A CHHAN CHU SUM BY Irene H Muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

A CHHAN CHU SUM BY Irene H Muankimi (Completed)

Unread post by Ngaia » September 5th, 2021, 2:54 pm

a59evv1j.jpg
PROLOGUE

"I sawi dik sum vang chauhin alawm ka neih che" chutia ka sawi chhuah mai chu a ring biklo nge a rawn meng deuh kawka.

"Hetiang taka mi nasa hi I ni tih lo hre tawh tur ka nia sin" ahma lawka thinrim hmaisen min hmuh tu khan beidawng aw zuai raih hian a rawn ti thawp ta sup a.

"Ni e,hre tur I ni" ka nui suka mahse hlim vanga nui erawh ka nilo "ka thuruk I hre ta bawka tunah chuan I kianga ka chenreng hi tulin ka hre tawhlo" ti leh ngatin ka lagage nen kawngka pui lam pan in ka kal nghal thuai.

Min dan atum lo a, chu chuan min tih nat viau rualin khang ka tawngkam hman avangte erawh kha chuan min dan ka ringlo a,nilo ringlo mai ni lo in engtikah mah ka hmel a hmuh leh duh pawh hi ka ring tawh lo.

A tawp nan tiin kawngka pui atang chuan Kum 8 chhung te meuh ka lo chenna in chhung leh a in neitupa chechanglo a inchung pan chhona bula ding run nen chuan ka han ennawn leh vek a.

"Sum vanga hmangaihna lo piang hi hmangaihna diktak zinga chhiar theih nise chuan ka hmangaihna che pawh hi I pawm ngei ang tiraw" thinrim tih hriat taka kut hum ruh ngawt ngawta ding ngur ka en reng lai chuan ka chhungril lam chuan chu thu ngawt chu a sawi a.A chhan pawh ani saw ka hmangaih vang a ni.Mahse chu thu chu ka sawi chhuak a nih chuan ahma ang bawka nuihzat ka hlawh leh ngei ang.
...................

Lalnuntluangi hmeichhe rilru tluang tak leh harhvang tak chuan kum naupangte niin a nu leh pa car accident ah a rualin a chana.Anau te pahnih hmakhua a ngaihtuah avangin Doctor ten engtikah mah a ke in a kal leh tawh ngailo ang an ti sumdawng lian tak pakhat accident avanga damchhung hun wheelchair nena hmang tawh tur chu pasalah a nei tarup mai le.

..............

Eng nge in ngaidan? He story hi lo dah ve leh ringawt ka tuma.Mahse tunah tawt tawt chuan a ni lo mai thei.Ka story hmasa lama thurawn tha tak tak min pe tu te avangin ka lawma in zarah ka in siam tha ve zela mahse in duhthu ka la sam lo mai theia chuvang chuan comments ho te a in ngaih pawh kha ka tan van atanga malsawmna hlu tak tak lo tla ang mai a ni tih hria ula.Khang in comments sawisel ka ngaihna lai leh hmasawnna tur ka la neih lai te kha ka lo chang leh tawp mai dawn ania... 😁😁😘😘🥰



Chapter 1


DAVID POV


"He hmeichhia hi,I thlah lo a nih chuan Lunglei lama kan ram sawh I kutah I pu hian a pe ngai lo ang che" ka pa in thinrim zeta a tih lai chuan naktuk maia ka nupui ni tawh tur ka hmeichhe duh leh hmangaih em em mai kut chu nghet zet hian ka hum a.


"Eng pawh ti rawh se.Saw ram saw ka la nei ngei ang.Chuan vawiin hian nang in hnial pui tur che a lo kal ka ni lo,Ka nupui neih tur thu rawn hrilh tur che a rawn kal mai ka ni.I hman chuan hunserh tal te chu min lo hman pui ve ang chu" thinrim zetin ka sawi tur neih ang ang chu vawikhatah ka sawi zo nghal vek.


A din nghehna tur a tana a hman a tiang hmawr chu thinrim avanga tha khur ngawt ngawt hian a hum a.


"Kal ang" ti leh hmukin Rosyna-i chu a thut hmun atang ka pawt tho nghal.


"Lalmuanawm" a office kan chhuahsan dawna ka pa min au na chu hrelo ang hmakin office pawnlam pan chuan ka pen zawm zel a.


Hetianga ka pa laka luhlul chhuah hi nuam ka ti lo.Mahse ka hmeichhe hmangaih ber min lawm saklo tu te chungah hian zawldawh taka awm ka tum lo bur a ni.Ka pa pawn tunah luhlul chhuah mah se a fapa a hmangaih em em kha ka la ni renga chuvang chuan fa te kan neih hunah a tu te hmel a hmuh chuan tuna kan inkar buaina hi chu theihnghilhin pangngai takin kan in kar a kal leh ngei ka beisei.



"David ipa kha.." pawn kan thlen ruala ka pa ka tawngkhum dan avanga min hau leh tur chu duhlo in ka awmah ka kuah bet nghal thlawp a.


Ka hahdam huaiin ka hria.Engtin nge hetiang taka hmeichhe rilru tha leh fel hi ka pa leh ka pu hian hmeichhe tha a ni lo ti tlat nge maw an nih le!


"Ka pa chuan a tu te ahmuh hunah chuan a rilru ala thlak ngei ang" ka kuahna phelhin a biang tawn tawnah chuan ka dawma.


A mitmeng pawisawi lo zeta min lainatna lo langte chuan alak a ka pangchanna a tizual a.He a rilru thatna hian magnetin a hlata thir a awm a phallo a a hip bet tlat ang mai hian amah ah hian min hip bet a.


A thatna leh ka tana a hlutna hi sawi sawi mah ila ka sawi seng kher hian ka ringlo.Chuvang tak chuan a ni midang tan ka phallo a.Ka pa leh pu te phallo chung pawh neih ka tum ni


"Ka hmangaih che" aka atanga ri lo chhuak tawh zawng zawngah chu ri tluka mawi chu ka la hre lo.



Ahmuia ka fawh sak zeuh chuan a zah avangin a biang a rawn sen leh tawn tawna chung te hlei hlei chuan a duhawmna ati zual sawt thin.
................

LALNUNTLUANGI(Tluangtei) POV



"He tiangin I awm theilo ania" ka patea ang bawrh bawrh chu bu luk luk hian ka nuih a.


"Lalnuntluang,eng thu nuih zatthlak mah ka sawi lo," ka nui hmel a hmuh avanga thinrim zeta a rawn tih chuan a hma aiin ka nui nasa zual sawt.


"Mu phawt teh.Naktukah kan sawi tha dawn ania" ti hlak hlakin khum lamah a hnuhin min hnuk phei a.


Ka mit ka men leh meuh chuan khua alo var uar tawh.Ka lu lah chu ala na em em zui.Nizan khan ka thian thenkhat te nen party kan nei a,kan bengchheng tiin kan party na thenawma awm te khan police hnenah min lo hek peka.


Ka patea khan min rawn la chhuak lo phei se chuan police station ah ka riak ngei ang.


Ka hming chu Lalnuntluangi a ni a.mi chuan Tluangte tiin min ko mai zel.Tunah hian ka kum 19 na ka hmang mek a.I lo hriat ve mai mai atan hmeichhe fel zawk zawk chu ka ni lo.


Ka nu leh pa in thla hmasa mai khan car accident avangin,kei leh ka nau te pahnih min boral sana.Kha ta tang phei kha chuan thenawm khaw veng tena hnawksak an tih ber hi ka ni ringawt.


"Lo lut rawh" ka chhanna a hriat rual chiahin kan naupang ber Dini chu ka room kawngkharah a rawn dak a.


"Au a pate an I thawh tawh chuan inhnuaiah lo chhuk rawh a ti che a" inthlahrung zeta a rawn tih chuan ka bula kal turin ka lo hui zeuh.


Ani pawh hian tun hnaite ka awmdan avang hian min hnaih ngam vaklo tih ka hria mahse ka nu leh pa in min boral san thut kha ka tuarthiam lo em em a.Ka rilru mumallo tak hi tunah rih chuan awlsam takin ka la control zung zung thei rih lo a ni.


"Chaw I ei tawh em" ka tih chuan a lu bu nghut nghut in a hnar chu a hup vat.


"Ka tihpalh kan in tifai hmasa a nge" nuih tlawn paha tiin ka khum atang chuan ka tho chhuak a.


"U,tiang hian awm tawhlo la.Anu leh apa an awm tawh bawk silo nang leh zel hetianga I awm chuan Utlana nen hian eng tin nge kan awm ang" tap pur chunga Dini'n a tih chuan nghet zet hian ka kuah a.


"Ka duh,ka duh alawm mahse ka hlau a ni.Ka nu leh pa te tello a nun hman hi ka hlau em a ni". Ka ti chhuak ve ta nghe nghe a.


Diktak chuan unau zinga upa ber ni mah ila,ka nu leh pa te tello khan thil engmah ka ti thei tak taklo.Ka pa min hrilh thin angin ka chaklohna te midangin an hmuh loh nan theihtawp ka chhuaha mah se awmzia a awmlo.He khawvel hi ka nu leh pa te tello a hmachhawn chu ka ngam thlawt lo a ni.


Inhnuaiah chuan Dini nen chuan kan chhuk rual a.Ka patea, Tlansanga(ka nau chiah) leh ka nutei (ka patea nupui) te chu sitting room ah an lo thu thap.


"Pate eng nge ni ta,zing zingah" ka ngaihtuahna te thup tum takin ka ti zang va a.


"Hei Tluangte thu lawmawm loh a awm tlat maia,chu chu I patea hian sawi pui lawk che a duh a ni" nutei zawk chuan zaidam zet hian a rawn ti siam siam a.


"Thu lawmawm loh" ka then suk,ka nu leh pate an boral thu ka hriat bak baka thu lawmawm loh kha a awm leh thei dawn em ni."han sawi la,tunlai chu vanneihna hi kan lamah a tanglo te pawh ania nge" ka ti chhuak deuh kher chu Tlansanga'n min rawn melh vut.


"Sawi tan mai dan tur pawh ka hre lo,kha heihi han chhiar hmasa phawt mai teh" tiin ka patea chuan center table chunga lehkha phek in kilh khawm chu ka lamah a rawn nawr phei a.


"U engtin nge kan tih ang" paper ka chhiar zawh rual ruala rawn ti tu chu Tlansanga a ni.Ani hian tunah hian class 10 results a nghak mek a.Kan te ber Dini'n class 8 a zir mek bawk a ni.



"Heihi dawt a ni.Ka pa khan hetiangin a ti lo ang" ka patea chu ka mittui parawl kuang kar atang chuan ka melha,mahse a hmelah chuan min lainat zia bak hmuh tur a awm lo.


Kan chhungkua hi Hausa tia sawi tur chu nilo mah ila khawsak harsa zawk zawk ang kha chu kan ni lo.Ka pa hian Hardware dawr lian ve ang reng tak hi a nei a.Ka nu kha Nurse a ni bawk.


Chutianga sum lakluhna tha leh nghet nei chung khan engtin nge hetiang zat atam ka pa khan ba a lo neih thei.Ka nu khan a hriat pui a ngem.Nilo,a hriat pui ngei ang kan in leh lo ram zawng zawng he paper ah hian dahkhamah a in hmang veka.Chu chu ka nu hriatpuina lo chuan ka pa hian a ti hauhlo ang.


"Vawiinah ipa pawisa batna pa chu alo kal dawn a.I duh chuan keiman ka lo dawr dawn a nia" ka patea chuan beidawng zetin a rawn ti sup a.


"Ai,kei...keiman ka bia ang" nghet charha tiin paper Keng chung chuan choka lam ka pan zui nghal.


Ka nu leh pa te an boral atang kan inchhung tifaitu leh eisiamtu pawh hna atang kan chawlh tir ve nghal a.A chhan pawh Tlansanga'n sum thawkchhuaktu an awm rih silo a,kan in ren a ngai a tih vang a ni.


In chhung chet ka tih ngai loh avangin amah Tlansanga'n a ti veka, Dini'n a theih ang angin a pui bawk thin.U ber nisi hian ka laktlakloh ber a.U ber mawhphurna chu ka hlen ngam thlawtlo pawh a ni mahna.Kartawpah ka nutei hian in min rawn tih fai pui zeuh zeuh bawk.
............

"Karkhat hun ka pe ang che u.Karkhat chhungin in duh leh mamawh zawng zawng he in atang hian in thiar chhuak vek tur a ni" ka ngenna zawng zawng hnawla leinatna tel hauhlo a chu thu sawi tu chu thinrim zet hian ka en reng a.


Mipa la upa lo tak,Mizo mipa ah chuan a tiatpui an vang pharh ang tih tur khawma taksa piantha leh sang tha tak a nei a.A thawmhnaw haka rawng dum tihloh rawng dang hmuh tur awmlo te chuan alan dan chu a ti nelawmlohin a ti hlauhawm em em bawk.


A mit meng lainatna neilo tih hriat taka,thim khup te chu misual pawl hruaitu mitmeng ni mai awma rum a ni.


"Engtin nge kan in hi I tih dawn" ka thinrim em avang chuan hlauhna pawh ka nei tawh lo.A mitah tak chuan ka melh let ve ta ran a.


"Naupang chenna in tur neilo a in vahvaih hunah pawh kha huaisenna kha hlauh suh ang che" ka zawhna chhanna nilo lutuk a rawn sawi daih avang chuan mak ti zetin ka hmaa thu chu ka en tawp.


"Ka thusawi kha hrereng ang che,karkhat chiah hun in neih" rawn ti bul leh hmukin a thutna atang chuan a tho a,kan gate lam chu vung zet hian a pan nghal hmawk hmawk.


Kan in biakna chanchin vel ka nau te leh ka patea te nupa hnena ka sawi chuan kei ai aiin pawi an tih hmel zawk.Tih dan dang awm heklo,ka patea te chu fin rih kan tuma mahse Tlansanga nen chuan rilru in ang kan pu in ka hria,rei tak ka patea te bula awm chu kan tumlo ve ve a ni.


Ka pa te unau hi pahnih chauh niin,fahrah an ni.Ka nu te nen hian fahrah chawmna atanga seilian chho vek an nih avang hian midang ai an in hmangaih zawnga.Mahse ka nuteii chu chhungkaw pangngai tak atanga enkawl seilen a ni thung.


Tawng mawilo ni lo se a hlawkna tur nilo ah chuan in ham buai loh lawh lawh duh ang chi kha ania.Hetia an tana hlawkna tur awm silo a,kan fin ringawt tur pawh hi patea thu chu nilo se a pawm hauh lo ang.
.................

"Hetah eng nge I tih" Bazar puia ka nau Tlansanga'n mi bungrua a phursak lai ka hmuh chuan ka ti nghal chiam.


"U,..."


"Laltlansang hetiang ti tur hian ka ti che em ni" a ip phur lian zet chu ka pawt deuh hrawk,alo in ring vaklo nge a pei nghal deuh chawn chawn a.


"U,tah sawn min lo nghak la,ka rawn let leh thuai ang" ti zung zungin kan chhaka vai thingpui dawr chu a kawk zeuh.


"Laltlansang" a kal lui tal chu ring zet hian ka au a,mah se hmalam panin a kal hmawk hmawk tho.Keipawh ka bul vela awmho in min en duh em avang chuan thingpui dawrah chuanka lut chho nghal vat a.


"Baia thingpui no hnih kan duh ang aw" dawr chhung alo luh ruala thawveng zeta ala rawn tih theih avang hrim hrim chuan ka thinrimna bengdaih ka lo tum ve em em pawh a rawn belh chhah leh sauh .Tha taka biak ka tum kha ania,mahse ka theih mai hmel ta loh.


"Admission tihna tur zawng rawh ka ti che a ni lawm ni" a rawn thut thlak rual rualin ka lo ti nghal.


"Ka duhlo,School ka kal tawh dawn lo" ti hmukin dawhkana tui an chhawp chu no ah thli chhuakin vawikhatah a tlak nghal vek.


"Engvangin niminah in result a chhuak ve chiaha,I result atang Mizoram school tha berah pawh I lut theih tih I in hrelo em ni"


Nimin khan class 10 CBSE board exam result a chhuaka, Distinction ah pass in subject 3 laiah letter a hmu nghe nghe.Chutiang khawpa ti tha chuan school ka kal tawh dawnlo a ti a maw.Nilo kei hian ka rem ti ngailo ang.


"Result ringawt khan awmzia a nei lo.Tunah chuan pawisa kan mamawh.Nang leh Dini te hian zir ula,kei chuan tihian a rem remah in hlawhna ka lo zawng ang" awki pangngai tak leh nui sanga a rawn tih chuan ka tluk loh zia bawk a ni ka hriat leh tak.


"U,pawi tisuh kei chuan I zir chhuaha hna I neih hunah ka zir zawm ve leh mai dawn alawm" ka kut a rawn hum chuan ka biang a lum thla nghal pup.


"Lalthlansang engtin nge I puitlin bik em em a" ka ti chhuak ta tawp.Kei chuan tuna ka nau in kan hma hun tur a hmuh lawk ang hi engmah ka hmu lawk ve thei lo.


Ka haw kawng tluanin ka in ngaihtuaha.A tawpah chuan thuthlukna ka siam ve thei ta hram.Kei aiin ka nauin lehkha a thiam zawk a.Kei aiin hma hun pawh a nei eng zawk.


Chuvang chuan kei hian ka tih tur ka tih a hun tawh a ni.Ka pa in "nakinah chuan u ber mawhphurna tak tak awm zia ila hria a nga chu tih hunah chuan chhelh takin hmalam I pan tang tang tur a ni.I ka atang beidawng tih tawngkam a chhuak tur a ni heklo" tia a sawi kha tun hun hi a ni.


Tlaiah chuan ka nutei Rawngbawl chu thiam leh thiamlo in ka pui a.Dini leh Sangsangi (ka patea fanu) in lehkha an zir bawk.Reilo te ka patea te bulah la khawsa mah ila ka nutei mize diktak chu a lang tan der tawh.In chhung cheta kan puih loh hlek chuan inchhungah a ang thawm ngaihthlak tur a awm char char thin.


Ka patea hian Hardware dawr ka pa hnuaiah khan a hawng ve a,chu chu an eizawnna neih chhun a ni.Ka pa dawr te pawh kha kha misual pa khan la tel veklo se chuan patea hian a enkawl zawm ngeiin ka ring.
.............

"Min lo hrethiam lawk,thiannu hna I zawng em ni?" Kawngsir thingbuk hnuai daihlim chuha ka thut lai chuan mipa la naupan hmel tak hian min rawn bia a.


"Tu nge I nih,engtin nge hna ka zawng tih te chu ilo hriat a" hlau rilru deuh hian ka bul velah chuan midang an awm ve em tih ka en kual nghal a.


"Min hlau suh.Misual ka ni lo ania" ka awmdan hrethiam zeta rawn tiin nel awm zet hian min han nuih a.


"Misual I ni ka ti lo,engtin nge hna ka zawng tih I hriat" rang zetin ka lo ti leh.


"Sawti lai deuh atang sawn ka zui tawh che alawm" a tih leh ngat phei chuan a hma aiin ka hlauthawng zual.


"Hna I duh chuan zanin ah he address ah hian ilo kal dawn ania.Mahse ka ti lui lo che a,I thu thu chuan hlawh chu I rin phak bakin a tam ang" rawn ti zung zungin card hi min pe a.


"Hmuh che ka lo in beisei ang,nanganga hmeichhe hmeltha hi chu an chhawr ngei ngei zel" tia min nuih sukin min kalsan leh nghal nal nal.


Card a address chu ka en a ka hmun hriat ngai pawh a ni lo.Thil tha lo a ni a ngem.Mahse hlawh a that si chuan awlsam takin ka liam tir mai dawn em ni.Ka naute tan hian eng pawh,eng hna pawh ka thawk mai tur a ni.


Zan 8:40pm velah chuan kha pa ina address min pekna hmunah chuan ka awm vau tawh.A in awmna hmun hi Aizawl khawchhung hnaih hle e tilo hian a fian rial phiana,kei pawn ka zawng buai nasa takzet.


"Ilo kal ka ring reng a.Jerome-a ka nia" khapa kha bike atanga rawn chhukin ka bulah a rawn kal nghal.


"Eng hna nge ka thawh dawn tih ka hriat hunah ka thawh duh leh duh loh tur chu a Chiang chauh ang" dak vaha ka lo chhan chuan a kiai leh suk.Mipa nelawm loh zawk zawk chu a ni lo.Mahse eng hna chiah hi nge maw a thawh le.


In chhungah min hruai luh chuan hla ring zet hian alo in play a,eng an chhin ve pawh tlemte.A khat mawi tawka a sena rawn phe leh zawk zawk tih loh chu eng dang han hmu vak tur a awm lo.Hla chu a rin teh lul nen pawna ka din lai khan a ri engmah ka hre lo.Ka hriat loh danah banghi sound proof a ni ngei ang,nilo se hetiang anga ring chu khatiang anga hnaiah chuan ka hre tur a ni.


"Tah hian" room pakhat luhna kawngkhar bulah chuan min din pui a."Lungngai suh an duh sa che" chimawm zeta ka taksa a melh kual dan dan hnu a a rawn tih chuan room chhunga luh leh loh mai chu ka duh rum rum.


Ka rilru in sual buai lai zawng pawh chuan chu pa chuan min la kalsan lo."helai thleng ka kal tawha a lai laklawhah ka tawpsan ngawt theilo" tia mahni leh mahni ari lo a,in hrilh ru mawlh mawlh chungin ka kut pahnih chu nghet zeta humin thawk ka han la vak a.


"I in peih ta a ang hle mai" ti supa min nuih rual chiahin kawngkhar chu muang chang hian a nam hawnga,ka ke pen pawh chuan room chhung lam panin ka taksa chu a kalpui nghal bawk.


Mipahnih pathau ve tak pakhat leh Nu pakhat a hmel reng reng atang pawha mi satliah a nilo tih hriat ngawih ngawihte chuan chu room chhung ka luh atang chuan ka lak atang an mit an la la sawn hauh lo.


"Hna chu I duh em ni" min en dik kim ta maw tih tur awm vela mawiah nutling zawk chuan ka mitah tak rawn en hian a ti ta a.


"Diktak chuan ka hre lo,ka...ka thawh tur hi eng hna nge ka hre lo" tia ka chhan let chuan an pahnih chuan za zet hian min nuih nghal bawk bawk a.



"Duhtak lungngai mah ta che.Zanin hian khual special deuh kan nei dawna chu chu I customer hmasa ber tur a ni ang.Ti chuan I hna tha taka I hlen chuan hlawh pawh a tha hnem viau ang" tenawm taka min melhna mit meng nena min en reng chungin mipa zawk chuan a rawn ti ve ta thung.


"Nang ang hi chuan customer an nghei ngailo" rawn tiin chu nu tling chuan pawisa 500 note tel khat hi dawhkanah hian a rawn dah lang a.


"Hna hi I duh a nih chuan heihi ka lo lawmluhna che,mah se I duhlo a police hnena report lamte ilo awn a nih chuan damin he hmun hi I chhuahsanlo ang"vauna tawngkam mah ni se a tawngkam chhuak reng reng chu a dam dapa,ka rilru pawh a buai zo tawh a ni ber.



'Lalnuntluang nang chu I pawimawhlo I nau te chauh ngaihtuah rawh' ti a min nawrtu ka chhunglam atang a a len tham em avangin muang changin dawhkana pawisa chu ka ban ta a.An pahnih pawh chuan hlim zetin min nuih nghal var var.



"A tha,ti khan lo thu rawh.Kan thiana pawh alo thleng ve tep tawh ang" tiin mipa zawk chu a thut hmun atanga tho chhuakin light men nuam deuh zawk tur hian chu room chhunga light eng chu a rawn thlak nghal.


Rei vaklo hnu ah an sawi ang ngeiin kawngkhar lam atang chuan thawm chu a rawn awm nghal thuai.Chu ke pen ri lo hnai zel chu ka kut hum ruh sauh sauh chungin ka lo ngaithlaa,hawi chhuah pawh ka hawichhuak mai ngamlo.


"Hmeichhia chu I nei tawh em?" Chu aw ri thum bul bul chu khawiah emaw hriat tawhna ka nei tawh tlatin ka in hria.


"Nei e,mah se a hma ami anga kawl hlen I tum a nih chuan sum a hma aia tam kha a ngai tawh ang" nutling zawk chuan kei min biakna anglo taka awki tang zet chuan a lo chhang let thuai.


"Hmeichhia chu khawnge a awm" dawhtheihna tlachham zeta rawn ti hluk tu chu tu nge a nih tih hre lo mah ila,mi zaidam zawk zawk chu a ni tawp lo ang.


"Zanin atang chauha lo thawk thar tur ania,sum tam tham taklo chuan ka hralh dawn lo reng reng" ti a ka chungchang thu an sawi lai chuan ka rilru natna thup ka tum hram hram a ni.Keihi tunah chuan bawngraw hralh theih ang lek maw ka lo nih tak.


"Dak chhuak ta che" ka hawichhuah theih nana ka khabe dawm chunga min pawh dah laia ka mi hmuh chu ka va awilo ber.Kha misual kan in leh lo ram,ka pa dawr chena min laksak vek tu kha a ni.


Ani pawn chutia kan in hmuh leh thut chu a ring chiah biklo nge a meng ve deuh kawka mah se mi in control thei tih takah a awm dan chu a thunun leh vat.


"Hmeichhe naupang hi eng atan nge ka tih ang" ngeiawm zeta tiin ka taksa chu chik zet hian a en chhuak dap.


"I duh loh chuan nidangah lo kal leh mai rawh.Mahse a ni tluka tha hi chu I hmu tawh lo maithei" min hralh loh hlau ni awm fahrana pathaua tawngvel chu chu pa chuan a melh chhuk run a.


"Atha e,sum chu eng zat nge in duh" a ngawih tak vang vang hnu a a rawn tih chuan chumi te pahnih chu ti fuh in ti zetin an han nui dun hak haka.


Kei erawh in chu misualpa lak atang chuan ka mit ka lasawn thei lo.Kan neih eng kim a lak vek hnu ah,tunah keimah pawh min lei ta chu a nia.Ava han tlawm thlak tak em.


"He lamah" mi pakhat coat suite dum nena in thuam zaih hian a rawn ti a.


"Duhtak kal rawh.Kan in hmu ve chauha kan in thlah leh nghal mai a ngai dawn a nih hi" ka dara beng thak thak chunga nutlingin a rawn tih hnu chuan coat suite ha a nen chuan kan in zui chhuak ta a.


Car chhunga rei fe ka thut hnu ah kan misuala pawh rawn letin ka bulah car chhungah chuan a rawn thu lut ve nghal.Nichina min hruaitu khan motor khalhin keini pahnih chu a hnungah ngawi rengin kan thu a.Thil thlen dan ka ngaihtuah chang hian ka nu leh pa te kha ka haw leh lek lek zel.


Vawi leh khatah a rualin min boral san thut lo se chuan hetianga kan unaua nun hman hi a tul miahlo tur.Car a din ruala kan awmna hmun ka hmuh chian chuan tap chhuak mailo turin ka insum a.


He in ah hian ka let leh pawh ka lo in ring tawh lo a.Kan chhuahsan ni bak kha kan vengah pawh hian ka kal leh tawh lo hrim hrim.


Kan misuala hnung zelah kalin in chhungah chuan kan luta.Thil engkim bungrua a in dah belh deuh e tih mai loha chuan ala pangngai vek.


"Sawi duah ka peihlo a, naktukah tah khan va kal ang che" ka pa study chair ah thu in kan in kara table chungah chuan envelope var hi a rawn theh thla a.


"Eng nge ka tih dawn" envelope pawh ban mailo a ka zawh chuan rum zet hian min rawn melh a.


"Thil hriat lawk tam lutuk hi,a chang chuan a tha lo thin" ti nghutin a mit a chhing nghal daih.


A mit a chhin chuan a hmel nelawmloh tak kha an bo veka,mipa hmeltha tak kha Ramhuai hmel phena awm kha a rawn inlar ta emaw tih mai turin a mit nelawm loh zeta a han chhin bo meuh chuan a hmel tha tak zet.


"Ka khum min tawmpui dawn loh chuan I chhuak thei" amah ka en reng lai chuan a mit pawh rawn meng chhuak Chuang miahlo hian a rawn ti thuta ka phu chiang lutuk chu ka per dawr lo chauh.


"Maw..a..aw..aw ka kal" ti zung zungin envelope var chu la in kan in.Ni leh lo kan in ni thin chu hmanhmawh zet in ka chhuahsan nghal hlawk hlawk.



Comments leh ads click kha hre reng ula☺️☺️



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:54 pm

Chapter 2



"Miss ka lo thlah ang che" ka sir lam atanga khapa driver in a rawn tih chuan ka zuang zawk.Tu nge kha tianga thawm nei thut thut ngai.



"Ngai bawk lo" min tih phut nasat em avang chuan ka ti khum hmuk.



Gate atang chuan kan chhungkua a hlim taka kan lo chen ho tawh na in chu lungleng zet hian ka thlir let vawng vawng a, 'eng tikah emaw a neitu diktak niin kan rawn let leh ngei ang' tia kan in chu mi nung ang maia ngaia ka biak sup hnu chuan hman hmawh zetin patea te in lam pan chuan ka kal nghal hlawk hlawk.



Zan a rei ve tawh ang reng sia kha driver ka lo in thlah tir ta lo kha ka in chhir leh lek lek tawh.Taxi lah chu han phar mai tur ala vang em em zui.Ka bag ah lai hruiah chuan nget zeta vuanin ka hmalam thui tak pawh ni lo ka ke pen na lai tur zel chauh chu melh in vung zetin ka kal tawp tawp.


Ka patea te veng ka thleng tawh dawn tih kawngkawia thian ho ni awm tak thawm ka hriat chuan ka hawi chhuaka kawngsirah hian an lo thu khawmlaih a.Ka kal tlang ngei ngei ngai chuan ka rilru a ti buai,ka pa khan zanah hmeichhia mahni chauha chhuah a him loh thu a sawi thin.Chuvang chuan fanu fel tak nilo mah ila zan chhuah ka ching ngailo hrim hrim.



Tunah engtin nge ka tih tak ang? Sawng ho saw misual an nih loh hram ka beisei ti rilru mawlh mawlh chungin ka kâ hmang chuan boruak ka hip lut vaka,ka hma lam pan chuan a hma ai chak,nilo tlan titih chuan ka kal ta a.



"Wow,thiante u eng nge kan neih hi" kawng sirah an awm vek amaw ka tia,lei lam biha ka kal khan mipakhat ka su chawra.A su tu zawk e tilo chuan keimah zawk chu lei charah mawng sawh dawtin ka la tlu zui.Chutia a thiante a au leh ngat phei chuan ka tha chu a hma aiin a khur nasa zual sawt.



"Khawimaw a hmel tha em?"


"Ava chhiatloh hmel ve" tiin a thiante pawh chuan kan bul an lo thleng chawp chilh nghal der.



"Mi...min kal tir ru" hawi pawh hawi chhuak ngamlo in ka ti a.Ka tawng zawi em a an hre pha lo nge an hre duhlo zawk pawh ka hre lo.


Tawngkam mawilo zet zet hmanga min bia in pakhat chuan ka hmel an hmuh theih nan ka tukhum samah chuan min rawn kek dak awrh a.Ka sam a vawnna na lutuk avang chuan then chawk chawkin chupa kut chu ka lo vawn hnan ve nghal vat a.



"A hmel that reuh hi" ka khabe a an rawn dawm te chuan tap chhuaklo mahila ka mittui erawh ka khaw hmuh ti phe khawpin a tla tam tawh.



"Khawngaihin..."



"Thlah nghal rawh u" chu aw lo chhuahna lam chu kei leh chung mipa ho nen chuan kan hawi thap.


Kan piah deuhah kha kan misualpa kha nelawm loh zet hian alo ding run a.A hma khan haw hle mah ila tunah chuan amah ka hmuh tluka ka lawm ka hre lo.


"Khawngaihin min pui rawh" rang zetin ka lo ti nghal chul a.


"Lo in rawlh suh" an zinga pakhatin a rawn tih chuan ani chu za lo zet hian a khi suk a.Chumi rual deuh thaw chuan kan lamah rawn pen a rual nghal.



"Ka theih ka ringlo tlat" tiin amah hnaih bertu a hnek thluk tawp takah chuan an thian ho chuan kei min ngaihsaklo in chupa lam chu an pan diala mahse reilo te ah an vai chuan an tlan chhe leh dial.



Eng tin nge a tih ka hrelo,kan piah deuha street light eng chang changin kan awmna hmun chu a en pha tawka,an in sual dan kha Chiang takin ka hmu hmanlo a,mahse he pa hian insual a thiam tak zet tih ka hria.


"Hmeichhia I ni tih I theihnghilh em ni?" Rawn ti nghutin leia ka bag tla chharna chang pawh ka lo hriat loh kha chharin min rawn pe a.



"Maw.."


"Ka thlah ang che" ka ban bula rawn vawn a tum chuan rang zetin ka lo tawlh hnung thung.


"Min chhan avangin ka lawm e,mahse keimah in ka haw thei" ka lo hnial chu a duh dan a ni lo tih hriat takin a rum leh nghuta.



"Ka sawi nawn tawh lo ang khang ho kha an la kal hla in ka ringlo" ngeiawm zeta tiin a car awmna lamah chuan min let sana.


Khang mipa ho kha a sawi chhuah leh takah chuan nichin maia ka thil tawn kha hre chhuakin chupa hnungah chuan rang zetin ka zui nghal vat.



Ngawirengin motor chu a khalh chhuak nghala kei pawn tawng ka tum chuanglo.Mahse engtin nge ka patea te in awmna chu a hriat ka hre lo engmah ka hrilhlo chung pawn patea te kawtah motor a ti ding dat.


"Naktukah ka driver in a rawn lam ang che" car atanga ka chhuk tur chu a thil rawn sawi avangin ka la thu leh rih.


"Eng vangin" hrethiamlo zeta ka tih chuan hahthlak min tih hmel zetin a thawh chhuak leh hak.


"Hei eng nge I tih dawn?" Ka mal chunga ka pawm ka bag chu min chhuh sak a."hei eng nge" nichin a envelope ka lak kha min pe a.



"Hawng rawh" ka bag ka mal chunga rawn theh thlak leh paha ti hmukin hma lam a en nghal vut.


"Ka rei!" Pawisa chu eng zat chiah nge pawh ka hre lo.Mahse a tlem zawk zawklo tih ka hria.


"Address kha Chiang deuhin en rawh.Naktuk chuan min ti lungawilo miah suh ang che" a thu hnial a duhlo tih hriat zet hian a ti charh charh a.


"Chhuk tawh rawh" a rawn tih zawm leh chuan ka chhang let tepa mah se min en dan nelawm loh lutuk avang chuan engmah sawilo in ka chhuka,kawngkhar pawh na zetin ka khara.Ka khar rual chiahin chak zetin a tlan chhuak nghal vut.



Ka dinna ngaia dingin a tlanna hnu chu rum zeta en zui vawng vawngin ka tih ngaihna hre lo chuan lei ka chhuah khum vak ringawt.
.............

"Khawnge I kal I va rawn haw har ve" kan unaua kan in tawm room a ka luh rualin Tlana'n alo ti nghal.


"Ila mu lo a" tih bakin ka chhanglo.


"Ilo la haw silo a" min ngaihtuah avanga lo la mu lo a ni tih ka hriat chuan ka in thlahrung leh hnuhnawh chuan "ka tihpalh" ka ti ta ri ngawt.


"A ho lutuk mahse zan dangah chuan rei deuh deuh chhuak tawh suh" tiin a mutna Coach lam chu min pan san a.


"School chu chawlh I tum tak tak em ni?" A mu tur chu ka be leh hram.


"Um" min en chuanglo a tiin a mu tha nghal vat.


Ka bag a ka ah pawisa chu ka bag chhanah ka hum vak a.He pawisa hmang hian admission chu a ti thei ngei ang.Mahse fees neuh neuh ala awm reng dawn avangin hnathawh pangngai tak ka neih loh chuan ka nau hian zirna zawm a tum dawn lo tih ka hria.


Kha misualpa tan khan thawh ka tum lo a,chu tih rualin a pawisa min pek hi chu min pe tawha pek leh erawh ka tum lo bur.Ka chauh ve em avang chuan in ti fai sawk sawkin ka mu ve nghala.Dini lah chuan min rawn kuah nghal chuk chuk a.


Ka naute pahnih tan chuan thil eng pawh tih ngai dawn se ka ti zel mai ang.Mi hmusit an nih ka duh lo a engkimah a tha ber zel nei se ka duh bawk a ni.


"U tho teh college I kal dawn lo em ni?" Ka menga Dini chuan form nena in duang zaihin min lo nuih a.


"Um,I kal tawh dawn a" tho chhuak chuanglo in banga sana in tar chu ka melh a.


"Aw,nizan ilo haw har sia kan kai tho hma duh lo che a nih kha" sana rawn en ve zeuha a tih chuan ka lo nui suk.


"Lo hnai teh" ka tih ruala a rawn kun hniam deuh chuan ka lo kuaha.


"Ka form I ti chuar ang" tiin ani alo tang ve bawk a.


"Ka duatte ka hmangaih che" ka tih chuan nui vur vurin "keipawh u Duhtak ka hmangaih che" a lo ti ve vat tho.


Ka tho tlai ta ro ro tiin ka mu tha leh a,chawhnu lama hna zawng tura chhuah leh ka duh avangin 10:00am velah ka tho a.Ka nutei a chhuah avangin min hau tur an awm lo hlauh zawka chu ti nilo se tunah hian a phun leh char char tawh ang.


"Miss" ka patea te gate ka chhuah rual chiahin a rawn ti leh nghal.


"Nang...hetah eng nge ilo tih dawn" a pu alo kal ve em tih hriat tumin kan bul vel chu ka en kual a.


"Boss in hruai tur che in min ti a" a tih chuan nizana misualpa thu sawi kha ka hre chhuak leh hnu hnawh.


"I boss tan chuan ka thawk dawnlo I kal thei" ka lo ti vat.


"Miss,khawngaihin min lo zui rawh anih loh chuan ka hna ka chan mai ang" ngenngawl zeta a rawn tih chuan ning zetin amah ka khawngaih ve deuh avang chuan car chhungah chuan ka lut ta nghe nghe a.


"Eng tia rei nge min lo nghah tawh" hrethiamlo tih hriat zet hian front glass atang chuan min rawn en a. "Ka sawi awmzia chu in atanga ka lo chhuah hun tur kha I hre lawk awm silo a" ka tih chuan a rawn nui suk a.


"Rei deuh mahse hei ilo chhuak tho alawm"min chhan dan avang chuan ka then ve suk.


"Mahse hetah chuan engmah a awm silo a" kan dinna lai kawngpui peng thawm reh zet chu ka en kual a.


"Khi kawngah khian chho la,thui I kal hma in address boss in a pek che kha alo awm mai ang" a tih avang chuan car atang chuan ka chhuka.


"Ilo kal ve dawn lo em ni?" Mahni a kal ka hreh deuh avang chuan ka ti leh a.


"He lai thlenga thlah tur che a thupek ka nia" tiin ani pawh chuan min tlan liam san leh nghal.


Muang changin chu kawngah chuan ka kal chho a,thui ka kal hma chuan in lian zet hi alo awm a,a hmun a reh bawk sia tu tak chu cheng ang maw.


"Nula puih theihna che ka nei em?" Gate vengtu ni awm tak hian min lo be hmasa a.


"Â... aw hei he address ah hian kal tura tih ka nia" ka tih avang chuan uluk zeta min en chungin gate chhungah chuan min luh tir a.


"Ti khan lo thu la kan pu alo kal tep tawh ang,I nghah chunga I in tur theitui ka lo lak dawn che ania" tiin inchhung ka luh hnu a min lo chhawntu nula chuan a ti a.

Rei vaklo hnu ah lo letin thei tui chu min rawn pe a.Lawm thu lo hrilhin ka dang a ro ve tawh em avang chuan thei tui pawh chu ka vawikhat tlak nghal vek.


Ka hmai za mer merah chuan muang changin ka menga,ka hma a lo thu a min lo en rengtu ka hmuh chuan ka thu chhuak nghal vat .Chuan ka awmna hi khawi lai hmun nge.Thei tui ka in thleng kha ka la hria a,ka chungah hian eng thil nge thleng.


"Jason chuan nula duhawm tak a hmu a nih hi" a thil in lai in zo vekin table chungah chuan a no chu a nghat ri kap a.


"Tu nge I nih chuan khawnge ka awm" ka hlauhna te thunun tum taka ka tih chuan chu ka pa rual vel awm chu a rawn nui a.


"Zanin atang chuan ka ta I nih tawh" ti supin a thutna chair atanga rawn tho in ka thutna khum lam chu tenawm zeta min en chung hian a rawn pan hnai a.


"Ai" tia khum tlang leh lam atanga chhuk ka tum chu ka samah rawn tham hmanin khumah chuan min pawt thal nghal dawr.


"Thu awi tak khan awmla kan zo hma a ni mai" tiin ka hmuaiah rawn fawh a tuma,ka thei ang angin ka lo in dang ve zel.


"Awm tha rawh ka ti che a ni lawm ni" ka khabe ah rawn dawmin thinrim zet hian a rawn ti a,a hmaia chil ka lo chha chuan ka biang a ri nghal sawk.


Ka biang na lutuk chuan ka beng a ti kiu vawng vawnga,ka lu te thleng a ti hai nghal vek.


"Khawngaihin min kal tir rawh" ka thusawi hrelo ang maiin ka hmuiah chuan duhthaw zet hian a rawn fawpa,ka kut chunglama min man be sak tlat avangin ka hmang thei lo a.


Ka kawr hak lai a rawn pawhthler leh meuh chuan ka chunga thleng tur chu ka chianga,ka mit chhingin ka mittui chu a rawn luang chhuak nghal zung zung,ka nu leh pa leh ka nau te chu ka mitthlaah an rawn lang nghal uar uar a.An ni chu awm se hetiang hi ka chungah an tlen tir hauhlo ang.


Thawk leh khatah min delhtu chu tu emaw hian a rawn phih sawn lawpa,rang zeta ka men chuan khapa bawk kha a ni.Ka lam alo hawi chuan thei leh theilo hian ka awm lang vek chu ka kutin ka lo hup ve tawk tawk a.



"Jason eng thil nge I rawn tih hi" chu pa in teng zeta a rawn tih chuan a hawi sawn vut.


"Eng thil nge ka tih" a thil tih hre lo ni awm tak hian a ti a.


"Kha tin min chhang reng reng suh,tu nge ka nih I theihnghilh ta em ni?" Chu pa pawh chu a lungawilo hle tih a tawngdan atang chuan a hriat ngawih ngawih.


"Ka hria,mahse ani hi chu ka pe thei lo ang che" a tih sup chuan chu pa chu za em em hian a rawn nui chhuak ta hawk hawk.


"Chu ka fapa hian nula alo buaipui ve ta em ni?" Chutia a rawn tawng chhuah avang chuan misualpa ni leh lo Jason a ni tak e phawk zet hian ka en a.


"Ilo buai ve vak a ngailo" tiin ka awmna lam chu a rawn pan a.



"Kal ang" a coat hmanga min rawn khuhin khum atang chuan min pawm kang nghal.


"Tun chauh ka ngaidam ang che,abak a awm leh a nih chuan tu nge I nih ka theihnghilh tawh ang" room kan chhuahsan tep tih chuan a pa chuan ala rawn ti hram.


"Ka thlah haw ang che" rei tawk fang car a ngawi renga kan thut hnu ah a rawn ti a.


"Eng tin nge I tih thei" ka ngaihtuahna nu bulh pawh kha tunah chuan a zia tawh a.He hmuna min tir tu pawh kha amah hi ania chuan khang thil kha a thleng dawn tih a hre lawk vek tih ka hria.


"Kha thil kha a thleng dawn tih hre reng chungin kha hmunah khan min kal tir a" min chhan a tumlo tih ka hriat avangin tap chung hian ka tih zawm leh nghal ."ka..ka hua che,kan chhungkaw neih engkim min laksak vek tawh hnu ah pawh ka..ka zahawmna..." Sawi chhunzawm theilo in ka hmai hupin a hma aia nasa chuan ka tap leh ta nghek.



"Ka hria chuan ka thlah haw ang che" ka thil sawi engah mah a ngailo tih hriat zetin motor chu ti nungin a tlan chhuak nghal.


Ka patea te inkawt kan thlen chuan engmah sawilo in car atang ka chhuka,in lam chu vung zetin ka pan nghal hlawk hlawk.



"Tluangte eng thil nge thleng" in chhung ka luh rualin patea'n alo ti vat.



"Engmah a ni lo,ka kawrah thei tui a baw palha" tia chhangin room ah ka lut tlang nghal.


Ka taksa chu nasa takin ka nawta,tuiin ka in leih vak vak bawk.Kha thil tenawm zet kha ka hriatna atang hian theihnghilh thei ila ka ti takzet.


Zanriah pawh ka chhungten min lo ei sanntawh avangin ka ei lo lawh lawh a.Zan mutna ah pawh ka nau te pahnihin thil diklo thleng a awm leh awm loh min zawh leh pawn engmah ka hrilh duh chuanglo.
........

"Pu" coach a lo thu ka hmu rual chuan hlim zetin ka pan nghal.


"Ka naute chu mut alo la duh reng a nih hi" a tih fo danin a bul ka thlen phei rualin ka hnarah min lo piai a.



"Ana pu,naute ka ni tawh lo ania" pangchang aw zeta ka tih chuan a nui hawk hawk a.


"Ka hria alawm,I nu leh pa ...."



"Pu" ka nu leh pa a rawn sawi chuan ka tah a chhuak leh mai dawnin ka hria,min duattu bulah phei chuan tah ka awlsam bawk si.


"Khawi teh" a awmah chuan min kuah bet a."tap bawrh bawrh rawh I tawrh hi a na em a,I in tah thawl loh chuan hre awm I ti mai mai zawk ang" chutia min lainatna tawngkam ka hriat leh tak avang chuan ka mittui chu alo tla leh nghal.



"Ti nge college I kal loh" 9:30am vel a ni tawh a,in ah ka nutei tih loh midang an awm tawh lo.


"Nia,hna ka zawng e ka tia" ka ti chiah mai chu awilo lutuk hian min en a.


"Tlana'n zirna chawlhsan a tuma chuvang chuan hna thawh tur ka zawnga" ka tih leh chuan a lu a rawn bu nghut nghut a.


Ka pu hi ka pa hna thawhpui a ni a.Ka pa nen khan an in pawh em em a,ka nu leh pa dam lai pawh khan kan in ah lo lengin chaw pawh alo ei ve fo thin."Ka naute" tih hlirin min koh thin avang khan keipawn ka ngaina tak zet.



"Tunah hna chu I hmu tawh em?" Rang zetin lu ka lo thing a.



"Eng lo,ka tu pa enkawltu tur ka mamawh a" a thusawi chu uluk zetin ka lo ngaithla a."Ka ti lui lo che,mah se hna dang thawh tur I hmuh mai loh chuan ka tihna ania,a nih loh pawn hna chu ka lo zawn pui.."



"Ai,a ngailo pu.Ka lo ngaihtuah ang a ka lo be leh dawn che ania" ka lo tih avang chuan lawm tih hriat tak hian min nuih a.



A zin haw lam an in pawh a thlen hmaa min rawn hmu a nih avangin rei a awm lo thung.


"Tu nge a" ka pu ka thlah in chhung ka luh leh rualin ka nutei'n a lo ti vat.


"Ka pa hnathawh pui leh thian tha tak a nih kha" a lu a bu nghut a.


"Vawiin I chhuak leh dawn em ni?" Kan room lam ka pan tawh chu ka ding leh rih.

"Aw,ti nge "


"Nga ti mah,vawiin chu ka awm a nuamlo riau a" min phut taka a rawn tih chuan ka ngei lek lek.


"Ka reilo ang,tlai Rawngbawl hma a lo let ka tum dawn nia" tiin ka kal nghal nal nal.
.......

"Ti nge hna thawh tur hi a van em em le" tiin kawng sirah chuan ka thu ta ringawt.


"He tah eng nge I tih" ti ri ka hriat chuan ka hnunglam ka hawi a,amah bawk kha a ni.Chuan eng vanga he lai hmuna kal hi nge ka nih.


"Lo lut rawh" tiin gate chu min hawn a.Kei pawn eng nge ka hriat ka hre lo hnial buailo in ka zui ve mai bawk a.


Kan in ka kal leh apiang hian nasa takin ka lunglenna te kha an rawn kir leh thin.Kan chhungkua a kan sulhnu te ka hmuh chuan ka tah an ti chhuak tun zel.


"In la" tui vawt min rawn pek chuan a hma a ka thei tuiin kha ka hre chhuak nghal zawk.


"Hlauh tur a awm lo,tui pangngai a nih kha" ka ngaihtuahna hria ni awm tak hian a rawn ti a.


"Ti nge kha mi ni khan min lo chhan a" ka ngaihtuahna a rawn lang chu ka zawt ta tawp.



"Chhan a awmlo,ka rilru ka thlak leh vang a nih kha" ti supin a tui bottle ken chu freezer ah a dah lut a.



"Pawisa kha.." kan mit leh mit a in tawn fuh em avangin ka tawng tawp nghal hmak.


"Kha thil thleng avang khan I zalen ta tihna a ni lo.I man atan pawisa tam tham tak ka pe tawh"



"Mahse"



"Nanghi ka pawisa hmanga ka lei I nih hi" ka khabe rawn dawma a tih chuan rang zetin a kut ka lo vai per nghal sawk.


"Misual tak I ni" ka thutna atang a tho a kawngka pui lam pan ka tum chuan ka kawngah min kuah in amah hnaih thei ang ber turin min kuaha.


"Ti nge,iva hman hmawh ve" ka beng kawm vel rawn nul thuak tuaka a tih sup chuan ka ten tak zet.


"Min thlah rawh" tiin tal chhuah ka tuma mahse min chelhna alo ti nghet ve sauh.


"Kal tir tur che in min duh em ni?" Atih chuan rang zetin min kal tir turin ka lo ngen vat.


"Anih chuan khang pawisa I man atana ka pek zawng zawng kha min rawn pe kir leh rawh a nih loh chuan jail ah ka thawn ang che" tiin thawk leh khatah min kuahna chu min thla thut a.


"Mihring pawh I ni lo" ka tih khum chuan a hmui ti sawi zeuhin chair ka thutna ah chuan a thu thla a.


"Pawisa chu tunah min rulh tur I neilo a nih chuan ka tan thawk rawh" zaklo ka tih em avangin ka lo then suk.


"Khang thil zozai ka chunga I tih hnu ah itan ka thawk ang maw,thil theih loh a nih chu" ka tih khum ta hrem.Thi dawn pawh ni ila atan hian ka thawk tawplo ang.


"Dik tak chuan duh thlang thei I ni lo,ka sum ba tu zawk inia"


"Engtik laiin nge ka bat,I duh anih chuan khang ho kha va dil leh la,chuan kha pawisa min pek kha chu ka chunga I thil tih man anih kha" thinrim zet chuan ka ti leh.


"A tha alawm,tunah police chu kan phone nghal a nge" a phone chu ka lo lak sak vat.


"Engvang chuan nge police chu I biak a nga"


"Police chuan nang nilo in ka thusawi zawk an awi dawn sia" a rawn tih chuan ka hlauthawng leh hnu hnawh.


"Nih leh eng nge ka tih dawn" kha daih tawh tur kha,ti ni awm hrima min melhin a khi suka keiin ka lo ner khum vak.


"Pu Sanglura"


"Ka pu maw!" Ka lo ti vat.


"Um,in in hre tha hle tih ka hria.Tunah hian a tupa a damlo meka,a enkawltu turin a sawm che tih ka hre bawk" a rawn tih leh zel phei chuan mak ka ti takzet.


"Nang hian min enthla em ni?" Ka pu nen chauha kan in biakna alo hriat avang chuan ka ti ta tawp.


"I bul ami te hi tumah ring suh" tih te a min chhanna chuan ngaihtuahna a ti kal thui duh tak zet."Chuan a tupa chu enkawl turin ka duh che" a rawn tih zawm zat.


"Eng vangin"


"A chhan chu ka tana thil hlu tak min zawn sak turin ka duh che a ni" thu tak zeta a rawn tih chuan ka chil ka lo lem nghal dawk.


"Tih sak ta che ila ka tan eng nge hlawkna awm ang,min lo man chhuak ta se ka chungah eng nge thleng ang?" Ka thusawi avang chuan za zet hian a rawn nui a.Tunah khan nuihna tur engmah ka sawi tawp silo a.


"I pawisa batna zawk ka nia,phut ila nei chau a maw" a rawn tih chuan ka thin a rim em avangin rum zet hian ka lo melh a.


"A tha e,eng nge ka tih sak ang che.Ka duh min tih hlawhtlin sak chuan chu te chu ka tihsak thei che alawm" tha deuha a rawn tih leh takah chuan ka nau te pahnih zirna senso tum turin ka lo ti nghal vat.


Ani pawn awlsam zetin ka duhdan ka sawi chu a pawm ve nghal mai bawk a.Kan in biak rem zawh hnu pawn tih leh loh mai ka duh leh rum rum thin.A chhan pawh ka pu bum dawna ka in hriat tlat vang a ni.


"Eng nge ti se min tih.Ka u fate an nih avang hian an ni enkawl chu ka tih tur a ni." In ka luh rualin ka patea te an nupa rooma an in hau thawm ka hre nghal zat.


"He tiang chuan ka peih tawhlo I chhungkua nge I u fate I thlan dawn,I rilru siam fel ang che" chutia ka nute-in ka patea a vo takah chuan an thawm a reh nghal hmak.


"Nu,pa nga ti nge in fate kalsan hi in hmanhmawh em em mai le? Retheihna ka huat zia in hria a,chu ti chung pawn in fa te tan hian retheihna chuah hnutchhiahin min kalsana,tunah chuan kan unau in tun nun leh na tur hian eng thil sual pawh lo ti ila hremna min pe thei lo ang" tiin Jason-a 'n ti tura min tih chu ti turin rilru ka siam fel ta tawp.


...........


Rei tak ka chawlh hnu a ka story min lo chhiar sak leh avangin ka lawm a.Tun atang chuan ka hriselna in that lam apan zel avangin zan tin regular taka lo dah ka tum tawh dawna mahse chu mi tur chuan in mi tawngtai puina kha ka la mamawh reng dawn a nia☺️☺️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:54 pm

Chapter 3



Zanriah kan ei lai pawn nutei hmelah chuan thil danglam hmuh tur a awmlo.Tlaia patea nen an in biakna kha hrelo phei ilang chuan min lo ning tawh hle tih hi ka hre hauhlo ang.



"E,Pa Sanglur lo leng rawh" ka thleng sil laiin patea chuan a ti ri ka hria a.Ka thlengsil ka hman hmawh sawt.Achhan pawh kha a fapa enkawl hna a sawi kha zawh chian ka duh vang a ni.



"E,pu I lo lenga" a piah thutna awlah chuan zam zetin ka va thu ve nghal.


"Anih hi,he lama awm tawh hi chuan ngaiah ka neia I patea te in mah nise ka rawn leng ta tho a nih hi" a tih chuan ka patea'n in thlahrun a ngaih loh thu a lo sawi ve vat.Ka pu hi Aizawl-ah awmlo in Lunglei lamah sawn a awm tam zawka,mahse ka pa nen hna an thawh dun thin avang khan kan inah pawh alo leng fo thin a ni.



Ka patea nen chuan hna thil vel eng eng emaw an sawi a,an bulah nutei nen kan lo thu ve renga.Midang chu room ah an lut tawh thung.


"Pu hmani a I fapa chungchang I sawi kha I ti tak tak em?" Ka nutei thingpui lum tura a kal hlan chuan ka ti a.



"Aw,ti nge hna chu I duh ta em ni?" Phur tih hriat zeta min chhan chuan ka patea pawn eng chungchang nge kan sawi min lo zawt vat.



"Eng ni lo e,ka tupa hi a damlo a chumi enkawl tur chuan Tluangtei hi ka lo sawm a" ka pu tawnglai chuan nutei pawh thingpui chawiin kan bul alo thleng ve chiah.



"Bawihte chungte chu I thei dawn em ni?" Min ngaihtuah zeta ka patea'n min zawh chuan ka lu ka lo buk khum nghut a.Dik tak chuan tun atang hian ka thil tum avangin ka pu chungah hian ka in thiam loh nghal.



"Chutia nang berin I hrehlo a,I thawk duh anih chuan I duh hun hunah hna tan turin ilo kal dawn ania" tia ka pu in a tih takah chuan ka lawm takzet.
.............

"Kha Sumo ticket" a thutna bula tickets ka theh thlak chuan mak ti zet hian min en a."Naktuk tlailam chhuak tur ania, Shillong ah Dini nen hostel ah in awm dawn" tah chhuak in sum zet chuan ka ti thei hram.



Jason khan min tiama an zirna ah tlakchham an neih loh tur thu leh a tha ber ber an dawn tur thu.An nih tum te tha taka an nih theih nan tunah hreawm kan lo tuar a ngai ta anih pawhin kan tuar mai tur a ni.Keipawh ka nau te Shillong lama an kal hnu ah ka hna thawhna tur hmun lamah ka awm chilh nghal ang.


"Bank atang pawisa I la chhuak em ni" lungawilo zetin a rawn ti nghal khur khur.


"Chu chu eng atan nge I tih"


"Ka duhlo, school ka kal zawm dawnlo,pawisa chu kawl tha rawh chuan min ngaihtuahlo in tha deuhin I zirlai kha zir zawk rawh" mipa rilru nghet tih takah a thuthlukna ah a ding nghet takzet.


"Laltlansang"


"Ka duhlo ka tih kha" kei aia ring mahin a rawn ti ve nghal " mipa ka nih hi eng hna pawh thawk ila taima leh rinawm taka ka thawh chuan ka zahawmna ka hlauhlo ang mahse nang leh Dini chu hmeichhia in nihna ang in lehkha in thiam loha hna tha tak in neilo a nih chuan miten an la hmusit mai ang che u" hepa tak hi chu aw,ka pa fapa a nih na hi a chiang bik thin.Tuna a thu sawi te hi ka pa thu min hrilh thin ang vek kha a ni a sawi.


"Ka hria,mahse hei chu bank atanga ka lak chhuah a ni lo chuvang chuan min hniallo in I zirna chu chhunzawm ang che.Eng kim tih fel sa vek a ni tawh" pawm se,hrethiam se ka duh em avangin a kutah chuan ka chelh a.


"Maw,bank a mi a nih loh chuan.."



"Ni e,I u hian hna ka thawk dawn.Ka pu khan a tupa damlo enkawl turin min chhawr dawna,a hna a hautak em avangin hlawh pawh a tha a, advance in hlawh min pe a" tia chhuanlam ka siam chu awi se ka ti tak zet.


"A tha alawm,mahse fees te hi eng tin nge I tih ang.Admission fees chauh hi a ni dawn lo ania" ka aia a thluak that zia bawk ani ka hriat leh tak.


"Kha chu ngaihtuah suh,I u hian ka lo chingfel vek mai ang" chhuanlam siam tur mai ka hriat tawh loh avangin ka ti ta ringawt.

...............

Gate pawnlama dingin ka hma a in chu ka thlir a,an kawtzawl zau zeta pangpar leh thing to te chuan ka nu min hriatchhuah tira ka lung a chhe lek lek.


Ka nu pawh khan kan compound zim te ah khan pangpar a ching khat ve vek zel a nih kha.'heng pangpar ka hmuh chang hian I pa nena kan in hauhna ka theihnghilh phah thin' tiin ka pa in a pangpar a sawisel sak chang khan a lo fiam let ziaha ka pa pawn tih ngaihna vak a hre ngailo kha ania.



"Kha nula,mi gate hma ah an ding reng ngailo" guard pakhatin a rawn tih chuan ka ngaihtuahna atang ka harh zawk.


"A englo..."


"Rukru chu I ni em lo maw" ka tawng lai rawn ti tawpa chutia min ti tu chu rum zet hian ka melh a.


"Rukru pawh ka ni bawklo" vin zeta ka tih thut chuan a phu ve zawk.


"Chu tih ahnu I kalna turah chuan kal vat la ti nia,kha tia I din reng te chuan rukru amaw tih I awl alawm le" ala rawn ti hram,ka hmel leh incheina atang pawn rukru ka nih loh zia chu a hmu thiam ve lo em ni?


"Ka kal dawn vang alawm hetah ka awm" tiin amah kal pel chuan chu in lian zet chu ka pan ding nghal.


"Nula puih theihna che ka nei em?" Door bell hmeta rei vaklo ka nghah hnu ah nu pakhat nelawm zet hian kawng min rawn hawn a.


"He ta hna thawk thar tur kha ka nia" ka lo tih chuan min nuih var varin in chhunga lut tur chuan min sawm a.


"Pu Sanga khan ilo kal tur thu min hrilha,chuan khawnge I bungrua te,vawiin atang ilo awm nghal dawn khan ka hre sia" tuiin tur min pek chu ka lo ban vat.


"Nia,in awmna hi ka la chian vak loh avangin tlai lama bungraw lak leh ka lo ti deuh a" ka tum dan ka sawi chuan a lo nui leh a.mi fel tak a nih hmela kei pawn ka ngaina nghal der.


"Um,Nu Madik tiin min ko mai la chuan engtin nge ka koh ve ang che?"


"Tluangte tiin min ko mai rawh" zangvahin ka lo ti a.Niminah ka nau te nen hmun hla taka awm turin kan in thlah zo chauha,ka lungleng nasa lutuk tur pawh nu Madiki bulah hi chuan a zia ngei ang.


"Ka khawngaih takzet a ni" in hnunglama thu tukverh atanga ka lo thlir reng lai chuan nu Madiki'n a rawn ti sup a.



"Engtia rei nge hetianga a awm tawh.Tlangval la thalai tak tan chuan thawk leh khata ke han hmang theih tawh loh thut chu a hreawm ngawt ang" kan harsatna tawh chu in ang chiahlo mah se a tawrh dan tur chu ka hriatthiam pui in ka hria.



"Ala reilo hmani deuh lawk khan car accident a tawka"


"Maw!"


"A nupui hual nen an nia,atuk mai kha an in neih ni a ni nghe nghe asin" nu Madiki'n lainat taka chu pa a en chuan keipawn khawngaih zetin ka lo thlir ve reng.



"Anih a nupui hual chu khawnge tunah a awm?"


"Pathian remruat pawh hi a chang chuan a fair lo deuh thin a ni.Rosyna-i chu a hmunah khan a boral nghala" amit atanga a mittui lo luang chhuak chu hru in thawk ala nghal vak a.



"An pahniha an hlim dun thin lutuk kha hmuh an nuam thin asin aw"thil hlui a hre chhuak tih hriat zetin a rawn nui leh suka.


"Khawi keiman" nu Madiki kal chhuak tur chu lo dangin damdawi leh tui awmna tray chu chawiin pawnah chuan ka chhuak a.


"David I damdawi en a huna" Nu Madiki sawi danin kum 25 vel a ni a,koh dan tur mai ka hriat loh avangin nu Madiki koh dan chuan ka ko ve ta tawp.


Ka bia tih pawh hrelo hian kan hmalama lo lang tlang chhumin abawh pawt chiai chu ngawirengin a thlira,a sam leh a hmai hmul velte chu a met ngailo tih hriat zet hian a hmel chu a bawrchhawr em em a.Keipawh ka nu leh pa ka chan tirh kha chuan ka nun dan ka hlauh vek kha a nia,ani pawh hi a hmangaih a channa in ala nghawng hle a ni ngei ang.



"Min hrethiam...."


"Ka ei dawnlo" ka lam pawh rawn hawi miahlo hian a rawn ti thum dut a.


"Mahse.."


"Kal rawh,tumah ka hmu peihlo che u" ka tray ken rawn vai pawpa a rawn tih tuar chuan ka lo in ringlo bawk nen ka te thawt a.


"Tluangte, David eng nge thleng" nu Madiki pawh kan thawm hria in kan bul alo thleng vat. "Khai aw" ka thil ken leia tla chu rang zetin a rawn chhar nghal zung zung.


"Tluangte I tha em?" Ka lu ka lo bu zeuh.Engvanga kha tia min ti ringawt nge mawh a nih le,a ei duh loh chuan tha deuh te khan sawi ve mai tur ania.


"In chhungah luh ka duh" pakhat lah chuan alo ti hmuk.


Tray vel chu choka lamah ka keng luta nu Madiki chuan Davida chu a room lamah a hruai thung.A chanchin ka hriat khan ka lo khawngaih ve hman em em a.Mahse tihsual engmah ka neih loh laia kha ti vaka min vin avang khan ka khawngaihna te pawh kha an reh nghal vekin ka hria.


Nileng chuan tih tur vak ka neilo,ka damlo enkawl tur berin enkawl a duh silo a.Nu Madiki pawn tih ngaihna vak a hre biklo,eng thil mah a ei duhlo a.Nilengin a room ah a in khung tawp a,keipawh nilengin coach ah ka thu nileng hi a ni ringawt.
..............


"I ni hman ava fuh awmlo ve" ngawi renga kan tlan hnu ah Jason chuan a rawn ti hmasa a.


"Sawilo teh saw wheel chair putara saw ka ngei lutuk" ka lo tih nghal chiam avang chuan a rawn nui chhuak hawk.


"Chu kan Davida chu I chungah alo fel vak na nge"


"Fello tih tur pawn vawiin chu kan awmdun lo hrim hrim mahse zinglama min vin ve rik ngawt avang kha chuan ka haw sau bawrh bawrh" ka lungawi lohna te chu zep awmlo in ka sawi pawp pawpa a ni pawn ngawirengin alo ngaithla ve mai a.



He tianga abula awm tur hi ka ni em chu ka hrelo mah se tunah chuan ka thuruk engkim hre tu a ni a.A bulah lo hi chuan hahdam deuhin ka awm thei rih tlatlo a ni.A tir kha chuan a hmel nelawmloh lutuk avang leh ka chunga a chet dan vel avang khan ka haw ngawih ngawih a mahse tunah chuan a bula ka awm tam deuh vang nge ka rin ang em em khan alo sual vaklo.


"I tih tur kha hre reng la Davida'n a rin theihna tur che a nih dawn phawt chuan eng thil pawh ti mai ang che" car a din tir chuan a rawn ti leh sup.


Tlaiah ka patea te in ah ka thawmhnaw la turin min hruaia chuan ka awmna tur thleng min thlah let leh a ni.Ka lu ka buk khum zeuh chuan car lock a hawnga keipawh ka chhuk nghal mai.


"A tha alawm kan wheel chair putara chu in han tlawn dawn tak tak ila" tia in fuih phur chawpin ka suitcase hnuk zelin ka hmalam in pan chuan ka kal a.


"Aw,Tluangte ilo leta" a hmel atang chuan thil diklo thleng a awm tih ka hriat avang chuan lu bu zeuhin eng nge thleng ka zawt let vat.



"Davida kha ana a zual thuta tunah Doctor in a en mek a ni" rilru hah hmel zeta tiin kan Wheel chair putara room lam chu a pana kei pawn ka zui nghal vat.



"Tunah chuan muthilna in ka jection a,alo harh leh chuan a zia mai ang" doctor in a rawn tih chuan ka dinna hmunah ka lo thaw ve huai.


"Mahse a damdawi hi a ei ngailo em ni?" Doctor in a rawn tih leh chuan pa pakhat hian "eng nge awmzia" alo ti vat.


"Tuna ana a rawn chhuah leh dan en hi chuan kan damdawi chawh te kha pakhatmah a ei lo tih a hriat theih a ni" Doctor in alo tih chuan tukin chauhlo pawh kha damdawi alo ei lo thin tih ka hrethiam nghal.


"Heihi eng nge a awmzia,ka fapa enkawl turin a ni lawmni hetah in awm" rum zeta rawn tiin kei leh Nu Madiki chu min melh run a.


"Ka tihpalh a ni,amah khan a ti lui tlat zela" tia nu Madiki'n thil awmdan a sawi dawn chuan a ban phar vutin nu Madiki tawng chu alo ti tawp a.



"Ka fapa enkawl tura heta awm in nihna anga in hna in hlen thei dawnlo a nih chuan tunah bang nghal rawh u" engkim mai chu fiah leh khauh zet hian a rawn ti charh charh a.


Tunah heta hna thawk turin ka awm ve tan dawn chauha chuan bang turin min ti leh nghal ania,nun hi chu ava han hahthlak thin tak.


"Kan tihpalh a ni ka pu,tun hnu ah a thleng leh tawhlo ang" tia nu Madiki'n a ngen tak avangin min ban ta em lo a.


"Tun hnu ah in hna in hlenlo anga ka hre leh anih chuan in bungrua zawng zawng nen ka thehchhuak nghal ang che u" tia min vauin Doctor nen chuan an in zui chhuak a.An chhuak chiah chu nasa zetin thawk ka la nghal kawk kawk,a pa alo chhun em vang a nih kha kan wheel chair putara pawh alo thinchhiat em em.


"Lo kal rawh Tluangte I room turah ka hruai ang che"nu Madiki'n a tih avangin keini pawh chu room atang chuan kan chhuak ve nghal.


Thil ri thum dut ka hriat avangin ka khum a ka mu chu ka thu chhuak nghal zawk,ka awmna ka sawn thut hian mut ka harsat thin avangin tunah pawh 2:00am ri tawh mahse ka la harh tha khawp mai.



Ka room pawn lamah chuan thawm dim zetin ka chhuak them them a,ka room hi wheel chair putara room piah chiaha awm a nih avangin thawm lo chhuahna kha wheel chair putara room a ni tih ka hre nghal thei.


A kawngkharah chuan beng dawhin thawm a awm leh em tih hriat tumin ka ngaithla leh riha,reilo te ah mipa rum ri hrawk hrawk thawm ka hriat avangin rang zetin room chhungah chuan ka tlan lut vat.


Light ka awn ruala ka thil hmuh chu ka va duhlo ber kher tak.Chhuatah kan wheel chair putara chu na a nei tih hriat zet hian alo mu a,a mit te lah chu ala sen rum zui.


Rang zetin ka pan hnaia khuma mut tir leh tum chuan ka tha tawpin ka dawm kang bawk.Hetiang em em hian mihring hi alo rih theih tih tuna ka thil tih atang khan ka hre ve chiah.Ana a chhuak leh anih ringin tlai lama Doctor in nachhawkna a tih chu ka pe risk ve ta tawp a.


Ka kutah a chelh tlat avangin ka kal sawn mai theilo,a na ti lutuk a taksa in san mar changa ka kut te takte a rawn hmer leh vak thin te chu na ti hle mahila ka lo tawng ngam bawk silo.A chang leh rum zet hian min rawn melh leh thin bawk sia,ka lo va pui kher kher kha ka in chhir lek lek a ni.


Ka mit ka men leh meuh chuan khua alo eng uar tawh.Ka room nilo a ka riak ta ringawt chu ka awm a nuam chiahlo.Ka kut lah chu alo la chelh renga,mahse a mu nghet ve deuh tawh nge tun tum chu awlsam zetin ka kut a chelhna chu ka thlah tir thei tawh.


Ka ding thut chu ka ke ka lo delh mu bawksi nen ka thlu leh mai dawna chumi ven na tur tiin ka bul drawer chu ka nek nghal rawk rawka mahse thil pawi ka thlen tir leh ta.


"Eng thil nge I tih" ka thlalak frame nek tlak ka chhar dawn chuan a rawn ti thuta ka phu leh chiam bawk nen ka kut chu darthlalang keh themin a at thip zawk.


"Ei a" rang zetin ka kut ka fawp nghal hmiah.


"Eng thil nge I tih hi" chhuata thlalak frame keh a hmuh rualin a rawn au leh chiam.


"Ka..ka tihpalh ka tlu tep a..."


"Chhuak rawh ka hmuh phakah vawikhatmah rawn kal tawh suh" thinrim zeta tiin nelawm loh zet hian min melh run a.


"Ka tihluih pawh a nilo,a reng rengah hengte chu kan siam tha leh thei reng alawm" tullo a min hauh chiam avangin ka lo ti leta mahse a hmel chu a hma aiin a hlauhawm tawh zawk.



A hmaia hmul to te leh tuna a mit meng awmdan chu maw Zawng lalpa thinrim tak hi a ang ber.Ka hlau leh deuh si chuan chil ka lem dawka.


"Nang hmeichhia thih I duh lo anih chuan I ka kha veng fimkhur ang che" min thah mai duh hmel pu chunga alo tih chuan mangang zetin room atang chuan ka tlan chhuak nghal.


"Thawm ka hria a,lo kal ka tum chiah asin" thut khawmna room ah nu Madiki nen chuan kan in tawk hlawl.


"Kha I kut a thi a nih kha eng nge thlenga" ka hnunglam thlek zeuhin a ti leh a.


"Nia,thlalak frame ka ti keh palha" ka tih chuan lu thing mat matin choka lamah min hruai pheiin damdawite min hnawih sak a.


"Ana viau em ni" ka mittui a lo tlak leh thin avang chuan zaidam zet hian min rawn zawt a.


"Ai,ka..ka nu ka ngai em a ni" ka nu pawh kha awm se tuna nu Madiki tih ang tho hian a ti ve ngei ang.


"Pu Sanga khan a sawia pawi ka tihpui khawp mai che" ka dara rawn beng dat data a tih phei chuan ka tap chhuak mai dawnin ka hria.



Ka kut damdawite kan hnawih zawh chuan Wheel chair putara room ah chuan ka va lut leh ngat.Chutia min hmu leh chu lawmlo tih hriat fe hian min lo melh nghal run a.



"Ka sawi kha I hrelo em ni,chhuak nghal rawh" alam pana ka kal avangin a vin nghal hlur bawk.



"Chuti viaua I ui chuan vawiin ah ka lo siam tir ang" chhuata thlalak frame tla keh chhar tur chuan a bulah ka thu thla ve nghal.



"I kut hmawr pawn tawk suh ang che" a aw ri chu a ring hranlo mahse hlauhawm tak a ni.



"En teh.....Âaa" ka sama a kek na chu ana takzet.



"Ka sawi tawh a ni lawm ni,thih I duh loh chuan ka hmuh phakah rawn in lan tawh suh" ka mit taka min melh rana a rawn tih khur khur chuan chil ka lem nghal dawk.



"Mi..min thlah rawh" nui suk hian min en a chumi pahin ka samna kehna chu a tina zual sauh bawk.



"Tun,tunah la la hian ka in hi chhuahsan nghal ang che" ti hrawkin ka sam chu a thlah ve ta hram.



"Ka theilo" ka lo tih let sup chuan min melhno lo teh e. "He ta ka awm hian hlawh tamtak ka neia chuvang chuan he in ah hian ka awm dawn" ka tih leh chuan min thah chak et et mit menga min melhin ka lamah a rawn tawlh hnai hruta kei hnunglamah ka lo tawlh hnung nghal rawk rawk thung.



"I theih a thu" ngeiawm leh chapo hmel zeta rawn ti supin Bathroom lamah a in khalh phei a.Keiin thlalak frame bawk chu ka buaipui leh nghal.



"Nangmah vang hian hauh ka va tuar nasa tak" thlalaka hmeichhe hmeltha leh nui mawi em em chu ka be mawlha mawlha driver pawh chuan mak ti zetin min rawn melh leh thin.



A frame ka siam tir zawh veleh haw leh nghal mai ka tum laiin Jason-a ka pa dawr thina ka va hmuh avang chuan chu lam chu ka pan ta zawk.


"Eng thil nge in tih hi" ka pa dawr thin kha tunah chuan midang daih dawr ang maiin a chhung chu an lo ti danglam a tunah chuan hardware dawr nilo in Furniture dawr a ni tawh thung bawk.



"He tah eng nge I rawn tih engvanga I hna kalsan nge I nih" ka zawhna pawh chhanglo in min hmuh rual rualin a rawn ti nghal zung zung.



"Chu chu ka zawh tur zawk che a ni.Engvangin nge ka pa dawr hi" rilru na zetin dawr chhung chu ka en Kuala.



"I pa dawr a ni tawhlo" ti zawnga min chhanna chuan ka na tihdam aiin a ti na zual zawk a ni.



"Jason hetiang chuan ti suh" kei ai a upa daih tih ka hria mahse zah taka han ko vel turin ka chapo na hian a thei thlawtlo.


"Ka dawr ania ka duh duh danin ka ti thei" nimin khan a fel ka ti ve chauha tunah chuan ahma ang tho a misual a nih zia ka hre thar leh uai uai hi a ni ber.



"Pa" ti hapin ka tih ngaihna hre lo lutuk chuan dawr chhung chu melh kual ngawt ngawt.



"Lo kal rawh ka va thlah ang che" rawn ti tu chu rum zetin ka melha mahse a ni chuan eng ah vak a ngaih hmel loh.



"Thlawk bo rawh" tih khum chiamin ka kal nghal nal nal.

...........
Nitin ka hun hman dan chu maw meidila tlak nen danglamna a awmlo.Kan wheel chair putara hian min hnawhbo a tum na lamah ka thi lo chauh tawh.


Chu chu ti rawh,kha kha ti rawh a ti reng zela,ka pu khan in chhung hna ka khawih a ngaih loh tur thu sawi ve mahse he pa ker kur vang hian ka ti hnem ta khawp mai.



"Awi Tluangte lo dah rawh ka lo ti ang" Nu Madiki chuan chhuat ka nawt tur chu min lo danga.



"A pawilo I tih tur va ti zawk rawh ka ti thei alawm" ti mah ila ka chau tawh bawk sia ka peihlo tak zet.Vawiin atan chhuat ka vawithum nawhna tur chiah a ni bawk.



"Eng thil nge a tih a" ka tap chhuak mai dawnin ka hria.



"Nu Madik saw pa saw mihring pawh a ni lo Ramhuai a nih sawh,chhuat ka tih vai sa vekah khan Rawng a ti baw lui a nih chu" tap lek leka ka tih chuan a chek tlak tlak a.



"Amah mah deuh chu a ni,pu Sanga kan hrilh mai dawn em niang,nurse pawh kha hetia a tih vang hi ania a ban mahse,nang chu ka rin ai I dawhthei daih" a tih phei chuan ka tap tak ngial dawn in ka hria.



"Ai,a ngailo ka pu va tih buai a ngailo,a chungah eng nge ka tih dawn hi lo en rawh se" tin in seh ruhin kan Wheel chair putara room chu ka pan leh ngat.



Thing atanga siam a room bathlara chair kha rawng min hnawih tira a duh khir bawk si tlai khaw thim thet thetah ka zo ve thei hramah chutah ka rawng hman kha a wheel chair hmangin a rawn su bawh kher a nih chu,hlawh chu hmu lo ila chuan ka chhu thlu tawp tawh ngei ang.



"Kha mi I tih fai zawh khan ka zanriah tur room ah min rawn pe dawn ania" khuma mu ar ar chunga ti tu chu rum zetin ka va melha.



"Hlawh I hmu tam viau a ni lawm ni" chu tia ka melh reng lai chuan chimawm zeta min rawn melh zeuh hian a rawn ti leh khera,engvanga he lai hmuna la awm reng hi nge maw ka nih le.



Chhuat chu thinrim zet hian ka hru tawk tawka ka nawh nat em vang nge a fai tha duh ang phiana,ka rin dan kha chuan rawng a ni bawk sia a fai mai theih kha ka ringlo a nia.



"Eng nge I tih" Chawhmeha hmarcha ka phul mawlh mawlh laia nu Madiki'n a rawn tih thut chuan ka lo nuih tlawn ringawt.



"Kha tiang chu a chi loh ang thil pawi zawk a thleng a nge aw" hlauthawng zeta a tih chuan ka rilru in 'pawi chei lo' ka lo ti hmanhmawh mahse engmah ka sawi ta lem lo.


.........


Ads click leh comments kha min hnutchhiah theih chuan ka lawm ngawt ang

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:55 pm

Chapter 4



"Lungngai suh ka tel tam vaklo,thil pawi engmah a thlenglo ang" ka tih tlat avang chuan lung si lo deuhin min kal tir a,kan wheel chair putara hian hmarcha a ei theih loh avang hian thil thak lam ang chi reng reng a ei tur atan kan pe ngailo.



Mahse vawiin chu a phu tawk ti tawh mai ang,ka chunga a sual man hi ka pek let ve loh chuan ka hming hi Lalnuntluangi a ni nang.




"Eng nge ila tih reng" a thil ei dawna ka lo la awm ve reng avang chuan a rawn ti hluk.



"Hlawh te ka la hnem sia,chuvang chuan ka hna tha takin thawh ka duh alawm,ti khan ei rawh ka lo vil ang che" sawi tur a hre lo nge rum nghutin a chaw lam chu a melh ta daiha.



Mahse ava han reilo tak em,hmai ling vawt vawtin thinrim zet hian min rawn en a.Kei lah chuan engmah hrelo angin ka lo nuih var var.



"Ka that khawp ang che"



"Nga ti nge a tui vak na nge?" ka lo tih leh lek phei chuan min thah tak tak duh hmel a pu tawh.



Tiang reng renga hun hmang chuan thla 3 vel lai chu hun kan hmang duna,nitina hun hmang dun thinah chuan in ngaihlo ber ka va ni Chiang tak.Ka chunga a sual pauh leh ka lulul ting mai bawk sia nu Madiki pawn tih ngaihna vak pawh min hre lo,min en liam tawp hi a ni ber.

...........



JASON Pov


"Tluangtei a ni in ka hria" Alex-an a tih chuan ka hawi chhuak ve vat.


Traffic jam ah kan tan avangin kawng chhak lam pheikhawk dawr chhunga hmeichhe awm chu ka hmu nghal.


"I chhuk dawn em ni?" Kawngkhar ka hawng hman tawh mahse motor chu alo che hman hrut.Engvanga he nu hi ngaihtuah em em nge ka nih pawh ka in hre lo.Mahse amah ka hmuh tawh chuan ngawi renga kal liam san mai hi ka theilo thin.


"Rem chang laiah min lo nghak dawn ania" tiin rang zetin motor atang chuan ka chhuak a.


"Tha te tea ka sawi lai hian min pe dawn nge ka chhusak hun che u in nghak dawn" a hmaa hmeichhe pahnih te en chung chuan a ti kha kha a.


"Lalnuntluang chapo viau lo mai teh,fahrah te te si" naupangtei che thut chu ka rinloh lam daih anih avangin ka lo in ring hman lo.


Rang zetin a kawngah ka va mana,a in hnial puinu samah lah chuan ala chelh nghet em em zui "zawngi" tiin a kut phelhsak ka tum pawn alo vuan tha leh zel a.


Mi dangin min lo puih takah chuan kan pawt hrang thei hlauh naupangtei chu him pial mahse a sawisak nu ber chu a pawr phang mai.Ka hmel a hmu thut chu mak a ti deuh nge a rawn meng zau deuh kawk a.


"Eng thil nge thleng" a biang tawn tawna dawm sak chunga ka zawh chuan tun maia a hmeichhe in sual pui nu chu ava melh leh zawk a.


"Saw pheikhawk saw aleina tur I neilo tiin ka laksa kha min chhuhsak a" thinrim zeta a rawn tih chuan ka khi suk.Pheikhawk vang mai maia in sual rual pawh a nih tawh loh nen.


"Nui suh,nuihna tur pakhat mah a awmlo" a rawn tih leh hmuk chuan ka nuih a za zual sauh mahse a mi min melhna avang erawh chuan ka in sum ta ngar ngar.Kan lo in hrawn rei ve tawh bawk nen tunah chuan min ngam tawh sawk sawk khawp mai.


"Khawnge pheikhawk chu" ka ti takah chuan nichina a in sual puinu lo zawk ken sneaker var chu rang zet hian a kawk a.


Chu sneaker chu hmani lawka Phone a a en kha a ni tih ka hre nghal,a awh em avang khan a thlalak pawh kha a download hial a nih kha.


"Hei chauh hi em ni awm" dawr neitu ka zawh chuan " aw,Mizoram-ah kan chah lut tlem khawp mai.Keini pawn pahnih chauh kan changa millenium lamah leh Solomon's cave lamah an la nei mai thei mahse ka chianglo". tiin min lo chhang ve vat.


"Hmun dang ami ka duhlo saw kher saw ka duh" naupangtei lah chuan alo ti nghal bur mai bawk sia hahthlak tak a ni.


Hmeichhe pahnihte erawh kha chuan engmah an rawn sawi ve tawh lo." Nula I thawl hret tho a,an ni hi I kian thei mai lo em ni?" Dawra thawk ve pakhat in inthlahrung zeta naupangtei a rawn biak chuan ka bula dik chu ka melh nghal kawk.A bun tawk loh pui chu lei luih tal alo tum a maw.


"Ka duhlo,keiman ka la hmasa a midang ken ka tumlo " ti hmukin alo chhanga dawra thawkte pawn tih ngaihna vak an hre lo nge an thaw leh hawk thin.


"Kal ang" kal mai ka tuma ani chu luhlul zetin a dinna ngaiah ala ding ngur "min rawn zui rawh" tia ka kaih luih takah chuan tang tung hian min rawn zui a.


"Eng nge I hriata,mahni bun tawk loh pui lei tuma buaina I siam" car chhunga kan thut luh rualin ka tih khum nghek."Lalnuntluang" ka zawhna min chhan tumlo zeta a thut ngawih reng avangin ka ti leh thawt a.


"Ti nge kha pheikhawk lei kha sual a ni em ni" zawi tak mahse khauh zet hian a rawn ti ve ta a.


"Sual ka tilo mahse I bun tawk loh pui..."


"Ka hria,ka hria mahse anni lei ai kha chuan ka bun tawklo pheikhawk sang sawm pawh awm se ka lei zel duh alawm" rilru na zeta a rawn tih chuan ka thaw chhuak hawk.


"Ka thlah ang che,hna I chawlhni pawh a ni silo a ti nge tun ang hunah I len chhuah" sawi sawi mahila awmzia awma ka hriat loh avangin ka ti ta zawk a.


"Kha wheel chair putara in ah khan ka kal duh tawhlo" rawn ti leh hmukin a kuangkuah than a.


"Nga ti nge in in hau leh tawh em ni?" Rei an cheng dun ve tawh mah se David-a hi a mil thei thlawtlo.'Wheel chair putara' ti hian a ko mai zela,tawngkam bungrua a nei maksak thei lutuk hi ka nui a ti za thin.


"Um,kha abialnu Rosyna-i thil pek pakhat ka tih chhiat saka a chuan.."


"Duhtawk rawh"


"Ai,lo hmangaih viau pawh chu nise kha hmeichhe thi tawh avanga..."


"Atawk ka tih chu"
........


TLUANGTEI Pov


Car banga min nam bet dawttu chu thaw dep depin ka en a.Ti nge hetianga a rawn awm thut,amah zawk a nia wheel chair putara nena kan in hauh chhan min zawttu mahse ti nge hetianga ka chungah a thinrim rik ngawt.


"Ana ania min thlah rawh" ka dar a vawnna chu phelh tir ka tum a.


"Chhuk rawh" min thlain a thu tha nghal vut.


"Maw"


"Chhuk la,I hna chauh tun hnu ah chuan ngaihtuah tawh ang che" khauh zeta a rawn tih leh khur khur takah chuan lungawilo zetin car atang chuan ka chhuaka,kawngka pawh ka theih anga na in ka khar pawp.


Wheel chair putara nen khan danglamna pakhat mah an neilo.An duh duh hunah min an khumin an duh duhna ah min kai phar bawka ka hne takzet.Ka pheikhawk lei tur lah kha ka lei loh phaha.Hui! Vawiin chu ka vanneihna ni a ni lo a nih dawn hi.


"Iva ti tau rei ve" in ka luh rualin nu Madiki'n min lo fiam nghal hluk a.


"Khaw nge a awm" inchhung melh kual pahin ka ti nghal.Vawiin zingah damdawi pe in a room ah ka kala, bathroom lama alo awm avang khan a thil tar mawi vel ka en kual e ka tia mahse snowball ka tih keh sak palha,a bialnu pek a nih vang kha nge min hau hrep a.



Min hau satliah kha chu nise ka tuar thei a,a chhan pawh nidangah min lo hauh fo thin vang a ni.Mahse vawiin kha chu ka chhungte nen lama a hmer tel avang khan ka dawhtheihna in a tlin ta nganglo a ka chhuak tau kha ania.




"Room-ah vawiin chu alo chhuaklo hrim hrim" a thil hruk fai lai hruk mawlh mawlh pahin kan wheel chair putara room lam chu a melh a.



"Dam dawi ala eilo em ni?"




"Ei lo,nang angin ka ti lui ngam ve bawk silo a" tia min chhan chuan choka lam ka pan nghal.




"Kha tiang thil pek pakhat lek chhiat vang khan ni lengin I ti tau dawn tih min hrilh miah suh" a room kawngkhar alo lock tlat avang chuan pawn lam atang ka au nghal lang lang a.Mahse min chhang chuanglo,mipa puitling ve uai tawh si titau rual pawh ani tawh tawp silo.




"Lalmuanawm ila dam em?"





"Thlawk bo rawh" deuh hluk thin hian a.A la thinrim reng a ni ngei ang.





"Thla leh pawisa chu nei ila ka thlawh bo san daih tawh ang che" ka tih pawn thawm a rawn nei zui duh tawh lo.A thu a duh zia leh a tih tawh loh lamah chuan a lulul tih ka hriat avangin a room kawngka bul atang chuan ka kalsan ta zawk a.





"Eng nge I tih a, Davida'n engmah ala ei ve silo a" nu Madiki chuan ka chawhmeh paih ho ui hmel zeta rawn en hian a ti a.





"Amah berin a ei peihlo aniang chu rawn chhuah pawh a rawn chhuah loh hi" ring leng lawnga ka tih takah chuan ka tum a hre ve chauh a ni ngei ang a nui thaw a.





Saw kan wheel chair putara sawn riltam a tuar theilo tih chu kan pahnih bak baka hre Chiang kan awmlo.Zing chaw bak ala ei lo tih ka hria a,tunah pawh sawn a chapo em avang chauha rawn chhuaklo a ni tih ka hria.






Chawhmeh hi ka ui lo bik pawh a ni lo,atam zawk phei chu tlaia nu Madiki siam thar vek an nia mahse,kan tar Hausa hian heng te mai mai leina tur a nei tam mah mah tih ka hre reng.Chubakah a vai vaia paih pawh ka tum chuanglo.





"Khawimaw Bawngsa roast te kha I siam chhan berin a rawn ei duh chuanglo,pu Khuma te ka va pe vek dawn,zingah a tui tawh dawn tak taklo" ka tih leh hlak hlak lai chuan kawngka ri rak thawm kan hre nghal.





Bawngsa roast hi chu a duh ve hlarh hlarh bawka,midang pek sawi meuh chuan a tang rei thei ta nganglo a niang nge😂 a rawn chhuah pawh chu hre lo der hmiahin thirbel chawiin kawngka pui lam ka pan a.





Pu Khuma hi home guard a ni a,an pafa in garage building chungah an khawsa ve a ni,mahse kan in luh pawh zen zen lo.A fapa phei chu ka la hmu lo hrim hrim,nu Madiki sawi atanga a awm ve tih ka hria a a ni mai.





"Ding rawh" kawngka ka thleng tawh tih chuan a rawn ti hluk.





"Aw! Ilo chhuak peiha hei thenawm te chawhmeh ka va sem dawn e ka tia" chimawm zeta tiin ka nuih a.





"Ka phalna la lo in eng thilmah ka in chhung atang in la chhuak tur a ni lo" a thuneihna hre zeta titu chu rum zet hian ka melh a.





"Tunah ka chaw ei tur va siam rawh" ka melhna engah mah a ngailo tih hriat zetin a rawn ti leh,a ni pawh choka lamah a in khalh phei nghal.





In hi a chhawng ni mahse inchung lam chu kan hmanglo tawpa,in hnuai chu he kan wheel chair putara awlsam zawka a chet theihna turin engkim siam rem vek a ni thung.Pawnah a chhuah dawn tih lohah chuan a hrana han nawr kual em em a ngailo bawk.

......



"Pawnah lo chhuak teh" Jason massage chu ka chhiara mahse pawna chhuah chu ka tum chuanglo.A phone call rawn thleng chawp chilh nghal pawh chu chhang duhlo in ka off hmak zel a.Nimina min tihdan avang khan ka la lungawilo reng tih hi hre rawh se.





"Chhang ta che" a ke ka hruk fai mawlh mawlh laiin a rawn ti ve sup.




"Ngawi tawt rawh" tiin chawhtawlh chu bathroom lamah ka chawi phei nghal.





"I bialpa em ni" a bula ka let leh ruala alo tih chuan ka khuh nghal bawrh bawrh " ka ring dik a ni maw" hre fuh in tih hmel zeta a kiai suk chu ka huat tawk alo tling leh em em tawh.





"Tluangte kawtah sawn mipa pakhatin a nghak reng che a" nu Madiki'n a rawn tih chuan kawngka lam David-a nen chuan kan hawi rual nghal thawt.





"Tu mipa" ka tih rual rualin rindan ka nei nghal.





"Hna I neih hria la,rei suh ang che" Davida'n a rawn tih takah chuan pawn lam panin ka kal nghal.




"Eng nge" a hma ah kuangkuah ana dingin hmundang ka melh san daih.




"Hei I ta tur" bawm lian ve ang reng deuh hi min rawn hmehbel nghal chawt.




"Hei eng nge" ka sawi zawh rual rualin eng nge a ni tih ka hawn nghal avangin ka hre nghal.




"Awi,ka ta tur tak tak a ni em?" A lu a bu zeuh " ka lawm e" ka kuah nghal chuk chuka a ni alo tal chhuak vat.Ka sneaker awh em em nimina ka lei taklo ang kha min pe a nih chu,lalpa ka va vannei si em.





(Time skip)




"Vawiin hi tinge room ah a tawm leh renga" choka atang chuan Putara room lam chu ka thlek leh zeuh zeuh thin.




"Ka hrelo...e!" thil hre chhuak ang maia a rawn tih hluai chuan ka lo phu zawk " vawiin hi eng ni nge?" a rawn tih chuan ka awm dawm chungin ka lo hrilh vat.





"Chuvang a nih chu" a tih hap chuan hrethiamlo zetin ka lo en a."Vawiin hi Rosyna-i birthday kha ania" a rawn tih chuan Putara room lam bawk chu ka en leh.Kum khat a ni ve tawha mahse he a hmeichhe hmangaih amah kalsan tawh tu hi a kal tir ve theilo chu ania,ngei viau thin mah ila hetia a awm tawh hi chuan ka khawngaih leh tlat zel.





Ka hna ka chawlhni nih mahse vawiin zet chu lengchhuah ka phur lo takzet.Vawiin hi ka nau te hostel visiting day anih avangin nizan khan phone hmangin chhungte biak theih hunah kan in bia a,ka lung an tih len phah vek a.He ti lamah awmna mumal tur kan neih loh avangin an school chawlh chhung pawn an rawn haw lo a,ka ngai tawh takzet.






Chaw hma lam chu nu Madiki bulah chuan ka tawlh ka tawlha eng vak chu ka tih pui ve chuanglo.Vawiin Rosyna-i birthday alo ni kher kher te chu ka thin a rim hlur mai,chuti nilo se lungleng hmanlo lekin Lalmuanawma ka in hnial pui leh awm sia.




Hmani deuh atang khan 'sumparlawm' tia min koh a chinga,a chhan pawh soka ka khelh pui thin a,a chakloh apiangin pawisa ka chawi tir zela,a ni lah a chak thei bawk silo kha tlawmah ala ang khang langa kan hun awl neih apianga khelh kha a ti ta a,pawisa a chawi a chawi ta mai a ni.






Ka patea te in lamah lah ka nutei vangin ka kal peih bawk silo,vawiin chu nu Madiki thu leh hla ka ngaithla nileng dawn a nih hmel.





"Hello" ka chhang rang lutuk chu nge ani pawh a rawn nui tawp.Kan in hre rei tawlh tawlha a ni pawh a nui hmel ka hmu tur leh hriat tur a awm a awm ve tawh.





"Ka phone call ilo chang em ni? Iva pickup rang ve" a rawn ti nghal zat bawk.





"Ka ning lutuk hi ka a lo chauh tawh" ka sawi zo chiah nu Madiki leh Jason chu an nui dun hawk hawk.





"Ti nge I chawlhni a ni sia,I leng chhuak lo em ni?"





"Um,lenna tur ka hrelo alawm"Ka hrelo tak tak renga,ka thiante pawh khan sum lama kan tlak chhiat tak vek avang khan kawm enah pawh min en tawh lo aniang min rawn be tawh ngailo.





"Ka lo lam ang che,zanin chu dinner min ei pui la" a rawn tih chiah mai chu ka phur lutuk hi ka zuang tawr tawr lo chauh.





"I buailo em ni" mawi hnai ah ka ti ve ngei tak na a,ka rilru chuan ka phur tawh hle sia.





"Vawiin chu buailo ni mai rawh se,I khua a har hmel em mai" ka lai lutuk chu ka lei ka chhuah vak ringawt.Tunlai chu eng nge ka hriat ni,thu ho te te a sawi te leh a hmel ka hmuh hian ka lai deuh tut zel.





"I van lo thleng hma" car atanga a rawn chhuah chuan ka lo ti nghal var a.






"Min lo nghahna a rei tawh em, traffic a jam deuh alawm maw le?" ka luhna turin car kawngkhar chu min hawn a.





"Reilo e" ka bag hrui ka hmer vak,darkar chanve dawn ka nghak reng sia,mahse engvanga nghak reilo te ti nge maw ka nih le!Kha mi ni ka pheikhawk awh em em min pek ni atang khan alaka ka rilru put hmang hi ahma a ang thei tawh lo reng reng.





Dawr changkang tawkah min hruai dawn amaw ka tih laiin kan in,nilo a ni tawh lo tak a chenna hmunah min hruai ta zawk a.





"Ti nge buaina a awm em ni" car atanga ka chhuah mai loh avang chuan pawn atang chuan a rawn ti a.





"Ai,awmlo mahse dinner kan ei chhuak dawn nia I ti sia" pangngai zeta ka tih chuan a rawn nui suk,a nui hmel ka hmu ngun tulh tulh a,hmana kan in hmu tira a hmel nelawm loh lutuk kha chu a bo vek tawh.Tunah chuan a engkim hi tha ka ti vel vek tawh maiin ka hria.





"Zanin chu ka Rawngbawl I ei dawn ania" phawk zetin a mitah tak ka en a,a hmelah chuan diklo a awm tlatin ka hria.Mahse engmah zawt zui lo in in lam pan chuan kan in zui phei a.





Rawngbawl te lah chu ala hneh sawh em em zui.Keiin chaw chhum leh thil chhum han tawp ka thiam laiin a ni mipa zawkin ka aia a thiam zawk chu ka zak ve lek lek mai.A thil siam te chu mizo chawhmeh ang pakhat mah a awmlo a,dawr changkanga kal kher kha kan lo mamawh hauh lo.





"Engtin nge hengte hi I siam thiam a" atawp atawpah chuan ka ti ta nghe nghe.





"Keimahin Chennai ah ka khawsa thin alawm" tih te chauhin min chhanga."Ti nge,khawnge I chhungte" ka lo ti let thuai bawk.Min chhang bul thei lutuk hi ka beng a ti vir vek zel.Lalmuanawma ve lem ka duh aiai in a tawng thui thei bawk a,mipa ah pawh mipa in anglo tak chu an ni.





"Ka nei lo"





"Anih I pa kha" tim zeta ka tih lai chuan kha 'ka fapa' tia ko tu mi tenawm zet kha ka mitthla ah a rawn lang nghal.





"Ani kha chu min enkawl tu ve mai chauh a nih kha" ka ngaihtuahna hria ni awm taka a rawn tih chuan a dang hriat belh chakna in ka khat nghal.





"Anih khaw nge I pa tak tak"





"Hei lo chan lawk la,ka lo let leh hunah kan ei dawn nia" tiin ka zawhna pawh chhanglo in choka chu a chhuahsan a.Keipawn a salad siam zawh lo chu ka buaipui ve nghal.





Rei vaklo hnu ah a rawn let leh a,a han in bual a ni ngei ang,a sam pawh ala hnawm chap mai.





"Vawiin hi ka tana mi pawimawh tak piancham ania" ka nui lai chu ka tawp nghal riai riai.





"Chuvang chu em ni dinner.."




"Ani chuan a birthday alo thlen apiangin ka eisiam kher a ei duh thin thu a sawia" a hmela lunglenna nasa tak lo lang chu ka hmu nghal bawk.Hei vang chiah hi a nih hi nichina a hmela diklo awm nia ka hriat na chhan.





"Tunah a ni chu khawnge a awm?"





"Ka tih buai loh hram che u ka beisei" rin loh zeta rawn ti tu chu thin phu dep depin ka lo en nghal.





"He tah eng nge ilo tih" Jason pawn kei ang tho in mak a ti ve tho a ni ngei ang,a aw rik dan adang tlat.





"Ka fapa in a kal tur hian chhan ka neih kher a ngai em ni" pakhat lah chuan pawisawilo zeta tiin min rawn melh ve ran a.





"Tunah let rawh,I duh chuan naktukah I chenna hmunah ka rawn hmu ang che" lawmlo aw zeta tiin a pa nen kan in karah chuan a ding nghal hmak a. Chair a thu ka ni a,an ni chu dawhkan sir leh lamah an ding thung.






"Lehkha chhiarna pindanah ka lo nghak ang che" tiin a pa chuan choka chu a chhuahsan nghala,a kal chiah chu thawk ka la nghal kawk kawk.A pa a awm chhung khan thawk pawh ka lo la tha ngam reng renglo chu niin.






"I tha em" ka lu ka lo buk khum ringawt.Tunah chuan tawng chhuak turin chakna ka la neilo.





"Alex-a ka bia a alo va thlah haw ang che" a rawn tih leh chuan ngawi rengin a hmel chu ka en a,min ngaihtuah ve takzetin ka hria.





Pawnah min chhuah pui chuan Alex-a pawh chu alo awm vang tawh,"tluang deuhin I haw dawn nia" ka lua a rawn fawh zeuh chuan ka lungphu chu ava normal lo chiang tak.





Car kawngkhar kharin in chhungah chuan a lut leh nghala keini pawh kan tlan chhuak ve nghal.




Kan haw kawng tluan chuan tun maia Jason chet dan ringawt khan ka ngaihtuahna a luaha,lawm lohin ka nui leh var var zel.Chuan hei hi ka hre bawk phat rual lohin kei hian Jason-a ka duh tih hi.

......

Comments mawlh kha😁sawisel duh lai in neih comments a sawi hreh in nei leh a ni pawhin Pvt khan ka in hawng reng aw,in comments atang hian phurna tamtak leh hmasawnna tamtak ka nei a nia❤️❤️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:59 pm

Chapter 5



"Nu Madik eng nge thlenga" Ambulance inkawta ka hmu avang chuan rang zetin in chhungah ka tlan lut a.






"Tluangte,a pawi em mai eng tin nge kan tih ang" mangang zet hian alo ti let ve bawka.Chutia nu Madiki thil awmzia ka zawh lai chuan David-a chu a room atang an rawn nawr chhuaka a hnungah ka pu leh a pa in an rawn zui ve bawk.







"Ka lo kal ve dawn" an hnungah zui chhuakin ka va ti a,ka pu te chu ka lam an rawn hawi nghal.






"Nang..."







"Aw le, Tluangte lo kal rawh" David-a pa tawng chu lo ti tawpin ka pu chuan a rawn ti a,an car ah chuan ka thu lut ve vat a,ka pu pawh a rawn lut nghal.Ambulance ah chuan David-a pa chu a thu lut thung.







"Chi ai lutuk teh suh David-a chu a tha leh vat mai ang" hnem tur zawk ka nih laiin ka pu zawk chuan min hnem ta zawk a.







"Ka hrelo,zingah te kha chuan ala tha renga mah se pu.." ka tha a khurh nasat em avangin ka tawng zawm thei mai lo.Ka nu leh pa kha in rin lawkna pawh awmlo in ka chana chuan tunah David-a.Hetia a awm thut avang hian a thih ve mai ka hlau a ni.







"Pawnah lo awm rawh u" Doctor in a tih avangin operation room pawnah chuan kan lo nghak a.







Awm nawm tawh loh nak alaia David-a pa min melh dan chuan ka awm a ti nuamlo leh zual.Min melh danah saw chuan hetia David-a awm chhan hi keimah vangah a puh deuhin ka hria.








"Doctor" David-a pa chuan Doctor lo chhuah rualin a lo be nghal.







"Tunah chuan a tha tawh e,a kawchhunga damdawi kan la chhuak tawha, mahse ala harh rih mai lo ang" Doctor in a rawn tih takah chuan ka thaw huai mai.







"Hna atang a ban I ni" ka rin loh deuha David-a pa in a rawn tih thut chuan ka hau in ka melh a.






"Rama..."







"Ai,ka pa nangman I tih avang chauhin he nu hi ka fapa bulah ka awm tira mahse eng thil nge thleng hi" thinrim zeta a rawn tih chuan ka in thiamlo tak zet.







"Atawk a awm ang ka tih chuan a awm mai tur a ni" ka pu in a tih hluk avangin David-a pa chuan lungawilo zet hian min kalsan a.







"Tluangte in lamah lo va haw phawt mai ta che, David-a ber a tha tawh tho a" a tih chuan hnial lo in ka haw nghal.







Kha tiang boruak kara lo awm ve reng kha ka peihlo.Ti nge hemi te pafa hian min huat em em mai le.Ka pu a fel teh lul nen ti nge chhunna pakhatmah an neih miah loh.







"Nu Madik ka lo haw e" in chhung ka luh rualin ka au nghal lang lang.Choka lam atang a ni pawh a rawn lang nghal thuai a.








"Eng tin nge an lo tih,a tha ti raw?"







"Um,mah se ti nge kha tianga a awm thut a" ka tih chuan hahdam huai hmel a pu a.







"Ka hre bik chiahlo mutna damdawi kha alo ei zo veka" ka meng kawk,kan mimawlpa hian in thah alo tum tihna em ni ang le!







Atuk tlai chaw ei khamah ka pu leh Pa Rama chu an rawn lang hlawl a, Min kal pelh hnu ah David-a alo haw tel ve em tih hriat tumin kawngka lam chu ka thlek dak daka mahse alo tel ve lo.








He in a ka awm ni atang ka pu hi ka hmu leh tawhlo a,Lunglei lamah a let leh a nih ka ring.Chuan tunah ka hmu leh chauha mahse a tupa ka enkawl danah a lungawilo in min ban mai ka hlau takzet.









"Tluangte kan in be lawk dawn em niang" ka phu zawk hnunglam ka hawi chu ka pu leh pa Rama an lo ding reng chu ni in.









"A..aw,aw le" an hnungah chuan ka zuia sitting room a an ni pahnih bula ka thu chu ka tha a khur der der thei.Ka pu hi ngaina hle mahila tunah rih hi chuan a hmel tak run avang hian min ti ti tlat.









"Tluangte ka tupa hi pasal atan nei rawh" ka rin loh lutuk ka pu in a rawn sawi avang chuan ka hrilhhai takzet.









Pa Rama ka en a,chhuat melhin alo thu ve run bawk si.Ani hian min ngaina lo hle kha ania tuna ka pu thil sawi hi a pawm tihna em ni le? Ti nge engmah sawi tum hmel a put loh.Mahse ti nge David-a chu ka neih rik ngawt ang.










"Amak ang tih chu ka hria mahse, Tluangte khawngaihin ka tupa hi nei hram rawh"








"Mahse pu.."








"Khawngaihin In unau in in dam chhungin ka chawm ang che u" a tih leh zel avang chuan chhan mai dan tur pawh ka hre lo.Min ti hrilh hai em a ni.








"Min lo hrethiam lawk ru" tiin pawn lamah ka chhuak ta daiha,kawngpui ah chuan kal tumna ber pawh neilo in ka kal zela,kawngpui sir mai in atanga chhungkaw nui ri hawk hawk ka hriat te chuan ka mitthla ah ka nu leh pa damlai an lo lang nghal uar uar a.Ka lung a chhe thar tak zet.








"Nu,pa ka ngai che u" ka mittui bawkin hma a rawn hruaia, khawlai em a tah chhuah ka duh loh avangin ka mittui tla dang thei lo mah ila ka tap chhuak tur erawh ka in dang hram hram a ni e.








"Nula,I tha em" kawngsirah ngawi renga ka thut laiin mipa pakhat bike atanga rawn chhuk hian a rawn ti a.Helmet full face a khum avangin a hmel erawh ka hmu thei lo.









"Hmeltha I kha I ni maw" chutia a rawn tih leh ngawt avang chuan ka lo melh tang hra a.









"Keimah min la hria em" a helmet a phelh chuan tu nge a nih ka hre chiah mahse a hming ka hre chuanglo."Jerome-a kha" ka hriat loh hmel a ti deuh nge a hming a rawn sawi leh a kei ka lo bu nghut.










"I tha maw tinge tun angah nangmah chauha he ta I thut a" ka bulah chuan a rawn thu thla ve nghal thuk a.








"Nang zawk,eng nge I tih heng laiah te kan in hmuh teh hlawlh" ka lo ti let daiha,nui sukin a lu a tuai zeuh bawk.A la upa lo tih ka hria kei ai kum hnih khat vel baka a naupan ka ringlo bawk.









"Ka haw dawna,saw tah deuh sawn" David-a te in lam chu a kawk zeuh bawk.








"Um" tih te a chhangin kawng chu ka melh leh ngawt ngawt.







"Kan ride dawn mi niang" a tih chuan "maw" ka lo ti hu a.






"Lo kal rawh" tia ka banah min kaih chuan thu awi zetin a bike hnungah chuan ka Chuang kaia,chak zeta a tlan lai chuan keiin ka chhunglama ipikna awm zawng zawng au chhuah tumin ka lo au ve bawka,ka zia ve deuh chuan ka in hria.







"He tah hian maw I chen" mak ti zetin David-a te in chu a en a.







"Um,nang he ti lam tho kha I kawkin ka hria he lai hnai ah hian in cheng em ni" ka lo tih chuan nui put putin Garage chung pu Khuma te in chu a kawk a.Ka rei pu Khuma fapa chu a mah hi maw, khawvel hi alo zim tak tak a nih dawn hi.







Kan in mangtha hnu ah in chhungah chuan ka lut a,nu Madiki choka lama thawm nei rak rak tih loh chu thawm dang hriat tur a awm lo,nu Madiki bulah room ah ka luh nghal tur thu hrilhin ka room ah chuan ka lut thlang nghal.








Khuma ka phone sir eng va va ka hmuh chuan nichin khan phone ka kenglo tih ka hre chiah,hmet enga ka phone ka en chu miss call 10 leh nutei hnen atang massage alo awm a,call vawi 7 patea leh nutei hnen atang ania adang chu Jason hnen atang.








Tumah phone letlo chuan nutei massage chu ka open a,naktuk lamah hun ka neih chuan an in lama kal tura min duh thu hi alo nia,thil pawimawh a nih ringin naktuk chuan ka kal tur thu massage hmanga hrilhin ka phone chu ka hmet thim a,in ti faiin ka mu zawm nghal hmak.
.............





"Maw.!"nutei leh patea thusawi avang chuan ka ti nghal thawt.







"In unau dinhmun en la,chuvang chuan David-a chu nei mai rawh" nutei chuan a rawn ti tha leh ngat.








"Nute eng hmuhah nge min hmuh sum vanga ka mipa hmangaih loh pui nei duh turin maw" ka ti chhuak ta nghe nghe.








"Tluangte chutin ngailo la,I nutei khan in unau a ngaihtuah vang zawng che u a sawi mai a ni kha" nutei lam tang zeta ka patea a rawn tawng leh phei chuan ka insum thei ta biklo.







"Min ngaihtuah vang maw,pate in sum hi pakhat mah kan unau hian kan rawn ban tawh ngailo ang,ka nau te chu ka chawm ve thei chuvang chuan in chhungkua chauh hi ngaihtuah rawh u.Chuan nute pasal nei tura min duhna chhan pawh kan unau tana in neih rosum I ui vang a ni tih ka hai lo" ti in patea te in chu lungawilo deuh hian ka chhuahsan a.






"Jason" phone ka lak rualin ka tap nghal pur a.






"Nga ti nge? I tha em? Khawnge I awm?" Mangang aw zeta a rawn tih nghal mawlh mawlh chuan a hma ai ringin ka tapa,kawnga lo kal ve dangte chu ka zah buai peih tawh lo.







"Tunah I awmna sawi rawh ka rawn kal nghal ang"






Ka awmna ka hrilh hnu chuan phone chu off in kawngsirah bawk ka thu leh a,kawngsir te hi ka chantawk ni tawh maiin ka hria.






"Naupangte" rang zetin ka hawi chhuaka,Jason chuan tak run hian min lo melh reng chu niin.







"Eng tin nge ka tih ang" pangchang zeta tiin ka men leh nghal pur a.Ka pu thu hi lo hnial ta ila hna atang min ban ka hlau bawk si.Mahse David-a chu ka nei duh bawk silo.







"Eng nge thleng a" ka hma ah chuan a rawn thu hniam a.






"Pasal nei turin min ti a"






"Maw.!"







"Lalmuanawma saw ka pu leh patea te nupa in nei turin min ti a mahse,neih ka duhlo.Chu chu ka pu bula ka sawi chuan hna atang hian min ban ka hlau bawk si.Hna ka neih loh chuan engtin nge kan unau in kan awm ang" a awmah chuan nget zetin min kuah beta kei ka lo tap uar sauh thung.







"David-a chu nei rawh" ka tah chhuak zualpui a reh hnu chuan a rawn ti sup.







"Nang,nangpawh maw" lawmlo zetin a mi kuahna atang chuan ka tal chhuak nghal.







"Nei la,kan thil duh pawh kha kan hmu hma zawk mai thei a ni" chutia remchang lak alo tum tih ka hriat phei chuan ka rilru chu ahma aiin a na zawk.







"Ka duhlo,ani kha nei kher lo pawn ka la hlawhtling em em ang"








"Kum khat a ni tawh
mahse tun thlengin kan la hlawhtling lo chu a nih hi" a rawn tih hluk chuan a mitah ka melh ta ran a.







"Ka duh che" phawk zet hian min rawn melh nghal kawk. "Ka duh che chuvang chuan Lalmuanawma saw ka nei duhlo,kan pahnihin thil engkim kalsanin tlan bo mai ang" a kut chu ka hum saka.








"Ni lo,hei hi a thleng theilo" a kut chu ka vawnna atang a la chhuak nghal."Nang hian min duh thei lo"







"A theia ka duh che a nih hi"






"Ka tan chuan naupang mai chauh I ni a.."






"Naupang maw! Mahse min fawp sia" ni e,kha zan khan ka hmui chu nilo mahse ka lu ah min fawp ngei alawm chuan kha kha min duh ve tihna a ni lo em ni.






"Huh..! Ilo a takzet a ni hi" kha thil a ngaih hoh bik zia a rawn ti lang ni mai hian ka hria. "Kan in zawmna awm chhun chu sum ba tu leh a batna kan ni" nghet char a rawn tih chuan ka na takzet.







"Anih chuan khang kan hun hman zawng zawngte kha" ka mitthla a thil lo lang zozai te avang chuan ka then sak,chawlh ka neih apianga ka hun hmanna tam zawk chu a kiangah hian a ni.Khang huna ka chunga a chet dan kha kei chuan amah duh phah nan ka lo hmanga,mahse a ni chuan eng atan mah alo ti ve silo.







"Tunah hian hun rei tak chhung atan ka kal bo dawn a,chuvang chuan khang min duhna kha chu ala reh vat mai ang" ti nge thu thin thawng deuh deuh min hrilh renga,tunah a kal bo dawna chuan ka hre ve chauh a maw.A tan hian pawimawhna ka lo neilo tak tak a nih dawn hi.







"Ka lo let leh hunah chuan kan thil tumah kan hlawh tling ngei tawh tur a ni.Chuan hei ka tiam ang che ka thil duh min pek chuan saw in in leh in ram saw ka pe kir ang che" a tih charh charh takah chuan a laka ka tlaknat loh zia leh,a hmanrua chauh ka lo nih zia a hnem nget ni ah ka ngai hmiah tawh.







A tha alawm,pasal chu ka nei ang.Ka mipa duhin min hnawla eng nge tih leh tur Chuang awm,kei ang fahrah hi tu in nge kawppui atan duh teh lul ang ni.Kan in ka nei let thei ang maw? Ni e, chu chu tuna ka beisei tur awm chhun a ni.







"A tha e,pasal chu ka nei ang chuan I thutiamah I ding nget tur a ni" ka mittui te hru in ka ding chhuaka.







"Lalnuntluang.."







"Mangtha,tluang deuhin I kal dawn ania" alama ka ban ka phar takah chuan thawh chhuak hawkin a rawn ding chhuaka ka kut chu nget zeta rawn humin ka mitah tak chuan min rawn melh ve ta ran a.






"I Wheelchair putara sawh hmangaih miah suh ang che chuan mi tumah ring lo bawk la" tiin ka kut chu a thla a, vawikhat pawh rawn hawi letlo in min kalsan nghal.







"Midang hmangaihlo turin min hrilha mahse ka duhna che I hnawl tho bawk sia,eng nge I awm zia" mahni hriat tham leka phunin Jason kal liam chu a hnunglam atang ka thlir reng a.





...............



Chapter dawt leh ah chuan Kan wheelchair putara pov kan hmu turah in ngai ang u aw.A buai nuai rih ti ho tan khan keipawhhi ka buai ve nuai a nia😂 mahse chapter dawt leh atang chuan a buai vak tawhlo turah ngai bawk ila.In comments peihloh pawn ka comments peihlo tih tal khan comments lamah thawm rawn nei leh hrim hrim ru aw,ka lo chang dawn che u a nia😘😘😘

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 5th, 2021, 2:59 pm

Chapter 6




"In bia ang" ka haw hun alo chang amaw tih tur khawma rangin in chhung ka pen luh rual rual chuan a rawn ti nghal.





"Ka peihlo" ti hmuka choka lama kal ka tum chu ka banah a rawn chelh hman.





Zing ka chhuah dawn kha chuan in ah hian ala rawn haw tawp silo a,ka chhuah hlan khan alo haw a ni ngei ang.






"I peih leh peihloh ka zawt lo che" ti hmukin a room lamah a in khalh phei a.






"Va kal rawh,alo nghahna che a rei tawh lutuk" nu Madiki'n a rawn ti leh su su avang chuan peihlo zetin David-a room lam chu ka pan leh ta nghe nghe tho.






"Eng nge I sawi duh chu sawi vat la,ka kal leh nghal duh a nia" room chhung ka luh rualin ka ti nghal zat zat.







"Zawngi eng tiang chiahin nge ka pu hi ilo thlema" thinrim mit sen ruma min en hian chhuatah glass no a rawn peih keh ri chhuaia ka hlau lutuk chu ka tawm nghal chawi chawi thei.







"Nanghi eng tikah mah ka nei ngailo ang che,sum chuti viaua I awt anih te chuan amah ka pu kha nei mai la,engvanga kei min hnuk lut ve zel nge I nih" a thusawi duh dan mak ka tih em avang leh tun maia a awmdan ka hlauh em avang chuan ka tawng chhuak thei mai lo.







"Nge ni a,ka pu chu khang I taksa zuta chul kual tur khan I iai deuh tawh zawk" tenawm zet leh min ngaihhniam hmel taka tawng mek chu thei ngat ila chuan ka that ngei ngei ang.




"Nang...." Ka kut zung chala kawkin ka thinrim em avangin ka tha te chu an khur thei hial.




"Ti nge sawi dikloh ka nei em ni" pawisawiloh hmel zeta tiin min rawn nuih leh suk a.






"Keipawn nangang mi chapo leh rilru chhia,wheel chair a dam chhung hun hmang tur hi pasal atan ka duh bik teuh lo" ka ti chhuak chu ahma aia rumin min melh nghal.







"Eng thu maw I sawi kha? Han sawi tha leh teh" a rawn tih vin tuar takah chuan ka sawi leh ngam tawh bawk silo chuan ka bag hrui nghet zeta humin ka hmui ka pet fan fan a.







"David I pu leh I pa an lo kal a" chu tia kan ngawih lai taka nu Madiki'n a rawn tih chuan ka lawm takzet.Ka pu pawh chu room ah chuan a rawn lang zui nghal mai bawk a.







"Tluangte min lo va chhuahsan lawk dawn em ni, David-a hi kan be lawk a nge" a tih avang chuan rang zetin room atang chuan ka tlan chhuaka.







Pa Rama pawh room pawnah chuan alo ding ve reng chu niin,ani pawn a fapa ang tho a nelawmna tel miahlo hian min lo en ve kur a.Pafa in chhun fuh lutuk mai.







"Keini pawh a falin in be lawk ila"






"Maw.." min chhanglo in inhnunglam chhuahna lam chu a pan nghal.A hnungah keipawn ti zetin ka zui ve nghal bawk a.







"Ka pa hian ti lui tlatlo se chuan ka fapa I neih hi ka phal hauhlo ang" a hnungah ka dinga a ni chuan a hma lam chauh a tlir thung.







"Anih chuan ti nge ka pu chu I hnial mai loh" chutianga min duhlo viau te anih chuan ka pu chu hnial ve tlat mai tur ania.Keima bula sawi sawi lo hian.







"Ka theilo a ni,chuvang chuan kan chhungkaw ti mualpho zawngin khawsa miah suh ang che" tiin ka lam alo hawi a.A ke chu a ti khaw lo deuh tawh nge ka hmuh apiang hian tiang a hawl ve ziah a.







"I fapa hi ka nei duh hleinem,amah pawn min neih a duhlo"




"Chutiang buaina tur a awmlo,I naute hmakhua I ngaihtuah a nih chuan heibak a in unau tana kawngtha in hawng hi a awm leh tawh ngailo ang" a rawn tih leh nghut chuan ka kut ka hum ruh vak.




"Mipa dang duh leh kawp lai lo nei ta ila..."





"Chu mipa chu then nghal ang che,tun atang chuan I nun dan engkimah I fiamkhur a ngai hle tawh ang" a rawn tih nghal hluk avang chuan ka ngawi nghal hmak.




Ngaihzawng nei tak taklo mahila nei anga ka in sawi tum na chuan kawngro Avan su lo ber mai em.Ti nge mi zawng zawng thu hnuaia awm turin leh an duh ang anga an kaih kawih thei tur khawpa rethei ka nih tak mai le.







"Anih engvanga I fapa chu nei tura min duh em em nge I nih"







"Chu zawng I hriat ve kher a ngailo e,mah se I nau te ngaihtuah la tun ang reng hi a ni dawnlo ania,in sum khawl sa hi engtikah nge in hman ral dawn I hre silo" ka dara a rawn ben thak thak hnu ah inchhung lamah chuan min luhsan a.







Kei chu ka dinna ngaia la ding reng chungin tun maia pa Rama thilsawi kha ka ngaihtuah zawm thung.Jason hian ka nau te zirna hi a tum reng thei dawnlo tih ka hria,kan in remna kan zawh hunah chuan a ngai ang bawk khan sumah kan buai leh dawn tih ka hre bawk.







Anih chuan tun hun rem changhi ka la leh mai dawn em niang? Jason nen kan thil tumah lo hlawhchham ta pawh ni ila,sum tamtak chu min man chhuah hmain ka la hman hrim hrim.Thang pahnih ka kam ve tihna ni mai rawh se.

.............



DAVID POV



Ka pu ka room chhunga lo pen lut mek chu rei melh peihlo in,tukver lam hawi chuan ka in siam rem a,chuan kha nu tereuh khan engtin maw min tih kha ka dam chhungin he wheelchair ah hian ka thu ang maw,a teuhlo, ka thu hauhlo ang le.







"Ipa hnen atang thil engkim ilo hre vek tawh in ka ring a" ti nghutin ka bulah chuan a rawn ding ve nghal.






"Chuan,I thu chu ka zawm duh I ring em ni?" Ka nuih te lam lam a za, Rosyna-i ka neih dawn avanga ka dawr enkawl zawng zawngte ka kut atanga a lak vek hnu ah eng tin nge a thu ka zawm leh a beisei theih zawk.







Kan chhungkaw eizawnna ve ber chu Dawr lian hawn a ni a.Mizoram ah hi chuan keini aia lian an awm kher in ka ringlo Bungrua chi hrang insakna hmanrua lam atanga Car thleng pawhin.Ka sawi thiam dan ber chu Pautu (an company hming ve ang kha aw) ah hian I mamawh chu a awm kim vek tih thei a ni.







"Min huat hi bansan tawh teh"






"Chutiang chu a thleng ngailo ang" ka tih khum vat.






"Tluangtei hi I neih chuan a hma ang khan sumdawnna lamah I rawn let leh thei ang" ka lo khi suk,mahse ka thinrim em vang zawk a ni.






"Eng nge ti thei se min tih,min en ta che I thu I duh luat vanga ka ke awm dan hi" tiin ka pu chu a mitah tak ka melh chho a.






"Ka thiamloh a ni mahse...."






"I in thiamlohna khan Rosyna-i leh ka ke min pe let leh thei tawh lo" ni e,tuna inchhira a thiam loh thu a sawi hian engmah a thlak danglam thei tawh lo.Kei chuan ka khawvel ka chan tawha eng nge beisei leh tur Chuang ka la neih.








"Ram kha ka pe ang che" ka pu chu ka en nghal vat, " tun chauh hi ka thu awi leh la,ram kha ka pe ang che chuan ka boral rual rualin Pautu sumdawnna zawng zawng hi I hmingin ka dah nghal vek ang" a hmelah chuan dawt a sawi loh zia ka hmu thei.







"Eng nge a that viau na" hriatthiam loh hmel zet hian min rawn en a,"Henu hi eng nge a that viau na chutia I neih zawng zawng pawh min pek I duh phah hial na tur khawpin eng nge I tan hian a nih reng reng a" ka tih chuan tukverh lam chu a hawi vang vang a.Keiin a chhanna nghakin ka lo nghak ve reng thung.






"Tluangtei chungah hian ipa nen bat tamtak kan neia" a rawn tih chuan mak ka ti kher mai.He nu hi ahma atang tawhin ka pu leh ka pa te hian an lo hre tawh a maw! " Chu thil chu kan dam chhung pawh hian kan rul seng kher lo ang,chuvang chuan atan hian a innghahna leh amah tanpui tu ni turin ka duh che a ni.Nangin I puih loh chuan he hmeichhia hian amah mai chuan khawvel a hmachhawn zo lo ang"







Chutia ka pu in Lalnuntluangi hmangaih leh khawngaih hmel taka a chanchin a sawi lai chuan ka rilru a na mai dawnin ka hria,tun anga ka pu in Lalnuntluangi a hmangaih zia a mit leh hmela lo lang chhuak ang khan vawikhatmah hmangaihna mitmengin min la en ve ngai hauhlo.







"Ka ti lui lo ang che mahse,ka thu I hnial a nih chuan ka ro hi Lalnuntluangi chan a ni ang" thu tawp a sawi tih hriat zetin ka mitah chuan min en ran a,ka room chu a chhuahsan nghal bawk.







"Kei hian I ro chan ka nei lo ang maw? Ni lo e,khang ka lo thawh hahna zawng zawng kha a thlawn thei ngailo ang" ka kut chu ruh zet hian ka hum ngut ngut a.'Lalnuntluang tu chiah nge I nih ka ro chan tur min chuhpui tur hian'






Ka pu chhuah hnu ah pawh ka ngaihtuahna kawmin pawnlam thlir chuan ka la thu reng a.Kha ram hman atanga ka lo duh tawh ka nu tana Hospital sak ka duhna ram kha ka nei thei dawn a nih chuan eng nge pawi,ram ka neih veleh ka then leh mai dawn alawm,engkim ka hminga a awm veleh Lalnuntluangi chu ka then leh mai ang,tih ngaihtuah chuan ka thu reng a ni.


...................


"Eng nge tun angah ka room ah hian ilo tih" khumah chuan a rawn thu chhuaka,a sam teh lah chu ala thur em em zui tunah hi chuan hmeichhia pawh a anglo phung a ang.






"In neih kha.." ka ti dek deka "ka nei duhlo che" tiin a lo teuh nghal hlur a.







"Tun kara kan Pautu Hotel hmasa ber tur hawnna party ah kan in neih tur thu ka pu in a puang dawn" ka ti chiah mai chu a mitmu a rawn pawk chhuak dawn amaw tih tur khawpin a meng phawk.






"Mahse nangpawn in neih I duh loh kha"






"Ka rilru ka thlak,chuvang chuan lo in puahchah ang che"





"Mahse engvangin nge I rilru I thlak" Zawhna ngah tih takah alo ti leh nghal.






"Ka sum khawl ni dawn hek che" ka sawi awmzia hre lo tih hriat zeta min en hu lai chuan ka chhuahsan ta daih.






"Rosyna min hrethiam ang ti raw,nang ka hmangaih tawh loh vang che a,nupui neih tum ka ni lo tih hi.Ka nu tana Hospital te ka saka ka duhthusam ka tih puitlin zawh hun chuan eng thil mah hian min then hrang leh tawh ngailo ang" ka hmeichhe hmangaih em em thlalaka a nui hhmel hmeltha zet chu ka chul a.







Ruahman angin Lalnuntluangi nen kan in neih tur thu chu mipui hriatah puan zar a ni a.Mizoram titi ber a ni zawm nghal zat bawk.Thla thar ni 2 hian kan in neih nghal bawk ang.






"Heihi a fair lo" a phone ka hmai zawna rawn lek paha a tih chuan ka lo en sak vat.Kan in neih tur thu kan puan atang a chhungte in lamah a riaka mahse nitin deuh thaw chu ka in ah a rawn la kal ziah tho.






"Eng chu" miten kan pahniha thlalak an comments na vel hi ania min en tir.






"I mit a del em ni,miten min sawi dan kha a fair lo" a rawn tih leh nghek takah chuan a phone chu chhuhin comments list chu ka chhiar thuak thuak a.






"Dawt an sawi Chuang em ni" ka tih sam et chuan min melh rum nghal ur a,mitte hi a nei bik thin a nia.






"Mi zawng zawngin tunah chuan 'SUMPARLAWMI' min ti tawh dawn a nih hi" rilru nat hmel taka a rawn tih niah niah chuan ka nui chhuak hawk lo chauh.Kha hming kha ka phuah sak ania,ka koh Chang khan a zaha a huat vak ngai pawh ka hre silo a.







"A pawi em ni? Keipawn ka ko ziah tho che alawm"






"Hmela,nangmah nen chauha kan awmlai chuan ka zaklo a mahse,mi zawng zawngin chungtianga min koh chu ka duh bik hleinem" thinchhe zetin a ti hlur a,kei insum theilo in ka lo nui hawk hawk.






"Nui suh,tun atang chuan ka mualpho manah mi zingah pawh Wheelchair putar ka ti zel tawh ang che" ka nui tawp Chiang kher mai,chutiang chuan mi hriatah min ko thei lo ang.






"Sumparlawm,chutiang chuan mizingah min han ko na teh lei hnuai thuk takah ka phum nghal vang vang ang che" ni e,ka ti duh tak tak ngei ang le.







"I thu lo chuan kan in neih dawn chuan dan tlem zam ka duha,kan pahnih hian kan Chiang bawka kan inkarah eng boruak nge awm tih hi"







"Sawi la,eng dan nge zam I duh keipawn ka lo ngaihtuah lai tak a ni"ka lo tih ve chuan a rawn nui nghal var var paper hi dawhkanah a rawn dah nghal thauh bawk.






"Hei eng nge?"






"Chhiar la,kha kha kan in neih huna kan dan zawm tur a nih kha" bawp khawlherin sofa nghen chhan chu a ngheng nghal ar ar bawk.






"Hei hi David Lalmuanawma leh Lalnuntluangi te dan zawm ngei ngei tur a ni.



1) Mi hmuhah chauh nupa angin an awm tur a ni.

2)Room an in tawm tur a ni lo.


3) Lalnuntluangi'n bazar a duh hun apiangin a thil leina man chu David Lalmuanawma tum tur a ni ang.


4)Inchhung hna hi uchuak takin David Lalmuanawma hian Lalnuntluangi hi a thawh tir tawh tur a ni lo.


5) Lalnuntluangi hian an in neih hlawh hi a hun takah a dawng chat chat tur a ni.

6) In duhna leh hmangaihna an in karah a awm a thianglo bur bawk."




Atawp ber point ka chhiar zawh rualin ka nui chhuak hawk,engtin nge a ni ang hmeichhia hi ka duhin ka hmangaih theih a rin theih zawk ni.






"Ti nge diklo a awm em ni?" Paper chu a rawn thlek ve dut dut a.A chalah ka kut zung chalin ka lo nam dak awr.






"Poin no.2 hi ka pawmlo chuan engvangin nge I bazarna tur pawisa chu a hrana ka pek che a ngaihna chhan.Hlawh I nei dawna chumi hmang chuan I duh chu I lei thei reng alawm" ka tih kauh kauh chuan a hmui alo ti pawrh vak a.







"Nupa tak tak kan ni dawn hleinem engvangin nge room hran kan hman theih loh"







"Room kan in tawm anga mahse khum kan in tawm lo ang" ka ti chuan 'a pawi chuanglo mahse thil dang tum I neih chuan I chaklo ang' tiin a kuttum min hmuh ve ngei a.





"I ngaihtuahna ang chu engtikah mah a thleng ngailo ang"






"Vawng ang che,tuna I sawi kha" tiin point no.2 chu a rawn ziak tha nghal mawlh mawlh a."3 na hi chu I hnial thei lo,mi pawn an nupui te chu nuamsa deuha an awm theih nan pawisa nitin an pe thin alawm" tiin 3 na chu a thai chhe duh thaklo.





"E! Chuan I hmai hmul kha" ka hmai rawn kawkin ama hmai vel chu an kawk kual a.





"Eng nge"





"In met fai vek ang che,khatiang chemchum kha chuan ka nei duhlo che" tiin paper nen chuan ka chhan letna pawh nghaklo in a kal nghal ang nul nul a.





Chutia ka in meh fai a ngaihthu a sawi chuan Rosyna-i bawkin ngaihtuahna a rawn luah leh nghal,ani ka chan a tang khan ka hringnun hian awmzia a nei tawh lova chuvang chuan ahma a in met fai vang thin khan in meh fai nachang ka hre ta lo chu a nia.Ani kha chu awm se min meh fai sak tawh ngei ang le.


.............................




TLUANGTEI Pov




"U eng thil nge ka lo hriat hi" lungawilo aw zet hian Tlana chuan a rawn ti a.





"Tlan.."





"Ka unaunu hian sum vangin pasal a nei dawn an ti a,u a diklo ti raw" phone mah nise a rilru a na ve takzet tih ka hria.






"Ka...ka tihpalh" chhuanlam siam tur ka hre lo a ni.Engvangin nge midang chanchin hi kan hlawkna tur pawh nilo ah hian kan sawi peih em em mai le.Tlanah pawh hian khawi atanga alo hriat nge chu hre lo mahila social media vel a nih tho ka ring,anih loh chuan a tan hriat ngaihna a awmlo.







"Keimah ni vang a ni tiraw"






"Ai,a ni lo.Tlana chutiangin ngai reng reng suh" ka lo ti vat.






"Ka lo haw ang,hetianga I tih kher a ngai hleinem" a rawn tih chuan a lo haw tak tak mai ang tih ka hlau takzet.





"Ni lo,lo haw suh ilo haw hian engmah a danglam phah dawnlo.I zirlai chauh ngaihtuah ang che,kei chu ka tha lutuk ania" mangang zetin ka ti nghal chung chung.




"U.."




"Min tiam rawh Laltlansang i zirlai tha takin I zo a nga,I hlawhtling ang tih hi" ka tah chhuah loh nan ka hmui ka pet fan fan a.





"Min tiam rawh.." a tap tih ka hria,min rawn chhan vat loh avangin ka ti leh ta thak a.




"Um,ka tiam a che ka hlawhtling a nga kan tana I tawrhna hi a thlawnin ka luan tir miahlo ang" a rawn tih chuan ka tah nuih hawk.Ka nau a ni hi ka chhuang a ni,ka chhuang tak zet.





Ni aliam zela, David-a nen kan in neihna ni tur pawh ni hnih chauhin a dal ta.Ka pu remruatna ang in kan in neih hma ka patea te in ah ka riak pheia.Mahse ka hna erawh ka thulh chuanglo.





Kan putara lah chuan a hmai hmul met tura ka tih lah chu tun thleng hian meh fai ala tum bawk silo,in neihna tak tak nilo mahse in neih thlalaka a hmel buk deuh bem bum kha lang turin ka duh lo a sin.Kan tum dan chuan ka pu in a kutah ro zawng zawng a dah huna in then kan tuma mahse chu erawh kan pahnih chauha thuruk a ni thung.






Inneihna atana kan in buatsaihna pawh hautak hem hem tak a ni.Ka pu in engkim ka tum vek ang a tih avangin hmeichhe lam senso zawng zawng min tum saka,ka nutei hian chu chu nuam alo ti ber maiin ka hria.






"Vawiin khan Humman trafficking a in hnamhnawih ni ngeia rin Pu Robert-a chu Delhi police ten a birukna hmunah nang chingin an man a ni" chanchin thara ka mi hmuh avang chuan ka thu khawng nghal auh.





"Pu Robert-a hi Mizo nula tamtak buma,nawhchi zuar tura hralh ru tu ni a rinhleh a nih avangin Mizoram police ten a chenna hmunah man tumin an va pana mah se hetah hian a chhenna hmun chu lo chhuahsan hmanin kan police te chuan a hnu chu a rang thei ang bera chhuiin an chhui zuina chu Delhi ah tawmin vawiin khan police te hian an man ta a ni" tiin"Tunah hian a thu rualpui ni ngeia rin a fapa chu zawn mek a ni bawk" tia chanchin thar puangtu in a rawn tih zawm leh chuan ka room ah ka tlan lut vat.


Ka phone hmet engin Jason chu ka call a,mahse switch off a in ti tlat.Kha pa kha Jason-a pa a ni tih ka chiang chuan amah pawh police in an zawn mek thu kha a sawi a,hetiang a tih duh ka rin loh rualin kan in hmuh tira ka chunga a thil tih ka ngaihtuah chhuah chuan ka hlauthawng tho bawk si.





Rilru na taka min siamin min kalsan tih ka hria mahse ka duhna hi chuti maiin ka ti bo thei silo.A kal hnu ah vawikhatmah kan in be leh tawhlo a a dam tha em, khawiah nge a awm tih tak ngial pawh ka hre lo.





"Jason I tha ti raw" ka phone a a thlalak pakhat ka neih chun chu en in ka ti sup."khawi hmunah pawh awm la I dam that ngei ka beisei"


.....


Vawiinah class ka nei tih theihnghilh thak khawpin ka type a😂 spell diklo pawh atamin ka ring ka edit tha hman tawh lo, ngaihnawm em em lo mahse ads click leh comments kha chu min pe leh vek ang che u❤️❤️

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)