THE HOODIE GIRL

Episode nei ho a hlawm a dahkhawmna
SumMer Ralte
Posts: 104
Joined: September 6th, 2021, 11:35 pm

THE HOODIE GIRL

Unread post by SumMer Ralte » September 15th, 2021, 11:12 pm

CHAPTER-9



Kan inthlah hnu chuan chet mai nachang pawh ka hre lo, ka ding khawr reng a; min thawng ve em a ni! Will hian min fawp a nih chu! "Kal ang le" tih pah chuan min nuih suk a, ka zak leh lai lutuk bawk si chu ka en tha ngam lo ka kun ngar a "Ahhh...aw, nia kal ang" ka ti bah nuaih a




Ka awmdan a mumal lo zo vek, min thawng thut thut reng mai!; nuih huk pahin a kut chuan min rawn kai a, bike awmna lamah chuan kan phei ta nghal a "Nangni pahnih hi?" Zawma chuan a lo ti vat a, chhan dan tur pawh ka hre tawh lo. Tun lawk a kan awmdan khan ka awmdan a ti lai vek a




Tawng pawh ka zak zo vek, Will chuan chhang loin min lo en a "Lo chuang rawh le" a tih chuan ka chuang ve mai bawk a "College ah kan inhmu dawn nia" tiin a thiante a thlah zawh chuan, a inkhalh chhuak ta nghal a, haw kawng tluan chuan ka tawng mang tawh lo. Ka zak bawk si, nuam ti bawk si chuan ka awmdan a ti lai tak zet a ni




Amah pawh chu ka vuan ngam tawh lo a, bike hnung chu ka vuan tai a; min biak pawhin a rul tawk bakin ka chhang lo. Vawi leh khatah a ding thut a, ka lo in ring lo bawk nen a hnungah chuan ka va bei thlawp a, ka tlak hlau chu a kawngah ka kuah nghal rawk rawk bawk; "Ngaihtuah vak vak lo khan nghet takin min kuah rawh" tih pahin a nui suk a, ka zak leh pek kher mai




Hetianga zûn nei taka a chet reng chuan ka duh tih a hre vat ang tih pawh ka hlau hlel lo e, kan thlen chuan khua pawh a eng uar tawh; hmanhmawh zetin a room atang chuan ka room bathlarah chuan min thlah phei a, min mangtha hnuah inchhung ka luh thleng chuan min en liam bawk. Ka inthlak sawk sawk a, bike ka chuan rei mai bakah ka tih ngai loh thil ka tih avangin ka chau ve hle a




Khumah chuan ka inthawlh nghal sawk sawk a, mut hmunah te chuan ka hmui chu khawihin ka lo nui leh var var thin a; Will min fawh lai mawlh chu mitthlaah a lang a, thildang pawh ka ngaihtuah thei lo. A changin ka ke chu ka leng vak vak thin a, nuam ka tiin ka hlim hle bawk



Mah see.... Engvanga khatianga min fawp ve ringawt nge a nih ang? Ka duh ang hian min lo duh ve te a ni thei mai angem? Mahse chu erawh ka ring ngam chiah bawk si lo, kei ang hmeichhia a khawilaiah mah a inchhuanna tur nei lo hi Will chuan min duh ka ring bawk si lo




Chumi ka ngaihtuah chuan ka hnual leh nghal ringawt bawk a, chutia eng eng emaw ka ngaihtuah pah chuan ka lo muhil a ni ngei ang ka kawngkhar kik ri dat dat thawmah chuan ka harh a "Hey... Zawnghmaisen mut nilen i tum a mi, rawn tho tawh rawh" ka nau chuan a rawn ti lang lang a, ka mu har bawk nen ka mit te chu a kham urh a thawh pawh chu ka peih lo tak zet




"Dar engzah nge ri tawh a?" Ti a ka zawh chuan "Dar1 a pel tawh" thaw halh pah chuan a lo ti a, rang lutuk a thu chhuak nghal vatin "Tinge min kaihthawh loh" ka lo ti bak hlar a, mi te pawh kaihthawh tur a nia ka inkhawm loh phah ringawt leh nghal "Kan ko ngun lutuk che, i kawngkhar ka kik na lamah ka kut te hi a pilh zo tawh" a ti a "Ka hria ka tho dawn" ka lo ti bak hlar thung




Min kaihthawh theih lohna chhan min zawt ang a, eng nge chhuanlamah ka hman tak ang? Na ka nei emaw an ti leh ngei bawk ang a, a va han buaithlak thin tak! Engtin nge maw thawh ka hai theih reng reng le. Ka tho a, in tifai turin bathroom ah ka lut tlang nghal a, ka chhuah rual chuan ka phone chu a ri ral ral a




Hmanhmawh lutuk a, pheiin ka phone ka la a "Will" a lo ni; ka pickup rual rual in "Nula thawhna chang hre lo" tih pahin a nui kur kur a, ka zak nghal chem chem in ka hria "I tho tawh a mi?" Aw then kharh kharh pah a ka tih chuan "Yes... Chawhma pawh ka inkhawm zan tawh" a ti heu mai "E...engtin nge?" Ka ti hluai a, min chhang loin za lutuk in a lo nui thung




A inkhawm ka rin loh rualin ka ring tho bawk si a, engtin nge maw a thawh hma theih zawk chu le? A lu te pawh a na ve em em lo a maw ni dawn le? Eng eng emaw kan sawi hnuah call chu kan dah a, kan dah rual rualin ka save chu ka thlak leh nghal zat a "Chhelotea" tih bawk chuan ka save tha leh a, eng nge ka hriat pawh ka hre teh hrep lo e a!




Ka chau bawk nen chuta karah ka lu rih luk avangin ka che pawh chu a muang hle a, inhnuai ka chhuk chuan ka nu leh pa te chuan engmah pawh sawi loin min en reng a; min zam chhe mai dawn alawm maw le "I dam tha nange?" Ka nu in a tih chuan "Tha e" ka lo ti liam satliah mai a, ka nu chu ka lam a rawn phei nghal vut in ka chal chu a dek a




"I khua a sik chuang bawk si lo a, ka ngaih i tha lo alawm" a ti a, min ngaihtuah leh lutuk hi chu buaithlak zawk "Ka tha lawm min ngaihtuah su" ka tih pawh chuan "I tha lo i mu rei lutuk, na i nei" a ti deuh tlat a, a va buaithlak tak! "Tunlai chu ka damdawi vang a ni ang, ka mut te hi a tui riau zel a" te chu kan ti ta ringawt a, a awih ve mai a ni ang "Na i neih loh chuan a that chu" a ti ve thei ta hram a





Ka thawh har vangin chawhnu lamah chuan zing chaw ka ei ve chauh a, ka nu in tlai hmeh tur an hnah a hik a, ka pa leh ka nau chuan tv an lo en thung. Chaw ka ei mek lai chuan ka phone chu a rawn ri a, ka thawh peih loh avangin ka nau hnenah chuan "Sabengtung lo la lawk mai teh" ka ti a, min rawn pe nghal mai dawn emaw ka tih laiin a ding reng a




"Lo la vat ta che" ka vin hlar a, miin hmanhmawh deuhin min rawn call te pawh a ni thei a chutia a ding reng chu a awm ang lo ka ti tak zet chutah ka lam pan a a rawn kal pah chuan "Tunge Chhelotea chu?" Nuih pat pat pah chuan a rawn ti ta mai! Ka chaw ei lai pawh chu ka hak thelh a chutih rualin ka nu leh pa te chu an rawn huai rual a "Chhelotea a!" Ka nu chuan mak tih hmel fe in a lo ti bawk




"Hei a lo call leh tawh a nia, CHHELOTEA chuan" a ti leh kher a, a van hun lo thin tak! Ka tawng ngam tawh lo; ka zam bawk si chu ka hawi chhuak ngam tawh lo a, kun ngar chungin chaw chu ka bar hmiah hmiah a "Mate tunge Chhelotea chu" hriat chak hmel zet a ka nu in min zawh pawh chuan ka chhang ngam lo



"Chhelotea" ti a ka save tha leh chu ka inchhir leh hnuhnawh khawp mai, hmanhmawh lutuk a kham nghal sawk sawk in ka ei na pawh sil loin ka nau awmna lam chu ka pan phei nghal rawk rawk a, ka phone chhuh sak ka tum chu a lu chungah chuan a phar pui a, a sang bawk si chu zuang chungin ka han ban thin a ka khawih pha bawk si lo



"Chhelotea chu min hrilh ve phawt la chuan ka pe ang che" te chu a la ti tak ang deuh deuh a, ka zak tawh bawk si ka nau chet dan chu ka ngei tak zet. "Min rawn pe vat mai teh" ka ti vin hlar a "Chhelotea chu sawi phawt la ka pe ang che" min ko min san khum euh euh pah chuan a ti leh a "Lawmsabengtung, tungsang er awr pa min rawn pe vat mai rawh" ka ti leh a




Chutih lai mekin ka phone chu a rawn ri leh a "Min pe vat teh" ka ti leh a, ka ngei tawh tak zet; thuthleng chunga din pahin "Aaa...hei Chhelotea bawk a ni leh ta" nui kur kur pah chuan a ti leh a "Lallawmawm min rawn pe vat rawh" ka ti vin leh that a, chutah kan sir atang chuan insum thei lo tih hriat zet a nui kan hriat chuan kan hawi phei rang kher mai



Awi, a ni thei lo, ka duh lo thil kal dan hi a dik thei thlawt lo! Kawngkharah chuan Will a lo ding reng a nih chu! Ka nau chuan "u Will lo enteh, a lan danin ka u hian ngaihzawng a nei a nih hmel" tih pah chuan a nui pat pat a ka nu chuan "Mate i nau thusawi chu a tak em ni?" Mak tihna leh phurna a khat chuan a rawn ti ve bawk a




"A teuh lo" rang lutuk a chhangin "Khawi ka phone kha min pe rawh" ka ti teu hlar a, min pek a hnekin chungah chuan a dah zel bawk si a; ka zak bawk si leh thinrim tun tawh a "Min pe tawp suh" tih leh ka room lama tlan chhoh ka rual a, khumah chuan thu thla hnawkin thawk ka hip vang vang a



Ka thinrim avangin ka thaw chu a rawn hah dawn ta mai a, hmanhmawh lutukin lukham hnuaia inhaler Ka duh chu ka la chhuak vat a ka ka chhungah chuan kap lutin thaw te chu ka la lem ham ham bawk a; Lallawmawma ka la ngei ber tum a ni hial ang, 'Naupang nghal leh chimawm mi tihzah peih lutuk mai' ka ti hluk a



Chutia mahni a ka lo in hro sak lai chuan ka room kawngkhar an rawn kik a, kei a lo thinrim sa nen "Tunge..!!" Vin zet hian ka ti a "Keimah" a tih chuan ka awmdan a danglam leh nghal vel tawh "Ihhh....ih ka hmu duh lo che" ka tih zawh rualin room ah chuan a rawn lut a



Tunah tak hi chuan hmuh ka duh lo a sin maw le, ka zak bawk si leh thinrim bawk si chu ka nelawm viau lo ang "Tumaw Chhelotea chu" nui ruh ruh pah leh mit ko min san khum ak ak pah a a rawn tih chuan ka zak lutuk hi, ka te nghal chem chem in ka hria




"Tumah" ka lo ti nghut a "Ka chhelo viau tih ka in hre hleinem" a rawn tih leh chuan ka zak lutuk leh lai lutuk chu ka hmai a sen leh tawn tawn tawh ang "Nangmah i ni lo" ka ti hrawk a, ka chhang rang lutuk leh ka chhan danah chuan mak a ti a ni ngei ang, nui tawp hmak in min en run a




Ka hlau ve tho bawk si chu, tho thutin bathlar lamah chuan ka chhuahsan ta hmak a; engmah pawh sawi loin min rawn zui ve mai bawk a, ka thut rual chuan ka bul chiah a thut naah chuan a rawn thu a "Kha i phone" min loin ka phone chu min pe a "Ka lawm e" tih sup pahin ka ak tha nghal vat a




Min biak pawh tum lem loin van lam thlir chuan a ngawi vung vung a, kei lahin sawi tur ka hre der bawk si lo; min biak hun chu ka chang a ni ber. Kan awmdan chu ka hrethiam teh teuh lo, "Nangmah i ni lo" ka ti kha a ngai hua a maw ni dawn le?! Khami hnu khan min biak leh pawh a tum lo reng reng



Kan ngawi rei tawh bawk si, keilah in sawi tur ka hre bawk si lo; ka kut chu ka khal niap niap a, min in ti thlahrung letling tawh zawk ka inthiam chiah tawh lo a, ngaihdam ka dil dawn a maw ni le aw ka ti a mahse ngaihdam han dil tur em ah chuan tih ka nei awm in ka hre bawk si lo. Kan boruak chu a ninawm tan tawh viau bawk a, min biak a tum bawk si lo keilah in be dawn pawh ni i la sawi tur ber pawh ka hre der si lo




Rei tawk fang kan ngawih hnu chuan aw a rawn thian ta kharh kharh mai, eng tak chu sawi ang maw ti a ka ngaihtuah mek laiin "I thinrim tawh lo em?" A rawn ti dut dut a, Enga! A thil mi zawh teh daih chu ka ngaihtuahna nen a a in perhsan lutuk vang chuan ka en ha a, a nui suk a "Nu tê thinawrhnu, i thinrim tawh lo em?" A rawn ti tha leh a




"Ka thinrim a mi?" Ka lo ti ha a, min chhang loin a lu a bu nghat a "I thinrim a maw ka tia" hrilhhai zet a ka tih chuan nuih hak hak pahin "Thinrimna chhan tur ka nei hleinem" a ti a, ka mak ti lutuk chuan chhan mai nachang pawh hre loin ka en mawl tawp a




"Khatia min en reng a nih chuan..." A sawi zawh hma chuan lo pawt chat vatin "Ka hria" tih leh lehlam hawi chu ka rual nghal a, mi tihzah dan lah hi a hre bawk si; a thinrim chhan ang a ka rin ve dan lah nen chuan a in perhsan khawp a, a ngawih nachhan zawk chu thinrim leh titau thlem a thiam loh vang zawk a ni




Min fawh vang khan a lakah beiseina ka nei sang nghal ringawt a, eng nge maw ka ngaihtuah teh hrep ni atthlak lutuk; min fawh chhan kha zawh chak viau mah i la thil dik a ni theiin ka hre bawk si lo, thian kan nihna avanga min fawp pawh a ni mai thei bawk. Aaa... Zomuanpui, min ti a zo vek tawh!




Ka ngaihtuah nasat lutuk vangin ka lu ka thing leh thin a, ka bula mi chuan mak tih hmel zet a min en in "He i thluak bur tereuh te ah hian eng nge i lo ngaihtuah leh tak veng veng ni" nui suk chuangin ka chal chu a kawk a "Engmah ka ngaihtuah reng reng lo" ka lo ti vat a, nui hak hak in ka biang min piai sak leh hram pek a




"I lo kal leh duh angem?" Tiin min zawt leh ta daih a, bangbo zet a ka lo en laiin "Nizana kan kal naah bawk khan" a rawn ti leh a, lu ka lo thing rang hle. Mahse ka ngaihtuah chiang a, nuam ka ti tak zet bawk si; "Khatiangah te khan i lo tel ve thin a ni maw" tiin ka zawt ta daih a "I hriat loh tam tak a la awm" tih zawngin min chhang a




Eng nge ka hriat loh tam tak la awm chu ni ta ang le? Hriat ka chak tak zet a mahse aman min hrilh te a nih ngawt loh chuan han zawh dawt lah ka ngam chiah bawk si lo, "Lo kal leh la" a rawn ti leh hap a thawk hak pahin "Engtikah?" Ka lo ti a "Karleh inrinni zanah tho" a ti a




Sawi tawh angin Will bula awm hi nuam ka tia, a changin han ngeiawmin han chimawm thin viau mah se ka hlim a, a bula ka awm chuan eng nge maw ti kawng zawng tak hian ka thla a muang riau thin. Aw la pawh chiah lo mah i la, kal tur chuan rilru chu ka siam ve tho bawk




Ka harh chuan khua a lo eng uar tawh a, tuk dang lo ang takin tukin ka tho hma a; muangchanga tho chhuak in ka inbualna tui tur chu ka lum hmasak te te hnuah inhnuaiah ka chhuk a, ka nu pawh an room atangin a lo chhuak ve chiah bawk. Min hmu thut chu a phawk chiang kher mai "Eheee.... I piangthar a mi?" A lo ti he haw a, chutia tho tlai ngai pawh ka ni lo a tun hnai maiah thawh ka hai a ni ve mai a chutia min ti chu ka lung a awi lo leh hman khawp a





"Awi i van sual tak" ka ti hluai a, ka lungawi lo tak zet bawk ka nu chu a nuih a zat hmel kher thung, midang te pawh lo thochhuak in thingpui te chu kan in a, inchhung hmun te phiat a ka tihfai hnuah inbual turin inchungah ka chhoh san ta hlawm a; vawiin chu tuk dang ang lo takin ka phur surh reng a, a la hma bawk nen ka che chak viau lo bawk




Rei tawk fang ka inbual hnuah ka insiam chhunzawm a, ka sam lem chu uluk lutuk a khuih in ka mithmul chu uluk fahranin ka line bawk a; ka kawr hak tur pawh ka thlang rei khawp mai, ka insiam zawh meuh chuan dar8 leh chanve a ri tawh a, a la hma bawk a ka duh ang thanin ka chei bawk




Tuk thuan eikham chuan Will chu ka nghak a, rei lo teah a ni pawh rawn hmanin college lam chu kan pan ta nghal a; ka zangkhai vah a, keimahah hian eng nge maw rau hi a che tlat a hriatna ka nei pek a chu chuan min ti awm hle hle thei lo




College kan thlen chuan kan tih dan ngai tein Will chu ka nghak a, bike a park that hnu chuan classroom lam panin kan inzui dun hnak hnak a; ka han melh leh zeuh thin a, engmah hmel danglam a put ve awm ka hre lo a awmdan ngai ang chiahin a awm ni mai hian ka hri




Lecturer chhuah hnu chuan "I dam lo a mi?" Tiin ka zawt ta nge nge a "Dam e tinge?" Min zawh chuan "Aaa....ka zawt mai mai che, i ngawichawi em a" ka lo ti satliah ve mai a, min nuih suk a min chhang lem lo break a ni bawk a tiin toilet a kal ka tum a, ka kal tur thu ka hrilh zet hnuah toilet lam pan chuan ka kal ta nghal a





Corridor ka phei lai chuan han ngaih that lohna em em pawh ka nei hran lo, vawiin ka awmdan teh hrep chu ka phur hawrh ni mai hian ka hria; ka zun zawh a kan class lam pan a ka phei leh lai chuan tu emaw hian min lo pawt ding a "Nang hi eng vangin nge Will i lo zar buai reng a" min ti chu ka hre thiam lo kher mai "Ka zar buai awm lai ka va hre lo ve" ka tih chuan "I zak lo a mi, vawikhat pawh lo hnaih tawh suh" a ti leh a




Tu nge maw ni a a in hriat a, chutia min tih rik ngawt nachhan pawh ka hre lo; chhang lo a kal san mai ka tum chu "Zawngi ding rawh, ka la sawi zo reng reng lo" a rawn ti vin leh tuarh a, nin hmel zet a ner khum nang pah chuan "Sawi la eng nge i la sawi duh chu" ka ti a "Huhh...i zak lo ve hle mai maw" tiin in la cham zet chuan a rawn ti a, hetiang khing tlak loh buaipui hi ka peih zawng a ni ve lo




Kal leh mai ka tum chuan ka hnungah min rawn pet pawp a, ka kat dawrh leh nghal; chutah zet zawng ka insum thei tawh bik lo, insum ve viau ka tum a nia mahse a chet dan teh hrep avang chuan a lam chu ka hawi a ka in rin hma in ka hmaiah a rawn beng leh pawp a "I eng pawi ka sawi ka hre lo, i zak lo hle mai" ngeiawm zet a tih pahin ka nui lui kher a




"Will hi ka ta a ni a, min chhuhsak tum tu te chu ka pawi sawi tihna an ni mai" a ti leh a "A nih tak chu" tih pah a kal leh mai ka tum chuan ka kawrlum lukhum ah chuan a rawn pawt leh hram a "Engeee...." Ka ti hrawk a "Min vin ve ngam a maw" tih pahin ka sam ah chuan a rawn kek ta mai, ka thinrim a so sang ve tawh bawk nen ka lo kek let veleh a a duai lo duh bik thak lo




Sam lem vuah ka ni tih reng pawh ka in hre chang lo, min tih ang chuan ka ti let ve zel a chutah ka sam ka rawn kek leh chiah chu ka sam lem a thlawn ta mai; phawk fe hian ka sam lem a pawh thlak chu a enin ka lam a rawn hawi leh a "Na....nang hi!" Mak tih hmel fe a min rawn en chuan ka zak bawk si leh thinrim lutuk vang chuan eng khaw sawi set set loin ka bawhthlu rawk a




A hmaiah chuan ka hnek ta buan buan a, midang te chuan duhtawk turin min lo au chul bawk a mahse ka thei lo; college ho student hmaah zak takin min siam a, ka rilru na lutuk chu mu leh mal ka nei tawh lo a ni ber chutia ka hnek lai chuan ban tha chak tak hian min rawn pawm kang nawlh a!



[Ads click theihnghilh lo hram hram i la, ka story te ngaihnawm i tih a i chhiar duh zawng a nih chuan like leh comment mawlh kha aw hmeltha lutuk ho 😘]



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)