CHAPTER - 46
Aria leh Gianna-te chuan ka mo kawr chu min haktir a. Nula thianghlim ni tawh lo mah ila, beisei ka nih vangin leh tuma hriat loh tur thuruk a nih miau vang chuan, kawrfual var bakah veil var ka khum bawk. Ka sam erawh chu Benito duh angin ka thlah thung. He putar hian enge a hriat ka hre lo, sam thlah turin min ti ve ziah.
“I nalh lutuk tlat.” Aria chuan hnunglam aṭang chuan a ti a. Darthlalanga ka thla lo lang ka en lai chuan lungngaihna hmel chauh ka hmu ve thung. He ka veil khum lai hian khawvel aṭang hian min khuh bo daih thei se ka va han ti tak em!!!
Gianna leh Aria-te hian ka pa nen kan inbiakna kha an hre ve lo a, chu chu ka duhdan pawh a ni. Ka pa min vau dante kha an hria a nih chuan, an nunna thap pawhin min ru chhuak duh dawn tih ka hrechiang lutuk tlat.
“He thil hi a dik thei lo.” Gianna chuan a ti hluk a.
Ka dar a rawn vawn pah chuan, “Lily, tlanbo rawh, kan pui ang che. Kan naute hi kan pui thei lo a nih chuan, Familia mafia pawla Capo leh Congsigliere-te nupui kan nih hi enge a ṭangkaina? I nun tihchhiat a ni dawn a, hremhmunah i khawsa dawn a sin,” a ti hluai a.
“Luca khan rinhlelh ka kai loh nan thla reilote nghak turin min hrilh a.”
Gianna chu a lo rum nghut a. “Oh, a ni maw. Ani reilote tih chu engtia rei nge. Phiangsen chuan a. Luca chuan thil ropui tak sawi tur dang a hre thlawt lo em ni?”
Aria chu a ngawi reng a, a pasal hum a tum tih ka hai lo. Hei hi chu kan Aria kha a ni tlat a.
“Luca nen chuan inla sawifel chuang lo em ni?” tiin kan titi chu thlak ka tum a. Gianna chuan dar a lo chhin ak duh chauh.
“Sawifel lo pawh kan ni chiah lo, kan inbe tam lo hrim hrim zawk. Romero nena in chanchin ka zep kha a lungawi thei lo a. Brasci i neih loh theih dan tur kawng a zawng lo hi a chungah ka thinrim bawk.” Aria chuan a ti dam thlap a.
“Aria, Luca pawhin tih theih a nei lo. Ka pa hi chu i hriat kha. Luca hi Capo a ni a, a tihtur diktak a ti zawk. A rorelna hnuaia awm ka ni lo a, a mawhphurhna lah ka ni hek lo.”
“Lily, Romero hian a hawisan vang che em ni khatiang thil kha i sawi? Anih loh chuan khawngaihin i thusawi kha nangmah ngei pawhin i awih loh tih min hrilh rawh.” Gianna chuan a lo ti leh a. A zawhna chu chhang lo thei ila ka ti takzet. Mahse Gianna hi a beidawng dawn lo tih hrechiang bertu ka ni.
“Keimah vanga dinhmun hlauhawma in ding vek tur hi ka duh lo.”
“I tan hian engpawh tih kan huam a sin. Mahse i rem tihna tello chuan kan che thei si lo.”
Tunah hian ‘Aw’ pawh lo ti ila enge tih theih an neih? Luca leh Matteo-te ṭanpuina beisei chi a ni lo a, Outfit sipai hoin an hual vek bawk si. Mahni lu zuar ang chauh an ni dawn a sin. Chuan Romero maw? Ani pawh hian eng thil pawh a ti duh ngei ang, a thih phah bawk ang. Ka pa min vaunate kha ka hre chhuak nawn leh uai uai a. Nilo, he thil hi ka tih ngei a ngai. Thlan tur dang ka nei lo.
Kawngka kik ri kan hriat rual chuan Maria a rawn lang ve nghal a. La innel lutuk lo mah ila ka mo ṭhiante zinga ding ve tur a ni.
“Kan kal a hun tawn a nia,” a ti a, a chhuak lehnghal daih.
“Kha kha ka pa nupui chu a ni sia maw…ka awih thei lo. Ka ngainat zawng chu ni lemlo mah se ka khawngaih tho. Ka pa hi ramhuai a nih hi.” Gianna chuan a ti tan tan a. Ka chhang buai peih lo. Ka khawhmuhte chu a phe ruai tawh a, hlauhna avang chuan ka puak keh mai dawnin ka hria.
Ka veil chuan ka hmai ka khuh a, ka hawi sang lui vah bawk.
“Kal ang u le,” ka tih chuan Aria chuan, “Lily,” a lo ti vat a. Mahse a thusawi tur chu ka ngaithla duh lo.
Kawngkhar lam chu panin ka pen chhuak nghal a. Ka pa ka hmuh chuan ka phu deuh zawk. Maicham thlenga min hruai duh pawh ka lo ring ngam hauh lo. A enga pawh chu ni se, inhnuaiah min lo nghah mai awm. Ka tlanbo a hlauh vangte pawh a ni mahna le.
“I inpeih chuan kal ang,” a lo ti hmuk a. Ka hnunga Aria leh Gianna-te chu a melh ran ran a, mahse engmah a sawi zui bik lo.
A ban chu ka kuah turin a siamrem a, Maria a kuahna ban ngei mai chu. Ka ngaihtuahna vang chuan ka luak lo chauh. Mahse hnial buai lo chuan ka kuah a, maicham lam pan tur chuan kan chhuak ta nghal a.
Biakin chhunga an rimawi tum rite pawh chu ka hre thei tawh.
Kawngkharah chuan ding detin, “Benito hian i thianghlim emaw a ti tur a ni. Chu chu thupek a nih chu. A hrechhuak a nih chuan ka vaw hlum ngei ngei ang che. Ka chet hmain amah zawk pawhin a vaw hlum hman maithei bawk che.” Ka pa chuan a ti sur sur a. Ka chhanna pawh nghak loin min kai lut nghal a, mit zawng zawng chu ka chungah a fu ṭhup tih ka hria.
Maicham pan chuan ka pen ve zel a, ka bengte chu a chhet mup mup mai. Benito chu maicham hmaah chuan a lo ding a, a intithei hmel ka hmuh rual chuan ka pum a let nghal but but thei.
Ka huaisenna zawng zawng sawm khawmin biakin chhung chu ka melh kual a, Romero hmuh ka duh. Pasal ka neih hma hian vawikhat tal hmuh leh ka duh a ni. Ka dinglam bang bula a ding chu ka hmu ta….Min rawn en ve se duh viau mah ila hmun dang a hawi daih. Bodyguard ṭha tak a nihna angin Aria chauh chu a en ding ngar a, ka ke pente chu a sak tawh takzet. Ka mit chu lasawnin, hma lam chu ka melh leh a. Ka thinlung kawltu ka melh ṭawk ṭawk lai kha tuman min hmu lo se ka ti.
Ka nu dinna tur hmuna Maria ding chu ka en a, a vun dang var papte leh, a mitmenga lungngaihna lang chhuakte chuan ka nihna min hrilh nawn awn awn ni maiin ka hria. Nakin lawkah chuan sawtiang hmel saw ka pu ve dawn. Ka pa chu ka melh zauh a, kum 20 mi lek nupui a nei thar a, a tan hi chuan phur loh chhan tur a awm tlat lo.
Ka nu kha a ngai ve miah lo emawni le? Vawiin hi ka pasal neih ni a ni a, ka nu kha vawikhat tal a hrechhuak a ngem le? Ka inthunun thei lo, Romero bawk chu ka en leh a, saw putar saw ni loin maicham hmaa min lo nghaktu tur chu Romero hi a ni.
Maicham chu kan thleng ta. Ka pa chuan Benito kutah chuan min hlan a. Putara kut chuan min lo chelh rang kher mai. Ka pa chuan ka veil chu a hlim chho nghal a, ka hlauhna leh ka lungngaihna hliahbotu a awm ta lo. Benito putara chuan min lainat hmel leh min ngaihtuah hmel a pu lo a, lawiṭhat zan a melh thleng daih tih hriat zetin a khi vun vun lehnghal.
Puithiamin thu a sawi laite chuan Romero dinna lam hawilo turin ka inthunun hram hram a. Midang nupui ka nih hma hian a hmel hmuh leh ka duh a, min thlamuan ṭhintu, a mitmeng uk kharh khan vawikhat chauh min melh leh se ka van ti tak em!!!
Inneih thutiam kan chham laite chuan Benito hi ka pasal ni turin ka pawm lo tih chhuah nghek mai ka chak. Mahse Benito leh ka pa an thinrim dawn a, chumi hnua thil thleng tur lah mi ầ nileng lo tan chuan hai chi a ni si lo.
Benito khan dawhtheilo zetin aw lo thian lo se chuan, engpawh huamin inneihna hi ka pawm loh thu ka sawi chhuak duh tak tak hial ang.
“I nupui thar hi i fawp thei tawh e.”
Benito chuan ka kawngah a rawn kuah a. Lo inhum ruh viau mah ila ka nemsawn ta bik lo. A hmui thap hrutin ka hmui a rawn sik takah chuan, cigar rim ka hre nghal a, inla hrangin chhuanlamah mipuite lam hawi chuan ka nui ta ringawt a. Benito lungawi lo hmel pawh chu ka haider lui tlat. Zanin hun a ngaihtuah dawn a, ka chungah a thinrim dawn lo tih ka hriat bakah, a mi sawmte hmuh lai hian mawi lo takin a che dawn lo tih chu ka hming ka hriat tluk zetin ka hrechiang.
Ka kut chu lain pawna chhuak tur chuan min kai a. Kei erawh chuan Romero dinna lam bawk kha ka lo melh leh tawh. Mahse ka hmu tawh miah lo, min haw tawh ngawt ang chu. Benito min fawp lai kha a hmu ve ngei dawn si. Midang nupui ka ni ta, Romero kha ka hmu leh a ngem le?
CHAPTER - 47
ROMERO :
Chicago-ah hian lo kal vel oh tawp tur a nia. Biakin chhunga Benito dinna lam pan a Lily kal lai ka hmuh khan, ka thinlung hi dimlo taka pawhsaw m sak ang mai a ni. Ka hmangaih lo melh vetu, Benito mitah sawn ka chemte hi muangchanga vih luh tluka chak ka nei lo. A nung chunga a vun lih sak ka chak a, mihringin na a tawrh theih zawng zawng aia nasa pek ka duh.
Lily en lo tura inthunun chungin Aria ka melh ta ngawt ngawt mai. Ani pawh chuan min lo en ve a, ka awmdan tur hrethiam takin min lo nuih lui sak a. Mahse ka nuih let ve thei lo. Mite na tuar lai leh ruang hmuh hunah pawh, ka ngaihtuahna tilang lo tura hun rei tak ka lo zir tawh ṭhin ngei chu tunah hian ka hmang ṭangkai ta a ni.
“I nupui hi i fawp thei tawh ang,” tih ri ka hriat rual chuan maicham lam chu ka hawi nghal a.
Benito Brasci tar hur chuan Lily kawngah vuanin a lamah a pawt hnai nghal a, thah ngei ka duh. Ka dinna a ṭang chuan kalsawnin pawnah ka chhuak ta daih a. Tlan lo turin ka inthunun thei hram. Thil thleng awm lo ang maiin muangchangin ka pen chhuak ta zawk a. Lemchanna hi dawt vek a ni. Engkim hi dawt vek chu a ni. Kha hmeichhia kha ka ta a ni a, tunah mai khan tar hur nupui ni tura hlan a ni ta a ni.
Kan car hawh chawp dinna lam pan chuan ka pen hlawk hlawk a. Brasci putara mansion-a mo lawmna ruai kil tura kan kal hma loh chu car-ah hian ka ṭhu dawn. A nih loh chuan ka inthunun theihna hi ka hloh mai ang.
Luca lah hi min veng tih hai rual a ni lo, ka hlatah a awm duh der lo. Ka inthunun zawh loh maite pawh a hlau a ni mahna. Ka boss hian min lo hrechiang ber a nih hi, a ring dik tlat. Lily leh Benito ṭhutna lam ka hawi apiangin ka thluak hi a nu phut ṭhin tlat a ni. Ka ngaihtuahna luahtu ber chu, ka silai hi phawi ila Benito luruh keh vek khawpin kap ila, silai pakhatin Scuderi ka kap bawk anga tih chauh chu a ni. Ka vanneih hlauh phei chuan ka tlan chhuak thei maithei a sin.
Zanriah kan kil zawh chuan Aria chuan min rawn hnaih a, a mi khawngaihna hi ka dawngsawng thei dawn em tih pawh ka inhrethiam mai rih lo. Mahse tlanchhiat erawh ka tum hauh lo thung. Ka chungah ṭhat chhuah a tum tih ka hre reng si.
“Nuam lo i tih chuan hetah hian i awm ve reng a ngai lo a nia. Min veng tur chuan Luca pawh a awm reng tho a lawm, i tan a hrehawm dawn tih ka hria. I duh phawt chuan room book la, hotel-ah lo va chawl hahdam rawh. Benito inah hian i riak ve duh dawn lo tih ka hria a lawm,” a ti a.
Zanin hian, he inneihna lungkham lutuk lo hian hei leh chen hi ka lo ṭhu ve tawh a lawm le.
“Aih, ka ṭha a lawm. Min ngaihtuah suh. Ka awm thei lutuk.”
Aria chu sawi leh tur nei hmel a pu a, mahse min en leh vang vang hnuah Luca bula ṭhu tur chuan min kalsan a.
Party pawh a tawp hnai dawn ta. Ka chhunglama min turtu chu a nasa tial tial. Lily leh Benito chu an ṭhutna aṭanga thoin, lawiṭhat zan hmang turin master bedroom lam chu an pan ta a.
Mipa ṭhenkhatte chuan umzuiin thurawn ṭawp tak takte pein, nupa nun an hman dan turte chu an suangtuah sak vel a. An au zui deuh lauh lauh bawk. Ka lungphu a rangin, ka coat hak chhunglama ka silai pai chu ka kut nen pawh a inhnaih tawh viau.
Zui ve tur ka ni lo tih inhre reng mah ila, ka ke chu ka thunun zo tlat lo. Chung mipa ho hnungah chuan ka kal ve zel a. Ka lo inchhuan ve ṭhinna, ka inthunun theihnate kha boruakah an tham ral zo tawh. Ka silai pai phawi chak lutuk vanga ka kutzungṭang za et et chauh chu a ni ka hriat tak hi.
He inneihna hi ka pawm ang tiin Lily hnenah ka sawi ngei a nih kha. Ani pawhin min duh tawh loh thu a sawi ve bawk. New York Familia sipai ka nih angin ka hna hi ka ngaih pawimawh ber tur a ni. Lily ka lo duh vena ringawt pawh hi indona tham a ni tawh.
Nilo, he thil hian indona chu a hring chhuak ngei ang. Dante Cavallaro hi mifing leh thil chhut mi tak a ni a, Chicago Outfit leh New York Familia pawl pahnih kara remna siam a ṭulzia pawh a hrechiang. Mahse a naute ngaihdan erawh a ni ve hauh lo. Buaina chhuah theihna tur hun remchang an melh reng a ni zawk. Chu chu vawiina an mitmengah pawh khan ka chhiar thiam vek. Keini pawl hnih kara boruak chhe in up ru ṭeuh hian ziaawm lam a pan hek lo.
Aria leh Luca-te inneihna kha pumkhata insiam kan tum vang chu a ni na meuh mai, mahse awmzia a nei thui chiam lo tih hretute chu a chhunga chengte ngei hi kan ni. Thil pakhat lek tihsual palh a awm a nih vaih chuan chu boruak chhe in up chu a puak keh mai dawn a ni.
Nupa tuak tharte chu ka lo la zui reng a ni tih ka hriat chhuah meuh chuan lobby ka lo thleng reng tawh a. Kailawn tawp a Lily sambuang thang leh, Benito chhip kawlh rul tawh chu ka hmu thei a. An mahni zuitute chuan an lo la hual tuau tuau bawk.
Kailawn pan chuan ka pen zel a, ka kawr chhunga ka silai pai pawh chu ka hum ran tawh. Thinrimna avanga ka bek phu zaih zaih chu ka hriat chhun a ni tawh. Ka thil tum titur chuan chung mipa ho chu ka tawn tlang phawt a ngai dawn a, anih loh chuan ka tum ka ṭhelh ve thei tlat. Lily khi ka ta a ni a, khi tar hur nawmchen nan khi chuan ka pe thei lo. Ka ta chu ka kuta awm tur a ni bawk.
Indona ka thlen dawn a nih pawhin thleng mai rawh se. A ṭul anih chuan heng Outfit uicho ho hi ka that chimit vek mai ang. Ka ta chu ka nei dawn a ni mai.
Ka pen chak sauh a, ka tlan a ni deuh ber tawh. Mahse ka thlen phei hma deuhin ka hmaah Luca a rawn ding chawt a, ka ding nghal chat. Hrep tak hian! Khawi aṭanga lo chhuak nge a nih hrep chu le? Rum taka melh chung chuan ka thaw sek sek a.
Ka Capo hnek lo tur chuan ka insum nasa hle tih vante khian min hriatpui tih ka hria. Heng ho hmuh lai hian ennawm ka chhuah a nih chuan ka thil tum hi ka hlawhtling dawn lo. Engkim ka tibuai vek zawk dawn. Luca chuan ka darah vuanin, corridor lamah min nawr phei a, bang deng dawt khawpa min nem tak thutah chuan kei lah lo inring bik hek suh, ka beng a kiu nghal vung vung mai.
"Hrep tak che hian!" Tih pahin Luca chuan ka darah a rawn ṭham leh a. "I ta a ni lo, pasal nei a ni tawh."
"He thil hi a duh vanga thleng a ni lo." Ka lo ti vin tuarh a. Luca kut chu ka ben thlak sak nghal bawk. "Maichama a bula ding kha keimah tur hi ka nia sin. Kha tar hur kha ni loin."
"Mahse i ni tlat si lo, Romero. A tlai tawh lutuk. Hei hi New York ni loin Chicago a nih hi, i kekawr chhung a mi kha i thunun theih loh vang khan helai hmuna buaina siam thei hi kan ni lo."
A mitah tak chuan ka melh ram a. "He thilah hian i hriat aia tam kha thildang a awm," ka ti leh hrawk.
"Chu chu ka ngai pawimawh lo, Romero. Biakina Liliana rawn lut lai pawh i hmuh ve vek kha, thil thleng tawh hi i pawm a ngai. Ani chuan a tihtur a ti tawh a, nangpawh hian ti ve mai rawh. I pindanah kal la, mu nghal ang che. Eng thil atthlak mah ti hlek suh." A ti leh nghut a. A dawhtheihna pawh a pan viau tawh tih ka hria.
Luca hi Capo a ni a, Familia tana ṭha ber tur ngaihtuah chu a tihtur a ni. Mahse tunah tak hi chuan thah hial ka duh. Hetiang tak hian Capo hi ka huat theih lah ka ring pha ngai hek lo. "Aw le boss." Ka ti ta zawk a. Tihtheih dang ka nei tlat lo a ni.
Luca chuan ka banah a rawn hmer chat a, "Ka uang lo a nia, hei hi thupek a nih hi. He thil avang hian eng buaina mah a chhuak tur a ni lo. In tawpna tur ka hriat lawk vanga warning pawh pe che ka ni, mahse i ngaithla duh lo a."
CHAPTER - 48
LILIANA :
Min zuitute au thawm leh an thusawite ka hriat takah chuan ka thisen zamte chu an chawl ṭhup a, ka hmai pawh hi a dang var pap tawh ang tih ka hria. Benito ve hian enge ka an pawh a ngaihven lo. Ka taksa hmanga nawmchen a phur tawh lutuk chuan master bedroom pan chuan min kai dawt dawt a. Ka mo kawrfual chhana ka kawnga a kuahna kut thlan dup leh sa huam huamte pawh chu ka hre thei. Ka kawnga a kuahna chu tihniam zelin ka mawngah chuan a ṭham salh a. Ka lo inhum ruh nghal ṭeuh.
A kut chu lasawn tura hrilh ka duh a, amah hi nem sawn lawp theih ka duh. Mahse ka pasal a ni tawh a, nakin lawkah chuan ka thawmhnawte hi phelhin a duh duh danin min khawih tawh ang. Romero ta chauh ni tur kha hepa ngei hian nawmchen nan a hmang tawh dawn a ni.
Ka pum chu a let but but a, ka luak thei mai dawn. Tih luihna liau liauin chaw pawh tlem chu ka ei ve hram a nih kha. Kan hnunglama mipa ṭhenkhat au hulh hulh lam chu ka hawi lo ang ti ve viau mah ila, ka insum thei ngang lo. Chung ho zingah chuan Romero tel leh tel loh ka hre duh. Ka hmu hauh lo. Benito nena lawiṭhat zan hmang tura kan kal lai min hmu lo chu lawm viau mah ila, ka lungawi lohna erawh a tam zawk. He thil hi rawn ti tawpin min hruai chhuak daih se ka duh. Mahse chu erawh chu a thih phah thung ang. Midangte pawhin nunna an chan phah bawk anga, chung zingah chuan Fabi, Aria leh Gianna pawh an tel ve maithei. A ṭha e. A thutiam ang ngeia a ti thei hi a ṭha a, keipawh beisei ang ngeiin ka tihturte pawh ka tih theih phah ve bawk ang.
Ka inher leh chuan kan pindan tur kawngkhar chu kan lo thleng der tawh tih ka hre chiah a. Benito chuan kawngka chu hawngin min luhtir hmasa a, chet ngaihna pawh hre loin ka ding reng ringawt. Benito kawngka khar ri leh a ke pen tih loh chu thawm dang engmah hriat tur a awm lo.
"I duhawm takzet," a tih laite chuan a aw a tisa chakna lang telte chu ka hai hauh lo.
"Tlai aṭang tawh khan kan pahnih chauha kan awm hun tur hi ka nghakhlel tawh lutuk a sin. Mahse kan mi sawmte kha an zahawm em a ka insum ta hram a nih kha."
Ka ṭawng chhuak thei tlat lo, ka hrawk chu hnawhtu a awm tlat a. Ṭawng chhuak thei ta tehreng pawh ni ila enge ka sawi ang tih lah ka hre hek lo, chet pawh ka che ngam lo. Ka luak thei mai dawn. Ka banah chuan rawn vuanin, a lam hawi tur chuan min kuaiher a. Ka inrin hma chuan min rawn fawp thut mai. Ka hmui chu chip lui viau mah ila boruak ka tlachham dawn tlat. Ka thaw la tur hmui kau deuh chu remchangah lain, a lei thap zet mai chu ka ka chhungah a rawn rawlh a, cigar rim a nam nghal rum rum bawk. Chu chuan ka luak a tichhuak zual takzet.
A lei chuan ka ka chhung chu a hawl kual ruai a, fawh let chu sawi loh chet ngaihna reng reng ka hre lo tawp. Karei leh, he thil hi ka lo beisei ai daihin a rapthlak! A darah chuan ka vuan nghet sauh sauh a, ka nem sawn thei ta. Mahse ka kawnga a kuahna erawh a suih nghet sauh thung. Ka tal chhuak mai thei bik hauh lo. Tisa chakna avang chuan a thaw huam huam a, a tenawm tih bak sawifiah dan ka hre lo.
He thil hi ka duh lo, ka ti thei lul lo ang. Ka mittui tla mai tur chu duh loin ka maimitchhing ta daih a. Nghet taka min kuahtu hi Romero ni se tiin ka ngaihtuah a, a dik thei lo. A kut bawlhhlawh takte, a lei thap hrutte hi Romero nen chuan tehkhin chi a ni lul lo mai.
Ka kawnga a kuahna chu phelh luih sakin ka tawlh hnung dawrh a, ka ka chhunga a thaw rim la chambang hi silfai hial ka duh. Benito chu rang fein ka hmaah chuan a rawn ding nghal a.
"Lungngai mah ta che, Bawihte. Ṭha takin ka enkawl dawn che a lawm. Hmeichhe dik takah ka siam dawn che a ni, zanin hi i damchhungin i theihnghilh tawh lo ang," a tih chuan, ka theihnghilh tawh hauh lo ang tih ka hrechiang a ni. Ka nu thusawite, a mitmengte kha ka hrechhuak leh ta uai uai a. Engtin nge kha thil kha ka lo mangnghilh daih theih le?
"Aih, ka thei lo," tih pah chuan ka tawlh hnung leh dat a.
He thil hi ka tih tawp a ngai, pindan aṭanga chhuakin Romero ka zawn hmuh vat a ngai. He inneihna hi ka pawm thei lo a, amah chauh kha ka duh tih ka hrilh vat a ngai a ni. Ka hma ka sial tih ka hria, mahse he thil hi ka paltlang thei lo. Indo leh buaina chhuak thei pawh ka pawisa lo, ka damchhunga he putar kut tenawm zet khawih hi ka tuar thei dawn lo. Luca pawhin tihdan tur a hre maithei a sin. Capo tha tak a ni a, indona thleng thei chu chinfel dan a hre em em ang.
Benito hmel chu a rum ul a, a hmaa putar hmel kha hmuh tur a awm tawh lo. Tisa chaknaa tuihal chauh a ni ka hmuh tak hi. Ka ban a vawnna chu a na in, hlauhna chuan min tuam hlup hlup tawh a, ka ṭhen zui sak sak bawk.
"Nilo, khawngaihin. Ka la inpeih lo, hun tlem min pe leh rawh." Tute mahin nunna kan chan loh nan tihdan ka ngaihtuah ve a ni. Mahse chu chu a thleng dawn lo tih ka hrechiang viau lawi a.
"Ka nupui i ni a, i laka ka beisei ang chu i ti mai tur a ni." A tih rual chuan ngeiawm zetin a nui zui hak hak bawk.
"Khatianga min bum kha chu tum buai duh suh Bawihte. I taksa nalh zet suangtuah chung hian engtia rei nge mahni ka in chinfel tawh i hrethiam hauh lo ang tiraw? Zanin hian ka suangtuahna kha ka tipuitling dawn a, he khawvelah hian eng thil mah min dang thei a awm lo. I mitmeng lainatawm tak pawh kha tiamin."
Khawngaihna dil tuma ka ang hman zuau tawh chu Benito chuan hnunglamah min nem dawrh a, ka ṭe chhuak ṭhat nghe nghe. Ka kawrfual tlang chu rapin ka tlu zui a, chhuata insawh dawt tur emaw ka in tih laiin ka thil delh chu a dup mah mah tlat. Khum a ni chiang mai. Kan inpawh buai vel lai khan khum bulah ka lo ding reng tawh a ni maithei.
Rang tak chuan thawh leh mai ka tum a, mahse putara chu ka chet khalh hman tlat lo. Ka bawp karah rawn ṭhingṭhiin ka chungah chuan a bawk nghal a. Tal ve bawk mah ila awmzia a awm viau lo kher mai. Ka kawrfual hak lai chu a delh bet tlat a, chu chuan min phuar bet tlat. Ka mangang ṭan ta, hetiang reng reng hian ka la mangang ngai lo hial. Ka nu boral dawn zan meuh pawh khan. Nilo, inhnuaia Russian ho an sawisak lai ka hmuh meuh pawh khan.
Benito chu rawn kun hniamin min fawp zui nghal a. Ka lu ka thlek tawn sek vang chuan ka biang tawn tawnah a vuan a, amah en tur chuan min duh tih hai theih a ni lo. Ka biang chu a vuan satliah lo, min hmet ang hlawi hlawi mai. A na kher mai bawk.
"Ngaithla teh Bawihte. He thil hi a thleng dawn tho tho. Thlan tur pahnih i nei, a harsa zawngin nge a awlsam zawngin? I inngaihtuah tak tak a nih chuan ka thu hi zawm mai rawh. Kei chuan engti zawng pawhin pawi tihna ka nei lo a nia. Dimlo zeta hmeichhe sawngbawl hi nuam ka tihzawng tak a nia."
A ti tak tak tih ka hria. Duh lo eng ang mah ila min tilui dawn tho tho. A mitmeng aṭang hian ka chhiar thiam ve vek. Zanin hian ka pasal lak aṭang hian eng zahngaihna mah beisei chi a ni lo. Mittui leh ṭawngkam thiam pawhin awmzia a nei dawn hek lo.
Hahdam tum takin thaw ka la vang vang a, tarhura pawh chu a nui ve ta var var mai. Ka bawp kara ṭhingṭhi chu ka sirah chuan a rawn mu a, a kiua innem kangin ka nghawngte chu a fawp kual a. A lei thap zet chuan a liak pah bawk. Romero anga suangtuah tum viau mah ila awmzia a awm lo. Ngaihtuah loh law law ka tum ta zawk a. Engmah hre loin awm ila a ṭha ber ang, nikhaw hreloa awm theih hial ka va han duh emmmm..
Benito chuan ka kawrfual a hlim a, ka chawn a rawn zut chho tan ta. A thaw huam huam a, min rawn hnaih zual sauh. A zauthau nasa lutuk chu hai theih pawh a ni lo. Romero kha chuan min tiphur ṭhin a nih kha, hepa ve hi chu a........!
Nilo, a dik thei lo. Hepa hi ka duh lo. Mahse a nupui ka ni tawh a, ka pasal a ni tawh bawk. Min ṭanpui duhtute ka hum theih nan he kawng hi ka zawh ta a nih hi. Hei hi ka duty a ni a, ka chhungte leh ka hmangaihte tan ka tih ngei a ngai a ni. Hmeichhe dangte pawhin an tuar ve vek a lawm, an tuar chhuak thei a, keipawhin ka thei ve ngei tur a ni.
Ka pasal thaw ri huam huam chu ka ten lutuk, a rimte chuan ka luak a va han tichhuak tak.
A kut vak ruai chu ka hre thei a, hei hi ka pasal a ni. Ani hi ka pasal a ni. Ka khup a rawn zut thleng ta.
Ka pasal. Ni e, ka pasal a ni. Ka mal a rawn zut thleng leh ta...
Ka pasal, ka pasal. Dan hmanga ka pasal.
Ka kekawrte tlang chu a rawn vuan ta.... Ka ti thei tur a ni. Ka ti thei em em ang.
CHAPTER - 49
Nilo, ka thei lo. Ka thei ngang lo a ni. A awmah chuan ka nem a, khawi aṭangin nge chakna ka neih pawh ka hrethiam tawh lo. Benito chu a lo inring hman bik lo a niang, ka nem sawn dawrh mai. Rang lutukin ka tho a, kawngkhar lam panin ka tlan nghal. Kawngkhar herhna ka ban pha ṭep tihah chuan ka banreka pawttu vang chuan ka ding chawt a, pindan chhung lamah chuan min pawt let dawrh mai. Ka lo inring hman lo nen chuan ka bawkvak phei rawk rawk a. Ka khel chu dawhkan tlangah ka tauh vangin ka au tuar a. A na lutuk chu ka mittui a tling nghal pam mai.
Benito chuan ka kawngah manin min phih tho lawp a, hnung zawng chuan nghet zetin min kuahbet nghal. Ka mawng zawna min do deuh altu chu enge a nih ka hrechiang lutuk tlat.
"Zanin hian e Bawihte, ka taah ka siam dawn che."
Ka hmu ta, ka hma dawhkana thil awm chu ka melh kar mai. Ka kawrfual hak chhana ka awmbawr a ṭham tawn tawnte chu ka pawisa thei tawh lo. Ka hmaa lehkhthawn hawnna, silver ṭha mi aṭanga siam tle var chauh chu a ni ka ngaihtuahna luahtu. Benito chuan ka awmbawr chu a ṭham na sauh a, a lungawi lo tih ka hria. Min khawihna ka chhan let loh vang nge, tlanchhiat ka tum vang tih phei chu ka ngaihtuah buai peih vel lo.
Chu lehkha hawnna chemte chi khat chu ka ban vat a, ka hum nghet kher mai. Ka pasal chuan ka kawrfual hak lai chu hnunglam aṭang chuan a pawt thler kawk a. Ka thil hum lai chu a hmuh hlau takin ka thukru vat. A che leh tur chiah chu inher thutin, ka chemte ken lai chu ka vai phei fua a, min kuahna thlahdul pahin a thaw kawk mai. Ka din dan chu siamṭhain ka inher vat a. Benito puma silver lehkha hawnna bur va chu ka hmu ve nghal. A kawr var hakte chu thisen chuan a luan huh sen nguai tawh a. Ka rin aia nain ka vit nge, a sahuatah ka vit fuh tih pawh ka hrethiam chiah lo. Hrethiam tur pawhin hetiang thil hi ka la ti ngai tlat lo a ni.
Mak tih vangin ka ang phiau a, kei hian ka pasal dulah ka vit a ni. Ani pawh chuan phawk fein min en reng a.
"Nang ramhuai. Ka......." A sawi zawh hma chuan a thaw hawk a, a ṭhingṭhi ta ruai ruai mai. A mitmeng mawilo zet chu a bial kaw kaw tawh a, na tuarin a thaw zui hawk hawk bawk.
Tih mai tur hre lo chuan ka tawlh hnung dat dat a. Ṭanpuitu ka ko mai dawn em ni? Ka thil tih hi midangin rawn hmu se engtin nge niang? Ka pasal ngei vittu ka nih hi. Ka thil tih vang hian min that ngei ang. Min that lo pawh ni se Benito hian min vaw hlum dawn tho tho. A hliam hi thihpui tham em chu a ni si lo.
Tunah hian thil pakhat chiah tih theih ka nei, mi pakhat min pui thei tur chu a awm. Mahse helai hmunah hian a la awm em tih lah chu ka hre si lo. Ka tan engkim tih a huam laiin ka hnar a, pasal ka neihsan ta hial a nih hi. Chicago-a awm reng chhan tur hi a nei tawh lo, New York lamah a thlawk kir leh daih tawh maithei.
Ka bag dahna lamah chuan tlanin ka phone zawng chuan ka hai rawk rawk a. Kut khur hlawk hlawkin ka number pakhat byheart chian em em chu ka hmet nawk nawk a. Benito pawh a la thaw ri hrawk hrawk a, mahse thawh tumin a inbeng kang deuh ur ur tawh. Ṭanpuitu au tura ṭawng chhuah a tum tih hai rual a ni lo. Ṭanpuitu chu au thei ta se engtin nge ka tih ang, bul ka ṭan tawh hi a hmawr ka bawk thei a ngem?
Ka ngaihtuahna thar vang chuan ka talbuai a ni deuh ber tawh.
Vawikhat chauh a ring hman tihah chuan ka aw hriat ṭhan em em chuan a rawn chhang ta. Romero aw ngei a ni.
“Lily?” a aw a min ngaihtuahna lang chhuak chu ka hre thei a, ka hahdam sawng sawng thei hial. Ka call a la chhang duh a, mi haw lo pawh a ni maithei. Chu chu ni ngei se ka ti kher mai.
“Khawngaih takin min pui rawh,” ka ti tham ṭiak a. Ka ṭap ṭuau tawh tih pawh ka in hria. Ka biang chu a lum thla nghal pap pap a, mahse ka pasal ka vih vang erawh a ni hauh lo. Ka thil tihah hian inchhirna ka nei lo.
“Ka lo kal nghal. Khawiah nge i awm?”
“Bedroom-ah.”
“Phone kha dah miah suh,” a rawn ti ṭhat a.
Dah tumna pawh ka nei chuang lo. A pen ri chu ka hre thei a, a thaw ri pawh. Keipawhin ka hahdam phah sawng sawng mai. Romero a lo thleng vat tawh dawn a, engkim a rawn chingfel vek mai ang.
A chunga khatiang thil ka tih hnu pawh khan min pui turin a lo la kal duh tho a nia.
Minute hnih pawh tling loah chuan zawitea kawngkhar kik ri ka hria a, a lo thleng hma lutuk chu mak ka ti deuh. Kan pindan hnaih takah a lo awm reng nge, a thlawhin a rawn thlawk zawk?
Kawngkhar hawng tur pawh chuan ka che sawn mai thei lo. Ka kete chu a mu chuah chuah ni maiin ka hria.
“Lily, kawngka hi i hawn a ngai a nia, a inkalh tlat. Ka tichhia a nih chuan midangin ka thawm an hre dawn a nia.”
Harh chhuak zawk ang mai ka ni. Kawngkhar lam pan chuan ka pen phei dawr dawr a. Ka thin phu nasa lutuk chu a zuang chhuak mai ang tih hlauhawm tak a ni. Romero min ngaihtuah hmel lutuk ka hmuh takah chuan ka phone pawh chu ka dah thla ngam ve chiah. Him ta ni maiin ka inhria a, mahse chu chu thil awihawm loh tak a ni rih si. Midangin min rawn hmu a nih vaih chuan mitthi nen thuhmun reng kan ni ang. Romero pawh hi dinhmun hlauhawmah ka din tir ta a nih hi. Engtin nge hetiang thil hi ka hmangaih chungah ka tih theih, he inneihna hi Romero ka hum duh vanga kaltlang pui ka ni lawm ni?
Pindan chhunga a rawn luh rual chuan ka kawrfual hak lai ṭet deuh hnuang chu a melh kawk a, a mitmenga thinrimna alh phat chu ka hmu thei. Kawngka chu kharin ka biangah chuan duat takin a rawn vuan a.
“I ṭha em, a tina che em?” a ti dam thlup a.
Ka lu ka lo thing vat a, ka chhanna chu a pawm lo tih ka hre thei mai. Min tihnat vang leh ka ṭhat loh vanga ka pasal dula vit ta ka nih kha.
“Ka vit a, min khawihna kha ka tuar thei lo. A khawih nih pawh ka duh lo. Ka…………..” ka tih lai mek chuan a lamah min pawt hnai a, a awm ngheng chuan min pawm bet thlawp a. A lungphu ri zaih zaih pawh chu ka hre leh thei ta.
En mai chuan hahdam hmel pu mah se a lungphu ri chuan a thinrim zia a tarlang chiang viau thung.
“Nupa nun kan hmang lo, ka thei thlawt lo,” ka ti leh sap a.
Ngawi renga min kuah vang vang hnu chuan inla hrangin, “A la thi lo a nih hi,” a ti sam et.
Min kuahna a thlah takah chuan ka lo inkuah khawm vat a. Ka pasal, kei leh Romero melh tawn sektu hmaah chuan a ding ta ran mai. La thaw hrawk hrawk chung chuan dawhkan lamah a tawlh phei hrat hrat a, a phone lak theih a inbeiseite pawh a ni mahna. Romero chu kun hniamin a kut chu chhuatah chuan a nawrbeh sak a.
Benito chu sir zawnga tluin a na tuar chu a thaw chhuak hawk mai. Rannung, zangthal zawnga awm inlet mai thei lote pawh a ang deuhin ka hria. Mahse lainatna ka nei hauh si lo.
“Nang hi.” Benito chuan a ti hraih a, a khuh zui bawrh bawrh. A khuh zawng chuan a ka aṭangin thisen a chhuak ṭhat ṭhat bawk.
“He thil hi i Capo ruahmanna a ni em? A thil tih man hi a let sawmin a rul ang. Dante hi tuman inbum dawn lo, phuba chu a la ngei ngei ang tih hre rawh u.”
“Hetiang thil ti duh tur hian Luca tan engmah i ni lo.” Romero chuan a ti ram hmak a. Inhnuaia Russian ho a sawisak laia a hmel ang kha a pu leh tawh.
Thil thleng tur chu ka hrechiang lutuk, ka tiril a khur nghal dar dar thei.
Benito pawh chuan a hrethiam a niang, Romero chu hawisanin rum fe mai chuan min rawn melh a. “Nang leh sawnu saw,” tih pah chuan a ṭhen lui sak.
“Nang hmeichhe tenawm khan he mihring hi i mutpui tawh. Nang………” sehchilh deuh rap rap chuan a ti a. Mahse a sawi duh chu a sawi zo hman ta lo.
Romero chuan a kawr nghawngah a ṭham tho lawp a. A chemte chu phawiin ka pasal nakah chuan chho zawngin a vit ta pawk mai. Putar chu a thaw hrawk a, mit pawh khap leh tawh loin a chatthla zui nghal. A vawnna a thlah rual chuan nunna nei tawh lo tih hriat takin chhuatah chuan a tlu hnawk a. A meng pual deuh hru mai.
CHAPTER - 50
Keimah vangin Romero hian Outfit member a that ta. Min rawn melh lai chuan ka lo en let ve reng a, hlauhna bawk chuan min luahkhat leh tawh. Romero chuan a chemte chu ka pasal kekawrah chuan a tat fai a, a paiah bawk a thun lehnghal.
Khur dar dar chung chuan a dinna lam chu ka pan phei chhat chhat a. “Indona chu a thleng dawn ta,” ka ti chhuak thei hram.
“Thawnthu phuahchawp dan a awm mai ang. Keiman mawh ka phur ang. Ka hmuh tirh aṭang khan ka it tawh che a, zanin hian ka inthunun zo ta lo a ni. Tichuan, in pindanah hian rawn lut ru in, i pasal chu ka vit hlum a. Lehkhathawn hawnna chemte hmangin min lo bei let ve a, chupawh chu amah vih nan ka hmang zui ta bawk a. Chuan nangpawh pawngsual ka tum che angin kan lantir anga, tuman an ringhlel hauh lo ang.”
Ka biang tawn tawnah chuan duat takin a vuan a. “I chunga a thil tih man pawh pe hman loin kan tarhura hi a thi a, a thi hma lutuk deuh a ni,” a ti leh sap a.
Chhan mai ngaihna pawh ka hre lo, a thawnthu phuahchawp tum dan chu mak ka ti. He thila ka hnuklut ve pawh hi ka inthiam loh tehlul nen. Min chhanhim turin pawngsualtu ang chuan ka lantir thei lo.
“Min pawngsual tum ang chuan lem i chang thei lo. Ka mipa hmangaih leh ka dam chhung hun ka hmanpui duh awmchhun i ni bawk.”
Romero chuan min din hnaih zual sauh a, min thlek leh vang vang hnu chuan a awm nghengin nghet takin min pawm bet nghal thlawp a. A rim leh a pangti lum ka taksain a lo dawnsawn dante hi a dik thlap. A bula ka awm hian engkim a dik vek mai niin ka hria.
Chhuata Benito let bul chu ka en reng a, a nupui nih chu ka tum ve ngei a lawm mahse, ka puitlin thei ta lo a ni. Mahse a ruang ka en chuan pawitihna ka nei hauh si lo. A tirte aṭang khan ani hian ka duh ngai lo tih pawh a hre ngei ang. Min mutpui luih chu a tum ngei a, mahse a hlawhtling hman ta lo chu a nia. A thiltih kha thihna tham chu a ni hauh lo, mahse a chenna khawvel leh thihna chu thil inkawp tlat a ni. Ka maimitchhing vang vang a, ka men leh pawh chuan Benito meng pual deuh ru chuan min la melh ta reng a. Min rap lutuk chu ka khur thei.
Romero chu inla hrangin amah en tur chuan ka khabeah a chawi a. “Min en rawh, Lily. Saw pa saw a thi tawh. I chungah eng thil mah a ti thei lo a, en pawh en duh suh,” a ti a.
Benito ruang let reng lam chu panin bang lam hawi tur chuan a kuai her ta daih a. Keipawh ka thaw chhuak ve hak, eng thil mah siamṭha lemlo mah se awm a tinuam deuh.
Khumah chuan ka ṭhu thla hnawk a. Ka khur nasa lutuk chu ding reng thei pawh ka ni lo. Romero chu ka hmaah rawn dingin min en vang vang a, chutah ka bulah rawn ṭhu thlain ka sam hnawk niai chu a chul mam a. A kutzungpuiin ka hmai a chul hauh hauh bawk. Ka mittui luang ngiai ngiai chu ka hre thei.
“Tuman an tina leh tawh ngai lo ang che. Ka phal tawh lo.”
“Benito hi i thah a nih tih i puang a nih chuan an that ve ngei dawn che a, engtin nge min venhim theih ang. I thih daih chuan ka bulah i awm thei dawn lo a sin.” Ka inthiam loh vanga sawi mah ni ila, keimah vanga Romero chunga thleng tur hi ka duh lo.
Romero chuan chhuata Benito ruang let reng chu a en a, a thisen chhuak chuan chhuat phah var chu a luan sen vek tawh. Thisen a chhuak nasa lutuk.
“He thil hi thup bo ngaihna a awm lo. Ruang hi la chhuak thei pawh ni ila, chhuata thisen kai hi thup ngaihna a awm lo. He thil hi a titu an awm ngei a ngai.” Ka sawi zawh rual chuan ka hmai ka hup a, thawpikna chuan min luahkhat vek.
“A nupui ka nih angin nupa nun kha lo hmanpui mai ila ṭha tur a nia. Hmeichhe dangte ang bawka ti ve mai tur ka nia sin, mahse mahni hmasial takin ka che ta a nih hi,” ka tihzawm leh sap sap a.
“Nilo.” Romero chuan a lo ti hriam hraih thung. Ka khabeah bawk rawn dawmin min kuai dak leh a.
“I vit kha ka lawm a, a thi hi ka lawm a sin. A phu hauh loh thil a nei theilo hi ka lawmpui a, he putar tan hian i ṭha lutuk mah mah tlat a ni.”
Romero chu hnaihin ka fawp ta ringawt a. Nidang ang bawkin a mi fawhna hian min lem zo leh vek thei se ka va ti tak em! Dimtea min namsawnin a inla hrang a.
“Luca ka biak a ngai. A sipai ka nih angin thudik ka hrilh a ngai. Chuan, thil thleng tur pawh a thu thu a ni tawh mai.”
“Chicago nena remna a siam theih nan tihlum ta che se engtin nge niang? Beidawng zet chuan ka lo ti sap a.
“Luca chu a thinrim dawn tih ka hria. Kan chungchang a hriat chhuah pawh khan a lungawi lo hle a nih kha. Aria meuh pawhin a bengdai thei lo.” Romero chuan ngawi rengin min melh tlawk tlawk a.
A phone chu hmetin a bengah a nem bet zui nghal a. “A thutlukna chu ka pawm ang,” a tih zawm leh hmiah.
“Nilo,” ka lo ti ṭhat a. A phone chu ka hmeh hlum sak nghal.
“Keiman Aria ka be dawn. Luca chu hrilh dan tur a hre mai ang. A pasal hrechiang bertu a ni.”
Romero chu beidawn hmel zetin a ṭhen lui sak a. “He thilah hi chuan Aria pawhin engmah tih theih a nei lo. Luca hi Capo a ni a, Familia himna tura thutlukna a siamah chuan Aria pawh hian sawi theih a nei dawn lo. Nangpawhin i hriat kha, Aria thusawi pawh a ngaithla duh lo.”
“Khawngaihn Romero.”
“Ka tih ngei a ngai. Dawihzep takin nang leh Aria min phển turin ka dintir thei lo che u,” tiin a phone chu a leh kang leh a, ka dang duh ta bik lo.
Romero hian a sawi dik tih ka hria. Aria ka hnuklut tel ve a nih chuan Luca kan chhaih kawlh zual mai mai ang.
Romero chu ka melh kar a, thawk pawh ka thaw ṭha ngam lo.
“Luca, Benito pindana lo kal turin ka mamawh che.” Lehlama Luca aw vin zet chu ka hre thei a, mahse enge a sawi chiah ka hre lo. Mahse thil ṭha a sawi dawn lo tih erawh ka hrechiang viau.
“Aw, an pindanah ka awm. Rawn hmanhmawh deuh la.”
“Hrep tak hian!”
Luca chu a au ring bawk a, a thusawi tawpna chu ka hrechiang viau. Romero chuan a phone chu a ak leh vat a, engmah a sawi lo.
A kut chu lo vawn sakin thlamuan tum tak chuan ka melh kar a. Chu chu ka tih theih a ni em phei chu ka hre chuang lo a.
Romero chuan Benito ruang chu a en reng a, engmah a la sawi ta chuang lo. Dawt hmanga min thlamuan lo chu lawm viau mah ila, a inchhir leh ta em ni ang tih ngaihtuahna chuan ka awm a tinuam lo zual. Engpawh chu nise tih theih dang kan nei tawh lo. A dar ngheng chuan chau zetin ka ṭhu ta ringawt a.
Dimtea kawngkhar kik ri ka hriat takah chuan ka ṭhu ngil nghal zawt a. Mahse Romero chu ka vuan nghet sauh. Reilote pawh min kalsan tur chu ka ngaingam lo. Thil thleng hi Luca-in a rawn hmuh hunah chuan Romero hi ka hmu leh tawh ngai lo maithei a, khawih pawh ka khawih leh thei tawh lo maithei a sin. Chu chu ka thlen tir thei lo.
Romero chuan ka chalah a fawp zauh a, ka vawnna pawh a phelh nghal. A kalsawn rual chuan ka ding ve hluai a, mahse Benito ruang let ngut chu ka melh daih thung. Thinrimna bawk chuan min luahkhat leh tawh. Saw putar saw ka nunah rawn inlan lo se chuan tunah hian hlim takin ka awm anga, hetiang buaina hi kan tawk hauh lo ang. Mahse ka pa hian pasal tur midang min zawn sak tho maithei bawk. Zam lutuk vanga thawk pawh thaw ṭha ngam loin, Romero kawngkhar hawng lai chu ka en leh ta zawk a. Luca hian hremna atan Romero hi that ta se engtin nge ka awm ang?
Romero chuan kawngka chu zimtein a hawng a, Aria a lo dak lut nghal. Ka pasal ruang let reng a hmuh rual chuan a thaw hak a, chutah ka lam rawn panin ka darah a vuan a. Mahse a hnunga rawn lut Luca chauh chu ka lo melh thung.
Ani pawh chuan chhuata Benito, a dula lehkhathawn hawnna la bur vu leh nunna nei tawh lo tih hriat zet chu a melh ve nghal a. Romero chuan dimtein kawngka chu a khar leh a, a dinna ngaiah chuan a ding zui ta daih bawk. Luca bul hnaiah chuan ding lo se ka duh a sin. Ka ngaihtuahna atthlak zia chu ka hria, kei hian Romero venghim turin enge tih theih ka neih?
BOUND BY TEMPTATION by Puii Sailo (Completed)
CHAPTER - 51
“Karei leh, Lily!” Aria chuan a ti hap a. Hetiang taka a hlauthawng hi ka la hmu ngai lo hialin ka hria.
“Enge thil awmzia, i ṭha em?” a tih leh lai chuan ka ban leh ka taksa dangte chu a en kual zung zung a. Ka kawrfual ṭet deuh hnuang a hmuh takah chuan a tawp chat. Mahse ka chhang chuang lo.
Luca chuan Benito ruang chu a pan phei a, ngawi rengin ruang leh a bul velte chu a thlek kual a. A hmel chang rum ul chu hlauhawm tak a ni. Luca hian Romero lakah eng zahngaihna mah a lantir dawn lo tih a chiang reng. Aria hian kei chu ka him theih nan tih theih a nei maithei. Mahse Romero hi chu a vanduai dawn tih hai theih a ni lo tlat. Keimah vanga tuar tur a ni dawn a, a thi lai emaw, hremna a tuar lai emaw pawh ni se ka en thei dawn lo.
Luca chu muangchanga rawn hawi chhuakin mitmeng vawt lutuk chuan min melh ran a.
“Eng thil nge thleng hi?” a ti bul hmuk bawk.
Romero chu ka melh vat a, thu dik sawi turin min duh a ngem? Kan dam khawchhuah theih nan thawnthu phuahchawp tur ka ngaihtuah a ngai.
Luca chuan din ngil pahin, “Thudik chauh ka hre duh,” a ti rum leh ul a.
Aria a lo inrawlh vat. “Luca, Lily hi a la pangngai lo a nia, hun tlem pe rih rawh.”
“Hun pek belh tur kan nei lo. He pindanah hian Outfit member pawimawh tak ruang a leh reng hi. Hun kan ngah tawh lo a nia.”
Aria chuan ka darah a hmer salh a, “Lily, i ṭha em?”
“Ka ṭha. Min tina hman lo a nia,” ka ti sap a.
Awih lo tih hriat zetin a ner nang a, mahse sawifiah belh ka tum lem lo.
“A tawk.” Luca chuan a ti leh hmuk a. Romero lam pan pahin, “Chhanna ka duh. I thutiam kha hre reng ang che,” a ti hmuk a.
Romero lah chuan dawt a sawi dawn lo tih ka hre mai. Ka hlauthawng lutuk chu ka var vek thei hialin ka ring.
“Ka hria a lawm,” Romero chhanna lah chuan min tichiai zual.
Luca chuan ruang chu a kawk vu a. “I thutiam hre reng chu i va ang si lo ve. He thil hi Liliana thil tih ringawt chu a ang tlat lo.”
“Liliana hian tihsual a nei lo.” Romero chuan a lo ti nghet charh a. Romero hian Liliana tiin min ko ngai miah lo. Eng thil nge tih a tum tak ang?
“Pindana ka luh lai hian Benito hi a la thi lo. Putara hian khawih a tum vangin lehkhathawn hawnna hian a vit a, a vih chhan pawh a himna tur a nih vang chauh a ni.”
“A himna tur a?” Luca chuan a ti leh ṭhat a. A mit paw ram chuan min melh chiang kher mai.
“Eng thil nge a tih?”
“Pawngsual a tum a lawm.” Romero chuan a lo ti leh vat a.
“Nang kha ka zawt lo che.”
Aria chuan min vawnna thlahin, Luca banah chuan a vawn sak a. Mahse Aria chu a awm ve tih hre hmel pawh a pu lo.
“A nupui a nihna angin mutpui a tum a, chu chu tuman pawngsual an ti ngai lo. Benito hian a duh anga a chunga ti turin dikna a nei bawk. A pasal a nih hi, Phiangsen hian!”
Romero chu a pen hma det a, mahse a ding leh daih.
“Khatiang khan sawi suh,” Aria chuan melh kar pahin a lo ti vat a.
“Dan chu i hriat kha Aria. Thil nihna diktak a nih hi ka sawi.” Luca chuan a ti dam thlup. Aria hi chuan a chungah thil tihtheihna nasa tak a nei tih hai theih a ni lo.
“Chulam chu ka ngaihtuah lo. Eng ang pasal pawh ni se a nupui duh lo chung mutpui turin dikna a nei lo. Chu chu helaia mite pawh hian an pawm tur a ni.”
Aria chu a inrintawk hmel kher mai. Kei erawh chu ka khur der der thung. Engkim mai hian min tihrehawm a, ka chau ngawih ngawih. Tunah tak hi chuan Romero awm ngheng chiala mut bak thlakhlelh ka nei lo. Romero chu ka bulah rawn dingin, ka darah duat takin min kuah a.
Luca chuan mit zim san chungin, “He thil tawpna hi a chhe dawn ka tih sa kha. Chuan kan ring chhin teh ang, Liliana hian a pasal hi a vit a, chuan, a bul ṭan tawh hmawr bawk tur chuan nang hi a rawn ko ta che a nih hmel. Chu chu a dik em?”
“Aw,” Romero chuan a lo ti thawp sat a.
“Chuan, a dam chhuak a nih chuan Liliana hi a puh a nga. Hremna pawh Outfit dan anga pek a ni bawk ang.” Luca chu ngeiawm zetin a nui chhuak hawk a.
“Tunah hian hremna chu a pumpelh tak i ring em ni? Hremna an pe satliah lo ang, a chungthu an ngaihtuah hmasa anga, tichuan hremna satliah ni loin, a rapthlak ber a ni hial ang. He thil hi kan ruahmanna angah an ngai dawn a, thisen tam tak a chhuak ang. Dante hi a thil tihtheihna lantir nuam ti tak a ni a, indona a puang ngei ang. Heng zawng zawng hi i kap a mi leh, i thinlung i thunun theih loh vang chauh a nih hi!”
“Nangpawh ni la i ti ve tho ang. Aria chhuhsak tumtu che chu tupawh ni se i en liam mai mai bik hauh lo ang.” Romero chuan a ti let ve hluk.
“Mahse Aria hi ka nupui a nia sin. Liliana nen hi chuan tehkhin buai duh lo mai teh.”
“Ka thu chu ni se, Lily hi ka nupui a ni ve tho ang.”
Mak tizet chuan ka lo en deuh ha a, min neih duh thu hi vawikhat mah a la sawi ngai lo. Lawm vangin ka thin a phu dup dup a, mahse Luca hmel rum ul chuan ka hlimna tawizia min hriat nawn tir lehnghal.
“He thil hi a man petu tur an awm a ngai,” a ti leh hmuk a. A ngawih leh dat hnu chuan sawi zawm lehin, “New York Familia Capo ka nih angin he thil hi Liliana mawhphurhnaah ka dah dawn a, Outfit mi leh sa a ni tho bawk a. Dante pawhin indona a puan loh hram ka beisei.”
A thusawi chu thihna tluk hial a ni tih hrilh nawn ka ngai bik hauh lo. Dante chuan thi turin ka chungthu a rel lo maithei, mahse ka pa ngaihtuah turin a kutah a dah ngei anga, ka pa hi chuan min zuah dawn lo tih chu ka beng ka hriat chian tluk zetin ka hrechiang.
Gianna thil tih vang khan tun thlengin a la hua a, a fanu ang pawhin a en tawh lo a ni a. Kei phei chu thi nen thuhmun reng ka ni ang.
“Chutiang chu i ti thei lo ang.” Aria chuan a lo ti vat a. Luca bana a vawnna pawh chu a hum nghet thawkhat tih a hriat mai, a kutchang pawh a var pap tawh.
Romero chuan min kuahna thlahin, Luca-te dinna lam chu a pan phei a. Chhuatah chuan ṭhingṭhiin ban a phar a. “He thila mawhphurtu tur chu keimah ka ni. Liliana hi hun rei tak ka lo ngaizawng tawh a, zanin khan insum zo loin ka umzui ta a. Tichuan, Benito hian Lily khawih a tum lai chu va hmuin ka that ta mai a ni. Keipawh hian putara thil tih lai chu chhunzawmin, Lily chu pawngsual ka tum ve leh a, mahse ka pindanah ka awm lo tih hriain min zawng kual a. Lily chunga pawi ka khawih hmain min rawn hmu hman ta a ni. Tichuan Outfit leh Familia-te karah indona a chhuak lo anga, Lily pawh hian nun thar a hman theih phah dawn tihna a ni mai.”
“Chu thawnthu phuahchawp chu ring tura kan beisei dawn a nih chuan felhlel lai a awm tlat.”
Luca chuan a lo ti nghut a. Romero pawh chuan Luca chu a en kar a, a bu ve ta nghat a.
"Ka nunna thlengin ka thàp a nge, min kap rawh."
Aria nen chuan, "Ti suh," tiin kan au rual thawt a.
Luca leh Romero chuan melh pawh min melh eih lo, an pahnih chuan ngawi rengin an inmelh dun ngar ngar a. An inkarah chuan ka va tlazep vat a, mafia dan leh dun tih vel mai mai ka ngai pawimawh ve lo. Luca dinna lam chu ka pan hnai a, ka mit sir chuan Romero tho chhuak mek chu ka hmu thei bawk. Luca chuan ka chungah eng thil emaw a tih mai a hlau a nih hmel, mahse tunah hi chuan engmah hlauh ka nei lo. Luca hian keimah vanga Romero hi a that a nih chuan keipawh hi ka thi ve nghal ang. Ka hmangaih ber tel lo hian dam thlakhlelhna ka nei lo.
Luca hmel rum ul chu ka melh lui ve kar a, "Khawngaihin, khawngaih takin that lul suh. Eng thil pawh ka ti ang, ani hi chu that suh. A tel lo chuan ka dam thei dawn chuang lo." Ka ṭawng lai chuan ka mittui a luang zawih zawih a, mahse hruk pawh ka tum buai duh lo.
CHAPTER - 52
Romero chuan ka darah rawn vuanin a taksa ngheng tur chuan min pawt hnai a. "Lily, ti suh. Familia sipai ka ni a, Familia tana ka thutiam kha ka bawhchhia a lawm. Familia hi dah hmasa ber ṭhin tura intiam ka ni a, hremna ka hmu ngei tur a ni."
"Chutiang thutiam mai mai ka ngai pawimawh lo, chàn che ka duh lo a ni mai."
Aria chuan zawitein Luca awmah a lo nem sak a. "Khawngaihin Luca, Romero hian a hmangaih a humhim vang hian hremna pe lul suh. Lily nen hian an inhmangaih a sin. Ka ngen che a ni, Luca."
Aria ṭawng ri chu ka hre thei chang chang chauh a ni. Va kuah thlawp mai chu ka duh a, mahse ka chesawn ngam si lo. Luca nen chuan ngawi rengin an in en vang vang a, nupa kara inhriatthiam tawnna nasa tak chu ka tihbuai sak ngam lo. Romero himna tur a nih hlauh phei chuan.
Romero chu ka melh zawk a, a hahdam hmel phian mai. Thih hi a hlau ve miah lo nge, keimah hi min ngaihtuah ve miah lo le?
Luca chuan a mit lasawnin, a àwma Aria kut pawh chu dimtein a dah thlak sak a.
"Tute emaw rilru put hmang vangin ka rorel dan ka thlah dul thei lo. Capo ka ni a, Familia tana ṭha ber tur ka ngaihtuah a ngai."
Romero chu a lo bu leh nghat a. Min kal pelin Romero hmaah bawk chuan a va ding leh a, ka tha khur chu ka thunun thei lo, ka mangang takzet tawh. Aria pawh chuan hlauthawng tih hriat takin min rawn melh vat a.
"Ka sipai ṭha ber i ni a, Familia hian a mamawh che a sin. Aria veng tur pawh hian nang tluka rin ka nei lo." Luca chuan a ti a.
Romero dara vawn pah chuan, "Keini pawl pahnihte karah hian buaina a inṭham rukna a rei tawh a, chu thil inṭham mek chu a puah darh rih loh beisei vang ngawt chuan i nunna hi ka laksak lo ang che. He thilah hian a tawp thlengin kan ding dun ang," a ti leh ta mai.
Lawm vangin ka ṭap chhuak lo chauh. Aria chu rawn tlan pheiin min kuah chawt a, ka manganna pakhat chu lak kian a ni ta.
"He in aṭang hian damin kan chhuak thei pawh a ni maithei a, mahse hmelma ramchhunga awm kan ni a. Min hual bet vek dawn." Luca chuan ngaihtuah nei tih hriat takin a tihzawm leh a.
"Mikhual tam zawkte kha chu an ruih loh vek pawhin an muhil tawh dawn a. Tuma hmuh lohin kan chhuak ru thei maithei. Zingah chauh Benito a awm lo tih an hria anga, chutih hunah chuan New York-ah kan awm daih tawh ang. Romero chuan a ti a. A awah chuan hahdam huaite pawh a ang ve ta deuh.
Lo va kuah chung chung mai chu chak viau mah ila, Luca nen hian thil pawimawh tak buaipui tur an la nei si. Ka buaina siam ngei mai hi. Helai hmun hi damin kan chhuahsan thei a ngem? Outfit ho lah chuan min tam hneh nasa mai si. Hei hi an lalna ram a ni a, kan himna tur chu mel tamtaka hlaah a awm.
"Matteo leh Gianna ka call anga, hetah hian lo kal phawt sela kan chhuah dan tur chu kan ngaihtuah dawn nia." Luca chuan a ti a. A phone chu a bengah a chuktuah nghal bawk.
Romero chu rawn inherin ka biangah chuan a dawm a, a kut chu ka lo vawn sak ve vat. Aria chuan hun thawl mi pe tih hriat takin Luca dinna lam chu a pan ve vat bawk.
"Ka hlau hman lutuk a sin," ka ti sap a.
Romero chuan min kuah pahin, "Ka hria a lawm," a lo ti dam thlap a.
"I hlau ve lo em ni? I thih teuh em kha."
"Mafia pawl ka zawm ni aṭang khan dinhmun derthawngah ka awm daih tawh a lawm. Ngaiah ka neih tawh. Zanina ka hlauh chu, Benito putara nen lawiṭhat zan hmang tura in kal lai kha a ni. Tih theih nei si loin ka thlir liam che a, khatih lai khan ka that chak daih tawh a sin. Nilo, pasal atan i nei dawn tih ka hriat aṭang khan ka that chak daih tawh. A thaw ka tihtawp sak thei hi ka lawm a ni. Boruak ṭha a ti hek, dam ve reng a phu lo," a tih chuan, "Keipawh," ka lo ti ve sap a. Dingdihlip àk àkin ka fawp ta vawng vawng a.
"Hrep tak hian, Matteo phiangsen hian a phone a chhang thei lo!"
"An chungah thil ṭha lo a thleng a nih i ring em?" Aria chuan a pasal melh kar chung chuan a ti a.
Romero chu a nui huk a, Luca nen an inmelh pah zauh.
"Eng thil ṭha lo mah a thleng lo. Matteo chuan i nau kha chintawk awm miah loin a suasam mek a, ka phone pawh a chhang duh lo tihna a ni mai." Luca chuan a ti nghut a. Ka lo ner nang ringawt.
Ni e, thil thleng mek chu keipawhin ka hrethiam a, ka ngaihtuah duh lo mai a ni zawk. Ngaihtuahna thar ka nei thut.
"An pindanah chuan kan kal thei mai lo em ni?"
Luca chuan lu thin pahin, "Kan chhuahna tur kawngkhar a hlat lutuk." A phone bawk chu a ngaithla leh a. "Hrep chuan!" A phun zui leh hluk.
"Benito ruang hi bathroom ah zawn phei ila, chhuata thisen baw nuai pawh hi engin emaw khuh bo ila a tha ang. Tu emaw an lo lut palh a nih pawhin hun kan neih tam phah deuh anga." A sawi zawh rual chuan Luca chuan a phone chu a ak a, Benito ke chu a vuan nghal a. Romero pawh chuan a banah a lo vuan ve nghal bawk.
Ruang thisenin a bual huh zuih an zawn lai chuan ka tiril a khur lehnghal titih der tawh. Ka pasal ruang chu dimna tel hauh lo chuan an hnuk deuh dawt dawt mai.
"I mo thuam hi phelh la, thawmhnaw pangngai deuh ha la a tha ang." Aria chuan a lo ti sar sar a.
Ka ban a rawn khawih takah chuan ka lo phu deuh zawk a. Inthing harhin ka bu ve ta nghat a. Luca leh Romero-te pawh batbroom aṭangin an lo chhuak ve mek a, New York kan thlen dan tur an sawi dun bawrh bawrh a.
Ka bag aṭang chuan jeans leh kawrlum pan deuh chu ka pawt chhuak a, bathroom a inthlak tur chuan ka kal a. Mahse kawngka ka thlen chuan ka ding chawt. Bathtub-ah Benito chu a lo mu tlawn zuar a, ruang dai tawh leh meng pual ru nena awm chu ka duh teuh lo. Ka pum a let but a, ka uak nghal tuarh mai.
"Hey," tih pahin Romero chu ka hnungah a rawn ding vat a. "Ka lo kalpui ang che aw," dam thlapa a tih chuan ka thaw halh a, ka bu zui nghat a. Bathroom-ah chuan kan in zui lut a.
Ka kawrfual chu min phelhpui sawk sawk a, "I mo thuam, hetiang kher kher hi chuan ka phelh sak che ka lo ring ngai hauh lo," a tih tak sapah chuan ka nui chhuak hawk a. Ka kawrfual pawh chu chhuatah ka theh thla nghal a.
Ka tan chuan ka nuna thil rapthlak ber thlen ni a ni tih lantirtu a ni tlat a. Chutia ka phelh ta chu ka thawveng huai theiin ka hria. Engtikah emaw chuan ka duh tak nei turin pasal ka la nei leh anga, ka duh ang takin a ni tawh bawk ang. Ka thawmhnaw ken luh chu ka ha nghal sawk sawk a, Romero chuan chhuata ka mo thuam let reng chu a pawm kang a. Kan inneih hun atan dahṭhat a tum emaw ka ti hman hial a lawm.
"Kha kha enga tan nge i tih a?"
"Chhuata thisen kai khuh nan ka hmang dawn. Lawiṭhat zan a ni a, chhuata i mo thuam let reng chu tuman rinhlelh nachang an hre lo ang. A nih dan tur a ni tlat."
Bathroom aṭang chuan kan inzui chhuak a, carpet vara thisen kai khuh nan chuan a hmang a. Luca chuan buk nghut pahin, "Ṭha lutuk, kan kal a ngai tawh a nia. Helai hmunah hian ṭul loa hun khawhral ka duh lo," a ti a.
Aria vawn turin a kut chu a pe nghal bawk a. Hemite nupa hi chu reitak an inti tau thei dawn lo tih ka hria. Zanina Aria ngenna vanga him thei ta kan ni tih lah ka hai bik hek lo.
Luca chuan a silai a phawi a, kawngkhar chu hawngin corridor chu a him leh him loh a thlek kual zak zak a.
"Ka bulah awm tlat ang che." Romero chuan min lo ti ve bawk a. Ani pawh chuan a silai a phawi a, a kut lehlamin min kai nghal bawk.
Luca chu a bu leh nghat a, kawngka chu hawng zauin a pen chhuak zui a. Aria chuan a zui a, keini pawh chuan kan zui ve nghal a. Tumah kan tawng tawh lo. Corridor chu a reh ṭhup a, mahse inhnuai lam aṭang chuan nui rite pawh hriat tur a la awm. Phur fal deuhte chu an la party reng a nih hmel. An cigar zuk rimte pawh ka hre thei a, Benito thaw rim min ti hrechhuak zawk mai. Mahse chu chu ngaihtuah duh loin kan hun tawn mekah chuan rilru ka dah ta daih a.
CHAPTER - 53
Thil dang ngaihtuahna hun a ni lo, tute mah chuan min rawn hmuh loh hram ka beisei. Luca leh Romero-te hian silai an hmeh puah ngei a ngai dawn a, indona chu ṭan a ni nghal ang. Aria chu a rawn hawi let a, ka ngaihtuah ang tho chu a ngaihtuah ve tih ka hre thei. Romero leh Luca chuan an thil tih chu an hriat chian hmel em em a, hlauthawng hmel pawh an pu ve miah lo.
Gianna leh Matteo-te pindan chu kan thleng ve ta mai a, Luca chuan ring vak loin kawngkhar chu a kik karh karh a. Mahse a hmelah chuan kawngkhar chu tihchhiat mai a chak tih a lang reng. Pindan chhunglam thawm ka hriat ve takah chuan Luca hmel landan danglam tầk chhan pawh chu ka hrethiam ve ta mai a. A kik leh pawh chuan an la rawn chhang ta chuang lo. Ka thaw chhuak halh a, ka thin phu chu a rang tawh kher mai. Luca chuan a kik nawn leh a, chhunglam atang chuan a ri ta rak mai. Matteo chu sam thur huangin a rawn lang a, boxer chiah a ha a. Hmanhmawh deuha ha tih a hriat mai. A boxer chu a letlingin a ha miau a lawm. Ka hawisawn daih.
"Ka phone chu ka chhang lo a nih chuan tihbuai ka duh lo tih in hrethiam ve mai lo em ni?" Matteo chuan a ti chang fak a.
Romero nen min hmuh takah chuan, "Chanchin ṭha tak min hrilh dawn loa hriatna ka nei," a tihzawm leh a.
Luca chuan Matteo darah a vuan a, "Hrep tak che hian Matteo! Ka rawn call che a nih chuan i phone kha chhang ta che. Thawmhnaw ha rawh u, tunah kan chhuah nghal a ngai."
"Enge thleng a?" Gianna chuan Matteo hnunga rawn din pah chuan a ti a. Satin bathrobe chauh a inbel tih ka hre mai. A hmel en mai pawh chuan an thil lo tih chu hai chi pawh a ni lo.
Aria nen chuan min melh tawn zak zak a. "Fxxx. Thil ṭhalo a thleng tiraw? Kha tar hur khan engtin nge a tih che?" A tih rual chuan a rawn chhuak a. Luca lo dan tumna chu namsawnin min kuah thlawp a.
"A thi tawh," ka lo ti sap.
"A ṭhat chu," a lo ti sam et. Romero dara ben sak thak pah chuan, "I that a ni maw, a dik em?" A ti leh a. Romero pawh chu a ṭhen ve suk.
"Aw, chuvang chuan hmanhmawh taka kan chhuah a ngai."
"Romero hian a sawi dik. Tuten emaw moneitu ruang let reng an rawn hmuh hmaa kan chhuah vat a ngai." Luca chuan dawhthei lo tih hriat tak chuan a lo ti ve bawk a.
"Outfit leh Familia kara indona chawk chhuaktu nih ka lo inbeisei tehlul nen, min chet khalh tlat mai. I che ṭha lutuk a nia, ka lawmpui che, Romero. A vawikhatna atan ka ring sual ve ta tlat mai." Matteo chuan ṭhen lui sak chungin a ti a.
"Keipawhin ka ring ve ṭhin tho a lawm." Romero chuan a ti ve mai bawk.
Luca chu a rum nghut a. "In titi tui lai chu tihbuai duh lo viau mah ila, helai hmun hi rang taka kan chhuahsan a ngai a nia." Matteo chuan Gianna chu zaizirin hmanhmawh turin a hrilh a, an pindanah bawk chuan an lut lehnghal a.
Rei vak loah Matteo leh Gianna-te chu thawmhnaw hain an lo chhuak veleh mai a. Inhnuai lama ṭawng ri ka hriat apiang chuan hlauh vangin ka phu leh dawrh zel a. Ka pa emaw, Dante emaw rawn lang thutin min kah nghal mai ka hlau a ni. Romero chuan ka hmaia ka sam tla deuh niai chu a hui kiang a, a mitmeng ka hmuh rual chuan thil dik tak ka ti tih ka hrechhuak a. Chu chu ka inhrilh nawn mawlh mawlh bawk. Hmangaihna hi chuan engkim a phu reng a ni. Mahse keimah vanga midangte buainaa ka hnuklut ve erawh hrehawm ka la ti reng tho.
Matteo leh Gianna-te an inpeih takah chuan chu in lian leh hmelmate tawmbuk ni mai chu, chhuahsan tumin kan inzui leh ta ṭham ṭham a. Party thawm pawh chu a zawi viau tawh a, a tam zawk chu mu turin an pindan lam an pan tawh tihna a ni. Tun dinhmunah hi chuan kan la vannei rih viau e.
Inhnuai panna kailawn pahnihna chu kan zawhthla mek a, he kailawn hian leihnuai garage panna kawngkhar a pawh chiah bawk.
Kan khawvela ni pawimawh deuhte chuan hetiang kalna ruk deuh hi an nei vek a. Engemaw a thlen thut pawha tlanchhuah mai a awlsam nana an siam a ni.
Kailawn kan chhuk thla a, corridor kan rap tur chiah chu ke pen thawm kan hre tlat. Chu ke pen thawm chu corridor veilam aṭanga lo chhuak a ni a, kan lam pana lo kal a ni tih hai theih a ni lo. Romero chuan a hnungah min dintir a, a silai chu kah mai theih turin thawm lo chhuahna lamah chuan a lek kang nghal bawk. Matteo leh Luca pawh chuan an ti ve nghal a. Ka thin phu rang lutuk chuan ka thawte pawh a tibuai thei hial.
An silai hmawrah chuan ri thupna tur, silencer chu vuah mah se thawm awm lo tawp chu a ni dawn lo a, an mi kah tur lah chu a au dawn em tih hriat pawh a ni lo. Inkahna a thleng a nih vaih chuan thawm a awm ngei ngei dawn. Keimah vang hian thisen chhuak tawh lo hram se ka ti takzet.
Ke pen ri chu a lo hnai zel a, Romero ban chu a nghet thei ang berin ka hmer ngawt ngawt a ni tawp. Fabiano a rawn lang hlawl mai!
Ke pen thawm kan hriat kha amah ngei a ni. Ani pawh chuan kan lam hawiin silai a rawn lek kang va bawk a. Ka nau a nih bakah member puitling pawh a la ni lo a, silai a pai ve reng ang tih chu rin ngaihna pawh ka hre lo zawk. Keini paruk chu ngun tak maiin min melh kual a, ngaihṭhat loh hmel fein mithmul a chuar nang bawk. Suit a la ha zaih a, a la inthlak hman lo a nih hmel.
Aria chuan Luca silai kenna lam ban chu a lo vawn sak vat a, mahse Luca chuan a silai chu dah thlak a tum hmel loh kher mai. Gianna pawh chuan engemaw sawiin Matteo chu a hrilhru sar sar a, mahse enge a sawi ka hre thei lo.
"Ti na suh." Romero melh chung chuan ka ti sap a. Ani chuan ka nau chauh chu ding takin a melh ngar thung.
"Eng thil nge thleng hi?" Fabiano chuan a ti ram hmak a. A landan aṭang mai chuan puitlingte pawh a ang viau mai. Ka nau mah ni se tual thah mai hreh lo hmelte pawh a pu.
"I silai kha dah thla rawh." Luca chuan a ti chang fak a. Fabiano chu zam loh hmel fein a nui hak a, mahse a zam deuh tih erawh ka hre thei.
"A teuh lo mai. Eng thil nge thleng ka hre duh." Tiin Aria, Gianna leh kei chu min melh kual a. Chutah Romero chu rum taka melh chungin a kiai leh suk a. Kei chuan Romero ban chu ka lo hmer nghet sauh a.
“Tinge silai keng chung khan i la vah kual, mu daih tawh tur i ni lawm ni?” Aria chuan a ti dam thlap a. Fabi dinna lam pan a tum chu Luca chuan a lo dang vat.
“Zanin hi ka duty zan a nih hi.” Fabi chuan inchhuan hmel pu lek lekin a ti a.
“Mahse member puitling pawh ila ni hleinem.” Hriatthiam loh hmel tak chuan ka lo ti vat a.
An thil tih zawng zawng chu hriatpui lemlo mah ila, member puitlinga an la lut a nih chuan ka hre ve ngei tur a ni tlat. Fabi hian engkim min hrilh ṭhin a, Aria leh Gianna-te pasal neih hnu phei kha chuan kan inpawh zual sawt bawk.
“Min lawm luhna tur an buatsaih mek a, chumi atan chuan zanin hi min enchhinna hmasa ber a nih hi.”
Fabi chuan inti thei ve deuh chuan a sawi a, a silai humna kut chu a khur deuh tih ka hmu thei. Keipawhin ka hmu a nih chuan ka bula ding, mi pathumte hian an hmuh hmaih hauh lo ang tih ka hre mai. Fabi chu a hlauthawng a, a zam bawk a ni tih hai theih a ni lo. Mahse chu chu lawmna tur a la ni chuang lo. A hlauhna leh zamna vang hian a silai hi a hmet puak ve thei tlat.
“Ka pa chuan silai kha i hman tak tak a rin vanga pe che a ni lo ang tiraw? Inneihnaah thil ṭha lo a thleng ngai hleinem, a thlen tirtu nih pawh a ṭha lo a nia,” ka lo ti vat a. Boruak ṭang lutuk tihnep tuma sawi ka ni bawk.
Fabi chuan ka bula mipa dingte chu a melh ding ngar a, anni pawh chuan khap lek loin an en let ve tho. Aria leh Gianna-te nen chuan kan inmelh hrek hrek a, Fabi hian awlsam takin min chhuah dawn lo tih kan hre tlang a nih hmel. Fabi hi thisen kan chhuah sak tur a ni lo, kan nau a ni tlat.
“Ka pa chuan silai ka kap ngam a, a ṭul phawt chuan ka kap hreh dawn lo tih a hriat vanga min pe a ni,” a ti a.
A ṭawngdan vel chu ka pa fuihna a sawi chhawng leh mai mai a nih ka ring. Ani hian min kaltir duh lo tak tak se engtin nge kan tih tak ang? A silai lah chu kan lam hawiin a lek kawh vah a, a kut chuan kah mai hreh lo hmelte pawh a pu tak tak tawh. Ka nau hi ramhuaiah an lo siam tak tak tawh tihna em ni?
CHAPTER - 54
“Kan pathum hian vawikhata thah theih chu i ring hauh lo ang tiraw?” Matteo chuan ṭhen sak pahin a ti a. Gianna chuan lo melh hrawkin, “Ngawi rawh, Matteo,” a lo ti vat.
Fabi chuan chang fein, “Ka tum chhin thei tal a lawm,” a lo ti ve hmak a.
“Fabiano, i unaute an nih hi. An natna tur thil chu i ti duh bik lo ang tiraw?” Luca chuan a ti dam thlap a.
“Lily hi hetah hian enge a tih? Tinge a pasal thar bulah a awm loh? Eng thil nge thleng hi ka hre duh ka tih kha. Engvangin nge in ruala hruai ve in tum? Familia member ni loin Outfit mi leh sa a nih hi.”
“Hetah hian ka awm thei lo, Fabi. Nangpawhin Benito nei lo tura min hrilh kha i hre tawh lo em ni? Min khawngaih ve a ni lawm ni?”
“Kha kha chu hmanlai thil a ni tawh. Nangpawhin i nei duh a, i nei ngei a lawm. Benito chu khawiah nge a awm reng reng?” Fabi zawhna chu chhang loin Romero ka melh a, tih dan tur a hriat ka beisei vang a ni.
“In that a ni maw…a dik em?” tih pah chuan Romero, Matteo leh Luca-te chu a melh tawn sek a.
“Outfit tihchhiat in duh vang a ni em? Ka pa pawhin kan chhiatna tur in zawng reng a ti,” a tih leh lai chuan a silai chu a lek sang sauh a.
Aria chu Fabi dinna lam pan tum chuan a pen leh a, mahse Luca bawk chuan a pawt bet lehnghal.
“Ka nau a nih hi!” Aria chuan a rawn ti ve hmak.
“I nau pawh ni se Outfit sipai a nih hi.”
“Fabi, Familia-te hian Outfit hi tihchhiat an tum reng reng lo. He thil hi ropuina inchuh vang a ni lo a, ka thiam loh vek a ni. Benito khan min khawih a tum a, ka vit ta a nih kha. Chuvang chuan helai hmun hi ka chhuahsan vat a ngai. Anih loh chuan ka pa hian hremna min pe dawn a, thah pawh min that hial maithei.”
Fabi chu a meng kawk a, a naupanna pawh a lang chiang hle bawk. “I pasal i that maw?”
Romero chuan nghet zetin ka kawngah a rawn kuah a, mahse a silai kenna lam erawh chu chet pawh a che eih lo. Fabi lu zawnah tak chuan a tin ding ngar mai. Ka nau hi a that a nih chuan……….ngaihtuah pawh ka ngaihtuah zui ngam lo.
“Tih ngaihna dang ka hriat loh vang a ni.” Ka ti a. Romero chemtein a vih hma khan a la dam tih chu sawi chhuah kher ka tum bik hauh lo. Anih loh chuan buaina a tam mai mai dawn.
“A nih leh khapa kha i enge a nih?” tih pahin Fabi chuan Romero melh chungin a bu nghat a.
“Mi ầ ka ni lo, in inkarah khan thil engemaw a awm tih ka hria.”
Dawt sawiin awmzia a nei dawn lo. Fabi pawh hi ka chhaih kawlh zual mai mai thei tlat. Chutia kan inbiak lai chuan Matteo chu Fabi lamah a tawlh hnai hret hret tih ka hria. Eng thil nge tih a tum chu hre lo mah ila, Matteo chetna a nih chuan thil ṭha a ni dawn lo tih ka hre mai.
“Ani nen hian engemaw chen kan inkawp tawh a. Benito kha ka nei duh lo tih pawh i hriat kha, mahse ka pa khan duhthlang theiin min siam loh vang a ni.”
“Chuan Aria leh Gianna-te ang thoin Chicago leh Outfit hi chhuahsan i duh tihna maw?”
“Ka chhuahsan a ngai.”
“I duh phawt chuan i lo kal ve thei a nia.” Aria chu a lo inrawlh ve vat a. A ṭawng sual tih hriain Luca chu a melh zawk a. Familia pawl zawm thei tura pawm theitu awmchhun a ni tlat a.
“I duh phawt chuan Familia mi leh sa i ni thei.” Luca pawh chuan a ti ve mai.
Fabi chuan lu a thing a. “Ka pa hian min mamawh. Outfit mi leh sa ka ni a, rinawm turin thu ka tiam tawh.”
“Member puitling anga lawmluh i la ni lo a, eng thutiam mah i bawhchhe dawn lo.” Matteo pawh chuan a lo ti vat a, dawt vek chu a sawi bik hauh lo. Mahse min zui a nih chuan phatsantu anga ngaih a ni dawn tho a, hremna pawh a pangngai reng.
“Outfit hi ka phatsan dawn lo.”
“Anih chuan chhuah ngei kan tum si a, min dan a ngai dawn a nih chu.” Luca chuan a ti sam et a. “Mahse chu chu ka thlen tir lovang. Thisen a chhuak anga, i thi ngei bawk ang.” Luca chuan a ti mai mai lo tih ka hria.
Ka inhum ruh nghal ṭeuh a, ṭawng chhuah tuma ka an zuau lai chuan Romero chuan lu a lo thing a.
“Silai kah ka thiam teh mai a nia.” Fabi chuan a ti leh a.
“Ka ring che a lawm, mahse keini pathum aia thiam i nih chu i ring lo ang tiraw? I u Lily hi hremna hmu tur chuan i duh tak tak ang maw? A kawng i dal sak a nih chuan thi turin i pe tihna a ni ang.” Luca thusawi vang chuan Fabi mitmeng chu a buai deuh nak a.
“Ka kal tir che u tih midangin an hria a nih chuan keipawh hi damin ka chhuak dawn lo. In tlanchhuak tur ka dan che u vanga ka thi a nih chuan, zahawm taka vui liam ka ni ang.”
Luca chu a bu nghut a. “A dik a lawm. Fak leh chawimawina i dawng bawk anga, mahse mitthi i ni tawh tho ang. I la naupang a, vawiin hian thih chu i duh tak tak a maw?”
Fabi chuan engtin mah a chhang lo a, mahse a silai ken lai chu tlemin a dah hniam ta deuh a.
“Min kal tir tih hi tuman an hriat a ngai lo. Min dan chu i tum ngei a, mahse kan tam zawk vangin min dang hneh ta lo a ni mai.” Romero chuan a lo ti vat a.
“Ka dawihzep vangin silai ka hmet puak ngam lo a, in tlan chhuak thei angah an ngai dawn a sin.” Luca chu Romero lam hawi chuan a bu zauh a.
“Hliam i neih chuan chutiang chuan an ngai miah lo ang che. I banah khan kan kap hliam anga, i duty ṭha takin i puitlin tiin fak i hlawh thung ang. Tumahin New York insual thiam berte hi dang turin an beisei dawn lo che. Silai kahna hliam i neih phei chuan an ringhlel dawn lo.”
“Ka nau hi in kap anga maw?” Aria chuan a ti ṭhat a.
“Hliam na tak tuar ta se engtin nge ni ang?” ka lo ti ve bawk.
“Ka duh phawt chuan a khabea hmulchhia chauh pawh hi ka kap fuh thei ang chu. A banah hian pawi khawih lo tawk turin ka kah theih ka ring.” Matteo chuan ṭhen sung chungin a lo ti a.
“A dam chhuahna tur ngaihtuah kan nia, a ban hliam ringawt chu thihna nen chuan khaikhin chi pawh a nih loh chu,” a la ti zui. Matteo hi chu a ngeiawm ṭhin ngawt mai.
“Chuan enge i ngaihdan, Fabiano?” Luca chuan Matteo ṭawng leh hma chuan a lo ti a. An silai chu an la lek kawh vek bawk.
Fabi chuan zawi muanga a silai dah thlak pahin a bu ta nghat a.
“Aw le, mahse ṭanpuitu ka auh a ngai dawn a, a karah hun a tlak tam lutuk chuan min ringhlel thei dawn a nia.”
“Minute 5 chauh hun min pek belh theih chuan, chu chu a tawk lutuk. Kan inkhalh chhuak hman ang. Thil awmzia an hriat rualin min umzui nghal dawn a, mahse minute 5 kan neih theih chuan a tawk. Dante hi khawlaia buaina siam duh chi a ni lo a, a hmingchhiatna turin a naute hi min um rei tir dawn lo. Indona chu nidangah ṭan a ni dawn a, min beih let dan tur ṭha ber a hriat phawt theih hunah.”
Luca chuan a ti zung zung a.
Keimah vanga hetiang zozai buaina a thleng ta hi hrehawm ka tiin, mahni inthiam lohna chuan min luh ngut ngut a ni ber mai.
Romero chuan min nuih sak a, mahse ka nuih let ve thei der lo. “Outfit nena buaina chhuak tur hi i thiam loh a ni lo. Nitin mai hian he hun hi kan beisei tawh zawk a sin,” a ti sar sar a. Ka hmelah hian ka inthiam lohzia a lang chhuakte pawh a nih ka ring.
CHAPTER - 55
Luca chu rawn hawi letin, “A dik a nia. I ute bakah Matteo vang hi ni lo se chuan, inneihna hmang tur pawhin Chicago-ah hian ka rawn kal hauh lo ang.”
An sawi hi thudik pawh a ni maithei. Mahse Benito thihna hian chu buaina in up bet chu a chhem alh dawn a. Buaina rapthlak tak chhuak tur chu khap daih theih a ni tawh lo.
“Kan tihtur chu ti ang u, hun kan khawhral mai mai.” Matteo chuan a ti vut a.
“Garage-ah inkap ila a ṭhat ka ring. A au thawm pawh an hre vat lo anga, hun kan neih belh thei dawn a ni mai.”
Kan vai chuan leihnuai garage pan chuan kan inzui thla a. New York-a ka hmuh ve ṭhin ai kha chuan a te zawk a, mahse Fabi hliam tuarin midang a koh khawm chhungin hun chu kan nei thei tho ang. Mipa ho chuan an silai chu an la hum far tho a, midang an lo lan thut an hlau pawh a ni maithei.
An car hawh chawp bulah chuan ka ding thap a, kan hmaah Fabi chu a ding thung. Romero min vawnna chu tal pitin Fabi lamah chuan ka tlan phei a. Outfit tana rinawm tura thu tiam ni mah se ka nau a ni a, hetiang thil tih a ngai hi ka indemin, hrehawm ka ti takzet. Ka kuah chawt a, ani pawh chuan min lo kuah let ve a. Ka pa hrualna hnuaia a awm hnu khan hetiang hian min kuah ngai tawh lo a, mahse tunah hian ka nau kha ka nei let leh ta niin ka hria. Engtikah nge ka hmuh leh dawn ka hre lo a, inhmu leh pawh ni ila hmelma kan ni tawh maithei bawk.
"Hetiang buainaa ka hnuhluh che vang hian min ngaidam dawn nia. He thil hi ka duh vanga thleng a ni bik lo a sin."
"Benito kha ka ngaina ngai lo. Ka pa hian kha putar kha neihtir lo che sela ṭha tur," a tih lai mek chuan Aria leh Gianna-te pawh lo kalin kan inkuah khawm a.
"Kan kal a hun tawh." Luca aw ka hriat rual chuan harh chhuak thut ang mai ka ni.
Fabi chu thlahin Romero dinna lamah bawk chuan ka let leh a, car-a lut tur chuan zaizirin min hrilh nghal. Aria leh Gianna-te pawh an lut ve mek bawk. Romero leh Matteo chu Fabi bulah dingin, an kah dan turte chu an hrilhfiah a. Chumi hnu chuan car awmna lamah rawn pheiin, Fabi chuan silai vawihnih a hmet puak hmasa a. Matteo chuan a silai chu a hmet puak ve nghal a. Fabi ban bulah chuan a kap ta pawp mai.
Ka maimitchhing sawk a, au chhuak lo turin ka ka ka hup bawk. Ka nau chuan a silai a thlauh a, a ṭhingṭhi nghal rap mai. Fabi na tuar hmel ka hmuh chuan ṭah vak maite pawh ka chak. A tider hauh lo tih a chiang hle bawk.
Romero chu driver seat-ah a rawn ṭhu lut a, Luca chuan garage kawngkhar hawnna chu a hmet ve nghal a. Mikhual ho chuan pawnlamah car an dah vek vangin, kawngkhar inhawng ri chu an hriat ka hlau kher mai. Thawm dim thei ang ber chuan kan tawlh chhuak a.
Keini pahnih chu car hmasa zawkah chuangin kan tlan hmasa a. Matteo car pawh kan hnungah a rawn tlan ve nghal. Inneih hmanga rawn kal zurui ṭhenkhat chu pawnah chuan an la ṭhu a, ka thinphu chu a ri dut dut mai. Mahse hlauh vanga tawi khawmuang thei kan ni lo a, a nih nih ni tura kan tlanchhuah tho tho a ngai. Chak fea kan tlan chhuah rual chuan ka ṭhutna chu nghet tawkin ka hmer ngawt ngawt. Darthlalang atang chuan hnunglam chu ka en a, mahse Matteo car chauh ka hmu.
"Tuman min umzui lo," ka ti chhuak hliai a.
"Nghak rih rawh. Thil thleng kha hrethiam mai tur chuan an rui mah mah. Mahse min umzui tura harhfim tawk chu an awm em em ang." Romero chuan a lo ti vat.
Ani lah chu a hahdam hmel viau mai bawk sia, mahse mak ka ti hran lo. Harsatna a thlen chang pawh a talbuai lo turin hun rei tak mafia sipai ṭha ber a ni. Tun ṭum lah hi hmelma ho nena an in um vawikhatna a ni lo bawk a. Nghet takin ka maimitchhing a, darkar 24 chhunga ka chunga thil thleng chu mak rum rum tak a ni. Ka kut vuantu an awm takah chuan ka meng zawk a, Romero a lo ni.
A khalh chak tehreng nen, kut khingkhat chauhin awlsam takin a khalh a. Kan inkarah chuan lak mai theih turin silai a dah bawk.
"New York kan thlen hunah engtin nge kan awm ang?"
"Ka bulah i awm tawh ang." A tih zawh chuan a ngawi dat a. "I unaute bula awm i duh zawk a nih loh chuan," a tih zawm leh chuan lu ka lo thing vat a.
"I hlata awm ka duh tawh lo." Romero chuan ka kut chu la kangin a fawp vang vang a. Side glass a melh rual chuan a taksa ṭang nghal ṭawlh ṭawlh chu ka hre thei. Ka kut chu thlahin kan inkara silai chu a ban zui zat a.
Hnunglam hawia ka inher takah chuan, kan hnunga car pathum min rawn zuitute chu ka hmu nghal. Hma lam hawia inher lehin ka ṭhu hniam a, ka ṭawngṭai nghal mawlh mawlh. Sakhaw mi tak ni lem lo mah ila, tun dinhmunah hi chuan tih theih dang ka nei lo a ni. Silai an la hmeh puah loh vang chuan Outfit ho chuan thang an kam a nihte ka ring rum rum a.
"Tinge an rawn kah miah loh a?"
"Mihring chenna hmun a ni a, Dante chuan Outfit hmingchhiatna tur eng thil mah a ti lo ang. Khawpui kan chhuahsan hun nghak turin a hrilh a nih ka ring. Khawpui chhung chu kan pel ṭep tawh a, industrial area kan tlan lut ṭep."
Romero chuan a sawi dik chiah. Thil siamna hmun niawm tak, in lian pui pui awmna chu kan thleng chawpchilh nghal mai a. Outfit car-te chu rawn tlan chak sauhin silai an hmet puak zui bawk a. Kan hnungah Matteo a tlan miau vang chuan Romero pawhin a kap let ve mai thei lo a, car chesawn renga chuang kan nih vang chuan tihsual palh a awm thei tlat a ni. Mahse Luca chuan passenger seat aṭangin hnunglama carte chu a kap let ve tih ka hnu thei. Aria leh Gianna-te erawh chu ka hmu mai lo a, a hnung seatah chuan silai muin a fuh mai loh nan an ṭhu tlumte pawh a ni mahna. Tlan chhuak thei lo ta ila, keini ho hi hetah hian thi ta ila engtin nge ni ta ang?
Min umtute zinga pakhat chu an kap fuh ta hlauh mai. A car chu a vir pawp pawp a, a let ta ngut mai. Mahse pahnih dangte chu an rawn tlan chak sauh thung a.
Engtia rei nge chutiang chuan kan in um pawh ka hrethiam tawh lo. Matteo leh Romero-te hian tihsual an nei hlauh a nih chuan keini ho hi chu thi sa tluk kan ni mai, tih chauh chu a ni ka hriat. Chutih lai chuan min umtu car pahnihte chu an ding thut a, an inher ta daih mai.
"Tinge min umzui tak loh a?"
"Dante thupek a nih ka ring. Ka sawi tawh kha, ani hi chu a fimkhur a lawm. Ti hian phuba lakna hun remchang a zawng anga, tha tharin a rawn thawk chhuak leh mai ang." Romero chuan a ti sam et a.
Ka thaw chhuak halh a, he thil hi a tawp mai dawn lo tih ka hrechiang. Dante pawh ka hre chiang a, Romero hian a sawi dik. Mahse zanina min umzui ta lo hi ka lawm reng reng. Nakin hun chu naktukah kan ngaihtuah tawh mai ang. Romero car khalh lai chu ka en leh a, hetia kan awmdun thei ta mai hi awih harsa ka ti.
Zun ram thiarin vawihnih vel kan ding tih loh chu khawiah mah kan chawl khawmuang lo. Biak pawh kan inbe meuh lo a ni zawk. New York khawpui kan lut a, inchhawng sang tak takte ka hmuh takah chuan ka hahdam huai huai e. A chhan ka hre lo, mahse mahni ina haw ang maiin him ta riauin ka inhria a. Luca lalram kan thleng tawh a, Dante chuan awlsawm takin min khawih thei hauh lo ang.
“Karei leh, Lily!” Aria chuan a ti hap a. Hetiang taka a hlauthawng hi ka la hmu ngai lo hialin ka hria.
“Enge thil awmzia, i ṭha em?” a tih leh lai chuan ka ban leh ka taksa dangte chu a en kual zung zung a. Ka kawrfual ṭet deuh hnuang a hmuh takah chuan a tawp chat. Mahse ka chhang chuang lo.
Luca chuan Benito ruang chu a pan phei a, ngawi rengin ruang leh a bul velte chu a thlek kual a. A hmel chang rum ul chu hlauhawm tak a ni. Luca hian Romero lakah eng zahngaihna mah a lantir dawn lo tih a chiang reng. Aria hian kei chu ka him theih nan tih theih a nei maithei. Mahse Romero hi chu a vanduai dawn tih hai theih a ni lo tlat. Keimah vanga tuar tur a ni dawn a, a thi lai emaw, hremna a tuar lai emaw pawh ni se ka en thei dawn lo.
Luca chu muangchanga rawn hawi chhuakin mitmeng vawt lutuk chuan min melh ran a.
“Eng thil nge thleng hi?” a ti bul hmuk bawk.
Romero chu ka melh vat a, thu dik sawi turin min duh a ngem? Kan dam khawchhuah theih nan thawnthu phuahchawp tur ka ngaihtuah a ngai.
Luca chuan din ngil pahin, “Thudik chauh ka hre duh,” a ti rum leh ul a.
Aria a lo inrawlh vat. “Luca, Lily hi a la pangngai lo a nia, hun tlem pe rih rawh.”
“Hun pek belh tur kan nei lo. He pindanah hian Outfit member pawimawh tak ruang a leh reng hi. Hun kan ngah tawh lo a nia.”
Aria chuan ka darah a hmer salh a, “Lily, i ṭha em?”
“Ka ṭha. Min tina hman lo a nia,” ka ti sap a.
Awih lo tih hriat zetin a ner nang a, mahse sawifiah belh ka tum lem lo.
“A tawk.” Luca chuan a ti leh hmuk a. Romero lam pan pahin, “Chhanna ka duh. I thutiam kha hre reng ang che,” a ti hmuk a.
Romero lah chuan dawt a sawi dawn lo tih ka hre mai. Ka hlauthawng lutuk chu ka var vek thei hialin ka ring.
“Ka hria a lawm,” Romero chhanna lah chuan min tichiai zual.
Luca chuan ruang chu a kawk vu a. “I thutiam hre reng chu i va ang si lo ve. He thil hi Liliana thil tih ringawt chu a ang tlat lo.”
“Liliana hian tihsual a nei lo.” Romero chuan a lo ti nghet charh a. Romero hian Liliana tiin min ko ngai miah lo. Eng thil nge tih a tum tak ang?
“Pindana ka luh lai hian Benito hi a la thi lo. Putara hian khawih a tum vangin lehkhathawn hawnna hian a vit a, a vih chhan pawh a himna tur a nih vang chauh a ni.”
“A himna tur a?” Luca chuan a ti leh ṭhat a. A mit paw ram chuan min melh chiang kher mai.
“Eng thil nge a tih?”
“Pawngsual a tum a lawm.” Romero chuan a lo ti leh vat a.
“Nang kha ka zawt lo che.”
Aria chuan min vawnna thlahin, Luca banah chuan a vawn sak a. Mahse Aria chu a awm ve tih hre hmel pawh a pu lo.
“A nupui a nihna angin mutpui a tum a, chu chu tuman pawngsual an ti ngai lo. Benito hian a duh anga a chunga ti turin dikna a nei bawk. A pasal a nih hi, Phiangsen hian!”
Romero chu a pen hma det a, mahse a ding leh daih.
“Khatiang khan sawi suh,” Aria chuan melh kar pahin a lo ti vat a.
“Dan chu i hriat kha Aria. Thil nihna diktak a nih hi ka sawi.” Luca chuan a ti dam thlup. Aria hi chuan a chungah thil tihtheihna nasa tak a nei tih hai theih a ni lo.
“Chulam chu ka ngaihtuah lo. Eng ang pasal pawh ni se a nupui duh lo chung mutpui turin dikna a nei lo. Chu chu helaia mite pawh hian an pawm tur a ni.”
Aria chu a inrintawk hmel kher mai. Kei erawh chu ka khur der der thung. Engkim mai hian min tihrehawm a, ka chau ngawih ngawih. Tunah tak hi chuan Romero awm ngheng chiala mut bak thlakhlelh ka nei lo. Romero chu ka bulah rawn dingin, ka darah duat takin min kuah a.
Luca chuan mit zim san chungin, “He thil tawpna hi a chhe dawn ka tih sa kha. Chuan kan ring chhin teh ang, Liliana hian a pasal hi a vit a, chuan, a bul ṭan tawh hmawr bawk tur chuan nang hi a rawn ko ta che a nih hmel. Chu chu a dik em?”
“Aw,” Romero chuan a lo ti thawp sat a.
“Chuan, a dam chhuak a nih chuan Liliana hi a puh a nga. Hremna pawh Outfit dan anga pek a ni bawk ang.” Luca chu ngeiawm zetin a nui chhuak hawk a.
“Tunah hian hremna chu a pumpelh tak i ring em ni? Hremna an pe satliah lo ang, a chungthu an ngaihtuah hmasa anga, tichuan hremna satliah ni loin, a rapthlak ber a ni hial ang. He thil hi kan ruahmanna angah an ngai dawn a, thisen tam tak a chhuak ang. Dante hi a thil tihtheihna lantir nuam ti tak a ni a, indona a puang ngei ang. Heng zawng zawng hi i kap a mi leh, i thinlung i thunun theih loh vang chauh a nih hi!”
“Nangpawh ni la i ti ve tho ang. Aria chhuhsak tumtu che chu tupawh ni se i en liam mai mai bik hauh lo ang.” Romero chuan a ti let ve hluk.
“Mahse Aria hi ka nupui a nia sin. Liliana nen hi chuan tehkhin buai duh lo mai teh.”
“Ka thu chu ni se, Lily hi ka nupui a ni ve tho ang.”
Mak tizet chuan ka lo en deuh ha a, min neih duh thu hi vawikhat mah a la sawi ngai lo. Lawm vangin ka thin a phu dup dup a, mahse Luca hmel rum ul chuan ka hlimna tawizia min hriat nawn tir lehnghal.
“He thil hi a man petu tur an awm a ngai,” a ti leh hmuk a. A ngawih leh dat hnu chuan sawi zawm lehin, “New York Familia Capo ka nih angin he thil hi Liliana mawhphurhnaah ka dah dawn a, Outfit mi leh sa a ni tho bawk a. Dante pawhin indona a puan loh hram ka beisei.”
A thusawi chu thihna tluk hial a ni tih hrilh nawn ka ngai bik hauh lo. Dante chuan thi turin ka chungthu a rel lo maithei, mahse ka pa ngaihtuah turin a kutah a dah ngei anga, ka pa hi chuan min zuah dawn lo tih chu ka beng ka hriat chian tluk zetin ka hrechiang.
Gianna thil tih vang khan tun thlengin a la hua a, a fanu ang pawhin a en tawh lo a ni a. Kei phei chu thi nen thuhmun reng ka ni ang.
“Chutiang chu i ti thei lo ang.” Aria chuan a lo ti vat a. Luca bana a vawnna pawh chu a hum nghet thawkhat tih a hriat mai, a kutchang pawh a var pap tawh.
Romero chuan min kuahna thlahin, Luca-te dinna lam chu a pan phei a. Chhuatah chuan ṭhingṭhiin ban a phar a. “He thila mawhphurtu tur chu keimah ka ni. Liliana hi hun rei tak ka lo ngaizawng tawh a, zanin khan insum zo loin ka umzui ta a. Tichuan, Benito hian Lily khawih a tum lai chu va hmuin ka that ta mai a ni. Keipawh hian putara thil tih lai chu chhunzawmin, Lily chu pawngsual ka tum ve leh a, mahse ka pindanah ka awm lo tih hriain min zawng kual a. Lily chunga pawi ka khawih hmain min rawn hmu hman ta a ni. Tichuan Outfit leh Familia-te karah indona a chhuak lo anga, Lily pawh hian nun thar a hman theih phah dawn tihna a ni mai.”
“Chu thawnthu phuahchawp chu ring tura kan beisei dawn a nih chuan felhlel lai a awm tlat.”
Luca chuan a lo ti nghut a. Romero pawh chuan Luca chu a en kar a, a bu ve ta nghat a.
"Ka nunna thlengin ka thàp a nge, min kap rawh."
Aria nen chuan, "Ti suh," tiin kan au rual thawt a.
Luca leh Romero chuan melh pawh min melh eih lo, an pahnih chuan ngawi rengin an inmelh dun ngar ngar a. An inkarah chuan ka va tlazep vat a, mafia dan leh dun tih vel mai mai ka ngai pawimawh ve lo. Luca dinna lam chu ka pan hnai a, ka mit sir chuan Romero tho chhuak mek chu ka hmu thei bawk. Luca chuan ka chungah eng thil emaw a tih mai a hlau a nih hmel, mahse tunah hi chuan engmah hlauh ka nei lo. Luca hian keimah vanga Romero hi a that a nih chuan keipawh hi ka thi ve nghal ang. Ka hmangaih ber tel lo hian dam thlakhlelhna ka nei lo.
Luca hmel rum ul chu ka melh lui ve kar a, "Khawngaihin, khawngaih takin that lul suh. Eng thil pawh ka ti ang, ani hi chu that suh. A tel lo chuan ka dam thei dawn chuang lo." Ka ṭawng lai chuan ka mittui a luang zawih zawih a, mahse hruk pawh ka tum buai duh lo.
CHAPTER - 52
Romero chuan ka darah rawn vuanin a taksa ngheng tur chuan min pawt hnai a. "Lily, ti suh. Familia sipai ka ni a, Familia tana ka thutiam kha ka bawhchhia a lawm. Familia hi dah hmasa ber ṭhin tura intiam ka ni a, hremna ka hmu ngei tur a ni."
"Chutiang thutiam mai mai ka ngai pawimawh lo, chàn che ka duh lo a ni mai."
Aria chuan zawitein Luca awmah a lo nem sak a. "Khawngaihin Luca, Romero hian a hmangaih a humhim vang hian hremna pe lul suh. Lily nen hian an inhmangaih a sin. Ka ngen che a ni, Luca."
Aria ṭawng ri chu ka hre thei chang chang chauh a ni. Va kuah thlawp mai chu ka duh a, mahse ka chesawn ngam si lo. Luca nen chuan ngawi rengin an in en vang vang a, nupa kara inhriatthiam tawnna nasa tak chu ka tihbuai sak ngam lo. Romero himna tur a nih hlauh phei chuan.
Romero chu ka melh zawk a, a hahdam hmel phian mai. Thih hi a hlau ve miah lo nge, keimah hi min ngaihtuah ve miah lo le?
Luca chuan a mit lasawnin, a àwma Aria kut pawh chu dimtein a dah thlak sak a.
"Tute emaw rilru put hmang vangin ka rorel dan ka thlah dul thei lo. Capo ka ni a, Familia tana ṭha ber tur ka ngaihtuah a ngai."
Romero chu a lo bu leh nghat a. Min kal pelin Romero hmaah bawk chuan a va ding leh a, ka tha khur chu ka thunun thei lo, ka mangang takzet tawh. Aria pawh chuan hlauthawng tih hriat takin min rawn melh vat a.
"Ka sipai ṭha ber i ni a, Familia hian a mamawh che a sin. Aria veng tur pawh hian nang tluka rin ka nei lo." Luca chuan a ti a.
Romero dara vawn pah chuan, "Keini pawl pahnihte karah hian buaina a inṭham rukna a rei tawh a, chu thil inṭham mek chu a puah darh rih loh beisei vang ngawt chuan i nunna hi ka laksak lo ang che. He thilah hian a tawp thlengin kan ding dun ang," a ti leh ta mai.
Lawm vangin ka ṭap chhuak lo chauh. Aria chu rawn tlan pheiin min kuah chawt a, ka manganna pakhat chu lak kian a ni ta.
"He in aṭang hian damin kan chhuak thei pawh a ni maithei a, mahse hmelma ramchhunga awm kan ni a. Min hual bet vek dawn." Luca chuan ngaihtuah nei tih hriat takin a tihzawm leh a.
"Mikhual tam zawkte kha chu an ruih loh vek pawhin an muhil tawh dawn a. Tuma hmuh lohin kan chhuak ru thei maithei. Zingah chauh Benito a awm lo tih an hria anga, chutih hunah chuan New York-ah kan awm daih tawh ang. Romero chuan a ti a. A awah chuan hahdam huaite pawh a ang ve ta deuh.
Lo va kuah chung chung mai chu chak viau mah ila, Luca nen hian thil pawimawh tak buaipui tur an la nei si. Ka buaina siam ngei mai hi. Helai hmun hi damin kan chhuahsan thei a ngem? Outfit ho lah chuan min tam hneh nasa mai si. Hei hi an lalna ram a ni a, kan himna tur chu mel tamtaka hlaah a awm.
"Matteo leh Gianna ka call anga, hetah hian lo kal phawt sela kan chhuah dan tur chu kan ngaihtuah dawn nia." Luca chuan a ti a. A phone chu a bengah a chuktuah nghal bawk.
Romero chu rawn inherin ka biangah chuan a dawm a, a kut chu ka lo vawn sak ve vat. Aria chuan hun thawl mi pe tih hriat takin Luca dinna lam chu a pan ve vat bawk.
"Ka hlau hman lutuk a sin," ka ti sap a.
Romero chuan min kuah pahin, "Ka hria a lawm," a lo ti dam thlap a.
"I hlau ve lo em ni? I thih teuh em kha."
"Mafia pawl ka zawm ni aṭang khan dinhmun derthawngah ka awm daih tawh a lawm. Ngaiah ka neih tawh. Zanina ka hlauh chu, Benito putara nen lawiṭhat zan hmang tura in kal lai kha a ni. Tih theih nei si loin ka thlir liam che a, khatih lai khan ka that chak daih tawh a sin. Nilo, pasal atan i nei dawn tih ka hriat aṭang khan ka that chak daih tawh. A thaw ka tihtawp sak thei hi ka lawm a ni. Boruak ṭha a ti hek, dam ve reng a phu lo," a tih chuan, "Keipawh," ka lo ti ve sap a. Dingdihlip àk àkin ka fawp ta vawng vawng a.
"Hrep tak hian, Matteo phiangsen hian a phone a chhang thei lo!"
"An chungah thil ṭha lo a thleng a nih i ring em?" Aria chuan a pasal melh kar chung chuan a ti a.
Romero chu a nui huk a, Luca nen an inmelh pah zauh.
"Eng thil ṭha lo mah a thleng lo. Matteo chuan i nau kha chintawk awm miah loin a suasam mek a, ka phone pawh a chhang duh lo tihna a ni mai." Luca chuan a ti nghut a. Ka lo ner nang ringawt.
Ni e, thil thleng mek chu keipawhin ka hrethiam a, ka ngaihtuah duh lo mai a ni zawk. Ngaihtuahna thar ka nei thut.
"An pindanah chuan kan kal thei mai lo em ni?"
Luca chuan lu thin pahin, "Kan chhuahna tur kawngkhar a hlat lutuk." A phone bawk chu a ngaithla leh a. "Hrep chuan!" A phun zui leh hluk.
"Benito ruang hi bathroom ah zawn phei ila, chhuata thisen baw nuai pawh hi engin emaw khuh bo ila a tha ang. Tu emaw an lo lut palh a nih pawhin hun kan neih tam phah deuh anga." A sawi zawh rual chuan Luca chuan a phone chu a ak a, Benito ke chu a vuan nghal a. Romero pawh chuan a banah a lo vuan ve nghal bawk.
Ruang thisenin a bual huh zuih an zawn lai chuan ka tiril a khur lehnghal titih der tawh. Ka pasal ruang chu dimna tel hauh lo chuan an hnuk deuh dawt dawt mai.
"I mo thuam hi phelh la, thawmhnaw pangngai deuh ha la a tha ang." Aria chuan a lo ti sar sar a.
Ka ban a rawn khawih takah chuan ka lo phu deuh zawk a. Inthing harhin ka bu ve ta nghat a. Luca leh Romero-te pawh batbroom aṭangin an lo chhuak ve mek a, New York kan thlen dan tur an sawi dun bawrh bawrh a.
Ka bag aṭang chuan jeans leh kawrlum pan deuh chu ka pawt chhuak a, bathroom a inthlak tur chuan ka kal a. Mahse kawngka ka thlen chuan ka ding chawt. Bathtub-ah Benito chu a lo mu tlawn zuar a, ruang dai tawh leh meng pual ru nena awm chu ka duh teuh lo. Ka pum a let but a, ka uak nghal tuarh mai.
"Hey," tih pahin Romero chu ka hnungah a rawn ding vat a. "Ka lo kalpui ang che aw," dam thlapa a tih chuan ka thaw halh a, ka bu zui nghat a. Bathroom-ah chuan kan in zui lut a.
Ka kawrfual chu min phelhpui sawk sawk a, "I mo thuam, hetiang kher kher hi chuan ka phelh sak che ka lo ring ngai hauh lo," a tih tak sapah chuan ka nui chhuak hawk a. Ka kawrfual pawh chu chhuatah ka theh thla nghal a.
Ka tan chuan ka nuna thil rapthlak ber thlen ni a ni tih lantirtu a ni tlat a. Chutia ka phelh ta chu ka thawveng huai theiin ka hria. Engtikah emaw chuan ka duh tak nei turin pasal ka la nei leh anga, ka duh ang takin a ni tawh bawk ang. Ka thawmhnaw ken luh chu ka ha nghal sawk sawk a, Romero chuan chhuata ka mo thuam let reng chu a pawm kang a. Kan inneih hun atan dahṭhat a tum emaw ka ti hman hial a lawm.
"Kha kha enga tan nge i tih a?"
"Chhuata thisen kai khuh nan ka hmang dawn. Lawiṭhat zan a ni a, chhuata i mo thuam let reng chu tuman rinhlelh nachang an hre lo ang. A nih dan tur a ni tlat."
Bathroom aṭang chuan kan inzui chhuak a, carpet vara thisen kai khuh nan chuan a hmang a. Luca chuan buk nghut pahin, "Ṭha lutuk, kan kal a ngai tawh a nia. Helai hmunah hian ṭul loa hun khawhral ka duh lo," a ti a.
Aria vawn turin a kut chu a pe nghal bawk a. Hemite nupa hi chu reitak an inti tau thei dawn lo tih ka hria. Zanina Aria ngenna vanga him thei ta kan ni tih lah ka hai bik hek lo.
Luca chuan a silai a phawi a, kawngkhar chu hawngin corridor chu a him leh him loh a thlek kual zak zak a.
"Ka bulah awm tlat ang che." Romero chuan min lo ti ve bawk a. Ani pawh chuan a silai a phawi a, a kut lehlamin min kai nghal bawk.
Luca chu a bu leh nghat a, kawngka chu hawng zauin a pen chhuak zui a. Aria chuan a zui a, keini pawh chuan kan zui ve nghal a. Tumah kan tawng tawh lo. Corridor chu a reh ṭhup a, mahse inhnuai lam aṭang chuan nui rite pawh hriat tur a la awm. Phur fal deuhte chu an la party reng a nih hmel. An cigar zuk rimte pawh ka hre thei a, Benito thaw rim min ti hrechhuak zawk mai. Mahse chu chu ngaihtuah duh loin kan hun tawn mekah chuan rilru ka dah ta daih a.
CHAPTER - 53
Thil dang ngaihtuahna hun a ni lo, tute mah chuan min rawn hmuh loh hram ka beisei. Luca leh Romero-te hian silai an hmeh puah ngei a ngai dawn a, indona chu ṭan a ni nghal ang. Aria chu a rawn hawi let a, ka ngaihtuah ang tho chu a ngaihtuah ve tih ka hre thei. Romero leh Luca chuan an thil tih chu an hriat chian hmel em em a, hlauthawng hmel pawh an pu ve miah lo.
Gianna leh Matteo-te pindan chu kan thleng ve ta mai a, Luca chuan ring vak loin kawngkhar chu a kik karh karh a. Mahse a hmelah chuan kawngkhar chu tihchhiat mai a chak tih a lang reng. Pindan chhunglam thawm ka hriat ve takah chuan Luca hmel landan danglam tầk chhan pawh chu ka hrethiam ve ta mai a. A kik leh pawh chuan an la rawn chhang ta chuang lo. Ka thaw chhuak halh a, ka thin phu chu a rang tawh kher mai. Luca chuan a kik nawn leh a, chhunglam atang chuan a ri ta rak mai. Matteo chu sam thur huangin a rawn lang a, boxer chiah a ha a. Hmanhmawh deuha ha tih a hriat mai. A boxer chu a letlingin a ha miau a lawm. Ka hawisawn daih.
"Ka phone chu ka chhang lo a nih chuan tihbuai ka duh lo tih in hrethiam ve mai lo em ni?" Matteo chuan a ti chang fak a.
Romero nen min hmuh takah chuan, "Chanchin ṭha tak min hrilh dawn loa hriatna ka nei," a tihzawm leh a.
Luca chuan Matteo darah a vuan a, "Hrep tak che hian Matteo! Ka rawn call che a nih chuan i phone kha chhang ta che. Thawmhnaw ha rawh u, tunah kan chhuah nghal a ngai."
"Enge thleng a?" Gianna chuan Matteo hnunga rawn din pah chuan a ti a. Satin bathrobe chauh a inbel tih ka hre mai. A hmel en mai pawh chuan an thil lo tih chu hai chi pawh a ni lo.
Aria nen chuan min melh tawn zak zak a. "Fxxx. Thil ṭhalo a thleng tiraw? Kha tar hur khan engtin nge a tih che?" A tih rual chuan a rawn chhuak a. Luca lo dan tumna chu namsawnin min kuah thlawp a.
"A thi tawh," ka lo ti sap.
"A ṭhat chu," a lo ti sam et. Romero dara ben sak thak pah chuan, "I that a ni maw, a dik em?" A ti leh a. Romero pawh chu a ṭhen ve suk.
"Aw, chuvang chuan hmanhmawh taka kan chhuah a ngai."
"Romero hian a sawi dik. Tuten emaw moneitu ruang let reng an rawn hmuh hmaa kan chhuah vat a ngai." Luca chuan dawhthei lo tih hriat tak chuan a lo ti ve bawk a.
"Outfit leh Familia kara indona chawk chhuaktu nih ka lo inbeisei tehlul nen, min chet khalh tlat mai. I che ṭha lutuk a nia, ka lawmpui che, Romero. A vawikhatna atan ka ring sual ve ta tlat mai." Matteo chuan ṭhen lui sak chungin a ti a.
"Keipawhin ka ring ve ṭhin tho a lawm." Romero chuan a ti ve mai bawk.
Luca chu a rum nghut a. "In titi tui lai chu tihbuai duh lo viau mah ila, helai hmun hi rang taka kan chhuahsan a ngai a nia." Matteo chuan Gianna chu zaizirin hmanhmawh turin a hrilh a, an pindanah bawk chuan an lut lehnghal a.
Rei vak loah Matteo leh Gianna-te chu thawmhnaw hain an lo chhuak veleh mai a. Inhnuai lama ṭawng ri ka hriat apiang chuan hlauh vangin ka phu leh dawrh zel a. Ka pa emaw, Dante emaw rawn lang thutin min kah nghal mai ka hlau a ni. Romero chuan ka hmaia ka sam tla deuh niai chu a hui kiang a, a mitmeng ka hmuh rual chuan thil dik tak ka ti tih ka hrechhuak a. Chu chu ka inhrilh nawn mawlh mawlh bawk. Hmangaihna hi chuan engkim a phu reng a ni. Mahse keimah vanga midangte buainaa ka hnuklut ve erawh hrehawm ka la ti reng tho.
Matteo leh Gianna-te an inpeih takah chuan chu in lian leh hmelmate tawmbuk ni mai chu, chhuahsan tumin kan inzui leh ta ṭham ṭham a. Party thawm pawh chu a zawi viau tawh a, a tam zawk chu mu turin an pindan lam an pan tawh tihna a ni. Tun dinhmunah hi chuan kan la vannei rih viau e.
Inhnuai panna kailawn pahnihna chu kan zawhthla mek a, he kailawn hian leihnuai garage panna kawngkhar a pawh chiah bawk.
Kan khawvela ni pawimawh deuhte chuan hetiang kalna ruk deuh hi an nei vek a. Engemaw a thlen thut pawha tlanchhuah mai a awlsam nana an siam a ni.
Kailawn kan chhuk thla a, corridor kan rap tur chiah chu ke pen thawm kan hre tlat. Chu ke pen thawm chu corridor veilam aṭanga lo chhuak a ni a, kan lam pana lo kal a ni tih hai theih a ni lo. Romero chuan a hnungah min dintir a, a silai chu kah mai theih turin thawm lo chhuahna lamah chuan a lek kang nghal bawk. Matteo leh Luca pawh chuan an ti ve nghal a. Ka thin phu rang lutuk chuan ka thawte pawh a tibuai thei hial.
An silai hmawrah chuan ri thupna tur, silencer chu vuah mah se thawm awm lo tawp chu a ni dawn lo a, an mi kah tur lah chu a au dawn em tih hriat pawh a ni lo. Inkahna a thleng a nih vaih chuan thawm a awm ngei ngei dawn. Keimah vang hian thisen chhuak tawh lo hram se ka ti takzet.
Ke pen ri chu a lo hnai zel a, Romero ban chu a nghet thei ang berin ka hmer ngawt ngawt a ni tawp. Fabiano a rawn lang hlawl mai!
Ke pen thawm kan hriat kha amah ngei a ni. Ani pawh chuan kan lam hawiin silai a rawn lek kang va bawk a. Ka nau a nih bakah member puitling pawh a la ni lo a, silai a pai ve reng ang tih chu rin ngaihna pawh ka hre lo zawk. Keini paruk chu ngun tak maiin min melh kual a, ngaihṭhat loh hmel fein mithmul a chuar nang bawk. Suit a la ha zaih a, a la inthlak hman lo a nih hmel.
Aria chuan Luca silai kenna lam ban chu a lo vawn sak vat a, mahse Luca chuan a silai chu dah thlak a tum hmel loh kher mai. Gianna pawh chuan engemaw sawiin Matteo chu a hrilhru sar sar a, mahse enge a sawi ka hre thei lo.
"Ti na suh." Romero melh chung chuan ka ti sap a. Ani chuan ka nau chauh chu ding takin a melh ngar thung.
"Eng thil nge thleng hi?" Fabiano chuan a ti ram hmak a. A landan aṭang mai chuan puitlingte pawh a ang viau mai. Ka nau mah ni se tual thah mai hreh lo hmelte pawh a pu.
"I silai kha dah thla rawh." Luca chuan a ti chang fak a. Fabiano chu zam loh hmel fein a nui hak a, mahse a zam deuh tih erawh ka hre thei.
"A teuh lo mai. Eng thil nge thleng ka hre duh." Tiin Aria, Gianna leh kei chu min melh kual a. Chutah Romero chu rum taka melh chungin a kiai leh suk a. Kei chuan Romero ban chu ka lo hmer nghet sauh a.
“Tinge silai keng chung khan i la vah kual, mu daih tawh tur i ni lawm ni?” Aria chuan a ti dam thlap a. Fabi dinna lam pan a tum chu Luca chuan a lo dang vat.
“Zanin hi ka duty zan a nih hi.” Fabi chuan inchhuan hmel pu lek lekin a ti a.
“Mahse member puitling pawh ila ni hleinem.” Hriatthiam loh hmel tak chuan ka lo ti vat a.
An thil tih zawng zawng chu hriatpui lemlo mah ila, member puitlinga an la lut a nih chuan ka hre ve ngei tur a ni tlat. Fabi hian engkim min hrilh ṭhin a, Aria leh Gianna-te pasal neih hnu phei kha chuan kan inpawh zual sawt bawk.
“Min lawm luhna tur an buatsaih mek a, chumi atan chuan zanin hi min enchhinna hmasa ber a nih hi.”
Fabi chuan inti thei ve deuh chuan a sawi a, a silai humna kut chu a khur deuh tih ka hmu thei. Keipawhin ka hmu a nih chuan ka bula ding, mi pathumte hian an hmuh hmaih hauh lo ang tih ka hre mai. Fabi chu a hlauthawng a, a zam bawk a ni tih hai theih a ni lo. Mahse chu chu lawmna tur a la ni chuang lo. A hlauhna leh zamna vang hian a silai hi a hmet puak ve thei tlat.
“Ka pa chuan silai kha i hman tak tak a rin vanga pe che a ni lo ang tiraw? Inneihnaah thil ṭha lo a thleng ngai hleinem, a thlen tirtu nih pawh a ṭha lo a nia,” ka lo ti vat a. Boruak ṭang lutuk tihnep tuma sawi ka ni bawk.
Fabi chuan ka bula mipa dingte chu a melh ding ngar a, anni pawh chuan khap lek loin an en let ve tho. Aria leh Gianna-te nen chuan kan inmelh hrek hrek a, Fabi hian awlsam takin min chhuah dawn lo tih kan hre tlang a nih hmel. Fabi hi thisen kan chhuah sak tur a ni lo, kan nau a ni tlat.
“Ka pa chuan silai ka kap ngam a, a ṭul phawt chuan ka kap hreh dawn lo tih a hriat vanga min pe a ni,” a ti a.
A ṭawngdan vel chu ka pa fuihna a sawi chhawng leh mai mai a nih ka ring. Ani hian min kaltir duh lo tak tak se engtin nge kan tih tak ang? A silai lah chu kan lam hawiin a lek kawh vah a, a kut chuan kah mai hreh lo hmelte pawh a pu tak tak tawh. Ka nau hi ramhuaiah an lo siam tak tak tawh tihna em ni?
CHAPTER - 54
“Kan pathum hian vawikhata thah theih chu i ring hauh lo ang tiraw?” Matteo chuan ṭhen sak pahin a ti a. Gianna chuan lo melh hrawkin, “Ngawi rawh, Matteo,” a lo ti vat.
Fabi chuan chang fein, “Ka tum chhin thei tal a lawm,” a lo ti ve hmak a.
“Fabiano, i unaute an nih hi. An natna tur thil chu i ti duh bik lo ang tiraw?” Luca chuan a ti dam thlap a.
“Lily hi hetah hian enge a tih? Tinge a pasal thar bulah a awm loh? Eng thil nge thleng hi ka hre duh ka tih kha. Engvangin nge in ruala hruai ve in tum? Familia member ni loin Outfit mi leh sa a nih hi.”
“Hetah hian ka awm thei lo, Fabi. Nangpawhin Benito nei lo tura min hrilh kha i hre tawh lo em ni? Min khawngaih ve a ni lawm ni?”
“Kha kha chu hmanlai thil a ni tawh. Nangpawhin i nei duh a, i nei ngei a lawm. Benito chu khawiah nge a awm reng reng?” Fabi zawhna chu chhang loin Romero ka melh a, tih dan tur a hriat ka beisei vang a ni.
“In that a ni maw…a dik em?” tih pah chuan Romero, Matteo leh Luca-te chu a melh tawn sek a.
“Outfit tihchhiat in duh vang a ni em? Ka pa pawhin kan chhiatna tur in zawng reng a ti,” a tih leh lai chuan a silai chu a lek sang sauh a.
Aria chu Fabi dinna lam pan tum chuan a pen leh a, mahse Luca bawk chuan a pawt bet lehnghal.
“Ka nau a nih hi!” Aria chuan a rawn ti ve hmak.
“I nau pawh ni se Outfit sipai a nih hi.”
“Fabi, Familia-te hian Outfit hi tihchhiat an tum reng reng lo. He thil hi ropuina inchuh vang a ni lo a, ka thiam loh vek a ni. Benito khan min khawih a tum a, ka vit ta a nih kha. Chuvang chuan helai hmun hi ka chhuahsan vat a ngai. Anih loh chuan ka pa hian hremna min pe dawn a, thah pawh min that hial maithei.”
Fabi chu a meng kawk a, a naupanna pawh a lang chiang hle bawk. “I pasal i that maw?”
Romero chuan nghet zetin ka kawngah a rawn kuah a, mahse a silai kenna lam erawh chu chet pawh a che eih lo. Fabi lu zawnah tak chuan a tin ding ngar mai. Ka nau hi a that a nih chuan……….ngaihtuah pawh ka ngaihtuah zui ngam lo.
“Tih ngaihna dang ka hriat loh vang a ni.” Ka ti a. Romero chemtein a vih hma khan a la dam tih chu sawi chhuah kher ka tum bik hauh lo. Anih loh chuan buaina a tam mai mai dawn.
“A nih leh khapa kha i enge a nih?” tih pahin Fabi chuan Romero melh chungin a bu nghat a.
“Mi ầ ka ni lo, in inkarah khan thil engemaw a awm tih ka hria.”
Dawt sawiin awmzia a nei dawn lo. Fabi pawh hi ka chhaih kawlh zual mai mai thei tlat. Chutia kan inbiak lai chuan Matteo chu Fabi lamah a tawlh hnai hret hret tih ka hria. Eng thil nge tih a tum chu hre lo mah ila, Matteo chetna a nih chuan thil ṭha a ni dawn lo tih ka hre mai.
“Ani nen hian engemaw chen kan inkawp tawh a. Benito kha ka nei duh lo tih pawh i hriat kha, mahse ka pa khan duhthlang theiin min siam loh vang a ni.”
“Chuan Aria leh Gianna-te ang thoin Chicago leh Outfit hi chhuahsan i duh tihna maw?”
“Ka chhuahsan a ngai.”
“I duh phawt chuan i lo kal ve thei a nia.” Aria chu a lo inrawlh ve vat a. A ṭawng sual tih hriain Luca chu a melh zawk a. Familia pawl zawm thei tura pawm theitu awmchhun a ni tlat a.
“I duh phawt chuan Familia mi leh sa i ni thei.” Luca pawh chuan a ti ve mai.
Fabi chuan lu a thing a. “Ka pa hian min mamawh. Outfit mi leh sa ka ni a, rinawm turin thu ka tiam tawh.”
“Member puitling anga lawmluh i la ni lo a, eng thutiam mah i bawhchhe dawn lo.” Matteo pawh chuan a lo ti vat a, dawt vek chu a sawi bik hauh lo. Mahse min zui a nih chuan phatsantu anga ngaih a ni dawn tho a, hremna pawh a pangngai reng.
“Outfit hi ka phatsan dawn lo.”
“Anih chuan chhuah ngei kan tum si a, min dan a ngai dawn a nih chu.” Luca chuan a ti sam et a. “Mahse chu chu ka thlen tir lovang. Thisen a chhuak anga, i thi ngei bawk ang.” Luca chuan a ti mai mai lo tih ka hria.
Ka inhum ruh nghal ṭeuh a, ṭawng chhuah tuma ka an zuau lai chuan Romero chuan lu a lo thing a.
“Silai kah ka thiam teh mai a nia.” Fabi chuan a ti leh a.
“Ka ring che a lawm, mahse keini pathum aia thiam i nih chu i ring lo ang tiraw? I u Lily hi hremna hmu tur chuan i duh tak tak ang maw? A kawng i dal sak a nih chuan thi turin i pe tihna a ni ang.” Luca thusawi vang chuan Fabi mitmeng chu a buai deuh nak a.
“Ka kal tir che u tih midangin an hria a nih chuan keipawh hi damin ka chhuak dawn lo. In tlanchhuak tur ka dan che u vanga ka thi a nih chuan, zahawm taka vui liam ka ni ang.”
Luca chu a bu nghut a. “A dik a lawm. Fak leh chawimawina i dawng bawk anga, mahse mitthi i ni tawh tho ang. I la naupang a, vawiin hian thih chu i duh tak tak a maw?”
Fabi chuan engtin mah a chhang lo a, mahse a silai ken lai chu tlemin a dah hniam ta deuh a.
“Min kal tir tih hi tuman an hriat a ngai lo. Min dan chu i tum ngei a, mahse kan tam zawk vangin min dang hneh ta lo a ni mai.” Romero chuan a lo ti vat a.
“Ka dawihzep vangin silai ka hmet puak ngam lo a, in tlan chhuak thei angah an ngai dawn a sin.” Luca chu Romero lam hawi chuan a bu zauh a.
“Hliam i neih chuan chutiang chuan an ngai miah lo ang che. I banah khan kan kap hliam anga, i duty ṭha takin i puitlin tiin fak i hlawh thung ang. Tumahin New York insual thiam berte hi dang turin an beisei dawn lo che. Silai kahna hliam i neih phei chuan an ringhlel dawn lo.”
“Ka nau hi in kap anga maw?” Aria chuan a ti ṭhat a.
“Hliam na tak tuar ta se engtin nge ni ang?” ka lo ti ve bawk.
“Ka duh phawt chuan a khabea hmulchhia chauh pawh hi ka kap fuh thei ang chu. A banah hian pawi khawih lo tawk turin ka kah theih ka ring.” Matteo chuan ṭhen sung chungin a lo ti a.
“A dam chhuahna tur ngaihtuah kan nia, a ban hliam ringawt chu thihna nen chuan khaikhin chi pawh a nih loh chu,” a la ti zui. Matteo hi chu a ngeiawm ṭhin ngawt mai.
“Chuan enge i ngaihdan, Fabiano?” Luca chuan Matteo ṭawng leh hma chuan a lo ti a. An silai chu an la lek kawh vek bawk.
Fabi chuan zawi muanga a silai dah thlak pahin a bu ta nghat a.
“Aw le, mahse ṭanpuitu ka auh a ngai dawn a, a karah hun a tlak tam lutuk chuan min ringhlel thei dawn a nia.”
“Minute 5 chauh hun min pek belh theih chuan, chu chu a tawk lutuk. Kan inkhalh chhuak hman ang. Thil awmzia an hriat rualin min umzui nghal dawn a, mahse minute 5 kan neih theih chuan a tawk. Dante hi khawlaia buaina siam duh chi a ni lo a, a hmingchhiatna turin a naute hi min um rei tir dawn lo. Indona chu nidangah ṭan a ni dawn a, min beih let dan tur ṭha ber a hriat phawt theih hunah.”
Luca chuan a ti zung zung a.
Keimah vanga hetiang zozai buaina a thleng ta hi hrehawm ka tiin, mahni inthiam lohna chuan min luh ngut ngut a ni ber mai.
Romero chuan min nuih sak a, mahse ka nuih let ve thei der lo. “Outfit nena buaina chhuak tur hi i thiam loh a ni lo. Nitin mai hian he hun hi kan beisei tawh zawk a sin,” a ti sar sar a. Ka hmelah hian ka inthiam lohzia a lang chhuakte pawh a nih ka ring.
CHAPTER - 55
Luca chu rawn hawi letin, “A dik a nia. I ute bakah Matteo vang hi ni lo se chuan, inneihna hmang tur pawhin Chicago-ah hian ka rawn kal hauh lo ang.”
An sawi hi thudik pawh a ni maithei. Mahse Benito thihna hian chu buaina in up bet chu a chhem alh dawn a. Buaina rapthlak tak chhuak tur chu khap daih theih a ni tawh lo.
“Kan tihtur chu ti ang u, hun kan khawhral mai mai.” Matteo chuan a ti vut a.
“Garage-ah inkap ila a ṭhat ka ring. A au thawm pawh an hre vat lo anga, hun kan neih belh thei dawn a ni mai.”
Kan vai chuan leihnuai garage pan chuan kan inzui thla a. New York-a ka hmuh ve ṭhin ai kha chuan a te zawk a, mahse Fabi hliam tuarin midang a koh khawm chhungin hun chu kan nei thei tho ang. Mipa ho chuan an silai chu an la hum far tho a, midang an lo lan thut an hlau pawh a ni maithei.
An car hawh chawp bulah chuan ka ding thap a, kan hmaah Fabi chu a ding thung. Romero min vawnna chu tal pitin Fabi lamah chuan ka tlan phei a. Outfit tana rinawm tura thu tiam ni mah se ka nau a ni a, hetiang thil tih a ngai hi ka indemin, hrehawm ka ti takzet. Ka kuah chawt a, ani pawh chuan min lo kuah let ve a. Ka pa hrualna hnuaia a awm hnu khan hetiang hian min kuah ngai tawh lo a, mahse tunah hian ka nau kha ka nei let leh ta niin ka hria. Engtikah nge ka hmuh leh dawn ka hre lo a, inhmu leh pawh ni ila hmelma kan ni tawh maithei bawk.
"Hetiang buainaa ka hnuhluh che vang hian min ngaidam dawn nia. He thil hi ka duh vanga thleng a ni bik lo a sin."
"Benito kha ka ngaina ngai lo. Ka pa hian kha putar kha neihtir lo che sela ṭha tur," a tih lai mek chuan Aria leh Gianna-te pawh lo kalin kan inkuah khawm a.
"Kan kal a hun tawh." Luca aw ka hriat rual chuan harh chhuak thut ang mai ka ni.
Fabi chu thlahin Romero dinna lamah bawk chuan ka let leh a, car-a lut tur chuan zaizirin min hrilh nghal. Aria leh Gianna-te pawh an lut ve mek bawk. Romero leh Matteo chu Fabi bulah dingin, an kah dan turte chu an hrilhfiah a. Chumi hnu chuan car awmna lamah rawn pheiin, Fabi chuan silai vawihnih a hmet puak hmasa a. Matteo chuan a silai chu a hmet puak ve nghal a. Fabi ban bulah chuan a kap ta pawp mai.
Ka maimitchhing sawk a, au chhuak lo turin ka ka ka hup bawk. Ka nau chuan a silai a thlauh a, a ṭhingṭhi nghal rap mai. Fabi na tuar hmel ka hmuh chuan ṭah vak maite pawh ka chak. A tider hauh lo tih a chiang hle bawk.
Romero chu driver seat-ah a rawn ṭhu lut a, Luca chuan garage kawngkhar hawnna chu a hmet ve nghal a. Mikhual ho chuan pawnlamah car an dah vek vangin, kawngkhar inhawng ri chu an hriat ka hlau kher mai. Thawm dim thei ang ber chuan kan tawlh chhuak a.
Keini pahnih chu car hmasa zawkah chuangin kan tlan hmasa a. Matteo car pawh kan hnungah a rawn tlan ve nghal. Inneih hmanga rawn kal zurui ṭhenkhat chu pawnah chuan an la ṭhu a, ka thinphu chu a ri dut dut mai. Mahse hlauh vanga tawi khawmuang thei kan ni lo a, a nih nih ni tura kan tlanchhuah tho tho a ngai. Chak fea kan tlan chhuah rual chuan ka ṭhutna chu nghet tawkin ka hmer ngawt ngawt. Darthlalang atang chuan hnunglam chu ka en a, mahse Matteo car chauh ka hmu.
"Tuman min umzui lo," ka ti chhuak hliai a.
"Nghak rih rawh. Thil thleng kha hrethiam mai tur chuan an rui mah mah. Mahse min umzui tura harhfim tawk chu an awm em em ang." Romero chuan a lo ti vat.
Ani lah chu a hahdam hmel viau mai bawk sia, mahse mak ka ti hran lo. Harsatna a thlen chang pawh a talbuai lo turin hun rei tak mafia sipai ṭha ber a ni. Tun ṭum lah hi hmelma ho nena an in um vawikhatna a ni lo bawk a. Nghet takin ka maimitchhing a, darkar 24 chhunga ka chunga thil thleng chu mak rum rum tak a ni. Ka kut vuantu an awm takah chuan ka meng zawk a, Romero a lo ni.
A khalh chak tehreng nen, kut khingkhat chauhin awlsam takin a khalh a. Kan inkarah chuan lak mai theih turin silai a dah bawk.
"New York kan thlen hunah engtin nge kan awm ang?"
"Ka bulah i awm tawh ang." A tih zawh chuan a ngawi dat a. "I unaute bula awm i duh zawk a nih loh chuan," a tih zawm leh chuan lu ka lo thing vat a.
"I hlata awm ka duh tawh lo." Romero chuan ka kut chu la kangin a fawp vang vang a. Side glass a melh rual chuan a taksa ṭang nghal ṭawlh ṭawlh chu ka hre thei. Ka kut chu thlahin kan inkara silai chu a ban zui zat a.
Hnunglam hawia ka inher takah chuan, kan hnunga car pathum min rawn zuitute chu ka hmu nghal. Hma lam hawia inher lehin ka ṭhu hniam a, ka ṭawngṭai nghal mawlh mawlh. Sakhaw mi tak ni lem lo mah ila, tun dinhmunah hi chuan tih theih dang ka nei lo a ni. Silai an la hmeh puah loh vang chuan Outfit ho chuan thang an kam a nihte ka ring rum rum a.
"Tinge an rawn kah miah loh a?"
"Mihring chenna hmun a ni a, Dante chuan Outfit hmingchhiatna tur eng thil mah a ti lo ang. Khawpui kan chhuahsan hun nghak turin a hrilh a nih ka ring. Khawpui chhung chu kan pel ṭep tawh a, industrial area kan tlan lut ṭep."
Romero chuan a sawi dik chiah. Thil siamna hmun niawm tak, in lian pui pui awmna chu kan thleng chawpchilh nghal mai a. Outfit car-te chu rawn tlan chak sauhin silai an hmet puak zui bawk a. Kan hnungah Matteo a tlan miau vang chuan Romero pawhin a kap let ve mai thei lo a, car chesawn renga chuang kan nih vang chuan tihsual palh a awm thei tlat a ni. Mahse Luca chuan passenger seat aṭangin hnunglama carte chu a kap let ve tih ka hnu thei. Aria leh Gianna-te erawh chu ka hmu mai lo a, a hnung seatah chuan silai muin a fuh mai loh nan an ṭhu tlumte pawh a ni mahna. Tlan chhuak thei lo ta ila, keini ho hi hetah hian thi ta ila engtin nge ni ta ang?
Min umtute zinga pakhat chu an kap fuh ta hlauh mai. A car chu a vir pawp pawp a, a let ta ngut mai. Mahse pahnih dangte chu an rawn tlan chak sauh thung a.
Engtia rei nge chutiang chuan kan in um pawh ka hrethiam tawh lo. Matteo leh Romero-te hian tihsual an nei hlauh a nih chuan keini ho hi chu thi sa tluk kan ni mai, tih chauh chu a ni ka hriat. Chutih lai chuan min umtu car pahnihte chu an ding thut a, an inher ta daih mai.
"Tinge min umzui tak loh a?"
"Dante thupek a nih ka ring. Ka sawi tawh kha, ani hi chu a fimkhur a lawm. Ti hian phuba lakna hun remchang a zawng anga, tha tharin a rawn thawk chhuak leh mai ang." Romero chuan a ti sam et a.
Ka thaw chhuak halh a, he thil hi a tawp mai dawn lo tih ka hrechiang. Dante pawh ka hre chiang a, Romero hian a sawi dik. Mahse zanina min umzui ta lo hi ka lawm reng reng. Nakin hun chu naktukah kan ngaihtuah tawh mai ang. Romero car khalh lai chu ka en leh a, hetia kan awmdun thei ta mai hi awih harsa ka ti.
Zun ram thiarin vawihnih vel kan ding tih loh chu khawiah mah kan chawl khawmuang lo. Biak pawh kan inbe meuh lo a ni zawk. New York khawpui kan lut a, inchhawng sang tak takte ka hmuh takah chuan ka hahdam huai huai e. A chhan ka hre lo, mahse mahni ina haw ang maiin him ta riauin ka inhria a. Luca lalram kan thleng tawh a, Dante chuan awlsawm takin min khawih thei hauh lo ang.
| Link: | |
| BBcode: | |
| HTML: | |
| Hide post links |
CHAPTER - 56
ROMERO :
Darkar 14 zet kan tlan takah chuan Luca penthouse kan thleng ta. Kawng lakah chuan Lily chu a muthlu zauh zauh a, mahse a mu nghet thei meuh lo a nih hmel. Mang lam thlengin Benito putara khan a tibuai zui a nih ka ring a, ka that ta kha kei hi ka lawm ta ber ni maiin ka hria. An pindan ka luh lai khan Benito dula lehkhathawn hawnna bur vu kha ka hmu a, lawm vanga au chhuak lo turin ka inthunun hial a ngai a nih kha. Thla engemaw zat, nilo, kum hial pawh Familia hian harsatna kan tawk ngei dawn a, Dante pawhin theihtawp chhuahin min bei let ang tih ka hria.
Inhnuai garage-ah chuan tlan lutin car chu ka dah fel a. Lily chu a chau tih hriat takin a ding khur deuh dar dar a, mahse a nui lui ve sak tho. Kan apartment lama hruai nghal mai chu duh viau mah ila, Luca leh Matteo nen kan pathumin sawi khawm tur kan la nei tlat.
Penthouse kan luh rual chuan Aria leh Gianna-te chuan Lily chu sofa lamah an kai phei a. Hnial mai chu duh viau mah ila, a ute bulah a awm tiin ka inhrilh a ṭul hial. Ka bul hnaiah awm reng se ka duh vang a ni. Hlauhthawnna chuan min chen chilh rih tlat a, chần leh mai ka hlau. Pindan khatah awm reng mah ila, ani pawh chuan min en ve reng a. Kan ngaihtuah a in ang tih ka hre mai.
“Midang ho pawh kan biak vat a ngai. Outfit ho nena kan inremna kha tihchhiat a ni tawh a, hmelma kan ni leh tawh tih an hriat a ngai. A nih loh chuan Outfit uicho ho thangkamah an awk hlauh ang tihte pawh a hlauhawm tlat.” Luca chuan a ti a.
Ka chungah a la lungawi lo hle tih ka hria a, mahse ka dem reng reng lo. Min that lo kha mak ka la ti a, ṭhian leh inpuitu satliah mai kan ni lo tih chu hrilhfiah chawp ka ngai tawh lo.
“Familia member ṭhenkhatte pawh nang leh Liliana thil tihah hian an lungawi dawn lo a, an thinrimna chu awlsam takin an lantir lo maithei. Mahse nang chu ni ila ka fimkhur viau ang.” Matteo chuan a ti a.
“Lungngai suh. Tupawhin Lily hi kut hmawr pawha an khawih a nih chuan, ka pawt darh nghal vek ang.”
“Buaina chu i siam tam tawk tawhin ka hria.” Luca chuan a lo ti bauh a.
“Tuman Liliana hi an tina hauh lo ang. Familia mi leh sa a ni tawh a, ka venhimna hnuaia awm a ni tawh. Nupui atan neih i tum ang tiraw?” a ti leh dut a. Lily hi ka nupui ni turin ka la sawm ngai miah lo, chuvang chuan ka nei dawn lo tihna erawh a ni hauh lo.
“A duh phawt chuan ka nei em em ang.”
“Khatiang thil thlen hrep hnu kha chuan ani pawhin a neih ngei che a ngai ang.” Matteo chuan a ti hluk a. Dawhkan bawh chunga dingin a ham zui bai bai a.
“Remchang hmasa berah ka lo zawt dawn nia,” ka tih chuan Luca chu a phar hluai a.
“Chu chu tuna kan buaina a ni lo. Security hi uluk lehzuala kan dah a ngai dawn a, Scuderi fanute hi an kidnap mai chuan a pawi khawp ang. Sipai rinawm tak tak neitu, captain ber kan that a, phuba lak ngei an tum ang.”
Lily chu ka melh vat a. Outfit ho chuan thah an tum ngei ang. A pa mizia kan hrechiang a, amah ngeiin a fanu hi thah a tum dawn tih ka hria. Chutiang chu a thleng dawn a nih chuan kei hi min hmachhawn hmasak a ngai ang.
LILIANA :
Luca penthouse a darkar hnih dang kan awm leh hnu chuan Romero apartment-ah kan kal ve thei chauh. Ka vawikhat kalna tur a ni a, ka hmu chak viau. Romero chu inthlahrung hmel a pu deuh a, a chhan ka hre lo. Kan thil tih leh chet dante kha a inchhir leh ta mai tihna a ni thei a ngem? A ni lo ang, thil thleng thei ngaihtuahin a rilru a hah deuhte pawh a ni maithei.
Romero chuan kawngkhar kalhna chu a hawng a, ka luh theih nan a nam hawng zui nghal a. Amah chu kal pelin inchhungah chuan ka pen lut a, banga thlalak awmze nei zeta intar chu a mawiin ka mit a la hle. Ka harh chian deuh huna en ṭhat leh ngei tum chuan ka hawisawn a, tunah hi chuan ka chau a ni. Kan piah deuhah chuan kawngkhar a intlar phei ṭhat a, a tawp ber lam panin Romero chuan min kai a. Chung pindante chu enge an nih pawh ka ngaihtuah peih lo. Tunah hian chawhnu lam a ni tawh a, mahse mut ka mamawh. Darkar 20 aia rei ka meng tawh a, ka mit hi ka meng thei tawh lo.
Ka taksaa Benito rimte, a khawihnate leh a cigar rimte kha a la cham reng a, ka luak a chhuak leh tlat tawh. Romero chuan master bedroom-ah min hruai lutin, bathroom-ah min hruai tlang nghal a. Ka thawmhnaw phelhin shower hnuaiah ka ding nghal. Ani chuan ngawi rengin min thlir a, enge a ngaihtuah ka hre thei lo. A chau tih erawh ka hre thei. Tui sa ver vawrin min phuh takah chuan ka taksa sil ṭhem ṭhumte pawh chu a dam sawng sawng mai.
Romero chu rawn ṭawng chhuakin, “Mahnia awm rih i duh em?” a ti sup a. A zawhna chu ani pawhin a hriatthiam hmel chiah lo. Hetiang hian Romero hi ka la hmu ngai lo. Amah zawk hian inngaihtuah fim nan hun a mamawh zawk pawh a ni thei.
Lu thin pah chuan, “Ka rualin lo inbual ve rawh,” ka ti ta zawk a. Eng danga min chhang loin a thawmhnaw chu a pawt phelh bawrh bawrh a. Ka lo en reng pawh chu pawisa awmin a awm lo. Ka vawikhat hmuhna pawh a ni bik hleinem. Romero taksa hi ka hmangaih a, a pum hian ka hmangaih a ni mai. Ka bula a rawn din rual chuan a kawngah ka lo kuah a, a awmah ka lo bei nghal thlap. Hetianga awm hi a lawm ka thlakhlelh em em ṭhin kha. Ka maimitchhing vang vang a, thil tamtak thleng tawhte leh la thleng theite hi ka ngaihtuah duh rih lo.
“Luca leh Familia tan hian harsatna tamtak a thleng dawn tiraw?”
Romero chuan ka hnung chul hauh hauh pah chuan, “Outfit leh Familia kara buaina hi chu puakkeh mai thei a ni reng tawh kan tih kha. Sum leh ropuina an inchuh vang mai mai a nia. Nangmah vanga indona a chhuak a nih chuan thil ṭhaah ngai rawh,” a ti hmiah.
“Chu chu Luca ngaihdan a nih ka ring ve chiah lo. New York a min hruai ta mai hi a inchhir tawh viau maithei a sin.”
“Luca hi chu ka hrechiang a lawm. Thutlukna a siam tawh chuan a inchhir ngai lo. A rilru a siam fel tawh a nih chuan engvang mahin a sut tawh lo ang. Chuan, hei hi nangmah vang chauha ti a ni lo. Aria leh Gianna tana ti a ni bawk. Hlim turin an duh che a lawm.”
Nui var var chung chuan ka melh chho ha a. A taksa lian zet chuan shower tui phuh pawh chu a hliah vek thei. Romero chu rawn kun hniamin ka chalah a fawp a, chumi hnuah ka hmuiah. Duhthawh taka infawp kan ni lo lem lo. Shower chu herh tawpin towel chuan min tuam a, ka taksa huh chu dimtein a hru hul pah bawk.
A khawihnate vang chuan ka hahdam zual sawt a. Min hruk hul zawh chuan towel dang lain ka hru ve thung. A dar hmeh sak pah chuan, “Enge i an?” ka ti sar sar a. Mafia mipate hian hetiang zawhna zawh hi an duh vak lo tih ka hria a, min chhan pawh ka beisei chiah lo.
Min en pahin, “Ka chau,” a ti ve sap a.
“Nilo, keimah vanga Benito i that zawk kha mawle. Pawi i ti em?”
Romero chu a nui chhuak hawk a. Pindan lamah min kai lut a, khumah chuan a malchunga ṭhu turin min pawt a.
“Ka tual vawikhat thahna a ni hleinem, a tawpna pawh a ni dawn lo. Mahse a thihna khan min ti lawm ber. Chuan………ka inchhir lo bawk. A ṭul a nih phawt chuan ka that nawn leh anga, nuam pawh ka ti leh tho ang.”
Chu chu thudik a ni, ani thihna vang khan Lily nen kan awm duh theih phah ta a ni. Chu chu a hriat ve a ngai, keimaha bet tlat leh ka nun chhe lai ber pawh hi a hriat ve vek a ṭul. Hlauhna emaw rapthlak min tihmel zeta min en ka ring a nia, mahse a ni hauh lo. Ka biangah fawp zauhin ka darah chuan a lu a nghat a, a kutzungṭang chuan ka awmte chu a zut kual riak riak a. A mawng khal zet chu ka lo hum ve ran thung.
Thil dang tihna chi a ni lo tih ka hai lo, Lily hi a chauin thil rapthlak tak tak tawn a ngah lutuk. A taksa leh a rilru hian ngai a awh leh phawt a ngai. Ka mut ngil hnu pawh chuan ka nghawngah nghet zetin a kuah a.
CHAPTER - 57
“Lily, mut i mamawh a nia. Hahdam deuhin awm rawh.”
Lu thin pahin a chunga bawk tur chuan min kuai her a, ka rihna zawng zawnga delh ka duh loh vang chuan ka kiuin ka innem kang a. Ka kawngah a ke chuan min kherh bet tlat thung. Ka lo dang duh ta bik lo. Ka hnuaia mu delh tur chuan ka awp hniam ta suai suai a. A hmuiah dimtea fawpin a mitah tak ka melh kar a. Lily lungawi hmel lutuk ka hmuh rual chuan, engtin nge min hnawlna ṭawngkamte kha ka lo awih mai theih le tiin ka indem hial thei.
A mitmenga min hmangaihna lang chhuak chu mi ầ ber tan pawh hai theih a ni tlat lo.
“Romero ka mamawh che.” Ka hmui la si reng chung chuan a phun sar sar a.
A mamawh chu ka hria. Ka khum bul pawhdawha condom chu lain, ti tura min phut ang chu ka ti nghal a. A thil tawnte vang kha a nih ka ring, a taksa ṭang ru ṭeuh chu ka hre thei a. Dim taka ka chet a ngai. Tuna thil thleng mek hi tisa chakna satliah a ni lo, a taksa leh a rilru hahdam nan a ni. Kumkhua atan ka chan dawn emaw ka tih hnuah, tunah hian ka bulah a awm a, ka ta tak tak a ni ta.
Rum hak hak chung chuan min hmangaih thu a sawi sep sep a. Mipa intipa ve tak leh tual vawi tamtak lo that tawh hian, inthup buai tumna ka nei tawh lo.
“Ka hmangaih che,” ka ti let ve a. Hetiang thu ka sawi hi chu mak ka inti fo ṭhin.
Kan zawh hnu chuan inkuah rialin kan mu hle hle a. Hetiang taka hahdamna leh thlamuanna hi ka la neih ngai awm pawh ka hre lo.
Ka harh lai chuan Lily a lo awm tawh miah lo. Ka tih ṭhin dan pangngaiin ka khum bul dawhkana silai chu ka ban nghal a. Thil ṭha lo thleng thei a tam em a ni. Mahse tukverh bula Lily ding ka hmuh takah chuan ka thaw chhuak hawk a. Luca penthouse ang ema ropui ni lo mah se, ka apartment hi a te chhe bik hauh lo. Lily hi consigliere fanu a ni a, thil ṭha ber ber hmanga enkawl seilen a ni bawk.
Khum aṭang chuan thoin a dinna lamah ka phei ve a. “I neih ṭhin ang nun kha chu ka pe thei hauh lo ang che. Ka apartment lah hi Luca penthouse nena khaikhin chi pawh a ni lo. Sipai satliah nupui i ni tawh dawn a nia.” Ka tih chuan Lily chu a phu deuh zawk a, min rawn melh vat.
“Chutiang chu ka beisei emaw i ti em ni? In lian leh ropui em em a ka chen lai leh sum hman sen loh ka neih lai khan ka hlim ngai lo a sin. Mahse i bulah hian ka hlim lutuk, chu chu ka duh ber bawk.”
“Ka hria a lawm, mahse i nun a inthlak hlawk dawn ta sia.”
Kei hi rethei chu ka ni bik miah lo. Mahse a hmaa a nun nen kha chuan a in ang thei tlat tawh lo a ni.
Lily chu rawn kun hniamin ka biangah a dawm a, “Ka duh ber chu nangmah hi i ni, Romero. Ka tan sum hian hlutna a nei lo.” Tih pah chuan a kal kual a. “Chuan hei hi apartment nuam tak a ni bawk. Mi tamtak chen phak lohna a nih hi, nuam ka ti lutuk,” a ti leh sar sar a.
Hengte vang hian a lawm Lily hi ka tana hmeichhe awmchhun a ni tih ka hriat fo ṭhin.
Ni pawh chuan inchhawng sang pui puite chu a en tle sut tawh a.
“En teh,” tih pah chuan pawnlam chu ka kawk a. Lily chuan min rawn ngheng a, ka lo kuah vat bawk. Ni chhuak mawi tak chu ngawi rengin kan thlir dun ta a. Hetiang hun hahdam leh thlamuang hi kan hmang fo thei dawn lo tih ka hria. Outfit ho hi an ngawi rei dawn lo tih ka hria a ni.
“Fabi kha ka ngaihtuah e, a chanchin hriat theih dan kawng awm se ka ti ngawt mai. A thusawi kha Dante leh ka pate khan ang ring a ngem? Keimah vang hian a chungah thil ṭha lo a thleng a nih chuan ka damchhungin ka inngaidam tawh ngai lo ang.”
“A chanchin hriat theih dan chu ka lo ngaihtuah dawn nia. Mahse a ṭha ngei ang tih ka chiang. I pa fapa neih chhun a ni a, i pa chu lungawi vak lo mah se hremna an pe na hauh lo ang.”
“Tunah chuan nupui naupang tể a nei leh tawh a, fapa dangte chu a nei leh mai dawn a lawm.”
“Luca ka bia anga, chanchin hriat a neih leh neih loh kan zawt a nge,” tih pahin ka phone la tur chuan ka kalsawn nghal a. A mu ve hman a nih chuan Luca pawh a tho tawh ngei ang.
Vawihnih a ring hman chauh tihah phone chu a rawn chhang a.
“Outfit member i that leh ta em ni?” a rawn tih chuan fiamzui ka chak viau a, mahse a aw ah ngaihṭhat lohna ka hriat tel vang chuan, “Aih, chanchin thar hriat i nei em? Dante nen in inbe tawh em?” ka ti ta zawk a.
“Be lo. Email chu ka dawng a, kan thawhhona a tawp tawh thu an rawn sawi a ni mai.”
“Amah ngei emaw, a consigliere zinga pakhat emaw talin an rawn be miah lo che maw?” ka ti leh hram a. A chet dan chu inzah lohna tầwp a nih vang leh, kan kar thuchhiat zia kan tihlan ṭhin dan a nih vang a ni.
“Scuderi chuan min biak a chak vak ka ring chiah lo,” Luca chuan a ti hul hak.
Lily chu ka bulah rawn dingin, beisei nei tih hriat takin min melh kiau a. “Keipawh ka ring lo. En teh Luca, Lily hian a nau kha a ngaihtuah deuh a. A chanchin hriat theih dante i hre mial lo maw?”
“Aria pawhin Valentina biak a tum a, mahse a la be tlang thei bik lo. Biak tum leh turin ka lo hrilh dawn nia. Nangni pahnih pawh helama in rawn phei a ngai a lawm. Hmeichhe ho titi laiin keini pawhin buaipui tur kan nei a nia.”
“Aw le, kan lo phei har lo ang,” tiin kan inbiakna chu kan ti tawp a.
“Chuan…?” Lily chuan beisei nei takin a lo ti vat a.
“Luca pawhin chanchin thar engmah hriat a la nei bik lo. Aria pawhin Valentina biak a tum ve reng a nih chu.”
“Valentina chuan Aria call a chhan duh i ring em? Dante nupui a ni tawh bawk sia, Chicago leh New York karah indona a thleng mek bawk si. Aria nen an inbia a nih chuan dinhmun hlauhawmah a din phah ve thei bawk sia.”
A biangah chuan dawm sakin, “I unaupa chanchin chu kan hre thei vat ang. Ka tiam che, Lily.” Ka ti a.
LILIANA :
Aria-te penthouse kan kal hma chuan kan inbual zung zung a. Kan thlen chuan Gianna leh Matteo pawh an lo awm daih tawh. Zing dar 7 a Gianna ka hmu chu mak ka ti lek lek. Choka lam aṭanga coffee leh danish thar rim lo chhuak chu ka hre nghal a. Ka ute dinna lam chu ka pan vat a, mipa ho pawh an ṭhukhawm ve nghal bawk.
Aria chuan min lo kuah vat a. “I ṭha em, Lily?”
“Ka ṭha e. Ka mu ṭha vak lo a, mahse Romero bulah ka awm tawh a ka hlim lutuk.”
“Ni e, i hlim ngawt ang. Kha tar hur Benito a that kha ka lawm takzet.” Gianna chuan a lo ti hluk duh chauh.
Benito ruang thisenin a bual kawi nuai kha ka ngaihtuah a, lu ka thing nawk. Kha thil kha hriatchhuah leh pawh ka duh tawh lo. Ka nun aṭanga paih chhuah a ni tawh a, theihnghilh ka tum tur a ni.
“Ka nu mizia i chhun leh tawh.” Gianna chuan a ti leh a, mahse ka hmel a hmuh takah chuan thildang a sawi zawm ta daih a. “Romero nena inzan hun vawikhatna chu enge a an, a nuam bawk em?”
“Gianna!” Aria chuan a lo ti vat a. “Lily hian thil rapthlak tak a tuar tih i hriat kha.”
“Ka ṭha a nia. Thlamuang taka Romero nen kan zan hun hman vawikhatna a nia, ka hlim lutuk. Tuma mitmei veng loin leh, inkuah rial chungin ni tla tur kan thlir a sin.”
“I hlimna i nei thei ta hi ka lawmpui lutuk che.” Aria chuan a ti a, ka lo bu nghat.
CHAPTER - 58
“Mahse Fabi kha ka ngaihtuah lo thei si lo a, a chanchin hriat theih ka duh.”
“Valentina phone-ah voicemail pahnih ka hnutchhiah tawh a, a hmuh hunah min rawn chhan let ve mai ka beisei.”
“A rawn call che a nih pawhin, tum dang a nei dawn em hriat a ni lo. Dante thupek angin a rawn call anga, engemaw hriat belh an tum vangte pawh a ni thei.” Matteo chuan a lo ti a.
“Chutiang thil chu Valentina hian a ti ngai lo ang.”
“Outfit boss nupui a ni tawh a, a pasal laka a rinawmna tihlanna tur a ni. Familia mi leh sa in ni tawh a, hmelma in ni tawh tih hre reng rawh u.” Luca chuan Aria chu a rawn hnial a, mahse lungawi lo hmel a pu hran lo.
Romero chu ka en reng a, heng zawng zawng hi ka hmangaih loh tur ka hmangaih vanga thleng a ni. Kei hi misual ber chu ka ni mai em? Ka thil tih kha pawi ka ti tih maite chu ka duh a, mahse Romero chuan min rawn melh ve takah chuan thil dik tak ka ti a, ka hmangaih ber bula awm hi ka phu tih ka hrechiang hle.
Ni e, misual ber chu ka ni. Ka thil tihah khan ka inchhir lo a, mahni hmasial tak ka ni bawk.
“Hey, inngaihtuah hrehawm suh.” Aria chuan a lo ti vat.
Aria lam chu hawiin, “Valentina nen hian in inngaina a, phone-ah pawh in in be fo tih ka hria. Tunah lah i phone a chhang duh ta bawk si lo a, keimah vang a ni tih ka hria,” ka ti sap a.
“Ka unaunu i nih hi, Lily. New York-ah i awm thei tawh a, i hmangaih ber bulah i awm tawh bawk. Valentina nena kan inngainatna aiin i hlimna hi a pawimawh zawk daih. Lungngai suh. Luca hian boruak siamṭhat leh theih dante pawh a hre maithei a sin. Dante hi thil ngaihtuah thui tak mi a ni tih i hriat kha.”
“I pa hi Dante consigliere a nih chhung chuan i suangtuah ang chu a thleng lo ang. A boss-in phuba a laksak lo a nih chuan i pa tan mualphona nasa tak a ni dawn a sin.” Romero chuan a lo ti ve thung a.
“Phuba lakna tihvel hi ka hua.” Gianna chuan a lo ti ve leh hluk a.
Matteo chu a ṭhutna aṭang chuan rawn thoin a nupui kawngah chuan a kuah sak a. “I hua tih ka hria a lawm. Mahse pumpelh theih a ni si lo,” a ti a.
Gianna chu a meng kual ralh a, Matteo chuan a lo fawp vat thung. A hma kha chuan hetianga an awm chang hian ka thik ṭhin a nih kha. Mahse tunah chuan ka duh ka ti ve thei tawh a lawm.
Romero bulah dingin a kawngah ka kuah salh a. Ka dara min lo kuah let pahin ka bekah a fawp zui zauh bawk.
“A hma pawhin Outfit ho nen hian hmelma kan ni tawh ṭhin a, tun ṭumah pawh hian zam viau chhan tur kan nei hleinem,” a tih chu lo hnialin. “Keimah vangin tuman nunna chan tawh lo se ka ti e,” ka lo ti ve a.
“Romero hian a sawi dik, chiai chhan tur a awm lo. Dante phei hi chuan tute mah min khawih ka ring lo. Russian ho hi an la che na rih em mai. A sipaite chần belh tur chuan Familia do tura a chet duh ka ring lo. Keini pawh chutiang tho chu kan ni.” Matteo ṭawng lai chuan phone a rawn ti a, kan hawi phawk nghal hru vek ni maiin ka hria.
Aria chu countera a phone dah la tur chuan a kal vat a. “Valentina a nih hi,” a tih takah phei chuan kan hawi ṭhap mai.
Luca chu a tho vut a. “Fabi thil tih sawi chhuak lo turin fimkhur ang che.” Aria chuan bu nghatin a phone chu a bengah a chuktuah nghal a.
“Hello, min lo call let hi ka lawm lutuk. Kan inbe lawk thei ang tiraw?” Aria chu a ngawi zui vang vang a, a mitmeng ngui deuh raih chuan ka ngaih a ti ṭha thei lo.
“Ka hria a lawm. Fabi chanchin ka hriat duh vang a nia. Min dan a tum vang khan hliam a tuar ta sia, ka ngaihtuah lutuk. A la naupang bawk si, hetiang thil a inrawlh ve tur pawh hi a la ni lo. Tunah enge a an i hre thei em?
Aria chu a thaw chhuak hak a. “A ṭha tihna maw? A ban kha pangngai takin a hmang leh thei dawn maw?”
Thawk chhuah halh pah chuan Romero chu ka ngheng dat a. Mahse Aria ṭawng ka hriat leh rual chuan ka khawng leh nghal vek. “Min dang thei ta si lo a, buaina a tawh phah em?” Aria chu a bu zui nghat a. Kan lam hawiin a kutzungpui a rawn chhawng zui va bawk.
Valentina thusawi ngaithla chuan a ngawi zui daih a.
“Aw le, ka lo hrilh dawn nia. Ka lawm lutuk, Val. Ka theihnghilh tawh lo ang. Kan pasalte hian boruak ṭha tak kan neih leh vat theih nan ruahmanna an siam thuai ka beisei. Ka ngai thei lutuk che, a nih phawt le.”
“Chuan, enge?” a phone dah rual rual chuan ka lo tinghal a.
“Ka pa leh Dante chuan Fabi thusawi kha an awih a nih hmel. Kan tlan chhuah vang khan tuman an dem lo. Khatiang hnathawk tur kha chuan tawn hriat a la nei lo bawk a. Ka pain a nawr luih vanga duty a nih kha.”
Luca hmel chu a la rum ul tho. “Thil dang sawi a nei em? Dante ruahmanna leh a chet lak tum dante?”
“A thinrim khawp mai.” Dar chhin ak pahin Aria chuan a ti a. “Mahse Dante chuan thuchah a nei, chu chu i ta tur a nia,” tih pah chuan min rawn en a. Ka bula ding Romero pawh chu a khawng nghal at mai. A sawi tur chu beisei sa ka nei.
“Vawiin hian Lily hi i thawn let a nih chuan eng buaina mah a chhuak lo ang a ti a nih chu.” Romero chuan rang fein, “A kir tawh dawn lo,” a ti ram hmak a.
Luca chu a meng zim deuh sun a, thaw a la ham ham bawk.
“A teuh lo mai. A rawtna hi kan pawm dawn lo tihte Dante chuan a hre sa vek. Chuvanga rawn sawi tir chu a ni.”
Romero chuan ka ban chu dimtein a chul hauh hauh a, chutah rawn kun hniamin, “Tuman ka lak aṭang hian an la bo dawn lo che. Ka bula i awm theihna tur a nih phawt chuan indona sang chuang pawh ka bei mai ang,” A ti sa sa a.
Nihnih a liam ve ta, chatuan ang maia rei a niin ka hria. Romero chu a buaiin inah a awm tlem em em a, ka ute bulah ka awm ve chawt a ni ber mai. Mahse zanin chu a inah kan pahnih chauha zanriah kil dun a rawt a. Nilo, kan inah zawk mawle.
Choka dawhkan lianpuiah chuan tlai lam chaw a order-te chu a ṭhet darh a. Ngawi renga chaw kan ei dun mial mial lai chuan, “Vawiin khan Luca chuan captain-ah min kaisan tir a,” a ti a.
“Tak tak maw? A ropui hle mai” ka ti chhuak hliai a. Atan a hlutzia ka hriatpui a, ka lawmpui tak tak. Aria bodyguard anih vang khan a phunnawi ngai lo a, hlim lo hmel lah ka hmu ngai hek lo. Pate aṭanga inrochun chi a nih avangin, hetia captain ni tura a ruat ta mai hi Romero tan chuan thil ropui tak a ni reng a ni.
“A nih chuan eng hna ber nge i thawh chhunzawm tak ang?”
“Harlema club ṭhenkhat hi ka kutah a awm dawn a, captain hmasa kha cancer a neih vangin a chawlh a ngai ta sia. Fanu hlir a nei bawk nen, Luca chuan ka kutah a dah ta mai a ni. Sum tam zawk ka thawk chhuak thei dawn tihna a ni mai.” A tih chuan ka lo nui sak a.
“Chu lam chu ka ngaihtuah lo tih i hriat kha. I phu tak hna thar i thawk thei tur hi ka lawmpui lutuk che.”
Romero chu a ṭhen sak a. “Chu chu midangte ngaihdan a ni ve chiah lo. Outfit leh Familia karah buaina ka siam ta si a, ṭhenkhat chuan phu min ti ve hauh lo.”
“Mahse Outfit nena thawh ho an duh lo emaw ka tia.”
“Ṭhenkhat chuan captain nih ka phu an ti tho a lawm.”
“A nih leh tunge Aria veng ta ang?”
CHAPTER - 59
“Chu chu a buaithlak lai ber a ni. Tunah chuan Aria leh Gianna-te pahnih hi Sandro kutah an awm a ngai tawh dawn a. Mahse nang ilo awm ve leh tawh bawk sia, amah chauh chuan a veng seng dawn lo che u. Mahse tihdan tur a awm mai ang.”
Desert kan ei zawh chuan Romero chu dingin ka ṭhutna lamah a rawn kal a. A ngaihna hre lo tak chuan ka lo en haw a, zam hmelte a pu deuhin ka hria.
Ka hmaah chuan rawn ṭhingṭhiin, a ipte aṭang chuan satin bawm te takte a phawrh chhuak a. Ka hmaa a rawn lek kan ruala a hawn takah chuan ka khawng nghal awt a, thawk pawh ka thaw ngam tawh lo. A chhungah chuan diamond zungbun mawi em em mai a lo awm a. Inneih a rawt vat chu ring tho mah ila, hetiang vut vut chu ka lo beisei hauh lo. Hun khawhral chu a tum lo chiang kher mai.
“I pasal neih hmasak ṭum khan thil tam tak a thleng tih ka hria. Mahse khang thil zawng zawng siamṭha tur khan hun min siam sak rawh. I phu ang chiah pasal nih ka duh a, hmangaih taka enkawl che ka duh bakah, hlimna ka pe ang che. Liliana, min nei duh a ngem?”
Chhuatah chuan ṭhingṭhi vein ka kuah thlawp a.
“Aw….aw….ka nei ang che.” Duhthawh zetin ka fawp nghal bawk. Romero chu inla hrang hmasaah ṭangin a ṭhen zui suk a. Mahse chhuatah chuan kan la awm reng tho. Ka bula Romero a awm chhung chuan khawiah pawh awm mah ila pawi ka ti lo.
“Pasal neih leh vat chu i duh lo ang tih ka hria. Inneihna dang hmachhawn leh i duh rih lo a nih pawhin ka hrethiam lutuk che.” A tih chuan lu ka lo thing a.
“He inneihna hi chu ka phur zawng tak a ni. Ka hlim dawn tih ka hria a lawm. Mo kawr lei turin Aria leh Gianna-te ka sawm anga, ka phur lutuk zawk a sin.”
Romero pawh a nui chhuak huk. “Mahse chumi hma chuan ka chhungte hmu turin ka duh che a. Chuan, nupui hual ka nei tihte pawh ka hrilh anga.”
“Teh reng mai,” ka lo ti vat. Romero chhungte hmuh chu chak viau mah ila min duh lo ve thei tlat. Chu chuan engtin emaw tak min tizam deuh a.
A tukah chuan a chhungte hmu turin Romero chuan min hruai chhuak a. A nu chu a pasal thar nen an cheng dun a, a farnute erawh chu kan apartment aṭanga hla vak loah an cheng thung. Ka hlauhthawnna atthlak zia ka hre nghal a, an fel lutuk.
A naute pahnih chu ka birthday party-ah khan ka hmu tawh a, tunah chuan an lo nula ve tawhin a upa zawk Tamara phei chu college a kal ve tawh. Ka pa khan a phal ve ngai loh vangin college kal hi chu ngaihtuah pawh kan ngaihtuah ngai lo.
Kan chhungkuaa zanriah kan kil ho ve ṭhin lai kha chuan, dan angin puithu takin kan ṭhu khawm ṭhin a. Tumah bengchheng leh hnawk sakin kan awm ngai lo. Gianna tih loh chu. Mahse Romero-te chhungkaw bula zanriah kil chu a dang daih. A hahdamin a nuam ka ti kher mai. Titi ho mai mai sawiin kan nui a, hei hi a ni chhungkua chu. Romero chuan kan inneih tur thu a sawi takah phei chuan min lawmpui ziate min hrilhin min kuah liam liam a, ka hlim takzet. Kar hmasa lawka Benito nupui ka nihna chu mak tiawm pawhin an awm lo. He nun tharah hian ka hlim dawn tih ka hrechiang lutuk tlat.
Romero hmangaihna vang chauha hlim ka nilo, ka chhungkaw tharte leh ka unau tharte vang pawh a ni. Fabi erawh ka ngaiin ka ngaihtuah fo ṭhin a, mahse hremna a hmu lo a, hlim takin a awm ang tiin ka inhnem pah reng bawk.
He hun hi rei tak chhung ka lo ngaihtuah tawh kha a ni a, vawi tamtak ka lo suangtuah ṭhin tawh a nih vangin a taka a thlen takah hian mumangte pawh ang deuhin ka hria. Benito thihna leh hun kal tawhte khan min tibuai tawh ngai lo a, hlim vangin thla tel loin ka thlawk a ni ber mai. Hlimna chuan min luahkhat a, vawiina ka duhthusam loh thil awm chhun chu Fabi rawn tel ve thei lo chauh chu a ni. Ka hmu leh dawn em tih pawh ka hre lo a, a dam ṭha em tih lah ka hre hek lo. Dam se, hlim takin awm se ka duhsak takzet.
Romero chuan mipui hlim kut beng dar dar karah chuan min pawm kang a, van lam chu enin ka nu khan min lo thlir angem, tihte chu ka ngaihtuah a. Ka hlim hmel hi hmu ve se ka ti. Ka hlimna tur kawng ni a ka hriat chu engkim huamin ka zawh a, a duhthusam ka puitlin thei ta. Ka bianga a fawhna vang chuan suangtuahna khawvel aṭanga kaih harhin ka awm leh ta.
Kan pindan lam min panpui a, chu hun thleng tur chu ka nghakhlel a ni. Hmeichhia chu pasal neih niah a hlim tur a ni reng a ni. Keimah ang chiah hian. Hmangaihna leh nupui pasal neih hi innawrluihna chi a ni lo a, thinlung zawk hian duh a lo thlang mai zawk ṭhin a lo ni. Kan hmangaih loh tur kan hmangaih vanga tawrhna a thlen chang pawhin hlimna bawkin a tuam dam leh ṭhin. A nghawngah chuan hmai phumin ka nui ta var var a.
Ka mit sir chuan ka ute leh an pasalte chu ka hmu a, Aria mitmenga hlimna chu a de sar mai. Gianna pawh chuan mithmul san ak ak chungin min lo en ve bawk. Ka nuih chhuah hak takah chuan Romero chuan ka bengah a fawp zauh a.
“Lawiṭhat zan kan hmang tur ka nghahhlelh zia hi i hrethiam lo hial ang,” a ti sa sa .
Keipawh chu ka bang bik lo. “A nih chuan hmanhmawh ta che,” ka lo ti ve sap a. Nui huk mah se ka rawtna chu a hnial bik lo. A kal chak sauh a, kawngkhar chu a kiu chuan a nek hawng a. Min pawm luh fel hnu chuan a tlawh khar lehnghal.
Khuma min nghah pahin, “I nalh takzet, Lily. Ka nupui i ni ta mai hi rin harsa ka ti hial,” a ti a.
“I nupui ka ni tawh a, i ta ka ni reng ang.”
Ka mo kawrfual chu a phelh hma chuan ka biangah vuanin duhthawh zet chuan min fawp a. Ka taksa chu fawh chhuah vek tum niawm tak chuan a fawp kual nghal ruai a, mahse min fawp tura ka duhna hmun tak erawh a hel daih thung. Corset leh panty chauh ha chuan khumah min nem mu a, a mitmenga min thlakhlelhna lang chhuak chu hmuhnawm ti takin ka lo thlir reng thung.
A bula ka awm tawh hi chuan hmeichhe nalh ber ang maiin min inngaih tir ṭhin. A khawih velnate vang chuan ka zauthauin a dawhthei lo zawkah ka ṭang leh ta. “Romero, khawngaihin,” ka ti tham ṭiak a. Nuih sak pahin ka panty chu a pawt thla a. A kun hniam ruala a thil tih vang chuan ka thaw chhuak halh.
“Ka nuipui i nih anga a tawp i thlenna hmasa ber.” Lungawi hmel fe chuan a ti a. Ka bula rawn mut pah chuan a thaw pah halh halh bawk.
“A tawpna a nih loh ngei ka beisei,” ka lo ti let ve a.
“I la duhtawk lo i tihna em ni?” a tih rual chuan min rawn kuah a. Lu ka lo thing vat. Inbeng kangin ka corset hak lai chu a phelh a, ka awm bawr khuhtu awm ta lo chu a hup zui hmak. Ka kut pawh chu a awm hle hle bik lo. Innei thar mah ni ila, kan tan thil thar a ni lo a, zahna chuan hmun a chang lem lo.
A vawihnihna kan zawh fel leh chuan ka bulah a let thla tawp a, a awm nghenga mu tur chuan min kuah hle hle mai. A lung phu zaih zaih chu lungawi takin ka ngaithla kiau mai.
“Ka ta i ni ta mai hi rin harsa ka ti, tuman ka hnen aṭang hian an hruai bo tawh lo ang che. Eng thil mahin min pawt ṭhen tawh lo ang,” a ti leh a. Ka chhipah a fawp zui vang vang bawk.
Ka nui var var a, ka hlim tih hi sawi chhuah ngaihna pawh ka hre lo. Fabi chu ka ngaihtuah chhuak leh a, tunah hian enge a tih ang? Ka unaute hi awm lo se chuan tunah hian Romero bulah ka mu hauh lo ang tih ka hrechiang. Ka hlimna tur hian nunna hial chan pawh an pawi ti lo a, chutiang thoin Fabi pawh. Ka tana an thil tih kha ka dam chhung pawhin ka rul seng tawh lo ang. Chuvang chuan an duh ang ngeiin ka hlim tur a ni.
Ka inher a, Romero chuan hnunglam aṭangin min rawn kuah hlu hlu mai. A ban chak tak hian min thlamuan a, a lungphu ri hi ka dam chhan a ni ta berin ka hria. A tlai tawhin ka chau a, Romero pawh hahdam tih hriat takin a muhil ve ta siai siai mai. A thaw sak sak ri chuan min tihahdam a, zalen ta riauin ka in hre ṭhin.
Ka taksa chu chau viau mah se ka muhil thei der lo. Romero ban chu dimtea dah sawnin khum aṭang chuan ka tho a. Ka satin bathrobe chu hain balcony-ah chuan ka chhuak a. Khaw thlir nuam tak chu a ni chiang a lawm.
Naktukah hian New York-ah kan kir leh nghal mai dawn a, nupa tak tak angin nun kan hmang ṭan tawh ang. Van lam chu ka hawi a, arsite chu an mawi thar riauin ka hria. Kan naupan lai kha chuan mitthite hi arsiah an changin, vanah khian an eng ṭhin niin ka ngai ṭhin. A ni lo tih hre reng tawh mah ila, arsite zingah khian ka nu chu a awm ve a, min thlir reng ni maia hriatna ka nei. Keimah vang hian a hlim a nge, min chhuang a ngem le? Chu chu hre thei dawn tawh lo mah ila, a hnena ka thutiam ka tihlawhtling tawh. Engkim huamin ka hlimna tur ka thlang ta a ni. Tui taka mu ka pasal chu ka en vang vang a, vana arsi chu ena ka nuih sak hnu chuan mu turin ka lut leh ta a.
Romero chu ka nek sat sat a, min lo kuah vat. “I kal bo daih,” a lo ti niah niah a.
“Boruak ṭha hip turin ka chhuak lawk a lawm.”
“I lo kir leh vangin ka lawm e.”
“Ka hmangaih che,” ka ti sap. Min kuah nghet sauh chung chuan, “Keipawhin ka hmangaih che,” a ti a.
Nakin lawkah harsatna tamtak kan la tawk thei, mahse tunah hi chuan ka thil tihah khan ka inchhir lo a. Ka hmangaih ka neih theihna tur a nih phawt chuan ka ti nawn leh duh dawn tih pawh ka hria. Hmangaihna hi a hlu a, hmangaihna avang chuan eng thil pawh ka ti zel ang…
XXXX THE END..
A ngaihawm ka ti ber mai hei hi….In zavai chungah kan lawm a, Pathianin rem a tih chuan translated story ngaihnawm firfiak nen kan rawn come back leh vat ang.. Lo him dam ula, lo fimkhur zel ang che u. Jaihind!
THE END
ROMERO :
Darkar 14 zet kan tlan takah chuan Luca penthouse kan thleng ta. Kawng lakah chuan Lily chu a muthlu zauh zauh a, mahse a mu nghet thei meuh lo a nih hmel. Mang lam thlengin Benito putara khan a tibuai zui a nih ka ring a, ka that ta kha kei hi ka lawm ta ber ni maiin ka hria. An pindan ka luh lai khan Benito dula lehkhathawn hawnna bur vu kha ka hmu a, lawm vanga au chhuak lo turin ka inthunun hial a ngai a nih kha. Thla engemaw zat, nilo, kum hial pawh Familia hian harsatna kan tawk ngei dawn a, Dante pawhin theihtawp chhuahin min bei let ang tih ka hria.
Inhnuai garage-ah chuan tlan lutin car chu ka dah fel a. Lily chu a chau tih hriat takin a ding khur deuh dar dar a, mahse a nui lui ve sak tho. Kan apartment lama hruai nghal mai chu duh viau mah ila, Luca leh Matteo nen kan pathumin sawi khawm tur kan la nei tlat.
Penthouse kan luh rual chuan Aria leh Gianna-te chuan Lily chu sofa lamah an kai phei a. Hnial mai chu duh viau mah ila, a ute bulah a awm tiin ka inhrilh a ṭul hial. Ka bul hnaiah awm reng se ka duh vang a ni. Hlauhthawnna chuan min chen chilh rih tlat a, chần leh mai ka hlau. Pindan khatah awm reng mah ila, ani pawh chuan min en ve reng a. Kan ngaihtuah a in ang tih ka hre mai.
“Midang ho pawh kan biak vat a ngai. Outfit ho nena kan inremna kha tihchhiat a ni tawh a, hmelma kan ni leh tawh tih an hriat a ngai. A nih loh chuan Outfit uicho ho thangkamah an awk hlauh ang tihte pawh a hlauhawm tlat.” Luca chuan a ti a.
Ka chungah a la lungawi lo hle tih ka hria a, mahse ka dem reng reng lo. Min that lo kha mak ka la ti a, ṭhian leh inpuitu satliah mai kan ni lo tih chu hrilhfiah chawp ka ngai tawh lo.
“Familia member ṭhenkhatte pawh nang leh Liliana thil tihah hian an lungawi dawn lo a, an thinrimna chu awlsam takin an lantir lo maithei. Mahse nang chu ni ila ka fimkhur viau ang.” Matteo chuan a ti a.
“Lungngai suh. Tupawhin Lily hi kut hmawr pawha an khawih a nih chuan, ka pawt darh nghal vek ang.”
“Buaina chu i siam tam tawk tawhin ka hria.” Luca chuan a lo ti bauh a.
“Tuman Liliana hi an tina hauh lo ang. Familia mi leh sa a ni tawh a, ka venhimna hnuaia awm a ni tawh. Nupui atan neih i tum ang tiraw?” a ti leh dut a. Lily hi ka nupui ni turin ka la sawm ngai miah lo, chuvang chuan ka nei dawn lo tihna erawh a ni hauh lo.
“A duh phawt chuan ka nei em em ang.”
“Khatiang thil thlen hrep hnu kha chuan ani pawhin a neih ngei che a ngai ang.” Matteo chuan a ti hluk a. Dawhkan bawh chunga dingin a ham zui bai bai a.
“Remchang hmasa berah ka lo zawt dawn nia,” ka tih chuan Luca chu a phar hluai a.
“Chu chu tuna kan buaina a ni lo. Security hi uluk lehzuala kan dah a ngai dawn a, Scuderi fanute hi an kidnap mai chuan a pawi khawp ang. Sipai rinawm tak tak neitu, captain ber kan that a, phuba lak ngei an tum ang.”
Lily chu ka melh vat a. Outfit ho chuan thah an tum ngei ang. A pa mizia kan hrechiang a, amah ngeiin a fanu hi thah a tum dawn tih ka hria. Chutiang chu a thleng dawn a nih chuan kei hi min hmachhawn hmasak a ngai ang.
LILIANA :
Luca penthouse a darkar hnih dang kan awm leh hnu chuan Romero apartment-ah kan kal ve thei chauh. Ka vawikhat kalna tur a ni a, ka hmu chak viau. Romero chu inthlahrung hmel a pu deuh a, a chhan ka hre lo. Kan thil tih leh chet dante kha a inchhir leh ta mai tihna a ni thei a ngem? A ni lo ang, thil thleng thei ngaihtuahin a rilru a hah deuhte pawh a ni maithei.
Romero chuan kawngkhar kalhna chu a hawng a, ka luh theih nan a nam hawng zui nghal a. Amah chu kal pelin inchhungah chuan ka pen lut a, banga thlalak awmze nei zeta intar chu a mawiin ka mit a la hle. Ka harh chian deuh huna en ṭhat leh ngei tum chuan ka hawisawn a, tunah hi chuan ka chau a ni. Kan piah deuhah chuan kawngkhar a intlar phei ṭhat a, a tawp ber lam panin Romero chuan min kai a. Chung pindante chu enge an nih pawh ka ngaihtuah peih lo. Tunah hian chawhnu lam a ni tawh a, mahse mut ka mamawh. Darkar 20 aia rei ka meng tawh a, ka mit hi ka meng thei tawh lo.
Ka taksaa Benito rimte, a khawihnate leh a cigar rimte kha a la cham reng a, ka luak a chhuak leh tlat tawh. Romero chuan master bedroom-ah min hruai lutin, bathroom-ah min hruai tlang nghal a. Ka thawmhnaw phelhin shower hnuaiah ka ding nghal. Ani chuan ngawi rengin min thlir a, enge a ngaihtuah ka hre thei lo. A chau tih erawh ka hre thei. Tui sa ver vawrin min phuh takah chuan ka taksa sil ṭhem ṭhumte pawh chu a dam sawng sawng mai.
Romero chu rawn ṭawng chhuakin, “Mahnia awm rih i duh em?” a ti sup a. A zawhna chu ani pawhin a hriatthiam hmel chiah lo. Hetiang hian Romero hi ka la hmu ngai lo. Amah zawk hian inngaihtuah fim nan hun a mamawh zawk pawh a ni thei.
Lu thin pah chuan, “Ka rualin lo inbual ve rawh,” ka ti ta zawk a. Eng danga min chhang loin a thawmhnaw chu a pawt phelh bawrh bawrh a. Ka lo en reng pawh chu pawisa awmin a awm lo. Ka vawikhat hmuhna pawh a ni bik hleinem. Romero taksa hi ka hmangaih a, a pum hian ka hmangaih a ni mai. Ka bula a rawn din rual chuan a kawngah ka lo kuah a, a awmah ka lo bei nghal thlap. Hetianga awm hi a lawm ka thlakhlelh em em ṭhin kha. Ka maimitchhing vang vang a, thil tamtak thleng tawhte leh la thleng theite hi ka ngaihtuah duh rih lo.
“Luca leh Familia tan hian harsatna tamtak a thleng dawn tiraw?”
Romero chuan ka hnung chul hauh hauh pah chuan, “Outfit leh Familia kara buaina hi chu puakkeh mai thei a ni reng tawh kan tih kha. Sum leh ropuina an inchuh vang mai mai a nia. Nangmah vanga indona a chhuak a nih chuan thil ṭhaah ngai rawh,” a ti hmiah.
“Chu chu Luca ngaihdan a nih ka ring ve chiah lo. New York a min hruai ta mai hi a inchhir tawh viau maithei a sin.”
“Luca hi chu ka hrechiang a lawm. Thutlukna a siam tawh chuan a inchhir ngai lo. A rilru a siam fel tawh a nih chuan engvang mahin a sut tawh lo ang. Chuan, hei hi nangmah vang chauha ti a ni lo. Aria leh Gianna tana ti a ni bawk. Hlim turin an duh che a lawm.”
Nui var var chung chuan ka melh chho ha a. A taksa lian zet chuan shower tui phuh pawh chu a hliah vek thei. Romero chu rawn kun hniamin ka chalah a fawp a, chumi hnuah ka hmuiah. Duhthawh taka infawp kan ni lo lem lo. Shower chu herh tawpin towel chuan min tuam a, ka taksa huh chu dimtein a hru hul pah bawk.
A khawihnate vang chuan ka hahdam zual sawt a. Min hruk hul zawh chuan towel dang lain ka hru ve thung. A dar hmeh sak pah chuan, “Enge i an?” ka ti sar sar a. Mafia mipate hian hetiang zawhna zawh hi an duh vak lo tih ka hria a, min chhan pawh ka beisei chiah lo.
Min en pahin, “Ka chau,” a ti ve sap a.
“Nilo, keimah vanga Benito i that zawk kha mawle. Pawi i ti em?”
Romero chu a nui chhuak hawk a. Pindan lamah min kai lut a, khumah chuan a malchunga ṭhu turin min pawt a.
“Ka tual vawikhat thahna a ni hleinem, a tawpna pawh a ni dawn lo. Mahse a thihna khan min ti lawm ber. Chuan………ka inchhir lo bawk. A ṭul a nih phawt chuan ka that nawn leh anga, nuam pawh ka ti leh tho ang.”
Chu chu thudik a ni, ani thihna vang khan Lily nen kan awm duh theih phah ta a ni. Chu chu a hriat ve a ngai, keimaha bet tlat leh ka nun chhe lai ber pawh hi a hriat ve vek a ṭul. Hlauhna emaw rapthlak min tihmel zeta min en ka ring a nia, mahse a ni hauh lo. Ka biangah fawp zauhin ka darah chuan a lu a nghat a, a kutzungṭang chuan ka awmte chu a zut kual riak riak a. A mawng khal zet chu ka lo hum ve ran thung.
Thil dang tihna chi a ni lo tih ka hai lo, Lily hi a chauin thil rapthlak tak tak tawn a ngah lutuk. A taksa leh a rilru hian ngai a awh leh phawt a ngai. Ka mut ngil hnu pawh chuan ka nghawngah nghet zetin a kuah a.
CHAPTER - 57
“Lily, mut i mamawh a nia. Hahdam deuhin awm rawh.”
Lu thin pahin a chunga bawk tur chuan min kuai her a, ka rihna zawng zawnga delh ka duh loh vang chuan ka kiuin ka innem kang a. Ka kawngah a ke chuan min kherh bet tlat thung. Ka lo dang duh ta bik lo. Ka hnuaia mu delh tur chuan ka awp hniam ta suai suai a. A hmuiah dimtea fawpin a mitah tak ka melh kar a. Lily lungawi hmel lutuk ka hmuh rual chuan, engtin nge min hnawlna ṭawngkamte kha ka lo awih mai theih le tiin ka indem hial thei.
A mitmenga min hmangaihna lang chhuak chu mi ầ ber tan pawh hai theih a ni tlat lo.
“Romero ka mamawh che.” Ka hmui la si reng chung chuan a phun sar sar a.
A mamawh chu ka hria. Ka khum bul pawhdawha condom chu lain, ti tura min phut ang chu ka ti nghal a. A thil tawnte vang kha a nih ka ring, a taksa ṭang ru ṭeuh chu ka hre thei a. Dim taka ka chet a ngai. Tuna thil thleng mek hi tisa chakna satliah a ni lo, a taksa leh a rilru hahdam nan a ni. Kumkhua atan ka chan dawn emaw ka tih hnuah, tunah hian ka bulah a awm a, ka ta tak tak a ni ta.
Rum hak hak chung chuan min hmangaih thu a sawi sep sep a. Mipa intipa ve tak leh tual vawi tamtak lo that tawh hian, inthup buai tumna ka nei tawh lo.
“Ka hmangaih che,” ka ti let ve a. Hetiang thu ka sawi hi chu mak ka inti fo ṭhin.
Kan zawh hnu chuan inkuah rialin kan mu hle hle a. Hetiang taka hahdamna leh thlamuanna hi ka la neih ngai awm pawh ka hre lo.
Ka harh lai chuan Lily a lo awm tawh miah lo. Ka tih ṭhin dan pangngaiin ka khum bul dawhkana silai chu ka ban nghal a. Thil ṭha lo thleng thei a tam em a ni. Mahse tukverh bula Lily ding ka hmuh takah chuan ka thaw chhuak hawk a. Luca penthouse ang ema ropui ni lo mah se, ka apartment hi a te chhe bik hauh lo. Lily hi consigliere fanu a ni a, thil ṭha ber ber hmanga enkawl seilen a ni bawk.
Khum aṭang chuan thoin a dinna lamah ka phei ve a. “I neih ṭhin ang nun kha chu ka pe thei hauh lo ang che. Ka apartment lah hi Luca penthouse nena khaikhin chi pawh a ni lo. Sipai satliah nupui i ni tawh dawn a nia.” Ka tih chuan Lily chu a phu deuh zawk a, min rawn melh vat.
“Chutiang chu ka beisei emaw i ti em ni? In lian leh ropui em em a ka chen lai leh sum hman sen loh ka neih lai khan ka hlim ngai lo a sin. Mahse i bulah hian ka hlim lutuk, chu chu ka duh ber bawk.”
“Ka hria a lawm, mahse i nun a inthlak hlawk dawn ta sia.”
Kei hi rethei chu ka ni bik miah lo. Mahse a hmaa a nun nen kha chuan a in ang thei tlat tawh lo a ni.
Lily chu rawn kun hniamin ka biangah a dawm a, “Ka duh ber chu nangmah hi i ni, Romero. Ka tan sum hian hlutna a nei lo.” Tih pah chuan a kal kual a. “Chuan hei hi apartment nuam tak a ni bawk. Mi tamtak chen phak lohna a nih hi, nuam ka ti lutuk,” a ti leh sar sar a.
Hengte vang hian a lawm Lily hi ka tana hmeichhe awmchhun a ni tih ka hriat fo ṭhin.
Ni pawh chuan inchhawng sang pui puite chu a en tle sut tawh a.
“En teh,” tih pah chuan pawnlam chu ka kawk a. Lily chuan min rawn ngheng a, ka lo kuah vat bawk. Ni chhuak mawi tak chu ngawi rengin kan thlir dun ta a. Hetiang hun hahdam leh thlamuang hi kan hmang fo thei dawn lo tih ka hria. Outfit ho hi an ngawi rei dawn lo tih ka hria a ni.
“Fabi kha ka ngaihtuah e, a chanchin hriat theih dan kawng awm se ka ti ngawt mai. A thusawi kha Dante leh ka pate khan ang ring a ngem? Keimah vang hian a chungah thil ṭha lo a thleng a nih chuan ka damchhungin ka inngaidam tawh ngai lo ang.”
“A chanchin hriat theih dan chu ka lo ngaihtuah dawn nia. Mahse a ṭha ngei ang tih ka chiang. I pa fapa neih chhun a ni a, i pa chu lungawi vak lo mah se hremna an pe na hauh lo ang.”
“Tunah chuan nupui naupang tể a nei leh tawh a, fapa dangte chu a nei leh mai dawn a lawm.”
“Luca ka bia anga, chanchin hriat a neih leh neih loh kan zawt a nge,” tih pahin ka phone la tur chuan ka kalsawn nghal a. A mu ve hman a nih chuan Luca pawh a tho tawh ngei ang.
Vawihnih a ring hman chauh tihah phone chu a rawn chhang a.
“Outfit member i that leh ta em ni?” a rawn tih chuan fiamzui ka chak viau a, mahse a aw ah ngaihṭhat lohna ka hriat tel vang chuan, “Aih, chanchin thar hriat i nei em? Dante nen in inbe tawh em?” ka ti ta zawk a.
“Be lo. Email chu ka dawng a, kan thawhhona a tawp tawh thu an rawn sawi a ni mai.”
“Amah ngei emaw, a consigliere zinga pakhat emaw talin an rawn be miah lo che maw?” ka ti leh hram a. A chet dan chu inzah lohna tầwp a nih vang leh, kan kar thuchhiat zia kan tihlan ṭhin dan a nih vang a ni.
“Scuderi chuan min biak a chak vak ka ring chiah lo,” Luca chuan a ti hul hak.
Lily chu ka bulah rawn dingin, beisei nei tih hriat takin min melh kiau a. “Keipawh ka ring lo. En teh Luca, Lily hian a nau kha a ngaihtuah deuh a. A chanchin hriat theih dante i hre mial lo maw?”
“Aria pawhin Valentina biak a tum a, mahse a la be tlang thei bik lo. Biak tum leh turin ka lo hrilh dawn nia. Nangni pahnih pawh helama in rawn phei a ngai a lawm. Hmeichhe ho titi laiin keini pawhin buaipui tur kan nei a nia.”
“Aw le, kan lo phei har lo ang,” tiin kan inbiakna chu kan ti tawp a.
“Chuan…?” Lily chuan beisei nei takin a lo ti vat a.
“Luca pawhin chanchin thar engmah hriat a la nei bik lo. Aria pawhin Valentina biak a tum ve reng a nih chu.”
“Valentina chuan Aria call a chhan duh i ring em? Dante nupui a ni tawh bawk sia, Chicago leh New York karah indona a thleng mek bawk si. Aria nen an inbia a nih chuan dinhmun hlauhawmah a din phah ve thei bawk sia.”
A biangah chuan dawm sakin, “I unaupa chanchin chu kan hre thei vat ang. Ka tiam che, Lily.” Ka ti a.
LILIANA :
Aria-te penthouse kan kal hma chuan kan inbual zung zung a. Kan thlen chuan Gianna leh Matteo pawh an lo awm daih tawh. Zing dar 7 a Gianna ka hmu chu mak ka ti lek lek. Choka lam aṭanga coffee leh danish thar rim lo chhuak chu ka hre nghal a. Ka ute dinna lam chu ka pan vat a, mipa ho pawh an ṭhukhawm ve nghal bawk.
Aria chuan min lo kuah vat a. “I ṭha em, Lily?”
“Ka ṭha e. Ka mu ṭha vak lo a, mahse Romero bulah ka awm tawh a ka hlim lutuk.”
“Ni e, i hlim ngawt ang. Kha tar hur Benito a that kha ka lawm takzet.” Gianna chuan a lo ti hluk duh chauh.
Benito ruang thisenin a bual kawi nuai kha ka ngaihtuah a, lu ka thing nawk. Kha thil kha hriatchhuah leh pawh ka duh tawh lo. Ka nun aṭanga paih chhuah a ni tawh a, theihnghilh ka tum tur a ni.
“Ka nu mizia i chhun leh tawh.” Gianna chuan a ti leh a, mahse ka hmel a hmuh takah chuan thildang a sawi zawm ta daih a. “Romero nena inzan hun vawikhatna chu enge a an, a nuam bawk em?”
“Gianna!” Aria chuan a lo ti vat a. “Lily hian thil rapthlak tak a tuar tih i hriat kha.”
“Ka ṭha a nia. Thlamuang taka Romero nen kan zan hun hman vawikhatna a nia, ka hlim lutuk. Tuma mitmei veng loin leh, inkuah rial chungin ni tla tur kan thlir a sin.”
“I hlimna i nei thei ta hi ka lawmpui lutuk che.” Aria chuan a ti a, ka lo bu nghat.
CHAPTER - 58
“Mahse Fabi kha ka ngaihtuah lo thei si lo a, a chanchin hriat theih ka duh.”
“Valentina phone-ah voicemail pahnih ka hnutchhiah tawh a, a hmuh hunah min rawn chhan let ve mai ka beisei.”
“A rawn call che a nih pawhin, tum dang a nei dawn em hriat a ni lo. Dante thupek angin a rawn call anga, engemaw hriat belh an tum vangte pawh a ni thei.” Matteo chuan a lo ti a.
“Chutiang thil chu Valentina hian a ti ngai lo ang.”
“Outfit boss nupui a ni tawh a, a pasal laka a rinawmna tihlanna tur a ni. Familia mi leh sa in ni tawh a, hmelma in ni tawh tih hre reng rawh u.” Luca chuan Aria chu a rawn hnial a, mahse lungawi lo hmel a pu hran lo.
Romero chu ka en reng a, heng zawng zawng hi ka hmangaih loh tur ka hmangaih vanga thleng a ni. Kei hi misual ber chu ka ni mai em? Ka thil tih kha pawi ka ti tih maite chu ka duh a, mahse Romero chuan min rawn melh ve takah chuan thil dik tak ka ti a, ka hmangaih ber bula awm hi ka phu tih ka hrechiang hle.
Ni e, misual ber chu ka ni. Ka thil tihah khan ka inchhir lo a, mahni hmasial tak ka ni bawk.
“Hey, inngaihtuah hrehawm suh.” Aria chuan a lo ti vat.
Aria lam chu hawiin, “Valentina nen hian in inngaina a, phone-ah pawh in in be fo tih ka hria. Tunah lah i phone a chhang duh ta bawk si lo a, keimah vang a ni tih ka hria,” ka ti sap a.
“Ka unaunu i nih hi, Lily. New York-ah i awm thei tawh a, i hmangaih ber bulah i awm tawh bawk. Valentina nena kan inngainatna aiin i hlimna hi a pawimawh zawk daih. Lungngai suh. Luca hian boruak siamṭhat leh theih dante pawh a hre maithei a sin. Dante hi thil ngaihtuah thui tak mi a ni tih i hriat kha.”
“I pa hi Dante consigliere a nih chhung chuan i suangtuah ang chu a thleng lo ang. A boss-in phuba a laksak lo a nih chuan i pa tan mualphona nasa tak a ni dawn a sin.” Romero chuan a lo ti ve thung a.
“Phuba lakna tihvel hi ka hua.” Gianna chuan a lo ti ve leh hluk a.
Matteo chu a ṭhutna aṭang chuan rawn thoin a nupui kawngah chuan a kuah sak a. “I hua tih ka hria a lawm. Mahse pumpelh theih a ni si lo,” a ti a.
Gianna chu a meng kual ralh a, Matteo chuan a lo fawp vat thung. A hma kha chuan hetianga an awm chang hian ka thik ṭhin a nih kha. Mahse tunah chuan ka duh ka ti ve thei tawh a lawm.
Romero bulah dingin a kawngah ka kuah salh a. Ka dara min lo kuah let pahin ka bekah a fawp zui zauh bawk.
“A hma pawhin Outfit ho nen hian hmelma kan ni tawh ṭhin a, tun ṭumah pawh hian zam viau chhan tur kan nei hleinem,” a tih chu lo hnialin. “Keimah vangin tuman nunna chan tawh lo se ka ti e,” ka lo ti ve a.
“Romero hian a sawi dik, chiai chhan tur a awm lo. Dante phei hi chuan tute mah min khawih ka ring lo. Russian ho hi an la che na rih em mai. A sipaite chần belh tur chuan Familia do tura a chet duh ka ring lo. Keini pawh chutiang tho chu kan ni.” Matteo ṭawng lai chuan phone a rawn ti a, kan hawi phawk nghal hru vek ni maiin ka hria.
Aria chu countera a phone dah la tur chuan a kal vat a. “Valentina a nih hi,” a tih takah phei chuan kan hawi ṭhap mai.
Luca chu a tho vut a. “Fabi thil tih sawi chhuak lo turin fimkhur ang che.” Aria chuan bu nghatin a phone chu a bengah a chuktuah nghal a.
“Hello, min lo call let hi ka lawm lutuk. Kan inbe lawk thei ang tiraw?” Aria chu a ngawi zui vang vang a, a mitmeng ngui deuh raih chuan ka ngaih a ti ṭha thei lo.
“Ka hria a lawm. Fabi chanchin ka hriat duh vang a nia. Min dan a tum vang khan hliam a tuar ta sia, ka ngaihtuah lutuk. A la naupang bawk si, hetiang thil a inrawlh ve tur pawh hi a la ni lo. Tunah enge a an i hre thei em?
Aria chu a thaw chhuak hak a. “A ṭha tihna maw? A ban kha pangngai takin a hmang leh thei dawn maw?”
Thawk chhuah halh pah chuan Romero chu ka ngheng dat a. Mahse Aria ṭawng ka hriat leh rual chuan ka khawng leh nghal vek. “Min dang thei ta si lo a, buaina a tawh phah em?” Aria chu a bu zui nghat a. Kan lam hawiin a kutzungpui a rawn chhawng zui va bawk.
Valentina thusawi ngaithla chuan a ngawi zui daih a.
“Aw le, ka lo hrilh dawn nia. Ka lawm lutuk, Val. Ka theihnghilh tawh lo ang. Kan pasalte hian boruak ṭha tak kan neih leh vat theih nan ruahmanna an siam thuai ka beisei. Ka ngai thei lutuk che, a nih phawt le.”
“Chuan, enge?” a phone dah rual rual chuan ka lo tinghal a.
“Ka pa leh Dante chuan Fabi thusawi kha an awih a nih hmel. Kan tlan chhuah vang khan tuman an dem lo. Khatiang hnathawk tur kha chuan tawn hriat a la nei lo bawk a. Ka pain a nawr luih vanga duty a nih kha.”
Luca hmel chu a la rum ul tho. “Thil dang sawi a nei em? Dante ruahmanna leh a chet lak tum dante?”
“A thinrim khawp mai.” Dar chhin ak pahin Aria chuan a ti a. “Mahse Dante chuan thuchah a nei, chu chu i ta tur a nia,” tih pah chuan min rawn en a. Ka bula ding Romero pawh chu a khawng nghal at mai. A sawi tur chu beisei sa ka nei.
“Vawiin hian Lily hi i thawn let a nih chuan eng buaina mah a chhuak lo ang a ti a nih chu.” Romero chuan rang fein, “A kir tawh dawn lo,” a ti ram hmak a.
Luca chu a meng zim deuh sun a, thaw a la ham ham bawk.
“A teuh lo mai. A rawtna hi kan pawm dawn lo tihte Dante chuan a hre sa vek. Chuvanga rawn sawi tir chu a ni.”
Romero chuan ka ban chu dimtein a chul hauh hauh a, chutah rawn kun hniamin, “Tuman ka lak aṭang hian an la bo dawn lo che. Ka bula i awm theihna tur a nih phawt chuan indona sang chuang pawh ka bei mai ang,” A ti sa sa a.
Nihnih a liam ve ta, chatuan ang maia rei a niin ka hria. Romero chu a buaiin inah a awm tlem em em a, ka ute bulah ka awm ve chawt a ni ber mai. Mahse zanin chu a inah kan pahnih chauha zanriah kil dun a rawt a. Nilo, kan inah zawk mawle.
Choka dawhkan lianpuiah chuan tlai lam chaw a order-te chu a ṭhet darh a. Ngawi renga chaw kan ei dun mial mial lai chuan, “Vawiin khan Luca chuan captain-ah min kaisan tir a,” a ti a.
“Tak tak maw? A ropui hle mai” ka ti chhuak hliai a. Atan a hlutzia ka hriatpui a, ka lawmpui tak tak. Aria bodyguard anih vang khan a phunnawi ngai lo a, hlim lo hmel lah ka hmu ngai hek lo. Pate aṭanga inrochun chi a nih avangin, hetia captain ni tura a ruat ta mai hi Romero tan chuan thil ropui tak a ni reng a ni.
“A nih chuan eng hna ber nge i thawh chhunzawm tak ang?”
“Harlema club ṭhenkhat hi ka kutah a awm dawn a, captain hmasa kha cancer a neih vangin a chawlh a ngai ta sia. Fanu hlir a nei bawk nen, Luca chuan ka kutah a dah ta mai a ni. Sum tam zawk ka thawk chhuak thei dawn tihna a ni mai.” A tih chuan ka lo nui sak a.
“Chu lam chu ka ngaihtuah lo tih i hriat kha. I phu tak hna thar i thawk thei tur hi ka lawmpui lutuk che.”
Romero chu a ṭhen sak a. “Chu chu midangte ngaihdan a ni ve chiah lo. Outfit leh Familia karah buaina ka siam ta si a, ṭhenkhat chuan phu min ti ve hauh lo.”
“Mahse Outfit nena thawh ho an duh lo emaw ka tia.”
“Ṭhenkhat chuan captain nih ka phu an ti tho a lawm.”
“A nih leh tunge Aria veng ta ang?”
CHAPTER - 59
“Chu chu a buaithlak lai ber a ni. Tunah chuan Aria leh Gianna-te pahnih hi Sandro kutah an awm a ngai tawh dawn a. Mahse nang ilo awm ve leh tawh bawk sia, amah chauh chuan a veng seng dawn lo che u. Mahse tihdan tur a awm mai ang.”
Desert kan ei zawh chuan Romero chu dingin ka ṭhutna lamah a rawn kal a. A ngaihna hre lo tak chuan ka lo en haw a, zam hmelte a pu deuhin ka hria.
Ka hmaah chuan rawn ṭhingṭhiin, a ipte aṭang chuan satin bawm te takte a phawrh chhuak a. Ka hmaa a rawn lek kan ruala a hawn takah chuan ka khawng nghal awt a, thawk pawh ka thaw ngam tawh lo. A chhungah chuan diamond zungbun mawi em em mai a lo awm a. Inneih a rawt vat chu ring tho mah ila, hetiang vut vut chu ka lo beisei hauh lo. Hun khawhral chu a tum lo chiang kher mai.
“I pasal neih hmasak ṭum khan thil tam tak a thleng tih ka hria. Mahse khang thil zawng zawng siamṭha tur khan hun min siam sak rawh. I phu ang chiah pasal nih ka duh a, hmangaih taka enkawl che ka duh bakah, hlimna ka pe ang che. Liliana, min nei duh a ngem?”
Chhuatah chuan ṭhingṭhi vein ka kuah thlawp a.
“Aw….aw….ka nei ang che.” Duhthawh zetin ka fawp nghal bawk. Romero chu inla hrang hmasaah ṭangin a ṭhen zui suk a. Mahse chhuatah chuan kan la awm reng tho. Ka bula Romero a awm chhung chuan khawiah pawh awm mah ila pawi ka ti lo.
“Pasal neih leh vat chu i duh lo ang tih ka hria. Inneihna dang hmachhawn leh i duh rih lo a nih pawhin ka hrethiam lutuk che.” A tih chuan lu ka lo thing a.
“He inneihna hi chu ka phur zawng tak a ni. Ka hlim dawn tih ka hria a lawm. Mo kawr lei turin Aria leh Gianna-te ka sawm anga, ka phur lutuk zawk a sin.”
Romero pawh a nui chhuak huk. “Mahse chumi hma chuan ka chhungte hmu turin ka duh che a. Chuan, nupui hual ka nei tihte pawh ka hrilh anga.”
“Teh reng mai,” ka lo ti vat. Romero chhungte hmuh chu chak viau mah ila min duh lo ve thei tlat. Chu chuan engtin emaw tak min tizam deuh a.
A tukah chuan a chhungte hmu turin Romero chuan min hruai chhuak a. A nu chu a pasal thar nen an cheng dun a, a farnute erawh chu kan apartment aṭanga hla vak loah an cheng thung. Ka hlauhthawnna atthlak zia ka hre nghal a, an fel lutuk.
A naute pahnih chu ka birthday party-ah khan ka hmu tawh a, tunah chuan an lo nula ve tawhin a upa zawk Tamara phei chu college a kal ve tawh. Ka pa khan a phal ve ngai loh vangin college kal hi chu ngaihtuah pawh kan ngaihtuah ngai lo.
Kan chhungkuaa zanriah kan kil ho ve ṭhin lai kha chuan, dan angin puithu takin kan ṭhu khawm ṭhin a. Tumah bengchheng leh hnawk sakin kan awm ngai lo. Gianna tih loh chu. Mahse Romero-te chhungkaw bula zanriah kil chu a dang daih. A hahdamin a nuam ka ti kher mai. Titi ho mai mai sawiin kan nui a, hei hi a ni chhungkua chu. Romero chuan kan inneih tur thu a sawi takah phei chuan min lawmpui ziate min hrilhin min kuah liam liam a, ka hlim takzet. Kar hmasa lawka Benito nupui ka nihna chu mak tiawm pawhin an awm lo. He nun tharah hian ka hlim dawn tih ka hrechiang lutuk tlat.
Romero hmangaihna vang chauha hlim ka nilo, ka chhungkaw tharte leh ka unau tharte vang pawh a ni. Fabi erawh ka ngaiin ka ngaihtuah fo ṭhin a, mahse hremna a hmu lo a, hlim takin a awm ang tiin ka inhnem pah reng bawk.
He hun hi rei tak chhung ka lo ngaihtuah tawh kha a ni a, vawi tamtak ka lo suangtuah ṭhin tawh a nih vangin a taka a thlen takah hian mumangte pawh ang deuhin ka hria. Benito thihna leh hun kal tawhte khan min tibuai tawh ngai lo a, hlim vangin thla tel loin ka thlawk a ni ber mai. Hlimna chuan min luahkhat a, vawiina ka duhthusam loh thil awm chhun chu Fabi rawn tel ve thei lo chauh chu a ni. Ka hmu leh dawn em tih pawh ka hre lo a, a dam ṭha em tih lah ka hre hek lo. Dam se, hlim takin awm se ka duhsak takzet.
Romero chuan mipui hlim kut beng dar dar karah chuan min pawm kang a, van lam chu enin ka nu khan min lo thlir angem, tihte chu ka ngaihtuah a. Ka hlim hmel hi hmu ve se ka ti. Ka hlimna tur kawng ni a ka hriat chu engkim huamin ka zawh a, a duhthusam ka puitlin thei ta. Ka bianga a fawhna vang chuan suangtuahna khawvel aṭanga kaih harhin ka awm leh ta.
Kan pindan lam min panpui a, chu hun thleng tur chu ka nghakhlel a ni. Hmeichhia chu pasal neih niah a hlim tur a ni reng a ni. Keimah ang chiah hian. Hmangaihna leh nupui pasal neih hi innawrluihna chi a ni lo a, thinlung zawk hian duh a lo thlang mai zawk ṭhin a lo ni. Kan hmangaih loh tur kan hmangaih vanga tawrhna a thlen chang pawhin hlimna bawkin a tuam dam leh ṭhin. A nghawngah chuan hmai phumin ka nui ta var var a.
Ka mit sir chuan ka ute leh an pasalte chu ka hmu a, Aria mitmenga hlimna chu a de sar mai. Gianna pawh chuan mithmul san ak ak chungin min lo en ve bawk. Ka nuih chhuah hak takah chuan Romero chuan ka bengah a fawp zauh a.
“Lawiṭhat zan kan hmang tur ka nghahhlelh zia hi i hrethiam lo hial ang,” a ti sa sa .
Keipawh chu ka bang bik lo. “A nih chuan hmanhmawh ta che,” ka lo ti ve sap a. Nui huk mah se ka rawtna chu a hnial bik lo. A kal chak sauh a, kawngkhar chu a kiu chuan a nek hawng a. Min pawm luh fel hnu chuan a tlawh khar lehnghal.
Khuma min nghah pahin, “I nalh takzet, Lily. Ka nupui i ni ta mai hi rin harsa ka ti hial,” a ti a.
“I nupui ka ni tawh a, i ta ka ni reng ang.”
Ka mo kawrfual chu a phelh hma chuan ka biangah vuanin duhthawh zet chuan min fawp a. Ka taksa chu fawh chhuah vek tum niawm tak chuan a fawp kual nghal ruai a, mahse min fawp tura ka duhna hmun tak erawh a hel daih thung. Corset leh panty chauh ha chuan khumah min nem mu a, a mitmenga min thlakhlelhna lang chhuak chu hmuhnawm ti takin ka lo thlir reng thung.
A bula ka awm tawh hi chuan hmeichhe nalh ber ang maiin min inngaih tir ṭhin. A khawih velnate vang chuan ka zauthauin a dawhthei lo zawkah ka ṭang leh ta. “Romero, khawngaihin,” ka ti tham ṭiak a. Nuih sak pahin ka panty chu a pawt thla a. A kun hniam ruala a thil tih vang chuan ka thaw chhuak halh.
“Ka nuipui i nih anga a tawp i thlenna hmasa ber.” Lungawi hmel fe chuan a ti a. Ka bula rawn mut pah chuan a thaw pah halh halh bawk.
“A tawpna a nih loh ngei ka beisei,” ka lo ti let ve a.
“I la duhtawk lo i tihna em ni?” a tih rual chuan min rawn kuah a. Lu ka lo thing vat. Inbeng kangin ka corset hak lai chu a phelh a, ka awm bawr khuhtu awm ta lo chu a hup zui hmak. Ka kut pawh chu a awm hle hle bik lo. Innei thar mah ni ila, kan tan thil thar a ni lo a, zahna chuan hmun a chang lem lo.
A vawihnihna kan zawh fel leh chuan ka bulah a let thla tawp a, a awm nghenga mu tur chuan min kuah hle hle mai. A lung phu zaih zaih chu lungawi takin ka ngaithla kiau mai.
“Ka ta i ni ta mai hi rin harsa ka ti, tuman ka hnen aṭang hian an hruai bo tawh lo ang che. Eng thil mahin min pawt ṭhen tawh lo ang,” a ti leh a. Ka chhipah a fawp zui vang vang bawk.
Ka nui var var a, ka hlim tih hi sawi chhuah ngaihna pawh ka hre lo. Fabi chu ka ngaihtuah chhuak leh a, tunah hian enge a tih ang? Ka unaute hi awm lo se chuan tunah hian Romero bulah ka mu hauh lo ang tih ka hrechiang. Ka hlimna tur hian nunna hial chan pawh an pawi ti lo a, chutiang thoin Fabi pawh. Ka tana an thil tih kha ka dam chhung pawhin ka rul seng tawh lo ang. Chuvang chuan an duh ang ngeiin ka hlim tur a ni.
Ka inher a, Romero chuan hnunglam aṭangin min rawn kuah hlu hlu mai. A ban chak tak hian min thlamuan a, a lungphu ri hi ka dam chhan a ni ta berin ka hria. A tlai tawhin ka chau a, Romero pawh hahdam tih hriat takin a muhil ve ta siai siai mai. A thaw sak sak ri chuan min tihahdam a, zalen ta riauin ka in hre ṭhin.
Ka taksa chu chau viau mah se ka muhil thei der lo. Romero ban chu dimtea dah sawnin khum aṭang chuan ka tho a. Ka satin bathrobe chu hain balcony-ah chuan ka chhuak a. Khaw thlir nuam tak chu a ni chiang a lawm.
Naktukah hian New York-ah kan kir leh nghal mai dawn a, nupa tak tak angin nun kan hmang ṭan tawh ang. Van lam chu ka hawi a, arsite chu an mawi thar riauin ka hria. Kan naupan lai kha chuan mitthite hi arsiah an changin, vanah khian an eng ṭhin niin ka ngai ṭhin. A ni lo tih hre reng tawh mah ila, arsite zingah khian ka nu chu a awm ve a, min thlir reng ni maia hriatna ka nei. Keimah vang hian a hlim a nge, min chhuang a ngem le? Chu chu hre thei dawn tawh lo mah ila, a hnena ka thutiam ka tihlawhtling tawh. Engkim huamin ka hlimna tur ka thlang ta a ni. Tui taka mu ka pasal chu ka en vang vang a, vana arsi chu ena ka nuih sak hnu chuan mu turin ka lut leh ta a.
Romero chu ka nek sat sat a, min lo kuah vat. “I kal bo daih,” a lo ti niah niah a.
“Boruak ṭha hip turin ka chhuak lawk a lawm.”
“I lo kir leh vangin ka lawm e.”
“Ka hmangaih che,” ka ti sap. Min kuah nghet sauh chung chuan, “Keipawhin ka hmangaih che,” a ti a.
Nakin lawkah harsatna tamtak kan la tawk thei, mahse tunah hi chuan ka thil tihah khan ka inchhir lo a. Ka hmangaih ka neih theihna tur a nih phawt chuan ka ti nawn leh duh dawn tih pawh ka hria. Hmangaihna hi a hlu a, hmangaihna avang chuan eng thil pawh ka ti zel ang…
XXXX THE END..
A ngaihawm ka ti ber mai hei hi….In zavai chungah kan lawm a, Pathianin rem a tih chuan translated story ngaihnawm firfiak nen kan rawn come back leh vat ang.. Lo him dam ula, lo fimkhur zel ang che u. Jaihind!
THE END
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)