak chuan a ti nghal zung zung...."anih naute chu tu nge a hming" ka la hre miah lo "Sofia Lalhmangaihzuali a nia" tih pah chuan a room lamah chuan min hruai zui nghal.... Toys an zuar emaw tih tur khawp in a tam, a khalh seng dawn a mawle... Khum ah chuan Sofia-I chu tui ti takin a muhil a, naute ka hmuh tawh ah chuan a la hmeltha ber hial ang.... A pa ang chiah in a mithmul a dum hlarh a, a hmui pawh a senno chêk mai....a len hun ka hmu chak tawh ngawt mai....mipa tam tak thluak chu a la tibuai dawn chiang a lawm...






"Ti khan ka chhuk san mai ang che eirawng bawlte ka la ngai sia" a tih chuan ka bu ve zeuh a ni pawh a chhuak nghal thuai.....Sofia-i a muthilh rih avang chuan ka thuamhnaw ho dahfel turin ka chhuak ve vat.... "I lo thleng tawh a" ti thum dut ri ka hriat a vang chuan ka hawi let vat, Matthias-a nen kan in melh nghal siah....inbual zo hlim tih hriat zetin a sam pawh a thur deuh chhap a, t-shirt nghawng v leh pyjama a ha mawl tawp, a inhmeh pui phian leh nghal... Engtik lai pawn coatsuit a inbel ka ring teh reng nen a ni bik em love.... "A nih hi" ka ti tawi tak, a nui suk duh chauh a nih chu.... Mit chet kual ralhin ka hmalam pan chuan ka kal nghal hmak.... Pen thum vel ka pen chiah ti ah ka banah a rawn vuan chawt.... Eng nge maw a hriat leh tak ni hepa bulah awm hi ka ngaih dawn lo riau in ka hria....






"Eng nge ka thuamhnaw thlep fel te ka la ngai a nia" thaw hak chuan ka ti a, duhaiin a mi uap a na mah mah... Kum engzah nge ka awm dawn ka hre bawk silo tun atang ka lungphu a dik lo nghal ania, hah thlak hian...
"Khaw nge I kal dawn" ka mitah tak a melh ran, "ka..ka room ah" min hnaih mah mah
"I room ah maw" nui za insum deuh si mithmul san zeuh chuan a ti a, ka bu ve mai.... "I room chu he lam hi a nih ka ring" thle zeuh pah chuan a ti a...ka room...awii ka theihnghilh chiang lutuk "ka room min tawmpui ve duhte a nih chuan pawi tihna ka nei hauh lo ania" nui suk chuan a ti a, ka ngei tawk a tling leh em em em... .." Pawisa hlawh pawn ka tawmpui paih lo che" min vawnna thing thla pah chuan ka room pan in ka tlan phei nghal....






Tinge maw hepa bulah hian ka chet chhiat ziah mai le, ninawm lutuk...ka room chu a mawi ngei mai duhthusamin a zau bawk...khum ah chuan ka let thla nghal tawp.... Tunah chuan nuntharin bul tan tha ang aw mahni infuih sauh sauh in ka thuamhnaw vel chu ka rem fel mawp mawp...






Sofia-i tap thawm ka hriat avang chuan hmanhmawh zetin a room lam ka pan nghal....ka pawm tur chu min lo ban ve mai..ka âwm ah bei tirin ka awi lauh lauh a, pu Matthias-a pawh a rawn lut ve thuai... Coat suit nen a in duan leh zaih tawh, a chhelo thlawt....."Kha hei hi ngun takin chhiar la tihsual palh a awm tur a nilo" paper pakhat hi min pe a, "enge awmzia" paper chu ka thlek kual vel a..."En la I hre mai ang ka kal chhuak dawn a, mamawh i neih chuan nu Rini khu I zawt mai dawn nia" sofia-i lu ah fawp in a chhuak zui nghal....Sofia-i awi chung chuan paper min pek chu ka chhiar a, ka ner nang mai... Hetiang em em khirh lutuk mai pu khirhliana ni law law se a tha ang...






In hnuai lamah chuan Sofia-i ka pawm thla a, nu Rini bulah chuan bawnghnute siam turin ka hrilh vat, thlalak tum chuan phone ka phawrh zat..ka hmet mual mual lai chuan maid pakhat hi a rawn tlan phei dawr dawr.... "Ka pi thla chu I la theilo ang ka pu in a phal lo a" thaw lâwp lâwp chung chuan a rawn ti a...."timaw thlalak te chu enge a phal loh ngawt ang" tiin vawikhat chu ka hmet hman hram.... "Ka pu hian naute hi thlalak pui a phal lo a, media velah a darh a hlau a" a tih chuan ka bu ve zeuh... In la zindagi lutuk mai ka pho chhuah tir vak zawk dawn mawni chu le....






Door bell a rik takah chuan hawng turin a kal nghal zat Sofia chu I pa Khirhliana pawh a lo haw chiah e ka tih chuan hre thiam ve ni awm tak chuan a nui ver ver, a biang sum pawh a lang kulh thei...... "Matt a awm em". no deuh a titu chu ka melh vat, nula hmeltha leh chhelo zet mai en mai chuan mizo a ni tih a hriat miah loh, lawk sawnu saw Lion King-a bialnu ang a an sawi kha a ni maw, an inngaizawng ngei a nih dawn hi....a pian chu duhthusam in a nalh..






"A kal chhuak a, a rawn haw tep tawh ang"
maid chuan zah tak chuan a ti a, hawi vah chuan ka lam chu a rawn pan a..."ka va hmu ngai lo che ve thawk thar I ni ang maw" couch ah chuan thu in a ke a khawkherh nghal zat, "ni e" Sofia-i bawnghnute pe pah chuan ka ti a.....ngawi renga thuin phone a khawih mial mial, a nel awm lem loh khawp mai....."kha ka pi I coffee tur oh..ka pi ka tihpalh lutuk " maid pakhat chuan pu Matthias-a bialnu kawrah chuan coffee a laih baw palh a, "thing lutuk,fimkhur ve ta che"
tiin a inhru fai mawlh mawlh..... "Ka tihpalh lutuk" pakhat lah chuan inthlahrung tak chuan a ti mawlh mawlh..






"Ka kawr hi engzah man nge I hria em, I damchhung a I hlawh pawn a daih lo" ka lo ner nawng mai...a chapo ve ngawt mai, a kawr hak pawh saw a thawhchhuaha a lei pawh ani bik tawp nang...."ka tihpalh lutuk ka pi" pakhat lah chu a tap dawn ti tih tawh..."tihpalh I tih ringawt khan a that phah dawn mi" a tih chuan ka sa ve phat... "Ka tihpalh a tih mawlh mawlh kha a ti fuh palh che a ni mai a, tupawn tihsual chang chu kan nei vek" Sofia-i pawn chung chuan ka ti ve hlak...nu Rini pawh kan thawn hriain a rawn tlan chhuak nghal...






"Nang kha lo ngawi hmak rawh tu nge ni a I in hriat a, nauawmtu ve mai mai" min melh rum ngang mai, ka tawng leh tur chiah chu door bell a rik avangin ka ngawi leh ta zawk a...nu Rini chuan a va hawng vat...Lion king-a rawn lut chu kan lo awmdan vang nge makti zetin min melh run, "Matt I awmpuite ho hi zirtirna tha I pe ngai lo mi, mi zahna chhete mah an neilo" tiin thip zet chuan min rawn melh nghal.....ka lam rawn panin Sofia-i lu ah a fawp zeuh a "Ka roomah rawn chho rawh" tih leh kal a rual nghal... A chhanna a vang chuan ka nui suk, pakhat lah chuan I la hre khawp ang tih melhin min mel.....thinrim tun chuan a zui ve nghal zat.....






"I va bawn ve tuman ani kha kan sawisel ngam lo a sin" nu Rini chuan zawi te hian a rawn ti sep.... Ka nui ve suk..khatianga in diriamna kha ka ngaithei thak lo, choka lamah chuan inzui phei Sofia awih pah chuan kan ti ti zui mawlh mawlh a, keiai upa tawh mahse kawm a nuam phian an chhungkaw chanchinte min hrilh a, fanu leh fapa a nei tawh a, a pasal cancer vanga a thih thu te a sawi siam siam a, ka lainat tak zet...






"Khanu kha tu nge a hming" a hming kha ka theihnghilh daih... "Emily a nih kha, a awmdan kha lo hrethiam rawh mihausa fanu duat sual ve deuh a nia" tawng ring hlau zet chuan a ti se se a, ka nui ve suk...Sofia-i mut turin inchung lamah ka chho a, pu khirhliana oh Lion king ti zawk teh ang a room zawn ka thleng chu ka ding dat, hmeichhe nuam ti rum thawm ka hre zawm zat, ka hmui ka hup vat tenawm lutuk... Rang takin Sofia-i room lam chu ka pan vat.... Khum ah chuan mutin ka ding vang vang, an thawm te kha kan hriat an hlau ve lo a maw ni le...






Sofia-i room atang chhuakin hmanhmawh takin inhnuai ah ka chhuk thla nghal.... "Ti nge I hmel ber bur chu thlahrang hmu ang mai lawm" nu Rini chuan a rawn ti a..."eng mah nilo ka ril a tam tawh vang a niang" ka ti ta ringawt...." Pu berin a ei zawh ah in ei mai thin a mi" ka ti leh chuan a bu ve zeuh.. .chaw ei chu ka siam pui mawlh mawlh a, Matthias-a leh Emily pawh an rawn chhuk ve nghal thuai, nichin a an thil tih vang kha nge an hmel ka hmu sawn ka luak a pawh thlat pek a.






"Enge I tih ve a khang kha I hna a ni lo" a ti chang fak, "ka siam pui mai mai lawm a ei theih tawh e" ka tih zawm zat.... "Nidangah chuan ti tawh suh ang che" tiin a thu ve mai... Emily pawh a thu nghal zat, an inpawh hle a nih dawn hi, "rawn thu ta che" ka kal tur chiah a rawn ti bul hmuk, tunge maw a tih le, inherin keimah maw ka tih chuan a bu ve zeuh, nu Rini pawn mak a ti deuh nge min en haw mai, chhiahlawh te nen an ei ho ngai bawk silo a, "mahse kei te chu" ka ti dek dek a, "Matt a ni te chu chhiahlawh mai mai lawm" Emily chuan a rawn ti vat.... "Ka sawi chu I hria em" a rawn ti vin thawt....
Ka thu ve ta nge nge, ei tui chu a har duh ngei mai...




Nu Rini haw hnu chuan Matthias-a pawn Emily a thlah a, hnathawk ho an haw vek tawh bawk nen a reh thuap mai lawm...Sofia-i roomah chuan ka awm a, inchibai dan ka zirtira a thiam ve tawh khawp mai, TV chu on in nursery rhymes ka play a, a in sawi ve lauh lauh a, nuam a ti phian... Pu Khirhliana chuan hria se lang chuan a thinrim leh mai mai ang chu, routine ah khan zanah TV enpui loh tur a tih tak kha.... dar 8 dawn ah a mu ve thei hram....light off in ka chhuak a...Khirhliana pawh a rawn la haw lo...



Thlanglam bathlar ah chuan ding in khawpui phe tuar chu ka thlir a, fahrah in a naupang te ho ka ngai ngawt mai, tunah chuan an mu tawh hrim hrim..heng in zozai zingah hian ka nu leh pa te an cheng ve angem le...aw thiar kharh ri ka hriat avang chuan ka inher vat...Matthias-a chu ipte zen hlunin ka hmaah chuan a ding a, ka zep lo a chhelo thlawt.... Ka sirah chuan a rawn ding ve nghal zat, a rim pa hrâk pawh ka hre rang kher mai...van lam chu thlirin a chil lem zawnga a hrâwk bawk che ralh ralh chuan a ti pa ngawih ngawih "A mu tawh mi" a tih chuan Sofia-i a sawina a ni tih hria in ka bu ve zeuh...



"Ngaihzawng I nei em" ka va melh zeuh chu van lam ringawt a en "ngaihzawng neih chu rilru hah na mai mai a lawm" ka ti ve sep... "Neilo I tihna ah ka ngai" nui suk chuan a tia, "hmangaih neih pawh rilru natna mai a ni" kan ngawih vang vang hnu chuan a rawn ti sep.... Vawin hi enge maw a hriat reuh le, pawn lamah nel awm loh viau mahse chuti em em a sual chu a ni bik lo tih ka hre mai....." Thil ka zawt thei che angem" ka tih chuan "sawi la" a ti ve mai bawk...." I nupui kha I ngai ve thin em" amah melh pah chuan ka ti a, ka zawh chhan tak zawk chu a nupui kha boral tawh mahse a nupui nihna a la bo chuang lo a hmeichhe dang te a mutpui leh tho bawk sia ka hre thiam lo tak zet......



"Ngai pawh ni ila awmzia a awm tawh chuanglo" a ti bul hmuk a hmel chu a chang leh ran tawh ka zawt kher kher chu ka inchhir leh hnuhnawh, ka chhang let tawh lem lo....thli a thaw heuh heuh a boruak chu a nuam ngei mai....ngawi reng chuan kan ding a....."a tlai tawh emai kan lut tawh a nge mittui" tiin ka inher a ka kal tur chu min pawt let dawr a awm ah ka bei thlawp....nghet zet chuan min kuah a "rei lo te chauh ti hian awm lawk ang" thaw hawk chuan a ti a...a awm dan chuan min ti hamhaih tak zet..




Ka luah chuan a khabe nghatin a thaw leh hrâwk thin...eng emaw rilru kaptu a nei anih ka ring ve mai bawk.... Kuah let ve lo chuan ka ding mawl tawp.. Whisky rim a nam deuh cham cham, nichin khan ka hre miah lo a in hnem vak lo te pawh aniang...minutes 5 dawn min kuah hnu chuan a inla hrang ve thei hram...




"Ka lawm e" dam leh ril ruih chuan a ti a... bu zeuhin ka room lam ka pan san nghal thuai....kawngka kharin ka ngheng nghal zat.... Ka thin phu chu rang tak hi a ni, khapa bula ka awm hian ka lungphu hi a normal thei lo, khuma mu chung chuan WhatsApp ah ka lut a, Lalnundiki min rawn biakna chu a tam ngang mai... Private pawn min rawn be tu chu an tam ve... Mahse biak enah pawn ka en lo mipa mi be kual zuk zuk thin ho hi ka ring lo bur... Zankhat lek ah pawh hmangaih an nghah thei ropui si....





Ka alarm ri chuan min ti harh zawk.... Sana ka en chuan zing dar 5 a pel awr chauh, inphih faiin Sofia-i a thawh leh thawh lo ka en a, tui taka muhil in a thaw sek sek reuh a...inhnuaiah chuan ka chhukin choka lam ka pan vat nu Rini pawh a rawn la kal lo...coffee chu ka siam mawlh mawlh a, "I va tho hma ve" ti thum dut ri avang chuan ka rak nghal thak min ti phu chiang lutuk....






"I va thlawk chhuak teuh ve" kiai suk chuan a ti a, ka ngei dan mai chu... Exer la zo hlim tih hriat zet chuan a chal velah thlan fim a luang ngiai ngiai, a six pack pawh a lang chiang ngei mai...a pian chu nalh tak a ni...
"Ka va hmuh nawm awm ve" a tih leh takah chuan ka harh chhuak zawk...ka lo en reng chu niin...hepa hmaah hi chuan tu hmeichhia pawh nise an â huih thei in ka ring...






(Lala-i ralte)

(Tih zawng hi ni rih mai, ep thar a tang chuan angaihnawm telh telh tawh ang, in ngaihdan in lo sawi leh theuh dawn nia)

Fakna kha hmet keuh

[Ngaia]

CHAPTER-3


MATTHIAS MALSAWMTLUANGA POV

Emily ka thlah hnu in haw nghal mai lo chuan bar ah ka lut kawi a, ka rilru ngaihtuahna zawng zawng hi ka ta nilo ang maiin Ramnunpuii hian a luah khat vek.. hrep chuan...couch ah chuan thu in whiskey chu ka tlak nghal pap...."ka lo zawm ve ang che chu" tihleh ka bula rawn thut a rual nghal, no khat ka in leh tur chu rawn la in a man a tlak nghal pap, ka nui suk...."a hma in ka va hmu ngai lo che ve" ka dar chu a zut kual dan dan a, hmeichhe chhelo tak chu ani zan dang chu nise room lam ka panpui nghal ang, zanin chu enge ka hriat ni ka phur hlawl lo. "ka ti phur vak lo che mi" ka beng bula chuan a rawn thaw lum ham ham.....





"Midang thlem thluk tur I hmu lo nimaw" kiai suk a ka tih chuan a meng ling nghal hlarh, tu hmeichhia mah hi ka pan hmasa ngai lo, Emily ngei pawh anmahni'n min rawn pan zawk thin... Mahse Ramnunpuii kha chuan pan chu sawi loh min hnaih pawh a duhlo a nih kha.. Hah... Enge maw ka ngaihtuah le....tho vutin inlam ka pan nghal thuai...





Inchhung ka lut chu a reh thiap mai, an mu tawh ani ngei ang, Sofia-i room a ka lut tur chu thlanglam bathlara Ramnunpuii ding chu ka hmu a, sana ka melh nghal zeuh 8:30 a ri awrh chauh...a lam chu ka pan nghal zat, a ngaihtuah muk hle aniang ka pen thawm pawh a hre miah lo, ka aw ka thian kharh takah chuan a rawn hawi nghal thuai, a mitmu bial kulh chuan min melh kar a...pan hnaiin a bulah chuan ka ding a, van lam chu thlirin chil ka lem leh kharh thin, ka bula ding chuan min en reng tih ka mit sir atang ka hre thei....





"Ngaihzawng I nei em" tiin ka zawt a, min chhan dan avang chuan ka nui suk, a neilo tih ka hre mai...ka chhungrilah hian lawmna riau a awm bawk hrep chuan....ni e hmangaih neih hian rilru natna bak min thlen lo.... Ka nupui ka ngaih leh ngaih loh min zawt a, "ngai pawh ni ila awmzia a awm tawh chuanglo" ka ti bul hmuk.... Ni e awmzia a awm tawh lo, rilru natna mai a ni... Ka hmangaih lo tihna a nilo....min kalsan ni khan ka rilru a buai in mahni intihlum ve hial ka duh a, ka nupui ka hmangaih em em pawh ka veng him zo lo ania...mipa nep tak ka ni....






Nuam a ti chiah lo nge min mangtha in kal mai a tum chu pawt let dawrin ka awmah ka bei tir a, ka chet dan vang chuan a hrilh hai deuh nge a ding khawng luah mai... Mak tak maiin ka hahdam sawng sawng mai, reilote chiah ka tih avang chuan ngawi reng chuan a ding ve hle hle a, a sam rimtui tak mai chu hip ka thaw leh hak thin.... Ka awmdan pawh hi ka hrethiam tawh lo....





In la hrangin lawmthu ka hrilh a, bu zeuh in a room lam a pan nghal, "ka lawm e" he tawngkam hi ka kâ atang a chhuah ka ring ngai lo.... Ramnunpuii vang hian ka tih ngai loh tam tak ka tih phah a hrep hian...





Van lam chu thlirin ka thawh leh hawk thin ka awmdan hi ka hrethiam lo, Ramnunpuii ngawt ka ngaihtuahna ah a awm, kei hian ka duh te a ni mai lo maw, hrep tak chuan railing chu ka chum leh chawrh thin..ka duh hauh lo ang, kha tiang hmeichhe na ran ve mai mai Malsawmtluanga hian ka duh thei hauh lo ang...





Sofia room ah chuan lutin tui ti taka a muhilh lai chu ka thlir a, a rawn lian anga a nu chanchin min la zawt ve ngei bawk anga, nupui pawh venghim zo lo pa a nei hi a la inchhir ngawtin ka ring..... A chalah fawpin ka room lam ka pan a, khum bula kan nula thlalak chu en ka thaw leh hawk thin...ka hna kha ka lo ngai pawimawh mah mah a ni....





Hna vanga ka zinchhuah dawn avangin hma taka tho in exer ka la, tui vawt in turah choka a ka lut chu Ramnunpuii chuan min hnungchhawn zawngin coffee a siam malh malh a, a kawrfual par hak chu a vun var leh no chêk te nen chuan a inrem thlap... Nula sang zen zawk chu a nilo a pian pawh a cher lam hret.... It awm tak chu a nilo ka hmeichhe awmpui thin te nen phei chuan an inthlau lutuk tlat....





"I va tho hma ve" ka aw a hria chu a phu chiang lutuk nge a rak nghal chul mai, ka khawngaih let ling zawk.... "I va thlawk chhuak teuh ve" kiai suk a ka tih chuan min melh rum ngang mai, a awmdan chu cute tak a ni....mit khap lek loh chuan min melh char char.. "Ka va hmuhnawm awm ve" ka tih leh takah chuan harh chhuak thutin "a...coffee I duh ve em" bah nuai chuan a ti a, a lai deuh nge biang pawh a sen tut tut mai..






Bu zeuhin chair ah chuan ka thu a, "nizan kha tihpalh liau liau a ni a thleng nawn tawh lo ang, I ngaih kawi loh hram ka beisei" ka tih chuan a thil tih lai a tawp chawt.... "Ka theihnghilh leh daih tawh lawm" tiin a thil tih lai a tih chhun zawm leh nghal zat... Ni e a ni pawn a theihnghilh tawh lawm, tinge I la ngaihtuah reng mahni leh mahni chu ka inhrilh mawlh mawlh...tho vutin room lam ka pan nghal...






Insiam mawlh mawlh in Sofia-i roomah ka lut a, a chalah fawpin in hnuaiah ka chhuk thla vat, Ramnunpuii pawh choka atang a rawn chhuak ve chiah bawk "ka pu kal chhuah na tur I nei mi" ka pu a tih vang chuan ka ner sak, "Matthias min mai rawh, ni thum chamin ka zing chhuak dawn a, mamawh I neih chuan he mi hian I lei mai dawn nia" card pek pah chuan ka tia....." Anih chuan pu matthias a ni mai, hei chu a ngai kher lo" a tih zawm zat..





"I hlawh ah ngai mai rawh" ka tih chuan a la ve mai, "ka kal a nge, " tiin ka chhuak nghal thuai....driver chu motor la chhuak turin ka hrilh a, ka phone vibrate chur chur chu ban in ka la nghal zat... "Aw nu enge ni" ka nu leh pa te hi ka nau ho in Aizawl ah an awm a, unau pahnih chiah kan ni a, a upa zawk ka nihna angin engkim ka kutah a in nghat vek.... "Engtikah nge in rawn sin dawn Bawihtei pawh kan ngai tawh a nia" vui aw lek lek chuan a rawn ti a...Sofia-i hi an tu hmuh hmasak a nia an duat sual loh chauh....




RAMNUNPUII POV

Sofia-i chaw pek pah chuan Olivia Rodrigo hla sak *all I want* chu ka ngaithlain ka sak pui leh zeuh thin..... Naktukah Lion king pawh a rawn haw dawn a, ka lo nghakhlelh ve em em chhan erawh ka hrelo...ngaihtuah loh ka tum pawn mit ka chhing apiang hian a hmel chiang takin a rawn lang thin.... Chu thil chu engtiang pawn duh lo mah ila ka thunun thei bawk silo, kei hian ka duh a ni mai lo maw.... Ni lo nilo, ka ngaihtuahna chu duhlo zetin ka lu ka thing leh day dat thin....hman zana thil thleng kha tihpalh vang liau liau a ni a thleng nawn tawh lo ang a tih kha ni e tihpalh vang liau liau a ni lo lawm ve vak tur a awm lo.....





Ka phone ri lang lang chu ka ban vat, ka la chiah chu a rawn ri nghal chel chul "lalnunu I va induh ve, hna thar I nei a min hre tawh lo nghak a ni maw" vui aw deuh chuan a rawn ti a, ka nui suk... "Induh vang pawh a nilo ka buai thei lutuk a" ka ti ve sep.... "Hmm enge I tih in pu khrih a khan rawn len a phal em"
Thawveng zet chuan a rawn ti a...."a zin a, a awm loh lai chuan a phal vek" nui chur chur pah chuan ka ti a...a lawm ngang mai a rawn kal tur thu leh surprise a neih thu sawiin kan inbiakna kan ti tawp...





Eng surprise nge maw a sawi le, hna thar a nei aniang a, Sofia-i chu walker ah dahin a chaw thleng vel chu ka dah fel a, "khawi ka lo ti ang kan pu in hetiang lam hi chu tih ve a phal loh kha" nu Rini chuan a ti lang lang a,
"A awm chuang lo" ka tih tal avang chuan engmah a sawi tawh bik lem lo....."taka nu Rin ka thiannu a rawn leng dawn a pu Matthias-a hian a phal angem le" a khirh ve ropui mai sia, "ka hre biklo phal turah ngai ang" a ti ve mai bawk a....






Door bell chu a rawn ri a, kawngka chu ka hawng nghal thuai.... "Uii a va pui khep khep ve" melh kual dan dan pah chuan a ti a, "kan lo lut thei angem" amah bawk chuan a ti leh a, lawk tunah khan kan a ti chiang, "Puipui" titu chu ka melh nghal vat..."nang maw..hetah engtin" ka ti bah nuai a....






"Nia hei kawngah kan intawk a hmuh che a duh ve a kan rawn inzui lut mai a nih hi pawi I ti mial lo maw" Adiki chuan a ti leh sep, "min hmu chu I lawm vak lo ani maw" ka ngawih reng takah chuan u Tluangtea chuan a rawn ti a, "a...chutiang a ni lo..lo lut ru.."
ka tih chuan an rawn lut ve mai bawk..







"Hei hi mi Sofia-i chu a van hmeltha em em"
Tih leh pawm a rual nghal, pakhat lah in a la hmu ngai bawk silo a tap ring ngang mai, "a hlau che nih kha" tiin u Tluangtea chuan a fiam zeuh a, "hmeltha a la hmu ngai lo va" thawveng zet chuan a la ti ham ham zui...a tap nasa em avang chuan ka pawm leh ta nge nge....






"Thingpui ka va lum ang" ti a thawh ka tum chu Adikin keiman ka va lum ang a tih tlat avang in engmah ka sawi tawh bik lemlo, couch ah chuan Sofia-i pawm in ka thu a,ka thutna opposite ah chiah u Tluangtea chu a thu a Sofia-i nen chuan min en tawn zak zak.... "I lo dam tha thin maw" a tih chuan ka bu ve zeuh...






Tho thurhin ka thutna lam chu rawn pan phei in ka bul chet ah chuan a rawn thu a, Sofia-i chu a fiam leh zeuh thin... "Min la haw(hian nge haw hman tur ka hrelo) reng a mi" inthiam loh hmel zet chuan a ti a, Sofia-i ka melh lui ngat ngat... "Ka haw tawh hlei nem che" melh chuang lo chuan ka ti ve sep... Ka kut chu rawn vawn hnanin "min ngaidam thei angem" a ti leh sup..."ka ngaidam tawh che lawm" ka ti ve mai bawk.....Thaw huai hmel a pu...."mahse a hma ang khan kan awm leh dawn tihna a nilo" ka tih chuan a aw ve mai....






Adiki chuan thingpui rawn chawi pheiin ti ti mawlh mawlh pah in thingpui chu kan in a, Sofia-i pawn tlem chuan a ngaina ve deuh tawh bawk a, an in awm chawt a ni ber mai, u Tluangtea hi fahrah ve tho ani a, chhungkua hausa deuhin an fa atan an la a, khati lai khan kan inngaizawng a keipawh ka duh thei lutuk, kal lo tura ka ngen lawm lawm pawn min kalsan lui a, khati lai khan ka rilru nat dan kha ka la hre chiang lutuk....






Min kalsan a tang khan vawin hi ka vawikhat hmuh lehna a ni...a hma ang bawk khan a tawng duh in a nel awm em em bawk..."kan haw tawh mai dawn mi" u Tluangtea a tih chuan Adiki pawh chuan "nia tihtur ka la nei bawk sia" a lo ti ve vat bawk...."chaw ei nghal ula" tihpah chuan Sofia-i chu walker ah ka dah a, "nidangah a ni mai" Adiki chuan a lo ti vat a, engmah ka sawi tawh bik lem lo..





Kawt thleng ka thlah a "e nitak enge min surprise tur chu" min rawn call khan a sawi tak kha mawle "na kinah ka hrilh ang che"
tihpah chuan car ah chuan a lut nghal zat, hre chak deuha min awmtir hi chu a thiam ngawt mai..






"Lo in enkawl tha la" tiin ka chalah chuan u Tluangtea chuan a fawp zeuh a..."u Tluangte" ka ti sep, "lo ngai kawi suh I thian ka nihna ang in ka ti anih kha" a tih takah chuan ka bu ve zeuh.... An tlan liam hnu pawh chuan ka dinna ngaih ka la ding reng....ka zep lo u Tluangtea ka ngai takzet kuah vawng vawng ka chak lutuk... Mahse tunah chuan min kalsan tu a ni a ahma ang mai mai khan ka awm tawh tur anilo mahni chu ka inhrilh mawlh mawlh....






Nu Rini min rawn auh takah chuan ka lut nghal thuai, chaw kan ei chhungin Sofia-i chu walker ah dahin toys ka khalh tira a tleipui phian...nu Rini haw hnu chuan Sofia-i chu ka awi a, reilo te hnuah a muhil ve mai bawk, keimah ang chiah mut hi a duh reuh a nia....






Tukverh leh kawngka vel ka en fel hnu chuan intifaiin mit mai ka tum chu door bell a rawn ri a, tun ang zanah Sana ka melh zeuh a dar 9:30 a ri der tawh...a rawn ri leh a, ka sawi fiah thiam dan ber chuan thinrim a hmet a ang ka ti mai....kawngka ka hawng chiah chu Matthias-a mitmeng rum lutuk nen kan inmelh nghal siah....






A banah chuan Emily in inti tatu zetin a vuan a, hna vangin ka zin dawn te kha a ti vel a, chance an neih duh vang bak a nilo ang, tenawm lutuk... An kalna tur kawng chu kianin ka tawlh hnung dat....an rawn lut ve nghal zat...





"Khawnge Sofia-i" a ti bul hmuk, "a mu tawh" pangai tak chuan ka ti ve mai... Enge maw a hriat leh a duh duh hunah hian a thin a rim a, "ka phalna la lo chuan Sofia-i thlalak upload lo turin ka hrilh che ni lawm ni"
A rawn ti vin thawt chu ka phu zuk ...tunah tak hi chuan hlauhawm tak a ni...





"Zak theilo lutuk mai" Emily chuan min melh kar pah chuan a ti a, "enge I sawi awmzia chu" an thil sawi hi ka hrethiam kk tak zet... "Hre lo der hlek suh" Matthias-a chuan a ti leh hrâwk...."Matt-a fanu thlalak I like upload vek a ni lawm ni" Emily chuan a rawn ti leh a, a hma aiin ka no leh zual...





"Chutiang engmah ka tilo" ka ve sak..."ngawi hmak rawh" a rawn tih chuan ka sa ve phat.. An duh duh a ankhum theih pawh ka nilo.... "Finfiahna pawh in nei mi ka tih anilo ka tih chuan ka tih anilo ani mai" ka ti Chang fak..."I bialpa leng turin I sawm a, ka fanu thlalak I upload bawk a..chu ti chung chuan ka tih anilo I la ti ngam a maw" side table chu a tlawh nghal chawrh....sakhawlh chiah chiah ani mai..ka hlau lutuk chu ka tha a khur dar dar....






Emily chuan ngeiawm zet chuan min lo nui ver ver...leh chawrh tluka chak ka neilo..."thu dik sawi takah chuan thiam thu sawi tur I nei tawh lo ani maw" ngeiawm zet chuan a kiai suk...u Tluangtea kha ka bialpa emaw a ti niang a, engtin nge an lo kal tih a hriat zawk...





"Chutiang engmah ka tilo" ka ti leh sak... Chapona leh induh tawkna ka nei ve hetianga hmusit taka min tawng khum hi ka phu bik hauh lo...."Matt ka ngaihdan chuan ban mai rawh, I fanu tan pawh a that ka ring lo" in ti fel zet chuan Emily-I chuan a ti a....




"A tha lawm min ban mah ula pawi ka ti reng reng lo hetianga dik lo taka min luh man hi chu in la hmu dawn khawp" tihpah chuan ka room lam ka pan vat...pawisa chu mamawh hle mah ila hetiang a diklo tak leh indiriamna hi ka ngai thei thaklo....




Ka thawmhnaw chu ka khung khawm mawlh mawlh a...ka chhuak tur chu ka hmaah tak a rawn ding chat...a rawn chhoh lai ka hre miah lo.... "Awm sawn rawh" a mitah tak melh kar pah chuan ka ti a..."I tih anih loh chuan engvanga mi dawizep ang mai a tlanchhiat tum nge I nih" a ti vin thawt..."nangni hmusit mai mai turin hna ka rawn thawk lo" ka ti Chang fak...





"Chuan finfiahna in neih hma chu mi thil ti suala puh ngawtna dan in neilo" ka tih zawm zat...kal leh mai ka tum chu ka banah a rawn vuan leh chawt...."timai a I kal hi ka rem tih I ring a mi" a hma ai chuan a aw pawh a dam deuh tawh...."engtin nge min tih chuan ang jail ah min dah dawn mi" zâm map lo chuan ka ti a...





Ka kut a vawnna chu a hmer na sauh, "min thlah teh" thing thlak ka tum pawn ka kut zawk hi a na ut tut..."anih chuan I bialpa tih zawk kha ami" a tih leh hrâwk.... A thinrim vang chuan a beka thisen zam pawh a pawng talh talh...."I ngaih ang ang khan ngai rawh" ka ti let ve sak...





Kan thawm vang nge Sofia-i chu uar zetin a rawn tap a, a room lamah ka tlan phei nghal zat.... Pawm in ka awi hle hle a, Matthias-a pawh a rawn lut ve zat...thaw hawkin "I muthilh hunah ka roomah min rawn hmu ang che kan la sawi zo lo ani" tih leh chhuah a rual nghal... Ka thinrim lutuk hi ka puak leh mai dawn in ka hria.... Emily hmaa min tawngkhum vang khan ka thinrim mah zawkin ka hria...Emily nena an zin dun kha ka thik lo ka tih chuan dawt chiang bal ka sawi a ni...ni e ka thik takzet....kei hian Matthias-a hi ka duh tihna a mi....chu thil chu a thleng tur a nilo a ni chuan Emily a nei tawh lawm..




(Lala-i ralte)
(Tih rih zawng hi, in ngaihdan lo sawi leh theuh ula)

Fakna kha hmet keuh

[Ngaia]

Please don't say you love me
Cause I might not say it back"



CHAPTER-4


RAMNUNPUII POV


Sofia-i a muthilh hnu chuan ka ding leh vang vang, engvanga khirh em em nge maw a nih le, ka tih pawh lo ni ta se huat vakna tur pawh a awm hlei nem, a fanu hi hmeltha viau pawh nise nakinah an la hmu dawn tho tho, lo thuruk kirh kerh vel khan awmzia a awm lo...hepa hi Zayn Malik te nupa style a la chiang...nge ni a in lak zindagi ve na...mahni chuan ka phun bul bul..







A room lam pan chuan ka kal de de a, nichin a ka huaisenna neih ve te kha chu an bo zo leh vek tawh, kawngkhar chu ka kik dat dat a... "Rawn lut rawh" chhhunglam a tang chuan a ti bul hmuk, chil lem khalh in ka lut a.....






"Hei hi chhiar la sign ang che, I pawm lo a nih chuan I thu thu" paper pakhat chu min pe a ka ban ve vat.... "Sofia-i kum 10 anih thleng i enkawl ang, hlawh pawh a pangai reng ang.. Chuan pawnlam a tang mi hruai luh phal a ni lo I bialpa pawh nise, min dil lo in khawi ah mah I chhuak tur a ni lo bawk..." Ka meng phawk nghal hrâ...."lo pawm lo ta ila" ka ti let ve sak..."I pawm lo anih chuan police kutah ka dah ang che chuan I hlawh pawh I hmu lo ang" kiai suk chuan a ti ka ngei dan mai chu..... "I zak theilo, ka tih pawh a nilo"
ka ti nghek.... "I tih a nih loh pawn I tih angin ka sawi thei bawk, ka thiltih theih dan chu I hriat kha" tiin min min siai pah zeuh....







Eng tiang pawn ka tih a nilo ti mah ila thil a ti thei ropui si, ka tih ang pawn a chhuah daih thei bawk, ka tih a ring tlat te chuan tinge a fanu awm tur a min la tih talh le...kum 10 em em ka thi hman hrim hrim ka damchhung zawng he Lion King-a hnuai a thawh te chu pasal te pawh ka nei duh thei a, ka hman reng bik dawn a mi....naaaaa ka van chawh tak.... Ka lu chu ka kuk leh fawk thin....







"Ka tih I rin tho te chuan tinge I fanu awm tur a min la duh chhan a thlalak dang ka upload leh lo ang tih tu nge sawi thei" zam map lo chuan ka melh ve kar.....ning tih hriat zet chuan a thaw leh hawk thin "a chhan a awmlo, sign la nimai" bul hmuk chuan a ti a...ka sign duh bik chuang lo a chhan chu a awm tur a ni, min ring lo em em a tunah lem kum 10 chhung a fanu awm turin min ti leh ang lawi a, hepa hian eng chiah nge tih a tum...






"A chhan I sawi hma chu ka sign dawn lo"
ka ti ve hmak, "sign la I tan a that zawk ka ring" a ti nghet churh... Mahni tawka chuan thu duh ve tak ka ni a, a chhan min hrilh hma loh chuan ka sign bik lo ang, a duh duh chu ti rawh se....."a chhan chu sawi a har viau a mi, nge ni a ka chungah thuneihna lak I tum zawk" hlau lo chu ka ni bik lo kan insan hleih ropui si mahse hlau lo anga ka lan hram hram a ngai....







"Enge sawi se min tih kei pawn a chhan ka hrelo I chungah thinrim tur ka nih laiin engvanga a thinrim thei lo tlat nge ka nih...engvang teh hrepa ngaihtuah reng che nge ka ni kei pawn a chhan ka hrelo" ka hmai zawnah chuan a au nghek... Ka ip chawih chawih....sawi tur ka haihchham vek, I duh chu I hmu tawh kal tawh ta che, ka rilru chuan a ti mawlh mawlh ka taksa erawh in a zawm lo chiang teh e....







Rei tawk fan ka dinna ngaiah dingin ka melh ngai ka melh tlawk tlawk... "Va mu tawh rawh a tlai tawh naktukah kan sawi tha leh dawn nia" dam thlup chuan a ti a...bu zeuhin ka chhuak zui nghal, khum ah chuan let thla tawpin ka thin zawn chu ka dawm vang vang, ka lungphu hi tlan chhuak tur ang maiin a phu dut dut, "engvanga teh hrep a ngaihtuah reng che nge ka nih" a thusawi kha ka bengah a ri nawn tluk tluk...."ka rilru ngaihtuahna zawng zawng I luah khat vek mai hi keipawn a chhan ka hre bik lo a sin" ka hriat tawk lek chuan ka phun sup....





MATTHIAS MALSAWMTLUANGA POV


A kal hnu chuan thlanglam bathlarah chuan dingin cigarette phawrhin ka tan nghal zat...van lam thlir ka thaw leh hak thin.... Ka awmdan hi ka hrethiam lo takzet.... Sofia-i thlalak a upload ai mah khan a bialpa nen a an awmdun vang khan ka thinrim mah zawk engvanga lo thinrim ve ngawt nge maw ka nih hrep le.... Number hlang a tangin thlalak ka dawng a, thlalak a ka thil hmuh avang chuan ka inseh ruh nghal tun.... Mipa zawk chuan Ramnunpuii kutah vuanin in haw lo tih hriat zet chuan an in en a...pakhatah lah mipa zawk chuan a chalah a fawp a....hrep chuan kha tih lai a ka thinrim dan kha tunah a hmel ka hmu a ka thinrimna zawng zawng chu an bo nghal vek..hrep tak chuan








Ka hna pawh thawk zo lo in inlam ka pan vat a, khang ni 2 lek chhung pawh khan Ramnunpuii ringawt ka ngaihtuah a, eng vanga ngaihtuah reng nge ka nih he zawhna hi keimah ngei pawh hian ka chhang theilo... Kawngka a rawn hawnga a hmela mak tihna kha ka la mitthla thei, mak chu a ti ve viau ang naktuka haw tur ka ni miau a, chubakah Emily nen kan la ni zui, Emily-in ka ban a vawnna chu a melh nghal zat, ka ankhum vak vak khan hmeichhe dang ang lo takin min hnial ve pang pang reuh a....a tih a nih loh thu a sawi khan mak tak maiin ka awih nghal thlap mahse a bialpa a hmu vang erawh kha chuan ka thinrim a la reh chuanglo... Ka chungah hian eng dawi nge maw a hman hrep le..







Thinrim tih hriat zeta inchungah a kal phawk phawk chu ka nui suk... Emily haw tura ka hrilh khan a chhuak tau nghawng nghawng a nih kha, Emily hian min duh tih ka hria mahse kei chuan a lak feelings engmah ka neilo kan mamawh kan inpe tawn a chu chu a tawk mai....






Chhuah a tum thu kha a sawi ve mai mai emaw ka tia mahse a tum tak tak reuh a, hmeichhe thu duh tak leh in duh tawk ve tak ani tih ka hre zawm zat.... Sofia-i enkawl tur chuan a mah baka tha hi an awm lo... Kha vanga inrem siam pui ka ni bawk... Ka thu lo chuan kha a bialpa kha a hmu tawh hauh lo ang...







Thlalak upload tu kha a nih loh chuan tu thil tih nge ni ang ka zawng chhuak khawp ang... Sofia-i room lam chu ka pan vut... A khum bulah chuan dingin a muhil lai chu ka thlir vauh vauh.... "I pa hian a vawikhatna a tan I nu tih loh hmeichhe dang a ngaihven chu nia"
Za lo zet chuan ka nui suk, a chalah fawpin ka room lam ka pan thuai...






Ka exer la haw Inchhunga ka lut chu choka lamah hmeichhe nuir ri her her ka hre zawm zat, ka va lut phei a nu Rini leh Ramnunpuii te chu eirawng bawl pahin an lo ti ti melh melh a, a tlangnel hma ve ngawt mai... "I rawn haw na a rei tawh em" nu Rini min hmu chuan a rawn ti vat, Ramnunpuii pawh a rawn nghal zat... "Rei vak lo coffee min lo siam la" tiin Ramnunpuii bulah chuan ka thu a, nichin a min melh bak kha chu melh khat pawn min melh tawh lo...nizan a ka thusawi vang kha a ni ngei ang...







"Sofia-i a harh nge harh lo ka Han en lawk ange" tiin Inchung lam a pan vat, hmanhmawh zeta a kal phawk phawk chu ka nui suk...duhawm reuh lutuk.





RAMNUNPUII POV

Sofia-i roomah chuan ka lut nghal vat, nizan vang khan ka hmuh hreh vek...a rilru a ka awm reng chhan hmai chhanna min sawi khum chiam a ti chung khan ka hmuh ngam a ring reng a maw ni le....Sofia-i pawh a rawn harh ve chiah bawk, a tap leh nghal zawih zawih tawh... A muhil rawn harh hi a tap chhuak ngei ngei a, a bul hnaih awm reng angai...pawm kang in ka awi lauh lauh







Reilote hnuah a bang ve mai bawk, inhnuaiah chuan ka chhuk pui a, Lion King-a pawh a awm tawh lo ka thaw huai mai, a bulah hi chuan ka lungphu hi a dik hlei thei lo....couch ah Sofia-i pawm chung chuan bawnghnute ka pe a, step atang chuan Lion king-a rawn pen thla tham tham chu mit khap lek lo in ka melh... Ka zep lo a chhelo thlawt coat suit pawl tak tha zet nen a induan leh zaih tawh...coatsuit hi a ma tan a an siam bik liau liau anih te ka ring rum rum...







"Insiam rawh kan chhuah angai" tih leh ka bula rawn ding a rual nghal..."khawi ah maw"
at hmel zet chuan melh haw..."hotel ah party a awm dawn a kan kal ve angai tlat" a sana lawk leh changkang zet chu a bih leh zeuh..."nau awmtu in chu tiang tiang an ti ngai lo.. " ka ti ve hmak.. A ni reng bawk a kal ve na chhan tur ka nei lo hrim hrim, a duh leh amah in va kal mai rawh se... Ka hlawh a pung dawn pawh ni hlei lo...







"I hlawh ka pek belh ang che" ka ngaihtuahna a hria nge a rawn ti zawm zat...
"Tak tak maw..mahse Sofia-i hi" ka ti nghal thuai, ka zak buai vel paih lo, pawisa vanga thawk ka ni tih a hre vek tho.... "Kan hruai ve dawn lawm, han insiam vat rawh" a ti thum leh dut.... "Mahse..." ka tawng leh tur chu hahthlak tih hmel zetin a thaw hawk...






"Han insiam vat la kan tlai loh zawk nan" tiin Sofia-i chu a rawn pawm vat, maid pakhat hnenah chuan Sofia-i kawr thlak turin a hrilh zat....driver pakhat leh inchhung tifai tur maid pakhat an awm a, nu Rini eirawng bawl tu tur leh kei nau awmtu kan awm bawk.. in chungah chuan ka chho vat, enge ka hak ang a sawi lawk bawk silo sawi lawk ve tal tur a nia...pu Khirhliana tak hi chu phun bul bul chuan ka thawmhnaw dahna chu ka hawng a...ka kawrfual sen parh chu la in ka inthawlh nghal zat.... Ka khup a pel hret a, hak a nuam tawk siah...






Ka sam kawi chiai chu ka thlah mawl tawp...pencil hills sen chu ka bun leh tawp bawk.... Inhnuaiah chuan ka chhuk thuai, an lo inpaih diam tawh Sofia-i pawh kawrfual senno an hak tir a, a ngo bawk a in hmeh phian.. Lion King-an car a khalh a Sofia-i pawm chung chuan passenger seat lamah kan thu a, chhungkua te pawh kan ang ve lawm le....






"Kha ka sign tawh, Sofia-i vang chauh in ka pawm a nia" ka ti ve kher... Nui suk in a ban ve mai bawk... Nizan chung chang kha a sawi lang lo hlauh a ka thaw huai mai...achang chuan ka ngaihbel nge min duh ve tlat a hriat na ka nei thin mahse a hnuah ka ngaihtuahna at thlak zia ka hre zawm leh zat thin....ngawi reng chuan car chu a khalh a, keipawh Sofia-i Sofia-i chu ka chhaih mial mial...




Hotel kawtah chuan motor chu a ti thi dut a, "Sofia-i kha khuh kher a ngai lo ania" a tih chuan ka melh vat... A hnuah a sawi awmzia ka hriat chuan ka bu ve zeuh...a thlalak a darh tawh miau a..khuh in awmzia a awm tawh chuang lo...a thlalak upload tu hi tinge ni ang... Kha mi ni Adiki te rawn len ni khan an upload a, Adiki nge u Tluangtea ni ang Emily pawh ani maithei bawk...






"Lo chhuak la" dam thlup a rawn titu chu ka melh vat, ka lo la thu reng chu niin hahthlak hian...a chhungah kan lut chu mi an lo tam ngang mai mi hausa ho fuan khawmna a ni ringawt...Sofia-i pawmin ka hmaah chuan an kal a, an hnungah ka zui ve det det...."eng chiah maw kan tih dawn a" a sawi chiang bawk silo.... "Ka thianpa birthday ania" a ti buk hmuk a hmel chu Biak hreawm khawpin a chang leh ran tawh...







"Kha in rawn thleng maw Sofia-i chu a va lian tawh ve" mipakhat Cher sang lam deuh hian a rawn ti a...en mai pawn an hausa tih a hriat nghal..."kha tunge in nu mi" min rawn hmuh chuan a ti vat....chhan tum a ka ang chiah Matthias-a thil rawn sawi vang chuan amah chu ka melh vat... "Aw ni e, a tawng tam vak lo a" tih leh a ban Sofia-i a pawn lohna lam zawk chuan ka kawngah rawn vuanin a lamah min hnuk phei nghal zat...






A chet dan vang chuan a mah chu ka melh nghal vat, min bawn chu phelh ka tum ngar ngar... A thlah duh dêr lo, rum tawk chuan ka han melh leh thin mit min siai zeuh ringawt a nih chu ka ngei dan mai chu...






"A va chhelo ve khawi lam a I va hmuh nge a"
chupa bawk chuan a rawn ti leh a....."zawhna min zawt reng dawn nge kan rawn lut dawn"
Matthias-a chuan a ti bul hmuk... A tawng bul hmuk hmuk hi a Sim angai a nih hi polite lo lutuk, a awm zawn atang chuan rum mangkheng in ka melh tawk tawk..






Chupa pawh chuan engmah a sawi tawh bik lem lo..an nghah ber kan thleng tawh bawk a cake te chu zei present te an in pe mawlh mawlh a, nuam lo duh tak ani engmah ka OE ve bawk silo.. Matthias-a ka hrilh lahin a ho lutuk a tih tlat mai bawk si.. couch ah chuan min thut pui a, ka mal chungah Sofia-i a dah nghal zat..."ka phal na la lo in I nupui angin tinge min sawi ve ngawt a" ka ti ram hmak.... A duh duha a tih tur pawh ka nilo...






"I phalna lak kher angai mi" kiai suk chuan a ti ka ngei tawk a tling leh em em, "enteh ka pu" ka tih chuan Matthias a rawn ti vat "eng pawh chu nise I hnuaia thawk ka nih vang hian I duh duh dan in min control thei lo" tiin a mitah ka melh ran..."Robot I ni tihna ni maw" ka thinrim teh reng a nih lah hian fiamthu ah a la zel bawk si...






Ka tawng leh tur chiah chu "Matt" rawn titu vang chuan ka ngawi leh rih... Emily chu in ha chhing zet in chuan kan lam a rawn pan a, saruak in a awm lo chauh... Apian pawh nalh viau mahse saw tiang tiang em em...






Matthias-a bulah chuan a rawn thu nghal zat... "Nizan khan ka haw daih sia vawin chu kan inlamah rawn kal a ka chhungte pawh an awm dawn lo" in la no fê chuan a ti a, a hmel pawisawi loh hmel zet saw ham nawk nawk ka chak zia mai chu... "Ka buai viau a sin" Matthias-a chuan a ti hmuk.. A chhanna avang chuan ka nui suk..






"Ka rawn kal zawk mai dawn mi" in la zei fahran chuan a dar te chu a zut kual sak vel a, ka lo inhum ruh nghek... Hmeichhia zawkin a mipa pan daw daw thing lutuk.. Ka hriat tawk lek chuan ka phun sup...ka tho thurh a, ka bul a mi te pahnih chuan min rawn melh nghal vat... "Sofia-i ka va awi lawk a nge a mut a hun tawh sia" an chhanna pawh nghak lo chuan ka kal zui nghal...






Duh tawkin lo inchhai vel teh se...engvanga lo thil ve ngawt nge maw ka nih hrep le, saw tianga in chhaih kual lo sawn inneih mai tur a nia, Sofia-i pawm chung chuan ka phun bul bul... Thlang lam bathlarah ah chuan chhuak in boruak chu hip in ka thaw chhuak ham ham...





Sofia-i ka pawmna chu ka ban a na thum tawh a fit tham ve sia, ka lo chak zel zawk bawk silo... A muhil thaw ri sek sek chu ka thlira a hmeltha tak zet.... Nakinah chuan fa pawh ka la nei ve ngei awm sia Sofia-i anga hmeltha deuh..."a mu tawh mi" rawn ti thum dut tu chu ka melh vat a lo kal lai ka hre miah lo... "Imm haw tawh mai ila pawi I tih loh chuan"
ka ti a, haw ka chak tawh takzet...





Bu zeuhin Sofia-i chu rawn ban a tum a, "angai lo a harh palh ang" a harh chuan a rawn tap leh anga thlem a buai thlak mai mai.... "I ban a khan lo ami" dam thlup chuan a ti a, ka ngaihbel nge a mitah sawn min ngaihtuahna ka hmu thei...





"Khan lo e" ka ti ve mai... A thian te hnenah kan haw tur thu a hrilh avangin Sofia-i pawm chung chuan kawngka bulah ka ding ran a..
"Nang bawk maw, I zak theilo ve ngawt mai... Mi hausa awmna tur anih hi nang ang class thing lutuk awmna tur ani lo" ka hmaah tak ding chung chuan Emily chuan a ti a...ka chhang buai paih vel lo...






"Matt-a hi thlem thluk theih I in ring ani maw na ngang hi chu enga tan mah a ti lo che"
min ngaihnep hmel zet chuan min melh kual dan dan a... "I sawi chu a lawm awm e" ka ti let ve sak.... Zah lo zet chuan a nui a "lo en rawh Matt hi ka ta a nih hi" tiin a kal nghal nal nal... a sam mawi tak saw pawh tilh vek ka chak zia mai chu....





"Kan kal dawn mi" Matthias-an a rawn tih chuan chhang lo ka chhuak nghal nal nal... Car ah chuan lutin ka khar nghal chawrh.... Sofia-i ka en leh hnuhnawh a harh lo hram e, motor chu kal hualin a rawn thu ve nghal zat...





A tu amah tawng lo chuan kan ngaihtuahna kan kawm ve ve ni berin ka hria....in kan thleng chu ka chhuak nghal thuai..."in lo thleng tawh maw in ril a tam em" nu Rini chuan a rawn ti nghal zat... "Tam lo e" tiin room lam ka pan nghal.... Sofia-i chu ka mut a, ka chhuak tur chiah chu Matthias-a nen kan in tawk chat....





Ka banah vuanin a room lamah min kai phei dawr dawr..."enge I hriat a min thlah teh" ka tih pawn hre lo ang hmakin a room ah chain min Kai lut a...ka chhuak leh tur chu min pawt let dawr... "Enge I hriat a" ka Vin nghek...




"Ka chungah lungawi lohna I neih chuan sawila min pehhel kual reng lo hian" a ti Vin thawt.... "Eng vangin nge I chungah ka lungawi loh ngawt ang" ka ti ve hmak... "Anih chuan tinge ka lakah I tlanchhiat reng"
A ti leh thawt.. "Ka tlan chhe lo bawk khawi maw min thlah teh" ka kut chu phelh ka tum ngat ngat awmzia a awm lo chiang e...



Vawileh khatah min pawt dawrin min fawp nghal chawt...a chet dan vang chuan ka taksa zawng zawng hi a khawng nghal vek..



(Lala-i Ralte)

(Tih zawng hi aw a thui ve viau chuan ka hria....)

Fakna kha hmet keuh

[Ngaia]

Dear God the only thing I ask of you is

to hold him when I'm not around"


CHAPTER-5


RAMNUNPUII POV

A hmui chu muang chang in a chet a, ka hamhaih em avang chuan ka dawh mawl tawp, ka zep lo a mi fawhna chu a nuam tak zet, u Tluangtea nen a kan ingaihzawn lai pawh khan kan infawp ve fo...mahse hetiang em em hian inkiss hi a nawm ka ring ngailo... A kut lehlam chuan ka kawng fek ah tak a rawn vuan chawt a, harh chhuak thutin ka tal nghal phat, awmzia a awmlo chiang teh e....







Ka kut lehlam chu ka hnung lamah a man bet nghal chawt, a kut lehlamin ka kawng a vuan run bawk , ka theih tawp a na in a hnungah ka chum vak vak pawn min thlah duh dêr lo...a ai a uar chuan min fawp leh nghal zat..ka hmui chu ka chip hmak a, min thlah ve thei hram a hma khan lo tih daih tawh tur a nia, "I zak theilo mah mah" tiin ka hmui chu ka hru nawk nawk....







"Ngaiah I la nei dawn chauh" kiai suk chuan a ti a, ka melh rum nghek ringawt....."A thleng ngai lo ang" ka ti let ve sak
"I theih chhung chu tlan chhe rawh mahse min tlanchhiat san rei hauh lo ang" mahni in ring tawk tak chuan a ti nghet churh.... "I duh duh a I tih kual theih ka nilo" tih leh chhuah ka rual nghal... Engtik laiin nge ka room ka thlen hman pawh ka hrelo, kawngkhar bulah chuan dingin ka hmui ka khawih zeuh, tunah khan min fawp chu nia ka mumang chu a ni si lo a maw....






Lion King-a hi ka duh tih chu ka pha lo mahse ka duh vang ngawtin a thu thu a awm tur ka ni tihna erawh a nilo, tihlan pawh ka tum hram lo, chumai bakah a ni chuan bialnu a nei a, mi inkar a thlak zeh ka duh lo bawk....bathroom ah chuan lutin shower chu ka inphuh tira...keimah ang chiahin a ni pawn min lo ngaihtuah ve reng thin a,hah ka lawm dawn nge dawn lo pawh ka hrelo, inkawp thei kan nilo bawk, sumdawng lar tak maiin a fanu awmtunu a ngaihzawng a nga maw... Hah thil theih loh tur chiang sa a ni.... Chuvang chuan keipawh ka inven thiam a ngai....






Hmeichhe danga anga tihkual mai mai theihin ka awm ve tur a nilo... Ka damchhungin hetah ka awm dawn lova nakin zela rethei taka ka awm loh nan pawisa tam tak thawh chhuah ka ngai.. Bathroom atang ka chhuak chu ka phone a rawn ri zawm zat "An sawi hi a ni tak tak em Matthias nen in inngaizawng tih hi" ka lak rual rualin Adiki chuan a rawn ti nghal chul...eng chungchang nge maw a sawi ni....."I mumang I rawn thawh chhuah pui a ni maw" a duh duh hi a rawn sawi leh ringawt zel mai.....







"IG ah te khan I hmu ve na nge I lar teh mai nia" a tih zawm zat, "I news sawi chu ka hre ve hauh lo mai" tiin thawmhnaw ka in thawlh mial mial... "IG ah khan en rawh" hahthlak tih hmel zet chuan a ti a...."umm ka lo en ang..e, taka Sofia-i thlalak kha I post a mi" ka ti nghal vat...."a..kei..maw teuh lo engvanga in nge ka post ngawt ang u Tluangtea kha niang" bah nuai chuan a rawn ti a, tlem chuan ka rinhlelh ve deuh....."u Tluangtea chu a ni dawn mi mahse pakhat rinhlelh chu ka nei kinah ka rawn hrilh leh ang che" u Tluangtea chu a ni thei lo ang...






High school ah khan u Tluangtea nen hian kan inkawm chawt a, a mizia chu ka hre ve viau in ka hria mahse a lo ni thut thei bawk mipa hi chu an zia an thup thei ropui si...min kalsan ngai dawn loh thu leh min hmangaih thu min hrilh mawlh mawlh thin tu khan a nawm sakna tur lam panin min kalsan chu nia hah...Lion King-a sawi kha a dik tak zat "hmangaih neih pawh rilru natna mai mai a ni" a tih kha "min hrilh ve ngei ngei rawh aw" a rawn ti mawlh mawlh... Ka hriat chhuah hunah ka hrilh tur thu sawiin kan inbiakna na chu kan titawp a






IG ah chuan ka lut vat, ka thil hmuh avang chuan ka meng phawk nghal hrâ...kei leh Lion King-a thlalak birthday party kan kal tum a mi kha an dah a, kan inneih vat tur thu te nen a tam mai... Comment tu pawh an tha hnem khawp mai...

"Hmeichhia hian a phu lo"

"An inhmeh reuh tawp"

"Hmeichhe hi a vanneih tawp"

"An inhmeh thlawt lo ka tha fê zawk" tih vel te ka chhiar seng lo...kan inngaizawng tawp silo ka phulo tih te chu ka hre ve tho, tupawn kan inkawp hi chu an pawm lo ang a awm in a ang lo a ni tawp mai....Lion King-a hian a hmu ve tawh angem le...







Sofia-i a la harh loh avangin inhnuaiah nu Rini eirawng bawl ka pui ve a, a tawng duh mai bakah fiamthu hi a lawm ve bawk a kawm a nuam takzet.... Chawhmeh chan pah chuan ka zai rat rat a...."hla tha lai I ti chhe vek a nge" ti thum duttu chu rum lutuk in ka melh nghal, mit min siai khum zeuh lehnghal..chimawm lutuk mai...nu Rini pawh a lo nui tut tut....."a sa tu hian a hla ka sa tih hria selang chuan a lawm ve ngawt ang" zam map lo chuan ka ti ve sak... A nui suk duh chauh anih chu...hmeichhe lutuk mai oh a hmeltha leh si....







"Min lo zui rawh chhuahna tur kan nei" a kekawr ipteah chuan a kut a zen lut nghal zat.... A rim pa hrâk te chuan a ti lang cool ruih.. "Khawiah maw" chawhmeh chu ka chan lui mawlh mawlh..."min lo zui tawp la nimai" tiin a kal nghal nul nul...ka chawhmeh chan lai hian a tukhumah tak sawn vawm chawrh tluka chak ka neilo "va kal rawh ka lo tih chhunzawm ang" a tih chuan peih lo zet chuan ka zui a....a XUV car ngheng chuan a lo ding ran tawh...."kan chhuah daih ten Sofia-i lo harh ta se" abul ka thlen rual chuan ka ti a..."kan rei angem" min chhan mai loh avang chuan ka ti leh sup...






"Mi ka biak lai chuan min rawn be rih suh" a hmel chu hlauhawm khawpin a Chang leh tawh...hmm mi a bia tih ka hrelo a ni ve mai a.. Hetiang hmel hi a put reng dawn chuan Ina awm ka thlang fê zawk...car kan chuan laiin min seh hrep lo ang tih tunge hria... Ka hriat tawk lek chuan ka phun sep sep ...a bulah ding chung chuan a Biak zawh hun chu ka nghak ve ran...







"I hriat ngei ngei tur phone ka Biak lai hi chuan min rawn be suh" a Biak zawh hnu chuan a rawn ti nghal zat.. Ka ner nang mai..."I bia tih ka hre bik hlei nem" engtik lai atang khan nge ka zahtheihloh tak em em le..."achang hi chuan ka hnuaia thawk I ni tih hi I theihnghilh thin in ka hria" nui za insum zet chuan a ti a.. Ka hmui ka tipawrh vak ringawt... "Khawiah maw kan kal dawn Sofia-i pawh" a kut chuan ngawi turin min ti zeuh... "Sofia-i chu a ngaihtuah awm lo" a tih zawm zat...







"Zawhna I la neih chuan na kinah min zawt dawn nia" tiin ka thutna tur kawngkhar chu a hawng a, thaw hawkin ka lut ve mai.. Car chu kal hualin a rawn thut ve meuh chuan car chhung chu a te rawih maiin ka hria... Steering chu hnehsawh tak chuan a her kual vel a, car hi khalh ve ta ila ka indaih pawh ka ring lo..."ka va hmuhnawm awm ve" nui suka a tih chuan harh chhuak zawkin tukverh lam ka hawi nghal vat...a nui zui hawk







"Inngaizawng angin kan thang vek tawh tih I hria em" a mah pawh en lo chuan ka ti sep... "umm" a ti ringawt a nih chu...Khirhliana hian...."chuan engtin nge tih I tum" a lam chu hawiin ka melh ran "engtin nge ti se min tih a" ka zawhna chu zawhna bawka min chhan leh avang chuan ka ber nang...







"A tirah khan i fanu nauawmtu ang in min sawi hle hle la I mualpho lo zawk ang, miin a an endan che a dang vek dawn a sin" ka ti ge sep..a ni reng bawk a, a tirah khan thudik hrilh mai tur ania, comment na ah khan an sawisel nasa ropui si....."Mi min endanah ka buai lo" a ti bul hmuk.... A hmel chuan hlauhawm khawp a Chang leh tawh... A thinrim zual ang tih ka hlauh avang chuan engmah ka sawi tawh bik lem lo







Thawmhnaw dawr changkang zet hmaah chuan car chu a ti thi dut a, "hetah enge kan tih dawn" a lam chuan ka ti a, ning hmel zet chuan a thaw hrâwk... "Thawmhnaw dawrah enge an tih thin an inbual thin a mi" tihpah chuan a chhuak nghal daih...ka ngei dan mai chu, thawmhnaw dawrah te chuan thawmhnaw te an lei thin tih te chu ka hre ve tho lawm an inbual dawn a mi han tih kher chimawm lutuk mai...






"Pawm chhuah kher I phut chuan ka hreh hauh lo ania" nui za insum lek lek chuan a ti a, ka chhuak ve nghal vat...ka bulah chuan rawn dingin ka kutah a rawn vuan chawt... "Engthil nge maw I tih le miin min hmu ange min thlah vat teh" a kut chu phelh ka tum ngar ngar a vuan nghet ropui si....ka veng bulah chuan rawn kun hniam "Inngaizawng angin kan lang tawh a mi bulah pawh chutiang chuan kan awm angai" a ti sup...







"Pawi I ti lo mi, Emily in a hriat chuan" kei ang mai mai nena inngaizawng ang a lang chu a duh a maw ni le ...chu bakah Emily ngaihdan tur te nen ... "Pawi tihna chhan tur a awm lo, Emily chu ngaihtuah duh suh" tih pah chuan min kai lut nghal... "Wow nang ni e law, an thusawi hi a dik tak tak ani maw" nula tlem a senior lam hret chuan a rawn lang lang, "A nih hmel" Lion King-a chuan a ti sep... Mak ka ti tulh tulh, a mah zawk hian a zah loh hmel ropui mai sia.... A dera Inngaizawng ni mahila a tak tak nise ka rilru chuan a tih leh thin hahthlak hian...







"A hak tawk tur in neih that ber ber rawn la rawh" a tih chuan ka melh nghal vat a ma thawmhnaw tur a lei dawn maw ka tia keimah ta tur maw! "Enga tan nge?thawmhnaw te chu ka nei ve reng a lawm"
Tawng ring hlau zet chuan ka ti se se... "Kal na tur pawimawh deuh kan nei" a ti hmuk...







"Heng ho hi nia kan neih that ber ber te chu nia" ka tawng leh tur chiah chu dawr nghak tunu chuan a rawn ti a, ka meng phawk nghal hrâ.. Hetiang te chu ka inbel ngam reng reng lo a tau hmel hlawm ropui si ka budget pawn a pha lo..."hetiang tih kher hi angai lo nia, I bialnu pawh ka ni tak tak chuanglo I sum I khawhral mai mai" zawi te te chuan a beng bulah ka ti sep, hak pawh a inthlahrun awm..."Hei hi va ha chhin teh" kawrfual senno dang lam deuh chu a ti a, nalh a hre hle mai, "ka pi he lamah hian aw" a rawn tih avang chuan nuam ti chiah lo chuan ka zui ve mai....







Inthlakna room ah chuan lutin kawrfual chu ka inthlawlh nghal zat, darthlalang ah chuan ka inthlem vang vang a, ka lung a awih viau e... Ka chhuak chu Lion King-a pawh a rawn hawi nghal vat... "Kha kha a that kha" tiin phone a khawih zawm mawlh mawlh, ka inhmeh leh inhmeh loh te sawi ve tak awm Thapawnga saw....







Kawr chu pack in kan chhuak zui nghal...pheikhawk dawrah min luh pui leh a, ka bun tur a lei nge a bun tur a lei zawk pawh ka hre lo a duh khirh lutuk.... Hlawh nei pawn ka bazar pui peih lo ang....kan haw meuh chuan a khua pawh a thin thet thet tawh....







"Han insiam la kan chhuak nghal dawn nia"
Inchhung kan lut chiah chu a ti nghal.... "Khawiah kan chhuah tawh kha ka ril a tam a tlai tawh si, chubakah...taka Sofia-i " ka tih zawm nghal zat..."Hotel ah ka chhungte hmu turin Sofia-i pawh kan hruai kan hruai dawn"
Tiin choka lamah a lut nghal zat, keipawn ka zui ve vat..... "Nu Rin zanriah ei chhuahna tur kan nei a, I duh chuan I haw thei tawh ang"
tiin ka lam chu rawn hawiin a mithmul a san zeuh, ka hrethiam bawk silo ka san khum ve uk... Thaw hawkin "Han insiam la kan tlai loh zawk nan" dam thlup chuan a ti a...







"Ka duh teuh lo midang sawm mai rawh" ka tih chuan nu Rini pawn min lo nuih suk... "An hmu duh che a I kal loh chuan an lawm lo khawp ang" kut a kuangkuah nghal zat.... "A pum a na a nidangah ani mai ti la e ni leh lo Sofia-i a tlei lo lutuk a, a awmpui ti zawk mai rawh min hrethiam zawk ang" ka ti nghal zung zung...a chhungte hmuh chu thih hreh in ka hreh.... Nge maw a bialnu ang chuan ka lo awm reng reng ni buaina ah ka inbarh lut ani ringawt... A tir khan thudik hrilh mai tur a nia... Ka thin a rim thar leh hnuhnawh...







"I thiamloh vek" ka ti leh nghek.... "Han insiam phawt la nakinah kan sawi fel dawn nia" a tih chuan ka lu ka thing dat dat.... "Lungngai suh an seh lo ang che" nuih insum zet chuan a ti a ka ngei dan chu mi lo mah a thinrim ve teh reng nen... "An tam em"
ka ti leh rih... "4" a tisup... Pali maw Adiki khan members 4 chiah anni a ti a tu nge pakhat chu ni ang..."Min hauh chuan I chak lo ngawt ang" ka tih chuan a nui hawk.... "Eng vang in nge an hauh ngawt ang che" a la nui reng tho ka melh nghek ringawt.....






"Ka hre chuang nang, mahse..." Ka tawng lai rawn pawt chat hmiah in "mahse mahse I tih chhung khan kan tlai hlauh a nge" a tih leh tak ah chuan thaw hawk room lam chu ka pan thuai...a nih nih chu ni teh se ti chung chuan ka insiam mawlh mawlh a, makeup pawh tlem ka hmang ve bawk.... Step ah chuan muangchang in ka pen thla a... Step tawp lamah chuan Matthias-a chuan Sofia-i pawm chung chuan keimah atang mit a la sawn miah lo bawk..ka zâm ve lek lek...Sofia-i pawh chuan min lo nuih ver ver...an hmeltha dun chiang a lawm..






"I nalh lutuk" ril ruih chuan a ti a ka biang a sen tut ut maiin ka hria...Scorpio dum nalh zet ah chuan kan lut nghal zat...Sofia-i chu ka pawm a kan inchaih nui leh dar dar thin... A tura kal peih lo em em kha tunah chuan a phur ber ber ah ka tang ni maiin ka hria... Lion King-a pawh a tawng thum ve dut dut...





Hotel kan thleng chu ka zâm leh hnuhnawh thawk ka la hawk a, Matthias-a chuan Sofia-i chu a pawm a, "kan lut dawn mi" a tih chuan ka bu ve zeuh.... Kan lut chu dawh kan an lo kil thiap.. Matthias-a ang deuh mai tar lam pang a pa ni ngei tur chuan min lo pawh vat.... "In lo thleng thei maw lo thu ve nghal mai ula" a tih zawm zat...an thu ve nghal thuai... "Khawi keiman sofia-i chu ka lo pawm ang kan ngai ve tawh lawm" a nu ni ngei tur chuan a ti a...






Ka bulah chiah Matthias-a chu a thu a, ka hahdam huai mai, a nau leh hmeichhe pakhat hi an thu ve bawk a, pakhat zawk chu a nau a nih ngei ang an hmel pawh a in ang deuh...a bula mi saw tunge ni ang le..ka ngaihtuahna a hria nge min inhmel hriat tir nghal zat......"in inngaizawnna a rei tawh em" a pa zawk chuan a rawn ti vat...."rei ve tawh" Matthias-a chuan a ti bul hmuk... A nu leh pa bulah em em chuan ka rilru chuan ka ti mawlh mawlh...




"Nu leh pa I neilo tih kan lo hria a" a ni zawk chuan a rawn ti a, ka melh nghal vat.... "Nu"
Matthias-a chuan a rawn ti nghal vat..."enge ka zawt mai mai lawm huat tur a awm hlei nem ti raw" nui sang chuan a ti a, "he lamah chhungte I nei hrim hrim em" a ti leh sup..."fahrah in a mi te ho saw ka chhungte neih chhun chu an ni mai" pangai tak chuan ka ti ve mai..."a va pawi ve" a nau chuan a rawn ti zat...







"Ka tunu awmtunu I ni tih ka lo hria a" a nu bawk chuan a ti leh sep a hmel atang reng reng sawn a fapa ngaihzawng a tan chuan min duh lo tih ka hre nghal...engtin nge a hriat le..."engtin nge I hriat a" Matthias-a pawh chuan mak a ti ve nge a zawt nghal zat..."ka hriat na a pawimawh lo" a ti hmuk...
"Restroom ah ka va kal lawk a nge" ka tih chuan Matthias-a min rawn melh vat... "Ka rei lo ang" ka tih chuan a bu ve zeuh...







Restroom ka luh chuan ka thaw nghal hawk hawk... Ka kut chu silin ka in en leh vang vang a, ke pen thawm ka hriat avang chuan ka hawi phei vat...Matthias-a cousin kha a rawn lut ve chiah bawk Dindini a tiin ka hria....."u Matt-a nen hian inngaizawnna a la reilo tiraw" kut dil mawlh mawlh pah chuan a ti a, "rei vak lo" ka ti ve sup...a nui suk a....."a that hlauh chu in kal thui hma in tawp vat ula a that ka ring" a tih chuan ka melh nghal vat....







"Engvang chuan" inngaizawng tak tak lo mah ila deuh zawh taka min tawngkhum hi ka dawh mai mai dawn bik lo...."a chhan chu ka ta a nih saw" min melh ve ker pah chuan a ti a...za lo zet chuan ka nui suk..."I unaupa I duh a maw" ka tih chuan min melh rum teh e..."a nu leh pa te sawn nang ang fahrah chhungte pawh neilo kha an duh che I ring reng reng a mi" min ngaihbel hmel zet chuan a ti a...."I lo buai a ngai lo ve" ti a chhuah ka tum chu a thil rawn sawi avang chuan ka ding dat.... "Eng maw I sawi" ka ti let ve sak... A thil sawi te kha hre lo ka nilo hetiang mi hi anih ka ring loh vang zawk ani...






"In I zuar te ani mai lo maw ka ti mai mai mawle" tih leh chhuah a rual nghal... A hmel pawi sawi loh hmel zet phenah sawn ngaihtuahna tenawm tak a pu tih an hre dêr silo a...keipawh ka chhuak ve vat... Ka thu fel chiah tih a, a nu bawk chuan "in la inngaizawng reilo bawk a, in then vat zawk ula a that ka ring" tiin a tissue chuan a hmui vel chu a hru pah zeuh...."nui ti mah mah lo maw" a nau zawk chuan a rawn ti vat.... "Nang ang hian ka fapa hi I phu reng reng lo I dinhmun te kha hre chiang ve deuh rawh, I nu leh pa te pawn an duh lo che hi a awm lo hram lo ve" za lo zet chuan a nui suk...a inchei dan engkim a changkang teh lul nen a rilru erawh a changkang lo hle mai...





"Nu duh tawk rawh" Matthias-a chuan a ti thawt.. A pa lah chu a ngawi kur mai bawk si..."nia nu I ti mah mah" a nau bawk chuan a rawn ti leh sup... "Khawngaihna in ngah lutuk vang hi lawm hetiang ang fahrah mai mai pawh hian an bum kual thei che, I sum a hman ral pui hunah che a kalsan nghal nal nal ang che" a tih chuan ka thutna atang ka tho nghal phat.... "Ka lo va kal hmasa ange tui deuhin in ei dawn nia" tiin ka kal nghal thuai Dindin-in min nuihsawhna pawh ka hmu thawi hram ..





Mihring ve tho ka ni a ka rilru pawh a na ve thei hetiang a min deuhsawh dawn tih hria ila lo kal loh tawp tur nia... Hmeichhe tuarchhel tak min ti thin a mahse tun ang em em hi chuan tu man min la tawng khum ngai lo ka mittui chu a rawn tla suk.... Tap lo tur chuan ka inhrilh mawlh mawlh... Fahrah ka ni hi ka thiam loh a ni bik lo...."I nu leh pa ten an duhlo che pawh hi a awm lo hran love" a beng a a ri nawn tlut tlut..




Vawilehkhat tha chak zetin min pawt dawr a awmah chuan ka bei nghal thlawp...tunge a nih hrilh nawn ka ngai lo ... A rim pa hrâk a tang chuan Matthias-a a ni tih ka hre nghal... "Ka hnungah chuan a chul hauh hauh...keipawh chhuak zetin ka tap nghal zawih zawih..." Shiii...ka thiam loh vek a ni.... lo kal lo tawp ila tha tur" dam thlup chuan a ti a....chu chuan ka tah a ti zual sauh..."fahrah ka ni hi ka thiamloh a ni bik lo a sin" insut ri hleih hleih chung chuan ka ti a...."I thiam loh a ni lo tun atang chuan ka veng him zel tawh ang che" nghet churh chuan a ti a..



(Spelling mistakes a awm zeuh zeuh mai thei a nia)

Fakna hmet keuh

[Ngaia]

"I don't care what they say
I'm in love you with you
They try to pull me away,
but they don't know the truth"





CHAPTER-6


RAMNUNPUII POV


A thusawi mal tin mai te chuan min fan rawih rawih, ni e Malsawmtluanga bulah hi chuan ka thlamuang bik hluah hluah.... "Shii..naupang tap ka thlem thiam lo ania"
a nui tih a taksa nghawr dat danah ka hre thei.... "Malsawmtluang naupang ka ni tawh lo aw" a awma hmai phum chung chuan ka ti ve pang pang... "Umm anih I ni tawh lo, bang tawh la...I tap hmel kha darthlalangah hmu la chuan I tap duh tawh miah lo ang" nuih za insum zet chuan a tia...
A thusawi avang chuan ka nui ve suk..... "Sual a" tipah chuan inlakhran ka tum a, a aia nghet in min kuah bet chawt,a pang ti lum chuan min ur nghal ham ham "Keimah vangin khang thil kha I tawrh angai a ka thiam loh vek a ni" dam thlup chuan a ti a...a thaw leh hawk thin..... "Ka veng him zel che" tiin ka lu ah chuan a fawp vang vang a..






"Sofia-i kha" rei tawk fan kan in kuah hnu chuan ka ti sep a..."umm ka va hruai anga kan haw dawn nia, car ah min lo va nghak la"
Ka sam ka benga zeh zeuh pah chian a ti a...ka bu ve nghut, ka chalah chuan fawp in a kal nghal vat.... Keipawh car awmna lam pan chuan ka kal a, "Puipui" rawn titu chu ka melh vat...."u Tluangte hetah enge I tih a"
tiin ka ding leh rih.... "Eng ti lo e ka thiante ka hmu lawk a" tiin ka lam chu a rawn pan zat..







"I boss nen a mi in kal a" a tih chuan ka bu ve zeuh, "I tap a mi" chik taka min thlek kual pah chuan a ti a, "tap lo ve tinge tap zo hlim hmel ka pu mi a" pangai tak chuan ka ti a....."umm i makeup pawh a reh vek" nuih za insum zeta a tih tel kher vang chuan ka melh nghek.... "Tak tak a naktuk chu min kal chhuah pui hman em" ka mitah tak melh chung chuan a ti a...."ka hman pawh ka ring lo mi in a inhlawh ka ni bawk sia"
Lion king-a dil phawt a ngai awm sia....ka bialpa emaw a ti leh nghal a phal teuh lo...






"A nih chuan zanriah tal chu min eipui thei ang tiraw" a ti leh sup, inngaizawng tawh lo mah ila tette atang kan inkawm chho tawh a, biak chhiat ngawt lah a mawi bik silo... Matthias-a chu pangai deuhin ka dil anga a phal ve mai ka ring zanriah ei chauh a lawm...ti chung chuan ka aw ve ta nge nge.. "A nih chuan ka rawn be dawn che nia a nih phawt aw" tiin a car awmna lam a pan phei nghal nul nul....







Car ah lo awm rawh a tia a lock tihte a hre lo a maw ni....phun bul bul chuan car bulah chuan ka ding ran, a van rei reuh tak, minutes 10 lai ka din hnu chuan a rawn lang ve thei hram.... "Sorry" a tih sup pawn inkuangkuah in lehlam ka hawi hmak, "Princess I mammi thar tur hi a ti tau a nih hi" Sofia-i bulah chuan a ti sup.... I mammi thar tur a! Ka melh nghal vat....mit min siai khum zeuh...ka lei ka chhuah khum vak ringawt, chimawm lutuk mai..






Ka thutna tur lam chu min hawn sak a, ka lut ve vat, ka mal chungah Sofia-i rawn nghatin a chalah a fawh sak zeuh a, "mommi pawh"
tiin a hmui in ka chal a rawn nawr nghal zat...ka chhung ril hi a hlim veng veng maiin ka hria.... Car kal hualin a rawn thu lut ve vat.... Sana ka en chuan zan 6:40 vel chauh ala ni, a tlai chhe zawk zawk lo e...."naktuk ah chhuah lawk na tur ka nei a" ama lam hawi chung chuan ka ti a, "khawiah" hmalam ringawt melh chung chuan a ti nghut, a hmel chu a chang leh ran tawh.... Ti te hi chuan a phal pawh ka ring lo...."ka thian pakhat in zanriah eipui ah min sawm a..."
zawi te chuan ka ti de de a, "mipa nge hmeichhia" a ti nghut.....car pawh a ding dat... Kan lo thleng reng tawh chu niin "I phal loh chuan a pawi chuang lo" tih leh chhuah ka rual nghal...






Sofia-i room lam chu ka pan ding chawt... Khum ah chuan nghatin ka room lamah ka lut a, ka intifai nghal thuai....bathroom atanga ka chhuak chu ka rak nghal thak khum ah Lion king-a a lo thu kur chu niin, a la vei nuih suk zui...
nichin khan kawngka ka khar theihnghilh a ni chiang..... Mahse ka khar ngeiin ka hre bawk sia, "chahbi spare ka nei vek a lawm" tiin chahbi chu a then leuh leuh a, ka khar khan ka hre reng a....."I in pawh ni mahse ka thu lo chuan ka roomah I lut nghawt theilo" ka lu tuamin towel ka inbat tawp bawk si... A hnuaiah engmah ka la ha lo leh nghal...







"In be lawk ang" a ti sup.... "Imm chhuak phawt la" bathroom bulah chuan ka ding ngar ngar....chhuak vat vat se ka ti takzet....ka zak lutuk te hi ka hmai a sen vek maiin ka hria...tunge a ni hmaah hi chuan zâm lo bik ang le...keimah atang mit la sawn miah lo chuan min melh ngar ngar.. Ka chil ka lem khalh, tho vutin a chhuak dawn maw ka tia ka lam a la rawn pan ta deuh deuh....."enge tih I tum" tawlh hnung dat dat pah chuan ka ti a, a rawn pen hnai tulh tulh mai bawk si..... Bang chu ka ngheng dat....





Ka hmaah a ding ran tawh mai bawk si, a kut lehlam lehlam chuan bang chu a rawn nem khalh nghal zat, a awm zawm atang chuan ka melh ve kiau, kan taksa chu a insi lek lek... "IH...chhuak tawh la" tawng pawh ka tawng tha hlei thei tawh lo, a pang ti lum in min ur chem chem a, inbual zo chiah e tilo chuan ka thlan te a chhuak thei nia maw le.....a mi uap hi chu a na ve thlawt... "Chhuak duh lo ta ila" ka hmai bul chetah chuan a ti ser ser.... A hmui chuan ka biang te chu a rawn fu thawi thuak thuak...... Thawk pawh ka thaw tha theilo nilo ka thaw pawn ka hre tawh lo mah zawk...






Towel chu ka awm zawnga chuan ka tham khawm a, ka hmaa ding lah hi kalsan a tum loh hmel ropui si, ngawi reng chuan a mit ah tak ka melh chho ve ran, ka chil ka lem leh khalh thin... Awmze nei zet chuan ka hmui chu a rawn nul fu leh thuak thuak thin, a kut ding lam chuan ka biang chu a nul kual dan dan dan a, chutah rawn kun hnai leh deuh in min kiss dawn maw ka ti a, ka mit ka chhing nghal zat, nui hawk ri ka hriat avang chuan ka meng vat... Ka beng bulah rawn kun hniamin "inhnuaiah ka lo nghak ang che reilo la"....ka hmui nul zeuh pah chuan a chhuak zui nghal ka zah dan mai chu...







A chhuah hnu pawh chuan ka din ngaiin ka la ding rei, ka ril lah chu a la tam em em zui, engmah kha ka ei hman lo bawk a, thawmhnaw chu inthawlh mawlh mawlhin inhnuaiah chuan ka chhuk thuai.... Choka lama thawm ri rat rat ka hriat avang chuan ka pan vat....."enge I tih a" Matthias-a chuan eitur a lo siam malh malh....."I ril a tam tawh em" ka biang a rawn fawp zeuh pah chuan a ti sep..... "Engtin nge ka ril a tam tih I hriat zawk a" ka pum ri a hria mi ti dawn ila a ri bawk silo a, "ngaihtuah vak vak suh, hotel ah khan engmah I ei lo tih ka hria lawm"
ka ngaihtuahna a hria nge a rawn ti nghal zat...





"Lo thu la" ka thutna turin chair chu a pawt chhuak pah zeuh, a va han tha famkim chiang tak em....ka duh mai pawh nilo ka hmangaih tawh takzet a ni.....a mita min ngaihtuahna langte sawn min ti hahdam sawng sawng thei... Min hmangaih ve kher turin ka phut lo.....Tupawn min sawisel mahse ka hmangaih tawh a, a kiangah ka awm reng bawk ang....thu mai lo chuan ka va kuah nghal thlawp a....ani pawn min kuah let ve nghal zat, a rim pa hrâk chu ka hip lut vang vang a, tuna kan awmdan hi mumang mai ani ka la ring rum rum.... "I chhungte khan min duh lo ropui sia, keimah vanga in inkar a chhiat ka duh lo ania" a awm atang melh chho kiau pah chuan ka ti a...






"Lung ngai suh engkim a tha vek mai ang"
Ril ruih chuan a ti a, ni e a man a tha vek ang a tih chuan lo ngaihtuah vak a ngai lo ka duh ber ka bulah a awm tawh miau a, kuahin ka thaw chhuak ham ham a he a taksa hlaipui hian min thlamuan hneh takzet....."min kalsan miah suh aw" ka ti leh sep... Min nawr hla dat a hlauthawng zet chuan ka melh nghal vat... Ka biang tawn tawnah chuan vuanin ka mitah tak a melh a....."min ring em" a ti ve sup a ka bu ve zeuh...ni e ring lo ila a bulah pawh hian ka awm lo ang.... A mitah hian rin tlak a nih zia ka hmuh thei.... "Ka kalsan ngai lo ang che"
A ti nghet churh... Ka nui ve seih...






Chutah muangchangin ka hmui chu a rawn fawp a, a kut pahnih chuan ka kawng fek laiah tak a vuan chawt a, a lei thap hrâk chu ka kâ chhungah chuan zei takin a chet kual tira, keipawn a nghawngah ka kut pahnih suih zawm in ka thiam ang tawkin ka chhang let ve tan tan, chu chuan tiphur zual sawtin a hma aia uar chuan min fawp zawm nghal zat, hetiang em em hian inkiss hi a nuam ang tih ka ring pha ngai lo...vawi leh khatah min pawm kang nawlhin dawhkan chungah chuan min thut tir nghal zat...A hmui chet chu a chawl chuang lo....ka mal leh mal inkarah chuan a rawn tlazep nghal zat....






Ka kawr chhung a zen lut in , ka kawr hnuai chhan ah ka hn*te chu a tham salh a, ka rum chhuak hak....."sexy lutuk" ti sepin min fawp pah reng chung chuan a tham uar sauh....ka dak leh awrh thin.... Hei ai thui tih chakna chuan min tur ut ut, a hmui chu sawn thla in ka nghawng bul velah chuan a thaw lum ham ham, a changin a nul leh thuak thin....ka hmui hnuailam chu na silo a seh ne ne in ka mal a zut kuakbnghal zat... Ka thawk te hi a chham mai dawmin ka hria.... Ka rilru chuan tawp turin a duh mahse ka taksa erawh hian a zawm thei chuang lo....






"Matt, ka..kan...tawp a..ngai" ka aw zet chu....ka hmui hnuai seh zeuh chuan a inlahrang ve thei hram...ka thaw nghal hawk hawk, chutiang bawkin a ni pawh.... Ka chalah chuan a fawp vang vang a inthunun tum tih hriat zet chuan a thaw leh hrâwk thin....."a daih hmain ei tawh la" rei vak lo hnuah chuan a rawn ti sup, bu zeuh chuan ka dawhkan atang chuan ka chhuk vat...a thil siam chu an tui hmrl hlawm takzet ka ril atam tawh bawk a ka ei nghek kha....






Ka room a ka lut tur chu min rawn zui ve zel,
"Hey enge mi rawn zui zel a" ka ti ta nge nge, "I bulah ka rawn mu dawn" a ti thum dut "I â mi" a chiloh lutuk, nupa pawh kan la nilo... Miin hre phei selang chuan....min chhang tawh lo chuan ka khum ah a va lawn tharh.... "Hey I mawl mi, fiamthu thawh hun pawh anih loh hi" ka aw pawh a zawi lem lo khawp mai.... "Ka thutak viai ania lo mu rawh le" ka mutna tur lam chu a beng thek thek a,






"Tikhan mu la I roomah ka va mu mai nge"
tih leh kal ka rual nghal, ka chhuak tur chiah chu ka kang nawlh, "Malsawmtluang min dah thla rawh" ka tal vak vak pawn rihna neilo ang maiin khum lam min pan pui nul nul, khumah chuan min nghat a, ka tho leh tur chu min nem thu leh dat.... "Engtin mah ka ti dawn lo che mu mai mai rawh" tih pah chuan a rawn lawn ve vat...






Ngaih tha zan lo chuan ka mu ve ta nge nge, a mah hnungchhawn zawngin ka mu a, ka kawngah a rawn kuah nghal chat, a lamah chuan min hnuk hnai sauh sauh a, ka lungphu chu rang tak ani....."inthlah dul rawh ka seh lo ang che" nui nghawr dat chuan a ti a, inthlah dul chu khawi lam ka thlawk chhuak lo chauh....ka mawng lam ah engemaw ruh tun in min la do zui chet pawh ka che ngam lo..."Goodnight mammi" ka beng bulah chuan ril ruih mai hian a rawn ti a, ka hlim veng veng.....




Thil rit zetin min delhna a vang chuan ka mal a na ut ut, ka meng de de a, tui ti taka Lion king-a mu chu ka hmu nghal zat, zing kar thawh veleh a, a hmel hmuh tluk a nuam hi a awm lo ang....a hmel chu chiang zetin ka en a, fuh lo lai pawh a awm lo hetiang ang a mipa famkim hi mizo mipa ah chuan an awm leh tawh kher lo ang, engtikah emaw ni chuan inneih in fa te kan nei ve anga...ka ngaihtuahna avang chuan ka nui suk...






Tih harh hlau zetin a hmai chua ka tawk de de a, a tak ngei chu a ni sia, hetiang hmel hi chu nei ve ila darthlalangah ka in en ngun thei ngawt ang.... a hmui hnuailam chhah tap mai chu a inhmeh hluah hluah.. A hmui chu ka tawk zeuh a ka kut chu a rawn man chawt... "I....harh..tawh law" bah nuai chuan ka ti a, a vei nuih suk... "Tu emaw chuan min lo hisap deuh ani maw,en man min pek angai" a tih chuan ka hmui ka tihpawrh khum vak chu a rawn fawp zeuh... Ka chip rang teh e..."kha kha enman chu ani mai" tiin a tho nghal zat....a zing tho hmel pawh a that dan ngai rengin a tha...
*
*
*
*
*
Gate bulah chuan Lion king-a rawn kal hun ka Chang reng a, u Tluangtea nena zanriah kan ei dawn thu leh ka tan thian bak anih loh thu engkim ka hrilh a, a tir chuan a phal mai lo...ka dil char char takah chuan ngaih tha Zan lo chuan a phal ve hram....mahse min thlah thlap a kan ei zawh a min rawn lam leh dawn vang chauhin..Gate bulah lo awm rawh ka rawn lam ang che a tih vangin ka nghak a, Sofia-i pawh Matt-a nauin an hotel thlenna ah a hruai phei a, Matt-an a inah thleng tura a sawm pawn ka awm ve avangin a nu khan a pawm lo a, inthlahrun a na duh khawp mai...





Sofia-i rawn lam tur pawn a nau leh kha a cousin zak theilo deuh kha an rawn kal a Matt-a bulah chuan pangchang tak a ni, ka luak te hi a ti chhuak zawk.....mahni unaupa ngei han ngaihzawn mai chu...sawi tam lo zawk teh ang, tun thla hi an cham dawn a, kar thar atang a nau leh Dindini pawh helamah an rawn awm rih dawn a,ka lo huphurh lawk...lo phal loh ngawt lah khan ka thu ve lo ropui mai sia...




khua lah chu a thim thet thet tawh a van rei chiang hetiang a rei tur si te chu min thlah tum loh mai tur nia u Tluangtea pawn rei min ti tawh ngawt ang... U Tluangtea lak ah feelings engmah ka nei tawh lo a hei vang pawh hian ania ka ngaihdam ni....a rei em avang chuan ka call ta tawp a, a ring ral thak enge awmzia buaina a tawk te a ni lo maw nilo nilo ti mawlh mawlh pah chuan ka call leh zat a vawihnihna a tan a ring ral leh thak....



A tawp nan ka call leh a, a la tawh dawn lo emaw tih hnuah a rawn la ve hram mahse a mah a ni hauh lo....

(Tih thleng hi aw)





(Han ti mai ila)






"Enge ni" hmeichhe pakhat hian a rawn ti a, a aw no dan ah Emily a ni tih ka hre nghal.... "Khawnge Matt a awm" ka ti chang fak, a rawn nui hak..."Matt ti tur khan a tan enge I nih reng reng a" zâm map lo chuan a rawn ti a...."ka hmanhmawh a nia phone kha pe vat rawh" a au hian ka au a ni ber mai..."tunah chuan a inbual mek, ka ngaihdan chuan a ngaihsak vak lo che a nih hmel... Enge kan tih chu I hriat thiam mai ka ring ka hrilh lawk ang che a zei teh mai nia"
a rawn ti har har....tenawm lutuk..




"Chutiang Matt-an a ti lo ang" ka ti ve sep, a rawn nui nghal hawk hawk...."I awih lo chuan rawn kal la rawn finfiah ta che" confi tak chuan a ti zui ham ham..."address ka rawn hrilh ang che nangmah ngeiin rawn fiah ta che" tiin a off zui hmak.... Reilote hnuah address chu a rawn thawn a, hotel ah maw!




Ka kal dawn nge dawn lo pawh ka hrelo, a awm ka rin loh rual rualin ka ring deuh tho bawk si, Emily hi a thlah thei tak tak lo zawk nge, lo awm tak tak ta se ka tuar thei dawn a mi....ka rilru chu a insual buai nuai nuai mai...a hnu lawkah taxi rawn tlan chu pharin hotel lam chu kan pan a, kan thleng chu pawisa kir pawh la lo in ka tlan chhuak nghal...




Matt-a bialnu ka ni tih an hre vek tawh a hnathawk tute hnenah ka kal duhna chu sawiin min kawh hmuh nghal zat, ka thleng dawn tepah chuan ka ding leh rih... Thawk ka la vang vang phawt a, room kawngkhar chu a inkhar phui vek loh avang chuan zawite in ka nawr kau zela...room chhungah ka thil hmuh avang chuan ka bing nghal mup mup...ni lo a ni thei lo...



(Lala-i Ralte)

(Tih thleng hi ni rih mai teh se next ah chuan bonus nen sei deuh ka rawn dah tawh ang)

Fakna hmet keuh