#DECALCOMANIA_S1 BY Zuali khiangte_zii95 (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: #DECALCOMANIA_S1 BY Zuali khiangte_zii95 (Completed)

Unread post by Ngaia » July 25th, 2021, 6:39 pm

Lalrinhlui pov






Rocco nu,nu Hmingtei chuan min be seuh seuh reng a,ka inthlahrun a hlau ni ber in ka hria Rocco nite-i pawh a tawng duh in a harhvang em em a kei aiin a thla chauh in a upa bawk mahse 'nite min ti rawh' a ti tlat a nite ka tilo thei ta biklo,an chhungkua an fel in keipawh ka tlangnel nghal titih der




"Mama Hlutei kha i room te han hmuh ve la" nu Hmingte in a tih chuan Rocco chuan min rawn melh zeuh in ka kut ah a rawn chelh a,a chhungte hmuhlai lehnghal in a ti awm ang lo thei takzet ,ka kut laksawn ka tum lah in rum tawk a min melh pah in ka kut a hum na a tinghet sauh zel bawk si melh rawm rawm pah in inchhung lam ah kan chho duh a,a room kan lut chiah chu a pui ngei mai a ma in a a room aikha chuan tlem in a te deuh na in heipawh hi lian tak a ni,a bungrua chu ka enkual a rawngthim lam deuh vek a ni a mah leh a room chu a inhmeh phian ,"enge ang i tih ka chhungte chu" ka hnunglam atang ka dul ah a ban a suihzawm a







"Immm,an fel lutuk,i nu kha a bikin a fel kawm a nuam ' ka tih chuan a khabe ka dar ah nghahthlak pah in "i nu ti kher lo la,ka nu ti ve mai la i koh dan tur tho a la nia" a tih sup chuan ka lo chek hlak "teuh lo,tun ah te chuan kan la innei hleinem" ka tih chuan a nui che dawt a hnehsawh lutuk in a lam ah min kuaiher nawk a nihchu,ka te deuh that rual chuan a kutzungchal a a hmui siktir in "shhh..au suh thil thalo ka ti emaw an lo ti palh ang" nuih insum tak a a tih chuan a dar ah chum tawlh in "mawla,ti tawh suh ang che" ka ti hlar,a hmui hnuai tipawrh zet in min rawn kuah sut sut a keipawn a zak hnuai ah ka ban rawlhlut in ka kuahlet ve hle hle,ka sam chu a hnim vang vang a " ka nupui ni tawh la ka ti takzet" a tih chuan ka nui seih ,keipawh hian ka pasal ni tawh se ka ti takzet,a hma kha chuan pasal neih lam ka lo ngaihtuah ngailo a mahse Rocco nen chuan engkim a danglam , ka ngaihtuah ngailoh leh ka mang ah pawh ka tawn ngailoh tur a ka lo ruat thin kha kan tawng a,pasal neih thleng in tun ah chuan ka ngaihtuah ta chu a nia






Dinner eikham ah inkawmkhawm na ah thu ho in inneih lam chungchang eng eng emaw kan sawi ho a,keichuan mithenkhat ang a pui lutuk a tih ang kha ka duh velo a mahse Rocco erawh chuan a ropui thei ang ber a tih a duh tlat thung
"Kan pahnih tan a ni pawimawh ber holam tak a lian tir ka duhlo" a ti bur mai bawk si nu leh pa hma ah kan han inhnial leh bap bap thin a,kan hlimtlang angreng viau bawk,



Rocco chuan ka phone ka kenlai chu rawn la nulh in choka lam ah a luhpui daih a,a rawn chhuah leh chuan a rawn tum deuh bur ka lo enreng lai chuan ka hmai zawn ah ka phone chu rawn lek in "Nicolas chhang rawh" a rawn ti deuh hmuk ,ka lak veleh ka ep chiah nite-i te thutna ah chuan a thu daih bawk,a ni hian Nicolas hi a lo la thik reng a ni maw hahthlak ,ka lu thing nak in call chu ka pic a "hello" ka tihrual a naupangchhia tak a a hmui a lo tisawi kual vel chuan tum loh deuh in min tinui hak bawk,mahse phone atanga ka thu hriat a vang chuan ka nui lai ka tawp chawt …call tawp hnu chuan ka bag ah ka phone khung sawk sawk in ka tho deuh uai a mak tihhmel tak a min lo en thap ho chu ka hmu phe ruai vek mai in ka hria





"Hlute ngati uai uai nge a " rawn ti tu chu ka mittui kar atang ka hmuphe ruai tawh "ih englo..Nicolas a nia,a..a accident an tia hospital ah ka kal angai" ka thusawi te chu a bah nuai mai,tun ah khan nicolas bike a a accident thu leh hospital a a awm thu min rawn hrilh zo chiah,tunlai ka bestfriend ka hlamchhiah mah mah tih ka hria ka inthiamlo hle bawk , ka mangang lutuk chu a ni riai in ka hria ,kawngka a ka penchhuak tur chiah chu tu emaw hian ka ban ah rawn vuan in ka hawilet chuan Rocco hmel tak run nen kan inhmachhawn nghal "ka hruai ang che"a rawn toh deuh nghut chuan hnial buai tum na ka neilo ka lu bu nghat in a motor lo lakchhuah hun chu ka nghak a,kan kaldawn ah nu Hmingtei ten min lo enliam thlap bawk ,ka tha khur nasa lutuk chu humbeh tum in ka kut chu ka han hum vak a mahse ka tha khur a reh thei reng reng lo,rawn call tu lah khan a sawi serious ang reng bawk silo Nicolas-a chung ah thil thalo tak a thleng ang tih ka hlau tak zet




A khat tawk in thawk ka la leh hawlh thin,side glass chu down in kawngpui sir a inchhawng sang sang tak kan tlanpelh zut zut te chu ka thlir a ,chutih lai chuan ka kut ah Rocco chuan rawn hun vang vang in " thil thalo engmah a thleng lo ang" a ti sup a,a hmel en tum a ka hawiphei chuan Rocco chuan a kut khing khat a steering chelh in hmalam a melh ngur bawk engdang mah a chhang lo in a lu ka bu nghat a ,pawnlam bawk ka hawi leh min rawn melh zawk pawh ka mitsir in ka hmu reng,mahse tun ah hi chuan Nicolas chiah in ka rilru a luah rih…hospital kan thlen veleh car atang chhuk sawk sawk in hospital chhunglam ah ka tlanlut nghal a ,Nicolas te rawn chhuak tur nen chiah kan intawk ,Nicolas hmel ka hmuh rual deuh thaw in ka kuah nghal thlawp "engtin nge i awm i tha em i accident ti khan min rawn hrilh si a" ka ti nghal mawlh mawlh bawk ,Nicolas chu a nui hawk a,a nui ri ka hriat chuan rang tak in ka in lahrang nghal vat "hmela min tihder a ni maw i va chimawm ve!!" Ti nghal hlar ib a banpuam ah ka chum chawrh,mangang bakleng in ka pasal tur te in atang ka tlanchhuah phah ve a ,a banpuam ah chan ka chum nawn leh tawlh tawlh "a tawk Hlu..duhtawk teh" nui hawk hawk chung a titu chu ka va han ngei hluah hluah ,melh rawm rawm pah in " khawilai maw i na chu,heihi maw accident ,khawnge Jerome-a hmelphak i va mawl ve khatiang in tihder na chi pawh a ni em ni"Nicolas bul chiah a rawn ding chu ka vin leh nghal nghek " i au ring thei si,hospital ah kan la awm hi ka tihder che vangin ka tihpalh,mahse i thiante min ngaihsak lo lutuk hrem na a nihkha" nui chung a rawn ti tu chu ka bag kenlai hian vawm chawrh ka chak zia chu "vawikhat mah chung tawh su in tih leh chuan ka kawm tawh lo tak tak ang cheu" ka tih leh chuan Nicolas zawk chuan a kut khing hnih a a beng pawt zeuh in "sorry thinawrhnu a thleng nawn tawh lo ang,mahse hei ka khup hi en la" a tih chuan a khup lam chu ka en a ,bandage in an lo tuam ve deuh bar nichin khan ka lo hmu miah lo "tinge hei an tuam nang hi i accident tak tak em ni" ka tih chuan a lu bu nghat in "kan tlu alawm" a tih sup chuan ka chek hlak,chutia kan pathum a kan tawng ho lai chuan kan hnung a thil ri deuh bur kan hriat chuan chulam chu kan hawi nghal vat "Rocco chuan lawmlo tih hriat lutuk a min lo melh ngur in kan lam chu a rawn panphei hmawk hmawk a nihchu,






Kan bul a rawn thleng chiah Nicolas-a kawrawm ah chuan rawn tham in "nangni fiamthu thawh vang mai mai in hmanhmawh tak in helai hmun hi kan rawn pan a maw,hospital kan rawn panlai a Gigi hlauhthawn zia te kha " a rawn ti nghal khur khur,hospital chhung a awm ve te chuan kan lam an rawn en thap a "ka tihpalh ka tih tawh kha,ka bestfriend hi ka fiam thei lo em ni" Nicolas an a tih chuan Rocco chuan kutthlak duh mai hnel apu tawh ,Nicolas a tham na kut chu phelhsak tum in Rocco kut chu ka va beng a "e nge maw i hriat le thlah teh,hospital ah kan la awm hi" ka tih chuan Rocco chuan Nicolas a thamna chu phih thla nawk in thinrin rih hriat ngawih ngawih in min rawn melh a nihchu , "englo,hospital ah kan la awm hi" a mitmeng rum lutuk avang chuan tawng ring ngam lo in ka ti ta sep a,thawk la hawk in a tukhum a tuai puat a pawnlam pan in a pen nghal pawk pawk ,khatia a rawn awm ngawt chhan kha ka hrelo a a che mawilo talzet bawk,Nicolas lak ah a lungawilo a nih pawn khatiang lo khan a lungawilohna a tilang thei,






"Pawi ka ti Hlu,keimah a nia lo call tu kha ka rawtchhuah a nia prank che kha" inthlahrun hmel tak a rawn ti tu chu en in ka thaw halh "a pawilo,inthiamlo suh ,Rocco kha chu min ngaihtuah vang a nihkha " ka ti sep ,Nicolas ka en chuan mitmeng hriatthiam har zet in min lo en reng tih ka hmu chiah bawk,pawn ah kan chhuak a Rocco car ka hmu tawh lo,min hawsan a nih ka ring nghal hmiah,
Rocco chung ah pawh ka inthiamlo ve tho khati khawp khan ka awmdan vangin a buai a tikhan keiin nichin ah ka lo ti leh si a inbiak kan ngai ngei ang







'tu emaw zawk zawk in min thlah a ngaih hmel" za vaklo a nui chung chuan ka ti halh a,



"Nico nangman va thlah rawh,keichu haw hma ka duh" Jerome chuan a ti a,Nicolas pawh bu nghat in Nicolas-a bike ah chuan a thukai a ,ka ngaihtuahna ah Rocco chiah a awm,ka lak ah a lungawilo viau in ka ring bawk,kan in kan thlen chuan pawn ah Rocco car a lo awm reng ka chung ah a thinrim viau in ka ring mahse kan inkawt a a lo awm vang hian ka lawm ru takzet bawk rangtak in bike atang ka chhuk a Rocco pawn min lo hmu ni ngei tur a ni a car atang a rawn chhuak ve nghal ,Rocco lam pan chuan ka pen hlawk hlawk a





"Rocco englo "



"Kan in atang chaw ei i nia,ka rual lo a inchhung i luh kha thil mawi a nilo" Rocco chuan a rawn ti hmuk a ka lo ngawi dak,hetiang tawh ah pawh min la ngaihtuah a nia Rocco lak ah nuamlo ka ti zual takzet ,kan lam pan a Nicolas lo kal chu Rocco chuan a melh ngur a Nicolas pawn a lawm hmel vak bik lo,an ni pahnih chung ah hian enge thleng hi ka hmangaih ber leh ka thiantha ber hi an in haw ta tih na em ni,an pahnih boruak thalo ru zet chuan a ruk in min ti mangang viau





"Haihawtnu i bag i theihnghilh" tihpah in Nicolas chuan ka bag ka ah tir chu ka lam ah a rawn lek a,rang tak in Rocco zawk chuan a lo la vat haw duh tan a huat thlala takin Nicolas chu a nui suk a,a kut pahnih chu a kekawr ipte ah a zenlut nghal daih bawk "Gigi i lo thlah a a lawmawm e"Rocco chua a ti hmuk a "a kalpui pa in a tlansan tak si ah chuan ka rawn hruai haw mai loh chuan a mah in ka kalsan thei silo a" Nicolas chuan a ti deuh kher ,a tawngchhuah duh dan chu tullo ka ti takzet bawk Nicolas pawh hian enge a hriat tehhrep ni ..zalo tih hriat zet in Rocco chu a nui hak a Nicolas mit ah tak en chung chuan "Gigi hnaih ah awm tawh suh free advice a nihchu" a tawplam sehchilh deuh nak chuan a ti a, Nicolas a lo nui ve hak thung an pahnih inkar boruak hi keichuan ka hrethiam velo an inhuat hmel em em mai bawk si "kei aia i upat avang hian ka zah che,mahse ka thiantha ber tan hian i thatawk lo " ti tu chu ka melh pawk "Nico !!" Ka ti nghal that,Nicolas chuan min rawn en in a nui hak a "i pasal tur hian i lak ah enge zep a neih chu nangmah ngei in hriat tum rawh" ti tu chu ka melh ngawt ngawt ,enge Nicolas hian a sawi awmzia Rocco chu eng emaw sawi beisei zet in a en a a ni ve thung chuan a kut ruh tak a hum in Nicolas a lo melh ngur





"Gigi i melh dan hi hrethiam lo tur ah min ngai lo ang chu tiraw Nicolas" titu chu awihlo lutuk in ka en,"enge i sawi awmzia Rocco" ka ti ha "a ni hian a duh che i bestfriend ang a i ngaih hian thian chauh lo deuh in a en che ti ta ila " nui luisak pah a Rocco an a tih chuan Nicolas chu ka en leh nghal vat ,a ni chuan a thuruk puanchhuahsak a a awm vang nge a mitmeng sen ram a Rocco en in a kut chu a hum ruh ngawt ngawt a,"ka sawidik lo em ni Nicolas,nge ni a reitak i lo thup tawh thil tun ah Gigi hma ah puanchhuah a awm vang hian hreawm i ti zawk" ngeiawm lutuk a Rocco an a tih leh chuan a ngaihna ka hrelo takzet ka bul a mipa te pahnih lah an in melh ran mai bawk si ..



"Nico ,Rocco thusawi hi enge awmzia" tiin Nicolas lam chu ka hawi a ,a mitmeng a natna lo lang chhuak chu reitak a thiantha ber lo ni tawh hian ka hmuh hmaih hauh lo, Nicolas chu chhing sawk in chumi hnu ah min rawn en a "a dik ka duh che,ka thian i nih tirh atang khan ka duh tawh che" titu chu ka melh ngawt ngawt "Nico" ka tih sep chuan Rocco zawk chu nui hawk in "lut ang Gigi i thiantha ber hian i lak ah thuruk lian tak a lo nei reng zawk a nih hi" a tih sup pawh chuan keichu a la chechang lo ka thil tawn hian min thawng em a ni ,"ka kal a nge,mahse Hlu i pasal neih tur hi ngaihtuahtha leh la ka duh i pasal tur hian i lak ah enge zep a neih nangmah ngei in finfiah rawh ,i nat ka duh lo ,i hlim na chiah a duh " Nicolas chuan a ti sup a,a bike lam pan in a inkhalhchhuak nghal vang vang,Nicolas-a thusawi 'i pasal tur hian i lak ah engthil nge zep a neih nangmah ngei in zawngchhuak rawh' a tih chuan ka thluak a vilh ngut ngut ,Rocco hian enge ka lak ah zep a neih,chuan Nicolas khan enge hriat a neih ,min tibuai takzet






"Gigi" rawn tisup tu chu ka en haw
,a nui suk a he a nui hmel pa zet phen a thuruk awm chu enge ni ta ang "I thianpa thusawi kha i awih a ni em lo ang chu tiraw" ti sup tu chu chhan pawh a chhanglo inchhung lam pan chuan ke ka pen a mahse ka dung leh chawt inher in Rocco chu ka en a "mahni a awm rih ka duh min lo zui lo mai rawh" ka tih chuan a thaw hak a ,min rawn pan in a lam ah min pawthnai hrawk ,a chhip ah chuan fawp vang vang in "Nicolas-a thusawi kha eng ah mah ngai suh ,kan inneihna tur chiah kha ngaihtuah rawh ka hmangaih che" ti sup in a in lahrang a,a car lam apan chu ka enzui reng









(Mood ah cheng hlawl lo a ngaihnawm loh deuh pawn lo hrethiam hram hram mai teh u😣)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:39 pm

Khami zan thil thlen hnu atang khan kar khat a liam leh tawh,engkim chu tha vek leh tluangpurh ang in lang mahse ,keimah ah hian eng emaw diklo riau a awm Nicolas-a thusawi kha ka ngaihtuah nawn fo a/fova ,ka lak ah Rocco hian eng chiah chu nge a zep tih hriatchhuah ka duh bawk ,Rocco chu a hma ai in ka chik zawk a,mahse a mah ah danglamna leh han rinhlelh tur thil hmuh ka nei bawk silo ka rilru chu a buai takzet Nicolas chuan dawt hmang a kan inkar tihchhiat a tum a ni mai lo maw tihte ka ngaihtuah a,mahse Nicolas hi ka hrechiang ka thiantha ber a ni a ka chung ah chutiang ka ngaihtuahna diklo tak ang chuan a awm lo ang tih ka hre bawk si






Ka phone chu ka hmet niap niap a,ka chhungte pawh inneih chungchang vel vangin Aizawl ah an lo chhukthla vek tawh bawk ,contact ho chu ka enkual a Nicolas number ah ka tawp chat ,ka en deuh vang vang hnu chuan ka dial ta nge nge ,reife hnu ah a chhang tawh dawnlo emaw ka tih tawh hnu ah mut la kham lo tih hriat zet in "hello" a rawn ti tham tiak a,kar khat chhung khan kan la inbe leh miah lo "Nico inhmu lawk ang,dar 10am vel ah i hman a ngem?" Ka tih chuan a ngawi deuh vang vang a,min chhang dawn tawh lo emaw ka tih hnu ah a thaw hak ri ka hre chiah "ok,kan inhmu dawn nia keipawn sawitur ka nei,ka lo lam ang che" a sawi zawh chuan a off leh nghal daih,a mize danglam ta thut chu a chhan hre deuh tho mah ila nuam ka tilo takzet,min duh thu a sawi khan mak ka tih luat ah engmah ka sawithei lo a nihkha,mahse keichuan Nicolas hi thian ang lo chuan ka enthei lo…mitha tak a ni tih ka hria mahse ka tan chuan ka thian,ka tan a mi pawimawh tak chauh a ni









Dar 10am rik nan minute tlemte chauh a awm tawh keipawh chhuah mai inpaih sa thlap in Nicolas chu ka lo nghak a ,pawnlam a Nicolas bike thawm ka hriat chuan pawn ah ka chhuak nghal vat ,Nicolas lam ka pan dawn chiah tih chuan ka phone a lo ri ve chiah,ka bag a mi phone chu lachhuak in callar id a Rocco hming lo lang ka hmuh chuan ka thaw halh , Nicolas lam chu ka hawi a a bike ngheng chungin min lo en reng ,phone chu chhanglo in ka hmetthim ta zawk a ka swich off hmak bawk,eng vang a swich off kher nge ka nih pawh inhre chuang lo,Nicolas nen chuan inphur chhuak in coco cafe lam chu kan pan a,inhma tawn a kan han thut tak ran ah chuan sawitur a vang duh khawp mai,a hma ang kha chu nise ngawireng lo in kan tawng leh zawt zawt a nga,kan inhnial leh bap bap tawh ang,mahse tun ah chuan kan inkar hi a hma ang a ni thei tawh lo,thenkhat tan chuan holam tak ang in lang mahse kan tan chuan a holam ve hauh lo relationship chungchang a ni miau a,Nicolas hian ka lak ah inngaihzawnna lam hawi hian feeling neilo se ka ti takzet kan inthian that na hi a chhiat ka duh miau lo a,mahse tun ah hi chuan ka thil duhloh ang in thil thleng mek tih a tu ve ve pawn kan hai lo





Chutia ngawireng a kan thut dun chuan Nicolas zawk chuan a aw a han thian kharh a "sawiduh i nei khan ka hria a" a rawn ti sup a,chil ka lem khawlh "imm" ka ti sep ringawt ,a thaw halh a " a nihchuan sawi la" a rawn leh ti sup a ni pawh hian tawngtam vak a chak hmel loh viau



"Englo,hmanni i sawi kha Rocco chungchang kha" ka tih sep chuan Nicolas chuan a hnar a lo thum dat a Nicolas chu ka melh nghal kiau ,tun ah hian thudik min hrilh tur in ka duh takzet "chuan" min melh ngur pah chuan a ti nghut a "thudik min hrilh rawh ,ka lak ah Rocco hian enge zep a neih" ka tichhuak halh,eng emaw ngaihtuah nei niawm fahran in Nicolas chuan pawnlam a en ngur a,"kei hian ka duh takzet che tih i hria em,imm hman ni khan ka hrilh che i hre ngei ang" ka lam a lo hawi a zalo tih hriat zet in a nui hul hak bawk,kei erawh Nicolas thusawi vang chuan nuam ka ti lo viau "Nico ka"



"ka sawi phawt ang"Nicolas an a rawn tih chuan ka ngawi ta zawk a, "i hriat tawh ang in kan inhmuh hmasak ber atang i lak ah inngaihzawn na lam hawi in feeling ka nei tawh,mahse nangchuan i thiantha ber ang chiah in min en tih ka hailo,ka duh thu che hi hrilh ta che ila eng ang in nge min ngaih ang tih ka hriatloh vang in keima thuruk chauh ni tur in ka zep tang tang a,Remruata nen in inngaihzawn lai pawh khan ka thik thin,i kiang ah khan Remruata nilo in keimah zawk hi awm ila tiin ka ngaihtuah fo,theihnghilh che tum in hmeichhia ka kawp kual a ,mahse keima a i hmun ruak luah tur hu tumah ka hmu zo lo" a tih chuan nuam lo ka ti takzet tawh "sawitur ka hrelo" ka lo ti sep ringawt,chutah a nui suk a "pawi ti suh ,min duh tur in ka nawrlui theilo che,chuvang chuan ka feeling dahtha in i tan thiantha tak ka ni reng ang,min mamawh na apiang ah chuan ka awm zel ang" a tih chuan mittui tling piau in Nicolas chu ka en a,a hmel ah chuan thup tum viau mahse a nat zia ka hmuhsak thei






"A tap leh ringawt dawn e,tahbelh si thinawrh bawk si,mi in ka vel che emaw an ti a nge ,bak ah i awmdan pangai ang khan awm leh rawh a hma ang khan" a rawn tih hluk chuan ka tah nuih hawk,Nicolas tan hetiang thutlukna siam harsat dan tur ka hria chutih rual in Nicolas ang thiantha ka nei hi ka lawm takzet a tawrhna hriatthiampui lo ka ni lo mahse he ka lawm na hi mahni hmasialna a nih chuan mahni hmasial nih chu ka pawi tilo a chhan chu Nicolas hi ka nun a mi pawimawh tak pakhat a ni a chan ka duh lo





"Chuan ka zawhna kha" ka tih chuan Nicolas chuan min melh ngar a ,tun ah chuan a hma ai in kan boruak a zangkhai tawh zawk bawk "Hlu hei chu nangmah ngei in hrechhuak la ka duh ka inrawlh thui lutuk chuan i tan natna thlen tam tu mai ka ni ang tih ka hlau ,i nat ka duh lo hlim tak in awm reng la ka duh,chuvang chuan nangmah ngei in chhuichhuam rawh,ka hrilh theih zawng che chu Rocco hi ring lutuk suh " thu tak fe a a tih chuan keimah ah hlauhthawn na a awm tlat





In a ka haw leh hnu thleng pawn Nicolas thusawi chuan min vilh ngut ngut a,engtia hmalak tur nge ka hre hlawl lo bawk kan inneih na tur lah sawifel a ni tawh a karleh ah kan khaw lam ah haw in man hlan na kan nei ang a,a tuk ah Aizawl ah chhukthla in a tuk leh chu kan inneih ni tur a ni,rilru betlo deuh in awm mah ila Rocco kalsan tumna rilru erawh ka la pu chhin eih lo,ka hmangaih tih ah ka chiang miau a eng thuruk nge a neih tih la hre rihlo mah ila a bul hnai a ka awm tam phawt chuan ka la hrechhuak em em ang






Eng mah thlenglo ang in a hma ang a awm chu tum viau mah ila thil awlsam tak zawng a ni hauh lo,vawiin hian kan khaw lam ah kan haw a nga naktuk ah palai ho in man hlan tur an lo kal bawk ang,ka thiantha ber a nih ang in Nicolas chuan kan khua ah min zui haw a tum a ka lawm takzet bawk,kan khua a mi ka cousin Rinsangi chu thian ah ka hmang dawn bawk





"Saw sawn eng inkhua ah a lo tih ve dawn"ti nghut in Rocco chu ka bul ah a lo ding a,ka lo nui seih ringawt Nicolas chu a bike bul ah zial zu hlat hlat chung in ding a kan lam a lo hawi bawk " ka thiantha ber a ni tih i theihnghilh em ni" ka tih chuan Rocco chu a rum nghut a "mahse a duh che" a rawn ti leh nghut ,Nicolas a thik zia ka hria mahse a thik vang ngawt in ka thiantha ber ka hlamchhiah theilo




"Kha chu kan sawifel tawh,thian chauh kan ni" ka tih chuan Rocco chu a mengpual ralh a ,ka kawng ah a kut pakhat zenlut in a lam ah min pawthnai salh a ka bengbul ah lo kunhniam deuh in "ka mitmei reng dawn a nia,a hnaih tak ah awm hlek suh ang che" a tih sup chuan tum loh deuh in ka nui chhuak hawk ,min kuah na a thlah thawl a mit tizim sun aamin en chungin " tun ah khan nuihzatthlak ka sawilo" a ti deuh nghut,a hmel tum bur nen chuan naupang a thil duhloh zawng sawi avang a titau nen ka tehkhin ber





"Ka thiantha ber hnaih lo tur in min ti a nia a va harsa dawn ve tun ah pawh a bike in kan khua thleng kan inphur dawn sia,imm mahse ka lo tum ang hnaih tam lutuk loh chu" ka tih chuan a nui ve suk a,a nuih zawng a a mit bul a vun chuar rawn lang ralh chuan a ti lang pa hliah hliah in ka hria








"Good girl!! kal ang le,ka saw i thianpa in a nghak che naktuk ah kan inhmu dawn nia" tiin ka chal ah chuan a fawp zeuh a,Nicolas awmna lam ah chuan min kaiphei nghal dawt dawt




"Fimkhur ang cheu,i accident pui chuan i chaklo ang" Nicolas melh run chung in Rocco chuan a ti nghut a,pawisak loh hmel tak a Nicolas lo nuih suk vang chuan ka chil ka lem dawk an ni pahnih hi in ngaih viau lo mahse keimah vang chauh a in haw lutuk ang a lang lo mai chauh an ni in ka hria,eng emaw hlek ah an inkheu tawn sek a awmlo ngat ila chuan an inkhawih duh hial maithei a ni





"Lungngai suh nang aiin ka enkawl tha zawk ang,i lo lan ve hma pawn ka enkawl tha lutuk tlat" a helmet khum pah in Nicolas chuan a tideuh kher a nuamlo ka ti ngei mai ,Rocco chu rum nghut in Nicolas chu a chhanglet tawh em lo keimah zawk chu min lo en in ka lo nuihlui sen sen a thaw hawk a min kaltir hreh hmel zet in min en bawk bike ah ka thu at tawh a ka tukhum ah dawm in a chal in ka chal a siktir a " ka lo kal vat ang" a ti sup a ka nui seih ka chal a a fawh leh zeuh hnu chuan kan khaw lam pan in Nicolas nen chuan kan inphur chhuak ta a








Kan khua kan thlen chuan a tlau ruih tawh ka chhungte ho ni hmasa lam a an lo han haw hmasak avang in kan buai chung chung lo a a zia,Nicolas chuan ka room chu a hmang a keipawh ka nau room ah ka awm ve leh …zan ah chuan inchung ah boruak thianghlim dawng tur in ka chho a,ka chhoh hnu reilote ah Nicolas pawh a lo chho ve bawk,ka chhungte nen an in hmuh fo tawh vangin ka tello pawn kan in ah hi chuan a tlangnel em em







"Inhnuai lam ah ka lo zawng che a "a rawn tih sup chuan ka lo nui seih "naktuk zan mai ah man hlan a ni tawh dawn sia zan in chauh ka bestfried a fal a kawm na hun ka nei tawh dawn tihna" a tih sup chuan Nicolas chu ka melh ralh a hmel ah fiamthu na a lan avang chuan ka ner nang






"Ka kuah thei che em" a rawn ti leh sup chuan nui var var in lu ka bu nghat nghat a chu veleh a lam ah min pawthnai in min kuah nghal vang vang "pasal nei mah la i thiantha ber hi min hlamchhiah hauh suh ang che thupek a nihchu" a tih chuan ka nui hak






……



Zan a liam a a tuk ah Rocco te pawh palai nen an rawn chhi ve a,kan chhungte indang ah an ni erawh an thleng thung chawhma lam a lo thleng an nih vang in Rocco chu a rawn lawr zut reng a,a ka in sawichhuak lo mah se kan in a ngampa tak a Nicolas che vel chu a ruk tak chuan a ngaithei vak lo tih ka hria,mahse inneih na te a zo a nga an inkar boruak chhia hi chu a zia ve thuai ka beisei








"Gigi" rawn ti tu lam chu ka hawi vat a , room kawngka bul a Rocco lo ding reng chu ka hmu nghal shirt var ha in jogger pants uk a ha bawk ,a sam kawisawi niai chuan a tilang pa hliah hliah …"i hman lawk em" a tih sup chuan lu ka bu zeuh a,a lu chu pawn lam a thle bak in "min lo zui lawk la kan reilo ang" a tih leh sup chuan a lam pan in ka kal ve nghal thuai,a bul ka thlen rual in ka kut ah a lo vuan chawt a ka en chhoh ha chuan nui suk in ka hmui ah a rawn fawp zeuh, "kal ang le" a tih chan inchung lam ah kan inzui chho a ,pawn lam ah min kaichhuak in a car ah chuan min thutluh pui a "khawnge kan kal dawn" ti a ka zawh chuan nui suk in "i la hre mai ang" a ti duh chauh ringawt ka hmui hnuailam ti pawrh zeuh in "kan reilo tak tak ang maw" ka ti leh talh , min rawn melh zawk pah in "reilo ang" ti in car chu a start a khawi ah nge min hruai a tum ka hrelo






Car desk box chung a a phone dah chu a lo ri a, Rocco chuan phone chu a ban vut a screen a en rual chuan a ner zui sawk bawk,phone chu chhanglo in a hmetthim a car hmalam ah bawk a thehkai leh nghal "tinge i chhan loh a' ti a ka zawh chuan min rawn melh zawk in " a pawimawh vak lo a" a ti mai a,mahse screen a hming lo lang kha ka lo hmu ru kiau eng vang in nge tun thleng in Brenda hian a lo la call ,ka ngawi reng a ka ngaihtuah na vak kual nasa lutuk chu reilote chhung pawn ka hah pui hman takzet ,thudik ka mamawh thudik

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:40 pm

Vawiin hi kan inneih ni a ni tawh phur a hlim viau tur ka nih lai in chutiang ka ni hauh lo ka chhungte lak ah erawh mawi hnai chuan hlim hmel tak in ka awm thung..Nicolas ka ngai takzet sana lah chuan vawiin ni hian a ban vei a tichak sauh emaw tih tur in hun lah a kal duak duak mai bawk si,mo chei tur an lo kal a min chei mawlh mawlh ka ngawng chhuih a hlim luih hram hram ka tum,hmangaihna vang a in nei tur te ah kei chauh hi hlim lo awm chhun ka ni ngei ang...







Engtin tin emaw inneih boruak chu kan zo ve thei hram tu te mai pawh chu an hlim vek a keichauh hi thinlung tak a hlim lo ni awm hrim in,Rocco in ah kan awm a a chhungte pawh an thahnem ang reng khawp mai,kan boruak chuan min tihah takzet tawh,thenrual mo lawm an tin darh tan a Rocco chhungte khat tlem leh ka chhungte bak kan awm tawh lo inthlak ka duh tawh vangin room lam ah ka chho a room ka lut chiah chu ka thaw hawk thei,inneih boruak vel hi ka zo lo lam hret a ni …"Gigi i awm em" ti a kawngka rawn chum tu chu tunge tih ka hai lo a ni chiah a ni 'Gigi' ti a min ko thin tu chu.."lo lut rawh" ka tih chuan Rocco chu a rawn lut nghal a a suit hak chu a inhmeh takzet ka zep lo vawiin hian mopa hmeltha ber a ni ngei ang ,.a coat hak chu phelh thawl in khum ah chuan a thleh thla nghal mai a a mah pawh khum ah a mu pharh nghal duai unneih boruak hian tichau ve tho tih ka ringthiam mai,ka thawmhnaw ho pawh kan la rem fel lo kan la dahhnawk nuai mai ,inthawk ka duh tawh em avang in ka laguage lo hnai ber chu hawng in thawmhnaw hak nuam deuh tur chu ka thlangchhuak a ,kan lawikawr hak chu a hnunglam zipper kan vuah tir vangin mahni chuan ka phelh thei mai lo,khum a mu pharh duai pa chu ko in









"Rocco min lo pui lawk " ka tih chuan a lo tho ve mai a,tun ah chuan ka pasal a ni tawh a ka zak vak lo "zipper hi lo phelh teh" ka tih chuan ka hnung ah a rawn ding nghal run a a mi uapna na zet hnuai ah chuan thawk k la ve tawk tawk ni ber in ka hria ,ka sam chu ka dar hmalam ah rawndah liam in muangchang chuan ka kawrhnung zip na chu a phelh a ka lo tang ru teuh lehnghal ,hmui lum tgar thar in ka nghawng a rawn thawh chiah chuan ka mur chuaih in ka hria "i phelh zawh tawh chuan ka"





A taksa bet thlawp in a hnung zawng chuan a lam ah min hnut hnai a,ka dul zawn ah a ban a suihzawm nghal hmiah bawk ka nghawng zawn ah chuan a thaw lum ham ham a ka bengbul vel te chu a nul thuak thuak bawk,ka taksa lo tang nghal at chu atthlak ka van ti tak ka hmui pet fan fan in ka chhing diar diar a,he mihring hian min deh tawh chuan ka danglam hma lutuk hi keimah pawh mak ka inti thin "tun ah chuan ka nupui diktak i ni tawh a,ka dim dawn lo che nia,zanin hian a tawp ka thlenpui tawh dawn che "ka bengbul ah chuan a ti sup a a aw ril ruih chuan ka taksa chhung zawng zawng hi a fan chhuak vek ni mai in ka hria,ka khabe ah a kut lehlam a dawm in fawh rem tur in min kuai dak deuh a ka hmai zawn a a thaw lum ham ham te chu ka lo hip lut kawk kawk thei "ka nupui" ti sup in duhthawh lutuk hian min fawp nghal tawn tawn keipawn ka lo chhanlet rang viau,rum nghut in min pawm lawp a khum lam min panpui in khum ah min thehkai nghal miah,ka taksa in khum a deh rual chiah in ka chung ah Rocco chu a rawn bawk ve nghal zat a,ka sam in ka hmai a hliah lai chu hui kiang deuh in duhthawh lutuk bawk in min fawp leh nghal tawn tawn ,a kakawr hmalam rawn puar talh talh pawh ka lo feel thei ka puan bih chu a thehhlim a a kut hrawlpui hmang in ka mal tawp thleng rawk chuan a rawn zut chho a ka lo rum hak










"Rocco a hun lo,inhnuai ah ..midang an la awm a nia"thaw hlawp hlawp in ka tichhuak thei hram ,a rum hrawih a ka awm ah a hmai a phum nghal hmiah rawn inbengkang leh deuh in ka hmui ah bawk a fawp tawk a "haw vat hlawm se a tha ang" a ti chhuak hrawih,a aw khur hluk atang te chuan insum theih na a tlakchham zia ka hrethei ,ka nui hak a min tizim sun in min en thung "tho teh i rit a nia"ka tih chuan a rum nghut a vawikhat min fawh leh tawk hnu ah in la hrang in ka sir ah chuan a letthla thawk a chunglam hawi in a thawchhuak nghal ham ham "ka nupui i ni tawh chung pawn insum ka la ngai chu a nia,ka ti tak tak khung ho khu haw vat teh se an hnawk tan riau' a tih chuan nui hawk hawk in khum chu ka thawh san a Rocco pawh a nui ve tho,ka inthlak chhung zawng room ah chuan a awm ve ta reng a,room tawm bo reng theih ni hek lo kan pahnih chuan inhnuai lam ah kan inzui thla leh a,ka ngaihtuahna hahthlak zet dahtha in nuam ka ti tan viau mahse inhnuai kan thlen a choka atang a rawn chhuak te pahnih vang chuan ka nui lai ka tawp chawt biakin ah khan ka hmu miah silo a hetah hian enge an rawn tih Bety chu ka hrethiam Rocco hian nau ang tak tak in a en tih ka hria ,ka lak ah mawilo tak tak a a chet thin a bansan tawh vang in a lo kal hi pawi ka ti hran lo mahse Brenda ve thung hian hetah enge a rawn tih







"U hlute ka lawmpui lutuk cheu a nia" ti a nui sang in Bety chuan min rawn kuah thuak a keipawh ka lo nui ve mai mahse Brenda hmel a min nuihzat na ni awm tak lo lang kha ka hmuh hmaih awzawng lo, "ka lawmpui a cheu nupa hlim tak in nuh ngei ka beisei" Rocco leh kei min melh ralh pah in Brenda chuan a ti a Rocco a melh dan ah chuan ka lawmlo leh viau tawh "Hlu lo kal lawk teu in nupa khan"kan piah deuh atang Nicolas an a rawn tih chuan ka lawm lutuk ringawt he nu hmel hmuh hi ka chak lo a bulhnai a awm reng pawh hi ka peih lo ,Nicolas te lam kan pan dawn lai a Brenda leh Rocco in melh zeuh chu ka lo hmu leh hman hram ka thin hi a phu nghal dawt dawt in ka hria eng vangin nge tikhan an inmelh Brenda chauh in melh se chuan ngaihdan dan ka thiam ang mahse Rocco pawh khan eng vang a melh let ve ralh nge a nih,ka rilru an tibuai takzet ka thin a rim ru teuh bawk,mi zing a thinrim lanchhuah tir vak lah thil mawi a ni bawk lo nen rilru a min kam tu nei tun chung in kan hun hman chu ka tlingtla a ni ber ,zan a ni a midang pawh an haw vek tawh Rocco chhungte lam pawh an haw rem vek tun ah hian kan pahnih chauh he in lian leh zau pui ah hian kan awm tihna a nihchu,









Shower nei tur in bathroom ah ka lut a,ka intihfai zawh hnu ah inhnuai lam tang Rocco a lo chho ve chiah eng emaw hi glass no ah a rawn keng a "tinge min lo nghah loh inbual rual ka duh asin" a rawn ti thum dut ka lo nui ringawt "eng a " tiin a thil lo ken chhoh chu ka zawt a khum bul side table a dah pah in " khawizu leh sertui chawhpawlh a nihhi in la i chau lutuk pawh a zia hawk mai ang" a tih chuan bu nghat in no chu ka ban nghal a "ka va inbual ve lawk lo la mu suh ang che" ti a nui huk in a phone chu khum ah a theh kai a a towel chu ban vut in bathroom lam ah a lut ve nghal









A thil lo ken chu ka in a a sawi ang tak tak in ka zia huai huai in ka hria, khum bul a ka din lai chuan Rocco phone ah message a lo thleng a,eng in nge min mawlh pawh ka hrelo a message chu en chak na ka nei tlat 'enge ka pasal a nia lawm' ti rilru chung in phone chu ka ban a lock ka phelh hnu chuan a message dawn chu ka en a ,ka mengzau nghal kawk kawk ka kut rawn khur nasa lutuk vang chuan phone chu ka thlauh lo chauh










"Engkim a tha em" rawn ti tu chu ka en nghal vut ,a sam huh hlap chu a hru mawlh mawlh a boxer chauh a ha bawk ,ka mittui a lo hnai nghal kuar mai,ni e a message dawn chu eng dang nilo in Brenda nen an in kiss lai thlalak a ni,thlalak hi a la reilo hle tih pawh a hriat a chhan chu nichin mai a a thawmhnaw hak kha thlalak ah hian a ha miau a,khaw thim deuh chhulh tawh hnuai ah ni in inchung lam a a lo chhoh hma lawk a lak a ni tih a hriat takzet bawk ..mittui tling pam in Rocco chu ka melh ngawt ngawt kan inneih zan ah he in a ka lawiluh hmasak ber zan ah phatsan in ka awm a nihchu "e nge a" ka awmdan ah a ngaih a tha vak lo a niang Rocco chuan min rawn pan a,ka lo tawlhhnung dat thung "mi..min lo hnaih hlek suh tenawmpa" ka ti chhuak thei hram ,ka thinrim leh rilru na bawk si chu ka aw a khur dar dar thei "e nge maw i hriat reuh le,lo kal teh" ti a a lam a min pawh hnaih a tum chu lo persawn leh in "Zothanpui i kut tenawm khan min rawn khawih tum hlek suh!!' Ka lo ti nghal that ,a ding chawt a min hriatthiam loh hmel zet in min melh ngur bawk "min ti hrilhhai a nia Gigi enge i hriat tehhrep a !!" A tir lam chu zawi viau mah se a tawp erawh a vin ve viau thung, " enge ka hriat maw,kha hei hi en rawh,ti hian enge ka hriat min la zawt dawn cheu em" ti nghek in Zothanpuia lam ah a phone chu ka vawmphei a ,rum nghut in a phone chhuat a let bal chu a chhar a,phone a en ve chiah chu a hmel ah danglamna pakhat mah zuk lang lo a "chuan" a rawn ti nghut a nih chu,ka tah chhuak lutuk hi ka hrawk ah a rawn in hnawh ut ut tawh









" kan inneih zan ah phatsan ka ni tih tikhan a chiang " ka tichhuak halh,a thaw hawk a "ka phatsan lo che" a rawn ti nghut ,finfiahna chiang lutuk a awm chung pawn min phatsan lo tih a la sawi ngam a nia zahna a nei hlawl lo hepa hian ,rilru na lutuk in Zothanpuia chu ka melh ngawt ngawt "finfiahna nen kha chuan min phatsan loh thu sawi hlek suh!!' Ka ti leh that a,ner sak in a inher vut a a thawmhnaw bawk a hawng nghal ruk ruk,min ngaipawimawh lo lutuk a chutiang a a awm te chuan ka thinrim a ti zual sawt,"Zothanpui khatin min ngaipawimawh lo lutuk khan awm suh" tiin ka au leh nghek a,ka lam lo hawi vut in "C.mon Gigi tawmhnaw ka ha mai chauh a nih hi" a ti duh chauh thinrim ang pawn a lang ve leh tawh lo,chu te hlei hlei chuan min ti thinrim sauh.."inthen lehnghal ang ka haw leh nghal dawn" ka tih chuan a shirt in thawlh zo chiah chu a rawn inher vut a a hmel landan chu a nelawm loh takzet bawk "eng maw i sawi kha" a rawn ti bung vut a "inthen ka duh,inthen ang kan inneih zan a min phatsan nghal thei tu mipa bul ah hian ka damchhung hun hman ka duh lo" ka tih chuan Rocco mitmeng chu hlauhawm khawp in a rum tawh "ngawi hmak rawh Lalrinhlu kan innei ve chiah ,inthen lam kha sawi hlek suh ,ka phansat lo che ka tih chuan awih mai rawh!!" Rawn ti hrawih tu chu tah chhuak lutuk in ka melh ngawt ngawt












"Ka hua che Zothanpui ka haw lutuk che,phatsantu i nihkha phatsantu!!' Tiin ka au khum leh nghek ka mittui lo luang ve sek chu duh lo in ka hru tawk a,"ka lo kir leh hun ah chuan i lo inbengdaih tawh ka beisei,chhuah kha i lo tum a nge pawnlam ah in hi ka kalh dawn " ti in room atang a chhuak nghal daih a rum lutuk in ka melh zui nghek " Zothanpui khawnge i kal dawn,kha hmeichhe bul ah khan i kal dawn em ni lo let rawh!!" Tiin ka au nghek a mahse min chhang tawh lo ,khum ah chuan ka thu hnawk a ka awmzawn tawt lutuk chuan thawk a ti harsa takzet ka kawrhma chu tham tawk in ka biang ah mittui a lo luangchhuak nghal zung zung..hei hi em ni Nicolas an "Rocco hi ring suh,nagmah ngei in zawngchhuak ang che" a lo tih chu ,a ni hi Brenda nen an lo la inkawp reng tih na,engtin nge hetiang hian ka chung ah a tih theih zawk













(Guys ka nuamlo lutuk a zanin chu tawi hret mai teh se mood ah pawh ka cheng theilo)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:40 pm

Zan khua in Rocco chu a chhuak a kan nupa khum zaupui ah chuan keimah chauh in ka mu kawm chal,inneih zan a sex hmanglo awmchhun kan ni hial maithei a ni..ka tah na vanga lu rit bur in ka thochhuak a in zaupui reh duk si ah chuan ka hawikual rek rek Rocco hmel hmuh tur a awm lo,choka ah ka lut a rawng ka bawl nghal melh melh chutih lai chuan Rocco pawh choka ah a lo lut ve hlawl ,a hmel pawr phang atang chuan a mu miah lo tih a hriat ngawih ngawih bawk,melh pawh melh duh lo in ka thil tih lai ka chhunzawm mawlh mawlh..inthlahrung hmel deuh tak in chair ah chuan a thuthla ruai ruai a







"Ka tihpalh" ti a a phun sup chuan ka nui chhuak hak,Rocco lam hawi a inher in a mit ah tak ka en a " i tihpalh" tiin a vawihnih nan ka nui leh hawk ,ka thil tihlai bawk ka tih zawm leh mawlh mawlh a ,ka hnunglam atang min rawn khuah chuan ka tal nghal nghek engtik lai in nge a thutna atang a thawhchhuah hman ka hre lo,rum tak in Rocco chu ka melh nghek a "kan inneih zan ah i chhuak bo a zankhua in i rawn haw lo,chuan i sawi theih zawng chu 'ka tihpalh' tih chauh hi maw!!" ka ti nghal hlar Zothanpuia ka ngei zia chu ngei tak ka ni "Gigi" a ti sup a,thawk zin hmel fe in a thaw halh bawk "i hriat ve theihloh thil tam tak a awm asin " a rawn tichhuak halh ner sak chungin ka melh ralh a,a nupui ka ni tawh chung hian ka hriat ve loh tur thuruk a la nei cheu a nia,eng ang mi nge pasal atan a ka lo neih mai hi tih pawh ka hre tawh lo e.."ka hriat rem velo tur thuruk i lo nei a,a tha a tha lutuk" ka ti leh nghek,eng emaw ngaihtuah nei niawm tak in min en ngur a kei erawh tun ah hian ka tah a chhuak takzet,nimin mai ah pasal ka nei a ka pasal neih zan ah pawh ka pasal nen hun kan hmang dun theilo a,chumai bak ah kan zing hmasa ber atang inhauh na in bul kan tan a,kan inngaihzawn lai khan inhau ve thin mah ila hetiang tehhrep hi kan ni ngailo a sin











"Min ring tur in ka duh che" a rawn tih sup chuan a hmai a ka ben sawk loh nan ka kut ka hum ruh ngar ngar,chiang lutuk a phatsan na ka hmuh hnu ah a mah ring tur in min la ti thei chu a ni a "hah,nangin hmeichhia i kawpkual a nga,chu chu kei in hrelo ang mai in nang ka lo ring em em che a nga ,chu chu mi i sawitum" elhsen deuh tak a ka tih chuan a bek a thisen zam a pawng talh talh mai,a mitmeng thim ruih chuan min melh ngur a hmeichhe tam tak chuan tawng miah lo chung pawn a landan atang ngawt pawh hian an hlau ang,mahse hmeichhe dang ang ka ni velo tlat, "eng pawh nise ka phatsan lo che a,nangchauh hmangaih ka nei bawk chu chu i hre dawn nia,ka tih tur ka tih zawh ah chuan engkim a fel vek amg ka tiam a che" min rawn pan hnai deuh in a ti sup a ka lo tawlhhnung dat thung 'min phatsan lo a nih chuan i thuruk ka lak a i zep tlat chu tun ah hian min hrilh rawh" a mit a enkar chung in ka ti fak a, a lu thing nghut in " tun ah chuan engmah ka hrilh thei lo che" tiin min chhang a nihchu,






"A tha ,min hrilh thei lo a nihchuan min hrilh suh ka hrechak nek lo e" ka ti leh hlak,mahse 'ka hrechaklo' ti tak mah ila a thuruk chu enge tih ka hrechak takzet a ni ,. "Tlai ah kan sawitha dawn nia" ti nghut in choka atang a chhuak zui daih a nihchu..Rocco awmdan chu awihlo lutuk in keimah chuan ka nui chhuak leh hawk thin a nihna tak ah chuan ka tah nuih a ni zawk mah ang chu, ka thinrim lai a min ngaipawimawh lo zet a min kalsan dauh te chuan ka thinrim a belh a ,room a han chhoh ve a han ham bawrh bawrh mai te chu ka duh ut ut hman hial a ni









College ka kal tawh bawk silo,inlam ah tih tur a awm lo bawk nen Rocco chhungte ka nu te timai ang ,an inlam ah ka kal ta tawp ka thlen chuan min lo lawm thiam viau a nite-i pawh a lo ri chul mai ,Rocco room ni thin ah ka lut a,ka luh hnu lawk a nite-i a lo lut veleh "nizan lam boruak te e nge, pasal neih chu a nuam fu lo maw' tiin a mitko min san khum ak a,kei erawh nizan kan boruak ngaihtuah zui in ka thaw hak 'mate diklo a awm em ni i hmel kha a dik miah lo' ka awmdan vangin a ngaih a thalo a ni ngei ang,ka bul ah nite-i chu a rawn thu thuai a ,"ka hrelo nite ih englo a nia" ka ngawi leh dat ,mothar tuk atang pasal a chhungte lak a han zualko nghal chu thil dik ber ni in ka hre bawk silo,thawk la hawk in "eng mah nilo' ka ti leh ta zawk a "tak tak em,sawiduh nei i ang ka ti" chik hmel fe a min en in nite-i chuan a ti leh hram,a ngaih tih that nan ka nui lui var var a " engkim a tha lawm nite ,inneih boruak vel khan min la tichau ni ber in ka hria" ka tih chuan ,nite-i pawn engmah min zawt zui ta bik lo "nia keipawh ka chau,mahse nimin kha chu a nuam tawp i thianpa kha tunge" a rawn tih tak daih ah chuan ka mood pawh tlem in a rawn thlak ta deuh 'tu ka thianpa maw" ka lo tih chuan nite-i chuan ka ban bul a ben deuh thlawrh pah in "kha bike nei kha,i bul ah pawh a awm tam ngang mai" a tih chuan Nicolas a sawi na a ni tih ka hre nghal mai "Nicolas,tinge min zawh" ti a ka zawh let chuan nite-i chu a nui vur vur a "ka duh chi tak" a rawn tichhuak sep ,chuan tun ah khan nite-i hmel ah zahna ni awm tak a lo langchhuak ve a nihchu










Tlai lam ah nite in kan inthleng min thlah a a haw leh hnu chuan mahni chauh in ka awm ,a reh in tih tur vabg tak a ni,Nicolas leng tur in ka sawm ta tawp a lo thlen hnu chuan coffee ka siam sak a sofa ah thu in eng eng emaw kan sawi mai mai 'Nico,zep lo in min hrilh rawh Rocco chungchang hi enge hriat i neih' ka rilru a ka vei run chu ka sawichhuak ta nge nge e,min rawn melh zawk a a mitko a san zeuh bawk ,thaw hlial in Nicolas lam chu ka hawi a 'Brenda nen hian an la inkawp a ni tiraw" ka tih chuan Nicolas hmel danglam nghal chu ka hai lo nasa,ka sawidik a nih ngei ka ring nghal hmiah bawk a coffee no chu center table a dah in min rawn melh zeuh a ' i hrechhuak ta a' a rawn ti sup,ka rin sa ni mahse Nicolas a ngei in an sawi leh chuan a mi den dan a na em em tho,ka mittui chu a tlak mai loh nan ka mit ka khap fak fak a "keipawn ka hriatna a la rei bik lo,mahse ka lo hre diklo pawh a ni thei a chuvang a nia nangmah ngei in zawngchhuak rawh ka tih che,i pasal pawh be ve chhin hrim hrim la" a tih chuan ka kut vei zeuh in a tawng lai chu ka lo pawtchat a "nizan ah ka finfiah vek tawh" ka lo ti halh,min lainat hmel tak in Nicolas chuan min melh ngar a tawp a tawp ah ka mittui chu a lo tla ta nge nge,hru vat mah ila a dang a lo la luan belh zel tho 'he mittui ve sek hi tinge a lo luan ,ka tap miah lo a nia a mah in a lo chhuak ve ringawt a nih hi" ti a nui lui hak in ka mittui chu ka hru a,Nicolas chuan a awm ah min kuah bei nghal thlawp









Chutah zawng insum na tel hauh lo in ka tap chhuak ta hak hak, chutih lai chuan kawngka a rawn inhawng phut a Nicolas nen pawh kan dakchhuak rang hle kawngka bul mai a rum lutuk a lo meng ka hmuh rual chuan ka thin hi a tawt nghal up up ,ka thinrim a ka tah a chhuak a,ka hma a thinrim tih hriat zet a ding mek chu ka haw ngawih ngawih bawk "ka awm loh lai in lo chuh elaw" rawn ti tu chu rum mangkheng in ka melh nghek Nicolas an ka kut a vawn chu a rawn en nghal chat a chutah engtik lai in nge kan bul a lo thlen hman tih tur khawp a chak in a rawn chhe phut a ni ber,Nicolas kawrawm ah chuan tham in a hnek let nghal tawp, "Zothanpui enge i hriat hrep a!!" Ka ti nghal tuarh min en en chiah chu keipawh ka ti nghal dak thei a mitmeng a sen rum a min huat hmel lutuk in min en bawk "kei nilo in nangmah zawk hi a ni phatsan tu chu tenawm dun lutuk"ti hrawk in Nicolas a lo tho chhuak chu a chhuih zui leh chawrh a ka lo au leh that ,"i rapthlak lutuk Zothanpui" ka ti khur hlak ,a nui hawk a a nui ri te chuan min rap takzet tun a a chetdan nunrawng zet hi chuan a mah Zothanpuia ai mah chuan ramhuai pawisak nei miah lo a an tir ber Nicolas chu ka buaipui nghal vat a ka kaihthawh hnu chuan rum lutuk in Zothanpuia chu ka melh vak 'nang a tenawm tur ah min ngaisuh nang ang kan ni lo,phatsan tu leh uire chu nangmah i nihkha!!" thinrim lutuk chuan ka ti chhuak nghek ,Rocco chu a ngawi ngul a thip lutuk in min melh run bawk a kut ruh tak in a hum a a kuttum chu hman leh mai hreh hmel a pu hek lo








Nicolas chu pawnlam pan pui ka tum a "Lalrinhlu khawia kal nge i tun tah khan ding rawh!!' Rawn ti leh nghek tu avang chuan ka ke pen ka chawl dat "lungngai suh ka chhuahsan lo ang che,uire pa vang mai mai a chaklo tak a chhuah mai mai ka tum lo," ti hmak in pawn ah Nicolas chu ka kuah chhuak a












Rocco Zothanpuia pov




Pawnlam a inkuah chhuak ta te chu ka thlir zui reng Gigi leh Nicolas chung a ka chetdan dikloh zia ka hria,Nicolas hi misual a nilo tih pawh ka hria,mahse rilru hah lai tak a Nicolas leh Gigi inkuah ka hmuh khan ka insum hman ngang lo a ni,he ka thuruk hi tumah hrilh thei dinhmun ah ka la ding silo ,ni e tun ah hian Brenda nen kan inkawp leh mek,nizan pawh khan midang zawng haw hnu ah pawh a la awm tlat a ,Gigi in tur ka siam lai khan min rawn fawp thut ,chuan tunge kan thla kha lo la ka hrelo bawk ,mahse rin chu ka nei Brenda ka atang hriat ka neih ka in beisei a mahse engmah ka hrelo,chuan nizan thinrim tak a Gigi ka chhuahsan khan Brenda inlam ka pan a inchhung ah erawh ka lut lo luh ngailo in ka mi hmuh duh tak pahnih te chu pawn ah an lo in bia a ka hriatchhuah tak chu Brenda hian engmah tak tak a hrelo a ni hi chu hmanrua chauh a ni








Brenda min duh na hi Bety hian a hmang tangkai a ni,ni e hei hi ka thuruk chu a ni kei hi Lalremruata phirpui ka ni,he thu hi ka hriatna a la reilo bik lo thla tlemte kalta chauh a ka hriat a ni ,Gigi hian Remruata falak a ni tih min hrilh tawh chutah chuan mak tih vak tur a awm lo,mahse a mak ber zawk chu kan hmel leh pianphung in ang chiah chiah kha a ni,Bety te in ah vawikhat chu ka kal a ,Bety min ngen na vang a ni a chhungte hmu tur a min duh vang a ni a room min hmuh a chupawh chu dan pangai ve mai ah ka ngai,inhnuai ah thil theihnghilh a neih thu a sawi a a thul theihnghilh a lak chhung chuan a room chu ka lo enkual ,chutah chuan a ni he tiang rinhlelh na hi ka lo neih tak ni ,a khum lu a dairy ni awm tak chuan ka mit a la tlat ,kan pehhel viau na in eng emaw min mawlh tu awm ang mai hian chu dairy chuan min hip deuh tlat,a tawp ah chuan ka la ta nge nge dairy chu inthiamlo ru tak in ka keu a a nitin hun hman dan vel bak a tir lam ah chuan a in ziak lo mahse ka en thui zel a ,a u Remruata lak a a rilru putdan diklo zet chu ka hmu ta a ni,a ni hian Remruata kha a lo ngaizawng reng a ,a tawp lam a phek pakhat chu a in pawt thla daih a thuziakchu hriat chak viau mah ila a in pawtthla miau si a ,thawm ka hriat tak avang in dairy chu a ngai ah ka dah leh vat a ,nui vat vat in Bety chu a lo lut a he a nui hmel phen a hmeichhe tenawm tak inthup hi tuman an hmu thian kher lo ang le






Bety te in ka chhuahsan hnu chuan ka ngaihtuahna a kal bing khawp mai,Remruata kha khan hun chhung zawng khan Bety hian unaupa ang nilo in inngaihzawn na lam in a ni a lo en thin,thil tam tak inphum ru a awm ngei ka ring a hriat chakna ka nei tlat bawk,Remruata nen a kan hmel in an zia te ka ngaihtuah kual a,kei erawh phirpui ka neih awm ka hre silo kar khat chhung teh meuh chu chuthil chuan min tibuai,a tawp ah ka nu te ka bia a ka rinloh deuh in phirpui chu ka lo nei ngei mahse a pianhlim in a ti a ni awm e , tichuan ka nu te thusawi atang ngaihdan ka nei ta a,Bety te in a kal leh dan mawlh ka ngaihtuah ta a ,Bety college bang ka lo chang ta tawp,ka chang chhuak ta ngei ,an in a thlah ka tum tih a hriat chuan a phur ngang mai a thuruk ka hriatchhuah hnu a ka chik tak deuh hnu hian ,ka lak a a rilru put hmang hi ka hrethiam chiah bawk,an inthleng chuan ka thlah a Remruata room a luh dan mawlh ka ngaihtuah a chhungte an awm lo hlauh a ,room a in thlak hlan in Remruata room ah chuan ka lut thei hlauh a thil engmah chu an lo la paih lo a a room chu nitin tih fai tih hriat tak in a felfai tlap bawk ,bathroom ah lut in a hmuk mehna chu ka la a DNA test ka neih tir ta a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 25th, 2021, 6:40 pm

Lalrinhlui pov









In a ka haw leh chuan Rocco a lo awm lo,in neih hlim atang kan buaina tawh hian min ti hah takzet,zan dar 7 a ri tawh a mahse Rocco a lo la haw lo,ka thinrim bawk si,rilru na bawk si nen chaw ei insiam rawk rawk in ka ka khat tun in chaw leh chawhmeh chu ka hnawh tun,ka mittui lo far fap chu ka kut hmawr a hru tawk in ka ka ah chaw ka hnawh leh tawn tawn a,chutih lai chuan choka lam pan a ke pen thawm ka hria a "eng thil nge i tih " tih ri ka hre zawm nghal zat "i hmuh ang hian chaw ka ei " tiin ka in hrut deuh hraih a ,ka thil eilai ka eizawm leh mawlh mawlh ,ka bul a bowl let rem rum tawh chu Rocco chuan lakang in dawhkan ah chuan a thehthla deuh rawk a "heng hi nangmah in i ei vek em ni,Gigi min chhang teh tinge hetiang em em i ei"min ngaihtuah hmel tak a ti tu chu ka va han haw tak tun a min ngaihtuah hmel tak a a lanna pawh hi lemchan na vek a ni leh tho ang ,engtin mah a chhang lo in ka thil eilai ka chawl chuang lo








"A tawk ei tawh suh,i pum tan a tha lo" ti a ka thleng min laksawn sak tu chu rum fe in ka melh nghek,Rocco chu a thaw hawk a ,ka bul chiah chair ah chuan rawn thu ve in ka kut dawhkan a ka hlankai chu a rawn vuan a laksawn ka lo tum vat,mahse Rocco chuan ka kut chu a vuannghet sauh thung ka tawt up up a,an khum hrep a vin nghek ka chak zek zek bawk ,Ka tah chhuak lutuk chu ka hrawk a na vek tawh ,a tawp a tawp ah chuan ka tap chhuak ta nge nge pawnlam landan ah chuan mi chaktak ang in lang thin mahse,chhungril ah chuan hmeichhe derdep tak ,dimdawi ngai leh a hmangaih thlahlel em em tu ka ni ve tho si a ," ka tihpalh Gigi" ti sup tu awm ah chuan ka chum nghek ,min dang lo a ka tih ang ang in a awm tawp a kawrawm ah ka tham tawk a ka tap ring sauh bawk







"Engtin nge ka chung ah hetiang hi i tih teih,kan inneih ve chauh hi,mihring pawh i nilo ramhuai i nih hi ramhuai!!" Tiin tap pur chung chuan ka au khum nghek nghek,ka tih ang ang a a lo awm ve tawp te chuan ka thin a tirom sawt emaw tih mai tur in ka chhungril hi a so bulh bulh a ni ber "eng emaw sawi rawh,Zothanpui ka chung ah hetiang hi engvang a tinge i nih" ka tih leh nghak chuan a awm a chum leh ka tumna ka kut chu a pahnih a lo man in chiang tak in ka mit ah chuan min en a "shhh..a tawk Gigi naktuk ah engkim ka chingfel ang,ka tiam a che ka chingfel vek ang min ring rawh,midang in engpawh sawi se ka sawi loh chu engmah awih suh ,min en teh Gigi ka mit ah hian en teh" a kut pahnih a ka biang khuap in a hmel ka hmuh chian theih nan min kuaidak deuh a mittui luang ngiai ngiai chung in ka melh ta kiau " naktuk ah engkim ka hrilh ang che,ka chingfel phawt ang min ring tiraw kei hian ka bum lo che ka hmangaih lutuk che" Rocco chuan a ti sup a,a thusawi hi awih tur nge awih loh tur ka hriat loh ang bawk in a ni hi ka rin leh rinloh ka hre hauh lo ,mahse ka thinlung chuan Rocco hi ring tur in min duh a ka chhia leh tha hriatna erawh chuan ringlo tur in min ti thung









"Ka mit ah hian en rawh enge i hmuh ,Gigi nangmah hmangaihtu chiang tak in i hmu ang ka tiam che ka tih kha engkim ka chingfel ang" tiin a awm ah chuan min kuah bei thlawp a ,mak tak in ka hahdam nghal huai huai in ka hria ,zankhua in ka ngaihtuahna ka kawm a ka mu tlem takzet a tukzing hma tak ah Rocco chu a chhuak daih a in a lo awm tawp chu ka tih tur a ni ta ber
,chhun thingpui in hun vel ah ka phone a lo ri a Rocco a ni





"Hello" ka tih rual chuan "Gigi tun ah Police station ah lo kal nghal rawh" a rawn ti nghal a ngaihna ka hrelo takzet ka tawng leh hma in phone a cut daih zui,a ngaihna hrelo leh hlauthawng ru angreng tak in station lam chu ka pan a ,station chhung ka luh chuan ka rinloh lutuk mi ka hmu ta thluah mai Ka nu leh pa Rocco nu leh pa mai bak ah Brenda leh Bety chuan Bety nu leh pa ,a ngaih na hrelo zet chuan ka hawi kual a "helam ah Gigi"tiin Rocco chuan min lo ban vut a , Bety nu chu a tap tih hriat tak in a mit a sen ram a ,









"Le kan kim tawh bawk a,in thil tihsual chu puang tawh rawh u" police pakhat chuan a rawn ti a ,Rocco hmel rum tak chuan eng emaw zawng tak in ka chhungril a tham deuh tlat ,ka chhuangte leh Rocco chhungte pawh in engmah an hriat hmel vak bik loh Bety chu a ngawi reng a chutah Rocco chuan "tawng ta che in thil tih tenawm tak kha puang rawh u" a rawn ti tuarh a ka lo phu zawk thei,chutah police pa chuan Bety lam chu hawi in "eng vang a i unaupa Remruata kha that nge i nih sawi rawh!!' A rawn ti tuarh,chuthu chuan min thawn zia chu Bety chu ka en vat a a lo in sut feih feih "sawi rawh in thah dan engkim sawi vek rawh"Police bawk chuan a rawn ti rum leh ul a chutah Bety chuan "aw ka sawi ang kei hian ka u,nilo Remruata kha ka hmangaih ka hmangaih lutuk,unau diktak kan nilo tih ka hriat hma tang ka duh tawh,mahse ka u a nih tlat avang in a lak a ka rilru put hmang ka thup a,mahse khami ni ka pa in doctor pakhat a biak ni khan ka u hi ka u tak tak nilo in falak tih ka hrechhuak a chuvang chuan ka u nei thei tur khan ka bei tan a,mahse he Lalrinhlui hi a lo lang a reilote chhungin ka u thinglung min ruk sak a ka u kha keihian ka hmangaih a sin,"tiin a khek tuarh a,ka mak ti lutuk chu tawngchhuah nachang a hrelo chutah Bety bawk chuan "ka thinrim a ,nasa tak in ka thinrim an inkar tihchhiat ka tum char char a,mahse an inkar ah a tlazep thei lo,a hnu ah ka rilru put hmang chu ka u in a hrechhuak a,nasa tak in min hau a u ka nihthu min hrilh hrep bawk,mahse unau kan nilo tih ka hrilh a ,a rilru nat zia kha a rilru hah lutuk kha a cher kawk kawk thei,Hlutei nen buaina an nei ve neuh neuh bawk si nen,Rocco hi a lo lang a ka u nen an in an chiah a vang in keipawn vawikhat chu ka hai ,Hlutei pawn a hai fo reng a nihkha,ka chhuizui ta a ka u nen khan Rocco hi phir an lo ni reng a ,tichuan ka pa ka chhui leh a " a tih chuan rapthlak tih hmel fe in ka lo melh tlawk tlawk ,a thiltih a sawi zawng pawn a hmel ah zahna leh inchhir na awm reng ka hmu hauh lo chuan a rapthlak zia a ti chiang sawt








"A tawk,Pu Hlu i fapa in thah dan chu nangmah ngei hian sawi rawh le" tiin police chuan Pu Hlua,Bety pa lam chu a hawi a mak ka ti telh telh thil thlen dan hian min thawng lutuk mah mah a ni "ni e ka tihsual liau liau a ni,Remruata kha ka rukbo a ni,Rocco nu leh pa ten phir an hrin ni khan keini pawn nau kan nei ve chiah a,mahse kan vanduai a naute chu Bety nu hian a chhiat ta a ,mahse kha tih lai khan ka rilru kha a fim lo a,kan nu lo harh hun a hrilhhai tur hmel ka suangtuah kha ka na takzet chuvang chuan doctor thurualpui in kan ward lehlam chiah a phir hringte fa pakhat zawk chu kan la a,an fa pakhat zawk thi ang in doctor chuan a sawi ta a ni"pu Hlua'n a tih chuan Rocco nu chu a rawn tapchhuak rawih rawih a "ka fapa kha a pianhlim a thi a nilo maw,in va tenawm ve engtin nge nausen pawisawi lo kha a nu lak atang inlakhran theih zawk " tiin a tap nghal hawm hawm ka nu chuan a lo kuah vat a "in thah dan tak chu sawi tawh rawh"Rocco chuan a lo ti bul vut a ,a thinrim hle tih a bek a thisenzam pawng tawlh tawlh atang chuan a hriat hle ka dar ah nghet tak in a chelh a,ka mittui te chuan tlak an chak zek zek tawh mahse thudim engkim ka hriat hma chuan ka mittui tih tlak ka tum lo










"Ni e,ka fanu hian Remruata kha a hmangaih miau si a,Remruata kha keipawn ka enhrang ngailo ka hmangaih em em thin ,mahse a nau in a hmangaih tih a hriathnu khan a hlat a midang a neihsan a ,thisen zawk na na na chu a lo chak zawk a nia nge Rocco chu ka vau ta tan a,Bety a neilo a nih chuan a nu ka nupui ngei hi hreawm tak in ka siam ang tiin,Remruata leh a nu hi nufa inpawh leh inhmangaih tak an ni a,a ni phei chuan Remruata hi a fa hrin tak tak emaw a ti a ni ka thiltih engmag min hriatpui ve miau lo a,Remruata pawn a nu tawrh a duh lo a a chhan chu a nu hi a hmang em a ni,tichuan khami ni khan kan pafa thum in kan inhau a,a nihna tak ah chuan Remruata kan hauh rawn a ni ber,mahse a lo tlawm duh bik hauh lo thinrim in a kalchhuak a ka fanu au zui lawm lawm na pawh hre duhlo in a hnungchhawn a ,pa tan a fanu nasa tak a tap a hmuh kha thil hreawm tak a ni,truk driver ka hmelhriat ka be ta a pawisa tam tak pek ka tiam bawk,Remruata kalna tur ka hriatchian em avang in chulam ah chuan truk chu ka tir ta a,kawng reh lai tak ah Remruata car chu a su ta a ni"ti a a sawi zawh chuan boruak tlachham ang mai in ka thawchhuak kawk ka mittui ka lo dan ve tang tang chu a lo luangchhuak nghal zung zung a,ka ke tha rawn zawi thut in ka tlu tur chu Rocco chuan nghet tak in ka dar ah min chelh a




Pu Hlua hmai ri chawrh chu ka hre leh ka pa Rocco pa chuan a kut chu a hum ruh ngat ngat a "mipa pawh i nih hrep loh hi,ka fapa khan i pawi engmah a sawi lo asin i thil tih tenawm lutuk vang in kan fapa chu a hringtu nu leh pa ngei pawn a damlai hmel takngial pawh kan hmu lo a maw,inspector he mite pafa hi hruai rawh u "a ti khur hlak hlak a,station chhung chu tap ri leh thinrim in hrosa thawm in a khat a ni ber,Bety nu mawlh chu a khawngaih thlakawm a pasal leh a fanu in a fapa chung a an thil tih hian a thawng em a ni ,



















5 years later




Ka fapa kum4 mi ka malchung a muhil sak sak chu ka en a ,a pa a chhun takzet ,pawnlam hawichhuak in van lam ka thlir vang vang a tun ah hian Remruata khan hlim tak in min lo thlir a ngem a dikna haichhuah a a awm khan a hlim ve angem,'ka hmangaih che bawihi' a aw thuk leh ril ruih mai a a tih sup thin te kha ka beng ah a rawn ri nawn a ,ka ngai takzet a ni hun kaltawh siamtha thei tawh lo mah ila a dikna tak a unaupa in a haichhuah sak thei a ,a lak a ka inthiamlo lutuk pawh a zia deuh






"Gigi khua kan lut dawn a nia" rawn ti tu lam chu ka hawi a,a mitmu uk kharh te,a hnarngul in vuahfu tak leh a khabe hmul to siar siar te chuan a tilang tha zual takzet ,Remruata ka mitthla ah a lo lang a a ni pawh khan Rocco ang chiah in mitmu rawng uk kharh a nei chuan khabe hmul pawh ,"enge i ngaihtuah vung vung a"ti sup avang chuan ka suangtuah na ram atang a harhchhuak zawk a mitzim sun a min lo en tu chu ka hnuchiang ta chiah ," i hmeltha lutuk " ka lo tisap" a nui hak a ka lam ah awm hnai thut in ka hmui a rawn fawp zeuh "Zothanpui mawla!!" Ka lo ti hlar motor khalhlai a ni tih a hre reng si a,a nui hak a "sorry" tisup in a hmui a tipawrh zauh







Kum 5 liamta khan Bety te pafa chu court in damchhung lungin tang tur in an chung ah ro a rel a ,Bety khan Remruata hmel ang chhiah pu tu a hmuh khan Rocco hi a lo beisei leh ni in ,keimah nen inzawmna kan nei ta si a,chuvang chuan Brenda chu hmanrua ah a lo hmang ta a ni,an pafa thil tih hi a tenawm takzet Brenda erawh kan nupa inkar a a inrawlh bak tihsual a neih loh avang in a lak ah thubuai engmah siam a nilo,tun ah chuan ramdang ah awm in pasal a nei ve tawh a ni awm e,a chung ah ka inthiamloh rual in ka pasal ka neih theih vang hian ka lawm viau thung






"Ka hmangaih che" ti sep in ka pasal biang ah chuan ka va fawp a ,Rocco chuan min rawn en deuh haw in "keipawn ka hmangaih che lawm Gigi"ti sup in a vei nuih sak a,keipawh ka lo nui var var,pawnlam ah ka dakchhuak a Sihfa khua chu kan lut dawn ta building in lianpui pui lo ding khup chu ka en a ka nui sak ,kan inlam pan na kawng chho ruah a lan tlan chhoh dawn lai chhuan ka fapa Caleb Remruatsanga chu rawn che talh talh in a mit chu a rawn nuai chat chat a.












A TAWP TA










Tum loh deuh in kan titawp ta ruah mai,in beisei dan a nilo ang tih pawh ka hria,mahse tunlai chu ka mit lam a chiang lo lutuk a duh ang in ka active thei lo a chuvang chuan ka rawn ti tawp ta tawp mai,DECALCOMANIA hi season2 a awm leh dawn tih ka lo sawitel bawk a ni.A tir atang a tawp thleng a DECALCOMANIA S1 min lo chhiarsak tu te chung ah lawmthu ka sawi tak meuh meuh e.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)