When we meet again By Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: When we meet again By Apuii Tlau (Completed)

Unread post by Ngaia » August 30th, 2021, 1:33 am

Chapter -7





Lung a zing ve deuh ruai nangin nakum lam march thla vel anih dawn hmel avang chuan tlem chuan thaw veng ve deuh.Mahse kal erawh angai dawn tho aniang. Tih theih neih ka chak ve tak zet.








In khat a cheng ho ni nghal loh chuan in hmuh reng theih ni hek lo le, sawina hun pawh ka la nei lo. Naktuk mai hi kan leilet kal hun ani tawh bawk nen ta sawi ah chuan ka khek ta mai.







Chhunah chuan Zothani chuan min lo be leh in Pu Sangliana te tanpui dan tur alo sawi a.A hma kan sawi tawh angin amah ke bai nen a fate ei leh in tur nen an tan chuan christmas hi a harsa dawn em ani.





Ka pawisa khawl atang chuan cheng 2000 ka la chhuak a, chawhnu lam deuh a ka chhuak tur chu ka pa in min lo hmu in ka kalna tur te min zawh chuan tha tak chuan ka sawi ve mai a.Rei vak loh min melh vang vang hnu ah an room ah lut in alo chhuak leh thuai a.









"Ka chhuang takzet che, hetiang tihna changte ilo hre ve tawh a, ka lawm hle mai" tihpah a ka dar a akut a rawn nghah chuan nui sang in ka lo en a.Amah atanga engkim hi zir ka ni a, ka pa, hmangaihna ngah tak laka heng te hi chhawm leh chhawng ka ni tih ka hre ve chiang ani.








"Kha kha nangma pual in ni se la, hei hi kan chhung kaw hmingin le" tihpaha ka kut a 500 note pali lai alo hmeh bel leh chuan hlim zet hian ka en a. Mahse chu zawng ai chuan a mit a min chhuan zia ka hmuh chuan ka lawm leh zual bawk. Ka pa ka ngaihsan leh zah em em, a thinrim lai pawha kut thawh ngai hauh lo, engkim a tha lam zawnga thlir vek thin emaw tih hial tur a dawhtheihna ngah hian min chhuang tlat alawm.









"Pa, ka lawm e" ka tih sap chuan a bu nghat a ka nu room atanga lo chhuak in polythene dum in thil a rawn khai min rawn pek leh chuan ka melh haw a "Puan 2 lek anih kha, incheina tlak chu ani ve ang" atih chuan ka bu nghat a. Hlim leh tha tho zet chuan ka chhuak ta bawk. Kan in penga ka din hnu rei lo te ah Zothani pawh alo in pawm bawr thla luk a. Eng tur nge mawni.









"Awii, enteh ka khawl bawm ka en a, pawisa ka lo nei tlem tawh sia 1000 chiah ka thawh a, mahse au mama te 2 ka dil belh leh a, 500 ve ve min pe leh a ka lawm zia hi. Anu blanket zawrh lai ania hei hi installment in ka rul ang che ka tia ka rawn bat sak" tih pah chuan a nui ar ar a.Ka nuih ve tawp a rul pawn ka ring lo a lo rul anih tak leh anu leh pa pawisa tho in aniang. "Ka rawn chhuah dawn in apa hnenah 1000 ka dil leh hram bawk a" phur zet chuan ati lar lar a. Blanket leh cheng 7000/- lai kan nei ta lawm.Tih zia ve tho mai










Kawnah chuan kal phei in thil an lo pho leh thup a. Dawr thenkhat pawh an muk leh tawh hle bawk. Dawr pakhata an lo khai kawrlum phiar chu Zothani chuan Pu Sangliana nupui tan atih tlat avangin kan pek tur atang chuan kan han lei leh a, Zothanpuii dawr kai han dawn hniam thiam zia chu, 1000 man pawh 600 in a leisak ringawt alawm.Khatiang ti ve tur erawh chuan ka thisen in angam lo te pawh aniang kei chu.











An in kan thlen chuan kawngka kan kik dat dat a, lo lut rawh u patling aw in alo tih chuan bawr luk chuan kan han lut a. Pu sangliana chu bai sawih sawih hian room atang alo chhuak mek bawk.








"Enge in duh ve teh mial a? Lo thu rawh u" alo tih dap dap chuan an thutphah hluilam deuh thar vak loh ah chuan kan han thu thla ve dat a.Kan thil ken nen kan bawr mai sia mak min tih hmel hle bawk.







"Khawnge midang hi an awm a?" Zothani'n atih leh chuan A fate 2 leh thing an phurh thu alo sawi a, an te ber erawh a leng ani awm e.










"Zothani ka nia, ani hi Makimi, kan sawi nghal mai nga kan lo kal chhan hi ,Pu Sang engtin nge i ngaih ang chu kan hre lo nang a mahse tun kum christmas chu midang te tana malsawmna ni turin kan in ti ve a, hei nangni chhungkaw tan hian chu chu pek kan duh a" Zothani'n atih chuan mak tih hmel zet hian min melh tawn zak zak a.









"A tam lutuk lo nangin min pawm sak hram rawh aw" tih pah chuan pawisa kan thawhkhawmna paper bag chu ka pe.
"Hei hi blanket in ta tur chuan hei hi in nu tan" tih paha kan thil khai dang kan pek leh meuh zawngin ka pa rual patling mit a mittui hnam chuan ka thinlung ava dek si em!










"Ka tawngtai chhanna in ni e, Lalpa ka lawm e" tihpaha kun chunga amittui a hruk mawlh mawlh te chuan ka lung a ti chhe ve lo chauh ani.








•••••••••••••••••••••




"Naktuk tuk leh ami leilet ah chuan kan kal dawn" Pu Sangliana te in kan chhuahsan hnu a Zothani'n atih chuan ka lo bu nghat a.
Pu Sangliana ang pa emaw chhungkaw enkawl tu mangang taka tap ru ve thin hi hunpui lai hian engzat tak awm ang maw! I duh ang tawk emaw i fate tana thil tha leh man to tam tak i lei sak lai khan an fate tap an thlem dan tur ngaihtuahin tam tak hi an kun ngawih ngawih asin.











"Ka thiantha ber ini tih ka la sawi lo nih chuan ka sawi hi aw, i tha takzet nang ka tawng che ka lawm zia hi i hrethiam pha kher lovang" a rawn tih leh sap chuan ka melh vat a, min melh zauha nui suk in hma lam melh chuan akal deuh tlat a.










"Keipawh, hetia sawp tur che ka nei hi ka lawm ania thinrim duh silo" tihpaha akal lai a nghawnga ka kuah kun vak chuan ramhuaite chi pawh a lo tang leh hra tawh.Hlir hler reuh hian.Mahse ka thian tha ber ani tho tho.











*Zanah lo len i phal em?* in ka thlem hnu a ka message ka en chuan Mala chuan alo ti hi alo nia.A ngam ve dawn emaw ni! Chutin kei erawh ka zak vak hran lo mahse chhungte hmuh a inngaizawng anga han lan nghal em em erawh ka la tim deuh.Kan la ni rei lo ve sia.










*Umm...i ngam phawt chuan😁*












*Babe, min cho deuh em ni!* Babe maw! Mipa zak zum deuh hi a ruk in an lerh duh an tih hi alo dik ve deuh emaw ni.









*Ni ta se* tia ka reply na chu a seen har hauh lo.










*Chona hi ka ngaina chuan ka chak ngei ngei thin bawk, lawmman ka duh ngei dawn ania* a rawn tih leh chuan mahni a lei chhuah vak in ka reply duh tawh lo.Hepa hian engtak beisei ni maw!










Zanriah kan ei kham hnu lawk ah kawngka an lo kik karh karh a, Tetei thleng ala sil a kei in hmun ka la phiat bawk.Ka nu in lut tur a asawm chuan Malsawma rawn lut hlawl a, phawk zeta ka lo en chuan alo nui suk thung.A hnu ah Fela lo lan ve mai ringa ka en chuan tumah an awm bawk silo, amah hian alo kal ve emaw ni.









"Enge i duh a? Ka va hmu ngai lo che ve?" ka nu in alo tih thuai chuan ka pa chuan sitting room lam atang chuan alo hmu nge mawni alo au phei vat a.









"Nu-i kan Malsawma kha nih hi mawle, Pastor Chama fapa" ka pa in tipaha ding meuh a alo chibai chuan confi hmel zet hian alo chibai let a.Ka nu pawh a phul ve ta hlut mai.An inhmuh lohna rei ve tawh dawn em a, a awm ve reng mai.Ka naute erawh in an hriat vak hmel loh.An la te ve bawk em a an awm lai kha chuan.










"Engtin nge in awm tak zel? Tunah khawi bialah nge in awm tak?" ka nu in alo zawh chuan tha tak chuan a chhang a.A zam loh hmel lutuk te chu mak ka ti zawk. Ka hmun phiat zo chu ka zu chhuk ve tawp a.Ka nu lah chuan min lo la introduce vel....










"Ka hria lawm nu, hetah Christmas alo hmang dawn a TKP ah kan in hmu tawh lawm" ka lo tih chuan kan han nui leh rih.A zirna lam te zawtin ka pa nen chuan an ti ti luam a, ka pa hi lehkhathiam ani tho nangin ramlam hi a tui em a, hetia buaipui ta pawh hi ani reng bawk.










"Matei nen in lo la inkawm chu a tha hle mai, in naupan lai te pawh angaihawm ve rum rum alawm le" ka pa in a tih chuan alo sawi pui ve luam a.Ka nu in thingpui lum tura min tirh chuan ka han lum leh rih.










Ka chhungte nen rei fe thingpui in a an inkawm hnu chuan min mut san ve ta hram a.Room an luh rual rual chuan thawchhuak hawk in a jacket te chuan an hawng kau vel a.A che zia ngun zet a ka lo en vang nge min rawn melh siah a.










"Engmah min zawt suh!" a tih deuh hmuk chuan ka lo nuih ringawt tawh. Rei lo te hnu ah chuan a awmdan mak lutuk pawh chu thunun in a zia ve ta deuh aniang ka thutna ah chuan a rawn thu phei vut a.Ka kut a vuan nghal chat bawk.











"Ka nu leh pa te bulah te chuan i fel em kha, tinge ka bulah khatiang khan i awm ve ngai miah lo a?" ka tih sap chuan ka kut chu la in a hmui chuan a nawr vang vang phawt a.Ka mit a min en leh rual chuan a nui suk bawk.











"A chhan chu i bulah chuan ka zam ve thin alawm, min duh lo in min kalsan ang rih te pawg ka hlau a, i tello in ka awm thei silo a min kalsan hlauh chuan" a rawn tih sup chuan awih lo fe hian nui sawngin ka en a.Mahse a mitmeng fim tak phenah chuan ati mai mai lo tih ka hmu nghal zat bawk.











A bianga ka han fawh zauh chuan ka fawhna lai dawm chuan a nui suk a. A chet dan cool zet hian ka duhna ati pung ve zel hian ka hria. Ka ngai a ka thlahlel em em bawk.









"Min kalsan hma chu ka kalsan miah lo ang che" ka tih sap chuan ka biangah a kut lum thur thur chuan a rawn dawm a.Chik fe a ka ti tak tak em tih hriat tum ni awm fe a min melh hnu chuan nui suk in am zet hian min kiss ta bawrh bawrh a. A duhthawh si, thawmdim ngai bawk si lai chu a nuam tho nangin a hahthlak.










"Ka duh takzet che, ka ta ini reng bawk ang" thaw lak paha a tih sup hnu chuan min fawp leh zawk a, mahse a rei tawh lem lo.In ngheng riala thu chuan kan naupan lai te chu kan sawi dun a, kan nui dun leh suk suk thin bawk.











Dar 11 rik tep in a haw a, vanranda light off in kawngka biang ngheng meuh in min han fawh leh hram kha, a zei ve thlawt ani, Misualpa hi!











Mutna ka mu fel chiah tih chuan kan insawn tur thu ka sawi tak loh chu ka ngaihtuah chhuak ve leh chiah.Pawi lo leilet kal ni ah ka sawi tawh mai ang.A kiang ah chuan engkim hi anuam a engdang mah ka ngaihtuah chang meuh lo chu anih kha.










Ka zing tho chhuak chu ka naute 2 chuan min lo chhaih nasa mai.An va han nghal tak ka thianpa ka tih lah chuan an la awih lo em em zui.Ka nu tak ngial pawn min zawh ve takah chuan ka hrilh ta law law a.Chhungte hriatpuina chu alo nuam nge nge zawk mahna.











Ngaihzawng lam ka la neih ngai loh vang nge thu tha tam tak min hrilh a, a bik in Malsawma phei chu Pastor fapa ani a hming chhiat a awlsam thu leh fimkhur tak leh thianghlim taka in kawp tur in min hrilh mawlh mawlh bawk. "Hmunfal ngaina lutuk suh ang che u, sual kawngka ani thei ania" tih chu a sawi ngun hle bawk. A dik ngei pawh ka ring.









•••••••••••••••••••••••••





20.12.20__(Thursday)






Leilet kal ni ani bawk a, Zothani pawh a rawn in peih hma khawp mai.Ka pa in kawta pick up a tih nun vut vut lai chuan kan bungraw ken tur te siam zo in roomah inthlak turin ka lut ve nghal a. Ka shirt chhehchhawl dum leh Jacket hlui lam tha ve tho si chu ha in kekawr chet pui nuam tur leh Puan pheikhawk pum chu ka bun leh vang a. Ka jacket chu zipper zip phui in lukhum hmathlawk ka khum a , ka inpeih chu ni mai.









Ka naute thiante pawh an lo thleng a, Tetei'n 2 Remruata'n 1 keiin 3 kan sawm anih hmel e.Rei lo te ah Mala te thiandun pawh an lo lang a. Bike hran an keng ve ve dawn anih hmel.











"Kan rual in kal ru kawng achhe sia a khu dawn bawk nen a hrehawm lutuk ang" Mala'n a tih sup chuan ka pawm zawng tak.Bakah naupang ho nen a chuan chu an lo inthlahrung ve palh ang.Ka pa hnen a Mala te kianga kan chuan ve tur thu ka hrilh chuan lu bu zauh in tlan hmasa tur chuan min signal zauh a.Zothani te pawh in hnial mawlh mawlh pahin an tlan chhuak hmasa ta hram.









Mala speed chu adam dap a chhuan anuam tawk viau bawk. Taka a chhe lo hle bawk.Keimah ang tho in jacket a ha ve a, mahse mipa hi zawng thlasik pawh nise kekawr bul hi an duh ber aniang, cargo bul tho a ha a, a rucksack min ah tir thung.A puar ve liai sia engtak ak ve maw ni.












A kawnga ka dawm deuh tat chuan a taksa nghawr deuh dat chuan a rawn nui a, ka kut chu a kut leh lamin a rawn hum vang vang bawk.








● Ka sawi tawh angin, Apa unaupa hi kan bulah alo awm a, ala inentir theih loh nen inlamah kan in enkawl deuh tawp mai sia , kan buai ve lutuk a, min lo hrethiam hram mai dawn nia, ka hma thei lo bawk nen, Naktuk zan lamah kan zawm mai dawn nia●



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:33 am

Chapter - 8 (😝)








Vanva kawng chu a chhe ve khawp mai , mahse two wheeler ani hlauh a a zia tak ala awm motor ho chu an in sawh ve dat dat ngei ang.









Leilet kan thlen meuh chuan dar 11 dawn alo ni tawh. Thlam chu anuam hle a, an lo sa tha chu niin ka kal hnuhnun ber ami ang kha chu ani tawh hauh lo. In singsak fel nawk nawk hnu chuan sangha man tur chuam kan phei leh tham tham a, naupang zual deuh ho erawh thla la in luilam ah an chhuk daih thung.










"Pa a sen ka duh nia" ka pa kal hmasa ber au a ka tih lar lar chuan an lo nui hak hlawm a.Nge mawni, nuih zatthlak ka sawi teuh lo.A sen te chu a tui hmel em asin.










A hnung bera kal pa in ka kawnga rawn dawm dinh chawt paha " Kei chuan nangmah" a rawn tih sup chuan ka lo tang deuh teu a. Kan hma lawk ah ka nu leh pa leh kan thiante an kal a a zak ve zawk lo emawni....Lo hawi thut ta se.










Ka han melh rum vak chuan nui suk in ka bek a fawp zauh chuan min thlah ve thuai a. Misual ang mai in um hauh si loh chuan ka tlan phei ve deuh dawt dawt a.Zothani rawn hawi let lah chuan min lo nuih vak zui.










Sangha lena an han man han hmuh leh meuh chu anuam kher mai. Ka chak ve viau nangin ka nu in tui a luh a phal ve der silo. Ka naupan laia natna ben vawn ka vei vangin ka upat hnu pawh hian ka la dam fel hleithei lo a, hritlang ka chhar hma mai bakah khuh nen ka bei chiam zel bawk, chumi lo chu harsatna em em ka nei lo thung.Mahse khawvawh lai erawh chuan ngaihtuah ngai khawp in awm chang ka nei leh zauh thin.











"Mala han deng ve teh" ka pa in atih chuan a ti ve mai a, mahse a thiam loh a athiam loh zia mai chu. Ka pa ahnial hreh vang bak in a deng lo tih ka hre ta bawk. Mahse a zak lutuk tur ven nan ni mai amah aiin Fela ala tawi leh zual, hruai man an awm lo dun ve khawp mai.










Sangha kan duh ang atam kan man hnu chuan thlam lamah kan khai chho a, ka naute pawh an lo ri ve chel chul mai.A lerh rual ho hi. Remruata chuan Woofer ah Rebecca i hla kan khua chu ringzet hian arawn play a, a thenin sangha an lo buaipui a athen in kan arsa ken chu an lo buaipui bawk.Kan awmdan hi chu picnic kan ni ve ber mai.










Ar chu Mala te thian dun chuan an puah mawlh mawlh a, chan sa vek a an rawn dah luh hnu chuan hmeichhe 2 ten kan lo kang ve thung. Tomoto kha kan keng emaw ka tia mahse ka hmu ta miah lo.








"Pa Tomato kha kan keng lo ami ka hmu lo reng reng" ka tih chuan " motor ah kan theihnghilh aniang kan ken kha" alo ti mai bawk si.










"Lo vil la ka han la ang" Zothani hnen a ka tih chuan min hnial lo ve teh mial a.Nilo min hnialna hun nei lek lo in ka naute a tih der kual leh vel tawh zawk mawle! He nu zet hi chu!










"Ka lo kal pui ang che, thil lak tur ka nei paha" Mala'n varanda ka chhuah rual a lo tih vut chuan awih loh hmel fe hian ka en a.Ka dar ah nawr in min chho pui vang vang thung.Hnialna hun pawh awm nghal loh chuan.











"Khawi teh rei min ti tawh ang" tia ka nawr sawn pa lah chu ala duhkhawp thin silo. Motor bul kan thle atangin enge maw ahriat ni min fawp ngawih ngawih ringawt a. Hnar a har thin si, mahse kan rei an lo ti ang tih a hlauhawm tawh bawk si.Buaithlak hian!










"Inneih tawh mai ang, ka chawm zo em em ang che" harsa zet a in lak hran paha atih chuan ka en haw a.A mitmeng a phelh phang a, a dà va riai bawk.










"Keipawn ka duh tak zet che, mahse ala hma deuh alawm zirna zo ve ve phawt ila chhungte tan pawh a tha zawk dawn sia" tih sap paha ka en chuan a lungawi chiah lo hmel chu a ti lang zawk nangin engmah a sawi tawh lo thung.











Thlam thlen atang min hlat zawng hlir in a awm a, ka biak lah in lungawi lo hmel tilang silo in pangngai takin min chhang tho nangin a hma ang erawh ani lo tih ka chiang ve viau mai.










Chutiang chuan tlai haw dawn thleng chuan a awm a, ka thusawi ah khan lungawi loh pui tham awm ka hre silo a, a ngaihna pawh ka hre lo nangin ka awm erawh a nuam thei der bawk silo. Ka biak laia ka mit ah min em duh tlat tawh lo te kha! Enge maw i hriat hrep le, Malsawmdawngkim!












Kan haw kawngah pawh chuan tu mah mah kan tawng lo ve ve a. Biak hmasak ka tum rih bik dawn teuh lo mai. Amah a in la hrang hmasa nih kha. Hetiang em em hian a rilru a lo te ani tih rin ngaihna pawh ka hre lo.










In kan thlen chuan sangha chu ka pa chuan a sem dan dan a, kan man tam bawk a chhung kaw tlai vek chu kan nei vek thei ngei ang. Ka mood ti chhe vek tupa chu be duh bik lo in in kan thlen chuan ka chauh chhuan lamin room lamah phei in ka mu inbual pawh in bual lo chuan ka thawmhnaw thlak in na chhawkna eiin ka mu nghal hlun a engkim hi theihnghilh rih ka duh. Bialpa neih hi a hlimawm reng loh khawp hi.











Ka harh leh meuh chuan zan dar 8 alo pel vu tawh, tho chhuak in sitting choka ah chuan ka nu chu alo che rak rak a.Ka tho min hmuh chuan ka khuasik em? tih min lo zawt vat a, sik loh thu sawiin tui lum a awm chu ka inbual duh thu ka sawi nghal bawk. A phal lo deuh viau dawn nangin ka tih luih tlat avang chuan lu su rih lo tur thu a intiam na nen min inbual tir ta hram alawm.











Tui sa tha zet in ka taksa a tlen fai meuh zawng in ka harh kawk mai. Rilru kil khat in Malsawmdawngkima a hre reng a.Engvanga kha tia awm vak nge maw anih le! Sual leh lutuk mai, ka rilru a ti nuam lo vek leh nghal.Ka inngaihtuah nasat leh zual phei chuan ka tap lo chauh tawh.
Ka nu in bathroom kawngka lo kik dat dat paha ka rei thu alo sawi chuan ngaituah duh tawh lo in intleuh zuai zuai in ka chhuak ve vat a.











"Khuh damdawi leh nachhawkna dawhkanah ka dah kha ei nghal la, inha lum bawk rawh chaw ei ka lo siam ang tlem tal ei ang che" alo tih sawk swk chuan ka bu nghat a.Ka hnial pawn awmzia a awm thui dawn lo tih ka chiang em!









Kekawr chhung lum ha in, sweater chungah blanket ka bat hlun a, mawza lum nuam zet pahnih ka nu min lei tho a pawl leh adum chu ka bun thuah bawk. Ka ke hian vawt a tuar thei lo nen tih lum that angai bik ziah.










A damdawi lo hun sa chu la in ka ei ve nghal a, blanket sin hlun a ka chhuah chuan chaw ka ei tha peih dawn lo tih a hria nge buhhawp tui ril lam lek lek a arsa ti chan sawm sa thlak a, purun sen leh bahkhawr te nen a a siam thin chu min lo siam sak a. Chaw ai chuan ka chak rih fe bawk nen sangha tui hang te nen chuan ka ei ta teuh mai. Ka ei zawha ka ti ti leh mawlh mawlh lai chuan sitting room atang hian ka pa leh Malsawma chu an rawn in zui chhuak nawlh a,ka tawng lai pawh ka tawp chawt bawk.











Mak ti fe a ka en chuan min rawn melh ve vung vung hnu ah min mangtha in a chhuak ta nghal a. Ka pa in va thlah la a tih lah chuan engvang nge pawh ka hre lo ka duh lo tlat bawk. Ka pa zawk in zui chhuak ve vutin an inthlah fel hnu a alo luh leh lai chuan tho vut in ka mut chhuah thu sawiin room ah ka phei nghal daih a, ka kalh deuh thlap bawk.











Khum a ka mut pawh chuan ka ngaihtuahna chu Malsawmdawngkima chauh chuan a chang reng a.Engvanga khatiang a awm ringawt nge tih ka ngaihtuahna lamah ka hah vek bawk. Rilru hrehawm deuha min siam hi nuam ati emaw ni.












Thil nilo pui pui ka ngaihtuah kual nasa mai, min kawp emaw min lo play mai mai ania nga min hne aniang tih vel ka ngaihtuah lai phei chuan ka tap lo chauh tawh.Ka duh hman tak zet asin.











Zanah pawh chuan min rawn be lo. Ka khuasik tak tak lehnghal mahse nidang anga a nasat loh avangin ka chhungte ka hrilh lem lo a, a zia ve leh mai bawk nen.










A tuk ah pawh chuan min lo la be chuang lo, ka rilru na ru tak leh taksa chak lo zual thut bawk nen, ka bawk sawp nghal ti tih der mai. Zanah ka khuasik leh a, ka nu te hrilh loh chi pawh ni lo ka tlun deuh ti tih mai nen.Ka tha an thum vek bawk.











Zankhua in ka nu leh pa in min vil leh chawt a, ka dam lo thang ve bawk nen ngaihah kan nei ve tawh khaw vawh lai ami hi chu.










Ka pa in ka lu chunga kut nghat a a tawngtai lai chuan ka lo muhil ani ngei ang ka hriat leh hmasa ber chu motor tlan thawm ani.Ka enkual chuan ka room ah ka lo la mu a, ka phone ka ban vat bawk a zing dar 9 lo ri thuak tawh. Ka taksa sil thum nen thawh mai peih lo chuan kan mu leh vang vang phawt a. Ka phone chu tuai tuai mahila ka nghah ber message erawh in lan tik ni reng anei silo.











Ka nu chuan ka khumah buhhawp ama siam bawk chu min rawn pe leh in ka tho peih lo bawk nen khumah chuan ka lo ei leh tawp mai.Ka nau lah chu ka khawhar hlau ve ni maw, ka bulah chuan mu in thil ho deuh deuh min sawi puiin min fiam reng a, mahse mak ka ti dawn nge dawn lo? Malsawma lam engmah a thawi pawn a sawi hauh lo thung.Nidangah lem min han chhaih nasat theih nen.











Chhunah ka khawsik lai takin Zothani alo lang hlawl a. Kum tin ka tih dan than anih vang chuan ka la thutak hran lo nangin min ngaihtuah zia ka hmu thung.Ka nu nen ka bulah chuan nileng in an tap deuh chawt a, hrehawm ber lai chu khawsik hluah hluah lai pawh a ka khuh reh thei silo tlat te chu ni. Ka luak lo chauh zel ani mai.











Zanah chuan dar 7 bawr vel ah Malsawmdawngkima te thian dun an rawn lut hlawl a. Sitting room lamah TV en a, lu dah sangin blanket nen ka lo mu hlun bawk nen min melh chik dun viau mai.









"E...Malsawm lo kal rawh u" tiin ka pa chuan alo au thuai a.Ka mutna piah chiah a, thutphah ah chuan thu in vawikhat ka melh zawk bak ka melh tawh lo.Tv ka en lui ve ngat ngat a. Ani erawh in min melh leh ralh ralh thin tih ka hria.











"Kha i dam sam meuh nange" Fela zawk in arawn tih chuan ka lo nui tawi tak a. Sawi tur em em pawh ka hre lo. Ka nu erawh chuan alo hrilhfiah vat a.









"Khaw vawh deuh hian a hriselna pan deuh bawk nen, a heti leh thin a, a taksa a chak lo lutuk ve deuh thin aniang......Mahse han inti lum tha se a dam ve leh mai ang" alo tih chuan alo bu nghat a. Malsawma erawh chuan min melh leh run thin si ka ning, ka nu leh pa te awm lai lai a.











Ka pa te nen chuan inkawm in eng eng emaw an sawi ho reng a, kei erawh ka nu in eitur min rawn chhawp chu keng in youtube a an Advance Christmas hmang rawn live ho chu ka lo en daih thung. Dar 9 hnaih ve lamah chuan an haw ta a. Haw hle mahila min haw san leh meuh chuan ka ui zui leh vawng vawng si. Rei pawh thu tawh bik lo chuan mu tur chuan room lam ka pan ve ta daih a.











* I mu tawh em?* tih message ka dawn chu seen reng mahila ka chhang lo chiang asin. A har ve lutuk, chhan pawh ka chak....mahse a duh duh huna biak a, kalsan tur ka ni bik lo.











*Ka lo call ang che* a rawn tih leh pawh chu ka chhang duh chuang lo.A rilru a te a, kwi erawh alian thung.








Alo call ta ngei ka reject zel vawi 3 lai alo tih hnu chuan message dang bawk ka dawng leh ta. * Min chhang rawh, min chhan loh chuan ka lo kal ang* tih ani.Ka seen tih a hriat vang nge alo call leh nghal zat a.Ka chhang angem tih rei fe a ka ngaihtuah hnu chuan ka chhang ta hram.












"I dam lo a!" tih chu ka lak hnu a arawn sawi hmasak ber ani. Zawhna ni lo mahse chhanna a beisei tih erawh ka hre tho.








"Enge i duh" ka tih deuh hmuk chuan a thaw deuh hawk a.A reh vang vang bawk.
Rei fe a ngawih hnu a " Nangmah" tih chhanna ka dawn chuan min ti nui lo chiang asin. Ani erawh a nui suk ri ka hre thung, min fiam leh a tum emaw ni hepa hi! A ti tawh hauh lo ang.












"Ka fiamthu lo" ka ti nghat chuan a thawk teh chiam lo aniang ala nui suk suk tho.











"Enge ka lak atang hian ila beisei fo a, toy ka nia mi, i duh huna infiam pui a i duh loh huna paih leh mai mai tur" ka thinrim thut chuan ka ti deuh tuau a. Ka thinrim hian aw ka vin hmang ngai miah lo mahila ka tah a chhuak tlat zel hi a hrehawm thung.










"Chutiang ani hauh lo" alo tih ve nghut chuan ka bianga mittui lo kuang chu ka kut hnung chuan ka hru tawk a.








"Anih chiang alawm, tunah chuan a tawp vek tawh" ka tih rual chuan a rum nghut ri chu ka hrechiang hle a. Mahse a duh ang mai mai a fiam kual tur ka ni lo chiang alawm.











"Ka fiam hauh lo che, chutiang sawi hauh suh, kan la tawp lo bawk" a rawn tih hluk chuan mak ka ti.A thinrim aw ka hriat vawikhatna ni bawk nen ka hlau lo ka tih chuan dawt ka sawi mai thei ani.











Sawi leh tur mai pawh hre lo chuan kan ngawi dun vang vang a. Kei lah lungpuam hma dam loh lai nen rilru no bawk ka mittui tla reng chu hru tawk in ka inhnit chho hlap a.










"I tap tih sawi miah suh" a rawn tih ruih chuan a aw a rilru natna emaw lang pawh chu ka hriat hmaih lo kher mai.










"I sual em alawm" kan ti thla rawk a, ka room leh ka nu leh pa te room inkarah sitting room a awm avang chuan an hre thei dawn lo tih ka hre bawk.Ka inhnit leh hlap hlap thin chuan a ti hrehawm ve te pawh ani mahna a rawn thaw leh hawk thin a.










" Tap tawh lo teh bawihte, awmdan ka thiam lo nia, ka lo kal mai dawn ami?" a rawn tih vut chuan aw tial riai "A ngai lo" ka lo ti hlar a. Awmdan tur a thiam mai lo nge a rawn thaw ri leh hawk thin bawk. Kei lah ngaihtuahna mak sak pui pui nen ka la tap tawp thei bawk silo.










"I tah chuan awmdan ka thiam lo ania" a rawn ti leh sup a.










"Ka tap tawh lo bawk, ka mittui hi amah in alo tla zel alawm" ka lo ti chuan a nui suk ri ka hria a , ka run tawk a tling leh em em bawk.











"Awle, a tha vek dawn ania, keimah chauh min ngaihtuah la.....ka hmangaih che" a rawn tih leh sup chuan a aw a zam na emaw tak pawh chu ka hriat hmaih lo kher mai.Mahse min hmangaih thu a sawi. Min thlem nan mai mai bak a sawi lo tawp ang.











"Dawt" ka ti hlar chuan a thaw hawk a.











"Aih, dawt ani lo, hmani vang khan ami i thinrim ka thiam loh nih kha, umm....." a rawn tih sup chuan ka inseh ruh nghal teu a.A duh duh hian min tih kawi atum emaw ni.










"I thinrim ringawt anih kha, hrilh hai zet in min siam a, min peh hel reng bawk, ka biak pawn min chhang tha lo bik bawk" ka lo tih chuan a rum leh hak a.A tawt hian ka tawt ve up up, insum ngawih ngawih ngai te chuan min ti thawtha thei lo hial in ka hria.











"Aih....dik tak chuan ka thlakhleh anga min thlahlel ve lo ni a ka hriat na khan min ti na a, ka bula i awm tam duh lo riau a hriatna ka nei bawk, min play mai mai zawk emaw ka tia" a rawn tih leh sup chuan ka ngei zawk.Chutiang in ka awm lo bakah ka chhungte min hmuh ka hlauh vang bak in ka dang lo.










"Chutiang ani bawk lo" ka lo ti leh hlap hlap chuan "Umm" rawn ti ruih in kan ngawi dun leh vang vang a.Kan tawp mai dawn em ni.Tawp hi atha zawk mai angem?












"Ka ring che, i thusawi chu engpawh nise ka ring vek tawh che, mut tam i ngaih kha, kan tha aw engmah sawi angai tawh lo, naktukah kan in hmu dawn nia, Muttui ka hmangaih che" tih sup pah chuan ka chhanna pawh nghak lo chuan a dah ta daih a. Awm ngaihna tak pawh min ti hre tawh lo, ti te mai khan maw! Kan tha chiah em?











Ka mu thei mai lo chu ka khuh damdawi chu kan in vak teh reng anih kha, a thawk ve ngei aniang rei lo te hnu ah chuan ka mit pawh ka meng tha thei tawh meuh lo chu ni e.








•••••••••••••••••••••••••






Zingkar ah ka nau in min rawn sawi nawk nawk chuan phak chial hian ka harh a, chaw ei a hun tep thu sawi in a chhuak leh nghal.Ka lu nat zia chu, ka taksa lah chu a zawi ngiai bawk nen ka hai deuh chhalh mai.Khum atanga ka tho chhuak chiah chu engkim hi a vir ni mai hian ka hria.Pen mai pawh chu ka harsat, ka ke rih zia chu! Vawilehkhat ah chhuat ah chuan ka tlu thla dawt tih ka hria, ka bek nat zia lah chu, a bak zawng erawh a thim! Ni e, A thim vek!












● Sawi tur pawh ka hre lo😂 Happy Ending anih loh palh pawn in hauh awih loh😈😈😈😈

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:34 am

Chapter - 9






Ka hard deuh ruai a, ka mit chu a thip hlur mai, a eng lutuk.Ka chhin leh vang vang hnu chuan ka meng leh riai riai a.Tlem chuan men a nuam ve ta deuh.Ka awmna chu damdawi rim ala nam em em zui, kan inah ka awm lo chiang alawm.Ka hawi kual deuh chuan damdawi in emaw ni ka awmna hi!









Ka bul vel khum lah chu ala ruak vek zui,banga sana in tar ka en chuan dar 2 : 30 alo ri dawn ruai tawh.Engvanga heta mu ngawt nge maw ka nih.Mit chhinga kan ngaihtuah vang vang hnu chuan ka zing tho lu hai ka tluk kha chu ka hre riai ruai mai.









Kawngka ni awm tak rawn inhawng ah chuan ka nu leh pa an rawn lut hlawl a, zawhna ngah hmel zet a ka lo en chuan min rawn pan hnai nghal thuai bawk.










"I nuam deuh tawh em? min va ti mangang hman ve le! Damdawi kha ilo in tam lutuk a" ka nu in alo tih nghal mawlh mawlh chuan ka inthlahrung ru nghal ngawih ngawih. Ka pa chuan ka awmdan chu hrethiam in min lo chhan vat a.










Harsatna dang ka neih vak lem loh avang chuan tlai lamah chuan kan chhuak ve thei ta mai bawk.Hritlang damdawi min chawh leh hrep a, ei dan tawk lah chu min hrilh uluk nasa mai, nizan kha chu tipalh thilthu ve ah ngai tawh mai ang.











In kan thlen chuan khua a tlai ve ruai tawh a, ka nau in eirawng alo bawl peih vek bawk nen kan ei zawm nghal ani mai. Dam lo tak tak ang mai in ka chaw ei lah chu an tui lo nghal em em ringawt a. Thleng seng vel min awl vek avang chuan chhung inkhawm kan nei dawn nen Remruata mutna min siam sak thutphah ah chuan ka mu ta hle hle a. Na chu ka nei tawh hauh lo rih nangin ka hritlang erawh ala reh bik lo nen ka hnap a tla deuh reng sia ning tak ka ni.










Kan han inchin fel zawh chuan chhung inkhawm kan nei nghal zat a.Remruata'n bible chhiar in Ka pa'n hun a hmang thung. Chhungkaw inlungrual pawimawh zia sawi hmasa ber in kan nun uluk turin min fuih leh a, chumi hnu ah Christmas, lal isua lo pian cham pha lo thleng tur hi hlim taka lo hmuak tur in min chah uluk hle bawk.Fimkhur na tur tam tak a sawi hnu ah tawngtaina in a hun hman a ti tawp ta bawk.










Chhungkaw kim a kan han thu ho zet hi zawng kan hlim tlang a, kan in kawmngeih tlang bawk nen hei baka thlan leh chuang chhungkua hi ka nei awm bik lo e. Kan duh leh ngainat zawng min sawi pui peih in a kar lakah kan tana tha tur thil tam takin min fuih tel bawk a, ka nu leh pa hi ka chhuang em asin.











Kawngka! Kawngka! Kawngka!
An rawn kik leh ta kauh kauh a, ka nu in lo chhawn vat in ka bula mu Tetei nen chuan Now United ati emaw ni te chu min en pui a, min hrilhfiah viau nangin an tam lutuk nen ka hre seng meuh lo.











"Dam lo kan lo kàn dawn" Zothanpuii aw ka hriat chuan ka lo nui suk a, kawngka lam ka hnung chhawn avang in ka hawi let lem lo.









"Enge in an a? Vawiin lam chanchin min lo hrilh ve lo lehnghal" rawn tih bawrh bawrh paha ka hma alo thut chuan ka lo nuih lui sak a. Mahse Mala bawk a bula a rawn thut thlak ve thut chuan ka lo melh haw ringawt.










"In va fel ve kha.......kan dam lo pawh anui thei tep twh ang" ka pa in alo tih chuan ka va melh rum der vel a, alo la nui vur vur zui.










"Lam zawk zawk thei khawp in kan siam dawn alawm" Zothani bawkin alo tih leh chuan an nui hak hak a.Ve lutuk a!










"Nu-i thingpui han lum sak ta che kan nula ber in alum thei silo a , hei Zothani ho hian i han in teh ang u" Ka pa bawk in atih leh a, ka nu tho chu Zothani chuan a zui nghal zat bawk.Kei erawh ka tlawmngai peih meuh lo, ka thu peih hlawl lo ni e.A mawi lo tih chu hre tho mahila han thu em tur chuan ka zawi ve em rih ani.











Ka pa nen chuan an titi a, apa chanchin leh an chhungkaw chanchin te an sawi nual bawk.A sawi miah loh erawh a u Lalchhankima kha AIS ah inziak tling in tunah Karnataka state ah a awm mek ani awm e. Ka la hre ve deuh reuh nangin ka chiang vak tawh lo. Mala ai hian a hang deuh zawk a, mahse an in an na chu an nui thiam.....Nilo an nui mawi.












Ka chhungte mut hnu chuan kan pa3 chuan kan awm ta rauh rauh a.Zothani bawk in ka awmdan min zawt chik ta hle bawk.Tlema thup then deuh a ka sawi chuan a chek tlak tlak a, min zilh hrep bawk huat chi ani hauh lo thung, min ngaihtuah vang ani tih ka chiang em ani.













"Chuan nangni pahnih hi engvangin nge min hrilh miah loh a" ti leh nghat chuan thu mu deuh pah chuan ka en a.Awmdan mai tur pawh ka thiam lo, kan la ni emaw ni?











"Surprise che kan tum alawm" tia Mala'n a chhan chuan an chek tlak a.Min melh dun raw raw pah chuan " Ka hre daih tawh....min surprise lo chiang lutuk, in mit meng zer zawr khan min hrilh vek tawh" alo tih hlak chuan ka en hau a.Mala erawh alo nui suk thung. Sikri aia rei fe kan inkawm hnu chuan Zothani chuan haw a duh tawh thu a sawi sek avang chuan haw chu an tin tuah ta vat a. Ka zung lawk ti chuan bathroom ava hmang leh rih.










A kal rual rual chuan ka lamah chuan a rawn tawlh hnai surh a, " Hun kan nei rei lo, ka ngaihtuah zia che i hria em" tihpaha ka bianga alo dawm chuan chiang zet hian ka en let a.A mitmenga a thutak zia leh a dawt sawi loh zia chu ka hmu thiam ve chuan ka hria.









Ka buk nghat rual chuan ka beisei loh zetin chet ala zui hmiah anih chu. A hmui lum thar thar in min deh leh meuh chuan ka tui ral lo nangin nuam ka ti, mahse Zothani lo chhuak thut thei tih ka hriatna chhan ka thla a ti muang lo nge ka tang tung mai.











" A rei dawn lo, in thlahdul rawh" tih sup paha min rawn fawh zawm leh zat chuan tlem chuan ka insiam rem ve ta deuh a.A duhthawh leh thiam khawp mai, keipawh ka dang bik hauh lo bawk.Ka tum loh lutuk vang nga ka hn*te ka kawr chhana a rawn khawih thut chuan ka phu zawk anih chu! Ani pawh min fawhna chawl meuh in anui a, ngei zet in kei in ka lo beng dawt a, zah ve mah nak laiin min la nuih zui.












"A dawt lehah chuan inbuatsaih tel tawh la, khatiang kha midang ang tho in ka duh ve tho ania" atih leh phei chuan ka zak zual sauh bawk.Thlasik khawvawh lai mahnise ka lum vei pup pup mai.











Zothani lo chhuah hnu chuan an haw ta nghal a, kawngka bul thleng ka thlah hnu chuan keipawh mu tur in ka inbuatsaih ve nghal.An kal tur Zothanpuii mitmeng chimawm zet kha, ka ngei thei henu hi chu!











Mut hmun ah chuan rei lo te kan inbe leh zeuh a, mahse ka taksa la chak tawk lo zia hria in rei lo te ah kan inmangtha ta mai a.
*A seh hmeh kha theihnghilh tawh lo a* a rawn tih leh hram erawh ka run lutuk. Ka bulah awm se chuan ka chum vak ang.Nge maw ni!








•••••••••••••••••••••







Ni ngai ang put in hmang chho kher lo mahila dam lam ka pan chho ve zel ta bawk nen, kohhran lamah zaikhawm te an lo tan ta bawk a, inkhawm leh zaikhawm na velah pawh thalai ho kan phur in nuam kan ti tlang hle a, thalai kan phur hi chuan kohhran nu leh pa te an phur ve lo thei lo bawk nen Zaikhawm boruak pawh a tang thei khawp mai.











Inrinni zan kan inkhawm ban chuan gate bula kan din laiin min ko ri ka hriatna lam ka en phei vat a. Fakmawia lek lo niin, kan class kal pui thin ani a, Aizawlah tho college kal in awm ve mahse kan inhmu ngai lo tih theih tluk ani.











"I haw na ava rei tawh hmel bik?" a rawn thlen phei rual chuan alo ti var a. Ka lo nui ringawt thung. A hmeltha lem lo nangin chhe lua tia sawi tur ani lo thung. A duhna ah chimawm thei viau si hian a sual hauh lo chuan ka hria.










"Aizawl i va ngeih ve kha" Zothani'n alo tih chuan a hnar a tum dat a.










"Ngeih hran loh hi.....ka ngai reng, ka that ngai in ka la tha reng" ati chuan ka nuih tawp a, Zothani nen pawh an nui dun tawp.










"In zaikhawm dawn em? Kan rual in kal ula" atih leh zat chuan "Kal pui tur tha tawk kan nei tawh reng" Zoi bawk in alo ti leh zat zat chu awih lo fe hian ahan nuih a.










"Daw mai mai lo teh, lo kal ve mai mai ru " alo tih leh nui nui pah chuan min han in lak khawngaihthlak khum vel a.










"Aaa...Tak tak chuan" ka tih lai mek a ka lampana lo kal phei te ka hmuh chuan ka nui leh tawp a, kan bul chu an rawn thleng chawp chilh nghal bawk.











"A vawt em?" tih sup paha ka lut a rawn vawn zat chuan ka lo tim nghal chawih a.Inkhawm bang tam zawk zaikhawmna inlam panin an kal tawh na chungin alanga paua hetia awm hi nuam ka ti chiah lo.











"Fakmawia chu, i lo haw ve ani maw" Fela zawkin a tih tak vut ah chuan min en kan chuan zawi muangin kan bula ding Fakmawia chu a en ve ta chauh a. A melh deuh vang vang hnu a, a mitmeng danglam chu a chhan hre miah lo mahila a mak ka ti. Hetiang mitmeng pu a midang ala melh ngai pawh ka hre lo.











"Nia hei nimin piah khan ka lo thleng chiah a" Fakmawia chuan Mala en kan chuan Fela melh chuan ati ve sup a. Ka kut nghet taka hum pa erawh chuan thlah mai a tum loh hmel khawp mai.












"In hman chuan kan kal mai dawn ami, a tlai zel ania" Zothani zawk in alo tih vat chuan pawm zet chuan ka lo bu nghat a.










"Nangpawh kan rualin lo kal ve rawh" tia Faka an sawmna erawh a hnial thung.A thianten an nghah thu sawi chuan min kalsan ve ta mai a.Malsawma nen an in melh dan erawh danglam a awm deuh chuan ka hria.











" Enge in lo sawi a?" Zaikhawmna in pan paha Fela zawkin alo tih chuan Zothanin alo chhang vat a, Mala erawh a tawng tlem hle.Ka kut a vuan tun reng a, kan thiante pawh chuan engmah an sawi lem lo bawk.











"Hnaih vak a tha lo ang, a lerh reuh ania" Fela zawkin alo tih leh chuan engtin mah kan chhang lo, anih vel chu ka ring tho, kan school ah pawh khan a rualin mi pathum lai alo kawp tawh tak kha! Thian atan chuan fel in kawm nuam viau mahse ngaihzawn en a en tur chuan amizia hi ka duh loh chi ani thung.











"Khapa kha hnaih suh aw, ka thik ania" kan thiante nen kan kal inhlat ve deuh bawk nen an tawng a hre pha dawn lo tih ahria nge ni, a ti vei sup a.Kei in ka lo lawm thung, naupang cute deuh a ang a duh lo hmel pe chhe kual vel hi.











"I sual viau chuan ka hnaih....." ka tih lai chuan ka kut a hmer salh a, ka tawp chiang asin.Ka melh rawm rawm na lah chu min melh tha duh hauh lo.











"Ka fiamthu lo ania, khapa kha hnaih vak suh ang che" tih leh sup pah chuan ka kut chu la kang in a fawp zauh a. A thutak em avang chuan kei pawh chu ka bu nghat a, ka lu a a kut a rawn chul thuak in anui ve ta hram alawm.Fakmawia a hmuh atanga anuih lehna chiah ani














● 1) Palh ka tia😂 Happy dawn lo ka ti chuang lo........in hre fuh lo deuh ani.Kan happy ending em em ang
2) Shame_on_ Assam😈
3) Shame_on_himantabiswasarma😂
Helamah hian tan lo va la ula in fel em kha....

Chuan Kpop fans in lo awm phei chuan in trending siam avang hrim hrim pawh khan ka lawm e😅 Han tang leh sauh sauh teh u....💪💪💪💪

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:34 am

Chapter - 10









Zaikhawmna boruak nuam tak ani nangin alum duh hnap hnap khawp mai inchhung chu. Kan pali a thu khawm lah chu tleirawl te te nula leh tlangval thleng chuan min melh leh zauh zauh thin a.Nuih an ti za reuh zawk an ni ang rual kan nih chuan kan ti ve thin tho kha maw.











Dar 11 vel ah kan tin ta a, haw kawnga mi hmuh vak loh tura kuta inkaih te chu a nuam bik riau a, siam ngai hauh lo in mood pawh a tha var var tawh hle bawk. A thim lai chinah a khat tawk in ka kut a fawp leh zauh thin te chu ka tan chuan a hlu a, min thlahlel tih ka hriat na hian min ti hlim em em bawk.











Mut dawnah chuan kan in be leh fe a, ka movie duh zawng min sawi pui ve a, ani erawh horror lam angaina viau thung, ka en ngam loh lam tak, story ah chuan ngaithla thin tho mahila a en a en chu adang ka ti ka hlau deuh tlat zel.











••••••••••••••••••••••••








Inkhawm tur in kan insiam sap sap lai chuan dar pawh alo ri leh ral ral tawh.Tukin zing chu kan tlai deuh bawk em ani.Ka naute pahnih erawh an kal tawh thung.










" In pengah kan nghak che nia" ka phone a rawn call ka chhan rual rual chuan alo ti thuai a.Ka hman tep thusawi in ka dah a, ka hmanhmawh lutuk na lam ah ka che phelh phang mai.










Ka insiam zawh chuan ka chhuak phei nghal hlawk hlawk a. Pheikhawk ka bun sang lo bawk a, a zia zawk phian. Kan penga chuan Fela nen an lo ding leh khap a, min hmuh rual chuan alo nui leh var var tawh.










" I va mawi kim ve" Fela'n an bul ka thlen ruala alo tih chuan ka en vat a, ka kal char ve bawk nen hnaite mah nise ka hah hman tho.Min nuih vur vur chu hrethiam lo zet hian ka en bawk











"Lawk aw" tih sup paha Malsawma'n ka hmui sir a raqn tuai chuan ka dawm ve vat a.Ka bo hmel chu ahmu nge " Tlem te a pherh a, ti khan a zia" tih sup pah chuan a kut chu ala let vut a. Mai mai thin hian! Ka hmanhmawh vang vek Fela lo nui hui chu nam dat in a kal hmasak tir a, min dawn nuih leh suk in kan zui ve nghal bawk.












Zothani te in kan thlen chhoh chuan alo thin chhe leh hman sia, Fela nen bawk an inkhak chhoh leh reng kha.In haw miah silo hian an in fiam dan hi a mak ka ti thin, na zet zet hian inti mahse an in haw hran miah lo thung.











Inkhawm ban chuan TKP fellowship hran a awm rih tawh lo avangin zaikhawmna lam engkim in a awn tawh a. Mahse vawiin chawhnu erawh kan zai khawm dawn lo aniang, len vel an sawi ve tak kha.











"In duhnu, in zaikhawm leh dawn em?" Biakin kawta kan din lai chuan Fakmawia chu rawn phei in a rawn ti var a. Mala leh Fela an zung bawk nen, Zothani lah an rawn ko hran rih bawk si.











"Dawn lo ang chawhnu lam chu, zan lamah chuan mai thei ani" ka lo ti ve zat a.A sualna em em ka hriat loh avangin ka be chhe ngai lo a, kawm thiam chuan mi fel tak ani chuan ka hria.











"Enge tih dawn? In zaikhawm dawn loh chuan ka lo leng dawn ania" Fiamthu ti tak deuh a tih var chuan ka lo nui mai a. Ani erawh in a mitmeng chuan min rawn na in ka hre lo der thung.











"I no. ka nei tawh miah lo a, i phal chuan " tihpaha a phone alo lek chhuah chuan phal vak lo a lo tih chi ni hlei lo le, ka pe ve mai a.A hlim hmel chuan ka awm a ti nuam lo, hmeichhe en a min en loh hram beisei ang, Thian ang bakin keiin ka pawm ngai dawn silo a.











"I no. ka nei tawh bawk a, ka khuahar thei sia, ka lo tibuai reng mai thei che ni" a tih leh sup chuan uang ve zet hian " Ka buai thei teh mai nia, ka be hman lo ang che" ka lo tih chuan a nui ve ringawt tho.












"Anih ka kal ang! zanah ka lo bia ang che phal lo mahla" chimawm zet a tih pah chuan nui vur vur in a kalsawn a.Rei lo te ah Zothani alo let a , Malsawma te pawh an rawn lang ve nghal thuai bawk.











Chawhnu lam chu kan leng ta daih a. Kan rilru la naupang chhia ve deuh bawk nen nuam ka ti hle bawk. Dawr ah thil in lei sa in Leitlang khawthlir kan tih mai ah chuan bike chuan kan leng chho ta daih a. Alo fai nuam ve khawp mai, Mass dawn ani bawk a an lo thiam fai ve niang, zin veivak chawl an awm ve zeuh zeuh thin avang hian ei leh inna kawr ve hi a awm phung zel a, mahse tun ah erawh a zia phian mai.












Kan thil ken ho chu kan siam mawlh mawlh a, ei pah chuan khua leh tlang vel chu kan thlir kual ani ber mai. Thli thaw heuh heuh leh ni sa nisi lo a, lum nuam tawk si kar a, fiamthu ho te te thawha nuih dun te chu nun ti famkim tu leh hun nuam tak ani chiang alawm.











" Vawiin kha Fakmawia nen khan in inbia mi?" Fela'n alo tih thut chuan ka hawi buai deuh nangin biak in kawta kan inbiak lai kha ka hrechhuak leh nghal zat a. Malsawma ka en vut chuan min melh miah lo in hmundang a en vang vang thung, kan thusawi chu hre hmel a pu pawn ka hre lo!












"Nia, zaikhawm kan tum leh tum loh vel min lo zawt anih kha, thian hlui te nia, kawm vak anei lo nen min lo be ve nih kha" ka tih chuan Zothani pawh chuan a sual hran loh thu vel alo sawi nghal luam a, mahse hnaih atan chuan a lerh thu a sawi ve bawk, hei chu ka pawm em em bawk.












Malsawma erawh chumi hnu atang chuan a tawng tlem ta viau mai. Nuam lo ka ti ru tak zet tawh, nizan khan min hrilh chiang ve viau bawk sia, mahse ka be leh tho a.











"Pawngi bangla veng dawr kha inhawng an awm in ka hria, thil zu lei leh lawk ang, ka treat ang che" tia Fela'n Zothani a sawm chu alo aw ve teh mial a. An pahnih chuan min kalsan tak hnu phei chuan a reh vang vang mai.










"I thinrim tiraw?" ti sap pah chuan in thlahrung deuh hian ka en a, min en miah lo nangin alu erawh a bu nghat thung. Tih ngaihna ka van hre lo tak, ka thlem thiam bawk silo.











"Zaikhawmna ah kan kal dawn em tih chauh alawm min lo zawh, kawm tur anei vak bik lo a, ka khawngaih ve deuh a, a lo haw khat ve thin bawk sia, kan kawp nghah ang hi anei lo ve lutuk a" amah pawh en chuang lo chuan ka ti nang nang a. Kha bak a sawifiah vak dan ka hre lo. Bakah a tawng duh bawk silo nen biak tawng dan tur pawh ka thiam lo, alak ah tlangnel viau mahila he tia awm chuan ka inthlahrung duk mai.











"I no. pawh i pek kha!" a rawn tih ve sup takah chuan ka melh leh he haw a. Min lo hmu reng tihna ni chiang, hetia buai ngai lo hian lo kal ve mai tur asin mawle..











" Nia, min dil sia pek loh kha amawi lo alawm" ka tih leh sap pawh chuan en pawh ka en ngam tawh lo.Nizan lawkah min hrilh ve mawlh mawlh sia ka zawm lo nghal pang bawk nen.Ka lam hawi chuan alo in her ta hram a.Ngun thluk fe hian min en bawk.











" Min hrilh nghal la tha tur ania, zawt lo che ila min hrilh angem?" a tih leh sup chuan chhan mai ngaihna pawh ka hre lo.Dik tak chuan Fakmawia nen kan inbia tih te kha chu min kalsan rual rual khan ka theihnghilh leh daih tawh zawk .











"Dik tak chuan ka bula in awm khan ka hre chang leh tawh lo hrim hrim alawm" ka tih sap chuan a nui lo a, abu hek lo, min melh mawl tawp ringawt. Mak ka tih thin bawk chu a thinrim emaw pawh hian a hmel hi a dam em em ringawt zel a, hriat thiam a har thin.










" A dawt leh a awm tawh tur ani lo, a awm pawn min hrilh hmasa zel la" a tih sup chuan ka lo bu nghat nghat a. A nui hmel ka la hmuh miah loh avang nge ka la nui ngam bik bawk silo.Tim dai a a kut ka han vawn chuan a nui ta suk a, min pawt hnaih nghal hrut bawk.










" Ka fawp chak che " ni e, dik taka sawi chuan Malsawmdawngkima hi ka engkim nen hian an in mil a, a inrem nge ka hrethiam chiah lo nangin a bulah hi chuan zah tit tet emaw pawh hi ka nei khat khawp mai. Amah pawh hian tlang tak in engkim asawi vek zel ang tho in keipawh hian ka ti ve mai ani. Min hmusit emaw min ngaihhniam phah dawn lo tih ka hriat na hian ka huang chin a ti zau in kan inkar hi a ngheh ve viau chhan pawh hi anih ka ring.











"Ti rawh" a tih nghut chuan ka melh haw a. Kawngpui bul maia kan awm avang chuan thil tih chi pawh va ni nghal suh. Hnar tum dat a min en chuan ka lu ka lo thing na na a.Kawng lam ka mit sir chuan a hrethiam nge mawni nui leh suk pahin a dik chhuak vut a.Min kai tho ve nghal in , kan piah deuh thing hmun lam pan chuan min phei pui ta nghal a. Kawng pangngai a awm vek avangin a nuam viau mai,kawng hmuh theih loh chin piah deuh ah chuan thutphah thinga siam hi alo awm va a. Tah chuan kan awm ta vang vang mai ani.












Zan ah chuan Fakmawia chuan min lo be ve ta chiah nangin, Mala lungawi leh loh ka hlauh em avang chuan Mala nen kan inbiak lai chuan ka hrilh ve a, tha deuh a chhang ve tura min hrilh avang chuan ngaihngam tak chuan thian angin ka be ve mai bawk.











Tuesday zanah chuan Fakmawia a rawn leng ve hlawl a a hnu lawkah Malsawma te thian dun an lo lang bawk nen nuam pawh ka ti lo. Fakmawia hi chuan Thian angin min en chiah lo hian ka hre tawh chuvang aniang a message chhan loh pawh ka nei ta nual mai.














(Zawmna)







Fela chuan Fakmawia chu a be ve nghal bawrh bawrh a, Mala erawh a hmel ah engmah lang lo mahse a nui hmel phen a a insangmar at chu ka hmuh hmaih bik hauh lo. Awmdan min ti thiam lo vek lehnghal.











"Naktuk ah Lunglei chhuk lawk ka ngai a, kal ve te inngai em?" tihpaha Faka'n min rawn en chuan ka lu ka lo thing ringawt a.Ngai hek lo! " Zu bazar mai mai ila nuam ve lawm, lang in ania ka kal dawn haw tlai pawh ka tum hran lo in mamawh ve tak in ania ka tih" atih zawm leh zat chuan ka lo nui mai a. Ngai pawh nise ani nen a afal a awm hi thil tha ber ni in ka hre tlat lo.











"Ni e, mamawh lai han nise a tha tur ania a alawm awm! Faka i pu chu enge an zel tak?" ka pa in thingpui no dawm paha atih chuan ka lo thaw huai.Han biak dan vak ka hre lo bawk nen, bakah sawi tur a vang ve det em atin ni.











"Khi a zia leh tawh viau, tar lam an ni bawk a chet ve sek an lo tum bawk nen amah tho hian an tuar leh thin bawk sia, a buaithlak anih hi" a ti ve mai a. Ka pa nen chuan an sawi zui luam a, Fela'n alo belh ve zeuh zeuh bawk.Malsawma erawh hranpa deuh a an bia anih loh chuan a thingpui inlai chauh ngaihsak ang chuan a thu ngal a.Kei erawh Tetei nen in si chet in kan thu thung.












"Khawi nge mit a kham ta e.....Bawihpui i va mu ang u le, Mate nangni pawh meng rei lo ula" tihpah chuan min ngheng chial a Tetei mu thlu deuh lap lap chu kai tho in room lamah an in zui phei ta a.Ka nu erawh chaw ei kham lam khan a nawm sam loh vangin a mu tawh thung.












"Ruatsangi pawh alo haw ani awm e, Faka i leng chho tawh em?" Fela'n alo tih leh sung chuan Faka chu ka en ve vut a.A lo nui tawi tak thung. Higher kan chhuah tirh khan Ruatsangi lakah hian sawn a thlak tak alawm, mahse Ruatsangi zawk Apu te khaw lamah an dah daih avangin inneih chuang lo in ti hian an awm ta kha nia.











" Han in sawi rem thei ula tha tur ania, bakah naupang tan pawh a tha dawn em asin, la ngaihtuah tha leh rawh u" ka lo ti ve nghal zat a.











" In sawi ho emai, thinlung hi lawm pawimawh chang dang a kan san tawh phei chuan " a ti leh sup a. An fa hi kum 3/4 chho vel chu ani ve tawh anga anu a hmeltha bawk a, mipa mah nise tha ve vur vur tak ani.An inneih lohna chhan hi ka hre hauh lo bawk, Ruatsangi kha apa in a thawn bo ta bawk nen kha vel vang kha ni tak ang.











"Naktuk chu a khawhar thlak dawn ve, lo kal ve tak tak teh, car in ania ka kal dawn" thu dangah a rawn pa kai nghal daih a. Bakah nge maw min sawm reng le, ka duh lo tih tih pawh in Pakhata lah hian a melh no vak tawh lo si.











"A hman lo!" deuh hmuk chuan.Ka tawng hma chuan alo ti khauh a. A melh deuh run bawk nen buaina an siam ang tih ka lo hlau hman rilru dawih chi tih takah.











Ngeiawm rawng kai lek lek a Faka rawn nui chu ka melh zawk a. Nui hmel pu deuh mahse a mitmeng a hriam hraih thung.
" Alo nih tak chu! mahse engtik ah emaw kan la zin ho ang chu, Aizawl pawh kan phei rual nghe nghe thei ang chu car ka keng phei dawn alawm" a tih leh zat chuan chhan ngaihna pawh ka hre lo.A aw ki hi ka mil lo, a mitmeng sen deuh rulh lah chu a rawn luh tirh ami ang chiah kha ala ni, ruih nei ti dawn ila dik lohna emaw rim hran a nam awm pawh ka hre silo.












"Kan ti buai buai mai ang che, Sumo tam alawm kalna tur te chu a awm ve mai ang Pathian zarah" ka ti ve duah a. A nui mai mai thung. Rei vak loh kan thut ho hnu chuan Faka zawk chu a tho ta nalh a. Haw mai a tum tawh thu a sawi chuan ka hnial khawmawi duh ta lo bawk.Kawngka bul thleng chu ka thlah ve a.









Inchhung ka luh leh chuan Fela chu alo nui sawng a, Mala erawh alo tum ve bur thung.
A awmdan chu amak, a thinrim ve leh tak tak emaw ni! Buaithlak thei











" A changtupa a ti tau tlat ania aw" Fela zawkin alo tih sawng chuan phawk deuh lek lek hian ka en a, Mala'n rum zet a a en phei chuan a nuih in sum hmel chu pe chhe ve tak ani.











"Ka pum iti nuam lo vek, Kim kan lo è lawk mai aw" tih pah chuan a rawn ding leh vut a. Bathroom lam pan chuan a nui phei vur vur bawk. Malsawma lah chu biak huphurh awm lutuk hmel ala pu zui.Sawi mai tur pawh ka hre leh tawh lo.











" I thinrim lo tiraw?" abula thut thlak pah chuan kan ti ve thawr a , min melh run thung. Tim dai chuan a kut chu ka vawn sak a, alo pawt deuh sawk ang tih ka hlau viau nang in ati em ta bik lo.











"Hrethiam hram rawh aw......ka duh miah lo ania, nangmah chauh ka tih kha....umm thinrim suh" ka ti zui sap a.A thinrim hian nuam ka ti hlawl lo ani ber. Min ngaihnep phah dawn lo tih ka chian em avangin ka ti langhreh ngai lo ka tih tawh kha.













A hmai a kut phah lehlama tuai thuak pah chuan min rawn en a, thawk an la leh te te a
" March thla ah ka exam zo dawn, chumi zawh ah innei ang, ka nghak dawn miah lo che nia!" a ti deuh bur a.Hnial chi ah pawh ka ngai lo.Nakinah a rilru dam deuh ah sawi pui zawk ila innei tur chuan ka la inpeih hauh lo.Ka nu leh pa te la chhawk zangkhai ve rih pawh ka duh alawm.











"Tuman an nei dawn lo che nia, Malsawmdawngkima dam chhung hi chuan" nui paha a tih deuh sup chuan ka lo bu ve nghat a.Hepa lo hi tumah ka duh bik hauh lo.Eng anga famkim in fel emaw, hmeltha,hausa in mi zahawm tak pawh ni mahse Malsawmdawngkima an nih ve miau loh chuan he ka awm chhunga nunna hran nei ve awm tak tereuh te hian a pawm ngai hauh lo ang.















Mut dawn chuan Fakawma message chu alo awm va a.ka hawng ve mai bawk.
* I mu tawh dawn em*








*Aw dawn chiah e* ka ti let ve mai a.Hawn ve tawh a han chhan loh kha amawi lo em ani.









* Malsawma nen khan in ni lo tiraw?* a rawn ti zui leh zat a. Zep buai ka tum miah lo, ngaihzawng ka neih hria se min tibuai tawh lo se ka ti ber. Alo lan atang hian Mala nen kan inkar ah in khak na awm zeuh zeuh bawk nen a tha lo tlat.











* Ka nghak thei che, ka duh takzet che Kim.....Tu nen pawh sawi zawm ni rih mah ula ka duh che, ka ta ah ka siam dawn che* ala rawn ti zui hram anih chu! Chhan pawh chhang duh tawh lo chuam ka dah hmak a. Mi pangngai pawh ani lo anih hi.











••••••••••••••••••••••••





Ur lawk tlai ah chuan kan kawmthlang tual ah chuan naupang infiam chu an ri nawk nawk a. Kawn lamah lah motor an tlan ri ruai ruai bawk, chumi kar laka bangla veng tlang atanga Christmas hla an rawn play ri ruai ruai te nen phei chuan lung a leng ve ruih mai.








Kan kawmthlang te sum ah ngei mai zo chhang ban ka pa leh Remruata ten an zu deng a, ka nu nen hlim zet in eirawng kan bawl dun thung. A khat tawk in Tetei alo au ruai zel bawk nen, nun hi a famkima anuam bik ngawih ngawih e.











"Dawhthlak tur kan la lei miah lo tak! I naute hian lian ve uai e ti lo hian dawh an la tum ve zel sia, nangmah hian kha a ruk in ve lei teh" tih pah chuan ka nu chuan pawisa ava la a.Ka lu su zo hlim deuh thuak tih takah alo ro lo nasa sia, ka thlah vei hnuang bawk nen min ti vawt zual.












Kawn pawh kumdang ang bawk in mawi zetin an lo chei ve leh a, khawpui ang em em nilo mahse a hlu ve em asin. Photo boot lah chu an lo hung ve thluah thluah bawk.










Bag lianpui ak chuan dawr ah chuan ka tei kual vel a.Naupang lawm lei dawn em in an lian ve tawh sia lei tur pawh ka hre lo.
Ka vah kual ve rak rak hnu chuan Tetei tan Treasure ho lomocard chu ka leisak ta a, ka nu nise zawng avan lei sak dawn lo chiang tak ka ngaihtuah zawng pawn ka nuih aza. Bible lian vak lo chu ka leisak a, Remruata nen, Remruata tan bik erawh adidas mawza leh trigger kan lei mai anih kha.Ka nu chu asa teh ang! Ei tur lei leh nual hnu chuan in khai bawr teuh in ka haw thei ta hram a.Chhang an lo la deng zo bawk lo nen an hmuh lawk mai loh nan ka nu te wardrobe ah chuan kan thuk ru ve tat bawk.











Zan ah chuan Advance Christmas leh carol kan neih dawn avangin ka thawmhnaw hak tur chu ka nawt nghal thuak thuak a.Ka nawh mek lai in Malsawma'n alo call mial bawk.










"Hello" zang vah chuan ka lo ti a.












"Ni kha en teh" a rawn tih sup chuan ka tukverh lam chu ka pan ve nghal mai bawk.Ni tla chuan kawlkil alo chhun eng phut tawh a, thli leh chhum te nen phei chuan an duhawm in an mawi tak zet.
Van dum pawl raih leh thiang kak chu a chhun eng vu a.











"A mawi em?" a rawn tih leh sup chuan uar zet hian a mawi thu ka lo sawi ve chiam a.A rawm nui ve suk suk bawk










"Nak kum tun ang hunah chuan Pathian zarah dam in i kiangah ka ding tawh ngei ang" a rawn ti leh sup a.









"Tehreng" ka lo ti ve zat bawk











"April ah kan inneih anga, chuan naute te...." a rawn tih leh pek chuan tul lo zet in ka lai anih chu.Rei pawh inbe lo in ka dah san daih a.A nuih a za tih lah a aw ah hriat reng.Hepa em em hi.











Tun ang hian hlim reng thei ila, kan buaina leh harsatna te hi he ni a tlak rual hian liam pui sela, ni thar leh duhawm chu rawn in her chhuak in kan tan malsawmna rawn ni in hlimna kawl lo eng reng sela tih in duhthu ka sam leh ta a. Mahse tuman enge kan tawn dawn tih kan hre lawk ngai lo siam tu pawn a phal lo, duhthusam te chu duhthusam mai ani tih kan hun tawn te chuan min hriat nawn tir leh thin










Thil mak beisei a hringnun emaw min kalsan turin Malsawmdawngkima hi ka la ngen ang tih ka la ngaihtuah pha der silo. Kan beisei angin engmah a thleng reng thei lo a, kan dam nan kan hun tawn mil a kan insiam rem ve angai bawk thin.









● Muttui ule.....Naktuk chawlh zan💃💃💃

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:34 am

Chapter - 11







Chaw ei kham chuan a mawi thei ang ber in kan in chei ve a, mahse thlasik lai tih takah mawi deuh a inchei pawh coat hak tho tho angai zel bawk sia buaithlak thei ania. Ka sam erawh ka thla leh ta hram a, a vawt bawk nen bakah nuam ka ti ve hrim hrim bawk. Sunday dress a inthuam ve thap tawh hnu ah ka zun an chhuak leh a. Ka ning!










Zanin chu ka hma ve lutuk kawn ah chuan Mala te ka lo nghak ve teh khiah a, ka gift exchange tur pawh chu ka khai va va bawk. Kàwn phei chu a chungah light an zar ka ti mai a eng phei ut a, a khat tawk in Christmas tree kawng sir ah a awm zeuh zeuh bawk a, kawn tawp kawng in cross kual na lai ah chuan photo boot nalh zet an siam bawk, lehlam lehlam tawp ah chuan an siam ve ve a, inchei lam an uar ve bawk nen inti mai chu a mawi takzet an eng nalh hlawm bawk si.











Call tuma ka phone ka lak chhuah dawn chiah chuan kawn atanga an lo phei chu ka va hmu a, Call tum a ka phone lak chhuah pawh chu dah let leh in ka lo nghak ta zawk a. Light eng hnuai ah chuan alang nalh takzet.










Kamis senduk chungah over coat dum dak nalh zet a mal thleng vel chu a ha bawk, smart pen dum nalh zet ah chuan a kamis chu a bilh lut tat a, a belh pawh a nalh e. A thawmhnaw nen a inmil zet in smart shoe a bun leh thlap bawk nen tlangval pangngai a ang ta viau bawk. Min rawn hmu ve ani ngei ang nui sang hian min rawn pan a, ka hriat sual nge min hmuh khan a pen chak sawt in ka hria.










"I mawi lutuk! A vawt em?" ka bul alo thlen rual chuan alo ti vut a. An gift erawh Fela'n a khai thung. "Chhawrhthlapuilian, i over lutuk" Ruatfel zawkin alo tih nghut chuan min melh na atang chuan rum zet hian Fela chu an melh a ani erawh in a lo nuih sawng thung. Hemi te unau tak hi chu!









"Kal ang u, kan tlai palh ang!" ka tih chuan Fela a enna mit chu la sawn in min rawn melh ve ta hram a. Min nuih suk in a buk tak nghut hnu chuan kan in zui chho leh ta hnak hnak a. Min kaih tum viau mahse mi hmuh a thil mawi anih loh avang chuan ka duhb lo a, a hrethiam ve mai bawk......ti ila a khat tawk in a rawn vuan leh tang tang zel tho. Ka en deuh hrawk ve lah hian inthlahrun hmel deuh hian an thlah ve zal zal a, a hnu ah mi hmuh loh deuh lai ah hi chuan a rawn vuan leh vut zel thung. A changtunu duh pa hi a!










Zothani kan sawm chho leh a, biak inah inkhawm a awmdawn avangin tun kum chu kan lo inbuatsaih tlai bawk nen kan hruaitu pakhat te inah kan ti dawn ani. In hriat dan tur chuan Dinsanga Zothani crush te inah khan.







Mual chhak ah daih niin peng awmah kan chhuk leh a chutah chuan phei leh in alo awm a. An inkawt pawh an lo chei nalh ngei mai. Thleng hmasa ho pawh chuan thla an lo la sup sup a, keini pali pawh chuan kan ha la ho ve ngawt pek a.










Khawpui TKP te zat mah suh se, kan khua ang tan chuan zanin a TKP member tel pawh kan tam ve viau mai, hruaitu in tanna te a neih hnu ah member inchhiar kan nei a, 128 lai kan ni ve alawm. Kan han zai thup thup phei chuan a nuam ti fal ho pawh hla khat zawh hma hma in an kawrlum an phelh sap sap mai. Kei pawh chu nuam ka ti ve niang lum ka ti ve viau tawh a hnu deuh ah fan an rawn on chuan tlem chuan a nuam ta deuh e.










Fela leh Zothani lah chu an inzai ring siak emaw tih tur khawp in an zai ring a, kei leh malsawma ve lah chu mi hriat hlau ang em em chu nilo mahse a teuh vel mai thei ani. Malsawma zai thum ve dut dut zel chu ngaihthlak chian phei chuan a aw a mawi reuh phian leh nghal. A khat tawk in game nuam leh hlimawm zet zet kan khel leh thin bawk nen biakin angin kan in hmuam up ve tun lo bawk a thenkhat tan pawh mutthluk chu thil harsa tak ani ta ve ang.











"Min zun pui.." ka bengbula alo tih su su chuan ka melh vut a. Naupang thil ngeng ang mai hian min lo melh anih chu! A va à tak, kalpui angai lo nasa lutuk, bakah mi hmuh ah pawh mawi lo. Nula leh tlangval tan chuan!









"Nangmah in va kal mai rawh, a mawilo" ka tih ruk sa sa chuan hnar tum dat hian min melh a, min chik tu chu awm se kan awmdan chu hriatthiam na chen a awm ang.










"A awmna ka hre lo, please...." tih sup paha min melh run chuan min en an awm em tih ka hawi kual nghal zak zak a. Mahse tuman min lo chik lo hlauh choka lam hnaih a hnunh deuh laia thu kan ni bawk a, chhuah chu a harsa miah lo mahse a mawi tlat lo.











"Fela sawm la...." ka tih leh sap chuan a hawi tau hmak anih chu. Chumi hnu ah Fela chu bia in an chhuak ta nghal a. Malsawmdawnga lel lawl chuan min melh duh tawh thak lo anih chu! Va han naupang chhia tak....a awmdan ka ngaihtuah chian phei chuan ka nuih a za! Tlangval a pumpa ka ti tau e ta tia.










Kan zai leh thap thap hnu chuan kan TKP president chuan thusawina tawi anei a, chumi zawh chuan Gift exchange nei tur chuan kan inbuatsaih ta nghal a. kan tam tham bawk nen ballot paper chu an rawn sem kual a, Malsawma te pawh an rawn lut leh tawh min la be duh lo ve ngei anih chu. Hepa lah hi hun nuam deuh kan hman dawn apiang hian a ti tau ziah mai!










Ka paper pawh chu 67 daih, Zothani chu 23, Fela te thian dun erawh min hmuh phal leh tlat lo, an va han naupang chhia tak, hmuh avanga ral thei pawh ni nghal loh!









Gift Exchange kan tan a, ka duh loh ber lai a ti tel leh tawh, hruaitu chuan thenkhat ho chuan an in change dawn chuan thu tlem tal sawi tur a ti leh tlat tawh. Keimi tawngkam tla chham hian min ti ve ta se sawi tur ka hre leh dawn miah lo. Ka ngaihtuah lawk leh nasa ngei mai. No. 14 an rawn puan chuan Fela chu ading vat a, Khai le! a change pui chu Ruatsangi (Fakawma sawn thlakna nu kha) lek chu niin , a hmeltha leh kher mai! Henu hi chu a tha ve thlawt alawm, engtin nge Fakawma ang te lakah a inphal rai theih ni! Ka hmu sual nge Lalruatfela chu alai anih chu Zothani lah lalruatfela chanchinah reng reng over ta reng chu an nui uar leh mai mai khawp a, Fela rawn phei lam chuan a melh tùr viau mai. Ani lah nui lo ang hmak in a hmel a nui hmel chambang awm hauh lo in hma lam alo melh daih anih chu! A va han inthunun hneh mai mai tak henu hi!











No. 23 Zothani te hun, a ding nghal vat a chutih lai chuan Malsawma chu a rawn ding ve khauh anih chu! A ve ngei chuan! An inngam sih siah mai sia, hruaitu te lahin an lo au nasa thu chham phei chu an hneh sawh lutuk.










Kan ti nek nek a, a kar lakah action songs te kan han sa leh lawp lawp a, ka hun alo thlen ve meuh chuan a tawp la.ah daih ani tawh. Ka tho chhuak ve thuai a, stage an reng deuh an siam awmna hma ka thlen hnu lawk chuan Dinsanga chu a rawn ding ve zat a. Min nuih suk a, in change nghal mai kan tum lah chu hruaitu chuan alo phal hauh lo mai. Eng emaw tal sawi tur a min tih tlat avang chuan lady first tih chang chawiin min sawi hmasak tir ta a. Sawi tur ka haih chham tak tak! ka ngawih vang vang hnu chuan zam tak chung chuan ti hian ka sawi thei ta hram a.










" Hringnun ah hian hlimna hun chauh kan tawng reng lo a, engpawh tawk ila beiseina thar i neih zel theih nan he ka thil pek hi min pawm sak rawh" ti pah chuan ka pe a. Min melh chiang asin aw.....a mitmeng ah chuan nui hmel lang mahse a chhungril khawharna erawh a mittui tling deuh thuk ruih chuan ati chiang tawk viau in ka hria.










"Ka lawm e" a ti thum dut phawt a, palian lam sar vuah kan tih ang hi ani bawk nen abul a din pawh chuan zam a awl phian mai. " Beiseina min neih tir duhtu chuan hei hi i phu in ka hria" tih pah chuan a gift zawk chu min pe let ve ta a. Ka gift pekah khan bible ka dah a, a nei tawh ang tih hre tho mahila ka rilru a awm ang chiah in a chang tha lai leh ka duh zual lai te paper hrang hranga ziak in a kar ah ka zep bawk a , tangkai taka a hman beisei phawt ang.











Thutna ka thut leh rual rual chuan eng kan hria ni thin maw a ti tau emaw tih lai lai in ka kut alo hum nghal run anih chu! A tha vek mai e. Zothani lah chuan bawm.in thleng ang alo ti ve sek leh nghal. Dar 10 velah carol turin kan chhuak a, kan awmna in atang chuan kal tan in bangla veng tawp ah vety tlang lamah chuan kual in zai pahin kan kal zel a, boruak a nuam hle bawk. Mi hmuh loh a inkaih te lah chu thil thar anih mai bakah a nuam dangdai viau bawk.











A tawp kharna chu dar 1 dawnah ani, lamthuamthumah chuan kan secretary chuan tawpna tawngtai hmangin kan inthen darh ta hlawm a. Malsawma te thiandun erawh min thlah an tum avangin min la zui phei rih thung. Fela chuan Zothani chu an in thleng a han thlah a chumi chhungin keini in kan inpengah chuan kan lo nghak a. Zanlai a pel tawh bawk nangin urlawk zan tih takah pawna la awm tawk an awm far mai.








"Nichina mi pa kha ka ngei" a rawn tih sup chuan ka melh haw a. Tunge maw alo ngei ve ni! Naupang ang mai a huat thu lah hi pe chhe ve thei mai sia.






"Tu chu?" ka lo tih chuan " I gift dawngtu kha, bakah in in pe rei si" alo tih leh hmuk chuan Dinsanga a ani tih ka hrethiam nghal a.Ka nuih aza ru viau nangin ka nuih vaih chuan a ti tau dawn tih ka chian em avang chuan ka nuih duh bik lo.










"Ngei suh, a fel lutuk a khawngaihthlak bawk sia" ka tih chuan min melh khui khui a. He pa pui lah hi a thik thu pe chhe ve thei si. Awm lo leh lutuk kumah pawh ani te zawng a tam lua tawh emai!








"Ania lawm, a bialnu'n thla hmasa khan a boralsan alawm a tuar ve em a, kohhrana kan kut ke ber kha ani thin hial a mahse hei a rawn lang ve zeuh zeuh tak chauh tawh rih hi!" ka tih zawm leh zat chuan min melh vung vung a. Ka rilru awmdan chhiar tum ni awm fahran hian.










"I melh no vel" atih chuan awih lo lutuk hian ka nui hak hak a, ani pawh a fiamthu ve niang a rawn nui ve ta suk suk bawk. Hepa ka tawng lo ang tih hi nunna neih loh ai pawn ka hlau hlel love.









Mahni tawkah chuan kan hlim leh hle tawh, hepa kiangah hi chuan hun pawh hian min daih lo lam mah ani e, a bula ka awm tam pauh ka thlahlel zual a ka awm loh lahin ka ngai zel tho bawk si. K.hminga hla thu thenkhat ka ngaihtuah thlen ve chang hian rilru ana ve tlat thin 'nang leh kei erawh hrang tura duan' a tih lai te kha! hepa nen hian hrang tura duan kan nih loh hram ka beisei.










"A va nuam awm ve?" rawn ti tu lam chu kan hawi phei nghal vat a, Fakmawia leh a thiante niawm tak 2 chu kan lampan chuam an lo phei mek a, an mitmeng en reng reng chuan ruih an nei ve deuh tih hai rual ani lo. Kan bul an lo thlen chuan min han en tawn vel sek hnu ah an han nui vel a, ka ngei ru viau mai. Hetiang hian a rui ve thin tih ka hre hauh lo.










" Hei, khualzin pa kan khaw nula te ilo ngaizawng vel a, kan phalna la hmasa lo a ngaihzawn kan phal hleinem" a thianpa pakhatin alo tih chuan Malsawma chuan a kekawr coat ipte pahnih zen tat chuan a hma chhawn ran a, thinrim hmel erawh a pu hran hauh lo.









"Thiante u in rui anih kha, duh leh naktuk lamah kan sawi tha dawn nia" damdap a alo tih chuan Lalfakmawia chu ngeiawm zet hian a rawn nui hak a. Malsawma chu a thinrim mai loh nan a coat hmawr ah ka lo chelh tung bawk.









" Nang hian ka bialnu hual te ilo chhai ve ngam a zirtirna pek hlak i ngai anih hi" alo tih vei sak sak chuan Malsawma chu alo nui ve hak thung. An ni lam pawh chuan no lo fe hian an rawn melh a. An insual ang tih mawlh chu ka lo hlau.










" Ka ruk sak che pawh va ni suh, a duh a thlang alawm" alo tih ve kher chuan Fakmawia mitmeng chu a hriam ta hraih mai. Buaina a chhuah mai loh nan chuan ka inrawlh vat angai tih hria in ka lo tawng ve thuai a.









"Faka a zahthlak emai, in rui anih kha han haw rawh u, in duh leh naktukah chiang zawk in fim kak in kan sawi dawn nia" ka lo tih ve chuan alu a thing nawk nawk a. Buaina chhuak lo hram tur chuan ka rilru in ak tawngtai mawlh mawlh bawk.










"Kei ai in i thlang vel a tiraw, kei aia a thatna enge awm? Pastor fapa nia a inla christ em em a, nula a kawp teuh lo ang tih pawh i hria mi, apa lah kha mi duham anih kha......." Fakmawia'n a rawn tih tak sak sak ah chuan Malsawma che vut chu ka chelh hman hauh lo, Fakmawia chu a hnek thal tawp mai a ka lo te tuar bawk. Fakmawia veilama awmpa in rawn hnek ve a tum rual chuan alo pet leh sawk a, chutih lai tak chuan dinglama awmpa chuan a rawn hnek ve ta thung. A pai ve nawk mai!









"Zawng ho leh!" Fela rawn au tuar ri ka hriat rual chuan Mala khawih tum tu chu a rawn hnek ve nghal chawrh a. Fakmawia rawn ding chuan Fela chu a rwn hnek leh bawk an inchhan kual zel a an ri ta bur bur mai. Thelh ngaihna ka hre silo chu kil khat ah ka lo ding khur ve tawp mai ani










A hnu deub ah chuan duty ho round chuan an rawn thelh ta hram a, nilo se zawng an tawp thei hauh lo ang. An thi sung hlawm nen hruaitu te pawh chu an pawr hle mai a, Fakmawia thian te pahnih pawh an hnar a thi hluam mai. Fakmawia tak erawh a duk chur a, a kamsir a thi thung.










Malsawma'n ka lam alo hawi pawh chuan ka pan hnai ngam mai lo a. A biang dinglam chu a kut chuan a tuai nauh nauh a, a hmui sir a thi bawk, Fela erawh hliam anei lo anih hmel.










"Khawlaiah te buaina inlo siam amaw! Zah pawh in zak nange tlangval a pum pa ve si! Kan khua ah hetiang mihring awm hi kan duh hleinem" Palian pui chuan a thi nghut nghut a, a hmel chu ka hmu fo nangin a hming erawh ka hre leh tawh mai lo.










"Engvanga inti buai maw innih? Sawi vat rawh u! anih loh chuan na tuar in thiam bawk a, YMA run ah ka'n hruai phei che u anga zan khua in in awm mai tur asin" a tih leh nghut chuan a thin chhe ve hle tih a hriat a aw a ring tha bawk si.











"Sir, Lalfakmawia te thian ho hian ka thiante hi an lo tibuai a, ka zu chhan ve anih kha, Makimi hian chinchang ahria ang" tihpah chuan min rawn kawk a. Ka lam an lo hawi thup bawk nen zam deuh chuan thil thlen dan tlangpui chu ka sawi ta a, YMA duty ho chu an chek tlak tlak mai!











"In va zak lo ve, rui chung leh nghalin min awm tha mai mai lai te inlo intih buaipui a, tlem a tlemah kan khawtlang inti hming hliau tep leh nghal, nangni 3 kha YMA runah rawn phei ang che u, in nu leh pa ten hre ve reng reng rawh se" a tih leh vut chuan YMA ho nen chuam Fakmawia te thian za ho chu YMA run lam ah chuan an phei ta nghal a.










●Ka mut chhuak ve tawh lutuk......muttui tiin min thlah ve thin lo mah ula, muttui, morning vek ule💙

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:35 am

Chapter - 12






"I tha tiraw?" tih vut pah chuan Malsawma chuan min rawn pan vut a. A awmah chuan min kuah bei thlawp in ka chhip ah chuan a fawp nghal vang vang bawk. Nghet zet a lo kuah let pah chuan thawk ka la ta vang vang a. An insual lai khan ka lo mangang viau nge ka tha te lah chu ala khur ru der der zui.










" An va zak lo tak, vawikhat tal chu la khawih leh ila atha ang" Fela chuan a rawn ti nghut nghut a. Malsawma erawh in engmah sawi lo in min kuah bet hlu hlu thung. A hnu deuh ah chuan ka tha khur te a reh ta bawk nen ka in la hrang hlek a, chik fe hian min rawn melh thla nghal hu bawk.










"Ka tha.....mahse kut thawh lampang kha chu ti ve tawh suh aw, a mawi lo ania" ka tih sep chuan min melh vung vung a. A tawp ah rawn bu nghat in ka samah bawk chuan a rawn fawp leh vang vang a. Hetia atih hian nuam ka lo ti thin, min ngaihsak in atana mi hlu tak ka ni ve tih ka ring thin bawk.










"A tlai tawh va phei tawh rawh, kan lo en liam ang che" inla hrang paha atih leh vut chuan "Lo peng lawk ula, dawmdawi hnawih tur te pawh a awm ang" ka lo ti ve zat a. Tunah lang nasa lo mahse naktuk lamah chuan a vung ve thei tlat a, bakah an kam sir a thi ve bawk nen.











"Engmah ani hleinem, va phei rawh le an lo ngaihtuah tawh lutuk ang che" tih sup pah chuan a kut phah chuan ka hmai a rawn dawm zauh a. Ka hnar a piai zeuh in min nuih suk bawk










"Nia, va phei rawh.....keini pawh kan chho dawn ang" Ruatfela'n alo tih ve sup chuan en phei in ka bu ta nghat a. Kan in mangtha hnu chuan ka phei ta nghal a. Kan in bul ka thlen thleng chuan min lo la en zui reng bawk. Ban vai zauh in ka luhsan ta nghal a.










Ka chhungte chu an lo la meng thap zui, carrom board pen in an lo ri hlut a, ei tur an lo chhawp ruih bawk nen an hlim tih lah hriat reng bawk. Ka pa chuan min lo hmu vat in kan chanchin min lo zawt nghal thuai a, a nawm ve zia chu ka sawi luam a, an bulah ka va phei chuan Remruata chuan eitur chu min lo pe ve zat nangin kan arsa ei nen ka puar bawk sia, ka ban sak ta lo mai. Saw lawi thil thleng erawh ka la sawi duh lem lo, a buaithlak rih emai.











Pepsi vawt raih an lo chhawp tel chu in sak in ka mutsan ta daih a, anni erawh an la tui ve bawk sia, an la mu lawk dawn rih lo niang. Mutna ah chuan reife ka in ngaihtuah leh neuh neuh a, Fakmawia pawh hi hnaih vak tawh rih lo ila a tha ang buaina a tam mai mai. Bakah Lawngtlai lam pawh kha ka la sawi ta lo law law kha nia, a rem leh Christmass zawh lamah ka sawi tawh mai aniang chu kan boruak hlimawm zet ka ti chhe palh ang tih ka hlau ve bawk nen











•••Christmass morning•••







Mu hma ber ka ni nangin ka tho hma ber lo khawp mai, ka thawh chhuah chuan ka nau te pahnih chuan an thil dawn chu min lo hmuh in an lo lawm thiam nasa mai. An eitur te lah an in thlwng kual vel, an inchuh leh deuh reuh bawk nen, lian uai e ti lo hian inchhungah ro ro chuan la naupang chhia ve tak an ni.










"I pa dawhthlak sak che kha i hmu em?" ka nu in thingpui min lo thlit paha a tih chuan ka hmu hauh lo, lu ka thing nak a. A ngai ve zel lo asin mawle.....Ka tihbuai nasat theih nen










"I dawhkan ah khan a dah in ka hria" a tih chuan room lam ka pan vat a, ka dawhkana lehkha ip lo awm va va chu hawngin pawisa alo nia......Inthlahrung ve viau mahila ka lawm bawk si chu ka nui var var ringawt. 2000/- lawih alo la ni zui.....a tam deuh mah mah ani.











Room atanga chhuak in Ka pa bial fang zo ni ngei tur lo haw chu lawmthu ka lo hrilh nghal mawlh mawlh a.
"Leisak tur che ka hre lo a, i duh zawng tikhan lei ve mai rawh aw" atih chuan ka lo bu nghat nghat a.









Christmass zing chaw pawh a tui e, chhungkua a hlim phawt hi chuan engkim mai hi alo nuam in tawrh alo awl thin ani. He hlimna hi sum leh pai in lei min dil se zawng ka phal hauh lo ang. A hlu em asin!











Kan kawr neih thar leh thar chiah lo te, fai tak leh nalh taka kan han hak meuh zawngin hmuhnawm tling kan ni ve hial mai thei ani. Kan intiat tlang hlawm bawk si, mipa te pahnih lah an mahni tawk ah an sar ve vuah bawk nen.










Christmas zing inkhawm boruak pawh a nuam in a hlimawm e. Tu pawh mai chu hlim hmel pu sangin lal thar lo piang chu kan lo lawm a. He hun tluk a ropui hi Christian te tan chuan a awm lo tih theih ani. Mahse he hunpui kan hman reng lai pawh hian a awmzia hre lo lek a, khawvel hlim hlawp um te pawh an awm ve leh zel bawk a, heng ho tan te hian i tawngtai mawlh mawlh te ang u. Sual hian thla a zar hneh tawh mai si a, he hun hlutna hi hre thar leh theuh ang u.










Ni leng mai chuan hun kan hmang nuam a, kan inkhawm a, kan zai a kan lam a chu mai bakah duh ber te nen hian engkim han tih ho theih chu alo nuam ani pah bawk e.hehe











Tlai dar 3 vel bawr ah chuan kan pali bawk chuan kan leng ho leh a, high school mual lamah kal in thla kan la nasa ngei mai. Boruak in alo zir bawk nen a mual lai mawlh mai chu thing in a din bial laih bawk sia, nuam tak ani.









Pawi lutuk! Zothanpuii ka chhaih buai reng kha ani thinrim der in min han um ta nih chu. Ka ke chheh sual nge ko pang sang vak lo, a thlang kawng atanga din a ka awm chen vel aniang chu tih ah chuan a chung atang chuan ka tla thum thla tawk anih chu!










Ka mawng lah chu kawng char ah ka sawh thla deuh tawp nen na tak ani. Bakah zah bonus! Ka thiante pathum chuan min rawn buaipui nghal mawlh mawlh a. An nuih a za ru tih lah hriat reng, ka zak bawk si, hrehawm ti bawk si chu nuih luih vak emaw, tah ma emaw ka duh tawh.











"A na viau em? I khawilai nge na?" Malsawma'n alo tih sup chuan Fela leh Zothani hmela nuih za chambang ka hmu bawk nen ka zak leh zual lutuk!











" A na vek!" ka tih tiau pah chuan Zothani te pahnih chu ka va en a, an rawn nuih chhuah hawk phei chuan ka tap ani tawh thawthang e.










"Khai le!" tih hluk pah chuan min rawn kuah nghal hlu hlu a. Ka inhnit nghal hlap hlap bawk, ka mawng na lah chu ka sawi zak bawk si, a tur deuh at at leh nghal. Malsawma'n Fela te pahnih a hauh deuh hnu chuan insum zet chuan min han hnem der leh vel a, ka ngei dun lutuk.












Zanriah ei laiin ka pa in nizan thil thleng alo hria niang min zawt nghal chat a. Han sawi thluai thlum vak ngaihna hre ta lo chu anihna ang rawih chuan ka sawi ta hmiah a. A ngaithla uluk hle bawk









" Fakmawia te pawh an rui ve deuh anih chu......nangni pawh fimkhur deuh tawh ula, Malsawma hi pastor fapa ani a thil ho te a a hming chhiatna pawh hi amah mai nilo in a pa hming a rik tel ve zel dawn avangin in inkawp anih pawhin mi zingah chuan fimkhur viau tawh ang che u. Fian rial ngaina lo ula, sual ahnai tih kha hre nawn leh ang che u" a ti dap dap a. Ka ngaihtuah chian chuan dik ka ti hle bawk.











Zanah chuan mut dawnah kan inbe leh zuai a, whatsapp ah lah Fakmawia lah in min rawn be ve sek bawk, ngaihdam min rawn dil a chang leh min vau deuh ti tih, hepa hi a pangngai chiah lo nge pawh ka hrethiam tawh lo. Hnaih tawh loh a him ber ang tih ka chiang viau bawk.











••••••••••••••••••




Ruaitheh ni*****🤤






Chawhma kan inkhawm hnu ah tlai lam deuh ah ruai theh tur chuan kan insiam mawlh mawlh a. Nidang zawng aiin vawiin phei chu a vawt zual deuh lehnghal. Turtle neck chungah wind proof jacket eng ha in jeans dum ka ha leh tawp a, boot nen. Ka sam erawh nimin lama ka tih kir kha ala kir ve chiat reng a, a tha zel mai e.










Kawn ah bawk chuan dar 3 rik hma deuh chuan ka lo nghak leh vang a. Rei lo te ah an lo lang ve mai bawk. Nidang ang bawk in an mawi e, Fela pawh. Mala chuan Shirt var chungah leather jacker dum simple zet mai aha a,cotton jeans dum leh timberland dum nen a pa tak zet.











● Naktukah Test tur kan nei a, zan tir lamah ka zir ve bawk nen ka hma leh vak tawh lo, Online class kan tan sia, kan dah tlai leh deuh tawh mai thei ani. Min lo hrethiam hram hram dawn nia●

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)