Mr. SPICY NOODLES BY Sandy Sweet (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Mr. SPICY NOODLES BY Sandy Sweet (Completed)

Unread post by Ngaia » July 25th, 2021, 6:15 pm

Chapter-14 ( ni 28)





Room-a ka awm hnu chuan ka pi nui hmel chu ka mitthla ah a cham reng a , ka inthiam lova bum tlat hian ka in hria a.



Ka tih ngaihna hre lo chuan chhuat ah ka thingthi a, ka tawngtai leh tawp.



Ka tawngtai zawh chuan eng ka la ang thei chuang lo. Ka hlauhthawnna chuan min kiansan chuang lo.


Ka thiannu ka hrilh thei lo a, ka chhungte ka hrilh thei chuang si lo , zep reng theih loh chin a lo awm ang a, eng tin nge ka tih tak ang?



Ka muhil hlei thei lo a , ka ngaihtuah na chu ka kawm melh melh a bible ka chhiar thul eng ka ang thei chuang lo.


Lu na bur chuan ka tho chhuak a , darthlalang ah chuan ka in en vang vang a, ka pum chu ka chul heuh heuh a mahse a thep vek.


Bathroom ah ka lut a , odonil rim chuan ka hnar a verh ta zar mai ka luak nghek.


Ka inti fai sawk sawk a , tlan turin ka insiam a , ka pi chu pui duh viau mah ila , chawhmeh kan rim chu ka huat ka hlau a , ka in peih hma a an hriatchhuah mai chu ka hlau hliah hliah , ka chhungte chu hlat dan phet ka ngaihtuah .




An hmuh loh kar chuan ka chhuak ru zal zal a.

Ka tlan lai pawh chuan ka rilru a mang vek. Ka tlan mawl tawp Khatla 'N' ka lo thleng der kal kawngpui zar zar ah ka tlan bawk a, ka hah em em pawn ka hre chuang lo.


Ka tlan let leh tur chiah chu ,Cindy chuan min lo ko a , dingin ka nghak a...,mi biak ka chak vak lo a sin le.


Ka zawn a lo thlen chuan min be zung zung a , tlansan thuai ka duh avang chuan ngaithla chiang hlei loin ka um e liam kual vel mai mai a.



"E ! Saw ka u chu a lo phei mek a lawm in in hriat tho chuan inbe ve reng reng ula , ding rih rawh aw, " A tih chuan , ka hmelhriat te hmuh ka duh lo hrim hrim tu emawni ber pawh nise tlan san chu ka duh ber.


A thusawi chu hre lo ang a awm in , "ka thiannu ka hmu tlat mai ! Ni dangah kan in hmu leh dawn nia, " Tiin rang fahran hian ka tlansan daih a.


In ka thlen chuan Ka hah ngei mai , zan ka mu tha si lo , ka luak a chhuak peih bawk si , ka ning tawh takzet.


.••••••••

Karkhat chhung chu hreawm ti takin ka awm a , pawnah ka hun tam zawk ka hmang tlangpui, ka chhungte chu ka hmu hreh a , inthiam lohna hlirin ka khat .


Mahse chutia awm reng chu a ni thei bik si lo a, ka pi leh pute chuan ngaih that loh na an nei tan , ka chhuah dawn te hian ka hmuh ngei ngei na tur hmun ah hian an thu deuh ngei zel a , ka hmu lo der hmak .


An hreawm ti hmel chuan min ti tap fo reng a , vawi tam tak in ah chuan let leh a ngaihdam dilin thudik hrilh mai ka duh thin mahse ka la inpeih lo a ni.



Ka pi phei chuan , ama thiam loh ah a puh leh duh mai ang , ka pu chu rilru na tak in a awm anga , zan tam mut theih loh phah nan an hmang ngei bawk ang chutih hunah chuan enge ka tih tak ang ? Ka mittui chu ka hru mawlh mawlh a , mipakhat hi ka su chawrh...



En lem loin ngaihdam pawh ka dil chuang lo , ka kalsan tawp a , min umzui a ni chek ang chu , "Rachel" Tiin ka banah a vuan a .


Ka hawi chhoh rual chiah chuan , ka thin a rim hle , "Min thlah rang rawh , " Ka ti a . Min la chelh bet reng , a biangah chuan ka tha neih zawng zawng sawm khawm in ka hnek a , ka hnek pawh a ni chiah lo dinglamah min vawn avangin veilamin ka inhum ruh deuh bawk si nen ka chum a ni deuh mah zawk, a hnar ka khawng fuh nge a hnar chu a thi ser ser a...


Kal nghal mai ka tum chuan, min lo vuan leh in ring leng lawng hian, "hmeichhia te te kut te chu min thlak ngam vel chu le , engtin mah ka tih loh che kha , i hlu viau in i in hria em ni? " Tiin a au nghal tuar a.


Khawlai ah kan awm tih chu a tu ve ve pawh chuan kan ngaihtuah tawh lo zam bik hauh lo in a mita en kalh in, "engkim hi i thiam loh vek a nih hi , chuan hlu e, ka hlu lutuk pawisa pawh in min lei dawn la min lei pha chuang lo ang tih hi hre rawh tun atan chuan ka hmu peih lo che.

ka luak i ti chhuak hliah hliah, awm lo la chuan tiang zawng zawg hi ka tuar hauh lo ang , nang mah vang vek a nih hi ,thawveng tawk in khawlaiah te ka leng e te i ti ve elaw? ,ka tuar ai zawng zawng hi tuar vek rawh ," Tiin ka au ve nghek .



Mite chuan min en duh hlawm ngang mai zam ka tum hauh lo , ka tawrh ang hi a tuar ve miau lo a , vuak hrep a reh nawk nawk ka chak hliah hliah.


Zomuani chu khawi emaw ni a tang hian a rawn tlanphei vat a , a rawmawl phawrh chhuak in a hnar thi tawp hlei thei lo chu a hup sak a , ka hnek chak mang e aw, ka tlawh zawt zawk dawn a mawni.


An pahnih chuan ka kalsan nal nal ..


Ka kut chu na lai a awm mahse natak chu a ni lo, ka thin chu a rim thar leh riau mai , ka thinrim inhrik thlakna tur chu ka mamawh.


Bang lam chu ka hawi a ,ka thaw deuh kawk kawk, ka duhtawk mai lo hmanrua ka hmun hmasak ber chu bang vawm nan ka hmang leh nghal.


Zomuani pawh chu ka haw hluah hluah , ben hrep ka chak , engvanga kha pa laktlak loh zet kha at chilh viau nge a nih? Khawi emaw lai atang a lo chhuak a , khapa bawk kha a'n buaipui nghal a , huh.... huh...Ka awih thei lo zawk, kei a thiannu ai hian khapa kha a thlang zawk .


A ho em mai lo in thlang vel mai mai teh se, ka nui vak vak a , mahse hmun kil khawr laiah ka awm hlauh, tumah venthawn an ngai lo.


Ka rilru kilkhawr laiah chuan , "i thik a nih kha, " Titu an awm .

"Ka thik ang maw? huh ka thik lul lo ang , an pahnih khan ka hua, " Tiin kei mah leh keimah chu ka inchhang vel a nih chu.


Thinrim deuh a ka awm lai chuan ka phone chu a lo ri tuar tuar mai a, lak loh ka tum zet a kan en chu ka pi a lo ni.


Hmanhmawh takin ka chhang nghal thuai a.


"Bawihte , khawihah nge i awm? lo haw lawk la, " Ka pu chuan phone chu a chhuh a niang , " Rawn haw rang rawh , tunlai i awm dan em em hi , sawifel vat a ngai ," Phone chu a off nghal hmak .

Ka hlauthawng lutuk !

ka pu hi a thirim ngai miah lo tluk a ni a, a thinrim vaih chuan tawngkam vin a hmang lo mahse hlauhawm tak a ni, ka pal zam ngam ngang lo.

Hmanhmawh takin ka haw a in ka thlen chuan Zomuani pawh a lo awm ve , thil thlen dan chu ka hrethiam kuar kuar mai .

Min nuih tawi tak a , ka pu chuan Zomuani chu min hawsan rih turin a ti a, a kal dawn chuan min lainat hmel lutuk kan inhrechiang ve tawh em a tin ni.


Ka pi chuan thu tur in min ti a , ka pu chu a la ngawi reng , ka pi zawk chuan thil thlen dan chu min zawt a, chhan mai dan tur ka hre hauh lo, kut ka thlak chhan te chu ka sawi thei si lo.


Ka ngawih reng tak ah chuan ka pu chu ding thut in , " Lalduhzual i enge kan nih engmah sawi tur i hre lo tak tak nge thil zep i nei , " Ka tap tawp.


Ka hriat theih tirh ata ka hmingpum in min la ko ngai lo.


Ka pi pawh a ngawi reng , an pahnih chuan ngun deuh in min en reng ringawt.


Ka pi chu lo tawng ve in , " Thil zep i nei tih ka hria , hlauthawng lo la min han hrilh ta che , eng thil pawh ni se pawm dam dan thiam kan tum ang, " Tiin ka kut chu a lo vuan a.


Ka pu chu ka melh zeuh, zep rual a ni ta lo hetiang reng a ka pu thinrim hi ka la hmu ngai lo.

Hlau hle mah ila ka sawi tho tho a ngai ta.


Ka mit chu ka chhing vang vang a , meng chhuak leh in ka pi chu ka en a , rei ka en ngam lo , " Ka rai a, " Ka ti zawi sap , ka mittui chu a luang ngjal zawih zawih.


Kan vai chuan kan ngawi vek , tumah mah chu kan tawng lo, ka kun ngul a , ka biangah chuan mittui a luang zawih zawih a , ka kawr awm te chu a huh hial in ka hria.


Rei ngial ngawi reng a kan thut hnu chuan ,Ka pu chuan a aw lo thian kharh in , "han chho la , i hna pawh chawl rih rawh naktuk ah kan sawi tha ang , " Tham deuh chhal hian a ti a.



An pahnih chuan ka en ngam hlawl lo , in chunga chhoh ka tum chuan muang chang in ka kal a , step-a ka lawn chuan ka tha a zawi vek ,ka hawi thla zuai a , ka pu chuan ka pi chu a lo kuah a , ka pi tap ri pawh ka hria.


Ka room ka thlen chuan ka thu hnawk , ka hah em em a , ka taksa mai bak ah ka rilru pawh a chau takzet, ka rilru ah chuan thil tam tak ka ngaihtuah a , ka tap zawih zawih a , ka tawngtai thei ta bik lo . Ka na em a ni.



Tlai ah pawh chuan zanriah ei tur pawh in ka chhuk thla duh lo ka pi leh pute chu a theih anga rei bihruk san ka duh a ni.


Ka chau lutuk chu khumah chuan ka bawk thlawp a , ka phone ri pawh ka hre reng mahse ka chhang peih lo, tu mah han biak chak leh hmuh duh ka nei rih lo mahni a awm chu ka duh ber.



Engtik karin nge ka mutthilh ka hre lo , ka kut na te chu ka hrechang tawh lo hrim hrim.

••••••••

Ka pi chuan min lo kaitho a ka room ah pawh lo lut lo in pawn atang min lo ko a , thil pawimawh tak sawi tur a awm tiin .


Ka tho thuai a phur lo takin ka inti fai a , bathroom darthlalang a ka in en chuan ka cher ta hle tih ka hre thei , ka kut na chuan min tur ut ut a mahse ka buaipui peih lo a nat nat chuan a na ve tawp.


Ka mitkhur te chu a thuk sawt hle mai, ka sam te chu a pawr fup a , nula kum sawmhnih pali mi pawh ka ang lo kum sawmli panga bawr vel ka nih duh hmel .


Ka intih fai zawh hnu pawh chuan ka chhuk duh lawk lo , ka muangchang lui a ka tei ka tei a , mahse , "a ni em em tawh lo ka hmachhawn a ngai , "tiin ka chhuk ve ta hram.


In hnui ka chhuk thlak chuan thinrim tak a phun lawng lawng ri ka hria a , ka ngaithla chiang deuh a .

Ka pi aw a ni si lo hmeichhe aw a ni bawk si tu nge ni thei ang? Zomuani chu a ni lo phawt ang a , "tu nge tun ang hunah te lo kal ang le? "tiin ka ngaihtuah a .


Choka lama phei ka tum chuan ka mi hmuh avang chuan ka ding chawt , " Nu" Tiin ka phun sep a.


Ka zawn a lo thlen chuan eng sawi set set lo in ka hmaiah min beng thuai .


Ka in ring hman lo nen a chet dan chu , ka pei chawn chawn mai , an lo chelh thuai a.

"Min lo chelh suh u , ka kut hian ka'n sawisa hlum law law teh ang , tiang tur tih hriat a hman ah khan lo hrin loh tawp tur hi nia , " Tiin thinrim takin a rak tuar tuar a.


Ka mitttui chu ka dang seng lo, eng vang a min hring nge a nih reng ni ka mamawh lai zawng zawng a lo lang ngai lo hi tunah hian a lo lang a maw ,.. Huh.. Ka awih thei lo zawk e a.


Min lo pan leh in ka sam ah chuan a tham nawk nawk , ka dawh tawp .


Ka pi chuan , "Sandra, duhtawk tawh la , thu in sawi fel ang u, " A tih chuan a ai na in min kek leh .


Min thlah in , ka mitah tak chuan min en a , "hei in hmu lo em ni? Ti khawp khan kut ka thlak nasa chung pawhin tiang hian a awm a nia , in thiam loh vek a nih hi , eng tin nge in enkawl ? A mi melh dan te reng reng hi , in chhung lam ah chuan tha awm ang ziazang hian a lang a , pawnlam ah eng tin tak awm ang maw, "

" I tawngkam hman kha , duhtawk tawh rawh thil tul lo thleng thleng a sawi a ngai lo, " Ka pi chuan a lo ti leh a.


"In duat leh lutuk a nih hi , a luhlul zo vek , awm dan chin tawk pawh a thiam loh hi , eng tiang chiah in nge a tih mualpho che u hi, "


Ka pi chuan , " Duhtawk hram teh kan lo hrilh kher kher che chu a pawi khawp mai , a tawk tawh e, keima thiam loh vek a ni e, " A ti ta zawk daih .


Ka ngaihtuah na chu a kal thui tan ka insum thei tawh bik lo ka pi meuh in ka thiam loh a ni a tih tak ah chuan.

" Ka lakah hian thu neihna pakhat mah i nei lo , thumal khat lek sawi tur pawh in, " Ka ti ve ta piap piap mai .

Rapthlak tih hmel taka min en in , " Ka hrin i nih chhung chuan ka nei ve bawk , khatianga min chhang tur khan tu nge zirtir che ? Lo ngai tak rawh nau i hrin zawh a ka dah na tur che hi. "

" Khawiah mah ka kal dawn chuang lo , tun hma zawng in ka mamawh lai ber che pawh khan ka tan i awm ngai lo a, tunah i duh hunah i lo lang leh a nu tha ber awm ang zia zang in kut te chu min thlak zawk zamah a . "


" Ka awmpui che hi i phu hlawl lo , ka hring duh mah che hi lawm hle zawk rawh . "

"Nang ang fate hlam chhiah ching hrin nih ai chuan pian ve loh hi ka thlang zawk , eng vang in nge min lo hrin kher kher le, " Tiin ka per tan tan a.


Min en reng a mittui chu a tla ve deuh in ka hria , ka mit vai nge , " Ka hring che hi ka inchhir reng a lawm, " A la rawn ti hram .

Ka pi leh pute chu an ngawi reng, ka pi chuan a mittui a hru leh zeuh thin , kan nufa in hnialna chu a lo ngaithla tu tan chuan a rapthlak em a ni.



"Min hring tho sia tiraw 'Nu' tia koh tur ka awh ve theih zia hi i hria em ? Kan naupan lai khan children's day te leh parent's day ah te khan ka nghak thin che a sin , ka thian te ka thik ve theih zia kha nang fate pawh hmangaih lo tu hian i hrethiam ngut lo ange 'Nu' tia koh che pawh hi ka zak zawk. "


Kan vai mai chuan kan ngawi thap , ka tawng chhuak leh, " Sunhlu kungah thei dang a rah ngai lo a , sial rang in sialrang a hring a , sakawl in sakawl , chutiang chiah chuan i hnung ka rawn zui a nia nge , entawn tur tha lo nei ila chu tiang hian ka awm bik hauh lo ang, keichuan ka fa lo piang tur hi hmangaihna in ka enkawl anga engtik ah mah ka hlamchhiah ve ngai lo ang , " Ka sawi zawh rual chiah chuan ka hmai a ri leh sawk , ka kam sir pawh a thi tel nghe nghe ka ka chung a al puat mai.




Ka nu chuan a kut chu khawih thiang lo khawih ang maiin a en vung vung a, tawlh hnung hret hret in, zawisap hian thu , "pawngsual ka nia sin ,"tih zawng a sawi.



Keipawh a thu sawi avang chuan ka nghing lawih thei ,ani phei chu a thu hnawk, ka pi chu tlan phei vatin ava kuah nghal a , kan tap vek ka pu ka va en chuan ani pawh a mit a hnawng chhap mai.

Ka lo pianchhuah dan ah hian thil mak tak chu a awm ka ring thin ka pi'n engmah min hrilh ngai loh danah hian ka zawt chik thei hle a mahse , "ka hre lo , " tih bak in min chhang ngai lo a nih kha.

Hetiang tak a thil rapthlak hi a inphumru ang tih keipawn ka ring phak ngai lo .


'Thu dik chu a kha' an lo tih thin kha chutiang bawk chuan hriat ve ngei kan phu bawk si tawrh thiam avan har tak em.


*****Thudik chu zep hlen tum mah ila engtik ni ah emaw chuan tlangkang ang mai in a lo irh chhuak leh tho thin.

Zep hlen theih thil hi a awm angem? .


Bang hian beng a nei a , pawisa hian mit a nei thung.

I pawm zawng a ni em?

😘😍🤪😜🤑



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:15 pm

Chapter-15(ni29)





25 YEARS AGO .........





SANDRA P. O. V






Ka hlim hle a ka bialpa ka duh em em kum hnih lai ka nih pui tawh nen kan in hmuh dawn vang a ni.




Ka nghak reng a, kan inhmu khat em em a PCO atang lo chuan in biak ngaihna a awm lo, a lo thleng lawk thei lo a, ka din na ngaiah chuan ka ding reng a.


Ani chuan doctor a zir mek a ,a buai thei hle a , keipawh an junior ka ni C. M. C Vellore ah kan zir dun a , ani a chhuah tep tawh laiin kei ka lut tan ve mek chauh .



Kan pahnih chuan kum hnih liam ta atang khan kan in zui tawh bawk, heta ka zir ve hma daih atang kan in hre tawh .


Ka din ngawih reng lai chuan ka hnung lam atang hian 'Sandra' tih ri ka hria a , ka hawi phei nak chuan kan thenawmpa a lo ni.


Kan in hmu khat bawk a bakah Mizoram atang lo kal a nih vang chuan tha takin ka bia a , a hnu deuh ah chuan a kalna tur hmun a hruai turin minti tlat pek a , "Mi nghah ka nei, " Ka ti chung pawh in min pawt lui deuh tung bawk si .


, Aizawla kan thenawmpa a nih mai bakah ka u anga ka en nen an innei bawk a,ka hmaizah ve deuh ,ka hnial vak chuan ka chhungte a hrilh ang tih ka hlau bawk si a ngaihngam zan lo chuan ka zui ve ta ringawt .


Hmun hrang hrangah ka zui kual a , atawp ah chuam 'Aloka hotel' ah min hruai a , mak ka ti reuh riau a mahse an hausa a,apa hi politician pa lar tak a ni bawk ,khnang hun lai te kha chuan politician te chuan engkim an ti thei hi a ni ringawt.


A awm ve tho an tan chuan zankhat riah man lek te chu center fresh pakhat lei nen a in ang reng ang chu .

A chhung kan luh dawn chuan haw tawh mai ka duh thu leh ka mi nghah pawh a lo thlen ka rin tawh thu ka hrilh a mahse, "reilo te chiah a ni mai ,i umuani thil tur ka lei a , athat leh that loh min lo en sak lawk la , i kal leh nghal dawn nia, " A ti deuh tlat bawk si a , han hnial chi ah ka ruat ta bik lo a , ka zui ve leh tawp.



A room kan thlen chuan a zau hle a , a mawi bawk khawthlir nan a la rem em em zui.


Reilo te ka thut hnu chuan thi hi min hmuh tir a, "Umuani ta tur chu maw avan mawi em em , a inhmeh ngawt ang . "

"Aih nangma ta tur . "

"Ah... Tlereuh hi ka ngaina hran lo a , bakah min pek ngawt chhan tur a awm hleinem, ka la thei lo ang hetiang thil man to lutuk chu. "


"Ka pe duh che lawm nang bak bak a inhmeh an awm chuang dawn a mi? " Min lo thut hnaih a , ka la hrethiam chuang lo.


Ka malah chuan a lo zut a, ka dingchhuak nghal
vat , a lo ding ve a , a mit a en in a biang ah ka beng thuai.

Thinrim tih hriat tak hian min en run run a ,a biang chu tuai vut vut in min ngaih nep hmel deuh hian min en a, "nula thianghlim ang chuan awm tum duh suh , tunah pawh i bialpa nen inhmuh in tum ka tih ka hre vek , i chhungte ka hrilh chuan i tal buai viau ang. "


"I duh leh hrilh rawh , he thil hi keipawn ka ngawih bopui hoh lo ang , i duh duh a i tih kual tur ka ni lo. "


"Kan la hria ang chu, " Ka inrin hman hma chuan min pawt thut a , ka tal nasa ve lutuk , ka au chiam bawk ,min hnuk lui in khum ah min theh per lawp,ka lu chu ka intauh a , ana kher mai a hai muai muai bawk.


Au leh ka tum chuan ka ka ah thil a lo hnawh lut a , min hnungkhirh in , "awm mai mai rawh i tan a tha tur zawk a ni , na i tuar rei lo zawk ang . "

A duhtawk chuan min khawih a , ka che thei tawh
lo , na ka ti em em a , ka mittui chu a luang zawih zawih a , ka thianghlimna ka pasal tan chauh a ka hlan tur chu tih luihna hmang a laksak ka ni.

Eng eng emaw hi a sawi nuah nuah a , engmah ka hrethei lo , ka na a, ka bialpa A. B-a ka ngaihtuah chhuak a , ka chhungte pawh ,ka taksa nat mai piahlamah ka rilru chu ana em em bawk.


A duhtawk a ngah hnu chuan ka bulah a lo mu a , ka la che thei chuang lo, thoin a inbual a , alo chhuah leh chuan "in ha la ka thlah ang che , " A ti a , ka awmdan ngai ngai chuan ka la awm reng.

Mahse harhchhuak thut in ka tho a , ka inha sawk sawk a , hmanhmawh takin min hmu lo maw tih lai takin ka tlanchhuak nghal a, ka mi hmuh hmasak ber hnen ah chuan police hnena min hruai turin ka ti a , mahse a hrethiam lo nge a lu a thing a , a kalsawn daih.

Midang bulah chuan kal leh in police ka ti hman chuah , "ka nau a nia , kan inti thiamlo a, " a lo ti a , min pawt sawn dawr dawr a room kan thlen chuan , min beng thuai , ka beng let ve , a nui hul hak a , "kha vang kha lawm ka duh em em che , kan kum hi inthlau viau lo se chu nupuiah ka nei ang che, nghah mai che pawh pawi ka ti lo mahse muani laktlak loh zet vang hian ka neih theih loh phah che a . "


Ka ngawi reng , ka beidawng tawh hepa hi a a nih hi a rilru lam a chiang lo nge , nupui nei reng chung si in kei min sual luia chuan a duh duh a sawi leh a,kei hmeichhe awm nem hian tha ah ka hneh dawn si lo ,ngaihtuahna thar ka nei.


Kal mai ka tum chuan ka banah chelh in , "i sawichhuak a nih vaih chuan i chan chuan maian chan pawh a tluk hoh lo ang. "


"Ka ngawih reng chhan tur ka hre lo , i la tuar dawn khawp . "


"Kan la hria ang chu , heti zawng hian han ngaihtuah teh nang hian pawisa i duh avangin min pan zawk ta la , case chu a dang daih mai ang. "


" Hnehna ka chang tho ang , a tuartu ka ni miau a , evidence pawh a tha tawk , he lai hmunah hian min pawt lui a nih kha. "

"Eng evidence nge i sawi , i duh thu ngei a rawn pen lut i nih kha , ka tih luih awm che ka hre lo . "

"Keiin ka hre thung a lawm. "


"Thu hretu an awm lo , bakah tum buai duh suh enge ka tih theih chu i hriat kha , i nu leh pate hian an hna hi chan ta sela. "


Ka kal hnai a ka beng leh thuai , ben leh ka tum chuan ka kut ah a man a, " Ka thu hi zawm la , i tan leh ka tan a tha a ni mai, chuan mipa dang hnaih hlek suh ka duh apiang ka ti thei tih i hriat kha. "

••••••

Hotel ka chhuahsan hnu chuan hmanhmawh takin kan hostel ka pan nghal a , bathroom ah lut in ka inbual nghal zung zung a , ka inten keimah leh keimah hi, a sul hnu tihfai tum in ka in nawt vak vak a awmzia a awm lo , ka na em em a , ka taksa mai bakah ka rilru lam thlengin.


Class kar khat zet chu ka kal tawh lo , ka chhungte'n min biak an tum pawh in ka be peih lo enge ka sawi ang? Ka tap a nih vaih chuan engkim a buai vek a ni mai . Ab-a paw'n min biak a tum thin mahse a tan ka tling tawh lo a , ka hmu thei tawh hek lo, natna tamtak nen ka kalsan a ngai , zawhna tamtak pawh a nei ngei ang.


Ka nun chu a chau ngawih ngawih a , ka awmdan te chu ka hre mumal lo, thlakhat chhung zet chu ka talbuai a , ka grade te chuan a chhiat phah hle.


Nikhat hostel a ka haw chu ka lu a hai em em a , "zan ka mu tha lo nen , chaw ka ei thei si lo a , ka chau deuh a niang ,"tiin ka mu mai a, ka zun chu a chhuak ta lutuk a ka thawh chuan ka vir muai muai a , engmah ka hre tawh lo.


Ka harh leh chuan ka roommate chu ka bulah a lo thu a , kan warden chu lo lutin chhuak turin a mitmei a .


Min zilh hrep hnu chuan , " Hetianga i awm mai hi ka ring thei lo , engtin nge naupang te ni chungin naute i pai theih zawk, kan hostel hi i ti hmingchhia a ni , i bungrua la la chhuak nghal turin ka duh che ,i mualpho loh dan ber turin thuthlukna kan siam a ,i chhungte pawh an lo thleng tep ang . "

A thusawi chuan chemte ang maiin min vit ngawt ngawt mai, a sawi ang ngei in ka chan chuan maian chan pawh a tluk ta hauh lo, ani fa kha ka pai a maw?

Ka chhungte lo thlen hma chuan engemaw tak tih ngei ka tum mahse , ka ban zai ka tum lai tak chuan pawnlamah naute tap nghek nghek ri ka hria a , ka ban chemte a ka tin uai tawh chu ka dahthla leh a, ka tap zawih zawih, ana em a tin ni. Engmah ka ngaihtuah mumal thei lo.


Ka chhungte pawh an lo thleng thuai a , Mizoram lamah kan haw a , ka nu chuan zawhna tamtak a nei tih ka hria , min hau lo a thil thlen dan pawh min la zawt hek lo , mi a ang maiin ka khawsa a ,ka chungte pawn tih ngaihna min hre lo.


Chawte chu ka ei thei lo a, drip min khaisak tluk tluk mai , ka mu tawp a , ka mittui a tla a, ka chhungte chu engmah ka hrilh thei si lo, damdawiinah pawh vawitam tak ka awm phah.


Ka naupai chu ka hua a , ani ka hriatchhuahna anih avang chuan ka hmangaih theih pawh ka ring lo.


Ka chhungte chu ka be ngai lo a, inchhungah ka inkhung ngawt ngawt a , ka nu leh pate ka timualpho , ka chhungte ka timualpho tih lam ka ngaihtuah lo ka rilruah chuan huatna bak a awm lo.


Ani pawhin min ti buai chhunzawm bik lo a , a reh vang vang kan thenawm atang pawn an insawnchhuak nghe nghe umuani chuan nau a pai ve bawk.


Thlakaw chhung zet nau ka pai hnu chuan ka hring ve ta , naute an lo chawi chhuah chuan hnute takngial pawh ka pe duh lo.


ka nu chuan a enkawl tawp , ka fanu chu a chang deuh tawp a vawikhat pawh ka la buaipui lo .

Lehkha nasa takin ka zir a , ka rilru natna te chu hneh hram hram ka tum lui a, entrance exam ka pe tha leh a, ka inziak tling a doctor ka zir leh , ka fanu chu kalsan ka hreh lo , hnaih ka tum ve hlek pawhin ani kha ka hrechhuak a , a nui ri te chuan min ti tap fo reng a.


Hmeichhe chak lo tak nih ka duh ngai lo, ka chak lohna te chu hneh hram hram ka tum a mahse ka chak tawk si lo, khatih lai hun tluk a ka hringnun a hreawm kha ka tawng leh tawh in ka ring lo .


Ka hmangaih ber in min kalsan a hmeichhe lepchiah leh a rin ang ka nih loh thu min hrilh bawk , thu dik sawi ta ila min pawm angem? Chu chu ka ring lo .


Hmeichhe lepchiah leh awm tha duh lo ang chuan min ngai mai rawh se , keichuan ka thuruk hi ka dam chhung a zep ka thlang zawk 'HMANGAIHTE HMANGAIH NGAM LOHNA KHAWVEL ' ah hian.


Ka zirchhuah hnu chuan keimah in ka awm hrang nghal a Mizoram hmun hran hran ah ka awmkual thin a, ka chhungte lak atang chuan ka hla tulh tulh thung. Ka unaupa neihchhun in min boralsan pawhin ka lang lo.

Hmeichhe tam tak pa tel lova fa hring te tawiawm nan theih tawp ka chhuah a , ka fanu ngei in hetiang a tawng ve ta hi chu ka ngaithiam thei lo a ni.


Ka nu in min hrilh chiah a rang a rang in Aizawl ka pan nghal, kan in hauh deuh hrep hnu chuan ka in sum hman lo in ,ka thuruk kum tam tak ka lo zep tawh ka damchhung atana zep ka tum ka sawi chhuak ta .


Ka nu rilru na hmel mawlh hian a hun lai ang chiah khan min vit leh nghulh nghulh ta.


He thuruk hi a va kha tak em , hetiang reng hi chuan khawvel hi ka hmachhawn thiam dawn em ni?


Ka hringnun ah hian a fair lo tih chang ka ngah thin , kha thil thlen hnu phei kha chuan ka tawngtai awm ka la hre lo.

Ka natna te khan kum tam liam tawh mahse min la kiansan lo a nimin ang mai in a lo thar leh si thin.


He khawvel ah hian ka tan thil tha a awm ve angem?

Kum tam ral mahse ani kha ka ngaidam ngai lo ang!.


Present.....


Rachel P. O. V




Ka nu chu ka lainat hle a, min paih mai lo a min hring chu ka ngaisang a ni.


Nu kum tamtak mamawh in ka awm thin mahse atan chuan vawikhat min hmuh hlek pawh hi a lo va har dawn em.


Ka dem tawh lo a, a bulah kal hnai in ka kuah vang vang a, "nu min hrin avangin ka lawm e , i huaisen vang liau liau a piang ka nia , ka lawm e , lawmthu sawi mawlh mawlh tur ka ni, "


"Ka huaisen tawk lo alawm mahse thil kal tawh a ni a sawichhuah leh ka duh tawh lo ang , " A ti khalh a, kan vai chuan mak kan ti vek nichin a tap zo hlim kha a ang leh tawh lo.


Ka pi chuan, " Sandra bawihte chinfel tur a la awm a nia, " A tih pawh chuan a kawr chu a pawt mar zung zung a , " Ka kal angai, "


Chu tiang vel chu a ni mai ka nu mizia chu a smart em em a , anui ngai lo tluk a ni kum hnih danah kan inhmu ve tawk a, mahse a zing tho hlim pawh hi a phak chuap ve ngai lo.



A tha tho e hmeichhe smart tak leh lu zo ve tawk tak kha a ni leh tawh a , a duh phawt chuan kal daih mai rawh se.


•••••••

Ka pu chuan naute pa chu min zawt leh tlat tawh ka sawi mai duh bik si lo , a thinrim leh zia chu, ka palzam ngam bik lo mahse zep hi a tha ka la ti rih .


Han hrilh ringawt ila ani khan lo duh lo tase engtin nge ni ang mi nun ka tibuai a ni dawn si ka ngaihchan ve phawt a ngai.

Min zawt lui rih bik lo mahse engtin emaw tak hriat an tum leh ngei ang .


Ka room ka chhoh hnu chuan ka nu kut min thlak na vel chu ka taksa a na vek .

Khum ah chuan mu leh in ka nu chu ka ngaihtuah leh ani pawhin khatiang a tuar chung khan tun din hmun hi a thleng thei a nih chuan ka thei ve em em ang .


Ka phone chu la chhuak in kan hospital group ah chuan lutin ka naute pa no. chu ka la a.


Message ka thawn chuan ka thin a phu dep dep hrilh dan tur mawlh chu ka lu te a hai vekin ka hria.


"Doctor in hmu lawk ila i hman angem? " Ka thaichhe leh.

"Doctor thil pawimawh deuh ah biak che ka duh a. " Ka duh leh lo.


"Doctor thil pawimawh deuh hrilh tur che ka nei a . " A va buaithlak! Ka clear leh.

"Doctor in hmuh lawk i hman em ? Ka lo nghak ang che, " Ka clear hma chuan send ka hmet hman, awi ka thi !

Thin phu dep dep in ka phone chu ka en reng , a lo en chuan hlauthawng takin ka open nghal a .

"Y? " Tih ringawt hi a lo thleng, a hma aiin ka thin a phu nasa hrilh leh loh mai chu ka duh rum rum hman mahse , " Thil pawimawh deuh ah biak che ka duh a, " Tiin ka chhang ta zawk a.


"Ok" Tih ringawt a lo thleng leh tawh, a polite lo chiang a nia , hmu ngat ila chu ka kick ang . Tul tawp ah lo chuan biak ka peih lo tih hria se tihian a awm tawp lovang.


Tlai ah chuan inhnuai ah ka chhuk zal zal a , ka chhungten min hmu ang tih ka hlau lutuk chu bang a bet chung in ka kal a , kawngkhar ka thlen nan chuan pen li vel bak angai tawh lo ang tih ah chuan ka pi chu pawn atang a lo lut thut a, ka zuang chiang teh e.


Mahse insiam tha vat in min biak hman hma chuan chak thei ang berin ka chhuak nghal .

Zankhua chuan ka duty a ka rilru chu a hah bawk a, ka thin te chu a phu dep dep mai . Ka bula an lo kal hlek te chuan ka phu chiam zel.



Zingah chuan hrilh leh loh a haw mai tha in ka hre ta zawk a, ka scooty a ka chuang tur chiah chu ka hmaah a lo ding run mai.

Min en vung vung hnu ah , " Kan ringchhin ngaihdam min dil dawn. "

"Eng ngaihdam maw? "

"Niminah min hnek kha. "

Ka inthlahrung lutuk ka insum ve deuh chu a ngai tawh a nih hi.

"A... Aw.... Ah... Ka.. tihpalh lutuk. "


Min en run run , "kha zawng kha maw. "

"Aw."

"Ka va ring chiah lo e , thildang eng emaw sawi duh i nei . "

"Ka... Ah... ka nei lo ... Ka nei lo tak tak. "

Min rawn pan hnai in, Ka biangah a lo fawp a nih chu ka ip chawih a, ka sa chhuak vek.

"I sawi dawn nge? " A ai hnai ah min en leh ka hmui chu en in , a hmui chu a liak zeuh a, a rawn kun hniam .

"Ka sawi ang , ka sawi ang, " Ka ti chul a nui duh lek chauh ,ka hmui a tawh chiah chuan , "ka rai, " Ka ti chhuak nghal phawng .


Mak ti tak in min en a , a tawlh hnung hret a, "naute maw ? " zawi sap hian a ti a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:15 pm

Chapter -16 (ni 30)







"Naute maw, " A tih chuan ka thin phu nasa lutuk te pawh chu a zia deuh , a hmel chu ka en a , a duh lo ni ngei in ka hria a tap mai lo tur in ka insum ngar ngar.


"Ka sawi lo ang ah ngai rawh, ka lo tibuai lo ang che, " Ka ti a .


Ka scooty ah chuan lawn mai ka tum a , ka mittui chu dan duh viau mah ila ka khap per sak sak tho, ka tlan chhuah hma chuan ka ban ah min chelh in, "i ti tak tak tiraw, " A rawn ti leh a .


"Ka.. Ka.... sawi. "

"Aw leh aih chiah in min chhang la a tawk, " A mitah tak chuan ka en a , a zam ve hmel deuh in ka hria.

'Aw' pawh ka ti thei lo ka lu chu ka bu zeuh ringawt a .

Rem leh rem lo chuan min lo kuah a , a taksa ka nghen chiah chuan thlamuang huai in ka inhria a chhan ka hre bik lo.


Chutia min kuah beh reng takah chuan ka rilru no chu lo chhuak in ka mittui chu a far zawih zawih a, a awm chu ka ngheng a ka insut hlap hlap a min kuah nghet sawt in ka scooty atang chuan min chawi chhuk a .



A kawr awm te chu a huh vekin ka hria , eng mah a sawi lo na a, ka thlamuanpui hliah hliah, kha chen rilru hah reng reng a ka awmna te chu dawi bo ang hlauh a ni.


Ka tah zawh hnu chuan ka mittui chu a kut chuan min hruk hul sak a , min nuih vur vur a , a hmelah chuan phurna leh zamna te ka hmu ve hial.

Min kaisawn in , "inbe lawk ila ka thlah dawn che
nia , "a ti a.


Hospital canteen ah chuan min hruai a mahse ka lut duh lo ka tang tlat, " Ti nge, " A tih chuan , midang in min hmuh ka hlauh thu ka sawi ve mai bawk a.


"A buaithlak thin mang e, " Tiin min en a , a nui leh suk a, tunah tak hi chuan a ka pawh zen ila min seh ka ring hauh lo , a thuthlukna chu min la hrilh chuang hauh lo na in ka thla chu a muang ve em em tawp mai ni.


Restaurant hnai ve tak changkang ve thawkhat ah chuan min luhpui a , kan thut fel hnu chuan , "ka , " Ka ti hman tawk , "thil ei phawt ila kan sawi chauh dawn nia , tunah chuan thil ei hun sawi hun chu nakinah , " A ti daih a engmah pawh ka sawi ve hman lo.


Waiter chu lo kal in kan ei duh zawng te chu min zawt a , ka chhan hman hma in , "thil eng emaw tal i ei tawh em ? " Tiin min en kalh a , ka lu chu ka thing ringawt, "tui tal , " A la rawn ti hram , ka lu chu ka thing leh a.


Hahthlak tih hmel deuh hian min en a , thawk chu a la kawk a , waiter bulah chuan , "tui thianghlim min lo pe hmasa phawt la , chumi chhung chuan menu hi kan lo en dawn nia , "a ti a .




Menu chu ngawi reng in a en a , ka en leh zeuh zel enge ? a ngaituah chu aw ka ti a mahse ka hrethei lem chuang hlei lo a, a awm dan chuan ka ngaih te pawh a titha lo deuh amah chuan a khi leh suk thin a , a ngawi reng tho bawk sia , hetiang mizia hi a nei ang tih ka ring pha lo.


Waiter chu lo kal lehin tui chu a lo dah a , tui chu la in a hawng dawn emaw ka tia mahse waiter bulah chuan tui chu a vawt lutuk a , a vawt lo lo dah leh zawk tur in a ti a , thil chu a chah tan nghal a , veg. Haka leh veg. Salad a chah chuan mak ka ti reuh riau veg. vek han chah chu.


"Keichu" Ka ti dek dek a , "a ni chu steam rice kha lo ti mai la chuan veg. salad, artui i ei ngai em? " Tih min zawt nghal a 'aw'ka tih chuan , "artui kan tawp omlet ni lo kan satliah tawp leh bawnghnute lum i lo ti mai dawn nia, " A tih chuan, "tomyam pawh , " Ka lo ti hman hmawh.


"A al lutuk chutiang hrisel nan a tha lo, veg. lam hi ei tam tawh ang che, " A ti leh nghal zung zung a, ka inthlahrung hle waiter lak ah chuan.


Min kalsan hnu chuan, "pasta pawh ka ei chak sin le, " Ka ti nuah nuah a .

Min en run run in a chek leh tlak tlak tawh, "tun atang chuan thil hrisel lo reng reng ei tawh suh ang che, i vunte kha en ta che a nung lo tih hriat reng reng , i inenkawl tha lo tih a chiang reng, thil hrisel ei hi i tihmak mawh a ni, naute hrisel tak kan neih theih nan, " A tih chuan ka en reng 'kan 'ati nia a pawm tihna a niang a.


Waiter chuan tui chu a dang min lo pe leh a ,la in a hawng thlap tui no an chhawp chu la leh in a tlang chu tissue chuan a hrufai te te a , thli chhuakin ka lamah chuan a lo dah hnai a , "nitin tui tha hnem tak in ziah ang che, " A ti a , ka en reng ringawt a mitko chu san keuh in intur chuan min signal a.


Min care na a tih lan dan chu a nuam dang dai reuh lutuk min ti hluak lo na a , a hun a hre reuh phian Zomuani'n a atchilh pawh hi a awm hliah hliah, mahse a ler ve thawkhat viau in ka ring.


"Ka" Ka tih leh chuan engmah sawi rih lo tur in min ti leh , min en reng bawk si a , ka zam kher mai , hmun leh hmun a inen reng te chu tu nge zam lo bik ang, a ti awm ang lo thei e.


"Toilet hman lawk ka duh thu sawi mai ka tum a
nia , thil dang ni lo in, " Ka tih chuan min nuih suk in ka kal theih thu a sawi a , ka kalsawn hnu chuan ka thlir let a mak ka ti ta riau mai , eng chu a hria ni maw ? Eng pawh sawi ila a nui thei zel mai.

Ka let leh hnu chuan kan eitur chah chu a lo thleng fel der tawh a , a la ei bik lo min lo la nghak reng a polite lo viau emaw ka tia a duhna chuan a polite reuh phian hi.


Thil kan ei hma chuan ka fian hman tur chu la in tissue in a hru leh thlap mak ti takin ka en reng ringawt.

Ka thil ei te chu muang te te a eitur in min ti a , ka ei zung zung chuan min khak nghal vat zel min en lo emaw ka tih pawh chuan min lo khak leh hman tho.


Kan ei zawh hnu chuan , "kei chu tomyam ka ei chak e, " Ka ti leh a , ka eichak ve bawk em a tin ni. Ka mitthlaah a cham reng mai.

"A al lutuk a naute tan mai bakah nangma tan pawh a tha lo , thil dang duh i nei zawk em ? Thil tui ril lam te, "a tih chuan .

Zawite hian , " Nangpawn spicy noodles i ei ziah tho sia , "ka ti a .

" Khate chu entertainment a tan mai mai a lawm , "a tih chuan ka ngawi dak , ka thusawi hi a lo hre ve hman ziah bengvar leh lutuk mai.

Ka mitthla ah chuan coke ngawt a lo lang leh
tawh , " Coke, 'ka tih chuan min en rum teh e.

"Banana milk shake in zawk mai rawh, " A ti daih a nih chu , tlangval senior khirh deuh ai chuan nula senior than kin tawh mi sawisel zawt zawt thin , mahni thu duh deuh a ang zawk.


"Min zawt te te a , ka duh zawng pawh ka sawi ve hma in i duh duh i chah a , balhla lam hrim hrim ka duh lo, " Tap lek lek hian ka ti a .

"A nih chuan , chocolate milk shake aw, chu chu i duh ang ti raw? " Tlem chuan a in thiam lo hmel deuhin ka hria.


"Eng mah min zawt tawh suh i duh zawng bak i chah leh chuang lo ang, " Min lo thut hnaih in ka kut ah chuan a vuan a , "ka tihpalh naute ka ngaihtuah vang a nia, " Hmm naute chauh maw? ei chak zawng te ka nei ve tho sia , a rilru a chhe hle mai.

Ka thu tum bur a , "ice cream ka chah sak ang che aw? " A tih leh pawh chuan ka la ngawi reng eng vanga a lakah chuan pangchang viau nge ka nih ka hre bik lo.


Ice cream an lo dah chuan strawberry a lo ni leh
zel , ka duh loh ber lehnghal , hepa nen hi chuan kan inmil thlawt lo , ka ei bawk si lo chu min en reng ringawt.


"Ei tawh la a tui vek mai ang, " A tih chuan ka melh hrep , ka tawng thei tawh lo ka tah a chhuak.

"I ei ngai lo em ni? Eng flavor nge i duh ka chah tha leh ang aw, " A ti leh a, a dawhthei reuh phian .

Ka thu peih tawh lo a bul ah hian, eng sawi set set lo in ka tho nalh a , nghak lo in ka chhuahsan nal nal, ka scooty awm na ka thlen chuan min lo umphak , ka banah chelh in min thlah tur thu a sawi a , ka duh lo mahse min pawt tlat bawk sia ,a bolero ah chuan ka chuang leh ta nge nge .

Bolero a khalh chu mak ka ti viau bike ngawt a khalh thin emaw ka tia, a hausa viau a niang a.

Kan ngawi ve ve a , sawi mai tur ka hre lo, "i scooty kha chu ngaihtuah duh suh chahbi min pe la ka lo dahtir ang , " A tih chuan , a inti thu hi ka ti leh mai mai khawp , a duh duh hi a sawi ve ziah mai, engkim hi ti thei emaw hi a in tia, zam lo ve hlarh hlarh tak hi chu a ni.

Kan in awmna lai chu ka hrilh zung zung a mahse kan in thlen hma chuan a ding thut hmalamah ka bu lawp a ka intauh tep leh nghal, a kut in min lo dang hman zawk a.


A lam hawi tur chuan min kuai her a, "i chhungte i hrih tawh em? An thinrim viau em ? An hau che
em ? Eng tin nge an tih che? " Zawhna tam tak min zawt a , chhan hmasak ber tur pawh chu ka hre lo.

Amah zawk chuan ka mitah chiang deuh a min en in , " I la naupang tih ka hria , kepawh pa ni tur chuan ka la in peih lo tiin ka ngaihtuah ve tho mahse thil thleng thei tam tak kan ngaihtuah hmasak chuan kan fa lo piang tur hi fahrah a ni mai dawn a, ka thiam loh a nia mawhphurhna chu ka la ang , chuan huaisen taka paitlang i duh avang pawh in thuthlukna diktak i siam a ni ,ka thlah thlam lo ang che u min ring tawp dawn nia , chuan min hrilh avang pawh in ka lawm e, " Tiin min nuih suk a.


Ka rin ang a ni hauh lo mai , ka lo rinlawk dan kha chuan a pha anga , min an khum leh hrep anga ,a duh loh thu a sawite kha ka ring zawk a nia, ka ring sual hle mai.


Kan inah chuan tutu te nge cheng tih te min zawt a, lo luh ve a duh leh tlat , engkim chu a thleng rang lutuk a ka inring hman lo deuh chu a ni.

Mahse keimah a hmachhawn ai chuan tiin ka hruai lut ve tawp.

Ka chhungten min hmuh chuan mak an tih hmel lutuk mahse mi vengva ve tak an nia ,puitling tih takah an lo be siam siam ,thu tur te chuan an ti nghal bawrh bawrh a .

Ka pu chuan thil chi hrang hrang a zawt a tha deuh in a chhang ve zel mai bawk a .

A tawp ah chuan , "hetiang hi kan ni tawh bawk si a , inneih min rem tih pui hram rawh u, " A ti ta mai keipawh min ti phu zawk inneih chung chang kha engmah kan la sawi miah si lo a , a che rang mah mah a ni.

Ka pu chuan thupha chawina te neih phawt a palai te tir ve phawt zawk tur in leh a dang chu a tla chawp a ngaihtuah tur in a ti ta zawk a.


Tlai dar hnih bawr vel ah a haw ve thei tawk , keipawh ka chhungten engmah min zawt chhunzawm bik lo.


Zanah chuan ka duty hun a nih loh avangin ka room ah ka awm deuh tlat a , ka chhungte chu ka hmu hreh ngawih ngawih.

Message hi min lo thawn a , palai an lo kal thu leh a chhungte chu an lawm bik vak lo a mahse min pawmpui thu te mai hi min lo thawn a , ka mu tha leh a , a message ka chhiar zawh hnu chuan a mak ka ti a tiang thil hi ka chungah a thlen ka ring bik lo.


Kan inrem theih chuan pasal chu ka nei ve dawn ta reng chu a ni mai sia,pasal neih hi ka la ngaihtuah chhin ngai loh thil a nia, amak ang reng khawp mai,mahse duhthlang thei kan ni si lo a, kan inneih chu a ngai ngei dawn a nih hi, ka huphurh hliah hliah.

ka thawh pui ten an hriat hunah chuan mak an ti awm mang e, eng eng emaw kha an sawi ngei awm sia ,min ngei tawk lah an awm ngei ang, min sawi sep sep hlawm pawh in ka ring, an in rin siak vel anga ka zar buai ang te'n an sawi bawk ang a, a awm tho e ,an star rawn kha a ni ve miau a, bakah a tha ve em a tin ni Mr.Spicy hi chu , han fel viau phei se chu Mr.Spicy to Mr.Perfect-a a ni mai tur ,ka phu lo a ni keive teh lul hian mahse chu chu kei pawn ka hria.

Chung zawng zawng chu ka haider thei mai ang mahse Zomuani'n a hriat hun tur chu ka huphurh ber , hrilh mai dan tur ka hre bawk si lo.

Ka message tone chu a lo ri leh a , amah tho a
ni , mu hma tur in leh thil hrisel chauh ei a thil ngaihtuah vak vak lo tur in min ti a , min ngaihtuah ve te pawh a ni mahna .

Ka reply dawn chuan ka in let deuh bawk si nen ka
phone chu ka lo hmet palh a, love lem awm tuar hi ka va thawn a nih chu, a lo read hman tawh si delete chi a ni tawh si lo ,ka sa chhuak vek a lawm, min reply lo hlauh zawk a, mak chu minti ve ngawt ang , min ngaih dan tur phei chu ka ngaihtuah peih lo zawk.

••••••
A tukah chuan ka har hma hma in ka phone chu a lo ri a, ka off phawt a , a ri nawn leh ka thinrim mai mai zia chu tu nge tih pawh en lem lo chuan ka ' hello' vak a .

"Tho vat la lo chhuk thla rawh ka nghak che a nia, "a rawn ti let a , tu nge tih ka hriat phei chuan ka thinrim zual, zingkar atang a han in hmuh te chu ka mood a uih vek dawn sin , a duh leh lo awm ve mai mai teh se tiin ka inkhuh leh hmak.

Mahse ka harh lak lawh tawh si , peih lo tak chuan ka tho a ka intih fai hnu chuan ka chhuk ve hram.

In hnuai ka thlen thlak chuan a lo vei thauh thauh tawh , a inchei dan chu inhmeh tak a ni mipa khirh tak leh thinchhe ve tak kha a ang tawh lo reng
reng , ka hmu sual emaw tiin ka mit chu ka nuai chhat chhat a , mahse a ngai reng.

" Khatia min en reng lo khan lo chhuk vat rawh , nula ve si tho tlai lutuk mai , entia rei nge ka nghah che ?hmm...i ngaihtuah thiam pha leh tawp nang hun kan ngah lo a nia" Ti hmuk in a phun bul bul .


"Enge kan tih dawn? "

"Kan in sawi zawi ang . "

Ka en reng ringawt ka peih hlawl lo mut ka thlang zawk, chhoh leh ka tum chuan min lo dang , ka pi chu lo kal in ka pheikhawk leh ka track jacket min lo pe ,an tangdun chu ka ngei teh e mahse sawi theih ka nei lo , ka pi chuan min en run tawh bawk si.


Peih lo tak chuan kan in zui chhuak a, kan tlan hnu chuan rei lo te a ka chau nghal , thaw hlawp hlawp in kal ka rawt ta zawk a ,in fit lo min tih hmel kher mai , ka tlan thei tawh ngang lo a ni.


Khatla lamah kan phei zel a, Cindy ka hmuh chuan ka tlan let leh vat hmel hriat hmuh ka duh reng reng
lo ,ani pawh in min lo um zui thuai a .


Kan tlan leh a , thui deuh kan thlen hnu chuan ka hah lutuk chu ka thaw hlawp hlawp , kan ding leh rih a , ka hah em avang chuan kal pawh ka kal tha thei tawh meuh lo.


Kan veng kan thlen hma chuan min paw tur in ka ngen ta tawp , ka kal thei tawh miau si lo a , min paw ve mai eng mah sawi lo in.


Ka rit ve ang reng sia , bakah hmeichhe te zawk zawk ka ni bawk si lo ka inthlahrung ve reng.

Kan in kan thlen dawn chuan ka chhuk a, ani pawh a thaw hlawp hlawp mai.

"Nitin kan pahnihin kan walk dun ziah tawh ang hun kan neih chuan , fit taka i awm a ngai a nia , tun bak kha chu puak besei tawh suh ang che , " Tiin a tlan let leh daih.

•••••

Ka inbual fai hnu chuan ka la hah deuh , mahse hna kal tur chuan ka insiam ta tho a , chaw te ka ei fel hnu chuan horn ri tuar ka hria a , kan inkawt a nih avang chuan ka pi chuan en vat turin min ti a , ka en nak chuan bolero chu a lo ding luau mai.


Vawiin a duty loh ni a ni ati in ka hre sia eng nge a lo tih dawn chu le ka tia ,min hmuh chuan rawn au vat in chuang nghal turin min ti a ,ka tlan lut vat a ka bag te chu la zung zung in ka tlan chhuak leh nghal.

Kan in a a lo luh fo chu ka duh lem lo , ka chhungte nen an inbiak khan ka tang lutuk a ,enge an sawi ang tiin thin phu dep dep in an kiang ah ka lo thu ve kur sia , a nuam lem lo khatiang thil kha a thlen leh ka duh tawh lo bawk , kan inneih tur pawh a la chiang bawk si lo a.


Damdawiin kan thlen chuan chhuk nghal mai ka tum a mahse min lo vuan hman in , " ni dangah chuan hman hmawh tak in tlan zawk zawk tawh suh ang che, " A ti a .


Ka lu chu ka bu nghauh ringawt , ka chhuah dawn chuan, "naute lianchi" a lo ti a , ka hawi phei vat a , min nuih suk bawk sia , a thu sawi awmzia chu ka hrechiang viau bawk nen,ka zak chem chem..

Ka duty tan hnu pawh chuan kan awm dan chu ka ngaihtuah let a ,mahni te chauh chuan lawm lem loh in ka nui vur vur mai ni ......


🤣🤣🤣🤣🤣🤣🤣🤣🤣🤣🤣

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:16 pm

Chapter -17



Ka thut mai mai pawh chuan ka nui leh suk thin , ka lo hlim ve em em tawp mai ni, eng vanga hlim viau chu nge ka nih ? Min care ve deuh vang chu a ni thei mai a ngem?


Mahse Zomuani hrilh dan tur ah ngawt chuan ka buai , hmanni atang khan kan inbe leh ta miah lo kha a nia, a hma zawnga inbe lo leh inhmu lo a , awm thei lo kha tunah chuan kar khat chuang dawn te kan inbe ta lo a , ka rilru chuan ka inthiam lo a, kan inthian thatna inkar ah chuan eng thil chiah nge thleng hi ka hre bik lo.

A duty ngei ka ring a , biak mai a tha in ka hria midang ka atang a hriat chuan ana dawn em mai, ka phone chu ka chhuak in message type ka tum zet a , mahse eng tia sawi tan tur nge ka hre tlat lo, ahma te kha chuan kan inhmuh tawh hi chuan kan ngawi hlei thei thin lo kha a nia , tunah chuan sawi tur ber pawh ka hre tawh lo, eng vanga danglam ta em em chu nge ka nih le , in ngaihtuah harh chu ka ngai a ni .


Chutia ka in ngaihtuah mawlh mawlh lai chuan , ICU chhungah chuan monitor (plus oximeter) chu a lo ri ta mai , hmanhmawh takin ka tlan lut nghal a , CPR pek mai ka tum a mahse doctor a lo thleng hman hlauh.

Defibillator chu ka nawr vat a , 300volts ah ka ti phawt ,doctor chuan a shock a , ngai a awh thei chuang lo , 1000volts a tih chuan ka up vat , eng a ang chuang lo, doctor chuan a awm ah chuan a chum vak vak a , monitor chu a la ngai reng , ka tah a chhuak tak zet rei ngial kan beih hnu pawh chuan engtin mah a la awm chuang lo , monitor chu ka en vat a ,a ri zui zui a rin ngil tak a boral tawh tih chian nan chuan a lo lang kulh a . Kal hnai in a ventilator chu ka phawi sak a , ka mittui a tla , tiang hi ka la tawng lo ka duty laia thil thleng a ni a, ka inthiam lo takzet .

Ka kut chu a khur der der ,puan var chuan a hmai chu ka khuh sak a , kan khawl vuah ho zawng zawng chu ka phawi sak vek bawk a , a ruang chu reilo te ah an la sawn a , pawn ah chuan a chhungte chu an tap hawm hawm bawk a , keipawh ka zawi vek .

Keimah chu ka inthiam lo a , ka thu ngawi reng tawng tur pawhin chakna ka nei lo , doctor chu lo kal phei in intur min lo pe a, "inthiam lo vak duh suh khatiang thil kha chu a thleng ve chawk a nia, bakah i thiam loh a ni lo a, cardiac arrest vang a nih kha , i theih tawp i chhuah tih ka hria nia, " Tiin min hnem a.

"Mahse ka duty lai a ni sia, khatiang thil kha ka vawikhat tawnna a nih bakah , ka lainat lutuk , ka inthiam thei lo a ni, " Tiin ka mittui chu ka hru zeuh a.

Zawite in ka hnungah a beng thek thek a , "engkim a tha leh vek mai ang, " Tiin min nuih suk a.


Amah chu en in Ka nuih let ve mai a ,ka thawveng deuhin ka hria ka kut khur pawh a zia deuh e ,chutia hnemtu ka neih takah chuan ,ka hawi phei leh chiah chuan Mr. Spicy-a chu kan piah deuh ah hian a lo ding run a , min lo melh rum rut bawk ,ka phu nasa lutuk chu ka thutna atang chuan ka tla lo chauh , ka bula mi chuan min pawt lo phei sela chu ka tla chiang viau ang.

Ka en na lam ah chuan hawi phei ve in , "A... Doctor Israel-a lah ni rengin a duty hun a ni lo emaw ka
tia, " A ti ve mai a.


A tho thurh a , " A lo en che in ka hria , nangmah vanga lo kal a ni ang , ka kalsan phawt ang che u, " Tiin a mit min sia khum zeuh a.

"Chutiang chu a ni lo , " Tiin a kawrah chuan pawh ka tum a mahse ka thulh leh ta zawk, hlau tur pawh ka ni lo thil tih sual pawh ka nei lo bawk , ka hlauh chhan tur lah ka hre hek lo .

A lo kal hnaih chuan thaw dep dep in ka en reng ka hlau lo ti mah ila a hmel lan dan chuan min ti tim riau , ka bulah chuan a lo thu a mahse engmah a sawi lo , a ngawih kur avang chuan , ka awm a ti nuam lo zawk, eng emaw tal sawi se chu ka thinrim emaw ka hlim deuh tur a nia, hetia a awm hian min ti hreawm , min hau se ka hlim zawk maithei .

Khuh kherh in chil ka lem dak a , "enge i lo tih dawn a ?i duty ni a ni bawk si lo a , emergency a awm zawk em ni? " Ka tih chuan min en leh reng tawh, ka hmuh sual nge thinrim lutuk hmel a pu, a hmel chu to haw tur ang mai a thim khup a lawm.


Min chhang dawn tawh lo emaw ka tih hnu chuan , "ka fapa ka lo hmu dawn mawle , anu mawl zet hian a enkawl tha em tih en fiah tur in ka lo kal, " A ti bul hmuk , mawl min ti chu ka la na tlat, a tawngkam ngeiawm zet vang hian alawm ka thin terek a chhuah leh thin a , insum ka tum viau pawh a ka insum theih leh loh thin ni.

" Fapa leh fanu pawh i hriat hran theih bik tawp loh kha , i fa chauh pawh a ni bik hek lo ka fa pawh a ni ve tho , chuan ka inenkawl tha ve
tawk , i duh duh hian min tawng khum ziah suh , "ka duh aiin ka vin mah mah , min en reng leh tawh.


" Nia , kha i inenkawl tha thei khawp a nih dawn kha , mipa dang te pawh i inenkawl tel tir nghe nghe kha, " Mak ti tak in ka en tawp , a rilru ngaihtuahna kawi lutuk chu a nut hian a nu but but hial ta ve ang.

"Lungngai suh ! Ka fa chu tih fahrah ka tum hauh lo , chuan pa dang a neih ka remti hek lo, hei hi hria ang che mipa dang hnaih dan chin tawk hre rawh , ka fapa hian mipa dang rim te a nam reu reu ange chu chu ka duh dawn hauh lo a nia, " Tiin ngeiawm takin min nui suk a nih chu.

Ka thinrim lutuk chuan , a sam ah chuan tham sak in , "eng ang mi ah nge min ngaih reng reng a , " Tiin a ai na in ka kek leh , min tham lo zet hian ka kut chu a phelh thuai a , "i kawlh hle mai , sazupui emaw ka ti thin che a i lo inzep lek a nih hi Hyenas i lo nih zawk hi , " Tiin min melh rum lutuk , a sama keh leh tumin ka kut chu ka kan uai hman tawh, ka kut ah chuan man bet in, " Khatiang a kut thawh pawh pawi i ti lo a nih chuan , eng thil dang nge tih i hreh loh ang tih hi ka ngaihruat thiam pha ta hauh lo mai, naute pawh hi chhuanlamah i hmang mai mai a ni lo maw? I in check na vel pawh eng mah min hmuh loh kha , " Tiin ka kut chu a paih thla lawp a .


Ka mittui chu a lo hnai ta kuar kuar mai , mahse ka insum tang tang , " I ngaihdan dan in ngai rawh , nang nen hi chuan kan in mil hlawl lo a nih hi ramsa
nen te chuan min la tehkhin leh ta nghal a ,mihring ve tho ka nih hi ,hetiang a nih chuan kan innei thei lo ang , " Tiin kal mai ka tum a .

Ka kutah chuan lo chelh bet in , "kan in nei thei lo ang maw ? Huh...Chu thil i sawi ngam chhan chu ka fa ni lo pui hi ni angin i sawi te hi a ni hial zawk lo maw? Min bum in midang fa ka fa ah i puh a nih teh vei chuan keiai a sual an awm hauh lo ang, " Tiin ka khabe ah chuan a hmer vak a , ana kher mai.

Ka tap zawih zawih , ka tah na lam ah ka hnar te a ping vek hial , chu tia nasa tak a ka tah takah chuan a kut chu la sawn in min rawn khawih a tum a , ka duh lo nasa ka nam vak.

Ngawi reng in min en tawp , ka tah chhuak zualpui a reh hnu chuan ka mittui ka hru hul te te a , a mit a en in , " Min ring lo a nih chuan tih theih ka nei lo , min ring tur in ka ti thei hek lo che (ka mittui chu ka hru leh a) ka lo tibuai lo ang che , min kalsan thei ang, "ka sawi zo thei tawk.

Thawh ka tum chuan, min pawt thu leh in , " Innei lo mah ila naute chu ka laksak tho ang che , ka fa chuan mipa dang 'pa ' tiin a ko tur a ni lo ,duhthlan na chu i ta a ni e, " Zawi leh seh chilh nawk nawk hian a ti a ,min vawnna chu thing thla in , " Min ring lo a ni lawm ni ?i sawi zawh chiah kha , eng pawh sawi ila i la kawi zel si , nang nen hi chuan in hnim hnai lo ila a tha ber zawk ang. "


"Ka hnim lo che ,ka hnar ka len vak vak lai i hmu em ni?...Mipa dang neih te kha i lo tum vel a nge , naute chu ka chang dawn tho tho, " A ngaihna ka hre thiam tawh bik lo , a fa a nih a rin loh thu a sawi zo chiah a , mipa dang tih vel a sawi leh a , a fa a nih a rin loh thu a sawi khan eng ang chiah in nge ka nat hi a hrethiam lo nge a hre duh lo der zawk?

" Eng thu pawh sawi mah ila min hnial ziah mai , kan inmil hlawl lo , mipa ang te hian awm ve rawh ka rinai in i tawng thei , min tibuai lo la, ka tibuai bik lo ang che ,ka tih tawh kha ,kan inrem em? "Ka en reng .


" Eng tiang pawn awm ila mipa ka ni tho tho , thu dang sawi tawh lo la i hna va thawk rawh, "

"I thu lo lutuk , ka kick mai tur che nia , inti thu tak hian thu min pe ziah suh ,i thu thu a awm tur ka ni lo a nia , ka ngaihtuah na ah phei chuan ka kick dak awrh fo tawh che nia , tun ah chuan a tak a tih ka hreh tawh hauh lo, " Tiin ka kut tum ka hmuh a.

A tho nulh a, min en in a chek tlak tlak a," Hmeichhia i nih kha hmeichhia , i awm dan hi sim rawh ka chhungte i hmuh hunah phei chuan khatiang kha ka duh dawn hauh lo , hmeichhe awmte hian awm ve teh. "

" Hmeichhia chu ka ni sa , eng tin pawn awm ila , " Ka ti let ve kher beidawn hmel tak in thawk a la kawk a , "ka fapa , lo chhuak vat la inu hi chhun miah suh ang che, "ka dul chu en thla in a lu a thing a , a kal daih .


A kal hnu chuan ka hna ah pawh let mai lo in ka inngaihtuah nasa hle, kan inhmuh apiang hian min hau lo hian a awm ngai lo tluk a ni a, keilah abulah chuan ka chesual reng mai bawk si a , naute vangin han innei ngawt dawn ila kan hlim thei dawn em ni?

Reilote ah inthen te kan duh mai lo ang maw , kan inkawp rem thei tak tak dawn em ni? Kan inhrechiang lo in ka bialpa pawh a ni hek lo , kei hian a nun zalen tak ata ka phuar avangin khati khan min tawngkhum te pawh a ni zawk maithei ni.


Ka pum chu ka chul heuh heuh a , "naute i pa hi kan kal tir mai dawn em ni? " Tiin engmah hrethei lo pui chu ka zawt a .

A sawt loh em avang in inthing harh in ka in hui mam thuak thuak a, "ka lung ngaih na te leh mahni inthiam lohna ka neih te pawh a reh deuh tal
alawm, " Tiin ka duty na hmun chu ka pan ta zawk a.

A tukah chuan haw turin ka insiam a mawlh mawlh a , Zomuani chu biak ngei tha in ka hria a, ka phone la chhuak in message chu ka type a mahse ka clear leh zel , sawi tan dan tur mawlh chu.


Chutia message type a ka buai em em lai chuan amah zawk chu ka hma ah lo ding in , min lo kuah thut a nih chu ka phu nasa lutuk a , ka phone chu ka la thlauh daih zui , min nuih huah huah a , ka nui ve tawp.
••••••
Kal lamah Mr. Spicy -an min thlah avangin scooty ka keng si lo a , a rual chuan haw ila kalkawngah ka hrilh pah anga a rem dawn riau in ka hria a , a hnung ah chuan ka thu vei than a , "khawnge i scooty ? " Tiin chik deuh in min en a , ka ken loh thu ka hrilh ve mai bawk a , mak a tih ve hmel ngang mai.

Tlan chhuah kan tum chuan kan hmaah car dum tliang ralh mai hi a lo ding a , kan pahnih chuan kan en reng ringawt.

A lo chhuah chuan Mr. Spicy-a a lo ni a , ka hlauthawng nghal , Zomuani chuan ka kutah min hmer ngawt ngawt bawk , a lai chhe leh hle mai .


Kan lam chu a lo pan in min be chawt nghal , ka haw tawh dawn leh dawn loh chu min zawt a , ka bu zeuh , Zomuani lam ah chuan ka thle zeuh a , a hrethiam leh pek tlat lo,hepa pui leu luau hian "ka thlah ang che , " A la rawn ti hram .

Zomuani'n min en reng bawk si a ,Ka tih ngaihna hre lo chuan ka phone chu la chhuak in message ka type mial mial a , a phone a lo rik chuan en nachang a hre leh lo , a mak thin! Min ti hah hepa hian.


A banah chuan ka pawt a Zomuani bul atang chuan ka hruai hrang deuh a , message ka thawn ho chu en turin ka mitmei a, a phone a en chuan message a type ve mial mial.

Ka message thawn avang chuan a khi ve suk , inher in a lo chhuahna car ah chuan a kir leh a , kawngkhar a khar chuan ka thaw veng sawt ,a tlan liam hnu phei chuan ka zuang lo chauh zawk.


Zomuani chuan chik deuh hian min en a , zawhna a ngah tih ka hria mahse helai hmun hi chu a chi loh , han hrilh mai dan tur ah chuan ka la buai hle, a rilru ka tina dawn tih ka chiang sak , min hmu duh tawh lo zawk maithei.

Ka bff a ni a , eng pawh thleng se ka hrilh hmasak ber tur a ni, mahse a lak ah hian thu zep tam tak ka nei bawk si , thiantha ni tlak pawh ka ni lo, ka rilru chuan ngaihdam ka dil mawlh mawlh a.

"Eng chungchang ah nge a biak duh che ? " A mit meng fiah kak chuan min en khiau , ka zam a , a tap leh mai ang tih pawh chu ka hlau.

"Lo kal rawh kan in thleng min thlah la , chuan engkim chiang deuh zawk in ka hrilh dawn che
nia. "

"In inkar ah eng thil chiah nge thleng ? "

"Lo kal phawt la , " Ka nui tawi tak ringawt.


Kal kawngah pawh chuan ka thil hrilh tur chu a huphurh ngang a niang a thaw leh hak thin.

In kan thlen chuan , ka chhungte chuan an lo be nghal bawrh bawrh a , "i thiannu hi , " An tih chuan ka lu ka thing vat , an sawi tum ka man thiam.

Ka room ah ka hruai lut a, ka thut tir tete a , a bul ah chuan thu ve in tlem in ka thut hlat deuh , ka hrilh tan a min en lo hmalam a en ngar ngar.

A tawp ah chuan , " In innei dawn a maw? "A ti chhuak ve thei hram.

Zawite in, " A nih hmel, " Ka ti a , a insum thei tawh lo a niang , a tap ri hrawih mai .

Ka kuah a , a hnung ah chuan ka chul heuh heuh a , a duh zia ka hria bialpa nei thluah tawh mahse ani anga vei leh duh a neih awm ka la hre lo , chutia a tap pawh chu ka dem hauh lo , theih ni se chu kan din hmun hi ka thleng mai tur mahse sum tam tak hmang pawhin kan chunga thil thleng te hi kan ti danglam thei si lo.

A tah ban hnu chuan , a mittui chu a hru hul leh te te a ,chiang taka min en in, "thik viau che mah ila , ka hlan zawk mai ang che , enkawl tha viau rawh, pathlawi a nih hnu pawh a lo pan vat duh tur mi tam tak an awm a nia , chung zingah chuan keipawh ka tel tih hria la , " Min nuih vur vur , a rilru a dam deuh tawh pawh a ni mahna a nui thei ve ta a lawm.

A kutah chuan chelh in , "Muan nang aia thian tha ka nei lo tih i hriat kha , ka kiangah i ding thei a ngem , " Tiin ka zawt a , a lu bu zeuh in min lo kuah a , "ka tan chuan chawimawina a ni zawk hial ang chu , " Kan nui dun hak hak .


Zanah chuan palai te an lo kal leh a , ka pu chuan kan mualpho tam hma a innei vat turin min duh a palai te pawh kal nawn a ngai tawh lo tiin a ni turte nen lam an sawi fel nghal vek , buaina a awm loh chuan kar khat hnu ah kan innei dawn.

Chuthu ka hriat tirh chuan mak ka ti viau , eng vang a chuti chuk chuk a remruat chu nge an nih ka hrethiam pha hauh lo ,ka dul pawh a la puar chuang si lo a, engtin nge ka in buatsaih ve hman anga?

Mr. Spicy-a pawn min lo be thuai , a chhungten min hmuh an duh thu chu a sawi a , ka huphurh ngei mai . Thil thleng hrim hrim chu a rang lutuk a ka inring hman lo achha chu a nih ber hi , engkim hian min thawng thut thut reng mai.

Chhun lam duty ka neih loh lai chuan min lo lam a , Zomuani chu hruai ve ka dil a , a chhungte hmun hran hran a mi te pawh an lo kal ve nual dawn a, an tam dawn avangin pawi a tih loh thu min hrilh chuan , Zomuani chu ka be nghal thuai a , a ni pawh a lo rem chang hlauh .


Kan pathum chuan kan in zui ve ta rawih a , a hma ah pawh thu lo in a hnungah Zomuani bulah chuan ka thu a , "saw a thinrim hmel lutuk i ti awm ang lo lutuk a hma ah te thut ve awm" tiin Zomuani chuan message min lo thawn a , "a pawi loh tawp chu , " Tiin ka thawn let ve a , kan rel chhunzawm nghal char char , a hnungah mipahnih in kan rel a , a hachhiau miah lo chu a mak zawk.

Kan pahnih chuan kan nui leh vak vak thin a , kan hma a mi pawh chuan front glass atang chuan min lo melh leh thin kan in sum der mai si lo, kawng kawi ah chuan a herh deuh pawp nge kan bu lawp mai lawm , hmalam chu ka en vat a , "in chan
tawk ," ti ang hrim chuan mit min la siai sak zui, Ka kek bu lawp chak mang e.

A ding thut a ,"chhuk rawh u,"a ti hmuk , kan nuih pah vang chu nge ? kawng ka lo en lo a, kan lo thleng der tawh chu ni in, mahse ka kal tawh na a ni tlat.

Mak ti tak in ka chhuk a , ka hmaa in chu ka en deuh vang vang a , Cindy chu lo tlanchhuak in min lo kuah chawt mak ti tak in ka en reng ringawt.

Mr. Spicy-a chu , "u in lo thleng har lutuk a , ka thlir na lam ah che u ka mit a tung vek , " A tih chuan, "u maw? " Ka lo ti vat a .

Tu mah mah chuan min chhang lo , chupa lah chuan , "a tung sa hrim hrim, min thlir na lamah ni lo in , " Tiin in chhungah a lut daih.

Zomuani te nen kan pathum chuan kan lut a, chu in chu Mr. Spicy te in a ni ang tih rin ngaihna reng reng ka hre lo .

Kan luh chuan min lo en deuh thap a , hmanni a kan lenna nu kha lo kal in Zomuani chu a be leh bawrh bawrh nghal, nuam lo chu ka ti ngei mai , awm ve lo ang mai in vawikhat pawh min melh chhin eih lo.

Thut khawm na lam kan pan hma chuan Dr. Israel-a chu lo kal pheiin min pawt hrang a , "in biak kan ngai, " Zawi te in a lo ti a .

Midang bulah chuan , "ka room ka'n enpui lawk ange , "tiin min hruai hrang ta daih a.

A room chhoh na chu a mak dang dai reuh hle , an step chu thing ang mai hi a ni a mahse thing a ni chiah si lo , a room kawngkhar pawh chu a nalh dang dai reuh lutuk , han en mai chuan room a awm tih a hriat miah loh .

Engtin emaw a kuai nge a kau a lo in hawng ve mai, an in hi ka hrethiam lo changkang deuh anga lang hauh si lo hian simple tak siin a changkang ru reuh .

Min pawt lut in khum ah min nem thu pawp a , a sam chu a tuai chho pawk a , thaw chhuak deuh hrawih in min lo din hnaih a "khawi i phone , " Tiin a kut a lo dawh a nih chu.

A thinrim ringawt chhan chu ka hre lo, "enga tan nge i tih? "

"Ka en duh a ni mai. "

"En chhan tur i nei lo , en duh pawh a ngai lo. "

"Lalduhzual, i pasal tur ka nih hi zah lo tak in min chhang thin suh . "

"Zah tlak a i awm ka hre lo, " A lo kun hniam a, kan inhnaih lutuk chu , ka ip chawih mai.

"Zah tlak a ka awm leh awm loh chu kan la hria ang chu, " A ding thut a , ka phone chu lo lek chhuak in , "password, " A lo ti a , engtik laiin nge a lak hman ka hre lo, chhuh tum in ka ban nghal .

Reingial hnuah pawh ka chhuh sak thei chuang lo, ka hah tawh lutuk chu khum ah chuan ka mu zangthal tawp.

"6003" Ka sawi mai loh chuan inchai buai vel kha a hahthlak tlawm hi a tum thlawt bawk si lo a.

"Enga tan nge i tih tal chu min hrilh ve la , password pawh ka hrilh tawh tho che kha. "

"I ler leh ler loh ka check , mipa dang te hi i lo be thin reng em? Tih vel te . "

"Nang ang ka ni lo. "

"Motor ah pawh i phone bih in i nuih char char kha , mitdel ka ni hleinem, min bum tum ngai suh ang che. "

"Nang ang ka ni lo, ka tih chuuu....., Zomuani nen kan rel che a nih kha, " Ka ka ka hup vat , thil tul lo hi ka sawi leh thin .

"Umm, ka ring ang che , phone call i dawn hi , 'ka
pi ' tih leh damdawiin no. company , leh Mr. Spicy noodles hei chu keimah ka ni phawt a , message lah hi kei leh Zomuani , group atang a ni mai a, i luck lo ve hle mai maw, kha vang kha lawm hmeichhe awm in awm rawh ka tih che. "

"I hre ringawt lo , ka lo delete then pawh a ni thei a . "

Ka chal ah min nem sawk in , "nang hian
e ..,chutiang tih na chang i hre hauh lo tih ka chiang, " A nui ve.

"I polite lo satliah emaw ka tia , chu chauh pawh chu a ni lo , hmeichhe dim nachang pawh i hre lo tel a nih hi ,engtin nge i bul ah thla muang takin ka awm theih ang ? mi khawn fawk te hi i ching reuh a, " Ka nui vak vak, amah te hi palian pui si hian a cute reuh lutuk a .

Min en reng , ka bulah chuan lo mu thla in min kuah a ,min awm hnaih deuh in ka mitah a en a min lo fawp ta mai ka phu uih , a uar tulh tulh a , keiin chhanlet dan ka hre lo.

Min thlah hnu chuan , " Mipa dang i la fawp ngai lo tih min hrilh suh i zei loh dan kha zei lo satliah pawh i ni lo , rapthlak leh khawlo a tel, battary fawp ang vel ka ni , " A nui deuh suk a .

Ka zak ve deuh 'battary fawh maw? ', bakah a duh duh a fawh tur pawh ka ni lo,ka mitmu ka chet kual ralh a , "oh" A ti ve ringawt .

A nui hawk hawk a , chutia a nui hmel chu a pa ngei mai a ha uingho var tak te ,a mitsir vun chuarte leh a sam dum hlap te chu engkim mai chu a in chawbe vel vek a ni mai.

Min pawt hnaiin ka dulah chuan a kut a lo nghat a , ka en reng a zam deuhin ka hria , a kut chu vawn hnan in, "in ngaihtuah tha leh la a tha lo maw , i ham haih tih ka hria , kan pahnih hian kan inhre chiang lo a , kan in ngaizawng hek lo , naute leh kei hian i nun zalen tak ata kan phuar dawn che a nia," zawite hian ka ti a .


A thu chhuak a, keipawh ka tho chhuak ve nghal , thaw ala kawk a , "kan sawi fel vek tawh, " A ti ringawt a , min en lo.

Ka lam hawitur chuan ka kuai deuh a , a mitah en in, " In neihna hi dam chhung daih a ni a...thuthlukna awlsam taka siam zung zung chi a ni lo a nia, pasal a ka nei che a nih chuan duh mah la ka then dawn hauh lo che a nia , "ka tih chuan.


" Ka inngaihtuah tawh a lawm , then leh mai mai che ka tum bik lo , ka fapa nen khan min kalsan pawh ni ula ka zawng chhuak tho ang che u. "

" I hrethiam lo a ni. Kan inhmuh hlek in kan inhau a, kan inmil loh zia chu i hriat kha , chhungkaw hlim tak kan din thei dawn em ni? Thla hnih thla thum leka 'ka peih leh lo'tih mai mai chi lah a ni dawn hek lo . "

"Ka mawh phurh na ka hlen ang nangpawh nu tha tak ni tur in inbuatsaih la a tawk ,thil ngaih tuah thui lutuk suh , a chiang em? "

A tho nulh a , a kal daih.
kan hmalam hun chu eng ang tak ni ang maw??

Ka ngaihtuah thui ngam lo , hepa nen hian hmalam hun kan nei ang tih rin ngeih na ka hre lo , ka pum chu ka chul heuh heuh a , maimitchhing in thawk ka la kawk a .

Ka nun hi thla khat lek chhungin ava danglam chak em, ka ngaihtuah ngai loh thil a thleng zut zut chu a nih hi.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:16 pm

Chapter-18(3)





Dr. Israel-a room ah chuan ka la thu reng a , ani paw'n min rawn ngaihven bik chuang lo, ka thu ngawi reng a, a room chu ka thlek kual a , engkim chu fel fai takin a inrem thlap a , len pawh a lian tha ,a khum te chu zau thawkhat tak a ni.


A room ah chuan thawmhnaw dahna tih vel ka hmu miah lo chu mak ang reng tak a ni, couch pahnih a in hunga , darthlalang lianpui bangah chuan a awm bawk a , bang chu darthlalang (plain mirror-mahni in en theih na ang kha) a ni mah zawk ang chu , bathroom awmna tur awm ang pawh ka hrethiam lo.


Bang thlanglam chu a dum tliang ralh a , khum sir tawn tawn ah chuan side table a awm bawk a , engkim chu a plain purh ang in lang mshse a changkang ru reuh hle.


Engmah chu ka khawih ngam lo vek , a mak dangdai hlawm lutuk a , ka chesual leh ang tih ka hlau . Ka thil hriat chhuah thar chu black and white hi a uar hle tih hi.


Chutia ka hawi kual lai chuan pawn atang , "URachel lo chhuak tawh la , kan nghak reng che, " Tih ri chu ka hria a , ka chhuak mai dawn a khawngkhar ka bo daih.

Au let in , "Rawn lut phawt rawh, " Ka ti ta ringawt a , kawngkhar ka bo tih thu chu ka duh bik teuh lo.

"Au in min hau ang , lo chhuak phawt mai rawh , " A rawn ti leh , tih ngaihna dang a awm tawh si lo chuan , "kawngkhar tal kha lo hawng la, " Ka ti ta ringawt .


Reilote a pindan bang chhak lam chu a lo in hawng a , Cindy chuan then thaw hian min lo en a, ka zak ve reng mahse ka thiam loh a ni tlat lo a , tinge hetiang em em a , in maksak hian an sak na , an in design tu chu hmu ngat ila ka beng ang.


Ka chhuah pah chuan , ka zak bawk si chu , "tu nge in in hi design reng reng a, ka bo tep a lawm lo kal lo phei la chu ka lo chhuk lo kumkhua ang , " Ka tih chuan , "ngatan nge kan in design tu chu i hriat duh a? , " Hriat chak hmel deuh hian min en kar a.

"Ah... Ka hmuh hun hun ah ka beng ang , " Ka tih chuan , "Eeee... Ka hmuh dawn che nia, "ka ban ah chuan min lo kai a, " Chhuk tawh ang , " A ti nghal bawk a.

In hnuai kan thlen thlak chuan , an lo zi muai muai a , hetianga tam hi an nih ka ring lo sin le.

Cindy chuan pa kum sawm ruk bawr vel tur hi min kawh hmuh in, " ani sawn lawm kan in hi design , " A tih chuan ka en reng a , inan na lai pawh an nei in ka hria.


A bulah chuan min kai phei in , " Kan in desing tu chu a nih hi i duh chuan i beng thei ang , " A tih chuan ka zak ngei mai min en deuh thup tawh si, sawi mai tur pawh hre lo in ka ding ngawi reng tawp.

Mi mit kan chung ah a fu thap tawh si , ka sa chhuak vek , Dr. Israel-a chu lo kal phei in Cindy chu en in , "eng thil nge ti ni a i in hriat a, " A ti nghal thawt a.


Chu putar chuan a dar ah a chelh vat a , a lam chu hawiin , "pa ngaihdam ka dil e , thil hriat sual a awm a ni ngei ang , chuan ani hi ka nupui tur chu a nia , " A tih chuan khuk ral daih theih se ka ti ngei mai, tun bak bak a zah na hi ka la tawng lo.


Cindy chuan min en in a la kalsawn daih zui , au in a vin bawk si a , ka chungah a lungawi lo ngawt ang.


Israel-a pa chu a lo polite hlauh zawk a, " E ani hi maw ka monu tur chu a fel hmel hle mai , " A nui huah huah a.

Mi in min en hlawm vang chu nge min hrui hrang ta daih a , " Kan in hi Cindy naupan deuh lai a ka design a nia , a mak danglam deuh a, thil hnawk tak hi ka ngaithei thin lo a , ti hian ka design ta mai a ni, i duh zawng te a nih vak loh chuan min beng thei ang , " Tiin a nui huah huah a.

Ka in tlahrung hle mai, tun hnu ah chuan ka ka hi ka ven that leh zual a ngai dawn a nih hi.

"Ka tihpalh lutuk chutiang a tih tak tak pawh ka tum chiah lo , room ah khan ka tang a, chhuahna ka hre mai si lo a, ka sawi ve mai mai ni, " Tiin hnuai lam chu ka bih kur a.


"Theihnghilh daih ang , ti rawh i chhungte la ni mai tur hi ka'n hmel hriattir hlawm ang che , " Tiin midang bulah chuan min hruai phei leh ta zawk a , ka lawm mai mai zia chu mi rilru zau tak chu a nih ngei dawn hi.

Min in hmel hriattir lai chuan zawhna chik deuh deuh a min zawt an awm leh nawlh hlawm a , ka chhungte chungchang sawi chu nuam ka ti lo hle fahrah ka ni bawk si a , ka pa hming min zawh phei chuan ka tah te a chhuak hial zawk ka putea hming ka sawi zel mai a , ka naupan lai atang a hming hi ka sawi thin hrim hrim bawk a.


A thente phei chuan ka pi leh pute hming ka sawiin an lo hmelhriat ve bawk si a ka putea hming ka pa hming a ka sawi lan chuan, "ani kha chu Sandra nen unau an ni zawk lo em ni?, " Ti a min zawt tawk lah bo lo, ka sawi chuan 'e' ti ve mai se , kan tan a thil tangkai lo tur hriat kan chak lutuk thin hi mak ka ti thin.


Zomuani chu a tlei ang reng keiai chuan an monu chei bawl zawk a , a tlatlum leh viau , a awm tho e S. P. Zosangliana fanu neih chhun kha a ni miau a , anu lah designer lar lutuk a lo ni leh zel nen an hre deuh fur ang chu.


Eng eng emaw thil tul kan tih hnu chuan zanriah chu kan ei thuai a , duty ngai vek kan la nih hlawm bawk avangin awm khawmuang lo in kan pathum chuan kan in zui chhuak leh dial hlawm a .

Ka chau nghulh mai , Zomuani nen chuan a hnung ah chuan kan thu leh a ka tawng peih hlawl lo , Zomuani chuan eng eng emaw hi a sawi a , ani chu a hlim zawk daih pasal nei tur zawk ang mai a ni. Arul tawk bakin ka chhang lo kan hma a mi chuan a khat tawk in a lo chhang ve bawk a.


An inah chuan kan thlah phawt a , damdawi in a inhmu leh tur in kan in thlah a , keini pawh kan in lam panin kan kal leh nghal.


Kan in chu a hnai bawk a reilo te ah kan thleng thuai , hmanhmawh takin ka chhuk a , ka hma a mi chu nghak lo in ka luhsan hmak .

Ka chhungte chuan min hmuh chuan eng eng emaw min zawt leh nel nual a , tha takin ka chhang a nuam ka tih thu leh fel ka tih zia te chu ka hrilh a , an hlim hmel hle.


Ka chhungte ka hmuh hi chuan ka la inthlahrung thin a , ngai viau mah ila hreawm ka tihna chu a nasa zawk thin chu vang chuan an kiangah hun ka hman tlem phah hle.


Ka room ah chuan chhoh san in ka khumah chuan ka thu ngawi reng a , thil tam tak ka ngaihtuah leh tan ta , ka naupai avang chuan in sawisel na nei em em lo mah ila ka mut hi a chhuak em em reng a , thil ngaihtuah ngut ngut ka chin phah bawk a , keimah leh keimah pawh hi ka inhneh thei lo chu a nih hi.

Vawikhat lek ka thil tih sual avangin ka nun hi a inlet thawk a ni , inchhir tur paw'n inchhir ngaihna em em ka hre chuang lo.


Ka room kawngkhar chu an lo kik a lut tur chuan ka ti thuai a , Dr. Israel-a a lo luh chuan ding chhuak vat in ka inhui mam thuak thuak a , thutthlengte ka dahah chuan a thu a .


Min lo en in, " Thil thleng vel vang kha em ni? " A ti ringawt a .

"Eng thil thleng maw? "

"A.. Ka pa vel kha , Cindy hi chu naupang tih takah sawi awm leh awm lo te hi a la hre lo a , "

" A ho lutuk ka thiam loh a nih kha , i room kawngka kha ka hmu mai si lo a , chutiang vel vang chuan in in design tu kha ka hmuh hun hun ah ka beng ang ka lo ti thawt thawt a , i pa a ni ang tih rin ngaih na kha ka hre lo hrim hrim a , tawngkam ka duh tui lo tih i hriat kha ka duh duh hi ka lo sawi leh thin a . "


Min nuih suk in , " Ben i tum leh tak tak mai lawng maw ka pa kha ni lo ta se?"

"Tum lo in in te chu a nalh dangdai a lawm , a design tu kha fakawm ka lo ti zawk a , kan lo len hmasak tum paw'n. "

"Aw le, nih leh eng vang a , lungawi lo hmel kha pu tlat si nge i nih ? "

"Eng ang hmel maw ? "

"Sazupui lungawilo a tum hmuk i ang . "

Ka nui chhuak hak , Sazupui lungawi lo tum hmuk chu eng ang nge niang aw kan mitthla chhin a za lutuk .

Ka nui vak vak bawk sia min en reng leh tawh ,in siam tha in , " Aw le , lungawi loh na ka nei lo mahse Cindy khan min haw ngawt ang i vin vak ringawt a, biak ngei chu ka ngai dawn a nih hi . "

"Ani chu ngaihtuah duh suh, a lungawi lo rei ngai lo . "

" Aw le, chhuk tawh rawh ka'n insiam ve tawh a nge chuan lungawi loh na ka nei lo ka tih chu aw, tha em?"


"Aw le , " A chhuak zui nghal a , keipawh ka insiam ve nghal zung zung a.

•••••••••

A bolero a thut luh ka tum chuan , "hmalam ah aw , " A lo ti nghal vat a , hnial lo in ka thu lut ve nghal mai bawk a .


Kal kawngah chuan kan ngawi reng a tawng tam vak lo a niang kan in hnial te a nih loh hi chuan min be vak ngai lo reng reng , midang a biak em em pawh hi ka hre ngai lo .


Kan thlen hma deuh chuan min lo en in , zawhna min zawt a , a zawhna vang chuan ka nuih a za leh tlat , motor chu ti ding in pum dawm meuh a ka nui chu min en tawp .

Ka en in ka nuih a za zel sia a hahthlak mang e aw!


Ka nuih za zualpui a reh hnu chuan , "ka mipa duh zawng chu maw , an bialnu ten 'duat min ngai ve eih lo em ni ? 'tia an zawh pawh a , 'eih ' tia chhang ve tawk ang kha , min hrethiam rawh thildang ka hriatchhuah vang a nia , " Fiamthu deuh a ka chhan chuan a ner sak mai.


" Minti mang ang hman tep a lawm , mipa ah hian eng ang mi nge i duh zawng ? Tih ah khan nuih na tur ka hre si lo a . "


A tum hmuk chu a biangah khawih in , "umm...a dik a lawm
Ka nuih tawh hi chuan a za thei lutuk a tunlai chu , thinrim lo la , i cute reuh em mai , " Ka kut chu a beng sawm vat .

" Tlangval kum sawmthum ni tawh hi cute min ti a maw ka va lawm lem lo ve chuan cute tih rual pawh ka ni tawh lo hrim hrim reilote ah pa ka ni thuai dawn bawk , " A ai nasa in a tum leh hmuk .

"I cute miau sia , " Min melh rum viau hma in kal ka rawt ta zawk a.

Kan thlen paw'n min be tawh lo reng reng, keimah chuan ka nui ka nui tawp.

Ka inthlak zung zung a , ka duty na hmun tur ka pan hma chuan midang phun mur mur thawm chu ka hria a , an thusawi chu ngaihthlak ruk ka tum em em pawh a ni hran lo mahse kan inhnaih deuh avang chuan ka hre pha tho.


Ka chanchin an sawi a ni , engtin nge an lo hriat hman chu aw an la hre vat tho dawn tih chu ka hria a mahse engtin nge tun tut tut a an hriat chu le tumah kan ka hrilh lo ve ve sia .

Ka duty chhung zawng pawh chuan ka rilru a nuam thei lo ,vawiin ni zet zawng ni rei tak a va ni teh lul em.


••••••••


Innei tur chuan kan inbuatsaih zung zung a , mitam tak sawm kan tum lem lo a , a ho thei ang ber a tih kan tum zawk avangin.


Kan thawmhnaw hak tur te chu kan en vel a , chawlh te kan la a nitin deuh thaw kan bazar hi a ni ringawt ka ning lutuk tawh.

Zomuani chuan thil nalh a hre si ka thlan ve ho te chu a in mil lo a ti deuh vek bawk sia a bul atang kan tan tha leh zel hi a ni mai , lawm tur ka nih laiin ka ning hle.


Engkim chu simple leh plain ka thlan laiin anin changkang deuh a duh zel sia , a hnu phei chuan amah vek ka ring tawp.


Zomuani nu (Numuani) chuan ka mokawr tur chu min design sak hlauh a , a zia phian zawn kual leh chiam kha ka peih tawh lo.


Man hlan na te kan neih chuan kan chhungte ka hriat ngai loh te pawh an lo kal nual mai , ka nu ber chu a lo lang leh ta lo mahse ka dem lem lo nu man ka pu'n ani bakin an ei thei lo a ti mauh mai si a , a lo lang bawk si lo mak chu an ti viau hlawm ngei ang.


Kan han inneih dawn takah chuan ka huphurh thar lutuk chu ka ipik ngawih ngawih ka awm ang hian pasal nei tur te hi an awm ve thin a ngem le?

kan in chu pawn atang chuan ka thlir deuh vang vang a ka chhungte kalsan chu ka hreh tak zet an tar tawh si a an pahnih a an han awm rek rek tur te chu ka ngaihtuah hle ,thulh leh mai theih se ka ti rum rum.

Zomuani chu ka bulah a lo riak a , ani chu a muhil bawrh bawrh tawh , ka muhil ve thei si lo . Zankhua deuh thaw chuan ka muhil hleithei lo ka tho leh thin , ka mu leh chutiang chuan ka tlaivar deuh thaw.

Tlan bo mai te chu ka rilruk hman hial, thil tih chi ber a ni bawk si lo ,hmelhriat ngai loh te bula ka awm mai tur te chu ka ngaihtuah a , inhmangaih tak a innei tur kan ni bawk si lo nen ngaihtuah na chu a kal thui hle a ni.

•••••••••••••

'𝓣𝓗𝓔 𝓦𝓔𝓓𝓓𝓘𝓝𝓖 𝓓𝓐𝓨 '


Zing ah chuan ka harh hlawl a , ka lo chhing ve deuh hlek chu a ni, phak chuap chuan ka tho a bathroom ah ka lut a , ka intih fai hnua darthlalanga ka in en chu ka bui chuk mai , mo hmelchhe tak chu ka nih ngei dawn hi.


Zomuani lo thawh hnu chuan min hmu thut chu a au lui kher a , "ngati em em nge ?i hmel chu khuai awm zawng zawng i lo ko leh hman em ni? " Min nuih pah , ka nuih pawh a za ve lo e a hmmmm.


Biakin hawng a innei tur pawh kan ni chuang lo a a ho em mai .

Zomuani bathroom atang a lo chhuah hnu chuan mask te'n ka hmai min chiahsak te te a , kan inneih hun chu dar khat daih a nih bawk avangin kan hmanhmawh lo khawp mai .

Tukthuan te kan ei zawh hnu chuan min cheitu tur pawh chu a lo thleng ve nghal mai bawk a , Zomuani chuan nalh thei ang bera min chhuah tur in a ti a , min han chei tak tak chu keimah ka ni pawn ka inhre tawh lo darthlalang a ka in en chuan ka i zawng tep , makeup hian thil a lo ti thei khawp mai.


Ka kawr pawh chu a simple na a ka duhthusam tak a ni , Numuani thiam zia em em hi chu aw , a zarah ka confi ve sawt mai.


Ka pi chu lo lut in min en deuh vang vang a , " Awi ka naute duat i va han nalh tak em , " Tiin min kuah vang vang a , a mittui chu a hru zeuh a , "mo hmeltha tak i ni , hlim na in lo hmuak mawlh che rawh se , " A ti zui bawk a.

Ka hnuk a ulh deuh Zomuani chu lo in rawlh vat in , " A tawk e , pi a makeup a chhe vek mai ang , " Tiin ka pi chu a kuah sawn a .


Kan veng atanga khatla chu a hlat ve deuh avangin leh traffic jam velte kan ngaihtuah avangin dar sawmpakhat leh a chanve ah chuan kan chhuak fel der tawh.

Kan thlen chuan a ri deuh thuak nghal mai traffic jam ah kan tang rei deuh bawk nen .

••••••••••

A hun a thleng ta ka pu chuan min kai lut a , ka zam lutuk ka hah nghal vek in ka hria mi zawng zawng chu ka hmu vai vek .


Ka pu'n Israel-a bula min hlan lai chuan , "ka lawm e , " Tiin a phun sup a kan thut tawh hnu pawh chuan ka kutah chuan nghet takin a chelh reng , ka zam lutuk pawh a zia deuh .


Inneihna thu tiam kan chham lai chuan a hmel chu chiang takin ka en reng a , zam hmel ka hmu lo a mahni inringtawk tak hmel kha ka hmu leh tawh , a thu chham te chu a ti tak hle in ka hria .


Tunah chuan kan innei fel ta , kei leh Israel Lalhruitluanga chu nupa puan kan ni ta .


Hmalam hun tur chu ka hre hauh lo mahse he mipa kut hi ka vuan tawh a nih chuan thlah leh ka tum tawh lo .

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:16 pm

Chapter-19(ni4)





Hunserh te kan hman zawh hnu chuan pawnah kan chhuak a , photo boot an siam ah chuan thlalakna te neiin , kan ding deuh renga kan inneih min rawn hmanpui tute chuan min lo chibai sap sap hlawm a , ni chu a rei duh hle a ni.


Mi tamtak sawm lo mah ila kan thawhpuite leh anmahni chhungte lam hrim hrim hi an tam ang reng a , ho lam takin ti mah ila an insen ve nual chu ka ring.

Kan din rei deuh avang chuan ka ke chu a kham ut ut tawh a , ka chau nghulh thei , ka pi leh ka pute chu lo kal phei in nui sang hian min lo chibai ve a , an hlim hmel hmuh chu a nuam takzet .


••••••••

Kan inpeih fel hnu chuan ka lawi luh a hun ta , ka huphurhna chu a zual telh telh ka pi ka hmuh phei chuan ka mittui chu a tlapur mai , ka pu chuan min thlah liam hma in an room ah min ko a thu tha tamtak min hrilh a , ani pawh chu a lungngaih hmel ve deuh .


An in kan thlen chuan mitamtak mo lawm tur te chu an lo awm nual a , ka lawi lut a , tunah chuan pasal nei ka ni ve ta .


Min lo chibai leh sup sup hlawm a , a thente phei chuan min fiam bawrh bawrh bawk a , kan hlim ho ve dar dar lutuk .

Min thlah tute an haw dawn chuan ka lung chu a leng thar leh hle a , ka pi chu hnuk ulh teuh in ka kuah a , tah em chu ka tum tawh bik lo vai flim pawh kan chang si lo a , vai flim a pasal an neih a an tah vak vak ang kha chu a chi vak lo a ni.


Zomuani chuan kan mutna tur vel chu min phah sak a , ka ngawi reng , amah zawk chu a tawng bawrh bawrh a , ka um e liam vel mai mai a ni.


Ka pasal a lo luh takah chuan ani pawh awm reng thei a ni tawh bik lo a , ka pasal in thiana a hman khan a thlah dawn bawk si avangin min hawsan a ngai ve leh ta .


A kal hma chuan kan inkuah deuh vang vang a ,ani phei chu keiai atap nasa leh zawk, ka mittui chu hru hul in a tuk a lo kal leh ngei ngei tur in ka chah a , reingial kan inkuah hnu chuan a kal thei ve chauh .


Kan pahnih chauh chuan kan awm ta , a room awm dan vel chu ka hrethiam lo lutuk bakah ka bungrua vel pawh kha an hungtha nghal vek bawk a , mahse ka thawmhnaw vel chu khawiah nge a awm ka hre hauh lo.

Zawh mai thain ka hria a mahse vanneihthlak takin mutna a ka kawr hak tur chu kan lo dah chhuak hlauh zawk a.

In tifai hmasa turin min ti a , ahma ai ngawt kha chuan a polite ve deuh a lawm .


Bathroom awmna ka zawh chuan bang thlanglam dum tliangralh chu a kawk mai sia luhna tur awm ang ka hmu si lo an in a changkang lutuk hi chu ka la buai tluang zel chu a nih hi.

Ka kal phei a chik taka ka en hnu pawh chuan a hawnna tur awm ang chu ka hmu chuang lo , hawi pheiin amah chu ka va en a , a laptop ah chuan eng emaw hi a chhu mial mial mai bawk si a , ka inthlahrung ang reng.

Tih ngaihna ka hriat miau loh avang chuan a hma ah chuan ka va ding a , min lo en in , "mamawh i nei em? " A ti a .

"Bathroom kawngkhar ka hmu zo lo, " Ka tih chuan a nui suk a .


Min kai pheiin a lai zawn vel ah chuan a nem a , a lo inhawng ve mai ka mengphawk hra a , "thil thlen dan chu ka hrethiam mai e , " Tiin a nui suk a let leh mai a tum chuan a banah vuanin a chhunga min luhpui phawt turin ka ti a .

Eng sawi lem lo chuan min luhpui ve mai bawk a , kawngkhar chu a khar leh nghal a , a bathroom bang pawh chu darthlalang (plain mirror) vek a ni leh , he in hi chu aw.


"Buaina tur a awm lo a nia aw, hei a laiah hian i nem ringawt anga a lo in hawng mai ang . "

"Room dang hi hetiang hi a ni vek tho em? "

"Cindy room leh mikhual room ho khu chu a ni lo , kei leh ka nu leh pate room chauh hi . "

"E .... Aw le , a mak dangdai lutuk a ka hawi a chhur zel mai a lawm, " Tiin ka nuih vur vur a .


Kawngkhar chu nem hawng in, "min mamawh a nih chuan rawn au vak mai rawh aw, "tiin min chhuahsan nghal a .


A chhuah hnu chuan darthlalang ah chuan ka inen deuh vang vang a , make up vang a chuti taka ka lang danglam thei chu a mak ka ti .

**Zomuani nen hian kan school luhna hlui ah chuan ler tia hriat lar kan ni ve hat thin , Zomuani phei chu kan class mipa ho zawng zawng deuh thaw chu a ex te vek anni mai , keipawh a duh duh hi min lo tihpui thin a , a zarah bialpa ve deuh reuh pali lai chu ka neih ve tak kha . 🤣🤣

Zomuani hian make up hi a uar thin a thil nalh pawh a hria mahse keive chu ka zei lo in thil inmil leh mil lo te hi ka hrethiam lo lutuk make up te chu inhnawih ve ngawt dawn ila ka thiam lo tawp , mite chu make up avangin an hmeltha thin a keive chu ramhuai note ka ang thin chuvang chuan moisturiser leh sun block ka hman hi chuan ka duh tawk viau zel.

Ka intih fai hnu chuan darthlalangah chuan ka in en leh a , ka make up in hawih ho chu tih reh ka tum a, ka hmui tuia ka han hru chu a reh thei ta reng reng lo , ka hmui chu a na vek ka hruk na lamah , ka mitte pawh chu tuia ka tih huh tawh avang chuan a pherh deuh vek tawh a , tih vak ngaihna pawh ka hre tawh bik lo.

Pawn atang chuan min lo ko a , ka awm rei thawkhat ve deuh tawh em a tin ni.


Kawngkhar chu lo hawng thut in a rawn lut vat a , ka en chuan , "ti nge i hmel chu ?" A ti chhuak nghal phawng ka nuih ringawt.

"Ti nge , " A rawnti nawn leh a .

"Ka make up hi ka hru fai mai thei lo a. "

"Water proof a nih dawn kha , tui a tih fai chi a ni hleinem , chuti chen chen bathroom a awm phah nan a hman te chu . "

"Ka hre hleinem an sawi si lo a . "

" Mahni common sense te pawh hman ve mai awm, enga tan nge i lu bur lian zet kha hman i
tum? "

"I tawng hlawk thei lutuk , naute hian a lo hria ange , chu tia min tih tak ah chuan nangman i common sense han hmang zawk mai teh , " Tiin ka melh ralh a .


A lu chu thing in , "i tawng theih ang chiah hian i thluak hi han hmang thei la tha tur , " Tiin engemaw hi a hawng a , "oil nen hian a fai hma ang , chhuak la dressing table hma ah khan va in tifai rawh . "

"Dressing table kan nei lo. "

"A awm reng a lawm ,chhuak mai teh ka inbual laia i awm ve duh te a nih chuan thuhran, " A nui suk leh nghal , a sual thiam theih zia hi chu a tawngthei bawk sia , ka la kick tak tak ang.


Ka chhuak a , dressing table hmaah chuan thu in ka in hru fai mial mial a , a fai nghal vek ka hriat loh hi engtin nge a hriat theih bik chu le , khamaw a ler ka tih reng kha , chuti ni suh se a hre bik awm lo em mai.


A rawn chhuah hma chuan ka mu hmak , mut tlan chu a duh angem ka hre lo na a , couch a mut chu ka duh bik lo , a rawn chhuah hma chuan mutthilh hman hram ka tum a , ka maimit chhing nghal a eng dang mah ngaihtuah ka tum lo.

Ka beng bul ah chuan "ka nupui i nih avangin ka lawm e , min kalsan tum miah suh , " Tia ka biang a min fawh zeuh chu ka mang hriat ruai ruai .


••••••••••••••

Zingah chuan hma deuhah ka harh a , ka awmna chu ka hai tep ka room a ni lo tih ka hrechhuah chuan ka bul ami chu ka en reng a min kuah chial
a , ka bula mut chu a hreh lo a nih ngei dawn hi, a mutthilh lai hi chuan ahma a ka mipa star thin
Mr. Spicy Noodles-a ngei kha a ni leh tawh , ka en reng a thlamuang takin a thaw siai siai a , a hmai chu ka kut in ka rin riak riak a , a rawn meng deuh siar siar a mahse a chhing leh nghal.


Min kuahna chu dimte in ka phelh a , a harh lo hlauh .

Ka intih fai zawh hnu chuan inthlak ka tum a ka thawmhnaw awm na chu ka hre mai bawk si lo engtin nge ka tih ang aw , bang chu ka nam kual chhin vel hlawm a , a ni lo zel darthlalang lam zawk chu ka nam kual leh vak vak a , a in hawng ve hram.

A thawm hnaw dah naa ka lut chu ka ka ka hup tawp , chutiang em em a mipa ve si thawm hnaw han ngah mai chu , kamis var ringawt pawh za chuang chu a nei hrim hrim, ka en phei zel a leather jacket pawh ngah leh hem hem tak a ni , a thawm hnaw man hian mitam tak chu a puih thei ngei ang , sana te pheikhawk te leh thawm hnaw hrim hrim chu branded vek a ni hlawm , keinen chuan kan inthlau teh e thawmhnaw hi branded ai chuan second hand ka ngah zawk daih.



Ka thawm hnaw chu ka hmu mai lo , ka lut thuk deuh a , ka thawm hnaw ho chu room ang deuh a peng ah hian a lo inkhai tlar dal a , ka inthlak nghal sawk sawk a , in hnuai ah chuan ka chhuk thla nghal khawmuang tawh lo in.


Choka ah chuan Israel-a nu leh Rini te chu an lo awm a , min be lem lo a, ka zum zut mai han koh mai chu ka hreh si , ka awm dan chu laklawh vel tak a ni.


Rini zawk chu , "ka lo pui ang che , " Ka ti ta ringawt a .

An eitur siam ho chu a hautak lem lo a , mahse thlai hring deuh vek a ni hlawm , ka thiam ang ang chuan ka puih ve mawp mawp a , Ka pasalnu chuan min la be chuang lo keilah in biak hmasak dan tur ka hre bawk si lo , nuam lo duh tak chu a ni.


A hnu deuh chuan door bell a lo ri a , Rin'in a hawn sak a , choka a an lo luh chuan Zomuani ka hmu thut chu ka lawm ngei mai ka bulah chuan lo kal vatin min lo kuah nghal chung chung a , kan pahnih chuan kan ri leh chel chul tawh.


"Tu nen nge in lo kal a , hnaah i kal dawn lo em ni?"Ka tih chuan , Israel-an thian a ahman Mp-a nen an lo kal thu a sawi a mak pawh ka ti lem lo , ani te hi chu e rual pawl a thiam a ,a hmel a tha bawk a , tu bulah mah hian a ngaihtuahawm loh.


Mp-a chu lo lut ve nghal in min fiam zui bawrh bawrh a , a felin kawm pawh a nuam viau mai , hmeltha tak chu a ni lo naa a palian a , a lang smart zaih bawk , san pawh a sang ve viau mahse Israel-a chu a la chen lo deuh .


Israel-a pa (ka pa tiin ka ziak tawh ang) chu a lo lut ve bawk a , thingpui a duh leh duh loh te chu ka zawt nghal thuai a , a fel bawk a ka nel nghal mai.


Cindy pawh chu lo lut ve vatin min lo nuih sang a , "i thinrim tawh lo em ni? " Ka tih chuan, "eng vang ngawt in nge ka thinrim ang? Thinrim chhan tur a awm hrim hrim em ni? " A lo ti ve bawk a , an chhungkua chu ka rin aiin an rilru a zau phian mai mipakhat chauh lo chu .


Min lo kuah chung chung leh tawh taksa indeh vel chiam chiam hi ka ngaina lo a sin le.


Ka pasal nu (ka nu tiin ka ziak tawh ang) chuan nui sang hian Zomuani chu a be leh bawrh bawrh
a , min en hran dan chu ka hrethiam lo , Zomuani nen chuan an in hmelhriat sa tawh vang chu nge ? Kei min biak miah lo leh en pawh min en duh loh laiin ani hi chu a be tha hlarh hlarh bawk si, a huat turin ka awm em ni? Thil tih sual ka nei zawk nge?


Eng eng emaw kan tih hnu chuan , Mp-a chuan, "Lalhruia chu a hmel hmuh ava har ta ve , nupui a nei dek dek a zing thawh a'n hai nghal ringawt a , " A tih chuan ka nui ringawt .


Ka nu chuan nui sang hian , "inpa chu han ko tawh rawh , chuti chen chen mut chu a ni thei lo chuan nang pawh thawhnaw pangai ve deuh ha bawk la in leng neuh neuh kan nei dawn a nia, " A tih chuan ka thawm hnaw hak chu ka en vat a , a englai ber chu nge pangai lo ang aw t-shirt thawl lam ka ha a kekawr thawl tak ka ha leh bawk a hetiang lo hi chu ka ha ngai lo tluk a ni a , enge ka hak tak ang , atha tho e min be ve tal a lawm ka hmingin min ko kher lo mahse.


Midang chu kalsanin Israel-a room kan room lo ni ta ah chuan luh ka tum a ka duh lai ber chu ka nem ve tawp a lo inhawng ve mai bawk a .

Ka luh chuan a lo la mu tut ang chu tih nak alaiin a lo insiam mial mial a nih chu pan hnai in , "enge i tih dawn? " Ka ti vat a.

"Damdawiin ah emergency a awm thut a ka kal a ngai , nang engtik nge i duty dawn? " Min ti let zawk a nih chu , a va mak thin tak engtin nge keimah chauh a min kalsan a tum theih zawk , ka hna kal leh kal loh tur te min la zawt zawk a nia.

"I kal lo mai thei lo em ni? Engtin nge keimah in ka lo awm anga bakah inleng neuh neuh te kan la nei dawn bawk a , min ngaihtuahna chhete tal i nei ve emaw ka tia ka lo ring dik lo ani. "

"Emergency a ni sia ka zawh velah ka lo let leh dawn a lawm , i thiannu pawh a lo kal dawn bawk
a , Cindy pawh school a kal dawn lo, i mal hauh lo ang, lungngai lo la. "

"An vai chuan nangmah an ni hleinem , " Ka la ti talh.

"Aw le , ka hria e mahse reilo te bak a nih ka ring lo , ka lo haw thuai ang , a tha em ? Emergency chu kal ngei ngei ka ngai tih i hriat kha , "amah en tur chuan min kuai dak deuh a , a lo kun hniam deuh bawk a , ka nam sawn vat.

A nui chhuak hawk a , " Tih tauh na chang kan lo hre ve tawh a , a tha hrim hrim e kan inpawh chho zel tih na a nia, " Tiin min pawt hnai leh deuh a , ka kawngah chuan a chelh tlat a .

"ka ti tau pawh a ni hran lo, "tiin min chelh na chu phelh ka tum a , " A nih chuan enge? " Min en leh ngur tawh .

Chil lem dak chung chuan, "A.... Ka hre bik lo , " Ka ti thei tawk, ti nge ka zam em em thin le?


Dimte a min fawp in a inla hrang leh a , " Nang engtik nge i duty dawn? Scooty chuan ka phal tawh lo a nia , keiman ka thlah che anga ka lam leh bawk ang che . "

"Ah... Thlakhat chhung atan chawlh ka la a. "

"Eng chawlh maw? "

"Aw..... Pasal te ka nei ve bawk sia ,chumi chawlh chu. "

Min thlah in a kawrban chu a chilh mial mial a, "chawlh lak a ngai lo ang , in ah eng mah tih tur a awm lo , nakinah chawlh i lak hmat a ngai leh zawk dawn a tunah chuan chawl lo la , ka rual in i kal zawk dawn nia . "

"Ka la fel vek tawh bakah kum khat leh tih chawl hauh lo in ka thawk char char tawh a chawlh ka mamawh ve bawk a . "

"A nih chuan chawl hlen hmak la ti nia, " A tan leh ta , engkim la kawi a hian, a thinrim ngawt chhan pawh ka hre nek lo e.

"I bula thil sawi hi chu ka hah thlawn mai mai a ni, thu lah hi min pe reng a , nikhat em pawh kan la innei lo a tiang hi kan ni nghal a , ka kham hluah hluah . "


"Chu inthen i duh nghal e law? "

"Chutiang ka sawi loh kha , awi ka a thei mai dawn i insiam zawh chuan chhuk ang nang biak leh lungpui biak hi a inang reng, " Ka au vak chak.

"Lungpui i biak chuan a chhang lo ang che keichuan ka chhang che , tehkhin tur awm ang lo deuh deuh hi tehkhin thin suh. "

"A lo nih tak chu chhephak. "

"Tha min tih khawp kha . "

"Teuh loooo. "

"E ! Tu nge tukin a min thlir reng tu kha . "

"Keimah , " Ka sawi mai loh chuan eng eng emaw a sawi kual leh chiam palh ang ,bakah thil hi a hre thei mah mah , drama pawh a ni tawp si lo a a lo muhil der char char tihna nia ,a den hle mai ,fimkhur chu a ngai a nih hi ,ka va rek chawk chawk chak tak.

"Kha daih kha sin, " A la then thaw zui , ka beng dawn nge ? Ka kuk lawlh zawk dawn ? Min lo hruai mai thei tur in awm em? 🤧


"Ben che ka tum pawh a ni thei , i hre ngawt lo engkim hria ang hian awm thin suh , sala ! "

"Pawm mai rawh hmeltha min ti tih hi chuan i ngaihtuah lai mek pawh kha ka hria a nia. "

"Eng mah ka ngaihtuah lo , dawithiam pawh i ni lo. "

"Sual viau lo la chu hmeltha ka ti reng che tiin i ngaihtuah, "a sawi dik leh viau mai bawk sia ka lo sawichhuak leh pek em ni? Ka ngawi tawp tawh .

Min kuah in ka pum ah chuan a kut a nghat a , " Ka fapa lo damtha rawh aw , apa hi lo ngai viau bawk la, " Naute hi chu a ngaihsak mawle.

"E , anu pawh hi lo inenkawl tha rawh se , thil hrisel lo deuh deuh te a ei loh nan lo veng bawk la aw, " Ka nui chhuak hak Pueitur hrisel-a , a hmingthar chu a tha hle mai .


Min kuai her in a nui suk a lo kun hniam in min fawp vawng vawng bawk a , ka ding tlawn zuar tawp ,lo chhanlet vel kha ka thiam lo ngaiah ka neih thei mawlh lo chu a nih hi.


Pawnlam ah chuan min lo ko thut a , ka phu chiam leh nghal , ka en chhoh chuan min nuih suk a , ka sa chhuak vek .

Ka kutah chuan min kai in , "chhuk tawh ang le , lungawi lo tawh lo la ka lo haw vat ang ka tih tawh kha , " Ka zui ve mai , ho te ah hian kan inhnial vak
a , ho te ah kan lungawi leh mai thinte hi a mak ve hrim hrim khuanu ruat kan ni hrim hrim nge? mihring ruat kan ni zawk?


Kan chhuk chuan min lo en deuh thap a , ka pasal chuan emergency a awm a tuk thuan pawh ei lo a kal angaih thu a sawi a , mak tih hmel takin an en deuh thap.

Ka pa chuan , " emergency a nih chuan kal vat la i lo let thuai dawn nia hei kan Juliet-i hi a lo tap palh ang e, i awm loh rei lutuk chuan , "tiin min fiam zeuh bawk a .


Min kai chhuak in a motor dahna thleng chuan ka zui a , ka biang ah fawp zeuh in a thu lut a , " Nang pawh lut nghal mai rawh , " A ti a mahse a tlan liam thleng chuan ka thlir ta zawk a .


In chhung ka luh chuan min fiam zui mawlh mawlh hlawm , tukthuan chu kan ei nghal mai bawk a, in leng kan nei zawm nghal kan ei kham hma hauh atang chuan.


Ka nu chuan inthlak tur in min ti leh tawh , ka incheina chu a ngai mawh viau a niang nge .


Ka inthlak dawn chuan hak mai tur ka hre lo mahse Zomuani'n min thlansak ho en lem lo a ka dah tawp ho chu ka zawng a , ka hmuh chuan ka ha ta ringawt a , ka confi. lo kher mai.


Ni leng deuh thaw chuan in leng chu kan nei awl lo a , ka zo lo lam deuh chu a ni , kan pa awmna lah chu min zawt zing mawlh mawlh hlawm bawk si ni rei tak chu a va ni chiang em.


Kan pa lah chu a lo haw lawk thei bawk si lo , ka luak te chu a chhuak deuh reuh hreawm ve tak chu a ni, Zomuani leh Cindy an awm hlauh zawk a.


Mut ka chak takzet mahse mut ngawtna chi lah ni nghal lo chuan nilenga pheikhawk tawt deuh bun nen a inang vel ang.


Ka nu thiante chu an lo kal nual bawk a , thil chik tak tak a min zawt an awm leh nulh thin hei hi lawm ka thil nin ber chu.


Mak ka tih deuh pakhat chu Jerome-a te nen khan cousin an ni sia vawikhat mah an hmel ka la hmu lo reng reng , chhungkhat in sawm loh thu chu a awm ngawt si lo .

Lo kal te zing ah chuan ka hmelhriat thenkhat te pawh an awm ve hlawm bawk a , thenkhat chuan min lawmpui tak tak tih ka hria mahse a then hi chuan an ka in sawi mahse an mitin min lawmpui loh thu an sawi thung .


Khawvel a nia lawm , "engkim a tha leh vek mai ang , "ti ila a fel leh vek mai ang huiha🥴.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)