Mr. SPICY NOODLES BY Sandy Sweet (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Mr. SPICY NOODLES BY Sandy Sweet (Completed)

Unread post by Ngaia » July 25th, 2021, 6:14 pm

Chapter 7


Mr. Spicy noodles-a p.o.v



Damdawiin chu nuam ka ti sawt hle a , a chhantak phei chu ,mipakhat ka hmuh avanga ka hlim hian ka nileng hun hman a nawm thin vang a ni....


Mahse tunge khanu kha a hming kha aw?🤔.....A !!! 🤦‍♀️ tinge a hming ka lo ngaihven miah loh le ??....
.
.
.
Damdawiin ka thlen chuan office ah pawh lut lo in , general ward-ah chuan ka chhuk thla nghal a... Chutia ka lut thut chu min lo en thap a , an thil tih lai chawl meuh in....


Sakei hmu !ang mai a ,min en hlawm chu le, ka seh dawn lo a , engtin tih ka tum hek lo , eng an hria chu ni maw??🤔.....

Ka hawikual a ,ka mi zawn🧐 ka hmuh tak loh ah chuan ka chhuak leh nghal daih a....


A duty ni a nilo a niang a ,nge ni a 🤔,a duty na hmun a thlak zawk...ka hriatchhuah a ngai...


ka'n thu veng veng phawt ang a , a hming hriat dan ka ngaihtuah ang .......
°
°
°
°

Ka thut veng veng hnu chuan , ka thil tum chu ka ngaihtuah a ,a mak hle mai 🤔 eng vanga??hmeichhe tlawn zurh hming mai mai pawh chu hriatchhuah ka duh tak le, hre ta pawh ni ila engtia han tih nge ka tum ?? Chu chu kei pawhin a chhanna ka hre bik lo🤷‍♀️... Huizzz😴.....



•••••

Ward fang tur chuan ka chhuk a , nurse duty ho chuan min lo zui sap sap a...

Kan zawh chuan , kha a thiannu kha ka hmu a, han zawh dawt dawn in ,zawh mai dan tur ka hre si lo ,bakah mak minti lutuk palh ang...



Ka chhuak dawn zet a , ka insum thei ta ngang lo , a thiannu chu station ah chuan ka pan ta tawp a....

Pan hnai in "Mami, hmeichhe tlawn zurh kha i lo hmu em??? " Ka ti a ...ka lo zawt ta kher kher chu ka inchhir hle mai...

A ni pawh chuan mak tih hmel deuh hian min en phawt a " Hmeichhe tlawn zurh chu tu nge niang awi " a ti a....

"Tu mah " tiin , ka chhang a ,ka kal nghal daih ...khanu kha avan smart lo tak , chu chu maw tiin a hming a sawi chhuah ka lo ring ve em em a nia, hmeichhe tlawnzurh te chu a thiannu bak kha an awm tawp si lo a... Aw! ti lai hmunah hian normal people tu mah an awm lo a nih hi a hahthlak thei em mai ..... Plese come and take me !! (😂😉)




Ka office ka thlen chuan ka thinrim thut, ka hriat duh hre lo leh ka tih ngai loh ka tih phah mai bakah , mak ti tak a min en hlawm avang khan , ani chungah chuan ka tuan a ••••••

A hming pawh ka hriat loh chu , "lo ngai reng rawh , nangmah ka ngaihtuah vang che a thil thleng zozai hi , min la rul leh vek ang" Ka ti a.....


••••••

Director chuan min ko a ,free clinic hawn a duh thu a sawi chuan , ka hnial a " Damdawi a thlawn veka sem a ngaia ,kan tan insen na tur a tam mai bakah, hmanrua a awm tha lo a , damlo tan pawh a pawi thei " Ka ti a ...


Mahse a thu zawk miau sia🤷‍♀️ ....kei ka thu leh hla te chu e , thi beh loh thu mai mai a ni.... Ka lo sawi ta kher kher chu , ka chilper ka ui zawk e a....

°
°
In volunteer ho chu an hming ka en thla diat diat a ,🧐 ka hre ta 😆 "Rachel Lalduhzuali" a hming chu, a hming ngei mai chu....


Harsatak a hriat tuma ka lo beih ve ngei mai chu awlsam deuh in ka hre leh ta sia , ka intih theih mai mai zia chu e ,Tarzanan ramsa thi an awm a "Yes, underpant thar ka nei ve ta "lawm taka a tih ai pawh khan ka lawm daih zawk ang....
.

"ka hre ta " tiin ka au vak a...

Ka bula mi chuan min en reng ringawt .... Ka rilru tete in "hmeltha i la hmu ngai lo a mi ? "Ka ti a 🤣🤣

......

Hun a ral a , free clinic nei tur chuan kan kal a lo hun ta .... Zingah hma takah ka tho a , kan innghahkhawm na hmun chu ka pan a.....


Ka thleng hmasa ber a , ka awm fe hnu chuan midang pawh chu an lo thleng ve zel a .... A ni kha a lo lan hun ka nghak reng a , mahse a lo lang thei si lo ....


Ka thin chu a rim deuh hlur a , minute sawmpanga laiin a tlai tawh....


Ka thlir a, ka thlir zel a, a tawp a tawpah chuan a lo thleng ve ta hram...

A lo kal lo ang tih ka hlauh luatah ka thin a lo rim bawk nen ,a lo thlen chuan, a thusawi pawh ngaithla hmasa loin ka hau nghal piap piap a......


Mahse maktak mai in a mitah chuan ka la hmuh ngai reng reng loh hmuh leh pawh ka duh tawh loh mittui ka hmu ... thup tum viau mahse, ka hmu chiang viau....Chu chuan keimahah engmaw feelings mak deuh mai a siam , ka sawichhuah thiam si loh chu...




Bakah a thiam lohna a awm loa ka ti mah mah a ni....Ti mah mah min ti ve tho tiru...... 🤧🙃😎


.......

Bus-ah chuan ka chuan peih loh avangin bike ka keng a , bakah hman mamawhna a awm thei tih thu hla ah ka keng ve hrim hrim....

Kawng chanve velah chuan zunram thiar turin kan dinga , ka mit ka len deuh a mahse , a lo chhuk ve miah lo ....

Kan tlan chhuah dawn tep chuan..Ka bike chu midang ka khalh tir ta zawk a , keimah zawk chu bus-ah chuan ka chuang lit ta a....

Ka luh chuan min lo en deuh thap a , Rachel-i chu a hmalamah amah chauhin a lo thu a , a bulah chuan ka thu ta chat a ... Chhungrilah hian ka hlim veng veng mai..... 😇😊

Han sawi mai tur ka hre lo a, ka bengah chuan earphone vuah in ka maimitchhing char char a...

Ka bula thu chuan min be miah lo, enge maw tal a sawi ka lo beisei ve em em a , khatia ka hauh hrep avang khan ka chungah a thinrim emaw ni dawn chu aw?? Hauh hrep kha ka tum bik lo a sin le ...... A va bam em😴




•••••••


Kawng te a thui a, ka ril chu a tam tawh ngei mai bakah ka chau , boruak uap churh te chu a hreawm, ka bula thu hian zir viau lo phei sela chu ka let vang vang ang....


Ka pum chu a ri leh kurh kurh thin , ani pawh chu a pum a ri ve tho , a ruk chuan ka nuih a za ngei mai, mahse hre lo ang chiah in ka awm a.....

_________________________________

Chapter 8



Mr. Spicy noodles-a p. o. v



Khua chu; thim dawnah kan thleng chauh a , khaw mipui upa lam deuh chuan min lo hmuak a ....


Keima kaihhruaina hnuai a awm an nih avangin, muangchang lo in ,thlen in te chu kan ruat fel zung zung a ...

Rachel-i chuan thlenpui tur a nei ve lo a , a chhan chu kan kal hma khan thlengdun tur ho kan ruat fel sa vek tawh vang a ni....


Keipawhin thlenpui tur ka neih bik loh avangin kan pahnih chuan kan thleng dun ta a....
.
.
.

Kan thlen in tur kan thlen chuan , ka rinai takin a lo nuam a , kan thlen in te pawh an fel...

"In bual hmasa rawh" Rachel'in a tih chuan , thil dang tih tur dang a nei a niang chu ka tia , chhang lem lo in ka inbual ve mai bawk a ....


Zanah chuan , midang chu an la mu si lo a , mutna hmun tur min kawhhmuh bawk si lo , an bulah chuan ka thu ve ta reng a....

Zawhna chi hrang hrang Rachel-i chu an zawt a 😉, tha tak in a chhang zel a ......


A tawngkam maltin mai chuan min hip a , hawrawp nih a , a ka atanga chhuak nih ve chu ka chak ....

Ka lo thlir leh veng veng tawh !! mai mai chuan!! Enge ka ngaihtuah kha?? Hawrawp nih ka chak a maw??.... Aw!!! Ka nun hlui kha ka ngai mang e ... Thaw veng deuh a awm leh kha ka chak.. 😒....
..
...
....
.....
A tuk a khua a lo var chuan, ka ritam hle a , han tih vak ngaihna ka hre si lo ..... Ka spicy ei thin thak ber chi power zawng zawng sawm khawm in Rachel-i mutna lam chu ka pan ta tawp a.....

A muhil lai hmel ka hmuh chuan , "chhe ve ngawt mai!! hetiang hmeichhia hi tu in nge duh ang aw "tiin ka ngaihtuah a, a duh tu chu ngawi rengin tlan bo daih rawhse(🤣🤣) ka la ti zui...


Ka sawi dat dat a , mahse thawh mai a tum hmel loh viau , ka kut chu rawn banin, meng chuang hauh si lo hian a kuah a , rizai hnuaiah chuan a pawm lut ta daih a nih chu.....

Ka lungphu chuan tu dut ;tu dut; pawh ti lo in tut;tut;tut a tiin ka hria a phu rang lutuk 😩... In lo hrepha ve chiang mai😉

A rawn meng thut a, chiang tawkin mitmu pawng chhuak lek lek in min lo en a , ka kut chu paih thutin , a rawn zuang tho a nih chu.....

Ka lo inring hman bik si lo nen , ka luah min tauh chawrh a, ana reuh phian.. Ka fiam zui bawk a....

Thingpui lumtura ka tih chuan min hnial lo a , ka kalsawn ta a... Choka a ka va luh chuan , a lo buai leh pek hle , heiha! 😪 engmah hi a tifuh ve thei lo a nih hi... Kal hnaiin ka in ngai loh thu ka hrilh a , ka riltam vei nen eng cu ka hria nimaw🤠...
.
..
...
Ka en reng a , a mah chauh chuan a nui a, a nuih chuan a hmeltha hle mai , sawtianga a nui saw ka vawikhat hmuhna... Ti sawn nui reng se😍...

Kan thlenin nu chu a lo tho a , Rachel-i chu a ko a ,an inbe siam siam a , hmeichhe titi na kara mipa lo awm ve reng te chu thil mawi pawh a ni lo tiin ka kalsawn a......

Ka va let leh chuan thingpui chu ka la a , "ka in ngai lo kha a ti sia" Rachel-in a tih ri chu ka hria a, kal pel pah in a beng bulah chuan , "Mi dang lumte chu in ngai e" Ka tia......🤣🤣 a rimtui reuh phian mai bawk sia ,ka fawp duh mai dawn tlat kalsawn vat ang...


••••••••

Nileng chuan kan buaia , keiphei chu ka buai zual, Rachel-i pawh ka ngaihven hman lo...

Kawng thlang lam a ka kal tur chu mipakhat hian min su chawrh a , thingpuiin min la leih zui , thinrim taka hauh ka tum chuan Rachel-i a lo ni leh sia.... Ngaihdam min dil nasa lutuk chu ka khawngaih reuh hle...

Thinrim viau mah ila , ka hau phal tawh teuh lo , kan kal dawn a , ka hauh avang a ,a mittui tla kha hmuh a hreawm em mai....

Ni dang chu nise ka hau leh hrep ang .....


Ka ban vek a , thote chuan min hmangaih thar ta hle a......


Ka intih fai zawh hnu chuan ka phone chu la chhuak in ka pa chu message ka thawn a .....


Tihian ka ziak a " Ka pa 'HAPPY FATHER'S DAY'' hei leh chen min dampui a , ka laka i thuneihna i la lan tir thei hi ka lawm e! Hlim deuhin vawiin hun hmang la , i tan fapa tha tak nih ka tum ang .... Ka sual pawh ka chhuah leh zawk maithei🤣" tiin......





_________________________________

Note : ka lo sawi leh mai min lo ning mai lo ula🤭.


He thawnthu hi remchan zawkna avangin zawhthuai ka duh zawk a ti hian ka lo dah kawp ta mai .....

Thenkhat tan chuan hneawm lamah a kal thei a mahse, min lo hrethiam hram hram dawn nia😘😘
Chuan he mi chapter vang hi ania an thusawi maltin te kha lo chhinchhiah pui tura ka duh che u.....

Hei he tah pawh hian chapter hmasa zawk ah khan Rachel-i khan inbual hmasa tura Israel-a a hrilh khan hmeichhia a care loh vang leh polite loh vanga inbual hmasa zawkah a ngai a hei he chapter ah hian a chhanna chu a awm aw😉🤭.....

Chuan an thlenin te nena an titi lai khan Rachel-i khan Israel-an a chhang ve duh lo emaw a tia he tah hian a chhanna a awm leh e .....

Heivang tak hi a nia chhinchhiahpui an ngaih chhan , a nuihzatthlak lai kha in man lo palh hlauh a nge te ka tia😂....

Mahse in thu thu , ka sawi ve mai mai aw😂🤣

*tuna laklawh deuh a ka lo dahchhan pakhat chu Vawiin hi father's day a nia kan hun tawnin a zir si lo a, ni pawh kan theihnghil zung zung avangin ka lo remind che u ... ☺



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:14 pm

Chapter 9:


Mr. Spicy-a p. o. v


Ni chu a ral a , kan hna pawh kan zo ta ;kan thlenin a let tawh loin puanin kan kaih ah chuan kan riak mai zela, inbual tur chauhin kan haw thin ....

A hmun te a thengthaw nuam bawk a , kei pawh in ka ning lo ve teh khiah a ...

kan haw dawn zan chuan ...... Kan inti thawveng ve deuh a , meipuite kan chhep hluah a, kan director-in min lo biak a vangin ka kal sawn a , report tlem ka pe a , rinaiin kan inbe rei reuh zek a ....

Ka let leh chuan , Rachel-i chu a thle nguai nguai a, a awm dan chu mak ka tia , a chhan ka zawh chuan ,min lo en in "Ehe , Mr. Spicy noodles-a lah ni rengin ,a tak in ka hmu bik bik che a nia, ka va nihlawh ve, awi!! ka thiannu kan hrilh teh ang" a tia , a phone chu a zawng kual ruai a....

Thil dik lo a awm tih ka hria, a rim lah chu a mak em em zui lehnghal a, midang chu a chhan ka zawt a, an sawi duh lawk lo lehnghal ......

Engpawh lo tiru se , puitling an ni tawh a , ka khap rual an ni lo mahse , chutia ka Duhzuali a han awm ta mai chu ka ngaihdan a pel hle a....

Ring deuh leng lawng hian," tun ah lo dahchhuak nghal vek rawh u " Ka ti a , an ngawih thiap hnu chuan an lo dah sap sap a, khawi atanga an neih chu nimaw!! a la tam em em zui.. ...

Ka Duhzuali chu pawm pheiin a mutna hmun chu ka pan pui a ... A mu duh mai si lo , a mut pawhin a tho leh a min thlek leh vang vang thin ,a changin a nui a , achangin thil mak pui pui a sawi bawk ......

"Mutha tawh rawh a tlai tawh , chu midang pawh an reh thiap tawh chu" Ka tih chuan , a lo tho thut a, ka samah chuan min lo kek a ," ka haw lutuk che , i hmel te hi tengtere mu a an tehlul nen , i inla tha ve sia, tui nu tak a tanga lo chhuak i nih hi .. i thinlung a nu em mai" a ti a ....

A thusawi chuh!! Min ngei thu sawi in , a tawngkam chhuak chu mak hle mahse mak tak maiin ,minti hlim reuh phian a, ka haw phal teuh lo....

Ngawi reng chuan min kehna kut chu phelh ka tum a , vawileh khatah a rawn luak phut a nih chu... Ka ten lutuk!! Ka luak ve mai dawn in ka hria.....
.....

A luak zawng zawng te ka tihfai hnu chuan , kalsan mai ka tum a , ka banah chuan min lo vuan leh a ,a lo tho a min kuah thut a , a tir chuan ka hamhaih deuh a mahse ka kuah let ve a .....

A thil in chu eng tak ni ang maw?? A chak hle mai ! Ka mut that tir hnu chuan , a thil in ang chu engtin nge a awm a, chuti tak maia a awm chu le ka tia .....

Ka la a ka in ve chhin a , a lo tui reuh phian mai , duhtawk ka tum hnu chuan tlem ka in leh a, ka duh tawk mai thei lo , ka in a , ka in zel a.....

Ka hriat hnuhnun ber chu , tu emaw hmuiah duhthawh takin ka fawp tih zawng a ni mai.........,..
. _______________________________



Rachel p. o. v


Ka puan ka han hlim chuan Israel- a ngei mai chu ka hmu ta si... Chutia puan ka hlim chuan " A vawt " a ti a ....

Engtia awm tur nge ka hre mai lo... Ka sin that tir tak mai si loh ah chuan, a mit chu lo mengin , min lo en ve chat a....

Ka harhchhuak thut .... Ka tah a chhuak a 😥,au chu sawi loh ka hamhaih lutuk tlat enge tih tur ber pawh ka hre lo!! ani chu ka ngei hluah hluah a, ka inten hle bawk... Ka mittui chu a far fep fep a ....

A ni pawh a hamhaih deuh a niang chet mai nachang a hre bik lo...
.
..
...
....
.....
Kan haw dawn chuan; kan thlen in te pawh chu kan mangtha phawt a ...

Ani chu hmuh ka hreh a , thilthleng engmah ka hrechiang si lo nen han dem viau dawn pawh in, a thiam loh nge ka thiam loh zawk ??, Eng mah ka hre lo.......

.
Min vaw hrep in , min thing nawk nawk pawh nise tunah rih chuan engmah ka hre lo a nitawp mai.....






Kan haw dawn chuan ; kan ruala Aizawl kal ve duh an awm avangin ani chu bike-in a haw dawn a .... Kan chuang tlang tawh lo tur chu ka lawm rilru viau ....



Mahse , ka lawm rei lo viau ,a bula ka chuan a ngai leh ta tlat... Midang chuang mai tur a ka tih pawh in an duh tlat si lo a, ...


Kei aia senior vek an ni a , kei a junior berin han hnial chian kha a ni thei si lo a .... Duhthlan tur dang ka nei leh ta lo......
.
.
.
A bike-ah chuan ka lawn dawn a , ka han kar tur chu ka na zawk mai ka te that a....

"Ngati nge a lo ti nghal thuai" ka sawi dawn lahin ka zak si, sawi dawn loh lahin ka tuar theiin ka in ring ngang si lo "Mipa thut in ka thu thei lo" Ka ti ta ringawt a....


"Hmeichhe thut a i thut chuan kalkawng a chhe si a , i hreawm lutuk ang" a ti leh a....


Thil anihna ang diak diak a sawi lohin a hrethiam tlat lo ,ka thin chu a rim deuh tun a 😠....

"Ka na alawm" Ka ti vin tuk a ... Mahni lo maha zah, thinrim leh nat nak a laia ... Ke a kal ka lo thlang zawk mai lo ni.....

A inthlahrun hmel ve deuh "oh" a ti ringawt ....
°
°
°

A sawi ang tak tak chuan , kalkawng chu a chhe si a, hmeichhe thuta thut chu a hreawm hle a , ka tla mai dawn te in ka inhria ....


Ka thu nghet thei meuh lo, han longrun takah chuan ka mawng te chu a na hle a ... Mahse, a inthiam lo ve deuh a niang chu min care ve deuh .....

Zana ka thil in hrim hrim pawh khan min ti chau zual , ka dehydrate bawk nen , ka zawi ngawih ngawih a, zah pawh dawn lo in ,a kawgah chuan ka kuahbet tengtung a , a hnungah chuan ka bei trat a...

.....


Thim dawn chuan Aizawl chu kan thleng ve ta hram a , ka tliak vek dawn in ka inhria, chawl zeuh zeuh lo phei ila chu ka thleng zo kher lo ang...

Inah tlang mai loin in report leh phawt a ngai a , ka scooty chu ka chhung ten ka kalsanna hmun atang an lo hruai tawh si avangin , a rual chuan ka kal leh ta nge nge a.... (Ka scooty hi ka hmangaih a , mihring ang mai in ka be vel thin, hmangaihna ka sem zai thiam teh a nia)...


Kan intih fel hnu chuan, awm khawmuang lo in hmanhmawh takin taxi ka la a Inah ka haw tlang nghal a.....


___________________&___________

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:14 pm

Chapter :10 (ni 24)



Mr. Spicy noodles p.o.v



Ka mumangah chuan tu emaw vun nem deuh hi ka lo khan chial a, a nuam dang dai hle mai ! mahse, tu emaw hian ka puan sin lai chu a hlim a niang thli chuan min lo chhem a "a vawt" Ka ti ....

Zingkar chauh a la nih avangin a vawt ve deuh bawka , chutia ka puan sin lai a in hlim takah chuan , sin that a, ka puan chu pawh a , inher ka tuma mahse tu emaw hi a awm ve tlatin ka hria a....

Ka mit chu peih lo deuh hian ka meng a, Rachel-i chuan min lo en reng ... Ehe! keini hi. Eng thil nge thleng ta ngai ??....

A mittui chu a far fep fep a , engtia han tih tur nge ka hre mai lo.. . .

Ka tho a ka inha sawk sawk a , hun thawl pek tha in ka hria a , ka chhuahsan ta a....

A lak ah khan ka inthiam thei lo a, mahse a thleng tur ang zawng zawng chu a thleng zo vek tawh... Ngaihdam ka dil dawn nge , thil thleng chu hre lo ang hmak in ka awm zawk dawn.... Min puih teh u??




....

......


Kan haw dawn chuan kan thlen in te chu kan mangtha leh rih tete a..... Ka bike chuan haw ka tum tawh a, min hmuh a hreh tak in ka ti rilru a....


Mahse , ka ruala a haw chu a ngai leh ta tlat , eng hrui hian nge maw min phuar bik bik chu le?? Kan in tawng fuh chat chat thei riau....



Min phuartu chu nylon (nylon ah pawh nylon-6, 6 emaw nylon-66 pawh nirawh sek sek eng ang polymers pawn min phuar se), emaw ,thir emaw, buara hrui mai mai pawh nise , a nghet tha nge?? nghet tha lo zawk ?? A tlo angem ??a chat awlsam viau angem ??A fei tha angem??Kan fiah pauh a niang chu ....



Eng a pawh chu lo ni se , a tha vek e ti leh zel rih phawt mai ang aw.....


......

Midang chu an kal hmasa a , ahnu kan khar dawn a ni.. A chuang mai bawk si lo a, ka nghak deuh reng a...

Abawp a han kara , a lawnkai tur chu a te deuh thawt a, achhan ka zawh chuan , ka inthiam lo ngei mai, tih theih vak ka nei bik bawk si lo ...

......

Kawng ah chuan kan chawl zeuh zeuh a, a mah ka ngaihtuah vang a ni pakhat... Athut dan chu a hreawm viau in ka ring bawk ....

Alakah chuan ka inthiam lo a mahse, thupha han chawi dawn lahin engmah thil thleng kha ka hre mumal bawk si lo , bakah ani pawhin engmah a sawi si lo a ,ka lo sawi leh khan kawng te a la thui bawk si a , thinrim ta se kan buai mai mai dawn tlat chuvang chuan ngawih mai mai hi a tha rih zawk, dam hauh ila ngaihdam dilna hun te pawh a la awm em em ang...


Min huat dawn tehreng nen duhthlan tur dang a neih loh a vang chauh in ka bulah a chuang duh mai mai zawk a ni... Min hlauh deuh te chu ka ring hial zawk!
°
°
°

Min pawm deuh tung a, ka ip leh chawih thin , ka lo en chik ngai lo mai mai zawk a , a kut chu a faiin a no nalh hle , a kut zungtang te chu a sei reuh phian a, hmeichhe dang ang lo takin a kuttin chu a sei hauh lo, mahse a vawt reuh lutuk....


......

Khawchhung kan luh chuan , a scooty a inhmeh deuh ah khan a chuang leh nghal dawn emaw ka tia ,mahse a chhungten an lo lam tawh hlauh a....



Damdawiin thleng chuan kan la inphur tluang zel e, report te ka pek fel hnu chuan, rang mang tara in ka chhuak nghal a ...... Mahse, alo awm tawh hauh lo.....

Ka thlah chak a sin le!!
Ka vei zual sauh a, hmeichhe dang ang lo takin a thinrimna te chu a thinun thei a, kha thil thlen lai pawh khan min ben thuai ka ring ania......


Mahse ,engmah a sawi lo a , ngawi rengin a tuar tawp a nih kha....

Hmeichhe danglam tak chu a ni chiang a ni , titak maia ka rilru a luah thei hi..

____________++++++________

Zomuani p . o. v



Rachel-in Mr. Spicy noodles-a a hmuh thu a sawi hnu khan, ka lo zui ve ta mai lo chu ka inchhir hle a......

Kan thawhna hmunah a lo thawk ve dawn a ni tih ka hriat phei chuan ka phur lutuk hun tha ka nei ve thei dawn ta, ka nitin nun chu hlimna hlir a ni mai...


Kan hospital-a a lo thawh hnu phei hi chuan, ka vei leh zual , min lo en te phei hi chuan nuam ka ti hle a, ka mood hi e ,a fuh ngawih ngawih......


Social media ah ka follow kim vek a, ig ,fb,twitter-ah te ,ka be zeuh zeuh bawk, mahse min chhang ngai miah lo a nih chu ,ka Mr. Perfect-a hian .Tunah rih chuan in duh hun a hre riau mai🤭....
.
.
.
Nikhat chu Rachel-i nen kan duty a rual thei lo a, kei morning a ka duty laiin ,ani erawh a night dawn thung , keimah chauh chuan phur lo deuh in ka kal a .....

Mahse ka Mr. Right-a chu ka hmu hlauh mai, ward a fan hma chuan a lo chhuk a , ahawi vual vual a , a kal leh daih ,zawn a nei emaw ni dawn chu le .......


A hnua a lo kal leh chuan ,damlo a en zung zung a, duty ho chuan kan zui sap sap a.......


Kan zawh hnu chuan min lo ko a , a chhuak daih emaw ka tih laiin min lo pan hnai a ,thil sawi tur a nei chiang mai 🤭 enge a sawi ang aw ?? tia ka rilrua ka inngaihtuah laiin...


Awi !!! Ka thin phu ran zia kha , achawl daihin ka hria!! Dut;dut;dut ti lo in dutdutdutdut a ti zut zut mai a nih chu😇


Ka rin loh deuh min zawt daih mai .... A mi zawn chu ka hrechiang viau ,mahse ka hre duh lo lui a.....Ka thiannu ngawih ngawih a ni na chungin ka thik em em a ni...

Tha taka chhang ta mai lo chuan zawhna ka zawtlet hlauh thung a....

Nie , ka thiani hian a hrethiam lo mai pawh a , ani hian a lo thlir leh veng veng lai pawh ka hmu ziah.... Ka pawm duh lo mai mai a ni...


.......


Free clinic an buatsaih dawn tih ka hriat chuan , ka lawm hle a , ka tan chance tha a awm ka ring a...


Mahse , kan kal dawn zan chuan , Spicy 2X ka ei khanglang a , ka ei tam pawn ka hre lo, ka kua chu a tha lo hlauh a , damdawi ka ei pawhin a reh thei si lo...zankhua chuan ka bathroom deuh zak zak .....


A tuka Rachel-i lo kal pawh chu ka chhawn peih lo, ka zawi hliah hliah ......
.
.
.

Engmah hre hmasa ngut lo a, min vin phiar phiar chu ka lungawi lo a , ka rilru pawh ana , ka tah khum leh chiam tawh , min thlem leh ang lawi bawk si a.....


Kal chu ka duh , han kal ngawt dawn ila ka buai dwn si, titau deuh chung chuan kal loh chu ka ti ta zawk mai.....

....

Ka thiannu a kal ta chu ka thik hle a , an inkarah thil eng emaw a thleng ang tih ka hlau a , ani kha chan ka duh reng reng lo , tu lakah mah ka thian tha ber lakah pawh nise...





Enge ka tih ang a ??Engthil nge ka tih dawn ka sawi thei bik lo mahse , ani ka neih theih na tur a nih phawt chuan , kawng lai pawhin ka in hlawh mai ang ,a nih loh pawhin tlangchhip ah pawh ka lawn mai ang, ani ka neih theih na tur a nih dawn phawt chuan..... Ani ka chan dawn ai chuan nilenga buara hrui zam pawh ka thlang zawk fe ....

.....


An kal tawh ngei anga , ka kal ve si lo , min lo ngaihtuah viau angem le , a thuhrim in Zualzel-i (Rachel-i kan koh duhthawhna a nia) khan engtin tak sawi ang maw??...... Thu dik a sawi vaih chuan a bam viau ang.....

Ani kha ka kua a tha lo tih hrilh ai chuan e, ni lenga thleng thlawk thei zawn pawh ka thlang fe zawk a let maktaduai sangsarih leh pasarihin.....
.
.
.

Bathroom ah chuan ka lut deuh chhen a , ka zawi ngawih ngawih , ka nu chuan damdawi in kal a rawt ta ngawt a.....


Ka immunity hi a chak lo riau a , chuvang chuan natna te hi ka kai awlsam bik a thil ho te ah pawh ka na leh vak thin .Kan naupan lai pawhin Rachel-i nen damdawiin ah kan awm rual thin ,ani pawh a hrisel lo tho ,chuvang chu ania eiin in sum tura min tih...

Damdawiin kan thlen chuan e ,rin loh tak mai in min admit daih .......

~~~~~~~~~~~~~~~~~~~~~~

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:14 pm

Chapter :11(25)


Rachel-i p. o. v


In ka thlen chuan ka chau hle a , ka pi leh pute chuan min lo hmuak a, ka thlen hma a ka biak lawk sa tawh avangin.....


Ka pi chuan, "i hah em ?" A lo ti zung zung a , ka thawmhnaw te chu dah sawn in "Bawihte chaw ei nghal rawh aw, i ril a tam awm si a , in lo chhuak hma vak lo a mi? " a tih chuan , a zawhna min zawh chu chhan mai pawh ka tum lo...



Kal hnaiin ka kuah nghal thlawp a , ka hnung ah chuan chul heuh heuh in , ka pu chu koin " Hei , kan duatlai hian ni thum chhung lek min hmu lo a , min ngaih leh hman zia hi , lo phei la , " a tih chuan ka pu chu a lo phei thuai a ....

"Ee , keipawh ka tel ve duh a sin, "Tih pahin kan pahnih chuan min lo kuah a.....

Ka tah nuih hak mai , ka thil tawn te chu ka rilru ah a awm reng a tah vak ka chak a , ka sawi chhuak duh bawk si lo....

Ka tap vak a nih chuan an ngaih a tha lo leh viau dawn si a , enge maw min zawt leh teuh anga kan buai thui lutuk palh ang!..


Ani kha ka star thin ngei , tunah pawh ka haw viau dawn a ,mah se ka haw hlei thei tlat lo , a thiam loh bik a nih ka ring lo a, ka thiam loh pawh a ni ve tho va mawhpuh a haw viau thei pawh ka ni bik lo....


Chaw chu ei chakna neilo mah ila , min lo nghak miau sia , an ngaih tih that nan tlem chu ka bar ve tawk tawk a ni ....


Chaw kan ei kham chuan seng fel ka tuma mahse ka pi chuan ka chauh hmel ati deuh a niang chawl hahdam zawk turin min ti a , pite bulah na na na chuan ka lo pangchang ve bawk nen , ka room ah ka chhauh san a....


Engmah pawh ka ti peih lo, in bual lo a han mut em chu ka tia , ka in bual hram zawk a....


Tui lum sa ver vawra ka inbual chuan ka nuam huai huai mai. Ka taksa na te pawh chu a zia deuh ....

.....

Mut hmunah chuan thil ka ngaihtuah kual vak a mahse engmah ka la hrechhuak zo chuang lo .....


Ani khan min va hmusit dawn em, eng tin nge ka hmachhawn tak ang , ani chu mipa a ni a , atan chuan thil thleng te kha engmah lo mai ni mahse ka tan chuan ka damchhung nghawng thei , thil pawi lutuk a ni thung si....



Englai pawh in inthiam loh na ka nei reng tawh anga , keimah leh keimah hi ka inngaidam thei dawn em ni? . ....


Zomuani tal hrilh ngam ila aw , ehe! Zomuani ka la be miah lo mai , a dam tha tawh angem le?Thiantha ni tlak pawh ka ni lo, engtin nge amah hrechang lek lo a hun ka lo hman theih zawk ni....
.
.
.

Ka inngaihtuah lungpuam a , a tulna leh a sawtna awm hauh si lo in ka mittui chu a far zawih zawih a....




Israel-a p. o. v



Damdawiin atang chuan phur lo zet in ka inkhalh chhuak a ,a tlan pawh ka tlan chak hle ,in ka thlen pawh chuan ka nu'n " I lo thleng tawh maw? I chau viau ang han hahdam phawt la, " a lo ti zung zung a , a thusawi pawh chu ka ngaithla zo peih lo , ngawi rengin ka room ah ka chhohsan daih....



Ka in bual fai a , chaw ei tur pawh in ka chhuk thla peih tawh lo, tui chu ka inteuh ringawt a , ka nu chuan, " Lalhruaitluang lo chhuk la, chaw rawn ei rawh , i lo thlen tirh atang khan i awm danah khan thil dik lo a awm tih ka hria ania, chaw te ka nghei ve e te ti reng reng suh rawn chhuk nghal ang che, " tiin a lo au leh lang lang tawh ....


Khum a tang chuan tho chhuak in , kawngkhar chu ka hawng thut a, ka nu chuan phawk tawk in min lo en a, " Nu , eng thil mah a thleng lo i ngaih ruatna mai mai a nih kha , chuan chaw chu ka ei tawh min ngaihtuah duh suh ," Ka ti a..



Chik deuh a min en in, " I ti tak tak em? Chuan chaw chu i ei tawh tak tak a maw? Dawt i sawi leh sawi loh tu nge ka zawh ang? " Phakar deuh hian a ti leh a nih chu...

"Nu , amak thin em mai , naupang kum riat mi lek ka ni tawh lo a nia, puitling kum sawmthum ngat val ah pawh a si tel tawh chin ngat ka nih ve tawh hi , khatiang khan min dawp kual vel thin tawh lo teh, puitling anga min en hma chuan ka puitling thei dawn lo a nia," tiin ka chhang let a.....


" Lalhruaitluang , tu nge hring che? I kum te chu kei bak bak a hria hi an awm dawn ami? Engmah ka hrilh tawh lo ang che , nupui nei la indang rawh u , inu hi min mamawh tawh lo a nih hi , " tih leh kalsawn a rual nghal ...

Ka nu thin tak hi chu aw , heiha min ti chau ....


Ka nu hi nu ancheh tak a ni ngai lo , mahse tunah chuan engkim a danglam zo tawh . Ka tha ber lo ang tih a hlauh luat ah hian min an khum hrep loh leh min vuak pawp te hi a ching thar leh ka kum ang rual ah chuan tiang hi chu en liam a har ve ngawt mai, mahse ka nu a ni miau va , dem thei ka ni lo..... He inel na hi a hautak em a tin ni!.....



Ka nu chhuk hnu chuan khumah ka muzal a, ka maimitchhing a , ani kha ka mitthla ah ka hmu zel , amak khawp mai..


A tuk lo thlen hun tur chu ka nghakhlel leh tawh hle mai...
Mahse , a zak angem le? , Min haw viau angem le? Min lo hmu duh lo tase? Ka hmu chak bawk si a , ruahmanna ka siam a ngai ani......

. . . ..


A tuk ah chuan ka alarm ri ka hre miah lo. Ka mutui mah mah a ni . Sana ka'n en chu a lo tlai tawh khawp mai , ka tlai tep a ni. Ka nu reng reng pawh chu ngati nge min kaihthawh loh le , nidangah chuan ka alarm rik hma hauh in min ko tawh thin a nia...


Hmanhmawh takin ka inti fai zung zung a. Inhnuai a ka chhuk thlak chuan ka nu chu ka hmu mai lo . Choka ka luh chuan min hnung chhawn zawng hian a lo ding a , "Nu , min kai tho lava , ka tlai tep a lawm, i dam lo ami? " Ka tih chuan , a in her bak a "ka hrin awm che ka hre lo , tu nge nu i tih ve rikngawt ? " ati a nih chu...


Nizan khan a thinrim tih ka hrechhuak ve chiah , thlem tur ka nih laiin mi thlem hi chu ka ti mi hlawl lo , ka kalsan daih ....



A thinrim zual viau ang , mahse ka thlem ngai lo tih a hre reng sia , a ti tau a nih kha . Engtin nge ka tih ang aw... Pawi lo ka nau ka be tawh mai ang chu ,anin tih dan a thiam leh viau ang.🙃


Damdawiin chu ka thleng a , ka ril chu atam ngei mai . Zanah chaw ka ei lo a , tukin ah lah ka ei lo leh bawk si a. Ka pum ah hian mi an insual ruih ruih mai..

Ka ril chu tam hle mahse , ka tlai tawh em avangin ward fang tur chuan ka inbuatsaih ta zawk a . Ka dam lo enkawl lai bik ho chu an hming ka enthla diah diah a. Vawiin a chhuak thei tur pawh an awm a nih hi.


Ka hna hi nuam ka ti ngai lo mahse , ka thawk ve ta rau rau a nih chuan rim taka thawh ka tum , dam lo reng reng in min lo pan tawh a nih chuan tih dam chu ka hna a ni ....


Sum tamtak seng in an lo kal ve em em a , damchiang mang hlei lova chhuah tir leh mai mai ka tum lo bur , then khat chuan sum duh vang leh kan hospital tan ka ti emaw an ti thin mahse , anni sawi mai mai engah mah ka ngai lo, ka thil tih ah hian ka chiang ....


Ward fang tur chuan ka chhuk a , min en duh hlawm ngang mai ni dangah ka tlai ngai si lo a , tukin chu minute sawm laiin ka tlai tlat ..



Dam lo file chu ka en diah diah a , hma an sawn dan te leh ka awm loh kara an lo admit ho pawh, ka hnen a an lo refer leh si te pawh chu uluk takin ka en zel a .


A tawpah chuan ka Duhzuali leh a thiannu kha ka hmu a , khum no. G-19 ah a lo mu khiau a , ahming chu Zomuani lo ni reng in , ka hriat tawh hnu a ang hle mai... A hmel pawh hi ka en chian takah chuan hmuh tawh na ka nei thal in ka hria..

An lam pan chuan ka kal zel a ,ka rilru chuan ,"Lalhruaitluang , engthil nge i tih ngaihtuah chiang rawh ka ti mawlh mawlh a. "

Mahse , ka taksa leh ka rilru chu a kal kawp thei lo a ni.

An bul chu ka thleng ta tho va , Rachel-i chuan a thiannu kut chu a hum ngar ngar ni mai in ka hria... Min hlau emaw ni le!?



_________________________________

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:15 pm

Chapter:12 (26)



Zomuani p. o. v



Damdawiin ah chuan nithum zet ka awm tawh , vawiin hi an lo haw ni tur kha a ni a, ka la chhuak bawk si lo, ava buaithlak e aw...



A tukah chuan ka nu in "kha hei Rachel-in a be duh che . An lo haw tawh a niang " Tiin a phone chu min pe nghal a...

Ka beng bula dahin "Aw" Ka ti ringawt a, ka la titau deuh bawk nen thildang sawi ka tum lem lo...

Inthlahrung aw tak hian , "khawnge i awm? PaZosanga chauh inah a lo awm a , ka zawh pawhin amah zawt phawt la i hre mai ang a ti deuh tlat a ,numuani lah a awm bawk si lo , ka ngaihtuah lutuk che a lawm , ka message i seen bawk si lo a , i na viau a mi? Khawiah nge in awm sawi la ka lo thlawk nghal ang" a tih chuan , ka inthlahrung ve deuh ....


Damdawiin a kan awm thu ka hrilh chuan,a lo kal nghal tur thu a sawia, keipawh in "i duty dawn loh chuan rawn thlawk phei nghal rawh , sawitur kan ngah teh mai ania" Ka ti a....


Damdawiin a lo thlen chuan , a hmel chu ka en vawng vawng a , " Thil thleng a awm em ni? Ti nge i hmel chu " tia ka zawh chuan " Engmah thleng lo e , ka motor chuan nah ka chau lutuk a , ka mutui bawk nen ka bui vek a nih hi " Nui chung chuan a tia ...

Ka ngaih chu a tha chiah lo , mahse a hriselna a pana motor chuan vang mai mai pawh in a damlo thei a nih kha ....


Kan naupan lai chuan damdawiin awm hi a zing thin khawp a, kan inhriat tanna pawh damdawiin a kan awm a inrual theih em vang a ni. Mahse, pa anei lo a hei leh chen hi kan inkawm ve tawh a anu pawh vawikhatmah ka la hmu lo, a chanchin pawh a sawi ngai hek lo. ...



A chanchin hi ka zawt ngai lem lo a , sawi a duh lo niin ka hre thin , kum ruk vel liam ta a aputea a boral hnu phei kha chuan , kei a thian tha ber lakah pawh hian a inkharkhip tawh riau in ka hre thin....


Hlim hmel viau leh thawveng tak angin lang thin mahse enge maw tak hi chu thup a nei tih ka hria ,ka zawt duh lem lo a tan a hreawm ka ring a bakah ka lakah thil a zep a nih chuan thil serious taka ni ngei ang... Chuvang chuan ka inrawlh duh lo law law....


Ka bulah a lo thu a kan titi nghal sep sep a ngawih hi kan chuh thei hlawl lo , a hmel ka en chuan ka lainat tlat , keichuan nu leh pa tha tak ka nei a mahse ani chuan a pi leh pute bak a nei si lo. Kawng tamtakah thik thin mah ila , tluk lohna tamtak ka nei a ni....



"Ti nge ka message i chhan miah loh a , min ti mang ang lutuk a lawm , engtik nge i chhuah theih ang? Doctor-in enge a sawi? Eng vanga dam lo nge i nih , tlem chiah ka ei kha i ti sia , enge i natna? Tia min zawh chuan , a mak ! Vawikhat ah zawhna tamtak min zawt thin lo la ,eng ber kha nge ka chhan ang? Engtin nge i zawhna zawng zawng kha ka hriat sen bik ang? Tiin zawhna vek chuan ka chhang a....



Sawitur a hre leh tawh lo , inthiam loh hmel takin min en a, "ka fiam mai mai che a nih kha, kan chhuak thei tep tawh , ka la chak that loh avangin min la chhuahtir lo mai mai a lawm, hlauthawng suh , chuan doctor chuan i inla no a nih kha a ti"😂. Ka nui vak vak a, ani pawh a nui ve tho....

"Chuan dawt ka sawi lo pack khat pawh ka ei zo lo, a thawk nasa ve hrim hrim a nih kha. I message ka chhan loh chhan te chu i hre reng a lawm, i hre lo der a nih kha " Ka tih chuan mangan hmel deuh in min en a , ka khawngaih leh deuh sia, " ka fiamthu anih kha , damdawiin ah ka awm nghal daih sia , ka phone ka la khawih lo hrim hrim" Ka ti leh ta zawk a.......




Ka ngawi leh rih a , engmah a la sawi tak si loh ah chuan sawi chhunzawm in
" Chuvang mai mai chu "I hlauthawng viau em ni?Ti nge i lo let mai loh a" Ka tih zawm a "Nia, ka lo let mai lo kha ka inchhir ,chuan ka kalsan che avang khan ka tihpalh ,nang chu englai pawhin ka tan i awm reng thin a, i tan ka awm ve si lo a min ngaidam la aw"ati leh zawk daih anih chu.


" Ngaihdam i duh chuan , thil thleng min hrilh la, engtin nge i hrilh ka dam loh dan vel chu ? Ka kua a tha lo tih i hrilh thu min hrilh miah suh . Chuan in in bia em? I ler tlat in ka hria, i rim hi a dik lo riau , zep lo in han sawi teh? "Ka tih chuan...

"Vawikhatah thil min zawt vak vak a , a pawi lo e! Ka chhanna chu 'aih ' vek a ni mai , i lungawi tawh em? " Minti let zawk daih a nih chu.....

•••••••


Kan thut fe hnu chuan , doctor chu a lo lang ve thei hram, awi! Ka Mr. Right-a a lo phei , ka duh thei lo dar-a ka la rawn lo a sin, ka va inring lo em , a lo kal fuh lo hle mai.



Rachel-i banah chuan ka hmer vak a , zawhna mitmeng deuh hian min ena , ka mit hmang chuan ka kawh hmuh a , a hrethiam a ni chek ang chu , ka kut chu la in a hum daih a nih chu , a mitmeng hmang chuan hahdam rawh a ti a, mahse amah zawk chuan min hum nghet mah mah ....



Mr. Perfect-a chu lo kal hnai in, ka file chu a keu a "I kua chu a la tha lo em? Enge i an tawh? " a ti a .


"Ka tha tawh lutuk "tih ringawtin ka chhang . Maveni bulah chuan " Lo vil ngun deuh ula, vawiin ah a pangai a nih chuan naktukah chuan a chhuah theih tawh hmel , chuvangin test ngai zawng zawng kha in test vek tawh chuan , Dr. Tanpuia in lo hrilh dawn nia"a tia , an kal nghal daih.......



Rachel-i bulah chuan " ka Mr. Perfect-a kha awi! apa e , engtin nge khuanu hian a siam bik le , ka mitmu kha i chhar a ngai tep a lawm" Ka sawi lai mek chuan , "E , ka chhar hman teuh lo mai, i ka a tho lut tur kha ka lo veng a , ka che sawn anih vaih chuan i puar ngawt ang " a lo ti leh hman...


"Zualzel i tawp lutuk , ka luak a chhuak khawimaw ka kut hi thlah vat teh bathroom a kal ka ngai" Ka ti a ...



••••••••••

Bathroom ah chuan reitak ka awm a, Dar-a chu ka rawna "Enge ka that loh bik na, engting nge Dam lo zawk ka nia , kei min en lo in Rachel-i zawk kha a en daih theih zawk , a lo inrawlh chhan te pawh kha Rachel-i vang a ni angem? Nidangah midang thil tih ah a in rawlh ngai si lo a" Ka thinlung chu a na hle mai fei in min khawh ni ber in ka hria , an ni pahnih inkarah khan enge thil thleng ka hriatchhuah angai...... (Doctor te hian a tlangpui in midang patient te hi an en duh lo thin a , midang thil tih ah an inrawlh duh lo thin, chu mi a sawi tumna chu a ni in ka hria) 💔🤧




••••••
Room a ka luh leh chuan Rachel-i chu ngawi reng hian a lo thu a , a inngaihtuah vung hmel khawp mai...


"Enge i lo ngaihtuah leh tak a, i awm dan chu , i thiantha ber ka nia engkim min hrilh vek thei ania , ka lakah hian engmah zep a ngai lo ania", ka tih chuan, "Ih.... engmah chutiang a awm lo , ka kalsan rih ang che , zanah ka lo kal leh ang , "ati a , a chhuak nghal daih .....



Ka nu chu ko in , " Nu , tinge general ward ah kher hian kan awma cabin pawh a ruak awm tho sia , tinge? Tinge? A bam leh vek" Ka tap tep ani.


"Kan luh ni khan , helai bak hi ruak hek lo, heta kan awm avangin eng chu nge bam vak chuang ang , in mak leh lutuk tunlai thangthar ho tak hi chu , tha deuhin awmla kan chhuak thei a ni mai. Inu Hruaii pawh khan lo dam vat rawh se a tih che kha" Atih chuan , ka ngawi reng .

Rachel-i khan enge maw chu a zep chiang a ni ,a awm danah khan ka chiang , khatia a awm tawh kha chuan thil zep a nei ngei ngei , eng thil chiah nge thleng Uveni te saw ka'n zawt teh ang...

Ka kal phei a min lo be luam a, an kal na hmun vel te chu a nawm leh nawm loh te ka zawt te te a , Rachel-i in kawm ve em ? Tih vel te ka zawt a.

Dr. Israel-a thlen dun thu te leh kal lama an chuan dun thu te , haw lamah pawh bike a an in phurh thu min hrilh a nih chu.


Awi! Awi! Awi!


An thu sawi avang chuan ka nghing lawih thei, spicy hi vawikhat mah ka ei leh tawh lo ang, spicy noodles vang vek ka ta tur ka chan phah tep....



_________________________________

Rachel p. o. v


Zomuani bula ka awmlai a, Dr. Israel-a ka hmuh khan, min chhaih fiam mai te ka hlau a, min ngai nep hle te pawh in ka hria, a bula kal te an nuih phei kha chuan ka ngaih a tha thei thlawt lo ,a sawi chhuak chiang in ka ring nghet bur...



Zomuani kut pawh ka hum nghet hle bakah eng vang in nge midang patient te a lo en ve ringawt ni dang ah te chuan a ti ngai tawp si lo a, mahse e,..aw chhan tha tak a awm leh si Zomuani te chu kan thawh na ah a thawk ve a chu chu a chhan a ni thei ang...


Ka hah dam huai mai, kei lah pek thin hi a tul lo pui ah hian ka ngaihtuah na hi ka seng leh vak zel mai ani te chu Doctor a nia rilru puitling tak a pu ngei ang , chutiangin thil a sawi chhuak mai mai tawp lovang . Keimah chauh chuan ka nui vak vak ka nuih chhan pawh chu ka hre chuang hauh lo...

.....

Thlakhat zet a liam ta , kha thil thlen atang khan , ka awm chu a nuam thei mawlh lo , amah ka hmuh loh nan theihtawp ka chhuah a mah se thawk dun ta na na chu in hmuh chang alo awm lo thei lo a, ban mai ka duh tawh a ni .


Mahse , han bang ngawt dawn ila , Zomuani'n engtin nge a ngaih ang ? midang in engtin nge an ngaih ang ? zawhna an ngah dawn si....



A thu hrimah kan hospital hi chu a changtlung a sawrkhar tih lohah chuan kan hlawh pawh a tha ber maithei ani....


Ka pi leh pute'n zawhna tam tak an nei bawk anga , chhan dan chhuanlam tur ka hre si lo , ka rilru chu a buai nuai mai....


••••••


Zing ka thawh chuan ka ni hulh a, kapi in min lo kaihthawh pawh chuan ka tho peih lo hle.....



Mut chu ka kham thei mawlh lo ,meng mang lo hian ka pi kut chu ka ban "Pi, reilo te chiah aw, phal ve mai la ummm.. " Ka tih chuan ka pang te a lo dek leh tawh ka dam lo emaw ati niang,....



"I dam that viau hi , tho la inphih fai la miin an nghak reng tawh che a nia, midang in nghah tir reng hi a tha ngai lo , lem inti harh rawh, ".....


" Tu nge tun ang hun ah min nghak a, mipa nge hmeichhia?"Ka ti leh nghal thawt thawt ...


"I lo chhuk hunah i hre mai ang , hmanhmawh la,"Tiin a chhuak daih anih chu....


Hmanhmawh tak in ka tho a ,ka khum chu ka siam fel zung zung a, bathroom ah lut in ka inti fai zung zung a, mahse thil dik lo a awm ka lo inchik miah lo a, ka la period reng reng lo thla hnih lai a ni tawh ...


Hmanhmawh tak in ka tlan chhuak a , ka periodic table chu la in ka en nghal a , thla hnih mai pawh ni lo in thla thum lai mai ka period tawh lo chu lo ni in ...(periodic table hi thla tin hun bi neih dan chhichhiah na a nia a hming ka phuah sak ve mai mai , chuan hmeichhia chuan ni 28 dan ah an period tur a ni a mahse an hrisel dan a zir in leh an kum a zir te pawh in ni 40 danah pawh a ni thei kan in hriat chian hi a pawimawh a chhinchhiah ngei ngei hi a tha)



In entir chu ka ngai leh ngei ngei dawn a nih hi , ti nge thil hi ka chik loh em em a , hrechhuak hma deuh chu ni ila ka pi hauh ka pum pelh mai tur inentir chu ka huphurh hle mai..


Ka in thlak sawk sawk a in hnuai ah chuan hmanhmawh tak in ka chhuk a , "Pi tu chuan nge min nghak a, min fiam vel mai mai a ni tiraw?"Tiin ka au phei a choka ka luh chuan Zomuani'n chaw a bar tawn tawn lai ka hmu "Kei lo tu nge i beisei vak?" A lo la ti zui.

,A helh awn awn a ka pi chuan a hnung ah a ben sak a tui ka pe thuai a ,dawhkan chu ka kil ve nghal a , ka tho ve chiah a chaw kan ei nghal dawn , zing dar sarih chiah a la nia tukthuan kan ei der tawh.



Tukin chu a va fuh chiah lo e aw , ka pum chu a no deuh nghulh a keipawh ka chaw ei chu ka helh awn awn ve tho ka pu chuan ka hnungah a lo beng a , Zomuani chuan a tui in bang chu min pe nih chu , "No in hman tawm ka duh ngai ami ? Zomuansang min ti duh dah viau thin suh, "ka tih chuan , ka pu chuan a ai na in ka hnung ah chuan a lo beng a " I mak thei zeh zuah i thiannu a nih hi midang a ni hleinem in mai mai rawh ,"a ti a....


Ka pi chu lo in rawlh vat in , " Muante , i thiannu hi chu hrethiam hram hram mai teh ka no hman hnu tak ngial pawh hi a hmang duh ngai lo a nia ," Tih pah in no dang chuan tui chu min pe a , ka uak zawk "Pi , ti nge tui hi chhuan so a ni na nge filter satliah chu ka duh lo tih i hriat reng kha ka ti leh, " an vai mai chuan mak ti tak in min en vek ....


Sawi tur pawh ka hre tawh lo eng ka ti nge mawni ka pum no nghulh vang chu nge , thawh vel a chaw ka ei vang zawk chu , ka ten hi chu a chhe hrim hrim tho nachung in tui tak ngial pawh chu a tui lo lutuk a ka luakba tichhuak


Ka inthiam lo hle , ka pi hi vawi khat mah tawngkam vin in ka la be ngai lo....


ka pi leh pute hi ka zah em em a ka nu leh paten min duh lo a mahse anni chuan hmangaih takin min enkawl a an tar ve tawh chung pawh hian ka tan an tih theih zawng zawng min tih sak vek thin...


Kan hausa lo a, ka pu hi high school headmaster pension tawh a ni a , ka pi ve thung chu head ni hman lo in a pension thung , an thawh na hmun hi a in ang a chuta tang a in hria a innei chu an ni nghe nghe .

An nulat tlangval lai chanchin min hrilh phei chuan Zomuani nen romantic hi kan ti thei khawp a , kan ngaihthlak tawh hnu pawh hi sawi turin kan nawr fo reng a.....


Romantic kan tih zual lai ah phei chuan kan pahnih in ka lo 'wow' rual vel ngei a , ka pi pawh a nuih a za thei ngei mai...


Ka in nghah na awm chhun te anni a , anni hi awm ta lo se tun hun hi ka thleng kher lo ang , ka dam chhan te an ni a , an mi hmangaihna hi nu leh pate hmangaihna aiin a nep chuang hauh in ka ring lo...

Ka pi chu ka en a , chaw a bar mial mial ngaihdam dil ka duh a mahse ka tim leh deuh nidangah ka dil zawk mai ang.

.......


Zomuani lakah pawh chuan ka inthiam lo deuh a mahse engah mah a ngai lo a niang chu amah zawk chuan min be bawrh bawrh a, "Vawiin chu chawlh kan nei bawk a ,in siam la leng ang " a ti a .


Hnial buai lo in ka insiam nghal a, khawiah nge maw ni kan len dawn ni ? Nalh deuh a inchei tur in min ti a , inchei dan tur vak pawh ka hre chuang lo, t-shirt var plain leh kekawr dum thawl lam chu ka ha tawp a pheikhawk pawh bun tur ka hre leh chuang lo , sandal ka buna ka bag ka la a in hnuai ah chuan ka chhuk thla nghal ..


Zomuani'n min hmuh chuan a chek tlak tlak a "tinge ka thing viau ami?"....

" Thing viau pawh a ni lo , i thawm hnaw hak leh i sandal kha a in hmeh lo tih hre tur chuan i upa ve tawk tawh a nia , kal la sneakers emaw pheikhawk pum engpawh han bun rawh , chuan hmanhmawh bawk la, " A tih chuan ka inthlek deuh vang vang a, ka nui tawp thil inhmeh hre tur chuan ka upa tawh tho na in ka la hre chuang lo a nih hi..


Hmanhmawh rawh a tih avang chuan ka sandal chu ka tlawh phelh sawk sawk a , a bawmah pawh khung tawh lo in pheikhawk dahna pangai ah chuan ka dah ta zawk a...


.....



Ama scooty zawk chuan kan inphur a , kan kal na tur chu a hla hle mai , Chanmari ah kan awm laiin Khatla ah kan kal daih dawn chu a ni sia....

Zomuani chuan , " Ka pa car ka lo la chhuak mai lo a ni , khua a lum si a , bakah i rit lutuk inti zang ve deuh la , "Min ti kher a nih chu , a sual thiam thei ngawt mai.

Tun lai hi a bik takin a sual thiam zual ka zawhna ni lo pui pui a chhan a hmang a , tha deuh a ka biak pawh in min tihtauh khum hmak chang a nei , a chhan ka hre thin bawk si lo min ti buai thei hle ...


Tha deuh chuan, "I khalh thiam reng reng ami?" Ka ti a ... "Thiam chiang e, min tluk lo ang ," Ati deuh kher a nih chu....


"Nia , tluk lo chiang ngawt ang, " Ka ti a...

Kan lenna tur hmun chu kan thleng tep tawh ang chu tih nak alai a , nazary kan pel fel chiah tihah chuan a ding thut a keipawh ka tla tep a ni...


A phone la chhuak in mi a call nghal zat a, a zawhna zawh avang chuan keipawh min ti hlauthawng vek mahni lenna tur hmun pawh hre lo chu lo zui malek tur hi nia, kan bo vaih chuan a chak lo ang...


A mi zawh chuan eng thil chiah nge asawi ka hre lo mahse kan tlan leh rih a ngai tih a sawi chuan ka huphurh tawh ngang mai mahse loh theih loh in a hnung ah chuan ka thu ve leh tat mai..


Khatla east lamah kan tlan phei zel a, Salvation biak in kan thlen chuan , a phone chu la chhuak in , mi a call leh a loudspeaker a dah in, "lo ngaithla chiang rawh aw, "A ti .

Hmeichhia la upa lutuk lo hian a lo chhang a zawhna Zomuanin a zawh chuan , "lo phei deuh ula , Prebyterian biak in kha in hmu ang a chu mi piah ah chuan in senduk a lo awm ang a, chulai chu a ni tawh mai a hla lutuk tawh lo ang. Pawn ah Rinin a lo nghak ang che u, "A ti a... ( veng leh biak in vel hi chu a awm tak tak tih in hriat kha in erawh hi chu a awm tak tak lo)...



Tlem kan tlan leh deuh a , biak in kan tlan pelh chuan in sen duk lianpui mai chu kan thleng a , a, mawi dang dai reuh hle mai chuan in ve si ah chuan a smart hle in ka hria 😁....

Hmeichhe pakhat la naupan hmel deuh hian , "Zomuani te chu em ni in nih ? " tiin min lo zawt thuai a , a chhang ve nghal mai bawk a...


In chhungah chuan kan lut a , kan pheikhawk chu kan phelh a ,siliper min lo pe a , an in chhung phei chu a nalh in a ropui hle , thil mawi leh changkang tak tak awm thleh thluah lo mahse , thil simple tak tak mahse a man chu a na mai lo ang tih hriat ngawih ngawih hi a ni hlawm ...


Nutling kum sawmnga atanga kum sawmruk inkar vel tur awmang hian min lo chhawn thuai a Zomuani chuan, "Nuhruai i dam tha maw ? Kan inhmuh hnuhnun ber ai khan i lang hmeltha leh zual min lo tlawh khat lutuk a , hei kan lo lang ve tawp, "A ti zung zung a ....


Ka zak ve reng hmel hriat loh inah hi chuan ka zum zuk thin lah tak a , ka ngawi kur min be lem lo bawk a ....

An in be zel a , Nuhruai a tih nu chuan , "ti ru khata ding reng lo khan , lo thu rawh u , i thiannu hi a va zakzum ve bakah a nu vak lo a ni maw?" Nui huah huah chung chuan a ti a .

Ka in sit ngawih ngawih a vawikhat min hmuh nah pawh chutiang te han sawi , Zomuani hi ka ngaizawng emaw a tih ve loh hram ka beisei....


A thu hrimah ka sam hi ka boys cut deuh ziah a, mahse tunah te chuan ka dar a thleng ve tawh reng sia ka inchei dan chu lo dahtha ta ila , ka inlak nu ve teh reng nen bakah ka ngaihdan ah chuan hmeichhia chu engtin pawn awm in khawsa mah ila hmeichhia kan nihna a bo chuang lo🤧......


Thut khawmnah chuan kan phei a , an pahnih chuan eng eng emaw an sawi char char a , an bulah chuan ngawi reng in ka thu tluk tluk a ni mai .....



Kan thut tak reng hnu chuan hmeichhe naupang kum sawpali sawmpanga bawr vel hi a lo lang thut a , "Nu, ka ril a tam ," A lo ti thut a , ka en deuh reng tu emaw an a nei tlat in ka hria , aw! Jerome-a kha a ang in ka hria .

An fanu ni tur chuan a la naupang hle mai bakah an in chhun lo e , apa a chhun te a nih ngawt loh chuan apa chu la hmu lo mah ila.....



Anu chuan, " Engtik in nge school atang i lo haw ? In leng ka neih hi min lo tibuai suh Rini kha eitur va siam tir mai rawh, "a ti a .


Chu nau chu phun lang lang in a kal sawn daih ....


A hnu deuh ah chuan Rini an tih chu lo kal in, thingpui kan in dawn leh dawn loh min lo zawt a , a pi chuan lum tur in a hrilh a .

An bula ngawi reng a awm chu ka ning reuh riau a, "Rini" Tiin ka au ve hmiah , "ka lo puih ang che, "Ka ti a choka lamah chuan ka zui ve nghal a.....



Choka ah chuan hmeichhe naupang kha a lo awm ve a , a ngawi reng a , a hnu deuh ah chuan ka hming ka hrilh a , a hming chu ka zawt ve nghal a , min en vung vung hnu chuan, " Kan in hre ngai em? " ati daih a nih chu ka lu ka thing ringawt a...


"A va mak ve ! Hmuh tawh na che ka nei tlat in ka hria, "ati leh a .


"A,...nurse ka nia, damdawiin ah min hmu tawh pawh a ni maithei a ni, " Ka tih chuan a mit a chhing vang vang a eng chu nge mawni a ngaihtuah ni, lo meng thut in a nui ver ver a , chutah lo ding chhuak in , " Ka hming chu Cindy Lalhruaizeli a nia , chuan nang chuan ka nauduat tiin min ko thei ang phal na ka pe ang che, "a ti nih chu .


Awi! awi! awi! Ka zo lo tep a ni . A poi lo e , tawngkam in koh duat velna ang chi hi ka hmang hreh tlat thin a mahse nau ka nei chuang lo a kan inhmu leh dawn pawh ni hlei lo pawm ila sawi leh tur a awm tawh lo a ni mai....
.
.
.
.
.
.
Thingpui te kan in zawh hnu chuan ka pum chu a la chiang thei lo a la no nghulh mai ka luak te a chhuak dawn dawn in ka hria ....


Zomuani bulah chuan haw mai ka rawt ta ngawt a , mahse kan lenna nu chuan tlailam ah zanriah min kilpui ang chu a ti deuh tlat mai bawk sia ...


Chutia awm reng chu a tha lo e ka tia, doctor hmuh ngei ngei ka ngaih thu leh ka chhungten min lo ngaihtuah ka hlauh thu chu ka sawi ta ringawt a .....



Cindy chu ka bulah a tap chawt a , ka haw dawn chuan haw a la phal lo hle a, min ui der ve lutuk ka no. ka pe ta ringawt.



Zomuani chuan a scooty chu hawn mai turin min ti a , a lo haw hunah kan inah a lo kal tur thu a sawi bawk a , kan lenna nu pawh chuan a fapa in Zomuani chu a thlah theih thu leh nidanga leng leh tur in min sawm nghe nghe ....


Hmanhmawh tak chuan ka chhuak thuai thuai a , khawi lam ber nge ka pan ang? doctor lah chu dar li hma chuan a thu awm si lo a , rilru buai zet chuan ka tlan kual vel mai mai ......

Darli a rik meuh chuan doctor hmu tur chuan ka kal ta a, doctor chuan eng eng emaw min hrilh teuh a , pehhel kual viau mahse ka hrethiam chiang hle , ka pawm duh lo mai mai a ni


••••••••••••••••••••••••••••••••••••••••••••••••••••••••••••••••••••

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:15 pm

Chapter-13(27)



Doctor room a tang ka chhuah hnu chuan ka rilru hi a mang vek a , ka tap thei lo a , tunah tak hi chuan ramhuai pawh hmu ila ka tlanchhe kher lo ang....


Zawi te te in ka pen chhet chhet a , step lo awm hmasa ber ah chuan ka thu hnawk a, doctor thu sawi chu ka ngaihtuah let a ...


"Mipa chi leh hmeichhe chi a inkawp veleh hian lung a insiam hmasa ber a, a sir lehlam ve veah kan taksa tur , tisa tlawn ngil taka dingin a insiam tan ve nghal a. Kar hnih hnu velah chuan ban leh ke turte a pawng chhuak tan bawk.

Zawi zawiin an inhnaih tial tial a, a kar thumna velah chuan a laia lo awm sa lung chu an rawn chip hnan ta thin a.

Mipa ah chuan a hnuai lam hmawr chu sahar pakhatin hmun khatah a rawn suphel a. A hma lam chu phing leh zun kawng niin a hnung lam chu rilin a zawm zel tai leh m*ngk*a a lo ni ta a. Hmeichhia chu sahar pahnihin a rawn su phel ve thung a. Ahmasa ber chu zun kawng niin a laia mi chu chhul leh s**h kua a ni a, a hnung ber chu rilpui zawm tai leh m**ngk*a hi a ni ve leh ta a ni.

Chutiang zel chuan thluak leh taksa chhunga awm tur zawng zawng chu a in puahchah fel vek hman a, taksa phel pawh chu a inhnaih ta em em a, zawi zawiin a inchar zawm zel a. A than zawm fel chiah hi a thla thumna a ni dawn chiah a ni,. .....mihring insiam dan hi a ropui hle a ,kan piangsual vek lo hi thil mak a ni i ti ve lo maw?"a nui a ...


" Ni ngawt mai tiraw mahse doctor chung te chu ka hriat hnu vek a nia ngati nge min hrilh a?"Makti tak chuan ka zawt a , chutia han in sermon khum chiam mai chu mak ti lo an awm dawn em ni??

" Rachel kan inhriatna a rei tawh viau a, bakah ka thiannu fanu i ni a, hei hi ka hrilh ang che engthil pawh thleng se nau tih tlak hi tha ka ti lo bur , mihring nunna hi keini lo tih tawp ve ngawt tur a ni lo. Nunna pakhat pawh hi a hlu tih hrechiang tu te zinga mi i nih kha . "


"Nu ka nei lo , nu tel lo in he khawvelah hian ka lo awm tawp,chuan i thil min hrilh chu ka hrechiang ve viau bawk , doctor ka ni a thu dik chauh sawi tur i ni asin" Thildang eng mah sawi chhunzawm lo in thinrim takin ka chhuahsan hmak kha a nia...


Step-ah chuan ka thu reng a , hmeichhe pakhat hi lo kal in , "ka pi khalai kha thut phal lohna hmun anih kha , thu inziak pawh a fiah that em kha, "A tih chuan ka tho zawk a step chu ka en vawng vawng a , ka chhuk nal nal .. ...


In a haw chu ka la peih lo doctor thusawi chu ka ngaihtuah duh lo lui a mahse ka rilru kil khawr khawi emaw laiah hian a cham tlat a , a thusawi tum chu ka hre chiang viau pehhel kual chiam mahse.....


Ka tlan kual ka tlan kual a , mahse ka thawven phah chuang lo ka tap lova , ka rilru erawh chu a rum ring viau thung si....


Dar riat a rik dawn tep ah chuah ka haw a , in ka thlen dawn hnaih chuan Zomuani chu ka hmu a tu emaw hi a lo be mial mial a , ka en reng a ,a hlim hmel lutuk ka pan hnai mai duh lo a , ngawi reng chuan ka thlir dauh dauh a....



Zomuani chu lo hawi phei in min hmu nge ni chupa chu a nawr deuh sawk sawk in ka hria a ruk in bialpa a nei ve nge mawni ka hmuh chu a hlauh hmel kher mai.


A hmel chu ka hmu chiang thei lo a ,mahse hmuh tawh na ka nei in ka hria , ka hmelhriat te zingah amah ang deuh chu an awm ...



Aw! Ka hria e , Mr. Spicy-a mahse ....ni leh lo ani te chuan ti nge a lo thlah ngawt ang , kan lenna nu fapa khan a lo thlah dawn tak kha an inang deuh a ni mahna bakah an thawmhnaw hak a inang lo hrim hrim ,chuan bike nilovin saw te chu bolero a nih saw , ho em mai...


A lo tlan phei a , a hmel chu chiang deuh zawk a en ka tum a ka hmu thei tep tih chuan ka phone chu a lo ri a , ka phu zawk....


Ka en nak chuan Zomuansangi lek chu lo ni in hmanhmawh turin min la tizui.. In hmuh phak reng chung a in call te chu ka van ngei mai mai tak.


Ka muangchang lui ve ngat a, a bula ka din a ka va chuan , "Tu nge ani kha , i bialpa chu a ni em lo maw ? I zep chiang mai," Ka ti nghal zung zung a .


Min melh hrep ka tlu tep a ni chuti vak vak a inmelh te chu ka lung hi min dil duh tur hmel a pu bawk .



Awi! Awi! Awi! a mitmu a lian ropui bawk si a , hlauhawm ve tak chu a ni mahse eng vanga thinrim ve ringawt nge mawni a nih chu le aw ?Tunlai a awm dan hian min ti hlau deuh reuh tlat.....

"Ni in ni lo se, i lo buaina tur a awm lo , ka duh chuan ka zep ve thei bawk , nangpawhin i zep ziah , khawi chahbi," Tih leh min nawr kiang sawt sawt a , chahbi chu min chhuh hmak a , inkhalh chhuah nghal a tum a nih chu....


Ring leng lawng a au in, "lo riak la , thil tha deuh ka hrilh ang che, " Ka ti ve ngat ...

Lo hawi let in lei min lo chhuah khum a , "ka duh bawk lo , ka ngaithla peih teuh lo, " a awmdan chu a mak a ka nuih pawh a tiza letling phian mai...


Reilote pawnah chuan ka thu leh rih a , inchhung a ka luh chuan dim te in ka pen lut them them a mahse a la tlaichhe lo bawk a , ka pi chuan TV hi a lo la en a , dimte a phei them them in hnunglam atang chuan ka va kuah thut a ....


"A phu miah lo ka ti ."

" I lo lut them them lai kha ka hmu reng che a lawm."

"Anih" ka ti hman tawk , bengchheng suh tih nan a kut chu a hmui ah dahin thu tur chuan min mitmei a .


Eng chu nge a lo en ni , a tap pah deuh in ka hria.

Ka ngaihtuah mai mai a ,ka pi hi zitirtu a nih lai khan a zirlai ten fel an ti thin a ngem le?


Mahse tun thleng hian rawn tlawh hi chu an awm ve leh zeuh zeuh thin , tunang hian a sitik a ngem ? A , tun ang kum ah pawh a la sitik viau a nih chuan a sitik hrim hrim....


Ka pi chuan min lo en in doctor in min tih dan vel chu min zawt ta thut mai , ka phu chiang hle engmah ka hrilh awm ka hre si lo a, chhang ta mai lo chuan doctor ka pan tih chu a hriatdan ka zawt zawk daih a..

"Awlsam lutuk! Zomuanin min lo bia a, in lenna a zanriah a ei tur thu leh nang chu doctor bula kal i ngaih avangin chaw chhum kep i ngaih thu min hrilh a lawm, nang chuan engmah i sawi leh pek lo , i thiannu hi chu i tluk lo thin," Tiin min zilh zawk daih a nih chu .

Zomuani ka ngei mai mai zia chu tun bak bak a ka ngei. Min hauh ka hlauh avanga zep ka ni reng sia a lo hrilh leh thawt thawt ni, ka bulah chuan awm se ka hnek tap hrim hrim ang.....


Thil dang daih ka sawipui a , a movies en chungchang chu ka zawt ta daih a ....


Ka ti fuh phian, a phur leh lutuk tlat ,'THE LAKE HOUSE , 2006' chu a en lo niin ....


A changtunu leh changtupa te chu ka duh em em te 'Keanu reeves leh Sandra Bullock' te an ni...

" Speed zawk i en a niang anni pahnih channa chu Speed a lawm ."

"Engmah hre chiang lo hian min chhang hmasa thin lo la, Speed kha chu '1994' a an chan a nia, tuna mi hi chu '2006' a an chan a nih hi."

" Min hrilh har e, ka en ve duh tho a lawm," TV lam chu ka hawi a...

"A tawp chiah a nih kha."

" Ka ui lutuk ka en chak ve tho a sin, pi chhuah tir leh la," Ka tih chuan....

" Duh duh a ka chhuah tir theih a ni lova , nakinah a chhuah leh hmasak ber ah i en tawh mai dawn nia."

"A nih leh an awm dan tlangpui tal min hrilh la aw pi ."

" I hre duh amaw."

"Umm , duh mah mah. "

" A nih boring i tih leh vaih. "


"Umm, ka ti miah lovang ka tiam a che," Ka nui vur vur a...

"A changtunu hming chu Kate-i ania , a changtupa chu Alex a ni thung , an in tawn dan chu Kate khan lake house pakhat a luah a , a bialpa hlui hnen atanga chahbi a neih a ni nghe nghe . "


"Lawk Sandy chuan keanu ni lo bialpa a nei a maw?ka ring thei lo! . "

"Aw, Alex nen an in tawn hma in a nia, Kate chuan mail box ah hian lehkha thawn hi a dah ziah a , Alex chuan mail box ri tlek a hriat chuan a en chhin a lehkha thawn chu a hmu a , a la ta a , a chhiar a chu in 'lake house' a luah tir a vanga lawm thu sawi na vel a nih chuan mak a ti hle a , a thawn let ve nghal a, Alex pawh lake house ah chuan a chen tho vang a ni. "


"Enge a mak lai ber chu . "


"Ka sawi zel dawn a lawm , lo ngaithla la. Chuta chin chu lehkha an inthawn deuh reng zel a mahse in hmuh an tum chuan an in hmu thei tlat lo. "


"Ngati nge thlarau pakhat zawk zawk chu an ni em ni?, " Ka lo ti leh hman thawt thawt a....

"A chhan chu ka sawi dawn chiah, lehkha an inthawnah chuan a kum chu an ziak ta a , an awmna kum chu kum hnih laiin a lo inthlau, Kate in ka awm thin a tihna hmuna Alex a va kal pawh khan in pakhat mah a la ding lo an sa mek chauh a ni. "


"Tu zawk chu nge kum hnih a awm hla zawk. "

"Alex zawk chu, in hmuh chu an duh tlat si avangin ruahmanna an siam ta a , restaurant pakhat lun deuh mai kum hnih hnu a tan pawh a hauh lawk theihna hmun a awm a chutah chuan Alex chuan a hauh lawk ta a. "

"An in hmu ta em ? Ti nge Alex kher chuan a hauh lawk. "


"Alex awm na kum a tanga kum hnih a ral chuan Kate tuna a awmna kum chu a ni dawn chiah a , an in hre tawh dawn tih na,chuan an in hmu thei dawn a, chuvang chu mawle, mahse an inhmu hauh lo Alex chu Kate chuan a nghak reng a , a lang thei tlat lo, chuta tang chuan Kate chuan engthil pawh thleng se an inkar thu chu kar hla di mai ni lo , ngaihruatna mai a ni a , entikah mah an in hmu thei ngai dawn lo a ni tih a hrechhuak a , lake house chu a chhuahsan a , lehkha pawh a thawn tawh ngai lo. "


"Ti nge Alex chu a kal loh le , kal ve mai tur a nia. "

"Ni ngawt mai, chutia Kate in a biak duh tak si loh ah chuan Alex pawh chuan lake house chu chhuahsan in chahbi chu Kate bialpa hnen ah chuan a pe a , i bialnu kha a awm chak in ka hria a ti a. E aw ka sawi hmaih Alex awm na kum zawk ah hi chuan Kate leh a bialpa te kha an la inngaizawng reng chuan Kate hi doctor , Alex hi Architect . "

"Chuan a tawp daih ami?. "

"Aih , tawp mai lo e, kum hnih dang a ral leh chuan Kate leh a bialpa hlui te chuan inneih an tum hnai a , an in design tur vel an en na lamah Kate chuan banga thil intar chu a en ngun khawp mai, zah pawh dawn lovin Architect an rawnpa bulah chuan tu ziah nge a nih tih chu a zawt tawp a , cupa pawh chuan tha deuh in , a unaupa ziah a nih thu leh kum hnih liam ta valentines day a ,a boral tawh thu chu a hrilh a . "

"Awi ka Keanu chu a boral a maw. "

A nui seih a, "Kate chuan thil hriat chhuah a nei engdang mah ngaihtuah lo in a tlan chhuak a lake house chu hman hmawh takin a pan a , kum hnih liam ta a bus in a sut hlum tak amah ngei in a buaipui kha Alex chu a ni tih a hrechhuak a , inhmuh an in tiam ni a a lo kal lo te chu a ngaihtuah let zut zut a , a tap nasa viau. "

"Chuan engtin zel. "

"Lake house a thlen chuan lehkha thawn hmana mite kha a la a , lehkha thawn dang a ziak leh a 'Alex min la ngaihtuah a min la hre ve reng a nih chuan vawiin ah hian min hmu tur in lo kal suh engthil pawh thleng se min lo pan suh , kum hnih hnu valentines day ah tah hian lake house ah ka awm ka nghak reng che , ka hmangaih che'tiin . "A ngawi deuh a....

Sawi zawm leh in" Chuan mail box ah chuan hmanhmawh takin a thun a , a ri tlek a , a nghak tlawk tlawk mai a ni. A hnu deuh ah chuan Alex chu lo kal in a takah an in hmu ve thei ta, a pan hnai a , 'i nghak a'tih ringawt hi a sawi a , an pahnih chuan an infawp a , a tawp ta. "


"Mahse ka van hrethiam lo , engtin nge kum hnih hmalam a boral tawh kha a lo lan leh theih chu mai bakah midang kha engtin nge an awm ve a , a bialpa te pawh kha? " Tiin ka zawt leh a....


"Chu tak chu ania he movie ropui na chu mi tamtak in an hrethiam lo a , explaination pawh an tih chhuah phah ni mahse he movie in entir a tum tak chu hmangaihna chuan engkim a ti dang lam thei , rinna kan neih te angai a , dawhtheih na te leh nghah hram hram na te pawh , Alex pawh khan Kate lehkha thawna min lo nghak rawh tih inziak a chhiar khan khami ni khan Kate kha hmu reng mahse a pan lo , pan mai lovin kum hnih dang a nghak leh a ni. "


"Engpawh nise an happy ending nah a ka lawm ,bakah a tak ah Sandy khian Keanu khi a crush a nih thin thu a in puang tak a sin . "

"A ni maw, a that chu an inhmeh ka lo ti viau a sin."

"Nia , mahse a sawi tlai lutuk a, Keanu pawh khian khatih lai khan a crush a nih ve tho thu a in puang tun hnu ah hian , khuanu ruat an ni lo a niang nge , kawppui dang an nei ve ve tawh bawk sia , bakah an pahnih chemistry hi ka duh e, midang pawh in inkawp se ti an tam mai. "

"Ni ngawt mai an inhmeh thlawt. "

Kal hnai in a ka kuah hlu hlu a , ka mangtha hnu chuan ka room lam ka pan san ta zawk a.

"Chaw te ei ve phawt la. "Tiin min lo ti ding a.

"Ka ei diam tawh e, keima pipi muttui mangtha tha , " Tiin ka room ah ka tlan chho nal nal a ....


Mut hmun ah chuan doctor thusawi chu ka ngaihtuah let leh a , mahse ka rilru lapeng tur thil dang ka ngaihtuah lui a , ka pi movies sawi chu en ka tum ta zawk a internet atang.....


Zomuani chu bia in tih dan vel ka zawt a rei deuh kan in hrilh hnu chuan ka ti thei ve chauh....

Chutia movies en ka tum chu a tih dan vel harsa takin hre mah ila ' no internet connection' tih hi a lo inziak zel a nih chu.


Ka ti nawn tluk tluk a , ka lut thei a nih pawh in rei lo ah a mahin a chhuak leh tawp zel ka thin chu a rim tawh takzet , ka phone chu hum tha sawk sawk in ka thing nawk nawk a , a that phah lem chuang hlei lo a ...


A tawp ah chuan ka beidawng ve ta , "tunlai singnal han chhiat em em zia hi chu, " Tiin ka phun zui hlak hlak a .

Engtik laiin nge ka mutthilh pawh ka hre lo, ka harh leh chuan puan ka sin lo a , a vawt ve deuh , ka kut chu a mu deuh ka ti che lawk ngam mai lo.


Ka pum chu a no leh ngherh tawh , doctor thusawi chu ka ngaihbel nge ka luak chu a chhuak deuh tlat , luak chhuak tur khawp in thil ka ei si lo ...



Hmanhmawh takin ka tho a , ka lu chu a hai deuh , calender chu ka en a, free clinic kan neih a tang khan thlakhat chiah a la ni , a ni thei lovang , ka rin ang hi chu a ni lul lovang... Bakah ka period lohna a rei tawh tlat.

Ka tih ngaihna hre lo leh ka mangang chuan zanlaiah chuan Ka tawngtai ta tawp a ....


Nu leh pa vawi tam tak ka dil thin mahse ka pa chu tu nge a nih tih tak ngila pawh ka hre chuang lo , chu thil chu a pawi lo ve , nu leh pa ka dil tawh ngai lo.


Mahse tun tum erawh chu ka rilru a hah tak zet a ni, thil thleng thei lo ka dil tih ka hria mahse kan Pathian biak hi awm lo ata awm tir thei tu a ni tih ka hria a hnen a in nghah mai loh chu tih theih dang ka nei lo.

Ka tawngtai zawh hnu chuan ka thawveng huai in ka hria , ka mu tha leh a thawh nan chuan a la hma deuh a ni, mahse ka muhil thei tawh lo thil thleng thei tam tak ka ngaihtuah a , ka rilru a buai nuai nuai mai.

...........


Zinga ka than harh chuan ka tui a hal huam huam a ka dang chu a ro em em bawk , in phih fai hmasa lo chuan in hnuai ah ka chhuk a , choka ah chuan ka pi chu a lo awm leh tawh , tui chu la in ka in kawlh kawlh a.


Tui ka in mawlh mawlh lai chuan ka in ring hman lo ka uak ta tuar a , ka ka chhung a tui awm zawng zawng chu ka phuh chhuak vek. Ka pi chuan ka hnungah min beng sawk sawk a .


Kan intih fai hnu chuan , min en deuh vang vang in , "I dawldang riau in ka hria , i dam tha meuh a maw?doctor chuan engtin nge a tih che? " Tiin ngaih that loh hmel deuh chuan min en a.


"Ka tha lutuk , zing thawh hlim a tui in vak chuan luak a chhuak vak thin a lawm , ka dawldang in tih pawh kha , ka hmai ka la phih lo tlat a lawm, " Tiin ka nuih ver ver a, min kuah in hrisel deuh a awm tur in min ti zui a.


Tuk thuan ei zawh chuan hman hmawh tak in ka insiam sawk sawk a, ka thil mamawh tur ho zawng zawng pawh ka keng nghal vek.


In hnuai ka chhuk chuan ka pu in min lo hmu chat , " Ka night dawn i ti emaw ka tia , engti zai zia kha tia i in thuam leh thap chu le?"

"A..., tih tur pawimawh ka nei a , ka tlang nghal mai ang , ni hman nuam u le, " Min chhanna pawh nghak lo in hman hmawh takin ka tlan nghal a.


Damdawiin dangah ka kal tha leh ngat a , min check hnu chuan ka la ringhlel tho , test kit lei dawn chuan ka duh chiah si lo.

Ka doctor pangai chu pan leh ka rilruk ta zawk a, ani khan min pui thei mahna.


Tlai dar li velah chuan clinic chu ka thleng a , ka nghak deuh vang vang a, luh chu ka hreh a ni, ka beiseina neih ve chhun chu beisei na beidawn thlak mai a ni tih kei tluk a hrechiang an awm dawn chuang em ni?.


Ka luh hun a lo thlen chuan muangchangin ka lut a , doctor in min lo hmuh chuan nelawm tak hian min lo nuih a , sawi mai tur ka hre lo .


Amah zawk chuan "Puih theihna che ka nei em ? I duh duh min sawi pui thei a nia, " A ti ta zawk a,thinrim takin ka aan khum tih ka la hre reng.

Ka la ngawi reng, chutah ka kut chu lo chelh in, " Thil pakhat ka hrilh ang che , " Min en deuh vang vang a.


"Hmanah khan hmangaih ka nei thin ani nen chuan in hmangaih takin kum hnih zet kan in zui bawk , mahse tlai khat chu in hmuh kan in tiam na hmun ah chuan a lo kal ta hauh lo , nitin ka nghak ziah a mahse vawikhat mah kan in hmu leh ta lo , kan hun lai te chuan phone a awm ve hek lo," A nui tawi tak mai a rilru chu a nat hmel ngang mai.

Sawi zawm leh in , "thla ruk hnu ah chuan thian te ka atangin a rai thu ka hre lehpek zel , khatih hun lai khan ka na em em a , tin ani pawh chu ka hua in , ka ten hle bawk mahse a chungah khan eng thil nge thleng ka hriatpui hauh lo , khaw tlang in an sel na zawng zawng leh kei ngei pawh in dem na aw ka na tak mai ka phuh chhuak chung pawh in naute neih chu a thlang ta zawk a, hei hi i hria em? "


"Eng thil. "


"Hmeichhe tam tak hian an duh vang reng in nau an pai lo tih hi . "

"Ah.... Ka hre bik hauh lo mai a hma kha chuan , mahse ka hre tawh. "


"Kha tih hun lai khan a duh phawt chuan a paih daih thei , kum sawmpariat lek a la ni a , miin ka fa emaw an ti ang tih ka hlauh luat ah hnaih leh ka tum tawh lo bur a, mahse tunah chuan ka inchhir tawh , vawi khat pawh thu dik hriat tum in ka bei lo mahse thu dik chu a kha an tih thin kha , chu thu dik a vang chuan ka inchhir na hian teh thei ngat ila chu vante khi a tawng hial ta ve ang. "

"Chu vang chu em ni tun thleng a nupui nei lo a ila awm ? Bakah eng thil nge a chung ah chuan thleng?"

"A ni a , a ni lo tih pawh in a sawi theih tho ang chu. "

"Enge a chhan dik tak chu. "

"Rachel , i la naupang a nakinah i la hrethiam ve mai ang , chuan i naute pa chu i la hrilh lo tih ka chiang phawt a, " A ngawi leh rih phawt a , lo tawng khalh ka tum bik lo.

"Hei hi hria la ka duh , engtik lai mahin bei dawng suh ang che, mi zawng zawng in sawi sel che mahse pathian thil thlawn pek ropui tak i chang a ni tih in hria la , pawm thiam dan zir i tum dawn nia, chuan englai pawh in min pan thei ang ka no. i neih kha . "

Ka zang deuh hawk in ka hria a thu min hrilh avang chuan bakah zinga ka tawng tai tawh vang kha nge ka tah a chhuak tawh lova mahse ka chhungte hrilh dan tur ah mawlh chuan ka buai leh ta.


An rilru ava na dawn em , ka pi phei chu ka mitthla a ka ngaihtuah ringawt pawh in ka khawngaih a an kum ang rual tan chuan tawrh thiam a har dawn a sin.


An theih tawp chhuah in min enkawl ve a , tu tluk lo mah ila an mit ah chuan ka tha ber a , min chhuang hliah hliah bawk an tawngkam chhuak reng a tang hian , ka ti mualpho dawn ta si.

Han paih ringawt dawn ila , nunna nei tawh a ni a , bakah nau tih tlak that loh zia leh a nghawng pawi theih zia hrechiang tute zing a mi ka ni bawk, sawn ka ni a , nu leh pa tel lo a nun hman hreawm zia ka hria ka fa hi lo piang ta pawh ni se engtin nge pa tel lovin ka enkawl tak ang?


Khawtlang in min sawisel na zawng zawng chu ka tuar chhuak thei mai ang mahse ka chhungte chhungril a an kehchhe hmel leh an zak hmel hi engtin nge ka tawrh theih tak ang ? Zawhna tam tak ka nei a, kei mah leh kei mah chu ka in dem hle bawk.


Ka in ngaihtuah muk lutuk chu horn ri tuar ah chuan kal kawng dal in ka awm reng tih ka hre chiah .

"Kal sawn vat rawh ! I tlai a nia , " Ti tu aw chu ka hre chiang viau mahse en tumna ka nei lo , tunah tak hi chuan ka luak a ti chhuak tlat.



Hmanhmawh lem lo tak chuan ka scooty chu ka hung tha a, ka chau nghulh thei muangchang chuan ka duty na tur hmun chu ka pan a , mahse ka en chian nak chuan general ward ah ka kal tih ka hre chiah ,ka duty na hmun ka sawn tawh tak, hmanhmawh takin ka duty na tur hmun chu ka pan vat a ka tlai chiang viau .



Zana ka duty lai chuan ka muthlu leh zeuh zel ICU -a duty ka nih tawh avang in inthlahdah a thiang lo mahse ka mut chu a chhuak em a ni.



A hnu deuh chuan kut lum thur thur hian ka kut chu lo vuan in enge maw ni hi a sawi a , ka harh chiang hlei thei tlat lo mahse ka alarm chu a lo ri tleng tleng mai , hmanhmawh takin ka tho a damlo chu drip te ka khaisak leh sawk sawk a.

ICU-a duty hi ka duh ngai lo dam lo na tak tak an awm a , an chhungten pawn atanga mittui tla chung a an thlir lai ka hmuh phei hi chuan ka tahpui ve tep thin.

Ka awmna hmuna ka let leh chuan ka mumang chu ka hrechhuak zawk khawnge ani kha ? Ka mumang chu a tak a ang hle mai.


A tukah chuan mut chhuak deuhin in ka pan a , ka chhungte chu an lo tho leh der tawh . Ka pi ka hmuh chuan ka thil zep chu engtia han hrilh chi nge niang aw tih ka ngaihtuah a. Ka rilru chu a hah leh tan tawh viau mai, zep reng theih loh hun ka nei ang a ,an awm dan tur chu ka ngaihtuah ngam thlawt lo...

Ka hrilh ngam rih ngang lo a ni.

Min lo nuih sang ka hmuh phei chuan ka tah a chhuak lutuk ringawt.

Mi tamtak in ka tawn ang hi an lo tawng ve tawh , an tuar a chhel ka ti a kawng leh lamah chuan an ngaihsan awm zawk bawk.



Khawtlang in an en tleu a , mitam tak chuan hmeichhia chauh kan dem thin mipa pawn thiam loh na an nei ve tho tih hi kan hriatpui lo a ni.

Hmeichhe din hmun chhiat zia ka hriat thar phah a , hmeichhia chu vawikhat kan mualpho tawh chuan dam chhung a daih a , kum tam tak liam mahse miten hnung lam atang min la sawi peih reng mipa erawh chuan hmingchhiatna an phur rei ngai lo.


"Nupui tura i duh lo tur chu NU -ah siam suh , " an lo tih kha mipa zawng zawng te hian hre thar leh se , ni leh lo nunpui zawk se .

Chutin kan ramah hian chhungkaw kehchhia leh heng a ber nihna dinhmun kan hauhna HIV positive mihring tam zawnga teh a kan nihna te hi a kiam mahna.


Ka room ah pawh chho lawk lo in , ka pi bulah chuan ka thu reng a, eng eng emaw hi min sawipui deuh siam siam a.


Ka pi chu ngun takin ka en a , a lo tar sawt ta hle mai a samte chu a tuak tam ve tawh hle , ka hna a ka inlak buai thin em avangin ka lo ngaihven tha tawk lo a ni.


Ka putea boral hnu atang phei kha chuan , min ngaihven leh zual em em a , mahse keimah zawk hian ka ning deuh thin a eng lai pawh a min khuahkhirh reng thin kha mahse tunah chuan ka lawm tawh zawk.

Ka pi chu ka kuah deuh vang vang a , ka naupan lai chanchin te chu kan sawi chhuak vel a , kan nui kan nui a .


Mahse , ka pi ka hnaih pauh leh a hrechhuak mai dawna hriatna ka nei tlat a , ka hlauthawng a ka hrilh ngam ngang bawk si lo, chhuanlam siam in ka room ah ka chhoh san ta daih.....







***a boring viau maithei a mahse naute insiam dan vel te hi ziah lan zeuh zeuh ka duh bawk si a khawngaihin a ti boring in ti a nih chuan min hrilh hriat vat dawn nia.







Cont.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)