THE HOODIE GIRL

Episode nei ho a hlawm a dahkhawmna
SumMer Ralte
Posts: 104
Joined: September 6th, 2021, 11:35 pm

THE HOODIE GIRL

Unread post by SumMer Ralte » September 17th, 2021, 9:48 pm

CHAPTER-11



"Patil chu i ni tak tak em?" Awih chiah si lo a ka zawh leh chuan min chhang tha duh der lo leh nghal a, min nuih liam san mai mai na te chuan ka ngaih an ti tha tawh lo chiang hle bawk, engtin nge a nih theih Stella hi Patil a ni ang maw?!




Thazuali tih lo a, rilru ka pek leh na hmasa ber hi Patil a nih chuan a va buaithlak dawn ve engtia han tih chi nge lah ka hre der mai bawk si lo; rilru nuam zan lo chuan kan haw ve thei ta hram a, ka rilru ah thildang reng ka ngaihtuah thei lo Patil a nihna leh nih lohna chiahin ka rilru a luah hneh miau hek




Mi maksak tak chu a ni ve chiang alawm! Zanriah ei kham chuan thutkhawmna lamah pawh tawi khawmuang peih loin ka room lamah ka chho a; bathlar lamah chhuak zui nghal in thutna ka siam rem leh zet hnuah ka khum pahnih a ka kiu nghatin ka hmai chu ka hup vang vang a, tunah tak hi chuan ka buai map mai




Ngaizawng lo dawn ngawt pawh ni ila tunah chuan ka rilru a luah khat hneh lutuk tawh tlat "I va in ngaihtuah muk ve" min ti tu lam chu ka hawi phei vut a, min nuih sen sen pahin ka bulah a rawn thu thla ve nghal zat bawk "Engtik lai tangin nge i awm tawh" ti a ka zawh leh chuan "I chhoh hnu lawkah" tiin min chhang a




Lala-i lo kal lai hre lo tur khawpin henu mi maksak têreuhi hian ka rilru a lo luah hneh viau a nih pek dawn hi "Eng nge i ngaihtuah leh tak vung vung" ka awmdan mak ta thut pawh hi a lo hre ve a ni chek ang chu, tum dang lo ang takin zanin chu min chik riau




Han chhan vak dan tur a awm pawhin ka hre lo ka u bulah hian 'ka hmeichhe duh chu leh rilru zawng zawng ka pek na hi patil a nia' tiin ka sawi ang maw? A teuh lo lutuk, ka u bulah ngat phei chuan ka in sawi mualpho dawn lo hi a ni tawp mai



Lalthazuali nen kan in zui lai kha chuan tun a ka mizia ang hi ka pu ngai lo, tawng tam chi ka ni lo bawk nen phawsawlh tak leh thawveng takin ka awm ngai lo mahse ka hmeichhia, ka ngaihzawng hmasa berin min duh khawp loin min kawp a; min kawp duh tur khawp a tihsual ka neih lah ka hre der lo




Ka thiam ang tawk chuan ka ngaihsakin amah ka duhna pawh ka ti lang ve chuan ka hria, ka sawi hmaih theih loh chu vawikhat te mah ka la phatsan ve ngai lo bawk; mipa chapo ve thin tak kha a hmeichhe duh vangin a tlawm zawkah ka tang ka tang ta mai a, mahse min palzut ka ti dawn nge ka ngaihdam thinna kha a ni chuan remchangah hmangin ka ngaihdam leh beisei in min kawp a





In bakkaih chang te chu awm vein a tlawm zawka tan ka chuh ve thin mahse in kawp leh in phatsan kher erawh ka huat zawng tak a ni; kan inthen atangin ka mizia tam takin a inthlak a, hmeichhia hi ka ring leh thei tawh ngai lo a ni ber ang chu ka hmuh hniamna leh engah mah ka ngaih lohna a lian tawh zawk a chutih rualin chhaih atan bak ka ti tawh ngai lo





Mahse a vawikhatna atan Stella ka nunah a rawn lut a, ka hriat loh karah ka ring a, ka duh bawk a mahse eng nge ka hriat leh tak hi ka hmeichhe duh hi Patil a ni ang tih ngaihna reng ka hre lo!




Class kan kal pawhin a hma a ka en thin ang khan ka en thei der tawh lo leh nghal, amah te chu ka hmu Patil tlat pek a a va buaithlak tak! Ka ngaihtuahna vak vel hian ngaihtuahna tha loah min hnuk lut ni mai hian ka hria, pawh taka biak lah ka inthlahrung zo vekin ka hre leh nghal pek a




"Will, eng nge i ngaihtuah" mak tih hmel takin min zawt ta reng a, henu te reuh hian ka ngaihtuahna a ti nu zo vek tawh "Lalnunhlim" ka tih chuan phawk zetin min en a, a hmingpumin ka la ko ngai lo a ka ko pawh hi mak ti reng tur chu a ni alawm, min melhrum nghal khai khai a "Enge..?" Vin zet hian min ti erh a, ka nuih suk thung




"Englo a nia" ka ti leh ren rawn a, dik tak chuan sawi tawl chu ka hreh ve tho; lo Patil tak tak se, ka zawhna tur vang hian sawi nuam lo pawh a ti thei a mahse ka zawt lo a nih chuan ka awm a nuam thei dawnin ka hre tlat lo chu chuan rilru min ti kap hle thung "Sawi rawhh" dawhthei lo hmel zet a a tih chuan thawk ka la hawk a




"I Patil tak tak em?" Inthlahrung lutuk a ka zawh chuan, min melh ren rawn a keiin min chhan hun ka nghak reng thung; ka in rin hma hauh chuan za lutukin a nui chhuak a, a pum dawm meuh a a nui ta mai chu ka hrilh a ti hai viau mai leh nghal a, za lo zetin ka lo then khum ve sak sak ringawt




"Patil turah min ngai tak tak a mi" a tih chuan "Aaa... Ka hre lo, ngai deuh tho" ka nui tawi tak ringawt tawh, a ni lah a hma aia nasa in a nui emaw tih turin a dawhkan beng meuh chuan a nui a; ka nuih a za ve thei der lo, hrilhhai leh mak ti lutukin a nui lai chu ka en mawl tawp hi a ni ber ang chu




"Mawllian a engvang tehlul in nge Patil chu ka nih ang a, mi lo mah a in tih nu ve nak alaiin sawi awm ang lo lutuk mai" ka tukhum a rawn tuk lawlh pah chuan mi ti zek a, sawi tur hre lo lutukin ka lo then khum sak sak ringawt tawh "A reng reng thuah ka eng lai hian Patil ang a rin tir che" nuih la za lutuk tih hriat tak si leh insum deuh tak chuan min zawt leh kher a




"Insual i thiam a, basketball khelh te nen" ka tih chuan min en in a nui leh a, a eng a hria chu nimaw? "I mak ve e, chutiang ka thiam ringawt vang a Patila lo inchhuahsak tum, ti awm ang lo lutuk mai" a ti leh a, chutia amah teh meuhin a Patil loh thu a sawi chuan ka thawk a veng huaiin ka hria




Ka piantirh ata ka la hlauhthawn ber tum a ni hial ang chu maw le, hahthlak zawk thin hian! "Ka naupan laiin taekwondo ka zir thin a, basketball erawh kan bul hnai velah hmeichhe han kawm mai tur an awm thin loh avangin ka awm tur awmchhun te mipa an nih avangin an tih ang ang ka tihpui ve thin a chu chu a nimai" thu tak deuh zawk a a rawn tih leh takah chuan hnar a hik phawi ang maiin ka thawveng huai thei nia




Hmeichhia vanga ka la buai ber tum leh rilru ka sen hnem ber tum a ni hial ang chu maw le! Loh theih nang, ka hmeichhe duh ve kha Patil a lo nih tak tak hlauh phei chuan tuiawm loh ve em bawk a tin ni. "Tlaiah in practice leh dawn em?" Min zawt leh hlaal a "Practice awm tak chu nia" tha tak chuan ka chhang let ve mai bawk a





"Pawi loh chu, ka lo nghak leh ang che" a tih rual rualin a lamah ka hawi phei vut a "Mahse i khel ve tawh lo ang" ka ti nghal thawr a, min melhrum leh nghal ram ram tawh mi melhrum hi chu a sam ve thin ngawt mai; a mi melhrum ka hlau te a ring zawk a maw ni?




"Hmm... A nawm em kha bakah..."

"A ngai lo, hmeichhia tan khatiang khelh ve kha a mawi lo" a sawi zawm leh hma chuan kan ti thla ve zen a, a nihna takah chuan midangin a taksa an hmuhpui vak vak kha tul ka ti lo; sam a nei lo tih an hriat tak vang mai a, a taksa pholan kher kha a tul tam ka ti lo hle bawk




Mipa dangin a laka ka hmuh ang chiah a mize lawmawm lutuk leh hip tu ngah zet hi an hmu ve tih ka hai bik lo, chuavang chuan ka bul a nih loh chuan mipa dang hi hnaih lo se ka duh bur bawk, ngawi teh kei hian mipa dang ka ngaihtuah tihna maw? Ka thik ve deuh zawk tihna em maw ni dawn le!




Ka nui suk a "Ka tibuai pha lo ve che u e" te chu a la ti tak deuh deuh a, min tibuai chu ka ti lo mahse mipa dang hnaih ka phal lo bur hi a ni tawp mai; "Ka thusawi i awih dawn loh chuan min nghah pawh a ngai kher lo a nia" chang fek fawk a ka tih takah chuan hmui min pawrh khum tarh pah chuan "Ka hria ka hria, ka khel dawn lo" tih leh leh lam hawi a rual vei hmak a, ka nui chhuak hak thung




Sam nei lo tawp chu a ni tawh bik lo a, a sam rawn to thar phir seng te leh a biang sen tawl tawl te hian an ti lawmawm zual ka ti zawk dawn nge pawh ka hre lo; hoodie lian hnik hnek amah in a hak pawh ni lo a hoodie zawk in a a hak let daih ang maia lian leh fual pur te, pants ama tawka tight ve tak a hak te leh a pheikhawk a taksa leh hmel phu lo a lawk ve tak ka ti dawn nge a inhmeh lutuk vang ka ti zawk dawn




Chutianga a in chei han hmuh hi chuan naute lem siam sual mahse beisei loh taka rawn chhuak nalh ta phian hi ka chan ber; hmeltha vur lo mah se, a hmel lawmawm lutuk leh zûn ngah tak te, a biang strawberry ang maia tai tek te chu naute lem hmelchhe ve tak mahse cute deuh si nen hian ka tehkhin ber chutih rualin ka mitah chuan a tha ber lawi si




"Kha a ngaihtuah leh ta vung vung e, khatia tul tam lo pui i ngaihtuah renh chuan i thluak khan a dam rei pui lo ang che chuvang chuan ka ril a tam thil eiturin kal ang" a rawn tih duah chuan ka nui hak, a tawngkam te hi khawi atanga a hriat nge maw ni mak pui pui huat dawn a huat hleih theih der si loh nuihtiza tak tak hi a phuh chhuak fo mai leh nghal



"Kal i la" tih pahin ka thutna atang chuan ka tho chhuak ve ta nge nge a, a ril tam reng mah se vawikhatah thil tam tak a ei ngai hauh lo mahse darkar tin thil a ei peih ang tih tur vel hi a nia, a thau phah lem hlei lo chu a nih hi, ngawi teh kei hian ka lo chik deuh mah mah em le aw?!




Canteen kan thlen chuan a ngai te bawkin eggroll leh coffee a chah a, kei chuan rice leh lasi ka chah thung; kan eitur chah a lo thlen rual chuan rawn hawi chhuak leh tawng tawh map loin a ei nghal mial mial a, nuih suk suk pahin keipawh chuan ka ei ve nghal a mahse le a ei zawh hma chuan a awmdan chu a buai ta nak mai





A hmai chauh pawh ni lo a beng thleng chuan a sen chhuak ta vek mai chutah a thaw chu harsa tih hmel zetin a thaw hlawi hlawi bawk a, a awm chu a dawm bet tang bawk; ka hmuh rual chuan a bulah rang lutuk a phei nghal rawk rawk a "K...ka thi dawn" harsa tih hmel zetin a rawn tichhuak a, a chil a phuan nghal vek bawk




Ka mangang lutuk chu chet mai nachang ka hre lawk lo a, chutah harh chhuak zawk ni awm ang hrimin ka lu ka thing zui nak nak a; pawm kang nawlhin ka bike lam ka pan phei pui nghal hlawk hlawk chu Remmawia chuan min rawn hmu teh chek a ni ang chu ka bike zawn kan thlen rual chuan a rawn thleng chawpchilh ve nghal mai a




"Damdawi inah" ka ti chhuak nghal hrawk a "Bawiha, bike ah kha chuan i phur thei lo ang" a tih chuan ka melh no teh chiam lo kher mai, thawk ka la zui nghal hrawk a ka pawm lai chu enin mu leh mal a nei tawh lo tih ka hriat rualin ka rilru a hmanhmawh ru hle tawh thung




Remmawia chu rawn kalin "Taxi ah hian chuang ru, i bike chahbi min lo pe la Zawma nen kan rawn zui ve nghal ang che u" a tih rual chuan ka chahbi chu ka pe sawk sawk a, taxi chhungah chuan chuang lut nghalin damdawi in lam chu kan pan ta nghal a, kan tlan lai chuan ka phone chu phawrh chhuakin Lala-i chu ka call nghal a




A khat tawkin driver chu hmanhmawh deuh tur leh tlan chak turin ka tur sek bawk, damdawiin kan thlen rual chuan pawmchhuak nghalin damdawiin kawtah Lala-i leh nurse thenkhat min nghak ni awm tak a lo ding te ho awmna chu hmanhmawh zetin ka pen pui nghal pawk pawk bawk



Khum ah chuan mutin emergency room ah an nawr lut nghal a, rei lo teah Remmawia leh Zawma te chu an lo thleng ve bawk a; kan pathum chuan Stella an rawn nawr chhuah hun chu kan chang reng a, darkar chanve dawn kan nghah hnuah Lala-i chu a rawn chhuak a, pan phei nghal vutin "Engtin nge a awm?" Ka lo ti nghal thuai a




"A tha, hlauhthawn awm a ni tawh lo" tiin min nuih suk a "Engvang nge?" Ka ti leh a, ka tawngka chhuak chu a nelawm fahran loh khawp ang hlauhthawnna nen engvanga khatianga awm thut nge ka hriat loh vanga mak tihna leh hrilhhai na nen chuan a rumin a chang mah mah ta ve ang




"Eng nge a ei i hre thei em?" Tiin min zawt daih chu mak ka ti hle "Eng lo... Eggroll leh coffee" bah deuh nuaih a ka tih chuan "Artui lam chi hi a taksa i hua a, a natna nen a a inhal vangin" a ti a "Natna a! Eng natna maw?" Ka lo ti he haw a




Sam a neih loh chhan te, a taksa belkang ang maia sen vual tut leh phuhlip nuaih te chu hmu ve fo tawh thin mah i la, 'natna' a tih khan mak ka ti leh zual a, artui pawh a natna in a hua a maw? "Eczema natna a nia, vun lam natna a nih ber mai chu" a tih chuan "Lala, a dam leh vat angem?" Ka ti hluia a




Chutia ka ngaihtuah lutuk tih a hriat chuan mak tih hmel zetin min en a, min chhan mai nachang pawh a hre lo chu ka lo thaw hak a chutah min rawn nuih sen senin "Will, a tha lawm ngaihtuah awm tak a ni tawh lo zanin ah riak se naktukah chuan a haw thei ang" a tih chuan ka thaw huai thei nia maw le "A harh tawh a, hmuh induh chuan a hmuh theih tawh aw" kan lam pan a lo kal nurse chuan a rawn ti lang lang a




"Lut i la" ka hnung a ben thak thak pahin Lala-i chuan a ti a, chhang loin kan inzui lut nghal a; kan luh a ka u a hmuh rual chuan inthiam loh hmel deuh tak hian a lo nui a "I ei thei loh tih i hre reng a?" Ka u in a tih chuan "ULala, ka nu te hrilh suh aw, an hlauthawng lutuk ang" a lo ti nghal sawt sawt a "Zanin i riah a ngai dawn asin, i chhungte chu hrilh a ngai tho alawm" a tih chuan a thaw chhuak hak a




"Hrilh loh theih chuan hrilh loh hram ka duh e" a ti leh vawng vawng a "Tinge i ei reng reng?" An thil sawi chu in zawt pawh an ang ka ti lo, an rilru a awm awm an sawi nimai hian ka hria "Niminah pawh ka ei alawm, a tir chuan ka thaw chu a hah deuh a mahse engtin mah ka awm tak loh avangin ka ngaih a tha ve mai a bakah ka ei chak lutuk a" inthlahrun hmel taka a ti a




"I tan a tha lo tur i hria a, i tilui leh a nih chuan a chhe ber pawh i chang thei a nia chuvang chuan ei tawh reng reng suh" zilh pah si chuan aw zaidam takin a ti dap dap a, an bulah chuan ngawi rengin ka kekawr ipte zenin ka lo ding ve reng thung



"Ka ti tawh lo ang, mahse ka nu te chu min hrilh sak suh aw" a ti leh a "A nih chuan chhuanlam ka siam sak dawn che nia" a ti ve ta nge nge a, rawn inher in ka dar a ben thak thak pah chuan min rawn nuih suk a, room chu a chhuahsan ta nghal a




Ka kekawr ipte atanga ka kut la chhuakin Stella awmna lam chu ka pan phei a, a bulah chuan thu thla ve nghalin amah chu ka en mawl tawp a han sawi mai tur pawh ka hre lo; ka hrilhhaina leh manganna khan min la kiansan meuh lo niin ka hria, a chhan chu nichin lawka a awmdanah thi tawh mai tur anga a din vang te pawh a ni ta ve ang




"Will?"

"Immm"

"Ka tihpalh" engvangin nge a thiam loh ni ngai loah hian ngaihdam min dil ziah hrep tak zawk hian!

"Engvangin?"

"Ka tih hlauhthawn che avangin" chhang tawh loin amah chu ka en a, inthlahrung hmel taka min enna te chuan a thin a ti rim zawk hial dawn niin ka hria, za lo tih hriat tak hian a then zui nghal sak bawk a



"I sawi lo a" ka tih chuan a ngaihna hriat loh hmel zetin min en a "I ei thei lo tih maw le" dar chhin khum aka ka tih chuan "Hmanah chuan ka duh ber a ni thin, ka ei chak lutuk a ka natna nen an in hal tih pawh ka lo hre chang leh tawh lo a tin ni" tih pah chuan a in hnit ri hraih a, sawi mai tur hi min va van thin tak em!



Amah chu ka en tlawk tlawk reng a, ka duhna leh ka khawngaihna te chu a in chen ta ve ang, ni lo ka duh zual phah sauhin ka hria; a tih chak, a eichak engmah ti thei tawh loa a awm ngawt mai chu a nat tur zia hriatthiam pui ve phak kher lo mah i la tuna a hrehawm ti hmel hian keima khawilai emaw ka chhungrilah hian natna min thlen sak ve lawi si




"A tha leh let vat ang, mu la" hnem ngial ka tum pawhin thu han thluaithlum chi mi lo ni lo bawk nen, ka tan chuan a harsa lam hret a ni; tun dinhmunah chuan ngawi reng a hnem tum ai chuan ka tawngkam pakhat a thlamuanna tur sawi a ngai bawk si



Nidangah chuan ngawih ka chuh mai zel a mahse tunah chuan ngawih chuhin awmzia a nei dawn lo tih ka hriat avangin ka thiam ang tawk chuan ka hnem ve chu a nia, engtin tak lo dawngsawng ang maw? "Rei lo te tak tak ka mu lawk ang aw" inthlahrun hmel tak a a tih leh chuan ka lo bu nghat a "Muttui le" nuih sen sen pahin ka ti a




A muhil lai mawlh mai te chu a hmeltha ka ti tak zet, a hmel a dang ve lap tih mai loh chu; engtiang takin nge tun hun thleng tur hian a tuar ang tih hre lo mah i la, a beih ve nasat tur zia leh paltlang a ngah tur zia ka ngaihtuah phei chuan amah chu ka khawngaihin ka lainat zual a "Engmah hlauh tur a awm lo, i kiangah engtik lai pawhin ka awm reng" ka ti ta sep a





[Ads click kha theihnghilh lo hram i la, a ngaihnawm chho tial tial dawn a chuvang chuan like leh comment kha han pe uarh ve sauh i la, ka hmangaih te ho 😚]



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)