Falling in love with the Monster BY Vtei Jahau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Falling in love with the Monster BY Vtei Jahau (Completed)

Unread post by Ngaia » July 18th, 2021, 2:26 pm

Chapter - 7





Delilah Quinn P.O.V




" A to lutuk lo maw " ka tih su su chuan a kut a min chelh tir in ka chal ah a rawn fawp a aih a tih na a nih hmel . " Ka hlawh atangin mo kawr man hi Cut miah suh " ka tih leh chuan a rawn nui chhuak hak a , Kan in hriat atang a za tak a a nui hmel ka hmuh vawi khat na a ni.







"I in peih maw " a tih chuan ka bu nghat a , Biakin a kan luh lai chuan ka thi a phu dut dut . Kil khat a kanu leh pa te nalh tak a in chei a lo ding ve ka hmuh chuan ka hnuk a ulh hial , saw tiang kawr an ha ve thei te saw ka lawm a , an hlim hmel vang te sawn a ni .







Pastor in eng thu thu emaw min chham tir lai te chuan eng mah ka hre mumal lo , After Party kan nei leh a , hun chu a kal muang ka ti takzet







"Lam a ngai a nia " a rawn ti su su chuan a mah chu ka en kar a ka lam thiam reng reng hleinem , "Ka lam thiam lo " ka tih chuan a mah chu a ding a , a kut chu ka lam zawng in a rawn phar chhuak a , " ka lam thiam lo ka tih chu " ka tih lai chuan a mah bawk in ka kut chu a rawn la a , " Hma ka hruai mai dawn a lawm " min pawt tho chung in ka beng bul ah chuan a ti sup a , lam tual lai tak ah chuan min pawt phei a , kut an lo beng dar dar.








"Ka ke hi rap la ," a rawn ti leh sup a , in thlahrunna nei miah lo in a ke ah chuan ka rap a , ka thlawk delh delh ni mai in ka hria , a hmel ka en chuan a ni pawn ka mit ah tak a lo en a , a mit meng mawi tak te chuan min hip thar hle , a hmel pawh chuan min hip thar hle bawk .







"Tunah chuan Mrs . Maverick i ni ta " a tih chuan keipawh ka nui ve sak , " thu tak suh hna a nih hi " ka tih ve chuan a ni pawh a nui sak , hetiang lo a nuih hi a har viau em maw ni le .







"Khatiang lo deuh khan nui ve teh " ka tih chuan hmun dang a hawi daih a , " Lazarus ,,, " thluk kual raih a ka tih chuan a la rawn hawi duh chuanglo , a ho em mai a nuih dan ah ka lo buai ve na tur pawh a awm lo e a , nel ka tum ve a , a mah zawk a in la hrang tlat a , tih theih ka nei hleinem le .








"Mr . Lazarus Maverick ,,, i nupui nen hian engtia in tawng nge in nih " reports sawm bik tlem te zing a mi a ni , CNN a mi niin ka hria . " Club ah a nia , a hmel ka hmuh hmasak ber atang khan a hmeltha ka lo ti em em a , chuan kan in kawp chho tan ta a , chuan rang taka in neih hi kan ti tlu ta a ni " hmm ,,, dawt var a ni , kan in tawn na hmun te a sawi duh hi a mak ve reng reng e a .







"A nih chuan Ms . Quinn nilo tunah chuan Mrs . Maverick kan ti thei tawh ang , kum engzat nge a nih a , a chanchin kim chang kan hre ve thei angem " CNN report tho kha a ni . " Ka chanchin maw " nui lui chung in ka ti a he mihring hian sawi chin leh sawi loh chin tur min hrulh tlat lo a ni .









"Kum 20 mi a nia , a nu leh pa te chu in neihna Seremony ah pawh khan an awm ve e " a pawt tawi thiam hle mai .








"Awle ,,, Italy lam Kan la pan dawn si a , min lo hrethiam mai teh u " a tih hnuah ka thut na atangin min pawt tho a , mahse media ho zawhna a chhan lai khan zu ka lo in tih a hre miahlo , chuan tun ah hian ka lungawilo hle .







"Engvangin nge Italy chung chang min hrilh loh " ka tih chuan en pawh min en lo a car ah min luh tir daih . "Ka sawi chu i hria em , engvangin nge ka thusawi emaw keimah hi min ngaih pawimawh ve miah loh , kan kal na tur min hrilh ngailo a , ti mualpho lo tur che chauh in min hrilh thin " a rawn luh hnu ah ka ti leh a , " Zu i in em ni" a dam dup in a rawn ti thung , hah , zaidam tak a ka biakin min chhang bul hmuk hmuk a tun ah lem ka thinrim ve a , a aw dam thei ang ber in min be thung a , eng nge hepa hi a awmzia .







Thlawhna kan luh thleng in eng mah ka sawi tawh lo , " I mu thei ang kan thlawh rei hmel ang reng a nia " a rawn ti a , a kawhna lam pang chu engmah sawi lo in ka pan ta daih , ka be peih lo a ni .







Lazarus Maverick P.O.V







A sawi dik ve tho , engmah ka hrilh lawk ngailo ang tluk a nia , mahse mah ni thu duh tawk tak leh in la ve tak ka ni a , heihi chu ka chin than a lo ni tawh tlat a ni .









A mut na lam ka va pan chuan a lo muhil fel der tawh a , a hmel ka hmuh hian ka hlim thin a , dik tak chuan a ni kher lo hmeichhe dang pawh nupui ah lo nei ta ang ila ka chhungte chuan an rem ti vek dawn tho na a , a ni kher thlan chhan hi ka nei a mahse chu ka thil tih chhan chu kei ngei pawh hian ka hre tlat lo .








A muhil thaw sek sek chu ka en reng a , a mah ah hian danglam na bik a awm a ni eng thil nge chu chu ka hrelo silo , chu thil chu he thla thum chhung a ka nuai reh vat a ngai dawn a ni .








Italy chu kan thleng hma riau in ka hria , kha a muhil hmel kha ka la en kham lo zawk pawh a ni maithei a ni , "Delilah harh rawh le ,,," ka tih chuan a rawn rum tiah tiah ringawt a , "Delilah kan thleng a nia " tiin ka sawi leh det det a , mahse ka kut chu a rawn kuah a , a muhil lehnghal henu te hian zu kha a lo in tak tak a nih dawn hi , a Dose hniam ropui si a .









Delilah kut chu ka la sawn a ka pawm ta ngawt , car ka luh pui lai emaw Ka mention kan thlen lai pawn a harh eih lo , Dennis chuan min chhawk tum viau mahse ka nupui a nia ka tih theih thu ka sawi ve tlat.







To be continue .



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:26 pm

chapter - 8





Delilah kut chu ka la sawn a ka pawm ta ngawt , car ka luh pui lai emaw Ka mention kan thlen lai pawn a harh eih lo , Dennis chuan min chhawk tum viau mahse ka nupui a nia ka tih theih thu ka sawi ve tlat.










Room a ka mut fel tir hnu ah kei chuan hna ka la thawk leh a , Delilah chu ka en leh zauh zauh thin , nula hmeltha tak a ni a , ka kiang a aqm tir tlat ka duh bawk a , mahse hnawh bo ka duh tho bawk si , a chhan chu ka chak loh na lai a ni ang tih ka hlauh vang a ni .








Delilah Quinn P.O.V





Ka hrah chuan zing lam dar 4 vel a ni , Lazarus chu ka bul ah a lo thaw sâk sâk a , a biang a uchuak ni hauhlo a hmul to siar siar te chuan a ti hmeltha zual hle , mahse engtik lai pawh a , suit nen a a in duang thlap zel erawh in min ti zam thin hle thung a .






"Rawng i va bawl dawn nge min en reng dawn " a rawn tih thut chuan ka phu nasa ngang mai , "Ihh Ihh ka en bawk lo che " ka ti bah nawk nawk a , room atangin ka tlan chhuak nghal daih .








Choka ah chuan tuk pum in ka awm a , ka zak a ni nge a mawl viau ni , "Vawiin chu ka chawl dawn a , len duh na i nei em " Aha , ve deuh ngei chuan a , Mr. Lazarus Maverick hi a piangthar ta em maw ni le , " I piangthar a mi " ka tih chuan a lu a thing nak a " Theihnghilh teh " a ti hluk , "Nilo , nilo , nilo ka duh a lawm Ihh maw Italy a ka kal duh na chu ,,,,,,,,,, Isolabella Beach a kal ka duh " nui var var a ka tih chuan ka bu nghat a , choka chu a chhuah aan nghal , bet but hian a , ka phur sar thei nia .










"Lazarus ,,,,,,,,,, Breakfast ka peih a nia " Tiin ka au lang lang a , in hi a zau mai sia min hre thei angem aw ,,,,,,,










"Vawiin chu kan hman leh dawn lo a nuh chu " a rawn chhuk pah a a rawn tih chuan ka down nghal vek , a theih leh dawn loh te chuan saqi loh mai tur a nia , " A nih naktuk ab kan kal thei angem " ka tih chuan a lu a bu nghat a , "Pangngai deuh hian i tawng ve thei em " ka tih chuan a nui leh sak ringawt a, he mihringpa hi chu aw .








" Vawiin chu Eng eng emaw tih tur lo in dap chawp ve phawt mai rawh " a tih hnu ah a chhuak a , tih tur te chu ka in zawn chawp ve thei em mai a .










In ah chuan ka vak kual a , In hnunglam ah chuan huan zau tha hek hawk a lo awm a , chu ta pangpar te chu enkawl uluk tih a hriat hle , chuan chu mi huan hnung leh ah chuan Green house lian vak lo hi a lo awm a , an enkawl uluk tih chu a hriat tho a , mahse engmah an ching lo .









ka ipte atangin phone ka la chhuak a , Dennis ka phone a , Strawberry chin tur tu emaw ber rawn dawh tir tur in ka ti a , a rawn dah tir pa chu a rawn thleng har lem lo , a la rawn keng tam em em zui a , mahse ,,,, a tha em em mai zel e a .









Ni leng in Green House ah chuan ka awm a , ka khua a har lo takzet , nuam ka ti lutuk . Dar thum vel a ka phone rawn ri ka en chuan Lazarus a ni .






on phone .





"Khawnge i awm a " dam deuh thlup in a rawn ti a , "Hanging Garden ah " ka lo ti mai , " Eng a !!!!" a rawn tih vak chuan ka nui chhuak hak , "In hnunglam a Green house ah khan ka awm " ka tih chuan phone a dah nghal hmak a , hmelchhe lutuk a duh duh hun ah lah hian phone hi min dah khum a a .










"Dinner ei chhuak ang " ka hnung atang a a rawn tih thut chuan ka phu nasa lutuk , " engtia rei nge kha tah khan i lo awm tawh" ka ti nghal vat , " ka rawn call zawh che khan ka rawn kal nghal , han in ti fai vat rawh ei pui tur kan nei bawk a nia" a tih leh chuan keipawn in chung lam ka pan ve nghal mai , a thu sawi han hnial vak hi a nuam ka ti thin tlat lo .









khum a kawr lo awm a pawl tak fual hnalh chu ka en vang vang a , a mawi takzet a ni , Ka on tifai nghal zung zung a , Kawr chu ka ha nghal mawlh mawlh bawk , engtinnge ka size hi a hriat chat theih le , aaaa Vawi hnih lai mall ah min hruai tawh tak kha a .









Step a ka chhuk bauh bauh lai chu min lo en reng a , ka hmel chu hmu thei ngat ila chuan Tomato ka ang viau in ka ring a ni .










"Tute nge Dinner kan kil pui tur te chu " ka tih chuan ka kut chu la in a ban ah a dah nghal a , "Tonnor te nupa an nia , Italy a Businessman lar tak a ni " a ti ve mai a , a tawng duh ta riau a kan hriat tlat chu , " Honey moon zawh ah hian i duh chuan Collage i zawm thei ang " a rawn ti leh a .









" Maw ,,, i ti tak tak maw " ka tih chuan a bu leh nghat ringawt tawh , hei ai hian han tawng tam ve deuh se aw.






(Zanin chu a tawi leh deuh 😁😁)




to be continue.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:26 pm

Chapter - 9





" Maw ,,, i ti tak tak maw " ka tih chuan a bu leh nghat ringawt tawh , hei ai hian han tawng tam ve deuh se aw.







Dinner kan kil pui te chu nupa felnhmel tak an ni , Italian nupa an hmel ah pawh an hausa dawn tih hriat reng reng .







.............................................................................






Kar khat dâwn Italyah kan awm a , mahse Isolabella Beach a kal chu sawi loh in ah ka awm char char zel a, thil ninawm tak a ni tawh , mahse mak deuh in Lazarus hi ka bulah a tha a , a tawng te lah hi a dam ang dup a .








"Naktukah Kan haw dawn nia " Dinner kan kil dun laiin a rawn ti a , ka bu nghat , "Isolabella Beach chu hnai lo tak a ni, " Ihh Lazarus ,,, " ka tih lai chuan a phone a rawn ri a , a ni chuan lak pawh tum lo in min en reng a , " A ngailo mai , phone kha chhang rawh " tiin ka nuih a , a bu nghat a , a phone chhang tur chuan a tho zui nghal daih a ,






******************






California Kan thleng ta , Collage vawiin atangin ka tan leh dawn a , mahse Lazarus hian vengtu tello a ka kal a phallo kanu leh pa te ka be zeuh zeuh ringawt a , tah te lam lam an ti chhuak , kapa hian kanu biak ka dil in a phallo niin ka hria min hnial in thu dang min sawi pui daih z l lehnghal a , vawiin tlaiah chuan ka tlawh khawp ang .











Min veng tu tur pa hnih te nen College kan pan a , Motor atang a ka chhuk chuan min lo en thup ni mai in hian ka hria , Ka class tur lam Ka guard ten min pan pui nghal a , an palian dun sia a .










"Class ah em em chuan min ven a ngailo a nia " ka tih chuan min rawn melh zawk a , " Kan hna a ni " tih chauh an sawi a , ka thut na bulah chuan an ding run thla thum chhung chauh tur pawh nise a ninawm hman dawn hle mai.









Class chu a nuam ka ti tak zet a ni , College chabg kang tak ah , Lazarus vangin ka kal ve thei ta mai hi a mak a ni , mahse ka ngaihtuah chian ka ngaihtuah chiang hian Gold Digger ni maiin ka in hria , a sum vang chauh a a mah hi nei ka ni si a ,










Collage kan bang a , kanu leh pa te in lam kan pan lehnghal a , mahse kan in kawt ah cbuan Lazarus car a lo awm a , ka nui deuh var var , Contact ah khan kanu leh pa te a ngaihsak tur thu a sawi hauh silo .










In lam chu ka pan nghal hlawk hlawk a , ka la nui deuh var var tho , mahse kapa tap ri hawk ka hriat tak ah chuan ka ding deuh chawt eng thil nge thleng ta .








kapa chuan kanu hming a lam mawlh mawlh a , in chhunglam chu ka pan nghal vat , Kanu chu hmai dang vek hian kapa nen a an khum lian lem lo tak ah a lo mu a , ka mittui a hnam nghal sawk ,





"Nu ,,, Nu ,,, " ti mawlh mawlh chungin ka va tlan phei a , ka nu kut vawt thlar ka vawn rual chuan ka tap chhuak hawk , Engtinnge hetiang teh thut hian a boral theih , a ni thei lo kanu hi a boral thei lo , nun nuam tak pawh ka la hman tir hman hleinem , kan pa hnih a Spa kal dun te kha kan tum a , Mall te , a ni thei lo , kanu hi a thi thei lo .







Ka dar ah chuan Lazarus in a rawn kuah a , Lazarus awm ah chuan beiin ka tap nghal char char a , Lazarus pawh chuan ka hnungah a lo beng thak thak a , engmah sawi lem lo mahse chu chuan min hnem takzet .









Nu ka nei ve ta lo a nih chu , Awih a har a ni , engkim hi a lo thleng thut a ni ber , Lazarus nen a kan in tawn dan te , kan in neih leh dan te chuan hei tun ah Kanu a ni leh a , Reithei tak a kan awm lai khan 'Nu leh pa neilo te hi lo ni law law ila ka vannei zawk ang , ' te ka lo ti thin kha a nia , mahse tun ah kanu chauh ka la chan chung pawn ka na em em chu a nih hi .







kanu boral atangin Thla khat a liam a , Lazarus chu ka lak atangin a in la hrang tan ka ti mai , Min ngaihsak lo a , tlai tak tak ah a rawn haw a , lehkhabu chhiar na ah a mu daih zel bawk , Breakfast emaw Dinner kan ei dun ngai tawh lo a , kan in ngeih ve chhung kha kar hnih khat bak a nilo , thla khat leh tlem kan la awm dun dawn a ni sia .








Kanu ka ngaihna a ti zual em em a , ka dam sam lo bawk nen Collage ka chawl ta tawp .







"I dam lo tih ka hria a in entir rawh , " Dressing table hmaa thu a cream ka in hnawih mawlh mawlh laiin a rawn ti bung hmuk a , engvanga ka lak a sual chhuah ta tlat nge a nih le , min hne nghal der a niang . Damdawiin a kal pawh ka tum ve reng , " Aw " tih chauh ka sawi a , Cream chu ka in hnawih leh mawlh mawlh a , a ni pawh chu a chhuak nghal daih .







Ka mittui chu a tla leh tep ringawt a , ngatinge tun lai hi ka rilru a no thar leh em em le , kanu vang kha a ni ngei ang kapa pawh a dam tha vak lo a .









Damdawiin lam ka guard te pa hnih nen kan pan a , hmeichhe Doctor Connie a nia a lo nui sen sen a a hmeltha takzet a ni .





ka awm dan vel ka sawi chu ngun zetin a lo ngaithla a , eng eng emaw test kid pa 3 vel mi. lo pe a , a tih dam tur vel a sawi vek hnuah Restroom lam ka pan a , a sawi ang chuan ka va ti a , minute 10 vel hnu a ka chhuah a , Ka test na vel Doctor ka pek a , a thlek vang vang hnu a a thil sawi vang chuan ka meng phawk hle , keihi ka rai a maw .







To be continue .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:26 pm

Chapter - 10



keihi ka rai a maw . Ka rilru hi a buai takzet a ni , Contract ah khan nau ka pai tur a nilo tih kha a ni a , Lazarus hian eng ang in nge a ngaih ang le.






Nau ka pai ve a , hmeichhe dang chu nise hlim takin in lam an pan ngei ang a , mahse kei chu mi hausa tak nupui ni chung in nau ka pai pawn ka hlim ve thei lo a nia , Tun lai Lazarus nen kan in kar a tha em em silo a ,





Hospital ka chhuahsan lai chuan ka hnung atang min au tu ka hria a , ka leh hawi vat , Ohhh , Dorian Grey kha a lo ni reng a , a nui sang a , ngatinge hei pawh hi ka chung a a that em em le .






"I lo tha maw , engnge damdawiin ah i rawn tih a " ka lam pan a rawn pen pawk pawk pah in a rawn ti a , " Ka tha a lawm nang zawk, i reh ta lutuk a " Nui sangin ka lo chhang ve a , "Nia , England ah show kan nei a , ka tawi awm ve a ngai sia , in in neih ni pawh ka rawn tel pui thei ta lo che u a " a lo ti ve vat vat a , eng vang a kha in neihna der dep lutuk kha rawn saqi chhuak nge a ni le , " A pawi hleinem , " ka lo ti leh vat a , "Tak takin ngatinge damdawiin ah te i kal a ," a rawn ti nawn leh a , " Ihh ka nuam sam chiah lo a , " ka lo ti mai " A nih chuan lo kal rawh , ka treat ang che " a tih chuan ka ban ah a rawn kai nghal a , ka hnial lem lo .





Dorian Grey hi a fel ka ti takzet ka nih na engkim kha a hre vek a , mahse min hmu sit hauhlo a , chu ta kar ah a thian ang in min la en lehnghal .





Hospital bul mai Hotel changkang zet ah min luh pui a , Dorian Grey leh Hotel manager an in biak lai a ka lo hawi kual chuan thil mak deuh ka va hmu , a hming a ka pasal leh California a Designer lar ber pawl Molly Mallory chuan Lunch an lo ei dun a nih chu , ka in entir tur pawh min ngaih sak ve hman lo khawp pawi mawh chu Molly Mallory hi maw .





Dorian Grey in Ka dar a a rawn kheuh zauh tak ah chuan a lam chu ka hawi vat a , " Mr . Grey , ka ,,, ihh haw mai ka duh , " ka ti bah nawk a , " Dorian min ti zawk ta mai la , keipawn Mrs. Maverick ti lo a , Delilah ka tih theih mai che ka lo beisei a " a tawngkam mawi hnai tak te hian khawi lam hneichhia pawh a hip thei ang .





"Awle , tehreng a nih chuan Dorian haw mai chu ka duh a " ka ti nawn leh a , a hawi kual deuh thuak , " I pasal pawh a awm ve saw , hawh teh i va pawh teh ang " tih leh ka ban a vawn a min kal pui leh chu a rual a , a van buaithlak tak ,





"Mr. Maverick , i nupui nen hian kan lo pawh ve mai thei che u a ngem , " an dawhkan bul kan va thlen rual rual chuan Dorian chuan a ti nghal a , Lazarus chu a rawn hawi vat ka hmel a hmu chu a hmel ah danglam na pa khat mah a lang chhuak chuanglo , mahse eng vangin nge danglam na a neih ngawt ang , Contract vang mai mai a a nupui kha ka ni a , a duh duh chu a kawp thei a lawm chutiang chiah chuan keipawn .






"Lo thu ve rawh u , " nui sang in Molly Mallory chuan a rawn ti a , Lazarus nen chuan in hmachhawn zawng tak in ka thu a , keichu ka kun daih , "Delilah i ei duh zawng chu chah la, " Dorian a ni , Menu min rawn pek pah in a ti a , "In nu hi i chawm hneh lo a ni chiang mai a cher riau in ka hria " Dorian chu a nui hak hak a , " A hmu tawh bawk che a , a rawn khal chho ve lah mai ang , " Lazarus thil sawi dan mei nei lutuk vang chuan ka lo ner sawk , a thil sawi dan kher kher kha mi mawl ber pawn an hrethiam ang .







"nia , hei min ngaih thu a lo sawi a lo sawi a , " Dorian lah chu a la uang chhun zawm nge Lazarus chu tih thinur a tum tih pawh hriat loh , tih thinur a tum a nih chuan a yi sual chiang ang , Lazarus hi khang thu mai mai vang khan a thiur awm lo em mai , keima chungchang ah ngat phei chuan .









"Dorian , haw mai ka duh " eng mah pawh ei hma chuan ka ti a , ka tho ta daih , nuam lo ka ti em a ni , Motor ka thlen chuan ka phone message tone a rawn ri a ka en chuan Dorian a ni , * Kha hrem hmun atang khan ka hruai chhuak thei che * tih a ni , chhang lem lo in in lam ka pan tir a , Dorian khan kha kan boruak nuam lo lutuk kha a hrethiam tihna a ni .







Kan hlim ni tawi te ve kha ka ngaihtuah a , a va han rei lo bik tak kar hnih khat bak khatiang khan ka chungah a awm lo a ni , tun ah thla khat lai hun a la awm a, Dorian sawi ang tak tak khan he hmun hi ka tan chuan hremhmun a ni .






Kapa in tlawh hmasak ka fuh thu ka sawi chuan Driver chuan motor chu a her kual leh a , kapa in kan thlen chuan a lo ruak huau a , eng nge thil awmzia ni leh ta hi , kapa chu in chhung ruak vek ah chuan a rawn lut a , " Pa " tiin ka lo pan vat mahse a hmel ah chuan thil pawi thleng a awm hmel lem loh , " Bawihi , " mahse a aw ah chu a pha dui ni mai in ka hria , "Duhtak kan kal hman e " kan choka te reuh te atang lo chhuak nu upa lam hausak hmel zet chu ka lo en reng a , kapa kha ' Duhtak ' tiin a ko a , a awmzia chu kapa hian kanu thih na thla khat awrh ah nupui dang a nei lehnghal tih na a nih chu.





Kapa lak atang chuan ka in la hrang nghal a , "Pa engtinnge i tih theih " ka tap tuau , kanu ka khawngaih na kapa ka huat na chu a rawn in siam tup tup a , "Bawihi , i hriatthiam ka ring a. " kapaina ti chuan ka rak tuarh a , " Eng chu nge ka hriat thiam ang , kanu kha i khawngaih ve miah lo em ni , Kapa ti a ka ko che pawh hi ka zak lutuk , kanu khan hrisel lo chung chung in i ba i tlak theih nan a thawh theih ang ang thawk in a pui ve thin che a , kanu kha ka khawngaih takzet , " ka au tuarh tuarh a , ngatinge ka nun ah hian harsat na hi a in dawt te te a a rawn kal le . "Delilah , ipa ka nih hi " kapa chuan a rawn ti thawt , " Teuhlo kapa i ni tawh lo , Kan in zawm na hi chh* chat vek ang , vawi khat mah i ka atang khan kei leh nu hming hi lo lam ve tawh suh , i fanu ka ni tih pawh hi theih nghilh hmak ang che , Engtin pawn kei hi lo awm ila min hmu tur in lo kal miah suh " ka tih leh tuarh tuarh hnu ah kapain chu ka chhuahsan a .







Ka mittui rawn luang chu khap let tum in ka khap fak fak a , hmun tin ah hian ka tan buaina hi a lo awm ve hman ziah a nih hi , ngati kher kher nge kei hi eh lei ah hian ka lo awm ve kher kher le .






Ka pum chu ka dawm vang vang a , 'Ka naute nang chu i nu ang a vanduai hi rawn ni ve miah suh ' tiin ka phun mawlh mawlh a , ka mittui chu ka khap let hleithei tawh lo .







******************************






Tunah chuan kan in neih na a zawh nan kar khat chauh nghah a ngai ta , "Engvang a hetiang thil hi ti nge i ni " kawngka lam atang a rawn ti tuarh tu Lazarus chu ka lo en reng ringawt a , ka ban bulah a rawn tham ti tih a , min pawt tho sawk , " Lazarus ,,, min ,,, min tina a nia " ka ti lo bah nawk nawk .







"Sawi rawh engvangin nge min hrilh loh " ka rawn ti leh hrawk a , " Eng chu maw ka hrilh loh che a , eng vang a rawn thinrim em em nge i nih " a kut chu ka tha neih ve zawng zawngin ka thing thla a .





"Kha naute kha , min vo nan a hman i tum tiraw " a rawn tih leh hrawk chuan ka meng phawk hle , " Vo a !!!! chutiang mihring ah chuan maw min lo ngaih " ka ti ve tuarh a , "Aw , nang ni ang hmeichhia vang hian ka pawisa tlem te pawh hi ka hloh hauh lo ang tih hre rawh , ka fa ni tak tak em pawh kan hrelo a " ka rawn tih leh chuan ka na takzet ka thin hnun a vih sawk sawk ang mai ka ni .






"Mr . Maverick in sum teh " rawn ti tu chu Dennis a ni , " Lungngai miah suh , i pawisa cheng khat pawh ka dil hauhlo ang che " ka aw khur lo chauh a ka tih hnu ah ka room lam ka pan , ka phone ka la chhuak nghal a , Dorian ka call nghal , " He hremhmun atang hian khawngaih takin tunah min rawn la chhuak rawh , " Tap hlawp hlawp chung a ka tih chuan , a ni chuan a hre thiam khawp ang , " Delilah , tap tawh lo phawt la , ka lo kal nghal ang , " a tih chuan ka mittui te chu ka hru a , a lo kal nghal tur thu a sawi hnuah phone chu kan off nghal a , Ka thuamhnaw pawh ka pack lo , thuamhnaw ka nei miau lo , Lazarus Maverick sum vek a lei hi a ni tlat .




(Ngaihnawm in tih chuan Like , leh comment FB lam ah aw 🥰🥰)





To be continue .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:27 pm

Chapter - 11



In hnuailam a Dorian nghak tur a ka kal lai chuan tu mah in hnai ah an awm lo a a lawm awm takzet , pawn ah ka chhuak fel deuh chauh tih in Dorian chu a rawn thleng nghal a .





"Mrs.Maverick, nilo Delilah Quinn, heihi in thenna lehkha a nia " ka hnung lam atang a rawn ti tu aw chu kha Molly Mallory kha a ni ka leh hawi chuan nui sang in a lo ding a, "Lazarus chuan i chhuah vat a beisei thu a sawi bawk " a rawn ti leh , Dorian pawh car atangin a rawn chhauk ve nghal, "Delilah, " a rawn tih chuan ka lo melh zawk ringawt a , Molly Mallory Lehkha ken chu ka va pawt thla nghal a, ka sign nghal mawlh mawlh , eng mah dang ka ngaihtuah thei tawh lo , Dorian in a car kawngka min lo hawn sak ah chuan ka lut zui nghal zat bawk.






_____________________________




Lazarus Maverick P.O.V



Thinrim zet a in ka chhuah san hnuah hla tak pawh tlan lovin Motor ka ti ding a, Darkar chan ve vel lai chu chutah chuan ka ding ang , mahse ka rilru buai mup mup erawh a la reh hauhlo, Delilah'n mittui Parawl tiau a min melh lai kha ka hmu hmu a, mahse ka in sum hman nganglo a ni, naute a lo pai leh zel nen, kha naute kha ka fa a ni angem pawh chiang ngam lova, mipa dang fa ni tur ang a ka suangtuah rikngawt pawn ka thin a rim bawk si .




In lam pan in ka in khalh let leh a, kawngka pui chu ka hawn dan ngai ngai khan a lo la in hawng huau a, mahse thil danglam awm erawh chu kawngka bula Molly lo ding chu a ni, "I nupui chuan inthenna lehkha nen a kalsan che," a mah kal pelh mai ka tum lai chuan Envelope eng dal lam hlai zet hi a rawn phawrh a, "Eng thil phiangsen nge i sawi " Molly Mallory chu ka va rek nghal chawt a, "Ihh, Lazarus min, min tina a nia" tiin ka kut chu lo vai thlak ve a tum ngar ngar a, "Khawnge ka nupui chu a awm " A hma ai a na a rek leh in ka zawt a , ka khai ti tih tawh, "Do ,,, Dorian Grey , Doryan Grey nen an in zui chhuak," a tih zawh rual deuh thaw chuan a mah chu chhuat ah chuan ka paih pawp a, Motor lam ka pan a, ka tlan chhuak ve leh nghal hmiah , khawilai nge an pan dWn tih chu hrelo mah ila, ka tlan risk ve pawp pawp. Thla thum chhung kha chuan Delilah kha hne hman ve mai kha ka lo in ring a, mahse. ni hne chu sawi loh, ka ngaina in ka duh telh telh zawk kha a ni a, a lak atanga in la hrang tur a ka beih nasat zia te kha.






engvanga a bul a awm thei lo nge ka nihin zawh chuan ka chapo na vang a ni, a tir ah khan thla thum kan ti a, mahse ka hnih khat chhung lek khan ka ngaina in ka duh hman hle nih kha a mize duhawm leh a hmelthat na te nen lam khan ka ta bik chauh nise tih ka duh hluah hluah bawk a.





Car chu a chak thei ang eber in ka khalh a , khaqi hmun ah nge an kal ang nga. eng thil nge an tih ang, kha hmeichhia khan Dorian Grey bul ah min tlanbo san ang nga maw, a thleng kum kuah lo ang.




_____________________________




After - 4 Years Later.




Ka office a ka thut mai mai lai a, Dennis thil rawn sawi vang chuan Ka zuang tho zawk a, Ka office chu ka chhuah san nghal, khang kum 4 chhung a ka lo zawn char char te kha, tunah Califonia Airport Ah an awm mek a nih chu, chuan keipawn thudik ka hre tawh a, Delilah naupai kha kafa ngei a ni. Ka car in ka in khalh chhuak nghal a,Chak fahran in Airport lam ka pan a, ka hnungah ka nau ten min zui bawk a,





Airport kan thlen chuan, Ka mihring hmuh duh tak mai chu min hnung chawn zawng a a ding ka hmu thei a, A bian nalh tak te kha a la in thlak danglam miah lo a ni.






"Delilah Quinn," a hnunglam atanga ka va tih chuan a ding khawng awt a, muangchangin a rawn hawi a, "Mommy, Uncle Doryan chu engtikah nge kan hmuh ang" a sir lam atanga rawn titu mipa naupang te reuh te chu ka en thla leh vat a,Delilah chuan chu naupang chu a kuah vat bawk.






"Mr.Maveric engnge henglai ah i rawn tih" Delilah chuan nel awm lem loh tak in a rawn ti a, "Ka nupui leh ka fapa rawn lam tur in ka lo kal" ka tih chuan a hmel atangin ka thusawia hriat a hrethiam a nih hmel.








"Haw rawh" a rawn ti bul hmuk a, "Kum li awm hran khana tawk tawh em em e " ka lo ti ve hmak , "Lazarus ... Travis hi i fapa nilo in kafapa chauh a ni ... Min rawn ti buai tawh suh ... " Air port a ni nge nilo a hre chang tawhlo a nih hmel ... "Delilah ... Kanupui i ni a... Chuan he mipa naupang hi ka fa a ni bawk ... " Ka ti chang ve fak a... "Teuhlo ... I fa nilo ... Ka fa chauh a nih hi ..." A la ti ve fan a ... "In sawifiahna hun min pe miahlo in i kal a..." Hah ... Ka ka atanga chhuak a mawilo khawp a ni ... Insawifiahna maw ... He hmeichhia hian min thlak danglam takzet a ni ... Kha second rei lo te chhung a ka thil sual tih siam that nan khan kum hial ka nghah a ngai ta bawk a...





"Delilah, Media ho an lo kal dawn a nia" Delilah hnunglam a Reports ka hmuh chuan Delilah chu ka kuah bet nghal a, "Mr, Maverick " kan lam pan chuan an rawn tlan a, Travis ka Fapate chu ka pawm a, Delilah kai chung chuan Car lam ka pan pui nghal a .





Car a kan chuan hnu a News ka chuan 'Mrs.Maverick chuan a chhungkua a hmu let leh ta a ang khawp mak, ". Head Line ka chhiang chuan tha ka ti takzet a ni .

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:27 pm

Chapter - 12




Car a kan chuan hnu a News ka en chuan 'Mr .Maverick chuan a chhungkua a hmu let leh ta a ang khawp mai, ". Head Line ka chhiar chuan tha ka ti takzet a ni .




"Engthil nge i hriat phiangsen a kha tiang a, che nge i nih" Vin tak in Delilah chuan a rawn ti a.




"Kanupui leh kafapa ka duh let mai a ni" an lam hawiin ka thu tha a, mahse a mah ngai ngawih ngawih emaw, hlim tak anga lan chu ka duh hauhlo, "Ngaithla teh kum 4 liam ta a, Delilah i duh duh a i tih kual theih kha ka ni tawh lo" a rawn ti chang leh fak a, nia a in thlak danglam takzet a nih hi.





"Mahse, ka Delilah kha chu i la ni reng a nih si hi" ka lo ti leh a, nin hmel zet in a thaw halh, "Dennis Car tiding rawh" Dennis chu a rawn hawi chho zuk zuk a, mahse ti ding tur in ka ti duh lo, "Tha deuh khan thu mai mai teh" bul hnuk in ka lo ti ve leh a, "Mommy" Kan in kar a thu naupang te tak te chuan a rawn ti a, "Travis hlau suh aw"Delilah chuan a lo ti vat, "Travis min hlau suh aw, I daddy ka nia" aw dam dup a ka tih ve chuan Delilah chuan mak min tih hmelzetin min en a.







Delilah Quinn P.O.V



Lazarus chuan a in lam min pan pui a, ka sawi buai peih tawh lo, Khang kum li chhung khan ka ngai em em a, ka chunga that chhuah ngai miahlo kha ka lo ngai ve em em a nih chu, a tan chuan engmah ka nilo chuanglo na a, ka tan chuan ka engkim a lo ni hman si a.






kha kum li kha, Harsa takin ka pal tlang a, Dorian Grey khan min pui lo se chuan ka chan chu a chhe ngawt ang, Collage ka kal zawm a, chuan thil hrang hrang ka zir bawk a, chuan tun a California huphurh tak chunga ka let leh na chhan hi chu, Dorian te Industry, Teen tops ah Modela min hman a tum vang a ni, Nikum lam khan Vogue Magazine ah Teen tops hming hian ka in lan tawh bawk a nih kha.






"Kum li chhung khan engnge i tih thin" Rei fe kan ngawih dun hnuah a rawn ti a, ka mal chungah Travis a muhil a, tukverh lam ka hawi vang vang lai a ni, "Ka in zir" a hma ang tho in chhan loh hi hreawm ka la ti, "Chutiabg chauh chuan maw min chhan i tum" a rawn tih leh chuan ning zetin ka lo thaw chhuak hap, "Khatiang ai tha a chhan che kha phu i in ti em" ka ti hmak, "Tha deuh a ka zawh che chuan tha deuh a min chhan chu thil beisei awm tak a ni" a aw dam thlup chuan nunhlui min hriat chhuah tir nimin thleng kha chuan ka nun hlui a mi a la ni reng a sin le.




"Engvangin nge i duh loh a, i kalsan tak hmeichhe leh naute kha rawn buaipui thar leh nge i nih " ka lo ti ta daih. "Ka kalsan lo che u" a rawn ti nghut a, "In thenna lehkha te, chhuak vat tur a min beisei thu te kha khang zawng zawng hnu ah khan min kalsan lo i la ti thei a maw, kha mi ni khan min dang tur a airport i rawn pan kha ka beisei takzet a sin" ka tum loh pui pui ka sawi chhuak, A bulah hi chuan in sum a har deuh a ni.






"Muhil rawh kawng a la thui a nia" tih zawng a sawi a, tukverh lam ka hawi san ve hmak, min ngaih thu emaw min lo nghah reng thu te hi sawi ve se, mahse chutiang chu eng tik ah mah a thleng dawn silo a, a mualpho loh nan a min hman a tum leh mai a ni.






"I hmuh phak loh a ka awm khan hun nuam tak i hmang ang tiraw" rei fe hnuah a rawn ti thum dut a, ka zawh na awm zawk tak a ni, "A nih nang" a zawh na ka chhanglo chu a lungawi hmel vak loh, "I lo hriat a tan zawhna zawt hmasa tu che kha keimah ka niin ka hria" a rawn tih chuan ka thaw hak, "Ka chhan loh che chuan ka sawi peih lo tih na a ni mai a lawm" ka ti leh hmak,







"Awle," a rawn ti ta ringawt a, keipawh ka bu ve nghat ringawt, "Mommy" tham deuh a rawn ti tu kafapate Travis chu ka en thla a, a mit a lo nuai chât chât a ka pawm kang vat, "Uncle Dorian bulah chuan kan kal dawn em ni" a rawn ti leh a, kan bul a thu Lazarus chu a lo thaw hrawk, a lungawi thlak lem lo ang tih chu ka hre ve tho, "Travis I uncle chu naktuk ah kan hmu dawn nia aw, vawiin chuan PaPa Lazarus hi kan zui a ngai a" Nem deuh in ka ti a, a fapa a ni ve tho a, a lak atanga lak hran theih na emaw, a chung a thil tih theih na ka nei tlat lo.






"Mommy , heihi ka PaPa ve maw, Kevin te angin PaPa ka nei ve maw" Kafapa in a rawn tih chuan ka rilru a ti na takzet, "Imm Travis i PaPa ka ni," ka tawng tak lawk loh vangin Lazarus in a rawn ti a, Travis chu a mal chung ah a pawm kang nghal zat bawk.





"A nih ngatinge PaPa School function ah te i rawn kal ve ngai loh a, Kevin te PaPa te chu an rawn kal ziah a, Keichu Mommy nen chuah kan ni thin a" Travis in a tih chuan Lazarus nen kan in melh zawk a, "Ka hna ah ka lo buai thei lutuk a, Travis mahse tun atang chuan ka rawn tel ve ziah tawh ang tih ka tiam a che, chuan kum dang vang khan min hre thiam thei angem" Lazarus in a tih chuan mak ka lo ti leh viau tawh, Lazarus Maverick hian he naupang te tak te hi hriat thiam na a dil a nih chu , chuan e, lawk Airport ah pawh khan ka in sawi fiahna a ti in ka hre tak e, Hepa hi a rawn tho â em maw ni le.




"A nih PaPa tun ah hian khawnge kan kal dawn a" Travis chuan PaPa tih tur a nei chu nuam a tih hmel takzet a ni, "Kan haw tawh dawn kan chhungkaw in tak tak ah" Lazarus chuan min melh zawk pahin a rawn ti a, ka chhungril chu a lawm veng veng a, hepa hian ka induh tawk na, California ka pan hma a ka lo sawng khawm ve kha a thai bo leh vek tep tawh.






In kan thleng a, a hma ang tho kha a la niin ka hria,"A la danglam lo a nih hi" ka phun chhuak sap a, In hnunglam huan a in pawm phei Lazarus leh Travis te chu ka en zui vang vang bawk a, "Delilah Travis ril a tam a nih chu, keipawh" Lazarus chu a rawn au lawng lawng a, engvang a a mizia hi thlak ta thut nge a nih le, nuam ka ti tho bawk si a.







Choka ah chuan ka phei a, awmpui te tumah an lo awmlo, Fridge ka en a, siam tur awm ang ang chu ka la chhuak a, ka sam ka bawk san vah hnuah apron nen eitur chu ka siam nghal a, Travis nui leh iar iar thin ka hriat te chuan ka mumang hi ni mai in ka hria.






"I zo dawn tawh em," Ka hma ah a lo ding reng tawh a, engtik laiin nge a dress a lo thlak ka hre lo reng reng, a bulah chuan Travis a lo ding ve bawk a, a nui ver ver bawk.





"Mommy ka pum a ri a ri tawh a," min nuih ver ver a, "Imm ka zo tawh e" ka tih rual in an pafa in dawhkan lam ah an in pawm phei leh a, "Yes Mommy'n Omlet a siam e, PaPa Mommy hian Omlet khawvel ah a siam thiam ber a sin" Travis in a ti leh a Lazarus nen kan in en a, kan nui tawp, "Mommy PaPa bulah hian awm char char tawh ang, London ah chuan PaPa pawh ka nei silo a, ka peih tawh lo" Travis bawk a ni.





"In awm char char tawh ang Ka Lion te reuh te" Lazarus in a lo ti vat a, engmah ka sawi belh ve lem lo, engmah ka ngaihtuah bawk hek lo, mahse a hnen a let leh tawp lah tlawm ah ka la bawk si.





"Kha le ei ru, tumah khan sawisel suh u" ka ti nghal thlap, nichin a Travis thusawi kha dawt vek a ni tu mab ka thil siam tui an ti ngailo, Lazarus hian a hrelo a, Travis khan fiamthu thawh nan min hmang tihna a ni.





Travis chuan a hawlh kual a hawlh kual a, Lazarus chuan a ei pawp a a thial tan chiah tih in min rawn en nghal hra, "Travis he tiang hi kum li chhung khan i ei char char tih min hrilh lo teh" Lazarus chuan a thil ei chu harsa ti lutuk a a lem hnu ah a rawn ti a, Travis chu a nii vak vak, "Aih kan order thin a , a nih loh chuan awmpui ten an siam thin" Travis chuan a chhang fel leh thlap a, naupang kum li mi ah chuan a fing pawl tak a ni, keichu min chhun lo phawt a, keichu kum 6 ka nih pawh khan ka la â phuang zawk a nih kha, a hmel ah te , a engkim ah hian apa a chhun em em vek a ni.







"PaPa a tui em" Travis in a tih chuan na lo te in a biang ah ka piai a, Lazarus bulah a va tlan nghal a, "Travis, Mommy ring lo in keimah niin ei tur chu siam mai ang aw" Lazarus chuan Travis chu A pawm a, Apron chu an pa hnih in an va ha a, an in hmeh takzet, "Mommy ai a tui in siam ang aw" Lazarus chuan a la ti kher zui.





Rei fe an awm hnu ah an rawn let a, Lazarus chuan Travis pawm chungin plates pa 3 a rawn keng phei a, Pa tak tak angin a awm ve ta hram a lawm,





An thil siam ka ei chuan mak ka ti takzet , Kan miropuia hian hetiang a eitur tui a siam thiam ka ring hauhlo, an pafa chuan an in chhaih nui leh iar iar thin a, an hmuh nawm takzet a ni.





Travis a chu reilo te hnuah kan mut tir a, Keini pa hnih Living room ah kan thu ngawi dun kar Travis a muthilh chuan sawi tur a vang sawt hle, "Hetah ka bulah rawn let leh rawh" Rei fe kan ngawih hnu ah a rawn ti thum leh dut a, a mah ka va en chuan a thusawi kha sawi harsa a ti tih a lang reng, nia mipa in in chhuang ve tawk tak kha a nia kei hmeichhe satliah ve mai hi a bul a awm tur a a ngen a ring ngai hauhlo ang.





"Ka thei lo" in duh tawk tak a ka awm ve rih a ngai tlat, "Hei ai a rei ka nghak thei tawh lo" a rawn ti leh a, a in duh tawk na zawng zawng hi ka chhut chhiat sak vek hma chu a bulah hian ka let tawh lo ang, tih hi ka in tiam ve na kha a ni





"Delilah , Mrs Maverick ilo ni tawh a, ni leh la ka duh" tawngkam hi hetiang lam ah hian a hre thlawt lo a nih hi , "Lazarus , hna ka nei ve a, ka hna ka thawh ve a ngai " ka lo ti leh a.





to be continue.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)