LALPA NEN CHUAN ENGKIM A TIHTHEIH BY Becky Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

LALPA NEN CHUAN ENGKIM A TIHTHEIH BY Becky Khiangte (Completed)

Unread post by Ngaia » August 22nd, 2021, 3:39 pm

zb6vvzd4.jpg
LALPA NEN CHUAN ENGKIM A TIHTHEIH. CHAPTER 1#

COMPLETE CHAUH KA TI TAWH ANG KA TI NA IN ,EPISODE ZAWNGIN TI LEH PHAWT ANG.

TUNTUM CHU A DAN A.DANG DEUHIN ,LOVE STORY VAK LO MAI THEI AW.

Ka story hi first person deuh hlir mai ania, in lo ning em lo ang chu maw??.
Tuntum ami hi true story zulzui a ni dawn a, mihring hming leh veng hming inang a lo awm anih pawhin in chanchin a ni lo tih min lo hriatpui turin ka ngen a che u.

Ka thiannu in a chanchin min hrilh atanga ka ziah a ni e.


Favang a in herchhuak tan a, thingtlanga awm ngang kan ni a. Ka nu leh pa te chu lo lamah an liam leh vek tawh. Ka nau te pathum ,kum 10,7 leh kum 5 mi chu ka kutah an dah tawp a, kei pawh kum 12 chauh ka la ni. Mahse thingtlangah chuan kan kum ang hi chuan eirawngbawl leh insuk chu kan tithei ve vek tawh.


Chhungkaw retheihna avangin school pawh ka kal thathum ve hman lo. Pawlthum thleng chauh ka zir hman.

Ka Naute pathum erawh chu puitling takin awm se ka tih avangin ka nu leh pa ka chhawk theihna kawng hrang hrangah ka pui ve thin a. Kan khua hi Darzo a ni a, primary school leh middle school kan nei ve a, high school kal tur chuan kan khua chhuahsan a ngai ani.


Ka hming chu Lalrinsangi a ni a. Kan unauah a upa ber niin mawhphurhna ka ngah thei hle. Inchhungkhur enkawl leh ka naute pathum hi ka kutah a awm vek a, thian pawh ka kawm ve thathum hman lo.


Ka nau chiah hi hmeichhia niin Sawmtei a ni a, a chhangte pahnih hi mipa niin Ramtea leh Duata an ni. Duata hi a la naupang bawk si a, kan lo duat bawk si nen, a pangchang thei hle a, min tibuai thei hle thin.

Ar leh vawk kan vulh bawk si a, kei naupang mai tan chuan ka nun leh mawhphurhna hi a tam mah mah ani.


Mahse, ka nu ten rim taka hma an thawhna azarah ka naute ho hian school an kal theih phah a, inlam ngaihtuah ngai miah lo a, an awm theihna kha a hlu bawk si.

Khua a lo tlailam leh ta, ka naute pathum pawh kan kawtah an infiam a, ar ka lawi a, vawkchaw tur bal ka kengchhuak vu vu a, " u , anu te an lo haw tep tawh ang, kan lo va hmuak ang aw" Ramtea chuan a lo ti lauh lauh a. Kan hria emaw, thingtlangah hi chuan naupangte hian kawtchhuahah kan nu leh pa te feh haw hi kan lo hmuak thin ani. " Aw le, Duata chu kal ve lo mai rawh se, anu a tihah mai mai, puak angai leh awm si" ka tih chuan " uuu, ka kal ve duh, puak ka ngai tawh lo ang, mawh , uuuu... " a lo ti a. Ka hnial leh thei Chuang lo ang.


Vawkchaw chu ka pe sawk sawk a, inchhungah lutin em leh hnam ka la a, kawngka chu ka do thlap a, kan unau chuan kan inzui ta thliah thliah a.

Duata chu a phur leh khawp mai, a chang leh a khawngkhawbai a, a chang leh a tlan leh nul nul thin. " Au Ramte, Sava perh thla ang aw, kei chu Sava sa ka eiloh na a rei tawh em mai" a ti barh barh a. Ramtea pawh chuan a lawmna tur tawk lek chuan a chhang ve mai a.

Kawtchhuah kan thlen chuan kan rualpui naupang dang te pawh an nu leh pa te nghak anlo awm ve thap a. Ka kawm ve ber thin Sangpuii te unau pawh an lo awm ve a, min lo nuih var var a. Mi nu leh pate chu an lo thleng zut zut a, fanghma te an lo hawn sak a, hlim takin an inzui haw zel a.


Ka nu te chu an lo thleng har hle mai. Kan ri te nupa pu Chhunga te pawh an lo lang ve ta, an hnunglam chu ka thlek dauh dauh a. Ka nu te chu an lo lang thei si lo. " Apu Chhung , anu te an lo la haw ve lo mi?" ka lo ti vat a. Pu Chhunga chuan, " kan lo haw dawn khan kan ko a, an reh thap mai a, min hawsan tawh ni hmiang ka ti mai a, kan haw hnuhnung ber emaw kan lo tia, kan lo hmanhmawh ve em em asin" tiin min lo chhang ta mai.


Tlem chuan ka hlauthawng deuh, mahse ka naute an hlauthawng ang tih ka hlauh avangin" an lo haw ve mai ang chu maw, kan lo la nghak ang e" tiin ka chhang ve mai a, Pu Chhuanga chuan," Nia, lo nghak phawt ula , chanchin min lo hrilh dawn nia, anih kan kalsan phawt ang che u" tiin min kalsan ve leh mai a, khua a thim dawn ruai tawh.

" U, anu te hi ngatinge , an lo va haw rei ve" Duata chuan a lo ti ve sek a, ka mang a ang tawh e ani." An rit deuh ang a, an kalchak theilo niang" ka ti a, thosi a tam si, kan inhiat neuh neuh hlawm mai.


Zanriah ei hunah pawh an lo la lang thei si lo. Duata lungleng leh riltam lah chu a tap deuh reng mai , " anu , lo haw thuai thuai ru. Ka ril a tam tawh ania, fanghma min lo hawn ve em? te a lo ti thul. Kan vai chuan kan ril a tam tawh takzet ani. " U, anu te hi sakeiin a seh aniang a," Sawmtei chuan a ti sar sar a, ka nghawk zeuh. Ni e, kan ri ah khan sanghal a chhuak tih chu an sawi ngei tak kha le?

Ka pa lah khan silai a nei ve si lo. Nghalpui chhuak khan a lo phin vak em ni ang le!
Ka hlauthawng ngei mai. Kan unau chuan kan inkuah thap a.

Khawchhung atang chuan meichher eng va va kan hmu a. Phur takin kan lo nghak thap. Ka ni aw ngeiin " Rinbawih, hawh awi, in ril atam tawh awm mang e, hei chaw ka lo funsak che u sin." tiin a thet sawk sawk a, ka naute chu ka eitir phawt a. Kan ri pa pu Chhunga leh tlangval pathum leh ka ni pasal pa Thuama te an lo ni. " Tikhan , ini ho khan lo han haw ula, inu te chu kan zuk ngaihven ang e" pa Thuama chuan a ti zung zung a. Meichher tur an la pu nual bawk a, an liam ta sang sang mai. Ka ni ho chuan ka naute chaw ei kham chuan kan inzui haw ta a. " Ni, engtinnge lo kal nachang in hriat a" ka ti a, " tlailamah khan ka damlo rawp deuhin inkawta tengterd kha va lo turin I pa Thuama ka rawn tir a, in lo indo thap sia, a rawn haw lam khan pu Chhunga te losul haw a tawk a, tah chuan in chanchin kan hre chauh a, zanriah eikhamah kan rawn kal a, in lo awmloh taka chuan hmanhmawh deuha chaw funin kan rawn tlanthla ta ani" tiin min hrilh dap dap a.

Kan in kan thlen chuan Duata chu a mutthilh a chhuak der tawh ." A u, ka mut a chhuak e mai, anu te lo haw hunah min lo kaitho mai rawh" a ti a, a ke pawh chu ka silsak hman lo. Khumah a mu ngam chuanglo. Kan thutphah sei neih chhunah chuan a mu a, puanhlap ka sintir a, ka ni chuan min awmpui hrih a.


Sawmtei leh Ramtea erawh chu tlemin an lungfing ve deuh tawh a, meilum bulah thu in ngawi rengin an awm a,. "Khawnge maw, Rinbawih, thingpui kha han lum ta che, I lo in ang hmiang, I nu te chu an lo thleng har tawh lo ang chu maw" ka ni chuan a ti a. Kan leikapui chu a lo ri rak a, kan VCP nupui pi tawni leh pu Chhunga nupui pi rotuaki te chu an lo lut ve a. " Rinbawih , I nu te chu eng em an ti lo ang chu maw, lo thlaphang suh u" an rawn ti lut ve luam a, ka ni chuan " E khai, in va fel dun tak em! Hei thingpui kan lo lum a, lo thu rawh u, in lo kal a, kan ngaih a ngam huai mai" tiin a lo chhawn ve vat a. Naupanga thuchang inleng lo chhawn te hi ka la zei em em bik si lo. Rilru hah nen, ka thaw a ipik tun mai.


Ka Naute ho chu khumah ka muttir vek a, Duata chu ka nu te khumah ka muttir a, a mutui bawk a, a harh em lo vang chu. Ka ni te ho chu an titi barh barh a, an bulah ngawi rengin ka lo thu ve ringawt a, pawn lam chu ka en leh zeuh zeuh thin.


Pa Thuama te chuan an zuk hmu em ang chu maw!!

Rei kan nghak ta lo, meichher eng ka hmu ta, " sawle" tiin ka ding hluai a, kawngka lam ka pan nghal a. Hlangah hian ka pa an lo zawn , ka nu chu a lo tap deuh pur a, a sam a thur vek bawk.


Inchhungah ka pa chu an rawn zawn lut a, mahse ka pa , min hmangaih em emtu kha, nunna a nei tawh lo ni tih hriat takin ngawi rengin a mu tlawn zuah a, a pum zawn chu thisenin a la khan zuih a, a thang deuh ngher bawk.

" Pa, ngatinge hetia I awm, pa, lo tho rawh" tiin ka bawh thlawp a, ka nu pawh chu a lo tah zawm ve nghal a. Kan thawmah thenawm te an lo lut zel a, kan chanchin chu khaw khahin a khat ta.


Khatia ka nu leh pa feh khan , losul haw hunah vau a ka pa sahdal kam zuk en kha sanghal lo chhuak nen an intawng fuh a, ka pa khan chemtum nen a lo achhawn ve na in , sanghal zawk khan a pumah aa rawn tai thler ta zawk a lo ni. A lo let har em avangin ka nu ngaihtha lo in a zuk en chuan, thisen nena ka pa lo mu reng leh sanghal hnu chu a zuk hmu a, ka pa pawh khan anlo sat ve nual an tho na in thihna khawp chu a ni bik lo aniang, thisen far pawh a awm ve thluah tho.

Ka nu chuan tanpuitu a han au dawn a, a Mangan em avangin a aw pawh a chhuak hlei thei lo a lo ni. Ka pa chu a thi chhuah avangin a chau zel si a. Ka nu puan lukhum chuan thichhhahna lai chu an han hnawh ve ringawt nangin a thichhuak a tawp thei si lo . Khua lo thim tuai tawh si nen an mang a ang tawh lutuk a, ka pa lah chu a meng à ruai tawh mai sia, chutia mangang taka an awmlai chuan khuain a thim hman ve bawk nen. Ka nu chuan ka pa biangah te chuan an beng thin a, a harh zo si lo. Mangang em em a , an awmlaiin pa Thanga te an zuk thlengthla hman hlauh a lo ni.

Ka unaute ho chu kan kaitho a, nula tlangvalho chuan kan in chu an singsa tan ta, ka pa ruang chu ka nu leh pa khum ah chuan an zalh a, Duata chuan a hrethiam lo hle mai. " Apa, lo tho ta che, kan lo nghakhlelh tawh che sin, tinge in lo va haw rei ve, mawh apa, lo tho rawh" a lo ti a, ka pa ruang chu a sawi char char a, ka ni chuan," Duata, hei I pa hi a hah hrih anih hi, lo mu rawh se," tiin a kuah nghal a, a hawi hu hu a, " Àni, tinge mi hi an lo kal teuh a" anla ti deuh deuh a, a hahthlak mang e. Siamtei leh Ramtea chuan an hrethiam deuh tawh a, an lo tap dun kerh kerh a.

Reilo te ah khuangpui leh khuangte an rawn la lut a, zai an tan ta. Zai a nuam hle mai, kan chhungkua mi khawngaih kan lo hlawh ve anih hi, nula tlangval ho pawh an biak a tha , chetna turah chuan an che vat vat a. Zualko pawh an intir thuai a. Khawdang atanga lo kal tur an tam em em lo.

Ka putea, ka nu chhang chiah Er Rochhinga, Aizawl model venga awm chu a ni deuh mai. Ka nu te hi ka pa nen hian ka pi leh pu phallo Chung innei an nih avang hian ka pi te hian an ensan a, rilru natakin an awm a, an boral hma phah a, ka putea nen chiah hian unau an ni. A dang chu kan khua ah hian an awm deuh vek. Ka pa chhungte lam an ni fur bawk.

Zing dar 6 bawr velah ka putea te nupa pawh an lo thleng ve ta, ka pa ruang an hmu chu mipa mah nise a tah ve bawrh bawrh mai.

Ka pa nen hi chuan unau pianghmun angin an inen ve a, an inngai thei hle thin.

Ka Naute chu ka ni chuan an inlamah a hruai a, a bualfai vek a, kawr fai an hak vek hnu chuan a rawn pheipui leh a, ka nu ber chu a khawngaihthlak. A bulah ka tap chawt a, a tap hleithei tawh lo, a chau ngawt ang. Bawnghnute intir ka tum leh" ipa pawhin engmah a ei lo , engmah ka ei bik lo ang" a ti zel bawk sia.

A khat tawk in ka pa ruang bawhin" u kap, hi hi... U kap, hi.. hi.." a ti leh tawp thin. A mitmeng pawh a vai ruai tawh. Ka ni chuan" Awi, Hliri, I fa te tan I intih chak a ngai ania, hetia awm ringawt loh tur" tiin enge maw tal eitir a tum pawhin a duh si lo. A manganthlak tak zet ani.

Ka pute chuan" mmmm, I fate I ngaihtuah lo nih hi, engmah ei suh, tikhan awm tawp rawh , naupangho chu keiman ka enkawl vek ang" tiin an hrawk deuh hrawk a. Ka nu chu a rawn meng kawk mai.

" Rote, I lo kal ve ni maw, hawh awi, thingpui kha lo pe ta che , Rinbawih, i putea hi" a lo ti vat a.

Kan han nui leh rih, " I in ve loh chuan ka in duh lo, ka u, artui nen ei ang aw" tiin a thlem ta heuh heuh a. Artui chhum leh bawnghnute chu ka ni chuan a rawn la vat a, ka pute a chuan an khehsak a, a barh ta a, nui hui chungin a ei ve ta , bawnghnute pawh chu an han intir leh nawk nawk a, a harh hawk ang chu.

Ka pa ruang pawh chu ngawi rengin ka kil ve leh ta a.

Vui hun a lo thleng hnai ta. Upa pawl leh ka pa uitu chuan thu an sawi ta tliar tliar mai. Ka nu pawh a ding ve a, ka putean thu a sawi ve bawk.

Pastor in vui hunserh a hmang ta, ka pa chu reilo te ah an kalpui ta tawh dawn. Kan hmu rei tawh dawn lo tih chu ka hre ve thiam vek. Mahse, ka la naupan bakah ka zakzum bawk nen, ka tahtha ngamlo. Ka en ngawih ngawih ringawt.

Kuangchhungah an dah ta, an chhin dawn chuan ka nu chuan" Anih leh, u kap, mangtha aw, ka lo zui thuai ang che" tiin ring takin a tap a, ka naute pawh chuan ka pa ruang an han kalpui dawn meuh chuan thling baw hawkin an tap ve ta tluar2 mai.


Aw, pa neihloh chu a va han hrehawm dawn tak em! Mi te chuan a sarhu lai chuan min khawngaih a, min ral ve liam liam a, artui leh ar nen an rawn hum lut tuk tuk mai.

Karkhat ka putea te nupa chuan min champui a, office a chawlh reng theih si loh a, min awsan daw chuan mamawh zualpui lo phuhrukah tiin ka nu hnenah chuan 5000 a hnutchhiah a, " mamawh in neih chuan lo sawi hreh lo ula, hei manuni pawh hi a inhuam viau ania" tiin a nupui chu a nuih sak a. Nu manuni pawh chuan" E khai, ka u, lungngai reng reng suh u, kan in pui tawn zel ang chu" a lo ti ve bawk a. Kawtchhuah thlengin kan thlah a, ka putea hian alto sen a nei a, chi chuan an lo kal ani.

An tlanliam thleng chuan kan bye bye a, kan ngui nghuai mai.

Ni leh thla a ral a, inleng an tin tual tual a, fahrah nih hrehawm zia a lang telh telh mai. Rin aiin pa neih loh chu a lo hrehawm in a lo rapthlak a ni.

Thingtuah lak a lo ngai a, ka nu chu ka zui ve hnak hnak thin, ka phurh theih tawk a tlem si. Ka nu a hah sia, ka khawngaih bawk si..

ka naute school an kalloh ni chuan ka ni te inlamah kan dah mai thin a. Ramtang rual pawh ni lo kha lo ah te kin riahpui ve lawp lawp a, a hlo thlawhna hlanin thlamah rawng ka lo bawlsak thin . Mite chuan min hmusit tlat hian ka hre thin. Ka Naute pawh chu pawnah thiante zinga an infiam ve pawhin "nang pa pawh nei hleilo" tiin an lo kawm duh lo thin a, an lo tap haw fo thin. Hrehawm kan ti thei hle ani.

Ka nu erawh chu tuarchhel ve tak ani, a ngawi mai a, engmah a sawi ngai lo. Ka ni chuan engkim alo hre vek a, min lainat em em thin.


Ka putea beng a lo thleng ve ta hial mai. A lo kal leh ta thuai a. " Ka u, hetia awm reng chu a tha lo, kan bulah lo awm phawt ula, chuta tang chuan eizawnna kan dap ang a, indan I duh leh kan ngaihtuah zel dawn nia, khawpuiah chuan eizawnna a awlsam a, helaiah chuan I hmakhua a thim em mai" a rawn ti a. Mahse ka nu chu a luhlul ve tlat." E , ka nau, min ngaihtuahna ah ka lawm e. Mahse , u kapa lu nghahna hi ka chhuahsan thei lo, ka nu leh pa thuawih lo aka neih ania, chu vanng chuan ka damchhungin a lunghahna hi ka chhuahsan dawn lo " a ti ve tlat. Ka putea pawh chuan a thiam ve tho. Mahse, keini naupangho min ngaihtuah bawk si. " Ka thiam lutuk che, mahse, naupangho hian hmuhsit an tawk nasa lutk hi ka hmu thei lo ani. Fa kan nei thei lo bawk a, Ramtea chin tal hi kan lo enkawl ang e, Duata erawh chu nu ngai rual ala ni sia, lo awmpui hrih la, I rilru I siamfel hunah I lo la kal veleh ang a" a ti leh hram a, ka nu kalsan chu ka ngaingam bik lo asin. Mahse, ka putea chuan school te min kaltir leh a tum avang chuan an bula awm chu ka chak ve tho ani.

Ka ni pawh chuan a hnial duh ta biklo a, " chuti na na na chu I hruai hlawm aniang chu, Duata erawh hi chu ni e, a la nau bawk a, kan awmpui hrih phawt ang a, school te an kal chhunzawm theih chuan a tha alawm" a ti ve ta nge nge a..

Nihnih lai a cham hnu chuan Aizawl lam min pan pui ta. Vawikhatmah kan khua pawh la chhuahsan ngai lo kha kan nia, kan phur hle mai. Motor lah chu kan rui nasa mai sia. Kan chau tlang hle mai..


Aizawl chu kan thleng ve ta , a ropui kan ti lutuk, kan hawi hu hu mai. Building sang tak tak lo khir eih uaih te chu kan tan chuan a mak ani. Lirthei lah chu amak amak a tam. " Pute, heng motor zozai hi tu ta nge , a van tam em em" Ramtea chuan a tichhuak ta hluai reng a, mipui lah chu an insulpel zut zut mai si...

Pute a pawh chu a nui huk a, " Ramte, Aizawl mihring zahve ngawt hi motor a awm alawm , in tinin chawhrualin motor pathum vel theih nei ang kan ni" a ti a.

An in chu kan thleng ta, Nu Manuni chu a lo chhuak vat a, " Awi, Rinbawih, in lo thleng maw, nin chau em, khawi bag kha chu ka lo khaipui ang che u" a lo ti sawk sawk a, a va hahdamthlak thin em!

Pitei tur chu ani nangin min nu rawh u, a tihtlat vanga nu kan ni. A fel sawt sawt ania. Inchhung kan han lut chu a lo felfai si, pangparte chu dawhkanah a lo khawi a, thutthleng te chu a dup vek mawle, a fai si, bangah chuan an inneih thlalak mawi takin an lo tar a, ramthla leh thildang lemziak mawi tak tak an tar thluah bawk. Keini thingtlang naupang tan chuan ennawm hi ani ringawt. Siamtei chuan ka deuh ho hian" Ànu Manun, in in hi a van nuam em em ve, a mawi bawk si, thutna te hi a dup bawk sia, in van Hausa bik em em ve! " a ti hluai a, " Chuti maw...hei I putea thawhrim rah anih hi" nui var varin Nu Manuni chuan a lo ti a, thingpui te kan inzawh hnu chuan "inbual rawh u, in chau awm si a, in mu hahdam phawt dawn nia, " min ti a. Bualinah min hruai a, an bualin han fai dan chu. Enghi nge inbiakna ber pawh ka hriat loh chu. Shower an tih chu min onsak a," hei hi tui lum herhchhuah a, hei tuivawt herhchhuahna, hei sahbawn anga hman tur ania, heihi shampoo aw, lusukna tur" tui off leh on dannthlengin min hrilhfiah kha.

Thingtlang naupang, sahbawn sen chauh hmang thin tan chuan buaina tham fe a ni. Shower gel te chu kan han hmang ve nawk nawk a, mak hi kan han ti mai mai khawp a, kan unau chuan kan nui var var mai. Kan inbual zawh chuan kan thawmhnaw neih ang angte chuan kan han inthlak a, kan thingtlang thawmhnaw te chu a thing ta riau mai..



Nu Manuni chuan, " mu hahdam phawt u la, eirawng bawl zawhah ka lo kaitho ang che u" tiin mutna tur min siam sak a. Khum dup nuam deuhah kan unau thumin min muttir a, khumphah te chu a rimtuiin a fai si, kan muhil thei dawn mi le!.

Kan chau tlang bawk aniang, reilo teah kan lo muhil vek tho mai.. mumangte ka lo nei vel, ka pa ka lo hmu a, " khatah khan awm rei su, chhuak thuai ru" min lo ti a, a ral leh daih.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 22nd, 2021, 3:40 pm

#LALPA NEN CHUAN ENGKIM A TIHTHEIH#

Chapter 2

Ka harh zawk,
Ka mumang chu mak ka ti hle mai. Nu Manuni nui ri ka hre chhunzawm nghal a, " Nia, fa kan neilo a, Pathianin fa atan an unau hian min pe ani mai, ka lawm viau asin kei pawh."

Hmmmm. Ngaih titha phawt ang. Zawi muangin ka tho them them a, ka naute tiharh ka hlau. An chau sia , muhil reng hrih rawh se...

Choka ka luh chuan Nu Manuni chuan" Aw, I lo tho elaw, ka lo kaitho ang che u ka lo tia, hei I putea nen kan lo sawi a, nangni unau chu tihian kan fate in ni mai a, kan bulah in awm ang a, nang pawh I duh leh I thil zir theih awm tawk I zir leh ang a, I naute pawh school an kal chhunzawm ang a, lungngai lo ula, tan kan la tlang zel ang chu" a lo ti duah a, a lawmawm rualin a lungchhiatthlak zawk ani." Nute, ka lawm e aw, school pangngai chu ka kal chhunzawm ngam tawh lo ang." Ka tih chuan putea ngaihdam a ni lo nasa." E, I insit anih kha, English medium I kal duhloh pawhin govtah tal I zawm dawn nia.. kan vengah hian a awm alawm, zak duh reng reng suh, thufing pawhin, pianloh aiin piantlai a tha zawk atih kha. In kal ang a nuam I ti dawn lutuk" tiin min lo fuih phur sauh sauh a, ka ngaihtuah a, kan khaw primary ah khan pawl thum thleng ka zir ve hman ka tih kha, a thiam thei pawl chu ka ni ve tak na in , khawpuiah kum 12 nih tawh apawl li han zir that leh chu... Nang ni la I hreh ve tho ang em???


Mahse, heti khawpin min ngaihtuah a, an thu ka awih phawt ang.
Ka Naute pawh chu an lo tho sang sang a, nutei chuan hlim takin a lo be bawrh bawrh a, kan khua chu nise, ar lawi a hun ang a, vawk lah an riltam an lo te leh ruai ruai tawh ang a, naupang infiam anri hlut bawk ang a..

Mahse, betah chuan chak tak taka motor tlan ri leh eng khawl khawl emaw ni ri ruai ruai ri te, motor pit thawm te chauh ani kan hriat theih chu. Khawpui nun chu a hahthlak zawk daihin ka hria.

Kan awm rei ang a, kan in herrem ve thiam mai ang chu.

Chaw kan ei ta, thlengte chu a mawi hlawm mai sia, fian leh thlengkum (bowl) te chu an rawn chhawp teuh . Eng atan em em nge le??

Chawhmeh thleng tinah fian pahnih, bowl te chu kan thleng sirah a dah theuh, engatan a hman tur nge pawh ka hriat loh chu.. ka nutei chuan kan hawihai hmel a hmuh chuan a lo hrethiam ve vat a, a hman dan turte chu min han hrilhfiah vat a. Kan nuih a za leh em em thung si. Hlim takin zanriah chu kan han ei ta phawt chu nia..

Thleng Seng leh sil zawng zawng chu ka pui vek, khawpuiah chuan chetphung a lo danglam tawh a, mahse mi inzir mi tak ka nih avangin ka hrethiam zung zung mai. Ka Naute ber hi ka ngaihtuah thin a, mahse ka chetdan an en ve reng a, an man e zung zung mai.

(Karhnih hnuah chuan)

School form thar nen ka induang ta zaih mai, model veng primary schoolah pawlli ka zawm ve ta, ka len bik ema avang chuan ka inthlahrung em em a, mahse zirtirtu te an fel a, naupang hnenah pawh min fiamlo tur leh min kawm theih turin an hrilh zel zawk a, ka putea hi vengchhingah a lo challang ve bawk a, zah a lo kai viau bawk nen, nuam ka tichho ta viau mai.

Ka Naute pawh school an kal ve ta vek, kan unau chuan kan hawho dial dial thin. Kan hlim a nuam kan ti hle mai. Kan school form te chu inhmeh kan inti hlawm thei ania.

Lehkhazir chu ka chawlhsan rei ve deuh tawh avangin ka harsat deuh hlek a, mahse nutei chuan min pui nasa em em a, hma chu ka sawnnve hret hret zel.

Tlaikhat chu kan chawei laiin phone a lo ri a, landline hi an la nei a, ka nutei chuan a va pick up a, " Hello,... Aw ni e.. enga?..." Ka nutei hmel chu a dik lo. " Nutei saw".. ka te tuarh...

Putea chu rang lutukin a tho a, nutei chu a a buaipui vat, thutthleng seiah a thuttir a,

" Nu i, I tha em?" A kutte chu a khawng vek, a ka a ang reng a, a melh ngai a melh reng bawk. A kut chu ka lo hmehsak ve nawk nawk a. A lo harh ta,.
" Ka... Ka.. ka pa .." a tapchhuak ta. Phone chu a reciever a lo la inkhai then nawlh nawlh a. Ka va la a, kan ngaithla leh a, " hello, aw, hei putea hi lo be rawh aw" putea chu phone ka biak tir a, nutei bulah chuan ka thu a.

Ka nutei pa chu a lo damlo nasa a, Aizawl an rawn panpuina lamah a lo boral a lo ni. A ruang chu serchhip ah an phur let leh mek a, chu chu an lo hrilh a lo ni.

Ka putea chuan a hna laklawh avanin a zui ve thei lo a, nutei chu amahin a chho dawn a ni. Ka ngaihtuah ve hle mai , a tuar si a.


School kal a ngaih si avangin kan in siam a, kan liam ta vek a. Ka pum chu a rawn na riai riai a, ka luakte a chhuak deuh bawk . Ka tuar hram hram a, nakinah chuan ka tawrh zawh rual ani ta lo. Kan zirtirtu chuan min lo hmu a, na ka neih leh neih loh min zawt ta a, ka sawi ta chiah.

Staff roomah damdawi min eitir a, a ziawm deuh hnu chuan min hawtir an tuma, mahse ka thu thei ang ka tih vangin classah ka let leh a. Chawhnu period a nih tawh tho avang chuan ka tluan thei ta hram.

Banah ka naute nen kan haw rual leh vek a, ka pumnat thu ka sawi chuan Sawmtei chuan min khawngaih ve hle mai. " U, mu daih rawh, Kean eirawng chu ka lo bawl mai ang" a ti ve reuh a.

Mahse, ka phallo. Thleng te kha a tikeh palh ang. Nutei a thinrim ang a sin!.

Peihlo chungin eirawng ka bawl a, putea a lo haw a. " Aw haw eirawngte I lo bawl ani maw, khawi ka lo pui ang che" tiin min lo pui sawk sawk a. Ka Naute chuan homework an lo ti ve bawk a.

Zanriah eikhamah kan roomah chuan kan mu theuh a. Putea chuan, I nutei a awm si lo a, Ramtea kha ka lo mutpui ang e a tih vangin Ramtea chu a mutpui a. Sawmtei nen chauh chuan kan mu ta a.

Light ka off a, ka tawngtai zawh hni chuan ka muhil ve ta thuai mai.

Ka mumangah chuan ka pa ka lo hmu leh a, mangang tak hian "kha in kha chhuahsan ru" min lo ti leh a, a ral leh daih.
Ka ngaih a tha thei tawh lo. Ka harh zawk a. Enge mawni min delh rittu a awm. Ka thaw chhuak tha hlei thei lo...

Ka harh chian chuan khua a lo var tawh. Ka bulah Siamtei a lo mu tawh lo. Ka mang avang khan ka hlauthawng that leh. Rang lutukin ka tho chhuak a, choka ah chuan Siamtei chu a lo awm a, thingpui lum a lo tum ve a.

Ka va pui vat, ka hmai ka phih a, " I va tho a ve a" ka ti a. " I mangchhe lutuk a, min tlawhthla tep alawm" nui chungin a ti a. Ka nui ve tawp .

Ka mumang chu ka hrilh tep a, mahse ka hrilh duh hrih lo. An mangang palh ang.

Putea pawh a lo tho ve chiah, ka pum chu a lo na leh riai 2 mai, ka chul hauh hauh a, ka si deuh ham ham a. Putea hmai phih zo chuan " Rinbawih , na I nei mi?" .
"Mmmm, ka pum a na lutuk, ka luak a chhuak bawk" tiin dawhkan bawhin ka kun thlawp a." Aw, a va zialo ve, I nutei a awm bawk si lo a, damdawi kan en ang e" tiin thutphahseiah chuan min muttir a, ka mu kawm nghal ngul mai.

Damdawi bawm chu a hawng a, a hai rak rak a, nachhawkna a rawn phawrh a, min eitur hnu chuan " eirawng chu keiman kan bawl ang e, hei chawhmeh thing a la awm nual a, chaw kan chhum ang a, kan ei thuai dawn nia " a ti seuh seuh a. Putea hi chuan kan unau hian min hmangaih em em ani.

Kan lakah hian nu leh pa chan hi a chang tak zet ani. Unau pahnih chauh akarah fahrah an lo ni ve bawk nen hian ka nu pawh hi a hmangaih a, nau zawk mah ni se, u zawk chan a chang chawt zawk ani.

Chaw di kjam chuan ka la mu reng a, school ka kal peih lo. Ka Naute insiam chu ka melh peih tawk ani.

Putea chuan" ka office angai bawk sia, tikhan lo awm phawt la, chhunah haw hma dannka lo ngaihtuah dawn nia. Pawnah kawngka ka kalh ang a, tah an lo kal lao ang, hlauh tur aa awm lo. Hei hi damdawi ania, I pum a nat leh chuan I lo ei dawn nia " tiin min kalsan a, ka naute pawh an liam vek tawh.

Mahni chauha han awm takah chuan ngaihtuah loh loh tur ngaihtuah a awl hle mai. Ka pa ka ngai em em a, ani kha chu la dam se chuan ka damlo Chung chung kha min fehsan awm si lo a, engti thei lo mahse, ka bulah a thu leh tlat awm sia.

Chutiang mai mai ngaihtuah chuan ka let ka let a, ka lo muhil sek aniang. Ka chungah hian min delh rit Tuna awm tlat, ka hmufiah thei si lo. Ka hnute a tham vel. A thaw huam huam a, ka mal a zut ta, ka kapkarah a kut a rawlh chiah chuan ka harh kawk.
"Pute, nang maw!!"


"Shhhhh... Ngawi rawh, I nutei a awm lo a, ka nghei rei tawh " ka hmui a hup tlat. Ka au theilo. Ka tang thei bawk hek lo.

Kei naupang mai ka ni, ani puitling thankin tawh. Hneh ngaihna a awm lo. Ka mittui a tla zawih zawih a. " Bawihte, a rei lo ang, a na dawn lo" a nui a, a hmel chu ka va han yen tak em!

Ka chungah hetiang a tifuh ang tih ein ngaihna pawh ka hre lo, a tunu ngawih ngawih ka ni a sin!

Ka kapkarah a kut a zen lut a, ka kekawrte a hlip thla pawl. Ka theihtawpin ka lo tang ve na a, ka hneh si lo.

Ka putea chuan ka neihchhun ka thianghlimna chu min laksak ta. Ka serh atang chuan thisen a chhuak a, ka hriat dan chuan ka serh chu a thler vek ni mai in ka hria, thanthi em pawh ka la nei lo asin. A va na tak em! 😭.

A duhtawk a ngah hnu chuan ka kekawrte chu min haktir leh thlap a. "I nutei hrilh miah suh, inu pawh, I hrilh vaoh chuan he in atang hian in unauin ka hnawtchhuak ang che u anga, in khuaah mi hmusitin in awm leh ang" tiin min vau zui a. Ka tah a chhuak , ka tap thei lo. A mak hi ka ti lutuk, ka putea kawchhungah hian ramhuai a lut em ni??.

Ka mumang kha ka hrechhuak zawk a, ka pa khan he thil thleng tur hi a lo hre lawk em ni le, he in atanga chhuak tura min lo tih ziah ni le!!

Ka pumna a awm tawh lo bawk a, ka tho a, ka kap nat dan chu.. ka kal tha hlei thei lo, bualinah ka lut a, ka insilfai a, ka serh atanga thichhuak te chu a la na em em mai. Ka rap lutuk zawk.

Bedsheetah te chuan thi a kai avangin na ti chung Chung in ka sufai a. Ka hrehawm ti lutuk chu thih daih mai hi ka duh zawk.

Ka Naute ka ngaihtuah a, ka nutei emaw ka nu emaw pawh hrilh ta ila , hnawhchhuah kan nih chuan ka ni a khawngaihthlak dawn si, bakah ka putea te nupa an inthen phah emaw ania ang a. Kan la mualpho tho tho dawn. Chu ai chuan ka tuar tawh a, la nu leh ka naute tan chuan ka tuar zel mai ang. Mahse, kei naupang kum 12 mi chauh tan chuan a va harsa em! LALPA MIN PUI MAWLH TEH.

Nithum hnu ah chuan ka nutei pawh a lo haw ve ta, engmah ka hrilh ngam lo. Ka putea chuan min veng run zel a, ka sawichhuah loh nan titi dang a lo vawrh loh leh ka naute chu pawisa pe in an duhzawng lei turin a tir chhuak thin. Anni lahin ka putea rilru an hre der si lo. Nutei chuan ka mizia danglam deuh chu a lo man ta thuai a, ka kalsan atangin a niang chu ..

" Rinbawih, ngatinge, I va kal kak nasa ve, na I nei mi" a ti ta reng a. Putea chuan, a pumna kha a sawi reng a, nikhat pawh school a thulh phah tawh tak asin. Damdawite kha kan pe nawk nawk a" a lo ti zat zat. Ka nutei pawh chuan a awih veleh thlap. Mahse, a hmin zan loh hmel ka tia.

Ka taksa chu a danglam chak hle mai, ka thau deuh tan a, ka hmelte pawh tisen a rawn awm tan bawk. Ka nutei chu ka hrilh a, "nang hi thanthi I nei dawn niang a, in ven I ngai anih hi" a ti ve ta a... Chumi hnu lawkah chuan thanthi aniang chu ka tia, ka nei zui ta mai. Engkimah ka nutei chuan min buaipui ta vek, stayfree hmandan pawh ka la hre si lo, ka nu ai a va awhzo tak em! A changin min hrawk a, a changin kan nui dun leh thin. Pawlli zirlaiin thanthi ka nei anih chu!!
Ka zak lutuk a, school pawh chu ka kal chhunzawm ngamlo. Nunnuam pawn ka awm lo. Ka khur reng ringawt mai ani.

Ka Naute erawh chu an la kal chhunzawm zel a, anni tal hi han inzir puitling se, ka nu phurrit an chhawk thei deuh ang.

Hun leh ni a lo liam ve zel a, kum 5 lai mai kan lo ang liam ta. Kei pawh chu ka tleirawl ti a lo chhuak in ka lo puitling chho ve ta a, ka taksa pawh a nalh ve tawh khawp mai. Ka thanthi neih hma a, ka putea min mutpui avang kha nge ni ka hur tlat thin. In hrethiamlo mai thei.

Ka chhu hi a za tlat a, mahni ka inhrawt thin a, mipa ka ngai em em thin a, mahse ka hlau tho bawk si. Khami tum bak kha putea pawn min khawih tawh lem lo a, mahse hei sulhnu lian leh pawi tak min hnutchhiah ta anih hi.

A Tawi zawngin sawi ta ila ka thi neih dawn hnaih phei hi chuan ka chak nasa in ka inhrawt nasa thei hle thin. Hrehawm ka ti a, taksa a la fit tha bawk sia, Pathian hnenah te hian ka inhlan ve thin a, mahse ka thinlung duhna chu ka Tisa chakna in a hneh ngang thin lo ani..


Ka nutei chuan a u te dawrah puanthui zirna ah min trainning tir ve a, ka chemkalna zawng tak a lo ni aniang chu, ka thiam thei hle mai. Ka zirpuite zingah chuan rawn inchei parh thei deuh mai, thawveng ve deuh Didiki hi a awm a, mision vengah an awm nghe nghe. Kan inkawp deuh chawt a, a hlim thei reng a, a nui ar ar reng thei a, a nin kha ka awt tlat thin.

Hmeichhe rual awmkhawm tih takah kan nui ring thei tlang bawk a, kan bengchheng thei hle. Mahse kan instructor a awm hi chuan kan bengchheng em em ngai lo. A stirck ve a, nula upa tawh tak mipa ngaihsak em em lo, mahni inchhunga lal ve tawh tak kha ania. A lalna hia dawrah pawh a rawn chhawmlut thin a, a chang chuan a den thei ania.

Vawikhat pawh Didikin a bialpa chanchin a sawi a, an in fawhthu a sawi lai takin kan lo khek ring deuh aniang" hetah hian ngaihzawng chanchin sawi turin em ni in lo kal" meng rum lutuk maiin a tia, kei phei chu ka haw lek lek ani. Kan ngawi thap mai.

Chutiang karah chuan kan han zir ve nawk nawk chu nia, mahse, ka sawi tawh ang khan mi inzirmi tak ka nih avangin ka thiam ve zung zung zel a, thui turte pawh ka hmu ve ta nual mai.

Ka hun harsa tak tawnchhoh khan tumruhna min pe a. Ka putea te in chhuahsana kan unaua inbawlhran ve hi ka rilruk reng a, chumi tur chuan engemaw tihtur ka dap pah reng bawk ani.

Nikhat chu Didiki chuan" zanah hna kalna tur ka hria sin, part time a hna thawh hi tha deuh ania, darkar hnih chauh ania , I duh ve em? " Min ti hlauh mai. A hna lampang pawh ngaihtuah lo chuan " mmm, duh e, dar engzat thleng nge thawh tur" ka ti nghal a, " 7-9pm ania, ka kaldan chu, chumi shift chu a la awm ang em aw, anih loh chuan 9-11pm ani mai"


Kan ngaihtuah Chiang a, hlawh te a that chuan thawh ve mai pawh ka duh. Ka hmingin bank account ka hawng tawh a, inkhawm zel pawh ka tum. Ka putea khan ka sawichhuah a hlauh avangin min tlawn deuh thin, ka tetlai kha chuan ka hlau a, mahse tunah chuan ka puitling ve tawh , ka hlau tawh lo. Pawisa dil ka ching a, ka vau let ve deuh thin. Ka sawichhuah vaih chuan ka nutei a thinrim dawn bakah inthenna a thleng ngei dawn a, chuvang chuan a ngam bik si lo.

Thla tin sanghnih ka dil thin a, chu chu ka accountah ka dah hmak hmak zel. Ka Naute chu school an la kaltluang zel a, Sawmtei pawh pawl sawm a zir ve ta.

Zirna an chawlhsan hi ka duh lo, ka unaute hi chu ka chhawm puitling vek tur ani.

Ka puanthuina man hi chu 50% ka chang ve zel a, chu chuan ka inenkawl ve thei mai. Puanthan hi kan instructor in a tum vek zel avangin thui man kan chang vek rhwi lo ani. Customer ten puanthan an rawn intum chuan 75% kan chang thei thin bawk.

Ka hah ve thei hle a, mahse midang tibuai lo a awmhran ka chak ve tawh avangin zan lam hma pawh chu ka kal ve ta, vanneihthlak takin 7-9pm shift chu ka la chang ve hlauh mai. Zarkawtah wholesale dawr lian tak mai a ni a, bungraw lo thleng lo dah fel a ni a, a hahthlak deuh chu mipa in an ti tho bawk a, a hahthlak em em lem lo . Vai pakhat Riyaz hi a awm ve a, a felin a zuanzang si a, a tawng pai ve bawk si, kan nuihpui nasa thei hle. Mizo deuh vek kan ni a, a dangho chu, Muanpuia, sangzuala leh kimkima, kei , Didiki, Riyaz te chu kan shift ain ang vek a, kan inkawm ngeih tlang hle.

Kimkima leh Sangzuala hi an phur thei hle a, an hnathawk hi nuam an tih hmel thei lutuk a, ka zawt ta tawp mai.

Damdawi an lo ei thin a lo nia, ka duh ve em tih min zawh chuan ka lu ka lo thing nasa. Damdawi han ti tur em chuan ka la indah ngai lo.

Ka nun hi duhdah takin ka hmang lem lo a, ka naute entawn tura awm hi ka duh a, ka nu mialphona leh zahna tur so hi ka duh lemlo bawk.

Ka thawhna dawr neitu hi zarkawt pa Hausa tak mai ani a, a hnuaia thawkte hi min ringin min duat em em bawk ani. Kei phei chu ka chanchin ka han sawi chuan min lainatin min duhsak lehzual em a, mahse tumahin thik en ah min en lo. Ka hlawh pawh midang aiin min pe tam hret ani.

Thla hnih vel ka thawh hnu chuan ka thiante pawh chu an mizia ka hrechiang ta zel a, Sangzuala pawh fahrah ve tho a lo ni. Tihduhdahna pawh a lo tuar ve hrep tawh a lo ni a, chu chuan beidawnna pe in damdawite hial a lo khawih phah ani. Kan nihna a Inan em vang chuan kan inkawmngeih chho dun ta hle mai. A mahin in a lo luah hrang ve a, chhunah college kalin zanah tihian a lo thawk ve a lo ni. A college senso leh inluah man hi chu a int ve thei zel, a chang chuan 2nd shift te hi midang ai te a kal thin a, a hah thei hle. A damdawi tih khan a mahah thathona a pe thin a, chuvang chuan a nghei thei lo a lo ni.

Ka nu te chanchin pawh ka hre ve zel a, an dam a, Duata pawh alian ve tawh a, pawl7 lai a lo zir ve tawh a, an lo zin dawn hnai tih ka hre bawk a, ka phur ve hle mai. Christmas ah rawn bazar ve an lo tum ani..

Mihring hian kan hmalam hun hi kan va lo hrelo em!

Tlai khat chu Didiki nen kan puanthui zir haw chu kan chau dun hle mai.. zanlam hna kan la neih dun avangin kan inthen a, inlam kan pan ve ve a, ka taksa hai lutuk tihrehna ka mawh ani..
Ka putea hian zu in ve zauh a ching a , an roomah a senchi a dah pawh ka hmu thin.. ka in ve chak ta tlat!

Mahse, engtinnge ka dilchhuah tak ang. Ka rilru ka sen fe angai tlat. Ka Naute chuan roomah lehkha an zir a, an inchhia lauh lauh mai. Kan room leh putea te room inkarah hian sitting room a awm a, ka nutei chuan chanchin thar a lo ngaithla mek, putea pawh a bulah chuan an office hna niawm tak mai a lo khawih mawlh mawlh bawk a. Inchhung ka lut pawh min lo hmu lem lo. An room kawngka chu ka hawng de de a, min hmu miah lo, ka lut ta, a zu dahthat chu ka rel chhuak a, mahse no ka hmu mai lo. A um chawp a ka lakchhuah chuan an lo hre dawn si.. A raw in kan lem pawp mai nih kha...

Ka hrawk chu a thip thla nghal rawih rawih mai...
A va han tuilo ber kher ve... Ka ner nasa mai. Kawngka ka chhuak dawn chiah tihin putea a lo lut thut mai .. pawi lutuk!!

Min melhrum nasa, mahse kan nuihtlawn vel a, zu um ka lo dahtha hman hlauh, " enge, hetah I tih" zawite in a ti a, ka nui hak" ih, pute... Ka.."

"Ka zu I lo khawih elaw, I la kham nange ... Kha in leh rawh" tiin min tulhluih a tum a, ka duhlo ka lo tang nasa .. chutih lai tak chuan nutei a lo lut ta. Min rawn hmu chu a meng phawk nasa mai.

Mahse, hmeichhe fing tak ania a. Ka putea nen chuan min entawn sek a. " Nangni pahnih hian enge in hriat , engchena thui nge in kal tawh " zawi te in a ti a. Ka zak lutuk, mahse, ka zu in kha a thawk hman ve deuh aniang chu, tlem chuan ka zamlo ve deuh. " I ngaih ang kha ni lo nia, nu I" putea chuan a lo ti vat.

Kei chuan " ka nute, putea zu hi ka lo inruk sak a, min man chhuak a, min tulhluih a lo t lai takin I lo lut anih kha , ka tihpalh lutuk , ka chau ve deuh a" ka lo ti ve zung zung a.. ka nutei chuan a tukhuma a kutsuih chungin a thingthi hnawk a, " ka hlauhthawn ber a thleng ta maw, Rinbawih , keima thiamloh a ni. Ka enkawl tha tawk lo che a ni" a ti ta daih mai. Ka awihlo lutuk, min hau hrep dawn maw ka tia.

" Nute, keimah a lawm, I thiamloh a awm lo ania " tiin ka kaitho a, ngaihdam kan indil tak chiam hnuah chaw pawh ei lo in ka part-time hna ah ka kalsan ta nghal a..

Zarkawt ka thlen chuan ka thiante pawh an lo awm ve tawh a, Sangzuala ka pan vat a, banah an ina ka kal duh thu ka hrilh a, mak min tih hmel hle, ka rim a hria aniang , engmah a sawilo naa in , min en leh zuk zuk thin. Bungrua rawn thleng thar a tam avangin remthat tur a lo tam mai sia, mipa ho pawh an hah ngawt ang. Kan shift ho in kan thawk zo hman lo hret a, 2nd shift ho lo thlen chuan ka chau tawh lutuk. Ka meng phi ruai tawh. Coffee leh a hmeh min lo pe a, lam in hnu chuan ka harh deuh hawk. Ka ril a lo tam tawh lutuk. Chaw ka la eilo tih ka hrechhuak.

Sangzuala nen chuan an in kan pan a, kan thawhna thlang lawkah a lo nia. Inchhung chu a lo tifel reuh lutuk. Mipa awmna tih hriatloh deuh hian a lo fel thlup mai. " Chaw ei ang aw, chawthing ka ring mai zel a, zingah hian ka tlaichaw tur ka bawl kep vek zel" a ti mai a, chawhmeh a chhuanglum a, dal leh artui kan nen kan tlingtla ve nawk nawk mai. Kan eina ka silfel hnu chuan thutphah sei a neih ve ah chuan kan thu dun a. " Sawi tur I nei mi, hei chen min zui" a ti ta a.

Ka aw ka thian a, ka kut ka nuai neuh neuh a" ih, englo ania.. ka chau lutuk a, ka putea zu ka risksak a, min man chhuak a, ka haw ngam tawh lo. Min ngaidam vek na in ka zah em mai" ka ti chhuak hlawl a. Mak ti takin min en ngawih ngawih. A chek tlak tlak bawk." Ka kawng zawh ang zawh ve tur che hian ka duh lo che, ka phal bawk lo che asin" min ti a. Thutthleng hnung chu a ngheng a, a inngaihtuah muk e ani, a maimitchhing tlat bawk. Kei chu ka harhfim tawh nasa mai sia, ka zak leh ngawih ngawih tawh.

A rawn hawichhuak a, "imm, zanin chu riak phawt la, naktuk zingah ka va dah ang che. " Ka lawm lutuk ringawt.
Ani chu bathroomah a lut nghal a, keipawh inbual ve chu ka duh, mahse inthlakna ka nei si lo. A lo chhuah leh chuan tawnzau vat leh boxer nen chiah a lo awm tawh, a lo nuichhak var var a, a damdawi a ti leh tawh tih ka hre nghal mai. Tih ve chakna ka nei tlat. " Sangzual, ka duh ve ania" ka ti chu mak min ti teh e... A phallo bawk , mahse ka ti ve chak tlat, engmah enghelh nei lo va awm kha ka chak alawm. Ka dillui a, min pe ve ta, kan ei ve ta chu ania . Ka Naute entawn tura awm tum tang tang kha ka nih vei nen chuan aw!! Ka rui chuan enghelh leh pawisak ka nei ta lo. Ka lo inbual an ve bawk si, Sangzuala T. Shirt lianpui chu ka ha a, a hnuaiah engmah jak tur ka nei lo, a khumah chuan kan thu mu a, mipa leh hmeichhia insi rial a awm ta chu kan innawt tek ta chhawk mai. Reitak mipa mamawh a awm tawh kha ka mamawh tak min han pe ta anih kha.. Hemi zan hian vawithum min pe hman. Ka putea lakah khan chuan tihluihna a nia, naupang ka la no bawk a, a hrehawm chiah ka tuar a, tunah chuan ka lo puitling ve tan ta bawk a, nuam ka tiin ka zawngchhang dawn hle in ka hria..

A tukah chuan ka putea hnenah chuan min dah leh thlap a, nutei nen an lo thu a, veranda ah " E khai , Rinbawih, I lo haw maw ??" Nutei chuan a lo ti vat. Nu fing tak ani ka tih kha, mi hmuh leh hriatah a thinrimna a tilang mai mai ngai lo. " Aw, nute, ka chau lutuk a, kan dawr thlangah Sangzuala te inah hian kan chawl a, thutthlengah ka lo muhil tlang daih a, hei min lo hruai haw nih hi" pha deuh duiin ka lo ti a." Anih chu, I va fel ve, kan lawm lutuk ania, in lo thawkho ani maw?" nutei chuan a ti a.sangzuala chuan " aw thawkho e, lawmthu sawi a ngai lo, college kal ka ngai sia, ka hawsan leh phawt ang che u" tiin a kal daih a.

Putea chu a hmel hmuh a nuam lo kher mai. Inchhungah kan lut a, ka naute chuan lehkha an lo zir mek a, min en deuh hrek hrek a, engmah min zawt ngam bik lo. " Kan roomah lo kal teh aw" putea chuan a ti a.

Thuawih tak chuan ka lut ve mai. " Min va ti mangangin min va tizak ve!
Tlangval I riah pui amaw, heti khawp hian kan duat che a, mipa rawp lutuk mai" min ti chiah chu ka tek sawk. Ka thinrim zia chu .. ka nutei chu awm lo se ka va han chhang dawn Chiang tak em!

Nangmah vanga he dinhmun thleng hi ka ni asin . Mipa mamawh lo theilo amin siam tu chu nangmah I nih hi tiin ka kawk siah siah ang chu mawle.. mahse, kamkhat pawhin ka chhang ngam si lo.

"Naktuk atang chuan zanah hna I thawk tawh lovang. Dawrah chauh I kal tawh ang" a ti leh a. Thla a tawp ruai tawh a, hlawh lak a hun tep tawh asin le!.. ka hnial ngam si lo. Ka inchhir ta tak zet ani.
Mahse, thuawih a ngai si. Pawilo, zaninah kan pu pawh engkim ka hrilh vek mai ang.

Ka nutei eirawngbawl sa chu inthlahrung deuhin ka ei a, tawng pawh ka tawngchhuak lo. Ka nau te pawh ka zah hluah hluah tawh..

Chhunah puanthui na ah ka awm a, ka zia a zawi vek. Didiki chuan min hrethiam a niang, " I la chau hle ni maw, zanin chu I kallo mai dawn mi, ka lo sawisak ang che" min ti a, mahse ka hnial tlat..

Kan ban hnu chuan ka ko hrang a, kan in peng thleng kan kal dun a, engkim ka hrilh vek.

Mak min ti a, pawi min tihpui bawk. "Tihdan tur kan ngaihtuah dawn nia, lo lungngai lo la" tiin min kalsan ta a.

In ka thlen chuan putea chuan min kohrang a, " ka hrilh che kha, zanin bak hi zanah hna I kal ka phal tawh lo, in pu pawh hrilh nghal la a tha ang" min lo ti a. Phur vaklo in chaw ka ei a. Ka Naute chu ka be hlim hram hram a, tha taka lehkha zirturin ka chah a, ka hna ah ka kal leh ta nghal. Two wheelers taxi ka ang mai thin a.

Zarkawt ka thleng phei a, kan dawr thawhna kawtah chuan mi an lo zi nuai nuai mai, enge thleng ta le!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 22nd, 2021, 3:40 pm

#LALPA NEN CHUAN ENGKIM A TIHTHEIH#

Chapter 3.
Mipui zi nuai nuai karah chuan ka va inrawlh tawt tawt a, kan dawr kawngka ah chuan Sangzuala thinrim lutukin a lo ding a.min hmuh veleh dawr chhungah min kuah lut nghal a.ka hawihai hle mai.

Didiki chuan min lo pan vat a," Nizanah kan dawr bulah hian heroine no 4 an lo hmu a, chu vang chuan kan zinga mi hi min ringhlel a nih hi...Pu pawh a lo thleng tep ang" a lo ti vat a, ka hlauthawng kher mai. Nizan khan no 4 chu Sangzuala khan a hit ngei mai a, kei chu proxyvon chauh ka bar anih kha.ka thiana hi an man vaih chuan ka chhe vek ani mai.vawikhat ka bar tawh a, tunah pawh hian a zunin min phuar tan tawh. Ka bar leh chak tawh asin le.

Sangzuala chuan dawr rolling shutter chu a chanve thlengin a Khar a, a lo phei a, ka lo kuah thlawp. Min pawm ve chawih a, ka samah a fawp zauh, " hlauthawng suh , ka veng tlat ang che"..


Kan pu pawh a lo thleng ta, damdawi an hmuhma hi kan dawr kawngka bul chiah tlemin khuar a lo awm a, tahchuan an lo hmu a ni awm e, lungin a lo inhnawh a, complaint a lut anih lemloh chuan hriatchhuah har tak chu ani ve tho mai.

Pu chuan kan zingah. Damdawi heroine khawih kan awm leh awm loh min zawt ta, kan ngawi thap mai. Ka tiril a khur zaih zaih a. Sangzuala chu ka va en a, a lo inringtawk viau mai. " Ka hrechiang tawk viau che u in ka hria a, mahse hei kan dawr bulah man a ni si a, kan zinga mi ta anih loh chuan mihrang chuan an rawn dah thei mai dawn em ni?? " tiin a vei kual sek a..

Chutah Sangzuala chu a lo penchhuak ta," ka pu, keiman ka dahtir anih kha, ka mamawh si a, mahse tunge min lo hek ka hre lo, ka thiamloh vek ani" a ti ta. Kan pu hmel chu hmuh a va nuamlo tak em!!

"Helaiah hian I thawh ve a rem tawh lovang, damdawi timi nen a inhnimhnaih hi ka duh lo, I hlawh chu ka pe tho ang che, " a ti chhuak ta. Rang takin kan pu bulah chuan ka kal a, " Pu, khawngaihin, ban suh, keimah hi ka bang dawn zawk asin, ka putean zan lamah hnathawh a phal tawh lo a, chhunah hna dang ka thawk tho a, Sangzuala chu a intunnunna ve liau 2 asin. A college a chhunzawm thei tawh lo ang. " tiin ka ngensak lawm lawm a.

Chutihlai tak chuan local council ho an lo thleng a, complaint a luh avanga mawhphurtu an man tur thu an rawn sawi ta. Sangzuala banah ka kai a, "kan pahnih hian a mawhphurtu kan ni, ka chah anih kha" ka lo ti vat.

Sangzuala chuan ka ban thinthlak a tum a, ka chelhnghet sauh. " Kan pahnihin kan tuar ang" ka ti tlat.
Mahse, mipa fel tak ani. " I naute ngaihtuah rawh . hei chu ka buaina a ni, keimahin ka tuar ang" a ti sap a. " Keimah hi mawhphurtu ka ni, min hruai rawh u" a ti a, an hruaichhuak ta.

Ka hnim ruai mai, mahse ka bang dawn tho a, chumi rilru pu chuan ka theih tawp in ka thawk a, hna bansan dawn record tha lo neih kha ka duh bik lo.
Ka putea te in atanga ka chhuah hunah hna dang zawn ka ngaih dawn tho avangin record chhia ka neih chuan tumah in min ruai duhlo palh ang.

Darkua a dik chuan, "pu, ka sawi tawh ang khan zanin bak hi ka putean thawh a phal tawh si lo va , ka bansan a ngai dawn a, min hriatthiamna ka ngen duh che a" ka ti a, kan pu hian ka chanchin (a pawilo chin) a hriat vek tawh avangin min lainat hle a, "a ni maw, ni e, hmeichhe tan chuan Zana thawh chi hi chu a buaithlak deuh ani, nidangah min mamawh chuan min lo hrilh dawn nia, hei pawisa hi la rawh" tiin thlapum hlawh min pek a tum a, ka la Kim duhlo a, peklet leh ka tum a, a duh bik lo, sanghnih min la pekbelh zui. Ka zak deuh, ka inthlahrung bawk si. Didiki nen chuan kan haw dun ta a, kan thiante ho chu ka ngai ngawt ang le!

" Enteh, Rinbawih, sangzula nen hian in inngaizawng tak tak ami"

" Awi, ka hrethiamlo, ka ngai lutuk a, amah hian min ngaihsak sia, a rilru ka la hrethiam lo, min duh ve chuan ka hria" ka ti a. Ka zep lo, ka ngaina a lawm. Kan duh a inang tawh bawk. Tunah te hian proxyvon ka bar leh chak asin. Didiki ka hrilh ngam loh hi tamtak ka hrilh thei asin.

Kan in pengah chuan taxi chu ka dintir a, ka chhuksan ta a. Ka putea chu a lo la meng a, inkhel a lo en a. " Lo kal teh, I ban tur thu I sawi em" min lo tivat a. A bulah chuan ka vanthu a, " pute, ka sawi a, hei hlawh pawh min pe nghal lawm" tiin pawisa chu pek ka tum a.
" Angai lo, nei rawh, kha hei sanghnih ka pe ang che, tikhan dahtha la, nakinah I la mamawh ang, va mu tawh rawh" a ti leh hmuk a, pawisa chu ka la a, ka bagah ka khung a, roomah ka phei ve nghal a.

Ka Naute pawh an lo la meng a. Sawmtei chuan " u, nutei te an inhau a" a lo tisup. Ka hlauthawng kher mai. " Tinge" zawitein ka ti a, " ka hrelo, I hming te pawh an sawi, kei chu nuam ka ti tawh lo e mai. Hmun dangah awm daih ang u" a ti ta reuh a. Ka ngaihtuah a, ka khawngaih reuh hle mai. Keimah vangin hrehawm an lo ti hle anih dawn hi.

Ka kuah dun a, " Naktukah inluah tur ka lo ngaihtuah dawn nia" ka ti ve ta a.
Mahse, ngaihtuah ngaihna ka hre vak lo. Didiki ka zawt mai ang. Ka Naute thlamuang taka an mu chu ka en reng a, kei tleirawl kum 17 mi lek kuta an han awm tur chu ka ngaingamlo ani. Mahse, an zirna an chhunzawm zel hi ka duhpui a, kei engmah ah ka inchan tawh si lo a. Anni pahnih tal hi an inzir puitlin a ngai ani. Ka nu tihbuai ka duh lo va, keimah in ka theih ang angin ka chawm phawt ang.

Ka mu ve ta a, rilru a vak thui duh hle mai. Puanthuina ringawt ah chuan inluah man leh ka naute zirna senso hmuhchhuah a huphurhawm dawn hle mai. Hnathawh tur pawh ka zawn leh a ngai ang. Hmmm.. muhil phawt ang..


A tukah chuan dawr ka kal leh a, kan instructor pawh a mood a lo fuh khawp mai, vawiin chu a nui sang reng mai. Thuitur pahnih ngawt mai ka hmu a, urgent pakhat leh kartawpa lam tur pakhat a lo ni. Engmah dang ngaihtuah lo vin urgent chu ka khawih nghal char char a, ka rilru ka pe bawk a, ka zo thuai mai.

Chawhnu ah chuan Didiki chu ka han bia a, " in inbul bawr velah te inluah tur I hre lo maw"
" Hre mai lo, mahse ka ni te inhnuai kha a ruak dawn an tiin ka hria, ka lo zawt ang e" a ti a, ka phur viau mai. Mahse...
" A to ang em le, pawisa hi ka neilo viau mai sia"
" An ti to lo ang, ka lo sawi ang, lo lungngai suh" a ti a, a va thlamuanthlak thin em!

Kartawpa mi tur chu ka zai fel a, ka kawng a kham ve reuh lutuk. Kan hawi khawthawng vel a, ka kawng kham lutuk te chu kan sawi kual vel a... Kan instructor chuan" vawiin chu I thui chak hle mai, I uluk bawk a, a fuh lutuk, sawisel lai tur pawh a awm hlei nem" alo ti a. Ka va lawm em! Min fak vawikhatna a ni." Ka lawm e, nangmah hian min zirtir tha em alawm" ka ti ve a.

Kan ban a lo hun chuan, hmunte kan han phiat fel a, thiante ho chu an inchei leh sap sap. Kei chu hmeichhia mah ni ila , inchei hi ka peih lo. Ka nih ang ang hian ka chhuak tawp zel.
Mahni inlam theuh kan pan leh ta sang sang a..

Ka nutei chuan eirawng a lo bawl a, a hmel chu a hlim vak lo tih ka hria, mahse a thup ani tih ka hre vek. Min lo nuih sang a, " I lo haw tawh maw, Rinbawih " a lo ti vat a. Min en rei lo. Ka chhang vat a, ka indah fel hnuah eirawng ka bawlpui, kan inbe tam lo. Tunhma kha kan pha tawh lo. Kan hai lo dun ani.
Ka Naute pawh lehkha an lo zir leh tawh . An lehkha zir ka hmuh hian ka awt ve thin, mahse ka kawng ani ve lo..

Zanriah kan eilai chuan " Nute, pute, in remti em ka hrelo a, ka nau te nen hian kan invawm hrang ve tawh mai dawn em ni kan lo tia, hei chen min lo enkawl tawh a, kan tihautak lutuk tawh che u a hei a hmingin puanthuite ka lo thiam tawh bawk a, inzarah kan intunnunna tur chu kan thawkchhhak ve thei tawh alawm" ka ti a, kan ngawi thap. A nuam lo duh hle mai.

Putea chuan aw then kharh pahin" chuti mai tur em ni, kan lakah lungawi lohna te in nei em ni, min hrilh rawh u" a ti a.

" Chutiang ani lo, kan tihautak rei lutuk che u a, in zarah leirem kan rap ve thei tawh a, mite hmuhsita kan awmlai pawhin min hliahkhuh a, kan lawm em em zawk asin. Keimahni unau a, puitlin lam kawng kan zawh ve nan min awmhran tir phal mai rawh u" ka ti a. Nutei chuan " Ni e, I pute sawi ang khan lungawi lohna in nei anih hran lem loh chuan kei chu ka hniallo ang che u, mahse, engtik lai pawhin in tan kan awm reng ani tih in hre dawn nia, Harsatna innei anih chuan min hrilh hreh lo u la" a lo ti ve a, kan ngawi leh thap.
Putea bawk a rawn tawngchhuak leh a, " a reng rengah inluah tur in hmu tawh em ni? "

"Hmu ang chu kan ni tawh mai. Naktukah a Chiang ang" ka ti a. Min chhang tawh lem lo.

Zanah chuan ka inngaihtuah leh nasa mai. Chhuak ta ila, inluah man kan pe reng thei ang em, ka pawisa khawl hian eng chen nge min daih ang.ka naute hi pawl sawm leh pawl sarih chauh an la ni a, sawmtei matric a examna tur senso zawng zawng hi chu putean a pe fel hman hlauh tawh zawk a, an monthly fee te ka pe zel thei ang em?? Hna thawh tur dang ka zawn thuai angai dawn ani..


A tuk a dawr ka thlen leh chuan Didiki chuan hlim hmel pu sang hian min lo chhawn a," lo kal teh, ih maw, ka nite kha ka lo biaksak che a, in unau dinhmun ka hrilh a, a khawngaih hle mai che a, in pawh man lo aiah 1000 in luah a phal nih chu, a hma a luah te khan 4500 in an luah a, tui bill current bill an la chawi vek bawk ani, in vannei teh e" a lo ti bawrh bawrh a. Ka van lawm em." Naktukah zuk enfel ila, a that chu, " ka tih chuan vawiin tlaiah lo en rawh se" a ti che u sin" a la ti ta deuh deuh. Nilengin ka mood a fuh. Nimina ka khawih tur ka zaisa sa chu ka thui tan a, piping ngai ka khawih laiin kan instuctorin thui tur pathum min lo pe leh. " Rinbawih , I kuthnu a mawi an tia, hei ka customer hlun an nia, pakhat hi mision veng mihausa fanu anih hi , I thuisak fuh viau chuan thuitur chu I hmu reng ang* a lo ti bawrh bawrh a, a hmel ka enchian chuan an deuh anei , ka hrechhuak zo lo. Measurement ka lak zawh chuan" I hmanhmawh em, thuilai ka la nei a, ka zo har chuang lo ang "ka ti a." No deuhin " um, Monday a kan college functiona hak tur ania" a ti deuh duai a. Ka rilru tak chuan " va in la no tak" ka ti a, a langah chuan " aw le, ka lo zo hman ang, inrinni ah I lo lam dawn nia, chawhma lamah aw" tiin ka nui saih a.

Ka thuilai chu ka khawih zawh meuh chuan ban a lo hun ta der mai.
Kan inphiah fai zawh chuan Didiki nen chuan kan chhuak ta nghal a. A ni te in chu kan pan vat a, nu thau deuh hmel Sen suah mai hi a lo ni a, a sam a kir chiat a, a lo nui deuh vur vur a.a sual dawn loh hi.
An inhnuai chu min pan pui nghal a, pindan pathum, choka , sitting room bedroom a lo awm a, toilet chu europian type a lo ni a, sitting roomah chuan thutthlengsei pakhat leh wooden chair pahnih a lo awm sa a, fridge lian lo te hi hlui ve deuh tawh a lo awm sa bawk." Heng hi chu kan inluah apiangte hman tura kan chhawp sa ania, I thiannu hian in chanchin min lo hrilh luam a, chuvang ania ,luah man pawh ka tihtlawm ni.kei pawh hi harsa taka bultan ka nia, mite Harsatna hi chu ka hrethiam viau ania..tui bill leh current bill hi in chawi ve angai ang a, mahse a tam lo vang" a ti a, a fel dawn hle mai." Ka pi kan lawm lutuk e, karlehah kan lo lut dawn nia" ka ti a. Lawm takin ka haw ta nghal a.

Kan in luah tharah chuan kan unauin kan awm ta vang mai. Carpet thar ka lei a, khum pawh kan la nei lo, matress kaithleh theih pathum ka lei a, tah chhan kan la mu mai mai. Ka Naute pawh chuan chhuata mut chu nuam an ti zawk. Kan in luahna te chu pi khumi ani a, pasal anei tawh lo a, a fate pathum nen a khawsa an ni. An pa hian a lo boral San tawh a, a pension leh an fanu dawr chu an eizawnna a ni mai. Pi khumi hi nu taima tak mai ani a, vawk leh ar a vulh ve bawk a, sarep te a kharchhawng ve a, in bul velah hian a hralh zo ve zung zung zel a. Mite hian a fel avang hian an duhsakin an nel em em bawk ani. Dawhkan te plastic chi min lo pe thla bawk a, putea khan eirawngbawlna bungrua chu min pe nual a, induction min pe bawk a, gas connection min book sak bawk. Nutei pawhin kan thutthleng cushion te min leisak bawk a, a case tur ka thui bawk a, kan phuisui ve sawt khawp e...

Ka nu pawh kan awmhran thu ka hrilh chuan a lawm ve khawp mai.

Ni a ral a, thla a ral a, kum tawp kan lo hmaih leh ta hle mai. Sangzuala chanchin chu Didiki ka zawt thin a, engmah a hre thei bik lo. An man hnu khan vawikhat chiah a hlawh la turin a lo kal a, chu bak chu a hmuh bik loh thu a sawi .. ka ngai thei em em a, ka lo ngaina hman tawh si a, a tello a kan awm ta hi ka khua a har thei hle ani. Ka lo sawi hmaih palh chu kha tia , kan riahdun atang khan kan inngaina chho tan hle a, mahse tumah mah in hmangaihna tih vel kan sawi ngai lo. Kan mamawh kan inpe tawn a a zarah proxyvon ka bar ve thei a, chu chu ni mai.. ka nghei rei tawh bawk a, sangzuala hi zawn chhuah ka duh ani.


Tlaikhat chu ka naute ka hrilhlawk a, ka thianpa ka hmu dawn a, ka lo haw har pawhin min lo ngaihtuah suh u" tiin ka chah lawk vek a. Sangzuala inluah ka va pan vang vang. Kawngka a lo inkalh thap, tala chu ka vuan a, ka hmer ngawt 2 a, ka thaw hawk. " Sangzual , ka ngai che sin , khawnge I awm le" ka ti sap a. Beidawng takin ka let leh a, step ka zawh chho leh tan chiah, a kekawra lei mai niau Chung hian a lo chhukthla chhat chhat a, mi hmu chu a lo nui var var, a va han tha Chiang em! Ka tlanchho a, ka kuah thlawp , anni pawn min lo pawm vawng vawng mai. " Ka ngai lutuk che " ka ti chhuak thei hram, ka mittui a lo tla tawp. Ka chalah a fawp a, " hawh chhuk phawt ang hmiang" a ti a. Kan inkuah thla a, kawngka chu a hawng zung zung a, inchhungah chuan kan lut a, thutthlengah chuan ka thu hnawk , bathroom a pan a, a intihfai zawh chuan, " chuan , I tha zel maw" tiin ka bulah a lo thu thla a. A banah ka kuah nghal a, a dar nghengin ka thu vang vang a. " Ka tha alawm, ka naute nen in kan luah hrang ve tawh a, lo la leng ve rawh aw " pangchang takin ka ti a. "Tehreng mai, keini angte inlengah min duhte chuan" nuihzat hmel deuhin min en a, ka runtawk a tling a, a samah kan kek bu leh lawp mai. Min pawm lawp a, a malchungah min thuttirin min kuah hlu hlu a, a tangah kan bei leh taah chuan ka thlamuang leh em em a. Kei aiin kum 5 velin a upa a, mahse u aduh lo. Ka lang senior mai mai. Ka hming hian min ko mI rawh atih tlat vanga sangzual ti pawh ka ni. Ani erawh chuan ka naute ti hlirin min ko thin. A rim chu ka hnim vang vang a, " I duh ve mi" a lo ti vat. " Um duh lutuk.. I hnenlo atang chuan hmuhna tur ka hre si lo a, ka ti lo vang vang asin" ka ti a." Ka Naute, I la naupang si a, till la ka duh thin asin aw, I nghei thei tho sia, tun bak chu ka pe tawhlo ang che" a ti a, a tho a, a roomah chuan a va la a, min pe ta tho a, kei chuan in hit em chu ka la ngam lo ka bar leh ta mai a, ." Chaw ei ve nghal la, eirawng min bawlpui ang a" a ti a. Ka duhlo lutuk . " Aih ka duh lo, ka naute ka ngaihtuah, an la naupang lehchhawng si, an mahni chauhin an awm ngam lo ang" ka ti a, lungawiloh hmel fahranin min en a, " min hnial ang maw" tiin ka hnute zawn a rawn melh a, a hmui a liam zeuh a, a meng si sup, a rawn kun hniam zel a, ka chil ka lem khawlh, ka maimitchhing tawp. Ka hmuiah dimtein a hmuiin a rawn nawr a, ka tiril a fanchhuak vek thei. Ka khur der der, a hai mawlhlo. Ka rilru in a duh loh hi ka taksa hian a hnial thei si lo. A rawn duhthawh ta khawp mai. Keipawh chuan lo chhanglet ve in reilo te ah huan a khumah engmah ha lo in kan lo inkeih leh mial mial tawh. Ka damdawi rui tan nen engmah zahpah ka nei leh tawh lo. Kan mamawh inpe tawn turin kan thawk dun leh ta bawrh bawrh mai.

" Sangzual, lo Rai ta ila , engtinnge ka awm ang le?? "
" Ka nei ang che"
" I sawi awlsam em mai, " ka harhfim leh vek tawh.

Ka ngaihtuahna ah ka naute pathum leh ka nu chu an lo lut zut zut a. Ka la naupang lutuk, pasal nei thei ka la ni lo.

" Min ring lo mi" ka mitah tak a en a. Ka ring alawm , mahse... Ka la inpeih lo ani...
" Ka rin che vanga rawn pan che ka nih hi, min en teh, ka englai mah hi I lakah thup tur ka neih loh hi, ka la naupang lutuk. Kum em pawh ka la tling lo asin. "
" Ka Naute, ka tihpalh aw, I rai chuan ka nei em em ang che, mangang suh., Chuan damdawi hian a ven che ka ring bawk tiin damdawi mum khat min pe a, tui nen a lem tur. Thuawih takin ka lem leh hmiah. Khua a thim dawn ruai tawh. " Sangzual, ka haw ang, nidangah ka lo kal leh ang, ka mamawh reng tawh dawn che nia. " Ka ti a, haw tur chuan ka ding hluai a." Um, ka lo thlah ang che, ka lo la leng ve ang, in puanthuina kha chu ka hre tawh a, ka lo kal ang a" a ti a. Leng ve ngei ngei tur chuan kan inchah lawm lawm hnuah a inluah chhak kawnpui thleng kan chho dun a, taxi a lo tlan hlauh , min phar saka, ka Chuang ta nghal, kan in bye liam ta kha nia. Kha kha sangzuala ka hmuh hnuhnunna ber tur tih hria ila chu a inah chaw ka ei ang a ka riak ve ngei ang. Mahse... Kan hmalam hun kan hrelo tlat alawm le.

A tukah chuan dawra kan buai em em laiin kimkima a lo lut thut, ka lo hamhaih nasa mai!.. " kimkima ve teh tlat chu, engnge I lo tih dawn" ka lo ti vat a, ka lo nuih sang a, mahse a hmel a dik tlat lo. Mi rawn bekbawr su su a, " Sangzuala a awm tawh lo" ka tlu lek lek. Min lo chelh hman a, ka bula chairah chuan min thuttir a, Didikin min buaipui vat. Kan instructor chu kimkima chuan a be vat a, madam chuan min rawn pan a. " I thianpa vuina ah chuan va kal rawh, helam chu lo ngaihtuah duh suh" min ti a, kimkima chuan a bike a lo keng a, kan inphur phei ta nghal .

Sangzuala ruang chu kuangah anlo dah tawh a, a chhungte chan chang ber an inluahna neitu chu a ni mai a, vanlaitla kha a lo ni ve si nen, mi pawh an tam vak lo. A college kalpuite an ni deuh mai. Ruang bulah chuan ka thu a, a hmel chu ka en thin. Nimin mai kha chuan a hmuiah te hian ka la fawp a, pangti lum a la nei asin, tunah chuan ruangdai ani tawh si...
Inneitu chu lo dingchhhak in a thihdan te a rawn sawi a.

Zana a mu kha, a rawn au vak a, hmanhmawh taka a zuk chhukthlak chuan chunglam melhin a lo meng reng a, a han sawi deuh a, a thaw hrawk a, a chatthla a ni zui mai a, a mahah hliam hnuhma a awm lo a, lungphuchawlah an puh ta ber a lo ni awm e.

A va han pawi tak em! Lo awmin lo riahpui ila chu hetiang a la ni awm si lo. Keimah ka in mawhpuh a, Harsatna ka tawh pawh a min tuamhlawm a, mualphona turah pawh ka mualpho ve phallo tu kha ka tan a awm ve tawh si lo. A na ka va han ti vawng vawng em!.

Vuina hunserh an hman zawh chuan kimkima nen thlanmualah kan zui ve a. Ka thian leh ka hmangaih em em, hun rei tak ka hmuh tawh loh, niminah ka hmu leh chauh a, vawiinah min liamsan leh ta mai si, ka tuar thiamlo hle mai.

Tlailam a ni tawh kimkima nen chuan Sangzuala inah chuan ngawi rengin kan thu a, a inluahna neitu pa pu Huma chuan, " hei , lehkha hi a khum sirah hian kan chhar a, I ta tur anih hmel, " tiin min pe a. Ka la vat. " Engtinnge , ka ta tur ni a I rin theih ngawt" ka tih chuan a nui suk a" Nimin khan ka hmu che u lawm" a ti a.

Ni dawn tak, stepah khan kan inkuah thla anih kha, ngaihruat thiam tan chuan a har lo. Ka sen awp awp mai. "Ka lawm e aw, ka pu" ka ti sap a. Kimkima chuan" engtinnge ni ang, inluah man te hi" a tih chuan" E khai, lo ngaihtuah buai duh suh u. Ka free vek ang. Tihian tun thla chhungin a bungrua hi chu in duh leh inthiarchhuah thei ang a, rei tak kan in a lo luah ve tawh a, a felin demna tur ka nei ngai lo, chhungte tumah aneih loh avang hian kei hi pa en takin min en a, kei pawh hian ka fapa chei ve bawk a, puih kan ngaihna ah te pawh hian engmah sawisel lo hian min pui bawrh bawrh thin asin" a ti duah a." Ka pu, zaninah kan riak thei ang em, a inah hian" ka ti a, " E , in duh phawt chuan riak rawh u" a lo ti hlauh a.. kimkima leh kei, leh kan thiante ho kha kan sawm a, ka naute pahnih chu putea te inah ka riah tir a, nutei bulah engkim ka hrilh a, min lo hrethiam ve em em a.

Ka thiante nen chuan Sangzuala inah chuan kan riak a, kan lung a leng hlawm ngei mai. Hun rei tak chhung lo inkawmho tawh kan ni a, kan inngaina tlang tawh hlawm si a. Mipa ho chuan chhuatah mutna an phah a, Didiki nen khumah kan mu dawn thung ani. Ka lungleng leh damdawi chak chu hrehawm ka ti hle mai, kimkima chuan min lo man thiam vat aniang chu, ka kutah thil a rawn dah a, bathroom min kawhhmuh vat a, ka lut vat. Proxyvon chu ka bar leh ta . Damdawi khawih ka hmuhhniam theih thin tehreng nen khan tunah chuan a tel lovin ka nung thei tawh lo chu ania ....

Bathroom atanga ka chhuah leh chuan sangzuala lehkha min hnutchhiah chu ka chhiar a.

Duhtak rinbawih.

Nang chauh hi ka nihna ang anga min kawma min hmangaihtu I ni, I lungngaih ka phal lo a, mahse..... Keimah ah I lo intulut ve nasa tawh si....

Nang ka nuna ka Seng luh hnu che khan ka damdawi khawih pawh bansan ka tum nasa, mahse a zunin min phuar nasa tawh si, ka chhuak thei tawh lo ani.

Ka thaw hi a hah lutuk thin, ka lung hi a tha lo a, ka thaw chhuak thei lo thin. I lakah khan ka zep tlat anih kha...

Nangmah chauh ka hrilh ang che, ka lo thi ta anih chuan ka T. Shirt zinga I duh ber leh cap I duh ber hi I lo nei ang a, ka bungrua hi I chang vek dawn nia. Ka thawmhnaw dang chu ka thiante nen khan lo insem ula, pahuma(inluah neitupa) hi a duh ber lo pe ve ang che u.

Zanin hian ka daih rei dawn lo tih ka hria e, lo riak ve mai la tha tur ania.

Ka ngai che , ka ngai lutuk che...
Nau I lo pai hlauh anih chuan ka hming daih loh nan ka hming hi I lo puttir dawn nia. Chuan ...

Hei hi ka ATM ania pin code no chu****... Lo nei ang che. Hei chiah hi ka hnutchhiah theih che ani e.
(ATM card a lo dah bawk a)
A tawp nan KA HMANGAIH CHE.
Nangmah hmangaihtu
Sangzuala.

Ka lehkha dawn chu ka thiante ka chhiartir ve vek. Mak anti a, kimkima lo hi chuan a damdawi khawih an hre lo. Chuvangin, mak an ti hlawm vek mai.

A thurochhiah ang chiah chuan a thawmhnaw chu kan insem tlang a, bungrua pawh chu ka ta tur chuan kan ti ta bawk a.

A tukah pawh chuan kan chhungte kan dilkhawm a, pa Huma hovin Sangzuala thlan chu kan hung a, tlaiah chaw kan eikhawm a, chumi zan chu kan riakkhawm leh a, a tukah bungrua te chu kan pack fel a, kimkima ho chuan kan in lam kan pan ta a.

Ka nutei kan phone lawk a ,ka naute chu ina lo awm turin. Bungrua zawng zawng chu kan load thla a, thutthlengsei pahnih, dawhkan pakhat , khum pakhat blanket pahnih leh wooden almirah pakhat leh sana lian a ni mai. Ka roh em em a.. ka nutei te nupa pawh an lo awm ve a, ka hmel an hmuh chuan min khawngaih ve khawp mai. Ka thiante ho chu lawmthu an hrilh sap sap a. Min hawsan hnu chuan kan unau chuan ngui nghiaiin kan thu a. " U, kan tan hian I thawk nasa tawh lutuk a, puih ve che hi kan duh tawh em mai. Matric ka zawh hun chuan dawrah inhlawhna ka zawng ve ang" Sawmtei chuan a ti a. Ka phallo bur. Ka dam chhung chuan inhlawhin an chhuak lo ang.

Kei ang a kawng tha lo an zawh ve hi ka phallo a, inzir puitling ngei se, anmahni inchawmzo turin ka duh ani. Ka nu tan pawh innghahna tham an nih hi ka duh ani.

Khum chu ft4 ani bawk a, thutthlengsei pakhat nen dawh zawmin ft6 ah a chhuak thei chiah a, kan matress pahnihin a daih chiah a, tunah chian chhuatah mu tawh lo in Sangzuala zarah khumah kan mu ve thei ta .


Kum a lo tawp dawn ta ruai mai, dawr pawh a lun ta hle a, ka trainning zo tawhin tunah chuan ka thawk pangngai ve tawh a, thuitur ka hmuh pawh keimahin ka pual ve vek thei tawh ani.

Ka nu te pawh kan bulah an lo thleng tawh a, Duata chuan nuam a tihle mai. Mipa kawm tur a hmu lo rei tawh bawk a, a u Ramte nen an han inhmu leh chu a lawm hle ani.

Kimkima zarah damdawi pawh ka nghei lo, a tello vin ka awm thei tawh lo, ka hit ve loh avangin ka khawih tih tumah in an la hre lem lo.


Kan dawrah kan buai theih em avangin, ka nu te pawh ka bazar pui hman thin lo.. Nikhatah kawr pathum thui chang te kan nei a, chhunah pawh thil kan ei thathum an thin lo. Kan hah em em ani.

Ka customer bikte lah kha Sunday tina kawr thar ha duh chi an lo ni sa bawk nen , ka lunthei bik hle mai. Kan pi hian min thik miah lo a, chutih ahnekin min duhsak em em zawk hi a mak ka ti thin zawk ani.


Ni 23 Dec tlaiah chuan" naktuk chu I duh leh chawlla, thui laklawh I nei em" min ti a,*" Nei chiah lo, tuna ka khawih lai hi ka zawh chuan naktukah an lo lam dawn a, a bak chu order ka la tawh lo" ka lo ti ve mai a." A that chu , I nute pawh bazar pui ve tawh la, no vehicle day ani tawh a, a nuam khawp ang chu" a tia.. Hlauh mai a, ka dil tum ka dil ngamloh ania. " A va tihzia dawn ve, nia dil che ka lo tum rilru rauh rauh a" ka lo ti a. A nui sak a. A bag a la a," kha hei hi Christmas present ah ka pe ang che, puanthan zinga I duh ber hi I hlep bawk dawn nia " tiin 5000/- teh meuh mai min han pe anih chu. A tam ka ti lutuk.

Ka hnar viau na a, a tanglui tlat si a, nangmah vanga ka dawr hi run thei ka nih hi, I kutchhuak a mam a, mi duhsakna ka dawng nasa a, puanthan nise kan hralhthei em em a, thui tur nise kan nei reng bawk a, heng hi nangmah vang vek anih hi. " a tih tlat vang chuan ka la ta a.

Ka nu ho chuan a tukah chuan kan bazar ta. Bus in zodin thleng kan kal a, a bak chu ke in kan kal a, mipui tamtak a hmuh chuan " Hawh awi , Rinbawih, hengho hi engnge an tih ve dawn a " ka nu chuan a ti a." Ka nu Christmas bazar tur anih hi, keimah ni ang tho hian an bazar ve dawn nih hi" tiin ka hrilhfiah a. An mamawh ang zawng te kan leifel hnu chuan kan haw ta a. Kimkima ka hmu hlauh, ka nu te nen ka in hmelhriattir a, ka hmel chu a en vang vang a, ka jacket ipte a rawn zen zeuh. Ka man thiam vek. Zanah lo leng turin a intiam a, kan kalsan leh ta.
Ka nute nen chuan hlim takin Christmas chu kan hmang a, chawhnuah pute a te nupa in chaw ei turin min sawm a, kan phei dial.

Biakinah hian ka inkhawm ve thin a, mahse, ka nun hi a tuihal ani. Tha awm hian ka awm a, ka nunruak luahkhattu atan damdawi ka khawih tih hi tumah in an hre si lo.. ka tan chuan sex leh damdawi a pawimawh ber ani.

Dam takin kan urlawk ber krismas pawh kan hmang zo leh ta. Kum alo thar a, Ka nu leh Duata chu an haw leh dawn tawh. Kan bula rawn awm ve turin kan duh ngawih ngawih na a, ka pa lunghahna chhuahsan a hreh em avangin leh thlawhhma neih a duh si avangin min hawsan leh ta. Ramtea leh siamtein an thlah a, kei chu dawr lamah ka bur leh char char tawh.


Ka pawisa khawl sa pawh khawih lovin kan la awm thei a, fixa ka dah nen, sangzuala min hnutchhiah nen chuan kan la awm thei hle. Sangzuala min hnutchhiah phei hi chu ka khawihloh theih chhung chu ka save ang. Nakinah a thlanlungte pawh ka la phun ve duh ang.

Kumtharah chuan kei pawh keima pualin dawr ka hawng ve thei ta a, ka lawm hle mai. sawmtei pawh matric a zo ve ta. Result nghah chhungin ka inhlawh ve duh atihtlat avangin ka bulah ka chettir ve a, ka thuisa lo nawhmar leh customer te lo welcome chu ka tihtir ber thin a, chhawrlai pahnih ka lakbelh ve bawk a. Pakhat chu kei aia upa niin pasal fanau nei tawh a nia, a rintlak hle ani.

Theihtawpin ka inti zahawm ve na in ka kum leh nihna hian min dahhniam leh thin. Keimah hi ka inhrechiang lutuk hian ka nih tur ang ka ni thei lo zawk.

Zankhat chu kimkima a lo lang hlawl mai. " Ka nu leh pa in min hnawtchhuak a, kalna tur ka hre lo, ka lo pan tawp che," a rawn ti. Ka thian ani a, engtik lai pawh a ka mamawh min petu ani. Ka phatsan thei lo.

Kan inah chuan a awm ve ta a, zanah a hna ah a la kal ve reng a, a bike a kawl bawk a, Harsatna em em kan nei lo. Mahse, mi ka atangin ka pute a ten anlo hria a, chutia mipa han awm ve ta chu min luhkhung emaw an ti a, an lo duh lo hle a, min ko phei a, min zilh ta erh a, thil awmzia ka hrilhfiah hnu ah fimkhur tur leh chhuak thuai se an duh thu min hrilh a. Keipawh chuan ka aw e liam ve mai.

Inkhata awm ta chu kan inngaina chho tial tial a, damdawi lah kan rui nasa thei hle. Ka Naute lakah pawh kan thup seng ta lo. Ramtea chuan min khak zeuh a ching tan ta. Keipawh ka inthiam thei bik lo, mahse damdawi zun kha ana ve em ani.


Ka khawih chho nasa tial tial a, no 4 hial ka khawih ta. A chang phei chuan ka vawrh bawk, inphen nan ka dawr hi kan hmang a, sum pawh kan khawl belh tam viau.

Engthleng nge ka naute hi enkawl an ngaih dawn ka hre lo. Ka kuta an awm chhung hi chu ka enkawl an ngai dawn ani.

Inluah man leh bill neuh neuh bak hi chu ei leh inah kan hautak lo bawk a, karkhatah hian sanghnih hian kan mamawh a leichhuak zo vek a, chu pawh chu karhnih te kan ring thei a. Kan hautak lo khawp mai.

Kimkima chu anu ten an lo ko leh tawh a, mahse damdawi lakdan kawnghmang engkim ka hre hman vek tawh a, ka buai phah lo. Kan hnena a awmchhung khan a hlawh hi 50/50 in kan insem thin a, kan hnar pawhin a duh lo. Ka tihautak che u, bakah nangni unau aia min hmangaihtu an awm lo a ti ve tlat.

Kumnga a ral leh meuh chuan Sawmtei pawhin hna tha tak mai anei ve ta a, Ramtea pawh a tuina ber sipaiah a lut bawk a. Keimah ber chu ka hnufual ta ber.ka dawr chu a hming chauhin ka nghak ani ber mai.
Ka rui reng a, ka cher tawh em em a, riahchhuah zeuh zeuh ka ching tan ta bawk.

Ka Naute ka enkawl puitling ta bawk a, ka inthiam ve tho. Zanah ka thiante nen kan rui thei hle, mahse ka sual hran lo. Ka nun duhdah avangin mipa pawhin min zuam thin , mahse kimkima hian min veng ve tlat thin. Ani hi Sangzuala tih lohah chuan mipa ka hnaih awmchhun ani. Ka lakah a thikthu a pe chhe ve thei hle mai. A awm tho e, ka thiamlo lem lo. Mipa leh hmeichhia chu inhiptawn tura khuanu duan kan ni reng alawm.

Inah ka awm ngai ta mang lo, ka damdawi khawih na lamah chuan chaw mumal ka ei lo, Champhai lamah ka zin deuh sek a, a hlawk zawk avangin , kimkima nen chuan kan inkawp chawt a, ka tan a inpe em em a, sex pawh vawitam kan hmang a, mahse ka Rai duh teuh lo. Kan damdawi tawlhrukna lamah pawh man kan tawk zeuh zeuh a, keimah zawk ka tang zel thin a, a chhan chu hmeichhia chu kan tang rei ngai lo tlat a, bakah inkhulchhuahna tur pawisa kan tlachham lo bawk a, hmelhriat mi langsar tak tak thawhpui kan lo nei ve nual tawh bawk.

Heti takah ka luhthuk hnu hian ani ka mi ngaihsan em em te pawh hi an nun lo tenawmzia hi ka hriatphah tak . Biakina piangthar pawn lama engmah nisi lo, keini ang pawh pawisa avanga min thurualpui thei hi an lo tam lutuk.

Ka nu te pawhin ka chanchin an hriat avangin Aizawl lamah min awmpui turin anlo chhuk a, chu chuan ka ngaih a titha a niang chu, karkhatah vawihnih bak kan in ka tlawh ngai lo. Dawr pawh chu ka chhawrlai te kutah ka dah tawp a, damdawi yawlh pahin puanthan te ka chah ve bawk thin a, phailam ami te ka chah tel bawk a, an la run ve thei zel mai.

Ka nun chu ka uluk lo tial tial a, pawisak ka neilo chho tial tial.
Chhanchhuah ka nih theih lai khan chhanchhuaktu ka nei lo a, tunah chuan ka lut thuk tawh lutuk. Kohhran camp tinah hian luttur in min sawm ve sek hlawm a, hmangaih awm takin an lo kal a, min han sawm a, an chhungril khakzia ka hrechiang si. Ka ngei in ka ten hlawm ania. Lehlama awr sen lehlama awr dum an nih hlawm kha. An nupui/ pasal te hriatloha ngaihzawng nei thei vek, eiruk hrehlo an nih zia ka hmu Chiang ve em mai. Ka nun a ni a, an lo buai ve na tur a awm lo.

Tunah chuan ka nu, ka naute leh kimkima chiah hi ka khawvel chu an ni mai. Ka eizawnna hi ka nu in a hriat vek avangin a rilru a hah thei hle a, ina ka awm ve chang hian min zilhin titawh lo turin min hrilh nasa thei hle thin. Mahse, ka thei tawh lo. Ka tawpsan thut thei hlei nem. Ka nu pawh chu ka khawngaih in a rilru tihnatsak reng kha hrehawm ka ti ve tho asin. Mahse , harhfimin he khawvel hi ka hmachhawn ngam tawh lo ani.

Ka putea min khawihchhiatna leh sangzuala min boralsan na hian ka nunah nghawng tamtak anei a, chu chuan min tichhe vek ani. Rilru hah chhawk nan a ka damdawi khawih khan a lo a awm theilo in min siam a, tunah chuan ka sim thei tawh lo.

Ka nun hi chhe vek turin ka phal bik lo, mahse min chhanchhuaktu tur an awm hrih lo ani. Chhanchhuah ngai ka la inti lo bawk aniang e.

Karlehah kimkima nen Champhai kan kal leh dawn bawk a, vawiin chu bank dawr ka ngai tak e, ka theihtawpin kan inchei ve a, ka nau Sawmtei office kal tur nen chuan kan chhuak rual a. Mision veng state bank kan thlen dawn chuan" E, sawmte, I kalpui chuh.." tiin mipakhat hian ten hmel deuh in min lo en a, mahse Sawmtei chuan" Mike, ka u anih hi, naupangte kan nih laia ka nu chanchanga hetiang ka nih theihna tur a min enkawltu anih hi, I lo hmuhsit phak ani lo" a ti zek a, ka rinphak bak ani kha chu... Ka nau chu ka va chhuang em! Ka mittui atla tep alawm kei misual hi..

" U kal ang le" ka banah min kai a, bank kawtah chuan taxi lain min kalsan ta a, ka thlir liam vung vung a. Khatiang rilru ka laka a lo pu kha ka lawm, a sawi kha a dik vek bawk si. Ka damdawi khawih Chung pawh hian ka naute hi ka thlahthlam lo a, ka chawmhlawm tawp ani ve bawk ani. Bank ah chuan mi an lo tam leh kher mai . Ka hun a lo thlen chuan tluang takin pawisa chu ka la mai a. Ka chhuak leh chu kimkima ka pan nghal a, ani hian kid a ngah tawh a, private motor hlirin kan kal tawh thin.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 22nd, 2021, 3:40 pm

LALPA NEN CHUAN ENGKIM A TIHTHEIH.

Champhaiah chuan kan kal leh ta. Tuntum chu zokhawtharah ka kal ve chak tlat. Ka han thleng ve a, kan kid te chu Burma ah an tlang a, zokhawtharah kan lo nghak dawn ani.

Kimkima nen chuan rihdil te kan va fang a, lawngah te chuan kan chuangkual a, nuam ka ti hle mai. Rihdil fir an tih mai te chu kan lei a, thla kan la kual nasa mai. An restaurant ah te chuan kan chawl a, an eisiam a tui phian mai. An zu dahna mawlh chu ani, a mawi khawp mai. Zu bur chi hrang hrang an hung dul a, thla kan lakpui lehpek kha .. zu hi ka la in miah lo, in ve ka chak ta tlat..

Kimkima chu ka hrilh a, min leisak a, " ruihsual awih miah loh, buaina I siam ang e aw" a ti a, a nui vur vur..
In awih emaw chu, damdawi khawih nasat hian zu hi kan chak ve tlat lo, a ho tlat.. A taste engmah hrelo ka ni bawk a, a bur nalh ber chu kan thlang ve tawp a. Ka bag ah laiah chuan ka khung tawp phawt a, rihdil chhaka an IB ah chuan zankhat riahna tur kan book a, kan roomah chuan kan lut a, khumah ka bawk thlawp . Zu hnathawh ka hriat duh vangin damdawi khawih lo in kan in ve pawp a, pumchhung a sa duh khawp mai. Tui ka ti lo bawk, ka ner nasa mai.

Harhfim zawk kan awm angai a tih tlat avangin kimkima chuan a in ve duh lo. Keimah in um chanve chu ka tlak der mai. Ka rui ta hle mai, ka lu a hai a, ka zawi vek, ka meng phi ruai mai.

Eitur pawh ka ei peih lo. Ka lo muhil daih, ka harh leh chuan zan darkua a lo ri tawh. Kimkima chuan " I harh thei maw, eitur ka lo order a, hei, ei rawh I harh mai ang" a lo ti vat. Ka la vai ruai mai. Ka Chet zawngin ka luak a chhuak. Toilet ka pan vat, ka va luak nghek..

Ka chau rawih mai, mahse ka harh phah deuhin ka hria, tui min lo pe vat. " In tawh miah suh aw, I zo lo nih kha , a mak hle mai a, I dose a hniam nih kha , nge a strong viau mi le"
" Hmmmm... A ruih a nuam lo hle mai" ka ti a, ka nui hui mai.
" I chhe lutuk , intifai rawh, ka eitur order hi lo ei la, I harh chiang mai ang "

Ka ei zawh chuan, ka harh chiang ta khawp mai. Tui ka in leh a, meizuk pahin kan hit leh sak a, nuam dangdai leh ta hle mai. Ka ruh hi a za tlat tawh a, ka nghei thei tawh lo ani..

A tukah chuan zokhawtharah kan kidte kan lo nghak , tluang takin an lo thleng ve mai.
Kan tih thin angin uluk theih tawp in kan han thukru leh a, Aizawl panin kan haw leh ta.
Mahse...

Khawzawl kan thlen chuan min lo check ta tlat mai. Kan kid pakhat chu a mawngkua ah no 4 kan hnawh sak avangin kan hlauthawng lo.

Rihdil kal haw kan nih thu in kan chhang na in kan dahthatna lamin an lo hre vek mai. Min mansak vek. Kan thla lah chu an han la Chiang khawp a, hetianga Chiang hian min man vawikhatna a la ni. Tlawmah ka la khawp mai. Tun tum chu kan hmelhriatte pawn min chhan zo ta lo. Case siamsak kan ni a, pawisa chawi bakah kumthum chhung tan angai bawk.

Mahse, sum kan lo khawl ve nual tawh vangin, kan inkhulchhuak leh mai a, ukil kan rawih chuan min bail chhuak a. Hektu kan neih thu a sawi chuan ka mi rin em em, kan kid te zinga mi ngei munga lo niin.A mawngkua a no 4 kan thuhrukna ngei kha ani.

Jail atanga kan chhuah veleh an in ka va pan vang vang, ka thinrim em mai, phuba chu ka la dawn khawp..Engmah pawisak hi ka nei tawh lo.. Ani mi thingzaia inhlawhfa ve mai mai , kan khawngaiha kan chhawr ve khan min lo phatsan ngam amaw! A hre dawn khawp alawm.


An in ka va thlen chuan, a lo awm lo a, a nupui ni awm tak hian rawng a lo bawl a, " khawnge in pa, hei chawhmeh ka lo leisak che u a," tiin bawngsa ka leisak chu ka pe a, " ka u, kan lawm lutuk, u munga chu thingzai leh a, hah thei sia, tui titakin ei dawn nih hi" a ti a, a lawm tak tak tih a hmelah a lang reng.

Mahse, Mung hmelchhepa chuan a ei ve hman tak ang maw...

A tukah chuan Munga te nupa thih thu leh an inchhunga no 4 an man thu chu chanchintharah a lang ta chuai chuai mai.
Min phatsana min bumtu chuan a chantawk a hmu ani mai.

An bawngsa ei tur ah khan tur ka telhsa vek a, bakah a damdawi dahthatna ka hriet vek avangin ka hek bawk anih kha . Ka chunga a tih ang hi a chungah pawh ka ti ve thei ani tih lo hre rawh se. Ka kawng daltu hi chu ka dahtha hmak hmak mai ang..

Hmeichhia mah ni ila , ka hun tawnin a zir lo a, mipa pawh in an tih ngamloh hi ka ti ve ta zauh zauh mai. Kimkima pawh hi ka chhan zing ve tawh reng asin. Mipa mah nise, mipa tana tih remlo tamtak awmah hian ka hmeichhiatna hmang tangkaiin ka chhan fo ani..

Ka nu te bulah ka awm tawh lo a, keimahin in ka luah hrang a, ka buaina leh ka mualphona ah hian ka chhungte hnuhluh ka duh lo ani. Ka nu chu lo kal zeuh a ching a, kei a fanu tan hian mittui tla zawih zawihin ka lu chunga kut nghatin min tawngtaisak fo thin. Mahse, ka engah mah hian a thawk lem lo. Amah hi chu demna ka nei lo. Keima zirloh leh ka putea min khawihchhiatna vang ani tih hi ka hrechiang si a.


Ka chunga thil thleng kha ka la sawichhuak miah lo, hrelo law law se, unau inngeih takin awm reng rawh se. Kei chuan ka tawrh tur zawng zawng ka tuar tawh tho a, hre lo tlang se, an tan a tha zawk.

Ka putea hi chu ka haw deuh thin , khatianga ka chunga a che duh kha ...

Reitak chu zin lovin kan awm ta, kimkima nen chuan sumdawnna dang kan bei chho a, ka dawr kha chu ka nu te tan ka dah vek tawh . Ka nu pualin ka dah a, an lo enkawl ve mai tawh ani.

Keini chuan thingzai lampang te kan khawih a, zinchhuak lo vin Aizawlah anlo dah a, chu chu kan sem chhuak tawh mai thin ani. Kan inkawp chu anu te chuan an duhlo ve hle mai.
Ni e, tu nu leh pa nge lawm tehlul ang ni??

Mahse, kan inkawp duh ve tlat, hmeichhia hi ka kawp peih lo, Didiki lo chu, ani kha chuan pasal min neihsan tawh a, fa pawh pakhat an nei ve tawh a ni awm e, an pa khan Bangalore ah hna neih avangin Bangalore ah an awm daih a, chanchin kan inhre vak thei tawh lo.


Kan thingzai pawh kan hralh tluang khawp mai, damdawi kan khawih pah reng tho, a hming tumtu atan thingzai kan hmang mai ani.

Ka nun chu a khua a har ve thin hle mai. Pawisa ka ngah, ei pawh ka eitui, mahse, ka nun a ruak tlat!.

Sunday a lo thleng a, mi te chu biakin panin nalh tak takin an kal suau2 a, keini chu sawmtu pawh kan hmu zo ve lo. Min melh hrek hrek duh chauh ani. Tumahin min mamawh lo, chuti na na na chu keini pawhin kan mamawh bik lo. Damdawi kan neih chuan kan lung hi a awi ve em asin!

Chawhma Kristian , chawhnu a kan ruihpui leh mai mai theih te kha zaipawl member niin a tlar hma azai pawr em em te kha anni ve tho a.
Min melh hrek hrektu te kha eiru thei vek anni leh tho.

Inkhawm hi engnge a sawtna, an nun hi ka awt bik lo.

Tualthah hial pawh ka hreh tak loh avangin ka nun chu a bawraw chho tial tial mai, ka duh ka hmuh theihna anih phawt chuan engtih mah hi ka hnial lo. Mahse, tlem chuan nuamlo tihna deuh chu ka nei ve thin a, chu pawh chu damdawi ka ruih tawh chuan ka vei zui em em lo.

November thla ani a, kimkima nen a bike ah thu in kan thingzai lak tur kan lo chang a, bolero top class lo tlan chu kan lo thlir vang vang a, kan bul alo thlen chuan" awi, Rinbawih, ka duh thei lo" a lo chhuk a,Didiki a lo ni. Min kuah thlawp a, a mittui a dir char char, " I va cher ve, ka ngai lutuk che sin," a tap dir char char a. Ka mittui hi a tlaklohna a rei tawh asin le!.

Kan inthlah a, ka mitah Chiang takin min en a, " I tha maw, kan va inhmu khat ta em? a ti leh a. Ka mittui tla chu ka hru zeuh, ani hi chuan kawng dik azawh a, nun pangngai taka nungin pasal tha tak anei tawh si...

" Ka tha alawm, engtinnge in lo haw a, " ka ti ve a. Kan han inchibai tha leh a, kimkima nen an han inchibai leh hni chuan kan tihturte kan inhrilh leh a, naute hmeltha tak mai chu a lo dak a. " Ama, lo lut tawh rawh " a lo ti lauh lauh a. " Ka kal phawt ang, lo la leng rawh u aw, chaw te in lo ei dawn nia" tiin min kalsan a..

Kimkima nen chuan kan vai liam a, Didiki nun hi a vawikhat nan ka awt ve ta hle mai.. pasal neih a, chhungkaw pangngai tak din chu ka chak ve thut. Mahse ka tun dinhmunah chuanna theihloh hulhual..


Kan thingzai pawh chu a lo thleng a, order sa a tam avangin kan sem zung zung a, a zo thuai mai. Mi insa hian kan hnenah hian an lo order a, chu chu kan sem tawp zel ani. A awlsam phian ..

Khua a vawt ve tan tawh a, khawlaia awm reng pawh a nuam tawh bik lo. Order a awm loh karah delivery boyah te kimkima chu an tang leh ang lawp lawp a, a ute hian bungrua an sem tir ve thin a, chumi pah chuan kan sumdawnna kalpui chu a rem hle thin bawk ani.


Ka nu te ka tlawh khàt hle a, ka ngai ve deuh, tunlai chu nawmlohna neuh neuh ka neih vang emawni ka lung te hi a leng thei hle mai. Keimah chauhin ka awm bawk a, ka nu chu ka tlawh ta a, eitur eng engeaw ka kensak nual a, ka lut chu min lo lawm hle a, ka cher bawk sia, ka fe chap mai, darthlalangah hian ka inkhat hle a. Ka hmel kan hmuchiang chu keimah ngei pawh chu ka inhai tep ani.
Ka nu chuan min kuah ngawih ngawih a, tap chungin, " Rinbawih, lo kir tawh rawh aw, hetia I awm reng chuan ka dam reipui lo ang che. Rilru hah in min siam tawh suh" a ti tlawk tlawk a. Ka mittui a tla ve tawp..

Ni e, a fanu, a innghah ve na ngawih ngawih kha ka ni ve thin asin. Mahse, tunah chuan, innghahna tlak ka ni tawh mawlh lo ani.
Chhungte tan pawh kan nau, kan fa tih atan pawh ka iaiawm tawh ngawih ngawih ani.
Ka damdawi khawih hian a zunah min uaitir a, ka chhuak thei tawh silo ani.

" Nu, ka lo la haw ang, tunah chuan ka thei hrih lo ani, min hrethiam dawn nia.... Hei eitur ka lo ken che hi lo eitha ang che aw" ka ti a. Ka khua a sik ser ser mai, ka lu a na deuh bawk.

Ka nu chuan ka pang a han khawih chuan ka khawsik chu a man thiam nghal a, damdawi min eitirin khumah min muttir a, ka bulah thu in ka lu chungah kut nghatin min tawngtaisak leh a.
Hetiang hun hi ka tawng khàt tawh lutuk.A damdawi min pek chuan min chhawkzo lo, mahse ka nu min pek anih avangin thildang eibelh ka tum lo.ka nu hi ka ring ve tawk,min hmangaihtu ani a, a kut leh min tawngtaisak na ah hian dam ka tum ve tlat .

Ka tlun pah bawk, ka nu chuan puanin min lo thuah a, ka chungah ka bawhtir a. Vawt ka va ti teh reng em!

Ka tlun a zawh chuan ka lo muhil ve ta aniang chu... Ka harh chuan ka nu chuan thingpui min lo lum a, hlim hmel a lo pu leh tawh. A kut cher thiak mai chu ka en a, ka khawngaih thar hle mai. A bula thlamuang taka awm te chu ka chak ve reng . Mahse, ka thil tih nen a inmillo. Ka mualphona ah hian ka chhungte hi hnuhluh ka duh lo ani. An fa, an u nih hi ka duhtawk chiah...

Ka nu thingpui min pek chu ka in a, ka ka te chu a tuilo hle mai, tunlai chu khawsik ser ser ka ching tlat. Inentir ka ngai ani. Ka rawlthum mai lehnghal a. Ka nu chuan riak turin min duh hle mai. Mahse ka hnial ve tlat. Ka suffer dawnin ka hria. Haw thuai ka ngai.
" Nu, ka hawsan zawk ang che, Duata te chu ka lo kal leh hunah ka lo hmu dawn nia, an school ban ka nghak lo mai ang" tiin ka hawsan a.

Ka inluah ka thlen chuan" khawnge I kal a"
Kimkima chu kawngka bulah a bike chunga thuin a lo awm a. A lo nui leh ver ver tawh. " Ka nu ka tlawh ve lawk a, I lo thlen na rei tawh em? Ka ti vat, kawngka ka hawng a, kan in zuilut a..

Thutthlengah thu in a bag chu a hai rak rak a, " kha hei siam la, ka ril a tam ve tawh nia, coke ka lo hawn a, shark kha kan la nei em " tih pah chuan fridge chu a hawng nghal a, a thillei chu a dah lut nghal a. Noodles a lo lei teuh, ka chhumsak a, ka pe a, a bulah ka thu ve a" kim, ka khua hi a sik deuh ser ser reng mai, tunlai chu , ka ngaih a tha lo riau mai" ka ti a. Min en a, ka pang a rawn khawih leh." Naktukah kan in entir dawn nia, ka u mami hnenah appointment ka lo siamtir ang" a ti sawk sawk a. A u mami hi MBBS MD niin specialist a zir zo leh chiah a, clinic a hawng ve tan chiah ani.

Roomah lutin damdawiin ka hit leh phawt. Ka na te pawh a rawn ziaawm tan ta. Ka phone chu a lo ri a, ka la vat. Chanmari a furniture workshop a mi te bawk kha an lo nia, thingzai an lo order leh alo ni.
A lawmawm hle mai, kan agent te ka be nghal a, naktuk tlaiah an rawn thawn ang a, a tuk zing dar 3 vela lo chan a ngai leh dawn ani.

Kimkima nen chuan kan tluang ve tan tawh turah kan ngai, a u hnenah chuan appointment a siam ta nghal a. Zingkar ah kal a lo ngai anih chu. Poilo, damna tur anih chuan tho hma ve mai ang.

Eirawngbawl vak pawh ka ngai lemlo a, a nu ten haw tur an tih tlat avangin kimkima pawn min hawsan a, a tuk zinga lo kal a intiam a...
A mak hle mai, keimah a ka awm chiah hian hlauh ka nei tlat thin. Ka taksa chakloh vangah ka ngai ve mai. Ka nu ka ngai leh hle mai, ka naute pawh. Anni chu nun pangngai takin an hmang a, vanneihna nasa tak an dawng a, Duata meuh pawh tunah chuan 12 a zir ve ta reng a, Sawmtei te pahnih lah hna tha tak an thawk tawh bawk nen. Ka nu pawh a rilru a hah tawh lo ang chu. Mahse keimah vang hian a rilru a hah tih ka hria, ka hmu a, ka hai lo...

Aw... ngatinge ,he damdawi tur chak tak hi ka lo khawih kher kher ni! A zunin min phuar nasa tawh si,talchhuah ka duh ve asin, mahse min puitu ka hmu si lo..

Chaklo chungin chaw ka ei a,ka ei khamah chuan khumah ka tlu zal nghal a, wills flakes ngei mai zu in ka hip vang vang a. Ka kawmthlangah hian biakin a awm a, biakin dar a ri tlang tlang mai, BCM CHURCH a ni. An thalaite inkhawm zan a lo ni. Tukverhah dakin inkhawm kaltur nula leh tlangvalte chu ka thlir a, ka awt ve thin... Thawmhnaw pangngai tak inbel a, biakin kawng an zawh ka hmuh te chuan an hnung zui ve ka chak thin a, mahse min sawmtu ka tawng ngai si lo.
An tan chuan kei chu ruihhlo khawih, misual mi tenawm mai kan ni. Kawmtlak ka ni mawlh lo.


Didiki ka ngaihtuah chhuak a, ka la tlawh miah lo, naktuk chu va tlawh ve tur ani.
Ka taksa a chauh deuh vangin ka muhil ta thuai a.


Zingah chuan ka khawsikin min tiharh, ka tlun leh dawn ringawt, ka tho a, ka khum bula drawer ah chuan nachhawkna ka dah chu ka ei a, kawngka chu namhawn mai theih turin ka dah a, zunram ka thiar zawhah khumah bawk ka mu leh hrih. Blanketin ka inkhuh hlun mai.


Kimkima lo thlen chuan ka lo tlun leh hluk hluk tawh mai, a mang ang leh ringawt tawh..

Ka blanket chu min thuah belh a, ka chunga min bawhrit turin ka ti a, minkuah pah bawk.

Ka tlun zawh chuan, peih lo chungin a u mami clinic lam chu kan chhuak ta a, khua a vawt tawh nen, bike ah kan chuang bawk sia ka chau ngei mai.

Mi an lo tam vak lo, reception ah chuan kan lut a, hming ziaktu chuan min luhtir mai. Dr Mami chuan min han check zung zung a, test tur min ziahsak nual mai, zun test , thisen test ngai bawk, an mahni chuan a tithei vek a, pakhat chu civilah angai an tih vangin civil hospital kan pan ta a.


Ka tumloh deuhna roomah hruailuh ka ni ta. He rooma lut tur hian ka qualification hian 100% in a tlin thlap. Mahse, tunah hian ka la inring lo. Councelling min pe phawt a" HIV+ I lo ni ta anih pawn, lungngai lo la...." Ka ngaihtuahna a buai vek...

Thisen testna roomah min luhtir ta, hlauhthawnna nasa tak nen ka lut ta. Thisen lak chu ka hlau em em lo. Mahse result mawlh mai chu ni hriat ka huphurh ni. Kan thu thap mai, min en deuh hrek hrekin ka hria. Ka awm a nuam thei lo.. result chu a lo chhuak ta.

Roomah chuan min ko lut leh ta. Ka damchhunga ka hriat duh loh ber mai chu hrilhin ka awm ta .

Kei hi HIV+ a lo ni reng mai anih chu!! Ka khur dur dur a, ka tawngchhuak thei lo. Ka mittui a luang zawih zawih, ka hrawk ana vek. Dr chuan " lungngai lutuk lo la, ART damdawi te I ei ang a, rei tak I la dam thei dawn alawm"

Mite thinhrik nih tawh laia HIV+ ni chunga reitak dam kha enge awmzia awm, chem lova lulak ani ringawt. A mak hle mai, ka lu chunga kut nghatin min tawngtaisak tlat mai. Min ten miahlo.

Ka lo hriatdan chuan keini ang te chu khawih thianglo, natna kaidarhtu mai mai kha kan ni si a.
Min la chibai thlap zui. Ka result chu min pe a, ART lakdan tur zawng zawng te chu min hrilh bawk a.

Pawnah chuan kimkima lo thu ka hmuh chuan ka inthlahrung thut. Engmah ka hrilh duh hrih lo. Ka hmel chu a thu hram hram a.
" Engnge result " a lo tivar a, " a tha vek an ti, thisen result kha nghak leh pahin Didiki kan tlawh dawn mi" ka ti daih a.

Didiki te in kan thlen chuan eirawng a lo bawl zo chiah a, min hmu chu min lo kuah vat a, mahse ka lo indang thuai a, mak a ti hle mai. " Ka khua a sik a, ka rimtuilo em mai" ka nui suk ringawt." In thlahrung thei sia" a ti hlak a. A pasal pawh a lo awm , min hmelhriattir a.
Thingpui a lum vat a, chaw ei ve nghal turin min sawm a, kan hnar thei hram. " Hei, a thisen leh zun test result kan nghak a, kan lo tlawh pah zuai che u" kimkima chuan a lo ti a." A nih chu, result te chu min lo hrilh ve ang a" a ti a."Tehreng mai" ka ti ve tak na in hrelo se, kei a thiannu hi min theihnghilh daih se ka duh zawk.

Thingpui kan in zawh chuan kan chhuak ta thuai a, tun bak hi ka thiani hi tlawh ka tum lo. Keimah vanga a pasal leh a chhungten a an thinhrik phah hi ka phal lo ani.

Ka result pawh chu kan lam ta a, ka zunkawngah hnai a lo awm a lo ni a, Dr hnenah kan hmuh leh chuan ka result zawng zawng chu ka hmuh vek a. A hmel chu a hmuhnawm fahran lo hle mai.

Damdawi min chawh a, a leina tur dawr awmna te min hrilh zung zung, " kimkima hi lo thlah ang che aw" min ti kher a. Ka sa ve zak mai, mahse ka demlo.

Mi tenawm ka nia lawm , ka tan hian tumah an awm ve lo anih hi. A unaupa pawh hi a thianghlim kher dawn em ni, sex kan hmang dun nasa a, amah atanga ka kai pawh hi ani thei reng asin, a hrelo em mai. Ka kawp awm tho emai. Ka thinrim thut, min ten vel amaw. In chhungkua hi ka la tichhe khawp ang che u.

Kimkima bul ka thlen chuan ka hmel atangin thildiklo a awm tih a hre thuai a" nge, I va lungawi loh hmel ve" a lo ti vat a, "kal ang, kinah ka hrilh ang che" ka ti hmuk. Pawn ka chhuahsan nul nul a. A bike bulah chuan ka ding a, " I u mami khian nang hi kawp tawh lo tur che in min duh a, thlah rawh min ti anih chu , chuvangin lo kal tawh suh, min theihnghilh rawh" ka bul a lo thlen rual rualin ka ti a.


Mak a ti hle mai, " ka u in tichuan a sawi maw" " sawi lo se, ka phuahchawp i ring ami, haw rawh , keimahin ka inbuaipui thei" ka ti a , ka kalsan leh daih. Ka damdawi tur chu ka lei nghal a, taxi la in ka in ka pan vat a.

In ka thlen chuan kawng ka kalh a, ka khum ka pan vat, chhuak em emin ka tap ta hlawp hlawp a. Na ka va han ti tak em!
Engatinge kei kher, mite pawh an sual ve tho a, an positive hlei nem. Ka lo infix thin kha a pawi ta ni. Hlim luih chu a har ani.
Pawnah chuan bike ri ka hria a, a neitu pawh ka hrechiang lutuk. Ka kawngka chu a rawn kik zui nghal. Ka hawn vat loh chuan mualpho ka hlau, ka va hawn a, a lo lut a, amah zawkin kawng a kalh a, min kuah thlawp. Ka che lo , ka dawh tawp. " Min ngaidam rawh, mamin engkim min hrilh a, ka thiamloh ani" a tap mawle.. ka kuah ve ta, a hnungzangah chuan ka beng thek thek a." Shhh... Mipa an tap ngailo" ka ti a.

Kan inthlah a, roomah ka luhpui a, ka khua a sik leh tan avangin nachhawkna ka hmawm nghal a, ka damdawi leite chu ka einghal bawk a.

Khumah ka mu a, ka bulah a rawn mu ve a, a kut lukhamin chunglam a en vang vang a, a tawng hma loh chu ka be duh bik lo. A thaw leh hak thin. Blanket chu ka sin hlun a. " Rin, min kalsan chu I tum tak tak ami"
" Um, I u in a min ti sia lawm"
" Keiin min kalsan turin ka ti hlei nem che, ka u te chuan a duh ngai reng reng hlei nem che, keimah alawm duh che, a thu ani lo em mai" a ti deuh duah a. Ka lam a lo hawi a, " I phal emaw phallo emaw tlai atang chuan ka rawn luhkhung dawn che, I natna ka hre vek , kei pawh ka fihlim bik Chuang lo vang, kan pahnihin kan tuar dun tur ani, kei pawh ka intest ve ang, min hnial miah suh" ka ka ka ang hman chauh tihin min lo ti nghal a.

Mmmm a tha e, a u tawngkamin a min tihnatna chu ka tan phuba lakna tur a inhawng tan dawn e. Lo awm ve mawlh teh se. Ngah nge kha tia min tawngkhum kher ni, Dr te chu kan lo ngaihlu in kan zah ve em em a, damlo te tan an tawngkam khat lek pawh damna anih laia , ka natna belh tura an tawng kher ni. Rilru natakin awm ve rawh se...
Eitur min ngaihtuah sak zung zung a, a thawmhnaw la turin a chhuak ta a, kei chu ka mu leh daih. Vawiina ka thil tawn hi ka tan chuan a rit lutuk em mai..


Ka kawngka ri dawt chuan min tiharh , ka lo muhil daih a lo nih hi.. kimkima a lo thleng anih dawn chu.. roomah a lo lut a, a bag chu a lo dah a," I lo tha em, nu I" a nui vur vur. Ka pang a rawn dek a, a lo la sa vur mai. Ka zawi ngawih ngawih. " Lungngai suh aw, in pa ka lo thlen tawh hi" a ti leh a, " I over" ka lo ti hluk.. ka bulah a rawn mu ve a. Ka lo kuah vat, ka rilru a no leh tlat. Ka mittui a hnai leh ta. Mahse, ka insum hram hram .

" Naktukah chuan ka kalpui peih lo ang che , nangmaha kal I hreh em" ka tih chuan" mipa ka nih hi, " tiin a awm an chum vel a, ka nui ve tawp.
Sangzuala tih loh ah chuan ka ngainat leh hmasak ber ani. An Inan lohna chu kimkima hi chu a dawih deuh thin a, mahse a duhna ah chuan a luhlul ve tho. Sangzuala kha chuan thilthalo ka tih kha a duh lo viau thin, mahse keiman ka tih deuh sek thin vang khan min hniallo leh thin a, mi siamthat a tumin min hmangaih takzet tih ka hria. Kimkima nen a an in anna chu min humhim an tum tlat hi ani.

A tukah chuan thingzai chu alo thleng a, a va delivered vek hnu ah chuan a lo haw a, chau chung2 in rawng ka lo bawl a, chaw pawh ka la ei peih vak lo.

" Pathum an lo keng hram a, hei tih chi lutuk" a rawn tilut a, damdawi chu kan nghei dawn lo ve.
Chaw ei ka siam sak a," vawiin chu ka va intest ve ang e, dinhmun inhriat thuai hi ka duh a," a ti a. Kei chuan " a tha alawm, va kal rawh" ka ti ve a. A chaw eikham chuan thingzai hralhna a kan hlep tur chu min pe a, a capital hi chu bankah kan dah nghal zel. Kan damdawi hralhna pawh hi a hlep chauh kan kawl a, capital chin hi chu bankah kan dah zel thin ani. Ka inluah hi a fal deuh nalh a, republic vengah niin in maldin a ni a, kan thenawmah hian school naupang unau a awm in in an luah a, chumi te inpiah leh ah chuan chhangchhe deuh mai an awm a, an in leh unaute in inkarah chuan step thui tak mai a awm bawk.

Chulai hmun chu damdawi min dawrtu te nen inhlan nan kan hmang thin. Mualpho lo leh man chhuah loh chuan kan la awm hram hram chu ania. Ka inzawn chiah ah hian biakin a awm ka tih tawh kha. Mi inkhawm kal tur te hi tui raawn in ve zeuh an chin avang hian kan customer te hi ka inchhung lo luh hi ka phal lo hrim hrim ani.

Kimkima pawh a thisen test tur a a kalchhuak a lo la haw lo, ka lu a nat deuh em avangin thutthlengseiah ka lo tluzal a.ka nun an hman dan ka chhui neuh neuh a,khawharna leh nunruak tlatna ka nei.
Ka duh duh ka nei thei, damdawi nise, a van em em lai pawhin ka hmu reng thei, mipa nise ka ngaihven em em hranpa lo.Kimkima a awm a, a tawk.
Mahse ka nun a ruak tlat si ani.
Ka ruih loh chuan biakin pan ve chakna thinlung te ka pu ve thin ,mahse, kei chu + tive ka ni sia, tuman an bula thu ah pawh min duh lo vang.

Mi pangngai deuh thian kawm ka nei bawk si lo. U tube ah Lalduhsaki zai ka ngaithla a, a thiam ka tiin engtin emaw ni hian ka awm.ka ngaihthlak tui em em lai chuan kimkima a lo thleng a, " kan in ang" a rawn tilut ringawt.ka khawngaih lutuk.
Ka lo kuah a, kan tap dun ..
Puitu kan va ngai em!

Hemi tlai hian chaw pawh kan ei lo, ngawi rengin kan thu dun a,Kimkima chu a thaw leh hak thin..

" Ka thiamloh vek ani, ka tan dam hi awmzia a awm tawh lo"beidawng takin a tichhuak hlawl a.

" Ni lo, Kim, chuti zawngin ngaihtuah suh, en teh , min en teh" tiin ka lamah ka kuai hnai a, a mitah tak en in,
" Ka damchhan inih hi" ka ti a.

Lalduhsaki Pathian hmel a sak chu ka ngaihthlak tir ve a, kan mittui a tla dun zawih zawih mai.

Kan beidawnna chuan Pathian hnaih ve min ti chak ta takzet mai.mahse kawng min kawhhmuhtu kan nei lo. Kan chhungte ve ve kan pan ngam tawh lo.

Keimahni avanga an mualpho ve leh mite thinhrik an nih ve kan phal mawlh lo ani.

Social media lamah keini ang tanpuia kawngdik kawhhmuh thei awm kan dap kual chiam a, ka hmu mai lo..
Mahse, Evan pakhat salvation army form ha hi ka hmu fuh ta hlauh mai. A Chanchin chu ka chhui ru ta. Keimahni ang bawka ruihhlo a lo talbuai ve hrep tawh , Pathian chhanchhuahna chang a lo ni.

Fb atang chuan ka private ta tawp, a hmel kha ka rin zawng a ni tlat alawm.

Min rawn chhang thuai a, a phone no leh an awmna ka zawt ani..

Nakinah ka be tha leh ang.
Thingpui ka lum a, ka damdawi ei khan min hneh ve deuh aniang, ka thlan a tla but mai..
" Kim, lungngai mai lo la, chhanchhuaktu tur kan hmu ve mai ang, mite hi chuan min thinhrik mahse, kan tang dun zel dawn alawm" ka ti a.
Ka thingpui lum chu kan indun a. " Kei ai hian I rilru a puitling zawk tlat zel" a ti a.

A dik ang, kei chu Harsatna thlipuiin min nuai nasa tawh bik em alawm. Ani chu nu leh pa angchhingah engmah ngaihtuah ngailo vin a awm a, kei chu naupang kum 12 chauh ka nih lai atangin nu leh pa nih ka fawm a ka naute ka enkawl ania. Tough ve tak chu ka ni.

" Ka hun tawn hian a zir bik em anih hi,... Mu ang, ka khua a sik leh dawnin ka hria" ka ti a. Kan thingpui inna no chu a sil rak rak a. Roomah a rawn lut ve nghal. Zankhua in kan muhil lo. Ngawi rengin kan tlaivar thak a, a khat tawkin Pathian hmel tih hla chu kan ngaithla leh thin

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 22nd, 2021, 3:40 pm

#LALPA NEN CHUAN ENGKIM A TIHTHEIH#
CHAPTER 5#

🎼Thim zingah thu in ,
Mangang ritphur in,
Hlimni reng i beisei ngam tawh lo maw?
Mahse, nghak hram la,
Kawng hawn ani tawh,
Pathian hmel duhawm chu a lo eng ngei dawn e.

Cho: I rilru lungngaia rumin,
Mangangin tap thin mahla,
I beiseina chu
Bo rih mahse,
Thim chu a kiang ang,
Khua a la var dawn ,
Pathian hmel duhawm chu a lo eng ngei dawn e.🎼
" Kim, beisei bo hle mahse, he hla hian beiseina min siam leh thin. En teh, hmanni a speaker ka sawi kha naktuk chu kan va pan ve tawp dawn mi ang? " Ka ti a. A kut lukham chu phelhin ka lam a lo hawi a, " mahse, min lo ten viau lo ang maw" ..
A ngaihtuahna chu a dik ani.

Addict a kara +ive kan ni tlat. Mahse kha speaker pawh kha a hma in addict a lo ni ve tho a, min hrethiam tho mai thei asin.

" Va pan chhin phawt I la , kawng min kawhhmuh thei mai thei asin. Speaker a nia, min ten ka ringlo" ka ti hram a, beiseina ka nei tlat.
" Mmm... I tih tlat chuan kan kal dawn nia, mutthilh tum teh ang" kan maimitchhing ringawt, mit kham ven nan a ni mai...

Zing dar 8 a lo ri tawh, kan lo muhil ve sek aniang, kan harh chuan . Ril a tàm ve ruih mai, pum a ruak tlat. Ka tho a, thingpui ka lum a, fridge ka hawng a, cake ka la chhuak a, ka zai a, piece hnih ka dahchhuak a.
Kimkima pawh a lo tho ve a, " Morning, I va tho hma ve" a nui leh vur vur tawh. Nizan khan a rilru a hah tehreng nen, tumah chuan a hlim leh tawh aniang, he pa zia hi ka duh em mai. A lungngai rei ngai lo, a hlim reng mai.

Sana ka kawk va a, " hma viau mi" ka nuih ve sak. Ka sam a rawn tuai zauh a, bathroomah min luhsan a.

Thingpui chu ka siam rak rak a, ka phur viau mai, kan speakera chu whatsapp msg ka thawn a, min rawn reply thuai a, a awm dawn thu leh min lo beisei reng thu ka chhiar huan ka lungphu a su dup dup mai. Kimkima pawh a lo chhuak a, thingpui ka lo pe vat a, cake chu a ban ve a. " Eirawng I bawl dawn em, chaw pangngai ei ka chak" a ti a. Zanah chaw kan ei tawh lo a, nimin nilengin mood a fu lo bawk nen. A ril a tam ve tawh ang.
Eirawng chu ka bawl thuai thuai a, tukverhah hawichhuakin, duhsaki zai a lo zawm ve a, ka mittui a tla zawih thei.

Pathian hnenah hian ka tawngtai lohna a rei lutuk tawh. Ka nun beidawn em avang hian Pathian awm pawh ka ring tawh lo hial ani...

Ka putea min khawih lai te khan min lo chhanchhuak ni se la chuan, tunang hian ka awm lo tur ania, ka nun chhiat vek tawh hnu ah amah beiseina min siamsak a, eng ang Pathian teh hrep nge maw anih le!

Chaw ei kham chuan khatla lamah kan liamthla a, speaker in kan lut tur chu ka tha a khur tlat. Kimkima chu ka chelh a, ka ding dat, thawk kan la leh te te a, kawngka chu ka kik ta, nu hmel fel tak, hnar zum rat mai , samkir hian kawng min lo hawn a, " lo lut rawh u, in va lo thleng hma ve, kan lo beisei reng tawh che u asin" a aw tham deuh chhalh chuan a lo ti a, a nui sang a, a hmel chu a zahawm , chu chu ka sawithiam dan ber ani.

Inchhungah chuan kan zui luta, sitting roomah chuan pa pakhat T shirt nghawng bial chi ha hi a lo thu a, a kutah bible a lo keng a, a tarmit sawi che dat in min lo en a, " E kha, in lo thleng tawh maw, in va fel em, vawiin chu kan inkawm ang a, hlim deuh in. Ngampa tak khan awm ula, " tiin a kut a lo pharchhuak a. A nui sang a, a hmel chu ka sawi thiam lo. A nunah khan hlimna a awm . Amah kha kàp engtu a awm ka ti mai. Kan inchibai a, thutna tur min kawhhmuh ah chuan kan thu a.

Min lo welcome that em avangin ka zam lutuk zawk. Ka kut ka nuai neuh neuh a. " In thlahdul rawh u, in tang tung anih kha, zalen deuh in kan inkawm dawn nia" a ti leh a. Ka tang lutuk tih ka inhre chiah. Nichina lo welcome tu che u kha ka nupui ania, Epi ania, kei hi pu Ramte min ti mai dawn nia, " tiin an nu chu thingpui lum turin a tir zui nghal a. Phur takin pi Epi chu a che vat vat a, a nui sang reng bawk. An inah hian kan zalen tlat, boruak a nuam riau mai.

Thingpui in zawh chuan, " Enge ni in sawi duh kha, ka lo ngaithla ang e" pu Ramtea chuan a ti ta a. Kei chu min rawn melh deuh bikin ka hria. Ka aw ka thian kharh a, " Englo ania , addict kan nia, chuan damdawi te kan vawrh bawk thin ....
Tunkar chho ka khua a sik reng vangin kan intest a, chuan... " Ka ngawi dat a... Ka thaw hak. Min lo melh ngar a, ka sawi leh tur chu a lo nghahhlel hmel hle. A meng zim sun a, a chal a chuar nung a, a tarmit a siamtha zeuh" chuan" a lo ti a.
Ka chil ka lem khawlh a, " ka lo positive reng a, a hnu ah ka thianpa hian a test ve leh a, kan pahnihin HIV+ive kan lo ni reng anih chu... " Ka mittui a rawn hnai leh a, ka khur deuh ngar ngar.
Pi Epi chuan min lo kuah vat a, ka hnungzangah a chul a, zawi te te in a beng thek thek a. Kimkima chuan" Ka pu, kan tan hian beisei tur a la awm em?. Chhungkaw zahawm tak atangin ka lo chhuak ve a, ka nu leh pate zahna siamtu nih hi ka duh bik lo asin. Min pui rawh" a lo ti ve bawk.


Pu Ramtea chuan, " Ummm, engpawh nise, Pathian hnenah tawngtai phawt ang u aw," zaidam takin a ti a. A tawngtai lai chuan engtinnge mawni hian ka awm, ka chhipah a za, asa deuh hum humin ka hria. " Lalpa, heng ka unaute pahnih hian nangmah an hmuh theih nan che an nunah harsatna I thlen a vangin lawmthu ka hrilh a che. He Harsatna hi an tan hlawkna ah chantir ang che, Isua hmingin ka dil e, Amen. "

Pathiani min hmangaihna te, kan sual tlanna tura a fapa neih chhun min pek thu te chu an sawi dap dap a. A tawpah keini ang misualte tana a tawrhna leh eng anga sual pawh ni mah ila , Pathian hmangaihna chuan min la ngaidamin a fa ah min la pawm duh ani tih te min hrilh chuan ka thinlung a hneh hle mai.
" Ka pu, keini ang addict a kara +ive lehnghal hi Pathian chuan min la ngaidam thei ang maw? " Ka ti chhuak ta a.
Lawm takin min melh a" Ngaidam thei teh reng e, Pathian chuan eng anga sual leh bawlhhlawh pawh a ngaidam thei asin. Kan sualte kan sim a, a hnen kan pan hun hi a lo nghak reng thin zawk asin" a ti a.


Kan pahnih chuan min melh tawn a," in sualte sima a hnen in pan chuan a lo ngaidamin a lo kuangkuah thei reng che u, Pathian chu hmangaih Pathian a ni a, kan vai hian vanramah min hruai vek a duh avang hian hun tha min siamsak reng thin zawk ani. Nangni pawh he in natna in vei hi amah in panna tura a kawng buatsaih ani tih hi in hrethiam tawh ang chu maw" a ti leh dap dap a.

Ani dawn tak maw, lo positive lo ila chu , beidawnna tak tak ka la nei lo ang a, Pathian pan duhna pawh ka la nei awm si lo.
Mahse, ka la buai ani. Ka damdawi tih hi ka bansan tawp thei lo, kum tamtak ka lo khawih tawh a, engtinge ka nghei thut thei ang.
Ka mitmeng atangin ka ngaihtuahna a chhiar thiam emaw ni, pu Ramte a chuan" engtinnge ni ang tiin I ngaihtuah ani tiraw, a awm lutuk e, in tan vawilehkhata damdawi han nghei thut chu a har ang, lungngai lo ula , sim in duh tak tak anih chuan ka pui ang che u. " A va han tihzia em aw! Pan fuh hi ka inti lutuk....

Tichuan, an zarah ART damdawite la in , ost nen tangkawpin kan damdawi khawih pawh chu nghei turin min pui ta a. Nitin an nupa in civil hospital min hruaiin councelling te min neihpui bawk thin.

Keini pahnih pawh kan tha chho sawt tawh hle mai, kan hmel hmuh a nuam a, kan hlim em em tawh ani. Kan suffer zawng zawng pawh kan tuarchhuak ta, min thlahthlam lo va min kaihhruaina rah chu a lo lang chho ta. Tunah chuan kan pangngai tawh hle mai. Tun hma a min hretute pawhin min hai hial mai.

Kan eizawnna pawh chu kan la kalpui zel a, thingzai zawrh chauh kan khawih tawh a. Kan ina lo kal thin te pawh an dang ta.

Salvation nu ho(home leaque) an ti emaw ni an lo leng thin a, tawngtaina leh sharing te an rawn nei thin.

Piantharna tak tak chu ka la chang em mein ka inhre lo, mahse ka thinlungah hian nung tlat hi a awm ani.

Zankhat chu kan thingzai sem kan haw tlai deuh a, biakin pakhat kan tlanpelh lai chuan zaipawl hi an lo zai a,
🎼 PATHIAN HNAWL TAWH HNU
NI IN INGAI LO LA;
PATHIAN IN A THEIHNGHILH TAWH CHE RING LO LA;
ENGANG SUAL PAWH NI MAHLA,
A LA HMANGAIH RENG CHE,
CHHANDAMNA I LA CHANG THEI TIH HRIA LA

CHO: A HMANGAIH A NGAI RENG FO;
CHIANG TAKIN A HRIA CHE;
SAWMNA HNAR TAWH VANGIN BEIDAWNG LO LA, A DILTU HNENAH A PE,
A KHAWNGAIHNA MAK CHU
A HMANGAIH CHE ,
A LA NGHAK RENG A CHE 🎼....

Pathian hian min lo la hmangaih reng ani. A hnen kan pan hun a nghak ani tih Chiang takin ka hre ta a. Mahse amah pan tawp turin kei hi ka insit ani. Kei addict ve mai hi, atan enge maw ka nih le, tihtheih engmah ka nei si lo. Damdawi ka khawih tawh lo ani ringawt a, ka taksa pawh a tha chho tan.

Mahse, piangthar han inti tur hian ka nunah hian han danglamna huih hi a awm si lo. Ka la piangthar lo zawk in ka hria ..

Kan haw kawngtluan chuan ka inngaihtuah a. Tunah hian piangthar lovin lo thi ta ila, vanram ah ka kal dawn lo tih ka inhre Chiang lutuk. Ka thillo tihsual tawhte khan min rawn bei zui a, Pathian tan hian engmah ka ni lo. Mitha an tam em mai, kei ve mai mai hian tihtheih ka nei si lo tiin ka inngaihtuah a. Mahse, pianthar ve chu ka duh bawk si.

Pu Ramtea te inah chuan kan peng kawi a, an lo la meng a, kawngka kan lut chu ka tek chhawk mai. Thingthiin kan pahnih tan an nupa in an lo tawngtai anih chu...
Ka hming an lamlai tak ka nang fuh a, a mak ka ti lutuk.. kan tlawh lohna a rei ve deuh tawh a, chu ti chung chuan min lo la tawngtaisak reng anih hi. Pan fuh hi ka va inti em!.

Ngawi rengin kan lo ding a, an tawngtai zawh chuan an lo dingchhuak a. Pi Epi chuan a mittui a hru zeuh a. " In lo kal ta maw, kan tawngtaina Pathianin a chhang anih hi.... In dam tha em? "
" Aw, kan tha e, ih ... Ka piangthar ve duh " ka ti ta tawl mai.

An nupa chuan min en hau a, chutah.. Pu Ramtea chuan " I duhthlanna kha Lalpan a nghak ani, tunah chuan a nghakchhuak ta anih hi, a lawmawm e," tiin min chibai a, Pathian thu sawi zuina a nei a, hlim takin kan inkawm chho a, ka harsatna ril ber, piangthar chhinchhiah na keimah a awm tur a ka beisei tlat te chu kan sawi chho zel a. Zan rei tak thleng kan inkawm a. Ka zang ta huai mai. A vawikhat nan ka tawngtai ve ta.

" Lalpa, kei addict, HIV+ hi min duh ve anih chuan , I tan ka rawn inpe e, min lo nei ang che" a bak ka thiam tawh chuang lo.

Mahse, a mak lutuk. Ka tawngtai atang khan keimah min delh rittu kha a bo duak hian ka hria.
Kimkima pawh chu a tawngtai ve ta a. Kan lawm em avangin kan tap zawih zawih mai. Pu Ramtea chu a tawngtai veleh a, hlabu a rawn phawrh a, an mahni salvation hlabu a rawn phawrhchhuak a.

Pathian hnawl tawh hnu niin inngai lo la,
Pathianin a theihnghilh tawh che ring lo la tih hla chua a rawn keu chhuak chiah. " Aw, he hla hi , hei chiah hi alawm nichin mai khan an lo sa a, zaipawlin , a nalh ka lo tia , traffic jam vangin kan ding reng a, ka ngaithla reng a, ka va lawm em" ka ti hluai a," I sa chhin ang u hmiang," Pu Ramtea chuan a lo ti ve bawk a, a guiter chu an nu chuan a lo pe vat a, an mil chawt chawt a, hla chu an la ta, ka thiam ang ang chuan ka lo sakpui ve a.

A thu tlar tin mai chuan ka rilru a khawih thar em em mai a, a thluk pawh chu ka thiam ta thuai mai..


Kan zai zawh chuan" Rinbawih, I aw a va tha ve, kan rawngbawl na ah zaitur kan mamawh sia, min lo zui ve ta che" Pu Ramtea chuan a ti ta mai...

" Nia, a lawmawm ngawt ang, kei pawhin ka zui ve thin alawm, hei in hmuh ang hian fa kan nei lo a, in pahnih hian kan fa te in ni mai.. min zui dun theih chuan kan lawm ngawt ang. Pathian pawhin a hmang em em ang che" pi Epi chuan a lo ti ve bawk a. Ka huphurh hle mai, ka lawm bawk si.

Ka chhan hma in kimkima chuan " nia a tha khawp ang, kan pahnih chauh a kan awm hi chuan ka zam deuh thin a, in rawngbawlna a kan zui che u chuan Pathian thu ngaihthlakna hun tam zawk kan hmang thei ang a, kan zui ang che u" a lo ti vat a.

" A va lawmawm em aw, ni e, tawngtai ho na te kan nei thin dawn nia. Thla tharah hian Aizawl gilgal corps ah rawngbawlna kan nei dawn a, chuan sawleng corps ah camping leh crusade kan nei dawn bawk a, chu mi tur chuan in lo inbuatsaih ve ang a, tiraw??.. Rinbawihi pawh hla I lo zir belh ang a, Nitin min lo pan thin dawn nia.. " pu Ramtea chuan ti a..

Tichuan zan a lo rei ta bawk nen, hlim takin kan haw ta a..

Thla a thar chuan Gilgal corps ah chuan Pu Ramtea ho chuan rawngbawlna kan nei chho ta a. A mak hle mai, kan customer te pawh an lo awm ve nuk mai nia.. tha awm deuhin rawng an lo bawl a, lehlamah an lo rui ve thei tho a lo nih hi..
Zai tur chuan min sawm ta a.
Pathian hnawl tawh hnu niin inngai lo la tih chu ka sa ta a, ka tui bawk a, a hla thu in min hneh bawk nen, ka meng miah lo.
A diltu hnenah a pe,
A KHAWNGAIHNA mak chu ,
A hmangaih che , a la nghak reng a che tih ka sak chhoh lai chuan halleluiah amen rawn tituar ri ah chuan ka meng chhuak zawk a. Kan customer kha a lo ni. Pathianin a thinlungah hna a thawk ani ngei ang.

Ka zai zawh chuan testimony sawina hun hawn ani a, kan customer chu a lo ding chhuak nghal.
" Simna tello in Pathian rawng hi ka lo bawl thin a, lehlama awr dum lehlama awr sen an tih ang hi ka ni. Hotute min ruat avangin SAY ah te a hmingin hruaitu ka lo nih ve avangin Pathian pawh pha tak tak lovin kohhran rawng zawk hi ka lo bawl thin a, tunah chuan nun simin Pathian rawng chauh ka bawl tawh ang" a rawn ti a.
Thusawina hun te chu a ni chho ta zel a. Sermon nung tak mai kan ngaithla a, kan ban dawnah chuan zai turin min sawm leh a.
Pathian hmel tih hla Lalduhsaki sak vawi tamtak kan ngaihthlak tawh chu ka sa ve ta. A hla thu in min pawlna a rei tawh bawk a. Ka sa nung ve riauin ka hria, Pathian thlarau chuan nasa takin min khawih nawn a, ka sa hlei thei lo, ka Amen tuar 2 a, ka tap bawk. Music chu a lawngin a kal zel a, a tawpah phei chuan kimkima a lo ding ve tawp, min rawn sakpui ta tawp mai ani. Mipuin min lo zawm bawk a, vawithum kan nawn na ah kan zo thei hram.

An CSM an tia maw ni , chumi te inah chuan min hruai a, thingpui inho na leh tawngtai rualna te kan nei a, an kohhran hruaitu hrang hrangte lo kalin min chibai liam liam a..

Chawhnu inkhawmah chuan, Kimkima a tetimony a sawi ve thung ang a, kei ka zai leh bawk dawn ani. Team member pathum an lo kal ve bawk a, kan inpawh tha tawh bawk a, kan infiam ve bawrh bawrh tawh mai. Rilru thianghlim tak pu in rawng kan bawl tlang a, a nuam khawp mai.

Chawhnu inkhawm pawh an rawn kal thahnem khawp mai. Zaiho na in bul kan tan a, team member te zing a mi Jeremy leh patea chuan zai an kaihruai a, kei hlachang min sawitir bawk a. Zai anuam khawp mai.... Sermon sawi hma in Kimkima testimony sawi turin a ko a.


" Kei hi , Lalruatkima ka ni a, in hma a lo ding tur hian ka that bik vang ni lovin Pathian min hmangaihna leh a zahngaihna a vang chauh ani.
Addict ve mai ka nia, damdawi ka vawrh bawk thin a, nu leh pa tamtak tan chuan ka ngeiawm thin viau ang. Ka damdawi khawih vangin HIV+ hial ka lo nih phah ta a...
Mahse, Pathian hmangaihna chuan kei addict, positive ve mai pawh hi min lo la hmangaih a, a hnen pan turin min la sawm a, min la nghak reng ani tih ka hriat hian amah pan lo thei ka ni lo.
Kan speaker te nupa hian Lalpa ke bulah min hruai ta ani.
Pathian thu thianghlim I lo ngaithla ang u.
Johana bung 3:16
PATHIANIN KHAWVEL A HMANGAIH EM EM A, CHUTI CHUAN A FAPA MAL NEIH CHHUN A PE A, AMAH CHU TU PAWH A RING APIANG AN BORAL LOH A, CHATUAN A NUNNA AN NEIH ZAWK NAN.
Lalpan a thu thianghlim kan chhiarte malsawm rawh se. Ka lawm e" a sawi tha ka va ti em! A tawngkamte chu khawia mi nge maw ni zawk ni. Amen , halleluia an lo pe sap sap hlawm mai.
Sermon hma in Jakoba Pathian tih hla chu ka sa ve leh thung a.
Kei bumhmang leh misual tawmkailo tan pawh hian, Jakoba Pathian ngei kha ka Pathian a ni si..
Sermon nung tak mai kan ngaithla leh a. A nuam thei khawp mai.

Pathianin kei misual , mite tana hnawksak, addict akara positive lehnghal a rawng bawl ve a phal hi ka phu lo lutuk ani. Pathian hmangaihna , a dawhtheihna leh a ngilneih a chu nasa takin ka chang thar leh a, ka lawm em em ani.

Kan chanchin chuan ka nu beng pawh alo thleng ve ta hial a. A lawm hle niang, kan rawngbawl na ah min lo panchilh vang vang, kan han inhmu chu kan inkuah tawp a, kan tap char char, mahse tuma mi chu lawm vanga tap ani ve thung. Kan speaker leh team member te nen ka inhmelhriat tir a. Speaker ber chuan " E khai , hei fanu I lo nei zaithiam hle mai, kan rawngbawlna min ti phuisuiin Pathianin a hmang bawk si a, a lawmawm hle mai" a lo ti bawrh bawrh a." Awi maw, in lo kaihruai tha a, ka lawm lutuk zawk asin, in chungah hian lawmthu sawisenloh ka ba asin, nangmahni kaltlangin Pathian hmel ka fanu hian a hmuh leh theih phah a" ka nu chuan a lo ti ve bawk a. Hlim takin rawngbawlna kan nei ho zel a..

Mahse, chu chu setana thiktham a lo ni aniang chu...
Kimkima testimony ah khan positive kan nih thu an lo hre pung chho ta a, kan inluahna te chuan min hnawtchhuak a, warning pawh min pe lo. Kan bungrua te chu min paihchhuahsak vek a, kawngka an lo kalh thap.

Ka rilru a na ve hle mai, kei hmeichhe rilru no zawk phei chu ka tap tawp.

Mahse, kan thu ngaihthlak khan min hnem leh thin. Ringtu nunkawng hi a nuam leh hahdam reng ani lo a, hrehawm tam tak tuarin vanram kawng kan zawh dawn ani tih kha ka hrechhuak thar leh a. Hengte hi chu a la nep lutuk ringawt . Kan Lalpa min tawrhsakna ngaihtuah chuan, kut em min thlak pawh ani hlei nem. Ani chu a mihring siam, a hmangaih ngawih ngawih ten kut thlakin chil te hial an chhak asin.

Kan bungrua te chu kan khawm a, ka nu te inlam ah chuan pik up in kan phur ta, kan hire tawp mai ani.

Ka nu in min lo hmuh chuan min lo khawngaih leh hle mai. " Rinbawih , ka va lainat tak che em! Kei chuan ka hnawtchhuak ve lo ang che u, lo kal rawh u" tiin min kailut a, kan bungruate chu Duata leh sawmtei chuan min lo thiarpui ve bawk a. Kimkima chu a zum deuh duk a, mahse ka nu leh naute chuan inthlahrung lo turin an ti a, an fiam bawrh bawrh a, ngampa tak chuan a awm zui ve ta mai.

A unau te leh a chhungte aia kei min thlangtu kha ani ve miau a, ka phatsan thei bik lo. Kan awm dan chu a fuh viau lo na chu ka nu pawh chu a la ngawi ve hrih phawt ani.
A chhungte lamin aw an la rawn chhuah bawk si lo a, anin a pan ngawt ngam bik si lo ani.

Kan han khawsa chho ve naw naw a. Ka Naute chawma awm chu harsa kan ti dun viau mai. Kan thingzai lakna te lah chuan kan chanchin an lo hria a, engmah min pe duh tawh lo. Kimkima inthlahrung lutuk chuan , " engah nge maw ka lo inpuan kher kher le" a ti thul . Mahse ka hnem hram hram a, " kan tan a Pathian kawng min ruatsak anih hi, nakinah chuan kan la ngai dawn asin, heng Harsatna kan tawh te hi amah min hnaihtirtu ah kan hman zel hi angai alawm, Harsatna tawk lo ringtu nun chu a chak thei hlei nem" tiin ka hnem leh thin.
Kan speaker chuan hnawhchhuah kan nih chu a lo hre ve a, min rawn zawngchhuak hlawl mai. An hnena cheng turin min rawn sawm a, mahse ka lo hnar thak, ka nu hi awmpui ve ka duh hrih, Kimkima erawh chu ama thutlukna ah ka dah a. Roomah kan inzui lut a, "Kim, I duh chuan min kalsan rawh, I tan pawh a nuam zawk ang, hetah chuan I hrehawm tihmel hi hmuh hrehawm ka ti ani. Ani chuan I chhungte hnen pawh a hruai thleng thei ang che, an lo ngaidamin an lo pawm leh thei ang che a nga, kan pahnih tan a tha zawk ang" ka ti a. A ngaihtuah chian chuan a dik ati hle a, mahse min kalsan chu a hreh ve hle tho mai.

A chan ngaihtuah chuan a awm ve reng mai, a hun harsa lai zawngah ka bulah a awm a, tunah a nun a inthlakthleng ve chiah a, kan pahnih tan kan awmhran a tha zawk bawk si. Thutlukna siam ahar ve ngawt ang. " Ummm. Ka kal phawt ang a, ka nu te hneh ah pawh ka la kal ve anih chuan nang nen kan inneih an phal theih nan ka lo dil ang a, nang pawh lo tawngtai ang che aw" a ti ta nge nge a... Kan inkuah a, kan infawp zeuh.

Karkhat lai a liam leh ta, kimkima pawh pu Ramtea te inah a awm tawh a. An duat bawk a, nuam a ti viau mai. A nu te nen an la inbe lo a, hun tlem a la mamawh ve ani awm e. Keipawh ka nu nen in kan nghak thin a, Pathian thu te kan sawi dun thin a, kan awmna bul bawr vela mite hi an rawn lutkhawm thina. Sharing te kan nei ho thin.

Ka chanchin chu min sawitir hmasa a, Pathian nena kan intawn dante, sawi nuam ka ti a, ka sawi ning thei lo.
Kei misual boral mai tur , a tana tangkaina nei ve miahlo pawh min lo hmangaih a, min lo pawm duhtu hi ka phatsan tawh lo ang..


Inrinni tlaiah chuan ka nu nen kan kawmthlang huan kan ritfai a, antam chin ve kan tum a, lei ka lo leh turh turh lai chuan, ka phone a lo ri a, kimkima a lo ni.
Ka chhang vat, "Duat, engnge ni ta," alai leh ringawt ang chu. 😂.
" Um.. ih... " Ka sawi dik tak tak ..
" Aw, sawi rawh le, ka ngaithla e"
" Ka nu ten min lo bia a, lo haw rawh an ti a, ka haw dawn asin, chuan.. " ka va lawm em! Hetia midang ina ka tello a awm ringawt kha ka lo khawngaih viau asin. Mahni hringtu ngei te hnen a awm chu a lungmuang deuh zawk ang chu.
" Mmm. A tha nasa nih chu, bible te kha lo chhiar tha la, I chhungte rilru thlak vek I tum dawn nia, beidawng lovin aw, ka lo tawngtaipui ang che" ka ti a, phone ka dah nghal.

Ka nu chuan kan inbiakna chu a lo hre vek tho a, engmah kan sawi zui lem lo. Lei ka leh zawh chuan antam chi kan neih chu ka theh nghal a, kan duhtawk ani mai.

Thingpui in turin kan inchung nu Didiki ni chuan min lo ko a, kan pan chho a, " awi kan in hi inluah lo ang tih ka hlau em mai, a khawharthlak thei sia, inu lo awm chinah phei hi chuan thingpui hang inpui tur te ka nei tawh a, nuam hi ka ti leh zual ania" pi khumi chuan a ti seuh seuh a, a thau bawk a, kawrfual hi a ha reng mai, atan chuan anuam zawk , bakah hmuh pawh anuam phian.

Kan chungah a tha a em em a, mi dang hi chuan a khirh si te hi an tia, mahse, kha kha chu a zia ve ania, hriatthiam ve angai.
Thingpui kan inzawh chuan " ka nu khum, kan haw thla ang e , inbual te kan duh tawh a, bai ka lo siam ang , I lo suak dawn nia" ka ti a, kan hawsan ta a.


Nithum a ral leh chuan, pu Ramtea pawhin min lo be leh ta, sawlenga kan kal a hun dawn tawh alo ni.
Team member te nikhat nilenga Pathian hnena chawnghei tawngtai a rawt a, Hangi lunglen tlangah kan kal dawn a lo ni.
Ka nu chu ka hrilh a, min phurpui viau mai." Rinbawih, hetia Pathian tana in penchhuak ve ta hi ka va lawm em, ka lo tawngtaipui zel ang che aw" a ti a.ka lu chunga kut nghatin min tawngtaisak a, malsawmna min hlan bawk.

Pu Ramtea te in ka thlen chuan an lo awm deuh thap tawh a, keimah chiah min lo nghak tawh a, ka tlai ber avang chuan min lo fiam bawrh bawrh a." Lal anu bulah I awm a, I pangchang viau nimaw," patea chuan a lo ti zeuh a...an nui ham ham a..

Hangi lunglen tlang chu kan thleng ta, a hmun chu a thengthaw nuam hle mai.. Chokiderin min lo welcome , biakin te fel deuh mai an lo nei ve a, tahchuan tawngtai rualna kan neih zawh ah mahni theuhin fianrial tawngtaina nei turin kan cabin turah theuh chuan kan lut ta sang sang a. In te fel tak nahni chauh a tawngtaina tur an lo siam thluah mai , chutah chuan duhtawkin Lalpa pawlna te ka nei a . A changin bible ka chhiar a, a chang leh ka zai a, a changin ka tawngtai bawk. Pathian pawlna leh awmpuina nasa tak mai ka dawng chho zel a, nuam ka ti em em mai ani.

Kan rawngbawl zelna tur te chu Pathian hnenah ka hlan ta zel a.
Reilo te emaw ka tih chhungin kan hun tiam a lo zo ta der mai.

Biakin ah bawk chuan kan lut khawm leh a. Pu Ramtea chuan, " A lawmawm e, vawiinah hun tha tak mai kan team in kan hmang thei a, Pathian awmpuina leh a pawltharna pawh kan dawng theuh in a rinawm a, tichuan, naktuk chaw eikham lamah hian sawleng chu ka pan ang a, zan atangin crusade kan nei chho tawh ang a, Rinbawih pawh I hla ho kha zaninah kan en leh ang a, hla hi thu a ni bawk a, thluk nei anih avangin mi thinlungah a cham rei bik a, mi thinlung a hneh bik avangin tha takin I lo inbuatsaih dawn nia... Aw le, Pathianin kan tawngtaina te chhang a hun tha tak min pek avangin lawmthu kan sawi ang a, kan haw tawh dawn nia" a ti a. A tawngtai zawh chuan motor ah kan lut leh ta sap sap a, bazarah ka mamawh te enkual ka duh avangin min penpui zuai a, kan speaker te inah kan in drop vek phawt a, chuta tang chuan mahni inlam kan pan leh ta sang sang a.

Ka nu chuan lawm takin min lo dawngsawng a, ka naute hmel pawh hmuh a nuam tawh tak zet ani. An hlim hmel ka hmuh hian nuam ka ti. Ramtea pawh in ka chanchin a lo hre ve tawh a, min lawmpuiin min chhuang tak zet ani tih thu min lo thawn a, kumtawp lamah Christmas hmang turin a rawn chhuti ve dawn a, ka hmu chak tawh khawp mai....

Ka nu chuan chhung inkhawm a kaihruai a, kan rawngbawlna turte min hlansak thlap a, ka lu chunga kut nghatin a tawngtai bawk a, kut insuihkualin Lal biakna kan sawi ho a, kan hlim hle mai.

A tukah chaw ei kham chuan sawleng kan pan ta ,kan team ho chu kan thlengho vek a, an biakin bulah CSM te inah kan thleng a, min dawl zo bawk a, a nuam khawp mai.
Sawleng hi Mizorama Salvation hmuchhuaktu puKawlkhuma lo humtu khua kha a lo ni a, an ngaihsanawm khawp mai, Salvation history te chu min hrilh ve nual mai.

Crusade leh camp chu kan nei chho ta a, kan rawngbawlna tlawmte Lalpan mal a sawm a, campers an thahnem in , boruak a tla tha khawp mai. Kei pawh solo leh testimony sawiin ka hmanhlel a, sawi nuam ka ti bawk a, ka hmel a hlim sarh reng bawk nen, min lo ngaina der ve hlawm hle a, naupang pathum phei chuan ka kalna apiangah min zui a, ka sam tawn dan , ka benga ka zeh dan leh ka thingpui in a ka thutdan lamin an lo chhinchhiah a, an lo zir ve thin a, a hlimawm phian mai.

Kei ve mai hi , Lalpan a rawngbawl ve min phalsak avang hian ka lawm em em a. Pu Ramtea hi lo tawnglo ta ila, hetiang dinhmunah hian ka ding miah lo ang, Lalpan , a hmanrua atan a rawn tir ani tih hi ka hmuchiang hle ani.

Kei addict ve mai, thiamna engmah nei lo, chhuan tur pawh engmah neilo hi a rawngbawl min phalsak a, ka tan vanah hmun min buatsaih sak a, ka tello hian a hlim thei lo a, min ngai em em ani. Pathian hi chu a va tha tak em!

Kan team chu camping chhawnghnih kan nei a, kan taksa chu a hah hle mai, mahse , kan thlarau nun a hlim em em a, campers te Pathian hnenah nun thar nei a an han inhlan hmel hmuh te chuan a hahdamthlak em em ani.

Lalpan min thlahthlam lo a, min tanpui nasa in, a khawihtharna kan chang nasa em em ani.

Keimah ang bawk a nun beidawng leh, Harsatna tawk ka hmuhte chuan tanpui a , an saltanna atanga chhuah zalenna kawng kawhhmuh ka duh ta zel a, ka vei em em ani.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 22nd, 2021, 3:41 pm

LALPA NEN CHUAN ENGKIM A TIH THEIH.

CHAPTER 6#

LAST CHAPTER.
KA STORY MIN LO CHHIARSAK TUTEN ENGEMAW KAWNG ZAWNG TAKA HLAWKNA IN LO CHAM NGEI KA DUH PUI CHE U. LALPA NEN CHUAN TIHTHEIH LOH A AWM LO ANI. AMA SIAM AMA DIN KAN NI A, A TAN ENGMAH THIL HARSA A AWM LO ANI.


Ka nun ang chiah a lo nung ve tawhte ho tan camping buatsaih ka duh hle mai, mahse keimah mai chuan engmah ka ti thei dawn si lo. Ka duhna chu Pathian hnenah ka thlen a, Lalpan hun remchang min pe mai ang chu ..

Sawleng atanga kan haw hnu karhnih a liam leh tawh tihin ka chanchin lo chhui reng thintu hmeichhe pakhatin min lo zawngchhuak nawlh mai..

Sangzuala lamhnai tak angin a rawn insawi a, a hming chu Hmangaihi a ni. Mangaih tiin an ko thin a. Kan inah a rawn leng a. Kan inhmu chu inhre sa ang maiin kan inkawm bawrh bawrh a, Sangzuala ni fanu a lo ni a, phaiah a awm thin a, beautician a lo ni. A ni pawh hi a nu leh pa thihdan niin Sangzuala nen hian fahrah takin an lo awm ve a lo ni a, chhungte pan tur neilo ta chu mi sawmna atangin a thiante nen phailamah traiining tur a kalin beautician hna a lo zu thawk a lo ni a.

Sangzuala khan keimah nen a kan chanchin zawng zawng a lo hrilh thin a lo nia, chuta tanga min lo hria a, ka chanchin lo chhui chat char chu a lo ni.

Ka nundan zawng zawng te ka hrilh hnu ah, a chanchin te min hrilh ve a, a thawhna lama an boss in a lo pawngsual thin thu te , haw lehna tur pawisa a neihloh avanga a inphalrai mai tak thute zawng zawng chu min hrilh ta vek mai. A mittui a tla a, Pathian awm a rinloh thu leh a beidawn em em thu te a sawi bawk a. Ka khawngaih ve hle mai. Hetah chiah hian ani ka hriatchhuah tak chu!.

Hmeichhe tam tak suala an lo tlukluhna chhan hi chhuichian chuan an hun hmasa lamah harsatna lian tak, mahni a sut kuak zawhloh an lo nei fur tawh ani. Hetiang ang tawk hi kan ramah hian an tam ang tih hi ka chiang ani.

A then chu keimah ang tho a, an chhungte an rin em em ten an pawngsual te, a then chu hna offer te te a, nawhchizawrhna lama an tirhzui tak te, a then chu retheih harsat lutuk avanga mahni inzuar ta mai te, hengho tan bik phei hi chuan zu leh ruihtheih thil hi a inkawp nghal vek lehnghal, harhfima khawvel hmachhawn ngam tawh lo hi tamtak an awm dawn a ni tih ka hrechhuak ta zel a.

Aw, ka va han vei hlawm tak em! An tan tihtheih neih ve hi ka duh lutuk thin.


Mangaihi pawh chu ka theih ang angin Pathian thu te ka hrilh ve a, kan nunhlui chu engpawh lo ni se, Pathian hmangaihna in min tlenfaisak vek tawh thute, amah kan pan chuan engtik lai pawhin min lo pawm thei reng ani tih thu te ka hrilh a. " Rinbawih, ka va han lawm tak em!. He ti chuan lawm takin ka hawng thei tawh ang. Ka sualna te avangin reitak Pathian hming pawh ka lam ngam tawh lo a, khatia kan boss in min pawngsual hnu khan customer te atangin tips te kan han hmu a, beiseina a lo sang chho zel a, ka duhloh thleng thlengin ka inhnukhnawk ta a, keimah avangin mipakhatin a nunna a chan tawh bawk asin.. " a tap a. Kei pawh ka nih ve tho kha maw...

Kan lo inang lutuk chu a mak zawk. Beidawn na khur thuk taka han luh chiah hian ani Pathian mite lo hlutzia lan chianna chu ni.
"Mangaih, tawngtai ang aw" ka ti a, kan han tawngtai mai chuPathian thlarau in a rawn pawl ta ale... A tawp thei lo, a tap a, " Lalpa , misual ka ni a, mahse I ta nih ka duh , nangin min lo nei ang che aw" tiin a tap zawih zawih. A khur nasa em em bawk a. Taksa chetna an tih hi a chang bawk. Halleluia , Amen ri nen, kan ri ta chel chul mai. Ka nu pawh choka atangin a lo tlan phei a, kei ka lo tawngtai char char bawk a, " Lalpa , kan lawm e, tunah hian i thlarau thianghlim pawlna kan chan avangin, Lalpa keini misualte min kalpel lo a, min la rawn tlawh zel avangin kan fak che , kan chawimawi che" ka lo ti bawk a, thenawm nu ho an lo lut bawk. Guiter ka la a, kan zai ta, kan tuitlang khawp mai, lamtual kan siam a, kan lam bawk. A va han nuam tehreng em!


Pathian thu sawina te kan nei zui a, mangaihi pawh chuan a thiam ang angin a testimony te a sawi ve ta a. Kan thenawm nu ho pawhin an lawmpuiin an chibai liam liam a, thingpuite kan inho a, kan boruak a zang bawk a, kan hlim tlang khawp mai.

Kan bula awm chu nuam a ti ve em em a, unau ang maiin kan inpawh bawk sia, Chanmari ah mi inhnuai luahin a lo khawsa ve a lo ni a, amahin beauty parlour nei in mi pathum ngawt a lo chhawr ve a lo ni. Ka duh hun hunah a parlourah chuan lo kal a, lo inchei tir turin min chah a, ka lawm ve khawp mai. Kei hi inchei ngailo ka ni ka tih tawh kha. Inchei ve pawh ka chak alawm , ka la inchei tir ve ngei ang.

Kimkima nen kan boruak pawh a tha chho zel a, mahse a chhungte nen engmah an la sawi lo nge ni, palai hmel kan la hmu lo. Inneih hi ka hmanhmawh em em lo a, mahse kha chen lo chendun ve tawh chuan mi min ngaihdan tur venthawn ao ngai ve tho a, bakah rawngbawl ten kan lo vakchhuak ve bawk si a, kan inkar kan chinfel phawt loh chuan boruak tha a chhuahloh a hlauhawm ani. Nupa ni a kan rawngbawlna kan kalpui chuan mi mithmuh leh Pathian ngaihah pawh a dik tawh dawn a ni.

Vawikhat chu kan veng MHIP President hi a lo leng nawlh mai. " E, kha... In tha maw, Rinbawih, ka lo leng ve dawn asin" a rawn ti lut bawrh bawrh a, pi rinmawii ani a." Kan dam e, lo leng rawh, enge ni ta, nang meuh I lo lan ve tak" ka lo ti a. Thutna te kan inkawhmuh zung zung a, Sawmtei chuan thingpui a lo lumsak vat bawk.

Kan unau chanchin leh kan rawngbawlna te kan sawi bawrh 2 a, thingpui pawh chu a in zo ta.
" Englo ania, ka lo kalchhan chu.. tunkar tawp hi MHIP day a lo ni ta reng mai a, hemi ni hian kan hall ah thusawi turin kan duh che a, kan lo sawm rawih mai che ni" a ti a, ka beisei phak loh ani. Kei, engmah ni lo , addict damleh mai hi Nuho zinga thusawi turin min sawm chu ania.
A mak hle mai. Ka huphurh rualin ka hnar phal bik lo.
Ka nu chu ka mitmeiin ka han rawn a, " A ... Bawihi.. a lawmawm khawp ang chu .. sawi ngei ngei rawh, nang tehlul an lo sawm che chu" a lo ti a.

Pi rinmawii chuan, " a va lawmawm dawn em!, Programme sheet ah I hming kan lo chhu lut nghal ang e aw" tiin hlim takin kan inthlah liam ta a.

Ka huphurh ve hle mai, miten eng angin nge min lo ngaih ang? Ani ve mai mai, addict dam leh, a da leh thuai tho ang? tiin min lo sawi ang em?..
Ngaihtuah tur a va tam em!.


Mahse, keimah avanga mualpho leh zak taka kross lera min tuarsak tu lam ka thlir chuan Chung mualphona mai mai chu engah mah ka ngai lo. Ka chanchin ka sawi a, midangin hlawkha an lo chan theih chuan chu chu ka tan a tawk em em ani. Nasa takin ka inbuatsaih a. Sawmtei leh ka nu in min tawngtaipui reng bawk... Hetiang ang nau leh nu ka nei hi ka va han vannei tak em!

Sawmtei chuan ka kawrhak turte min buatsaih sak vek a, mangaihi ka hrilh a, min tawiawm ve turin ka ngen bawk a.
A lo phur khawp mai. " Awi, ka lo kal ang, keiman ka chei vek ang che, nalh tawkin " phur takin a rawn ti a.

MHIP day chu a lo thleng ta , dar 1 ah programme tan tur ani a, 12 ah mangaihi pawh a lo thleng a, min han chei zung zung a, mi hma a thusawi hi ka la ti ngai si lo. Ka huphurh tak zet. Darthlalang hma ah te chuan ka han inzir vel a, ka zam lutuk chu ka khur thei hial. Roomah lutin ka tawngtai leh phawt a, ka nu ho chuan kan hall lam pan chuan kan kal ta.

Stage lamah thutna tur min lo buatsaih sak a lo ni, batch min lo pe a, programme sheet nen. Mipui hmachhawn zawnga kan thu van mai chu ka zam ve khawp mai. Quest of honour atan minister lai an sawm leh nghal sia, ka te chem chem mai.

Mahse , helaiah hian keimah chauhin ka ding dawn lo, Lalpan min dinpui dawn ani tih ka hria , chu chuan ka zamna zawng zawng pawh a la bo ta vek. Ka zamna zawng zawng ai hian ka Lalpa hi a lian zawk ani tih chiang takin ka hria .

Programme chu an tan ta, zai turin nula pakhat an sawm a, chumi zawhah MSACS lam atangin thusawi tur an sawm leh a, quest of honour in thu a sawi zawhah kei chu ka din a hun ve ta.

Kan khuh kharh a, mipui lam hawiin ka nui sak a, " Aw le, kei hmeichhe tlawm tak, vawiin a in day lawmna a thusawi tura min sawm ve hi ka lawm takzet a, in vaiin MHIP day chibai vek u le", tiin ka kut ka han phar chhuak a.
"Vawiin hian ka chanchin ka sawi dawn a ni ber a, min sawmna chhan pawh a nih ka ring a.
Kei hi Lalrinsangi ka ni a, Darzo khawchhuak ka ni a, naupang kum 12 mi lek ka nih laiin ka pa in min boral san a, ka nu hovin kan han awm renrawn a, mahse ka putea te nupa in ka naute pahnih nen an bula awm turin Aizawl lamah hian min hruai ta ani.

Kan chhungkaw harsatna vangin kei hian pawlthum thleng chauh ka zir a, ka naute erawh keimah ang an nih duh lovin theihtawpin ka enkawl a, tunah chuan hna tha tak an mahni tawkah an thawk ve tawh a, ka lawm khawp mai.

Aw le , ka kual thui dawn tlat, a points ah kan lut ang. ( Ka thaw hak a, ka nu ka zuk en a, min lo melh miah mai, min chhuang hle ani tih a hmelah ka hmu reng, mahse ka thusawi tur hian a thin a thawng dawn lutuk.)
A hun hma in pawngsual ka tawk ta hlauh mai a, chu pawh chu ka chhungte neih chhun ka putea ngei hnen atangin a ni. He thu hi ka vawikhat sawina ani. Ka nu, nang ngei pawh ka la hrilh lo che, min ngaidam rawh.
Ka mittui a parawl teuh mai.
Ka tawrhna chu a nasa hle mai. Kumtlin hma a, pawngsual leh mipat hmeichhiatna hman chu an hur hlen duh an tih hi a lo dik deuh anih hi. Mahni inhrawtin hun ka hmang thin. Mipa ka hmangaih ka tawng ta a, chu nen chuan nasa takin sex pawh kan hmang a, damdawi ka khawih tan phah bawk.
Ka nun a chhiat zel avangin ka inthlahrungin ka putea te hnen atangin ka naute ka indanpui ta a, in vengah hian kan lo awm ta ani.
Thawm a awm deuh hak a, ka mittui ka hru zeuh.
Ka nu hian ka chanchin a lo hriat hnu in helamah min lo awmpui ta a, mahse damdawi te ka zawrh ve tak avangin ka chhuahsan a, ka mipa hmangaih chuan min boral san bawk nen, ka nun khawhar lutuk chuan damdawi leh mipat hmeichhiatna lamah nasa takin ka tlan a, mipa kawp bik ka nei a, chu chu ka rawngbawlpui lo ni ta hi ani. Ani nen chuan kan han awmdun ren rawn a, an chhungkaw zahawmna ka humsak duh avangin an inlamah ka lettir a, mahse kei min thlang zawk si a.
Ka damloh avangin ka thisen kan test a, tahchuan ka lo positive reng anih chu!
Ka mang a angin thih mai ka duh a, ka nu pawh hrilh ngam lovin rilru chavai takin ka awm a. Pathian hming pawh ka lam ngam lo , ka dem zawk hial anih kha .. ka mittui a tla leh a, mipui lam pawh an insut tluar tluar mai. Ka thianpa chuan min phatsan duh lovin a in test ve ta, kan result a inang anih chu...


Kan mangang lutuk chu chaw pawh kan ei thei lo. Zahna in kan khat a, kan beidawng em em bawk ani.
Mahse ka sawi duh chu, beidawnna ruam taka kan awmlai hian Lalpa hi a lo che duh chiah a lo ni. Lalduhsaki hla sak Pathian hmel tih kha kan ngaithla fuh hlauh mai a, chuta tang chuan pu Ramtea te nen hian in hmuchhuakin ani zarah hian Pathian hmel chu kan lo hmuh phah ta ani.

Kei misual ber pawh min hmangaih a, min lo pawm duhtu hi kei chuan ka phatsan thei tawh lo ang. Ka tan hian a hlu a, Lalpa nen chuan engkim a lo tihtheih a nih hi. Kei misual tlinglo tak mai pawh in ka tih theih chu nangni mitha leh zahawm zawk hi chuan in ti thei dawn lutuk...

Ka chakna , ka theihna zawng zawng hi Lalpa leh keimah anga humsual lo dai ve te tan hian hman zel ka tum ani... Nunchhe vek tawh a inngai , keimah ang pawh min hruaichhuak duh anih chuan Lalpa hian kan vaiin min hruaichhuak duh vek ani...
Tin, ka sawi duh leh pakhat chu, HIV AIDS veite hi kan hmusit tur a ni lo tih hi. Tunhma chuan kei pawh ka ni thin, ka lo hmusitin an thutna hnu ah pawh ka thu duh lo a, inkai awlsam viau turah ka lo ngai a, mahse , ka hma miin a lo sawi tawh ang khan , hriau thianghlimlo kan intawm anih lo chuan emaw, sex kan hmang anih lemloh chuan inkuah leh inchibai atanga kaitheih ani lo a. Kan nun erawh chu kan fimkhur hle tur ani. Beidawnna ruamah hian an lut ve tak meuh ani tih hi kan hriatpui a tul takzet a, kan tawngtaipuina hi an mamawh hle ani.


Aw le, kha kha ka sawi theih tawk ni se, in zavaia chungah ka lawm e" ka thutna ka pan lai vhuan kutbeng thawm a ring ngei mai .

Chairman a lo ding a, " Thusawi ngaihnawm tak mai kan ngaithla a, a tak ngeia tàwngtu in a sawi a ni bawk a, min ti bengvarin kan rilru pawh a sawhsawn ngei ang tih ka ring ani, Nula Rinsangi chungah lawmthu kan sawi e, tunah chuan thu zawh duh emaw nei kha chuan nakin lamah kan la zawt ang a, hei tunah chuan rawngbawl ten an chhuak ve lawp lawp ani a, a harsatna tawh te kan hriatpui tawh bawk a, kan tawngtaipui theuh dawn nia" a ti a..

Programme a zawh chuan chibai ka dawng mawlh mawlh mai, MSACS lam atanga lo kal chuan thawhpuiah min rawn sawm nghal a, mahse ka nu ka lo rawn tur thuin ka chhang .

Ka chanchin engkim ka sawi tak avang chuan ka nu pawh ka vengthawng khawp mai.

Hemi zan hian kan inbe tlem hle mai, ka chungah enge thleng dawn ka hre lo, ka zam in ka helhhawlh vek mai ani.

" Romawia chuan I chungah engtiang chiah in maw a tih a, min hrilh teh" ka nu chuan a tichhuak ta ." Ka nu, ka sawi duh ngai lo a, mahse vawiin khan ka sawi chhuah a tul si a, min hrethiam ang ti raw" kan ti phawt a. Nu, I rilru tih hah ka duh miah lo a, ka putea te nen inikar a chhiat ka duloh vangin ka hrilh duh lo thin che ania... Ka nutei zin lai khan ka pum nat vangin school ka kal lo a, pawnah min kalhhnan in office min kalsan a.

Keipawh chu ka lo muhil ve mai a, ka harh chuan min delhri awm tlata ka hriat chu ka putea chuan min lo suasam reng tawh alo ni. Ka chakna in a daih ta lo a, ka tang zo lo a ni. " Ka ti a, ka nu chuan min kuah a, kan tap dun ringawt. Sawmtei pawh chuan a hre ve chauh anih chu, rapthlak ti takin a chek tlak tlak a..
" U, ka van khawngaih tak che em, engtinnge I lo sawichhuah loh theih zawk le, phuba lak ve ngei ka duh" a ti ta mai. " E khai, Sawmte, ngaihdamna hian thil a tithei zawk. I hmelma I hmangaih hian a luchungah meiling I chhekkhawl zawk ani tih bible in min hrilh kha..
I hmelma te chu hmangaih la, a hawtu che chu tawngtaisak rawh tiin kan Lal isua pawh in min zirtir kha... Phuba reng reng keiman ka la ang a ti a, kan Pathian hi Phuba lak hmang Pathian a ni a, hmangaih Pathian a ni bawk asin. " tiin ka lo khap vat a. Ka nu chuan " A ropui e, I ngaidam thei anih chuan a tha a, kan unau inkar heti taka I lo vengthawng pawh hi a ropui ka ti lutuk, min thawng ve em a, ka thinrim thut ani" a lo ti ve ta a. Ni e, ka nu hi ka dem lo, a harsa ang, a fahrin , a fahmingkoh kha ka ni ve a, retheihna kara seilian , naute awm angaih avanga school pawh kal tha ve thei lo khawpa hringnun harsa lo paltlang ve tawh ka nihna chuan ka nu rilru no pawh a tichhuak ve khawp ang. Chutiang thlen hnuah a nuta neihchhun ngawih ngawi in min han pawngsual ania. A rilru hi a na ve dawn em asin!

Ngaihdamna thinlung pu in Pathian hnenah kan tawngtai a, Duata pawh chuan a hrethiam ve khawp mai.. ka naute hi ka hmangaih a, chutih rualin ka zah a, keimah avanga mualphona leh zahna an tawrh ve hi ka duh lo ani.

MSACS lam atanga min sawmna pawh chu ka nu remtihna in ka pawm ve ta a. Ka chanchin sawiin hmun hrang hrangah kan zinkual thin a, keimah anga humsual dai leh harsatna tawkte tanpuiin ka hmanhlel ve ta hle mai. ART pawh ka ei tha bawk a, ka taksa pawh a fitin ka hriselna pawh a tha ta khawp mai. Keimah inngaihtuah lovin midang tan ka hun pumpui mai chu ka hlan a, a khat tawkin zai tur a sawmna ka dawng reng bawk a, heng zawng zawng hi ka Pathian vang vek ani. Lalpa nen chuan engkim a tihtheih ani tih chiang takin a lang ani.

Kei misual, addict leh positive hian ka nun pumpui Pathian tan ka hlan thei anih chuan , chhiartu duhtak, nang pawhin I tithei tih ka hria ani.
Kei chu tuma ngaihsan pawh ka ni pha lo, an endawng leh an inluah tur pawh a min duh loh, hnawhchhuah ka nih hnuah pawh diriam taka ensan ka ni chung pawhin ani chuan min thlahthlam lovin min lo la pawm duh reng hi ka phu lo thlawt ani. Lalpa hmangaihna hi chu a ropui asin!!

Tunah chuan mi hmuhsit em em thin, jail tangchhuak, tualthah pawh hrehlo hmeichhe sual tak kha ka ni tawh lo. A thisenin min tlan tawh a, chu chu ka tan a tawk reng tawh ani.
Thlemna ka tawh pawhin min tichaktu ah chuan engkim atihtheih ani tih ka chiang em em ani.


Rom 8:31-37 te 6:1-11 thu te hi ka duh thei em em a. Johana 3:16 PATHIANIN KHAWVEL A HMANGAIH EM EM A, CHUTICHUAN A FAPA MAL NEIHCHHUN A PE A, AMAH CHU TUPAWH A RING APIANG AN BORAL LOHA , CHATUAN A NUNNA AN NEIH ZAWK NAN. tih hi ka theme quates ani bawk.

Ka chanchin chuan Aizawl pum a al hneh ta a ni ang, ka pute a te pawh an lo lang ta. MHIP day a ka sawi kha an lo hre ve alo ni.

An nupa in ngaihdam min rawn dil a, nutei phei chu a tap nasa mai . Mahse, kei chuan ka lo hnem a, " Nute, kha thil kha ka chungah thleng lo ta se, kei hian he dinhmun hi ka thleng lovang, engkim hi kan chungah a thleng thei a, Harsatna lo thleng pawh hi keimahni min tuaihriamtu zel alo nih hi.. Harsatna ka tawh avang hian hetiang ang lo tawng tawh te dinhmun ka hriatthiam theih phah a, an mahni dinhmun ang tak a kan din loh chuan tute harsatna mah hi kan hrethiam thei thin lo asin.. " ka lo ti a. Ka nutei chu a lawm hle mai. Putea phei chuan min melh tha ngam lo, mahse, keimah zawkin ka be bawrh bawrh a. "Pute, ka ngaidam vek tawh che asin, kan Pathian thu chuan vawi sarih hmin sawmsarih ngaidam turin min tih kha , tumah chungah khatiang kha chu titawh lo la ka duh ani. " Ka ti a, ka hmaah a rawn thingthi thlawp a" mate , ngaihdam tlak pawh ka ni lo, ka chhuikir a, engvanga kha tianga I chunga lo che thut nge ka nih hi ka la hrechhuak zo lo ani... Tumah khatiang khan ka ti tawh lovang. Rinbawih, min ngaihdam vangin ka lawm lutuk e" tiin a tap tlawk tlawk mai.

Ka putea inchhir lutuk hmel chuan ka mittui a ti tla zawk. Ka kaitho a, ka kuahthlawp. Kan tap khur dun ngat ngat mai..

Ka theihtawpin Pathian hmangaihna leh a ngaihdamna thute ka hrilh dun a, ropui an tiin an lawm hle mai.
Chawei turin kan sawm nghal a, chhung inkhawmna te kan hmang a, kan in tawngtai chhawk deuh tlauh tlauh mai. Boruak a nuam khawp mai.. A ngaihdamna changtu te kan ni a, tu sual pawh sualin thungrul ve suh u tih a zirtir kan ni a, keini misual pawh min ngaihdam theih chuan, a ngaihdam tawhte kan lo ngaihdam theih lohna chhan tur hi a awm lo ani.
Lalpa chh fakin awm rawh se.

Tunah chuan ka chak ber keimah anga humsual lo daipelh ve tawh tu te zingah thawkin Lalpa ke bulah thlarau bo hruaiin ka hun ka hmang ve thei tawh a, ka nun pawh a hlim a, nuam ka ti a, misual te lungchhira sima Lalpa hnen an rawn pan hmel hmuh te chuan nuam ka lo ti em em thin ani.

Aw le, ka chanchin chu khati zawng kha a lo ni ta a, nang chhiartu duhtak, I harsatna te kha inhnehtir suh, kal ngaihna I hrelo anih pawhin nangmah tanpui tu tur che in Lalpan a kohhran hruaitute a dah reng ani tih lo hria la, tin, amah I pan tawp mai hi aduh ani.
Tin, bible hi lo kawm ngun hram hram ang che aw.

Kei takngial pawhin nunthar ka nei thei anih chuan nangni phei chuan inthei dawn nasa ani. Misual te lam turin kan Pathian hi a lo kal ani. Misual te sim tir a, ama lam kan hnaih hun hi min nghak a, min thlir reng ani tih kan lo hre theuh dawn nia. In vaiin he ka chanchin ka lo sawi atang hian Pathian lamah hlawkna in lo chan theih ka duhsak a che u.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)