SAYONARA BY Zeuss Pach (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SAYONARA BY Zeuss Pach (Completed)

Unread post by Ngaia » July 18th, 2021, 2:52 pm

Chapter-13🔗




Ka thu sawp nawk a , enge ka tih theih chuan?


He khawvel ah hian ka retheihna a va zual tak em!
Min fuih kal a , tihdan tur tha zawk "Hetiang lo deuh hian, kha kha chu diklo hetiang tur zawk hi" ti a kawngdik leh tha zawk min hrilh tur nu leh pa ka nei ve bawk silo.


Tlabo vang vang chu ka duh ve tho , mahse engtin nge naute alo piang anga ka enkawl ang?

Tun a ka hnathawh lah mi ai kal mai mai , hlawh beitham lek ala ni bawk si nen , engtik thleng nge ka thawh theih ang a hriat bawk siloh.


Ni e , hmeichhe à tak , mawl leh bum nuam tak chu ka ni , ka chenpui te mizia hre reng chungin tihian ka la awm ania.


Mahse maw hetiang tehhrep a rapthlak leh nunrawng hian an che duh ang tih rin ngaihna ka nei biklo atin ni.


Nangni i chenpui khan engtik lai pawh in hmumawh emaw ning viau che mahse i pum chhung a naute that tur em a huaisenna an neih chu i ring bik tawp lovang tiraw?


Mahse hetah hian tawp mai ka tumlo , an thil hlauh em em ka hre chiang a , Liansangzuala pasal a neih a ni lawm ni khah?

Ka thungrul ve ngei dawn lawm ni? Ka naute tan hian ka nei ngei ngei dawn hi ni tawp mai.


.........

Zan khua in ka muhil theilo a , engtin nge ka himlo tih ka hriatna ah chuan thlamuang takin ka muthilh theih tehlul ang ?


Ka ngaihtuahna insual buai tup tup karah patea ka demna a langsar vuah a , mi nep zet mai, a u fanu hlamchhiah a a nupui tih lawm loh hlau em em , a thil tihsual vang a pet chhuak nal nal tur khan pet chhuah chu sawiloh thup pui in a tawiawm zawk hial anih chu mawle! Hriatthiam har ka ti a, eng dawi emaw tak chuan a mit a ti del a nih ka ring nghet bur tawh.Amah berin a zir siloh chuan a nupui huangtau em em pawh hi a dem awm hran love.


He in ka chhuahsan dawn ro ro anih chuan enge maw tak ka hnutchhiah ve ngei a ngai ang chu mawle!


Mi dawihzep ber angin tlanbo daih ka tumlo , eng anga rethei pawh ni ila ka tum chuan kawng chu a awm em em dawn tih ka hria, mahse an sual man vawikhat pawh thungrul miahlo a tlanchhiat san ka tumlo ve tawp.


An fanu tan ani lawm ni hetiang a rapthlak hian chet lak an tum?


Chu mi hmang vek chuan ka ti chhe dawn khawp, Liansangzuala ka pasal ni tur a ka pawm hun a an hmel a thinurna leh hlauhthawnna in pawlh nawk tur chu nuih sak pahin ka thlir liam ve phawt ang chu le!



...........

An ruahmanna hrelo ang hmak chuan ka awm kual vel a , tui far khat pawh in ka tumlo.


Chaw ei ka tumlo ka tih lai a nutei mitmeng mawlh chu ka hmuhhmaih lo chiang kher asin.

School lam ka pan a , eitur chu ka lam chawp tawh mai ang.


Nileng deuh thaw chuan ruahman na tha tawk ngaihtuah in ka rilru ka kawm a ni hawt.


Ka zirtir mawlh mawlh lai a lo ngawih leh daih ka ching a , rilru pek tum in ka thaw leh vak thin bawk.


.........

Ka tan vanneihna a kal tluang nge palai an rawn lang leh ta hlawl a .


Patea chuan min lo rawn der leh thuai mahse ka chhanna vang a an meng phar awk chu hmuh nuam sihsah tak ani.


An in a awm ve mai ka ni a , an fanu tak tak ang leh chhungkhat ang pawh a min en lo tu te hian ka pasal neih tur chungchang ah engmah min dang theilo.


Thu pakhat mah an neilo ka tihna nihchu!


Keimah berin 'aw' ti a ka chhan miau avangin tui tang lo tak leh aw khur ru dar dar chung hian ka chhungte an nui lui thaw a.

Thlaleh ni kua(9) a in kutsuih tur a thuthlukna an nei zawm nghal.


"Kan rawn kal tak tlut tlut ah chuan in rem ve thei mai alawm, kan tupa lah in min tur sek mai bawk si a " ti tu chu nuih luih sang chung hian ka en a .


Ka chhungte nuam ti lo hmel chu rapthlak zawk hian hmuh nuam ka lo ti thung.


Kawngkhar bul thleng ka thlah a , sitting room a nutei leh patea te thu tum luau chu vawikhat pawh melh chhin tawh eihlo hian step ah tlang chhoh mai ka tum a .

"Ramnunpui" Patea aw fiak lutuk ka hriat vangin ka pen lai ka tawp ta chat.


Thil ri rawk ka hriat rualin ka sam a rawn tham lawp tu an awm a , thei leh theilo a ka dah chhuah chuan nutei lek!

"Nang te hian hetiang mai mai a min namnul i tum em ni a ?" A ti sai hlak hlak.

A kut chu phih thla lawp in ka en kal , zam hmel emaw tah buai tih vel kha ka tum bau lo.


"Hetiang hi kan in remsiamna a nih loh kha" a ti leh hlar a .

Ka din hnaih hrut rual in "ka thlak leh ni mai rawh se" ka ti vawt raih.


"Engtin nge min chhan let ngam zawk a ?" Tih leh min ben a tum ta mai , a kut chu ka lo man chat a "in beng dai teh ka nute.. tunah pawh hetiang khawp a i thinrim anih chuan kan in neihni a thlen hunah phei chuan i thi dang palh hlauh ange , chuvangin nakin atan khek rih rawh"nuih sak pahin a kut chu ka thleh thla tawp a , patea mit thip ram chung a min lo en ve reng tu chu hmui phun a " nep lutuk" tih pah a melh leh zeuh pahin inchung step ah ka pen chho zawt zawt.



......


Lalmuani te in lam pan in taxi ah ka thu vung tawh a , mit ka chhing zui vung vung mahse ka driver ber lah hian nghah a nei nge pawh ka hrelo tlan chhuah mai a tum miahlo anihchu!


"Ka pi" inthlahrung aw deuh a a rawn tih chuan ka mit ka meng a , amah ka melh chuan ka thutna tukverh zawn alo en daih thung.

Hrethiam lo lutuk in a ka hawi nak chuan Liansangzuala'n min lo en rún anihchu!.

"Ka pu i passanger hi keiman ka lo drop mai ang" a ti zui zat a , ka driver pa erawh in lu a lo bu nghat.

"Lo chhuk la" keimah min en leh daih a , chuang lui tlat pawh niila min pawt chhuak hreh dawnlo tih ka chian em vangin ngaihngam zan lo hian ka chhuk a .

Taxi chu kal hual in driver side lam a pan leh daih ang lawi a , ka din na ngaiah dingin ka lo en reng thung.

Pawisa a pe tih ka hmuh chuan ka at zia ka hrechhuak hnuhnawh , ka tibuai hmasa te te a pawisa lam reng pek nachang ka hrelo.

Taxi a tlanliam hnu thleng pawh chuan ka thlir zuia , ka kut rawn hum hnan tu vangin ka harh chhuak ve chiah.


"Nuno" uluk deuh a min en pah hian a ti leh sup.

ka kut a vawnna chu ka melh a, a lo khi suk duh chauh anih chu!..


A motor a kan thutluh hnu ah ka kalna tur min zawt a , lalmuani te in ka sawi chuan ka kalchhan pawh min zawt zui tawh lemlo hian a bu ve nghat.


"Nizan i mu tha lo em ni?" A motor khalh lai control reng pah chuan min en zeuh.


Chhan lo a ka en haw vang chuan "i mit kha" a ti leh sup.


"Aa..ka mu tha lawm"


"Thil thleng a awm em?" A ti zui zat.

"Awmlo e " a rul tawk lek a ka chhan vang nge min be zui tawh lemlo hian a sterring vawn lai chu hum nghet zual sauh a , a bek ah thisen zam a pawng talh talh bawk.


..........

Rochama te in kawtah kan ding ta vang mai , motor atang chuan ka chhuk a "nizan" a sawizawh hma chuan "aw..ka pawm a nihkha" ka lo tihkhalh thuai a .


Chik zet a min en chhuk ran chungin "takzet?" Mit ti zim san chung hian a ti leh sup.


"Aw ka tih chu ..nge ni a min neih i duh leh silo te hi ni zawk lo maw?" Atana hriat ngeiawm zet tur hian ka ti kher.


"Ka neih duh leh duhloh che chu ka sawi chiang thawkhat tawh in ka hria" min pawt hnai hrut a, chhan ka tum tawhlo.


Mahse a chet dan erawh ij min ti hamhaih viau.


Min kuah hlu hlu anihchu!

Lo dan buai emaw kha tumna ka nei chhin miahlo bawk , a chhan chu mak tak maiin he mipa taksa lian zet thlazar hnuai ah hian ka him bik riau in ka in hre tlat.


Ka lu ah a fawh vang vang hnu ah "engkim min hrilh chuan ka venghim ang che ..min bum anih erawh chuan " a taksa a tang ut a , thaw chhuak leh ham ham in "ka that ang che" a ti chhuak deuh hrawk.


Ka chalah a fawp leh vang vang ang lawi a , min pawt hla hretin "lut tawh rawh u" a mitmeng ah hriatthiam theih chiah siloh hian min ngaihtuh hmel hi a lang deuh zawk a.


Mahse hmel dam thlup leh ka la hmuh ngailoh ka tan chauh a nui ni awm fahran a a nuih suk vang chuan engmah sawi zui loin ka bu nghat.


Ni e..keipawh niila rinhlelhna in ka khat ve tho ang , ahma zawngin in neih ka duhloh zia ka sawi a , tun ah lem ka lo pawm thut a , mak tih loh na chi anilo.

Engvang a in neihna pawm nge ka nih? Tih min zawt miahlo a , induh tawnna vang a inneu tur lah kan ni bawk silo ..




//a tawi ka hria..naktuk hemi link ah bawk hian ka rawn chhunzawm ang aw//



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:52 pm

CHAPTER-14🔗


Tlai lam a min rawn hruai leh tur thu sawiin inhnial buai chhin tawh miah lo hian kan in thlah fel a.


Lalmuani te inchhung ka luh rual a min lo hmuh chuan alo khek nasa ngang mai , min kuah chung chung hi ni ber e.


"Awii...ilo kal har ka ti reng ani" a ti chul a , a chhungte khawnge ti a ka zawh chuan an chhuah thu in min lo chhang ve mai.


Inneihni a thlalak ho te chu kan en kual a , ka rilru a thil awm lian tak hi ka sawichhuak duh angem? Tih ka ngaihtuah mek.



Min rawn nghawk sawk pah a "amak thin vung vung e..biak lai che a ngawih leh daih i hrat" a tih niah niah tak ah chuan ka thaw chhuak hak.


Vanlala rawn haw dawn tho mahse Lalmuani hi chu hmeichhia ani a , min hriatthiam pui zawk in ka ring chulohah tunah hian in paihthawlna tur neilo a ka pai reng anih chuan sawiloh na tur ah ka puak darh palh ang.



Chik tak mai a min en tu chu melh in "englo ka naute pa hi" ka ti dek dek a , min thuthnaih nghal sauh sauh.


"Ka sawichhuah rualin au miah duh ang che" vo titih pah chuan ka ti leh rih.

A bu nghat nghat a , ka thil sawi tur ngaichang ran chung a min en in "sawi vat teh" a ti sek sek.



"Liansangzuala"

Mak ti hmel a pu vak hranlo pawh chu tih tawh lai a "ka ring reng a " ala ti zui.



Keimah zawk chu mak ti a meng à huih ka ni ta zawk a "maww?" Ka ti vak.


"Inneihni a a thusawi pah a a melh dan che leh khami zan ah pawh ....aaaa...Amosa khan a tukah rawn sawi a , keichuan ka ring thiam nghal vek" a ti leh zat zat .


Ka kut hum pah chuan "lunggai suh...Liansangzuala hi a rintlak tih ka hria nia " ka ringlo pawh ni tawp silo a .


Nutei ten min paih sak an tum thu te chu tlang takin ka hrilh dap dap a , kan chhungkaw chanchin hi midang bulah ka sawi ngai lemlo , mahse tun hi chu loh theihloh ani tlat.



"Mihring an ni ve chiah amaw?" A ti thlawt.


A sawi tam ber erawh patea a demna bawk ani , keiin nep ka tih ang chiahin a ni pawn chutiang tho.



"Awi..keichu ka hlauthawng e ..rawn in suanlut rih daih la in in neih hma chu , anihloh pawn in neih hun hi sawn hma mai rawh u"


"Lawk..Liansanga hi i hrilh dawn em?" A ti zui leh zat.


Ka lu ka lo thing nar nar a , ka thusawi te ngaithla a min hrethiam pawh hi ka lawm tawk tawh , insawnluh em chu a chi hian a chi hlawlloh.


"Hrilh ta ila min awih angem?" Ka ti zuai raih.

Ka ban a min ben thlawp pah in "engvangin nge awih loh ang che...mipa lawm a nih a fa leh nu dinhmun derthawng ah in awm tih a hriat chuan a a venghim ngei ngei ang che ú..Liansanga ngat phei chu tlanchhe chi anilo" a ti tehhluai.

.

Umm..ka hrilh dawn alawm , mahse finfiahna tha a hmuh ngei tur a pho chhuak tel ngat in ka hrilh ang.




............

Liansangzuala rawn lut hlawl a , kan lo en haw ringawt.


Ni tak e ...min lo lam leh tur thu a sawi tak kha maw!



"I hman tawh chuan" keimah min en ngar pah hian a ti sup.


Ka bag chu la in ka bu ve nghat a , lalmuani hnen a kan kal mai tur thu ka sawi chuan kawngkhar bul thleng min thlah.


Min ngaihtuah na a hmel ah ka hmu a , a ni ang thiantha ka nei hi ka lawm takzet bawk.


Ka hlauhthawn ang ngei ngei in lalmuani'n "Liansang in zep thei deuh ve" a rawn ti dut dut a .


Ka bul a ding pa lian zet chu melh chho ha in ani pawn min en ve chiah.


A kiai suk a , lalmuani in kuangkuah hman chung a hrethei in ti ni awm fahran a ding chu ka melh vak ringawt.



"Eh..keichu ka la awih theilo ..ani tak tak em?" Ka melh rawm rawm na pawh chu ngaihsak duh map lo hian Liansanga bawk chu mit kan uk uk chung hian a zawt leh a.


Nui suk pah a min pawt hnai hret in "i hmuh ang hian " a ti sup.


Ka melh chho vat a , min kuahna lah a la thla der silo , ka biang a sa hat hat a , a kawr hnung ah pawt vatin lalmuani thil sawi leh hma ngei a kalsawn vat vat chu ka duh ani.



A nui kurh kurh chu kan kalsawn san ta daih a , motor chhung a ka luh veleh ka seat belt min hren sak thlap a , ka ke a dah rual rem tha nghal bawk.


Hei pawh thil mak leh bawk ani . Lalmuani khan min la en reng vang a ti anih ka rin vang chuan ka va hawi tawk tawk a , mahse alo awm tawh chai bawk silo.


"Hei..hey" ka kut chu la sawn vat in ka thu awn duai a , a mit hmul kan uk in "hmm..ka theilo maw?" A ti sup.



Chhan pawh chhanglo in ka bu nghat ringawt "oke..anih chuan thu tha rawh le" enge maw hepa hian a hriat teh chai le!


Tawngkam tha duang in min bia a , chuta karah min la dimdawi em em zui , a damlo anih te ka ring ta hial.



Motor a kal hual lai leh a rawn thutluh leh thleng in chik zet hian mit la sawn miahlo in ka lo en ngar a , motor body che deuh suih ah chuan hahdam hmel fahran a rawn thu lut chu ka hre ve chiah , nilo a hmel ringawt ka lo en reng anihchu!


Steering vuan rún pah hian min en kal a , mi à ang mai a ka lo eng rengna ka mit nghal zet chu a tlanchhe nghal zat zat.


Muangchang hian nui nghawr deuh suih pah in ka pum bawk chu a en thla leh a , ka hma lam chauh en ngar mah ila , anj erawh in min en reng tih chu ka mitsir atangin ka hmu thei.



Chil ka lem kawk a , khawngaihin tlanchhuak vat teh ka ti rilru mawlh mawlh.


Motor chhung te hi a zim ta riau in ka hre bawk , ka thaw chhuak halha "ii..i tlan chhuak dawnlo em ni?" Ka ti ta nge nge.


"Min hrilh la" a ti sup.


"Awe..tlanchhuak rawh"


"Noo..Nuno min en pah in min hrilh rawh" a ti leh sup.


Min chhaih kawlh a tum ve ta hrim hrim ah ka ngai hmiah , engvangin nge ka en ngam loh tehlul ang.


Thaw hawkin a lam chu ka hawi a , mahse kan hmai chu a in si lo chauh , hnai fahran ah min en kal chung a a hmai rawn dah hnai in a kiai leh suk.


Min tih zam a tum takzet tih chu ka hrethiam mai.


"Sawi rawh" a ka chhung atanga boruak lum rawn chhuak tel hawk pahin a mitmeng pa lutuk leh dam thluam chuan ka hmui a en ngur bawk.


Engtin nge hetiang a in hnaih a kan awm lai hian ka sawi theih reng reng anga.


Ka kut chu ka sik niap niap a , ka khur ti tih.

.

"Ihh..tlan chhuak" ka sawi zo hmanlo ka hmui ah a rawn fawp anihchu!, .



Min fawh vawikhat na ni tawhlo , ka tek chhuai mai hian ka hria.


Ka mit ka meng kal a , ka khawng vek mai hian ka hria.


A tawp mai dawn emaw ka tih laiin a kut phah hrawl zet mai chuan ka mit a rawn hup a nihchu!

..

Ka zeilo uchuak lutuk chu ka zak thar hnuhnawh.


Ngenngawl zet a min fawh ngawng ngawng takah chuan ka thiam ang tawkin ka in rin hma hauh hian ka chhang let ve a , a rawn uar zual sauh.



Tunah hian ka naute pa nen engmah lungkham nei miahloin kan in fawp!
..


Ka hahdam sawng sawng mai hian ka hria , ka mit a hupna kut chu la thla in a in la hrang a , a hmui hnawm deuh chhal chu a sexy takzet.



Ka zak , ka lai thar ta em em a , a mah pawh chu ka en ngam ve tawhlo.



Ka biang ah a rawn piai hlak a "a sen tawlh mai , duhawm reuh lutuk" zawi sup hian a ti sup.



A hma ai in min ti lai tih lah a hre awm tawp silo.




...........

In ka thlen thleng pawh in ka lai chhe zo vek , keimah in ka nui ruh ruh a , kan chhungkaw boruak rit churh e tilo chuan him tawh riau a in hriatna ka nei tlat anihchu!



Esy hi in ah a awm mang ngailo nge ka hmu khat riau a , kan in hmu fuh lo pawh ni maithei.



Chaw ei ka siam laiin ka chaw thleng tur nutei thleng nen ka thlakthleng a , fimkhur tak a chet ka ngai.


Chaw ka nghei fo anih chuan min hrrchhuak mai ang.


Thleng ka sil zo inchung pan chhoh ka tum lai in Esy a rawn haw chiah , a hna thar tur kha a thawk tan tawh tih ka hre ve chiah baek.


Ka thluakah erawh Liansanga te company ah a thawk pha bik a , nitin an in hmu thin awm bawk si , ka thik tlat a ngaihna ka nei anihchu!




Tum deuh bar a min kalpel bak kha min biak chu sawiloh melh pawh min melh chhin taeh eihlo.




......

Khumah ka mu a , ka phone ka khawih ve niap niap.


*mu tawh rawh u* Liansangzuala message a rawn thleng hlawl.


Ka duh ai a ka seen hma vangin ka han in hau leh rih, ka thaw hak a *awle..nangpawh* tih ka thawn let a , min reply leh hun ka chang ran mahse a seen a a tawk der , a la out daih zui.



Ka phone dah hmak in ka hmui ti pawrh deuh tar hian ka mu a , engvangin nge mu tur ringawt a min lo biak kher , a mu dawn tih tal te chu sawi ve awm ania





..........

"Mhmm...ka naute te pahnih hi enge an lo an a ?" Ka biang tawn tawn a min piai tu Vanlala chu melg rawm in a kut ka phih thlak sak.



Khawlai pawh sawilo a hetiabg a min naute chei thei lutuk hi ka haw hrep tawh.


"Ama hi a titau bur bur a , enge ka lei ang?" Kunhniam in ka pum thep deuh tak chu a be siam siam , huizzz tihtauh rei theih thlawtloh min ti nui leh ta nge nge thin.



Cafe ah thil eitur in kan in zui a , min ngaihsak mai bakah ka thil eitur thlengin naute tan atha em tih a ngaihtuah hmasa phawt.



"Naupangchhia ang mai i hmui ah sauce i ti kai leh nang tawh" min nuih pah chuan a ti sup.


Tissue chuan ka hru a , mahse dawr chhung a rawn lut chiah ka hmuh rualin ka tawp chat.


Liansangzuala leh a hnungah file angreng keng chung a zui tu mipa khat hi an rawn lut a , min rawn hmuh ve chiah rual erawh in ka awm dan ka lo theihnghilh thak nge Vanlala'n ka hmui bul a thil kai a hruk mawlh mawlh lai pawh chu ka lo hre miahlo.



"Aa...ke..keimah ka ti thei alawm" a kut a ken tissue chu laksak in ka thu thuak thuak a , ka hawichhuah leh thleng pawh chuan Liansangzuala khan min lo la en reng anihchu!


Liansanga te hnungchhawn zawng a thu engmah hre ve ta lo chuan ka sam a la rawn tuaithur nang zui.


A kum hum ruh chung a keimah chu min melh leh zawk in a ka a chip hman a , a bek zawn a pawng talh talh tih lah ka hmuhhmaih lo kher asin.


Mahse hmeichhe pakhat waiter hian VIP room ang tak lam chu kawhmuh in muangchang a keimah atanga mit la sawn in vawikhat pawh rawn hawi let chu sawiloh min ngaihsak tawh chhin eihlo hian a pen sawn nghal daih anihchu!



Keimah ah inthiamloh ruk veng veng na a awm a , chu chu engvang teh kher nge tih lah ka hrelo , mahse nuam ka ti chiah lo tih chu ka in hre ru kur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:52 pm

CHAPTER-15🔗



Kan chhuah dawn thleng pawh chuan ka hmu leh ta miahlo a , ka mit len ruai a ka zawn pawn a bo hmak.



"Nute" kawngkhar bul a ka ding reng chu Vanlala chuan min lo en reng.



Chhanglo in ka bu nghat , a car lam kan pan a an hnathawhna lam kal kan tum ani.



"Diklo a awm em?" Min chik ka tih tawh kha! Ka lu thing nar nar in tih luihna tak meuh hian ka nui lui sang a , min awih chiahlo hmel apu.


An dawr chhung a kan awm lai pawh chuan rilru nuam takin ka awm thei miahlo anihchu! Eng dan nge ni ngai le?


Dar 2:30pm a ri chiah chiah , in check-up tur a min hruai a tum phet a , lo hnial vak ka tumlo vawikhat mah ka la in entir miahlo atin ni.


"Enteh cafe ah khan Liansanga te ka hmu a " ka tih chuan min en haw.


"Ka chungah a thinrim angem le?" Ka ti leh ta tawl , ka bula thu pa erawh in "hmm engvang chuan" a ti sup.


"Ka hrelo..mahse a thinrim angem le?" Ka ti leh ringawt.


Lu thing nawkin à min tih hmel zet hian a nui chhuak hak hak a , ka lo melh rum nasa ngang mai.


"Liansangzuala pasal a neih ka tum tih kha i hre tawh em?" Ka ti leh sup , a bu nghat a ka hrilh miah bawk silo engtin nge alo hriat le?


"Ig ah bawk , an post kha " sterring control pah chuan min en zeuh "min hrilh pawh i tum leh chuanglo a " a tih zui tak sup ah chuan ka nuih tlawn ta vel mai mai.


Damdawiin kawt kan thlenchhoh hma chuan ka rilru a awm reng ka sawichhuak leh ta tawl"engvanga Liansanga hian min nei duh tlat nge anih ang le?" Chuan " ka sawi zawh hma chuan a nui chhuak ta huah huah a , mit khap fek fek chungin ka lo en reng.


"Tinge i nuih a ? I sual hle mai" hmui ti pawrh deuh tar chung chuan ka ti sup.


"Ohh..nute nichin atang tawh khan Liansangzuala hming vawi 3 lai i sawi tawh a chanchin hlir i sawi bawk a " a hmel ah nuihzatna a la chambang reng.



"A chanchin ka sawi miau a a hming ka lam ang chu"


"No no no..i duh ...a dik em?" Min dawp ti tih hian min zawt ta mai , ka chil ka lem kawk a chhan dan tur ka hrelo nilo ka hria Liansangzuala hi ka duh mahse....


Chhanglo chuan hnuai lam ka bih ngur a "awlr awle i hmel ah a lang vek " ka sam bawk a rawn tuai thur leh tawh.


Motor a ti ding suih a "hey..khatiang khan awm suh ka zawt tawhlo ang che ..mahse ka hrechiang che a mipa ngaihsak miahlo i ni tih pawh chuvangin duh dan chin hria ang che " a ti leh sup.


Thaw hak in amah chu ka en a , ka nui tawi tup.



.......


Doctor in min lo hau deuh a "naute i pai tih i in hriat rualin a rang thei ang ber a sub-center emaw damdawiin hnai ber a in ziah luh ngei ngei tur " hmeichhe doctor ala ni zui , a thin chhiat hmel viau bawk.



Naute a that thu leh rilru hah a nu a awm reng chuan a pum chhung a naute tan a thatloh thu te , thil ngaihtuah ngut ngut lo tur ten min hrilh luam mai.


Vitamin leh naute pai lai a eitur tha te chu min hrilh luam bawk.



........

"Pawn ah ka awm" message chu ka chhiar nawn tluk tluk .


Min fiam mai mai angem? Anih loh chuan ka va chhuak dawn tihna em ni?


"Engvangin" tih chu ka va thawn ta tawk a , a seen rualin a rawn call nghal zat.


"Lo chhuak lawk la ..a reilo ang" aw zuai deuh rat mai Liansangzuala tang a ka dawn chuan ka thin chhung a sa pup pup .


"Nuno"


"Aa..tikhan a sawi theihloh mi?"


"A reilo ang ka tihchu" hnial theih miahloh tur hian a rawn ti leh sup.



Ka in sangmar teuh a, engpawh nise vawiin a ka inthiamlohna vang pawh khan ni phawt teh se.



Thawm dim deuh hian kawngkhar ka hawng them them a , Esy hi alo haw tawh em ka hrelo mahse patea te nupa erawh an mu tawh tih ka chiang.



Gate pawn ka chhuah chuan ka thin dawm meuhin ka thaw chhuak hlawi hlawi , ka hah lutuk mah mah.



Ka hawichhuak vut a , kan in piah street light in a chhun phak che che na a bolero ding chu ka va hmu chat.


"Saw tah daih daih din" ti hlak.hlak in ka kalphei ve zel.


A chhungah hian a awm nge mihring tumah ka hmu miahlo a , a motor glass hman lah pawn lam atangin a lang thei miahlo zui.


Ka phone ka phawrh a rawn chhuah ve mai tur ania ti rilru mawlh mawlh in call ka tum ta ringawt.


Mahse ka hnung lam atanga taksa lumna in min ur tih ka hriat ruala ka dar a lu rawn nghat dat tu vang chuan ka phone chu la thla riai riai in ka ding khawng ta luah.


Ka che hrut a , mahse a ban sei zet a min rawn kuah leh hlu hlu in "reilo te tihian awm lawk ang" a ti zawi leh sup.


Ka ngawi ran a min3 vel chutiang a engmah sawi bawk silo chet theih bawk siloh a kan awm reng takah chuan a ban min kuah na chu vawn hnan in "diklo a awm ami?" Ka ti chhuak halh.


A lu chu a thing mat mat a , a in lak hran hlek rualin min kuaiher a , min melh chhuk ran bawk.


A awmdan hi ka duh miahlo , zu rim lah chu a nam a ni chuang bawk silo a .


"Sawi tawh la" ka ti sep.


Engmah sawilo a min kuah bet vak chungin amah hian ka hriattham siloh in a phun deuh bul bul.

Ka lu chungah a khabe nghat pah in a fawp leh zeuh zeuh thin a , engmah ka hrethiam tawhlo.


"Ihh..vawiin khan" ka sawi chhuak tawl chu ka inthiamlo leh hnuhnawh...


A taksa a tang tung a , nichin a boruak dam thluam kha chu a bo leh hmak tawh.

Motor ah chuan min nawr bet in "sawi suh" a ti sup.


"Ka sawi angai alawm ...min hmuh dan ang kha engmah" ka sawizo leh hman ta chuanglo "sawi tawh suh ka tihchu" a rawn ti leh hrawih.


Keipawn engvanga in sawifiah tum phet nge ka nih ka hre biklo .



Mahse ka sawiloh chuan ka rilru a nuam dawnlo in ka hre tlat ang lawi a "vanlala nen hian thian chauh kan ni chuan keichuan ka unaupa engtiklai pawh a min pui tu anih vang hian ka ngai bawk " khawi lama huaisenna nge ka neih pawh ka hre zo tawhlo.


A nui suk a ka khabe ah hmer deuh salh chung a min kuai dakin light in a hmel chang rún mai a chhun phak chang chang chu ka en ta ran mai.


"Ka hriat zawng chu anikha mipa ani
a chuan nang hmeichhia " a ti vawt raih.


"Ka nupui ni mai tur i ni tihkha theihnghilh bawk suh ang che ...thian ..unaupa ...heng inlaichinna te hi ka nupui hualin a mipa dang nen a a neih ka duhlo ..i duh chuan hmeichhia kawm rawh" a ti leh hluai anihchu!...


Mak ti lutuk in ka hma a mipa kut min thlak mai pawh inring at mai ding zuah chu ka en tlawk tlawk.



Ka khabe a hmerna chu melh zeuhin a dahthla vut a ka nghawngah rawn zen lutin a taksa ah chuan min bei tir thlup.


A thinphu dup dup chu ka ngaithla kar a , ka tawng lo a thawk lak zawnga che awk thin pawh chu ka hre reng a thaw chhuak ham ham a chutah zawi deuh tak hian "ka sawi awmzia i hrethiam ang tiraw?" A ti sup.




Aih ka hrethiamlo tih vak mai ka chak , keilah in insawifiah phet ka tum a ani lah min huamhauh em em bawk a , kan awmdan hi inngaizawng hauh pe na zet kan ang lutuk.


"Nono" ka chhan lawk loh vang chuan a in la hrang hlek a , ka biang tawn tawn ah a dawm ran "i hrethiam tih sawi rawh" a hmelah hlauhthawnna ang tak hi ka hmu zuai a , a chhan lah ka hre derlo.



Ka bu ta nghat nghat ringawt "mahse ka la kawm thei tho ang chu tiraw?" Ka tih chuan "Whattt..."


"I hnaih lo thei mailo ami?"

"Mahse" ka sawi zo hmanlo "okhe ...i kawm thei mahse i taksa emaw a taksa... nilo ..in kut hmawr pawh in in in si tur anilo " engang inkawm nge ni ngai?


Ka nui chhuak ta hak hak a , ani lah in naupang titau ang mai hian min en ngar thung.


Engkima min tawimawm tu leh ka baihvaih ber lai pawh a ka thian ve kha ti a ka koh thin ani tlat , engtuang pawhin Liansangzuala hian biak phallo mahse ka be lo thei dawnlo tih a hriat vang ani khawp ang .


.......


Hun a kal ve zel a , kan in neih hun pawh kar khat chiah in a dang ta , nutei ten engmah sawi an neilo a kan in neih na tur ah kut an sil hmak tih leh "he in atang hian eng thil mah beisei hauh suh ang che , kan rawn lang ve anga mahse thuamchhawm tih emaw khang kha chu engmah kan buaipui dawn hleklo ania " an tih miau avangin ka beisei lo hrim hrim .



Vanneihthlak lutuk in ka pa te unau zing ami ka ni khan min rawn be hlawl a , thingtlang lamah pasal a neih daih avangin kan in be pawp zung zung lo mai pawh a .


Thil buaipui ngai zualpui chu min tum sak ve tur thu te a rawn sawi luam mai , ka bahvaih zia leh patea nupui mizia a hre chiang viau te pawh ni mahna!


Tin, Pathian khian ka tan thiantha tak tak a dah a , Vanlala ani emaw Muani pawh kan in neihna tur ah min phur pui a , a zawng zawng hre kikkrl lo mahse min pui hreh miahlo tih ka hria , chuvang erawh a in nghat tawp ka tumlo.


Ka hnathawh ve na a ka hlawh te hi ka dahtha ve zel a , mawihnai tak chuan ka liam ve thei mai ang.


An chhungkua an hausa bik bawk si , kan neih in a tlinlo anga , thuamchhawm vang in an lo lunghur ru viau ang tih chu ka rilru min kap tu ani tlat.


Ka ni pawn "i pasal tur lam te hi kan phulo deuh chu ani , kan neih hian a tlinlo ang tih hlauhawm engpawh chu nise mawihnai tak chuan kan in thlah chu ring ve phawt ila ,kan neih tawk in sen ral chu kan ui miahlo ania" a rawn tih ve luam avangin ka rilru chu buai ve map tho.


Liansangzuala ka hrilh ngailo a , tin nutei ten ka naute tih tlak an tum pawh kha hrilh ka tum apiangin thil enge maw tak hian min dang ka ti mai , a rem lehlo ziah a remchang hmasa berah ka hrilh tawh ngei ngei ang tiin ka tlingtla ve leh mai thin bawk.


Mahse kan in kar erawh a tha em em reng a , ka duh tih hi a hria emaw ni chu aw ka ti hial thin .


Min duat a , min ngaihsak in a hma a amizia kha a bo thak emaw tih tur khawp hian ka lakah a nelawm thin bawk.




//Huizz ...min ngaidam teh ú tih sei viau ka tum ve pawh hian ka buai lutuk a assigment kan ngah thei bawk nen dah loh aiah ka rawn dah hram thin aw//

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:52 pm

Chapter-16🔗

// A tawpah thip pawimawh deuh ka sawi a lo chhiar hmaih miah suh//



"Mate..khua hi a va nuamlo hmel chrtchuarh ve " Lehlam atanga Vanlala'n a rawn tih lang lang chuan tukverh ah ka dak chhuak zeuh a .


Vawin hian ka nu leh pa thlan tlawh kan tum kha nia mahse ruah hi sur tur ang maiin a dur deuh khup mai.


"Kan thulh mai dawn mi?" Ka tih chuan a ngawih vung vung hnu ah "kan nghak rih deuh phawt dawnnia ...lo in siam lawk ve hrim hrim la " a rawn tih vangin ka lo hnial biklo.




Kan in biakna kan tihtawp hnu ah ka han in siam ve tumhrang a , kan kal theih pawh ka ring chiahlo.



*kal mai ang ..kan nghah chhungin a rawn sur zawk ang tih hlauhawm * message ka chhiar chuan ka nui suk.


Keimah ai hian thil hi a ngaihtuah kim thei ania , Liansangzuala khan hnaih tawhlo turin min duh tih hrr viau mah ila min pui tu leh kawng engkim a ka ú nihna chan chang kha ni ve miau a , enge maw a nupui pawh ka la ni em hleinem tiin ka zui chu ngai leh ta phawt mai.


Kan in karah in thianthatna leh unau anga in enna bak a awmlo tih chu kan hrechiang a Liansangzuala pawn a la hrethiam ve mai ang tih ka ring tlat.



.........


Ka damdawi tur leh thlan chung a pangpar dah tur te chu kan leikawi hmasa a , khawpui a rawn ri leh dum dum thin , chutiang kar a kal chu a tul kher pawn ka hre ta lo e a "naktukah kan sawn mai dawn mi?" Ka inthlahrung deuh tak tak tawh.


"Tlanchhuak chhin phawt ang" a tih tlat vangin kal chu kan han tum ve leh ta pauh chu nia.


Mahse ka rin ang ngei ngei in rei kan la tlanlo tih ah ruah chu rawn baw hawk mai .


Kawngsir remlai deuh ah chuan motor chu ti ding ta ran a "ava zia lo e aw" a ti leh niah niah thin , ka lo nuih ringawt.



Esy kan hmu hlawl a , taxi chang ani ngei ang ruah lah chu tla nasa mai bawk si a "tlanhma deuh teh "ka hma lam melh ngar chuan ka ti sup.


Thuawih tak chuan a tlan hma ve hrat a , a glass ka down rualin ruah chu a per lut deuh sak sak mai .

Ka theih ang a ring chuan ka ko ta vak a , ka kut a ka huih leh zeuh takah chuan min en ngal hnu ah a rawn lut ve mai.


" khawnge kal in tum a?" Kan pangpar lei vel chu a melh pah zeuh "ka nu leh pa thlan tlawh kan tum a mahse" ka nui tawi tak.


"Sur hunlo lulai em alawm" a ti ve mai bawk a , kan in be chhunzawm tawh lemlo.


Ruah a han deuh ta e tih ah chuan "kan tlanchhuak mai dawn mi ?" Vanlala bawk chuan a ti sup.


Ka lo bu nghat a , kal a rem rihlo te pawh nia nge engpawh chu nise thulh rih phawt mai ang.


An dawr kawtah motor a ti ding a "mate ..ka rawn let lamah ka bawr dawn sia nihliap hian min lo zawn lawk la" Vanla'n a tih chuan ka lo bu ve ngaht.



"Hei i damdawi aw" tih pah in motor hma ah chuan a thehkai dawp a , Esy bulah lo awm tur a hrilhin kan in zui chhuak ve mai baek.



Kan let leh lamah chuan kan dar vel chu a huh deuh phang a , khumah mahni té a mut veng veng na tan khua chu duhawm tak anj.


Kan in lam kan pan dawn ah Esy'n phone a hmanga "tan ka chhuk mai ang ..ka thianten min lo lam dawn a , chuan Nute..ka nu leh pa bulah khan chaw eikham ah ka rawn haw ang tih min lo hrilh sak teh a" a ti zui zat.


Kan in be tam lemlo a , min be tha duhlo ani zawk mah a nu leh pa in ka chung a an ruahman na tenawm tak vanga a mipa duh leh vei em em pasal a ka nei tur hi chu ka inthiamlp ve reng .


Mahse kan himna kha ka zawn a ngai ve miau a , mahni hmasial tak a Esy hi ka hnuhluh a ngai tlat si a tin ni.



Hmeichhe lawilo zet Fahrah ka nih piah ah hian mi te min hmuhsit turin nau ka la pai khanglang zui a , Liansanga hian lo pawm lo ngat phei se chu SAWN ala ni dawn zui ! Vanduaina thuahhnih chu a ni dawn chiang alawm .



Mahse min hmuh dan ngawt hian ka nun ka hmang biklo tih an hre biklo ang .


Mi pangai naupai leh kei a naupai chu min hmuh dan a dang nghal ringawt a , mi hian an hre zau vaklo zawk a mahse a ruk a min sawi tu hi chu an awm sep sep tih ka hai biklo.


Ka chhungte hian han tlangzarh ngat phei se chu pawn pawh ka chhuak ngamlo ang , ka theih ang tawk a in khung bet a zak tur ka nih laiin kan dam khawchhuah ve nan mahni in thup ran chung leh zahna pawh hmachhawn in huamin sum ka thawhchhuah a ngai miau .



....
Kan tlanchhuah leh chuan ruah chu a la sur deuh buan buan tho a , khawpui ri erawh a awm tawhlo.


Mit chhing zui vang vang in kan in neihna senso tur ringawt chu ka ngaihtuah na ah a rawn lut leh tawh.


Mi tamtak sawm an tumlo tih chu an sawi tawh ngei a , private deuh tak a in neihna ho lam deuh tur mah nise a keini tan chuan thil hautak lutuk tur anj tho tho.


Ka sum lo khawl sa ve te kha lakchhuah fai deuh kelh a ngai a , thuamchhawm ah an buailoh thu engang pawn sawi nasa mahse chutiang hang bal mai a lawi luh chu ka duh bik teuhlo .



Ka nu leh pa ka mamawh na zual a , an ni kha chu la awm ve ngat se zawng hetiang mai mai hian an fanu hi min thlah liam an tum bik miahlo ang .


Mi te anga awh leh duh zawng zawng nei thei dinhmun ah ka ding ve miaulo a , kan tet lai ang khan awt ru viau mah ila tlingtlak mai a harsa talh tawh.


Rualawt reng reng a seilian ta na fam chuan kan ban phakloh thil mawi te vangin kan lu kan kaikun a, a tak ram thleng siloin a film ang zawngin tleina kan zawng ruai a , tu hmuh leh hriatpui siloh hian ho lam tak chuan kan tlingtla ve thei thin tak na a , a tak ram awh kan bang chuang silo a nih hi.


Heihi a ni ka nun chu ! A buarchuai takzet.


An sawi danin nun ah hian vanduaina vawithum a awm thin a tin , vanneihna vawithum pawh .
Vanduaina vawikhat chu ka nu leh pa ka chan kha ani anga , mahse sawi sen loh vanduaina dang ka va tawk hnem tawh si em!


Mahse ka naute leh a pa Liansangzuala ka nun a rawn luh hi chu vanduaina tih aiin Vanneihna tiin an hming ka vuah ta fan ani.


Ka naute lo piang tur vang hian kan in hnaih zual sauh a , a lo pian hma hauh atang tawh pawn ka nun a tlak danglam nasa in min ti chak ngawih ngawih .


Liansangzuala'n min hmangaih ka phut ngamlo , ka naute leh kei min pawm a min la lut duh ringawt pawh hi ka lawm tawk tawh ani . A chhan chu nu leh pa hmangaihna a dawng dawn bik miau a, kei leh a pi anga fahrah anih ve ka phallo a ni.


Tin, zahawm na tamtak min pe anga , kei min hmangaih loin naute vang chauh a min neih a duh pawh nise ka pum chhung a naute hi chu a hmangaih em em reng dawn tih ka hria a , keiman an pahnih a ka theih tawp a ka hmangaih a an bul a ka awm theih chhung chu ka hlimna hian a vawrtawp a thleng ngei ngei ang tih ka ring ngam sak.



"Kan thleng ania" ka bana rawn sawi dawt dawt tu vang chuan ka meng awk .


Ka mit ka nuai leh nauh nauh a , khua chu a thim deuh ruai a , ruah erawh a sur tawhlp.


"Lut la ..mu rawh ..mut i mamawh nihkha" nui deuh suk pah a Vanlala'n a tih chuan ka lo nui var var .


Ka tai bawr leh pum chhung chu a in let deuh bulh bulh a , ka motor chuanna hi ka rui deuh emaw tih tur ani.


Ka chhuk fel a , ka luh tur thu ka hrilh hnu ah a tlanchhuah leh thleng chu ka thlir zui vang vang.


Mahse gate lam pan mai ka tum lai chuan ka lu a hai deuh cham cham a , ka rui deuh tak tak anih ka ring.


Ding leh vang vang in mit ka chhing tawp a , min rei vaklo hnu ah ka lu thing nawk in pen sawn mai ka han tum leh .


Mahse "i tha em?" Aw thum zet ka hriat vangin ka ding leh chawt .


Ka hawilet vat a , ka lam pan a rawn pen phei in a kekawr ipte ah a kut lehlam a zen lut a keimah atangin a mit a la sawn miahlo bawk.


A hmel chu a dma thluam a , khaw awmdan nen chuan a ni deuh ruih mai , mahse a rawn hnaih zel takah chuan a sam awmze neilo taka a hnawk deuh niai mahse a mah ti lang pa em em si chu a tuai deuh puat a , a hmel chu chau deuh hnulh hmel a pu leh ta deuh bawk.



Ka bul a rawn thlen rual chuan ka hnar in a rimtui in kah rim na miah silo leh fresh tak chu a lo hre rang khawp mai.


"I tha em?" A ti nawn leh sup a , hmai zangthal haw in ka melhchho kiau.


Liansangzuala chuan a mit ko min kan khum leh deuh uk a , engvang tehkher nge pawh ka hrelo a zawhna chhan tum miahlo in ka lo en ngar a nihchu!


"Ih..aw tha" ka ti sup.


Ka pang chu a kut in a rawn dek a , a kekawr chhung a a kut dah luh a min khawih vang nge a lum deuh thur thur mai.


"I pang chu dai bawk si" zawi deuh sup a a tih rual chuan a kut chu la let a .


Engmaw a hriat chiam chiam le? "Hey ..enge i hriat a ka tha nia" ka tih chuan chik zet a min en in a ner sak a "damlo ang mai a i hmai a dang lap chung pawh hian maw?" A ti zek anihchu!


Ka mit ka khap fak fak a , ka hmai chu ka tawk de de "ka rawn hmu bawk che" a ti zui zat bawk.




Sawi tur ka hrelo lutuk lai vel vek bawk si chuan "enge hetah i rawn tih a ?" Ka ti hehaw a "enge hetah i rawn tih a ?" Ka thil sawi ang chiah chuan hawisawn vut pah hian a ti zawi ve sup.

Ka va ngei mai mai tak.


Ka lu hai kha a reh riai riai a , mahse ka tai bawr erawh na zawk zawk a awm .


"Ka..ihh a pawimawh loh chuan " ner deuh nang chung a ka tih chuan alo bu nghat a "lut rawh ..nakin ah ka rawn hmu ang che" a ti sup.


A bul a awm chu la duh viau mah ila ka chau lutuk leh tai na lutuk vang hian mut hahdam ka chak ngawih ngawih , chu chu ka hmelah a lo chhiarthiam vek nge min hnial chhin miahlo hian min hrethiam tak in hmel dam thlup min hmuh a .


Gate ka vuan chiah ang tih ah motor rawn in hung dat ri ka hriat vangin ka hawi let leh ngat.


"Mate" kawngkhar rawn hawn pah in Vanlal chuan a rawn ti lang lang a, engmah lah hrethiam ve bawk silo.


Liansangzuala chuan Valala chu en ngur a , engmah sawi lo.

Chuan enge tun ah hunlo zet ah he mihring pa hian alo tih dawn?


"I damdawi i hawn theihnghilh a " ni tak e , ka haihawt zo tawh nihhi!


A rawn lek kang vu chu ban vatin nui lui deuh sang chung hian "ka lawme " ka ti sep.


Liamsangzuala chuan min en leh kal tawh tih hria , mahse vawikhat pawh ka en ngam ve tawh lo hrim hrim .


"Liansang ilo awm ve reng a ?" Nui var var pah a Vanalala'n a biak chuan "ka haw dawn chiah " tiin ka lam a rawn her leh vut a "zanah ka rawn hmu ang che" a ti vawt raih.


A motor hun na lamah chuan a let phei nul nul a , a thutluh hnu thleng pawh chuan tlanchhuah tumloin a steering vuan chung chuan kan pahnih ding dun chu min vil ka ti mai .


"Ka tlamchhuah hun a nghak a nih saw" nui suk chung a pakhat zawkin a tih takah chuan a car ah chuan a luhsan a min mangtha leh zeuh in a tlanchhuak ve mai.


Liansangzuala chet dan mai mai chu , Vanlala a lang pha tawhlo maw tih ah a motor engine ti nung in a tlanchhuak ve chiah anihchu!



"Naupangchhia lutuk" nui ruh ruh pahin keimah chuan ka phun sep.

..................


Kan chaw ei kham thleng pawn ka tai bawr chu a la nuam ta chiahlo fo a , khumah mu in ka dawm vawng vawng.


Ka hmai a kut dam thlup mai in a dawm vang chuan ka harh kawk .


Liansangzuala hmel ka hmachhawn nghal zat a , ka tho chhuak nge ka in perh tih pawh ka hrelo.


"Ka tih harh che ami?" A ti sup.

"Nang ..engtin ?" Ka hamhaih lutuk chu ka ti bah deuh nawk nawk.


"Zanah ka rawn hmu ang che ka tih kha ..hmuh zawk che a chhuah leh mai ka tum a mahse i rawn harh ta tho " khumah chuan a rawn thu thla ve a , a hniam deuh suih lehnghal.


"Mahse ka chhungte " ka room a a rawn luh ve ngawt dan hi ka hrethiam hlawllo , chusn engtin nge ka chhungten rawn luh tir mai an phal zawk ? Nge ni a a rawn lut ru ?


Ka thil ngaihtuah chu a hria ni awm fahrah hian "ka nupui hual room ah chuan ka lut theilo ami?" Mit ti zim san hian nuihza in sum zet in min en ngar a , thawk la hawk in kan nui dun ta hawk hawk .


A tho chhuak vut a , kawngkhar lam pan in a va lock vei khap anih chu!


Kei erawh in nutei te chu helai hmun thleng a rawn luh theih nan eng tektik tak hmangin nge a hneh ang ? Tih ka lo ngaihtuah leh daih thung.


Ka ke rek ah a rawn man a , ka lo phu dawrh zui !


"Nono" a aw ri zet chu!

Ka ke chu muangchang a pawt thla riai riai in ka lu ka lo thing nar nar , mit min kan khum leh uk uk hnu ah ka malchungah chuan alu nghat in a mit a chhing zui hmiah.


Min fiam dan kher kher chu hepa hi a ngeiawm tel tlat.


"Ka chau" a mit a la meng ta lo fo!


Ngaihtuah zet in a sam karah ka kuttang ka zen lut a "reilo te chiah ngai tawh " a ti zawi leh sup.


"Maww?" Ka lo ti hu a .

"Ka nupui i nih nan rei lo te chiah ngai tawh"


Ka thawk a rang nghal salh nia!


Enge maw vei ngut ngut nei ang mai hian mit a meng duh miahlo a , mahse a thlamuang a hahdam hliah hliah hmel a pu lawi si.


Ka ngaihtuahna a rawn lut hmasa ber ang chuan thil ho lam.tak tak ka sawi ve sep sep a , a ngawi ngul a a ngaithla reng nge a muhil tih pawh ka hrethiamlo.


"Liansang" a muhil lo tih hriat nan a kut chu a rawn ti zeuh a , ka lo nui suk.


"Rilru hahna i neih chuan tihian ti rawh" a kut chu ka la kang a , a mit a rawn meng ve chiah .


A beng zawnah chuan ka hup sak a , ka kut tetakte chuan a hum hnan ve tai bawk.


"Maimichhing leh la" ka ti sup.

Thuawih tak chuan a a mit a chhing zui ve mai a "i buaina te chu tikhan i tlanbo san daih angin ngai la , i mit chhing vang vang in hmun nuam tak a awm angin in ngaihtuah rawh , i harsatna te chu i kut hmangin i beng hi i hup beh hnan tlat a " ka ti ve sep sep.


A hrawk bawk che ralh chungin a chil a lem zui khalh a , a nui chhuak ta hawk bawk.


"Hmun nuam tak ka ngaihtauh rual a ka bul a awm ve tur a ka duh te chu i hre duh em?" A ti zawu sup.


Ka lu ka bu nghat a "naute leh naute nu hi" ka nui nghal ver ver nia mawle!


Thinglung takin ka hlim a , ka hahdam ru seng seng.


A rawn thut chhuah rualin duhthawh zet hian min fawp leh ngawng ngawng a , kan in la hrang chiah a hmel chu rapthlak zawk hian min eizawh vek chak hmel a pu .


A hmui hnawn tawh sa chu a liak huh leh zeuha , nutei ten kan naute hi min tih tlak sak an tum thu leh naute vang a nei tur niloin amah Liansangzuala hi ka hmangaih vang a pasal a neih ka duh ani tih chu hrilh ka tum ta ngut ngut.

Ni e keihian Liansangzuala hi ka hmanagaih a , naute vang chauh lo pawh hian pasal a neih ka duh ani.


"Liansang" ka ti hman chauh ang , ka room kawngkhar a rawn in kik a , ka sawi kha hrilh ka tum apiangin dang tu an awm ve ziah.


"Nute.."

Ka khum a tang chuan tho chhuak in kawgkhar ka va hawng a , nutein ka chhip a tanga ke ler thleng min en chhuak dao in min ten hme zet hian a ner zui nang anihchu!

Pawi ka ti tawp love.

"Liansanga kha i patea'n biak a duh a " aw dam deuh hian a ti leh ang lawi a , a hmel leh aw chu in anglo tak ani.


Liansangzuala ka bul a rawb ding tak ngur ah chuan amah chu ka melh zeuh a , ka kut ah rawn hum in "kan lo chhuk ang" a ti sup.


.......

Hun a kal ve zel a , ni khat chiah in kan in neihna tur a dang ta , Liansanga kha in neihna buaipui tur nen in puahchah lawk nan a hna khawih in a zin chhuak ta daih si a , nimin khan a rawn let ve chiah.



Vawin hian bazar tur a chhuah kan tum a ni.


Bathroom ka luh hma chuan ka lu a rawn hai leh chham a , heipawh dan ngai bawk ka naute pai vang anih ka ring ta ngawt tawh.


Chutah na men loh hian ka tai zawn ah a rawn vial leh tup tup a , a sa kual pup pup mai in ka hria .

Khumah chuan ka vial ngawt ngawt a , hetiang chuan ka chhuak thei miahlo ang .


Ka han nghah deuh renrawn hnu ah a rawn zia ve a , washroom lam ka pan zui zat.


Mak tak maiin hetianga ka awm hian a na hi a rei ngai miahlo a , mahse awm zing ngut ngut tak ani thung.



Wahsroom ka luh chuan ka kap zawn a rawn lum pup a , mahse vawikhat ka pen leh tur chiah chu ka lu a rawn hai leh cham chama , enge ka rah sahbawn nge pawh ka hrelo ka tawlhthlu zawt anihchu!


Ka lu ka vaw thuai a , chu ai mah chuan ka tai ka dawn ngawt ngawt a , nichin ang bawk khan thil lum pup leh hlawm angreng hi a rawn chhuak leg tup a ka harhchhuak zawk .


Ngawi lawk teh ka naute hi ka tlukna vangin ka sawhna palh ani mai angem?


Mahse rei ka ngaihtauh hmanlo ka tlukna leh lu hai sa hrim hrim nen engmah ngaihtuah chhunzawm theiloin a thim nghal mup .



..........

Ka harh leh meuh chuan damdawi in khumah ka lo mu reng tawh a , ka hmuh hmasak ber erawh Liansangzuala .


Min en ngur a thawk a la deuh hrawk bawk.


A mit a sen ram bawk nen hmachhawn a nuam tehchiam lo.


"Na ila nei em?" Ka lu ka lo thin khum nar nar a .

A khabe chu a tuai puat a , min hnungchhawn zawng a in her vut in vanvadak meuh hian a thaw chhuak hawk.


Zawhna mitmeng in ka lo en kiau a "engtin nge hetiang hian i tih theih?" a rawn hawi leh rual a a hmel chu sakawlh nen danglamna a awm tamlo.


"Ka hrethiamlo"

Lukham chu delh in ka thu mu a ,min rawn hnaih nghal ruak ruak in "naute a awm tawhlo ...i pum.chhung kha a ruak" min sawi nawk a , mahse hrechhuak thut ang mak hian min thlah leh thutin a in la hrang vut bawk.


"Dawt sawi miah suh" ka hrawk a thip vin hlur a , ka tawng chhuak em pawh ka hre chiahlo.


"Nang hian nau i chhiat chuan result a a lan danin i tluk vang niloin naute nu hian pawisawi miahlo chu a ka chhung a damdawi hmawm lutin tih tlak ani " a thusawi chuan min chhun zawk zawj mai in ka hria .

Min duatna mitmeng te kha chu sawiloh an bo hmak a , tunah hian sapui hliam hmachhawn in ka inhre bawk.


A thinrim lutuk vang in a beng zawn a pawng talh talh a , a thaw chhuak leh hrawih thin bawk.

Naute ka chhiat nilo tih tlak ani tig ka hriat rualin a ti tla tu ah keimah puh ka ni a , ka tan hei bak a thu hriat dengkhawng hi a awm leh kher angem?


"Khatiang hmel kha min hmuh miah suh ..kei hi min bum theih i in ring anih chuan i tisual khawp ang ka tih kha ..khang i lemchan hmang khan naute hi i chhiat anga lantir i tum anj tiraw? Eng ang hmeichhia nge i nih hi ka hrethiam thei ngai dawnlo anihi" a tawng chhung zawng khan ka na tig bak sawifiah thiam ka neilo .


Khum tlang a tlak danna awm chu ka hmer ngawt ngawt ringawt mai ni.


"Thil mak vak pawh a ni hleinem tiraw ? Ka fa pai chu i duhlo anih pawh in tlang takin min hrilh mai tache hetiang a dawizep tak a a nunna la lo hian ..keiman ka enkawl mai ang " a thaw chhuak hlawi hlawi a .


"A tha e ..ngawi reng rawh .." ka ban a venflon in vuah chu a melh zeuh a "engtin nge ka tih dawn che ka ngaihtuah mek ...i enkawl tha ang che a chhan chu inneihna kha a danglam phah dawn hauhlo ania " ti vawt raih in a pen sawn nghal hlawk hlawk a , kawngkhar a khar ri bur tih chu ka hriat awmchhun ani.






//Ka inthlahrung hle mai , diktak chuan sawi ka tum daih tawh a , mahse nangmahni vang liau² in tawite pawn ka rawn dah hram hram thin a , writers dang te post ka hmuh vangin ka rawn sawi ta hram ani e //

//Assignment kan ngah in test tur te a in dawt chho zuih a , board kum a ni bawk si nen lehkha zir na lamah min ti bahlah hlauh ang tih ka hlau ve bawk si a , rilru sen a ngaih zia chu in hriatthiam ka ring chuvangin duhthusam pawn ka rawn ziak chhuak hleithei ngailo a min ngaidam hram hram dawnnia chuan ka sawi tum tak chu ka chawlhsan rih mai a ngai dawn a , ka complete tho ang tih kha in lo hre lawk dawnnia aw 😊ka in thlahrung ve lutuk mahse zirna hi ka dah pawimawh lo thei bawk silo a , ka hman chang chang in ka ziak ve beuh beuh anga , kartawp ah hian rawn dah zeuh zeuh ka tum thin ang aw reh san tawp aiah ..tiang chuan ti mai ang u aw in mi ngaihdamna leh hriatthiamna ka rawn dil tak meuh meuh kei a story ziah ve tehlul in lo chhiar thin a ka lawm lutuk mahse kartawp ah chuan in theihnghilh hlawm tawp bikloh nan ka rawn dah zeuh zeuh thin mai ang aw😪//

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:53 pm

Hello! In lo la chhiar peih ange maw kan thlek dek dek chhin 🙈 chhiar peih a bar in awm tawh pawn ka ringlo mahse la chhiar a lo la ngaihven ve tawk² tu te erawh kha chuan khawngaih in click leh comment kha pe leh thliar thliar ang aw.



THLIRLETNA ➡ - Nuno-i khan naute kha a chhiat a chuan Liansangzuala khan ama duhthu reng a chhiat lui ah ngaiin hospital atangin a chhuah san ta anihkha!



CHAPTER-17🔗


A chhuah tak na lam kawnhkhar chu mit khap miahlo hian ka melh tlawk tlawk . Ni e ka tihsual rah, engmah hrilh hmasa miahlo a keimah pawh a ka sual chhuah maitheih ka rin vang a ka induhtawk na rah khan tunah hian min deng let mek anih hi!



Mahse engvang a keiman ka neihchhun tak meuh ka pum a naute paih duh tur khawp a nunrawng a Liansangzuala khan min ngaih theih? Hetiang tak a nunrawng mahni fa ngei pawh ti tla duh tur khawp a hmeichhe lawilo ah hian min ngai tihna chu ni sia maw?



Ka mit ka khap miahlo chung pawh a mittui rawn luang thla ngiai chu ka hru tawk a , engkim hian min thawng velvek tih bak sawi theih ka neilo .



Ka chhungte emaw tu mah hmuh tur an awmlo a , ka la hmuh awmchhun chu Liansangzuala chiah kha chuan thu dengkhawng lutuk leh min huat hluah hluah na a hmel a lang chhuak ka hmachhawn bawk .



Ngawi lawk teh aw nichin ah khan ka tluk vang niloin keihian damdawi ka ei thin anga ka result a a chhuah thu a sawi tak e .


Ka nui hul hak a , ka nuih a zat vang erawh a ni hauhlo thung , heng zawng zawng phenah hian nutei leh patea te an in rawlh tih chu ka hming ka hriat tluk zet in ka hrechiang .



Liansangzuala kha engtin nge ka hrilhfiah tak ang? Keimah hi ka tal awk mai mai zawk angem? Tunah engkim a tlai vek tawh hnu ah hian min la awih duh kher angem tih chu sawiloh keimah hi a hma aiin min puh sual sauh thei bawk entirnan ka naute tihtlak ah ka chhungte ka puh tih pawhin .



Ka sam ka tham tawk a , engvangin nge a hma daih khan ka lo hrilh mai loh le "mimawl nu , i tuhrah i seng anihhi" keimah chuan ka ti mawlh mawlh .


Engkim hrilh vek tur a min tih lai te khan lo hrilh tlang law law ila hetiang dinhmun tehrep hi kan thlen loh mai bakah ka naute pawh hi ka chan miahlo ang .


Tunah chuan min ring tawh hauh lo ang le!


..........

Mahni a tho chhuak tur pawn ka ding ngil tha thum thei miau lo a , damdawiin khumah chuana saisir deuh zawng a mu in tukverh lam ka melh tlawk tlawk .


Nichin khan ka ni leh Esy an rawn thu ve reng a , patea te nupa erawh an hmel hmuh tur ala awm hauhlo thung , chu erawh hmanhmawh ru viau mah ila la hmuh rihloh pawh chu ka tan chuan a tha tho .


An hmel ka hmu nihchuan tunah ka dinhmun nen hian hei aia thalo zawk ka thleng thei miau a , insum zolo in kan mualpho thui mai mai thei bawk .



Ka in sang mar leh teuh a , engmah ti thei silo in ka taksa tang nasa lutuk chu ka hahpui ngawih ngawih .


"Mambawih" ka ni in min koh na vang chuan tuverh lam ka melh ngurna tang chuan ka hawisawn ve chiah . Nimin khan an chhungkua in kan in neihna lam buaipui turin an lo chhuk a , a pasal chhungte in lamah an thleng ani awm e .


Chuan kan in neihni a ka bul a ding tur atan ka ni fanu ka cousin Abawihi hi ka hmang dawn bawk , lalmuani hman ka tum viau achu nu a nih tawh mai bakah tunah hian mizoram ah an awmlo hrim hrim a an naute pai theihloh chungchang ah ni ta in ka hria in entir turin Delhi lamah an kal daih bawk si a , kan in neihna rawn nang hman an tum tih chu an sawi tak na in thil thleng thut thei ani a a chianglo bawk nen Abawihi hian alo chak nasa ropui mai bawk si a ka hmang dawn ta ringawt ani.



Ka sam a chul hiau hiau pah in "eichak te i nei em?" A ti halh a , ka lu ka lo thing nar nar .


Min lainat hmel lutuk a min thlirna vang chuan ka mittui hi a rawn hnai leh kuarh a , ka dul thep tak a ka kut venflon an vuahna lam zawk ka nghah zawng ringawt pawh chuan ka ruak zia ka hre nawn awn awn .


"Ila dam tha lo tih chu ka hre tho a , mahse in in neihna lam hi engtin nge ni ang ? Kan sawn mai dawn em mi niang?" A tih leh tak ah chuan Liansangzuala'n pawisak neih loh hmel zet a in enkawl tha tur leh inneihna lam engmah a danglam loh tur thu a sawi kha ka hrechhuak zawk a .


Ka rilru chu a buai takzet "ka hrethiam biklo " ka ti zuai raih . Engmah min zawh zawm tawh lemlo a , Abawihi kan in a a rawn in sawn phei tur thu a sawi chuan ka lo thaw hap .

"Nnagmah in dimdawi ila ngai bawk si a , rawn phei turin ka ti a , tlai lamah kan in hruai chhuak thei tawh dawn tho a " keimah min rawn pah deuh a a tih leh chuan ka lo bu nghat .

.

Ka khawhar lutuk tur pawh min hnem a nga a zia ang chu ! .


Apple kawr vel mawlh mawlh pah chuan " i patea lah hi tinge maw rawn lan a tum miahlo ni a nupui sawn a mit a ti del hneh lutuk a , amah hmangaihtu te pawh ngaihsak nachang a hre tawhlo reng reng ...nakin ah ka la bia ang" a ti hlak hlak a , nu zaidam tak ani lo a , mahse a sual miahlo thung.


Patea te chungchang leh nutei'n a hruai sual zia te a sawi kai tak zel ah chuan ka taksa a tang leh ut ut tawh , heng zawng zawng thlen chhan hi keimah niloin an mahni vang ani ti ta ila engtiang takin sock na ang maw !


Nutei leh ka ni hi an in ngaih tehchiam lo tih chu ka hre tho a , mahse a pawng a taka in biak chhiat erawh an nei ngai chuanglo , patea kal dikloh chhan ah hian a puh tlat vang te pawh ni mahna a hma atang a buaina ni tawh hrim hrim a heichu.


"Ni"

A apple zei lep chu ka bula rawn dah hnai pahin ka thusawi ngaichang ran hian min melh vat .


"Naute hi ka tih tlak duh i ring ve tak tak em?" A hmelah danglam a awm em tih hriat tumin chiang takin ka en kal a , a ngawi deuh vung vung .


Chutah rawn thaw chhuak hap in " ka ringlo " a ti sep .


Engmah kan chungchang a hre ve miau lo a , keimah min venthawn vang a chutiang a sawi mai mai chu ani tih ka hre ru ve kar bawk .


Ka hmelah ka lo ti lang deuh nge " thil min hrilh duh i nei em ? Emaw zep pawh" a tih chuan ka thil eitur a rawn chhawp lai chu khal niap niap in ka ngawi ngul .


"Nute " beidawng hmel zet a a rawn tih leh takah chuan nui lui sang in engvanga Liansanga nen a in neih tum nge kan nih tih leh Esy bialpa a ni thin tih te chu ka sawi vek a , chuan naute ti tla tu pawh hi nutei te nupa an nih ka rin thu te , an in biakna ka ngaihthlak thu te chu ka sawi ta vek .



Mahse min chhan letna chu ka beisei loh lam daih ani , ka banah chuan vuan in hnai setawt ah hian min en a , midang tumah awm silo chu vengthawm ang hrim hian a hawi kual leh zak zak .


"I patea te bul a awm hi nuam i ti lo tih chu ka hria mahse ngaihtuah ve la i tet te atangin i nu leh pa chan changin an enkawl che a , khati khan dawt in i puh tur ani lo asin , an hria nih phei chuan i chungah an lawm dawn teuhlo ania ...engvang pawh in naute chu lo pai duhlo pawh nila i thil tih ah i chenpui te i puh tur anilo i tih sual chu tlang takin pawm ngam la, keichuan i lam ka tang tlat dawn a mahse dawt in midang chu puh kher loh tur" dam dap si a a tih sa sa chuan awihlo lutuk in ka melh ngawt ngawt ..



"Ni" ka ti chhuak tiau a , ka biang a mittui tla chu rawn hru mawlh mawlh in "an tap ngailo ania ...ka hrethiam che lawm mahse tikhan midang bulah phei chuan sawi miahloh tur ania keimah ka ni hlauh zawk a , i nutei i ngaina lo tih chu ka hria a keipawn ka mil lo tih chu i hrethiam vek ang mahse chumi vang chuan remchang ah an mahni i thil tih vang in i puh tur anilo , an mahni awm lo se chu tunah hian tunge enkawl ang che tih te kha ngaihtuah rawh" ka à chhuih maiin ka hria , ka beiseina chhete kha a bo nghal vek .


Min hrethiam angin a in sawi a , naute hi ka tih tlak a rin loh thu sawi chung siin tuna a thu sawi nen chuan a ni pawh hian ka tih tlak ngei anih a ring bur tihna !



Ka chhungte neih ve chhun leh min hrechiang tu ang a ka ngaih khan ka thusawi ringloin dawt sawi ah min puh let hlauh a , chutiang anih si chuan engtin nge pawn lam miin ka thusawi chu an rin ang? Min hrechiang tu ang a ka ngaih leh kan chhungkaw chanchin hre tu ber pawn min rin siloh chuan!



Amah pawn en chuanglo chuan "min enkawl chhan te chu nang pawn i hriat vek kha ...chuan mi in a awm nen danglam na a awm thui vak pawh in ka ringlo an ni chuan an u fanu ka nih chu sawiloh an duh duh a an tih kawi theih ang bakin min ngai hleinem , kudawh nen kan danglam na a awm lo hial zawk ang chu" ka ti fak , ka thusawi chuan a thawng deuh nge a ngawih reng vang chuan a hmel ka en , phawk lek lek hian min en ngal .



Reilo te ah a hmel chu rawn thlak hlawk in " i va mak ve mawle aw ....khati khan nangmah tuamhlawm tu te i ti tur anilo sin , i ni ka nihna angin ka hrilh che nihchu ...chulohah nang pawh lehkha thiamlo lutuk i ni lo a, hreawm i tih viau te chuan tinge i chhuahsan daih loh? Chhuak tur a ka tih vang che niloin chutiang khawp a a hreawm a nih te chuan mahni hlimna in zawn thiamlo tur khawp a naupangchhia lah i ni tawhlo , mambawih heihi ka huat vang che a sawi ka nilo mahse dawt sawi te kan thil tih ni miahlo a midang in min puh chuan a nat dan hrethiam pha tur a ka duh vang che ani tih i hriatthiam ka ring " a sawi hnem bawk a , a thaw hlawi hlawi mai , kei erawh in ka taksa khuhtu puan hmawrah chuan ka tham ngawt ngawt thung .



'Kan tih ni miahlo miin dawt a min puh hian engtiang tak a na nge anih ? Tih chu kei bak a hrechiang tu an awm kher dawn ami ...tunah hian kei mah nihhi dawt a min puh a tuar ber tu chu , ka naute lak sak ka ni a chu thil ti tu ah chuan keimah ngei hi min puh bawk a , lam tang pakhat mah lah ka nei heklo' tih khum nghek ka chak lutuk , mahse chhan chiam na turin a aw ki a dam thluam thung a , min an khum tawn tawn se keiin theihtawp in ka natna te auchhuahpui ka chak zek zek .



"Tlanchhuah chu ka duh , saw in a awm saw ka chak awkawng bik hleinem ....mahse maw ní ...i hria em ka pa in an share tur a a dah sak kha duhtawk loin ka tlanchhuah ve theihna kawng ti ping in khang ka tan a a hnutchhiah ve te kha min laksak vek a sin , i awih leh chuang lo ang " ka nui ro halh a , a mitah tak chuan en leh in "mi duham lutuk leh an chanpual pawh duhkhawp lo an nih saw , chuan i ti dik mahni hlimna tur kawng pawh dam thiamlo tur khawp a naupang chhia ka ni tawhlo , chuvangin ka zalen na tur leh dam khawchhuah nan pasal neih tum ka ni bawk" ka hmai la huh deuh hliam chu hru leh tawk in " a hreawm asin , ka chep ngawih ngawih tih ka in hriatna a chen ve reng saw ka kham ve hluah hluah a ...mahh ...nang chu engkim hre tu i ni a ka lam ah tangin min rin a min beih pui ka rin nen" a tawp lam chu a chhuak che che ani.





..............

Tlaiah damdawiin chhuahsan turin nutei leh patea a rawn lang ve chauh a , min biak pawn ka chhanglo , mahse in kan thlen hun hma a ka puah darh mai chu ka hlau hluah hluah ani.



Ka ni bulah emaw tu bulah mah in sawi fiah ka tum tawhlo , engtin nge min lo chhan let dawn tih chu ka hrechiang thawkhat tawh viau bawk.


Liansangzuala lakah erawh min ngaihdam hma chu engtianh pawn tlawm dawn mah ila ka ti mai ang.



Ka rin lawk ang ngeiin Abawihi chu a lo in suanphei tak tak a , kan kawr hak tur leh engkim chu ahma khan in thlahrung viau mah ila Liansanga chhung te lam in buaupui an chuh tlat a , kan lo hnar ve tak nain a tih luih theih hlawlloh.


"Keichu engah mah hian ka tui tawhlo" Esy tawngkam hman vang chuan kan ngawi thup.


"Enge khati khan min en hu hlawm a " tih leh a thleng chawi a tho chhuah a rual nghal.


Abawihi ngaihna hriat loh hmel tak a hawi à ruai chu ka khawngaih letling zawk , a la naupang mai bakah he in chhung chanchin hi a hre ve tlat lo a .



Inchung lam a pan chho tih ka hriat chuan ka thaw hak , ka tan hun rwmchang a ni ting mai.


Abawihi mitmei zeuhin alo hrethiamlo ngang mai , a eipuar em tih lam ka ngaihtauh tawhlo a kham nawlh a "kan kawr tur chu lo han ha chhin la" ka tih chuan hrethiam takin a bu ngjat a , nuam a ti chiahlo tih chu a hmel ah a lang ve reng.



Kan pathum chauh a kan thut tak ah chuan ka chaw bar lai chu tawp in ka hma sakawlh pahnih chu ka en tawn zak zak a "pate" ka ti halh.


An pahnih chuan min en rual that a , in sang mar teuhin "engvanga hetiang a ti nge in nih ? Ka nun in ti chhe vek a nih pawhin ka naute tal kha chu zuah ta che u , in pawi engmah a sawi hleinem" thukhuh neilo zet chuan ka ti chiam ringawt.


Nutei an tui hawp lai a hak that a "eng thu nge maw i sawi chiam chiam le?" Ner nak in a ti chhum hmuk.

Hah lemchan leh bawk maw ? An thang ah hian ka awk nasa tawh mah mah .


"Engkim ka hre vek tawh , in ruahhmanna tenawm tak pa in a fanu chung a a tih duhloh tur ruahman na in siam lai kha ka hre vek , ka beng ngei hian ka ngaihthla ...pate i fanu diktak nilo mah ila i u fanu ka ni a thutiam nei a min enkawl ni mah la in fanu ang tho ka ni sin ...nang hian khang thil te kha ka chung a a thlen loh nan a lo dang bet tlar tur i nih laiin" patea en chung a ka tih chuan ka thu hle hle thei tawhlo , ka tho chhuak zawk a mahse ka tai bawrah min pawt thip zawk tu a awm thung chu erawh ka ngaipawimawh ther te lo.



Rei tak chhung ka ngawi a , ka ngawi rei thei ta mah mah bawk.


Ka ho a min en na vang te chuan ka thin a rim zual sauh "ngawichipcham rawh nau i " nutei bawk ani.


Patea thu ngawi ngul hi sin ka la dem fo! Enge maw tak sawi se ka duh a nih mah.


In chhungkhat kan ni a , nutei hi chu mihrang a ni rih chuta demawm ber lah chuan engmah chhak chhuh tur nei hmel a pu hlawl silo.


"Naute hi nnagmah ni min tih tlak sak ani" ka ti chang fak.


"I va han zaklo mai mai tak e aw ...i nau i chhiat a chutah pawh hai theih miahlo in nangmah ngeiin damdawi i ei tih a lan vek kha min puh chhiat tum reng reng suh" ti hlar in a rawn ding chhuak a , ka lo nui sak .


Heng a thinrim hmel hmai sen tawn tawn hi lawm hmuh nuam chu ! "Nang ka be lo che" ka ti halh.


Ka thutna chair chu dahhla hret in patea thut na lamah ka va kal phei lawk a a dar ah chuan ka nem sak "mawh ...sawi rawh engvangij nge hetiang khawp a nunrawng hian i chet theih a ?" Ka tiau.


Kun ngal in a thu luau a ka ngei lutuk "engkim hi Liansanga chhungten an hriat chuan an awm mai mai hauh lo ang" ka tih leh lai tak chuan ka hnung lam atangin Esy aw ring lutuk in "enge in bengchhen chiam a , chuan Liansanga chanchin in sawi bawk in ka hria" a rawn ti vak a , ka bul a rawn thleng chawochilh nghal.



"Kha..a naute chhiat chungchang ah kei leh i pa hi min puh anih hi ..a pasal turin a iai leh deuh a hlau te pawh ni maithei" tawngkam mei nei zet a rawn ti tu chu ka melh hrawk.


Ka darah nem rawk in "tikhan ka nu leh pa i be mai mai thiang bik hleinem , tin a proof na pawh i neilo a dawt a in pub leh ringawt zel keichu in neihna awm turah hian ka tuilo tak zet tih i hriatchian kha buaina dang siam tawh suh , nge ni a i naute vang chauh hian em ni kha mihring pa khan neih che a duh anga chuan tunah lah a awm tawh der silo a" ka dul chu rawn melh in "a thlauhthlak leh si che i hlau" Esy tawngkam hman duhdan chuan min khai ta zak mai.



"Ngawi la i in rawlh loh na turah lo buai ve chhen suh" a vawikhat nan ka tawngchhuak ka ti dawn nge hetiang tak a huaisen hian ka la tawng ngai miau lo.




LIANSANGZUALA P.O.V




Ka phone a thlalak zozai chu vawi engzah nge ka enchhuah tawh pawh ka hre hreplo!


Ramnunpuii muhil lai chu kha a thianpa a tih vek sek in a kuah lai te , a chal a a fawp lai te chu chiang tak maiin a lang vek a chu ai mah a min deng na tu chu ruak thawthang a ka nupui ni tawh mai tur leh a unaupa leh thian ang mai a min hmelhriat tir nisi khum khat a mu dun lai chu ani .


Ka enchiang pauh leh ka thluak hi a so bulh bulh a , he thlalak min rawn thawn tu lah hi ka hrelo number hlang atanga ka dawn ani miau a *I nupui tur hi i hrechiang lo* tih ringawt a rawn thawn tel bawk.


Call emaw message ka thawn let na a chhang lo a , switch-off a in ti hmak hmak zel anihkha! Min thawn tu ai mah chuan kha hmeichhe tenawm zet mahni thisen ngei hmang a in siam mek a fa ti tla duh tu nupui a la neih luih talh ka tum nu hi engtiang a tih tur nge tih ka ngaihtuah mek.


Ka chhungte lakah erawh a tlukna vang a naute chhiat a nih thu ka la sawi fan a , hmeichhe lawilo zet ani tih hi an hriatchhuah rual rual in an ngaihdan tur chu ka hmuhdan ang tho hi ani ang , iai in nei lo tur erawh in min nawrlui hauhlo ang an fapa hian neih luih ka tum anihchuan min dang lo ang mahse an hmuhdan dang hlawk tur kha ka ngaingam lo anih mah zawk chu! Eng vang tehhrep a la venhim duh talh nge ka nih ka hre biklo.





Damdawiin atanga ka chhuahsan hnu khan a mitmeng a a tih anihloh zia min hrilh tum ni awm fahran a min melhna vang khan engmah hrechiang lo a ka ankhum chiam kha ka inthiamlo hnuhnawh a chuvang a an in lam pan chat pawh kha ka ni.


A hma ang mai mai a ngaihdan siam a kaltlang pui tawp kha ka tum tawhlo , tunah chuan ka hmuh phakah ka hlat lo tak ah a awm tawh a midang thusawi vang emaw engpawh nise ka fiah phawt zel a ngai tawh ang.

A khum bul dawhkan a a damdawi ei lai chap darh ve nuai chu a thla la in ka thianpa Hosea ka thawn ta vek a , engmah rinhlelh tur a awmloh thu leh naute pai lai a an eitur vek anih thu a sawi vangin khang a result a chhuak te kha a diklo ve thei tho tiin ka thaw chhuak hawk.


Ka thinrim lutuk insum hman loh vang a khatiang thu dengkhawng lutuk hmang a ka ankhum chiam vang khan mahni ka in haw hman lek lek mahse engvang a ka thluak in a drower saw entur a min tur ut ut reng nge anih ka hrelo , tun hnu ah erawh thudik min kawhmuh tu ah ka ngai hmiah.



Ka mit la zar tu lam chu ka pan a ka han pawh hawn chuan paper bag lo in hnawh tun hi ka hmu nghal pang.


Ka hawn chuan ka nui suk damdawi bawk maw?


Hosea chu call leh in damdawi hming te chu ka han sawi a "naute tih tlakna nihchu mahse damdawi dawr nazawng ah lei tur a awmlo mahse engvanga hetiang lam hi min rawn zawt tehthut nge " a sawi zawh hma in ka phone ka off hnan hmiah.



Thaw halh in damdawi bur te chu ka hmai zawn ah ka lek kang a nui halh in "min bum tum suh ka tihkha" ka ti chhuak sap.


Ka hriat thin nuno-i kha a danglam tawh nge hetiang hmeichhe rapthlak tak hi alo ni reng zawk tih pawh ka hrethiam hrep lo.

Ka chhuah hma a Esy rawn lut in "nangchu damdawiin a awm tur i nilo'm ni?" a ti lang lang a , ka chhanglo ka thil khai lai paper bag chu rawn en in "kha chu Nutei damdawi anihkha" a tih chuan ka beng a verh leh zarh "hmani khan Vanlala nen khan an lei a hemi lam tur hian amj i rawn kal?" A tih leh lek phei chuan thinrim lutuk in ka thaw chhuak hrawih.


Engmah sawi chuanglo khan ka chhuahsan ta kha ania ! He damdawi hi khami tlai a Vanlala rawn pek kha ani tih ka hrechhuak chawpchilh bawk.



A awmzia chu he hmeichhia leh a mipa hi tang rual in ka fa chu an ti tla tihna! An sahimna tur leh ka lak atanga an tal hran theih nan pawisawilo nunna chu an la duh amaw?



Naute vang a nupui a neih tum ka nilo va , engtiang a nasa pawn min hlat tum eng ang mahse ka thil tum hi ka thulh phah hauhlo ang naute awm tawhlo mahse ka nupui anihna tur kawng a dan phah dawnlo tihna nihchu!


Heng an ruahman na siam vang mai mai a in hnukdawk a inneihna hi ka thulh phah an ring anihchuan an ti sual khawp ang.


A tul chuan tihluihna pawh ka hmang tawh mai aniang chu!



Ka phone a thlalak bawk chu en nawn leh ngatin ka vawm per nawk "ka ta i nihkha i hria em ka ta chauh" sehchilh nawk a tiin room ka chhuahsan a ka thisen lum lai a ani hmeichhe chak lo tak saw hmachhawn a tihnat palh chu ka hlau mahse tunah hian inthunun reng a ka pan vat loh anih erawh chuan ka thinrim in bengdaihna tur in tu emaw takin kut a tuar thung ang.





Ramnunpuii (Nuno-i) P.O.V




Abawihin room a ka lut chu zawhna mitmeng in min melh nghal kiau a , sawi tur vak ka hrelo.



"U nute keichu patea te mizia hi mak ka ti U Esy pawh ka nel thei lo reng reng" a tih niah niah ah chuan ka nui chhuak hak a , a rirlu thianghlimin nau angin ka la en ve tumhrang bawk.



Heng buaina te hi hrilh chiam mah ila a hrethiam.pha dawn pawh in ka ringlo , vei neilo zet a a phone screen a Liansangzuala thlalak rawn lek kang chungin "a takah chuan ka la hmu ve miahlo a chhelo ka ti e , min zawnpui ve rawh aw thian te nei em?" A ti sek sek a , ka nui liam ta tawp.




Kawngka rawn kik dat dat vangin ka hawng a Esy lo ni "inhnuai lamah ka nu ten an ko cheu" chu bak chu sawilo in inhnuai lam a pan leh nul nul a , nichin mai a thil thleng te vabg khan ka inchhir therte lo bawk.



Mahse thutkhawm na a Liansangzuala lo thu luah mai ka hmuh chuan ka tawi leh ta hrat , ka banah Abawihi'n min sik niap niap a , enge hetah rawn tih?



Min rawn hmuh lai chuan in thinh nawk in ka pen lui ta zel , a hma ah tak chuan ka thu vang a a hmelah saw chuan thinrim na ka hmu lo nain ka ngaih a tha zan lo.


Patea'n a be mawlh mawlh a , a chhan pah in keimah min rawn en leh zawk thin bawk.


Rei deuh tawk kan thut ran hnu ah "Nuno-i hi ka be lawk thei em?" Hnial chi ni miah silo hian patea chu a melh zeuh a , Esy ka zawng nghal ruai mahse hmuh tur a awm miahlo.




A motor ngheng a duhdah tak a ding chu melh pawh ka melh tha ngam meuhlo "ih ..enge a ?" Kan ngawih reng vang chuan ka ti ta tawl.


"Hlauthawng suh ka that lovang che" ngeiawm zet a nui suk tu chu ka melh chho haw.


Nichin mai a ka chhungte laka a hmel dam thlup kha chu thim tham ah mah nise a bo hmak tawh tih ka hmu chiang hle thung .


Ka chil ka lem khawlh a "min that dawn pawh" ka sawizo hmanlo "tawng suh helai hmunah hian i thusawi ngaithla tur niloin sawi duh ka neih vang a ko chhuak che ka ni insawifiah tum a i ka lo an zeuh pawh kha angai lo tih na nihchu" tehthlawt mai a ! A thusawi dan mai mai chu .



Ngawi kar in a thil sawi rapthlak zet chu milim ang mai hian ka ngaithla a, kham sang tak ah min nam thla in engmah ngaihtuah theilo ang mai hian ka ngawng chhuih .


"I mipa nen a in ruahman na hi ka hrelo emaw i ti nge ...heng te vang hian inneihna kha ka thulh phah dawn hauhlo a a ni emaw engpawh nise thlak danglam theih ani heklo chuan i tih ve tur zawng erawh ka chhungte leh mi mit hmuh a ka nupui tha tak ang a awm kha nimai , mipa dang i kawm emaw hmuh phal anilo a kha pa pawh kha tiamin ! Ka nun ah ve thung erawh i inrawlh tur anilo tunge ka biak a ka awmpui tih ah thuneihna i neilo ka tihna nihchu! Thil harsa vak anilo ang lemchan te chu i hnehnsawh kha!" A thusawi ve tawh ah chuan a la thui ber ang mahse ngaihthlak duhawm lo khawp a hriat hreawm ani thung .

Chuan ka mipa a tih takah chuan Vanlala nen kan la in hmu leh miahlo tih ka hrechhuak chiah . Damdawiin a ka awm lai pawh khan hmuh tur a awmlo a , vawikhat mah in a ka haw leh thleng pawn a rawn lang miahlo anihkha!




Ka insehruh nghek a , min awih emaw awih dawnlo pawj nise ka sawi ve hrim hrim angai nakin a ka in chhir leh loh nan tiiin ka i ti huaisen lui a "naute kha ka tihtlak anilo" ka ti tiau ringawt.


Ka bul a taksa lianpui mai in "naute" tih ka lam vang a in sangmar mar teuh chung a in hun ruh nghal chu ka hailo .


"Tawng lo turin ka ti che" a rawn ti leh halh a , mahse a mitah tak en chung chuan "ka tih tlak anilo, chutiang ti duh tur khawp a nunrawng ka nilo tih chu i hriat kha chuan a ti tu" ka thusawi lai pawtchat in "ohhh..keipawn heng thil i tih hma zawng kha chuan hetiang ti duh tur khawp a nunrawng i nih ka ring biklo" ka tan a hriat ngeiawm zet tur chuan a rawn ti leh kher a , ka tah hi chhuak tun tawh zawk.


Tan tu ka neilo lutuk leh min hrechiang viau emaw ka tih ten min lo hruatchian tawk loh zia ka hre nawn awn awn.


"Min en teh ka fa ngei chu ti tla duh tur khawp a hmeichhe khawlo ka ni em? Chuan enge ruahhman na i sawi ve sek pawh chu ka hre bawk heklo heng thil ti tu te hi ka chenpui te an ni an ni chuan naute hi min tih tlak sak asin " a ngawih vung vung vang leh min en ngur na vang chuan beisei nei tak chungin ka en kiau a "dawt sawi tum tawh suh Nuno" ka thaw chhuak hawk.


A tawk e , tumah hian min ring zo lo anihhi ...hei bak a thu hriat nuamlo hi a awm tamlo ang.


Rawn nui chhuak hawk in enge tunah khan nuihzat tur awm tiin keichuan amah en ran chung in ka lo ngaihtuah daih thung "i duh duh sawiin ka lo ngaihthla nga chuan ka ring ang che maw ? I hria em rin che tum a nangmah a ka in nghah pauh leh min ti beidawng leh ziah " ka ban tawn tawn ah chuan hmer in motor bang ah chuan min nam bet nawk a , ka ban a hmer na chu a na mah mah bawk.


"Engvanga hetiang a ti hi nge i nih? Hnaih che ka tum pauh leh engvanga ka hlat a awm zel nge i nih?"



Sapui hliam ka hmachhawn ni mai hian ka hria "ana nia" ti dak a ka tih chuan ka ban a hmer na chu melh zeuhin thaw chhuak hawk pah hian min thlah hlawk a , ka zawi nghal vek maiin ka hria.



"I sawi duh i sawi zawh tawh chuan ka lut dawn ! Nang ber kher hi chuan min rin ka lo beisei ve nen ..." Vanvadak in ka nui chhuak halh a "a tha vek e ..keipawn ka sawi zo tawh insawifiah leh tulna awm in ka hre tawhlo " engmah sawilo a ding ngawi ngul tu chu kalpel in pen thum vel ka pen hman ang tih ah ka in her let leh a , min hnungchhawn zawng a a din miau vangin min hmu ve lo ang "nakinah la inchhir hauh suh ang che" ka ti leh ta kher.


Mahse a thil rawn sawi leh vang chuan ka pen sawn leh tawh lo "ka thik " ka bulah rawn pen phei leh pawk pawk in hun a duh rei lo kher mai "kha pa kha ka thik tih i hria em? Heng i taksa te hi ka ta chauh ani a i chalah emaw khawi hmunah pawh midang in an fawp ve thianglo che " min thawnglo ka tih chuan dawt ani ang .


"Mahse engkim chu a ti vek ! I taksa ...ka nupui hual chu mipa dang nen thuamhnaw mumal pawh in bel lovin an mu dun anihchu!" Sawu thianglo sawi ang mai hian a ner nawk a .


"Khang i ngaihruatna emaw khawi hmun atanga hria pawh lo ni la thudiklo anihchu! I hrechianglo anihchuan sawi mai mai bawk suh" ka ti vin hlar min puh dan tethlawt kha mi hurherh te pawh ka ang alawm le!


Kiau suk in "ka duh ai ka hrechiang mah mah , a thlalak nen lam mawle" a ti leh suk.


Ka melh rum nghek a , heng information diklo tak tak hi khawi atanga a hriat leh hmuh thin nge mawni engpawh chu nise helai hmun atanga kal sawn vat vat hi ka duh " engpawh chu nise ka sawi tur chu ka sawi zo tawh i awihlo anihchuan ka thu ni tawhlo ..." Ka hnaih hrat a "min chhui chhuah sak rawh, hetiang a ti tu te hi nangmah ngeiin chhui chhuak rawh kan naute min tih tlak sak tu hi hremna pe ang che chutah chuan i puh mek hmeichhia hi ka dik zia i hria ang" ti halh in ka pen sawn nghal pawk pawk.





...............

-IN NEIH NI-


Mipui an sawm vaklo ang an ti tak na a ka chhungte lam ai mah chuan Liansanga te lam ah an hmel atanga en pawh a pa sar vuah vuah hmuh tur an awm zut a .


Ka zam zia chu pui tak ani , Abawihi lah chu a phur nasa mai si a tih luihna tak meuh in kei erawh ka nui thung.


Ka chhungte hmuh tur mang an awm lo va , buaina a chhuak thut ang tih ka hlau zek zek a chhan erawh ka hre chuanglo.



Biakin chhung ah chuan mipui an khat nuk tho nia! Pastor din chhuah lai te chuan tlanchhuah daih mai hi ka duh a , mahse chu thil ti tur a huaisenna ka neilo kha in hremhmun ang mai a a chengte mi tenawm ni bawk te hnen atanga ka tak hrang theihna awmchhun ani bawk.


He in neihna hian rah tha a chhuah kher angem ka hrelo , Esy thinlung a tih nat sak bawk ang ! Mahse midang ngaihtuah vanga ka himna tur hmuhhmaih bik ka tum teuhlo an ni in chutiang hehu ah min ngau ve chuang hleinem.


Liansnagzuala hmel tak ngul chu ka en a , hma lam en ngur in bing tak a thil ngaihtuah hmel apu.


A coat suit var hak chu a in hmeh leh khawp a , a hnuaiah kamis dum a ha thung . He mipa hi ka phu reng reng lo mahse a hming chauh a innei tur kan ni a a chhungte lakah chauh alawm a nupui anga awm tura min tih.


Kan in neih hma a a thusawi zawng zawbg te kha ka ngaihtuah kir zut zut a , ka pian na hnulam ah hetiang hi ka tawk ang tih pawh ka ring pha ngailo .


Tinge ka nun ah hian hlimna hi hmuh tur a awmloh em em bik mai le!.



Ka khur ru dar dar chu ka bul a taksa lianpui khawvel ah mi famkim an awm anih ngai chuan ani ngei hi ani ang tih tur khawp a smart leh pà chuan ka kut a rawn hum hnan a , ka en zawk mahse engmah thlenglo ang maiin hma lam tho a en ngal .



Tunah , tun darkar nilo minute ah ngei hian Liansangzuala nupui ka ni tawh dawn

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:53 pm

Chapter-18🔗




Tlai lamah pawh chuan mipui an tam tha leh khawp a, kei erawh ka chau nghulh thung .


Mumal in Liansangzuala nen pawh kan in be lo tih theih tluk ani . Ka chhungte , ni e he khawlvel a ka awm ve chhung chuan ka chungah engang pawn hem thlak tumin sual thin mahse ka neih chhun te an la ni ve a , an hmel hmuh tur mang awm lo leh mi in a ka lawiluh dawn tal chuan thu tha te min hrilh turin ka la beisei ru fan a ! Ka nu leh pa ka ngaihna a zual hle bawk.



Inneihna programe thenkhat chu a zo a , zan lamah party tenau Liansanga thawhpui te leh thian thenkhat ten an buatsaih dawn a .



Chuan Liansanga nu leh pa ten thil pawimawh tak puanchhuah tur an neih thu an sawi bawk tak kha!


...........

"Khawnge in riah dawn U Liansanga hian a sawi em? Inah hian amawnle?" Ka beng bulah Abawihi chuan a ti sa sa a , ka la hre biklo tak tak .



Ka lu ka thing zeuh a , min awih hmel a pu chiahlo in ka hria mahse ka ngaihven zui tawh lemlo .


Thil pawimawh eng eng emaw te kan tih fel hnu ah ka ni chu ka bulah lo kalin " biak fal hun che awmlo lutuk a , a hma lah khan lo sawi nachang ka hre bawk silo engpawh nise mi in ah i awm tawh dawn a, enge maw hlek thlengah emaw chhungkaw in nghirngho na awm thei te ani chutiang ah chuan mahni in lam pan nul nul loh tur ania , thil awmzia i pasal bulah i thlen hmasa nga engmah nangma thu in kaltlang pui tawp loh tur mahse chutiag em a thlen chu beisei lo phawt ila Liansanga fapa mal a ni bawk a tin , a nu leh pa lah an tha duang duang hmel si nangpawh in nel a biak seuh seuh tum rawh aw " a thusawi chhung zawngin amit ah tak ka en ngul a , ka chhungte tu emaw tal in hetiang thu kam khat lek hmang pawh hian min thlah dawnlo emaw ka ti hman a ! Mi te chu pasal an neih dawn reng reng in thu tha an in hrilh lawm lawm thin a ni reng ani.




An lo sawi lawk tawh ang ngeiin Nutei te chuan kan in neihna lamah an in hawlh lawr tehchiam lo a , a mawiah tiin an rawn tel ve nimai hian ka hria . Esy lah chu inkhawm a zawh a thla kan lak lai vel bak khan ka hmu chhunzawm leh tawh miahlo bawk.



"I chau tawh em?" Ka beng bulah rawn ti sep tu vang chuan ka phu chiam ringawt , ka awmdan chu a duhlo nge a ner sak chu ka hmu hman hram.


Ka lu ka lo thing mat mat ringawt a , ka chhungril erawh a chau lutuk a chawlh hahdam a mamawh takzet tih ka hria "i hmel ah kha chuan chau hluah hluah hmel i pu lawm nge ni a inneihna hi iphur loh lutuk vang" a tawngkam mei nei zet zet thin hi ka la hmachhawn fo chu a ngai dawn si a ! Thaw halh in rum mangkheng hian ka melh hrawk mahse a ngaihpawimawh hmel tehchiam lo "i mipa lah chu i sawm ve lo nge a rawn lang miah bawk silo a " kan hma a mipui awm nuai nuai chu melh thuak in a ding ngil nghal zat a , ka ngei dan chu ropui tak ani.



Vanlala a rawn tel ve miahlo tih ka lo hrelo hrim hrim chuan keiai in Liansangzuala ngerngur hian alo ngaihven zawk tihna? Hah ..eng chiah hi nge maw a beisei le !


Chuan ka naute ka chhiat tih ka hriat tirh atang khan a hmel chu sawiloh phone emaw hmang pawh in vawi khat te mah min rawn be ngai miahlo bawk .


Ka thluak nu bulh bulh vangin ka lo ngaihtuah hmanlo mai pawh a , nge ni a a ni hian buaina te hi alo tawk zawk te hi nilo maw le?



Party kan tan hma chuan Esy ruih nei tih hriat zet in a rawn lang leh hlawl a , buaina a siam ka hlau zek zek , nutei te nupa leh ka ni te chhung lam chu an let diak tawh a heihi chu thalai deuh tan bik a huaihawt a ni hrim hrim bawk nen a pawi lo viau ang.



Abawihi leh Hosea in be mawlh mawlh chu nuih suk in washroom lam ka kawk zeuh a "ka va hmang lawk ange " ka ti sep . An ni pahnih hi vawin nileng in an in zui deuh chawt a , an in kawm thei dawn viau in ka hria.



"Enge i tih dawn?" Liansangzuala'n a rawn tih chuan ka hma a washroom chu melh zeuhin "ka hmang lawk dawn" ka ti sep.

Min rawn pan hnai dut dut a , chutah a sana chu bih vut in "ok ...pawnah hian ka lo nghak angche" a ti zui hmiah , enge maw hepa hian a hriat hrep le? Ka tlanbo hlau ni awm fahran hian min thlithlai a min vil reng ka ti mai!


Ka lu ka thing nghut a , engmah sawi tawhlo chuan ka lut bo hmiah bawk .


Rei ka awm lo ka chhuak leh vat a , mahse alo la ding reng tih ka hmuh chuan awihlo lutukin ka melh rawm rawm ringawt "kal ila " a ban chu ka kuah theih turin a la rawn dah hnai zui.


Ka thaw hap a , mahse a ban rawn dah chu ban ta mai lo chuan ka kalpel zui hmiah , ka hnung lam atanga nui dat pah a min rawn zui nul nul chu ka hre thei ngaihven zui lo hian ka pen ngai chuan ka pen reng tho.


"Mama in lo kalbo daih a , lo thu tawh ula" Liansanga nu in a lo tih sawk sawk chuan ka bul a mipa ding ngur chu ka melh chho a , min lo en ve chiah .


ka kut chu vuan in min thutthlak pui a , laksawn ka tum biklo .


An in kawtah chuan kan awm khawm miau avangin boruak chu a dai a , thli a thaw leh heuh heuh thin bawk.



A phone a rawn ri nghawr dar dar a , ning zet a phawrh chhuak zal zal in chhang ta mailo chuan a hriattham lek hian a phun zui hluk , chutah a phone ken lai chu off hmiah in min rawn en leh zawk a "Ka rawn let leh vat ang" tih pah a ka chhanna pawh nghak miahlo chuan Liansangzuala chu a tho chhuak vut a , nichin khan a nu in progame kan tan vat dawn a ti bawk si a ka rilru buai ru zek zek!


Khawnge maw kal ang le? Ti rilru nauh nauh chung chuan a kal liamna lang thei chin chu thut hmun atangin ka thlir zui reng a , kan awmna hi an in kawt (pawn) ani ka tih tawh kha , eng an chhit loh na chin a a bikbo daih avang chuan ka va zui ve mai dawn nge ? Tih ka ngaihtuah mek.

A kalhran dan lah kha phone call a rawn lut a a tho zui nawlh thei ania eng nge maw tak chu ni ngei ang.


Thawh chhuah ka tum chuan Hosea chuan a ipte a phone dah luh pah in "Nute ..in pa chu a lo let dawn lo kalsan lo turin a ti che nihchu!" A rawn ti chhuak phawng a , mak ti lutuk in ka en kar ringawt.


Ka hamhaih hmel ah chuan a hrethiam nge"hna lam thil a nia" a ti zawi leh sup .


Ka bu nghat a , engpawh nise alo let dawn tho a lawm ti rilru chuan ka thu thla leh riai riai , mahse a lo let dawn a tihna rei tawh nen minute tam a ral leh hman tawh ka ngaih chu tha zan tawhlo .


Engvanga keimah pawh min hrilh thei reng kha Hosea a thianpa hi rawn hrilh daih nge a nih lah ka hre lo , Hosea lah chuan min mitmei ran ka ti mai ka dak chhuak leh thin chu min lo en leh zak zak thin a , Liansangzuala hian min veng turin a ti nih te pawh ka ring ta rum rum.


Hla an play rat rat a , thenkhat phur fal lutuk an lo rak leh that that thin , mopa ber a bo daih a , khawnge a kal tih hre turin a nupui hian engmah chinchang ka la hrelo zui ! Ka rirlu hahna leh kawchhung ni bulh vang chuan Liansanga nu leh pa ten an thil pawimawh puanchhuah tur chu tan vat vat se party hi zo vat bawk se ka ti rum rum tawh.



Ka dar a kut rawn nghat dup chung a "nubawih khawnge Liansanga , kan tan thei tawh nia" ngun thluk fe a min en chung hian Liansanga pa chuan a rawn ti a .


Chhan ngaihna ka hrelo , tun minute reilo te chhung pawh khan min zawt sap sap tu awm mahse phat marna a awm zel a , a pa lakah erawh hi chuan sawu tur ka van lutuk tlat.


Chhan tum a ka ang zuau chu "hna pawimawh awm lawk a , a rawn let thuai ang a rawn call zo chiah che nilawm ni nute?" Mitmeng pha duai chung a Hosea'n a rawn ti chuan ka bo zual tulh tulh .


Ka chhanna beisei tih hriat zet a min en run tu chu nuih suk chung a en let ve in "aw..aw..a rawn let mek ang" ka ti bah nawk .


Engvangin nge hetiang hian Hosea hi awm ? Tunah lah khan dawt min sawi tir ringawt lehngal "tun ang hun pawimawh ah hna khawih tur a awm cheu amaw?" Min ringhlel tih tih deuh chuan lawmlo hmel tak hian a ti hmuk .


Ka chhang lo a , ka awm dan chu lai kual vel tak ani tawh ringawt!


A pa in min zawt zui tawhlo pawh chu tih tawh laiin a nu bawk chuan "khawnge kan fapa pawh chu awm a , Nubawih biak han tum leh chhin teh" a rawn ti leh nghal zat a , tah khum nghek mai hi ka chak .


An fapa awmna hi ka hre bik miau lo a , tin an thil pawimawh sawi tur pawh chu an ngaihlu hle nih tih a hriat hetiang tak a an chiai danah hian!


Ka tho chhuak thawr a , ka phone hum ngur chu lek vutin "kan bia nge" ka ti sep a , nichin a Liansangzuala bik bo na lam kha bing takin ka pan mawp mawp.


Ka hnung lamah Hosea'n min zui tih ka hria ka ngaipawimawh lo , tun ang hun pawimawh ah hian eng thil nge a buaipui tih ka hriat ngei angai!



Ka pen phei zel a , motor an hun teuhna ka kaltlang zel chuan ka hawikual thuak thuaka , a motor lah chu garage ah a awm tih ka chiang a awmzia chu a helai chhevel ah hian a awm tih na !


A hming lam meuh in ka au thawr a , mahse a reh vung vung a vawithum nan ka au leh tur chiah chu "party na lamah lo va awm rawh , in pahnih a in bo daih chuan a zia lo a nia" ka ban a rawn vuan pah in Hosea bawk chuan a rawn ti leh a , ka hawi phei zawk "enge maw i hriat le?" Ka ti vak !


Min chhan let tum a a an zuau lai chuan kan piah lawk a thingkung buk laih mai lam atanga hmeichhe in hnit hlap hlap ri kan hria a , kan hawi nghal dawrh!


Chutah ring mangkheng hian "tinge ani kher?" Hmeichhe aw bawk in a ti leh tiau!

Ka en chiang nak chuan ruangam pahnih ka hmu thei ta chuan pakhat zawk landan ah saw chuan ka pasal ..ni e ka pasal Liansangzuala a ni tih ka hailo , chu ai a mak leh zel chu hmeichhe aw kha ka tet te atanga ka lo chenpui thin ka unaunu Esy aw ngei a ni tih ka chiang bawk!



Hosea min vawn na chu paih per nawkin chu mi te pahnih awmna lam chu ka pan phei mawp mawp a , an bul ka va thlen chuan min hmu thut chu mak tiin an meng phar awk .

Zan thim hnuaiah mah nise an hmel chu ka hmu chiang ngang thung , ka thaw hap a , ka kut ka humruh nghek bawk , ka mit in Esy kut awmna chu ka melh nghal zat bawk an ni lah chuan in thlah ta nge an tilo min en mawl tawp hi ni mai!



"Heihi em ni hna pawimawh chu?" Ka ti chang fak , min chhan tum miahlo a ngawi ngul chu ka en tlawk tlawk .

"Ka tihpalh bawiha dan chu ka tum nasa lutuk" thaw hlawi hlawi chung a Hosea'n a rawn tih chuan ka melh hrawk , ani pawh hi heng hre vek chung hian a lo thup pui a ka lawm loh zia a hre miahlo ani ngei ang.




Liansangzuala chu che hrutin "A pawilo , va let la ka nu leh pa te bula i sawi tur chu i hriat kha" a ti nghut , ka hnung a ding pa lah chuan a kid rinawm ber ang mai hian vawikhat pawh hnial chhin miahlo in a let zui nal nal.



Boruak chu a tang ut a , ka hma a ding te pahnih chu an thusawi ngaichang ran in ka melh ngur "tinge ilo kala ?" Ka nui chhuak hawk !

Nichin a ka thusawi engmah ngaihsak map loin tinge hetah ka kal tih min zawt ania! Takzet hian.


"An in neihna party la tan hma hauhin a pasal chuan hmun fal ah hmeichhe tap alo buaipui a tichuan a nupui chu engvanga kal nge anih tih chu a zawt let hlauha " ka nui lui leh sak !


Esy in la khawngaihthlak fahran a min en kiau tu chu ka ngaipawimawh therte lo ! Engang pawn lo in zui nasa mahse tunah chuan ka pasal ani tawh a , ka unaunu a nih vang mai in ka en liam tawp theilo bawk.


"Helai hmunah hian i awm tur ani lo sin" dam thluam a a rawn tih leh chuan "Liansangzual" ka ti hrawk!


Tehthlawt mai a , tu nupui in nge a pasal nen a an neihna progame pawh la zo loh lai a a pasal leh hmeichhe dang hmun fal a awm duh chu en liam mai mai thei bik anga? Ngaihdan tha lo pui pui pu lo bik ang? Tin ka unaunu nen hian an lo in zui ve tawh tih ka hrechiang a Esy'n mjn thik zia pawh ka hria chuti chung chuan engtin nge "a tha vek e" tiin ka en liam mai mai theih tehlul ang.



"I nu leh pa in an zawng che" an mahni pawh en tawhlo chuan lei lam bih ngurin ka ti chhuak halh .


Engmah sawifiah tum miahlo leh ka rilru kalsual tur pawh ngaihtuah miahlo a helai hmun a ka awm ve hnawksak min ti hmel zet a min biakna vang te khan ka na ngawih ngawih.


"Ok ..anih chuan let ang" ti hmiah in ka kutah chuan a rawn hum hnan a , phawk lutuk in ka en kal ringawt !


A mizia hi ka hrethiam thlawt lo , kan bul a ka unaunu awm ve chu ngaihsak tawh miahlo a min pen sawn pui a tum lai chuan "in kal theilo ania aw ..ka la sawi zo hleinem" rawn ti tawk in Liansangzuala'n ka kut a vawn na chu a rawn pawt phelh nawk a "Es" ka ti hman tawk rak that in "duhtawk rawh" a rawn ti vin hlar a .


"Nangmah vang hian kum tamtak chhung a ka mipa lo hmangaih tawh chu ka chan a , chuan tunah i ta ani tawh nilawm ni reilo te tal thlahna thu ka sawi ve pawh chu i remti miahlo em ni a ? I nunrawng lutuk ....i kiangah awm reng tawh dawn a chu pawh chu min la phalsak lo fo a maw mahni hmasial lutuk i nih hi ka lo ring lo asin" ti leh tawn tawn in a in hnit zui hlarh hlarh a , sawi mai tur pawh hreloin kan ding ngawi ngul .


"I hria em? Keichuan khang kum tamtak chhung a ka mipa lo duh em em kha kumkhua a tan i bul a awm turin ka kalsan asin ! A har zia i hrethiam pha lo ang , nang ve chuan reilo te chhung lek ka biak pawn i thik em em chu nisia" a thusawi tawp lam ah erawh sawi thianglo sawi ang mai hian a ner zui salh.


Ka thluak chu a buai tup tup a , a thusawi tawp a Liansangzuala a rawn kuah bet leh hmiah pawh chu dan tumna ka nei tawhlo ! Ka en mawl tawp hi ni ber mak.


Ka pasal lah in lo hnar a tum miau silo a !

"Duhtawk rawh le" ti dam thluam tu chu ka en ngawt ngawt ringawt , a tawngkam a duatna rawn lang chhuak zawk zawk te khan min ti na em em a , engtin nge ka hmuh lai lehzel chuan hetiang hian an awm theih?



Ka duh ai Esy'n ka pasal a kuah beh rei em vang chuan thikna lian tak a rawn piang a ka in rin hma hauh in a sam ah chuan tham sak nawlh in "tunah chuan ka pasal anj tawh a , engang pawn lo hmangaih mahla ka ta ni tawh , nang chauh hian i hmangaih lova keipawn ka hmangaih ve tho" ka ti vak ringawt!


Hmeichhe rak that ka hriat rualin min nam kat nawk tu vang chuan hrilhhai lutuk in ka khur ru dar dar !


Tuna ka thil sawi leh chet dan kha ka tum vang ani miahlo chuan ka duh lo bawk mahse sawi dikloh ka neih ka hre miahlo bawk!


"Tunah let rawh" rawn ti vin that tu vang chuan beisei nei zet in Liansangzuala chu ka melh a "a sawi chu i hrelo em ni? Let rawh a ti che" Esy en pah chuan ka ti ve chul a mahse ka hma a mipa ding ngul chuan "a ni hi niloin nangmah kha let turin ka ti che " rawn ti vawt raih in min melh ngur.



Sawi ve tur pakhat mah ka hrelo , ka tlawm ani , ni e ka tlawm takzet ! Ka mittui a rawn luang thla pap a eng ang mihring nge maw a nih le? Tuna a thusawi kha ka hriatsual chu ani em lo maw!


"Mahse" ka awih loh lutuk vang chuan ka ti leh tawk!


"Let rawh ..ka rawn zui ang che" dam deuh zawk a a rawn tih leh chuan sawi theih ka nei talo , ka unaunu in la khawngaihthlak zet chu ka melh zawk a , Liansangzuala kan bulah awm lo ni ngat se chu nichin a a sam a ka tham vang khan kut min thlaklet duh hial ang mahse ka lo hrechiang lo hle ah ka ngai hmiah tawh.


Ka banah chuan ka kut lehlam a hmer ngawt ngawt in ka ka in her riai riai a , nichin mai a min ankhum nachhan kha ka hrelo enge tih sual ka neih ? Kei chuan ka pasal hmeichhe dang nen a an in kuah ka hmu theilo a ni ve mai a , tah chuan enge tihsual ka neih a ? ....



Kalkawng pawh hmu tha hleithei lo in ka pen chhat chhat a , engvang a an in hmangaih viau anih te chuan min neih hi duh ngur nge anih? Hmeichhe dang laka ka thlavang a hauh ngam dawnlo anih te chuan eng vangin nge nau ka chhiat tih a hriat tirh te khan in neihna a cancel mai loh?



Ka hmai huh hliam chu tuai puat in lei lam bih ngur chung chuan mi à ang maiin ka pen chhat chhat a , kawng a thim bawk nen kallam ah khan engtin nge ka kalphei hman pawh ka hre biklo .



Phun deuh bul bul ka hria a , helai hmun a an sawm ve te an nih ring chuan ngaihsak loin ka pen mawp mawp tawp mahse enge maw ka chhuih rual in tu emaw hian ka tluk sawm tawp loh nan ka kawngah chelin min lo dawm vat a !



Kan awm na lai tak chu a thim chhah bawk nen a hmel ka hmu chiang theilo, min din mar pui vut rualin engmah pawh sawilo hian pensawn leh mai ka tum a mahse amah bawk chuan aw thum deuh dut hian "i tha em?" A rawn ti sup.



Ka tha lo tih khum chiam ania ka duh ni ! Mahse engmah sawi ta lo bawk chuan ka pen ngaiin ka pen zawm leh hmiah ka bana rawn pawt vir nawk rualin "ka pi i tha em?" A rawn ti nawn leh a .


Ning zet hian ka thaw chhuak halh "i pi rual chu ka ni lo ang" ka ti fak , min koh dan kha! Pitar hmuh in min hmu te ni chu ni em biklo ang!



A nui suk a , tlem a ka pen sawn deuh tawh vang chuan pawn a an light chhit chuan kan awmna lai chu a rawn en pha che che tawh a , a hmel pawh ka hmu thei ta!


"Ka rawn hmuh dan che chuan" a la ti sup zui!


A enga mah hma in ka ngei ve em em ringawt , chuan helai hmuna a awm ve danah kan in neihna rawn zawm a rawn kal ani tih chiang a , monu ber pawh min hrelo in em ni a rawn kal le?



"Anihchu!" Ti hmuk in ka melh nghal hlar "ok a tha e ..ka koh dan che kha i duhlo nihchuan ngaihdam ka dil e mahse eng vang a helai hmun fal ah hian nangmah a tla hrang nge i nih?" Ka kal chhuahna lam thlek zeuh pah a a tih leh takah chuan mihrang si zawhna ngah lutuk ka lo ti rilru mawlh mawlh .

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)