A CHHAN CHU SUM BY Irene H Muankimi (Completed)

[Ngaia]

Chapter 19




ROSYNA POV(ti ve lawk ang)






"Alo kal dawn em ni?" Phone a dah rualin ka lo ti nghal.





"Kal ang chuan I tih tur chu I hriat kha" phurlo zetin ka lu ka lo bu nghut."a tawp kan thleng tep tawh ania,lo nghak hram hram rawh aw" ka lu a a rawn chul te chuan nuih luih har ka ti takzet.





Dik tak chuan tuna ka thil tih lai hi bansan ka duh a ni.Jason-a hi hmangaihin duh viau lo ila chuan he a phuba lak tumna ah hian ka pui tawh hauh lo ang.Tun hnai hian David-a hian eng nge a hriat ka hre lova mahse a rilru a rawn thlak thut hi chhan a awmin ka ring tlat bawk. A chhan chu kha leh chen kha ka hnena lo let turin ka ngena mahse,min hnar char char a nih kha. Ka hrai ruih avanga ka in a ka riah tir tum pawh khan amah ka hnaih leh a nih chuan min thah tur thu min hrilh a. Jason-a hnenah pawh Tluangtei lo hnaih tawhlo turin a hrilha kha hmeichhia avang khan kut a thawh phah hial bawk a ni kha a nia.






Sawi kherlo mah se a mitah a nupui a hmangaih zia ka hmu thei a, chutiang chiah chuan Tluangtei mitah pawh khan. Chutiang khawpa a nupui a hmangaih laia kei min rawn hnaih thut hi ringhlel mahila Jason-a bulah erawh engmah ka la hrilh duh lo.






"David-a hmu tur chuan va kal la,Tluangtei chungchang sawi rawh ka tih ang zawng zawng kha va sawi vek ang che" a hmela khawihna hmuh tur awmlo chu ka thlir ngawt ngawt.





"He tia I tih chhan chu Tluangtei I duh vang a ni tiraw?" Ka tih sup chuan lungawiloh hmel zet hian min melh a,min chhang dawnlo tih ka hria mahse sawi lo mahse he mipa thinlungah hian hman ang khan hmun pawimawh lai ber ka chang phah tawh lo tih hi ka in hria a ni.





"Ka kal a nge" ti hluaiin ka thawh chhuah san a. Ka mipa hmangaih hian atawp thlenga kei ni lova hmeichhe dang a thlang a nih pawhin a kiangah a hlimthla angin ka awm reng zel dawn a ni.Eng tikah mah ka kalsan ngailo ang.





Pawn ka chhuah thlen rual rualin gate a taxi lo tlan lut ka hmu a,inkawta a din chuan a kawngkhar hnunglam rawn in hawngin Tluangtei alo chhuak nghal zat.





"Tu nge lo kal hî David-a'n nang ni lova kei min thlan avangin Jason-a I rawn pan ta mai em ni" deu sawh zeta ka lo tawngkhum kher chu duhlo zetin min melh tur khai a.





"Ani kha I ti na a nih chuan ka ngaidam ngailo ang che.Ani kha ka hmangaiha mahse ani chuan kei ai a thlang che tih ka hria. Chuvang chuan ilo ti na a nih vaih chuan eng tikah mah ilama lo let leh tawh ngailo turin ka chelh tlat tawh dawn a ni" hmeichhe in ring tawk tak a nihna chuan ka nuih a ti za zawk hial.





"David-a nilo in a sum zawk sawh I hmangaih a ni tih chu kan hre chiang ve ve lawmni"





"Hei hre rawh David-a hi a sum vang chuan ka hnaih tih ka pha lo mahse, David-a ka hmangaihna erawh hmangaihna dik tak a ni."





"Hmeichhe â.."




"Eng maw! Eng tin nge tunah khan min sawi" thinrim zeta a rawn au tuar chuan ka lo nuih a,chu chuan a run zual sauh.




"Nang chu ni ila Jason hmu turin in chhungah sawn ka lut miahlo ang" ka tih chuan kiai sukin min rawn din hnaih a.

..........



TLUANGTEI POV




"Ti nge Jason-a ka hmuh chu I phal vaklo em ni? Mahse eng tin nge ka tih ang David-a berin min kalsana duh tawh si chuan mi hausa dang bum thluk tur ka zawn leh mai loh chuan" a beng bula ka va sawi kher chu thinrim avangin a khur ngawt ngawt.





"Hmeli..." A rawn tih chiam chuan ka nui suk.





"David-a hmu turin I kal dawn a nih hmel a,tha deuh khan aw"





"Ila in chhir dawn khawp" ka kal hnu ah ka hnunglam atang a rawn ti leh a mahse,ka ngaihsak zui tawh lo.





"Rin ai ilo thleng hma" a no dawm lai min pek a tum chu ban duh lo in a ep chiahah chuan ka thu thla ve nghal.





"Naute vang a ni maw" ti supin choka lamah a phei a,alo let leh chuan thei tui no ah hian a rawn keng a.




"Chuan eng zat chiah maw,ka chanchin chu I hriat chhuah tak" nichin maia a thutna ngai chiaha thu thla lehin min melh ngur a.





"Ka pu fapa I ni tih ka hria" ka lo tih chuan za lo zet hian a nui a.





"Thei tui kha in rawh ilo kal hah awm si" ti supin a thutdan a siam rema kei pawh chuan thei tui chu banin ka in ve thuai.Khua a lum bawk nen thei tui vawt tha tak chuan ka tui hal a chhawk khawp mai.





"Ka nu khan a tir atang a hre sa veka mahse, a zuna alo uai hneh tawh em avangin mi pasal mah ni se a kalsan thei tawh lo. An in kar ka pu khan a hriat chhuahin ka nu chu pasal neih tir atuma mahse ka nu khan duhlo in Sanglura bumna thangah a awka an chhungkaw Ro thil zawng zawng chu ka pu hriat lohin Sanglura hmingin an daha chumi hnu lawkah ka nu chuan Sanglura'n alo bum reng tih a hre chhuak leh si a. Ka pu khan a neih zawng zawng thawk leh khata a chan ta kha a tuar thiamlo hle a.Lungphu chawlin a boral phah ta a ni.






Mr.Virat hi ka pu in ka nu pasal tura a tih kha ania,ani chuan ka nu leh Pu chanchin a hriat khan ka nu chu a lainat em em a,ka pu nena an in thian thatna avangin ka nu kha an ramah hruai tla in a en kawl a.Mahse ka nu khan kei min pai avang leh a chunga thil thlengte avangin depression nasa tak a nei a kei min neih khan a boral ta nghal bawk a." Chung thu a sawi lai chuan a chhunglama a nat zia ka hmu thei in ka hria.






"Mahse I nu kha ka pu thah angin I sawi sia" ka pum nuamlo deuh riai riai dawm pah chuan ka lo ti thuai.





"Ka nu kha mite chuan raicheh avanga boral a ni ti mahse ka pawm ve lo.Ka nu khan rilru lamah nasa takin a tuara a hriselna in a chhiat phah bawk.Sawng mi tenawm chhungkua te sawn muang changin ka nu kha a chhunglam atangin an that a ni" thinrim zetin a rawn ti leh khur khur.






"A..a nih...ti nge David-a Hospital sakna ram...ram kher sawh.." ka sawi zo thei lo,ka pum na lutuk avang chuan chhuatah thingthi thla hnawkin center table tlang ka kut leh lamin ka hmer ngawt ngawta leh lamin ka pum na lutuk chu ka dawm bawk.





"Ram ka duhna chhan min zawh I tum niin ka hria,a chhan chu saw ramah sawn keima mimal company tur sak ka duh a ni.Mr. Virat hian min hrilha saw ram saw ka pu in ka nu nena an in neih hunah a company din nan a pe ang tiin mahse kha ka nu mawl em em khan ka pu ruahmanna ti chhia in Sanglura hnenah alo pe a. Chuan nangin David-a kutah I lo hlan chhawng leh a" na nasa tak ka tawrh laia min lainatna nei miahlo a min thlir ngawt ngawttu chu ka haw takzet.






"Thei tuiah khan eng nge I pawlh" vin chiam duh mahila ka aw chuan au ring turin chakna a nei silo.





"Ka sawi kha he naute hi a pian ka rem ti lo,I lak atanga naute lo piang chhuak tur awm chhun chu nang nena kan fa kan thisen zawm pui chauh tur hi a ni" ka lama rawn kun hnai deuhin a rawn ti a nih chu ka va han that chak mai mai tak.





Ka naute hi ka chan thei lova,amah a vang chauh hian tunah pawh David-a bulah ka la awm thei a ni a. Tunah he Ramhuai pa hian awlsam takin a thangah min awh tira,eng nge ka hriata hepa bum thei a vawi tam ka awm fo mai le. Kha Jason-a ka lo hriat thin kha amah ah hian awm turin ka la ring thin a.Pawn lamah misual tak anga lang thin chhungrilah erawh chuan midangte ngaihtuah mi tak kha hmuh ka la in beisei thin a mahse,ka lo ring sual chhia va a ni.






Ka harh leh chuan ka room ah ka khumah ngei ka lo mu tawh a,ka hriat hnuhnung ber chu Jason-a'n pawisak neih loh hmel zeta min en na mitmeng kha a ni.Ka pum na lutuk tuarlo khan nikhawhrelo in ka awm a ni ngei ang.Rang zetin ka pum ka dapa mahse,thil diklo a awm tih ka hre thei.






"Ka naute,naute khawnge I awm" ka puan sin hlimin ka pum chu dawmin ka en a mah se ka naute a awm tawh lo tih ka hre thei.





"Kha naute khan eng nge tih sual a neih" keimah chauhin ka awm amaw ka tih laiin David-a'n tukverh bula thu in huat hmel zet hian min lo en reng a.






"David ka..kan naute" min hnem beisei zetin ka tah chhuak lutuk chu ka baw chhuak hawk a ni ber.Ka lama alo kal phei chu mittui kar atang ka lo thlir a Naute a awh zia kha ka hria mahse,tunah ka fimkhur loh luatah kan naute chu ka chan ta si a,a tuar ngawt ang le.





"Kha pa bulah khan min kalsan duh mahla he tia I tih kher hi a ngailo a sin" dim lo zeta min thing nawk nawka min vin chiam chuan a ngaihna ka hre lo takzet.





"Ka naute pawisawilo kha lo haw viau pawh ni la, mihring leh a hminga a nu I nih na ang tal khan that tur I ni lo asin.Alo pian hunah I en kawl duhlo a nih pawhin kei maha enkawl ka in huama I duh I tihna turah chuan ka dal miahlo che I kal duhna apiangah I kal ka phal mahse ti nge ka naute pawisawilo chungah hetianga I tih" a tih chuan ka hrethiam chiah kan naute kha ka duh vang renga thatah min ngai a ni.





"Naute apa hi min ngaidam rawh aw,ka venghim zo lo che a" ka puma hmai phum meuha David-a tap chuan min ti na a,min rin zawh lohna chuan min ti keh sawm bawk.Tunah hian amah ang tho in ka na in ka tuar ve a ni tih hi hmu thiam ve se ka duha mahse,a mitah chuan a hmangaih em em a Naute thattu ang chauhin min hmu tawh dawn tih ka hria.



..........


"Ka thah a ni lo" chu thu mawlh chu nileng leh zan khua in ka ka atang ari chhuak a.Tunah hian ka tan dam chhan a awm in ka hre lova,a tir atanga ka nun ka chhui let chuan tuarna lo chu ka chungah thil tha a thlen ka hre lo.






"U Tluangte thil eng emaw tal ei tum la" zinga ka ei tura a chaw rawn chhawp chu a seng fel a.





"Ka naute khan eng nge tih sual a neiha ti nge Jason-a khan piang pawh la pianglo ka naute kha a huat em em a" beidawng zetin Omomi chu ka en a,a hmelah chuan ka zawhna chhanna a neilo tih ka hria mahse chhanna min pe turin ka beisei tlat bawk si.






"A tih sual chu nang a nu atan a thlang che kha a ni" kawngka lam kan hawi chu ka pu leh ka pa(David-a pa) an lo ding reng chu ni in.





"Nula pawn lamah min lo va chhuahsan lawk mai ta che" ka pu chuan dam zet hian Omomi hnenah a ti a.Omomi pawh muangchangin pawn lam panin a kal ve nghal.





"Tluangte I tha zel em" ka bula alo thut thlak chuan lehlam ka lo hawi sawn hmak.





"Rama hian min hrilha,I nu leh pa kha..."





"Eng tin nge pa ang maia en thin tu che chungah khan kha tiang khan I tih thei" ka lo vin nghal chiam.





"Kha ipa ve khan maw a phu tawk chiah s hmu" Pa Rama'n alo tih chuan thinrim zet hian ka han melh.





"Rama lo ngawi rawh" ka pu pawn alo ti ve vat.Chu tah kei min rawn en leh in "Tluangte thil thleng tawh chu thleng tawh a ni a.I laka kan thil tih sual rulh let nan pawn ka tupa ka neih tir che a, i nau te lah an zirna senso zawng zawng kan tum sak bawk a.Chuvang chuan ti hian kan khawsak pangngai hian khawsa ho ang u aw" dam dapa chutiang ka hnena a sawi thei te chu mak ka ti takzet.






"Pu.."





"Ka pa in tha taka a biak lai che khan 'aw' ti mai rawh.Anih loh chuan I naute chauh lo pawh khan an la tuar zello ang tih a sawi theih loh" min lo tih khalhtu chu David-a pa bawk a ni.






"Pa berin a bialnu te chhungkua ti chhia in an neih engkim a laksak a,a fapa in apa hnung rawn zui leh in ka nu leh pa min thah saka ka pa Hotel tur a lak sak bawka..huh.." ka nuih hak rualin an nih pahnih erawh an phu zawk thung.





"Chu Chu khawi atanga I hriat nge?" Ka pu mak ti hmel chu ka nuih suk.





"Ti nge chu thu chu min zawh ziah mai le?"chu tia ka lo chhang chu ka pu meuh pawh a in sum zo lo a ni mahna ka samah na zeta rawn thamin min kuai dak awr a.





"Tha te te a ka zawh lai che hian tha takin min chhang mai rawh" hei hi anih ka ring ka pu mizia dik tak chu. "I chunga ka ngilneihna he ti lam zawnga min rulh let hi I tum ngam a maw" seh chilh deuh nak naka alo tih chuan ka nuih khum leh suk.





"Ka nu leh pa min thah saka min thahsaktu hum him hi ngilneihna I ti a maw" ka sam chu ka pawt vaka tha ah chuan ka la hneh hret a ni mahna ka pu chu chutia ka chet thut avang chuan a balance hlauhin center table a bawh phei deuh rak raka.





"Nang hi.." pa Rama ban lo phar uai ka hmuh chuan ka bana ka hmai lo dangin ka mit ka chinga mah se,ka rin anga kut min rawn thlak leh tak lawk si lohah chuan ka hawi chhuaka.David-a chuan a pa kut lo manin kan kiangah alo ding reng tawh.





"Lalmuanawm min thlah rawh" thinrim zetin ka pa chuan a ti khur khur."he nu hi then tura ka tih lai che khan lo ten fel hmak la a tha tur" a hma aia ringin a fapa in a kut a thlah rual chuan a rawn ti leh nghal.





"Hei hi ka in a ni a ka phalna la hmasa lova ka in a in lo luh avang leh ka nupui kut thlak hial in tum avang hian police hnenah ka report thei che u tih in hria em?" A pa thusawi ngai pawimawh lo zetin a ti a.





"Lalmuanawm kha tiang khan I pa hi be reng reng suh" ka pu pawn alo ti vin that.





"Pa maw..huh..pa ni tlak heklo,tunah ka in hi in chhuahsan nghallo a nih chuan police ka ko ang" in alo luh atanga a tawngkam hman reng rengte chu vin ni si lovin a khauh em em a,hnial luih ngam chi a ni lo.






"A tha e mahse ka thu I hnial avang hian ila in chhir dawn khawp" vau tawngkam zeta a fapa a biak hnu ah ka pu nen chuan an in zui chhuak ta a.





"David" a kalsan mai tur chu ka au na avanga dingin ka lam alo hawi leh.





"Zanin ka riak chhuak leh dawna in thlak turin ka lo haw" ti te chauh hi a sawi a.Kan naute kan chan atang zan tam zawk chu pawn lamah a riak chhuak thin a.Nikhatah vawikhatmah in hmuh loh ni te pawh kan nei thin.





"Ti nge min then mai loh,he tianga awm reng ai chuan in then mai ang" ka beidawn tawh em avangin chu lo chu ka ngaihtuahna ah hian awm a awm tawh lo.





"Kha pa bula I kal theih nan maw?" A rawn tih teh daih avang chuan ka hrilhhai tak zet.




"Ka naute min thah sak hnu ah,hlim taka I mipa kianga khawsak theih ila in ring amaw?" Huat hmel zeta min en hian a rawn ti leh.





"Kan naute kha nang ang thovin ka sun ve asin" ka tih hap chuan min awiloh hmel zet hian chunglam melhin a nui suk.





"Tunah pawh dawt bawk em ni I sawi leh dawn.Mahse tun tum chu min bum theih ring buai tawh suh"





"Eng nge I sawi awmzia"





"I bialpa Jason-a kha ka hnenah lo kalin a sawi vek tawh.Kan naute kha ani nena in awm dun theihna dal tu a nih avangin I that tih hi". Huatna,natna leh min ten ngawih ngawihna mit mengte chu hmuh a hreawm lutuka a mitah pawh ka en tha ngamlo.






"Dawt vek,David min ring rawh a ni khan kan in kar tih chhiat a tum vang mai mai a nih hi.Kha mi ni khan ka thei tui in turah damdawi a tel alawm" ka thusawi chu ring se ka ti takzet.






"Kan in karah engmah a awmlo I ti a mahse,eng vang chuan nge a in ah te iva kal leh si" ka dar tawn tawna rawn vuanin a au tuar a.






"A..a chhan chu.."






"Min tih chhiat theih nan a ni tiraw,a hma lawkin ka pa Hardware dawr in khar tir tawha In hma lak leh dan tur sawi turin iva kal a ni lawm ni" eng tin nge chung chu alo hriat chhuah ka hre lo mahse kha mi ni kha chuan thil dang vanga kal ka ni.





"Hei hre rawh Lalnuntluang ka hmangaih avang che in eng kim pek vek che ka duha,I nunah tlakchham I neih loh nan tiin theih tawpin ka thawk bawk mahse,nang chuan ka..ka sum chauh I hmangaih si" tiin ka laka a bei dawn zia chu a hmelah chuan a lang chhuak hial thei.






"Lalmuanawm.." ka hnuk a ulh avangin ka tawng zawm theilo.He mipa hian min lo hmangaih renga mahse,ka lo hre silo.Hmeichhe mawl ber chu ka va ni Chiang teh lul em.






A thusawi zawh chiah hre chhuak leh ni awm takin a nui a,chu tah in chhung khawk rum rum khawp hian a rawn au leh chiam.





"Kei,kei hi ka mawl a ni tiraw? Nang ang hmeichhia bulah hian ka hmangaih thu chu ka sawi a nia" a in tih hmel zel hian ka chal chu a hiat neuh neuh.Chutah ka lam rawn hawi thutin ka darah bawk chuan na zet hian a rawn hmer a.






"Ka then dawn lo che mahse,ka lak atang eng ngaihsakna mah tun hnu atang I dawng leh tawh ngailo ang.I nitin hun hman hi hremhmunah ka chan tir ang a,I mipa hmangaih bulah chuan ka kal tir ngailo ang che chu chu ka naute min thah sak man leh ka hmangaihna che in fiam nana I hman a vanga ka phuba lakna a ni" ti charh charhin room lamah pawh kal tawh chuanglo in pawn lamah a chhuak zui nghal daih.






"Lalmuanawm ka tihpalh,ka tihpalh takzet.Ka lo hre lova nang hian min hmangaih tih kha ka lo hre lova.Lo hria ni ila chuan kha tiang khan ka ti miahlo tur.Keimah chauhin ka hmangaih che amaw ka lo in ti char chara kha Rosyna-i hnena I kir leh thu I sawi te khan ka lo ring ve em em che a,ti nge a hma khan min hrilh mai loh" ti mawlh mawlhin chhuak zetin ka tap nghal hawk hawk.






"U Tluangte,U Tluangte I tha em" chu min ko ri chu fiahlo ruaiin ka hria a ka khawhmun a thim nghal vek.






"Huat che ka duha mahse ka hmangaihna che hi a sang tawh mah mah a ni mahna" ka kut hum tu chuan phun bul bul hian a ti a.Ka mit meng thei lo mah ila tu nge a nih ka hria.






"Kha tianga ka chunga I ti tawh chung pawh khan ka lak atanga I kal bo hi ka la phallo chauva,amak a ni tiraw hetiang em em a min bum chung pawh hian ka huatna che ai chuan min kalsan daih ka hlauhna hi a lian zawk a.I laka ka rilru put hmang dik tak hi hria lang chuan nangpawn min nuih sawh ngeiin ka ring." A nui zui haka.






"Min tiam kha keima tan chuah Sumparlawmi I ni ang a,ka sum lo chu hman I tum loh thu min tiam kha theihnghilh miah suh.Min hmangaih ve lo a nih pawhin min duhna kha chu la let suh ang che" tiin ka kut a chelhna chu a thlaha,kei min hlat zawnga ke pen ri chuan ka mittui chu a bawm atang a hruai chhuak ve nghal bawk.





(Tawp leh rih phawt rawh se aw Comments na lamah mi thar te ka hmu che u ain fel hi ka han ti mai mai khawpa chuan comments min la pe lo ho zawng zawng leh min pe tawh thin te pawh khan min han pe chhun zawm zel teh u.In comments hi ka lo tangkai pui ve ropui mai sia maw chuvang chuan in sumlo in comments kha rawn hnut chhiah vek ang che u🥰🥰🥰)

[Ngaia]

Chapter 20






"Eng tin nge he thil hi a thlen theih" ka lehkha ken lai chu ka hum khawr nghal vek.





"Sir,Mr.Virat hian.."





"Ticket lo ti fel rawh amah ngei hmu turin ka kal dawn a ni" thil sawi duah ka duh loh avangin ka lo ti thuai.





"Wow ka lo luh hun chu a fuh vak na nge" tunah tak hi chuan he a hmel hi ka hmuh peihloh ber a ni.Heng zawng zawng hi ama tih vek a ni tih ka hria.





"Nang leh ipa hian eng ang pawn min tih chhiat tum mah ula in thei chuanglo ang" kut thlak mai lo tura ka in sumna chu pui tak a ni.





"Kan thei a kan ti mek chu a nih hi" tiin paper hi ka hma ah a rawn theh thla a. "Kan contract I tih tawp mana zanga dawmna kan dawn tur te a nih kha" a tih leh sup chuan paper chu ka en ve nghal.






"Ka sawi kha I hnen atang hian engkim ka la vek dawn. Chu chu thlen tir I duh loh chuan Lalnuntluangi hi zalen tir rawh.Hetia i awm loh lai apianga va hmu ngai thin hi ka ning riau tawh" a biang a ri nghal Chawk.A Huang chin he pa hian a hre lo mah mah chu a ni.






Rosyna-i kha chhan tha tak avangin ka hnaiha chuan ka ti fuh hle bawk.He pa Jason-a nihna zawng zawng leh eng nge tih a tuma eng ruahmanna nge a neih tih ka hriat chhuah hma phaha, ka naute min thah sak avang pawh hian thih a phu ngawih ngawih.






Ni e,ka hria Tluangtei khan naute kha a duh vang renga ti tla a ni lo tih hi. Mahse eng vanga he pa lam tang hi nge a nih ka hre lova chutiang chiahin Rosyna-i kianga ka awm dawn tih a hriat changa a mita natna lo lang chhuak thin hi a tak nge a lem tih ka hrethiam heklo.






Eng emaw chhan tha tak a neih ka ring a.A chhan chu ka hmeichhe hriat thin Lalnuntluangi kha chuan sum ngaina viau mah se mi dangte chhiatna tur chuan eng thilmah a ti duh dawnlo tih ka hria. Mahse chung ka ngaihdan te chu tu bulah mah ka sawi chhuak thianglo ka lo ring sual a nih chuan mipa nep tak ka nih zia mi hnenah ka pho lang mai mai a ni ang a,ka lo ring dik a nih thung chuan chu a thil tih chhan chu ka zawng chhuak ngei ang.





Chuan he pa sawi ang hian an in kawplo tih ka hre bawk.Omomi hian nitin Tluangtei hun hman dan ka hnenah a rawn report thin a.Thil a ei that ngailoh thu te leh a mut that loh thu te.Mahse kan in kar hi tunah rih chuan siam tha thei ka la ni lo.Thil engkim ka chhui chhuah hunah thiam lohna alo nei lova he tia a chunga ka chet avanga min la ngaidam thei te a nih chuan hlim takin kan la awm dun ve mah na.






Ka thinrimna zawng zawng hrikthlak tum zeta ka hnek mawlh mawlh lai chuan Faka'n min lo man beta Jason pawh hmai thi nungin a rawn thu chhuak ve vat."tun bak kha chu I kut thlawn ka ba tawh lo ang tih I hre dawn a nia,tun kha chu I chunga ka thil tih tur lakah chuan ala nep lutuk" a kam sir thi a kuta tuai tawkin ka office chu a chhuahsan a.






"Airport pan hma in in ah kawi lawk ang" ka kawr chung la in Kei pawh chu ka chhuak nghal vut.






"Khaw nge Tluangtei"






"Vawiin chu a room ah ala tawm char char" a pot ken lai dah that paha a rawn tih chuan in chhungah ka lut vat.A room a ka va luh chuan tukverh bulah thu in a mit alo chhing a.A hmel dang leh chauh hmel lutuk te chuan min ti na ve takzet.






"Mizoram chhuahsanin ka zin dawn a" ka tih rik ngawt chuan muang changa rawn mengin a hma lam pawn chu a melh vang vang." I duh chuan I patea te in lamah ilo va awm rih thei ang" Omomi awm dawn tho mahse an pahnih chauha an awm tur chu ka ngaihtuah deuh a ni.






"A ngai lo ve,eng tia rei nge in cham dawn" keimah pawh min rawn en chuanglo in alo ti sup.





"Ka chianglo" tunah hian Mr.Virat mai bakah midang kan sumdawnpui te lak let leh ka tuma ka thei lo a nih chuan Pautu sumdawnna hian a tluk chhiat phah ngei ang. "ka lo let leh hunah chuan eng kim a tha vek tawh ang" a ngawih reng avang chuan ka chhuahsan leh nghal.


...........



TLUANGTEI POV




"Lalmuanawm min ngaidam suh ang che" tun maia a khar tak room kawngkhar chu ka melh ngawt ngawt.Tunah chuan duh ka thlang fel a,ka pu leh David-a pa hi jail ah ka thawn dawn a ni.





Jerome-a'n engkim alo ruahman fel vek tawh a.Finfiahna pawh kan nei tha thawkhat.Mahse kan la mamawh chu Jason-a video kha a ni.Kha video tello kha chuan ka nu leh pa dikna ka hmuh tir thei dawn lo.Jason-a tha taka biaka dil ka tum tawh lo,a chhan chu kan thil tum a in anglo tih Chiang takin ka hre tawh.






Keiin ka nu leh pa phuba lak ngawr ngawr ka lo ngaihtuah laiin a ni chuan a ta ka nih theih nan hmanraw tenawm tak tak hmangin ka naute hial min thah sak a nih kha.An vai hian jail ah ka khung dawn a ni.






"I ti thei chiah ang maw" Jerome-a kal chhuak tur chu ngaihtuah zetin ka en a.




"Min ngaihtuah suh,tu nge ka nih I hriat kha saw in atanga thil pakhat lek ruk chhuah chu ka thiam zawng tak" fiam thu zeta a rawn tih chuan ka nui suk.






"Ka lo nghak ang che" tia kan in thlah takah chuan chak zet hian a tlan chhuaka kan chet fuh hram ka beisei bawk.






Omomi hian Jerome-a nena kan thil tih thin hi a hre lova,a chhan pawh Jerome-a'n a hriat ve kher a duh loh vang a ni.An pahnih hian eng tik lai pawn ka tan an awma Lalmuanawma'n min rin loh lai pawn an ni pahnih chuan min ring tlata ka tan an hlu takzet a ni.






Ka phone ri avang chuan ka harh zawk,banga sana in tar ka en chuan zinglam dar sarih alo ri reng tawh chu niin.Nizan khan Jerome-a lo let leh hun nghakin ka meng renga zing lamah ka chhinsan daih a nih hmel. Ka phone rawn ring leh nghal chu rang zetin ka en a Jason-a alo ni.






"Hello" ngaih tha lo zet hian ka ti chhuak tham chhel a.





"Duh tak min bum te ilo tum a" a tih chuan Jerome-a a hlawhchham tih ka hre ngal.





"Khawnge Jerome-a" ka tih nghal that chuan a rawn nui ri hawk hawk.





"Duhtak muang changin le"





"Hmela khawnge Jerome-a ka tih chu" khum atanga chhukin ka thawmhnaw bawm lam pan tura ka in her chu Omomi'n min lo en reng."Omom.."





"A tha e,ti hian ti ang I thianpa hi nungdama ila hmu duh a nih chuan ka duh chu I hriat kha" Omomi ka melh reng lai chuan leh lam a mi chuan a rawn ti leh.





"I ti tak taklo"





"Ka tih tak tak zia chu kha I naute thi ta atang....."





"Jason hmelchhepa ka that dawn che" ka tih tuar chuan Omomi pawh ka bul alo thleng phei vat.





"In pa a zin tih ka hria,hun I ngahlo ania vawiin ral hma ngeiin kha ram lehkha leh David-a file pawimawh zawng zawng min rawn pe vek ang chu.Chutianga I tih loh chuan I thianpa hian vawiin bak khaw eng a hmu leh tawh ngailo ang.E! chuan I theihnghilh loh tur chu tuman tuna kan thusawi hi an hre tur a ni lo" tiin phone a off a.Omomi hmela zawhna lo lang te chu chhan duh viau mah ila ka thei lo.






"U Tluangte Jerome-a chungah thil tha lo thleng a awm em ni?" Mangan hmel zeta min zawt tu chu lu ka thin khum ringawt.





"Mahse ti nge tiang khan I awm?"





"A enteh Omom.." eng thu nge ka hrilh ang ka hriat leh mai si loh avang chuan ka ngawi leh dat a. "Jerome-a chu a tha" tia chhangin rang zetin David-a office lam panin ka tlan nghal.





A locker a lock-na number ka hmeh rik keuh keuh te chuan David-a lakah ngaihdam ka dil mawlh mawlh.Engmah tih sual I nei ve lo chung pawha I tuar a ngai ve hi pawi ka ti.Ka thu chu nise heng zawng zawng hi I tuar hauhlo ang.






Mahse nangmah pawn I sawi thin kha 'hausakna leh sum tamtak ai chuan mihring pakhat nunna pawh a hlu zawk' tiin. I thusawi awmzia ka lo man har thin lutuk kha min ngaidam dawn ania.Tunah chuan I ngaihdam theih loh khawpa sual I lakah pawi ka khawih dawn ta si.






"U Tluangte eng nge I tih dawn"





"Omom David-a'n alo bia che a nih pawhin engmah lo hrilh suh ang che" ka thu awi ngei tura ka duh avangin ka awki pawh a dam lem lo.





In tifaiin Jason-a hmu tur chuan ka chhuak a.Kawng lakah chuan ka in ngaihtuaha let leh mai tur em niang tiin ka rilru chu a in sual nasa hle a.Mahse Jerome-a nu hmel leh ka tana a in pekna zawng zawng te,puih ka ngaih hun apiang a tlan chhe lova min pui thin tu chhanchhuah chu ka tih makmawh a niin ka hre ve tlat bawk si.






Chutia rilru mumallo zeta ka in ngaihtuah chhung chuan ka kalna hmun tur ka lo thleng der tawh.Ngen ngai dawn mahse Jason chu a ke bula bawkkhupin ka ngen mai a niang chu.





"Ka ngaihtuaha nang hian min hmuh hun hi ilo nghak hlel thin awm ka ti,ka koh apiang che hian rang takin ka hnenah ilo kal thin a" min lo hmuh rual chuan ngeiawm zeta min lo nuihin alo ti a.





"Khawnge Jerome-a" keiin ka lo ti ve nghal thuai.





"I pasal leh a bialnu pawh an zin dun ve tho va keini pawn engah nge nuam kan lo tawl ve mai lovang" ka lam pana alo kal avang chuan hnunglamah ka tawlh hnung nghal.





Chu tia ka lo tawlh hnun zel avang chuan nui sukin a thutna lam a pan leh a ka lo thaw huai thung ."Hmanah khan lo kalsan lo che ila a tha tur a nia ti raw" rawn ti tu chu ka melh nghal kawk.






"Kha tih lai khan min duhna kha lo chhang let ta che ila chuan tun ang hian David-a lakah ka chan lo tur che hi a nia" a rawn tih sum chuan khang hun lai kha ka mitthla ah alo lang leh nghal uar uar thei.






Kha tih hun lai khan tap chungin ka ngen a nih kha mahse,ani chuan atan naupang mai ka nih thu min hrilha na taka min siamin min kalsan a nih kha. Tunah ti nge kha mi avanga inchhir hmel min hmuh leh si.Ka fel famkim ka ti lo mahse ka nuna thil sual tamtak ka tih tawhah hian ka in chhir ngailo.





David-a chungchangah pawh ti nge ka lo tih kher tih chu ka nei mahse,ka la in chhir chhin eih lo.Ka thil tih te hi ka chianga in chhir leh mai mai turin engmah hi ka ti ngailo.A sawh khawk chu eng pawh nise ka tuar mai tur a ni ka ti thin.






Chu Chu kei maha tha lo lai ber ni a ka ngaih ve thin lian ber a ni bawk. Midangin ka tih sualah min ngaihdamna ka phuta mahse ka tih sual tawh te a inchhirna ka nei ngailo thung. Hmeichhia engmah nilo hi ka chapo em em a,keima tawkah in duh tawkna ka ngah hle a chu chu kei ang hmeichhe a tak tan chuan ka hringnuna ka tawlhthlukna lian ber a ni reng thin bawk.






"Nilo,kha tah khan eng thil pawh lo thleng se David-a ka hmangaihna tur ah hian eng thil mahin min dang thei lo" ka lo tih chuan min rawn en a,a mitah tak ka lo melh let ve reng.





"Ni e, mah se hlim tak chuan in awm bik hauhlo ang" seh chilh zeta tiin a thut dan a siam rem a." Ka thil duh chu ilo Keng em?" tiin kan thusawi lai chu a rawn thlak nghal.





"Jerome-a ka hmu phawt duh" ka tih chuan sir lam hi a melh zeuha kan piah deuh chhuat kilah chuan Jerome-a chu nikhawhrelo tih hriat zet hian alo mu a."Jerome" rang zeta panin a bul ka thlen rual chuan ka sawia a rawn rum tiah tiah mai.A taksa chu kut thlakna avangin a pemin a duk cherhchura chung avang te chuan a thih mai ka hlau a,a hmingin ka au mawlh mawlh bawk.






"Tunah ka thil duh chu min pe tawh rawh le" Jason chu rum zetin ka va melha a hmelah chuan lainatna hmuh tur reng a awm lo.





"Eng tianga tih nge I tum" alamah pheiin ka bag atang chuan ka file ken ho chu ka phawrh a.





"Khawnge.." tiin min rawn en nghal vut.Ni e,file ka pekah sawn kha ram tuna David-a'n hospital a sakna ram lehkha kha ka la pe tel tlatlo.





"Kha chu David-a hi laksak suh atan a pawimawh lutuk asin" ka lo tih chuan rum hakin thinrim zet hian min rawn melh a.





"Atir atang heng zawng zawng hi ka ta tur zawk asin.A ni sawn atir atang engmah neih a nei lova tuna ka lak tur ho pawh hi ka ta vek tho a nih hi"





"Mahse.."





"Tunah min pe dawn nge I thianpa saw ka that dawn" a rawn tih vin hluk chuan Jerome-a a thah tak tak mai ka hlauh avangin ram lehkha chu lungsi lo zetin ka pe leh ta nghe nghe.






"I ti tha e,tunah chuan video pawh kha ka pe ang che. Chuan I nu leh pa phuba chu ila dawn ania" a rawn tih chuan rang zetin a ke bulah ka thingthi nghal.





"Ka duhlo, chu ai chuan khawngaihin David-a Damdawiin saw laksak suh. Kha Damdawiin tluka David-a tana pawimawh hi a awmlo asin" ka ti nghal chung a.





"Damdawiin aia pawimawh a awmlo maw" a rawn tih chuan rang zetin lu ka lo buk khum vata,eng nge a ngaihtuah ka hre lo nui sukin a hmui a tuai zeuh a."Anih chuan David-a saw chhuahsan rawh, David-a I thena a in saw I chhuahsan a nih phawt chuan Damdawiin chu ka laksak lo ang" a rawn tih chuan a ngaihna hre lo zetin ka en a.





"Ka sawi ang khan nangmahah engkim a in nghat" tih leh Ram lehkha chu a rawn lek kang va va a.






Tunah he ram lehkha hi ka la a nih chuan David-a ka kalsan a ngai dawn tihna a ni a,ka la lo a nih chuan David-a'n engkim a chanin chung a chan chhan zawng zawng chu kei ka ni tih a hriat chhuah hunah kei min huat avangin ka chan dawn tho tih ka hria chuvang chuan duh thlanna tha ber chu he ram lehkha lak hi a ni.






"I fing e mahse" tiin paper chu min laksak leh "in in then fel hunah he lehkha hi chu ka pe kir ang che" a rawn tih chuan thinrim viau mahila ka chhang tawh lo.






Jerome-a chu harsa zetin pawn thleng ka kuah chhuaka ka vanneiha siamin gate kan pel fel chiah tiin taxi ruak alo tlan hlauh.Hospital lamah kan tlanga alo serious deuh avangin min admit nghal bawk.






"Riah pui ka ngailo haw rawh.Mahse ka pa leh Omomi hnenah eng mah hrilh suh ang che" tia haw tura min tur sek tu chu ka hmui ka tih sawih khum vak.






"Omomi ka rawn kal tir ang zingah khan Jason-a nena kan in biakna kha alo hre ve bawk sia a ngaihtuah ngawt ang che" ka tih chuan Omomi chanchin engmah ka la hrilhlo tih ka hre ve chiah.






Jason-a in atanga kan chhuah khan chawhma 10:00 am vel a ni a.Kha ta tang khan Damdawiin ah ka la awm char chara tunah tlai lam 4:00pm a ri tawh.






"Chuan engkim a hre ve vek I tihna em ni" a rawn tih hluai chuan ka lo nuih a.






"Ai,mahse I chungah eng emaw a thleng tih chu ka awmdan atang khan a hrethiam nghal vekin ka ring" ka tih chuan pawi a tih ve hmel lutuk.A tira an in hriat dan kha a fuh loh avangin Omomi khan a hna thawh thin a bansan loh chuan an in kawp chhunzawm a rem tih lova, Jerome-a lah in ba alo rul zo tawh bawk nen a zirlai chauh kha a ngaihtuah chhunzawm ta a.







Mahse puih ka ngaihna apiangah a rukin min pui a,tunah hian Police ni turin a in buatsaih mek a.A tlin ngei pawh ka beisei pui."ka va haw ang nga Omomi chu ka lo kal tir ang" tiin ka ding chhuak nghal.






"Tluangte Jason-a sawi ang khan I ti dawn tak tak em ni" ka banah rawn chelha a tih chuan a kut chu ka lo hum hnan a ka nuih suk bawk.






"Hei chu alo thleng dawn tih kan hriat lawk kha" ti te a ka chhan chuan a mita min lainatna lo lang chhuang chu ka hmuh hmaihlo chiang kher mai.


...........



Ka phone nilenga ka off tawh chu zanah ka on ve chauha a rawn ri nghal tlang tlang.Miss call ka nau te,Omomi leh David-a hnen atang alo awm a.Ka nau te chu an pa hnih ve ve a bia in chanchin kan in hrilh a.Tlansanga chu tunah hian Delhi Hospital ah intern in a awm mek a.Tun kum a zawh leh meuh chuan Doctor hlawh pangngai takin a nei ve tawh dawn a.Dini ve thung chuan nurse a zir mek a ni.






David-a chu biak duh hle mahila ka be ngam tlatlo.A awm loh laia lo chhuahsan ka duh avangin Omomi pawh kha Damdawiin lama kal tir ka ni.Ka lagage ah chuan ka thawmhnaw chu muang changin ka khunga ka mittui lah a lo luang chhuak ve zel bawk si a.Ka awm dan chu hre awm tak a ni.






Ha in a ka luh dawn tirh khan ka hreh em em a.Tunah chutiang chiah chuan ka chhuah hun alo thlenga nasa takin ka hreh leh si. Mahse ka hreh chhan erawh a in anglo viau thung.






"Zanin chauh chu he room ah hian ka riah I phal ang chu tiraw" khum bula kan in neih thlalak kan tar a David-a nui sang hmel chu en in ka be mawlh mawlh.






Kan in hmuh tirh te kha ka ngaihtuah kira ka nuih te a za thar leh hnu hnawh.Kha tiang khawpa ka ngei leh ka huat thin em em kha tu in nge ka hmangaih theih ring ang. Ka nu leh pa phuba lak aia ka thlan a ni a.Mahse, ka chan dawn tho si.





Atirah kan in karah in duhna leh hmangaihna a awm kan rem ti lo ve ve a.Mahse Hmangaihna chunga mihring ten thu kan lo neih loh zia chu kan pahnih in karah hian chiang takin a hmuh theih a ni. A hmangaihna chu dawna a duatna te kha ka dam chhunga dawn ka duh a.






Mahse bumna hmanga bul tan pui tu zawk ka nih avangin chu hmangaihna chuan ka hmangaih kianga hlim taka ka awm a rem ti ve lova. Ka hmangaih ka kalsan chu he hmangaihna hian ka hmangaih tana ka tih theih that theih ber a nih tira mahse he hmangaihna ka nei hi kumkhua in ka lawm tawh ang.






Ka muthil theih loh avangin ka meng renga zinglamah ka lo chhing ve sek a ni mahna ka harh chuan khua alo var iar tawh.ka phone drawer chunga ka dah a rawn rik chuan ka ban vata Jason-a alo ni.






"Eng nge" ram zet hian ka ti nghal.





"David-a alo haw si a,I thu tiama I din leh din loh ka rawn zawt dawn che" a rawn tih chuan ka hawi phawk kher mai."In kawtah ka awm in pa chu lo chhuahsan rawh ka lo nghak che" rawn ti leh nghalin phone chu a dah a.






Room chhung ka hawi kual chuan thil danglam hmuh tur a awmlo. Ka thawmhnaw thlakin room chu muang changin ka chhuahsana Jason-a sawi ang tak takin single Sofa ah thu in David-a chuan min lo melh nghal run a.






"Ka awm loh lai chuhin I bialpa nena tlan dun in lo tum vel a" in chung pan chho na bula ka ding chu min rawn pan hnai nghal.





"David.." kawngka bula Jason-a lo ding run ka va hmuh chuan paper a Keng tih ka hmu tel nghal zat.






"Han sawi teh,saw mi tenawm pa hnenah sawn ka file pawimawh zawng zawng I pe amaw. Nang hian chutiang khawp chuan em ni min lo tih chhiat I duh" thinrim avanga awka vin zeta a rawn tih chiam chuan ka phu nghek.Tiang em em a a thinrim hmel hi ka la hmu ngailo.Kan naute kan chan lai te kha chuan thinrim ve bawk mahse a mita natna awm khan a mahah hmun a chang sang zawk thin a.Mahse tunah chuan thinrimna chauh lo chu a hmelah leh a mitah hian hmuh tur a awm lo.






"Nang hian min duh thu I sawi a,kha pawh kha dawt a ni tiraw." Seh chilh zeta tiin hnai zetah min rawn melh a.





"A dik alawm dawt vek a nih kha,I hria alawm kan naute pawh kha nang kalsan che ka duh avangin ka that a nih kha.Chuan ka mipa lo hmangaih thin chu hun rei tak hnu ah alo kir leha ani nena awm dun kan duh avangin rua hmanna ka siam a,I dawr thenkhat te hi neih sak ta che ila ka lo tia" ka natna thup tum zetin David-a rilru ti na thei tura ka rin apiang chu ka sawi nghal zung zung.





"Nang hian ka..ka sum chauh maw ilo hmangaiha,sum vang chauh chuan maw ka kiangah ilo awm thin" a rawn tih leh chuan ka tawlh hnung hrat a.





"I sawi dik sum vang chauhin alawm ka neih che" chutia ka sawi chhuah mai chu a ring biklo nge a rawn meng deuh kawk a.






"Hetiang taka mi nasa hi I ni tih lo hre tawh tur ka nia sin" a hma lawka thinrim hmaisen min hmuh tu khan beidawng aw zuai raih hian a rawn ti thawp ta sup .






"Ni e,hre tur I ni" ka nui suka mahse hlim vanga nui erawh ka nilo " ka thuruk I hre ta bawka tunah chuan I kianga ka chenreng hi tulin ka hre tawhlo" ti leh ngatin ka lagage nen kawngka pui lam panin ka kal nghal thuai.






Min dan a tum lova chu chuan min tih nat viau rualin khang ka tawngkam hman avang te erawh kha chuan min dan ka ringlo a,ni lo ringlo mai nilo in eng tikah mah ka hmel a hmuh leh duh pawh ka ring tawh lo hial zawk.






A tawp nan tiin kawngka pui atang chuan kum 8 chhung teh meuh ka lo chenna thin in chhung leh in nei tupa che chang lova in chung pan chho na bula ding run nen chuan ka han ennawn leh vek a.






"Sum vanga hmangaihna lo piang hi hmangaihna diktak zinga chhiar theih ni se chuan ka hmangaihna che pawh hi I pawm ngei ang ti raw?" thinrim tih hriat taka kut hum ruh ngawt ngawta ding ngur ka en reng lai chuan ka chhungril lam chuan chu thu ngawt chu a sawi a. A chhan pawh ani saw ka hmangaih vang a ni.Mahse chu thu chu ka sawi chhuak a nih chuan a hma ang bawka nuih zat ka hlawh leh ngei ang.






Chuvang chuan ti hian keiman ka hmangaihna chu ka vawng reng dawn a ni. David-a ka hmangaih thu hi mi pahnih bulah chauh ka la sawi chhuaka min nuih ve ve a nih kha. David-a pawh hian tunah rih chuan ka hmangaih thu hi sawi mah ila min awi dawn lo tih ka hria.





(Zanin chu a sei ta khawp mai lo comment ngei ngei ang che u aw chuan Ads click pawh kha)

[Ngaia]

Chapter 21




"Ram lehkha chu min pe rawh" hma lam melh reng chung chuan ka ti bul hmuk.





"Ka pek veleh che I let leh lo ang tih ka hre hleinem" a rawn tih sup chuan thinrim zetin alam ka va hawi a.





"Tun maia Lalmuanawma ka tih nat zia kha I hmu em? Chuan nang hian min fiam kual tum miah suh" tia ka tawng khum chiamah chuan Car chu kawngsir rem laiah a ti ding a.






Tak runa min rawn melhin thawk na zet hian a la a, "khapa nat ang chiah khan keipawh ka na ve tho asin" a rawn tih pawh chuan ka uksak peihlo.





"Chutiang ka ngaihtuahlo ka thu tiamah ka ding tawha tunah chuan I din ve hun" lulul min tih hmel zetin a lu chu a thing vuta,seat hnunglama a bag dum chu a ban nghal zat.





"Eng nge I tih dawn?" Car kawngkhar ka hawn chuan alo ti hluk.




"Ta tang chuan keimahin ka kal tawh a nge.Saw tah kha chuan loh theih loh vanga I car a rawn Chuang kha ka nia.Mahse tun hnu ah chuan kan in hmuh tawh loh beisei ang" tiin car atang chuan ka chhuak a.Khaw en laia khawlaia ka lagage nena awm tlawng mai chu a nuam chiahlo.





Taxi pharin Hotel ah ka in drop tir a,patea te in pan chu ka la duh chiahlo.Tuman ka awmna hre rihlo se ka duh vang a ni.Hotel atang Damdawiin lamah ka kal leh a,ram lehkha hi Jerome-a ka pek mai loh chuan keiman David-a hnenah ka pe thei bawk silo.






"U Tluangte" zang va a min lo ko tu chu ka nuih nghal var var.





"Eng nge in lo an tawh a" thutna awlah chuan ka thu thla a.





"Kan tha tawh lutuk hei amah ber hian chhuah a chak zek zeka" Omomi'n hlimntih hriat taka min chhangin eng eng emaw a sawi a.A bula awm hahdam thlak thin lutuk hi ka ngainatna ber pakhat a ni.






Kan chen ho chhung khan amah rawn ngaihven a rawn thlithlai tu thian emaw chhungte a nei lova.'Ka chhungkua chu he in a chengte hi in ni mai' a ti fo thin.A nun hlui khawngaih thlak lutuk ka ngaihtuah chang chuan a puitling ka ti a,kei aia naupang zawk mah nise ka tluklo in alak atang hian zir tur tam tak ka nei a ni.






"Omom Tluangtei nen hian a falin kan lo in be lawk ang chu" chutia kan nuih ho dar dar laia Jerome-a'n a rawn tih chuan Omomi chuan kan pahnihin min melh tawn zak zak.





"A rei dawn lo" Jerome-a bawkin a rawn tih leh sup chuan muang chang hian a kal sawn a.





"Hei hi David-a ilo pe dawn a nia" tawng chhuak hmasa ah tangin ka bag atang chuan ram lehkha chu ka phawrh a.





"He tianga I tih kher hi a ngai em ni?" A hmelah chuan David-a kalsan lo tura min duh zia ka hmu thei.





"David-a bula ka awm reng chuan eng nge thleng dawn I hriat kha" nuih suka ka tih chuan a thaw ve hawk mai.





"Keima vang vek a ni. Video kha la thei ila chuan kan misual ho zawng zawng hian an tuar ang nga David-a nen hlim takin in awm mai tur a nia" in thiamloh hmel zeta a rawn tih chuan a thiam loh a nih loh thu ka lo hrilh ve vat.





"Ka kal phawt mai ang chuan Jerome khawngaihin a theih na na ah David-a ilo pui thin dawn a nia" tia in thla in ka kal a.Pawnah Omomi'n min lo auh din leh avangin reilo te kan in be leh a.






"U David-a nen chuan in in then dawn tak tak em ni?" thlaphan hmel zeta min en chuan a kutah ka lo chelh sak vat.





"Jerome-a nen kan in biakna ilo hria a ni maw?"





"Um,ka tihpalh keima thiam loh vek a ni.U David-a khan I chanchin engkim hrilh vek zel turin min ti a,kha mi ni pawh khan I chhuah rualin chanchin ka lo hrilh a. Chuan tunah keimah vangin in in then dawn ta a nih hi" a tap nghal mai bawk sia ka awm a ti nuam lo zo vek.





"Chutiangin mahni thiamloh in chan tir mai mah ta che.I thiam loh engmah a awmlo nang chuan I tih tur tha takin I ti a,kha tiang reng khan ka awm loh hnu ah pawh David-a tha takin ilo enkawl dawn a nia" ka han ti ve luama Omomi lungngai hmel ka hmuh chuan ka tap ve mai dawn in ka hria.





"Ka kal phawt ang puih I ngaih chuan eng tik hunah pawh min lo phone thei reng a nia" hreh hmel zeta ka kut a rawn vawn ve na a thla hnu chuan hawi let leh tawh miahlo in ka kalsan nghal.


................



DAVID POV




"Hei hi eng tin nge I kawl theih" Jerome-a chu ka melh run a,ani pawh hi ka ringlo nilo mi tumah hi ka ring tawh lo,ka bul velah hian midik leh rintlak hmuh tur pakhatmah an awm lo.





"Tluangtei'n lo pe tur che in min tia" Tluangtei hming ka hriat leh chuan kha hmeichhia ka chhiat vek pawh pawisa lo tu a mipa kawp laka min kalsan tu hmel kha ka mitthla ah alo langa ka thawk a sakin ka kut chu ka hum nghek.






"Min chhuahsan nghal rawh" ka thinrimna lo thar leh avang chuan ha seh chilh zet hian ka ti nghal hluk a.





"Mahse ani kha..."






"Chhuak rawh ka tih chu" hawi chhuakin ka vin chiam.





"Tluangtei chungchangah hriat duh te I neih chuan ka awmna I hriat kha" ti leh supin min kal chhuah san a. Ka thinrimna beng daih tum zetin thawk ka la kawk kawk a mahse,a zia thei lo.Bang chu na zet hian ka hneka mahse,ka awm chhunga Lalnuntluangi'n hliam min pek tluka na hi a awm chuanglo.


...........



Ka dawhkan chungah chuan Mr.Virat nena kan in remna lehkha chu thinrim zet hian Jason-a chuan a rawn theh thla a.A hmelah chuan a thil tum a puitling ta lo chu a lawm lo hle tih ka hmu thei a,ka lo nuih var var.





"Ka sawi kha ila theihnghilhlo in ka ring a,i lakah hian eng thilmah ka chan dawn lo" fiah fek fawka ka tih chuan za vaklo hian a then suk a.






"Nang hian I theihnghilh zawkin ka hria" ka dawhkan chu kal hlatin sofa ah chuan bawp khawlherin a va thu a."Lalnuntluangi pawh I hnen atang ka la hrang tawh a,chuan naktuk atang chuan heng I enkawl lai dawr zawng zawng te hi ka ta an ni vek tawh dawn" hnehtu chan chang in ti zeta min nuih kher chu a thil hriat loh lutuk vang zawk a ni tih hria se zawng tiang sawn a nui hauhlo ang le.





"I Chiang maw kha hmeichhia ka sum chauh uma min phatsan tu ka hnen atanga I la hrang ta chu ka lawm hle zawk asin mahse,dawr chungchang kha chu I ngaihtuah tha leh deuh dawn em niang" nui suk suka ka tih zat zat chuan a ngaihtuahna a hmang thiam ve chauh a ni mahna rang zetin ka office chu a tlan chhuah san nghal.






Hahdam zetin ka chair chu ka nghen ar ar a,in chung lam chu ka melh ngar bawk.Rosyna-i khan thil engkim min hrilh lo se chuan Jason-a lakah hian engkim ka chan ngei ang.



.....flash back.......




"Jason ka hmangaih che tih I hriat kha" kawngka pawnlamah chuan dingin in chhunga mipahnihte in biakna chu ka ngai thla a.




"Eng nge ti ila min tih" pakhat zawk chuan a lo ti hmuk.





"Ti tura min tih apiang chu ka ti zela chuan tunah I ruahmanna angin David-a te inkar pawh in chhiat lam a pan zel a.Tluangtei naute pai I thah sak hnu ah phei hi chuan David-a hian Tluangtei a haw tawh lutuk asin" ka kut chu na zet hian ka hum ruha inchhunga awm te chu va kala ka thah mai loh nan ka in sum hle bawk.





"Chu Chu thleng tura ka duh a ni reng,heng zawng zawng hi min puihna a vanga thleng thei chauh a ni tih ka hre bawk.Mahse hman ang khan I lakah rilru ka pu thei tawh lo"






"Huh....ka lo a takzet a ni. Ka rindan chuan atawp thlenga ilam ka tan chuan ka hnenah ilo let leh ka ringa mahse, ka Jason-a kha I ni tawhlo a ni ngei ang" an ngawih tak vung vung hnu ah Jason-a chu vung zet hian a rawn chhuaka min hmuh loh nan bang phenah ka bi ru vat.





Rosyna-i in chhungah pawh chuan lut lo in in lamah ka let a. In chhung ka luh chuan ka rin loh deuh thil ka hmu nghal.Rang zeta ka mi hmuh te lam pana kal thuaiin ka pa in Tluangtei a ben tumna kut chu ka lo man sak a.






Eng thu vanga in hau nge an nih ka hre lova,mak ka tih ber chu ka pu leh zelin a Tluangtei huat hmel taka a en chu a ni. Tluangtei mitah lah nidanga ka la hmuh ngai loh huatna nasa tak leh natna in pawlh nawk chu ka hmu bawk.





Ka pa te haw hnu ah kei pawh ka chhuak veleh nghala mahse,thui ka kal hma in Omomi phone call ka dawnga Tluangtei nikhawhre lova a awm thu a rawn sawi chuan rang takin in lamah ka let leh nghal.






Jason-a, Rosyna-i leh Tluangtei te an pathuma an in zawmna engkim hre turin zanlai pelhah Rosyna-i in lam panin ka chhuak leh a,thil engkim tih fel ka duh tawh a ni.






"David nang...ti nge iva rawn kal tlai ve" a mutui lai ka ti harh tih hriat zetin a meng phak deuh chuala a ham nghal bai bai bawk.






"Nia. Mahse, kan nupa inkar chu I hriat kha" ka lo tih sup chuan in chhunga ka luh theih nan kawng min kian a.






"Ka mu leh nghal dawn I duh hunah I mu ve mai dawn a nia" min ngaihsak zuina pawh nei chuanglo in a room lam pan leh mai a tum chu a banah chelhin ka lamah ka pawt hnai vat.





"Min hmangaihthu kha I sawi a mahse,ti nge a hma ang khan khum pakhatah kan riah dun tawh ngai loh" ka tih chuan phawk zet hian min rawn melh chho kawk a.





"Tluangtei hi ka then a nga,kan pahnihin innei ang aw" a kawnga nget leh zuala ka kuah chuan tal chhuah tumin a tang nghal tunga ka rin ang chiah a ni bawk.





"David.."





"Ti nge nang hian min lo hmangaih ve tak tak lo zawk em ni?" A mitah tak chiang zetin ka en kala chu a mit menga chiaina leh Mangan na chuan ka nui a ti za lek lek mai.




"Chutiang a ni lo. Eng lo..."




"Sawi la" a ngawih leh dat chuan ka lo ti a.





"I...."





"Nang hian min lo bum renga" ka lo tih chuan hlauthawng tawh tak a ni. "Min buma Tluangtei nen kan in kar a chhiat theih nan Jason-a nen tang dunin min bum a." Bangah nam betin a darah chuan ka hmer vak.





"David..."





"Ngawi rawh" phu nghekin mittui kar atang hian min rawn melh tawk tawk " Tluangtei rilru na taka siama I hnena ka rawn let leh tak tak hi I ring em ni?" Za lo zet hian ka then suk " Jason-a chet phung ka thlithlai duh vang chauh a nih kha" ka tih khur khur takah chuan a rawn tap chhuak ta nghe nghe.






"Tunah Jason-a thil tum zawng zawng hi min hrilh a nih loh chuan I chungah hian eng thil nge ka tih ang ka sawi thei hauhlo.Ka fa lo piang tur min thah sak avang hian I nunna hi ka ngaihhlut vak I ringlo ang tiraw" ka tih leh zel avang chuan a hma aia hlau hmel zeta min melh kawkin ngaihdam min dil nghal mawlh mawlh.






"Kha tiang thil I tih tawh hnu ah pawh ka ngaihdamna min la dil ngam a maw?"





"Ai,..aw...kha..khawngaihin" a rawn ti bah nghal nuai.





"Thil engkim min hrilh vek rawh"




"Maw!"





"Nang, Jason-a leh Tluangtei te hi engtia in zawmna nei nge in nih tih leh Jason-a ruahmanna te engkim a vaiin min hrilh vek rawh" ka tih takah chuan tun hma kum 8 hma lama kan in tawn tir atanga a rawn let leh dan te, Tluangtei leh Jason-a in laichin dan thlengin min hrilh a.





Mahse avai chuan thudik a sawilo tih ka hria.A chhan chu vawiin chhun lama Jason-a nena an in biakna kha ka hre ru tih a hre tlatlo a ni.Chuan Lalnuntluangi leh Jason-a hi an in kawp tak tak em tih a thu sawi atang chuan ka Chiang ngam lo bawk.



........ end of flash back......



Lalnuntluangi'n min kalsan atang nithum a liam leh tawha a chanchin hriat zui tur awmlo in a bo hmak a.Kha mi ni khan ka lo rin lawk angin Jason-a hnenah khang lehkha lem te kha a pe tih hre mahila kha tianga min kalsan kha ka ring hauhlo.





Ka lo rin dan chuan kha tiang thil a tih avang khan ngaihdam min dilin a inchhir thu min hrilh ka ringa mahse,ka lo rin loh dan deuhin Jason-a nen ka in an chhuahsan ta a nih kha.Khami ni khan Lalnuntluangi laka ka beiseina tlemte la neih ve chhun chu a che vek a ni.





Mahse eng ang pawn haw mahila ka ka huatna aiin amah ka ngaihtuahna hian keimah-ah bu a khuar nghet zawk tlat bawk si.





A patea te bulah a kallo tih Chiang takin ka hria a,a nau te ka biakin kan chanchin engmah an hriat ve loh thu an tawngkam atang ka hre bawk. Kha tianga min chhuahsan hnu khan zawng tur hi ka ni chiah em chu ka hrelo mahse,eng ang pawn lo hua in khawiah pawh lo awm ta se a dam that leh thatloh tal hi hriat ka duh a ni.





Kha lehkha lem Jerome-a'n min rawn pek ngawt danah khan ani pawn a lem a nih thu a hre lo tih ka hria a mahse,engvanga kha ram lehkha kha Jason-a kuta awm tel ve lo nge a nih tih erawh ngaihtuah zui tham a ni.





A vai khan ka locker ah ka dah ho veka eng vanga Tluangtei hian Jason-a pe tello nge a ni ang.Ani lah chu a chin hriat tur a awm der bawk silo ngaihtuahna a ti buai takzet.





"Sir" hmanhmawh taka ka office a lo lut chu Faka a ni.




"Eng nge ni ta,buaina a awm em ni?" Ka lo ti vata a chhan pawh tuna a hmel awmdan ah hi chuan thil tha lo tak thleng ang mai a ni.





"I nupui.."





"Maw! Tluangtei chu I hmu tawh em ni? Khawnge a awm? A tha em?" Ka lo ti nghal zung zung.




"Ai, chuti lam pawh a ni chiahlo mahse,hei hi han en ve chhin teh" a laptop chu ka dawhkan chungah hian a rawn hunga video pakhat min en tir chuan min thawng takzet.





"Ka pa in Tluangtei nu leh pa te a that amaw" ka ti chuai raiha,kha video a ka mi hmuh te kha ka Chiang lutuk ka pa leh a secretary chuan ka pu pawh.





Engtin nge an tih theih! Hei vang hi em ni ka pa khan Tluangtei kha alo huat thin em em.Mahse ka pu ve thung kha eng tin nge Tluangtei chungah khan khatiang khan engmah thlenglo ang maia a awm thei.





"He video hi khawi atanga I neih nge" ka ti vin nghal hluk.





"Ka hre lo,tu emaw in min rawn thawn a" alo tih rik ngawt chuan ka dawhkhan ka chum ri nghal bur.





"Zawng rawh he video rawn thawn tu che hi ka hre duh,eng ti kawng zawng pawn I zawng hmu tur a ni" ka tih hnu chuan a chhuak leh nghal a.Ka pa te ka hmuh ngei a ngai tih ka hre bawk.






"Pa,pa.." kawngka a ka luh rual chuan ka au nghal vak vaka mahse,ka pa nilo in a awmpui nula zawk chuan min lo chhawn a.






"Khawnge ka pa leh ka pu hi" thil engmah hre ve lo chutia ka vin chiam chu duhlo viau mahila ka in sum theih rih tlatlo.





"I pa leh I pu te chuan in leng an neia I pa Office lamah an awm a nih kha" min hlau avanga aw khur deuh dar dara a tih chuan rang zetin ka pa office lam chu ka pan nghal.






Kawngkhar pawh chu kik duhlo in na zet hian ka nam hawnga mahse,ka pa leh ka pu te mikhual chu ka rin loh deuhin Jason-a alo ni.Chutia ka va lang ve thut chu mak an ti pawh a ni mahna phawk zet hian ka lam an rawn hawia kan hmela erawh in min hmu chu lawm ber awm zia zangin alo nui ver ver thung.






"David" ka pa chuan alo ti hluaia ka pu nena an hmel diklo chu ka hre nghal.






"Nang hian hetah eng nge I tih.Eng thil nge tih ilo tum leh tak" ti hluk hlukin an lam chu ka pan phei nghal pawk pawk a.






"David pawn lamah lo va inbia ang" an bul ka thlen phei hma hauh atanga ka pa in ding chunga a rawn tih chuan ka ngaihdan a ni lo takzet.






"Eng nge ti a min rin" ka pu leh ka pa te mei nei zeta a melh kual kher chuan eng emaw thuruk an sawi ni ah ka ngai nghal.





"Kei min tih chhiat theih tak si lohah chuan ka pa leh pu te vau beh ilo va tum tih sawi hlek suh" ti hlukin a ep chiahah chuan ka thu thla a, ani chuan min lo nuih suk.





"Ka thang kama I awh tak si lohah chuan ka pa lak atang ka ro chanpual dil turin ka kal ta mai a nih hi" a rawn tih sup chuan za lo zetin ka then suk a.Mahse a thusawi ka hriat chian rualin phawk zetin ka en a.






"A ni lawmni ka pa" ka pu chu melhin a ti nghal chat,eng thil nge a awmzia.Engvangin nge hepa hian ka pu hi ka pa tia a koh ve rikngawt.






"Eng nge thil awmzia" ka ti nghal tuar.





"David"






"Ai,pa lo ngawi rawh hepa hian eng vanga ka pu hi 'ka pa' tia ko nge a nih.Ka pu eng nge thil awmzia" ka ti nghal chiam chiama ka pu leh ka pa ngawi tlat chu ka haw takzet.





"Ilo la hre ve lo a ni ngei ang,kei hi he ipu duhtak fa naupang zawk hi ka nia" ka zawh loh berin a chutia min rawn chhang chu sawi tur reng ka hre tawh lo.





Ti nge ka bul vela awm te hian ka lakah thuruk zep an lo neih tak vek mai le.Mi tumah hi hriat chian ve ka lo nei ngai reng renglo tih kum tamtak ka chenpuia min lo enkawl sei lian tu te a tang hian ka hre chiah.



.............


Tawk rih rawh se aw Dam chuan naktuk zanah last chapter kan dah tawh ang.

[Ngaia]

Chapter 22 (last chapter)







"Ka awi lo,nang hian eng ruahmanna nge siam I tum leh tak" ka tih chuan za vaklo a rawn nuiin ka pu te ho nen chuan min melh kual a.






"Chiah maw mahse,I pu leh I pa hmelah chuan I ngaihdan chu an tawm pui ve vaklo che a ang" a hmui pet sawi zeuha a rawn tih chuan hnek chawrh mai ania ka nap.






"Jason kan chhungkua a in biakna hun hi min pe teh" ka pu in a rawn tih sup chuan ka pu hmel chu ka en a,a hmela Jason-a a hlauhna chu a thup theilo a ni mahna ka hmu chiang ngang mai.






"Chhungkua...a tha alawm mahse,ka sawi kha theihnghilh suh ang che" ti supin min kalsan a.





"Ti nge engmah in sawi loh.Khapa kha in hlau em ni" kan pathum chauha kan awm hnu chuan ka ti chhuak nghal tuar.





"David thil hi I hre tlem lutuk a ni" ka pu in awka dam zeta a rawn tih pawh chuan kei chu thinrim tak ka ni.





"Anih chuan han sawi teh kha mi tenawmpa sawi ang khan a pa chu ilo ni reng em?" Ka aw chu thunun tum zetin ka ti zawi sup.





"Aw ni e" pha buai hauhlo a chu tia min chhang ta mai chuan bei a ti dawng takzet.





"Engtin nge a nih thei " ka ti hap ringawt.Jason-a hi kei ai a upat na a tam zawk zawklo tih ka hria chutiang a nih chuan ka pu hian ka nu leh pa te inneih hnu ah ngaihzawng a nei tihna em ni?





"A tawk ka pa thil thleng tur chu a thleng vek tawh kan tih tur awm chhun chu kha pa tih chhiat kha a ni." Ka pa in lungawilo tih hriat zeta a rawn ti nghut chuan ka lo en vat a.





"Eng nge I sawi awmzia"






"Kan thuruk hi mi tuman an hre thianglo an hriat ai chuan kan dah tha mai tur a ni"




"Ka pa'




"Rama"





Ka pu nen chuan kan ti rual nghal thawt.Ti em em hian ka pa hi alo nun rawng ang tih ka ring hauhlo.





"Tluangtei nu leh pa te I thah ang khan maw" ka lo ti chu an pahnihin a hma aia phawk mah hian min rawn en vut.






"David nang hi"






"Aw,ka pa engkim ka hre vek tawh engtin nge ka pa hian khatiang khan a tih theih" ka pa chu rilru na zet hian ka en a. "Naupang khawngaih thlak tak tak pathuam te kha fahrahah I siam tih I in hria em?" Ka ti leh hap.





"Fahrah maw nilo an nu leh pa te dam lai aia tha in ipu hian a enkawl a ni lawm ni.Tunah pawh kan pawisa hmangin a ni lawm ni an in zir chhuah" in chhirna nei miahlo ka ti dawn nge kha a thil tih avanga in chhuan hmel zeta a rawn tih chuan mangan lutuk avangin ka nui tawp.





Eng tin nge hetiang anga mi ramthlak hi ka pa alo nih theih. Tluangtei'n nu leh pa a neih tawh loh avanga hreawm a tih thin zia te,nu leh pa mawhphurna zawng zawng tlinglo taka a mawha alak lai te kha ka ngaihtuah kira chung zawng zawng a chunga a thlen chhan chu ka pa a ni tih hre ta se eng tin nge a tih ve ang le.






Kha tianga min kal san hnu khan a chungah lungawilo in thinrim viau mahila ka phutawk ka hmu in ka in hre ta.Ka pa in a chunga a thil tih ai thlawt chuan ka chunga a tih kha chu nep tak a ni.






"Bawiha chung thu chu Tluangtei hnen atang em ni I hriat" ka pu chu ka en vut eng nge a awmzia Tluangtei'n he thu hi a hre tawh em ni.





"Chu hmeichhia mai mai chu ka chhuah hauhlo ang" ka pa thinrim rawn au chhuak chu ka melh hrawk.





"Lalnuntluangi'n a nu leh pa te I that tih hi a hre tawh maw"





"Hria e,engkim a hre vek tawh alawm" ka pu in arawn tih chuan ka thaw hawk. Ka hriat loha thil thleng tam lutuk chu keima thiam loh nge ni a mi dang thiam loh tih pawh ka hrethiam nek tawh lo ve.




(time skip)





"Lalnuntluang" a thlalak en mai loh chu tih theih ka nei tawh lo. Chiang takin ka kianga alo awm chhan ka hre tawha a nu leh pa phuba alak duh vang chauha min hnaih ni mahse,kha hun kha ka tan chuan a hlu in ka nuna ka hlim lai ber a ni.





"Tluangtei khan he tianga I awm lai hi hmu ta che sela a lawmin ka ring hauhlo" rawn ti tu chu chhuata thu sawp nuaiin ka melh chho a.





"Eng nge I hriat ve,kha hmeichhia khan phuba lak nan chauh kei kha min lo hnaiha" chu thu ka sawi laia nep ka in tih zia chu pui tak a ni.Ka nunah hmeichhe pahnih ka tawnga an pahnih chuan kei kha phuba lak nan ve ve min lo hnaiha atawpah min kalsan ve ve leh ta si a. Hmeichhe bum theiha ka awm hi ka a takzet.






"Nilo Tluangtei khan phuba lak nan chauha hnaih che a nilo asin. He thil hi hrilh tur che ka ni em chu ka hre lo mahse, I hriat ngei ngaiin ka hria" tiin center table chungah chuan file hi a rawn theh thla a.





"In in pawh viau niin ka hria a khawnge tunah a awm" beisei nei zeta ka en na chu lu min thin khum chuan beisei tur ka neih loh zia bak hriat chhuah ka nei lo.





"Tluangtei khan a kal hma in engkim bansan vek a duh thu a sawi a mahse ka theilo a thil tum ber chu a nu leh pa thattu chunga phuba lak kha a ni a. Chu thil chu I ti thei dawn lo a nih chuan keimah hian ka ti dawn a ni" ti charh charhin ka mitah tak chuan min en kar a.





"A nih chuan nangmah a ni maw kha video min rawn thawn tu kha" ka tih chuan min chhanglo mahse,amah a ni tih ka chiang.





"Tah hian I hriat duh engkim chu a awm vek" tiin dawhkan chunga file chu a melh a " thudik engkim I hriat ve hi a ngai a ni" ti leh sup in a kal zui nghal.





File chu phurlo zetin ka keu a mahse a chhunga ka thil hmuh te chu ka rin loh lam vek an ni. Chuan ka tih tur chu ka Chiang ta bawk e.Thil engkim hi a tira a awm ang khan ka dah kir leh vek dawn a ni.





"Aw Faka keimah" phone alak rual chuan ka ti nghal." Jason-a kha lo bia la hmu ka duh thu lo hrilh ang che" tiin phone ka off a,in ti fai turin room ah ka lut nghal.

.........


"Eng nge ni ta, nang meuhin a in hmuh te I rawt tak mai" ka ep chiahah a thu a.





"Ka thah chak zia che hi I hria em" ka ti thum dut chuan a hmui tuaiin a nui suk.




"Ti nge Rosyna-i leh Tluangtei'n min thlan zawk vangin maw? Nge ni a I patea ka lo nih vang zawk hian" min tih el zeta a rawn tih chuan ka in hum ruh vak.





"Ni e,chung zawng zawng avangte pawh chuan ka nuna ka mi huat ber I ni. Mahse..." Dawhkana contract ka dah chu alamah ka nawr phei a.





"Hei hi eng nge a awmzia" chu contract chu a beisei loh lam daih a ni pawh a ni mahna a meng kawk a.





"Ka pu in I chunga a tih zawng zawng ka hre vek tawh. Ipu a bum dan leh I nu chunga rawng taka a chet dan zawng zawngte nen chuvang chuan a tir atanga ka ta nilo sa chu ka duhlo" ka lo ti chu min awi chiahlo tih ka hria.






"I hre lo mai theia zirtirna ka dawnah chuan 'mipa chuan kut deh tlinglo in eng thilmah a nei tur a ni lo a.A thawh rah nilo bumna hmangin a din hmun a chawi sang tur a ni heklo' tih a ni a. Chuvang chuan heng ka dawr te hi ka thawhrimna avanga hlawhtling ni mahse ka bul tanna chu ka pu in bumna hmanga a neih te ka pa eirukna avangte a nih avangin avai hian engmah duh ka nei lo"






Ka rilru put dan Chiang taka ka sawi chhuak thei chu ka hahdam huaiin ka hria. Tun atang chuan keimahin, keimah ngeiin mipa ka nih na angin bul ka tan thar ve tawh dawn a ni.







Jason-a nen kan in hmuh hnu ah ka pa in lamah ka kal zawm leh nghal a."eng thu maw I sawi kha?" Ka pa chuan thinrim zetin min melh ngur a.





"Engkim Jason-a ka pe,a tir atanga a neitu chu amah saw..." Ka sawi zo hmanlo ka biang chu a ri nghal sawk.





"Tu nge ni a I in hriat min rawn hmasa lova chutianga ilo tih" ti khur khurin min melh ran a.





"Ka pu in ro zawng zawng ka kutah a dah tih I hria a ni lawm ni chuan Hotel saw Tluangtei te unau ta tur a nih saw nang pawhin a neitu tur diktak hnenah hlan kir la chuan I thil tih sual in pawmin Police hnenah in pe ang che" ka lo tih chuan a thianga min rawn vuak tumin a phar uaia mahse,ka lo man a thinrim zetin min rum khum nghut.






"Duh tawk rawh u" ka pu aw kan hriat chuan ka pa nen chuan kan in thlah a.Ka pu tar chak tawh lo tih hriat zeta nula pakhatin a rawn kaihkuah chu kan bul alo thlen hun kan lo nghak ran.






"Rama David-a sawi hi a dik a ni. Jason-a leh Tluangtei te hi ka lainata a bik takin Tluangtei te unau. Aizawl ka rawn zin phei chang pawha nangni pafa kiang aia an bula awm nuam ka ti zawk thin na an ni a. Mahse ka chhungkua ang maia ka lo en thin ka fapa ang maia ka en Tluangtei pa kha ka fapa ka rila rah ngeiin duhamna avangin a that tih ka hriat khan tuar na hle mahila ka fapa I nih avang khan ka zep ta a" ka pu in chung thu a sawi lai chuan a hmelah lunglenna nasa tak leh inchhirna ka hmu thei.






"Tluangtei te unau chunga ka in thiamloh em avang khan David-a pawh ka neih tir reng che a. In nghahna tur tha tak an neih theih nan.Jason-a alo lang leh zel nen hian ka chau tawh a ni. Sum kan lo it lutuk na lamah kan nun mai nilo in mi dang tamtak kan ti chhiah tih ka hriat hian thlamuang taka nun te,mut te hi a har ka tiin ka hah hluah hluah a ni" a rawn tih takah chuan ka lo thaw huai.






Tunah chuan ka pa chauh a ni ka nghah tak. Ka nunah nih ka duh ber chu ka pu anga sum dawng hlawhtling tak nih hi a ni a. Chumi ka nih theih nana ka mi entawn chu ka pa hi a ni.Ka pa taimakna leh thawhrimna te kha ka chhuangin ka en tawn ber a ni thin.






Mahse ti nge hetiang khawpa mi tumruh ka pu leh ka pa te hian dik taka sum la lut lova bumna hmang leh diklo taka sum lakluh chu thlang tlat nge an nih tih hi ka hrethiam thei lo a ni.






"In a zo tawh a nih hi, tun dinhmun ka then theih nana ka beih nasat zia hre Chiang ber tu te in ni a chuvang chuan ka beidawn loh tur zia in hria in ka ring" luhlul zeta tiin a room lam panin in chungah chuan a chho.






"Kar khat hun ka pe ang che.Chu mi chhunga nangmah leh nangmah I in pe lo a nih chuan keimah ngein hian Police hnenah kalin ka report ang che" tia ka au zuina chu min rawn chhang let tawh lo mahse a hria tih ka hria.






"David min ngaidam rawh aw" ka pu in a lo ti sup a.





"Ka hnenah ni lo in Tluangtei leh Jason-a te chungah ngaihdam chu I dil dawn ania" tiin ka pa in chu ka chhuahsan nghal.



...........




TLUANGTEI POV





"He tah eng nge ilo tih dawn?" Jason-a ka hmu thut chu ka rin loh lutuk lam a nih avangin ka hau in ka lo en.





David-a ka kalsan atang Hotel-ah karkhat vel ka awma chumi hnu ah Zikpuii Bengalore lama awm chu ka zuk fin ve ta kha a nia.





Ka thiante nen hian an graduate atang kan in be tam lova.Cavin-a leh Rinpuia Nevy a an tang zui daiha Lawma ve thung chuan hnim hlum specialist ni turin Foreign lamah min awm bo san daih bawk a. Zikpuii'n Nurse a zir a Bethsy-i ve thung chuan designing zirin tunah chuan Aizawl-ah Thawmhnaw dawr lian tak a hawng tawh.






Zikpuii pawh Hospital ah a thawk tawha kei chuan Zikpuii in luahna bul hnai te a Mizo Restaurant ah hna ka thawk ve thung a ni.Ka nau te hnen ah David-a nen kan chungchang hrilhin ka awmna te ka hrilh a vawikhat chu min rawn tlawh ve ve tawh bawk.






Ka awmna hi ka nau te leh ka thiante tih loh chuan an hre lova engtin nge Jason-a hian min rawn hmuh theih.






"Zawn hmuh I har hrep mai" tih te a min chhan avang chuan ka hmui ka ti pawrh vak.





"Hmuh che ka duh tawh loh thu ka sawi khan ka hre sia" manager dinna lam melh zeuh chuan zawi si vin deuh hluk hian ka ti leh.





"Ka hlawhtling tawha" a rawn tih chuan ka nghilh nghal dup. Tuna a thusawi awmzia kha ka hre Chiang lutuk.Eng tin nge Lalmuanawma a awm tak ang,tunah chuan min haw tawh ngawt ang chu.





"Tunah chuan ka hnenah ilo kir thei tawh ang,I pa Hotel pawh ka lak kir sak tawh che a.I duh a piang ka pe thei tawh ang che" ka in sum hmanlo chuan dawhkan no a tui in chhawp chuan a hmai ah ka theh nghal thawt.





"En teh Sum hmanga lei theihah min ngai em ni" ka ti nghek .





"Ilo la danglamlo a nih hi" ka chet dan huat a hneka ala nui thei chu ka ngei takzet.





"Nang pawh ilo la zak theilo reng a nih hi" ka ti ve sak.





"Heihi pe tur che in ka rawn kal a" dawnkan chungah chuan file hi a rawn dah a."In in leh Hotel I hminga in dahna lehkha a nih kha" a rawn tih chuan min thawng kher mai.





"I ti tak tak em" ka ban chap a.





"Ka lo ti diklo a ni, tunah chuan I let leh thei tawh ang ka ti buai leh tawh ngailo ang che" a rawn tih leh zel avang phei chuan Jason-a chu sawi tur reng hre lo in ka melh reng.





"Nupui ka nei dawn a" card hi a coat atang a rawn phawrh leh zat."I hman chuan lo kal ve ngei tum ang che" s tih chuan ka nui chhuak ta tawp.





"I ti tak tak maw,eng in nge I rilru thlak tir che" ka tih chuan a rawn nui suk a.





"Kha David-a kha mipa tha tak a ni chhuah reng reng suh ang che" ka hau in ka en ta tawp.Tuna ka hma a thu hi Jason-a chu a ni tak tak amaw."Ani khan itan a pa leh a pu chu police kutah a hlan a.Midik tak a nih avangin Engkim kha ka kutah min hlan let vek bawk" tiin David-a chanchin chu min a,ka hmui hupin tah chhuah hluah zetin ka tap khur ngawt ngawt.






"Lalmuanawm ka tan chung zawng zawng chu ilo ti amaw?" Kha tianga ka kalsan hnu ah kha chuan min hua in anchhia te hial min lawh ka ring kha ania mahse,ka rin loh lam daiha a chetna chuan alaka ka in thiam lohna a belh chhaha ka na takzet bawk.






"Alo nghak reng che ania va let vat ang che" ka dara a rawn hmer sat chuan mittui kar atang ka han melh chho a min lo nuih suk.






Zikpuii bulah thil awmdan sawiin Mizoram lama ka haw tur thu ka hrilha ani pawn duhsakna hlanin min thla liam ve bawk.





Mizoram ka thlen rualin hmun dangah kal kawi lovin David-a in chu ka pan ding nghal. David-a ka hmuh huna ka thil sawi tur te ngaihtuahin ka taksa chu phur lutuk vang leh huphurh lutuk avangin a ni deuh chuai chuai a,ka chiai a ni ber.





Khaw thim thet thetah ka kal duhna chu ka thleng ta hram.Gate bulah dingin thawk ka la vang vanga mahse Gate chu alo in kalh rum.Khawnge an kal ang tia ngaihtuaha Gate bula ka din lai chuan Taxi pakhat hi ka bulah rawn dingin a hnunglam seat atang chuan ka mi hmuh duh ber David-a chu a rawn chhuak nghal zat.





Gate bula ka lo ding reng min hmuh chuan a dinna ngaia dingin min melh renga kei pawh ka bang chuanglo. Ka sawi tur tia ka lo ngaihtuah lawk ve zawng zawngte kha khawnge an awm tak vek ka hre lo a,ka aw bawmah hian aw an awm ta lo ni maiin ka hria.






"Eng nge ilo tih dawn" rei mawi tawk ngawi renga kan in en hnu ah a rawn ti ta sup.





Chutia chang deuh bawla min zawt thut chu ka hamhaih lutuk nen ka phu chiam "maw!" Ka lo ti ringawt bawk.Min rawn kal hnaihin Gate chu a hawnga aman a hawnga chutia a che vel chu ka dinna ngai atang ngawi rengin ka lo thlir reng a.






"Ti nge a" ka ti ringawt chu gate nam hawn pahin min rawn en a."ti nge kha tiang khan I tih" ka tih leh sup pawh chuan ngawi rengin min en reng a."Lalmuanawm eng emaw tal sawi ta che " ka ti ta chiam.





"Eng nge sawi turin min duh" a rawn tih sup chuan chhan mai dan tur ka hre lo."ka pa in I nu leh pa chunga a thil tih avang khan ngaihdam dil tur che in min duh em ni. A nih chuan ka tihpalh" ngaihsam zeta tiin kal mai a tum a.





"Kal suh" tiin ka au tuar " min awi dawn em chu ka hre lo mahse,ka hmangaih che. I chunga ka thil tih zawng zawng kha ngaihdam theih a ni lo ang tih chu ka hria a mah se chance dang min pe leh turin ka duh che" beisei nei zetin a mitah chuan ka en ran a mahse ka beisei ang chhanna ka hmuh tak mai si lohah chuan a chhanna chu ka hre thiamin ka hria.





In herin ka kala mahse pen 3 vel ka pen hman ang tiin "awm rawh,I chunga ka pa in a thil tih hre vek chunga min la hmangaih thei tak tak a nih chuan ka kiangah hian awm reng tawh rawh.Khawiah mah min kalsan tawh suh" a rawn ti ri ka hriat avang chuan ka hawi let rang kher mai.





"Um, I kiangah hian ka awm reng tawh ang. Ka hmangaihna che hi tuman an ti danglam thei ngai lo bawk ang" ka dinna atanga ti lang langin ka nui a.





"Lalnuntluang I mipa dream thin te angin ka hausa lova,ei tur pawh ka siam sak thiam hek lo che. Flima I mipa star te angin ka rorum ve lova ka zei heklo chuti chung chuan nang hian min la hmangaih thei tho ang maw?" A rawn tih leh chuan lu ka bu nghut nghuta chutah a ban a rawn phar takah chuan rang zetin ka tlan pheia ka kuah nghal thlawp.





Hun rei tak hnu a a awm lum leh khauh tha zeta min kuah bet leh chu ka hlim takzet.He awm chhunga lungphu ri dup dup ka hre leh thei te chu hmeichhe vannei tak ka niin ka in hre hliah hliah.

........


David-a nen chuan a bul atanga in neih that leh kan duh avangin kan in neih tha leh a.Hotel kha David-a kan enkawl zawm tira, Jason-a'n Lunglei lama Hospital David-a lo sak tawh chu ka nau Tlansanga a enkawl tir nghal bawk a.Ani nen pawn in huatna em em nei tawh lovin kan in be pawh ve reng tawh.





Jason-a leh Rosyna-i te pawh in neihin fa phir hmeltha deuh deuh hmeichhia leh mipa an nei a. Keini pawn naute thla 9 mi kan pai ve mek bawk.Jerome- a pawh Police ni tawhin Omomi nen an pafa thumin an khawsa ho meka.




Ka pu in min boral sana tih lohah chuan kan hlim tlang takzet.David-a pa pawh jail ah a thil sual tih man rulin la tang mahse kan in karah in hmuh thiam lohna a awm tawh lo.




Kan nunah kan beisei ngai reng reng loh hmangaihna kan chhar thar a.Chu chu Pathian hmangaihna a ni.Chu mi avang chauh chuan ngaihdamna thinlung pu in kan chunga thil ti sualtu te chu kan ngaidam thei a.Kan nun hmasa lama kan nundan tha lo te chu tuman kan in hmu sakin kan in phawrh chhuah sak ngai tawh lo.





Hausakna,nawmsakna leh pawisa kan um lutukna lamah hian mihringte hian khua kan hmu lo fo va. Chu duhamna tlarau chuan min chen chilh tlat avangin mihring pangngai in a a tih tur bak bak Pathian duhlo zawng tiin kan nun kan ti chhe fo bawk.




"Sang rawh" vawi tam tak ti ri ka hriat zawh hnu a Naute tap ri ka hria chu ka thaw huaia tun maia ka na te kha an dam nghal vekin ka hria."hmeichhia a nih hi" min rawn pawm tir chuan ka lo nui nghal ver ver.




"Ka fanu"



"Kan fanu" rawn ti nghal tu chu ka en a,a sam thur zet leh a mit sen rum chu ka nuih tawp.Nau neihna ward a ka luh dawn khan doctor te rem ti lo chung kha alo lut lui ve a,ka nau vei chhung zawng khan asamah thamin ka an khum a nih kha.




"Tunah chu nu leh pa kan ni ta" ka lu a arawn fawh chuan ka mit ka lo chhing vang vang a."A nu aia sum ren thiamlo" a rawn la ni hrim hrim a rawn tih hluk chuan chu ward a awm zawng zawngte chu ka nui ta tawp.




......(A TAWP TA)......




Ka story a tir atanga a tawp thleng min lo chhiarsak tu te in chungah lawm thu ka sawi a.Comment min lo pe thin te zawng zawng chungah pawh thinlung takin lawmthu ka sawi e.Chuan tawngkam hmandik loh ka neih nual avangin ka story a ka tawngkam hman te hi hmang chhawng vak vak su aw