SAYONARA BY Zeuss Pach (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

SAYONARA BY Zeuss Pach (Completed)

Unread post by Ngaia » July 18th, 2021, 2:44 pm

SAYONARA🖤🔗


🦋ka story i lo chhiar avangin ka lawme🦋


//THU HMA👇lo chhiar lawk rawh//


❤Ka story hmasa kha rawlkhawlhna lian lutuk vangin ka chhunzawm thei rih dawnlo a , hemi hi complete ila , kan la chhunzawm leh tur ah ngai ang, chuan ka sawi duh ber chu : Story ziak thar ve ang chauh ka la ni a , in duhthusam loh emaw , ka tawngkam hman dan ah te engpawh fak selna lai tur kha a leng vek ani tih min lo hriat sak ula , taimak min lo chhuahpui a min lo chhiar sak ve zel turin ka sawm leh che u❤

🖤Like, comment leh adds click kha ilo theihnghilh hlauh ang tih ka va hlau si em!🖤


Chhiar ang💅


Chapter-1


Ka taksa na thum leh ka dul zawn a thil lum leh rit nulh maiin min delh tih ka hriat chuan men tum hian thawk ka la vak a , mahse a harsa lam hret zawng ani e.

Ka dang a ro huam a , ka lu chu puak darh mai tur ang hian a awm bawk.

Min delhtu thil rit nawlh mai chu dahsawn tum in meng mang hleilo hian ka saisir zui nghal thaka , ka mutna khum bul maiah tui bootle a awm mai ringin ka dap nghal chuk bawk.

Ka dap fu mai thei bawk silo , ka lu la hai chham mai te nen chuan ka thin a rim hlur mai.

Ka thu chhuak ta nge nge a , mahse khum bul table tereuhte a engmah lo in hunglo ka hmuh chuan ka room ah ka riak miahlo tih ka hre zawm nghal zat.

Ka hawikual thuak a , ka puan sin lai chu thehhlim tawp in ka in dap nghal chuk , bra leh kekawrte nen chauh ka lo awm anih chu!

Ka sam karah ka kut tang sei sang mai chu zen lutin ka tham zui tawk a , nizan thil thleng ngaihtuah chhuah tum chuan ka chhing zui leh vang vang.

Mahse!

Ka bul mai a rum nghut ri ka hriat rualin ka meng nghal kawk !

Mipa taksa ruangam ani tih chu ka mit sir atangin ka hmu thei, engthil chiah hi nge thleng ?

Ka hawi let ngam lo hi ani tawp mai , ka tah a chhuak tup tup a , ka tai bawr rawn na kual thuak thuak te chuan min ti hrilhhai lehzual.

Thaw vakin "hahdam rawh, tu pawh nise i hriat ngei angai" ti ru mawlh mawlh in chu mipa lam chu zawi muang hian ka hawi ta nge nge a.

Ka duh thei lo!

A khabe ruh kual in fuah fuh zet mai a hmul to siar siar leh thin buluk lutuk ani ti chiang tura a mithmul er deuh tan mai atang chuan tunge a nih ka hai mawlh lo.

A awm pharh tha hliai mai chu a ruak kang a , a awm zia chu ani pawh hian engmah a in bel biklo tihna!
.

He mihring sa kawlh ang mai a engtik lai mah a nui hmel pu ngailo lak atang hian ka chhuah vat angai , a lo harh a min hmu anih vaih chuan tih hreh engmah aneilo ang!
.
Ni e , chu mihring ka hlauh em em chu tu dang nilovin LIANSANGZUALA ngei hi ani!..

.......

Ka thuamhnaw chhuata lo let bal mai ka hmuh chuan ka chhar zui nghal hmiah a , nizan thil thleng chu engpawh nise tun ah chuan ngaihtuah let hman ka nilo.

Ka hriat zawng chu ka rui hle ani tih leh he room hi ka chhuahsan vat ka tan a tha tih chauh mai chu ani.

Ka thin a phu dup dup a , ngaihtuah ber tur pawh ka hre lo .

Nizan a ka in bel kawrfual sen duk chu in thawlh zui mawlh mawlh in ka chet zawng apiang a zu rim ka nam leh huk thin chu ka phun zui hluk.

Hmeichhe zu in thin ka nilova , eng vang tehreng a nizan a in ve ringawt kha nge ka nih ka hre hauhlo bawk ! Ni tak e, nutei vang a in ka nih tak kha maw!

Ka ruih lutuk vanga kan party na hotel a riak nghal mai ka nih thu leh a hnu a thil thleng chu mitthla ah a rawn lang nghal zut zut a.

Ka lu chu thing nawk in "khang kha ngaihtuah hun ala nilo , tunah chuan saw sakawlh pa saw a lo harh hma ngei in he room hi i chhuahsan vat angai" ka ti chiam ringawt.

Ka che reng reng chu ka hmanhmawh em em a , ka bag ban mai ka tum chu ka phone ka thlauh ri nghal bal.

Chet hlak in ka chhar zui hmiah a , mahse ka tho chhuak leh chiah chu ka lo tlai hman hret.

A kiu pakhat hmanga in bengkhalh/benkhalh in a kut tang pahnih lehlam zawk chuan a mit chu a lo hmet rún a.

Ka hnung chhawn zui hmiah bawk.

Pen sawn ka tum chiah chu "tah khan ding rawh" a rawn ti tuak a , ka so bulh bulh a , ka mit ka chhing sawk bawk.

Chhanglo chuan ka din na ngaiah ka ding ta renga , a lam hawi te chu ka ngam teuhlo.

Thawm ka hriat zawm nghal mai avangin min rawn pan ani tih ka hria, pen khat in ka tawlh hma leh hret a "nangkha ding rawh ka ti che" a rawn ti leh hluk.

Ka che zui ngam tawhlo hrim hrim , engtik laiin nge ka bul a lo thlen hman pawh ka hrelo , ka tukhum a za mer mer a , whiskey leh a rim pahrak mai in pawlh in min rawn ur ham ham tak ah chuan ka hnungah a ding rún tih ka hria.

Ka khur ru der der a , ka kap bawr chu a na rún bawk.

"Helam rawn hawi rawh" zawi sup a a rawn tih takah chuan ahma aiin ka thawk a rang a , bo daih mai ka chak rúm rúm.

"I beng a ngawng em ni?" Ka che mai lo chu a rawn ti leh hluk.

Hawi pawh niila enge ka tih chuan ang? Chhan awm lo a min haw hlur tu ka hmachhawn a nih chuan ahma ai in min huat belhchhah leh dawn , chung zawng zawng chu hre mah ila tih mai dan tur engmah ka hre hlawllo ani.

Ka ban ah rawn phih lawpin a lam hawi tur chuan min kuai her a "Ramnunpui" ka hming pum in min ko zui hlak bawk.

Lawk, nichin ah khan ka hmingpum in min ko , a awmzia chu keimah ka ni tih a hria tihna!


"Tlanchhiat i tum em ni?" A aw chu dam viau mahse a khauh ru fuk thung.

"Aa..a..aih" ka ti bah nawk a , ani lah chuan chiang mangkheng hian min la en zui.

A lu chu rawn kun hniam deuhin miko a san uk a , thaw vakin "ka tum pawh ni chiah lo mahse" ka thusawi chu ngaipawimawh lo hmel deuh hian a nui suk a , khum lam a pan leh daih tawh.

Engtin nge ka tih ang? Room hi ka chhuahsan tawp mai dawn nge? Mahse min rawn nanching leh mai angem?

A che zia chu ka din na ngaia ding reng chung chuan ka lo en kar.

A kawr a in thawlh zui hmiah a , boxer nen chauh a awm tih ka hre nawn leh chiah.

Kekawr a hak that mawlh mawlh lai chuan min lo melh leh zawt a , ka en reng tih a hriat vang nge a nui suk mai.

"Ihh..helai hmunah hian tinge i lo awm ve ringawt a?" Tim dai chuan ka ti sep.

"Ka zawh tur zawk che aniin i hrelo maw?" Min melh mang hleilo hian a ti a.

Engvang in nge chu chu ani hian min zawh ringawt anga? Kei te chu nizan ah ka rui lutuk a chuan helai room ah hian ka riak a engtin nge alo awm ve ngawt theih?

"Nizan thil thleng engmah i hriat tawhlo thu sawi tum miah suh" ka bul a rawn pen hnaih pah chuan a ti leh zat.

"Ka rui lutuk a , chuan room ah hian riah tumin ka lut bawk a chu bak"

A rum nghut rualin ka bul a rawn thleng chawpchilh nghal mai.

Ka nut tawlh rawk rawk a , a che zia hi a mak lutuk a ka hamhaih vek tawh.

Bang ka nghen dawt takah chuan tawlh sawnna tur a awm tawhlo tih ka hrechiang , a mitmeng dava lutuk a min melh in a kut lehlam chuan bang ah a in nem khalh rún a , lehlam erawh in ka kawng ah a kuah thung.

Ka thaw chhuak em pawh ka hre tawhlo , hetiang a hnaih lutuk a min hnaih hi chu khang kum tamtak kalta bak kha hriat tur a awmlo , chuan tunah tihian ka kawngah kuah in min fawp lo chauh ania.


"Eng..enge tih i tum a?"

"Nizan thil thleng kha i hrelo ani lawm ni?" ka hmui bul chet a a rawn kun hniam vang chuan a tawng zawngin alum leh hak thin a , a ti lui nge pawh ka hrelo sexy ka tih thin dan deuhin a mitmeng chu mumal lo zet hian a ti zim san bawk.

"Ka hriat nawn tir ang che" ka tek chhawk mai.

Ka kawng chu awmze nei tak hian a a kuttang in a thai phei riak riak a , min pawt hnai nghal hrut bawk.

Ka beng bulah rawn kun hniam in a hmui lum thur thur chuan a nul kual leh dan dan a , chet mai nachang pawh ka hrelo , ka khawng vek mai hian ka hria.

A rawn thaw lum leh hak thin chuan nasa lutuk in ka taksa chu a ti tang ul a , kei hian in sum zo loin mitmei ka hmuh mai ang tih ka hlau ru zek zek tawh.

A ban leh kutphah chunga mipa a nizia ti lang tura thinsen zam val kulh mai chuan ka sam chu min hui kian sak a , chutah zei lutuk in ka ban ah a rawn fawp anihchu!.

Khawihah nge ka kut a awm tih pawh ka hre tawhlo , ka mit ka chhing ta tawp a , ka hlauhna leh nuam tih ruk veng veng na chu a in zat hial in a nia ka rin ni.

Ni e , he mipa hi khang kum tamtak chhung a mipa dang hnaih thei miahlo tura min siam tu kha ani miau a , inlaichinna engmah nei hauh silo khan a rukin ka vei em em ringawt anihkha , kei min kalsan a min lehkha zir tur a ram danga a awm bo tak hnu thleng pawn ka la ngaihtuah reng a , naupang té primary school kal lai lek ka la nih vangin ka duh ani tih pawh ka hrethiam ngailo.

Mahse middle school ka kal ve meuh chuan ka lo duh hle tawh tih ka hria a , ani lah chuan ram dangah min la awm bo san daih zui!

"I nuam tih lutuk vang a ka hming lam a i au thawm kha ka theihnghilh tawhlo ang" ka ngaihtuahna tangin ka harh zawk.

A mit ah tak ka en rún a , ani pawn min en ve tho.

"I sawi hi engmah ka hrethiam lo" ka ti fiak that a , a nui suk duh chauh anih chu!

A m**atna in min do rún a, ka lo hre rang khawp mai.

"Tenawm lutuk" ner nawk hian ka ti a , a hmel a chang ta bawl mai.

Ka hrawkah a kut phah lian lutuk chuan a rek nghal chawt a , mahse min rek na lo thung , a mah ka hmuh chian zual theihna turin min kuai dak bawk.

"Tenawm a? ...i unau nu ngei phatsan in ani lawm ni a ai awh a ka room luahna tur thleng thleng a min rawn pan?" A thusawi vang chuan ka bo zual telh telh , chutih laiin ka ngaihtuahna ah Esy rawn lang ta thut , ni e engpawh Liansanga nen hian kan chungah thleng mahse hetiang a kan awm dun hrim hrim hi a hria nihchuan kei hi ka chawh ngawt ang!

"Min hnaih duh thu leh , Esy i thik zia i sawi a" a mi**tna chuan min do na zual sauh.

"Chutiang engmah ka sawilo"

"Ohh..i sawi ngei alawm, nge ni a hetiang a hmeichhe pawisawilo ang ber a lemchang hian i hrelo der leh dawn?" A hmel chu a sen tawn tawn a , ka chil ka lem kawk bawk.

"Chuan mak tak maiin a hmasa ber ka ni bawk" a kut chu la sawn vut in khum lam bawk a pan leh a , nichin khan a hmasa ber a ti mi khah? A awmzia chu ka ruih lutuk vangin tihpalh thilthu ah nizan khan ka zahawm ve na zawng zawng ka hlauh tihna!

"Tap miah suh" ka mittui a tla ni tih ka hre chawpchilh nghal zat.

Heng thil thleng rang zawt zawt lutuk leh ka la in rin hma hauha hetianga ka chung a a thlen vang hian engmah rilru sen ngaihna ka hrelo a , engkim mai chu a thim mup mai hian ka hria.

"Chuan i duhthu ngei ani tih theihnghilh suh ang che" mittui kar atangin a hmel a min lainatna lo lang zawk chu ka hmu hman fua , mahse a rei lo.

"Ka awihlo" chuchiah chu sawi tur ka neih awmchhun ani miau rih.

Kan puan sin lai kha thehhlawm tawp in khum a thisen val kulh mai lo awm chu min hmuh a , mit ka chhing sawk.

"I ruih lai anih vangin in ngaihtuah nawn tur in ka ti che , vawikhat mai ka sawilo bawk , chuan i hriat kha mipa ka ni a nang hmeichhia" a thusawi zawng zawng te hian awm ngaih na hlawl min hriat tir lo.

Ka mipa duh ruk em em thin ani tih chu ka hria mahse eng in laichin na mah awmlo a ka neih hlut ber ka hlan ta mai erawh tlawm ka in ti a , ka na nawn vawn vawn mai ani.

"Nú...pà...ka tihpalh" khum tlang vuan in ka thu thla hnawk a , naupang té ka nih lai khan ka nú leh pa in pasal ka neih hma chu heng hmeichhiat mipatna laka in veng fimkhur tur hian min hrilh fo a , a awmzia ka la hrethiam tak tak lo tih hre mahse min hrilh nawn chu an bansan chuanglo 'nakin ah i thang lian zel anga heng kan thusawi te hi chu i hrethiam mai ang, chu vangin i thinlung ah vawng reng rawh' ka nu khan ati fo thin, mi thenkhat chuan awmlo tiin mahni fa engmah la hrethiam tha tak tak lo laka chutianga lo hrilj hriat a la tullo tiin ka nu leh pa an dem ru fo a , mahse khang an thu khel vang mai mai khan nitin a min hrilh thin chu an tawpsan chuanglo.Ka thang lian zel a , a awmzia ka hriat thiam meuh chuan chu lam a kal lo turin mahni ka in fuih mawlh mawlh thin reng anikha , ka nu leh pa thusawi bawhchhiat hlauhna in ka khat a , zawm ngei pawh ka tum thin , ka nun ah thu tamtak asawi miau si ani.Mahse tunah zan khat thil thu ah ka ruih lutuk vangin khang kum tamtak chhung a ka lo in serh thianghlim ve na zawng zawng chu hrechiang mang hleilo in ka hlauh ta chu ania, ka in thiamlo tih hian a sawi fiah zo kher lovang.


Ka nu leh pa thusawi vang khan zawm luih tlat ka tum thin a, zahawm bik riau ah ka in ngai hial thin , hmeichhe hlutna min hriatchian tir ka ti lo theilo a , khang min fuihna te kha ka chhawr tangkai ka tih ve mek laiin tihian!

Ka mittui bawk chu a rawn lum thla leh pap a , he lei ah hmuh theih in ka nu leh pa kha awm tawhlo mahse van atangin min rawn thlir reng tur ah ka ngai a , nizan kan chet dan zawng zawng te kha min hmu tlang vek turah ka ngai nghet hmiah bawk.

Engtin nge an tih ang ? An rilru ka tih nat sak hle dawn tih leh an thinrim hle ang tih ka chiang ani.

"Tho rawh le" dam thlup mai a rawn ti tu chu ka melh zawk , ani lakah pawh hian ka zak thar ru mawlh mawlha , hmeichhe easy lutuk ah min ngai tawh ngei ang le!

Ka kang zui nawlh a , ban tha chak zet in min pawm tho tih ka hriat chuan ka harsatna te tu hnenah nge ka thlen ang? Tih ringawt ka rilru ah awm leh tawh.

Khuma min nghah rual in "siamthat theih ani tawhlo , mahse i hriat kha ka rui ve tho ..chuvangin nizan thil thleng kha chu hetah hian tawp rawh se..a tha em?" A chal tuar tup in min en leh run a.

"Hei hi kan pahnih in kar leh thuruk ni rawh se !" a rawn ti leh sup a , a thusawi awmzia chu ka hrechiang lutuk ringwt , hetianga s*x kan hmang dun ani tih Esy'n a hria nih vaih chuan ..nilo..chutiang ka ngaihtuah tur anilo.

"Driver ka ko anga , a thlah ang che" tiin kawngka lam a pan nghal tharh a .

"Min hmusit tawh ngawt ang tiraw? A hma ai khan min hua anga chuan min ten hle tawh bawk anga" ka nui ro halh.

A pen lai tawp chat in muangchang hian a rawn in her a "thil thleng palh ani tih chu i hria lawm" chu zawng chu a sawi.

"Mahse ..ka.."


"Hmusit tur che a mi thianghlim famkim ka ni biklo" a thusawi vang chuan ka ngawi ta roh roh /rauh rauh a .

Che sawn lo a min la en reng vang chuan ka nuih zat vang pawh nilovin ka nui lui suk .

"Driver chu koh kher a ngailo , keimah in ka haw thei alawm" ka kalpel zui vut a , min en zui reng tih ka hria , mahse kawngkhar chu thaw hawk chungin ka pawt hawng a.

*Hei le..a lo chhuak e*

*Miss Ramnunpui nizan ah Sir.Liansangzuala nen in riak dun an ti a , a dik em?*

*Media lamah chuan in lar tawh hle a, heng te hi a dik reng em?*

*Khawnge Sir.Liansanga chu?*

*Kan lo hriat dan chuan nangmah nilovin i unaunu Esy nen an in zui an ti si a, enge thil thleng hi khawngaih in min hrilhfiah thei angem?*

Thla an la nghal chuai chuai a , heng thil thleng zozau te hi engmah ka hrethiam tawhlo , tun a taka reporters thenkhat te hi engvanga helai hmuna rawn awm ve ringawt hi nge an nih?

Zawhna chhan sen loh min zawt a , kal mai ka tum pawn min dang bet tlat, camera hma ah chuan theih patawp in ka hmel ka hliahkhuh ve a , mahse min rawn bawr khawm tial tial a , mi chanchin hre chak reng reng in tihian room ka chhuahsan hun tur chu pawnah min lo nghak tihna nia!

"Engthil tehhrep nge thleng a ?" Liansanga aw vin lutuk ka hriat rualin thawm a reh hmak.

Second reilo te amah chu kan en thup a , ka lu ka lo thin khum nar nar a hmuh takah chuan ka lam panin a rawn pen hnai nghal vat bawk.

Mahse boruak chu a ai sang in a zi leh hlut hlut hi ni ber !

*Sir..heihi enge awmzia ? Nizan ah hmeichhia i riahpui an ti a chu chu a dik em?*

*kan thu hriat hi khawngaihin min sawifiah sak thei em?*

Zawhna tam lutuk karah chuan min kalsawn pui dawr dawr a , a tih ang ang chuan ka awm mawl ve tawp , hetiang tehrep hian camera in min la bawr ngai miau lova , ka nun ah a vawi khat nan tak meuh meuh ani , chu pawh a chhe lam zawngin!

An zawhna zawng zawng chu pakhat mah kan chhang lo a , mahse *Sir, , , , nizan a i riahpui nu nen hian in in nei dawn an ti a ? Chu chu thudik a ni em? In ngaizawng sa tawh reng in ni nge? Zan khat thil thu atan mai mai a nuam i chen na ?* Ka bul mai a taksa lianpui mai chu a ding nghal chawt a .

A in seh ruh nasa hle tih chu ka ban a hmer na leh a bek zawn a thisen zam puam talh talh atangin ka hre thei.

*He thil hi in company leh hna zawng zawng chhiat rup theihna leh tluk hlen theihna hial khawpa hmingchhiatna a nih theih rualin * an sawi zo hman lo Liansanga chuan ka kawngah nghet deuh hian a rawn kuah a , a taksa si chet in min pawt hnai zui hmiah, a chet dan vang chuan ka melh chho haw a , eng thil pawh ti se , a tha lam a ni dawnlo tih ka hrechiang.

"In ti dik e , Miss Ramnunpuii nen hian kum tamtak chhung kan in zui tawh a, chuan ka nupui tur ani e , kan in neih thuai bawk ang" a thusawi nghet charh ka hriat rualin awihlo lutuk hian ka melh chho leh haw a , ani lah chu camera lam hawiin mahni in ringtawk tih hriat lutuk hian a melh ngar a , a nui suk zui anih chu! He mihring pa hi a nui ve thei tih ka hre leh chiah.

*a dik em Miss?*

Keimah min rawn zawh ve chuan chhan mai dan tur pawh ka hrelo , ka ngawi kar a , ka thaw chhuak em ti takngial pawh ka hrelo anihchu.

Ka kawng a kuahna rawn hmer na salh in min rawn melh chhuk rún a , a ka chip hman in a hmangaih ber ang mai hian min en a , min la nuih suk zui.

Mahse heng a chet dan zawng zawng hi chu kan hma ah media in min hual tup vang ani tih hre mah ila , ka rilru chu a buai ru nak tho , Liansangzuala te hi chhungkaw hausa leh lar lutuk an ni a , tun ah hian an duh ang chhanna 'aw' ti a ka sawilo anih chuan an tlakchhiat rup theihna tur leh hmingchhiatna nasa lutuk ani thei dawn tih ka hria , ka tan ngei pawh!

Ka bul a mipa in ngenngawl lutuk a min en reng vang chuan ka thaw hak a , ka bu nghat a hmuh chuan keimah min en lovin kan hma a reporters lam chu a hawi leh daih tawh.

"Aw..a sawi ang kha ani e" ka tih chuan a thaw huai tih a taksa che deuh awk atangin ka hre thei.

Ka tan chuan hetianga thawh phan atanga media in min hual thup mai hi thil maksak tak leh vawikhatna a nih rualin Liansangzuala te tan erawh chuan thil thar ani tawhlo .

Ka sawi tawh kha an chhungkua an hausa in an lar a , engtik lai pawh in media in a zui reng tih theih tur ani , chanchin thar ah lah nise an chungchang a lang awllo bawk.

Chhan na dang la duh belh viau mahse engmah sawi a tum tawhlo a , min pen sawn pui nghal zawt zawt.

................

Ni e , ka hming chu Ramnunpuii(Núte-i) ani .

Chuan engtik lai pawh in harsatna leh buaina hian min umzui reng ka ti dawn nge keimah hian ka pan ka hrethiam lo bawk .

Primary school ka kal ve ek ek a , ka nu in nat lawkna pawh awmlo in stroke vangin min boral san a , ka la naupang bawk a ka nu chu ngai viau mah ila han tuar vak ngaihna ka la hrelo , mahse ka lian chho telh telh a , ka nu ka mamawh na pawh a sang ve zel bawk , engtik lai pawh in ka pa hi ka bul ah awmin ka mamawh min pe mah se NU hmangaihna ka dawn loh vang nge ka nun hi a kim lo riau a , chhungkaw rethei berh lutuk kan ni hran lo , ka pa in workshops pahnih a en kawl a , tin keimah hi an fa neihchhun ka ni bawk.

Liansangzuala hi primary school ka kal ve ek ek laiin ani erawh middle an chhuak tep tawh a, ka unaunu Esy te nen hian kan in kawm ho vek thin , a chhan pawh kan veng a in an vang khan chhungten min lo hruai hman loh chang emaw in school ban ah hian kan haw ho thin a , kan in leh school hi a in hlat lo bawk .

Chutih lai chuan kan thian ho pali , kan zingah hian Liansanga thianpa ve tho Freddy hi a tel ve thin a , ka naupan ber vang nge min duat hlawm thin hle , Liansangzuala ka hriat thin leh tuna Liansangzuala mizia hi chu dang tawh tak ani.

Ka tah in min thlem ziah a, naupang chumchiap mai ka la nih laiin school kal te kha amah vangin ka phur thei em em a , ka unaunu Esy hian min thik thin tih ka hria , ani chu chhia leh tha a hrethiam ve tan tawh a , naupang té si khan 'Liansanga ka star' a ti thin .

Ka nu in min boral san lai pawh in ka kiang ah awm reng zel a , ka sawi tawh kha ani chu high-school kal mai tawh tur ani a , keini ai fe chuan a upa tawh bawk , mahse ú ti a koh kha ka tum bau ngailo thung.

Hun a kal ve zel a , middle ka rah ve meuh chuan ani chu college a kal thei der tawh .

An hausa bawk a , a pa hna vangin ram dangah an pem zui daih nghe nghe , khang kum tamtak chhung khan ngaihtuah loh lai ka nei khat a sin.

Duatna ka dawn chhun chu ka pa lakah ani mai a , Liansangzuala kha chuan a nau ang tak taka min en in min duat hle tih ka hria , mi tu pawn min duat a min hmangaih tu te hi chu kan lo hai bik miah lo a , kan lo hre rang hle thin anihkha , chuvang tak pawn ka pangchang thin viau mai.

Chutianga min kalsan hnu ah chuan high-school ka kai chho ve zel a ,ka thianten bialpa an neih sup sup lai a mipa dang lak a rilru pe thei miahlo a min siam tu Liansangzuala kha ka hre reng a , ka duh ani tih chu ka hre thar ta telh telh bawk.

Min hel ve neuh neuh tu te karah pawh amah bawk kha ka zawng ru fan a , mahse lo let a tum tawh ngai lo emaw tihtur in a reh hmak thung.

Buaina lalnu tih tak ah ka pa thisen cancer vangin khum betin a na sawp niai a , vanduai thlak deuh mai chu ka nu kha home a awm thin a nih vangin ka nu te lamah tu mah belh tur an awmlo , ka pa te unau erawh pahthum lai an ni thung a , amah hi upa ber ani nghe nghe .

A nau chiah hi ka unaunu Esy ka tih pa kha ani a , an naupang ber erawh hmeichhia niin khaw dangah pasal neiin a awm thung.

Ka pa in a kal mai dawn tih a hriat lawk vang ni hmiang "ka fanu enkawl a , a tawp thleng a buaipui reng tur hnenah ka ro te hi 50℅ ka hlan a nga , a chanve dang erawh ka fanu tan ani thung ang" a ti mauh mai a , chu tah zet chuan chhung te an rawn lang nghal tiam tiam a , a hun lai khan ka pa hi pa taima a ni a , a unau te tan lah engmah a ui ngai lo , tanpui an ngaihna zawn apiang ah tlanchhe lovin a pui thin .

Nuam sa takin kan awm theih phah a , khang hun lai phei kha chuan a rosum te kha chu tam tham tak ani.


Ka patea (Esy pa) in min en kawl tur thu a sawi hnu reilo te ah ka pa chu hahdam takin a kal zui mai bawk a , a tir chuan ka in thlahrung viau thin , Esy nen hian kum 1 lekin kan in thlau a , chuvangin Ú ti a koh ka tum biklo.

Ka nun kha a rethei a , ka nu lah fahrah in atanga seiliam ani kher kher bawk nen kei lah fahrah bawk in min hnut chhiah leh a , min hmuhsitna chu a thuahhnih ngawih ngawih mai ani. Patea nupui Nute Madini hian min ngaitheilo tih a mitmei min hmuh thin dan atangin ka hre tawh a, mahse belh tur dang ka nei miau lova , chung zawng zawng min hmuhsit na leh tawngkam kha fek thin te chu ngawih chuh a tuar tlawk tlawk mai kha ka tan a fin thlak zawk miau.

Patea hi misual ani hranlo a, mahse a nupui fanau te chhan erawh a pe na hlur thung , a nupui mizia engmah a hrechiang hauh silo lai hi a khawngaih thlak na ani a, han tih theih lah ka nei der silo.

"Chawm hlawm ringawt mai , hna te hi thawk ve rawh" College ka kal ve thleng pawn Nutei Madini chuan min tih khum fo a , ka pa vanga nuamsa a la awm an nih zia chu kei ai a hrechiang tu ani , ka chanpual ka pa min hnutchhiah ve erawh kha chu tuma khawih chet theihloh turin ka tan bik liau liau ka pa in a thih hma khan a ukil pate Mathana ko in a ti fel diam tawh a , tuman min chuhpui loh nan a ti ve ani mahna , ka pa kha pa fing tak ani reng ani.

Dik tak chuan ka awmtirh atangin awmpui chhawr in min chhawr ani hawt a , patea hmuh lai erawh in a fanu ai pawn min duat zawk emaw tih theih turin a tawngkam a thlum thung.

Esy erawh in a nu a chhun lo nge ka lakah a sual ngai lemlo a , amah nen hian kan chhuak ru dun fo , ruihtheihthil erawh ka tihpui ve ngailo , ohh nizan khan nutei'n ka nu chanchin a sawi dan vanga ka chhanlet avangin ka hmai ah min beng a chu vang a zu in ve pawh ka ni nghe nghe.

A chang chuan vanduai bik hluah hluah ah ka in ngai thin a , mahni ka inkhawngaih rum rum chang lah a tam , mi fel famkim ka ni bik miau heklo.

Esy hi ka tan thiantha leh unaunu ani ve mai a , a nu in min hauh chang pawn min lo chhan ve thin , thian ka kawm ngai miau lova ka harsatna thenkhat pawh ka thlen fo.

Ka awm rei telh telh hnu a , an chhungkaw hawiher ka hriatchian meuh chuan ngai ah ka nei tawh.


Pawnwn lama chhungkaw in ngaih hmel tak ni si chhunglam ah erawh an in vin awllo thung , mahse mak ve leh deuh lai chu miin ti buai hlek se an tangrual a an in chhan leh vek thin thung


.Tawngkam an duh tui lova kan in a ka nu in ka hmuh lai pawh a ka pa nen in hauh a duh ngaihloh ang kha ani ve miahlo "kan fa te hmuh lai emaw a in hauh hi thil tha ber ani lo , kan tawngkam hman te hi an hrelo emaw kan tih laiin an lo hrechiang ngang ania" ka nu in ka pa bul a a sawi thin kha ka la hre reng , mahse he inchhung ah erawh chung chu ani ve hauhlo thung , ka nu kha nu a zawng a zaidam kha ani thin miau a , mi pawisawi hlau mi ani bawk.

An chhungkaw chanchin midang bulah ka sawi chhuak ngai lemlo a , a chang phei chuan sawichhuah ve piap piap te hi ka chak thin , chu erawh thil tha ber a nilo tih hria in ka in thunun leh mai thin bawk.

College helam ah ka kal laiin Esy erawh ram dangah a zir ta daih a , a awm bo ve daih chu ka lung aleng zual in ka mal zia ka hre nawn awn awn .

M.A ka graduate hnu ah hna ti hian ka zawng ve mek a nia , Esy pawh Mizoramah rawn let in kum tamtak chhung ka mipa lo suangtuah thin Liansangzuala pawh a rawn let a , chuta tang chiah chuan ani hman a Liansangzuala ka mipa ngainat em em thin mizia lo dang tak na pawh.

Chu ai a mak leh zual chu ka unaunu Esy nen an in ngaizawng ta daih a ,engtin nge? tih chu ka hrethiam tawh biklo .Esy kha ram danga a awmin Liansanga nen hian an in chhar thar leh anga inlaichinna an siam ta ah ka ngai!


Thik ru viau mah ila Esy bulah ka duh thu ka sawi ri ngai miau lova , dem ngawt theih pawh anilo , Liansangzuala chanchin a sawi apiang a a hlim hmel te vang hian lawmpui hliah hliah tur ka ni zawk .

A dik reng bawk a , kei ang hmeichhe hawizau lo lutuk tan chuan Liansangzuala te anga mipa changkang leh Mizoram pum deng chhuak khawp a lar leh hausa lo beisei chu thil tih loh tawp tur ani.

Esy hi a pian a nalh a , makeup hman a thiam em em bawk a , kei ai fe chuan a it awm in a sang zawk bawk .

Hmeichhe lu zo vevawh anihna leh engthil ah pawh nise a confi em em thei reng zel hi ka awhna lai ani ,
a chang a uchuak lutuk a makeup a hmang chhah thin erawh ka khap ru ve thin , engah mah a ngai mang hleilo a.

"Heng te hi chu tunlai model alawm , i update lo thei e " min tih khum mai thin a , Mizoram a alo let leh atangin hmusit tak a min tawngkhum leh zeuh hi a ching thar bawk.

Huat dawn a fiamthu ni tel tho si huat theih miahloh tur, mahse a ruk a natpui vawn vawn na tham tur hian tawngkam a chhep thiam tlat miau a.

Liansangzuala ka hmuh a biak ka tum chang pawh in min hrelo ang hmak in a awm thin a , Esy nen an in ngaizawng miau a kan in a lo kal leh zeuh chang a nei thin , Nu Madini'n lo be tha huam thin erawh ka eilo ru viau!



Min hre ngailo ang maia min kalpel thin leh min be duh miah lo te chu vui ru viau mah ila ani tehlul in min hre ve tawhlo chu thil awmlo pawh ani hranlo e tiin ka dak liam mai thin , mahse kei min hriat miahloh kara ka unaunu Esy ala hrechiang em em bik erawh ka vui ru fo achhan pawh kan tet lai khan Esy ai ka bulah a awm hnem in kan in kawm tam zawk miau tlata .
A chang hi chuan min hre reng anga min hrelo der zawk a ang te hi ka ti thin.

Thil pakhat ka hriatchhuah leh chu Liansangzuala thinrim lutuk a che buan buan ka hmuh atang khan ka hlau zual a , min en ve zawng apianga a mitmeng sen ram mai min hmuh thin vang pawh ni hmiang .


A chet dan hrim hrim hi ka ngaina lo ani tawp.

.........................

Hotel atangin kan chhuak a , a bolero dum lo inhung ah chuan ka lut zui nghal tharh .

Steering herh kual pawp in a kutphah hrawl pui chuan a hmer nghet salh a , thisen zam a rawn lang kalh bawk.


Heng kan awmdan zawng zawng hi Esy'n a hriat chuan eng tak thleng ang maw?!






Chhiar zawm zel in duh chuan sawi ula , zan khat danah dah kan tum dawnnia .
.

In mgaihdan lo sawi pawp pawp rawh u 🤗in zar a ziak theih chauh kan ni si a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:44 pm

Chapter-2💅


Biak ngam loh khawpin a hmel chu a dur kuk a , a motor khalh pah chuan hmalam chu bing takin a en ngur bawk , tunah hian tawngkam khat lek pawh nei ila ka ri thlawp lovang tih tunge sawi thei?



Thawk la ham ham in tukverh lam ka hawi ta daih a, engmah sawi tur kan neilo tih hriat lutuk a kan ka kan chip zui hman avang chuan nizan thil thleng ngaihtuah let tum in mit ka chhing vang vang.




"Ka haw peihlo ka tihchu" rui lutuk vangin ding pawh ka ding ngil hleithei lo.

Ka banah min vuan bet tai tu Esy kut chu phih thlak sak thlawpin ka lo tang na ve deuh nen ka kat zui nawk.



"Tinge maw ka lo kawhhmuh ve kher kher che le! Kan pahnih a in ah kan riaklo tih chhungten an hriat chuan Núte i hriat kha enge kan chungah thleng ang?"


"Lunngai suh..hahdam deuh awm rawh" ka rui nasa tawh mai bawk si nen , engkim mai chu ka ngai zam ve tawh!



"Atha e ..mawhphurhna la ang che" a tawng hmarh hmarh chu hmui ti pawrh tarh chungin ka lo nuih liam vel mai mai.


"Lo kal rawh ..heng ho zingah hian i awm rei pauh leh i à chhui vek mai dawn in ka hria ..mu la tha ber" tih leh min pawh dawr dawr a rual nghal.


Kei ai fe a sang a , mahse chuti lutuk a té chhia ka ni biklo , ka ruih vang nge step ah chuan min pen chhoh pui nghal zawt zawt.



Ka room tura a tih ah chuan min luhpui a inhnuai lam thawm erawh a reh hmak tawh , khum a min nghah dawt rualin mit ka chhing zui nghal.



"Hotel ah hian kan riak ve dawn tho a , zingah ka lo kaitho mai ang che" a tih chu ka hre hman ruai ruai.



Luak chhuak tup tup in ka hrawk a rawn hnawh meuh chuan bathroom ka thlen hma in ka luak.ta bawrh .


Ka luak rim mawlh chuan min ti uak leh tuarh tuarh a , ka reh deuh hawk nachungin ka la pangai chiahlo tih erawh ka din nghehloh dan ah ka chiang mai.


Esy zawn tum in ka room ka chhuahsan ve tawp a , room piah lawk a Liansangzuala lut ka hmuh chuan eng sawi set set lovin ka pan ve ringawt , a chhan pawh a bul ah Esy a awm dawn tih ka chian vang ani.



Mahse kawngkhar pawhhawn ka tum chuan chhung lamah alo in lock tlat pek.

Ka chum ri bur bur a , heng ka chet dan te hi a atthlak tih chu ka hria mahse ka thunun thei miau heklo!


Ka chum leh tur chiah chu a rawn in pawt hawng thuai a , ka tlu lut nghal rawk rawk bawk.

Kawr ha lovin ka hma ah chuan a ding zuah a , kei erawh chhuatah ka tlu sawp niai tih ka hre thung.


Han melh chho vakin "sual reuh lutuk , min lo dan ve tur ania" ka hriat tham lek chuan ka ti sup a, mahse a hre hman tho nge kut kuangkuah meuhin min rawn melh chhuk ran mai.


Ka nuih tlawn ta tawp a "enge i duh ?" Chu te mai chu a la sawi zui.


Hrechhuak thutin ka in beng kang mawlh mawlh a , ka nuih tlawn ta heuh heuh chu a hrethiam lo ani chek ang a mit ti zim deuh san in min en a , a kekawr hak ipte ah a kun a zen lut hmiah bawk.


Nichin khan min lo dawm hman reng sia , ka tlukna tur ti ni awm fahran a alo awm san kher kher ni!



"Englo..Es..Esy" ka sawi lai reng chuan a hnung lam a khum chu ka en kual vat vat a , hmuh mai ka in beisei vang nge a mah pawh chu ngaihsak lovin a hnung lam room.chhung chu thei leh theilo hian dingdihlip ak ak in ka thlek kual a .


A palian mai bawk si, min hliah vek mai hian ka hre tawh , ka hmu mai silo amah chu ka melh leh ran a , ka thlekna lam a room chhung bawk chu a en veleh kher!



"Ohh..i unaunu chu he lai room ah hian a awm ringin i rawn zawng tihna em ni?" Enga ti nge maw zawhna min zawh sek mai le.



Ka beng bulah rawn kun hniam in "i ú chu maw ..tunah chuan a khum ah a mu daih tawh ang" a din ngil leh pah chuan a ner deuh sak a , khum lam a pan daih a , min hnungchhawn in whiskey chu a thli zui tlerh tlerh.



A taksa lang ruam mai chu a hnung lam atang pawh in a lang pa ngawih ngawih a , a mizia ngelngawl hi haw viau mah ila a put than tawh vang nge a inhmeh tlat tawh , chulohah kei chuan mipa kamtam lutuk hi ka ngaina lo hrim hrim a .


Liansangzuala erawh biak chin bak hi a rul te te in min chhang ve chauh a, nelawm lo lutuk anih mai piah ah hian ala palian em em zui a , heng a mizia ngilngel hi keimah ah chiah a ti lang bik nge chu erawh ka hre hauhlo thung!



Room ah chuan ka va lut tlang a , a no ken lai chu ka ban sak hlawk bawk .

"Engthil phiangsen nge i tih a ?" A ti khur khur.

"Min hmuh ve reng hi" tih pah chuan ka no ken lai a zu chu ka tlak deuh pap a , ka taksa chhungah a sa thla nghal pap bawk.

Ka lu ka thing nawk a "ka duh leh" ka no ken chu a hma zawn ah tak ka dawh a , awihlo lutuk hian min en ngur ringawt.


"I beng a chhet ami?" Mak tak maiin hlauhna chhe te mah zu nei miah lova.



Ka no ken lai min chhuhsak lawk in "ka phallo ni mai rawh se" a ti nghut a , amah chuan thli in a in deuh pap.


"I uikawm hle mai" a nui suk a , a kut lehm a no a ken run chung chuan na lo te in ka chalah a rawn khawng a , ka tuai nghal vat vat.


"I u lah i hmu bawk si lova tihtur dang i neih tawhloh chuan min chhuahsan tawh mai ta che" a hmel chu a chang leh nghal rún tawh.

Kawngka lam a thlek vut a , ka dinna ngaiah luhlul chhuah in ka la ding lui ve tlat!

"Tinge i in thlak thut a ? Mawhh..Esy i hriat bik laiin tinge min hriat ve duh tawhloh?" Ka aw zet chu!

Mittui a luang ngiai ngiai a , hnuai lam ka bih ngur thung.



Ka bul a taksa lian pui che awk atang chuan a thaw chhuak ham ham tih ka hre thei.


"Room hi chhuhsan rang mai rawh" ka zawhna chhang lova thudang a rawn sawi daih chu ner nang in ka melh reng ringawt.

"Luhlul ngilngel reuh lutuk , ka pawhchhuah kher che i phut em ni ?" Ka la che eihlo fo!



Hlau lo ka nilo , mahse nichin mai a ka thil in khan ka thisen zam a fan chhuak vek tawh a , zawhna hlir a khat in a chhan na chu ka hre chak zek zek tawh!


"Ramnunpui ..chhuak rawh ka ti che" muang fan raih mai a a rawn tih that chuan ka hmai bul chet ah a rawn kun hniam tih ka hria , ka ham nek zawk dawn amaw ni?


"Min chhan hma chu ka.." Ka banah a rawn phih nghal hlawk a , kawngka lam min pan pui nghal dawr dawr, tang nasa ve teh mah ila mipa ah pawh palian tak kha ani miau a , kei a rui hmeichhia lehnghal in ka hneh teuhlo.


"Aih ..ka duhlo" ka tap tiau tawh.

"Zawhna pawimawh lo zet zet kha min zawh duhtawk la , in ah haw ang che "


"Ka sawi chu i hria em? He lai chhehvel ah hian ka hmu tur che anilo ..zahpui awm lutuk" a tawp lam chu a zawi te hian a phun hluk .

Ding meuhin ka mit ah chiang khelkhawl hian min en a , kawngkar bul kan thleng hman der tawh tih ka hre chiah.


"Kha zawhna kha min zawt tawh suh a chhan chu kei pawn a chhanna ka nei biklo"

"Aih..i nei alawm Liansangzual misualpa ..min chhang rawh aw ..tinge Esy i bulah i awm tir bik?" Thil dang sawi tum a a ang zuau lai chuan ka theih patawp a ring leh pangchang hian ka ti tawn tawn a , min beng hrep mahse pawilo ka ti rilru nauh nauh a mahse ka hmui ah a rawn fawp!


Mittui luang ngiai ngiai te nen chuan ka lo chhang tha kher mai , min pawm kang nawlh in ka mawng ah a kut lum thar thar chuan a dawm a , khum min panpuiin in ngaihtuah chiang hmasa phawt tur khan vawitam min hrilh tih leh a hnu a thleng chu ngaihtuah loh ka duh zawk !.



...............

Motor hole in pe ri tuar tuar vang in ka mit ka meng a , nichin khan ka muhil miahlo , mahse ngaihtuahna thuk lutukah ka cheng tih erawh ka hre chiang hle thung!


Traffic-jam ah kan lo tang hi ani a , ka bul a mipa chuan a ban lehlam dahchhuak deuh chung hian a lu pawh tukverh ah chuan a dah chhuak deuh bawk a , a phun zui hlak bawk!



Nizan thil thleng zawng zawng ah khan ani hian thiamloh na a neih ka hrelo ! Ka duhthu ngei ani a , ka nawrlui nasa hle bawk , ka unaunu bialpa ani tih hre reng chungin ka duhna dah lian zawkin hma ka sial a .A dik, hmeichhe khawlo zet chu ka lo nih ngei hi!


Engtiang pawn Esy'n min an khum in min haw dawn mahse kei chuan engtin mah ka haw let ve tur anilo tih chu ka thupui a ni ringawt mai , Liansangzuala'n chu ti tehhluak a a ngaihsak lo chung pawh in amah zawkin a hauh nat zia leh a in tih ta tu zia hrechiang ber tu ka ni hial ta ve ang!


Ka duhthlan na hmang ngei a ka zahawm na ka hlauh anih si chuan a let pawh ka tuar ngam ngei tur a ni dawn lawm ni!


Kan in kawt a kan din meuh chuan ka thaw chhuak em pawh ka hrelo , tlem a min ngaihsak ve na a mitmeng ah ka hmu a , mahse ka hre biklo a rei ngailo !


"Ka rawn lut ve dawn em?" Keimah min vengthawng tih hriat zet hian min en leh rún a .


Ka bul a a awm chuan ka hahdam ngei ang , mahse buaina lian zawk a punlun tur leh kan chhungkaw in hau lai boruak a rawn hriat ve kher ka duhlo!

"Aih..keimah in ka kal thei alawm" ka nui lui suk a , rilru bet lo hmel zet hian a bu nghat.

"Ka lut ange " a tawp nan a hmel chu chiang deuhin ka en a 'hahdam rawh' min ti ni awm fahran hian a hmel chu a dam leh thluam thung .


"Engpawh thleng se , i ngawi tlat dawnnia , a tul chuan minlo be mai rawh" kan chhungkaw chanchin thenkhat hi a hre ve emaw ka ti hman hial!

Phawk lek lek hian ka en a, a kekawr ipte ah a kut pakhat zen lut in a ding zuarh a , a hmel ah engmah hriatthiam theih tur a awm bawk silo!


"Lut tawh rawh le"

Bu zeuh in ka in her a , gate lian lo te ah chuan lut in ka hawi let leh hram a , mahse a motor chhungah thu in a tlanchhuak fel der tawh!


In lian ve tak ka hma a ding ah chuan luh mai huphurh tak hian melh run in a kawt ah chuan ka ding to a.


Ka tah chhuak et et mai ah chuan in khawngaihna bawk a rawn piang leh tawh!

Ka nu leh pa kha la dam ve se ! Tih ka ngaihtuah na ah bawk a rawn lang leh a .

Mahse ! Nizan thil thleng vang khan rawn nung leh pawh nise ka hmu ngam kher angem?

Ka lu ka thing nawk a , thaw vak in kawngkhar pui chu ka hawng de de .


Tu mah hmuh tur an lo awmlo a , choka lamah pawh chuti tho!


Awmpui hi kan nei ngai lemlo , ka awm ve hma zawng atang leh ka awm hnu high school ka kal ve dawn thleng kha chuan kan nei thin , mahse tunah chuan ka kut ah engkim an dah deuh vek tawh hi ani ber!

.

Ka room pan tum a step ka pen chhoh dawn chuan Nutei'n min lo ko ta fak mai!

Muangchang hian ka hawi let riai riai a "nizan ah inah i riaklo tih ka hria nia" a tawng mal tin ah te chuan min elsenna ka hre thei !


"I patea'n a hriat vaih chuan" mitmeng kal ralh mai leh phakar hmel zet a min en hnu ah "zanin ah chhuanlam min siamsak thei chuan ka ká ka chip ang" a kalsawn nghal daih a , rapthlak ti lutuk in ka en zui vung vung.



Ka lo sawi hmaih daih a , nutei hian ka pa awmloh hlan in inchhunga card den leh mai hi a ching a , a chang phei chuan a thian tu tu te emaw hi an rawn tel nual a , pawisa chawi in an deng thin!


Chung a thil tih thin chu nuling pui tawh si a bansan hleithei der lo lehnghala , patea pawn vawikhat chu a man tawh nghe nghe.


Tah der hlap hlap a thiam bawk a , reilo te ah a pasal thinlung chu a hneh leh mai bawk anihkha maw!


Vawitam patea bulah ka phat mar sak a , Esy a awm ve ngai miau loh avangin a ni erawh chuan a hre ve kher lo ang, a chang phei chuan keimah zawkin hauh ka tuar phah fo.


Engtiang pawn an chhungkaw tan in pumpek in ka theihtawp chhuah ve thin mah ila , nutei mit ah chuan ka tling zo ve ngai lo a , vawikhat te mah a ka atangin fak der na chhe te pawh a la chhakchhuak ve ngailo!


Ka room ah lutin khumah pawh mu thla hmasa lo chuan washroom lam ka pan nghal chawt a , intleuh fai ka ngai takzet tawh.


Darthlalang lianpui mai hma ah chuan ka taksa ruak kung chung chuan ka in thlek a , ka nghawng leh hnute lo sen duk deuh chur ka hmuh chuan ner nawkin ka en chiang leh ngat.


Ni tak e ! Nizan sulhnu bawk .

Liansangzuala min khawihna leh a hmui lum thur thur a ka hnute leh nghawng vel a fawh kual lai vel chu ka mitthla ah rawn lang zawk a .

Mit chhing sawk in shower ka on a , ka in phuh nghal sang sang!

Hmeichhe lawilo tak zawng ka ni e ! Engtin nge khatiang thil kha ka thlen tir theih zawk, inchhir in awmzia awm tawhlo , anih tur ang chu a ni zo vek tawh.


Ka sam ka tham tawk a , ka tah na vangin ka mit a sen ram tawh bawk.


Rei tawk fang ka awm hnu ah ka chhuak ve chauh a , lotion ka in hnawih mawlh mawlh laiin ka room rawn kik miahlo hian Esy a rawn lut tlang nghal tawp a , towel chuan ka in khuh tha nghal sawk sawk!


Ngawi lawk teh aw! Ani hian a hrechhuak tawh chu a ni em lo maw?


"Khatiang khan in hup tut tut thih suh, a ho emmai hmeichhia tho ka nihhi" ti hlak in khum bul lehkha ka zirna dawhkan ah chuan a thu tharh a !

"Kawngka kik hmasa ve thin rawh" vin vak ka tumlo , a chhan pawh ka in thiamlo ru veng veng tlat a tin ni!


"Nizan kha" chik deuh tak hian min en a .

'Lalpa khawingaih in tunah nilo' ka ti rilru mawlh mawlh thung.

"I rui lutuk a , i riak duh tlat bawk nen ka haw san daih che a" a beng a pawt zeuh a ka lo thaw huai thung.

.

"Liansangzuala khan riah a phallo tlat a, ka duhlo chung ka haw phah " a ti nui nui a , chil ka lo lem khalh thung.


"Engtin nge i in buaipui theih a ?" A tih zawm leh zat.


A tawng char char a, engmah ka sawilo chung pawn zawhna min zawt leh char char dawn anihhi!


Ka tho nawlh a , ka thuamhnaw bawm lam ka pan nul nul .

Engtik laiin nge ka bul a lo thlen pawh ka hrelo , ka che zia chu ka bula ding run chungin min en char char a .

"Engeee" ka ti vak ringawt!

"Nizan ah mipa i tawmpui chiang" a kutchal min hmuh meuh hian min dawp ti tih in a ti a .

Ka meng buai nghal tup bawk , a hre reng anga min dawp a duh ve hrim hrim anih ka ring nghet hmiah tawh bawk !


"Tinge i hmai a dang vek a nia" a tih leh zel takah chuan ka hmai ka tawk vat a "ka nuam sam lo a " ka ti sam et thung.

"Okhay..mahse"

"Mahse awmlo ..Es..zawhna i ngah emmai" ka thuamhnaw hai mawlh mawlh pah chuan ka ti ve tung a , mahse ka banah rawn man leh chat.

"Tunge lo thlah haw che a ?" Nuihza in sum zet hian a ti leh a , chhang lovin ka kut lehlam chuan a chal ah ka nawr vak a , a nui chhuak ta huah hauh mai.

Ka lo thaw dep dep thung!

Room a chhuahsan meuh chuan a vang zawngin khum ah ka mu thlawp a , engpawh chu nise a la hrelo chu ni phawt a , mahse hriat hun zawng ala nei ngei dawn ! Chu mai bakah media a chak tawh bawk si!



............


Zanriah kan eikham thleng ka sil laiin Esy a phone nen ka bul a rawn pan a "heihi enge awmzia" a rawn ti vin ka that mai.


A phone ka hma a a lek kang vu chu melh in kei leh Liansanga thlalak chu ani!

"Ih..ess..ka ..ka sawifiah thei" ka ti tawk chauh!

"Ilo mak hle mai" ti in a tap nghal hlawp hlawp a , nutei a rawn tlan lut nghal vat bawk.


"Engthil nge a ?" Tih leh a fanu phone ken lai chu laksak a rual a , a en deuh renrawn hnu ah min ten hmel zet hian mitmeng ling hlarin min melh leh hrawk.


"Naupang anchhedawng lutuk" a tawng ri chu a zawi lutuk mahse ka beng ah erawh ring tak ani thung.


Ka awmtirh ata tawh a lung ka tih awihloh apianin "naupang anchhedawng" min tih khum fo reng anihkha.

Patea chu a ko chul a Esy erawh "a diklo vel vek tawh" á chhui hian a ti chul thung.


"Enge mamte i tah tak ruah ruah a ?" Rawn ti lutin keimah chu min melh leh zawk a .

"Kha han en ve teh" tih leh patea kut a phone hmehbel chawt a rual nghal a.

A tarmit vuah meuh a a en lai chuan "zaktheilo lutuk ..nizan ah mipa nen khawsa in hotel ah te an lo riak dun vel ani awm e , chu mai bakah a mipa kha Liansanga matei bialpa a la nizui" vin hlak hlak in nutei chuan a ti a .

A mitmeng sen ram mai a min rawn melh zawng ringawt pawh chuan ka tim sawk.thei!


"Heihi a dik em? Ramnunpui" ka patea ani.

"Nizan ah inah i riak lo tih pawh ka lo hre ve reng reng hleinem, nula i ni tawh a , tihian media ah in la lar zui em em lehnghal a " a tarmit la thla in a ti leh chuarh chuarh.


"Keichu ka ning tawh emai , kan chhungkua a ti hmingchhe zo vek dawn anihhi ,nizan ah pawh matei chu a rawn haw leh nghal mai a , Ramnunpuii tak hi chu ler reuh lutuk" nutei bawk in a rawn ti leh zek anihchu!

A fanu pawh riah tum ani a , Liansanga'n haw tura a tih vang mai mai ani tih lah a hre der silo.


"Zawiawi hmel tak si hi , a rukin a lo lerh ru phian a , tenawm reuh lutuk fahrah leh nghal" tawngsual in ti hmel zet hian a kut in a ka a hup chawt a , mahse tunah khan a tanwgsual nilovin a ti lui tih chu ka chiang ngang thung.


"Fahrah tih tawngkam chhakchhuah kher a tullo , keimah ka zilh ang lo ngawi rawh" patea chuan a nupui vin tha ngam chiah silo hian a ti ve khur khur a , nep ka tih zia chu!


Chhuat melh in ka ding kun ngul a mahse vawilehkhatah ka lu lei hi arawn thip zawk.

Esy chuan a theihpawtawp hian min lo kek ngawng ngawng anihchu!


A bialpa a hauh nat zia chu ka hria , mahse hetiang khawp hian a rapthlak tih ka hre hauhlo.

Patea chuan a rawn thelh a , ala tal aih aih zui , engtin mah ka ti let ve thianglo , ka diklohna a ni miau a , chu mai bakah fahrah belh tur ka neiloh zia min hriat thar tir tu bak ani leh dawn chuanglo.

Nutei'n nuih sawh hmel tak hian kil khat atangin min lo en reng a , a fanu chu dan buai tumna a nei heklo.

"Ka hua che , i hria em?ka haw lutuk che"

"Nang hian ka plan zawng zawng i ti chhe vek tih hre rawh"

"Ka unaunu pawh i ni tawhlo" tih leh patea pawm beh na tang a talh pit in chil min rawn chhah khum nghek a .

Ka lo thlek bak thung.

Ka appron hren lai ah chuan ka kut tawn tawn hi ka tham nghet ngawt ngawt a , sawi ve tur pakhat mah ka neilo lai leh ka diklo hulhual tih ka in hriatchianna vang chuan ka rilru a ti na in ka ipik lehzual a ..


"Ramnunpui i room ah lo han lut rawh ka tihchu mawle" patea aw viak that ka hriat chuan ka phu leh erh.

A nupui fanau te lak a tik pawh ti ngamlo hian kei min vin te chu hnehsawh tak ani!..


Engmah sawi lo in choka tang chuan ka pen chhuak hlawk hlawk a , esy'n tawngkam chhe lutuk ngaihtuah pawh ka ngaihtuah thlen ngailoh thleng thleng in min la rawn ankhum ta phiar phiar a .


Ka mittui luang chu ka kawr hak ban tluan chuan ka hru tawk bawk.

Ka step chhoh hma chuan nutei'n ka kalna tur ah tak a ke a rawn kham thut a , ka kiu sawh dawpin ka tlu hnawk .

"Kha kha i chantawk chiah ..tinge hreawm i tih viau chuan he in atang a chhuakin hla takah i kalbo mao loh" chu tawngkam chu ka vawikhat dawnna pawh a ni tawhlo.


Ka tho tiah tiah a , zam hmel pu map lo hian " tinge kei fahrah ve mai chu min hmuh mawh em em a , heng i nawnsak na zawng zawng te leh vawin thleng a chaw i la bar ve theihna te hi ka pa sum vang kha ani tih theihnghilh suh " ka sawi zo chiah chu ka biang a ri leh nghal that.

Thil at puat ka kà in a hriat chuan ka kamsir a thi ani tih ka hrechawpchilh nghal bawk.


Vawitam min deu sawh na vangin ka ngawi a , ka ngawi zel a mahse tunah chuan ngawih mai mai ka tum tawh biklo , a bik takin Nutei lakah ngat phei chuan! Min zuam phah zel zawk.

Esy lakah erawh ka dikloh hulhual avangin ngaihdam ka dil ala ngai thung!


"Zaklo reuh lutuk ..i nu ang chiah i nihhi" engtik lai mai pawh a fahrah ka nihzia leh ka nu chungchang duhdah taka a sawi fo mai hi ka kham ta khawp mai.


"Tinge? Thudik chu a kha deuh em ni a ? Nangmah ngei hi ani lawm ni patea hlawh khamkhawp lova ka pa hnena tanpui dil in vuina rawn zawng thin tu kha" dak vah chung chuan ka ti leh kher.


A dik reng bawk a , engtik lai mah in patea hlawh hi a kham khawp ngailo , ka pa hnenah patea dil tir ang te in pawisa a rawn dil fo a , tu mo mah in an tih duh ngailoh tur thleng thleng chu nutei hian a ti vek!




Khang te kha ka hre lo emaw a tih nih chuan a ti sual chhia va ang!

Min chhan tum a a ang zuai chu "tinge i la chhoh loh fo a " patea bawk ani.

Ka hma a hmeichhe ding , thinrim vanga hmai sen tawn tawn mai chu nuih sak in inchung lam ah ka pen chho ta zawt zawt!


Khumah ka bawk thlawp a , ka tap ring ngam bawk silo chu ka lukham in ka lu ka nawrbwt tawk a .


Tinge ka vanduai bik em em, midang angin zalen takin tinge hun ka hman ve theihloh?

Engtik lai pawh in ka chhevel a awm te mitmei ven a a ngai a , thil sual tiin hmingchhe hlek ila midang te anga ngawih bo pui a hnekin "fahrah lehnghal" tih chu ka hlawh zawk zel a .

Fahrah hi duh vang reng a ni kan ni biklo tih an hrethiam der silo , a dik alawm , tunge duh ang ? Kan mangan chang leh puih kan ngaih changa auh tur neih ve loh te , kan diklo chung pawh a min tan tlat tu kan hma a ding tur neih ve loh te , kan thlavang hauh tu pakhat mah an awm ve lo te hi kan duh bik reng reng lo ! Mi zingah in kiltawih ngawih ngawih in kan awm a , thil thar neiin mi te chung daih ah awm ila fahrah kan nihna bawk tawngkam in a rawn hmakhalh leh a , engtin pawn nun hmang ve ila tuman min zah ve tak tak lo.


Heng nun buaichuar ru zet atang chuan chhuah a kalbo vang vang ka chak , mahse he in hi chhuahsan thei ka la nilo .


Ka pa khan ka sum hman tur chu min hnutchhiah na meuh mai mahse khang te kha tunah hian la lachhuak thei ka ni miau lo a , engvang nge tih chu kan ukil leh ka pa bak khan an hrelo , chu vangin ka pa chuan engpawh lo remruat se a tha lam , ka tan a tha tur a duan lawk vang ani tih ka hriat avangin lak chhuah tumna ka la nei leh chhin eihlo!


Chuan zanin hian belh tur ka neihloh zia leh fahrah ah pawh ka mal ngawih ngawih zia te , hmangaih tu neilo , khawi hmunah pawh awm ila tuman min rawn zawng lovang tih tur khawp a baihvai ka nih zia ka hre nawn awn awn a .

A chang phei chuan mi ten an hlut em em nunna hi tihtawp daih mai ka chak rum rum thin , tuman min ui ve tak tak dawn chuang lova , thi pawh niila an lawm zawk daih ang chu!

He khawvel a hmangaih tu pakhat mah nei lova vahvaih ai chuan he nunna hlu lo tak mai hi tihtawp a ka nu leh pa bula kal ve daih pawh ka thlang zawj fe!










💝Awi..ka damlo ve leh reuh a , hritlang hnar ping teuh chungin ka rawn type tawk tawk aw , phone ka en zawng hian ka lu a na ngut ngut thin a , chuvang chuan ka edit hman tawh thlawtlo , min lo hrethiam leh hram hram mai rawh u💝

Naktuk zan kan awl leh ang aw, chhan chu story pakhat kha fb ah dah lut rih chiahlo mah ila website lamah ka la chhunzawm ve zel vang ani.

Lo dam in lo hrisel ula , lo in veng fimkhur hle ru aw 😋ka story chhiar theilo in in lo damlo ve hlauh palh ange😉

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:44 pm

Chapter-3🔗



Darthlalang lianpui mai hma ah chuan ka taksa ruang am vel chu ka thlek vang vang.


Ka tlukna vanga ka kiu duk chur mai ka hmuh chuan ka ner sawk, engvanga nutei hian min haw em em mai nge maw anih le?


Mi te tan harsatna ka lo siam ru reng zawk nge? A dik , tu chhungkua mah in a thlawn in tumah an chawm reng duhlo ang, mahse ka pa thihhma khan thu an tiam tawh miau a.


Tin, a thlawn vek chu ani biklo , khang a share chanve zawng zawng a hlan kha he chhungkua hian tun thlengin an la chhawr dawn tih ka hre ve tlat.


Engpawh nise tunah erawh ka dinhmun a laklawh em a, thil tisualtu ka ni a ngawih ka chuh leh mai angai dawn zu ni reng a .



Mi fel famkim ka ni biklo a , mi zawng zawng tih lawm lah ka thei biklo , chuta chhapah ka chetsual hlekna an hmu lian hlur a , ka thil tih that ve te kha min fak sak hluai se ka tihna nilovin min hriatsak ve se ka ti mai chauh ani .


Diktak chuan nun hi ka kham a , nitin tlawn chawp ngai mihring , tih lawm fo ngai bula awm hi a hahthlak ve lam hret zawng ani e.


Ka appron hren lai kha ka lo la phelh miahlo tih ka hmuh chuan ka phelh nghal sawk sawk a , chhutah ka dah thla hnawk bawk.


Khum lam pan leh in a vang zawng hian ka mu thla tawp a , inchung lam ka melh vang vang.


Puitling nihna in a ken tel hlen zawh rualloh mawhphurhna te , muhil theilo khawp a lungkham neih te, thinlung thip vawng vawng khawp a rilru natna te hi hmachhawn dan ka thiamnlo a , nû hahthlak ka va ti ve thin tak em!

Tlanbo san daih theih zawng nise , tu ma min umphak loh na tur a rang in ka kalbo vang vang tawg ang.


Hmana ka nun , engmah la hrethiam tak tak lo , rilru hahna emaw chuang bik anga in ngaihna te a awm loh lai , naupang chumchiap mai mai ka nih a , nu malchunga tui taka mutthilh hun lai ah khan hrinung hi tinge maw alo tawp mai loh le!


Thlamuang taka ka nu angchhung a tluk luh leh tluk a thlakhlelh ka nei miau lo.

Nu leh pa kara seilian tak tak ka nihloh avang hian ka rualpui te aiin ka chhel ka inti ve tlat a , chu chu ka tum reng bawk.


Mi nazawng hmuh laiin ka tap mai mai ngailo , min ngaina miahlo tu te lakah ngat phei chuan ka tlawm vawng vawng anih pawhin ka mittui tla lai an hmuh ka duhlo.


Insum theihloh a , chetsual tep chang erawh ka va ngah si em!


Ka phone a rawn ri dar dar a , lak mai tumlo in khuma let ngat mai chu ka melh leh vang vang phawt.


A rawn tih nawn leh takah chuan ka ban de de a , phone a hming lo lang ka hmuh chuan ka thaw huai huai mai.


Ka sawi hmaih a Vanlala ka thianpa leh ka unaupa ni bawk , he khawvel a min ngaihsak tu awm chhun ni ve ber mai , Esy'n lekha zir a min awmbo san atang khan kan in kawm ve chawt a.

Ka mangan lai hian amah hi alo lang ve ziah a , mahse farnu pathum ngawt a nei a , pa a nei tawhlo bawk nen a ko ah mawhphurhna zawng zawng chu a tla ta vek si a , chuta kara tibuaitu nih ka duhloh thin avangin ka harsatna tawh thenkhat erawh ka zep fo thin.


Tunah pawh ka thaw ipik ngawih ngawih laiin Pathian in ka tan a rawn tir ni leh mai hian ka hria.

"Aw" ka ti teh tawng a , a rawn thaw huai mai.


"Ka rawn thleng chiah naktukah enge i tih dawn?" A rawn ti leh zat a .

"Ka hrelo, engeee?" Ka ti vak.

Ka aw chu a lawi rat a , control ka tum zia chu pui tak ani.

"Hmm..mate i damlo em ni?" Kha maw..hepa hi chuh.

"I rawn thlenna rei tawh em?" Thu dang ka sawi ta daiha , mahse a lo hre rang leh khawp.

"Thil thleng a awm em " chhanglo in ka ngawi vang vang a , a nau ang maiin min en tih ka hria chuvangin mate tih hlir in min ko bawk , min duat em em a a buai chung chung pawn min ngaihsak ve tawk tawk thin.

"Kan in hau a " a chet hlak mai.

"Mahse ka tha , keima thiamloh ania" ka ti leh zat a .

"Tunah hian rawn belo che ila min hrilh i tum kher angem tih ka ngaihtuah" a nui tawi tak a.

Ka hmui ka pet fan fan bawk , engkim hrilh vek thin turin min ti a , min ngaihsak em em reng tih pawh ka hria , mahse min duhsak pauh leh leiba ka ngah ting ni hian ka hre tlat a , mi dang tan harsatna siam ka duhlo , a rukin min lo ning ru viau thei .Khang ka ngaihtuah thlen ve vek avang khan a sawi dik , min rawn be lo sela chu ka hrilh kher lovang.

Min ngaihsak lutuk tih leh ka pangchan ngam ve na pakhat anih miau avangin min zawh hlek hi chuan sawi mai ka lo awlsam leh thin a , midang laka in paihthawl na tur ka neih miau thin loh vang te pawh a ni ta ve ang, chu erawh a hnu ah hian ka inchhir hlur zel.


"Mate ..ching tawh suh ka tihkha , harsatna i tawh a i bul a awm atan min duhlo em ni?" A rawn ti dam leh thluam.

"Aih..mahse ka inthla" ka sawizo hmanlo "inthlahrung tih kha hman tum tawh miah suh , a tha em? Buaina i tawh chang a engmah tilo a lo thlir liam tawp tur ah che min ngai anih chuan i thian leh unaupa nih ka tlinlo hulhual tihna nimai" a ti hluai a .

Ka lo nui chhuak hak hak chu a duhlo leh kher mai .


"Ka fiamthu lo miahlo , hre reng rawh "

"Awle awle ..boss"

A thaw huai ri chu ka hre thei.

"Chuan ti maw naktuk chu?" Ka ti leh hú a .

"Min chhuahpui lawk la ka ti , i hmanloh chuan ni dang atan kan khek dawnnia" a ti leh zat a.

Ka ngawih deuh renrawn hnu ah " Zampuii ka ngamlo ang" ka fiam ta hlak.

Zampuii hi a bialnu nghet ani a , an nih rei ve tawh tehlul nen a thikthu hi a chhia in Vanlala hi a ringhlel bur reng a, a duh lutuk vang te pawh ani ta ve ang .

Kei ngat phei chu min ngaihna lo hlawm tawp a , ka pawisa lemlo min hnaih duhlo na na na chu va tihluih thu awmlo , Vanlala hian tu mah belh tur ka neih loh zia a hrechianga a chang phei chuan a min ngaihsak lutuk hi ka hau fo , a sim duh der mai bawk silo a , Zampuii min lo thik er reng pawh a sual hranlo e.


"I nghal siah" min hmu thei dawnlo tih hre mah ila lei ka chhuah tet.

"Chawhnu lamah ka hman ang " ka ti ve ta sep a .

"Oke..chuan naktukah i sawifiah vek ka beisei dawn a nia" a tih hnu ah chuan kan in biakna kan ti tawp a, rilru tawt tun in min rawn tuam leh nghal hlup tawh.


Min ngaina der a , min hnaih talh tum hi chu lo hnar tlat thu awm suh , chuti nilo a ka chet chhiatna chang reng mihrinh erawh hnaih ka tum bik hauh tawhlo.


................


Rilru kawm melh melh chung khan ka muhil a ni ngei ang , puan pawh sin lo in , a ngai ngai khan zing ka harh chuan ka la mu hlawm tawp a .


Inhnuai a chhuk chu ka hurphurh lutuk ringawt.


Eirawng bawl ka kut a awm a nih vek thin a vang hian Patea nen kan tho hma ber zel.

Ka hmai ka phih hnu ah appron chhuat a awm ngiat chu la kang in room ka chhuahsan a .

Ka room pian lawk a Esy room awm chu ka va melh dek dek , a in lock khap mai bawk si nen thaw vak in
inhnuai lam ka pan ta zal zal.


Choka lamah ka lut tlang nghal a , patea thukhawm na lama chanchinbu chhiar chu ka va melh zeuh.

Ka thawm a hria nge "Núte thingpui minlo siam rawh aw" a rawn ti dam thluam a , a tawngkam dam leh ang lawi si chuan min ti hrilhhai viau.

Ka lam a rawn hawi phei chuan chhang lovin ka lo bu nghat a .


Thingpui keng chung a ka pan phei laiin nutei an room a tangin a rawn chhuak chiah .


Inhnuai lamah hian an nupa room a awm a , inchung ah kei leh Esy kan mu thung.


Engmah sawilo in min kalpel vut a , melh pawh min melhlo .


Dawhkan a ka dah thlak rual chuan " hei i nutei pawh hian a duh ang" a thil chhiar lai melh ngur in patea bawk chuan a ti leh a .

Nutei erawh a ka a la chip ta fo ! ka melh zawk chuan min lo en reng tih ka hmu chiah a , ka hawisawn rang teh e .

A mitmeng chiang khelkhawl a min en tawh hi chuan ka tim ve uai thin , zing karah pawh a dum tak tha thei mai sia maw!

...........


Tukthuan kan ei lai pawh in Esy a rawn la chhuak thla lo fo .

Inchung lam ka melh zeuh zeuh a , chu chu patea'n min hmu nge "a la mu nihkha , nakinah a rawn tho harh mai ang nizan a meng rei lutuk a " a chaw bar mawlh mawlh chungin a ti sup.

"Insawifiah i tum miahlo em mawni le" zawi tak , ka hriattham tur ni si a Nutein a rawn tih chuan ka chaw thial lai ka tawp chat.

Engmah thlenglo ang maiin ani lah chu a thil tih lai a chhunzawm mawlh mawlh a .


"Englo ..nizan ami kha ..ka ..tum reng vang pawh anilo a ..a rang lutuk a ka hrethiamlo ..min ngaidam rawh u ..thil thleng palh" ka sawizawh hma hma in "thil thleng palh tih tum hauh suh , i tih luih anih thu leh khang reporters thenkhat ho pawh kha nangman i koh a nih thu kan hre vek, a rukin i unaunu bialpa ilo ngaihmelh ania" Nutei tawng hmarh hmarh chu awmzia ka hrethiamlo kher mai!



Khang thil kha keima lemchanna ang vek ah min puh tihna nia! Nilo nilo ...engvangin nge mahni ka intih hmingchhiat duh tehlul ang.


"Thu dik i sawi mai kan ringa , i patea min ngen vang chauhin eng tawngkam mah ka neilo ..mahse dawt muhlum tawp ila sawi zui " ka bo telh telh.

"Engtin nge bawihi hmakhua khi ni ve dawn , inneih te an la ti zui amaw ni!" Hahthlak tih hmel fe a thaw hak chungin patea lam chu a hawi kher a.

Min melh zeuhin engmah a sawi zui ve chuanglo.


.............


Room ah ka luh meuh chuan ka thaw kawk kawk mai , khang thil thleng te kha ka tum lawk vek ang mai a min chhuah chu le !

Ka phone chu a rang a rangin ka ban nghal a , ig ah ka luh chuan an lo post ka hmu fuh ta hlauh.


Inneih tur ang ten min la sawi zui a mawni! Ka chet tlak tlak mai.


Uluk fahran a ka phone ken lai ka bih ngur lai chuan a rawn ri thut a , ka phu dawrh.

Ka in rin hma hauh in a hring lai chu ka hmet a , ka ip chawih bawk.


Lehlam atang eng mah hriattur a awmlo , a ngawi leh vung vung tho si!

"Hello" ka ti ta nge nge .

"Keimah" a aw thum chhap atang chuan tunge a nih ka hre mai theilo.

"Maww" ka ti leh hú a .

"Keimah ka ti a nihchu" ka hre chiah e .Liansangzuala aw ngei ani.


"Eng..enge a ?" Ka ti bah nawk.


"Pawn ah ka nghak che" ve ngawt a , ka beng a phone ka hmeh beh chawt chu dah hla hret in ka melh leh renrawn a.

"I ngaithla em?"


"Mahse engvangin"

"Ka rawn luh kher i duhloh chuan tunah rawn chhuak ang che" a off nghal hmak a nih chu!...


Ka nui chhuak hak "hah..ani hian khatianga a laka ka nem em vang khan a duh duh a min tihkawi a tum te hi nilo maw chutiang anih vaih chuan a tisual khawp ang" keimah leh keimah chu ka in be hlak hlak.


Inhnuai lamah ka tlan thla a , tumah hmuh tur an awmlo hlauh chu ka tan lawmna.


Gate atanga ka chhuah chuan kan in kawt hla vaklo ah a motor duhdan taka ngheng chungin alo ding zuah a .

Ka thawk a rang a , kha thil thleng kha ka ngaihtuahna ah a rawn lut nghal zawt zawt bawk.


Liansangzuala hi ka duh ka tih tawh kha ! Mahse ka ta ni turin vawikhat te mah ka la suangtuah chhin ngailo , midang awm theilo mahse va hnaih tum na ka nei lo .


Ka beisei ngamlo anih zawk mah chu!
Ka pan phei zel a , tak run in min lo en thung .

Ani saw ka duh a , ka haw bawk.

Pen hnih vel a in hlat ah chuan ka ding ta tawp.Ka in tih pauhkhauh ve angai hi ni tawp mai.


"I sawi duh chu sawi rawh" a nui suk duh chauh nia mawle!

Ka ke atanga chhip thlengin min en chhuak leh dap phawt a , awm mai dan tur ka hrethiam ta hauhlo bawk.

Min hnaih a tum chuan ka hnung tawlh hrut , a ni pawh a ding dawt tho.

"Hetah lo" a ti leh sup a , ka melh hra ringawt.

"A pawimawh viau loh chuan tah hian sawi mai la"


"Min zui rawh" ka thil sawi ngaipawimawh lo deuh chuan a motor kawngkhar a hawng a , a luh hma chuan vuan rún chungin kei lo la ding khawng luah chu min rawn en leh a "mawl reuh lutuk" tih melh hian min melh tawh mai in ka hria.

"A tha lawm , helai hmunah hian i thil tih engkim ka hriatchhuah vanga zak taka siam che i duh ah ka ngai ang" engmaw a sawi le?

Kawngkhar a hawn tawh chu a khar ri leh bur a , min rawn hnaih nghal ruak ruak bawk.


A hmai sen tawn tawn leh insehruh tih hriat zet a a bek pawng talh talh chu ka hmuhhmaih lo kher mai.

Ka thin zawnah ka kut pahnih chu tawm chial in ka lo eu vak a , ka hmai bul chet ah a rawn kunhniam bawk.

"Engkim ka hre vek tawh" muang fan raih mai hian a ti hrawk a , mit ka chhing tawp.


Tukin a tang tawh enge an thil sawi hi pakhat mah ka hrethiam lo , sawifiah tak tak an tum bawk silo .


"Eng ..enge i sawi tum?"

A ding ngil nghal uai a , a kekawr ip ah a kut a zen lut leh hmiah tawh bawk.

Ka kalna tur ti ni awm fahran a ding sawn deuh hian a sir zawng chuan a ding ta daih a , a hma lam chauh a en ngur bawk nen , a bek zawn puar talh talh erawh ka hmu chiang zual sauh .

"Motor ah sawn lut rawh " ka en tlawk tlawk ringawt.


"Ka tawng i hrelo em ni?lut rawh ka ti che" a rawn au thawt a , ka lo phu nasa ngang mai.

Rang mangkheng in motor lam ah chusn ka kalhual a , ka lut ta tharh bawk.


A glass lehlam atang chuan ka va melh tawk tawk a , maimichhing chungin vanvadak meuh hian a thaw chhuak ham ham ni mai hian ka hria.

.

Ni dang ang bawkin a lang cool leh ruih tawh a , mahse a mize buluk lutuk thin hi ka hlau!


A rawn chuan luh ve meuh chuan na mangkheng in a khar ri bur a , nghet charh hian steering a hum nghal bawk , motor body chu a che awk mai hian ka hre bawk.

Engmah ka zawt ngam ve tawhlo hrim hrim , ka malchungah ka kut ka hum ruh tung a , ka melh leh zeuh zeuh thin pawh chu engma a ngaihsak lo ti hriat zet in hma lam ringawt a melh ngur a .


Dah chhuah ka tum chuan glass a up daih anih chu! ,rum luktuk in ka melh nghek a , engmah thlenglo ang mai hian a steering a herh kual leh pap thung.
..


In mal ding pakhat zawnah chuan a ti thi ta duk a , ka hawikual nghal vat vat a hmuh chuan min melh zeuh in a ner sawk .


A chhuk hnu thleng pawh chuan motor chhungah ka lo la thu ta ngar a , kawngka in lock ka va hmu pha bawk nen a awmzia chu kan pahnih chauh in helai hmunah hian kan awm tihna!..


A ni nen a awmfal hi ka duh lo hrim hrim , ka hlauthawng vek tawh.



Kawngkhar a rawn pawt hawng pawp a "khatiang a lemchan kha duhtawk teh" a rawn ti hrawk .


Chhan tum a ka ang zuau tawh chu min pawm kang nawlh a , ka talh aih aih te chuan a thin a ti rim hlur ni tawh mai hian ka hria , a ban puam chak hmel zet ah chuan ka chum ve tai tai a , mahse awmzia a awm tam lo lutuk ringawt, a kal ngai in min pensawn pui hlawk hlawk tho.

"Min dah thla rawh ka ti che " ka ti vin that a , a pen lai tawp chawt in min en ngar.

Min pawmna chu thlah a tum tih hriat zet in a kut a dahthla nghal hmak a , keimah zawk in a ngawngah tlak thum dawt hlau fahran in ka lo uai bet leh ang lawi a .

A kut lehlam chuan ka kawngah a la dawm tho.


Ka ban in a vawn beh tai chu a thlek zeuh a rang lutukin ka la sawn nghal , ka kat dawrh zui.

Ka chet dan engkim chuan a ti thinrim emaw tih tur hian a ner leh nang thina , mahse min huat ai nasa hian ka hua tih hre ngat se zawng!


Min kalpel vut in kawngkhar in lock na chu a hawng zui mual mual.


Engpawh nise ka zui lut ve mai aniang chu!


Inchhawng ani lova , mahse a chhung chu dangdai reuh tak ani .

He palian pui vang hian ka thla a muanglo tih mai loh chu a nuam ve reuh reng.

.Sofa uk kharh mai bul a bang ngheng chung chuan uluk fahran hian ka che zia chu min thlir reng a .


Tim dai hian min en tih ka hriat veleh ka melh kiau thung.


Thle bak in a phun hluk a , a sawi engmah ka hre theilo.


"Tinge hetah hian min hruai a ?"

"Engmah sawi tur i neih leh siloh chuan haw ang" ka ti tham leh chhel a .

A ni lah chu lungtum ang maiin a ngawi ngal thung.


"He..hey..haw ang ka tih chu"

A rawn nui chhuak ta hawk a , ka rap lutuk chu ka meng kual zak zak .

"Ohh..lemchanna chu tawp rawh se !" A nui leh suk a , chuta min rawn melh leh chiah chu maw a mitmeng a sen ram a , ka mangang zual sauh.


"Tuamah i thuruk an rawn hre lovang , lunggai suh ka puanchhuah sak che i hlau em ni?" enge maw a sawi chiam chiam mai le.

"Eng thu ruk maw ?" Ka ti haw a .

"Hmeichhe innocent lutuk ang mai a lemchan kual vel kha duhtawk la , heng i thil ruahhman zawng zawng te hi nangmah ngeiin sawi rawh" a aw chu thinrim lutuk tih hriat zet in a khur deuh dar dar mai hian ka hria.

A tawng chhung zawng khan mit ka chhing tlat a , ka thaw chhuak pawh in ka hrelo.

"Sawi rawh" ka banah hmer salh in min sawi nawk anihchu!..

"I thusawi awmzia hi engmah ka hrelo" ka rak ta that mai.

"A tha e ..keiman engthil chiah nge i tih chu ka hrilh ang che" min hmerna chu a thlah riai riai a ....


"Kha zan a thil thleng kha ruahman lawk vek a thleng ani tih ka hria " a mit khur thuk dak mai a min en chungin a ti chang fak.

"Esy haw tura ka hrilh thu leh chu chu remchang ah la a ka room a chhuanlam siam a i rawn luh te" a nui hak.


"Ohh..mak ti hmel lutuk khan awm suh ..a ai a mak leh tenawm a la awm a nia" a tawngkam tin te chu min ten hliah hliah ang mai hian ka bengah a ri tluk tluk a .


"Thil tum nei ran chung in kha hotel ah khan i rawn lut a , tichuan reporters thenkhat pawh kha i thang a ka awh theih nan nang hian ruahman fel sa thlap a ko i ni lawm ni?"


"Engtin nge nang hian i sum duh vang chuah in i zahawmna i hralh theih? I danglam bik emaw ka ti a..huhh mahse nawhchizuar nen in danglam ka hre hauhlo" ka thin chhung ah hian na zawk a awm!

Ka kut ka hum ruh nghek a , kei hi nawhchizuar nen danglam na kan nei lo a maw? Amah hi a ni lawm ni min hmuhsit loh thu sawi ta kha?

Ka hma lam a bang var vak mai chu ka melh ran a , ka sir a ding mipa lian tak chu a hmel ah ka en duhlo law law .

"I thusawi pakhat mah ka hrethiamlo" ka ti chang fak.

A duh duh a sawi a , ka lo ngaihthla liam tawp bik ang maw?Teuhlo.

"Ramnunpui" ka hming a lam rual in a din na bul a vase chu a vai thla nghal pawp .


"Nupui ah nei che in kha mihring pa nen khan ka sum hi tlanbo pui in tum ani lawm ni?"A nui hul hak

"Heng in ruahmanna tenawm zet thang ah hian awk in engmah ka hrelo ah in ngai anih chuan in ti sual khawp ang"


A thusawi zawng zawng kha a mak lutuk a , engmah ka hrethiamlo , tukin a nutei'n min puhna nen khan in kaihnawih na a awm tlat in ka hre bawk .


Sawi ve tur pakhat mah ka hrelo , dawt muhlum lutuk hi khawi atanga a hriat nge tih zawh tumna pawh ka neilo!

Min hmuhsit zia ka hria a , a tawk! Engpawh sawi ila min awih kher angem? A teuhlo.

Ani lakah hian in sawifiah chhan tur pakhat mah ka neilo , min ngaihnep zia ka hria a , ka duhtawk viau.


Mahse ka na ngawih ngawih ani tih hi ka hrechiang ngang thung.


A duh duh chuan min ngai rawh se , chutiang tur khawp a hmeichhe lepchiah a min ngai anih chuan engvangin nge ka dikna sawi phet ka tum bik ang?mahni in dahhniamna leh tlawm vawng vawng na bak ka hlawh chhuak lovang.


Ka nui lui ta sak a "engkim i hrechhuak ta vek si a , a pawi hle mai" ka ti ta sup.


"Engmah lah tih theih i nei tawh der silo, a thleng tur chu a thleng vek tawh" a mit ah tak ka en kal.


Engvangin nge a mi ngaih dan ang chuan ka awm mai loh ang?

Ka nghawngah a rawn hmer salh in bangah min nawrbet nghal chawt.

"Engtin nge i tih chuan ang?" Kei ngei pawh ka in rap zawk , mahse nawhchizuar anga min ngai ati ni lawm ni? Min puhna hi hmamg tangkai in ka thiam chan nan tawngchhuah ka tumlo , chutiang khawp a min ngainep anih chuan min puh ang ang chuan kaw awmzui mai ang, chuan he pa hi ka hlat phah theih bawk anga.


Ka hmai bul chet ah a thaw hrawk a "keihi in mipa bum hmasa ber ka nilo tih ka hria " min reh na chu a ti nghet leh salh.

"Ka nupui chu i ni ngei bawk ang , chu chu i duhthusam ani lawm ni?" A nui ro hak a .

Chil ka chhah khum that zawk dawn amaw ni!


"Khang in thil tih te vang khan mualpho takin ka siam thei che tih i hriat kha mahse heng ti kher lo pawh hian hreawm takin ka siam thei tho che "

"Hre reng rawh , nang hi ka nupui tur i ni a , kha mihring nen khan ka hmu dun cheu anih vaih chuan ka that ang che u" min reh beh na thlah in min nam kat nawk a , tunge a mipa sawi hi ka la hre ta lo fo!.



A sawi avang hian chu mipa chu hnaih chakna ka nei zual sauh bawk.




🖤A ngaihnawm loh viau pawn min hau luai luai mai rawh u , chuan in ka regu lo lutuk hi keipawh ka in haw tun mai , in lung tig awiloh hi ka hlau ber mai bawk si a , zantin rawh dah ka tum thin ang aw , click leh comment taima ve thung ula🖤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:45 pm

Chapter-4


Tunah khan min that ang ati maw?!

Hah he pa hi mihring chu ani ve chiah amaw?


A hmel tak nghul mai atang chuan atu hreh dawn hauhlo tih ka hrethiam , rapthlak ti lutuk ka melh tlawk tlawk ringawt.


Engmah sawilo in min kalpel vut a , kawngka lam a pan ta daih bawk.


"Lungtum i ni em ni? Ding reng lo khan rawn chhuak rawh" a ti leh hluk .


Kawngkhar bulah a ding reng tih ka hmuh chuan melh puak pawp tum ang mai hian ka melh rawn rawn a , ngaipawimawh lo zet in min en zeuh a , motor lam a pan nghal nul nul.


A rual a haw chu huphurh tawh tik tek tak ka ni , engah nge maw ka lo zui kher kher le?


Chuta karah motor khatah kan la chuang dun dawn zui!

Chhutah chuan ka ke ka per nawk a , ka pen sawn nghawng nghawng.


A motor chhung a ngaihtuah muk hmel zet a thu run in a kut lehlam chuan steering a hum run a , lehlam erawh tukverh biang ah nghat in a kut phah hrawl zet chu a hmui zawnah a dang kang bawk.


Hma lam a en rún mai bawk si a , kawngkhar ka hawng pawh chu min ngaihsak chu sawiloh melh pawh min melh tawhlo hrim hrim.


Min be hleklo pawh nise pawi sihsah lo , min be lo hi ka lawm fe zawk , thawk a ti pik zual mai mai.



Engine a ti nung vut vut a , chak mamgkheng in min tlanchhuah pui nghal bawk, he mihring hian ka hlauh a ring anih chuan a ti sual khawp ang!


Ka thut ngaiin ka thu reng a , glass a up phui vek bawk si ka phone ka bih san ta daih.


Vanlala call a rawn lut a , rang lutukin ka chhang nghal .


"Ka rawn lam ang che aww" ka tawng hma hauhin a rawn ti nghal zat a , ka bul a tu tum luau mai chu ka va melh zawk.


Hetah hian ka chhuk san daih dawn amaw ni!

"Ihh..ka chhuak a , minlo lam la " ka ti ta tawp , Liansangzuala'n min rawn melh zawk tih chu ka mitsir atangin ka hmu thei.


Kan awmna chin ka hrilh a , tu nen nge kan nih tih leh engvanga awm nge ka nih tih chu ka hrilh duh lo .


"Ka rawn kal ang , min lo nghak la" a rawn ti leh sup a , kan in biakna kan ti tawp rih.


Ka malchung a ka kut ka nghah dawn lai tak in "i phone kha min pe teh" a ti sup a , ka melh haw ringawt.


Motor chu a ti ding nghal zat a , alam hawiin ka thu rem nghal sawk sawk , pawilo ka chhuk theihna tur hun remchang ani mai alawm!


"I phone min pe turin ka ti che" ka kut a ka phone hum ran mai chu a rawn melh zeuh a , ka hnungah ka thukru vat bawk.

Enge maw a hriat le ? A à thut te hi ni lo maw?


"Ka chhuk dawn ..ihh..ka thianpa in min lo hruai dawna " ka ti nuai a , kawngkhar hawn ka tum chu a lo lock leh hman thlap tawh.

Ka huat dan chu a!

"Hawng rawh"

"I phone min pe rawh ka ti che" pakhat in a rawn ti thung.

Ka lu ka thing nar nar a , nui suk in min rawn hnaih nghal ruak a , motor kawngkhar chu ka ngheng dawt bawk.


Ka hmai ah a kut lum thur thur maiin a rawn dawm a, ka hmai bul chet a a thawk lum hak vang nge ka taksa hi a za leh mer mer tawh!


Ka pha chhin ngailo , mipa dang lak a feelings engmah ka neih theih loh laiin Liansangzuala erawh hi chuan ka duh vang ni miahlo in ka rilru min neih sak a , ka huat tluk zet in ka duh bawk!

Nge keihian ka haw tak tak lo tih pawh ka hrethiam tawhlo.

Ka hmui chu a rawn melh zeuh a min fawp mai dawn emaw tiin mit ka lo chhing a mahse!

Ka hnung lama ka thuhruk ka phone a lo lak duh vang lek chu niin!

Awileh ka zak lutuk chu ka hmai a sen tawn tawn mai hian ka hria , a la nui suk zui a maw ni?


"Min pe rawh" tih leh a sam a keh ka rual nghal nghek .

A lo in ring biklo nge a phar ve hluai tho, ka theih patawp tak meuh meuh in ka kek miau alawm le!


Ka kut ah a rawn vawn hnan a , a phih thla nghal hnawk bawk.

"Kawlh reuh lutuk" tih leh ka ban rek tawn tawn a min man beh a rual a , lehlam erawh in ka phone a keng kang vu thung.


A palian mai bawk si a , engtiang pawn tal ve sateh mah ila a kut thingkhat ringawt pawh ka hnehlo achha chu ania!


Call list a en tih ka hmu thei , Vanlala hming a hmuh chuan a ner sak a , a duh tak a hmu tawh ni mahna motor hma lamah a thehkai zui hmiah anihchu!


"I va zaklo ve" ka ti tan tan a , inchhung kan awm lai a min en rún ang khan thinrim hmel zetin min en leh tawh.


Ka kut a vawnna thlah pah in min nam deuh nawk a, a seat chu ka bawh rawk rawk ni mai hian ka hria.

"Tenawm lutuk , chhuak rawh" a au that mai !


Ka lo phu zawk chu ka in haw lek lek ani , a kawngkhar lock kha a hawng tawh ani ngei ang ka vuan nghal rawk rawk a , rang mangkheng in ka chhuk thla nghal .


Thaw vak in motor chhung a thu run chu ka en kal a, enge maw a thinrim leh thut le?

Glass rawn down in ka phone chu a rawn theh kai nawk a , ka thin a rim zia chu a !


Ani anga duh duh lei thei dinhmun ah ka dinglo tih a hrethiamlo nge a hre duh lo der zawk.

Ka phone chu chhar in ka melh hrawk a , steering vuan chungin hma lam a melh ngur a , glass a up zui hmiah bawk.

Lung ka zawng a nga ka vawm chhe vek zawk dawn amaw ni?


A tlanchhuah dawn dawn chuan "kal rawh , ka hmuhphak ah rawn lang tawh miahsuh ...salkawlh inih kha" ka ti tawn tawn .


A dawk chhuah meuh chuan ka thin phu a rang nghal dep dep a , ka hawikual a ka awmna lai velah hi chuan motor rawn tlan mai tur a vang khawp ang.


Vanlala lah kha a la rawn thleng mai dawnlo tih lah ka hrechiang em em mai si a , nula mahni chauh a tla hrang chu tu tan pawh zuamawm ka ni ngei dawn !

Tlangval hawklak , ruih tum a fianrial rawn pan an awm ka hlau a , a hmun lah chu a la rem em em zui a !


Liansangzuala tlan chhuah na lam chu ka hmuh phak thleng ka va thlek a , engpawh nise tikkhan kan in hmuh fo a ngaih loh phah anga a tha ve hrim hrim e.


Thli a thaw deuh vuk vuk a , Vanlala call a rawn lut zat bawk "lo kalsan suh ka tih kha khawi laiah nge i awm?" A rawn au lang lang a , chhan ka tum veleh chuan a tawp zui hmiah bawk.


Ka phone chu phun hlak hlak chungin ka en ngar a , signal pakhat mah a awmlo!...


Kan in hloh tih chu chiang reng , chuan heta tang hian a awmna hlat ka ring tawhlo ve tawp.


Muangchang in ka pen ve chhat chhat a , thil ri rek a awm hlek in ka mit ka meng nghal hra zel!

Pen sawm vel awrh chauh ka la pen ang tih ah Liansangzuala motor rawn tlan phei ka hmu a , ka ding ta tawp.


Saw pa saw engvanga rawn kir leh nge anih?


A rawn hnai zel a , kawngpui lai takah kei chu milim ang maiin ka lo ding rún thung.


Horn pe ri leh a brake chik tuar chu ka hria , mahse mak ka tih lutuk vangin kalsawn nachang ka hrelo.


A ding dat a ,thil inkhar ri bur ka hriat rualin a hmel pa zet ka hmu zawm nghal a , mit sen leh pa hrak maiin ka mit ah tak min en a , a palian ropui bawk si nen ka lam pan in a rawn ben hlawk hlawk bawk.


"I beng a chhet em ni? Engvanga kalsawn nachang hre miahlo nge i nih?" Ka bul a rawn thlen lai pawh ka hrelo , ka hma ah thaw hlawp hlawp chungin alo ding rún tawh.


Ka à huih mai hian ka hre tawh!


Ka melh chho vak a "mawl reuh lutuk" ner nak in a phun sup.

"Mawww" ka ti vak a , min rawn en leh chiah bawk nen kan mit chu a in tawng fu leh chat tawh.


Ka mitmeng a pha dai a , ka hawisawn nghal vat bawk.


"Enge i rawn tih leh a ? Nge ni a i duh ang tawkin min la ankhum zolo zawk?" Ka ti ta kher.


Engmah sawilo a min la en tak ngur vang chuan ka ding tha te te a , ka zam ani ! Nie ka zam , he pa bula ka awm hian mipa dang bul a ka awm dan tawp thin khan ka awm hle hle theilo.


Ka thin te hi ka duh vang ni miahlo in a ti chhe zo vek a , tawngkam mawilo tak tak chhakchhuah ka hrat ta hle bawk.

Melh vak in ka kal pel vut a , mahse aw fiak that maiin "tah khan ding rawh" a rawn tih tak ah chuan ka pen lai ka tawp chat.


Min rawn pan hnai khup khup tih ka hriat chuan ka che leh ta phat.

"Ding rawh ka tiche nilawm ni" a aw chu a khauh fuk mai.


Muangchang hian ka hawilet riai riai a , a hmel ah tak en in ka nui lui sak "enge i duh a ?" Ka ti ta thlawt.


A mizia hi ka hrethiam thei ngai dawnlo chu anih zawng hi maw.

"Motor ah lut rawh" tunah khan enge sawi a , ka hriatsual te ni zawk lo maw ?

Amah ngei hi a ni lawm ni chhuk tura min hrilh a min tlansan daih tu kha? Tichuan tihian mi fel ber ang maiin a rawn let leh a , in la gentelman lutuk!


Pen khat in ka hnaih hrut a "a pawi hle mai , ka thianpa in min rawn lam dawn" ka ti ve ta ngat.


A hawi thuak a , min nuihzat hmel zet a min en chungin "i hero chu a rawn kal chiah em kan nghak dawn em ni?" A mit hmul a kan uk a , min kalpel in a motor hma chu a ngheng ar ar .


"Ka ngaihdan chuan a rawn zawng hmu thei che in ka ring lo, khawi lai nge i awmna hmun hi tih pawh i hre silo a " ka ngei zia chu a .

Ka hawisawn hmak chuan a nuih a ti za nge min nuihsawh tih ber pawh ka hrelo.

"Ka ngaihdan chauh anih chu! Tha te te a min zui in ka rualin i haw dawn nge ? I duh chuan helai ah hian
I mipa lo kal hun chu zan khaw tairek thleng i nghak thei tho bawk" tha deuh in sawi ve mai se la , a tawng dan kí hi ka haw hlur mai.


Ka beng bulah rawn kun hniam in "helai hmun hi a fal tih chu i hriat kha ..zanthim ah chuan enge lo kal ang tih pawh hriatloh" nui sup chuan a ti a .

A motor lam a pan nghal nul nul.


Signal lah chu bo daih mai bawk si , Vanlala nen kan in hlauh tih lah chiang reng , chuan tunah hian chawhnu lam a pel dawn dawn tawh bawk.


Min rawn zawng hmu lo tase engtin nge keimah in ka haw theih ang? Nilo nilo...

Ramnunpui in i thlen theihna tur kawng awmchhun anih saw! Engpawh nise i chapo na dathla in pan phawt rawh.


Ka thaw vak a , tum bar chung a kawngkhar chu hawngin ka thu lut ta tharh.


Tu mah tawnglo in kan thu dun ta kar a , boruak up chur maiin a rawn thlak leh tawh.


.....................

Vanlala'n min ngaihtuah hmel zet in signal a awm veleh min rawn be tlang thei a , chhuah leh na hun ani tawhlo tunah tlai dar4:30pm a ri tawh.


Engvanga khalai hmun a awm kha nge ka nih? Min zawt a , chhanna mumal ka pek theihloh avangin a phun hluk bawk.


Naktukah ka hman chuan ka chhuahpui tawh mai aniang chu.


Vanlala ú hi pasal neiin khaw dangah an awm a , an pang ber lah lehkha zirin a awmbo bawk , amah leh a nau chiah Ramrami te nen ti hian anu hovin an awm tihna nia .

A pa hi sipai a ni thin a , kan hriat theuh angin a boral hnu thleng pawn a chhugkua a la chawm ka ti ve lo theilo!

Ramrami tih loh chu ka hmuh zen zen loh avangin kan la in pawh tlang lemlo a , anú (Nu Rempuii) hi nu tha duang chi , thau lam leh fiamthu duh ve tak ani a , pasal dang neiloin tihian a fa te a tul pui thak ania , ka zah takzet .Ani pawn min duat in min ngaina hle tih ka hria , thuamhnaw dawr lian vaklo hi a hawng ve a ,man tlawm zawk a min lei tir chang lah a tam , an chhungkua hi an awmlo ang tih ka hlau thin. Chutiang zelin Ramrami pawh a tir ah chuan min ngaina lo a , mahse tunah chuan Vanlala ai ai pawn ka bul a awm a thalhlel tawh emaw tihtur ani , B.A a zir mek a , an unau an chhelo bawk nen luck pawh aluck viau mai.



....

Ka room kawngka a rawn in kik kharh kharh a , lut tur a ka tih chuan Esy a rawn lut tharh.


Mak ti hmel zet a ka lo en laiin a ni erawh a nui suk mai.

Kawngka a rawn kik ve thlap te nen chuan a mak lam hret ani.


Inhnial nan chuan ka chau rih lutuk tih hre ngat se zawng a rawn kal miahlo ang.


"Enge tih a ?" A ti sup.


Khum ah ka bul ah chuan a rawn thu thla a , chaw ei lai khan a awm lo a , a chhuak in ka hre sia , engtik khan nge maw a rawn let le?


"Mut ka lo tum a " ka ti ve mai.


"I bulah ka riak thei ngem?" Ka kut chu a rawn hum hnan a , ka thaw kawk mai! Nizan a mizia nen tehkhin chuan a mak em atinni.Ka hamhaih letling zawk.


A nui lui sang a , ka kut arawn vawn hnan chu ka melh zeuh , min rawn hmu ani ngei ang a la sawn de de a "I rilru tur chu ka hrethiam alawm , mahse i hriat kha Liansanga ka duh zia leh naupang té kan nih lai atang tawh a ka atchilh zia chu" a thaw hak a, a mittui chu a tling deuh pam in ka hria.

"Nizan vang khan ka tihpalh lutuk ania , ka thinrim lutuk a , chuan khatiang thil kha" a ngawi leh dat a , sawi ve tur pakhatmah min ti hrelo.


Keihi ngaihdam dil zawk tur chu ka ni a , mahse tunah tihian ! Engmah hi ka hrethiam neinuai lo.


Ka ban ah a kut lehlam chuan a rawn chul heuh heuh a "ka hrethiam che lawm , nang pawh hian Liansanga hi i duh ve tiraw?" A nui lui suk a , ka men phawk dan chu a !

"Teuhlo" ka tu nghal vat , a chet hlak a "A pawilo, ka hria lawm , ka unaunu i ni a ka hrechiang che mahse engmah min hrilh lo erawh ka lungawi miahlo ania" keihian Esy mi rilru tha lutuk hi ka lo hrechiang lo kher mai , awm mai dan tur pawh ka hrelo.


"Engpawh nise kha chu theihnghilh ang , chuan nang chu ka unaunu kha i ni lawm ni? Engkim min hrilh vek zel rawh ka tihkha , chuan heihi ka hre bawk ani , kha thil kha i duh vang reng a thleng anilo tih hi" ka biang tawn tawn ah a rawn dawm a , a nui ver ver mai.


Ka hlimna chu pui tak ani ! Keimah ah ka in chan a tuna Esy tih ang hi ka ti ve thei kher angem? Liansanga a atchilh zia ka hria a , chuti chung chuan min ngaidam thei ania .


Ka kuah ka thlawp a "min ngaihdam rawh" ka ti mawlh mawlh .

Ka hnungah chul heuh heuh in " a pawilo , i tum reng vang anilo tih ka hria lawm " a ti dam thluam.


Ka nui chhuak hak a , ka mittui chu a tling piau tawh mai , tlak a chak zek zek tawh emaw tihtur in vawikhat ka khap lek a nih chuan a rawn tla nghal ang tih ka chiang.


"Ihmaw..Liansanga khan min ring miahlo a , engkim kha keima tih vek emaw atia " ka tawng lai chuan ka hnung a chul na a tawp chat a , min pawt hla hret bawk.


Ka mitah tak a en a "Liangsanga'n maw?" Ka ban tawn tawn ah chuan a la vuan tho.

Ka bu nghat nghat a hmuh chuan mij kuah bet leh nghal chawt a "keiman thudik chu ka hria lawm , lo ti ti pui ka tum dawnnia , kha thil a thlen vang khan a inthiam lo lutuk a ngaihdam min dil char char a lawm" a ti leh sup.


Liansanga hian ngaihdam a dil ve thei amaw? A duh ve hle anih dawn hi! Ka lawm pui a , mahse na zawk erawh a awm thung , chu erawh ka thup nasat hle angai ang.


Tuna chin ah chuan Ramnunpuii hian Liansangzuala emaw tu mipa mah a hnaih tur a nilo ..ohh Vanlala tihloh , tu inkar ah mah tlakzeh a tum tur anilo a , mahni hmasial in midang hlimna a laksak tur ani bawk lo.


Esy'n ka lakah rilru chhia a pulo tih leh min hrethiam tu awmchhun a nih vangin keimah chu ka inthlahrung zual sauh a , ka unaunu ani hi ka lawm takzet!


Keipawn Liansangzuala hi ka hel hram hram tawh tur a ni dawn lawm ni?


Khum ah kan mu meng dun kar a , ngaihtuahna kan kawm.melh melh tih lah a chiang reng , mak ka tih leh deuh chu tukin pawh khan patea'n min be tha thluam a , nutei lah in dawt muhlum a rawn chhakchhuak thung a Esy lah nizan ah boruak chhe zet neiin min thah hial pawh hrelo khawp khan ka sam pawhtil vek a in ring ar a nia , tunah lém ka tan a tha ber leh min hrethiam ber tu ang maiin ka bulah a awm leh si a , ka lawm viau rual in min kap deuh tlat tu a awm a , a chhan erawh ka hre thei mang silo , ka lawm a , ka hamhaih lutuk vang te pawh ni mahna!

Emaw thil inthup a awm ani thei ! Aa...ngaihtuah lo zawk teh ang .


Puan ka sin tha mawlh mawlh a , lehlam hawiin ka mutpuinu chuan phone a khawih daih tih lah chianv reng puan ka sin that tir sauh sauh a , current off in dim light ka on eng thung a , ka unaunu leh thian tha tak ni bawk chu "goodnight" ka ti sep a , ka lam rawn hawiin min rawn hnaih tal tal a , inkuah rialin mit kan chhing ta vang vang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:45 pm

Chapter-5


Eirawng ka bawl a , ka room lam ka pan leh chuan Esy a room lamah a let leh tawh tih hriat takin a lo awm tawhlo.


Mutna alo thlep fel ve than te chuan ka mit a la zar mai , ka nui var var bawk.


Kan vawikhat riah dun na ani tawhlo , ni dang ah lem keimah hlirin kan mutna ka thlepfel thin miau alawm.



Washroom ah inbual turin ka lut tharh a , ka zai rat rat bawk. Vanlala'n minlo lam dawn bawk nen chaw ka ei hma a ngai.


Ka kawr hak tur khum a ka dah sa chu ka la kang a , ka mood fu em em reng ringawt hi enge a chhan pawh ka hriat siloh.


Inhnuai lam ka pan laiin sam phelh deuh chuap in Esy a room a tang a rawn chhuak ve chiah a , ka lo nui sang bawk.


Henu hi a room ah ava mu tha leh tih min hrilh tum miah suh se! Ohh..ka sana ka bih vut a , a thawh hun pawh a la ni reng reng hleinem mawle!

"Morning" ham bai bai chungin ka lam a rawn pan hnai a , ka bag ah lai hruiah ka phone ka vawn hnan a "morning" ka lo ti ti tha ve mai.

Ka incheidan chu min thlek leh vang vang in "chhuah na tur i nei em ni? I van hma " ka chhan hma hma in "a pawimawh hle nimaw?" Min nek salh pah chuan a ti zui zat a .

Chhan pawh ka tum hranlo step ah chuan ka pen thla ta zawt zawt a , min rawn zui thla tih hriat reng , ka banah a rawn vuan chawt a "Liansanga nen kan chhuak dun dawn asin lo kal ve la" ka meng phawk chiang teh e!


"Aih..Ihh..ka thianpa Vanlala nen khan chhuah kan tum a " ka ti deuh nuai a , mit ti zim san a min en hnu ah "aho lutuk , i inthlahrung anihkha ..a pawilo ka tih kha ..nang chuan hmeichhe dang angin rilru chhia i pulo tih ka hria lawm" a ti leh ta zel.


Liansangzuala hnaih a awm ka duhloh zia a hrelo em mawni le? Chuloah keihian a rukin ka lo vei ve em em ani tih ka hma a ding run nu hian a hre chiang hle si a , tinge maw min nawrluih a tum tlat mai le!



Ka chhanna beisei tih hriat zetin mit ko min san khun uk uk a , ning zet a ka kut ka laksawn rualin "Amak ..kan chhuak dawn ti tia ..eisual i nei zawk te hi nilo maw?" A pang ah ka dehsak a , a duhlo leh teh e.

Min lo vai thlak sak pawp a , a hmui ti pawrh tarh in "kan in hmu dawn nia" ti hramin a zuan hian a zuang thla nghal tharh tharh .


Rawn hawi let tawh chuangloin a zai thla rat rat a , a kut a rawn vai lap lap chu ka dinna ngai a ding reng chungin ka lo thlir tawp.


Ka lu ka thing nghut a "thawveng lutuk" nui suk chungin ka hriattham lek chuan ka ti sup.


Chaw ei ka insiam mawlh mawlh a , patea bulah fanu pangchang zet ang mai hian Esy chu a ti ti leh siam siam tawh.


Ka chhuah tur thu ka hrilh thlap tawh a , vawi thum vel chu Vanlala hi alo leng lut ve tawh , an lo be tha ve viau zel mai.


Ka bag khai a choka chhuahsan ka tum chuan Nutei a rawn lut chiah a , min melh zawk zawk hnu ah "khawnge chhuah i tum a , i va inchei ve ?" A fanu ang tho in ka inchei dan a en leh dan dan a , a tawp lama a ner ru sak erawh chuan min ti confi lo zo vek.


Kawr fual par paw dal ka ha a , body fit thlap nen a in chei ai chuan hetiang a chet pui pawp pawp theih lam hi ka ngainat vang ani pakhat.


Patea'n "kha..a thiante nen thil pawimawh a chhuah an tum ve anihkha!" Ka chhan hma chuan a rawn ti lang lang a , a zawhna ber chhanna a hmu tawh bawk a tiin pen san mai ka tum chu "chaw ei siam phawt la i kal mai dawnnia" a la rawn ti cheu.


Ka thaw vak a , teh tlawt mai a ! Esy pawh a awm ve reng a , nutei em em hi chu aw!!


Ka bag ka dahthla hnawk a , tak khelkhawl a min en hnu ah a chhuak zui daih.


Engmah sawi ve ka tum tawhlo , ka mood tha sa pawh a rawn ti chhe zo leh vek tawh!


Chaw ka khawrh mawlh mawlh laiin Esy a rawn lut a "khawi keiman ka lo ti ang , va kal rawh" a nu mitmei veng tih hriat zet hian a phun sa sa .


Thil pakhat ka hriat chian em em chu Patea hian Nutei hi a hmangaih hle a , chuan a hlau tel bawk .

Ama in ah ngei pawh a nupui thurawn a kaw tlang zawk fo a, tih lawm loh a hlau ngawih ngawih mai ani.

Tunah pawh engmah a rawn sawi ngam veleh tawp loh kha .

Chuan eng chhungkua ah pawh Nú rorelna hi chu a felhlel a , hmeichhe lú chu mipa ni na na na hmeichhia zawk in luling talh tum hi thil tha lo tak ani.


Ka sawi hmaih pakhat chu Patea hi Nutei'n a kohhran lawina ah hruai luh a tum a , chu chu patea pawh hian a hnial lemlo .Mahse ka pa te khan an remtih tlat loh avangin an ti lui ta biklo kha ania.


Hmeichhia in mahni pasal te kan lawina kohhran a hruai luh phet tum hi enge maw a sawt na le? Kan hmangaih tak tak lo nge , kan zuam nganglo anih chuan neih loh ngam ve mai tur hi nia .


"Enge maw i ngaihtuah vung vung le ? Ka nu room a a luh lai sawn kal vat rawh i hmanhmawh ani lawm ni?" Esy chuan min sawi nawk nawk a , ka bag chu ka kut ah a rawn hmehbel chawt a , tawng tum a ka ang zuau chu min nam sawn nghal dawt dawt .


Kan unau che zia chu patea'n a tarmit vuah lai dahthla meuh in min lo nuih var a , a bu nghat ka hmuh chuan ka thaw huai mai.


Kawngkhar ka hawn rual in ka phone a rawn ri a "gate pawnah ka awm , ka rawn lut dawn em?" Vanlala chuan hriat nuam zet hian a rawn ti var a.

Inkuangkuah hlun chunga kawngkhar biang ngheng chunga Esy ding to chu ka melh zeuh a "aw ..ka rawn chhuak nghal ..tah khan lo awm rawh" ka ti sup.


Phone ka dah rualin "mahse Ess" ka ti de de a "hlauthawng suh ..chuan lawmthu sawi kha chu nakin a tan khek la ..thil min treat dawnnia" nui rah rah chungin ka dah tawn tawn ah vuan a , min nam khalh nghal rawk rawk bawk.


Ka nui ta hak hak a "anih ka kal aw ..ka lawm e" ka ti leh sep a ..a kut rawn vai lap lap in ka hnungchhawn zui nghal a .


"I va rang ve " Vanlala chuan a car hma a ding zuah chungin a lo ti leh hlak tawh.

Ka melh rawm a , kalpel in motor lam ka pan nghal tharh.


Keiai kum thum in a upa a , a fing bawk a tunah hian Computer Teaching dawr lian tham zet tur chu hawn tumin an buaipui mek bawk.


Tleirawl lamah a tla na in , amah hi sek tung ani lo a , cher lam sang vehvawh tak mai hi ani a , biangsum ala nei tel zui, chu erawh " min ti nú" a ti tlat zel .

Amah hi ka zah riau thin a, in nel viau e tilo hian ka ú ang tak tak in ka en ka tih tawh kha ! A farnu pathum ngawt leh a nu enkawl chu a kutah a tla a , mipa rintlak tak ani , khawi lai emaw a chhawr tlakloh mipa hawk lak mai mai ani velo.


"Kan mood a va chhe awm deuh ve " ohhh..a mizia nelawm em em nachhan ka sawi tello , a in hmuam up ve rún ngailo a , tu tan pawh a nelawm in mi hratthiamna a ngah em em reng a , a in hawng zau em em reng hi ani mai.



Thaw hawk in ka melh leh ram ram a "Zampuii i hmu tawh em?" Ka ti ta daih.


"Hee..hmulo karkhat lek ka zin bo san a ngaihzawng dang nei angah min ngaih leh tawh kha" a ti leh nawi nawi...


Hetiang khawp a Vanlala'n a duat a ahmangaih chung pawh hian Zampuii hi rinhlelhna hlir in tinge maw a khah tlat mai le?

"Nang hian ilo nei tak tak te hi nilo maw?" Ka kuttang chu ka ti pir va a , hahthlak ti hmel zet a min en chungin a thaw leh hak.

"Nang hian min tan miahlo em ni a? Mawhh ..tu lam ah nge i tan a anikha nge i thianpa hi?" A ti leh hluai.

A zawhna atthlak lutuk vang chuan ka nui lo theilo "a tu amah , nangpawn i ti diklo ve tho alawm, a hma ang khan ngaihsak tache" a chalah ka nawr sawk a , ngaihdan nihloh hmel lutuk in min melh vak a min chhan hma in car ah ka luh san daih bawk.


"A fair lo hle mai" a ti lang lang pawh chu phone ka khawih san daih.

Kan tlanchhuah chuan "khawnge kan kal dawn?" Ka ti ve ta chauh , kan kalna hmun tur a la sawi miahlo.


A phone a rawn ri chiah a "aww..chawhnu lamah kan rawn thleng ang " ka phone ken lai dahthla meuhin hmai zangthal haw hian ka lo en thung a , min melh zawkin an inbiakna an titawp .



"Ka ú te nupa an rawn zin a , Ú Tetei'n hmuh che a duh sia , hmu ve zawk la ka tia chaw pawh i ei nghal ang chu" a ti nghut.


Utetei chu hmun dang a pasal nei kha ani tih ka hria, minlo la hre ve reng chu ka lawm ru viau mai , mahse chaw ei ka chhuak anih chuan Nutei tawrh hlelhawm leh ang chu!


"Esy kha hrilh la " ka ngaihtuahna hria ni awm fahran in a rawn ti leh sup.


Ka nui tawi tak a , nakinah ka hrilh tawh mai aniang chu!


"Zami te in lamah kal hmasa phawt ila , chuan thil ei in kan chhuak dawnnia" seat hnung lam a thil bawm var awm chu a thlek zeuh , ka nuih suk rualin tukverh ah ka dak chhuak voh voh.


Thli fim in ka sam a rawn chhem delh delh a , music a play ri riai riai bawk .

Ka hming a min ko tu ka hria a , ka mit ka meng zawk "i phone a ri char char" ka bag chu a melh zeuh a , ka zawng nghal rawk rawk bawk.


"Aw..Ess"

"Khawilai ah nge in awm a ?Keipawh ka chhuak chiah a , thil eiho ang ú ka tihkha aw" takzet chuan henu hi zing a a thil sawi kha a tum tak tak amawnle ?


Ka thaw vak a" kal lawk na tur kan la nei a , kan tello in lo ei mai rawh u , e chuan maw Ess tlaiah chaw ka eichhuak dawn a " a tawp lam chu ka ti zuai raih.

Mak tak maiin min hnial miahlo nia !

Min en rún tu hma ah chuan ka phone lek kang zauh pahin "Esy nia" ka ti sup a , a bu ve nghat mai.



..............


Zampuii te in kawt kan thlen chuan amah chu rang deuh hian a chhuk thla nghal hluai a , seat hnunga bawm var lian vaklo chu a ban zui zat bawk.

Kawngkhar ka hawng tur chiah erawh "lo chhuak duhlo mai rawh , sakei anih saw" thle bak in a nui suk a , ka pawh hawn uk tawh chu ka khar ri leh thlawp.


"Ka rei lovang" tih leh kal a rual a , mipa khawngaih thlak tak zawng ani e .


Ka phone ka kheuh neuh neuh a , ig ah lut in ka en kual mai mai , social media hi ka khawih lawr lemlo , rual pawl nan tih thu ah leh beng ti var tu ah ka khawih ve chauh ani mai.

Kan veng tleirawl pakhat ka hmu fuh hlauh a , a tir ah chuan amah ani lo emaw tih tur khawp in a in post sexy , comment pawh an tha in likers a ngah kher mai.

Ka ner sak a , heng media hmaikawr leh lem tak tak hi a tangkai a hmang lova mahni taksa lang tam lutuk leh tullo zet zet a in post hi kei mi fel lo ber hian ka lo ngaihmawh ve tlat pek a .

Mi bulah ka va sawisel ngailo na in mahni te hian ka vei ru ve ngawih ngawih thin tho.

Intihhlim nan leh relax nan chuan thil tha tak leh chak tak ani .Tin, kan thil hriat duh leh ram hrang daih vawikhat mah pawh kan kal ngailoh na hmun tur a thil thleng te pawh kan lo hre ve zung zung thei bawk a , hmang tangkai tu tan chuan heng te hi khita min vawrh kang dawrh thei tu tur ani.


Kan lan dan nilo pui ka ti dawn nge? Kan mize tak tak ka ti zawk dawn? Chu mi chu heng media hmang hian kan thil post te hmang in kan tarlang tih hria ila , kan thalak post leh engkim kan thil tih chu khawvel hmuh ah kan pho lang a , mi in comment tha tak tak hmangin i rilru an hneh sak che pawh ani thei mahse ring ngawt suh!

Khang i thiantha ber emaw ti a duhsak ber tu awm ang zia zang a comment pe tu che khan a rukin a rel reng thei che tih hria la!

Mipa tamtak in sexy tak tak a i in post vang khan an mit chu i la dawn na meuh mai , mahse i hria em? An rilru lehlam erawg chuan "nasa , zaklo " ti in an sawi zui ang che . An hmu hniam in an thianho ti ti khawm na ah i chanchin chhe zawngin an sawi zui thei tih hi hriat tel ava tha dawn em!


"Huizz khawvel zawng a chhe tawh ani e " ka thaw chhuak hak a , kei mi famkim lo ber sulhnu phukphuhru zet nei tu pawh hian midang te dikloh na ka va hmu lian thin si em!


.............


Car chhung atang chuan ral khat a Valala leh Zampuii rawn in zui chhuak ka hmu a , an boruak a chhia emaw kha ka tia an nui dun leh ver ver tawh mai.

Zampuiin min la rawn hmu ve lo nge Vanlala hmaiah a fawp zeuh a ka lo nui ve ver ver thei mai , engah nge ka nuih loh tehlul ang ka thiantha ber mai saw a hlim em asin.


An in thlah fel a , nui suk suk chungin Vanlala chu a rawn phei a , lo fiam hlak ka chak zek zek tawh.

"Nuam awm vel ve" mitko san khum ak ak in a rawn thu lut chiah chu ka lo ti vat a , a phun hluk mai.


Ka nui rah rah a , nghal min ti hmel zet hian min melh rún , ka hlaulo nasa mai siah.


..........


An dawr hawn thar tur ah chuan min kalpui a , a hmun pawh a rem tha in a zau reuh khawp mai.


A chhung rawng an hnawih tha mek a , darthlalang keh a awm deuh nuai avangin chung te pawh chu an chhawmtha pah ani.


"A nuam reuh hle mai " ka ti ve sek a .

A thawk rim bawk a , a taima in a rinawm tih chu ka hrechiang , tunah pawh ala ding chhuak ngei ang tih ka hrechiang.

"Chuti maw?" Min melh chhuk run a ka lo bunve nghat nghat mai.

"Taka , mate i thil dil kha enge chanchin ?" Zirtirtu hna ka dil ve a , karleh ah hian selection result chu a chhuak dawn an tih kha maw!

Mi pathum lak tur an ni a , ka chan ka ring chiahlo nain Valala leh Esy min tur na vangin ka dil ve chauh kha nia "ka la hre biklo le , ka changlo ang" ka ti tawi tak.

"I chanloh pawn hna dil te chu tlai a awm hleinem i quality pawh tha a nangte chu , nihloh pawn ka assistent ah i thu dawnnia" min fiam pah chuan a ti zeuh a , a banah ka lo chum tai mai.

.......


An building piah ah chuan rem zet in Restaurant changkang deuh hi a ding uaih a , an hawn thar anih ve tho thu Vanlala chuan a sawi bawk.

Kan in zui lut ve ta hna hna a , thil eitur a chah nghak zat bawk "enge ka chah sak dawn che" a tih chuan menu dawhkan a awm chu ka ban vat .


Ka en deuh ngur vang nge "ka treat dawn che , i duh duh chah rawh" inti thei fahran hian a ti sup.



Kan thil chah chhungin washroom ah a lut zawk a , keimah in ka thu ran mai , chhungkua a kal an awm nawk a , ka awt kher mai!

Heng ho hian an chhungte nen a an la awm ho vang a an vanneih zia hi hre tak ang maw? Mi tamtak awh leh thlakhlelh ngawih ngawih dinhmun a ni si a.


Kawngkhar lam ka melh rún lai chuan Esy leh Liansangzuala rawn in zui lut ka hmu thut a , ka thinphu ran dan chu ah!

An rawn hnai zel a , min la rawn hmu ve lo ani ngei ang , a kil lamah ka tawlh hnai hrut hrut bawk , engvanga biru tehchiam nge ka nih lah ka hrelo.


Aaa...ka buai zo vek ka hmu peihlo hi ni tawp.

Esy chuan a bul a palian pui banah chuan inti ta tu takin a vuan tlat a , ka mit a la zar mai .

Vanlala rawn phul hlut vang chuan kan lam an rawn hawi ta nge nge .

Ka thu ngil nghak zawt a , Esy chuan Liansanga bul a thil sawi sep in nuisang hian min rawn en leh a kan lam an rawn pan ta mai.


Khawngaih in kan dawhkan min tawm chu rawn dil lul suh se!

Kan bul a rawn thlen rual chuan ka thin phu a rang leh dup dup tawh a , dawhkan hnuai a ka kut tawm chial chu ka sik nauh nauh bawk.

Ka kun ngul chu "Hetah in awm tih te chu min hrilh ve tur ania" Esy chuan a rawn ti zat a , ka hawichhuak ta chiah.


Liansangzuala'n min en rún a , ka chil ka lem dawk bawk.

Vanlala a rawn khuh kharh a "Liansanga chu" a ti sup.


Ka melh chiang teh e ! Hemi te hi an in hria tih sawi tum miah suh se.

"Kan zawm ve dawn che u" tih leh Esy chu rawn thutthlak a rual nghal a , ka lo ner ru nak.


Kan thu khawm ta dal mai, boruak rih ziah chu ! Liansangzuala lah a ngawi kur a , beng pawng talh talh leh thip hrep a min melh chu ka hmachhawn reng hi ani mai .


An in hriat dan te chu Vanlala engmah kan boruak hre ve talo chuan a sawi bawrh bawrh a , kei leh Liansanga erawh kan ngawi ran thung.


Esy chuan min melh leh zak thin a , keimah ah danglam a awm em? Tih hriat a tum te pawh ang zawk.

He lai hmun atang hian tlanbo vang vang ania ka chak ni.


Zampuii leh Liansanga hi an lo in kawm thin a , chuta tang a Vanlala nen pawh in hria chu lo ni lek in , lehzel hian ah.


Min hre ngai miahlo ang mai hian a awm tlat a , chu chu ka duhdan ni mahse keimah ah na zawk erawh a awm thung.

Esy biakna a chhang zeuh zeuh chauh a , a huhang nat zia chu pui tak ani.

.

Washroom lam pan in chhuanlam ah ka in ka hrang ta daih a , ka thlen hma chuan ka thaw kawk kawk bawk.

"Saw i mipa thuhruk tlat sawn engkim ka hre vek tawh tih ala hre ve lo ani ngei ang" ka hnung lam atangin aw zawi sup ka hria a , amah ani tih chu ka hre rang kher mai.


Ka hawi let ruai ruai a "insum zo lo in tihian midang hmuhah in in zui chhuak chu ania" a nui tawi leh tak a .

"I lo buaina tur a awmlo" ka ti ve hmak.

.

Sawi dikloh ka nei ni awm fahran hian min en leh a "ka nupui tur i nih kha i theihnghilh hlauh ange" rapthlak ti lutuk in ka melh vak "i van zaklo tak , sawtah i bialnu a awm reng laiin tihian i nupui tur ang maiin min chhuah ania" ka tawng ring ngam bawk silo , zawi tak khauh ru fuk si chuan ka ti hlak hlak.

"Huh..a bul tantu i ni tih kha i hre tawhlo ani ngei ang ..nangni pahnih pawh in zak miahlo a Zampuii leh i unaunu ..leh...kei thleng a min bum laiin engah nge ka zah ang ?" Ngeiawm zet hian a ti hluai a , tu mah hi kan bum reng reng lova a sawi awmzia pakhat mah hi ka hrethiam bawk heklo.


Chuan mipa a sawi kha Vanlala hi ani tih ka hre tawh bawk.





//Mihring hi ka va buai si em! Duh angin ka rawn dah thui thei ngang lo //

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 18th, 2021, 2:45 pm

Chapter-6


"Kalsawn vat mai teh , i duh duh sawi bawk suh" zam duh bik miahlo in ka melh chho ran a , a lo nui suk duh chauh.


Ka thin a rim tún a , heng thu diklo tehnuai hi khawi atanga a hriat nge tih lah hriat va ni suh! "Hmeichhe huaisar lutuk" a tawng chu zawi viau mahse ka beng ah erawh a ri ring ngang mai.


Engmah sawi belh tawhlo in a pen sawn nghal daih a , a hnung lam atangin ka en zui reng bawk.


Tinge maw a inthlak danglam hneh em em mai le!



Tui chu herhaw in ka hmai ka phih ta ngawt a , darthlalang ah ka in en leh rún hnu ah ka chhuak ta chauh.


An lo kalsawn tawh ani ngei ang Vanlala bak hmuh tur a awm tawhlo.



Liansangzuala POV


Atthlak lutuk a hmeichhe danglam bik a ka lo ngai kha ka tisual der let der ani!


Engavanga finfiahna tha zawk Esy'n min pek lai a lo umzui leh talh kha nge ka nih ?


Mumbai a Univercity pakhat Donbosko ah professor hna ka chelh laiin Esy a rawn thleng thla hlawl a , ahma daih atang tawh a Ramnunpuii chanchin zawt a ka biak ve fo avangin a zirtirtu ka nihna piah lamah min nel fal bik em em a , a unaunu lak a ka rilru put hmang hre vek tu ani bawk.


Thlalak pakhat a zak miahlo a kawng pui a Ramnunpuii leh Vanlala a tih mihring nen a an inkuah lai chu min hmuh in kawppui a neih thu te thleng in min hrilh leh ta zel a , a unaunu ani a tin, an chengdun bawk .


Esy thusawi kha ka ringhhlel chhin miahlo nangnin Liamsangzuala hian a thil tum kha a thulh phah chuanglo!


Khang hun lai khan ka rilru put hmang hrethiam turin hmeichhe naupang mai ala ni a , ka duhna tihlan in awmzia a awm dawnloh a vang a hrilh lo mai chauh ka ni.


Tlangval mahni pawh a in chawm zo thei tur khawp a puitling ka ni tawh , ka chhungte lak atangin Nupui nei tur a do ka tawk ta sek bawk.


Chu erawh ka uksak ngai lemlo , nupui nei kher lo pawh in ka duh hunah chuan ka tan a inhuam hmeichhia an awm awl lo chung zingah chuan Esy pawh a tel nghe nghe .


A dik, a rawn thlen tirh pharh atangin a zirtirtu leh thian angin min en lo tih chu mimawl ber tan pawh hai theih anilo!


Zan khat chu Ramnunpuii leh kha a mipa khan s*x an hman dun thu min hrilh ta mauh mai a , ka thinrim so bulh bulh tih reh tumin bungrua ah ka tuan a , zu ka in nghek bawk .


Chutah chuan ruahmanna tha zawk ka ngaituah ta a, kha hmeichhia kha engti kawng zawng pawh a hnaih a ka ta a siam chu ka tum ta chawt bawk.


Mahni hmasial takin Esy chu hmanrua ah ka hmang ta a , beisei nei zet a min thlir na te , min hnem tur a ka tan a awm reng thin na te chu hmang tangkai in kha mi zan atang khan a zirtirtu leh thian ka nihna tangin inlaichinna ka siam pui ta ani!


Ani hi ka hmangaih hauhlo a , eng feelings mah ka nei bawk heklo , min mamawh tih leh ka thinrim phuruk na atan ka hmang mai chauh tih chu ka hre chiang viau.



Mizoramah let tum in ka hna atang chuan banna ka thehlut a , ka nu leh pa pawh an hrilhhai viau !

Ka pa company zauh ka duh vang niin chhuanlam ka siam ta tawp a , kan chhungkua in let leh chu kan thulthlukna a ni ta ni.


Chu thu Esy'n a hriat chuan ani pawh kal zawm tumlo in kan rual a let a duh thu a sawi a , kei hian hmanrua a ka hman duh vang chauhin hmeichhe pawisawilo ka inhnam hnawih tir theilo tih ka hriatchhuah rualin kan in zawmna ka chhu chat ta nghe nghe , engkim ka hrilh tlang vek bawk.


Chu erawh alo duhlo kher mai , hmanrua atan mai ka hmang ani tih a hriat hnu pawn min hlat a tum chhin lova , a aia mak leh zawk chu "hmanrua ah chuan min hmang zel la , mahse ka duh min tih puitlin sak ve thung ang!" A ti chu ani .


Ramnunpuii ka hnaih theihna awmchhun chu a unaunu Esy hi a ni miau engvangin nge chu offer chu ka pawm loh tehlul ang .


Ka bialnu anga lemchang in keiin ka laka a thil duh s*x ka pe bawk, nep ka inti a mahse ani lah chuan ka bialnu anga a awm thei chu alo hmang tangkai leh viau mai.


.....

Mizorama ka let hnu in Ramnunpuii lakah nelawm ka chhuah ta ngailo a , ka mizia ve hrim hrim ani bawk .


Ka in kharkhip vek chu alo ngaitheilo ngang mai! A tetlai atang tawh a in nel em em kan ni a , chutiang a ka hlat ta dut chu a hrethiamlo ve khawp ang ! Chu erawh ka tih ngei angai .

Ka duhdan chuan kei leh a unaunu kan in ngaihzawn vanga a na lai hmuh kha ka chak a , engmah hriatthiam theih turin a awm duh ngai reuh silo.


Chutiang zawng kher a fiah ka tum chu keipawh à ka in ti viau mai ! Engvanga a thik tur anga ngaihtuah tlat nge ka nih lah ka hre derlo.


Ka thil duh chu khami zan khan a thleng dik ta reng a "Engvangin nge kei min hriat tawhloh laia Esy i la hriat bik?" Kha zawhna atthlak lutuk min zawh vang a ka hlim zia kha a hrethiam tawp lovang.


Esy khan sex an hman dun thu a sawi a , mahse a tan a mipa hmasa ber ka nih thu kha zan khan ka hrechiang viau leh ang lawi a ! Ka buai nak nghe nghe , a rilru na hmel leh mittui far ka hmuh tlukna hremna nasa kha ka tawk leh tawh pawhin ka ringlo.


Ka rilru thlakin kha hmeichhe pawisawilo zet kha venhim a ka ta a siam ka duhna chu a hma aiin a nasa zual sauh a , nelawm erawh ka la chhuah ta lo fo!...



Ka rin ang ngeiin kha thil thlen hnu ah khan Esy a rawn kal nghal a , zawhna kan nei ve ve .


Dawt min hrilh a ka ngaihna chu a nasa zual sauh a mahse "ka hre biklo , amah khan kan hmang a ti sia lawm " tiin a tang na ve tlat a , awihna chhete mah ka neih tawhloh laiin kha mihirng pa nen a an plan lawk vek a nih thu te , ka awihlo anih chuan Zampuii zawt tur a min tih leh tak zel avangin engmah ka sawi zui talo!



A haw hnuah Zampuii ka pa thianpa fanu chu ka be ta a , a bul a balin engmah ka zawt chuanglo.


Vanlala leh Ramnunpuii ten inlaichinna enge an neih? Tih zawng chu ka zawhna.


"Unau angin an in sawi ve ve a , mahse ka awihlo ..kan in hauhna tam ber pawh alawm ..engtik lai pawhin an in zui reng a " a tawngkam atang pawh a thik hluah hluah na rawn lang chhuak te tang chuan zawh belh ngailo in engkim chu a chiang leh ta kuar e!...



Mahse lehlamah rin fai kelh ka la tum lo cheu! Nge ni a ka ringchhe phallo pawh ka hre hreplo amah Ramnunpuii ngei chu ka dawp ta ngawt kha ania , a chhanna ka dawn te tang khan sawi ve tur pakhat mah ka neilo a , engkim chu amah ngei in a ti chiang ta kuarh bawk.

Engmah hriat belh leh ka mamawh tawhlo , ka hriat zawng chu kha hmeichhe naupang ka hriat thin kha a inthlakdanglam tawh takzet tih leh bum hmang anih na chu ani.


Ka rilru siam fel in hmangaihna kha huatna in a rawn chawhpawlh nawk a, khatiang mihring tehrep kha lo ni lekin !


Sum a duh vang chauh a min lo hnaih anih thu te , kha mihring nen a tlanbo an tum thu te chu ka beng ah a ri nawn tlut tlut a Liansangzuala hi hmeichhe pakhat vangin a tlawm a , a tha a na takzek bawk.


Ka nupui nih kha a duhthusam ani lawm ni? A duhthusam hmang vek chuan na tak in ka siam bawk ang , inchhir ngawih ngawih in ka siam anga , tlanbo a tum erawh kha chu a tih sual lianber ani thung ang !Engtiang takin nge kei hian ka tih nat dawn tih leh enge ka tihtheih tih chu an hre zel ang!


..............


Ka nu in ka chhuak tur min rawn ko lang lang a "i pa in a office ah ko che" a tih chuan ka bu nghat a , ka pa lehkhacghiarna lam chu ka pan chawpchilh ve mai.


Ka hma ah a phone a lek và a "heihi enge awmzia?" A ti chuarh bawk.


Kha thil bawk kha!


"Ka chingfel thei" tih zawngin ka chhang.


A insehruh tung a "hetiang a khawsa mai mai lo hian nupui a i neih tur an nihloh chuan hmeichhia awmpui tawh suh" phone chu dawhkan ah a dahthla chawrh bawk.


Ka pa hi ka chhun a , kan thin thawk a na in kan duhlohna ah tihluih kan har hle bawk.

Buaithlak ta ber chu kan thu kan duh em em leh kan thu an hnial kan duh miahlo lai hi ani.

"Nupui ah ka nei dawn alawm"ka ti nghut chu min nelh awrh , hetiang tawngkam hi ka chhakchhuak ngai miau heklo.



A ding hluai a " sawifiah rawh" min awihlo hmel lutuk in a ti leh chuarh a "khang ho hma a ka thil sawi te kha ka fiamthu emaw iti em ni? Chanchin reh hun kan la ngaichang rih a ka la hrilh duhlo che nihkha" ka lam pan in a rawn kal hnai a , a nui suk rualin ka dar ah a beng leh thek thek.

"Thudik ni mawlh rawhse" a tih rualin room a chhuahsan nghal.



Keihian tihluihna hmangin kha hmeichhia kha nupui ah ka nei dawn!


Ohh..a duhthusam zawk alawm!


.................


Esy'n chhuahpui ah min rawn sawm a , ka hmanloh thu ka sawi tak nain "Ka thusawi kha i la awih chiahlo a ang , chuvangin vawinah a fiahna i hmuh duh chuan rawn kal ang che" a tih vang a remti ve ta chauh kha ka nia , ka duhkhawp chu ka hmu ta bawk e!




Ramnunpuii POV


Vanlala'n min thlah pawh chuan tawng vak tur ka hre tawhlo , Liansangzuala min huat em em chhan tur chu enge ni ang? Tih ringawt ka ngaihtuah.


Khawi atanga khang min puhna chhe tak tak te kha hria nge anih lah ka hre bawk silo.

"Ka ú fapa khan a ngaina hle mai che" a ti sup a ka lo nui tawi ve tak mai.


"Min ngaina tu hi an vang asin" car ka pawt hawng a, ka nui tawi tak bawk.


Kan in thlah fel hnu in inchhungah lut lovin a tlan let leh a , nutei an hla ka ngaihthla peihlo leh kher mai.





Inchhung ka luh chuan sitting room ah tv an lo en a , Esy erawh hmuh tur a awm lo , Liansanga bulah a la awm tih hriat reng.


Engmah sawilo in chungah ka tlang chho nghal a , min hau dawnlo nge nakin atan an khek tih pawh ka hriat siloh..




Khumah ka mu meng kur a , ngaihtuahna a vak thui leh tawh kher mai!


Vawin a Esy'n Liansanga banah a vawn kha ka mitthla ah a rawn lang zut zut a , ka thiklo anilo ka tihlan a rem lo mai chauh ani.


Tih theih lah chu ka nei der silo a , ka huat tluk zet in ka duh a , mahse ani leh kei chu 'Thil in hmeh lo te' tih hial tur khawp a dinhmun in thlau kan ni.


Ani nen a suangtuahna pakhat mah ka nei chhin ngailo a , chu chu sawiloh ani kha chuan min haw bur anihkha!



..............


Thla a liam leh tawh a , ka hna dil ve ah lah khan sawipuitu neitha an lo tam mai si a , kei ve lah tu mah ka nei ve bawk silo nen ka chang lo nghal bal!


Tunlai ah chuan ka thiam e ka tihna nilovin thiamna aiin SUM nei ngah leh sawipuitu neitha ten hlawhtlinna an chang fo tawh zawk anihhi maw!


Mi hausa an in luling telh telh a , rethei kan chep tulh tulh thung.



Liansangzuala a reh hmak a , Nimin khan Esy'n a zin a tih tak kha maw!


Vanlala nen pawh kan in hmu tamlo kher mai , an dawr thar tur an buaipui ve nen keilah inchhung a buai nen ka damlo ve deuh bawk a , ka dang bei mai, pawn chhuah pawh ka peihlo .


Ka chau nghulh reng a , chaw lah ka ei hleithei derlo lehnghal! Tuk thum zet chu zing kara uak that that ka ching bawk.


Ka chhungte'n min va ngaihsak hur lo mahse tlem chuan inchhung chet ah min awl ve deuh a , Nutei lah in "i hnathawh peihlo vangin i damlo der ani lo maw?" Langlo hian min tih khum leh fek fek tawh.


Ka sawi chhuah pawh anilo a , ka damloh in a nazawng ah ka sawi ve mai mai ngailo bawk , tun a mi pawh Esy vang leh bawk a hre mai chauh an ni.


Ka inthlahrun em vangin luhai chung chung in eirawng bawl ka thulh phah lova , chuta kara min lo ankhum ve sek chu chhan ve pawp pawp ka chak thin.


Ka hrethiam biklo tunlai hi ka thin lah a chhe tuk a , ka mi ngei lah ka pe na thei ngar ngar khawp mai.


Esy nen kan chhuak dun a , khawsik ka nei tawhlo nangin ka chau ngawih ngawih a , min sawm luih tlat avangin in tih thawven nan tiin ka zui ve kha ania.


A thian tu tu te emaw in ah min hruai kual hrep hnu ah haw ka rawt a , thil ei a rawt leh tlat pek.


Restaurant pakhat ah kan lut a , Vanlala leh Zampuii lo thu dun kar mai ka hmuh chuan ka nui suk mai.


Min rawn hmuh chuan minlo hui zeuh a , an boruak ka ti chhe mai mai ang tih ka hlauh vangin ka lu ka thing nar nar .

Esy zawkin va pawh a rawt leh tlat pek tawh!

Ka ngawi dak a , Zanpuii pawh a mood a tha deuh nge ner nang hmel min hmuh lo ve tehkhiah.


Esy chu a be deuh char char a , kei erawh a tir a min en zeuh bak kha melh pawh min melh leh eih tawhlo.


Kan thil chah a lo thlen chuan ei mai ka tum a "Núte i damlo em ni? I va dàng ve" a vawikhat nan min be ve ta chauh.

Ka hmai ka tawk de de a ka nui lui suk bawk "aa..ka tha lawm" ka ti sep.


Vanlala'n zawhna mitmeng in min melh rún a , an pathum chuan tawng lo in min en rún hlawm hi ani mai!

Esy a rawn ri leh hluai a , ka thaw zui ham ham kan mipa awmchhun lah in "ka dawp chhuak tho ang che" tih melh hian min melh.


Kan thil ei tur a sauce in telh chuan ka luak a rawn pawt leh ta tlat!..

Ka uak deuh uk a , ka hmui ka kut hmangin ka hup chawt bawk.

"Mate" min ngaihtuah hmel zet a rawn ti tu pawh chu ngaihsak tawhlo in "min hrethiam lawk " ka ti chhuak tawk a , thawh kan ka rual nghal.


Ka pen sawn tur chiah chu ka lu a rawn hai leh nguai nguai a , dawhkan a thil eitur ka vai thla pap tih leh ka tlu tih kha ka hriat awmchhun ani , abak chu a thim vek!



...............


Mitmeng vai riai hian ka harh hlawl a , ka chhing vang vang hnu ah thaw leh vakin ka meng kawk .


Ka awmna hmun hi ka hre hauhlo , thawh kan ka tum a "hahdam rawh" Vanlala aw dam dup ka hriat chuan a ngai ngai in ka mu thla leh dawp.


Ka hawi kual thuak chuan damdawiin ah ka awm tih ka hre chawpchilh nghal mai !


Ka banah drip an lo khai a , mak ti lutuk in ka melh vak .

Ka khum bul a ding rún pah chu zawhna mitmeng in ka melh rún a , a thawk chhuah ham ham hnu ah "nikhaw hrelo in i tlu a , kan hruai che anihhi" a ti nghut.


Ka nui tawi tak a "boruak ka zo lo deuh anih dawn hi" ka lo ti sam et.

Esy leh Zampuii chu an chhuah lawk thu a sawi a"ka that tawh hi tinge min hruai kher?" helhkam nei hmel zet a min en dauh dauh tu chu ka zawt a .

"I rai tih hi i hre miahlo em ni?" A rawn ti chhuak hlawl a , thawm a reh duk maiin ka hria.


A hmel ka en chiang a , dawt sawi hmel a pu bawk silo !

"Hah..fiamthu a hunlo ania" ka nuih zat vang ni miahlo in ka nui suk , ka awihloh lutuk vang ani zawk.


"Fiamthu anilo , nanghi i rai ka tihchu" a rawn ti chhuak halh .


Ka pum chu ka dawm vang vang a , hetah hian naute a awm a maw? Tu nge a pa tih ka hriatchian em avangin ka thin chhung a sa pup pup .


Ka ngaihtuah let a , tun thla ah ka la period miahlo tih ka hre chawpchilh nghal.

Mahse!


Keihian tu mipa dang mah ka mutpui lo tih ka chiang , chuan Liansangzuala nen khan zan khat chiah kan riak dun a ni si a .


"Tunge a pa" a rawn ti leh nghut a , chhan ngaihna hlawl ka hrelo.


Engtin nge ka tih ang? Tih mawlh mai chuan ka rilru a vilh ngawt ngawt .


"Min chhang rawh" a rawn ti leh hrawk a , ka lo phu zawk chu "ka tihpalh" min vengthawng zetin a rawn ti leh sup.


Ka rilru hah dan chu pui tak ani! Liansangzuala lah hian min hua in min ten em em a , a fa ka pai tih a hria nih vaih chuan ! Nilo , , kha mihring sakawlh ang mai a nunrawng khan ka fa hi ti tla turin min ti dawn tih ka chiang!

A hre ve tur anilo tawp mai ni!



"Esy leh Zampuii khan an hre ve em?" Ka melh chho ha a , ka mittui a tling pam bawk.


A bu nghat ka hmuh chuan ka chhing sawk a , ka hah hluah hluah , mittui rawn luang thla ngiai ngiai pawh chu dan tumna ka nei tawhlo.


Ka sam ah tham tawk in "engtin nge ka tih ang?" Ka ti tiau ringawt.


Vanlala chuan min rawn kuah ta hlu hlu a " a pawilo, nakin ah ka zawt mai ang che hahdam rawh" hruat nuam zet in a ti zawi leh sup a.


Ka tap hluam hluam mai chu ka sam ah a rawn fawo vang vang a , he naute ka thisen hmanga in siam mek hi engtiang a lo dawnsawn tur nge ka hrelo.


Lehlam zawng tak chuan keimah chiah ka ni tawh dawnlo tih ka hriat vang leh ka mal ngawih ngawih na min tawmpuitu tur anih vangin ka lawm a , ka hlim takzet mahse a pa hian engtin nge a tih dawn ka hrelo , min haw em em reng tu kha a ni si a .


Paih turin min lo ti angem? Engti kawng mah in a pawm ngai dawnlo tih ka hre chiang , ka fa hi kei leh api ang mai a fahrah tur a tan chuan ka phal bawk silo!


Ka thluak ah "ka pum chhungah hian ka mi sakawlh ang mai a mi nunrawng leh min haw em em tu fa ka pai" tih chu a in khawng ri thluk thluk a , mihring hi ka beidawng ani. Ni e , beidawnna vawrtawp chu ka tawng baw chiang hle!




//Hoii..ka tih teh nuai a , in hrethiam nei nuai ange maw!😆 hemi chapter ah hian a mood ah ka cheng hlawllo a tin ni , min ngaidam teh u🙈//


Chuan chuan la comment ve miahlo in awm tih ka hre ru khiau ania 😏 tawite pawh a in rawn comment ve khan phurna nasa lutuk min pe tih hria ula , ziah belh zel chakna te.Tin, sei deuh phei chu a a rukin ka lo nui ru ver ver zel ania🙈 in rin ai ka lawm in ka lo hlim ang✨

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)