BOUND BY TEMPTATION by Puii Sailo (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BOUND BY TEMPTATION by Puii Sailo (Completed)

Unread post by Ngaia » September 5th, 2021, 1:48 pm

CHAPTER - 25


Romero nen chuan ngawi rengin kan in en ta reng a. Corridor aṭanga eng lo lut vang chuan a hmel pawh chiang takin ka hmu thei. Fawh thut mai chu ka duh a, mahse chutianga tilo tur chuan ka insum hman hram. Chak taka ka awm a ngaih bakah, ka zahawmna humhim thei chu keimah chauh ka ni tiin ka inhrilh ru mawlh mawlh a.


Kan inkar boruak ṭang ru zet tihziaawm tuma ṭawng chhuah ka tum lai tak chuan Romero chu rawn kun hniamin min fawp ta mai a nih chu! Ka beisei loh lutuk thil anih vang chuan chhan let mai ngaihna pawh ka hre lo a, mahse ka talbuai rei bik lo e. A nghawngah chuan kuahin, duhthawh zetin ka lo chhang let ve a. A fawhna avang chuan ka lungngaihnate leh mangchhiate chu ka hre leh tawh hauh lo.


Romero chu inla hrang hmasaah ṭangin thaw kan la dun ham ham a. Engtia rei nge kan infawh pawh ka hrethiam lo. Ani chu khuma ṭhingṭhi a ni a, hmai insi chet chung chuan kan thaw duh halh halh mai. Ka taksaa danglamna lo awm chu ka hre thei a, zanin hian a tawp thleng turin ka inpeih tih ka hre thei.


Romero chuan ka biangah a rawn tawk a, din chhuah mai a tum tih hriain a banah ka lo chelh vat thung a. “Keimah chauha awm ka duh lo,” tiin pangchang aw lek lekin ka ngen zui nghal a.


Min hnialna thu ngaithla turin ka lo inring ru ve ran a, mahse engmah a sawi lo. Khum aṭang chuan thoin kawngkhar lam chu ngawi rengin a pan a.


Vawi tamtak min hnar tawh hnuah pawh a laka beisei ka nei tlat hi a beidawng anga, min chhang buai peih lo pawh a ni maithei. Mahse min duh loh thu sawi chu a harsa viau em ni? Ka ngaihtuahna avang chuan ka thin a na vawng vawng mai. Mahse a chhuak miah lo.


Kawngka chu kharin, ngawi reng chuan khum lamah bawk a lo kir leh a. Ka thin phu rang lutuk chu a tawp mai dawnin ka hria.


Romero chuan a silai pai lai chu phawiin khum bul dawhkanah chuan a dah a, a pheikhawk a phelh zui nghal bawk. Keipawh chu a mutna tur kianin ka lo tawlh rem ve sawt sawt a, ka phur lutuk chu ka sa pup pup thei hialin ka hria. Mahse ka lo beisei ang chu a ni ta miah lo.


Ka rizai hnuaiah chuan a rawn inthawlh ve mai dawn emaw ka tih laiin, rizai chungah zawk chuan a mu hlauh thung a. A ngaihna hre lo tak chuan ka en hau a, a chauh hmel riauin ka hria. A lo nui suk a, inthiam lohna neite pawh a ang zawk mah.


Ka kawngah chuan rawn kuahin a lamah min pawt hnai a, ka hnung leh a awm chu a insi ta ran mai. A lungphu dat datte pawh chu ka hre thei a, mahse min daidantu ka rizai chu a awm tlat. Ka rizai chu phih thlak a, a nih tur ang ang nih maite chu ka duh ut ut. Zanina kan infawhna khan Romero pawh a tidanglam nasa ve tho tih ka hai bik hauh lo.


Hlawhtling inti fe chuan ka nui ru sak a, maimitchhing chungin, “Ka bula i awm avang hian ka lawm e,” ka ti sap a.


Romero chuan ka tukhumah a rawn fawp zauh a, “Mutthilh tum rawh, mangchhia i man tawh loh nan ka lo veng ang che,” a ti a.


“Min veng ngei ang,” tiin ka insiamrem zui sat sat a.


A tuk zinga ka alarm riin min tihharh chuan khumah keimah chauhin ka lo mu tawh a. Khumah chuan ṭhu chhuakin, parda hawnna remote chu ka hmet nghal a. Tukverh aṭanga ni engin ka mit a chhun takah chuan ka maimitchhing vat a, ka khap zui nghal sak sak bawk.


Ka pindan chu ka melh kual a, nizan lamah Romero a rawn riak tih hriat theihna tur engmah hmuh tur a awm lo. Hre chiang viau lo ila chuan ka mumang emaw ka ti hial ta ve ang. A lukham chu lain ka hnim vang vang a, a rim pawh a la nam ngei a lawm. Ka mumang chu a nilo chiang.


Khum aṭang chuan ka tho chhuak ve ta hram a. Ni e, Romero kha khawvar thleng chuan ka pindanah hian a awm hauh lo ang. Mi fimkhur tak a ni a, kan dinhmun angah hi chuan tu emaw zawk zawk kan fimkhur em em a ngai reng a ni.


Ka unaute hi kawngkhar kik lemlo a rawn luh mai an ching a, Romero kha an rawn hmu hlauh anih chuan ka chan a chau viau ngei ang. Mahse engmah sawi lo a min kalsan ta daih chu ka lungawi chiah lo.


Inthing harh teh, Lily. Kan fimkhur a ngai a, min man chhuak anih vaih chuan min thawn haw anga, engtikah mah Romero hi ka hmu leh tawh ngai lo maithei. Mahse nizan kha bul ṭanna ṭha tak chu a ni chiang a lawm. Eng bul ṭanna nge ka ngaihtuah leh tak hi?


Romero hi ka pasal ni turin ka pa hian engtikah mah a pawm dawn lo tih ka chiang a. Romero lahin min nei duh em tih pawh ka hre hek lo. Mahse kei hi chuan ka duh em em tawh mai si. Risk lak ka huam a, ka duhzawng tih a hlim ve ka duh. Ka hlimna tur nia ka hriat kawng ka zawh mek hi a dik a ni tih ka hre chiang hle.


Ka inbual zawh chuan nidang zawng aiin ka sam leh hmaite chu ka chei uluk a. Chumi hnuah inhnuaiah ka chhuk ve chauh. Choka lama ka ute nui ri ka hriat takah chuan chulam pan chuan ka kal ve ta nghal a.


Dawhkan kilin coffee an lo in mek a, tumah midang hmu ve lo mah ila, dawhkan chu mi pa 6 tana set a ni. Anih chuan mipa ho pawh an lo lang har lo tawp ang. Romero ka hmuh mai loh vanga ka lunghnur deuhna chu thupin, ka ute ṭhutna lam chu ka pan phei a. Aria chuan ka coffee tur chu thliin min lo pe vat a, a hmelah chuan min ngaihtuah hmel a pu.


“Nizan i mu ṭha lo em ni?” a tih chuan chhang mai loin coffee chu ka lem khalh a.


Ka lungphu a rang nghal zaih zaih mai. Nizana Romero lo lut lai kha a hmu tihna a ni thei mai a ngem, nge a chhuak lai kha a lo hmu zawk?


“Ngati nge?” tiin Aria chu ka zawt let ta daih a. Gianna chuan hnar a lo tum dat.


“A chhan chu i chauh hmel em a lawm. I mit hnuai a dum val kalh bawk a.” a ti a.


Ka mit hnuai dum hliah tur hian concealer ka hnawih emaw ka tia, ka lo theihnghilh daih tih ka hrechhuak chiah. Hrep tak hian a!


“Ka ṭha a lawm. Ka mumangah ka nu ka hmu a, mahse a ṭha vek e.”


Aria chuan ka darah min rawn kuah vat a. “A thu hrilh che a lo sawi nawn leh em ni?” a ti dam diai a.


“Aw, a thilsawi kha ka theihnghilh thei miah lo,” ka lo ti ve vat a.


“Khatiangin vei lutuk duh suh. Ka nu kha damlo na tak a ni a, a ṭawng vai mai mai pawh a ni thei. A tihsual tawh siamṭhat sak chu i hna a ni hleinem. A dam loh hnu khan a hlim lo ta em a, mahse chu pawh chu i thiam loh a ni reng reng lo.”


“Gianna.” Aria chuan a lo khap vat.


“Ka nu khan mahni inthiam lo turin min ti hleinem, ka hlimna tur a duh vang a lawm.”


“A duh ang tak chuan i hlim dawn a lawm. Chutiang tur chuan theihtawp kan chhuah bawk ang.” Aria chuan ka dara hmer salh pah chuan a ti a, a pen sawn zui nghal.


“Ei phawt ang u. Kan mipate hi an ril a la ṭam ve lo aniang. Thil engemaw sawi ho tur an nei a.” Aria-in a tih leh takah chuan ka lo melh vat a.


“A ni maw?” tiin zam ru tak chuan ka zawt a.


Dawhkan kil tura ṭhut pah chuan, “Sumdawnna chungchang em ni?” tiin ka zawt leh hram.


Romero nen hian eng thil mah kan la ti lo, kan infawp tih mai loh chu. Nizan thil kha an hria tihna a ni thei mai a ngem?


Aria chuan mak tihmel pu lek lekin min en a. “Anih ka ring. Chutiang bak sawi ho tur an nei ngai hleinem,” a ti ve mai a.


Dawhkana chhangthawp inchhawp ban pahin Gianna chuan, “I awm dan hi a mak tlat. Thil engemaw thleng a awm em ni?” a ti a. Min en chiang hle bawk.


“Aih,” rang fein ka lo ti a. Ka hmaa eitur awm chu ka ban zui nghal.


Vanneih thlak takin mipa ho pawh an lo lut ve chiah. Zawhna dang min zawt zawm tawh dawn lo tih hriaiin ka thaw chhuak halh. Romero lo lut chu ka lo melh vat a, ani ve thung chu ka awm ve tih hre hmel pawh a pu lo.


Luca leh Matteo-te chuan dawhkan chu an rawn kil ve nghal a. Tuman min rinhlelh loh nan pangngai taka awm a tum ve tih hre mah ila, a lemchan thiam lutuk chuan min tina pha tho.


Fiante chu lain ka thlenga eitur awm chu ka ei nghal mawlh mawlh a, ka ute ve thung chuan min mitmei reng tih ka hai lo. Min hrechiang viau mah se an rinhlelh tura awm chu ka tum teuh lo. An pasalte lakah hian thuruk zep nei turin ka duh bik lo a, a bikin hetiang thil kher phei hi chu min zeppui tur pawhin ka phut hek lo.


Breakfast kan ei chhung zawng chuan Romero melh loh hram hram ka tum a, chhuanlamah ka ute chu ka be char char thung.


Breafast ei zawhah chuan ka ute chuan awimming pull a inchiah an rawt a. Ka pindan lamah inthlak turin ka kal ve mai a, ka bikini sendang a vara ṭial ka ha a. Ka chhuah leh rual chuan ầwm khauh zet mai ka su deuh dawt. Ka thaw hawk a, ka kawngkhar bul maiah chuan tumah hmuh ka lo inbeisei lo bawk nen, ka phu nasa kher mai.


“Karei leh! Min tiphu nasa kher mai,” tih pah chuan ka nui sak a.


Romero chuan engtin mah min chhang lo. Ka taksa ruak deuh kang mai chu ngun fein a melh kual a. “I nalh takzet,” a ti chhuak ta nge nge.


Ka lungawi lohna kha ka thup thei ta bik lo. “Breakfast ei lai kha chuan i hmuh miah loh kha,” ka lo ti let ve sak a. Romero chuan ka mitah tak min melh ve ta ran a.


“Ka hmu a lawm, min ring rawh. Hmuh loh theih chi pawh ni nghal lo chuan,” a ti sap a.

Corridor-ah chuan kan pahnih chauhin kan ding a, kan inhnaih bawk nen a aftershave inhnawih rim pawh chiang takin ka hre thei.


“Ngaihsak reng che ka duh a sin, mahse thlan tur dang kan nei si lo. He thil hi thuruk a nih a ngai tlat.”


“He thil a? He thil i tih chu eng chiah hi nge?” ka lo ti vat a. Eng thil mah kan la ti si lo a, vawithum kan infawp tawh tih mai loh kha chu.


CHAPTER - 26


“Ka hre lo, engmah pawh a ni lo zawk maithei. Mahse ka duh che, Lily. Ka ngaihtuahna aṭang hian ka paih bo thei lo che a, eng thil pawh ti ila ka hriatrengna che hian a phatsan ngai lo che a sin.”


Ka lo thaw chhuak halh. Ka rit phurh chu lak sak ang huai ni maiin ka inhria. Tunah chuan ka mal ṭan ta lo e. “Keipawhin ka duh che a lawm. Chuan, engtin nge kan awm dawn?” tih pah chuan ka din hnaih sauh a.


Romero chuan ka taksa chu a melh kual ve mek bawk a, chu chuan min timur chuai chuai thei. A khawih pawh ni lo, a melhna vang ringawt pawhin ka danglam thei chu a ni sia.


Romero pawh chuan min rawn hnaih ve sauh a, a hmel en thei turin ka dak vah bak. Min khawih se duh viau mah ila, a che mai bik lo.


“Tuna ka duh ber chu, i pindanah hian hruai lut chein, i bikini hi pawh ṭeh vek ka chak a sin. I taksa leh i vunte hi eng ang taka tui nge a nih hriat ka duh. Sawiselbo i ni dawn tih lah ka hai der si lo.”


“A nih chuan tinge chu chu i tih mai loh?” ka lo ti sar sar a.


“Hrep tak hian!” Romero chu a phun hluk a.


Ka tukhumah chuan vuanin ka lu chu a pawt thle deuh a. Ka nghawngah chuan a rawn fawp lum nghal ham ham mai. Ka lung phut ruala ka nghawng a thisen zam phu at at chu dimtein a liak chho riak riak a, din hnaih zual sauhin nuam tih vangin ka lo rum chhuak ve hak. Ka hmuia a rawn fawh takah chuan duhthawh fein ka lo chhang let ve a. Phur vang chuan ka tiril a khur dar dar mai.


Chutih lai chuan thawm a rawn awm a, kan inthlah chiang hle. Corridor-ah chuan min hmu tur tumah an awm lo a, inhnuai lam thawm a ni tih ka hre mai. Mahse chu chuan kan fimkhur a ngaihzia min hriat nawn tir hlauh thung.


Corridor-ah chuan tumah an awm lo tih chian tumin a hawi kual leh a, chutah ka biang tawn tawnah vuanin, “Ka beisei ang chiaha tui i ni,” a ti leh sap a. Ka lo nui sak.


“Mahse ka taksa dang hi enge a an ila hre chuang hleinem,” ka ti a.


Ka thilsawi vang chuan ka biang a sa nghal hat hat mai. Romero lah chuan ka thusawi awmzia chu a hai bik der si lo.


Romero mitmeng chu a thim zual deuh sawt a, “Chu chu ka chak lutuk tlat, min ring rawh.” A tih chuan ka khur leh dar dar tawh.


“Tak tak maw?”


“Tehreng mai,” tiin a thaw hawk a. A inla hrang zui nghal bawk. “Mahse kan fimkhur a ngai a nia. Kan kawng zawh mek hi kawng hlauhawm tak a ni,” a tihzawm leh a.


“Ka hria, mahse pawi tihna ka nei lo. He thil hi thleng turin ka duh a lawm.” Ka tih chuan Romero chuan min fawp leh a.


A lu a thing zui na na bawk. “Eng thil nge i tih ka hre lo a, mahse ka ngaihtuahna hi i chhuahsan ngai lo. Chuan, tunah hei hi……” tih pah chuan ka bikini chu a melh leh vang vang a.


“Ka ngaihtuahna i hre thei lo hi lawm hle rawh. Mak i ti lutuk ang.”


“Ka rilru hi hria la chuan mak ka ti vak lo hi mak i ti zawk maithei,” tih pah chuan ka thiam ang tawka ngaihnobei chuan ka melh ralh a, ka nui zui sak bawk. Inherin ka mawng bawr sawi deuh lak lak chung chuan ka kalsan ta daih a.


ROMERO :


Chutia Lily kal liam lai ka thlir chu ka rum chhuak lo chauh a ni. A bikini chuan a mawng mar nalh zet chu a khuh tlem hle a, a kal paha a mawng inṭhial ṭalh ṭalh chu mipa tan chuan hmuhnawm tak a ni ringawt.


A ngaihtuahna hriat theih ka duh a, a duhthusam pe theitu nih ka duh. Nichina min chhaihna ṭawngkam khan ka thluak a luh ngut ngut a, a taksa pum mai chuan a liaha liah chhuah vek ka duh. Ka suangtuah fo ṭhin ang kha a ni a ngem hriat ngei theih ka duh ber. Ka liak anga, ka khawngaihna a ngen thlengin ka liak ang.


Ka kekawr chu a tawt ṭan tlat, hetianga ka ngaihtuah zel a nih chuan a ṭha dawn lo tawp mai. Nizan khan a bulah ka mu a, khatianga ngaihtuah chunga khawih thei si loa awm kha chu hremna rapthlak ber a ni hial ang. Zanlamah Lily hian min rawn tlawh leh ngei ang tih ka hria, tunah chuan ka duh a hre tawh. Chu chu remchangah a la dawn tih pawh ka hria.


Mahse kei hian a tawp ka thlenpui tur a ni lo, chen dan chin tawk ka hriat a ngai dawn a ni. Ṭawngkaa inchhaih leh infawh chu thil ropui lutukah ngai lem lo mah ila, Luca, Aria leh Scuderi putara erawh hi chuan min ngaidam hauh lo ang le. Chu aia nasaa kal chu a hlauhawm theihzia ka hrechiang. Luca hnenah thu ka tiam tawh a, ka tih hlawhtlin ngei a ngai bawk.


LILIANA :


Zanah chuan Romero pindanah bawk chuan ka lut ru leh a. Light chu off vek tawh mah se khum lu bang nghenga a ṭhu chu ka hmu thei a. Ka pan hnaih lai chuan a ngawi reng a, min tizam thar leh riau.


“Hey,” ka ti sap a, ka ham nghal bai bai mai. “I bulah ka lo mu thei a ngem?” ka tih chuan Romero chuan a rizai sin lai chu a hlim a, rang fein ka inthawlh ve vat. Mahse ka hnaih ngam chiah lo, ka zak thar deuh tlat. Rawn kun hniamin ka hmai hliahtu sam chhawlleng chu a hui kiang a. Ka kiua inkam kangin a fawh theih tur chuan ka lo insiamrem a, mahse a lu a lo thing daih thung. Ka khawng deuh awt mai.


“Khuma kan awmdun lai chuan infawp lo ila a ṭhat ka ring.”


“Min fawp duh tawh lo tihna maw?” ka lo ti vat a. Infawh ka thiam loh vang anih ka ring a, ka zak lutuk chu ka te chem chem mai.


“Aih. Fawh che ka duh a, ka la fawp leh ngei ang che. Mahse khuma kan awm lai chuan nilo e. Thil thleng thei tamtak a awm vangin kan fimkhur a ngai, Lily.”


“A ṭha a lawm,” ka lo ti ban deuh chat a. A sawi dik maithei. Khuma kan infawh chuan a aia thui zawk kan thleng thei tlat. Kan tih tawh chuan sȗt leh theih a ni dawn si lo.


“Mahse kan inkuah thei ang ti raw?” inthlahrung deuh tak chuan ka ti leh hram.


Romero chu a nui hak a, “Thei lo ang ti tur ka ni tih ka hria, mahse dan ka bawhchhe tawh tho a lawm,” a ti zui nghut.


Khumah chuan rawn muin ban a phar duai a, rang taka tawlh pheiin a ban bul lukhamin ka mu nghal vat. A bulah hian tinge ka thlamuan bik em em ka hre lo. Ka chhungte ni lo nena taksa insi a awm pawh duh lo ṭhin ka ni sia, mahse Romero hi chu hnaih a, sik reng theih ka duh.


Ka maimitchhing a, mahse ka muhil nghal mai bik lo. “Luca tana i thawk hi i inchhir em? Sipai fapa nilo la chuan familia tana i thawh kher a ngai lo anga, mi pangngai angin nun pangngai tak i nei thei dawn a sin.”


“Inchhir lo. Ka duh ang takin ka nun ka hmang.” A lo ti nghut thung. A kutzungṭang chuan ka ban a thai riak riak a, ka rilru la peng viau. Mahse ani chuan chutiang zawng chuan a ngaih ve hmel lem lo.


“Luca leh Matteo-te hi familia ka zawm hma daiha hre tawh ka ni a, ka ngaisang thei lutuk. Luca hi mipa diktak a ni a, a chakin mahni inthunun thei tak a ni bawk. Matteo nena an ṭan dun chhung chuan khawvel hi an kutah a awm reng ang,” a ti a. A awah chuan a thutak hle tih a hriat theih a.


“Matteo hi chu buaina siam thiam a ni a, chhan pawh a ngai fo ang tih ka hria.”


Romero chu a nui chhuak leh huk a. “Aw, chutiang deuh chu a ni mai. Luca chanchin ka hriat chian a, kum 11 mi anih laia mi a that tih ka hriat phei kha chuan amah ang hi nih ka tum ruh hle ṭhin.”


“Chutih lai chuan kum 8 mi lek ila niawm sia, nawalh bawm motor lem hmanga khalh rual lek ila nih chu.”


“Naupangte ka nih lai aṭangin familia member nih ka duh tih ka hre daih tawh. An insual thiam ber nih ka duh a, a tirah chuan Luca leh Matteo-te bulah ka practice ve ṭhin. Vawi tam tak min keuh tlu a, mahse tlawm ka tum ngai lo. Thil zir chak tak ka nih bakah ka tum a ruh em a, reiloteah member puitlinga lawm luh ka ni ta a ni. Chemte hmante pawh ka zir nasa a, buaina pawh ka tawh phah fo. Mahse insual ka thiam phah ta hle a ni. Ka thawkrim bawk.”


A ṭawngkam aṭang chuan a hlawhtlinna chu a chhuang hle tih ka hrethiam ve mai.


“I chhungten enge an sawi? Mob khawvela inhnimphum lo tur chein an ti lo che em ni?”


“Ka pa chuan rem a ti chiah lo. Ani pawh ba ṭhingtu a ni a, hna tenawm tak tak a thawh a ngai fo ṭhin. Ka nu leh pate hian min ring tawk a, ka duhthlanna chu min zahsak ta a ni.”


Min ringtu leh kan duhthlanna thlenga min zahsaktu neih chu eng ang nge a nih ang pawh ka hrethiam teuh lo.


“He khawvel, he nun hi i hlimpui em?” tiin ka zawt leh a. A chang chuan hlimna awmzia pawh hi ka hre tak tak lo nitein ka hre ṭhin a, chuvanga zawt chu ka ni.


“A chang chuan, mahse tute mah hi an hlim reng chuang hleinem,” a ti a, a ngawi leh dat a.


“Engin nge tihlim che?” a tih chuan chhan mai ngaihna ka hre lo.


“Ka hre lo. Hetiang hi……….mahse dan phalloh a ni bawk sia.”

**In comments zawng2 kan chhiar vek thin ...a hlu kan ti em2..kan lawm e...**



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 1:48 pm

CHAPTER - 27


Romero chuan thaw a la halh a, a awm si renga mu ka nih vangin ka hre thei mai. Engmah sawi tawh lo chuan kan ngawi ta reng a.
A tukah pawh chuan engmah thleng lo ang maiin kan awm leh a, ka unaute leh an pasalte pawh chuan min ringhlel lo a nih hmel.
Mu tura ka pindan ka luh takah chuan ka thil tih duh chu tawpsan a ngai tih ka hria. Min man chhuak a nih chuan kan chung a pik dun viau ang. Mahse ka tawp san thei mai si lo. Romero hnaiha ka awm apiangin ka thawpikna leh ka lungngaihnate chu a zang sawt ni maiin ka hre ṭhin si a, chu chu ka thlahlel em em a ni.



Dimtein kawngka chu ka nam hawng a, dan pangngaiin light a lo off vek a, mahse tukverh aṭanga eng lo lut chu a tawk viau tho. Thawm awm miah loin kawngka chu ka khar leh thlap a, khum lam pan chuan ka dingdihlip phei zat zat a. Romero chu a muhil lo a, a rizai hnuaia ka inthawlh laite chuan ngawi rengin min lo en tawp. A tukhuma a kut suih chungin a mu a, mahse enge a ngaihtuah hre turin a hmel ka hmu chiang thei lo. A thim mah mah.



A awma ka lu ka nghah hun a nghak a nih ka ring, chuan zan dang ang bawkin min lo kuah leh thei anga. Zan dangah kha chuan a bula mut chauh ka duh ṭhin a nih kha, mahse zaninah chuan duh belh ka nei. Min ngaihdan tur lam erawh ka hre hauh lo. Engmah ka ngaihtuah duh lo.



Ka mutna aṭang chuan thoin, Romero mu zangthal chu a khel zawnah chuan ka ṭhut a. Romero chu a phu deuh zawk tih ka hria. A chunga ka la ṭhut reng lai chuan a rawn ṭhu chhuak luai a, ka darah a vuan tawp.



“Eng thil nge i tih hi?” a tih chuan a awah hlauhthawnna niawm tak ka hre thei.



“Ka hre bik lo,” tih pah chuan a hmuiah ka fawp a. Min chhanlet dan tur hre lo mah ila, tuna a awmdan hi chu ka duhzawng a ni hauh lo.



Romero chuan min lehthal a, chung lamah a awm ve thung. Innem kangin min chhuk melh zui run a, mahse ka hlau miah lo. Nuam ka ti zawk tlat. A pindanah kan pahnih chauhin kan awm a, ṭanpuitu ka au a nih chuan kei hi ka him dawn tih ka hria. Mahse ka chunga bawk, tualthattu hi ka hlau lo a, nasa takin min tiphur zawk. Naupang ka nih lai aṭang tawh khan ka infiampui tur thlang thiam turin min hrilh fo ṭhin a, zanin hian kei hian an thusawi dikzia ka hre dawn ta a nih hmel.



Chutia Romero nen inhnaih taka kan awm takah chuan, hmeichhe puitling ka nihna chu hai rual a ni bik lo. A kapa thil danglam awm chu ka hrechiang lutuk tlat. Ka kawchhungte chu a let but but mai. Kan thaw pawh a rang dun viau tawh a, engemaw chen chu kan thaw ri halh halh thawm lo chu engmah ri dang hriat tur a awm lo.



“Lily, mahni inthunun thei tak ka nihna hi ka inchhuan vena a ni ṭhin. Mahse mipa ka ni a, mipa ṭha tak lah ka ni hek lo. I khua a harin i lungngai tih ka hria a, mahse chu chu remchanga lak ka tum ngai lo a sin. Hetianga min thlem a nih chuan ka tlanchhe dawn lo tih hria la ka duh,” a ti vawt raih a.



“Ka duh vang che pawh a ni maithei a sin.” Ka thusawi vang chuan ka thin a phu dawt dawt mai.



Romero chuan a hmuiin ka bekah a rawn nawr a, a tawhna avang chuan ka lo mur chiai chiai a. “I thil sawi kha i hrechiang lo a ni ti raw, Lily?” a ti a.



Ka lo ip deuh. Romero chuan ka chalah a rawn fawp leh a, a inla hrang zui nghal.



A darah ka lo vuan vat a, a t-shirt hak chhanah pawh chuan a taksa lum ham ham chu ka hre thei a, min tiphur sauh mai.



“Keimah chauha ka awm changte hian i khawihna hi eng ang nge a nih ang tiin ka suangtuah fo ṭhin a sin,” ka tih chuan.. “Phiangsen hian!” tiin a rum chhuak hawk a. Ka hmuiah chuan a rawn fawp zui a, mahse a inla hrang leh vat.



“Tinge i inlak hran?” ka tih chuan, “Light,” tih chauhin min chhang a.



“Light maw?” ka lo ti sap a, ka zam leh ṭan der tawh.



“I hmel ka hmu duh a lawm,” tih sap pahin light chu a hmet eng a, ka lo khap zui sak sak. Ka bulah chuan rawn muin, ka kawngah a kuah bawk a.



“Chutianga i ngaihtuah chang chuan nangmah i inkhawih ṭhin em ni?” a ti thawp sat a.



A thusawi vang chuan ka meng kawk a, zah vangin ka hmai a sa nghal hat hat mai. Ka biangah rawn dawmin a kutzungpuiin ka biang chu a tuai nauh nauh a.



“Sawi rawh, Lily,” a tih leh takah chuan a mitah tak pawh ka en ngam tawh lo.



“Aw,” tih pahin hnuai lam ka melh ta daih a. Ka aw chu a ri chhuak chang chang a ni ber mai. Romero hian eng hmuhin nge min hmuh tak ang?



Ka samah chuan a hmai rawn phumin, “Fxxk,” a ti sap a.



“Chu chu nichin pawh khan i sawi tawh.” A nuihzat ka rin tehlul nen, a nui miah lo.



Ka kawngah chuan a kuah nghet zual sauh a, a ngawichawi ta riauin ka hria. A mita ka en leh ngam meuh chuan tisa chakna avanga rilṭam hmel zetin min lo en reng a. Rawn kun hniamin min fawp leh a, a leiin zei zeta ka ka chhung a hawl takah chuan ka pil riai riai ni maiin ka hria. Kan vawikhat infawhna ni lo mah se khum a infawp kan nih vang nge, ka la tawn ngai loh thil tawng ang mai ka ni. Min fawh dan chu a duhthawh tial tial a, eng thil mah min dang thei a awm tawh lo.



“Ka ti thei a ngem?” tiin ka nghawng zawnah chuan a thaw lum ham ham a. Engti turin nge ka phalna a lak ka hre hauh lo. Rem ka tih tih lantir nan ka bu nghat a. Ṭawng chhuak tur ka awm tlat lo. Aria leh Gianna-te khan ‘ṭawngduhi’ tiin min ko fiam ṭhin a, mahse Romero bulah hi chuan sawi tur ka hre mai ṭhin lo. Ka nghawng leh darahte chuan a fawp kual dan dan a, a kut pawh a awm mai mai bik lo. Nuam ti takin a khawihna chu ka lo dawh a, a khawih rem tur chuan ka lo insiamrem ve zel bawk.



“I taksa dang tuina hre turin min hrilh kha ka phur zawng tak a nia sin,” a ti leh sar sar a.



Hnehtu intihmel pu tak chung chuan min en ran a, a mitmenga phurna lang tel chu ka hmu thei. Tuna a mitmeng ang hi Russian ho an sawisak lai khan ka hmu tawh a, mahse tun ṭumah hi chuan ka hlau miah lo.



“Engtia tih nge i duh?” a tih chuan, “Tawp suh,” ka lo ti tham ṭiak a.



Romero chu kiai sukin ka awm zawnah chuan a tawlh thla nghal a. Ka mut kawr chhanah chuan a kutzungpuiin ka awm kawh lah chu a tuai ne ne a, ka lo rum chhuak hawk.



“Hetiang hian em ni?” a ti a.



“A aia nasa pawh,” ka lo ti vat. A nui leh hak a, a nui ri pa lutuk chuan min tiphur zual sauh mai.



Ka awm bawr a khalh dan pawh a dim lutuk tawk lo, mahse na a ni chuang lo bawk. Maimitchhingin bawp ka lo chip ngat ngat a, ka hmeichhiatna danglam nasa lutuk chu tih ngaihna ka hre tlat lo.



Dimtein ka dul chu a zut riak riak a, ka taksa chu a mur chiai chiai thei. Tuna thil thleng mek hi vawi tamtak ka suangtuah ṭhin kha a ni a, a taka a thleng ta mai hi awih harsa ka ti hial.



Romero chet dan chuan min tiphur nasa lutuk chu ka mal ka lo chul kual ruai a. Ani pawhin ka kut che vel chu a melh zauh a, “Helai hi khawih turin min duh em?” tiin min rawn melh a.



Rang fein ka bu nghat. A nui suk a, a kutzungṭang chuan ka mal a thai kual leh riak riak a, a mit erawh chuan ka mitah tak a en ngun hle thung. Ka awmdan leh a khawihna ka taksain a dawnsawn dan a hre duh pawh a ni mah na. Ka mal chhunglam hnaih zawng chuan a kut chu a chettir zel a, rum chhuak lo turin ka insum a ngai ta hial mai.



“Nuam i ti em?” tih pah chuan min fawp zauh a, ka chhang thei lo. Chil ka lo lem khalh ringawt.



“Nuam i ti em? Lily, min chhang rawh,” a ti leh hrawk a.



“Aw,” ka ti rang kher mai. Min fawp tawh lo nain, ka hmui si lek lekin a hmui chu a la dah reng a. A thaw lum ham ham chuan a dang zel min duh belhtir tlat.



“I nalh takzet, Lily. Angel ang maia thianghlim i nih hi,” a ti tham deuh ṭiak a.



Ani pawh chu a zauthau ve hle tawh tih ka hre thei. Min fakna avang chuan ka inthlahdul zual sauh a, nawmna pawh a sang zual sauh.



“Lily, i rum ri kha ka hre duh. I hmui kha chip tlat suh,” a tih chuan ka kiuin ka innem kang vat a.



“Tak tak maw?” ka lo ti heu mai. Hetiang lama hriat ka neih lohzia ka tilang leh ta.



Ka va han mawl thei tak. Romero chu a nui suk a, a nuih dan chu ka la hmu ngai lo. A ti lang hlauhawmin, a lang sexy zual bawk.



“Tak tak e. Nuam ka tihzia hi i hrethiamlo der zawk em ni?” tih pah chuan ka mal a hrawm na sauh a, ka lo thaw hawk thung.



CHAPTER - 28


Ka awm bawr zawnah bawk chuan a kun hniam leh tawh a, “He thil ka tihchak zia hi i hrethiam lo hial ang. Ka thutiam ka pawisa lo a, thil dik a nih leh nih loh lah ka ngaihtuah hek lo. Ka hnar thei ngang lo che a ni, Lily,” a tih meuh chuan lawm avangin ka nui chhuak lo chauh.



Ka nghawnga a rawn fawh leh lai chuan, “Wow,” ka lo ti hliai a.



“Ni chiah e, i hmuhnawmzia hi i hre lo a ni,” a ti ve leh halh a.



Ka awm bawr leh ka dul vel chu fawp thla dan danin, ka mal karah bawk chuan a tawp leh ta. Ka panty chu dim lo fein a pawt thla a, ka lo nui hawk thung. Ka bawp chu nawr kauin a tih tur a hai lo chiang kher mai. Nawmna nasa lutuk chuan min rawn tuam a, ka insum buai peh tawh lo. A samah chuan ka lo ṭham ve tawn tawn a. A lei leh a kutzungṭang chuan a tawp min thlen tir ta. Ka la tawn ngai loh leh ka lo suangtuah fo ṭhin chu enge a nih ka hrethiam ta. A tawp ka thleng a ni.



Ka kiu hmanga innem kangin a taksa ruak kang leh thahrui ngah tih hriat zet chu ka melh kual dan dan a. Boxer ha tho mah se a inpeihzia leh a zauthauna nasat zia chu ka hmuh hmaih bik hauh lo. A inbual lai ka hmuh hnu khan saruaka a awmlai hmuh leh ka chak ṭhin a nih kha. A awm khauh ṭang mai chu ka zut thla riai riai a, a kap zawn ka zut thlen lai chuan ka chawl dat a. A ngaihdan hriat ka duh vang chuan a mitah tak ka melh leh te te a, ani pawh chuan min lo en let ve reng tho.



“I thil tih lai hi i hrechiang maw?” a tih chuan nakina inchhir tawh lo turin min duh tih ka hrethiam a. Mahse ka thaw a rang sauh thung.



“Aw, ka chiang a lawm.”



Romero pawh chuan min hnial ta bik lo. A mawng tikangin a boxer hak lai chu a pawtthla nghal a. Ka hmuh chak em em a saruakna inpeih at tawh chu ka hmu ta. Ka thiam ang tawk chuan ka sawngbawl ve a, mahse ka vawikhatna a ni a, ka thiam lo hle ang tih chu ka hrechiang viau.



“Hrep tak hian, Lily. Min ti ầ thei zo dawn,” a ti tham ṭiak a.



“Ka tihdan hi a dik em?” ka ti ve thung a.



Ka chunga a tih ang chiah khan a chungah pawh hian tih ve ka duh. Nawmna min pek angte kha. Aria leh Gianna-te titi ka hre ru a, an pasalte laka an chetdan an sawi kha. Mahse a tihdan tak ka hre tlat lo.



“I thiam lutuk,” a tih chuan min tilunghnur deuh a. Thiam satliah nih ka duh lo, thiam ber leh a lung tiawitu ber nih ka duh.



A kap zawna ka kun hnuam chuan ka darah a lo vuan vat a. “Lily, i duh loh chuan i tih kher a ngai lo a nia,” a ti sap a. Mahse tawp mai ka tum teuh lo. Engdanga chhang lo chuan ka thil tum chu ka ti tlang tho a.




“Lily….Lily…ka zo dawn,” a tih ṭiak lai chuan ka lo nui sak duh chauh a. Ka inring tawk ta lutuk chu mak ka ti hial a ni.



A bulah chuan min pawt mu a, ka chalah a fawp zui vang vang bawk. “I ṭha em, a nuam lo viau em?” a tih chuan ka nui chhuak hawk a.



“A nuam lo em a? Teuh lo lutuk. Nawmna min pek ang kha pek ve che ka duh a, mahse ka thiam lo i ti ngawt ang,” ka ti a.



Romero pawh chu a nui ve ta hawk mai. “Khatiang kha sawi tawh miah suh. Tun aṭang chuan eng thil dang mah ka ngaihtuah thei dawn tawh lo a nih hi,” a tih takah chuan ka lo sen deuh ap ap a.



Saruaka mu a la nih vang chuan a inpeih leh der tawh tih ka hmu nghal.



“Ngatinge hei hi?” tih pah chuan ka melh zauh a.



Romero chu hrethiam lo hmel a pu zawk a, mahse a rei lo. “Oh, vawikhat chauh kha ka tan a tawk hleinem,” a ti mai a.



“Tak tak maw?” ka lo ti hliai.



Ani chuan lu a lo thing a. “Zaninah chuan ni tawh lo e. A tlai tawh, zankhuain hetah i awm thei lo.”



Lungawi lohna chuan ka phurna a tireh nghal riai riai bawk. “Ka hria,” ka ti sap a.



Romero chuan ka biangah a rawn dawm vat a. “Kan fimkhur a ngai a lawm. Min ring rawh, i bula awm tluka thlakhlelh ka nei lo,” a tih chuan ka lo bu ve mai a, a awmah ka bei nghal hle hle a. Ka pindana ka kir leh hmain tlem tal mut ka mamawh.



ROMERO :


Khami zana thil thlen hnu kha chuan thildang engmah ka ngaihtuah thei lo a ni ber mai. Ka tana a thil tih kha rulhlet ka duh a, a aia nuam zawk pek theih ka duh. Mansion hi hmun hlauhawm tak a ni lo hlauh hi ka vanneihna a ni ka ti lo thei lo. A chhan pawh hna lamah rilru ka pe thei tlat lo a, beih kan tawk a nih vaih chuan ka chhawr tlak lutuk lo maithei.



Zanin pawh hian Lily lo kal hun nghakin, khumah chuan ka lo ṭhu leh reng tawh a. Ka inpeih tawh lutuk chu tawrh harsa khawp a ni hial zawk. Hetiang taka zauthau hian engtia rei nge ka awm tawh loh pawh ka hre tawh nek lo e.



A tawp atawpah chuan ka pindan kawngkhar chu a rawn inhawng ta. Lily a rawn pen luh ruala banga nawr bet a, chet la nghal mai lo turin ka inhum ruh a ngai hial a nih hi. Chu thil chu ka ti thei lo, dan kalhin che tawh mah ila, a nulat thianghlimna chu ka tihchhiat sak thei lo. Lily chu khumah rawn lawnin duhthawh zet chuan min fawp nghal mawlh mawlh a.



“Gianna leh Matteo corridor-ah an awm reng a, ka nghak leh phawt a nih kha,” a tih lai chuan ka kawr chhunglam a zut kual ruai tawh. A khawihnate hi nuam ti viau mah ila, ka chet hun a ni tlat.



A kut chu manin, zangthala mu turin khumah chuan ka muttir a. Mak tihna leh phur hmel ka hmu thei. Dim lutuk lo chuan a panty hak lai chu ka hnawl tawm nghal rawk a. Hei hi Lily tan thil thar, a la tawn ngai loh a ni bawk. Ka hmeichhe lo kawp tawh ṭhinte angin ka cheibawl thei lo.



“Pawi i ti em?” ka ti leh ta zawk a.



Amah zawk chuan a panty chu a tlawh phelh nghal a, lu a lo thing mai. A mitmenga min mamawhna ka hmuh takah chuan ka nui sak a. A bawp nawr kaua a kapkara ka tlak zeh lai chuan a hmelṭha takah chuan zak hmel ka hmu tel a. Mahse inngaihtuahna hun pek ka tum lo.



LILIANA :


School-ah khan hmeichhe ho titi ka hre ṭhin a, mahse a awmzia tak tak ka hre ngai lo. A nuam a ngem, a tenawm a ngem, a zahthlak viau a ngem tihte chu ka lo ngaihtuah ve mai mai ṭhin. Mahse ka lo suangtuah ang kha a ni hauh lo, a nuam lutuk hi ṭawngkain a sawifiah thei lo zawk a ni.



Hetianga kan chet ṭhinna hi karkhat a liam tawh a, mahse ka kham thei lo chu a nih ber hi. Zantin mai hian a nuam tawlh tawlh ni maiin ka hria. Ani pawh a duhzawng ka tihsak ve zel tho. Zanin chu a hmanhmawh lo kher mai, keimah zawk hi nghak thei lotu ka ni zawk mah.



Ka nuam ti ri chu thup ka tum lo, ka rum chhuak ham ham a. “I zawh dawnah min hrilh ang che, ka hre duh a nia,” a tih chuan, “Aw,” ka lo ti vat. A hmui lasawn chuang miah loin a nui hak.



Ka mal chhunglam chu a za ta chiai chiai a, ka zo dawn tih ka hrethiam ve tawh. “Ka zo dawn,” thaw chham lek lek chuan ka ti hap a. Zah lam reng reng a lang tawh lo, nawmna vawr tawp ka thleng dawn tlat. Romero chu rawn hawi chhuakin a kutzungṭang a hmang ve thung a.



Khumah chuan thaw dep depin ka mu hle hle ringawt. Romero chu a thaw halh a, “Hrep tak hian, i tight lutuk!” a ti leh sap a.




Chhan mai ngaihna hre lo chuan ka lo en reng ringawt a. A kutzungṭang chu dimtein a la tiche reng a, a tawp ka thleng leh dawn tih ka inhria.



Ka zawh fel hnu chuan ka bulah a rawn bawk a, mahse sawi mai tur ka la hre chuang lo. Ka rilruah zawhna a rawn awm tlat. Ka thianghlimna a chhe ta tihna em ni? Chu thil ka ngaihtuah chu mak ka inti deuh a, Romero lakah hian ka engkim ka pe phal a, ka thianghlimna ngei pawh hi ka hlan phal a sin.



Ka biangah rawn tawkin, “A na em ni?”



“Aih, ih………ka……ka lo ngaihtuah chu…….” Ka tibah niai a, ka zak thar leh deuh tlat.



Romero chuan ka ngaihtuahna a hria tih ka hre mai. “Kut ka hman vang khan i thianghlimna a chhiat mai i hlau a nih kha,” a ti nghut a. Ka lo melh vat a, a thinrim nge min ning ka hrethiam mai lo.



Ka tukhumah vuanin hnai takah min en a, “I hlauh ang kha i chungah ka ti ngai lo ang, Lily. I phalna la hmasa lo chuan i thianghlimna hi ka tihchhiat sak ngai lo ang che. Phal pawh ni la……….” A tih lai chuan a ngawi leh daih a, lu a thing zui na na bawk.



“Hetiang thil hi ngaihtuah tur pawh ka ni lo. I thianghlimna ka tichhiat sak ngai lo ang che. Lungngai suh. Thuk tak ka zen hleinem, i him a nia,” a tihzawm leh a.



“Ka hlauthawng hleinem. Ka….ka….” tiin ka riat nawi ta mai mai a. Ni e, ka hlauthawng ngei a lawm, chu chu ka pha thei lo.



Romero ka duh loh vang a ni hauh lo, mahse a tawp kan thleng a nih chuan inchhirin awmzia a nei tawh dawn lo tlat a ni.



"A ṭha vek a nia. Hlauthawng tur pawh i ni reng a lawm. Pasal i neih hmaa i thianghlimna i hloh a nih chuan i chan a chhe dawn lutuk.” Pangngai tak chuan a ti a. Min kuah beh tlat avangin a hmel landan ka hmu thei lo thung.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 1:48 pm

CHAPTER - 29



“A hmasa ber ni turin ka duh che. Nangmah ngei hi ni la ka duh tih i hria ti raw?” thim zingah chuan ka ti seps ep a.




“Mahse ka thei lo a lawm,” Romero chuan a lo ti vat a, min kuah nghet zual sauh bawk.




“Engvangin maw?”




“Lily.” Romero chuan vin lek lekin a ti a.




“A chhan i hriat kha. Tunah pawh hian man chhuah kan la ni lo hi kan vanei hle a ni. I unaute leh Luca ngei pawh hian min ringhlel tawh a sin. Finfiahna engmah an la nei thei lo a, a tawp thlenga kan kal a nih chuan thiam kan chang thei hauh lo ang.”





“Finfiahna a? Thil sual…..oh, tualthat tur pawh kan ni hleinem,” ka lo ti hau a, ka thaw chhuak hak bawk.




“Kan khawvel hian dan hran kan nei a, midangte dan zamin kan chungah ro a rel ve lo tih i hriat kha.”





“Kan inhmangaih vangin awm dun kan duh a, chu chu sual a ni em ni?”




Ka thusawi vang chuan ka ngawi nghal daih a. Hmangaihna chungchang ka sawi chu ka tisual tih ka hrechuak leh hnuhnawh a. Hmangaihna chu enge a nih ka hriat loh bakah, Romero pawh hian min hmangaih em tih reng reng ka hre lo.




Ani pawh chu che miah loin a mu ngawi vang vang a. “Phiangsen hian!” a lo ti hrawk a. Ka beka a fawh leh vang vang hnuah, “He thil hi kan thunun reng thei dawn lo,” a ti leh a.




“Ka ti tak tak, Romero. Ka hmangaih che.”




Engemaw chen a ngawih leh vang vang hnu chuan, “Min hmangaih suh. Hmalam hun thlir tur kan nei lo, Lily,” a tih leh chuan ka thinlung a na vawng vawng thei. A thusawi chu a dik tih hre mah ila, ka pawm thei lo.




“I hre hleinem,” ka ti leh hram. Romero pawh chuan, “I sawi dik,” a ti ve leh ta tho a. Ka bekah bawk chuan rawn fawp lehin engmah kan sawi zui ta lo.




Ka nu kha inchhir leh rilru na reng rengin a thi a, ani anga tawp kha ka duh ve hauh lo. Ka thih dawn thleng a, ‘ta se, ta se’ tih leh ‘engtin nge ni zel ang’ ti a inchhir renga hun hman ka duh lo tih ka hrechiang lutuk. Ngun taka ka ngaihtuah fe hnu pawhin Romero hi ka duhna leh ka thlakhlelhna a kiam phah chuang lo. Ani ngei hi a ni ka mipa duh chu. Ka mipa mutpui hmasa ber ni turin ka duh a, ani nen hian engkim tihdun ka duh.




Tun dinhmunah phei hi chuan a aia duh dang ka nei lo. Ka tan thil ṭha a ni lo tih hre mah ila, ka tih loh vanga nakina inchhir leh ka duh bawk hek lo. Ka nu ang khan ka hmangaih kalsan leh, a hmangaihna dawng let ta ila enge a an ang tih ngaihtuah chunga, ka hun tawp hman ral chu ka thil duh loh ber leh ka manglam thlenga min tihṭhaihtu a la ni ta reng a nih hi. A chang chuan hringnunah hian risk kan lak a ngai ṭhin a, Romero nena risk lak hi ka nunna hial thap ngai pawh ni se hlauhna ka nei hauh lo. A tawp ka thlen leh hnu pawh chuan ka ngaihtuahna chu a la ngai reng tho.





Romero chu rawn tawlh chhoin min fawp a. Ka sira mu chung chuan a bana innem khalh chungin min en vang vang a. “Zanin hian a tawp thlen ka duh,” ka tih chuan a khawng deuh lah tih ka hrethei a.





A mitmeng thutak leh thim deuh mak chuan ka fiamthu a nih ringin min en chiang kher mai. Mahse ka thutakzia chauh a hmu ang tih ka chiang. Kha leh chen kha ka lo suangtuah leh duh tipuitling tur chuan zanin hi hun ṭha a ni tih ka hria. Romero rem tihna a tel a ngai tlat bawk. Mi diktak leh a hnaa rinawm em em mah ni se, mipa a ni tlat. Min duh tih lah ka hai hek lo. Kan inkara inhip tawnna nasa tak hi phat rual a ni lo. A mitmengah leh, ka khela min dotu awm vang chuan ka suangtuahna mai mai a ni lo tih ka hrechiang zual sauh bawk.





“Lily,” tiin a thaw chhuak halh a. Aw a then leh kharh lai chuan ka nui sak thung.




“I duh ang chu ti ila sut leh theih a ni dawn lo a, tuna kan thlen chin hi chu thupbo theih a la ni. I la thianghlim ngei tih finfiahna tur a la awm tlat,” a tih chuan ka nui leh sak a.





“Ka thianghlim tih finfiahna maw?” tih pah chuan innem kangin ka fawp a.





“Engtin nge thil diklo a ni i tih theih? Ka pa leh midangte chuan suangtuahna nen thawnthu sei tak phuahchawp tur an hre ngei ang. Mahse enga tan mah ka ngai lo. Kei chu thil dik tiah ka inngai dawn a, chu chu thil pawimawh ber a ni.”





“He thil hi chu kan sawi tawh kha, kan ti thei lo ang. Hrep chuan, Lily. Luca lakah thu ka tiam a, eng thil pawh thleng se ka venghim zel ang che tiin ka tiam tawh. I nun ka tihchhiat sak che a nih chuan engtin nge venghimtu ka nih theih ang?”





“Ka nun i tichhe dawn hleinem. Ka duhthlanna a ni a, chu chuan pawimawhna a nei ve miah lo em ni?”





“Nei tehreng mai.”





Romero chu ka hnaih talh talh a, a boxer chhana min do deuh runtu chu ka hum nghal salh bawk.





“Ka duh che a, nangmah chauh ka duh che. A hmasa ber ni la ka duh a sin,” tiin pangchang deuh chuan ka melh ralh bawk a. Romero chu a nui chhuak ve huk a, min fawp zeuh a.





“Ka tan mipa hmasa ber nih chu i duh lo em ni?”





“Ka duhzia chu i hriat kha, eng thil dang mah ka ngaihtuah thei lo a nih ber tawh hi,” a tih chuan ka hmai a sa deuh hat thei. Mahse zak chu ka ni hauh si lo.





Ka thil hum lai chu ka hmer nghet sauh a. “Ka hria a lawm,” ka ti nghal sap bawk. Ani pawh chu a nui chhuak leh hak a, tisa chakna ri tel chu ka hai phal lo.





“Tunah hi chuan i kuta awm ka ni ber tawh a, hetiang tur hi a ni lo tih hre reng mah ila, ka inthunun theihnate khan min thlawhbosan zo tawh a nih hi,” tih pahin a thaw chhuak zui ham ham a. Lawm vangin ka lo nui var var thung. Romero-te ang mipa diktak, ka duh duha tikawi thei nia ka inhriatna chuan ropui sawta inhriatna min siamsak a. Mahse i hmangaihna midang i hlan a nih chuan i thinlung tikehsawm turin thil tihtheihna i pe tel tihna a ni a, chu chu thil hlauhawm tak a ni bawk. Mahse chu lam chu ka ngaihtuah duh lo.
“Nangmah hi ni la ka duh, Romero. Midang tumah ka duh lo, khawngaihin.”






Min fawp leh a, tun ṭum chu a duhthawh kher mai. A taksate chu a sa deuh huam huamin ka hria. A taa min siam hun tur chu ka nghakhlel takzet.





“I duh tak tak maw? I thil ngen hi i hrechiang em?” ti ve bawk mah se ani pawh chuan inthunun harsa a ti ve hle.





“Aw, ka duh che.”





Romero chu a bu nghat a. Phurna leh zamna vang chuan ka sa pup pup a ni ber mai. Min hnial leh mai chu ka hlau a, mahse ka beisei ang chu a thleng ta mai lo. Zanin hian a hun chu a thleng dawn ta.





ROMERO :





He thil hi thunun tur ka ni a, Lily venghimtu tur hi ka ni. Keima lak aṭang pawh hian ka venghim tur a ni dawn lawm ni? Mahse michak leh huaisen anga min hriat ang hi ka lo ni hauh lo pawh a ni mah na le. Luca hian min ring em em a, ka inthunun theihna leh ka mawhphurhna hlen ngei chi ka nih vang a ni. Tunah chuan ani pawh hian min lo hrechiang hauh lo a ni tih ka hre tawh a. Nilo, keimah ngei pawh hi ka inhre tawh lo a nih ber hi. Min mamawh leh thlahlel em emtu Lily mitmeng pawl riai mai hian min lem zo tawh a, min ring em emtu hi ka phatsan thei lo a ni. Phiangsen hian a! Ani min duhna leh mamawhna aia nasa mahin kei hian ka mamawh a sin.





CHAPTER - 30




Hun kan hman dun apiangin ka kut leh lei ka hmang ṭhin a, ka ta ni se ka tih ṭhinzia chu vante khian min hriatpui a lawm. A puma neih hi ka duhthusam a ni. A hmelah chuan a tih takzia leh min mamawhzia chiah hmuh tur a awm. A hmuiah chuan fawp lehin, ka duhthawh sawt kher mai. Ani pawh chu insiamremin a thil hum lai chu a hmer nghet sauh a, chu sawmna chu ka chhang ngei dawn a ni tih kei tluka hrechiangtu an awm kher lo ang.





Ka fawhna chu thlahin, “Tunah chuan ni rih lo,” ka tih chuan. “Mahse……” a lo ti tham ṭiak a. Mahse a ṭawng zawm leh hmain a kap chu ka hup nghal a. Thawk ham ham pahin a lo insiam rem ve nghal zat.





A tan chuan a vawikhatna tur a ni dawn a, a thinlung duhna ringawt hi chu ka kaltlang pui thei lo. A taksa pawh hi a inpeih a ngai dawn a, chutiang tura ṭanpui theitu chu keimah ngei hi ka ni.





A bawp chu nawr kauin, a taksa chunglam inthlahdul riai riai pawh chu ka hre thei a. Ka kut che vel chu hmuhnawm tizetin ka thlir dauh dauh a, a nuam tuar rite chu nileng zankhua pawhin ka ngaithla ning lovang tih ka hria. Engtikah emaw chuan a pain pasal a neih tir ngei dawn a, ka sawngbawl anga a ti ve tur ka ngaihtuah thlen meuh chuan ka sa nghal pup pup mai. Mahse chu lam chu ngaihtuah tur ka ni lo ti a inhrilh chungin ka thil tih lai chu ka chhunzawm ta zel a. Kan thil tih leh kan hun neih ang ang hi a nuam thei ang bera hman ka duh. Hetiang ti thei tur hian engtia rei nge hun kan neih lah chu tuman kan hre si lo.






Lily chauh chu ka ngaihtuah lui tlat a, a hnu rei vakloah chuan a zo dawn tih hriat takin a rum leh ham ham a. Mahse a thawm thup turin lukhamah hmai a phum daih. Zalen takin, tu mitmei mah veng loa a duh chen chen kalpui theih chu ka chak takzet. Engtik niah emaw chuan ka taah ka la siam ngei ang. Engtin nge ka tih dawn hre mai lo mah ila, a ṭul a nih chuan kawng tur ka siam chawp mai ang.






A bulah chuan ṭhuin a thaw ham ham chu ka thlir reng a. Rawn melh chhhuah pahin a nui nghal var var mai. Hrep tak hian! He a nui hmel hi a lawm hmuhnawm ka tih em em kha. Kun hniamin ka fawp vang vang a, khum bul pawhdawha condom chu ka ban nghal bawk.
Lily chuan min melh kar a, a hmelah chuan zamna ka chhiar tel thei tlat.





Ka thil tih lai chu chawlin, “He thil hi tih i duh tak tak maw?” ka ti leh ngat a. Ka taa siam ka duh a, a aia duh dang engmah ka nei tawh hek lo. Tinge mizahawm ber ang chuan chung zawhnate chu ka zawh vel ni?





Lily chuan a hmui a liak zauh a, aw ngaihno bei lutuk chuan, “Aw, ka duh tak tak,” a ti hnap a. A rilru a thlak lo chu ka lawm kher mai, a hmuiah bawk chuan ka fawp leh a. Lawmthu sawitnate pawh a ni zawk mah ang chu.





Khum aṭang chuan chhukin, ka boxer chu ka pawt thla a. Ka ṭhianpa inpeih tawh lutuk chu a na thei hialin ka hria. Ka condom kenlai chu a hmanna tur diktaka hmangin, khumah bawk chuan ka lawn leh a.





Lily hian ka saruakna a hmu fo tawh a, mahse zanin ang reng renga a phur hmel hi ka la hmu ngai lo. A mal karah chuan tla zepin, a mal chu dimtein ka zut riak riak a. A mitmenga min rinzia ka hmuh chuan ka inthiamlo thei hial. Mahse a hmelṭha lutuk hi ka hawisan phal mawlh si lo. A chungah chuan bawk hniamin ka kiu chuan ka innem khalh a, ka fawp leh mial mial. Ka ṭhianpa pawh a luhna turah chuan a innghat vah tawh a. Ka duh anga che bawrh bawrh lo tura inthunun chu thil harsa tak a va ni chiang em….A bawp chu nawr kau leh deuhin, dimtei ka tih tur chu ka ti ṭan ta a. Ka hnuaia mu chu a mit takah ka en a, ani pawhin min lo melh let ve kar bawk. Ka lo suangtuah ang chiah a ni. A mitmengah chuan a na a ti tih ka hre mai a, ka chawl leh dat.





Ka dara a hmerna pawh chu a nghet hle tawh a, “Tawp suh,” a lo ti vat thung.





“Ka tawp dawn hleinem,” tiin ka nuih sak a. Tun dinhmunah hi chuan tawp san leh mai tumna ka nei lo tawp. Ka hmui chuan a biang leh a nghawngte chu ka nawr kual ne ne a, ka chet chhunzawm leh nghal bawk.





“Hlau suh. Hei bak chu a na tawh lo ang,” tiin ka phun sap a.





Ka beiseina chauh ka sawi chhuak tih hre mah ila, han thlamuan mai ngaihna ka hre mai lo. Nawmna nasa tak pek duh em em mah ila, a vawikhatna chu tih vak ngaihna a awm tlat lo a ni. Chet zawm loin fawp leh phawt ila a ṭha ang, ka tih rilruk lai chuan ka ṭhianpa chet zawm chak lutuk chu ṭawng thei ngat se chuan anchhia min lawh duh hial ang chu mawle.





“Chhunzawm leh tawh rawh,” a tih chu hrilh nawn ka ngai lo chiang kher mai.





A thaw chhuak halh a, ka hnungah a lo ṭham nghal tawn tawn a. A na tih ka hai lo, a zo dawn lo tih ka hrethiam a, nghah chi lah a ni hek lo.





A bulah chuan ka bawk thlawp a, ka awm ngheng chuan ka kuah bet nghal bawk.






“I ṭha em?” ka tih chuan lu a lo bu nghat a.





Inla hrang deuhin min en thei tur chuan ka kuai dak a, a ṭap mai ang tih ka hlau a ni. Mahse chau hmel a pu deuh tih loh chu a hlim hmel phian. Ka thawveng huai thei. Condom chu phelhin, bawlhhlawh bawma paih mai ka tum a, thisen kai ka hmuh chuan ka nui sak. A la thianghlim tih hre sa tho mah ila, chutia thisen ka hmuh takah chuan ka hlim ru veng veng mai. Mahse ka thil tih pawizia chu ka hrechhuak ve nghal zat bawk a. Hrep hian! Eng thil nge ka tih kha…..?






“Romero?” Lily aw zawi tak ka hriat rual chuan a lam hawiin ka inher a, ka kuah nghal. Ka ngaihtuahna hi a hriat a ngai lo a, a tawrhna hi belhchhah sak kher a ṭul lo.





Reiloteah ani chu a muhil mai a, a bulah chuan ka mu meng kar thung. Khum aṭang chuan thoin, tukverh bulah chuan dingin pawnlama tuifinriat tuifawn hlap hlap chu ka thlir ta reng a. Inchhirin awmzia a nei lo a, chulama rilru sen lah ka tum hek lo. ‘Hun liam tawh i siamṭha thei lo a, i thil tih sual chu inchhir vanga sut leh theih a ni tawh hek lo,’ ti a inhrilh chungin khum lamah bawk chuan ka let ta zawk a.





Lily chu rizaia inkhuh chungin a mu tawm kak a. A hmelṭha tak leh sam hnawk niai lo chu hmuh tur a awm lo. A mutui reuh khawp mai. A rooma kir leh turin nakin lawkah ka kaih thawh a ngai dawn a, muhil thei pawh ka ni rih lo. Khua pawh a var ṭep tawh a, midangte pawh an lo tho har tawh lo ang. Ka pindan Lily an rawn hmuh hlauh chuan a ṭha dawn lo. A him nan ka kaih thawh a ngai dawn tih hre reng mah ila, nidang angin phurna ka nei tawh miah lo a, ka khuma thlamuang taka a muhil chu hmuhnawm ka ti thar riau.





“Phiangsen chuan a,” tiin ka phun hluk a.





Lily nena kan thil tih kha a hlauhawm zia ka hrechiang a, mahse tuman an hre lo ve thei tho. Lily hmingchhiatna tur a nih tawh bakah, indona pawh a chhuak maithei. Lily thianghlimna ka tihchhiat sak kha, ka hma ka sial vang a ni. Chu chu ka hrechiang lutuk tlat. Kha leh chen kha familia tan nun leh hun hlanin, ka duh leh mamawhte pawh ka kalsan ngam ṭhin. Mahse vawiin hian ka rinawmna phatsanin, Luca lakah thutiam ka bawhchhe ta a ni.





Lily muhil chu rum ṭiah ṭiah pahin a in let tap a, a rizai sin lai a inlehpui takah chuan khum puan phah vara a thisen val kalh chu ka hmu ta. Ka maimitchhing tawp. Hrep tak hian! He thil hi a pasal neih zana thleng tur a nia sin. Rocco Scuderi hian a fanu hi ka nupui ni turin ka kutah a hlan hauh lo ang tih ka hrechiang.





Kei hi sipai satliah mai mai ka ni a, zah kai leh hna tlin tak ka ni tih chu an hre vek. Mahse chu chuan sipai ka nihna a tidanglam chuang lo. Tunah chuan Lily tichhetu ka ni tawh a, dan anga thi tlak ka ni. Mahse hei hi a tawpna tur a ni lo a, a thleng leh ngei dawn tih pawh ka hria. A rei thei ang ber ka ta ni turin ka duh a, chu chu kan tana kawng awmchhun a ni bawk. Tunah hi chuan a zahawmna thlengin min hlan tawh a, zanin hi a theihnghilh tawh bik lo ang tih ka hria. Mahse chu chu a tawk lo tih hrechiang bertu ka ni lawi bawk. He thil hi a hriatrengnaa cham satliah turin ka duh lo a, zan tin a tharin he nawmna ka pek ang hi pek theih zel ka duh. Mipa dang hnen aṭang niloin, keimah ngei hian ka mamawh a ni. Chuan ani pawhin min mamawh bawk. Ka ban lukhamin muhil se la, ka awm nghenga zingtin harh turin ka duh a ni.






Mi zawng zawng hriata ka taa siam ka duh a, chutiang tur chuan ka tan kawng a awm si lo. Kawng pakhat chu a awm, Luca leh familia erawh ka phatsan a ngai dawn a ni. Luca hian nau ang maiin min en ṭhin a, ka thil ngaihtuah hi ka ti anih chuan familia leh outfit-te kara remna siam turin Luca hian ui ang maia min tihhlum a ngai thung ang.
Ka thawk chhuah leh halh hnu chuan Lily muhil lai chu enin a hmai hliahtu a sam chu ka hui kiang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 1:48 pm

CHAPTER - 31


“Lily, i harh a ngai a nia.” Zawite chuan ka ti a, rawn meng mai lo chuan a mu zangthal a, a zi mar leh ar ar phawt a.



A awm bawr khuhtu awm ta lo chu ka hmu thei a, ka mipatna chuan ka thil hmuh chu a hre rang kher mai. Khap sak sakin a rawn meng chhuak a, a nui nghal var var bawk. A hlim hmelte leh a mitmenga min rinna ka hmuh chuan mahni inthiam lohna ka neih zual phah sauh thung a. Nizan khan a nun ka tihchhiat sak tih a hria a ngem?




A biangah chuan fawpin, “I kal a hun tawh a nia,” ka ti leh a. A zi ar ar chu a tawp chawt mai.




“Tinge? Nizan khan tihsual ka nei em ni?” a ti hliai a.




A hmel pawisawi lo lutuk chuan min tina vawng vawng. Ka chemte chu phawi a, invih maite ka chak. Kei hi mitenawm tak ka ni. Khatiang thil kha ti tur ka nilo a sin. Lily hi nula thianghlim a ni a, kumkhua atan kei hian a nun ka tichhe ta a ni. A bekah chuan ka fawp leh a, chutah a biangah.




“Aih, engmah tihsual i nei lo, Bawihte.” Ka chhanna vang chuan a inthlahdul ta deuh tih ka hre thei.




A ban chu rawn phar chhuakin, “Reilote chauh inkuah chungin kan mu rih thei a ngem?” a ti tham ṭiak a.




Hmeichhe naupang sualna neilo ang mai a ni leh tawh. Ni e, kuah chu a phu a, a mamawh ngei bawk ang. Keipawh chuan chu chu ka thlahlel em em tho. Mahse khua a var tawh a, midangin an rawn hmuh hman a hlauhawm si. A hmel chu ka en leh a, a thil ngen chu ‘aih’ tiin ka chhang thei ngang lo.




Rizai hnuaih chuan chuan inthawlhin ka kuah leh ta vang vang a. A taksa ruak kang mai ka sik leh takah chuan, ka hriatna zawng zawng chu a harh kim leh ta at mai. Ka inthunun a ngai, thil dang tih nan hun kan nei tawh lo. A sama hmai phum chung chuan, “I ṭha em?” ka ti sar sar a.




Buk nghat pah chuan, “Um……mahse tlemin ka rawl deuh,” a ti a. A zak deuh niin ka hria. A bekah chuan ka fawp leh vang vang a.




“Ka hmangaih che,” ka ti ta hlawl mai. Chu thil chu engvanga sawi nge ka nih ka hre lo, mahse ka sawi zo vek tawh si.




Thaw a la leh ham ham a, “Keipawhin ka hmangaih che,” a ti ve leh ta.




Kei hian kan pahnih tan thlan ka lai mek a nih hi. Chu pawh chu ka mipatna, ka tisa chakna, ka thinlung leh ka ka ka ven zawh loh vang chauhin.




Ka bula mu chu hahdam huai niawm takin a thaw siai siai a. Eng buaina nge kan insiam tak hi a hrethiam ve lo niin a lang. Ka inthiam lohna chu a reh thei der lo lehnghal. Theih ni se nizana kan thil tih kha siamṭhat leh theih ka chak a, mahse Lily mutpui leh chu ka la tum reng tho. He nula hi ka duh a, ka duhna lah a zual zel bawk si.




LILIANA :




Ka duhthusam ang ngeiin Romero nen chuan kan mu duh ta. Awih har ti viau mah ila a tak a ni miau si. Inchhirna ka nei lo a, he thil hi a thleng dawn tih hriatna ka nei tlat a ni. Na ti viau mah ila, ka nuna ka hlim ber ṭum a ni tlat. Romero khan min hmangaih thu min hrilh hnu phei kha chuan mi zawng zawng hrilh maite ka duh a. An duh leh thinrim se, an duh leh min hmusit rawh se. Kei hian pawi ka ti em? Ka hlim a, chu chu ka tan a pawimawh ber. Engtikah emaw chuan indona thlen kher loin, kan inhmangahna hi kan puang chhuak ve thei tawh maithei a, mahse tunah chuan chu chu beisei chi pawh a ni lo. Chuvang chuan kan hun neih chhun hi ầm taka hman ka duh ber a ni mai.




Nipui hun a liam ṭep tawh a, ka pa chuan haw turin min la rawn chah miah lo. Ka awm ve tih a theihnghilh tawh anga, New York-ah hian ka awm hlen daih thei maithei a sin.




Ka thianghlimna ka hloh hnu a Aria leh Gianna-te ka hmuh leh chuan, kan thil tih kha an hre thei mai a ngem tihte chu ka ngaihtuah a. Mahse an hre lo hlauh e. Min ringhlel awm hmel pu pawh an awm lo. Chu chuan huaisenna leh mahni inrintawkna min siamsak hlauh bawk.




Romero nen khan khawvar hma deuh thlengin hmangaihna kan chen dun a, ka pindana ka kir leh hnu khan darkar hnih vel chiah ka muhil hman. Mahse ka ute ruala breakfast eitura ka thawh leh a ngai si, chhun dar 12 rik meuh chuan ka meng hlei thei tawh lo.




Ka ham bai bai chu min enin Aria chuan, “I chauh hmel hle mai, sofa-ah hian mu leh mai ta che,” a ti a. Hamptons-ah hian kan cham rei deuh tawh a niang, nisa a inpho leh tui chente pawh chu a ninawm deuh tlat tawh.




Gianna chuan Aria hnunglam aṭang chuan min chhaih pahin mithmul a lo kan zak zak a. “Ni e, a chauh hmel tlat. Zanah a mu ṭha vak lo a nih hmel,” a lo ti var a. Kan piah deuha Luca leh Matteo-te bula ding, Romero chu a lo hawi a, mahse chiai hmel a pu lo. Gianna thusawi chu chhan enah pawh ka en lo. Min chhaih hi nuam a ti ṭhin reng reng.




“I sawi dik khawp mai Aria. Reilote mu ila ka ṭha ve mai ang.”




Aria chuan a lehkha kenlai chu dahin a sana a melh zauh a, Luca dinna lam a hawi leh nghal. “Pawnlama lunch kan ei dawn chuan kal a hun viau a nia,” a ti a. Luca pawh chu a lo bu ve nghauh a.




Sofa lam chu panin ka mu nghal thlawp a, zi ar ar pahin ka maimitchhing nghal daih. Ka muhil ṭep tihah chuan Aria leh Luca-te chhuak tur thawm chuan min tiharh leh a, Gianna leh Matteo-te nui ri ka hre zui nghal. Beach lamah an kal ve thung dawn a nih hmel. Thawm dang a awm tak lohah chuan mutchhuak bawk chuan min rawn zem leh ta chiai chiai a.




“Ka ching chau che a nih hmel,” Romero aw chu a hnai hle mai.




Ka men rual chuan ka bula nui vur vur chunga a lo ding reng chu ka hmu a. Ka hmui chu lo tipawrhin ka lo melh ram ram a. Ka mut chhuak pawh a bo nghal vek. Ka ke chuan a kaihzaah ka lo kherh vat a, ka bula rawn mu ve tura ka kherh thluk theih mai ka beisei deuh a ni. Mahse Romero chu a che eih lo. Hepa hi a van chak tak. Terrace lam kawngkhar chu a melh zauh a, chutah rawn kun hniamin min fawp nghal a. Inlak hran a tum lai chuan a nghawngah kuahin ka lo pawt bet tlat thung. A kawngah ka kherh bet zui nghal vat.




“Aria leh Luca lunch eiturin an chhuak a, Gianna leh Matteo lah nilengin beach-ah hun an hmang dawn a. In hi kan pahnih tan pek kan ni tawh.”




Romero chu nuam tilo hmel a pu deuh a, mahse a sahuat chu na si loin ka lo nek sak salh. Thaah hneh lo mah ila, heti zawng hian ka hneh dawn tih ka hria. A mipatna che deuh ṭalh ṭalh chu ka hre thei tlat. Rum nghut pahin ka chungah chuan a rawn bawk ve ta nge nge. Kan hmui pawhin a tihtur a hai lo chiang khawp. Engemaw chen kan infawh a, kan inchul kual ruai hnu chian a inla hrang ta daih a.




“Hetah hi chuan a tih chi loh,” a ti tham chhalh a.




“Ka hria a lawm, mahse thildang kan ti thei tho a lawm.” A nghawnga ka la kuah reng vang chuan min fawp turin ka pawt hnai leh a. Min hnial ta bik lo. A kekawr chhanah chuan a kap bawk chu ka dap rak rak a, a hnial dawn lo tih ka hre tlat a ni.




Chutia kan pindan pawn lama chet kan la ta mai chu a engemaw ti nawm riau a. Midangte anga inthup ngai lo a inkawp theih ka thlahlel takzet. Min fawp pah reng chung chuan a kut chu ka kawr chhungah a zen lut a, a hum leh ran tawh. Kan thawk dan pawh a danglam hle tawh a, hetiang a nih chuan helai hmuna a tawp thleng tur hian ka hmin thei maithei.




Kawngkhar chu a ri rak a, insiamṭha turin hun ka nei tawh lo. Aria chuan, “Lily, ka………” a tih mek lai chu tawp chawtin a ding khawng ta reng a. Romero leh keipawh chuti tho.




Romero chu inthing harh hmasa berah ṭangin a kut chu a la chhuak a, ka bulah chuan a ṭhu a. A kut chu a kap bawr danglam hliah tur chuan a dah vat bawk a, mahse Aria chu a bum hauh lo tih a chiang reng. Aria hnunglam chu melhin, Luca ka zawng ru deuh a, mahse ka hmu miah lo. Kan dinhmun angah hi chuan chu chu thil ṭha tawp khawk a ni ber tawh ang chu. Tute mah chu ṭawng loin kan ngawi ran mai a. Ka bra chu siamṭhat tumin ka pawt chat chat a, ka kut khur nasa lutuk vang chuan ka tum ang pawh chuan ka ti thei ta mai lo.




“I hmuh ang kha a ni lo a nia,” ka’n ti thla ngawt a. Mahse ka thusawi atthlak zia chu ka hre chiang viau.




Aria chuan mithmul a san ak a, thaw a la zui halh bawk. “Kha vang kha a nia Lily bula awmlo tura ka duh chhan che, Romero. He thil hi a thlen ka ring reng a ni.”




“I sawi dan kha tihsual nei ve lote pawh ka ang a lawm. Romero tihsual chauh a ni bik lo.” Ka tih pawh chuan Aria chuan a ngaihthla duh lo, Romero chauh chu a melh ngar a.




“Tinge i lo kir leh a, i pasal nen lunch eiturin in chhuak a ni lawm ni?”




“Ka lo kir leh chu min dem deuh tihna em ni?” Aria chuan lawm loh hmel fe chuan a ti a.




“Luca an rawn call a, club-ah Russian hoin buaina an siam a. Min rawn thlah a, New York pan turin a chhuak lehnghal. Ka ruala a rawn haw ve lo kha in vannei ngawt mai.”




“Luca i hrilh chuan………” Romero chuan a tihman chauh a mahse, Aria chuan a lo pawtchat a. “Ka hrilh lo ang,” a lo ti hmak.




Romero chuan a bula ding turin min kai tho a. “I pasal a ni a, thudik i hrilh ngei tur a ni,” a ti ve khauh bawk.




CHAPTER - 32




Eng thil nge a tih hi? Luca beng a thleng a nih chuan a nunna hial pawh a chan thei a sin. Luca chuan ka pa hrilh ta se engtin nge ni ang? A ngaihna hre lo tak chuan Romero chu ka melh haw a, engah mah a ngai der lo. Ngaihtuahna thar ka nei ta. Luca chuan ka pa bulah a sawipui anga, tichuan zalen deuhin kan inkawp ve theih a beisei pawh a ni mah na, inneih thleng pawhin. Ka ngaihtuahna chuan beiseina thar min siamsak ta hlauh mai.




“Lily, a hrangin ka be thei che a ngem, khawngaihin?” Aria chuan a ti a.




Ka zam lutuk chu ka pum a let but but thei hial a, mahse Aria chu hnial chi a ni lo tih ka hria. Ka u a ni tlat. Ka ring a, ka hmangaih bawk. Bu nghatin dining room lamah chuan ka zui a, Romero khan a sawi dik chiah. Ka u mah nise Capo nupui a ni bawk a, a pasal lakah a rinawm a ngai. Kan ṭhut fel hma loh chuan tumah mah kan ṭawng lo.




“Hetiang hian engtia rei nge in khawsak tawh?”




Karei leh! Capo nupui a nihna ang chiahin a ṭawng ta….Ka nu emaw a inti leh tawh a nih hi.




“A rei deuh tawh. New York ka lo then hnu deuh aṭang khan a ni mai.” Dawt sawiin awmzia a nei tawh lo tih hriain dik takin ka chhang a. A hre ta rau rau bawk a, engkim hrilh mai pawh pawi ka ti lo. He thil hi thla 3 lai kan lo zep reng tawh.




Aria chu a bu ngauh nghauh a, lungngai hmel a pu deuh bawk. “Lo hrethiam daih tawh tur ka nia. In in en ṭhin dan hi a diklo tih ka hmu fo tawh ṭhin a, mahse ka ringhlel duh ṭhin lo che u.” A tih chuan sawi mai tur pawh ka hriat loh bakah, enge sawi tura min beisei lah ka hre hgek lo.




“Zep kan tum a,” ka ti ta ringawt a.




“Ni e, inzep ngei a lawm!” Aria chuan a ti deuh hrawk a.




“Awi, Lily. I thil tih pawizia hi i hria ang chu ti raw? Ka pain a hrechhuak a nih vaih chuan a rapthlak dawn lutuk. Chu chauh pawh chu a la ni lo, ka pa chuan indona a puang duh ngei ngei ang. Chubakah, New York-a i cham chhung chuan i him ngei ang tiin Luca hian a hming chhalin ka pa lakah thu a tiam a. A sipai pakhat nen hetia in lo inkawp ta mai hi atan thil zahthlak leh mualphona nasa tak a nia sin.”




“Inkawp a?” ka lo tihlar a.




"Romero nen hian ninhlei vanga inkawp satliah mai mai kan ni lo. I sawi duh dan kha, nawmchenna satliah a ang viau a nia.” Aria chu a meng bial kawk a.




“Chu chu ka sawi tum a ni lo. Mahse….ngawi lawk teh. Khawngaihin inla mu dun lo tih min hrilh hram teh,” a tichhuak ṭhat a. A mitmenga mi ngaihtuahna ka hmuh takah chuan dawt hrilh mai ka duh rum rum.




Ka hmui ka pet zauh a, “Ka hmangaih lutuk a sin, Aria.”




“A nih chuan in mu dun tawh tihna a nih chu,” a ti zuai raih a. A aw a beidawnna lang chhuak chu khawvel tawp mai turte pawh a ang a lawm. Ka bu nghat a. “Chuan ka inchhir miah lo,” ka ti leh sap.




Romero nen khatiang hun kan hmang thei kha ka lawm a, theih chu ni se a aia nasa pawh pek theih ka duh. Khatiang hun kan hman fo hnu phei kha chuan thinlung takin ka pawh em em tawh zawk.




Aria chuan dak meuhin thaw a la vang vang a. “Ka pain a hria a nih chuan a that ngei ngei ang che. Gianna khatianga a tlanbo hnu phei kha chuan a ngaidam hauh lo ang che.”




“Ka nu khan a thih hma khan hlim turin min hrilh a. Romero hian chu hlimna chu min pe a sin. A bula awm reng theih ka duh.”




“Lily, chu chu engtikah mah ka pain rem a ti ngai dawn lo. Keini ho pawh hian engtin pawh sawi mah ila, New York familia sipai satliah ringawt hi chu a neih tir chuang lo ang che. A tan engmah hlawkna a awm dawn lo a, keiin Capo ka neih tawh bakah, Gianna lahin a dawttu chiah a nei tawh bawk si.”




“Ka hria. Mahse, kan…………”sawi zo lo chuan ka ngawi ta daih a. Aria hian a sawi dik tih ka hria. A tir aṭang khan thil thleng thei chu ka hre daih tawh zawk. Hmangaih ka neih vanga thil sual ti ang maia ka inngai chu ka hua. Hetiang tur hi a ni lo a sin.




Aria chuan ka kut lain nghet takin a hum vang vang a. “Hmeichhe ṭhenkhat chuan an pasal neih zanah thianghlim anga landan an thiam a, chutiang chu i ti ve thei em em ang. Chubakah, i pasal tur ka pain a la thlang chuang lo a, hun i la nei a lawm. Tih dan tur chu i hre thei mai ang.”




“Aria, midang ka nei duh lo. Romero chauh hi ka duh. Ka ti tak tak, ka hmangaih a lawm.”




Aria chuan ka mitah tak engemaw chen min en vang vang a. Enge hmuh a tum hre lo mah ila, ka khap bik lo.




“Ni e, i hmangaih. Chu chu a dik ti raw?” a ti chhuak leh hliai. “A nih Romero ve thung hi, a hmangaih ve che em?”




“Hmangaihna kan chen dun hmasak ber khan min hmangaih thu a sawi,” Ka tih lai chuan ka thinlung na vawng vawng chu ka hre thei a. Zan dangah pawh khan sawi leh se ka duh ṭhin a, a sawi nawn tawh miah lo. Mahse hmangaihna tih vel hi sawi fo chi a nih loh vang pawh a ni maithei.




“A thusawi chu a ti tak tak em?”




“Ti tak tak e. Ka ṭawng kha i ngaithla lo em ni?” lo ti vat mah ila, kei pawhin ka thusawiah chuan rinna ka nghat ngam si lo. Ka inrintawk lohzia hi ka u hian a hriat loh hram ka beisei.




“Mipa ṭhenkhat chuan an sawi mai mai ṭhin a lawm. A bik takin an thil tih vanga an inthiamloh changin.”




Ka lo meng bial pap. “Chutiang thil chu a ti ngai lo ang. Chuan, i ngaih ang khan nawmchen nan chauh min hmang lo. Romero chu i hriatchian kha, chutiang mi a ni lo.”




“Nilo, i sawi dik. Nawmchenna avanga dinhmun hlauhawma ding tur chi a ni lo. Luca thupek meuh pawh a bawhchhe ngam a nih chuan a duh ve hle che tihna a ni mai.”




“Mahse i hrilh lo ang ti raw?”




“Ka sawi tawh kha, ka hrilh lo ang. Buaina dang a ngah lutuk. In inkar thil avanga harsatna a neih belh ka duh lo. Tih dan tur kan ngaihtuah dawn nia. Mahse, chumi hma chu fimkhur hle ang che u. Romero hnaih tawh lo turin ka hrilh dawn lo che, a chhan chu ka thu i awih dawn chuang lo tih ka hria. Mahse, midangin an hrechhuak a nih chuan engkim a buai vek a ni mai.”




“Ka hria a lawm. Kan lo fimkhur zual dawn nia.”




Aria chuan hmui a pet zauh a. “Romero hi bansan mai i tum lo tihna a ni em?”




“Tum lo,” ka lo ti vat.




Beidawn hmel zetin a nui lui sak a. A ṭhutna aṭang chuan a tho nghal daih.




“Romero biak ve lawk ka duh,” a tih chuan tho ve nghalin a banah ka lo vuan vat a.




‘Engvangin maw? Min kalsan tura hrilh i tum em ni?”




“Chutiang thil chu i chunga ka tih i ring em ni?” Aria aw riah chuan a rilru natna a lang chhuak thei hial.




Mahni inthiam lohna chuan min tuam nghal hlup hlup a. Aria hi a danglam tawh takzet. Luca nupui a nih hnu hian mawhphurhna tamtak a koah a tla a, chu chuan a tipuitling sawt pawh a ni maithei.




Ka tan thil ṭha ber a duh fo ṭhin tih chu ka hre daih tawh. Mahse chutah chuan kan ngaihdan a inang dawn em tih chu ka hre hauh lo thung. Chu chu a buaithlak lai ber pawh a ni.




“Aih, mahse tinge Romero chu biak kher i tum a?”




“Ka be duh mai mai.” Luhlul hmel fe chuan a ti a. “Khawngaihin Romero ka biak chhung chu hetah hian lo awm rawh. Chu chauh chu min tihsak ve ta che.”




“Aria, khawngaihin buaina dang chu min siam belh lo hram rawh.”




“Awi Lily, he thil hi buaina lian lutuk a ni daih tawh zawk.” Dining room a chhuahsan lai chu ka en liam tawp.




CHAPTER - 33




ROMERO :



Kan boruak thawpik thlak lutuk chu au nghek mai ka chak. Fimkhur tur kan ni tih ka hria, chuvang chuan rilru fim tak put ka tum hram hram ṭhin. Mahse vawiin kha chuan ka bawhchhe ta vek a nih kha. Khawngaihthlak zawk hian a!




Aria chu ka hmaah a rawn ding a, a thinrim hmel takzet. Mahse ka dem hauh lo. Ka hma taka ding a nih vang chuan a mitmeng pawl ram, thinrim vanga de sar pawh chu ka hmuh hmaih lo chiang kher mai.




“Engtin nge hetiang thil hi i tih theih, enge i ngaihtuah a? Nilo, i thluak thawl zet khan engmah a ngaihtuahlo tih chu a chiang reng a lawm.” Thawk halh pah chuan ka kap a rawn melh tel kher bawk.




Mithmul ka lo san ak a, ka hmaa ding hi Aria ka hriat ṭhin kha a ang tawh hauh lo. “He thil hi mipat hmeichhiatna chauh a ni lo.”




“Lily pawhin chutiang tho chuan a sawi. Chutiang thil chu a nih si chuan enge a hming inphuah dawn? Dan chu i hria a lawm, Phiangsen hian! Hrilh nawn che a ngai ta hial hi awih harsa ka ti.”




“Dan chu ka hria a lawm,” ka ti hmak a. Ka lungawi ta vak bik lo. Mahse Aria chungah hian thinrim chhan tur ka nei lo, a sawi dik tlat.




“Lily chuan in mu dun tawh tih a sawi a. Karei Romero! He thil hi an hrechhuak a nih chuan Lily chungah hian enge thleng dawn i hre vek. Nge, nupui atan neih i lo tum zawk?”




“Ka thei lo. Chu chu nang pawhin i hria. I pa hian engtikah mah a remti ngai dawn lo. A thu lo anga ka che lui a nih chuan indona a chhuak a ni mai.”




“Ka hria. A nih si chuan engvangin nge hetiang thil hi i tih?”




“Lily hi ka nawr lui hauh lo a nia. Chu chu i lo ngaihtuah takin. A duh reng vanga thleng a ni,” ka ti a. Chutiang thil ka sawi chhan pawh chu ka hre nek lo ve. A nau hi ka pawngsual emaw a tih ka hlau emaw ni?




“Chu chu ka ringhlel hauh lo. A melh dan che hi ka hre ve reng a lawm. A hmangaih che a, mutpui che pawh a tum ngei ang tih a chiang reng. Mahse puitling zawk i ni a, tih tur leh tih loh tur hre tur i ni.”




“Ka hria. Chuan, enge sawi tura min beisei? Min ngaidam rawh ka ti dawn em ni?”




“Pawi i tih thu i sawi a nih chuan dawt i sawi tihna a ni ang.” Aria chuan a ti leh hluk a. A ṭawng dan chu lawm viau lo mah ila hnial ngaihna ka hre lo, a sawi dik tlat. Lily ka mutpui vang khan inchhirna ka nei tlat lo. Sim tumna lah ka nei hek lo.




“Amah hnaiha awm lo turin min hrilh leh dawn em ni?” ka tih chuan a lo ner sak a.




“Ka thusawi chu in zawm leh dawn chuang lo tih a chiang reng a lawm. Pawh ṭhen che u ka tum a nih chuan Lily hian a damchhungin min haw tawh bawk ang. In mu dun tawh a, tuna pawh ṭhen che u hian awmzia lah a nei dawn pawh a ni tawh hek lo. Ka nau hian i fa a pai loh nan leh midangin an man chhuah lohna tur che uin fimkhur ang che u.”




Mak ti deuh chuan ka lo meng phar awk a, ani pawh chuan a hrethiam a niang, “Ka uang lo a nia. Ka nau hi a rai a nih chuan engkim a buai vek a ni mai,” a tihzawm leh a.




“Kan fimkhur a lawm.”




“Sofa-a ka rawn hmuh dan che u kha fimkhur i tih chu a ni em?”




“Min ring rawh. Lily hi a rai lo ang.” Aria chu hmai hupin a thaw hawk a.




“Karei leh! Hetiang thil kan sawi ta mai hi ka awih thei lo hial zawk. Lily hlim nan New York-a awm turin ka duh ngei a, mahse hetiang hlimna erawh hi chu ngaihtuah pawh ka ngaihtuah chhin ngai lo.”




Sawi mai tur ka hre lo. Mahni indemna chuan min delh rit hle a, mahse Aria hian a sawi dik chiah. A nih tur ang chu a ni vek tawh.




“Luca ka hrilh ang tiin vau ta che ila, Lily hi i kalsan thei a ngem?” a tih chuan, rang fein, “Aih,” ka lo ti vat a.




“A ṭhat chu,” tiin min melh ram ram a.




“Chuti a nih chuan i fiam kual mai mai lo a nih hmel a. In awm zel dan tur ngaihtuah dan kawngte pawh a awm maithei. Tihdan ka lo ngaihtuah ang.”




“Hun rei tak chu rilru ka seng vek tawh. Mahse indona chhuak lo tura i pa rilru hmin theih dan kawng a awm lo. I duh chuan i tum chhin thei a lawm, keini ngawt ai chuan i vannei deuh zawk mah na.”




“Gianna nen hian sumdawnna thil vangin pasal kan nei tawh a, beisei loh takin Lily hi chuan a duh tak a neih a phal maithei a sin.”




“Sipai ve mai mai lo deuh ni ila chuan i pa pawhin makpa atan min pawm thei mahna le.”




Aria chu ngaihtuah chhuah nei niawm takin min rawn en vat a. “Hote neiin captain i ni thei reng a lawm. Luca tan hun rei tak i thawk tawh a, ani pawhin sipai ṭha leh rintlak ber i nih thu a sawi ziah. Tun thlenga captain ila nih loh chhan chu, keimah min veng tura a rin ber i nih vang a nia. Ka bul hnaia awm tur chuan midang hi a ring zo chiah lo a nih hmel.”




A ṭawng lai chu ngawi rengin ka lo ngaithla a. A tlangpui chuan captain nihna hi pafa inrochun ṭhin thil a ni a, sipai pangngai aṭanga captain kaisang ta sawi tur an vang khawp mai.




“Ka pa pawhin Lily pasal tur a la zawn sak chuang lo a. Chu chu thil lawmawm tak a ni. Gianna nen hian Lily ang rual kan nih kha chuan pasal hual kan nei daih tawh. Chuvang chuan New York lam mi pawh ni se miṭha kan hria a nih chuan ka pa pawhin a lo pawm thei maithei a sin. Familia leh Outfit inkar boruak pawh a ṭha zual sawt dawn tihna a ni mai.”




“Capo nihna pawh chelh la, i hna i tlin dawn khawp mai,” tiin Aria chu ka fiam zauh a, ka nui deuh vur vur.




“Capo ṭha ber nupui ka ni hi ka duhtawk viau.”




“A dik a lawm. Mahse Luca i biak vang ringawta captain nih chu ka duh miah lo. Khawngaihna dilsak ngai leh mai mai turin rim takin hna ka thawk lo.”




“Chutiang tura biak ka tum hleinem. Chuan i hriat kha, Luca hian khawngaihna vangin eng thil mah a ti lo ang.” A tih chuan ka bu nghat a. Aria hian a sawi dik chiah.




“I hrilh a nih chuan sut leh theih a ni dawn tawh lo a, nangmah ang hian a dam zawngin a thlir ve lo maithei bawk. A thupek ka bawhchhe ta bawk si a, chu chu pawi lian tak a tling.”




“Ni e, dan i bawhchhe miau a ni. Mahse a nau ang maiin a en che a, a ṭhawng lo thei ang ber tura hrilh dan tur ka ngaihtuah a ngai.”
“Keiman ka lo be mai ang. Ka thil tih man chu keiman ka pe ang.”




Aria chuan lu a lo thing a. “Aih nang ai chuan ka hmin thei zawk ang. Ka chungah rei tak a thinrim ngai lo,” a tih chuan ka lo nui mai a.
“Scuderi hmeichhe ho hian mipa hmin theihna mak tak in nei a nih dawn hi.”




Lily nen min rawn phawk hnu khan Aria pawh a vawikhatna atan a nui ve ta. Thil lawmawm lamah ngai phawt ang. Mahse captain-ah pawh kaisang mah ila Scuderi putara hian a makpa ni tur chuan awlsam takin min pawm hauh lo ang tih ka hrechiang.




LILIANA :




Tih tur ber hre loin chokaah chuan ka vei tawn sek a. Aria chuan eng em em nge maw a tih le? Romero a biak dan phei chu hriat pawh ka chak lo. Min kalsan turin a hmin ta mai em ni ang? Chutiang thil ti lo tur chuan a intiam na a, ka ring zo chiah lo. Ka himna tur nia a hriat thil chu a ti ngei ngei dawn a, pawisak a nei vak lo maithei bawk.




Kawngkhar a rawn inhawng a, Romero a rawn lang nghal. A hahdam hmel phian mai.




“Pan hnai vatin, “Aria khan enge a sawi?” ka lo ti a.




“Fimkhur turin min hrilh.”




“Chu chauh chu maw? Luca a hrilh dawn lo tihna em ni?”




“Aw, tunah chuan ni rih lo.”




“Chu chu enge a awmzia?”




Romero chu a kiai suk a. “Kan awm dun theih dan kawng a awm maithei.”




“Nupa angin i tihna maw?”




“Aw. Mahse Luca hrilh dan tur a ngaihtuah phawt a ngai dawn a. Chuan, hmalak dan tur a hriat theih chauh ang.”




Ka hlim lutuk chu au chhuak lo turin ka inthunun hram hram a, mahse a harsa lam deuh chu a ni. Romero nena kan damchhung hun hman theih tluka thlakhlelh ka nei tlat lo.




Dingdihlip ak akin ka fawp a, Romero chu a inla hrnag vat. A hmelah chuan tawrhna ka hmu tel deuh.




CHAPTER - 34




“Kan fimkhur zual a ngai a nia. Hetianga kan infawp lai a hmuh leh chuan ka lu hi a ṭhuai chhum duh hial ang.”




“I lu chauh ni loin keipawh hi a ṭhuai chhum duh ngei ang,” tih pah chuan a kap chu ka khawih sak zauh a. Awmze nei fein ka nui lui sak bawk. Ka ban rekah lo manin, Romero chu a rum nghut a.




“Lily, hetiang hi chuan min hrem lul suh.”




“Mahse hetianga hrem hi nuam i ti emaw ka tia.” Romero chu rawn kun hniamin ka beng chu a fawp zauh a.




“Ti e, kan pahnih chauha kan awm laiin.”




“A nih chuan kan pindan lam kan pan mai dawn em ni?”




“Chu aia duh chu ka nei lo tih i hria. Mahse chhun en lai chuan ni lul lo e.” Romero chuan insum takin a ti a.




“Luca biak vat ka ngai. Russian ho chuan eng thil nge an tih ka ngaihven vat loh chuan a ṭha lo ang,” a tih leh pawh chuan chhaih pahin hmui ka lo la tipawrh khum ta tho a.




“I hna chauh ngaihtuah a i awm hi ka ning tlat. Zanin nghah chu a rei bawk si, tunah ka kuah chak tawh che a lawm.”




“Hrep tak hian!” Romero chu a phun hluk a, min melh deuh run chungin, “La han chho rawh, nakin deuhah ka rawn kal ang,” a ti ve ta nge nge a.




Rang fein ka room pan tur chuan ka kal nghal a, ka phur lutuk chu thup pawh ka tum buai duh lo.




A tukah chuan Luca pawh New York aṭangin a lo kir leh mai a. A chauh hmelin thil ṭhalo tak a thleng tih chu hrilh chawp ngai loin ka hrethiam ve mai. Kan chanchin pawh hrilh nghal chi a ni dawn lo.




Zanriah kan kil lai pawh chuan keini Pathum chu engmah thleng lo ang maiin kan awm a, kan buaina zawng zawng chingfel vat tur hian Aria pawhin ṭan a lak vat theih ka ring. Gianna chuan Aria nen chuan min melh tawn deuh sek a, thil fello a awm tih a hriate pawh a ang zawk a lawm. Hetiang lam hi Gianna ropuina a ni tlat a, min ringhlel pawh ni se a mak lem lo.




Chutia chaw kan ei lai chuan Luca phone chu a rawn nghawr dar dar a, a fork hum lai dah pah chuan, “Eng thil nge ni leh ta?” a ti zui hluk bawk. Vawiin hi chuan engmah hrilh chi a ni dawn miah lo. Hetianga mood uih lutuk hian ka la hmu ngai lo. A phone chu lakangin a chhang nghal a.




“Rocco, min lo biak ka beisei hauh hleinem,” a ti nghut a.



Kan vai mai chuan Luca chu kan melh nghal ṭhap. A biak hi ka pa a ni tlat. Luca chuan min rawn en pahin, “Liliana chu a ṭha a lawm,” a ti leh a. Lehlam a mi chuan enge a rawn sawi kan hre ve thei lo.




Tun hi New York pan tura ka chhuah hnu a ṭang khan ka pain a lo call vawikhatna a ni. A chhan hre chiah lo mah ila tun ataka min rawn ngaihven thar ta vel hian ka ngaih a ti ṭha lo tlat.




“Naktukah maw…ngati vut vut nge? Thil diklo thleng a awm zawk em ni?”




Ka fork ken lai chu ka dah ve nghal a, ka pum chu a let nghal but but mai.




“Teh reng mai, ka lo thawn haw dawn nia.” Luca chuan a ti leh mai a. Phone a dah hnu chuan a chair hnung nghengin a thaw chhuak ham ham a.




“Thil diklo a awm em ni?” Aria chuan zam hmel takin a lo ti a.




Hlauh neite pawh a ang lek lek zawk. Romero nen kan chungchang kha ka pa hian a hrechhuak ta mai a ni thei a ngem? Mahse chutiang chu ni se, ṭha takin Luca nen an inbiakna kha a tawp hauh lo ang. Chuan tunah kan la hrilh lo a, tunge ka pa chu hrilh ang? Chu chu thil ni thei a ni lo phawt.




“I pain naktuka haw nghal turin Liliana hi a duh a,” Luca chuan a ti ban charh a.




“Eng a?” ka lo ti ṭhat. Romero pawhin mak a ti tih hai rual a ni lo. Luca ngaihṭhat lohna siamsak ka duh loh vangin ka mittui tla mai tur chu ka thup hram hram a.




“Min va chah haw hma ve,” ka ti sap a. Matteo chu a lo nui hak a.




“Thla thum lai i awm tawh a lawm,” a lo ti ve thung. Gianna chuan a kiuin a lo nghawk zauh a, Matteo chuan a ban chu a lo tuai nauh nauh.




“Ka uang a nih kha, hrep tak hian Gianna. Tinge khatia kut min thlak nghal ringawt a?” A tih leh pawh chuan ka nuih a za thei lo. Chhuat chu rawn inhawngin, min dawlh mai se ka duh zawk hial. Ka pa thupek chu kan zawm a ngai tih ka hria, chu chuan ka thinlung a tina vawng vawng thei.




“Flight hmasa bera chhuak turin a duh che a, ticket pawh a book vek tawh.” Luca chuan a tihzawm leh a, Gianna leh Matteo ve thung chu an la inhnial reng.




“A chhan a sawi em?” ka lo ti a.




“Sumdawnna thil a nih hmel. Party ṭhenkhatah tel ve turin a duh che a, mahse kimchang takin engmah a sawi lo.”
Romero chu ka melh vat a, a hmelah chuan engmah a lang chhuak lo. Luca chu ka en leh a, “Ka pa chuan engtia rei nge Chicago-ah ka awm dawn a sawi em?”




Luca chu a meng zim deuh san a. “Aih, mahse Chicago chu i awmna hmun a nia, i cham chen tur chu ka tan zawh chi a ni hleinem.”




“Buaina tur a awm loh chu, a duh loh chuan a haw lo anga a ni mai a lawm.” Gianna chuan a lo tihluk a. Matteo chuan a nupui chu a lo kuah vat. Anni nupa hi chu inhnial ve bawk ṭhin mah se a daih rei ngai lo. An pindanah an kal anga, an chingfel leh mai ang.





“A ṭul a nih chuan thlawhna chhung thlengin ka hnuk lut mai ang. I pain haw tura a duh chuan a haw a ngai a ni mai. Hetiang vang mai mai hian buaina siam ka tum hauh lo.” Luca chuan a lo tihmuk a. Chu chu thu tawp a ni bawk.




Hmui ka pet zauh a, “A ṭha a lawm. Ka haw ang. Party mai maite chu kan tel fo tawh ṭhin kha, ka thih phah lo ang. Chubakah, Fabi pawh ka hmu chak tawh a lawm, ka ngai tawh lutuk. Chuan New York a ka lo kir leh vat theih nan ka pa chu ka lo dil dawn nia,” ka tih bak chu chaw ei chhung zawng engmah ka sawi leh tawh lo.




Mahni ina haw tur heti taka ka huphurh mai hi thil awihawm loh tak a ni.
Chaw kan ei kham chuan pawnah chhuakin, ka inkuangkuah hlan a. Nipui boruak uap deuh churh chuan min tilum zo lo a ni ber e. Ka hnunga kawngkhar chu rawn inhawngin, Aria a rawn pen chhuak ve nghal a. Ka awmdan hrethiam tak chuan min rawn nuih lui sak bawk.




“Ka pa chu ka lo bia anga, i rawn zin leh vat theih nan ka lo dil dawn nia. Chicago-ah i awm reng a ngai hleinem, tih tur pawh i nei lo. A rang thei ang berin i lo kir leh vat dawn a lawm,” a ti a.




“Ka haw tur chu i hlim daih zawk ang chu. Romero nen kan inhmu thei dawn lo tihna a nia.” Ka ti lui ve kher a. Chutianga ka u ka ṭawng khum chu nuam ka ti hauh lo.




“Ka tihpalh,” tiin ka maimitchhing zui nghal daih.




Aria chuan dimtein ka darah a rawn vuan a, “Lungngai suh. Hetah hian awm ve reng thei la ka ti tak tak a sin. Khawngaihin min ring rawh,” a ti dam thlap a. Ka lo bu ve nghat.




“Helaia awm hi nuam ka tiin ka hlim tak tak a sin. Chicago-a ka awm lai khan ka nuih ngai awm pawh ka hre lo.”




“Hun rei tak a ni dawn lo, i lo let leh vat dawn a lawm. Chuan Chigaco-a i awm hunah Luca pawh ka lo bia anga, in chanchinte ka lo hrilh dawn nia. I lo kir leh hunah chuan Romero nena in inneih ngei theihna turin ka pa rilru hmin dan turte pawh kan sawi ho thei tawh ang chu,” a tih leh takah chuan beiseina thar ka nei leh thei ta.





Ka bula ding ka u chu ka en vat a. “I sawi dik chiah. Ka pa chu reilote atan ka hmuh ve a ngai. Nakinah chuan New York hi ka in tiin ka sawi ve thei tawh ngei ang.”




Chumi hnu chuan engmah sawi loin tuifinriat thlir chuan kan ding dun ta reng a. Tuna ka chak ber chu Romero bula awm a, a ban tha chak zet khan min kuahin min thlamuan se ka ti. Naktukah ka haw tawh dawn a, kan inṭhen hlenna tur a ni lo tih min hrilh se ka ti. Mahse chutiang ti tur chuan a la hma lutuk, midang an la meng vek bawk si.




Thli a tam deuh takah chuan Aria nen chuan inchhungah kan ṭhu lut ve ta a. Living rooma Romero lo ṭhu chu ka va hmu nghal. Zanin hi kan tan kan hun tawp a ni rih dawn a, abula hun hman hun tur chu ka nghakhlel takzet zet. Zan dang aia hmain ka pindan chu ka chhuahsan a, Romero pindan lam ka pan vat. A bulah a tam thei ang ber hun hman ka duh. A pindana ka va luh chuan Romero pawhin mak tihmel a pu bik lo.




Khumah chuan kiu a ban nghat chungin a lo ṭhu kun lap a. Kawngka ka khar rual chuan a lo ding vat a, engemaw chen chu engmah sawi loin kan in en reng a, mahse ka insum thei tawh lo. Ka hmaa ding chu kuahin, a awmah ka bei thlawp a. Tinge ka lungngaih em em hi ka hrethiam lo. Khumah chuan min muttirin, kan kut chu a vak vel ruai a. Kan thawmhnawte pawh chu kan pawt phelh rang kher mai. Engtikah nge hetiang hun hi kan hman leh theih dawn lah kan hre si lo. Kan hun neih ang ang chu am taka hman kan tum a ni ber mai.




“Ka ngai dawn lutuk che,” ka tih chuan, “Min ngai rei lo ang,” a ti nghet charh a.




A thil sawi chu a hriatchian hmel viau. Kan infawp ning thei lo a ni ber mai. Khumah chuan inkuah rialin kan mu dun a, kan thaw dun hle hle mai. Vawithum zet a zầwna che kan ni bawk a, kan hah duh kher mai.




“Zanin chu ka room-ah ka riak duh lo, i bula awm hi ka duh,” pangchang zet chuan ka ti niah niah a.




“A nih chuan hetah riak mai rawh. Midang harh hmain i pindanah chuan i kal mai dawn nia,” tih pahin a khum bul dawhkana alarm clock chu a ban a, a set zui nghal a. Thawh kan hai hlauh chuan a chi dawn tlat loh. Ka lo nui var var a, a awm ngheng chuan ka mu vat a, rei ka meng tawh lo.




CHAPTER - 35




Khawvar hma deuhin alarm chu a ri a, rang zeta thoin chhuata ka thawmhnaw darh nuai chu ka chhar khawm nghal zung zung bawk. Ka chhuak tur chu Romero chuan min kuah bet a, duhthawh zetin min fawp leh phawt. Thawm dim takin pindan chu ka chhuahsan ta nghal a. Darkar hnih vel zen zawn ka mu leh phawt a, chumi hnu chuan ka thawmhnawte pack turin ka tho leh chauh.




Airport kan thleng a, mahse hrehawm ka tih ber chu inthlahna tura Romero ka fawp thei lo chu a ni. Midang an awm ve tlat sia. A tawp nan Romero chu ka melh leh zawk a, thlawhnaa lut tur chuan ka inher nghal. Inhmu tawh lo tur ang maia inngaihna ka nei chu ka duhzawng a ni hauh lo.




Chicago ka thlen chuan ka bodyguard ṭhin, Mario bawk chuan min lo hmuak a. Amah a ṭawng duhlo bawk nen kan in pana kan tlan lai chuan ka inbe miah lo.




In kan thleng a, kawngkharpui ka pan lai chuan ka lungphu chu khuangpui dim lo zeta vuak ang maiin a ring tawh. He in ka chhuahsan hma khan thihna leh lungngaihna chauh a awm niin ka hre ṭhin a nih kha.




Mario chuan kawngka min hawn sak a, ka pen lut ta. A hma ang em em kha chu ni tawh lo mah se, he in hi ka in angin ka ngai thei tawh tlat lo. Ka mikhual deuh dukin ka hria. Ka suangtuahna mai mai nge chu ka hre lo, mahse thil ṭhalo thleng dawn tlata hriatna ka nei.




Ka rilru lakpenna tur zawngin, “Khawiah nge ka pa?” ka ti a.




“A office-ah. Hmuh nghal che a duh a nia.”




Min ngaih vang chu a ni hauh lo ang tih ka hrechiang viau. Mario chuan ka bungrua chu khaiin ka pindan lam a pan nghal a. Kei pawh ka pa office panin ka kal ve nghal. Kawngkhar ka kik lai chuan zamna avanga ka pum let bat chu hai der luih hram hram ka tum.




“Lo lut rawh,” ka pa chuan a lo ti thum dut a. Thaw ka la leh vang vang a, ka lut zui nghal.




Fabi chu tukverh bulah a lo ding a, thlathum chhung leka a danglam nasat dan chu ka hmuh hmaih lo chiang kher mai. Ka rual khan Fabi hi New York-ah lo kal ve se chuan a zia tur a nia. Mahse chu lah chu beisei ngam chi a ni si lo. A danglamna hi a pawnlam landanah chauh a ni tlat lo, a mizia leh thluak thlenga tihdanglam sak a ni tawh tlat a ni.




Ka pa chu dan pangngaiin a dawhkan kilin a lo ṭhu a, min lawmna thusawi leh min kuah vel chu beisei pawh ka beisei peih lo. Fabi erawh chuan min rawn pan hnaiin, min kuah a. Kei aiin a sang daih tawh a, inla hrangin a hmel chu ka en chiang leh phawt. A hmel ka hmuh mai khan thil diklo a awm tih hriatna ka nei tlat. Ka pa hian mob khawvelah hian a hnim phum thuk tial tial a, reiloteah kum 13 a tling tawh dawn a, puitling a nih hun pawh a nghak zo ngang lo a nih hi. Eng thil dik lo nge thleng? Tualthat tur em chuan a fapa hi a nawrlui thei dawn em ni? Ka nau hi tual a that tur anga ka ngaihtuah chuan ka thin a na vawng vawng thei.





“Ṭhu rawh,” ka pa chuan a hmaa chair buk khum zauh pah chuan a ti a. Fabi chuan min kuahna rang zetin a thlah nghal bawk. Mahse ka rilru tibuaitu ber chu ka mitah tak min en ngam miah lo chu chu a ni. Ka nau hian eng pawi nge a khawih tak?




“Kan inhmu leh chu a lawmawm hle mai. Luca leh Aria-te chuan an enkawl ṭha che maw?” Ka pa chuan a ti a. Gianna hming a sawi tel ve lo chu mak pawh ka tihran lo.




Chair-ah chuan ṭhuin ka ṭang ru ṭeuh a. “Aw, min ngaihtuah lutuk. Hun nuam tak ka hmang e.” Fabi chu ka melh zauh a, tukverh bulah bawk chuan a lo ding leh tawh a. Min la en ṭha ngam chuang miah lo. A kut chu a rum ruh a, thinrim hmelte pawh a pu deuh. Ka thin zawn chu a na leh vawng vawng a, a chhan ka hre bik lo.




Ka pa chuan dawhkan chu a kutin a khawng ri tlat tlat a. Hrechiang viau lo ila chuan a zam deuh a nih hi ka ti ngei ang. Hlauhna chuan min man a, Fabi bawk chu ka en leh a, mahse chhuat a lo melh tlat. Tute mah chu kan ṭawng lo. Ka thawpik lutuk chu luhaiin ka tlu thei mai dawnin ka hria.




“Luca hnena i sawi dan khan Party engemaw ka tel vena tur a awm em ni?”




“Chu chu a chhan pakhat a ni a, mahse helai hmunah hian nula pangngai anga i awm a hun leh tawh.” Ka pa chu a ngawi dat a. A aw a thian leh te te a, a sawi zawm leh nghal.




“Thihna hi kan nuna thil bet tlat pakhat a ni a, mahse chu chuan min chelh bet reng tur a ni lo. Hringnun hian hma lam a pan a ngai,” a ti a. Ka pa hian eng thil nge sawi a tum ka hre hauh lo.




“Nupui ka nei leh dawn,” a tih rual chuan mak ka ti lutuk chu ka phu zawk thei hialin ka hria. Chutih rual chuan ka thawveng deuh huai lawi a. Ka chungchang thuah buaina a awm lo tih ka hriat vangte pawh a ni mahna.




Ka nu boralna aṭangin thla ruk chauh a la liam a, tunah lah nupui dang neih a duh leh der tawh a nia. Chu erawh chuan min tina tel tlat.




“Mahse……….” ka ti hman chauh a, ka ngawi leh daih. A rilru thlak sak turin ka thusawi hian awmzia a nei dawn lo tih ka hriat vangte pawh a ni mah na. Ka ngaihdan ka lo rawlh ve a nih chuan buaina ka insiam chawp mai mai dawn.




“Chu nu chu tunge, ka hmelhriat a ni em?” Ka pa ang rual nuthlawi hmelhriat ka nei nual a, mahse a duhzawng an ni lo tih erawh ka hrechiang hle bawk si.




Ka ngaihtuahna avang chuan ka inthiam lo a, ka nu ka ngaihtuah thlen phei chuan ka inthiamlo zual. Ka pa hi tute emaw nupui sun angin a khua a har vak lo pawh a ni maithei, nge a khua a har lutuk hian nupui neih leh vat a duh zawk? Ka nu kha a hmangaih lutuk a, a tilang thiam lo pawh a ni maithei. Mipa ṭhenkhat chu hetiang hi an ni tlat.




Fabiano thaw chhuak deuh hak ri ka hria a, ka va hawi phei chuan chhuat chauh chu a la bih ngar tho. Ka pa mitmeng a hmu ve lo chu a ṭha zawk. Keipawh ka pa mitmeng chuan min tihlau thei.




Fabi bek veilam duk dal lek lek tawh chu ka hmu thei a, duh lo viau mah ila ka thil ngaihtuah chu ka thunun thei lo. A thawmhnaw khuh chinah sawn eng pem leh hliam nge a neih ang? He thilah hian ka pa chu mawhphurtu a ni tih ka hre bawk.
Ka pa chuan a kutzungṭangin dawhkan chu a tlir leh zat zat tawh a.




“Ramona Brasci,” a tih chuan ka ṭhutna aṭang chuan ka tla lo chauh.




“Enga?” ka ti ṭhat a. A fiamthu a ni ngei ang. Ramona chu kei aia kumkhat chauha upa a ni a, ka pa tan pawh a fanu rual chauh tihna a nih chu. School kan kal ho ṭhin. Hrep tak chuan!




Fabi chu ka melh leh a, ka thu hriat hi fiamthu a ni tih min hrilh se ka duh, mahse a hmel aṭang chuan thutak a nihzia ka hai hauh si lo. He thil hi a tenawm lutuk. Ka pa hian a fanu rual lek chu engtin nge nupui atan a neih theih ang?




“Chutiang bawkin, a pa Benito Brasci pasalah i nei ve ang,” a tihzawm leh lai chuan thil rit taka vawm chawrh ang mai niin ka inhria.





Romero nena kan hringnun hmandun dan tur ka lo suangtuahte, ka hlimna leh nui hmelte chu a bo nghal vek a. Thi riai riai ang chiah ka ni. Ka thinlung na lutuk chu hmun tamtak a keh sawm ta ang mai a ni. Mang lamah pawh ka pa hian Benito Brasci-te ang putar hi min neihtir ang tih reng reng ka la mang phan ngai lo. Benito putara chanchin hi hriat ka nei tam lo a, mahse ka hriat kher a ṭul lo. He thil hi a dik lo vel vek a ni tawp mai.




Hnial duh viau mah ila, ṭawng chhuak tur ka awm lo. Engtikah nge ka ṭah dawn ka hre lo a, ṭap tur pawhin ka la pangngai thei lo. Ka bing mup mup a ni ber mai.




“Lily hringnun hi i tihchhiat sak vek dawn a nih hi,” tih ri ka hria a, Fabi aw a ni. A ṭawngkam chu puitlingte pawh a ang ve tawh kher mai. Min chhan a tum tih hre mah ila, ka la chhang thei chuang lo. Ka ṭhut ngai chuan ka ṭhu reng a, ka melh ngai ka melh ngat ngat bawk. Eng thil nge thleng mek hi ka hrethiam lo.




Tukin mai khan Romero nen duhthawh takin kan infawp a, tunah lah Brasci nupui tur ka nih thu ka hre leh ta mai si.




“Ngun taka ngaihtuah hnua thutlukna siam ka ni. Tunah chuan hrethiam lo mah la, ila hrethiam mai ang.”




“Teuh lo. Hetiang thil hi engtikah mah ka ti ve ngai lo ang.”




“Hei aia ṭha lo zawk hi ila ti dawn, min ring rawh, ka fapa,” a thaw zui hak a.




“A chang chuan kan duh loh tawp thil kan tih a ngai ṭhin. Chu chu hringnun hi a ni,” a tihzawm leh a.




A fanu rual lek nupuia neih a tum hi enge a duh loh zawng a nih theih dan ka hrethiam lo. Keimah zawk hi a ni ka thil duh loh tawp ti tura a nawrluih mek hi. Beramno anga hlan ka ni dawn a nih hi.




Ṭah chu sawi loh, ka mittui chu a hulin a hul phak mai. A ngaihna ka hre hauh lo. Ṭah vak vak ka duh a sin. Kei hi ka pa tan hian engmah ka ni lo, bungrua ang chauh a hralh leh thleng kual theih ang mai mai ka ni. Benito Brasci chu ka ngaihtuah a, putar a ni emaw, tlangval pawh ni se ka duh chuang lo. Romero a ni tlat lo.




“Naktukah in inhmu dawn nia. Ramona nen zanriah kil turin an lo kal ang.”




He thil hi ka chunga thleng chu ni lo se, za deuhin ka nuihpui thei ngei ang. Putar pahnihin an fate an inthleng dawn a niah. Nilo, inremsiamin an fate ve ve nupuiah an inneih sak dawn tihna a ni. Khawvel mihringah hian hetiang thil ti duh pa rapthlak hi an piang ve tawh a ngem le?




“Aw le,” ka ti mawl tawp a. Mumal ka neih lohzia chu a hrethiam nge, Fabi chu a lo rum hawk a. Ka pa chu lungawi hmel zetin a lo kiai suk a.




Ka ṭhutna aṭang chuan thoin kawngkhar lam ka pan a. “Ka pindanah mu turin ka kal dawn, ka thlawhna chuang ka chau deuh tlat,” ka ti a.




“Zanriah chu min kilpui peih ang chu ti raw?” ka pa chuan a ti a, mahse min ngaihtuah vang a ni lo tih erawh ka hrechiang viau.




“Ka ril a ṭam lo.”




“A nih leh le. Tui deuhin i mu dawn nia. Naktukah hun pawimawh tak hman tur kan neih kha.”


*** ka rawn chhawp chhuak ta hnur mai....tui deuhin in lo chhiar dawn nia...***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 1:49 pm

CHAPTER - 36



Kawngkhar herhna ka vawn rual chuan thinrimna chuan min rawn tuam thut a. Mahse a rei lo, ka ngawng lehnghal churh churh. Ngaihtuah mumal pawh nei lo chuan inhnuai panna kailawnah chuan ka pen thla chhet chhet a.



Ka hnunglamah chuan ke pen thawm ka hria a, tunge tih hre tur pawhin ka lehhawi thei lo. Fabiano chu ka bulah a rawn kal ve a, a len tawh bakah, puitling a ang tawh takzet. Chu bak lo chu ka ngaihtuah thei lo a ni ber e. Ka thluak hi a kehchhiate pawh a ni mah na. Ka thu thar hriat kha a rapthlak lutuk a, ka hriatnate hian a dawngsawng zo lo pawh a ni maithei.



“Nangmahah hian eng thil dik lo nge awm hi, Lily?” A awte pawh chu tilpawr aw a ni ve tawh.



“Dik lo a?”



“Aw, dik lo.” Fabiano chuan a ti leh mai a. Ka ban a vawnna a thlah rual chuan ka lo tuai vat vat a. A chak kher mai, a hmer na thei a lawm.



Keimahah hian thil dik lo a awm em ni? Chu tak chu ka buaina pawh a ni maithei. Ni e, thil dik lo tamtak ka ti tawh ngei a lawm. Nupa kan nih hma hawtin Romero ka mutpui a, hei hi ka thil tihsual vanga hremna pawh a ni maithei. Kan biakina pastor pawh khan a sawi ṭhin tak kha.



“Tinge i chiai miah loh. Tinge awlsam tak khan aw le i tih ringawt a. Eng thil nge rem i tih ve ngawt kha i hria em?” a tihzawm zat a.



Kei lah chuan eng thil mah rem ka tih awm pawh ka hre der bawk si lo. Engatinge tute mah hian ka ngaihdan leh duh dan min rawn ve ngai miah loh?



“A chhan chu tih theih dang ka nei tlat lo a lawm,” tiin ka chhang ta nge nge a.



“Hrep tak hian!” Fabi chuan per deuh tan tan chungin a ti leh a. Ka lo ngaih ang em ema puitling chu a la ni bik lo a nih hmel. Ka nui chhuak lo chauh, mahse ka hmai hi a la khawng tlat.



“Engtik aṭang khan nge ṭawngkam mawilo hmante i lo chin ve tak a?”



“Mafia mipa ho chuan kan ching vek.”



“Mahse nangte chu ila ni ve hleinem.”



“Mahse ka ni ṭep tawh a lawm.” A tih chuan hrethiam takin ka bu nghat a. Chu chu ka hlauh ber pawh a ni. Ka pa lah hi kan nun tihchhiat hi a phur zawk emaw tih mai tur a ni lehnghal a.



“Chuan, chu chu tun atan chuan a pawimawh lo. He inneihna hi i pawm ringawt thei lo ang. Thil engemaw i tih a ngai.”



“Maw? Eng thil chu nge ka tih anga?” thinrim lek lek tawh chuan ka ti let hrawk a. Mumal nei lo deuha awm mai mai kha ka duh zawk a sin, a nihna takah chuan ka pa thutlukna hnial hian awmzia a nei lo tlat a ni.



“Thil engemaw,” Fabi chuan a ti zuai raih a. A mitmu buang thang chuan min melh kiau bawk.



“Thil engpawh ti mai rawh. He inneihna hi i pawm thei lo ang.”



“Enge ka tih tur chu min hrilh ta che. Mafia mipa diktak i ni ṭep tawh. Enge ka tih ang min hrilh rawh.”



Fabiano chu a khap zak zak a, inthiamlo hmelte pawh a pu deuh. Ka nau a ni a, nawr luihna avangin anihna ang lo taka a lan a ngai ve tho tih ka hria.



A darah chuan vawn sakin, “Kan pahnih hian engmah tih theih kan nei lo,” ka ti zui sap.



“Gianna ang khan tlanbo ve mai rawh.”



“Ani pawh an man leh tho kha.”



“Mahse nang chu an man ve lo ang che.”



“Min man ang,” ka ti leh sap a.



Kei hian kawng engkimah Gianna ka tluk lo a, thlakhat lek pawh ka pilbo thei teuh lo. Nilo, karkhat pawh ka thei lo ang. Ani anga luhlul leh huaisen ka ni ve lo, he khawvel hi tlanchhuah san ka duh lo a, ka tan dam khawchhuahna tur kawng a awm tlat lo a ni.



Mahse keimah chauha ka tlanbo a ngai lo maithei, Romero pawhin min zui thei a lawm. Min umzui a nih pawhin beihlet dan a hria anga, kan pahnih chuan kan dam khawhchuak thei em em ang.



“Tlanbo i ngaihtuah a ni maw…a dik em?”



Fabi chuan a lo ti var a. A hmaa ka hriat ṭhin mipa naupang kha a ang leh tawh.



“Rinawm tur i nih kha hrereng rawh,” Ka lo ti sar sar. “Hei hi phatsanna a nih hi. Ka pain a hrechhuak a nih chuan, hremna rapthlak tak i pumpelh hauh lo ang.”




“Mahse member puitling ka la ni hleinem.”



“Mahse ni tawh ang tluk i nia lawm, nangpawhin i sawi kha. Member puitling ang thoin i chungah rorelna an chelek dawn a, damin i chhuak hauh lo ang.”



“Ka pa hian a nihna leh a thil neihte rochuntu tur a mamawh.” Fabi chuan a ti hul hak a.



“Ka pa chuan nupui naupangte a nei vat dawn a, fa tamtak an la nei thei a lawm. Chutih hunah chuan min mamawh tawh lo maithei a sin.” Ka tih chuan Fabi chu a nui hak hak a.



“A fanu nupuia nei tur ang mai a nih hi. Tenawm lutuk!” a ti zui hlak a. Mahse a thusawi chu a dik ka ti hle.



“Benito Brasci hi ka pa aiin a la upa zawk lehnghal a ni lawm ni?”



“Ka hre bik lo. Ka mitah chuan hmanlai mi kha a ang ber.”



“Ka pindanah hahchawl turin ka kal tawh mai dawn..” ka ti dam raih a.



Romero biak vat ka duh. Fabi chuan engtin mah min chhang lo.



Ka pindan ka luh ruala kawngkhar ka khar fel takah chuan ka thaw chhuak ham ham a. Hlauhna chuan min man ṭan chiah. Ṭah vak maite chu ka duh a, chutiang tih chu ka tan awmzia a awm lo. Ka bag chhunga ka phone dah chu dap rawk rawkin Romero number chu ka dial nghal a. Ka kut chu a khur nasain, Romero lah chuan phone a chhang mai thei lo lehnghal. Hlauhthawnna chuan min luhchilh mup mup tawh.




Ka biak a beisei lo pawh a ni maithei, mahse a chungah eng thil nge thleng ang tih chu ka ngaihtuah lo thei si lo. Nge, Brasci nena kan inhualna tur hi a hria anga, ka nunah a inrawlh duh tawh lo zawk? Luca khan a lo hre lawk daih tawh tihna a ni thei mai a ngem?



Phone-ah khan ka pain a rawn hrilh maithei a, Aria leh Gianna-te hriatah khan a sawi lang a nih chuan, buaina an siam duh mai hlauin a sawi chhuak duh lo pawh a ni maithei.



Romero voicemail a rawn rik takah chuan ka phone ka met hlum nghal a. Chutia ka phone ka melh reng lai chuan Romero hming a rawn lang ta. Min call leh nghal tihna a ni.



Phone ka chhan rual chuan, “Lily, i ṭha em? Meeting-ah ka awm a, ka phone ka lo tizawi daih a lawm,” inthiamlo deuh chuan a rawn ti a.



Romero aw ka hriat rual chuan bang chu ka ngheng dat a. Min tih hahdam sawng sawng rualin, Brasci putara vangin ka hmangaih hi ka chan thei tih ka hrechhuak nghal bawk.



“Ka pain pasal tur min zawn sak,” ka ti ta nge nge a. Ka aw rik dan tur chu ngaihtuah pawh ka ngaihtuah thiam lo.




Romero chu a ngawi vang vang a, a thaw ri takngial pawh ka hre thei lo. Hlau leh zam tak chung chuan phone chu ka ngaithla reng a, mahse engmah sawi tur ka hre bik lo. Ka ṭawng ngam tawh lo a ni zawk mah.




“Chu chu tunge?” Romero chuan a ti thawp sat a. A ngaihtuahna hre turin a hmel landan hmu thei ila ka ti takzet. A aw ki a damin, a ngaihdan tur hriatthiam a har em a ni.



“Benito Barsci a nia, amah chu i hre kher lo maithei. Mahse……..” ka tih lai chu rawn pawtchatin, “Ka hria. Nikum party-ah khan ka hmu a lawm,” a ti leh a.



“Oh,” ka ti sap a. Romero chuan engemaw a sawi leh dawn emaw tiin ka ngawi zui daih a. Engtin nge hahdam hmel deuh hian a ṭawng theih. Mipa dang pasala ka nei tur hi engatan mah a ngai lo tihna em ni? Hei hi a a duhthusam a lo ni reng maithei a sin. Kei hi nawmchen nan chauh……..Enga, nawmchen nan chauh maw? Ka thil ngaihtuah vang chuan ka in ten.




“Kei aiin kum tam takin a upa zawk,” ka leh ta ringawt a.



“Ka hria.” Ni e, a hmu tawh a, a hre reng ang chu. Sawi mai tur ka hriat loh vanga sawi ka ni.



“Ka……ka rindan chuan kan pahnih hian……..” ka riat nawi ta vel mai mai a. Ka sawi duh chu ka sawi chhuak ngam lo a ni ber mai.




CHAPTER - 37



“Keini pahnih hi engtin maw?” a tih chuan ka maimitchhing vang vang a.



“Kan tlanbo daih theih ka lo ring deuh a,” ka ti bah deuh niai a. Ka sawi zo chiah chu ka mawlzia leh nepzia ka hrechhuak chiah. Mahse ka sawi zo vek tawh.



“Chutiang chu kan ti a nih chuan outfit leh familia karah indo kan puang tihna a ni mai.” A lo ti awlsam mai a.



Ka pasal nei tur hi engah mah a ngai ve lote pawh a ang zawk. Hetiang ngaihdan hi neih ka duh lo, mahse kei aiin a hna leh nihna hi a ngai pawimawh zawk tih hai rual a ni si lo. Atan chuan familia hi a pawimawh ber reng a ni.



Keimah hi a nih hi khawvela mawl ber chu. Ka nu khan min hrilh tawh ngei a lawm, ‘Mipate chuan i laka an duh an hmuh theihna tur a nih phawt chuan, khawvel pek che pawh an tiam duh zel ang che,’ a tih tak kha mawle. Romero hi ka chungah a ṭhain, min ngaihsak ṭhin a, atan ka neih zawng zawng ka hlan ta a nih kha.




Ka thinlung, ka taksa……..a dang pek tur pawh nei ila ka pe vek tho ang. Lawm takin atan ka inhlan a, chuan inchhir ka duh lo bawk. Mahse tunah hian tihnatin ka awm mek bawk si. Ka na lutuk tlat.



Ka hmui ka pet fan fan a, ka hrawkah chuan engin emaw min rawn hnawh nghal. Ka ṭap chhuak thei mai dawn.



“I sawi dik,” ka ti chhuak hrawk a.



“Ka….ka…..ka……” sawi zawm ta lo chuan phone chu ka dah daih a.



Rang zetin ka phone chu bag-ah ka thun leh a, khumah lawnin ka taksa a nat vek thleng chuan ka ṭap a. Ka hrawkte chu a na a, ka engkim a na vek. Mahse chung zawng zawng ai chuan ka thinlung na chu a na zawk. Heti zawng hi maw? Hei hi em ni ka suangtuahna tawpna tur chu?



ROMERO :



Ka phone chu ka melh ngawt ngawt a. Scuderi putara chuan eng thil nge a ngaihtuah teh hrep le? Hman aṭang tawh khan a nunna lak sak hial ka chak fo ṭhin a nih kha. Ka lo that daih lo kha tunah hian ka inchhir ni berin ka hria.




Meeting room aṭanga Nino lo chhuak chuan cigarette a rawn pet nghal va va a. “I va tum nasa lek luk ve, zaninah nula pakhat hruai haw la, i thawpikna chu a kiang mai ang. I hlimpui ṭhin kha,” a rawn ti ham ham a.




Ka inrin hmain a kawr nghawngah chuan ṭhamin, bangah chuan ka nawrbet a. A lu chuan bang a tauh bur a, a cigarette peh lai pawh chu leiah a tla ṭek nghal chhak bawk.




“Enge i hriat a, hmelchhepa. Min thlah rawh!” Hlauh hmel zet chuan a ti tham ṭuak a.



A puma vawihnih ka hnek sak hnu chuan a ṭhingṭhi hnawk mai. Hrep tak hian! Tunah tak hian tuemaw thah tur ka mamawh. Tupawh ni se ka pawisa lo. Nino ṭhingṭhi reng chu ka pet leh hram a. Thah nghal law law mai ka duh.



“Hey! Enge thil awmzia?” Luca chuan a rawn ti hrawk a. Ka ban chu man betin hnunglamah a nawr bet a.




“Romero, eng thil teh hrep nge i hriat a? Inbeng dai phawt teh.”



Chutia min dawmbeh takah chuan ka inthlahdul ve thei ta deuh a, thaw ka la ham ham bawk.



Nino chhuata let reng, a lu leh a hnar aṭanga thisen chhuak mek chu a hmaiah ka khawih tel tih pawh ka hre hauh lo. A hnu lawkah chuan Aria pawh a rawn lang ve leh a. Club ṭhenkhatah paper work a buaipui ve takah chuan, hetah pawh a kal ve ta fo. Zawhna mitmengin min melh a, ngaihṭhalo hmel a pu bawk.



“Ka that dawn che, zawngchhepa,” Nino chuan a ti hrawk a.



Matteo chuan kaihthawh pahin, “Chutiang thil chu i ti hauh lo ang. Inchhungah lut la, i lu kak hi ṭhui tir rawh,” a ti sup a. Ṭawng ring lem lo mah se a hlauhawmna a nep phah chuang hauh lo.




Nino chuan rum fein min melh a, a pai sawn nghal ṭuang ṭuang bawk. Kei lah chuan engatan mah ka ngai der si lo. Min thah chu han tum chhin se, awlsam zetin a ringruh ka lo ṭhuai tliak a ni mai.



Aria chuan min rawn pan hnaiin, “Lily chungah thil thleng a awm em ni?” a ti vat a.



A hmela hlauhthawnna lang chhuak chu ka lainat zawk kher mai. Min thlah tur a Luca-in a hrilh chuan a tawlhsawn zui ve nghal mai a. Meng zim deuh san chungin a nupui nen chuan min melh tawn sek a.



“Lily chungah thil ṭhalo a thleng a nih pawhin, Romero hian enge hriat ve tur a neih?” A nupui la melh reng chung chuan a ti a.



Aria chuan chhang mai loin min melh reng thung. Luca bula thudik sawi a ngai ta chu pawi a ti pawh a ni maithei. Mahse kei hian pawi ka ti hrep lo ve. Engmah pawisak ka nei tawh hek lo.



Aria melh ve reng chung chuan, “I pain Benito Brasci nen a inneih tir dawn,” ka ti ram hmak a.



Aria chu a thaw hawk a, “Enga? Mahse pasal tur a zawn sak tih pawh engmah a sawi reng reng lo!” a ti vet ṭhat mai. Luca lam hawi chuan a inher a, “Nge, i bulah a lo sawi daih tawh zawk?”



Luca hmel chu a chang kher mai. “Hrilh lo. Engmah min la hrilh lo. Mahse chu aia ngaih pawimawh zawk chu ka nei. Tuma hriat loh thu thar Romero hian a hria a, tun maiah khan Lily pasal neih dawn vangin, ṭul miah loah tual a that ṭep a nih kha.”



Ka hnunga bang chu a beng dawt a. Luca hi thudik hrilh vat ila a ṭha ber ang.



“Nipui hun a rawn hmanlai khan kan inkawp a lawm,” ka ti tawi tak a.



Matteo a lo faifuk raih thung. Chu chuan ka thin tertek a kai tho leh dawn tlat. A ṭhen zui suk lai ka hmuh phei chuan bawh phei lehnghal buan buan mai ka duh hman a. Enge nuih tur awm? Helaiah hian fiamthu kan sawi em ni?



Luca chuan min melh nghal ran a. “I hmeichhe duhzawng a ni lo tih kha min hrilh a ni lawm ni? Chuan i bul hnaiah pawh awm mah se, engmah harsatna a awm lo ang ti a min tiamtu kha tunge? Kha kan titi kha chiang takin ka la hria a sin. Chuan tunah, nipui chawlh a rawn hman laiin kan hriat lohin in lo inkawp reng a maw?”




Aria chuan Luca banah a lo vuan vat a, kan inkarah chuan a rawn tlazep nghal bawk.



“Luca, khawngaihin Romero chungah hian thinrim suh. Anni pahnih hian eng buaina mah siam an tum lo. An inhmangaih a, thil thleng tur chu a thleng ta a ni,” a ti dam thlap a.



“Chuan nang hian i lo hriatpui reng a maw? Engmah min hrilh lo bawk a maw? Gianna tlanbo tura i puih hnu khan, rinawmna leh mawhphurhna kan sawi chiang viau tawh a ni lawm ni?” Luca chuan a ti thum dut a.



Aria chuan lu thin pahin, “Ka naute an ni tlat a ni,” a ti leh sap a.



“Chuan, kei hi i pasal ka ni bawk.”



“Luca, a awmzia chu…………” ka ti hman chauh chu, kutzungchala min rawn kawk chungin, “He thilah hian lo inrawlh hlek suh. Ka thupek i bawhchhia tih ka hriat ruala i thluak bawm, a tak awm lo a silaimu ka thun nghal lo kha i vannei takzet tih hria ang che,” a ti ram hmak a.



“Hey, inbengdai teh, Luca. I ngaih anga ṭha lo kha a ni lo ve thei a nia,” Matteo chuan a lo ti vat a. Mahse a awah chuan nuihza inthup ri a lang tel tho.



“Hrep tak hian! Ka ngaih ang chiaha ṭha lo hi a ni tih ka chiang a lawm,” Luca chuan a lo ti ve thung a.



Chutah min rawn melhin, “Hei chauh tal hi min han hrilh teh, Lily pasal neih zanah buaina kan tawk dawn em?” a ti leh hmuk a.



A thinrim zia chu tute mahin kan hai lo. A thil ngaihtuah pawh ka hrechiang viauin ka hria.




“Lily chuan kha putar kha a nei hauh lo ang. Kum 60 dawn a ni tawh hial lawm ni? Tenawm hlawm lutuk.” Aria chuan a ti nghet charh a. A lungawi lohna chu thup a tum bik lo.



“Kum 60 dawn leh putar tenawm tak a ni bawk.” Matteo pawh chuan a lo ti ve bawk a.




Luca chuan tutemah a chhang lo a, ding zetin min melh ngar mai thung.



“An inneih zanah buaina a awm dawn em?” a ti nawn leh chhur chhur a.



“Lily nen khan kan mu duh tawh,” ka lo ti dam thlap thung.



Matteo bawk chu a lo faifuk leh raih a, Luca chu a lo phun hluk bawk. Ka thluak per chuai khawpa min vuak chak hmelte pawh a pu a lawm.



“Engvangin nge i thil neih kha i kekawr chhungah khan i dah ve mai mai theih loh? Dan leh pawi tur chin pawh i hrethiam thei miah lo em ni?”



“Ka inchhir lo, ka inchhir ngai hek lo ang,” ka lo ti hmiah. Luca chu a tawlh hnung dat a. Ka bul hnaia awm a peih tawh lo a ang ber.



“Engkim a buai vek tawh. Benito Barsci chuan an inneih zanah, a nupui chu a thianghlim tawh lo tih hria se engtin nge i tih ang? Scuderi lahin New York-a a rawn cham chhunga thleng a ni tih a hai dawn lo bawk a. He thil hian indona a hring chhuak ngei ang.”




“Chulamah chuan buaina a awm ka ring lo. Vawikhat Brasci nen khan kan zung dun a lawm, a nei te lutuk. Khatiang sausage tiat vel lek hmang kha chuan eng thisen mah a tichhuak pha dawn lo. Liliana pawhin a luh leh luh loh pawh a hre tawp nang.” Matteo chuan ṭhen ṭha chungin a lo ti a.



CHAPTER - 38



Ka insum hman lo. Ka sa pup a, Matteo khabeah tak chuan a vawikhatna atan ka hnek bur a. Mahse Matteo chu Nino ni hek lo, a vawihnihna ka hnek leh tur chu a lo indang hman a. A chemte a pawt chhuak ve nghal. Keipawh chuti tho. Chemte hum chung chuan kan inhmatawn ta ran mai.




“A tawk!” Luca chuan a lo ti tuarh a, kan inkarah rawn dingin min nemsawn dun nghal




“In inthunun lo a nih chuan in pahnih hian uicho ang maiin ka pawt sawm vek dawn che u,” Luca dawhtheihna pawh a pan hle tawh tih a hriat theih mai.




“Kut min thlak hmasa a nih kha,” Matteo chuan min melh ran chung chuan a ti a. Tun hmain kan la insual ngai lo a, a bikin thinrim leh chemte hmang phei chuan tun hi a vawikhatna a ni.



Matteo hian chemte hman a thiam em em a, ka hneh dawn em tih phei chu ka hre hauh lo. Mahse enchhin dawn pawh ni ila ka hreh chuang lo bawk.




“I bul ṭan a nih kha. I ṭawngkam kha a ngeiawm em a lawm.” Aria chuan a lo ti ve vat.



Matteo chu a meng kual ralh a, “Hrep tak hian. Boruak rit lutuk tih zangkhai ka tum a nih kha.”



“I hlawhchham chiang hle mai. In chemte kha dah bo nghal rawh u. Tunah!” Luca chuan a ti leh hmak a. Keini pawh chuan thuawih takin kan chemte ken chu a paiah bawk kan thun leh a.




Thawk chhuah halh pahin, “Hnek tur che ka ni lo tih ka hria,” ka ti ta nge nge a.



Matteo chu a lo bu nghat a. “Keipawh ka ṭawng hnem lutuk a nih kha,” a lo ti ve mai bawk.



Kan buaina kan sawi fel ta bawk a, lungawi tak chuan kan inchibai a. kei chu bang nghengin ka ding leh nghal daih. Ka phone chu phawrhin, ka melh reng a. Lily biak ka ngai, ka phatsan dawn lo tih hrilh ka duh.




“Mahse a rai lo tiraw?” Luca chuan a ti leh a. Lu ka lo thing a, kan inven dan erawh hrilh kher ka tum bik lo.



“Inneih zanah pawh harsatna a thleng lo ve thei tho. Brasci putar chuan a hre lo thei ve tlat, bedsheet varah chuan thisen lemte pawh an tat ve ṭhin tho a lawm.” Luca chuan a ti leh a, mahse ka lo inrawlh vat.



“Kha putar kha Lily chuan a nei dawn lo.” Luca chuan mithmul san ak chungin min rawn en a.



“Oh! A nei dawn lo maw? Scuderi chu inneih sut tura hmin i tum nge, Lily ruk chhuah a neih i tum zawk?” a ti a. Mahse engtin mah ka chhang lo.



Luca pawh chu hnek chawrh mai ka duh. Mahse chutiang thil chu ka ti a nih chuan kuangah ka ruang an dah anga, thlanah phum ka ni nghal ang tih ka hai bik lo.



“Luca, khawngaihin. Ka pa chu i be thei a ngem?”



“Bia pawh ni ila enge ka sawi anga?” Luca chu a rum zui nghut.



“Ka sipai zinga ka rin berin a fanu thianghlimna a tihchhiat sak a, pasal dang neih a phallo ka ti dawn em ni? Nge, ka thutiam ka puitlin zo ta lo a, Liliana zahawmna a bo tawh ka ti zawk dawn? Thil tih chi tak a nih dawn chu.”




“Nilo, Lily hi Gianna nen kan bula awm ve turin kan duh a, familia mi leh sa pasal tur ṭha deuh i zawn sak tur thu i hrilh anga. A pasal tur chu i sawi nghal lo anga, chumi chhung chuan tihdan tur kan ngaihtuah thei mai ang.”



“Ka inrawlh thei lo. He thil hi ka lo buaina tur lah a ni hek lo. I pain Brasci nei turin thu a tiam tawh a nih chuan rilru a thlak tawh dawn lo. I pa zahawmna ka tichhia anga, Brasci pawi ka sawi bawk ang.”



“Mahse engemaw kan tih a ngai a lawm.” Aria chuan ngenngawl tak chuan a la ti ve ṭang ṭang a.



“Hetiang vang mai maia hmelma insiam chawp ka tum lo.” Luca chuan a ti leh hmuk a.



Ka boss hi ka hrethiam lutuk. Capo a ni a, familia hi a ngaih pawimawh ber tur a ni. Mahse kei chuan thildang ka ngaihtuah thei, sipai satliah mai mai ka ni.



LILIANA :



Ka phone ri vang chuan ka harh a. Ka pa thu min hrilh leh Romero min chhannate chu ka hrechhuak leh nghal a, ngawi rengin ka phone dahna bag awmna lam chu ka melh ngawt ngawt ringawt. Silent khan ka dahin ka hre sia, engtia lo ri chhuak thei mai chu nge a nih pawh ka hre lo.



Thawpikna chuan min luahkhat leh mup mup tawh a. Ka ṭhut chhuah rual chuan ka ṭahna avanga ka taksa na ṭhum chu ka hre nghal. Khum bul dawhkana sana chu ka melh zauh a, zan dar 10 a lo pel tawh.



Ka phone ri emaw ka tih kha a ni lo, dawhkan chunga landline phone zawk chu a lo ni. Chhang tur chuan ka phei chhat chhat a. Aria a lo ni. Chanchinthar kha a hre tawh pawh a ni mah na. Ka pain a lo va hrilh tawh tihna a ni thei mai a ngem?



Aria aw dam thlap ka hriat takah chuan, “Hi, Aria,” ka ti halh a. Ka ṭap nasa tih pawh chu thup ka tum buai peih lo.




“Aw, Lily, ka hre ve chiah a. Pawi ka ti lutuk, ka awih thei lo hial.”



“He thil hi ka pa chuan a ti thei lo ang, thil engemaw kan tih a ngai.” Giana thinrim au lang lang ri pawh ka hre thei.



Anni chu an awm dun thei a, an mahni hmangaih em emtu pasal an nei bawk. Kei ve chu helai hremhmunah hian ka tang a, kumkhua pawha ka hmangaih theih loh tur, putar pasala nei tura nawr luih mek ka ni. Engtin nge hetiang thil rapthlak hi ka chungah a thlen theih bik?



“Ka pain a rawn bia che em ni?” ṭah chhuak insum ṭeuh chuan ka ti a.



“Aih, be lo. Romero hnen aṭangin kan hria.”



“A hrilh che maw?”



“Aw, hrilh e.” Aria chuan a ti dam leh thlap a.


“Sipai pakhat a lo sawisa hrep a. An ṭhelh hnuah Luca khan thil awmzia a zawt a, a sawi chhuak chauh a lawm.”



“Tinge chupa chu kut a thlak ringawt a?”



“Engvang nge a nih i rin? A chhan chu Brasci kha neilo tura a duh vang che mawle. Darkar khat zet chu rawn biak che a tum tawh a sin, mahse i phone i chhang thei si lo a. A ầ lo chauh a nih ber hi, hei a be duh che.” Aria chuan a ti leh a.



“I bulah khan a awm em ni?”



“Aw. Phone hi kan pe a nge aw?” a tih chuan hlauhna bawk chuan ka hrawk a hnawh leh tawh. Mahse, “Aw le,” ka ti ta tho a.



“Lily.” Romero aw thum deuh chhak chu ka hre nghal. A awah chuan min lainatzia ka hre thei hial. Ka thaw chhuak hawk a, ka bianga mittui rawn luang lum thla pap chu ka hre thei.



“Lily?”



Chil ka lem khawlh a. “Pasal ka nei dawn tih i hriat takah khan, min kalsan i tum nghal mai emaw ka ti hman a.”



“Teuh lo, a teuh lo mai. I beisei angin ka chhang lo che tih ka hria a lawm. I pain tar hur bulah hralh che a tum tih min hrilh khan ka thinrim em a ni. Ka hriat rual khan rawn thlawh chhuah nghal a, rawn thah mai kha ka duh a sin. I thiamloh a ni lo a, i chungah ka thinrimna hrikthlak ka hlauh vangin ka ngawi ta zawk a nih kha.”



“A nih tak chu,” ka lo ti sap a. Sawi mai tur ka hre tlat lo.



“Tlanbo kha i la duh reng em?” a tih chuan, Aw tehreng mai tih vak chu ka duh a. Mahse thil tih chi a ni si lo.



“Indona a chhuak dawn a sin. Nangmah ngeiin i sawi kha.”



“Pawi ka ti lo. I tan chuan indona pawh ka hmachhawn mai ang.”



“I thil sawi hre tur khan i bulah Luca a awm em?”



“Aih, awm lo.”



“A hriat vaih chuan a that ngei ngei ang che.”



“I ute pahnih hian i himna tur a nih chuan indona hmachhawn an hreh miah lo a sin.”



Romero thusawi chu ka ringhlel hauh lo. A bikin Gianna. Mi fimkhur lutuk Aria pawhin ka himna tur a nih chuan eng thil pawh a ti dawn tih ka hria. Chu chu min tihlautu ber pakhat a ni. Fabiano hi nakin lawkah chuan mob khawvel hian a dawlh pil dawn a, Russian ho nena an buaina lahin zual lam a pan zel bawk si. Kei tak phei chuan ka hre tam lo hle a, mahse Chicago leh New York karah indona a chhuak a nih chuan, ka hmangaihte nunna hi ka chan thei tih hrethiam lo rual ka ni lo.



CHAPTER - 39



“Naktukah kan in hmu dawn a.”



“A bulah chuan nangmah chauha awm turin ka duh lo che a nia.”



“Mahse ka pa bulah dilin ka pa hian lo remti ta se engtin nge ni ang?”



“Italian hmechhe zahawm tak i ni a, i finna kha hmang rawh. I inven zawh loh i hlau a nih chuan sawi rawh. Ticket ka book anga, ka rawn thlawk chhuak nghal ang. Phiangsen hian! Chu chu ka tichak zek zek tih hria la, inthlahrung hauh suh. Ka that hreh hauh lo bawk,” a tih leh chuan ka nui sak a.



A sawi ang hian ti ngei thei se ka ti. Tunah hian ka mamawh a, ka bula awm turin ka duh bawk.



“Hmeichhe zahawm ka ni tawh lo. Ka pa hi thudik hrilh ila, he inneihna hi ka pumpelh thei maithei a sin.”



“A that ngei ang che. Khatianga Gianna a chet hnu phei kha chuan a nunrawng zual viau a nia.”



“He putara hi pasala neih ai chuan thi ila a ṭha daih zawk ang.”



“Khatiang thil kha vawikhat mah sawi tawh suh. Tihdan kan ngaihtuah dawn a lawm.”



Min hmu thei lo mah se a thusawi chu pawmpui tih lantir nan ka lo bu nghat a. Ka thu hriat kha dik ngei se ka tih vangte pawh a ni bawk. “Ka hria a lawm,” ka ti ngui raih a.



“Naktuk zingah Aria hian i pa a rawn be dawn a, hma lak dan tur a hriat theih mai ang.”



“Ka pa hian rilru a thlak duh ka ring chuang lo. Luca khan kan inkar thil a hre vek tawh em?”



“Aw. A hriat tur chin chu a hre vek tawh.”



Ka hmai chu a sa nghal hat hat a, mahse Romero hian a sawi dik. Luca hian thudik a hriat a ngai a ni. Eng thil pawh ti dawn ila a puihna kan mamawh dawn.



“A thinrim viau em?” Ka tih chuan Romeo chu a ngawi vang vang a.



“Aw, a hlim viau lo. Matteo ka hnek bawk a. Mahse chu chuan buaina a chingfel hran lo.”



“Matteo i hnek maw? Enga tinge? Aria khan midang kut i thlak a ti emaw ka tia.”



“Mi pahnih kut ka thlak. Ka inthunun zo ngang lo a ni.” Romero chuan a ti ve mai a, a inthiamlo tak tak tih ka hre thei.



“Khawngaihin keimah vang chuan buaina insiam lul suh. Eng thil mah i tawrh ka duh lo a nia, min tiam rawh,” ka tih chuan a ngawi leh vang vang a. “Ka tiam a che,” a ti ve ta nge nge.



A thutiam chu a ṭul a nih chuan a bawhchhe hreh lo ang tih ka hria. Matteo kut a thlak tawh bawk a, thil ṭha lo thleng dawn tlata hriatna ka nei.



“Naktuk Brasci nen in inhmuh zawhah min rawn bia ang che. Mi rawn be vat lo a nih chuan ka ầ thei hial ang. Chuan, i chungah eng thil mah tih tir suh ang che. Khawih tur chein eng dikna mah a nei lo. A kutzungṭang pakhat pawh khan a hnaih che a nih pawhin ka that em em ang. Nilo, mitmeng verther taka a melh ringawt che a nih pawhin a dam chhuak chuang lo ang.”



“Buaina i insiam chawp lo ang tih chu i chiang chiah a maw?” fiam titih chuan ka ti a. A insawi thinrim mai dawn tih ka hria a, boruak ka tih zangkhai a ngai.



“Ka lo tum ang. Mahse naktukah min rawn be vat lo a nih chuan ka puak keh ngei ang,” a ti leh hram a.



Thil hote te sawi lehin phone chu kan dah ta a. Muangchanga khum lam panin ka mu leh thlawp a. Romero chuan min phatsan mai a tum lo tih ka hriat chuan ka thawveng huai a, mahse atthlak takin a che duh mai ang tih hriatna chuan min tihlauhthawng viau tho.



Luca hian Romero hi a ngainain a duhsak tih pawh ka hria, mahse Capo a nihna angin a naute chu dan hmanga a enkawl a ngai tho si. Romero hian Familia mualphona turin thil a tih vaih chuan, Luca pawhin hremna a pe lo thei dawn lo. Chu chu ka thlen tir thei lo a ni.
Darkar hnih bak ka mu leh ta miah lo.


Chicago a ka zan hmasa ber chu ka khua a har dawn tih hre sa mah ila, ka thu hriat kha chu ka beisei hauh loh thil a ni. A tuk ka tho chu ka mit hnuai a val kalh mai a, hetianga dang var pap hian min hmu se Brasci pawhin min neih duh loh phah maithei a sin.



Jeans leh t-shirt var hain inhnuaiah chuan ka chhuk a. Fabi leh ka pa chu breakfast eiin an lo ṭhu der tawh. Ka awm loh chhung khan hetiang hian dawhkan kilin, chaw an ei dun ziah ṭhin a ngem tihte chu ka ngaihtuah mai mai a.



Fabi ep zawnga ṭhut pah chuan, “Engtik aṭangin nge hetianga hma hian i thawh ṭhin a?” tiin ka fiam zauh a.



“School a kal tawh loh vangin a teihawi mai mai thei ta tihna a ni hleinem,” ka pa chuan a lo ti vat a. Fabi chuan a thlenga thei awmte chu a fork ken lai chuan a vit sawk sawk a, a thil eitur chu ka pa ni zawk se a tite pawh a ni mah na.




“Member puitlingah i la lut tawh dawn em ni?” ka tih chuan ngawi rengin a coffee no chu dawhkanah a nghat leh te te a.



“Chu chu i lo buaina tur a ni lo tih i hrechiang a lawm,” a ti hmak. Kei erawh chuan dawhkan hnuaiah kut ka lo hum ruh hle thung. Ka ṭawng chhuak leh tur chu ka hrawk chu hnawhtu awm ang mai a ni leh tawh. Aw ka thian leh te te a.




“Engtikah nge Brasci leh a fanute chu an lo thlen dawn?”




“Dar ruk velah. Zanriah kan kil ho dawn ka tih tawh kha.” Min zim san chuan min en a.



“I thawmhnaw hak lai kha chu i thlak ka beisei. I kawrfual neih zinga nalh ber ha la, i sam kha thlah ang che. Chu chu Benito duh zawng tak a ni bawk.”




Sawi mai tur hre lo chuan ka khap sak sak a. Fabi chuan a fork ken lai chu ri bawl khawpin a thlengah chuan a thlauh a.




“Chuan i chaw kha ei rawh. Zanin hi a pawimawh a, nikhaw hre lo a i tluk ka duh dawn hauh lo a nia.”




Ka pa chuan lawm loh hmel tak chuan a ti leh a. Ngawi rengin ka thlenga eitur awmte chu ka ei a, mahse ka lem thei dawn em tih phei chu ka hre hauh lo thung.




“I chaw kha thai let mai mai loin ei rawh, Liliana. Phiansen che hian!”



“Awm tir mai mai rawh.” Fabi chuan a lo ti ve ṭhat a. Ka pa nen chuan kan ṭhu ngil zawt.




“Engtin maw i tih a?” ka pa chuan thinrim takin a ti a. A aw hlauhawm lutuk chu ka mur sung sung thei.




Fabi chuan a melh let ve ran a, mahse mit lasawn hmasa zawkah a ṭang ta.




“Tinge i awm tir ve mai mai loh? I biak dan kha ka huat zawng tak a ni.”




“Min sawisel theihna pakhatmah i nei lo, Fabiano. I hmui kha chip zir ang che, a nih loh chuan Outfit member i nih hunah i chung a pik hle ang tih hria ang che. I hrethiam em?”




Fabi chu a bu nghut a. Mahse a hmelah chuan a thinrim zia chu a lang reng.
Ka thlenga eitur awmte chu a tuina hre miah lo mah ila ka lem zo ve thei mai. Ka pa chuan a bula chanchinbu chu lain a chhiar zui ta daih a. Fabi nen chuan kan ngawi reng a, sawi leh tur chuang lah kan nei hek lo.




Nikum Christmas party-a ka hak tawh kawrfual chu ka thlang a. Ka kawrfual dangte aiin ka taksa a khuhbo tam vanga thlang mai chauh ka ni. A nghawng a sangin a ban pawh chuan ka kiu a khuh a. Ka pa sawi ang khan ka sam pawh ka thlah mawl tawp, Benito it zawng ka ni ang tih chu ka hlauh ber a ni. Ka pa khan ka pheikhawk bun tur a sawi tel lo bawk a, pheikhawk flat tawp ka bun thung.




“Liliana, eng em em nge i tih a? Kan mikhualte pawh an lo thleng ṭep tawh ang. Lo chhuk vat rawh,” inhnuai aṭang chuan a rawn ri ṭeng chhuai a.



Thaw la leh vang vangin ka room aṭang chuan ka chhuak a. Engkim a ṭha vek mai ang, vawiin hi ka tuar chhuak ang. Ka awm zel dan tur chu Romero kutah a innghat tawh ang. Engemaw a ti em em ang tih ka hria.
Engkim a ṭha vek mai ang ti a inhrilh nawn mawlh mawlh chung chuan, inhnuai lam chu ka pan a. Mahse ka hrawk chu a ro sa hulh hulh mai. Fabi chu suit dumpawl hain, tie a lo suih fel at a. A hmelah chuan hlimna leh phurna engmah hmuh tur a awm lo.




Ka pa pawh chuan suit dum a ha a, mahse ani chu a tih dan pangngai ve reng a ni. Ka thawmhnaw hak chu ngun fein a lo melh kual a.



“Khatiang lo deuh kha ha la ṭha tur a nia. Mahse a pawi lo e, inthlakna hun a awm tawh lo,” a lo ti hmuk a.




Ngawi rengin kailawnah chuan ka chhuk zel a, thinurna leh lungawi lohna chuan min hnawh leh ut ut tawh. Ṭawng chhuah ka tum lai tak chuan door bell a lo ri a, ka sawi duh chu sawi hman vaih ila chuan ka hmaiah ka pa hian a beng ngei ngei ang tih ka hria.




Kawngka hawng tura a pen sawn hmain ka pa chuan Fabi nen min melh leh te te a. Buaina siam lo turin min warning tihna a ni. Kailawn vawnban chu nghet zetin ka hmer ngawt ngawt ringawt.




“Benito, kan in hmu chu a lawmawm hle mai. Lo lut rawh, lo lut rawh. Zanriah pawh kan peih tawh a nia, i chawhmeh duhzawng tak ka siam tir a, kan ei ṭeuh dawn nia.” Ka pa chuan phur tih hriat zetin a ti lang lang a.




Kailawnah chuan tlanchho lehin, ka pindana biru daih lo tur chuan ka inthunun hram hram a ni. Hmeichhe naupang ka ni tawh lo a, hetiang thil hi chu ka hmachhawn thei em em ang. Tichuan ka pa bulah inneihna ṭhulh turin ka ngen bawk anga, tihdan kawng chu a awm ngei tur a ni. Mahse ka thusawi chu pawm lo ta se engtin nge ni zel ang?




Kailawn tawp ber chu rap thlain, Fabi bulah chuan ka ding a. Brasci leh a fanu pawh an lo lut ve mek bawk. Ka pasal ni mai tur ka hmuh rual chuan ka thaw a tawp hmiah. He pa hi ka nei thei lo, a rapin min rap tlat.




A cherin a sang bawk a, a sam ṭuak ve deuh tawh chu ka pa ang thoin hnunglamah a khuih pial vek. Mahse ka pa ang lo takin a sam chu a tla kawlh tawh a niang, a lu lei pawh a lang rul thei. A vun chu nisa em un ni hauh loin a sen uk kharh a, mahse a lem tih hai rual a ni lo. A lang tarin, ka pa aiin a upa daih tih chu hrilh chawp kher ka ngai lo. Min rawn melhin a kiai suk suk bawk.




CHAPTER - 40



Benito min melhna chuan ka thawmhnaw hak chhanah chuan, ka taksa lawng chu a hmu tlang thei ni maiin ka hria. A ta niawm tak chuan min melh kual a, ka ṭim sung sung thei.




Ka mit chu lasawnin, a bula hmeichhe ding chu ka en ta daih a. Kei ai chuan a upa hret tih ka hria a, a hmelah chuan hlauhna leh beidawnna ka hmu thei a. Ani pawh chuan a chunga thil thleng mek hi pumpelh a duh takzet tih hai theih a ni lo. Min rawn melh let ve ngar a, a mi melh dan chuan ka awm a ti nuam lo deuh tlat. He thilah hian min dem deuh zawk emawni le? Mahse ka dem hauh lo. Kan chunga thil thleng mek hi a rapthlak em a ni.




Ka pa chuan an bula ding ve tur chuan min rawn hui a. Ka kawchhunga awmte leh ka thazamte chuan kal lo turin min au lawm lawm mah se, ka hnial thei si lo. An dinna lam pan chuan ka pen chhet chhet a, ka hnung deuhah Fabi pawhin min rawn zui ve nghal.




An bul ka thlen rual chuan ka pa chuan ka kawngah a lo vuan vat a. Nui sang chungin, “Hei hi ka fanu, Liliana a nih hi,” a ti a.




Benito chuan kut a rawn phar chhuak a, mahse a mit chuan min it tih hriat zetin min melh ran thung. Engtin mah min ti lemlo mah se, min melh dan chuan ka awm a tinuam thei lo.



“Kan in hmu chu a lawmawm e,” tih pah chuan min rawn hnaih a. Ka bianga min fawh tum chuan a rawn kun nghal du bawk. Ka khawng nghal at a, mahse ka nemsawn ta bik em lo. Nemsawn ngat ila chuan ka pa hian min that duh hial ang.




“Chuan, Fabiano chibai le.” Tih pah chuan nui sangin ka nau chu a en a, a nui hmelah erawh chuan khakna ka hmu tel. Ka nauin a melh dan chu a lawm viau bik lo a nih hmel.




Benito chuan a hnunga ding a fanu chu a hui zauh a. “Hei hi ka fanu, Maria a nih hi,” a ti a. Ka pa pawh chuan a biangah a fawh sak ve bawk.




Ka luak lo chauh. Maria chuan min rawn melh leh a, a awmdan chu ka hrethiam lutuk. Mahse ka pa chu enin a nui ta sak mai. A nui lem zet chu hre reng mah ila, ka pa ve thung chu a lo hlim hmel viau. A hmelah chuan tifuh intihna leh, awm pho laha a hawi chu ka hmu reng.




Ka pa chu dining room lam hawiin a bu nghut a. “Chaw ei phawt ang u. Chumi zawh chuan kan la titi ho dawn nia,” a ti a.




Ka pa chuan Maria vawn theih turin a kut a phar chhuak a, ani pawh chuan phun nawi miah loin a lo chelh sak ve mai bawk a. Benito ve thung chuan a kut min pe loin, ka kawngah a rawn kuah a. A kut chu ben sawn sak duh viau mah ila, thil tih chi a ni si lo, ka dawh ve ta mai mai a. Mahse ka nui lui thei ngang lo.




Dining room-ah chuan lutin, dawhkan kil chuan kan ṭhu ṭhap a. Benito kuahna lak aṭanga ka inla hrang thei chu ka thaw huai a, ka lawm hle bawk. Mahse ka bulah a la ṭhu tho. Ka pa leh Benito-te chu eng engemaw sawiin an titi a, Maria nen chuan tih mai tur pawh hre loin kan ṭhu ngawi ta ran mai. Kan pate ve ve an ṭhut ve reng vang chuan engmah sawina chi lah a ni si lo. Thil dang ngaihtuah daih chu duh viau mah ila, kan bula putar pahnih ṭhute cigar khu luih luih chuan ka thluak a tibuai tlat. New York-ah Romero bula awm leh theih vat vat chu ka chak em em tawh a ni mai.




“Nula pahnihte kha sofa hunna lamah sawn in lo va ṭhu rih dawn em ni? Thil engemaw sawi dun tur kan nei tlat.” Ka pain a tih takah chuan ka ngaihtuahna aṭang chuan ka harh zawk a.




Ka ṭhutna a ṭang chuan thoin Maria nen chuan kan inzui chhuak a. Ṭhu dun ran chung chuan sawi tur kan hre lo dun aniang kan ngawi reng. Ka aw thian kharh kharhin ka ṭawng chhuak ta hram a.




“A mak i ti ve em? Kan pate ve vein kan pasal neih dan tur an sawi dun a, keini lah ti hian kan ṭhu dun ta ran mai chu a nia.” Maria chuan ngun zetin min en leh te te a.




“Kan tana ṭha ber tur an ngaihtuah vang a lawm.” Ka nui chhuak lo chauh. Ka bula ṭhu hi vaki ṭawngtheite pawh a angin ka hria.
A pa khan sawi tur chin a hrilh thlap emawni zawk le?




“Chu chu i ring tak tak em? I pa rual zet tur pasalah i nei dawn a, chu chu i tan thil ṭha ber tur engtin nge a nih theih?”




Min chhan hmain kan pate ṭhutna lam chu a melh leh te te a. Inthunun thei tak a ni tih chu ka hriat theih chin a ni rih mai. A fimkhur lutuk chuan ka ngaihte pawh a ti ṭha lo rum rum. A pa hi a sual viau nge, kutthlak a hrat viau zawk niang aw?




“Consigliere (adviser kan tih ang hi a nia, mafia bikin an sawi dan) nupui ka ni dawn a, chu chu ka tan thil ṭha tak a nia lawm,” a tih leh chuan ka beidawng ve ta. A rilru tak tak min hrilh lo tih hre mah ila, a thluak hi an suk sak hnehsawh lutuk a a fim tawh lo ni berin ka hria.




“Ni e, chu chu hlawhtlinna diktak a lawm,” tiin ka ngaihdan ni miah loin ka ti ve ta mai a.



Hlauh a nei a, titi puiin awmzia a nei lo tih ka hriat tawh vang a ni. Mahse ka thusawi chu ngaihtuah awm pawhin a awm chuang lo. Kan pate pahnih ṭhutna lam chu a melh leh daih tawh.




Ka pa chu rawn kalin, “Liliana, Benito nen lo titi dun ula, keini pawh Maria nen hian kan lo inbe ve ang e,” a ti a. Ka thil duh loh ber chu a thleng ta.




Ka lam pana Benito lo phei chu thinphu dawt dawt chungin ka lo en reng a. Khawiah nge min hruai ang? He putar nen chauha awm hi ka duh hleinem.




Ka pa leh Maria-te chu dining room-ah chuan an in zui lut a, Benito chu ka bulah a rawn ṭhu ve nghal bawk. Pindan chhunga min hruai lut daih lo chu thawk huaina tham a ni tawh reng reng.




Min si cheta ṭhu ni lo mah se ka duh ai chuan min la hnaih tho. A thaw rim, cigar rim nam rum rum pawh chu ka hre pha a, a khup ruh hmel zet pawh chuan min si lek lek. Ka boruak hip turte chu a hip zo vek ni maiin ka hria. Kei hi ka talbuai mai dawn tihna em ni?
Innei ta ila, engtin nge ka awm ang le? Tun ang ringawt hi chuan ka bulah a ṭhu hle hle dawn miah si lo a.




Ka hma lam chu ding takin ka melh ran a, mahse enge tih tur leh sawi tur ka hre der bawk si lo. Ka bula ṭhu lah chuan min en reng mai bawk si.




“Hmeichhe duhawm tak i ni.” Tih pah chuan ka kut chu la kangin a fawp a.



Chet ngaihna ka la hre chuang lo. Ka awm ngai chuan ka awm hle hle ringawt. A hmuiin ka vun a tawh laite chuan thih daih ka duh a. Kut infawh sak hi chu kan tih dan pangngai a ni a, party kan kal apiangin mipa hrang hrangin ka kut hi an lo fawp tawh ṭhin. Mahse tun ṭum hi chu a dan a dang tlat, a hrehawm ngawih ngawih ti ila a dik ber ang.




“Ka lawm e,” ka ti chhuak hraih a.



“Kan inneih ni tur kha i pain a hrilh tawh che em?”



A ni tur thlengin an lo ruat fel vek tawh maw? Nimin khan pasal ka nei dawn tih ka hre ve chauh a, tunah lah a ni tur thlengin ruatfel sa vek a ni tawh tih ka hre leh a nia. Ngawi rengin lu ka thing ta ringawt a.




“Kar li hun kan la nei. October ni 20-ah a nia. I pa hian tihfel vat vat a duh a, ka remti ve ta mai a nih kha. Tun aṭanga karhnih a liam hnuah Maria nen an innei ve thung ang.”




Ka en tawp. Chutah ka pa, Maria bula lo nui sung chu ka melh leh kawk a. Tunah hian luak thei reng dinhmunah ka ding.




“Liliana, ka thusawi chu i hria em?” A aw aṭang chuan a dawhtheihna a pan tawh hle tih ka hre thei. A mitmeng lah chuan mi rap deuh tlat a, ka khur der der thei.



“Ka tihpalh. Mak ka ti deuh a,” ka ti ta ringawt a.




Mak ti maw? Mak ti a? Ka awm dan hi mak ti tih hian a sawifiah zo lo a, sawifiah dan lah ka hre der lo. Romero chuan ka pa rilru thlak leh turin engtin nge a hmin theih tak ang? A theih loh, thil theih a ni lo. Kei hi mi ầ nileng ka ni lo a, ka pa hian Romero nena kan inneih a phal ngai dawn lo. Maria a duh vangin leh, nupuia a neih theih nan kei hi sum loin min hralh ta a ni. Nilo, a hmeichhe duh chu a fanu nen a thleng zawk a ni.


A van sei mah2 thin tak emmmm...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 1:49 pm

CHAPTER - 41



Benito chu a nui suk a, mahse a landan a tihlauhawm zual sawt. Ka suangtuahna mai mai a ni em pawh ka hrethiam tawh hek lo.




“In buatsaihna hun ngah lo viau mah ila, min lawmpuitu tur an tam a nia. Inneihna ropui ber leh ruai tui ber a ni ngei ngei ang tih ka chiang a lawm. Zam reng reng suh,” a tih leh phei chuan au chhuah vak mai ka duh. Mahse ngaihtuah mumal nei lo fe chuan ka bu ve nghut tho.




Engkim mai chu mak ka tiin, ka thu hriatte chu lo dawnsawn ngaihna pawh ka hre lo a ni ber mai. Kei hi ka thi tawh zawk pawh a ni maithei.




Benito chuan kan mi sawm turte leh ruai chungchangte a sawi a, a lawm dan turte pawh chu a sawiin ka hria. Mahse kei chuan Romero chauh ka lo ngaihtuah thung. Putara chuan ka khupa a rawn khawih takah chuan ka phu zawk a, ka suangtuahna khawvel aṭang chuan ka harh zawk mai.




“I va phu nasa ve,” a ti nghut a. A kut chu ka khupah a la dah reng tho.




“Ṭha taka in inkawm thei chu ka lawm hle mai.” Ka pa aw chuan a rawn ti a.




Kan ṭhutna lama a lo phei lai pawh chu ka lo hmu miah lo. A hnungah Maria chuan a rawn zui ve bawk. Uiin a pu a zui dat datte pawh a ang deuh a lawm le.




Tun ang em em a ka pa ka hmuh vanga ka lawm chu a la awm kher lo ang. Benito chuan ka khup aṭangin a kut a laksawn phah a, ka insum theihna ka hloh hmain ka kalsawn vat a ngai.




Vanneih thlak takin Benito leh a fanute chu an haw har ta lo e. Kawngka a khar fel hnu chuan ka pa hmelah chuan a lungawi zia hai rual a ni lo. Ka lam hawi chuan a rawn inher a, a nui var var mai.




“Khatiang khan min en suh. Benito hi mi pawimawh tak a ni a, kan captain tamtakte zinga hmingṭha ber a nih bakah, sipai tamtak a nei bawk. Kan lamṭanga kan siam thei hi kan vannei a sin,” a ti a. Ka hmel landan tur chu ngaihtuah ngaihna pawh ka hre lo ve a.




“New York-ah ka thlawk kir leh thei a ngem? Chuan, Aria nen mo thuam lei turin kan bazar thei a nga,” ka ti a. Gianna hming chu ka sawi lang ve kher duh lo. Ka pa thinrimna tur siam sak hun a ni lo tih ka hria. Tlanbona ka zawng tih phei chu a hriat ka duh lo hrim hrim.




Ka pa chu a lo nui mai a. “Hetah pawh i bazar thei reng a lawm. Chicago hi i chhuahsan tawh dawn lo. Hetah hian tih tur tamtak a awm dawn a, thil atthlak tak i ti lo ang tih lah ka chiang hek lo. Ka hmuh phak lohah i awm tawh dawn lo. Gianna nen khan in inchhun fuh hle tih ka hai bik lo, eng harsatna mah i siam dawn lo. Benito hi pasalah i nei ang,” a ti leh a. Chu chu thu tawp a ni tih hrilh nawn ka ngai lo.




Ka pindana ka let leh hnu chuan kut khur dar darin Romero number chu ka hmet chhuak a. Vawikhat a ri hman chauh tihah a lo la vat.




“I ṭha em?” a ti nghal a.




“Kar li hnuah pasal ka nei dawn.”




“Phiangsen hian!” Romero chu a phun hluk a.




Thil engemaw a hnek niin ka hira, ri dawp ka hriat theih bakah thil keh riin a zui nghal. Romero hi mahni inthunun thei tak a ni ṭhin a, mahse a thinrim chuan khua a lo hmu vak bik lo a nih hmel.




“I pa kha a thluak a buai tawh a nih kha. Inneihna chu ka thlen tir hauh lo ang. Tunge a nih ka ngaihtuah lo, a ṭul ṭul ka ti mai ang.”




“Khawngaihin in bengdai teh.”




Keimah vanga chutiang taka a thinrim chu lawm ru viau mah ila, a chet dan leh thusawi chuan ka rilru a ti nuam lo tlat.




“Engtin nge hahdam hmel zet khan i awm theih, Lily? Thil thleng mek hi i hrethiam lo zawk em ni?”




“Hre tehreng mai,” ka ti sap a. “Aria leh Luca enge an an? Tih theih an neih i ring em?”




“Ka hre bik lo. Tunah hian Aria leh i pa an inbe mek.”




“A ṭhat chu,” ka ti ve mai a. Mahse awmzia a nei dawn chuang lo tih hriatna ka nei tlat. Ka pa hmelah khan a tum chu a ti ngei dawn tih a lang reng tawh.




“New York-ah i lo zin leh theih i ring em?”




“Aih, ka pain Chicago ka chhuahsan a phal tawh lo. Pasal ka neih hma loh chuan a hmuh phakah ka awm tawh dawn.”




“Hrep tak hian! Luca ka lo bia anga, tih dan tur kan lo ngaihtuah ang.”




“Aw le,” ka ti sap a.




“Ka chan dawn lo che, Lily. Tumahin an tihnat che ka phal lo. Ka tiam che.”




“Ka hria a lawm.”




“Luca ka biak zawhah ka rawn call leh ang che.”




“Aw le,” ka ti mawl leh tawp.



Phone chu dahin, khumah chuan ka ṭhu hnawk a. Romero rawn call leh hma chuan engtia rei nge ka ṭhut pawh ka hre lo. Ka phone chu vawikhat a ri hman chauh tihah chuan ka la nghal a.




“Chuan?” ka ti nghal tawng.




Romero chu a thaw chhuak hawk a, engkim a tawp tih ka hrethiam mai. Ka thling thleng mai chuan lungngaihna chuan min luhchilh a. Ka Thawte chu a sak ta riau mai.




“I pa chuan inneihna buatsaih ngei a tum. Aria pawhin a theih tawp a chhuah ve bawk a, mahse Outfit chak lohna tur zawng niin a puh a, a thinrim khawp mai. He thilah hian a inrawlh lui a nih chuan, i pa khan Dante a bia anga, New York ho nena an inlaichinna pawh tih tawp vek a hnial lo.”




“A nih chuan he inneihna hi eng thil mahin a dang thei dawn lo tihna a nih chu.”




“Naktukah ka rawn thlawk chhuak anga, ka hruai chhuak ang che. I pa naute khan min dang zo hauh lo ang.”




“Chuan engtin?”




“Chuan tihdan tur chu a awm mai ang.”




“New York-ah khan kan kir leh thei dawn em ni? Luca khan min hum duh ang maw?”




Romero chu a ngawi vang vang a. “Luca chuan indona thlen tur chu a duh hauh lo ang. Kan mal ṭan dawn tihna a ni mai.”




“Chumi awmzia chu, Luca pawh kan hmelma a ni dawn tihna em ni?” ka tih chuan Romero chu a thaw hawk a.




“Lily kan thi lo ang. Kan dam chhuah theihna turin theih tawp ka chhuah dawn a lawm,” a ti a.




Ka ringhlel hauh lo, mahse kan chan rapthlak dan tur pawh ka hai hauh lo. Aria leh Gianna-te ka hmu leh ngai tawh dawn lo a, Fabi pawh. New York-ah emaw, Chicago-ah emaw pawh kan kir thei tawh dawn lo a, hlau reng rengin dam chhung hun kan hmang tawh ang.




“Aria kha ka be thei a ngem?”




“Thei e. Mahse enga tinge Lily? Tlanbo kha i duh emaw ka tia.”




“Duh ṭhin e………….ka duh a lawm. Mahse Familia kha i hmangaih a, Luca nen khan unau ang mai in ni. Ka tlanbo a nih chuan khang zawng zawng kha i chan vek dawn a sin.”




“Heng zawng zawng ai hian ka thlang zawk che.”




A ti tak tak em ka chiang ngam lo, a thinrim ṭawngkam mai mai pawh a ni thei tlat.




“Aria chu ka be lawk thei a ngem?”




Aw le, nakinah kan inbe leh dawn nia aw. A ṭha em?”




“Aw le,” ka ti a. Aria aw ka hre nghal.




CHAPTER - 42




“Awi Lily, a va han mangan thlak ve. I ṭha em?”




“Khuarkhurum mawng neilo a tla ang mai niin ka in hria,” ka ti a. Ka u a ni a, ka awmdan chu thup ka tum hran lo.




“I lamah ka ṭang a nia, Lily. Beidawng reng reng suh. Luca pawh a rilru thlak sak ngei tumin ka lo be leh dawn nia. Ka nau i ni a, dam chhung hun hrehawm taka i hmang tur kha ka duh lo. Luca hian min hmangaih a nih chuan a ṭanpui tur che a ni ringawt.”




“Indona thlen tir a duh lo a nih kha. Benito ka neih loh vangin Dante hian indona a puan duh tak tak i ring em?”




“Romero nen in tlanbo a nih chuan, ka pain Outfit lakah Familia a hel angin a zualko ngei anga, indona chu a thleng ngei ang. Dante leh Luca lahin an chakna leh thil tihtheihna show ngei a ngai dawn a, an naute pawhin chutiang tur chuan an beisei ngei ang. Kum tamtak lo inhmelmak tawh ṭhin an ni a, inneihna avangin thu thlung ve tawh bawk mah se, a rukin boruak a la sosang viau.”




“A nih leh Romero kha ama thuin min hruai chhuak turin lo kal ta se enge thleng ang, Luca khan engtin nge a ngaih ang?”




“Ka hre lo le. Chicago Outfit nena inremna thleng thei tur chuan engpawh tih a hreh ngai lo a. Romero hi ama thua hma a la a nih chuan Capo thuchhuak phatsantu a ni dawn tihna a ni a. Dan anga rorel turin Romero chu sa ang maiin a pel tawh ang…….,”a tawp lam chu a zawi hle tawh.





“Chuan a that anga,” ka lo tihzawm a.




“A ti thei dawn em ni? Romero hi a that thei dawn em ni?” ka tih zawm leh a.




“A tih theih ka ring lo. Mahse Outfit ho rorel turin an kutah pawh a pe maithei.”




“Outfit kutah a pe a nih chuan a thi dawn tihna a nih chu.”




“Luca chu ka lo bia ang. Min hmangaih a nih chuan chutiang thil chu a ti hauh lo ang. Gianna pawhin Matteo a lo be dawn a, kan ṭanpui ngei ngei ang che, Lily. Eng thil pawh tih ngai mah se kan pui tho ang che. Indona tih vel mai mai ka pawisa lo.”




“Fabi hi Outfit member a ni ṭep tawh a, Luca, Matteo leh Romero-te hi a beilet duh maithei. Mi tamtakin nunna an chan ngei dawn a, Chu tak chu Russian hoin remchangah lain thisen tam zawk pawh a luang thei.”




“He khawpui hi Russian ho kutah pawh awm se engatan mah ka ti lo. Sum duh vanga lalna inchuh mai mai an nih hi. Kei chuan kan hlim tlanna tur chiah ka ngaihtuah a, chu chu ka duh ber a ni bawk.”




“Mahse kan hlim thei dawn chuang em ni? Dante leh a naute hian Luca kha thah pawh an tum maithei a sin. A hmaa New York leh Chicago indo lai pawh khan a thlen tawh kha.”




Aria chu a ngawi reng a, Luca hi a hmangaih tih ka hria. “Chu chu a thleng lo ang,” a tih chuan, “I hre bik lo,” tiin ka lo hnial vat a, kan ngawi zui rauh rauh.




“Phone hi Romero pe leh turin min duh em?” Aria chuan a rawn ti a. “Aw,” ka lo ti ve mai. A ke pen ri chu ka hre thei a, Romero aw ka hre zui nghal.




“Aria nen khan engkim in sawi fel thei em?”




“Aw, thei e. Luca a lo be leh phawt dawn a.”




“A rilru a thlak lo ang. A thutlukna siam tawh a ding nghet tur a ni ve bawk a. Capo a ni tlat. Familia hi a ngaihtuah hmasa ber tur a ni reng a ni.”




“Kei chuan Familia kha ka ngaihtuah ve lo, mahse nangmah kha ka ngaihtuah ber che.”




“Kei chu min ngaihtuah suh. Benito Brasci laka ka chhanhim theihna tur che a nih phawt chuan, lawm takin ka thi mai ang.”




Chu chu ka hlauh ber a ni ta…




“Khatiang khan ṭawng suh. Ka nunna aiin i nunna kha a hlu zawk. Putar hi nei pawh ni ila ka thi dawn tihna a ni hleinem.”




“A nih chuan neih pawh i hnial leh ta lo tihna em ni?” Romero chuan a ti hrawk a, a aw pawh a vin lek lek.




A thinrim hle tih ka hria, a bulah awmin a thinrimna bengdaih sak theih chu ka chak takzet.




“A teuh lo mai. Mahse i nunna thapin engmah ti lo la ka duh a lawm.”




“Min ngaihtuah suh, Lily. Hetiang thil hi chu kan nuna bet tlat a lawm.” A tih chuan ka chhang lo. A thusawi hi a dik tih ka hria, mahse tun ṭum hi chu a dang tlat. Tichuan, kan tlanbo dan tur ruahmanna kimchang in hrilh leh tura intiamin kan in biakna chu kan ti tawp a.”




Phone kan dah hnu chuan ka hmaa bang var chu ka melh ngawt ngawt a. Engemaw chhanna hmuh tumte pawh ka ang viau ang. Ka hmangaihte chuan ka himna tur a nih chuan an nunna hial pawh an thap ngam a. Hmangaihna tello inneihna a ṭangin. Mahse chu chu enge a hlutna? Anni ho hi ka chan thei a sin. Romero kha pawisak nei lo leh engkim chan huam ang maiin a ṭawng a, mahse Familia a hmangaih zia ka hria. Familia chhungkaw zinga chhiar tel a ni thei hi a inchhuan phah hial ṭhin. Kei min tawn hma khan a hlim a, a chan tawkah hian a lungawi em em ṭhin a nih kha.




He inneihna pumpelh tur hian kei hi min pui a nih chuan engkim a chan dawn a, Luca lahin a pui thei dawn si lo. Dan anga chet a ngai dawn tih kan hre vek. Romero kut thlak a duh lo a nih pawhin, Outfit mi leh sa a ruk chhuak vangin Outfit rorel sak turin an kutah a pe ang. Aria pawh a pasal nen an inṭhen ang a, a hmain Gianna vangin a phatsan tawh a, Luca khan a lo ngaidam tawh a nih kha. Min ṭanpui duh vangin a pasal hi a phatsan leh a nih chuan a ngaidam nawn leh thei dawn em ni? Ka hlimna tur chauh ka ngaihtuah vangin ka hmangaihte nun hi ka tihchhiat sak vek thei dawn em ni?




Ka room kawngkhar chu a ri bur a, ka chhanna pawh nghak loin ka pa a lo pen lut nghal a. Keipawh chu ka lo ding chhuak nghal zawt. A hmel chu ṭo haw tur ang mai a ni.




“I u hnenah eng thu nge i sawi, engvangin nge Luca kha kan chhungkaw rorelah rawn inrawlh a tum? Anni pahnih khan ka rilru min thlak sak theih i lo beisei deuh em ni?”




“Min ngaihtuah vangin min ṭanpui an tum a nih kha.”




“Chu chu engatan mah ka ti lo!” a ti tuarh a.




“Benito hi i nei dawn a ni mai, chu chu thu tawp a ni,” a tih zawm leh hrawk.




“Ka nei thei lo ang,” luhlul tak chuan ka ti ve a.




“I thei a, i ti ngei bawk ang.”




“Nula thianghlim ka ni tawh lo. Chu chu midangin an hriata i mualpho i hlau a nih chuan Benito hi min neih tir suh.” Ka tukhum chu a hit nghal chum chum mai.



CHAPTER - 43




“Eng thu nge i sawi kha?” sehchilh nawk nawk chung chuan a ti a. Ngawi rengin ka melh ve kar. Ka pa chuan min thing nawk nawk a, ka khawhmuhte chu a phe ta ruai mai.




Fabi chu ka pindanah chuan a rawn tlan lut a. Ka pa nen chuan min rawn pawh hran a tum a, mahse ka pa chuan a lo nem per lawp. Fabi chu a tlu a, a hmelah chuan natna ka hmu thei.




“I pindanah kir leh nghal rawh, naupang. Tunah! A nih loh chuan i inchhir theih loh thlengin ka sawisa ang che.”




Ka ban bul, ka pa hmerna chu a na ngut ngut tawh. Fabi chu melhin ka bu nghat a, min chhuahsan turin ka duh. Keimah vanga buaina a tawh emaw, ka pa kut a tawrh emaw ka duh lo. Fabi chu a tho a, min kalsan a hreh tih ka hria. Mahse engmah sawi tawh loin a pindan pan tur chuan a tlan chhuak a.




Ka pa chu ka lam hawiin a rawn inher lehnghal a, thinrim luat vanga mit sen rum chung chuan min melh leh ta ngur mai. Ka lo ip chawih.




“Thudik sawi rawh,” a tih pawh chuan ka ṭawng chhuak mai thei lo.




Ka thusawi kha ka inchhir leh ta kher mai. Ka pa lah chuan min thah mai chak niawm takin min la melh ngur mai bawk si, ka hlau tak tak.




Ka hmaiah chuan min beng ṭhuai a, ka lu a hai chhawk thei. Ka banah bawk chuan rawn man lehin, “Tunge? Tu chuan nge mihurah lo chhuah che, sawi rawh. Familia mi leh sa a ni em? Tunge min hrilh rawh.”




Ka mittui vang chuan ka khawhmuh a phe ruai tawh a, mahse ka ṭap lo.




Ka pa hi thudik ka hrilh thei lo ang. “Aih,” ti chauhin ka chhang a. “Club a ka tawn a ni a, tunge a nih i hre dawn chuang lo.”




“I thusawi hi ka rin beisei hauh suh, mihurnu. Engmah a danglam phah dawn chuang lo bawk. Benito hi i nei dawn tih hria ang che. In inneih zanah hmeichhe thianghlim ang maiin na tuar angin i rak anga, Benito khan i thianghlim tawh lo tih a hre tur a ni lo. Ka hming i tichhia a nih chuan i taksaa ruh awm zawng zawng hi ka vaw tliak vek ang. Chu chu ka ti ngei bawk ang tih hria ang che.”




Min vawnna chu thlahin a tawlh hnung hret a, a mitmenga huatna mawlh chuan min tina.




“He inneihna hi pumpelh i tum a, i unaute ṭanpuina i lo dil leh a nih vaih chuan Familia leh Outfit inkarah indona a chhuak anga, ka kut ngei hian nang leh i ute pahnih pawh ka that ang. Chuan i tlangval tenawm zet pawh chu ka zawng chhuak anga, a nung chungin a vun ka lih sak ang. Chu chu i hrethiam em?”




Rang zetin ka lo bu nghat nghat. Ka pa hian min pawt sawm vek chak tih ka hria, luhlul chhuah hun lah a ni hek lo. Inherin ka pindan aṭang chuan a pen chhuak nghal a. Ka khur nghal dar dar.




Ka khup thate chu a zawi zo a, chhuatah chuan ka tlu hnawk. Engkim a tawp tawh a, ka nunna pawh hian awmzia a nei tawh lo. Benito ka neih duh loh vangin ka hmangaihte hi ka tawrh tir thei lo. Ka pa mitmenga huatna lang chhuak kha ka vawikhat hmuhna a ni a, a nung chungin min dawlh ta a nih hi!





Benito putara kha ka nei a nih chuan Outfit leh Familia-te hi an la thawk ho thei anga, Fabi leh midang zawngte pawh an him bawk ang. Engemaw changin ka unaute ka la hmu thei anga, Romero pawh Luca hnuaiah a la thawk thei dawn tihna a ni. Tichuan, keipawh min theihnghilh ve mai anga, hmeichhe dang tawngin nupui fanaute a la nei ve ngei ang a. A hlim leh thei mai ang.




Chuan kei ve hi??? Ka hlauh ang em em a hrehawm pawh a ni lo maithei a, Benito pawh hi ka la hrechiang hleinem. Pa ṭha tak pawh a lo ni maithei a sin. Hlimna tak tak pawh ka la tawng ngai chuang lo a, tawrhna leh lungngaihnate chu ka tan thil thar pawh an ni hleinem. Romero bulah khan ka thla a muang ṭhin a, nunna leh dam chhan neiin ka inhre ve ṭhin. Kha thil ka ti kha ka inchhir ngai lo a, ka damchhungin ka hre reng tawh ang. Thlan tur dang ka nei lo, midang tan nun ka hlan a ngai a ni. Maria pawhin a chunga thil thleng chu a pawm mai a, chutiang bawkin hmeichhe dangte pawhin. Keipawh hian ka pawm ve mai tur a ni. Ka hmangaihte himna turin.




Ka rilru ka siam fel hnu chuan ka hahdam huaiin ka hria. Mahse ka thinlung chhunga lungngaihna chuan min tina hle thung.
Khumah chuan mu ve bawk mah ila, ka mut erawh a chhuak hauh lo. Ka nu inchhir mitmeng chau zet kha ka ngaihtuah a, ka thih dawnah khatiang hmel kha ka pu ve a ngem le?




ROMERO:




Familia dan bawhchhiat hi ka ngaihtuah ang tih reng reng ka suangtuah chhin ngai lo. Mahse kha putar nei tur khan Lily hi ka thlah liam thei si lo. Lily hi ka ta a ni a, ka ta a nih reng theihna tur a nih chuan a ṭul apiang ka ti mai ang. Nimin khan nileng deuh thawin Luca khan min thlithlai a, khatianga ringhlel mitmeng khan min la en ngai lo. Min ring tawh miah lo tih ka hriatna hian min tina tih ka pawm a, mahse min ngaihtuah hle tih ka hriatna hian min tina leh zual. A thupek ka bawhchhia a, ka thutiam ngei pawh. Ka chhungte ai pawha ka hnaih zawkte tan phatsantu ka ni.




Zinga Aria leh Luca-te penthouse ka va thlen khan, Luca mitmengah khan min chần tawh nia a hriatna kha ka hai lo. Capo dang chu ni se, phatsantu angin hremna min pe ngai ngei ang. Chu chu thihna a ni bawk. Aria kha chuan min lo nuih lui sak a, mahse Luca chhuak tur khan a nupui kha a fawp miah lo. Kha kha thil ṭha lo tak a ni daih tawh.




Hun thawl ka neih veleh Lily chu ka call nghal a, mahse vawi 30 dawn ka call nawn hnu pawhin min chhang hauh lo. Aria chuan min lo ṭawng tlamuan vat a.




“Fabi leh ka pate nen chaw an ei ho pawh a ni maithei,” a tih vang chuan minute 20 vel ka nghak leh a, ka call leh ta. A la chhang lo fo a nih chuan flight ticket ka book anga, Chicago pan turin ka thlawk chhuak nghal ang. Vawithum a ring hnua chhanna ka dawn takah chuan ka thaw hawk thei.




“Khawiah nge i awm? Vawi tamtak ka rawn call che, i ṭha em?”




“Ka ṭha.” Rawn ti ve bawk mah se, a awah chuan thil diklo a awm tih ka hre thei.




Kan inkarah chuan thil engemaw min daidangtu awm tlata hriatna ka nei bawk a, enge hre chiah lo mah ila ka hriatna hi a dik ngei ka ring bawk.




“Zankhuain kan chet dan tur leh thil ṭha ber tur ka ngaihtuah a, a rang thei ang berin Chicago-ah khan rawn thlawk lut ila a ṭhat ber ka ring. Luca hian min ringhlel tih ka hria, a rang lama chet kan lak vat a ngai.”




“Chutiang chu a ṭhat ka ring lo.”




“Eng chu maw ṭha lo?” Fimkhur zet chuan a ti a.




“Tlanbo.”




“I unaute kalsan i hreh tih ka hria. Mahse Luca hian min pawm leh dawn tih ka hria a, Aria pawhin a rilru a thlak tir maithei bawk.”




“Nilo,” a rawn ti fiah fak a.




“Ka sawi awmzia chu……hetah rawn kal a, min hruai chhuak turin ka duh lo che. Hetah hian ka awm dawn.”




Ka thu hriat chu ka awih thei lo hial.




“Eng thu nge i sawi tak…..Benito putara kha i nei dawn a maw? I thusawi kha ka awih miah lo, i pa rual zet a nih kha.”




“Mahse mi pawimawh tak a ni a, sipai pawh tamtak a nei a sin.”




“Engtik aṭang khan nge chutiangte chu ilo ngaihven ve tak?”




“Ka ngaihven reng ṭhin a lawm. Hun hlimawm tak kan hmang dun a, mahse mawhphurhna hlen tur kan nei ve ve a lawm, Romero. Keini pahnih hian hma lam hun kan nei lo. Sipai i ni a, kei Consigiliere fanu. A chang chuan kan duh miah loh thil kan tih a ngaih chang a awm ṭhin. Chu chu nangpawhin i sawi kha.”




“I pa phiangsen khan i chungah eng thil nge a tih? Ka hriat ṭhin Lily kha i ni tawh lo.”




“Romero, khawngaihin. Harsatna min siam belh sak suh. Luca lakah mawhphurhna hlen tur i nei a, i thutiam kha bawhchhe turin ka duh lo che.”




“Ka thutiam kha ka ngai pawimawh lo.”




“Mahse i ngai pawimawh tur a ni,” a lo ti hriam hraih.




“Heta lo kal tur hian ka duh lo che. Kan inkara thil awm kha a tawp tawh, Romero. Kei chuan thil dik tih ka tum a, Benito hi ka nei dawn. Nangpawhin thil dik chu ti la, Luca thupek kha zawm rawh.”




CHAPTER - 44




Ka thin a rim thut a, “Chuan kan inkara thil thleng kha enge, nipui chawlh nawmchenna chauh maw? Sipai satliah mutpui chu enge a an reng reng a, a nuam i ti emaw chu?”




Lily thaw la ri kawk chu ka hre thei a, ka ṭawng dan ngeiawm lutuk chu ka inchhir lehnghal. Mahse ngaihdam dil erawh chu ka tum bau lo thung.




“Kan inbe zui thei tawh lo ang,” a ti chuai raih a. A ṭap em ni? A thaw leh hawk a.




“Thil thleng kha theihnghilh rawh,” a tih leh takah chuan ka thisente chu a so nghal bulh bulh mai.




“Lungngai suh, ka theihnghilh ngei ang,” tiin phone chu ka dah a.




“Fxxx!” ka phone chu bangah a darh nghal vek bawk.




Aria chu ka lam panin a rawn tlan vat a. Mangan hmel takin, “Eng thil nge thleng a, Lily chungchang a ni em?” a ti a.




“Brasci putara chu a nei dawn a nih chu.” Aria chu a khawng nghal lah a.




“Chu chu a sawi em ni?” a tih chuan ka lo bu nghat. Choka lam chu ka pan nghal a, coffee tak ngek ngawk ka mamawh. Aria chuan min rawn um dat dat a.




“Thil dang sawi a nei em?”




“Nei vak lo. Benito hi a tan a ṭha a, kan mawhphurhna ve ve kan hlen a ngai, tih vel a ni mai. Chupawh chu chhuanlam mai mai a ni. Hrep tak hian!”




“A ti tak tak thei lo ang, Romero. Lily hian a hmangaih che a sin. Kan himna tur a ngaihtuah vang a ni ngei ang.”




Aria thusawi chu a dik leh dik loh pawh ka hre thiam tawh lo. Min humhim a duh vanga ti pawh chu a ni maithei, mahse ka lungawi thei chuang lo. Familia tan hian ka nunna hial hlan pawh ka hnial lo ṭhin ngei a, thihna tur pawh nise ka thutiam ngei hi chu ka bawhchhe lo ang ka ti ṭhin a nih kha. Hmeichhe pakhat vangin chung zawng zawng chu kalsan ka huam a, keimah ngei pawh ka inphatsan ta a nih hi.




LILIANA :




Romero nen kan inbiak zawh aṭanga darkar chanve hnu velah chuan Aria call ka dawng a. Benito nei lo tura min hmin a la tum ta fan. Mahse keimah vangin Luca nen pawh an inhau der tawh a, ka hma ka sial vangin a hlimna ka tihchhiat sak thei lo. Benito hi ka nei anga, hlim taka awm ka tum ve mai tur a ni.




Hriat loh karin hun a liam ve zel a, Valentina nen mothuam leiin leh pangparte thlangin kan buai ve hle. Kan mi sawm pawimawh deuhte chu ka pa thupek a nih angin keimah ngeiin phone-in ka be hlawm a. Benito nen pawh vawihnih dang kan inhmu leh a, mahse kan pahnih chauha awmna hun kan la nei ngai lo hlauh chu ka lawmna tawk a tling viau. Ka buai lutuk a, a chang phei chuan ka pasal neihna tur ka buaipui tihte ka theihnghilh fo.




Ka pa nupui neih ni a thlen takah chuan ka hmabak chu hai der theih a ni ta lo. Ka thianghlim tawh lo tih ka hrilh hnu khan ka pa nen kan la inbe leh miah lo a, Benito leh midangte hmuhlai chuan an ngaihṭhat lohna turin eng thil mah kan tilang ngai lo.




Aria leh Luca-te chu ka pa ruai buatsaih kil ve tura sawm an ni a, Romero pawh a rawn tel ve ngei ang tihna a ni. Mahse ani chu rawn tel ve lo se ka ti hle mai. Ka hmuh duh loh vang a ni lo, ka hmu hreh em a ni. Ka thutlukna siamahte chuan min chhuahchhal ta se, hmaichhanah chuan ka hnar theih loh mai ka hlau a ni.




Gianna leh Matteo ve thung chu ka pasal neih ni a rawn tel ve tur chauha sawm an ni thung. Anni pahnih hi chu Chicago-ah hian lawm an ni lo tlat.




Vanneih thlak takin New York mikhualte chu biakinah an rawn tlang nghal a, an thlawhna an delay vang a ni tih ka hria. Chumi awmzia chu Romero nen hmaichhana inbiakna tur hun kan nei lo thei maithei tihna a ni.




Tlar hmasa berah ka ṭhu a, ka bulah Benito a ṭhu bawk a. Ka ngaihtheih loh turin min khawih bik lo chu ka lawm hle. Kan ṭhutna piah deuhah chuan Aria pawh hi a ṭhu ve tih ka hmu thei. Ka u ngei pawh hi ka bum a ngai a, ka neih duh miah loh pasal atan ka nei dawn tih a hre tur a ni lo.




Romero ṭhutna erawh ka hmu mai thei lo. Ani chu chhungkaw mi a ni ve lo a, tlar hnunglamah a ṭhute pawh a ni mahna.
Inneih hunserh kan hman zawh chuan a lawmna tur hmun, hotel pan chuan kan chhuak nghal a. Zanriah ei thleng chuan Romero ka la hmu miah lo. Chu chu ka duh ber mah nise ka lunghnur ru deuh tlat. Mahse Benito nen kan lam lai chuan pindan lehlama a ding lai chu ka va hmu a, min lo en reng bawk. Lam ve dangte chuan min hliah a, ka hmu zui thei ta lo.




Zahna leh mahni inthiam lohna chuan min tuam nghal hlup hlup a, Benito chu namsawn dawrh mai ka chak. Romero bulah chuan kalin, ka mamawh zia leh ngaih ziate chu hrilh vek mai ka duh. An hla play a tawp takah chuan chhuanlam siamin pawnah chhuah ka tum a. Boruak thar ka mamawh a, mahni chauha inngaihtuah ka duh bawk. Anih loh chuan ka inthunun theihna ka hloh mai ang.




Kawngka ka khar fel hnu chuan ka thaw chhuak hawk a, hotel hall way-ah ka awm tih ka hre nghal. Ka thawk dante pawh a zia ta deuh. Ka awmna chu a la him lo, washroom hmang zo lo kir leh hoin min la rawn hmu thei dawn tlat. Mahni chauha awm ka mamawh.
Ka hma lamah chuan kal zelin kawi hnih ka pelh hnu chuan, bang nghengin ka ding ta hle hle a. Nihnih hnu emaw lekah ka pasal neihna lawm a ni dawn a, thawpikna bawk chuan min rawn tuam leh hlup hlup tawh. Thaw la leh kawkin ka maimitchhing ta daih a. Ke pen ri khap khap ka hriat takah chuan ka meng nghal zawk a.





Romero lo ding reng chu ka hmu nghal. A mitmenga natna lang chhuak chung chuan min melh ngawih ngawih a. Ka hmangaihnate leh ka thlakhlelh ṭhinna, ka lo up beh reng tawhte chu thunun zawh rual lohin a rawn nung thar leh a. A suit dum hakte chuan mipa a nihna an tarlang chiang bik hle bawk.




“Hetah hian enge i rawn tih?” ka ti sap a.




“Khapa nena hmuh che kha ka duh lo. Thil dik a ni thei lo, chu chu nangpawhin i hria.”




A sawi dik. Ka hriatna thazam zawng zawngte hian Benito hlat turin min duh a, mahse chu chu Romero ka hrilh thei si lo. A rawn pen hnai hrat a, a mitmeng thim ran mai chuan min lem zo thei mai dawnin ka hria.




“Kan pahnih chauh hian a falin kan awm thei lo,” ka ti leh a. Mahse kalsawn chu ka tum bik chuang miah si lo. Ka thei a, mahse ka duh loh vang a ni.




Min rawn hnaih leh hret a, ka thinphu chu a rang tawh takzet. A na thei hialin ka hria. Kuah thlawp mai chu ka chak a, chu aia nasa chu mamawh ka nei. Mahse ka awmna ngaiah chuan ka awm reng a, chet pawh ka chesawn ngam tawh lo a ni ber zawk ang chu. Romero chu ka hmaah tak a rawn ding a, a ban lehlam chuan ka lu zawn bangah a in nem khalh bawk.




Zam zet chuan ka melh chho ve kar a, a mitmenga min mamawhna lang chhuak chu ka hmuh hmaih lo mai pawh ni loin, ka thisen zamte hian an hria.




“Kalsawn turin min duh em?”




Lily aw ti rawh. Ka pain min rawn hmu a nih chuan Romero hi a that nghal dawn a, ka hmangaih hi ka chan dawn tihna a ni.




CHAPTER - 45




Ka thaw chhuak halh a, Romero chu rawn kun hniamin min fawp ta. A hmuiin ka hmui a tawh rual chuan chhe ta vek ni maiin ka inhria. Ka inven vena tur leh, ka hmangaihte humhim tura ka inhlanna pawh chu a thlawkbo zo vek tawh. A samah ṭhamin, a hnungte chu ka chul kual ruai a. Ani pawh chu a duhthawh sawt kher mai.




Chutah zo zet chuan min pawm kang nawlh a, nghet de chuan ka lo kherh ber ve vat. Ka kawrfual hak chu a in hlim chho vek a, mahse pawisa thei ka ni tawh lo. Ani pawh chu a zauthau hle tih hai theih a ni lo. Ka kekawrte chhana min dotu chu ka hrechiang lutuk. Hei hi a ni ka ngaih chu, hei hi a ni ka mamawh chu.




Tuemaw a lo kal a nih chuan min hmu ngei ngei dawn tih ka rhia, mahse ka taksa chu ka thunun thei tawh si lo. Romero chuan bangah min nawrbet a, a kut lehlam chuan ka awm bawrte chu a ṭham tawn tawn a. Ka lo rum hak. Romero pawhin thawm a chhuah ve tho a, insum emaw, inthunun tumna kan nei tawh lo. Ka kapa min dotu pawh chu a nawr lui deuh salh salh bawk.




“Ka mamawh che,” ka ti tham ṭiak a. Rum nghut chungin a kut chu hnuai lamah a rawlh nghal a. Ka inpeih tawh zia a hriat rual chuan a ṭhen sak bawk.




“Hrep tak hian, Lily. Min mamawh takzet.” A ti a.




A aw pawh chu a khur thei hial. Chhang turin ka ṭawng chhuak thei tawh lo. A kut chu la chhuakin a kekawr zipper chu a hawng a. Ti vat vat tura lo tur mai ka duh hial. Condom chu seh hawngin, ka taksa lamah chuan a nem bet a. A mipatna zawk chu a rawn nawr lut thung. Ka rum chhuak ham ham a, mahse a ring lo. Kan awmna hmun chu ka hria a, thi leh dam kara leng kan ni tlat. A bula ka awm hian engkim hi a dik thlap ṭhin. Tinge hepa hi ka neih theih si loh?




“Ka ngai takzet che, Lily. Ka taksa leh ka hriatnate hian an mamawh che a sin.”




A sawi zawh rual chuan min fawp nghal bawrh bawrh a. Romero pawh chu a thaw huam huam mai. Mahse chu chu min tiphur zualtu mai a ni. Thawm pawh chu kan dim hlei thei tawh lo.




“Thawm kan dim a ngai a nia, Lily,” a ti sup a. Thawm thup tur chuan min fawp nghal bawk.




A nghawngah chuan nghet zetin ka lo kuah bet ve a, ani nen hian pumkhat kan ni a, ṭhen hran theih kan ni lo.




Kan zawh fel hnu chuan chesawn loin kan la inkuah hle hle a. Kan thaw ri leh kan lungphu ri, inthum rawn tluk tluk ri lo chu thawm dang engmah hriat tur a awm lo. A rim pawh chiang takin ka hre thei a, ka hriat ṭhan em em kha a ni bawk. Ka maimitchhing a, hetiang hian kumkhuaa awm theih ka van chak tak em….




Hla deuh taka nui ri ka hriat takah chuan ka harh zawk a, ka hawi phawk nghal hra. Ka kuahna chu thlah dulin, Romero chuan leiah dimtein min nghat a. Ka kawrfual chu ka zut mar nghal sawk sawk a, a hmel pawh chu ka en ngam tawh lo. A condom chu phelhin, a piah deuha bawlhhlawh bawmah chuan a paih a. Ka bula a rawn din leh hnu pawh chuan tumah mah kan ṭawng chhuak mai lo. Ka mitsir chuan min rawn ban tih ka hmu thei a, ka lo tawlh hnung vat. Inti huaisen luiin a mitah tak ka melh let ve ngam ta.




“Tihsual palh a nih kha,” ka ti sap a.




Romero hmelah chuan mak tihmel ka hmu thei a, a ngaihna hriat loh hmel zet chuan min en hau. “Tihsual palh,” tiin a phun zui sup bawk.




“Benito nen kan innei ṭep tawh a, hetiang thil hi ti tur kan ni lo.”




Romero chu lungawi lo zetin a bu nghut a, inherin a kalsawn nghal. Um zui lo tur chuan ka inhum ruh hle ringawt. Ka inthunun theih hnu chuan washroom lam panin ka kal a, party-na hmuna ka kir leh hmain ka intihfai phawt a ngai. Anih loh chuan ka thil tih hretu an awm mai ka hlau a ni.




Vanneih thlak takin washroom-ah chuan tumah an awm lo hlauh. Darthlalanga ka in en chuan ka sam hnawk niai leh, ka biang la tai deuh hlar chu ka hmu thei a. Ka makeup-te pawh chu hnawih ṭhat a ngai. Ka hnung thlan dap chu ka hre thei a, chu aia buaithlak zawk chu ka mitmeng ber chu a ni. Tisa chakna avanga dava riai khan ngai a la awh thei tlat lo. Hlauhna leh thinrimna a lang tel bawk a, mahse tunah hian ṭap thei ka ni lo.




Ka tihtur angte ka tihfel hnua, washroom ka chhuahsan leh meuh chuan minute 20 lai a liam tawh. Tupawhin min hmu mah se thil engemaw a thleng tih an hre tawh hauh lo bawk ang. Mahse ka kawchhung lam erawh chu a la pangngai thei lo thung. Thlamuang takin Benito hi ka nei thei ang a, Romero pawh ka vei reng bik lo ang, tiin ka inthlamuan ṭhin kha a nia. Mahse chu chu a thleng ngai dawn lo tih ka hrechiang lutuk tawh.




Party-na hmuh ka luh rual chuan Luca ka hmu nghal a, lampui atan min lo sawm ve chiah. Lawmpui tura min sawn chhan a neih ka ringhlel hauh lo bawk. Lamtual ni si, lam dangte awm vak lohna lam chu min panpui a, zawi supin, “He inneihna hi kaltlangpui i la tum tho em ni? Romero nen khan in bo daih tih chu ka hriat loh ring suh,” a ti a.




“Aw, Benito hi ka nei dawn a lawm. Lungngai suh,” ka lo ti ve sap. Chutiang taka Luca a fimkhur pawh chu dem thei ka ni lo tih ka hria. New York-ah khan a mikhual ka ni a, a venhim tur ka ni bawk. Mahse a sipai zinga pakhat ka lo mutpui a, a hming pawh nasa takin ka tihchhiat sak a ni.




“Kumkhuaa in inneih a ngai dawn tihna a ni lo a nia.”




“Mahse ka pa hian inṭhen a remti teuh lo mai,” ka ti a. Ka pa hriatchian vanga sawi ka ni. Chutiang thil a thlen hma chuan min that duh ngei ngei dawn tih ka hria.




“Nupate hi inṭhenna chauhin a ṭhen hrang hleinem. Thihnate pawh a thleng ve ṭhin a nia.”




“Thi mai tur khawpa tar a la ni lo.” Ka tih chuan Luca chuan mithmul chuar nang chungin min lo en a.




“Thi tur chu an thi mai ṭhin a lawm,” a ti sam et a.




Benito hi that turin min ti tihna em ni?




“A nih chuan kan inneih hma hian a thi mai thei lo em ni?”




“Chutiang a nih chuan rinhlelh tur an nei dawn a sin. Thla tam nghah a ngai lo ang, min ring rawh. I hriat loh chhungin hun chu a liam zung zung mai ang.”




Luca hi rin ka duh. Mahse nikhat lek pawh Benito bula mut a, nupa nun hman chu hremhmun tluk zet a ni dawn si. Chu chu ka tan chatuan tluk a rei a ni bawk ang.




“Chutih hunah chuan Romero hian min duh tawh dawn hlei nem.”




Luca chu a ngawi ta daih a. Ka sawi dik tih a hria pawh a ni mahna. Thla engemaw zat mipa dang bula ka mut hnuah, engvangin nge Romero hian min la duh tehlul ang? Ka ngaihtuah zawng ringawt pawhin ka inten a nia, a tan phei chuan eng ang taka tenawm nge ka nih ang?




“Outfit mipate pawh hi an sual vek bik lo a nia, hlimna thar i chhar ngei ngei ang. Benito i nei tur hi thil diktak i ti a ni. Indona chhuak thei tur i venhim bakah, Romero nunna pawh i chhanhim sak tihna a ni. I huaisen takzet, Liliana,” a tih chuan ka bu nghat, mahse ka ṭah a chhuak hle.




Luca nen chuan kan dawhkan lamah kan kir leh tawh a, Aria chuan min biak tum viau mah se ka hel lui zel a. Min sawipui ngial tum mah se ka ṭawng ṭhat duh tlat loh vang chuan a beidawng ve ta a nih hmel.




Vawiin hi ka paltlang a ngai dawn a, ka pasal neihni pawh ka hmachhawn a ngai. Tichuan Luca sawi ang khan hlimna thar pawh chu ka chhar ve maithei a sin.




Pindan chhung chu ka melh kual a, ka zawn chu ka hmu ta. Min rawn en ve chiah lo mah se min hmu tih ka hria. Saw ngei saw ka hmangaih chu a ni, ka hmangaih lutuk hian min tina thei hial. A tello saw chuan engtikah mah ka hlim ngei dawn lo tih ka hrechiang em em bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)