ᗷIᘜ ᗰᗴᗰOᖇIᗴՏ BY Ęlèøš Vanchhawng (Completed)
Posted: September 19th, 2021, 3:24 pm
ᗷIᘜ ᗰᗴᗰOᖇIᗴՏ
CHAPTER - 1
Ka phone chu ka han hmet eng a, khuma mu pah chuan whatapp-ah ka online pah bawk a, heihi chu zan tin ka tihdan ani.
Whatapp group pakhat ah chuan ka han lut leh a, he group-ah kher kher hi chuan ka tlangnel viau ani, mahse nawi thin erawh kan tlem viau.
"Ka lo kir e" ka han ti ringawt a, an lo reply leh ngei dawn tih ka hriat vang a ni pakhat.
Ka tho a ka khum bul dawhkan a tui bottle chu banin tui chu kan in khawlh khawlh a, nawi hun a intan dawn ta.
Group tamtakah ka awm lemlo ka awmna ve tawhah chuan nawi viau thinlo mah ila a mawi tawk chuan ka lang ve thin.
Mahse he group pakhatah erawh hi chuan hmel hmuh siloh a ka thian tha tak tak te an awm a ka hlim thin hle.
Ka mi chan a rawn lan takah chuan groupah chuan ka lut leh a, "Hmangaih Martin" ka phun chhuak sap heihi ka nawi pui ber thin leh private lamah pawh ka kawm tam ber a ni hial ang.
"Zanin chu i tlai hlek" Martin chuan a rawn ti a. Ka nui sak a, minlo chik hle ani a dik reng bawk a, zan lamah hian dar 9 velah phone ka khawih ve chauh zel a, khua a lum avangin zan lamah ka hna te ka ti tam zawk mah bawk.
"Tlai lo chiah chiah zawk lo maw?" Ka han ti a, typing leh nghal he groupah hian kan pahnih hian kan ri rei ber thin, midang mit kan ti kham ang tih erawh ka hlau ru viau zel.
"Melory, Darzat kha han en teh" nui lai lem a rawn dah tel bawk a, ka hre reng ka runluih ve pakhat ani thil ho deuh deuh sawiin ka nui leh hak hak zel a. A ni pawh a nui ve tho in ka ring.
Melory Lalduhawmi ka ni a, kum 21 na ka hmang mek bawk, pawl sawmpahnih ka pass hnu khan IGNOU-ah B.A admission ka ti ve thung a. Sawi hmaih theih miahloh chu Literature hi ka nunah chuan a hlu viau ani. Chuvanga English core ka ni reng ani.
Collage kal kha ka peih vakloh avangin hetia tih mai hi tha in ka hria a, tunah IGNOU -a B.A kal pah tho in hna ka thawk ve pah bawk a.
Mi thenlhat chuan a min ti viau mahse kei erawh in fing ka inti zawk daih. Chhun lamah ka unaupa school ah Kg-1 leh kg-2 class ka lakpui a, ka unaupa school din a ni bawk a, pawl sawmpahnih thleng awmin a lun viau.
A tira ka thawh ve dawn khan ka u hian a remti vaklo a, mahse kg chin a zirtirtu lak tur ah khan Qualification kha 12 pass an tih maiu avangin ka ti ve thawr a. Ka tawngtaina zar a ni ang chu mi tamtak karah ka tling ve hlauh ani.
Zan lamah erawh Online in hna sum hmuhna ka ngaihtuah char char thin bawk, sum ka duh vang ni hran lovin ka hma hun tur atan ka in khawl ani.
Naupang bula awm hi nuam ka ti viau thin a, mahse school a a hminga han thawh ve takah chuan a chang chuan peihlo taka kal a ngaih chang lah a tam hle Mahse schoola ka thawn chinah hian class ka lakloh emaw hi ka la hrelo ani.
Group message ka han en leh a, Martin-a leh Grace-i lo nawi na te chu ka han chhiar a a chang hi chuan ka thik lek lek zel ni te hian ka inhria.
Teacher group lam pawh an la ri laih laih a, ka thawpuite tih tawh mai ang an rilru a tha a, min dawm thiam em em a, fak derna lah ka dawng ve nasa bawk.
Zan rei tak thleng private lama Martin-a nen kan inbiak hnu chuan ka phone chu ka dah a, ka tarmit banin la laptop chu ka han khawih leh a.
Mail rawn lut te chu ka han check vel a, mahse pawimawh em em a awm loh avang chuan ka khum leh thak a, mu tur chuan ka in tintuah tan a.
Khua a lum bawk si, ka khum zau lemlo takah chuan puan hlap pawh sin peihlo in khum mawng lamah chuan ka hnawl tawm thla vek a.
"Au tho teh U Josepha alo kal tawh ania, sitting roomah a thu" ka nau chuan a rawn ti lawng lawng a, ka in perh tho nghal vat a.
"Lukir, engmaw?" Thawh ka hai a ni chiang mai. "min lo kaitho ve ta che u" ka ti zui nghal lang lang a.
Bathroom-ah lutin ka intifai nghal sawk sawk a, ka sam chu khuih thuak thuak in ka thawmhnaw bawm awmna lam chu ka pan a, ka kawrfual khup chen nipui laia hak nuam tak chu ka han phawrh a, Sandal dum kaih triak chu ka bun pah mawlh mawlh a.
Ka hmai pawh chei ta lemlo chuan sunscreen chu inhnawihin ka room kawngkhar lam chu hmanhmawh deuh hian ka pan a.
Sitting room a Joseph-a lo thu chu ka va hmu nghal a, "Good Morning Sir , i va hma ve... awh" sawisual nei ni a ka inhriat avang chuan Kan wall clock intarna lam chu ka melh chho nghal thuai a, dar 9 rik nan hun tam a awm tawhlo tih ka hmu nghal bawk.
"Kal ila" ka ti ta nghal a, ka zak ru deuh chem chem.
"Chaw pawh i ei hmanlo chu ania, nizan lam i meng rei awm hle mai" an ti nghal ngei a, ka lo haw em em thung.
"Sual suh, Thawh ka hai khat viau asin" ka han ti ve leh a kan nui dun a.
"I nu te hi tunlai office an kal tha em? "
"Aw, an kal tha thawkhat viauin ka hria"
" Tah hian thil kan lei lawk ange lo thu rawh " tih pah chuan car atang chuan a chhuak nghal a.
Ka phone chu hmet engin whatapp-ah bawk chuan ka lut leh a, Message a rawn lut nghal tawk tawk a. A hnuai lam deuhah chuan Mertin-a Message a lo awm ve viau mai.
"Good morning melory
I buai awm hle mai zingah pawh i online hmanlo ania" tih te hi a lo dah a. Ka nui hak a ka buai viau lo chu ani.
"Morning school ka thleng tep" tihin ka chhang a ka out zui leh nghal a.
Joseph-a a rawn luh tak avang chuan ka phone chu ka ak tha leh mai a.
"Kha heihi la rawh chaw i ei loh kha" tih pah chuan polythin bag hi min hmehbel nghal a.
"Enge heihi ?"
"En la ".
Ka en chu Frooty leh moon cake pahnih ka nui hak a, he mihring tak hi chu a ngaihtuah kim ve fu zel. Ka bag chu zen rak rak in ka purse chu ka phawrh a.
Ka pawisa nawi neih chu la chhuakin pek ka han tum a, " thil tullo deuh ti thin suh, ka leisak che a man hmuh let ka beisei hauhlo ania" a ti leh hmuk a. Pek zui chi pawh a ni hrep lo pawilo ni dangah ka treat ve mai a ni ang chu.
School kan thleng a, naupang te ni si hian "Good Morning Miss" ti a wish tu ka nei ve nak nak zel in chhuanna lam nilo se la, a nuam ru hian thin tlat.
Joseph-a hi kan school-a thawk ve tho ani, ani erawh Vice Principal a ni thung, a fel a kawm a nuam a, kan school hi kan in a tanga a hlat deuh avangin min rawn sawm pah thin ani.
Kan kum pawh a inthlau viau chuan ka hria.
Ani erawh kan veng thenawm chiah a awm an ni thung.
Kan thlen hnu lawkah kan tan nghal mai a, Keipawh class la turin ka kal zui nghal a, Kg-1 leh Kg -2 ah hian teacher panga kan awm a, U mimi-i erawh chu teaching lam ni chiahlo in Bible thu leh lam te a zirtir thin thung kar khatah vawihnih a lut ve thin. A bak erawh class sang zawkah Subject lak a nei nual bawk.
"Good morning Miss" an ti dial a,
"Good morning everyone," tih pahin ka nuih san san a, thu tura ka tih chuan an thu ve leh mai bawk tunlai naupang te hi chu an fing tawh a, an fel kher khawr viau zel.
" Muante, tinge i tah le hetah lo kal teh?"
A tlar hnung lama thu chu ka han au a, hetiang reng hi ani kan class chu fel deuh ni nei thin mahse lo in vel tawk te , nu te ngaia lo tap tawk te lah an bang lo.
Lehkha zir ai mah chuan In hauh that lohzia sawi nan hun kan hmang rei zawk thin a, tap thlem a period kan hman ral thak t(r)um lah a awm chawk.
" Angel ding rawh le, " nui sanga ka tih chuan angel-i chu tha deuh hian a ding ve mai a, a hmeltha reuh em em lehnghal.
"Muante-a hi ben tawhloh tur ania, nang chu i fel tawh tiraw? " Ka han ti a a lu a bu nghat a a nui seih bawk a. Cute tak ani.
Muantea tap a bang ve hram a, section A&B ah kan then a ti chung pawh hian Sec. A ah hi chuan 50 chuang an la awm a, enkawl hi a har viau thin.
Zai ngen tlat pawl an awm leh thin a achang hi chuan nuih an ti za viau zel.
Zawhna ka siam changa chhang fuh nih chak taka ding chunga an han in sawi siak zel mai te hi an hmuhnawmna pakhat ani.
Thuawihlo deuh awm thin mahse a tam zawk hi chu thuawih em em an ni lawi a, enkawl harsa tak awm thin mahse tawngkam nem tak nena han tih chuan an fel viau thin.
Ka period a han zo a, Office-ah lutin ka table ah chuan ka thu hnak a, U Eli chuan minlo nuih var var a.
"Miss Melo i chu i chau reuh viau lo maw?" A ti a a nui pah sâng bawk nau anga min en a min kawm ngeih/ngaih em em tu an awm hi ka lawm thin.
"Tun tum chu lo in muah tum te an awm a tap te kan han inthlem leh rih alawm le" ka nui pah hak hak a.
" An lawmawm thei reuh emai tute nge ni a?"
"Muantea'n Angeli biangah lo muah a tuma angeli duhlo khan a lo beng palh a ni awm e" ka sawi zawh hma in teacher Office a awm te chu an lo nui hak hak hlawm a a hlimawm thei asin aw.
"First term exam kha thlaleh mai a nih tawh kha aw," u lawmi chuan a rawn ti ve leh a, ani erawh hi chuan middle lam a la thung .
Ka period neih leh chu en in lunch break hma deuhin KG2 Sec B ah ka nei leh a, a chauh thlak thin reuh viau ani.
An ti ti chu ka ngaithla ve reng a ka lo nui ve suk suk zel, U Joseph-a a rawn lut a min rawn pan nghal chat a.
Lehkha te hi ka Table ah chuan a rawn dah a, ka lo nui hak a, chutiang bawkin teacher dangte chuan minlo chhiah nghal hak a. Ka nui liam ve mai mai a ni zawk mah.
"Ehhh. .. Sir Joseph-a chu love letter thawn rual lek ila ni elaw ?" Kan principal ka unaupa ni bawk U Rem-a chuan a rawn ti a, an nui dar dar.
"Chu lam nilo e, class 9 student te lehkha in thawn ka man sak a nih kha," a nui hak a " Miss Melo-i an star thu an lo sawi a mawle" an nui nghal ham ham a, kei erawh ka zak ru viau thung. Heihi a vawikhatna mai a ni tawhlo lehnghal.
U Joseph-a man sak a ni ziah bawk si, zak tak mai hi ka nia, ka bula thu U mimi-i chuan lehkha ho chu a lo la vat a, a chhiar a nui zui nghal ar ar a.
"Enge i nuih vak an ti ve mai mai a ni ang" ka ti hram a , "hei an sawi ve chu maw 'vawiin chu a sam tihdan saw a inhmeh tawp, mahse makeup a hmang vak tawhlo reng reng' te an ti vel an zaklo reuh e" tih leh nui a rual a. Keipawh chu ka nui ve tawp. U joseph-a lah chuan ngun fe hian minlo la melh zui, ka miko san ralhin an titi chu ka zawm ve ta zawk a.
School kan han bang a, Joseph-a chuan a car bulah minlo nghak run a, kê a haw ka tum thu ka sawi chuan a tullo a tih thu a sawi hluk lehnghal.
A chang hi chuan nelawm viau mahse a chang hi chuan gentleman ai pawhin a pa zawk hial emaw tihtur ani thin. Kher khur zel a.
"Khawiah nge kan kal dawn?"
Ka en reng a, a sam buk lam deuh hawi zawng bik nei lemlo a phir sang chu a tuai leh puat thin. Nula duh chi tur tak ani tih a hriat a, amah hrim hrim hi a pa viau bawk. A palian viau a, a body erawh mipa tamtak te angin a build ve lemlo.
Carah chuan ka thu lut ta nge nge a, min tlanchhuah pui puat bawk, Bazar lamah kalin kawng chung lamah chuan kan tlan kawi chho leh a, "MVM CAFE " tih intarna zawnah chuan a ding a.
"Eng nge kan tih dawn? " Ka la ti hû tho mai.
"Chhuk rawh " a ti leh ngut a, a chang hi chuan a kit emaw min ti em mawni ka ti hial thin.
Ka rawn comeback ve leh nawlh mai.
Minlo chhiar sak avangin ka lawm a,chapter dang pawh minlo chhiarsak zel turin ka ngen a che.
"Chapona alo awmin mualphona a lo awm a,
Inngaitlawmte hnênah chuan finna a awm.
Mi fel rilru thatna chuan anmahni a hruai ang a,
Mi vervêkte luhlulna erawh chuan anmahni a tiboral ang."
Thufingte 11 : 2-3