HER SWEET REVENGE BY Nunui Franky Hmar (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: HER SWEET REVENGE BY Nunui Franky Hmar (Completed)

Unread post by Ngaia » July 25th, 2021, 3:58 pm

EPISODE 13





HER SWEET REVENGE





ZIAKTU : NUNUI FRANKY HMAR




(Nizan Ka chawl a, mahse a tam zawkin in hre lovang anyways, min lo chhiar sak leh theuh ru aw hmeltha ho )




(Vawiin chu nilengin ka buai a, zanah ka type hman chauh a, tlema alo ngaihnawm loh deuh pawhin min ngaidam mai ru aw . Zanah Pathlawi Lawmsanga lo leng bawk si sia 😝🤭)







ELIZABETH POV.







"Ka hre lo . Kawng dang han ngaihtuah tur pawn . Police I ni thin a , I hre zawk lo mi?" Ka hnar ah a rawn piai zauh. Tunah chuan a thinrim leh tawh lo.






Keipawh ka thinrim ve deuh na te kha ka theihngilh leh daih tawh. He mihring hi ka thinrim khum rei thei lo a ni e .






Ka roomah kan awm ta reng a, a pheikhawk tlawh phelhin khumah a mu deuh kak a, naupang chhia reuh lutuk .






Kan awm dun chuan Dr Rinnungi reng ka hre chang leh tawh lo. Ani pawh Sammy a sawi ri leh tawh lo. Vai lo thik te chu !







"Jayden leh Jasmine tlawh pahin kartawp hian ka kal dawn a, lo kal ve ta che . Anni pawn an ngai thin lutuk che sin . Jasmine phei chuan "






"Kan in nel lutuk . Break lai hian kan inkawm thin a, a fing reuh lutuk nangmah ang chiah mawle . Min zawt dawt ngam lo mahse hmana an miss anu ka an thu a sawi thin a, chuan I chanchin pawh ka hre thin bawk a" a nui suk .









"Nu tel lovin heti chen hi an lo thanglian tawh a, nu an neih vat tawh dawn a, Mizoram lamah rawn zir zawm an duh tawh ngei ang "







"Hey, inneih ringawt a sawi leh ta. Inneih chu ka....." Ka sawi zawh hma in a hmui chuan ka tawng leh tur chu a rawn khar chilh nghal a, ati ve ziah. Ka chhanlet loh chuan rum nghutin chhanglet turin thu min pe a,









"Thawm dim la" ti sap hian a kut chu ka kawr hak hnuaiah a rawn zen lut a, nie , vawikhat chuan vawihnih a hring antih thin kha.







Ka thuamhnaw ka ha tha a, ani erawh thatchhe zetin khumah ala mu reng . A lamah a kekawr ka theh phei a, nui suk hian min en reng ringawt .







"In ha rawh , naupang an lo lut ang , roomah kan awm rei tawh mah mah" ala che chang chuang miah lo . Nui suk suk hian min en reng a, he mihring hi enge maw a hriat ni .






"Ka duat , zanin ah ka lo kal leh ang " a inha fel vek tawh a, Ka room darthlalang a in en chung chuan min rawn melh a,






"Zawt che hi ka ang thin 😝" nui chhuak hawk hian min rawn man bet a, min dek nui uar uar .







Ka u leh u Tetei'n khilamah thawh zawm Lawmsanga ang bawkin an phal tawh lova, mahse banna ka thehluh loh chu thuhran khulam ah hna tha tak ka neih bakah apartment ka nei bawk nen . Ka thuamhnaw pawh khulamah ala awm vek bawk .






Min sawi pui nasa hle a, chuan Lawmsanga nen innei turin min duh hle tih ka hre bawk. A chang chuan kan lo chesual tawh tih an hria emaw ka ti rum rum .







Inah ka awm awl em avangin Lalvero-a kei leh Sangtei kan chhuak ho leh a. Engtianga rei pawh in awmbo san mah Ila thiantha hi chu kan in hlat tak tak thei lo.








Thil eng eng emaw en kual in kan tei kual a, Dr Rinnungi leh hmeichhe pakhat hang lam dawr pakhata in zui lut ka hmuh chuan ka tawng lai tawp chatin ka ding a, Sangtei te pahnih chu ka kawhhmuh a, Anni pawhin an en ve reng .








Hawi kual zak zak chung hian eng eng emaw an sawi dun a , keini pathum chu a biru deuhah dingin kan en reng . An rawn chhuak har lova an kal rual dawn emaw ka ti a, mahse an kal rual miah lo . An inthen a, Rinnungi hmuh nu zawk chu scooty in a rawn kal ani ngei ang , helmet Khum in parking lodge lam a pan zui nghal .









Henu hian eng thil emaw tak ruahmanna a nei tih ka hria , khang kum chhung zawng khan a bibo a, tinge tunah lem a rawn lan chauh ? Chuan Lawmsanga nen kan tha leh tawh tih a hriat chat dan te, min rawn tihbuai na tur video Lawmsanga a thawn chat leh Mumbai a Sammy nen kan khawsak dan video a neih dan ah te khan henu hian min lo hre daih tawh tihna a ni.






Tu emaw min lo enthlak tir reng thin tihna ania, kei hian engmah ka hre lo zui bawk a, mahse tinge ka hma ah arawn in lan miah loh ? Min thlah duh se chu a ti daih tawh ang mahse tinge min tihbuai reng ? Ka hrechhuak khawp ang a thil tum hi.







Lawmsanga inah chaw ka ei dawn vangin in lamah haw tlang lovin kan awmna hmun ka hrilh a , min rawn lam nghal a.






Sumdawnna an zauh zel na velah hna hahthlak tak tak a tam thu leh a buai zia ka hriat pui a, chuti chung chuan ka tan hepa hian hun min siam sak in chau chung chungin min rawn len chilh thin ania.








Ka ngaihtuah hian lo nei ta ila ka inchhir ka ring lo. Kum tamtak ka lo hmangaih tawh a ni a, chuan ka bialpa hmasa ber leh ka thianghlim na , hmeichhia in kan neih ro hlu ber ka hlan ani bawk .







Pathlawi niin fa pahnih neiin nupui lo sun tawh mahse a pathlawi vang hian ka hmuhsit phah lova, a zún hian min phuar em em zawk . An sawi thin Pathlawi zún a uai tawh laklawh chu a chhuah theih tawh loh tiin . Mahse , pawi ka tilo . He pathlawi zún hi ka phur zo lo anih pawhin pai khat khat chungin ka kal zel aniang chu. Ka tana Pathian in a rawn tirh pathlawi Lawmsanga .







Ka ngaihtuahna vang chuan ka nui sak a, min en reng tu an awm avangin ka va melh a Lawmsanga chu, nuihzat hmel zet hian min lo en reng tawh .







"Enge khatia mahni a ilo khik suk suk a , vawiin chu I mood a va on hmel ve " nui ver ver pahin ka melh a,







"Vawiin ah Dr Rinnungi ka hmu a, hmeichhe pakhat nen . Dawrah an inhmu a, an hlauhawn dun hmel lutuk , an hawi kual ang zuk zuk a" a nui suk a, a lamah min pawt hnai a,








"Khanu kha chu ka kutah dah rawh aw ka duat . Kan sawi tawh kha. Keiman engkim ka ti ang. Kha hmeichhia kha hremna ka pe ngei bawk ang . Chuan nangpawh vawiin tlai chu ka thusawi ngaithla lova eng emaw thildang ilo ngaihtuah vang hian ka hrem maithei che"







"I phakar aw, thil ka leisak che a, I inhmeh ngawt ang . I in kan thlen hunah ka pe ang che " a rum ngut ! Sawi dikloh ka nei ami?






"I in ti suh kan in ti tawh rawh . Bakah ka duat saw in saw ka in ani ngei a mahse ka in tak tak, ka chawlh hahdam theihna tak tak , thlamuang taka ka muthilh theihna hmun chu I bul ani a, nang hi ka in chu I ni . "






Ka nui a, a biangah ka fawh sak zauh a , a sam ka tuai thur sak a , rum nghut hian min rawn dek leh .







Kan thleng a, gate hawng in kan tlanlut nghal a, motor atanga chhukin inchhung lam kan pan a, in hlui tawh lam angin pawn lam atang chuan lang mahse a lian in a changkang a, hmanlai mi Hausa tak in ni awm reng hi a ang a, a chhung erawh tunlai tak ani thung. Engkimah a tha ber ber vek an hmang a







Pawnlam landan , hnah zam leh inchung sang atanga hna leh hrui rawn uaithla , in sir tawn tawn a saron kung upa rawh tak , in rin chhan a rawn zam par buk luih te chu a nu duhdan a ni a, tih danglam a duhloh thu min hrilh . Nie, keipawn han paih a,han tih danglam ka phal ka ring lo.









"Awmpui pahnih ka nei a ka duat , driver pakhat nen " Ka lu ka bu nghat , a awmpui pahnih te chu choka lamah zanriah tur an buatsaih thu a sawi a . A roomah kan in zui chho a , an in chu ka kal hnuhnun ber kha kum 6 kalta daih tawh kha ania , mahse engmah em em danglam a awm loh bakah thil thar em em han hmuh tur a awm lova, a nu min lo lawm thin tu pawh a awm tawh lo bawk .









"Ka duat thil hmuh tir tur che ka nei" a room ni lo lamah min kai a, inchung room kil anu te room
lamah kan in kai phei a, room chu hawngin min luh tir a, room chhung a ka thil hmuh hmasak ber chu Khum lian tak bedroom lai taka inhung , satin senduk a inkhuh zar a ni . Room chu ka en kual a, khum mawng lamah chuan Lawmsanga nu leh pa thlalak frame lianpui ah hian alo in tar a, a hnuai ah TV a awm bawk .








A dang chu a felfai thlup a, tumah an awm ngailo ani ngei ang , tukverh parda erawh an zar a, ni eng alo lut tha viau. Zar phui se chu a phui mup in a thim mup ka ring.








"A nuam hle mai I nu leh pa room chu, mahse tinge hetah min hruai a " tiin ka leh hawi chu ka beisei loh lutuka Lawmsanga lo awm vang chuan ka ang hliai a, ka hmui ka hup vat .






Zungbun bawm nalh zet in hawng sa , a chhunga rangkachak zungbun kual nalh tak awm lo keng chhuak chung hian a thingthi a, min lo melh ran tawh . A hlim hmel hle bawk .






"Ka nu leh pa hriatpui na ngei hian ka nupui ni turin sawm che ka duh a ni "






"Mahse Lawmsang Ka....."








"Elizabeth Zodinpui, keihi min nei rawh khawngaihin , ka venghim tlat ang che nga, tuman an tihnat che ka phal lo ang . " Pan hnai hian ka en tlawk thlawk a, ani pawhin min melh ve reng bawk . A hun ve tawh alawm hetiang kum chen kan lo inti hreawm tawn tawh a.








"Ka nei ang che mahse thil pakhat min tiam phawt angai ang " lawm vangin a rawn ding chhuak a, ka kutah ngei a hming leh ka hming bul chuanna zungbun chu min buntir a, ka kut la kang in min fawp zauh bawk .









"Ka lawm e ka duat , ka hmangaih lutuk che. Enge ka tiam tur che chu sawi ta che "






"Kan inneih hnu ah a ding lamah ka mu ang chuan hna eng emaw ka thawh zawm phal ang che "






"Aw le, nau I pai hnu ah erawh I thawh ka phal tawh dawn hauh lo ania , min hnial buai theilo nia. Chuan inneih vat ka duh thei phei se naktukah te hian ni thei se" a over vel ta lutuk chu a awmah ka chum a,








"Tun thla tawpah Sangtei pasal neih ania , mo thian ah ka tang dawn a, ilo kal ve angem ?" A room chhungah kan awm tawh a, a khumah Ka thu a, grapes rep vawiin a ka lei chu ka bag atangin ka phawrh a, ka ei niap niap .





Ani erawh a inthlak a, min rawn en pah zauh zauh bawk . Ka nuih a za lek lek zawk ka kalbo hlau ang maia min veng tlat hi .








Jumpsuit Adidas dum suit a ha a, crocs var thianghlim zet a rawlh leh a, ka bulah a rawn kal hnaia , ka thil ei lai chu ka lo barh ve a, a thial nuap nuap a, ....






"A va tui reuh ve " tih leh ka ken lai min laksak a rual a, amah in a ei daih anih chu , naupangchhia lutuk mai. Kum 40 a tling tep tawh a, hetia a ze naupang chhia zet zet min hmuh tir hian amah ka la hriat chian loh zia min hriat tir .








Zanriah ei dawnah inhnuai lamah kan chhuk chauh a, kan in um thla zar zar .






A awmpui pakhat zawk ka hmuh chuan ka nui lai a tawp riai riai a, vawiin a Dr Rinnungi nena in hmu nu ngei kha a ni . Min lo en a, Lawmsanga bulah chuan zanriah a ei theih tawh thu sawi turin rawn ko a tum ani awm e .






Mahse chunu erawh chuan min hre ngailo ang maiin a awm a, Nia tinge min hriat ngawt ang ? Keipawn ka hre bik hleinem le .








Choka lamah a luh bo hnu chuan Lawmsanga bulah a awmpui te chu khawia mite nge an nih ka zawt a, ka darah chelhin Choka lamah min kalpui pah bawk.






"Nichin ami kha Chhanhluii ania , thingtlang lam mi aizawla awm a pasal nei tawh aniang ka nutei min rawn biak sak ania , a khawngaih deuh a, a sawi luam a, belh tur a neilo tih vekin. Thla 3 vel hetah a thawk tawh . Chuan pakhat zawk hi Sangkimi ania hei pawh hi thingtlang lam atang lo kal ania , ka nu boral hnu atang khan ala thawk char char a, min awm chilh a, Christmas ah erawh a chhungte bulah a haw thin. Chuan ka duat zawhna dang min zawh duh Ila nei em?"










"Aih nei tawh lo e" zanriah kan kil ho a, Lawmsanga chuan dawhkan khatah a rual in kan ei mai zel ati a, dawhkan kil tawp lamah an thu a, keini Lawmsanga nen kil khatah . An inchhung chu kum 6 hnu a ka vawikhat kal lehna ni mahse he inchhungah hian eng emaw diklo a awm tlata hriatna hi ka nei a, Chhanhluii nuthlawi atih nu saw vawiin lamah Rinnungi nen an in hmu lai kha chiang zetin ka lo hmu bawk nen , chutah hetah Lawmsanga bulah alo thawk leh zel bawk si .








Lawmsanga bulah erawh ka hmuh dun thu ka sawi lova , keimah ngei hian zawi muangin an thil tum ka hrechhuak vat ang .






A awmpui te pahnih bulah chuan a nupui hual ka nih thu leh kan inneih vat tur thu a sawi a, a sawi lai vel chuan Chhanhluii chu ka en reng a, a mitmengah danglamna ka hmu ta chiah bawk . Makti hmel leh huat hmel inpawlh hian min rawn melh zawk a, mahse a bo leh vat . Ka hmu sual zawk emni tih tur khawpin a awm leh lawi .







Min lawmpui dun a, zanriah kan ei kham chuan puih ka tum a, mahse a Chaw eina tifel turin hetah ka hruai lo che ati mauh mai.






An in leh a vel chu ala ngai thlap, thingkung erawh lian lutuk lo chu compound chhungah chuan alo awm duah tawh a , a nu damlai khan pangpar leh plants kha ati nasa a, an in compound ah pawh a tam hle a, a mawi zual .









"Zanah I u te nupa kan hrilh ve anga, thla thar lamah inneih ka duh dawn a, I Tel lovin rei tak awm ka thei tawh kher angem ka hre lo. Palai chungchang vel pawh " hnunglam atangin min kuah hlu hlu a, ka rilru ah Jayden leh Jasmine an rawn lang zawk .







"Jayden leh Jasmine ten an hre tawh em ? Ka hmel hi a dang ta daih sia" a nui nghawr dat a,





"Ka bula I awm lai pawn ka fate emaw midang min ngaihtuah san daih a , a fair lo aw ka duat . Um hre tawh e, jasmine chuan ka ring reng ah a tia, lo haw a chak lutuk a,. Jayden erawh chuan I mitmeng leh aw atang khan I hmel dang daih mahse alo hre daih tawh che tih a sawi a, Interview niin " a lam ka hawi a, kan in fawp leh vang vang , Pathian hian ani ang mipa tha lutuk min pe hi ka van vannei em . Rinawm leh nghet tlur mai,







"Karleh chu aw ka duat, Anni pahnih tlawh pahin Mumbai ah chhuk Ila , I bungrua leh thil pawimawh ho Kan la pah bawk anga, school ah banna I theh lut anga, thawh zawm chu I tum tawh loh hram ka beisei " nie, ka rin ruk dan ang chiah a ni. Heta ka haw chuan ka u te nupa emaw ka thiante emaw ka hma a ding hian min chelh in helama awm tawh turin mintih kha ka ring a, ka ring dik ngei bawk.








UNKNOWN POV ...






"Pu Lawmsanga'n inhualna zungbun a pe a, chuan an inneih vat tur thu a sawi a zanriah ei laiin " lehlama phone lo chhang tu chu a au tuar.






"Kha hmeichhia kha kum 6 liamta khan lo that law law Ila a tha tur ania, Lawmsanga lakah phuba kan la ni daih tawh tur . Lo enzui zel rawh . Elizabeth kha hmeichhe fing tak anih kha, a rinhlelh zawgin engtin mah awm suh ang che"






"Aw le , chuan Pu Lawmsanga hian nupui hual a neih tawh tho chuan mutpui ka la tum talh dawn emni ? Zan hmasa a a tui intura pawlh tura min pek ka pawlh sak khan a chatthla zui a, a bulah khan ka mu ve a, nupa nun hmanpui ka tum a, mahse a zang a khawng theilo a ka beidawng " lehlam ami chu a rawn nui leh hak .







"A chahthlak hnu ah pawh kha hmeichhia bak khan an tiphur zo lo cheu ani pawh hrep hian . Zanin chuan engmah lo ti suh . Thil tihtur ka rawn hrilh leh ang che . Ti tura ka hrilh che kha I ti dawn Nia"





"Aw le " mi pahnih te chu midang hriat hlau takin an inbia , an inbiak zawh chuan engmah thil sual sawilo ang maiin an awm leh hmiah.








"He pathlawi zún ngah zet hi tinge hmanah khan ka lo tawn loh le ? Ani anga mipa rinawm leh rilru nghet thinglung neihsaktu aia ka that loh bikna sawi tur ka hre lo" Chhanhluii chuan tiin Sangkimi nen an room intawm lamah a lut CA, a muhil zui ve nghal a .











ELIZABETH POV.







Lawmsanga alo leng a rei vak lo. Inneih chungchang vel te kan sawi a , ka u te nupa pawh an phur khawp mai an hmelah an hlim zia a lang a, Ka rilru ngaihtuahna erawh hmun dangah daih a awm. Lawmsanga awmpui pakhat zawk kha .







Lawmsanga chungah hian eng emaw ati ang tih ka hlau a ni , a rin hmel em em si a, chutah Rinnungi nen khan an in hre bawk tih a hriat reng reng a, ruahmanna eng emaw tak chu an nei dun chiang a ni .









...




Police station lamah u Tetei scooty in ka in khalh phei a, Lawmsanga ka kal tur thu ka hrilh lo . DCP hmuh ka duh a ni. Ka rin ang ngeiin alo awm a, ka thil hmuh leh Lawmsangan kan inbual thu vel a sawi a a mitmeng danglam zia vel ka sawi lai chuan uluk takin min ngaithla a,







"Chhanhluii tih nu hi chhuichiang turin ka duh che. Khawngaihin min puih rawh , pawisa ah chuan buaina a awm lo ania" a nui suk .








"I hnen atanga pawisa ka la anih chuan thianpa Lawmsanga kan hmu ngam nang le . Kan tihtur ania theihtawp kan chhuah a, Rinnungi thianpa , kum 6 liamta a sawisa tu che kha tunah hian a awmna hmun kan hrechhuak tawh a, Rinnungi hian a va hmu a, enthlatu a nei tih a inhre lo ani ngei ang "








"Khapa kha maw? In man tawh em ? Khawiah nge a awm ?" Ka lungphu chu a rawn phu rang dawt dawt.







"Mental hospital-ah mawle . Kum 3 dawn chu chulai hmunah chuan a awm tawh tih a doctor enkawltu atangin kan hria a, thil eng emaw zawh theih pawh a nilo . Chuan Rinnungi hian a awm man leh engkim a pek sak vek a , in zawmna eng emaw tak chu an nei ani. A enkawltu doctor pawh kan dawp a, thil a zep then nge engmah a sawi tha duh lova, damlo chungchang mi hrang lakah kan sawichhuak thei loh tih tan in a tang kawh tlat bawk a "











"Ka hria e, ka lawm lutuk e, chuan Pu Kim , khawngaihin vawiin bika ka hrilh che hi Lawmsangan a hriat ka duh hrih lo aw khawngaih in , a awmpui nu leh Rinnungi inhmuh chungchang vel leh chhui tura ka tih che vel kha "







"Okay, mahse I bialpa , oh pasal hual hi thil hre thei tak ani tih hre reng la , a hriatchhuah hunah in buai phah hlauh ange , engkim in hrilh tawn a in tih kha a tha ber ania"









"Aw le ka hria e, ka hrilh thuai ang mahse tunah chuan la hriat tir ka duh rih lova, hna lamah a buai thei si a, bakah a rilru lo tih hah belh ka duh lo a" thudik awm sa chu ka sawi zauh a, station atang chuan in khalh chhuakin haw mai ka tum lai chuan ka hmuh beisei loh tak Dr Rinnungi chu ka hma ah tak a rawn ding siah a, ka lo brake kher ani . Su dawt pawh ni Ila kan bul hnaia awm vel hian min thiam ngei ang , nge ka tlanna turah tak a rawn din ni .









"I hmel thar chu a tha zawk anih kha, inbia ang , chuan I phone a recorder emaw eng eng emaw on suh ang che anih loh chuan I vahte pahnih hi ka kutah an awm tih hria la, I phone kha kan inbiak chhung chu ka lo keng rih ang " awihlo lutuk ka hma a thu hmeichhe hmui hnawih Sen zet chu ka melh a,







Eng vanga henu hi zui nge ka nih ka hre lo. Millennium centre roof top a Vessel's restaurant ah kan lut a, mi an awm vak lo. A zim bawk nen nuam ka ti lo mahse engtikah emaw chuan Lawmsanga nen kal dun ngei ka duh ka ring .







Ka chunga I thiltih hi a mal te te in ka rul let dawn che tih I hria em?" Dawhkanah ka phone ka dah chu a on a, engmah ka record lo tih a hriat chuan dawhkan laiah a dah a, a nui hak .







"Tum chhin la, awm bo hlen law law ta che. Engvangin nge ilo kir leh Lawmsanga hi min chuh pui lo tura warning ka pek hnunhnun ber Che a I zawm duhloh vanga thilthleng kha I hre tawh lo emni ?






"Kan innei dawn tih I hriat tawh ka ring a, min enthla tu tur I dah reng tho a, I hmu thiam lo ami? Nang ni lovin Lawmsanga hmangaih chu keimah hi " nui hul leh hakin a iPhone 12 chu a phawrh a, engemaw hmet chhuak in ka hmai zawnah a rawn lek kang a,






"I awmloh tirh kha chuan Lawmsanga hi ka lo hnem thin mahse I hre lo , ani pawn , a zang pawh ka hmeichhiatna ah a lut hmasa tih theih nghilh suh . A mutui em a , a hre lo mai pawh a, hetianga kan thlalak dun pawh hi tamtak ka nei tih hria la, Ka ti mualpho hreh miah lo ania" rapthlak ti lutuk in ka en .






Lawmsanga muhil , ruak ngal ngata a mu lai a chunga Dr Rinnungi thu lai te , a tam mai ka ten lutuk.







Lawmsanga pawh engvanga muhil nge a nih? A. Rui viau emni?





"Ka awm loh hlan a thil thleng chu engpawh nise hun kaltawh ami ani , tun hunah ka bulah a awm a, a tawk "






"Veng tha hle rawh tiin ka chah ang che, I hlim rei dawn hauh lo ania" Ka ding a, ka phone la in kawngkhar lam ka pan a, mahse let leh in dawhkana no a tui chu la in a hmaiah chuan ka theh that a, a au tuar .







"Acid tuiin ka la theh ve em lo che alawm , chhul khawhar nu" tiin Ka chhuahsan a, ka rilru erawh a na .

ads click kha theihnghilh lo ila aw



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 3:58 pm

EPISODE 14





HER SWEET REVENGE




ZIAKTU : NUNUI FRANKY HMAR.








(Hate comments tih vel hi chu ka dawng khat a, alo awm ve leh zauh thin a , ka ngai haw lem lo. Chuan a chhiar peih lo chu khawngaih in ngawi reng khan lo chhiar lo mai ru aw, no one wants your opinion 🤭🤭 I duhdan leh I ngaihdan I sawi hnu a khawvel awmdan ala ngai reng aw🤭😂duah thin hian.... Fiamthu nih kha , lo ngai haw leh vel nge )






ELIZABETH POV ...









In ngaihtuah ngut ngut chungin in ka thleng a, ka accident lo kha mak ka ti letling zawk . Ka rilru ah engmah a lut lovin kha Dr Rinnungi thlalak min hmuh chiah kha a awm a tin ni .









"I va nawm loh hmel ve I tha em ?" Inchhung ka luh rual ruala u Tetei'n alo tih chuan ka lu ka thing ringawt . Nie , nangni pawh ni ula, ka hmuh ang kha hmu ve ula in thik ve tho hian ka ring , kum hnih thum hmalam ami daih mah nise .








Ka bag chhunga ka phone ah rawn nghawr dar dar chu ka phawrh a, Lawmsanga a ni. Tunah chuan biak chak rihna ka nei lo . Message chuan ka reply a, ka buai rih thu in ka reply a, ka date off in ka phone chu airplane mode ah ka dah zui hmaka , zanah a rawn kal chuan eng emaw sawidun tur kan nei Chiang a ni .









Ka rin ang ngeiin zanah a rawn leng a, ka vah te pahnih eitur a rawn ken a, chuan keipawh eitur leh theitui vel min rawn ken bawk .








Ka u chuan tullo zetin vawiin ka chhuahna chanchin min zawt khauha , Lawmsanga chuan min rawn en vat , nie ka chhuahna tur engmah ka hrilh lo anih kha .








Rei Vaklo sitting rooma kan inkawm hnu in inbe turin ka roomah kan lut a, ka khum mawnga thuthleng sei ah chuan ka thu a, Lawmsanga erawh khumah a thu a, min en reng .








"I lungawi loh chhan kha ka hre duh . Ka phone call I pick loh chhan pawh "







" Ka u bula ka sawi ang kha ani mai police station ah ka kal a, tihbuai che ka duhlo alawm , hna ah I buai thei viau sia ,bakah keimah pawhin ka kal thei tho a" rum nghut hian min rawn pan a, ka bulah min si chetin a rawn thu a,







"Engpawh ti la , khawiah pawh kal la, kei hi min hrilh zel turin ka duh che , mahni in engmah ti tawh suh " a mitah ka en vang vang a, a bulah hian zep ka nei theilo .







"Chuan ka haw dawn lai takin Dr Rinnungi ka hma ah tak alo ding a, brake nghal vat lo ila chu ka su ngei ang ." Ka chawl dat a, ka thusawi leh tur chu enge ani tih hriat zawm duh hian min en run a,







"Chuan ,kan inbia a, I khuma ruaka in awmdun lai te, I muhil chunga ruak ngalngat a I chunga a thu lai thlalak te, inkuah chial a in mu lai te min hmuh a, a sawi dan chuan......." A rum ri hrawih a, a hmel ka en chu hlauhawm tak ani . A ding hluai a, ka ding zui ve vat .








"Chu hmeichhia phiangsen chu keihian ruakin ka mutpui amaw ! Dawt anih chu"







"Dawt ani lo. I muhil , nghet takin . I in tur emaw ei turah eng emaw a pawlh aniang, Ka kalsan loh che chuan tih mualpho che a hreh loh thu a sawi bawk "







"Chutiang thilthleng engmah ka hre ngailo tak tak . Ka duat min ring tiraw ? Engtik ah mah ka phatsan ngai dawn lo che tih hi " in ngaihtuah buai lovin ka lu ka bu nghat.







Nie hepa hian min phatsan hi ka ring lo , khanu khan thiam takin a ruahman lawk vek tih hriat reng reng .







"Ka hrilh che tih hi a bulah emaw midang bulah I sawichhuak theilo aw , tunah rih chuan . A fing em a , kan inbiak pawh khan ka phone min laksak a, engmah ka record loh nan . Chuan nimin khan kan inbe lo anih chuan ka vahte pahnih a kutah an awm thu kha a sawi a , ngaihtuah chiang lo khan ka zui ringawt a. Mahse ka thinrim em a, khang thlalak vel min hmuh khan . Tuiin ka theh a, ka kalsan "








Engmah sawi lovin kan ngawi dun reng . Nie , kha a awmpui nu Chhanhluii nen an inhmu tih kha ka la hrilh tel lo cheu. Keimah ngei hian kha awmpuinu thiltum kha ka hrechhuak ang . Police lam pawhin an chhui bawk anga , kan man chhuah ngei ka ring .











"Tinge he mihring nu hian min tihbuai a tum reng hi ka hrethiam lo ani. Enge a duh chiah hi ?






"A duh chu nangmah. A hma pawh khan warning min pe a, kalsan tur che in mahse ka kalsan loh che vangin min bum chhuak in acid tuiin ka hmai ah min leih a, min vit bawk a, tunah kan awmdun tih a hre leh a, keimah ah a thawk lo tih a hriat vangin nang hi tih mualpho che a tum anih hi. In thlalak leh eng emaw kha ka rin dan chuan social media ah upload a tum in ka hria"







"Tihian lem kan chan rih a ngai, inthen ang in emaw .... Sumdawng mi inia I hmingchhe tur a hi ngaihtuah la, engkim I chan lo ang , mahse miin an hmuh dan tur che leh engmah hre lova an sawi dan tur che dawn tel la, Khatiang ....."






"Zodinpui, a der pawn inthen tih vel kha sawi tawh suh . " Min vin that . Kei erawh ka ngawi dak, nie a thinrim hian ka hlau a, min vin hian ka pa in min vin changa ka rilru nat ang khan ka awm thin. Ka tana a pawimawh lutuk vang pawh ani mahna.





"Ka tihpalh ka duat, min ngaidam rawh vin che ka tum lo " min rawn kuah nghal nawk a, lo tal ve laih laih mah Ila awmzia a awm lo . Min kuah nghet lutuk tlat .









Ka inhnit hraih a, ka tah vak mai loh nan ka hmui ka pet fan fan . Tinge hetiang hian kan awm bik a ngaih ? Enge he hmeichhia hian a duh chiah hi .







Ka samah a chul hliau hliau a, ngaihdam min dil pah reng bawk , chu chuan minti no zual a, tinge ka trahbelh tak viau pawh ka hre lo. Ka in sut hraih a, chhuak em em hian ka tap chhuak ta nge nge .











LAWMSANGA POV.







Eli te in atangin thinrim lutukin ka in khalh haw a, in ka thlen chuan alo reh diak tawh . Ka haw tlai hi chuan awmpui te pawh anlo mu tawh thin .







Dr Rinnungi number hmet chhuakin ka call a, reilote hnu ah a la vat. Ka inah rawn kal turin ka ti a, amah chiaha rawn kal turin ka hrilh bawk .






Ka biak zawh chuan champhai lama ka thian Aizawl a awmlai ni bawk Lalhmingliana US secret service ah pawh tel ve thin , US military pension chu ka be leh a, duhthlan tur ka nei tawh lo.






Ka hmeichhe hmangaih tak chungah rawng takin a che a, a mittui a ti tla bawk a, a nunna in a rulh a ngai .







Ka in chu taxi in a rawn kal a, taxi erawh a let tir leh nghal . Inchhungah kan in zui lut a, dar 10 a pel tawh . A rawn in thuam dan lah chu zan chaww zawng chi ang Mai, khawnge zahna ?








"Kha hmeichhia khan a ti hlim zo na che nge ! Enge min koh chhan chu ?" A hmui sen zeta a hnawih chu ka melh ngar a, luakchhuak lamah a kal.







Ka rilru chuan ka thianpa chu lo thleng vat vat se tih bak ngaihtuah ka nei lo.







"Kan inkarah hian lo in rawlh tawh suh. Warning pek ngaia I awm vang hian I inchhir khawp ang. Warning pek ngai lovin min tibuai tawh lo mai la tha tur ania" a nui hak a, rapthlak hian , hmeichhia leh !








"Heng thlalak ho hi media hovin an chhuah chak ngawtin ka ring . Tunlai sumdawng lar ber "





"Oh , enge I duh sawi chiang rawh ka dawhtheihna te hian min kalsan bo hma hian "







"I fa ka pai duh , I fa min pai tir la, in lak atangin ka inthiarfihlim ang . Ka bo zui hmak ang " awihlo zetin ka en reng .






"Aw le a tha e, ka in atang hian chhuak teh , I duh duh chu ti mawlh teh . Hmuh leh che ka duh tawh lovang " thinrim zetin anchhia min lawh a, a chhuak zui nghal .







Ka thianpa pawh kan in kawt a lo thleng tawh tih min rawn text atang khan ka hre thei.







Ka roomah lutin min rawn text leh hun ka nghak reng a, darkar chanve hnu velah " hna kan zo e" tih min rawn thawn a, ka thaw huai . Chumi hnu ah a hrawk a zai ani tih hriat taka thisen tantham zet nen thlalak a rawn thawn leh a, a phone erawh kan mail box ah a dah thu a sawi .







Ka in, ka khawvel, ka hmeichhia mittui a ti tla a, a chantawk a ni . He khawvel ah hian a hming lam rik anih chang pawhin a hmel erawh hmuh tur a awm tawh ngai lovang . Nui suk in ka inbual , ka duati last seen ka check a, ka phone connect in ka mu ve zui nghal .








Zingah ka workout zawh in ka inbual a, ka inbual zo rooma ka lut chu tumah an awm ka ring lo nen Chhanhluii lo ding ka hmuh chuan ka phu deuh zuk a, ani pawh min hmuh chuan alo nui suk







"Enge nita? Minti phu alawm mawle " kawngkhar bulah a ding zum zut reng a, Kei erawh ka khuma ka thuamhnaw dah chhuah sa chu ka ban a, kamiz var thianghlim zet chu ka inthawlh nghal .






"Ka pu vawiin chu chawhnu lamah chawlh ka la thei angem ? " Ka melh zawk . Min lo en ve reng .






"Aw thei e, mahse enge I tih dawn ?"






"Ah englo, in checkup ka duh deuh a, I phal chuan ka lawm lutuk e"






"Okay, I chawl thei ang " a chhuak zui nghal a, min en dan kha nuam ka ti hran lo . Ka lo chik ngailoa , mahse ka en chang hian min lo en leh vauh vauh thin tih ka hria .








Ka thianpa account ah pawisa ka transfer hnu in hna kal pah chuan ka mail box a bawm te lo awm chu ka la pah a, Rinnungi phone a ni .







Khawiah nge a ruang an thehthang dawn ka hrelo mahse hmuh tur leh chhui chhuah tur a awm dawn lo tih erawh ka chiang . Mahse thil pakhat nizan khan kan inah a rawn kal tih hre tu awm ta se ? Nilo taxi in a rawn kal anih kha. Chuvang chuan engmah chhui zui tur a awm hauh lovang , bakah a chhungte bulah a awm tlat lo. Ka hotel ah ani ala awm kha.







A phone chu ka switch on a, pattern a dah vangin ka hawng mai thei lo. Advocate Zorinpuia bawk hian hetiang hawn hi a thiam reuh a, eng emaw pawimawh a awm ngei ka ring .








Eli nen kan la inbe leh miah lova zana ka len bak kha. He hmeichhia hi a mak ve em em na chu min rawn be hmasa ngai miah lo hi a ni.





Building a pen luh pah chuan ka call a, vawi hnihna ah a la chiah






"Hello "




"Good morning ka duat I mutui em ?"




"Um, muttui lutuk , muttui I tia" nui hakin ka office lamah ka chho zui nghal . Staff ho chuan min lo wish sap sap hlawm a, wish let nan lu ka bu nghut thung.







"Vawiin enge I tih dawn ? "






"Ka hre lo Sangtein chawlh ala tawh a, lenchhuah vel atia, mahse ka peih vak lo ka awm a nuam lo deuh . "






"Anih chuan inah awm la, chawhnu lamah khawiah emaw ka hruai ang che lo in ready la aw. Min hnial thei lo ania, chuan flight ticket vel ka tifel vek tawh aw " Ka ti zung zung .






Ka manager a rawh luh vangin kan inbiakna ka titawp a, ka ngai nghal veng veng mai.









ELIZABETH POV.







Lawmsanga nen kan inbiak zawh hnu chuan room atangin ka tho chhuak a, nizan khan ka mang vangin ka thangharh kha ka meng ta reng a , zing lamah chiah ka muhil ta kha ania.







Ka mang lamah mak tak mai hian nau ka lo pai a, hlim em em a Lawmsanga hrilh ka tum , an in a ka kal chu alo reh duak a, a awmpui te pawh kha ka hmu lo .






A roomah a awm aniang tiin a room lamah ka chho a , a room zawn ka thleng chu ka ding dat.







Thawm eng emaw alo chhuak a , kawngkhar inkhar phui lovah chuan ka en dek dek a , ka thil hmuh vang chuan ka ding dat .






Lawmsanga awmpui Chhanhluii chuan Lawmsanga nghawng ah hian chemte in alo zai thi hnuanga , thinrim lutuk in roomah chuan ka tlan lut nghal a,





"Duhtawk rawh " Ka ti vin that a, ka harh daih kha nia.






Ka mumang lama ka thil hmuh vang khan ka awm a nuam thei meuh lo .







(comments leh vek aw , chuan min lo chhiarsak leh theuh ula aw next episode zel pawh )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 3:58 pm

Episode 15




Her sweet revenge


Ziaktu Nunui FRANKY HMAR






( min lo share sak ve ula aw hmeltha ho . Chuan ka lo dahtlai maithei aw ... Engmah Ka type hman lova ...)







ELIZABETH POV....






Lawmsanga nen Mumbai ah kan kal a, banna lehkha lah ka hriat miah lovin alo tifel vek.







A fate pahnih pawh an tlawh a, ka thuamhnaw ho pawh kan pack vek tawh . Jayden leh Jasmine chuan min hre tawh tih ka hria .







"Ehe zungbun I bun elaw? Tu pek che nge a," nui put put pahin a pa chu a melh zauh .. Lawmsanga erawh a rum nghut.






"Vaipa min pek anih hi " za takin an nui a, Lawmsanga erawh dawhkan hnuai ah ka mal a rawn chul a, amah ka va en chuan engmah ti lo ang maiin a la thu ta reng .








"Thla thar ah kan innei dawn a, Jayden leh Jasmine , in rem ti em?" Ka ti sap.








Phur lutuk hian a nui her her a, Jayden pawh a nui ve suk suk tho . "Anih chuan nu tih hlir in ka ko th ang che "






"I duhdan anih phawt chuan" Lawmsangan ka kut a chelh a, Ka duh ang pawhin thil ka ei thei lo. Ka zam chhe em em ringawt .







Jayden leh Jasmine kan tlawh hnu chuan ka apartment ah kan let a, min in pack pui vek a , ani pawh kan haw hma chu hotel Vel book lovin alo thleng a , nupa ang kan ni tawh tho a ,







Khum khat kan intawm a, Ka khum a lian vak lo nen . Ka pum a nat deuh vangin a inbual chhung pawh lo nghak theilo in ka lo muhil pek a.








Ka harh leh chuan Lawmsanga hian min lo delh a, a rit si. A bawp lehlam in min khan a, ka awmah hmai a phum a, a samah ka tuai sak a,a sam rimtui zet chu ka hnim vang vang .








"Ka sam khawih leh rawh. Ka muhil leh duh", nui hak hian ka en a maimitchhing daih a , naupang chhia reuh lutuk .











THE WEDDING





Sangtei ka din pui dawn a, a bialpa , a pasal tur hi Lalvero-a nen a hmel kan han ten tkat pek a,








Lawmsanga pawh alo kal a thla lak lai te chuan min lo en reng a ka nuih let var var .








Mopa te in lamah kan kal dial a, Lawmsanga pawh ka hruai ve zel .mi huau huau na ah hian a awm tam ngailo tih ka hria, mahse a hmel ah engmah a ti lang lo.





Zan dar 10 dawnah kan haw chauh a, Lawmsanga'n min thlah a,






"Vawiin kha I mawi lutuk ania . Kan inneih ni ah erawh I hnung leh awm lang hak ka phal dawn lo ania " a kutah ka chelh sak a,





"A sexy loh em kha , kei aia kawr nghawng zau ha an tam em kha . E chuan , Rinnungi hi a reh hmak mai . Ngaih ati tha lo "




Rinnungi chanchin ka sawi chhuak chu a mitmeng buai nak chu ka hmu hman . Mahse a hnu ah erawh thildang min sawi pui daih . Lawmsanga hian ka lakah enge zep aneih ang le.








Sawi zawm tawh lo chuan kan thu ngawi reng a, kan in thlen hma kawiah chuan a ding a,





"Ka mamawh hle che " teh tawp mai a,





"Motor chhungah hian maw? Miin min hmu ang "






Min chhang ta lem lo chuan min pawm a, a seat hnunglam a ti awma, a chungah min thutir thung.





"Kha zet chu. I zei sawt hle mai, zurturti I nei tha bawk a" mit min siai zauh a. Car sex vawikhat kan hmanna ani .







Rei Vaklo hnu ah chuan min thlah thleng a, a tlai tawh vangin a rawn kut kawi lo . In a thlen velah min rawn text a, Ka chau deuh nen ka muhil zui nghal daih .






Zingah erawh ka thawh hma phah phian a, mahse Ala hma lutuk a, mut leh mai ka tum a, mahse u Tetei rawngbawl ka pui ta zawk .











"Lawmsanga nen in inneih hunah chuan aw , buy one get two free " nuih za insum zet hian ala ti zui .






Tlai khat Lawmsanga office kal lo hritlang chu kan turin ka kal a, engmah ka hrilh hre hmasa lo surprise ka tum .







An in compound ah ka tlan lut a, a awmpui pakhat Sangkimi zawk chuan tual hmun alo phiat a , Lawmsanga a awm leh awm loh ka zawt a, s roomah a awm thu in min chhang .







"Anih khawnge nuthlawi Chhanhluii kha ?"





"Inchung room lam ati fai a" lawmthu hrilh pahin inchung lamah ka chho a, a room ah ka lut tlang nghal.






Kawr ha lovin a bawk zawngin alo mu a,





Lawmsanga pan hnaih ka tum lai chuan a toilet ri rak ah chuan ka ding dat .







A kawr hak Siam tha mawlh mawlh pahin alo chhuak a, min hmu chu a phu ve zuk tho .





"Enge Lawmsanga roomah I tih a?"





"Ah ,englo a room tihfai ka tum a" bah deuh naka atih chuan ka ner ru sak .




Rang zetin a chhuak a, kei erawh Lawmsanga ka pan hnai thung.






Dr Rinnungi nen hian an tang dun tih ka hriat vang nge , Ka ngai diklo mai mai zawk .






Lawmsanga chu ka sawi a, a harh mai lo lehngal. A nakah ka sih vak hnu chuan a rawn phu deuh zuk a, min hmu chu a nui nghal sang .







"Thil I ei tawh em ? Damdawi te ?" A lu a thing a, a bulah mu turin min pawt deuh nawk. Dam lo ve si .







Blanket hnuaiah chuan boxer chiah a ha a, a pangti lum chuan min ur ham ham nghal . Tun ang khaw vawtah chuan AC ani mai .







A awmah ka hmai ka phum a,







"Ka lo luh khan bathroom atang sawn Chhanhluii kha alo chhuak chiah a, a kawr kilh a rawn siamtha mawlh mawlh a, min hmu kha a la phu zuk bawk . ". Ner nang hian hmalam a thlir ngur a,





"Ka duat , alo luh lai ka hre miah lo tak tak . Ka lu na leh hritlang kha nachhawkna awmpui te kae dil a , ka lo muhil daih a, ka nakah min rawn sih khan ka harh deuh chiah " Chiang zetin ka en a, dawt sawi hmel a pu lo.







Ka kuah vang vanga , ani hian min phatsan ngai ka ring lo a, mipa rilru nghet tak leh rilru nghet tak ani tih ka hria . Chutiang bawkin min tih nat duhna rilru a put ka ring bawk lo .






"Eitur ka lo ken che a, ei la aw, chuan chumi zawh ah damdawi I ei leh nga " Ka awmah a hmai a phum a, mi thawk Khum lum ham ham mai.







Lawmsanga thil ei lai chu ka en reng a, Pathian hian a siam fuh bik lutuk hi ka thik lek lek thin .





"Ka duat lo ei ve la" Ka lu ka thing a, Ka en reng ringawt .








"Diklo a awm em? I tawng tlem riau mai" a thil ei chawl meuhin min en a,






"Awm love , ei vat vat rawh a daih hma khan . Vawiin chu I hna I kal dawn lo bawk a, nilengin ka lo awm ang che" Ka tih chuan a nui hawk a, min rawn hnaih a tum chuan ka lo tho vat .






"Hey hey hey, ei zo phawt rawh " nui awr awr chungin ka tih chuan min ner khum sak a, duhawm reuh lutuk mai.









A thil eina plate vel chu toilet a luh chhungin inhnuai ah ka chhuk a, Sangkimi alo awm avangin sil min remti lo .






Kha Chhanhluii erawh kha chu ka hmu miah lo . Henu hi dik lohna a nei emni ?







Inchung lamah tui bottle leh glass no nen ka chho a, kailawn tawp ka thlen chuan Chhanhluii alo ding reng .







"Awm sawn la ka lo kal lawk " pangngai thei ang berin ka ti a, a hawi kual a, tumah an awm loh vang nge a nui sawng a, keh nawk mai ka duh .





Ka kal pel tur chu ka banah min lo man a, hrep hian . Min vawnna chu phih thlak ka tum na lamah ka balance a dik lova ka lo chhoh tawh na lamah chuan kaw tlathla, lum ti Ila adik ang .






Glass no ri keh chuai leh hmeichhe au ri that ri chu ka hriat hnuhnung ber a ni .






" Tinge ala harh miah loh a, darkar 8 chhung a muhil tawh " chu aw chu Lawmsanga aw a ang hle mai.





"A rawn harh thuai ang a lu a sawh vang hian a thluak lam a che deuh a, mahse hlauhthawn tur a awm lo ania. Nupui I nei hmeltha hle mai" mipa te pahnih inbia chu ka ngaithla a, mahse ka meng thei lo . Tawng chhuah ka tum lahin ka thei bawk silo.







"Ka thiam loh ani " Lawmsanga tih ri chu ka hria . Hetianga ka awm chhan ah hian a inthiam lo tihna emni ? Min nam thla tu chu a awmpui nuthlawi Chhanhluii kha ani reng si a.








"A rai tih pawh a in hre lo aniang , ala thang lian lova , thisen hlawm chiah ala nia , engtikah emaw chuan in la nei leh ngei ang "






"A rai tih ka hre miah lo ang bawkin ani pawhin a in hre lo tihna ania" maw? Keihi ka rai maw ? Chuan nau chu ka chhiat tihna maw, Lalpa .







"I duat viau angai ang, depression te a nei palh hlauh ange "







Kawngkhar in khar ri rak chu ka hria , chumi rual a kut lum ther ther in ka hmai anlo chul chu ka feel thei . Lawmsanga ngei a ni . Ka kut a hum a, khum bawhin a thu ani ngei ang.







"Lo harh vat rawh ka duat . I mu rei tawh emai . Damlo zawk ka nia min duat hma in I damlo ve leh daih a" ka hmai a chul dan dan a, ka hmui ah min lo fawp zauh .






"Eitur kha dah la I haw leh mai dawn Nia"






"Aw le " chu hmeichhia chu! A aw chu Chhanhluii kha ani . Lawmsanga ka bulah awm lo se Chu min tihhlum Dan tur ngawt a zawng leh ang Chu ..







(Naktuk Zanah hei aia sei aw , comments te ads click te .... Kha aw🤭)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 3:58 pm

EPISODE 16




HER SWEET REVENGE



ZIAKTU: NUNUI FRANKY HMAR






(Nizan ka mangah pathlawi Lawmsanga ka hmu pek a😂 motor thar te alo nei vel a)











ELIZABETH POV.







Kei hian nau ka pai maw? Ka rai tih pawh ka lo hre miah lo asin .





Chutah kha hmeichhia Chhanhluii vang khan Ka hriat hma hauhin ka chan ania .




Engvangin nge Chhanhluii alo kal ka hrelo , mahse awm ve reng turin ka duh lo. Ka meng thei lo a , mahse ka thil hriatna erawh a pangngai vek .







A awm ve reng chuan ka chungah eng thil emaw tih a tum leh ngei dawn tih ka hria . Lawmsanga awm bo chhung zawk pawn .






Mahse Lawmsangan haw tura a tih vang khan a tawng ri ka hre tawh lo.






Ka kut a hum vang vang a, a hmui lum ther ther in ka chalah a rawn nawr a, mutchhuak in min zem riai riai a, Lawmsanga phun sup ri chu ka hre deuh ruai ruai .






Lu leh taksa na burin ka harh a, tunah chuan ka meng ve thei ta . Ka hawi kual vat a, u Tetei ka hmu hmasa ber.





"Ilo harh tawh elaw? Na I nei em?" Ati nghal zung zung , mahse ka mit chuan thildang daih a zawng thung.





"Na I nei em? Lawmsanga pawh a awm reng , phone call hmangin a chhuak zawk anih kha alo let leh tep tawh "







"Engtin nge ka....." Ka mitthla ah Lawmsanga ina thil thleng kha Ka ngaihtuah chhuak a,






"Lawmsanga te inah i len khan step atangin I tlu sual antia , Lawmsanga khan alo hruai vat che a" Ka ner ru nak.






Kawngkhar ri rak lam ka hawi a, Lawmsanga a rawn luh chuan ka lo harh vang nge maktih hmel deuh leh hlim hmel deuhin min rawh pan a,








"I muhil rei lutuk . Ka ngai tawh lutuk che" Ka nui lui hram hram . Kha a awmpuinu chungchang kha ka zawt ngei ang .









"Step atang khan ka lum tha lo, Chhanhluii khan min nam thla step tir atang khan " Lawmsanga leh ka u makti zeta in en tawn chu ka hmu hman .






"Ka duat, I Chiang maw? Tinge a nam thlak ang che?"





"Min nam thla tu in a hre zawk ang chu . Evidence nei rih lo mah Ila a chungah eng emaw chu ka ti ve ang . Chuan I hria em ? Dr Rinnungi leh Chhanhluii kha hmani kan thian ho bazaar in dawrah an lut dun kan hmu a, chuan a hawi deuh zuk zuk a, thil sual ti tur ang mai"









Lawmsanga leh u Tetei chu an ngawi reng , ka lum na lo hlauh a, engmah ruh tliak ka neilo a, mahse ka chal erawh tlem a kak .






Lawmsanga chuan a phone ri chu a kekawr ip atangin a rawn phawrh a, min rawn en leh zawk .







"Chhanhluii kha hospital atangin a haw deuh chiah a, zui ang che khawiah nge a kal kawi a, tunge a hmuh ka hre vek duh ania. "








"Eli chu a tha " min rawn melh zawk a, tunge a biak ka hre lo . A phone chu dah in khumah chuan a rawn thu thla a,







"Eli , hei Lawmsanga a awm bawk a, ka duty na lamah kan kal leh tawh mai ange aw . Na emaw I neih chuan nurse emaw doctor in ko vat dawn nia aw" tiin nui sangin min chhuahsan a,kan monu ani hi ka lawm takzet a ni .







Lawmsanga chu rem leh rem lo hian rawn mut ve phet a tum a, a saisir in a mu a, a bawp a sei si a, a ke a lawr zuah mai .








"Chhanhluii leh Dr Rinnungi hi an lo tang dun reng a, mahse ka duat tinge I hriat tirh khan min hrilh nghal loh? Chhanhluii pawh hi ka ban nghal ang "





"Aih I ban dawn lo. Nichin a ka hrilh che kha chu I sawi chhuak rih theilo . Hre lo angin kan awm hrih ang . Eng thiltak nge a tih kan manchhuah theih nan !" Lawmsanga chu ka melh vang vanga , a lungawi vak lo tih a hriat reng sia.






Ngawi rengin hospital cabin chhungah kan pahnih in kan awm a , tawng hmasa tu nih kan duh lo pawh ani mahna .






"Kar tawpah hian kan innei ang. Engkim ka buaipui fel vek tawh a, lungngaihna tur engmah a awm lo aw " a kut chu ka melh zauh .





A kutah vuan in thawk ka la hak a, Kan naute a awm ve tih kan hriat loh kha tunah chuan kan bulah a awm ve tawh silo a.







"Tihpalh nau ka pai tih ka hre miah lo a, kan naute takngial pawh ka venghim zo lo ania" min rawn kuah vat a, nghet zetin ka kuah let ve bawk .






"Ka duat I thiamloh engmah a awm lo . I rai tih I in hre lo a , bakah duh vang renga nau chhiat I nilo a , nakinah fa dang chu kan nei leh thei alawm . Nangmah ber hi I pawimawh"







"Anih I awmpui nu kha " mit ti zim sun hian min en a , ka bianga mittui luang thla ngiai ngiai chu dim zetin a kut lian leh lum nuam tak chuan a hru fai a.









"Min bum in min kalsan suh aw" Ka mittui a parawl leh kuang rawh . Tinge mittui hi ka ngah bik em em le ?




"Kan inneih hnu ah pawh ka lo hmeltha ta reng lo anih pawhin kei aia mawi leh naupang zawk min biak san suh aw. Midang emaw biak I duh a min lo hne tawh anih pawhin min kawp lovin tha takin min hrilh la ,harsa mahse keimah zawk hi ka kalbo ang " duah chuan . Ka rilru a thil awm zawng zawng ka sawichhuak a, ka thawl huai thei .





"Kan kum hi in thlau viau mahse kum te chu number mai mai antih kha ka duat . Engtikah mah hmeichhe dang emaw ka buaipui ang tih hlauh in awm tawh suh . Ka hmeichhe duh leh hmangaih chu ka bula mu , nula tereuhte , tawng zet zet, ei leh in thei tak thau thei silo , tahbelh em em leh ngo zet hi . Zing thawh hre lo lutuk bawk hi , khawvela ka hmeichhe hmangaih awm chhun I ni . Ka fanu tiam lovin "








A hmel ah dawt sawi hmel reng a pu lo. Kum 6 chhung min lo nghak tih ka hriat leh hmeichhe dang reng reng a ngaihtuah in a awmpui ngailo tih ka hria , a chang chuan ka phu lo hliah hliah hian ka hre thin .







Damdawiin ah ni khat kan awm a, na lutuk ka neih loh vangin kan chhuak a, inneihna thil te chu Ka u leh Lawmsanga hian an tih rum rum na chhan hi ka hre lo .








Naute ka chhiat thu kha an hre ve vek a, mahse Ka bulah engmah an sawi ri lo. Nie keipawh hian sawi rik ka duh lo , ka na thar mai mai.







Kan inneihna tur chu kan ti chuk chuk a, mahse Lawmsanga sawi ang chiah khan engkim ati deuh vek .






Mahse kei hian tunge ka thian ah ka hman ang , Sangtei te lah honeymoon hmangin an zin daih si .





Ka rilru ah ngaihtuahna thar a rawn lut , u Tetei'n ka din pui ang che atih chuan ka nui suk .






"Ka thian atana hman tur ka hria , Lawmsang , I inah ka lo zui che aw, Chhanhluii ka be duh " Ka idea hi hria se zawng he mihring pa lutuk hian a phal teuh lo.






Lawmsanga te in kan thleng a, kawtah Sangkimi zawkin hmun alo phiat a, khawiah nge Chhanhluii a awm tiin ka zawt vat . Choka ah a awm thu a sawi chuan Lawmsanga pawh nghak hman lovin inchhungah ka tlan lut.






Choka ah chuan tu emaw biak pah hian chawhmeh alo siam a, min hmu thut chu a phu dawrh a phone hman lai pawh chhang ta lem lovin a off vat a, rang zetin a phone chu a ak tha daih .





"Naktip hian Lawmsanga nen kan innei tawh dawn a, ka thiannu min din pui tura ka duh lah hian min zin san daih sia nangin min din pui la, hlawh I duh pawn Kan pe thei tho che a" phawk zetin min melh a, nie mi ka tibuai hmasa ngailo mahse miin kut min thlak emaw ka chungah thil thalo anti anih chuan kut thlawn ka ba ngailo.







"Ih, midang zawng zawk rawh keite chu. A zahthlak sia" Ka nui hak .






Ka hnunglam za mer mer vang chuan tu emaw ka hnungah ding an awm tih ka hria .





"Tihian ti teh ang , min dinpui anih chuan tuna hna hi ila thawk thei ang , chuan I duhloh erawh chuan , a pawi hleinem mahse hna hi I thawh zawm thei lo ang "






"Aih chutiangin min ti thei lo " Ka hnunglam atangin tu in emaw min rawn kuah chuan a taksa limbs chu ka lo feel vang vang.






"Enge ka duat kan awmpuinu hi ilo sawi pui a" hah , nie a hming in a ko miah lo . Chhanhluii mitmeng buai nak lah ka hmuh hmaih hauh lo .






"Sangtei a awm silo , hei Chhanhluii hi mo thian a tang turin a hman leh hman loh ka lo zawt a" dak chho deuh ha hian ka en a, a mitmeng chu ka hrethiam lo. Mahse engmah a sawi lo .






"Ka duat I duh chuan. ." a hmui ka lo hup sak vat .





" Chhanhlui thu ani tawh mai. Enge I ngaihdan ?" A kun ngal a , Lawmsanga hmel ah chuan maktih na leh awmzia a hre lo tih a hriat reng .




"Aw le , ka din pui ang che mahse ka ti zak mai mai ang che u tih ka hlau" Ka nui hak .







Lungngai reng reng suh , tikhan lo awm la, ngawi reng leh muang changin ka chunga in thiltih ang chiah chiah khan hremna ka pe ve ngei ang che u .







Lawmsanga roomah kan luh rual rual chuan kawngka a kalh nghal a, in sawifiah turin min duh tih Ka hria .







"Min zawt rih suh, ka thil tihtur hi min lo en tawp la" a kawngah ka kut pahnih ka suih a, a awmah ka hmai ka phum a, a lungphu ri dat dat chu ka hre thei .







"Puih I ngai anih chuan I tan ka awm reng tih hre rawh aw " Ka lu ka bu nghat a,






"Dr Rinnungi reh ta daih hian ka ngaih ati tha lo zual " Ka hnungah a chul hliau hliau a,






"Bawihi heng hmeichhe pahnih vang hian I rilru seng hah suh. Ka bulah I awm chhung chuan tuman an tihnat che ka phal ngai hauh lovang . Min ring ngam ang tiraw" ka lu ka bu nghat .








A khumah ka mu kak a, blanket ka sin hlun bawk . Lawmsanga erawh a inbual a, chumi chhung chuan khuma mu chungin TV ka lo en .








Room kawngkhar Kik thawm ka hriat vangin lo lut turin ka chhawn vat .






Chhanhlui alo lut a, keipawh khum atanga chhuk ta lem lo chuan ka thu a,





"Tinge mo thianah min hman kher I tum ?" A hawi kual deuh a, Lawmsanga a zawng tih hriat reng .





"A lut deuh chiah ala inbual zo mai lovang . Lo thu la" ka aw dam lutuk chu ka in awih lo hial zawk .





"Step atang khan min namthla a, mahse tumah ka hrilh lo."





"Tuman an awih dawn chuang lo che a, proff na engmah I nei lo bawk " za zetin ka nuih .






"Nie chuvang alawm ka sawi loh , mahse lo hlim lutuk suh . I hria em Dr Rinnungi nen in inhmuh ni pawh khan kan hmu che, hlauhthawn hmel takin I hawi kual zuk zuk lai te kha ". Chawl datin a mitah tak ka en leh a ,







A tir chuan a thian emaw a cousin te aniang tiin ka ngaih ka ti tha duh lo lui a, mahse Lawmsangan a inah min hruai khan a awmpui angin ilo awm leh daih si atang khan ka ringhel daih tawh che " makti zetin min rawn en a,








"Mahse lungngai suh , Dr Rinnungi khan ka chungah a thil tih kha I hriat tawh ka ring a, ani pawh khan Lawmsanga alo hmangaih ve a, mahse Lawmsangan kei min duh miau avang khan inthiar fihlim mai lovin ka chungah khatiang thil kha a ti a nia, mahse a, thuruk hi chu engtikah emaw hriat chhuah hun a awm thin antih kha . Nangpawh Lawmsanga hi I ngaizawng ve tho tih ka hria ,nilo se mi à ber tihdan a step ah min namthlak ka ring lo" ngawi rengin min melh ngut ngut . Ka thinrim lutuk chu puan hnuai ah ka kut ka hum ngawt ngawt .







" Chuan nangmah vang hian kan fa ka Chan asin, ka ngaihdam theih nan che hian zantin tawngtai thin rawh , a chhan chu maw keihian ka rul let leh vek dawn che u " Khum atangin ka chhuk a, Khum sir a drower chu ka hawn lai tak chuan hnunglam atang hian ka samah a rawn phih dawrh a, hrep hian .






Ka dawh reng bik dawn hauh lo . Ka nak in a dulah ka nghawk a, a tre that . Ka sam a kehna chu ala thlah duh lo cheu lehnghal .








"Nang hian min tihbuai tum tawh suh . Lawmsanga pawh lo beisei tawh suh . Ka duhloh hunah I duhleh I nei daih dawn nia"







Ka in rin hma in min bawh rawk a, chhuatah ka tukhum vaw meuh in ka tlu rup . A samah ka kek a, Ka pawt thla tril huk mai.






Ka thinrim lutuk chuan khua ka hmu meuh lo. Ka bawh bet leh nawk a,









LAWMSANGA POV





Ka room a hmeichhe tre tuar ri vang chuan shower chu ka off vat . In hruhul lovin bathroom atanga ka chhuah chuan khum sirah hian Eli chuan Chhanhluii alo thut bet a, Chhanhlui chuan a samah thei leh thei lovin a samah alo kek ve bawk .







Duhtawkin sawisa mahse pawi ka tilo, he hmeichhia vang hian kan fa kan chan a,






Ka phone table a mi chu ban in an in sual lai chu ka en reng a, video in ka laksak a, thil ka hriat chhuah leh tak chu , he hmeichhia hi a kawlh zel ani , a cher leh tet vanga ngaihnep chi ani hauh lo .







Ka phone dah in Eli chu ka pawm kang nawlha , a tal nasa mai.






A kut a Chhanhlui sam tha hnem zet alo hum chuan ka nui suk .







"Lawmsang " ka duati chuan a ti sap . Chhanhluii pawh a tho a, a Insiam tha mawlh mawlh .







"Hmeli kalbo rang rawh . Acid a I hmai theh ve te I duhloh chuan "a kawlh reuh zek .







"Chhanhlu , nupui ka neih hma chu chawlh ka pe ang che, hlawh pawh ka cut lovang "....






"Mahse pu Lawmsang , kalna tur dang ka neilo " ka duati lo nui hak chu ka melh zawk .







"Kha chu I buaina , hotel ah emaw I thiante inah riak mai rawh " Eli nen hian an inngaih lo tih ka chiang .






Chhanhlui chhuah hnu chuan khumah a lawn a, puan in a in khuh daih .






Boxer nen chuan khumah ka inthawlh ve nghal . Chu velah Eli chu min rawn hnaih sat sat a, min rawn kuah .






"Min hau dawn em?"
"Tinge maw ka hauh ang che? Mi i tibuai hmasa ngailo a, khatianga I chet chuan chhan tha tak I nei tihna ania, video in ka lo cover ania", na zet hian min rawn sik a,








"Sual suh aw , kan inneih ni ah ka tlansan daih mai ang Che" nui hawk chungin Ka kuah nget sauh...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 3:59 pm

:!: HER SWEET REVENGE




ZIAKTU: NUNUI FRANKY HMAR


EPISODE 17..





(HMELTHA HO , KA STORY HI A TAWI INTI THEI SI A , ZANTIN HETIANG ANG ZATA REGULAR DEUH A DAH NGE , NI HNIH KHAT HNU A ,SEI VE PANGNGAI IN DUH ZAWK ? COMMENTS LAMAH IN DUH DAN LO SAWI ULA AW, KA PATHLAWI SIPAI TE U 🤭)













ELIZABETH POV






Zanriah ei zawhin kan thu muang leh phawt a, tlai lutuk lovah min thlah , a gear a thlak pah chuan a kut lian leh hlai hlup chu ka malah a rawn dah a, ka lo feel vawng vawng thei nia





"Kan inneih hunah chuan I mu tlem thei ngawt ang " a nakah ka sih sak a, a nui huk thung .





Inah lo lut kawi tawh lovin a haw zui nghal a, ka u te nupa an lo mu vtawh a, kawngka kalh tha in ka roomah ka lut zui nghal .






Vawiin a mawi lo taka ka khawsak dan kha ka ngaihtuah let a, Lawmsanga thinrim ka rin tehlul nen . A nui mai duh chauh kha nia.






Chutah min rawn thelh ta mai lo chuan video in kan insual lai alo la lehzel a.






Nui sukin ka mit ka chhing a, kan inneih ni pawh a hnai tawh e .







Mo thian a hman tur ah bawk ka la buai . Ka ngaihtuah na a buai tan . Ka rilru ah Sangtei mo kawr leina dawr nghak tu kha.





Zing ka harh velah ka in phih fai a, dar 9 alo ri daih tawh . Tinge thawh hi ka hai ve ziah le ?






Ka Insiam zo chu zing chaw ei turin ka room atang ka chhuak a, Ka u chuan I va inchei ve khawiah nge I kal dawn ? Min lo ti vat .







Ka kalna tur te ka hrilh hnu chuan u Tetei scooty hmang mai turin min ti a, tilo pawh nise hman tho ka tum . Traffic jam ah Kan tang Rei thei emai a.






Mo kawr zawrhna dawrah ka lut a, a tlai chhe tawh lo a, dar 10 rik nan tlen chiah a awm tawh . Dawrah ka luh chuan kha hmeichhe ngo ving veng khan alo nghak leh a, min lo la hre reng ni ngei tur ani , leng lut turin min sawm nghal sawk sawk a.






Dawr chhung thlanglam deuh ah chuan kha MBSE Chairman hmel nelawm loh deuh kha alo thu kur . Min lo melh kur bawk .






"Englo ania, pasal ka nei dawn a, Saturday hian . Ih , ka thian a tang tur che in ka duh che a, ka thiannu Sangtei lah hmun dangah honeymoon hmang in an zin daih sia "








"Khawngaih in aw ti rawh . Anih loh chuan pasal neih pawh thulh mai ka duh " MBSE Chairman lo nui hawk chu . Rum zetin dawr nghak tu Hmingsangi nen chuan kan melh a,






"Hepa hi a van hman tak , nileng lengin a rawn awm ve ziah " a hriat phak tur chuan ati a,




"Haha, a star viau che niang, putar chhelo deuh a ang " Ka banah a rawn sik zauh a.






Hun tepter tawh lutuk ah chuan ka thianah a tang dawn hlauha , mo kawr tur te pawh an dawr ami vek hi ka duh ta zawk a,







Ka pasal neih hun a hnai tial tial a, ka zam telh telh bawk .





Jasmine leh Jayden an lo chho a, bakah an chawl tawh nen . Mi an la nel reng tho a, jasmine phei chuan nu tiin min ko nghal a.







"Khawvela hmeichhe hmeltha ber leh ka thinlung leh tih tak zeta ka hmangaih chu I ni . "






",Nangpawh pathlawi chhelo tak I nih hi . Khawvela hmeichhia awm zawng zawng te hi nangmah anga mipa rinawm , dawhthei leh mi ngaihtuah em em , thikthu chhe ve reuh lutuk bawk si hi . Ka lo tawng lo ang che tih ka hlau . "








WEDDING NIGHT .





"Ka ke kham lutuk hi min hmeh sak angai ang " shooting te kan neih zawh hnu ah pawh after party ala awm leh dawn






Thuanhnaw thlak turin a hma a ama room ni thin , Tun atanga kan nupa roomah chuan kan in zui lut a.






Ka gown zipper chu a phelh a, thuamhnaw hak nuam deuh zahpuiawm hauh siloh chu ka ha a, heels ka bun nileng a, ka ke te hi a vung in ka hria .






Phun niah niah chung chuan ka inthlak a, ani pawh a inthlak zui a, inthlak ti Ila a coat leh waist coat hak a phelh a, a necktie nen . A kamis var chu a ban a thlep chho a , a kekawr erawh a ngai , a pheikhawk nen.







Ka inthlak lai chu min lo en dauh dauh tih ka hria , darthlalang atang hian hmuh theih miau hek .







Ka hnungah rawn dingin a kekawr ipte atanga a thil phawrh chu ka nghawngah a rawn vet a, a vawt thler .








Darthlalang atang chuan ka en a, rangkachak thi design danglam tak hi a ni . Ka in en reng a, Ka hnuk te pawh ati ulh lek lek dawn .






"Ka lawm e , engmah pek ve tur che ka neilo"







"I thil neih hlut ber min pe tawh alawm . Chu bak bak a thilpek ropui leh hlu " ding kang ak ak in a hmuiah ka fawp zauh a, mahse inlakhran ka tum lai chuan ka kawngah min chelh a,






"Ka duat , after party neih hi enge a tul na, mut vat ka duh " ka nui sak , a duh ka hria , min mamawh tih pawh. A chhan chu ka dulah hian a pistol in min do tlat .






"I thianhlui te, in chhungte deuh vek an nih khu , upa lam an tel tam lo ang , ka thian kawm ngeih te bak an lo kal ka ring lo . " Mit ti zim sen hian min en a,







"Ruih nei I ang ?" Ka nui chhuak hak tinge ka ruih ang ? Kum 6 kalta khan ka sim daih tawh .







"Um I hmeltha lutuk kha ka rui " inhnuai lamah kan chhuk a, Ka sawi ang tak tak in thalai deuh vek an ni . Lawmsanga te chhung an rual bawk a, biakin ah pawh kan leng hlawm meuh lo anih kha .






Wine in ve ka tum chu Lawmsangan a phal miah lo. A thianten an lo ko pawhin min kalsan koy, vangvat a ang ka ti ber. Ka kalbo hlau ang maiin min si chetin a awm reng .







"Ka duat tikhan lo awm la, lo kalsawn miah suh aw, Phone call pawimawh tak Ania, Ka lo let leh vat ang. " Ka hmui ah a rawn si zauh a,





In hnunglam balcony ah a pen chhuak nghal a,





Zaithiam , lam thiam , thusawi leh eng eng emaw a tam mai. Nuih luih reng ngai erawh ka Ka a kham.







Hmingsangi pawh a bialpa ve deuh nge amah duh em em tu nen khan a haw tawh a, heipawh intih fai a, mut daih ka chak lutuk.







Lawmsanga chu a rei phian a, inchungah chho in ka phone khuma ka theh thlak tawp kha lak tumin ka Chho a,






Kan room ka thleng tep tih chuan Chhanhluii chu khawi lai atanga rawn lang thut nge ka hrelo , a kutah chawhmeh channa chemte a hum a,






Rapawm zeta nui chung hian min rawn ban thut a, Ka beisei loh dan daih in a in vit anih chu . Chutah chemte chu phawi leh in a Ka kut chu a kut chuan a hum hnan a , nilo .







Chutah a au tuar tuar a, Ka en ring ringawt miin ka tih emaw an tih theih nan henu hian drama a Chang a ni.






Music ri a tawp hmak a, kailawn ah an rawn tlan chho sap sap. Chhuata a dul atang thisen thahnem tak lo chhuak leh nikhaw hrelo a mu chu ka en ngawt ngawt , chemte pawh Ka la hum reng . Min en hrek hrek a, chemte chu a bulah ka theh thla vat.







"Enge thleng ?" Lawmsanga aw a ni ka mamawh ngawih ngawih . Ka hma zawna Chhanhluii thi chhawng a awm reng chu a melh a, hospital ah kalpui vat Turin a thianpa pakhat bulah chuan ati a, doctor kha ani tak .








Midang an haw ta duak . Nie , boruak a chhe vek. Kan nupa roomah kan the ngawi kar a,







"Ka vit miah lo " Ka ti sep. Ka banah tuai hliau hliau chungin ka lu chungah a khabe a nghat a,





"Ih a mah leh a mah kha a in vit a, chuan a phawi leh a, kha chemte kha min hum luih tir a, a chhan chu kha chemte ah khan ka finger prints a awm theih nan ... Ka vih ani lo tak tak " Ka in sut leh feih . Inneih zan danglam tak a ni .








Khaw var hma deuh hret ka harh a, mahse Ka bulah alo mu tawh miah lo ..







To be cont ...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 3:59 pm

EPISODE 18





ZIAKTU NUNUI FRANKY HMAR





HER sweet revenge ..







( mi I rel chiam hian I ropui phah lo 😝)








ELIZABETH POV .






Ka mitthla ah Chhanhlui invit lai chu a cham reng .






Inneih zan hlimawm loh tak a ni. Lawmsangan nghet takin min kuah a, ani pawh a muhil bik lo tih ka hria.





"Tinge khatiang khan min tih le ? Police in min man angem ? ". Thawk la hakin min kuah nget sauh a,







"Bawihi , rilru ti hah suh , engkim a tha leh vek ang . Keihian ka venghim tlat ang che " a kawngah ka kuah let a, a awm ruak kang ah chuan ka bei veng veng .







"Muhil ila, naktuk ah kan sawi tha leh dawn nia aw , Ka hmangaih lutuk che. Ka khawvel hi midang in min laksak ka phal tawh lo ka duat "







"Pathian hian nang ang mipa perfect leh engkim hmeichhe duhthusam neitu hi tawng ve se ka ti". Engtik laiin nge ka lo muthilh ka hre lo mahse ka harh leh chuan Lawmsanga chuan nghet takin min lo kuah a, a bawp lehlam in min lo khan bawk .








A ngai te bawkin kha scene Chhanhluii invit lai bawk kha a ka mitthlaah a rawn lang leh a,








Breakfast kan ei zawh chuan Lawmsangan call a dawg a, min lo melh zukin a kalsawn zui nghal, Ka ngaih erawh a tha lo .






Jasmine leh Jayden Mumbai lamah an la chhuk lova , tun thla chu Mizoram lamah an awm hrih dawn a, exam an zo tawh nen .





Ka eng tih mah a tui lova , engtik ah nge police in min rawn man ang tih rinagwt ka rilru ah a awm .







"Ka in chungah I awm chhung chu tuman ka phalna la lovin an rawh hruai dawn lo che . Ka venghim dawn che ka tih khan thu mai mai nilovin chetzia in ka lantir ang ."




Room atanga kan chhuk thla chu living roomah a thianpa DCP leh advocate Zorinpuia an lo thu run tawh .






Lawmsangan nghet takin min chelh pah chuan kan inleng te lam chu min pan pui a.ka khur chhe lek kek .







"Elizabeth I tha em ? " DCP chuan alo ti a, ka lu ka nghut a ,







"Enge khanu chanchin kha , a thi nge a dam ?"







"ICU ah a awm a, ala harh lo , chuan innu hi eng emaw thil zawh duh kan nei a, police station lamah min lo zui thei angem ? " Keimah min be lo in Lawmsanga a a en ngur .








"Zawh duh in neih chuan kan inah hian in zawt thei ang . Bakah khatiang ti duh tur hmeichhia a ni lo "






" Ka hria e, mahse a scene ah khan a bulah khan I awm a , chuvang chuan thu eng eng emaw zawh fiah tura lo kal I ngai a. Chuchu dan ani hrim hrim a.





Lawmsanga chuan station lamah min kalpui a, eng eng emaw min zawh hnu chuan kan haw ta a, zin bo emaw phal Ka nilo thung.









"Chhanhlui a lo harh tawh anih chu" Kan nupa room kilkhat tukverh zawnah chuan ka thu a, enge ka ngaihtuah em em pawh ka hre lo.







"Chuan engtin ?" Phawk hra hian ka lo en ,







",A rawn harh rual khan I hming a lam ani awm e, police ho in thu zawh chian hunah a hriat mai ang .







Min kuah hlu hlu a, he mihring perfect lutuk hi ka tawng lovang tih ka hlau .






"Ka hming a lam si chuan khalai ah khan kan pahnih chiahin kan awm a, chuan tunah kha an awm ve lova , keihi rinhlelh ka awl dawn sin " Ka mittui tla tur chu duhlo in Ka khap sak sak.








"Ka awm chhung chu tumahin an tihnat emaw I rilru antih nat ka phal ngai lo ang"






"Ka duat, rilru ti hah suh. I pasal hi tunge anih hriat tir a tha in ka hre ta . " Ka en chho ha a, nui suk hian min lo en ve bawk .




"I khabe hmul hi I inhmeh bik ka ti , a hma kha chuan ka ning thin a, mahse tunah chuan I inhmeh ka ti tawh . I upa ve tawh tihna nia, I sam pawh hi dum suh aw, hetianga vat hi a mawi "







Nui hawk hian min bawhbet nghal . Ka kawr hak chunglamah hlim chho in ka bra kilhna chu awlsam zetin a phelh a, ka bawp karah a rawn tlazep zui nghal .









"Ka duat condom ka hmang dawn nge pills I ei zawk ang ? " Pills ka ti ta nge nge .






Duhthaw zetin min fawp a, Ka lo chhang let rang hle . Ka panty chu phelh in a hnim anih chu. Zah vangin ka lo sen tawn tawn ang ka ring.






Min dim a ,ka zai ngai zelin a che a, a vawrtawo vawihnih ngawt min thlen pui .







Ka zawh chuan inha tha lemlo chuan shower kan nei dun a, round khat dang leh atih chuan za zetin maw nui . A in fit em em reng mai anih hi.








Tlai khat ka inbual zo chu kan room balcony a Lawmsanga , a phone a beng zawnah dah a, eng eng emaw sawi a ang . Hmun a nuam .







Tih phut zuk tum in ka veh them them a, mahse a thusawi vang chuan kaw hnual nghal vek .







"Dr Rinnungi I dahbo ang khan he Chhanhlui hi hospital a chhuah san hma ngeiin dah bo ang che" nilo , ani theilo , engtinge?








"Ka nupui in a hriat ka duh lo chuan ka assistant Josie kha a hmun ngaiah lo awm tir leh ang che, keipawh ka lo chhuak tep ang ." Phone a off hma chuan bathroom lam Ka pan a, a rawn hawilet chuan bathroom atanga chhuak chiah ang in min hmu thung .










Kha doctor Rinnungi kha a bo zui daih chhan chu Lawmsanga hian alo dah that tir maw? Chuan tunah Chhanhlui , lalpa min pui lul teh ka ti sap .






"I tha em ka duat " min ko dan chuan ka luak a ti chhuak . A secretary ka hriat hnuhnun ber kha chhe mipa Ania .




Chuan , tun ang khaw thim tep tawh ah joysie a tih nu lo awm tura a hrilh tir te, aaaaa engmah ka hre thiam nei nuai lo .








" Ka tha e" nui lui sangin ka ti a, ka lamah lo kal hnai in kuah vang vang a,







"Zaninah hian sumdawnna lam leh meeting kan nei dawn a, min lo mutsan mai rawh aw. Ka lo haw har viau chuan " a mitah ka en kal a,





"Okay a tha e " Ka inla hriang a, Ka thawh san daih .





Zanriah ei kham chuan nalh zeta inchei in a chhuak zui nghal a, a tlan ta maw tih ah ka phone phawrh in Lalvero-a ka call vat .





"Enteh Kan pa a chhuak chiah a, min lo en zui sak aw, tunge a hmuh a khawnge a kal tih te , I account ah pawisa ka lo transfer ang "






"Aih hei , verna brown hi anih hi kan zui nghal " tih leh phone off a rual a,






Karkhat em pawh kan la innei lo a, tinge ka pasal hi ka ring hleih tlat le ?







THEODORE LAWMSANGA POV







"Sir Chhanhluii kha ICU atangin a bo diah"





" Veng tha hle turin ka hrilh che ani lawm ni ? Hrep hian , ka rawn kal dawn " thinrim zetin phone ka off ,Ka naute lah kha ka chhuahsan hma khan a hmel a hlim lo tih ka hria , bakah a nui lui lai hmel te kha .









Kan hotel ka thleng a, advocate Zorinpuia, Aizawl DCP leh ka secretary Josie chu room pakhat Ka hman bik thin chhungah chuan kan lut a,







" Chhanhlui bo daih dan hi ka hrelo . " DCP chuan ati sup . Ka bulah Josie thu chu Ka melh zawk .







" Josie , ka information tur chu" he nu hi ka chhawrna ala rei lo. Min beisei thin tih ka hria mahse eng atanmah ka tilo. Ka nupui tluka hmangaih leh duh ka nei lo .










"Sir min tiam tawh kha , he thil hi ka nei thei anih chuan dinner min ei pui ang I tih kha ?" Zorinpuia rawn nui chhuak huk chu rum zetin ka melh , chuan DCP kima pawh chuti bawk .








Eng vanga lo tiam nge maw ka nih le ? Ka nupui in a hriat chuan a kawi zawngin a ngai leh dawn.









Ka thiante pahnih an haw hmu chain hotel hnuai lamah chhuk in zanriah ka kil pui a, in lamah ka ei tam lo nen , mahse he hmeichhe bulah hian awm reng maw peih tawh lo takzet .







Hotel pawn lam darthlalang atang rawn eng chu ka en vat . Rang zetin a tlanchhe nghal a,





Hrep hian ...




Dar 1 dawn velah ka haw , ka nupui erawh sofa , kan room a mi ah chuan a lo muhil bam. Tinge khuumah a mut loh le. Dim zetin ka pawm kang a, khumah ka nghat a, keipawh ka inphelh a, boxer nen chiah ka duati bulah maw mu .










ELIZABETH POV






"VERO" Ka ti sap . Lawmsanga hna pawimawh , meeting vel te chu he hmeichhia nena diner ei hi maw? Ka hnunglamah min lo bum reng tihna emni .








Ka pasal leh hmeichhe chhelo zet in hmachhawn a an thu dun lai Lalvero-a min rawn thawn anih kha .











Engmah hre Chiang lova lo thinrim ngawt Ka duh lo. Mahs tinge dawt min hrilh kher ? Tha takin sawi se ka phal em em tur ania.





Sofa ah ka lo mu than a, zanin hian a bulah ka mu dawn hauh lo. Insawifiahna tur a ngah hle ang .









( A Tawi Kae hria , min ngaidam teh u , naktuk Zanah chuan hemi let hi Ka lo dah ang🥺🥺)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)