When we meet again By Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

When we meet again By Apuii Tlau (Completed)

Unread post by Ngaia » August 30th, 2021, 1:32 am

x8pd087q.jpg
Chapter ~ 1





Thlasik rim a rawn nam tan a, zan khawvawt hnuai a Christmas hla ri ruai ruai te chuan lunglen an ti thar a, nunhlui liam ta te thinlungah a thar a, thiante leh chhung leh kua te ngaih a zual a engkim mai chu kan hmu thar a lunglenna a keng tel vek emaw tih mai tur hian chhungril leh taksa a danglam leh ta.







Kan chuan na sumo a christmas hla an play ruai ruai lai chuan a hnung ber seat atang pawn lam thlir chuan kan khua thlen hlan nghakhlel tak in ka suangtuah zui rauh rauh a.






Lawmsangkimi ka ni a,kum 21 na hmang ve mek in tunah hian ka college kalna Aizawl lam atangin Christmas chawlh hmang turin kan khua Aizawl atanga darkar 5 dawn tlan Haulawng ah ka haw dawn mek ani.Kum khat tal tawp han awm bosan hnu a haw leh meuh zawng thinlung a hlima taksa ahahdam lawk em em a, mahni in ngaia thlahlel ru taka Aizawl khawpuia lu nghat a ka awm chhung te chu ka ngaihtuah kir a tuna ka haw thei tur hi ka hlim zia sawi hian a siak kher lo ang.







Sialsuka chaw eia kan chawlh zawk hnu ah kan tlan leh nghal a, kan chuanpui te pawh an puar tawh hlawm bawk aniang an muhil deuh suk suk hlawm tawh.Tlailama chhuak kan ni bawk a, ni pawh a tla dawn ruai ruai leh ta kawlkil tawp a en sen rum te leh chhum leh thli te nen lam chuan hringnun ati mawi zual in suihlun lenna lam hlir ani min hawi tir ni.






Kar lo ah keipawh ka lo muhil ve niang vai truck horn ri ruai ruai ah chuan ka harh a, kan khawdai kan lo thleng reng tawh chu ni in dar ka en chuan zan 9 alo hnai ve ruih tawh, kan tlan chak hran lo bawk a a awm viau.Khawchhung kan lut a kawnah chuan ading ta nghal bawk.







Tukverh a ka dak chuan ka nu leh pa leh ka naute pahnih in min lo hmuak chu ka hmu a,mittui lam lam a hnai ve kuar mai.Final Year bei ve mek ka nih vangin lehkha zir induh thawh ve deuh nen semester exam chawlh pawn ka haw lo kha nia.Ka chhungte nena kan han inhmu leh meuh zawng lawm a famkim a, thla a muanga rilru pawh a hahdam ve ta ruih mai.









Kan bungrua te chu hlang thla fel in kan inlam pan chuan kan phei ta nghal a, kawn atang hian pen 20 vel lek khawthlanglam zawnga chhuk ngai laia awm niin a hmun a rem ve em em a, huan te reuh te thenawmte nen kan inri na laiah hian a awm bawk. Ka naute pahnih kum inthlau lem lo tak te pawh chu an lo ri ve hlut a, an u pawh min hmu lo rei a an lai ve deuh tut chu kan nuih leh vak vak a, a mipa u zawk Remruata lah chuan lai tih chu a duh lo nasa sia min han kuah leh ang nawk nawk a, pumrua ah pawh mipa hi zawng an lo thang duh deuh bik ania nge ka chen lo lam mah ani tawh.A nau Tetei erawh kei aiin ala hniam deuh thung.









In chhung kan lut a, kan han inchin fel nak nak hnu chuan an thil ka hawn te chu kan pe a, an lawm thiam khawp mai.Ka pa ta tur lukhum parh leh hnathawhna tur savun pheikhawk pum ka hawn mawlh chu a lawm a,a jacket lum tur second hand ami tha deuh ka thin sak pawh chu a ngaihtuah chang meuh lo.Ka nu erawh chawlhni kawrlum leh pheikhawk flat ka hawna a lawm thiam ve viau bawk.Ka naute pawh ka thil hawnah lawm in an nui ve sawng renga a khat tawka an han in chhaih leh hawr hawr te chu hmuh an nuam na meuh mai.








Zingkarah chuan ka pa leilet khawl ti nung ri vut vut chuan min ti harh a, ka phone sana ka en chuan dar 7 alo pel vu tawh.Ka motor chuanna nge mawni ka taksa te chu a rawl ve thum mai.Sunday ni ni ah tinge maw a tih nun vut vut ni ti a ngaihtuah rauh rauh chung chuan tho chhuak in ka room chu ka chhuah san zui a.Ka nu chuan eirawng lo bawl in min lo hmuh chuan ka muttui em tih min lo zawt vata, tha tak chuan ka muttui thu in ka lo chhang nghal vat bawk.







"Khawnge naupang ho?" tia ka zawh chuan Tetei chu ka nu ai buhfai tham alo khawn alo nia Remruata erawh thalai chanchin bu a sem ani awm e. Tetei hi kum 13 niin class 9 ani ve mek a, Remruata erawh kum 15 niin class xi lai ani ve tawh.









Ka pa chu enge tih dawna? tia ka zawh zui leh zat chuan a khawl a en fel mai mai anih thu in min chhanga vawksa rep a chhum so barh barh rimtui zet ah chuan anthur a thlak leh thak a, a va tui leh dawn tak.








Naupang ho an lo haw a, inti fel thuak thuak in keini pawh chaw ei kan siam a, kan ei ta nghal a.Inkhawm tur pawn zing dang ang lo deuh in kan phi leh chuk hlawm tawh, nimin a kan motor chuan na nen ka sil ve thum na in ka pa kohhran rawngbawltu anih lamah inkhawm loh mai mai phal ngai lo ani bawk nen nuam sam vak lo chung chuan ka insiam ve mawlh mawlh a.Ka insiam zo awrh tih ah ka thian kawm ve ber Zothani'n min lo call chiah bawk.








"Hello" zang vah chuan ka lo chhang vat a.







"Lawmsangkim i lo haw tih ka hre chiah! nge i rawn sawi ve vat loh, thenawm pitar lo kal lo se min hrilh pawh i tum nange?" a rawn ti nghal hmawk hmawk a.Thinchhe ve tik tek thin hi nia.








"Ka lo surprise duh vang che lawm, i inkhawm dawn em? min lo nghak rawh ka lo chho dawn" tiin thudang ah ka pakai pui nghal daih a.Nih loh zawngin nileng in a ti tau leh ani mai, amah lo kawm vak ka nei lo bawk nen! Ka bible la sawk sawk in ka room ka chhuahsan nghal thuai a.Ka naute 2 pawh an thiante nen an kal daih tawh.Ka nu an room lama awm chu au in ka chhuah thu ka hrilh nghal paha.









Kan biakin hi kan in atang hian a hla vak lem lo nangin chho ve deuh anih avang hian kal chak vak theih loh bawk nen rilru chang a hmanhmawh ani mai.Kawngpui dunga kan chho chu midang inkhawm kal tur te pawh an lo chho diah diah a, a then in min lo be ve luam bawk.









Hausiampa hall bul lawka in kawtah chuan ka thiannu chu alo ding vang tawh.






"Haw tur thu pawh hrilh tlak loh ka ni maw....Surprise te itia khawi lam nang hian surprise lam ani hlawl lo...i theihnghilh anih kha" alo tih hlak hlak chuan ka nuih tlawn ta ringawt a.Dawt sawi ka thiam loh zia min hrechiang tu apiang in an hria, dawt ka sawi ve dawn hi chuan ka mitmeng a dawih vek a, ka tawng tir lam a bah deuh niai zel bawk, henu lah hian min melh chiang thei si, ka hmel atang alo hre leh vek tawh niang.








Biak in kan thleng chho thuai a, biak in leh a chheh vel pawh an lo chei ve leh nasa viau tawh, kum tin kan tih dan ve reng ani nangin kum dang ai chuan a nalh in ka hria.Biak in tuala kan lut chho chu TKP hruai tu min lo hmu tu te chuan min lo be ve luam a, tha tak chuan ka chhang ve nghal zat bawk.








Cooler bula tui ka inchhungin ka thiannu chu bathroom lamah zung turin alo va kal a.Biak in dar pawh rawn ri val val in khuang riin a zawm a, inkhawm pawh kan tha hnem ve leh fu dawn e.Kan sawi lawk anga kan khua ah chuan kohhran lian ber kan ni ang tih theih ani a, lawi pawh kan tam ve viau tawh.Baptist kohhran bik hi kohhran 3 lai a awm a, thingtlang khua ah chuan kan khua hi kohhran pawl hrang hrang kimna ber pawh ani ve hial ang.Pawl hrang hi 8 vel lai kan awm.









Ka ngaihtuahna ho deuh kawm a ka hawi kual vel chuan biak in gate lam atanga lo lut ka hmuh chuan ka mit ala ka ti lo thei lo. Mipa 2 an nia 1 saw chu kan kohhran upa fapa Fela ani tih ka hria mahse amah lo saw tunge? ka hmuh hnu ang bawk sia, ka hre thei mai silo! Ft.5'8 chho bawr vel anih ka ring,a sam nalh zet leh fai deuh sar chu a chal hawlh buai lo turin a ti chho a, mahse ngai mawhawm khawp a hair style mak ani lo, a simple tawp a mahse a mawi tho. Kamis pawl duk a var a spot ha in, kekawr a taksa rem zaiha fit dum nalh tak a ha a, a kamis in thun deuh thlap vang nge a kawnghren lawk lam deuh pawh alang chiang khawp, smart shoe ala bun thlap zui, a kut ah bible nen.







Ka en reng tih hria ang hrim in kawngka an luh dawn chuan a rawn hawi let zawk a, min melh chiang asin aw! mahse a rei lo a hawi sawn a an lut nghal thuai bawk. Mipa hmeltha tak ni hran lo mahse ngaihno a bei riau a, engtin emaw tak khan apà ru riau hian ka hre bawk. Thil awihawm loh tak ani pawh inti thei keipawh ka inringhlel deuh mahse a che zia leh awmdan vel kha apa ru tlat alawm.








"Ka ke ka zun khum tep alawm" ka thiannu in alo tih ruk sar sar chuan ka en vat a, ka bulah alo ding der tawh nangin alo kal lai pawh ka hre lo.







"Thing thei sia, lut ang" tiin hma ka hruai a, min rawn zui ve nghal zat bawk.A chhung kan luh chuan nichina ka hmuh pa te hma ah chiah khan usher ho chuan min la thut tir zui.Ka awm pawh nuam lo, ka zei lo deuh hui, ngheng chhan ka ngheng dawn nge ka thu tung tawp dawn tih vel ka ngaihtuah kual nasa hman . Ka thiannu engmah hre ve lo lah a tawngtai zo chu ring zetin a zai nghal lang lang a kei erawh chhungril te hi a zam ve det det mai.








Inkhawm laia ka thiannu in min lo biak ruk pawh chuan chhan pawh ka chhang tha ngam lo, ka awmdan pawh ka hrethiam lo ka khawr ru tut mai. Thusawi tu thusawi lai chu ka melh kar a, mahse a sawi ka hre mang tlat lo, ka suangtuahna khawvel ah chuan ka cheng leh tawh tlat, pawi thei ania.






Inkhawm ban chuan in ah pawh haw lo in TKP fellowship kan neih ziah avang chuan Zothani te inah chuan ka chawl ta zawk a.
Zothani nu nu Biaki chuan min lo be nghal luam a.






"E he Makim....i va ngaihawm vung vung tawh ve kan lo tia, hei i lo lang hlawl mai alawm, i dam tha maw? kum min (or in) hi ilo va haw ngai lo ve?" alo ti nghal chul a.Nu lian lutuk nilo mahse a invawng fel a, a hmelchhe hran lo bawk nen a nelawm thin hle ani.








"Nia, ka dam lutuk Final year te kan ni ve tawh sia, lehkha zir duhthawh ve deuh bakah hna chhe te ka thawk ve nen ka induh thawh ve a tun kum chu" ka lo ti nghal vat a.ka thutna bulah chuan ka pheikhawk chu ka phelh nghal sawk sawk bawk, pheikhawk sang hi bun zing ve viau mahila ka ngaina hran lo.








"Nang zawng i ngaihtuah awm loh thin bik e, kan Zothani ve hi zawng kar tawp apiang hian lo haw hi tum a, a zirna lamah lah hmasawn ngai hlei lo" alo tih leh chuan ka lo nui var var a, tawngkam ka thiam lo bawk nen chhan mai dan hi ka haihchham leh thut zel.








"Nu....apa'n min ngaih em vang alawm ka khawngaih ve thin sia nih kha bakah zirna lamah pawh sang viau lo mahila ka tla hniam chuang hleinem" room atanga a rawn au deuh lang lang chuan nu Biaki chu a ner nasa mai kei in ka lo nuih hak thung.








"Kar tawp apiang in apa rawn phone a, min ngai tawm em? ka lo haw dawn ami? amah zawk hian a rawn ti ziah alawm" Nu Biakin a tih leh chuan anih ka ring tak tak bawk.Naupang ber anih vang hi niang a rilru ala naupangchhia ru tlat a, a zawng zawng in nilo mahse kawng thenkhat ah hi chuan ani tlat tho.









"Teuh lo e....apa khan min ngaia a sawi ngam lo tih ka hria lawm, ka fel zia hi" room atanga rawn chhuah paha a tih chuan Nu biaki nen chuan in en in kan nuih ta tawp a.









"Thingpui in ila" tih pah chuan a chhuang nghal rawk rawk a.Nu biaki room lama inthlak tura a phei chuan choka lamah chuan ka thu chho ve ta daih bawk.Zothani pa hi Forest department a thawk ani a, anu erawh hi chu second hand bale tih vela sumdawng ve zeuh zeuh ani thung.









"Taka i hre ve em? Veng chung lam ami, Pu Sangliana te kha amah pu Sanglian ber kha an insakna tangin a tla a a ke a sawh khawlo deuh ani awm e, annu chawhmeh khar chhawn ve tlem te hmangin an la khawsa ve naw naw a, fa 3 lai an nei sia an khawngaihthlak asin aw" Thingpui chawk rawk rawk paha a rawn tih chuan ka lo beng khawn nghal vat a. Pu Sangliana atih chu khawdang atanga lo pem chhung khat pawh nei lutuk lo an ni in ka hria.









"An va lainat awm ve aw, tunlai ah phei chuan naupang ho hi chawm hau tak ber kan ni rih bawk sia Christmas boruak nen" ka lo ti ve vat chuan pawm hmel zet hian abu nghat a.Thingpui leh chhang chu a rawn chhawp nghal zat bawk.








"Kan tunlai khawvel hi chu tiraw, incheina leh huau huau ah hian sum hi kan khawral hnem ber zel tawh si a, thil tha tak leh hmasawnna lam hi chu ani lo tlat ani" chair rawn pawh chhuah paha thutna rawn rem ve paha atih chuan dik ka ti ve tho.Kan inchei na leh huau huau vel hian kan mit ala ber tawh a hmasawnna tha lo tak ani.











"Engtin emaw tanpui dan lo ngaihtuah la, kan pui dawn em ni niang? Naupang ho pawh ka khawngaih bakah anu leh pa rilru tur ngaihtuah phei chuan rilru hah reng rengin hun an hmang awm sia" ka tih chuan phur zet hian lo ngaihven atum thu a sawi nghal zat a.











"Bialpa te hi ila nei lo mi?" a rawn tih thut chuan ka nui hak a.Ve a! a nei bik tawp silo a.









"I nei tawh mi?"






"Nei chuang nang!" in en in kan han nui dun leh rih.









"Tlangval senior lam deuh ka duh! naute anga min duat hlu hlu thei tur" a tih chuan ka ner khum chiam a, ala nui sawng zui.










Biakin kan thlen chho leh chuan thalai ho pawh an lo awm nual tawh a, kan lut ve thuaia, kan tam ang reng phian.Khawdanga lehkhazir ho haw run pui lai kha ani ve bawk taka.









Tan hla te sa in bible chhiar leh tawngtai na kan neih hnu chuan, kan tan chho ta mawlh mawlh a, Hruaitu in hun a hmang thiam bawk a, fellowship boruak pawh anuam hle.







"23th zanah Advance Christmas hmangin kan carol nghal dawn a a tam thei ang ber kal kan tum dawn nia, mahse thim zinga bo zuk zuk chi te kha awm loh tur ania" Hruaitu in atih leh chuan kan nui dar dar a, " Ka sawi hmaih tep, a then chuan in hria nga naupang deuh te kha chuan inhre lo mai thei bawk kum 2007- 2011 vel kha niin ka hre ta, khata kan kohhran bialtu pastor Rev.Lalchamliana Chhakchhuak kha hria in la awm ve nual anga a rual u chin kha chuan, ka sawi tumah kan lut nghal mai ange Pastor Chama fapa naupang zawk khan vawin ni hian kan bulah hun hmang turin a awm ve a, khawngaihin lo ding se, Tlangval Malsawmdawngkima " atih chuan ka lo meng deuh awk a, Pastor chama fapa anih chuan! Khai le, chu tlangval rawn dinglam ka hawi chuan ka mak tih zia chu alang ngei ang! Tukin zinga mi lek kha, Sawpa saw Malsawma maw?










"Christmas hmang turin alo kal vang vang a, a bik takin kan lawm hle ani! Ani hi kan sawi leh lawk anga tlangval chhuan awm tak niin Hsslc a chhuah hnu lawkah NET exam kan tih mai chu a through nghal a, St. Edmunds college atanga B.com graduate in, tunah hian NEHU ah a zirna a zawm leh mek ani" a tih leh chuan ka va melh zawk a, ani erawh a kun deuh chal thung a zak ve niang.








"A dang tawh tiraw? ka hriat hnu ang ka lo tia" ka thiannu in ka beng bula alo tih ruk sar sar chuan ka lo bu nghat a.Ka va melh leh zawk bawk, adang tawh mai nilo in a inthlak hlawk ani mai hian ka hria.








Inkhawm ban chuan Zothani'n ka zun a chhuak a ti leh tlat tawh, buaithlak thei ip thei lo ropui si, biakin toilet a akal hlan chuan cooler bulah phei in tui chu kan in ve leh ngawt pek a, a tam zawk an haw tawh bawk.








Ka dara rawn beng thek thek an awm avang chuan rang zetin ka inher nghal vat a, Lalfela lo nui sawng ka hmu hmasa ber, tawng ka tum deuh chu abul ami pa in fiah zeta min lo melh kur avang chuan ka kà chhih nghal hmak thung.








"I la haw dawn lo mi? Tunge ila nghah a?" Fela'n atih chuan Zothani Toilet a hman rih thu ka lo sawi ve thluam a, tawng sual palh te chu ka hlau zek zek nia.








"Hei, thianpa hi ila hria em?Nichin pawn an sawi kha, i tet laia i master kha" a tih leh rual rual chuan a ban bulah ka beng nghal pawp a, Malsawma lo nui suk pawh ka mit sir in ka hmu hman.Zahthlak lutuk, khatiang sawi angai zek zuk lo, naupan lai mai mai.






"Hey,,, a nih reng kha i lai ami" atih leh chuan rum zetin ka melh a alo la nuih phei chuan ngei tak ka ni.






"I lo dam tha maw?" a vawikhat nan a aw ka hre ve ta, a naupan lai aw nen phei chuan lei leh van ani! Alo til pawr aw ve tawh aniang😆. A thum ve dut a, tlem in a sang deuh ah chuan a chher deuh ka ring.








"Umm..dam e, i chhungte an dam zel maw?" kan ti ve nghal luam a, a dang sawi tur hre hlei lo le....Tawngka a min chhang tawh lo in a bu nghat a, ka ngei zawng tak! A la tawngtam vak lo aniang sawi tur a hre lo ve khawp mai, vanneihthlak deuh in Zothani Toilet kal zo rawn chhuak chu a rawn ri nghal hlut a, tlemin kan kul muk lutuk pawh a zia ta deuh e.










"Engtik thleng nge i awm ve theih dawn a?" Zothani'n haw kawnga a tih leh chuan
"Kumthar hma chu ka awm theih ka ring , kumthar erawh ka nu in khulama ka hman a phut ve tlat a" a tih chuan an awmna alo zawh zawm leh nghal zat a. Ramzotlang pastor bial ah tunah chuan an awm mek thu a sawi a, rin ai chuan an lo awm hnai zek anih chu!. Mahse amah tak hi shilong lamah college akal an ti sia a awm vak lo ang chu ti nih chuan.







Zothani te in kan thleng hmasa a, kan inthlah fel hnu chuan kan chhuk ho leh a.A tawng duh ber a awm ta lo nen sawi tur kan hre lo kher mai, bakah a tum deuh hmuk in ka hmu a, biak a chak awm hluai bawk si lo.







"Makim, in college chu nuam em? Nuam i ti viau aniang i lo haw khat sia" Fela'n a rawn tih chuan ka lo lo ner nang a.





"Nuam tihah te chuan kan khua nuam ka ti fe aw.....mahse final kum te ni sia tun tum chu ka induh thawh ve lawm" ka tih chuan awih loh hmel zet in min han melh vel a.






"Khawi college ah nge i kal a?" Malsawma'n alo tih ve bauh chuan kan college hming chu ka lo sawi ve vat a.






"Ka cousin pawh a kal alawm, EU lamah khan secretary ani ta in ka hria" a rawn tih leh sup chuan a hming ka lo zawt leh thuai a.A dik tak tak, Chhansanga kha a cousin alo ni reng tihna nia, tlangval fel tak ani bawk.Kan fak ve ta luam a ka thiam ang ang chuan college chanchin leh ka chanchin ringawt kan sawi chhungin kan in peng kan lo thleng der tawh.








"Zanin i inkhawm dawn em?" Fela'n alo tih chuan ka lu ka thing bak bak a, min la nuij sawng zui.A bula mi ve lah chuan eng rilru nge a put pawh hriat theih loh khawp a mitmeng dam in min lo en thung.






Inkhawm te chu tha viau mahse ka taksa rawl ve lutuk riha ka peih rih ngang lo, zinglam erawh hi chu hmaih loh hram hram ka duh ve thung.




In ka luh chuan ka chhungte chu an mahni tawk ah an lo buai leh viau, ka nu chawhmeh rawt in ka nau Tete in Korean boy band ho video en mawlh mawlh pahin alu alo chan bawk a. Remruata lah sitting room lamah a inkap ri leh tuk tuk tawh.







Eirawng ka bawl pui ve sawk sawk a, ka nu in a khat tawp in Remruata a hau zauh zauh bawk PUBG khel ho hi zawng tirh an har em ani.





Eirawng te kan bawl fel chuan chhung inkhawm kan nei leh zawk a, chaw kan ei ve ta nghal bawk. Chhungte ho inkhawm tura an in siam sap sap chuan ka khum ah ka lo mu zawi hle tawh. Ka pa hian inkhawm loh mai mai a phal loh avang hian kar tawp inkhawm ah hi chuan kan inkhawm kim hram hram zel . Mahse tun tum erawh min hrethiam ve rih aniang.






Chhungte ho an kal rem hnu chuan ngaihtuah na a vak kual ve ta rauh rauh mai, ngaihtuahna in a thlir zui ber erawh Malsawmdawngkima!






Naupan lai sawi tur em em hre vak tawh lo mahila Malsawma te nen kan inkawm lai erawh ka la hre ve nual mai, kum ah tak phei chuan kei aiin a u hret a, mahse pastor quater kan hnaih bawk nen kan veng bik hi naupang kan tlem bawk a, kawm tur dang awm ta vak lo chu kan inkawm ve ta mai kha nia.






Naupang ngawi chawi tak ani lo ka tih chuan dawt ka sawi chiang ang, naupang tawngtlem tak ani a, a nel emaw a hmel hriat sa ten an biak loh chuan a chhang ngai lo tih theih ani, hmelhriat ten an biak pawn a chhang tawi thei viau.






School kal lohni chuan nileng in kan inah alo leng a, mahse kan inbe vak ngai chuang lo chhuat ah toys kan khal dun a, chu chu ni mai,mahse a nui hmel tal erawh ka hmu thin thung.






School kan kalna a in ang a kal dawn apiang in tuma hruai a duh ngai lo, kan kawt a kan in step bulah alo ding reng zel a, inbe mang lo in kan kal dun leh hnak hnak zel. Kei ai a kum a a upat zawk avang in a pawl pawh asang zawk a, a lehkhabu hlui hlir ka ring thin min pek vek thin avangin mahse a lehkhabu ah hnawk lai emaw thler, thai chhiat niai nuai lai a awm ve ngai lo, a thar aia a thar lohna ka hre lo tih tur ang vel ani.






An pem hnu kha chuan naupang ni ta chu han inbiak zui vak ngaihna hre hek lo le kan intheihnghilh ve chho ta zel chu nia, mahse hei alo lang leh tawh amah kha ala ni takzet angem?







Ka lo muhil ta daih aniang ka intal harh nawlh a, dar zat ka en chuan zinglam dar 2 alo ri leh dawn thuak tawh.Ka chhungte ho rawn haw lai pawh hre lo in ka lo mu nia!






Ka muhil lawk thei tawh bawk lo nen ka lukham bula ka phone chu ban leh in whatsapp ah ka lut nghal a, chat chu enthla in no. lawng atang hian message pahnih alo awm a, a hnuai ah Zothani message lo awm bawk. Zothani zawk chu hawng hmasa in a thil sawi chuan lungphu ati rang ve det in ka hria.






*Nge i rawn inkhawm loh ngawt a, nula tlawngawl *


* Inkhawm ban khan Malsawma'n i ph no. min dil a, ka pe nia*


*Lawmsangkim seen ta che*


*A lo bia che em?*


*Misualnu*

*Induh si* tih vel ani. Malsawma'n ka no. a dil maw? Ngatan nge niang? no. hlang kha





Rang zetin no. hlang atanga message ka dawn chu ka hawng nghal vat a. A thu inziak chu ho te ni mahse ka taksa a eng emaw lai ber hi chu a danglam ve det mai.




*Maskim*
*Min la theihnghilh lo tiraw?* tih te mai ani.







● Ni khua a va rei ta ve😂 Tak tak a a ngaihnawm viau rih lo tih ka hria chapter 1 hi a har thei lutuk bik a, a ngaihnawm rih loh viau pawn lo dawh hram hram ula zawi muang in hma kan sawn turah ngai ang. Zankhat dan ah nge kan dah ang a zawn in tih kha lo thlang ula a zawn anih dawn chuan Sunday hi an awl thup zel sia Saturday kan awl anga sunday ah kan dah thung dawn nia🤗😎 Min lo chhiar sak zel dawn nia, ka lawm e💙💙



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:32 am

Chapter - 2




A message pawh reply lo chuan blanket chuan ka inkhuh tha hlun a, engtia han chhan mai tur nge ka hre lo.'Maskim' kan naupanlai kha chuan kan hming ve ve a tih tlat avangin tiang hlir hian chhungte hriat loh in min ko thin.





Ka awmdan pawh hi ka hrethiam chiah lo, i naupanlai thian hlui tawng ve ta la engtin nge i awm ang? ka hriat thiam dan ber ah hi chuan ka lai ru hui mai hian ka hria.





Mutthilh leh mai pawh a har ta talh mai.Ka chhang nghal dawn nge naktuk ah law law niang tih vel in ka in khap buai ve sek a.Vawi sang tel chu nilo mahse vawi eng emaw zat ka inleh tawn sek hnu chuan ka lo tal muhil leh aniang ka room kawngka kik dawt dawt thawmah ka harh ruai a.






"Mami lo tho tawh teh, a tlai tawh nia" tia ka nu rawn au ka hre zawm nghal zat bawk.Khumah chuan kan zi mar leh te te a, thlasik lai a khum kalsan hi chu thil har ve pawl tak ni hian ka hria vawt thei riap riap si.Ka phone chu ka khum bul plug ah chuan charge in room chu ka chhuahsan nghal a.






"Nizan kawngka i kalh silo a, ilo muhil daih bawk sia" Ka nu in alo tih chuan insawi thiam vak ngaihna pawh ka hre lo.Ka ne ne kual vel mai mai ta kha nia.






"Tuilum nge Thingpui?" a rawn tih chuan 'Thingpui' ka lo ti var a.Ka nu leh pa hi chuan thingpui ai ah tuilum an inziah a, mahse keichuan thingpui ka duh zawk tho tho, ka naute pawh chuti tho.







"In zo la, tual phiah angai ania, midang pawn an phiah fai leh kel tawh khu" Thingpui no min rawn pek paha a tih chuan ka lo ban vat a.A sà ham ham bawk a, khawvawt nen a inrem kan ti dawn nge in a nuam bik hliah hliah alawm.








"Ù Melveng bungah kan kal dawn asin, kan thian ho in, nuam dawn raps" Remruata leng chhuak emaw ni rawn haw in a rawn tih hlut chuan 'Tute nen' ka lo ti nghal thuai a.






A sawi danah a thiante 5 nen ani awm e, Haulawng khua hian Bunglian tha ve deuh mai kan nei a, lunglei lam kawng khaw pelh dawn tlang chho a awm niin tlanga awm tih takah a han hla ve det nangin a hmun an thlen tawh chuan a nawm zia an sawi ve thin. Kei tak phei chu ka la kal lo nangin YMA in an humhalh in meichhem leh a zar pawh an phalna lo a sah thlak vel an khap tlat avang chuan a hlu zual a, thla la tura rawn kal pawh an awm ve leh nual zel bawk.






Ka nu chuan tul ati lutuk lo nangin an tum ve tawh bawk nen a phallo bur bik lo.Kan kawt vel chu kan phiah ve ta sawk sawk a, ka nu sawi ang takin midang ho kawt ve pawh chu a fai vuk tawh hlawm mai.Ni lum pawh ai nuam tawk vel ani ta bawk a, ni hman pawh a hahdam thlak ve leh ta deuh e.







Chaw ei kham a phone ka en ve meuh chuan Zothani pawh ka lo reply lo chu niin a thinrim leh ang chu aw.






Ka call nghal thuai a.A ring ve fe hnu ah ala ve ta hram.






"Hmeli, min hnuchhawn ta emaw ka tia lawm" alo tih hlar chuan ka nui hak a.A thusawi duh dan lah hi a maksak thei sia.






"Thil ni lo pui pui sawi lo teh, ka buai ve lutuk alawm" ka tih chuan message reply chhung a rei lo tih sawi in a han ang leh hlak hlak phawt a.chutah " Alo bia che em?" a rawn tih chuan ka sawi dawn nge dawn lo tih ka ngaihtuah ve det.








"Umm...bia e" tih chauh in ka chhang a.







"Engtin? Engtin nge in inbiak a?" a rawn tih leh seuh seuh phei chuan chhan ngaihna ka hre hauh lo.A message ka reply thiam loh avangin ka reply ta lo tih ka sawi duh ngem?Buaina ho te ni angin lang mahse chhang kha ka zak deuh tlat anih chu!







"Ih....ka chhangthiam lo lawm, min la hria em? atia, ka hmuh leh chauh in ka hre thar leh sia, la hria e ti ta ila a dik bik chiah lo in ka hre sia" ka tih deuh nang nang chuan a rawn au nghal chul!






"Awiiii.....Mawli, i va han ho tak, chhang ve mai mai rawh...hria e tila a dik vek mai dawn lawm, i la hriat tho kha!" a rawn tih hlak hlak chuan ka lo nui tawi tak.A chang hian a zaidam em em a a duh lohna ah keite ang mai ani leh bawk si henu tak hi chu!







"Ok ok ok.......ka chhang dawn" ka tih hnu chuan rei fe min han sawi pui leh amah a a an tawh loh thu leh a pa tawh thu te.......Aaaaa a sawi leh teuh mai!







Kan inbiak zawh chuan whatsapp ah chuan lut in message ah chuan ka lut leh a, a no. pawh ka lo la save reng reng lo, kan save leh hmasak te te hnu chuan






"La theihnghilh bik nang, i tha zel maw?" te kan ti ve tak thawr kha.....Engtia han chhan vak chi nge hre hlei lo.....buaithlak thei eeeee







Nileng in in kan ti fel a, ka nu lah ahna ah kal bawk nen, ka pa te leilet ah an kal bawk Tetei nen chauh kan ni mai.Inchei a duh ve tawh thu a sawi ve nang nang a, keipawn ka chak, puitling ho la sawi pui tur ani.







Insuk leh inhawl fai vel neuh neuh kan tih chhung in hun pawh alo kal leh duai tawh, tlai dar 2 vel ah ka nu te an lo bang a, inchei ve a chak thu Tetei'n alo sawi chuan ka lo thual ve zat a, tiang hunpui hi kan tawng khat bawk a, neih phawt chuan tih ve kha a hlu ka ti.







Zanah chuan room lama ka awm hnu chuan message ka dawng leh ta nawlh.



*Lunglei kan kal lawk a, ka lo hmu lawk lo a * tih te mai hi.Ka reply ang nge? Engtia han sawi belh chi nge pawh ka hre lo.





*Lawmsangkim* tih te mai alo thawn leh zat chuan ka ner nang a.Deuh lawl lawl hian.






*Malsawmdawng enge* ka va ti ve thawr, a naupanlai zia ala pu anih chuan nel thiam chuan a fel em em a, mahse a tawngtlem tho nangin rilru in a pawh tawh thung thin.






*I lo va lian tawh ve* a rawn ti leh! Len ve bawk lo in kum 8 chauh ka ni tawh hleinem ka va ti hrep dawn emaw ni ka sual ve hmel tawp.Ft zawngah phei chuan 5'4 or 3 vel bawr chauh ka ni, ani kha chu alo berah 5'8 chho vel bawr anih ka ring kum 21 ka nia chuti nih chuan ani chu kum 23.








*Nangpawh, Teddy beaŕ ila duh reng em?* tiin ka reply leh a.An pem dawn khan ka teddy bear ngen in a nuar tlat kha nia, kan pe ta tawp bawk.Khami tuma anu leh pa te hawihaih zia kha, an fapa mipa naupang ngawichawi em em in ka teddy bear ngenin a nuar ania! Ka mitthla hian ka nuih ala zà deuh.







*Pakhat ka nei a ka duh tawk viau* tih a rawn thawn leh zat a.Mipa ve si....alo tuai ru deuh emaw ni hepa hi








"Naupang chhia viau suh*





*Tak tak in nilai zan feh chhuah i kal dawn em?* a rawn ti teh daih a.A kohhran mi ve riau emaw ni, pastor fapa tih takah.





*Dawn ve ang, nangni pawh kal ru midang tana malsawmna nihna kawng zel anih kha* ka va ti ve ta duah a.Nilai zan hian TKP kan kohhran bikin fehchhuah kan nei dawn ka hriat phak chinah kum hnih khat chho hi chu kan nei ve ta in ka hria.Christmas dawn hian Thalai puala fehchhuah hi nei thin in kan neih ang tawk chawhmeh leh thei a rem rem kan thawh khawm in li lam nghal ani thin a, heta pawisa kan hmuh chhuah te hi chhungkua harsa zual kan hriat te hnen ah hlan ni thin in kan tanpui ve thin.Thil harsa lua a awm lo bawk nen tlem te cheng 50 lek pawh nise mi 20 vel thawh ang a chhut chuan 1000/- lai ani a, thenkhat tan a cheng sangkhat hlut zia hre tu tan chuan ava lawmawm zual bik dawn em, thil tha tak niin ka hre bawk.









*Kal ve ang, tute nen nge inkal dawn?* A rawn tih leh chuan Zothani nen bak kan nih loh tur thu ka sawi ve zat a, min lo sawm tur thu sawi in kan in mangtha ta phawt. Rilru a hlim ru phian thian hlui te nen han intawn leh meuh chuan boruak adang ve zak mai.









"Pa engtik nge leilet kan kal ang? Sangha ka man chak tawh e" zing chaw ei laia ka tih chuan ka naute an lo phur nasa, a sawi chhuak tu ai pawn an phur emaw tih tur vel ani.






"Karleh Zirtawp christmas ania, chuti nih chuan Nilaini velah kan kal dawn nia" a rawn tih chuan ka naute an khek raih a, chaw ei lai lai tiin ka nu in alo khak nghal vat bawk.Va nuam leh dawn tak.Vanva kal pawh a khat tawh bawk a, ka chak ve tawh kher mai.







"Pa ka thiante ka sawm ve dawn?" Tetei'n atih chuan "Keipawh" Remruata'n alo ti nghal thuai a.






"Sawm teuh lo ula kan tam tham dawn chuan kalna tur motor ber kha a buaithlak dawn si a, Pick up chu awm mahse thingtuah tur lak haw angai dawn tih kha hre reng ula" a tih chuan an bu nghat nghat a.Chuti nih chuan Zothani tal ka sawm ve hram ang.







"Tlai ah MRB chhak ah min kalpui rawh aw...ka lo sawm thla ang che" Zothani'n phone a a rawn tih chuan ka lo aw ve mai a.






"Taka, kar leh ah leilet ah kan kal dawn a...."







"Ka kal ve dawn, engtik ni ah nge apa ka lo dil ang.....Sangha man ang u aw" ka sawu zawh hma hma chuan alo ti nghal thawt thawt chu ngei fe in phone ka bengbul ami chu la in kan melh hrep ringawt pek a.







"I kal lo tawp mai tur ania Zothanpui, min sawi zawh tir ve phawt ta che......" ka ti chuan alo la nui awr awr zui.Chhe keh lutuk mai.








"Anu in min lo leh tawh, ka dah nia....Tlai chu ka lo sawm dawn che nia" tih pah chuan a dah nghal hmak.Ka ngei zawng tak! An biak ten an chhan letna ngaichang lek lo a, ti thawt thawt thin hi! Ngei viau mahila awmzia awm thei lo henu hi zawng.







Nileng in eng eng emaw tiin hun kan khawral ve leh ta mai mai a.Tlai ka inbual lai in Zothani pawh alo thleng thla aniang a ri leh barh barh tawh.






Bathroom atanga ka chhuah chuan Choka dawhkan ah ka nau bulah lo thu in tawng mawlh mawlh pahin ka nau chawhmeh alo then pui paha, thu ho tak tak ani a sawi pui leh ni, awihawm loh hlawm sia. Amitabh Bachchan in Mizoram lo kal atum a, mahse a hritlang riha alo la kal thei rih lo tih a sawi chu ka hre hman.Dawheh em em lutuk!








"Zothanpui!" ka va tih hlak chuan nui thaw in min rawn en a, ka ngei tawk a tling em em ringawt. Tupawh mai hi bawl tum em em ringawt zel mai, a rilru lah hi a duhna ah hi chuan chak ropui si.








"Inthuam lum rawh a vawt teh mai nia" alo tih leh chuan "Ka hre ve bawk" tih pah chuan room ah ka lut a.Kekawr chhunglum a dum ha in Tshirt chungah Hoodie pawl dal riai ka ha a, mawza lum nen crocs ani leh tawp mai.Kut tang pawh a vawt tha khawp mai.







"Chimawm viau zel suh ! A tak emaw ti tawk an awm zel si i ti khawngaihthlak thei emai" kawnga kal paha ka tih chuan





"A nuam ve mai mai alawm" tipah in ala nui duh chauh lehnghal.







"Taka Dinsanga kha alo haw a, kei chu ka khawngaih e....amah pawh a tla ve kuam bawk sia" a rawn tih chuan "Tinge?" ka lo ti he haw! Hre ve miau hek lo







"Ka la hrilh lo che mi? A hma khan ka hrilh che khan ka hre sia" min rawn melh kawr paha a tih chuan "Hrilh lo nasa e aw" ka lo ti nghat a.






"Kha a bialnu kha high school teacher a lo awm ve zuai tawh Miss Venpuii kha, thla hmasa mai khan thisen cancer in a thih san a" a tih zuai raih chuan ka pen lai pawh ka ding ve dat mai.Ka thiannu ka en chuan sawi nuam ati vak lo tih ka hre nghal min melh eih lo bawk.







"Ka à nge ka mawl zawk, i crush kumhlun in a bialnu chana hmeichhe dang chu nise an lawm zawk ngei ang...." thawk an la leh deuh te te phawt a, chutah "Mahse ka inhrethiam bik lo, crush satliah emaw ka intia mahse a nà lai ka hmuh hian ka khawngaih a, a hmel ka hmuh hian ka hre thiam tawh bik lo ka lainat aniang" a tih bah deuh nak chuan mak ka ti ve deuh. Dinsanga chu tlangval senior lam kai ve tan tur tih theih ani.High school teacher tho niin tlangval fel leh tlawmngai thei tak, tawng tam bik lo tak ani a, hmeltha vur nilo mahse keipawn a nui mawi ka ti.Chuan ka thiannu thuruk ve awm chhun ani bawk.








"Nakinah sawi ang....ka mood a inthlak dawn, Malsawma nen chuan in inbe thei ta em?" tia thu danga a rawn pakai tak ah chuan hre chak hle mahila sawi leh teh intihna chi ni hek lo le!





"Be ve luam e, Nilai zan fehchhuah pawh kal ho ang u a tih ve kha" ka tih chuan a nui hèu a.Eng ngaihtuahna mak tak nei leh tawh ang maw.







Ani te Lunglei kal in apa bp sang damdawi an lo hawn alo nia, kan chhuk lam chu khua pawh a tlai leh ruih tawh.Thlasik ni rei lo lutuk hi chu!







••••••••••••••••••••




"Nu....Ka coat buang kha i la phei ami!" ka room atang chuan ka au lang lang a.TKP fehchhuah hun pawh alo thleng ve leh thuai mai.In hriat chak takin Malsawma nen zan khat kan inbiak kha chu kan inbe chhun zawm leh tawh lo chiang.







"Hman ni ah kan su lawm, kha" tihpah chuan ka khumah a rawn dah a, tih zia thei!
Highneck dum ha in puan dum ka veng tawp a, coat vut buak rawng ka mal thlenga fual chu ha leh in ka nu in ka birthday a min pek ve ngei thi silver chu ka awrh lang va va bawk.Ka sam erawh ka thlang mawl tawp ani.






Ka bible chu la in , sitting room lamah ka chhuah phei chuan ka pa chuan thingpui sen hang lo dawm in chanchin thar alo en ve mek a.Ka naute erawh an room ah phone an khawih aniang an reh emai. Dawhkan a ka nu ka thawh tur chawhmeh alo dah chu la in "Ka kal ania aw" tih leh kawngka a pen chhuah ka rual a.Ka phone ah lai alo ri ve nghal zat bawk.Ding in kan en leh rih, Malsawma message!






*Pengah kan lo nghak che* tih te mai hi.Duh tawi thei si.Reply lo chuan ka phei ve nghal thuai a.Kawn atanga kan inpeng panna bulah chuan Fela nen an lo ding ve run!An dinna lai a eng tha bwk a, a inthuam dan pawh a lang chiang ve leh phian.







Sweater Pawl duk chungah mufler dum, coton kekawr dum emaw ni ha leh tawp in sneaker a bun ve bawk.A thil thawh tur nge maw ni chu a khai ve ngei a, a te reuh sia ho deuh thawh a tum reuh emaw ni.








"I va khai lian ve" an bul ka thlen ruala Fela'n alo tih chuan 'In khai tet vang maj mai anih kha' ka ti tep ani.Keng te dun si.Lehkha in an la fun ve ve zui! Engtak ni maw!







"In tiat pui ken tur che u lawm" ka tih chuan Lalfela bawk an nui leh thaw a.Malsawma ka en erawh chuan uluk fe in min lo melh thung.Mak vung vung thei si! Mipa than kin tawh in hetiang khawp a uluk a min en te chuan ka lai ve thei tho tih a hre lo emaw ni.Chhungril a sa ve pap pap alawm!






Zak awm lo deuh a ka mit ko ka san khum ak chuan lung thing bak bak in nuih suk paha a kun zauh chuan a hmelthat tawh zia ka hre chiang nawn awn awn bawk.




"Kal ang ule" a rawn tih sup chuan melh ve kiau chung chuan ka lu kan lo bu ngawt pek a! Lawmsangkim leh!








●Ads kha min lo click sak ve hram hram ula🤗💙 Chuan in peih phei chuan in lo comment ve leh theuh dawn nia😁......A tir lam hi tlem in a har ve deuh a a ngaihnawm vak lo mai thei ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:32 am

Chapter - 3





Kawng ah chuan kan in zui chho ve det det a, kan naupan lai Fela'n a rawn sawi zeuh pawh chuan ka sawi pui peih vak lo.Min chhaihna tur a hrethei si, a bulah hi chuan sawi vak loh ahim anih loh zawngin a hun leh a hmun a thliar thiam lo ve thei sia.







"Engtin nge Fela te nen in inhriat leh theih daih a?" footpath a chho paha ka tih chuan min lo melh zawk a.Tinge a mitmeng hi a fiah bik em em le! Nge keimah chauh hian ka lo hmufiah zawk.Min melh chiang thei si!







" College kan kal ho thin alawm.." a ti ve sup a, beng vir ta ngang tan hi chuan hriat belh a chak awm thin.Malsawmdawnga ve lah hi duh tawi thei ropui si.







"Shilong tlangval ka zuk ni ve zuai hman kha....Mahse tunah erawh tlang bawk lel lawl karah bawk hmangaih ber tur te zawng in anih hi ka awm leh tak.." Mahni in sawi chhe ve paha Lalruatfel'n alo tih chuan kan nui hak hak a.






"Chu vaipa i zu ni ve hman tep tho alawm" tih chuan ka belh zauh a, min han sawi leh ang nawk nawk a.À thei mai sia.







Zothani te in kan thlen chuan kawtah min lo nghak ve khar a, biak in lam pan chuan kan chho ho leh te dat dat a.







Sunday school hall ah fehchhuah chu neih tur alo ni a, kawngka luh chiah chhak lamah chuan dawhkan an lo hung mawi luah a, midang ho thil theh khawm pawh chu alo awm nual bawk. Kan thil khai te chu kan han dah ve a.Thutna lam kan pan ve nghal thuai a.








Inkhawm ti tawh mai ang pawh kan tha hnem ve thawkhat viau mai.Thil theh khawm pawh kan neih tawk ah a tha hlawm ve viau bawk.





Tan hla kan han sa tur chu Music tum tu an indaih ta lo.Drums vaw tur an la awm lo chu niin a tello pawn a zai theih reng ti mahse hruaitu in " Malsawm tu pathian fak nan hian kan hmanraw neih kim ngei a fak ka duh ani" a tih deuh tlat avang chuan mipa lam atangin vaw tur an han ko deuh a, an la thiam vak lo hlawm nge an han koh ate lah an tang ve deuh bawk.






"Thianpa, han tlawmngai mai teh" Ruatfel'n a tih chuan ka bula thu pa chu ka melh zawk a, a thiam ve emaw ni? a hreh ve hmel viau nangin midang an awm ngang silo nen a chhuak phei ve ta mai a.Drums a thut chilh tak run ah phei chuan a inhmeh leh pek phian, alo tha ta lutuk hi amak! Ni e, a naupan lai kha chuan a berh ve phirh pherh thei sia, bakah a sang ala kir deuh bawk.









Hruaitu hla thlan 'Kum pui sul alo vei chang hian' tih hla chu kan han sa ta hlarh hlarh a.Ka awih thei lo zawk, Drums te mai mai chu hneh sawh tak ani zai a nuam bawk nen music engkim nen mai chuan a fuh vel vek ani.






Kan zai zawh chuan kan lam pana rawn thut leh a tum chuan hruaitu chuan musician ho thutna ah chuan a thut tir ve ta tlat a, nuam lo a tih hmel mai sia, tanna Bible chhiar leh tawngtai kan neih zawh chuan kan thil thawh ho li lam chu kan tan ta nghal a, Li lam tur in Hruaitu chuan a duh duh a ko chhuak dawn ani.






TKP OB ami Ngura chu a ko hmasa ber a, fiamthu nen uang zet leh hlimawm zeta bul a rawn tan chuan boruak pawh a tang ta at mai. Ei tur ho fak lah chu an hneh sawh mai mai khawp a, ei tawh te tana ei nawn chak leh awm rum rum khawp in alawm hun a hman ni.






Rin aiin an chhang tha thei phian lehnghal, hetiang hunah hi chuan khawngaihna mai bakah tlawmngaihna nen a hmalak angai tlat ani.Keipawn ka chhang ve ngei alawm Ser thur ania, pum 2 cheng 100 in.






Thil mak deuh a awm leh tlat! Malsawma chuan a thil thawh bawk chu zu chhang leh tlat a, midangin an rawn khalh lah chuan a khalh ve leh nghal zat zel, a tet tet nen 210 lawih in a lei tak kha!





Fela bulah enge a thun ka zawh lah chuan a hriat bik loh thu in min la chhang zui, ka hre chak tawlh tawlh leh nghal.





Li lam kar lakah Christmass hla sa in kan han zai ho leh thin bawk.Boruak anuam viau mai, a tawp kharna niin kan president U Ruathlua chu thusawi turin an ko chhuak a, tawp tawngtai nei nghal turin !







"Pe rawh u ti chuan pek in in awm ang tih thu chang chawi a zan ina he lai hmuna ka thalaipui duhawm tak tak lo kal te u a hmasa berin Isua krista hming in chibai vek ule.....Zanin a heti zat mai kan han hmu chhuak hi a lawmawm hle mai, tamtak chu nei lo ve tak tak harsa ve tho chuti chunga rawn pen chhuak te pawh in awm tih keini leh Lalpa in an hria e! Mindang tanpui duhna thinlung neitu inih kan Lalpa hian a hria e, lo lungphang suh ang che u, matthaia khan thusawi hi lo vawng reng teh u, 'Chuti chuan nangni misual mahin infate thil tha pek na changin hriat chuan in pa van a mi chuan a diltute chu a pe em em dawn lo che u em ni?' in thinlungah lo vawng reng ta che u, Kan pa vana mi hian a hre reng ang che u, zanina midang tana malsawm na thlen nan a i cheng 10 pawh kha a hlu tak zet tih kha hre nawn leh ang che u, nimahsela chung avang chuan chopa sual ah tlu lut hlek suh ang che u, midang kianga insawi theihna tur ani hek lo sualna kawng hi a hnai ania, fimkhur tak in in nun hmang theuh tur in duhsakna ka hlan a che u, kan Lalpa hma ah kunin ilo tawngtai ang u" tih thum sup pah chuan a tawngtai ta nghal a. Hepa tluk a pa tha leh fel hi chu mi tlem te an niang.A inngaitlawm em em a, pa tha leh chhungkua, TKP thlenga kohhran kut ke ber ani bawk. Pa lian lam tarmit vuah cher lam ai a thau ve tan lam mah ani bawk.








Inkhawm ban chuan kan thil lei theuh chu kan khai thap a, khai haw lo pawh kan awm lo, kan thawh tha hlawm bawk a, kan khai fur mai.








"Mala, enge i thil kha? Nangmah bawk in i chhang leh bawk sia" Zothani'n haw kawnga a tih chuan keipawh chuan ka en nghal thuai a, ka hre chak ve tho a, ka zawt ngam chiah lo kha nia!






"I duh mi?" Alo tih chuan phur zetin a aw nghal thuai a.A thil khai a hma a lek phei chuan lo ban thuai in a hawng nghal rak rak a.Phur zet in ka hnaih ve nghal thuai bawk.Mi varanda light eng chin a ding meuh a kan en chuan kan bul ah an lo ding ve ran a.Kan thil hmuh avang chuan mak ti zet in ka en nghal bawk.







"Hei hi enge?" ka tih chuan a nui suk duh chauh leh nghal."Kal phawt ila" a tih zawm leh suk chuan ngawi reng in kan zui leh nghal mai a.







"Thawh mai tur ka hriat loh vang ani pakhat nangin kha kha a tha ber ni a ka hriat vang ani" atih sup chuan ka melh leh zawk a.






"Mahse midang in lo chhan khalh ta che sela an lung ni lo viau mai thei sin" ka tih sap chuan kal pah chuan min lo melh zawk a "Nia" Zothani'n alo ti ve zat bawk.







"Chutiang chu a thleng dawn lo lawm" a tih leh sup chuan a inrintawkna hrim hrim pawh chu fak awm.








"Tak a kar lehah Leilet ah kan kal dawn asin, Lalruatfel i chak ve awm" Zothani a rawn tih hlut chuan thudangah kan pakai chho ta nghal.








"Makimi te ta ah maw......" Fela'n alo tih chuan phur zet leh inti thei zet a aw alo tih var chuan ka nuih hak a, Pakhata pawh a lo nui suk mai.








"In tam dawn loh chuan ka kal ve duh nia, motor kan indaih dawn loh pawn Mala nen bike kan nei ve ve tho ania, Lawmsangkim min sawm dawn em?" Fela'n a rawn ti ve leh hmiah.







"Lalruatfel!" Malsawm an alo tih hluk chuan ka melh nghal vut a, a thinrim emaw ka ti hman a mahse a mitmeng erawh a dam thlap lawi si, Fela chu a melh run bawk.







"Hming pum lo deuh khan aw" a tih sup chuan ka lo hawi à heu ringawt.







"Aaa....Makim" nui heu paha lo tih pah chuan a thianpa darah chuan an kuah nghal chat a.Keipawn Malsawmdawng ka ti lawl lawl sia tinge a huat thut le!






"Induh chuan lo kal ve ru, Apa ka lo hrih ang! Mahse Bike chu in ken angaih ka ring, thing phurh haw kan duh dawn sia, pick up ah chuan" ka tih chuan Zothani "Lalruatfela kal ve ve ngai lo" alo ti leh hlak a, an in fiam thla nghal bawrh bawrh bawk.Keini pahnih erawh kan lo nuih pui ringawt zel thung.





••••••••••••••••••



*I pa chuan a phal ta em?* ka mut dawna ka message dawn avang chuan ka nui sak a.De du reuh hian.






*Phal ta lo * ti chuan ka reply nghal vat a, han chhaih ve ka chak tlat.A awmdanah hian a chak ve hmel reuh sia. Ka pa te chuan kalna an intum theih dawn phawt te chuan pawi ati reng reng lo.








* Anih chu😔* alo tih chuan ka then thaw tawh.A tih duh loh hmel sia, bawl nuam chi ani nge mawni hepa hi!







*Sa an lo ken dawn chuan ka phal ang ati* ka va tih leh tak hram kha.Ka bawl chak ve tlat a.







* E aw.....Fela nen kan lo zawng dawn nia, Arsa ami* a rawn tih chuan ka nuih a za tawh hle.Hepa inno em em zia hi. Bialnu nei ta se an duh duh in an ti kual thei ngei ang tih tur chi niin ka hria.








*Ka fiamthu nih kha😂 Sa tel loin kan lo free mai ang che u* ka va tih leh chuan hmai sen tawn tawn lai hi a rawn thawn ve chiam a.Ka nuih a za tlat zel emoji ahman hian....ka nui leh sawng tawh.







••••••••••••••••••••





"Pa, api te hi kan tlawh dawn em?" Chaw ei lai a ka tih chuan ka nu chuan kumthar lamah zawk ani tawh mai alo ti thung a.








Ka pi leh pu te hi Thenzawl inpui lama khawsa an nih avangin kan inhmu tam lo hle a, min ngai ve thin hle bawk.Kum tawp lamah hian kan tlawh ngei ngei thin a, tun tum erawh ka haw tlai deuh bawk nen hun a chep rih an ti te pawh ani ta ve ang.







"Dil pui kha pa an hawng angem kal bawk ang u aw.....chuan vantawng ah pawh" Tete in phur zeta alo tih chuan Remruata'n alo ti buai leh nghal thuai a, an han inhnial leh tak barh barh kha.Inhnial ve reng mahse an inngai thei em em thung sia, phir ang mai an ni hian ka hre thin, Tetei zan riaka zin tur a anu emaw apa ruala kal dawn te hian Remruata ber hian han phal lo tlat zel a.








Chhunah Zothani a rawn lang teh hlawl a, a hmel ka en chuan a dik chiah lo tih ka hre thiam nghal bawk.Ka room ah hruai lutin rei fe kan thut hnu chuan ka zawt chhuak thei ta hram.






"Dinsanga kha, ih zu te in mawle, ka rilru ana ve tawp ka khawngaih bawk sia, vawin ah anu nen an inah kan han kal lai khan room atang alo chhuak a, zu rim a rawn nam a, a chhungte lah khan tih vak ngaihna an hre bik lo aniang hrehawm an tih hmel bawk sia, Anu nen pawh kan hre lo der ringawt alawm......Kim, u Venpuii kha a hmangaih hle niang anu zawng zawng a chhe mek chu nia, a hrehawm e" a rawn tih hap chuan a mittui te a tla dawn dawn mai.A vei ve ngang aniang ka thiannu hian, hetiang em em a nat pui chuan.Ka thiam ang tawk chuan ka lo fuih a, atana tha ber tura angaih tihsak tura tih bak sawi tur emaw ka hre lo kher mai.









"Ka chho phawt ang, nakinah a kimchangin kan sawi dawn nia" tih a inthlah chuan min chhoh san leh ta phawt a.Dinsanga ka hre si Venpuii ka hre vak silo nen ngaihdan siam a har hle mai.An inhmangaih hle aniang tih chauh ani ngaihdan ka neih ve thiam.









Ka nau in woofer a ringzet a sweet and sour a rawn play chuan kan unau thum chuan kan han lam leh nawk nawk a.Kan inzah tawn lo bawk a, dang thler dawn dawn a thiam lo bak berh a sak pui chung chuan hmun kan han ti fai pah bawk, Remruata lah hmun phiah lo perh der ve sek bawk..Tetei erawh lam thiam ve phian bawk a thunawn ah bak kei lah thiam hek lo thiam lai kan uar ve em em ringawt.









● Vawin chhunah ka type hman lo a, zanin 8:30 vel atang chauh ka type hman sia, a tawi deuh a min lo hrethiam hram mai ru mi fel hnup hnup ho🥰💙💙💙

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:32 am

Chapter - 4




Tlaia ka pa chhuak lo haw chuan ka pi nau Thenzawla mi chu a bp sang chhuak in a tlu ani awm a,a tlukna lamah a insawh na viau ani awm e, a chau tawh hle thu an rawn sawi a, ka pa te pawh chu tlan phei ve nghal a tlai a tlai in an tum nghal chuk a. Keini unau erawh in nghak tur in min dah thung.Tlai dar 4 pelh vel ah chuan Thenzawl lam pan in pick up chuan an inphur chhuak leh ta nghal a.







Unau chauh in awm mahila kan inkawm ngeih tlang bawk nen a hrehawm lem loh khawp mai.Chaw ei hma chuan Zothani a peih chuan lo riak thla turin ka han call a, a lo aw rang thei mai sia, chaw eikhama lo chhuk nghal tur chuan sawiin a dah leh nghal hmak.Dah khalh hlau ang mai.








"U Au Remruata hian biak thin a nei ania aw....Hmeichhia" Thleng ka sil laia hmunphiah paha Tetei'n a tih chuan Dawhkan nawt mek Remruata chu ka en ve zat a, "Lalhriathlu dawheh viau suh" a lo ti pawr viau thung.






"Hmani ah pawh bathroom ah a be vel, kawngka tangin ka ngaithla vek" Tetei'n a rih leh zat zat chuan, Remruata chhan ngaihna hre lo meng rang vel chu a hmuhnawm phian.







"Nangpawh i thiante nen mipa chungchang in sawi char char zel kha aw" a tih ve thung chuan Tete nen chuan an inhnial chhunzawm nghal zat zat ani mai.A nau a hnial hneh bawk silo chu Remruata chuan an um leh thuak thuak thin bawk.








Kum 17 Remruata anu lah kum 15 chauh, nulat tlangval an hre ve ta mai chu nisia, Remruata hi chu a hun ve tawh mahse Tetei.Tunlai thangthar te hi zawng an danglam ta chiang alawm.Kum 10 mi lek lek te pawn chu chu ka star, apa tawp tih vel ngaihtuahna an nei chho tan der chu nia.Inchhungkhur ah tal hi chuan nu leh pa te hian thu tha i hrilh tal ang u, an thiante hnen atangin awmdan mawi an zir dawn lo, hringnun ah hian mawi taka an par vul theuh theih nan a khat tawk hian fate hi i fuih ve reng teh ang u, an dai sual tawh china zilh kan tum tan chauh thin vang hi lawm thalai tam tak zingah sawn pawm, sawnthlak, ruih hlo ngai thlenga kan pun tak tual tual ni.








" In ve ri teh chul vel" tia kawngka atang zothani rawn lut chuan ei tur a rawn khai ve tat chu an lo hmu rang ngei man. An han ban thuai a, unau ang vek a in en kan nih vang hian kan inpawh hlawm em em bawk.









"Remruat dar 9 velah kan chhum dawn nia noodle ho kha Pepsi kha dah vawt bawk ula" tih zat zat pah chuan chaw ei dawhkan ah chuan an thu nghal thak a.Ka naute chuan sitting room lamah min phei san thuai a.







"Fela te lo leng ve ru ka ti nia" ka ha nawh laia a rawn tih chuan ka meng hraw a, tul lo lutuk.Nu leh pa awm loh lai lai a inleng neih chu thian chauh ni mahila a mawi vak lo in ka hriat ve vang ani.Mahse alo sawi fel leh vek tawh ve bawk nen lo kal lo mai ru han tih ngawt chi lah ni tawh hek lo.










Dar 7 pelh hlek ah kan kawngka chu an rawn kik ta karh karh a, Zothani chuan alo chhawn vat a, Ka naute pahnih erawh room ah ka phone ah games khel in an awm daih thung.







Fela chu lo lut hmasa in a hnungah Mala pawh alo tel ve ngei e. Lalruatfela incheina ai chuan Mala incheina chu ka lo melh chiang ngang mai.Shirt eng chungah Jumper dum a hma zip lo in muffler dum a awrh leh tawp a, kekawr dum leh mawza rawlh thawk nen. Simple viau mahse a chhe lo.Het! mahni thianpa te.








"In in va nei nuam duai duai ve" Fela chuan a rawn ti lut nghal ham ham a.A vawt ve tawh bawk nen a thaw khu ve hlat hlat mai.Kan sikri ai chu a rawn kil ve nghal run a, Mala erawh ka bul lawk tho thutphah ah a thu thung.







"Ve leh zuah zuah a che! Ei tur pawh in rawn keng nange" Zothanin alo tih nghal thawr chuan an nuih thaw danah an lo keng lo aniang.








"A ti mai mai nih kha..... Thingpui in duh em, intih lum nan" ka lo tih chuan " A tih chi viau ang" a tih avang chuan lum tur in ka tho nghal vat a, Zothani leh Fela bawk an inhnial leh barh barh tawh.








Thingpui chawi a ka va kal leh chuan Mala chuan ngun zet hian min lo melh run a, hepa hi a mawl deuh emaw ni, hetiang in an in melh kur ngai lo.






"Va tui dawn ve, nula fing vak lo thiannu nula hmeltha lum chu" fela'n alo tih deuh kher chuan Zothanpuii run tawk alo tling leh nasa mai.An in tin leh uai uai tawh.







"I pa te chu an cham rei dawn em?" Mala'n alo tih chuan ka melh ve thuai a, sikri kil kual kan nih vanhin kan inhnaih hlawm ohian bawk.








"Hre lo le, A pi siami hi a kal chuan ni 2, 3 vel chu an cham ve a ngaih ka ring" ka tih sap chuan a bu nghut a.






"Chuti zantin lo leng ila a that chu an awm loh chhung chu" Fela'n alo ti thuai a.








"Nuthlawi i a thinrim palh ang, kan ngam dawn lo nasa sia,nang chu kan phal ve lo" Zothani'n alo tih zat chuan an in melh rum der ve nasa mai.







"Nuthlawi nei ve lo te chu len inphal ang tiraw" Mala'n alo tih chuan an han in signal vel a.Fela lah a thianpa leh Zothani an melh rum dun vel bawk.







"Nangmah in han leng na teh, ka puan vek ang che" alo tih ve zat a.






"I ho emai, an hlauh miau che chuan" nui chunga Mala'n alo tih leh chuan a han thinrim der vel à hlawm mai sia.







"An ngam awm bik lo e chuti anih te chuan nangpawh, A hung ve luah tho ania" A tih zat chuan Mala a lungawi lo ve thung an han in melh leh khui khui vel buaithlak.









"In ho emai, kan ngam vek rawn leng rawh u" ka lo tih chuan kan nui zo ta vek a.Mala tak ngial pawh a nui ve suk suk mai.









"Dawr chu an hawn lai in va kal lawk ila, enge kan lo lei ang?" angai lo ka tih dawn lai in Zothanpui chuan min lo tawng khalh leh zuah zuah tawh.








"Wai wai 2 leh Max a sen 2 Lay hring nen....etc" a sawi nual mai ka hre ber lo chumi leh lo tih lah ngah si.A tawpah Ruatfela ning lutuk in Mala nilo in Zothani zawk chu a pawt chhuak ta tawp.An han inpawt chhuak chawt chawt zawha kawngka an rawn khar chiah chuan Mala nen chuan in en in kan nui ta ngawt a.








"Tinge Thenzawl chu in kal ve loh a" a rawn tih ve sup chuan " Ka pa hian inruak a kalsan hi a tha ber lo e tia, hunpui te a hnai ve tawh sia, pakhat chauh hruai bik ai chuan tiin min dah vek anih hi" ka tih chuan an bu ve nghat a.









"I naute chu an mu mi? ka hmuh hnu hnun ber kha chuan a te ber kha a bawk vak thei tawk in ka hria," a tih chuan ka lo nui sak a.A ni ta ve ang, panlai tak tak kha ni miau a.










"Room ah games an khel anih kha....kinah thil ei dawnah kan ko dawn nia, an ni chuan an hre ve tawh lo ang che" ka ti ve zat a.Hretham pawh an la nilo miau a.








"I pa te lo awm huna lo len i phal em?" a rawn tih thut chuan hawi hai fe hian ka han melh chho a, a sikri ai melh na ata chu mit la sawn in zawi muangin min rawn melh ve ta bawk.A mitmeng ah chuan a fiamthu lo tih ka hmu chiang viau bawk.








"Thei tehreng mai, an hmuh che chuan mak an ti ve viau ang, " ka ngawih deuh det hnu a ka tih chuan min melh deuh vang vang a.A mitmeng dam zet hi hmuh a nuam ka ti.








"Dik taka ka sawi i phal em?" a rawn tih sup chuan bo fe hian ka en a.







"Eng chu maw" ka tih hu chuan nui suk in a kut a hem lum chu an elh ri khauh khauh phawt a.







"He khua ka lo kir leh chhan hi" a tih sup chuan min rawn melh leh zuk a, mahse a rei lo mei lam bawk chu a melh leh daih bawk.







"Hriat ava chak awm ve....i naupan lai hun te rawn thlir let i duh vang ami?" ka tih chuan a lu a thing deuh na na a.Mi pawh a melh tawh chuang lo.








"Zothani leh Fela khan bialpa i neih ngai loh thu an sawi a?" a rawn tih chuan ka zak chu ka sen tawn tawn lo anih chuan a mak viau ang.








"Ngatan nge i tih" ka tih bah deuh nak chuan min rawn melh vut a.Nuam ti lo zet a ka lo then luih sak chuan lu thing in a nui mai a.









"Kan naupan lai khan thutiam ka nei a, chumi ti puitling tur chuan ka lo kal leh a, ka theih ngei ka ring bawk" a tih sup chuan ka lo bu ve nghat a.Engtak lo tiam vel ang maw min hrilh awm ka hre der bawk silo.








"Enge i tiam a? kan tum phawt chuan tih theih loh a awm hleinem?" ka lo tih ve sap chuan a nui tawi tak a.Rei fe a ngawih leh hnu chuan a ti hian a sawi ve ta hram a.








"Hmeichhe pakhat a awm a...kan naupanlai atang khan ka ngaina ru em em a, mahse nang pawn min hriat kha ka zak zum em em a, ka ngaina tih pawh ka ti lang thiam ve lo, mahse kan pem sawn hnu thleng pawh khan ka theihnghilh thei silo a, nupui a neih ngei ka duh ta a, engkim hi atan vek ani a, hna tha tak ka neih hunah rawn in lan ka tum a, mahse ka insum zo tawh ngang lo a, ka lo kal ta tawp anih hi" nui deuh suk paha thutak zeta a tih chuan phawk zetin ka lo en thung. Keimah chauh kha min ngaina thin emaw ka lo tia midang duh alo nei ve reng chu niin.Tlem chuan ka chhungril a hnim ve ruih mai, ka thianpa hi ka ta chauh ni leh turin ka lo beisei emaw ni Lawmsangkim enge ka awmzia hi!










"Ani chu....i hmangaih ami? mahse midang pawh alo tawng tawh thei asin?" Engvanga sawi buaisak tum nge ka nih pawh ka hre lo ka kà tangin a chhuak ve tawp.Ka mood nuam tak pawh kha khawiah nge a awm tak pawh ka hre tawh lo.








"Kan tum phawt chuan tih theih loh a awm lo i tih kha, hneh ka tum sawn alawm" nghet charh a chiang fe a min rawn en paha a tih chuan ka hawi sawn vat a, zep miah lo in ka chhungril na ru hi ka hrethiam tlat ani.Eng beisei in nge maw beidawnpui a ka lo nat ve ringawt ni.









"A hmangaih tak aneih tawh pawn i la ti buai dawn tho mi?" thawk lak hap paha ka tih leh chuan en lo mahila min en reng tih ka hre thei.Ka mit meng a hmuh chuan chhan hre lo a ka natna hi a hmu ang tih hlau si hian ka mitmeng hliah khuh tum in hnung ka chhawn chu ani si a.









"Ni bik lo e.....mahse a hlim tih ka hriat chauh in ka kalsan ang" a tih leh chuan a aw pawh a zuai ve deuh in ka hria.Kan sawi zawm leh hma chiah in Zothani te an lo luh avangin kan tawp leh ta zawk a.









Thil te chu chhum in kan han ei nangin ka mood a dik thei tawh lo, nui mahila chhungril a tawt ru tun a, a hma ang khan ka zang halh thei tawh lo. Lem chan thiam lo he taksa hian engtin tak tilang ang maw ka natna te hi.









Khuma kan mut hnu pawh chuan ka thiannu chuan ka dam lo emaw atia, min zawt chiam a, mahse ka pi ka ngaihtuah ve thu ka sawi chuan a awih ve leh mai bawk a.Dawt ka sawi a awih ve awmchhun ani hial ang.








Mut pawh ka mu tui thei lo, kan naupanlai ka ngaihtuah kir a, Malsawma'n kei lo hmeichhia a kawm emaw a zui ngai awm ka hre tawh bawk silo.Tu tak ni ang maw! Keimah chauh a thian emaw ka lo inti ve char char a, mahse khanu kha!








Zinglamah chauh ka muhil ta hram a, ka thawhchhuah ve meuh chuan chaw ei an lo peih diam tawh.Ka mu tha lo nen ka lu a rit bur a, na chhawkna te chu kan ei ringawt a.







●A tawi deuh tih ka hria😓 Ka type sa ka clear palh a, ka ui zia hi😫 a ngai ang diak diak a type a har tawh sia ka buai zia chu.....Naktuk zanah thui tawk kan dah mai dawn nia.....Lo hrethiam leh hram mai ru🤧.💙

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:33 am

Chapter - 5




Chaw ei na kan tih fel mek lai in ka pa ten an lo call a, Api siami chu tun mai khan a kal ta ani awm e. Api siami hi chu Thenzawl kan kal ni khua ah lo hi chuan kan in hmu vak ngai lo a, an tar tawh in zin kual an thei vak lo nen duh ang pawn kan in kawm ngai lo nangin a tute nen min en dan a dang lo bawk nen kan nel em em a, chutia a kal ta mai pawh chu kan unau chuan kan ui ve viau mai.








Vengchhung mite'n kan chhiat tawh thu an lo hriat chuan chanchin ngaichangin an lo leng ve reng a, hunpui boruak nen an tawiawm thei lo chu nuam lo an tih thu upa lam chuan an sawi leh thin a. Kan mizo nun dana tha ka tih lai ber pawh chhiat tawh lai hi ani ve tlat, thenrual te chhungte thleng in chhiat an tawk anih chuan an in tawiawm liam liam thin te hi a tuartu chhungte tan chuan a hlu in a a thlamuan thlak bik em em a, kan nundan tha pawl tak ani ve chuan ka hria.








Nileng mai chuan a khat tawk in inleng kan nei ve reng a, ka nu thawhpui lam te pawh an lo lang ve reng bawk.Zothani nu leh pa taw pawh rawn chhuk in min tawiawm in min awmpui ve reng a, upa lam ho an lo kawm ve bawk.







Tlai ah pawh chuan kan inlamah chuan chaw kan ei ta nghal vek a, ka nu te pawn lo call in Pa Nghaka te chhung in min lo buaipui thei chu an lawm thu an rawn sawi nghal luam a, ngaihtuah awm kan nih loh thu sawiin, ani chuan naktuk tlai lamah a theih chuan lo haw an tum thu an rawn sawi nghal bawk.






Zanlam thleng chuan khawtual mi ho then khat chu an lo leng nak nak a, ka nu health worker zinga an fak leh an nel em em alo ni ve bawk nen, khang a a hna mai bakah mite an harsatna laia a theih ang kawng kawnga zan tai rek thlenga a buaipui thin vak te pawh ani ta ve ang hmangaihtu kan lo ngah zia ka hre thar a, khang a duty mai baka midang tana a inpum pekna te kha a thlawn mawlh silo tih ka hre thar ve ta bawk.









Dar 7 leh chanve bawr velah chuan Fela leh Malsawma pawh an rawn lang ve hlawl a, thingpui ka sem lai tak ani bawk.Choka lamah chuan phei in an lo awm ta thung a.In lengte pawh Nu Biaki leh Pa Nghaka te chuan an kawm ber a.Keipawh ka sem zawh chuan choka lamah chuan ka phei ve nghal a.







Kan boruak vang nge Malsawma thil sawi pawh kha ka hmuh hian ka hre chhuak leh chauh a, a lakah lah chuan min inti thlahrung vek tawh lehnghal.






"In va fel ve" kan ti phei nghal thuai ringawt a.Ka tray ken chu tui dehna ah chuan ka dah nghal bawk. Ka naute pawh an tih dan ngaite in room ah games an khel leh daih tawh.






"Fel vang pawh nih loh hi, kan tih ve tur alawm" Fela chuan alo ti thuai a, Zothani bula chair chu pawt chhuak in ka thu thla ve nghal zat a.





"In la fel vel veee" Zothanin alo tih chuan an han in melh nghal khui khui a.Naupang chhia dun sia, an thusawi apiang hi an inhuat sak tawn em em ringawt zel bawk nen.







"I ho mai mai....Thingpui han lum ve thung rawh" ka lo ti nghal daih a, min han melh lui vel a, ka en lo lui ve tlat thung.Malsawma lah hi fiah zet hian min melh leh khui zel.









"I pi chu kum engzat nge ni tawh a? A chhungte an hrilh hai ve viau ang chu " a rawn tih ve sup chuan a ti ve tak zet tih pawh a hmelah hriat.Kan inkawm rei ve hnu hian a naupan lai ang em em kha chuan a tawng duh lo tawh lo tih ka hre ve tawh bawk.









"Nia....mahse hriatthiam angai tawh, mitthi ngaia lunglen a tuar viau pawh hi a sawt ber tawh silo a, an mahni ber hmun nuam zawk natna awm tawh lohna hmunah an awm tawh a keini chuan an kianga awm ve thei ngei tura kan damchhung hun kan hman ve tawh angai a in dawm kun reng tur kan ni lo. Ngai viau mahila kan indawm kuna kan nun kawng zawhlai kan tih buai phah phei chuan thil tha ber ani tawh lo ania, sual hnathawh te pawh a awm tawh lo ang tih pawh a sawi theih hleinem" a tawp lam uang deuh paha ka tih chuan alo nui ve sun sun a. A sakhmel zawng a chhe mawlh lo ve mahse! ka thian ani.Ni e, khawngaihin ka rilru leh thinlung te u ka neih theih ngai loh tur beisei hian min ti na lo hram teh u!









"A dik chiah mai, mahse lunglenna leh khawharna hi chu a awm lo thei lo a, hetah tak hian chhungte leh thenrual te hi kan pawimawh ve tawh a, a tha lama kan kawih her hram hram hi a tul ani" Fela'n alo tih chuan pawmpui zet in ka lo bu deuh nghat nghat a.Zothani pawn hnialna tur ahre lo nge ngawi rengin thingpui a rawn dah a, no seng turin sitting room lamah kan kal leh rih.









"Thihna hi chu maw, ka han sawi ve duh chu kar 2/1 vel maiah kan tawrhna hi a reh mai lo a, heta tang chiah hian an khawhar na a in tan chauh a, thenrual te hi kan pawimawh zual em em ania, khawtlang huap ang zawng kha chuan tih theih vak a awm tawh thung lai tak hi a pawimawh zual lai ani thung. An khawhar na hian an suangtuahna thlengin a chen chilh a, a tuar thiam lo deuh tan phei hi chuan nun hi a hrehawm bik ngawih ngawih mai thei a..." an chawlh leh det hnu chuan " chuvang chuan hnem mai nilo in tih hlim hi kan mawphurhna ve liau liau ani ve tho ang chu maw" a tih deuh kher avang chuan ka nui hak a, Zothani lah a nui leh nasa , an ni thian dun lah an nui ve tawp ringawt bawk.







Dar 10 dawnah chuan an tin zo ta duak a, Pa Nghaka te nupa pawh Zothanin min riahpui dawn avang chuan ngaihngam deuh in min haw san ve ta bawk.Anni nupa hi awm lo se chuan naupang mai chuan inleng te kan lo hui khawm thiam awm der silo a , an chhungkaw chungah pawh kan lawm tak zet ani.







Malsawma te thian dun erawh an la leng ta reng a, ka naute 2 mut hnu chuan choka ah chuan sikri ai in kan inkawm ta reng a, tun tum chu Mala pawh a tawng duh ve bawrh bawrh phian an college kalna a an thil tawn nuih zat thlak deuh deuh an sawi a kan lo nuih pui char char ve thung.








"In college zawhah enge tih in tum?" Fela'n a tih chuan kan han in melh kual vel a, chutah Zothani chuan a sawi hmasa ber a.








"Kei chu ka hre thiam chiah lo, paper work lam ka thawk peih silo a, Pasal tha tawk min chawm var var tu zawn ani tawh mai" a tih chuan kan nui hak hlawm a.








"Ve che u, anih Lalkim enge nih ve i tum?" tih pah chuan min rawn melh raw a.Min hmuh tlang a tum emaw ni, blanket a sin deuh hlun nen a te reuh sia, bawm khuh te pawh a ang, a hmai chiah a lang bawk nen.








"Lehkha tha deuh a zir zawh te chuan hna tha deuh zawn a, nu leh pa te chawm var var mawle" ka tih chuan min han ner khum chiam a.Ka nuih phei chuan lei min chhuah khum vak lehnghal, nghal mai sia!








"Tak tak in kan thawhawm tawk hna kan zawng ve ang chu, hna ah chuan han duh bik vak ka nei hran lo " tihpah chuan ka kut sikri a ka hem lum chuan ka biang kan khuap thak a.Min han melh rual thup a.Enge tih melha ka melh kual lah chuan engmah an sawi chuang hlei lo.









"Mala?" tihpaha sawi ve tur a ka signal chuan a nui suk a.Hepa nui suk suk hi ka ngei, zun a nei deuh tlat anih chu, ka vei vak ang tih ka hlau bialnu hual neipa hi!








"Hna tha tak thawha mipa tha tak nih ka duh bawk, MCS line lamah ka kal thut mai thei ni" a tih chuan kan lo khek deuh raih a.Tum a nei pui bik mai sia! Khanu im a iai loh nan bawk ani leh pek ang chu! Nula vannei nu ka hriat chak zia hi, a sawi duh bik der mai silo.









"Fela hun ve" a tih ve sup chuan " Sipai lu mum a tung chi" an lo ti khauh a, hamhaih zeta kan en chuan a fiamthu tih kan hre ve leh ta chiah a, kan han nui ho leh.A mak ve em alawm a sawi dan kha, Lu mum tung chi pawh va awm nghal suh.










"I puan" a rawn tih sup chuan ka en vat a, ka ke lam alo melh avang chuan ka en ve vat a, ka shawl sin chu ka lo hnuk hnuang chu niin ka han siam tha nghal mawlh mawlh a.Zothani te pahnih erawh thu ho te ah an in bak kaih leh hlur tawh, awle han in tih pui te hi an nei lo ve chiang sia.









"Shilong ka awm lai kha tum khat kha ka ngai lutuk che a" zawi sup a arawn tih chuan ka melh vat a, Zothani te 2 erawh in min ngaihtuah miah lo in eitur siam in an la inhnial deuh barh barh thung.








"Tak tak maw? mahse ka hmel pawh i hre tawh dawn ami" ka tih ve sap chuan min melh run pah chuan a bu nghat a, a hmel dam zet hi hmuh a nuam viau zel mai chu nih hi.







"Instagramah Fela hian a follow che kha, in college picnic lai a inthlalak kha min hmuh alawm" tih sup pah chuan a nui suk a.Hepa hian min nuih chiang 1st sem lai kha mawni le....Awiii ka la chhe ropui sia!








"Khawi a kan picnic na ber kha nge?" insum deuh a ka tih sap chuan min en in an nui hmasa leh te te a, min ti hlauthawng tulh tulh. Ka kekawr dum ah thei tui an tih buak avang khan a val vek a, a ban bawk sia, hak chi ni tawh hek lo, khawi atang emaw kan thian thenkhat te kha kekawr serthlum rawng lar zet kha min lo pe a, adang awm hek lo, nileng in thlalak na ah nen lam ka ha ve a, a rawn vet vut kha ka kawr nen a inrem lo si.A sir deuha ka din vang khan kan post ve kha nia, min hrechiangtute chauh in min nuih na chang an hria ang tih tur ang vel ka nia sin le.










" Sialsuk tlanga in lak kha, i chhe lo ber lehnghal in ka hria" a rawn tih chuan insum hman lek lo in a hnung ah chuan kan beng nghal pawp a. Wind proof jacket a ha bawk nen a ri dup mai. Bakah kha thlalak ber kher tinge alo hmuh......aaaaaa










"Naaaa...min chhaih miah suh aw" ka tih nang nang chuan min nuih suk suk duh chauh lehnghal.Hep hi a duhna ah chuan a chimawm dawn lutuk tlat....Ka van ngei mai mai tak










"Min nuih tawh suh, ka private daih ang ka ac saw" ka tih chuan nuih in sum ve zet hian a lu a thing vel bak bak a.A chhe mawlh lo thin chu ni e, hepa zet hi chu!










"Nge in nuih teh sawng a?" Zothani'n eitur rawn chawi phei paha a tih chuan sawi lo turin ka signal nghal zauh a, hmelchhe lutuk, nuihzat hmel zet in min lo la en hram anih chu, avan sual mai mai tak! Ka delete daih ang.A sawi palh vaih phei chuan ka post tirh pawh kha Zothani hian min nuih chiam tawh, delete rawh te ti thul, kei a lunglian lak lawh in ka duh tawh bik silo.
Hun akal deuh hnu hian a theihnghilh ve ta hram kha nia, a hunlai tak tak kha chuan ka thinrim apiang in ka en a, ka nui leh thei chauh zel ala ti zui.Tunah hian a hre fuh leh vaih anih chuan a pawi khawp ang.










"Eng mah nilo e, naupan lai mai mai!" min nuih vur vur paha a tih sawng chuan lei ka lo chhuah ta vak ringawt.A duh na ah chuan chimawm ve tak ani chiang alawm.Dar 11 pelh hnu chuan an haw ve ta hram a.Thlasik lai ani bawk a, kan in dah fel hnu chuan kan mu nghal thuai thuai a.Vawt ve vur tawh.









Ka la muhil lawk thei lo zui, Zothani erawh zawng kah thlak ang hlauh.Ani hi zawng mu hma thei deuh tho hma thei bawk an chi kha, kei erawh a tul dan azir ani mai😆










Ka phone a video ka en mai mai lai chuan message ka dawng tih hriat takin alo ri tleng a, noti ka block avangin whatsapp ah chuan ka lut ve vat a.Maskim!









*Maskim*






*Imm...ila mu nange?* ka ti ve nghal zat a.Ka biak hian ka phur ru viau zel a, chhungril hi a hlim ve veng veng zel .









*Ka muhil thei lo a, i nui hmel ka hmu zel a* a rawn tih chuan ka nui hak a.Inlak zei a tum ve emaw ni.









*Chu ka lo then khum vak zel che law* tia ka reply chuan lawm loh in keimah zawk chu ka nui var var a.Àt theih ngei mai.







*Lawmsangkim*







*Maskim, khanu kha i hre duh tawh em?*
A rawn tih chuan ka mood a off leh vek tawh.Mahse chunu chu hriat ngei ka duh alawm ka thianpa duh em em nula chu!









*Umm...sawila* ka ti ve vat a.











*Ka vei bawk sia, ka inpuan tawh mai dawn emaw ni, a thlalak vang ringawt pawh hian hlimna ka chhar thei a, ka hmuh theih leh khawih theih a a awm hnu phei hi chuan ka ta ah siam ka duh ta zel a, a tir a hmu tur chauh a lo kal kha, neih ngei ka duh a, a tello chuan ka ruak deuh ni mai hian ka in hre tawh* tih thu a rawn thawn leh chuan ka rilru kal sual inngaihtuah lungpuam chu ka mittui a tla lo chauh tawh. Ka thianpa kha ka ta ani thei tawh dawn lo tlat asin.









● Current kan nei lo a, naktukah bak an siam hman dawn lo nen baterry zo tep in ka rawn type lui duh ang pawn a sei thei ta lo ani......Min lo hrethiam hram mai ru🤗💙

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2021, 1:33 am

Chapter - 6







*Pawn ah lo chhuak lawk la* a rawn tih chuan ka tho deuh uai a, mahse ni chhin lawkah an haw tawh a, rawn kal leh thu awm lo, min tih der chiang.









*A vawt emai, sawi mai mai teh* thawven hmel zet chuan ka ti a, mahse thawven chu sawi loh ka chhungril tawt lutuk chu a hrehawm tak zet.Ka ngaihtuah chian pauh leh ka na nimai in ka hria rei lo te chhung pawn tiang khawp hian ka vei hman ania, ka kianga a awm reng phei chuan.








*Nia, mahse ka nghak reng che a, reilote chiah lo chhuak hram a* a rawn tih leh chuan a thutak hmel bawk nen mak ka ti ta deuh.







*I awm tak tak ami* la ringhlel fe a, ka tih hnu lawk chuan kan kawt atanga kan kawngka thlalak chu a rawn thawn a.Ka tho deuh vut a, ka thiannu tih harh hlau zet chuan kawrlum chu in thawlh in ka chhuak phei nghal vat a.Kawngka hawnga varanda bula step tawi te ka zawh thlak lai pawh chuan ka la hmuh mai loh avang chuan ka hawi kual deuh a.









*Hey* rawh tih sup paha garage bul thim chin atanga a rawn chhuah chuan ka phu vak lo chauh.Amah ka hmuh takah chuan ka thaw huai a, zanina a thawmhnaw tho kha ala ha bawk.









"Tinge ilo kal kher a?" tihsap pah chuan ka pan phei a, chhan pawh min chhang chuang hran lo min lo melh run ringawt anih chu.









"Hmaichhan ngei a hrilh che ka duh alawm" a rawn tih sup chuan abulah ka ding ve chiah a.Hnuailam bih zauh in ka nui lui sak bawk.Ka chhungril khur ru beuh beuh chu khawvawt vang nge mahni inkhawngaihna vang zawk pawh ka hrethiam tawh lo, a sawi huna tap chhuak lo tur erawh a ka insum hle angai ang tih erawh ka hre chiang khawp mai.










"Umm.....Sawi la" aw thian kharh paha nui lui chunga ka melh chuan min lo melh ve run a, a mitmeng hi hriat thiam a har thin.
Khanu kha a duh tih sawi hmasa lo phei se chuan min duh emaw ka ti ngei ang.









"Hetah lo, khulai deuh ah khuan?" tih sup paha kan thlang hla vak lo, Baptish English school kawng step chhukna lam a kawh chuan ner deuh sak paha ka en chuan nui suk in ka chhanna pawh nghak lo chuan min kai thla nghal dawt dawt a.Han hnial tur lahin zan a rei tawh lam nen kan thawm miin an lo hria ang tih ka hlau ve tho nen ngawireng chuan ka zui ta ngawt a.Ka hriatchian em em pakhat bawk chu hepa bulah hian ka him dawn tih hi ka chiang ru ve em em ani.











Kawng atanga hmuh phak chiah loh kan thlen thlak chuan ka ding dat a, ani pawh chuan min chelhna thlah in ka hma step 2 awm chu zawh leh in ka lam hawi in a rawn insiam rem ta thung. A nui hmel hmuh tur awm lo hmase a thinrim hmel pawh ka hmu chuang lo, a mitmeng hi hriat thiam a har!










"Khang kum 9 chhung khan ka theihnghilh ngai miah lo che" a tih sup chuan ka lo nui lui sak a. A bialnu thuruk min hrilh dawn emaw tih lai a chutia an sawi kual kher, kei lo pawh midang i theihnghilh bik lo tih hrep mai ka duh.










"Maskim!" zawi leh dam dap a a tih leh sup chuan tawite hian ka lo bu nghat a, engvanga in la serious ta viau nge maw anih le.










"Inngaizawng ang!" a tih sup chuan phawk zet hian ka melh a, inthlahrun hmel zet in min lo melh bawk.Enge a sawi awmzia hi! hmeichhe dang duh reng chungin inngaihzawnpui ah min sawm amaw.Malsawmdawngkim leh!









"Ka bialnu ni rawh, ka duh lutuk che, kum 9 chhung khan ka theihnghilh ngai lo che! Maskim, ka duh takzet zet che, ka bialnu ni rawh aw! Umm...." tawng tuma ka an zuau laia a rawn tih nghal vut vut chuan ka melh vak ringawt! A sawi awmzia pawh hi ka hre lo! Hmeichhe duh a nei bawk sia, keimah min duh a inti leh tho bawk sia, enge awmzia!









"Nang.....nangte chuan hmeichhe dang duh i neih kha" ka tih sap chuan a lu a thing bak bak a.Dawt sawi hmel a pu pawn ka hre bawk silo."Mahse i sawi kha" ka tih leh chuan a rawn nui deuh suk a.










"Ni e, nang hi lawm ka vei em em kha, Lawmsangkim min nei rawh aw, ka zirna hi ka zo anga hnate ka zawng anga hlim deuh in ka siam ang che, Umm....Maskim chance min pe dawn tiraw?" a hmel chu! A inrintawk loh hmel sia , a lainat awm zawk hial! Nilo.......Hepa hian min duh thu a sawi mek! Malsawmdawngkima hian min duh ve maw.... min duh mai pawh nilo nupui!












"Ka sual lutuk asin, bialpa ka la nei ngai lo a, midang angin ka ngaihsak thiam lo mai thei bawk che inchhuanna tur engmah ka nei lo, chuti chung a......." ka tih lai mek chuan min lo pawt chat leh thuai a.









"Engmah ka duh lo, nangmah chauh" a rawn tih leh chuan ka melh vat a. Tuna a awmdan hi a mak zawk, amah a ang lo, zam hmel a pu nasa si, a thlan tep emaw ni leh nghal ni.Tun ang khawvawt ah ti mahila keipawh ka chhungril hi alum ve pup pup mai.











"Awle" tihpaha ka buk nghat chuan lawm tih hriat zel hian van lam hawi in thawk an la vak a. Nui var var a min lo en chuan ka melh ve reng a, a hlim hmel hi hmuh anuam bik chiang alawm.









"Tunah nem nghehna" tih sup paha ka kawng a a kut lehlama rawn dawm paha min pawh hret chuan ka er deuh zak a. Chiang fe min melh in anui leh suk a, ka zam miah lo chu amak ka vawikhatna tur ni mahse ka phur na hian min hneh zawk tlat.A kut dinglama ka biang a dim zeta rawn dawm pah chuan ka biang chu a kut zungpui chuan a nul thuak a, step hniam zawka ding anih vang nge kan in chen ve thuak a, mahse tlem in ala sang zawk deuh.











A vawikhatna a ni lo tih ka hrethiam nghal.A zei tak zet, chhanglet thiam hlei lo chu ka lo dawh vei at ringawt a, mahse vawikhat chiah thuk zeta min fawh bawk kha a chhun zawm lo thung.Min fawh zawha a hlim hmel mawlh kha, ka theihnghilh leh phal tawh ngai lo ang.








••••••••••••••••••••




Inngaihzawnna zunzam in a ken tel nge ka thawh hlim atang engkim mai chu ka hmu mawi chuang lo na in ka mood erawh a nuam tak zet.I duh ruk ber mihring nen khan han inngaizawng ve ula in ni ve tho ang.









"I tho fuh riau in ka hria, i mitmengah khan i hlim tih a hriat" Chaw ei laia Zothani'n atih chuan ka nui tha duh vak lo, ka naute an awm ve bawk nen.Nakinah Zoi chu a hran in ka lo hrilh mai ang.










"Ka mumangah pasal putar deuh ilo nei a, in inhmeh rap" ka tih chuan rum zet chuan min han melh teh chiam a.Ka naute lah an nuih alo za tum hrang bawk.









*Chhunah tunge awm dawn?* tih message thleng senglaia ka dawn chu chhang vat in Zothani te nen in kan chei tur thu ka sawi ve vat a.










*Zanah chuan i nu leh pa te an lo haw tawh awm sia* a rawn tih leh chuan ka nu sak a.Chance a zawng ve deuh emaw ni hepa hi.










*Kinah kan sawi dawn nia, thleng kan sil lawk ange* tiin ka dah vat a.Zothanpuii kerkawr in min lo melh run vang vek.Hrilh ve ta ila min chhaih vak ka hlau ve bawk si.Bakah bialpa nei rual ang te kha kan ti ve uk uk zel sia, a thinrim thei tho bawk.










"Biak i nei ve deuh ami?" a rawn tih chuan "Kal teh" tih bak in ka chhang lo.Min rinhlelh hmel deuh in min la melh zui zek zuk hian









"Christmas dawn ani sia, kan zawng ve dawn ami? Ruaitheh tlaia lenpui ve tur te" a tih leh su su chuan chek hlak in ka nuih pui hak a. Hunpui thlen dawn hi chuan heti pawl hi awm loh theih loh.











Chhunah chuan incheina chu lei in kan han chei ve a, ka naute pahnih an phur bawk nen a nuam ve phiam mai.Thenawm te ho erawh ka haw lai vel atang khan an eng uar tawh, kawn ho pawh YMA ho in an chei leh vek tawh bawk nen lenkual vel pawh a nuam leh tawh a vawt tih mai loh chu.










Light lam kan uar zawk maha kan kawt a, forget me not kung te thleng chuan kan han chei ve ngei a. Tual vel kan phiat fai bawk nen hmuh a nuam leh ta viau mai.










Tlai dar 5 vel bawr ah ka nu leh pa te chu rawn thlengin Zothani pawh ala awm ta reng a, zanlamah inleng neuh neuh kan nei chhun zawm nghal nen inleng an tin zawhin Zothani haw tum tlat si riak rawh tih in riak duh tawh bik silo chu ka han thlah ta a, kan ti ti tui ta langin an in kan thleng chho tep chu niin an inthlang hall kawt kan lo thleng der tawh.










Kan han nui leh rih, min thlah let tum mahse a hlau chi ka nih ve vak lo bawk nen chho zawk tur chuan ka hrilh a, min hrechiang bawk a kan inmangtha chu ani mai.











Ka phone kal paha ka en chuan Malsawma message pawh alo awm leh vu tawh.






*Engtik nge ka lo len ang* 7:32pm ami
*Inbuai ami* 7:56pm ah ve thung.
*I hman hun ka lo nghak ang, min lo hrilh la* tih in a zui zat bawk.









*Ka hman tawh e* tih chu ka thawn let ve vat a.Hun rei ka nghak hauh lo alo call ringawymt anih chu!










"Enge i tih? i mu tawh dawn em?" ka lak ruala dam dap a arawn tih sup chuan a tawp lama a nui suk tur nen ngaihtuah zawm in ka nui ve var var a.









"Zoi a haw a, ka han thlaha hei ka haw mek" ka ti ve nghal zat a.A ri deuh rawk rawk hnu ah "Nangmah chauh in maw?" a rawn ti leh a aw chu a khauh deuh tep ani









"Umm...ka naute an mu tawh sia, bakah ka hlau hran hleinem" ti chuan ka intawng khalh nghal zat a.Min ngaihtuah ve deuh tlata ka hriat na chuan kawng lehlam takin nuam min tih tir riau leh nghal.








"Khawilai ah nge i awm? ka lo chhuak chiah lo awm rawh" a rawn tih vut chuan ka kal lai pawh chu ka tawp chawt a.A van à thei tak, kawn ka thleng thla tep tawh, kan in a hla tawh lo lutuk bawk.









"Angai lo, lo kal suh....in ka thleng tep" ka tih let pawh chuan a pen thawm chu ka hre vek tawh alo chhuak chiang alawm hepa hi.











"Khawnge i awm kawn ka lo kal phei mek" a rawn tih leh sup chuan ka nui ta ringawt a.Hepa em em hi! Mahse ka hmu ve chak tho alawm le!








"Kawng chung chhohna footpath ah" ka ti let ve ta nge nge a, rei lo te ah kawi ah chuan a rawn lang nghal ta reng bawk.








Kalsawn tawh chuang lo chuan ka bul alo thlen hun nghak chuan ka lo ding tawp a, ka bul a rawn thlen meuh chuan a thaw ve halh halh mai.









"Mahni in chhuak tawh suh" a thusawi hmasa ber avang chuan ka ner nang a, ani erawh in min melh ve ran thung.A thusawi zawm tura min duh zia ka hmuh chuan ka lu chu ka bu vel nghat a.Nui suk a ka sam a rawn tuai chuan ka lo teu hlar.Sam hnawk sa sa nen!










"Tinge ilo kal kher a ka thlen tawp tawh hi" ka tih sup chuan a hawi kual deuh vang vang a, ka thusawi chu hria ang pawn a awm lo.








"Helai peng atang hian kual in in veng a leh luh theih in ka hria?Kal zawk ang" tih pah chuan ka kut a vuan in min phei pui nghal ngawt pek a. Hepa vet vut hi chu.Mi in awm lohna step chho kan thlen chuan min han din pui in uluk fe mai chuan min han fawp leh pek anih kha.A zei zia hi hmeichhia nih pui tam tawh ni chiang.Nge a ruk hian alo lerh viau zawk!










"I lerh viau ka ring" min fawh na a thlah rual chuan kan ti ngawt pek a.Min melh run a lungawi chiah lo hmel apu lehnghal in ka hria.Nge mawni a zei hrawt hrawt em anih kha.Kei lah eng ka ni silo bawk nen











"Engvang chuan?" a rawn tih nghut chuan a bana chelh in step ah chuan ka chhoh pui a, min la melh pah run bawk.









"Aw....i vawikhatna ni lo tih ka hria lawm, kei nen kan danglam em a" ka ti chuan a ding dat a, a lian ve bawk si pawh kal har tak ani.











"Nangmah bak nula ka la melh ngai lo, ngaihzawng lamin" a tih sup chuan awih lo fe hian ka melh a, min lo melh ve run bawk.










"Ka awih bawk lo" ka ti nghat chuan ka kawngah dawm in alam hawi tur chuan step chung zawkah chuan min hlang chho leh te te phawt a.











"Dawt ka la hrilh ngai lo che, hmang atanga tun thleng in" a mitmeng thuk raih a fiah zeta min melh paha a tih chuan ka ring ve leh thlap tawh.Dawtsawi hmel pu hek lo, mahse!










"Mahse...." tih nang nang paha in hera ka kal chu hnung lam atanga ka dara rawn kuah in a nui suk a.Ka melh rum der vel ta mai mai ringawt bawk.










"Mipa te chu zir chawp kan ngai hleinem, ka en ringawt pawn kan thiam nghal vek mai lawm" ti fuh inti zet a arawn tih chuan a nak ah ka nghawk sawk a.Ani vel ang! Mipa ho em em hi chu.










••••••••••••••••••••••







"Mate, hei in unau khan lo ngaithla ula, kan insawn angai dawn a ang riau mai, i nu hi Lawngtlai lamah an transfer dawn a letter chh la dawng chiah lo mahila a chiang thawkhat ani awm e, lo inbuatsaih ula nangni pawh a tha khawp ang" Ka pa in sunday tlai chhung inkhawm zawha atih chuan kan unau chuan kan hawi phawk hle a.Lawngtlaia transfer daih maw!











"Enge awmzia pa? Kan in te hi engtin nge niang?....tihdan a awm lo mi?" ka tih chuan a minister te biak angaihthu sawi in ani politics lam bengkhawn vak lo tan chuan a har ve dawn bawk em ani.











"Pa a hla e....kei chu ka awm ve peih lo " Tete in naupang chhia zeta a rawn tih chuan ka pa chuan kan kal vek tur thu a sawi nghal bur mai si. Bakah hetah inbeng bel in leilet te, inte kan nei vek bawk nen a va buaithlak dawn tak.












"In hi chu kan ti ral dawn lo a, nakinah kan la kir leh hunte ala awm anga, leilet erawh kan tih ral mai angai ang, inzirna lam erawh chu a nghawng loh hram ka beisei ania" ka pa in a tih leh dap dap chuan rilru a buai ve nak mai.Lawngtlai lam ber kher.












"Thian thar zawn ka peih lo e....bakah ka thiante hi ka ngai ngawt ang" Tetei bawk in atih leh chuan ka lo ngaihtuah miah lo lam daih ani.Zothani ani chauh ani tawh lo, Malsawma pawh. Haulawng a awm hi chu tuna an awmna nen a inhlat lutuk lo bawk a, inhmuh pawh a har hran lo ang, mahse! Lawngtlai meuh ani erawh chuan! Hlimna kawl hi ava eng rei lo thin em!










● Naktuk zan chawlh zan💃💃💃💃

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)