TEENAGERSROMANCE BY Clãrå Zœtë (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

TEENAGERSROMANCE BY Clãrå Zœtë (Completed)

Unread post by Ngaia » September 19th, 2021, 4:02 pm

ubx45lmy.jpg

lalhriatzual.. tho vat rawh.. vawiin ah school i lut tan dawn ani lawm ni ... dar 8 a pel tawh tho rawh.." tih pah chuan ka room tukverh parda chu a rawn siam tha a... "nu.. i hmanhmawh a nih kha school te chu dar 9 ...." awii... lawks... dar 8 a pel tawh a ti em ni! ka duhlo... vawiin hi mizorama school ka kal tan ni tur a ni a, ka tlai thianglo .. inperh tho at in bathroom ah chuan tlan luh ka rual a ka nu min auh ri chu ka hre reng, mahse ka chhang hman tawhlo ...

ka hming chu Nora lalhriatzuali niin tunah hian ramhlunah kan khawsa mek a , ka pa hi cardiologist niin ka nu erawh police a ni thung , unau pathum kan ni a kei hi hmeichhe awm chhun leh a mi lai ka ni... kan chhugkua chu keimahni tawkah kan khawsa thei ve hle.. ka tetlai atang ka hrisel loh em avangin phaiah inen kawl in kan awm deuh chawt a. In check up reng te a ngaih a vang in Chandigarh ah ka putea te bulah ka awm a home tution te kalin inah lehkha ka zir mai thin school a kal a thiante nena intihhilm ve te chu ka chak thin takzet.. mahse nikum atang khan ka doctor in zia lam ka pan thu min hrilh a..In checkup pawh mizoramah a tih mai theih tawh dawn thu te kan hriat hnu chuan ka nu te chuan an bula awm turin min hruai haw ta ani.. ka u mipa hi kei aiin kum 4 laiin a upa a, kan in ang lo hle harhvang tak ka nih laiin ka u erawh chu a ngawi ngul a a tawng tlem em² bawk.. mahse ka nau mipa ve thung hi chu kum zawna kan pian vang pawh ani maithei kan mizia in an na lai kan ngah em em lawi a mahse a harh in mi tihbuai a ching em em a mipa mah nise a tawngthei lutuk hi ka ngei thin****

kawngkhar chum ri ka hriat chuan ka ngaihtuah na atang ka harh chhuak rang ngei mai... tu dang ni lo in eric-a ka nau nghal em² a ni.. "eng nge ! vak vak zel a " .. " u... apa in hmanhmawh rawh a ti " .. " aw ka zo ani mai " ka nau chu a reh ve nghal mai a mak ka ti lek lek zawk kan inbiak hian kan inhnial ngei² mahse vawiin chu a danglam tlat a nghal te a chhuah miahlo min ti hlauthawng zawk ... huizz ngaihtuah tawh lo phawt teh ang.. ka inbual zo chu ka bathdrobe ha in ka chhuak a.... ka insiam nghal mawlh² .. ka insiam zawh chuan dar 9 a pel tawh... inhnuaiah chuan ka chhuk nghal a ka pa chu a lungawi chiah lo tih ka hre thei mai.. ka nau nghal em² chuan "budelh nu nagmah vangin school ka tlai .. pa hau hrep rawh" a lo ti hman , a sawi dik tho sia chhan ngaihna vak ka hre silo ka lei ka chhuah khum vak ringawt ... ka pa chuan min thlah dawn amo ka tia mahse driver chuan min thlah ta zawk a.. motor kan chuan lai te chuan eric-a nen kan inhnial reng.. ka sam tawn ka tum chu ka sam tawnna a rawn la a kan inchuh leh rih .. "Eric Lalnunpui... ka sam tawnna kha" tih pahin motor tukverh lam kan en rual nghal.. kan inchuh na lamah a perh chhuak daih.. Amah lah chu a la then thaw zui .. hepa zet hi chu !! school kan thlen chuan driver chuan duty te chu a bia a, harsatna em² tawk lo chuan kan lut thei mai ..

Kan class room tur eric-a ka zawh lah chuan school min tlaipui manah ka hrilh dawn lo che a ti hmak bawk si.. mahni chuan ka zawng a , class ka kal pelh ho lah chuan min lo en duh nasa .... ka hawi kual nasa lutuk a tu emaw nen kan in su chawrh "anahh... i kalna en ta che" ka ti hrawk ... min su tu en ka tum chu awiii ka reii ka duh theilo!!! ka tan chuan hawi san a ngai lutuk tlat .. a awm chen bak ka nilo .. amah lah chu a la chhelo em² zui , a hnar ngul sang vah te , a mit meng sexy lutuk te khi chu zawng ai chuan a hmui chhah lam lek² te hi.. awii a chhelo thlawt.. a rawn nui suk a "ka chhelo tih ka hria, ka lawm e " tih pah chuan a kal daih.. hmm.. chhelo hle mahse manner chua hre vaklo anih kha ka ti chhuak sep...

Rei fe ka zawn hnu chuan kan classroom chu ka hmu ta hram.. ka lut chiah chu an lo reh nghal thuap mai .. mitin mit chu keimah ah a fu a ni ber mai.. ka zah loh theih tehreng nen tun tum zet chu ka lai ve tep.. zirtirtu lo awm chuan min luhtira .. introduction min neihtir a .. a hnungber dawt a thutna awl awmah chuan thu turin min ti nghal a .. engmah sawi lem lo in ka pan ve nghal mahse a ka thutna ka thleng chiah tih ah chuan ka thutna tur bul chiaha mipa thu a vang chuan ka kal lai ka chawl dat.. ning tih hmel takin min la en zui.. hepa hi ngati nge moni kan class ah a awm ve kher ni.. ti rilru chungin ka thutna ah chuan ka thu thla ve ngal a..class chu kan la mawp² a ..

break a lo nih chuan hmeichhe pakhat hi ka lamah lo pheiin "Nora i tiraw kha" a rawn ti a , a kut a rawn lek chhuak a .. aw ni e tih pahin kan inchibai a .. "phoeby ka nia , hriat duh emaw mamawh emaw i neih chuan min hrilh dawnnia" nui sen² hian a ti a ka lo bu nghauh rigawt.. a ngainatawm hmel takzet, mahse mihring chu kan lan ang hi kan ni ngailo , a tam zawk hian hmaikawr kan vuak chawk.. ka thil ngaihtuah vang chuan ka khi suk a , kan hawi chhuak chu zinga ka sut pa khan min lo en reng , eng nge maw a hriat le... ehh min star te hi a ni thei mai ang ngem? "ka hmuhnawm viau aniang maw" a rawn tih chuan ka phu zawk thei... ka lo en char char tih ka hriat chuan ka zak leh hnu hnawh .. "i hmuhnawm lem lo , min lo en reng a mamawh i nei amaw ka tia lawm" ka ti ve zaih .... a nui duh lek chauh , bell pawh chu a van ri har tak , school kal chu ka rin ang a ni hauh lo ... "ruatsang, ti nge vawiin ah min lo kal san daih a" ti tu chu class a awm zawng² chuan kan en vek .. kan class ami chu ani lo , mahse hmeichhe zaktheilo ve tak chu a ni ngei ang , a awmdan vek atang hian ka hre mai ... rawn tlan pheiin ka bula mipa sang tha zet chu a rawn kuah vel chung chung a , ka lo eilo nghal , e lawks ruatsanga ati maw kha ... a van inhmeh lo reuh a hming phuah tu chu ni ila lalinlavela emaw vanlalhmelchhuanga ka ti ngei ngei ang.. a chhelo tih a inhre emai ka ngei zawng tak... bell a rik chuan chu hmeichhia pawh chu a chhuak ve ngal a.. ---------to be continue---------



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:03 pm

NORA LALHRIATZUALI ( P. O . V )

Vawiin hi school ka kal ni khatna chiah a nih vang pawh ani mai thei, a hma a school kal ka chakna te kha a bo vek ni ber hian ka hria,mahse a hreawm ta lua e tihna ni lo in , ka lo suangtuah dan ang chu anilo tih mai a ni ... school ban a lo hun a , kan in siam fel a, ka bula thu vang hian ka thil tih engkim hi ka khawr vek ni ber hian ka hria... min en leh vung vung thin hian ka ngaih te lam lam a ti thalo .. ka lehkhabu te ka bag a ka thun lai chuan "Amos lalruatsang ! " rawn ti ri ka hriat chuan ka phu zawk thei, ka hawi chhuak a , kan class room kawngkhar bula mipa pathum lo ding chu ka va hmu, midang kan en kual chuan an lo inhrilh ru sep sep a... He school hi eng ang school nge mo ni ngai ni...an hmel en a an pangngai hmel nen an au vak vak zel mai, chianlohna deuh hlek an nei amo ni .. ka nau ka la zawt chiang ang.... ka lo inngaihtuah nasa deuh ani ngei ang chu mite chu ka bulah lawk an awm tawh.. ruatsanga chu an dinchilh run mai , ehe... boruak eng emo tak chu an nei ani.. lo inthiar fihlim vat ila a tha ang.. ka thutna a tang ka ding a , kawnkhar lam ka pan vat... mahse ka haw mai dawnlo , an insual palh takin ka en chak riau mai.. "Dawihzep pa .. eng thleng nge min pumpelh i tum a " tih pahin ruatsanga hmaa ding mipa chuan elh sen tak hian a ti a , "he.. ka pumpelh che mo.. ka va hre velo ve .. Amos lalruatsanga hian tu mihring mah a pumpelh in a hlau ve ngailo tih chu nagni baka hre chiang an awmlo" a lo ti ve thung, a nuih zat vang ni miahlo in a nui hul hak ... ka rilru ah chuan ' amos-a leh a hma ami hi inti buai-a te ber chu an nia , chuan mipa pahnih te saw chu amos-a hmaa ding zawk kid tihna... awle ka man chak phian mai' ti pah chuan ka lo bu nghauh nghauh a..


Mahse rei pawh an inbiak hma in an insual tan ta mai... mipa pathum chuan amos-a (ruatsanga) chu an sual rawn ta chiam a... an che fair lo hle mai .. mipa ve si inphek sual an ngam lo amo ni... teacher table a duster chu eng tik laiin nge ka lo va lak hman ka hrelo, "Mipa ve si in nep hle mai .. " ring leng lawng a tih leh ka duster ken lai chuan vawm ka rual a.. A khu luai mai .. EHEE.... kei hian eng thil nge mo ka tih tak ni, ka inrawlh lohna turah ka inrawlh leh tawh.. naa... van buaithlak thin tak... ka'n hawi kual chuan mi lo awmve te chuan min en thup mai....Amos-a te pawn an insual tawp meuhin an insual lai a an posi ang ang a awmin min lo en vek... Amos-a insualpui te zinga mi chu a rawn tho chhuak a ... ka lama rawn kal a tum niin ka hria.. rang mangkhengin "tihpalh" tih leh classroom atang tlan chhuah ka rual a, ka hawi kir lo, ka nunna a tan chuan tiin chak fahranin ka tlan...school gate ka thlen chuan ka hawi chho a , tuman min zui lo hlauh e .. school kawtah chuan taxi pharin kan in lam ka pan ta a.. ka lung te hi a la phu zawih zawih thei.. min lo man hman ta se.. oii ka hnar ruh a tliak hrim hrim ang , hnar ruh tliak mai pawh nilo in ka kawchhung an lip vek duh ang, hlauh an neihloh hmel ropui si ... (SKIP)

kan ina ka luh rual chuan ka nau chuan "hey, lalbudelh class chu a nuam em , chass te va nei nghal lo maw, i lerh ve sia" apple ei tuam tuam pah chuan a lo ti a, ka bag chuan ka vawm chawrh .. hepa hi chuan min tibuai hneh ve khawp mai .. "ana.. hei vang hi alom bialpa pawh i neih ve theih loh i thinchhe lutuk a , tu man bialnu a tan pawn an nei ngamlo che anih hi " a la ti zui .. a va han zaklo ham ham tak!!! e.. thil hriatchhuah ka nei ka nau eric-a bulah chuan ka va tlan phei nghal a , a lo meng phawk nasa kut ka thlak dawn a maw a ti a niang..

" Eric , kan class ami Amos Lalruatsanga kha i hria em " ka ti dek dek a " U .. kha pa kha hnaih miah suh .. kan school neitu fapa a nia, a sual si , insual a hrat bawk si kan school a mipa chuan an hlau vek ! a sual nen nen hmeichhia ho lah hian a sualna hi an hmu lo amo ni , a luck reuh phian kan school a hmeichhia ho chuan an star vek " a lo ti nghal , ni e , ka lo ngaihdan chiah a fel vak kha ka ringlo reng ani "Mahse , kan school mipa zingah chuan marcus-a chiah in a hmachhawn ngam .. " ka nau chuan a rawn ti chhunzawm nghal.. vawiin a a intihbuaipui pa kha a ni ngei ang.. "awle.. teh duah zel a , ka zawt mai² che alawm " ka ti a ka roomah chuan inthlak tur in ka chho nghal ..

Amos Lalruatsanga ( P.O.V )

Vawiin a kan school a thil thleng kha ka ngaihtuah let a , kha new comer Nora-i kha ,kha hmeichhe tê tak , a te ê ti lo chuan a pian a dik phian mai bawk si , a hmel pawh a tha fu a ni ... class tan dawn a kan insut atang khan ka mit a la daih tawh, a mit meng fiah em em mai te kha . mahse a hmeltha na chu a kawlh ve phian ang, ka thil ngaihtuah avang chuan ka nui chhuak hawk .. keihi ka danglam dawn tlat, he hmeichhia hi tu chiah nge maw a nih le , vawi khat chiah ka la hmu a.. ti khawp hian ka ngaihtuah ania .. School bana kan insual lai pawh khan duster a rawn vawm phei khu luih a nih kha ... A huaisen in , hmeichhe naran chu a ni hauhlo ang .. belhchian ka chak takzet ! chutih rual² chuan Marcus-a hian a ngaihven ang tih ka hlau takzet , vawiina duster a rawn vawm a , a tlan chhiat hnu khan min khawih chhunzawm lo in a chhuak ve daih anih kha, Nora-i hi danglam a ti ve ani ngei ang... 'hmmm... duh leh lo ngaihven ve pawh nise ka buai na tur ani hleinem'.. ti pah chian khumah chuan ka bawk thla a , tablet chu ka khawih ta daih a....

^^Keii hi Amos Lalruatsanga ka ni a, ka nu leh pa te fa mal niin tunah hian zarkawtah kan khawsa mek ani... tuna ka school luhna hi ka pa ta (ka pu in-a ka pa a rochun) a ni a , nakinah chuan keipawn school hi enkawl hun ka la nei dawn tih ka pa chuan min hrilh thin , mahse ka tui lemlo , lehkha zir aiin racing leh basketball nuam ka ti zawk a , ka chhungte pawn min hauh tamna ber ani.. ka nu hian MC ah sawn dawr lian tha tak a nei bawk a, a ma tawkah a buai ve thei hle , ka pa ka chhun avangin ka sang tha em em a, mizo mah ni ila ka hnar ngul a sang vah thung , mithmul dum tha tak mai ka nei a, ka hmui chhah lam lek lek chu ka nu ka chhun ve na a ni.. mi chuan nalh an ti thin hle.. .. Hmeichhia hi ka ngaihsak lemlo a , ngaihzawng ka la nei ngailo bawk.. ka hmuh zawhloh vang erawh a ni lo thung ... Duh ni ila chuan , tuna ka kum lek ah pawh hian hmeichhia te chu duh duh ka thing ve thei , hmeichhe ho in a an mitmei min hmuh thin tih hi ka hai biklo mahse ka ngaihsak loh zawng tak ani...School ah pawh chuan ka lar ve hle , insual lamah ka lar a, ni e, ka chhe hranlo bawk nen hmeichhe ho hi ka bula awm chak tak2 deuh vek an ni ,


school neitu pa fapa ka nih vang nge mo ni tu
pawh mai hian min hlau ve em em a... min tibuai ngam ngailo .. mahse Marcus Lalrinhlua tih loh kha chuan , Marcus-a te chhung hi hi kan chhungkaw thian hnai tak an ni a, tet te atang kan inkawm chho a , class 8 kan nih meuh chuan kan kawlhrawng tawh hle..class chu kan thuhnuaiah kan dah hneh tawh khawp mai.. engkim kan ti dun a , kan pahnih chuan kan inkawm deuh chawt thin .. Mahse class 9 kum tawp lampang khan .. ka thil tihsual vang liau liau in ka thian tha ber Marcus-a nen chuan kan inkara inthianthatna chu a keh chhe ta ani ...khami zana thil thleng kha siam that theih se siam that ka chak takzet...Marcus-a hnenah pawh ngaihdam dil in ka inphahhniam hle..mahse min ngaidam theilo , mihring chapona hian chin tawk a nei ve a lawm tiin mahni ka inthiam chho a .. tunah chuan kan inhmuh apiangin kan insual ti ila ka sawi sual viau lo ang...(SKIP)


School gate bulah chuan ka ding ta vang mai , vawiin chu kei leh kei anglo takin hma takah school ka kal ve mial a, ka nu pawn mak a ti takin ka chhuak tur min en liam anih kha ..Eng nge a chhan hriat siloh hian kei mah ah hian Nora-i chu a lo thlen hun tur ka nghakhlel em em a, gate bula dingin a lo kal hun tur chu ka lo nghak a , chutih lai chuan ka hnung lam atang hmeichhe aw ka hriat chuan chu nu en tum chuan ka lehhawi a, mahse ka mi hmuh zet chuh! henu hi chu ka hne takzet.. Pem daih se ania ka tih ni..


"amos , vawin chu i van kal hma ve , min ngai tawh ami" ti chungin jennifer-i chuan ka bana rawn chelh chu a rual a, ka lo kiai suk .. "thil tih tur ka nei a, ka hma mai mai" tiin tha tak chuan ka chhang let ve a , "Amos,, kar leh ah chuan in inah chuan ka lo leng dawn ania " nui her her chung chuan a ti a , student dang min lo hmu tute chu an inhrilh ru a , min melh leh hrek hrek zel... "Jennifer... min thlah teh , chuan lo len a ngailo , ka kal ang nge " tiin a kut min kaihna chu ka la sawn a , class lam pan tum chuan ka kal nal nal.. 'Jennifer-i hi ka nu thiannu fanu a ni a, Ka bialnu awm in a awm ve ringawt , a zaklo ania aw , zah te hi a hre silo a , a chang chuan hmun reh deuh hlek a hruai a ,hmeichhia a ni tih theihngilh a han hnek pawp hi ka chak thin ' ka ngaihtuahna mai mai chuh.. Classroom ka luh chuan Nora-i chu ka hmu nghal , gate bulah te khan ka lo nghak ve em em a , lo nghah loh tawp tur ania.. Nora-i bul ka va thlen chuan sawi tum nei ni awm tak hian a ka a ang zuau hman , mahse a sawi duh lehlo aniang a chip leh daih.. Ka thutna ah chuan thu thlain Nora-i chu ka mit sir zeuh zeuh a , nimin thil thleng vang khan hlauhna te hi a neilo amo ni le , duster a rawn vawm phei khan tu ber nge mo rawn vawm a tum ni , ka hmaiah chiang lutuk in a rawn fu anih kha .. min vawm a tum ve reng zawk amo ni le.. Midang chu ni se school pawh an rawn kal ngam lo hial ang, mahse henu hi a danglam ka tih tawh kha , hmeichhe dang nen chuan khaikhin chi ani hauh lo...(skip)

NORA LALHRIATZUALI ( P. O . V )


Class lak chhung zawng te chuan thawk pawh ka thaw tha ngam lo... nimin khan ka vawm tum loh ber kha ka vawm ta sia, School a rawn thlen khan hrilh hrilhfiah a , ngaihdam dil ka tum ania , mahse ka ngam thlawtlo.. Amos-a chuan class lak chhung zawng chuan min melh leh zeuh zeuh zel.. ka hre reng mahse ka hrelo der hmiah , nimin thil thlang pawh thleng lo ang maiin ka nun dan pangngai ang chuan ka awm lui hram hram.. ka hlau tih a hriat hi ka duh lo.. Break ah chuan Canteen-a kal ka tum chu "min lo zui rawh" titu aw vang chuan ka ding chat .. Awii.. ka thi dawn chiang , engmah sawi buai lo chuan Amos-a chu ka zui ve mai bawk a , school building hnung lamah min kalpui a , hepe hi hnun reh deuhah kal a ngai kherlo asin le.. min sual a tum a mo ni le, han tum vaih teh se , a thei dawn chuanglo , ka au vak vak ang nga chu bakah vawiin chu ka boxer ah hian kawrkilh 7 lai a awm phelh nan hun a hmang rei dawn , min khawihchhe hman lo tawp ang,..


. "Nimin khan eng thil nge ti ni a i in " a sawi zawh hma chuan " I duh leh min hnek chawr mai rawh! mahse min sual emaw thil tenawm tak ka chunga tih i tum anih erawh chuan i chaklo ang , i ngam ngam ka ngam " ka'n ti ve thuai mai anih kha.. Amos-a pawh chuan mak min ti aniang , engmah sawi tum tawh lo chuan min en ngar² ringawt , chutah a rawn nui suk a " hmeichhe mak ve tak chu i ni.. Nimin-a ka hmaia duster a min rawn vawm avang khan i insawi fiah a ngai , chuan ka ngaidam maithei che " a rawn ti anih chu.. ka duh vanga ti pawh ka ni der silo a , a nui suk suk bawk sia ka hlau lutuk chu ka tah te lam lam a chhuak ... mahse ka lo tawng huai ve laklawh tawh sia , han tah ngawt kha chu ka tan a zahthlak dawn tlat. "Amos, nimin kha nangmah vawm che pawh ka tum lo , mahse in insual lai kha ani sia ka vawm tum ber ka thelh a, a hnu a ka hmuh leh zawng chu a khu luih a i hmai a var vek tih chiah ani . min ngaidam kher a ngailo mahse ka tihpalh lutuk " ka ti ve pang pang mai.. Ka tawng dan velah chuan ka hlau lo a ang ve dawn lutuk mahse chungrilah chuan TC lak a hepa hlat thei ang bera awm ka chak takzet... "tunge ka nih i hria em ?" ka hmai zawna rawn kun hniamin a rawn ti a , ka chawn tha te chu a chat dawn ni mai hian ka hre tawh.. ka hawi chhuak chu kan mit a intawng ta chat mai , ka lai lutuk .. hetia awm reng chu a diklo , ka thiamloh pawh ani em em lo , ho e mai , thih leh thih ti rilru pah chuan Amos-a chal chu ka chal in kan tauh chawrh anih kha.. ka lu a hawi chawk thei , mahse engtin mah awmlo ang hmaka awm a ngai rih tlat.... Amos-a pawh chuan na a ti ve ani mahna a chal tuai vut vut pah chuan "nang nu te hi " a rawn ti hrawk.. mahse ka kalsan nghal daih... Min rawn umzui lemlo ..


He school ah hian ni hnih chiah ka la lut a mahse tawn ka ngah hle mai, ka ril a tam tehreng nen bell a rik tep avang chuan canteen lam ah chuan kal tawh lo in classroom lam chu ka pan ta zawk a.. ka thutna a ka thut fel hnu chuan phoeby chuan "nimin chuan i lo va che bawn ve a, Amosa duster in i vawm tih ka lo hria a " a lo ti vat.. naa sawi chhen lo se ka ti asin le, mahni lo maha thlamuan loh mah nak alaia .. ka bulah chuan rawn thu in a rawn titi siam siam a, henu hi mi sual tak chu anilo ang, min biak te hian a rul tawk bakin ka chhang ngai silo a, mi tam zawk min ngei chhan pawh ani... mahse phoeby hi chuan eng tik lai pawhin min be reng zel.. ka khawhar a hlau pawh ani mai thei.. ploeby chuan school ban hunah an thian ho ruala haw tur chuan min sawm a , thian siam ve te ka chak hrim hrim a vang chuan ka lo aw ve mai bawk a.. Bell a ri a Phoeby pawh chu a thutna lamah a phei ve ta a, Amosa chu melh pawh ka melh ngam tawhlo , a chal chu a sen deuh in ka hria .. hmm. a phu tawk chiah eng nge hnai deuh deuh a min rawn en tehreng ni.. (SKIP)


School ban chuan Phoeby te nen chuan kan leng ho a , phoeby chuan a thiante chu min inhmel hriat tir a , Sangtei leh arini te an ni.. an felin kawm an nuam tak zet , Sangtei ngat phei chu nuih a duh em em a, kan vawi khat in kawm hona mah nise rei tak chhunga an thian lo ni tawh thin ang maiin min en .. Sangtei leh Arini chu ramhlun ah an awm ve tho avangin kan haw ho thei a , Phoeby chu durtlang ah daih a awm avangin taxi kan chanpui phawt a , a haw hnuah taxi dang pharin Sangtei te nen chuan kan haw ho a, mahni a haw ai chuan a nuam daih zawk, ka nui reng hi a ni tawp , taxi kan chuan lai te chuan an inhnial peih in an chet chhiatna lai te an sawi a , ka lo nuihpui ve vak vak .. Thian tha tak chu an ni ngei ang..-----------to be cont------------




(vawiin chu duh ang in a sei theilo , paste theih turin ka dah tha sa a , mahse ka lo click sual palh a, a bul atang a ziah a ngaih phah a🥺 Next chapter ah chuan thui deuh kan ti tawh dawnnia 😊, next ah chuan changtupa te pawh kan induh tan tir mai thei ani🤭🤭 )

A HNUAIA ADVERTISMENT CLIP HI LO CLICK HRAM ULA AW 😋👇🏻

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:03 pm

Amos Lalruatsanga POV



School pawh thla khat chhung kan kal ve ta, Marcus-a nen pawh intihbuai kan bansan chuanglo.. Mahse a hma ang em em kha chuan ka classmate te chungah pawh ka nunrawng tawhlo, chu tak chu ani mak ka tih chu! Eng vanga inthlak ta thut nge maw ka nih le? Pawm duhlo mah ila Nora-i vang hi a ni tih ka hming ka hriat chian tluk zetin ka chiang... Tun thla khat chhung zawng pawh khan amah ngaihtuah loh lai hi ka nei ngailo, ka zep lo kei mipa inti ve tak hi, hmeichhe pakhat vang mai mai in ka nun dan sual zawng zawng chu zawi zawi in ka bansan tih ka hre thei...


Mahse ngati nge henu hi a kawlh em em mai le! Hmanni pawh khan a pen ka tih tlaksak palh a, 'Thih i duh ami' tih melhin min melh nghal anih kha! Hetiang hmeichhia hi ka duh ka ring ngailo, mahse kan rinloh dan deuh hian Pathian hian kan hma hun min ruatsak anih hi... Ka phone chu en in kan class groupah chuan ka lut a, Nora-i number chu ka en tlawk tlawk! Biak ka duh mahse va be ta ila, min that duh lo ang tih a sawi theih tlat loh, kawlh ve vet vet tak ani!..

Ka nu in inhnuaia atanga min rawn auh chuan tho vatin inhnuai lam chu ka pan thla ta nghal a, mahse ka hmuh tum loh deuh ka zuk hmu tlat.. "Amos, i van lo chhuk har ve" Jennifer-i chuan nui sen sen chung hian min lo bia a, henu hi chu a hmel chhe miahlo, luck pawh a luck, mahse ka duh chi ani ve tlatlo, a lerh hawr hawr emai.."eng nge i lo tih dawn?" melh pawh melh lo chuan ka ti a, "Hmm... inleng i lawm thiam lo lutuk" ka bana chum pah chuan Jennifer-i chuan a lo ti nghal, henu hi Nora-i ah han chang thut mai se aw ka rilru chuan ka lo ti vawng vawng, inrin loh lai te hian Nora-i ka lo ngaihtuah leh thut zel, henu hian min tibuai hneh khawp mai! "Eng nge maw i ngaihtuah leh vung vung thin ni.. Ka sawi chu i hria em Lalruatsang" jen-i a tih chuan ka phu zuk thei, "eng maw?" ka lo ti hu a, ni e ka thu sawi eng mah kha ka lo ngaihtuah lo, hriat pawh ka hre hrep lo ve.."karleh hi ka piancham ania, kan lawm dawn a, lo kal ve ngei ngei rawh aw, school ah hrilh che ka tum thin a, mahse hmuh i har riau tunlai chu.." Vel a! Ka van kal awm chuanglo tak mi bulah a bialpa ang in min sawi leh ang a, ka duh teuhlo mai.."Kan tum ang chu" tih ringawtin ka chhang.. Eng eng emaw a sawi teuh hnu chuan jenniferi pawh chu a haw ve ta a, henu hi ka nu thiannu fanu anih vang te pawh hi ani mahna, kan inah hian a rawn ngampa khawp mai, Na.... kei hi hetiang ngaihtuah hman ka nilo..


Nora-i hi chingfel hmasa phawt te'ng, eng pawh thleng dawn mahse ka ta ah ka siam tur ani, a vawi khatna atana ka mit la tu hmeichhia hi chhuah ka tum hauh lo! Min duh ve theih nan chuan vawi eng zat pawh min ka lakah a mize kawlh tak nen min hmachhawn dawn mahse ka tawrh ve rih a ngai ani mai, kawlh deuh chu nilo se ka bialnu a ni tawh ang, mahse a kawlh lutuk hi kei meuh pawh hian hlauh rukna ka nei zawk thei hial.. A rawn luh kar khatna ah khan kan jennifer-i thiannu nen an insual anih kha, a te viau e ti lo chuan chak buan buan tak ani,mipa pawh a insualpui duh hrim hrim ang..Marcus-a hian a ruk chuan a ngaihven ve reng tih ka hre thei, kan inti buai reng a,mahse Nora-i a awm chuan kan insual lai tawpin a kal daih zel, engtik thlengin nge Marcus-a hian min huat ang? Min ngaidam har mah mah tawh chu a ni, mahse tuna min huat em em lai pawh hian ka tan chuan ka thian tha ber a ni tho, mahse a hma anga awm kha a rem rihlo tihna mai ani.. Marcus-a hian Nora-i hi a ngaizawng ve anih chuan chu bak bak a ka tana hreawm tur a awm tawh lo ang, ka thian tha ber hian min haw viau mahse a hmeichhe duh hi na tak chung pawhin ka chuh buai loh a ngai dawn, mahse ka thei meuh ang ngem? Ni e, ka theih ka ring tlat lo, chutih rual rual chuan Marcus-a rilru hi a vawi hnih nana tih nat ka duh bawk lo... Ka ngaihtuahna kal bing lutuk tih zia awm tum chuan bathroom ah chuan inbual turin ka lut ta daih a..



Marcus Lalrinhlua POV



Amos a nen a kan inkawm lohna pawh kum li ( 4 ) a tling ta tep mai, hepa hi vawi tam tak kan insual hnu pawh hian ka la duhtawk chuanglo, huat ka duh mahse ka haw thei lo, chu vang chuan kan inhmuh apiangin insual pui ka rawt thin.. Amos-a hian insual chu kei aiin a thiam zawk, chak pawh a chak daih zawk, mahse kan insual apiangin chak zawk ah a tang ngailo.,he a awmdan hian a lawm min ti thinrim zual ni! Class 12 kan nih hnua school kan luh hmasak ber ni ah khan ban hnuah kan insual a, mahse hmeichhe pakhat chuan Amos-a hmaiah chuan duster in a rawn vawm anih kha, kha nu kha tu pawh ni se a huai hi ka ti ve hrim hrim, Amos-a hmai var vek ka hmuh te khan ka nuih chhuah loh nan ka insum ngar ngar, ka nuih chhuah mai ka hlauh avangin Amos-a chu ka thlah a ka chhuak nghal daih, ka chhuah lai te chuan ka khi zuk zuk mai...


School pawh kan kal rei ve tial tial a, Amos-a vawm tunu pawh kha a hming chu Nora Lalhriatzuali ani tih ka hre tawh, ' Nora ' hming common lo tak ani... Amos-a hian Nora-i hi a duh tih ka hria, kha leh chen kha kan inkawm tawh, hmeichhia a care loh zia pawh kei baka hre chiang an awm lo tih ka chiang, Jennifer-i pawn class 8 kan kal lai atangin Amos-a hi a duh tawh, mahse Amos-a hian a ngaihven ngailo, mahse tun tum chu ani hauhlo, buaina siam a ching tawhlo a,insual pawh kan insual khat hle, Amos-a nen kan insual laiia Nora-i a lo kal anih chuan ka insual chhunzawm lo in ka chhuak daih thin, Nora-i hian eng emaw zawng hian kan insual lai hi engmah rawn ti lo mahse min dang tlat! a chhan erawh ka hre biklo, ka duh ti dawn ila, a teuh hian a hnailo, hmeichhe danglam tak chu a ni mahse hmeichhe te reuh te chu eng ang pawn hmeltha mahse ka mit an la ve theilo, chu bakah Tluangi hi ka la theihnghialh theilo.. Ka khum bula drawer chu hawngin thlalak pakhat, Tluangi nena kan lak ngei mai chu ka la chhuak a, "Tluangi, ka ngai zual che! tunah hian i hlim ani ti raw, khawiah pawh awm mahla hlimna ka duhsak che..." sawi zep chuan ka ti a, mut tum chuan room light te chu ka off a khum lam chu ka pan ta a.....

( NEXT MORNING )

NORA LALHRIATZUALI POV

nizan zan khua in ka hmu theilo, ka lung tha lo a rawn chhuak leh, nizan zan khua deuh thaw khan ka chhungte chuan min buai pui... Zinga damdawiina kal kha an rawt a, mahse vawiin zing ka tho nuam tho nen school kal ka duh zawk.. Peih fahran lo chuan ka insiam a, eng chen nge he tianga ka awm hi ngai ang? Sport ka tui em em a, mahse ka lung thatloh avangin doctor in min rentih sak lo, hmeichhia mah ni ila basketball te ka tui em em a, football phei chu ka atchilh hi a ni ringawt! Mahse ka natna vang hian ka duh dan pawn ka awm theilo..


School kal tura ka insiam peih at hnu chuan inhnuaiah chuan chhukin breakfast chu ka ei a, "bawihi, vawiin chu i kal thei ang maw? Inentir chu i duhlo ami, vawiin hna ka chawl thei dawn a..." ka nu chuan ngaihtuahna mitmeng a min en chung hian a ti a, "aih, nu a ngailo, khatiang khan ka awm ngun alawm, min ngaihtuah suh" ka lo ti vat.. Ka nu leh pate rilru hi ka ti hah reng mai dawn anih hi.. "mambawih, i thaw te a hah leh anih chuan in zirtirtute hrilh ang che aw, in principal ka lo hrilh lawk dawn nia" ka pa chuan a rawn ti ve nghal a, chhan vak ka peihloh avangin "awle" ka ti tawp... Tinge ka lung hi a thatloh kher ni, ka chhungte rilru thlengin ka tihhah phah a... Breakfast ka ei zawh chuan Sangtei te nen kal rual kan tum avangin driver pawh nghak lo chuan kan veng taxi stan lam cbu ka pan phei ta a, ka va thlen chuan an sangtei leh arini te chu an lo awm tawh, mi lo hui lauh lauh a, he mite hi kan haw rual ni atang khan kan la inkawm char char,an fel em em a, keipawhin ka ngaina ve takzet tawh.. "Nora, i van dang em em, i damlo ami" Sangtei chuan a lo ti vat "dam e , nizanah ka mu thalo a, chu vang chu aniang" nui lui pah chuan ka ti a, ka lung thalo vel hi sawi kher a ngaihna ka hrelo, mahse phoeby chu ka hrilh tho.... Taxi pharin school lam kan pan a.. (SKIP)


School kan thlen chuan phoeby chuan min pan vat.. "in va tlai ve, ka nghah na lamah che u ka tar hman daw alawm" phoeby chuan a ti a, chiam chiam zel a, tawngkam te hi an duh hlawk thei ania.. "Kha i vun a chuar hman a nih kha, i lo tar thi tep anih kha" sangtein an tih phei chuan keipawh ka nui leh vak vak tawh.. hemi te bula awm hi chuan a thlawnim vitamin kan dawng hi ani ringawt, nuih loh ngaihna a awm thin lo.. Class lam kan pan lai chuan tu emaw hian ka bag ah min rawn pawt ding chawt.. Ka han lehhawi chu Amos ani...."Eng nge! " ka ti tuar, hepa ka biak hian tinge maw ka vin tlat zel ni! A bula ka awm hi chuan ka danglam vek zel chu bakah huaisen hi a har takzet.. "Min lo zui rawh.Inbe lawk ang" a tih chuan ka thiante chu an meng phawk kher mai, midang ho pawh chuan min en thup," Sawi duh i neih chuan hetah sawi rawh" ka lo ti ve hmak... A duh duh danin min kuai peng awmlo emaia.."Heta sawi chi hi anilo,kal ang " tih leh ka kut ah a rawn vuan a min kaih phei a tum ta mai, kei lah coridoor bar ka vuan a ka lo tang nasa ve bawk nen "tinge tha te te a ka sawi lai hian i zawm duh thin loh ni" a tih rual chuan min pu ta nawlh mai.. "zawnga ka that dawn che. Min dah thla rawh...Hey! min lo pui ta che u" tiin ka rak nasa mai.. Ka thiante lah chu mak ti takin min pu liam tur chu min en reng ringawt, laktlak loh hlawm lutuk..


Kalkawnga mi kan tawh phei te chu an inhrilh ru nghal sep sep a, mi mit kan la hi ani ringawt... Ka theih tawk chuan tal chhuah ka tum mahse a chak lutuk, ka tak chhuak zo lo nasa... Jenniferi te thian ho kan tawh lai phei chuan min melh rum nasa ngang mai.. School hnung lam kan thlen chuan min dahthla a, min dahthlak rual rual chuan a hnungah chuan ka lawn a, a kawngah ka ke chu ka kherhbet te te a kan kek tak tak mai anih kha.. "zawnga, i chaklo ang! tinge min zuam em em! ka khawih nek dawn che" ti pah chuan ka kek bawrh bawrh... Mahse vawi leh khatah ka ban chu a rawn vuan thut a, ka awm dan lo remlo bawk nen, hnung atang chuan ka chhuk rang ngei mai, " Nangmah chiah hi i ni" a rawn ti sep a, "eng chu maw sawi vat rawh bell a ri tep" ka ti hrawk, ka melhrum nasa.... "Nangmah chiah hi hetianga min ti ngam i awm" a rawn tih leh chuan a sawi awmzia ka man lo tawlh tawlh ... " i sawi awmzia ka hrelo" ka ti a "tun atang chuan ka bulah awm rawh, tu mipa mah be lo la, ka ta ni rawh" a rawn ti anih chu, ka lo meng pawng zawr zawr hman ang..." I zaklo anih chu, i mi bawl tur i thlang sual" tih leh inher ka rual a, ka kal tur chu min pawt let nghal hrawk..Bangah chuan min nam bet a, min hnaih tial tial, ka hlau tawh lutuk, ka tap tep .. Chutah rawn kun hniam in min rawn fawp anih chu, ka hamhaih lutuk chu tal na chang pawh ka hrelo, a lei chu ka ká chhung muang te a a rawn hawl kual vel chuan, ka insum thei ta biklo ka thiam dan ang ang chuan ka lo chhang let, ni e, ka chhang let lo theilo, a zei em atin a ni.. Ka chhanglet tih a hriat velah chuan a hma aiia uar zawk in min han fawp leh a, thaw chham lek lek a kan in fawh hnu chuan ka ngaihtuahna a rawn fim tial tial a, ka harhchhuak thut! ka inla hrang nghal vat.. "Min duh ve tih ka hria, vawiin a tang ka ta chauh i ni" ka beng zawnah chuan a rawn ti sep a, a aw pa zia hi .... "Kan theilo, bialnu nei lai ka ngaizawng ngailo" ka tih chuan rum deuh mahse huatna mitmeng ni miah silo hian min melh "tuin nge bialnu ka nei ti a" a rawn ti a, a nui hak bawk .. "Sawi kher lovin Jennifer-i nen in inkawp na a rei tawh zia hi he school a lut tawh chin ho chuan an hre vek" ka lo ti vat, kei hi ka thik nghal der amaw ni le... "In hre sual anih chu, ka bialnu hming chu Nora Lalhriatzuali a nia, chuan nichin minute 1 kal ta mai khan ka kiss bawk" a rawn tih chuan ka zak lutuk leh ngei bawk si chu ka melh rum vak ringawt..Mahse he pa hi chu zep loh chuan ka duh ve reng, mahse min bawl kual mai mai ang tih mawlh hi ka hlau ani.. "I danglam bik, chuan hei hi ka duhna chhan ber che ani" a rawn tih leh phei chuan ka lai bawk si lawm bawk si chu chhan ngaihna pawh ka hre tawhlo..."Min chhan kher a ngailo, ka fawhna che i lo chhang let a, min duh ve tih ka hria, ka bulah awm ang che, chuan mipa dang tumah i be tur anilo" a rawn tih chuan " i zaklo " tih bakin ka chhang lo ... Amos-a chu a nui hak a, " kal ang " tih pahin ka kut chu a rawn kai ta mai... ka lo phu zawk thei, hepa hi a ti tak tak amaw ni le.. A kut lakthlak ka tum chu a aiia na in a hmer a, a hnuah phei chuan ka tal buai peih tawhlo...


Mi kan tawhte apiang chu an phun mur mur a, mak ti taka min en tawk lah bo lo... Kan class room kan thleng phei chu an mit min pe emaw tih mai tur ani, min en duh nasa, kan la inkai zui bawk nen, ka thiante pawh chu an mitmeng atang chuan thil tam tak min zawh tur an nei tih ka hre mai... Kan thutna kan pan lai zawng te chuan min en char char hlawm .. ka zak lutuk chu ma sen vek thei... Teacher a rawn lut a, class kan la a, ckass kan lak lai te chuan ka thil tawn ka ngaihtuah chhuak a, ka zak bawk si, nuam ka ti bawk si, mi hmuh loh hlanin ka lo khi leh ver ver zel.......(SKIP)



Breakah chuan ka thiante ho chu an rawn tlan phei nghal, zawhna min zawh ka chhan hma hma chuan a dang min zawt leh zel... Huihamm an tawng duh ve hlawm sia.. Vawiin zinva Amos-a nena kan chanchin zawng zawng chu ka hrilh ta vek a, an lo lai nasa vel lutuk.. " Bialpa i nei hlauhawm dawn" Sangeti'n a tih chuan za lutuk in an nui hlawm.mahse kei chu ka nui hleithei lo, a chhan chu min bawl ka ring tlat..."Mahse, Amos-a hian a tih tak tak ka ringlo" ka tih chuan Phoeby chuan " Amos-a hian hmeichhia a ngihven ngailo, jennifer-i pawh kha a be ngailo, mahse saw nu sawn a rawn zar reng a, a zaklo ania... Amos-a hi ring rawh, mi bawl chi ani ve lo" a rawn tih chuan tlem chuan ka thla a muang deuh... Kan class room kawngkhar rawn ri thuai kan hriat chuan kan hawi chhuak nghal! Tu dang ani lo Jennifer-i te thianho bawk, hmanniah a thiannu nen kan insual a, an la duhtawk lo amaw ni! An thian ho chuan min rawn pan hnai a, "Nora, i bialpa em em i lo melh taih duh hi chu ka ringlo asin " a rawn ti chu ka sa zaak thei.. Tu bialpa mah ka melh tai bawklo .. Henu hian min khawih han tum na teh se, ka pawt darh vek thei ang, a inla no dei duai si, chhem i la a pilh duai thei ang... "tu bialpa nge ka lo melh vel a, ka va hrelo ve" ka tih chuan a meng rum ngei mai "Hmeli, Amos-a hi hlat ang che, anih loh chuan i chan a chhe viau ang, Amos-a hi ka bialpa anih hi" a rawn ti chu ka nuih a za zawk.tukin zingah Amos-a khan a sawi vek sia ... "I bialpa chu a ni mahna mahse a tan bialnu i ni ve em?" ka han ti leh chu min rawn kek ta mai, henu mai mai chuh! ka rin aiin kuta thawh hma, ka khawih let ve nghal chhuatah chuan ka thut bet a, kan hnek tak tak mai chu, mim khawih let chu sawiloh amah pawh a indang tha thei mang lo...



AMOS LALRUATSANGA POV


Nora-i leh Jennifer-i te insual chu kawngka zawnah ding in ka lo en reng.... Tuman thelh nachang pawh an hrelo.. Nora-i chuan jen-i chu a thut bet a a hnek ta chawrh chawrh mai, henu hi hmeichhia anih te hi ka rinhlel lek lek zel... Jen-i chu a au chul cmtawh mahse Nora-i chuan a la thlah duh thaklo, keimah vanga insual mah nise va inrawlh ka tum lemlo jen-i tan hmasak ania a tuhrah chu a seng mai tur ani.. Chu bakah mipa inrawlh nan chuan a ho lam deuh chu ani,Nora-i a chak zawkah a tang tho a, an insual hi pawi tihna em em pawh ka nei hranpa lo... Eng tin tin emaw Nora-i thiante chuan an thelh thei ta, jen-i chu a hnar a thi, ka rin aiin Nora-i kut thlak a na zek mai.. Nora-i ve thung erawh chu a sam a thur ve deuha a ni mai..... An bulah chuan ka va phei a, Nora-i chu a sam va chul pahin "ka bialnu chu insual a va huai ve " nui ruh ruh pah chuan ka ti a, min lo melh rum nasa mai.."jen, nang nen hian kan inkarah eng mah a awmlo tih chu nang baka hre chiang i awm lo" jenniferi en pah chuan ka ti a, a zak a niang thinrim takin class room atang chuan a tlan chhuak daih a, Nora-i bulah chuan banah min lo nghak turin ka ti a, ka rinloh deuhin 'aw' tiin min chhang.. Bell a rik chuan teacher a rawn lut a, class kan la tan ta a, ckass lak lai zawng te chuan Nora-i ka kiss lai te kha ka mitthla a, ka beisei loh deuhin min chhang let anih kha, henu hi chhuah ka tum hauhlo.. (SKIP)



"Vawiin khan i van chak em em" ka tih chuan a lo nui hak, school ban rual khan ka thlah tur thu ka sawi a, a thiante pawn min kalsan.. "khatiang hmeichhia" a rawn ti hak, ni e , a sawi tum ka hre mai, jeni hi inla no ve chi hi a nia, a mil lo sa ani ngei ngei ang...

"hei taxi stand kan thleng ka kal ang nge" a rawn tih chuan kan lo thleng der tawh tih ka hrechhuak... kan school leh taxi stan kal kawng hi a va tawi tak ka ti run rum... "aw, zanah ka lo bia ang che" ka ti a "aw le, nih phawt" a ti a, taxi ah chuan a thu lut a, an tlan liam ta a, keipawh khawiah mah kal kual lo in ka haw ve ta a.....

-----------------------------TO BE CONT-------------------------

(In beisei ang in ka regular thei lo a pawi ka ti khawp mai, class kal pah a lo ngai bawk nen, in rin ai hian ka buai ve ania🤭🤭 Mahse regular hram hram ka lo tum ang aw😊😊)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:03 pm

NORA LALHRIATZUALI ( P O V )

Ka nun hi fairy tale te pawh a ang mah zawk, Amos-a hian min bawl kual mai mai ang ngem le? Mahse a vawiinah khan kan class ah Jenniferi hmaah ngei an inkarah engmah a awmloh thu huai takin a sawi ngam anih kha.. Khatiang khawpa chianga Jeni a hrilh ngam anih chuan an inkarah hian engmah a awm ka ring lo mahse ka ring ngam meuh ang ngem le... Khuma ka phone chu a rawn ri a, ka han en chuan ka number ringawt a ni, "hello"...."Nora, nangmah tiraw?" a rawn tih chuan a aw atang ringawt pawhin tunge a nih ka hre thei "aw, ni e, tunge aw?" tia ka chhan let chuan,"keimah Amos-a" a rawn ti, hepa hi ka bawl chak tlat "tu Amos-a maw.. ka va hrelo ve" ka tih chuan a thaw hak tih ka hre thei, a va han nuam reuh tak..."lalhriatzual, min hriatloh der kha a ngailo, tunah in inkawtah ka awm" a rawn tih chuan tukverhah ka dak nghal! Mahse tumah an awm lo "Amos!! khawiah maw i awm" ka ti hrawk a, a rawn nui anih chu! hepa hian min bum let ani chiang mai"Amos, hremhmunah kal rawh" ka tih chuan a nuih chu a za telh telh, kei chu ka thinrim tun tawh! "hremhmunah chuan i awm ve dawn ami, i awm dawn chuan hrilh ngailo in ka lo kal nghal" a rawn la ti, ham ham hian, ka lai lutuk chhan ngaihna hre bawk silo chu" i zei hlum ang nge" ka ti tawp ..


Rei fe kan inbia, kan inhnial reng bawk, kan in awmna min zawt a, ka sawi duhlo mahse min bawl min bawl a, zawh ngailo in ka chhungte hnathawh thlengin ka sawi vek... Mi dawp dan a hre khawp mai.. Kan in mangtha hnuah sana kan en chu darkar 2 lai kan inbia anih chu! ka ngaihtuah let hian sawi tur kan lo van hre tak... Mahse hepa hian min ti hlim veng veng mai, ka tet lai atanga ka dream boy type chu ani ve chiang alawm mahse a insual ngun mah mah ani,chuan Marcus-a section lehlam ami nen khan eng buaina nge maw an neih ni.. Arini leh Phoeby sawi dan chuan a hma chuan an inkawm ngeih thei lutuk an ti sia, eng vang chiaha thian inkawm ngeih em em te hi he tiang khawpa inhal hian an awm theih ni.. Nakinah hriat ka la tum ang.....



Zing ka thawh chuan ni dang zawng aiin ka tho nuam, phur takin ka insiam a, ka sam vel te pawh ka uluk thar thut, Amos-a vang ani ka ti lo theilo.. Nizana kan inbiak atang khan amah ka hlauhna te kha a bo vek thei.. Mi nelawm tak ani, mahse mi bawl leh nulh nulh a ching tlat... Ka insiam zawh chuan phur takin inhnuaiah chuan breakfast ei turin ka chhuk a, ka chhungte pawh chuan ka awmdan chu an hai lo "Bawihi vawiin chu i va tho fuh ve " ka pa in thingpui in pah chuan min lo ti vat.. "nia" tih te in ka chhang, Ka mood a fuh ti ila chuan min zawt thui telh telh ang nga, Amos-a nen kan chungchang ka sawi vek a ngai palh ang.. "Nu, budelhi hian nizanah darkar hnih vel dawn phone a hmang ania, a call logs check sak rawh, bialpa a nei chiang lutuk" ka nau eric-a chuan a lo ti a, ka va beng chak mai mai tak.. Ka u Johna pawh a lo nui ve suk suk mai...Nizana Amos-a nen kan inbiak khan ka tawng an lo hre pha ani ngei ngei ang.. Kan unau hi inchungah kan room a awm a, i hnuaiah ka nu leh pa te room a awm bakah mikhual room a awm tel bawk, inchung a room ho hi a inhnaih hlawm em em a, kan tawng phawh in hriatsak a awl...



"Laleric! i daw heh anih chu a, i dawt pai kha rawn phuh chhuak lovin pai tawih rawh" ka lo ti ve hmak.. Phun bul bul pah chuan breakfast chu ka ei a, ka ei zawh chuan school kal turin ka chhuak nghal, Taxi stand ah kan innghah khawm thin avangin Taxi stan lam ka pan a, mahse thui pawh ka la kal lo Marcus-a ang deuh chu ka va hmu a, hepa hi khawi vengah nge a awm le? Ka en nasat lutuk na lamah ka kalna zawna lung awm chu ka lo hmulo ani ngei ang, ka chhir chawrh a, ka tlu chiang teh asin... Ka van zak tak! Ka hawi chhuah chuan Marcus-a, ka lam pana a lo kal chu ka hmu nghal, thawh ka tum chu ka ke ka lo bilh deuh aniang ka thu thla leh hnawk thei, "Ka lo pui ang che" Marcus-a chuan a rawn ti a, min rawn kai tho ngl bawk, ka zak lutuk chu en pawh ka en ngam lo.. "I kalna en tawh rawh" a ti a, a kal nghal daih.. Hepa hi a awmdan hi a mak riau mai, Amos-a ai pawn a nelawm loh zawk mahse mi sual tak chu anih ka ring chuang lo... Kal ka tum chu ka ke chu ka rin aiin a na, bai auh auh pah chuan taxi stand lam chu ka pan a, ka thlen chuan ka thiante chu an lo awm miahlo....



Hemi te hi min lo nghak dawn amaw ka tia, ke na chung chung in ka phei ve em em a, an lo awm dawnlo tih hriata taxi kha lo phar mai tur ania, vawiin hi taxi a vang riau mai, stand ah pawh hian pakhat chauh a awm, e tak a! taxi driver ho an picnic dawn tak! taxi awm chhuna chuan ka tum chu ka rinloh lutukin Marcus-a kha a lo thu ran mai, a kal daih tawh amaw ka tia, "lo lut vat rawh" Marcus-a chuan a ti a, taxi dang awm heklo, ka thu lut ve nghal.. Kan tlan chhung zawng chuan a ngawi reng, a nelawm vaklo anih hi.. "ih.. nichin vang khan ka lawm e aw" nuih tlawn pah chuan ka ti a, hetia tawng miahlo awm hi ka thiamlo chu bakah min rawn kaihthawh a vang khan lawmthu hrilh ka duh hrim hrim, min chhan let ka rin ve teh reng nen a bu nghauh ringawt.. "Mami, vawiin chu kan stand a taxi driver ho an picnic a, keimah chiah service ka awm a, hei i thianpa hian min hmang a, mahse midang nghak lawk ang a ti tlat a, nangmah hi i ni maw, i thianpa hian a lo nghak char char che alawm.." driver in a rawn tih chuan ka meng kawk kawk thei hial.. Marcus-a hian min lo nghak a maw? A van mak em em, Marcus-a chu ka va melh zawk a, mahse earphone vuahin a lo mei mit chhing daih, driver thu sawi kha a hre ve lo ani ngei ang.. He pa hi hriatchian ka chak takzet! nel awm gakin a awm ngailo a mahse mi sual ani lo tih a chiang bawk si.. A hmel lah chu a la tha vei phian, mahse Amos-a a tluk chuang lo, eng ang mi chiah nge anih,nakinah Amos-a ka la zawt ang.. Taxi a kan chuang chhung zawng chuan kan tawng leh tawh lo, taxi fare pek ka tum chu, a lo pe daih tawh! amah lah chu a lo kal hman daih lehnghal..



Tihtheih a awm tawh chuanglo vawiin chu sum ka save deuh ani mai.. Min lo au tu an awm avangin ka hawi kual nasa, bang nghenga Amos-a lo ding ka va hmuh chuan ka thaw hawk.. Ka lam a rawn pan nghal... "Dar 8 atang khan ka nghak tawh che, ti nge school i kal tlai theih em em a" a rawn ti thlawr, a van thulo ve chiang tak! chhan enah pawh ka en lo, ka melh vak ringawt , ka kut chu a rawn vuan a "kal ang i thinrim tak tak hma in" nui chung chuan a ti a, ka bang a rawn la a a hma lamah min la ahsak daih zui! A ngai kherlo ka tih pawhin "Kal mai mai rawh, thil ak vak vak tawh suh, hei i than theih miahloh hi" ka lu beng thek thek pah chuan a ti a, a la nui vur vur lehnghal, hmeltha viau lo se chuan a chaklo ang, a hmelthat vang hian ka ngaidam rih mai mai ani... Mi chuan min en duh hlawm ngei mai, jennifer-i te thian ho kan tawh lai phei chuan ka tumloh deuhin Amos-a chu ka hnaih zual sawt, Amos-a pawn ka awmdan chu alo man lutuk, a nui hawk mai, ni e jenniferi runluih nan hrim hrima hnaih lui ka ni.. Kha nu khan min kek ve ngam a, saw a hmai a khem nuaih mai asin, ve mai mai a!! Classroom kan thlen phei chuan an lo au nasa, ka thiante pawh chu a phur phur an ni.. ka lai lutuk chu Amos-a kut ka hmer vak..a zahthlak ve duh em asin...Ni leng chuan Amos-a chu ka bulah a awm ti ila ka sawi sual lo ang, ka thiante bulah pawh ka awm ve loh phah, thil ho te te sawiin ho te te ah kan inhnial reng, class ah pawh ka sir lawkah a thut avangin kan inhnial reng tho, hetiang reng hi kan nih dawn chuan a va hahthlak dawn tak em..

(SKIP)

NORA LALHRIATZUALI (POV)

Thla thum lai a ni ve ta.. Amos-a nen chuan tluang takin kan inngaizawng chho ve zel a, a hma ai mah in kan inpawh tawh.. Keimaha rilru a pek dan zawng zawng te ka hrechiang telh telh bawk.. Thikthu kan pe chhe dun em em a, Amos-a ngat phei chuan mipa ka biak apiang chu insualpui chakna mitmeng hian a melh nghal thin, lehlam atanga thlir chuan a duhawm riau mai.Marcus-a nen an buaina ka zawh apiangin thu dang a sawi daih zel, mahse an phanih hian an inngai tak zet ani tih ka hre thei, chu vang chuan hma ka la a, Marcus-a nena an inkar chu siam that ka tum char char.. Tunah zet chuan a jma ang thlawt kha chu an ni tawhlo, an insual ngailo a, an unhmuh in an inbe ve zeuh zeuh tawh bawk thin, break ah te hian canteenah ka thut pui a, an pahnih an inmil leh theih nan ka theih tawp tak meuh meuh ka chhuah.. Ka thian dangte pawhin Amos-a leh Marcus-a insual lova an awm leh thei chu mak an tiin an lawm em em bawk.. Vawiin hi kan monthsary ani a, Amos-a nen kan inhmuhna thin ah chuan Amos-a chu ka lo nghak reng tawh, hepa hi ngati hrep nge mawni, a thleng hma zawkah atang ziah a, mahse vawiin chu nghah ngai zawkah a tang ve tlat, ka va hau nasa dawn em...darkar chanve zen zawn ka nghah hnu pawh chuan a lo thleng theilo, hepa hi a theihnghilh amaw ni le.... Han theihnghilh vaih teh se, a vawi khat na na na chu ka then ve khawp ang..



ka thinrim lutuk chu ka insehruh nasa tawh! ka hnung lama tang chuan, "Nora.." rawn ti tu chu rang takin ka en nghal.. Mahse ka hmuh tum ani hauhlo, "Marcus..eng nge hetah i tih" ka lo ti vat.."Amos-a i nghak ami?" a rawn ti a, engtin nge a hriat theih le, "Awww.." nui sang chuan ka ti a, "Lo kal rawh, ka thlah ang che"marcus-an a rawn tih chuan a ngaihna ka hrelo hle, "Aih, a ngailo Amos-a lo kal hun kan nghak ang nge, a lo kal huna ka awmloh chuan min that duh mai ang" nui lui vak vak chung chuan ka ti a, A rawn thaw hak mai, hepa hi eng nge maw a hriat le, "Nora, ka thlah ang che, lo kal rawh.. Amos-a chu a lo kal lo ang" Marcus-an a rawn tih chuan mak ka ti lutuk chu ka lo en haw ringawt! "Tinge, awihawmloh, Marcus i dawt sawi tum dan hi a thing lutuk! Vawiin hi eng ni nge i hrelo" ka ti ram hmak.. Hepa awm dan hi ka ngaih a ti tha hlawl lo, tinge Amos-a reng reng pawh hi! "Nora, i nghak dawn amaw? ka rual chuan i kal lovang maw?" a rawn tih chuan ka lo bu nghauh nghauh, lu thing nar nar chung chuan min kalsan ta a, 'Amos, tinge i lo kal loh? eng nge i tih, khawngaih takin ka rinna che hi ti chhe suh..' ka rilru chuan ka ti mawlh mawlh, Amos-a ka ringlo tihna lam nilo in Marcus-a awm dan vel khan min ti hlauthawng takzet! Engpawh nise lo nghak tawp phawt teh ang, a lo thlen hun chu a chaklo mai mai ang chu...



MARCUS LALRINHLUA ( P O V )



'Nora mi a nu' ka rilru chuan ka ti mawlh mawlh, vawiin pawh hi an monthsary ani tih ka hre reng, an inngaihzawn tirh atangin hemi te hi ka thlithlai reng, Nora-i hian a theih ang tawkin Amos-a nen kan inkar siam that a tum ani tih ka hre thei,Amos nen pawh tlemin kan inpawh phah deuh tawh, mahse a hma ang kha chu kan la ni chiahlo, tukin zingah ka nu min tirhna avangin Jenniferi te inah lehkha pawimawh dah turin ka va kal a, mahse chuta ka thil hmuh zet chu ka rin phak bak ani.. Amos-a te chhungkua an lo awm a, Amos-a pawh a lo awm ve, jenniferi pa in thu ve tura min tih chuan hnial em em lovin ka thu thla ve mai, mahse an thu khel lai ka hriat meuh chuan ka phu zawk thei, "Amos-a leh Jenniferi te chu class 12 an pass hnuah inhual tir an tum anih chu! hrep tak hian a, Amos-a chuan engmah a sawi lo, vawiin hi Nora-i nen an monthsary ani a, engtin nge tiang hi a tih theih le? Thu khawmuang tawhlo chuan ka chhuak nghal, Amos-a pawh chuan min lo zui chhuak ve nghal, "Marcus, i..." a sawi zawh hma chuan a lamah va phei in ka va hnek nghal, "Amos Lalruatsang, mi nep tak i ni! bialnu nei chungin nupui hual i nei dawn chu ania! ni e, ka thian ni tlak i nilo takzet! " ka ti hrawk, ka bike ah chuan chuangin ka inkhalh chhuak nghal, Amos-a chuan ka tlan liam tur chu min en reng..'


Amos, hmejchhe rilru hi eng zata tam nge tih natsak i tum..' ka rilru chuan ka ti mawlh mawlh.. Amos-a leh Nora-i te inhmuh thinna lam chu ka pan a, Nora-i chu ka rin ang ngeiin a lo awm reng, a thinrim hmel em em bawk, mahse ka ruala haw tura ka sawm chuan min hnar fithla thak.. Hmeichhe mawl lutuk, engtianga na in nge a awm dawn a hrelo anih hi! Amosan nupui hual a nei dawn tih leh a nupui hual chu tu dang nilo in jenniferi ani tih hrilh chu ka tum hman, mahse he thil hi chu Amos-a nen sawi fel se a that zawk ka rin avangin ka sawi ta lo, hruai haw tum viau pawh ni ila min zui duh ka rinloh em avang chuan ka kalsan a, ka rilru chuan ka ngaihtuah khawp mai... Jenniferi te in lamah chuan inkhalh phei ka tum nghal, chiang zawka jenniferi tal zawh chian ka duh..
(to be continue)


chapter tharah chuan Marcus-a leh Amos-a te, an inhuat chhan te kha kan sawi tawh ang😄 in rinloh deuh deuh in thil a thleng mai thei ania.. 🤣🤣🤣

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:03 pm

AMOS LALRUATSANGA POV

"Pa, tun tum chu in duh dan hi ka pawmpui thei lo che u" ring tak chuan ka ti, ni e, jennifer-i nen class12 kan pass hnua inhual a States lama zir zawk tir min tum a, ka pawm theilo, Nora-i hi ka thlah theilo, chu bakah Jennifer-i ngat phei chu amah chauh hi khawvelah hmeichhia awm mahse ka duh chuang lovang. "Lalruatsang! i tana tha lo tur kawng hi vawi khatmah kan la thlansak ngailo che, chu vang chuan jennifer-i nena in inhualna pawh hi i duh ngei ngei a ngai, mi tha tak ani a, i duh chho ve mai ang, eng ang pawn min dodal mahla awmzia a nei lo ang, thutawp ka siam tawh, a chiang em?" ka pa chuan thinrim tak chuan a rawn ti a, eng nge maw a hriat ni, jennifer-i pawh chu min neih tir a tum tlat mai ni.. "Pa, ka tetlai atangin in duhloh dan zawngin ka awm ngailo, mahse tun tum chu in thuthlukna hi ka pawmpui theilo che u" ka ti zawi raih, "Ni e, mama pa, a duhlo chung chu i ti lui lo teh ang!" ka nu in a rawn tih chuan tlemin ka awm a nuam ve deuh..Vawiin hi Nora-i nen kan 3ʳᵈ monthsary ani a, present te lawh ka lei vek tawh, min lo nghak reng tawh ang..


Hmanhmawh takin ka bike chabi chu ka la a, kal chhuah ka tum chu ka pa chuan " Khawiah mah i chhuak lovang, vawiinah jennifer-i te chhungkua nen chaw kan ei khawm dawn" a rawn ti, ka va han hne tak em! "Ka lo tello mai ang, ka hmanlo, mi hmuh tur ka nei" ka ti ve hmak.."Lalruatsang, ka thusawi i hria anih chuan chhuak suh ang che!" ka pa in a rawn tih leh chuan ka thaw hak a, ka chabi chu kawngka bulah chuan tarin ka room lam chu ka pansan ta daih a...



An thil tih dan hi ka lungawi lo tak zet! Ka pa leh jenniferi pa te hi tet te atanga inka char char an ni a, ka nu leh jennifer-i nu pawh chuti tho, mahse eng vanga inhual tura min duh tlat nge an nih le.. Nora-i chu call ka tum a, mahse ka phone inhnuaiah ka lo kalsan daih, ka chhuk leh anih chuan ka pa nen kan inhau thinrim ang tih ka hlaubawk sia, pawilo chhuah dan ka zawng mai ang, Marcus-a nen pawh kan inkar a tha chho tan hle mai, Nora-i vang ka tilo theilo! ani hi ka tan hian a hlu takzet ani, mahse Marcus-a ka hmuh hian inthiamlohna lian tak keimah ah hian a awm thin, class 9 kan kal tawp ka thil tih, tuna Marcus-a nena tiang boruak kan neih chhan kha chiang takin nimin lawka thil thleng ang maiin ka hrechhuak thin...

(FLASHBACK)

"Tluang, zanin chu Marcus-a a rawn tlai dawn a ang khawp mai, a cousin a boral a" tluangi bulah thu thla pah chuan ka ti a, "Naa... hepa hi chu, thil tih khawm dawn ni apiang hian buaina a tawk bik ziah" tluangi chuan nui ruh ruh pah hian a ti a.. Tluangi hi class 5 kan nih atang kan inkawm char char, hmeichhe dawih tak ani ka tilo theilo, an chhungkua an harsat avangin kan class ah pawh tihduhdah a ni thin, mahse kan kawm chin atang kha chuan tu man an ti duhdah ngai tawhlo, mi fel tak leh rilru tluang tak ani a, a bula awm hi a hahdam thlak thin takzet.. Hei vang hi aniang Marcus-a pawh hian a duh em em ni, a duh tih sawilo mahse ka hre thei, a awm dan atang hian a hriat vek! Tluangi pawh hian a duh ve tho, a rukin an inngaihsak anih ber chu... Mahse a tu ve ve mah hian hma lak an tum bawk silo, an tlai ang tih chu ka hlau takzet!


Class 9 session tawp lam kan hmang mek a, la naupang viau mah ila kan sual ve hle, weed leh zu in ruk kan hrat em em a, tluangi hian min hau ziah...Zanin pawh Tluangtei te inah movie chhuak thar en tura kal mah ni ila, amah chiaha cheng anih avangin Weed leh Zu chu duh tawkin kan ti ngam, mahse Marcus-a hian tluangi awm lai hi chuanba ti tha vak duh ngailo.... Thil kan sawi dun siam siam a, Marcus-a naupan lai te ka sawipui a, kan nui dun nasa mai, Zu a ruka ka pai chu ka phawrh a, no ah ka thil chu "khawi mo, no khat chiah ka lo in ve chhin.. " tluangi chuan a rawn ti ve khauh, a hma pawn vawi khat vel han lem ve sek hi a ching reuh a, mahse tunah chuan no 1 lai min rawn dil, a pawi em em a ka hriatloh avangin ka thlitsak a, tui pawh ka pawlh hma chuan a rawn thawkkhat ta piap mai le! ehee... henu hi ka rin aiin a ti thei zek mai... "i duh leh em" tia ka han zawh hian" Aw, mahse no khat chiah ka in tawhal ang" a rawn la ti ham ham mai..Ka nuihna insum chu ka khur char char tawh.. keipawhin no 5 lai ka in, kai dun chhap chhap tak kan ni... eng eng emaw chu thei leh theilo chuan kan han sawi ve nuah nuah a, kan tawng fiahlo dun lutuk chu kan innuih leh rih thin.. Rei pawh kan titi lovang tihah chuan Tluangi chuan min rawn fawp ta mai.. Mak tak maiin keipawh chuan ka lo chhang let ve nghal! kan duhthawh telh telh a, tluangi pawh chuan eng tik laiin nge a kawr kan lo phelh hman ka hrelo.. Mahse kawngkhar in hawng thutah chuan kawngkhar lam chu kan hawi rang teh e.. "Marcus" ka ti sep.. Ka thiltih lai atang chuan harh thutin tluangi chu ka kalsan a, Marcus-a lam chu ka pan a, Marcus-a chu chet pawh a che lo, ni e, a thil hmuh khan a thawng ani ngei ang.. "Marcus, a lan dan ang hi ani lo" ka tih rual chuan ka hmai ah chuan min hnek chawrh mai, "Amos, i hrai rui a, ti hian i che amaw, nang hi ka thian ni tlak i nilo ve" tiin tluangi melh leh chuan min chhuah san ta daih.. Um zui ka tum chu tluangi chu ka nelh zeuh, "Tluang, kan thil tih hi a diklo, min ngaidam rawh" ka ti a, marcus-a chu ka umzui nghal.. Thil awmdan eng kim Marcus-a ka hrilh pawh chuan awmzia a neilo, khami ni atang khan kan inthianthatna chu a chhe ta ani.


Tluangi pawhin hrehawm a ti em em a, school pawh sawnin school a chhuahsan ni tih loh kha chu vawi khat mah a rawn lang leh tawh lo... Marcus-a hian a ngai thin tak zet tih chu ka chiang ani, Tluangi pawh ka zawng ngei e, mahse ka hmu ngailo, ka pa principal anih vangin school dang ho student list vel pawh hmuh a harsa lo mahse ka zawn chiam hnu pawhin ka hmu thei chuanglo... Ni a liam a, Marcus-a nen chuan thian ni ngailo ang hlauh kan ni, kan inhmuh apiangin kan insual thin, ka theih tawpin ngaihdam ka dil alawm le, ka thiamloh em em pawh anilo, tiin mahni inthiam chungin nun ka hmang in Marcus-a hnena ngaihdam dil pawh ka sim ve ta.....

( END OF FLASHBACK )



Ka room kawngkhar kik ri ah chuan ka ngaihtuahna atang chuan ka harh zawk a, ka nu chu ka lam pan chuan a rawn kal a, ka khumah chuan a rawn thu thla ve ta a, " Mama, I pa thusawi hi zawm rih phawt teh, a rilru a thlak lovang tih i hriat kha" ka nu chuan a rawn ti a, ni e ka hre chiang alawm, ka pa hian thuthlukna a siam chu a sawhsawn ngailo "Nu..Tinge ka pa hi ti hian a awm le, a thu zawm loh ka nei ngailo mahse tun tum chu ka theilo" ka ti ve hmak.. Ni e, nora-i hi ka kalsan theilo.. "Amos, Jenniferi saw i hre chianglo ani, hmeichhe chak tak angin a lang, mahse chhungrilah na a tuar reng asin!" ka nu in a rawn tih chuan ka lo en hau mai, eng nge a sawi awmzia hi" Nu, engnge i sawi awmzia? i sawi awmzia hi ka manlo" ka ti a, ka nu chu ka en ran bawk "Mama, Jennifer-i hian a duh zia che i hria tiraw.. Mahse tunah sawn chak tak anga lang si hian thling cancer a nei a, a rukin kum khat chhung lai a tuar tawh, mama nangmah hi a duhzia che hi tumah hian kan hailo, i pa thianpa fanu a ni a, ka thiannu fanu a ni bawk, a hreawm ti lai leh a na tuar lai hi kan hmu theilo, ka fanu ang chiahin ka en a, a chakna i ni a, a kiangah awm la, a natna saw sual chhuah pui la kan duh ani" ka nu in a tih meuh chuan mak ka ti tak zet, jennifer-i hian cancer a vei a maw chu pawh kum khat chhung a lo tuar a! Tunlai hi school a lo kal tlem ka ti reng ani.. "Nu, mahse, kei chuan midang duh ka nei alawm "...." Mama, he khawvel ah hian hmeichhe tam tak i la tawng dawn, tuna i duh emaw i tih nen hian inthlauhthlak hun in la nei ngei ang, mahse jenniferi chuan mipa tam tak tawng leh turin hun tam a nei lo mai thei asin..

Ngaihtuah chiang teh " Ka nu thilsawi hian ka rilru a chawk buai vek..Nora-i ka kalsan theilo, mahse jenniferi hi ka nu sawi dan anga a lo cancer tak tak anih chuan puih ngei ka duh bawk si... " Amos, engkim ka hrilh tawh che, lo kal rawh jenniferi te inah chuan va phei tawh teh ang u, kan tlai lutuk hmain, chuan engkim ka hrilh che a, chiang takin ngaihtuah la, i thuthlukna siam ang ang chu ka pawmpui ang che, i la naupang a i tan a harsa ang tih ka hria , mahse duh i thlan ngei a ngai miau si a..... Hawh teh chhuk ila i la in min lo nghak tawh ania" ka nu in a rawn tih chuan ka lo bu nghauh ringawt, inhnuai lam pan chuan kan inzui thla ta a, ka pa chuan kawngka bulah min lo nghak reng tawh... Inbe lemlo chuan motor ah chuan lutin kan inkhalh chhuak ta nghal a..



Jenniferi te in kan thlen chuan a chhungte chuan min lo lawm hle mai, mahse jenniferi ka hmu hauhlo.....Jen-i nu in roomah a awm thu leh a nawmsamloh thu min hrilh a, room lam chu ka pan a, engkim hi sawi pui vek ka duh, thuthlakna harsa tak siam ka ngai dawn si a, 'Nora-i ka kalsan theihloh thu ka hrilh ang a chuan ama hnenah thian angin ka awm reng tur thu ka hrilh ang' ka rilru chuan ka ti nuah nuah a, a room kawngkhar chu a lo inkhar phui lova, luh mai ka tum chu tap ri ka hre ta tlat! ka han bih chu jennifer-i chu a lo tap zawih zawih mai, "Mawli ani kha a lo kal i ring amaw! mi a nu, ani chuan hmangaih ber anei, mi a nu bansan ve tawh rawh" jenniferi chuan tap zawih zawih chung hian amah leh amah chu a lo inbia a, ka khawngaih thar thut.. Kawngkhar chu ka kik a, ka lut zui a "Amos, i lo kal amaw " jen-i chuan mak tih hmel deuh hian min lo en a, " aw, sawi tur kan nei ania" ka han ti chu, ka sawi tum hrethiam nghal ani ngei ang, a nui suk a " Amos, kal rawh, ka nei dawn lo che, i thatna hi remchangah la in ka ta ah ka siam theilo che" a rawn tih chuan mak ka ti lutuk! henu hi jenniferi ka hriat thin kha ani lo.. "Jennifer, i chiang maw?" ka han tih chuan a mittui chu a tling pam a, hru zeuh pah chuan " Aw, Amos, ka hmangaih che tih i hria ti raw.. mahse ka mipa hmangaih em em hi a hmangaih ber tello a a nun ka hman tir phal i ring ami? Amos, kei leh nang hi chu eng tikah mah a rem thei dawn lo anih hi tiraw" a rawn tih chuan ka khawngaih lutuk chu ka en tlawk tlawk ringawt! Tuna jenniferi hi hmeichhe thar hlak ani, ka va khawngaih si em!! A insum zolo ani ngei ang a rawn tap chhuK hawk..


A lamah chuan pheiin ka va kuah nghal "Amos, a fairlo! a fair hlawl lo! i bula awm ka duh a, hetiang hi ka phu bik em ni?" tap chung chuan a ti hawm hawm a, ka rilru a buai tak zet, Nora-i pawh ngaihtuah hman lo chuan "Jen.. ka bulah i awm ang, kan inhual ang a, i dam velah kan innei ang" ka tih chuan mittui nen chuan a rawn min rawn melh "Amos, nangmah leh nagmah inbum suh, i hmeichhe hmangaih miahloh bulah hian i hlim thei alo ang, khawngaihna hi hmangaihna ani ngailo.." jenniferi chuan a rawn ti zawi sap, "jennifer tunah hian ka hmangaih lo che ani mai thei mahse kan hmalam hun kan hre lawk lo.. chu vang chuan chak taka i awm a a ngai, chu lo chu kan innei thei lo ang" ka ti a, ka rilru a awm awm chu ka sawi chhuak pawp pawp... "Amos, ka lawm e" rawn ti chung chuan min kuah nghet sauh sauh a..



Room atang chuan chhuakin kan chhungte bulah chuan kan thu thla ve a, ka nu chu a lo hlim hmel khawp mai, thutblukna ka siam tih a hre thei ani ngei ang.. Tichuan kan inhualna tur vel chu sawi fel kan tum ta a, class 12 pass velah inhual kan tum a, chuan mizorama zir lovin States ah zir zawm kan tum bawk, jenniferi tan inenkawl na a that zawk piah lamah zirna lam a tha zawk bawk.. Kan sawi ho lai chuan sana chu ka melh leh zawk thin Nora-i chuan min lo nghak rei tawh khawp ang, mahse a lo haw daih tawh zawk mai thei ani.. Marcus-a chu a rawn kal ve hlawl mai, jen-i nen kan chungchang vel chu jen-i nu chuan a hrilh a, Marcus-a chuan min melh rum teh e, mahse duhthlan tur ka nei miau silo..Marcus- chu rei vaklo a thut hnu chuan haw tur chuan a chhuak ta a, ka zui ve nghal, Nora-i lo ngaihven tura chah ka tum ani, mahse ka auh rual chuan min rawn pan pheiin min rawn hnek ta chawrh mai, ni e ka dem hauhlo, he thil ka tih chhan hi engmah a hre silo alawm..Marcus- kal liam tur chu ka thil reng a, Tluangi hi tinge keimah vanga kalbo anga a ngaih tlat ni, a nihna chen pawh a awm mahse keimah vang chu ani vek kherlo ....



ka chhungte bulah chuan chhuanlam siamin chhuah lawk ka ngaih thu ka sawi a, ani pawh chuan min lo phalsak hlauh mai.. Nora-i nena kan in hmuhna tur lam chu pan a,ka va thlen chuan Nora-i chu a lo haw tawh ka rin nen a lo la a reng.. "Nora, tinge min lo la nghah a... A tlai tawh em hi lo haw mai ta che" ka ti a, min rawn hmu chu a lungawilo tih hriat takin a meng no lem lo.." Amos, eng vangin nge i rawn tlai" zawi te chuan a rawn ti "Nora, ka tihpalh,thil chinfel tur pawimawh deuh ka nei a" ka ti a mahse nora-i chu chat pawh a che lo a din ngai chuan a ding reng a, "Amos, ka natna tur eng thil mah ti suh ang che" a rawn ti anih chu! Ka inthiamlo kher mai, jenniferi nenkan inhual dawn tih hi ka hrikh a ngai bawk si, mi sawi atanga a hriat chuan a na zawk ang..." Nora, ka sawi hi ngun takin lo ngaithla rawh,jenniferi hian cancer a vei a" ka ti chu a meng phawk tak zet "Ami maw a stage a sang viau em, a van pawi tak!" Ngaihtuah hmel tak hian Nora-i chuana rawn ti a, " Kum khat, i lo luh hma atang tawh khan a lo vei tawh a, chuan ......" ka chawl dat ka sawi chhunzawm theilo.." chuan eng nge..." a rawn tih let chuan "jenniferi nen kan inhual dawn, a bula ka awm a ngai ani" a mit ah pawh en ngamlo chuan ka han ti a, angawi vang vang " Amos, min fiam chiang " min rawn chum pah chuan a han ti a, "Nora... ka tihpalh min ngaidam dawnnia .. ka hmangaih che tih i hria ti raw" ka han a, Nora-i chu a thaw hak a" Chuan min fiamlo tihna a nia.. Amos, thla thum chiah kan la inngaizawng, mahse i mi hmangaihna chuan thla thum chhung chauh ka kiangah a awmtir che amaw.. i hmangaihna chu a va daih rei lo ve " van lam en chung chuan a ti a, a aw khur dar dar chu ka hre thei.. "Nora ka.." sawi pawh ka sawi zawh hma chuan "Amos, eng ang hmangaihna nge i neih bik a, a tir atang khan hei hi i tum sa ani tiraw! lo hrethiam tur ka nia. Hmeichhe mawl tak ka ni..." a mita mittui tling pam chu a hru tawk a, a present ken lai chu chhuatah a paih thla a, min kalsan a, ka va umzui nghal " Amos, min lo zui suh , kal rawh.. Min tihnat tak tak hma hian ka hlatah awm rawh.. Ni e, engkim a tawp tawh, reilo te chhunga hlim taka min siam avangin ka lawm e" a ti a a kal nghal dawr dawr.. A kal liam tur chu ka thlir reng " Nora, min ngaidam rawh, hmeichhe tha tak i ni, mahse ka tihnat a ngai ta che hi chu a pawi ka ti takzet .. Hmeichhe chak tak i ni a, i tuar chhuak thei ang, mahse jenniferi chu nang ang hian a chak tawk tlat lo, a kiangah awm ka ngai ani.. Nora min ngaidam rawh, a hmangaih che" ka rilru chuan ka ti mawlh mawh a...
-------------------- to be cont ---------------------

( a ber hi nge changtunu leh changtupa ni a i hriat 🤔🤭🤭 )

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 19th, 2021, 4:04 pm

NORA LALHRIATZUALI POV

'Amos... hetiang hian maw kan tawp dawn a? mipa nep tak i ni! ka hua che! mipa nep lutuk... ' ka rilru chuan ka ti mawlh mawlh.. Ka haw takzet mahse maw, ka hmangaih tlat si ani.. hetiang a tawp leh tur si eng vangin nge bul min tan pui? thla thum chiah.. thla thum chiah a la ni! he thla thum chhung chiah hian maw min hmangaihna i lantir theih a! Amos ka hua che.. ka haw takzet che, hetia awm leh mai mai tur hi chuan eng vangin nge i hmangaihna min hlan? Tinge ti em em hian ka rilru i tih nat a min tih beidawn mai le.. I tan hian ka tha tawk lo ani, midang tam tak an awm, mahse ngati nge nangmah kher hi i nih, tinge i thusawi angin i awm loh! ti nge nang kher hian min kalsan... Amos eng vangin nge min tihnat kher ni!! Hetiang tuar tur hian eng nge tihsual ka neih bik... Ka theih ang tawkin ka hmangaih ve che asin, hmalam hun eng tak kan nei in ka hria a, duhthusam tam tak kan pahniha ti puitling tura ruat tam tak ka nei, mahse nangmah..Amos nangmah ngei hian i ti chhe vek.. mi sual pa! Ka hua che ka haw lutuk che...Tap hawm hawm pah chuan keimah leh keimah chu ka inbe mawlh mawlh a. Ka tahna avang chuan ka mit te chu a bui vek..


Tun thleng pawh hian ka la awih theilo.. Ni e, ka awihlo ani! Amos-a hian min surprise dan a zawng aniang, monthsary present pawh min pe lo, min prank ani chiang mai, hepa hi ka ngaidam lo vang, hetiang zawnga in prank kher hi ka duhlo reng reng.. A hre dawn khawp.. Ka tukverh lam chu ka en reng ka phone ka hum reng bawk, ni e, min prank ani tih a sawi ka beisei tlat ani, hetianga na hian Amos-a hian ka awm a phal dawnlo tih ka hre chiang.. Mahse zan dar 11 thleng ka nghah hnu pawh chuan Amos-a chuan thawm a neilo, a reh vang vang mai ani... Hetiang ringawt hian kan awm theilo, hetia a tawp hi ka phallo.. Mahse ka beisei angin a awmlo, zan khua in ka nghak a, mahse a lo lang ta miahlo.. ka beiseina hi a thlawn mainloh nan zing dar 2 ah chuan ka rilru a zawhna tam tak awm chhanna te dawng tur chuan Amos-a chu ka call a, "Aw hello.. " a aw chu ka ngaithla, ka thin a phu dawt dawt thei, ka rilru a zawhna tam tak a chhanna dik tak hriat ka duh avanga call mah ni ila, ka beisei ang chhanna min pek loh ka hlau tak zet.. "Amos.. " tih bak a sawi theilo, ka tawng chhuak theilo, ka aw chu eng emaw ni hian a dang tlat.. "Nora, min ngaidam rawh, mahse i nat tak tak hma a hrilh che hi a tha ka tih zawk vang in ka hrilh che ani... " a rawn ti chu ka nghilh dup thei hial ani "Anih chuan hei hi thudik tihna ani " ka ti zawi sep, ka mittui chu eng tik laiin nge a tlak ka hrelo, ka tah chhuah mai loh nan ka insum nasa tak zet.. "Nora, hmeichhe chak tak, mahni lu zo tak i ni tuh ka hria, he thil hian i rilru a tina anih pawhin rei tak i na lo ang, hmeichhe huaisen tak i ni tlat a.. Mahse jenniferi chu a nunna atan a beih a ngai, min mamawh..." a sawi zawh hma chuan call chu ka hmet tawp nghal, ka hmeh tawp rual rual chuan ka tap a, 'Amos.. hmeichhe chak a, huaisen a... hei hi infiahna chi ani lo.. tiang em em a na a min siam hnu hian ka nat rei loh tur thu i sawi amaw.. engtin nge i theih zawk! jenniferi ni e, kal rawh .. va pan rawh... A kal tur chu kal vat ula a tha zawk!' au tuar tuar pah chuan tap chungin ka ti a..


Ka khumah chuan mu in Amos-a nena kan hun hman te chu ka ngaihtuah let a, ni e, zanin chu ka tap ang mahse naktuk atang chuan he hmeichhe chakloh na mittui hi hmuh tur a awm tawh lovang ka rilru chuan ka ti mawlh mawlh a...
Ka harh chu ka lo tap muhil ani ngei ang, khua a lo var tawh, nimin thil thleng te kha ka mangchhia mai mai ni se ka ti takzet! Phur lo zet in ka tho a, inhnuai lamah chuan ka chhuk thla a, ka chhungte chuan mun lo en hu hlawm, nizana ka tap ri kha an hria aniang, mahse tumah chuan nizan thil thleng min zawt lo hlauh, min zawt ta se chhan pek ka harsat dawn lutuk tlat! " Bawihi, vawiin chu school kal lovin ka rualin in check up turin kal ang che aw"ka pa chuan chanchinbu chhiar pah chuan a rawn ti a, check up hi ka peihlo thei lutuk, mahse tun tum chu Amos-a ka hmu ngam thlawtlo, Jenniferi nen ka hmuh dun ngat phei chuan tah ka insum zo dawnlo, chuvang chuan ka pa pawh chu ka hnial duh hranlo...



Check up tur chuan ka insiam a, inchei vak ka peihloh vangin kawrfual var leh sneaker ka bun tawp, vawiin chu inchei mood ah pawh ka awmlo.. Ka insiam zawh chuan ka room atang chhuakin sitting room lam ka pan thla a, ka pa chuan min lo nghak reng tawh.. "Kal ila" a ti a, ka lo bu nghauh, kan inzui chhuak nghal a, motor kan chuan chhung zawng te chuan ka pa chuan min melh leh zeuh zeuh thin, a tawp a tawp ah chuan a insum theilo aniang " Nora, tinge nizanah khan i tah?" a rawn ti chhuak phawng mai, ka pa hi mi tawngtam lo tak ani a, mi ngaihsak dan pawh a thiam lo, doctor anuh avang hian a clinic ah a buai ve bawk nen inah a awm tlem em em a, a awm ve chhun pawh hian a awm tih hriat miahloh chang kan nei ti ila kan sawi sual lovang.. "Nora.." ka pa in a rawn tih leh chuan ka en vat! " Aw .. pa eng mah ani lo engah mah ngai suh, film ka en a ka lo tahpui alawm" ka ti a ka nui lui vak vak bawk, mahse ka thisen zawmpui kapa hian a awih hauhlo ang, a awm dan atang hian a hriat.. "Nora, i nula ve tan tawh a, mipa pawh tam tak i tawng ang, tam tamin an kalsan bawk ang che, majse hei hi hriat reng tur, tuna in bialnu / bialpa te nen hian in inkawp hlen dawnlo, chu vang chuan rilru a na ngailo chu ka ti lo, mahse hetiang vanga rilru tih nat lutuk hi a tha ngailo" ka pa chuan a rawn ti charh charh a, ka sawi kha, ka pa hian dawt ka sawi anih chuan min man chhuak hma thei lutuk...





Damdawiin kan thlen chuan mi an lo tam khawp mai, damdawiin rim hi ka hne hluah hluah ni ber hian ka hre tawh, damdawiin-a awm a ngaihloh nan keimah pawh ka theih ang ang in ka inenkawl tha ve hle.. Kan doctor pan tur hi ka pa thianpa anih avangin ka luh hun aiia hmaah min ko lut a, Dr. thlenga, ka pa thiampa chuan min lo hmuh chuan min nuih sang a, hepa hi ka nel ve takzet, ka pa te unau zingah hian ka pa hi mipa awmchhun a ni a, patea pawh ka neilo, mahse pa thlenga hi ka patea ang chiahin ka en a, ka buaina te ka natna te engkim ka hrilh ngam na a ni, damdawi min chawh belh nual a, a va han hneawm tak! tunah pawh damdawi chi nga lai ei lai ka nei pali min belh sak lehnghal! pa thlenganmin fiam zeuh zeuh a" Nora-i chu i taksa i dim lo ani maw, inti hah miahlo la, chuan rilru hah deuha awm loh tur aw, inhaler hi pai reng tur" tiin ngun takun min chah, min check zo tep tihah chuan Marcus-a a lo lut hlol mai, ka meng phawk nasa ang chu! "aw taka! Nora, hei hi ka fapa anih hi Marcus Lalrinhlua, in school luhna pawh a inang in ka hria" pa thlenga chuan a ti a, ehe... Marcus-a hi pa thlenga, ka doctor pan thin fapa hi maw? khawvel zim zia hi! ka rilru chuan ka ti neuh neuh..Min check up zawh chuan a chhuak a, pa thlengan ka pa chu thu hnufual lawk tura a tih avangin ka pa chuan mahnia haw turin min ti a, second floor pheiah te chuan damlo inentir tura kal an tam khawp mai.. Ka hminga min lo au tu lam chu ka hawi a, ka rinloh lutuk in Jenniferi ani..



JENNIFERI POV

In entir tura kan kalnaah chuan Nora-i chu ka hmu a, eng nge damdawiinah hian a tih ve le.. A tir khan haw viau mah ila Amos-a nen an inkar ka tichhe ta mai hi pawi ka ti takzet... Ni e, Amos-a kha ka duh takzet! mahse midang inkara inrawh tur em chuan ka sual bik hauhlo, Amos-a hian engtik niah emaw chuan ka rilru put hmang hi a la hrethiam ve ang tih beisei chungin Nora-i nen a an inkawp lai pawh khan ka inhnem thin, Amos-a hi duh viau mah ila ka tilang lutuk thei thinlo, cancer ka vei miau ani.. Ka thling hi thlak ani lo anih chuan ka nunna atan a pawi thei dawn ani tih hre reng chung hian engtin nge Amos-a hi ka beisei tlat ngam ang? Nakinah rilru naa a awmloh nan ka chelh buai lo ang, mahse ka chhungte leh Amos-a chhungte hi inkawm ngaih tak anni a, thu thlukna lo siam in Amos-a nen inhual turin an ti, ka lawm rual rual in ka lawmna a va famkim lo tak em! A chhan chu maw, Amos-a hian min hmangaih vang nilo in kin khawngaih vang in a pawm mai chauh ani chu bakah Amos-a leh Nora-i te inkar a chhiat phah bawk, theih ni se heng zawng zawng hi siam that vek ka duh ani.. Mahse ka theilo, mihring famkimlo ka ni miau si a, hmasial takin Amos-a chu ka thlang a, Nora-i ka tina bawk a, ni e, thling thlak hi a harsa ani, chu vanga ka chhungte pawh beidawng a ka damchhung hun tal hi hlim taka ka hman an duh vanga he thuthlukna siam hi an ni, a tir chuan ka dem tak zet, a chhan chu Amos-a hian a thinlung min pe ngai dawnlo tih ka hria, mahse Amos-an min kuah a, ka kianga a awm tur thu a sawi khan tumah dang ngaihtuah lova he ka hmangaih Amos-a bula awm hi thil dang zawng ai in ka thlahlel ani.. " Nora, hetah eng nge i tih.. i damlo ami" tiin ka hmaa ding chu ka bia, min hmu chu a lawm vaklo ani tih ka hre thei, ka dem hauhlo.. " Ka in check up lawk a, nang eng nge i tih a, i damlo ani tih ka hria a" nui lui tih hriat tak chuan a nui vel a, ka hrethiam tak zet, a chan hi ka chanah ka dah hian ka nasa dawn lutuk, mahse eng ang pawn ka lakah Nora-i hi ngeiawm in phuba la dawn mahse ka pawm vek ang, a mipa hmangaih ka laksak miau si.." Nora, inbe lawk teh ang, sawi tur ka nei" ka ti a, mahse Nora-i chuan min chhang lo a kun tlat a, a ngawi tlat bawk! " Nora.." tia a darah ka vawn chuan a rawn che dat a, " Jennifer, kan in ngaina ngailo tih kan hre chiang, Amos-an min kalsan avang hian min diriam pawh ani maithei, mahse hre rawh, Amos-a hi i bulah pawh awm mahse pawi tihna ka neilo, he mipa dawihzep tak ka lo hmangaih kha ka tihsual zawng zawng zinga pawi ber ani" a rawn ti chhuak hrawk a, a mittui chu a tling pam bawk, "Nora, min ngaihdam suh, min hua la, Amos-a nen in inkara ka inrawlh avang hian min dem hle mahla ka hrethiam che, i mi ngaihdamna ka dil dawnlo che, a chhan chu nang hian min ngaidam dawnlo mahse i mi hriatthiam na tal chu ka dil che ani" ka ti a, a rawn tap chhuak hawk.. Ka van lainat tak em! pakhat zawk a hlim nan pakhat a nat a ngai a, a hreawm tak zet! "Jennifer, i damlo tih ka hria.. dam vat turin duhsakna ka hlan a che.." a ti a a kal nghal daih.. A kal liam tur chu ka en vawng vawng, ka rilru chuan ' hmeichhe khawngaih thlak tak i ni, mahse i huaisen takzet, Nkra, min ngaidam rawh, ka hma ka sial ani, mahse rei ani lovang, Amos-a h i hnenah a awm leh ang, mahse khawngaih takin reilo te chuauh, ka nuna ka hlim ni tia ka chhiar theih ve tur chu Amos-a nen hian hman phawt chu min phalsak hram ang che.. Hmeichhe tha tak i ni a, mahse kan hun tawnin a zirlo ani.. Pakhat a hlim nan pakhat a nat a ngai miau si, mahse rei tak na ka tawrh tir lovang che.. Nora, min ngaidam teh...' ka ti mawlh mawlh a.....



"Amos-a hian a hmangaih ber bula awm hi a phu ani" rawn ti ri ka hriat chuan ka hawi let vat Marcus-a ani.. Marcus-a hi ka cousin ani a, Amos-a thian ani bawk, ani hian min hre chiang ber in ka hre thin .. "Marcus.. ka hria, mahse rei ani lovang " ka ti a, ka lam rawn panin ka kut chu a rawn vuan a, damdawiin hmun reh lai ah chuan min kai phei, "Marcus, eng nge i hriat! " ka ti a, kan din hnu chuan ka kut chu a thlah a" Jennifer, mahni hmasial tak i ni ngailo, Amos-a hi i duh tih kan hre vek mahse engtin nge a hmangaih ber nen chuan i awm hrantir theih ang?" Marcus-a chuan a rawn ti a, tunah tak hian tah hawm hawm a, au vak vak ka chak takzet! " Marcus, tinge ti hian in awm vek!" ka ti hrawk ka tap chhuak nghal bawk, ni e, ka rilru a na takzet tinge tu pawh hian Amos-a nen kan awmdun hi an rem tihloh bik ni? Marcus-a chuan min rawn kuah a, "Jen... hetiang hmeichhia hi i nihloh kha, Amos-a hi i hmangaih tiraw, anih chuan i hmangaih ber in a hmangaih ber a kalsan tur chu i hmu thei meuh ang maw..." Marcua-a chuanmin kuah chung chuan a ti a, "Mahse maw Marcus, rei lo te chiah, rei lo te tak tak... ka chelh rei lo ang, ni reilo te chhung chiah Amos-a hi ka bulah awm se ka duh ani" ka ti a, Marcus-a chu ka en chho ha bawk, min khawngaihna tih hriat takin min melh ngawih ngawih a, Marcus-a hian ka nu leh pa ai pawn min hrethiam in min hmangaih zawk ni mai hian ka hria...ka cancer tih pawh nimin lawkah khan a hria, a hma chuan min duat ve emem a, mahse ka nungchang hian a hlatah min awmtir phah thin , ka nunchang kha a tha vaklo em atin ani... "Le... kal tawh ang kha i hmelchhe vek ania" nui ruh ruh pah chuan marcus-a chuan a ti a, ka nui chhuak hawk, hepa hi chu a! ka rawmawl pai chuan ka inhru thuak thuak a... damdawiin chhungah chuan min luhpui a...
--------to be continue---------

( tun kar chu ka buai deuh hlek a, thui pawh ka dah theilo 😁 next chapter chu Amos-a hian duh a thlang fel dawn a, Miss phal chi ani dawn miahlo 🤭 Marcus-a pawh a rawn chhelo dawn😂)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)