When we meet again By Apuii Tlau (Completed)

[Ngaia]

Chapter - 13







Ruai theh pawh kum dang zawng aiin a nuam in ka hria.kan hlim tlang a. Hun pawh hriat loh karin hlim phawt chuan alo liam ve zel e.










Ninawm khawp in zanlamah Fakmawia'n min rawn text a. Chhang miah lo mahila a lo thawn reng peih tho. Khawlaiah chuan ka hmu leh tawh lo Mala te nen an intih buai zan atang kha chuan in lamah a tawm ve deuh aniang.











Ka nu an transfer na pawh letter hial a dawng ta ngei e. Feb ni 16 ah Joinning report pek tur ani awm e, chuti nih chuan Janaury vel atanga inbuatsaih tan angai dawn tihna ania, tih ngaihna dang awm ta silo chhungkua pawh kan in la phur chawp ani ringawt mai, anih loh zawng in Haulawng aia nuam tih kan nei bik der silo.











Kumhlui tlai chuan ruai theh zawh chuan leng kan tum a, ka chhungte pawh hian tiang hunah hi chuan an hrethiam ve thei khawp mai.











Tlai dar 4 pelh awrh vel ah chuan Lal veng tlang lamah chuan kan in phur chho a. Kan hma ah chuan Zothani te pahnih pawh an inphur chho ve nghawng nghawng a.













Tlang ah chuan chho hmasa in boruak vawt ru var si te chuan ati thlasik zual ngawih ngawih a, a nawm dan pawh a lunglen thlak ruih mai. Midang pawh chu a piah school tlang velah te chuan an lo awm ve far a, tlang ah pawh chuan tleirawl te te thla la te, thian za ho a lo awm te pawh an awm far mai.










Khawthlirna atana an siam ah chuan nula tlangval thianza ho hi an awm nual a, thla an la a an infiam leh nak nak thin bawk. Keini pawh chu tanky lian zet chungah chuan thu in tih tur vak lah kan hre bawk silo thil ho deuh deuh sawiin kan infiam va nak nak a. A changin thla kan la ve zeuh zeuh bawk.











Ni tlak hma deuh chuan thlanmual lamah chuan kan chhuk thla leh a. He hmun hi chu ka sawithiam dan ber chuan ni nen a inrem leh nuam em em ani a, zan thim hnuai ah erawh hlauhawm tak ani thung ang ka ring. Thlanmual lai tak va thlen hma hian inding a tawp vek a, mual lian tha ve pangngai tak naupang ho inkhelhna hmun a awm a, tawite a chumi pelh chuan bung hmun a hnuaia thlanmual hmun chu a awm bawk. Thlan te chu bung lian tak tak te in zar pharh zau leh dai dak hnuai ah chuan an awm far a, thlalak nan pawh a nuam viau bawk khawdang atanga rawn leng phei pawh an awm ve nual thin reng ani.











Bung te mawlh chu ka chiang lo nangin pa 8 chu an tlin ngei ka ring, an lianin an upa hlawm bawk a, a pui ru ve tlat ani. Mual zau takah chuan motor an lo park far a, a thenin an car ah hla play in an lo zawm laih laih a, zu leh sa nen lo pawh hlim na a kim ve zel e. Thla bawk an la leh far far a. Thlanmual chhung bik ah pawh chuan lut thla ve in bungbulah te chuan kan la ve a, thlalak lah hi ka zei lohna lam tak ka lai tut zel bawk nen, in post dan tur pawh ka hre ve lo e a.












A hnu deuh ah chuan mual ah chuan chho in ni tla tur chu kan nghak ve ta a, midang ho pawh chuan chu lam chu an hawi thap hlawm.Car atang chuan "Krismas leh kumhlui zun" tih chu an rawn play dap dap bawk. Malsawma chuan bike chung chu thut nan hmangin kei a kapkar ah ka ding thung a, ni tla tur lam chu kan en ve ta vang vang bawk.











He kum hian hun tam tak min lo hmuh tir in min lo hman pui tawh a, hlimna leh hrehawmna tam tak min tawn tirin nun awmzia nitin min zirtir a, a hlu takzet. Kan thenrual tha te kan thlahliam hun te pawh a rawn her chhuah pui a, kan va ngai dawn tak em! Mahse hun tharin nunthar a rawn her chhuah pui angin a hlui chu a tharin alo la thlak dawn si a.












"Ka hmangaih che" ka beng bula rawn ti sup tu chu hawi let kher lo pawn a ti takzet tih ka hre thei. Ka nui sak a. Keipawn ka hmangaih chuan ka hria, duhna ringawt tur chuan ka chhungrila feelings hi a nasa mah mah ani.










"Keipawh" tih let ve sap pah chuan a kut ka dar vawn nana a hmang chu la thla in ka fawp vang vanga, duh hmel zet a min lo melh na mit meng te chu! Ka tan chuan hlu tak ani. Camera a rawn det zawk rual chuan
"A mawi lutuk" Fela chuan nui saeng hian kan piah deuh atang chuan alo ti a. Lai zetin ka nuih takah chuan Malsawma lah chuan ka biangah alo piai zauh thung.










"Fawp nghal law law teh" Fela'n alo tih chuan rum zet hian ka lo melh a, tuman kan lam an lo ngaihven lo chu ka lawm phiam, hepa lah hi tawng phawng ohawng zel mai si.









Kumhlui thlah zan pawh kan inah hmangin ar kan kang a, kan hlim ve dar dar khawp mai. Ka chhungte erawh hmun dangah an sawm hlawm avangin an chhuak hlawm thung.








Dar 11 vel bawr ah chuan ka phone chu alo ri a, ka en chuan Fakmawia lek! La duh lo in ka silent nghal daih a. A khat tawk in a rawn vibrate leh cher cher thin bawk. Phone han off ringawt dawn ila pawimawh ah min lo be tu an awm palh ka hlau ve bawk si. Han block bik em lah ka ti ve deuh bawk nen.









"Pepsi zawk kha kan la tiraw? khawi ah nge i dah a?" Ka thiannu in alo tih chuan frige a ka dah chu ka han phawrh chhuak rawk rawk a. Kan thlit chhung in mipa pahnih in arsa an lo siam ve mawlh mawlh bawk.










"Bawihi bandage a awm em?" Malsawma'n alo tih sup chuan ka hawi vut a, a kut alo hup ve tat bawk.







"Tinge? i in zai ami? Lawk kan la nge" ti sawk sawk in room ah ka va dap rawk rawk a. Ka hmu hnu chuan chhuahpuiin ka va tuam sak nghal sawk sawk bawk. Tin hna tiat ai lian hlek vel in alo zai ve ngei chu niin ana tham dawn emaw ni, damdawi ka hnawih lai te chuan alo ner ve nang nang a, a hmel chu ka nuih ati za zawk, hetiang mai mai na dawn lo lutuk.










"A zo e, fanghmir tiat lek anih kha a dam vat ang" ka tih chuan min ner khum nang nang a. Ve relh rulh reuh hian.









Zan hlimawm leh hriat reng tlak tak hlim leh nuam ti taka kan hman zawh hnu chuan ka intiamna pawh ka hlen ngei angai dawn ta.










Kumthar zan chuan inkhawm ban in Zothani te inah chuan kan peng a. A chhungte an zai khawm bawk nen sawina hun tak ani.








"Thil sawi lawk duh ka nei ania" ka tih chuan min en ha hlawm a. Sitting room ah thingpui in in kan thu ve far bawk.








"Sawi la....i rai ami?" Zothani'n alo tih chuan rum fe hian ka melh a. Awihawm loh lutuk!









"Chutiang ani bawk lo....." ka lo tih hlar chuan nui sawngin sawi turin min lo mitmei nghal zat a. Malsawma pawh chuan chik zetin min lo melh ve run bawk









"Ka nu an transfer a, kan insawn dawn " thawk lak hawk paha ka tih chuan an ngawi thap a. Nui hmel pu pawh an awm tawh lo. Nuam lo ka ti leh hnuhnawh viau bawk.








"Engtik ah maw?" Fela berin alo tih sup chuan " Febuary thla lai hawl ah" ka lo ti ve mai a.






"Khawi ah maw? I va sawi har ve? Tinge an sawn kher a? Helai awm nghet in nih tawh hi?" Zothani'n lungawi lo fe a alo tih chuan chhan vak ngaihna ka hre bik lo. Sawrkar thu chhuak ani miau si a, keini lo tih danglam theih lah ani bawk si lo.











"Kan be lawk ange" tih nghut pah chuan Malsawma chuan ka banah vuanin min kai chhuak nghal dawr dawr a.Han tan ik na tur awm bawk silo a chak bawk si nen min hnuk deuh khut khut ka ti lo thei lo.










Hall sir deuh thim lai ah chuan min din pui in kei chuan thawk ka la nghal halh halh a. Chawlhni thawmhnaw nen ka la nih tup bawk nen, ti awm ang lo ti viau mahila ka sawi ngam rih der bawk silo.











" Engtik in nge in hriat?" a tih nghut chuan kan hriat hun kha tim deuh in ka lo hrilh ve mai a. A thinthawk thut nge ka hrethiam hman lo hall bang chu a tlawh dawt dawt a. A awmdan chu thinrim hri thla te pawh a ang ka hnaih ngam rih der bawk silo.











"Engvang in nge i zep? Min hrilh nghal ta che" tih hrawk paha ka dar a rawn dawm chuan awmdan pawh ka thiam lo kut min thlak duh hial ang tih awm khawp in a mitmeng a dur bawk si.










"Ka....ka....kan hun hman hlimawm tak te kha ka ti...buai ang tih ka...ka hlau alawm" ka tih bah nak chuan ka dar avawnna chu thlah hlawk in van lam hawi chuan thawk ala halh halh a. A awmdan in min ti mangang bawk nen han sawi leh tur ber pawh ka haih chham vek a.











" Khawi hmunah nge?" a tih leh sup chuan nichin ai chuan a aw a dam ve ta deuh. Mahse ngaihno erawh ala bei teh chiam lo.







"Lawngtlai ah" ka tih chuan kawng dawm meuh hian ngun zetin min en a. A thawk la ri te pawh chu a ring tan leh viau in ka hria.










"A hla mah mah ani, innei tawh mai ila a tha ang, palai ka lo tir ang" a tih nghut chuan phawk zet hian ka melh a. Ka inrin hma hauh in ka lo chhang hman der bawk









"A teuh lo" ka lo ti chiam a. Min melh nghal khui khui bawk si nen nuam ka ti leh chiah lo. " Ka sawi awmzia chu....College kal lai ka la nia, bakah ka zo tep tawh bawk nangpawh Shillong ah i awm leh daih dawn a, a rei tawh chuang hleinem" ka tih leh hnuhnawh chuan eng a hria chu ni maw tur fe hian min melh a. A thinrim hian a hlauhawm ka ti.










"Min duh loh vang nge sawi chiang rawh. I duh phawt te chuan kan inneih hnuah i zir zawm leh thei vek, duh leh ka bulah pawh i rawn awm thei bawk, Shillong ah " alo tih ve hmuk chuan awih lo fe hian ka melh a. Hepa hian mi hrethiam hlawl lo. Inneih hnuah chuan pasala chhungte mitmei ven tur a awm mai bakah mo nih tawh chuan thil mawi pawh va ni suh.









"Ka la inpeih lo alawm" ka tih leh chuan min melh leh khui khui phawt a.









" A tawk anih chu!" tih hmuk paha min kalsan nghal daih chuan a ngaihna hre lo zet in ka en ringawt. Enge a sawi kha, A tawk maw! Kan tawp tihna mi? Tinge a rilru hi a len em em bik le! Ka inrin hma hauh in ka mittui alo tla fel leh der tawh.




MALSAWMDAWNGKIM LEH!







●Muttui vek ule

[Ngaia]

Chapter - 14







Rilru na zeta rei fe ka din hnu chuan ka hminga min ko thawm ka hria a.Tudang nilo in Zothani ani tih pawh ka hria. A englaia a rawn lan chuan ka awmna thim zet atang chuan pen phei in ani pawh min hmu tih hriat tak in min rawn pan nghal vut a. Ka bul a rawn thlen rual rual chuan ka lo kuah thlawp a, ka tap khur ngat ngat bawk. Engmah sawi lo chuan ka hnungah a beng thek thek a, ka tap tawp hlei thei lo ani ber.










" Tinge a rilru hi a len thut thut zel le" ka tih tiau chuan ka hnung a chul leh hauh hauh a. Amah chiah a in ngaihtuah tih chiah ka rilru ah a awm bawk.










"A awmdan hi ka hrethiam lo " ka tih leh deuh hlap hlap chuan engtin mah pawh min chhang lo in min kuah vang vang ringawt a. Rei tawk fang chutia kan awm hnu chuan ka in tap thawl ve ta hawk in ka hria.Mahse hmabak erawh a la ko takzet.










Zonuni te in ah pawh chuan chho tawh lo in min thlah haw nghal a. Eng mah kan sawi tawh lo. In ka thlen in ka naute 2 chiah an lo la awm hlauh nen room ah lutin ka inthlak a , ka mu nghal hmak bawk.
Hrehawm ta ber chu ka ngaihtuahna hi ani, ka ngaihtuah chian apiang in a hmasial thlak ka tia, keimah lam ngaihtuah miah lo a a khawsa thin chuan min run in awmngaihna ka hre lo chu ka mittui a tla a tla ringawt.









Engtin tin emaw ka lo muhil ve niang, ka harh leh meuh chuan zing alo ni der tawh. Ala hma viau bawk ka chhungte an thawhhma chuan tho chhuak in tui lum in ka inbual a. Ka lu rit lutuk te pawh chu a zia ta deuh chuan ka hria. Chaw chhum ka siam laiin ka nu alo tho a, chutia kei eirawngbawla ka lo buai ve sek min hmuh chuan mak ri hmel a pu ve deuh nia ka tho hma lem lo thei viau ve a.









"I dam tha em? I nuam lo deuh ami i va tho hma ve" alo tih chuan ka that thu ka lo hrilh var a. Ka hun tawn te chu ngaihtuah loh hram hram ka tum bawk.Anih loh zawngin keimah bak na tur leh vak chuang an awm lo miau ani.









Nilengin tumah ka thiante ka be lo, nilo Zothani tak ngial nen pawn kan inbe lo. Hunpui azo tawh bawk nen kan awm chawt chawt ringawt mai ani. A ruk tak chuan ka khuahar alawm mahse a hma ang mai a chaklo taka awm emaw ka tum tawh rih lo. A rilru bu tut lutuk hi tih reh angai, ka tih reh sak ngai lo a midang a thlang anih erawhin mittui tla chung pawh in ka kal tir ang, chelh ka tum hauh lo.










Tlai lam deuhah chuan Ruatfeli call ka dawng hlawl a. Ani hi kan college a ka awm ve ber ani, Aizawl khua ani thung.







"Hello" ka ti nghal var a. Ka aw pawh tih zangkhai ka tum viau bawk.









" Mahni khaw ngainu, induh si biak pawh min be duh tawh lo" a rawn ti lang lang chuan ka lo nui sak a. A mizia ang hi inhriat thiam dan tur chuan a fel a, a hawihawm bawk, mahse ala naupang chhia hle a, unau zinga naupang ber tih takah la à ve thei tak ani. Mahse a zaidam em em thung.











"Nangpawh, min zin san ve daih tho nih kha, ka be buai ang che tih ka hlau a" ka tih ve zat chuan a rawn chek deuh hlak hlak a. A awih chiah loh tih ka hre tho nangin kei erawhin ka ti tak tak thung. Apa hi keini thingtlang mi ang lo tak in IFS hna chelh lai niin Delhi ah an awm thin a, mahse an unau te hian Mizoramah hman kum khan an lo awm chho tawh thung, apa pawh nakum mai ah a pension tawh dawn bawk nen helamah in beng bel an tum a, Christmas vel hmangin an zu zin thla leh kha ania.











"Takin, dawheh si ka sawi peih tawh lo engtik nge ilo phei dawn? thil ka lo hawn che nia" alo tih leh zat chuan ka nui ta ringawt. Mi hausa fanu nimahse a induh ngai lo, a chapo in amah aia hniam te deu sawh a ching ve ngai lo a, a fel ka tih tawh kha henu hi chu!










"Umm, class kha ni 15 ah ania kan tan dawn, 13 vel ah aniang" ka tih chuan a rawn au deuh raih a. Beng chheng lutuk.










"Remruatfel" ka lo tih hlak chuan a rawn ang ve nasa mai! Aizawl ah kawm tur ka nei lo te ti, i rawn phei loh chuan ka lo phei ang ati thul bawk, naupang chhia reuh mai sia maw.










"Ly, khatin midang an be ngai lo, naupang ang mai" Au in alo tih deuh lang lang te chu ka hre pha. Anih lah a kalsawn nge a rikrawk rawk reng bawk










"Computer exam kha, tih i tum lo ami? Ni 7 ah a awm dawn asin" a rawn tih deuh salh chuan ni dawn tak e! Computer exam tur ka nei tih ka lo theihnghilh daih.A va buaithlak e aw.









Rei fe an zin chanchin sawi a min biak hnu ah a dah ve thei ta hram a. Ka phei dawn a hrilh turin min ti reng bawk. Remruatfeli chuan ka mood nuam lo lutuk pawh min lak sak deuh a awm lo ang tih ka hlau thin.











Zanriah ei laiin Computer exam vel ka sawi chuan ka pa chuan ti ngei ngei turin min ti a, tunlai ah hna zawng tur pawn computer certificate a ngaih zel tawh thu sawiin a remchan phawt chuan ti turin min ti bawk.
Ka tum loh deuh in ni 5 ah ka phei nghal der dawn anih chu! Mahni khua nge nge angaihawm leh vawng vawng rih dawn mange!










Zanah chuan Zothani'n min lo bia a, kan pem tur thu ka hrilh vat loh avangin a vui thu a sawi nasa kan inhrilhfiah fe hnu ah lungdam takin kan inmangtha ta hram e. Mahse kan inbiak chhung zawng khan Malsawma chanchin emaw pawh engmah kan sawi ri lo.










Biak chu ka chak, a online tih hre kur si a, be miah lo a awm te chu nuam lo ka ti mahse tlawm hmasa zawk ah tan ka duh bik bawk silo. Ngai viau mahila ka be thei rih bik tlat lo ani. Chutiang chuan mu leh mal nei teh chiam lo in zan hun pawh ka hmang liam ve ta mai a. Vawiin ni 3 naktuk tuk leh ah mai ka kal tawh dawn avangin ka thawmhnaw te chu ka theih ang ang ka siam lawk ve pah reng bawk.










A tukah pawh chuan ala reh tluang zel e. Mahse a reh ri hi ava ring si em! Q message emaw a phone call a awm mial lo maw tiin ka phone ka check sek a, mahse hmuh tik ni reng a awm thei chuang lo.











"Nizanah Dinsanga alo lut hlawl a, ka pa te nen eng eng emaw ah pawl khat ah OB an lo ni hlawm a, a nuam ve reuh tawp alo leng ve kha" Zothani'n phone atanga alo tih deuh sur sur chuan ka nuih pui ve hak a. Midang tan chuan eng anga te tham pawh nise Dinsanga chungchang anih chuan ani tan hi chuan te lua a awm hauh lo.











Reife kan sawi dun hnu chuan " Mala'n alo be tawh che em?" a rawn tih thut avang chuan ka kà a chhih nghal der. Engtin nge ka sawi ang? Kha zan atang khan a reh leh vang vang tawh tlat alawm.










"Aih" tang deuh tung in thunun tum zet a ka tih deuh nghat chuan ani pawh a thaw ve hak a. "Tha deuh in thil hi sawi dun ula ka duh! Hetiang ten in luhlul dun si" a rawn tih ve hlak chuan ngei zetin ka phone atang chuan ka melh vak a. Min hmu thei pawh ni silo chu!











"Eng nge sawi leh se min tih, min kalsan alawm aman! Tlawm taka va biak hmasak ka duh bik reng reng lo, bakah a butut lutuk mah mah ani" ka tih nghat chuan a ngawi ve rauh rauh a. Duh leh a tawp thleng pawn ka tang ral thak mai ang, khatiang mizia a neih chhung kha chuan kan nun a nuam hlen thei tak tak dawn chuang lo.











"A haw a!" chu thu chuan min deng ve dat mai. Ka tah a chhuak lo nangin ka chhungril erawh a tawt zual viau thung. Min hrilh miah lo, nilo hrilh tlak pawh ka ni ve tawh lo aniang. Awlsam taka inzawmna hi chu awlsam tak bawkin a ral leh thin an tih tak kha mawle.










"Umm" tih chauh a ka chhan hnu chuan in mangtha in kan dah ta nghal a. Lukham ka deh rual in ka mittui bawk in ka thinlung natna te a rawn lanchhuah tir leh ta. Hetiang mai mai hian ani maw kan tawp dawn. Tawn leh ni chuan run pa i chang tawh lo ang tih pawh va hriat ni suh! Malsawmdawngkim, ka ngai lutuk che!










•••••••••••••


5th January 202_






Sumo nghak chuan lamthuam ah chuan kan ding far a, ka nu leh ka pa te chuan ka mamawh tur ang an hriat te min hrilh leh mawlh mawlh bawk. Rei lo te ah sumo pawh lo thleng in Zothani min thlah tur a lo kal te chu kan kuah leh vang vang phawt a, a mittui a tla tep hial ani. Sumo ah chuang lutin ban vai lauh lauh in kan intawng leh thuai turin duhsakna in hlan chungin kan inthlah liam leh ta.









Thinglung hlim tak a khawlam pana ka haw lai te ka ngaihtuah kir a, tun ah chuan hliam hnu niin nun kawng ka zawh nawn leh dawn chu ania. Lawmsangkim chak tak in le! tiin in fuih ve mahila ka tuar zo angem tih pawh ka hre hauh lo.









Ka phone a hla play ka tum chu whatsapp message lo awm chuan ka mit ala zar mai. Tudang nilo in Malsawmdawngkima ngei ani. Message pangngai nilo in voice ala ni cheu bawk. Ni e, a tawpna kan siam dawn ta aniang nge! A tawp tak tak dawn ta.










● Vawiin lamah apa step ah a lum a, a insawh ve deuh nual avangin kan buai ve bawk nen a thui thei ngang lo ani e, dah lo tawp aiah tiin a rem chuan kan zawm leh mai dawn nia....min lo hrethiam hram dawn nia●

[Ngaia]

Chapter - 15








Sumo turverh chu ti thla in a chanve vel ka hawng a, thlasik thli thaw heuh heuh kara ni lum nuam tak si te chu a hahdam thlak in nunhlui mawlh mai chuan min chenchilh leh thin. Ka earphone chu vuah lutin ka beng ka hnawh hnu chuan Malsawma voice message chu ka play ta a.











" Bawihte............" tih chauh rawn sawi a a ngawih vang vang lai te chuan ka mittui bawk alo hnai leh uar a, duh loh in mit ka chhin san nghal hmak a. Ka puan ken chuan ka hmai ka khuh nghal daih bawk.










"Bawihte.......ka tihpalh aw, ka hmanhmawh lutuk a chan che ka hlauh vang ani tih min hriat thiam pui hram rawh aw, i awih lo zawk mai thei mahse midang emaw i kianga an awm hian ka hlauthawng a ka thik bawk, min hnial chang emaw ka laka zep i neih chang hian min kalsan ka hlauh lutuk vangin ka inthunun thei ngai lo a........a pawi!......a pawi tak zet, mahse eng dinhmun ah pawh ding mahila ka hmangaih reng che tih hria la, engtik nge kan intawn leh ang chu hre lo mahila i tan phurrit ka nih loh hunah ka lo kir leh anga chuan innei ang aw.....min lo nghak thei ngang lo anih erawh chuan ka hrethiam lutuk tho ang che mahse kei in damchhung pawn ka nghak thung ang che! Thih hnu piah lam thleng pawh in.....Lawmsangkim ka hmangaih che" tah chhuah insum zet in ka heh ka pet fan fan a, ka mittui tla erawh ka dang zo ngang lo ani. Tunah, tunah nakin hun nghak lo in kan tha leh mai thei lo em ni! Ka motor chuan pui ten an hria ang tih hlau zet chung chuan ka mittui chu ka hru hul a, Malsawma no. ka call erawh chuan ka duh ang chhanna eraeh ka hmu lo chiang asin. Block ka ni. Ni e, min lo nghak rawh ti chung si in min kalsan tho, awmdun thei kan nih lai reng pawn min kalsan! Malsawmdawngkim eng hi nge maw kan buaina ber hi le!










Aizawl kan thlenmeuh chuan chawhnu dar 1 a pel hret tawh. Ka inluahna kawt ah chuan Ruatfeli'n min lo nghak ve khiau a. Min hmuh rual rual chuan a phi leh cheng mai, mahni chauh a khawhar zeta awm ai chuan azia tak ala awm.











Ka inluah kawngpui an hnuai chiah ah chuan lut thla in bungrua vel ka ken phei chu kan rem fel zung zung a. A ti ti nasa mai, rilru kal bing lutuk tur pawh a zia e a zia e tih vek ani rih mai.









Tlai chaw an inlama ei phei tura min sawm tlat avangin ka tum ve ta hram a. Zanah min riahpui a tum bawk ani awm e. Ka inluahna neitunu pawh a rawn chhuk a, ka thlai hawn phei vel ka pek ve te chu a lawm thiam thin mai sia, nu tha tak ani bawk nen keipawn ka tangkaipui thei khawp mai.









Tlai dar 4 vel bawrah an inlamah chuan kan phei ve ta a. An in hi apu te in hnuai ah an luah hran ve ngei a, a chungah erawh a u mipa te chhung leh api leh pu an cheng ho thung.









Kan thlen hnu chuan inchungah anni pawh chu chaw an lo ei dawn chu niin, Remruatfeli mai mai hi! Zahthlak lutuk, mi chhungkaw chaw ei khawma tel ve ringawt te chu thil tih chi pawh va ni suh. Ka haw mai ang ka tih lah chuan ala phal lo hlur zui. An inah chhuk hmasa in a u pawh alo chho tawh anih hmel, a in thlak zuai hnu chuan kan chho vel nghal a.











An building a te chhe lo bawk a, a zau nuam halh halh khawp mai, an cheidan lah simple leh hmuh nuam zet in ala ni zui, au te nupa hi ka la hmu miah lo tak e. Fapa pahnih an nei tawh tih erawh ka hre ve.









Common room lama kan phei chuan apu chuan Tv alo en a, api erawh ka hmu mai lo. Chhuat a car lem te reuh te te khalh a naute lo thu chu a duhawm zia mai chu, a chum mai sia, midang erawh a ti buai lo kher mai.










"En-a " Ruatfeli'n atih chuan alo hawi ve zuai a. Ka lo nuih sang bawk. " Aih...aih" tihpaha motor te reuh te te a khalh leh nghal chuan ka nuih a ti za reuh.








"Lalrin....chimawpa" tihpaha Ruatfeli'n azui piai deuh chuan alo te vei tuar tuar a. Nuih a ti za reuh bawk sia, a cute reuh bawk si.






"aih aih...imawmpa no" alo tih leh chuan ka nui chhuak hak a. Ruatfeli pawh a hnunga ben sak taih in a nuih ve ta tawp bawk.









"Allen Lalrinsanga anih hi, luhlulliana, au ang in fel ta che " atih leh chuan "Au lo" alo ti leh ta zel bawk sia. Kan nuih ta ringawt. Amah lah chuan ala tlei em em bawk si.






Choka niawm tak lamah chuan min phei pui a. Ruatfeli u leh nula nge mawni hmeltha zet leh te chhe lo tak hi rawngbawl pah chuan an lo ti ti mawlh mawlh a. Kan thawm hria in min lo melh vat bawk










"In lo thleng thei maw, Kimkim i chau em?" Ruatfeli u Nancy in alo tih chuan nui chung hian " Chau hran lo e, ka lo tel ve ringawt dawn sia" ka ti deuh niah niah a.Nuam ka ti chiah lo mi chhungkaw thil tih khawmna tih hre reng chunga tel chu.









"A pawi reng reng lo, kan ei khawm ve mai mai alawm apu te nen hian, chhan pawh awm vak lo, inthlahrung duh miah suh" alo tih chuan Ruatfeli chuan min kai dawt dawtin dawhkan bula chair ah chuan min thut pui a.










"Au Mampuia nupui anih hi" atih chuan hmeichhe hmeltha deuh kha niin. Nichina naute nu kha anih chuan a chhun aniang an tha dun emai.









" U Ody nih hi, nichina naute nu kha " atih chuan ka va nuih a, min lo nuih ve var var bawk. A fel hmel ve kher mai, a mah en reng reng chuan nula anih lai pawh a to ve fe ang ka ring, hetiang in Ruatfeli u a nei anih chuan ani pawh chu a chhiat hran ka ring ta miah lo, anih loh erawh chuan a fel hle aniang.










"Inthlahrung miah suh, Lydia (Lydia Remruatfeli) thian te chu kan chhungte vek alawm an nih" nui sang paha a rawn tih ve chuan ka lo nui hak a.







Eirawng chu kan bawl pui ve ta nghal sawt sawt a. Apu thingpui Ruatfeli'n ava pek lai naupang sitting room a awm kha lo tlan lut ve chan chan a, a chum chum nen a infit reuh phian leh nghal.









"Mà, vùn lut daih a " tia anu bula a tawng ve niah niah hmel te chu tha tak ani. A tawng thei reuh si. Kum 2 a tling awrh chauh ala ni bawk sia.








"Kinah Apà i chhar tir dawn nia, room ah va ko la" atih chuan "Aih aih, mah" ati deuh tlat bawk si. An in zui phei tak hnak hnak kha.











Tlai chaw ei dawn chuan an lo kim ve ta thap mai. Ruatfeli u mipa pawh chu ka hmu ta ngei alawm a sang sia a chhe lo tawp. Pa ni tawh mahse ala chhe mawlh lo, a nui hmel te leh anupui eirawng bawl a rawn chhaih deuh zuk zuk te chu hmuh an nuam tawp, a khat tawk in choka ah a rawn lut zut bawk nen a nauten an lo chhaih lah chuan enga tan mah ti awm lo deuh in an awm vel a. Hetiang chhungkua hi din ve thei ila, mahse........











Dar 6 rik hma deuh in chaw kan ei a, En-a u mipa tho Joela fel thlip thlap nen, anau erawh a à buang mai si, apa lah chuan a fiam reng bawk sia, hmuh an nuam tak zet.









Dar 9 vel thleng kan awm ta reng a, an naute te mawlh chu awm an nuam si, nuih an ti za bawk si, En-a lah a ù angaisang bawk si a ù tih ang apiang tih tum an nuih zakthlak zawk.










"Hei ka duh, mà inkhual te lem ila, thiannu ti rawh" ati leh ta mauh mai. Naute lem puak angen bawk, an han puak tir leh, apa lah chuan tul alo tilo nasa mai bawk nen. Anu eraeh chuan alawm nasa mai si, an infiam chu an hmuhnawm "thiannu" a tih lah chuan fiah zet hian alo "Aw" lauh lauh zel bawk si, chhungkaw hmuhnuam tak an ni ka ti lo thei lo.









Mut hnu thleng pawh chuan min la ti nui var var thei. Motor kan chuang chau deuh nge zan dang ang lo takin ka mu thei fu mai. Ka harh leh meuh chuan alo hma tawh lem lo khawp mai, Ruatfeli pawh alo la muhil.Mahse tih tur engmah ala awm rih lo bawk nen hmanhmawh a ngai lo bawk a, a pawi hran lo thung.










Tho chhuak in ei rawng ka va bawl ve rak rak a, siam tur avang bawk si, tel ka lo la nei lo zui. Dawr ah chho in ka han lei leh te te a, ka chhuk leh chuan Ruatfeli pawh alo tho ve bur tawh, a sam lah chu ala delh thur em em zui.









Chaw kan ei dawn meuh chuan dar 10 leh chanve a ri vang tawh a. Chaw te ei in nileng mai chuan in chu kan han tifai leh a, a bula awm anuam thin bawk nen ka rilru kal bing lutuk tur pawh a zia deuh thin. Ka nu leh pa nen inbia in ka chanchin te ka hrilh hnu chuan Zothani ka be leh a. Min lo ngai leh nasa mai, rei fe kan inbiak hnu chuan kan dah thei hram ani. Malsawma no. chu inngaihtuah buai miah lo in ka dial ve nghal zat a, ka inngaihtuah erawh chuan ka duh leh dawn lo a ka hriat vang ani. Mahse a switch off tlat reng anih chu!











Ngui zet chuan ka phone ken lai chu ka melh tlawk tlawk ringawt a. Tinge? Ka dang hman meuh lo ka mittui atla ringawt nia, ka ngai lutuk! Malsawmdawngkim ka ngai lutuk che! Misualpa leh! Nghak tur che un min ti a, min be leh duh chuang silo.










Tukverh bula mittui tla chunga ka ding bathroom atanga rawn chhuak paha Ruatfeli min rawn hmuh chuan mak tih hmel zet hian min rawn en a. Kei erawh in ka mittui chu tuai hul nghal thuak in nui lui var var chung in ka lo en ve thung.










"I tha miah lo" tih sap paha min rawn pan chuan nui lui tang tang chung chuan ka lu ka lo thin khum a. Min hnaih zet a a rawn din hnu chuan " Min ring rawh, i thiannu ka nih hi, harsatna i nei em ni?" a tih leh sap chuan ka insum buai peih ta ngang lo, a har em ani. Ka kuah thlawp a, ka tap khur nghal dar dar a.










A har em asin, ngai em em chungin biak tur pakhat mah a awm lo a, thu ho te vang lek a min kalsan tu kha! Tunge na lo awm bik ang? Thinglung zawng zawng, rilru mai bakah suangtuahna nen lama i inpumpekna khan thu ho te, ni e, ho te tak zet vangin min kalsan ania. Chumai ani hleinem min lo nghak rawh ti chung siin biak theih in a awm lo a, min hnungchhawn tho si a.










Room ah min hruai phei in a chhan min zawt ta chiah reng a. Kan chanchin ka sawi lai pawh chuan ka chhungril thleng hian ala na thei! A mitmenga min thlak hlehna leh duhna ka hmuh thin te kha sec rei lo te chhungin a bo vek a, kalsan ka ni bawk.










"Hun a dik a, khuanu remruat in nih chuan lungngai mah ta che in intawng leh ngei ngei ang" tia min hnemna chu ka tah hla beiseina chu ani. A tello in kum tamtak ka lo tlei thin ngei alawm mahse ani nen kar 3 chhung lek kan awm dun laia hun kha, kha erawh adanglama anuam a, a thianghlim in a hlu bawk. Mahse kha hun hlu leh nuam tak kha a bo leh ta vek chu ni sia..... Nghak tu thinlung hi maw khawharna leh manganna, tawrhna te hian a chamchilh thin asin! Beiseina nena nun hmana ka duh leh beisei ang nghah chhuah tur awm miah lo aia nun kawng harsa hi a awm tam miah lo ang.











Computer exam pawh chu ka pe ta ngei a, a har phian leh nghal. Mahni in Ruatfeli chuan min awm tir a tum lo thei khawp mai, ka thil tawn hre ta chu min tih hlim a tum hram hram thin bawk. Class kan tan hnu phei chuan in inluah tawm hi kan ni ta ber mai, min awmpui chawt a, au lah ahna nen alo buai ve thei sia, a tha vek zel e.











Zantin naktuk ah eng hun nge ka tawn dawn? A phone call tal ka dawng tawh angem tiin beiseina nen mit ka chhing thin. Mahse ni duhawm ber pawh hi ka tan chuan ni dang nen adanglam na atam lo thei khawp mai, eng hun pawh tawng ila ani kha atel ve tawh lo tih ka hriatna hian chhungril mangang ru tak siin ni min la her liampui ve zel chu ani sia.










Exam kan tana, rilru kal bing lutuk tur pawh a zia awm ta deuh e. Mahse mit ka chhin ruala a hmel ka thinlung in a kawl tlat erawh alo bo thei hauh lo thung. Exam pawh kan ti tha thawkhat chuan ka hria. La haw rih lo chuan Aizawlah chuan part time job te kan thawk ta vel a, experience atan atha ve bawk nen.










Ka nu te pawh Lawngtlai lamah an phei tawh a, ka haw pawn Haulawng ni tawh lo in Lawngtlai ani daih tawh dawn tihna nih chu! Ka la haw phei lohna chhan dang pawh kan sulhnu awmna kalsan kha ka la ngaithiam rih lo em ani.







Khang thla 6 chhung khan a call emaw a message 1 tal beiseiin ka phone hi ka kalsan ngai miah lo tih theih ani. Mahse chan chhuah ni reng a awm thei lo.










Zirtawp tlai lamah chuan chau zet hian inah ka haw a, Lydia in eirawng alo bawl sar sar chuan hah a dam deuh. Ka intihfai zawh chuan chaw kan ei nghal a. Kan chaw eikham thleng kan seng fel mek lai chuan ka phone alo ri ral ral a. Ka ah lai chu la chhuak in ka phone screen a hming rawn lang chu ka beisei tawh loh lam mah ani.









● Naktuk sunday

[Ngaia]

hapter - 16







Phur fahran lo chuan ka pick up a.







"Aw, hello" ka aw erawh tih zang khai ka tum ve hle thung. Mahse ka rilru put hmang vang hian ka tawt ru tun thung. Zamna nen!










"Makim, i dam maw?" Fela'n a rawn tih chuan khang kan nun kal ta, rei lo te ka tem hlimna te kha ka ngaihtuah let lo thei lo alawm. Ka phei atangin ani pawh hi biak emaw intext emaw kan nei ngai lo mahse min rawn call ve teh mial ani sia hei!










"Dam alawm, nangni zawk?" ka ti let ve vat a. Nangni zawk? tul lo lutuk in amah bak kha ka hmer tel leh chuang lo. A tello a nun tumna pawh hi minute tin a harsa telh telh hian ka hre tawh.










"Dam e, Lawngtlai lamah kan lo phei a hna thil ah in inah i awm chuan lo tlawh che u ka tum deuh a" a rawn tih chuan ka nui sak a. Kan in pawh ka la hmu hauh lo! Ka sawi angin Final exam ka zawm nghal bawk nen haw na hun ala awm lo em a, bakah haw pawn kawm tur ka nei tawh dawn silo a ka phur rih lo hrih em atin ni.









"Fel, Aizawlah ka la awm daih alawm" ka tih chuan a rawn thaw deuh hawk a. Eng hna nge maw athawh ve reng reng ni. Bakah awm pawh ni ila ka hmu duh kher angem ka hre rih lo, a thianpa vanga ka natna hi hriat nawn ka duh tawh lo asin









" A va hla ve" a tih sup chuan ka lo nui hak a, " In la exam zo lo nge?" a rawn tih leh chuan ka thil tih mek te chu a tawi thei ang berin kan sawi ve zawk zawk a. Biak reng pawh nuam ka ti lo, a chanchin hriat ka chak viau nangin a sawi ang tih erawh ka hlau tho bawk si, eng ang pawn awm mahse ka tan chuan mi pakhat ang chauh ani tawh si, mi bik anihna amah ngeiin a hlip kianga, ka sin luih tir angaih na ka hre lo!









"Anih chu, thianpa chanchin i hria em?" a rawn tih chuan ka lo tang nghal teu a. Min kalsan atang khan a chanchin hi hriat ka mamawh tawh hauh lo, mahse ka thinlung hi ka dang zo angem tih erawh ka hre lo!








"Aih!" ka tih nghat chuan thawk ala ve hap ri chu ka hre ve reng. " Umm...Exam an zawh khan vellore lamah an chhuk leh rih a" atih sup chuan ka tang tung mai. Min kalsan hnu lawk ah engmah thleng lo angin chawlh te a hmang kual mai mai ania. Khapa ka hriat thin kha ini tak meuh em? Malsawmdawngkim.











"Fel, inleng kan nei a nakinah kan inbe leh mai dawn em niang?" ka tih chuan ani pawh chuan sawi zawm tawh lo inkan in mangtha ta nghal a. Thawk la deuh hawk a, thutphah a ka thu thla hnawk chu Ruatfelu chuan min rawn melh haw a.









" Nak tuk chu ka kal peih lo e......inthlahrun ana" ka tih nang nang chuan min rawn chum dawt a. Rum fe a ka melh chuan a aia nasa mah in min lo melh hraw tawh. Kal loh theih loh! Ninawm, a nu leh pa an lo haw lawm nan chaw hlui an kil ho dawn ani awm a, tah chuan tel ve turin min sawm nilo min hrilh ani zawk ang chu! An chhungkaw mi ang chiah in va tal in awm thin mahila inthlahrum hun chu a awm ve lo thei lo bakah anu leh pa ka la hmuh ngai miah loh te bula va awm vel kha ka zak ve bawk ani pakhat.









Inkuah riai a kan mu hnu chuan muthilh lam ai mahin thinlung luah tu dang an awm leh ta. Zan tin ka tihdan ni mahse ka duh loh ber leh sim harsa ka tih ber ani thung. Naktuk ah hian in tawng ta ila, engkim avangin ngaihdam min dil se, akiangah khan ka him a, ka lungdam a ni a, ka kir leh ngei ang!














A tuk tlailam chuan kan phei leh ta ngei a. An in nuam ka tih em em na chhan chu an fel em em leh a pawimawh ber an fapa Allen lalrinsanga hi, à si, duhawm bawk si ani ringawt.










"Kimkim, bun ka nei a" in chhung kan luh hnu lawk chuan room atanga kawr ha lo a, a kut a car tereuh te pahnih keng va va hian a rawn tlan phei a, a dul a kiar ve reuh bawk sia, a chum tho nen, a hmel lah tha vur nisi lo hian a duhawm suih bawk sia, ngainat loh theih pawh ni lo.









"Van tha em em, khawi ami nge a?" a zawna thut hniam paha ka tih chuan a nu lei sak anih thu chu thiam leh thiam lo chuan asawi ve niah niah a. Ke lawng nen bang hrang hrangah chuan an nawr kual vel bawk a.










"Lalrinsang, kawr rawn ha rawh, ti nge ilo chhuah hman ziaha" anu U ody-in alo tih phei lawng lawng chuan a hmuh rual rual in an tlan chhe kawi leh vel a. An in um zawr zawr hnu ah nui hawk hawk in pakhat chiau bawk an in pawm luh leh tak nghawng nghawng kha.










Ruatfeli u ka ti tak nain apa u fapa Jethro nupui zawk ania, a papuia te thihhnu erawh in ti hian an pianpui en vek niawm ani. Piang hmun an ni lo tih erawh an sawi lang ngai vak lo thung.An inngeih a, chhungkua in ti hian hlim takin an cheng ho a, an awhawm bawk. Hetiang chhungkua hi ani nen bawk khan din leh ka duh ani.











Zanriah hlimawm tak leh thlamuan thlak zet kan kil ho hnu in haw lo chuan kan riak tlang ta daih bawk a. Zan muthlih hi har ka ti thin. Ka ngaihtuah na a alo luh lai hre miah lo hian min chhuahsan thei mawlh silo.











July thla tawp lamah chuan college exam result pawh peih ani ta a. Zam zet chuan rilru a beisei ru ve tak in kan han en ve a.
Aw Lalpa!










Net chak loh zia chu! A inload tha thei bawk silo a, rei fe kan tih nawn tlut tlut hnu chuan kan lut ve thei hram a, Ruatfeli chuan zam zet hian a result a en hmasa a.A rawn te nghal chul mai, a pass bik ta. Lalpa ka hun!









Kan en dawn chiah tihin ka phone a rawn ri ve leh zam zam nen! Miss Mami kan HOD lek! Lak loh theih pawh ni nghal loh chuan, "lo en teh" ti a result en chung chuan call chu ka la a.









"Hello miss"










"Makim, congratulation" a rawn ti nghal var. Ka pass nge pass lo pawh ka la hre tawp silo a.








"Miss ka la graduate ve lo, ka la hmu thei lo a" ka tih chuan a rawn phul hlut ringawt. Vawi leh khat ah Ruatfeli lah a rawn au chiam a. Computer lam ka en chuan ka ka ve hau mai. Grade O te ka hmu vel! Awiiiii









"Commerce subj ah Mizoram pumah pakhatna i ni e, ka lawmpui lutuk che" kan miss in a rawn tih ruai pawh chu ka beng khawn tha thei lo. Ka ni hui mai, awmdan tur ka bo! Engtin nge anih theih! An ti sual hial ani lo maw!










"Awii....nuam eeee, ka van lawmpui tak che" ti chung chung paha Ruatfeli'n min rawn kuah nawk nawk chuan ka harh zawk a. Ka te chiam pek a. A van mak tak hetiang! Awiii....Lalpa ka lawm e!











Ka chhungte be nghal in thil awmzia ka hrilh chuan an lawm ve ngang mai, ka nu leh pa phei chuan haw phei nghal turin min ti chul a, thenawm khawveng te an beng var a an rawn lang ve nghal sap sap bawk. Ka hmelhriat te leh hriat vak loh lam atang ten lawmpuina message leh phone call ka dawng cham chi a, a nuam in a hlimawm bawk, mahni thawhrah ngei thi leh thau pawlh a thawhrim rah han hmuh meuh zawng, a nawm dang hi a hlu bik ngawih ngawih asin!









Kan awmna bial Lawngtlai lam DC leh MLA te hial hnen atangin phone a lawmpui na thu ka dawng te chu ka tan chuan thil duhawm tak ani a tih loh theih loh.










Kan prof te pawh an mahni vanga he chawimawina hi dawng thei ka ni tih ka hria a ka zah in ka ngaisang em em bawk. Hun hlimawm kan tawn hi chuan hun te hi aliam ve duak duak ni mai hian ka hria.










Lawngtlai kan phei dawn zan chuan no. lawng atangin voice message ka dawng leh a ka hmelhriat loh lam atanga tiang a lawmpuina hi ka dawn ve reng avangin ka hawng a ka play ta nghal a. Mahse chu aw chuan min ti khawng nghal awt thei nia.









"Duhsakna tha ber ka hnen atang ka hlan a che, Malsawm tlak ini tih ka hria asin, khawiah pawh awm mahla min theihnghilh bik suh aw, min lo nghak turin ka ngen ngam lo che a, mahse ka lo kir leh ngei ngei ang! Engkim avang khan min ngaidam ang che" chu thu a sawi zawh rual rual chuan ka tum lawk pawh ni miah loh ka chhungril atanga ka up beh thin thinrimna chuan min thunun ka ti lo thei lo. Ka inrin hma hauh chuan ka phone chu bang vawm nan ka hmang der tawh.










"Eng zat a tlawm in nge min siam leh dawn! Ka nghak dawn lo che! Ka natna, ka hliam engmah hrethiam loin tuar turin min kalsan a, ka ngaidam ngai dawn lo che!" tia ka te tuar tuar lai chuan nghet zet hian Ruatfeli chuan min rawn kuah nghal thlawp a. " Na tak in min siam asin, lo kir leh atum, mahse ka thinlung hian khang ka natna zawng zawng pawh theihnghilh khan alo thlang leh mai dawn in ka hria, tinge? Tinge? Ka ngaih tlat le!Eng atan mah min ngai lo a , min kalsan tu hi ka duh tawh bik lo, mahse...." sawi pawh sawi tha thei lo chuan ka tap khur zawih zawih a. Tinge pastor fapa meuh si, a nunrawn em em le!










●Naktuk zanah ..a mood a chen ahar lutuk a, ●

[Ngaia]

Chapter ~ 17







Zan khua chuan mu pawh ka muhil tha thei lo, Ruatfeli lah min hnem thiam lo a thiam dan ber in min kuah tawp a, ka mal loh zia min hrilh ve reng bawk. Ka rilru a lian ber erawh kalsan ka ni tih ka hria a, tuar tura hnut chhiat ka nihna leh chau taka ka nun ram min suam sak tu anih hre rengin ka mit ka chhing a mahse rilru erawh a harh kur si.











"Chhana khan min lo bia a, Kim dik tak chuan i hun kal tawh i hriat rengna hian ati na che tih ka hria chuvang chuan theihnghilh tum in pen sawn tawh rawh, Chhana pawh hi misual tak ani lo ania i tan a tha ber ang , mahse i theih ngang lo erawh chuan tha deuh in i hrilhfiah leh mai ang, i tum chhin angai alawm" Tia Ruatfeli'n a sawi chuan ka thinlung hi a zam ani ve ta hial ang chu. Thil tam takah ka rilru a kal buai leh nghal amah lo in ka kut an vuan tur te, amah lo midang tanga ka bei tur te ka hlim kher angem ka hrethiam lo! Ni e, kal chu a tha lawm mahse!











"Chhana tan a fair dawn lo asin, bakah tiang zawnga move on tum chu a fuh ber pawn ka hre lo" ka tih chuan a lu a thing na na a. Chhana hi a putea fapa niin an khawsak pawh a pangngai fu a, tuna kan thawhna hmun nei tute hi an ni bawk. Amah pawh thawk ve tho in kan inrual vel fu ang. A zaidam em em a, a tawngtam lo na in a hmel atangin ringawt pawn a nelawm ang tih hriat nghal chi ang kha ani ber ang chu! Min duh tih a che zia a ti lang thin mahse alang apau in a sawi chhuak ngai hauh lo, Ruatfeli bulah erawh a lo sawi ve tawh thung.











"Vawikhat tal chance a duh ve chauh alawm, inkawp rem tak te pawh in lo ni mai thei asin, tum ve rawh" a tih deuh tlat bawk si. A hmelchhe hran lo bawk nen mahse thiante chhung leh khat an nihna ah nuam lo na chen a awm dawn tih erawh ka hre ve kar a, chuvang taka ani hi hnaih lo ka ni tel bawk.











A lo sawi tak tak nge Sunday zan in Chhan a rawn leng ve hlawl a. In kawm nel sa ni mahila ka la inpeih loh vang nge nuam pawh ka ti lo, tihlan chi erawh ni nghal loh chuan. Eng vak mah chutiang lam thleng lo mahse Ruatfeli'n a haw hnu a a hrilh tawh thu a sawi avang chuan ka duh lo hle a, ka la inpeih lo! Engtin nge ni dawn? Malsawmdawngkim nangmah vang vek!










Mahse chumi tuk atang chuan ho te te ah min lo text ve zauh zauh a, tha tak chuan ka lo reply ve mai bawk. Ka harsatna hre reng chunga min nawr lui anih chuan kan ti mai aniang chu a tawpah natna chauh kan bak leh kan na dun leh mai aniang chu!










Kan len chhuah ve hmasak ber tum chuan awihawm loh khawp in ka phur lo, phur a hlim chu ka duh ve lawm mahse kan misualpa bak ka thinlung ah a lang meuh bawk silo.Ngai viau e tilo chuan nat nawn leh erawh ka tum tawh lo.










Chumi ni a, Chhana zam lutuk mawlh chu! Ka mood pawh a thlak ve hlawk ani mai, ka rin ai ka nui nasa bawk. A che phelh phung a, a helmet min khum tir te a tum thul, a hriat chhuah hnu a a beng sen deuh tawn tawn thin te chu ka lawm tawk a tling viau mai. A thil ei lah a duh aiin alo ti thak deuh nge a insut deuh faih faih zel bawk sia, khawngaihthlak zawk nuih loh theih chiah bawk silo hian a awm ani ber mai. Chumi ni tluk a, ka nuih nasat ni chu khapa nilo ka theihnghilh angai ni e..........











Ti chuan kan han inzui ve ta chu ania, a fel a min duat thiam bawk mahse pawi ta ber chu keimah hi ka nghet thei hauh lo hi ni! Min duhsakna leh min care ang te hian Malsawma bawk khan min enkawl se tih ani ka la suangtuah fan ni. Mittui nen hringnun kan chhiar dun a, khawvel hma ah nui mahila chhungril ah erawh a thleng pha meuh lo.












Kan thla 3 anniversary chuan rose par sen kan inzui ni zat chiah min present a, a sweet tak zet, ka hlimna tur a ngaihtuaha kawng engkimah min tanpui bawk. Ka tan chuan kawng engkimah perfect ani ringawt mahse keimah ber hi ka inthlahrung thin. A mamawh leh a beisei ang engmah ka tih sak thei lo te, amah chelh chungsi a midang ngaia ka la tap fo te hi a fair miah lo ang tih ka hria, mahse ka theih ngang silo alawm.










"Lawngtlai ah chuan engtik maw i phei dawn" Wednesday zan a rawn lengin a tih chuan "Zirtawp hian ka tum deuh a" ka ti tha ve mai a. Thuhphah pakhat a thu dun inngaizawng ve si ah chuan kan inhnaih lem lo khawp mai.









"Phei lo mai la" a ti deuh sap chuan ka melh zawk a. Nur nang hian a hmui hnuai lam ti pawrh tarh in duhdah zeta thu in min lo melh run thung.










"In ka la hmuh pui miah silo a, result chhuah in ka haw bawk si lo ka chhungte an lung a awi vak tawh lo bawk nen a chi loh alawm" ka ti ve vat a. An nur nasa mai sia, naupang chhia ve tak tih takah. Ka kut alo vawn deuh chut chuan ka melh haw a. Inthlahrun hmel zeta min lo melh chu ka khawngaih ve leh deuh, kan inngaih zawn hnu hian inkaih emaw inkiss kan nei ve zeuh zeuh nangin keimah zawk hian ka ti hleithei vak lo tih a hria nge min nawr lui lo a, ti hian kan la inzui ve zel chu nia.










Ka kut a vawnna pawh chu engmah ka sawi buai loh vang nge nghet deuh a hum run chuan min rawn thut hnaih ve deuh hrut a. "I phei daih chuan, duat tur ka nei tawh dawn lo asin, a hla si" a ti leh nang nang bawk. A naupang chhia lutuk hi a changchuan ka nuih nasat phaha ka bialpa ai mahin thian angin ka en zawk ni mai hian ka hria.











Ka phei ni chuan Ruatfeli nen min rawn thlah ve ngei a. A mitmenga min duh zia atihlan thin hi chu mimawl ber tan pawh hai chi ani lo ang. A khawhar tur inla khawngaihthlak vel chu a lawmawm hle bawk.











Zingkara chhuak kan ni bawk a Thenzawlah daih chaw kan ei phei a, Lawngtlai lam sumo ah ka la chuang ngai lo bawk nen hmel hriat pawh nei hek lo ka thu ve ringawt ani ber e. Haulawng kan pelh lai chuan ka khuahar, nidang chu nise hlimdeuh in ka nu leh pa min lo hmuahna ah chhuk i kan ri phei leh hlut tawh awm sia, tunah erawh a kar a hla ta deuh e.










Kan chuanna sumo chu a tlan chak fia fia bawk a, tlai dar 4 : 30 pm bawr velah min thlen pui var var mai. Kan driver chu kan awmna lai te hrilh in alo hriat zawng tak an venglam alo ni bawk a, a tawp ber ah min thlah chho ta a. Kan in pengah chuan ka chhungte leh tu tu te emaw chuan min lo hmuak vei khup a, ka thleng chu an lo lawm hle bawk. Inchhung kan luh hnu chuan nu pa awm ve te chu kan inluah nei tute an lo ni reng a, kan han in chibai ve leh a, pakhat dang erawh ka nu te thawhpui an thiannu ani thung.










Inbual fai in ka nu chhang lo ur chu tlem ka ei a, khatiang reng reng amotor chuan ka nin kha ka la hre lo. Thut pawh ka ning, inleng te awm ve mahse ka mutsan ta daih a, ka mawng leh ka kawng lah chu an han na em em khawp a.










Ka harh leh meuh chuan zinglam dar 5 alo ri vang tawh kan in awmna lai a fuh bawk a, ni eng pawh anuam sar sar khawp mai, motor lah a beng chheng lutuk bawk silo.









Ka thawh chhuah chuan ka pa bathroom a tangin alo chhuak ve chiah a, ani pawh a tho ve chiah anih hmel e. Ka muttui leh tui loh te min zawh hnu ah thingpui kan in dun a, ka nu alo tho ve leh chiah bawk.











Nileng mai pawh chuan eng vak mah ti peih lo in ka mu deuh chawrh chawrh a, Chhana nen pawh kan la inbe mumal thei lo. Inleng kan nei ve zauh zauh a, an tawng lah chu a then ho ala kham phei em em zui, hriatthiam loh ka nei leh zauh thin bawk.





•••••••••••••••••




"Kan tawp a tha, engmah a dik thei tawh lo " ka tih sap chuan lehlam ami chu a rawn thaw halh a. Ni e, Malsawmdawngkima nen hi chuan khuanu ruat kan nilo te pawh ania nge!










"Kim, a insawifiahna tal nilo ka sawifiah sak ang engkim kha" Fela'n alo tih leh chuan ka lo thaw hap thung.









"Fel, ka na tawk tawh asin, bakah tun thleng pawh amah tak ngial pawn min rawn la be lo tunah nangin kan inkar rawn siam that leh i tum ania, ka kal a fuh zawk nilo ani erawh chuan min kalsan tawh zawk ka kal ve angai tawh tihna kan tha thei tawh lo" ka ti nghat lai a ka rilru pangkhingin ala beisei fan na chu haider sak a harsa kher mai! Fela bawk chu thawk rawn la chiam in thil a ri dawp a. Amah zawk chu a thinrim zawmah emaw ni.











"A la duh reng che, a hmangaih lutuk che sin" a rawn la tih fan chuan ka mittui ka dang hman lo. Zan tir lam ania, fela'n min lo be teh mial in kan inbiak tirh atang Malsawma nen kan inkar rawn siam that a tum deuh ngar ngar a, eng vang a hetianga rawn che chiam hi nge maw anih ni!












"Min hmangaih anih chuan min tina lo anga, min kalsan hek lo ang" alo ti ve hrawk a. Hemi te thian dun hian ka lak atang eng chiah nge an duh hi le, ka....hmalam ka pan ve dawn chiaha anni an rawn lang leh hlawl bawk si!










"Lalruatfel engmaw i sawi!" a thusawi zawh chiah avang chuan ka bing nghal chuk a. Ka hre sual nge? Nilo! "Sawi leh rawh Lalruatfel" ka ti nawn leh hrawk a.











"A thei lo!.......Malsawma hi a dam lo!!"











● Ka mu daih dawn....mi fel ho

[Ngaia]

Chapter ~ 18






Ka bul vel a thawm te chu an reh dek ni mai hian ka hria, ka bo deuh hu a, ka mang vek bawk. A dam lo maw! Chuvang ringawta min lo bia em ni anih! Ka ngaihtuah tawh lo tur ani tih hre reng chung pawn ka la ngaihtuah ru ta tho mai.










" Fel, chu chu ka tan hriat a tulna a awm vak lo asin thian kan nih tawhna ah min ti na viau tu mah nise a dam thuai ka duhsak tih min lo hrilh sak ve dawn nia" ka ti sap a. Zep loh chuan ka ngaihtuah lawm, engtia na nge a khawilai nge niang tih chu hre chak tak ka ni, mahse kha hun kha ka la paih bo mai thei bik silo alawm











"In àt dun zia hi tha te te hian in sawi dun ve thei mai lo ami!" a rawn ti ta thlawt a. Sawi dun tur engmah awm tawh lo. Engkim aman a ti tawp vek tawh siam that theih anih tawh loh ang bawk in bul tan leh tur phei chuan hnawk a tam lutuk tawh mah mah ani.












"Call dang ka dawng tlat mai, lo dam zel rawh u, muttui le" tih pah chuan min chhanna pawh nghak lo chuan ka dah deuh nghal tlawng a. A dam lo tak tak ami? Ana viau angem! ngaihtuah loh theih loh anihna lai atam ang bawk in ngaihtuah loh duh chhan pawh atam siam that leh tur atan chuan a buai chuar mah mah tawh ani.












Call dang pawh dawng hlei lo ta chu ka mu nghal deuh hlun a, kan kawm chhak pitarte alo leng a a tawng duh barh barh bawk sia, saw lama kan tawng nen a thluk a hran deuh thin bawk si, kawng leh lam takah phei chuan a nuih zatthlak.









Rei fe kan tawngtai leh te te a, Malsawma tan ka dil tam lo thei lo, ka lak atang in la hrang tawh mahse ka peng tin te hian khawngaihna leh alaka eng emaw beisei hi chu an la nei deuh reng si a, hrehawm deuh asin midang tan ka inhlan tawh na chungin rilru uire ru tlat lawi hi, Chhana tan a fair hlawl lo tih ka hria, kei tak pawn rilru pek ve theih a hnaih ve ka duh mahse he ka thinlung hian phalna min la pe thei miau silo anih hi!













Ka tawngtai zawh rual rual chuan ka phone alo ri ve chiah a, Chhana ala ni zui, ka phei hnu hian intext ve zeuh zeuh mahila phone call ang tak hian inngaizawng ni chung hian kan la inbe hauh lo, ka ngai lo lutuk te leh ka thlahlel mang tlat lo te hi ka inthlahrunna ti zual tu an ni a, ka lainat ru tlat thin bawk.









"I mu tawh mi?" a rawn tih sup chuan mut ka tum vel thu in ka lo chhang ve mai a. A fel lutuk leh min hrethiam a min dawm thiam lutuk te a phu tawk ang hlimna ka pe lo lutuk te hi kal tir mai ka duh thin, mahse amah lah hian hetiang lam sawi dawn hian aduh lo bur ve thin bawk sia.










"Zanin chu inchungah ka chho a, ka ngai lutuk che a zaiin ka in awi ta vel mai mai anih hi" fiamthu deuh a a rawn tih chuan ka nui hak a. Mi pa tha tak chu ani ve chiang alawm.










"Ka hla ngaihthlak hi lo ngaithla ve rawh aw" tih pah chuan a che deuh rawk rawk nge a ri deuh rak rak a a hnu deuhah chuan music a rawn ri ta dap dap.









*Zan tlai lo thlen in
*Ka chunnu tang ka belh thin,lai iang a thinlung no min pe leh thin
* Tawnmang tawng lo in ka lai khum thleh nem in a dawn thin e ka chhingmittui.....





*Tiam chin neiin min lo tiam a
*Tiam chin neiin parmawina aleh rimtuina min hlan a
*Khuanu duan sual atan ruat a tul si
*Khuavel i tan





Hemi chang ka ngaithlak lai hian ka mittui ka dang hman ngang lo, Chhan ka tihpalh! Malsawmdawngkim ka ngai lutuk che........
Heng mittui zo zai hi a hul a hun tawh asin, mahse ka thinlung dam hma hi chuan an hul thei silo chu anih hi!











Ka lo muhil tlang ani ngei ang,zing hma takah bawk ka harh a. Ala hma tho bawk a tiin ka insiama morning work turin ka chhuak ta daih a. Ka kalkawngah chuan kan kawmchhak oitar bawk chu ka tawk leh a tawng duh barh barh sia, zing tawngtai inkhawm alo kal dawn hi nia.Khawchin ka la hriat vak loh avang chuan kan veng lama tlanna tha deuh te chu min han kawh hmuh zung zunga, ka dar thleng vel ani vel ang a sam a kir reuh sia tar khiuti ani ringawt.










A tlang min kawh hmuh chu a nuam khawp mai, tlan dang pawh an lo awm nual a, thut phah tanky lianpui sir ah chuan thir a siam hi pa li vel a awm vw thliah thluah bawk.








Ni lam hawi tuma thut lohna chuan thu in nichhuak chu ka lo thlir vang vang a. Ka bengah earphone vuah in K.Hminga hla ka ngaithla ta daih a.






*Ka nun hi indona tual zawlah i chan ta-
Rilru leh thinlung indo na chu
Ka rilru hian nang nghilh zai a rèl a
Ka thinglung hian a hmangaih che* {K.Hminga}








Zing eirawngbawl hman lo lekin ka han thu ta reng chu nia. Ka nun mumal tawh loh zia ka ngaihtuah kirin bul tan miah lo tur kan nihna kha ka hre thar leh thin.









Zirna lamah ka nu in M.Com ti leh law law turin min duh laiin kei erawh chuan B.ed tiha hna zawn a mahni intun nun ka duh tawh thung. Ka pa pawn min pawm pui ve viau nangin ka nu erawh chuan a beisei sang hle thung.










"Engtik nge ilo phei dawn?" Ruatfeli'n alo tih chuan ka nui sak a. Mi hi chu a ngai ve chiang alawm. Ruatfeli hi ka ti nangin a chhungte erawh chuan Ly or Lydia an ti zel thung, ka ko ve mai ang che ka tih lahin mizo alawm ka nih ve tho ka hming tho ania adang lam a a tha zawk ati deuh tlat thung.










"Ka hre bik lo, kar 2 vel tal chu ka la cham ka ring" ka tih let ve var chuan " I rual khan ka lo phei ve daih lo ani" a ti nang nang a. Kawm tur tu vak mah anei bik bawk silo a khua har ve niang nau awm lah an harh si atia a peih meuh bawk silo, buaithlak ve reuh thin ania.










" Chhanzela hi a khua har sia ve ruk ruk a, naupang ho nen nilengin an rawn infiam thin vel" a rawn tih chuan ka nui tawi tak ringawt. Move on ka tum viau nangin ka thinglung hian min la pawmpui meuh lo chu anih hi, ka lo hmanhmawh lutuk zawk nge pawh ka hrethiam tawh zo zai lo. Hawi na lam apiangah thawpik na hlir mai. Eng nge tih sual ka neih hetiang khawp a ka chhungril sua sam a ngaih tak!











Ka nu nen kan bazar ni chu nuih aza tliah tliah lutuk tlak. An tawng hman ka thiam ve bawk silo an duh tawk a an thil zawrh an han fak vel te chu ka bo hu mai. Ka nu chuan tlem a lo thiam ve tawh zawk nilo alo thiam ve nual tawh zawk a, keimah in kal phei ila chuan eng teh lua ka lei theih pawh ka ring lo e a. Ka nu nen chuan nui tut tut in kan inzui kual a.










"Kan thlen phei tirh te chuan keipawh ka nia lawm kawm chhak pi, Pi Mangi kha a beng var reuh a min vah pui chiam alawm" a ti ve vur vur a. Kha pi tar kha chu a sual hauh lo, incheina a lawm reuh bawk sia a lawmawm reuh tak tak ani.











"Pi mangi a hming pum enge?" ka ti he haw a, ka la hre miau hek lo. "Manglawmi" a tih chuan nui hak hak in kan han bazar kual leh a. Inrinni ani bawk a bazar an tam ve khawp mai. Ka vawikhatna ni bawk a anuam ka ti. Kan haw phei kawngah chuan bazar kan pelh hma deuh in kawng sir dawr atang hian Pi Mangi chu a rawn chhuak hlawl a. Ka nu nen pawh kan nui heu ringawt. Min rawn hmu chu a rawn phul leh hlut a. Pawnfen fual leh pheikhawk a chhah sang chi an bun ngei a, Pi cute-i tak hi chu.








Kan haw phei rual leh ta hnak hnak a. A ti ti leh berh berh tawh, kawng sira tui lo leih baw ringawt te chu an hau phei leh ang nawk nawk a.Nuih te lam lam ati za.








"Nu hei nge van mak ve!" ti chuan kawng sir deuha eng thing zung emaw an lo pho tlar dal chu ka kawk a.






"Ì mà makna?" Pi mangi'n alo tih chuan ka hawi à leh heu tawh. An tawng ka la thiam ve chai silo. Ka nu nen chuan ka bo hmel chu an hmu niang min han nuih leh hak hak phawt a, chumi hnu ah " Enge a makna? ka tihna nih kha" a rawn tih leh chuan ka nui tawi ve ta sak ringawt. Ramhmul lam damdawi atan an siam tur ani awm e.












"Min ngailo nu" Chhana message ani. Chhan vak ngaihna ka hre thin lo hetiang hunah hian. Ka ngai che tia dawt han sawi ringawt lah anuam bik chiah bawk silo.








"Hehe, vawiin lamah kan bazar kual a ka hah ve deuh a" ka va ti nghal tawp a.








"Umm....i chau em? i rawl ami?" a rawn ti nghal sawk sawk thung. Hetianga min ngaihtuah hmel deuha a awm te hian alaka ka feeling neih ho tham te avang hian ka inthiam lo ni mai lo nuam ka ti lo hial thin.










"Chau vak lo e, mahse lum ve lutuk a ka lu nuam vak lo" ka ti ve zat a.








"In enkawl tha rawh aw, kan inhlat rih bawk sia awm ila chuan kan duat dawn che nen.....Damdawi te kha ei la, mu mai rawh aw i nawm sam loh chuan, phone khawih te kha tha lo thin sia" a rawn ti teh duah a. Hepa hi chu ka phu ngang lo ani. A duh ang leh a phu tawk ang hlimna ka pe zo ve dawn lo tih pawh ka hria, ka chiang hle bawk.Hlim phu ber mipa ani.












Ka muhil dawn siar siar tiha call a rawn lut leh a. Hun lo thei mai sia.Ka sana ka en hmasa te te phawt a dar 11 alo pelh duai tawh leh nghal. Tun ang hunah thil pawimawh te anih takin ti chuan ka la ve ta mai a.











"Makim!" Fela aw ka hre nghal zat bawk. A aw lah chu a eng emaw nawm loh hmel riau a ka hriat ni.









"Umm...Fel i va bei tlai ve" ka ti let ve sap a. Ka ham nghal bai bai bawk.











"Mala.....Malsawma a zual thut a, hei damdawiin lamah kan inphur chho mek" a rawn tih chuan ka thu kang nghal zawk mai. Hlauhthawnna in ka khat nghal vek a, ka....awmdan mai tur pawh ka hre lo. Damlo emaw na satliah mai emaw ka tia chutia han zual tur em chu eng chiah nge maw a tawh le.










Biak zui theih miah lo in line lah chu ala in cut daih zui. Ka room light chu on in call back ka tum ngar ngar a, a tlang thei lo. Room chhuat ah chuan rilru tawngtaina nen ka tei kual sek mai.Engmah a chungah khan thleng lul suh se!










A hnu deuhah chuan ka phone a rawn ri ve leh chiah a. No. hlang chiah ni mahse ka lang teh asin. Ka ring ang ngeiin Fela alo ni bawk.









"Ngatinge? Fel a tha em? Dam lo satliah ani emaw ka tia" ka ti nghal sawk sawk a. Ka tha te chu an khut ti tih leh nghal. Eng emaw hian ka chhungril min mawlh tlat a, awmdan tur mai lah ka hrethiam lo.










"Inbeng dai hmasa la" a rawn tih sup chuan engmah a thleng dawn lo tia infuih ru mawlh mawlh in thawk kan la leh ham ham hnu chuan sawi tur chuan ka ti ta a.
Chuta a thusawi chuan ka tiril a fan chhuak nghal vek ni mai hian ka hria, ka.........awm ngaihna pawh ka hre lo, hetiang hi thleng tur ani lo!











"Malsawma'n thin cancer a vei!"












● Comments 1k kan pelh zan zan theih chuan zanin ah kan happy ending ang