EDWARD LALPEKHLUA BY Denna pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: EDWARD LALPEKHLUA BY C RALTE (Completed)

Unread post by Ngaia » September 5th, 2021, 2:49 pm

CHAPTER-25





CHRISTINA LALTLANMAWII POV





Phone chu hmet thim in thawk ka la vang vang a, Engtin nge a hriat ni Ed'n a hrilh ka ring bawk si lo, a nuam duh lo ngei mai Engmah hrelo a awm tawp lah ka thei bawk si lo, Taylor-i khan min lo hrilh lo law law se tha tur...




Ka message tone ri leh khepah chuan Mapuia bawk a nih ringin ka la duh lawk lo a, a hnuah a rawn rik leh chuan a pawimawh ka rin vangin ka la leh vat, phone hi ka khawih em em lo a, no. hlang atanga min rawn be tu te pawh ka hmelhriat an nih loh chuan ka be ngai lo...





Instagram velah thawmhnaw design ho hi tunlai chu ka en ngun deuh a, mi kawr an design phei hi chu a to viau in ka ring puanthan a ngai hnem awm ropui sia, an in hlawk vet vet hlawm ang chu...






Ka naupan deuh lai khan designer nih hi ka chak ber zel a, mahse ka thawmhnaw design ve ho kha chu Mizoram a hak ngam loh chi deuh hlir a nia, hak ngam loh han tih khan a sexy hlawm lutuk tihna ani lo a nia...





Chutiang em em in designer te hi an inhlawk si lo a, Mizoram angah ngat phei chuan, eng han pawh thawk tur hian hmelhriat tha leh sum hi a pawimawh ber maiin ka hria, thiam thei over kan ni te a nih ngawt loh chuan...






Mapuia leh no. hlang a tangin message a rawn thleng a, no. hlang zawk chu en loh ka tum zet na in, ka en lui ta tho a,






*I bul hnaia thil thleng vel hi I hmuh dan ang ngawt hi a ni lo ania* tih te mai chu a rawn thawn a, tunge maw ni le a dp ka hmu thei bawk si lo, ka bul hnaia thil thleng vel chu enge ni ta ang, Ed-a nen a kan chungchang vel hi em ni ang Mahse ani hian Engtin nge a hriat ngawt theih ang...






*Tu nge I nih a* tih ka va thawn a, a seen rang ngei mai...





*A pawimawh lo ka thusawi hi ngaihtuah chiang turin ka duh che*
a rawn ti ve leh a, ka chhang tawh lem lo, bambo zeta in min siam a ni ringawt lawm, a awmzia min hrilh mang bawk si lo, ka thluak a tibuai takzet....






Mapuia message zawk chu ka en leh a, zanin hi thumal pui pui hi an rawn sawi hlawm a, min ti â tak ngial dawn...





"Thil thleng mek hi ka lo hre har deuh a ni* tih te hi a rawn thawn leh a, min va han tibuai hneh ve tak, an rawn sawi dan lah hi a hriat belh chakin min siam a, an sawi leh duh tawh mang si lo, a pawimawh takzet a nih chuan a hunah ka hre mai ang tiin hla play in ka Mu a, kan thlalak dunna vel chu ka en a...ka ngaihtuahna erawh a kal thui ngei mai....





Surrender-Birdy sak chu play Ed-a nena kan nunhlui vel chu ka ngaihtuah a a changin ka nui leh suk thin..





Looking at pictures on my phone
And I say I didn't miss you
But I lied..
(A nalh teh mai nia ngaihtuahna a kal thui tir teh mai nia😊 in lo ngaithla ve ngei ngei dawn nia😊)






EDWARD LALPEKHLUA POV






"Naktukah Christina-i a zin dawn tih I hre em" ka bula rawn thut pah chuan a ti a ka melh zeuh, "Chuan" ka lo ti hmuk chu min ner khum vak a, "Chuan a rawn let tawh lo ang" a tih leh chuan ka bu nghut a, ka ngaihtuahna erawh ka hmang nasa ngei mai....whiskey chu ka tlak leh pap a...






"Chhe te mahin I ngaihtuah ve miah lo a mi, I inchhir leh na tur ti lo la ka duh I theih lai hian umzui vat la a that ka ring"
tiin min melh kar a, "Ka thei lo tih I hriat kha" ka ti bul hmuk a, ka unaupa in a hmangaih tih ka hriat a tang khan Zan pawh min mut tir thei lo a, tun thleng in Zan hi ka huat phah...






Chhun lamah chuan hna te khawih in Bawihi ngaihtuah tho mah ila, a zia deuh a, Mahse zanah erawh chuan ka ngaihtuahna zawng zawng a luah a, chhing khat mah chhing loh chang pawh ka ngah, ka thiltih hi a dik turah ngai ang....






"Mipa nep tak ang khan I la awm zel dawn mi" rawn titu chu Taylor-i nen chuan kan melh nghal vat, "U mamawh I nei a mi" Taylor-i chuan a lo ti vat a, "Zan a rei tawh va mi tawh rawh" Taylor-i bulah chuan a ti hmuk a, "Mahse u"






"Ka thusawi I hria em" ti leh nghut in ka lam pan chuan a rawn pen a, zu no dawm chung chuan ka lo melh ve run, a awmdan hi a mak riau bawk, "Taylor-i pawh a tlan chhuak ve vat, ka bul a rawn thlen chuan ka bekah a hnek nghal chawrh a, mak ti zet in ka melh ngur, a rawn hnek leh tur chu ka lo dang vat..





"Bro inbeng dai teh" a taksa a la chak tha lo a, hetianga chet buan buan chi hi a ni lo, ka hlauh vanga sawi ka ni lo a tan a tha tur zawk a sawi mai ka ni..





"Unaupa nep tak ka lo nei a nih hi"
ti hmuk in whiskey chu a in nghal zeuh chu ka laksak vat a, "Engthil nge I hriat a" ka ti hmuk chu kiai suk in whiskey chu a ban keh vut...






"Christina-i hmangaih hmasak ber leh hnuhnung ber chu tunge a nih ka hre tawh" a rawn tih chuan ka melh zeuh chu min lo melh ve run "Chu chu engvanga min hrilh nge I nih"
ka ti liam puat a, "ka hrilh mai mai che maw le, ka unaupa hian Keimah vangin a hmangaih ber a kalsan a"
ti sepin couch ah chuan a thu thla dawt a, a hrechhuak tihna em ni....






"Daltu lian tak inhmangaih tr Kara daltu lian tak ka nih tih reng ka lo hre hauh lo a mahni hmasial tak ka ni" tiin a nui lui leh sak a, "I sawi tum ka hre hauh lo"
ka ti bul hmuk chu min rawn en vat,
"Heng Thil hi Keimah vanga ti I ni tih ka hria lawm, tunah chuan engkim ka hre tawh" tipah chuan rawn tho chhuak in ka dawrah chuan a rawn a beng thek thek a...






"Christina-i nena in inlaichinna te hi ak hriat loh I ring a mi, a hmangaih hmasak ber I ni a, I hmangaih hmasak ber a ni bawk ka sawi dik em" a tih chuan ka rum nghut, tu phiangsen in nge lo hrilh hman ni...





"Engtin nge Nangmah hmangaih ngawih ngawih tu che chu Keimah vangin I tihnat theih, nakin lawkah thi mai tur ka nih hi"






"Ngawi hmak rawh khatiang thi kha sawi tawh hlek suh" ka ti nghal thawt,
doctor'n a dam leh theih tur thu a sawi a, Mahse a mah hian a ring zi ve tlat lo a, "Ka hria lawm ka unaupa hian min hmangaih takzet tih hi, ka rilru nat I hlauh vangin I hmangaih ber pawh ka tan I hlan a, Mahse ka kiangah Christina-i hi a hlim theih I ring em ni chupawh I tello leh nghal in"






"Ka tan engkim I naum ang bawkin keipawn ka unaupa tan hian ka nun pawh ka hlan phal, I hmangaih tak chu a tlai hma ngei hian va umzui rawh"
nui lui tih hriat zet chuan a kiai suk a,
"Engkim chu a thlen tur ang in a thleng vek tawh sawi tawh lo ila a that ka ring"
ka tih deuh hmuk chuan a thaw ve hrâwk...







"Daltu I ni lo bawk ka duhthu ngei a Bawihi hi then ka ni, chutah chuan I thiam lohna a awm lo, a tlai tawh doctor'n Mu hma turin a hrilh che a ni lawm ni" tiin tukverh bulah chuan ka va ding a...






"Bawihi I la tih danah I la hmangaih zia ka hre thei, mahni inbum tawh loh khan I thinlung duhdan kha zawm a hun tawh, kei chu min ngaihtuah duh suh, i hlimna leh Christina-i hlimna ka duh ber, I hlimna chu Christina-i a ni a, chutiang bawkin Christina-i hlimna I ni bawk, I Thil tih hi ka pu in hre phei selang chuan a vaw ngei ngei ang che" nui tut tut chuan a ti a, ka nui ve suk Mahse ka rilru erawh a nuam thei chuang lo...






"Kal vat rawn a tlai hma ngei hian"
a tih leh chuan ka kuah nghal thlawp,
"unaupa tha ber I ni" ka ti sup a,
"Unaupa mawl ber I ni" a tih chuan ka nui zui hawk, ni e a dik tunah chuan ka hmangaih hi ka chelh tlat tawh ang...






min haw hle ang tih pawh ka hria Mahse la ka beidawng tawh dawn hauh lo engthil pawh paltlang ngai Mahse ka Bawihi ka hnaih theih na anih dawn phawt chuan ka paltlang zel ang...






MAPUIA POV




*flashback*



"Bro I awm em" tiin a roomah chuan ka lut a, bathroom lamah thawn a awm vang chuan amah a nih ringin ka au zui lem lo, Christina-i chungchang sawi pui ka duh vang chuan ka ngahl deuh reng a, khuma a phone dah rawn eng zeuh chu en a, Zualbawihi a ni



*Christina-i chu a zin dawn...




tih thleng chu screen ah a rawn lang a, ka mit a la nghal chawt, lock a dah loh vang chuan a thlalak vel chu ka en a, message khan ka mit la viau Mahse an inbiakna leh zel lo check sak chu ka unaupa a nih vanga duh duh a, a phone lo khawih kha a dik in ka hre chiah lo, chubakah Christina-i dang tam tak an awm a, a ni chungchang kha chu an sawi lo ang ti rilru mawlh mawlh chuan thlalak chu ka en a, kan tleirawl deuh lai pawn kan phone te kan in khawih thleng chang a tam...






thlalak a ka Thil hmuh vang chuan ka meng deuh kâwk, Christina-i nen hian an inhre thin a maw, a dang lo chu ka en zel a, a dp a a hman ngei kha Zualbawihi ni lo in Christina-i ngei a ni, hlim tih hriat zet a an nuih dun lai te a awm a, Engthil nge thleng mek hi ka hre thiam lo takzet....






A ni chuan Christina-i a hriat loh thu kha a sawi si a, inlaichinna thuk tak an lo nei reng em ni? Zualbawihi pawh hian a hruatpui ka ring, Christina-i a rawn sawi hi a mah ani thei mai angem, a message en ka tum lai tak chuan bathroom atang a rawn chhuak a rang takin ka dah vat...






"I awmna a rei tawh em" tiin a inhru bul mawlh mawlh a, christina chungchang zawh ka tum zet a mahse Engmah min hrilh duh ka rin loh vang chuan ka zawt ta bik lo, "Rei lo e ka rawn kal mai mai damdawi ei ka ngai ka va let leh tawh mai nge" tiin room chu ak chhuahsan a, ka unaupa han ka lakah hian engemaw zep a nei tih ka chiang, damdawiin a kan intaeh tum pawh khan Christina-i hmel atang khan ka ringhlelh tawh, inzawmna thuk tak ka hriat ve loh in an nei a, chu Thil chu ka zawng chhuak ngei bawk ang....


*End of flashback*





Ngaihzawng a neih leh neih loh ka zawh tum khan "Mi pakhat ka thinlung zawng zawng a hmangaih ka nei a, a ni chu ka hmangaih hmasak ber leh tawp ber a ni bawk ang* a ti a nih kha, Edward-a a sawina ni tih ka lo hre ngai lo a, ka hriat miah lo in daltu lian tak ka lo ni reng a..






"U, u Ed-a kha khawiah nge a kal dawn eng chungchang nge in sawi a"
hriat chak hmel zet chuan ka bulah a rawn thu a, "A hmangaih bulah"
ti sepin ka nui suk a, uluk takin min melh kar, "a..anih chuan engkim I hre tawh tihna mi" a rawn tih leh chuan ka bu nghut...






"Ka tihpalh a hma khan lo hrilh tur che ka nia" inthiam loh hmel zet chuan a ti a, ni e a tir khan min hrilh se lang chuan hetiang thil hi a thleng lo ang, an inkar pawh a chhiat phah lo bawk anga, ka rilru nat a hlauh luat vangin a hmangaih a kalsan phah a, a tir atang engkim hria ilang chuan Hetiang Thil hi a thleng hauh lo ang, tunah Keimah vangin an inthen phah a, ka tan a inhuam ang bawkin ka unaupa hlimna chu ka hlimna a ni mai, chunglam chu melh vung vung in ka thaw chhuak leh hawk thin, ka bula thu lah chuan ka chetzia engkim uluk chu takin min thlir a...






"A tlai tawh va Mu tawh rawh"
ka tih chuan min melh zeuhin a bu nghut a, a chhuak zui thuai, Muhil mai lo chuan engemaw ngaihtuah in thawk ka la leh vang vang phawt a, Zan dar 12 chu a ri va tawh tunah Ed-a kha a va kal a, Christina-i te chu an Mu tawh hrim hrim...





Rei ngial in ngaihtuah a ka thut hnu chuan kawngka khar in Mu turin ka inpuahchah a, "U..u..u kawngka lo hawng teh" tiin kawngkhar chu a rawn chum dawt dawt a, eng tak chu hria ni maw, ka va hawn chuan a lo thaw lâwp lâwp, "U..ih... u Ed-a a accident"
bah nawk a sawi in a mittui a dir thla nghal zawih zawih, "I tho â a mi"
ka lo tih chuan lu a thing nghut nghut, tunah hospital ah an hruai mek akn kal vat angai " a tih leh phei chuan ja awih lo lutuk chu za lo zet in ka nui suk..






"Mate I kal vat teh ang u" ka nu pawh chuan hlauthawng leh hmanhmawh hmel zet chuan a rawn ti a, damdawiin lam kan pan vat, kawngkhar bulah thutin pitei pawh chu a tap zawih zawih a, chutiang bawkin u Sofia-i pawh...Ka nu leh Taylor-i pawh chuan an va thlem ve vat a...







"Engtin nge hretiang Thil hi e thlen theih a ni te chu Christina-i hmu turin a kal sia" bang bo zet a ka tih chuan min rawn en thup a, "Engtin maw Christina-i bulah kal a tum a maw"
tap aw tiau in u Sofia-i chuan a lo ti vat a, "Engkim u Mapuia hian a hre chhuak tawh a lawm, chuan Christina-i va hmu turin a hrilh a" Taylor-i pawh chuan a lo sawi thuai...







"A...an sawi dan chuan truck lian nen an insu niin a na sawi a, a nih bullet a lo khalh bawk nen thisen a hlauh nasa lutuk" tiin a tap zawm leh hawm hawm a, "U Christina-i pawh phone vat a ngai" tiin a call zui zat a, "A ring ral thak" tiin vawithum a call hnu pawh chuan a ring ral thak a..





Keimah vangin Christina-i hian a ngaidam duh tawh lo anga a beidawn zeta dawn tlan haw in a accident tihna a ni mai angem, ka hmai chu ka tuai len puat thin, ka thiam loh vek ani..






"Tinge u Sofia han call ve chhin teh"
Taylor-i beidawng chuan a rawn ti a, u Sofia-i pawh chuan a call zui zat a, a ring ral thak tho, "Kan thil tih vang hian min hua a ni ngei ang"
lungngai hmel zet chuan u Sofia-i chuan a ti a, ka call pawn a la thei bik chuang lo, nge ni a a Mu tawh zawk, rei kotr hnuah ka pi le pu te pawh an rawn thleng a, ka pi phei chi a tap nasa ngang mai, ka pu pawh a ngawi deuh run, ka pu phei hi chuan a chhuangin a duhsak em em a, leh lamah kei heti hi ka lo ni bawk nen, Hna thawk vak thei ka ni lo a, engkim ah Edward'n mawhphurna a la vek zel bawk a, chuvang chuan ka pu hian a duhsak hle bawk....Doctor rawn chhuah hun chu kan nghak thap a...






CHRISTINA LALTLANMAWII POV





Ka alarm rawn ri lang langah chuan ka meng diar diar a, alarm chu ka off vat, kan zin dawn tih ka hrechhuak thut chu harh chhuak zawkin bathroom ah ka tlan lut vat a inphih fai sawk sawk in ka phone chu ka ban zeuh a, miss call a tam ngei mai, Taylor-i, u Sofia-i leh Mapuia a tang call tam zet a awn a, engtik chu hria ni hlawm maw...






U Sofia-i chu ka call let vat a, a la thei der lo chutiang bawkin midang pawh, enge an hriat hlawm le mi rawn call rual thup a, tunah lah tumah zu han biak tlang theih lo a, a pawimawh viau chuan min rawn call leh mai ang tiin inhnuaiah chuan ka chhuk a....





"Mambawih I rawn tho thei maw I bag vel te I tifel tawh em" a tih chuan ka tihfel tawh thu ka hrilh a, dar 6 a ri va va tawh dar 5 ah khan alarm ka set emaw ka ti a, hahthlak hian..






A hnu deuh lawkah u James-a te pawh an rawn thleng ve thuai a, u Mary ka hmu tel ve chu mak ka ti ang reng, "I lo dam tha maw" nui sang chuan a rawn ti lut a, a hmel hmuh hi a hahdam thlak takzet, "Ka rawn kal ve dawn a, pawi I ti em lo ang chu tiraw" a tih chuan lu ka thung nghut nghut...






Inthlah na kan hman hnu chuan kawtah chuan min thlah a, Mimi-i nen chuan a hnungah kan thu a, a hmaah u James-a leh u Mary an thu thung, an ni pahnih hi an kal thui tawh riau Mimi-i nen chuan in melhin kan nui leh suk thin...






Kan tlan chhuah hnu rei vak lo ah chuan u Sofia'n min rawn call a, ka ka nghal vat, "Aw u Sofia" ka ti chu ka bula mi te ho chu an rawn hawi thup a, a thu rawn sawi vang chuan ka phone ka thlauh thuai, hlauthawnna leh mangang na in min rawn bual nghal mup mup...






"Engthil nge thleng a" ka awmdan vang nge Mimi-i chuan a ki ti vat a, tawng mai nachang pawh ka hrelo, ka awih dawn nge dawn lo pawh ka hre chaung lo ka â chhuih maiin ka hria...





"Chriss Engthil nge a" hlauthawng zet chuan a rawn ti leh a, u James-a pawn min rawn melh leh zeuh thin, "Ed...tunah damdawiinah a awm"
lawi rat chuan ka ti a, an meng phawk nghal hrâ...





"A nih chuan va kal phawt ang u"
Mimi-i chuan a ti a, "A tul lo"
u James'n a tih hmuk chu mittui tling piauin ka melh a, ka haw lutuk Mahse ka hmangaih tho si a, engvanga accident tawk nge a nih ka hmuh ngei ngei angai...






"Aih u James ka hmuh angai a chungah enge thleng ka hriat angai" tap aw tiau chuan ka ti a, motor chu a ti thi dut,
"A tha e kan kal zawk anga kan let leh nghal ang" ti hmukin damdawiin lam pan chuan a tlan a....






Ka kut chu kheuh neuh neuh in hmalam ka melh run, Mimi-i pawn ka zarah chuan a rawn chul ve hauh hauh a,
"lungngai suh a tha leh mai ang"
tiin u Mary pawh chuan min rawn fuih leh zeuh thin, Engtin mah awm lo se ka ti ngei mai...






Damdawiin Kan thleng chu hmanhmawh zetin ka tlan chhuak thuai
midang ho pawh chuan min rawn um ve vat a, nurse lo amw hnenah chuan Ed-a te awmna chu ka zawt a, min hrilh ve vat, a awmna ka va thleng chu pawnah Ed-a nu leh u Sofia-i chu an lo inthlem mawlh mawlh a....






"khawiah nge Ed-a chu a awm a tha tiraw" ka ti nghal vat, "doctor'n thisen a hlauh hnem a ti a, a that chuah leh nan hian eng chen nge kan nghah dawn kan hre lo kum 1-2 a ni loh pawn a tha chhuak tawh kher lo maithei"
u Sofia'n a tih chuan chhuatah ak thu nghal hnawk...






"A tha chhuak leh em em ang"
tiin u Mary chuan min lo dawm vat a, room chhungah chuan min hruai lut a, ventilator hmang a thawk tir a ni a, mitthi ang maiin a mit a chhing tlat bawk...






"u Ed-a hi kaitho rawh I auh chuan a rawn harh hrim hrim ang" tam zawih zawih chung chuan Taylor-i chuan a rawn ti a, a buakh Zualbawihi pawh a thu ve bawk, ka mittui luang thla ngiai ngiai chu hruk buai tumna ka nei lo...






"Kan kal a hun tawh in ka hria"
ka beng bulah u James-a chuan a rawn ti sep a, u James-a hi chuan hnaih tawh lo tur khan min hrilh thin, intipachangin lui hram hram in ka mittui tla chu ka hru sawk sawk a, "A dam that leh thuai ak beisei" ti a kal ka tum chu Zualbawih'n ka kut a rawn vuan vat...






"Khawngaihin kal suh, Thil hriat sual palh I nei a ni Ed-a hian...."




"Aih sawi suh ka ngaithla duh lo tunah chuan Ed-a tel lova nun dan ka zir tan mek a Engthil mah ka ngaithla duh lo"
a thusawi lai pawt chatin ka ti a, rilru nat hmel zet chuan min melh tlawk tlawk...






"Mahse a bum lo che" a rawn ti keh sup a, "A tlai tawh a tel lova khawvel hran din turin min ti a tunah chuan a the ve lohna hunah ka kal dawn bawk a dam that leh thuai ka beisei" tiin ka tlan chhuak vat....





Ni e a tlai tawh em a tin ni Engkim a nih dan tur a ni vek tawh, lainat na ka nei lo tihna a ni lo, Mahse a hlata ka awm hi a tha zawk, motor ah chuan lutin kan tlan chhuak ve thuai a, kan boruak tawn vang nge tumah kan inbe lo a, Keipawh tukverh ah danin ka mittui ka hru leh zeuh thin....





(A last hlei thei lo chu a nih hi, Naktuk zing emaw chhun lamah a last CHAPTER ka rawn dah ang, tunah hian type nghal vek ak tum a, Mahse in lo nghak hlelh tawh hlawm zia a tawp na a nitawh danw bawka zanin chu intan tlaivarin kan type ange, ka mutthluk loh chuan zing lamah pawh ka rawn dah maithei😂 comment leh theuh ula aw😘)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:49 pm

LAST CHAPTER


ZUALBAWIHI POV


"Doctor a muhil rei tawh mah mah lo maw" Taylor-i chuan a ti a, Ed-a pi leh pu te nichin lawk khan kan haw tir ve thei hram a, kum 1 leh a chan ve dawn coma in a awm inlamah kan enkawl a, private Doctor leh nurse kan ruai bawk, doctor thenkhat phei chu an beidawng hman lek lek a ni, Mahse darkar thum liam ta khan a rawn harh a, Christina-i hming a rawn lam chhuak hmasa ber bawk, a kal bo san tawh tih hre phei se lang chuan a natna pawh hre chang lo lekin zawng a tum nghal ang, Doctor ten muthilhna dam in an chiu a, a muhil a rawn la har lo. Anu leh Taylor-i te nen kan pathumin kan awmpui a, leh lamah u Mapuia in check up a ngai bawk nen a nu leh pa ten an awmpui bawk...



"A rawn harh leh tep tawh ang"
doctor pawh chuan a ti ve mai a, a hnu deuh lawk ah a rawn harh ve thuai,
"Nu Khawnge Bawihi a la zin lo tiraw"
a rawn tih chuan Taylor-i nen chuan kan inmelh vat, "Bawiha a ni te chu a zin na a rei tawh a lawm" lungngaih hmel zet chuan anu chuan a ti a, "Eng tianga rei nge hetah hian ka awm a"
a ti hmuk a, "Kum 2 a tling tep"
ka lo ti vat a, "Ni lo Bawihi ka zawn angai" tiin rawn thawh a tum chu a nu'n a lo dang vat a....



"Bawiha tunah chuan I la dam tha lo I rawn harh ve chiah a, I dam that hunah I zawng zawk dawn nia tunah chuan awm hahdam I mamawh rih" a ti vat a, "Ka awm rei tawh lutuk Bawihi ka zawn vat angai min lo dang suh" tiin thei leh thei lo chuan a rawn tho a, Mipa luhlul tak ani a engti kawng zawng pawn dang mahila a ti lui dawn tho a ka hriat vang chuan ka dang buai bik lo...



"A nih chuan I zawn dawn ro ro chuan ka lo kal ve ang" ka ti a, ka hlauthawng ru ang reng hle a dam tha chiah si lo a, a kal te pawh a la pai deuh at at nen mahse a maha kal ngawt ai chuan a tha zawk. Anu rawn tawng leh tur chu ka lo dang vat a, "Tilui lo mai rawh a luhlul zia I hriat kha a rilru dam nan Christina-i te inah chuan ka va kalpui lawk mai ang" ka ti a, a bu ve zeuh....



"Mahse Christina-i chhungten an hmu duh dawn em ni" Taylor-i pawh chuan a rawn ti se se a, "Ka hre lo kan va kal chhin phawt a nga" ka ti chuan an aw ve mai, a pu a awm lo hlauh a awm ve ngat phei se lang chuan Ed-a kal hi a phal dawn lo chiang bawk sia, a rawn harh tirh phat a tang Christina-i hming a rawn lam chhuak nghal a nia tunah phei chuan a neih let theihna a nih dawn phawt chuan Engthil pawh tih a huam tawh ngei ang...



Mahse chutiang maiin Christina-i hian a ngaidam duh dawn si lo a, an inhmangaihna kawng hi a hahthlak takzet a ni, Lalpa anni pahnih hi in tawn tir leh hram ang che ti sepin thawk ka la vang vang a....



Pawn thleng chuan min thlah a,
"Fimkhur ula a luhlul ropui si a I pu in a hriat hma in rawn let pui vat la aw, a thil tih tawh chu a ti tlang purh zel hi a buaithlak tak tak a ni" Ed-a melh zeuh chuan a ti a, a ni lah ning hmel zet chuan a lo thaw hrâwk, XUV car lam pan chuan a pen phawk phawk a, ka va zui ve vat....



"Khalh chu I tum em lo..."


ka sawi zawh hma hma in driver seat ah chuan a thu nghal vut, "I khalh thei dawn a mi" ka ti chuan a thaw ri leh hrâwk a, "Ka hmanhmawh viau a nia rawn lut vat rawh" ti leh engine start a rual nghal, Engmah sawi tawh lo chuan ka lut ve mai bawk. "A chhungten an sawi duh I ring a mi?" ka tih chuan min rawn mit sir zeuh a, "Tunah chuan min hrilh duh nghal mai lo ang mahse ka hmuh hma chu thing thi a ngaihdam dil ngai dawn Mahse pawi ka ti lo"
a ti nghet leh churh a, "Vawi khat ka Chan tawh a ka Chan nawn tawh dawn lo" a rawn ti leh nghut a, ngawi reng chuan kan tlan a, Christina-i chhungte hmai zah chu a na duh dawn ngei mai...



kawngka kan kik chuan a nutei chuan a rawn hawng vat a, "Kan lo lut thei angem" mak ti zeta min en vang chuan ka ti a, "a....aw lo lut ula" a ti ve mai bawk, thuthleng ah chuan kan thu a
a nu pawh a rawn chhuak ve chiah bawk min hmu chu a meng buai ve nak a, in siam Tha leh vatin kan lam pan chuan a rawn kal a, "I dam tha tawh em ni Engmah chanchin kan lo hre ve lo va" dam dap chuan a rawn ti a, tuna ng hunah pawh dam dap a min la be thei hi mak ka ti letling zawk, ka lo ngaihdam ve chuan an in chhungah pawh min luhtir an phalloh ka lo ring kha a nia, Mahse Christina-i a tang ringawt pawn mi zaidam an nih zia ka hria, chu bakah an mawl lo a midang chu ni ta se tui tr pawn min theh duh hial ka ring...Min la haw reng maithei mahse huat vanga mawilo tak taka intih kha a tul ber lo fo.....



"A rawn harh chiah a in inah kan rawn kaltlang nghal a nih hi" a chhan hma chuan ka lo tih khalh vat a, "Khawngaih in Bawihi awmna min hrilh rawh u, ka chunga ka thil tih vang khan pawi ka ti takzet min haw reng mah ula ka dem lo che u Mahse Bawihi awmna min hrilh hram rawh u" inngaitlawm tak chuan Ed-a chuan a ti a, makti zetin ka melh haw, Hetiang em em a a tawngkam a inngaihtlawmna lo lang hi ka vawikhat hmuhna....



"kum hnih dawn a liam tawh a inhuat reng chhan tur a awm hlei nem amaherawh chu Mambawihi hian sawi lo turin min ti miau si a, pawi kan ti khawp mai kan hrilh thei lo ang che u"
dam thlup chuan a nu chuan a rawn ti a, Ed-a pawh a I seh ru ngawt ngawt...



"Ka pi khawngaihin Christina-i bulah chuan he thu hi min lo hrilh sak hram la Ed-a hian a bum miah lo a nia dik tak chuan....." ka sawi dawn lai mek chuan Ed'n min lo dang vat, "Bawihi ka hmuh ham loh chuan ka zawng zel ang, min haw hle Mahse ka beidawng dawn hauh lo, kan kal phawt mai a nge" tiin a chhuak zui thuai a, "ka pi Ed-a nen hian thian bak inlaichinna kan nei lo, khawngaihin chu chu min lo hriat sak hram dawn nia" tiin ka umzui thuai...



Motor bul ka va thlen chuan phone a lo be mek a, "khawilai hmunah pawh zawng mai rawh u" tiin phone chu a theh thla tawp a, steering chu a chum keh chawrh thin...



EDWARD LALPEKHLUA POV


Bawihi ka zawnna pawh kar hnih dawn a liam tawh nitin a chhungte bulah kan kal a Mahse Engmah an sawi duh chuang lo, Bawihi ka zawn nasat na lamah ka taksa pawh ka ngaihven hman lo a, ka chhungte pawn min zilh fo, ka ngaihtuahna ka hmang nasa bawk nen ka lu a rawn na leh zawk thin, Zualbawih'n min zawnpui ve reng bawk a, khaw hrang hrang ah mi ruai in ka zawn tir a, a awmna hmuh tur a awm chuang lo...



Ka chhungte pawn beidawng tawh turin min hrilh fo a, ka ngai pawimawh lem lo, Bawihi ka hmuh hma chu ka chawl dawn hauh lo, Tunah hian enge a tih ve ang pasal te ngeiin Chhungkaw hlim tak an din tawh angem ka ngaihtuahna vang chuan harsa tizetin ak thaw leh hrâwk thin, ka ta ni thei dawn tawh lo Mahse vawikhat chauh tak a hmel hmuh leh a duh ani...



A tawp nan Keimah in Bawihi te inah ka va kal leh a kan kal hmasak ber tum khan Zual'n Bawihi ka then chhan vel kha sawi a tum a Mahse tul ka ti lo viau,



"Kan sawi tawh kha a awmna kan hrilh thei lo che chuvang chuan rawn kal tawh lo mai rawh" kawngka rawn hawn rual chuan a nutei chuan a rawn ti vat a,
"Khawngaih in min hrilh hram rawh u vawikhat chiah a hmel hmuh leh ka duh ani" ak ti nghal vut a, beidawng hnek zet chuan min melh ngawt ngawt...



"I hre chak viau chuan ka hrilh ang che Singapore ah a awm han kal a, a rilru tihnat sak tawh hauh suh ang che"
a nu chuan a rawn ti a, "U Mambawih'n sawi lo turin min ti a ni lawm ni" a nutei chuan a ti vat reng a,
"Ka hria lawm" tiin nui suk chuan ka lam a rawn pan a...


"Ka hria a ni ka fanu tan hian a ni aia Tha hi an awm leh tawh lo ang,hun kal tawh chu hun in liam pui rawh se, Hetiang thil hi a thleng chawk thin a lawm Mipa tam tak chuan an beidawn san mai thin Mahse hmangaihtu duk chuan a hmangaih Chan nawn leh a duh lo a, a hmangaih tan a tumruh zual sauh zawk thin, kal rawh I hmangaih chu rawn Hruaia haw rawh" ngeinatawm zeta nuiin a ti a, hmanhmawh zetin motor ah chuan ka lut a, Ina haw tiang tawh lo chuan Bawihi awmna lam ka pan nghal....



CHRISTINA LALTLANMAWII POV


"Thla nih hnuah a lawm an inneih dawn"
ka tih chuan aner nang, "Ka hre ve tho"
ti nghek in min melh nghal rawm rawm a, "I mommy hi chhun ve miah suh aw a hmelchhe sia a te si thin chhe bawk si"
min melh zeuh pah chuan ka fapa duat em em bulah chuan a ti a, pakhat lahin uluk fê a ngaithla in a nui suk suk a, a nuih zawnga biangsum chiang zet a lang chu a inhmeh pui ngei mai, mak tak maiin a harh vangin a hrisel phian a, a ni chiah hi fa ka neih theih tawh tur thu min hrilh a,naute ka pai leh chuan ka nunna ka Chan phah theih tur thu Doctor ten min hrilh a nih kha, A tir kha chuan ak rilru ana a Mahse Tunah chuan o pawm dan ka thiam ve tawh...



Ka duhber ka fapa hi ka duh tawk viau tawh, Jeffrey Lalchhanchhuaha tiin a hming kan sa a, a nutei nen hian an innel in an inkawm chawt reng zel, a khabe phir leh chimawm lamah Keimah chiah min chhun a dang zawng chu a pa lam vek, san lamah phei chuan min chhin lo hi ani tawp, kum 1 eh a Chan ve a tling tawh a, fiah lo zetin a tawng ve niah niah reng zel, mak tak maiin a bei khawr deuh tlat mai a, a nu leh pa ding khawr ve ve kan ni a, biang sum kan nei lo ve ve bawk a, a mak ang reng....



Thla hnih hnu hian u James-a te pawh an in neih dawn a, Mimi-i nen phei chuan kan lo phur ngang mai, ka mokawr design ngei a ha dawn bawk a, Singapore ka awm hnu khan designing lam ka zir a ka thiam ve fu tawh...



"Mom" tiin ka lam chu a rawn pan a, ka lo pawm vat, a chum in a rit reuh phian lehnghal, "Chriss lo chhuak lawk teh"
sitting room lamah chuan u Mary chuan a ti a, Mamtea pawh a tlan chhuak nghal vat, "I tlu ange min lo nghak rawh" tiin ka va um a, thuthleng a lo thu ka hmu vang chuan ka ding chawt...



Engtin nge kan awmna a hriat kum 2 dawn lai ka hmu tawh lo,a chanchin ngaihven thin viau mah ila tumah ka zawt ngam chuang lo, a thi nge a dam tih pawh ka hre lo a, mahse ka nu khan ka chanchin zawh vel thin thu kha a rawn sawi a, a dam tawh thu a rawn sawi bawk a nih kha, kha tih lai khan ka chhungril hi a hlim vawng vawng maiin ka hria, Mahse ka ngaidam leh dawn erawh tihna a ni lo, ka chhungte bulah pawh ka awmna hrilh li turin ka ti a, an hrilh tihna em ni,
Mamtea chu a melh deuh ngawt ngawt a, an in an danah pafa tih hai rual a ni lo, mak ti zet chuan min rawn melh leh a, "Mamte I nutei bulah lo va awm rawh le" ka tih chuan a tlan lut ve thuai...


"Nau I pai theih tawh loh tur thu kha I sawi si a" mak ti zet chuan a rawn ti sup a, a aw ril leh cool ruih chu ka hriat lohna. rei tawh ngei mai, "Hetah Engtin turin nge I rawn kal let leh vat la a that ka ring" zawhna nilo pui a kan chhan vang chuan a ner sak....



"Ka fapa rawn hmu turin" a tih chuan ka melh nghek, min rawn laksak a tum tihna maw ni le "I fapa a ni lo ka fa chauh a nih hi nang chuan nupui I nei tawh ang chu i nupui in fa a neih theih lo vangin ka fa hi rawn lak I tum em lo ang chu" ngeiawm zet chuan ka ti a, a thaw leh hrâwk....



"Laksak ka tum reng reng lo che "
a ti zawi sup a, kum hnih dawn a liam tawh a tinge ka hmaah a rawn inlan leh ka nunhlui kaih thawh tir leh turin tinge a rawn inlan, chhuak vat se ka ti takzet....



"min ngaidam rawh" a ti sup chu ka nui lui hak, "lem rawn chang reng lo khan min chhuahsan vat rawh" ka ti leh nghek a, "Bawihi" harsa tih hmel zet chuan a ti a, "Khawngaih in min chhuah san tawh rawh" ka lo ti nghal vat a, kawngka lam a rik rek rek chuan ka hawi phei vat a, u James-a cchu a rawn lut ve chiah bawk, Ed-a lo thu a hmuh chuan thinrim tih hriatin a rawn pen phei phawk phawk a, a kawr awmah a rawn tham nghal salh a,
"Engvanga rawn inlan ngam leh nge I nih" a ti thawt a ka lo phu nghek



"Ka in atang hian chhuak rawh"
a ti leh hrâwk a, ka thin a lo phu dut dut an inti buai mai ang tih hlauh na in min rawn tur ut ut, "In be lawk ang"
tiin pawn lamah ka kai chhuak daih a,
"U James-a thinrim zia pawh I hriat kha chuvang chuan rawn kal tawh lo hram rawh" ka ti ta tawp a, rilru nat hmel zet chuan min melh ngawt ngawt....



"Tunah chuan ka kal phawt ang Mahse Naktukah ka rawn kal leh ang, lo inenkawl Tha la ka thil vang khan min ngaidam hram dawn nia" tiin uluk tak chuan min thlek leh phawt a, thaw hawkin a motor lam pan chuan a pen zui vat...




"Kha mitenawm pa khan Engtin nge kan awmna a hriat zawk" thinrim tih hriat zet chuan a vin thawt a, "James inbeng dai phawt rawh Mamtea a awm ve hi"
u Mary chuan a lo ti vat a, ka sawi hmaih u Mary hi engineer ve tho a ni a, u James-a nen tak phei hi chuan he lamah hian an awm vak lo, karkhat an rawn awm leh zeuh thin a, Mizoram lamah an let leh thin, Mahse tuman an hre ngai lo...



"A rawn kal leh pawn tuman kawngka lo hawn tawh suh ang che u" u James-a chuan ti hmukin a room ah a lut nghal daih bawk, "Engtin nge kan awmna a hriat reng reng a" ka bula rawn thut pah chuan a ti a, "Mamte Kei ni chua dawr ah va kal daih ang aw" Mimi-i chuan tiin dawrah a kal pui vat a...



"Ka hrelo ka nu te hian an lo hrilh a niang" ka ti chuan a bu ve zeuh, "Mahse kei chuan ngaidam leh la ka ti"
a tih chuan lu ka thing dat dat a,
"inkawp leh thei kan ni tawh lo"
ka ti sep a, "Mahse Mamtea hian pa a nei dawn lo tihna em ni, a rawn lian anga a pa chanchin a rawn zawh hunah che Engtin nge I chhan ang"
a ti chuan ka ngawi kur, ni e a oa chanchin min ke zawk ngei a nga, I pa chuan hmeichhe dang vangin min kalsan tih ngawt chi lah ni hek lo...



"A inchhir takzet tih a hnelah khan ka hmu a ni" tiin ka kut chu a rawn vuan a, "Mahse a tlai tawh, nupui te pawh a nei tawh ang, Kei nen hi chuan inrem leh thei kan ni lo" ka ti leh sup a, "Accident a tawh tum khan Zual'n a bum lo che a tih kha engemaw hriat sual palh vang mai mai aniang ngaihtuah chiang la ka duh, a ni pawh a inchhir em hi"
tiin u James-a be tur chuan a kalsawn thuai a.....


A chhan chu engpawh nise min kalsan tho a lawm, ngaihtuah duh tawh lo chuan eirawng bawk turin choka lamah chuan ka lut a...Engthil dang mah ka rilruah a lut thei lo, Zualbawihi nen an inneih bawk si lo a,Tunah Engmah ni tawh dawn lo mahse min then chhan kha ka hre chak tlat....



.......



"mom icecheam" fiahlo zet a tiin ice cream zawrhna chu a kâwk a, ka pan pui vat, khua pawh a thik lek lek tawh "Bawihi" thum dut a rawn titu vang chuan ka hawi phei dawr, Kan hmaah Ed-a chu a lo ding run, nitin mai hian a rawn kal lo leh pawnah hian motor ngheng in a ding thin a, a rawn awm a tang kar khat a liam ve der tawh....
"Mamte kal ang le" tiin hrelo der hmakin ka kal sawn tur chu ka banah a man chawt, "ice cream I duh tiraw"
Mamtea bulah chuan rawn kun hnaiin a ti a, duhai Kan in hnaih mah mah bawk tun thleng pawn a hnaih ka awm hi chuan ka thaw Tha hlei thei lo...



Mamtea pawh chu a bu ve lawp lawp a,
"Tam deuh lei ang aw" tiin a rawn pawm nghal daih chu rum mangkheng in ka melh, "nakinah kan lei dawn nia lo kal rawh haw phawt ang" ti a lak ka tun chu a duh thak lo, "Lalchhanchhuah" ka ti vin hlar a, kan bula awm te pawh chuan min rawn en thup, A pa awmah a hmai a phum nghak daih a nih chu, "Bawihi ice cream chauh a lawm" a tih chuan
"Bawihi min ti ziah suh" ka lo ti nghal hlar....



Ice cream chu leiin a pe a, "Rawn kal tawh rawh le" ka tih apiang in ka tê nghal zel chu ka melh rum raw raw a,
inkawt thleng chuan ngawi rengin kan inzui phei a, a dar ka chen tawk zel a nia a nuam lo duh ngei mai ka te bik lutuk chu ka kal tau leh nghawng nghawng thin...



"lo kal tawh rawh le a pu kha a haw duh tawh a" ka ti kher chu a lo ner sak, "Bye bye la" ka tih le chu a a kut a vei ve lauh lauh a, "Bawihi in be lawk ang"
a tih leh chuan "Ka hman lo"
ka ti hmuk a, "A pa oa nih thu hi kw sawi dawn a mi" a ti leh chu ka melh nghek, "Mimi" tiin ka au a, a tawn tlan chhuak vat kan pathuma lo ding min hmu chua meng phawk nghal hra,
"Mamtea hi lo pawm lawk" ka tih chuan insiam tha vatin a rawn la vat a in chhungah chuan a luh pui thuai a...



"Sawi rawh ka hmanhmawh a nia"
kut kuangkuah than chuan ka ti a,
"Sawi vat la" a ngawih reng vang chuan ning zet chuan ka ti a, ka mitah en in a ngawi leh ang run a. "Sawi tur I hre lo a nih kha" ti a luh ka tum chu min pawt dawrin a awm a min kuah bei nghal thlawp, a pangtilum ka lo feel rang lutuk chu ka inhaw ngawih ngawih...



"Ka ngai lutuk che" ril ruih chuan a ti a, nghet zet in min kuah bet a, ka tal nak nak a, min thlah duh der lo, "Min thlah teh" ka ti teu hlar a, min thlah ve mai bawk ka dar tawn tawnah vuan chuan min Nam hla dat a, ka mitah tak min melh run, ka chil ka lem ri khawlh chu a nui suk....



"A lut duh tawh a nia sawi tur I neih loh chuan min thlah rawh, chuan vawikhat mah Rawn kal tawh suh" ka tih chuan a ner sak a, "Ka hmangaih te pahnih ka neih let hma chu ka let lo ang"
a ti nghet churh a, "Hah hmangaih I dqwtthu sawi hi lem duak duak turah min ngai a mi, bawl ka nuam viau em ni, min hmangaih loh thu I ka atang ngei khan I sawi chhuak ani lawm ni Tunah lem min hmangaih thu I rawn sawi leh a, chuan keiin ka lo awih leh vek anga maw, kum 2 dawn I tel lovin nun kan hmang tawh chuvang chuan khawngaih in mn Rawn tibuai tawh lo hram rawh"
ka ti ta chiam chiam a....



"I tan chuan tibuai tu lek maw ka nih a"
inseh ru nghek chuan a ti a, "mmin thlah rawh" lo ti hmak chu min thlah ve vut, "I thinrim laklawk a nih kha ka rawn be leh ang che" ka chala fawp zeuh chung chuan a kal sawn vut, ka chal chu ka tuai vak vak ringawt....



"Enge in sawi a" ka lut chu Mimi'n a rawn ti vat a, "Engmah" tiin khumah chuan ka let thla nghal tawp, ka fapa infiam lai chu ka melh vung vung a, kum 1 leh a chanve liam ta Khan ka theihnghilh ve hman emaw ka ti a, nikhat thil thu a, ka thinlungah hain a rawn lut thar leh a, hrep tak chuan ka phone Rawn ri chur chur chu ka ban a,
"aw nu" ka ti nghal zat...



"Mambawih Edward-a kha in awmna ka hrilh ta mai anih kha" ka nuchuan a rawn ti ta reng a, "Bawihi a inchhir takzet a nih dawn kha" a rawn tih chuan ka nu pawh a lo thlem lungawi hman a ni maw ka rilru chuan a lo ti nghal vat, "Nu sawi suh ka tih che kha" ka tih leh hmuk a, Mimi-i pawh chuan min rawn melh leh zeuh thin...



"Mambawih ka ngaihdan chuan ngaidam tawh mai la ka ti, a inchhir zia a hmelah a lang vek chubakah a thiam loh pawh a ni lo a" a rawn ti leh a, "Enge I sawi awmzia" ka lo ti vat, "I hriat duh chuan Zuali kha zawt rawh a ma min hrilh a nia" a tih chuan ka aw ve mai, Mamtea nen inbe leh zeuh in kan iinbiakna chu kan titawp a...



"Ka nu'n Edward-a thiamloh a nih loh thu a rawn sawi a" Mimi-i bulah chuan ka ti a, "Ka ring rengah" a th chuan ka kuk fawk, "Tak tak hi n tun thleng in Zualbawihi nen pawn an inneih chuang hlei nem" a tih leh chuan ngaihtuahna a ti thui duh khawp mai....



"Zualbawihi zawt turin min tia mahse Engmah a nih phah tawh dawn chuang lo inkawp thei kan ni tawh lo"
ka ti sep a, ka fapa chu ka melh leh vung vung thin , "Mom" tiin a ha hmai pahnih lang chuan min rawn nuih vur vur a... Ka fapa mah nih se a hmeltha takzet....



Edward-a call a rawn luh vang chuan ka off nghak hmak, a rawn call nawn leh a,
"A pawimawh a niang la la" Mimi-i chuan a rawn ti vat a, "A pawimawh lo ang" ka ti deuh hmak a, a rawn ri leh vut, thaw hawkin ka la ta nge nge...



"Bawihi" chauh hmel zet chuan a rawn ti a, hlauthawnna in min rawn bual nghal mup mup, "I aw chu tinge a"
ka ti ta reng a, "I lo kal lawk hman a ngem" zawi sep chuan a ti a, a awmna hmun vel chu sawiin a off zui thuai...


"Enge a sawi a" hriat chak zet chuan a rawn ti a, "Ka va kal lawk ang" thin ka insiam vat, "tinge a" he nu tak hi chu zawhna hlir, a tirin a ngei em em a Tunah lem a chanchin a hre chak le ang lawi a.....



"Ka hre lo a aw atang kha chuan engemaw harsatna a tawk a ang, Mamtea hi lo ngaihven lawk teh aw"
ka ti nghal zung zung a, "Tunah I kal dawn maw khua a thim tawh sia chu lo ah u James-a a thinrim a nge aw"
tiin ka che lai chu uluk zetin min hlir a, "ka hria lawm ka rawn haw har lo ang"
tiin Ed-a awmna lam chu ka pan a, Tunah tak hi chuan ka huatna zawng zawng te khan min kian sak vek maiin ka hria...



A awmna lai ka thlen chuan a reh ruih tawh, a bul ka va thlen chuan a kut pahnih in a lu a lo dawm a, eng rilru pu a helai thleng hi nge ka nih pawh ka hrelo, ka kik dat dat chuan a rawn hawi vut a, chauh tih hriat zet chuan a meng dul ruih a, muangchang chuan a rawn chhuak a, "Tun angah enga tan nge..."
ka sawi zawh hma chuan min kuah nghal thlawp, a pangtilum chuan min ur nghal ham ham a, a taksa chu a sa vur maiin ka hria, "I...Tha em" ti a in lak hran ka tum chu a ai nghet in min kuah a, thawk a la leh vang vang thin...



A awmdan hian min ti hlauthawng takzet, "I damlo a mi I sa vek a nia"
ka ti leh sep, "Ka bulah I awm tawh a ka tha leh mai ang" cool ruih chuan a ti a, thlasik kan changkai tep tawh bawk nen a vawt deuh surh a thlir pawh a thaw heuh heuh reng bawk....




"In ka hrang in a pang chu ka han dek a"
a sa vur mai, "I khua a sik a nih hi, a vawt bawk sia motor ah hian lut phawt ang" tiin seat hnung lamah chuan ka thut tir a, a bulah chuan min kuai thla ve nghal zat....



"Tu emaw ka call sak dawn che mi"
ka dar ngheng chuan a mu a, "Nangmah chiah ka mamawh"
a rawn ti sup, "Ka..haw a hun tawh"
zawi sep chuan ka ti a, "zanin chauh ka kiangah hian awm rawh" tiin a kut phah hrâwk leh lum vung vung chuan ka kut te ve tak chu a rawn hum nghal zat....




A bula awm ka la thlakhlelh zia min hriat thar tir leh ni ber in ka hria, a perfume rim pa hrak mai te hi engchen nge ka hriat tawh loh, ngawi reng chuan minute 20 chuang kan thu a, a muhil tawh nge a thaw ri sak sak a, a thawk zawng chuan ka lo che ve dawt dawt maiin ka hria, kan inlen hleih mai bawk sia....



Ka phone Rawn ri chur chur chu ka ban vut Ed-a ka en leh a, a harh lo hlauh e.
"Aw Mimi" ka ti nghal thuai, "I va rei tawh ve u James-a tr an rawn haw tawh a I awmna min zawt a, dawrah ka ti ringawt a nia Rawn haw vat teh"
a rawn ti nghal vat a, "Imm ka rawn haw tep Mamtea enge a an" ka tih chuan a chaw a pek mek tur thu a rawn sawi a, ka haw vat tur thu sawiin kan inbiakna kan titawp a....



Ka dah dawn chiah tiah call a rawn lut leh a, Zualbawihi ani, "Chris Ed-a kha I bulah a awm em" ka lak rual rual chuan hlauthawng zet chuan a rawn ti a, "aw awm e" ka ti chuan a rawn thaw huai, "A that hlauh chu kan lo mangang hman lutuk a" a ti a, "Engvang chuan" ka lo ti vat, "Lu na leh khawsik a nei zeuh zeuh zel a, englo ania, a rawn harh phat atang khan Nangmah zawng reng rengin a buai a,a la dam tha si lo nen a mah pawh a inenkawl hman meuh lo a kha vang khan a lu tr a rawn na keh zuk thin a, I lo awm hlauh chu a tih zia hle mai"
a rawn tih chuan mak ka ti takzet, nichin te khan Engmah hrelo in ka lo tawng ve pang pang a, ka inthiam loh keh hnuhnawh...


"E chuan Chriss a theih hram chuan Ed-a nen hian min ngaidam hram dawn nia, kan inkar ah thian bak a awm lo Kei chuan Mapuia lawm ka duh chu, Ed-a khan a hmangaih lutuk che chu chu khawngaih in hriat sak la ka duh, a thil tih kha a dik bik lo chuvang chuan hreawm pawh a tuar reng bawk a Mahse a tuar rei tawh mah mah I ti ve lo maw, ka sawi theih chu ni lo mahse khawngaih in I ngaidam hram dawn nia" a rawn ti chuan ka ngawi kar....



"Englo ania Ed-a hi chuan Sawi chhuah kher tul a ti lo a, Mahse ka sawi lo thei lo a tin ni, u Mapuia hian a duh che tih hi a hria a leh lamah u Mapuia natna a lo vei ve bawk nen, a unaupa rilru tihnat a hlauh vangin kalsan che kha a ni a, dem lo hram rawh aw, a hmeichhe hmangaih hmasak ber I ni tih ka hrilh duh che a nih lo enkawl Tha la ka dah phawt"
tiin a off zui daih a....



Enge tihtur ber pawh ka hrelo, ka bula palian pui thu lah chu a muhil daih bawk si, "I unaupa rilru nat I hlauh vangin min kalsan a, ka rilru nat tur leh tur loh min dawn pui ve miah lo em ni" tisepin ka mittui Rawn luang thla ngiai ngiai chi ka tuai zeuh a....



Mahse a dinhmunah hian eng ilang chuan ka ti ve tho in ka ring, "I hmeichhe hmangaih ber hmaah i hmangaih loh thu Engtin nge I sawi theih, mimawl pa" ka tih chuan a rawn nui nghawr dawt a, ka melh chu chiang zet in min lo melh ve ran....



"I lo harh reng a" ka tih chuan min pawt pheiin a mal chungah chuan min thut tir nghal chat, "Khawi teh ka chhuk duh ania a tlai tawh si I rawn harh tawh tho a ka haw a hun tawh" tiin ka tal ngat ngat a, "Bawihi che tawh suh"
a tih pawh chuan ka tal lui ngat ngat...



"Laltlanmawi che tawh suh" a tih chuan ka tal chu ka tawp chawt, hnuailam ah chuan engemaw ni hian min do run, "Bawihi min hrem rei tawh mah mah lo maw" tiin ka awmah chuan hmai a khum vang vang a, ka lo tang nghal Tun, a kut pahnih chu kawngah a suih bet tlat a, a pangtilum in min ur sa ham ham bawk nen ka thaw pawn kanhre tawh lo....



"I dam tha si lo a haw la va mu hahdam rawh" ka tih chuan ka kawng chu a rawn hmer nghal salh, "Tihian ka dam I bulah ka awm chuan ka dam a ni mai"
a ti zawi sup a, "Ed ka haw a ngai tawh" ka ti sep a, "Ka thik tih vang khan min la haw reng ti rawh" inseh ru Tun chuan a ti a, chhang lo chuan ka ngawi kar, "Bawihi" a ti leh sep a....



"Huat che ka duh mahse ka haw thei tlat lo che hi ka hua" kual duah a ka tih chuan a nui nghawr dawt a, "A chhan he thinlung hian min theihnghilh thei tlat lo va" tiin ka thin zawn chu a kâwk a,
ka kut chu la kang in a thin zawnah chuan a dah a, "He thinlung Nangmah vang chauh a la nung ve tawk tawk hi I ta ni tur I pawm thei a ngem" a tih chuan ka mittui a hnam sawk, a mitmeng a min thlak hlelhna leh hmangaihna lo lang chu ka hmuh hmaih theih hauh lo, ka kuah nghal thlawp a....



"Ka hmangaih che" ril ruih chuan a rawn ti a, ka chhungril hi a hlim veng veng mai, a kiangah hi chuan special riau in ka inngai thin, "Keipawn ka hmangaih che mimawl pa" ka ti nghek chu arawn nui hawk, keipawh ka nui ve suk tho....



Ka biangah chuan dawmin ngen ngawl zet chuan min fawp a, a lei sa hat hat chu ka ka chhungah chuan zei leh uar fahran chuan a chet kual tir a, keipawn ka chhang let ve vat, a kut lehlam in ka nghawng chu a zut kual de de a, a kut in a atawh a piang chu a sa hat hat zel....



Ka hmui hnuai chu na si lo hian a hne dek dek a, rei ngial duh thawh zeta kan infawh hnu chuan kan inla hrang ve thei hram, "Chuan kan fapa chu enge a hming ni reng reng a" ka sam ka benga zeh zeuh pah chuan a ti a...



"Jeffrey Lalchhanchhuaha" ka ti ve sep,
"A mawi hle mai, kan fapa tan hrehawm tam tak I tuar tih ka hria, kan fapa chhan nan theih tawp I chhuah tih pawh" ngainatawm zeta kiai sukin ka biang chu a tuai heuh heuh a, "Engtin nge I hriat" ka lo ti vak chu ka biang chu a piai zeuh a, "I nu duh takin oh ka nu duh takin min hrilh a lawm"
uang zet chuan a rawn ti a, ka nui ve suk, "Ka chhuang tak zet che" tiin ka chalah chuan a fawp zeuh a, ka nui ver ver...



"Mahse u James-a hi a la thinrim reng a"
ka tih chuan min kuah hlu hlu a, "Keiman ka lo bia ang a tul chuan thing thi pawn ngaihdam ka dil mai ang"
a ti nghet churh chu ka kuah nghet zual sauh.. ani ka tawng lo ang tih ka hlau takzet.,..


.......



"I nalh lutuk monu ai pawn I chhelo zawk" a hnung zawnga mi rawnkual pah chuan ka beng bulah a rawn ti sup a, "Inneih vat kan ngai ania" tiin ka nghawng vek chu a rawn hne dek dek a,
"Papa" Mamtea aw ri ka hriat vang chuan ka inla hrang vat, "my man enge ni a" tiin a pawm kang a, "Mawi em" tiin a kawr chu a hmuh vel a, "Ka fapa hi a mawi ber". uar fê a a tih chuan anui nghal vur vur....



vawin hi u James-a leh u Mary te Inneih ni a nia, Mizoram lamah kan let leh tawh a, u James-a pawh Ed-a chungah a thinrim tawh lo a, Engtin nge Ed'n a biak ka hre miah lo....


Biakin lamah chuan kan chhungkua, chhungkua ti ila kan ka Inneih lo tak Mahse chhungkua tho chu kan ni, Mamtea pawm in ka hmaah chuan an kal a, Ed-a hi ka tawng lo ang tih ka hlau takzet....


Ka mi kawr design ngei mai chu u Mary chuan a ha a a inhmeh ngei mai.....ka khawvel ka hmangaih te pahnih ka bula thu chu ka melh leh vung vung thin, an tel lo chuan ka Kim lo hi a ni ber mai..


..…....


" Lucas a nalh daih zawk Louis ai chuan"
Mimi-i chuan a ti a, "Awih awm loh loh Louis fê" Taylor I lah tlawm duh bik di lo chuan a ti leh a, "Lucas kan ti tho tho ang" Mimi-i chuan a ti deuh hmak a,
"Hmeichhia a ni maithei a sin" Ed'n a tih chuan "Mipa a ni dawn" a rawn ti rual thawt...


U Mary naute a pai tih an hriat phat atang a hming phuah an inchuh nghal Mipa a nih an la ring em em zui a, naute tap lang lang ri kan hriat chuan u James-a pawh a thaw huai, nurse pakhat chuan a rawn pawm a, "Ka lawmpui lutuk che u hmeichhia a ni e"
a rawn to chuan "Enga" Mimi-i leh Taylor-i chuan an ti rual leh that a, "Unaupa I fanu hming tur chu Lucaslouis-i kan ti mai daw mi" fiamthu zet chuan Ed-a chuan a ti a, kan nui zui hawk hawk...



Naute thar lawmna party kan siam a, kan hlim tlang hlawm ngei mai, "Mom nanau chu tune a hming" ka kawr Rawn pawt dat dat chuan a ti a, "Laura Malsawmsangi" Ka tih chuan a nersak a, a pa a chhun takzet....



"A hming chu a van har" a tih cu an Ed-a nen inen in kan nui hawk, "Lala maw" a ni mai tiin a nutei kam pan chuan a tlan phei a, "I chau em" ka kawnga Rawn kuah run chuan a ti a, "tlem chuan" ka tih chuan a nui ve suk, vawin phei chu kan buai nileng lehnghal, "I hnathawhna ah Mamtea hi hruai tawh lo la a that ka ringawt tibuai lutuk ang che tih ka hlau" sawi lai mek chuan a rawn au leh ta...


A pa bulah engtik lai pawn a awm amidang bulah phei chuan a fak vak zel bawk, "ka fapaduatlai in min au ka va kal lawk ange, ka hmangaih che"
tiin ka chalah chuan fawp zeuhin Mamtea awmna lamah chuan a kal a...



Ed-a pu in tawngtai na hun a hman zawh chuan present vel chu kan pe sap sap hlawm a, "Ka Rawn tlai em"
titu lam chu kan en thup...


The end....


NEXT STORY
NOCHNOY KOSHMAR (nightmare) A HMA THEI ANG BERAH RAWN CHHUNZAWM KA TUM ANG #VALSENIOR #LOVE TRIANGLE LAMAH RILRU AWN LEH TAN TAWH ILA CHAPTER-5 THLENG KA DAH TAWH A, A PEIH PEIH IN MIN LO CHHIAR SAK LEH HRAM DAWN NIA😊


(Ka story a tir atanga min hlutsak tu te zawng zawng chungah lawmthu ka sawi a, a tir phat a tanga comment la pe zat zat tu te a hming hmer a sawi chuan in tam sia inzavai chungah ka lawm tak zet zet bawk, chuan ka mimal fb grp siam kha lo join ve theuh turin ka sawm bawk a che u😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)