Mr. SPICY NOODLES BY Sandy Sweet (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Mr. SPICY NOODLES BY Sandy Sweet (Completed)

Unread post by Ngaia » July 25th, 2021, 6:17 pm

Chapter-26


Ka hnunglam atang min khawih zeuh tu an awm avang chuan ka hawi let vata tumah ka hmu mai lo, kal tum a ka inher leh chiah chuan ka hmaah palianpui kawr dum hlanga inthuam hi a ding a , "Jerome , " Tiin ka phun sap a. .....




Min nuih vur vur a, a hmai chu a la khem deuh , a mitko ah chuan plaster a bel bawka misual hotupa ber niawm a ni . A dum vekin a la in thuam zui .


Ka en deuh vang vang hnu chuan , "thupha ka chawi e , keimah vangin kha i in bel mawi vel sia , " Ka ti ta ringawt a , ka inthiam lo hle ni , khatiang thil kha a thlen ka ring bik hauh lo, ka pasal kha damdawi in ah a lo kal ve ngawt chhan lah ka hre hek lo .



Ka darah min kuahin , " I ho em mai , kal ang chutiang sawi a hun lo , "tiin min kal pui pawk pawk a , an unau hian hmeichhe care nachang an hre hlawl lo , anni ang in bawp sei tak ka nei lem lo a , chutianga pen pawk pawk chuan minti hah .



Ding thutin , " Ka hah , nang angin bawp sei tak ka neih ve loh hi , a hrim hrim in enge i lo tih dawn? Min hmu turin i lo kal nge? "Ka sawi zawh hma hma chuan , " I in dah sang mah mah ,i ngaih anga hun awl ngah ka ni bik lo , nge min lo hmu chak hliah hliah zawk? "A nui hauh hauh a , ka zak chem chem min hmu turin a lo kal emaw ka tia .


Ka zahzel ah , " Nang ang hrisel tha pangai hian damdawi in ah enge tih tur i neih ang , min hmu tura lo kal i nih loh chuan, i zep a ni lo maw? " Ka ti ve zeih .


A nui leh huah huah a , "nia, i sawi dik a lawm , ka nupui hual hian pasal min lo neihsan daih a , a hlim em tih tal ka hriat ve a ngai law,m , " A tih takah chuan a fiamthu tih ka hrethiam ve chauh, cousin in ang lo tak chu an ni hei lah hi a nui huah huah renga pakhat lah thinrim reng a ni ve thung a , an mak ve ve.


Ka duty na hmun tur thleng chuan min thlah a , ka thiante nen kan han in hmu chu kan ri chel chul a , Uhmingi nurse senior lutuk mi khak fawk fawk pawh hreh lo junior deuh ten kan hlauh deuh hi a lo duty ve mial a , ani tak ngial pawhin tha deuh in min be ve teh tlat a nidangah chuan ka thil tih sual a chang emaw tih tur in min hau zing a nuam ve duh tak chu a ni.


Ka awm loh rei takah chuan min ngai ve te pawh a ni mahna. Kan hna kan tan tak tak hma chuan ka pasal chu kawngkharah a lo pen lut a , ka hmuh thut chuan ka tawng lai ka tawp chat , thil a khai bawr tun mai bawk sia , mak ti takin ka en tawp.

Kan bul alo thlen chuan , " Hei in ei tur , kan nu in lo duat thin sia , a lo let leh lawm na a nih hi , " Tiin a nui suk a, ka bulah dingin ka darah min kuah bawk a , awm dan ka thiam lo kher mai , ka beng bulah lo kun hniam in , " Ngaihdam dilna a nih kha , ei teuh rawh, " Tiin ka biangah a lo fawp zeuh a ,min nuih sang bawk .



A awm dan chuan min ti hrilh hai takzet , mahse ngaihdam te min dil vel thlap sia ka sawifiah thiam si loh hian ka hlim veng veng mai, min dil kher lo mahse ka ngaidam thlap tawh . 🤭


Kan nupa awmdan hi chu sawifiah har ka ti thin, min duh ve deuh a niang ka tih laiin ka chungah a sual leh em em a, min haw viau aniang ka tih laiin atha leh em em tho sia, keipawhin ka thinlung hi ka hrethiam bik lo ka chungah sual viau pawh nise ka ngaidam thei zel te hi , hei hi hmangaihna a ni thei mai a ngem?


A...... a ni thei dawn em ni? Thlakhat vel chauh kan la innei a kan inkar ah buaina neuh neuh kan nei reng bawk a , hlim lai ni kan nei lo tih theih deuh thaw a ni a, kan inmil hlawl lo anih hi ti pawh ni ila a dik thei viau ang, mahse han ngaihtuah chet chet chuan hmangaihna lo chuan ka chunga a chet dan te kha ka ngaidam thei dawn em ni?


Amah ka nei hi inchhir chang nei mah ila , a bula awm te ka la thlahlel thei a nia, ka haw phal miah lo te hi hmangaihna chu a ni mai lawng maw ? A..... Ka hre tawh bik lo hunin a la hril mahna .


Ka ngaihtuahnah ka lo cheng deuh nge ,"i pawm zawng a ni em , " Tia min zawh thut chuan enge an sawi pawh hre lo in ka 'aw ' ve hmiah ,midang nen chuan an in be siam siam a, min la thlakhlelh hmel deuh hian min en a, " A nih ka kal phawt aw, " Zawite hian a ti sup a , a kal dawn te chuan a lo hawi let kher a , lemchan mai ni tur chuan ka va phal lo em.


A chhuah hnu chuan ka thiante chuan min awh thu an sawi hlawm a, " keipawn a tak emaw ka ti tep , " tiin ka chhang teuh kher mai, a thil lo ken chu ice cream hlir hi a nia,flavour chi hrang hrang family pack vek a la ni zui, hetiang zat em em han lei chu(h) a ti mah mah a ni, kalkawnga ka thlir lai kha a lo hmu leh hman nge ni ?



Dam lo te pawh kan pe ve tawp kan ei zo seng dawn si lo a, hria se chu a sa teh ang chu.


Duty kan in thlak vangin a then an haw a, ward danga duty min hmu tura lo kal hrim hrim te pawh an kal darh leh tawh a , kan hna kan tan leh tawh a, doctor form ha a lo lut mek Jerome-a chu ka melh ngawt ngawt tawp, Uzuali chuan min ngawk zawka , " Chhelo i ti ve tho em ni? Midang pawhin an star teh a nia, a tha reuh ti raw, " Tiin a nui vur vur a .



Ka nuih a za ngei mai a si si hian an duh naupang bawk sia, kan thawhpui te ah hian senior deuh pathum an awm a , an vai in an la single vek zui mahse an fel hlawm phian a, Uhmingi tih loh chu ani hi chu a khirh ve hrim hrim bawk a sual em em chu a ni bik hran lo.


Ward a fan lai chuan kan zui deuh sap sap a , ka tui thei hlawl lo amah hi a ho ve ang reng sia doctor a han ni chu ka awih thei lo.


Zomuani chu a lo lang hlawl a , dimte in a lo lut them them a , a tlai lutuk chu a inthlahrung a niang , min lo en zawk a ka nuih suk mahse min nuih let ve miah lo , ka rilru a ti nuam lo leh nghal rawih rawih ka awm loh kar khan thil thleng a awm em ni zawk?


Kan zawh chuan Jerome-a chu a chhuak mai dawn emaw ka tih laiin ka hnungah min lo zui zel bawk sia min en thup leh nghal ka ding thut a ka hawi let chuan a awm ah ka la in tauh chawrh zui , min la nuih suk zui a ka ngei let ling zawk .


Lo kun hniamin , " I hmeltha , " Tiin min nuih suk in a kal nghal daih leh nghal, ka en zui vawng vawng a ka biang lah chu a sa hat hat leh nghal a .


Mi dang lah chuan zawhna chi hrang hrang min zawt zui a, ka tawng chuah phah , Zomuani lah chuan min be lo in thil dang a ti hmiah hmiah bawk sia nuam lo chu ka ti ru kher mai.


•••••••••
Kan awm fe hnu chuan haw hun a lo ni leh reng tawh mai , haw turin ka insiam sawk sawk a min thlak tu tur te pawh an lo thleng tawh , Zomuani chuan min biak loh vangin ka ve lo ringawt ,mi inthlahrung mi ka nia mi in min biak loh te hian han biak hmasak mai te hi ka hreh thin sia ka thiantha ber lak ah pawh hian ka inthlahrung tho mai.


Ka chhuah chhoh hnu chuan ka pasal biak mai ka tum a mahse Zomuani'n min kal pel pah a , " Ka rualin lo kal rawh , " A tih takah chuan ka rilru a dam huai, min ngei emaw ka lo ti hman kha a nia , thu dang sawi lo in a hnungah ka lawn nghal .


Mahse kan tlan chhuah hma chuan ka hnunglam atang min chawi nawlh ,ka rak thawt leh nghal ka hawi phei chuan ka pasal lo ni lek in , eng lai khan nge a lo thlen hman ni.


A motor dahna kan thlen chuan , "hawng rawh , "a ti sup a, hnial buai lo in ka hawng tawp ka hlauthawng ngei mai , kan tlan chhuah chuan Zomuani chu ka melh tawk a ani pawh a ham haih hmel kher mai.



Ti dek in ka thu a ,a hma thil thleng ang kha a thleng leh ang tih ka hlauh em vangin ka hawi chhuak ngam tawh lo hrim hrim.


Amah zawk chuan , " Enge khanu bulah khan tih i tum a ? " A tih chuan ka hawichhuak ve chauh , a hmel ka en chuan thinrim hmel ka hmu lo , ka hah dam huai ka thaw chhuak suai suai a, " Ka pite tlawh ka lo rilruk a , a hawna lam tur tho a ni sia, " In thlahrung takin ka ti a .


Min en vung vung in , " Eng pawh thleng se two wheelers chuang suh ka ti che a , i zawm lo a , "a thaw chhuak hawk a , " I tan hian eng chiah nge ka nih le? Kan awm dan hi a hahthlak tak zet a ni , "a ti chhuak hliai a .


A sawi dik viau mai , keipawh ka hah tawh , " Ka peih tawh lo , "tih awl tak a ni , naute te vangin kan insuih zawm a, Pathian hmaa kan thu tiam kha kan nun pui lo ve ve a ni.


Kan in kawt kan thlen chuan ka en nghal vata , " I chhungte i ngai tawh tih ka hria lawm , " Tiin min nuih suk a.


Keipawh in nui vur vur in , " Ka lawm e , " Ka ti chhuak sup a, chhuah mai ka tum chuan ka kut ah chelh in , " Kan inneih chhan ka hria , i chungah ka tha ngai lo tih pawh ka hria mahse ka tum ang i tan leh naute te tan theih tawp ka chhuah ang , pasal tha tak ka nih theih nan chance min pe rawh , " A tichhuak sup a , a hmel ka en chuan a zam hmel takzet , ka mitah pawh min en lo .


A biangah chuan chelh in min en turin ka ti a , " Aw le , " Tiin ka nuih sup a , eng vangin nge keive teh lul hian chance ka pek loh teh lul ang ni, theih tawp chhuah a duh a nih phawt chuan keipawhin theih tawp ka chhuah ve tur a ni dawn lawm ni , keipawh ka dik bik lo a, a lakah nupui ka nih angin ka awm ngai lo tih ka hria , kan pahnihin kan tan rual a ngai ni.


" Ka lawm e , thu tam tak ka tiam thei lo che mahse min ring rawh , " Tiin ka hmuiah fawp zeuh a , ka hlim kher mai tun bak bak a ka hlim hi a tam kher lo ang.


Ka pi ten min hmuh chuan min lo lawm khawp mai , kan inkuah vawng vawng a , ka hnuk a ulh hial mai , tet te atanga an bula awm ka nia an tello a awm thut chu ka la insiam rem thei lo deuh a ni.


Chaw ei nghal tura min tih tlat avang chuan zanriah chu kan ei ve law law a, an bula zanriah ka ei leh thei chu ahma a ka ka tui lo leh luak chhuak te kha a reh vek in ka hria , ka pi thil siam ka ei leh thei chu mumang a ang zawk hial.


Kan haw dawn chuan , ka pi chuan riak ve mai turin min ti a mahse ka pu chuan, "riah ringawt chu a ni thei lo in chhungten an lo ngaihtuah lutuk ang che u , " A ti mauh mai sia kan haw leh ta nge nge .


Kan haw kawngah chuan thil tamtak ka ngaihtuah a , ka pasalin ka pi leh pute a kawm dan vel ah khan sawisel tur ka hre hauh lo , ka rinai daih in ka pu pawh khan a ngaina in ka hria.


Kan tawng lo ve ve a , in kan thlen chuan ngawi rengin kan chhuk a , keimah chauha in a luh ka hreh vang chuan ka nghak a , a hrethiam a ni chek ang chu ka kutah kaiin min luhpui a nuam ve tak chu a ni.


An lo reh thuap tawh a , kan room ah kan chho tlang nghal , ka lai deuh in ka hria tleirawl ngaihzawng nei hlim ang mai ka ni , ka kut te chu a thlan huh dup thei.



In tifai hmasa turin min ti a , ka inthlak na tur ka lak lai te chuan ka che khawr hle , bathroom a ka luh chuan darthlalang ah ka in en a ka sen vek a lawm , a va ho e aw.



Ka mu hmasa a , ka mutthilh dawn tep ah a lo mu ve chauh min kuah chial a , a lam hawiin ka inlet thak a a awm ngheng chuan ka mu a , a nui chhuak hak , enge a sawi pawh ka hre tawh lo mut chhuak in min zem chiai chiai a ka muhil nghal a ni mai.


Ka harh leh chuan min lo la kuah reng , dimte in ka tho them them a , kun hniam in a biangah chuan ka fawp zeuh a kal ka tum chuan min pawt let zawk , a harh lo emaw tih laiin a lo harh leh reng tawh hepa tak hi chu .


"Morning , " Ti chhuak sup in ka hmuiah min fawp zeuh a , thawh ka tum pawh chuan min la chelh bet tlat tho , ka pumah chuan a kut nghatin , " Fate u hrisel takin awm ula , anu tih buai loh tur aw, " Tiin ka pum chu a chul heuh heuh a , a za mur mur in ka hria .


A bulah chuan min mut that tir leh a , "Jerome-a be lo la , i thiannu pawh kha hnaih tawh lo ang che , " A tih chuan mak tihna hlir in ka khat , Jerome-a nen chuan cousin an nia , Zomuani nen lah best friend kan ni ve leh bawk si eng vanga hnaih phal lo nge maw ni a nih le ? A chhanna hre chak viau mah ila , ka zawt duh kher lo , theih tawp chhuah a duh a , ka tana tha lo tur chu a sawi ka ring lo .


Min kuah hlu hlu in , " Vawiin chu ka van kal peih lo e aw , nang leh ka fate kianga hun hman ka chak , " a ti ve teh mial a , inthlak danglam chu a tum tak tak a nih dawn hi.


•••••••••••


Choka ka luh chuan Cindy chu a lo buai khawp maia a thil tih lai ka en chuan artui a lo chhum a , a keh nge mawni phuan bawrh bawrh ang khan a awm .

Min hmuh chuan , "Urachel ka artui chhum hi a keh zel nia , vawithum ka chhum tawh a avaiin a keh vek , " A tum bur a .


"Chuvang chu em ni I thawh hmat em em a? " Ka nuih a ti za kher mai .

A lu a bu zeuh a, "artui pum chhum laimu ka ei chak deuh a , " A tih chuan , kan in hrilh leh ngial a ngai dawn tih ka hrethiam mai .


Artui la chhuakin , " Artui chhum dawn chuan belah tui i chhuang hmasa phawt anga , a lum pep pep hunah artui kha fian kumin zawi te in i thlak ang chuan mei kha a na tur a ni lo , i let pah zeuh zeuh bawk ang a , artui chhum chu vil ve a ngai lawm kalsan ngawt chi a ni lo, a keh awl ve deuh a , " Tih pahin ka chhum nghal a .


"Minute eng zat ah nge a hmin ang? " Aw..... zawhna kan ngah leh tan e 🤦‍♀️.


"A thar that chuan minute sawm panga ah chuan a hmin ang mahse a thar vak lo hi chu chhum rei ve deuh a ngai , " Ka tih chuan a nui vur vur a.

A u kawngkhar a lo lut a hmuh chuan, a en reng a zawite in , "i dawi em ni ? " A lo ti sup a , ka nui suk ringawt thil mak pawh a ni hran lo a , a lo lut ve a ni mai a.


" Nidangah chuan kekawr bul nen kan hmu ngai hleinem , eng thil nge thleng? " A tih chuan ka en vat a , kekawr bul chu a lo ha tak tak , enge a hriat a khua a lum em a lawm han ti ngawt dawn ila , a lum si lo , a haihawt thut a niang.


Ka hnung ah dingin , " Dear-i choka ah lut ve tawh suh , midang an awm tho kha , " A ti chuan min koh dan chu mak ka ti hle.


Dear-i maw ? Dear-i tiin tunah khan min ko mumang ramah a la cheng em ni?



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:17 pm

Chapter-27





Dear-i maw ? Dear-i tiin tunah khan min ko awi! mumang ramah a la cheng em ni?



Ka che vel reng reng chu ka lai ṭun mai , Rini leh Cindy lah chu an inthiar fihlim daih leh nghal, thutthlengah thuin min en reng bawk si ka zam chhe leh hle tawh.






Chawhmeh ka kan dawn chuan ka pum a inlet but but a ,hmanhmawh takin bathroom ah ka lut a ka luak leh nghek , ka hnungah chuan a chul heuh heuh a ,min lo zui tih pawh ka hre lo hrim hrim ,ka chalah te chuan a dawm a , " thil hlauhawm a ni lo tih i hriat kha tuar hram hram rawh aw , a reh ve tep tawh in ka ring , "a ti a ,a tawngka chhuak dam lutuk chuan ka ṭah a tichhuak ,pasalte bulah chuan kan lo pangchang deuh pawh a ni mahna ka ṭap tawp, min kuah ve thlawp bawk a.







Thil rim satliah mai mai pawhin ka luak a tichhuak ta chu hreawm tak a ni, thawh vela pum inlet but but phei chu ka hne tawh takzet ,kan nu te kha an va lo chhel em ,hmanlai phei kha chuan inenkawl na tha pawh awm lo khan fa sawmhnih dawnte kha an hring thei a nia ,keini te chuan kan vawikhat hrinna turah pawh kan ning ṭan der a nia , pasalte bulah , " nangmah rai ve tawh rawh , "tih awl tak tur a ni.








Kan eichak pawh ei thei lo va awmte ,tun hma kan duh em em kan haw tlatte ,damtha vur si damlo ang maia luak chiam te chu hreawm tak a ni.





Ka intih fai lai pawh chuan ka mittui a la luang ngiai ngiai tho , ka tah te chu eng vanga chhuak em em nge a nih ka hre bik lo ,naupang phei chu ni ila inchhung khawk rum rum khawpin ka tap ang .






Choka ah pawh awm a phal tawh lo , " room ah mu rawh, " a ti tlat sia hnial buai ka duh chiah loh vangin , rilru nuam chiah lo deuhin ka mu tawp.





Hna a kal a ngaih vangin a insiam mawlh mawlh a ka mut hmun atang chuan , "i thawmhnaw suk tur i dah ngai lo a ,dahkhawm la ka lo suk dawn che em niang , "ka tih chuan , "i hah lutuk ang , " a ti leh ringawt , hetianga a awm zel te chuan awm dan ka thiam tawp nang .





Ka tho a a insiam lai chu ka puih a , " min duat leh lutuk chuan a dan tur ve reng emaw ka ti nga sin nakin zel ah buaina a la thlen thei che, " ka tih pawh chuan engah mah a ngai chuang lo, huisss....





A kalna a piangah ka zui vang chu nge nui ruh ruh chung hian , " ka thawmhnaw chu kuta suk emaw dry clean tir ka duh thin midangin an khawih pawh ka duh hek lo , " a tih takah chuan ka pasal nen hian kan inhriat chian loh zia ka hrechhuak thar , thu ka tiam ve ringawt a ,a takah ka nun pui leh si lo , inthen ta ila ka thiam lohna a tam zawk ngei ka ring ,a duh zawng leh a mizia te hi ka lo chik ngai miah loa ,ka ngaihsak tawk lo hle ni ,ka awm awmin ka awm ve tawp a, nupui tha tak chu ka ni lo chiang a nih hi ,insiam that ka ngai hle ni.





Ka ngawih reng vang chu nge ka darah chelhin , " ngang paw'n khirh min tih em kha ,rilru nawm loh phah nan hmang duh suh ,hah dam deuhin lo awm la tlaiah ka lo lam ang che aw, "tiin min nuih suk a .





" Taxi in ka lo kal thei a lawm,i duty zawha min lo lam leh chuan i hah lutuk ang . "





"Tunlai chu kan in deih deuh a a hahthlak lem loh bakah taxi chuan chu tul fe ah lo chuan ka phal lo ni mai tehse , "a nui leh suk a .





Idea thar ka nei , "a nih chuan i car pakhat khu min hawh la ,keima'n ka lo kal mai dawn a lawm chuan zingah pawh min lam leh kher ka ngai dawn lo a , i hahdam thei zawk dawn a . "





" ka phal lo ni mai tehse , ka lo hruai che vangin ka hah phah lem lo ,ke a lo kal tur pawh ka ni lo a motor in lawm ka lo hruai dawn
che . "




"I kawm hle mai khuti zat i neia pakhat pawh min hawh phal lo a nia, pawisa ka khawl anga ka lei ve dawn chiang i ta ai tha leh nalh leh tam ka lei teuh ang , " a nui hak hak nia mawle ,ka tih theih loh a ring zawk nge.




" aw le , khawl teuh la i la lei teuh dawn nia keipaw'n ka duh ve ang , " a la nui tho ,fiamthu te a thawh vel ,a va'n nuam reuh ve, thinrimah pawh ka la bik lo a nui ve ziah dawn a nih chuan tih luih fo tur a nih hi.






" Zomuani leh Jerome-a ka phur hmasa ber ang , "awi eng thu nge ka sawi kha ,ka sawi zo vek tawh si ka la let thei tawh bawk si lo ,kan boruak tha ka tichhe vek dawn a nih hi ,atthlak lutuk mai naupang ang maiin lawm ka tawngchhuah a thinrim ngem le?





A ngawi renga ,eng eng emaw a khawih kual a , chahbi hi ka kutah a lo hmehbela , " heihi maruti chahbi khu a nia , a hlui tawh deuh na in a la chak tha a ,hmeichhe khalh atan chuan a tha ber ang , " tiin a inher a kawngkhar lam panin a kal nul nul.




Ka ngaihtha lo chuan a hnungah ka umzui a ,a chhuah hma chuan , " i thinrim em ni? Tum reng vanga sawi pawh ka ni lo ka lo kal thui deuh a ni , " ka ti ta ringawt a.




Ka lamah chuan a lo inher a , " thinrim loh ka tum mek a nih hi , i tum vang a ni lo tih chu ka ring e ,sawi duh dang i la nei em?" Tiin a sana chu a bih zeuh a .





Kal hnaiin ka kuah tawp enge ka hriat teh reng chu ni , "min lo hruai dawn nia , Jerome-a leh Zomuani hming chu sawi loh hram ka tum dawn nia mahse hun min pe la , nang aiin ka hre hmasa ve ve a , thlah tawp chu an la har a ni , "ka ti chhuak a ,ka mittui te chu a tla dawn dawn mai, tinge tiang hi ka nih tak mai aw tuarchhel tak ka ni thin a sin le.




A hmel en thei turin min kuai dak deuh a , " i duh chuan i kawm thei ang ,ani kha kawm suh ka tih tawp theih i ni bik lo a mahse ka hmuh lai chuan hnaih lo hram ang che ka insum zo lo palh ang ,insiamthat ka tum mek tih kha hre reng la , " tiin ka mittui chu min hruk hul sak a , kal mai a tum chuan ka la kuah bet tlat dingdi hlip deuh in a biangah chuan ka fawp zeuh a ,a nui suk leh nghal .





Tuak thuan ei hman lo a kal a ngaih vangin a chhuak nghal a ,a kal hnu chuan kan room chu ka ti fel zung zung a inbual tur in bathroom ah ka lut a ,ka inbual lai te chuan ka nui leh vur vur thin, mahse ngati nge Zomuani hnaih kha a phal loh ang le Jerome-a chu mipa a ni a ,kei pasal nei tawh tan chuan kawm nel vak kha a chi lem loh midangte lo ngaih dan tur ah pawh, sawi sep kan kai palh ang tih a hlau pawh a ni thei a mahse Zomuani chu ka thian tha ber a ni tih pawh a hre reng sia , ka hriat loha thil thleng a awm nge ni dawn ,Zomuai'n thil tha lo a tih chu ka ring bik chiah si lo a ,ka ngaihtuahna a buai leh ta ka ngaihtuah chhunzawm peih tawh lo e a , a thu chu zawm ila a tha a ni mai.





In hnuai a ka chhuk chuan chawhmeh rim chu a na leh hle a ni mahse choka ah chuan ka lut tho ,Rini chuan min be leh siam siam a ,ka kua inlet leh but ṭhin tih mai loh chu ka luak tawh lo a a zia phian.

•••••••••••
Chhunah chuan ka pa chu a lo thleng hlawl a , a lang tlangval sawt in ka hre bawk , thei leh ei tur hrang hrang a lo hawn bawk a, pa fel tak chu a niin ka hria.





Tlaiah chuan hna kal ka ngaih vangin ka insiam sawk sawk a ,ka pasal lo thlen hma chuan pawn ah ka nghak a , rei lo te ah a lo thleng thuai a , ka lut vat a kan tlan chhuak nghal.





Kal kawngah chuan kan ngawi reng a ka pa lo thlen thu ka hrilh pawh chuan "umm" a ti ringawt a , zing a thil thleng vang khan a thinrim a niang chu ka ti leh hman tawh inthlahrung dekin ka thu a pawnlam ka thlir ta daih.





Kan thlen chuan chhuk nghal mai ka tum a mahse chhuk rih lo tura min tih vangin ka thu tha leh a , "Kan pahnih hian kan hna hi bang ila, hmun dangah awm daih ila , "a tih chuan a hmel chu chiang deuhin ka en a ,a lungngaih hmel takzet mahse a thil sawi kha eng vanga sawi nge a nih ang le ?





A kutah chuan chelhin inngaihtuahna hun min pe turin ka ti a , ka nuih suk bawk a , a lungngaih chhan chu ka hre lo mahse a lungngai hmel ka hmuh khan hreawm ka ti.





Hna ka thawh laite chuan ka rilruah a thil sawi kha a awm reng a ,thuthlukna siam mai dan tur pawh ka hre lo ,kan pem a nih chuan ka chhungte nen tun ai hian kan inhlat leh zawk dawn bawk si , ka ngaihtuahna chu a buai takzet bakah kan hna tha tak te ka thian te pawh kalsan ka hreh a ni, hmun dangah chuan hmel thar vek an ni bawk anga ka insiam rem zung zung thei leh lo emaw kha a nia nga ka mal leh hle bawk ang , chung thil zawng zawng ka ngaihtuah chhan chu ka pasal hi ka ring tawk lo zawk tihna em ni?






Ka thian ten min biakna pawh chu ka hre mumal lo ,Jerome-a pawh chu ka hmu reng mahse ka be duh lo , mak chu a ti ve deuhin ka hria , min biak pawhin a rul tawk bakin ka chhang lo a Zomuani lah a reh hmak bawk a ,kan pahnih chuan inhre ngai lo te pawh kan ang tawh zawk ,be hmasatu zawk nih ka hreh bawk si a , engkim hian awm dan min ti thiam lo , kan hlim ve dawn chauh a buaina kan nei leh zel a , drama changte pawh kan ang tawh zawk.


••••••••••••••••

A tuka min lo hruai leh pawh chuan a ngawi reng a mahse ka lakah a thinrim lo tih ka hriat tawh vangin ka awm chu a nuam deuh , kan thlen hma deuh chuan a dinga ka thuthlukna chu min zawt a , chhan mai dan tur ka hre lo bakah hun min pe turin ka ti a a hmanhmawh mah mah ni.





"Nau te han nei zo phawt ila hmun danga awm chu sawi tha leh zawk ila chutih hunah chuan khawi hmunah pawh ka zui ang che mahse tunah chuan i chhungte nen pawh kan la inpawh lo a, ka pa phei chu niminah a lo haw ve leh chiah a, hmanhmawh lo ila a tha lo ang maw, " ka tih chuan ngun takin min en a , then sukin , " i tih dan dan le mahse hreawm ila ti dawn chauh a nia, i rilru i thlak a nih erawh chuan keichu ka inpeih reng tih hria la , " a ti ringawt a , nuam lo duh tak chu a ni.

•••••••••


Zan ka duty dawn loh vang chuan eirawng bawl te ka puih ve a , Cindy lo haw chuan min kuah leh chung chung tawh ka pa erawh a be miah lo thung .





Ka nu a lo haw ve leh a , ani pawh ngawi rengin room ah a lut nghal daih , thim dawn tep ah ka pasal a lo lut ve leh a an chezia chu chik takin ka en a ani paw'n , "nuam i ti bawk maw?" Lawm hmel vak lo hian a ti ringawt ,mak ka lo ti em em thung a pa ber rei tak a zin bo a a lo haw a an lo lawm dan chu mak tih loh rual a ni lo .





Zanriah kan ei lei chuan tumah kan tawng lo ,ka pa chuan , " Bawiha Jerome-a chu enge a an hmel ? A zir chhuahna a la rei lo bawk a lo buaipui deuh teh aw i nau a nia i zirtir tur a ni dawn lawm ni? A tih chuan ka nu chu a tho nulh a , ngawi rengin room ah a lut daih ,kan chhungkaw boruak chu rit tak a ni , Rini tawng tam ber leh nui duh ber pawh chu a ngawi tlat mai bawk si a, thil thleng chuan min ti hamhaih takzet.




Ka pasal chuan a chhang dawn lo emaw ka tih hnu ah , " aw le , i sawi ang zel chuan le pa ber i nia i thu kan zawm a ni mai ang chu , " a ti ringawt a , ani pawh a tho nghal daih, a eng ber ah hian nge an lawm loh pawh hi ka hre tawh bik lo ,Jerome-a hi an haw vek zawk nge ,a hming sawi lan rikngawt paw'n tiang hian an awm a nia.





Chaw kan ei kham chuan ka pa chu thingpui hang te ka lum a ,a zinna vel chanchinte chu ka zawt a , kan titi luam a midangin an be tha si lo a kei talin ka biak that loh chuan a hrilhhai thlak dawn em mai.




Kan room a ka chhoh chuan a lo mu diam tawh a , dimtein ka lut a , ka intih fai zawha ka chhuah leh pawh chuan dimte in ka kal a ,a bula ka mut chuan a che miah lo a muhil nghet tawh a niang .




Kan in chhungah chuan buaina neuh neuh kan nei reng a , kan nupa chu in pawh tawh viau mah ila , kan chhungkua chu kan hlim hlawl lo keipawh ka thaw a ipik thei hle , an buaina chhungril ber ka hre lo a inrawlh buai ka tum hek lo mahse mipakhat a hlim loh chuan midang pawh kan hlim thei lo a ni .




Chaw pawh kan ei ho tawh ngai loa , tu mah mah chu kan inbe ngai lo a tih theih ang ,Cindy pawh kar hnih dawn chu ka hmu tawh lo a room ah a tawm tlat a ,ka nu lah a tawng ri tak ngial pawh ka hre ngai lo ,ka hna ka tan leh tawh vangin ka buai ve bawk nen tu mah mah chu ka ngaihsak hman bik lem lo a kan awm awm chuan kan awm vek tawp.




kan nupa inhau lo mah ila ka pasal chu a tawng tlem sawt a min ngaihsak viau mahse rilru hahna lian tham tak a nei ni in ka hre thin , aman min hrilh loha han zawh ringawt kha ni thei in ka hre bawk si lo a ,hre tura min duh a nih chuan ka zawh ngai hauh loin min hrilh ve mai ka ring bawk a , a in ngaihtuah leh vung vung ka hmuh te hian ka khawngaih hle thin phurrit tak a phur ang mai a ni.




ka hriat chhuah tak chu mihuasa te hi an hlim vek kher lo tih hi , sum hi hlimna a lo ni lo nasa ,kan chhungkua kha kan hausa hauh lo mahse kan phak tawkah chuan kan hlim ve hle thin , fahrah ni mah ila chhungkaw pangai atanga seiliante hi ka awt ta bik hauh lo mai.




Hun chu a kal ve bek bek a , keini pawh thla hnih lai kan innei ve tawh dam taka kan awm chuan thlaruk hnuah nau kan nei ve tawh dawn ka hlim rual in ka huphurh bawk.




Zan khat kan mu chu ang thawm ka hriat vangin ka harh hlawl a , muthilh leh mai ka tum chuan thawm a rin em vangin ka tho a ,chhuah ka tum chuan ka pasal chuan awm turin min ti a ,a tawng ri ka hriat thut avang chuan ka la phu zuk zui.




A chhuk hnu chuan mut leh mai ka tum a mahse tui ka in duh vangin ka chhuk ve leh ta zawk a .


An vai mai chuan an lo awm vek a , ka ding chawt an in hau nasa lutuk chu mak ti tak in ka en tawp.





Cont....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:18 pm

Chapter-28

An vai mai chuan an lo awm vek a , ka ding chawt a, an in hau nasa lutuk chu mak ti tak in ka en tawp.



Ka chhuk tlang dawn nge ka chho leh dawn pawh ka hre bik , ka pasal in min hmuh chuan a lawm hauh lo ang le.




Banga thil intar ho chu a let rem rum a , pot leh tarmawi ho pawh chhuatah a keh darh chuai bawk , ka nu chuan ka pa chu a an khum bawrh bawrh a , ring taka tawng a ni lem lo bawka enge a sawi ka hrephak chiah lo mahse bungrua la awm chhun te pawh a paihdarh zel a, an nupa thlalak bang lai taka intar pawh a bang bik lo, ka pasal ka zuk en chuan ngawi rengin a ding tawp , ka nu chezia chu ngawi rengin a thlir a ni mah zawk.




Cindy kilkhat a ngawi renga a thu khur hlawk hlawk ka hmuh chuan ka ding reng thei tawh bik lo , "min hauh pawhin ka tuar mai ang , " Tih rilru pu chungin ka pen thla a Cindy chu pan hnaiin ka va kuah a , room lamah ka hruai phei a .




Min kuah thlawp a , a tap khur tlawk tlawk a , "a ....., " Tih chiah a sawi thei , engmah sawi lo turin ka ti a , ka kuah hle hle ringawt .





A tah ban hnu chuan a tuar ve deuh a niange a mu thlawrh a , chhuahsan ka tum chuan ka kutah min chelh tlat a , a bulah chuan ka mu ve ta ringawt a , reilo te ah a thawri sek sek a a muhil a ni ngei ang .



A khat tawkin a nghik leh faih faih thin a , ka khawngaih khawp mai , a lungmuan phah a ngem chu ka hre hauh lo mahse ka kuah tlat a, a hmel ka en chuan ka lainat hle ni.





Cindy mihlim thei leh rilru tha , fanu mal a ni chung pawh a pangchang lo leh midangte ti buai lo a mahni a tih theih ve tum tlat kha a ni a, chuti taka hlauthawng leh thlabara a awm chu enge a chhan ni ang ? Eng vanga khati taka ka nu kha che nge a nih ang ? Ka pa lakah hian an vai hian an lawm lo tih ka hrethiam mai mahse enge a chhan tak ni ang le? A mak hle mai.





Ka lo chhing sek nge kawng khar in hawng ri rek thawm ah chuan ka harh a , ka pasal chu dimte in a lo lut a , pawnlam thawm pawh a reh tawh , "ka ti harh che ni maw, " Inthlahrung tak hian a ti a , ka lu ka thing ringawt.




" Lo kal rawh le , chho tawh ila , nge ka chawi zawk dawn che ? "A tih chuan Cindy chu ka en zeuh a , a la mu nghet hle min kuahbet tlat bawk a .




Harh thut tase a mumang a tha chiah bawk si lo a , kalsan mai chu ka huphurh deuh avangin ka pasal bulah chuan Cindy bulah chuan mut mai ka dil a mahse , " I tello chuan ka muhil thei lo ang , "a ti teh tlat bawk sia , Cindy khum ah chuan kan pathumin mu ngawt ila a te si a , tih ngaihna dang a awm lo , " Cindy chu kan room ah mu ve mai se , "ka ti ta ringawt.




Min hnial deuh dawn a , ka ngen tlat avang chuan Cindy chu a chawi ta ringawt a , thutkhawmna pindan kan pelh chuan darthlalang keh them vel chu a awm tawh lem lo an lo thian fel pawh a ni mahna , mahse inchhung chu a ruak huai in ka hria .




An hnungah chuan ka zui zel a , room kan luh chuan bathroom ah luh nghal mai ka tum mahse ka pasal chuan , "min nghak rawh kan lut rual dawn nia , " A tih tlat avangin ka nghak a , midang nen a bathroom luh rual vel ka duh ngai miah lo mahse ka hnial duh lem lo a rilru hah lai te a ni sia thil ho te a hnial kual vel kha ka duh lo.





A nau a mut that tir lai vel chu ka thlir reng a , a hma khan a nau hi a ngaihsak lo hle niin ka lo ngai a mahse chutiang chu a lo ni hauh lo, a birthday te leh a thil ngainat zawng te hi a hre hle , hna kan ban a , "Cindy thil hawn ila , " ka tih te hian a ngainat zawng leh a ngainat loh zawng te hi a sawi thei zel, Cindy nen hian an inthlau viau a kum sawmparuk velin an inthlau bakah mipa leh hmeichhia an ni a han tih hluak vel kha a thiam lo ve te pawh a nia nge mahse ka pasal hi rilru tha leh midangte ngaihsak tak chu a ni ve in ka hria , a tilang ngai lo mai pawh a .





Enge maw vangin midangte nuna inrawlh hi a duh lo niin ka hria , kum khat tep chu kan thawk dun tawh a kan thawhpui te pawh hi an hmingin a ko ngai lo reng reng , thil an ti sual a hauh an ngaite a nih ngawt loh chuan a be mai mai ngai hek lo chutiang khawp chuan a in hawng lo ve a mahse a chhungte chu ngaihsak tak a ni , ka nu te hi a zahthiam riau a , ka nu in a hmingpum a a koh lawlh lawh pawh hian a nui mai zel .





Chutia ka en reng lai chuan ka lam panin a lo kal hnaia , ka thinphu chu a rang ngei mai ama chung chang ka ngaihtuah mek vang chu nge ni.




"Lo kal rawh le , " Tiin min kai sawn a ka thinphu dup dup chu ka duh lo kher mai , bathroom kan thlen chuan a inphelh mial mial a , ka sa chhuak vek ka pasal mah nise ka lo zak ve em em tawp , "ti vat vat ang , a tlai tawh si a , " A tih chuan , "ka inbual tawh , " Tih leh inher ka rual a , min manbet hman , "ka ban vek a lawm inbual leh ngei ngei ka ngai , nangpawh , " Tiin ka kawr hak lai chu a hlim chho pawk a , ka te chhuak tep mahse ka ka a lo hup hman.




A hmaa saruak deuh thaw a awm chu ka zak tlat ka inhup deuh tut tut a , " Zahna tur a awm lo nia , nupa kan nih hi , " Nui hak in a ti a , a thil tih lai chu a tih zawm mial mial a.

•••••••••••••

Kan mut chuan a laiah ka mu a , min kuah ve ve sia lum tak a ni , Cindy chu a nghik leh faih faih thin a ka muhil nghet hlei thei lo , zing dar li bawr vel ah chuan ka tho a Cindy mut dan chu ka siam rem a , ka pasal chu lo in bengkangin , " I muhil thei lo em ni ? " A lo ti a , chhang lo in a awm nghengin ka mu a , min kuah hle hle a rei lote ah ka muhil siai siai a.





Ka harh leh chuan a lo tlai tawh khawp mai , an pahnih chuan an la harh lo a ,thawh sanin inti fai tur chuan ka bathroom ah ka lut ta daih a .

Ka chhuah leh chuan an unau chuan inkuah rialin an lo mu a nui sukin in hnuaiah ka chhuk san a.




In hnuai ka thlen thlak chuan choka ah ka lut tlang nghal a , ka nu leh Zomuani chuan thingpui an lo in dun a , Zomuani tun ang zingkar a ka hmu thut chu mak ka ti hle.




Min hmuh chuan min nuih sang a , " I lo chhuk thei tawh a ni maw , hei tuk thuan ka lo ei dawn a , "a ti nghal zung zung a , " E ... a nih chu , "tiin ka chhang ringawt a , Rini chu ka pui nghal zung zung a.





A hma ang em em in thil rim ka haw tawh lo a mahse ei theih miah loh ka la nei erawh hreawm ka ti hle .





Chaw ei kan siam hma chuan kan room ah ka chho a , an lo inkai tho vel mek , lut mai lo in ka en reng a thil thleng te chu ka ngaihtuah chhuak a , ka nu kha a hmel ah khan danglam ka hmu lo a , ka pa lah hmuh tur a awm hek lo chuan zing kar ah Zomuani a lo lang hlawl bawk a , enge maw ka ngaih ti tha lo riau tu a awm tlat.





Min lo biak tak ah chuan ka lut vat a , Cindy chu a muttui leh muttui loh te chu ka zawt a , a nui leh sang thei tawh , ka pasal chu lo kal hnaiin ka kawngah min kuah a , "morning kiss , " A ti deuh tlat a , Cindy a awm ve reng si ka hmai a sa hat hat thei .




Cindy chuan , "a.... in tenawm reuh mang e , " Tiin min chhuahsan daih , Cindy chhuah hnu pawh chuan min la kuah bet tlat a kalsawn ka tum pawhin a phal tlat lo.



Min kuah nghet bawk si a , ka thlan hluam thei , " A lum lutuk min thlah phawt la , a bul atang ka kuah tha dawn che nia , " Ka tih chuan a nui chhuak hawk .




Min thlah in ka biang ah a piai zeuh a , " A bul atang min kuah that leh loh vaih , " Tiin khum lam chu a , pan a a siam mawlh mawlh a , thil ka hrechhuak kan inneih tirh atang khum hi vawi nga ka siam tling tawh a ngem le? 🤭 A khirh bawk a siam mai teh se min hauh ai chuan a zia daih zah ah pawh ka la tawh lo .





Ka nuih ruah ruah takah chuan a thil tih lai chawl in , " Nui zel rawh mahse i nui chhan min hrilh ve la , " A ti a.





Ka sawi duh bik teuh lo , ka ngawi reng bawk sia ka bulah lo kal hnaiin , min chawi nawlh a khumah chuan min nghat chawrh a , "enge i nuih chhan chu ka nui ve duh a lawm , " Tiin chiang takin min en a , ka nui thei tawh lo ka thinphu chu a rang leh em em a , ka pum ah chuan phengphehlep an thawk chiai chiai in ka hria .





Lo kun hniamin ka hmuiah a fawp a , " Buaina eng pawh thleng se min ring tlat rawh aw , " A ti chuai ruih a , a biangah chuan dawm in , " Ka ring che lawm , "tiin ka nuih ver ver a .

•••••••••••


In hnuiah chuan inkai rialin kan chhuk dun a , thutkhawmna pindanah chuan ka nu leh Zomuani chu an lo thu a , ka nu chuan , " Hei i Numuanin dam dawi phai atang min lo hawn a Zomuani hi min lo pek tir a , tuk thuan pawh a ei ve nghal ang , "a lo ti nghal bawrh bawrh a , ka pasal chuan ka kut chu a hum nghet kher mai , Zomuani a hmuh vang chu em ni? Ti nge Zomuani hi a ngaihtheih miah loh le?




" Aw le , "ti rawngawt in choka lamah min kai phei nghal daih a , choka kan thlen pawh chuan ka kut a chelhna chu a la thlah chuang lo , a hmel ka en chuan danglam ka hmu hran lo mahse thil dik lo chu a awm a ni.





Tukthuan chu ni dang ang lo takin kan kil ho ve teh mial a , ka pa pawh kan zingah a lo thu ve Zomuani chu a tawng siam siam reng a , Cindy chu zawhna chi hrang hrang a zawt a , a ning deuh nge a tho daih , ka nu chuan , "Lalhruaizel puitling thawh hma in tho thin suh ka ti thin che a ni lawm ni? " Tiin a khap zui hlak bawk a .



Cindy chu a inhru ri hruk a , "ka tihpalh, " Tiin choka atang chuan a chhuak zui daih bawk a , thawh ve mai ka tum chuan ka pasalin ka kutah a chelh avang chuan ka thu tha leh ta zawk a .




Ka pa chu a ngawi reng a , ka nu leh Zomuani tawng ri bak hriattur a awm lo , Zomuani chuan , " Zualzel double date nei ila , chawlh kan neih laiin , "a tih chuan min be thut chu ka phu zuk leh nghal .




Ka pasal chu ka en zeuh a , mitmei min hmuh loh avang chuan , " Kan la ngaihtuah dawn nia , "tiin ka chhang ringawt.




••••••••••

Tukthuan kan eikham chuan a la hma deuh tho a tiin Rini chu ka seng pui thuak thuak a , Cindy room ah chuan ka luhsan daih a ,khumah a lo thu ngawi reng a , a bulah thu thla ve in , a kutah ka chelh a , " Nu te chuan kan thatna turin min zilh thin tih i hriat kha , " Tiin ka hrilh a .




A insut hlap hlap a , kuahin a hnungah chuan ka chul heuh heuh a , "a u bulah hostel a ka awm duh thu min hrilh sak rawh aw , kan chhungkaw boruak hi ka ning ka awm thei tawh lo , " A tih chuan ka khawngaih hle a , a la naupanga tiang a tawng hi pawi pawh ka ti.




" Aw le , kan la sawitha leh dawn nia mahse chhungkua kan ni a in tih thiam loh changte nei mah ila chhungkua kan nihna a bo chuang lo tih hre reng la aw, " Ka tih chuan a lu bu zeuh in , "apa vang vek hi lawm anu pawh tiang hi a ni ngai lo , " A ti chhuak phawng a , a chhan hre chak viau mah ila min lo koh tawh avangin ka chhuahsan ta zawk a.




Zomuani nen chuan kan inzui chhuak a , pawnah ka pasal chu ka nghak a , a schooty ah chuang ve turin min ti tlat a , ka hnial chuan , "i pasal neih hnu hian min ngaihsak lo riau , i inti thei ta vel e , ka rilru i tina khawp mai , " A ti deuh tuau a , ka inthlahrung khawp mai min tlansan daih leh nghal, ka thiam lo a ni a sawi dik chiah , ka ngaihsak lo tak tak a ni , min be hmasa lo mahse be tur ka ni a bakah ka biak hmasak a phut pawh a ni thei a .




Ka pasal lo chhuah chuan min chelh leh tlat tawh , motor kan chuan hnu pawh chuan ka kutah a la vuan tlat tho , Cindy chungchang ka sawipui chuan a pawm zawng tak a lo nia mahse Cindy awm lo tur chu keimah zawk hian ka huphurh ngei mai , min tihlim tu ber a ni thin sia.


••••••••••

Kan hna kan tan hnu chuan Jerome-a chuan min fiam leh zuk zuk tawh , ka pasalin min hmu ang tih chu ka hlau ngei mai mahse ka thian a nia biak loh ngawt chu a ni thei bik bawk si lo nuam lo ve tak chu a ni.




"I hmel tha e , " A tih loh leh , " Pasal min neihsan daih hi chu na ka ti , "tih zeuh a ching hi chu ka ngaihdan a ni chiah lo mahse a fiamthu ve a nia han huat ngawt chi lah a ni bawk si lo , ka chungah a tha a mifel tak leh ngainat awm tak a ni bawk a , be lo a awm ngawt chu ka thei bik lo a ni.




Zomuani chuan min be duh miah lo a , a ti tau rei ngai lo bawk a ka thlem duh bik lo ,mahse a tuka kan haw hma chuan in date chungchang chu a sawi leh tho .

••••••••••

Kan hman ni chuan in date tur chuan kan chhuak a , ka tum hmuk tih tauh ka tum loh teh reng nen ka thawmhnaw hak chu ka lungawi thei hlawl lo , t-shirt lian deuh leh kekawr lian deuh ka ha a , kan thawmhnaw hak rawng a inang chiah bawk ani pawh t-shirt var lian deuh leh kekawr dum a ha ve tho a , ka tawng duh miah lo .



Nui deuh suk chung hian , "ti nge tum sa i ei em ni ? " A tih chuan , chhan loh ka tum zet na in , ka insum thei ngang lo , "i khirh tih chu ka hria mahse vawiin te chu kan first date a ni a , thawmhnaw mawi deuh ka ha ve duh tho lawm , ti nge ka kawr hak tur kha min hak tir ve mai loh ? Thlalak dahthat te ka duh ve a sin le , " Ka ti chhuak nge nge a.



Nui chung bawkin , "ka hria lawm, " A tih chuan , "i hriat reng te chuan ," Ka lo ti leh hman .


Sawi zawm leh in , " kawr inang hak hi ka duh sia , fa kan neih hunah pawh kawr in ang ha in kan leng ho thin dawn nia , " A tih chuan a hmel chu chiang deuhin ka en a , fiamthu thawh hmel a pu hauh lo ,heti tak hian naute kan neih hun a nghak hlel ang tih ka ring bik lo bakah a thil chak zawngte chu a ho ve e , ka pasal lawmna siam hi a har dawn hauh lo mai , ka lo tum ngai lo mai mai zawk a ni.



"A nuam dawn hle mai , " Ka tih chuan a nui suk a , "nia, kan fate chu an hmel a inang turah ngai phawt ila chuan kan chhungkuain thawmhnaw inang kan ha bawk a nga a nuam ngawt ang , " A ngawi deuh vang vang a , " Nang nen a thil tih dun hrim hrim chu a nawm vek ka ring , " A tih chuan ka rin loh lam daih a sawi , ka bula awm hi nuam a ti a maw ? Awi! Ka hlim lutuk.



••••••••••

Kan inhmuh khawmna tur hmun kan thlen chuan Zomuani leh Mp-a chu an lo thu vang tawh a min hmuh chuan an ner suk mai , kan inthuam dan chu a ni ngei ang , kan thut fel hnuah min fiam nghal chat bawk.




Kalna tur an hre dun bawk si a ngawi rengin kan zui ve zel tawp , hmun hrang hrangah kan kal a thla pawh kan la nual .



Zanriah chu Cozy Den ah kan ei a ,ka rin ai daihin a tui keipaw'n ka ei nual mai .


Zanriah kan ei kham chuan kan in mangtha ta hlawm a , kan in a hnaih tawh tho avangin kan hmanhmawh lem lo a, muanchangin khawlaiah kut inkai rial in kan kal a , ice cream tw kan ei leh rih a , dar kaw rik hma deuh in kan haw ve chauh.



Kan in kan thlen chuan chhuk rih lo tur a min tih vangin ka thu leh rih a , ka kutah chuan bawm killi nei te deuh hi a lo dah a , "hawng rawh , " A tih chuan ka thing hmasa phawt a , a nui ve suk .



Ka hawn chuan thi sin te hi a lo ni a , a nalh reuh lutuk , tlereuh hi ka ngaina ngai lo mahse ka pasal min pek a nih vang chu nge nalh tak a ni ka en vang vang a , " I duh zawng a ni em? " A tih chuan , "aw ........ nalh lutuk , ka duh lutuk ringawt , ka lawm lutuk ringawt , " Ka ti nghal chung a , nui suk in , " Lawm thu sawina a nih kha , kei min neih avang leh naute te vang pawhin ka lawm e , " A ti sup a .



"Keipawh ka lawm e , ka hmangaih che , " Tiin ka fawp zeuh a .. ...
.
.

.




























An vai mai chuan an lo awm vek a , ka ding chawt a, an in hau nasa lutuk chu mak ti tak in ka en tawp.

Ka chhuk tlang dawn nge ka chho leh dawn pawh ka hre bik , ka pasal in min hmuh chuan a lawm hauh lo ang le.


Banga thil intar ho chu a let rem rum a , pot leh tarmawi ho pawh chhuatah a keh darh chuai bawk , ka nu chuan ka pa chu a an khum bawrh bawrh a , ring taka tawng a ni lem lo bawka enge a sawi ka hrephak chiah lo mahse bungrua la awm chhun te pawh a paihdarh zel an nupa thlalak bang lai taka intar pawh a bang bik lo, ka pasal ka zuk en chuan ngawi rengin a ding tawp , ka nu chezia chu ngawi rengin a thlir a ni mah zawk.


Cindy kilkhat a ngawi renga a thu khur hlawk hlawk ka hmuh chuan ka ding reng thei tawh bik lo , "min hauh pawhin ka tuar mai ang , " Tih rilru pu chungin ka pen thla a Cindy chu pan hnaiin ka va kuah a , room lamah ka hruai phei a .

Min kuah thlawp a , a tap khur tlawk tlawk a , "a ....., " Tih chiah a sawi thei , engmah sawi lo turin ka ti a , ka kuah hle hle ringawt .


A tah ban hnu chuan a tuar ve deuh a niange a mu thlawrh a , chhuahsan ka tum chuan ka kutah min chelh tlat a , a bulah chuan ka mu ve ta ringawt a , reilo te ah a thawri sek sek a a muhil a ni ngei ang .

A khat tawkin a nghik leh faih faih thin a , ka khawngaih khawp mai , a lungmuan phah a ngem chu ka hre hauh lo mahse ka kuah tlat a, a hmel ka en chuan ka lainat hle ni.


Cindy mihlim thei leh rilru tha , fanu mal a ni chung pawh a pangchang lo leh midangte ti buai lo a mahni a tih theih ve tum tlat kha a ni a, chuti taka hlauthawng leh thlabara a awm chu enge a chhan ni ang ? Eng vanga khati taka ka nu kha che nge a nih ang ? Ka pa lakah hian an vai hian an lawm lo tih ka hrethiam mai mahse enge a chhan tak ni ang le? A mak hle mai.


Ka lo chhing sek nge kawng khar in hawng ri rek thawm ah chuan ka harh a , ka pasal chu dimte in a lo lut a , pawnlam thawm pawh a reh tawh , "ka ti harh che ni maw, " Inthlahrung tak hian a ti a , ka lu ka thing ringawt.

" Lo kal rawh le , chho tawh ila , nge ka chawi zawk dawn che ? "A tih chuan Cindy chu ka en zeuh a , a la mu nghet hle min kuahbet tlat bawk a .

Harh thut tase a mumang a tha chiah bawk si lo a , kalsan mai chu ka huphurh deuh avangin ka pasal bulah chuan Cindy bulah chuan mut mai ka dil a mahse , " I tello chuan ka muhil thei lo ang , "a ti teh tlat bawk sia , Cindy khum ah chuan kan pathumin mu ngawt ila a te si a , tih ngaihna dang a awm lo , " Cindy chu kan room ah mu ve mai se , "ka ti ta ringawt.

Min hnial deuh dawn a , ka ngen tlat avang chuan Cindy chu a chawi ta ringawt a , thutkhawmna pindan kan pelh chuan darthlalang keh them vel chu a awm tawh lem lo an lo thian fel pawh a ni mahna , mahse inchhung chu a ruak huai in ka hria .

An hnungah chuan ka zui zel a , room kan luh chuan bathroom ah luh nghal mai ka tum mahse ka pasal chuan , "min nghak rawh kan lut rual dawn nia , " A tih tlat avangin ka nghak a , midang nen a bathroom luh rual vel ka duh ngai miah lo mahse ka hnial duh lem lo a rilru hah lai te a ni sia thil ho te a hnial kual vel kha ka duh lo.

A nau a mut that tir lai vel chu ka thlir reng a , a hma khan a nau hi a ngaihsak lo hle niin ka lo ngai a mahse chutiang chu a lo ni hauh lo, a birthday te leh a thil ngainat zawng te hi a hre hle , hna kan ban a , "Cindy thil hawn ila , " ka tih te hian a ngainat zawng leh a ngainat loh zawng te hi a sawi thei zel, Cindy nen hian an inthlau viau a kum sawmparuk velin an inthlau bakah mipa leh hmeichhia an ni a han tih hluak vel kha a thiam lo ve te pawh a nia nge mahse ka pasal hi rilru tha leh midangte ngaihsak tak chu a ni ve in ka hria , a tilang ngai lo mai pawh a .


Enge maw vangin midangte nuna inrawlh hi a duh lo niin ka hria , kum khat tep chu kan thawk dun tawh a kan thawhpui te pawh hi an hmingin a ko ngai lo reng reng , thil an ti sual a hauh an ngaite a nih ngawt loh chuan a be mai mai ngai hek lo chutiang khawp chuan a in hawng lo ve a mahse a chhungte chu ngaihsak tak a ni , ka nu te hi a zahthiam riau a , ka nu in a hmingpum a a koh lawlh lawh pawh hian a nui mai zel .

Chutia ka en reng lai chuan ka lam panin a lo kal hnaia , ka thinphu chu a rang ngei mai ama chung chang ka ngaihtuah mek vang chu nge ni.

"Lo kal rawh le , " Tiin min kai sawn a ka thinphu dup dup chu ka duh lo kher mai , bathroom kan thlen chuan a inphelh mial mial a , ka sa chhuak vek ka pasal mah nise ka lo zak ve em em tawp , "ti vat vat ang , a tlai tawh si a , " A tih chuan , "ka inbual tawh , " Tih leh inher ka rual a , min manbet hman , "ka ban vek a lawm inbual leh ngei ngei ka ngai , nangpawh , " Tiin ka kawr hak lai chu a hlim chho pawk a , ka te chhuak tep mahse ka ka a lo hup hman.

A hmaa saruak deuh thaw a awm chu ka zak tlat ka inhup deuh tut tut a , " Zahna tur a awm lo nia , nupa kan nih hi , " Nui hak in a ti a , a thil tih lai chu a tih zawm mial mial a.

•••••••••••••

Kan mut chuan a laiah ka mu a , min kuah ve ve sia lum tak a ni , Cindy chu a nghik leh faih faih thin a ka muhil nghet hlei thei lo , zing dar li bawr vel ah chuan ka tho a Cindy mut dan chu ka siam rem a , ka pasal chu lo in bengkangin , " I muhil thei lo em ni ? " A lo ti a , chhang lo in a awm nghengin ka mu a , min kuah hle hle a rei lote ah ka muhil siai siai a.


Ka harh leh chuan a lo tlai tawh khawp mai , an pahnih chuan an la harh lo a ,thawh sanin inti fai tur chuan ka bathroom ah ka lut ta daih a .

Ka chhuah leh chuan an unau chuan inkuah rialin an lo mu a nui sukin in hnuaiah ka chhuk san a.

In hnuai ka thlen thlak chuan choka ah ka lut tlang nghal a , ka nu leh Zomuani chuan thingpui an lo in dun a , Zomuani tun ang zingkar a ka hmu thut chu mak ka ti hle.

Min hmuh chuan min nuih sang a , " I lo chhuk thei tawh a ni maw , hei tuk thuan ka lo ei dawn a , "a ti nghal zung zung a , " E ... a nih chu , "tiin ka chhang ringawt a , Rini chu ka pui nghal zung zung a.


A hma ang em em in thil rim ka haw tawh lo a mahse ei theih miah loh ka la nei erawh hreawm ka ti hle .


Chaw ei kan siam hma chuan kan room ah ka chho a , an lo inkai tho vel mek , lut mai lo in ka en reng a thil thleng te chu ka ngaihtuah chhuak a , ka nu kha a hmel ah khan danglam ka hmu lo a , ka pa lah hmuh tur a awm hek lo chuan zing kar ah Zomuani a lo lang hlawl bawk a , enge maw ka ngaih ti tha lo riau tu a awm tlat.


Min lo biak tak ah chuan ka lut vat a , Cindy chu a muttui leh muttui loh te chu ka zawt a , a nui leh sang thei tawh , ka pasal chu lo kal hnaiin ka kawngah min kuah a , "morning kiss , " A ti deuh tlat a , Cindy a awm ve reng si ka hmai a sa hat hat thei .

Cindy chuan , "a.... in tenawm reuh mang e , " Tiin min chhuahsan daih , Cindy chhuah hnu pawh chuan min la kuah bet tlat a kalsawn ka tum pawhin a phal tlat lo.

Min kuah nghet bawk si a , ka thlan hluam thei , " A lum lutuk min thlah phawt la , a bul atang ka kuah tha dawn che nia , " Ka tih chuan a nui chhuak hawk .

Min thlah in ka biang ah a piai zeuh a , " A bul atang min kuah that leh loh vaih , " Tiin khum lam chu a , pan a a siam mawlh mawlh a , thil ka hrechhuak kan inneih tirh atang khum hi vawi nga ka siam tling tawh a ngem le? 🤭 A khirh bawk a siam mai teh se min hauh ai chuan a zia daih zah ah pawh ka la tawh lo .


Ka nuih ruah ruah takah chuan a thil tih lai chawl in , " Nui zel rawh mahse i nui chhan min hrilh ve la , " A ti a.


Ka sawi duh bik teuh lo , ka ngawi reng bawk sia ka bulah lo kal hnaiin , min chawi nawlh a khumah chuan min nghat chawrh a , "enge i nuih chhan chu ka nui ve duh a lawm , " Tiin chiang takin min en a , ka nui thei tawh lo ka thinphu chu a rang leh em em a , ka pum ah chuan phengphehlep an thawk chiai chiai in ka hria .


Lo kun hniamin ka hmuiah a fawp a , " Buaina eng pawh thleng se min ring tlat rawh aw , " A ti chuai ruih a , a biangah chuan dawm in , " Ka ring che lawm , "tiin ka nuih ver ver a .

•••••••••••


In hnuiah chuan inkai rialin kan chhuk dun a , thutkhawmna pindanah chuan ka nu leh Zomuani chu an lo thu a , ka nu chuan , " Hei i Numuanin dam dawi phai atang min lo hawn a Zomuani hi min lo pek tir a , tuk thuan pawh a ei ve nghal ang , "a lo ti nghal bawrh bawrh a , ka pasal chuan ka kut chu a hum nghet kher mai , Zomuani a hmuh vang chu em ni? Ti nge Zomuani hi a ngaihtheih miah loh le?

" Aw le , "ti rawngawt in choka lamah min kai phei nghal daih a , choka kan thlen pawh chuan ka kut a chelhna chu a la thlah chuang lo , a hmel ka en chuan danglam ka hmu hran lo mahse thil dik lo chu a awm a ni.


Tukthuan chu ni dang ang lo takin kan kil ho ve teh mial a , ka pa pawh kan zingah a lo thu ve Zomuani chu a tawng siam siam reng a , Cindy chu zawhna chi hrang hrang a zawt a , a ning deuh nge a tho daih , ka nu chuan , "Lalhruaizel puitling thawh hma in tho thin suh ka ti thin che a ni lawm ni? " Tiin a khap zui hlak bawk a .

Cindy chu a inhru ri hruk a , "ka tihpalh, " Tiin choka atang chuan a chhuak zui daih bawk a , thawh ve mai ka tum chuan ka pasalin ka kutah a chelh avang chuan ka thu tha leh ta zawk a .


Ka pa chu a ngawi reng a , ka nu leh Zomuani tawng ri bak hriattur a awm lo , Zomuani chuan , " Zualzel double date nei ila , chawlh kan neih laiin , "a tih chuan min be thut chu ka phu zuk leh nghal .

Ka pasal chu ka en zeuh a , mitmei min hmuh loh avang chuan , " Kan la ngaihtuah dawn nia , "tiin ka chhang ringawt.


••••••••••

Tukthuan kan eikham chuan a la hma deuh tho a tiin Rini chu ka seng pui thuak thuak a , Cindy room ah chuan ka luhsan daih a ,khumah a lo thu ngawi reng a , a bulah thu thla ve in , a kutah ka chelh a , " Nu te chuan kan thatna turin min zilh thin tih i hriat kha , " Tiin ka hrilh a .

A insut hlap hlap a , kuahin a hnungah chuan ka chul heuh heuh a , "a u bulah hostel a ka awm duh thu min hrilh sak rawh aw , kan chhungkaw boruak hi ka ning ka awm thei tawh lo , " A tih chuan ka khawngaih hle a , a la naupanga tiang a tawng hi pawi pawh ka ti.


" Aw le , kan la sawitha leh dawn nia mahse chhungkua kan ni a in tih thiam loh changte nei mah ila chhungkua kan nihna a bo chuang lo tih hre reng la aw, " Ka tih chuan a lu bu zeuh in , "apa vang vek hi lawm anu pawh tiang hi a ni ngai lo , " A ti chhuak phawng a , a chhan hre chak viau mah ila min lo koh tawh avangin ka chhuahsan ta zawk a.


Zomuani nen chuan kan inzui chhuak a , pawnah ka pasal chu ka nghak a , a schooty ah chuang ve turin min ti tlat a , ka hnial chuan , "i pasal neih hnu hian min ngaihsak lo riau , i inti thei ta vel e , ka rilru i tina khawp mai , " A ti deuh tuau a , ka inthlahrung khawp mai min tlansan daih leh nghal, ka thiam lo a ni a sawi dik chiah , ka ngaihsak lo tak tak a ni , min be hmasa lo mahse be tur ka ni a bakah ka biak hmasak a phut pawh a ni thei a .


Ka pasal lo chhuah chuan min chelh leh tlat tawh , motor kan chuan hnu pawh chuan ka kutah a la vuan tlat tho , Cindy chungchang ka sawipui chuan a pawm zawng tak a lo nia mahse Cindy awm lo tur chu keimah zawk hian ka huphurh ngei mai , min tihlim tu ber a ni thin sia.


••••••••••

Kan hna kan tan hnu chuan Jerome-a chuan min fiam leh zuk zuk tawh , ka pasalin min hmu ang tih chu ka hlau ngei mai mahse ka thian a nia biak loh ngawt chu a ni thei bik bawk si lo nuam lo ve tak chu a ni.


"I hmel tha e , " A tih loh leh , " Pasal min neihsan daih hi chu na ka ti , "tih zeuh a ching hi chu ka ngaihdan a ni chiah lo mahse a fiamthu ve a nia han huat ngawt chi lah a ni bawk si lo , ka chungah a tha a mifel tak leh ngainat awm tak a ni bawk a , be lo a awm ngawt chu ka thei bik lo a ni.


Zomuani chuan min be duh miah lo a , a ti tau rei ngai lo bawk a ka thlem duh bik lo ,mahse a tuka kan haw hma chuan in date chungchang chu a sawi leh tho .

••••••••••

Kan hman ni chuan in date tur chuan kan chhuak a , ka tum hmuk tih tauh ka tum loh teh reng nen ka thawmhnaw hak chu ka lungawi thei hlawl lo , t-shirt lian deuh leh kekawr lian deuh ka ha a , kan thawmhnaw hak rawng a inang chiah bawk ani pawh t-shirt var lian deuh leh kekawr dum a ha ve tho a , ka tawng duh miah lo .

Nui deuh suk chung hian , "ti nge tum sa i ei em ni ? " A tih chuan , chhan loh ka tum zet na in , ka insum thei ngang lo , "i khirh tih chu ka hria mahse vawiin te chu kan first date a ni a , thawmhnaw mawi deuh ka ha ve duh tho lawm , ti nge ka kawr hak tur kha min hak tir ve mai loh ? Thlalak dahthat te ka duh ve a sin le , " Ka ti chhuak nge nge a.

Nui chung bawkin , "ka hria lawm, " A tih chuan , "i hriat reng te chuan ," Ka lo ti leh hman .


Sawi zawm leh in , " kawr inang hak hi ka duh sia , fa kan neih hunah pawh kawr in ang ha in kan leng ho thin dawn nia , " A tih chuan a hmel chu chiang deuhin ka en a , fiamthu thawh hmel a pu hauh lo ,heti tak hian naute kan neih hun a nghak hlel ang tih ka ring bik lo bakah a thil chak zawngte chu a ho ve e , ka pasal lawmna siam hi a har dawn hauh lo mai , ka lo tum ngai lo mai mai zawk a ni.

"A nuam dawn hle mai , " Ka tih chuan a nui suk a , "nia, kan fate chu an hmel a inang turah ngai phawt ila chuan kan chhungkuain thawmhnaw inang kan ha bawk a nga a nuam ngawt ang , " A ngawi deuh vang vang a , " Nang nen a thil tih dun hrim hrim chu a nawm vek ka ring , " A tih chuan ka rin loh lam daih a sawi , ka bula awm hi nuam a ti a maw ? Awi! Ka hlim lutuk.

••••••••••

Kan inhmuh khawmna tur hmun kan thlen chuan Zomuani leh Mp-a chu an lo thu vang tawh a min hmuh chuan an ner suk mai , kan inthuam dan chu a ni ngei ang , kan thut fel hnuah min fiam nghal chat bawk.

Kalna tur an hre dun bawk si a ngawi rengin kan zui ve zel tawp , hmun hrang hrangah kan kal a thla pawh kan la nual .

Zanriah Cozy Den ah kan ei a ,ka rin ai daihin a tui keipaw'n ka ei nual mai .


Zanriah kan ei kham chuan kan in mangtha ta hlawm a , kan in a hnaih tawh tho avangin kan hmanhmawh lem lo , muanchangin khawlaiah kut inkai rial in kan kal a , ice cream tw kan ei leh rih a , dar kaw rik hma deuh in kan haw ve chauh.

Kan in kan thlen chuan chhuk rih lo tur a min tih vangin ka thu leh rih a , ka kutah chuan bawm killi nei te deuh hi a lo dah a , "hawng rawh , " A tih chuan ka thing hmasa phawt a , a nui ve suk .

Ka hawn chuan thi sin te hi a lo ni a , a nalh reuh lutuk , tlereuh hi ka ngaina ngai lo mahse ka pasal min pek a nih vang chu nge nalh tak a ni ka en vang vang a , " I duh zawng a ni em? " A tih chuan , "aw ........ nalh lutuk , ka duh lutuk ringawt , ka lawm lutuk ringawt , " Ka ti nghal chung a , nui suk in , " Lawm thu sawina a nih kha , kei min neih avang leh naute te vang pawhin ka lawm e , " A ti sup a .

"Keipawh ka lawm e , ka hmangaih che , " Tiin ka fawp zeuh a ..
.

.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:18 pm

Chapter-29




"Keipawh ka lawm e , ka hmangaih che , " Tiin a hmuiah ka fawp zeuh a .. " Ka lawm e , "tiin chiang taka ka hmel a en hnuah min kuah vawng vawnga , " Ka lawm e , "tiin a phun chhuak leh sep a .




Min chhanna chu , " Keipawn ka hmangaih
che , "tih ni kher lo mahse ka hmangaih thu ka hrilh avanga lawmthu min hrilh ve hrim hrim hi ka lawm , chuan ka hmangaih thu inringtawk taka ka sawi thei pawh chu ka lawm a ni .




Tunah min hmangaih ve kher lo mahse a rei anga min la hmangaih ve mai ang , min duhna tlem chu a nei ve tih ka hria , min hmangaih turin ka siam bawk ang.

••••••••




In chhung kan luh chuan ka pa chu thutkhawmna pindanah a lo thu vang maia , thil rim na deuh a in bawk , ka pasal chuan chho hmasa turin min ti a , sawi buai lo in ka chhoh san a .




Kan room ka thlen chuan bathroom ah ka lut nghal a , a thi min pek chu ka en deuh vang vang a , sin te a ni a , phengphehlep te takte pakhatin a in chei a , a bak chu a plain tawp engmah in cheina vel dang a awm lo , a simple dan chu ka duh tawk chiah .





Ka nui leh thin a , kan awm dan vel chu ka ngaihtuah a , in hmangaih miah lo a innei kan ni a , kan inneih tirh atang rengin kan buai nghal a mahse tun hun hi kan thleng tho , a hma khan " Ka peih tawh lo , " Lo ti ta ila hetiang hian kan awm awm si lo a , keipaw'n ka hmangaih kher lo ang .






Ka pasal hi eng lai atang khan nge ka hmangaih ka hre bik lo mahse hmeichhia te hian hmangaina kan ngah bik a ni mahna , ka hmangaih theih nan eng a tih ka hre hek lo mahse ka hmangaih ve tawp a ni . Chhungkaw hlim tak kan din theih nan theihtawp ka chhuah ang a , ka fate chu eng tikah mah fahrah an nih ve ka phal ngai lo ang .


•••••••••••••

Ka inbual zawh chuan mu mai loin ka nghak deuh reng a ,a lo chhoh har em avang chuan ka mut san ta ringawt a , ......thil ri rek rek thawm ah chuan ka harh hlawl a , ka thawh chuan ka pasal chu thle nguai hian a lo ding a , a rim lah chu a tak em em mai leh nghal , kan inhlat vak lo nen ka kua a ti let but but thei.





Ka tho thuai a , bathroom lamah ka kai lut a , min nuih vur vur leh ta nghal a , ka ngei zia chu ka khawng fawk chak mang e.




A thawmhnaw ka hlih sak lai te chuan a lo che sek a , " I sam hi a van sei , " Tih luk lak vel mai mai a sawi a , amah a palian sia buaipui a har teh lul nen ka thin a rim tun mai .





Amaha inbual thei din hmuna a din loh avangin ka bual tawp , rimchhe deuh a abula mut chu ka duh teuh lo mahni inhrem na a ni ringawt dawn a, hah leh thinrim pawh a sawi theih loh , a lo tal ve sek a min ti huh vek leh nghak , "ka inbual tawh a sin , " Ka ti hliai a , a bengkhawn lem lo khawp mai , a lu ka suk te chuan min lo khawih ve sek a , amah chuah phuan lo in keipawh ka phuan vek , inbual tha leh ang vel ka ni , a awm dan chu a harh fim hunah sawi ila a awih awm tawp si lo a , ka pasal chu ni lo se ka buaipui tawp lovang .


••••••••

Ka mut that tir hnu chuan ka kawng a na vek thei , chuti taka rui tur chuan engzat fako nge a in ni ? A thawri suk suk a , min zawng nge mawni ka mutna lam chu a dap kual a , ka thin tirim hle mahse a awm dan chu ka la hmuh ngai loh thil a nih vangin ka nuih pawh a ti za hle , a lakah hi chuan ka thinrim tak tak thei lo anih ber hi.




A bula ka mut chuan a rim chu ala reh lo a tak em a tin ni , a lam hawi lo in ka mu tawp , ka kawng lah chu a na em em mai leh nghal.

•••••••••••••••

Zinga ka harh chuan a lo mu tawh miah lo , bathroom lamah chuan thawm ka hria a , ka nui suk a duh zat zat a thun a , a tawrh ve ngei chu a ngai dawn a nih hi .





A lo chhuah chuan ka maimit chhing tlat a , ka bulah lo inthawlh vat in , "i muhil der thiam ve lo , meng mai mai teh , " A tih chuan ka nui chhuak hak.




Min kuah hlu hlu a , a lam ka la hawi duh chuang lo , a rim chu ka hnarah a la cham tlat , ka dulah chuan a kut nghatin , " A puar ve deuh tawh a nih hi , " A khik suk ka ring , inhma tawna kan awm loh avangin a hmel chu ka hmu thei tlat lo , " Kan nei ve tep tawh
alawm , " Ka tih chuan phur takin ka dul chu a chul heuh heuh a , "kan in hmu thei tep tawh a nia fate u , anu pum chhungah hrisel takin awm ula , apa hian nangmah ni kha a hmu chak tawh teh mai che u nia , " Tiin ka biangah a fawp zeuh a , a nuam vawng vawng mai.




Leh hawiin a biangah chuan ka kut ka nghat
a , " An ni pawhin an hmu chak tawh ngawt ang che ,apa apa an tih hunah i ning leh si ange " Ka tih chuan , a nui ver ver a naupang an lawm zawng kan sawi a an nui ver ver hi a ang reuh lutuk , a cute reuh eee....


"Ka lawm zawk ngawt ang , pa ka ni ve ringawt dawn hi chu mak ka la ti reng , " Tiin a nui suk a, a la mak ve deuh em a ni ,keipawh nu ka ni ve thut tur chu thil mak tak niin ka hre ve thin , " Ka awih thei lo , " Han ti ngawt dawn ila
apai tu ka ni bawk si a ,ka phur rualin ka huphurh tho bawk ,kan inan duh hmel hle mai .




" Sawi sel che ka tum lo a nia mahse eng zat chiah nge i in a ? Ka bual che tih i hria
em ? "Ka tih chuan , a awih loh hmel kher mai , a ner suk a , " Chutiang chu a thleng a maw? No thum chiah ka in a sin , "a tih chuan ,mak ka ti ngei mai ,a lo in thin pawh a ni mahna no thum chu ' chiah ' tiin a sawi thei a nia , keiin no chanve pawh tam ka ti a nia .




" Min bual tu tur nupui ka nei a , rui deuh pawh ni ila zia tak a la awm chu , "a la ti ta deuh deuh a , in zel a la tum nge maw ni ? Tih chi viau dawn lo tlat , lo ngawih bo pui mai mai tur hi nia.





"I rim chhe lutuk a , khatiang a i awm leh chuan pawn ah i awm tawh ang ka lo ti
sin , "a nui leh vur vur tawh , a van pa chiang kuang tak thlir nin hi a har thin , " I pa e , "ka lo tichhuak leh hman , " Ka hria lawm , " A ti ve mai a , a bulah hi chuan kan inhmuh tirh atang reng khan ka che chhia a nih ber hi .


••••••••••

In hnuaia kan chhuk chuan Zomuani chu a lo awm a , midang chu ka hmu mai lo , min lo be nghal sawk sawk a , ka pasal chu choka lamah a phei tlang nghal daih a.




Tuk thuan kan ei lai chuan ka nu chuan , " Zomuani hi kan bulah a lo awm zuai dawn a bawiha, a bungrua han lakpui la aw remchangah , a chhungte phaiah an awm rih dawn a, Rachel-i nen pawh thian tha in lo ni leh zel a bakah hospital khat a thawk ho vek in nia ,a remchang dawn em a , min hnial na in ka sawm lui a nih hi , " Tiin a nui vur vur a .



Ka pasal lah chuan , " Ka hman mai ka va ring lo ve , a tam lem loh chuan Muana tir mai la , " A ti daih a , a hreh tih ka hre mai , Zomuani hi a ngaina chiah lo a , Ka nu hnial a hreh vangin chhuanlam a siam mai mai a ni.

•••••••


Hna kan kal dawn chuan Zomuani'n scooty a ken loh avangin kan pahnih chuan kan nghak a , a chhungte an zin tur thu min hrilh loh avang chuan ka lungawi ve chiah bik lo , ka ngawi reng a , min lo nghawk zeuh in , " I vannei e , a tir khan ka ngaihtuah deuh che a mahse ka Mr. Right-a hian a duat che tih ka hre mai , " A nui vur vur a , ka huat tura sawi a ni lo tih ka hria mahse ka Mr. Right-a tih lai tak khan min tibuai , a tawngkam hman than ni tho mahse tunah tak kha chuan min vit sawk tu a awm tlat , ka thik em ni? Kei hian ka thiantha ber hi ka thik a maw? Enge ka ngaihtuah tak hi ka a ta em ni?




Ka lu chu thingin thawk ka la kawk ringawt , ka insiamthat a ngai a ni ,zawh tur tam tak nei mah ila ka zawt duh ta lem lo .




Kan pathum chuan kan chuang ho ta thap a , kan nupa chuan kan ngawi reng , Zomuani chu a tawng leh barh barh a, a khat tawkin ka chhang zeuh a ka pasal erawh chuan engmah a sawi lo kan thusawi bengkhawn ang pawn a lang lo .


••••••••••




Ni a ral a , thla hial a liam leh ta Cindy chu hostel ah a awm tawh a , boruak danglam kan tawk lem lo bawk , ka nu leh ka pate pawh an inhau tawh lem lo a mahse an inbiak awm ka hre lo .




Vawikhat chu ka duty ka zawh tawh avangin ka insiam sawk sawk a ,ka pasal chu a office ah nghah mai tha in ka hria a ,muangchangin ka kal a , a office ka thlen chuan kawngkhar a lo inhawng deuh a , thawn thut ka duh avangin dim te in ka pan them them a , kawngkhar zawn ka thlen chuan ka ding chawt , ka kut chu ka hum ngawr ngawr a , ka pasalin a lo fawh mek hmeichhia chu ka thiannu ka best friend ve em em Zomuani a nih ngei ka ring , a pian leh a sam vel a tang chuan ani bak ni thei an awm lo .




Ka mittui chu a luang ngiai ngiai a , ka chesawn thei hek lo , hnunglam atang chuan min pawm thut a , ka ka a hup bawk room pakhat kan thlen chuan min thlah a , Jerome-a a ni tih ka hriat avanga rak chiam lo ka ni.




Tissue paper min pe a , a chhuak nghal daih , zah pawh dawn lo in ka tap chhuak hawk hawk
a , chance pe tur in min ti a , keipawhin ka hmangaih thu hial ka hrilh a , atan ka hmangaihna hi a tawk zo lo em ni ? Engtin nge min phatsan theih zawk le ? Na ka ti a thil tam tak ka ngaihtuah bawk , " a hlimna tur a nih phawt chuan ka kalsan ang , " Tih hial ka ngaihtuah hman mahse a tello in engtin nge ka awm ang kalsan chu keimah bawk hian ka zuam leh lo tho bawk si , hmeichhe a tak ka ni mipa min hmangaih ve miah lo tu ka hmangaih tlat chu a ni sia.




Ka tah chhuak zualpui a reh hnu chuan ngawi rengin ka thu a , Jerome-a lo lut pawh chu ka be peih lo , ka bulah a lo thu a ka kutah chelhin , " Ani kha kalsan la ka bulah lo kal rawh , ka phatsan ve ngai lo ang che tih ka tiam che , "a tih chuan mak ti takin ka en tawp , chutiang sawi hun chu a ni lo bakah min en dan chu ka duh hauh lo bawk.





" Ka hmuh hmasak ber atang che khan ka hmangaih tawh che , naupang i ngaihtuah a nih pawhin , ka fate ang chiahin ka en ang khawngaihin min pawm hram rawh , "a tih chuan ka pasal ni zawk se , ani nen hian lo innei zawk ila tuna rilru nataka ka awm ang hian ka awm awm si lo a tih thlengin ka ngaihtuah hman mahse ani hi ka hmangaih ka pasal kha a ni tlat lo a tin ni, ka pasal ka hmangaih ang hian tu mah ka hmangaih leh theih pawh ka ring tawh hek lo.




" Jerome,...(ka ngawi deuh vang vang phawt a) kan duh duh kan hmangaih thei a mahse kan duh duh kan inhmangaih tir thei ve si lo a nih hi ti raw, khawvel hi a fair lo ngawt mai (ka nui lui sak a) min hmangaih suh ka tih ngawt theih pawh a ni lo mahse engtik ni ah emaw chuan nangmah hmangaih tu che ila tawng ngei ka beisei , kei chuan ka thei ve lo a ni , " Thawh mai ka tum chuan , min pawt let sawk in , " Hospital hi ka kutah a awm thuai dawn , chumi hunah chuan i thuthlukna ka lo ngaichang zawk ang , tunah chuan min chhang rih suh , "a tih chuan a thu sawi awm zia ka hrethiam hauh lo mai ,duh leh hospital chu lo chang se enge ka tan a tangkai na awm ? A ti ve mah mah a ni, sum duh lutuk a min ngai chu ka lawm hauh lo mai.




" Hospital chu i kutah chuan awm mawlh rawh se , duhsakna ka hlan a che , " Tiin a kut chu ka vai kiang a mahse a thusawi avang chuan ka ding leh , " I beng khawn kha ka ring reng a , " Tiin a nui suk a , " Sawi chiang law law rawh pehhel kual lo in , " Vin deuh thatin ka ti ve ngat , infiam nan mai mai min hmang leh thu awm ang lo pui pui a sawi chu ka ngaithei lo hul hual .





" Engmah i pasal duhtak chuan a lo la hrilh lo che a ni maw, a hmangaih lo che tih chu a chiang viau mai , " Ngeiawm takin a nui bawk
a , " I lo buai na tur a awm hauh lo , i thu sawi lai leh kan nupa inkar sawi zawm tum hauh suh , " Ka ti vin leh thawt thinrim tawh tak ka ni.




"Aw le ..... ngun deuh in ngaithla rawh , i pasal leh kei hi unau dik tak kan ni , chhungkaw hlimtak in ni ngai lo a ni lawm ni?...Mak ti vak duh suh , ka nu hi ka pa khan a hmangaih zawk miau a , keini min thlang zawk tlat , khanu Hruaisangi (Israel-a nu) sihal fing ver vek tak kha awm lo se keipawh hmei fa mai ka ni bik lo ang , " A ngawi vung vung a , thil thui tak a ngaihtuah ve pawh a ni mahna .





"Enge in buaina bul ber ka hre hauh lo , tu thiam loh nge tih lo sawi ve thei pawh ka ni hek lo mahse a tu mai pawhin intuar tih a hriat reng a , in tawrh ang kha ka fate hi chuan tuar ve tur in ka duh lo , min hrethiam la khati lam hawi zawng kha chuan eng mah sawi tawh lo ang , nangmah hmangaihtu che ila tawng em em ang ,ka tih tawh kha , " Tiin ka chhanglet a .





Min en zawk a , ka chhuah hma chuan , " I pasal in a phatsan chung che pawhin atan ila rinawm thei a , (a nui hak a) i chunga a thil tih zo zai te kha i ngaidam thei a maw? " A tih chuan hawi let in , " Hmangaihna ah chuan vawi eng zat nge ka rilru alo tihnat tawh leh vawi eng zat nge ka lo ngaihdam tawh tih lam a ni hek lo , ka ngaihdam tawh zat lam ka ngaihtuah lo a , hmangaihna diktak avangin vawi
engzat pawh ngaidam ka in huam , aman kalsan tura min ti a nih ngawt loh chuan kalsan ka tum hek lo , " Tia ka rilru diktak ka hrilh chuan , " A aia ka that loh bikna enge awm? Eng vangin nge min hmangaih ve theih loh ? " A au vaka ka phu zawk leh nghal .




Ka banah chuan a hmer vak a , " Ani i la thlang tal a nih chuan kan inel na hi a hmawr kan bawk thuai ang , i inchhir loh nan thuthlukna uluk takin siam ang che , " Tiin ka biangah a
hmer vak a , lo kun hniam in min fawh a tum ta mai , tal chhuah ka tum lahin ka thei si lo , ka mittui chu a far thla zung zung a , tal chhuak
thei lo a ka awm lai chuan min fawp bawrh bawrh a , keiin talchhuah tumin ka bei ve ngar ngar thung a , a hmuiah chuan ka seh vak a , a
inthlah dul lai chuhin ka nam sawn thei hram , ka hmui chu ka tuai sawk sawk a , " Tenawm lutuk vawikhat mah min be leh tawh suh ang che , " Ka ti chhuak thei hram.


Min chhanlet hma chuan hmanhmawh takin ka chhuak vata , ka hlauhthawn zia kha ben mai ka tum kha a nia mahse ka tha a khur nasa lutuk a , amah kha ka hlau deuh bawk nen ka insum thei hram a ni .

Ka pasal office ka thlen chuan hmanhmawh takin ka lut a.....


"





.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:18 pm

Chapter-30




Ka pasal office ka thlen chuan hmanhmawh takin ka lut a , thil dang ngaihtuah loin ka kuah thlawp nghal , ka mittui chu a far zung zung a , "eng thil nge thleng a? " A tih pawh chuan ka chhang thei lo , ka mittui chu ka dang zo lo a ni .





Min namsawn a tum chuan ka kuah nghet sawt a , ani pawh chuan nghet takin min kuah let in , ka hnungah chuan a chul heuh heuh a , amah chu ka thlamuanpui hliah hliah , ka hlauthawnna chu a reh nghal duak in ka hria .





Ka tah chhuak zualpui a reh hnu chuan ka zawi hnawk thei , thil engmah ka la ei lo bawk nen ka chau ngawih ngawih , thutthleng ah chuan min thut tir te te in tui in tur min pe nghal a , ka in chuan ka dang ro huam huam te kha a zia ta deuh a , ka harh kawk in ka hria.




Ka bulah chuan lo thu thlain , " Eng vanga tap nge i nih min hrilh i tum em ? " A ti bul leh hmuk a .




"Nangmah vang , " Tih mai ka nap a mahse ka lu ka thing ringawt , sawichhuak pawh ni ila buaina a pun lun anga kan nupa inkarah ngei pawh khi a siam thei a ni, ngawih bopui mai hi a that zawk ka ring.





"Lu thing ringawt lo khan a chhan dik tak chu sawi ta mai la ,ka puih thei zawk ang che , i ngawih tlat chuan i buai na ka hre dawn lo a sin, " Zaidam deuh zawk in a ti leh a , a hmel chu chiang takin ka en a , ka rilru a na thar leh mahse ka insum hram hram a ngai , leh lam hawiin ka mittui chu ka hru zeuh a.




A hmel en lo in , " Ka pum a nuam lo deuh a ,ka luak leh a , ka ngai deuh che mawle ,i awm chuan min buaipui zel sia, chu vang mai mai chu ngaih that lohna tur a awm lo a nia, " Tiin ka chhang a , ka nui lui suk bawk a .




" Aw le,... ka awm loh lai a ni chu a zia lo hle mai , tun ah enge i an tawh le ? Anu , " Tiin min kuah hle hle a , a tawng ka chhuak chu a dam thlup tawh mahse anu a tih tak khan ka tah a ti chhuak , tah insum takin ka nui hak hak a .




Ka pum ah chuan a kut nghatin , " A puar hma bik ti raw? Tunah pawh nimin ai khan a lian leh tawh zawkin ka hria , " A nui hak hak a , a kutah chuan chelhin , " Pahnih lai an nia , midang ai chuan puar hma deuh tur chu a ni hrim hrim ,thla nga lai an ni ve tawh dawn a lawm , "tiin ka nuih ver ver a .





Haw tur chuan a insiam mawlh mawlh a , a che vel chu ka en reng a , midangin ka pasal hi eng tin nge an hmuh ka hre lo mahse ka mitah chuan a tha fakim hliah hliah , a hmel, a aw ,a pian, a san zawng , a mizia thleng hian ka tan chuan hmangaih loh chi rual a lo ni lo a nih hi , ka hmuh zin poh leh ka duhna leh ka hmangaihna a zual zel chu a , duhthlang thei ni ila ani hmangaih hi ka thlang kher a ngem?





A in peih hnu chuan , "kal ila , " Tiin min kaitho a , ka darah kuahin min kuah lohna lam zawk chuan ka bag a khai pah bawk a , dam lo ang mai a min buaipui chu ka duh bik lo , " Ka bag tal chu ka lo khai ve ang , "ka tih lahin a phal chuang der bawk si lo a , ama bag a khai bawk nen bawr tunin motor dahna thleng kan inkuah phei mai a niang chu .





Building kan chhuahsan hma chuan Jerome-a kan tawk a , ka chunga khatianga a chet tawh hnu pawn , ka hmaah a lo la in lan ngam zawk a nia , a huaisen ve ngawt mai , ka sawi chhuak dawn lo tih a hriat lawk sa vang nge? Kei hi min zuam ve hrim hrim zawk?




Kal pel mai kan tum chuan , "unaupa , ka pa bulah ka nu'n a hmuh duh thu lo sawi teh a, tunlai chu mi tlaktlai lo Hruaibali'n a vau leh pawh a ni mahna a lo lang khat tlat , " A nui hak hak leh ta nghal a ,a inti thei zawk emaw ni, hepa hi ka haw takzet , ka thian ang pawh in ka en theih tawh ka ring lo .




Ka pasal ka en chuan na a tih hmel kher mai , a thinrim hle tih ka hre thei bawk, a hmai a sen tawlh tawlh a , a kut a hum ruh hle bawk, damdawiin a awm kan la ni a , an insual a nih vaih chuan kan buai nasa lutuk dawn , kal sawn pui vat a ngai a ni.





A kut ah chuan dim te in ka chelh a , keipaw'n a thinrim chu ka hlau ve tho mahse beng daih a ngai ni , ka kut leh lam chuan a biangah ka va dawm a , thawk la kawk in a maimit chhing vang vang a , a men leh chuan chiang takin min en a ,ka lu thing zeuh in ka nuih suk a , a thinrim lutuk kha a zia ta deuhin ka hria .




Ka kut ah chuan nghet takin a vuana , then sukin Jerome-a bulah chuan , "Aw le, i tih tlat te chuan i thu chu kan hnial ngam dawn em ni ? " Tiin min kaisawn a .




Pawn kan thlen hma deuh chuan ding in , a hawi let leh ngat a, enge tih a tum ka ngaichang a , " Zah hre lo Lawmler-i kha ka pa'n a be duh lo pawh a ni mahna ,ka hre bik hauh lo mai , (a nui hak a ) tunlai chu a hming ka hre khat hi ka lawm , lawmthu lo hrilh nghe nghe teh a , " A tih chuan ka nui chhuak hak , min chhuahpui nghal daih a , a hmel ka en chuan nuam a tih hmel tawh kher mai ,a nui ver ver mai lawm, a tawngkam hman chu ka awih thei lo zawk .




An unau inchhanna chuan ka nuih a ti za kher mai..., an nu leh pate vangin an inhmel huat a , an inbiak danah khan an inhre chiang ve thawkhat tih ka hre mai , mipakhat thil tih sual avangin an vaiin an tuar vek a , siam that theih dan awm se ka ti ngawt mai ,an ni pahnih pawh unau inkawmngaih tak an nih theih ngei ka ring .





Mahse an chhungkaw thuruk chu mak ka la ti tawp thei lo, Jerome-a chuan pa pawh a nei ve ngei khan ka hre sia bakah cousin kan ni kha an ti mai sia , ka nu in Jerome-a hming sawi lan rikngawt pawh a huat em em chhan chu ka hrethiam ta mai, a tu ber chu nge dem tur ka hre lo mahse a bul berah chuan ka pa ka puh lo thei lo , engtin nge nupui fanau nei reng chungin midang a hmangaih theih zawk?





Ka pasal ka en reng lai chuan lo hawiin min nuih suk a , a hmelah chuan danglam pakhat mah a awm lo , kha thil kha ka hmu chiang viau bawk si , Zomuani nen hian min thlimin a rukin an lo inngaizawng zawk em ni ? Ngawih bopui duh viau mah ila nakin a kan inkar a buaina thlentu ni ta zawk se ........,ka zawt zawk dawn nge ? Ka rilru a insual buai ta khawp mai , ka ringhlel phal lo mahse ka thil hmuh kha a tak ngei a ni bawk si.




Thawk la kawk in motor seat chu ka ngheng a , ka maimit chhing vang vang a engmah ngaihtuah lo a mutthilh ka duh , "i mut a chhuak em ni ? Kan thleng tep tawh a nia , " A tih chuan chhang lem lo in ka bu zeuh a , thil dang enge a sawi ka hre tawh lo ,zawi zawiin mangram ah ka cheng riai riai a.





** Ka pasal chuan "ka hmangaih che , " Tiin min kuah vawng vawng a , ka hlim kher mai mahse chutia hlim taka kan awm lai chuan Zomuani chu lo kalin , " Keimah min hmangaih zawk , "tiin ka pasal chu a pawt hrang ta daih a , ka hmuh lai reng chuan an infawp mial mial a , ka en reng a chet sawn ka tum chuan ka thei hauh lo , thil sawi tum a ka ka ka an pawhin ka aw chu a pil tlat engmah ka sawi thei lo .





Thawk leh khatah ka kang dawr a , ka mit ka men chuan ka pasal chuan min lo en reng , " Na i nei em ni ? I tha em? "Tiin ka thlan chu a hru nghal mawlh mawlh a , ka hawi kual chuan kan room ah kan lo awm tawh , ka mumang mai mah nise a tak nen a in an em vang chuan
ka rilru a na thar leh , ka pasal hlauhthawn hmel taka min entu chu kuah thlawp in , " Ka hmangaih che , " Ka ti sup a .


••••••••••••


Ni tin chuan kan nun dan pangaiin kan nung a , hna ah kan kal a , kan mu a , chaw kan ei leh tawp a , buaina danglam engmah kan tawk lo , kan chhungkua pawh kan buai tawh lem lo a mahse hreawm ka ti ka pa chu a hma ang khan ka pawh thei tawh lo a , thu dik ka lo hre ve ting tang si nen a mawiah ka be ve mai mai chauh a ni.




Ka pasal leh Zomuani chu ka chik deuh thin a , eng mah danglam na an nei lo , ka pasal phei chuan ahma ai in min duat zawk , ka thil hmuh chungchang kha ka sawi chhuak lo a , zawhna ka zawt duh hek lo , theihnghilh hram hram ka tum zawk a ni.




A hma aiin ka pasal chu hnaih leh zual ka tum a , ka hmangaih thu pawh nitin ka hrilh ziah mahse ani chu ngaidam thei mah ila Zomuani chu ka haw ta tlat , min biak te hian ka luak a tichhuak , a chang phei chuan ka chhang peih thin lo , a aw ringawt pawh chu ka haw hlur tawh ,kan bula a lo awm ve te chu ka hmumawh ta riau a , a hmel hmuh pawh chu ka ning .




Ka thiantha tak ang in a awm a , a rukin ka pasal a lo kawp duh leh tho si , eng ang thian in nge mahni thiantha ber te pasal kawp ngai reng reng ni? A mizia hi ka ei thlawt lo , ka nu in a be tha huam huam lutuk vel te chu ka haw hluah hluah.


•••••••••••


Inrinni a ni a , hna kan chawlh avangin in ah kan awm a , ka pasalin len chhuah a rawt ve teh tlat a chaw hnu lamah chuan kan lengchhuak a , hmun hrang hrangah kal in kan hlim ve hle , ani pawh nidang ang lo takin a nui ve rengin ka hria.





Chaltlang lam ah trade fare an nei mek a, "kal ang , " A tih tlat avangin kan lut ve a , an thil zawrh ho hrim hrim chu dawr pangai aiin a to deuh vek , ka lei ngam loh tur chi , bakkilh pakhat mai mai pawh cheng za te a nih chu mawle , kan kal zel chuan thlalakna hmun
kan thleng a , chhungkua ni awm tak hian thla an lo la mek a , "ti rawh la ve ang , nakina en atan , " Tiin min pawt leh tlat , a phur lutuk chu mak ka ti zawk.




Camera hmaa kan din chuan , ka sam chu min hui mam sak thuak thuak a , nui suk in , " Kan fate nen kan la en duh ang , " A ti sup a.




"In ring ru , " An lo tih takah chuan ka in post uluk khawp mai , style hrang hrang in kan awm a , a tawp berah chuan ka biangah a fawp zeuh a , ka phu zuk chu ka in ring ve hman lo , ka lang chhe ngawt ang .




Chhuak nghal mai thei ang kha a nih avangin kan la nghal a , ka en chuan ka rin ai daihin a nalh hlawm , a tawp bera kan lak chu ka en duh lo ka lang chhe dawn em mai , wallet a ah bo mai theih ang kha a ni a , "khawi i en duh loh chuan , " Tiin min chhuh lawk a , a wallet
ah a dah nghal daih .





Thil hrang hrang kan ei bawk a , nuam ve tak chu a ni , thim dawn ah chuan ka pi te in lam kan pan a , chuti taka a fel chu ka ngaih te pawh a ti tha lo zawk.




Ka chhungte nen kan in hmu chu ka hlim lutuk a , ka tah hial a chhuak in ka hria , ani chu ka pu nen an inkawm leh chawt tawh , zanriah kan ei nghal dawn avangin ka pi nen eirawng kan bawl thung a , ka pi chuan ka hlim leh hlim loh te min zawt a , a hmel atang chuan min ngaihtuah hle tih ka hria , an naute kha ka ni ve miau a , min ngaihtuah chu a awm hliah hliah .





Ka pi en chuan ka hmuh hnuhnung ber ai khan a tar deuh in ka hria , kan inhmuh khat zia leh ka ngaihsak tawk loh zia ka hre chhuak , biak a hmuh pawh ka duh thin , ka pi phei chu ka ngai thei lutuk mahse an laka ka inthlahrunna chu a la reh lo a , an beisei anga ka awm lo chu hreawm ka ti hle bawk , ngai viau mah ila pasal ka neih tawh avangin enge maw hlek a pan nghal zel ka duh bik lo , an rilru ka ti na in ka ti mualpho hle bawk an natna belhchhah leh ka duh tawh lo a ni.






Zanriah kan ei kham chuan kan haw nghal mai dawn emaw ka tih laiin ka pasal chu a la thu tlat si a , "haw tawh ila ," Ka tih chuan , "riak mai ila , " A ti leh , a awmdan chu a mak hle mai harh tharna a chang a nih dawn hi .



•••••

Dar sarih bawr vel ah chuan phone call a dawng a , pawn ah chhuakin a va bia a , a rei em avang chuan ka ngaih chu a tha lo hman , a lo luh chuan emergency a awm avangin kal a ngaih thu a sawi a , biak hman loh in a chhuak nghal .




Ka nghak deuh reng a , enge thleng ka hriat loh avangin ka muhil thei lo chu ka tei kual chhen a , min lo be bawk si lo chuan ka ngaih a ti tha lo zual.




Zing lam dar khat bawr vel ah chuan motor ri ka hriat vangin ka tlan chhuak thuai a , a hmel ka hmuh chuan ka khawngaih tak zet , tlan phei in ka kuah nghal vat a , nghet takin min kuah let a. Eng tia rei nge chutiang chuan kan awm pawh ka hre lo , in chhungah chuan ka kai lut a , eng mah a la sawi lo , room ah hruai lut in , a jacket leh a pheikhawk chu ka phelh sak a , a la ngawi reng .




A ke silna tur chawhtawlh la tur a ka kal tur chu ka kutah a chelh tlat a , " A thi ka fimkhur loh vangin a thi ni , " A ti chuai ruih a , ka kuah vat eng mah sawi rih lo turin ka ti a .


Mit chhing chungin , "Jerome-a nen kan inel na ah chak ka duh luat avangin pawi sawi lo in nun na an chan a ni , " Zawi sup in a ti a .


Ngawi rengin a thusawi chu ka ngaithla a ,an chhungkaw thuruk a sawi chuan ka hriat ai tam daih kha thil mak a la awm cheu .



•••
" Ka pa leh Jerome-a nu hi an in ngaizawng thin a , ka nu nen thiantha tak anni bawk mahse ka nu in min pai tak avangin ka pa nen chuan loh theih lohin an inneih a ngai a , ka pian hnu pawhin ka pa chuan Jerome-a nu chu a hmangaih zawk miau avangin keini min kalsan a , " A ngawi leh vung vung phawt a .





" Ka pa chuan ka nu leh kei chu min hlam chhiah hmak a ,min ngaihven ngai lo hrim hrim , ka nu chuan ka pa chelhbeh tlat a duh avangin thil tha lo tak tak tih pawh a hreh lo , ka pa chu keimah hmangin a vau ta hial a , Jerome-a pian hnuah ka pa chu kan bulah a awm ve leh a , Cindy hi a piang ve leh ta a ni , " Sawi harsa a tih em avang chuan sawi tawh lo turin ka ti a mahse , " Ka nupui i ni a midang hnen atang i hriat ai chuan tuna sawi hi a tha zawk, " A ti a ,a dikna chin pawh a awm a ni.


Sawi zawm leh in , " Ka pa te hi chhungkaw hlun tak an nih avangin ro tam tak a nei a , kei leh Jerome-a hian kan insem a ngai dawn a , ka nu rawtna angin hospital chan tum hian inel na kan nei a ni , ka pa mittlung zawk zawk in hospital hi an chang bawk ang . "




" Ti nge hospital chan tum a in in el kher, in sem mai ta ula buaina a awm lo mai tur a nia . "




" Hospital chan ngawr ngawr lam a ni lo , a chhan diktak chu ka pa tan hospital hi a hlu ber a , a changtu zawk nih chu in chhuan na tham a ni . "






" Jerome-a khan pa a nei in ka hre sia , a nu chuan pasal a nei ve tho tihna em ni? "



"Kha chu a nu nau a nih kha .... Ka pa a zin hian an bulah a awm thin a , a awmzia ah chuan zin angin a in sawi a , Jerome-a te bulah a awm tih na a nih chu . "



"E ......, " Ka ti hluai ringawt , ka rin ai daih in an buaina chu a thuk daih mai , sawi tur ber pawh ka hre lo , a rilru ka tih nat sak ang tih ka hlau a ni.





" Ka nu pawh kha vang kha a nia hmanni pawh khan a thinrim em em , kan chhungkua hi kan hlim ngai lo ti ila ka sawi sual kher lo ang , ka nu in a kal tir duh bawk si lo , ka pa lah in a thlah duh chuang bawk lo a, a hming chauh in nupa an ni tawh , khum khat ah pawh an mu lo . "




" Ka pa chuan duh thlang mai sela in vaiin intuar vek a , Cindy pawh a khawngihthlak ve alawm , a theih mai lo em ni? "




" Ka nu'n a vau zel si a bakah kan buaina hi a thuk lutuk tawh a chinfel mai theih pawh a ni tawh lo , ka nu hi nu fel tak a ni thin mahse ka pa'n min kalsan atang kha chuan a danglam vek a ni , a tan keipawhin theihtawp chhuah a ka pa'n min kalsan loh nan he inel na ah hian chak ngei ka duh thin . "




Thawk la kawk in , " Ka ti dik lo a ni , ka nu tan ka ti emaw ka ti thin mahse ka inbum mai a ni , he hospital hi lo chang teh reng pawh ni ila hlawkna a awm lo , ka pa'n min kalsan a duh hunah chuan ka nu'n vau mahse dan beh theih loh hun a la nei dawn chuvang chuan ka nu hi a dik lo tih hrilh hriat hi ka mawh phurhna a ni, " A ngawi deuh vang vang a , ka biangah chuan dawmin , " hrereng chungin ka tilui thei tawh lo , he inel na hi bansan ka duh a ni , khawi hmunah pawh kal ila min zui duh ang ti raw?" Tiin beisei nei takin min en a , inngaihtuah buai hauh lo in , "aw , " Ka ti nghal thuai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:18 pm

Chapter-31


" Khawi hmunah pawh kal ila min zui duh ang ti raw?" Tiin beisei nei takin min en a , inngaihtuah buai hauh lo in , "aw ka zui ang che ,ka pasal i nia lawm , " Ka ti nghal thuai.


Awih chiah lo hmel a pu deuh, a hmui ah fawp zeuhin , " thu kan tiam tawh kha 'a nuam ah leh a hreawm ah pawh , hrisel lai leh bawrhsawm lai pawhin ' i kiangah ka awm zel ang, " Ka biangah chuan a dawn vawng vawng a , "ka lawm e , " Tiin a phun sep a .

••••••••

Kan mut hnu pawh chuan nghet takin min la kuah reng , ka kalsan hlau ni awm hrimin, ka ngaihtuahna a kal thui hle a , ka pasal mawhphurhna san zia ka ngaihtuah a , midangte nuna inrawlh a duh loh chhan pawh hi amah ah hian kalsan nih hlauhna a nei ni ber in ka hria , a naupan lai atang reng khan duh loh , kalsan leh hnawl niin a inhre ngei bawk anga , kawng leh lamah chuan kan thil tawn chu inang viauin ka hria, a hmel ka en chuan ka lainat takzet , a muhil lai chu ka thlir reng a , a samah chulin , "ka hmangaih che , " Tiin ka phun sep a .


••••••••••••


A tukah chuan zan lam ka mut that loh em avangin ka thawh chuan ni a lo tlangsang hman tawh viau mai , ka pasal chu ka bulah a lo mu tawh lo a , hmanhmawh takin in hnuaiah ka chhuk thla a , sitting room ah chuan ka pu nen an lo titi mek ka hmuh chuan ka thaw huai
, min hmuh chuan min nuih ver ver a , a zia tawh a nih ka ring a hmel pawh hmuh a nuam tawh hle mai.


Min lo pan hnai vata , ka bul alo thlen chuan ka sam chu a tuai mam thuak thuak a , "in lak sexy i tum ve em ni? I sam paw'n chhim leh hmar a kawk a lawm , " Tiin min fiam zeuh a , ka hahdam huai , ka pasal kha a ni ngei e .



Ka dulah chuan chul heuh heuhin , " I ril a tam tawh em? "A ti zui nghal a , bu zeuhin choka lamah chuan kan inzui phei a , tukthuan pawh min lo eisam dim diam tawh , ka inthlahrung ve reng chuti tak mai a han thawh tlai mai chu.Ka pi eirawngbawl ngei ka ei leh thei chu ka eitui khawp mai , ni dang zawng aiin ka ei tui.


Tunah chuan ka thut mai mai te hian thawh ka har ve tawh a , phir ka pai vangin a puar hma bik pawh a ni mahna , thil ho tete ah pawh hian ka hah vak zel , thui tak phei chu ka kal thei tawh lo , ka inzo lo hma lutuk chu a mak ang reng.


•••••••

Kan haw phei chuan Rini chuah in ah a lo awm leh tawh , tih tur tul ang ang ka tihpui sawk sawk a , kan awm loh karin a lo buai thin si a , ka awm ve chhun ah hi chuan pui ve hram hram ka duh thin , awmpui mahnise awpui ang in ka en lo a , ani pawhin u ang tak takin min en ve in ka hria , puitling vek kan ni tawh a bal leh tih fel tur em em hi kan nei ngai hran lo ;mahse tih fai ni bik te te kan neih avang hian kan in a lian si a mipakhat tan chuan a hahthlak ve thin , ka puih duh lo viau mahse ka ti lui tho zel si a , min khap tawh bik lo.






Chhuat ka hruk mawlh mawlh lai chuan ka nu a lo lut hlawl a , mob a hru ka ni bawk a, a lo huh deuh nge , a hmanhmawh ngang a niang chu a pen duak duak sia , ka zawn a lo thlen hma deuh chuan ngum sawh dawt khawp in a thal thuai a , a rak that bawk , ka mob hum lai chu paih vatin pan ka tum nghal a , "lo kal suh ! A nal lutuk , " A ti teu hlar .



A tho lawk thei bawk si lo , ka nuih te pawh a za dawn dawn a lawm le , Rini chu a au chul a , a lo thlen phei chuan an inkaitho ve hram , " Tianga huh te chuan kan tlu vek ang chu fan tal on tur hi nia , "ti nuah nuah in , a ngum a dawm a , room lamah an inkai phei ta a nih kha.




Min hau lo chu mak ka ti ang reng ,ka nu hi nu hmeltha leh hleitling tak a ni a , Jerome-a nu ai kha chuan a hmeltha ka ti daih zawk , chutah lah hna tha tak a la nei zui ,eng vangin nge ka pa hian a hmangaih theih mai loh le ?Hmangaihna ropuina pawh a ni ve mahna ,kan duh duh kan inhmangaih tir thei lo leh kan mi hmangaih turte ah duh kan thlang thei lo te hi.




A thil lo tawn tawh te ka ngaihtuah chuan nu chhel tak leh tumruh tak , mahni hmangaihte chelh beh nana engpawh tih huam mi niin ka hria ,eng tin paw'n ka lakah awmse ka pasal nu a nia ka zah in a zai ka ngai tur a ni dawn lawm ni , hun kal ta ah te khan min ngainat miah loh chhan kha ka thiam loh vek a ni , biak nel leh kawmngaihte kha ka lo tum ngai reng reng lo a, ka pasal sawi ang khan nel ve ka tum tawh tur a ni.


•••••••


Nithum vel chu hlim takin kan awm a buaina kan tawk lem lo mahse nilai ni a lo thlen chuan ka pasal chuan call danglam a dawng ta tlat mai , damlo boral ta chhungte khan khin an duh a , kan buai ta nak mai.




A damlo enkawl lai a nih avangin operation ti tu ni lo mahse investigation zawng zawng an en hnua operation ti thei chauh an nih avangin a mawhphurtu a ni lo thei lo a , kan hospital thlengin a nghawng thei a ni.




A hun tam zawk pawn lamah a hmanga , kan inhmu khat hle bawk, kan inhmuh ve chhun ah pawh a mutha lo tih hriat takin a mithnuai te chu a val kulh a , nidanga a hmul hmuh tur awm ngai lo kha a in zuah buk tawh hle , kan inhmuh hi chuan hlim hmel min hmuh hram hram thin a mahse a rilru chhung ril chu a pik hlein ka ring , a future zawng zawng a chhe vek thei tlat a ni .



Ka innghahna leh ka naute pa a ni a , an thuthlukna a zirin jail hial pawh a tang thei a, a license pawh an tih tawp sak thei tlat , chutiang chu ka thlentir thei lo ang , amah a inrin tawk na zawng zawng pawh a chhe vek thei , eng emaw tal ka tih a ngai.




Damlo history chu ka en a , Luangmual ah daih an awm lehnghal , a chhungte hmuh ngei ka duh si a , ka mangang ru khawp mai hmu teh reng pawh ni ila enge ka sawi ang? An rilru ka hneh theih nan engthil nge ka tih ang?



Hmanhmawh takin damdawiin atang chuan chhuakin , taxi stand ka pan a ka thlen hma deuh chuan Jerome-a chu ka hmu a , kal pel thuai ka duh avangin ka pen chak sauh a mahse min lo nangching hman tho , ka hmaah tak chuan a lo ding a , ngeiawm taka thensuk in , " I tlu palh hlauh a nge ! Hmanhmawh tak in kal ve tawh suh , " A ti kher a nih chu , a buai
loh na turah hian a buai peih mah mah , ka beng her sawk chak mang e.





" Tun dinhmunah chuan ka hmu peih rih lo che , tih tur i nei lo pawh a ni thei e , keichu ka buai lutuk nang biak na hun che ka nei lo , " Tiin kal pel mai ka tum a ka kawng dalin a la awm talh , " thinrim taka min siam hi i nuam i ti ve hrim hrim a nih hi , eng vanga min zuam em em hi nge mawni i nih le ? I lakah zahawm lo leh zuamawm a ka awm awm ka in hre si lo a , khawngaih takin ka ngen a che kalsawn teh , " Ka ti ta thlawt , ka kham tawh takzet a ni . Rilru hah leh buai lai lai a , a lo lan ve chhen ni.





"Ok , ka kalsawn rih phawt ang e , kan inhmu leh dawn nia . "





"Tunah chauh ni lo , ka mithmuh ah hian rawn in lan tawh lo la ka lawm hle ang , " A nui hul hak , a hmel te thleng hian ka rap tawh zawk .





"Kalbo tur zawk chu kan la hria ang chu , i kalna turah chuan beidawn nan tal kal tawh rawh , i lo let leh hun chuan ka in ah ka lo awm ang , min hmu turin i lo kal dawn nia , eng lai pawh in ka lo welcome reng che a nia , " Min kal pel pah chuan a faifuk rat rat a , a thil sawi tum chu ka man lo na in thil tha a thleng dawn hauh lo tih ka hre mai.



Hmanhmawh takin taxi chu ka la a , Luangmual kan thlen chuan an in chu kan zawng leh hrep bawk a , a tawp a tawpah chuan kan hmu ve hram e , taxi driver chu tlawmngaih chhuah a min nghak turin ka ti ta ringawt.



An in ka thlen chuan ka kik kharh kharh a , kawngka lo hawngtu chu hmeichhe ngo ving veng ,te lam deuh hi a ni a , a hmel pawh a chhe hran lo , lut tura min tih hnu ah ka lut a , naupang pahnih hian toys an lo khalh mial mial a , ka en chuan a fate an nih ngei ka ring .




An thlalak tar ka en chuan kawngka lo hawng tu kha a nupui a ni tih ka hre chhunzawm nghal a , an inchhungkhur ka en chuan an khawsak chu a harsa lem lo tih ka hre mai , an veng atanga kan hospital hlat teh reng nen eng vangin nge kan hospitalah kher an rawn awm le ? Chupawh chu hriat ngei ka duh , thil fel hlel chu a awm a ni.




Ka ep ah chuan thu in ka kal chhan te chu min zawt a , ka sawi hreh kher mai mahse sawi lo thei ka ni si lo



"Ka pi in pa boral dan te kha ka lo hre ve a , pawi ka tih pui khawp mai che , " Ka ngawi leh rih a.


"Pawi i tih thu sawi tur ringawt a lo kal chu i nih hmel loh . "



"A....... Aw.... Ka lo kal chhan tak zawk chu a boralna a mawhphurtu a inkhin kha ka pasal a nia , " Ka sawi zawh hma hauh chuan min lo pawt chatin , "Chutiang a nih chuan min kalsan zawk mai rawh , kan rilru sawh sawn kan tum lo , " a ti hmak a, a beidawn thlak duh khawp mai.




Ka mit ka chhin vang vang hnu chuan , thaw chhuak vakin , " Ka pi i hmuh ang hian tunah hian naute thla nga mi pahnih ka pai mek a , i rilru i thlak theihna turin engmah tih theih ka nei lo mahse ka thu sawi te hi ngun takin min ngaihthlak sak ve phawt la ka duh a ni , " A inngaihtuah vung hmel khawp mai , a ngawi reng a.



Ka bag atang chuan investigation result ho chu ka lachhuak a , "ka pi i rilru a na thar leh ang tih ka ring mahse ka thilsawi tur hi chu ngun takin min ngaihthlak sak hram la aw, " Ka tih chuan a bu zeuh a .




"Hei hi i pasal investigation an tih na result ho a ni a , ka pasal kha a doctor a ni ka tih tawh kha , khami zana a zual thut khan ka pasal kha hmanhmawh takin a lo kal nghal a , operation an tih dawn khan uluk takin ka pasal leh doctor operation ti tu tur te khan investigation result ho hi an en ngei ang chu chu an tih dan thin a ni , ka pasal khan duh vang reng leh tum lawk vangin in pa kha a tihlum lo a sin , " Ka ngawi deuh vang vang a .




"Eng ber nge sawi i tum ? Sawi kual duah kher suh , " A ti bul hmuk a , a beidawn thlak duh khawp mai, sawi zel tur pawh ka hriat thiam a har tawh a ni.


" Khami ni a lo haw khan ka pasal khan a tuar lutuk a sin , amah vangah a ngai tlat a , tun thleng hian mutmu pawh tuah tha hleithei lo in a awm phah a sin . "




"A thiam loh a ni miau a lawm , ani chu mutha lo tur tal a la awm a, ka pasal ve thung chu dam chhung atan a muhil tawh zawk a sin , " A mittui chu a tla zung zung nghal a .




Hnem ngaihna ka hre lo , naupang ho bulah chuan kalin an thil khawihlai te chu ka khawihpui a , an hmingte zawtin an infiam na bulah chuan ka thu ve ta reng a .



A tah chhuak zualpui a reh tawh a ni ngei ang , kan bulah a lo kal hnai a , naupang ho chu biaiin room a lut turin a ti a , an kal hnu chuan an toys ho chu a seng tha mawlh mawlh a , puih ve in an chhungkaw chanchin tlangpui chu ka zawt bawk a , ka khawngaih ang reng , a fate kha phir an ni a , tunah nau thla thum mi a pai leh mek bawk.




An hausa ve pangai an in leh lo pawh chu tha tak a ni , a pasal kha sumdawng hausa tak a ni a, amah pawh High School zirtirtu a ni nghe nghe ,a pasal nu leh pate nen an la khawsa a , haw mai an remti lo bawk nen a pasal kha an fapa neih chhun a nih avangin ani paw'n a pasal chhungte chu a mawhphurhna a a ngaihthu te min hrilh a , rinai takin kan titi tui ta phian a .




Ka haw hma chuan a tawp nan " Ka pi eng pawh sawi ila i pasal ka ko let leh thei lo tih ka hria mahse kei leh ka fa lo piang tur te tan hian thil min tihsak thei a sin , ka nawr lui lo ang che mahse nang paw'n fa i nei a ka awm dan tur chu i hrethiamin ka ring , i rilru i thlak a nih chuan min lo be dawn nia , "tiin ka no. chu ka hnutchhiah a .




Kawngkhar ka thleng tawh tih chuan min lo nang chinga , " Lo ding lawk rawh , " a tih avang chuan ka ding leh rih a.




" Ka pasal kha operation ti lo pawh nise a boral tho ka ring mahse......, " A ngawi deuh vang vang a , a mittui chu hru zeuhin , " Ka la pawm thei lo a ni , a thihna kha ka tuar em a mawhpuh tur ka zawng pawh a ni mahna , ka hrethiam e , i awmdan tur chu i pasal chu mi vannei tak a ni , amah hmangaih em em tu nupui a nei che hi, " A nui suk a.



" Thlamuang takin i haw dawn nia , ka chhungte nen kan lo sawi tha ange , chanchin kan inhrilh leh dawn nia. "



"Ka lawm lutuk , ka lawm takzet , " Ka mittui a tla hial , a tan pawh a har ngawt ang tiang thu thlukna siam chu.


"Lawm thu min hrilh duh suh , i pasal khan risk min lakpui ngam zawk a , tha takin enkawl lo phei se chu khatiang a rei kha a dam hauh lo ang , doctor dangte pawh an beidawn tawh hnu a rawn pan kan ni a , i pasal kha doctor tha tak a ni. "




" Zawhna pakhat leh chiah , " Inthlahrung takin ka ti a , "aw sawi la . "



"An zai dawn khan inremna tih vel kha in sign lo em ni? A..... A chhan chu operation tih dawn reng reng hian dam lo chhungte hian an pawm pui a ngai thin sia , chutiang a nih chuan khin theihna dan a awm lo ang tluk vel a nia , ngaih loh lamah min ngaihsak lo la , ka hriatchian loh vangin ka zawt tawp mai che . "




Mak tih hmel takin min en a , "Engmah i hre ve lo chu a mak hle mai , ka pasal leh damdawiin a thawk doctor pakhat kha cousin an nia , ka pasal kha zanlaiah a buai thut a vangin kan lo thleng lawk thei lo a ,kan veng a hla si a , ka nu leh pate awm loh lai a lo ni bawk nen , keiman car ka khalh theih loh avangin , a hmanhmawh thlak tawh si a , ani chu engkim lo buaipui turin ka ti a , ani chuan signature pe loin doctor khan zai a tithlu tawp a , kan thu hmu loin chuvang zawka khing chu kan ni. "




"Ka pi chutiang ngawt chu thil kaldan a ni thei lo , eng ang paw'n fimkhur lo pawh nise chhungte remtihna tello chuan operation a tih ngawt theih loh a , hriat sual palh a awm a ni lo maw? "



" Dan leh dun te kan hre ve lo na a mahse ka thusawi chu a dik ngei a ni , engmah inremna lehkha vel hmuh tur a awm hauh lo , " A tih
chuan mak ka tihna a zual tulh tulh mai , eng ang paw'n hmanhmawh se chuti maiin an chhungte remtihna tello chuan zai theih an ni ngai lo , eng thil chiah nge thleng hi ? A hrim
hrimin a doctor sawi chu tu nge ni ta ang le ?




Kawngpui ka thlen chhoh chuan taxi chan ka tum a , ka din reng lai chuan taxi pakhat hi ka hmazawnah a lo dinga , "ka pi ka nghak rei lutuk che, "a tih chuan ka kalna taxi kha min nghak turin ka ti tih ka hre chhuak chiah , tunlai thil ka ngaihtuah nasa lutuk thin hi chu ka haihawt zo vek .




Ka lut nghal vat a , " I fel hle mai , min lo nghah ka ring miah lo a , " Ka tih chuan , lo hawi letin , "ka nghah mai loh che chuan i chuan man i pe reng reng hleinem , " Tia min chhan chuan inthlahrun ana duh kher mai.



•••••••••

Kan tlan thui tawh ang reng , khatla kan thleng tep tawh a thil hriatchhuah ka nei , driver chu let leh turin ka ti a , ka chhukna hmun tur kan thlen chuan ka chuanman ka han pe chu tam tak a ni .




Gate pawn a ka din chuan let leh mai ka duh rum rum a mahse ka pasal tan ka luh ngei a ngai si , maimitchhingin thawk ka la vang vang phawt a , " Lalduhzuali 'ka tum nge ruh sa ruh 'ti thin tu kha ka la ni reng e , "tiin zawimuangin gate chu hawngin ka lut a .




Kawngkhar zawn ka thlen chuan a hma aiin ka huphurh leh zual ka kut thlan huh dap chu ka kawrah hru pawk pawkin , door bell chu ka hmet a , chu door bell ri tleng tleng mai mai pawh chuan min ti zam zual.




Kawngka an lo hawn chuan lut turin min ti nghal a , an in chhung ka vawikhat rahna kha ka la hrechiang khawp mai , tun dinhmun hi kan la thleng ang tih ka ring pha hauh lo , ka luh hmasak ber tum kha chuan a nalhin a changkang a , ropui pawh ka ti hle a nih kha mahse tunah chuan movies vela kan en thin vampires chenna in zaupui tihbaiawm deuh kha ka tehkhin ber tawh.




Ka mi hmuh duh a lo kal chuan pindan pakhatah hian zui turin min ti a , ka hlauhna chu dahthain ka zui ve hmiah , ka rilru chuan ka tawngtai mawlh mawlh a .





Pindan kan thlen chuan inlavei tak hian thut thleng vir theiah chuan a thu tharh a , thawmhnaw dum hlang vek a inbel si a 'Setana s*wn ' ni awm a mawi a ni , hmu thut ila chu ka thidang hial maithei a ni.




Thu turin min ti na a din ka thlang zawk , "thil dang sawikual duah ka tum lo , i thil tih dan zawng zawng ka hrechhuak vek tawh , in nu leh pate avangin in tuar nasa tawk tawh i ti lo em ni ? nangni leh zel hi chu in bei tawh suh
u , " Ka tichhuak nghal.




Ka thusawi chu eng ah mah a ngaih hmel loh kher mai , a thutna chu a ti vir vel mai mai a , "Ka pasal chu ka lo sawipui ang , heng thil hi ti tawp lul teh , ka ngen a che ,nang paw'n i tuar ve thei a nia , " Ka tih pawh chuan a la vir kual vel mai mai tho , ka zaidamna in a tlin tawh ngang lo , kal hnaiin a thutna chu ka chelh a , " Duh tawk rawh ! Naupangchhia pawh i ni tawh lo , eng mah sawi pui theih reng reng loh
mai , "ka ti vin thawt.




Muangchangin a insiam rem a , " Min mamawhtu zawkin min vin ngam zawk a maw! " Ban charh hian a ti a , thatchhe deuhin a thu awn duai bawk a , ngei viau mah ila ka insum tang tang a ngai a ni.



" Ka lu i ti hai a lawm , khatia i vir vak vak khan , " Nem zawkin ka ti leh a ,rawn zuang tho zawk in , " Ti nge i sawi vat loh , " Tiin thutthlengah chuan min nem thu rawk rawk a , " I tha em , "tiin ka pulse te chu an check vel a , a awm dan chu ka hrethiam lo kher mai .




" Ka tha , " Ti let hmukin thawh leh mai ka tum a mahse min pawt tlat, ka rit ve deuh tawh bawk nen ka tang thei der lo mai lehnghal.




" Ka thusawi te kha ngun takin lo ngaihtuah hram rawh aw, eng ang paw'n in el in , in er mah ula unau in nihna a bo dawn chuang lo a nia , in nu leh pate thil tihsual ang kha chu ti ve lul tawh suh u , ka ngen a che , " Ka tih leh chuan a inher hmak a , a kun ngul bawk.





" Khatiang thu kha chu sawi tawh suh ,..a phatsan chung che pawh in a lam i la tang thei a , i lo ropui e Lalduhzual , nangmah hmangaih lo tu che i hmangaih theih laiin , nangmah hmangaihtu che hmangaihna hi i pawm leh thei chuang si lo, eng ang mihring nge maw i nih le ? " Zawi deuh ruih hian a ti a .




" Min hmangaihtu te hi an hlut viau rualin , hmangaihna ah chuan duh kan thlang thei miau si lo a lawm, nang paw'n i hrechiang viau a ni lawm ni? Khawngaihin i rilru thlak hram teh , he in el na ah hian thianghlim takin i bei tur a ni dawn lawm ni? " A rilru hneh tumin ka la ti ve talh.




" Indona leh hmangaih na ah chuan engkim a thiang vek , i pasal hnen ah thu dik lo ka hrilh i duh loh chuan kal tawh rawh , a tlai tawh , " A
ti hmuk a , thu tawp a sawi tih hriat takin amah zawk chu pindan atang chuan chhuah a tum a .




" Keimah vang a hetiang thil hi ti i nih chuan , eng mah ti duh tawh suh , pawisawi lo thlenga an tawrh chu thil dik a ni thei dawn em ni? Inngaihtuah chiang rawh , hetiang mi hi i nih ngai loh kha . "



Kawngkhar lam a pan tawh zet chu inher let lehin ka lam panin a lo kal hnaia , hnungtawlh emaw ka tum hauh lo , engtin paw'n min ti se ka hmachhawn a ngai ,ka bul a lo thlen chuan ka khabeah hmer vakin , " Min hrechiang viau angin awm tum hauh suh ! Heng thil thleng zawng zawng ah hian mawh min phurh tir tum hauh suh ! "




" Mawh puh tur midang zawn tum bik suh ! In thiam lo vek inchhungkua hian a te ber atang a lian ber thlengin , " Min hmerna chu a na tawh takzet mahse hlau anga ka lang a nih vaih chuan a rilru hi ka hneh thei hauh lo ang .



Min thlah ve hram, nui chhuak hawkin dawhkana thil awm chu a mal tete a paih in keh thei ho chu a keh darh bawk a , eng rilru nge a put ni a a tawh a nih hi .



"Hei hi chiang takin en rawh , a mal te te hian a kehdarh a , hetiang chiah hian ka thinlung hi amal te te in i ti kehdarh a ni , tikhan tu thiam loh nge i hre tawh mai em ? "



Pan hnai deuhin , " Jerome in ngaihtuah chiang rawh , nang nen hian kan hun kal tawh ah inzawmna kan nei em? Ka duh che vawikhat tal ka ti tawh em? I lakah beisei awmin ka awm ngai em? " Ka sawi zawh hma chuan min lo pawt chatin , " Pasal lo nei thawt thawt lo la chuan hetiang thil hi ka tih a ngai hauh lo ang , " A paih darh bang ho zawng chu a hnawl thla vek a , a rak chiam bawk ka phu zawk
lehnghal .





Ngawi rengin kan ding a , a sam chu tuai chho pawkin , "tha taka ka sawi lai hian haw rawh ! " Tiin a inher a , a chhuak nghal daih.





A chhuah hnu chuan muangchangin ka chhuak a , pawn ka thlen chuan ka chau hulh thei , vawiin ni ang reng reng a ka buai hi .




Taxi changa ka din lai chuan ka hmaah car dum nalh fahran hi a lo ding a , horn chu hmet ri tuarin glass a down zui bawk a , a lo dakchhuah chuan Jerome-a lo ni rengin min nuih leh sang tawh , a thinrim a reh nge , a rilru hi a kim lo tak tak zawk .




"Lo kal rawh , a tlai tawh , " A tih chuan ka chhang buai peih lo , ka kalsan hmak , min lo zui zel bawk si a ngaihtuahna thar ka neih avangin ka chuang ve ta nge nge .




Ka ngawi reng a , ani pawh ni dang ang lo takin engmah a sawi bik lo , kan veng kan luh hma deuh chuan traffic jam ah kan tang a , chu chu remchangah la in , " Jerome min hmangaih takzet em? " Tiin ka zawt tawl a , ngun taka min en in , " He khawvel kan dam chhungah hi chuan nang ang a hmangaih hi ka tawn leh tawh ka ring hauh lo , " A mitmengah chuan a tih tak zia ka hria .




" I mi hmangaihna chu ka ringhlel hauh lo e , min hmangaih tak tak anih chuan min chhuah zalen rawh , chu chu ka ngen a che , a tul phawt chuan thingthi leh bawkkhup pawhin ka dil mai ang che. "




"Eng ang zalenna nge i sawi chu ? Tunah hian ka phuarbet che i tihna em ni? I duh dan dan in i awm thei a lawm . "




" Min phuarbet hauh lo mahse ka zalen lo a ni , thawkna hun takngial pawh nang hian min pe lo , tunah pawh hian ka chau tawh takzet , in inel na ah hian min tel tir ve phet tum tawh lul suh ! Ka ngen a che . "




"Min hmangaih turin ka ngen lo che , ka hnen lo pan turin ka ti mai chauh che a ni , " A beidawng duh bawk si lo , min tichau tawh takzet a ni.




" I hnen lo pan ta ila kan hlim i ring reng reng em ni ? Kum tam tak pawh liam se ka hmangaih theih che ka ring lo , " Thu dik tak ka sawi mai loh chuan ka rinawm loh san ang hialin min chhuah thei a , a beidawng hauh lo ang , a bulah hi chuan pehhel kual lo a sawi phawng hi a finthlak zawk ang .




"Aw le , a tha e ! Engmah sawi tawh suh ! " Tiin a ngawi hmak a , biak leh ngam pawh a ni tawh lo .




Kan in kan thlen chuan dar riat lai a lo ri tawh , hmanhmawh takin ka chhuk a , ani pawh biak hman loh in a tlanchhuak nghal , ka luh hma deuh chuan Zomuani leh ka pasal chu in haw lo tak hian an lo kal dun a , Zomuani chuan ka
pasal banah chuan vuanin a nui ver ver bawk
a , ka en reng lai chuan min lo hmu ve chat , kan in melh no lo dun teh e.




Cont.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)