TEENAGERSROMANCE BY Clãrå Zœtë (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: TEENAGERSROMANCE BY Clãrå Zœtë (Completed)

Unread post by Ngaia » September 19th, 2021, 4:04 pm

JENNIFER POV


Damdawiin kal vang te pawh ani mahna ka chau nghulh thei, tunlai hi ka ka natna hian min hneh mah mah niin ka hria, ka inhneh tir tur ani lo, rei tak dam ka ngai, chutianga awlsam taka thi thei ka ni lo, ka chhungte tan tal pawhin ka dam angai, an rilru na lai hmel hi hmuh ka duh tawhlo.. Ka room-a mahni a ka inngaihtuah melh melh lai chuan ka room kawngka chu a rawn in hnawng a, Amos ani... " Amos, eng nge i lo tih dawn? " ka ti vat, mak ka ti em ani.. " Jen, vawiinah in inentir tih ka hria a, engtin nge an lo tih che" tih pahin ka khumah chuan a rawn thu thla a, Amos-an min ngaihtuah hmel taka a tawng hian hlim viau mahila ka phu lo ani, he a ngaihtuahna mit meng te, min tihhlim a tumna vanga a nui hmel te hi ka chan loh tur ani, he natna ka neih avang hian min khawngaih lo se chuan heng ami ngaihsakna te hi ka dawng hauhlo ang, mahse chumi hre reng si chuan a hmangaih bulah ka kaltir thei chuanglo, mihring famkimlo, mahni hmasialna nei ka ni ve miau si a..



" Amos, eng tikah mah min kalsan lo ang ti raw?" ngen ngawl tak chuan ka han ti a, min chhang lawk lo, ka hriatthiam pui lutuk, atan chuan zawhna chhan harsa tak ani dawn miau si a, mahse a ka ngeia a sawi hriat ka duh ani, amah ngei hian ka bula a awm tur thu min hrilh se ka inthiamlohna pawh a nep deuh mah na.." Jen, i bulah ka awm dawn alawm, chuvang chuan i dam vat vat a ngai " a rawn ti a, ka lo nuih let suk... "Aw, ka dam vat vat ang, nangmah vang tal pawh hian ka dam dawn ani" Amos-a mita en chung chuan ka han ti a, min rawn melh thla ve chiah bawk " Aw.. hmana jenniferi mi chak tak kha ni leh rawh i inhmeh zawk" nui ruh ruh pah chuan a ti a, ka lo nui chhuak huk! "Amos, lalruatsang, a hma khan ka sual i tihna ami" a bana hnek pah chuan ka ti a, a la nui char char " Aw, i sual mai pawh nilo aa... ka sawi tawhlo mai ang " Amos-a chuan nui chung chuan a ti a, hepa hi chu hmangaih awm reng a ni, a phu hliah hliah, a hmangaih ber a kalsan chung pawhin kei min tih hlim a la tum ania, ka lo hmangaih hi ka inchhir miah lo...
Rei fe kan ti ti hnu chuan Amos-a chu a haw ve ta a, mahni chuan ka rilru chu ka kawm melh melh a, tun lawka Amos-a bula hun reilo te ka awm chhung pawh khan ka hlim em em a, ka natna theihnghilh thakin a bulah chuan ka awm thei tih ka hre thar a, hetiang khawpa ka tana mi pawimawh hi Nora-i lakah chuan ka kaltir thei meuh ang ngem??..



Nora Lalhriatzuali POV


Damdawiina jenniferi thusawi kha ka bengah hian a ri nawn tluk tluk a, ni e, khanu kha, a mizia a thlak nasa ngei mai, nge ka lo hrechiang lo zawk ni? A eng a pawh chu ni se engmah siam that theih ka nei lo, Amos, Amos-a hian ka beiseina, ka duhthusam, ka rinna leh ka hlimna a ti chhe vek ani, jenniferi pan mahse dem thei ka nilo, eng ang pawhin lo vehthlem mahse Amos-a hian min hmangaih tak tak anih chuan kei min kalsan in midang a pan ngai hauhlo ang, jenniferi a pan anih chuan min hmangaih lo tihna a ani mai.. Mipa min hmangaihlo tur hi ka hmangaih reng chhan tur hi ka hrelo, Nora Lalhriatzuali alawm ka nih, mipa pakhat vang mai mai a kehchhe thei ka nilo, khawvelah hian mipa tam tak an awm a chung mipa tam tak zingah chuan ka thlang fuhlo ani mai, inngaizawng dang pawh an inthen a, a hnu lawkah an an nei leh mai, an thih phah lo.. Ka na anih pawhin ka na rei tur anilo, kha mi rinawm lo khan ka mittui far khat pawh a phu lo.. ' Khai le Nora, inti chak la, i mittui sen zawng zai kha a tawk tawh viau ani, nun thar nei la, i khawvel pangngaiah chuan let leh rawh ' tiin keimah leh keimah chu ka infuih a, tunlai chu ka hun tawn vang pawh ani mahna,ka lung lampang hi a diklo leh tan riau a hriatna ka nei, thawk chhuah that theihloh chang lah ka ngah mahse buaipui ngai khawp a ni chuanglo a, ka chhungte pawh ka hrilh duh lem lo..



Dressing table a ka phone dah chu a ri a, screen ka en chuan ' Amos ' tiin ka phun chhuak sek.. Hepa hian eng nge a duh ni.. Tunah chuan ka tan biakloh a tha zawk, engkim hi theihnghilh tum ila a tha ber, pangngai taka ka hmachhawn theih hunah chauh ka hmu ang.. A call chu ka ring ral tir a, pick duhlo mah ila ka hmangaih kha ani miau a, phone chu ka melh tlawk tlawk.. A hnu minute 5 velah chuan a rawn call leh a, duhlo viau mah ila ka insum zo lo, ka pick ui ta nge nge " Aw " ka ti tawp a, " Nora, kan inhmuh thinna ah khan ka awm, rei lo te inbia ang" a rawn ti a, eng nge sawi duh a neih le, " Amos, sawi pui tur che ka neilo,ka lo kal dawn lo" ka ti a, a thaw hawk ri chu ka hre thei " Nora, ka th.." a sawi zawh hma chuan a tawng lai chu ka pawt chat a, "Amos, hei baka na chuan min siam tum suh, i tawngkam dengkhawng tak tak hre reng tur khawpa chak hmeichhia ka nilo, tuna natna min pek pawh hi a tawk viau ani " ka ti hmarh hmarh a, "Ka tihpalh" a ti tawi tawp.. "Ha.. ka tihpalh a? engkim hi i tihpalh maw? khang hmangaihna te zawng zawng pawh kha i tihpalh maw? chuan i thil tihpalh vang chuan hmeichhe pakhat in a tawrh phah a, chuta i sawi theih awm chhun chu tihpalh chiah maw? " ka ti hrawk.. "Nora, i bulah ka awm theilo mahse ka hmangaih che, nang chiah hi ka hmangaih ang che, ka tihnat vang che in min ngaidam dawnnia" a rawn ti a, "Ngaihdam a.. nang ang mipa hi ngaihdam tlak i ni lo ve, hlim takin awm dun ang che u" tih leh phone off ka rual a, ka khumah chuan ka bawk thla nghal, ka tap lo mahse ka na ngawih ngawih...



Thawk leh khatah ka thin zawn chu a rawn na a, ka thaw a rawh hah tan.. Inhaler drawer-a ka dah chu ka hip kawk kawk a, ka la pang ngai theilo, ka drawer chunga vase chu ka ti tlu palh a, a keh chhuai mai, a keh ri chu ka nauin a hria ani ngei ang, ka roomah chuan a rawn tlan phei ngal, ka awmdan a hmuh chuan min buaipui a, ka nu te an awm silo a, ka u lah chandigarh ah a thiante nen outing an nei daih bawk.. ka thaw chu a la sak tlat , Eric-a chuan inhaler chu min hip tir leh a, ka nu chu a call pah bawk a, reilo te ah chuan ka pangngai chho ve mai bawk a, mahse ka thawk chu tlemin a la sak deuh, minute 10 hnu velah chuan ka nu chu a rawn thleng a, min rawn kuah nghal, ka nu chu a rilru a hah hmel takzet, "Bawihi, i tha tawh em, i thaw tha thei em, i pa leh i pa thlenga te pawh an lo kal vat dawn, bawiha, i pa chu call leh teh an va lo thleng har ve" a ti nghal bawrh bawrh a, ka nu a mangan hi chuan a heti chung zel, "Nu ka tha tawh alawm" ka ti a, ka nu chuan " lo nghak rawh, an check phawt loh che chuan i tha tih ka pawmlo" a rawn la ti, ni e henu hi tudang nilo in ka nu a ni miau a, kan tetlai atang tawhin pem hlek kan neih pawhin police e tilo chuan a phili buai vek zel..



Rei lo te hnuah chuan ka pa te chu ka roomah chuan an rawn lut a,ka rinloh deuhin Marcus-a pawh a rawn tel ve, pa thlenga, ka doctor,marcus-a pa ni bawk chuan min han check vel a, "Nora, tunlai i rilru i tihah ani lo maw, rilru hah deuh ten awm loh tur" a ti charh charh a, Marcus-a chuan uluk deuh hian min en reng, hepa hian min ti lai lek lek, eng nge maw a hriat ni.. Ka bp leh eng eng emaw a check zawh hnu chuan pa thlenga chuan ka pa bulah chuan " Hawh teh, sitting room lamah khuan i zuk inbe lawk teh ang" tih pahin ka pa dar chu a beng thak thak a, hetah pawh a sawi theih reng sia, eng nge inhnuaiah kher, tullo emai a.. Ka pa te chu an inzui thla a, ka nu chuan "Marcus, i duh leh mambawihi nen hian lo inkawm ru, puitling titi ngaihthlak chu i tan a ninawm ang" Marcus-a bulah chuan a ti a, Marcus-a pawh chu a lo bu nghauh ... Ka nu chuan ka chala min rawn fawp zeuh hnuah chuan min chhuaksan a, ka nau Eric-a chuan a zui chhuak ve nghal..



Tunah chuan Marcus-a nen chiah kan awm tawh, sawi tur a vang si,a tawp a tawpah chuan "Marcus, vawiin thil hi eng mah hrelo angin awm rawh" ka ti a, "Nora, tinge i thaw a hah thin" a rawn ti daih, "Haha.. he ka lung natna hi ka pianpui unau ang mai ani, a dam theilo, a dam pawh ka ring tawh lo, dam tur chu ni se kan inenkawl rei tawh dan en in dam tawh tur chu ani" nui pah chuan ka ti a.. Marcus-a chuan mak tih hmel takin min en reng "Eng nge, ti khan min en suh! chutianga serious ani hleinem, a chang chang chiahin a lawm a rawn chhuah thin" nui ching chuan ka han ti leh a, thutak zetin Marcus-a chuan "Amos vang ani tiraw? " a rawn ti, min la en kur zui, chhan dan vak tur pawh ka hrelo, engah mah ngailo ang tak chuan " hetianga min awmtir thei tur khawp in Amos-a hi ka tan a hlu lo" ka ti tawp, ni e tuna ka thi sawi hi keimah ngei pawh hian ka awihlo, "Nora,inbum suh, i hmangaih, ka hria, tunah pawh Amos-a vangin i rilru a hah a chuan hetiang hian i awm phah" marcus an a rawn tih chuan chhan nvaihna ka hre lo lutuk chu ka nui tawp..
Hepa hian ka rin aiin ka rilru a hrr thei zek lehnghal.. "Nora, i chan hlen thei ania, i tan khan bei ve rawh" Marcus chuan a ti a, " Marcus, ka chan tawh zawk alawm"ka ti a, ka nui lui sak bawk.. "Ka hrilh ang che, ka hmangaih ber chu ka induhtawk na leh ka chapona avangin ka chan tawh,chuan tun thleng humian inchhir takin hun ka hmang, hetiang inchhirna hi i neih ve ka duhlo " Marcus chuan min en reng chung chuan a ti leh a, ka chhang tawhlo.. Rei vaklo hnuah Marcus-a pawh chuan min mangtha in inhnuai lamah chuan a chhuk ta daih a...


Marcus-a hi tunlai chu a mizia hi a mak riau mai, nge hei hi a mizia dik tak amawni.. Aaa ka buai peih vel lo e a! Mahnia rooma awm reng ka peihloh avang chuan inhnuai lamah chuan ka chhuk thla ve nghal a, sitting roomah chuan an lo thu thap a, an thusawi chu ka hrelo na a an puithu khawp mai, " transplan pawhin awmzia a neih thui viau ka ringlo" ka pa chuan hnuai lam bih pah chuan a ti a, " transplan a theihloh chuan engtin nge mi ang, tunah te hi chuan a dinhmun a that hmel fu si a" ka nu chuan pa thlenga en chung chuan a ti a, pa thlengan chhan a tum chuin rawn hmu a" E, Nora, i lo chhuk peih a law.. mu hahd ta che" pa thlenga chuan a lo ti vat, midang ho chuan min rawn en vat a, an insiam tha rang ngei mai, eng chungchang nge maw an sawi ni, ti nge min hmuh velah an ti ti an tawp daih ni?, "Aw, mahni a awm chu a ninawm em a, ka lo chhuk ve daih" tiin pa thlenga chu ka chhang a, Marcus-a chuan min lo en reng tih ka hria mahse hrelo ang hmakin ka awm.. "Anih, thiana, kan kal mai ang, hei Nora-i pawh a that tawh hi, tih tur neuh neuh ka la nei sia, eng emaw a thlen leh chuan min lo call kha inthlahrung lo ula , nang pawh Nora bawihi, lo inenkawl tha la, chuan pawimawh ber chu rilru tih hah loh tur, chuan sport lam pawh engmah ti suh aw, hah loh kha a pawimawh ania" pa thlenga chuan a ti a, Marcus-a nen an inzui chhuak a, ka nu leh pa te chuan an motor dahna thleng an va thlah a..



Ka nu te an rawn luh leh hnu chuan ka nu chuan "Bawihi, naktukah marcus-a rual khan school kal rawh aw, a lo sawm ang che, mahni-a i awm ka phal tawhlo" a rawn ti nghal , naa.. ka nu em em thin hi chu a! "Nuu... k a thiante nen pawn kan kal thei alawm" ka ti a, "Nora lo kal teh" ka nu chuan a ti a, ka zui a an room lahah min hruai a, "bawihi, lung thalo i nei tih i hria ani tiraw, mahnia i awm chuan vawiin a thleng ang te kha thleng leh ta se, engtin nge niang? Marcus-a saw i pa thlenga fapa ania, mi fel tak ani bawk a, school chu a rualin kal thin la,a rualin i rawn haw thin bawk dawn nia" dak deuh hian a ti a, chhan tuma ka ân zuau lai chuan "Bawihi, i thiante angin i awm ve thei lo, lung chaklo tak i nei a, chuvang chuan ka thusawi hi zawm thin teh, vawiinah khan Eric-a awm lo se eng thil nge thleng thei i hria em? min tih mangan i duhloh chuan Marcus-a bulah hian awm ang che" a rawn ti leh.. chhan pawh chhan hma hma a.. "awle, nu mahse hlauthawng suh vawiin kha chu thil thleng palh mai mai anih kha " ka ti a, ka nu chuan min en reng "Nora, i nu ka nih hi eng nge i chungah hian thleng min hrilh rawh.. tunlai i awmdan te hi ka hrelo amaw i ti ang nge, engkim min hrilh la, ka tanpui thei mai thei che asin" ka nu chuan min en reng chung chuan a ti a, nu te nge nge kan awmdan hi an lo hre chiang ber anih hi,mahse ka hrilh duh ang ngem? "Nora, sawi rawh le, i nu chauh ka nilo, i thian ka ni tel bawk ania" a rawn tih leh phei chuan ka rilru no a kai harh, ka nu chu ka kuah a, tah ka duh a, mahse ka tap theilo..




"Nora bawihi, sawi rawh, ka ngaithla ang" ka nu chuan ka hnunga beng thek thek pah chuan a ti a " Nu, engmah chutiang a awmlo, tak tak, ka period dawn vang aniang ka mood a off mai mai alawm" ka ti a ka nui lui bawk, Amos-a nen kan chungchang hi hrilh rihlo teh ang, hlawkna a awm dawn chuanglo. "Awle, tunlai i danglam lutuk hi mak ka lo ti deuh a, mahse engmah a thil thleng a awmloh chuan a tha vek e, nia.. tuin nge maw ka fanu kawlh leh huaisen lutuk hi tibuai thei ang ni" nui uar uar pah chuan ka nu chuan a han ti a, ka kuahna chu ka thlah a"Nu.. kher a che " ka ti a, kan nui dun uar uar a, ka pa rooma lo lut chuan mak min tih hmel lutuk"eng chu nge in nufa a in lo nuih vak vak a, hriat ve a va chakawm ve" nui ve ruh ruh pah chuan a ti a, ka pa hi a nui mang lo asin le, "engmah, hmeichhe thuruk" ka nu chuan a ti a, ka pa nen kan in en a, ka lo nui tut tut.. hei hi alawm kan chhungkaw nih nawmna chu! eng ang pawhin inhau in timangang thin mah ila a tawpah kan nui ho leh dar dar thin.. "Anih pa-a zanin chu bawihi ka riahpui dawn ania" ka nu chuan a ti a,ka pa chuan "Han riak teh, mahnia mut tepawh ka duh, i mang a chhe si,Nora, i nu hi a mang a chhe teh mai ania" a han ti a, ka nu keh pate chu an han inhnial leh rih a.. ka van nui hnem mai mai tak.. "Anih nu, ka lo han chho ang, chaw ei dawnah min lo ko mai dawn nia ka mu lawk dawn" ka ti a, an ni pawh chuan mu turin min ti ve mai, ka nute room atang chuan ka chho a, ka room lam ka pan a, ka room ka thlen hma hret chuan ka nau Eric-a chuan, "Bawptawi, vawiin ang khan boruak hâk tawh miahsuh buaipui i hahthlak emai" ka dara min kuah pah chuan a ti a, hepa tak hi chu a, vawiina a mangan zia ka ngaihtuah let hian ka hmangaih ngawih ngawih.. "Naua, khawvela nau tha ber i nih hi,mahse bawptawi min ti kher zel suh" tih leh a ngalah ka pet a, na a ti kher mai..ka room lam chu ka pansan daih "I room ah khan tukverh 10 kan dah belh dawn nia boruak i hek bik emai" eric-a chuan a rawn la ti lawng lawng mahse ka chhang tawhlo, ka roomah ka lut a, khumah chuan ka mu a, ka chau ve deuh aniang ka muhil zui nghal
--------------to be continue--------------

( zanin atang chuan zantin chapter thar kan up ziah tawh ang😉)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:04 pm

Nora Lalhriatzuali POV

Vawiin chu tuk dang aiin ka tho hma, school kal pawh ka chak em em lo, mahse kal ngei ka duh, ka pumpelh kumkhua thei dawnlo, hmalam ka pan vat theih nan pehhel lova huaisen taka hmachhawn ka duh ani.. Hei hi Nora Lalhriatzuali tih awm tak ani,hmeichhe huaisen tak, engmah in a tihchhiat theihloh mihring kha ka ni miau si ani.. Ka insiam lai te chuan ka ngaihtuahna te chu ka kawm melh melh reng a, ka zep lo Amos-a hian min tina in min phatsan mahse ka thinlung leh rilru zawng zawng a la thunun fan fan, hei tak hi ani ka duhloh chu, min tina tu mipa hi theihnghilh ka duh takzet.. Ka insiam zawh chuan ka nu te bulah chuan ka chhukthla a, ka rin loh deuhin Marcus-a chu a lo awm reng tawh, a ruala school ka kal hi a ngai tak tak dawn amawni.. Mi sual chu ni lo mahse hepa hi ka pawh tak tak theilo.. "Nora, hei Marcus-a pawn a nghah reng tawh che hi, breakfast va ei zung zung rawh" ka nu chuan a lo ti nghal bawrh bawrh a, engmah sawi lemlo chuan chokaah chuan ka phei a, ka ril a tam hla theitui chu noah ka thli in ka in a, ka duh tawk der.. Sitting room lam ah chuan ka phei ve nghal a, "Ka hman, kal ang" Marcus-a bulah chuan amah pawh en lo chuan ka ti a, ani pawh chuan a bag ak tha in kawngkhar lam chu a pan ve ta mai bawk a. Taxi in kam kal ang chu ka tih nen, Marcus-a chuan bike a lo keng,bike hian kan kal ang maw, ka nu hian a hmu ve reng sia, sawi sel a tum miahlo.. Ka hriselna a pan em avang hian bike velah hian chuan a phal ngailo, ka nu chu ka ve en zeuh a, a lo nui suk duh chauh, eng chu nge maw ka nu hian a hriat ni.. "Lo lawn rawh" Marcus-a chuan a ti nghut a, a tawngkam te hi a nelawm lo hrim hrim, thu pe aw deuh deuh hian min bia a, mahse ka nu awm laia inhnial em chu ka ti deuh a, ngawi reng chuan ka lawn kai ve mai.." Bawihi, ban velah lo haw tlang ula aw, chuan Marcus, fimkhur deuhin khalh rawh aw, in chesual palh ang nge, tlan chak lo ula" ka nu chuan a ti a, Marcus-a chu a nui gih a taksa che dat atang chuan ka hre thei, " Nu sawm, ka khalh chak lo ang, kan kal ania" a ti a, keichu ka tawng ve lo, ka nu chuan kan tlan liam lai chu min thlir zui a..


"Class thulh thaka chuan i tum ami" rawn ti tu vang chuan ka phu zawk, ka hawi chhuah chuan school kan lo thleng der tawh! Bike ah ka chuang ngai vak silo a, nuam ka ti lutuk chu school kan thleng tih pawh ka lo hrelo, a van zahthlak thin tak! "Marcus" ka ti tuar a, a hnungah chuan ka beng ri thlup bawk, a na ve deuh aniang Marcus-a pawh a au thawt, " Nora, vawi khat pawh min han beng leh teh, ka chhipthlak ang che" a rawn ti a, hepa te reuh hi chhaih kawlh a nawm phian ka ring "ka ruala school i kal a ngai dawn sia, ni tin i tuar mai aniang chu" ka ti a, min melh no lo ve chiang asin " Mawl ah pawh hian chintawk a awm " a rawn ti leh hmuk.. Nui lo tura ka insum na lamah ka pum te chu a na vek, hepa naupan chhiat reuh zia hi.. Bike atanga ka chhuk a, Marcus-a chuam bike chu park a kan pahnih chuan class lamah chuan kan inzui a..


Classroom kan thleng tep tihna chuan Amos-a leh Jenniferi te chu kan tawk a, kal pel mai ka tum a mashse Jennifer-i chuan "Nora, kal rual ang u" a rawn ti a, chutia a rawn tih hnua han kalsan daih kha a mawi vak silo a, Amos-a chu ka en zeuh, ani pawh chuan Marcus-a nen chuan min en tawn zak zak, nia mak a ti ve aniang, Marcus-a nen hian kan inkawm vak ngai silo a, vawiin ah lah a rualin ka kal sia.. Engmah sawi lo chuan class lam chu kan pan a, Jenniferi leh Marcus-a te chu an section awmna a inan avangin min luhsan a, an luh dawn chuan "Banah min lo nghak rawh" Marcus-a chuan min rawn melh zeuh pah chuan a ti a, Amos-a leh jenniferi chuan kan awmdan an hmuh chuan mak min ti tih ka hre reng.. "Awle" tiin Marcus-a chu ka chhang a, Amos-a pawh nghak lo chuan ka kal daih.. Classroom ka thlen chuan ka thutna ah chuan ka thu thla nghal a, Amos-a pawh min be lemlo chuan ka bulah chuan a rawn thu ve nghal a, "Nora, tinge nimin school o kal loh a" phoeby chuan ka thutna bula ding pah chuan a rawn ti a, "Nia, vawiinah pawh kan nghak che a, mahse i lo kal dawnlo amaw kan tia kan kalsan tawp che" Sangtei chuan a lo ti ve bawk, ka damloh vang tih ka sawi dawnlo reng reng, "Nia, ka cousin te inneih naah kan kal a, ka lo hrilh theihnghilh daih che u alawm" nui pah chuan ka ti a, "Hmm... school lo kal ziah tawh rawh, i lo kal loh chuan Sangtei leh Arini chiah kawm tur ka nei sia, an tawngthei dun si" phoeby chuan nui tut tut chung chuan a ti a, Sangtei chuan a nak ah chuanb nghawk sawk a, kan han nui ho leh rih, phoeby khan fiamthu in sawi mahse a chan tir ka hrethiam lutuk, Sangtei leh Arini bak bak a dang nal hi ka hrelo, e lawk.. mi pakhat a awm ka nau Eruc-a mawle! Sangtei leh Arini te hi inkawm ngeih viau mahse an inhnial reng thei, an tawngtheiin hnialkhan an hre dun sia, an pahnih bula awm hi chuan a chauh phah vek theih, mahse inhnial reng e ti lo chuan an inngai em em lawi si.. Bell a rik chuan an thutna lam chu an pan hlawm a, teacher a rawn lut a, attendance te la in class kan la chho mawp mawp a, class lak lai te chuan kan lehkha zir te chu ka rilru ah pawh a lut thei meuhlo, ka bulah Amos-a a thu miau a, min en leh zuk zuk thin, mahse min be ngailo, min en lai te chuan hre reng mah ila ka hrelo der hmak zel... ( SKIP )



Break anih chuan ka thiante chu ground ah zuk awm ang u an ti a, mahse ka peih hranlo, min sawm chhuah zawh ngang loh avangin min kalsan a.. Next period ami tur lehkhabu ka lakchhuah laiin Amos-a chuan "Inbe lawk ang" a ti a, ka dawhkan zawnah chuan a ding reng, ngai pawimawh lo zet in " inbiak chhan tur kan neilo " ka ti ve hmak. Chutia ka tih hnu oawh chuan kalsawn a la tum chuang lo, ka banrekah chuan rawn manin min pawt tho a, "Amos! a na .. min thlah rawh" ka tih pawh chuan min thlah duhlo, classroom atang chuan min chhuah pui a, school hnung lamah chuan min chhuk thlak pui a, kan mi tawhte chuan min en zui nasa! "Amos, a na ania" ka tih pawh chuan awmzia a nei lo, a kal ngaiin a kal reng a, ka kut chu a hmer nghet tawh takzet... School hnung kan thlen thlak chuan min thlah ta nge nge a....

AMOS LALRUATSANGA POV

Vawiin a Marcus-a leh Nora-i awm dun ka hmuh khan ka sa zawk thei, mahse jenniferi ka kalpui miau avangin eng mah tih theih ka neilo.. Class kan lak chhung zawng te khan Nora-i chu ka en leh zeuh zeuh zel, min hmu reng mun hmulo der mai mai ani.. Break anih chuan inbiak ka duh thu ka hrilh a, mahse awlsam zet in a lo hnar, ka thinrim chuan a banrekah chuan hmer in ka pawt tho a, school hnung lam khu tumah an kal ngailoh avangin ka panpui ta chat bawk, school hnunglam kan thlen chuan ka vawnna chu ka thlah a, mahse ka hmai a ri nghal pawp "Amos, ka sawi chiang viau asin engmah sawi tur kan neilo" a ti hrawk a, a thinchhia in a kawlh takzet tih hi chu ka hre tawh mahse mim ben em hi chu ka beisei lo.. "Nora!!!" ka ti hrawk a, ani pawh chu a ngawi nghal, ni e, tunah hian ka thinrim takzet ani "engvangin nge vawiinah khan Marcus-a nen khan in lo kal dun?" ka ti a, mioa dang nen inpawh taka an lo kal dun ka hmuh khan ka thinrim tak zet ani, mahse Nora-i chu a nui suk, "Amos, hmeichhe dang i pan thei anih chuan ka theihloh bik chhan tur ka hrelo" a ti a, a sawi dik reng mahse ka tuar theilo ani "Nora, min en teh, mipa dang hnaih suh, i hnaih lui leh anih chuan chet ka lak dan tur ka sawi lawk theilo" ka ti ve nghal, " i tan engmah ni tawhlo hmeichhia hian mipa dang a hnaih emaw hnaih lo emaw pawh ni se nangmahah nghawng a neih thui viau ka ring lo, chuan ka nunah lo buai suh, i nun chu i duhdan in chen la midang nun leh zel thunun tum suh" nora-i chuan a rawn ti hmak a, "Nora, ka sawi chiang takin ka hria, mioa dang hnaih suh" ka ti leh, mahse engah mah a ngailo tih hriat tak in a hawi vah a, a nui suk, a inthlak danglam hman khawp mai, he nora-i hi chu school kan tan tirha hmeichhe induh tawk tak leh in chhuang tak kha ani "Kan inkar chu khami ni, kei min kalsan ni khan a tawp tawh" a rawn tih leh phei chuan ka thinrim takzet tawh.. A darah chuan vuanin ka thinrima chu bengdaih tumin thawk ka la hrawk a,
"Engmah hi tawp suh se, hun reilo te chiah ka mamawh ani"
"hun ka mamawh a! eng ti turin? hun ka pe che ang a, ka hnena lo let leh a, min tina a min kalsan leh turin maw?"
"Aih nora, ka kalsam ngai lo ang che, ka hmangaih che"
"Amos, ka hmangaih che chuan hlim takin awm la ka duh, i lo let leh anih pawhin he ka thinlung nangmah hmangaihtu hian a hnar thei kher lo ang che, mahse ka inchhuanna leh ka induhtawkna vang tal pawh hian ka pawm thei tawhlo ang che, min kalsan reng tho dawn" a mit a mittui tling pam chung chuan Nora-i chuan a ti a, "Nora, ka kalsan leh tawh ngailo ang che, mahse tunah hi chuan hun tlem te chiah min pe rawh" ngen ngawl tak chuan ka han ti a..
"Aih Amos, min kalsan ang, a vawi khatna hi a har ber thin, mahse vawi khat min kalsan thei anih chuan a vawi hnihna chu thil harsa ani lo" Nora-i chuan a ti a, a dara ka vawnna chu a la thla a, min kalsan a, a kal tur chu ka en reng, tihtheih ka nei silo, 'Amos, nepa mi nep pa, mipa i ve si hian i hmangaih ber pawh i chelh theilo a maw!' tiin keimah leh keimah chu ka inbia a, bang chu ka hnek pawp, a na em tih lam ka ngaihtuah thei rihlo, Nora-i hi ka hmangaih a ni, mahse ka mawhphurhna keimah ngeiin intiamna jenniferi bulah an neih chu ka bawhchhe theilo, ka kut bang ka hnek na chu ka en a, a thi ser ser mai, a thip reuh zek lehnghal, ka thinrimna te a reh deuh hnu chuan class lam chu ka pan ka tum a, mahse Marcus-a chu ka lam pan chuan a rawn kal a, hepa hian sawi tur a nei a ni hrim hrim ang,ni e keipawhin sawi duh ka nei..
"Marcus eng......" ka sawi zo hmanlo ka tawng lai chu min pawt chat a..
"Amos!! Jenniferi i thlang a, anih chuan Nora-i hi kaltir mai mai rawh, a awm awm in awmtir rawh, rilru hah tak hian awm tir tawh suh" a rawn ti hrawk, ka lo bang bo hle mai..
" Marcus, Nora-i hi ka hmangaih, chuan ka hmangaih reng bawk ang, hun reilo te chiah ka mamawh ani" ka ti ve a, marcus-a chuan tih ngaihna hriatloh hmel tak chuan min en tlawk tlawk..
"Amos, le thiana, tunah hian i dinhmun laklawh zia ka hria asin, i hmangaih i ti a, mahse i kalsan a" Marcus-a chuan a ti a, a hma ai thlawt chuan a aw pawh a dam deuh tawh zawk..."tinah hian i duh thlang fel rawh" a rawn ti lehnghal
"Marcus i sawi awmzia ka hrelo"
*Amos, tunah hian thlang fel rawh Nora-i nge Jenniferi" a rawn tih chuan chhan har ka va ti si em! chhan pawh ka chhang thei lo, ka ngawi a, hnuai lam ka bih..
" Ka thian i ni a, i thuthlukna apiang chu ka pawmpui ang che, chuan a tu zawk zawk pawh thlang mahla ka dem lo che a chhan chu i dinhmun khirh dan tur zia ka hriatthiam pui che,mahse ngaihtuah rawh heng hmeichhe pahnih tihsual nei miahlo hi an nat ve ve ka rem ti lo, chu vang chuan i rilru siam fel la ka duh ani" Marcus-a chuan a ti a.. Chhan dan thiam a har takzet!
"Marc... thil awlsam ani lo" ka ti a Marcus-a chuan min en reng " ka hria, mahse rilru siam fel vat i ngai, hmeichhe pahnih tap lai i hmu reng duhte anih loh chuan" Marcus-a chuan a ti a..
"jenniferi thlang ta ila Nora-i engtin nge ni ang, Nora-i thlang ta ila Jenniferi engtin nge ni ang, heng zawhna te vang hian duhthlanna siam hi thil harsa tak ani" ka ti zuai raih..
"Nora-i hi i hmangaih ani lawm ni,mahni hmangaih te bula awm bak bak eng nge i beisei chuan.. Jenniferi chu a hma pawhin i ngaihsak ngailo, tunah hian kalsan mahla kei ka awm alawm, ka ngaihsak eng thei " Marcus-a chuan a ti a,a thusawi dan atang hi chuan Nora-i hi kalsan lo turin min duh tih a chiang..
"I ngaihtuah chianglo, jenniferi hi a cancer alawm, a thling thlak anih loh phei chuan kum 1 pawh a daih dawnlo tih i hre ve reng, chuti chung chuan kalsan turin min duh amaw?" tiin marcus-a chu ka chhang a..
"A kiangah awm mahla eng nge i chuang ang? i khawngaih a, i hmangaih ber kalsan in i inhual pui ang a, mahse hei hi i hrelo khawngaihna hi hmangaihna a ni lo,in in hmangaih loh chuan awm dun mah ula in hlim dawn chuanglo.." Marcus-a chuan a ti a.. Ka thaw hawk a, chhan ngaihna ka hre tawh lo... "ti teh, class pan phawt teh ang" ka ti a, ani pawh chuan min hnial lo chuan class lamah chuan kan inzui a....

Class room ka luh chuan Nora-i chu dawhkanah a lo bawk a, ka thutna a ka thut te lai te chu a hrelo aniang, a mit a chhing char char, a muhil pawh ani mai thei, a hmel chu ka thlir reng a, he hmeichhe tina tur hi ka ni lo, mahse ka ti na miau si, Marcus-a thusawi te chu ka ngaihtuah zui reng a, sawi dikloh a neilo mahse duhthlanna siam turin thil awl ai tak ani silo.. Class kan tan leh hnu pawh chuan Nora-i chuan vawi khat mah min en lo, a rukin ka mitsir reng a, ka awm velo ang hmakin a ngai... Nia, he Nora Lalhriatzuali hi hmeichhe derdep tak ani lo miau a lawm le, mi chak tak leh mahni lu zo tak mi ani, a rilru a na anih pawhin midang hrilh a, chaklo tak anga awm ai chuan amaha tuar chhuak duh mi ani.. Ka lo hmangaih hi a awmlo hranlo, a danglam em atin ani. Mahse tunah chuan ka awmdan tur hi kei Amos Lalruatsanga meuh pawh hian ka hrethiam tawhlo, ka hmangaih kut chu vuanin Jenniferi, natna khirh tak nei mek chu ka kalsan ang, nge ni a jenniferi chu a natna tawmpui leh hmachhawn puiin he hmeichhia ka hmangaih em em kut hi ka thlah dawn.. Aa ka ngaihtuah zawng ringawt pawh hian ka hah vek thei.. Eng pawh chu ni se duh a thlan fel a ngai ani, Marcus-a sawi ang hian hmeichhe pahnih te hi beiseina leh natna ka pe reng theilo ang... Class kan ban hma chuan hall ah event lo awm tur avang chuan last period ka attend lo a, hall lamah chuan ka chho daih.. eng eng emaw kan tihfel hnu chuan ban dar chu a ri ta ral ral mai.. keipawh class ah chuan ka bag la turin ka chhuk thla ta nghal a..

Step a ka chhuk lai chuan kan school 2nd floor ah chuan student lo ding khawm chu ka hmu thei, jenniferi leh nora-i lo inhmachhawn chu ka hmu a, engah vak mah ka ngailo mahse "Jennifer" ti a au ri ka hria thut, thil thalo a thleng anih ringin ka tlan thla nghal, jenniferi chu step a lum tih hriat taka step tawpah lo bawk khup nuai chu ka zuk hmu, midangin lo kaih thawh an tum a, Nora-i chuan min melh zawk, a hlauhthawn hmel em em leh nghal.. Engmah pawh ngaihtuah lo chuan "Nora, he thil ti tawp rawh se, hetah hian a tawp vek, engtin nge nang aiia chaklo chungah ti hian i chet theih, hmeichhe rapthlak tak i ni, ka hmuh phakah awm suh" tiin Nora-i chu ka vin hrawk, Jenniferi bulah chuan ka kal thla nghal, midang chu an phun sep sep a, Jenniferi chuan "amos, i ngaihdan" a sawi zawh hma chuan "engmah sawi a ngailo, ka mit in ka hmu, tawk rawh se" ka ti ram hmak, jenniferi paeh chu a ngawi ta daih, a ke chu a ulh deuh anih ka ring, a kal tha thei meuhlo, ka pawm a, classroom lamah chuan ka pawm let a, Nora-i ka kalpelh lai te chuan mak ti takin min en, mahse engah mah ngailo in ka kalsan hmak, a ti mah mah ani, a kawlh tih chu ka hria, mahse jen-i chungah hetianga a chet em hi chu ka ringlo, ka beisei lo bawk... classroom kan thlen chuan "jen, lo awm rawh, first aid box ka va dil ang nge " ka ti a, ka chhuah san nghal, mahse thui pawh ka kal hma chuan Marcus-a chuan ka hnung lam atang chuan min kuai her sawk a min hnek nghal, hepa chet dan mai mai chu!
"Marcus, eng buaina nge i neih" ka ti hrawk, tunah hi chuan ka thinrim takzet..
"Amos, nang hi buaina chu i ni " marcus-a chuan a ti a,
"Awle, inlo inhmangaih hman hle mai maw, kal rawh, Nora-i chu va hnem ta che " ka ti a, marcus-a chu a meng rum kher mai,mahse tunah hian ka thinrim fe zawk, chu bakah eng vanga lo thinrim ve ngawt nge maw a nih le..
"Amos, duh i thlang fel ta maw" zawi tak chuan marcus-a chuan a rawn ti a
"aw.. Nora-i hi ka hmangaih thin kha ani tawhlo,a inthlak tawh, a hma a Nora-i kha chu tun a a chet ang hian chet a la lo vang,hmeichhe huaisar tak ni mahse mahni aiia chaklo te a khawih ngailo" ka lo ti let hmak..
"Amos, i inchhir ang tih ka hlau khawp mai" marcusa chuan a ti a,mahse engah mah ngailo ang taka langin "Marc... ka thuthlukna siamah ka inchhir lo ang, min kalsan teh, first aid box lak ka ngai" ka ti a
lu thing ner ner pah chuan " I thuthlukna hi sawhsawn suh ang che, jenniferi rilru tak hi chu ti na suh ang che" a ti a, ka chhang tawhlo ka kalsan hmak..


JENNIFERI POV

School kan ban chuan Nora-i chu biak lawk ka duh thu ka hrilh a, mahse min biak a duh vaklo pawh ani mahna tihtur dang aneih chhuanlam in min kalsan .. Mahse coridoor step bulah chuan a lo ding a, Marcus-a a nghak ani ngei ang, "Nora, Amos-a hi i hmangaih em" ka ti a, mahse min chhang lo, "i hmangaih a nih ka ring, in inkar tihchhiat hi ka duh dan ani lo, mahse rei lo te chiah min nghak rawh, i lamah a lo kir leh tho ang" ka ti a, " In duh duh a in cheibawl theih mihring ka nilo" a rawn ti hrawk, a tawng ring ve deuh bawk nen, student dang chuan min en thup, "Nora, ka tih.." ka sawi lai chuan "A tawk jennifer, min tawng elh i tum anih chuan i hlawhtling ngai lovang, a chhan chu Amos-a anga mipa thutiama ding zolo hi khawvela mipa nep ber ka tih chi an ni, a tawk viau tawh" a ti a, step ah chuan chhuk a tum a, mahse a banah chuan ka vuan" min ngaidam dawn nia,mabse a rei lo ang" ka ti a, a ban ka vawnna chu tal chhuah a tumna lamah ka ka ke chheh a sual a, stepah chuan ka lum thla a.. Ka hmuh leh hmasak ber chu Amos ani.. Chuan Nora-i hnena a thusawi kha ka hre bawk, Nora-i hian thiamloh na a neilo, ka ke ka petek sual vang liau liau a lum ka ni,Nora-i ka en chuan ka inthiamloh tak zet, Amos-a hrilh fiah ka tum lah chuan ngawi turin min ti a, a thinrim tih ka hmu thei chuvang chuan a thinrim reh huna hrimh turin ka khek ta tawp, ka kal ghat theihloh avang chuan Amos-a chuan min pawm a, classroom hnai berah chuan min luhpui a, First Aid Box la turin min chhuah san a..


A chhuah chiah chuan Nora-i lakah inthiamlo hle mah ila, khatianga Amos-a ka tana a hmangaih ber pawh a ankhum thei tih ka hriat khan min la hmangaih ve mai theih rinna leh beiseina ka nei ta tlat, a diklo tih ka hria, mahse min pawm lai te ka ngaihtuah a, eng emaw zawng tak chuan ka hlim veng veng,.. Kawngkhar a inhawn chuan Amos-a anih ringin ka en vat mahse Marcus ani..
"marcus, eng nge i lo tih dawn, Nora-i zuk ngaihven rawh, thiamloh na a neilo" ka ti a
"Ka hria, Nora-i hi hetianga che duh tur khawpa rilru chhia anilo, kei meuhin ka hre thei anih chuan engtin nge Amos-a hian a hriat loh"
"Marc.. Tunah chuan a ngaihtuahna a fimlo a, nakinah ka hrilh vek ang" ka ti a, inthlahrunna in ka khat leh nghal..
" Aih jen.. a tul na a awmlo, awmzia a neiin ka ringlo, Amos-a hian duh a thlang fel tawh" Marcus chuan a ti a,mak ka ti takzet!
"Duh a thlang tih chu eng nge a awmzia?" ka ti vat!
"Amos-a hian Nora-i hi a kalsan dawn, i kiangah a awm a thlang" a tih chuan mak tih na in ka khat..
"A theih loh, Nilo tunah ngei hian Amos-a chu ka hrilh fiah ang, engkim kha thil thleng palh ani, Nora-i hian thiamloh na a neilo" ka ti a, thawh ka tum mahse Marcus-a chuan ka darah rawn vuan in min thut that tir a.." Jen, engtik niah emaw chuan Amos-a hian duh a thlan a ngai dawn tho tho, chuan Norai emaw nang emaw, pakhat zawk zawk hi a kalsan hun a la thleng ang, tuna duh a thlan fel theih chuan a tha zawk,pahnih nat ai chuan a tha zawk" dam duam chuan a ti a,
"Mahse chutiang chu ka duhlo, Amos-a hi ka hmangaih mahse a hmangaih ber tello a a nun a hman ka phallo, hlamchhiah tur zawk an awm anih chuan kei hi ka ni tur ani, a hma pawn min ngaihsak ngailo, ka natna vang hian a inthlahrung amin khawngaih mai mai anih hi.. A hlimna ti chhe tu nih ka duhlo" ka ti a,
"Jennifer, in ti chak la, he natna hi sual let tun rawh, Amos-a hian i laka a thutiam hi a hlen ngei ang, ka kal ang e" a ti a, ka dara kin ben thek thek hnu chuan a chhuak zui nghal a, a chhuah hnu minute hnih velah chuan Amos-a chu bandage nen a rawn lut a, ka ke chu a bandage kan chuan a tuam mawlh mawlh, engmah sawi lo chuan ka en tawk tawk ringawt, Marcus-a thil sawi ka ngaihtuah a, inthiamlohna leh inthlahrunna in ka khat.

Amos-a chuan ka ke a tuam zawh hnu chuan "jen, kal ang school kawtah taxi in min nghak, ka thlah ang che" a ti a, sawi buai lo chuab ka lu chu ka bu nghauh..
ka kal that theihloh avangin Amos-a chuan min ka dara min vuan chung chuan kan kal a, ka bag min ah sak bawk, school kan chhuahsan chiah a taxi kan luh hma chuan Marcus-a leh Nora-i te chu an hmu, Nora-i chu melh pawh ka melh ngam lo,ka inthiamloh em atin ani.. Amos-a pawh chuan a hmulo der hmak.. Taxi ah chuan chuang lutin kan in lam chu ka pan a...

to be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:04 pm

MARCUS LALRINHLUA POV

Thla 2 zet a liam ta, Amos-a leh Jenniferi chu an inzui reng a, Jenniferi chu a hlim ani tih a hmelah pawh a hriat, Amos erawh a hlimna phena Nora-i a ngaih zia ka hre thei, kum tam tak chhung thian kan lo ni tawh a, mi tam takin hmuh hmaih mahse kei chuan ka hmu chiang hle a ni, Amos-a hi a hlim hlawl lo, mahse eng vanga Jenniferi bula awm thlang tlat nge anih ka hre lo... Nora-i pawh hian hreawm a ti in a tuar hle ani tih ka hre thei, a ti lang duhlo mai mai chauh ani. Jennifer-i step a a lum ni atang khan a hma aiin Amos-a leh Nora-i te inkar chu a hla zual a, tunah zet chuan biak pawh an inbe ngai tawhlo, khami ni a thilthleng kha Amos-a hian a hresual chiang hle ani, a thinrim laiin duhthlanna a siam bawk a, thil lian tak a ti sual ani, mahse Amos-a, he ka thianpa hi a thuthlukna siama ding tlat mi ani, eng ang pawhin inchhir mahse a inhnukdawk ngai lo vang, Amos Lalratsanga kha a ni miau a..


Nora-i erawh a tha hlawl lo, khami ni a thil thleng ka sawipui dawn pawhin a ngaithla duh thak lo, hmeichhe induh tawk tak ani miau a, mahse khami, Amos-an engkim a tawp ani tih chiang taka a sawi ni atang khan a hlim hmel hmuh tur a awm tawh ngailo, a dawldang em em a, a rawn luh tirha a hmel nung sarh te pawh kha hmuh tur a awm tawhlo, a ngawi reng a, biak pawhin a rul tawk bakin min chhang ngailo, school kal loh zeuh zeuh a hrat bawk a, ka ngaihtuah thin hle.. Hmanni a an ina ka pa nen kan kal ni khan Nora-i hian lung thalo a nei tih ka hria a, chu mai bakah a dinhmun chu a tha em em lo tih ka hre bawk, a lung chu thlak anih pawhin awmzia vak aneih loh thu ka pa in Nora-i chhungte a hrilh tum a Nora-i nu beidawng hmel kha ka mitah a cham reng... He a damloh thu hi Amos-a hian hria se ka duh thin takzet, jen-i chu kalsan mahse a tawrh em em ka ring vaklo, a chhan chu khang kum chhung zawng pawh khan Amos-a hian a ngaihsak ngailo, ngai ah a neih theih mai ka ring.. Mahse khami ni, Amos-an jen-i a thlang zawk ani tih a sawi ni khan ka ngaihdan leh duhdan chu a danglam ta hlawk mai, Amos-a hian Nora-i a damlo ani tih hre ta se, a dinhmun a khirh zual dawn ani,chu bakah jenniferi hi a kalsan ka ring lo bawk.. Chu vang chuan hrilh loh chu ka thlang zawk..


Ka pa hna bang chu ka bulah a rawn thu thla a,
"Marc, vawiin school eng nge a an?"
"A pangngai, exam a hnai tawh a, extra class te pawh kan kal " ka ti ve mai.
"marc, tunlai nora-i chungah hian eng nge thleng min hrilh rawh" ka pa chuan min en chung chuan a ti a, mak ka lo ti kher mai.
"eng vak mah thil thleng pawh a awmlo, chu bakah school kan kal rual a, kan haw rual a, a bak kan awm dun vak ngailo" ka ti thla ve tawp, a sawi awmzia hi ka hre lo miau alawm le..
"Marc, bawiha.. Nora-i hi a tetlat atang lung tha lo a nei a, school pawh kal lovin home tution a kal char char thin, mahse a awmna lama doctor in hma a sawn thu sawiin mizoram lamah a inenkawl theih tawh thu a sawi a, chuan rawn haw chho in he lamah lehkha zir zawm turin a awm a, a rawn haw tirh a a rawn in check up pawh khan a lung chuan zia lam a pan hman, mahse hmanni a an ina kan va kal ni atang khan a lung hian zia lam pan ai in zual lam a pan telh telh a, rilru hahna te hi a nei a mi?" ka pa chuan a ti a, ka pa thusawi chuan mun thawng hle mai, a rilru hahna chhan tur ka ngaihtuah hian Amos-a vang chauh ani thei..
"Anih pa, a dunhmun chu a thalo viau ami" thut hnaih pah chuan ka pa bulah chuan ka ti a
"Tha lo tih ah chutiang em em a han serious phei chu ani lo, mahse a tet lai atanga lung thalo nei ani a, a lung hi thlak pawh ni ila, a taksa dangah hian affect a nei tawh tho ang, chuvang chuan lung thlak pawh hianqqqq awmzia a neih thui ka ringlo, tuna a tana tha ber chu thlamuang taka a awm hi ani.. " ka pa chuan a ti charh charh a..
"anih a thi dawn ami" ka han tih chuan ka pa chu a nui huk a, "Marcus, mai mai thin a che, a thi em nang, mahse lung tha lo nei te hi chu thaw hah thut thut te an nei thin a, hetiang a lo thlen chang hian a hlauhawm thin, chuavang chuan rilru tih hah loh a ngai" ka pa chuan a ti a, mak ka ti hle, hmeichhe chak tak anga lang si gi eng tin nge ti em em hian a hrisel theihloh theih..
"damdawi chawh belh la" ka tih chuan ka pa chuan "marcus, damdawi te chu, a lung pangai taka a function theih nan tunah sawn damdawi engzah chiah nge a ei tih i hre hleinem * ka pa chuan a ti a, ka chhan tawhlo, ka pa chuan ka dara rawn beng thek thek pahin "Mama, bike intlansiak a i zan hun i khawhral mai mai lai te hian Nora-i chuan damdawi tam tak leh chak tak tak a naktuk hun dam taka a hman theih nan a ei thin alawm" thutak tak si chuan a ti a, "kher a che" tiin ka pa chu ka thawh san a, ka room lamah chuan ka chho ta daih a.


Ka pa thusawi chu ka ngaihtuah zui reng, Nora-i chu ka khawngaih em em a, a thil tawn hi a phu lo, hmeichhe tha tak ani si a, pathian in a hun tawn tur a ruatsak hi a fairlo ka ti ani.. Amos-an natna a pek zawng zawng pawh hi a tan chuan a tawk takzet asin.. Atan hian tihtheih eng emaw tal neih ka va duh tak!


Amos-a pawh hian a hriat ve hi a hun tawh, hetiang hian an awm reng anih chuan Nora-i rilru a nat phah mai mai dawn, ka phone ka kekawr ipte a ka ah chu ka phawrh chhuak a, Amos-a number chu ka hmet chhuak a, ka call ta a, rei pawh a ri lo a rawn pick up nghal..
"Aw, eng nge ni" Amos a chuan a ti a
"Amos, inhmu lawk teh ang"
"jenniferi te inah ka awm a"
"kan innghah na thin ah khan minute 10 ah lo thlen hman tum rawh"
"Marcus, a pawimawh vakloh chuan zanah kan inah lo kal la, kan sawi dawn nia" a ti a
"Nora-i chungchang a nia " ka tih chuan Amos-a chu a ngawi vang vang
"awle, ka lo kal" tih leh phone off a rual a.
Keipawh chu kal tur chuan ka insiam a, ka chhuak ve nghal

Ka sawina hmun ka thlen chuan Amos-a chu a lo awm tawh, keipawh chuan ka va pan phei ve nghal a..
"I sawi tum chu eng nge" AMOS-A chuan a lo ti vat
"Amos, Nora-i hi i kalsan tak tak dawn ami"
"Marcus, he thu mai mai sawi tur hian min rawn ko chhuak amaw?"
"Mai mai a, thil mai mai ani hauhlo, Nora-i hi i kalsan tak tak dawn ami? min chhang rawh" ka ti let hrawk, ka aw ki pawh a sang deuh mah mah
"Marcus, min hriatchian kha, jenniferi hi ka mawhphurhna ah ka nghat tawh, inchhir viau mah ila, kalsan lo turin jenniferi bulah ka lo intiam tawh, chu vang chuan ka kalsan theilo, Nora-i pawhin a hriatthiam ngei ka ring" Amos-a chuan a ti a ka chhan hma chuan
"Nora-i hi ka hmangaih mahse jenniferi hian tunah hian min mamawh ani " a ti leh a, min kalsan tumin a in her vut
"Amos, Nora-i hi a damlo!" ka ti chhuak sep a, Amos-a kal tur inher tawh pawh chu a rawn hawi let
"Eng maw i sawi? Marcus, uang lo teh, ka dinhmun khirh tawh teh reng nen fiamthu pawn khatiang sawi suh" a rawn ti a, min rawn pan nghal bawk
"Ka fiamthu lo, Nora-i hi ka pa damlo enkawl lai anih hi, chuan Nora-i hian lung tha lo a nei bawk, a lung hi thlak pawh ni se, a thatpui an ring tawhlo" ka ti a, Amos-a chu a meng buai nak mai..
"Marcus, dawt ani lo ti raw?" a ti a
"Ti teh Amos, dawt sawina chi anih loh hi, tunah hian jenniferi bulah awm mahla Nora-i hi i hmangaihin i la ngaihtuah reng ani tih ka hria, nangmah leh nangmah i inbum mai mai ani, tunah hian Nora-i chiah na angin ngai mahla, nang pawh i na a, chuan jenniferi pawh hlim viau mahse inthlahrunna nen a nun a hmang mek asin, chuvang chuan Nora-i hi i pumpelh theilo, i hmangaih anih chuan a kiangah awm la, jenniferi chu ngaihtuah suh, ka awm alawm, a u ka awm hi, a tuar thei mai ang, Nora-i hi hmeichhe chak tak angin lang mahse aa chhungril chu a derdep tak zet ani" ka ti a, Amos-a chu a ngawi reng..
"Amos, kal rawh engkim siam that a hun tawh " ka ti a Amos-a chu lo hawi chho in min rawn en, a rawn nui suk..
"Marcus, ka theilo.. Jenniferi hian min mamawh lai berin ka tlanchhiatsan thei lo, khang hun chhung zawng khan a lakah ka fel ngailo, tun hi ka thil lo tih tawh ka siam that theihna hun tha ani" a rawn ti a, tuna ka hma a ding hi Amos-a kha a ni tak tak em..
"Eng a!! Amos, a pawi thui hma hian Nora-i hnenah kal rawh, i hmangaih ani lawm ni? , jenniferi chu o khawngaih ringawt ani, khawngaihna hi hmangaihna a ni lo" ka ti hrawk, ka thinrim takzet bawk
"Nora-i hi ka hmangaih, mahse hun ka mamawh ani, Jenniferi thatchhuah hunah Nora-i chu engkim ka hrilhfiah ang a, a hnenah ka let ang a, chuan ka thlah leh tawh ngai lo ang" Amos chuan a rawn ti anih chu ..

"Amos" tih leh hnek ka rual a, vawi hnih ngawt ka hnek, mahse vawi khatmah min khawih let ngailo...
"Nora-i hi eng ah nge i ngaih a, bungrua a nilo, i duh duh huna i khalh a, i duhloh huna i hluihlawn theih bungrua angin ngai suh! " ka ti hrawk
"Marcus, nang hian Nora-i hi i duh ve ani tiraw" a rawn ti a, a nui suk bawk, Amos-a hi a â tak tak tawh anih dawn hi... Beidawng taka en chung chuan
"Amos, a tha e, kal rawh mahse i kal anih chuan Nora-i hi i hnenah a lo kir leh ngai tawh lo ang" ka ti a, Amos-a chuan min en rum ngang mai, mahse ka thu sawi lai kha pawi tihna ka nei ther te lo.. Ka sawi dik reng alawm, Nora-i hi a duh duh a a tihkual theih ang in a ngai hi a ngai diklo bur..
"Marcus, Nora-i hi hnaih suh ang che"
"Jenniferi i thlan zawk na na na te chuan lo hnaih pawh ni ila ka thiamloh na a awmlo "
"Ka sawi tam lo ang, hnaih suh"
"Kha chu ka thu ni rawh se, a hmangaih berin a ti na lai hmuh reng ai chuan a hmangaih ni turin tan ka la ang" ka ti a, ka kalsan nghal..

Tuna ka thil sawi kha ka duh vang renga sawi pawh ka nilo, mahse sawi lo theilo dinhmun a ka a vanga sawi mai chauh ka ni, chu nakah Nora-i hi ka duh ani, ni e ka duh, duh loh ka tum ve nasa alawm, mahse he hmeichhe duhawm tak hi tu mipa in nge duhlo thei teh lul ang, amos-a nen an inngaihzawn avangin ka rilru puthmang pawh chu ka thunun hram hram, an inthen hnu pawh hian nora-in Amos-a a hmangaih zia ka hriatchian em avangin Nora-i ka duhna te chu dahtha in Amos-a nen suihzawm ka la tum fan fan a, mahse Amos-a hian Nora-i hi a duh hun hun a neih theih leh a duhloh huna kalsan mai mai theih ang a a ngai hi ka duhlo, "Amos, mi â tak i ni! hmeichhe tha lutuk hi engtin nge i tihnat theih?" ka rilru chuan ka ti mawlh mawlh..


Haw ta mai lo chuan Nora-i te in lam chu ka pan a, ka kal fo tawh avangin a nu te nen pawn kan in nel tawh hle.. An in ka thlen chuan ka bike chu hung tha in kawngkhar chu ka kik a, Eric-a chuan min rawn hawn sak, a la nui vur vur zui.. couch ah chuan ka thu thla a,
"U marcus, bike chabi chu.." Eric-a chuan a rawn ti a, hepa hi lian ve viau tawh mahse a naupang chhia takzet! ka bike chabi chu ka pe a
"Thlanks, petrol ka lo thun ang, lo lungngai suh" a ti a, a chhuak nghal daih, nora-i nu leh pa te hian kum an tlin hma chu tiin bike an leisak duhlo a, Eric-a lah hian a khalh chak zek zek mai si.. Ka bike te hi a khalh chhuak ngun ve tawh ania.. Nora-i chu a lo chhuah har em avang chuan inchung lamah chuan ka chho a. a room kawngkhar chu ka kik a, a rawn hawn chuan ka kal tur thu ka hrilh lawk lo bawk nen mak a ti deuh ani ngei ang a hmelah pawh a mak ti hmel a lang chhuak thei..
"Marcus, eng nge i lo tih dawn, i lo kal dawn tih i sawi silo a"
"Nia, ka rawn kawi zawk mai mai " a room a zui luh pah chuan ka ti a
"E.. i lo kal takah chuan maths assignment kha min tihpui rawh, ka thiamlo lutuk " a ti a, lehkha hi thiamthei zawk zawk ka ni lo mahse ka ti chhe ngailo thung, Nora-i hian Maths subject hi a harsat thu min hrilh tawh a, kan inzir tir thin,mahse ani zirtir hi chu dawhtheih a ngai thin lutuk, a thiamlo mai pawh ani lo a mual bo in a bo..
"Khawi ka lo tihpui ang che" ka ti ve mai,
A lehkha bu vel chu a rawn phawrh chhuak a, kan han chawk dun leh rih, chawh pah chuan ka hrilhfiah mawlh mawlh a, mahse a khawi lai tak ah hian nge mawni a lo bo leh daih zel, a thiamloh na lai zawh pawhin a bul a tang a ti zel mai bawk si, a hahthlak ania..


Assignment ka tihpui zawh chuan a lo tlai ve deuh bawk nen, haw ka tum a, Nora-i chuan a chhungte nghak turin min ti mahse ka nghak duh lem lo, in lamah ka pa ten min nghak ve reng sia.. An in kawt thleng chuan min thlah a, keipawh ka bike V3 , ka bialnu ti ila ka sawi sual kher lo ang, he bike hi chu ka duat ve thlawt, ah chuan ka lawn kai a, ka inkhalh chhuak ta a...


NORA LALHRIATZUALI POV

Marcus-a ka thlah hnu chuan inchhungah chuan ka lut a, ka khua a har leh ruih thei, Marcus-a hian a thianpa pawh ngaihsak lovin ka bulah a awm chawt a, ka thlavang pawh a hauh hle, ani hi thian tha tak ani..
min ngaihsak em em a, Amos-a vanga ka rilru na pawh Marcus-a bula ka awm hi chuan ka theihnghilh thin..
Amah hian a ti lang thiamlo mai mai pawh a, nui tlem em em in tawng tlem hle mahse min ngaihtuah takzet ani tih ka hria.. Marcus-a nen school kan kal dun a kan haw dun ziah vangin Phoeby te nen pawh kan inkawm khat hle, school ah bak kan inkawm hman meuh lo ..
Khuma ka phone dah chu a rawn eng va va a, screen ka en chuan Amos-a ani, hnaihbduh tawhlo in theihnghilh duh viau mahila hmalam pan ka tum velah hian a rawn lang leh hlawl thin, a call chu ka ring ral tir a.. Thla hnih zen zawn a liam tawh a lawm, khami ni khan Jenniferi kha ka nam thlak amaw a ti a, haa... chutiang mi angah chuan min ngai a, min hmangaih ti si hian min rinna a nei lo, a duh hun hun ah min hlamchhiah a.. Hetia a tih kual mai mai theih hi ka ni bik hlei nem le..
Ka phone chu a rawn ri leh, Amos tho anih avang chuan ka pick up chuang lo, mahse vawi thum a rawn call hnu chuan ka pick up ta hram..
"Eng nge sawi duh i neih?" ka aw chu hriat a nuam vak lo ang..
"parkah khan ka awm lo chhuak rawh" a ti a,
"ka hman mai mai lo"
"Rawn lam kher i ngai ami" a rawn tih leh chuan a rawn kal duh tak tak ka rin avang chuan ka kal tur thu chu ka hrilh ta nge nge a, call kan dah hnu chuan ka sam chu ka khuih zuai a, ka scarf chu la in park lam chu ka pan ta a..

Park ka va thlen chuan Amos-a chu thing hnuaia thutthlengah chuan a lo thu a, a bulah chuan ka va thu ve a, ani pawh chuan min lo en vat
"Nora.." a ti zawi sap a

"Amos, i sawi duh zawng zawng chu sawi rawh, vawiin bak hi i hmu tawh lo teh ang" ka ti a

"Nora, i dam tha em" a rawn ti leh, hepa awm dan hi a mak riau mai

"Aw ka dam alawm" ka ti a, a ngawi vang vang

" sawi duh i neih hmel loh, ka kal ang, tih tur ka nei a" ka tih chuan ka kut chu a rawn vuan a

"Nora, min nghak thei ang em" a rawn ti anih chu, a sawi awmzia hi ka hre lo..

"I sawi awmzia ka hrelo"

"Tun kum chiah, tun kum chiah a ni ang, tun kum chhung hian min nghak hram thei ang em"

"Eng tia nghak in maw, Amos, i sawi awmzia ka hrelo"

" tun kum chhung hian min nghak la, chuan i hnenah ka lo kir ang" a rawn tih chuan ka nui chhuak hawk, Amos-a chuan mak ti takin min en

"Amos, i a ami ka hmangaihna che hi remchangah ti nge lak i tum, Amos, i hria alawm ka hmangaih che, mahse maw he thinlung hian hmangaih em em che mahse ka chhia leh tha hriatna hian he thinlung tina tu hi a pawm theih ka ringlo" ka ti ve hmak, ka ding a, ka inher kal ka tum chu ka hnung lam atangin min rawn kuah, ka meng phawk kher mai

"Nora, khawngaih takin" a rawn ti a,

"Amos, min thlah rawh, i hlimna lam i thlang a, ka dem lo che , hei hi i thiam loh pawh ani lo, kan hun tawn tur rel tu khian kan awmdun hi rem a ti lo zawk alawm" ka ti a, ka aw chu a dam thei ang berin ka ti, tal chhuah ka tum a, min kuah nghet sauh sauh

"Nora rei lo te, rei lo te tak tak ti hian awm lawk ang" a ti a, keipawh chu tal lo in ka ding char char,
"ka tihpalh ,min ngaidam rawh" a ti leh a, ka rilru chu a nem tan.. A kut min kuahna chu ka la thla a, a lamah chuan hawiin
"Amos, ka hmangaih che,hun tha dang ka pe ang che, zanin ah helai hmunah hian i thuthlukna siam fel la, kan inhmu dawn nia, ka hnena lo let i duh anih chuan ka hmangaih vang che hian ka pawm leh thei ang che,mahse ka hnenah let lova, jenniferi i thlang anih chuan engkim, kan pahnih inkara hi chhunzawm leh tur awm tawhlo in a tawp vek ang" ka ti a, Amos-a chu a ngawi reng
"I inngaihtuah dawn nia, zan dar 7 ah ka lo nghak ang che, chuan ka hnenah i lo let duhlo anih pawhin thlamuang takin i kal thei ang, i duhthlanna chu ka zahzak ang che" ka ti a ka kalsan a..

Amos Lalruatsanga POV

Nora-i thil sawi chu ka ngaihtuah char char, tunah chuan ka hlimna tur ka thlang ve tawh ang.Mahse jennifer hnenah hrilh phawt ka duh ani, jenniferi in lam pan chuan ka kal a, ka va thlen chuan a lo chauh hmel tak zet, ka thusawi tum pawh chu sawi ka huphurh zo ta vek mai...

JENNIFER POV

Amos-a lo thleng ka hmuh chuan ka hlim leh veng veng tawh, vawiin class kan ban khan ka taksa na a rawn chhuak leh a, mahse nachhawkna in min chiu a, tunah chuan ka ziaawm tawh hle, Amos-a ka hmuh hnu phei chuan na ka nei tawhlo hrim hrim..

"Amos, eng nge i lo tih dawn" nui sen sen chung chuan ka ti a, a hmelah chuan diklo a awm, a lungngaih hmel tlat..

"Jennifer, a pawi ka ti mahse min hrethiam rawh Nora-i ka...." a sawi zawh hma chuan ka tawng khalh vat

"Amos, kal rawh, Nora-i bulah chuan kal rawh, min veng thawng suh, ka tha ania " ka lo ti vat,

"Mahse jen.. i tha ang maw" a tih chuan

"Aw.. nge maw ka that loh ringawt ang, thian kan ni thei reng alawm, ka bulah i awm reng thei dawn tho alawm.." ka ti a, ka nui lui bawk..

"Jen....Mahse..."

"Amos, kal rawh, ka kaltir theih lai che a i kal loh chuan, ka chelh tlat mai ang che" ka ti a ka nui vak vak, mahse ka nuih erawh a za hlawl lo..

"Jen.. min hriatthiam vangin ka lawm e" a ti a, a chhuak nghal..

Amos-a a chhuah velah chuan ka mittui chu dan rualoh in a tla, ka hmangaih chu ka kaltir ta e.. ka tap bang theilo.."Tinge ? tinge?? jennifer, tap suh.. a hmangaih ber hnenah chuan i kaltir a, inchhuang hle ta che.. hetiang a kan hmangaihte kaltir ngam hi mi tlem te chiah an ni tap lo in inchhuang takin awm ta che" tiin keimah leh keimah chu ka inbia a, ka tap hawm hawm bawk.. Ka thiannu Linda-i chu room a a lo luh lai ka hrelo, min rawn kuah a, "Jen, tap suh, tap suh" a rawn ti a, mahse ka mittui chu a hul thei lo, "linda.. ka hmangaih asin, mahse a hmangaih ber tello a a nun a hman hi ka phallo" tiin linda-i kuah chung chuan ka ti a, linda-i chuan ka hnungah chulin min hnem mawlh mawlh.. ,, "Linda.. duh viau mah ila ka chelh thei lo, ka kaltir a angai asin.. engtik niah emaw chuan kalsan hun ka nei dawn tho,chutih hunah chuan Nora-i hnenah let tum mahse Nora-i chuan a pawm duh tawh kherlo ang, chumi hunah chuan mal takin a awm dawn, mal taka a awm tur ka ngaihtuah hian ka phallo ani, chu vang chuan hun tha a neih lai hian ka kaltir a ngai ani" ka ti a, ka mittui chu ka tla zwih zawih bawk..


Rei fe ka tah hnu chuan ka tap pawh chu ka bang a, ka hmai chu tissue paper chuan ka hru a, ka thiannu chuan min hnem ve mawlh mawlh bawk.. "Linda, tunah chuan mahnia awm ka duh" ka ti a, linda i pawh chuan a hrethiam ani ngei ang "awle, jen.. i tuar chhuak ngei ang, ka kal ang e, zanah ka lo kal ang" a ti a min chhuahsan ta a.. Ni e tunah hian tumah min hnem turin ka mamawh lo mahnia awm ka duh ani.. Duh ni ila chuan amosa kha ka chelh thei reng, mahse ka chelh lo, a hmangaih a chan tur hi ka hmu ngam lo ani, tin thla hnih chhung zawng pawh khan Nora-i bak a ngaihtuah lo tih ka hria, ka bulah awm renh si in a ngaihtuahna chu ka chang thei silo, hetia kan awm reng chuan kan inti hreawm tawn mai mai ani tih ka hria a, chuvanga kal tir pawh chu ka ni.. Mahse maw, hmangaih ber te kaltir hi thil awlsam tak ani lo, mihring kan nih chhung chuan mihring mizia in a ken tel mahni hmasialna kan nei theuh si a, mahse kei chuan ka kaltir lui ani, a chhan chu hun ka neih tam k ring tawhlo, ka chhungten min hrilh lo mahse a taksa neitu ka ni a, ka taksa na zing tulh tulh leh a ka taksa peng chiah na tawh lova ka taksa pum na thin atang chuan hrilh ngai kher lovin ka hre thei.. "Amos, hlimna zawng zawng chang ang che, i phu ani" tiin ka phun chhuak sep a..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:05 pm

Nora lalhriatzuali POV

zanriah kan ei kham hnu chuan ka room lamah insiam turin ka chho a, ka inngaihtuah chiam hnu pawn eng vanga Amos-a kha chance pe nge ka nih ka hre lo. Min ti na in min kalsan a, mahse chuti chung pawh chuan kei hian ka ngaidam chu sawi loh ka hnena a lo kir leh ka beisei can a, chance pawh ka pe nghe nghe ani.. Ni e, hei hi alawm hmangaihna an tih chu, eng ang pawhin kan hmangaihte hian min tina thin mahse beiseina kan la nei fan a, min phatsan in min hlamchhiah thin mahse ngaihdam dil kher ngailo in he hmangaihtu thinlung hi chuan a lo ngaidam sa vek zel thin, eng ang pawhin kalsan tumin a hlatah awm tum thin mah ila, kan lo hmangaih em vangin kan tumna chu hlawhchhamin koh kher ngailo in kan pan leh nge nge thin..

kan insiam mawlh mawlh a, darthlalanga ka in en chuan ka cher zia ka hmu thei, tunlai thil ma ei tha meuh lo a, zanah ka mu tha thei silo, ka mit te chi a val deuh kulh hian ka hria, insiam zo tawh e tilo chuan dressing table hmaah chuan ka thu thla a, ka mit hnuai val te chu make up a hliah ka tum .. Amos-a ka hmu tur hi zep miahloh chuan ka phur ani, a hmaa chhe taka lan ka duh teuhlo..Ka hmai chu ka chei tha a, ka mit hnuai val raih pawh chu tlem in a langlo deuh.. ka duh tawka ka i chei zawh chuan tho chhuakin ka thawnhnaw hak lai te chu ka ka pawt rem sauh sauh a, darthlalangah chuan ka lan dan chu ka en a, ka lungawi khawp mai.. ka inen vang vang hnu chuan dar ruk leh a chanve a lo ri tep, nui sukin "Amos, bul tan thar turin ka lo kal e" ka ti sep a, ka bag la in ka room atang chuan ka chhuak nghal a.. Inhnuaia ka chhuk chuan ka pa te chu sitting room ah an lo thu khawm a, Eric-a chu inthlahrun hmel deuh hian ka pa hmaah chuan a ding a, an hau leh tawh a ni chiang mai..

"Pa ka kal ania" sitting room a va dah zeuh pah chuan ka ti a

"Bawihi lo kal phawt teh" ka pa chuan a rawn ti, naa hmanhmawh tawh nen.. Engmah sawi lem lo chuan ka pa bula thutna awl ah chuan ka thu thla a

"Bawihi zanin chu chhuak lo la ka va ti ve.. khua a tha vak silo a, chu bakah tun lai hi i nawmloh hmel thei lutuk a" ka nu chuan a ti a, ka rin dan vel ani, ka chhuah kha an phal ka ringlo reng a...

"Nu.. ka rei dawnlo, Amos-a nen kan i hmu lawk dawn a, ka rei lo ang tak tak" ka ti vat, vawiinah khan ka nu bulah Amos-a nen a kan chungchang zawng zawng ka hrilh a, zanina kan inhmuh tur thlengin ka hrilh, ka nu pawm thurawn tha tak tak min pe a bawk..

"keiman ka va thlah ang" Eric-an a lo tih chuan ka pa chuan Eric-a chu chiang lutukin a en..

"Eric! a tullo ang, ti khan ding char char rawh, vawi khat mah kan tello in i chhuak tawhlo ang, hre rawh" ka nu chuan a ti a

"Nu, tinge Eric-a hi...." nui ti tih chuan ka ti a

"nang pawh nui suh..I nau mawl lutuk hian Marcus-a bike a khalh hawh sak a, veng thlang lamah a khalh thla a, gorkhali bawng vulh lai a sut bur kha" ka nu chuan a lo ti nghal.. Ka nui chhuak teuh lutuk, Eric-a kan en chu a lo nui thaw .. Accident mah nise bawng ber kher han sut, Pu Gogo- kan tih thin te bawng kha ani chiang ang...

"Eric! nui suh.. nang pawh i thi lo kha i vannei.. mai mai che hian, bawng man te kha engtin nge ni ang, i tum thei dawn ami? bawng man bakah Marcus-a bike te saw i tihchhiat nasat em saw, engtia tih nge i tum? i chawi thei dawn ami?" ka pa chuan a ti vat, ka pa pawh a nuih a za deuh tih ka hre thei, a hmel ka en sawn a thinrim tak tak lo tih a hriat reng...

"in ho emai, hei ka tlai dawn.. Eric, nang pawh tinge vai pathian te i lo sut reng reng ni.. Mi pathian te an insut sak ngailo" nui pah chuan ka ti a, ka ding nghal bawk..

"Ve a.. pathian pawh ani lo ang, an bawng kha alawm, a rawn kal offside em anih kha, inthah a tum alawm" eric-a chuan a la ti.. ka nui chiang lutuk.. ka pa pawh a insum zolo a nui ve suk, mahse a insiam tha hman , ka nu erawh a nui ve hauhlo, police tih takah a tjutak run zel.. kan unau pawn nu ai chuan ka pa kan ngaina vek..

"Anih Marcus-a bike chu a la tlan thei em" ka ti a
"aw, tlan te chu tlan thei e" Eric-a chuan a ti a
"Anih min va thlah teh...." ka ti zawm zat..
"U.. i duhlo ang, tlan thei mahse maw, bike saw a chhe hneh lutuk, bike pawh a anglo, a hla atang en phei chuan bike ani tih pawh a hriatloh.. i chuang zak ang" eric-a chuan a ti a, a sawi zo chiah chu ka nu in a lu ah a remode ken lai chuan a rawn khawng nghal.. A van chawh reuh tak..

"Bawihi kal rawh,hei khua a tha vak silo a, dar 9 hmain lo haw tum la, Eric! khawiah mah i chhuak dawnlo.. i bike tihchhiat man leh i bawng sawt rulhna man tur i inhlawh dawn,hre rawh.." ka nu chuan a ti a.. Eric-a chu ka en zawk, a huphurh hmel ngei mai, nui suk suk chungin ka chhuah san a, kan innghahna tur hmun kha kan in atang minute 10 kal vel chiah anih avangin kein ka kal a, minute 20 lai ka la nei tho na chu, Amos-an min lo nghah reng tawh takin tiin ka kal chak deuh hlek a..

Kan innghahna hmun tur ka va thlen chuan a lo reh thuap mai, Amos-a pawn min la thlen khalh lo hlauh e, thingbuk hnuaia thutthleng awmah chuan ka thu a, Amos-a chu ka lo nghak a.. "Tunah chuan Amos-a ka hnenah a lo kir leh tawh ang a, hlim takin kan awm ve thei tawh ang" ka rilru chuan ka ti a, mahni te chuan ka nui leh vur vur thin.. Ni e, amos-a lo let leh dawn tia ka ngaihtuah zawng ringawt pawh hian tu lawm mah ka ngailo ka hlimin ka khi vur vur thei.. 'Kan inkawp tha leh anih chuan ka veng uluk tawh viau ang, e.. thu ka tiamtir ang, min kalsan leh mai mai ka phal tawh dawnlo.. ehe.. zanin ah hian lo prank ila a tha ang duhlo ang deuhin lo awm vel ila' tiin ka rilru chuan ka ti a, ka thil ngaihtuah vang chuan ka nui chhuak hawk..

Dar sarih a ri tep tawh, rin aiin Amos-a chu a lo thleng har.. hepa hi vawiinah khati khawp khan bul tan tha leh turin min ngen a, a inlamlet te a ni lo maw..a theihloh, Amos-a hian hetiang thil hi a ti thei lo ang.. Hepa hi min prank te a tum anih vaih chuan a chaklo ang... Rei fe ka nghah hnuah pawh chuan Amos-a hmel reng reng a lo lang lo, mahse a buai deuh emaw a tlai deuh dawn ani mai thei, hmmmm... lo nghak char char phawt te'ng a lo thlen hunah ka hau hreo ang..
Dar 7:30 a ei ta.. Amos-a chu a rawn la thleng hauh lo, mahse kawng lakah harsatna a tawk te pawh ani thei tho, ka bag a ka phone ah chu ka phawrh a, Amos-a number chu hmet chhuakin ka call ta ngei a, phone chu ka beng bulah dahin a ring ri chu ka ngaithla vang vang.. Mahse a in ring ral thak.... Tinge a lak miahloh le..'Amos...' sawi sap chuan ka ti a, hlauhthawnna in ka khat nghal, mahse eng emaw chhan tha tak aneih ka la ring fan.. engpawh ni se ka nghak ang, a lo tlai deuh dawn pawh ani mahna..

8:30 a ri tawh, mahse Amos-a chu a lo la lang chuanglo, vawi li lai ka call mahse a pick up eih lo... chung lam chu ka thlir a, khua a dur tih chu a hriat khawp mai, ruah pawh a tla ngei ang.. Mahse haw ka tum chuanglo Amos-a chu eng vang pawhin ka nghak chhuak dawn hrim hrim.. Ka hnung lama ke pen thawm ka hriat chuan Amos nih ringin ka hawi let vat.. Mahse Amos-a a ni hauhlo.. "Marcus..." ka ti chhuak sap, ni e, marcus-a ani.. Mahse eng vanga helai hmunah tun ang huna lo kal nge anih ang...
"Nora, haw ang, ka thlah ang che, ruah a sur hma hian" marcus-a chuan a ti a..

"Marcus, eng nge maw i sawi le.. mi nghah ka nei alawm" ka ti nghal vat..

"Nora.. a lo kal dawn lo" marcus-a chuan a rawn ti anih chu, ka hlauhthawnna a zual, hepa hian engtin nge chiang takin a lo kal loh tur thu a sawi theih, tunge ka nghah pawh ka hrilh tawp silo a..

"Marcus! min tih thinrim tum hlek suh, tunge ka nghah pawh i hrelo"

"Amos-a i nghak anih chuan a lo kal lo ang"

"Eng a!! eng vangin nge a lo kal loh ang, Marcus, zanin hian a lo kal ngei ang.."

"Nora!!! eng chena rei nge nghah i tum" Marcus-a chuan a rawn ti hrawk.. keipawh ka phu dawr thei hial..

"Marcus, haw rawh, engmah hriat i neilo, hetah tih tur i nei bawklo.. " ka ti a, marcus-a chu a thaw hawk..

"Nora lalhriatzuali hi hmeichhe â tak anih hi" marcus-a chuan a ti a, ka melh rum ngang mai..

"ka â bawk lo.. chuan Amos-a pawh a lo kal dawn, tlaiah kan inbia, engmah hriat i neilo" ka ti let hrawk a..

"Amos-a chu Jenniferi bulah a awm, chuan a lo kal dawn lo, i nghak thlawn ani mai" Marcus-a chuan chunglam en chung chuan a ti a..

"Jenniferi bulah a awm a.. aih aih.. a awmlo, ni lo.. jenniferi bulah a awm anih pawhin a lo kal ngei ngei ang, thil hmanhmawh thlak tihtur a nei aniang" ka ti a, ka rilru chu a buai ngei mai, ni e jenniferi bula a awm chhan a awm ang, a damlo alawm, a na deuh ang a enkawl a ngai ani mahna.. Marcus-a thusawi vamg hian Amos-a hi ka ringhlel tur ani lo..

"Nora.. Amos-a chu a lo kal dawn lo.." Marcus-a chuan ka darah vuanin ka mita min en chung chuan ching fek fawk in a sawi a.. ka lu ka lo thing ner ner..

" A lo kal ang, a lo kal ngei ang.." ka la ti hram.. hepa thusawi hi ka awih dawn reng reng lo...

"anih chuan nghak ta pauh che.. a lo kal anih chuan i beng sawk daw nia, a lo kal lo anih erawh chuan Amos-a hi theihnghilh hmak ang che" Marcus-a chuan a ti a, a inher a min kalsan nghal.... Eng vanga marcus-a khan khatiang rawn sawi nge maw a nih le.. a hriat chian hmel ropui si.. "Amos, i lo kal ani tiraw.. ni e.. i lo kal mek ani tih ka hria.. ka rinna che hi a vawi hnih na atan i ti chhe dawn lo tiraw" van lam en chung chuan ka rilru chuan ka ti a..

Marcus Lalrinhlua POV

**flashback**

"Amos.. vawiinah a hnenah let i tum a, tunah i rru i thlak a maw.." Amos-a en chung chuan ka ti hrawk ka thinrim bawk em ani, Vawiinah Nora-i bula kal in nora-i chance vawi khat chiah pek a va dil a, nora-i thinlung ti nem in zanin a inhmu tur an ni.. Mahse eng nge ka thu hriat hi..

"Vawiinah jenniferi ka hmu a, nora-i hnena let turin min ti a, min hriatthiam thu a sawi bawk a chuan..." Amos-an a sawi zawh hma chuan

"chu bak bak.. jenniferi meuhin a kaltir theih che chuan kal ta che.. eng vanga tang tlat nge i nih" ka ti nghal vat..
" Jenniferi te in atang ka chhuah hnuin ka jacket ka theihnghilh tih ka hre chhuak a, la turin ka let leh a, mahse jenniferi chu a lo tap a.. chuan hmeichhe sual tak ani lo tih ka hrechhuak, khang hun chhung zawng khan a hmangaihna chhan let chu sawi loh ka ngaihsak ngailo, mahse vawiin khan ka hmu thiam chiah, jenniferi hi ka tina rei tawh mah mah ani " amos-a chuan a ti a..

"Anih jenniferi chuan a hmangaih vang che in a hnenah i awm ang a maw.. anih chuan nanhmah hmangaih tu che Nora-i saw engtin nge ni ve ta ang, hetia awm leh tur si eng vanvin nge vawiin khan nora-i hnenah kalin a tan beiseina thlawn leh mai tur chu i va siamsak kher ni " ka ti a.. Tunah tak hi chuan Amos-a hi thian anga en harsa ka ti.. Nora-i chan tur ka ngaihtuah lo thei lo, a vawi hnih nan na takin a awm leh dawn si a..

"Marc.. Nora-i hi ka hmangaih ani.. mahse inhmangaih te hi an awmdun vek theilo.." amos-a chuan a ti chhuak sap a..

"Awle... anih chuan i thuthlukna siam chu pawmpui ta che ila, zaninah eng thu nge Nora-i hnenah i sawi ang, ka lo let leh thei dawn lo i ti dawn nge, ka hmangaih che mahse jenniferi ka tina theilo i ti dawn" ka ti a, Amos-a chuan a hmai chu a tuai puat a

"Zanin ah ka kal lo ang, tichuan a hrethiam mai ang, nora-i hi i hriat kha, hmeichhe induh tawk ve tak ani, min nghak lo ang" Amos-a chuan a ti anih chu.. ka thinrim lutuk chu ka insum thei lo tep ani..

"Amos, kal rawh, haw rawh.. chuan he thuthlukna hi i kaltlangpui dawn nih chuan nora-i hi vawi te khat mah beiseina pe tawh suh ang che" ka ti a, ka insehruh nasa mai..

"nora-i hi ka hmangaih.. mahse kan awm dun theilo... Marcus, enkawl tha ang che" Amos-a chuan a ti a, min kalsan ta a... **end of flashback**

Nora-i chu a thu reng, ka ruala haw a duh silo a, ka kalsan thei silo, min hmuh theih lohna turah chuan awmin ka en reng.. hmeichhe vanduai tak ani, he tianga nat hi a phu lo asin.. Nora-i hi ka hmangaih em ka hrelo mahse duh chu ka duh ani, a rilru na lai la hmu theilo a, a tap lai ngat phei chu hmuh ka duhlo, a nui hmel ka hmuh te hian chhan awm lo hian ka lo hlim ve em em thin, Amos-a nen an inkar a thatloh hnu khan kan inkawm chho char char a, a lung a thalo tih ka hriat hnu ngat phei kha chuan ti lang silo hian a rukin ka lo ngaihtuah em em thin, ka pa bulah pawh a hriselna chung chang vel ka zawt awl lo.... A hlim in ka hlim a, a lungngaih in ka lo hnual ve ruih thin, a tah ka phallo a, amos-a nena an awm dun tur ka ngaihtuah hian ka thianpa ngei ngei pawh ka thik thin, Amos-a a hmangaih ber anih tih a hria a, a hlimna leh a hmangaih ber a neih theih nan hma ka la bawk, hei hi hmangaihna an tih chu a lo ni anih chuan ni e, Norai hi ka hmangaih tihna ani... Ka ngaihtuahna ka lo kawm tui deuh ani mahna Nora-i lam ka va hawi phei chu Amos-a nen an lo indin chilh ran mai.. ka kal dawn lo a ti emaw ka tia, an pahnih chuan ka thlir reng, Amos-a hian Nora-i hnena kir leh a thlang ta zawk anih ka ring, a ruk chuan ka hreawm tihna ka nei, mahse nora-i a hlim dawn anih phawt chuan engpawh ngai mahse ka tihsak mai ang, amah, nora-i hlatah ka awm pawh ngai dawn mahse.,... Amos-a a awm tawh tho a, tiin ka inher a, ka bike Eric-an a tihchhiat avangin ka thianpa bike ka hawh phah.. bike ah chuan lawn kaiin ka tlansan ta a..

Amos Lalruatsanga POV

"Amos, i lo kal.har lutuk" Nora-i chuan a lo ti a, a awm pawh ka ring tawhlo asin.. Mahse min lo la nghak reng..

"Nora, eng ngati nge i haw loh, a tlai tawh em hi.. " ka ti a, mahse nora-i chu a nui sen sen ringawt..

"ka nghah che a ngai alawm, hei i lo kal hi, lo nghak lo che ila i lo kal thlawn dawn che asin" a ti a, ka inthlahrung khawp mai..

"Zanin atang bul kan tan tha leh anih chuan rules ka siam tawh dawn, bawhchhiat thianglo" nui pah chuan nora-i chuan a ti a..

"Nora....." ka sawi chhunzawm hma chua nora-i chuan min lo tawngkhalh leh vat.. norai chuan nui pah chuan

"rules pakhatnaah ah chuan zanin ang hian nghah ngaiin awm tawh suh, rules pahnihna ah chuan eng...." a sawi chhunzawm hma chuan ka pawt chat a..

"nora, kan pahmih hian kan awm dun theilo" ka ti sawi sep.. nora-i hmela nui hmel chu a ral tial tial..

"Amos.. eng maw i sawi.. hey.. misual pa khatiang fiamthu kha ka duhlo"

"nora, a pawi ka ti mahse i hnenah ka lo kal theilo, jenniferi hi ka thlah theilo"

"Amos, mahse.. mahse.. vawiin tlaiah khan..."

" ni e, kha kha.. ka tihpalh, han sawi dan vak ka thiamlo, ka hmangaih che mahse inhmangaih te hi an awm dun vek theilo" ka ti a.. nora-i chuan hnuai lam a bih char char...

"nora..." ka ti a, a darah ka va vuan a, mahse ka hmaiah chuan nora-i chuan a rawn beng,

"amos, mi sual tak i ni" a ti chhunzawm zat..

"nora, min ngaidam rawh" ka ti a..

"Aih.. Amos, tihsual i neilo, keima tih sual ani.. nang ka lo ring leh che hi ka tihsual ani..." nora-i chuan a ti a, keichu ka ngawi reng.. sawi tur ka hre lo ani, ni e, sawi theih eng mah ka neilo..

"Amos! infiamna mai mai ka nilo asin.. mihring ve tho ka nih hi, thinlung nei ve tho ka nih hi, mite ang thoin ka na ve thei asin.." Nora-i chuan a mittui hru pah chuan a ti a.. chhan mai dan tur ka hrelo..

"Awle... Amos, kal rawh min hmangaih lo ani.. ka hre chiang tawh e, nang hian min hmangaih lo, chiang takin ka hria e... a tawk viau tawh ani.." nora-i chuan a bag ak tha mawlh mawlh pah chuan a ti a, min kalsan tumin inherin a kal a.

Nora-i kal tur chu en pawh ka en zui ngamlo chung lam ka en chho a , ka thaw hawk.. Nora-i kalna lam ka ve en leh chuan Nora-i chu a kal mai lo, chhuatah chuan a lo thu sawp nuaih a, a awmdan a diklo deuha ka hriat avangin ka va pan hnai a, a bul ka va thlen meuh chuan ka va hlauthawng tak em.. Nora-i chu a thaw tha theilo tih hriat takin a thaw bawrh bawrh a.. a darah ka va kuah nghal

" nora.. engtin nge i awm.." ka ti a, nora-i chuan min en a, a bag chu a kawk, a bag ka hawn chuan inhaler chu ka hmu nghal, ka phawrh a, ka hip ti nghal, vawi li vel a hip hnu chuan a thaw dan chu a pangngai deuh.. mahse nora-i chu a meng zim tial tial a, a zawi ta hnawk mai, ka au a, min chhang lo.. rang takin ka pawm tho a, taxi ka hmuh hmasak ber chu pharin damdawiin lam chu ka panpui a..


Damdawiin kan thlen chuan nurse te chuan Nora-i chu an lo buaipui nghal a, eng nge tih tur ber ka hrelo, ka hamhaih em atin ani.. "Nora, engtin mah i awm dawnlo, nora, meng rawh, khawngaih takin meng teh" ma rilru chuan nora-i chu ka au vak vak a, inthiamloh na hlirin ka khat, ni e, engkim hi keimah vang vek ani, engkim, engkim hi, heng thil zawng zawng hi keimah vanga thleng vek ani... Doctor pakhat chuan Nora-i chu a rawn en a, ka lamah lo kal lehin

" Damlo chhungte hi i ni em" a rawn ti a,

"Aih ni lo ve.." ka lo ti ban charh charh..

"Anih chuan damlo chhungte hi lo hrilh ta che, a dinhmun a tha lutuk lo a"
doctorin a rawn tih meuh chuan ma nghilh dup thei, ka dang te chu a ro halh a, doctor pawh chu chhan mai dan tur ka hrelo, chet pawh ka che theilo, hlauhthawnna in ka khat a, Nora-i hi engtin emaw a awm ang tih mawlh hi ani ka hlauh ni.. Harh chhuak zawkin ka ipte-a ka phone ka ah chu ka phawrh a, nora-i nau eric-a number ka neih chu ka dial nghal a, eric-an a pick up chiah chuan sawi tan dan tur ka hre meuhlo..

"Hello.. u amos, eng nge, lalrini chu min lo tihpui tawh ami" a rawn ti nghal..

"Eric, i nu te hrilh la, hmanhmawh takin damdawiinah lo kal rawh se" ka ti a

"Eng ngati maw.. ehe.. au a damlo a mi? " a rawn ti vat..

"Aw, tunah lo kal nghal ru" ka ti a,

"Aw.. kan lo kal..." tih pahin Eric-a chuan phone chu a dah a, ka rilru chu a hah tawh takzet.. Nora-i chungah hian eng emaw thleng ta se eng tikah mah ka inthiam thei tawh ngailo ag.. "Lalpa, khawmgaih takin, Nora-i chungah hian eng mah thlen tir suh ang che..." ka rilru chuan ka ti a, ka tawngtai mawlh mawlh bawk..

Minute sawm panga hnu velah chuan Nora-i chhungte an lo thleng a, ka rinloh deuhin Marcus-a leh a pa pawh ka hmu ve, Marcus-a chu ka chungah a lungawi lo tih chu a mit meng atang ringawt pawhin ka hrethiam..

"Amos, khawnge Nora-i.. khawnge ka fanu...." Nora-i nu chuan a rawn ti a,

" sawtah sawn an nawr lut a" tih pahin nora-i an nawr luhna room lampang chu ka kawk a..

"Ekhai.. chi ai suh u, engtin mah a awm lo ang, chanchin ka va ngaichang ang e" tih pahin Marcus-a pa chu room lamah chuan a kal phei ve nghal a, Marcus-a pa hi lung lampang doctor ah chuan mizoramah a tha ber pawl ani.. Nora-i an nawr luhna room ah pawh chuan a va lut thei mai bawk a..

"U Amos, engtin nge au chu a awm a.." eric-a chuan a ti a, chhan dan thiam a va har tak em, keimah vang vek ani si..

" Ka thiamloh ani.." ka ti tawi tak..

"Amos, heitiang te hi chuan a awm zeuh zeuh alawm.. inthiam loh a ngailo, pathianin thleng tura a ruat ania, nangmah vang ani lo.. " Nora-i nu chuan ka dara rawn ben thek thek lah chuan a ti a.. Tlem chuan ka awm a nuam deuh, mahse Nora-i pa erawh a tawng hauhlo, a melh ngai a melh ngawt ngawt a, a thu hriat hian a thawng ani ngei ang.. Marcus-a chu ka lamah lo kalin "Amos, pawnah inbe lawk teh ang" a ti a, a chhuak nghal, keipawh chuan engmah sawi lem lo chuan ka zui chhuak ve bawk a, zan a tlai tawh avangin damdawiin kawt te chu a reh thuap mai..

"Amos, eng thil nge i hrilh" Marcus-a chuan van lam en chung chuan a ti a..

"Marc.. A hnenah ka let dawnloh thu leh jenniferi ka thlan zawk thu ka hrilh a, mahse hetiang hian a awm phah hi ka ringlo,.." ka ti a, ka inthiamloh em em bawk..

"Nora-i hi a damlo ka tih kha i la hria em.."

"Aw.. mahse hetiang ang a serious anih ka beisei hauhlo.. ka thiamloh vek ani" ka ti a, Marcus-a chu a thaw hawk...

"ni e, engkim hi i thiamloh ani.. Nora-i hi engtin emaw a awm anih chuan ka tiam a che, nang leh kei hi engti zawng mahin kan inrem leh tawh ngai lo ang, ka ngaidam hauhlo ang che " Marcus-a chuan thinrim tawng ka tel miah silo hian a ti a..A thusawi ah chuan a chian hmel em em bawk.. Ka tawng tawhlo, sawi tur engmah ka hrelo, ka inthiamlo em a, sawi tur ber ka haihchham ani..

"Khi en rawh, khi arsi khi.." Marcus-a chuan a ti a, ka en chho nghal..

"Khang hun chhung zawng khan Nora-in in pahnih a in en dun thin thu a sawi thin, zantin amahin a en a, a tap thin asin.." marcus-a chuan a ti zawm zat a..
Chu lam ka en a, nora-in a 'thla bula arsi khi keimah ka nia ang chuan thla khi i ni ang, hre rawh, thla khian a bula arsi khi a phatsan ngailo ania, chuvang chuan min phatsan emaw min kalsan tum hlek suh, thla leh arsi chu an awm dun reng tur ani ' a tih lai kha ka ngaihtuahnaah a rawn lang uar uar..

"I hrechhuak ani maw.. " Marcus-a chuan a ti a,

"engtin nge i hriat?" tiin ka zawt let a

"Zan tin Nora-i te ina ka len apiangin arsi a thlir a, khang in hun hman thin te kha min hrilh thin... Amos, nora-i hi engtin mah a awm tur anilo.." Marcus-a chuan a ti a

"Kal bo ang che, states ah emaw khawiah pawh ni se jenniferi hruai la hmun dangah zirna chhunzawm rawh u, Nora-i hnaihah hian i awm ka remti tawhlo" Marcusha chuan a rawn ti chhunzawm zat a,

"Marcus, Nora-i hi i duh ani tiraw" tiin ka zawt let.
" Ka duh mai nilo in ka hmangaih, kei chuan a hlimna tur anih phawt chuan tiin in pahnih inkar pawh siam that ka tum, mahse a hlimna tura a than hian natna bak i pe lo.." a ti hmarh hmarh a..
Marcus-a hian nora-i a hmangaih tih hi ka hriatna a rei tawh, a awmdan a tang te, hmeichhe dang a ngaihven ngailo mahse Nora-i tan chuan engpawh a ti thin.. heng zawng zawng hi ka hre vek ani..

"Ti teh, i lut teh ang, chanchin va ngaichang ve tawh teh ang" marcus-a chuan a ti a, keipawh chuan sawi buai lo chuan ka bu nghut a, kan inzui lut leh ta a..

Marcus Lalrinhlua POV

Damdawiin chhung kan luh leh hnu chuan Nora-i chhungte chu ka pa te ho nen chuan an lo thu khawm a, an thusawi an thutak hmel khawp mai, eng emaw a thleng ta amaw tih mai tur ani.. An bulah chuan kan thu thla ve nghal a.. Nora-i hi engtin emaw a awm anih chuan Amos-a hi engtikah mah ka ngaidam thei tawh ngailo ang, room atang chuan doctor pakhat hi a rawn chhuak a, Nora-i chhungte nen chuan kan va pan nghal, "doctor, ka fanu chu a tha em..." aw khur lek lek chuan Nora-i nu chuan a ti a, "Aw, tunah chuan a tha tawh e, mahse nakin ah chauh in hmu thei ang" doctor chuan a ti a, "Ka cabin ah min lo zui lawk teh u" doctor chuan ka pa leh Nora-i pa te melh pah chuan a ti a, an inzui phei ta daih a.. Ka va lawm tak em, reilo te chhung khan Nora-i a thi ang yih mawlh kha ka hlau a,mahse tunah chuan a dinhmun pawh a tha leh ta, Amos-a ka va en chuan a lo thaw suai suai mai,ni e, a tan hlei hlei khan ani hlauhthawn awm dawn chu... Mahse Nora-i hi tha leh tawh mahse Amos-a hnaihah hian ka awmtir tawh dawn lo, Amos-a hi eng ang pawhin hmangaih mahse, Amos-a hian eng tikah mah a thlang dawnlo, ka hre chiang ani, Amos-a hian jen-i thatna a hmu thiam chiah a, khang hun chhung zawnga a lo pehhel thin kha a inchhir em em bawk..Amos-a hian nora-i hi a hmangaih lo chu ka ti theilo, a chhan chu tu pawh amos-a dinhmunah hian ding ila, kan tal buai ve vek tho ang,chuvang chuan ka dem ngawt thei biklo.. Mahse Nora-i hetia a awm reng ai chuan Amos-a hi a kalbo mai tur ani..

"Marcus, ka kal phawt ang e..." Amos-a chuan a ti a

"Nora-i i hmu hmasa dawn lo ami? " tiin ka zawt let vat

"Marc... tunah chuan nora-i hian keima bula awm aiin a chhungte bula awm a mamawh zawk.." a ti a, kal tumin a inher a..

"Amos, tun chauh.. nora-i hi hmu hmasa lova i kal anih chuan nora-i rilru i ti na zual ang, va hmu la, chuan tha taka sawipui kan tum dawn nia, a hrethiam emem ang che." ka ti a

"Aih, marc, ni love.. ka kal ang e, nora-i hnena insawi thiam tumna ka neilo, thiamthu sawi tur ka neilo,heng zawng zawng bul tumtu leh hetia a awm chhan hi ka ni,a hlata ka awm hian a tha zawk" Amos-a chuan a ti a, rawn hawi let leh tawh lovin damdawiin chu a chhuahsan ta a..

Keipawh ka pa te ruala luh law law ka duh avang chuan ka lo nghak a,rin aiia an rei tak deuh avang chuan an inzuina lam chu ka pan phei ve nghal a,
an cabin luhna zawn ka thlen chuan kawngka chu a lo
inkhar phui lova luh ka tum kawngkhar ka vuan hman tawh tihah chuan Nora-i nu thil sawi ka hre chiah chu ka tang chut thei ..

" Doctor, ka fanu hi a la naupang asin.. kawng a awm ang" Nora-i nu chuan a ti a, a ngaihna ka hre lo hle mai, ka nghilh dup a, an awmna ah chuan lut ta mai lo chuan kawngkhar zawnah chuan ka ding reng.

"ka pi, mihring thiamna atang chuan hei bak hi chu kan theilo, a thaw a hah ngun telh telh a nga, a hun tawp a hnai tial tial bawk ang.. mahse lungngai lo ula pathian kan nei alawm.." doctor chuan a ti a

"Anih chuan transplan hi ti ta ila, a dinhmun hi tun ai hian a tha thei ang em.." nora-i nu chuan a ti leh a

"Tunah chuan zai tawk thei anilo, hlim takin awm se, a rilru ti hah lo ula, thu thinthawng lampang reng reng hrilh lo ula, chu bak chu tihtheih kan neilo" doctor chuan a ti leh

"awle, mahse he thu hi nora-i hian a hre tur anilo.." nora-i pa aw ani..

"ni e, in tih dan dan le.." doctor chuan a ti a,

An thu sawi pawh chu ka ngaithla chhunzawm lo, ka hamhaih vek a, eng nge tih ber tur ka hrelo, Nora-i hi hetiang khawpa serious hian a awm ang tih rinna ka nei ngailo, suangtuahna ah pawh ka la hmu chhin eih lo, mahse a tak ah ngei a thleng ta si .. Nora-i awmna bula balcony ah chuan ka chhuak a, van lam chu ka en a, chhum kara thla lo lang chu ka hmu, mahse chhum chuan arsi te chu a hliah vek lawi si, Nora-in Amos-a bula a thu sawi kha ka hrechhuak thut, tun tum chu thla khian a kalsan lo, arsi khian ani kalsan ni.. Nora-i awmna lam chu ka pan nghal a, ka va thlen chuan Nora-i chu a lo harh tawh mahse a kun reng, a lam pana ka kal pawh chu min en lovin hnuai lam a em reng a, henu hi ka khawngaih takzet ani, natna khirh tak a neiin a hmangaih ber a thlah a ngai bawk nen, hmeichhe pakhat tawrh atan chuan a na lua deuh ani..

"Nora...." ka ti a, a rawn hawi chho

"Ehe.. marcus, i lo kal alaw, i lo kal kher anih kha hei ka tha lutuk" nui pah chuan a ti a, mahse a nui hmel phena a natna saw a hmuh hmaih hauh lo..

"Aw, chuan ka rualin Amos-a pawh a lo kal a, mahse a haw..." ka tawng lai chu min pawt chat a

"Ka hria, a haw tawh.. Duh viau mahse min hmu duh lo ang.." za lo deuha nui chung chuan a ti a

"Eng vangin maw..."

"Marcus, eng vang pawhin, chuan Amos-a chu hrilh rawh, ka dem lo a, ka haw lo bawk, hlim deuhin awm se ka duh " Nora-i chuan a ti a..

Kawngkhar ri kan hriat chuan kan hawi phei a, Nora-i nu leh midang ho chu an rawn inzui lut a.

"Bawihi min ti hlauthawng alawm. i tha deuh tawh em " Nora-i nu chuan a ti a

"Aw.. hei ka tha tawh lutuk chuan ka ril a tam" Nora-i chuan nui sen sen pah chuan a ti a, engtin nge a la nuih theih ni, kei ni ila a der pawn ka nui theilo ang..

"Aw, ei tur kan chah dawn nia.. " nora-i nu chuan a ti a

"U.. i thi hman amaw ka tia.." Eric-a chuan a lo ti a, Nora-i nu chuan a melh rum teh e, eric-a hi chu engmah ngaihtuah lova tawng phawng phawng hi a ching a, hlimawm phian mahse hetiang hunah hi chuan a huatthla la awm ve duh viau ang..

"Nu, ka haw theilo ami... Damdawiin ka ngaina lo tih i hriat kha .." pangchang aw deuh chuan nora-i chuan a ti a

"Aw.. thei rihlo, tunlai thil i eitha lova, i taksa chak that hma chu admid i ngai dawn a.." Nora-i nu chuan nora-i sam chul hliau hliau pah chuan a ti a

"Thil ka ei thatloh vang chuan maw hetia ka awm" nora-i chuan a rawn ti a, nora-i chhungte chu an inmelh tawn zak zak a,

"Aw, nora bawihi, thil i ei thalo lutuk a, iron i tlachham a, chuan i taksa chaklo bawk a, reilo te chiah admid i ngai dawn aw.." ka pa chuan nora-i melh pah chuan a ti a, nora-i chu a nui sek..

"Marcus, lo awm lawk la, eitur ka zuk lei ang e, Eric, nang pawh i pa va inthlahtir rawh" nora-i nu chuan a ti a, an chhuak ta hlawm a..

"Marcus, Amos-a hi mi tha tak ani tiraw, jen-i rilru a tihnat loh nan kei min kalsan a, mahni hmasial tak chu ni se ka bulah a awm ngei awm si a.." Nora-i chuan a kut khawih niap niap pah chuan a ti a

"Ni e, Amos-a hi mi tha tak ani... Mahse in hun tawnin a zirlo mai mai anih hi.." ka ti ve mai,chhan dan vak ka hrelo

"anih chuan jenniferi chu a na viau ami.."

"Chu tianga na reng ani lova, thling cancer ania,a thling thlak anih chuan a tha leh vat thei ang, mahse thling thlakna tur kan la hmulo a" ka ti a

"Anih a thling thlak ta ang se a dam thei dawn maw.."

"Aw.. doctor chuan chance a awm a ti, amhse an thlak lo anih erawh chuan a na tawlh tawlh ang a, damdawiin a chhawk loh hun a awm ang an tia.."

"A vannei hle mai.." Nora-i chuan zawi te hian a ti sep, a thusawi awmzia ka man loh em avang chuan

"A vannei a...." ka ti vat

"Aw.. kei ai chuan a vannei alawm.." tiin min chhang, ka tawng leh hma chuan

"Marcus.. Jenniferi hian Amos-a hi a hmangaih na a rei tawh em, a rei tawh hmel ka ti e...." tiin nora-i chuan min zawr leh a

"Aw.. middle school kan kal lai atang a duh tawh, mahse Amos-a hian a ngaihsak ngailo, tunah pawh cancer lo se chuan a ngaihsak kher lo ang " ka ti a

"A duhna a va rei tawh ve, Amos-a chu a va mawl ve a, chutiang a rei a nghak anih chuan duh ve mai tur alawm.." Nora-i chuan a ti a, a awm dan hi a mak tak zet, thil mak tak tak a sawi a, chu bakah rilru na ang pawhin a awm lo reng reng...

"marcus, keichu ka vanduai e tiraw..." Nora-i chuan hnuailam en pah chuan a ti a

"Eng nge i vanduai na..."

"Marcus, ka chhungte hi an â takzet.. engmah ka hrelo amaw an ti a, mahsw ka hre vek, medical report en kher ka ngai hleinem, doctor in min hrilh kher oawh ka ngailo, a natna neitu ka ni a, ka awmdan atang hian ka hrethiam ve tho asin..." Nora-i chuan a ti a, a sawi zawh lamah chuan a thaw hawk.. Nora-i hian a dinhmum a hria amaw ni le..

"I sawi awmzia ka hrelo" ka ti tawi tawp

"Ha.. marcus, tlang takin inkawm zawk teh ang, nichin khan cabina an thusawi kha i hria tih ka hria, ka harh rawh tho sia ka tia,ka rawn chhuak a, chuan ka hmu che alawm.." Nora-i chuab nui pah chuan a ti a..

"Nora, inenkawl tha rawh, engtin mah i awm kan phallo.." ka ti a

"Aw.. engtin mah ka awm dawnlo, chuan Amos-a hrilh suh ang che.. a hriat ve kher a ngailo, harsatna ama tawkah a ngah lutuk, rilru hahna dang siam belh sak ka duhlo" Nora-i chuan a ti a..Nora-i nu thawm kan hriat avangin kan thusawi lai pawh chu sawi zawm lovin kawngka lam chu ka pan a, nora-i nu chuab eitur a rawn keng bawr teuh mai a,
"Anih nu sawm, ka haw tawh mai ang"

"Awww.. hei ei tur te hi ei ve phawt la" nora-i nu ( nu sawmi ) chuan a ti a

"Aih a ngailo kha nora-i khan ei teih rawh se a cher em kha" ka ti a ka mit ka siai zeuh a, nora-i lukham chu a rawn thlawk phei rang teh e..

"Ka tlawm , tui deuhin ei ru, naktukah lo kal ka lo tum ang" ka ti a

"Awle.. i tih tlat te chuan, i fel hle mai zanin ah te min kalpui a" nora-i nu chuan a ti a.

"fel e.. fel deuh mai asin ka nih" ka ti a, nora-i chu a nui chhuak hawk..

"lo nui suh" ka ti a, chhuah ka tum chuan ka inher a

"Naktuk i lo kal chuan kutruakin lo kal suh ang che" nora-i chuan a rawn ti a, nora-i nu chu a nui nasa mai, kei pawh chu ka nui ve hawk mai..

"Awle awle, truck trip khat ei tur ka lo keng ang" ka ti a ka chhuahsan a.. Room atanga ka chhuak chu ka oa ka zawng kual a, a cabinah chuan a lo lawm a mahse lo va hawsan tura min chah avang chuan ka hawsan a..

(to be continue)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:05 pm

Amos Lalruatsanga POV

Nora-i pawh school a lo kal ngailo a, chutiang bawkin Marcus-a pawh, nora-i hi a damlo ani tih ka hria, mahse khatiang khawpa na kha a nih ka ring ngailo.
Marcus-a hian a duh tih chiang takin ka hria, mahse ka haider mai chauh ani, Nora-i laka ka awmdan hi a tha ka ti biklo, mahse tih theih dang ka neiin ka hre bawk silo, lehlamah jennifer-i a awm ve bawk nen, Nora-i chu kalsan pawh ni ila a kiangah Marcus-a a awm ve reng dawn tho tih hre ranin jenniferi ka thlang ta kha a ni a.. Mahse thil thlen dan hi ka lo ngaihtuah dan nen chuan a inpersan mah mah ani.. Mahse jennufer-i hnena ka thutiam bawhchhe thei ka nilo, chutiang bawkin Nora-i hi natna ka thlen belh thei tawhlo bawk.. Chuvang chuan jennifer-i nen US lama zirna chhunzawm chu ka duh, hetah ka awm reng anih chuan hmeichhe pahnih rilru ka tih nat chhawk reng dawn.. Ka ngaihtuahna ka kawm mial mial lai chuan ka room kawngkhar a inhawng a, ka en chuan Marcus-a ani.

"Marcus, eng nge i lo tih dawn a..."

"Damdawiinah ka rualin lo kal rawh, i pehhel rei mah mah tawh"

"Aih, ka lo kal anih chuan natna ka thlen mai mai, Nora-i chu a tha em.."

"Natna nei belh tur chuan a chau mah mah tawh, Amos tlang takin ka hrilh ang che Nora-i hi...." Marcusa chuan a ti a, mahse a sawi zawh hma chuan a ngawi leh daih..

"Eng nge ni marcus, sawi rawh, engtin nge nora-i a awm" ka ti hrawk a, mahse marcus-a chuan hnuai lam a bih daih..

"Amos, nakinah i inchhirna tur eng mah ti tawh suh, chuan nora-in hmuh che a duh" Marcus-a chuan zawi te hian a ti a, hepa awmdan hi ka ngaih te a ti thalo rum rum, chuan Nora-in min hmuh a duh a ti em kha.. Keipawh hian hmuh ka duh ani, ka ngai takzet, mahse eng ang pawhin ngai mahila, a kianga ka awm ve a theih tawh silo a...

"Aw.. ka va in tifai lawk ang" ka ti a, bathroom lam.chu ka pan ta a..

MARCUS LALRINHLUA POV

Amos-a chu ka nghak reng, hepa insiam rei thei lutuk hi chu hman atang tawh khan ka hne tawh.. khum ah chuan thu in ka phone chu ka khawih mai mai a.. Eng vangin nge Amos-a hi ka hneh theih miah loh le, mi chu
an hmangaih an neih theih nan chuan tiin an theih tawp an chhuah a, mahse kei chu ka hmangaih ber pawh neih tuma beih te chu sawi loh, Amos-a nen an inkawp leh theih nan hma ka lakpui chu a ni sia, ka hmangaih thu pawh nora-i hrilh theilo khawpa mipa dawihzep ka nih hi ka ring ngailo.. Nora-i ka hmangaih thu hrilh ka tum apiangin Nora-in a Amos-a a hmangaih zia ka hmu thar leh thin hian min ti tim zo vek thin, Amos-a hian Nora-i damloh dan zawng zawng hi hre ta se nora-i hnenah a let leh thei hial ang, mahse nora-in min khap tlat bawk si, engtia tih ber tur nge pawh ka hre tawhlo... ka inngaihtuah vung vung lai chuan Amos-a chu inpeih at in a raan chhuak a, engmah sawi vak tawhlo chuan kan inphur chhuak ve ta a...


NORA LALHRIATZUALI POV

"Doctor... khawngaih takin... engkim ka hria asin.. mahse ka chhungte rilru a nat ka hlauh vangin hrelo angin ka awm mai chauh ani.." doctor bulah chuan ka ti a

"Nora, a theihloh, i tan a hlauhawm lutuk, i lung pawh transplan kan ngam lo a, thling thlak phei chu a ngaihna a awmlo.." doctor chuan a ti a, ka thinrim tawh ngei mai..

"aw.. ka hria, mahse keiman ka duh alawm.." ka la ti ve ngar ngar

" Nora, a theihloh .." a ti hmak..

"Min hrethiam lo" tih leh tah ka rual a, doctor chuan tihngaihna hriat loh hmel takin min en reng..

"Awle.. Nora, i thuthlukna siam hi i chiang amaw.." a ti a

"Aw.. ka chiang, ka nu te chu ka hrilh mai ang, mahse khawngaih takin ka toh min phalsak tur ani.." ka ti a doctor chu ka mittui hru pah chuan ka en a

" a hlauhawm ania, i nunna..." doctor in a sawi zawh hma chuan
" ka hria alawm, hei hi ti dawnlo mah ila engtik niah emaw chuan ka thi xawn tho tho " ka ti a doctor chuan min en a a thaw hak a

"I chhungte thu ni rawh se.." docto chuan a ti a

"Mahse damlo pakhat zawk sawn keimah hian ka pe dawn ani tih a hre tir anilo" ka ti vat

" i chhungte nen kan inrawn phawt ang a, kan sawi leh dawn nia.." a ti a, ka cabin atang chuan a chhuak zui nghal a..

He thil hi ka tih a ngai tak tak amaw.. Ni e, kei chu ka kal vat dawn alawm, keimah vanga nunna thar a nei thei hlauh anih chuan a zia deuh ang chu...
ka awma cabin kawngkhar chu zawi te hian a rawn inhawng a, ka nu leh ka pa an rawn lut a..

"bawihi, doctor ricky-an i thil dil min hrilh a.." ka pa chuan a ti a

"Aw.. pa, nu, min ngaihtuah su, ka la chak that em hi, keimah vanga mi pakhatin nun thar a neih theih dawn te chuan thil tha tak ka ti tihna a ni dawn asin.." nui chung chuan ka nu leh pa te chu en pah chuan ka ti a, ka nu leh pate erawh an nui ve hauh lo, ka hrethiam ani, an rentih hi ka ringlo sa ve hrim hrim

"Pa.. ka hria ania, ka lung hi a thlak theihloh, chuan a awmzia chu kei a ni telin ka tla hniam tial tial ani." hnuai lam bih ngur chung chuan ka ti a

"Aih, nora, chutiang anilo" ka nu chuan a ti a, mahse ka lo chhang nghal vat

"Ani.. nu, ani lawm.. ka hria alawm, ka taksa anih hi, he lung hi ka lung anih hi, midang zawng zawng ai hian ka dinhmun hi ka hre chiang asin, in zep a, min hrilh in duhlo, ka rilru nat in hlau a, mahse maw nu, eng ang pawhin zep tum mah ula he ka taksa awmdan atang te hian engkim ka hrethiam ve vek asin" ka ti a, ka tap lek lek.. Ka nu chuan min rawn kuah nghal a,

"Aih, bawihi, nora, ka fanu,engtin mah i awm lo ang, ka hlatah hian ka awm tir dawn lo che, i dam leh vat dawn" ka sam a chul hliau hliau pah chuan a ati a

"Nia,ka dam leh vat dawn alawm, mahse nu tak tak in bone marrow transplan chu min phalsak ru " ka ti tha leh a..

"Nora, bawihi i tan chu nu chu a pawimawh viau em ni" ka nu chuan a ti leh a

" aw.. nu mi pawimawh tak ani, ani chu maw nu, a vanduai lutuk, tunah a hlim ve tan dawn chauh a, mahse natna khirh tak a nei leh sia, doner tur a neilo anih chuan rei a dam tawh dawnlo alawm," ka ti a

"Nora, i theilo, i fitness in a pha lo chuan..." ka nu in a tih lai chuan ka pa chu a lo inrawlh vat

"Awle.. ka remti e, mahse i fitness te kan check phawt ang chuan thu i awih hle tur ani" ka pa chuan a ti a, ka hawi huai thei, ka nu chuan ka pa chu a en vat a, a ka a ang zuau hman mahse ka pa chuan mitmeiin a lo khap a, ka nu pawh chu a tawng chhunzawm tawhlo. Ka nu te chuan ei tur lam chhuanlam in an inzui chhuak a, mahse an sawi tur ka hre chiang takzet, ka nu hian eng tikah mah ka thling midang pek hi a phal ngailo ang, mahse ka pa hian hmin dan a hre tho ang, mahse mak ka ti ve det ka pa hian engtin nge awlsam takin a pawm mai theih ni.. Ka phone chu ka en a, message a tam tawh takzet, Phoeby te hian ka damlo tih ka hrilh silo a, an hre tawh ani ngei ngei ang,an message a tam emai , ka phone ka en lai chuan kawngkhar chu a rawn inhawng a, Marcus-a leh Amos-a rawn inzui lut chu ka hmu nghal, Amos-a hi hmuh ka duh thu Marcus-a ka hrilh a, mahse hetiang a awlsam hian a rawn hruai thlen ka ring miahlo... Amos-a chu ka en reng, ka mutna bula thutthleng awmah chuan an thu a, Amos-a chu ka hmu cher riau mai,kar khat lai damdawiinah ka awm tawh a, kei pawh ka hmel a tha em em bik dawnlo reng reng..

"In lo kal thei alaw.." ka ti a ka nui ver ver

"Aw.. lo inkawm ru aw, ka pa bulah ka va kal lawk" Marcus-a chuan a ti nghal daih, hepa hi chu aw... Marcus-a chhuah hnu chuan Amos-a nen chiah kan awm ta, sawi tur a vang duh ngei mai..

"Ti nge i damlo tih i sawi loh a" Amos-a chuan a ti a

" Ka dam alawm, hei te chu ka pianpui unau ang mai anih hi, ka lung thalo hi chu ngaiah neih a ngai " nui pah chuan ka ti a

"Nora, min ngai...." a sawi zawh hma chuan ka pawtchat a..

"ngaihdam dilna tur khawpin eng thil sual mah i tilo" ka lo ti vat,hetianga inthiamloh deuha a awm hi hmuh a har ka ti ani.. A rawn tawng leh hma chuan

"Amos, vawiin chu ka ta ni leh rawh" ka ti a,Amos;a chuan mak a tih hmel khawp mai

"Mawhhh... Amos, i vawiin ni hi keimah nen chiah hmang ang, zanah min thlah leh dawn nia,vawiin chiah ka dil ang che, vawiin ni hi hmana inngaizawng Nora-i leh Amos-a engmah lungkham neilo, khatiang nun ang khan nung leh lawk ang, aw.. vawiin chauh.." ka ti a, Amos-a chu a meng buai nasa..

"I damloh hi.. " a ti a, a sawi zawh rual chuan ka kuta drip an khaina chu ka keima tawkin venflon chu ka phawi chhuak a, ka peih nghal,

"Nora, eng thil nge i tih! " Amos-a chuan a ti vat a,

"A ho emai, ka va inthlak ang a, chuan chhuah ruk dan kan zawng ang.." ka ti a, bathroom lam chu ka pan nghal, ka i thlak sawk sawk a, ka thawmhnaw hakthlak tura ka ken luh chu ka ha a, ka lung damdawi chu ka bagah chuab ka ak a, ka inpeih hnuah chuan ka chhuak a, Amos-a chuan mak ti takin min en, mahse engah mah ka ngai duh rihlo, ka va pan a, a banah ka kai a, nurse duty te hmuhloh theih dan tur berin kan chhuak a, Amos-an bike a lo keng a,chu chuan kan i phur chhuak a. Bike a ka chuan lai te chuan boruak te chu a tam thei ang ber ka hip lut a,ma ban te ka phar kual vel, Amos- a pawh chuan min hau duh chiah silo a, mahse ka che reng chu a ning ani chek ang chu a rum leh nghut thin.. Hmun dang pan loin kan i hmuhna thin park ah chuan kan kal a, bike atang ka chhuk chuan a kutah chuan ka chelh leh vat,min rawn en a, ka nuih ver ver, a lu thing ner ner pahin min kai ve mai a, thingbuk hnuaia thing thutthleng an dah lam chu kan pan a, kan kal lai te chuan ka natna zawng zawng te kha a bo vek ni ber hian ka hria, thutthlengah chuan kan thu a, kan ngawi reng.. A tlai deuh hlek tawh avangin ni pawh chu a tla lek lek tawh.. Ni tla tur chu a mawi tak zet ani,ka bulah khawvel ti mawi zual em em tu, khawvela ka hmangaih ber mai a thu bawk a, tunah tak hi chuan eng dang mah ka mamawh lo..

"Amos, vawiin hi eng ni nge" ni tla tur en chung chuan ka ti a.

"October ni 14, nga ti nge.." Amos-a chuan a ti a

" Ni 20 hi ka birthday " nui ver ver chung chuan ka ti a

"ni tak.. eng nge ka pek ang che.. " Amos-a chuan a ti a

" ka birthday ah chuan maw pangpar chi i keng a nga, chuan helai thing bulah hian i phun dawn nia, chuan i phun zawhah ni tla tur saw i thlir ang.." ka ti a,

"Kan phun dun ang chu.." Amos-a chuan a ti a

"Aih, ka phunpui dawn lo che, i phun lai ka lo en dawn che alawm, ka tana pangpar i phun lai ka en duh alawm.." ka lo ti vat a, kan han nui dun leh rih..

Rei tak kan thu a, kan chhuah tur thu ka chhungte ka hrilh silo a, an rilru a hah tawh ngawt ang. mahse ka ngaihtuah hmanlo, ka bula awm hi vawiin hi kan pahnih tana tawpna ni a ni tawh dawn miau a, amos-a chuan a jacket hak lai chu a phelh a, min hak tir a, ka lo nuih ver ver, khua a thim tawh avangin arsi te chu an de sep sep a, hmana amos-a nen arsi kan thlir dun lai te chu ka hrechhuak uar uar a

"Amos, khi thla leh arsi " ka ti a, Amos-a pawh chuan chung lam chu a thlir ve vat a

"i la hria em, thla khian a kianga arsi te khi a ohatsan hunah chauh ka phatsan ang che i tih kha.." ka ti leh a, amos-a chu a ngawi reng

"Mahse tun tum chu arsi zawk khian a phatsan anih dawn khi en teh, khi a eng pawh a ral riai riai alawm.." ka ti leh a, Amos-a chuan min rawn kuah a

"Nora, engkim vangin min ngaidam rawh," a ti a, keichu min kuah dan ang ang chuan ka awm hle hle..

"Amos, min en teh, ka hmangaih che ,ka hmangaih che, ka hmangaih che, ka hmangaih che, ka hmangaih che, ka hmangaih lutuk che" ka ti a, ka sawi leh tur chu

"ka hria sawi lo mahla ka hria" amos-a chuan a lo ti vat a

"Amos, nakinah chuan he thu sawi hre tur hi chuan tun hun a ka sawina hi ngaihtuah let a ngai thin ang, ka hmangaih che tih hmaichhana sawi theihloh hun a la awm ang, mahse en rawh van khi, arsi i hmuh velh apiangin kei hian ka hmangaih che tih ka rawn sawi thin tihna ani " ka ti a

"Nora, i sawi awmzia ka hrelo ania..." Amos-a chuan a ti a

"nakinah i hre mai ang,mahse vawiina ka thusawi ho hi theihnghilh miah suh." ka ti a, Amos-a chu a inngaihtuah vung vung a, boruak toh zangkhai tumin ka thaw thut a

"Lo kal rawh let tawh ang, min lo ngaihtuah tawh ang" ka ti a,Amos-a pawh chu a rawn tho ve mai,a banah chuan ka kai leh a, Amos-a pawh chu a nui ve suk, he nui hmel mawi zia hi a hre silo a, a nui hmel mawlh hi ka la ngai ngawt ang.. A bike ah bawk chuan kan i phur chhuak leh ta a,damdawiin kawt kan thlen chuan ka chhuk a, Amos-a pawh chu a rawn chhuk zui ve bawk a,

"Amos,haw tawh rawh.. vawiin vang hian ka lawm e" ka ti a,

"I duh duh hunah i tan ka awm reng ania.." Amos-a chuan a ti a

"Aih, zanin kha a tawpna ni rawh se, chuan amos, tluang deuhin i hawdawn nia, chuan Jennifer-i nen khan duhsakna ka hlan a che u" nui chung chuan ka ti a, ka inher a,damdawiin chhung lam chu ka pan ta a.

(hei ha.. a tawi hle mai ti ru... ka save sa a lo bo daih a, ka han ti leh nawk nawk a, zanina up kha ka lo intiam tawh sia😋)

( Next chapter ah a hmawr kan bawk tawh ang💔)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:05 pm

🌸🌸Hei teenagers romance chu a hmawr kan lo bawk dawn der mai.. story min lo hlut sak a lo chhiar thin tute chungah lawm thu ka sawi a, in duhthusam lohna tam tak a awm tih ka hria a, insiam that ka lo tum ve reng bawk ania.. chuan teenagers a zo dawn ta bawk a, story thar nen inhmuh leh vat kan tum ang.. chuan teenagers hi season 2 a awm dawn a, in lo nghak tang tang dawn nia 🌸🌸


Jennifer-i POV

"Maw... doner tur an awm maw.." doctor chu en in ka ti ha a, ka nu nen chuan mak kan ti lutuk chu kan in en tawn zak zak, hei leh chen hi kan zawng tawh, mahse ka milpui kan hmu zolo, tunge niang le, ka hre chak tak zet, tupawh chu ni se, mi tha tak ani ngei ang
"Anih chuan doctor, eng tikah nge operation chu in tih theih ang le.." ka nu chuan a ti a
"Ni 19 ah, chuan nang ni pawh lo inenkawl tha ula" doctor chuan a ti a
"Anih leh tunge doner tur chu" ka lo ti vat, ka hre chak em bawm atin ni
" Chu chu kan sawi theilo, damdawiin hian doner tur hming in hrilh a khap a, mahse ani chu nangmah ang rual vel tho hi ani.." Doctor chuan a ti a, naa.. ka hriat chak chak nen, mahse damdawiin dan anih chuan min hrilh thei lo tawp ang..
"chuan naktukah nangni pawh admit turin in lo kal dawn nia, operation atan kan inpuahchah dawn nia" Doctor chuan ka nu en chung chuan a ti a
"Awle, doctor ka va lawm tak em! sawi tur ber pawh ka hre lo.." tih pah chuan ka nu chuan a mittui tling pam chu rawmawl chuan a hru a, keipawh ka lawm takzet ani..
"Ka pi, keini lam tih eng mah a awm hleinem, doner tur hi amah a rawn in volunteer a, mi tha tak ani " doctor chuan a ti a
" doner tur chu hmuh ka va duh ve, khawngaihin a theih hram ang ngem doctor.." ka nu chuan a ti a
"Ka pi, transplan neih zawhah chuan a theih ang, mahse transplan neih hma chu doner leh a lo dawngtu tur hi inhmuh phalsak an ni lo.. I hriatthiam ngei ka beisei.." doctor chian a ti a
"Awle, anih kan lawm lutuk aw doctor, kan kal phawt ang e." ka nu chuan a ti a, doctor cabin atang chuan kan chhuak zui nghal a..
Kan kal lai te chuan, tunge doner chu ni ta ang tih ka hre chak tak zet, a hnenah lawmthu sawi sen loh ka ba ani, ka nunna a chhan dawn ani a, tupawh chu ni se mi sual tak ani miahlo ang, amah in volunteer ani bawk a, mi tha tak ani ngei ang, keimah ang rual a ti em ni kha.. Kum naupang takin midang te tan malsawmna a ni ania,ka tluklo khawp mai, kei ni ila, ka mi hriat ngai miahloh hneh chuan hetiang thil hi ka tihsak theih ka ring hauhlo, chu bakah ka cancer ani tih ka hriat hma phei kha chuan hetiang lampang vel hi ka ngaihtuah pha ngailo, mahse hei tunah cancer natna vang hian ka thil tih ngai miahloh te tiin, ka la tawn ngai miahloh te pawh ka tawng chho zel chu anih ber hi.. Damdawiin kan kal ro ro a, ka nu chuan Pute thlenga va hmuh lawk a rawt a, keipawh chuan ka lo pawmpui viau, pute-a hi ka damloh tirh atangin a theih ang tawkin min ngaihsak a, ka putea anih piah lamah doctor a lo ni ve leh zel bawk nen, in lama kan inenkawl pawhin damdawiin atang a a rawn haw hi min rawn tlawh khawi fo thin, a hma chuan kan innel ngai em em lo, mahse hetia kan damloh takah chuan a hmaa ka nel ngai miahloh ho pawhin a min lo hmangaih hlawm zia ka hre thar uar uar ani ber mai, Marcus-a pawhin min ngaihsak em em a, tihlan dan a thiamlo mai chauh ani, mahse Marcus-a ka hmuh hian inthiamloh na in ka khat thin, Nora-i hi Marcus-a hian a duh tih ka hria, chu vanga inthiamlo em em pawh chu ka ni, ani chuan Nora-i, a hmangaih tan chuan eng pawh a ti a, Amos-a lakah a thlah bawk a, a hmangaih ber hlimna anih chuan tiin a hmangaih thu pawh Nora-i a hrilh lo, mahse kei erawh chu Amos-a hmangaih inti si in, a hmangaih ber hnen ka pantir thei silo, kaltir ka tum nasa, mahse Amos-a hian he ka natna vang hian min lainat a, min kalsan a hreh takzet, chu tak chu ani kei mihring mahni hmasialna nei ve tho hian ka tana ka beih tak ni, ka duh chuan ka thlah lui thei lutum alawm, mahse maw, Amos-a hian ni reilo techhung ka hnena a awm pawh khan ka natna theihnghilh thak khawpin ka hlim a, chuti maia ka hlimna tur keinah ngei ina peih bo tum hi thil harsa tak ani, a lo rei tak hnu phei chuan Nora-i hnen pan tur pawn ka nawr ta lo reng ani kha..
Pute-a cabin kan lut chu a chhun chawlh lai amaw kan ti a,mahse doctor ve tho mipa pakhat nen hian an lo inthut chilh a, an thusawi ah rru an pe tih hriat takin hnuailam an melh dun kar, kan luh lai pawh chuan min lo hmu mai lova, ka nu in thawm a va neih tak hnu chuan an rawn hawi chho vat a,
"I chawlh lai ani ang chu kan tia, kan lo tlawh kawi zuai che" ka nu chuan a ti a
"Aw, ni e mahse hei damlo pakhat chungchang kan lo sawi lawk a, lo thu rawh u" pute-a chuan a ti a, keini pawh chu an bulah chuan kan thu thla ve nghal
"Anih ka kal ang e, Nora-i pawh ka lo hrikh dawn nia" tih pahin doctor lo awm ve pakhat chuan a ti a a tho zui nghal a, Lawk, Nora-i a ti em ni? Doctor chu a chhuah velah ka putea chu ka en nghal a
"Pute, tu nora-i nge in sawi a" ka ti nghal vat, ni e, nora-i tih hming hi a common lem lo, ka hriat nora-i anih rinna ka nei tlat
"E.. aw ka hrilh ang che u ka tia, Nora-i chu i doner tur ania,kha tuna chhuak ta doctor fanu kha ania" putea chuan a ti dam thluam a
" Nora-i maw, pute, sawi chiang deuh teh" ka ti a, putea chu ka va thut hnaih sauh sauh a
"Bawihi, i hriat zawng ani ami " ka nu chuan a lo ti ve bawk a
"Ka chiang ngam lo, mahse kan class ami Nora-i a awm ve a, tunlai class a lo kal ngai silo a, ka ti mai mai, mawh... pute chiang deuh hlekin min hrilh teh" pangchang aw lek lek chuan ka putea hnenah chuan ka ti a
"Aw, ni e, in school ami ania, Amos-a leh Marcus-a pawhin an hria alawm.. Nora Lalhriatzuali a nia" ka putea chuan a rawn ti ta mai, mak ka va ti em,amos-a leh marcus-an an hriat chuan ni e, Nora-i ngei ani,mahse engtin nge a nih theih..
"Mahse pute, tinge ka doner ah chuan a tan ve ringawt dawn a" ka ti leh a,
"ni e, a la naupang awm si a, engtin nge doner chu a nih theih, a chhungte pawhin an pawmpui ami " ka nu chuan a rawn ti zawm zat
" Han sawi dan vak a vang khawp mai, Nora-i hi a tet lai atanga lung thalo nei ani a,mizoramah pawh inenkawl lovin phai ah an chhungte bulah a awm reng thin school pawh in lamah home tution a kal thin, mahse nikum khan hma a sawn deuh nia hriat a ni a, mizoramah rawn letin school te chu a rawn kal tha a, Jen.. in school luhna pawh a inan tak kha.. A rawn haw tirh kha chuan medical result ah pawh hma chu a sawn viau a, mahse thla li vel liam ta atang khan a lung hi a tawh tur angin a pangngai lo tan a, chuan check up te kan nei a, mahse result kan hmuha kan hriatchhuah chu rei a daih tawh lo ang tih ani, a lung hi thlak tur pawhin a thaw a hah tel thin avangin surgery neih ngam ani lo, a tana tha ber chu hahdam taka a awm a, thu thinthawng emaw rilru hah taka awm loh ani.. Mahse eng ati nge mawni nimin khan doctor ricky-a hnenah thling thlak kha a lo dil chiam a, a tana a hlauhawm tur zia kan hrilh hnu pawhin a zawm duh chuang lo, kha tuna chhuak ta kha nora-i pa ania,doctor ve tho ani,nora-i hian hun tam anei tawhlo tih chu a hre chiang khawp mai, chumi vanga nora-i thuthlukna pawmpui chu a ang ber " Putea chuan a ti a, mak ka va ti tehreng em, doner tur chu tudang ni lovin Nora-i maw ni a! A theihloh, a lakah ba ka nei tam mah mah tawh..
"Hmeichhe huaisen tak ani, a tana a hlauhawm turzia hre chung pawhin doner nih chu a la tum fan ania.. " Ka nu chuan a ti a
"Ni e, naulang te e tilo chuan a felin tak tak ani.." putea chuan a lo ti ve bawk a
"Mahse pute,chutiang te chu.. aih ka duhlo, a tana a hlauhawm phah dawn chuan, nilo ka theilo ang" ka ti bah nawk nawk a..
"jen, bawihi.. " ka nu chuan a ti a
"Pute, khawi room ah nge nora-i chu a awmka biak vat a ngai" ka ti a, ka ding hluai.. putea pawh chuan nora-i room number chu min hrilh a, ka tlan chhuak nghal...
Nora-i room awmna ka va thlen chuan dim te in kawngkhar chu ka hawng a, nora-i chuan thil a lo ziak melh melh a, ka aw ka thian kharh a, ka lut zui ta bawk a, Nora-i chuan min hmu chu mak a ti tih a lang reng
"jennifer, eng nge hetah i tih.." nora-i chuan a lo ti a
"Nora, nang hi i ni, doner tur kha nang hi i ni" ka ti a, nora-i chuan mak ti hmel a pu
"Nora.. hetiang hi eng vanga ti nge i nih, hreawm taka ka awm nan ami,aih.. i thling kha ka mamawh lo, i damlo anih chuan nangmah chauh kha inngaihtuah ta che, damlo dang ngaihven hman i nih loh kha" ka ti hrawk, mahse nora-i chu a nui suk a, a tjil ziah lai chu dahtha in ka lamah chuan a rawn kal a
"Jennifer, kei aiin amos-a hi i hmangaih zawk, ka hria asin, chuan amos-a pawh hian a hmangaih em em ang che, hmalam hun eng tak in nei dawn asin" Nora-i chuan a ti a
"Aih.... i lak atang engmah ka duhlo" ka lo ti thawt
"Hei hi i tan chauh ani lo, Amos-a tan pawh ani, Amos-a hi na reng se i duh ami" Nora-i chuan a ti a
"Jennifer, thil ka hrilh ang che, mi pathum intih nat tawn reng hi tawk tawh rawh se, chuan thling thlak vang ringawt hian ka thi dawn hleinem, fair deuhin amos-a pawh kan inchuh ang chu.." nui chung chuan nora-i chuan a ti a, Nora-i awmdan hi a mak ka ti takzet, min haw miahlo te, min huat chu sawi loh a nunna a tan a hlauhawm thei tih hre reng chunga doner ah a tang duh te hi,..
"Nora, ka tihpalh mahse ka theilo, amos-a hian nangmah a hmangaih che, hetiang hi ti suh" ka ti thei tawk, ka mittui chu a rawn luang thla nghal
"Heyy, jen.. i tap alaw, tap suh, amos-a thinlungah hian i tan hmun a awm asin, amah hian a hrethiam lo mai mai chauh ani, min hmangaih ni se ka kiangah a awm ang chu tiraw, mahse hei en teh, i hnen anih hi a pan ni, hei hi khawngaihna leh lainatna vang ani thei miahlo ania, a chhan ber chu i hmangaih zia a hrechhuak a, i lam a let a duh mahse kei ka lo awm tawh si a, adinhmun a laklawh kual vek anih hi, amos-a hian hmangaih che a, mahse amah vek hian a hmangaih che ani tih a hrethiam lo mai chauh ani." Nora-i chuan ka dara min kuah chung chuan a ti dap dap a..
"Mahse...."
"Mahse ti suh, in inhmangaihna inkara rawn inrawlh chu keimah hi alawm, le.. i mittui te kha hru rawh, jenniferi hi a tap ve thei anih hi" nui chung chuan a ti a, keipawh a thil sawi vang chuan ka nui chhuak ve hawk mai..
"Chuan jennifer, heihi Amos-a hian a hre tur anilo,min tiam rawh.." nora-i chuan a ti a
"A hre ve tur alawm, i nun...." ka sawi zawh hma chuan ka tawng lai chu min rawn pawt chat a
"Aih.. dam takin kan awm ve ve ang, chuan amos-a chuan a hre tur ani lo,min tiam rawh le.." nora-i chuan a ti a
keipawh chuan harsa ti tak chungin "awle" ka ti ve ta hram.. Nora-i doctor in a check dawnavangin keipawh chu ka chhuak ve nghal a,ka ngaihtuahna ah chuan a awm reng, engtin nge ka theih teh lul ang ni, doner chu tu pawh ni dawn mahse nora-i kher chu a ni tur anilo asin..

( SKIP )

NORA LALHRIATZUALI POV


" A hun tawh ania, i thuthlukna ah i chiang maw" doctor chuan a ti a,
"Aw, chiang e" ka lo ti vat
"Awle" tiin doctor chuan min kalsan a
***Vawiin hi ani, jenniferi nen tranplan kan tih ni tur chu, huphurh na ka neilo, hlauhna pawh ka neilo, ka dam emaw dam lo emaw he ka thuthlukna siam ah hian inchhirna ka neilo, jenniferi thling thlak tu tur ka ni tih hi ka chhungte leh jenniferi chhungte vakin an hre lo, marcus-a leh amos-a pawhin an hrelo, inzei te nau mai mai ani tihin kan hrilh, mahse Marcus-a chuan min ringhlel deuh in ka hria.. Dar 1:20 a ni tawh, minute tlem te chiah a awm ta, operation nei tur pawhin ka inpeih hle tawh,mahse tinah chuan mi pakhat chiah nghah ka nei, ni e tu dang ani lo, Amos-a ani.. operation neih hma Amos-a hi hmuh ngei ka duh, ka awmna room kawngkhar chu a ri fak a,ka ngaihtuah lai mek Amos-a chu a rawn lut, mahse a hmel chu thinrim hmel a pu, marcus-a chuan a rawn zui lut a, marcus-a pawh chu a lawm loh hmel khawp mai
"Hey.. nang ni pahnih hi in inhnial ami a" en tawn zak zak chung chuan ka ti a
"Nora, eng vangin ngemin hrilh loh" Marcus-a chuan a ti a
"eng chu maw.. in sawi awmzia ka hrelo" ka lo ti ve vat,mahsearuk tak chuan min ti hlau takzet an ni hian jenniferi thling thlaktu tur ka ni tih an hria a mawni le..
"ti suh.. operation hi nei suh " Amos-a chuan a ti a
"Eng vang ngawtin maw" ka lo ti ve vat
"Jenniferi thling thlaktu tur i ni tih kan hria, nora,i hriaani lawm ni, nang pawh ani ang tho in i dam tha biklo" Amos-a chuan a ti leh a, hnuai lam ka bih ngar ngar
"Nora, i theilo, eng vangin nge tiang hi tih i tum, i dinhmun a hlauhawm thei ani tih i hria ani lawm ni" Marcus-a chuan a lo ti ve bawk..
"awle, in hre ta bawk a, min dang tum su,. ka thuthlukna siam ka sawhsawn dawn lo" ka ti ve hmak a
"Nora.. a tul lo. nagmah in ngaihtuah rawh.." amos-a chuan a ti a
"Chhuak rawh u" ka ti hrawk.. ka au ring deuh bawk ani mahna, pawn lama awm ka nu te pawh an rawn lut a,ka nu te chuan Amos-a te chu an chhuah tir a, marcus-a chhuak tur chu ka bulah lo kalin "Nora, mi a tak i ni " a rawn ti a, mahse ka hrelo der hmak..
hetia an awm ka rin vang hian a tir oawhin ka hrikh duhlo anih kha..
"Bawihi, i ti tak tak ang maw"ka nu chuan tap chubg chuan a ti a
"nu.. ka thi dawn pawh a ni lova, tap suh.. mittui ka duhlo ania.." ka ti a, ka nu chu ka kuah vawng vawng, ka hrethiam ani, he ka thuthlukna siam vanga ka nu rilru awm dan tur chu, mahse ka tih ngei a ngai si ani..
"Nora, ka fanu, hmeichhe huaisen tak i ni a, dam chhuak turin i bei ngei dawn ani" ka pa chuan ka sama chul chung chuan a rawn ti charh carh a
"awle.. khawi thla la ho ang u" ka ti a, boruak tih zia awm nan ka ti ani
"u.. i la thawveng thei alaw.. han thi vaih teh, ka that lehchhawng ang che" eric-a chuan a ti a,kan han nui ho leh rih.. thla te kan la a, kan hlim hlawm khawp mai
Rei vaklo ah chuan nurse chu rawn lutin min hruai chhak ta a, operation room hmaah chuan jennifer chhungte leh ka chhungte ho an lo awm a, amos-a leh marcus-a te pawh an awm ve bawk..
"Nora, min lo zui lawk teh" amos-a chuan a ti a,midang awm lohna coridoor lamah chuan min pawt phei dawr dawr a
"sawi vat rawh..."
" tih tak tak i tum ami,i a ami.. " amos-a chuan a ti hrawk
" aw.. amos, i lungngai anih kha, engtin mah ka awm dawn hleinem.."
"mahse ..."
" Amos , i hria tiraw hman zana ka sawi kha hre reng ang che, chuan naktuk hi ka birthday anih kha aw.. pangpar kha.. theihnghilh maih suh.." ka ti vat, Amos-a tawng tum chu a hmuiah chuan ka va fawp, a hamhaih ani tih ka hria. ka fawh hnu ah chuan a mitah en in
"Amos, hei hi i tan vek anih hi" ka ti sap a, ka kalsan
mahse marcus-a nen chuan kan intawk a
"nora, thih thlenga mawl i tum ami" a ti a
" mawlna lam anih loh hi" nui pah chuan ka ti a, mahse marcus-a erawh a nui ve hauhlo
" nora, midang hlimnan i na a, midang dam nan i nunna leh zel i dahkham dawn a maw.." marcus-a chuan ka dara vuan chung chuan a tia
" Aih.. ka nunna ka dahkham lo, dam takin ka lo chhuak ang, marcus, ka thi lo ang, ka tiam a che" ka ti a
" ka ring lo che, ka ring ngai tawh lo ang che, i thutiam hi ka ring ngailo ang, mahse he i thutiam hi hre reng rawh, thutiam i bawhchhe tur anilo" Marcus-a chuan a ti a, min kalsan daih.. keipawh chu ka nu te awmna lamah chuan ka phei ve leh ta bawk a..
"a hun tawh e, lo lut rawh" nurse chuan a ti a, luh ka tum ka hawi let chu ka chhungte chuan nui ver ver chung chuan an kut an vei a, mahse an nuihna phena an mittui saw ka hmuhhmaih hauhlo..
"Nu, pa, in vaiin mittui ka duhlo ania, kan dam ve ve ang" tiin ring takin nui chung chuan ka sawi a, ka nu leh pa min ngaihtuahna mitmeng te chu ka va en a, marcus-a ka en leh a, a lu chu a lo bu nghauh nghauh, Amos-a chu a tawp nan en leh in ani erawh chuan a lu a lo thing ner ner... Hawi let leh tawhlo chuan operation room ah chuan ka lut ta a..
Jennifer-i nen chuan khumah chuan kan mu a, kan kut chu kan inchelhsak a,
"nora, he operation zawh huna ka harh chhuah velah nang hi hmuh hmasak ber che ka duh ania" jenniferi chuan a ti sap a
"Awle.. he operation zawh hunah chuan nun thar kan nei vek tawh ang" ka lo ti ve bawk
doctor te chu rawn lut in hnimhlum chu min hip tir ta a, ka mitthlaah ka chhungte min ngaihtuah taka min en lai te, ka amos-a nen a thingbuk hnuaia insi riala kan thu lai te, marcus-a nen a maths kan inzir tir kai te leh ka nau chimawm tak nena kan inhauh lai te chu ka mitthlaah chuan ka hmu uar uar a, ka khawhmuh chu a rawn vai ruai a, ka hriat tawp ber chu a thim ta muo tih mai chauh ani..


( SKIP )


AMOS LALHRUATSANGA POV


Vawiin hi Nora-i birthday ani a, pangpar chi kengin thingbuk hnuaiah chuan ka phun kual a, ka phun zawh hnu chuan ni tla turchu ka thlir vang vang a,
"nora.. ka hrethiam tawh asin" tiin ka phun chhuak sep, ni e, ka hrethiam tawh ani, eng vanga nora-i khan parpang khamin phunpui a tumloh chhan kha chiang takin ka hre tawh ani.. Nora-i chu ka hlat ah natna awm ve tawhlohna hmunah a awm tawh si a.. Nora-in a helai hmuna kan kal tawp ber ni a a sawi ang chiah chuan mahni in ni tla tur chu ka thlir a,min hmangaih thu a sawi lai a, i hriat keh theih nan chuan he thu ka sawi lai hi i ngaihtuah let a ngai ang a tih lai te kha ka ngaihtuah let a.."Hmeichhe mawl tak i ni nora" tiin ka phin chhuak sap...
Ni e, nora-i chu he khawvel ah hian a awm ve tawh lo, jenniferi tan a thling a thlak ni khan ani chuan hmun hla takah ka koh let theih tawhloh na hmunah min kalsan ta ani.. Keimah vang vek ani, nora-i lo tawng lo ila chuan nora-i hi hetiang hian a awm lo tur, engkim hi keimah vang ani..
"nora.. min hmu em, i sawi dik e, keimah chuan ka phun ngei mai.. mahse van atang khan min lo hmu ang ti raw.. ni e,min hmuh ngei ka ring.. mahse tinge ka hmuh ve theihloh che... Nora, lo let rawh kei ngaihdam tlakloh mihring hi min ti na turtalin lo let rawh" ka ti a, ka mittui chu a rawn tla nghal bawk, min hmu tu te chuan mipa ve si a tap min ti a, mahse maw an la tawng ve lo ani,tawng ve se zawng, keimah ang hian an awm ve tho ang..
ka ipte atang chuan lehkha, eric-an min pek chu ka la chhuak a,ka han en chu nora-i kutziak ngei ani..

** " Amos, he lehkha hi eng vanga ziak nge maw ka nih le, i tana ka ziah chu ni tho mahse i chhiar atan ka phallo ani.. A chhan chu maw, he lehkha hi i hnen a lo thlen a i chhiar a lo ngai ta anih chuan kei chu lei hnuaiah zalh ka ni tawh ang a, mitin tan mithi tiha sawi ka ni tawh ang.. Amos, i hnenah hian sawi duh ka va ngah si em, a hmasa ber in, engkim avang khan ka lawm takzet ani, nang hian inngaizawng te inkara hmangaihna awm thin chu min tem tir a, ka nuna i lo lut hi ka lawm takzet ani, rei lo te mah nise ka hlim takzet ani, piangnawn leh dawn pawh ni ila tina ka nihna tho hi nih ka duh ang, khawvela mipa tha ber ka tawng leh dawn miau che a.. Amos, mahni in dem lo la ka duh ani, nang hi mi tha tak i ni a, ka tan chuan khawvela mipa tha ber i ni hial asin, mahse khi khunu kan chunga rolreltu khi kan pahnih chungah hian a nunrawng em atin ani. Amos, nang ka lo hmangaih che hi ka thil tih tawh zinga ka chhuan ve ber ani ngei ang, mipa rilru nghet tak, a mawhphurhna a tlanchhe ngailo leh a thutiam a hlen nan chuan a hmangaih pawh na ti tak chunga kaltir thei, mipa huaisen tak ka lo hmangaih avang hian inchhirna ka nei reng reng lo... Chuan maw amos, duhthusam pathum ka nei a, min tih hlawhtlin sak ngei ngei ang ti raw... ni e, i ti hlawh tling ngei ang tihh ka hria. a pakhatnaah chuan Jennifer nen bul tan ula ka duh ani, amos ka hmangaih lutuk che tih i hria tiraw, mahse maw jenniferi hmangaihna che nen tehkhin chuan a let tam takin jenniferi sawn a hmangaih zawk che, i hmu thiamlo mai chauh ani, bul tan tha ula, in innei ang a, fa tam tak neiin in fa tebulah chuan a nute nora-i a hmangaih lutuk ani tih i lo chah thin dawn nia.. A pahnih na atan chuan marcus-a nen hian intibuai tawhlo ula ka duh ani, hetia inhal taka in awm thin hian hmuh in hreawm takzet ani tih i hria em, chu vang chuan intibuai tawh suh u , chuan insual tawh lo la ka duh bawk, i sual thatloh zia i hriat kha, in insual thelh tur a, duster a vawm tu tur che ka awm tawh dawn loh hi, chuvang chuan insual tawh miah suh u aw... A tawp ber agan chuan min ngaidam ang che, dam takin ka lo chhuak ang ka ti a, mahse dawt ka sawi avangin min ngaidam dawn nia... Amos, min ngaidan thei ang ti raw? Amos, he leiah hian awm tawhlo mah ila van atang hian ka lo thlir reng thin ang che, chhunah chhum kara ni eng angin ka lang ang a, zanah kan pahniha kan thlir dun thin arsi ah changin i muhil lai ka lo thlir thin ang che.. Amos, ka hmangaih che, he ka hmangaih na che hi thihna hian a liampui theilo, ka hmangaihna che chuan a zui reng ang che khawi hmunah pawh kal la, ka hmangaihna chu i kiangah a awm ve zel ang.. Amos, he lehkha i chhiar lai pawh hian van atang ka lo en reng che ania, nui hmel chiah min hmuh ang che amos, mittui ka duhlo ania.. Chua amos, i hmalam hun atan duhsakna ka hlan a che, kei chu helai hmun i lo thlen hunah kan awm dun theih nan khuanu ka lo dil reng ang.. Amos, a tawp nan Ka hmangaih che "

Lehkha ka chiar zo chu van lam ka en nghal
"nora, min lo thlir ve tak tak ani tiraw.. nora ka hmangaih che.." ka ti sap a...


(SKIP )

jeniferi POV

"Nora.. kha kha khawih suh" ka ti tuar, nora-i pawh chuan a thlah rang ngang mai...

"mom.. tinge hemi thlalak hi khawih i phal loh, a dang zawng i phal tho sia" ka fanu nora-i chuan min en ha chung chuan a ti a

"nora, hei hi chu a dang bik alawm, thlalak hlu tak anih hi" ka ti a, thlalak glass frame a kan dah chu ka in ka tuai a..

"anih chuan tunge hei hi, mom anutei ami, mahse ka van hmu ngailo" nora-i ka fanu kum 4 mi lek chuan a ti a

" nora bawihte, hei hi maw nute nora-i anih hi, ka tana pathianin vantirhkoh a lo tirh anih hi " ka ti a, ka kuta nora-i hlim hmel taka a nui lai thlalak chu ka en pah a

"nora-i ve tho maw" ka fanu chuan a lo ti vat

"Aw. ni e, anute nora-i anih hi a hmeltha tiraw.." ka ti a

" aw a van hmeltha mahse khawnge a awm a,tinge ka birthdayah te a lo kal ve ngailoh" nora-i chuan bo hmel deuh hian a ti a

"a lo kal ve thei hleinem, anute nora-i chu vanah a awm tawh alawm.. van khi en la, tah khian anute nora-i chu a awm daih alawm, mahse a lo en reng che ania, chuvang chuan fel deuhai awm a ngai" ka ti a, ka ganu chu a nui suk suk.. kan in kawta motor horn ri kan hriat chuan

"yess. daddy a lo haw.." nora-i chuan a ti a,ka pawm na atang chuan tal chhuak in pawn lamah chuan a tlan chhuak a.. An rawn lut leh chu Amos-a chuan nora-i chu a rawn pawm lut a,an rawn in chhaih lut nasa mai.. Amos-a hian nora-i hi a duat emem a, chutiang bawkin keipawh, tunah hi chuan tu chhubgkua mah kan ngai biklo, keimahni tawkah kan hlim ve hle..

"mommy bulah hian in chunga lehkhachaih chaih dil rawh le.. " Amos-a chuan nora-i bulah chuan a ti a,nora-i pawh chuan min dil ve nghal..

"aw han chho ru,ka lo chho ve nghal ang " ka ti a,an pafa inpawm chho lai chu lungawi takin ka thlir liam a, an chhoh hnu chuan varanda lamah chuan chhuakin van chu ka thlir a

" Nora, i lakah hian bat ka ngah takzet ani,hegiang nun min pek avangin ka lawm e aw.. nora-i pawh a lian ve tawh lutuk asin, chuan Amos-a pawhin a theihnghilh ngailo che, Nora, i awmna hmun kan lo kal ve hunah chuan he i hmangaih ber Amos-a hi i hnen a pan theih nan ka hnawk tawh hauhlo ang.. Nora.. ka lawm e" ka ti a, in chhungah chuan lutin inchunglam chu ka pan chho ve nghal a, ka pasal leh a fanu te nen chuan lehkha chu kan chaih ho ta a...
*
*
*
*
*
#In hmangaih te meuh pawh awm dun theih lohna khawvel ah kan cheng a, he khawvel hi a nunrawng ani tiraw? kan hmangaih te kan chan a, kan na a, mahse khi siamtu ngei khian kan hlim na tur kawng thar min hawn sak thin.. Mi vawi khat i hmangaih tawh anih chuan i theihnghilh ngai tawhlo ang mahse chu chuan hmangaih dang i nei tawh lo ang tihna erawh ani lo, kan hmangaih tur te hi duh kan thlang thei thin lo, hmangaihna hi duhthlanna anilo a, duhthlan theih ni se hmangaihna hian danglamna leh hlutna a nei dawn lo tih na ani... chu vangin i hmangaih pakhat i chan emaw a tina che emaw anih pawhin lungngaia indawmkun mai lovin nun thar neih nan hmang la, nangmah hmangaihtu che i tawng leh em em ang🌸🌸


-----------A TAWP TA--------------

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)