COOL DUDE BY Ęlèøš Vanchhawng (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

COOL DUDE BY Ęlèøš Vanchhawng (Completed)

Unread post by Ngaia » August 1st, 2021, 10:27 pm

4vkcf46y.jpg
──COOL DUDE──







"Enrawh saw a rawn phei ania" Jane chuan min nghawk zauh pah hian a ti a.

Keia pawh chu eng khaw sawi set set lo chuan kan table-ah chuan ka kiu nghatin ngun fê in ka lo en rán bawk.

"I mit kha a tla ange" ka beng bulah a rawn ti sur sur a, kei lah chuan chechang hauh lovin ka melh ngai ka la melh ran bawk.


"A hmeltha pawh a ni chuanglo, A chhelo lutuk tihtur khawpin a chhelo bawk silo, engvanga vei bur nge maw i nih le?" Jane bawk chuan a rawn ti leh a, 'ni e, chhelo tehchiam a nilo, mahse ka mitah erawh khumtu an awm miau silo a ni.' ka ti rilru rauh rauh.




Reception counter-a a kekawr ipte zen at a a ding chu ka thlir reng a, a sam ka en a, buk laih mahse ti pà zual em em tu nisi chu 'fan-in' a chhem zawng chuan a phe leh siau thin.


A dâr ka han en thla leh a, a pharh tha em em mai bawk si, khuhtu awmlo ni sela kei hi ka tuiral thei ngei ang.


A kuttang pawh chu mipa kut tih hriat zetin a tin a bul hmaih a, engtin nge ka hmuh kim vek theih zawk?


A kekawr hak ka en thla leh a, Kekawr dum tak tha zet mai, a taksa pianhmang ti lang tawk chauha mawi leh pa si te chuan min hip hliah hliah hi a ni tawp mai.



A pheikhawk pawh, mipa dang te aga Brand uchuak a nilo tih a hriat a, mahse a fai em em dan kha a mak zawk hial, a pâ tih hian a fûn kim zo lo a ni ber mai.




Jane bawk chuan min nghawk sawk a, ka phu dawrh teuh lutuk ka hmaa ding mipa ka lo chik em em mai chuan minlo en ve reng chu niin, ka Cold Coffee in lai chu ka hak lek lek lehnghal.



Ka khuh barh barh a, ka hnung minlo chumtu chu a malah piai sak tawkin ani rak chhuak ngam silo a si hliam hliam a.






Cafe atangin kan chhuak a, ka zak viau nangin zak anga lan erawh ka duh lem chuanglo. "Da, lo lut vat teh" jane'in a rawn tih chuan Car-ah chuan ka lut ve nghal mai bawk a, "tlan chak tawh thak suh kawng a zim si, kawng kual te hi kimkhur tur" nghal mawl mawlh zel a.



"Ohhhh.....yeaaaa.....babe ka fimkhur lo em ni?" Tih parat deuh pah chuan ka ti a,
"I fimkhur lo chu a ni maihlo mahse i fimkhur tawk thinlo alawm" a kut a kuangkuah nghal ât.




"A nih leh Mrs.jane ka lo kimkhur tawh dawn nia" ka nui pah sen sen a, a hnu lawkah a ni pawh a rawn nui ve leh mai.



Jane hi Carah hian a chuang tha ngam ngailo a, a chhan pawh kum 2 liamta khan accident a lo tawh tawh vang ania, mahse ka car khalah chuang ve ngei tura ka phut nasat thin avangin a chuang ve hram hram thin.




Ani phur tawh chuan tlannchak ngam a ni ngailo, Mipa khalh panngaia an speed ang phei hi chuan kan tlan khat khawp mai.




Jane in lamah ka thlah a, keiawh ka haw ve nghal mai bawk, Car dahtha in kan in chhung ka pen lut nghal, choka lam atanga Arsa kan rim tui lutuk ka hriat rualin ka tlan phei nghal thuai a.



"Good Evening Nu" dawhkan a a chawhmeh siam tur buaipui mek tu ka nu biangah chuan ka chuk sak zauha a tih dan thin ang bawkin a nui leh ver ver mai.




"Nu, thingpui hi lum sa a awm em? " A bul chair-a thu thla pah chuan ka ti a .

" Aw awm e," tih pahin dawhkan chunga nopui in hung chu a melh pah zauh a, sermon a ngaithla pah a, a biak hleitheihloh.




"Ka lo thlit kep che aw"ka sawizawh rualin a lu a bu nghat a, a hmaah chuan ka chhawp ve nghal zat bawk.





Thingpui kan in zo titih tawh ka pa a rawn haw thleng ve leh chiah, Ka tihdan ngai ang bawkin " Good evening Pa" ka lo ti leh nghal vat a, nui huah huah chunga minlo chhawn in ka lam a rawn pan vat.





Ka pa hian Mi pa tlukloh tamtak a nei ang tih ka ring, mahse ka tan chuan mi tha tawp ani ka tilo theilo, hausa lutuk ti a sawitur kan nilo naiin Pathian Malsawmna kan dawng a, sum leh pai leh ei leh inah kan buai ngailo.




Zantin ka mut dawnah ka pa in ka lu chunga kut nghatin min tawngtai sak thin, heihi a hlu ka ti, tunhma chuan ka ning thin lutuk a, mahse ka nu leh pa min tawngtai sakna rah ka chang chho mek ni hian ka hre ve thin.




"Pa thingpui hi a dai deuh tawh a kan chhuang sa leh lawk ange aw" Ka pa leh ka nu ti ti bawrh bawrh chu ka lo sat chat leh pek.



Ni e... Fanu mal ka ni a, Ka pa leh ka nu hi ka hmangaihte an nia an inkawmna a ka tel ve loh te hian ka thik ringawt zel, a naupangchhia thei viau, mahse keichu ka pa naute diktak ka nia. Thik pawh a awm reng lo maw.




"Bawihteii chu a mak thei ngawt mai, han inthlak rawh i pa nen hian thil pawimawh kan han sawi lawk ange, I 'drawer' hnuai berah khan i jeans chah lo thleng a awm a ka dah kha. " Ka nu chuan a lo ti leh chung chung tawh.




Ka pa thingpui thlit sakin inchunga ka room te ve kirh kerh deuh lam chu panin ka pen nghal thak thak a.




Ka room hi kan inchungah a awm a, inte panngai ang hian a inkhawr pum ve at bawk, nipuiah a lum lutuk loh nan a chung hi kan ti sang deuh a, a bang leh tih velah pawh Cement vek kan hmang bawk.




Ka drawer chu hawngin ka jeans chah chu ka phawrh chhuak a, ka ha chhin a a mar nalh khawp mai, kei Frida Lalruatpuii hi Branded ringawta buai hmeichhia ka nih loh zia ka nu leh pa hian an hria a, thawmhnaw pawh a nalh leh changkang ai chuan ka inhmeh tur tlawm si tha si ka zawng thin.





Jane-i nen pawh second-hand thin kan uar fal lutuk a a buaithlak lek lek thin zawk.





Khuma ka phone vibrate ri chur chur ka hriat rualin

"Aw Jane"

"Di, Vawiin chu Regency Cafe-ah khan kal leh ila"


" Min vei pui lutuk tihna a ni em?" Ka nui pah hak hak a



"Ni mai zel e, tak tak a thil tihtur ka nei a, hna ruak awmna ka hria ania minlo sawm la ka hrilh tha ang che" a dah zui mai bawk a
#




" Nu vawiin chu Jane-i nen class kal loh laia thawh tur hna kan zawng dawn em mawni kan tia, enge i ngaihdan" ka nu chu tlawn deuh titih mimeng hian ka melh a.






"A ngai chu ka ti miahlo a, mahse Jane-i a ngaihtuah awm ve tho bawk si a, nangmah berin i inhuam chuan han thawk ta poh che " ka khi ver ver mai ka nu hiannka thiante min hmangaih pui emem tih ka hriat hian ka lawm thin.





Chaw ei khamah insiamin inhnuaiah ka chhuk a, "Nu ka pa hi khaw nge?"
Ka zawng pah nghal ruai a


"A lehkha chhiarna pindanah a awm kha " a sawi zawh rualin ka pa lehlha chhiarna pindan lam chu ka pan nghal a,





"Pa, Vawiin chu i scooty minlo hawh tir" tlawn pah titih hian ka en a.

" Eng ti turin nge in chhuah dawn a? "

"Janei'n class chawlh laia thawh tur hna ahria a, Office kal nan chuan Car i keng mai anga, aw pa min khawngaih hram la"




"A Phal ta nge nge, scooty chahbi ka la a, jane-i te veng lam panin ka tlan chhuak nghal a.




"In awm em?" Kawngkhar kir karh karh pah chuan tiin ka bih nghal zat a,,



Jane i nu Nu Mafaki chuan minlo chhawnin ka lut nghal vat a, nu tawng duh tih takah titi a vawrh thiamin a bula awm a nuam hle bawk.





Jane-i a room atanga rawn chhuakin "nu nizanah ka sawi sa vek tawh kha aw, chanchin ka rawn hrilh ang che" tiin min kal chhuahpui zui zat a.




"I inchei rei thei lutuk a, a hmanhmawh berah i tang leh zel tho si a" an jn kan chhuahsan pah chuan ka ti nghal barh barh a.




"Ka pa in rem a ti vaklo a mahse ka pocket money tlem tal ka lo intum ve kha ka duh sia" a ti niah niah a.






"Khawiah nge hna cmruak chu a awm a?" Scooty ti nung pah chuan ka ti a,

"Hotel Regency-ah khan ania, va zawt chiang chhin phawt ila" a sawi zawh rualin kan tlanchhuak zui zat a.





Ka rilru ah erawh kha mipa bawk kha alo lang leh tawh. Scooty park tha in hotel lam chu kan pan a, Hotel chhuna reception Counter chu pan ding nghalin
"Khawngaihin minlo hrethiam lawk, thil ka zawt lawk thei che angem?" Jane-i chuan a hmaa Pa lian lam hret chu en chho deuh ha chung hian a ti a.



"Aw thei tehreng e, eng lam nge ni a?" Mipa pawh chuan tha deuhin a lo chhang ve ngal mai bawk a.




"Hna ruak a awm niin ka lo hria a, hnathawk tur lak in nei tawh leh tawhloh lo hriat kan duh a" jane i bawk chuan ti lehin.

"Awle saw laiah sawn minlo nghak ilula kan pû ka lo be lawk dawn nia" tiin kan thutna tur lam chu min kawhhmuh nghal thuai bawk a. Hotel lian tak ani bawk a, a changtlung hle bawk, a thawkte pawh biak hrehawm zawk zawk an awm hauhlo ang.






Minute 5 vel dawn kan thut hnuah Mipa la upa chhe lutuk lo tih hriat zet in kan lam a rawn pan chu ka lo en reng a.




"Nangmahni hi em ni hna chungchanga zawh duh nei te chu?" Tawngkam dam dup hian a rawn ti a.


Nui sangin "aw ni e" ka lo ti vat bawk.


"Kei hi Edward Lallawmawma ka ni a, Hotel enkawltu hi ka ni"

" Tunah tak hi chuan Counter nghak tu tur mamawh a ni a, hmeichhia pathuam leh mipa pahnih lak tum ani" a ti leh dap dap a.





"Ka pu, minlo hrethiam lawk la, i thusawi lai ka lo pawtchat lawk mai, Collage kal lai kan nia, Chawlh chhunga hna thawh tur kan rawn zawng a" jane-i chuan a lo ti thuai a.




"A nih chuan.... Lo thawk thei dawn pawh ni ula hun rei tak in thawk hman dawnlo tihna ani maw?" Min en ha pah vhuan a rawn ti a.


Ka lu bu nghat pah hian "Aw. Ni e" ka lo ti va bawk a.



"Kan hotel a thawk tur hi kan thlang uluk thin viau a, Interview in hmachhawn ve phawt a ngai dawn tih in hria ang chu maw?" Kan pahnih chuan min en tawn zak zak a.

Kan lunkan lo bu nghauh nghauh thung.





"Naktuk lam hian interview chu neih tur ani a, a thawh tur lam kha chu buai lo ula Dar 11:00 a.m ah tan tur ani, rawn tlai lo ula aw" a nui suk a, a kal zui ta nghal a.





###
Hei le, Pathian hruaina vang liau liau in ka story pali na tur ka rawn dah ve leh thei dawn e.


A thui viau thinlo tih ka hria, mahse minlo chhiarsak vang hrim hrim pawhin ka lawm ania.🌸

Heirooo....


Ads kha click ngei ngai rawh aw.... A reiloh em kha 😇🌸❤️



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 1st, 2021, 10:28 pm

──COOL DUDE──







Tihtur dang awm tawh heklo, Cafe lam kan pan leh ringawt, ka nuih a za deuh lehnghal.




Kan thutna thin table ah bawk chuan kan thu leh a, he table a kan thut kher thin nachhan chu ka thutna zawn atang tak hian a hnathawk lai vel ka hmuhtheih thin vang ani.





Ni dawn tak ani kha chu a hming pawh ka la hrelo, mahse Chief Chef ani tih erawh ka lo hre tawh thung.





Kan Coffee tur a lo thleng a, ti ti pah chuan ka mit ka lên nasa hle mai.



"Da, vawiin chu hnaah a kal lo aniang, haw mai ang" jane-i chuan a rawn ti chhuak sup a, 'ni e a rawn kal lo a nih dawn hi ka hmuh chak tehreng nen' ka ti rulru vawng vawng mai.




Kan chhuak a helmet ka khum tur chiah chu ka hmaa car nalh tak lo khalhtu avang chuan ka che ka tawp chat, engvanga inhmu te ta rawih rawih nge ka nih pawh ka inhre lo.






"Hey..... Da, i tha em ? Na i nei ami? " Jane-i chuan a rawn ti nghal vat, ka inthing harh thuai a. En zui lem tawhlo chuan ka kal nghal mai bawk a.




In kan thleng a, a ni ala hmanhmawh lemlo bawk ben kan inah a rawn peng kawi a, "Da, noodles chhum tur lei lawk ang tah hian ding lawk rawh" kan hma zawna dawr awm chu kawkin hnung lam atamg chuan a rawn ti a.





"Mr. Noodles kha la mai rawh a tui chi khan kan siam leh dawn nia" ka nui pah hak hak a, ani pawh chuan ihe lo chuan a la ve mi bawk a.





Keini thian dun hi chu, thil changkang ai chuan hrisel tur duh zawk zel kan ni ka tilo theilo, a hma chuan tomato hi ka ei duh ngai miahlo a, mahse jane'in min han councellinv tak tak mai chu tunah pawh noodles chhum ah kan telh kan telh ve tawh.




Kan in kan thleng a, "lo va lut rawh scooty hi kan hung tha lawk ange" tih pah chuan garrage lamah chuan ka tlan lut nghal a.




Ka pa hi ka hrilh ngun thin deuh chu, kawng sirah motor dah tawp tawp suh ka ti ve thin. Tunlaiah chuan in tin deuh thaw in lirthei kan nei dual dual a, a dahna tur kan ngaihtuah zawm leh ngai silo.





Kawng sirah kan hung leh tawp tawpa, Lunglei pawh ka zin peih thinloh nachhan pakhat chu kawng tet tawh nak laiin, kawng sirah Lirthei a hung phei suau a, motor in sulpel a buaithlak thin lutuk a.




Lirthei nei si, mahni kawngkam vela mi hmuhloh hlaua hung fur an tam em a, zin ve pawhin lirtheia chhuah ai chuan ke a chhuah a nuam zawk daih thin.




"I rei thei lutuk Frida" kawngkhar atangin a rawn au leh vak tawh, a nû ang chiah ani , thian kawm nuam an ti a, an awrawl pawh a ring nuih an duh si.




"Aw ka lo kal " ka tlan chho ngal vat a, ka nu nen an lo nui leh nasa hman tawh a ni ngei ang le, ka nu biang pawh a sen leh tak tawh.





"Kha apron hi ha la, le....tunah kan Chief Chef in Noodles tui takin a lo siam ang
" a nui pah ngal ar ar a, "Nu Zamte Da-i hian star a nei maihlo" an nui dun uar uar kei lah inti tak fahranin ka lo en ran thung.





"I thiannu ve zawng a tetlai pawhin len tar a tum thin em kha maw, 'anu pasal neilo in anu-nu(ka nu û nula senior) te ang hian ka upa anga ka chawm ang che u apa nen' a ti thin a a zawm.thei ngut ange maw?" An nui ring dun sia keia pawh chu insum zo ta biklo chu ka nuihpui ve leh bawk bawk a.




Noodles ka han chhum zo a, "Jane thingpui kha lo thli rawh hei a hmin ania" a thli ve leh mai bawk a.






"Nu vawiinah Thil rawn deliver an awm em?" Ka nu chu ka melh pah a, "Aw awm e, kan room-ah khumah khan ka dah va la rawh" a ti nghal zung zung a.





"A ngai rihlo mai, ka chhoh dawn ah law law ni mai rawh se" titi paha thil ei hi chu rin ai daih hian ka lo ei hnem thin.





"Jane hawh ka room-ah chho lawk ang," ka nu te room atanga chhuak pah chuan ka ti a, "okay, Nu zamte kan han chho lawk ange" a nui pah vat var a ka nu pawh a bu nghat nghat mai.





Ka room kan lut chiah tihah ka thil chah lo thleng leh chu ka hawng nghal a, hmanni a ka kekawr chah ang tho jane-i tana ka chah sak ve chu kan pharh chhin vel a.





Jane i lah chuan a ta tur a ni tih hre hlei lo chuan a mawi zia thu a sawi a sawi a "Han ha chhin teh jane i inhmeh reuh viau ang" ka nuih ver ver a.


"A... Ka duhlo e a, i tana i chah a nih kha" a hmel a buai leh nuk tawh.




Ka drawer chu hawngin ka ta tur zawk lo thleng hmasa zawk chu ka phawrh a, a mak ti hnel chu ka duh reuh lutuk.




"Heihi ka ta tur ania, kha kha i ta tur" ka nui sak a. "Mahse heihi engtin"


"A in anga kan neih turin ka chah mawle ka nu pawhin a hre vek alawm, an doscount lai ania , pahnih chah khan a tlawm a" awih hram teh se.





"Engmahin pek a ngailo ania, ti khan min hriatrenga tur a nih kha, hawh ha chhin ila thla kan la dawn nia" ka ti nghal sawk sawk a,




Vawiin chu T-shirt var ve ve kan hak ni a ni bawk nen kan twining tawp.



"Lo kal vat rawh thla la ang" a tet nen nen hian a muang thei reuh lutuk a.



A inhmeh reuh em em lehnghal, "i van inhmeh ve, ti kha chuan kan CC-a (Chief Chef-a) pawhin a hnar phal miahlo ang che" a rawn ti chhuak leh barh barh ka nui tawp.





"E.... Taka ..Da, naktuk chu hemi kekawr hi ha ila a tight lutuk lova a, smart ve tho bawk sia"



"Yess... Kan ha dawn nia" ka lo ti vat a.







Jane-i ka thlah ka haw lam chu ka nu in Lassi lei haw turin min tih avangin kan veng tawntira dawr changkang ve deuh pakhat ah kawtah chuan ka ding a.





"Lassi in nei em?" Dawr nghak tu nu chu en pah hian ka ti a.

"Aw nei e, engzat man nge i duh ang? Liter khat za ania"



"Liter hnih kha ni mai rawh se" an dawr chu ka en kual a, a nuam reuh phian dawnin ka hria.


Ka lassi lei chu scooty hma lamah chuan ka khai a, ka tlan chhuak dawn chiah tihah bike in minlo lehpel a, ka scooty hma deuhah chuan a bike atang chuan thil a thloh bawk.




"Hei....thianpa" a hre pha angem. Rang deuhin a thil thloh chu ka chhar a, ka um zui ve nghal zat bawk.




A tlan thui tawh si, horn pek vak vak ka chak viau a, mahse motor a tam angreng bawk si .



Kn awmna atang hi chuan kan veng kha chu hlat tawh deng deng tak ka ni. Motor awm tlemna deuh kan thleng tihah horn chu vawi thum vel ka hmet a, a la tlan muang eih chuanglo.



A hnu deuhah In lian ve lam deuh inhung vek bulah chuan a ding ve ta hram, a chhuk a gate a hawng a a tlanlut leh nghal daih bawk si.




Tupawh ni se, a chimawm viau tih a hriat, gate pawnah chuan scooty dahin Gate chhunglam chu ka pan a, ka hmaa in chu ka en a, a var sar a lian tak nilo mahse a a nawm tur zia ka lo suangtuah hman.




Door bell chu ka hmet a, ka nghak vang vang a , a chhungah hi chuan a lut ngei awm si a, mahse tinge a lo hawn miahlo le.



Ka hmet leh tur chiah chu kawngkhar a rawn ri khap a, a rawn inhawng riai riai a,

"Puih theihna che ka nei em?"



"Ah....aw " ka sawi zawh hma in minlo nuih suk a nulian si ka nu ai chuan a upa anga, mahse a hmel chu a lang nula zawk mah maithei ani.



"Lo lut phawt ta che"
A la nuih reng avang chuan keipawh chu an inchhung lamah chuan ka pen lut ve nghal a.



"Minlo hrethiam lawk la ka Pi he thil hi Bike a min tlanpel tu pakhatin a tlauh a, ka rawn umzui a, Gare ah saw chuan a rawn tlanlut ngei a, mahae ka hmu chhunzawm miahlo a." Ka ti niah niah a.




"A nih chu lo thu rawh kan zawt ange aw" a nui suk a, nu nelawm tak a ni tih a hriat theih.




An inchung step-ah chuan chho in amah nghak lawk tur chuan zaizirin minlo hrilh a. Ka lu ka lo bu nghat thung.




"A ta chu ni awm tak ani, a inthlak laklawha a rawn chhuk thuai dawn ania lo nghak lawk rawh aw"



Ka thutna bul dawhkanah chuan No nalh zet hian thingpui minlk chhawp nghal thuai a.


"A ngailo asin" in thlahrung ru angreng deuh chuan ka ti a, kan mi nghah lah chu alo chhuk har em em mai bawk si.




"Bawihi, i hming leh in awmna te minlo hrilh la" a nui pa sen sen a


"Frida Lalruatpuii ka nia, tunah chuan Ramhlun North-ah kan awm mek a" ka nuih let ve a.




A tawng leh dawn chiah tihah Inchung step atanga pen thawm a hriat takah chuan nui sukin a hawi chho zauh a, kei erawh an step chu a hnung chhawn zawnga ka thut avangin ka hawi let ve ta kherlo.




"Bawiha, heihi i thlauh em ni?" Ka hnung a rawn kal thawm in a zui nghal zat a, ka bulah a rawm din meuh chuan a huhang nat zia ka hre chiah.



"Engtin nge helaiah hian a awm theih? " a sawi zo chiah a, ka en chho ve nghal thuai a, mahse ka mi hmuh avang erawh chuan ka thi nghal hmiah niin ka inhre ber.



Ka en rei mah mah aniang, a nu ni turah ka ngai ringawt a, "Hei Frida-i hian a lo chhar a a rawn umzui ta che a nih hi" a lo ti thuai a, kei erawh ka che ngamlo mai pawh nilo ka thaw em pawh ka inhre lo.




Vawikhat ka thaw hawk a ka zia deuh, a thil thlauh ka chhar dan vel leh ka umzui dan te chu ka sawi thuak thuak a.



"Ka kal tawh phawt mai ang hei a tlai tawh emai" ka ding pah hluai a.


"Frida i hah pui hle mai kan Amos-a hi zawng bike te hi a khelh chak thei lutuk a a buaithlak a nih hi" a ti nghal barh barh a.



"A nih ka kal phawt ange" ka nuih sang a, an inchung bulcony atanga minlo.en reng tu avang chuan ka thin hi a thlawk chhuak tep.



" Kan lawm lutuk e aw" a nui sanga




Ka kalsan ve ta nge nge, ka mipa hmuh mawlh kha ka beisei loh lutuk ani.





Mawl minti viau angem le, ka thinphu ri kha a hre pha angem....a.... Ka ngaihtuahna a buai vek.




Ka â emni engvangin nge ka en reng le.?




End of Chapter -2



Ads hi ila click lo chuan lo click la aw.❤️

A ngaihnawm dawn ni a i hriat chuan khawngaihin Fb lamah minlo like & comment sak dawn nia🌸

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 1st, 2021, 10:28 pm

Ka haw leh nal nal a, in ka thleng chiah inchhunga ka lut chiah chu.


" Lassi chu khawi ami nge i lei a, darkar chuang fê i thang ania" ka nu in a lo ti a,




" A...kha hei, lawkin ka thaw a tawp dawnin ka hria nu"
Ka awm chu ka dawm a ka thinphu ran dan em em te chu ka ngaih a thalo.




A ban sek tha zet leh a vun mam lutuk te kha, ka hmulthi ala ding sung sung thei.





Ka roomah rang taka chho in jane-i ka call vat a,

"Jane, thil mak lutuk a thleng ania"


"Enge ??"


Ka haw lama ka thil tawn chu ka hrilh a, mak a ti khawp mai a ni pawh, mahse ka hmu leh chak em em tih a hre awm tawp silo.



"A hming pawh ka hre tawh ania"

" Tunge a hming a hming a pa em? Sawi vat teh?" Kei ai aiin a lo phur zawk


"AMOS-a a nalh tiro a hmel nen khan a inrem vel vek amah kha a zawiawi pawh a nilo ka sawi thiamlo a tawng tlem si a pa si"



" Aw... naktukah hmuh in beisei ang, chaw kan ei dawn ka dah phawt a nih le"


A dah zui nghal hmak ka dairy ka phawrh a vawiin Ni zat lian kelh kawlhin ka ziak a a tawpah love lian tha tak mai ka siam bawk a.



Kan thil tawn vel chu ka zaik mial mial a, ka lo khi leh var var zel, a nuam ka ti tho a mahse ka thil tawnah khan let leh in an inah khan khatiang khan awm leh dawn ila ka ngam tawh miahlo ang.





"Bawihte lo kal chhuk rawh chaw ei siam ang le" ka nu chuan inhnuai atangin a awn ti lauh lauh a.





Ka chhuk ve lehnghal a, chaw ei naah chuan ka lassi lei ka rei chhan min zawtlo hlauh a ka lawm angreng viau mai, min zawt vaih se chu ka chaw eilai hi ka ei chhunzawm thei kher pawhin ka ringlo.





"Nu naktukah khan interview kha kan nei dawn ania" ka nu chu nuih tlawn pah titih hian ka melh a, a dawn teah khan an phal leh lovang tih ka hlau deuh ani.





Ka roomah ka chho a, instagram-ah lutin Amos tih ka han search a, a tam ngei mai, eng ber hi nge ni ang?





Ka scrool thla tur chiah chu Amos Sailo tih chu ka stalk chhin a, ka phu zawk amah ngei ani.


A naupang chhe tawhlo tih a hriat hle bawk


A thallak te hi ka like palh tih hlauin ka ka en puat puat ani ber. A like chuan minlo hrechhuak ang tih ka hlau si..




Pool a a cheng lai a awm mar tha zet leh hlai zet te chu ka han zoom leh kher a, zoom loh hi a har takzet.




Ka phone call dawn chu ngei ru viau mah ila a pawimawh a nih ringin ka la hram...
"Whatsapp...?? "



"Da, Naktukah interview naah Amos-a kha a thu ve dawn ania"




"Enga!!!!!" Ka thlarau a thlawk chhuak mai ang, engtin nge ka tih ang aw...




Engpawh chu ni se interview hmachhawn chu a ngai ta tho tho si a, a hmel ka enlo mai ang.




"Nu, ka lo haw har ka ringlo ka kal nghal mai aw" ka chaw eikham hmun vel ka tihfel hnuah ka chhuak nghal a.




Ka pa in Scooty min hman tir leh hlauh a a zia khawp mai,
Jane i text in ka chhuah chiah thu ka hrilh a, en nachang pawh a hre leh kherlo maithei. Tunah 9:45 A.m a ni a, Jane-i alo la insiam loh phei chuan tlai thei dinhmunah kan ding leh reng mai.




Ka kekawr thar leh a chungah T-shirt voilet rawng no deuh body fit lek lek ka ha bawk a, vans var nen a inrem riauin ka hria.




Jane in te in ka thlenin dar sawm chiah chiah ani.
"Jane i hman em?"
"Da lo lut lawk rawh"
Ka rin ang tak takin ka nui lut sung a.


" Ka hman reng ania, kan kal dawn nia."



A rawn chhuak a, keiin T-shirt Voilet rawng ka ha a, a ni in a a pawldal , kan twining thei riau..



Hotel kan thlenin Dar 10 :30 ala ri lova, interview tur an awm ve nual bawk, Bio data ken a ngailo an tih avangin ka kenglo ringawt a, chutiang bawkin jane-i pawh.





"Hei, jane, an file kenah sawn an bio data an dah tel a ni lo maw? Ken a ngailo i ti a ni lawm ni?" A lo en ve reng tho.




"Nimin kha chuan Edward a kha chuan ken a ngailo a ti ngei ani. Interview naah an zawh che chuan i sawi tawp dawn nia."

Tlemin ka thla a muang deuh.



Ka hming an rawm lam a, ka tha a khur titih ringawt lehnghal, Jane-i chu ka en a a kutzungpui a lo ti pir vah a, Room chhung ka lut chiah chu an huhang nat zia ka ka hre belh sauh sauh ni maiin ka hria.




An hmel en chuan kum 35 ral kai chin vek an nih duh hmel, chuan Amos-a pawh ka hmu e, min hre tawhlo a ni ngei ang.




"I bio data submit tur i neilo em ni?" A sir bera thu chuan a rawn ti a khauh mai,


"Aw Sir, niminah zawt chiang turin kan rawn kal a, Sir Edward-a khan bio data ken a ngai lovang a ti a." Felfai deuh chuan ka chhang ve a.




"I hming , in chhena , education qualification," hengte hi min hrilh thei em?



"Ka hming chu Frida Lalruatpuii ka ni a,
Tunah hian kan chhungkua in Ramhlun North-ah kan cheng mek ani. B.A 6th semester ka zir zo chiah ani"


A felfai ve viau chuan ka hria,
"I sawi awmzia chu B.A last semerster i exam zo chiah tihna maw? "


"Aw ni e"

"I kum zat min hrilh theih chuan?" Ka zam ve reuh bawk si an zawhna ka chhan zawh apaingin an hmaa paper-ah chuan thil hi an thai leh keuh keuh thin.



"Kum 21 ka ni e"


Amos-a hun athleng a, "Eng sub nge i lak?"

"English ka Core"

"Kan Hotela thawh i duh nachhan sawi rawh le?"



"Hotel Regency-ah hian Restaurant emaw Cafe emaw a thawh ka duh nachhan chu, ka hun awl te hnawhkhah nan Kan chhungte sum hmang ringawt lova kan thawhchhuah ngei te hmanga ka lehkha zir chhunzawmna tur intum ve ka tum ani. Chu mai bakah Sum hi eng tiang taka hlu nge a ni tih hroat nan hehna hi ka rawn dil ve ani" an lu an bu ngauh ngauh a, Amos-a erawh chuan min en uluk hle tih ka hre thei.



"Eng nga tinge Restaurant emaw Cafe ah chuan thawh i duh nachhan?"


" Hotel Regency ah hi chuan Restaurant leh Cafe hi ka hmun ngainat ber ner an ni a, nuam ti taka ka thawh theihna tur ka duh vang ani"



"A nih Sum hlutna hriat nan eng nga tinge hna i rawn dil kher?"

" Tunlai thalai te hi chuan kan nu leh pa te thawhchhuah sa lo hman ral sak mai mai kan hrat viau a, an lakluh na hre silo in a hmang ral tu tam zawk hi chu mi hnuaia inhlawh ngailo, sum hlutna hrelo an ni tlangpui. Chuvang chuan sum thawhchhuah harsat zia hre tur leh sum hluna hre tur chuan a thawkchhuaktu nih ve chhin a ngai in ka hria ani." Ka sawi tha ve viau ka inti .

An inen ha ha hlawm a a hnuah kut an rawn beng ta a, keipawh ka nui var var mai.



"Tunah chuan i chhuak thei tawh e, zaninah phone call ilo ngaichang dawn nia"



Lawmthu sawiin ka chhuak nghal vang vang ka tukhum lah chu a za mer mer lehnghal.





"Da, ka lut ve nghal dawn ania lo tawngtai char char rawh" ka dara rawn beng thak pah chuan a ti a, ka nui chhuak tep.





Janei a rawn chhuak a ani pawh a awm a rawn dawn chhuak nasa ngang mai,
"Da a hmel kha i en chiang em? " Ka kut a rawn sawk ngawt ngawt



"Chiang mai mai lo, ka en ngam teuhlo mai" ka lo ti hluk a.


"A hmel chhe miahlo, ka ti tak tak, a chhelo lutuk" vak vak a.



" Kal phawt ang, i tlin i ring em? Keichu ka chhang buai leh nuai in ka hria, a then chu ka chhang tha ve tho a, mahse ka lai leh lutuk a." Kuah thuak pah chuan ka ti a..




Kan haw a, eng vak ti mang hlei silo ka chau em em mai a, ka roomah ka lut a, bathroom-ah lut in Shower chu ka inphuh tir seng seng a, ka harh phah em em ka hre chuanglo.




Ka mitthlaah lah chuan Nizana a in dress dan te zawng zawng ne a hmel nen a rawn lang chuai chuai lehnghal.





"Nu, Zanin hi nuho inkhawm zan anih hi, i inkhawm dawn em?" An rooma bible chhiar lai chu ka va bia a.




"Aw khawm dawn e, chaw ei kha lo peih hma rawh aw"



"Yessss" ka phei a, thingpui te chhuang leh te te in a hang kan in phawt a.



Chaw te kan han eikham a, ka thleng sil lai chuan Ka kekawr mawnga ka ah ka phone chu a rawn ri a.




Jane-i a ni dawn emaw ka tia rang deuhin ka la a, mahse no. Hlang lek alo nia.


"Hello, " loud speaker-ah ka dah nghal a.


"Hotel Regency atangin ani e" ka thin a phu nghal dup dup .
"E...aw...ah enge ni ta?"



"Regency restaurant ah hna thawk tura lak i ni a, naktuk atanga hna tan tur in beisei i ni e" a sawi zawh rualin



"Awle awle." Ka lo ti nghal zung zung.


Phone call an off hnuah kan chaw khawrhna fian ka sil mek chu lek kangin kan lam tak tak mai a.





"Ka fanu mai mai chu, eng thil tha nge maw a hmuh bik ni? " Ka pa chuan ati nuah nuah a min nuih tih ka hre bawk.


.

Hna ka hmuh vangin lawm tho mah ila ka lawmna ti zualtu pakhat chu . Restaurant leh Cafe in zawm deuh titiha a awm chu ani zawk, ka za cheng mai ani.




End of chapter -3

heti zawng hi ni rih mai rawh se.
Min lo chhiarsak thin tute chungah thinlung takin lawmthu ka sawi e.

Whatsapp Group Link👇
https://chat.whatsapp.com/CIlZCxeLRiaGvbHZc5GLJ5

Ads kha aw🌸

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 1st, 2021, 10:28 pm

"Pa hna ka hmu ve hlauh e, mahse chawlh chhung chiaha thawh tur ania"
Ka pa ka ho a minlo en tu chu ka hrilh ngha sawk sawk a ka thleng sil pawh chu a nawm dan a dang ta riau bawk.




Thleng ka sil zo a ka pa thingpui hang ka lumsak pah chuan choka dawhkanah chuan ka thu a.



"Pa ka roomah ka chho ngha ania, "
Ka pa thingpui hang ka chhawpsak rual chuan tiin ka room lam chu ka pan nghal a.



Inbual tur in bathroomah ka lut chiah tihah ka phone chu a rawn ri nghal a, ka khumah ka dah avangin a ri pawh a ring lutuk lo.




Ka inbual zawh chuan khuma ka phone chu la in miss call lo awm chu ka en thuak thuak a.





Jane i misscall ka hmuh chuan ka call back vat a.

"Aw jane"


"Phone i va la theilo ve i silent leh tawh a mi?"


"Silent lo e, ka inbual laklawh lutuk a chuvang a nih kha"



"E...awle , naktuk kha i rawn tlai ange aw"


"Zak teh nangmah anih kha min ti tlai ziah ni, i thawh hlim atangin insiam tan ang che" ka nui pah hak hak a.





"Aw ka dah ania" a off zui nghal hmak, ka phone khawih ka lo mutthilsan niin zing ka tho chu ka Phone ah zai alo la in play char char.



Zing zingah 'Zanin chauh, nang ngaiin van ka thlir leh ang' tih hla tak kha ala ni zui... Ngaihna awmlo .




Ka tho a ka in tifai a, ka insiam chu a ni nghal der mai.Hotel thlen hunah inthlak a ngai dawn tho sia, ka inchei hluak peihlo ani..




Kan chaw ei kham chu "Pa, nula te ka ni sia, Car ken vuh hi chu a nuamlo e" ka pa tlawn ti tih deuh chuan ka ti a, "Car hi hralh daih ila bike emaw scooty min lei ve leh zawk la."






Ka nu lah chu a miko alo la san ang zuk zuk lehnghal. Ka mitmei chuan lo sawipuive tur chuan ka ti a a lu a hu nghat a.




."a....nu taxi fare tur minlo.pe mai" ka pa mitsir pah chuan ka ti a.



"Aw taxi fare a ngai hleihnem, scooty kha keng la ani mai lawm" a rawn ti ta nge nge, ka fak chhuak tep a, ka tider tih a hriat ka hlau leh bawk si....ka ha ka sen ta vek ringawt.




"A...aw khawi hei ka tlai tep kan kal nghal mai ange.... Lawmthu le Pa " ka tlanchhuak nghal thuak a





Jane i te in ka thleng a, amah lo ang takin pawnah minlo nghak ve diam, a paingthar a nih dawn hi ka ti rilru a.





Kan tlanchhuak lrh nghal nal nal, Hotel kan thleng a scooty park tha in Hotel Restaurant lam chu kan pan nghal a.





Hnathawk thenkhat hi chu zing atangin an kal a, a then chu dar 7 a kal te an awm bawk . Kan inchhawk diat doat ni berin ka hria.





Counter-ah chuan thawk thar tur kan nih thu te kan hrilh a, tihtur leh inthlakna room awmna zawng zawng pawh min hrilhhre nghal vek a.





"Jane, midang locker hnaih velah kha chuan kal vek suh thil bo a awm palin kan buai phah ang" ka ti nghal a, hetiang buaina hi a tam thin lutuk a ka hne hlui tawh.





Counter-ah pheiin Counterah hian mi pali kan duty a, a hahdam viau dawn emaw ka tia, kan tei kual sek mai bawkah kan thu meuh lo ani ber, mi pahnihin a thawk hmasa tawh se kan senior te chuan pawisa lam an chingfel a kei leh jane i erawh chu an sawi abg apaiang kan lo ti zel a ni ber..







Jane i chuan ka banpuama rawn nghawk salh in, "enrawh saw?" Zawi te hian a rawn ti sa sa a.


Ka hmazawn darthlalang chu kan inkar dangtu chauh a ni tawh, mahse a hula thu saw a bialnu a mawni le, nih pawh a ni ve ang, aji vhu a chhelo bawk a, a pa bawka bialnu chhelo tak nei tur ani.






"Tunge saw saw le?" Jane i chuan a rawn ti la sur sur a, "ka hre biklo a. Bialnu a niang, an inhmeh khawp mai tiro?"




"Hmm...i thikna thinlung kha ka hmu tlang vek" kan dawithiamnu tak hi chu aw.




.
"Ka thik lo ka thik lo, i thil tihlai kha ti tha hle hle rawh" nui pah deuh chuan ka ti a.



Chhun chawlah Kan thutna thindawhkanah chuan thu in thil kan ei a. Edward-a (Hotel enkawltu) a rawn phei zah zah a.




"Hei nangni pahnih chu in tlaing ta mai alawm tiro u" ka nui pah suk a.


"Nia, i zar liau liau ani" ka lo ti vat thung a.


"Ka.lo.thu ve thei angem? A rem chuan? "


"Tehreng mai, lo thi rawh ?"



Mipa kawmbuam tak ani tih a uriat nghal em em tawp, kan nui ho nghal thei vek a, bo te kan inpe hlawm a, a dress atangin a hausa tih a hriat mahse keini ang min kawm duh hi mak ka ti ani.




Hun a ral ve zel a, Regency Restaurant-ah pawh thal khat kan thawk tling ve tep tawh, thian pawh kan nghah ve sawt hle bawk, chu mai bawkah an boss ber lah hian min kawmngaih fu leh nghal.





Chhunah kan rualin Lunch a ei ziah a, a thil sawi thin te lah kan lo hlawkpui em em zel bawk si, a thusawi dan kalhmangah mipa tha tak a ni tih a hriat ngawih ngawih bawk.







Inah ka haw ka ka inbual hmasa phawt a, chaw ka ei a ka kephah kham ut ut chu ningin ka room lamah ka mu hmak rih ani.





Ka whatapp private message ri ka hriat zin tak em avang chuan whatapp ah lutin ka en chhin a, edward a hnen atangin ani.




Kan inkawm ngaih tih piahlam ani.
Kawm a nuam a, a nui duh bawk si.




Kan inbe zuai a, ka mutchhuak lutuk ka o mutthilh san lehpek chu niin, zinga phone ri chuan mi. Tiharh chiang hle bawk ani.




Ka insiam nghal thuai thuai a. Hotel kan thlenin daf kua chiah chiah ani, Countera lo ding ve chuan ka mit a pawt thla lo chauh a ni, ka hmuh hmasak ber ni ami anv chiah khan a ding leh a.





A pa thlawt alawm, Counterah chuan lutin tih ngai zawng zawng chu ka lo tifel zel a, mahse ka hmaa mipa lian zet ding run avang chuan ka zam phah hle.




"Hmanni avang khan ka lawm e" pa chhek chhawk hniam si fiah si hian a rawn ti a, sava hram tluka mawi ani.




"Lawmthu sawi a ngailo, ka tih theih tawk ka ti ve ah ngai hmiah rawh" ka ti a ka chhan dan pawh a panngai viau alawm.





End of Chapter 4



Heti zawng hi ni rih mai rawh se.




Ada kha click theihnghilh lo la,
He story hi ngaihnawm i ti anih chuan Fb lamah comment lo pe ve ngei ang che.


Ka story Groupa awm duh tan
8257016445/-
Ka Whatapp no. Ani a, a duh tan minlonbe thei ang ka lo add zel ang che u😚☺️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 1st, 2021, 10:28 pm

Engmah sawi chhunzawm lo chuan a lu a bu nghut a, a kal leh nghal mai a, ka lo ngaih ve dan chuan Cafe a thil siam zawng zawng saw a man a siam vek emaw ka lo ti a, mahse a hnuaiah chef dang an awm leh chung zawng zawng thilsiam chu alo endik vek zel zawk chu niin.




A kal hnu pawh chuan ka mitthlaah a cham reng a, ka hna thawk min tihbuai phah ang tih erawh ka hlau viau.





Edward-a nen pawh kan in kawm mgaih tan viau, mipa tawng phawr phawr thin a nilo tih ka hria, mahse min be peih a thian atan min duh miau chuan lo hnial thu a awmlo .





"Freda,cafe-ah heihi va dah lawk ta che"
U rempuii chuan a ti a, Box lian ve angreng deuh mai hi a kawk pah nhhal vû a.



"Awle " box lam pan chuan ka kal nghal a, a rit zek lehnghal, cafe-ah chuan lutin a hnathawk ka hmuh hmasak ber chu dahna tur ka zawt vat a.



A dahna tir min kawhhmuh ka thlen chiah tihah ka hmaa mi ding chu ka su zui nghal a. A lian si a ka kalna tur ka hmu thei tawh silo ani.




Box chu dahtha in "ka tihpalh lutuk ka pi, i na em?" Ka ti nghal thuai a. Chhuata a phone tla chu chharin hmeh nun a han tum a, mahse a eng thei silo.




A rawn hawi chhuak a, ka tim sawng sawng ni maiin ka hria, Amosa nu kha ni.


"Ka tihpalh takzet ka pi" ka kut sik niap niap pah chuan ka ti a,


"Nu, i tha em?" Amos-a a rawn lang zui nghal zat

"Fimkhur ta che" a aw chang tha zet chuan a ti a.

A mitah pawh ka en ngamlo, ka kun chhal a, tinge vawiinah kher kher ka ti rilru a.



"E... Frida-i kha i ni tiro?"

"Aw "


"Lunngai miah suh aw, a ho lutuk i thil ken hi a rit dawn si a i kawng ka lo dal palh anih kha" a la ti tak deuh deuh a.



"Bawiha, a thiamloh ani lo ania, hei he parcal lian deuh hi a rawn pawm phei a, a rit viau dawn ania," a ti a.



"A nih chu, i kal thei tawh e" amos_a chuan a ti a, ka kal zui nghal nal nal, ka zak bawk si, ka rilru hah zia te kha min hriatthiampui awm tawp silo.






Ka phei a, u rempuii chuan thil thleng minlo zawt vat a, ka hrilh a ani pawhin awm lo a ti ve tho.





"I mood tih chhiat nan hman phah suh aw, a ho lutuk." Ati niah niah a.




"Awle " ka tihtur ka tih chhunzawm nghal thuai a.




Nileng hun hmandan pawh a fuh viau lo naiin haw a hun leh der mai.
"Jane, zanin chu lo riak la"

"Tinge, min ngai thut ami"

"Move-on mai ka duh"


" Nga ti nge? A miziaah duhloh lai deuh i nei ami?"


"A...chu lam pawh anilo, an hosa sia,"


" I mawl siah, Mahse i thu thu ni mai"


Kawngah chuan kan sawidun a, ka hah vek in ka hria a. Nu anga nunnem te kha ni ve se, duhtu a ngah lehzual tur ania, ka ti rilru niah niah a.




Hotel pawh kan thawk rei ve tawh viau a, edwarda pawhin whatapp lamah minlo biak zeuh zeuh a ching bawk a, mahse mipa kawm nuam tak ani a, ka ngaina bawk.





Lunch kan bulah a ei ziah bawka mahse hnathawk dangte hian min sawi sep sep zel ni hian ka hria.




Ka chau ve thei em em a, ka
Chaw ei a tui vaklo a , mahse a hma aiin ka thau ve hret niin ka inhre ve teh tlat a.





AMOS LALRINPUIA POV
/////////////////////////////////////




ka hna bang in lam pan a, tunlai tak chu car ken ka peih thinloh avang leh Jam a tam avangin Bike ka leklam nasa zawk a, kawng sia hmeichhe pahnih ka hmuh te chu ka en zui vang vang.




Pakhat zawk kha chu Frida-i an tih kha a ni ngei a, a chhe zawk zawk lo tih ka hria.
Edward a nen an inngaizawng niin ka hria a, ka lo ui ru ve veng veng ringawt,





An luch ei dun ka hmu zing a, an hlim dun thin hle bawk, hmeichhe rilru tha tak a ni ang tih a mitmeng atangin ka hre thei bawk.





"Bawiha, i chau em?" Kan inchhung ka lut chiah ka nu in minlo chhawn nghal vat a, ka nu hi chu ka nel viau a, mahse ka pa nen erawh kan inbe ngai lemlo.




"Chau lo e, ka han in tifai nghal ange" chhoh nghal.mai ka tum chu min biak a duh thu a sawi avangin Dining table ah chuan kan thu dun a.





"Bawiha, frida-i kha a hmeltha hle mai tiro, a fel hle bawk a nih kha" a bultan dan mai mai chu, ka ngaihtuahna a hmu thei em ni aw.





"Chu chu eng nge i rawn sawichhuah chhan ber?" Ka em kal a.


"Mo atan ka awt hle mai" ngaihtuah nei ni awm takin hma lem a en ngat ngat a.


Kei erawh ka nui hul hak, "Edward-a bialnu a nih kha" ka sawizawh rualin a meng kawk a,


"Edward-a maw?''


"Aw ni e,"
A hmel a mak tihna lolang chhuak chu ka hai lo.


"Nangpawh nei ve vat tawh la a tha ang, i senior mai dawn ania". A tih zawm leh zat a.





"Kei chu a hmanhmawh thlek loh ka thiante ho hian han nei diat diat phawt sela kan la ti ve thut mahna " ka ti a ka tho a ka room lam ka pan nghal a.





Ka nu erawh thut ngaiin ala thu reng a, ka nu meuh pawhin fel.a tih chu hmeichhe fel tak a ni ngei.ang..




Ka inbual zo a, Instagramah lutin notification chu ka en thla diat diat a, ka thlalk hlui tawh tak like tu chu mak.ka ti hle.





'Frida_DaDa' chu ka hmu fuh lutuk, ka stalk nghal a, ka tih ngai miahloh ani.



A thlalak post leh acaption atangin a mizia tur a hriat ruak a,. Literature lam a tui tih pawh a hriat nghal mai..




A thlalak pakhat chuan ka mit a la hle mai, van thiang tha tak leh a inthuam dan chu eng ti zawng emaw tak hian a in match riau.





Kawr puple dal riai a ha a, bible a keng a, a sam a thlah a phe siau bawk a, mit ala ngei mai.



Kha thlalak avang khan ka vei ngut ngut dawn tih inhria ila, ka en miahlo tur. Mahse tunah chuan ka vei in Edward-a ka thik em.em.tih a hre der silo.




Kar hnih a liam a, ka vei mai mai ani, a reh mai ang, ka ti rilru a mahse a ni telin ka hmu hmeltha in ka hmu chhelo zual em em a, ka.mit hi ka thunun thei thin silo, ka.lo.en leh veng veng thin.





"Bawiha, lo kal teh?" Ka nu chuan tiin ka room pawn lam.chu ka pan nghal a,


"Eng nge ni ta?"


"Edward-a leh Frida-i kha an inngaizawng lo" a sawi zawh rualin ka thaw nghal hak a.


"Eng nge i sawi awmzia?"


" Vawiinah Edward-a nen kan inhmu a, ka chhimbu dawi kual vel a mahse an inngaihzawm loh thu chiang takin a sawi, a duh ruk zia pawh a sawi a, mahse Frida-i zawkin thian anga a en thu a sawi ani." Ati a ngaihthlak a nuam hle ani.





"Bawiha, in dawra ka lo kal chang hian ka hmu thin che ani, i en nasa thin khawo mai, kha tiang te chuan a hrechhuak mai ang che. Mipa chet hun chiah ani, ani pawhin a hnar lo che tih a mitmengah ka hre thei ania"



"Awihawm loh loh" ka nui hak a, ka sam ka tuai puat a, fan chu a inchhem.tir a.





Ka khumah chuan ka bawk thlawp a, ka thinphu a rang hle mai, ka mithlaah frida-i nui hmel bawk a rawn lang leh a, hetiang em em a hmeichhe vei hi ka ngei ngailo, amak ka ti hle bawk.





Min lo duh ru ve reng angem?
Nge ni a, midang duh a nei zawk?
Ngaihtuahna a kal thui duh hle mai.





End of chapter 5


A zo leh ta😂
A ngaihnawm i ti a ka groupah awm ve i duh a nih chuan a hnuaiah hian Group link ka dah e😚
👇👇👇

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 1st, 2021, 10:28 pm

Ka lo muhil tlangndaih chu niin ka harh leh chuan zan lam dar kua alo ri der tawh, inhnuai lamah chhuk thla in ka nu awmna lam chu ka pan a.





"E ilo tho tawh alaw, i muttui sia i chau a nih ka ring a ka kaitho duh ta lo che a nih kha, chaw ei ka siam ang che aw" a ti za zat a.






"Ka lo insiam mai ang," tiin choka lam ka pan nghal thuai a, mahni a tih ve theih reng chu tih mai tur, inla pa fahran a mi tirh kual hrat ka ni lo.





Ka chaw eikhamah ka nu bulah chuan thu in rin loh deuhin ka pa pawh a rawn thu chhuak ve hlawl, ka pa nen hian kan in pawh theih tak loh nachhan chu, Doctor ni turin kin duh em em a, mahse kei erawh in ka duh silo a, chutiang vel vanga inbe ngailo leh in nel lo kan ni.





Biak hmasak dan ka hre lemlo, ngawi reng chuan kan thu kur hlawm a, Kan TV lian tha zetah chuan en tur ber hrelo in ka pa chuan a hmet kual a hmet kual a.





Ka room lam pan tur ka ding hluai a, "Bawiha, kal lo lawk teh?" Ka pa chuan a rawn ti chhuak hram, Pa leh fa inkar hetiang em em a inhlat hi ka hre ngailo.






"Eng nge ni ta?" Ka thu leh riai riai a,

"Kan chhungkua in sumdawnna kan nei ve reng a, Midang sumdawnna thawh kher a ngai em ni? Kan sumdawnna hi enkawl turin ka duh tawh che ani" a sawi zawh rualin ka ding hluai a.







"Ka theilo ang, Sumdawnna enkawltu nij ka duhlo" ka room lam ka pan nghal nal nal a.



Ka room a ka luh rualin ka kawngkhar ka lock nghal a, mini sofa tukverh bula.inhungah chuan ka thu hnawk a.





Engvanga ka eizawnna min dal tum ziah thin nge a nih, ka tawnzau hak chu phelin ka T-shirt var lian lam chu ka inbel a, a chungah Jacket ka ha leh a, ka sneeker chu lachhuakin ka inthawlh ngahl sawk sawk bawk a..





Inhnuaiah ka chhuk a, ka nu alo la awm
"Nu ka chhuak lawk dawn minlo nghak duh suh" kawngkapui hawngin ka pen chhuak zui nghal zat a.




Ka Bike chu lachhuakin ka tlanchhuak nghal puat, a chang hi chuan mi panngai tak leh chhungkaw panngai tak atanga seilen ka chak ve thin.






Sum hian hlimna a thlen loh zia hrechiang ber tu nilo mah ila sum hi inrem lohna chawk chhuaktu a ni ta fo mai, a eiruk a bansan duhloh avangin kan in atangin ka chhuah phah tawh a, mahse a eiruk hmang bawkin eizawnna a din a.






Kha a sum bawlhhlawh hmanga a din kha kei hian ka enkawl sak theilo hulhual ani. ...





Ka bike chu ka ding nghal chawt a, ka su em ni? Ka bike atang chuan ka chhuk nghal vat a, ka helmet phelin ka ui sut chu ka en vat a.




A chik ngher ngher a ka lainat lutuk ka pawm kang a, "ka tihpalh ka tihpalh lutuk, ka thiamloh ani, ka tihluih a nilo ania, min ngaidam rawh aw." Chhuatah chuan thu in ka tha a khur nasa em em a, ka lu a hai em em bawk.




"I tha em?" Ka hre ruai ruai , leiah ka lu a ri chawrh a a hit nghal chum chum bawk, k lu na hit chuai chuai chu a, ka mit chu men ka han tum a mahse ka thei mai lo, ka bulah chuan phun ri sar sar hi ka hre leh thin.






"Ka meng riai riai a, dim, light eng riai riai ka hmuh chuan kan in a nilo tih ka hre nghal a..




"I tha em?"
Minlo be tu ka hmuh chuan eng tin emaw ni tak hian ka awm a, ka lu a nat em avang chuan ka chhing leh rih.





Ka meng leh riai riai a, "engtin nge uite kha a awm ?" Ka lu chu ka khawih a alo in tuam a.




"Uite kha chu a thi tawh, lunngai suh kha ui kha chu a kawlh thei lutuk a, i rilru ti hrehawm duh suh aw." A hmel chu ka en chho a ka mitthla a lamg thin ang chiah kha ani.




"Khawiah nge ka awm?" Ka melh chho ha a, ka mit a khap sak sak leh thildang melh tur a zawng a mitmeng buai vel lutuk chuan nuih a ti za lam hret ani.





"Ih... Kan inah ania, i chhungte call ka tum a, i phone kha pin i dah sia, ka khawih sak tawp ngamlo che a." Inthlahrun hmel tak hian a ti a.





"Inthlahrung suh aw, ka chhungte an zin avangin ka thiannu nen riah dun kan lo tum a," ati leh a, engvanga insawifiah chiam nge a nih.





"A nih eng nga tinge tikhan i tluk ringawt a?" Min en kiau a, a hmui a tawng zawnga che niap niap thin te chu chiang tak hian ka lo en a.






"Thisen ka hmuh hian ka lu a hai vak thin alawm" ka ti tha ve mai a, a lu a lo bu nghat nghat a.






"Engtin nge ka koh ang che?" A kut khal niap niao pah chuan a ti a, a cute ru angreng viau.



"Min koh kher i duh em ni?" Ka nghal kan chhuah lawk ang nge, ka nu in mo atana a duh chu enganga zakzum nge a ni tih hriat kan tum ang chu.





"Aw" ka rin loh lam daih ani,

"Kum engzat nge i nih?" Ka melh zawk a,.

"Kum 21 " ka rin ai daihin ala naupang mai.

"U Amos min ti thei a nih chu" ka nui pah suk a. A nui hmel chu a mawi reuh hle mai a bianv vei lama a nuih zawnga a biangsum lo lang thin chuan a ti hmeltha zual hle bawk .






"Na ila nei em?" Min koh dan tur ka hrilh zo chiah a, min ko leh ngam silo.



"Neilo e, ka tha lutuk tawh a theih vhuan tui minlo suah sak thei angem?"


" Aw le awle " a kal nghal vat a.



Thut chhuah ka tum ve a ka lu ala hai riai riai avangin ka tum lui ta lo.



"Khawi ka lo pui ang che" min rawn kuah titih hian min rawn chawi pah a, min thut tir hnuah tui chu min rawn pe a.




"Engtin nge kan tih ang?"

"Eng ber?"

"I chhungte"

"Hrilh an ngailo, Dar engzat nge ni tawh?"

"Dar Sawmpahnih a ri tep"

" Va mu tawh rawh keipawh ka zia mai ang" .


Engtin mah min chhang lova a hmel awmdan atang chuan chhuah a tum loh hmel hle bawk .




Min muttir leh a, ka mutna bul Couch ah chuan thu in, a phone a hmet niap niap a, a hnu lawkah hmeichhe pakhat hi a rawn lut ve leh a.




Heipawh kan Hotel Restaurant a rawn thawk thar tho kha ani, a rawn nui lut var var a, Frida-i bulah chuan thu in a phone khawih lai chu a ensak ve leh a.




Ka phone chu a rawn vibrate cher cher a, ka ban nghal vat bawk..


"Aw " .

"Bawiha, i rawn haw dawn tawh em?" .


" La rawn haw lovang,"


" I tha maw?"



"Aih thalo"


" Ka chesual palh a, ka ngaihtuah awm loh"

"Tunah khawiah nge i awm? Ka rawn kal ang, i awmna minlo hrilh rawh"


"Ramhlun North ah"


"Ka rawn thleng thuai ang ka rawn thlen hunah ka lo call ang che"

A dah nghal a, ka pa chu lo kal tel lo hram rawh se.


"Frida, ka nu a rawn kal dawn a, engtin nge in in awmna lai hi ka sawi ang?"


"Rhlun East Presbyterian Biakin bulah ti mai rawh"

"Awle"





Ka nu chuan min rawn call lehin kan awmna lai vel ka hrilh chuan a hre mai a, Dor bell rawn ri tlang tlang ka hriat rualin Frida-i thiannu chu a chhuak nghal vat a hnu lawk ah ka nu chu a rawn lut zui nghal.




Ka bula thu a hmuh chiah chuan a awmdan a dang deuh a, mahse engmah hrelo angin ka awm,

"Bawiha i tha em?"


"Aw ka tha tawh e"

"Ehe, Frida nang elaw?"


"Aw ni e"


Min rawn hmuh dannte chu a zawt a Frida-i chuan " Ka thiannu nena dawra kan kal haw lam hi kawngpuiaa lo thu niai a , a bul kan thlen hma hlekin nikhaw hrelo in a lo awm tawh ani." A ti a.



"Nu ngaih loh lamah ngai suh ui kha ka chil palh a, a thisen ka hmuh khan ka lu a hai a ka tlu a ni mai" ka.mitmei pah zauh a.



"A nih chuan kan haw mai dawn em ni? Frida, kan lawm lutuk ania, chaw te in la rawn ei dawn nia"




"Tehreng mai," a nui leh sen sen rawh, kei hian hetiang em em a hneichhe duh hi ka la nei ngailo, mak ka inti zawk hial ani.





Ka nu chuan min chhuah puiin kan hnjngah chuan an thian dun chuan an rawn kal ve hnak hnak a, Froda-i inchei dan chu ka en a, Kawrlum.pink no a ha a, Pajama pawldal a ha bawk a, inrem loh hmel deuhin aninrem phian.




Panda Chapal a bun bawk a...amah tawo hi cute reuh tak ani bawk, mahse kei mipa zeilo lutuk hian engtin nge ka bem tak ang.




Ka nu chuan car a rawn keng chu niin, ka nu khalhah hian ka chuang khat khawp mai a hnungah chuan min luhtir a. Glass a down nghal bawk.




Frida i hmel nung sar mai ka hmuh chuan ka dam sawng sawnga inhriatna ka nei tlat.
Eng tikah emaw ka fa ila ni ngei ang, chu mi thleng tur erawh chuan kan pawimawh ve ve ani. Ka ti rilru a.




Hma han lak dawn pawhin hma lak mai dan tir ka van hre silo tak em.



In kan thleng a, ka nu chuan min la chhiah min la chhiah zui chhiah rual pawh kan ni tawh hleinem mawle .




Ka roomah min dab chho a, ka lu a la rit tlat, zan a rei tawh si, dar 2 a ri tep ka phone chu ka hmet eng a, whatapp ah lutin Frida-i no. Edward-a min rawn pek chu hmet chhuakin ka bia ang nge be lovang kan inkhap leh te te a.




"Mipa zawk ka nia lawm le, nmeichhe tamtakin min rawn be hmasa zing emai kan bia ange" ..

"Ka lawm lutuk e, a vawihnih nan" a delever chiah tihah a seen nghal a, seen siin min reply lo char char a, a hnu deuhah min rawn reply ve ta hram.




"Engmah a nih loh kha, enge i an"


"Ka tha lutuk e"

"Lo dam zel rawh"


"Yep" chhan dan tur dang ka hre tawhlo, zanin atan chuan tawk.mai rawh se.


Ka mu a, ka mit ka han chhing a a nui hmel ringawt ka mitthlaah a lang, hmangaih vawng vawng tham ani.





End of chapter -6


A tawi ka ti vaklo ania,😂


__ADS KHA AW__

KA WHATAPP GROUP JOIN DUH TAN👇
https://chat.whatsapp.com/CIlZCxeLRiaGvbHZc5GLJ5


KAN LO.LAWM.RENG CHEU ANIA💖

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)