Mr. SPICY NOODLES BY Sandy Sweet (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Mr. SPICY NOODLES BY Sandy Sweet (Completed)

Unread post by Ngaia » July 25th, 2021, 6:12 pm

wzhgpan5.jpg

Mr. Spicy Noodles


Tunlai hian khawiramah pawh Mukbang hi a lar a , ka bff Zomuani nen kan riltam laiin kan en ngei thin a ...

Vawikhat chu Mr. Spicy Noodles tih channel ami hi kan en a , Mukbang titu pa chu a hmeltha kan ti dun lutuk a kan star ve ve a, mahse english a hman avangin eng hnam nge a nih kan hrethei lo a , mizo tih dawnin a english hman chu a nalh mai bakah mizo ai chuan chinese a ang zawk maha ...

Kan thian dun chuan kan vei deuh bur a , a chanel chu kan subscribe a , athil post ho zawng zawng te chu kan like vek zel a , thilthar a post a piangin view hmasatu nih kan in chuh ziah bawk...

Khawi lam minge tih leh eng hnam nge tih pawh kan hriat loh zunah chuan kan uai ve em em ringawt a . Kan thian dun chuan kan thawveng dun bawk a kan awm dun tawh hi chuan mi panga hi chu kan hen hrim hrim kan bengchheng in sawitur kan ngah dun lutuk a , kan ngawi hman ngai meuh lo kan dak par par zel..

Zomuani hi samkir (pianpui) ngo ving veng , inkhai thli hlarh pian mawi tak nei a ni a mite pawhin kan kal dun hian an enzui vawng vawng zel. A hel pawh a chhe hran lo hmai love shape antih ang chi kha ani a , a thawmhnaw hak a piang chu a inhmeh vek zel. Nu zen mai a ni bawk

Kei ve thung chu sam dum hlap vun eng lam hmai bial tak , san zawng ah chuan Zomuani nen kan inchen deuh reng , chuan ka khal zawk bawk 🤣🤣 . Hmeichhe thil aia mipa thil ka ngainat zawk a vangin ka thawmhnaw hak te chu lian pui pui anni thin a . Chuan ka thil duh reng reng hi (ka mit la zawng) a plain deuh purh a thil ni cheichuai hi ka duh ve lo...

Miten kan inngaizawng emaw an tu fo a , Zomuani chuan a sawifiah thin keichu insawifiah tih vel hi ka peih ve lo.... Anu pawhin inkawm a phal chiah loh phah mahse tette a tanga inkawm ta nanana chu kan inthlah thei silo a , eng mah sawi loin min tha en ve tawp tawh....

Kan school luhna pawh a in ang zel a.. Kohhran khat kan ni bawk a , veng khat ah kan awm bawk a nitinin kan inzui hi a ni tawp mai kan inhne ve ngai lo a , amah ah hian thiante chu mangan ni a unaua piang an ni tih hi ka hmuchiang hle in ka hria...

Kum sawmhnih leh pali kan ni tawh a nurse kan ni ve ve a , kan thawhna damdawiin pawh a inang ....

Vawikhat chu Casualty a ka duty laiin damlo na deuh mai an lo hruai a kan buaipui sawk sawk a , kan damdawiin a a awm chhung zawng chuan ka vil deuh bik a , kar hnih hnu chuan a chhuak thei ve ta a ....

A chhungte chu an lawm hle a khatia an fapa damlo natak a han tha chhuak leh thei kha, a damdawi in chhuah lawmnan chuan chawhlui an buatsaih a , minsawm ve a ka kal peih lo a mahse min lo vawithum ngawt mai min lo phone takah chuan ka hmaizaha kal chu ka tum ve ta a , Zomuani chu min kalpui turin ka sawm a mahse mawi chiah a a hriat loh a vang in min hawsan a...

An inawm na lai chu hmuh a awlsam a , Chanmari ah an awma an in chu lian leh ropui tak a ni an hausa tih a chiang reng mai ....

An inchhunga ka luh chuan ka te rawih rawih in ka in hria , a chhungte chu min inhmelhriattir hlawm a ....

Chaw kan ei kham chuan bike ri ring tak mai hi ka hria a, ka lo ralkhat ngei ve nghal ringawt a mahse a richu chu inkawt ah chuan a tawp ani...

Tu emaw hi kawngka ah chuan a lo lut a leather jacket a ha a , helmet fullface a khum bawk a , chutia ka en reng lai chuan kan lam a rawn pan a kan hma ah tak chuan a lo ding a , hmeichhe hleitling ve tak ka ni emaw ka in tih laiin a lakah chuan engtham mah ka ni lo ....

A helmet a han phelh mai chuh!!! Ka zuang zawk lo chauh ... Amah ngei kha ani .... Mr. Spicy Noodles -a ngei kha . . ...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:12 pm

Chapter 2

Chutia kan hma a alo dintak ah chuan ka en reng a mumang rama cheng nimai hian ka inhria ka lungphu chu a phu rang lutuk a , arite chu ka hrethei hial ka bula mite chuan an hre ve ang tih ka hlau ....

Ka dakchhuak ngam lo a hnuailam chu ka bihkura Jerome-a (damdawiin a awmpa kha ka lo ziah theihnghilh a) chuan min lo nghawk zeuh a , hnuailam zuk bih ngur ngur chu ani thei bawk si lo a ,ngam lem ngam lo hian ka hawichhuak a .....

Ka hma ami chuan min lo en ve reng enaw ka tih laiin ,a lo kalsawn daih tawh a .....

Jerome'a nen chuan cousin an lo nia , a sawi dan hmang ah chuan Mizoramah a awm ngai vak lo a ni awm e .....
.
ka star tih hi a hria ngem le , kan stalk ve nasa thei sia....awi ka thinphu ran zia kha.......
Haw vat vat a Zomuani hrilh hlan chu ka nghakhlel hle a..... kan star deuhpa a taka ka han hmubik chu intihtheih khum ka chak zek zek ....

Dar riat bawr velah chuan ka haw a , Zomuani te ina riah a han hrilh vel ka chak tehreng nen ka fel loh luatah ka chhungte chanchin ka lo hrilh theihnghilh daih a in ah chuan ka tlang ta zawk a....

Ka rinlawk ang chiah ka pi chuan pawnah min lo nghak a (hetia kan duty hian a tlangpuiin dar sarih velah hi chuan in kan thleng tlangpui a ) a hnunglam atang chuan ka va kuah deuh thut a ka kuahna kut chu pawt phelh in minti phu nasa lutuk atia ka hnungah chuan na lote in min beng a ka nuih tlawn vel a ka phakar ve ngawt mai....

Ka duty reng reng hian ka haw tlai khat a ka haw tlai tawh hi chuan emergency a awm emaw Zomuanite in a ka pen vang hi a ni tlangpui a chuvang chuan phone ah thil awmzia min lo zawt ngai lo Zomuani nu hi an be mai thin emergency thil ah ka buai lai te ani ang tuh an hlauh vang ania.....

In chhungah chuan kan lut a thil awmzia ka sawi ngai hauh loin ka bff chuan min lo sawifel sak leh vek tawh ka va han Hmangaihtak emmm 😘....

Ka intih fai hnu chuan mut tumin ka intin tuah a Zomuani chu ka phone hmasa phawt a lawmthu te ka sawi hnu chuan 'vawiin ah tu nge ka hmuh i hria em?? ' ka ti a . 'Nangman i hria ang chu tinge kei min zawh daih a min hrilh duh suh Keanu Reeves te a nih ngawt loh chuan ' ati a ( Keanu reeves hi kan naupanlai atanga kan celebrity crush a nia)...

'I inchhir leh si ange ka tih tak ah chuan 'tu pawh chu lo hmu la han sawi ve reng reng teh ' a tia . A hrechak tih ka hrereng sia hrechak ang a lan kha a duh si lo a 🤣 ka nuih a ti za reuh lutuk hei tak hi a nia ka bff a nih chhan cute reuh lutuk......

'Han ringchhin teh 'ka ti leh a a ning tan . Ka dah dawn tih leh phone dah chu a rual nghal a ka sawi reng kha a ning tan🤣 tihluih hi nuam ka ti ve hrim hrim..... Ka phone tha leh a a la dawn tawh lo emaw ka tih hnu in a la ta hram a ti tau aw deuh hian 'enge ' a lo tia .... Nui hauh hauh chung chuan ' Mr. Spicy noodles' ka tih tak ah chuan 'ka rawn phei dawn kawngka ah lo awm rawh a ti a ' a hrechak ka tih reng kha .......

A lo thlen chuan ka room ah kan lut nghal a 'sawi vat vat rawh engtin nge a hmel a awm ? A tak ah a hmel a tha zawk nge ?? A sang em' tih vel min zawt a ....

Kei chuan ka hmuh dan suangtuah chungin ' a hmel chu , a mitmeng chu a pa hliah hliah mit hrual a nei lo , vawikhat min en ringawt pawhin ka tuiral .. hnar ngul a sang vah a ha var tak a nei bawk , chuan hmui nalh tak leh sam dumhlap a nei bawk a hmai chu a tungsawl lam deuh a ni a ,a hmel chu a faisar.... Ka sawi lai mek chuan Zomuani chuan a san zawng a lo ti leh hman ( ngawih hi kan chuh lo viau zel mai) ka sawi zawm a 'a sang lutuk ft'6 chu a tling hrim hrim a khai khawm nan chuan ka duh chi ,sang leh patak Mr. Perfect a ni mai ' ( mipa hi hmeltha vur ai chuan patak hi ka duh zawk) ka tih chuan Zomuani chuan 'a hming i hria em' a ti a ......

Ngawi lawk teh a hming zawh na chang ka hre reng reng lo huiham 🤣 ka va nawi tak insawitheih viau ka tum vei nen... A bam leh vek khapa kha a inlak pat lutuk vang vang ka va ngei reuh tak ....

Zomuani chuan 'a pawi loh chu tinge ka lo zui ve mai loh che le ka hmu ve chak asin le ka inchhir lutuk tunchin ah chuan min zui rawh i tihna apiangah ka zui zel tawh ang che 'ati a....

Ni a liam a karthar kan chuangkai leh ta ,hun hi
a kal zung zung mai a nih hi..... Doctor thar kan neih dawn avangin kan in rem fel a ,....

kan Doctor thar tur chu strict deuh leh mi dim baksak lo a hauh mai pawh pawi tilo a ni an tih a vangin keini pawh chu a lo thlen hma chuan kan in buatsaih zung zung a tuman hauh nih kan duh bik lo ....

Kan Doctor thar a lo thlen chuan kan director chuan a lo tawiawm a , a hming chu 'ISRAEL LALHRUAITLUANGA' a lo nia, hming tha tak a ni......

Kan in line a vangin ka piah a awmte kal pel in an lo phei zel a ,kan zawn an lo thlen chuan Zomuani chuan min sik vak a , ka hawichho ve nak chuan, awi Mr. Spicy noodles a kha lo ni reng mai.......

Kan director chuan hei hi kan naute zinga junior ber a nih hi a ti a , kan hming a sawi loh a vangin ... In la polite fahran chuan 'ka hming chu ' ka ti dek dek a a kal leh daih a nih chu......

Lunghnur deuh chung chuan ' Rachel Lalduhzuali' 'ka ti hram a.......

Vawiin chu a lum lutuk a, ka che hlek a ka thlantui a lo luang nghal zel bawk sia ka dehydrate ang tih ka hlau a tui ka in teuh mai ...... Nangnipawh tui te lo intam ula , lo dehydrate bik su aw......

Ina ka haw chuan chau deuhin khumah ka mu a Spicy noodles ka han chhum teh ang ka ti a .....

--------------------------++---------------------------------------

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:13 pm

Chapter 3:










Chutia kan damdawiin a Mr.Spicy noodles-a a lo thawh ve tak chin ah chuan , nitinin kan hmu thei ta a, Zomuani chuan hna a kal te hi a phur thei lutuk, keipawh atir chuan ka ni ve tho..tunge mahni star te chu hmu chak lo bik ang......

Mahse kan inhrawn rei tak deuh hnu chuan a mizia chu ka mil chi a ni ta hauh lo.....

Han inhmuh reng takah chuan ngaiah ka neih thuai a, ka vei tawh lo a ...ka mumanga hmuh pawh ka duh tawh hek lo..,.....


A mah hrim hrim hi a pawn lam lan dan ang hi a ni lo a ..a Polite lo in a thin pawh a chhe hle a ..... Keiphei chu min vin phiar phiar zel......


Tuman a hauh nih an duh loh vangin an fimkhur sawt riau a , alo thawh chin atang hian kan ralmuang lo sawt riau hian ka hria a, a duhkhirh em avang chuan mi zawng zawng hi kan buai zo vek in ka hria ...station-ah pawh kan thut mai mai hman loh chang a awm fo zan lama duty pheih chuan kan chauh a ti zual thin......


An khirh mai mai khawp a , thil engkim hi a hmuah a awm tur a ni a ti mauh mai sia...a lo kal tawh hi chuan dam lo awnpuitu te pawh khum awlah an awm ngam ngai lo.... Tu nge bench ruh deuh ah thu reng peih bik se a tih ni...ati ve mah mah deuh chu ni....

Bawlhhlawh te hi a awm tur a ni lo a , a rimchhiat hma a , paih zung zung tur a ni a ,plastic ( damdawiin hmanrua) leh tawih thei leh thei lo te pawh pawlh miah loh tur a ni a..dam lo te pawh hrilh ngun an ngai a ,ka inthla hrung thei hle ....... Mahse a nihna takah chuan kan tihtur diktak a ni a (kan hna kan hlen lo mai mai zawk ani) .


Doctor dangte an lo kal hi chuan damlo te hi an be siam siam a , damlo tan pawh ngaihthlak a nuam ang mahse a ni chu a ni ve lo , a duh chin bak a sawi ngai lo.....thiam viau lo se chuan kan hospital hian an ruai duh tawp lo ang ber bur hian...engtin nge doctor hi a nih theih zawk le....


A lo thawh hnu hian keimah bik hi ka che chhe thei riau a .... A chang in damdawi dik lo ka lo dah a , station ka kalsan hlan te hian a lo lang leh thut a , a changin ka tlu thul , ka tluk loh leh file dik lo ka lo pe , doctor dang bulah ka che chhe ngai si lo a , a mak ve hrim hrim.....

, ka chetchhiatna chu a kaltluang char char ka ti
mai.....


................

Thla thum meuh a ral hnu chuan star chu sawi loh a hmel tak ngial pawh chu ka hmu peih lo , ka ngei deuh hlur a , damlo se a nih loh pawhin bang daih se , lo kal tawh lo se hi ka ti hluah hluah..... A mah vangin spicy noodles pawh ka ei tawh ngai lo....

Zomuani lah chuan a chanchin sawi hi nuam a ti a , a en a ani tih pawh ka hriat loh laiin , kha min lo en leh tawh a van nuam tak tih ringawt pawh hi nilengin a sawi peih (kan in ang lo teh e)......


Midang ho pawh chuan an star hlawm deuh vek, pa antih thu hi ha hip in an sawi peih ,,, ni reng ang chu a hau ve ngai hlawm tlat lo a lawm....


Damdawiinah a buai viau emaw tih laiin , kar tin emaw thlakhat ah vawihnih tal hi chu a la mukbang thei ziah ... Mipakhat hi chu a ni ve chiang.....

Zomuani lah hian a thil ei lai mai mai pawh mitmu pawng vekin , vawitam tak a ennawn peih a nih chu.... Enpuia min sawm te hian chhuanlam ka siam ziah , a star ve em em lo sawiselsak kha a ni thei si lo a ....

Keimah lam ve thungah chuann....pa hliah hliah a ka hriatna te chu a bo zova , a aw ringawt pWh chu ka ning hluah hluah ..., a mah avangin lungphu tha lo te hi ka nei dawn hial in ka in hria....

Kha Mr. Spicy noodles-a, mumang hial a ka lo hmuh ve thin khan kan inhmuh a piang deuhthawin min hau ta ziah chu a nia.....

Tunah chuan Mr. Spicy noodles-a pawh ka ti tawh lo 'Mr. Inlaperfect perfect silo a , Mr.khirhvela . ....

Hmeichhia ai pawhin a khirh zawk , a nupui chu a khawngaihthlak teh ang chu......


Israel-a p.o.v...


Doctor ka ni a mahse ka hna hi ka tui hlawl lo .. Ka pa min tihluihna vang mai mai a zir ka ni bawk....


Keichuan awm mai mai ka thlang zawk.....

Mi nunah inrawlh buai ka peih lo a ,min tih buai loh chhung chu tumah ka tibuai ngai lo,ka duh dan ang taka thil a kal chuan tumah ka sawisel ngai lo.....


Ka duhkhirh a , ka duhdan lo anga thil a awm ve thung chuan hmeichhia pawh ni rawh sek sek tumah ka dim ngai lo.....



Hmeichhe hrang hrang ka kawp fo a , enga tan mah ka ti zui ngai lo......


Bialnu nghet ka nei peih lo a, a rei berah thla khat bak ka kawp peih lo......


Ka nun chu thlamuang takin kal se ,tuman minti buai lo se , ka nunah hian tumah rawn inrawlh lo se tih hi ka duhthusam ani.....

Hun reitak ka awmbo hnuin , Mizoramah ka lo let a , ka pa min ngenna vang chauhin.....


Damdawiin a thawh pawh chu ka peih lo mahse loh theih lohna in min nang ta sia ka thawk leh ta nge nge a.....


ka thawh na hmunah chuan tupawh mai hian min zah a tuman min ti buai lo, hauh ngai pawhin an awm ngai lo,mipakhat chauh lo chu......


Henu hi chu a mak ve hrim hrim , min tihbuai hi a tum ve hrim hrim nge , a chesual reng a ,hauh loh ka tum viau pawh hian ka insum thei lo thin...., tum loh deuhin ka vin leh hrep zel....



tumah han kawm tlangnel ka tum hran lo a , mahse khanu kha chu hriatloh theih pawh ani lo ,...ka hau zing a , kan in hmuh tawh hi chuan hauh ngai hian a awm ngei ngei ziah...ka hauh a piang lah hian ngaihdam min dil chung chung zel sia , inthiam loh na min neih tir ziah ........


Khawiah emaw hmuh tawhna ka neithalin ka hria....

.........


Thla thum a ral meuh chuan....Khanu kha keimah chauh a ka awm lai te hian ka lo ngaihtuah leh thin ... A hmel kha ka duh chi a ni lo a , a thawmhnaw hak thin te pawh khan min hip hlol lo ............ ka hmuh tirh chuan...thawm hnaw lian hnek hnuk a ha thin sia ....

Ka hmeichhe kawp ho reng reng hi ngo ving veng leh hmeichhe nu hnap chuan hmeltha tak vantlang ah pawh zahpuiawm loh an ni vek......


Kha nu kha chu hmel ah chuan a tla chiang bal , duh thlang dawn ngat ila ka thlan loh no. 1 tur zing ami......


Mahse maktak maiin ka ngaihtuah naah chuan a awm tlat a , ka mitthlaah a cham tlat a ,hmuh leh chakna ka nei tlat thin ......

A thiannu khan min duh tih ka hria , ka kal naah te hian min zui ru fova, ig ah pawh min lo be thin... Ka chhang ngai lem lo....Amah kha ka hmeichhe duh chi tak pawh a ni bawk....

Mahse athiannu chu ka mitthlaa hmu lo in , ani zawk daih kha ka hmu thung si mak tak a ni.....


Midang in min lo hmuh dan ka ngaipawimawh lo a , ka kal pel mawp mawp thin ,min biak pawhin a rul tawk bakin ka chhang ngai lo....

mahse khanu kha chu ward ka fan dawn te hian a lo awm lo ang tih hi ka hlau a ....A aw hriat ka chak a , hauh te chu nuam ka ti tan riau , a duty loh ni ah chuan nileng in ka mood a fuh lo vek thei....

A chhan sawitur fak hre si lo hian a mahah khan min phuartu mak tak a awm a , chu chu keipawhin enge a nih ka hre bik lo.......


form ha lo a thawmhnaw dang a ha lai ka hmuh te hian , a thawmhnaw lian pui pui te chu inhmeh bik hliah hliah hian ka hre tawh a , ka lo en leh veng veng zel.....

Ka awmdan chu ka duhdan a ni bik lo a , ka mit la lo bertu hmeichhia chuan ka rilru a luah tan mek chu ka awih thei lo zawk.......



Note: doctor leh nurse te hna (duty) hi a hrang ve ve a mahse ka ziah pawlh nuk tho mai 🤣😇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:13 pm

Chapter 4:

. .. ..........







Hun chu hriat lo karin a liam zung zung a ......Vawikhat chu thingtlang khaw pakhat ah hian free clinic an buatsaih dawn a ...Dr.Israel-an a ho dawn nghe nghe..tu mah kal tur bik an ruat lo a ,mahnia in volunteer tur a ni......

Israel-a a kal ve dawn vang hrim hrim pawh chuan kal ve ka tum lo bur ,hlawh tam deuh pawh min pe dawn se ka kal lo ang .. Bakah a awm loh chuan min hautu tur an awm lo ang a nuam singkhaw a ni mai a.... 😂😅


Zomuani chu a phur ber ber ah a tang leh si a ," tirawh kan hming pe lut ve ang aw ,kal ve ngei ngei ang "a ti leh chung tawh ......, ka hnial deuh a, a tir chuan mahse ka thiantha ber a nia ka mamawh hun apiangah ka tan a awm thin a.....

Chutih lai akar a thil dang vang pawh nilo a, mipakhat ka huat vang mai mai a han hnial tlat chu ni thei ngang a ka hriat loh avangin ..... A tawpah chuan hming chu kan pe lut ve leh ta nge nge a......

....


Tichuan kan kal ni tur chu a lo herchhuak a , zingkara kan kal dawn a vangin keipawh hma takah tho in ka thil ken tur te chu ka buaipui a .......

Ka insiam fel vek hnu chuan Zomuani te inlam chu ka pan a , a lo insiam peih vek tawh ka rin tehlul nen..... A lo la mutut a nih chu......

Kaihtawh ka tum zet a , mahse zawi deuh hian a meng peih tawk ....'ti nge ?' Ka tih chuan , " Nizan ka tlaivar a " ati a ." Mi mukbang lai mai mai en vangin maw??, Awi! ka awih thei lo, Khawmaw ka thiannu Zomuani kha a la awm em?? " Tiin a bianga dawmbet in ka han thlek kual vel a....

Ka kut veikian pah chuan "chulam pawh a ni lo " ati leh a , ka hmanhmawh tawh bawk si nen ka dawhthei ta lo a "A nih englam nge sawi vat ta che , i sawi loh chuan engtin nge ka hriat ang ?? " Ka ti vin tuk a.....

Titau aw tiau hian min lo melh pah in "ka kua a tha lo alawm ,engmah pawh hre lo in min vin phiar phiar suh " tih leh tah a rual nghal a..... A pawi thin !!.. kan in thlem leh tete hnu chuan "Nizanah enge i ei" Ka ti a.....

Menpuau pah chung hian zawi sap in "Spicy noodles" a ti a , bathroom ah chuan a tlan lut nghal a..... Eng zat em em nge a lo ei leh bik? Khua han thatloh pui tham khawp a han ei mai chuh......

Bathroom atang a lo chhuah hnu chuan a zawi leh zual a .."Zomuansang eiin insum rawh ka ti a ni lawm ni? "Ka ti a......Min melh rum leh teh eee... "Ka period dawn a thak ei ka mamawh a lawm " bak hlar hian a lo ti ve bawk a
..........(In hau ngai lo kan ni bik lo a , kan invin phar ve nasa thei lutuk mahse , a tu ve ve pawh kan thinrim rei ngai lo)


A hnu chuan tha deuh in "Kal lo phawt la , damdawi te ei in , lo awm hahdam phawt la , a reidawn lo kan lo haw leh thuai dawn a lawm "thlem pah deuh hian ka ti a .....a tap leh ta .... Hahthlak thin ve mittui hi chu a ngah ve hrim hrimm.....

A kal chak in a phur ber ber kha a ni si a.....ka khawngaih ve reng mahse kal lui tase a buai dawn lutuk .... A star deuh te kha a awm ve sia ,ka ngaihtuah vang zawk a nia....

A tap chu ka thlem leh rih phawt a , (amah hrim hrim hi fanu mal a nih avang hi nge ni a tah belh em em a , Ka tah ve te hian keiai nasa sa hian a tap leh hlauh thung thin a, a bulah chuan tah ka tum tawh lo bur)...

...
Ka kalsan dawn chuan " Ler miah suh ang che , ka thiannu pawh ni mahla ka chhuh hre dawn hauh lo che a nia, chuan ka kaw that loh thu hi sawi miah suh ang che , i mawl sia i lo sawi leh palh hlauh ange ,"a tia ...... Aw! kan tap zo chiah a maw tia chupa bawk chu a lo ngaihtuah leh hman.... 🤦‍♀️🤦‍♂️.....



"Mahse a tha lo miau sia lawm, engai ah nge ka sawi loh ang " a room chhuahsan pahin ka ti a, lukham in min lo vawm a , "chhuanlam dang zawng ve tawh mai rawh" tiin a lo au a, "i zawi viau emaw tia , i duh naah chuan i lo zawi loh tawp kha" nui hauh hauh pah chuan ka au khum ve a , ani pawh a nuive thei ta...
.
.
.
A mah chu ni zawk ila , damlo zawk ila , kal thei lo zawk ila, ka rilru tete a ka tih lai mek a khatiang thu te lo sawi ,keite chuan e , ' Keanu revees 'ka duh fe zawk ka damchhung pawh in hmu thei dawn lo mah ila , a let maktaduaisarih in ka duh fe zawk....
....
Ka phur loh teh lul nen , amah avangin ka hming pawh ka pe lut ve zawk kha a ni reng sia...... Bakah Dr. Israel-a hauh hmabak ka la ni zui...
*
*
Hmanhmawh tak chuan ka inkhalh chhuak ta a...


. .....


In nghahkhawm na hmun ka va thlen chuan an lo kim thap tawh a , keimah chiah min lo nghak chu lo niin ka inthiam lo kher mai ......

Chutah Mr.Khirhvela chuan min la hau hrep zui , ka rin lawk sa chu ni reng mahse....chutia mi zawng zawng hmaa min hau chu ka zak hle a , nidang ah pawh min hau fova mahse .....

Nidangah kha chuan ka thiam loh liau liau a nia hauh kha ka phu lutuk mahse , tunah chuan ka tlai chhan chu thil dang daih a nia....ka thiannu ka buaipui avangin ka tlai a ni ve mai a , minute tlemte bakin ka tlai lo .....

Ka mit ah chuan mittui a tling teuh a , a tlak mai loh nan chuan ka khap fuk fuk a , tha deuh chuan ngaihdam ka dil a , thil thlen dan vel te chu ka sawia .....

.........

kawng tluan chuan ka mood a fuh lo a , Zomuani chu ka ngaihtuah hle a ,khatia ka kalsan mai kha ka inthiam lo leh deuh a ..mahse a nu hi nu fel tak mai ania a tha tur ah ngai phawt ang ..... Chuan ka mamawh hle bawk a tello chuan ka mal hliah hliah......


, Message ka thawn chhen a, ana viau nge maw ni min chhang miah lo , let leh daih mai chu ka nap a , mahse thil tih chi ber a ni si lo .......

Kal kawng chu a chhiat deuh a vangin kan insawh leh dawt dawt thin.......


Chutia ning taka ka awmlai chuan ..... Kan chuan chu a ding deuh thut a ,thil dang ka lo ngaihtuah bawk nen ka phu deuh zuk........ zunram thiar turin kan ding mai mai a lo nia ...

Keichu ka chhuk ve peih lo a .... bakah vantlang hmuna inthiar ka duh lo hrim hrim bawk (vantlang zun in leh ek in)...
.
An lo lutkhawm leh sap sap a , mahni thutna hmun theuh an pan vek tawh hnu pawh chuan kan la tlan mai lo ....

"Enge kan nghah chu le aw??? thlen vat vat a ,mut veng veng ka chak tehlul nen"...tia ka ngaihtuah lai chuan ...... Mr. Spicy noodles-a chu kawngka ah chuan a lo lut hlawl a ......

A hmasa lama thu ka ni bawk a .. Ka hmuchiang viau.. Lo lut phei zel in, ka zawn a lo thlen chuan a ding chat a, ka bulah chuan a lo thu a nih chu......... 😱




Note: kan exam lai a nia, ka edit hman lo thin a , min lo hrethiam hram hram ru aw...

A ai tha a tih zel ka tum ang....


Mask, kutsil leh senitizer kha ngaipawimawh hram hram ila😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:13 pm

Chapter5:




Chutia ka bula a lo thut chuan mak ka ti hle a ..midang bulah te han thut ve mai awm ka ti rilru a ....

Mahse hnunglam ka melh chuan thutna awl reng reng a lo awm lo chu niin .....ka thutna bul chiah chu awl awmchhun a lo nia....


Thutna awl dang awm si lo chu ka bulah chuan a lo thu chu ni in ....a hrim hrim in ,kan bulah a tir khan achuang ve lo tih ka hre ve chiah....

Ka bula a lo thut takah chuan hreawm ka tia , ka tang deuh tun bawk sia, Zomuani chu ni ila nuam ka tih dawn tehlul nen .... mahse Ka ni tlat si lo a!!...

Hauh ngai a awm loh hram hram chu ka tum a ,ka luakchhuak luak thei bawk si lo zawng zawng te nen chuan a hreawm zual lutuk....ka pik churh in ka in hria...
.
.
.

Atan feelings nei tawh lo ang in inhre mah ila , ka la laichhe em em tho, ka lungphu te chu a rang lutuk a , a thlawk chhuak mai ang tih hlauhawm khawp a ni....


Ka hmuh hmasak ber a ka awmdan ang chiah khan... Ka bula thu chuan a lo hrepha ang tih ka hlau hliah hliah ... Nangni in lo hrepha ve em?? 1,2,3 ti lo in 123 a ti mawle☺

Vawikhat mah kan inbe lo a ..vanneih thlak takin min hau lo ve teh mial a , bakah min hau hman pawh in a khawsa lo hrim ,kawng tluan chuan a bengah earphone a vuah a , a muhil a ni deuh tawp mai

Ka lo en leh zeuh thin a ,hepa hi chu aw a man chiang .......




.......




Kan kalna hmun tur kan thlen chuan , kal kawng a thui bawk a, ka chau ngei mai , bakah ka bula thu avang hrim hrim pawh in ka chauh a zual sawt......

....

Khaw mipui thenkhatte chuan min lo hmuak a , kan in chibai sap sap hlawm a ,chaw ei hun awmang vela kan thlen avangin ,riltam deuhin min lo nghak awm sia , an fel tak tak a ni(a tlangpuiin thingtlangah chuan chaw kan ei hma thin)



Muangchang loin kan thlenna tur chu an ruat fel zung zung a , kan thleng tlai deuh bawk nen kalkawng a thui bawk si a, kalkawngah lah thil eina hmuntur a awm mai bawk si lo a, kan ril atam tlang hlawm viau ang ....


Israel-a nen chuan thlen dun a ngai leh ta zel anih chu .....
A mak zo zai!! mi heti zozai zingah hian engvanga ani ber kher chu ka thlenpui a ngaih bik le??......

ka huphurh lutuk , ngei tawh sa nak alaia , in khata han thlen dun leh chu....ka nun khua a va ralmuang lo leh dawn ve.....


Han hnial ngawt dawn in thil tih chi ber a ni si lo.... Thinrim ru tun chung chuan kan thlen in tur lam chu ka pan ve ta hnak hnak a.....


Ka hma ah chuan Mr.Spicy-a leh minhruaitupa chu an kal zel a , hnunglam atang chuan "ISRAELA tiin a hming an phuah ve em em a.... hming pawh pu zo mang si lo"
tiin keima hriattham tawk lek chuan ka phun mial mial a.....


Kan thlen in tur kan thlen chuan, anuam phian mai , an in sak dan chu hmanlai sap ho insak dan style deuh kh a a ni a, nalh ka tih chi tak ...an hausak pawh ka ring ....

Kan thlenin te pawh chu an fel khawp mai , bual tui te min lo chhuan sak sa diam a , "in bual nghal mai rawh u in chau awm si a" min ti a.....


A upa zawk leh doctor zawk a nihna ang in , inla polite takin inbual hmasa tur chuan ka tia , min hnial eih lo , inbual tur chuan a kal daih a nih chu......

Ka rilru tete chuan 'polite lo si , hmeichhia zawk ka nia min ken ve awm , a mawi ah tal te pawh hmeichhe care nachang pawh hre lo ,mak leh lutuk mai" ka ti a ......


......



Chaw te kan eikham hnu chuan mut nan a la hma deuh sia , chau viau mah ila mikhual kan nia han mut nghal mai chu thil mawi ber pawh a ni lo ... Kan thlen inte nen chuan kan titi ho mai mai a......


Free clinic meuh hawng tur a kal kan ni bawk a ..."intitha hle mai , kan mamawh tak pawh a ni , kan khua atang chuan khawpui pan te hi a lo har a ,sum awm loh nen hna tul kalsan te a lo ngai a ,kal lohah kan tlak leh mai thin mahse sum insen teuh ngai lo a ,nangmah ni zawk in lo kal chu kan lawm hle mai " an ti a , an lawmthu te chu an sawi mawlh mawlh a.

Zawhna chi hrang hrang min zawt bawk a...ka thlenpui pa Mr. Politelo-a lah chuan chhan tum hmel reng a pu si lo a, keimah vek in ka han chhan tak kha.....


......


A tuk ah chuan ka mutui lai chu tu emaw hian min lo sawi dat dat a ,meng chiang mang hlei lo hian a kut chu mansak in, rizai hnuaiah chuan ka kuahlut ta daih a, mahse chu kut chu Ka pi emaw , Zomuani kut a ni ta hauh lo mai ....

Ka pi kut ni tur chuan , a chuar lai a awm si lo, Zomuani tih dawn lahin a tin a sei loh mai bakah a kut chu a hrawl mah mah....

1,2,3 ka chhiar a vawi leh khatah ka meng pawp a , Dr. Israel- a chuan nin hmel deuh hian min lo en chhuk run a nih chu..... Awi! Awi! Ka mumang em ni???

Mahse ka inngaihtuah harh hman hlau , a kut chu thlah vatin , ka zuang tho zawk a ..... Chutia ka zuang tho chu a ni lo kun bawk si nen a chal ah chuan ka tauah chawrh a....

Ani lah chuan a kut chu ten hmel deuh in ka kawrah a la tat zui ... A lu chu a dawm vawng vawng a " Eng ang lu nge maw i neih bik le, ka chalpa dar i ti khi lo chauh a nih hi " a ti vin leh tuk tawh....



"I thawm dim ang che, In hi a kang lo ania " a tih chhunzawm leh ngat a .. (Tawngkam hi chu a dutui lo ve ngawt mai)...


Ka thaw deuh huai mai .... "Emergency! a awm emaw ka tih vang a nia "nuih tlawn pah chuan ka tia.

Ngei rilru viau mah ila keia dinhmun sang zawk a ni a, ka ngei na te chu dahtha in .... Tha deuh chuan "enge ni a "ka ti ve leh mai a.....

" Thingpui lum rawh , ka ril a tam '' a ti a ....ka ngei zia mai chu ka kut zung tang hi silai ah chang thei se la ..hmun leh hmun ah a thi nghal ang ,...a thu hrim in a chhiahhlawh pawh ka ni lo...ka mutui lai min lo kai tho ve leh ringawt mai......
.
.
.

Mahse e hnial thei ka ni tlat lo , ka in phih fai sawk sawk a , thingpui lum tur chuan ka chhuak phei a , mahni In ni lo ta nanana chu ka che buai leh pek hle.....


Kawngka biangah atang chuan min lo en reng a, lo kal hnai leh in ,ka thil tih lai mek chu a lo bih ve a, chek hlak hlak chung hian ... ... "Engthi ah mah hian i rintlak thlawt loh ,lum duh suh ka in ngai lo '' a ti leh daih a nih chu......

Chu ti mai mai a min ti chu ka pai dai thei mawlh lo ....ka thinrim chuan , inhera a kal tur chiah chu bawk thlawp khawpin ka khik thuai tak kha.... chutia a bawk thlawp lai tak chu a lu ah tuiin ka leih zui bawk a...... 🤣🤣

______
.



Note : He story hi min lo chhiar sak ve a nih chuan khawngaihin an tawngkam maltin te hi in lo chhinchhiahpui dawn nia....

A chhan chu nakin a midang p. o. v ka ziah hunah in hrethiam lo in a mood ah in cheng thei lo palh ang...



***
Keimah lam ah chuan thawnthu emaw thil dang hrim hrim pawh ziah chhuah hi harsa ka ti a, ka rilru chuan hre mahse tawngkam dik zawk hi ka hmang thiam lo leh thin a, prefix leh suffix te hi ka hman pawh nuk zel mai... Bakah zawm leh zawm loh turah hian ka buai ziah bawk a .....

He story hi a boring deuh maithei a , true story base a nih deuh avang hi a ni pakhat a ...

A story bik ngo ngo ah hian in duh loh lai leh awmang lo deuh intih lai te kha sawi hreh lo ula , a tul dan azirin thlak dan te kan ngaihtuah dawn nia....

#mask vuah la , in ah lo tawm la , kut sil fai lo ngaipawimawh bawk la ..... Damna leh hriselna nei turin duhsakna ka hlan vek che u.....

___'________'___________________

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:13 pm

Chapter 6:




Mahse kan thlen in nuin 'Rachel ' tia min lo koh tak ah chuan .....

ka ngaihtuahna mai mai a ni tih ka hrechhuak leh chiah ' ka kut chu ka lo hum ngar ngar a , ka lo nui chhuak a ni chek ang chu ...Mr.Spicy-a pawh chuan min lo en reng a.... Drama-a changtunu emaw ka inti aniang......


Kan thlen innu chuan thingpui a lum a ( lum duh suh a tih leh daih avang khan ka in tibuai duh lo law law), kan doctor ropui a chu pe ve tur in min ti a , ''a in ngai lo" tih sawi dawn lai mek in.........


A mah chu rawn kal in thingpui chu a la anih chu mak ti tak in ka en haw a"ka in ngai lo' kha a ti ve sia" ..... Ka rilru tete chuan ka ti a.......

Lokal pheiin , ka beng bul chet ah "mi dang lum te chu in ngai e " a lo ti a nih chu ,a kalsawn leh nghal daih a....ka lo ip chawih thei ,kan in hnaih si a....

ka rilru in emaw ka sawi ka tih kha ka lo sawichhuak leh pek a ni maw 😎 Lalparliani pasal ang mai......

A lu chu a la dawm reng a ,a na viau emaw ni?kei pawh engtin ka awm si lo .. Ka tauh tirh kha chuan a na ve reng a mahse a reh nghal vek sia .. Nge a sawi ang khan ka lu chu a lo chang bik tak tak zawk🤷‍♀️



Mi han tihbuai vel dan chu a hre hle mai..... Ka sa chhuak vek ka thinrim lutuk lutuk chu ......

Midang lum in duh reng si ka lum a nih tak avanga han in duh loh , tur ka telh bik awm tawp si lo a ,nge ni a thingpui fe aiah hmarcha phut ka thlak a hlau....


Thingpui te chu ka lum thiam vei nen , a induh lo kha ka lawm daih zawk ... Alei a lem daih palh ang...
Bakah ka lum chu a inpha lo hrim hrim.. 🤣🤣


Eng chu a hria ni maw min tih buai hi a tum ve hrim hrim a nih hi.....

.
.
.


Nithum chhung chu kan hna ah chuan kan buai ngar ngar a....hmunkhat ah chuah clinic chu kan hawng lo a , group te te in hmun li lai ah kan inthen leh hlawm a....kan vai chuan Mr. Spicy-a chuan min ho vek bawk ...

Kan buai em avang chuan ...Kan thlen inah pawh haw tawh lo in, puan in kan kaih a chutah chuan kan mu mai zel....


In entir hi an tam deuh thin avangin a chang chuan kan mawng pawh kan hung hman meuh thin lo .....

An khua ami te chauh hi an lo in entir lo a, khaw thenawm hmun hran hran a mi te pawh an lo kal ve bawk vang ani pakhat .....

Group te te in inthen mah ila nithum chhung chauh awh tur anih avangin kan duhthawh ve deuh bawk . kan buai zual phah..




Ka fimkhur hle a, hauh ngai a awm ka hlau a, a chhan chu kan Mr.Khirhvela hian min hau anih vaih chuan ka zak dawn lutuk a , mi dangte mit hmuh a ennawm chhuah ka duh reng reng lo.....


Vanneihthlak tak in ka che sual lo hlauh ,kan buai tlang hlawm bawk a ,kan inhmu hman meuh lo......ka chet chhiat thinna chuan min kal san tawh dawn a niang tia ka inngaihtuah lai takin ....

Ka lo inngaihtuah nasa deuh nge , ka kal na tur chu ka lo en lo a, ka hma ami chu ka su chawrh a , ka thingpui ken lai chu a kawr ah chuan ka leihbaw fai vek ......

Ka va han vannei rei lo thei tak em.... Ka mi sut chu tu dang ni lo in Mr. Spicy noodles-a , a lo ni lehpek zel .......


Mahse tun trum zet chu a piangthar nge midangte ngaihdan chu a zah thar ta riau zawk , min hau miah lo .....

Ngaihdam dil vat vat in , a kawr chu hrukfai sak ka tum a mahse, ''a pawi lo '' a ti vel mawle.....


Mak tak maiin haw viauin inhre mah ila min hauh tak si lohah chuan..... Ka hmutha leh ta sawt a, a lakah chuan ka luangliam leh zawih zawih mai.....

A nihna takah chuan polite lo in , tawngkam mawi phuhchhuak ziah lo mahse.. A hna ah hi chuan a inpe zo ve thlawt , ka lo ngaihdan aiin thiam pawh a thiam....a thawkrim bawk...

Ka ngei em avangin ka fak duh lo mai mai pawh a ...


Zomuani hrilh hlan chu ka nghakhlel lehpek hle ,hei hi a nia star neih nawm ve na chu.... Kan duh hunah kan ban a , kan duh hunah kan star leh mai a, tuman an hre chuang lo a ,anuam vei phian bialpa neih ai chuan.....


kan kal ni a ka message thawn te pawh kha Zomuani chuan min lo la reply lo a .... A na viau mawni aw ka tia .... Han biak dawn lah in kan buai sia phone khawih kha ka inthlahrung a .....

Kan chawlh hnu pawhin tih tur kan lo nei leh sia , junior ber ka nia ka senior te chu zah a, awla ka chet khalh zung zung a ngai ....

Mut hun a nih meuh chuan phone ka nei tih pawh ka hrechang leh tawh ngai lo..... Ka muhil nghal bawrh bawrh zel.....

A lakah chuan ka inthiam lo rilru hle ... A nih na tak ah chuan Ka tan a awm reng thin a , hun harsa ka tawh lai pawh in ,min kalsan ve ngai lo ....ka tah in keiai nasa in a tap ziah bawk .... Amah ka thlemna lam ah ka tap ani tih pawh ka theihnghilh phah fo....


Zomuani te hi an hausa a , anu leh pate pawh an fel hle , mihausa in mihausa chauh kawmtheih emaw miretheiin mirethei chauh kawm tur ti tase kan inkawm thei lo chiang bal....

Mahse, ani chuan min en hrang ngai lo , thawmhnaw thar a neih te hian 'Rachel-in a neih ve loh chuan ' a ti ziah....a nu leh pate lakah chuan ka inthlahrung thei hle.....

......

Chutia buai em em a nithum zet kan awm hnu chuan , clinic chu kan khar a ,kan hna kan zo ta, heiha , a chauhthlak ngei mai !a tuk ah chuan kan haw tawh dawn bawk...


Kan hna kan zawh tak siah chuan , kan inti thawveng ve a....Zanah meipui kan chhep hluah a , mipa ho chuan buhzu hi an lo phawrh a , a hmei apa chuan an in hlawm a ......

In ve rawh an tia , ka in ngai loh a vangin ka duh lo a mahse ' a ruih theih loh damdawi atan an hmang thin , in ve chhin hrim hrim rawh , hmeichhe tan phei chuan a tha leh zual ' an tih tak ah chuan .... thlum hmel ka ti ta lutuk a , inchak na ka nei lehpek tlat .. ....

Ka in chhin a ,a thlum deuh chep chep bawk sia ,tui chu ka ti ta lutuk a , a dang ka dil belh leh a ,ka in zel a ka inzel a , ahnu phei chuan engzat chiah nge ka in pawh ka hre tawh lo.....(buhzu hi ka la inchhin ngai miah lo a engtin nge a awm ka hre tak tak lo a ka rindan in ka ziak a , adik lo a nih pawh in min hrethiam hram dawn nia)


Engtin nge ka awm pawh ka hre mumal lo , tu emaw chu ka kuah chiang a chuan ani pawh chuan min kuah let ve in ka hria.....
.
.
.


A tuk ah chuan rit deuh luk hian ka harh a , thawh mai ka tum chu tu emaw hian min lo khan a , ka mit nuai chhat chhat pah hian min khan tu chu hriat tum in puan chu ka hlim deuh a ......


Awi ka nu ka duhthei loooo........

😭💔😱




Note : sawi duh hi a nei ve ziah mai min lo ti a nge...... 🤭

Sawtur hi ka lo nei ve ziah bawk sia.....

*Hemi chin atang hi chuan a thawnthu lairil ber leh a lungchhiatthlak lai , kan lo thleng dawn ta reng mai a, dawhthei takin min lo chhiarsak leh hram hram dawn nia..🙏

Hun kal ta a thuruk inthup te pawh hai lan in a awm nuk dawn a , engthil pawh thleng se ,min dem lutuk bik su aw... ☺

Q.Rachel-i leh Israel-a hian tunah hian spicy an ei chak ve angem???




Ans: Keipawn ka hre bik hauh lo mai....
🤭

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)