A CHHAN CHU SUM BY Irene H Muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: A CHHAN CHU SUM BY Irene H Muankimi (Completed)

Unread post by Ngaia » September 5th, 2021, 3:00 pm

Chapter 13





TLUANGTEI POV







Zing ka harh ruala ngaihnawm ti zeta ka ngaihthlak thin David-a lungphu ri chu ka ngaithla renga,he lungphu ri hi thawhchhuah san mai atan chuan a uihawm thin.minute hnih vel chutia ka awm hnu chuan a hmui ah fawh sak zeuhin khum atang chuan ka tho chhuak a.Tunah hi chuan ka nun danah hian sawisel tur ka hre lova,hlimna hian ka nun hi mal a sawm a ni ta ber mai.






Ka nau te mutna room ka va thlithlai hmasa leh a,a hma heta ka awm tira ka room ah khan an pahnihin an awm duna,Dini hi rilru dawi chi ania room hran neih a duh ngailoh avangin ahma pawn ka room min tawp pui char char thin.






Nilaini tawihthei paihni a nih avangin bawlhhlawl paih tur ka siam fel mawlh mawlha karkhata vawikhat chauh tawihtheih paih motor lo kal thin hi chu ka lungawi thei thlawtlo, tawihthei a nihna ang hian a rimchhe hma em em a,vawihnih karkhatah lo kal thei se a tha tur a nia.





"Hetiangin ti suh" hmeichhe aw ka hriat rualin chu aw lo chhuahna lam chu ka hawi nghal vut. "Khawngaihin an ni ho bulah khan ka let leh duh tawh lo" aw chu kan garage atanga lo chhuak a ni.






"Chuti si eng vanga police hnena kal tum nge I nih?" Jerome-a aw ka hriat rualin Garage atang chuan thinrim hmel zet hian Jerome-a chu alo chhuaka an in ah a chho nghal.Ahnu ah in hrut hraih hraih chung hian hmeichhe pakhat hi alo chhuak ve a,lawk he nu hi ka hria.






"Min lo hrethiam lawk" chutia ka lo ko ding ve ri ngawt chu mak a ti deuh nge min en haw a." Min la hria em,kan in hmuh tawh kha?" Ka tih chuan thil ngaihtuah vung vung hmel hi a pu a.






"Aw,ka hria che saw ti lai gate bul ami kha " gate lam en a,a rawn tih chuan ka lo nui nghal var var.






"Kei chu khami ni lo ah pawh khan ka hmu leh che asin" ka tih chuan mak ti zet hian min en a,ka hresual nge hlauhna mitmengin min en tlat.






"Hmani deuh khan kawngah ka phone min sut avangin ka thlauha" a hmelah chuan chi aina a rawn lang nghal "khami ni khan ka rawn zui che a,khang nangmah um tu te emaw ni tak pawh kha ka hmu a" ka tih leh zel phei chuan chiai hmel tawh tak a ni.






Hmeichhe lian tia sawi tur a ni lo mahse,a hmel erawh chhia tia sawi tur a ni lo thung.A sam a thur em em a,kelawngin a awm bawk a chungah hian eng thil chiah nge maw thleng le.






"Kal ang.." kei min hmuh tel ve avang chuan atawng lai leh a ke pen pawh a tawp nghal chawt.





"Eng thil nge thlenga" ka lo tih chuan ka bula ding hmeichhia chu lungawiloh hmel zet hian a rawn melh a.





"Nakinah kan la sawi dawn ania" rang zeta tiin ka bul ami chu a rawn kai hrang nawlha a bike awmna lamah a kal pui nghal dawr dawr.




"Ka duhlo khawngaihin ka u min pui rawh" a hmeichhe kaih chuan tap chung hian a rawn ti a.Ka duhna ah hi chuan ka che rang khawp mai Jerome-a hma ah tak va dingin a kalna tur chu ka dal ta tlat.





"Kal sawn rawh" min melh run chunga ti khur khur tu chu Jerome-a nuih duh tak kha a ni ang tih ka ringlo hial zawk.





"Ai,eng thil nge thleng hi sawi phawt rawh" lulul takin ka ti chang ve fak.





"Nangmah chauh kha in ngaihtuah rawh,anih loh chuan I tih tur I hlen zawh hma in police station lamah I luh a ngai mai ang,tiang chu a thleng a nih chuan ka pui thei tawh lovang che" tiin min su chawrhin min kal pel a, a abike ah chu hmeichhia chu phurin chak zet hian a tlan chhuah puia,kan gate an tlanliam chu ka en renga mahse thawm ru bur ka hriat zawm nghal avangin hmanhmawh zetin gate lam panin ka tlana ka thil va hmuh avang chuan te nghal tuar.






Jerome-a chuan thei leh theilo in kha a hmeichhe phur thisen in a a chiahpiah nuai chu a pan phei a "Omom..Lallawmawm" tiin a lu ah chuan a dawm a.Midang pawh an rawn kal khawm tak taka kei pawn tha khur hlawk hlawk in Jerome-a lam chu ka pan ve nghal.






David-a in hi kawngpui kuallai a awm a nih avangin chhak lam atanga motor lo kal hi kan gate atang a tlan chhuah chiah hian a hmuh theih lo a,kawngpui leh lama darthlalang bial lianpui en hmasak hi a ngai fo thin.






Jerome-a te pawh kha tia chak deuha an tlan chhuak kha kawngpui chhak lam atanga lo tlan Bawlhhlawh paih motor nen an in su a,amah chuan helmet a khum a vangin a hima mahse Omomi erawh Hospital lam pan pui nghal a ngaih thu an sawia,an che nghal suau suau a,kei leh Jerome-a erawh ngawi rengin kan awm ngaiin kan awm reng thung.






"Ani kha a thi thei lo,englo..kha hmuna dah let kha ka tum miahlo ka thin a rim em avang chauha khatia tawng kha ka ni asin" leiah thu in a lu chu pawi ti zet hian a dawm vawng vawnga.






"Je..Jerome min en teh" ka tih pawn lu thingin a rawn hawi chhuak duhlo "ai keimah vangin mi an thi leh dawn a nih hi" tiin a rawn sawia a thil sawi awmzia hi engmah ka hre thiamlo.Mahse eng emaw tak ka sawi a ngai tih ka hria.





"Ai,tumah an thi lo ani kha chu a tha leh vat dawn, Hospital ah kan va kal ve a nga a dam leh vat mai ang" chutia ka tih rual chuan rawn che phutin a bike kawngpui sira an lo tun that keh deuh nuai chu panin chak zetin a tlan chhuak a.






Hman hmawh zetin kei pawh in lamah ka tlan leta, "eng nge I tih" ka in thlak sawk sawk laiin David-a'n khum atang a rawn ti a ka phu nghal nghek.






"Nakinah ka hrilh ang che" tiin ka chhang hman tawk chak zetin ka tlan chhuaka ka vanneiha siamin Hospital lama kal tum ve tho YMA hruaitu motor ah ka Chuang thei hlauh.Mahse Hospital ah chuan Jerome-a hmuh tur a awm miahlo, Hospital bul vel ka en kual pawn ka hmu Chuang lo.Khawiah chuan nge maw a kal dawn ni,khang a hliam te kha enkawl ve te pawh a ngai a nga ani hi thil tha lo a tih loh hram beisei teh ang.






"Eng nge thlenga accident a awm tih ka lo hria a" in lama ka let leh chuan David-a'n alo ti nghal vat.






"Nia Jerome-a te an nia" ti supin choka ah ka luta tui vawt ka in nghal.






"Chanchin rawn zawh dawn che in phone I Keng bawk si lova,tunah eng nge an an pa Khuma sawn a hria em?" Ka phone a rawn sawi chuan ka in dapa ka thawmhnaw chiah thlakin Hospital ah khan ka kal tih ka in hre ve chiah.Ka kal lamah midang motor ah man chawilo in ka kala chutiang chiahin haw lamah pawh khang veng chhung mi tlawmngai ho kha awmlo se chuan ka va han che buai dawn tak.Chuan pa Khuma chuan Jerome-a chanchin a hriat leh hriat loh ka hre hauhlo thil thlen dan kha a ni teh nuaia ka che buai zo vek a ni.





"Ka hre lo, Jerome-a tak kha chuan hliamna a tuar lova a hmeichhe phur zawk kha ania na ber mah se,ani pawh kha Doctor ten hlawhtling takin an zai zo va ka lo hawsan a nih kha" a lu a bu ve nghut nghut a.




Chutia amah ka en chian chuan alo in ti fai vek tawh tih ka hmu thei.Mahni in harsa zetin a thawmhnaw vel a thlak ve theia ka hmanlo leh ka awm loh Chang chuan mahni in alo in ti fai mai zel tawh.




"Khawnge midang?" Ka nau te ka hmuh mai loh avang chuan ka ti vat.





"Dini chu ala tho lova Tlana kha chu in hnunglamah a awm in ka hria" alo tih chuan tukthuan tur ka buaipui chhunzawm nghal.David-a pawn a tih dan ngaite in min lo pui ve nghal bawk a.Hetia rawngbawl dun hi a eng emaw romantic riau hian ka hria a nuam pawh ka ti.





"U" ka hnunglam ka hawi chu Tlana'n mak ti zetin min lo thlir reng.




"Eng nge,mamawh I nei em ni?"
Ka chawhmeh siam chu a al leh al loh ka tem nghal zeuh.





"Ai mahse,ti nge rawngte I bawl?"a rawn tih daih avang chuan David-a nen kan in melh nghal vut."ka sawi awmzia chu Rawngbawl I thiam si lova!" A rawn tih leh zung zung avang chuan ka nui ta tawp.





"I u hian Rawngbawl te chu a hnehsawh lutuk" David-a'n alo tih pawh chuan a awi chiahlo tih a hmelah chuan ka hmu thei.





"I nau va kai tho la,in in tih fai zawhah chaw kan ei dawn ania" chutia ka tih takah chuan "aw le" tiin room lamah hmanhmawh zet hian a kal a.





"I nau khan Rawng ka bawl tir lui che ati emaw ka ti hmana" pakhat lah chuan Tlana kal liam veleh alo ti nghal.





Kan chaw ei chhung zawng pawn Dini leh Tlana titi tuina ber chu ka Rawngbawl chungchang leh ka chawhmeh siam tui thu vel a ni.A hma a ka nun dan ho lutuk thin te thlengin an sawi kaia an pathum chuan an nui leh dar dar thin kei erawh zah vangin ka lo nui tha ve ngam vaklo thung.A upa ber si kha ka lo khawsa hau thei ngawt mai.






Chhun lamah David-a'n hna a neih avangin ka nau te pahnih nen patea te in lamah kan leng pheia,ka nu leh pa thlan te pawh kan tlawh nghal bawk.Tlaiah ka patea ten chaw ei turin min sawm nasa viau mah se,David-a chauh in a kalsan kan nih avangin kan hnara a tuk lama ei phei tur erawh chuan kan in tiam ta tho a.






"Lo han lut ru" in kawt kan thlen ruala gate a bike lo tlan lut ka hmuh avang chuan ka nau te chu ka luh tir hmasa a.





"In bia ang" ka thu sawi hre lo ang hmaka a awm chu ka lam alo hawi theih nan a banah ka kuai her sawk.A hmel chu a pem nengnunga tukin a a hliam kha tifai lovin alo la awm pui reng em maw ni.






"I sawi duh chu sawi vat rawh" ti hlukin a kam sir chu a khawih zeuh.






"Zinga I thu sawi kha eng nge a awmzia" nilenga ka ngaihtuahna peng leh lam luah tu a ni.





"Eng thil nge ka sawi" ngeng zeta tiin ka mitah tak min melh rana,he pa hian eng emaw chu hriat a nei ngei a lawm.





"Eng chen chiah nge ka chungchang hi I hriat" ka thusawi awmzia a hre Chiang tih ka hriat chian em avangin ka ti leh nghat.Chutia ka tih vang chu nge ni nui suk hian min rawn din hnaih deuha ka dar tawn tawna rawn vuanin hnai set sawtah hian min melh a.






"David-a saw I duh tih ka hria a nat I duhlo a nih chuan kalsan rawh" fiah kel kawla tiin ka dar a vawnna chu a thlah a.






"Tu..tu nge I nih" min hlat zawnga a ke pen chu tawpin rawn hawi let si lo hian "Ani kha alo let dawn,chutih hunah chuan I phatsan avang hian tu nunna in nge tuar ang ngaihtuah rawh" tiin an in lam pan chuan a kal chho nghal.






"Jason alo let dawn maw?" Keimah leh keimah chu in bia in ka phun sep a.Nilo a ni chu alo let thei lovang.In ah chuan hmanhmawh zetin ka tlan luta sitting room a midang lo thu pawh chu be lo in room ah ka tlang nghal.Ka tha khur nghal der der te chu ka duhlo tak zet.






"Thil diklo thleng a awm em ni" Room chunga ka lo tei kual chhen lai chuan room chhungah a rawn lut ve a.





"A..ai awm lo e" ti bah deuh nuaiin coach ah ka thu tlaha mah se,ka thu hle hle thei lo,ka ke ka chet chhena ka kut pawh a chu ti tho.





"I tha miahlo eng thil nge thleng min han hrilh teh" duat zeta rawn tiin ka kut chu a kut lum leh lian zet chuan a rawn hum bo vek a.





"David"





"Hlau lo la thil thleng chu min han hrilh teh le" rang zetin ka lo kuah bet nghal.





"Ka duh lutuk che tih I hria ti raw?" Min kuah chung hian a nui suk a "mi ten I hnenah eng thil pawh lo sawi se min kasal miahlo ang tih min tiam rawh" ka tih zawm nghal zat.






"Pawn lamah chuan eng thil chiah nge I tawn le?" Ka kuahna atanga tal chhuah a tum chuan a ai nghetin ka lo kuah "Ai,min tiam phawt rawh eng thil pawh lo thleng se ka kiangah I awm reng ang tih hi" ka ti nghal chul tawh.






"Aw le,aw le ka Sumparlawmi hi eng tikah mah ka kalsan ngailo ang,midang sum a it avanga mipa dang hnena a kal tur chu ka phal teuh lo.Ka neih ro sum chauh chen tura siam I nih hi" chutia min chhan takah chuan ka thla a muang ve deuh.






Nakinah Jason alo kir hunah ka chungchang thu ruk engkim hi David-a hnenah a hrilh a ni chuan he mipa hian min kalsan daih ang tih ka hlau a,ani chan hi ka duhlo a,engti kawng zawng pawn ka ta ni reng tura chelh ka duh a ni.


..........



"Duh tawk tawh mai rawh" a tha zam zawng zawng lang chhuak vekin thlanin a taksa a bual huh vek bawk.Niminah Doctor kan rawna a ke in that lam a pan thu leh in enkawlna ala tha a exercise a tih ngun chuan that leh na chance a nei alo tih avangin tukin zing chu a wheelchair thawhchhuah sana din a a tum nghal ringawta vawi10 vel lai chu kan hlawh chham tawh.







"Kha duhtawk rawh ka tih reng kha" chhuata a tlu nghal chawr chu ka hau zawm nghal bawrh bawrh.






"Ka lo kal thei a,ka ke ngeia ka lo ding leh thei a nih chuan kan in neih tha leh dawn nia,in rem siamna tello in" a bula mu tura min pawh thluk ve avang chuan a ban ka khama in chung lam chu ngawi rengin kan melh dun ta reng.







"Kei hian lo bum ta che ila eng tin nge min tih ang?" A ngawih reng avangin saisirin a hmel ka va en a,thuk zet hian min lo melh ve reng.






"Ka ring che a,min bum dawnlo tih ka hria" thu tak zeta min chhanna chuan min ti na,za lo zet a nuiin "nia" ka ti ta ringawt.






"Vawiin chu Hospital lamah ka va kal leh dawn ania aw?"






"Aw le mahse,lo haw hma la" ka lu a a rawn fawh chuan ka lo nui ver ver.Mite ang in min duhna a ti lang ve huam huam lova,duat takin min ko ve ngailo ka hminga min koh loh chuan 'Sumparlawm' tiin min ko mai thin.Mahse chu ti chung pawh chuan a zunah min uai tir thei tho ania mipa danglam bik tak zawng chu a ni, ka mipa hmangaih hi.






HMANGAIH maw ni e,he mipa eng tik lai pawha ka puihna mamawh reng tur hi ka hmangaih.Ka puihna mamawhlo in a mah in a in en kawl thei ang tih hi tunah chuan ka hlau ta ber.Ka tello hian awm thei lo se eng tik lai pawha a kianga awm reng turin min ti se ka duh a ni.Eng tik lai pawn 'ka wheelchair putara' kha ni reng se ka duh.


....


"Ilo kal a" rei vaklo ka thut hnu ah Jerome-a a rawn lang hlawl.Omomi hian chhungte a neih awm kan hriat loh avangin ka mawhphurna ah ka la a,tuna Jerome-a alo lang hi ka lawm takzet.





"Eng nge a an tawh" khum bulah dingin Omomi chu rilru nat hmel zet hian a melh ngawih ngawih a.





"A tha tawh lutuk, Doctor te pawn a harhchhuah leh vat tur thu an sawi a"tiin puan te chu ka sin that tira.





"Ka lawm e" rang zetin Jerome-a lam ka hawi nghal vut. "Omomi tana ilo awm avang hian ka lawm e" nui lo mah se,a hmelah a lawm tak tak tih a hriat theih.





"A ho lutuk thian te tana ka tih ve theih tawk a nih hi"ti supin ka nuiha.





"Hmani tlaia ka thil sawi kha.."




"Jason nen eng in zawmna nge in neih ka pawisa lo chuan David-a hi eng tikah mah ka kalsan dawnlo bawk" ka lo ti ram nghal hmak.





"Mahse Jason hian amah phatsan tu te a tih dan ila hre lo a nih kha"





"A pawi ka ti lo" ka lo ti leh nghut.





"Puih I ngaih chuan I tan ka awm reng dawn tih theihnghilh suh ang che" ka mit taka min en ran chunga a tih chuan ka ringhlello a ni hian harsatna ka tawk anih chuan min pui ngei ang.





"Omomi nen hian eng in zawmna nge in neih" Omomi biang chu ka khawih saka.





"Ka hralh a" awlsam zeta a rawn tih chuan ka lo meng kawk "hmanhmawh thlak deuha pawisa a duh avangin hnathawh tur min zawn pui rawh atia chuan ka hralha" a rawn tih leh chuan rap thlak ka ti takzet.





"Mahse hmeichhe huaisen tak alo ni a,a chunga thil thlengte kha police hnenah report a tum tih min hrilh khan ka thiante nen manin kan khung beta" a tih chuan Omomi ka vawihnih hmuh ni a mangang zeta a tlan chhe lai kha ka mitthla ah a rawn lang nghal.






"Chuan khami zing accident kan tawhni khan kan khungna atang alo tlan chhuaka" a tih chuan thil hriatthiam loh ka lo nei.





"A hralhtu leh a man tu chu eng vanga lo pan si che nge a ni?" Ka lo ti vat.





Nui suk hian "he hmeichhe a lutuk hian min hmangaihthu a sawi a" tiin boruak thaw chhuak ham hamin in chunglam chu a hawi a, "hmeichhe bum tur phone hmangin kan zawng thin a.Ta tang chuan ania kan in hriat.An in hreawm a tih thu sawiin hna thawh tur zawn pui turin min sawma kan vawikhat in hmuhna ah a mipa lo duh ve em em chuan ka hralha mahse,he hmeichhe mawl hian min hmangaihthu ala sawi fana" a hmelah chuan a in thiam loh ziah leh Omomi chu a hmangaih zia ka hmu thei.





"Hmeichhe hmeltha tak a nih hi" lainat tak hian Omomi hmel chu mittui tling pamin ka en a.





"Nia nang ai pawn a hmeltha" ka hnunglam ami in a rawn tih chuan ka nui suk.A hmeichhe hmangaih chu a hmangaih tih In hre miahlo in na takin alo siama mah se,a hmangaihin kalsan mai thei dinhmuna a din san takah chuan he kan mimawlpa hian a hmangaihna chu a hre chhuak chauha 'Lalpa an pahnih hian khawngaih la then hrang lul suh ang che' ka rilru in ka ti mawlh mawlh.






Jerome-a a awm tho tiin Hospital atang chuan ka haw leh thuai a,Bazar-ah kawiin chawhmeh tharlam te ka lei haw nghal bawk.Tunah chuan ka nuam tih zawngte hi a in thlak vek tawh ni maiin ka hria.Bazar kal chang pawha thawmhnaw,tlereuh leh makeup tih ang vel chauh melh thin khan tunah chuan Chawhmeh thar lam zawngin ka kal kual ta thin zawk chu a nia.






In chhung ka luh rualin ka nau te leh David-a nui ri ka hre zawm nghal zat.Sitting room ah thu in Soka an lo thing a.Ka chawhmeh lei dah fel pahin tlaia ka siam tur chu ka dah chhuak lawka chumi zawhah ka in ti fai ve nghal.






"U rawng ka lo bawl pui ang che" kan room atanga ka chhuak phei leh chu Dini'n choka ah min zui lut ve nghal.Ka rin ai daihin David-a leh ka nau te hi an in ngaiha chu chuan min ti hlim hle bawk.





"U kei chu U David-a saw fel ka ti e,ka u in Wheelchair a thu damlo pasalah i nei ti a min hrilh khan ka lo thinrim em em a mah se,ataka ka rawn hmuh takah chuan pawi ka ti leh lo" tiin min hrilh ve ngei.






Hmeichhe pahnihin rawng kan bawla kan mipa te pahnihin games khelin thawm an neih leh hak thin.Kan awm dan te chu chhuangkua tak tak hi kan ang ka ti ve takzet.






"Tun Nilaini hi ka pu piancham ania" Chaw kan ei lai chuan David-a'n a rawn ti chhuak hlawl.Ka pu piancham ka lo theihnghilh bik chu ka inthiamlo tak zet.





"Pawi lutuk ka lo theihnghilh daiha" nuitlawn deuhin ka ti ta ringawt.





"A pawilo mahse,Lunglei lamah lawm a duha chuan naktuk hian phei turin min duha" a rawn ti ve vat.






"Kan vaiin maw?" A lu a rawn bu zeuh.





Chaw ei khamah kan zin bag tur te siamin ka buai ve hle a,Dini kan zingah chuan a phur ber awm e.Ani hi chuan zin chhuah hi nuam a ti em em reng zel.





"Hei I ta tur" tiin ka bag ka siam mawlh mawlh lai chuan bawm lian ve ang reng tak hi min rawn pe a.






"Eng nge a" tiin ka hawnga Kawrfual sen mawi zet mak hi alo ni a,kawr nena in rem tur tak pheikhawk pawh a awm tel bawk.





"Awi! Ka ta tur tak tak a ni em a mawi lutuk" min lo nuih var vara kei lawm vangin ka ka ka chip thei heklo.Tun hi David-a hnen atanga ka thil pek dawn hmasak ber a ni.Ka sawi tawh kha mipa dangte ang in min duhna a ti lang ve huam huam lova mahse in nghahna tlak a nih zia nitin in min hmuh tir thin a ni.


........



Atukah kan vaiin Lunglei lam panin kan chhuaka,nihnib va chamin a nithumna ah Aizawl lamah kan let leh dawn a ni.




Rin ang chiahin ka pu chenna in pawh a lianin a zau nuam takzet.Banga a thlalak tarah te chuan ka pa nena an lakdun pawh hmuh tur atam mai.





Kan thlenni chuan eng vakmah tilo in kan chawl hahdam a,atukah erawh Birthday lawmna tur buaipuiin kan buai nileng thak thung.Ka pu hi Sumdawng hlun tak a nih avangin mi lo kal tur pawh mi lian chhungkua an tama engkim mai chu uluk taka tih vek a ngai a ni.





Birthday lawm ni chuan David-a min lei sak Kawrfual sen tak zet ka hah a,a kawng atanga ar deuh hlekin ka ngal chen vel a ni a,a awm erawh duh ai chuan a zau ve det.Mahse min leisak tu David-a anih avang hrim hrim nge ka in hmeh takzet.





David-a pawn Coat suite dum tak zet a ha a,in kawp tur awm renga mawi kan ni☺️"vawiin chu ka bulah awm tlat ang che" a mal chungah chuan min pawt thu a.




"Ka awmlo in tu nge nawr kual ang che" kan pahnih chuan hlim zet hian kan nui dun tlar tlar a.





"U...awi! U I van in hmeh ve" Dini kan room a rawn lut chuan a rawn ti hluai,ani pawh a mawi takzet.Kan vai chuan pawn lam panin kan in zui chhuaka ka in ngaihbel nge mite chuan min en duh riau hian ka in hre pek a.





"David ka kawr awm hi a zau mah mah em ni,mi hian min en duh riau in ka hria" in ring tawklo zeta a beng bula ka zuk tih sa sa chuan alo nui suk a.





"Tak tak alawm ka han in thlak leh mai dawn em ni?"ka kutah chuan rawn chelin a nui suka chutah hawi kualin min rawn en leh.





"Ka nupui hi a nalhin a hmeltha lutuka mi te hian an en lo phallo a nih hi,chuvang chuan mi ten nula nilo in ka nupui I ni tih an hriat theih nan ka kiangah chauh awm ang che" a tih chuan a darah ka chum dat.






Birthday party kan hman chhung zawng chu mi hmelhriat nan ka hmang hi a ni ringawt.A then chu ka pa lo hmelhria ve an lo awm a,ka pa chungchang pawh vawiin zet chu ka sawi chhuak tam malh malh khawp mai.






Zanah chuan ka pu in David-a leh a pa chu a room ah a ko luta eng thil chiah nge a sawipui dawn chu ka hre lo,hmana ka ngaihtuahna ang kha chu la pu ila tunah hian thlamuang zetin ka awm hauhlo ang.





"Ilo muhil hman em lo maw" zan 7:00 pm vela ka pu room a lut kha 8:00pm rik hnu ah a rawn let ve chauha thil pawimawh tak an sawi a ni ngei ang.





"I van rei,ka lo muthil san hman tep che" khum atang chuan chhukin David-a lam chu ka va pana,a kutah hian eng file emaw a Keng bawk.






"Ka nei tawha" lawm hmel zet a a rawn tih chuan ka bangbo tak zet.





"Eng chu maw I neih" ka lo ti vat reng a.





"Hei hi" a file ken chu min pe a,ka lo en thuai ka rei! Hei chu.."kha ram ka neih theih nan khan a nia ka pu hnenah nang neih che ka rem tih" a rawn tih chuan muang changin a hmel chu ka en a.






"I nei tawh sia min..."





"Ai,ka then dawnlo che atir kha chuan he ram ka neih hunah kan in then ang tih kha ania mahse tunah chuan he ram ai hian ka tan I pawimawh tawh zawka ka nuna ka neih hlu ber I ni tih hi in theihnghilh ngai suh" a rawn tih char char takah chuan ka tah nuih hawk.






Kei pawn he ram lehkha hi ania amah ka neih chhan mahse tuna asawi ang chiah khan ani aia pawimawh hi ka nunah an awmlo,eng pawh thleng se atawp thlengin David-a hi ka chelh ang a Jason chu lo kir leh pawh ni se a thil duh hi eng tikah mah ka tih puitlin tir ngailo ang.



............



Mi fel em em te u,Ads click leh comments kha rawn ngaipawimawh ru aw😘😘😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 3:00 pm

Chapter 14





"Jason chanchin hi I hriat ang ang min han hrilh teh" chu tia Jason-a chanchin ka zawt thut chu mak a ti deuh nge phawk zet hian min en a.





"Nga ti nge chu chu hriat I duh?"






"Ka hre duh.Tunah hian khawiah nge a awma eng tik nge lo let a tum ka hre duh" ka ti nghal leh zat.Chinchang engmah hrelo a Jason lo let hun lo pawng nghah tawp chu ka thei lo.A lo let huna thil engkim a rawn tih chhiat loh nan ka theih ang anga lo in puahchah lawk ve ka duh a ni.






"Ka hre lo,kan hnuai atang hmeichhia a lei chhawng thin a.Dik tak chuan an duhlo chung chu tumah kan in zawrh luih tir ngailo.Mahse Jason-a ang kha a changin mi an rawn kal leh zeuh thin.Chung ho chuan Hmeichhia hi an rawn lei thin a.Chunga hralh tur chuan ania Omomi te ang hi phone hmanga ka thlem chhuah thin." Tiin an thil tih kual dan vel chu a sawi mawlh mawlh a.






"Chuan engtin nge a ni nen chuan in zawmna in neih" ka tih chuan in thiamloh hmel zet hian min rawn en a.






"Min rawn dawrh tak fova kha chuan in hre tha em em ni silo in kan in be ve zeuh zeuh a.Kan pu ten ti tura min hrilh loh pawh kha Jason tan hian hna ho lam te te ka thawk thin chung zingah chuan nang pawh I tel.Kan in hmuh hmasak ber kha ruat lawk vek a nih kha"phawk zet hian Jerome-a chu ka en nghal.






"Ka pa hian Pa Zarsanga hnen atang hian sum tamtak a puka chu mi ka rulh zawh hma chu an hnuaiah ka thawh a ngaiha chumi lak atanga ka za len vat theihna turin Jason tan hian a chang zeuh zeuhin ka thawk thin.Kha mi ni pawh khan nang thlemthluk che kha ka hna a nia" a rawn tih leh sup chuan Jason-a hmel ka mitthla a hetiang thil ka chunga a ti duh hi ka awilo hial zawk.





"Mahse engvanga khu lama hralh lo che nge a nih ka hre lo.David-a te in a I rawn awm kha ka hria a,chuvang chuan In hmuh tir loh hram hram che ka duh avangin ka thiante in luahah ka riak chhuak fo thin.In ka lo haw pawn ka fimkhur thei khawm mai.Mahse zankhat chu min rawn phone in kalbo a ngaih thu min rawn hrilha a kal bo chhunga nang lo venghim tur che in min hrilh bawk a ni" tiin Jason nena an in zawmna te chu min hrilh ta vek a.






"Anih tunah khawnge a awm?"





"Ka hre lo,kan in biak pawh lohna a rei tawh lutuk mahse,ka hlawh nang ka ven him man che chu thla tin ka Ac ah alo lut ziah thin" a tih chuan ka awilo deuh.Pawisa alo thawn thin a nih chuan a awmna chu a hre ngei tur a ni.






"Ka awilo che,pawisa alo thawn thin che a nih chuan in in be thin tih a chiang reng" ka lo ti nghal vat a.






"Nia,pawisa chu min lo thawn thin ngei mah se,kan in be ngailo" nghet chur hian a rawn ti sup.






"Anih chuan zawng rawh.Tunah hian khawnge a awma eng thil nge a tih ka hre duh a ni."





"Mahse Omomi hi..."





"Ka lo en kawl ang mahse,ka duh chu min tih sak ngei a ngai ang" ka tih leh chuan lu bu nghutin Omomi khum lu lam chu a pan a.



.....(Time skip).....





"U Tluangte hei bak chu phun belh tawh lo mai ang" Omomi'n a rawn tih chuan kan pot khawih zat chu ka chhiar a.





"Um,a tam thawkhat viau tawh alawm kan chetna lai vel hi ka lo ti fai anga lo va in ti fai rawh tlai rawng kan bawl nghal mai dawn a nia" ka tih chuan inchhung lamah a lut a kei pawn kan chetna hnawk chu ka ti fai nghal mawlh mawlh.





Jason-a chanchin kan chhui atang thla 5 lai a liam leh tawh a, Jerome-a pawh Jason zawng tura akal kha tun thlengin ala rawn let lo.Phone in kan in be thin a mahse, Jason-a chanchin hriat a neih thu engmah a rawn sawi ngailo.






Ka nau te Fees zawng zawng leh Jerome-a Ac a pawisa lo luh dan chu kan hre chhuak tawha mah se,ta tang pawh chuan Jason chanchin hriat tur a awm belh Chuang lo.Company pakhat atanga sum chu rawn kal thin a ni a.An ni chuan ti tur anga hrilh an nih angin thla tin Pawisa chu thawnna tura an tih ah an lo thawn mai thin hi alo ni a.Jason-a zawnna kawngah chuan hma kan sawn lo khawp mai.





Tunah chuan Tlansanga'n Doctor a zir tak avangin a zirna man atan a senso zawng zawng chu keiman ka tuma, David-a'n min pui bawk.Mahse Dini ve thung chu a ngaite in ka chawi ngailo in company lamin min la pek sak char char.





"Hello" Jerome-a phone call chu ka la rang takzet.





"NDTV news kha lo en rawh" a rawn tih avang chuan rang zetin room atanga tlan chhuakin tv chu ka va on a.






Vai tawng hian Mumbai Nawhchizawrna hmun pui nasa taka a kan thu leh thi leh hliam an tam thu chu an lo puang mek hi alo ni a.Jerome-a'n en tura min tih chhan chu rei lova ka hre nghal.





"A thi tak tak em ni?" Tv la melh ran chung chuan ka phun sap.





"Ruang buaipui tu police zingah khan hmelhriat ka neia, a sawi dan chuan Jason-a ruang ngei a ni" a rawn ti ve sup a.Ka thuruk zawng zawng puang chhuang turin alo let tawh dawnlo tih ka hriat chuan lawm viau zawk tur ka nia mah sa,ka lawm thei tlatlo.





Reilo te kan in hriat chhung khan ka tan a tha a,eng tik lai pawn ka tan a awm thin.David-a laka ka lungawiloh lai ber pawha ka tlan tauhna ka thil sawi ho te te min ngaihthlak sak thin tu kha a ni a.A lo let chu hlau hle mah ila a thih tur em chuan ka phal chuanglo.





"Ti nge tun angah NDTV te ilo en tak mai" nuih za aw lek leka David-a rawn tawng ri ka hriat chuan phone chu off in chunglam ka melh zeuha TV pawh chu ka hmet sawn nghal.





Zanah chanchin tharah vawiin thil thleng Vanlalchhuangi chuan fiah zet hian a rawn puang ve leh a, "Vawiin khan Mumbaia Nawhchi zawrna hmun pui berah nasa takin kangmei a chhuaka,chhui chianna atanga alan dan chuan he kang mei hi Gas leak vanga thlenga ngaih a ni.He kang meiah hian mi 17 laiin nunna chanin hliam tuar 25 zet an awm a ni"tiin.






"Awi,ka van lainat hlawm reuh tak"Omomi pawn alo ti ve siam siama Hospital atanga a chhuah theih veleh in ah hian ka hruai luta a thlawna awm a duhloh avangin chhuah leh a tuma mahse inchhung cheta min puih chuan hlawh a neih tur thu ka hrilh tak avangin kan kiangah a khawsa ve ta a ni.






"Mumbai Nawhchizawrna hmuna kang mei chhuakah hian Kum hnih kal ta a, police ten an zawn mek Pu Robert-a fapa Jason-a(hming dang engmah a neilo aw)chu kang hlum zingah a tel ve a ni.Ani hian police te chu kum thum dawn chu bumin alo bikbo san tawha mahse he kang mei chhuakah hian vanduai palh zingah telin a kang hlum ta a ni.A tir chuan a hmel vel a kang chhiat nasat em avangin tu nge a nih hriat mai thei a ni lo a,a ID leh DNA atang Jason-a ani ngei tih finfiah a ni"Vanlalchhuangi'n a rawn tih zawm leh meuh chuan ka lo thaw chhuak hawk.





"Ka theihnghilh leh tawh ngailo ang che,nangmah avangin ka nei zawng zawng chan mah ila David-a nen min in tawn tir a.Belh tur neilo a mal taka ka awm laia ka tana ilo awm reng thin avang te khan ka lawm lutuk."zan mutna ah chuan Jason hlir ka ngaihtuah avangin ka muhil thei mai lo ka mittui pawh alo far leh thin.Khang a mita min ngaihtuahna mit mengte kha dawt an ni lo tih ka hria ka tan khan a hlu em em thin a,he tia a thi mai hi chu ka lainat tak zet.






Jerome-a pawh Jason-a chanchin kan hriat takah chuan alo haw a.Dini fees pawh pek sak tu an awm tawhlo.Anih chuan Jason chu a thi tak tak ta tihna a ni a.Hlauh tur ka nei tawhlo,tunah chuan kei leh David-a chauh kan ni tawh.





David-a lak atanga ka kalbo a ngaih lohna turin eng thil sual mah ka ti tawh lovang.Chu tih rualin Jason nena kan in zawmna leh kan thil lo tum tawh te pawh kha sawi chhuah kher a ngailo bawka Thlamuang takin nun ka hmang thei tawh ang.




5 YEARS LETTER





"I nalh takzet" darthlalang atang chuan a hmeltha zet chu ka en a ka nui nghal ver ver.





"Kal ila min lo nghak rei tawh lutuk ang" tiin a wheelchair chu ka nawr nghal zat.





Vawiin hi PAUTU HOSPITAL hawnna lawmna ni a ni a.Kha ram David-a nen kan in neihna chhanah khan Hospital lian leh tha zet mai David-a'n a sa a.Kha hmuna sak a duhna chhan em em pawh.A nu kha Asthma avangin a boral a,kha tih hun lai khan Lunglei-ah sawn Hospital tha ala awm lo a,a nu pawh kha enkawlna a dawn hman loh vanga boral a ni.Chuvang chuan Lunglei a Hospital tha tak sak chu a tette atanga a thil tum alo ni ta a ni.






"Tunah chuan Hospital nei tu ber thu sawi turin lo sawm ang u" tia David-a hming an rawn lam takah chuan Stage lam pan chuan ka nawr kal a.





"Hospital neitu kha min ti a mah se,hei ka sawi duh he hospital hi ka ta chauh nilo in Damlo te leh a enkawltu Doctor te leh Nurse chuan midang thawk ve zawng zawngte ta a ni" tiin bul a tana thil dang pawh a sawi nual mahse,tuna a thil tih avang hian chungte chu ka theihnghilh nghal vek.





"Heng zawng zawng ka tih theih chhan chu ka nupui Lalnuntluangi vang hi a ni a" tiin a wheelchair chu a rawn thawh chhuah san ta mai.Ka ka hupin David-a chu lawm vanga mittui tling pam hian ka en a.





"Nga ti nge engmah min hrilh ve loh"ka tih chuan a rawn nui suk .Hei vang hi a nih dawn hi tun hnaia a exercise tihna ah kal ve min phal ngai tawh loh.





"Ka......"




Sawi chhunzawm lovin ka hnunglam chu phawk zet hian a melh ta daiha,a melhna lam ka hnunglam en tura ka in her ve chu ka mi hmuh tum loh deuh te ka va hmu ve nghal.Hei hi eng tin nge a thlen thei.






"Rosyna" min rawn kal pelin Jason bula ding hmeichhia hmeltha zet chu David-a chuan a dar tawn tawnah va dawm sakin "I ni tak tak em?" tiin a zawt nghal chung.Keiin chiang zeta min melh run tu chu khaw dang hawi leklo in ka lo en ve reng bawk a.





Ka tha rawn zawi thut avang chuan chhuatah ka thu sawp nawka David-a chuan min lo buaipui vata mah se,ka khawhmunh phe ruai kar atang pawh chuan ka mi hmuhte chu an bo thei lo.





Ka harh leh chuan khumah keimah in ka lo mu a.David-a chu ka au a mahse,ka aw tih loh chu thawm dang hriat tur engmah dang a awm lo.Khum atanga chhungin room chu ka chhuah sana Sitting room lama tawng thawm ka hriat avangin sitting room lam ka pan nghal bawk.





"David" an pathum chuan ka lam an lo hawi rual veka,an ni hian eng nge an lo tih.Jason chuan min lo melh nghal run bawk.





"Ilo harha" a kut ka lama alo phar chu ka lo chelh vat.A bulah min pawt thu a ka kut chu a chelh tlat bawk.Kan hma a thu te ka melh leh chu Jason-a mit nen kan mit a in tawng Chiang lutuka ka chil lem nghal dawkin hmun dang ka hawi nghal.






"Nupui I nei hmeltha hle mai" Rosyna-i chuan alo ti nghal vata za lo zetin ka lo then suk.A chhan chu Abula mipa thu ve sawn min thah chakna mit mengin min melh reng vang a ni.





"Zan a rei tawh keini pawh Hotel lamah let leh tawh ila" Sawi tur avang bawk aniang kan ngawih leh deuh vang vang hnu ah Jason chuan rawn tiin a ding a.





"Ni e,David hun remchang dangah hmuh leh che ka duh a nia aw" ti kherin Jason banah chuan a chelh saka.David-a pawh ding chhuak ve nghalin an pathum chuan kawngka lam panin an in zui a.Ka thut hmun atang an kal ta chu ka lo thlir reng a.






Kawngka ah dingin Rosyna-i chuan David-a kutah chelh sakin eng emaw hi a hrilh a,eng nge ka hriat ka hre lo chu tia an kut in vawn sak lai ka hmuh chuan David-a hi chan dawn tlatin ka in hria a,ka thin zawn hi a na nghal ut ut thei.An kal dawnah Jason chu rawn hawi let leh zeuhin min rawn nuiha chu a nui hmel chu hmana amah ka duh ruk lai kha chu ni se amah min duh zual tir tu a ni ngei ang mahse tunah chuan chu a nui hmel chuan eng emaw ti kawng zawng tak hian hlauhna min thlen tlat a.






"I chau awm si a,keini pawh mu phei vat ila" rawn tiin ka thu lai chu min rawn dawm ding a.





"Rosyna-i kha" a hmelah chuan eng chiah nge hmuh ka in beisei ni a hmel chu ka melh reng a.





"Keipawn eng mah ka hrelo,kha accident ah khan a boral turah ka ngai a mah se,zanin khan tiang khan ka hmu leh ta sia" nui chhuaklo mah se a hmelah chuan a hlim tih ka hmu thei.





Khumah chuan ka mu meng kara ka bula mu pawh a chet sek danah leh a thawk lak leh vak thin danah a muhil thei biklo tih ka hria.Mahse biak erawh ka tum chuanglo.Vawiin thil thlengte ka ngaihtuah leta thil engkim kha zing atang a fuh veka khang mi pahnih te lo lan hma kha chuan.





An ni kha lo lang lo se chuan vawiin hi ka hlim ni ber a ni ngei ang.David-a'n a duhthusam a tih puitlin ni a ni a,a ke a dam tih ka hriat ni a ni bawk nen ka hlim dan tur hi ka sawifiah thiamlo hial zawk.Mahse ka hlimna tur zawng zawng khang mi pahnih thi tawha ka lo ngaih te khan an rawn ti chhe vek a ni.





Thil hriat chhuah ka neih thut avangin David-a lam chu ka hawi vata ka rin ang chiahin fiah zet hian min lo melh ve nghal vut."I nuam sam lo em ni?" tiin ka chal chu a rawn tawk a.





"Zanin a I thu sawi zawh tak loh kha tunah hian min hrilh thei a ngem?" Ka tih chuan hriatthiam loh hmel zetin min melha.






"Thu sawi zawh loh ka neih awm ka van hre lo" a rawn tih takah chuan ka lo beisei ruk ve kha a diklo tih ka hre nghal.Dik tak chuan Jason-a te an lo lan hma khan min hmangaihthu min hrilh ka lo ringa mah se,a hriat tawh loh danah chu thu chu a sawi tum a nih ka ring leh ta lo.






Khang kum chhung zawng khan vawikhatmah min hmangaihthu min hrilh ngailo.Min duh tih erawh phat rual lohin khang kum chhung khan a chet zia atang ka hria a.Kei phei chuan duh mai nilo in ka hmangaih tih ka in hria mah se,chu thu chu hrilh hmasak ka tumlo.Ka duh thu ka hrilh hmasa tawha ka hmangaih thu hi chu anin min hmangaih ve hunah chauh ka hrilh ang.





'Ka ke hmanga ka din leh theih veleh thil ka hrilh ang che chuan kan in neih tha bawk ang' tiin min hrilh thin a,chu thil min hrilh tur chu ka lo rin danin min hmangaihthu a nih ka ringa zanin khan chu chu a sawi dawn amaw ka tia mah se,ka ngaihtuahna ka lo kal thui pui mah mah a nia nge.





"Eng nge I ngaihtuah vung vunga" ka hnara a rawn piai chuan ka ngaihtuahna ah ka lo cheng leh veng veng tih ka in hre ve chiah.





"Min lo kuah teh,ka muhil thei lo" ka tih rualin keimah zawk chuan ka kuaha,"ka duh pa tunah chuan I ke I hmang leh thei tawh sia hla deuhah pawh ka tello in I kal thei tawh dawn a nih hi" tah chhuak zetin ka ti chhuak supa eng tinmah min chhanglo in ka lu ah chuan a rawn fawpa chungte chuan ka tah a tih chhuah belh sauh.Tuna ka awm dan hi a hreawm tak zet,he mipa hian min kalsan mai ang tih ka hlau a,ka hnen atanga kal lo duh ta se kei hian ka chelh thei a ngem?






Chelh lo tum ta ila ka chelh thei dawn em ni? A hmeichhe hmangaih em em chu tunah a rawn let leh tawha kei chu eng atan mah min ti tawh awm si lo."Lalmuanawm ka wheelchair putara I nih reng tur thu I sawia mah se, wheelchair thawhchhuah sanin ke a kal I tuma min kalsan I tum tawh tihna em ni.Ni lo,chutiang chuan I ti thei lo ka kianga I awm reng tur thu min tiam kha hre reng la hlen chhuak hram ang che aw" rilru a ti mawlh mawlh chungin ka kuah mek taksa chu nghet leh zualin ka kuaha ka tah chhuah mai loh nan ka hmui ka pet fan fan bawk.


............



Hmeichhe nui ri har har ka hriat kara mipa nui ri ka lo hriat than em em lo ri tel ve zel awmna lam chu muang chang hian ka pan a,kan nupa room ngeia Rosyna-i leh David-a lo awm dun ka va hmuh chiah mai chu tih hmasak ber tur pawh ka hre lo,thawk harsa ka ti a,ka din ngehnan vawn tur ka zawng nghal ruai bawk.





"Saw I nupui lem alo haw" Rosyna-i chuan hnehtu chan chang in ti zetin min melha, David-a mit mengah min hmuh sitna ka hmu tel bawk.





"Ai,a nupui lem ka ni lo" ti a ka au chiam chuan an pahnihin za zet hian min nuih a.





"Min bum tu hi ka nupui a ni thei ngailo ang" rawn tiin ka hmuh lai ngei chuan Rosyna-i chu duh thawh zet hian a fawp nghal buan buan.





"Ai,a ni lo Lalmuanawm ka bum lo che" ring zet zetin au mah ila thil thleng mek chu ka dang thei si lo.






"U Tluangte,U Tluangte" ka meng nghal kawk."awi,min ti mangang hman alawm eng nge I mangah I hmuha I au nasa lutuk a" tiin Omomi chuan zawhna min zawt nghal mawlh mawlh a.Ka awmna ka melh Kuala kan nupa khumah keimah chauhin ka lo mu tawh hi a ni a,khua pawh alo var uar tawh.






"Khaw nge Lalmuanawma" ka tawngkam chu a nem vaklo tih ka hria mah se,ka in sum hman tlatlo.Ka mumang kha a tak a ang em em a,tunah ka kiangah David-a alo awmlo leh zel nen hian ka chi ai a ni ber.






"Ani te chu....." A sawi zawh hma hma in khum atanga tum thla in room chu ka chhuahsana.David-a au pah zelin in chhungah chuan ka kal kuala mah se,hmuh tur a awm lo.Pawnah ka chhuak chiah tiin gate a alo lut chu ka va hmu a,rang zeta tlan pheiin nghet zetin ka va kuah nghal thlawp.






"Ti nge min kalsan daih a" tap chunga ka tih chuan min lo kuah ve vat."ka harh in ka kiangah ilo awm lova" pang chang zeta ka tih chuan min kuahna phelhin amah hlat turin min nam hla det.





"Chu ka Sumparlawmi chuan ka exer lak chhung lek pawn min lo ngai hman tihna em ni" a rawn tih sup chuan a in chei dan chu ka hmu chiang ve chiah.Ka mumang avang khan Rosyna-i bulah min kalsan ta daih amaw ka tia,ka awm dan avang chuan ka zak leh hnuhnawha amah chu rum zeta melhin kalsan ka tum a.





"Min thlah te" ka mittui hru tawkin ka ti nghal a ni lah chuan ka hnunglam atang min kuah bet tlat a.





"Sawi phawt la,tap tur khawpin min lo ngai hman a maw" ka beng kawm a rawn seh zeuh chuan ka lo te that.





"Ti nge,in chhungah pawh exer lakna te chu I nei tho sia" ka ngai tih te chu ka sawi duh bik nang.





"Nia,mahse vawiin zing chu ke a ka kal lohna a rei tawha veng chhung fan kual pahin exer ka la e ka tia" a rawn tih chuan ka rilru chhia alo chhuak ka ti dawn nge ka tello pawha a duh duhna a a tai/tei(adik zawk ka hre lo😁a hria chuan comment lamah lo sawi ru aw) chhuak thei tawh chu ka lawmpui thei leh tlatlo.





"Tunah chuan I kianga awm tur pawn min mamawh tawh lo a nih chu" ka lo tih ram hmak avang chuan min kuahna phelhin alam hawi tur chuan min kuai her a.





"Thil diklo thleng a awm em ni?" Chik zetin ka mitah min melh chhuk run a,chung te mai mai pawh chuan ka thin a ti rim a hma chuan amah zawk hian hnuai lam atang min melh thin kha a ni si a.





"Awm lo,I ke hmangin I kal leh thei tawh sia I kianga ka awm reng a ngaih tawh dawn loh thu ka sawi mai ania" chu thu ka sawi lai te pawh chuan ka tha a chhuak leh tun tawh.Min kalsan ka hlauh luatah ka a vek tawh ni maiin ka in hria.






"Ka ke chu eng ang pawn lo dam leh pawh nise nang chu ka kianga la awm reng turin ka duh che" rawn ti mah se,ka la lungawi thei lo, "ka ngaihtuaha ka ke dam leh ta chu I lawm ve vaklo in ka hria" ka awm dan avang chuan a rawn ti ta reng a.





Mahse tawnglo in ka la ngawi ngar ngar, "a dik a nih kha ka ke dam leh chu kei ai pawha I lawm ka lo ringa" lungawiloh hmel zeta rawn tiin ka dar a dawmna chu a thla a.





"Ai,I sawi dik I ke dam leh hi kei chu ka lawm ve lo.Ka lawm lo takzet" atawpah chuan tap chung bawkin ka ti chhuak leh ta nghe nghe. "I hre lo a nih kha,I ke hmanga I duh tawka I kal kual theih hunah chuan kei hmeichhe nep tak leh laktlakloh tak hi I mamawhlo thuai ang a,min kalsan thuai ang tih ka hlauhna hi maw eng tiang anga nasa nge a nih tih hi I hre lo a nih kha" ka ti chhuak chiam.





"Ka awi thei lo Lalnuntluang le.." a awmah chuan nghet zetin min kuah bet a.





"Min kalsan dawn lo tiraw,tangkaina nei tawhlo pawh ni ila I hlatah min kal tir suh aw,I kiangah eng tik lai pawn min awm tir char char rawh aw" a ngenin ka ngen a ni ber mahse hetianga ka tih lo chuan hepa hian min kalsan mai ka hlau takzet a ni.






"Shittt... A tawk tawh e" ka lu ah fawpin ka samah chuan a chul a, "eng tikah mah ka kal tir ngailo ang che,nangman kal tura min ti te a nih ngawtloh chuan"





"Ai,min kalsan tura ka tih hunah che pawh min kal tir miah suh" ka lo tih tuau chuan a rawn nui ri hawk a.





"Aw le,aw le Lalnuntluangi hi eng tikah mah ka kalsan ngai miahlo ang,kan pahnih hian engtikah mah kan in then hrang ngai miahlo ang"tiin ka darah dawm in min nam hla deuh a.




" Wheelchair putara sum hi Sumparlawmi'n a chen zawh hma chu kan in then lo ang kan tih kha" min tih nuih tum zeta a rawn tih chuan ka nui ve leh ta suk suk tawh.




...................

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 3:01 pm

Chapter 15






JASON POV







"Thil engkim ka ruahmanna ang khan a kal tur a ni" a dar ruak kang chu ka chul sak a.





"Aw le,mahse a hma ang khan David-a hian min en tawhlo tih chu I hria ang chu ti raw?"






"Chutiang ka hre lo" ka lo tih liam san mai mai avang chuan ka chalah rawn namin chiang zet hian min en a.






"Engvangin nge thil engkim theihnghilha Chennai ah kan let leh mai lovang?" Chu thu a sawi zawh rual chiah chuan ka rek ang nghal chawt.






"Let ai chuan thih a tha zawk" chu chu ka ngaihdan diktak a ni. "Let leh tih tawngkam I ka atanga a ri chhuak leh a nih chuan ka that ang che" ti hrawkin ka thlaha a rawn khuh nghal bawrh bawrh.





"He tianga min ti tur hi I ni miahlo" khum ka thawhchhuah san tur chu chu a thu rawn sawi leh avang chuan ka leh hawi a."ka hmangaih avang che in thihna ko tlang hialah ka ding a nih kha" rilru nat hmel zeta ti tu chu a samah thamin ka kuaidak awr.






"Kha thihna ko tlang I sawi ve teivet khan thil engkim a ti chhia tih hi I hria em?"vin chiam lo mah ila ka thinrim zia erawh a hai theih lo.






"Nang hian min duhna pakhatmah I nei tawh lo tak tak a nih hi"a mit atanga mittui lo luang chhuak ka hmuh rualin ka thlah nghal thuai.





"Thil tullo ngaihtuah ngaihtuah lo khan ti tura ka hrilh chauh che hi tha takin ti la a tawk" tiin ka chhuahsan nghal.






Rosyna-i nen hian ka pa in kan naupan lai atangin min enkawl chho a.Kan in zawmna pawh midang aiin a thuk zawk bawk.Ka chanchin eng kim a hria in ka phuba lakna ah min puih a in tiam a,chuvang chuan kum 8 kal ta khan David-a chu hnaihin a in hmangaih tir ta a.Khang hun lai khan ka hmeichhe duh em em leh mipa dang hlim taka an awm dun kha hmuh hre awm ka tih thin em avangin Mizoram-ah pawh hna ka nei a nih loh chuan ka kal ngailo.







Accident avanga coma a a awm tirh te khan David-a hi thah ve nghal mai ka duha,mah se chungtianga ka chet nghal vut vut erawh chuan ka nu ram ka la let thei dawnlo tih ka hriat.Ti chuan ruahmanna thar siamin Tluangtei chu ka hmang tangkai ta a ni.Mahse kha hmeichhia mize mak sak tak nei khan eng thil nge ka chungah a tih ka hre lo. Kar lohah amah lo chu thil dang reng reng ka ngaihtuah thei lova, Rosyna-i laka ka rilru put hmang pawh min thlaksak hial a nih kha.Kha tih hun lai khan ka dinhmunin zir se chuan min duh tih a sawi lai khan kalsan lovin ka ta ah ka siam ngei ang.






Mahse ka pa at luatah thil engkim a kal diklo a,kum tamtak chhung ka bihruk a ngaih phah a.Ka nu ram lah kan zawng sena khan a kawl bawk a.Kum 8 liam ta khan accident thlenglo se chu Ram lehkha kawl tu diktak kha hria in ka nei tawh tur a ni a.Mahse ram lehkha awmna hre ber tu Rosyna-i kha coma in rei tak a awm a chu chuan ka kawngah hnawk tam zawk a rawn thlen bawk.



.............




TLUANGTEI POV






"Ka tha tak tak alawm" hospital ah min hruai lui tala a chhan pawh nizan party na a ka tluk ngawt vang kha a ni.





"Kan tha amaw kan in tih lai pawh hian chhunglamah harsatna kan lo nei reng thin" ti lui tlatin hospital chhungah chuan min luh puia.






"David-a hian I awmdan tlangpui min lo hrilh tawha"Doctor hmeichhia hian min lo nuih nghal var var.





"Nia,tunlai chu ka awmdan hi a mak thei lutuk luakchhuak leh thil rim na deuh ka hriatte hian ka pum a ni leh nghulh zel a" tiin tun hnaia ka awmdan te chu ka hrilh nghal zung zung.






"Anih chuan hei hian I zun iva test dawn em niang" tiin pregnancy test kit hi min rawn pe a.David-a nen kan in melh nghal vut.Khang ka awmdan zawng zawng kha ka rai vang hi em ni lo ni.






"David"






"Va kal phawt la" alo ti ve sup.A hmelah chuan zamna ka hmu thei mahse ani ai hian ka zam zawk daihin ka in ring.Ka thutna atanga tho in bathroom lam chu ka pan ve thuai a.






David-a hian fa a awt tih ka hria mahse engvang nge ka hre lo ka rai thei miahlo a,chuan tunah ka kutah test kit ka Keng ran chu a ni ta si a.Lo test in lo railo leh si ila eng tin nge ka tih ang David-a lakah ka in thlahrunna belhchhah tu mai ani a ngem?







"Ilo chhuak tep tawh em?" Pawn lam atanga David-a min rawn au thawmah chuan ka phu nghek.






"A..aw..aw ka lo chhuak" test kit ka la en ngam loh chu nghet zeta humin thawk ka la kawk kawka bathroom kawngkhar chu ka pawt hawng nghal pawp.






"Eng tin nge..?" Alo ti hluai a,test kit ka en ngam loh chu pe in eng thu nge alo sawi ang ka ngaichang tawp."heihi eng nge a awmzia" rawn ti in test kit chu a thlek kuala.





"Ti nge ka railo em ni" test kit chu chhuh vatin result chu ka en a,ka lawm lutuk hi ka a lo chauh line pahnih lo in rin chu he khawvel ka dam chhunga line in rin ka hmuh tawh zawnga la mawi ber a ni.





"Khawi atang khan nge I rai leh rai loh ka hriat theih ang" rawn la ti hu hu tu chu nui vur vurin ka en a, "I rai...I rai tak tak" ka hmel a hmuh rualin a ti hluaia ka lu ka lo buk khum ngat ngat bawk.






Doctor pawh chuan min lawmpui thu min lo hrilh ve luamin vitamins eng eng emaw ei tur min chawh a,in enkawl tha tura min hrilh hnu ah hlim zetin Hospital chu kan chhuahsan a.






"Ilo rai vang lek a nih hi I mizia te thleng thlenga alo danglam vek" car chhunga kan thut luh hnu ah a rawn tih chuan ka in ngaihtuaha a dik viau in ka hria.





Ho te te ah tah ka duh loh laiin ho te te ah ka tap fova,ka thikthu a chhia in ka rilru a no hma em em bawk.Thil diklo eng emaw awma ka hriatin hlauhthawnna nasa lutuk ka nei nghal zung zunga chungte chu ka lo rai vang lek a ni sia.Vawiin hian hospital ah kan lo kallo ang tih a hlauhawm takzet.Chuti nilo se chuan mize maksak tak tak neiin ka awm nuamlo thut thut thin avang khan rilru hah zetin ka lo awm reng awm si a.






"Ka lo haw tlang ve lo mai ang,in I thlen ve leh chawl hahdam la tlaiah eitur ka lo hawn ang che" car showroom kawtah chuan a chhuka,keini pawh kan tlan chhuak nghal.





"Jero I a em mai" choka lama Jerome-a leh Omomi in chhaih rak tung ri ka hriat chuan nuiin choka lam ka pan ve nghal.





"Awi Jerome eng thil nge I tih kha" ka tih chuan Omomi chuan rang zetin a hmai a hupa Jerome-a alo nui kiah kiah.Omomi hmai chu pen hian alo chei ran saka hemi te pahnih zet hi chu an la nau lutuka tih ngaihna an awm thlawtlo.






"U Tluangte hau rawh" pakhat lah chuan lungawilo zetin alo ti nghal a.






"Mawina amah zawk hi hauh tur chu a nih hi"lo ti ve in a ban chu a rawn lek langa alo vual sen tut a."hei ka ban pawh hmantlak lohah a chhuah tep" ti zat zatin Omomi chu a melh deuh kher.






"I chaklo ngun em a nih kha"ti a,lei lo chhuah khum zeuh paha tui dehna lam pansan daih tu chu Jerome-a chuan a kuta tin uai uaiin a en zuia keiin ka lo nuih tawp.






"Taka Hospital ah in kal tih ka lo hria a,I tha em" Jerome-a chuan thutak zawk hian a rawn ti leh a.






"Um,Tluangtei te zawk ka pumah hian alo awm a" ka pum khawih paha ka ti zo chiah chu an rawn au rual that.





"Tak tak em ni U Tluangte"





"Engtik nge alo chhuah dawn a hming ka phuah duh aw" tawngna hun pawh ka chang hman lo.





"Lo ngawi rawh keima sawi ve hun" an in ti thul.Ka rai avang hian kei leh David-a chauhlo pawh an lo hlim ve a ni tih ka hriat chuan ka hlim takzet.





An duh tawka an in hnial leh hnu ah Jerome-a nen chuan a falin kan in bia a,ani pawn Jason lo let leh chu kei ang tho in alo hlauthawng ve a.Achhan pawh Jason hi eng vanga lo let leh nge ani tih kan hriat chian em vang a ni.






"Kei chu ka hlau a ni.Jason chauh nilo a Rosyna-i leh zel alo let hi ka ring pha miahlo" ka hmai tuai puatin ka ti chhuak hap a.






"I phatsan tih a hre dawna Jason chuan ngawi rengin a thlir liam hauhlo ang che" eng emaw muk taka ngaihtuah nei hmel zeta a rawn tih nghut phei chuan ka pum chhunga ka naute chu ka ngaihtuahna ah alo lut nghal.






"Thil engkim hre chhuak ta se David-a hian min kalsan mai a ngem le? Rosyna-i alo let tel bawk sia" chu hlauhthawnna bawk chuan min rawn luah khat leh nghal.Ka sawi tawh kha tunlai chu ka hlauthawng hma in ka chi ai hma thei lutuka David-a pawn min thlem nasat phah thin lutuk.






"Chutiangin ngaihtuah suh David-a hi ka hre chianga nang aiin kha nu kha a thlang hauhlo ang.Tunah chuan rilru no puta chi aina hun a ni lova,huaisen taka awma lo hmachhawn hi I tih tur a ni" nghet chura a rawn tih chuan a sawi dik hle in ka hria.






Tunah hian hlau a ka ngaihtuahna te kawma kal kual pui rengna hun a ni lo.Ven him tur ka naute leh ka mipa hmangaih ka nei a,thil eng pawh tih lo tum ta se Jason leh Rosyna-i te lakah hian ka chhungkua hi ka veng him tlat dawn a ni.


......



"Ka fapa leh a nu chu eng nge an lo an a" in khai bawr zeta rawn ti lut tu chu Omomi nen phawk zetin kan lo en a.Eng thil zozai nge alo lei ni he ti em em a a rawn bawr.






"Hei I thek ei tur leh ka fapa ta tur thil ka lo lei a" dawhkana a thil lei te a rawn chhawp chiah chu ka awilo zawk.





"Tunah thla 2 vel chauh ala nia heng motor lem te hi eng tin nge a khalh thei ang" ka tih chuan a lu thaklo pui a hiat neuh neuh a.






"Kan dah tha char char mai dawn a nia" in thlahrun hmel zeta a rawn tih chuan ka la duh tawklo " chubakah mipa toys chiah ilo lei a, kan naute hi hmeichhia lo ni ta se" ka ti leh a.






"Ni dawn tak mahse fa u ber chu mipa ka duha" min rawn melh zeuha mahse ka hmel a hmuh rual rualin "hmeichhia pawh chu a pawi chuanglo,ka duhthu sam mai mai ania mipa chu,nangmah ang hlir kha 10 pawh nei ila pawi pawh ka ti leh lo mahse mipa chu.." tih bah kual nuaiin Choka chu a chhuah san ta daih a.






"Awi,U David-a han lawmawm zia kha" Omomi chuan ka ngaihtuahna chiah a rawn sawi avang chuan za zetin kan nui uar uar a,kha ti khawp khan fapa alo awt ang tih ka hre reng reng lo.






Zanriah kan ei lai te pawh chuan Omomi nen kan nui leh put put thin a.Pakhat lah chu a nui tha duh der bawk silo chu chuan kan nuih a ti za zual tul tul mai bawk sia,ka nuih in sum nasat lutuk na lamah ka pum a na vek thei.






"Ila ti tau em ni" khuma min hnung chhawn zawnga mu chu ka kheuh zeuh zeuha ala rawn hawi tha duh chuanglo.





"Naute apa hian kan pahnih hian min ngailo a nih hi khawi anu khumah va riak daih ang aw" ka tih chuan rang zeta rawn che in ka kawngah min kuah bet nghal.





"Mu hle hle rawh u" rawn ti supin ka mutna tur chu a beng thak thak a.Keipawh fel zetin ka mu ve nghal.Ka mut fel rual chiahin ka kawr rawn hlimin ka pum chu a fawp a.






"Naute apa hian eng ang pawn lo piang la,ka duh vek tho che a nia aw.Tlaia ka thu sawi te kha chu I theihnghilh vek dawn a nia" tiin ka pum chhunga engmah la hrethiam ve lo chu a be mawlh mawlha kei ka lo nui var var.hetiang reng hian ni hmang liam thei ila eng thil dang mah hi ka mamawhin ka in ringlo.






"I pu leh I pa I hrilh tawh em?' ka tih chuan min rawn melh vat.





"Ka lo hre chang tawh miahlo,nang I nau te I hrilh tawh em ni?"





"Um,tlaiah khan an pahnihin ka be ve ve chuan an ni pawn min lawmpui thiam khawp mai.I ke dam thu te kha ka hrilha an lawmpui thu che hrilh tur che in min ti a" tiin vawiin ka hun hman dan te chu ka hrilh luama anin ngawi rengin min lo ngaihthlak sak thung.






"Kei chu vawiin ah Rosyna-i ka hmu a" ka mita min en rana a rawn tih chuan ka nui tawp nghal riai riai."a sawi dan chuan a thianpa nen khan sum dawn pui min duh thu a sawi a" min rawn tawngkam zeta rawn tiin min melh reng.





"Chu chauh chu maw a sawi?" Ring hlel zeta ka tih chuan thaw hawkin ka kut chu a rawn chelh a.





"Accident chung chang vel kha kan sawi a,a sawi dan chuan apa in kan in kawp kha a phallo a kha tia accident kan tawh kha rem changah la in ramdangah enkawlna dawng turin alo hruai hrang nghal hi alo nia.Coma a a awm reng avangin alo let theih loh thu a sawi a...." Chawl datin min rawn en a.




"Chuan" ka lo ti vat thung.





"Ka laka a rilru put hmang kha ala danglam loh thu a sawi bawk a" a rawn tih chiah chu boruak hip lut nghal kawk kawkin ka thawh chhuak leh a."Mahse kei chuan ka duh tawhlo tih I hriat kha" ka awm dan avang chuan a rawn ti nghal.





"Ka hria I duh tawhlo tih chu chuan sumdawnna I sawi pawh kha sum dawn pui lo la ka duh" tiin ka mut dan ka siam tha a,lehlam hawiin ka mu ta daih.





"Ngaihtuahna kawi pu suh aw,muttui" tiin ka hnunglam atang chuan min rawn kuah a,amah si chetah min hnuk hnai bawk.




(ZAWMNA)




"Hna hi kal ngailo se ka van ti,a nih loh pawn a hma ang khan dawra kal kual vak vaklo hian in ah hnathawktu ten report rawn thehlut leh sap sap thin mai se ka van ti tak" ti a phun sup supin a necktie ka siam lai chuan ka kawngah min lo kuaha.






"Phun phunlo mai teh,I dam tha tawh bawka kei leh I fa tan hian nasa leh zuala hna I thawh a ngai alawm"





"Tun thla-ah pawisa eng zat nge I hman?" ti a min rawn zawh chuan ka lo nui put put."pawisa ka pek che kha I hmang zo leh vek em ni?" A rawn ti nghal zat.





"I ring em?" Nuih in sum zeta min melhin a lu a bu zeuha mahse nui duh miahlo a ka en reng chuan mit ti zim sun hian min melh a.




"Thla thar chu pawisa min pek a ngailo ang" ka tih chuan min awih vak hmel loh.Atirah duh lo mah se ka tih luih tlat avangin nitin ka pocket money tur min pe thin a.Ahnu ah nitina min pe lovin thlakhata ka hman tur tiin thla tirah pawisa min pe thin.'Thil tullo chu lei lo la,sum ren zir ang che' min pek dawn apiangin a ti thin a.Mahse ka thiamlo min pe leh dawn tih ka hriat thin tho avang hian pawisa min pek te chu ka hmang zo ngei ngei zel.






"I Chiang maw khaw nge ka sumlawmi kha?" Chimawm zeta min melh tu chu dur zet hian ka melh a.





"Ka wheelchair putara pawn hma a sawn theih chuan engah nge ka theih loh bik ang" cho zeta ka tih chuan nui sukin ka biangah akuta rawn dawmin ka hmui ah chuan a rawn fawp nghal hmiah.






"Hna chu ka chawl tak tak mai dawn em niang" za zetin ka nui tawp.Rei in chheih kuallo in hna kal tur chuan a chhuaka kei pawn nimin lama kan thawmhnaw pho ro tawh sa mahse kan la nawh mam si loh ho chu nawt mam tumin ka in chhawp hnawk ve nghal.






Kawr pakhat ka nawt hman awr ang tihin door bell a rawn ri a,"Omom ka lo va hawng mai ang" Bathroom a sil fai tih ka hriat avangin au lang langin kawngka lam chu ka pan a, David-a alo let leh a nih ka rin avangin ka nui var var bawk.






"Ilo let tak tak a..." Pawna ka mi hmuh avang erawh chuan ka tawng lai tawpin ka nui tawp nghal ruai ruai.





"Jason"





"Ilo dam tha maw?" Kawngkhar ka khar leh tur chu min lo dang vat.





"Eng nge ilo tih dawn" inchhung lam hawi let zauhin Jason chu ka en leh vat."let rawh miin an lo hmu ang che" ka ti leh hluk.





"Ti nge miin min lo hmuh chu a pawi viau em ni?" Nui sukin min rawn din hnai a tuma kei ka lo tawlh hnung dat.





"En teh..."






"U Tluangte tu nge lo kal a" ka hlauh ang ngei ngeiin Omomi chuan Jason chu a rawn hmu ta nghe nghe a.





"A falin kan in be dawn em niang" sawi tur hre lova ka ngawih reng lai chuan Jason chuan a rawn ti hma sa a,Omomi ber in a hmu tawh tho tiin in chhungah alo luh theih nan kawng ka kian ta tawp.





"He lamah min rawn zui rawh" in hnunglam chhuahna chu ka pan zawm nghal a."I sawi duh chu sawi vat la,let leh nghal ang che"pawn kan chhuah fel rual rualin ka ti chang nghal fak.





"Ilo puitling ve tawh hle mai" chutia thil dang daih a rawn sawi avang chuan thinrim zetin ka en a.






"Sawi tur I nei anih loh chuan haw rawh chuan he lai hmunah hian vawikhatmah rawn kal tawh bawk suh ang che" ka sawi zawh rual ruala min rawn hnaih chilh rawkin ka nghawngah a rawn reka mahse rekna erawh a ni lo.






"Nang hian min phatsan a" seh chilh zeta tiin ka nghawng a rehna chu a ti na zual sauh.





"Mi...min thlah rawh" ka kut chuan ka nghawng a rehna phelh sak ka tum tang tanga,chutah nuih zat hmel zeta min en in a rawn kun hniam a.





"David-a hmangaihlo tur che khan ka chah che a" ka hriat sual nge a aw ah chuan natna ri tel tlatin ka hria a mahse a mitmeng leh hmel awm dan avang erawh chuan ka hresual a nih ka ring ta zawk.





"A..a pawi ka tih khawngaihin min kal tir rawh" ka mittui tun laia tla hma em em thin chuan hma rawn hruaiin Jason chu ka en a.Muang changa min thlahin ka mittui chu dim zet hian min hruk sak bawk.





"David-a hi ka ti chhe vek dawn.Chuvang chuan hun ka pe ang che ni hnih chhungin kha ram lehkha kha min rawn pe ang che" nghet chura tiin ka mitah min en kar.






"Ai,ka duh lo"





"Tunah chuan ka kalsan tawhlo ang che,kha lehkha kha min rawn pe la kumkhua in kan awm dun tawh dawn ania" min thlem aw taka a rawn tih chuan hlim vang nilo in ka lo nui suk.





"Ni lo,Jason I tlai tawh David-a hi ka hmangaiha eng tikah mah ka phatsan dawn lo chuan beidawng tawh rawh David-a hi I ti chhe thei chuanglo ang" ti fak fakin ka mittui chu ka kutin ka tuai tawk.





"I hmangaih amaw, Lalmuanawma hi I hmangaih a maw" awmze neilo a au chiamin a nui vak vaka keiin chu a awmdan maksak zet chu ngawi rengin ka lo en tawp.





"I hmangaihlo" a nui lai tawpin a rawn ti thut "David-a hi nilo in a pawisa zawk hi a ni I hmangaih,sum ka pek tak loh che avang khan in nghahna tur dang I zawng a,sum chu neilo se he mipa hi I kalsan daih tawh ang." Min hre chiang in ti zeta rawn ti tu chu ben tumin ka ban ka lek kanga mahse min lo chelh hman.





"Kei ni lova David-a I thlang hi I ti sual chhia va a ni." Tuna a hmel lan dan chu hmeichhe awmnem zawk tan chuan hlauhawm tak a ni."he I mipa hmangaih hian na takin ala siam ang che" tiin a in her vuta inchhungah a lut a,rang zetin ka um zui nghal.





"I ti diklo, David-a hi thil dang vanga hmangaih ka nilo chuan nangmah ang a nih loh avangin min kalsanin min ti na ve ngailo ang" sitting room ah va hum pha in a hnunglam atang chuan ka au a.






"Kan la hria ang chu" rawn hawi chuanglo a tiin kal leh mai a tum chu a ding leh a, "I nu leh pa kha accident avanga boral tak tak an nih I ring biklo ang chu tirawh" rawn in herin chik zeta min melh hnu ah in chhung chu a chhuahsan ta a.






Ti nge tun a taka ka nu leh pa te a rawn sawi chhuah,an ni chu accident vangin an boral alawm nge ni a, accident alo ni lo zawk.Jasona thu sawi tawi te chuan nilengin ka ngaihtuahna a luaha ka eng thil tih mah a tui thei lo.





Ka phone ri avang chuan ka phu chiama,ka phone ka en chuan number lawng atang hian alo ni a.Pawimawh a nih tak a tiin ka chhang a.




"Hello"





"Sumdawnna lamah David-a in rem siampui ka tuma,I tih tur chu I hrit kha anih loh chuan eng nge ka tih theih ilo en dawn ania" a rawn ti nghal zung zunga,ka tawngloh vang nge phone atang chuan a rawn nui hak haka "I nu leh pa chungchang I ngaihtuah a ni maw?" Engtin nge a hriat theih zawk.






"Vawiin a I sawi kha eng nge a awmzia,ka nu leh pa kha accident vanga boral an ni lo em ni?" Tiin ka zawt let thuai.





"Duhtak mi tumah ring suh ka tih thin che kha" tih zawng sawiin phone min dah san leh ta daih.





Eng thil nge thleng hi,Jason hian min bum kual mai mai em ni? A ni ngei ang ani hian dawt min hrilh a ni.'Ka nu leh pa kha car accident vanga boral an ni' in hum ruh ngut ngutin chu thu chu pawm tum zetin sawi nawn sawi nawn mah ila, rinhlelna ka neih hi a reh mai thei tawh silo.






"Eng nge ilo ngaihtuah,In chhung ka lo luh lai pawh I hre miahlo ania" ka hnunglam atanga min rawn kuah chuan ka hawi kuala khua alo thim thet thet tawh.





"Eng ngaihtuah love va in ti fai la chaw ei kan lo va siam ang" ka thutna atang tho chhuakin choka lam ka pan san a,ani pawh room ah a lut tlang nghal.




"U Tluangte ka hriat ve tur a ni em chu ka hre lova mahse vawiin a lo kal kha tu nge a" tim zeta ti tu chu ka melh nghal vut.





"Ka hmelhriat hlui,ti nge" ka ti let a.






"Englo a haw leh hnu atang khan I awmdan a danglam nghal veka" a rawn tih chuan vawiin ka awm dan ka ngaihtuah leta Omomi lakah ka in thlahrung nghal em em ringawt.





"Alo kal thu kha I U David-a hian hre lo se ka duh a ni" ka tih leh phei chuan zawhna mitmeng hian min en a,"Khawngaihin I U David-a lakah zep tlat rawh aw"ka ti leh tawp a nih loh chuan a sawichhuah mai ka hlau a ni.





"Eng maw ka laka zep tur chu" ka hnunglam atanga David-a aw ka hriat rual rualin ka plate chawi lai ka thlauh keh nghal veka, chawhmeh tuisa in ka ke a leih huh avang chuan ka te that bawk.





"Bawihi" rang zeta rawn tlan pheiin ka bula chair ah chuan min thut tir nghala tap silo hian ka mittui bawk alo luang leh hman,ti nge raino avang maia ka pangchan tak em em.Kan thusawi te kha eng chen chiah nge alo hriat ang.Avaiin lo hre ta se engtin nge Jason-a chanchin chu ka hrilh tak ang.





"Omom vur kha rawn la vat rawh" ka slipper chu phelhin ka ke chu a chhem heuh heuh a,ka lo in hrut hraih chuan ka biangah rawn dawmin "ana em ni?" duat zeta arawn tih chuan ka lu ka lo thing mat mat,ka tah chhuah loh nan ka hmui ka pet fan fan bawk.





Omomi vur lo lak chuan ka ke chu a depa,a vawt lutuk in ka vun a tawh fuh chuan lo phu nghekin David-a darah ka tham vak.





"A durh dawn a ang" a rawn tih sup chuan ka ke phah chu ka zuk en a,alo sen hlar mai.





"A ser phah angem" Omomi'n a rawn tih ve nghal avang chuan hlauthawng zetin David-a chu ka en a.




"Ser lo ang,damdawi hnawih tur naktukah ka lo hawn ang" a rawn tih chuan ka lo thaw huai,taksa a ser neih hi ka hlauh ber a ni a,chuvang chuan ka che reng reng hi ka fimkhur thei em em a,ser pawh ka hriat chinah ka la neilo.





Ka ke a kan avang maiin room ah ka chaw ei tur David-a chuan min rawn pe veka na beithman zet ka neih avang maia chutiang em em a min duat chu ka zah rualin nuam ka ti bawk sia phun nawi lovin a tih ang ang in ka lo awm tawp.





"Nizana ka sawi, Rosyna-i te nena sumdawnna kha" Ka thil ei laia rawn tiin ka bulah chuan a rawn thu ve a."Ngaihtuah that....."





"Ka ngaihdan chu ka sawi tawh" ka thil ei lai chu ka ei zawm nghal mawlh mawlh.





"Mahse..."





"Ka kham" lo tih khalhin khum atang chuan ka chhuka,ka ke vangin slipper ka bun thei lova ke lawngin bathroom lam ka pan nghal.





Darthlalangah ka in en a,tlaia phone hmanga Jason-a'n min rawn vo na te,chawhma lama ka nu leh pa chanchin a sawi te leh mi ring ngawtlo tura min thinna zawng zawngte ka ngaihtuah let chuan ka hah takzet.





Eng vanga David-a hi tih chhiat duh viau nge a nih a,engvanga kha ram lehkha kha duh viau nge a ni.Heng zawng zawng hian chhan an neih ka ringa,mahse eng nge a chhan chu ni ta ang.David-a lah chuan ala hriat ve hmel hauh silo.





Chuan ka nu leh pa chungchang a sawi kha thu dik lo niin David-a'n nakin lawka min la tih nat dawn thu a sawi te kha a tak tak lo ni te se.Engtin nge ka tih ang,tunah Rosyna-i rawn let rual rualin in zawmna siam pui nghal David-a lah chuan a duh nghal der mai bawk si.





Jason-a hian eng ruahmanna nge a neih chiah hre lo mahila David-a'n ka chungchang engkim a hriat chhuah hma hian chung a ruahmanna te chu ka tihchhiat hman a ngai a ni.Chuan ka nu leh pa chungchang thu ah chuan car accident a boral an ni tih hi thudik a ni a.Jason hian ka rilru tih buai a duh vang mai maia sawi a ni tih ka hria.





Atawp thlengin he ka mipa hmangaih leh ka fa lo piang chhuak tur hi ka venghim tlat dawn.Tun hnu ah chuan Jason-a thusawi ka in hnen tiriin ka in bum tir tawh ngailo ang.






"In bia ang" ka chhuah hun alo chang a ni ngei ang,kawngka ka hawn rual rualin a rawn ti nghal.





"Ka peihlo" ka hnungah chuan min rawn zui zela,khumah ka mu nghal hmak.





"Tun lai hian Furniture bungrua kan lakluhna lamah harsatna ka tawk deuha, Rosyna-i te hian tunlai Furniture tha leh design thar,lar ber berte min supply sak thei dawna" lulul zeta a rawn sawi luih zel avang chuan ka lungawilo takzet.





"A hma a Rosyna-i nen kan in laichinna avang mai maia he in sumdawn tawnna hi I pawmlo a nih chuan hlauhthawnna tur a awmlo ania,ani nen chuan kan in karah eng in zawmna mah a awm tawhlo".a rawn tih leh phei chuan ka tap lo chauh.





"Tluangte.."





"I duh leh thawh dun pui la,I duh duh danin ti rawh" ti chhuak nghekin ka puan sin hmang chuan ka in lu khup nghal daih.Diktak chuan a hma a an in zawmna vanga Rosyna-i hnaih lo tura ka duh rual rualin Jason-a ruahmanna vek a ni tih ka hriat avangin thawhdun pui lo se ka duh a.





Ka duh loh chhan ber sawi dawn lahin min kang kai ve thei bawk si.Min kang kai anih chuan Rosyna-i leh Jadon-a aiin ka chan a chhe dawn tih ka hria a,ka sawi chhuak ngam lo a ni.


...............



Atuk zingah pawh ka biak that duh loh avangin ngawi rengin a in siam a,a necktie awrh dawn chuan ka awrh tir phut zet hian min rawn melh reng tih ka mit sirin ka hmu a,mahse ka hre lo lui tlat thung.





"Ti tau tawh lo la" rawn ti hluaiin ka hnunglam atang chuan min rawn kuaha.





"Tu in nge ka ti tau ti" a nui suk a.





"Anih chuan hei hi min awr tir la" necktie hma ni lawka ka lei sak chu ka kutah rawn hmehbelin alam hawi turin min kuai her a.Min nuih vur vurin a awm tha a,ka nuih ve duh lo ngar ngar thung.





"I ke damdawi tur leh ei tur ka lo hawn ang che" tiin ka kawr chu a hlim a "naute anu hi lo duat rawh aw" ti leh supin ka pum chu a hmui lum thar tharin a fawm a,room chu a chhuahsan zui nghal bawk.





Ka ke dur tih keh ka hlauh em avangin khumah chuan ka awm ni leng a tih theih ang,nizanah pawh ka ke vang hian ka muhil tlem em em a,puana ka tih fuh rikngawt pawn a na zela,khum tlangah ka ke ka thlak thla tawp kha ania,David-a pawh keimah vangin a mu bik mang chuanglo.





"Thusawi I awi hle mai" chu massage ka chhiar chuan David-a'n an offer a pawm tih ka hrethiam nghal.


............


Tawi mah se comments tho ru aw.Naktuk zan ka chawl leh ang a,a bak chu kan dam chuan zantin kan ti leh thei tawhin ka ringa chuan thui pawh a thui thei tawh ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 3:01 pm

Chapter 16




DAVID POV




"Omom lo ngaihsak deuh rawh aw" tia Omomi chahin pawnah ka chhuak zawm nghal.Tunlai chu Tluangtei nen thu in hmuh fuh loh zeuh zeuh kan nei ve thin nen Omomi lakah pawh in thlahrun a na duh tak zet.






Hmeichhia zawng zawngte hi an rai tirhin Tluangtei ang hian an hahthlak ve vek em le,tih te ka ngaihtuaha a chhan pawh hmeichhe han thlem dim dem vel hi ka thiam vaklo a, Tluangtei tih lungawi ka tumna lamah hian ka hah ve tawh takzet a ni.







"Vawiin zing chu a mood a fuh leh vak tawh nange" pa Zova'n a rawn tih chuan ka chal dawmin ka thaw chhuak hawk.






"Jason-a leh Rosyna-i te nena sum dawn dun ka duh thu kha abulah ka sawi langa"ka tih sup chuan a rawn nui chhuak a."In nu a rai tirh khan eng tin nge I tih bik?" tiin ka zawt ta tawp.Pa Zova hi ka hriatna a rei tawh a,ka pa ai pawn ka ngaina zawk mah.






"Hmeichhia chu an ni vek alawm,inu Lawmtei pawn kan fa upa ber tur a pai tirh te chuan an in lamah min awm san daih alawm.Mahse min hmu peihlo a min awm bo san tu zawk khan nikhatah amah vawikhat tal ka tlawhlo a ka biak loh kha chuan 'min ngaihsaklo' tiin min an khum leh a" a hun lai thil thleng hre chhuak leh ni awm takin a nui chhuak hawk hawk a.






"Chuvang chuan a awm dan dan kha en liam tawp phawt la,tunah phei chuan Rosyna-i nen in in kar a hre vek bawk sia a lungawi na tur thil I ngaihtuah hram hram dawn ania" a rawn tih leh dap dap chuan a dik ka ti viau.A raino rilru buai laia a rilru ti hah theih thil ka lo sawi lan ve fo chuan a tha lovang.






"Eng nge I thuthlukna chu ni ta" office ka luh chuan Rosyna-i alo awm leh vang tawh.A zawhna pawh chu chhanglo in ka thuthlukna tur ngaihtuahin ka chair ah ka thu ngawi reng a.






"I duh loh chuan Jason hian be tu a ngah tih I hriat kha" a rawn tih leh chuan alam chu ka va hawia,ka lam lo hawiin a nui sanga a hmelah chuan eng nge a ngaihtuahna ah awm tih ka ring thiam mai lo.





Harsatna ka tawh lai takin alo langa ka harsatna chin felna tur hmanrua a nei bawk.A chunga ka thil tih hre reng chung pawn min puih duh thu ala sawi a.Dik tak chuan ka rilru a buai a ni.Tluangtei lah chuan a phallo bur bawk si.Mahse he hun tha hi liam tir ta ila hei ai hian ka chhiat phah a ngem.






"Sawi vat la,hun ka ngahlo midang hmu tur ka la ngha a nia aw" tiin min lo tur ve sek na chuan ka rilru a ti buai leh zual.





"A tha alawm contract chu sign ang" ka ti chhuak ta tawp.




"Hun tha I bawhpelh duh ka ringlo reng a ni" a bag atang chuan paper hi a rawn phawra kei pawn ka pan ve vat.





"Kha I thianpa kha a tel ve a ngailo em ni" kan contract paper bih kual pah chuan ka ti leh sup.





"Um,ngailo mahse lam chu min rawn lam dawn a,alo thleng tep ang I duh leh nghak la"




"A ngai kher lo ve" paper ah chuan ka hming ka sign nghal.Mizo te pawh kan lo fing ve zela Sorkar hna ngawr ngawr beisei tawh lovin mahni a sumdawnna tan an tam tawh a,kan sumdawnna pawh lianin zau viau mahse ti ve an tam tawh avang hian bungraw tha nei dawr chu mipui ten kan pan lo thei thin silo a.Chuvang chuan kei pawn bungrua a tha ber zel zawrh ka duh a ni.





"Vawiin chu zanriah kil dun ila"





"Ka theilo" ka lo tih hmuk chuan eng emaw sawi tumin a ka a rawn ang hman zuaia mahse a phone alo rik avangin phone chu a chhang ta zawk.






"Aw,kan ti fel zo chiah"




"Aw le,ka lo nghak ang che" tiin phone chu a dah a."Jason chu alo thleng tep,zawh belh duh I nei a nih chuan ilo zawt mai dawn ania"





"Ani kha ka mirin zawng a ni lo" chu tia ka lo chhan daih vang chu nge zawhna mitmeng hian min rawn en a, "fimkhur ang che,kan contract pawh hi nang chu nilo la ka sign ka ring lo" ka tih leh phei chuan a meng phawk zual.






Dik tak chuan kha Jason kha ka hmuh tir atang khan ka ngaina lo nghal, Tluangtei a en dan kha ka hai lova mipa tha tak a nih ka ring heklo.Amah erawh chu sumdawnna chu sumdawnna a nih angin mahni hlawkna tur kan um veka chuan Rosyna-i hi hman atanga ka hriat mi rinawm leh dik a nih avangin he contract hi pawm mai ka ni a.Mahse ka rinna pumhlum erawh he contract ah hian ka nghat lo thung.





"Nang hian min la ngaihtuah em ni?"






"Kan in kar kan chhut chah avang hian ka hua che tihna a ni lova,ka thian I nih na angin thurawn ka pe che a ni" ti char charin ka dinga ka kalsan tur chu engtik laiin nge ka bul alo thlen ka hre lo,nget zet hian min rawn kuah a.






"David bul tan tha leh ang"





"He tiangin awm lo teh" ka lak atanga nam sawn ka tum pawn lulul chhuahin min kuah nghet sauh sauh.





"Ai,ka hmangaih che chuan hman ang khan hlim deuhin awm dun leh ang" a kut min kuah betna chu na zet hian ka pawt phelh a,alak atang ka tal hrang nghal vat.





"Ka sawi chian tawh kha,ka nupui lo sawh chu duh leh hmangaih dang ka neilo.Kan accident tawh chungchanga thu dik ka hre chhuak lo kha chu pawi ka ti mahse,kha tih hun lai khan mi â ang maiin I thihna kha ka tuara kan naute..." A hun lai thil thleng ka ngaihtuah let pawh hian ka la na takzet.Accident kan tawh lai khan Rosyna-i hian nau a pai bawk a ni.






"Kan naute nena keimah chauha awm tura min kalsan avang khan ka hua che u a,mah se ka huatna che u aia nasa khan in kianga lo kal ve ka duhna kha a tam zawk.Chung hun hreawm ka tawh lai zawng zawngah chuan Lalnuntluangi hian min kalsan lo in kha hremhmun hreawm tak atang khan min chhanchhuaka ani lo chu ka nunah hmeichhe dang an awm thei tawh lo.Nang...nangngei pawh tiam in"





Rilru na leh inthiamloh takin ka ti chhuak chiama,dik tak chuan Rosyna-i lakah hian ka in thiamlo takzat alawm mahse chu mi avang chuan ka hmeichhe hmangaih kalsan in a hnenah ka let thei lo.Kha zan khan ka rilru a ka lo vei ve char char chu Tluangtei hnenah ka sawi chhuak ang ka lo tia mah se, rin loh deuhin Rosyna-i alo lang thuta ka rilru kha a ti mang veka ahnu a Tluangtei'n min zawh leh pawh khan ka hrilh lo ta law law kha a nia,Mahse tun a ka chian tak em em chu Lalnuntluangi ka hmangaih tawh zia a ni.





"Saw hmeichhia ka hmangaih I tih sawn maw a hmangaih lo che,nang a neih chhan che chu I sum a it vang chauh a ni" a hnena let leh tura min duhna mit meng chu hai derin ka kut a rawn chelh leh pawh chu nui sak chung hian ka ka lo phela.





"Ka hria alawm,ka sum vang a ni tih chu"





"Chuti chung pawh chuan kei ai I la thlang a maw?"





"Ka thlang a ni lo.Amah zawkin min thlang a ni.Kei chuan min kalsan loh nan ka theihtawp ka chhuah mai zawk chauh a ni" â min tih hmel zeta min melh ngur tu chu ka nuih suk.





"I a takzet" a rawn ti chhuak reng a.





"At vang a ni lo,ka hmeichhe hmangaih hian min kalsan ka hlau em vang chauh a ni.Pasal zawng zawng te tih tur chu an nupui te hlimna siam sak a ni a.Kei pawn ka nupui hlimna thlen chu ka tih tur a ni tih ka hria,ka thawhchhuah hi atan a ni a.Kei nilo in sum chauh chu lo hmangaih ta pawh ni se eng nge pawi min duha a hmangaih ber sum ka neih phawt chuan he ka hmeichhe hmangaih hian eng tikah mah min kalsan ngailo ang"





"Eng tik ni ah emaw chuan sum vanga I kianga awm sawn ala kalsan khawp ang che" tiin thinrim rilru na takin ka office chu a chhuahsan a,ka dawhkana thil awm chu chhuatah ka hui thla nghal vek.





"Lalnuntluang nang hian min kalsan ka rem ti ngailo ang,min hmangaihlo mahla eng nge pawi min duhna chauh avang pawh khan ka kal tir chuanglo ang che sum chu eng zat atam pawh thawhchhuah ngai dawn mahse ka thawk ang a ka kianga I awm theihna a nih dawn phawt chuan ka neih zawng zawng pawh ka pe vek mai ang che" ka thinrim lutuk chu in bengdaih tum mah ila a har lam hret a ni.


..............


TLUANGTEI POV




"Lo insiam rawh, zanriah kan ei chhuak dawn ania" phone ka chhan rual rualin a rawn ti nghal.





"Tunah ilo let mek em ni?"





"Um,ka lo thleng tep" phone kan dah hnu chuan ka in siam ve nghal.Ti nge vawiin ataka zanriah ei chhuah te a rawt tak thut.Kha contract a pawm avang khan alo haw hunah ka lo hau ang ka ti ve kha a nia,ka hau dawn tih hre lawkin min tlem lungawi a tum hmasa a ni ngei ang le.





"Khawiah nge kan ei chhuah dawn a" in chhung alo luh chuan chik zeta min en hnu ah lungawi hmel fe hian min nuih a.





"Ti khan min melh ziah suh" ka laih em avangin ka sen tawt tawt hialin ka ring.




"Kha tiang kha chuan pawnah ka chhuahpui ngam dawn che em ni?" Uang zeta a rawn tih avang chuan ka nui chhuak ve hawk hawk."Ka pa in Hotel ah zanriah kil pui turin min sawma mikhual a nei dawn a ni awm e" a rawn tih zawm ve vat.





"Engtikin nge Lunglei atang alo let a?" Ka pa hi ka pu dam that loh avangin Lunglei lamah a awm renga chumi avang chuan David-a pawh a buai phah hle reng a ni.





"Vawiin ah.Kal nghal ila in nghah rei tir lutuk kha a chi loh ang" ka kut a rawn vawn chuan kan chhuak ve nghal.





Mahse Hotel kan va thlen a,kan mi va hmuh te erawh ka rin loh lam daih an ni thung.Ka pa, Jason-a leh Rosyna-i te chuan dawhkan khat kilin kei leh David-a chu min lo nghak a.





"Pa he thil hi eng nge a awmzia" tiin lungawiloh hmel zet hian David-a chuan a pa chu a zawt nghal vat.





"Lo thu phawt rawh u" ka pa chuan a tih tlat avangin David-a nen chuan kan thu a,ka ep chiahah Jason thu in David-a ep ah Rosyna-i a thu thung.





"Ka fapa hei a ni hi kan sumdawnpui lian ber Mr.Virat a fa pa a nih hi" chu thu ka pa in a rawn sawi lai chuan mak ka tih vangin ka meng phawk kher mai.Jason chu ka va en a,min lo melh ve reng bawk.Eng tin nge Mr.Virat a fapa chu a nih theih,ani te chu Pu Robert-a fapa a ni bawk sia.






"Chibai le,ka lo in hmelhriat tir har lutuk che a" tiin David-a hnenah chuan thupha a chawia mahse kei chuan he pa hi ka ringlo tulh tulh.






"Apawi lo ve" Tawi taka tiin ka kut chu a rawn hum nghal zata keiin David-a chu ka en nghal vuta min lo nuih suka Jason-a a melh tel kher chuan ka awm a ti nuam lo.






"Pa Tluangtei nen hian hrilh tur che kan nei a" tiin David-a chuan bul a han tana kan vai chuan David-a chu kan en thap.





"Eng thu nge ni,midang awm lai chuan chhungkaw thil sawi vak ka duhlo ania" a hmela danglamna awm miahlo in min rawn en a,tun thleng thlenga ka pa in min la ngaina theilo hi chu ka thiamloh ni pawhin ka hre tawhlo chuvang chuan in ngainat tir tumna pawh ka nei hek tawh lo.






"Naute kan nei dawn a" Rosyna-i tui hak ri leh mipa rum hawk riin David-a thu sawi chu a zawm nghal.Ka pa leh Rosyna-i ten mak tih hmel zeta min en laiin Jason erawh chuan min pawhsawm vek mai duhna in min en a, David-a kut chu na zet hian ka hmer let vak.





"Huh..a..ava mak ve mah se tu ka nei tur chu ka lawm hle mai.Ka lawmpui lutuk a che u" ka pa hmel awmdan chu ka hrethiamlo,a lawm nge lawmlo tih pawh a hmel atang chuan ka hmu thei lova,ka hriat theih awm chhun chu a thawng hle tih chauh a ni.





"Ka lawmpui a che u" Rosyna-i pawn nui sangin a rawn ti ve nghal zat.





"Kan lawm e" tha takin David-a'n alo ti a,kei erawh ka ep chiaha thu in min melhna avang chuan tawng ngamlo in ka ngawi dak tawh.





Thil dang sawi tawh lo in,hna chungchang an sawi a,ka thil ei te pawh chuan ka pum an thlen leh thlen loh pawh ka hre lo,ka ei mawl tawp hi a ni ber.David-a lah chuan over khawpin min ngaihsak a,kan bula thu te a run luih emaw tih mai tur a ni,a chet zia chu.





"Zanriah tui tak min kil pui a,kan lawm hle mai" atawp atawpah chuan Jason te chu an tho ta hram."Tluangte naute chungchang kha ka lawmpui hle mai che u" rang takin ka hawi chuak mahse Jason chuan kei nilo in David-a alo melh daih.





"Ka..ka lawm e" ka tih ri ngawt chu ka lam an rawn hawi ve ve,zanin hi ti nge hetia an awm David-a hian thil engkim a hre chhuak tawh zawk em ni.





Min nuih sukin Jason chuan Rosyna-i kawngah a kuaha an kal chhuak nghal. Keini pathum ve chu ngawi rengin kan thu a,zanin zanriah kan ei chhuak chu ka in chhir tak zet,hetiang hian thil a thleng dawn tih hria ilang chuan ka kal hauhlo tur.





"I bialnu hlui kha alo la dam renga" ka pa thu rawn sawi chhuah chu ka rin loh lam daih a ni.





"Keini pawh kan va haw ve tawh a nge" Ka pa thil sawi ngai pawimawh lo zetin David-a chuan a ti hluk.





"Nia,in dim ula naupai lai chuan fimkhur a ngai ania" pangngai taka ka pa in a rawn tih chuan ka pa hmel chu ka en a,min lo nuih suk.Hei pawh mak tih tur dang leh bawk.





Ka kut chelhtu mipa chu zuiin a hnunglam atang a hmai tlang sir chauh ka hmu thei a mahse,ahmela lungawilohna lo lang chhuak chu Chiang takin ka hmu thei thung.





"Tah hian lo awmla motor ka zuk la chhuak ang" Hotel kawtah chuan min kalsan a.





"Ja..Jason" David-a a kal liam chiah tiin alo lang thut.Ka kutah kaiin Hotel piaha thim lai ah chuan min kai phei dawr dawr."Eng nge I tih hi!"





"Nang hian khapa fa kha I pai a maw?" rawn ti hlukin a bula parcel an hun thluah chu a pet chawrh.





"Ilo buaina tur a awmlo" tia kal mai ka tum chu bangah min nam bet nghal.





"He thil hi vawihnih a thleng theilo,chuvang chuan he naute hi ti tla rawh" ka inring hmanlo a biangah ka beng ri nghal chawrh,ka beng na bawka ka kut pawh a sa hat hat thei.





"I zak em,eng tin nge kha thu kha I sawi theih" ka thinrim avanga ka tha khur nasa lutuk chu ka kut ka hum ruh vak.A biang tuai zeuhin ramawm zet hian min rawn melh a.




"I nu leh pa thah saktu che chhungkaw tan fa I hrin sak ang maw?" Chu a thu rawn sawi avang chuan ka nghilh nghal duk. Ka nu leh pa min thah saktu maw,eng thu nge a sawi kha.





"Eng nge I sawi awmzia,tu in nge ka nu leh pa chu that?"





"Tluangte" David-a min au thawm ka hriat avangin Hotel kawt lam ka hawia kan awmna a thim avang chauha min rawn hmu lo a ni tih ka hria.





"Naktukah in ah khan min rawn hmu ang che" tiin David-a awm lohna lamah a kal liam ve nghal.





"Kha tah ilo awm a" ka hawi let chu David-a ka bulah alo ding reng tawh,Jason kal liamna lam ka lo thlir rengna lam chu a en a,eng thil mah a hmu lo nge keimah chu min en renga.






"Haw tawh ang" tiin keimah zawk chu Hotel lam panin ka kal hmasa a a nin ka hnungah min rawn zui thung.






"Nichin khan ti nge Hotel kawt atang khan ilo kalsan a" ngawi renga kan tlan hnu ah a rawn ti a.





"Nga ti mah,mi hmuh ka nei amaw ka in tia" ti ringawtin ka chhanga min zawt zui lem lo.Ti nge Jason khan ka nu leh pa thattu chhungkua a tih?






"Jason nen khan in in hre sa em ni?" Rang zetin alam ka va hawia min melh zawkin hmalam a en leh nghal.





"A..ai,ti nge?"






"Ngati mah a en dan thin che hi ka duhlo,ka nupui I ni tih hre reng chung pawha khatianga ala melh ngam che kha ka hua" thinrim zeta sawi ni mah se,ka lo nui suk.






"Eng tiangin nge min lo en vaka" alamah awn pheiin a darah ka lu ka va nghat a.





"Khatianga a melh leh che a nih chuan ka that tawh ang" ti supin ka lu ah chuan a rawn fawp a.






"Ka hua itia contract I sign pui tho a, Rosyna-i vang em ni" Car a ding nghal chawt.





"Engtin nge I hriat?"





"Ani kha ila theihnghilh miahlo em ni?" tiin amitah tak ka lo melh ve ran thung.





"Khawi atanga I hriat nge ka hrelo a mahse kha Contract kha Rosyna-i ka la theihnghilh loh vanga sign ka ni lo" ti sup in motor chu a ti nunga kan tlan chhuak leh nghal kan tlan chhuah atang a tu ve ve mah kan tawng tawh lova kan ngaihtuahna kan kawm pawh a ni mahna.





"Ka pa kha kan naute pai avang hian alawm pawhin ka hre lo" khuma alo mut ve rual chiahin ka lo kuah nghal.Anin a ban min kham tir bawk a.





"A lawm lutuka tih lan dan a thiamlo a nih kha" rawn ti mahse ka awi chiahlo.





"David ka nu leh pa kha thah an ni mai thei a ni"rawn che hrutin a thu chhuaka ka mitah min rawn melh chhuk run a.





"Eng nge a awmzia,Car accident-ah an boral I ti a ni lawm ni?" A hmela mak a tihna chu dawt a nih ka ringlo Jason khan dawt a sawi a ni ngei ang.





"Ka ngaihtuah chian hian ka pa kha mi fimkhur mi tak a ni a,a motor pawh a tlan chhuah dawn chuan uluk takin a check thin.A break chhia a hre lo kha mak ka ti a ni" ka ti chuan eng emaw ngaihtuah nei hmel hi a pu a.





"Chutianga I ngaih chuan kan chhui that tir dawn em niang" a rawn ti nghal chat.





"Ka hrelo le ka rin thu mai chauh ania"





"Mi ka lo ngaihven tir dawn ania,tunah chuan muthil tum rawh I chau awm si" rawn mu tha in min kuaha.




Zingah chuan David-a hna kal hnu lawkah Jason hmu turin ka chhuak ve nghal.Eng thu nge a hriat hi hriat ve ka duha ka nu leh pa te thah anga a sawi ve fo hi eng nge a chhan hriat ka duh a ni.


.............




Chapter dawt leh ka type meka zanin ah lo dah nghal ka tuma in lo chang hram hram dawn ania aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 3:01 pm

Chapter 17





"Hei hi adik lo,avai hian dawt a ni.Nang hian dawt min hrilh a ni tiraw" Jason-a awmah chuan ka chuma tuna thu min hrilh zawng zawng te kha dawt a nih thu min hrilh turin ka duh a ni.





"I mit ngeia I hmu tawh chung pawn ila awilo a maw" tun maia video ka en zawh tak chu ka samah thamin min en nawn tir leh atuma mahse ka lo tal ve chiam avangin Laptop chu chhuatah ka vai tla a.





"Sawng mi tenawm chhungkua sawn I nu leh pa mai bakah ka nu pawh min thah saka,ka nu ram chu David-a an pe bawk. Ti chung chuan an lam saw I la tang ang maw" thinrim zeta tiin ka sam a thamna chu a thlaha laptop chhuata tla pawh chu na zet hian a pet nghal chiam bawk.





Tunah chuan eng vanga David-a tih chhiat duh em em nge a nih tih ka hre tawh.David-a mai nilo in a pa leh a pu thlengin tih chhiat vek a tum a ni.Mahse ka thiamlo lem lo,keipawh ni ila Jason tih ang hian ka ti ve tho ang mahse..ni e 'mahse' tih hian kei chu min dal tlat a ni.






Kha tual thahna ah khan David-a'n in rawlhna a nei ve lo.Mahse chu tih rualin thil tisual tu fapa leh tupa a ni a,ani ka tanpui chuan ka nu leh pa thattu te ka tanpui ang a ni dawn a.Han kalsan ngawt dawn ila ka naute pa leh ka mipa hmangaih a ni bawk si.






"I tanna lam tur chu duh thlang fel rawh.Amah erawh chu fingtakin thuthlukna siam ang che I hmelma te lamah I tan loh hram ka beisei" tiin min chhuahsana,





"Duhthlanna" eng vangin nge duh chu thlan kher a ngaih thin.Kha video ah khan ka pa motor break an tih chhiat thu Chiang taka an sawi lai alanga.Ka pu chuan a fapa thil tih chu thinrim pui hle mahse a zep pui tho a,chuvang chuan pa Rama nen hian danglamna an nei lo.






Kha vang kha em ni, David-a pa hian min lo ngainat ngai reng reng loh.He tiang a nih te chuan nga ti nge David-a hi min neih tir min lo neih tir lo se chuan tun ang em em hian ka na lo mai tur.Ka phone rawn ri chu ka bag atang ka phawrha screen a hming rawn lang avang chuan rilru na zetin ka nui chhuak hawk. Ka en reng lai chuan a ri atawp a,a rawn ri zawm leh nghal.






"Hello" ka tap tih a hriat ka duh loh avangin ka hmui ka pet fan fan.





"Aw,khawnge I awm ka rawn haw a mahse in ah ilo awm si lo a" rawn ti zung zungtu chu ka mitthla in ka hmu a,ka ngai takzet.





"Nia..ka chhuak lawk a" ka tawng leh chuan ka tap chhuak thei mai dawna ka in hriat avangin ka hmui ka hup vat.





"I tha em?" Ka chhanglo "Bawihi min chhang teh khawnge I awm ka lo kal ang" a rawn ti nghal chung chunga kei lah tawng chhuak turin ka huaisen tawk silo.He mipa hi ka kalsan theilo ang, "nu,pa min ngaidam ru ani chuan tihsual a nei ve chuanglo a a kianga ka awm rem ti hram ru aw" rilru a ti mawlh mawlhin phone chu ka off a room pawh ka chhuahsan nghal.





"Ka lamah chuan I tang dawn ta em?" Sofa ah thu in wine hi alo in a.




"En teh,phuba chu ila thei ang tah chuan I kawng dal zawngin ka che lovang mah se David-a hi ka kalsan dawn lo.Khang thil ti sual tu zingah khan a tel lova chuvang chuan a nin a tuar ve hi ka rem ti lo" tiin ka thuthlukna chu ka hril nghal vek.





"Hmeichhe a tak I ni" a rawn tih pawh chuan ka chhang tawh lo rang taka David-a hnena thlen ka duh a ni.





"David" Gate bula alo ding chu ka lam alo hawi nghal.Min hmuh chuan a hmela manganna kha hahdam huai hmel hian a rawn thlak thlenga lo tlanin min rawn kuah nghal.





"Phone I la thei tawh bawk silo a,ka ngaihtuah hman lutuk che alawm Sumparlawm" thinrima sawi nilo mahse a aw chu vin tak a ni.





"Ka tihpalh Wheelchair putar" kan pahnih in karah hian han in koh duat dem duam a awm ve lo a,'Sumparlawm a tih zawh chiaha Wheelchair putar' tia ka kohna hi kan in kara in zawmna ti nghet tu ber a ni thin.




"I tha tiraw" ka dar tawn tawnah vuanin ka taksa enkual thuakin ka mitah tak min melh a, "I tap em ni?" A ti nghal zat bawk.





"Ka ngai lutuk che a" ka lo tih sup chuan a awmah bawk min kuah bet leh nghal."Tun atang chuan min ngaih avanga I tah tawh loh nan I kiangah ka awm reng tawh ang" tiin ka lu ah a fawp vang vang.


..............


AFTER 1 MONTH




"Vawiin chu ka lo haw har dawn tih I hriat kha aw" ka chalah fawp zeuhin a car lam chu a pan a.Kawngka ah dingin a kal liam chu ka thlir liam a,inchhungah ka lut nghal.





"U Tluangte vawiin chu Jerome-a nen len chhuah kan tuma" Omomi chuan alo ti nghal vat.




"A tha alawm va leng rawh u" ka lo tih chuan a phur khawp mai.





"Ka u hmeltha ilo dam em" Coach a tv en paha ka thu chu Jerome-a rawn au thut chuan min ti phu zawk.





"I â vak vak thei lutuk.Lungphu chawla min thih tir I tum em ni?" A dara ben chawrh pahin ka ti nghal zek.





"Thi turin duh che ila,ti mai mai khan ka ti phu lo ang che" alo la ti sam et zui."Tak taka chhui tura min tih kha" tiin file eng hi min rawn pe a.





"Ilo thleng tawh a" Omomi lo let chuan Jerome-a en in a ti nghal var a.





"Vawiin chu ka bialnu ta ka nia,min lo phone miah suh ang che" ti su su in Omomi chu kaiin pawn lamah a chhuah puia bike ri thum dut durin a zui nghal zat.





Jason-a ka phone chuan alo la rang khawp mai. "Ka duh chu I nei ta em ni?" Alo ti nghal a.





"Um, khawiah nge ka lo pek ang che"





"Keimah ka lo kal ang,in in hnaihah ka awm alawm" a tih avang chuan phone chu ka off a,file chhunga awm chu ka bih ve nghal thuak thuak.





Duhamna avanga ka nu leh pa ka chan hi tun thlengin ka la tuar thiam thei lova.Jason-a pawh chuvang chuan puih duh lo viau mahila ka theih ang angin ka pui ta tho.Tuna Pautu Hotel saw ka pa ta tur a ni a.Ka pa khan sum dawnna zauh ve a duh avangin Jason hnenah hian pawisa a puka a hlawhtlin dawn tepah pa Rama hian ka pa chu itsikin a nunna alak saka a Hotel pawh vervek takin a neih sak bawk.





Pawnlama motor thawm ka hriat avang chuan paper te chu file ah khung leh vekin pawn lamah ka chhuaka Jason pawh a car atang alo chhuak ve chiah.





"In chhungah lut turin min sawm dawn lo em ni?" File alak ruala a ti kher chu ka melh no lo Chiang teh asin.





"A sawi pawh kha I sawi ngam zawk ka ti,thei chu ni se he I hmel pawh hi hmu leh ka duh tawh lo" tiin let leh mai ka tuma min kuai her sawkin ka rin loh lutukin ka hmui-ah a rawn fawp a.Ka tal vaka mahse awmzia a awmlo min chelh nghet tak zet.





"Mi tenawm pa" min thlah rual ruala tiin a biangah ka benga engah mah ngailo ang maia min la nuih sawng te chu ka ten tak zet.





"David-a hnen atang hian ka la la hrang thuai ang che" tiin a car chhungah chuan a luta a tlan chhuak nghal.




Nilengin David-a phone call ka changa mahse phone call chu sawi loh a massage tak ngial pawh ka dawnglo.A buai tur thu kha a sawi a,min rawn be hmanlo khawpin a buai tihna em ni?





Tlai ah pawh chuan a sawi ang tak takin alo haw lo a,mahse zan rei thleng thlenga alo la haw lo chuan min ti manganga ka phone call a chhang theilo leh ka massage tak ngial pawh a seen theilo te chuan min awm tir hle hle thei lova,in chhungah chuan ka vai kual chhen tawh mai a ni.





11:00pm ari a chutiang chuan 12:00am pawh a ri chho nghal dera David-a lah a chanchin engmah hriat ka nei bawk si lo.





"U Tluangte" Omomi min ko ri ah chuan ka harh zawk,ka awmna ka en kual chu Sitting room Coach ah ka lo mu reng chu niin.Nizan khan David-a nghakin ka kawng kham lutuk kha ka mu zal e ka tia ka lo muhil tlang daih a ni ngei ang.




"Nizanah U David-a alo haw lo em ni?" tia min zawh chuan chhan dan tur ka hriat mai loh avangin kawngka lam chu ka hawia David-a alo haw lo tak tak a ni ngei ang.





"A that I ring em?" Omomi chu hlauthawng zetin ka en a.





"A tha ang, hlauthawng reng reng suh U David-a chu hna atchilh mi ania,a buai lutuk a nga alo haw lo mai mai aniang" tiin min hnem chu tum ve viau mahse ka hlauhthawnna erawh a nep phah chuanglo.




Ka phone ka en vata mahse David-a hnen atang massage emaw phone call pawh ala awmlo ta chau.Keimah zawk chuan ka call leh ta nghe nghe a mahse,min lo chhangtu chu ka rin loh daih a ni.




"Khawnge Lalmuanawma" ka ti chang nghal fak.




"Ala muhil a,alo harh hunah ka lo phone let tir ang che mahse,alo be duh kher che a ngem ka hre lo" ti zat zatin phone chu a off hmaka ka call nawn leh pawn ala duh tawh lo.





"Lalmuanawm eng nge I awmzia,eng vanga kha nu khan I phone hi lo chhang nge a nih"




Pawnah tlan chhuakin Jerome-a a bike lo sil fai mek chu ka va pan a, "tunah khanu in ah khan min hruai rawh" ka va ti nghal tawng chu hriatthiam loh hmel zet hian min rawn en hu a.





"Min hruai rawh khawngaihin" ka tap lek lek tawh.




"Thil diklo thleng a awm em ni?"





"Rosyna-i in ah min hruai dawnlo anih chuan taxi ka la mai ang" ka tih chuan "lo nghak lawk" tia min chhangin a bike chu a hru hul nghal sawk sawk.





Jerome-a hian Jason leh Rosyna-i te a chhui ruk ve reng avangin an chenna engkim a hre veka kei ai mah pawn an pahnih chungchang hi a hrehnem zawk a ni.





"Mahse eng nge zing zingah kan tih dawn" kan kal duhna hmun kan thleng tih hriat takin building pakhat bulah hian a ding a.Rang zeta bike atanga chhukin chu building ah chuan ka lut chho nghal.





In neitu ten kawngpui an an luah avangin a chung zawk ka pan dinga kawngka lo la in khar khup chu pawh hawn mai ka tuma mahse chhunglama alo in lock avangin na zeta chum pahin Lalmuanawma chu ka au tuar tuara kar lova Rosyna-i chuan mut kawr tawngchham zet ha in kawngka min rawn hawn a.





Thu kam khat pawh a chhak chhuak hmanlo ka kawng dala a ding chu su chawrhin in chhungah ka luta bethroom awmna lam tura ka rin ka pan dinga kawngka ka nam hawng chu ka rin sual loh zia ka hmu nghal.





"Tenawm pa" ka in sum hmanlo ka bula tarmawi chu banin Lalmuanawma kawr pawh ha lova tui zeta mu chu ka vawm nghal chawrh a,a har chiang takzet.




Ka vawm fuhna a awm dawm chunga ka lam alo hawiin min hmuh chuan a meng phar awk a, mahse a in siam tha rang takzet.Chutia ka va phawk chu eng atan mah ngailo ang maia awmin khum atang chuan muang chang hian a rawn tho chhuaka khum mawng single sofa chunga a kamiz chu a in thawlh nghal zat.





"Eng nge hetah ilo tih" ka bul alo thlen rualin min ti let zawk zawh mah a nih chu.Ka va han ngei ngawih ngawih tak em.





"Eng nge ka lo tiha I rin?" Ka tih chuan a hmui a ti sawi duh lek chauh "I uire lai man tumin ka lo kala ka lo kal fuh kher mai" tiin ka in her a.Rosyna-i chuan hnentu chan chang in ti zetin min lo nuih suk.




"Kal ang,ka duh chu ka hmu tawh" kawngka a min lo nghaktu Jerome-a chu be mahila ka melh ngamlo ka zak a ni.Zing karah hmeichhe dang in ah ka pasal min hmuh pui turin ka hruaia tu hi nge zaklo ang ni.




"Ka rualin I haw ang" bike ka chuangkai tur chu ka banah rawn chelin a ti a. "Jerome nang chu lo va haw rawh" ti mahse Jerome-a chu a tlan chhuak chuanglo.




"Min thlah rawh I kiang hnaiha awm pawh hi ka duhlo ka ten ngawih ngawih che" ka ban a vuan nghet lutuk chu seh mai ka duh.





"David"




"Lo va kal rawh ka tih kha" Jerome-a lo tawng ve tur chu lo ti tawpin a motor awmna lamah min kalpuia nau chu pailo ila chuan atawp thlengin ka tang ang mahse,tunah chuan ka naupai lai ka tih nat palh ka hlauh avang chauhin ka zui a ni.





Car kan chuan dun chhung zawngin in be lo in kan ngawi dun renga kan hnungah Jerome-a'n a bike in min zui ve reng bawk.He pa a awm chhung hi chuan hlauh ka neilo a chhan chu ka chungah engmah thlen a phallo a puih ka ngaih apianga alo lan thin avang hian ka tan veng him tu diktak a ni.





"Engtin nge ka awmna kha I hriat?" Kan nupa room kan luh rualin a rawn ti nghal.





"Ti nge,I bialnu in chu ka hriat I duh vaklo em ni?"




"Lalnuntluang"




"Eng nge, hmeichhe dang kawp tu zawk I ni a,chuvang chuan awka vina min be turin dikna I neilo" ka ti chiah mai chu ka dar tawn tawna vuanin bangah min nam bet nghal chawrh.





"Kan in ngeia mipa dang hruai luta fawp kual vel tu ai chuan ka tha zawk deuhlo maw" thinrim zeta a tih khur khur chuan mak ti zetin ka en a.




"Eng nge I sawi awmzia"




"Huh...tunah I hre lo der leh dawn si amaw" nui sukin a phone chu a phawrha a hmet nghal mawlh mawlh ,a duh tawk ta maw tihah a phone screen chu ka en theih turin a rawn lek langa Chiang zeta Jason-a'n nimin a min fawp lai kha ka hmu chiah mai chu min thawng tak zet.





"Hei..hei hi"





"Eng tik atang khan nge min lo phatsan,nitin hna ka kal hnu ah mipa dang ka in ah ilo hruai lut thin a maw?"rilru na tih hriat zeta a rawn tih chuan dawt vek a nih thu sawi ka duha mahse,ka kha a chi vek avangin ka tawng chhuak mai thei lo.





"I duh engkim ka pe lo che em ni?"




"Ai.... thu dik a ni lo,ani khan ka duhlo chung min fawp lui a nih kha" a kal sawn tur chu a banah ka lo chelh vat.





"Anih eng nge thleng ani khan eng nge kan in ah alo tih" ka biang rawn dawma ti tu mitah chuan min rin a duh zia ka hmu thei.




"Khawngaihin min ring rawh,ani nen khan kan in karah eng in zawmna mah a awmlo"




"Thu dik chauh ka hre duh"ti supin ka chal leh a chal chu a in sik tir a, " rin che ka duh mahse tunah rih chuan a har ka ti takzet" thuk ruiha a rawn tih chuan ka na takzet.





Jason lo kal chhan kba a hre duh tih leh kha thil thlen dan kha sawi fiah vek turin min duh tih ka hria mahse,chu a thil duh ber chu ka sawi chhuah theihloh thuruk a ni si.Ka sawi chhuak a nih chuan tun aia nasa hian ka chungah a thinrimin min haw hlen ngei ngei ang





"Min ring rawh thudik alawm ka hrilh che ani nen khan kan in karah engmah a thlenglo" ka tih tham tiak chuan min thlain min kal hlata.





"Vawiin atang chuan Hotel ah ka riak rih dawn" bag phawrhin a thawm hnaw a khung mawlh mawlh chu ka dinna atang ka lo en reng.Ti nge Jason kha kan in a alo kal kha ka lo rem tih kher ti nge kha file kha....nilo Lalnuntluang in chhirin thil thleng tawh te chu ngaihtuah let chiam mahla thil thleng hi a danglam phah dawn chuanglo.





I nu leh pa phuba lak I duha mahse I hmangaih I chan thei lo.Thil thleng tawh chu thleng tawh a ni a,tun hnu ah chuan fimkhur lo takin I che mai mai tawh tur a ni lo.David-a pawh I nei let leh ngei ngei bawk tur a ni.





"I riah chhuah a ngailo,ka room ah zanin atang ka riak tawh dawn ania chuvang chuan hotel ah chuan riak chhuak kher suh" tiin room chu ka chhuahsan nghal.



.............



Ti zawng kha aw.Ads click leh comments kha theihnghilh lo hram hram ula😘😘😘

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 3:02 pm

Chapter 18




"I ruahmanna vek a ni ti raw" phone alak rual chuan thinrim zetin ka ti nghal chiam.





"In bengdai teh kha chu a aite chhinna chauh a nih kha" lungkham neih loh hmel zeta a rawn tih chuan ka kut ka hum ruh nghek.Tunah hian ka bulah chuan awm se nuam sa chuan ka dah hauhlo ang le.





"Zawng sen heihi hre rawh tun atang chuan I phuba lak tumna ah hian min hmer tel tawh ngai suh ang che" phone chu off in khumah ka theh thla a,keipawh zawi zetin ka thu thla nghal hnawk.





"Bawihte anu lamah I tang tiraw" ka pum chu dawmin ka nui suk.





Thil duh in hal em em mai ka nei a,ka chet danah ka fimkhur loh chuan a pahnihin ka chan thei tih ka hria.David-a hi chan hlau viau mahila a pa leh a pu chungah erawh phuba lak ngei ka duh.






Ka rilru put hmang chu mi thenkhat tan chuan tenawmin bawlhhlawh viau mahse pawi ka ti lo.Ka nun a ni a,midangin min rawn thunun sak ka duhlo ka nun a nih na ang ngeiin ka kawng zawh tur chu ka thlang dawn a ni.A tawpah tuar ngai dawn mahse ka nu leh pa tan phuba chu ka la ngei ngei dawn a ni.






"U Tluangte thil lo ei la" room a rawn dakin Omomi chuan pawn lam atang a rawn ti a.






"David-a a kal tawh em ni?"





"Um,a chhuak chiah thil lo ei tir tur che in min ti a" a rawn tih chuan khum atanga tho chhuakin choka lamah chuan kan in zui phei a.





"Lalmuanawm" thil kan ei lai chuan ring leng lawng hian pa Rama chu thinrim hmel zet hian a rawn au lut a.
"Khawnge Lalmuanawma hi?" Choka ah lo lut tlangin min melh ngura.





Keiin a zawhna chhan tumlo in ka lo melh ve reng.Ka pu hriselna in that lam aia chhiat lam apan avangin Lunglei lamah a awm ve reng a.Thla hmasa a Hotel a kan in hmuh bak kha ani nen pawh hian kan in hmu leh tawh lo.





"I beng a chhek em ni?" A rawn tih hluk chuan ka nui chhuak hak."min va zah lo ve" tiin ka lamah a rawn kal hnai a.





"Ka nu leh pa I thah hnu ah zah tur che in min la beisei amaw" ka thusawiin a thawng deuh nge phawk zeta min melhin dawhkan chu a vuan nghal rawk rawk.





"Ka pa khan eng nge a tih sual,engvanga that nge I nih" kal hnai deuha ka au khum nghek chuan meng buai tawh tak a ni.





"Eng..eng tin nge I hriat?"





"Ti nge,thuruk tuma hriat loh tura I vawn reng ka hre ta chu pawi I ti viau em ni?"kal hnaih leh deuhin a awm ah chuan ka kut zungtanga kawkin "ka pa chunga I tih ang khan I chungah pawh ka ti ve ang" ti sak sakin ka kalsan a.






"Ka fapa hi then rawh" sitting room Coach a ka thu chu min rawn la ti leh hram.





"Ka neihloh hlau a buai chung kha I ni amaw ka tia" ngeiawm zeta ka lo tih chuan a thinrim hmel takzet.





"Thudik I hre chhuak tawh a,ka pa in Ro zawng zawng David- a hmingin a dah tawh bawka in in neih reng hi a tul tawh hleinem chuan,I nu leh pa chunga thil thleng I hre ta ro ro an ni anga thih kha I duh loh chuan ngawi rengin ka fapa hi then ang che" ti char charin pawn lam a pan zui nghal.





"U Tluangte" ti zeta min lo en reng tu chu ka en a,kan thil sawi kha a hre ve veka eng tiang angin nge a ngaih ang ka hrethiamlo.





"David-a'n a hre tur a ni lo" ka tawi ta hmuk.



...............



DAVID POV




In chhung ka luh chuan a ngaite bawkin alo reh leh duk tawh.Tluangtei nen room hran kan luah atang kar khat a liam leh tawh a,kan in kar lah chuan that lam aiin chhiat lam a pan telh telh a.Engtia han siam that tur nge ka hre mai rih lo,hna lamah buaina a lo awm ve reng bawk si.






Zingah hna kal turin ka chhuak hma a,zanah tlai tak takah ka haw leh thin.Kha mi ni khan eng tianga Rosyna-i in ah khan riak ringawt nge ka nih ka in hre lo.A in ah haw paha file lak kawi ngai ka neih avangin ka penga,ka pa in a hna chanpual zawng zawng ka kuta a dah avangin hna ka ngah em em bawk.






Kawnga ka tlan laiin nilengin Tluangtei ka be lo tih ka hre chhuak ve chiah.Ka sawi tawh ang khan hna ka ngaha mahse,ka hna hi nuam ka tih em avangin hna ka thawh tawh chuan thil dang ka hre changlo thin.Chutia Tluangtei biak ka rilruk lai meka ka phone a massage lo thleng ka en chu ka hmuh duh loh tawp a ni.





Kha Jason-a nena kan in kawta an in fawp lai chu number hriatloh atang ka dawnga min lo thawntu phone let ka tum lahin a in swichoff nghal hmak bawk si.Rosyna-i in ka thlen pawn ka tawng tam lo.File room a alak chhungin a wine lo in lai in tura min pek kha ka in a.No khat mai ka duh tawk loh avangin no dang ka dawm leh kha ania.





Ka chahthlak lai ka hre lo a,chutiang chiahin Tluangtei zan riah chhuahsan kha ka duhdan a ni heklo mahse,zinga khatianga min rawn hmuh takah chuan ka thinrimin run luih ve kha ka duha chuvanga khatianga ti mai chauh kha ka ni.






Zan danga ka tih fo dan angin kan nupa room a lut lo in Tluangtei mutna room ah ka lutah.Hmeichhia ve si he ti em em a amang a chhe thin hi chu a mawilo ka ti ve tlat.A mut dan siam tha in a bulah chuan ka in thawlh ve nghal zat.





"Min kalsan loh tur thu I sawi kha hre reng ang che" a chalah ka fawpa rawn tep chuam chuamin min rawn kuah nghal thak.A muhil hi a muhil nghet thei em em a,zantin a kiangah ka riak thin tih pawh a hre ngailo.





Zingah a thawh hma in ka tho leh thin a.Ani chuan ka ngaih ang hian min ngai ve lo a ni mahna,a khawsak phung a danglam ei loh.





Kha tia kan in tih thiam loh hnu khan vawikhatmah in hi a chhuahsan leh lo a, Jason-a nen pawn an in hmu zawm heklo.Kha mi tenawm pa kha ka hnek nghe nghe bawk.Eng tin nge a sawi kha 'i nupui saw ka ta a nih saw' a ti maw kha a ta anih loh zia chu ka la hmuh tir dawn khawp.






Lalnuntluangi hi tu ta mah a ni lo keimah David Lalmuanawma hmeichhia a ni a.Keilo mipa dang kianga min kalsan ka rem ti ngailo ang.





Ka pa Hardware dawr Sorkar lamin an chhui chianga dan lova bungraw lak luh alo nei nual bawk nen tun lai chu kan buai a zuala,ka pa nen hian sumdawnna a hranin kan khawih ve ve a,diklo taka he tianga a sum dawnna hi tun hnai ah ka hre ve chiaha ka hriat chhuah lah chuan ka tlai duai tawh bawk si.





Zinga room atanga ka chhuak chu Omomi'n min lo hmu Chiang khawp mai, "I u Tluangtei bulah sawi suh aw" nui put puta ka tih chuan a khi ve tha mai.





Kan nupa room ah lutin ka in ti faia hna kal turin ka in siam nghal.Vawiin hian kan Hardware dawr kan khar tawh dawn a,ka pa sumdawnna thianghlim lo zet avangin Pautu sumdawnna chuan nasa takin a hming chhiat phaha,kan thil hralh chhuah te thlengin a nghawng bawk.





"Chanchin ka lo hria a" nidangah hna kal tura ka chhuah hma chu rawn tho chhuak ngailo kha vawiin chu alo tho chhuak ve teh tlat.





"Um,vawiin hian dawr kan khar ang" ti supa kal pelh mai ka tum chu ka kutah a rawn chelh a.





"In ti chak rawh aw,heng thil vang hian I tlu chhe theilo ania" ni e,tuna a mit menga min ngaihtuahna ang hi ani hmu reng ka duh thin chu.




"Ti nge I sum hnar a chhiat I hlau em ni?" ka ngaihtuahna a awmlo pui chu ka ka atang a rawn chhuak leh ta tho.





"I sawi dik,ka sum hnar ber I tluk chhiat chuan eng nge thleng tur I hriat kha" ka kut thla a tum chu lo dangin a kut chu ka hum let a.





"Eng tikah mah a thlenglo ang,kha pa bula I kal hi ka phal ngailo ang" tih khum ngatin vung zetin pawn lamah ka chhuak nghal.


..........



"Tu emaw chuan min phiar ru a ni" ka pa lungawi theilo chu a awm hmunah a in hrosa kung kung reng a.





"Min an phiar ruk vang che a ni lo.Tenawm taka I sum dawn vang a nih hi" ka tih chuan rum zet hian min rawn melh nghal vut.





"I nupui chu I then dawn ta em?" A rawn tih chhuah leh avang chuan ka mood a rawn thlak nghal vak.





Hmani Lunglei atanga a rawn haw khan a Hardware dawr khar mai theih dinhmuna a din thu min hrilh pahin chhan pawh awmlo a Tluangtei then turin min ti ringawta ka lo hnial avangin kan pafa in kar pawh tunah rih chuan a tha vaklo.





"Ka then dawnlo ka tih tawh kha,I sumdawnna chauh ngaihtuahla I hna tenawm tak avang hian kei leh zelin ka hming chhiat phah tawh lo mahna"





"Lalmuanawm.."





"Sawi sawi mahla awmzia a awmlo" lo ti hlukin tukverh lam ka pan a.





"Ipu in engkim I hmingin a dah vek tawh.Chuvang chuan ani saw I neih kher a ngai tawh lo Rosyna-i nen tunah chuan in in nei thei tawh ang" rang zetin ka pa lam ka hawi nghal vut.





"A hma khan ipu ro I chan loh ka hlauh avangin ka pawm lova mahse,tunah I pu din hmun a tha vaklo a,a thu ro chhiah pawh ka hmuh pui vek tawh bawk.Engkim chu I hming vekin a ni,I hmeichhe hmangaih tak chu I nei thei tawh ang" a rawn tih zawm zat.





"Eng vangin nge Rosyna-i chu I rawn sawi chhuah"




"Itan a tha turin, chhungkaw Hausa tak atanga rawn chawr chhuak a ni a,a hmangaih bawk che.Ani I nei a nih chuan kan sumdawnna pawn Huang a zauh belh thei anga Ram pawnah hei aia sumdawnna lian din na hun remchang kan nei bawk ang" tuna ka hma a thu mek hi ka pa kha a ni chiah em le.






"Chu tiang em em chuan ilo duham amaw" ka ti chhuak ta tawp.Ka pa mah nise tunah hi chuan rapthlak ka ti ve takzet.






"Ka hrilh fo che kha he khawvelah hian sumin thil a ti thei ber.A aia thil pawimawh khawvelah hian a awmlo.Kan hlawkna tur a nih dawn phawt chuan kan vela thil awm apiang chu kan hmang tangkai mai zel tur a ni" ala rawn tih cho avang chuan chhan en ah pawh ka en tawh lo.





Kei chuan sum hi thil engkimah ka ngai ve lo.Ka mi hmangaihte ka kianga an awm si loh chuan sum hian ka nunah tang kaina an nei lo.




(ZAWMNA)





"Sir" ka secretary ve bera ka hman Faka chu office chhungah a rawn lut a.




"I buai hmel em mai,ka lo va let san ang che" ka pa chuan lo ti ve nghalin a thut hmun chu a thawhchhuah san nghal.




"I hre chhuak ta em ni?" Ka pa chhuah rualin ka ti a.




"Aw,I rin lawk ang chiah khan I nupui leh Jason-a te chuan tun hma in in zawmna an lo nei ngei tawh e" ka rin lawk mah nise finfiahna a awm takah chuan ka thinrimna a zual sauh.





"An pahnih hian an in kawp em tih chu Chiang takin ka hre lo na a mahse,an pahnih hian tun hma kum 7 liam ta velah khan an in hnaih thin hle a ni." A thil hriat ang ang te sawiin thlalak then khan leh Tluangtei pa in Jason-a hnen a pawisa a batna in chhin chhiahna na thleng chuan min hmuh fai vek a.





"Chuan thil dang leh tun hnaia ipa dawr chungchanga buaina ah hian Jason hi a in rawlh ve tih ka hmu chhuak bawk a" tiin paper dang min hmuh leh a "hei thlalak hi en la,Sorkar lamin file an dawn leh I nupuiin Jason-a hnena file a pek hi a in ang chiah chiah a" thlalak chu ka en leh a,he ti em em a bum kuala ka lo awm chu nep ka in ti takzet.





"Lalnuntluang nanghi...nanghi ilo tel ve reng em ni?"





Ka phone phawrhin Rosyna-i ka call nghal, "khawnge I awm?" Phone a lak rualin ka ti nghal bawk.





"Dawrah ti nge a"





"Ka lo kal ang min lo nghak ang che" phone dahin Rosyna-i dawr lam panin ka office atang chuan ka chhuak thuai.


............


TLUANGTEI POV





"Nih chuan pate ka va haw phawt mai ang,vawiin chu David-a alo haw hma ka ringa in a ka lo awm loh chuan a tha lovang"





"Aw le,chawlhni ah chaw te rawn ei phei ula" tiin pa te a chuan kawngka thleng min rawn thlah a.





"Tuna I thil tih lai hi chhunzawm zel ila tum em ni?" A bike a ka lawn kai hma a Jerome-a'n a rawn tih chuan van lam hawiin ka thaw chhuak hawk a."David-a hi I hmangaih tih ka hria mahse ti nge he ti lam kawng hi I thlan tlat mai ni?"




"Ka hre lo.." ni e,ka hre lo takzet.Eng vangin nge David-a chan hlau hle si hian eng vanga amah hlat zawnga ke pen thlang zawk nge ka nih tih hi keipawh vawi tam ka in zawt fo thin a mahse a chhanna ka nei hauhlo.





"Mihring rilru hi chu hriatthiam alo har thin a nih hi" a rawnntih sup chuan ka nui ta tawp.





"Kal ang" bike ah chuan ka Chuang kai a,David-a hi ka rin anga mi tha a nih chuan a pu leh a pa chunga ka thil tih chhan hi a hriat hunah a hrethiam em em ang.Min hrethiam thei lova min lo haw ta anih pawhin kan nih nih chu kan ni tawh ang nga a ni mai.






"U Tluangte" in chhung kan luh rualin Omomi chuan alo ti nghal hluai.





"Vak vak a che" Jerome-a'n alo ti vata ka lo nui suk.




"David-a alo haw tawh em ni,pawnah khuan a car ka hmu a" in chhung chu ka melh Kuala.





"Aw...mah se" hnuai lam a melh daih avang chuan "eng nge thleng" ka lo ti vat.




"U David-a chu" in chunglam melhin min rawn melh leh a,rang zetin in chung lamah ka tlan chho nghal.





"Engtin nge heng zawng zawng hi ilo la kawl theih zawk a"




"Ka tana hriat rengna hlu tak an nih avangin" room tun hma zawnga in lock reng thin tuna lo in hawng ta lamah chuan ka kala, David-a leh hmeichhia in haw lo tih hriat taka in be thawm leh nui ri chuan ka beng a verhin ka taksa pum hi a fan chhuak a ni ber.





"David" an pahnih chuan ka lam an rawn hawi ruala keiin room chhung melh kual thuakin a tawpah an pahnihah chuan ka mit a fu chat.





Room chhung chu hmeichhe room tih hriat zetin a rawng pawh a nu lam hlir a ni.Tun hnu ah kan tih fai ngai tawh loh avangin a balh viau ka lo ringa mahse,ka ring sual tak zet a chhung chu luah hnum reng ang maia fai a ni a.Nu Madiki awm loh hnu khan tuman he room hi an tih fai ka ringlo.Kei phei chuan he room in hawng lai hi ka vawikhat hmuhna chauh a ni.





Chuan room chhungah chuan khang kan in neih hma a, David-a room a awm thin Rosyna-i thlalak,thilpek leh ka la hmuh loh thil a awm teuha David-a hian ka hriat loh in he room hi alo ti faiin alo tlawh ziah thin tih ka ring nghal hmiah bawk.





"Aw! Ilo haw a,hei David-a hian ka room hlui min lo en tira" pawisawilo hmel zeta ti tu chu David-a min melhna thim zet avang chuan ka hmu theilo.Sawtiang khawpa min huatna mit menga min en tur sawn a chungah eng thil nge ka tihsual.






"In bia ang" in thunun tum zeta tiin ka in hera mahse, David-a'n "min lo nghak la,ka thlah ang che" dam zeta a ti ri chu room ka chhuahsan hma in ka hre hman hram.






"He thil hi eng nge a awmzia"





"Eng chu?"





"Lalmuanawm hre lo der suh. Kum tam tak chhung saw room sawh ka kal ve phallo in I lock thin a. Chuan a chhan pawh sawnu nena...."





"Rosyna-i" ka thusawi laklawh laia a rawn tih chuan thinrim em avangin ka nui chhuak hawk.





"Tunah chuan alam pawh ilo tang ta hle mai maw,nge ni a nangni hi in lo in kawp tha leh zawk?"





"Eng nge a pawina nangpawn I bialpa hlui lo kir leh chu zahpui lo in pawnah pawh I fawp ngam tho a ni lawm ni."





"I nupui ka nih hi,engtin nge hetiang hian min tih theih" beidawng zetin ka ti ta tawp, Jason-a'n min fawh avanga hetiang thleng thleng a thlen hi ka ring ngai miahlo,tukin zing a chhuah dawn te kha chuan la lungawi chiahlo mahse mipa dang bula ka kal a phal loh thu te kha a sawia mahse,tunah hetiang hian a che leh ta si.





"Nupui lem" alo ti nghal sup.





Nidanga ka mittui tla min hruk hul sak thin tu khan tunah chuan ti tla tu ah tangin huatna mitmengin min en a, "Naute hi pai lo lang chuan ka nupui lema I tan pawh a ngai tawh lovang" lainatna neilo ang maia tiin room chhungah alut leha reilo te ah Rosyna-i nen chuan an rawn chhuaka ngawi renga min kalpelh lai chuan ka ngaihtuahna in David-a ka ko mawlh mawlha mahse,ani chuan ka hmangaih anga min hmangaih ve loh avangin ka thinlung atanga amah ka auhna ri chu a hre ve thei si lo.






"Lalmuanawm engtin nge hetiangin ka chungah I tih theih" tah vak duh mahila ka theilo ka awmah min hnawha ka thawk lak thlengin a buai vek bawk.






"I tha em?" Jerome-a hmel ka hmuh chuan at hmel zetin ka lo nuih tawp. "I awm dan hi a tha miahlo" sofa kan hunna lamah min hruai pheiin tukverh in hawnglo te chu a hawng belh a,tli fim a rawn thaw nghal heuh heuh.






Tui in tur te min peka thli fimin min rawn chhem hnu rei vaklo ah chuan ka zia ve deuha mahse,ka mitthla ah tun maia Lalmuanawma'n kei min ngaihthaha Rosyna-i zawk a ngaihsak lai kha a cham reng thung.





"Jerome David-a khan naute vang chauha min la nei a nih thu a sawia" a sawi lai chiang zeta ka mitthla a lo lang chu duhlo in ka hmai ka tuai tawk tawk a.





"Ani kha Jason-a nen an in kawp reng amaw ka tia" a rawn tih chuan thil hriat chhuah ka nei.




"An in kawp I tih kha eng nge a awmzia han sawi zau teh" ka lo ti vat.




"Sawi vak tur pawh a awmlo mahse,thil pakhat mak deuh mai chu Jason-a nu leh Pu Sanglura thlalak pakhat ka hmu chhuak a" rawn ti daihin min rawn en a.





"Mr. Virata fapa ang khan David-a pa in a sawia mah se Pu Robert-a fapa a ni khan ka hre bawk si a" ka thil hriatthiam loh te chu ka lo sawi ve bawk.





"Ka lo chhui chiang dawn ania, Jason hi kan rin ang mai mai hi a ni lo mai thei a ni. Mr. Virata emaw pu Robert-a fa tak tak pawh alo ni lo mai thei"





"Eng nge I sawi awmzia"





"Ka sawi tum chu kha thlalak atanga en kha chuan pu Sanglura leh Jason-a nu te kha an in kawp thin ngei tih a chiang a"




"Anih chuan...."




"Aw,Jason hi Pu Sanglura sâwn a nih theihna chance hi sang tak a ni"




Ti nge thil engkim hi a buai nuai vek mai le.





"Jason-a chungchang chu lo dah tha ta ila David-a nena in in kar hi engtin nge I tih dawn?" tia min zawhna pawh chu a chhanna ka hre chuanglo. Tunah rih chuan mahni a awma ngaihtuahna fim hman ka duh a ni.





"Ka hre lo le,tunah chuan mahni a awm rih ka duh" ka tih chuan lu min buk khum zeuhin min kalsana thawk la ham hamin kei pawh ka thutna atang ka tho chuaka nichin maia room David-a te lo awmna room ah chuan muang changin ka lut ve nghal.





"Min hmangaihthu min hrilhlo mahla min duh thu min hrilh ringawt pawh khan ka lawm tawk em em asin. Kha I hmangaihna kha ilak atanga ka beisei ber pawh a ni lo mahse, I hmangaih hmasa I theihnghilh theilo erawh hi chu ka hua che in ka na takzet. A thi tawh amaw I tih hnu ah pawh amah I hriat rengna te chu he room ah hian ilo kalh hnana I rilru na chhawk nan chauh em ni kei kha I kianga awm tura min lo tih. A dik a ni tiraw I hmangaih chu alo kira kei chu itan hnawm tangkailo ang maiin min kalsana I sual takzet Lalmuanawm, I sual lutuk" ka rilru tawt lutuk tih zia awm nan room chu ka chinglet ta hrem.





"Lalmuanawm ani hnena let kha I duh a maw? Atha e let rawh. Let mawlh rawh" au chiam chiamin banga in tar thlalak te chu chhuatah ka vawm keha,tar mawi te pawh chu ka ti chhe vek.



(1 week later)



"Heng hi engtin nge anih theih!" Ka kuta ka ken paper chu ka en nawn leh ngata.




"Hetiang em em hian Pu Sanglura te pafa hi an lo nunrawng ang tih ka ring ngailo" alo ti ve sup.Jason hi kan lo rin lawk ang chiahin ka pu fapa a ni.






"Damdawiin awmna ram saw Jason-a'n a nu ram ang khan a sawi a"





"Kha kha maw ka chianglo,pu Sanglura hian nupui leh fa nei chungin Jason-a nu kha a ngaizawnga an in kar chanchin erawh thuruk anga kal an nih avangin an in kara thil thleng chu han chhui chhuah vak tur ka nei lo mahse sum vanga kawp a ni tih a chianna chu an sum dawnna zawng zawng leh in leh ram te pu Sanglura'n a neih sak daih atang khan a Chiang." tiin a thil hriat ang zawng zawngte chu min hrilh fai ta vek.





Jason-a nu te hi Lungleia mi hlun tak chhungkua an ni a. An sum dawnna avangin a pa chuan hnam dang Mr.Virata hi pasala neih tir a tuma mahse,chutih lai chuan Jason-a nu leh ka pu hian aruk a in zawmna an lo nei tawha,ka pu chuan Jason-a nu chu bumin an neih rosum zawng zawng a lak saka tuna David-a te chhungkua hausakna chhan bul pui ber chu Jason-a nu chhungte an ni tihna a nih chu.






Mr.Virata chuan Jason-a nu chanchin a hriat chuan Chennai lamah hruai thla in a enkawla mahse, Jason-a nu khan nau lo paiin Jason-a a hrin hian rai chehin a boral a ni. Pu Robert-a ve thung kha chu Mr.Virata hnuaia thawk niin Jason-a leh Rosyna-i enkawl sei lian tu ber a ni.






Mr.Virata sum dawnna bawlhhlawh tak thup nan Pu Robert-a kha hman a ni a. Chuvanga Jason-a pawn in phen nana hmanga pa tia lo ko a ni bawk.





Ka phone rawn ri chu ka en vata Jason-a call alo ni.





"Hello"





"Ka chanchin I chhui tih ka lo hria a" loudspeaker a ka dah avangin Jerome-a pawn a hre ve vek."chutiang khawpa min ngaihven a nih chuan ti nge keimah min zawh mai loh" a rawn tih zawm leh zat.Khawi atangin nge thil te hi alo hriat zung zung bik thin ni.






"In ah lo kal rawh thil engkim ka lo hrilh vek ang che,nge ni a in pa awm loh lai chuhin ka rawn kal leh dawn"






"Tenawmpa.." ka ti nghal tuar.





"Ka lo nghak ang che" tiin phone chu a off a Jerome-a nen kan in melh nghal ruk ruk.






(Lo comments leh vek ru aw, comments chhiar tur a awm loh chuan a nuam lo thin😁)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)