EDWARD LALPEKHLUA BY Denna pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: EDWARD LALPEKHLUA BY C RALTE (Completed)

Unread post by Ngaia » September 5th, 2021, 2:27 pm

CHAPTER-13




CHRISTINA LALTLANMAWII POV





"in awmna piah a restaurant ah khan ka lo nghak ang che"
tiin phone chu a off zui vat, kal ka tum lo zet na in ka nu hriattir ve ka duh lo bawk nen thawm dim tak chuan ka chhuak a, nurse hnenah chuan lo en lawk mai turin ka ti a, a pawm ve mai bawk...





"Enge I sawi leh duh chu ka hmanhmawh viau a nia" a bulah dingin ka ti a, ngeiawm zet chuan a kiai suk ringawt, "han thu ve phawt la, keipawh in check up te ka la ngai sia ka hman rei bik lo"
intihtheih hmel fê a ti chung chuan a hma a tui awm chu a lem leh zeuh phawt a, "Kha hei la rawh" tiin ka hmaa chuan envelope hi a tawn dah a





"Enge hei hi" kut kuangkuah than chuan ka ti a, "Come on, thutak viau thin lo teh en la I hre mai dawn lawm"
a tih chuan ka en ve mai bawk, pawisa tam tham zet mai hi a chhungah chuan a lo awm a, Lydia-i chu ka melh vat, "A tlem I tih chuan ka pek belh thei reng che nia" a ti leh sep chu mak ti zet in ka melh haw ringawt..





"Hei hi enga tan nge" ka tih chuan ka hmaah tui no khat hi a rawn dah a, "ka thusawi hian a thawng lutuk palh ang che tui hi han in phawt teh" a tih chuan ka tho thurh a, "Ka hmanhmawh ka kal phawt mai ang Hetiang thu vel mai mai ngaithla hman ka ni lo" ti a kal mai ka tum chu a thu rawn sawi a vang chuan ka ding dat...





"Engmaw I sawi kha I va zak lo zawk ve" chang fak chuan ka ti a, kan bula awm ve ho te pawh chu an rawn hawi thup, "Kan inneih tep tawh tho a, I tan a awlsam zawk ang, chu bakah ka u nen in in kawp a ni lawm ni, Ed-a fa kha chhawm luh chu I tum em lo ang chu" a tih chuan a biangah ka beng nghal chawrh, "ngawi hmak rawh ka naute hi ka ti tla dawn reng reng lo chuan Hei hi lo hre rawh I duh phawt chuan Ed-a nen inneih rawh u ka tan engmah a ni lo" tiin ka chhuak nghal vat..





Tunah chuan ka rilru nat ai mahni ka thinrim na a zual zawk, huat ka tum apiang hian he thinlung a mah tina tu pawh hre hrang thiam lo hian a haw phal thei bawk si lo, thaw hawk chuan hospital lam chu ka pan a, "Chriss" rawn titu chu ka melh vat, "Engtikah nge in chhuah dawn" tih leh ka bula rawn ding a rual nghal, "naktukah aniang" ka ti ve mai bawk, "I rilru a va hah hmel ve" tiin min melh leh vung vung phawt a, ka nui tawi tak, "hah lo e khawi ah nge I kal dawn a" tiin thu dang ka sawi daih a, naupang te ang maiin a hmui a tipawrh nghal vak...





"thudang sawi tum daih suh, kha hei hi in rawh rilru hah damdawi anih hi" tiin ka hmaah chuan sting hi a rawn lek va va a, ka nui hawk, "Ka rilru a hah bawk lo, chubakah I hmuam hnu tunge in peih ang" uar fê a ka tih chuan a ner sak...ban vutin ka in ve mai bawk, a sawi ang deuh khan ka hahdam sawng sawng in ka hria...





"Khawiah maw I kal a" ka tih chuan mi a hmuh lawk tur thu a sawi ve mai bawk, ka nu amah chiah in ka kalsan bawk nen ka hmanhmawh thu sawiin ka kalsan vat a, a hmel ah hian engemaw zep ruk nei hmel hi a pu deuh reng mai in ka hria...tun thleng hian Lydia-i nen unau an nih thu a la sawi miah lo, ka hriat tawh vang hian sawi lan a tum kher lo te pawh a nih mahna, engpawh nise Lydia-i angin a rilru a la chhe lo tal a, Ed-a nen inthen tawh mah ila ka fa hi chu ka thlahthlam dawn reng reng lo, ka theih tawpin ka venghim zel ang...
*
*
*
*
"Helamah kan duh belh aw"
an rawn tih chuan ka tlan phei vat, eitur vel chu ka pe a, "I va buai ve" rawn titu chu melhin 'buai lo e'
ka ti ve mai, damdawin a kan chhuah hnu a tang kar hnih a liam ve leh der tawh ka dul pawh a puar ve at tawh... vanneih thlak takin thingpui dawrah hna ka hmu ve hlauh a, Vincent-a pawh hian a office a thawk tur pawh hian min sawm ve reng na in nuam ka ti chiah lo a, leh lamah ingaihzawng ang in mi thenkhat in min sawi sep sep reng bawk nen, chu mai bakah ka nu damdawiin awm man lah kha min pek sak luih tal bawk si, chutiang in hna ka lo thiam em em bawk lo nen a inthlahrun awm vel vek...





"Lo thu la enge I in duh" tiin a lam pan a ka kal phei chu ka pum rawn na thut vang chuan ka tray ken lai pawh chu ka thlauh nghal thuai, "I Tha em" tiin Vincent-a pawh chuan min rawn dawm vat,
ka khaw hmuh pawh a fiah lo tel tel, "ambulance call ru" ti ri chu ka hriat hnuhnung ber a ni, vawi leh khat ah a thim nghal vek...





"Enge a an a" ti thum dut ri vang chuan chiang lo zet in ka meng de de a, kawngkhar bulah chuan Ed-a leh nurse pakhat hi an lo inbe mial mial a, hetah enge a rawn tih ni, ka naute chu hrechhuak thutin ka dul chu ka en a, "ni lo nilo khawnge ka naute ka naute khawnge" tiin ka au nghal chiam chiam, Ed-a leh nurse pawh chu an rawn hawi vat,
"Khawnge ka naute, ka naute awmna sawi rawh u" mittui tla zawih zawih chuan ka ti a..





"I lemchan kha duh tawk rawh"
ti thawt tu chu mittui kar atangin ka melh ngawt ngawt, "engthu maw I sawi kha lemchan a" awih loh hmel fê chuan ka ti a, nurse chu chhuak turin a mitmei nghal zeuh, "He thil hi In tum lawk vek a ni lawm ni, ka fa khan enge tihsual a neih, kha I kawp pui pa nen khan hremna ka pe ngei ang che u" tih hrâwk pah chuan ten hmel zet hian min melh a,





A thusawi mal tin te chuan ka thin hi an vit sawk sawk maiin ka hria, min ring ber tur a ni sin, a thusawi in min thawn em avang chuan ngawi reng in ka melh tlawk tlawk,
"heng thil hi ka tih I ring a maw"
beidawn hmel zet chuan ka ti a,





"lem chan kual vel kha a ngai lo, kha I ngaihzawng pa vang khan a ni lawm ni nau tih tlakna damdawi pawh kha I ei, hrep chuan Laltlanmawi kha pa kha I hmangaih viau a nih te chuan engah nge I sawi mai loh, ka fa ti tla kher lo khan" a ti leh thawt chu tawng chhuak tur pawh ka awm tawh lo ka hrâwk te hi a na ut ut, Hetiang em em hian a ni maw min lo ring chhiat a.. Nau tih tlakna damdawi chu Engvang ngawt in nge maw ei se min tih le...





"Nau tihtlakna damdawi ei tur a min ngai a maw" tiin a mitah tak chuan ka melh a, ka fa tih tlak duh tu awmchhun chu mi pakhat chauh a awm, "ka fa ti tla duh tur khawpin ka mawl lo, a chhan I hriat loh chuan min mawhpuh ngawt thei lo" ka ti ve nghek, heng thil hi a nupui hual thil tih vek a nih thu sawi nghek mai ka duh rum rum, nge ni a hriat pui vek zawk keimah hi min mawhpuh an tum zawk...mawh puh ngawt dawn ila a tih lo ni lo ta se nizan khan Lydia-i nen kan inhmu ngei a, mahse enge thleng ka hre thei tawh miah lo....





"engvanga ti nge I nih sawi ta reng che" a tih leh hmuk, "min ring miah lo a ni tiraw" zawi sep chuan ka ti a, "Ka lo ring mah mah zawk che a ni" a tih leh nghut chu ka kut ka hum ruh ngawt ngawt, "Min ring ni la chuan Hetiang thil hi ka tih duh I ring miah lo ang" aw tham rat chuan ka ti a, "A nih chuan damdawi an ei luih tir che I tihna mi" ka thusawi awi loh hmel fe chuan a ti a, "he thil hi i nupui hual thil tih vek a nih hi" ka insum zo tawh lo chu ka ti nghal chiam,
"tu ka nupui hual midang mawhpuh tum hauh suh" a ti leht thawt chu rum theih tawp in ka melh run..




"I ngaih ang ang in ngai rawh"
ka ti let ve sak chu a kut a hum ruh nghek, tuna a hmel awmdan ah saw chuan min beng chawrh pawh ni se pawi tihna a neih hauh lo ang, thinrim tih hriat zet chuan a beka thisen te pawh chu a pawng talh talh, harsa tih hmel zet chuan a thaw leh hrâwk thin, tawng tuma a ang leh zeuh chu ka nutei rawn luh vang chuan a ngawi leh rih...





"ee Edward-a chu I va fel ve"
Nutei chuan a lo ti vat, min rawn melh leh chiah chu ka mittui tlak vang chuan hrilhhai hmel zet chuan min en a, "Mambawihi i thiam loh a ni lo a nia, hetiang thil hi chu a thleng ve chawk a lawm"





ka bula rawn thut pah chuan a ti a, kan sir a ipte zen a ding kur pa chu a lo ner sak, "hna khawih tur ka la nei sia ka kal phawt mai ange" tiin vawikhat pawh min rawn melh tawh lo chuan a chhuak zui nghal vat...





Lungawi suh engkim a tha leh vek mai ang I thiam loh a ni lo ti tu tur ber a ka rin khan engkim ka thiam loh ah a ngai vek a, ka rilru na tuam dam tur bera ka rinin kei ai a nupui hual a ring zawk a, ni e kum tam tak an inzui tawh a, keiai chuan a ring zawk ngei ang, nu a naute pawh venghim zo lo mi nep tak ka ni, ka chung a hetiang thil titu hi an thil tih man an la hmu ve khawp ang....




"Mambawih lungngai reng reng lo la, I thiam loh ani lo ania" kan ngawih reng hnu chuan nutei chuan a rawn ti a, ka mittui tla pawh chu hruk buai ka tum lo, ka naute vanga rilru na ka nih rual rualin kha tiang em em a min ring chhe thei khan min ti na mah zawk...




(a tawi tih ka hria kan exam zo tep tawh a min lo hrethiam hram hram ula, rawn dah loh tawp chu nuam ka ti chiah si lo a, dah loh ai aw, rawn comment leh theuh ula)

#Ads click na chang hre lo kan la awm a nih chuan a hnuaia milem khu click zeuh tur a nia, in lo click theuh dawn nia



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:27 pm

CHAPTER-14





"Christina Laltlanmawi" ka hnung lam atanga ring leng lawnga rawn au chiam chiam tu lam hawi chuan ka inher a, "Nangmaw engtik khan nge I rawn chhoh a"
tiin ka kuah nghal vat, "Tukin zing khan, surprise che ka duh a ka hrilh lo che a nih kha" a ti zui nghal mawlh mawlh, "u James-a a rawn chho ve lo mi" tiin a hnung vel chu kan melh kual dan dan a, "hawi kual vak vak suh a rawn chho ve lo, I va ngai bik ve" vui aw lek lek chuan a ti a, ka nui tlawn vel mai mai, zep lo ah chuan ka ngai ve det,





"ka ril a tam engmah ka la ei lo a nia, ka rawn chhoh manah min treat thei" tiin ka tawng hma hauh chuan dawr lam ah min kai phei nghal dawr dawr....





"Naute chungchang kha ka lo hria a, pawi ka tih pui khawp mai che"
a tih chuan ka nui tawi tak, ka taksa a chak vak loh a vangin karkhat damdawiinah ka awm leh a, vawikhat te mah Ed-a a rawn lang leh tawh lo, Vincent-a erawh nitin a rawn kal a, a rawn riak lo chauh, thian nih a tlin takzet, fiamthu a thawh peih bawk a, ka lung pawh a leng hman lo...





"Anih chuan Ed-a nen in inthen tihna em ni" a tih leh chuan ka bu nghut ringawt, "Chhe Pawnga mai mai chu le, I thiam loh pawh a ni tawp si lo, lo en rawh a chak lo khawp ang" ti nghek pah chuan a hmaa ei tur awm chu a hmawm nghal pawp a, ka nui chhuak hawk, patling thinrim chaw bar kuk kuk te pawh a ang lawm le...."Anih chuan enge tih I tum tak" min melh kur pah chuan a ti a, "Naktuk atang hna thar ka zawm ang, zirtirtu hna" ka ti ve mai bawk, hna lah hi a vang mai sia ka lo hrisel em em bawk si lo...ka thawhna te hi an fel hlauh zawk a....





"A mah hi a hrisel lo hle a, vanduai thlak takin fa a neih leh theihna hi 20% vel chauh a ni" doctor in a sawi kha ka bengah a la cham reng,nau tihtlakna damdawi an hmuh kha a chak em em a, ka taksa chak lo nen, min ei chhe hneh hle bawk, nau ka pai theih tawh loh tur thu doctor in a sawi khan min thawng em em a, ka naute ka Chan a, chumi hnuah ka hmangaih berin dawt a min puh in min kalsan a, chutah nau ka pai theih tawh lo tur thu ka hre zawm leh zat a, vanduai bik tur a piang hi kan lo awm tak tak Anih dawn hi, chhing khat mah chhing lo a Zan hun hman ral chang pawh ka nei fo, mahsela ka chhungte enkawl ka ngai tih ka hria, thil ngaihtuah ngut ngut ka ching thar mai bakah beidawng rum rum chang pawh ka nei thin..mahni nunna lak duh chang te pawh ka nei hial thin "I thil tawn en hian beidawng vawng vawng chang pawh I nei ang, mal ngawih ngawih ang khan in ngai lo la, hmangaihtu che kan la awm tih hi hria la, hringnunah hian hreawm tam tak paltlang tur kan la nei a






Chu thil chu tuar zo lo a, nunna Chan an awm fo bawk, nunna hlutzia hria la, hun harsa I tawh apiang in 'min ti chak tuah chuan engkim ka ti thei a ni' (Philippi 3:14) he thu hi theihnghilh lo a, chunglam a mi khian chakna a pe zel ang che, I nun kha hun liam tawh vang mai mai in tihchhiat tir suh" he thu hi Vincent'n min hrilh thin a, a dik viau bawk...nunna hi sum hmanga lei theih mai mai a nih loh zia ka hria,tuna dam a kan la awm te hi lawm ngawih ngawih tur kan ni...





"Engtin nge nau I chhiat theih reng reng a" a tih leh chuan ka unaunu a ni bawk a, a ni lo hrilh tur dang ka nei hek lo zep awm miah lo in thil thleng vel chu ka hrilh vek a,
"Lydia-i maw I tih kha ka hmuh hunah chuan a sam ka pawt kawlh vek ang" a ti nghek chu ka nui chhuak hawk, a ni hi chu a frank bawk a, "Engtin nge I tih dawn I zawng chhuak dawn em" tiin min melh kar a, ka bu nghut, ka naute min thah sak tu hi hlim taka a awm ka phal bik lo, Lydia-i nen khan kan inhmu hnuhnung ber a, a ni lo chu ringhlelh tur dang an awm lo...





"Sawi lai mek chuan kan mi tenawm pa chu" tihpah chuan a tho nghal thurh a, a pan ta mai, a thinrim inthunun zo lo thin hi a buaithlak tak zet, hmanhmawh zet chuan ka va kal phei a, ka va thleng chiah ti ah, Lydia-i sam chu a tham nghal chiah bawk, "I a mi a,min thlah nghal rawh, dear"
Ed-a chhan phut zet chuan a inla khawngaih thlak awm vel a, ka lo ner sak, "engthil phiangsen nge I tih kha, hethil hi I tih tir a ni tiraw"
ti thawt pah chuan min melh run, a hmel chu hlauhawm khawpin a chang, kan bula awm ve te ho pawh chuan hmuhnawm thlirin min thlir thup...





"Ka tih tir lo ni ta se engtin nge min tih I tum a" zâm map chuan ka ti let ve sak a, a kut a hum ruh nghek, "Mi tenawm nu ka uanunu fa I thah sak man hi I hmu dawn khawp" Mimi-i chuan chang fak chuan a ti a, "engthu maw I sawi kha, tual thattu a"
mak tih hmel zet chuan Lydia-i chuan an ti der kual vel a...





"I naute duh lo a I tih tlak hnuah kei hi mi rawn puh leh a i huaisen hle mai, lungngai suh ka u nen a dang in siam leh mai dawn nia, tunah pawh I pai leh tawh maithei a sin"
sawi Tha in ti chuan a nui lui sak bawk a, a bula ding run pa chu a inseh ru nghek, "Zawngi zahna I tlakchham pawn dawt sawi tal hi chu insum ve deuh teh" Mimi-i chuan a lo ti hluk...





"A tawk" Ed-a chuan ti thawt in Lydia-i banah chuan a vuan chawt a, "in lemchan kha duh tawk rawh u, finfiahna in nei a nih loh chuan tumah in pub ngawt thiang lo, finfiahna nen lo chuan ka hmaah hian rawn inlan leh tawh suh ang che" tawng zawi hle Mahse ka bengah chuan ring tak a ni, rum zet a min melh leh zawkin an kal zui nghal nal nal, chetna chang pawh ka hre tawh lo..





Tun thleng hian a thusawi mal khat lek paw'n a min la tinat zia hi hria selang chuan min ngaihnep leh chhawng ngawt ang chu, "Zawnga mai mai chu, I tha em"
tiin ka darah chuan a rawn vuan zeuh a, ka mittui tla chu ka hru nghal vat, Lydia-i hmaah kha tiang khan min ti a, keiai a thlang zawk tih chu a chiang reng, ka tah mai loh nan ka hmui hnuai ka pet fan fan...





"Lungngai suh I naute thattu chu kan zawng hmu em em ang"
a tih chuan dak chhuak in ka nui suk a, "kan haw tawh mai dawn mi" ka tih chuan a bu ve zeuh, a tha e a ni pawn hmalam a pan theih chuan ka theih ve lohna bik tur ka hre lo, phuba chu ka la ngei bawk ang...ka naute thattu hi ka chhuah hauh lo ang...





"Zanin chu leng chhuak ang u ka rawn haw lawm nan" chair chu pawt chhuakin a rawn thu thla nghal zat, "nizanah kan lawn tawh kha" tiin alu chu ka vel mial mial a, "kha te chu ka chhungte nen a nia tunah chuan ka thiante nen, please chuti lo chu ka be tawh miah lo ang che" kutkuang kuah than chuan a ti a, ka nuih zui hawm hawm...





Ka nu paw'n zia lam a pan chho ve mek zel a, keipawh primary school ah mi ai ka thawk rih a, kan khaw sak pawh a zia ang reng, Vincent-a hi a awm lo ang tih ka hlau ngawt mai, tuna hna ka hmuh pawh hi min sawi pui a nia, ka tan chuan vantirhkoh a ni ringawt....





"ka hman lo nutei a awm dawn bawk si lo tunge ka chhungte awmpui ang" ka tih chaun a ner nawng, "nu zaninah Chriss-i te nen kan leng chhuak lawk dawn a I phal tiraw kan rei miah lo ang"
ti leh ka nu bula kal a rual nghal..





He nu em em thin hi chu, "va kal ru Mahse rawn haw har lo ula"
ka nu pawh chuan a lo ti ve mai a,
"a ngai lo tu in nge awmpui ang che u, nidangah a ni mai" ka lo ti nghal vat, "a rei dawn hlei nem, chu bakah ngaihtuah awm kan nih tawh loh hi ka Tha deuh tawh bawk a, I pu lah ngaihtuah awm a ni lo bawk a, va kal rawh u" ka nu chuan a rawn ti leh a, "Mimi nidangah ti zawk ang" ka ti lui tal chu min melh rum teh e...





"keiman ka lo awmpui ang"
titu chu ka melh nghal vat, "Mahse nute I night dawn lo mi"
ka tih chuan a lu a thing nghut nghut, "damdawiin a tang a kan chhuah hnu hian pawn lamah I chhuak khat riau, va kal rawh u, va inti harh ve deuh rawh" nutei chuan a rawn ti a, ka bula mi lah chu a lawm nasa mai...





"Hey nang kha kan sawm ve che mi" inkawt a motor ngheng a lo ding pa bulah chuan ka ti a, a khi suk, "kei te chu compulsory lawm"
a tih chuan ka lo ner khum vak,
"in lo va inkawm ngeih hman ve, hei vang hi a nih dawn hi Vincent-a paw'n min lo biak that duh loh ni"
a tih chuan kan nui zui hawk hawk..






A thian tu tu emaw a sawm a keipawn Sangi ka sawm tel ve bawk a, Mahse an hna lam an buai vangin a rawn kal theih loh tur thu a sawi a, an hotel a tlak chhiat thu te kha a rawn sawi a, Ed-a pawh a rilru a hah ngawt ang, lawk tunah khan a hming kha ka sawi em ni, duh leh a rilru hah se, a rilru hah tuam dam tur in nachawkna lian pui a kiangah a awm reng a lawm, lo ngaihtuah ve vak tur pawh ka nilo...






"Va ngaihtuah ril awm ve" tih ri ah chuan ka rak that, ka ngaihtuahna pawh a thlawk chhuak hman tep a lawm, "Tinge hetah I awm daih a nuam I ti vak lo em ni" tiin ka sirah chuan a rawn ding a, a kut pahnih chuan railing a vuan nghal zat, a pian hi chu a dik maw le, leader jacket dum tak Tha zet a ha a, a hnuaiah T-shirt nghawng v a dum tho a ha leh a, hnuai lam pawh kekawr dum tho...





"Edward-a tiraw" a tih chuan ka melh haw, "enge I sawi awmzia"
ka tih chuan nui lui tih hriat zet chuan a kiai suk, "I ngaihtuah"
tiin hma lam chu a melh leh a, tuna kan party na hmun hi Vincent-a ta a ni a, thiante tan a inpe zo ka tih tawh kha, ngawi reng chuan hmalam chu a thlir vauh vauh a, thlasik a in tan dawn a, boruak pawh a vawt tawh viau...





"I naute thah sak tu che chu ka nau a ni chiah em" kan ngawih vang vang hnu chuan a rawn ti a, ka ngawi reng, a nau a thisen zawmpui ngei a ni a, sawi nuam chiah chu a ni lo ve a lawm, "Ka nau ni Mahse a thil tih sual man chu a hmu tur a ni" a ti leh hmuk a, Zanin hi a thutak riau..






"ihh englo ka la hre bik chiah lo Mahse a mah nen hian kan inhmu hnuhnung ber a, kan inhmu tum khan thingpui dawrah kan chawl a, chuan enge thleng ka hre tawh mai bik lo" inthlahrun zet chuan ka ti a, ka lam chu rawn hawiin nelawm deuh hian a rawn nui suk a, "A tawp thleng in ka pui ang che" ka dar tawn tawnah rawn vuan chung chuan a ti a, ka nui ve suk...






"Ka kuah thei che angem" a tih chuan ka melh haw, "Thian angin" a tih leh chuan ka bu ve nghut, thian ang bak in a ni lo, ka rilru chuan ka ti mawlh mawlh, min kuah chung chuan ka chhipah lu a nghat a, "lo intawng hma deuh I la a tha tur" zawi sep chuan a ti a, ka inla hrang vat, "a..IH..englo kan lut tawh mai dawn mi" tiin min chhan pawh nghak lo chuan ka lut nghal vat...thian pawh ni ila nuam ka ti chiah lo deuh ani...





"Mimi, Hei tho teh" a tho duh der lo engtik lai khan nge maw zu a lo in hman ni, "a in hnem viau em ni" a thiannu bulah chuan ka ti a, a bu zeuh, tiang te hi chuan ka pa'n a vaw duh mai ang, a van buaithlak tak, "tinge a"
Vincent-a chuan rawn tiin ka hma a mu thle bak bak chu a melh a,
"Ti hi chuan ka hruai haw thei dawn maw ni le" Ti ngaihna hre lo zet chuan ka melh a...






"Pawilo kan inah ka hruai haw mai ang"
ka ti leh ta nge nge, "I chhungte"
a tih chuan 'an hrethiam em em ang' ka lo ti nghal vat, "a nih chuan ka thlah dawn che u nia, midang ho hi chuan motor an keng deuh fur a" a tih chuan Mimi-i nen kan ni bawk sia ka hnial lem lo...





"Laltlanmawi mi mawl nu" Mimi-i chuan ring leng lawng hian a rawn ti a, a hnungah ka thutpui a, engemaw hi a rawn sawi leh niap niap thin, "A va na deuh ve"
nuih za aw zet chuan Vincent'n a rawn ti a, ka nui ve hawk, mimawl nu tih lah hu a hrat sia "hmangaih tu che an awm ka tih kha tinge I hriatthiam duh miah lo" a rawn ti leh nghek chu Vincent-a pawn front glass a tang chuan min lo melh zeuh a..





He thu hi a sawi ve ziah tu tak ni ang maw, Kei ang te min hmangaih duh tu hi, nge ni a a ruih vang hian a rawn sawi ve mai mai zawk...




"Ka secretary ah chuan I tang duh lo tak zet maw" a tih chuan ka nui tawi tak, "tuna ka hna hi a tha tawk viau tawh" ka tih chuan a ner nawng, "I nu enkawl I ngai a ni lawm ni, zirtirtu hna mai mai chuan I chawk zo dawn lo" a ti leh hmuk chu ka melh kar, a tan chuan a hi ve dawn em a ni, zirtirtu ah pawh ai kal ka nia, nileng hna a ni ve tho bawk nen....."Naktuk a tang rawn kal tan ang che engmah dang sawi a ngai tawh lo" tiin a kal nghal hmak, ka auh pawn a rawn hawi duh thak lo....





"Nizan chu I che bawn viau a ni maw" nutei chuan Mimi-i melh pah chuan a ti a, "Chu kal pawh a ni lo" tiin min rawn sik zeuh a, chhan a phut hi chuan min rawn suk zeuh zel, "Kan kal tawh mai ang" ka lo ti vat a, rang takin a chhuak nghal, ka chhungte ho pawh an nui nghak hawm hawm, a mizia hi chu kan hre hneh chiang a lawm...





"A nih chuan Vincent-a bulah chuan I thawk dawn ta a mi" a tih chuan ka bu zeuh a, "Nia a tha zawk a lawm, I thawk kual peih mai sia" a tih chuan ka nui ve suk, "thawh kual ve deuh hi a ngai hriat zau nan" ka tih chu a la na teh e,
"imm va kal vat vat rawh, in ru lo ula a tawk a ni mai" a tih chuan ka kuk fawk..




"Enge" a lo ti hlar, "taka Nizan I thusawi kha enge awmzia"
ka tih chuan, mak tih hmel zet chuan min melh a, "eng ka thusawi" hriat loh hmel zet chuan a ti a, "a ngai leh lo ka kal"
tiin ka kal zui nghal...





"A rilru I ti na tawk tawh tunah chuan ka venghim tlat ang" Vincent-a chuan a ti a, tunge maw a biak ni, mi thusawi ngaihthlak ruk sak hi a tha lo tih ka hria vang chuan kalsawn ka tum chu "I kiangah ka awmtir dawn hauh lo" titu vang chuan ka ding leh dat, hetah Ed-a maw...





chutah kawngka chu a rawn in hawng a, Ed-a nen chuan kan inhmachhawn nghal siah, ka mitah tak a melh ngur bawk, chutah hre lo der hmakin room ah chuan ka lut a, "I lo thleng tawh maw" Vincent-a chuan a rawn ti vat, "nang meuhin min sawm sia ka hnial phal nang" nui lui sak chuan ka ti a, Ed-a pawh kawngkhar bulah a la ding reng tih ka hria, chuvang a khatia sawi kha ka ni bawk...




Tunah chuan kan nunhlui theihnghilh in hmalam ka pan ve tawh tih hi ka hriat tir ve ngei bawk ang...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:27 pm

CHAPTER-15


EDWARD'S POV


"Hotel lam pan rawh" Ti hmukin car ah chuan ka lut a, "engkim a tha vek em" tiin min rawn melh zeuh a, "Vincent-a leh Bawihi te an chanchin en zui turin mi ruai ang che" ka tih chuan a bu ve nghut, haw ngawih ngawih tur ka nih laiin engvanga haw thei miah lo nge ka nih, ka hmangaih chu a ni em lo maw!



"Hetah enge I rawn tih" Ti hmuk in ka thutna ah chuan thu in file vel chu ka en a, "dear Zanin chu ka chhungte nen zanriah ei ho turin I in tiam tawh kha" tiin ka dar vel chu a rawn zut a, "Hna khawih tur ka ngah I chhungte bulah chuan ka theih loh tur thu I sawi mai dawn nia" ka tih chuan rum zetin min melh nghal...



"Imm a pawilo nidangah kan Ti mai dawn nia" tiin ka biangah chuan a fawp zeuh a, ka lo ner sak, ka hmuiah rawn fawh leh a tum chu ka lo thle sawn vat "Kal tawh rawh I Hna I tlai ang" ka tih chuan a chhuak tau nghawng nghawng..



Tun thleng hian Bawih'n kan la inkawp emaw a ti a, midang hmuh ah chuan inkawp ang in kan lang ngei ang, hetianga ka bula ka awm tir chhan pawh hi thudik ka zawn chhuah duh vang chauh a ni, ka fa thattu a ni chiah em, Bawihi hian thudik a sawi angem, chu thil chu zawn chhuah ka duh bawk..



Hmanni ah khan na takin ka tawng khum a, ka thil tih vang khan keipawh ka inchhir takzet, ka tawngkam khat lekin a a rilru ka tinat zia kha ka hria, tunah chuan min haw ngawih ngawih tawh in ka ring, hmeichhe luhlul tak a ni a, ka thusawi pawh a zawm ngai hek lo, Vincent-a hmu tawh lo turin ka hrilh a, a hnuaiah hial a thawk a nia, nge ni a min run luih a tum zawk...Lydia-i sawi ang khan ka sum vang chauh hian em ni min lo kawp hrep tak chuan thudik anih vaih chuan ka hrem ngei ang che...



"sir hmu duh tu che an awm a"
ka secretary in a tih chuan rawn luh tir turin ka hrilh a, "Hmela induhpa" rawn titu chu ka nuih suk, "lo thu rawh engtik khan nge I rawn chhuk a" tiin couch ah chuan ka thu thla ve nghal zat, "ka rawn chhuk na chu a rei tawh mai, ka pa enkawl angai a ka rawn tlawh hman ta ngang lo che"
a tih chuan ka bu nghut...



"ka ril a tam eitur chah teh"
tiin couch ah chuan a ke a hlang nghal zat, nuih zui hawk hawkin ka secretary hnenah chuan eitur rawn la turin ka hrilh a, "Mi hausa fanu pawisa nei lo I ni leh tawh a ni maw" ka tih chuan min melh rum ngang mai, "ka nuhrawn vang vek maw le" tiin a phone chu a hmet mial mial a.



"I pa chu enge a an a" ka ti a,
"Tunah chuan a zia ang reng private doctor leh nurse kan ruai a, Hei vang hi lawm ka free em em"
tiin a nui suk, eitur chah chu a rawn thleng a, a ei zui nghal mawlh mawlh..


Zualbawihi nen hian sumdawnna thil vel ah kan inhre chho a, a pa pawh hian hotel a din a, fapa a neih loh avang hian Zualbawihi hian a ai a awh thin, a sang in a pian a nalh hle bawk, mizo hmeichhia ah chuan vun rawng nalh pawl tak a ni nghe nghe...


Mipa a kawm nasa a, Hei vang hian a chet dan pawh hi a nu lem lo, "Ti daih ila u Mapuia enge a an" a tih chuan ka nui suk, "I ninawm ka zawt mai mai che lawm" chaw hmuam Tun chuan a rawn ti a, Mapuia hi a mipa duh hmasak ber a ni a, Mahse amah hian sawi chhuak suh a tih deuh tlat vangin Tun thleng pawh Mapui'n a la hre lo..



"Tunah chuan phai lamah an awm" ka tih chuan a bu ve nghut nghut, "Rem chang awm hunah I pa chu ka rawn tlawh ve dawn nia"
tiin kawt thleng chu ka thlah a,
"sir I bialnu te chu tunah chaw chhun an ei dun mek" a rawn tih chuan enzui zel turin ka chah a...



"Sir buaina a awm, inhnuai lamah mi pakhatin buaina a siam a ni awm e" ka secretary in a tih chuan hmanhmawh zetin ka kal nghal thuai, "I rawn thleng maw ni zanah ka mut laiin ka kawngka an rawn kik vak vak a, a hnuah phei chuan a chum hian an rawn chum a, chu thil titu zawn chhuah chu in Hna a ni, in hotel hi a ral muang lo, tunah hian ka chhuak nghal bawk ang" tiin patling pakhat hi a lo au chiam chiam a..



Customer dang ho pawh chuan engemaw sawiin an phun mur mur, hetiang hi vawikhat mai pawh nilo kum dangah pawh a thleng fo, kan hotel thiam loh ni loin min tihchhiat tum tu te zawk an ni, tihian mi ruaiin customer dang te mit hmu ah kan hotel hi an sawi chhe ziah bawk..


"Ka pu inbeng dai phawt la, I thusawi chu a dik ngei a nih chuan CCTV ah engkim a lang vek ang"
ka tih chuan a hmel chu a dang nghal sawp sawp, "dawt sawiah min ngai em ni" aw khur der der chuan a ti a, a dawt sawi hi ka man chhuak khawp ang...



"Ka office lamah in bia I la kan sawi tha dawn nia" ka tih chuan a bu ve nghut, "In mi hriatthiamna ka ngen e, thil hriat sual palh vang mai mai a ni, hahdam takin awm rawh u" midang ho bulah chuan tiin office lamah chuan kan inzui phei a, "Tu tih tir che nge engzah nge pawisa a pek che"
bul hmuk chuan ka ti a, a nui hawk,
"sum vanga ti ka ni lo" a aw khur atang ringawt pawn dawt a sawi tih a hriat nghal...


"Room no.8 bula CCTV kan dah kha lo va en chiang teh" ka secretary bulah chuan ka ti a, rang takin a kal zui thuai, "I sawi vat dawn nge ni a police ka call zawk dawn" ka tih chuan a mitmeng a hlauhthawnna rawn lang chu hmuhnawm tak a ni...


"Chuan police ten dawt I sawi tih an hriat chuan ka hotel ti mualpho zawnga dawt I sawi avangin kum tam tak lockup ah I awm a ngai ngei ang" nui lui sak chuan ka ti a, "IH...englo..." tibah nawk nawk chuan a sawi a...ka rin dan vel Ka la rul let khawp ang...



CHRISTINA'S POV


"Naktuk chu zin kan ngai maithei a nia" a tih chuan ka bu nghut,
"pawi I ti lo ang chu tiraw" a ti leh sup a, "pawi tihna chhan tur ka nei hlei nem ka boss I nia I thu thu"
ka tih chuan a kiai suk, hmun hrang hrang ah Hotel a din ve tho a, kal kual a ngai nasa ngawt in ka ring, Ed-a pawh kha a zin chhuah ngun tak kha, tinge maw a mah ringawt pawh chu ka ngaihtuah ni,
ngaihtuah tawh suh tiin ka lu chu ka kuk leh fawk thin..



"Kan cham rei lo ang tiraw"
ka tih chuan 'zankhat riakin' a ti a,
"Ka thianpa pakhatin resort a hawng thar a, a lawmna party a siam a, kal ve turin min phut tlat a lawm le" a rawn tih leh chuan ka lo bu zeuh, "I huphurh viau em" a tih chuan huphurh lo e ka lo ti nghal vat, a secretary a duh duhna zui kual tur a thu min pe tu tur a ni a, hetia ka phalna a dil thlap thlap hian ka inthlahrung zawk..
*
*
*
"Mambawih fimkhur ula aw, nuam deuhin I hmang dawn nia helam hi chu rawn ngaihtuah lo la"
ka nu chuan kawt thleng min thlah pah chuan a ti a, "in ngaihtuah awm loh ang maw, nge ni a ka kal lo zawk mai dawn" tiin ka kuah leh hlu hlu phawt a, "Hna lam a nia keini sawi theih a awm ve hlei nem saw inhotupa pawn a nghah reng tawh che saw" tiin a inla hrang a, "kan thlen ve leh ka rawn phone ang che u" tiin ka kal zui nghal thuai...



"Lungngai suh kan rei lo ang, tap kher lo la" nuih za in sum zet chuan a rawn ti a, rum theih tawp in ka melh, "hla I ngaihthla duh em" a tih chuan ka bu zeuh, Francis-a sak thinlung khawngaih thlak chu a play a, a sakpui leh zeuh thin... Ed-a min ti hre chhuak zawk, ni lo ni lo ngaihtuah tawh suh mahni leh mahni chu inbe mawlh mawlh in tukverh ah chuan ka dak chhuak daih a, ka muttui ka hru leh zeuh thin, "darkar engzah nge kan tlan dawn"
ka tih a, a chhan pawh ka mut a chhuak over, kan chhuak hma bawk si, "kawng a that chuan darkar 7 vel aniang" a tih chuan chil ka lem kâwk a va han rei em em ve maw le...."a nih chuan reilreilo ka mu lawk dawn aw, reilote chiah" ka tih chuan a kiai suk, "imm mu hahdam rawh" a ti ve mai bawk..



"Mut duhnu kan thleng tawh"
ti a min rawn sawi tu an awm avang chuan chiang lo zet in ka meng a, hnai zetah Vincent-a chuan min lo en run vang chuan ka thu tha nghal vat, "Lo chhuak la nge ni a, tah hian I awm duh zawk" a tih chuan hmanhmawh zetin ka chhuak nghal thuai...dar zah ka en chuan dar 1:00 a ri ve leh der tawh, kan tlan rei ropui sia kei lah in ka mut san daih bawk si, nuam lo a ti ve ngawt ang, ka va han mawl thei tak..



"wow hetiang hi a tak takah a awm ka ring ngai lo" paradise a ni ringawt lawm, a neitu chu a hausa teh ang chu aw, "An va tam ve" tiin ka hual kual nghal zawk zawk, hetiang em em hian kan tam ka ring miah lo, "Nia sumdawng lar a nia hmelhriat pawh a ngah viau kan thawhdun theih phei chuan kan tan a hlawk viau ang" a tih chuan ka bu nghut nghut..



"Kha in lo thleng a maw, chuan hei hi in nu a nimaw, chibai le"
ka chhan hma hauh chuan a rawn tih zawm zat, ka melh haw ringawt a tawng hlawk mang e, "a..aw chibai le" tiin a kut chu ka vuan a,
"Ramon Lalnuntluanga a nia chuan Hei hi Christina Laltlanmawii" tiin Vincent-a chuan min inhmelhriat tir a, "In room tur ka lo kawhhmuh ang che u, room hrang nge pakhatah in awm duh zawk"
a tih chuan 'room hrang ah' ka lo ti nghal vat, a ni lah chu a nui zui hawk hawk...



"VIP room ah khan va hruai rawh kan chief guest te hi" chiahhlawh pakhat hnenah chuan a ti a,
"sir room pakhat chiah a awm tawh pakhat kha midang awmna tur a ni bawk sia" a tih leh a,
"An rawn la thleng kim na nge"
Vincent-a chuan a ti a, a zau tha khep khep bawk a, kan tam viau ang chu ka peih lo lawk sa...



"Kim lo deuh Engtin nge ni ang aw, room khatah in awm mai dawn mi, nge hmeichhe dang ho bulah I awm duh zawk" tiin min rawn melh a, "Keimah maw" min rawn en thup avang chuan ka ti hu, "inpa hi ka awm tir zawk mai dawn mi" nui hawk hawk chuan a ti a, fiamthu a duh hle mai, a pian en reng reng pawn a thil ei a tui tih a hriat nghal "kan.." ka tawng dawn lai tak chuan an rawn auh avang in ka ngawi leh rih, "tih tur dangte ka la nei sia room khatah awm chu a pawi vak dawn mi in veng deuh ula nimai a nih ka kal aw" nui zui hawk hawk pah chuan a kal nghalvat..."Mahse..Engtin"



"Nuam lo i tih viau chuan midang ho bulah ka awm thei tho a nia"
Vincent-a chuan a rawn ti a, kei ai a thu zawk a, midang nena room intawm chu a duh ka ring chiah bawk silo, naa van buaithlak,
"Room chu kan intawm mai dawn mi pawi I tih loh chuan" ka ti de de a, "Nang berin pawi I tih loh chuan a tha vek mai sofa ah ka mu mai dawn nia" tiin room lamah chuan kan inzui lut a...



"ka chhungte kan call lawk a nge"
tiin thlanglam bathlarah chuan ka chhuak vat, "aw nu kan thleng chiah a, a hmun chu a nuam in a mawi takzet kinah thlalak ka lo thawn ang che" tiin kan inbe mawlh mawlh a, fimkhur tur a min chah lawm lawm hnuah kan inbiakna kan titawp ve thei hram...



"Zanriah ei a hun tep tawh a, i va intifai hmasa dawn nge" a tih chuan 'I rei lo zawk ang va intifai hmasa rawh' ka tih chuan a kal ve mai bawk, hetianga room inluah tawm tur tih hria ila lo kal lo tawp ila, ka boss ni mahse mipa leh hmeichhia room inluah tawm chu a nuam chiah lo..



"Ka zo aw" tiin towel ringawt veng chung chuan a rawn chhuak a, a piannalh pawh Ed-a ang chiah Mahse tlemun a cher zawk, hmanhmawh zet chuan bathroom ah ka lut a, "kan kal dawn mi"
a tih chuan ka bu ve nghut, kan chhuak chiah ti ah kan mi tawh te vang chuan ka meng phawk nghal hrâ, min rawn en ve chiah bawk chutah ten hmel zet a min melh in a ner nghal sak...



"Kal ila" a kalpui nu chuan a ti a, vawikhat pawh rawn hawi let tawh lo chuan an kal zui nghal, a kalpui nu saw ka hmu tawh chiang a ni, tinge Lydia-i nen an inthen tawh em ni, nge ni a pahkhat ah a kham khawp lo zawk, tunge kha nu kha ni ang, zawhna hlir in ka khat, Laltlanmawi ngaihtuah tawh suh duh duh a kal pui ang, nangte chu a hmangaih ngai reng reng hlei nem che, thaw hawk chuan zanriah kilna lam chu kan pan a...



"Kan nupa tuak thar pawh an rawn thleng a lawm" Ramon-a chuan kan lam rawn hawi pah chaun a ti a, midang ho pawh an rawn hawi ve thup, Ed-a erawh vawikhat pawh a rawn hawi lo, a hma a intur awm chu a tlak nghal pap a, chutah muangchang chuan a rawn hawi a, Vincent-a banah chuan ka vuan nghal chawt...



A ner sawk tih ka mitsirin ka hmu thei, zanriah kil chhung zawng chuan nui sangin Vincent-a ka be lui ngat ngat, a ni pawh a hmeichhe kal puinu pawh chuan a be ve reng bawk..."lawk nang hi ka hria che kan inhmu tawh chiang"
a rawn ti a, hriat tumin ka melh haw, kan hmaah chiah an thu bawk nen Ed-a pawn min melh run, chil ka lem khawlh, "Ka va hre mai lo che ve" ka tih a, a hmel hi chu ka hmuh tawh hnu chu a ang riau..



"Damdawiin canteen ah khan kan inhmuh tawh kha" a rawn ti leh a, nitak a kawrah coffee ka laih buak tak kha, zahthlak thin ve aw... a chhiat loh chu thuhran a fel hle bawk mipa chu ni ila ka star hrim hrim, Hei vang hian Ed-a paw'n a duh a ni ngei ang..



"Aw ka hre leh si" ka ti tawi tak, sawi chhuah fo pawh a zahthlak,
"Chuan tunge I hming ni a"
a tih chuan ka hming chu ka hrilh ve mai bawk, a nui sang reng a, a nelawm tak zet, "chuan kha kha I pasal maw" a tih chuan ka nui tawi tak, "I ngaihdan kha a ni mai"
nui lui sak chuan ka ti a, Ed-a pawh a lo inseh ru nghek, A hmuh phak a inlan tawh lo turin min ti a, tunah loh theih loin kan inhmuh a ngai leh si a, Hei vang hi a ni ngei ang a mood pawh a chhiat em em reng ni...midang ho pawh chu an ti ti mawlh mawlh a, la lungphu erawh a mimal thei lo, thlifim dawn ka mamawh....



"I ei zawh tawh chuan a hmun hi kan fang kual dawn em ni" Vincent'n a tih chuan ka pawmpui chiang teh e,he lai hmun atang hian kalsawn vat vat ka chak tak zet, swimming pool bul velah chuan kan kal a, "Nuam I ti chiah lo em ni" a tih chuan lu ka thing nghut nghut, "Nuam a lawm a hmun leh a awmdan vel hi ka duh zawng tak a ni" ka ti ve sup...



"Edward-a a awm ve vang a ni tiraw"
a tih leh chuan 'ni lo e' ka ti liam puat, "Vincent lo kal lawk teh"
Mi pakhat hian a rawn au lang lang a, "Va kal rawh a au nasa emai che a pawimawh a niang"
ka tih chuan a bu ve nghut, "ka rawn let vat ang" tiin a kal zui thuai....



"enge a an a, ka fa min thah sak hnuah hlim takin in awm vel a"
tih ri ah chuan ner sak, Kalsawn mai ka tum chu ka ban ah a vuan chawt, "Min thlah teh" ka ti chang fak chu za lo zetin a kiai suk...



"A kiangah khan awm tawh suh ka ti che a ni lawm ni ka thusawi hi zawm a harsa viau em" a ti thawt chu ka ner sak, "I thusawi ka zawmna chhan tur ka hre lo"
ka ti let ve sak chu ka ban rek a a vawnna chu a hmer na zual sauh...



"Laltlanmawi" a ti leh hrâwk chu min vawnna ka thing tla hnawk,
"I hma ah rawn inlan tawh lo turin min ti a ni lawm ni lungngai suh ka rawn inlan tawh hauh lo ang zanin hi chu min hrethiam dawn nia a leh pek a awm tawh lo ang chuan ka thil tihna a piangah lo inrawlh tawh suh ang che keipawh I nunah ka rawn inrawlh lo ang" tiin ka kalsawn nghal vat....



Ka kal hla ta maw ti ah ka thaw nghal kâwk kâwk, boruak chu duh thawh zetin ka hip lut a, a duh duh hunah vin turin a tan engmah ka ni lo a, Ka hmangaihna hi tinge ka lan chhuah tir a rem ve loh, ka huat tluk zet in ka hmangaih a, a kiangah chuan he thinlung luhlul leh sak tak hi a nem leh fo thin chu thil chu thunun harsa tak a ni bawk...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:42 pm

CHAPTER- 16



CHRISTINA'S POV



"Ka zawng char char che lawm"
tiin ka bulah chuan a rawn ding a, ka nuih suk ringawt, "dik lo a awm em ni" mit ti zim sun a min melh pah chuan a ti a, lu ka thing dat dat..



"A vawt tan riau mai lut tawh mai I la" ka tih chuan a aw ve mai bawk a, Room lamah chuan kan inzui phei a, "Kha in mu tawh dawn em ni a" kan inzui phei chu Ramon-a chuan a rawn ti a, Ed-a ka zawng ru deuh a ka hmu miah lo, ka hawi kual lai tak chuan ka thil hmuh avang chuan ka thin hi a na nghal zawk, ka mittui a hnam nghal sawk chu duh lo zetin ka hawi sawn vat...




Ni e haw hle mah ila ka la theihnghilh thei lo chu a nih hi, hmeichhe pakhat nichina a kal pui erawh kha chu a ni lo,thawmhnaw sexy tak ha pakhat chu fawp reng chung chuan min melh ngur, ka na lai hi hmuh a chak zek zek a ni ngei ang, 'hremna ka pe ngei ang che u' a tih tak kha, hetiang vang mai mai hian ka tlawm bik hauh lo ang...




Vincent-a banah chuan vuan in nui lui sang chuan "Kan mu tawh mai ange" ka ti a, "a nih muttui u insum deuh ula" Ramon-a chuan a rawn ti leh zeuh chu Ed-a pawh a inrum ruh nghek tih ka hmu thei, midang ho pawh chu mangtha in kan lut zui vat...




"Edward-a vang a nih tiraw hetiang a I chet" kan luh hnu chuan a ti a, min hrechiang tu tan chuan ka awmdan hi hai rual a ni lo, Vincent-a lakah pawh ka inthlahrung mahse Ed'n a hua tih ka hria a runluih nan a hmang ka ni bawk...




"Ka tihpalh khatianga ka chet vang khan" ka ti sep chu a nui hawk, hrilhhai zet chuan ka melh haw,
"pawi ti suh I duh chuan min hmang zel dawn nia" nui suk a tiin couch ah chuan a thu thla hnawk a, "I fa thah sak tu ah che min ngai tiraw" kan ngawih vang vang hnu chuan a rawn ti a...





"Enge I sawi awmzia" ka tih chuan muang changin ka lam chu a rawn hawi a, "Edward'n a fa thah sak tu ah min ngai tih ka hria"
a rawn tih leh chuan hnuai lam ka melh ngawt ngawt, Keimah vangin a hming chhe nasa tawh si a, a lakah hian ka inthlahrung ngawih ngawih tawh...




"A awmdan ah khan a la hmangaih reng che a ni dawn kha"
a tih chuan ka nui hak, ka nuih a zat vang erawh a ni hauh lo, a thusawi hi ka awih loh em vang zawk a ni, kei hi Ed'n min hmangaih a nga maw teuh lo lutuk, min lo bum kual vel mai mai zawk a lawm, a ni te chuan a hun awl hnawh khah nan bak min hmang hlei nem keimah zawk hian ka hmangaih chu a ni sia...




Hmeichhia hi infiam nan bak enga tan mah a ti lo, kei ka nia Lydia-i tunah Hmeichhe dang rawn kalpui in a rawn kalpui loh zawk nen an lo infawp leh a, a indaih zai ngawt zawk a lawm le, ka thil ngaihtuah vang chuan ka thin zawn hi a na ngut ngut...




"A awih awm loh lutuk" tiin ka nui lui sak a, "min thik danah a chiang mai a lawm" a tih leh chuan sawi chhunzawm duh tawh lo in ka ngawi daih a, a ni pawn a sawi chhunzawm tawh bik lem lo....



"Khumah khan mu la kei chu sofa ah hian ka mu mai ang" a intihfai zawh tawh hnu chuan a ti a, sofa chu melhin a mah chu ka melh leh a, a mu leng awm silo a ka mu leng vel chiah zawk ang khumah mut tir zawk ila a tha ang....



"Khumah sawn va mu zawk rawh thu thlengah hian ka mu thiam zawk a"
ka tih chuan a awih loh hmel ngang mai,
"thu thleng ah pawh ka mu thei tho lawm va mu zawk rawh" tiin thu thleng ah chuan a thu nghal zat.....



"I leng loh kha ti kha chuan I sil vek dawn a sin" ka ti leh tal chu ning hmel zetin a thaw hawk, "mipa ka nihna angin ka kian ve tur che lawm, mahse pawilo I tih tal chuan" tiin khumah chuan a lawn nghal thurh a, ka nuih zui hawk hawk, "In la polite tawkin mu zawk rawh ka ti a I duh loh miau te chuan khuma mut te chu ka duh daih zawk" a ti zui leh mawlh mawlh chu ka nui nghal nghek nghek...



En mai hi chuan mipa kei ka ni ti a chapo ve tawk tak tur chu a ni mahse rin aiin fiamthu a duh zek, mi hi kan landan atang ringawt a teh hi a lo fuh lo ber a nih hi, mitin hi kan chhung ril nun inhmuh tawn sak vek thei lo mahila pawnlam landan atang ringawt a ngaihdan lo siam ngawt zel hi a finthlak loh nge a changkang loh thlak kan ti zawk dawn...



"Tun ang hunah tu nge maw ni le, ramhuai a niang a, a hrang an tih tak kha he lai hmun hi" tipah chuan tho thurh in kawngka lam chu a pan a, keipawh thuthleng ah thu in ka chhungte nen kan inbe zui mawlh mawlh, fiamthu lah hi a duh ve thei mai sia hmeichhia ah chuan sawi lo pawl ka ni ve a, min tihtheih chu a har ve nek ang "Edward nang maw enge I rawn tih dawn a" Vincent'n a tih chuan ka hawi phei vat, vawi leh khatah a ri nghal chawrh chu ka tlan phei thuai..



"Engthil nge I tih kha" tiin Vincent-a chu ka buaipui nghal zat, "Hah tenawm dun lutuk" ti hmuk in a kalsawn vat, tenawm a! a mah zawk kha lawm tenawm chu, "I tha tiraw" ka tih chuan a nui suk, "Thik thu a va pe chhe ve" tiin a kamsir thi chu a kut zungpuiin a tuai zeuh a..



"Va mu tawh rawh ka tha e" a tih chuan ngaih tha zan lo chuan ka phei ve mai bawk, "I tha tak tak maw kha a thi sia" ka ti leh ngat a, "hetiang te chu fanghmir seh ai pawn a na lo zawk" a tih chuan ka ner nawng, eng vanga rawn hnek ve ngawt nge maw a nih le, a hma a inlan leh tawh lo turin min ti a, tunah Vincent-a bula ka awm chu a ngei thei lo leh em em a,



Eng vanga Vincent-a pawh saw haw em em nge maw a nih le, a tir phat a tang khan hnaih lo turin min ti nghal a, ka chungah a tha hle si a, awm lo phei se lang chuan hetiang dinhmunah hian ka ding thei kher lo ang, ka nu pawh natna khum ah a la mu ngei bawkin ka ring, Hlim taka ka awm hi a ngaithei lo viau zawk em ni....



Mualpho huamin naute pawh kha ka pai lui tang tang a, Engtin nge ka fa ngei chu that se min tih le, thil dang zawng zawng aiin min ring chhe lutuk khan ka rilru a tina ber, mahni ril a rah that tur em chuan ka nunrawng bik lo a sin....ka rilru rawn no thar leh chu duh lo zet in lu ka thing nawk nawk, ngaihtuah tawh suh ring lo tu che vangin tinge I mittui I tih tlak duh hetiang a I awm hian a lawm zawk daih ang chu ti mawlh mawlh chung chuan ka mittui luang ngiai ngiai chu ka hru leh tawk thin...



"A lo tap leh pur tawh" tiin ka bulah chuan a rawn thu a, "I hmangaih tih hi tinge I hrilh mai loh" a rawn tih chuan ka nui tawi tak, "achang hi chuan kan hmangaih tih hi sawi lan loh a tul chang a awm fo thin a lawm, a fa thattu hi min hmangaih theih I ring reng reng em ni"
nui lui sak chuan ka ti a...



"I thah a nih lohzia hrechiang tu ber ka ni I duh chuan ka sawi sak thei che a nia"
tiin min melh run a, "A ngai lo, tunah chuan ka fa min thah saktu hi zawn chhuah phawt ka duh Engtin nge ka taksa ah nau tihtlakna damdawi an hmu theih min tanpui thei ang tiraw" ka tih chuan a bu nghut nghut...



"Mu hahdam phawt rawh Naktuk a tang hma kan la dawn nia" tiin puan chu min sin that tir a, khum lam pan chuan a kal nghal zat, ni e a ni lo hi chu min pui thei tur an awm lo, mahsela a nau ngei hi lo ni ta se, a thup bo daih mai angem



VINCENT REMRUATFELA POV



Ka hma a tui taka a muhil thaw ri sek sek chu thlir in ka nuih leh suk thin, hetiang taka hmeltha hi ka hmu leh tawh lo ang, "lo intawng hmasa ila Edward-a I hmangaih ang hian min hmangaih ve angem" zawi sup chuan ka ti a, a chang hi chuan insum a har lam hret a ni, ka hma a ka hmeichhe duh oh hmangaih tih mah zawk teh ang a awm reng lai a engmah sawi leh hrilh thei lo a ka awm hi ka inhaw takzet...



A sawi dik kan hmangaih tih hi sawi lan loh a tul chang a awm thin, thian ang chauh a en che hi thil harsa tak ani, Edward-a thik chang hi ka ngah thei lutuk, a chang phei chian a nunna lak hial ka duh rum rum thin, mahsela a ni a awm loh vang hian min hmangaih phah dawn si lo a..



Hlimna pek reng ka duh laiin a hlimna pe thei tu chu kei ka ni si lo a, hmangaihna hian mihring hi min thlak danglam hneh zia a mah vang han ka hriat thar phah a, Vincent-a hmasa kha chu ni ila, ka hmangaih ka neih lo ai chuan tuman an nei bik lo ang tihna rilru kha ka nei ngei ang..



Mahse Vincent-a hmasa kha chu a ni hian min peih bo sak a ni, sumdawnna ka luhchilh a tang phatin Edward-a hi ka el nghal em em a, a chungah nasa takin buaina ka thlen tir a tun hnai lawk pawh khan, Christina-i nen an inngaizawng tih ka hriat tirh phei kha chuan thah hial kha ka duh a, Mimi'n party a a rawn hruai Zan a tang khan ka duh tawh....



Edward-a fa a pai tih ka hriat tum pawh khan ka thin a rim em em a, engtiang pawhin tih chhiat ka tum tlat bawk, ka hma ka sial em avangin ka nau thusawi ka zawm a, nunrawng takin ka che a tunah chuan hmangaihna vangin ka inthlak dang lama, hmangaih viau mahila ahlimna ka nilo tih ka hria, Hmeichhe khawngaih thlak tak a ni a, hlim hi a phu ve tak zet tawh, chu a hlimna chu Edward-a chiah hi a ni si a...



He thil hi hrechhuak ta se Engtin nge min ngaih ang a thian a tang mai ni lo a hmelhriat ang pawn min la en duh angem, thudik hi hre ta se, kumkhua in min haw hlen mai thei a ni, Mahse ka hrilh ngei a ngai si a..



Kei hi a fa thah sak tu ka ni tih hi...



....



CHRISTINA LALTLANMAWII POV




"Aw nu kan rawn chhuak tep, mamawh te I nei em nutei pawh kha lo zawt la"
tiin ka insiam melh melh a, "dam taka in I rawn thlen chuan a tawk a ni mai"
a tih chuan ka tah a chhuak tlat pek a, Vincent-a min au ri ka hriat avang chuan kan chhuah tawh dawn thu hrilhin kan inbiakna chu kan titawp a..





"Zin chhuahna tur ka nei thut a, tunah hian ka kal ngei ngei a ngai bawk si a engin nge ni ang midang rual hian I haw hreh em" a tih chuan ka hawi kual a, haw tur hmel pawh ka hmu lo...





"Englam nge ni a Tun thawt thawt a"
tumah hmelhriat ka nei bawk si lo, ka kal pui berin hmun danga min kalsan daih a tum bawk si, "Hna lam a nia" a tih leh sup a, "Hna lam a nih te chuan ka kal ve angai lo em ni" tuna mi pawh hi thawh pui a tum vang a kal kan ni tho bawk sia..





"Ngai lo" a ti tawi tak, "La cham rih ula ka tih teh lul nen haw in tum hma mai bawk sia" Ramon-a chuan a rawn ti a, ka nui suk ringawt, "Vawin lama haw tur te an awm em le" Vincent-a chuan a ti ,
"Vawin lam ah chuan an awm hmel loh, e...Edward-a leh Zuali te kha haw an tum in a hria" a rawn tih zawm leh zat a, an haw tlang ve nghal dawn a maw, lawk hepa hi an ni rual a min haw tir chu a tum em lo ang chu...





"An rual chuan I haw hreh viau em" a rawn ti sup chu ka melh rum nghal hrâ, Ed-a rual a haw ai chuan ke a kal tang tang pawh ka thlang zawk..





"Min thah I tum em ni a, an ni rual a haw chu ka duh teuh lo" tawng ring hlau zet chuan ka ti a, a lu a tuai vut vut ringawt "tinge a" Ramon-a chuan tiin min melh tawn zat zat..




"thil pawimawh ah zin lawk ka ngai sia, Chriss-i a maha haw tir chu ka hreh ang reng deuh mawle" a tih chuan ngawi rengin ka lo ding kar, nge maw tunah thawt thawt a kal angaih ni Ed-a te bula min chuantir a tum vaih chuan ka sakpaile ang mawle...




"Lungngai suh Edward-a te rualin a haw thei a lawm lawk Edward lo phei teh u"
a tih chuan 'a ngai lo' ka lo ti nghal vat, ka thusawi erawh a zawm lo chiang teh e...




"in haw dawn tho chuan Christina-i hi in rualin phur haw ve mai ula an pa lah hian zin san daih a tum bawk si a" tiin a nui zui nghal bawrh bawrh, kan boruak hi hria se lang chuan a nui sawng reng bik miah lo ang maw le...




"A pawi hlei nem kawng tluanin kan inbe char char dawn nia, Ed-a ve hi chu a ngawi ngul zel a, biak tur ka duh thei teh mai nia" thawveng zet chian Zuali chuan a rawn ti nghal zung zung a...




Ed-a erawh a la ngawi ngul, an chance neih tur ka tihchhiat sak a, a lungawi lo ve ngawt in ka ring, "A...a ngai lo mai, tih dan a awm mai, ka tibuai mai mai ang che u" ka tih chuan Ed-a chu a lo ner sak..




"inthlahrung duh suh kei ni lo haw tur an awm lo midang ho hi chu an la cham dawn a, a ni I lo nghah reng te chuan, nge ni a bulah kher I chuang chak zawk em ni"
fiamthu fê chuan a ti a, ka nui tawi tak..




"In ruala a haw theih chuan a lawmawm ngawt ang ka hmanhmawh tawh sia ka kal mai ange tluang deuhin in thleng dawn nia, a ni leh aw" tiin a kal zui vat, "mah..Mahse" tiin dan ka tum a, chak zetin a kal nghal daih, tukin hi tinge maw a awmdan hi a mak riau...a la hre ve khawp ang...




"ka bag vel ka va la lawk ange min lo nghak lawk ru" tiin Zuali chu a kal nghal thuai a, "Tluang deuh in in thleng dawn nia kinah ka rawn be leh ang che, Christina a ni leh phawt aw"
tiin Ramon-a pawh a kal zui vat...




Kan boruak chu a uap leh churh tawh, ka lungphu lah chu rang tak ani hahthlak hian, a pangti lum pawh ka hre rang fu, thlifim dawn ka mamawh a lum takzet, Tun thleng hian a hnaiha ka awm hian ka lungphu a mumal thei lo, ka mit sir leh zeuh chu min lo melh run vang chuan rang takin ka hawisawn vat...




"Motor bulah ka lo va awm ang"
tiin min chhan hma chuan ka kal nghal vat, zankhat chiah ka cham avang in thawmhnaw ka keng hnem lo a, bag pakhat ka ak tawp ringawt...




Rang takin motor awmna lam chu ka pan a, darkar 7 leh tlem a bulah ka awmdawn chu a ni sia, ka va han khawngaih thlak tak em, I thei tur a ni thawk la rawh darkar 7 chauh a lawm Mahse a rei lam hret chu a ni...




"I bialpa'n a zin san daih che sia, a ngaihtuah vak lo che a ni hmel hle mai"
ti thum dut tu vang chuan ka phu nghal zuk, "No es mi incumbencia" ka ti bul hmuk chu a ngaihna a hriat loh hmel teh e, a ngawi nghal hmak, thinrim e ti lo chuan ka nui ru khur der der...A awmzia chu a hre lo chiang kuang ang, ti hian ti ziah ila a that dawn hi, mahni chuan ka nui vur vur


Zawmna



"Kan kal dawn mi" Zual'n a rawn tih chuan hmanhmawh zetin seat hnunglam ah chuan ka lut nghal vat,
"keipawh a hnungah hian ka thu ve dawn nia" tiin a rawn thu lut nghal sawk sawk...



"engtik atang nge Vincent-a nen in inzui a" a tih chuan Ed-a ka melh zeuh a, front glass atang min melh ve reng chu niin, "Rei ve tawh tho" Ed-a melh reng chung chuan ka ti a, ka nui lui sak bawk, a ni erawh a lo ner sak thung..




"Bazar kawi ang u aw" phur fahran chuan a ti a, "A tul lo" pakhat lah chuan a lo ti hmuk, "Lei tur ka ngah a lawm sual viau thin suh, Christina a ni hi chu hrethiam rawh aw hetiang hmuk hmuk hi a nia" nui sang chuan a ti a, a mizia hi chu ka hre chiang viau..A hre chiang lo tu tan chuan engtik lai pawn a thinrim emaw tih tur khawpin a hmel a chang..




"Ti daih ila nangni hi in inhre ngai em"
a tih leh chuan kan inmelh nghal chat,
a chhang ka rin deuh avang chuan ka ngawi ngul a, chhang tum ang paw'n a awm lo, Zuali lah in kan chhanna nghak in min melh tawn zat zat a, "A..aw hre ve deuh reuh" a chhan mai loh avang chuan ka ti a enge mawni sawiin Ed-a chu a phun hluk a..




"A nih chu khaw hmun a awm in nia chubakah Ed-a hi chu a lar vet vet a nia" fiamthu zet chuan a ti a ka nui ve suk ringawt,
"Bum hmang" zawi te a titu vang chuan ka bag ken lai chu ka tham nghek..



"Sawi I nei mi" Zuali a tih chuan a ngawi leh ang kur a, a hre hman lo hlauh chu a vanneih thlak e, bum hmang hah, min hrechiang ber tur a lao rin kha a nia, rin chu khawilam midang awm lai pawn bum hmang angin min sawi ania..Thudik chu ka zawng chhuak ngei ang, min ring lo vel bawk a finfiahna ka neih hun hun ah chuan ka dik zia fiah nan ka paper ah ka chhit tir anga a hmeltha tak vawm nan ka hmang ngei ang...


...



"Helai hi maw in in chu a nawm reuh hi, kinah ka rawn la leng ang, Nangmah in mi I cheng a" tiin kan in chu a thlek vung vung a, Ed-a erawh a thut ngai in a la thu reng hmalam melh in a thaw leh hrâwk thin, hetiang tak hian ni maw min lo huat a, a hmaah inlan leh tawh lo turin min ti a, duh ai min hmu zing leh sia a thinrim hlur tawh in ka ring..




"ka chhungte nen.. an kal chhuak lawk a niang" kawngka a lo inkalh vang chuan ka ti a, a bu ve zeuh, "Pawnah hian I nghak dawn tihna mi" a tih leh chuan chahbi spare ka neih thu in ka chhang a....




"Lo lut kawi ula thingpui te kan lum ang chu" ka tih chuan lu a thing dat dat,
"nidangah nimai tih tur dang kan la nei sia" a tih chuan ka bu ve nghut nghut, "a nih kan kal aw kan inhmu leh dawn nia" tiin passenger seat lamah chuan a thu a, Ed-a chu ka en reng a vawikhat pawh min melh eih lo in engine start in an tlan zui thuai.....




Thaw hawkin Inchhung ah chuan ka lut a, dar 2 a lo ri va tawh Signal ka neih that loh avangin chanchin ka hrilh lo kha nia ka thil lei vel chu ka dah a..Zuali khan bazar ti lo se lang chuan ka sawi ngam awm der si lo a, a rawn sawi hlauh kha ka vanneih pui phian, chawhmeh vel chu ka dah fel hmasa te te phawt a..




Khawnge maw an awm hlawm le, ka call pawn an chhang thei der lo, ka rilru a hah takzet, ka pu tak ngial pawh a awm lo a, a taksa a chak tawh lo tehreng nen, lawk ka pu emaw ka nu an tha lo zual a niang a, hlauhthawnna chuan min bual nghal mup mup..




A tawp nan ka nutei chu ka call leh ngat a, a la dawn lo emaw tih hnuah a rawn la ta hram, ka thaw nghal hawk "Nute khawnge in awm ka nu a tha em ka pu pawh" ka ti nghal mawlh mawlh..




"Ka...pu a na zual leh thut a tunah civil hospital ah kan awm" a tih chuan ka kal ve vat tur thu sawiin phone chu ka dah a kawngkhar kalh fel sawk sawkin taxi stand lam ka pan a..




"Nu ka pu chu a tha em" an bul ka thlen chuan ka ti nghal vat, "I lo thleng tawh a ni maw, I chau em" ka zawhna ni lo pui a a chhan vang chuan ka ner sawk,
"Ka pu chu" ka ti leh sep a, "Lungngai lo la a tha leh vat mai ang, a bp a sang leh deuh a" a tih chuan ka thaw huai mai lawm...




Ka pu nen hian kan inbe tam vak lem lo na in kan inbiak tawh vek vek chuan kan titi rei thei lutuk, ka buai thin em vang hian kan inbe ngai hman meuh lo zawk a...




"Pi ka pu chu a tha leh vat mai ang I rilru Ti hah lo la" tiin ka pi chu ka hnem ve mawlh mawlh.... a sawi tu ber pawh hi ka mangang ru hle, ka nu'n bp sang satliah Ti Mahse a hrisel lo in na neih neuh hi a nei ve reng nen Bp sang satliah chu nise heti em em hian an rei ka ring lo ka thil ngaihtuah a vang chuan ka hlauthawng ru ang reng hlso....




"Doctor enge ka pu chu a an a, a tha tiraw" doctor rawn chhuak chiah Ti ah chuan ka zawt nghal vat a, "A pawi kan ti khawp mai a taksa hian a tuar lo a, kan chhan hman lo a ni" a tih chuan ngawi rengin ka ding mawl tawp..




"Doctor dawt I sawi lo tiraw a bp a sang satliah ringawt a ni lawm ni" ka nu'n a tih pawh chuan ngawi reng in ka ding khawng tawp, "a kal(kidney) ah lungte a tang a, zei angai si a, a taksa in a tlin lo a ni.. pawi kan ti khawp mai" doctor'n a tih chuan ka harh chhuak thut..




"Chutiang engmah a sawi si lo a"
ka ti nghal vat a, "A la hre bik lo a ni maithei" doctor chuan a rawn ti leh a, ka bu nghut ringawt, ka mittui ka biang a luang thla ngiai ngiai pawh chu hruk buai tumna ka nei lo....



Skip (helai vel hi ti lang tawh kher lo mai ang auh)



"Mambawih'n pasal a neih hma chu ka kalsan lo ang che u I ti a ni lawm ni.." sawi chhun zawm tawh lo chuan a tap leh nghal zawih zawih a, thlem tur pawn chakna ka nei lo, ka pu vuina ah pawh rawn kal an tha hnem hle a, ka pa pawh rawn kalin a tul tul a ti a, ka pi leh nutei chu ka pu ruang bulah thu in an tap zawih zawih a, ka nu pawh hian tuar viau Mahse mi chak tak ani a, a u ber nih a tlin hle bawk...


ka pi leh nutei chu a hnem ve mawlh mawlh reng a, ka pa chhungte lam pawh an rawn kal ve nual bawk a, nula leh tlangval tlawmngai thenkhatin thingpui vel an buaipui a...




mizo nih nawm zia hi ka hriat thar phah bawk, chhiat tawk an awm in kan intawiawm tlang a, mizo tlawmngaihna hlu hi hetiang hunah hian a rawn lang leh thin, mizo kan ni hi kan vanneih takzet..


......


ka pu boral atang kar li a liam leh der tawh, hun hi a kal chak thin mang e,
"Mambawih Hna I kal dawn lo em ni, tunlai hi tinge I Hna lamah an ban che mi thingpui dawrah I thawk reng mai sia" ka nu'n atih chuan ka nui suk ringawt...




Resort kan kal atang khan Vincent-a ka la hmu leh tawh miah lo, Hna ka kal pawn a hnuaia thawk pakhatin. "boss chu a zin a, Kar thum chhung I chawl thei ang, hlawh pawh angai reng ang"
a ti kha nia,mak ka ti takzet naktuk hi ka kal leh ni chiah a nia, a chhan ka zawt ngei ngei ang...kar thum chhung in a tawm ngawt ai chuan tiin ka in hlawh a, a tha ve ang reng... vawi tam Vincent-a ka call pawn a la duh thak lo, Tinge maw chawl min pek ngawt ni ka pu vang ni se kar thum em em chu ami ka ti deuh hlek chu ani...




"Ka kal dawn a lawm, kar thum chhung chawlh min pe a naktuk atang ka zawm leh thei tawh ang" ka tih chuan a bu ve nghut nghut..



Ed-a pawh ka hmuh lohna a rei tawh ngang mai, Zan tin hian enge a tih ve ang le tih ngaihtuah chungin ka mu thin a, Lydia-i nen inthen in Zuali nen khan an inkawp a nih te ka ring rum rum thin...



Kei ang mi rethei hi chu engtikah mah min hmangaih ve thei ngai lo ang, Zuali te Lydia-i te ang chhelo leh hausa nen hian an inhmeh zawk miau a, kan khawvel hman dan hi a in ang lo ve em a ni...Hlaw hle mah ila ka hmangaih miau sia hmangaihna hi duh suh a thlak danglam theih chu nise ka ngaihtuah reng kher lo ang Mahse duh suhin a tih danglam theih miau lo a..



"Aw he.."



"Awii rawn phei vat vat teh thil hmu tur che ka nei a nia, hmanhmawh la, ee ka rawn lam ang che chhuanlam siam a tul lo a nia ka rawn kal nghal" ka tawng ve hma hma in rawn ti nghal chiam in ka chhan na pawh nghak lo in a off leh nghal hmak, phone chu ka melh nghek ringawt..




he nu hi chu aw a ho leh thei ngawt ang chu, kawr emaw pheikhawk thar min hmuh tir leh dawn a ni hrim hrim,
"Mambawih tunlai hi Edward-a hi ka va hmu tawh ngai lo ve enge in chanchin ni reng reng a" ka hlauh ang ngei in ka nu chuan a rawn ti a..




Engtikah emaw ni chuan a la hre dawn tho tho lawm tiin a bulah chian ka va thu phei a, "Eng lo ania kan inkar a tawp tawh" ka ti nghal tawl, "A va pawi ve tlangval fel tak a ni a sin mawle"
ka pi chuan a rawn ti a, ka nui suk ringawt..




"Tinge in inthen reng reng a I thiam loh nge a thiamloh zawk" a tih chuan ka ngawi kar, a thiamloh tiin sawi chhe vak vak dawn ila thil tih chi a ni bawk si lo,
"kan inhmu thiam lo mai mai lawm"
ka ti ta ringawt a, "Inngaizawng ah chuan a thleng fo thin a lawm"
nui sang chuan a ti a, ka fa thattu ah min puh tih hria selang chuan engtin tak ngai ang maw..




Kawtah motor ri ka hriat chuan Mimi-i a lo thleng tawh a nih dawn chu tiin kawngkhar chu ka va hawng a ka mi hmuh vang chuan ka meng phawk nghal hrâ, ka awih loh zawk ka awmdan tur hre lo lutuk chu kan khuh leh vel phawt a..



Ads in click hian hah taka in story chhiar tur lo ziahsaktu che u hian hlawh an lo nei ve zel thin a, chuvang chuan ads click hi story chhiar manah in lo ti ve ziah dawn nia

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:42 pm

CHAPTER-17




"Min lo ngai em" ti a nui suk chuan min rawn kuah a, ka kuah let ve vat, "I lo dam tha maw" tipah chuan a in la hrang a, ka bu ve nghut "Mambawih tu nge ni a" tiin ka nu pawh chu a rawn chhuak ve thuai a,
"I lo dam tha maw" u James-a chuan nelawm deuh chuan a ti a, "Pathian zarah ka dam ve tawk tawk e, engtik in nge I rawn chhoh a" ka nu chuan a ti a, Kei chu ka la ngawi ngul..





u James-a nen hian kan inbe ngai vak lo a, han biak dawn hian amah hi a inlahrang tlat a hei vang hian kan inpawh em em lo,Mahse min ngaihtuah ve thei lutuk, ka chungchang engkim Mimi-i ka atangin a hriat vek tawh ka ring, hei vang hian ka hmu hre deuh tlat...






"ka rawn thleng ve deuh chiah"
a tih chuan ka melh vat, an in lama kal hmasa loin a rawn kal maw ni le....
"A nih chuan hetah I rawn kal hmasa tihna mi" ka nu pawh chuan mak a ti ve deuh nge a rawn ti ve vat a, a lu thak lo pui a hiat vut vut ringawt...





"Mambawih rawn luh tir ve la khatia kawngkhar a ding reng lo khan"
ka nu'n a tih chuan harh chhuak thutin,
"a...nitak lo lut la" tiin a luhna tur ka kian a, a rawn lut ve mai bawk..






"I fel hle mai hetah te I rawn kal a, Mahse I chhungte tlawh hmasak tur a nia" ka nu chuan a ti a, u James-a pawh hnuai lam melhin a nui suk a, "hei khawilam tlangval nge ni a"
room atang a rawn chhuah pahin ka pi chuan a ti a, Ka pi tak hi chuan a hre lo ang, a mah he lamah a awm bawk lo nen, a hma a Lydia'n min sut tum khan ka nu leh nutei hi chuan an hria tawh a, min awmchilh deuh thaw kha nia.... Mimi-i erawh hi chu a mah hi a tlangnel hma hrim hrim a, ka pi nen tak pawh hian an inkawm thei fu..





"u James-a a nih hi ka pa fa u ber"
Ka lo ti nghal vat, "a ni tak maw I va lian tawh ve" thuthleng a thut pah chuan a ti a, "Laltlanmawi ka rawn thleng a nia" pawnlam ah chuan Mimi-i chu a au lang lang a..a chang hi chuan Kei ai hiana upa zawk emaw tih tur a ni..





"Chu Mimi-i a rawn kal a nih chu kal chhuah na tur in nei em ni a" ka pi chuan a ti zawm leh zat a, "An in lamah kal turin min sawm a" ka tih chuan u James-a pawn min rawn melh vat...




Saw tianga au chiam chiam saw a ching thar a, a awrawl lah hi duhthusam in a ring mai sia..




"Hmanhmawh la kal vat a..." u James-a a hmuh chuan a thusawi lai a tawp nghal hmak..




"U nang maw I rawn thleng tawh a"
hrilhhai hmel zet chuan a ti a, "Kei ai pawn u Chris-i I ngai zawk a ni maw"
nui tut tut chuan ka bulah a rawn thu a..
he nu hian engemaw tak zep ruk a nei chiang a ni..





"Khawnge kan kal dawn reng reng a"
ka tih chuan a ngai leh lo a ti nghal hmak, "kan phei mai dawn mi"
tho thurhin u James-a chuan a ti a..





"Imm e Chriss zanin ah ka u hlawhtlin lawm nan zanriah kan ei khawm dawn a lo kal ve ru aw" a tih chuan a mawi ah aw chu kan ti ve luam a....kawt thleng chu thlah in ka lut leh thuai a....





"Nu u James-a thil pek tur leiin ka chhuak lawk dawn ania" cooker chhuan pah chuan ka ti a, "aw rei lo la"
a tih chuan ka apron hreng lai chu phelh sawk sawk in ka chhuak nghal thuai...





"A bula a mi zawk kha ka lo en chhin"
luxury Sana zawk chu ka kâwk a, a duh em ang chu maw tiin ka thlek leh vung vung phawt a, "Hey, Chriss I dam maw" tih leh ka bula rawn din a rual nghal...






"Taylor I va vang ve" ka lo ti ve vat a,
"Khi lam ah ka awm deuh reng a, kha tu ta tur nge ni a u Ed-a ni chiang" tiin min nuih nghal vur vur..






Ka nui tawi tak, "Ni lo e hei chu u James-a ta tur a nia ka cousin" ka tih chuan a ni maw tiin a bu ve nghut nghut..






"Chuan khawilam ah nge I kal leh dawn a" tiin dawr nghak tu hnenah chuan Sana chu pack tir turin ka pe a,
"ka bazar kual vel mai mai maw le, tunlai enge I tih thin" a ti leh sup a...






"V house ah sawn ka thawk ve a"
ka tih chuan a meng phawk nghal hrâ,
"pu Vincent-a hnuaiah maw" mak tih hmel zet chuan a ti a, ka bu zeuh..





"A...aw a tha lawm" a sawi bah nawk nawk chu ka melh run, tupawh mai hi zep nei hmel hi an pu reng hlawm mai a..





"E takah Hmanni Zan khan...a ngai leh lo" Sana man vel chu ka pe nghal sawk sawk pah chuan ka ti a





"Lo leng kawi la" ka tih chuan kalna tur a neih thu a sawi a, "A nih chuan ka kal mai ange, kan inhmu leh dawn nia"
tiin ka kal nghal thuai....





Keimah hi ka dik lo zawk nge ka thian hnai vai te hian ka lakah zep an nei vek maiin ka hria..




"Mambawih nang tal chu va kal ve la"
ka nu'n a tih chuan ka bu ve zeuh, ka nu a hrisel tha bawk si lo chu lo ah a tan a nuam dawn lo a, nutei lah a night daih awm sia, Kei tal ka in lan loh chuan tiin ka insiam mawlh mawlh a...





ka naute kha la awm selang chuan a lian ve tawh ngawt ang, ka dul pawh hi a puar ve at tawh a nga, thenawm khawveng sêl rawn ka hlawh ngei bawk ang...





Naute hi lo pai tlang ta ila Ed-a paw'n heti em em hian min huat ka ring lo, khuanu'n ka chunga a ruat hi hriatthiam a har takzet...




Thawk leh khata hmangaih te Chan chu tu in nge tuar thiam bik ang le, darthlalang a in en vung vung chung chuan ka mittui ka hru leh zeuh thin...




Hmeichhe chak tak nih tum rawh heng buaina hi a zo tep tawh tuar hram hram rawh mahni chu infuih chawpin thawk ka la leh ham ham phawt a..





"Mambawih James-a a rawn thleng tawh a nia I hman tawh em" a tih chuan makeup tlem in hnawih leh thuak thuak in inhnuai lamah chuan ka chhuk thla nghal vat...






"tunah enge I zir a" ka pi nen chuan an lo inbe mial mial a, "Ka pi a ni te chu XEN a ni tawh lawm" ka lo ti vat a, u James-a pawh a lo nui ve suk..





"Enge chu chu ni a" hriatthiam loh hmel zet chuan a ti a, "Executive Engineer a nia a, a thu ber ang kha, I duh duh dil rawh a hausa tawh dawn teh mai nia" nuih tut tut chuan ka ti a, ka thusawi vang chuan a nui ve hawk..





"A nih chuan ka piancham a hnai tawh bawk a, ka duh duh ka dil dawn che nia"
uang zet chuan ka pi chuan a ti a..






"A duh a sawi leh hma in kal vat ang"
nui reng chung chuan ka ti a, "A nih kan kal a nge lo inenkawl tha la, I piancham ah chuan I duh duh ka pe dawn che nia" fiamthu zet a tiin kan inzui chhuak a.....





"I hlawh tlin lawmnan" car a kan thut tawh hnu chuan present chu ka pe a,
"Thank you" tiin nui sang chuan a la a,
"I hausa tawh awm sia min theihnghilh miah suh ang che" ka tih chuan nui hawk hawk in a bu ve nghut...





"Thil thleng kha ka lo hria a, chuan"
ti leh sup in min rawn melh zeuh a, nui lui ngial ka tum pawn ka thei thlawt lo,
"Sawi I duh chiah lo niin a lang"
tiin min nui suk a....





"I kiangah I u ka awm reng hi lungngai lo la I naute thattu chu kan zawng chhuak ngei dawn nia" nghet churh chuan a ti a, ka nuih seih ringawt...





Buaina tam tak tawk mah ila ka kiangah ka thiantha te an awm reng tih hi ka lo theihnghilh leh thin, 'min tichak tu ah chuan engkim ka ti thei ani' tiin ka phun chhuak sep a....





"In rawn thleng maw Khawnge midang"
Tiin ka nu(nuhrawn) chuan min rawn chhawn vat a, a nui sawng mai bawk sia, min ti hrilhhai ang reng, a â a maw ni le ti dawn I la â hmel a pu bawk si lo...





"An hrisel tha bawk si lo a, an rawn kal ta lo mai" ka tih chuan 'aw le aw le lo lut ula' tih zawm zatin luhna tur chu min kian a, ka lut ve mai bawk...





"Bawihi I rawn kal thei maw, tunlai chu kan inhmu khat riau mai" ka lut chiah tih ah chuan ka pa chuan a rawn ti a,
"nia hna lamah ka buai ve thei lutuk a"
ka ti ve sap a....





"I nu tunlai enge a an a in dam tha maw" a tih leh chuan kan dam that thu in ka chhang ve vat, chhung hnai vai deuh bak an sawm lo a kan tam lem lo, Mimi'n a thiante an sawm ve a u James-a thiante an ni keh bawk a...




"Kan pu pawh a rawn thleng a lawm"
Mimi'n a tih chuan kan hawi phei thap, Vincent-a lek chu lo niin ka hmuh khat vang nge a hma aiin a Cher chuan mut tlem tih hriat zetin a mit pawh a sen deuh ran a, a mit hnuai a val kulh bawk...





"Hey min lo ngai em" tiin ka bulah chuan a rawn thu a, "Khawnge I awm char char a induh si ka call pawh I chhang duh lo" ka lo ti nghal nghek chu min nuih suk ringawt...






Engemaw tal a sawi ka rin rin nen a ngawi leh ang kur a, "tikhan lo in be ru midang ho hi kan be lawk ange" tiin ka pa chua a thi thurh a... "Thil hrilh duh che ka nei a" a rawn ti sep chu enge ka lo ti nghal vat...



"IH..englo"



"Lo kal ru chaw ei a hun dawn" a sawi ddawn lai tak chuan mimiomi rawn auh avang chuan "nakinah nimai"
tisep in chaw ei khawmna lamah chuan kan phei a....





"Muaneki hian mipa khat duh deuh mai anei a, a bem ngam bawk silo hma lo lak pui teh u" chaw ei kham kan thu khawm chu Mimi-i chuan a ti a...




Inchhung lamah ka nu(nuhrawn) leh pa te an inkawm a, pawn lamah keimi ve thung...




"Aw va bem pawp mak la"
u James-a thianpa Dawnga chuan thawveng hmel zet chuan a rawn ti a...





"Teuh lo chutiang hmeichhia in a lo bem te chu" a ti niah niah a, "bem a tum chuan si loh che chuan I tan hmasak a ngai a ni mai lawm" Mimi-i chuan a lo ti hmanhmawh...





"Min duh dawn mi" a tih chuan ka lo nui hawk chu min rawn hmel nghal thup, nichin a tang khan Vincent'n min rawn melh keh zeuh thin, a ni pawh hi midang ang chiah zep nei hmel hi a pu reng...





"enge kha tia min hmu ngai lo ang mai a min rawn em thup a" tiin ka melh tawn zat zat hlawm a, "Mahni te in I lo nui sia kan hre ve chak, message thlum lam deuh em ni" muaneki chuan a ti a, nilo sawm sarih pawh ti ila min chhaih reng dawn tho....ka chhang buai lo law law..





"Aw vai ho ang in va zai khum ve vak mai la" u James-a chuan a ti a, kan lo nui hawm hawm, "A hnunga lam tur hruai tel I la *keh diya you are my soniya* ka va ti ve mai dawn mawni, vai film ah pawh an tih ziah kha an lo duh ve thei zel bawk sia" a tih chuan pum na bur a kan nuih nghek chu...





"Kan haw tawh mai dawn maw ni le"
Dawnga chuan a rawn tia, "Nia min thlah thei" Muanawmi lah chuan a lo ti hmanhmawh, "Keipawh haw tawh ila a that ka ring" ka ti ve sup a....





Haw tura kan inpuah chah lai mek chuan bolero a rawn tlan lut a, kan lo en thup, hei chu Ed-a bolero a ni si q hetah enge a rawn tih dawn le ka rilru chuan ka lo ti nghal vat...





"mak ti lutuk suh u ka auh a nih hi"
vinVincent-a chuan a lo ti a, "enga tan nge I auh a" chang fak chuan Mimi-i chuan a ti a, a ni hi chuan Ed-a hi chu hmanni a tang khan a ngei bur tawh mai bawk sia...





Bolero atang a rawn chhuak in kan lam chu a rawn pan zat a, ka lungphu a lo rang leh em em tawh hahthlak hian...





"Englo thil sawi duh ka neih vang a nia"
Vincent'n a tih chuan kan melh thup, Ed-a pawh chuan min melh reng tih ka taksa za mar mar a tang ka hre thei...





"I sawi duh chu sawi vat la" Ed-a chuan a ti hmuk a, Mimi-i lah lo ner nasa ngan mai....





"In pahnih in ka be thei che u angem"
a tih leh chuan "kan hriat ve a rem vak lo ani maw, Kei ni chu kan lo va haw tawh zawk ange" Dawnga chuan tiin Muanawmi nen chuan an inzui haw a..





"Saw lamah sawn kan lo nghak ang che u" u James-a chuan tiin Mimi-i chu a pawt phei dawr dawr a, "ka hre duh a lawm" Mimi-i lah chuan tal ngat ngat chungin a ti a, a lam hawiin ka nuih suk ringawt.....





"I sawi duh chu sawi rawh ka hmanhmawh viau ania" Dawhtheih loh hmel zet a thaw hrâwk in a ti a,kan zin min thlah haw hnu khan atang Tun hi ka vawikhat hmuh leh na....






"Eng lo....." tiin a chawl leh a, ka kut kheuh neuh neuh pah chuan ka melh ran, ka bulah Ed-a a ding ve kur sia ka awmdan a dik hlei thei lo....





"Khawngaihin min ngaidam dawn nia"
a tih leh sup chuan ka hrethiam lo kher mai, "Engvang chuan maw"
ka ti ta nge nge, Ed-a chu ning hmel zetin a thaw leh hawk thin....






"Nau tihtlakna damdawi kha keuma eitir che a ni" a tih chuan ka melh haw,
"ka hma ka Sial vangin Lydia-i thu ka zawm a I fa that sak tu che kha Keimah ngei ka ni" harsa tih hmel zet chuan a ti a, vawi leh khatah a ri nghal chawrh... mak ka ti lutuk leh min thawng lutuk chu ka ding khawng tawp ringawt..





Engtin nge a ni hi a nih theih, "Min ngaidam theih dawn lo tih ka hri ka tihpalh takzet" a rawn ti leh chu mittui tling Pam in ka melh a, ka lu a rawn hai nghal mual mual, kal sawn ka tum chu vawil leh khat a rawn thik nghal mup
"Bawihi" mangang tih hriat zet a Ed-a au ri chu ka thil hriat hnuhnung ber a ni..





(A tawi tih ka hria, type chhung zawngin ka rilru ah *hmangaihna mittui leh pangoar I tan rimtui a ka hlan che kha* tih hla ringawt a awm😂 hmangaihna lamah ka luang liam ve tan dawn a niang🙊)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:42 pm

CHAPTER-18




EDWARD LALPEKHLUA




Bawihi chu pawm kang lawpin bolero ah chuan ka dah a, "Enge thleng a, Christina-i chu a tha em" Hmeichhe pakhat lo awm ve chuan a ti a, "Hospital ah hruai vat angai" ka lo ti hmuk chu min meng rum ngei mai...







"Heng zawng zawng hi I thiam loh vek a nih hi engtin emaw a awm a nih chuan I chak lo khawp ang" a ti nghal chiam chiam a, "Inbengdai phawt rawh hospital ah chuan kal vat ang u" Bawihi u chuan a ti a, bolero ah chuan ka lut vat...






A hnungah a thiannu chuan a thutpui a, motor dang in Vincent-a leh Bawihi u pawh chuan min rawn zui ve vat, Bawihi chuan min haw ngei ang le, ka hmasial leh luhlul em vangin Bawihi thusawi kha ka lo awih duh lo a, hrep chuan..






Kan mi tenawm pa chu dam in ka chhuah hauh lo ang, kha mi ni pawh khan Bawihi nen a inthurual in ka fa kha an thah thu min hrilh a nih kha, a ruahmanna vek a lo ni a hrep chuan..






Tawngkam chhe tin rengin Bawihi kha ka an khum a, min ngaihdam theih na tur a nih phawt chuan engthil pawh ka ti hreh lo..






Hospital kan thlen hnu chuan hmanhmawh zetin Bawihi chu ka pawm lut a, doctor leh nurse te pawh chuan min rawn pan vat, "Ka pu nang chu I rawn lut ve thei lo ang" ka lut ve tur chu nurse chuan a rawn ti vat...






"Engvang chuan maw, ka luh ve angai a ni saw ka engkim a nih saw a kiangah ka awm reng a ngai awm sawn rawh"
ka ti leh thawt chu a khur nghal der der..







"Ngaihtuah vak ang khan lang angai lo a dam vat I duh chuan luhlul chhuah suh" Bawihi thiannu chuan chang fakin a rawn ti a, a ni hi chuan min ngaina teh chiam lo tih ka hria, Keimah avangin a thiannu na tak in a awm a, a thinrim pui hi a awm takzet..






Thaw hawk chuan ka inthlah dul ve deuh a, Vincent-a leh Bawihi u pawh an rawn thleng ve thuai, an rawn phei chu Vincent-a kawr awm ah chuan ka tham nghal vat "Bawihi engtin emaw a awm a nih chuan hre rawh nun dam ka chhuah hauh lo ang che" tiin ka thlah hnawk a, engmah sawi lo in hnuai lam a melh ngur...







"Enge awmzia engvanga Vincent-a mawhpuh ngawt nge I nih a"
a thiannu bawk chuan a rawn ti leh a, Vincent-a pawh chuan min rawn melh vat, engmah ka sawi chuang lo...






Kan chhanna nghak chuan min melh tawn zat zat a, Vincent'n sawi a tum chiah tih ah doctor a rawn chhuak a, ka pan nghal vat, "engmah hlauhthawn tur a awm lo, a taksa a chak lo deuh tih mai lo chu, mutna damdawiin kan chiu tawh a, a rawn harh tep tawh ang" a tih chuan ka thaw huai...







"A luh theih ang tiraw" ka tih chuan a luh theih thu sawiin a kal sawn vat a, a chhungah chuan ka lut thuai... Chau tih hriat zetin Bawihi a lo Mu bam a, a bulah chuan ka thu vat...





JAMES POV





Vincent-a hmel chu ka en leh zeuh thin eng emaw zep nei hmel a pu, Chris-i te nen khan enge an sawi kha ti takah Edward-a thinrim chhan leh Chriss-I a ngaihtuah danah khan...






"Min ngaid rawh ka thiam loh vek a ni lo ring tur che kha ka nia" Chris-i kut vuan chung chuan a phun sep a, "engthil chiah nge thleng a" Mate'n a tih chuan an ngawi ngul...






"Nau tih tlakna damdawi kha keima ei tir a ni" Vincent'n a rawn tih chuan la melh nghal vut, "eng thu maw I sawi kha, engtin nge I tih theih zawk a"
Matei chuan tiin rawn khawih a tum ta mai chu ka lo dang vat...






"Ka unaunu chungah hetiang thil hu I ti ngam a, ka thiantha ang ka lo en che a sin Chris-i pawn thian ang tak tak in a en che a, a chungah hetiang thil tenawm hi I ti a, a ngaihdam theih nan che tawngtai mawlh mawlh rawh, a ngaidam che a ni pawhin Kei chuan ka ngaidam ve hauh lo ang che" Matei chuan a ti leh nghal chiam chiam a..






Edward-a khan a ring loh thu Mate'n a sawi tak kha, Chris-i pawn a ngaihdam mai ka ring lo, "Bawihi I rawn harh tawh maw" Edward'n a tih chuan Chris-i lam chu ka pan vat...





Chiang lo zet chuan a rawn meng diar diar a, ka zep lo a hmeltha takzet, nau ang a en hi a harsa lam hret a ni, a mah theihnghilh tum a ramdang kal ka ni pakhat...






"u khawnge ka awm a" tiin mak tih hmel zet chuan a hawi kual hrek hrek a,
"Nangni pahnih kha ka hmu duh lo che u chhuak rawh u" Edward-a leh Vincent-a te chu melh in a ti nghal chiam chiam a...





"Chris"




"Aih u ka hmuh duh lo chhuah tir rawh ka ngen a che chhuak tir rawh" mittui tla zawih zawih in a rawn ti a, a tal vak vak bawk, "Bawihi" ti a Edward'n a kut vawn a tum chu dah sawn vat in ka lamah a rawn tawlh phei nghal vat...






Rilru nat hmel zet chuan Edward-a chuan a en a, "Chhuak phawt mai rawh u a tha leh vat mai ang" ka tih chuan Chris-i en vung vung chuan a bu zeuh a, "Bawihi ka tihpalh takzet ka thil tihsual kha ka siam tha leh ngei ngei ang" ti nghet churh chuan an chhuak a...






"Mate lo awmpui lawk rawh" tiin Keipawh la chhuak ve vat, "Edward inbe lawk ang hmiang" ka tih chuan a pawm ve mai, thlanglam bathlarah chuan kan ding a, meizial chu kan han zu leh te te phawt a...




"Engtia tih nge I tum" ka tih chuan min rawn melh vut, "Bawihi thu thu a ni mai" a ti sup a, "Chris-i hian angaihdam mai mai dawn lo che nia"
ka tih chuan railing chu a hmer salh...






"Min ngaihdam leh theihna tur a nih phawt chuan engpawh tih ka huam"
tiin a thaw leh hawk thin, "I hmangaih em" ka tih chuan min melh zeuh a,
"engtik lai pawhin ka ngaihtuahna a luah khat reng a, second 1 chhung lek pawh a tel lova awm a harsa takzet,huat tum thin mah ila a nui hmel tawi te pawh hian ka thinrim na a tidai leh vek thin chu chu hmangaihna a nih chuan" tiin a ngawi leh dat a







"Ka hmangaih tawh takzet a ni"
a rawn ti leh a, a thusawi leh a awmdan a tang hian a tih tak zia ka hre thei, a hnenah ngei hian Chris-i pawh a him ngei ang...






"tunah min haw mahse ka beidawng dawn lo ka venghim tlat tawh ang, engtik a emaw ni chuan min la ngaidam ve mahna" tiin hara tih hmel zet chuan a thaw leh hrâwk thin...





"A tuar hnem tawk tawh hlim taka awm a phu ve tawh, a hlimna chu nangmah chauh hi I ni, I tihnat leh chuan ka ngaidam dawn hauh lo che nia"
a mitah tak en chung chuan ka ti a..






"Ka theih tawp ka chhuah ngei ang"
nghet churh chuan a ti a, mipa diktak a ni tih ka hria, Chris-i pawn tunah la haw rih mahse a hmangaih miai a ngaidam hun a la ne ngei ngei bawk ang...





CHRISTINA'S POV





"Vincent'n I chungah khatiang thil kha a tih duh ka ring thei lo, a lo mak ngawt mai" Mimi-i chu a ang hlak hlak a, Kei ngei pawn ka ring bik lo, "Chuan Engtin nge tih i tum, a mah a in puang sia I man tir dawn em" a tih chuan ka ngawi ngul...






"Ka hrelo" ka ti tawi tak ringawt, ka sawi peih vak lo tih a hre deuh nge engmah a sawi tawh lem lo, mit chhingin thawk ka la leh ham ham phawt a, ka mithlaah Ed-a hmel ringawt a rawn lang...






Kha tih hun chhung zawng khan mi ringt lo em em a, ka thinlung hi chuan ngaihdam nghal mai a duh a mahse ka hmangaih tluk zet in ka haw tel bawk, tunah rih chuan ka hnaih ah rawn inlan tam lo se a tha ber...





Ka ngaihtuah lai mek chuan u James-a nen an rawn lut a, ka in khuh nghal hmak, Ed-a nui ri ruk ka hre tel hram pek a, "Mate kan va haw phawt mai nge doctor in zanin chu riak mai ru a ti a, riah pui mai rawh, chuan Chris I chhungte ka call tawh a nia aw" a rawn tih chuan aw ka ti hmak ringawt...





Ka awmdan atthlak zia ka hre thar leh hnuhnawh mahse ka ti laklawh tawh bawk si, an chhuak tawh nge a reh ruih a vang chuan muang changin ka dak de de a...






Ed-a nen kan inhmachhawn nghal siah, kan in hnaih dan chu kan hmai a in si lo chauh, a pangtilum in min ur nghal ham ham, a mitmeng pa tak chuan min melh run, ka mitah tak chuan rawn melh in ka hmui chu a en leh zeuh thin, chil ka lem khalh a, awm sawn duh viau mah ila ka thei thlawt lo...nichin a ka thinrimna te kha an bo nghal duai maiin ka hria..a mitmeng chauh pawhin a min control hneh lutuk hi ka haw takzet...





minute 1 dawn kan inmelh hnu chuan a rawn vei nuih suk a, ka harh chhuak thuai, ka inkhuh leh nghal vat a,a nui zui hawk hawk chu ka huat tawk a tling leh em em tawh, "Ka hmuh duh lo che ka ti a ni lawm ni chhuak rawh" ka ti nghal nghek chu a thaw ri hrâwk...




"Bawihi ka tihpalh takzet lo ring tur che ka..."





"Sawi tawh suh ka ngaithla peih lo khawngaihin min chhuah san zawk rawh" a thusawi lai pawt chat in ka ti lo ram hmak...Hetianga a sawi hian hun kal tawh min ti hrechhuak mai mai, Ni e khang a tawngkam kha midang tan chuan ho te mah nise hmangaihtu thinlungah chuan na tak ani...




"Tunah chuan min hua tih ka hria ka thil tihsual kha ka siam the leh thuai ang"
a tih chuan ka lo ner nawng, ka thu chhuak thawrh chu min melh run, "Engtin nge I tih ang hun I her let leh dawn tihna mi, I hre em kha tih hunlai khan ka thusawi awih lang chuan hetiang hi a thleng lo ang" ka mittui rawn tla ve sek chu ka hru leh tawk a...




"Kha tih hun lai khan 'a tha leh vek mai ang I kiangah ka awm hi' ti a min hnem tur kha I ni a sin tunah a tlai tawh min chhuah san tawh rawh I rin em em Lydia-i bulah chuan va kal rawh"
tiin a mah chu ka melh lui ngat ngat...




"I duh ang ngei chuan finfiahna ka nei tawh a, Lydia-i hnenah chuan hei hi lo hrilh ang che a him rei hauh lo ang"
ka tih leh chuan ngawi rengin min melh ngawt ngawt...





"Kal tawh rawh ka mu duh" engemaw sawi tum a ang zeuh chu ka lo tih khalh vat hmun dang ka melh san daih bawk, a hrim hrim in Mimi-i pawh hi a va rei em em ve maw le...





"Lo inenkawl tha le naktukah kan inhmu leh dawn nia" tiin ka inrin hma chuan ka chalah a rawn fawp zeuh a rum mangkheng in ka melh chu kiai sukin a chhuak nghal daih a nih chu ka van ngei mai mai chiang...





A chhuah hnu rei vak lo ah Mimi-i pawh chu a rawn lut a, ka phone ka zawng deuh a ka hmu miah lo pawilo u James'n ka chhungte a call tho tiin ngaihtha tak chuan ka mu a...





"Chriss ka ngaihdan chuan Edward-a hian a hmangaih che in ka hria"
a tih chuan ka lo ner nasa mai, "Ed'n min hmangaih chuan khawvel hi a letlingin ka dah ang" ka tih chuan a nui hawk a...






"A nih nangchuan I Hmangaih tiraw"
a tawn ti leh sup a, "Hmangaih loh chu duh hle mahila ka thunun zawh theih a ni tawh si lo a" ka sawi zawh rual chuan a nui hmel sexy zet chu ka mitthlaah a rawn lang zawm zat....



.....




"Mambawih I thianpa a rawn leng"
ka nu in a tih chuan Ed-a bawk a nih ringin peih lo zet chuan inhnuaiah ka chhuk a, room a han tam ngawt ngawt lah ni thei hek lo chuan...





Rin ang ngei chuan thuthleng a Ed-a lo thu run chu ka melh nghek, "Mambawihi I hmel I va pe chhe ve I thianpa Kha melh puah I tum mi" ka nu'n a rawn tih chuan hnuailam melhin Ed-a pawh chu a nui ve suk suk...





"Ka tum pawh ka ti lo" ka lo ti nghal hlar...




Damdawiin ka chhuah hnu atang khan rawn len a thulh ngai lo, vawi tam rawn kal tawh suh ka ti a, ka thusawi chu a zawm lem hlei lo chu a nih ber hi...





(ti rih zawng hi aw, Vincent-a hi Engtin nge kan tih ang lockup ah kan dah dawn nge😂 comment lamah rawn sawi ula"

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)